最新文章
200909240703英熊淚
200909230705佛指甲
天時暑熱，有時食碗凍腐竹白果糖水，或者用腐竹白果煲粥食潤潤肺，都幾唔錯。腐竹冇問題呀，但白果就唔得食多，因為白果有毒性，最好唔好生食。何謂食多呢？大人食十粒八粒應該冇問題，但細路有時只食十粒當口果，可能亦會中毒。 若中毒則可大可小，因為白果中毒會損害中樞神經系統，輕者發燒嘔吐及肚瀉，重者則會導致延髓麻痺，因呼吸中樞麻痺而致命，都咪話唔驚！ 點解食白果會中毒呢？因為白果的化學成份裡面含有白果酸、酚類及內脂，這些都是帶有毒性的化學物質。若在實驗室中替兔仔靜注每公斤 0.2克的白果毒，兔仔的血壓會慢慢上升又下降，最後呼吸困難而死；這些無辜辜為人類犧牲貢獻的小動物，好可憐呀！點解我會無端端講白果？因為白果呢位兄弟同我佛有緣，素菜烹調上時時有用，兼夾佛門古寺亦時有栽種。 有味浙江菜，叫做「佛手珠子」，嘩！個名幾好聽，都用白果來做主菜；材料分別有佛手瓜、白果、栗子、紅白蘿葡、香菇、黃瓜等等。 將瓜同蘿葡挖成球形，再同白果、栗子一齊炒，最後加入素上湯就可以上菜，顏色靚、口感爽，唔錯！ 有人唔鐘意叫佢做「白果」，因為粵語講「食白果」，就弊！如果讀書、考試食白果，即「零雞蛋」意思，所以做任何都千祈唔好食白果。 其實白果原名叫做「銀杏」，銀杏多數人都知白果。李時珍在《本草綱目》一早就講，白果形小似杏仔但核白，所以叫銀杏。如果要完全詳細了解銀杏歷史，就一定要有宿命通至得。因為銀杏存在於地球最少都有三億年歷史以上，所以銀杏呢個家族，可以話見證佛法興亡，佢過去值遇過古佛，可能仲比你同我多。 銀杏由成長到結果，差不多都要九十年時間，真利害！我一世都食佢棵樹果實一次咋！唔信？有詩為證：「五峰高峙瑞雲深，秦寺雲昌歷宋金；代出名僧存梵塔，名殊常寺號禪林。巖稱虎嘯馴何跡，石出雞鳴叩有音；古柏高枝銀杏實，幾千年物到而今。」 聽唔聽到最後兩句：「古柏高枝銀杏實，幾千年物到而今。」呢首詩清朝遵化進士史樸去河北遵化縣禪林寺巡視時所寫。因為遵化縣禪林古寺前人一共種十三棵大銀杏樹，差不多有二千幾年歷史。 仲有兩首詩都寫得幾好，清朝順治時一位宮守陳全國為山東莒縣浮來山定林寺一棵銀杏立碑所寫：「大樹龍盤會魯侯，煙去如蓋籠浮丘；形分瓣
