般若心传讲座合集（上册）
佛法开示
1.修行要义（一）
我哋所谓修行吖，究竟系修啲咩嘢呢？其实就系修炼我哋嘅心性，将我哋嘅心性呢，净化到最纯、最真、最善、最美嘅境界，啫系真善美嘅境界，到咗呢个境界时候呢，就系成佛嘅境界嚟。有啲人以为修行就系念经，好多人真系误会吔！以为我一学佛嘅时候，我学识边部经吖、我日日念边部经吖，或者边啲咒吖，就系修行，啫每日呢，做足晒功课觉得，吓，好似交咗个功课了㖞，我每日念足经了㖞，我做咗早课了㖞，我做咗晚课，咁吖就谓之修行，其实唔系㗎。你念经，每日所占嘅时间都唔系好多，我谂最多一个钟、两个钟或者三个钟，但系唔念经嘅时间，我以前都讲过，啫我哋做其他杂务嘅时间，系太多，非常之多嘅时间，念经时间相对系好少，但系喺呢个做杂务嘅期间嚟讲呢，都系一种修行。以前已经讲过，生活就系修行嚟，我哋要将个生活觉得系修行，投入去修行先得，唔系净系念经咁简单嘅。
2.修行要义（二）
我知道呢，有好多师兄将修行呢，同每日做嘅功课呢，啫特，每日，譬如念经吖、持咒吖、拜忏吖，等等呢啲功课呢，划咗一个等号，啫修行呢，就系等于做功课去念经念咒，如果你一旦咁样觉得，诶……的话呢，划咗等号呢，你好容易退嘅。因为点解呢？人系有个惰性㗎嘛，你一旦呢，积累啲功课唔做嘅时候吖，嗰惰性一出嚟吔，你会觉得：哎吔，我又冇咗个修行嘞，我今日冇修行，我失去咗个修行。其实你唔应该咁谂嘅，同埋个心态唔应该将修行呢，同埋做功课划上等号，系每时每刻都修行，我哋自己应该要知道，喺日常生活，无论念经唔念经嘅时候呢，都系等于修行嘅。其实你最重要，犹如我以前所讲就话，先发呢个大菩提心，你唔发上求佛道下化众生，成，吖，成就无上正等正觉呢个大菩提心呢，你系遇到好多境界嘅时候，你会退嘅，譬如话你唔做功课嘅时候呢，一放逸懒惰，你冇个菩提心喺大前提去支持你的话呢，你就好容易退，退失㗎喇，又跌番落，啫跌番落去最初唔修行嘅时候嘅，好多时候都系咁嘅。
3.修行要义（三）
另一点好重要嘅呢，修行形成退心嘅原因，就系咩呢？就系犯戒，最容易犯咗戒之后呢，个菩提心失呢，亦都会退堕，亦都又，好容易呢，受呢，一啲，诶，魔去干扰你嘅心性。因为我哋一犯戒嘅时候吖，譬如我哋杀生吖，或者有邪淫，或者偷盗吖，或者有啲恶口讲咗唔好嘅说话，心理系唔舒服㗎其实，你个心一定系唔舒服，个心唔舒服，知道自己唔啱，但系又做咗呢行为的话呢，个心灵就产生个灰暗吖，灰色嘅地方，阴暗面，同时间呢，你个身体嘅光明呢，亦都下降，有啲灰色吖，嘅光气去包围你身体嘅外便。咁所以你心灵有咗呢阴暗面嘅时候，你唔，唔好意思，有个心惭愧去面对佛菩萨，或者，诶，好怕去见，诶，啲同学吖，或者师兄弟，因为知道自己内心有愧去犯戒，咁无形中就系因为呢一个心灵嘅反差导致你退堕㗎嘛——“哎，算啦，索性我唔修一段时间先嘞。”咁开始会放逸㗎喇㖞，一放逸嘅时候呢，就开始呢，破更多戒呢，造更多业㗎。
4.修行要义（四）
另外一个修行呢，容易退堕嘅原因就系同人攀比、比较，千祈唔好比较。有啲人会觉得：“哗！师兄点解你会修得咁好嘅？你成本经都背晒㖞，一个月已经背晒本经出嚟㖞，我又唔得吖，我背咗成半年吖，都未背出一本经吖，半本都未背得到。师兄，你真系好嘞，你又可以修梵行，又可以唔结婚，师兄你守戒真系好吖，我成日犯戒嘅，又妄语吔、又饮酒吖、又邪淫。”千祈唔好攀比，你一攀比嘅时候呢，就好容易自己个心呢，会退失。你系几大个杯、几大个器皿，装得到几多就装几多，素其位而行。你见到人哋做功课，譬如话佢念，每日念五本经，诶，五个咒，咁你冇咁多时间，你只系得半小时，咁你咪念一本经，怕且念一个咒啰，唔需要同人去比较。一本经、一个咒都可以念出功夫嚟，问题呢，你自己专唔专一，有冇心去做。千祈唔好话对方念咁多，念咁少，我就系好差，唔系咁样睇法嘅，呢个观点系错。你系咩程度做番自己嗰个程度嘅，嘅经文同埋咒语，千祈唔好攀比。
5.修行要义（五）
我哋修行呢，喺呢个三无漏学“戒、定、慧”三门里便呢，除咗我成日强调守戒，当然系必须㗎喇，你无论修咩宗咩派都好啦，守戒呢，系大前提嚟，你守，守唔好戒，其他嘢呢，就唔需要再讲，守好戒啦。跟住定门，定门呢，亦都系相当相当重要。咁我哋平时诵经吖、念佛吖，诶，持咒吖、拜忏都系修呢个定门，等我哋个业障消除呢，有个定心嘅。所以因为我哋有个定心之后呢，喺日常生活里便遇到种种境界我哋先可以对抗，定力够先可以对抗，如果你嘅定力唔够、心力唔够，就一定被个境界转。所以，每日做功课，我强调呢，就系静坐。静坐嘅时候呢，持一个简单嘅咒，你拣一个喜欢嘅简单嘅咒，不断持呢个咒，个耳听你自己个口念出嚟嘅咒，听入耳，然后印番喺个心里便，呢个就系最简单修定嘅方法。每日都要做，去训练自己修呢个定，慢慢慢慢、一步一步日子有功呢，个定力就出嚟，咁你不知不觉呢，你喺日常生活遇到事情之后呢，嗰个平时培养到嘅定力呢，就自己会出嚟去对抗呢逆境嘅㖞，系好美妙㗎。
6.修行要义（六）
三无漏学嘅“慧门”呢，“智慧”个“慧”，就系文字般若，意思就系话呢，由佛陀所讲嘅经同埋律，同埋后来啲祖师大德呢，讲解经同埋律呢，嘅著作里便呢，令我哋产生一个般若嘅智慧，明辨是非、明辨正邪，指导我哋去点样修行，有个准绳、有个法则、有个规则，所以呢个文字般若呢，系好重要㗎。咁修慧门呢，点修法呢？我哋每日就一定要抽时间去研究经书，唔系读诵经书吔，系研究，去了解佢里便嘅义理，去养成一个习惯，每日无论闲忙，你总要抽个时间去研究经书，哪怕你十分钟都好，都要养成呢个习惯，咁日子有功的话呢，你始终有日吖，会豁然开悟嘅，啫由个文字里便呢，会证得呢个文字般若，咁个境界系好微妙、好难讲嘅。因为当你系明白呢个文字嘅智慧之后呢，有呢个境界之后呢，你遇到好多问题同事情呢，你自然就识去解决嘅，因为呢个智慧呢，系文字里便俾我哋嘅。所以呢，养成每日睇经书嘅习惯呢，系必不可少嘅，记得呢一点。
7.修行要义（七）
我哋修行净土嘅最终目标呢，就系解脱生死同往生极乐世界啦，所以我哋喺日常生活里便呢，发咗呢个菩提心、行呢个菩萨道去帮助众生嘅时候，无论你修布施、持戒、忍辱、精进、禅定、般若、六度般罗蜜里便呢，我哋都要将所修嘅功德去回向西方净土。其实所谓西方净土呢，狭义嚟讲呢，就系好似《阿弥陀经》里便讲话：“从是西方过拾万亿佛土，有世界名曰极乐，其土有佛，号阿弥陀，今现在说法。”系指西方极乐世界呢个《阿弥陀经》里面嘅经文所讲“阿弥陀佛”。其实喺呢个法界宇宙里面呢，有三十六万亿一十一万九千五百尊同名同号嘅阿弥陀佛，我相信嘅佛国都系平等同一样。故此我哋其实念“阿弥陀佛”嚟讲呢，其实唔系净系念一尊阿弥陀佛嘅，嘅佛号，虽然我哋念一次阿弥陀佛嘅佛号就等于念呢个三十六万亿一十一万九千五百尊阿弥陀佛同名同号嘅功德嚟，但系不论点都好啦，我哋记住将我哋修持功德，无论大同埋小，哪怕你喺街头执起一旧小嘅垃圾揼垃圾桶的话，呢个功德都可以回向去净土嘅。
8.修行要义（八）
净土法门呢，系一个有相嘅法门嚟，佢唔同话修持禅宗啰，因为你修持禅宗呢，讲“空性”、讲“离相”、讲“破相”，但系我哋修持净土呢，系讲执著嘅，系讲有相，因为我哋往生净土呢，要积满呢个资粮。“不可以少善根福德因缘，而得生彼国。”《阿弥陀经》已经讲到好清楚。所以呢，个资粮，我哋嘅积集喺日常生活里面嘅修行系好重要，尽量去积集资粮。积集资粮呢，就系属于有相㗎喇，将个功德，无论做，诶，大事，大嘅善事或者小嘅善事吔，一切嘅功德都将佢回向去净土。咁有啲人话：“你咁执著㗎，佛教讲‘空性’，唔系讲‘放下’咩？”唔系嘅，修持净土你记住，空性系到达咗罗汉所证嘅境界，你到咗罗汉未吔？罗汉都系一个小空嚟，并不是佛陀嘅大空，要真正到佛嘅境界呢，先系大空嘅境界，所以唔好俾个“空”字呢，去搞得你团团转。只不过我亦都讲过就系话，我哋做咗大小嘅功德之后呢，回向咗去净土，喺佛前度做一个简单嘅回向的话呢，然后就将佢忘记，唔好放喺心上就得，并不是等于呢，我哋“空”，所有嘢都唔执著，连回向都唔去。
9.修行要义（九）
我哋依家呢，要开始训练自己喺念头同念头之间呢，就唔好打妄想，就要念佛或者持咒，啫响你做嘢嘅时候，你当然去谂嘢啦，正思惟，去谂件工作点做吖，或者啲功课去点做吖，咁但系当你思惟咗之后呢，经过咗呢个思惟，喺呢一念过度去第二念，你冇嘢谂嘅时候呢，嗰个空间就持咒或者持佛号，拣一个你最钟意嘅咒呢，或者佛号，长期系持呢个咒同佛号。如果咁样做的话呢，日子有功呢，嘅定力就可以喺日常生活培养到，同埋喺日常生活里便呢，亦都唔使空过修行嘅时间。因为我哋返工、放工吖、照顾家庭，已经用咗好多时间，我哋应该系用呢个念头同念头空间，诶，过度呢，去修行嘅，因为往生净土嚟讲呢，得生与否全凭信愿之有无，品位高下亦由持名之深浅，所以呢，持名嘅深浅呢，决定我哋将来往生净土品位嘅高下。平时我哋，诶，日常生活训练成习惯，成日持咒、成日念佛嘅时候呢，到临终嘅时候呢，就一样有把握嘅。所以呢，呢一点希望大家呢，喺平常过度嗰阵时呢，训练多啲，练多啲自己念头同念头之间嘅过度。
10.修行要义（十）
好多初学佛嘅人呢，初机嘅人呢，以为修行呢，就系做嗰个早晚嘅两堂功课。问佢：“咦？你今日修行咗未吔？”“我修咗啦，我今日修行咗。”原来佢意思就系话：我已经念左经嘞，我早课又做咗，晚课又做咗，我已经念咗经。啫系好多初学呢，就唔明白呢个道理，修行就系断我哋贪瞋痴吔嘛，你要解脱生死，你一定要断贪瞋痴，所以由另外一个角度去睇，修行呢，就系要管理好我哋嘅情绪，呢一点系最重要。喺平时我哋任何，遇到任何嘅境界、任何嘅环境，工作吖、家庭吖，对上司吔、对朋友吖、对同事吔，啫系你遇到任何嘅人嘅时候呢，你遇到种种嘅境界都要控制住你情绪，唔好俾贪瞋痴去爆发。因为有情绪唔开心嘅时候呢，就尽量去念佛去化解，或者观照，点样观照呢？反省自己内心，同埋将自己平时喺文字般若里便学到嘅佛理吔，思惟吔，点解我要咁暴躁呢？究竟个原因系边度呢？由个根去谂，去破解佢，多啲去做呢啲观想系非常之重要嘅。
11.修行要义（十一）
我哋修行为咗恢复我哋无始以来嘅本来面目，见番我哋原原本本嘅真如本性，咁样点修呢？就系通过禅定。禅定系非常重要，外不乱为禅，内不乱为定。“禅”嘅意思就系话外边嘅八风，种种毁誉吔、苦乐吖，都系影响唔到你嘅心嘅，啫外边对你种种嘅压力吖、攻击吖，影响唔到你个心。但系虽然外边影响唔到你㖞，你里面会有情绪会动摇到你“贪瞋痴慢疑”呢五种根本烦恼，呢啲唔好嘅情绪呢，会动摇到你里便，如果动摇唔到你就谓之“定”，所以“禅”同“定”系要结合嘅。我哋修净土法门嚟讲呢，专注喺念佛，我都讲过就系话，我哋念佛出于口、听于耳，我哋耳仔，啫其实用个心听嘅啫，印于心，印番喺个心里便。无论你念佛，念出声或者唔念出声或者金刚念，金刚念就系介于有声同冇声之间，口唇微动谓之“金刚念”。用呢个方法去念呢，就唔伤血，唔伤气，长时间念呢，就系最好嘅。咁，出于口、听于耳、印于心，咁样念法呢，先能够消归我哋自己嘅本性，先叫做真正嘅念佛嘅。
12.修行要义（十二）
有啲师兄同我讲话念佛好开心。咁我话：“开心咪好啰？法喜充满，念佛应该系开心㗎，法喜充满。”佢话：“我今日就唔开心啦。”我话：“点解吔？”我（注：根据前后文，“我”疑为“佢”）话：“今日冇嘢睇嘞。”冇嘢睇？哦……原来佢念佛，佢唔系话集中去念佛吖，一合埋眼去睇戏，有好多嘢睇。原来佢念佛里便呢，出现好多境界吔，有佛啦，有菩萨吖，又有神吖，又有仙吖，哗！追住个境界系咁睇。所以呢，好多人唔明白就系话，啲境界出现嘅时候，你唔好理佢，因为理佢呢，你去追逐佢呢，好有危险性，如果每次念佛，你都去追逐个境界呢，好容易著迷嘅，著迷就出偏差㗎喇。无论我哋听到乜嘢吔，或者见到乜嘢，就算佛，真系佛现身或者菩萨现身呢，你都唔需要理嘅，你唔需要话我起身去拜佢吔、去顶礼佢吔，完全唔需要，因为如果佛菩萨，真正佛菩萨化身呢，佢都唔会怪你，因为佢知你修行紧，知你念佛紧，点会去怪你呢？故此呢，禅宗就有一句“佛来佛斩，魔来魔斩”嘅意思就系扫除一切相，千祈唔好追逐喺念佛里便，念佛你啫系修定了嘛，喺修定里便所出现嘅一切相呢，千祈唔好追逐，一追就危险，记得！记得！
13.修行要义（十三）
有啲师兄修禅定呢，会出现好多魔障，咩魔障呢？佢打坐念佛闭眼嘅时候呢，啲魔会变现啲好恐怖嘅境界去吓佢，啫啲妖魔鬼怪会出现令到佢好惊，咁吓咗之后呢，佢就唔够胆继续修落去，就非常之惊。甚至有啲就喺，现身到喺梦里面呢，都会出现呢啲恐怖嘅境界，又影响睡眠，而且日常生活都会见到㖞，严重到。咁呢啲问题嘅产生呢，就由于嗰个修行人呢，前生有呢个魔缘吖，或者个业障系比较重。如果遇到呢啲情况的话呢，我哋唔好夹硬嚟，首先停止修呢个定先，唔好再打坐先，转为呢，就开始去拜忏，先忏悔我哋前生嘅业障先，等个业障消到咁上下呢，先重新再修呢个禅定。咁你拜忏，拜咩忏呢？咁我建议拜八十八佛忏或者三十五佛忏。你有时间呢，就长啲啦，拜八十八佛，如果时间短呢，拜三十五佛。咁有啲人呢，好中意拜大悲忏吖，即系比较，诶，比较常见同埋常用，得唔得呢？都得，总之任何忏都得，去先消去你嘅业障先，然之后再转修禅定呢，咁个问题应该会改善㗎喇。
14.修行要义（十四）
有啲师兄念佛或者静坐嘅时候呢，会出现气动嘅现象，咩嘢气动呢？啫身体呢，有啲热气呢，流经过身体里便，诶，一，每一个部位，或者有时振吖，或者有时麻吖，或者身体膨胀，呢啲感觉系正常嘅气机发动嘅现象，唔需要担心嘅。咁呢，你千祈唔好呢，就以意导气，用个意念呢，去引导啲气呢，流经边一度，应该让啲气呢，喺身体里便顺其自然，其实你系集中专心念佛，你目的系念佛吖嘛，唔系引个气，集中念佛就得。但系另外有一类灵动我哋要分开就系话，唔系净个身体前摇吖、后摆吔，啫坐喺度气动嘅现象呢，啫向前吖、向后吖，咁摇一摇，佢系好大嘅动作嘅，譬如突然间起身，佢会打一套拳啦，吖，好似打功夫咁，或者你会见到佢呢，诶，打啲手印吖，讲啲你又听唔明嘅语言，佢哋叫做“天语”或者“宇宙语”，呢一啲呢，就要小心，可能系有灵界附身吖。咁最重要一样呢，就系话，你个意念可以控制得到，譬如打拳嘅，你叫佢停佢就停，咁就冇危险性，如果控制唔到呢，或者甚至你打啲手印吖、讲啲嘢嘅时候呢，你根本就唔喺度念佛嘅，个心呢，去左嗰个境界，嗰个境界控制得到呢，咁你就要停要注意嘞，咁先唔好修炼呢个打坐同静坐，就先拜忏先，将个业障消除先，先再开始修番呢个禅定同埋静坐。
15.修行要义（十五）
我哋学佛第一步呢，正式成为一个三宝弟子，一定要通过归依仪式，归依佛法僧三宝。归依佛不堕地狱，归依法不堕饿鬼，归依僧不堕傍生。一定要做呢个仪式嘅。有啲人觉得系唔需要做，只不过仪式嚟，其实唔系。法师通过呢个仪式呢，令到我哋呢，种下呢个三归依嘅种子，呢粒种子深深植喺我哋嘅第八识阿赖耶识里便，令到我哋将来成佛解脱生死，所以系非常之重要。同埋个法师呢，系帮我哋做呢个仪式，系代我哋，诶，行呢个仪式呢，归依十方三世嘅佛法僧三宝嘅，并不是归依某一个人，我哋要知道。但系呢个，呢个仪式呢，一定要法师做，居士系唔可以做嘅。有啲人话居士都可以同你归依，唔啱嘅，系唔如法嘅，一定要喺法师面前做。亦都有啲人话，归依，隔空做得唔得呢？打电话，个法师问你，得唔得呢？唔得嘅。一定我哋要好尊敬喺佛前去履行呢个仪式。同埋当法师去问你归依嘅时候呢，你要答得好清楚，法师讲一句你要答一句。呢一段呢，诶，呢一段呢，就好重要啦，决定你得唔得到呢个归依嘅，一定要系法师面前去做，听清楚法师讲乜，而唔得去隔空去做呢个仪式㗎。
16.修行要义（十六）
我哋修行须唔需要设置佛坛呢？重唔重要呢佛坛？其实系相当重要嘅，亦都须要设置佛坛嘅。因为呢，我哋有一笪专心皈一嘅地方去俾我哋修行，静静咁样去念经吖、拜佛吖、拜忏，咁个心就会定下嚟。同埋呢，你长久喺呢个空间里便修行呢，啲正气就会汇聚，加持力又会汇聚呢个地方，咁会提升我哋修行嘅质量，所以佛坛呢，系相当之重要。咁有啲人系冇地方，设喺房间又好唔好呢个佛坛？设喺房间呢，系比较勉强，特别如果夫妻房的话呢，尽量都唔好设佛坛，除非房间你系单人睡啦，咁你可以设置一个方便嘅佛坛，啫未结婚单人吖，用嗰个房间，咁你可以用一个帐幔呢，隔开，但系千祈只脚呢，就唔好向住个佛坛㖞。你安佛坛呢，嘅要点呢，最好呢喺三埲墙嘅中间，啫个佛坛凭住一埲墙，而左右两边墙呢，好似两只手臂吔，两个侍卫咁呢，去护卫，而左右两边墙呢，或者，诶，你凭佛坛嗰个墙呢系冇窗嘅，完全系平嘅个墙，上便呢，嗰个楼底嗰度呢，亦都唔好压顶压住佛坛，咁样系最好嘅方向嚟嘅。
17.四十二手眼法（一）
千手千眼观世音菩萨四十二手眼。若为富饶种种珍宝资具者，当于如意珠手。若为种种不安求安稳者，当于绢索手。若为腹中诸病者，当于宝钵手。若为降伏一切魍魉鬼神者，当于宝剑手。若为降伏一切天魔神者，当于跋折罗手。若为摧伏一切怨敌者，当于金刚杵手。若为一切处怖畏不安者，当于施无畏手。若为眼暗无光明者，当于日精摩尼手。若为热毒病求清凉者，当于月精摩尼手。若为荣官益职者，当于宝弓手。若为诸善朋友早相逢者，当于宝箭手。若为身上种种病者，当于杨枝手。
18.四十二手眼法（二）
若为除身上恶障难者，当于白拂手。若为一切善和眷属者，当于胡瓶手。若为辟除一切虎狼豺豹诸恶兽者当于傍牌手。若为一切时处好离官难者，当于斧钺手。若为男女仆使者，当于玉环手。若为种种功德者，当于白莲华手。若为欲得往生十方净土者，当于青莲华手。若为大智慧者，当于宝镜手。若为面见十方一切诸佛者，当于紫莲华手。若为地中伏藏者，当于宝箧手。
19.四十二手眼法（三）
若为仙道者，当于五色云手。若为生梵天者，当于军持手。若为往生诸天宫者，当于红莲华手。若为辟除他方逆贼者，当于宝戟手。若为召呼一切诸天善神者，当于宝螺手。若为使令一切鬼神者，当于髑髅杖手。若为十方诸佛速来授手者，当于数珠手。若为成就一切上妙梵音声者，当于宝铎手。若为口业辞辩巧妙者，当于宝印手。若为善神龙王常来拥护者。当于俱尸铁钩手。
20.四十二手眼法（四）
若为慈悲覆护一切众生者，当于锡杖手。若为一切众生常相恭敬爱念者，当于合掌手。若为生生之处不离诸佛边者，当于化佛手。若为生生世世常在佛宫殿中，不处胎藏中受身者，当于化宫殿手。若为多闻广学者，当于宝经手。若为从今身至佛身，菩提心常不退转者，当于不退金轮手。若为十方诸佛速来摩顶授记者，当于顶上化佛手。若为果蓏诸谷稼者，当于葡萄手。
21.四十二手眼法入门讲义（一）
点解叫做“四十手眼”呢？“四十手眼”嘅意思呢，就系话千手千眼观世音菩萨呢，救渡众生佢手眼嘅功能由一千种就简化为四十种，咁吖就叫“四十手眼”，就系四十种救渡有缘众生嘅法门。呢个四十手眼法门呢，其实讲法器嚟讲，有三十八件嘅法器、两式手印，卅八加二就系四十嘞。除咗施无畏手吖，同埋莲华合掌手之外呢，其他都系法器嚟。如果单以手去计吔，以手去计算呢，其实四十手眼法门呢，一共有四十二只手，因为宝钵手嘅手印呢，系双手揸，而莲华合掌手呢，亦都系两只手合埋一齐呢，变成手印，所以剩低嗰啲手呢，全部都系揸法器，唔系单手揸，啫左手揸就系右手揸，系单手揸嘅啫，所以四十手眼法门呢，亦都可以被称为“四十二手眼法门”。咁我哋以十个字简单去总括一下呢，就系话“功能四十项手眼四十二”，啫话功能有四十项，但系手同眼呢，加埋就有四十二嘞。
22.四十二手眼法入门讲义（二）
“四十手眼法门”呢，之所以被称为“四十二手眼法门”嘅第二个原因，就系因为后人喺“四十手眼法门”当中加入咗两项功能三只手眼，啫系甘露手眼同埋总摄千臂手眼。如果就手眼嘅功能嚟讲呢，加入咗两项呢，就变成咗四十二项，如果单就手眼去计算，一共就变四十五只嘞，因为甘露手眼呢，系用单手结印嘅，而总摄千臂手眼呢，就双手结印。甘露手眼同总摄千臂手眼呢，虽然系后人加入，但系呢，我哋要知道呢两只手眼呢，唔系假嘅，我哋可以查到藏经，于经有证，的确系如来正法嘅一部分，故此甘露手眼同总摄千臂手眼亦都可以归入去四十手眼法门嘅系统里面嘅。
23.四十二手眼法入门讲义（三）
甘露手眼嘅功能呢，其实系相当于蒙山施食里便，用嚟济度饿鬼嘅甘露水真言同埋手印嚟㗎。虽然两者嘅手印呢，系唔相同，但系真言嘅内容呢，就大同小异。至于总摄千臂手眼呢，喺《大藏经》里便系可以揾到。边部《大藏经》呢？系《大正新修大藏经》第二十册就可以揾到一部经，叫做《千眼千臂观世音菩萨陀罗尼神咒经》。呢一部经嘅卷上里便呢，我哋可以揾到总摄千臂手眼嘅资料，系唐代智通法师所译嘅。经文嘅第九十二版上栏嘅第二十五行：“千臂总摄印第五……此名总摄千臂印，此印能伏三千大千世界魔怨。”吖，所以呢，总摄千臂手眼呢，亦都系观世音菩萨千手观音菩萨里嘅两只手臂一项功能嚟嘅，故此归入四十二手眼或者四十手眼系统嚟修呢，系完全冇问题嘅。
24.四十二手眼法入门讲义（四）
观世音菩萨呢，喺久远劫前已经成佛，佛号正法明如来，故此呢个四十手眼法系正法明如来所传下救渡广大众生嘅密法嚟嘅。“四十手眼法”，其实佢原名呢，就叫做“千手千眼法”，因为观世音菩萨佢具足千臂千眼千法器。“千手千眼法”系以“四十手眼法”做基础修起，所以“四十手眼法”呢，就足够应用呢，我哋南瞻部洲去救助好多众生。四十手眼分别相配于密部嘅五部五法，每一部呢，就统摄八种手眼。“五部”系边五部呢？就系如来部、金刚部、摩尼部、莲华部同埋羯磨部。“五法”系边五法呢？就系息灾法、调伏法、增益法、敬爱法同埋钩召法。
25.人生的价值（一）
我自己时常都会问自己究竟人生嘅价值同埋意义喺边一度呢？点解人人都要跟住一条公式——返工吖、放工吖、拍拖吖、结婚吖、生仔吔……啫要跟住呢条公式行呢，我成日都会咁谂。同埋啫系当我自己做错事嘅时候呢，个良心会责备得自己好紧要，我系呢一类人嚟嘅，故此我喺守戒方面呢，我就只有宁枉勿纵，啫只有要求严，就唔好宽松，因为我只有，诶，咁样做，守持呢个戒律呢，令到自己个心呢，就会开心，会踏实、会安稳，故此喺守戒方面，我系唔会觉得有咩痛苦，相反我会觉得系好开心，吖，啫个心系咁样，嗯……我唔想自己做一个系与世同凋嘅人吖，我想喺呢个世界上面创造返一番价值，有建树同埋有作为，去做一啲能够利益人嘅事使到人开心。我系想做一啲，呢啲踏实嘅工作，啫我系一类呢，呢个咁嘅人嚟，系呢类人嚟。
26.人生的价值（二）
可以话呢，我唔想跟住普通人嘅生活方式咁样生活啰，啫跟住一条公式去走啰，亦都可以话，我希望喺呢一条公式里便有所突破，诶……当中揾到人生嘅真价值同埋真意义，就去帮人嘞。咁我学咗佛之后就更加明白自利利他嘅重要性，呢个就系菩萨道嘅精神，佛陀所教。其实你见到德雷莎修女呢，真系好感动，佢可以去到最贫穷、最底线嘅，嘅人群，最苦难嘅人群当中伸出佢呢一双手，去接受佢哋，去爱护佢哋，去帮助佢哋，呢一点系好难好难做到。因为而家，呢个系，咳咳，系一个非常物质嘅社会嚟，好物质化，你要一个人喺灵性上有所突破，放弃啲物质，系真系好唔容易嘅。所以你话学佛，你有缘去学佛，系一个有缘人，喺佛经里便嚟讲呢，真系宿值善根，好深厚嘅善根先能够做得到嘅。
27.人生的价值（三）
对于钱呢，嘅价值观，我一向系冇乜执著，诶……有得食吖算嘞，有得著吖算嘞，啫唔会追求名牌，啫识得我嘅人都应该会系知道，呢，呢一种个性。嗯……并不是话因为我系出生个富裕嘅家庭，或者我自己后来工作揾到好多钱，唔系嘅，啫系我自己嘅性格不溜都系咁样。比如话去超市度，吖，睇到有食物吖，或者买支牙膏咁，吖，睇下几多钱，哦十五蚊，或者十二蚊，咁吖出去俾咗钱吖算数，之后你问番我，我已经真系唔记得几多钱，啫个心唔会系太上心啦，意思唔系我太多钱吖，系唔上心，啫个性格就系咁样。但系呢，啫系近来吔，啫我以为特别系近来，我个价值观又开始有些少改变，因为接触喺中国内地好多痛苦嘅人、好多痛苦嘅百姓，我就希望能够有更多钱去帮助佢哋解决生活嘅烦恼，特别喺医病方面，因为原来医一个病可以倾家荡产，可以去卖身，可以去做奴仆，哗，有好多嘢发生㗎原来。
28.人生的价值（四）
一个人，总要有一个好榜样喺前便去鼓励自己嘅，啫系当你失意无助，吖，或者空虚，或者痛苦嘅时候，你就会谂起呢个榜样，一见到呢个榜样嘅时候呢，又使你重新升起番斗志，有番个信心、有番个毅力，啫有番个勇气去面对困难。我觉得德雷莎修女就系我心中里便永远不灭嘅万世巨星，我觉得佢仲未走嘅，唔知点解呢，有呢个感觉，我觉得佢喺我身边，因为每次我唔开心，或者系有啲事情解决唔到嘅时候，除咗望住佛陀，咁我就望一望德雷莎修女，谂一谂起佢，佢会俾我有好大嘅信心、勇气同埋力量去解决问题。因为见到佢帮咁多苦难嘅人，啫又系自己嘅意愿啰，好夹吖，啫有种好志同道合嘅感觉。佢真系将自己抛出嚟，牺牲自己，成全他人，喺佛教里便，可以视为一尊大菩萨㗎。
29.人生的价值（五）
人生几十年，好快过去，总要有啲事情去做呢，令到自己喺呢个人生里便有一种价值同埋意义，咁就不枉你匆匆咁样走一次啦，嗯……有啲人好大年纪呢，其实佢都未能够揾到自己个人生目标，啫人又系咁样生活，佢又系咁样生活，究竟都唔知系点解会生吖、老吖、病、死，咁样就好快走完一程。其实人生嘅价值系唔在于你拥有几多财富吖、几多名誉吔、几多地位，呢啲真系嘅，当你经历咗好多事情之后，诶……你自然会睇化，觉得呢啲都系过眼云烟，不过大前提你系一定要经历啰，讲就系冇用，啫文字上嘅嘢唔及你亲身去经历。诶，所以我自己都经历咗好多事，所以呢啲事情都能够放开，名利吔、金钱吖、地位呢啲，唔觉得佢太重要嘅。
30.人生的价值（六）
德雷莎修女呢，有一点伟大嘅地方，就系佢自己得到几百万嘅诺贝尔和平奖嘅奖金，全部捐晒出嚟为啲贫苦人做事，呢一点真系好难能可贵，唔系咁多人做得到㗎。因为好多人呢，系自己嘅衣食丰足，储到钱嘅时候有余力嘞，先攞出嚟布施。但德兰修女唔系吔，佢连自己都抛咗出嚟，倾尽自己一生去为啲贫苦人去做事，已经到达一个忘我嘅境界。你睇下德兰修女离开嘅时候，几多国家元首同埋政要对佢几尊敬，系佢面前鞠躬。呢种咁嘅荣誉一个普通人系唔能够拥有嘅，有几多人可以有呢种荣誉吔？德兰修女只不过系一个修女嚟嘅啫。所以有啲人话：“读书可以成大功、立大业。”会嘅，有啲人有福，有运气，佢应该可以做得到，但系有一样嘢，可能比读书更加重要，就系人格魅力。一个人嘅人格魅力伟大的话呢，自然有好多人去追随佢、去仿效佢、去跟从佢嘅。
31.逆境试炼，成我大道（一）
修行呢系必须面对种种境界同考验，每一个人都要经过，每个，每一个人都要过关，啫我哋会怕啲境界吔，啫令，令到我哋身，身心都唔舒服、唔开心，冇人中意境界，但系我哋应该要换转番一个心态呢，由于呢个境界可以长养我哋嘅道业，令到我哋成道嘅，所以应该要多谢个境界，换转个心嚟去谂，多谢个逆境。因为冇逆境呢，系冇办法成佛，呢个一定系必须，必然嘅。你睇下兜率天落嚟嘅大菩萨虚云和尚，你睇下虚云和尚要受美色嘅考验，要受身体病苦嘅考验，要受被毒打几乎至死嘅考验。我哋系咩人呢？我哋只不过普通嘅凡夫，所以我哋更加要必须经历呢啲重重考验，修我哋呢个系安忍啦、布施、持戒、忍辱（第三个波罗蜜嚟），一定要修得好，如果冇呢啲境界呢，我哋系冇办法成道。呢啲境界一定系苦嘅，喺我哋凡夫嘅角度嚟讲，冇人会觉得俾屋企人闹吖，或者其他人唔谅解你学佛吖，会觉得快乐，但系我哋要必须面对，去过关，去睇下点样冲破佢。
32.逆境试炼，成我大道（二）
逆境嚟嘅时候，我哋要学习去接受佢，千祈唔好产生个对抗个心，你一产生对抗个心，其实你已经输咗㗎喇。我哋应该好似水咁，个心系好调柔，你谂下任何刀剑，世界上几锋利嘅刀剑，斩落啲水度，抽刀断水水更流，啲水冇伤嘅，水性系万物至柔，所以你要学习水嘅智慧。同埋当逆境嚟到嘅时候吖，我哋要慢慢培养一个心就系话：我多谢你。因为呢个逆境成就我哋嘅道业，如果我哋过关的话呢，就会加分㗎，加分嘅时候，啫等于我哋，诶，读书吔嘛，加啲分上去，啲分够你咪毕业啰。所以最重要就话，唔好同个逆境去对抗，呢一点，呢一点真系要记住，唔好同佢对抗，因为你一对抗有个反逆嘅心呢，生起瞋恨吖、报复嘅对抗嘅，诶，呢个对抗嘅心呢，就系魔性嚟，啫好容易俾啲魔呢，呢个空隙钻入去呢，使到你呢，越嚟越严重，我哋要形成一个习惯去接受呢个逆境，同埋多啲呢，用四念住呢，去观想，一有啲逆境嚟嘅时候就“观身不正”“观受是苦”“观心无常”“观法无我”。我哋平时好少做呢啲训练吖，多啲做呢啲训练吖，好有帮助嘅。
33.逆境试炼，成我大道（三）
因为我哋平常呢，习惯晒顺境吖，所以逆境一嚟嘅时候呢，我哋抵抗唔到，其实系一种习惯嚟，当你如果每日面对逆境嘅时候呢，你嘅抗压嘅能力自然增强，系一种习惯嚟，多啲去习惯，多啲用个心去接受佢呢，接受个逆境呢，调整个心态。其实等于我哋一朵花，吖，一条草，落雨啫嘛，啲雨打落嚟，咪当佢同你冲凉啰，冲净个凉仲好添，将啲尘洗咗佢，始终过一段时候之后，个阳光一样会出嚟。你要知道逆境呢，系个过度嚟，唔好睇佢系一种永恒，太执著喺当时令到你唔舒服嗰种感觉，你要谂下会过度嘅，好快就会过去，明天阳光一样会灿烂，所以一定要有咁嘅智慧，咁嘅想念。你睇下释迦牟尼佛俾提婆达多害几多次吔？攞佢命㖞，攞命㖞！仲有玄奘法师嘅师父戒贤论师，受嗰个骨折嘅疼痛火烧病，受咗好耐吖，好辛苦吖。你睇下目犍连尊者俾啲外道毒打到啲骨折碎晒，身负重伤然之后圆寂。有边个圣人吖，唔遇过逆境吖？耶稣呢？耶稣更加严重添啦，系咪？所以呢啲逆境就长养我哋心性嘅好好嘅磨练嚟嘅，记住，唔好逃避要迎接佢。
