紵麻蘭若

自學佛以來，聽過、接觸過唔少觀音、濟公、關帝、齊天大聖、媽祖、呂祖......等等的仙佛菩薩；但可惜全部都喺假冒的膺品，冇一個真。

最近又聽到一位學佛數年的師姊話觀音上佢身，觀音菩薩對佢講話上天派佢落來要整頓佛法，現在好多佛經都錯，叫人唔好太信佛經，還點名邊個邊個出家人道行唔夠佢高，因為那些出家人雙眼見唔到佛菩薩，亦話可同人開眼睇嘢，還主張燒大量金銀衣紙之類來超幽等等。

想起今日正法衰敗，實在好心痛！

我冇能力控制那些冒牌貨唔上人身，我只可以在此講多幾句說話。各位信佛嘅師兄師姊，凡上身你一定唔好信，絕大部份都係假冒；我在此致誠相勸，唔好比邪靈利用身體，唔需要再分真假，用時間去試探，一切當假就可以了。

咁真喺邊度？「真就喺我心裡面，真就喺佛經裡頭。」點解唔好再去分真假？因為一分你就會惹上麻煩，恐怕你會受騙誘而終身難以自拔。

那些上人身的靈有道行，比我們修為會高，只是祂們不一定走正道。祂們是有福德的靈鬼，但福力又唔夠上天，亦唔夠資格受帝釋策封做人間地祗；唔上唔落，附人身玩嘢或預言吉凶禍福，唔出奇。

有妖物幻化人間，動物精靈、山精、樹精、水怪、木石成精，長年吸收天地及太陽太陰精華，可以幻化人形及附身，以妖力支配凡人心，講東講西，講你前生後世，預言你來日禍福，好多會講中，講中，你就一定會信啦！

更厲害有魔級人馬，若被附身，咁就大件事。因為這些魔子魔孫有天人神通，唔講得笑，就算唸佛咒佢都唔會怕，點解？

因為我哋凡夫唸，力水唔夠，佢已經聽慣。佛陀當日肉身在世，天魔竟敢當面叫佛陀早日涅槃，你試想想？我哋三腳貓功夫，佢點會怕？

天魔修行閱歷，以劫為單位計，好多大場面佢都見過晒，定過炸彈，又點會怕？我哋唯一就只可仗佛力加庇消去魔業魔緣，時時多做懺悔。

謹記，將「上身」兩字從此由識田中抹掉，謝謝！

冒充佛菩薩仙聖，犯大妄語，其果嚴重，必墮大地獄受苦；若跟隨者，亦相牽入大火坑。

附身一般有以下所說數種情況：

甲．確實被附或外在靈界所擾。

乙．個人大妄語，著己內在心魔。

丙．甲及乙的結合。

丁．醫學上的精神失常。

戊．甲及丁的結合。