紵麻蘭若

你有問題冇地方問，的確好慘；

問題得唔到解決，個心鬱住鬱住。

但係如果你問錯人，就仲麻煩；

可能知道答案後仲會百上加斤添呀！

點解？

原因個答案係流個囉！

你去左問右問，東問西問，最後得個吉；

咁多答案，都唔知信邊個？

攪到個心亂晒，咁就大隻鑊啦！

總之你皈依咗之後，就唔去問人術數；

叫人用神通睇乜睇乜，唔啱架。

而家咁多騙子搵飯食，妖魔鬼怪附身又多到震，表面好似幫你，實情想搵你著數，而且答案流嘅多。

你信，你正蠢才！

搵你咩著數？貪功德囉！

你俾錢佢有咩用？都駛唔到，佢地靈界要功德呀，知唔知？

小心呀！唔駛俾錢都未必一定係好架。

大家現在都未修成真正嘅法眼，點識分真假正邪丫？

所以叫你一定要依正法行事唔好依人囉。

咩叫「但行好事，莫問前程？」

你消唔消化呀呢句？

多念經，多拜懺，多放生，多助人，

一切自有佛菩薩安排。

千祈唔好病急亂投醫，到時害到係你自己呀！