34.逆境试炼，成我大道（四）
逆境就等于考车啫嘛，啫等于你想考个车牌，吖，好嘞，考咗个车牌，自己可以买嘢放生，唔使再搭公车，又几方便。咁你考车牌，个师傅叫你揸上条斜路嗰度，咁你揸到半路嘅时候，一系死火，一系架车就向后溜，唔合格，咁咪要再考过啰？一次唔合格，两次唔合格，始终你要考嘅，因为你目标就要攞到个车牌去放生。你唔应该话：“唉，我唔考啦，算数啦，唉！好辛苦吔！”又发脾气。唔应该咁。应该相反就系话，谂下点样改善个驾驶技术，点样听个师傅讲，点样更加再做好啲，一定要攞到个车牌为止，因为你目标要放生，有个大前提喺度。所以当逆境嚟嘅时候呢，你一定要想方法去冲破佢，唔应该话：“唉！好难，太难啦！”
啫因为呢个逆境压逼你压力太大呢，令你退失上求佛道、下化众生呢个菩提心，呢一点系相当之重要，唔好喺逆境面前去屈服，相反，你要揾啲方法去接受佢，去冲破佢，千祈唔好因为逆境呢，令你打，打消你修行嘅意，意念，令你退失个菩提心，好多人逆境嚟嘅时候个菩提心就自然退失，唔好讲话大风吖，小风都吹咗佢去，因为佢平时系习惯顺境，系个温室呵护一个小草嚟，好难成长㗎咁样。
35.逆境试炼，成我大道（五）
三无漏学嘅戒定慧里便嘅“定”门呢，啫修定，可以培养出个定力呢，帮助我哋对抗个逆境，所以平时我哋要多修呢个禅定嘅，定门。有啲人修习定嘅方法呢，就系数息，啫数出入息，有啲人呢，佢就守丹田，但系我建议我哋修净土法门的话呢，最好就念佛或者持咒，念一句佛号，譬如“南无阿弥陀佛”，就持一句佛号去修定。因为你持佛号呢，出于口、听于耳、印于心，呢三个步骤嚟讲呢，慢慢慢慢就可以增长我哋嘅定力，亦都系比较安全稳当。因为持佛号呢，有佛力嘅加持吔，出偏呢，啫走偏差呢，会少啲。咁有啲人当佛号当做功课做，做一日，譬如我定，诶，一万佛号，咁吖做咗一万佛号之后呢，其他时间就唔持㗎喇，佢当嗰功课，交咗功课就算数。其实当你修定嘅时候呢，就唔须要计数嘅，你可以跏趺坐，上座之后呢，就静心，用头先讲嘅三个方法：出于口，诶，听于耳、印于心，用金刚念，唔好计数，任得佢去持，持到你系唔想持嘅时候先下座。就用呢个方法去修定，唔须要计数，因为你计数呢，抓住串珠呢，仲有个动嘅感觉吖，个心全部吖，投入去修定，集中去修就唔好计数，吖。
36.逆境试炼，成我大道（六）
喺修行呢条吖，菩提路嚟讲呢，咁多年我自己都经历咗好多逆境考验，真系好多辛酸，当中啫好难话三言两语可以讲得明白同清楚。啫有时你遇到嗰个逆境嘅时候呢，磨得你好紧要，你会失意吖，会有，啫有气馁嘅心，有一种好无助吖，好孤寂、好傍惶嘅心，但系虽然当你系有呢啲心念出现嘅时候呢，但系我菩提心点都唔会退，点解呢？因为我嘅大目标系想帮人，希望多啲人去往生极乐世界，我一谂起呢个大目标嘅时候呢，我又会重新振作，又再上路。当然面对逆境嘅时候会有失意会唔开心，啫你会觉得好无助，点解佛菩萨唔帮我嘅呢？唔帮我去面对啲困难，佢唔施与啲法力吖，唔帮助我快啲行好呢条路嘅呢？你会有啲咁嘅心，但系另外一个心又会咁，咁样，咁样谂就系：佛菩萨其实系睇住我嘅，佢睇住我点行，因为条路系我㗎嘛唔系佢㗎嘛，将来成佛系我成佛，唔系佢成佛。所以一咁谂嘅时候呢，自己个心又会泰然。因为冇呢啲逆境就真系冇办法成佛，所以经历重重考验系必须嘅。
37.我的读书生活（一）
诶，呢套《辞海》呢，买左都差唔多三十年，咁佢一本大嘅、一本细嘅，吖，黑色嗰本系薄啲、细啲，咁系补编嚟，里便圣经纸好薄好薄，每次我查嘅时候都闻一闻，好香！我中意闻书㗎，觉得啲书好香嘅，每次查字典嘅时候都闻一闻，吖，好香！呢本《辞海》呢，就系喺个书展里便见到，当时一眼睇，《辞海》？咩《辞海》呢？跟住打开嚟睇，哗喺！咁多条目嘅？乜嘢百科知识，里便都有嘅㖞。跟住揭下揭下，咦？开始见到有啲佛学嘅名相，“佛陀”？“佛教”？咁吖好吸引我嘞。因为当时我系，嗰段时间系开始啱啱系研究佛学，所以咁多佛学名相，我更加要买啦，差唔多系百几蚊一本吖，好似，如果冇记错。而家仲保存咗喺度吖，但系个面已经揭到烂晒，左查右查，因为我比较中意查字典㗎，同一类字典呢，譬如嗰啲中文字典，我会买成十本八本，虽然系一个字，但系我都会每本都查一次嘅，睇下佢个解释究竟系相唔相同嘅。
38.我的读书生活（二）
大概喺我十岁八岁嘅时候呢，有一次系好偶然嘅，喺个床下底度拖左一个大盘出嚟，咁个大盘里便呢，就啲杂物啦，好多杂物，咁吖有啲书。咁其中有一本吖，蓝色封面呢，啲纸都好旧吖，写住唐诗三百首。诶？唐诗三百首？咩嚟嘅呢？咁打开睇一睇，一读落去，哗喺！好舒服㖞！好铿锵，好有节奏，又押韵。因为当时咁细个唔知咩叫做押韵，但系就好中意吔，吖。咁及后到读中学嘅时候呢，因为我读中学嘅时候就系读英文嘅，但系得呢个国文同埋系历史系中文，其他全部系英文，上课吖，啲书、课本都仲用英文写，咁但系我吖特别中意中文。
咁吖将呢个《唐诗三百首》里便呢，最长嗰首啦，大家知边首啦，白行简（注：疑为白居易），就《长恨歌》，讲唐玄宗同杨贵妃嘅故事㗎嘛，咁背咗，而家识唔识背呢？而家都仲记得，哈哈。咁呢就对呢个唐诗或者宋词呢，啫中国文学嗰方面呢，就非常之喜爱，啫莫名嘅喜爱啦，吓。
39.我的读书生活（三）
咁到读中学formone嘅时候呢，我有个同学佢好中意中国文学嘅，咁呢，有一次放学之后，佢带我去间书店嗰度，因为平时我好少去书店吖，点解？冇钱吖嘛，冇钱买，多数我系去图书馆，放咗学之后好少去书店。咁佢一个箭步，哗！走咗埋去呢个中国文学个书柜嗰度，随手揦开一本书一揭。咁吖当时书店都有一啲人喺度，不过佢又读得唔系好大声，咁一打开，打开读：“大江东去，浪淘尽，千古风流人物。故垒西边，人道是，三国周郎赤壁。乱石崩云，惊涛裂岸，卷起千堆雪。江山如画，一时多少豪杰。”哗！系咁念念念，念呢个，诶，苏东坡嘅《念奴娇》。哗！一听佢念嘅时候好中意吔，咩嚟㗎呢啲？当时我唔识系宋词，咩叫宋词。咁，抢咗佢本书，系咁揭系咁揭、系咁睇系咁睇，咁自呢一次之后呢，就开始同呢个宋词又结下不解之缘。
40.我的读书生活（四）
夫天地者，万物之逆旅；光阴者，百代之过客。而浮生若梦，为欢几何？古人秉烛夜游，良有以也。
咁到呢个中学，诶，读完之后呢，大概十八九岁，我记得嗰几年，我系冇去出做嘢，就帮人补习，啫嗰啲小学生，诶……晏昼黄昏放学之后我就帮佢补习。咁其他剩返啲时间我做咩呢？就自修，自己自修。因为我读英文部吖，觉得自己啲中文呢，系当时嗰种感觉好差，嗰啲中文字又写得唔好睇啦，又唔靓啦，诶，啲中文嘅水平又差，咁于是决定就自修，每日大概都读八至九个钟头书嘅，最少吖，因为你有时读一读、查一查字典吖，都好多时间。咁就买咗好多中文书返嚟，诶，去读、去研究古文观字吔，吖，呢啲咁嘅古书，就都用咗非常多嘅时间，但系嗰段时间呢，就为中文嘅基础呢，打深咗啦。
41.我的读书生活（五）
读书一定要做笔记㗎，咁但系呢，我做笔记，我好少写花本书㗎，啫画条线喺本书度都少，因为我有种好珍惜嗰本书嘅心。咁吖做笔记点呢？就另外攞开本笔记簿啦，就将，诶，自己觉得啱嘅段落吖，重要嘅段落就写低，唔会直接写咩眉批吔，呢啲直接写花部书，系冇。所以我借本书俾人，嗰个朋友话：“哗！本书咁新净嘅？你有冇睇过㗎？”
“有㗎。”我话我有睇过。
“有睇过点解咁新净吖？”
我话我都，啫唔会写花部书㗎，唔会做笔记。所以有啲人以为我，“咦？本书咁新净，你系咪未睇过吖？”其实有睇过㗎。记得有段时间呢，就，我系每日买几份报纸㗎，啫买几份报纸，咁将佢重要嗰啲资料就剪埋，剪剪埋，剪剪埋呢，然后呢，就贴落啲卡片嗰度，贴咗落卡片度就将佢分类嘞，分类好嘞，咁到时写文章嘅时候呢，就方便自己攞番出嚟参考，呢样都几大帮助㗎，吓，好重要吖。做卡片呢，呢个功夫，我谂好多人应该都有做㗎，读书人有做呢个卡片嘅功夫。
42.我的读书生活（六）
我比较中意去书店买书吖，睇书。啫系，你以前如果系去书店呢，就好容易撞到我。我中意嗰种感觉啦，好多书围住自己嘅感觉，因为佢俾你有一种动力，继续，诶……令你不断去增进自己、增值自己、自强不息、奋发向上、继续进取啦。我觉得见到咁多书呢，有一种动力，俾自己继续向前进步。咁我多数都系买书嘅，因为图书馆，我读书嗰段时间系有去，做嘢呢就比较少去，但系图书馆，我好少借书，系咪，诶……因为还，因为麻烦呢，还书呢？其实都唔系主要呢个原因。我买本书，觉得啫有一种系拥有嘅感觉，亦都觉得随时可以参考啰，吓，几时睇呢本书，喺个书架攞落嚟参考又可以。因为可能我个心系比较珍惜书嘅，所以啲书都系好新簇簇嘅，一本一本一本，甚至买咗十几廿年嗰啲书呢，睇过呢，都系新簇簇嘅。嗯……啫书店，俾人一种系快乐同开心嘅回忆吖。
43.我的读书生活（七）
我觉得王勃呢，喺个《滕王阁序》里便呢，有一句讲得几好嘅，佢话：“老当益壮，宁移白首之心？穷且益坚，不坠青云之志。”意思就系话呢，一个人如果肯奋发向上、自强不息，肯立志的话，如果佢想完成一个目标，其实唔关乎年纪嘅大细，只要有心，锲而不舍，不断去做的话呢，始终有日系会成功。我自己嚟讲呢，读书其实就唔系为咗功名利禄，系为咗读书而读书，纯粹为咗学问而学问。点样高，提高自己，令自己更加好好去做一个人，使到自己懂得明白是非，分别咩系正、咩系邪、咩嘢系啱、咩系错、所以求呢个学问呢，系非常之重要。犹如我哋佛教所讲，“广学五明”：工巧明、声明、医方明、内明、因明。你种种个学问都能够掌握，咁喺度众生方面嚟讲呢，就有好多嘅工具，好方便呢，去摄引众生，呢一点系非常之重要㗎。
44.我所知道的地藏王菩萨（一）
地藏王菩萨，我哋知道佢嘅大愿，所发嘅大愿“地狱未空，誓不成佛，众生度尽，方证菩提。”其实地藏菩萨又何尝唔系学似观世音菩萨一样大慈大悲呢？地藏菩萨真系每一个众生都唔会放弃。喺每日地藏菩萨，佢朝头早，我哋人间嘅时间呢，佢会打开法眼，个法眼一打开嘅时候呢，个心光就照出嚟，佛光就照出嚟，去照见恒河沙数咁多嘅世界六道嘅众生，而且系特别关心地狱道，睇下呢啲道路里便呢，有边啲受苦嘅众生呢，佢就喺个法身里便分一个身出去，去救呢啲众生。
每一道，只要有一个众生系有一点善根未埋没，佢都分一个身出去，嗰种慈悲真系冇办法用说话形容到出来。地藏菩萨你话以为佢系菩萨，其实喺我个修持当中，我感觉得到佢嘅能量、佢嘅法力同佢嘅功德，系一尊超级嘅大菩萨，亦都系佛。
45.我所知道的地藏王菩萨（二）
慈因积善誓救众生，手中金锡振开地狱之门，掌上明珠光摄大千世界，智慧音里吉祥云中，为阎浮提苦众生作大证明功德主，大悲大愿大圣大慈南无本师地藏王菩萨摩诃萨。
地藏菩萨其实佢嘅功德已经系成咗佛㗎喇，不过佢不舍弃众生，仍然心心念念众生，救苦救难，所以现出一个菩萨身。喺释迦牟尼佛圆寂咗之后，弥勒佛再来之前，现在呢段空白期呢，地藏王菩萨就系我哋娑婆世界嘅代教主。所以我哋每一个众生都唔可以忘记地藏王菩萨。
地藏王菩萨对我哋嘅恩德，真系无量无边。比如地震，地藏王菩萨同佢嘅眷属，一早已经去到现场去加持啲受苦嘅众生，去帮助众生脱离灾厄苦难㗎喇。
46.佛菩萨为何以云彩示现（一）
好多人唔明白呢，点解佛菩萨要用云彩嘅方式去示现，话俾我哋凡夫听，佢系存在呢？佢喺呢个空间里便加持我哋呢？好似令我哋睇旧云呢，要估估下，横看成岭侧成峰，咦？又好似观音菩萨㖞，又好似文殊菩萨，又好似六牙白象㖞，又似狮子㖞，人人睇都唔相同。因为呢，其实佛菩萨喺嗰个云彩同一时间嗰个空间里便呢，佢已经系现咗身出嚟，我哋凡夫肉眼所见嘅波长有限，红外线同紫外线我哋都睇唔到，佛菩萨嘅功能我哋又点样睇得到呢？所以佛菩萨为咗安慰我哋、加持我哋、满足我哋，增强我哋嘅信心，所以佢就用云彩嘅组合示现喺我哋眼前。有啲人呢，佢见到系菩萨，但系有啲人呢，可能见到嘅系佛，有啲人呢，可能见到嘅系天人，其实唔同嘅身相，可能都系同一尊菩萨，因为六道嘅众生福德因缘唔同吖嘛，佢哋所见到呢，诶，嘅境界亦都不尽相同吖，啫个果报唔相同，因唔相同，果报亦都会唔相同，所以用云彩嘅组合呢，其实佛菩萨示现系鼓励我哋个信心嘅，希望我哋知道有佛菩萨存在，喺度加持我哋，我哋千祈唔好退心喺菩提道上便。
47.佛菩萨为何以云彩示现（二）
有人话：“《金刚经》讲‘凡所有相，皆是虚妄。’”我哋如果将佛菩萨现身呢啲云彩嘅形状拍落嚟，又话系观音菩萨，又话系文殊菩萨，咁会唔会又过于执著呢？其实呢个问题，我觉得唔应该由我哋去答，系由佛菩萨去答，因为佛菩萨现出嚟嘅相，系佢现嘅，唔系我哋叫佛菩萨现嘅，当然里便有一定嘅密意，我哋凡夫嘅思想系了解唔到。我谂最主要嘅原因呢，就系佛菩萨希望增加我哋修行上嘅信心，令到我哋信心、菩提心唔好退吔，俾我呢个鼓励，一个加持。我哋睇下呢个《观无量寿经》里便呢，就讲得好清楚，修呢个十六观，观极乐世界种种嘅依报庄严，观佛身，诶，西方三圣阿弥陀佛吖、观世音菩萨、大势至菩萨，呢个身相嘅相好嘅庄严，呢啲又唔系执著相咩？何尝唔系执著？其实系叫我哋一种执著，令到现生，我哋眼前所见到嘅就系一个清净无染嘅世界，一个清净无染嘅西方净土，其实系由“有相”入“无相”嘅步骤，我哋凡夫唔可以一下呢，就直接进入个空性，所以呢个执著，系善嘅执著，系正嘅执著，我哋系唔需要担心嘅，喺经文里便都有呢个修法去教我哋咁做嘅。
48.佛弟子转世人间（一）
《大佛顶首楞严经》明确授记，喺当今末法嘅时候，一定会有大菩萨同大阿罗汉用人身转世去补救佛法嘅断层，带领受苦众生出离魔网，阻碍魔力魔风，唔好俾佢哋过于猖獗。佛陀圆寂之前，为咗以后有缘众生接引化度，佛陀仲殷勤咐嘱十六大阿罗汉以大禅定嘅功夫住世留形，一直唔取涅槃，时时处处多番方便利益众生，令到所有众生离苦得乐，得到解脱。
49.佛弟子转世人间（二）
我哋千祈唔好迷恋人间吖，今生一定要尽快醒觉，去往生极乐世界，离开呢个受苦嘅世界，先解脱，然后修成果位呢，再返番嚟呢个受苦嘅世界，先去帮助其他嘅众生。其实我哋入胎之迷呢，使到我哋忘记咗好多事物，有好多人佢前生根本已经系修行过，只不过出胎入胎呢，受嗰个业力障隔咗。今生一出胎嘅时候，有呢个肉体呢，慢慢长大，自然就会受呢个财色名食睡所熏陶同污染，咁修行就会忘记咗。其实佢根本就系一个修行人，佢前生就可能听过佛陀讲经，亦都或者供养过无数嘅诸佛，好多人嘅前生都有呢个善根、有呢个经历。但系由于受咗呢个欲望所污染，就觉得自己好污秽，会觉得自己：我点会供过佛吖？我点会跟佛修行过？其实系真相嚟，好多人都久植善根，否则今生系冇办法接触到佛法㗎，所以一定要珍惜，珍惜我哋眼前嘅佛法。
50.念珠被净化后法力可以持续多长时间（一）
呢个问题问呢，新请番嚟嘅佛珠呢，点样净化？同埋呢，念咗咒加持咗佛珠之后呢，嘅法力可以维持几耐？净化呢，其实嘅方法呢，就系你自己呢，就持咒，攞个念珠返嚟，因为你请返嚟嘅时候可能有其他磁场污染嘅。
咁念咩咒呢？念你自己最纯熟，平时念得最多嘅咒，咁个力量应该系最大。咁念几多遍呢？最少我谂都要念108遍嘞，咁将念个珠净化咗佢，令到个磁场清净番，你就可以平时日常，诶，用嚟作为修持之用。但系有一样嘢要好重要，千祈冇俾其佢人掂，一掂咗之后呢，会污染嘅，因为法力会有高低嘅，如果对方磁场大嘅，强的话呢，会盖过你个磁场。其实唔系，唔关事嗰个咒力嘅问题，个咒嘅功德系好大、力量好大，不过你念嘅人发唔发挥得到佢力量出嚟呢？犹如你一把切水果嘅刀系好利嘅，你识不识用吖？如果你唔识用或者用得唔得法的话呢，会甚至鎅损自己条，诶，只手添。所以呢，最重要就系话呢，唔好俾人掂嗰，嗰个佛珠，平时呢，就将个珠呢，就摆番响个佛坛度，啫到夜晚瞓觉之前摆番个佛坛度呢，而接受佛菩萨嘅加持，咁就最好㗎喇。
51.念珠被净化后法力可以持续多长时间（二）
被加持咗个念珠，法力可以维持几耐呢？当然要睇下系咩人念啰，唔可以一概而论。如果系得道嘅圣人去加持一串念珠，比如佛陀加持、菩萨加持，或者阿罗汉去加持嘅，当然呢，系非常之长久嗰个力量啦，甚至一生一世、多生多世嘅力量都汇聚喺呢个念珠上面嘞。如果系高僧加持的话呢，嘅力量同法力一定会比普通修行人大好多，如果我哋普通人去喺个念珠上面加持念咒嘅，嘅法力就会有机会散失，并不能保一生一世。所以我讲过就系话，最重要你加持咗串念珠，净化咗之后呢，唔好再给俾任何人去摸，亲人都唔好摸，因为每一个人呢，有唔同嘅磁场吖，比如食肉嘅人佢嘅磁场呢，摸咗个念珠之后呢，会污染。因为你唔知系咩人嚟嘅，佢本身个人系好吖？系坏吔？故此呢，佢嘅磁场呢，都会沾染咗个念珠上面。所以呢，每日就最好呢，将佢呢，放喺佛坛，俾佛菩萨去加持，咁到第二日呢，你就攞番出嚟用，戴喺手上，咁呢，个法力呢，就可以呢，维持，亦都个珠呢，得到被净化。
52.念珠被净化后法力可以持续多长时间（三）
念珠净化系好重要㗎，因为你请串念珠返嚟呢，你请返嚟系对于你嚟讲系新嘅，但系你摆喺个商店嗰度呢，好多啲客人摸过吖，掂过，个磁场就已经系污染咗，其实个念珠。咁买返嚟嘅时候，我哋可以做一个三日净化念珠嘅仪式，点样三日净化念珠仪式呢？首先我哋将我哋最熟嘅咒，念得最多嘅咒加持喺个香嗰度，加持喺啲香粉吖，或者盘香嗰度，念几多次呢？最少你念49次，加持个香，咁你喺早晚做功课嘅时候呢，我哋将串念珠，就攞啲香呢，熏嗰串念珠吔，点著加持咗个香去熏嗰个念珠，连续去做三日，三日之后呢，你就先攞呢串念珠呢，爱嚟作为修持，咁呢个系最简单用香去净化念珠嗰个仪式嚟㗎，所以呢，你净化与唔净化呢，系有个分别嘅。
仲有一个问题就喺念珠上便，有机会有灵界附著喺上边，你更加须要去净化，因为有啲灵界会附喺，诶，啲珠上面，特别啲水晶珠吔，嗰啲石头类嗰啲念珠系，系会附上去。
咁用念珠同唔用念珠嘅分别系在于边度呢？用念珠念佛或念咒呢，嘅功德系大好多嘅，用菩提子珠，我已经讲过啦，系有无量无边嘅功德，呢个就系个分别嘞。
53.念珠在应用上必须注意的事项
嗯……呢题题目都好多人问嘅，就系话呢，念珠系以边只材质嘅念珠个功德系最大，啫用边一只念珠系功德最大？同埋就话念，用念珠有冇讲究呢？咁我简单嚟讲一讲呢就系话，念珠佢有分开，譬如话好多材质啦，水晶吖、玛瑙吖、珊瑚吖、琥珀吖……个水晶里便又有茶晶吖、烟晶吖、粉晶吖、白水晶吖……诸如此类啦。咁但系问题呢，如果讲功德嚟讲呢，系以菩提子嘅念珠嘅功德就系最大嘅，无量无边。咁个菩提子里便又分开凤眼菩提吔、星月菩提也、天台五间菩提……总之乜嘢菩提都好啦，以菩提子念珠嘅功德系最大。咁用念珠呢，有一点系最重要呢，我提出嚟讲呢，就系话，诶，要讲究一下，就系话，当你念到嗰个佛珠个珠嘅头嘅时候呢，千祈唔好穿过佢，你将佢返番转串念珠呢，再重新开始过，原因系点解呢？因为个念珠嗰个珠头呢，就代表阿弥陀佛㗎，吓，咁嗰个念珠穿珠嗰条绳呢，就代表观世音菩萨，所以唔好穿过个念珠嘅珠头。
54.五眼六通的修学
瑞典嘅科学家已经可以利用高科技嘅仪器拍摄到物质内部电子运动嘅形态，电子呢，系我哋凡夫肉眼睇唔到嘅。原子之中嘅电子一直喺度运动、震动，排列组合亦都不断喺度变化，不断形成新嘅原子、分子、新嘅物质，呢个就系佛陀当日教导“无常”嘅道理。万事万物不断喺度更新变化，冇永恒嘅常态，一时起一时落、一会合又一会散、一阵喜又一阵悲。所以佛陀教导我哋慢慢学习放下自我同身边嘅一切，呢啲都系生灭嘅法，只有我哋嘅佛性先系不生不灭嘅。“电子”，喺当日佛陀说法嘅时代，佛经之中翻译叫做“尘”，即系细到好似一粒尘咁嘅意思。佛陀一早已经了悟咗宇宙当中嘅真相，佛眼就可以清楚洞明一切，所以佛陀可以讲出宇宙嘅真相嚟教导弟子放下一切执著，唔贪恋红尘，心清意净，我哋嘅心眼就可以开启。严守佛制嘅禁戒去修行呢，断淫离欲，咁样天眼、慧眼、法眼、佛眼就可以得证，观我哋嘅身心同埋所有世界，就好似掌中嘅庵摩罗果一样清楚无疑。神通呢，系以般若同大智慧为体嘅，唔系用妄心可以去求得，所以首先呢，就要发大菩提心，以大慈悲心去利益一切众生，慢慢学习放下，经过苦修，心胸就能够容纳宇宙嘅万物，六种神通不求呢，就自得㗎嘞。如果用妄心去求暂时嘅灵通，唔修根本呢，只会著魔作孽、自误误人，我哋必要谨守呢个心法，咁我哋嘅心先能够活泼自如，自由自在嘅。
55.他心智证通
他心通唔能够乱用嘅，因为乱用他心通等于犯咗偷盗戒，因为未得到别人嘅同意呢，你随便去读人哋嘅心念，不问自取，就等于犯咗偷盗嘞。他心通可以用于了解别人嘅心念，喺某啲特殊嘅情况之下可以运用，比如你喺讲法嘅时候，希望了解信众当时佢哋嘅心情系点样，就可以更好呢，令到对方接受佛法，呢个系一个例子。他心通亦都可以通于人以外动物嘅想法嘅，可以同动物去沟通、交流，大家互传心意，明白到动物佢哋嘅苦乐感受嘅。
56.阴眼
阴眼呢，好多人天生就有嘅，唔须要经过修炼就可以见到鬼嘅，但系有一类人呢，佢唔系天生有阴眼，佢点解会有呢？就系经过大病，比如发高烧之后呢，好番，咁吖突然间可以见到鬼吔，有阴眼。有一类呢，就经过系，个意外吔，经历咗啲意外譬如话，气车撞到，撞亲个脑，咁好番之后呢，佢又可以见到鬼㖞，又出现咗阴眼嘅功能。好多人呢，就系将天眼同阴眼呢，就混淆咗，佢哋唔明白，阴眼只可以见到鬼，唔可以见到神，唔可以见到仙，但系天眼就唔同，天眼呢，就可以见到神嘅、见到仙嘅，吓。阴眼呢，有一样嘢呢，就系个功能唔受自控嘅，啫自己控制唔到，比如啲鬼类就混喺人群当中，你一眼望去嘅时候呢，就自然见到嘞。有阴眼嘅人，佢唔会话，吖，我唔想见呢，就见唔到，唔得嘅，唔受自控。但系天眼呢，相比较呢，就随心所欲，我中意见就见，唔中意见就唔见，呢个呢，就系一个分别，但系好多人唔明白。咁另外有一类嘅阴眼呢，就系灵媒嘅阴眼，由于有灵界附身呢，系暂时个灵界力量令到佢见到嘅。
57.天眼
天眼呢，其实系人个脑里便内分泌系统嗰个松果腺嘅功能重新再活跃，咁就恢复番呢，超乎肉眼嘅视觉，就谓之“天眼”。譬如呢，我想，诶，睇十里以外嘅地方，你用天眼睇呢，都系非常之清楚，但系肉眼就唔得嘞，呢样。咁譬如话，夜晚黑嘅，黑黑嘅路，我哋肉眼根本就睇唔到，但系天眼呢，见到夜晚呢，好似见到日头一样嘅，佢唔受呢个黑暗所，诶，拘限嘅，都可以见到。仲有天眼呢，有个透视嘅功能嘅，譬如话个箱里便装咗啲乜，唔须要打开个箱，你望一望呢，就知道佢里便系乜。天眼亦都可以见到正神，亦都见到佛，见到菩萨，阴眼就唔得㗎喇，阴眼只系可以见到鬼嘅啫。咁有一类呢，假嘅天眼呢，其实呢，就系话，诶，阴眼嚟㗎，啫个灵界嘅眼系阴眼嚟，譬如你好简单，嗱，你试一试佢，打开本书，随便揭一页，你问佢：“呢一页书里便第几行嗰句说话系乜嘢？”你叫佢讲出嚟，如果讲得到出嚟，都未必一定系天眼，但系有机会系天眼，但系阴眼通常就系做唔到，因为点解？阴眼冇透视嘅功能，绝对讲唔到俾你听究竟呢一行系咩字嚟嘅。
58.慧眼
我哋讲一讲“慧眼”，“慧眼”系咩意思呢？就系大智慧到彼岸所得到嘅眼睛，“慧”系简称嚟嘅，啫“智慧”。梵语“般若波罗蜜多”，中文就叫做“大智慧到彼岸”，由生死嘅此岸到达涅槃嘅彼岸，解脱生死，证得空性，就谓之“般若波罗蜜多”，所以慧眼呢，就能够观空，证得空性。慧眼就系阿罗汉同埋辟支迦佛，二乘嘅圣人呢，所得到嘅眼睛，佢可以照见诸法都系一个空性嘅。嗱，我哋举个实例吔，譬如眼前呢一个电话，又胶吖、又玻璃吖、又金属吖，啲电子零件所组合，罗汉嘅慧眼呢，就能够观察到呢个电话都系由各种因缘聚合所生，缘生缘灭，所以罗汉见到诸法、万事万物都系缘生缘灭，佢就唔会再生起一个执著嘞。包括我哋人嘅身体，由十二因缘，诶，嘅原理去入胎，嘅流转门去入胎——无明缘行、行缘识、识缘名色、名色缘六入……咁样一步一步一步咁入胎，罗汉就观察到呢个入胎嘅实相好清楚，所以佢就能够放下个我执啦，故此呢，慧眼就能够观诸法嘅空性，而脱离一种执著，得到解脱，就谓之“慧眼”。
59.法眼
咩叫做“法眼”呢？“法眼”系初地菩萨所拥有嘅观察能力。咁呢，爱嚟观察呢，诸法种种嘅法门，同埋呢，观察呢，呢个众生适合咩法门去度化嘅。我哋举个实例吔，譬如菩萨用法眼去睇一睇呢个众生，咦？佢多生之前原来修过大悲心陀罗尼个法门嘅㖞，咁我就应该用大悲心陀罗尼去度佢嘞。咁再睇落去的话，究竟咩叫做“大悲心陀罗尼”呢？再睇，哦，原来“大悲心陀罗尼”呢个法门呢，系千光王静住如来，一尊古佛，教俾千手千眼观世音菩萨嘅㖞。咁呢，呢个法门又点修呢？再用法眼去观察，哦！原来个过程系咁修，咁菩萨就开始学习呢个法门，学咗之后呢，自然就可以用呢个大悲心陀罗尼个法呢，去度呢，呢位众生嘞。咁所以法眼嘅功能呢，系可以观察诸法究竟呢，点样生、点样灭，啫亦都可以同罗汉个慧眼一样呢，啫观察呢个法嘅空性，亦都可以知道呢个法嘅来龙去脉点样修，进而去帮助众生，亦都知道种种众生嘅机情，嘅根基，咁呢，呢个就系菩萨所拥有嘅法眼，一地、二地、三地、四地，直至成佛，一步步增强上去，破一分无明，见一分佛性，得一个更高嘅法眼。
60.佛眼
佛眼呢，嘅功能系最强大同最圆满，佢具足肉眼、天眼、慧眼、法眼全部嘅功能。其实佛眼呢，系我哋心性原本嘅展现，亦即系“大圆镜智”，呢个“大圆镜智”呢，系佛嘅智慧嚟嘅，好比一块光亮嘅镜，无物不照、无事不鉴，任何嘅人与物喺个镜前便呢，都知道系咩嘢嚟，但系当个人离开或者个物件移走的话呢，个镜呢，仍然系保持系光亮，乜嘢事情都冇嘅，完全唔会执著，系“空性”嚟，呢个就“寂而常照”“照而常寂”嘅境界嘞，嗱，我哋举个实例啦，譬如中国有二十三个省，每个省有一万人，佛眼可以喺同一个时间里便知道呢二十三万人嘅心中系谂紧啲乜嘢，系同一时间㖞！所以佛眼嘅功能系非常之不可思议，用我哋凡夫嘅想念系完全冇办法测度到佛眼嘅境界有几高同几深嘅。呢个佛眼嘅境界呢，系最圆满嘅，系成佛先具有，比起慧眼同埋法眼同埋天眼有过之而无不及。
61.《首楞严经》的研究方法
研究《楞严经》呢，一开始呢，我哋呢，就将整部经文通读一次先，务求呢，喺个识田里便呢，留下一个印象，明白几多唔紧要嘅，吓。第二步呢，就系呢，揾一部，诶，近代或现代嘅高僧或者大德居士嘅解释，务求掌握《楞严经》整部经嘅纲领同埋意思。第三步呢，就嚟一个对读，揾高僧大德同埋居士嘅比较权威嗰啲嘅解释，譬如话有五部嘅解释，我五部摆晒喺度，首先揾一段经文嚟讲，跟住五部嘅解释对呢一段经文系点解呢，咁我首先要了解嘅经文，如果唔明唔紧要吖，跳过佢，可以继续落去，当然明嘅时候呢，一步一步一步按步就班当然系最好啦。跟住再嚟呢一步呢，就系话，你喺对读里便你发现，边一本解释你系最心仪嘅、最喜欢呢，就攞，攞呢一本解释自己重新由头到尾再睇一次，咁经过呢几个步骤之后呢，你对《楞严经》呢，应该会掌握咗佢嘅纲领同埋好深嘅印象嘞，应该，但当然仍然会有啲唔明。咁呢我哋喺读经嘅时候呢，我哋加上要背诵经文同埋或者背诵楞严咒吖，咁时时将啲经文或者咒语喺心里面默诵就会得到加持同埋消业障，日子有功之后呢，随住你睇《楞严经》嘅时候呢，好多你唔明白嘅嘢都会豁然贯通嘅，所以呢几步系好重要。
62.护持《金刚经》两尊金刚的说明
喺坊间嘅《金刚经》版本当中呢，我哋可以见到喺经文之前呢，有呢个奉请八金刚同四菩萨嘅名号嘅，吓，好多版本都有嘅，呢个八金刚同四菩萨呢，就系发愿护持我哋念诵《金刚般若波罗蜜经》嘅修行人。但系现在我提出来要讲嘅呢，就系话，喺呢个八金刚里便呢，其中有两尊金刚，诶，一般嘅版本，坊间流通嘅版本呢，就系“定持灾金刚”同埋呢个“赤声火金刚”嘅。如果我哋考证呢个房山石经同埋敦煌遗书呢，呢两尊金刚呢，嘅名号呢，就有啲唔相同。“定持灾金刚”呢，喺遗书同埋石经里便系“定除灾金刚”，“赤声火金刚”呢，系冇有“火“字嘅，净系“赤声金刚”。所以由呢个考证呢，我哋会发现到坊间嘅版本呢，可能存在咗有一定嘅错误，但系呢，我哋如果照坊间嘅版本，照样去念诵“赤声火金刚”或者“定持灾金刚”，有冇问题呢？其实一样呢，感应非凡，啲金刚一样会嚟去护持我哋，功德无量，亦都唔使去担心呢个问题嘅。
63.读诵及抄写焚化《金刚经》的问题
读诵《金刚经》呢，需唔需要读嗰“三十二分”嘅题目呢？系唔需要嘅，因为根据梵文嚟讲呢，根本就冇呢“三十二分”喺度。呢“三十二分”呢，系中国梁朝昭明太子为咗我哋后人方便去理解吔，咁将啲经文呢，分开“三十二分”，吖，呢段经文系说乜嘅，呢段经文系说乜嘅，吖，“法会因由分”“善现启请分”……咁一分一分去分落去。我哋如果念诵经文嘅时候呢，就直接跳过呢啲分数嘅题目，唔需要念就得㗎喇。另外一个，诶，《金刚经》嘅问题呢，就系话，抄写呢个《金刚经》呢，需唔需要呢，回向俾啲祖先嘅时候呢，喺佛前焚化？系唔需要焚化嘅！因为念咗经文嘅时候呢，个功德已经存在，喺佛前嗰度简单回向你嘅心愿就可以吔，千祈唔好焚化啲经文。因为呢，焚化时候呢，啲经文嘅灰呢，飞到通度都系嘅时候呢，变咗踹到吖，或者唔知点样呢，就亵渎到啲经文嘅灰，咁个罪过呢，就归抄经嘅人。除非嗰本经呢，就烂到呢，好厉害，不乎再应用呢，咁我哋呢，就要按印光大师所教个方法去焚化，平时呢冇，冇必呢，要千祈唔好焚化啲经书。
