時不時有暗條發來，說只要付錢就可增加網站流量，為博主助威壯大聲勢。我們中國人真有腦，什麼都可以用來做生意搵大錢，果然中國人係食腦之人，否則不見外國人有如此多假貨呀！連提款櫃員機那麼大部都可以製造一個假殼套在真機上面用來套取資料，厲害呀！
阿婆話明明昨日見到有間銀行在這裡，點解今日那麼快就消失了，去了哪裡呢？後生仔說阿婆你記性不好、眼花了；點會那麼大的銀行突然間就一日不見了呢？如果這等心思用在正途之上去幫人真有多好呀！壞腦就轉回做好腦了。
網站多人少人，你知道主要是什麼因素來決定的？
博主寫的文章人人認同，好看呀！
個博客設計得好好、好漂亮呀！
總之係大浪博客全部都鐘意，就喜歡羊總呢！
統統都不是真正原因，真正原因係大家就喜歡博主本人；喜歡這兩個字天下無敵，要解釋，好哲學化、好抽象，總之無得解，就係鍾意囉，都不知點解！
其實有得解，因為主人家的前生、前生廣結人緣，今生就收果；廣結人緣都有正反兩邊，係善緣還是惡緣，就各人造化不同。鍾意你，多數就係善緣；不喜歡你，有可能就係惡緣；亦有先善後惡或先惡後善的，因緣果報，好複雜，不是三言兩語就講得清。所以「未成佛道，先結人緣。」，而且與人要結好因緣、善緣，那麼自己將來條路就比較好行一點。否則若不積福的話，你都聽過解脫羅漢亦會托空砵，乞食次次空砵而回，連餐苦飯都冇得食呀！
我不喜歡做假數，有什麼意思呢？不是清高，而係自己完全知道自己有幾多斤兩；就算現在用電腦同我做幾百萬人出來，之後一樣會跌；就算不跌，增長都不會多，何解？皆因自知自己福薄緣慳呢！命中冇的、注定係定業的，夾硬去求，求都求不到，不如隨緣就更安心更自在。我自己冇料，做什麼都冇用；不如閉門反省懺悔思過、好好內修增進自己還來得實際吧。
現在太多太多宗教同博客、網站等，好多人懷疑係邪；但有更多人覺得係冇問題，點擊人數日日大爆棚。明知係邪，點解仍然那麼多人信呀？剛才你不是說我們中國人有腦嗎？有腦又點會信那些騙人把戲呢！
就算有腦都冇用，就係一個緣字；有緣，就算你用牛屎擲佢，佢都好似黐身膏藥不會走；如果大家無緣的話，有時就算你用銀兩引佢，佢都未必一定睇你台戲。
緣同業，這兩個字好攞命，有時會跌到你好傷，要修好多世方才能完全領悟箇中奧妙，大家就多些細心體會一下吧！