加载中…
转载▼
标签：
紵麻蘭若文化 |
分类： 韦陀菩萨灵威显圣记 |
韋陀菩薩係寺門口一個守門將軍，梗唔係，錯呀！
唔係又係咩呀？經書中我搵過好少有佢嘅資料及事蹟，可以叫做幾乎無，唔信你自己去搵下？
我搵過啦，比你搵得仲徹底，梗係有。
咁你話我知邊一本經書有叻？
你真蠢，話明叫韋陀菩薩，梗係去搵「韋陀經」啦！
嘩！咁你都得？
「韋陀經」我夠知啦，係婆羅門教嘅經典，又邊係佛經呀！
唉！師兄呀！寫明叫佛經都未必一定係真正佛經，我地夠叫做人啦，但係好多人嘅行為操守都唔似一個人囉。
佛經無話有字鑿明一定只係釋迦牟尼佛所講，韋陀菩薩講唔得咩？佛陀又無話其他教派唔可以有佛菩薩嘅存在。
所以任何講述宇宙人生究竟真理嘅結集都可以叫做佛經；任何可修證宇宙人生究竟真理圓滿嘅眾生都可以叫做佛陀。
咁樣，「韋陀經」都講部份佛理又有咩出奇呀師兄！