64.解答“南无阿弥陀佛”的读音问题
呢个问题好多人都争论咗好耐，究竟念“南无阿（a）弥陀佛”啱呢？定念“南无阿（o）弥陀佛”啱呢？究竟系念“阿（a）”定系念“阿（o）”呢？我自己嚟讲呢，就念“阿（o）”嘅，因为我师父最初教我嘅时候呢，都系念“阿（o）”嘅，如果佛陀系全知者的话，阿（o）弥陀佛系全知，佢已经成咗无上正等正觉，乜嘢都听得明，乜嘢都知，你念“阿（o）”又好，“阿（a）”又好，其实都无伤大雅，我觉得都可以。但系如果根据梵语嘅考证的话呢，“南无阿（o）弥陀佛”或者“南无阿（a）弥陀佛”呢，嘅梵语，就系“Namo Amita-Bhddha”，“Amita”如果正规嚟讲应该发“阿（a）”嘅，就“阿（a）弥陀佛”先系啱嘅，吓，如果按梵语嘅考证。但系呢，诶，譬如一个咒嚟讲，好长嘅咒，你有少少发音唔系太正确，有几个字呢，都系冇问题，啫唔会太大影响个咒嘅效力啰，如果个咒嘅，咒系短，譬如六字大明咒“Om mani padm hum”嘅，啲字系少嘅，如果你个个字发音都唔准的话呢，就会真系影响个咒嘅效力嘅，所以唔需要再争论话“阿（o）”定系念“阿（a）”㗎喇。
65.《大悲忏》当中偈语的错误
呢个问题呢，以前我喺文章里便都讲过，吓，现在提出嚟，再提醒一下大家，就系，喺呢个《大悲心陀罗尼经》里便记载呢，就有六组十二句嘅偈颂，但喺坊间流行嘅，诶，忏本吖，《大悲忏》里便吖，多数都系唔啱嘅，都系错嘅。咁呢，如果佢真正嗰个版本嘅，诶，《大悲心陀罗尼经》嗰个偈颂系点嘅呢？佢话：“我若向刀山，刀山自摧折；我若向火汤，火汤自消灭；我若向地狱，地狱自枯竭；我若向饿鬼，饿鬼自饱满；我若向修罗，恶心自调伏；我若向畜生，自得大智慧。”嗱，呢个就系啱嘅版本。咁错嘅版本呢，就系中间嗰两句，佢就话：“我若向火汤，火汤自枯竭；我若向地狱，地狱自消灭。”啱啱就同原版个倒转咗，所以希望大家以后印呢个《大悲心陀罗尼经》吖，或者《大悲忏》嘅时候，就一定要留意呢个问题，睇下你，诶，根据嗰个版本个偈有冇错，如果错呢，就一定要改正番过嚟吔。
66.晚上不能读诵《地藏经》的说法系错误的
我谂呢个讲法呢，以讹传讹咗好耐，唔系呢，就唔会咁多人重复去问我呢个问题，咩问题呢？就系夜晚唔好去念《地藏菩萨本愿经》。点解夜晚唔会念《地藏菩萨本愿经》？因为话夜晚阴，你一念嘅时候呢，就好多灵界、好多鬼类搞到你念经嗰个地方，譬如间房，吖，好多鬼嚟集中，就好阴吖，念经嘅人又出现头晕吖、个身软晒吔，诶，又有时会话想呕吖、想屙吖，呢啲唔舒服。其实就根本与呢啲唔关系嘅，你身体唔舒服，将念呢个《地藏经》呢个，诶，将佢扯埋一齐呢，以为系有关连呢，系冇必要。其实你念边一本经呢，都有灵界嚟嘅，何止念《地藏经》，你念《金刚经》吖、念《普门品》吖，甚至念大悲咒，啲灵界有鬼类吔、有阿修罗吖、有罗刹吖，甚至有天人嚟随喜，完全都唔出奇嘅，嚟听我哋诵经，就算啲鬼类嚟呢，其实唔会伤害我哋嘅，点解我哋净系一条线去谂有鬼类嚟，我哋唔谂有天神嚟嘅？我哋唔谂念《地藏经》嘅时候有好多护法，随喜《地藏经》嘅护法去保护我哋？因为如果啲灵界，我哋念经去干扰我哋作障呢，护法系唔允许嘅，所以一定要有信心。如果你念经唔舒服，嗰个灵界可以干扰到我哋作障呢，系必定有一个因果存在先会发生呢个问题嘅。
67.选择有缘密法修学
学习密法最重要就系对机，按自己适当嘅根机选择有缘嘅法门去修，就能够修到事半功倍嘅效果，千祈唔好贪求学大法，或者贪求呢，去学神通，咁样就会制造好多烦恼同障碍。印光大师都讲过啦，修习密法千祈唔好贪即身成佛，如果成日谂住即身成佛，又或者修密法容易发神通呢，呢个发心嚟讲呢，再加埋唔守戒律，最重要就系唔守戒律，就好易出偏差同著魔。喺《首楞严经》都讲过，释迦牟尼佛开示好清楚，我哋修行三大纲领，边三大纲领呢？“戒、定、慧”，因戒生定，因定发慧。如果唔守戒，因地不真，发心不正呢，唔系真系发呢个大菩提心吖，去修持佛法，即身成魔就好容易，即身成佛就难上加难吖。
68.持咒的发音问题
念咒方面呢，如果念到古梵语，当然最好啦。咁我建议初学念咒嘅人呢，如果佢系，啫未先入为主吔，最好就学梵语先，吖，用梵语念咒，就好多音佢能够掌握得到呢，咁个发音标准呢，个灵验度呢，相反系增强。当然我喺以前文章里便都讲过话，你发音系准呢，只不过系一个助缘，其他令到个咒呢，产生灵感呢，有好多种种嘅因素吖，嗱，我哋见到，诶，古代到而家好多大师，你试下去统计，啫唔须要话点样科学去统计吔，有几多人去念梵语吔？大部分都用番自己嘅方言去，去念个咒，但一样产生灵验，点解呢？因为道行嘅问题吔。特别我成日强调“戒定慧”嘅“戒”，戒律，守戒律，守戒律呢，自然护法神就会帮你㗎喇，同埋念个咒呢，所谓“道高龙虎伏，德重鬼神钦”，自然就会发生灵验嘅。咁当然我哋唔可以否定梵语嘅力量啦，念到梵语呢，就绝对系最好，但系初学嘅人呢，如果唔能够念梵语呢，就用番师父教你嘅口音去念都可以㗎，吖，一样有好大嘅加持力。
69.持咒需要注意什么
持咒嘅数量重唔重要呢？系相当重要吖！比如有啲人呢，佢发心，吖，我闭关持某一个咒，我持五十万。咁如果你一旦发咗愿之后呢，你中途呢，就千祈唔好停，你唔好话，我持十万、二十万，之后呢，我就停咗。譬如话停几个月，再接做落去，咁样唔得嘅，个法力同埋功德呢，亦都接续唔到嘅，如果你中途打断，就变咗前功，诶，尽废，要重新呢，再持过，中间千祈唔好断。咁呢，譬如话密宗里便嘅息灾吔、增益吖、怀爱吔、降伏吖、诛灭吖、钩召吖，种种呢啲事法呢，某一个咒呢，你一定要持满数量呢，先能够发挥到佢功效出嚟嘅。咁一般基本嚟讲呢，我哋每一个咒嚟讲，最少你先持十万作为一个小基础，十万系好少咋，唔系好多㗎，作为一个咒嘅基础，慢慢打上去，慢慢打深啲，再继续持二十万、三十万、四十万，直至一百万、二百万，咁样持上去呢，你个心呢，越持呢，就开始越顺，妄念越少，越专一，咁呢，变咗个功效呢，就越嚟越大嘅。
70.我用什么音念大悲咒
有啲人问我念咒呢，系用咩么音吖？咁师父教我大悲咒嘅时候呢，我系用粤语念，啫佢用粤语教我，咁所以我跟佢念大悲咒呢，都系用嗰个粤语吔，一直念到而家㗎，咁断断续续，唔经唔觉呢，都念咗卅几年，都唔算短嘅日子吔。总，总结我自己念咒嘅经验呢，其实一切，我哋话，诶，念咒有咩灵验呢？点样要灵验呢？其实我觉得一切都系念咒嘅助缘嚟嘅，比如清净嘅传承啦、你念梵音啦、食素啦，诶，净身吖、净口吖、持咒嘅数量吖，或者呢个系，诶，串念珠吖，具备殊胜嘅念珠，念珠好吖、坏吖，你用咩念珠，或者你著唔著法衣吔，呢啲外在嘅助缘，去促使你去念咒，都系一啲助缘嚟。但系归根，诶，到底嘅主因嚟讲呢，最重要最重要，我觉得系要发个大愿，大愿系最重要嘅，同埋呢个发呢个，诶，大菩提心，我时常都强调，同埋特别特别就系我成日讲嘅持好戒律啦，戒律就系真系排第一位，其他嘢唔使讲，一定要做好戒。
71.莲师咒讲解及发音要点
念诵莲师咒啦，嘅功德当然无量无边啦，因为莲师亦都系，诶，阿弥陀佛嘅化身，所以嗰个佢嘅根本咒吖，啫等于佛部嘅咒，系佛嘅咒嚟。如果我哋跟西藏嘅上师去念呢个莲师咒呢，佢哋通常最后将莲师嗰个种子字嘅发音“hrih”，咁佢哋呢将佢念咗做“舍”嘅，因为我哋知道西藏文呢，系由梵语去变过去、改过去，所以一改嘅时候呢，啲音一定有，有走样嘅，特别呢个种子字呢，用拉丁文，诶，啫英文拼出嚟，“h-r-i-h”，个“h”最后嗰个系半音嚟嘅，“h”，啫有个“h”，“h”音，但系就唔系完全发嘅，嘅“h”音嚟嘅，“hrih”，有一个少少嘅吐气音，但系如果你发“舍”都可以嘅，你系跟西藏嘅上师去念诵，跟番上师嘅口音念，嘅加持力一样都系好大，因为你发唔到“hrih”，嗰个，诶，音。个根本咒呢，就系呢个：Om ah hum vajra guru padma siddhi hum hrih。
72.大白伞盖咒在施食中的应用
听下外边啲雨声，出便落住好大雨吔，通常遇到呢咁嘅情况呢，就我施食嗰阵时，首先会念呢个大白伞盖咒先，咁你念大白伞盖根本咒吖，或者念大白伞盖坚甲咒都可以，个作用系咩呢？等于我文章里便都有讲过，就系话，修呢个大白伞盖法，念咒嘅时候呢，观想个大白伞盖佛母嘅种子字呢，“唵”，“唵”字呢，就变成佛母嘅伞盖，遮住啲灵界吔，遮住啲鬼类，等佢哋喺饮食嘅时候呢，唔怕俾啲雨溚到。咁你会话：“咦？啲鬼类，都唔系人咯，冇咗身体都会怕雨嘅咩？”佢冇咗个身体，不过问题呢，佢嗰个灵觉吖，比人吖，仲强好多倍，冇咗个身体嘅约束吖，所以其实佢哋都系有一种呢啲感觉嘅执著，咁你变一把好大嘅伞去保护佢哋、遮住佢哋，佢喺个伞下边呢饮食，就好安心嘞，好安全，亦都好舒服。呢个系落雨嘅时候我做施食之前就必修嘅，就念呢个大白伞盖咒。
73.孔雀明王心咒密义
“Om mayura krante svaha”，“Om”就系一切咒语声波嘅总源头，“Mayura”就系孔雀，“Krante”，不能够超越，“Svaha”系功德圆满嘅意思。所以孔雀明王呢个心咒就系意思就系话：所有世间一切，正嘅咒、邪嘅咒；所有嘅法，正嘅法、邪嘅法，都唔能够超越孔雀王嘅法，都唔能够超越孔雀王嘅咒愿。所以你念呢个孔雀明王嘅心咒，所有嘅邪咒悉皆被绑，悉皆被破，冇嘢能够超越得到孔雀明王嘅法，就系呢个心咒嘅意思。所以我就建议大家每一日都念诵呢个心咒，去饮孔雀明王嘅法水，强身同埋治病，化解自己身上所有嘅诸毒，亦都能够布施个水俾给其他人呢，去利己利人。呢个咒语，唔好睇佢哋系少少几个字，就系呢少少几个字嘅功德，已经系无量无边，因为系大日如来所传下嘅佛咒。
74.孔雀明王心咒化除诸毒
孔雀明王心咒呢，佢嘅功德系非常之伟大嘅，呢个心咒可以化解晒世间所有嘅大小诸毒，孔雀可以食尽所有嘅毒，而令到佢嘅羽毛更加亮丽。一切嘅病就等于系毒啦，吓，我哋嘅内心无形嘅贪瞋痴又系三毒，我哋三毒化解，就能够成佛，所以修持呢个孔雀明王心咒呢，可以食尽我哋嘅外毒同内毒，呢啲毒化解咗之后，我哋就能够证果，所以呢个咒呢，我哋要不断持落去，日子有功，自然呢，慢慢就会发生效力。同埋持诵呢个咒，我哋唔好设一个门槛喺里便，话需唔需要灌顶吖？需唔需要有人传吖？当然有师父传俾你呢，功德会大，但系冇师父传，一样可以念，普通人都可以念，我哋要将呢个咒普传出去，因为现在呢个世间呢，太多毒，人心又变坏，孔雀明王法同孔雀明王心咒呢，正系对治而家当今末法时期众生嘅所有弊病，应该要将呢个咒去普传嘅。
75.孔雀明王法的微妙功德力
有啲师兄呢，听咗我讲法或者念咒嘅声音之后呢，佢哋出现屙吖、呕吖或者头晕吖，呢啲种种好似身体唔舒服嘅现象，我话俾你听，系唔使担心，呢个系排毒嘅反应嚟嘅。因为呢，我哋修孔雀明王法嘅人呢，嘅咒音里便呢，会传递到孔雀明王咒嘅功德嘅信息，你听咗入耳嗰度呢，自然就吸收咗入个身体嗰度，或多或少呢，都会有反应，各个人嘅根器同埋机缘唔同，佢嘅程度嘅深浅呢，就每个人呢，都不尽相同。所以如果你听咗，吖，我念咒或者讲法嘅声音之后呢，你突然间对于肉食唔想食嘅，吖，想戒肉嘅，或者想戒烟吖，突然间好唔想饮酒吖，以前明明系好中意饮酒，一听咗之后呢，你自然戒除，咁就系真系一件好好嘅事情嚟，唔须要你去刻意去戒，所以呢，我哋修持孔雀明王法呢个咒嚟讲呢，就有呢啲微妙嘅功效同埋功德。
76.六字大明咒
六字大明咒呢，我细细个嗰阵时跟师父学，啫一开始学佛嘅时候，佢都已经教我念呢个六字大明咒。六字大明咒喺西藏就家喻户晓，我谂好少西藏人系唔识念六字大明咒，嘅发音吖，“唵嘛呢叭咪吽”，咁“唵嘛呢叭咪吽”呢，就藏文嘅发音，如果梵文呢就“Om mani padme hum”，其实，佢系相差无几嘅，都唔争好多。有啲人话：“我念藏文好吖？定系念呢个梵文好？”其实都冇乜太大关系嘅，我相信观世音菩萨都会听得明白，不过呢，就如果你念埋个观世音菩萨嘅种子字呢，亦都系阿弥陀佛嘅种子字，啫嗰个“hirh”，“hirh”，咁呢，西藏就念“舍”嘅，啫变咗音，变咗个“舍”，其实梵文就“hirh”，“Om mani padme hum hirh”，咁呢个功德更加无量无边，更加大。六字大明咒有个好特别嘅功能，就系话，你念六字大明咒呢，你嘅身上嘅尘吖，有风吹过，如果吹喺任何一个人嘅身上，你唔识佢都好，你喺街嗰度行呢，佢都能够种下成佛嘅种子㗎。
77.文殊师利大菩萨八字最胜大威德心真言
文殊师利菩萨八字最胜大威德心真言：Om a vi ra hum kha ca rah。或者呢，你可以发，诶，后边呢个加埋个“dhih”，“dhih”，呢个“dhih”系文殊菩萨嘅种子字，你可以咁念：“Om a vi ra hum kha ca rah dhih”，咁样念都得。加埋个“dhih”呢，就功德比较更加大，Om a vi ra hum kha ca rah dhih。
78.文殊师利大菩萨五字真言解密
念诵文殊师利菩萨嘅五字真言呢，功德真系无量无边嘅，呢个五字真言呢，系文殊师利菩萨成佛心髓嘅结晶，非常之秘密，佢嘅境界高深唔系说话可以讲得到出嚟，一阵我念俾大家听呢，有五个梵字，但系呢，西藏嘅上师所传呢，就通常加埋文殊菩萨个种子字落去，所以变成咗六个字嘅。其实有啲人话：“我念佛菩萨嘅咒语，会唔会得到佛菩萨嘅保护呢？”呢个文殊师利菩萨嘅五字真言，你只要念一次就等于念呢个法界宇宙吖，所有嘅佛讲过嘅经一次，你话功德有几大吔？如果念两次的话呢，就由文殊师利菩萨同普贤菩萨作你随身卫护去保护我哋，哗，功德真系不可思议！我哋一定要相信佛陀所讲嘅说话，所以呢个真言呢，系非常之秘密稀有，能够听到嘅人呢，过去生都久植善根。好，而家我念俾大家听，文殊师利菩萨五字真言：A ra pa ca na dhih。
79.文殊师利大菩萨三世成佛
文殊师利菩萨摩诃萨呢，过去成佛叫做“龙种上尊王如来”，现在已经成佛，叫做“欢喜藏摩尼宝积如来”，将来成佛，叫做“普现如来”。其实文殊师利菩萨已经系一尊老佛祖嚟，我哋睇下《法华经》话，释迦牟尼佛喺尘点劫前（以一粒尘作为一劫，无量嘅微尘就无量劫，无量微尘无量劫以前），释迦佛已经成佛，释迦佛其实已经系一尊老佛祖，但系文殊师利菩萨呢，比释迦牟尼佛更唔知早几多劫成佛，系释迦佛嘅祖师爷。七佛之师、九代之祖，你谂文殊菩萨喺佛教里便嘅地位系几高几高？我谂喺法界宇宙嚟讲呢，基本上可以咁讲吖，好少嘅佛，成佛唔系因为受过文殊师利菩萨嘅教化同埋教诲，我谂系冇，好多佛都跟过文殊师利菩萨学，而且《大方广佛华严经》里便记载，释迦佛亲自授记中国嘅五台山就系文殊师利菩萨教化嘅道场。
80.七俱胝佛母与大准提神咒
准提菩萨亦都叫做“准提佛母”或者“七俱胝佛母”，“准提”嘅意思呢，系清净无染，“俱胝”呢系“千万”或者“亿”嘅意思，都系梵语译到我哋中文嘅意思嚟，咁呢，过去有一亿尊佛成就无上正等正觉，都系皆因修持呢个准提法，受到准提佛母嘅化度而成佛，所以修持呢个准提法嘅功德好大嘅，我建议初学佛嘅师兄呢，由于佢哋未能够即时，诶，断除酒肉，所以呢，修持准提法系最好。因为准提佛母吖，非常慈悲，怜悯我哋末法众生，即使我哋未能够即时戒到酒肉，仲系喺饮酒食肉嘅期间，我哋修持呢个准提咒或者准提法呢，都会得到灵验嘅，以下呢，我念一次准提咒嘅梵文给大家听：
Namah saptanam samyak sambuddha kotinam tadyatha om cale cule cunde svaha
Om cale cule cunde svaha
81.七俱胝神镜
今日准提菩萨纪念日，我哋讲少少有关准提法嘅修法。准提法呢，就唔须要建立坛城嘅，因为你修密法呢，好多时候每个法都要建立坛城，因为准提法嘅坛城呢，系用个镜作为坛城，有个镜叫做“准提镜”，吖，以镜为坛。每次修法嘅时候，我哋请个镜出嚟，然之后结印，对住个镜诵咒就可以㗎喇。而家嗰啲准提镜呢，就系工厂生产嘅，做到非常之靓吖，有两条龙系侧边吖，下便又有个好靓嘅，嘅木架吖，吓，个镜身又非常之光亮吖，做得好好。咁以前我哋修法呢，几十年前呢，嗰个镜呢，系自己做，我记得我最初嗰个准提镜呢，就系买啲梳妆镜，细过个手掌，啫个手掌，唔系好大嘅，好细个，咁然后呢，就将个准提咒嘅咒文自己亲手写咗上去，然之后每次修法就请个镜出嚟，个镜又可以随身去保护自己，因为你每次攞个镜出嚟修法呢，佢就吸收个加持力㗎，日子有功，变咗个法力会累积就强大。后来我记得呢个准提镜好似我系已经，呢个法宝送咗俾一位师兄，吖。咁所以嗰个准提法嚟讲呢，用镜修呢，就作为佢嘅坛城系一个要点嚟。
82.礼敬不动明王
不动明王呢，亦称为“无动明王”或者“不动尊”，系大日如来所变现出嚟嘅忿怒身，帮助我哋修行人呢，降伏魔障，使我哋呢，喺修行道上呢，少啲魔难。不动明王呢，系一尊较为熟知嘅明王，好多人呢，都可能听过，亦都系唐密、东密嘅一个重要嘅大法嚟。咁不动明王呢，发咗一个好伟大嘅愿，系讲乜嘢呢？佢话“见我身者，发菩提心”——凡系见到不动明王身体嘅人呢，见到佛像吖，见到佢嘅形象吖，都能够发上求佛道、下化众生嘅菩提心；“闻我名者，断恶修善”——听到不动明王圣号嘅人呢，都从此就会开始断除恶业、修持善法；“闻我法者”呢，“得大智慧”——听到不动明王法嘅人或者学习不动明王法嘅人，最终都能够得到大智慧；“知我心者，即身成佛”——如果能够知道不动明王嘅心，同不动明王嘅心，心心相印，亦都意思就系话，跟不动明王嘅愿去修行的话呢，能够将来一定即身成佛、立地成佛嘅。
83.明王传
明王呢，系佛同菩萨嘅化身嚟，呢个凶恶同忿怒嘅身呢，用嚟降魔伏妖吖，所以一定呢，个样系凶猛同埋威武。咁“明”字嘅意思呢，就系“光明”“智慧”同埋“真言”咁解，光明之王、智慧之王、持诵真言之王就系“明王”嘅意思。有好多同学问：“点解明王咁凶猛，咁恶㗎？”会好惊见到，唔明白嘅人以为明王好似系妖魔鬼怪添，其实唔系，因为如果你唔凶恶、唔凶猛、唔威怒嘅、唔忿怒嘅，啲魔怎么会惊你？因为啲魔个样系好恐怖、好得人惊㗎嘛，你一定要威猛过佢、恐怖过佢，先可以降伏得到佢。犹如个细佬哥发脾气嘅、唔做功课嘅，家长教唔掂佢啦，如果你一念慈悲，仲唔攞条藤条出来吓下佢吖，佢点会听吖？点会做功课？所以其实就系咁嘅意思。但系呢，有一点我哋要注意同明白，明王虽然外表凶猛啦，降魔伏妖，但系佢个心里边呢，系犹如佛菩萨一样咁柔软同慈悲嘅，并不是系忿怒㗎个心，系慈悲，系柔软嘅，吓，呢一点就好重要。喺众多嘅明王之中呢，大部分基本都系凶恶同威猛㗎喇，但系呢，以孔雀明王为一尊少数嘅慈悲明王系比较少见嘅。
84.人生的真意义
我觉得人生，唔在于话自己系拥有几多物质吖、几多财富，或者系著得好唔好吖、食得好唔好吖。嗯……其实最重要就系揾到自己人生目标，能够做到呢，自己开心嘅嘢，吓。有好多人，诶，揾唔到自己人生嘅目标嘅，啫每日会循住一个轨道循环发展，诶，返工啦、放工啦、照顾家庭啦、照顾仔女啦，每日都喺度忙，而揾唔到自己真真正正嘅人生目标，同埋真系做到呢，自己开心嘅嘢。咁我嚟讲，我系好侥幸、庆幸，揾到人生目标，亦都做到，诶，自己开心做嘅嘢啦，就系弘扬佛法，好开心㗎，真系！如果你能够用到佛经所讲嘅法门去帮到人，去解除痛苦，呢一种感觉，胜过你得到世间嘅你好中意嘅物质啦，嗯，唔知大家有冇呢种体会呢？
85.发菩提心系成就的关键
有啲人呢，我知道佢今生系唔会修成嘅，系会退堕嘅。因为呢，我观察到佢哋系未能够真正发起上求佛道下化众生，去不断无私利益众生呢个菩提心，所以呢，佢必然就会退堕。但系我唔可以直接同当事人讲出嚟，咁样会好挫击到对方嘅锐气，相反，我会不断去鼓励佢，所谓“知其不可为而为之”，我会尽量鼓励佢，虽然知道佢唔得，但系希望都有机会令佢发起呢个菩提心，真真正正去利益众生呢，冲破佢嘅宿命，咁变咗呢，佢原定唔能够成就，但系都能够改变，变成可以成就。所以我唔会话俾佢听：“吓，你唔得㗎，你今生系修唔成嘅。”咁样对人嚟讲呢，系好大嘅打击。故此呢，我哋修行嚟讲呢，发菩提心，系一个正因，有正因先能够变成系正果，吓，“端正”个“正”，“正邪”个“正”，因为如果除咗系菩提心嚟讲呢，其他所发生嘅因嚟讲呢，都唔系叫做正因，呢一点系好重要嘅。
86.生生不退菩提心
有啲同学问：“点解你唔讲部经吖？不如讲部大经俾大家听下。”嗯……唔好讲话讲部大经，讲部细经呢，我都相信我冇呢个能力，因为……因为，诶……学嘅嘢，系到呢个层次就到呢个层次啰，啫唔可以自己去充嘅，唔识就系唔识，吓。讲经如果讲错的话呢，误导咗人就唔系咁好，讲经呢个责任呢，都系留番俾法师好啲。
诶……有同学问：“点解你，啫个菩提心会系唔退嘅呢？点样嘅菩提心会系唔退嘅呢？”嗯，菩提心唔退，因为系有个愿啰，希望能够帮更多嘅人啦，虽然喺唔同阶段呢，都会遇到啲挫折吖，遇到啲打击，遇到啲唔如意嘅事吔，但系我系会觉得佛菩萨喺度支持我嘅愿，支持我行呢条路，咁所以菩提心系唔会退嘅。
87.大爱与慈悲
爱，系唔应该有国界，无私嘅爱，佢系唔会分开贫富吖、贵贱、种族吖、宗教，系冇呢啲嘢。我哋喺印度仁爱修女会，德兰修女创立，呢个救苦救难，咁伟大嘅会，我哋可以见到一啲垂死嘅病人呢，诶，见到啲麻风病人，见到一啲可怜嘅人呢，呢啲全部人都集中喺修女会里便，得到救助。今次我哋同学，去到呢个仁爱修女会呢，做呢一个星期嘅志愿者嘅服务呢，我相信，喺人生之中，系一个好宝贵、好稀有嘅经验。有啲人，吖，假日嘅时候呢，都会去一啲，诶，团体去做义工，比如，诶，安老院吖，或者孤儿院，但系如果你去到仁爱修女会里便呢，系别有一番景象，系特别唔同嘅，嗰度有一种共振嘅感觉，咩共振呢？系爱嘅共振。你会见到世界各地嚟到嘅义工，都系一齐无分彼此，一齐喺度工作，一齐喺度帮人，你会有一种咁嘅感动，呢个机会系好难得嘅，去做义工，系一生之中难求嘅机会，所以好多谢德兰修女创立咗个会，令到世界上嘅人可以将爱重新团结喺一起，啫无分天主教，或者佛教，咩宗教都好，其实呢啲系唔关乎宗教嘅事，因为宗教嗰个系宇宙观吖、世界观，或者人生观，虽然系唔相同，但系内心嗰一种爱，一种无私嘅奉献，系共通，我相信。我哋就可以用呢一点无私嘅爱呢，连通所有宗教，一齐去帮更多嘅人，而唔好喺，诶，呢个教理上去太多嘅，你攻击我吖、我攻击你吔，大家去计较，因为宗教都去救人，都系去做实事，去真真正正面对呢个社会，面对群众，使到其他人会觉得我哋信宗教嘅人呢，诶，会对社会有贡献，系做返我哋应该所做嘅榜样。故此去呢个印度仁爱修女会呢，做呢个义工，就系打破咗呢个宗教嘅界限同埋藩篱，唔系因为我哋佛教，你系天主教，我唔帮你，系无宗教。有苦有难嘅地方，观世音菩萨就会去，犹如德兰修女一样，有苦有难嘅地方，佢就会救，修女会亦都欢迎世界上任何一个志愿者去做工作，喺度去帮助人，佢唔会分开你佛教，我唔欢迎你嚟嘅；你基督教，我唔欢迎你嚟嘅；你回教，我唔欢迎你嚟，冇呢啲嘢嘅，所以呢个系好大嘅、好重要嘅一点呢，去联通所有宗教，去联通人类内在嘅共振，爱嘅共振。所以宗教，佢去求，求咩嘢呢？就系三点，“真、善、美”啫嘛。喺呢个仁爱修女会里便，我哋可以睇到真、善、美嘅一面。的的确确，咁叫你自己亲自去到，你就能够真真正正感受得到个程度有几深，如人饮水，冷暖自知。
88.过一个不一样的人生
释迦牟尼佛用尽一生燃烧生命，完全奉献俾一切众生。佛陀争取每一天、每一分、每一秒说法，四十几年从冇松懈。人生虽然苦短，但系就过得好有意义、好充实。我哋唔似佛陀有大威神力，能够彻底度化众生，但系自己嘅命运就可以完全掌控，其实一样可以过一个唔一样嘅人生。一个人最紧要系自强不息、奋发修行，最后一定会苦尽甘来、得佛授记嘅。
89.我的信念
人生系无常，光阴系短暂，但系我希望短短留喺人间嘅匆匆岁月能够帮助更多受苦嘅众生，使到佢哋离苦得乐。因为见到佢哋能够解脱呢，由苦里便走出嚟，透一口新鲜嘅空气，吖！好舒服吖！你咁样见到佢哋，会系好开心。所以我希望你能够支持我，大家携手并进，并肩一齐好好行好呢一条菩提路，唔好辜负我哋今生所得到嘅人身，唔好辜负佛陀所教导我哋，我哋喺佛经里便学到嘅嘢。希望大家支持我嘅理想，支持我嘅信念，一齐好好行好呢条菩提路，将我哋学到嘅点点滴滴嘅佛理用出嚟，帮助更多嘅众生。我冇太过刻意去谂话成唔成佛，但系如果喺这条菩提路上，能够帮助更多更多受苦嘅人，令到佢哋可以往生去净土，咁，成唔成佛又有咩足惜呢？
90.不执世情世务，珍惜人身有限光阴
世缘重呢，太执著世情世务嘅人呢，好难喺呢个修行有所成就，相反你应该放下，啫自己嘅执著，喺持戒上面落多啲功夫，因为功夫系磨练出嚟，证量都系修出嚟。我哋每日返工同放工，其实已经占去我哋好多内修嘅时间同精神，因为放工嘅时候，要照顾家庭吖、仔女吔、先生或者太太，啫屋企都好多亲人吖，好多，诶，时间呢需要空出，剩低修行嘅时间其实唔多嘅一日。剩低嘅空档，如果我哋再唔嚟，用嚟努力去磨洗自己嘅旧习气，力求上进呢，咁今生好容易又空过我哋宝贵嘅人身，而且亦都唔能够保证吖，呢一点系最重要，唔能够保证我哋将来系唔堕落呢个地狱、饿鬼同埋畜牲，堕落三途。万一今生往生唔到极乐世界的话呢，咁就好危险，真系有机会呢，来生再用呢个畜牲身吖，去酬偿我哋未清嘅债务。
91.大业未成换了童颜青鬓
百炼千磨，几多风霜雨浸。笑凡间，年年虚度，大业未成，换了童颜青鬓！漫赢得浮名如梦，詈言轻谤，吹过如风未著尘。佛影天涯，白衣居士，胸怀磊落，一曲山林世外心。急变惊涛，掌舵稳橹，共臻慧岸，同看明灯。那众生苦尽，师徒偕隐，琴箫长奏紫竹林。
92.一点浩然气千里快哉风
落日绣帘卷，亭下水连空。知君为我新作，窗户湿青红。长记平山堂上，欹枕江南烟雨，杳杳没孤鸿。认得醉翁语：“山色有无中。”一千顷，都镜净，倒碧峰。忽然浪起，掀舞一叶白头翁。堪笑兰台公子，未解庄生天籁，刚道有雌雄。一点浩然气，千里快哉风。
93.自己如何结出舍利
仇恨呢，只会毁灭自己、毁灭世界；宽容，能够造就自己造就世界。我哋只要睇下圣人头上吖，同身后嘅光，多数都系白色嘅，就系一个最好嘅证明。白色代表慈悲、纯洁、大爱、宽容、和平，喺五行之中呢，白色代表西方，向住西方极乐世界看齐嘅。如果修成白光，我哋要时时修心，我哋嘅心要时时怀有慈悲、喜舍、纯洁、大爱、宽容、和平，咁身体嘅光频吖，自然就会转向白色，当我哋圆寂之后呢，烧出嚟嘅舍利都系雪白，因为心灵纯洁，因为修持梵行嘅关系，我哋喺自己身体内在所储蓄嘅能量系从来冇丢失，所以呢啲能量呢，经过火化变为固态之后，就即系舍利子。
94.面对逆境的大智慧
我哋喺日常生活里便呢，每日都出现好多不如意嘅事啦，自己唔开心㗎，吖，自己见到或者听到好多唔开心嘅嘢，令到个心情动荡，唔开心。但系呢啲不如意嘅事你系无办法避啦，你避唔到㗎，因为好多嘢，因果，你系要面对啦，自己过去生所造嘅业，你又要承受了。你而家避得一时就唔避得一世，就算你今世嘅生命结束咗，舍报之后呢，你下一生，你咪都系用个人身吖，或者用其他嘅，嘅身相去酬偿嗰个债务？所以其实你话逃避系好难逃避，但系我哋信咗佛之后呢，佛菩萨俾咗我哋一个信心、力量同埋勇气，喺佛经里便，佛陀教俾我哋好多智慧啦，有好多方法，去教我哋去面对日常生活遇到嘅种种不如意嘅问题。啫有时人哋讲你一句说话，话唔开心，咁你可能哽咗几天吖，话有啲人哽咗成一个星期、一个月咁长，咁其实我觉得都冇乜太大必要啰，你应该自己去化解先系啦，啫用佛经里便教你嘅智慧，吓。
95.抛却己事专为人忧
这个痴汉，有甚来由。末法无端，为何出头？嗟兹圣脉，一发危秋。抛却己事，专为人忧。向孤峰顶，直钩钓鲤。入大海底，拨火煮沤。不获知音，徒自伤悲。笑破虚空，骂不唧溜。噫，问佢为何不放下？苍生苦尽那时休！
96.有血有肉的菩萨
勇于放下私情私我，敢于承担众生嘅苦痛忧伤，为正法重生而坚忍修行，为众生魔难而挺身而出，“功成不居，为而不恃。”将所有修行嘅功德同埋幸福回向俾天下苍生，咁样先系人间世上真正有血有肉、活生生嘅大菩萨。真正懂得尊敬同珍惜眼前嘅佛法，你就拥有佛教三藏嘅锁匙，佛法奥妙之门就会为你打开，呢个绝大嘅宝藏，你一定会取之不尽，用之不竭。
97.有苦就有菩萨
每次我见到苦难嘅人，就好想帮佢哋，虽然系杯水车薪，自己能力有限，但系我哋都应该尽我哋嘅心、尽我哋嘅意，诶，履行佛陀所教我哋嘅无缘大慈同埋同体大悲嘅精神。啫唔系话呢，就睇佛经好高深嘅理论，我哋应该要将啲理论呢，一点一滴落实喺我哋生活里便实践出嚟，唔因为对方嘅宗教信仰，佢信唔信佛或者信基督教，诶，信回教或其他宗教，我哋去帮唔帮佢，众生系平等嘅，我哋唔应该因为佢嘅种族、国籍、文化、种种背景唔同，我哋要选择帮与唔帮。总之有苦，我哋就应该去帮佢、去救佢、去怜悯佢，好似耶稣同圣德雷莎修女一样，我哋应该效法圣者嘅精神去做嘅。
