紵麻蘭若

有時想想觀世音菩薩真係好慈悲，坐在寺廟中堂，默默地、無償地，被人叫「契娘」，「三牲酒醴，即時上契」。

那些契仔契女真厲害啦！菩薩每日收咁多契仔契女，年中，工作繁忙從各地趕來的契仔契女都一定回來探一次契媽，以為他們好孝順啦，點知一年回來只是一次，還人人問契媽攞錢，好在契媽開庫存量豐厚。

一年一次民間所謂的觀音開庫，問菩薩借錢，大家又聽過未？你有冇打算都去借番一千幾百萬呀？

最吸引一樣嘢就係免息貸款呀！

我曾經去過一次湊熱鬧。

咁你有冇借呀？

人人攞住那些香好似大炮咁大碌煙到眼都睜唔開，真係服晒佢哋；就連借據都睇唔到啦，仲要小心俾香炮燒嚫，借羅庚咩！

那些賣香阿伯好有智慧，個個都戴住個潛水鏡。

下次不如我去賣香好過,淨賺香錢都夠囉！