１．　徐老師以前曾贈我二七字，「世間有相非身大，須彌總納一塵
　　　中。」有時見口乾，嘩！嗒下嗒下，都幾有味道，我都有兩句
　　　呀：「不盡眾生生不盡，無邊佛法法無邊。」

２．　有時想下觀世音菩薩真係好慈悲，坐在寺廟中堂，默默地、無
　　　償地，被人叫「契娘」，「三生酒禮，即時上契」，那些契仔
　　　契女真利害啦！菩薩每日收咁多契仔契女，年中，工作繁忙從
　　　各地趕來的契仔契女都一定番黎探一次契媽，以為他們好孝順
　　　啦，點知一年回來只是一次，還人人問契媽比錢，好在契媽開
　　　庫存量豐厚，乖仔乖女，你們番黎啦，好難得我們一年見一次
　　　面，讓契娘講多些「契語」你們聽下‧‧‧

３．　韋陀菩薩係寺門口一個守門將軍，梗唔係，錯呀！唔係又係咩
　　　呀？經書中我搵過好少有佢既資料及事蹟，可以叫做幾乎無，
　　　唔信你自己去搵下？我搵過啦，比你搵得仲徹底，梗係有。咁
　　　你話我知邊一本經書有叻？你真蠢，話明叫韋陀菩薩，梗係去
　　　搵「韋陀經」啦！嘩！咁你都得？「韋陀經」我夠知，係婆羅
　　　門教既經典，又邊係佛經呀！唉！師兄呀！寫明叫佛經都未必
　　　一定係真正佛經，我地夠叫做人啦，但係好多人既行為操守都
　　　唔似一個人，佛經無話有字鑿明一定只可以係釋迦牟尼佛所講
　　　，韋陀菩薩講都可以?謘C佛陀又無話其它教派唔會有佛菩薩既
　　　存在，所以任何講述宇宙人生究竟真理既結集都可以叫做佛經
　　　；任何可修證宇宙人生究竟真理既眾生都可以叫做佛陀，咁樣
　　　，「韋陀經」係佛經又有何出奇呀師兄。

４．　如果我問：「二百六十幾字既《般若波羅密多心經》係六百卷
　　　《大般若波羅密多經》既精華，唸誦心經功德與唸誦《大般若
　　　經》功德等同無異。」相信應該沒有人會反對，咁既然兩經功
　　　德等同，咁點解你又唔去唸《大般若經》？嘩！人人答案原來
　　　一樣：心經「夠短」，捧住《大般若經》唸手支力！

５．　「人身難得，佛法難求。」現在人身既得，咁「佛法難求」又
　　　難在邊度呢？「佛法難求，難在佛法易求」，咁深奧？無錯，
　　　「易求者，難於珍惜到底，故為難求也。」

６．　師兄呀！「你口袋時時唔記得拉拉鍊，辛辛苦苦搵埋咁多財寶
　　　，跌晒出黎啦！」「白痴啦你！邊有呀？」「哪，又打開啦
　　　！」

７．　剩低一口蛋，雞蛋、鴨蛋、鵝蛋、鶉春鳥蛋，想落都害左好多
　　　修行人。食有精卵，下世自己出世時又要做有精卵了；食無精
　　　卵，豈不是連世面都見唔到──胎死腹中，嘩！因果，因果‧
　　　‧‧一條頭髮絲咁細‧‧‧

８．　現在咁多佛教網站，睇睇下，真係都好似幾興盛。但係又想起
　　　一位大德曾經講過：「道長道長，道要深長；場道場道，有場
　　　無道。」

９．　「不是逢人苦譽君，亦狂亦俠亦溫文；照人膽似秦時月，送我
　　　情如嶺上雲。」清朝時龔自珍先生所寫既呢首詩，真好，真好
　　　！用黎送比阿邊個呢？．．．．．．．

１０．很久很久以前，記不得幾耐，在電視上播放一齣電影，劇情是
　　　講述晚清愛國名將林則徐禁煙故事，當時有一句對白，直到今
　　　日，回想起來，仍緊扣我心，林則徐曰：「苟利眾生生死事，
　　　豈因禍福趨避之。」

１１．吉中有凶，福中見禍，積功德處損功德，素菜館裡電蚊籠；不
　　　祥中呈祥瑞，作惡業處見善業，牛肉檔內供觀音。

１２．未解身毒，先種心毒，喫龜苓膏何用？食肉放生，放生不啖放
　　　物，放生不如放自己。

１３．中西醫學之分野，用兩個字講晒──經脈。

１４．要整套大藏經讀晒，或者大藏經佔了三分之二既經典你睇晒，
　　　又清楚研究過，的確不太容易，開頭都幾苦下，但係如果拉尾
　　　做得到，嘩！甜，甜，甜！精裝一本本盪金巨冊在眼前，捧著
　　　佛陀的法身舍利愛不惜手，每一卷、每一頁，書味都好香，好
　　　香‧‧‧

１５．夜讀名人碑帖，又執到兩句：「若能杯水如名淡，應信村茶比
　　　酒香。