98.菩萨的眼泪
佛菩萨呢，系慈悲嘅，佢见到众生有苦呢，就伤心，但系呢种伤心系同普通凡夫嘅伤心唔相同。佛菩萨见到众生有苦呢，会流出眼泪，但系呢个眼泪呢，系由大悲心而出发，并无污染，喺菩萨嘅空性心目中里便呢，系一法不纳，佢唔会因为呢个慈悲呢，而阻碍咗佢自己，啫意思话系唔会执著呢个慈悲。相反凡夫就唔同嘞，随住外边个境界转嘅时候呢，佢受呢个境界污染吖，个心就动，会入咗个境里便，因为众生苦，佢而苦，而自己亦都卷咗入去，可能自己都苦埋，更加帮唔到众生添。但系佛菩萨就唔相同嘅，佢个心喺一种空性里便，只不过佢嘅悲心流露，喺外表示现呢，可能观音菩萨呢流泪，但系佢嘅心呢，系完全处于一个空性，呢个就同凡夫嘅分别唔同，所以菩萨呢，既住于生死，但系又超离咗呢个生死，故而呢，就可以呢，度化一切众生。
99.观音菩萨传授开智慧的偈语
有好多人写信嚟问呢：“点样开大智慧？”咁我自己分享我嘅经验嚟讲，就系我念《六祖坛经》里便嘅偈颂。曾经记得我念《六祖坛经》嘅偈颂，嗯，真系开咗好多好多智慧，啫记性方面会好啰，记忆会好啰，同埋就系分析事物嘅能力吖、诶，逻辑吖、思惟吔，各方面真系强吖，强咗好多！咁但系呢，我有一首偈语呢，介绍大家，因为坛经啲偈语可能比较长吖，有啲人呢就未必喜欢记啦，吓，咁我介绍一首呢，比较短啲，系观世音菩萨梦授嘅偈语，呢个梦授嘅偈语呢，诶，都系非常之灵验嘅，而且呢个梦授嘅偈语呢，有个特点，系可以医到脚病，啫足部嘅疾病，所有足部嘅疾病都可以念呢首偈语去医嘅，首偈语系点样念嘅呢？
“大智发于心，于心无所寻，成就一切义，无古亦无今。”
呢首偈语系观世音菩萨梦授嘅，你不妨背诵下，对于你开大智慧系非常之有帮助。
100.我师父韦陀菩萨
韦陀菩萨，韦陀菩萨呢，就同我真系好有缘份，真好中意佢，非常之中意，诶，或者前生所结嘅缘份啦，因为冯冯前辈呢，就都系修呢个法，而且呢，韦陀菩萨系佢嘅师父，佢系亲口讲俾我听嘅，系佢嘅师父，所以我同佢本身嚟讲，讲开呢啲，呢啲事情嘅时候呢就好投契，非常之投契吔，讲起韦陀菩萨。诶，佛教里便，好少人修韦陀法，以我几十年所见嘅人，吓，我所知，就佢哋都唔系太识念，诶，韦陀菩萨嘅名号啦，就或者甚至系咒语吔，韦陀菩萨嘅真言吖，系比较少人知啰，包括啲出家人吖，诶，都系少啲，出家师嘅父都少啲。咁我哋系当然要推广同弘扬韦陀菩萨嘅法啦，因为佢护持我哋修行人系好重要㗎。当然，佢护持咗我哋，我哋都唔知㗎，完全都，真系唔知，不过我念韦陀菩萨咒呢，同埋佢嘅名号呢，嘅灵感呢，就好大㗎。
101.韦陀菩萨五雷正法
嗯……韦陀菩萨嘅五雷正法，犀利㗎！犀利！就……嗯，我唔识，我唔识！最遗憾呢，就系冇学到，因为呢，同冯冯前辈交往嗰段时间呢，点解冇问佢呢？我自己喺度谂紧，其实真系好想学，因为学咗唔好令到个法继续失传落去吖嘛。因为以我所知，识得佛门里便韦陀菩萨五雷正法，因为呢个降魔大法嚟嘅，嘅人呢，我未见过啰，净系见过冯冯前辈一个，佢识，同埋有提过，同埋运用过，系真系有好大好大嘅降魔嘅法力㗎，吓。咁因为韦陀菩萨系帝释吖嘛，佢用呢个降魔嘅雷矢宝杵，啫雷电杵我哋叫，就放出雷电，直程吖，影响嗰个，个天气，诶，可以打雷㗎，吓，呢个，呢个系，诶，同道教嘅“五雷正法”系唔相同㗎，佛教跟道教系唔相同吖，唔好搞乱咗，吖。诶……唔知有冇失传呢，咁喺呢个世界上呢个法，希望冇失传，有人继续弘扬紧呢个“五雷正法”啦，嗯。
102.韦陀菩萨帮我的一件事
诶，讲件真人真事俾大家听吖，以前未讲过嘅，吖，冇讲过，就系韦陀菩萨点样帮我。咁有一年嘅冬天，记得呢，就都好冻㗎，诶，大概系，我谂应该都系得，得三四度，总之就好冻，唔记得咗。就夜晚，好夜嘅，就……我冲凉，要冲凉咁吖，开呢个热水炉，一啪个热水炉，哎吔，弊啦，唔著，盏灯唔著，唔通电个热水炉，唔通坏咗？咁惨啦，如果坏咗要冲冻水凉，容乜易冷病呢？咁……冇办法，诶，念佛啰，坐低，坐低念佛念佛念佛，咁念咗一阵之后，大概十零分钟，咁又去再啪，啪啪啪啪，都唔著，冇办法，咁又坐番低，冇办法啦，咁求韦陀菩萨，念个名号同埋念，念佢嘅真言啰。咁吖一念嘅时候，念咗大概唔够五分钟啦，咁再去啪，一啪就著嘞，即时个热水炉，“啪”嗰一下呢，我都吓咗一跳，哗，真系好灵感，非常之灵感，多谢韦陀菩萨，真系。
103.妈祖是观世音菩萨应化人间
“妈祖”，亦都叫“天后圣母元君”。因为我同妈祖呢，都有好深嘅因缘，自细喺妈祖庙附近嗰度长大，我师父呢，亦都拜妈祖为师。妈祖喺道教嘅角度呢，就系一个天神嚟，但系佛教角度呢，其实就系观世音菩萨万万千千嘅化身之一，因为福建沿海好多渔民呢，佢哋出海打渔遇到风浪，啲船只呢，诶，被打沉，咁呢好多嘅渔民都系求妈祖去庇佑，妈祖亦都好灵应，吓，帮助佢哋好多，所以妈祖呢，就变成咗，诶，渔民心目中一个好伟大嘅水神。其实妈祖天生呢，佢系素食嘅，而且童贞修行，唔结婚。现在好多人呢，用酒吖，去肉，用肉吖，去拜妈祖，其实系唔啱，我哋应该用素食去拜妈祖先系嘅，吓，呢一点大家要记住，希望能够改过嚟啦。咁妈祖本身话天生，诶，可以帮助人，其实佢嘅神通系唔系后天修返嚟，系先天所具有嘅五通嚟，后来拜师只不过启发佢，犹如一笔财产过户俾你一样咁自然，虽然过户俾你㖞，咁但系问题你要识得用先得㗎，有财产过户俾你。故此妈祖呢，系一个正神，都值得我哋佛教去尊敬。
104.大罗金仙吕纯阳祖师
吕祖呢，亦都叫“孚佑帝君”，喺道教里便呢，嗰个系职位吔，非常之高嘅，喺三清天里便呢，太清、玉清、上清，玉清里便嘅金阙内相。咁呢，诶……吕祖呢，就发咗愿呢，要度化天下嘅苍生，后来喺佛教，佛教里便呢，亦得到黄龙禅师嘅接引，归依咗佛教，行菩萨道。喺道教嘅情况呢，吕祖已经修成咗大罗金仙吖，已经系最高嘅果位嚟。我哋见到吕祖行化嘅事迹呢，一直由唐朝成仙以后吖，元吖、明吖、清吖，甚至系近代，民国近代吔，都一直喺度显化，所以吕祖有个大愿呢，系帮助天下嘅苍生。咁道教呢一个系，诶……扶乩问事，佢哋叫“飞鸾显化”，就系啲真仙降坛，吖，啲信众问事呢，由啲真仙去解答。咁但系呢，现在嗰啲好多扶乩嘅坛呢，啫吕祖嘅坛呢，好多都系啲灵鬼吔，假托吕祖嘅名呢，而去冒名顶替，根本就唔系真正吕祖降坛。因为你要吕祖降坛呢，你必须扶乩嘅人呢，都要清净，本身亦都食素同清心寡欲，因为吕祖亦都叫“吕纯阳”。
105.拜佛诵经前我如何清洁两手
清洁方面呢，就系咁嘅，我就预备一嚿番枧、一支枧液，咁念经、拜佛，或者当研究经书嗰阵时候呢，总之只手接触经书，诶，或者点香吖，点，点蜡烛嘅时候呢，诶，先洗手，洗手嘅时候，我用个番枧洗，洗完之后呢，咁我再用枧液洗一次，然之后攞一条干净嘅布，诶，或者系攞纸啦，去抹，抹干净只手嘞，然后先开始上香吖，开始念经嘅。咁嗰旧番枧呢，因为头先讲预备咗一嚿番枧吖嘛，嗰嚿番枧系平时我都可以用来嚟洗手，咁支枧液呢，就再洗多次，就再清洁，吖，咁嘅意思。咁就变咗我哋只手干净啰，对佛菩萨嗰种尊敬心，护法就欢喜同埋护持我哋，好重要㗎，呢一点，非常之重要。我哋有啲同学呢，可能呢，啫冇注意呢一点吖，只手比较邋遢啲，咁啲护法就唔中意，所以你念经诵经之前呢，要注意呢一点，就先洗干净双手吖。
106.念诵经文应该从哪里开始
诶……都唔少师兄问呢个问题㗎喇，就系话：“我读经，系咪由经文嘅开始读到尾呢？成部经读晒？”佢所谓经文嘅开始呢，就系由香赞开始，诶，跟住就开经偈吔，然后到经文吖，经文最后呢，就有呢个系补缺真言吖，回向文吖，甚至就经文之后吖，又有啲咒语嘅，咁需唔需要念？系咪由头念到落尾呢？你可以由头念到落尾，由香赞开始，一直念经文经文，跟住然后念到回向文，吖，咁就结束都可以。但系呢，你亦都可以唔由香赞开始都可以嘅，直接从经文第一句，念到经文最后一句，因为我哋睇番呢，大藏经里便呢，啲译师，净系译原装嘅经文嘅，经文里便呢，就并无香赞，亦都并无回向偈，呢啲香赞同回向偈呢，系啲后来编集经书嘅高僧大德呢，加入去，方便有一套仪轨我哋念诵呢，就更加完美咁解。但系呢，我哋要注意就系话，如果你念香赞呢，你就必须要上香嘅，因为“炉香乍热法界蒙熏，诸佛海会悉遥闻”吖嘛，所以呢，你一定要上香㗎，念香赞。
107.开车时可否听经
喺车上可唔可以播经书呢？诶，喺唔可以嘅，唔好播经书。啫有啲人喺个车度，开著车，谂住揸啲长，长途车一两个小时，咦？咁我开本，诶，《地藏经》听下都系几好个㖞，咁横掂个车途咁远。其实唔好㗎，因为问题呢，你一开个经嘅时候呢，每一部经书都有护法嘅善神嚟随喜，会听闻，甚至你开紧嘅车嘅时候，喺中途呢，你开个经书嘅时候，嗰个当时实时空间嘅天上便吖、或者海吔、或者周围个空间，嗰啲护法善神嘅天耳听到你开经嘅时候呢，佢哋有机会呢，都嚟合掌、嚟随喜、嚟恭听。所以你开车嗰度呢，你又要集中精神嚟开车，因为你唔系专注去听嗰本经吖嘛，变咗问题呢，就有失于，诶，恭敬，所以唔好开经播。但系呢，如果你话系听佛号吖，或者听咒语嘅唱诵，连埋有啲配乐嗰啲吔，就可以开个方便，可以跟住嚟唱，亦都可以通融㗎，经书呢就尽量唔好开。喺屋企嘅时候呢，开住个经书，跟住佢一齐学念呢，就可以，就系冇问题嘅。
108.在产房可否念佛
产房可唔可以念佛？系可以㗎。点解产房可以念佛呢？唔怕亵渎或者唔怕唔尊敬呢？因为呢一种系属于好特别嘅情况啰，一个妇女嘅生产嘅过程，所以系佛菩萨都开许，护法亦都唔会怪责嘅，因为你唔系刻意唔尊敬吖嘛，你生产呢一个系好多妇女喺人生里便必经嘅过程，所以喺产房里便呢，我哋要念呢，“南无观世音菩萨”，求观世音菩萨庇佑，使你顺利度过呢个生产。吖，有啲人生产呢，会有难产嘅，嘅苦难㗎，所以观世音菩萨呢，喺呢个时候就起到好重要嘅作用，去加持我哋、帮助我哋，咁你可以念出声又得，唔念出声又得。而且另外有一种情况就系产房里便，好多鬼类吔，都系以食呢个胎儿嘅血同埋呢个精气为生，所以念观世音菩萨亦都可以保呢个产妇嘅平安啰，讲起上嚟好似有啲神怪，但系其实唔系㗎，呢个系真相嚟，信嘅人自然会信，唔信嘅人自然会唔信，但系不论点都好啦，记住念“南无观世音菩萨”。
109.治疗疾病与念佛
嗯……有病一定要去睇医生啦，当然，因为如果你唔睇医生呢，净系喺屋企度念佛，希望佛加持你个病好呢，你唔去睇医生呢，个病万一有咩事的话呢，人哋以为你迷信，啫信佛信到咁，有病都唔正常去睇医生，千祈唔好咁吖。念佛，当然要念啦，求佛菩萨一定会加持你，吖，重报轻受嘅，个病呢慢慢会减轻或者好，如果唔好，就自然舍报啦，吓，或者寿尽吖。咁千祈唔好唔，诶，唔去睇医生，会俾其他外人误会我哋佛教迷信，呢点系非常之重要，吖。你睇医生嚟讲，医生自然会开药去治疗你啦，或者根本佛菩萨加持你呢个方法呢，就系叫你去“睇医生”，因为呢个系我经验嚟㗎，有好多情况就系话，你求佛菩萨，佛菩萨自然安排一个好医生去医咗你个病。有啲人唔系，会觉得话，吖，有个神力医好我个病，我就唔需要睇医生，如果医唔好，啫佛菩萨唔灵啦，啫好似一个赌注咁啰，千祈唔好咁做。有病一定要去睇医生先，吓，呢点系好重要㗎。
110.拜忏的威力
忏悔喺我哋修行上系必不可少。咁忏悔嘅体现呢，就系我哋去拜忏，用身体去拜忏，因为身语意我哋都会造作嘅恶业，咁你身体去拜个忏嘅时候呢，就消身业，个口念诵个忏文吖，或者忏文里便有咒语吔，就消口业，意念呢，随呢个忏文去观想呢，随文入观呢，就消我哋意念嘅业。所以忏悔，呢个拜忏呢，就消好多业嘅，咁，诶……譬如我哋命中里便有啲唔好嘅事，譬如前生做咗啲恶事，大恶或者小恶，你拜忏嘅时候呢，大件嘅恶事呢，由于拜忏嘅力量呢，将呢个恶业去洗除，大嘅会将佢转番做小，譬如你命中注定有个车祸会发生嘅时候，咁啫好严重或者甚至丧失性命，通过呢个努力拜忏呢，因为未发生吖嘛，你之前拜咗忏呢，通过呢个拜忏的话呢，可能呢，由，诶，断命呢，就转成重伤，啫重伤就了咗呢个报，或者转成轻伤，就睇你拜忏嘅力量。如果小嘅不定业呢，直程就可以清除嘅，唔会发生嘅甚至，啫将个业呢去消除咗，所以拜忏嘅功德同力量系非常之大。我个人喜欢呢，就比较系拜大悲忏啰，当然其他嘅忏呢，都可以去修行嘅。
111.烧香
烧香都重要㗎，因为每日我哋供佛，你都去点香。咁你点香嚟讲呢，你啲唔好香呢，对身体健康一定有影响。咁呢，支香或者盘香呢，有机会可能呢，佢系用啲动物胶吖，啲动物胶做粘合剂，所以喺戒律方面呢，呢度有一个问题产生啰，吖。另外嗰啲支香或者盘香呢，佢有机会，诶，加啲色素、加嗰啲防腐剂落去，咁长期点呢，又大烟呢，对身体系影响比较大。我就建议最好用原香木，啫原装一支嘅檀香木或者沉香木，咁样就最好。不过有啲人唔识点呢，有时点点下嘅时候，佢会熄嘅，嗰啲香木，因为要攞香粉呢，首先铺咗喺个底嗰度先，然之后点著咗啲香粉呢，嗰啲香木，诶，先会燃得著，有少少技巧啰。如果唔得嘅，你退而求其次呢，就攞啲香木，啫原装嗰啲香木磨咗粉，就烧嗰啲香粉呢，就添加嘅机会呢，就唔系太多，啫虽然佢都会勼，勼啲杂粉落去嘅，有机会，咁呢啲又讲个经验嘞。
112.婚姻的抉择
我哋嘅著眼点呢，唔应该谂自己系应该结婚吖，定唔结婚。其实最重要就系话，我哋先要谂，我哋究竟结婚之后，会唔会影响到自己嘅修持呢？或者唔结婚系咪对我修持有利呢？或者结婚之后，对我修持又更有利呢？首先要著眼，究竟影唔影响修行。如果唔影响修行嘅，你结婚，又有咩问题吔？根本就系冇问题。但系呢，有好多人呢，结咗婚之后呢，根本呢，就俾个家庭呢，令到自己呢，啫压力重重，透唔到气嘅，因为照顾家庭要好多时间，之后又生儿育女嘞，个时间拖咗好长，多数呢，都系冇办法呢，喺修行上便呢，有一个大长进嘅。咁但系，有啲人呢，啫唔可以话全部都系咁，有啲人结咗婚之后呢，可能个修行又更积极嘅㖞，或者佢嘅配偶，先生吖，或者太太吔，支持佢继续修行呢，呢一点系最重要。当然，你修梵行，唔结婚，有咁大个愿，有咁大嘅毅力同决心吖，非常之赞同吖，相当之好啦，但系呢，千祈唔好拔苗助长，要顺其自然。
113.新年要做的第一件事
喺每年新年要做嘅第一件事呢，就系捐款俾啲无衣无食嘅孤儿，要将大爱嘅心，去补人间一切缺憾！如果自己唔亲身去力行释迦牟尼佛嘅真正教导，再漂亮嘅文章，只系卖弄装饰自己，博人称颂啫。内在嘅真修实证先系人生最重要嘅一件事。
114.放生的深意
身心嘅自由系非常之宝贵，成佛就可以得到绝对嘅自由、绝对嘅自在，所以就叫做“自由自在”。你想自由自在就应该由放生开始做起，放生就系令到你自由自在嘅第一步。海阔凭鱼跃，天空任鸟飞。渡水同埋腾空嘅神通，亦都由慈悲嘅一念成就。有个放生嘅人呢，有一日，佢随便放咗一只小黄鸟，后来放生嘅人呢，转生做咗一条幼龙身，小黄鸟呢，就变咗一只大鹏金翅鸟。有一次呢个幼龙呢，就喺须弥山附近被另一只觅食之中嘅金翅鸟攻击，身负重伤，正当喺生命危急存亡之际，突然喺空中飞降另一只身躯较为巨大嘅金翅鸟将条龙担咗然后腾空走咗，之后就将呢个幼龙呢，安放喺山上便。“你当日放我，今日我一定会救你！”
115.为什么我喜欢放生
点解我咁中意放生？嗯……因为可以解救到物命，将佢哋嘅生命解放番出嚟，而免于杀戮呢，救人一命真系胜造七级浮屠，你睇到佢哋个生命能够俾解放番出嚟，你系好开心，喺个心里便开心出嚟，吖。就算我系唔信佛教的话呢，我都系好中意去放生嘅，吓，特别放啲鱼啦，见到放番落嗰啲海吔、啲水里便吖，自由自在咁游，你系会好开心啰，真系好开心。嗯……我哋修行嚟讲，最重要最重要当然系念佛啦，系咪吖？念佛，咁但问题念佛之余呢，放生系一个帮助我哋往生极乐世界嘅助行，一个好强嘅助缘。而且放生嚟讲呢，对于就算非宗教嘅人士，佢亦都可以去做，而能够呢，帮佢达成好多心愿。咁多年，我都不知见过几多几多嘅个案，亦都教人放生，而满足佢心愿，亦都不知几多几多，要讲有排讲，讲唔完，所以其实放生真系好重要好重要。最重要去放生嘅时候呢，记得念三归依，因为三归依呢，会免除啲众生下一世呢，唔会堕入三恶道嘅，好重要，记得。
116.放生路上遇见观音菩萨
记得好似大概十年前，有一次我去放生，咁，诶，个时间系黄昏嚟嘅，黄昏，因为我哋去离岛放生吖嘛，个黄昏回程嘅时候大概，诶，六点半啦，六点半到七点之间，咁个天已经系微黑㗎喇，啫差唔多黑晒，但系仲有光，就唔系全黑嘅。咁可能又，大家都知我住嗰个地方喺离岛嗰边，系有个好大嘅天后像，吓，啫妈祖，妈祖天后像。咁我哋架车，个师兄车住我哋，架车回程嘅时候呢，咁望出个窗口度，我突然间望出个窗口度，有一个好白好白嘅发光嘅观世音菩萨嘅，啫全身，啫当然系睇唔清楚，系，吖，细部嘅轮廓，离远望埋去，用肉眼见度，吓，我而家讲嘅系人人都可以见到嘅，用肉眼见到，系观音菩萨嘅形状嚟嘅，成个光，光，光形呢，就飞向呢个天后嘅像嘅方向，我哋架，架车一便行嘅时候，一便见到观音菩萨呢，向住嗰个天后像个方向去飞，非常之逼真，系好光，系雪亮，有少少刺眼嘅白光㗎。多谢观世音菩萨！
117.我与蟑螂的故事
嗯……收到很多信问我，话个曱甴点样处理？“曱甴”，嗱，你哋唔明咩系“曱甴”，“曱甴”啫蟑螂吖，佢有好多名嘅，又“曱甴”、又“蟑螂”、又“蜚蠊”。咁我哋广东话叫做“曱甴”嘅。咁其实你冇方法㗎，你唔杀佢呢，你，越生就越多㗎嘛，佢滋生，一只蛋里便呢，我都数过，有，应该有成廿，廿只嘅，好细细只嗰啲，啲细嘅蟑螂仔吖，一个蛋有廿只㖞，咁问题你，多，多多两只大嘅曱甴喺屋企嘅时候，啫越生越多，好犀利，咁但系呢，我哋本住慈悲嘅心肠呢，就一定唔可以杀㗎喇，去捉佢。咁呢，诶，有啲曱甴屋呢，就物理性嘅曱甴屋，佢前便有道门仔㗎，你中间就可以放啲食物入去呢，佢走咗入去之后，佢就唔出得嚟㗎，千祈唔好买有毒药嗰啲曱甴屋吖，有毒药嗰啲唔得㗎，你摆毒药，佢食咗就肯定，肯定死㗎喇，唔得㗎。啫买物理性嗰啲曱甴屋呢，捉咗佢，然之后攞出去放嘅，攞出去放。我谂我都放咗几千只啦，最少都，我屋企都唔少，因为隔离邻舍嘅曱甴可能都走埋入你度，知你慈悲，唔杀生吖嘛。
118.我与蜘蛛的前生故事
以前我屋企有只蜘蛛，咁佢喺屋企个墙角度呢，就结咗个网，个网就唔系好大嘅，一般般，啫唔系话好大只嗰啲蜘蛛，系好细只，啲爪就好幼吖，吖，好细只，啫唔系话好大只吖、好多毛吖、好吓人吖，嗰啲，系好细只嘅。咁点解呢只蜘蛛会喺我屋企墙角结网呢？我都觉得奇怪。因为喺佛教里便，任何嘅事情呢，都有因缘，佢喺得你屋企嘅时候呢，必定系过往生呢，同你有一个缘份，佢先能够嚟到你屋企。咁呢只蜘蛛呢，就有一世，我系做苦行僧嘅时候，佢曾经布施过食物俾我，应该系啲饭食，布施过饭食俾我，对我有恩嘅，咁所以今生大家展转轮回、因缘际遇之下，我又侥幸，诶，得番人身啦，不过佢又造咗恶业，做咗蜘蛛㖞。咁大家重新碰见嘅时候，因缘聚会，佢咪嚟咗我屋企啰，咁我唔理佢，佢又唔理我，咁佢有笪地方可以安身同寄居啰，一切都有因缘嘅。
119.食素与修行有莫大关系
好多人觉得修行呢，同食素系冇关系，完全将修行同食素拆开咗嚟讲，系唔啱嘅，修行同食素系好大关系，你修行嘅基础嚟讲，首先就系要素食，因为点解呢？你素食嘅时候，我哋食入身体嘅，嘅食物吖，同埋饮，饮嘅嘢入去吔，会令到我哋个身体呢，影响到我哋心灵嘅部分㗎，如果你食啲唔干净污浊嘅嘢呢，你个心嘅妄念就好多，一定污浊。呢啲系我修行嘅经验嚟嘅，真真正正感受得到，呢样嘢。所以问题呢，你修行，首先就系真系要食素！等于你系一个器皿，你个器皿系唔干净，里便好多尘吖，好多污，污浊嘅东西喺里便，你斟啲水落去嘅时候，嗰个水都变埋污浊。所以佛菩萨要你做一个器皿嘅时候，利用得到你嘅时候，去帮助众生嘅时候呢，佢注入啲法力喺你嘅身上呢，加持你嘅时候，你必须系一个干净嘅器皿，如果你污浊嘅器皿，佛菩萨点加持你吔？加持你冇用嘅㖞，你污浊。所以你食素呢，首先就可以令到自己个身心清净，呢样呢，系非常之重要，一定要首先食素先。
120.使血液恢复弱碱性的重要性
修行一定呢，系要首先干净啲血，因为我哋内心嘅杂念呢，影响血嘅纯度，最重要就系我哋每日食入身体嘅食物，因为食物浊嘅时候呢，啲血就会浊，血浊，你杂念呢，自然多嘅。所以呢，食植物嚟讲呢，会容易使到我哋啲血恢复番弱碱性，啲血一定要弱碱性，就对修行有帮助。直接同间接食啲含有蛋奶嘅食物呢，一定要戒，一定唔好食蛋奶，因为会令到血呢，偏酸，血液偏酸呢，自然杂念多㗎，身体亦都容易出毛病，亦都将来呢，我哋要还呢个蛋同奶嘅债务。所以我哋初学佛入门嘅师兄，修行第一件事，就系首先呢，要清除血毒，使到自己嘅血呢，回复番清净，同埋呢，要快啲呢，去断除肉食同埋五辛，尽量食素，之后呢，先可以讲得到呢，念佛同埋修法嘅。
121.素食与宿命的秘密
其实我哋今生食素呢，喺好多情况之下都同自己前生嘅因果有一定嘅关系，比如有一位师兄呢，佢今生食素，点解佢食素呢？佢一食啲虾蟹呢，佢就会敏感嘅，个身呢，皮肤会出点点嘅，会出啲红点吖，好痕吖，甚至会流水，你一𢯎佢就会流水，系唔食得虾蟹，佢食其他肉系冇问题㖞，吖，食鸡吔、食鱼吔，呢啲冇问题，系虾蟹。其实系咩因缘呢？原来呢个师兄呢，前生佢本身就系一个唔信佛嘅人，不过后来呢，人哋带佢去放生，喺好偶然一次放生之下，就系放虾同蟹，触动咗佢嘅慈悲心吖，咁所以佢就喺佛前发愿就话，我以后就唔食虾蟹，希望我下一生都唔食虾蟹。咁所以由于呢个愿力嘅带领呢，呢个愿力嘅驱使，今生佢食虾蟹呢，就有呢一个敏感嘅情况出现吖，吓，呢个系自然嘅，所以同前生嘅因果系好有关系。故此你唔食得嘅时候，好似有啲人就唔好话去打针啦，特登打针令到自己可以食得虾蟹，其实系同你嘅宿命呢，嘅因果呢，系非常之有关联嘅，呢一点呢，大家都要注意一下。
122.素食的生活
我哋食素呢，有时好难做到，诶，绝对清净，因为点解呢？虽然你食素，但系你隔离邻舍佢哋食肉㗎嘛，咁嗱，呢啲时间，煮午饭嘅时间，一定煎啲肉吖，吖，煮，煮啲肉㗎，咁啲肉味一定会过到你个单位，多多少少，自然就会闻到，啫等于间接食肉，你系冇得避免。咁啫其实食素个生活方式已经习惯咗咁多年，你话撇开宗教嘅角度唔讲吖，啫你要我重新再食番肉，真系冇可能，完全冇可能，甚至你话请我去间餐厅度，不过叫啲，吖，素食俾你，但系间餐厅系食肉，都唔得嘅，因为而家我都比较敏感啰，闻到啲肉味呢，个人系，啫觉得唔舒服嘅，啫可能或者有小小心理作用啦，吓，因为食咗咁多年素。同埋仲有个问题呢，就系好似断六亲，大家都会经历过呢个过程，吓，啲朋友吖、啲同学吖，甚至啲亲属吖，有时聚会嘅时候，佢哋都食肉，你又唔去得嘞。
123.争取纯素百分百
咁喺食肉到食素嗰过渡期间呢，都有好多诱惑㗎。比如你，诶，见到啲饼店，个窗橱里便啲蛋糕吖、啲布甸吖、啲pancake吖，啫你以前系食㗎嘛，咁突然间唔俾你食，因为我妈妈，诶，细个呢，带我呢去食西餐，因为我对西餐变咗有啲情有独钟，见到有曲奇吔、有啲饼吖，嗰啲西饼，特别我哋生活喺呢个葡国人，啫葡国殖民地呢个文化嘅社会嘞，多少都会受到啲熏陶，咁你突然间见到以前你食得而家唔食得，有一种引诱啰，吖。但系当你升起番嗰个大目标，谂番下，点解我唔食得呢？我而家食素为咗咩呢？吓，有咩意义呢？咁你谂一谂呢啲事情的话呢，咁你，诶，对于呢啲食嘅执著呢，就相对降低好多好多，甚至系一个好小嘅问题可以将佢忽略咗。啫我讲我吖，我就系咁嘅情况，变咗就好快就戒得到啰，吓，好难戒嘅嘢都，都戒得到，所以最紧要明白你食素究竟嘅真正目的同意义系咩。
124.食纯素的美好价值
当你由食肉，诶，过渡到食素呢个期间呢，生活上多少都会有啲唔方便㗎喇，因为你去，诶，超级市场吖、去商店买嘢嘅时候，你就要唔系学似以前咁便利、随意，吖，我喜欢食乜就买乜，都唔使睇佢嘅成分。咁你要食纯素，你一定要睇佢个成分里便有冇蛋吖、有冇奶吖、有冇其他唔食得嘅成分吖，咁会有少少唔方便啰，但系当呢个行为做得多嘅时候呢，你就慢慢变成习惯嘞，咁你唔会觉得唔方便嘅，相反你会觉得，诶，我食素，啫越食越清净呢，觉得越嚟越舒服，越嚟越开心嘅，你会，啫你唔会觉得话，吖，好多嘢我唔食得吖，觉得唔开心或者唔方便，系好少呢种感觉，在于我嚟讲，甚至可以叫冇啰。同埋你会要知道就系话食纯素个价值系好大，就减少杀生啦，起码首先自己受惠先嘞，唔使，诶，每日吸入由肉食里便，诶，来源嘅毒素，疾病都少啲，咁你唔食肉亦都为地球吖，添一份祥和嘅气氛，减少杀业，何乐而不为呢？
125.我食素的过程
好多人好奇怪会问我，佢话：“点解你食素可以一戒就戒到咁多嘢㗎，乜嘢都唔食㗎，可以咁清嘅你食得？”其实我最初食素成二十几年前，啫戒都有个过程，最初我系，诶，唔食牛肉啦，跟住就系唔食，诶，猪肉嗰啲肉类，鸡吔，鸡肉嗰啲肉类，我就特别㗎真系，我一话唔食就唔食㗎，点解啫系冇过渡期嘅，一话，吖，我唔食牛、唔食猪、唔食鸡，就唔食。点解会咁呢？因为我有个目标喺前便吖嘛，啫明白，诶，个因果吖、杀生吖、食肉嘅问题，有呢个大目标在前，所以俾咗我一个信心同力量，我可以咁做啰。咁最后我就系戒嗰个海鲜㗎，咁吖海鲜都戒埋，咁就然之后开始就戒个蛋同埋奶嘞，啫唔，唔间接再食蛋奶，诶，蛋就，嘅系，直接食蛋就一早已经唔食㗎喇，吖，就冇过渡期嘅，我一话唔食就唔食嘅，咁就变咗，诶，个人觉得好清净啰，吖，吓，好清净。
126.水煮菜的生活
我呢，就，唔系属于一个物质型嘅人，我系需要有理想、有个追求嘅目标、实干型嘅，啫系踏踏实实去做嘢，见到系付出，有一个收获，嗰一类人嚟。诶，嗯……或者天生嘅性格呢，物质对我嚟讲，诶，真系唔系太重要嘅，嗯，够就算数㗎喇，我唔会要求话，诶，钻得好深去追求吖，诶，衣著吖、饮食吖，或者系住，住嗰个方面要求系名牌吔，诶，买啲名牌嘢吔，或者住到好好，好求。呢啲对我嚟讲系比较容易放得低啰，吓，诶，唔关学佛事嘅，就系，系天生嘅性格，当然学咗佛之后就更加会，会睇得开啲啦，因为，因为明，明白咗佛理吖嘛。所以你话，而家就算你俾我好多钱呢，拥有好多钱的话，我生活都唔会点样改变，都系食，诶，啲菜啰，各种菜，渌咗佢，嗯，几条水煮菜啰，哈。
127.赢得家人对自己食素的信任
食素呢，多数家人都系唔会赞同嘅，我谂喺呢方面唔好太过同父母吖，同啲亲属去对抗，啫搞到本身嘅，诶，好唔愉快啦，啫尽量自己去避重就轻，睇个情况而去决定啦。因为家人，诶，见你食肉，突然间你转做素食呢，其实佢哋最担心一个问题就系话唔够营养，咁譬如我自己嚟讲，我就好坚持，吖，要食素，咁家人都系唔太赞同，吖，就系因为唔够营养，但系我可以，吖，俾一个证据佢睇啰，最好你就系验血㗎喇，话俾佢听：“咦？我食咗素咁耐，我验血嘅报告，都冇唔合格㖞！你信科学吖，嗱，全部冇，冇一个，诶，项目呢，系唔合格嘅。”咁用呢一样行为去证明俾佢睇。嗱，你一样好似普通人㖞，食咗素之后，返工、放工，公园又有活动吖，打波吖，去做运动吖，你都好似一个正常人咁活动，根本就系冇问题。用你行动去慢慢证明，去感化家人啰，话俾，话俾佢哋听食素嘅体质唔会差过食肉，甚至系好过食肉，一步步循序渐进去做啦。
128.食素不会造成贫血
好多人担心食素会唔够营养、贫血，我话俾你听，呢个担心系冇必要，我自己食素二十几年呢，每一次体检抽血，从来未试过一次话贫血唔合格嘅，全部都合格，所以根本就唔需要喺呢方面去担心啰，我哋只要均衡各方面嘅饮食，咁呢，自然身体呢，所需要嘅营养就足够补充。譬如食饭嗰度呢，你就少食啲白饭，食糙米饭或者食红米饭，菜方面呢，就用水煮菜，最多煮咗之后呢，你落少少嘅橄榄油，吖，如果唔食油嗰啲呢，脂肪酸我哋可以食少量嘅果仁，已经可以补充番矿物质同埋脂肪酸。咁譬如蛋白质方面，我哋有好多豆类去煲汤啦，譬如话豆腐或者腐竹嘅，呢方面已经足够蛋白质㗎喇，其次维他命，我哋食新鲜嘅水果，新鲜水果呢，足够我哋食维他命，但系唔好食太甜嘅水果，因为我哋食素嚟讲呢，胆固醇系基本唔会唔合格嘅，系唯独呢，一样嘢呢，三酸甘油酯呢，容易高，因为呢，我哋喺饮食里便容易吸收到饱和脂肪吖，会变成三酸甘油酯，所以呢，糖分高嘅水果都唔好食得太多，会转变成为三酸甘油酯，呢一点吖，要注意嘅。
129.食肉与持素
我想讲俾大家听，就系话呢，无论任何师父呢，佢讲话“显宗食素”或者“密宗食肉”，我哋呢，千祈唔好相信。因为修行呢，系要由食素开始，打好个基础，除非你条件好困难，你完全做唔到，否则你一定要食素，系唔可以食肉嘅。如果食肉呢种错误观念呢，继续传开去呢，令到人哋以为呢，佛教将佢分开显宗同埋密宗，显宗可以食素、密宗可以食肉，我哋唔可以再将呢个错误嘅观念继续传开去。根本我哋，诶，本师释迦牟尼佛呢，系唔食肉，除咗好特别好特别嘅情况之，嘅，诶，嘅时候会示现呢，但系呢个唔系一种常法嚟，系唔会食肉。所以无论师父吖，教导弟子嚟讲呢，都唔会用，诶，呢种食肉嘅方法呢，去示现出嚟嘅。
130.燕窝并非素食，食者果报不轻
