200811050701黃河幾度清
「又講寒山拾得呀！」之唔係，遲些可能出書添，問你怕未？
「從來是拾得，不是偶然稱；別無親眷屬，寒山是我兄。兩人心相似，誰能徇俗情；若問年多少，黃河幾度清。」
我從來就叫做拾得，呢個名唔係亂叫㗎，唔「拾」又點會「得」呢？
我冇屋企人，我當寒山我哥哥！我地兄弟倆個人心好相似，唔鍾意講世俗，亦唔鍾意隨波逐流；想盤我倆兄弟幾歲？我問你黃河清幾次啦！？
咁又係，相傳黃河一千年清一次，要知幾歲？大約估到，無六萬都有五萬！
但想起以前睇吳道子幅寒山拾得畫，兩人不修邊幅，頭髮蓬鬆，一件破衲，但笑口常開，覺得個樣仲好後生添。
嘩！原來倆兄弟已經幾萬歲有多，修行真「冧巴溫」！無人可以問難佢世俗事，但亦唔講俗事，全部明白了解都唔講一句，口德好勁呀！」
引用
1