燕窝呢，真系唔好食，好多女师兄稍为经济好啲呢，佢哋梗系注重补身吖、养颜，所谓吸收多啲蛋白质吖，咁都食燕窝。因为燕窝呢一样嘢呢，虽然唔需要杀生吖，但系佢都系动物性嘅，并非素食嚟。而且采集燕窝嘅时候呢，你拆散嗰个燕窝，个燕巢，啫等于啲燕子嘅家庭，啲雏燕呢，亦都无家可归，甚至采摘嘅工人呢，会容易呢，啫爬，爬到好高吖，因为燕窝有时候喺啲山岩上便㗎嘛，佢爬到好高，跌落嚟呢，甚至会丧命。咁你拆咗啲巢嘅，啲燕子住喺边度吖？故此你食燕窝呢，个果报呢，你都唔好话唔大嘅，现生嚟讲呢，如果严重的话呢，自己嘅家庭亦都不和啦、妻离子散啦，啲仔女亦都未必孝顺嘅，咁有时呢，配偶方面呢，亦都有机会呢，外遇吔，令到你嗰个婚姻呢，会破裂，有时你揾唔到咩原因，其实原来个原因就喺食物上便出现，估唔到咧？将来吔，你食燕窝亦都要填还呢个拆散人哋家庭嘅果报，所以呢，系非常之严重嘅，呢个问题。
131.希望帮助患病的人康复
每日收到好多信吖，诶，信箱啦，好多个信箱收到啦，或者系微博嘅私信啦，吖，吖，各个渠道啦，好多人屋企人呢，啲亲友有病，啫病得好严重吖，吖，啲绝症吖，或者其他慢性病，总之系严重，就嚟求我啦，当然，啫希望能够帮，帮得到佢哋。伤心㗎，会吔，当然伤心啦，啫佢哋啲家人，唔，系唔信佛，同埋呢，平时系食咗肉咁多年啦，吖，或者饮酒吖，或者好多，嗯，不良嘅生活习惯啦，特别佢哋爸爸妈妈，真系身同感受，你爸爸妈妈譬如生癌症，作为仔女，个心就一定好难受，都希望能够帮到佢哋啦，但系而家你临急去抱佛脚呢，话即时有个方法要帮得到，令佢哋系，诶，好番晒吔，或者冇事吔，根本就系好难好难。唉，有时睇啲照片，就有个感觉就系基本上系冇得救㗎，帮唔到㗎，不过问题，我都唔可以将个真相讲出嚟，都要安慰对方，等佢哋个心理比较舒服，吖。
132.只要肯相信所有苦难会去除
既然佛菩萨大慈大悲、救苦救难，点解佢唔拔晒我哋凡夫啲苦，等我哋快快乐乐，唔使好似有啲人咁痛苦生活喺世界上呢？其实佛菩萨一早已经讲咗好多好多方法出嚟，教我哋凡夫点样离苦得乐，可惜我哋凡夫系唔相信，系唔会听。比如好多天灾、人祸吖，地震吖、海啸吖，种种呢啲人间不如意嘅事情呢，我哋当然系好唔开心，但系佛菩萨一早已经教我哋点样去避免呢啲种种灾祸，就系唔好去杀生、唔好去邪淫、唔好去偷盗、唔好去妄语，更加唔好饮酒乱性，做出啲非理嘅行为，其实佛菩萨一早已经说明呢啲道理，但系我哋凡夫觉得迷信，系唔会听。我哋唔杀生、唔邪淫，个世界会变成好咩？唔见而家个世界好？好多人系真系唔会相信，所以变成因果同埋呢个业力不断喺度循环，系恶性循环吖，唔系善性循环，众生几时醒觉呢？
133.饿鬼道太痛苦
施食呢，系非常之重要吖，因为有啲饿鬼吔，真系好惨吖，饿鬼，真系唔好做饿鬼。如果做到饿鬼的话呢，嗰种苦系冇办法讲到出嚟，因为佢哋呢，嗰个喉咙吖，好似一个针孔咁细，你谂下针孔有几大吖？点食得到嘢？但系个肚呢，就大过个冬瓜，好似冬瓜咁大，嗯……啫佢哋基本上呢，连水或者食物吖，都从未听过有呢样嘢，就一味饥饿，但系饿呢，又饿唔死㖞，嗰下嘢惨㖞，就饿唔死，一味喺度受苦，咁个身体呢，就成日会喷啲火出嚟，喷啲火出嚟，同埋佢哋行动好大声嘅，喐一喐呢，都非常之嘈，好吵耳嘅。所以你如果堕落咗饿鬼道呢，真系有苦自己知，好难形容！咁有关施食嘅实际操作呢，我喺呢个佛说救拔焰口，诶，饿鬼陀罗尼经个施食法里便呢，有详细嘅解释，啫我篇文章里便有讲，大家应该有机会去学习一下，去帮下饿鬼道受苦嘅众生。
134.鬼道的平民区
鬼道嘅众生呢就分开好多类，有多财鬼吔、无财鬼吔、少财鬼吔、臭饿鬼吔，种种种种，啫有啲有福德，有啲冇福德，有啲享，可以享受到人间嘅斋祭，有啲就唔得。比如饿鬼，佢唔能够食嘢嘅，诶，一食嘢嘅时候呢，个口喷啲火出嚟，将啲食物烧成火炭，咁你必须要通过，诶，咒力，加持咗啲食物同埋嗰啲水俾佢，佢先可以食到同饮到，吖。咁根据通灵人士去过个鬼道嗰个平民区睇过呢，所谓个鬼道平民区呢，就系话，系一般普通嘅平民百姓嘅鬼类嚟嘅，咁呢，佢哋系有另外一个社会结构，就非常之简单，当然亦都有好似我哋人间嘅买卖啦，但冇我哋人间个社会咁辉煌，亦都咁复杂，因为由于有买卖，所以自然就有货币嘅出现，吖。喺佛教嚟讲，就万法唯心啦，有供就有求，佢哋有咁嘅需要，自然就有人烧呢啲金银衣纸货币俾佢哋，系有用处嘅。不过佛教嚟讲呢，就唔希望我哋烧，点解呢？因为呢，佢用晒你又要烧、用晒又要烧，始终会令到佢哋呢，逗留流连喺饿鬼道，最好就超度佢哋离开。
135.灵动与气动
好多人打坐嘅时候呢，静坐呢，个身体呢，会有动态，会喐来喐去吔，啫个身体会震吖，啲手吖，会摆来摆去吔，或者个头摇来摇去，个身向前向后吖，有呢啲情况，咁，诶……唔一定系有危险性同埋话一定有灵界附身，我哋要分清楚呢，系灵动同气动唔同。因为普通练气功呢，头先所讲话个身向前向后吖、左摇右摆呢啲呢，通常多数系气机发动嘅时候，啱啱学冇几耐呢，好多人会有呢个现象出现，系身体气脉嘅流动，呢样嘢呢就唔需要太担心，顺其自然就得，千祈唔好用个意念吖，去带领啲气，引啲气去边度走。但系另一样我哋要注意嘞，假如如果系灵动的话，咩灵动呢？可能有灵界附身，都有呢啲情况出现嘅，有啲人会呢，唔系净系向，向前向后郁吖，啲手会摆动，会打出啲手印，甚至会讲出一啲唔知咩嘢嘅方言，佢哋讲叫做“宇宙语”或者“天语”，吖，呢啲情况我哋听唔明究竟佢讲乜，嗰啲呢，就要小心，可能就有灵界附身。
136.婴灵干扰与超度
有堕胎呢，先有婴灵个问题产生，婴灵呢，已经堕落咗喺鬼道㗎喇，系鬼嘅一类嚟嘅，咁要得到阎王嘅批准呢，佢先可以近到父母身边吖，去作出障碍嘅，啫讨回呢个债务吖，因为佢唔开心，有个怨气，你，诶，你攞咗佢条命吖嘛，咁如果喺屋企里便，你会发觉系有好多事情出现不如意啦，譬如话，诶，哥哥或者家姐，你唔生佢，咁再生第二胎嘅妹妹同埋细佬嘅时候，你对佢好呢，有婴灵喺身边就会对妹妹同埋呢个细佬呢，就作出障碍，令到佢哋喊吖、夜啼吖、身体唔舒服吖，或者令到先生同埋太太之间多是非吔，吵架。如果唔系因为人为嘅问题引起呢，你就要注意下会唔会系婴灵嘅问题，因为一般妇女多数都会堕胎，如果系怀孕嘅时候，医生话：“吖，个胎发育唔正常㖞！”你就会听医生讲，一定会堕胎，唔系你生出嚟嘅时候，你又会好大压力呢，你唔知点样去照顾佢，所以通常都选择堕胎。如果你同佢讲话有地狱嘅报应吖，佢系唔相信，因为呢个苦在后啰，好难令到佢唔堕胎，多数堕胎。咁念经嗰度呢，一定要系靠自己去诚心去念嘅，你如果揾人去超度佢呢，个婴灵发现唔系你自己去真心去忏悔的话呢，佢一样唔会去原谅你，所以效果系好微啰。
137.债主附身的应对方法
其实有灵界附身唔需要太担心，如果嗰啲灵界附身系债主的话，佢通常嚟呢，就对你生活构成障碍嘅啫，想俾啲唔舒服你，令到你身体唔舒服，佢发泄番佢嘅愤恨吖嘛，因为你前生欠佢，所以佢而家咪嚟附你身作障啰，通常就系唔会话要取你性命嘅，大部分嘅情况都系唔，都系唔会嘅。就算佢要取你性命的话，假如而家我哋修佛法呢，有护法嘅帮助的话呢，都唔会去到咁严重嘅程度，最多系对我哋日常生活构成障碍，种种不如意吔，同埋唔舒服。咁但系我哋呢，遇到呢啲种种不如意同埋唔舒服嘅时候，我哋要安于忍受，因为我哋知道现在系还紧债俾佢吔嘛，嗯，而且亦都冇必要去惊、去担心啰，吓，唔须要呢，诶，去，去处理啰。如果真系对生活构成好大嘅障碍吔，或者系佢真系要攞命嘅时候呢，我哋就用佛法，诶，再去处理。咁一般嚟讲呢，我哋就唔需要话太过去介意佢，好似你当一个正常人咁样生活就得㗎喇，吖，唔好太过介怀。
138.梦魇与鬼压床的处理方法
有不少师兄呢，有被鬼责嘅经验，有啲甚至话一晚嚟责几次添，都好频密嘅。咁当你被鬼责嘅时候呢，你一定要镇定，唔好惊，同埋要分清楚系真嘅被鬼责定假嘅被鬼责，假嗰啲呢，就系你嘅心理压力大吔，半睡半醒之间好似个人唔喐得咁，如果真嘅时候呢，其实你个人呢，个脑已经醒咗个大脑，无论你闭眼或者开眼，有时甚至见到对方个灵界系咩样添，嗰阵时候你一定要定，唔好惊，念呢，你最熟个咒语就最有威力，因为平时你用得多吖嘛。佛号同埋咒语都可以念，但有时你念完之后呢，佢一样唔走㗎，唔系话个咒语同佛号冇用吖，系你未能够念出佢嘅力量出嚟，啫平时可能你修持少，咁你要佛号同咒语交替嚟念，试下边一个佢系最怕嘅，咁一定呢，应该个问题都解决嘅。唔系话佛号同咒语嘅威力系唔够，因为譬如呢，有啲灵界特别怕一个佛号，特别怕一个咒语，比如佢蛇精嚟，诶，砸你、去干扰你，如果你念孔雀明王个心咒，因为孔雀系克蛇㗎嘛，咁呢，啱啱念正孔雀心咒，佢一定走，念几句，佢就已经走，因为佢怕吖嘛，所以你要识运用呢啲方法啰。
139.水晶附灵的处理方法
有啲师兄买啲水晶珠返嚟戴呢，或者用嚟念佛呢，我哋要注意嘅，啫啲水晶买返嚟之前呢，可能有机会被污染咗，又附有灵界。有啲人佢话屋企吖，风水唔好吖，摆个水晶阵，或者呢，自己财运唔好，又摆个嗰啲招财嘅水晶阵，点知摆咗之后呢，屋企呢，有机会有啲唔如意嘅事情发生添，如果嗰个水晶本身附有灵界呢，都可能会引发呢啲问题出现。咁咩灵界呢？我哋就唔详细去讲先，咁主要讲呢，就话点清除嗰个灵界。有时你用普通清除水晶嘅方法，吖，譬如摆个雪柜吔，或者晒下佢吔，都未必个灵界会走㗎，如果系灵界。咁呢，我哋最好预备呢个孔雀心咒嘅法水，吓，念三百次，咁呢，大悲咒或者大悲咒嘅法水呢，念四十九次，然之后将个水晶珠吔，或者水晶嘅摆件吖，浸一晚过夜，最少浸一晚，然之后先攞番出嚟用。如果佛像呢，就攞嗰个加持咗嘅法水呢，爱嚟涂抹清洗个佛像之后呢，然之后喺嗰佛像响后便贴有啲有法力嘅咒轮呢，嗰个灵界呢，就应该会离开㗎喇。
140.补回被盗取精气的方法
精气呢，啫系我哋人体生命嘅能源，通常由三方面补充，就食物啦、水份同睡眠，喺呢三方面我哋得到精气，系一种光气，你肉眼睇唔到，支持我哋嘅生命嘅活动。咁呢，我哋除咗正常嘅活动会散失呢啲精气之外呢，有一种系异常散失精气呢，系咩情况呢？就系俾啲恶鬼吔，佛经里便讲，讲啲罗刹吖、夜叉吖、毗舍遮，啲盗精气鬼会盗我哋精气。点解会盗我哋精气呢？特别呢，我哋食咗五辛吖、蒜头吖，同埋洋葱呢啲味道会吸引佢哋，吸引佢哋呢，喺夜晚我哋睡眠咗之后呢，喺我哋口同埋呼吸之间，佢系将我哋啲精气扯出嚟去盗取，作为补足佢自己身体嘅，嘅养分嘞。咁问题，如果我哋散失咗啲精气之后，身体强壮嘅人唔会有咩问题出现，但系身体如果虚弱嘅人呢，盗得一两次精气呢，个身体，嘅物质身体可能会出现病症。咁点样补充呢？补充我哋一定要念“南无药师琉璃光如来”或者念“南无药师佛”，药师佛的力量呢，就有方法令我哋补充我哋身体失去咗嘅精气。如果念药师佛嘅圣号呢，最好念法水吔，每日去饮呢，念最少三百遍，如果念药师灌顶真言嚟讲呢，每日最少念一百零八遍，日日饮，去保护我哋身体散失咗嘅精气同能量。
佛学讲座
141.开创生命的最高境界（一）
每当夜阑人静之时，仰首星空，面对住繁星细数，每一颗星都发射出闪闪光华，从而感觉到宇宙造化系好奇妙嘅！好似宇宙每一颗星都向人类众生呼唤住，发出呢啲星所要表达嘅讯息，甚而每一颗星星可能系代表世间芸芸众生嘅每一个。
有时自己总会抚心自问：人究竟生存于世，系为咗一啲咩嘢呢？由于每个人嘅价值观唔同，就形成咗古往今来对人生千差万别嘅睇法。千百年来，东西方嘅哲人智者各抒己见，去探讨呢个“生而为人”嘅大问题。
由于对人生意义同价值有唔同睇法，就形成咗种种认为适合每个人自己嘅生活模式。除咗一类不事生产嘅人之外，其他嘅人都系追随住一个规律，向住前面走，休息、工作、再工作。唔同嘅生活模式，只系响休息工作嘅或前或后，穿插咗一啲小调子。
其实我哋有冇谂过呢，“生命”系咪只等于“生活”咁简单呢？系咪只等于结婚、生子、养子、求学、名位、利禄呢啲种种东西？或者就系简单嘅三字：性、食、睡？
人类之所以能超越其他嘅动物，系在于人有较高等嘅智慧同埋理想。人，想征服宇宙；人，想驾驭自然。响东西方漫长嘅思想史里便都揾到昭然若揭嘅证据。
响呢个广阔无垠嘅宇宙，生命系好卑小！每个生命响宇宙之中所出现嘅周期，周而复始、循环不息，但系响空间嘅占有性亦都系狭隘嘅，响时间上嘅存在亦都系非常短暂。每个生命响宇宙广阔嘅剧场之中扮演住唔同嘅角色，各安其位又各尽其份，咁样就构成咗千姿百态嘅人生大舞台。
我好中意王国维先生嘅一阙浣溪沙词：“山寺微茫背夕曛，鸟飞不到半山昏，上方孤磬定行云。试上高峰窥皓月，偶开天眼觑红尘，可怜身是眼中人。”我尝试登上高峰，去窥探下天上嘅明月，偶然打开天眼，注视尘嚣嘅尘世，响呢个时候先发觉，可怜嘅自己竟然亦都属于芸芸众生之中嘅一分子。
当一个人响最真嘅时候，偶然反省睇清楚自己嘅真面目，可能系一个既空虚又失落嘅故事。人贵能自知，每当夜深嘅时候，我都会屡屡喺度思索，自己响宇宙之中嘅定位，虽然系芸芸众生嘅一分子，但系自己嘅生存空间同埋价值，只系如蝼蚁之小，如鸿毛之轻？定是有如泰山之大，好似金石之重呢？
杜甫先生讲过：“富贵必从勤苦得，男儿须读五车书。”但系若然功名富贵系能够由勤苦钻研学问得嚟，咁样好多饱学之士就唔会将往日嘅“琴棋书画酒诗花”，被迫变成咗束缚今天嘅“柴米油盐酱醋茶”嘞。人生嘅际遇千差万别，复杂嘅前因后果，构成咗幻变无常嘅命运。但系倘若“富贵”两个字系心中富有的话，咁样男儿又何须只系读五车书呢？
我曾经有一段时间，刻苦钻研经籍、历史同兵法，而得到一个重要嘅启示：响人生嘅大舞台里便，人如果要反面去保存自己嘅方法，不外“淫、杀、盗、妄”四个字；人如果要正面去保存自己嘅方法，不外“礼、仁、义、信”四个字。
其实喺我自己嚟讲，我唔想庸庸碌碌去虚度一生，呢个身体嘅发肤受之于父母，我希望能够利用呢个有漏嘅身体，尽我所有嘅力量，去帮助更多有需要嘅人，一则借以报答父母劬劳于万一，二更无负我恩师释迦牟尼佛陀嘅心意。
人生在世，最要紧系一个“孝”字。王祥先生卧冰求鲤，响今日嚟讲可能被视作愚昧，但是老莱先生彩衣娱亲，黄庭坚先生为母亲清洗马桶亦都亲尝汤药，呢啲孝行嘅表现，系无容被否定嘅。文天祥先生响就义之后，喺他嘅腰带里便发现一封遗书，佢话：“孔曰成仁，孟曰取义，唯其义尽，所以仁至。读圣贤书，所学何事？而今而后，庶几无愧。”读圣贤之书，究竟学到一啲咩嘢呢？除咗儒家所说嘅仁义之外，我所学到嘅系至孝之道。
响我嘅宗教体验嚟讲，至诚嘅大孝精神，能够感动天地人三界。响天界当中，玉皇天尊系最尊重同欣赏人界嘅大孝之人；而喺下界嘅冥府阎君，也同样赞叹同埋礼待人世间嘅孝子，响人界就唔须要再讲嘞。每个人嘅心灵深处都系扎根住孝道嘅思想种子，只系要睇这颗种子发芽同发挥到去边一种程度，同埋表达出嚟嘅形式啫。
今日响宗教嘅领域里便，我自己有自己嘅一片天，受到很多人尊重、赞赏同认同，我实在默默唔敢承受呢啲荣誉。但系每当响一次次嘅掌声背后，我都会谂起佛陀开示嘅诗句：“慈母像大地，严父配于天。覆载恩同等，父娘恩亦然。”父母长养嘅恩惠犹如天覆地载，天可荒，地可老，父母嘅恩情系永远报答唔尽嘅。曾参先生曾经讲过：“大孝尊亲，其次不辱，其下能养。”我纵然唔能够学人中嘅曾参，亦都希望能够效法精卫鸟去填沧海，一点一滴去报答我生生世世父母嘅大恩。
“少年易老学难成，一寸光阴不可轻。未满池塘春草绿，阶前桐叶已秋声。”我时常不断去提醒自己，人生如白驹过隙，千万唔好放逸，将时间耗费响无益嘅事物里便。世界上有一啲嘢总要响年青嘅时候去做，以免日后引嚟白发萧萧嘅追悔。
好多年前，响读童蒙书嘅时候，曾经睇到一首五言诗，使到响我心灵嘅上面产生咗好大嘅震撼：“朝为田舍郎，暮登天子堂；将相本无种，男儿当自强。”呢首诗嘅意思系话：早晨仲喺田舍里便做耕作嘅细蚊仔，响黄昏已经登上咗天子嘅殿堂；自古嘅将相公侯系冇天生嘅，一个人应该要发愤而自强不息。我唔希望好似石崇先生嘅豪富，亦都唔会望好似甘罗先生嘅运早，亦都唔会盼望好似彭祖嘅高寿，只希望响变幻无常嘅人生之中，做一切嘅事，都可以尽如众生嘅意思，亦都但求无愧于天地之心。
得道高僧不易逢，
几时归去愿相从。
自言住处离三界，
别是花藏第一峰。
开创生命嘅最高境界——将时空转化嚟改造命运
时间同空间束缚咗我哋嘅一生，我哋已经执实咗时空，而且随日月嘅起落而将垂垂老去。响我哋生命嘅感觉之中，又曾否有一日切实地感受到系完全属于自己嘅呢？虚伪无主嘅生活已经不断响度淡化我哋嘅灵性生命，随住时空嘅流转同我哋自己一向以自我中心嘅习惯，生老病死已经被认定系平常嘅事而加以忽略。但系呢啲睇嚟好似寻常但系又响我哋心灵嘅深层觉得系可怕嘅事，响现实之上系无可逃避而最终带嚟结局。人是否正在喺度欺骗自己嘅宝贵灵性呢？真正属于自己嘅一日，唔系早睡早起，而系分分秒秒能够肯定当下嘅刹那，进入言行一致嘅时空里便，为完全真正嘅自己而活。
心行合一嘅境界就系驾驭、转化同超越时空嘅方法，是一切三昧之中嘅三昧。时光倒流只是痴人嘅梦话，响时间上又何尝有三世之分呢？心行合一就系人境交融、人法合一嘅一行三昧境界，一行亦即是无行，无行就系空性，响空性里便嘅人生，只系随缘而活，响心底里便永远系一片光明同安祥，命运不改而自造，算命同睇相已经系一件冇意思嘅事情嘞。时空系空性嘅子女，响宇宙之中揾唔到你，但系又处处都系你。
以无法体验万法
将修行投放响每个众生嘅上面，每个众生嘅心里便都有一位慈悲嘅你，但系你无作无住，咁响你嘅生命里便就洋溢住潇洒嘅禅意。如果心能够同“无法”相契，万法自然任运于掌中。遁世修行同在家闭关，其实系同一个心、同一件事。“一身入定多身起”，莫如一切众生因为你嘅接引而向佛菩萨感恩修行。
救渡一只蚂蚁由水淹而到陆地，系一个很高嘅法门；帮助一个老婆婆推纸箱车，系一个很高嘅法门；响公车之上俾孕妇同孩子让座，亦都系一个很高嘅法门。每一个众生嘅心底里便有一个你，你就系能够身外化身嘅千手千眼大慈大悲嘅观世音菩萨嘞。万法，其实就喺我哋平常嘅生活当中，如果能够以无住嘅心而行菩萨道，街头执起一个破玻璃瓶嘅功德，犹胜以计度心去诵经持咒。咁乜嘢系佛法呢？无法就系佛法，无法所生起嘅力用就会无边。咁样咩嘢又唔系佛法呢？呢个问题就留待大家去参悟一下。
时刻忏悔，令生命升华
冇过错嘅人，佢嘅生命系唔会升华嘅。响每一念之中都存有忏悔嘅思想，系一种最高嘅观照，慧眼就系咁样修成。人界系一个对错并存、苦乐参半嘅世界，有对有错，就有善恶苦乐嘅相貌，真正嘅忏悔系无善无恶、无苦无乐嘅无相忏悔。业性本嚟系空嘅，有求亦都系妄，当下嘅念，如果能够无住无作无相，就系真忏悔。罪附喺我哋嘅心上便，当心行处灭嘅时候，罪亦都系虚幻，一切嘅地狱系自己惩罚自己，一切嘅天堂亦都系自我陶醉响电光火石之间。被心营役嘅我哋唔能够自主，但系法界嘅最终觉性就系我哋嘅心。
每当夜阑人静嘅时候，万籁俱寂，就系检讨心灵、升华生命嘅最好时刻。响袅袅香烟之中，默默跪喺最可依靠嘅圣者面前，流出最真诚嘅眼泪，一切待人接物嘅虚饰已经唔再存在嘞，敞开你嘅心怀，双手合掌，至诚咁讲一句：“菩萨，对唔住，我错咗喇。”呢个时刻，系心灵上嘅最高交流，光明就由你嘅头顶进入加持，而默许你忏悔嘅话句。
由疾病之中去体验解脱嘅法乐
只有疾病所产生嘅痛苦，响里便我哋先会令到一切众生反省。疾病消去咗我哋所做嘅恶业，但系亦都招引咗众生嘅自怨。大修行人虽然唔离开因果，但系就唔会受因果嘅束缚，所以大修行人能够响疾病之中体验到解脱嘅法乐，冇一种心境能能够同清偿所有嘅债务之后嘅安祥同自由相比！勇敢去面对痛苦，先系解决一切疾病嘅最有效方法。大修行人不特能够响疾病之中反省，亦都能够利用呢个机会去摄受、教化众生。一个人能够将自身嘅苦痛化成一种艺术，疾病亦都变成咗一种可有可无嘅心灵腾化三昧，升华到更高嘅修行境界。
金粟如来最后之身
维摩诘居士，系我响佛典之中好仰慕嘅圣者。维摩诘居士，系金粟如来辅助本师佛教化世间嘅应化，佢虽然有妻室，但系示现梵行，一默如雷，启迪本师佛嘅好多弟子。
响好多年前嘅一个夜晚，响似睡非睡之间，隐约见到一尊如来世尊，好似释迦牟尼佛嘅模样，佢圆满无瑕嘅三十二相令到我不由自主拜在足前。如来清澈明亮嘅声音由光明之中传递入我嘅心灵，佢开示话：“我系你仰慕嘅维摩诘居士，因为你嘅修持特嚟安慰。要修成慧眼同法眼，必须由断除淫欲开始，慈悲一切有情，以至于唔损害一花一木，教导世人唔可以食啖自己嘅父母，守持如来嘅清净戒律，时常检点自己嘅过失，要有人溺己溺嘅精神。弟子，如来本应响每个人嘅心目中，为咗应不同嘅众生而示化虚幻嘅身体，所以以后唔好再执著我嘅相貌。佛法嘅唔平凡嘅地方，就系在于佢平凡，因为每一个有情，如果依止如来嘅教诲，系一定能够做得到嘅。照我以上嘅教诫去做，你就相等于我。你谨记！”
自呢个时候开始，我时刻惦记住如来嘅教诲而洁身自爱。从此我将自己每日嘅修行心得写低，其中包括静坐嘅笔记同每日所做错嘅事，力求不断更新改正。我已经将自己嘅身、语、意完全奉献，去供养一切如来，我要好好咁去妥善安排我嘅一生，勤加研习经律论三藏，修持不懈，利他自利。我永远唔会忘怀恩师嘅教诲，一心去受持佛母金曜孔雀大明王嘅真言同千手千眼观世音菩萨嘅法门，去利益一切众生。
（注：接下文）
142.开创生命的最高境界（二）
（注：接上文）
旷劫难磨不动心
我哋学佛，其实系想磨练出一颗永恒不变、清净无染嘅纯洁真心，呢一颗真心具足至真、至善、至美嘅标准。呢颗真心又点样能够磨练出嚟呢？讲到磨练，磨练就系修行，因为响佛法修行嘅道路之上就必须经历种种嘅磨练，可能呢啲磨练唔系响一生一世就完全出现嘅，响佛法修学嘅时空观点嚟讲，呢啲磨练系贯串过去、现在、未来三世，特别响菩萨道嘅修行嚟讲，经历一次磨练嘅考验就破一分迷惑，响个人法性嘅长养之上就多开启一分般若智慧。
修行嘅功德系一分一分累积而嚟嘅，并冇一蹴而就嘅事，顿悟嘅修为系由渐悟而嚟，就算系今世即身成佛，修行嘅人响过去世其实已经累积咗无数成佛嘅资粮，已经种下咗成佛嘅无数善因。有好多古佛嚟到呢个娑婆世界垂迹教化，示现修行嘅道路，佢哋亦都不约而同去讲述佢哋各自响过往生因地之上嘅精进修行，圆满十波罗蜜多嘅教法同普贤菩萨嘅大行大愿，佢哋都唔系一生一世修为就可以成功证果嘅。本师佛降生响地球就系呢种示现，佢响尘点劫嘅时空之前其实早已经成证咗圆满嘅佛果。
响佛果嘅修为观点之上，视度化众生如幻，就释迦佛嚟讲，佢响宇宙嘅过去时空之中不知已经成就咗几多次嘅佛果，好多响宇宙其他国土之中嘅佛陀其实系来源于本师本体嘅，所以本师响宇宙法界之中系有好多别号，虽然唔同嘅佛号，其实嘅本体系无二无别。佛陀唔会有执著“实有众生可度”之心，只会由空性之中生起如幻嘅大悲去化度一切有情，根本对成佛、成就佛果呢一回事亦都唔会存在住任何“有所得”嘅观念，呢个道理就系犹如幻师度诸幻众嘞。
讲到修行嘅事，千万唔可以执著念诵经典就相当等于修行嘅全部，初学嘅人响呢个观点上好容易陷入盲点。念诵经典，亦都好似拜忏之类，只系修行嘅其中一种途径，并唔系必要嘅唯一可修嘅方法，修行嘅真正意义就系每时每刻缜密注意我哋身体、语言，尤其响意念上所做嘅业。身、语、意三部分每日不停喺度运作住，当诵经或者拜忏嘅时候，身、语、意响度做住善业，但系我哋诵经、拜忏嘅时间有几多呢？系咪日日都同样有做呢？我哋做俗事嘅时间其实系仲多！如果只认为诵经同拜忏系修行嘅唯一途径，如果只做咗早晚功课之后就算完成咗一日嘅修行，呢个唔系我哋学佛嘅人所有嘅正确观点，可能我哋整日所做嘅违背如来教法嘅行为比做善业嘅更多。
如果将修行定义为做早晚功课，分开有修行同埋非修行嘅时间，咁样就唔系真正嘅修行嘞，只要我哋嘅身、语、意响度运作住，只要我哋有生存嘅一日，每时每刻都系修行，修行就系修正我哋身、语、意三方面嘅缺失同埋去除所有不良嘅习气。“诸恶莫作，众善奉行，自净其意，是诸佛教。”冇错，呢首偈我哋成日都会听得到，但系我哋可能已经当作咗老生常谈嘞，其实修行嘅最重要口诀就系响呢首偈里便。一个人见惯咗嘅嘢，或者系人或者系事物，日子一耐咗就唔再尊重或者重视嘞，呢个就系娑婆世界凡夫嘅习气，我哋知道所有嘅佛法其实系由恭敬中来嘅，都应该由恭敬之中去获得嘅。
修行，其实就系磨练我哋法性上嘅长养。六祖惠能大师响猎人队里便生活十多年就系磨练；那罗巴上师十二大苦行、十二小苦行就系磨练；密勒日巴尊者盖房子以至于皮开肉绽就系磨练；虚云老和尚三步一拜朝礼五台山去报答佢父母恩德就系磨练。以至于大觉世尊佛陀本师亦都示现修持外道仙人嘅苦行，为求无上正等正觉。
修行，其实要视每时每刻都系磨练，磨练有顺境嘅正面，亦都有反面逆境嘅。顺境嘅磨练可能就系别人嘅赞誉或者五欲嘅吸引，逆境嘅磨练可能系别人嘅言语毁谤，或者甚至系人身上嘅攻击。如果遇到呢啲情况，我哋应该要视为修行嘅课题，要由三世因果嘅观点上去分析，要用安忍波罗蜜多去面对，我哋要学习不动明王嘅心，要学习阿閦如来嘅无动心，要学习本师佛嘅安忍智慧去面对一切。“我师得遇燃灯佛，多劫曾为忍辱仙。”本师佛多生多世以安忍作为修行嘅课题，歌利王将本师四大分解，本师亦都微笑欣然接受，呢一种修行，呢一份对众生嘅大慈，我哋系咪应该要开始去学习呢？
弥勒菩萨旷劫修习慈心三昧，所以亦都叫做“慈氏菩萨”。“慈”嘅意思，就系给予一切众生快乐，绝对唔做扰恼同妨害众生嘅事。慈氏菩萨响中国嘅化身，大肚笑面呢一位布袋和尚，佢以呢个形象去示现，就系要教化一切众生“大肚能容不平之事，笑面常宽不赦之人”，菩萨其实已经俾咗我哋修习慈心三昧嘅一啲消息。
我哋要学习地藏菩萨嘅一份平静同安稳嘅心境，地藏菩萨法号之中嘅“地”字，就系“安稳不动如大地”嘅意思，有呢份嘅心境先能够成就不可思议嘅无尽大愿，响旷劫以来嘅时空之中救渡无量众生。
观世音菩萨响久远嘅不可说时空之中亦都勤修“大悲三昧”，“大悲”嘅意思系“拔除一切众生嘅苦难，我皆代受，而令到一切众生得入无余涅槃”嘅心。观世音菩萨嘅心亦都系谦卑嘅心，视一切众生犹如佛陀去恭敬承事，其实观世音菩萨真系承事服务众生，而唔系教化众生，亦都唔为任何目的同埋益处。
文殊师利菩萨系般若之母、七佛之师，佢响佢无尽嘅甚深大愿当中，亦都教导我哋化敌为友、以德报怨，“若一切众生怨我、恨我、害我、杀我，我皆与其为朋而作利益，令一切众生毕竟获至菩提大乐”，呢一份系何等嘅胸襟同抱负呢！
普贤菩萨亦都教导我哋：“所有礼赞供养佛，请佛住世转法轮；随喜忏悔诸善根，回向众生及佛道。”将我哋所有修行嘅功德好处悉皆施与一切众生。普贤菩萨教导我哋“若发大心者必能与三世十方诸佛同行”嘅大道理，我哋又有冇体会到菩萨嘅心意呢？
佛陀嘅十大弟子，解空第一嘅须菩提尊者，佛陀称赞佢证得“无诤三昧”，人中最为第一，系第一离欲嘅阿罗汉。“无诤三昧”就系心境平等一如，无分别取舍嘅真空境界，亦都与人无诤，具有谦卑、礼让、恭敬嘅精神思想意义。须菩提尊者教导我哋响日常生活修持之中嘅无诤意义，我哋经常同众生争一日嘅长短，为争一口气可能做下五逆十恶而堕入无间地狱。提婆达多为咗同本师争夺尊荣地位而不惜千方百计去谋害本师，惠明和尚亦都为咗争夺禅宗法位而想劫害六祖惠能嘅传承衣钵，其实放下一切无诤，自然就会显现自在、具足宇宙一切万法嘅真心。心法用人世间物质上嘅伎俩同手段系点能够争得到呢？如果能够进入“无诤三昧”，即系一即一切，一得亦永得。本师“八风吹不动，端坐紫金莲”，所以佢嘅毫光能够照耀三千大千世界，加被护持一切众生，“八风吹不动”就系“无诤三昧”嘅最高境界。
我哋响修行嘅历程当中，唔可以过于轻视自己嘅能力，亦都唔能够有不可一世嘅傲慢之心，应该要尊重自己、尊敬他人同埋恭敬一切如来、菩萨、圣者。尊重自己嘅意思，就系唔好辜负四重嘅恩，所以要“勤修戒定慧，熄灭贪瞋痴”。尊敬他人嘅意思，就系要时刻念记三途之苦，誓救一切众生，亦都唔好做任何损害众生嘅事。所谓“凡夫”，就系损人利己呢；所谓“菩萨”，就能够损己利人。恭敬一切如来、菩萨同埋圣者，系要话俾大家听，佛法由恭敬之中而获得嘅道理，如果失去恭敬嘅心就会自然失去一切学习佛法嘅机会，失去恭敬心嘅人，修行亦都冇任何嘅成就。释迦佛响因地修行菩萨道嘅时候，用头发散喺泥路之上俾燃灯如来踏过，呢个就系恭敬嘅心，燃灯如来所以为本师授记未来成佛。持地菩萨发愿要填平一切众生所走过嘅崎岖道路，亦要平复一切众生嘅心令到佢安稳，呢个就系恭敬同埋唔轻视一切众生系未来佛嘅行为表现。
佛陀在世嘅时候，佢嘅弟子、天帝同埋护法嘅天龙金刚，想请佛陀本师任何问题嘅时候，响未发问，总系先敬奉一啲供养俾佛陀，或者系鲜花，或者系珠宝同埋其他嘅物品，亦者或者右绕佛陀三个圈，然后先提出自己嘅疑难俾佛陀开示，呢个就系恭敬嘅心嘞。
响《妙法莲华经·观世音菩萨普门品》里便，无尽意菩萨献上宝珠璎珞，价值百千两金，去供养观世音菩萨。无尽意菩萨已经系位证一生补处嘅大菩萨，即将候补佛位，佢亦都要示现修持恭敬嘅法门，但系观世音菩萨响接受咗无尽意菩萨嘅供养之后，佢将供养分为两份，一份敬奉俾本师，一份供养多宝佛塔。观世音菩萨贵为古佛之尊“正法明如来”，亦都冇忘教授众生谦卑同恭敬嘅法门，我哋响研读《普门品》嘅时候，又有冇忽略咗菩萨度生嘅心意呢？
恭敬嘅法门，响修行锻炼嘅历程之上实在系太重要嘅一课嘞，唔好将日常嘅平淡，将你应该恭敬佛菩萨嘅心冲淡洗去。就算我哋能够出生响正法时期，甚而近喺本师嘅身边，如果失去恭敬，个心已经离开佛陀渐远，对住本师嘅化身肉体又有咩用呢？心离佛陀，已经失咗进取菩提大道嘅机会，能够近喺佛陀身边亦都得到好少嘅益处。
修行虽然要经历三大阿僧祇劫去修持福慧双圆嘅行为，但系三祇亦可能只摄于一刹，其实系端赖响我哋修持嘅心态去决定，因为渐法之中亦有顿法，顿法之中亦有渐法，顿中有渐、渐中有顿，顿渐亦都相兼相融，而顿渐嘅分亦都系按众生嘅根基去界限，响宇宙嘅一如本体之中，其实又边有顿渐嘅法门呢？
除灭一切诸三毒，思惟修习无上智；不为自己求安乐，但愿众生得离苦。
愿一切嘅有情能够同证华严境界，同入华严觉海，谨以此至心回向。
地藏菩萨法门
地藏菩萨嘅愿力，穿越十方时空法界，大家如果能够发愿学习地藏菩萨嘅精神，或者追随地藏菩萨利益众生嘅方向，就能够好实在而有效去接受到地藏菩萨愿力嘅加持，迟早你系一定感觉得到嘅。
“愿力”呢样嘢系好微妙不可思议，佢无形无相，带领住每个真心学佛嘅人嘅一个正确方向，影响住学佛人嘅一颗纯洁心灵，可能学佛嘅人本人亦都唔知道，甚而同化消融响佛菩萨嘅加持力之中。要体会佛菩萨嘅愿力、加持系一样咩嘢，大家必须多多关心同埋细心留意自己身边所发生同存在嘅事物，而且要多研佛典，了解每个如来同菩萨嘅本愿。
佛菩萨嘅法身本体，化身世间救渡六趣有情，佢嘅本愿亦都遍于每个时空嘅有情同埋无情。所谓“有情”，好似观世音菩萨《普门品》三十二应身；“无情”呢，就《地藏菩萨本愿经》所记载：“或现川原、河池泉井，利及于人。”（注：根据CBETA，“或现川原”疑为“或现山林川原”）其实如来嘅旨意、佛菩萨嘅愿力就响大家嘅身边，宇宙之中嘅万事万物，都喺度为我哋讲紧动人嘅佛法。
我哋今生一定要由世间嘅万法之中醒悟过嚟，唔好再迷失嘞，应该好似独觉嘅修行人一样，要练习“外观飞花落叶，内省十二因缘”嘅修持功夫，我哋如果能够发起菩萨心，虽然修行独觉嘅法，亦都等于大乘嘅菩萨一样啫。
地藏菩萨响凡界分身为“悲愿金刚”，降诸天魔、制诸外道，大家如果响危难嘅时候可合掌虔心称念：“南无悲愿金刚”，称念呢个圣号，一切灵界嘅业难定然可化解于无形之中。地藏菩萨亦都受本师嘅嘱咐，响佢佛体之中分出六个化身去拯救六道众生。
若为救渡地狱苦难者，请称念：南无檀陀地藏王菩萨；
若为救渡饿鬼道苦难者，请称念：南无摩尼地藏王菩萨；
若为救渡畜生道苦难者，请称念：南无宝印地藏王菩萨；
若为救渡天界众生除其五衰之苦者，请称念：南无日光地藏王菩萨；
若为解除人界八苦者，请称念：南无除盖障地藏王菩萨；
若为救渡阿修罗界众生者，请称念：南无持地地藏王菩萨。
地藏菩萨嘅灭定业古梵咒，相传已久，功德法力实在系难思难量，能够将定业转化消灭，或者减轻所受嘅果报，大家如果能够诚心忏悔而且受持呢个秘密真言，一切所作嘅恶业如雪遇汤，冰消瓦解。灭定业古梵咒系地藏菩萨嘅微妙本心，系菩萨悯念苦难众生而响三昧宣说，大家如果能够正心诚意守持戒律，诵持呢个真言无断，可以同地藏菩萨心心相契，直接传承地藏菩萨嘅加持愿力。
响清朝嘅时候，净土宗嘅第九代祖师藕益大师曾经专修地藏菩萨法，佢仲响安徽嘅九华山闭关，以百日嘅时间，结坛修持灭定业古梵咒五百万遍，而且发愿回向：舍身他世，生在佛前，面奉弥陀，历事诸佛，亲蒙授记，回入尘劳，普令群迷，同归秘藏。
无上甚深微妙法，百千万劫难遭遇；
我今见闻得受持，愿解如来真实义。
请大家一心恭敬，合掌受持地藏菩萨灭定业古梵咒。
地藏菩萨灭定业古梵咒：唵 钵啰末邻陀宁 娑婆诃
地藏菩萨师传灭定业密咒：唵 巴喇妈呢打惹 娑婆诃
大家如果想受持以上嘅真言，必须经由真正嘅上师传授，或者可以喺地藏菩萨嘅法坛前领受，然后就可以修习嘞。
143.千波万浪尽朝宗（一）
“佛”系梵语“佛陀Buddha”嘅音译略称，意思就系“觉者”，亦即系话，能够如实表达宇宙人生嘅真理，而佢嘅智慧同德行都达到究竟圆满嘅人，所以经上面时常讲，佛陀系自觉觉他、觉行圆满嘅圣者。
所谓“佛法”，系包括一切佛陀宣示嘅言教。人如果能够循住佛陀嘅教示逐步实践，就能够迈向圆满正觉嘅途径。所以简单嚟讲，佛法系指成佛嘅方法同埋途径，而详细咁讲呢，佛法系指佛陀宣示嘅一切理论同实践嘅方法，其中包括一切能够使到有情觉悟嘅思想同埋修行方式。
中国近代佛教嘅大德之中，欧阳竟无居士认为佛法既非宗教亦非哲学，太虚法师就认为佛法既属宗教亦都属哲学，两个人虽然见解唔同，但系由于由唔同角度、唔同层面去下判语，所以当然各有各嘅道理啦。佛法嘅体系固然唔同一般嘅西方哲学，但系无疑响探究人生嘅问题之上，表现咗东方智慧嘅特色，由呢点嚟讲，佛法显示咗东方哲学嘅基本精神。
至于宗教，由西方人嘅观念嚟睇，佢嘅本质就系神同人嘅结合。佛教从原始佛教嘅时代开始，既唔承认有全能、绝对主宰嘅神，亦都唔接受人有永恒不变嘅灵魂呢一种观念，而由呢个角度嚟睇呢，佛教自然唔能够视作宗教啦。但系正如日本佛教学者木村泰贤先生所讲：“宗教嘅本质系喺自然条件嘅限制之下去追求精神嘅满足同绝对嘅自由，甚至憧憬无限生命嘅开展。”咁样，东西方嘅文化背景唔同，满足宗教心理嘅方式自然就会有不同，尤其系佛教更能够超然喺一般宗教之上，以理性嘅方式去满足宗教嘅情感。佛教嘅最后嘅宗教基调，不管系对无限生命嘅憧憬，抑或系对解脱人生苦恼困逼嘅要求，都系由人类内心寻求解答，唔系外在嘅、虚无缥缈嘅超自然力量为最终凭借，所以，佛教既能够满足人类宗教心理嘅要求，同时亦都能够经得起理智嘅批判，可以话系最深刻、最合理嘅宗教。由呢个角度嚟讲，佛法无疑系具备宗教最基本嘅性质，而佢达到宗教目的嘅途径就能够超然喺一般宗教之上。
“乘”，梵语“yana”，系有运载嘅意思，呢度系取譬如为名，譬如佛法犹如车乘一样，能够运载有情到达唔同嘅目的地。
由于有情嘅根性唔同，设教嘅客观环境当然有异啦。所以由佛陀宣示正教，以至古来嘅菩萨、大德弘兴佛法，都随顺有情嘅机宜以各种方便善巧去引导，适应各类唔同嘅根基。咁一般嚟讲，佛法可以分为“五乘”，就系“人乘”“天乘”“声闻乘”“缘觉乘”同埋“菩萨乘”嘞，或者系叫做“佛乘”，所以“五乘教法”实际即系指一切嘅佛法。因为有情嘅类别，不外上述所讲嘅五类根性，佛法既然能够适合各类有情，所以就称为“五乘佛法”。自古以嚟，佛教学者对“五乘佛法”有唔同嘅分类，称为“判摄”，咁样，响现在要讲嘅就系举出古今两位大德对佛法嘅判摄，呢两位大德就系宗喀巴大师同近代嘅太虚大师，佢哋嘅判摄既简单明嘞，亦都唔含宗派嘅偏见，以佛教最重视嘅实践性为判摄嘅先决条件，亦都符合时代嘅意义，系最适合初学佛法嘅人作为探索佛法嘅导引，但系响未认识古今两位大德对“五乘佛法”嘅判摄之前，我哋首先应该要了解“五乘佛法”嘅来由。
响佛法之中，虽然每每话“一切有情都具备佛性”，但系就教学上嘅便利同埋实践上嘅需要，基于有情嘅根性，将佛法嘅宗趣系分为唔同嘅品类，其实佢基本嘅原因系有两种。第一种就系“种性论”。“大乘有宗”即系话，响印度称为“瑜伽行派”，响我哋中国或者称为“唯识宗”，或者叫做“法相宗”，呢一系呢，基于教学上嘅方便同埋实际上嘅考察，提出“五种性”嘅说法。“种性”，简单咁以现代嘅术语嚟讲，就系有情由无始以嚟所具备嘅潜质、根性，呢种潜质具有决定有情修行倾向，同埋所可以获得嘅最终果报嘅作用。所谓五种种性，就系“菩萨种性”，或者叫做“如来种性”，其次就系“声闻种性”“辟支佛种性”，即系“缘觉种性”，跟住系“不定种性”，“不定种性”呢，就系根性唔定嘅有情，随住机缘嘅唔同，修习上述三乘嘅佛法。再其次就系“无种性”嘞，即系喜欢修人天福果，对解脱唔感兴趣嘅有情。由于有情种性既然唔同，而佛法嘅精神系普济一切有情，所以教学嘅方法同埋度向嘅目的，嘅地呢，自然亦都有唔同，所以先有“五乘佛法”嘅建立。
第二种就系“顿渐说”。“种性”嘅说法系就有情无始以嚟具备嘅根性嚟讲，但系就有情现世嘅资质嚟讲呢，就有顿渐嘅唔同。一般嚟讲，有情嘅根基有利、钝嘅分别，修习佛法嘅时候亦都有顿悟同渐入嘅唔同。利根上智嘅人可以唔循序渐进，唔依次第而直超顿入，但系呢类有情毕竟系为数甚少，所以建立佛法嘅目标既然系度化一切有情，自然亦都唔能够因为极少数资质特殊嘅例外而废弃上道嘅，况且利根上智嘅人，亦都系经多生多世嘅修习先有现生特殊嘅资质，所以就现世嚟讲系利根顿悟，但系就历劫修行嘅角度嚟睇呢，仍然系渐悟嘅，所以佛陀嘅圣教主要系开示渐次一贯嘅途径，使到一切有情循序渐进，既可适应顿渐利钝唔同嘅根基，亦都可以适应修习到唔同阶段行者嘅机宜。由呢个角度去睇，“五乘佛法”嘅建立当然系有必要㗎啦。
古嚟嘅大德基于自己宗派学说嘅著重点嘅唔同，据于释尊一代嘅教法，就有各种唔同嘅判摄。例如天台学者有五时八教嘅判摄，华严学者有三时五教嘅判摄，唯识学者有三时说教嘅判摄，都系比较显著嘅例子，其他各种唔同嘅判摄多到不胜枚举。呢啲唔同嘅判摄，其实都系基于唔同嘅宗趣，由唔同嘅角度去加以分析，大多各有各嘅理论根据同埋价值，但系对初学佛法嘅人嚟讲不免就有啲觉得众说纷纭、莫衷一是，唔知有边一种系啱佢哋，有无所适从嘅感觉。但系实际上佛陀嘅教法，目的系使到有情转迷成觉，对于唔同嘅根基，宣示嘅重点或者系有唔同，但系本质上就系一致嘅。后代嘅学者基于传承嘅唔同、理解上嘅差别，慢慢就演变成各个唔同嘅宗派。但系如果又讲番就教学上嘅便利嚟讲呢，实际就应该就教理之中共通嘅基本原则同埋修学嘅先后次第去加以判摄，既然可以便利初学学佛嘅人士，同时亦都使到一啲人容易了解教理同埋修行嘅层次。
响西藏黄教，诶，我哋奉为宗师嘅宗喀巴大师，响佢所著嘅《菩提道次第论》之中，依据有情修习佛法嘅次第建立咗“三士道”嘅说法，用“三士道”嘅观点去判摄“五乘佛法”。所谓“道”，就系修习佛法嘅人由生死苦海到涅磐正觉彼岸所必须遵从嘅途径，故此菩提道次第亦都系学佛嘅人趣向圆满正觉，由浅入深嘅次第。除咗利根嘅菩萨种性有情之外，一般有情对佛法嘅契入都系循序渐进嘅，但系前面修习嘅阶段系通达后来阶段入门嘅途径，而后嚟嘅修行境地亦都必然包括以前嘅初阶。由呢方面嚟睇，前者同埋后者系有住必然共通嘅地方，所以“三士道”都贯以“共”字就系咁解嘞。
跟住我哋讲下“三士道”嘅内容。
第一就系“共下士道”。所谓“共下士道”，简单嚟讲就系指“人天乘”。“下士”可以分为两类，一般嘅下士，只系希求现世嘅福乐，未有嘅能够拥有，已经有嘅呢，就能够有所增益。更有一啲优越嘅下士，唔以现世嘅福乐为满足，佢哋知道更进一步去希求后世嘅善趣圆满，所以宗喀巴大师曾经引用过《道炬论》替下士立嘅定义就系，有以下呢四句偈：“若以诸方便，唯于生死乐，希求自利义，知彼为下士。”
第二就系“共中士道”。所谓“共中士道”，就系指声闻乘同独觉乘。“中士”嘅定义，系发心厌离一切人身嘅苦恼现象，希望超出三界、解脱自利嘅有情。所以宗喀巴大师亦都引《道炬论》嘅偈语话：“背弃诸有乐，遮恶业为性，若惟求自静，说名中士夫。”
第三种系“共上士道”。所谓“共上士道”，就系指菩萨乘。“上士”就系由于大悲心嘅生起，同情一切受苦嘅有情，祈求圆满正觉去度脱众生，因而修习一切菩萨伟大嘅行愿。宗喀巴大师引《道炬论》偈语话：“由达自身苦，若欲正尽除他一切苦者，是为胜士夫。”
由此可知，有情只系祈求三界嘅欲乐，就属于“下士夫道”；只系求解脱生死以自利嘅呢，就属于“中士夫道”。但系无论系“下士夫道”或者“中士夫道”，都系“上士道”嘅支分，可以话系“上士道”嘅初阶，所以，修习“下士”同埋“中士”两个道路，系通往“上士道”嘅方便，即系“上士道”嘅发起前行嘞。
一般有情，佢发菩提心去追求正觉，都系希求发菩提心嘅殊胜利益，菩提心嘅殊胜利益呢，系有两种，第一就系现前嘅胜利，意思系唔堕恶趣就得生善趣啦；第二系毕竟嘅胜利，即系圆满正觉嘅成就嘞。利根上智嘅有情，能够以无所得嘅心去发大菩提愿，但系一般有情就不免有希祈胜利嘅想法，所以呢，必须通过共中、下士道以进趣上士道，呢个就系“三士道”建立嘅由来嘞。
有情响修习“共下士道”嘅时候，应该正确咁思惟响恶趣之中受苦嘅道理，对于各种恶趣生厌离心，殷求善趣同埋现世、后世嘅福乐。有情响修习中士道嘅时候，应该正当思惟人天善趣虽然系好，但系唔及寂灭无为嘅乐果，所以相对之下人天善趣亦都系苦嘅现象，再以依种道心做基础，思惟顾念一切眷属有情，修习善念，引发大慈大悲心作为菩提心嘅基础，所以修习共同嘅中下士心，实际即系产生真菩提心嘅方便，而并非引导有情去趣入其他途径嘅方法。有情依循中下士道循序渐进一步一步以求通达大乘嘅时候呢，就应该时常去思惟归依佛法嘅殊胜同埋业果流转嘅道理，精进实践、去恶务善、集福净罪，去作为修习大菩提心嘅前道，能够咁样做，中下士道即系无上菩提心嘅支分，统摄响上士夫道。如果修习中下士道，唔知应该同大菩提心相应呢，咁一切修行方法都唔能够视为通向圆满正觉嘅阶梯，呢一点就要注意嘞。
宗喀巴大师嘅“三士道”建立，正好说明菩萨性虽然系高，但系如果冇人天善法同埋二乘解脱嘅法门作为基础，系唔能够建立嘅，由此勉励一切众生响修行嘅时候要踏实进取、循序渐进，不致有好高骛远嘅过失。
近代嘅太虚大师，响《佛法总抉择》同埋《我怎样判摄一切佛法》之中，基于教理上嘅共通点同埋修行嘅次第，将佛法判摄五乘佛法作为三级。
第一就系五乘嘅共法。响教理上，五乘共通嘅法则就系因缘生法，亦即系因果论。因果法则系五乘共修嘅教法，缘生嘅道理系五乘共遵嘅道理，所以名为“五乘共法”。五乘共法亦即系人天乘嘅修法，系其余三乘嘅基础，修习五乘共法嘅人应该发增进心，亦都系希求增益向上嘅心，修行方式就系要注重因果业报，实践人间嘅正行，布施、持戒等等基本嘅方法。
第二就系三乘共法。声闻、缘觉、菩萨三乘嘅行愿虽然有唔同，“三法印”就系三乘共遵嘅理论基础，断烦恼了生死嘅依据。所以响教理上嚟讲呢，诸行无常、诸法无我同埋涅槃寂静嘅“三法印”系三乘共通嘅法则。三乘共法既然系声闻、缘觉行者修行嘅方式，发心自然系以出离心为主啦，声闻、缘觉嘅行者殷求解脱，去速断烦恼、了生死作为自己嘅要务，所以对于有漏世间就会生起厌离心，去希求涅槃寂静嘅快乐，所以三性共法嘅修行方式呢，系从“四念处”以至于“八正道”等等嘅“三十七道品”，亦都系循序渐进，唔求人天嘅果报，只系求证得出世间嘅涅槃啫。
第三就系大乘嘅不共法。大乘嘅不共法系指大乘菩萨特有嘅行愿，不共其他嘅余乘。大乘菩萨嘅发心系以大悲为根本嘅菩提心，修行嘅途径系尽未来际遍学一切法门，广行四摄，四无量心，广修六度万行，求证法空般若嘅智慧去普渡一切有情圆满无上嘅正觉。太虚大师所强调系由人乘去进趣大乘嘅佛法，亦都系最适合现代嘅佛法，由正信佛法而实行佛法。就普遍嘅机缘上，应该重视完成人生基本嘅责任，去充实人生，从而走上菩萨行嘅大乘觉路。由保持人嘅业果嚟讲呢，响今日，亦都以佛法建立人生道德，使到佛法遍满人间，人人实践人间佛教为主要嘅目的。
学佛嘅人响初次探讨佛法嘅时候，对佛法其实应该有下便嘅基本观念：
第一，佛法嘅特质固然唔同于西方宗教嘅本质，但系无可置疑，佛法能够有效、合理满足人类嘅宗教心理要求，从而启发人类嘅智慧同埋觉性。至于系咪俾佛陀法冠以宗教或哲学嘅称谓都系无关宏旨，我哋所应该重视嘅系佛法对人生实践嘅真正价值。另外，同样系满足人类宗教心理嘅要求，但系佛法同一般嘅宗教就以唔同嘅途径去满足呢种要求嘞，所以彼此响教理之上同实践之上其实都有相当嘅距离，响衡审宗教价值时候，亦都要注意呢一点。
第二样所要讲嘅，就系佛教嘅学者为咗教学之上嘅方便同实际观察嘅结果，所以有种性根器嘅说法，实际上仍系为咗达成普化有情嘅目的，本质上系无优劣嘅歧视，而事实上呢，亦都唔可能断言某啲有情系某一类根性，或者某一啲种性嘅有情系为数若干，因为响无限嘅人生历程之中，有情一生嘅表现并唔能够视作无限人生行为表现嘅必然表切，但系基于佛法广大嘅容摄性，同埋应机唔同嘅教学便利，咁样嘅分类亦都有佢嘅意义存在。
第三点，历来各宗各派嘅学者对于佛陀教法虽然有唔同嘅判摄，但系就适合现代初学佛嘅机缘之上呢，同埋基于佛法理论嘅共通性同埋修行次第嘅连贯性嚟讲，宗喀巴大师同埋太虚大师嘅判摄系最适应机缘嘅说法，尤其系二者都强调由基本嘅人性为本位以进趣佛法嘅最高理想，正系适合最适应时代嘅指标。佛法如果脱离以人为本位嘅实践基础，对修行人嚟讲固然容易产生好高骛远、不切实际嘅流弊，对佛法嘅时代形象嚟讲，更加容易使人产生脱离现实，追求虚无飘渺死后人生领域嘅误解，呢个对于佛法嘅推行实系有弊冇利。所以，今日嘅学佛之士应该要努力使到佛法人间化，使到佛法透过自己嘅融会体验同埋现实人生相结合，使到佛家嘅智慧同埋慈悲普应世间。
各位师兄，如果对以上所讲嘅题目觉得有兴趣，想进一步进修嘅话，可以介绍大家继续研读以下嘅书籍：第一部就系宗喀巴大师所造、法尊法师所译嘅《菩提道次第广论》第三卷；第二部就系太虚大师所著嘅《我怎样判摄一切佛法》，原作响太虚大师传书第一篇嘅《佛学总论》嘅第二册；第三本《佛法非宗教非哲学说》，系欧阳竟无大师所著嘅；第四系《大乘佛法思想论》嘅第二篇第一章《宗教本质同佛教》，系日本学者木村泰贤所著，演培法师所译；第五种呢，就系印顺论师所著嘅《成佛之道》。
以上嘅书目如果各位师兄想进一步深入研究佛法嘅判摄同埋形象，可以参考头先所讲嘅书目。
跟住落嚟，我哋研究一下佛教所讲嘅世界观。“世界”，亦都叫做“世间”。“世”系“迁流”嘅意思；“界”系“方位”嘅意思，合而言之就系指有情同埋佢所依止生活嘅地方。“间”呢，就系有“空间”“间隔”嘅意思，意义系同“界”相同，但系严格嚟讲，用法就有分别嘞，呢度所讲佛教嘅世界观只系就宇宙现象而论，对于宇宙嘅本质问题，就系唔系现在本讲所论述嘅范围嘞。
“世界”嘅种类其实可以依照有下便嘅分类嚟分嘅：
“有情世间”，“有情世间”系指我哋嘅正报，即系我哋嘅身体；第二就系“器世间”，啫系有情嘅依报，啫系我哋生活嘅地方。呢两种“有情世间”呢，同埋“器世间”都系泛指一切凡夫生活嘅世界，亦即系佛法上讲有漏嘅世界。
第二种就系“华藏世界”嘞，华藏世界根据佛经讲，就系圣者生活嘅世界，意思就系无漏嘅世界。但系根据玄奘法师嘅弟子窥基法师嘅《成唯识论述记》卷一讲过：“可毁坏故，有对治故，隐真理故，名之为世，堕世中故名间。”（注：根据CBETA，“堕世中故名间”疑为“堕世中故名为世间”）所以严格嚟讲，世间一词呢，都系指有漏嘅世界，即系凡夫嘅污染世界嚟讲嘅。华藏世界海之中，其实包含咗无数诸佛嘅净识所转化嘅清净国土，唔适用“世间”一词嘅，只可以话系“世界”，但系就一般应用上呢，就系似乎唔须要咁严格去要求，喺呢度要有小小说明嘅。
佛陀说法嘅目的系令有情转迷成悟，所以著重由现实之中去启发有情，但系对于同解脱系冇直接关系嘅事情呢，多加注意力就系佛陀所深戒嘅，所以响原始佛教嘅世界观里便，佛陀只系采用当时流行嘅世界观，或者加以修改，或者用譬喻嘅形式去讲，因此原始佛教世界观嘅提出只系作为说法上嘅便利，而唔系佛陀说法嘅最终目的亦都唔能够视作佛陀嘅创建。犹为佛教嘅特色，系在于采用当时嘅种种思想加以修改，使到合乎佛家嘅精神同埋世间嘅正理。
由原始佛教嘅世界观发展到阿毘达磨论师嘅时代，渐渐将佢作为佛教自身嘅问题处理，或者逐渐将呢个观点改造成佛教本身理论嘅一部分。阿毘达磨论师基于《长阿含经》里便嘅《楼炭经》或者系《世起经》，去加以整理，而有《佛说立世阿毘昙论》十卷，喺中国嘅译本就系陈真谛法师所译嘅，就专门研究去讨论㗎嘞。而专门研究讨论，另外亦有《设施论》嘅《世间品》，现在存有西藏文本为开始，亦都以世亲菩萨嘅《阿毘达磨俱舍论》嘅《分别世间品》为极峰。到咗大乘佛教思想发达嘅时候，喺有必要时亦都采用阿毘达磨嘅世界观，并未另外建立大乘特有嘅世界现象论，但系由于大乘嘅菩萨行愿著重不舍众生，所以对于净土嘅思想特别加以强调，呢个就系阿毘达磨论师所冇嘅特色嘞。
佛教向来唔承认“最初因”嘅，即系所谓“第一因”嘅说法，亦都唔接受有造物者创造世界嘅论调。佛教认为，世界嘅存在系本然而有嘅，探究宇宙最初嘅起源系冇意思，因为佢对人生苦恼嘅解脱系毫无帮助。譬如《中阿含经》第六十《箭喻经》之中讲过，曼童子同佛陀问答嘅时候，佛陀所设嘅“毒箭”嘅譬如就系最佳嘅例证嘞。后代论师亦都认为执著宇宙有最初起源创造论嘅人，响论理学之上呢，系有无穷过嘅过失。
讲到“有情”，“有情”响世间之中，梵语就系“萨埵sattva”，旧嘅译法就译做“众生”，新译就译做“有情”。五蕴和合相续嘅假体，而具有“情”，啫“爱欲”“色”，就系“了别力”，名之为“有情”，近似于现代人所讲嘅动物，但系涵义呢，就稍为宽广。一切有情由佢生存形态同生活嘅情况嚟讲可以分为“六趣”；就系佢出生嘅情况嚟讲，亦都可以分为“四生”；就佢哋嘅精神状态嚟讲，就可以分为“三界”了；就佢物质身体嘅资养同埋精神生活嘅满足嚟讲，就有“四种食”嘅说法。跟住落嚟我哋会讲到。
先讲下六趣，“六趣”亦都叫做“六道”，一切有情大体可以分为五类或者六类，叫做“五趣”，呢个系小乘上座部同埋有部嘅分类，或者呢，如果我哋叫做“六趣”呢，就系小乘嘅犊子部等等嘅分类。“趣”，就系“趣向”，即系趋向嘅意思，有情各自由业力牵引，趣向六种生存嘅形态，故此就叫做“六趣”啦；“道”系道路嘅意思，有情各自由业力所牵引，往来响呢六条道路之上，所以就叫做“六道”嘞。
其实“六趣”再分开呢，就有“三善趣”同埋“三恶趣”。所谓“三善趣”就系“天趣”“人趣”“阿修罗趣”。“三恶趣”呢，就系“地狱趣”“鬼趣”同埋“旁生趣”嘞。“三善趣”嘅有情都系由于过去世修习善行而感招快乐嘅果报，其中以“天趣”嘅精神同物质生活条件系最好嘅，“阿修罗趣”有情嘅物质生活条件虽然好，但系精神修养就唔同“天趣”有情嘞，而“人趣”呢，就苦乐参半，但系呢最适宜修习佛法。“三恶趣”嘅有情系由于过去世嘅恶业感招苦痛嘅果报，生存响唔同程度嘅苦恼环境之中。
至于讲到“四生”，就系“六趣”有情出生状况嚟讲，分开四类咁解，“四生”就系“卵生”“胎生”“湿生”同埋“化生”。“卵生”就系由卵壳而生；“胎生”呢，就由母胎而生；“湿生”就系依湿气而化生；“化生”呢，就系由变化而生咁解。
“四生”所依住嘅空间，亦都系所讲嘅“三界”，就系一切有情众精神状态去区分，分开三类，第一就系“欲界”，第二“色界”，第三就系“无色界”。“欲界”呢，就分开“六欲天”“人”“阿修罗”“旁生”“鬼”……（注：接下文）
144.千波万浪尽朝宗（二）
（注：接上文）……“阿修罗”“旁生”“鬼”同“地狱”。
“色界”呢，就包括初禅天、“二禅天”“三禅天”同埋“四禅天”。“无色界”呢，就分开“识无边处”“空无边处”“无所有处”同埋“非想非非想处”，所谓嘅“四空天”。三界一共合共有二十八重天。“欲界”系著重物质同爱欲嘅有情世间；“色界”系有物质而冇爱欲嘅有情世间；“无色界”呢，就系冇物质，而唯有精神状态嘅有情世间。合埋呢三类有情世间就叫做“三界”嘞。
至于“四食”，就系有情物质身体滋养同埋精神生活嘅满足嚟讲，可以分为四种嘅资养方式。第一种叫做“段食”，又叫做“全食”，就系有情日常所食，系属于物质性，啫系我哋日常所食嘅食物。第二就系“触食”，“触食”系由于接触外境产生快乐嘅感受，从而可以滋养到我哋嘅身心，亦都系叫做“可意触”。第三种系“思食”，“思”就系思念，即系意欲思愿，有情嘅意志力去延续生命，就谓之“思食”。第四就系“识食”，“识食”系支持有情一期生命嘅精神力量，响大乘嘅唯识宗讲，就系我哋嘅“第八阿赖耶识”，至于小乘学者呢，就系话我哋嘅“意识”。
讲到“器世间”，“器世间”就系物质世界，系有情所居住嘅地方，因为有情住响器世间之中，好似物件置于器皿之中，所以就叫做“器世间”嘞。
有情嘅种类，寄于精神状态去分为三界，一共有二十八重天，所以，所居住嘅地方亦都分为三界，种种嘅不同，但系由于无色界系冇物质处所，响空间里便系冇地位，所以严格嚟讲，物质世界系只有两界嘅啫。
欲界，根据《阿毗达磨俱舍论》嘅《分别世间品》所讲，“欲界”可以依五趣分为二十个区域，边二十个区域呢？就系天处六个区域，所谓“四天王天”“忉利天”（亦都叫做“三十三天”）、“夜摩天”“兜率天”“化乐天”“他化自在天”，一共有六个天。人处有四处，就系“东胜神洲”“南瞻部洲”“西牛货洲”同埋“北俱卢洲”。旁生就系一处，鬼系一处，地狱一共有八处，系“等活地狱”“黑绳地狱”“众合地狱”“号叫地狱”“大号叫地狱”“炎热地狱”“极热地狱”或者叫做“大热地狱”，最后就系人人共知的“无间地狱”。
讲到“色界”，根据《阿毗达磨俱舍论·分别世间品》所载，“色界”可以分为十七度地方，其实正统嘅有部学者只系讲十六处，啫系“初禅天”之中只有两处，“大梵天”系居住于“梵辅天”之中嘅高楼阁处，唔会另立一处，但系经部学者呢，喺“色界”立十八天，除咗“初禅天”并立“大梵天”之外呢，咁第四禅嘅“广果天”外亦都立“无想天”作为无想有情嘅居处。
“色界”一共有十七处，初禅三处，就系“梵众天”“梵辅天”同埋“大梵天”。咁呢个“梵”字呢，其实都可以读“梵”嘅，有啲人就叫做“大梵天”嘞。二禅有三处，“少光天”“无量光天”“光音天”，“光音天”亦都叫做“极光净天”，啫系人类最初生喺地球嘅来源。三禅有三处，“少净天”“无量净天”“遍净天”。四禅有八处，“无云天”“福生天”“广果天”“无烦天”“无热天”“善现天”“善见天”“色究竟天”。
讲到“无色界”，“无色界”虽然冇方所可以区分，但系，由于有情精神修养嘅唔同，受生嘅时候所受用嘅定境亦都自然唔同啦。因此仍然可分做四处，所谓“四空天”嘞，系三界里面最高嘅境界嘞。第一“空无边处天”，“识无边处天”“无所有处天”同埋最后亦都系三界最高嘅“非想非非想处天”。
响阿毗达磨论师所讲嘅小世界，系以须弥山为中心，另外加九山八海，日月各一个，组合而成嘅世界，就相当于我哋现代天文学所讲嘅“太阳系”非常之相似。而一个器世界嘅形成，最初系依止于虚空之中，喺空中生起风轮，响风轮之上再生水轮，响水轮之上再生金轮，到咗金轮形成，大地就开始形成嘞。咁样嘅说法，其实都好似而家天文学所讲嘅星球形成嘅过程，虚空之中生风轮，犹如旋涡型嘅气体嘅形成，水轮就近似旋涡型嘅液体运动，金轮就可以视为液体凝固成固体嘅状态。合上述所讲嘅小世界一千个就系所谓一个嘅小千世界，而合一千个嘅小千世界呢，即就成为一个中千世界嘞，而一千个中千世界呢，加埋呢，就成为一个大千世界嘞。咁样，呢一个大千世界就系一千嘅立方，三次方嘅小世界所组成，所以又叫做“三千大千世界”。
阿毗达磨论师以大千世界作为一个宇宙，而佛教认为整个宇宙之中有无量三千大千世界，即系天文学所认为嘅大宇宙之中有无数嘅小宇宙。
讲到宇宙，自然就不离“劫数”啦。所谓“劫数”，唔系一般人所讲嘅遇到咩灾害、咩灾劫，其实“劫数”嘅意思系梵语“劫波”kalpa嘅音译，简称为“劫”，其实全称应该系“劫波”。佛教认为诸行无常，所以有情嘅个体有种种轮回嘅现象，物质世界呢，亦都不断嘅变化生灭，呢个就系“劫波”嘅讲法。就头先所讲“器世间”嚟讲，佛教以四期去作为物质世界嘅成立、存在、破坏、毁灭嘅区划，所谓嘅“成劫”“住劫”“坏劫”同埋“空劫”嘞，合呢四种“劫”就叫做一个“大劫”。而从悠久嘅立场嚟讲呢，世界始终系不绝往复循环嘅。就有情世间嚟讲，一般嘅说法由人类平均寿命八万四千岁开始，每一百年减一岁，减到十岁，再反过嚟，由人类平均嘅寿命十岁开始，每一百年加一岁呢，增加到八万四千岁，咁样嘅一增一减各自成为一个小劫，中劫就系合呢一增一减嘅二小劫而形成，而，而“成、住、坏、空”四劫呢，就系各合二十个小劫，啫系八十个小劫而成嘞，所以，一个大劫啫系等于八十个小劫嘞。
讲到“华藏世界”，“华藏世界”就系报身佛所居嘅报土嘅通称，亦都叫做“诸佛刹土”。“报土”系诸佛经无量劫嘅修行，积集无量功德，酬因本愿，佢嘅净识转化而成嘅清净国土。譬如东方嘅阿閦佛土，西方嘅极乐国土，上方嘅众香佛土，呢啲都系诸佛嘅清净国土。“华藏世界”得名嘅由来，其实系根据《大方广佛华严经》之中所讲，香水海之中生起大莲花，而莲花之中又包藏咗微尘数嘅世界，所以就叫做“华藏世界海”。而喺十方世界有无量嘅诸佛，所以“华藏世界”亦都有无量。所谓嘅香水海之中嘅大莲花呢，其实系譬如真如法界，莲花系出污泥而不染嘅，亦都系譬喻真如虽然遍世间，而不为世间所污染。“华藏世界”嘅报土，系大乘嘅不共净土，只有证道之后嘅圣者，即系所谓地上嘅菩萨，先可以往生，同五乘共土嘅变化土呢，系唔同嘅，譬如弥勒菩萨嘅兜率内院呢，就唔系报土嘞。呢一点，响慢慢讲到大涅槃同埋大菩提之中，谈及净土嘅时候就会慢慢再讲。
今日佛教修行人同埋学人响探讨佛教嘅世界观时候，应该有以下嘅认识嘅：
第一点，佛陀说法嘅目的系转迷成悟，为咗说法嘅便利，当然涉及世界观嘅问题啦，就采用印度当时流行嘅思想同常识加以改造。后代嘅阿毗达磨论师虽然较为注重世界观嘅问题，但系立说嘅基础，仍然唔脱离当时世间共许嘅学说。因为佢哋系专门研究天文学嘅学者，假使另辟一套天文学说，首先响实际上唔见得有呢个需要，其次，响论理学上容易犯上世间相违嘅过失，反而成为说法上嘅累赘添。
第二点要注意嘅，就系佛法响世界观之中，尤其关于“器世间”嘅部分，有啲响现代嚟讲，只系存响历史上嘅价值，可能系未必合乎现代嘅天文学、地理学等等嘅科学知识，但系我哋要知道佛家嘅本旨既非探究呢啲自然科学嘅论题，所以学习嘅人，自然亦都唔适宜太过固执旧有嘅世界观同现代嘅科学知识嘅相同或者相矛盾嘅地方，况且为咗说法上嘅便利，对于一般天文学、地理上嘅问题，亦都不妨援引现代嘅科学知识作为例证亦都系非常好，咁样做都可以合乎当初佛陀说法度生嘅本怀。
第三点要注意，佛教嘅世界观系奠基于佢人生观之上，原始佛教嘅思想，可以话系极重论理意识，系有由善恶嘅心态同埋行为而开展出各种世界，譬如六趣分类就系嘞，同时亦都又极重视精神嘅修养，譬如三界嘅分类就系嘞。由此可知呢，佛教嘅世界观，尤其系有情世间呢一部分，系极富伦理道德嘅意义。
第四点我哋更加要知道，“华藏世界”嘅观念系大乘佛教特有嘅思想，这个观念本身系极具大乘佛法嘅普济精神，将个人嘅身心净化嘅理想扩展至整个社会嘅净化，而充分表现出大乘菩萨不舍众生嘅崇高理想，而呢一种境界嘅证验，系必须透过戒定慧三无漏学嘅不断实践先能够获得，并唔系能够单凭学理上嘅探索或者一般世俗经验可以得到嘅。
各位师兄，如果对以上呢一部分有兴趣，可以进修以下所介绍嘅书目：第一就系《阿毗达磨俱舍论·分别世间品》第三，系世亲菩萨造，玄奘法师所译；第二就系《佛经选要》第二篇嘅《有情与世界》，系罗时宪先生主编嘅；第三系《小乘佛教思想论》第三篇嘅《世界观》，系日本学者木村泰贤所著，演培法师所翻译；第四系印顺论师所讲嘅《佛法概论》。
跟住落嚟我哋讲到佛法嘅“无我论”。“我”系梵语“atman”嘅意译，具有“常”“一”“主宰”嘅含义。“常”就系永恒不变嘅意思啦，“一”就系绝对独立自存嘅意思，“主宰”就系自在支配嘅意义。所以“我”就系唔须要依赖其他嘅条件即系众缘而独立自存，永恒不变嘅个体或者实体、主体。
而“无我”呢，梵语“anatman”，巴厘文“anatta”，意思系世间冇唔须要依赖众缘而能够独立存在，永恒不变嘅个体或者实体。“我”嘅观念系古代印度大多数宗教学派所共同承认，而“无我”嘅观念呢，就系佛教所独有嘅思想。佛家认为世间一切存在嘅事事物物，即系现象，都唔系唔需要凭借各种条件、因素而能够独立存在、永恒不变嘅个体，甚至宇宙嘅本体亦都唔能够以个体去视之。关于宇宙嘅本体，即系所谓“无为法”嘅“无我”意义，喺慢慢以后讲到“真理认知嘅标准”之中就会讲到，现在所讲就系讲到现象界“无我”嘅问题，所以佛家有“诸法无我”嘅说法，而“空”“无自性”等等观念呢，亦都具备系同一嘅意思。
“无我”嘅思想系佛家嘅根本要义，原始佛教嘅“三法印”、大乘佛教嘅“一实相印”都系以“无我”观念作为主体嘅，所以，梁启超先生认为佛家嘅三藏十二部都可以以“无我我所”四个字去概括，甚至更简单去讲，可以以“无我”呢一个名词代表佢嘅思想中心。
如果由宗教嘅观念嚟睇，“无我”思想嘅强调，亦都系佛教同其他宗教唔同嘅地方，所以响佛家思想嘅发展史之中，从无出现“宇宙主宰”“灵魂”等等嘅观念，纵然稍有呢一种倾向，亦都系各派所唔接受，由此可见“无我”思想响佛家系具有根本唔可以动摇嘅地位。至于佛教嘅部派之中犊子部呢，就有“胜义我”嘅观念嘞，呢点就要提一提嘅。
印度传统嘅哲学思想都有“实我”嘅观念，譬如响传统嘅《奥义书》之中，已经讲到人嘅“自我”或者“我”经过不断嘅转化，最后归没响宇宙嘅绝对本质“梵”。咁样发展到后嚟，成为婆罗门教“梵我一如”嘅思想，婆罗门教认为人嘅“神我”经过多生嘅修行呢，可以完全净化，最后同梵天合一，而“实我”嘅观念亦都一直支配住古印度嘅思想界。直至佛教兴起嘅时代，除咗佛教同埋主张唯物思想嘅顺世派之外，其他嘅思想教派大体上都系有执住“实我”嘅观念存在。佛陀透过智慧嘅实观，了解宇宙人生嘅真相，发现当时思想界嘅偏差，所以世尊佢特别提出“无我”嘅观念去纠正当时人思想上嘅迷执。
佛教兴起于正统婆罗门教思想解体嘅时候，而婆罗门教嘅解体，主要系因为婆罗门教僧侣道德嘅堕落。当日婆罗门僧侣利用自己社会上嘅特殊地位，生活骄奢淫佚，早已招致一般求道者嘅失望。古代印度人嘅人生理想呢，系在于寻求解脱，而解脱嘅所以可能，系奠基于善恶因果嘅观念，如果没有因嘅法则，咁修行亦都系冇意思嘞。当时大部分嘅婆罗门僧侣呢，响道德之上既不足以服众，而奢言可以透过咒术同埋祭祀使到人获福，实在难以令人相信，婆罗门嘅思想地位由此就开始日渐衰落。
佛教当时提出“无我”嘅观念，主要系由“去我执”嘅角度解说，佢嘅主要意思系唔系让自我意识扩张，具有道德行为实践上嘅意义。佛教强调“无我我所”，主要目的就系排除世人自私嘅观念，所以佛家认为人生最高境界嘅成就系必须扬弃一切贪欲、我执，啫系所谓无明烦恼，先能够达至嘅。此后呢，呢一种观念一直应用响佛家大小乘嘅思想同埋实践之上，直至今日呢，仍然具有重大嘅社会价值。
佛家“无我”嘅思想，最初响小乘部派之中嘅上座部已经谈论到“法无我”嘅问题，但系一般嚟讲，对于“法空”嘅解释，小乘学者都好拘泥传统嘅见解，特别就系有部，佢哋唔承认万法皆空，最多只系承认“人无我”，即系所谓“人空法有”。上座部虽然主张“法无我”，但系亦都只系用分析法得出嚟，咁样嘅理解“空”其实系唔彻底嘅，而且更有趋向断灭嘅倾向，譬如佢哋认为响灭尽定同埋无余涅槃嘅状态之中，“五蕴”亦都系唔存在，令人产生灰身灭智嘅误解。
及至大乘之中嘅中观学派兴起，特别重视破法体，强调一切现象，啫系“有为法”都系各种因缘合同而生，所以一切法系无实嘅自性，一切法都系幻有。中观学派对于法性嘅理解，一方面系要了解诸法嘅无自性，即系“空”啦，一方面亦要了解假名施设、因缘和合嘅现象存在，即系“假有”嘞，咁样既唔执著实有，亦都唔会堕于虚无。大乘嘅有宗瑜伽行派呢，响龙树菩萨性空学说嘅基础之上建立起嚟，除咗补救空宗末流倾向虚无主义嘅弊端之外，更加著重提出众生系必须通达“人法二无我”，然后先可以彻底断除烦恼同埋所知二障，获得圆满嘅解脱。响呢度嘅“法无我”系包括咗“人无我”，“二无我”嘅思想亦都系“空”思想嘅由来。
所以“无我”同“空”，可以话系大小乘由于理解方式同认识程度嘅唔同，所以产生用语上嘅差别。因为小乘吖，对于本体问题呢，系较少接触，但系大乘空义呢，就对宇宙嘅实相涉及就比较多，咁样可以话系认识深度嘅分别，而唔系思想上根本嘅差异，所以响《大智度论》亦都讲过：“若了了说，则言一切诸法空；若方便说，则言无我。”
原始佛教以“五蕴和合”嘅说法去讲明“人无我”，所谓“五蕴”就系佛家将有情嘅个体分析为五聚，“蕴”就系积聚嘅意思，有情喺呢一度和合嘅假体之上执为“实我”，所以佛家以“五蕴”嘅讲法去对治呢一种迷执。“五蕴”就系“色、受、想、行、识”，最后呢个“识”系“意识”个“识”，以现代嘅观点嚟讲，就系精神同物质嘅和合体，但系由于佛家特别重视心理活动同精神状态对人生嘅影响，所以“五蕴”之中，除咗“色蕴”（呢个系“颜色”个“色”，系指物质身体部分）之外呢，其余四蕴都系指精神嘅部分，根据《大乘五蕴论》《大乘广五蕴论》《百法明门论》等等所载，“色蕴”（“颜色”个“色”）呢个蕴，除咗包括“五根”“五境”之外，亦都包括“无表色”，但系“无表色”嘅观念，本嚟系小乘部派之中“说一切有部”学者为咗解释业果轮回嘅观念而建立，呢一种说法本身有佢嘅缺点，发展到后嚟被大乘法相唯识一系所建立嘅“业种子说”所取代，所以“无表色”嘅观念只系有思想上嘅价值，已经失去咗实际嘅意义。另外后嚟嘅唯识家所建立嘅“法处所摄色”嘅观念，一方面嚟取代“无表色”，同时亦都包括意识所认识嘅物理现象，含义系好广，喺呢度系冇时间再讲嘞。
站喺佛教嘅立场，“人”“我”只系一个假体，响时间上系一个相续体，响空间上呢，系一个和合体，根本上系并无“实我”可得。原始佛教嘅解说重点系喺人生现象之上，以解决人生苦恼为主旨，当时思想界普遍观念既以人嘅假体为“实我”，所以佛家以“五蕴”嘅分析去破除呢种迷执。
到咗部派佛教嘅时期，义理嘅范围就更加扩大，将“五蕴”嘅分析扩展到宇宙现象方面，于是有“三科”嘅建立，“三科”就系“五蕴”“十二处”同“十八界”。“三科”嘅建立响对治有情嘅迷执系有佢价值，佛家虽然有明显以“五蕴和合”嘅说法去阐明“人无我”，但系部分有情就进一步执“识蕴”系“我”（呢个“识”系“意识”个“识”）。所以佛家亦都进一步以“十二处”嘅讲法去指出呢种迷执嘅唔啱。“十二处”就系“六根”同埋“六境”，“六根”就系“眼、耳、鼻、舌、身、意”，“六根”，“六境”就系“色、声、香、味、触、法”，“六境”亦都叫做“六尘”。响呢一度，“根”系近似现代生理学上所讲嘅“感觉器官”，亦都系有人以为应该指“神经组织”更为恰当嘅。“境”就系感官所认知嘅对象，“处”就系“识”嘅生长门，即系一切精神认知能力所凭借而能够产生嘅地方。所以“十二处”嘅分析，正好说明“识”系藉住感官同对象互相依存而生起，凡系因缘和合而生嘅事物都唔系“实我”，所以“识”呢个意识呢，亦都唔系“实我”嘞，但系更有部分有情，虽然能够了解精神认知嘅能力都系凭借感官“根”认知对象“境”先能够生起作用，就好容易堕入唯物无心嘅偏执，误以为系冇“根”“境”就冇“识”嘞，其实唔知道“根”“境”“识”各有能生嘅自因，即系“种子”，故此佛家更进一步以十八界嘅解讲，去指出宇宙之间一切精神同物质现象各有自因，而并非唯物无心，亦都唔系一因所生嘅。
“十八界”即系头先所讲嘅“六根”“六境”，再加埋“六识”啦。喺呢度，“界”即系“因”嘅意义，亦都系“种子”嘅意义，“十八界”嘅解说，阐明一切宇宙现象都系各种精神同物质结合而生，并非单独一因可生，更唔系唯物无心嘅。由此可知，佛家为咗显示有情系冇“实我”，所以提出“五蕴”嘅说法；为咗显示孤因不生必须待缘而起，破执“执识为实我”嘅误解，所以提出“十二处”嘅说法；又为咗显示一切现象并非只系凭借缘而起，必须有佢嘅自因，因缘和合先能够产生一切宇宙现象，并非唯物无心，亦都唔系造物者所创，所以就提出“十八界”嘅说法。
佛家认为现象界嘅一切事物（即系诸法）都系互相待缘而生嘅，凭借各种主要同次要嘅因素条件（即系众缘啦）而存在，形成事物嘅众缘转变嘅时候，事物本身亦都随之而转变，形成事物嘅众缘坏灭嘅时候呢，事物本身亦都随之坏灭，现象界嘅一切事物，既然系众缘构成，事物本身亦都系众缘之一，由此互相关连，互为因缘，就构成宇宙人生嘅无限大网嘞。
由于诸法必须待众缘而产生存在，所以现象界一切事物都唔系绝对独立自存，所以就系“非一”；由于诸法随著众缘不断形成、转变、坏灭，所以就系“非常”，即系唔会唔变啦，既然系非绝对独立自存，亦都非永恒不变，所以一切现象系冇实嘅自体，所以佛家讲“诸法无我”“无自性”“空”，呢个就系《中论》所讲嘅“因缘所生法，我说即是空”嘞，亦即系《十二门论》所讲嘅“因缘所生法，是即无自性”。
佛家将一切现象归结为众缘所成，而依据《中论·观因缘品》，将各种缘归纳为四类，名为“四缘”。
第一就系我哋平时讲嘅“因缘”，即系主因，凡系具有能够产生某类事物，果嘅作用、功能，都系因缘嘞。
第二“等无间缘”，旧时嘅译法就叫做“次第缘”，心念生起嘅过程系前念引生后念，后念引生后后念，各种心念都具备引生后念嘅作用，而心念嘅生起连续不断，所以话系等无间缘。
第三种呢，就系“所缘缘”，旧译呢就叫做“缘缘”，即系心识所攀缘接触嘅对象，包括概念同埋外在嘅事物啦。
第四种就系“增上缘”嘞，亦都系我哋时时所讲嘅，亦都系叫做“助缘”，凡系一种事物具备附助影响其他事物嘅功能，导致佢产生成果，就系“增上缘”。
以上四种缘，心识产生作用嘅时候必须四缘具备，但系物质现象嘅形成呢，就只需“因缘”同埋“增上缘”就可以㗎嘞。（注：接下文）
145.千波万浪尽朝宗（三）
（注：接上文）
“无我”嘅思想，既系佛家思想嘅一大特色，而今日研究佛家嘅“无我观”，我哋应该有下便嘅认识：
第一点呢，就系“无我”思想并非系虚无主义。佛家“无我”思想嘅形成，系有佢对治作用嘅，响思想上，佢对治迷执“实我”嘅偏差；响道德上，佢足以对治自我意识嘅扩张。但系佛家所讲嘅“无我”，所讲嘅“空”，并唔系否定一切现象嘅存在，亦都唔系否定人生嘅价值，佛家所破斥嘅“我”呢，只系破斥世人时常所执著嘅“常”同埋“一”嘅实体，而并非否定行为嘅主体，所以佛家并唔系否定五蕴和合嘅假体存在，只有咁，修行先系有意义，菩萨嘅行愿实践先会有对象。由此可知呢，佛家“无我”嘅思想非但唔系虚无主义，反而系正视人生现实去纠正人生偏差嘅思想。
第二点，我哋要知道嘅系“无我”思想嘅实践意义嘞。基于“无我”观念响道德上同埋思想上嘅价值，由原始佛教开始以至后嚟嘅大乘佛教都广泛应用“无我”观念响修行嘅实践上，譬如原始佛教嘅四念住之中嘅法念住——“观法无我”，以至大乘佛教嘅“空观”，都系应用“无我”思想响实修之上嘅。由此可知，佛家并唔系空谈理论，而系最能够将理论同实践结合嘅思想体系。不过，我哋纵然能够明了“无我”嘅观念，但系唔能够一下子彻底拔除根本上“我”呢个执著，意思就系所谓俱生嘅“我执”，只有凭借不断嘅熏修去对治嘞。大乘佛教不独以观行去对治呢种根本上嘅执著，更加从行为实践上讲求自利利他、自度度他，以求逐步去泯除自我中心嘅执著，而透过戒定慧三学嘅不断熏修，培养超越纯粹嘅般若智慧，彻底去消除“人我”“法我”嘅种种执著。
第三点，无我思想嘅应世价值。部分人类学家呢，同埋心理学家都认为，人类心理之上存在住两种根深蒂固嘅观念，就系“自卫self-protection”同“自存self-preservation”。为咗自卫，创造宇宙嘅主宰，借以获得心灵上嘅保护；为咗自存，坚执实我，以满足自我能够恒古长存嘅欲望。由于人类对实在自我嘅执著，“我”同“我所”嘅观念扩张，世间嘅一切烦恼吖、纷扰、邪恶、不善都由此而兴起嘞。佛家“无我”观念嘅提出响人生哲学之上其实系具有积极嘅制治作用，喺呢度反省呢，就可以逐步纠正人类心理之上嘅根本偏差，对于匡扶人心，建立社会伦理道德系具有积极嘅应世价值，而佛家大乘菩萨行愿所讲求嘅“无缘大慈”“同体大悲”，都系基于对“无我”观念嘅透彻了解所产生嘅平等观念而发挥嘅。
如果各位师兄想对“无我”作深入或者进一步嘅了解，可以参考以下介绍嘅书目：第一系《中论·观因缘品》嘅第一，龙树菩萨所造，鸠摩罗什法师所译；第二系《大乘五蕴论》，世亲菩萨所造，玄奘法师所译；第三系《成唯识论述记删注》第一册，罗时宪居士删注嘅；第四种系《印度佛学源流略讲》，吕澄居士所著。
跟住落嚟，我哋同大家讲下真理认知嘅标准。佛教经典浩瀚，而且流传久远，结集当然需要好长嘅时间啦，后代由于传承唔同，对于结集嘅论说都有分歧，博杂繁复嘅佛理又经过长期嘅演进、唔同区域嘅流布，假使系冇准绳去俾学者作为辨伪证真嘅依据，咁佢嘅思想经过悠久嘅历史、文化嘅冲击，系好难保存周密圆融，同埋呢，使到上智下愚去心悦诚服嘅。
佛教对真理嘅探知，都系以“三量”为依据嘅，而一切佛法嘅根源，都系佛陀智海所流出，所以“圣教量”系一切佛弟子所共遵嘅言教，但系经过久远嘅流传，佛教嘅典籍之中或者存有并非出自佛陀嘅论说，或者唔合乎佛教基本原则嘅思想，所以佛教衡量“圣教量”嘅标准呢，并非单纯以考证学嘅角度去衡量，而系以“以理为宗”。换言之，凡系合乎正理嘅，唔须要一定系出自佛说，亦都同佛法无二，反过来讲，如果违反正理，纵使系假托佛说，亦都无从混淆视听，而呢个衡量“圣教量”嘅正理，即系所讲嘅“三法印”或者系“一实相印”嘞。“法印”呢，本身亦都系根据“现量”“比量”嘅审度、归纳而建立嘅，所以呢，凡系合乎呢啲“法印”，啫基本原则嘅都算系佛法，相反呢，就唔系佛法嘞。
学佛并唔系单从义理上嘅寻求，而更加重视人生实践上嘅贯彻，咁样讲呢，就会牵涉到学佛必须有正确态度嘅问题，咁样同佛家嘅义理必须就有准绳系同样重要嘅。而学佛嘅正确态度呢，冇过于“四依”同“四不依”，响义理嘅寻求上能够有所依据，喺实践佛法上亦都具备明确嘅态度，咁样就唔会产生笼统嘅弊病，亦都能够收到事半功倍嘅效果。
头先讲到“三量”，咁何为“三量”呢？其实佛家以“三量”呢，系作为认知真理嘅依据。“量”呢，就系“量度”嘅意思，“三量”即系量度、认知一切事理嘅三种方法或者依据。“三量”分别就系“现量”啦、“比量”啦，同埋“圣教量”。
首先我哋讲下“现量”。“现量”就系离开各种概念，各种概念意思就系我哋去分别计度嘅心，对事理本身呢，而作出直接嘅把捉，简言之呢，“现量”就系对事理直接嘅观察同体会嘞。“现量”呢，其实可以分开四种，第一种就系响定中嘅“现量”，即是意思话响禅定之中，我哋嘅心意极度集中时候嘅“现量”；第二种系散心嘅“现量”，意思话就系响一般嘅情形之下，我哋嘅心意唔系极度集中时候嘅“现量”；第三种所谓清净嘅“现量”嘞，就系证道圣者嘅“现量”嘞；第四种世间“现量”，就系世间凡夫嘅“现量”。
跟住我哋讲到“比量”。“比量”嘅原意系以共同成形嘅“因”（啫“因由”）同埋“喻”（即系“例证”）证成未经认知嘅事理，引申嚟讲，凡系以已知嘅事理去推度未知或者未被承认嘅事理呢，都可以话系叫做“比量”嘅。由此可知道，佛家不但重视对事理本身嘅观察、体验，亦都极为重视对事理逻辑性嘅推演，而且无论系“现量”或者“比量”呢，都系唔含有主观偏差嘅理性认知，所以佛教可以话系极重理性思想嘅体系。
第三种，我哋讲到“圣教量”。何谓“圣教量”呢？“圣教量”呢，亦都叫做“圣言量”“正教量”“至教量”。凡系以圣言所讲嘅言教作为量度同埋认知事理嘅依据，都可以称为“圣教量”，就佛教嚟讲，圣言就系指佛陀或者佢嘅圣弟子，比如罗汉啦，或者证道咗嘅菩萨，随顺佛说嘅言教，广义嚟讲呢，凡系一切经、律、论，凡系唔违背正理嘅，都可以叫做“圣教量”。而鉴别系唔系合乎正理呢，就有赖佛教基本嘅原则，所谓头先讲嘅“法印”嘅建立去认定嘞。
新因明学嘅创立人陈那论师认为量度、认知一切事理系采用“现、比量”就已经足够嘞，尤其响“因明”，“因明”其实就系印度所讲嘅逻辑学，响“因”嘅应用之上，佢更加唔主张系采用“圣教量”作为依据，呢个由因明学嘅角度嚟讲系合理嘅，但系并非话“圣教量”系冇价值，而系因为“圣教量”嘅由来亦都自“现量”同埋“比量”嚟，所以摄“圣教量”响“现、比”二量而唔另外去建立一种，使到佛家嘅理论同埋思辨方式更加合乎探究真理嘅精神。
但系如果单从因明学嘅立场嚟睇，以“现量”“比量”两种去作为依据固然已经足够，但系佛法嘅内容呢，除咗明理上嘅思辨之外，其实系更加重视心性嘅修养，而关于修养品德、心性嘅方法，就唔系单纯以世俗嘅“现量”“比量”就可以概括㗎喇。我哋更加须要注意到嘅就系话，佛家嘅“圣教量”之中，有涉及到“清净现量”或者“定中现量”嘅部分，讲到呢两种“量”嘅范围呢，系远较因明学上所依据嘅“世间现量”呢，为广泛，故此呢，真正学佛而唔系徒以明理思辨为能事嘅学人，仍然呢，系适宜以“圣教量”去作为探求嘅根据。不过呢，如果响探索经论之前呢，应该对佛法嘅基本原则同埋精神具备透彻嘅了解，呢个就系对“法印”必须先有认识，先能够讲求深入探讨。佛教嘅“圣教量”既然有“法印”审定，自然就合乎正理，既然合乎正理，自然同“现量”“比量”唔会违背，实际上系极合乎探究真理嘅精神。
原始佛教，以三个范畴去印定佛陀嘅教法，就叫做“三法印”，相信大家都听过嘞。“印”呢，就系“印证”“印可”嘅意思，亦都可以解释为“尺度”，可以用嚟衡量一切教法，凡系符合这三个尺度就系真正嘅佛法。“三法印”亦都可以话系佛法嘅三项基本原则，一切佛法嘅内容都唔离开呢三项基本原则，而佛教嘅一切义理同实践方法都可以话系从呢三项基本原则建立起嚟嘅。原始佛教嘅“三法印”后嚟发展成为大乘嘅“一实相印”，“三法印”系较为小乘学者所强调，而“一实相印”呢，就较为大乘学者所偏重嘞。虽然偏重系有唔同，但系真理系无二嘅，因为“三法印”都系由不同角度去了解同埋阐明宇宙嘅实相，所以“三法印”本质上呢，即系“一实相印”，两种只系有广略嘅唔同，而冇本质上嘅分别。
跟住我哋就讲下“三法印”嘅内容。“三法印”嘅概念呢，大小乘嘅经论呢，都曾经讲过，譬如《杂阿含经》卷十话：“一切行无常，一切法无我，涅槃寂静。”《大智度论》卷二十二亦都讲过呢：“佛法印有三种：一者，一切有为法念念生灭皆无常；二者，一切法无我；三者，寂灭涅槃。”
咁“三法印”我哋讲第一种“诸行无常印”。“诸行无常印”呢，亦都叫做“一切行无常印”，亦都叫做“一切“有为法”无常印”，“诸行”亦都意思就系话“一切有为法”，亦都即系一切由因缘和合造作而成嘅事事物物，就系世间嘅一切现象啦，包括物质现象——色法，同埋精神现象——心法。“诸行无常印”就系话世间一切现象都系生灭无常嘅原理，对于呢种生灭无常现象嘅观察呢，可以分成“粗相”同埋“细相”去观察，如果讲“粗相”呢，就系一期嘅生灭嘞，一期嘅生灭就比如我哋有情世间嘅生、住、异、灭，器世间所讲嘅“成住坏空”啦。如果讲到“细相”呢，就系刹那生灭嘞，刹那生灭亦都叫做“念念生灭”，就系话呢，世界一切嘅现象呢，啱啱生就即刻灭，系冇停住嘅。积无数嘅刹那生灭呢，而形成一期嘅生灭，但系一期嘅生灭容易察觉，而刹那嘅生灭呢，就必须细心审察先能够了解，呢个响对世界原理嘅认识上就应该去咁样谂，就算响观行嘅应用之上亦都系一样，由此可知道世间嘅一切现象都系过去、现在、未来三世不停咁变异生灭，所以就因缘和合而成嘅“有为法”嚟讲，系冇永恒不变，系迁流不住嘅，所以话就系“诸行无常”啦。
第二个“印”就系“诸法无我印”。“诸法无我印”亦都叫做“一切法无我印”，由于宇宙嘅一切现象同埋本体都唔系永恒存在而独立不变嘅个体，如果有独立不变个体就称为“我”啦，所以诸法就当然系“无我”，世间有情唔能够了解，对一切事物强执为“我”，所以佛陀以“无我”嘅方法去解除呢一种迷执。喺呢度呢，“诸法”或者“一切法”系包括“有为法”，“有为法”就系宇宙嘅现象啦，同埋“无为法”，“无为法”就系宇宙嘅本体嘞。咁前面讲到诸行无常印嘅“行”呢，其实系单指现象界嚟讲，唔涉及到本体界，而呢度所讲嘅“诸法”就系现象界同本体界都包容咗嘅，呢一点要注意。咁“我”呢，就系实体嘅意思，亦都就系永恒不变、绝对独立嘅个体。就“有为法”世间现象嘅角度嚟讲，佛家唔承认宇宙之间嘅一切现象有永恒不变、绝对独立嘅实体，所以就讲“无我”嘞，对“无我”嘅认识可以由广、狭两种唔同嘅角度去分别了解嘅。
咁“无我”呢两种又系咩嘢呢？就系所讲嘅“人无我”同“法无我”嘞，“人无我”就系有情嘅个体生命本应系五蕴和合而成，就假名为“人”，其实都系冇实体嘅。“法无我”呢，就系一切精神物质嘅现象都系由因缘和合而成，亦都冇实在嘅自体。呢两种对“无我”嘅认识亦都就系所讲嘅“二空”——“人空”同埋“法空”嘅原理。“无我”同埋“空”只系解说技巧上用语嘅唔同，其实本身要表示嘅原理系一样，所以《大智度论》讲过：“若了了说，则言一切诸法空，若方便说，则言无我。”
“有为法”啫系世间嘅现象啦，固然“无我”，而“无为法”，宇宙嘅本体呢，亦都系“无我”嘅。“无为法”系“有为法”嘅自体，亦都就系一切现象嘅本体、宇宙万有嘅实体嘞。实体系唔须要凭借因缘造作而生，本然具备，所以就叫做“无为”，“无为法”亦都叫做“真如”“空性”等等唔同嘅名称。宇宙嘅实体系真实如常嘅存在，所以叫做“真如”啦。宇宙嘅一切现象都系空嘅，“空”就系一切宇宙现象嘅本质，所以就叫做“空性”啦。故此呢，“无为法”同“有为法”系有住体用嘅关系，两者呢，非即亦都非离。
“真如”嘅本体其实系超经验嘅宇宙实质，绝对嘅理体，而唔系心识概念所可以思惟嘅对象，亦都唔系言语所可以解说嘅事物，唯有凭住超经验、直觉性嘅智慧即系般若嘅实证嘞，先能够去体验，所以唔能够话系“空”，亦都唔能够话系“不空”，因为不论系讲“空”或者“不空”呢，都系相对嘅概念，相对嘅概念并唔等于绝对嘅理体，所，所以如果执“真如”系如实物，有“我”嘅存在，亦都系一种法执。“真如”嘅名称只系为咗解说上嘅方便而假立嘅概念，相对响世间不真不常嘅“有为法”而立名嘅，呢个概念嘅本身呢，并非系实物，所以“真如”亦都系冇自性，冇自性，“自性”嘅意思就系实在嘅自体嘞，所以一切“有为法”“无为法”都系“无我”嘅。
第三种我哋讲到“涅槃寂静印”。“涅槃寂静印”亦都叫做“寂灭涅槃印”，一切嘅有情唔了解生死轮回嘅苦恼，去起惑造业流转响三界。佛陀为咗引导一切有情出离苦海，得证寂灭嘅境界，所以佢讲“涅槃”嘅道理。“涅槃”系梵语“nirvana”嘅音译，意思就系“寂灭”，所以“寂灭涅槃”呢，系音义嘅复词。“寂”系无为空寂嘅意思，“灭”系指灭生死嘅大患，所以“涅槃”系体证无为空寂嘅实相，断灭引致生死流转嘅烦恼。响经之中时常讲到“涅槃”就系贪瞋痴灭、无明灭，呢个就系消极方面嘅含义嚟讲。又有讲到“涅槃”嘅境界系“不死”啦、“清凉”啦、“最高乐”啦，又讲系“一切法之中，涅槃最胜，是善是常，超余法故”，咁样讲就系积极方面嘅含义嘞。
而“寂灭”呢，就系旧时嘅译法，亦都译作“灭”，新译嘅意思就叫做“圆寂”，“涅槃”亦都有解脱嘅含义，因为烦恼犹如系缚，脱离系缚呢，就系解脱嘞，断灭烦恼呢，就系“涅槃”，所以《大般涅槃经》讲过：“涅槃之体无有住处，直是诸佛断烦恼处。”《大智度论》卷二十二亦都讲：“寂灭者是涅槃，三毒、三衰火灭故，名‘涅槃印’。”
“三法印”系鉴定佛法嘅基本原则，同时亦都系修观嘅途径，对于“三法印”嘅理解，可以由“无常印”嘅认识了解“无我印”嘅意义，再从而认知“寂灭印”嘅原理，由浅入深逐层分析，就可以掌握佛法嘅基本原理。咁样嘅理解过程同时亦都可以作为修观嘅次第，所以《大智度论》讲过：“一切法无常，则破我所外五欲等；若说无我，破内我法；我、我所破故，是名寂灭涅槃。”（注：根据CBETA，“一切法无常”疑为“一切作法无常”）由此可以知道佛家嘅义理往往深具实践意义，理论同埋实践就能够互相结合嘞。
总括嚟讲，“三法印”之中嘅“诸行无常印”只系说明世间现象——“有为法”嘅特性，而“涅槃寂静印”呢，就说明宇宙本体——“无为法”嘅特性，“诸法无我印”呢，就通乎现象同埋本体，将“三法印”结合响一齐，所以凡系合乎呢三项基本原则就系佛法嘅正义，否则就系唔系佛法嘞。
头先讲到“三法印”亦都有提过“四法印”，而关于“三法印”嘅内容，汉文佛典所记载，大都不外乎上述所讲嘅三项，但系如果根据巴利文嘅《增一部》同埋《法句经》嘅记载呢，“三法印”嘅内容呢，就系“一切行无常”“一切行苦”同埋“一切法无我”，同我哋汉译佛典所记载有少少唔同。而其中“一切行苦”呢一项系指世间嘅一切现象都系迁流不息，所以系“苦”。“苦”呢，其实系梵语音译嘅意思，“duhkha”，原来呢，含义系好广泛，包括“唔完美”吔、“唔完善”吖、“无常”等等嘅含义，唔系单系好似我哋汉译嘅用语所含嘅“苦恼”嘅意思，但系同时唔能够否认嘅系，呢项“法印”嘅建立就响一定程度之上反映咗圣者呢，对于有情世间嘅价值判断嘞。
“印”呢，系梵语“laksana”，亦都含有“特质”嘅意义，所以有“法印”“法本”“法本末”或者“相”等等唔同嘅译名。响大小乘嘅经论之中，亦都有对于“三法印”之外加上“一切行苦”呢一项，而成为“四法印”嘅，“四法本末”或者“四忧檀那”嘅讲法。咁样呢，譬如《增一阿含经》卷十八，即系“以一切诸行无常”“一切诸行苦”“一切诸行无我”“涅槃永寂”，就合称“四法本末”；响《菩萨地持经》卷八，亦都以“一切行无常”“一切行苦”“一切法无我”“涅槃寂灭”叫做“四优檀那”。
四法印之中嘅“一切行苦印”呢，亦都叫做“诸受是苦”或者呢，“有漏皆苦”，实际上佢只系诸行无常印嘅含义之一啫。由事理嘅真相嚟讲呢，其实我哋讲到“三法印”呢，系已经足够㗎喇，但系由于有“四法印”嘅名称，所以响以上都要解释俾各位师兄听，作为一个佛学入门嘅了解。
以下落嚟我哋讲到“一实相印”嘞。“一实相印”亦都叫做“一法印”，或者叫做“实相印”。“一实相印”即系以佛陀宣说所证诸法实相，就系宇宙嘅本体，最终极嘅真理啦，诸法实相嘅妙理呢，去作为大乘唯一嘅法印。“一实相印”嘅建立系依据原始佛教嘅“三法印”发展起嚟嘅。佛陀为一般根性嘅有情说法，大底呢，都系由“无常”吖、“无我”嘅次第去引入“涅槃”，但系对于利根嘅有情，比如迦旃延尊者啦，就直接开显“中道”——不落空、有两边嘞。前者就系“三法印”嘅解说，后者呢，就系“一实相印”嘅开示嘞。
“一实相印”实即就系“三法印”之中嘅“涅槃寂静印”，不过“三法印”之中嘅“涅槃寂静印”呢，系相对生死嚟讲，诸法实相嘅意义唔系太明显。大乘呢，就直接阐明诸法实相嘅意义，讲明一切法本性空寂，即系“涅槃”。大乘直接由诸法本性之上讲明一切法都系“空”，而“空性”无所不遍，因此以“一实相印”呢，去畴范、鉴定一切法嘅特性，所以《妙法莲华经》卷一《方便品》讲过：“无量众所尊，为说实相印。”《大智度论》卷二十二讲过：“摩诃衍中有一实。”但系呢个“实相印”呢，亦都系响无言说之中强立言说，并非系有一个名为实相嘅嘢或者概念可以执取。一切大乘嘅思想呢，其实都系为咗开显呢个“一实相印”而发展起嚟嘅。
我哋再扼要讲“三法印”嘅义理，可以以“无我印”贯通，“无我”就系“空”，所以“三法印”都统一响“空性”，同样系由唔同角度层次去开显“空性”，“空性”就系诸法嘅实相，所以“三法印”即系“一实相印”，两种说法有广略嘅唔同，本质上又系冇分别。所以《大智度论》卷二十二亦都讲：“佛说三种实法印，广说则四种，略说则一种。”
跟住我哋讲到学佛应该有嘅态度。“四依”同“四不依”系学佛应有嘅态度，亦都系修学佛法所可以依据嘅准绳。“四依”嘅说法，我哋可以见响大乘嘅各种经论之中，比如《维摩经》卷下嘅法供养品啦、《大般涅槃经》卷六啦、《瑜伽师地论》嘅卷十一同卷四十五啦、《显扬圣教论》嘅卷二等等都有解说呢个道理嘅。
所谓依法不依人，“法”就系宇宙人生嘅真理，响学佛嘅人嚟讲就系佛法嘅正理啦，“人”系指善知识，包括修道嘅师长同埋朋友，要知道学佛嘅目的系觉性嘅启发、真理嘅寻求，呢个过程必须透过理性嘅认知，并唔系能够倚赖盲目嘅信仰、偶像式嘅崇拜去获得，况且佛法源远流长，其中或者有传闻失实、沿袭歪真嘅地方，如果只系凭住偶像式嘅崇拜、情感嘅作用，就无条件加以接受，又或……（注：接下文）
146.千波万浪尽朝宗（四）
（注：接上文）……“三法印”去辨别，作为抉择佛法嘅依据。《瑜伽师地论》卷四十五话：“……以理为依，不由耆长众所知识补特伽罗。”（注：此处录音中断片刻）《瑜伽师地论》卷四十五讲过：“……以理为依，不由耆长众所知识补特伽罗，若佛若僧所说法故便即信受。”（注：根据CBETA，“便即信受”疑为“即便信受”）
第二，我哋讲到依义不依语。“义”系指语言文字所想表达嘅真实义理，“语”呢，就系语言文字嘞，咁样讲明，修学佛法嘅人不论阅读经典抑或从师闻法，必须注意语言文字佢所要表明诠释嘅实际义理，唔可以单从语言文字嘅表面呢，去望文生义，或者甚至断章取义去了解佛法。所以《瑜伽师地论》卷四十五讲：“谓诸菩萨为求义故，从他听法，不为求世藻饰文辞。”
第三，依“了义经”，不依“不了义经”。“了义经”系指意义明显嘅经典，“不了义经”呢，就系讲文义隐密嘅经典嘞。至于边种系“了义经”呢？边种系“不了义经”呢？大乘同小乘乃至于小乘之中嘅唔同部派其实都有唔同嘅讲法嘅。但系总括嚟讲呢，“了义经”同“不了义经”嘅分类系因为佛陀对唔同根性嘅有情说法，有啲时候需要曲逗机宜，有啲时候呢，就需要直显法义，所以呢，有时系权说，有时实说，或者有时说真，有时说俗，故此有咗“了义教”同“不了义教”嘅分别。但系学习佛法，无论“自行”同埋“化他”呢，都应该依循义理明显嘅“了义”经教，而唔应该以“不了义”嘅经教为最终嘅依归嘅。
第四点，就系依智不依识嘞。严格嚟讲，“智”系指内证真理嘅清净智慧，“识”呢，系讲由听闻吖，阅读、思惟而积累嘅世俗经验同知识，前者系超越世俗经验同执著嘅观慧，后者呢，就系未离迷执、妄情嘅认知。学佛必须追求正智去衡量事理，唔应该倚赖虚妄嘅情识去认知，亦都唔可以以听闻嘅有限知识而满足，应该去力求真实智慧嘅培养、觉性嘅显发，借以去伏断我哋嘅烦恼，净化心智去洞悉真理嘅。
所谓“慎厥终，惟其始”，学佛嘅人最初探求佛法嘅时候，应该对佛家嘅义理标准呢，具备明确嘅认识，尤其要注意下便所讲嘅几点：
第一点就系“三量”，“三量”系佛家认知一切事理嘅依据，而从陈那论师只系取“现、比”二量嘅主张之上，可以知道佛家系几重视客观求真嘅精神。但系，近代嘅人欧阳竟无先生呢，就响“三量”之中抉择出“圣言量”，呢个亦都证明佛法本旨系极重视人生实践上嘅证验，并非徒恃明理思辨为能事。而事实上对真理探求嘅入门方便，亦都唔系单凭一般世俗经验嘅认知就足够，因为同系面对世间嘅事实，唔同嘅思想体系就能够引生唔同嘅结论，建立对人生唔同嘅态度，响呢度“圣言量”就产生咗决定性嘅导引作用嘞。
总之呢，探求佛法嘅人应该以“圣言量”作为入门嘅方便，但系仍然须要以唔好违背“现、比”二量作为基础，否则容易流于迷信、独断嘞。而佛家最高嘅理想系清净智慧嘅启发，具备洞烛一切事理嘅般若智慧，自然能够融通“三量”，慧解无碍，呢个时候圣者所认知嘅“现、比”二量就系“圣言量”嘞，所作嘅“圣言量”亦都必会处处呢，吻合“现、比”二量嘅。
此外呢，我哋亦都要注意嘅就系话，同系“圣言量”亦都会基于设教时机嘅唔同而有差别嘅㖞，同时呢，基于语言运用嘅层次同埋对治嘅方便，亦都使到“圣言量”对唔同嘅对象产生唔同嘅成效，咁所以三论宗呢，有“三重二谛”啦、唯识宗有“四重二谛”嘅建立。故此，我哋学佛嘅人响研究去读佛经嘅时候呢，或者领受唔同嘅宗风嘅教法，就唔应该呢，净系局限响表面嘅文字或者导引嘅方式，而应该以探求语言文字佢想表达嘅义理为依据嘅。
第二点，“三法印”系鉴定“圣言量”嘅基本原则，同时亦都系透过“现量”同“比量”所可以建立嘅原理，我哋可以知道，佛家义理嘅基础系“三量”融通，以呢三项基本原则去衡量一切佛法自然就最稳当不过㗎喇。而一切大小乘嘅教法或者因为设教对象嘅唔同，时、地、背景嘅唔同，但系基础仍然都系“三法印”，故此，能够明确去理解“三法印”即系掌握深入佛家智慧嘅键钥，而由此呢，亦都可以认识到佛家思想脉路相连、条理贯彻周密嘅体系嘞。
由“三法印”嘅建立到“一实相印”嘅提出，自然有思想史上发展嘅脉络可寻，但系并唔能够将呢个问题去睇作思想本质上嘅唔同，只系可以话系大小乘学者义理上重点嘅唔同，认识嘅程序、深度乃至语言上嘅运用稍为有差别。因为“三法印”可以“无我”嘅思想贯通，“无我”就系“空”嘞，而“一实相印”呢，不外系以“空义”去作为依据，所以“三法印”同“一实相印”只系广略、开合嘅唔同，而冇根本上嘅差异，呢点真系好重要，要注意。事实上，响初学佛嘅人嚟讲，由“三法印”以认识佛法嘅原理更加能够修循序渐进、由浅入深嘅效果，而以呢一种嘅观念作为观行上嘅修习方便，更加能够将理论吖，同实践结合一致，就能够真正贯彻对佛法嘅体认嘞。
第三点呢，我哋讲到对佛理嘅研求嘞。一般嚟讲必须要循序渐进，千祈唔好跳级，但系学习嘅先决条件呢，就系要具备正确嘅态度，对佛法嘅基本精神呢，同原则能明确认知，咁样先能够收到事半功倍嘅效果㗎，唔同……（注：此处录音中断）
各位师兄如果想对以上所讲嘅作进一步深入嘅研究，可以参考《瑜伽师地论》卷十五、卷四十五，《瑜伽师地论》系弥勒菩萨所造，玄奘法师所译；《大智度论》卷二十二，龙树菩萨所造，鸠摩罗什所译；《唯识抉择谈》系欧阳竟无居士所作嘅；《佛法概论》系印顺导师所作嘅。
接下嚟，我哋讲到佛教嘅业果论。佛家嘅根本思想同学佛嘅目标就系著眼响生死烦恼嘅解脱、菩提涅槃嘅证得，如果想寻求解脱生死苦恼之道，就必须首先明了轮回现象嘅存在，而佛家嘅业果论就足以去阐明作业感果嘅轮回现象，成为佛教嘅一大特色。咁响探究业果轮回观念之前呢，我哋首先必须呢，对以下所讲嘅名词呢，有一啲了解先得。
我哋所讲第一，要讲一讲“轮回”嘅定义嘞。“轮回”，响嗰个梵语嘅读音就系“samsara”，“samsara”嘅意思呢，意思就系生死轮回。有情由于贪瞋痴等等根本嘅烦恼系缚呢，做种种同埋烦恼连结嘅行为，即系所讲嘅“有漏业”，由于种种惑业嘅牵引，响三界六道之中生死流转无有了期，好似车轮嘅转动周而复始，往来于六道冇停嘅，唔能够解脱，所以就叫做“轮回”。由于“轮回”嘅现象系基于有情造业感果，流转不息，所以亦都叫做“业果轮回”，亦都叫做“业感流转”。
“流转”梵语“pravritti”，系“轮回”嘅别称，有辗转迁流嘅意思，意思就系话有情生死相续不断。而“流转”嘅现象呢，细分亦都可以分为两类嘅，第一系“刹那辗转流转”，指一切现象（有为法）刹那生灭，因果相续，有情嘅生命亦都唔例外，所以有话人命就响呼吸之间嘞。第二系生身辗转流转嘞，啫讲有情一期嘅生命接住一期嘅生命相续咁生灭转变。“业”就系梵语“karma”，具有“造作”嘅意思，亦都叫做呢，“应作业力”，相当于我哋现代说话所谓“行为嘅力量”，就“业”嘅类别嚟讲可以分为“身业”“语业”同“意业”；就“业”响伦理上嘅价值嚟讲，可以分为“善业”“恶业”啦，同“无记业”；就圣凡唔同嚟讲，亦都可以分为“有漏业”同“无漏业”两种。
世间一切有情都系由于自身所作行为嘅“因”，感受由呢啲行为所引生嘅“果”，呢啲行为嘅结果由于系唔同时间而成熟，即系相对“因”嚟讲嘅，系异类而熟，因为“因”有善恶之分，“果”呢，自然就无记性㗎喇，系变异而熟嘅，即系话由造业“因”到感受“果报”，响形态上就已经有转变嘞，故此呢，就叫做“异熟果”。而生死轮回嘅成因就系由于有情嘅迷执，造作种种有漏业做为“因”，就感召异熟嘅“果报”，流转六道，感受各种苦乐。至于有情依报世界嘅净秽吔，亦都系有情相似嘅业因、共业所感而成，所以佛家轮回嘅观念即系业果流转嘅原理。
佛家思想响印度兴起嘅同期，除咗少数嘅唯物论者之外，其他嘅宗教吖，哲学嘅派别都有肯定三世因果同生死轮回讲法嘅同一特征，而自释迦牟尼佛我哋世尊设教，以至小乘嘅部派、大乘“空、有”两宗相继兴起嘅一千五百年，佛家思想嘅发展，呢一段时期之中呢，各家各派对宇宙人生嘅睇法响某种程度上吖，或者会有分歧，但系对于“厌患生死，殷求解脱”嘅中心思想呢，就仍然能够保持一贯嘅姿态，而“生死”同“解脱”之间呢，系以“业”嘅理论去贯穿嘅。
但系，业果轮回嘅观念响印度思想史之中其实唔系自佛教开始嘅，印度嘅文化自吠陀时代就开始渐次去进入《奥义书》嘅时代，而印度传统文化之中有关业果轮回嘅观念，响《奥义书》我哋已经可以见到好多嘅道理。响《奥义书》之中，对于死嘅睇法，系认为由一个世界迁移到另外一个世界，而迁移嘅自体呢，就叫做“自我”，佢嘅本质系同于“梵”，啫“梵天”个“梵”。迁移嘅因呢，就系“业”嘞，亦都系“自我”所做出嚟具有伦理价值嘅，或者善、或者恶嘅言行，期间固然呢，系冇其他力量去足以改变呢种善恶因果嘅自然反应，亦都无须依赖一个造物主居响中间嘅参与，去判别善恶、去司理赏罚。
佛家兴起之后，佢对业果轮回嘅观念虽然同传统嘅观念有所唔同，最明显嘅系，佛家唔承认有一个实在嘅“自我”作为轮回嘅主体，但系思想嘅渊源呢，其实都系同传统轮回呢，有一定嘅关系。佛教建立咗之后虽然承认轮回嘅现象，但系唔承认有“一”“常”嘅“自我”去作为轮回嘅主体，相反讲，佛家更加认为“我执”系生死轮回嘅根源，所以响原始佛教嘅圣典里便度度都有讲“无我”嘅义理。至于佛家所讲嘅“业”“轮回”呢，其实不外系一个组合成嘅物质性元素，配合各种瞬息万变嘅精神作用而产生各种“非常非断”嘅相续活动。而呢个五蕴和合而成嘅假我点样响三世之中轮回呢？咁我哋就要由“四圣谛”同“十二因缘”两个角度去分析啦。
何谓“四圣谛”呢？“四谛”就系“苦、集、灭、道”四种真理。“苦谛”系流转轮回人生嘅苦果，“集谛”系流转轮回嘅人生苦因，呢两种都系属于世间嘅因果，我哋叫做“流转门”。“灭谛”系烦恼寂灭嘅人生乐果，“道谛”系烦恼寂灭嘅人生乐因，呢两种就系出世间嘅因果，我哋叫做“解脱门”。一切有情流转生死苦海唔能够自拔就系“苦谛”啦，都系由于烦恼同有漏业嘅积集而成为感召苦果嘅因，就系“集谛”嘞；而人生苦恼嘅解脱——“灭谛”呢，就在于修习“八正道”而得到欲爱永尽嘅涅槃境界，呢个境界就系所讲嘅“道谛”嘞。
佛家业果流转嘅观念其实并唔限于人，六趣嘅有情都包括在内嘅，但系释尊施教嘅对象既以人为主，而我哋现在所能够经验嘅亦不外人嘅生命形态，所以响呢度处处都用人生作为论述嘅大前提。
佛家为咗讲明有情生死流转嘅现象同埋讲明有漏人生嘅缘起，将“惑”“业”“苦”开为“十二支”，叫做“十二缘起”，或者叫做“十二因缘”“十二缘生”吖、“十二有支”吔等等嘅名称，其实意思系一样。“缘”系“依藉”嘅意思，“后支”藉住“前支”作为缘而生起，所以叫“缘生”啦，“前支”作为缘而引生“后支”呢，就叫做“缘起”嘞。“十二缘起”嘅解说响《长阿含经》之中已经好详尽，而后代依“世”嘅观念去加以分析，所以有“三世两重因果”同埋“二世一重因果”嘅说法，前者系小乘说一切有部嘅义理，系较为普及，后者呢，就系大乘唯识宗嘅解说，较为精密，呢两种说法响佛学之中都有佢嘅地位，现在为咗容易了解起见呢，我哋以“三世两重因果”去讲明。
“十二缘起”嘅理论就系讲有情所以有“生死”系在于有“生”，而今生嘅由来呢，就响于前生一切以“爱”“取”等辗转为缘嘅“烦恼”同埋“业”，而一切嘅“烦恼”同“业”，由无始以嚟植根响无明嘅大痴暗之中，由此无明嘅推动呢，咁今生又作种种嘅善或者唔善嘅业，而起种种嘅“爱”“取”嘅烦恼，而引召来生苦恼嘅人生，咁样生死流转冇停嘅。贤圣深切了解到“十二缘起”嘅道理，明了生死嘅苦果都系缘起响“烦恼”同埋“业”，而“烦恼”同“业”嘅根源就在于“无明”嘞。
咁我哋讲“十二因缘”就分开三世嚟讲。过去世就系“无明”，即系“惑”啦，“行”即系“业”啦，呢个就系过去世嘅两重“因”，亦都系“集谛”。现在世呢，就有“识”“名色”“六处”“触”同“受”，呢五种就系“苦”，就系现在世嘅“五果”，亦都就系“苦谛”。咁过去世同现在世里便呢，其中现在世仲有“爱”“取”同埋“有”，“爱”“取”亦都系“惑”，“有”就系“业”啦，呢三种呢，就系现在世嘅三因，就系“集谛”嘞。
咁样，头先所讲嘅“无明”吖、“行”吖、“识”吖、“名色”吖、“六处”（或者叫“六入”吖）、“触”“受”吖，夹埋呢，就系过去、现在一重嘅因果。而至于讲到未来世呢，有“生”同“老死”都系“苦”啦，就系未来世嘅两重果，就系“苦谛”。咁集合“爱、取、有、生、老死”呢，呢几种加埋呢，就系现在、未来嘅一重因果嘞。
铲草我哋一定要除根，所以如果要出离生死呢，就首先要除去无明，如果要断灭无明呢，必须就要有般若正智，如果要得到般若正智就要修习梵行，而呢啲梵行就系所谓“四圣谛”之中嘅道谛嘞。
释尊建立佛家思想体系嘅规模，后世贤哲穷其枝叶，更加从事深入研究，发挥佛陀嘅言教，于是佛家思想就得到大盛，而业果轮回嘅观念亦都响呢种情况之下不断发展。响部派佛教嘅时期，对于以“假我去配合业感”嘅说法产生好多嘅疑难，而部派学者各自依据本宗嘅义理去疏解呢啲疑难，综合嚟讲呢啲疑难有三点：
第一，原始佛学之中，系认为每一个有情今世嘅“烦恼”同埋“业”系依“五蕴假我”而作，来世嘅“福”同“非福业”呢，系依“五蕴假我”而感嘅，但呢个“五蕴”嘅假体响一期生命之后又由聚而散，点样能够作为感果嘅凭借呢？
第二点，今生由“五蕴”嘅“假我”所作嘅“业”，凭借边一种功能得以去聚而唔散呢？以去作为来生受报嘅成因呢？
第三点，呢个五蕴和合嘅假体既然系刹那生灭、起伏聚散而唔系永恒常住，基于边一种原因系足以决定每一个有情去造业感果都系自作自受，而唔系自作他受嘅呢？亦都唔系他作自受，或者系自作共受、共作自受呢？
咁呢度所讲嘅“作”呢，“受”嘅问题呢，要声明，唔系以一期生命嘅因果关系嚟讲，而系综合三世因果嚟讲嘅。部派佛教嘅学者为咗解决头先所讲嘅疑难问题，佢哋互相钻研呢，去创立出新嘅义理，于是就有说一切有部关于“无表色”“三世实有”等等嘅说法建立，而犊子部嘅“胜义补特伽罗”，啫系“胜义我”啦，嘅建立，同埋经量部嘅“色心互持说”同埋“种子说”嘅建立，各家嘅思想虽然各有所依，但系仍然都系未完备嘅。而集各家思想嘅大成，弥补各种解讲嘅缺陷，彻底解决上述疑难呢，就有待响大乘嘅有宗无著同世亲两位论师，即系“法相唯识学”嘅建立嘞。
佛家既然主张“无我”，同时亦都承认轮回现象嘅存在，期间必然产生轮回以边一个作为主体嘅疑难。部派佛教学者虽然努力响寻求呢啲疑难解决方法，但系各种解说都唔能够完备，甚至有啲解说同佛教基本原则系相矛盾，譬如头先所讲嘅犊子部，佢哋讲“胜义我”就系嘞。故此直至大乘有宗嘅法相唯识学嘅建立，一方面佢去窥寻原始佛教嘅奥义，另一方面亦都采取部派佛教解说之中可取嘅精义，去建立圆满嘅业感原理，而佢嘅内容就以“业即思”“种子熏习”同埋“阿赖耶识”为中心嘅。
第一种我哋讲到“业即思”嘅说法。有漏嘅有情生命，无论系三善趣吔，或者三恶趣，都系由于身、语、意三种业因所感召，咁样理解系由《四阿含经》开始嘅，处处响经典之中呢，都有讲到。而根据《中阿含经》卷二十七嘅《达梵行经》所记载，身、语、意三业又可分为两类，三业就系“意业”啦、“身业”同埋“语业”。其中“意业”系属于“思业”，“思想”个“思”。“身业”同“语业”呢，系属于“思已业”，而“思已业”正系从“思业”而嚟，所以呢，由此可以将“思已业”归属响“思业”嘅一部分，到呢度呢，咁一切业都系属于“思业”嘅范围。
世亲论师就依呢个原则，旁采“化地”“经论”等等嘅部嘅义理，去著成《大乘成业论》，建立“业即思”嘅理论。“思”就系“思想”啦，啫同意识相应嘅“思心所法”，相当于我哋现代人所讲嘅“意志”。“思”有三种，就可以讲为三个阶段：第一种“审虑思”，第二种“决定思”，第三种“发动思”（亦都叫做“发业思”）。就“思”嘅发动而有具体嘅表现响语言、行为呢，就叫做“语业”“身业”，除此之外，一切“思”嘅过程都系“意业”啦，所以三业嘅伦理价值取决于审虑、决定同埋发动呢啲官能活动嘅内在意识之中嘅意志活动，呢啲意志活动嘅善恶等等嘅性质就决定三业嘅伦理价值嘞，所以一切行为造作都系透过意志嘅发动。故此，“业”嘅根本就系“思”，而“业”所感召嘅“果报”亦都决定于“思”嘅性质，呢个就系“业即思”嘅原理。好似以上所讲系咪比较复杂少少呢？因为佛学里便系太多名相，讲到呢一部分，要用浅白嘅思想去尽量表达，希望各位师兄都能够明白。
第二点我哋讲到“种子熏习”嘅原理。世亲论师采用“种子熏习”嘅原理去辨析作业感果同因果异时嘅可能性，因为一切善恶嘅业都系由“思”嘅审虑、决定、以至于发动，然后表现成为我哋嘅身、语等等行为。呢啲等等唔同嘅“思”，喺呢度呢，尤其系讲“发动思”，起现行，啫产生作用之后，去熏习成各种唔同嘅种子，啫系功能，呢种子依存响“心”（“心”即系“阿赖耶识”）之中嘞，刹那刹那咁同“心”俱生俱灭，相逐不断，呢一种功能虽然不断去转变㖞，但系唔会丧失佢嘅属性，而且同类嘅功能亦都可以互相引发嘅，所以能够汇聚成为一种呢，决定性嘅势力，响我哋一期生命完结之后呢，就会引生感受苦乐等等“异熟果报”嘅“体”。
第三点我哋讲到好重要，“阿赖耶识”嘅建立。世亲论师响《大乘成业论》之中，分开“心”做为两大类，啫系“集起心”同“种种心”。“集起心”就系无量种子嘅集起地方，即系叫做“阿赖耶识”。“种种心”呢，就除咗第八识“阿赖耶识”以外嘅各种识，亦都叫做“心王”或者“心所”嘞。而其中“阿赖耶识”正系解释轮回主体嘅关键，“阿赖耶”系梵语“alaya”嘅音译，意思就系“藏”，所以“阿赖耶识”亦都叫做“藏识”，浅显嚟讲，就系一种能够摄持、含藏一切种子嘅功能，所以“阿赖耶识”亦都好似一切种子嘅库藏。有情去造业，熏习成为各种“业”嘅种子，呢啲业种子得以唔散失而能够感召异熟嘅果报，正系“阿赖耶识”嘅作用。
唯识宗嘅学者以种子作为感果嘅媒介，以“阿赖耶识”作为造业感果嘅所依，所以圆满解决咗头先讲部派佛教学者关于业感原理所产生嘅第一同埋第二项疑难嘞。此外呢，“阿赖耶识”不但能够摄持一切业嘅种子㖞，去作为酬报当来果报功能，而且仲系产生今世所作嘅一切善、不善业嘅本有功能，啫系种子嘅潜藏嘅地方。但系呢个“阿赖耶识”并非系实我，要注意嘞，呢一度，佢不过系有情每一个单位嘅功能总汇啫。如果再加以分析，响刹那生灭不已、或隐或现嘅功能之中，一种现行无间生灭而能够摄持一切种子嘅功能，呢个就系“阿赖耶识”嘅“见分种”。咁一般凡夫唔能够了解呢种原理，执阿赖耶识为“实我”，所以唯识宗嘅学者就建立“末那识”嘅观念去讲明有情无始以来执我嘅妄情嘞。有情，各有各嘅“阿赖耶识”，而有情各自作业感果都系呢一个假体“阿赖耶识”嘅内部不断变化而已啫，所以自作业因呢，必然自受果报嘅，呢度亦都解决咗部派佛教学者嘅第三种疑难，而佛家业果轮回嘅观念嘅解说就粲然大备嘞。
讲完以上嘅原理，听咗之后系咪觉得好深呢？其实呢啲系佛家学佛嘅本身基础理论，我哋必须要加以时间探究，可能我解释讲得唔好，但系希望各位师兄亦都能够多啲时间去研究呢啲佛家理论嘅基础，去作为我哋修学嘅基石，打稳我哋真正学佛嘅基础。因为学佛系由佛学里便建立，两者要兼备，择一而从都系唔啱嘅，我哋……（注：此处录音中断）
各位师兄，人生苦短，多啲研究佛法对大家将来系有莫大嘅裨益，喺经典上，佛陀已经好详细为我哋解明，研究佛经或者念一句佛对我哋将来嘅利益嘅果报唔系我哋凡夫嘅凡情可以猜度，或者甚至有啲圣者都唔可以计量，所谓“一称南无佛，皆共成佛道。”有时我哋学佛唔可以畏难，或者对于名相多吖、名词多，我哋就怕咗，我哋应该要用一个菩提心，有大无畏嘅精神去加以研究，比如去请教一啲善知识啦、法师啦，或者自己用功去查下啲佛学名相嘅词典，咁样对我哋解决问题都系有好大嘅帮助。咁我哋一步一步咁学落去，日后必会有成功嘅希望。各位师兄，如果你智慧未能够开发，请多啲去念佛号，或者真言，或者经文，去祈求佛……（注：接下文）
147.千波万浪尽朝宗（五）
（注：接上文）
学佛嘅人，喺探究佛家业果轮回观念嘅时候，应该有下便嘅认识：
第一就系对佛家业果轮回原理嘅认知可以透过“现量”同“比量”获得，但系世俗“现量”同“比量”嘅认知，只能够觉察呢种原理嘅高度可能性，对轮回现象嘅透视呢，就只有透过圣者嘅“定中现量”嘞，啫系所谓宿命通嘅观察先能够知道，一般世俗嘅认知，就只能够基于对宇宙、自然现象循环不息嘅规律观察，比如现代嘅生物学啦、地质学啦、气象学之上都有循环嘅说法去认可有情轮回现象嘅高度可能性。
而喺“比量”方面，亦可以由因果相续不断嘅原理认知轮回观念嘅理论根据，不过，今日对佛家轮回观念已经有更明显而强而有力嘅佐证，呢个就系现代科学家对人类轮回现象研究嘅初步成果。而其中，就以美国维珍尼亚大学超心理学系嘅史云逊教授嘅研究工作最享盛誉嘞，史云逊教授喺印度同埋斯里兰卡等等嘅地区进行咗多年嘅研究，馈集咗好多人类再生嘅例证，正可以作为我哋理解佛家业果轮回观念嘅参考。
第二点，佛家对业果轮回观念嘅提出，唔单止系宣示宇宙人生嘅一种现象，仲同时提供咗伦理道德、价值建立嘅基石，同埋人生苦恼解脱嘅理论根据。由于善、恶唔同嘅行为，会招致苦、乐唔同嘅异熟果报，因此，善嘅行为应该受到鼓励，而恶嘅应该加以抑制，透过对轮回现象嘅认识，呢种善恶行为嘅抉择先能够有更稳固嘅基础，而唔系奠基响空泛嘅道德观念上便。
除此之外，学佛嘅人如果能够体验轮回现象嘅存在，历劫修行成功嘅可能性就得以确定，而人生实践嘅意义呢，亦都较为明显嘞。所以学佛嘅人唔应该以轮回现象嘅存在而对修行产生畏难嘅谂法，相反，更加应该努力去实践佛法，去改善现在嘅人生以趣向未来理想嘅人生，咁样不断去改善，必定能够解脱苦恼，达到圆满人生嘅最终目的。
另一方面，学佛嘅人士，亦都唔可以以轮回现象嘅存在作为怠惰嘅理由，相反，更应该以“如果唔精进向善就会退堕”嘅业感观念作为警惕，咁样既唔会因为有轮回嘅现象而认为人生苦恼嘅解脱了不可寻，亦都唔可以等待将来作为来生嘅懈怠借口，呢个先系学佛人应该嘅有嘅正确嘅态度。
佛家业果轮回嘅观念并唔系定命论，造业感果虽然系必然嘅规律，但系果报嘅出现嘅迟疾、轻重亦都受到其他因缘嘅影响，呢啲因缘亦都系“业”。故此，过去世作不善嘅业，感召今生嘅苦报，但系呢种苦报可以由于今生嘅善行而得到减轻甚至改变。相反嚟讲，过去生嘅善业所感今生嘅乐报亦都可以由于今生嘅不善业而使到呢种乐报去改变，咁样嘅人生先系有意义嘅人生，而唔系刻板嘅人生。佛家特别重视现生嘅行为，因为现在嘅行为不但系来世果报嘅“因”，同时亦都系今生人生现状嘅重要元素，唯识宗嘅学者特别强调“强缘引弱种”，佢嘅理由就喺呢一度嘞。由此可见，佛家嘅业果轮回观既唔系定命论，亦都唔系消极、只系寄望来生嘅人生观，而系积极嘅、重视现实人生嘅观念。
如果各位师兄对以上所讲嘅内容有兴趣，可以进一步作以下嘅研究，可以介绍参考嘅书目就系：《大乘成业论》，世亲菩萨造，玄奘法师所译；《唯识方隅》，罗时宪先生所撰述；《佛家业论辨析》，李润生先生所讲；《佛学今诠》上册第二章嘅《业力论》，张澄基居士所著；《大乘成业论之研究》，王联章居士所著。
以下落嚟，我哋讲到佛教嘅“解脱论”。佛陀嘅教法，每每就系就一切现象作出价值判断，从而昭示佛家对人生最高理想嘅观点。而自原始佛教开始，佛教对人生现象嘅价值判断呢，都系认为系苦嘅。而原始佛教所趣向嘅人生最高理想亦都系以人生苦恼嘅解脱为主，佛家解脱人生苦恼嘅理想基础就系“四圣谛”嘞，佛陀成道之后，对五比丘初转法轮，佢所阐释嘅呢，正系“四圣谛”嘅义理。因为“四谛法”系原始佛教最通行嘅教说，亦都系后嚟阿毘达磨佛教嘅理论中心，而大乘佛教嘅理论基础亦都系奠基响“四圣谛”，亦都系由“四圣谛”开始，所以，“四圣谛”可以话系佛教最基本嘅人生观同埋“解脱论”。
首先，我哋讲下“苦”嘅定义。“苦”，梵语“duhkha”，意思系很广泛，并唔系单纯好似我哋中文汉语嘅字面含义。汉译作“苦”呢，系采用较为接近嘅术语。根据一般嘅解释，“苦”含有痛恼、逼迫嘅意思，具体讲更加有四种状态，第一系逼恼嘅状态，第二系迁流嘅状态，第三系烧热嘅状态，第四系变坏嘅状态。第一同第三种状态系属于自身嘅苦痛，第二同第四种状态就系唔系苦痛嘅感受，而系有情苦痛感受嘅客观现象。客观嘅现象本身并唔能够冠以苦痛嘅名称，但系有情本身所具有嘅执著就系基于呢种客观现象而产生苦痛嘅感受，所以现象本身亦都构成苦嘅价值判断而统摄响苦嘅观念之中。
简单嚟讲呢，一切无常系“苦”嘅由来，一切“苦”系认识“无我“嘅由来，所以佛家话“无常故苦，苦故无我”。《杂阿含经》卷第十七话：“知诸行无常，皆是变易法，故说受悉苦，正觉之所知。”
就有情嘅现象嚟讲，对“苦”可以有各种唔同嘅分类。比如“老、病、死”三种身苦啦，“贪、瞋、痴”三种心苦啦，“地狱、饿鬼、畜生”三种后苦，“生、老、病、死、爱别离、怨憎会、求不得、五阴炽盛”等等嘅八苦。喺《长阿含经》《颂集经》《俱舍论》呢啲经典，更加将各种“苦”综合起嚟分为三类：“苦苦”“行苦”同埋“坏苦”。其中以后便嗰两类“苦”最能够表达佛家人生观嘅特质，讲明有情嘅生活终归系有漏嘅性质，喺一时嘅感觉之上即使唔以为苦，但系因为无常变坏嘅缘故，缺乏常恒不变嘅性质，就呢个角度嚟讲，正好符合“苦duhkha”嘅观念。所以世间嘅一切现象，全部都系“苦”。
对于人生苦恼嘅睇法，喺古印度可以追溯到《奥义书》中叶嘅时代，但系佛教苦观建立嘅理论根据，就系对“无常”“无我”“业果流转”“缘起法则”等等事实所作出嘅价值判断。“无常”“无我”系客观嘅现实，本身并唔能够构成“苦”嘅价值判断，但系因为呢种客观嘅现象同有情所期待嘅事实相违，有情基于根本嘅迷执，喺“无常”“无我”嘅现象之中，希望去追求得到“常”同埋“我”嘅人生，但系往往事与愿违，就所以构成有“苦”嘅现象。
仲有特别值得注意嘅，就系佛家对于人生苦恼嘅价值判断并非单纯系以日常生活嘅体验做标准，而系比对人生嘅最高理想，就系所谓清净、解脱嘅涅槃境界。到咗阿毘达磨佛教时代嘅学者呢，更加明确断言“人生现象系苦”嘅理解系圣者嘅见地，所以佛教所强调对人生苦恼嘅厌离，系标举亘诸永远、光辉烛照嘅人生最高理想，而唔系失望悲观嘅厌世思想。
跟住我哋说到“集谛”，“集”系招聚嘅意思，有情有漏人生嘅一切烦恼同埋善恶各种嘅行为都系根源于先有“我想”同埋“贪、瞋、痴”嘅根本烦恼，起惑造业去招集人生嘅各种苦恼，就所以叫做“集谛”嘞。有情由于与生俱嚟嘅我执同埋欲念，例如“有”嘅欲、“爱欲”“繁荣欲”等等，不断去追求、维护“一”“常”嘅我见，恰好同“无常”“无我”嘅现实唔相容嘅，所以就会引起种种烦恼，以至于生死流转嘅苦恼现象。
咁由此可以知道，有情人生苦恼嘅根源系在于我执同埋由我执而产生种种嘅根本烦恼，比如“我痴”吔、“我见”啦、“我慢”啦、“我爱”等等。而有情嘅“我执”又可以分为“俱生我执”同埋“分别我执”两种，而其中“分别我执”就系后天思想上或者教育上嘅偏差，透过对事实嘅理解、现象嘅分析较容易消除，但系“俱生我执”呢，就系基于根本嘅无明同埋多生多世以嚟嘅习气形成与生俱嚟牢不可破嘅妄见，呢种妄见就系一切烦恼嘅根源、生死流转嘅基本原因，必须透过长期嘅修道啦、般若智慧嘅培养啦，先能够彻底去清除嘅。
跟住讲到“灭谛”嘞。佛家不独指示出人生苦恼嘅现象，更清楚讲明呢种现象系可以消除，就系“灭谛”嘞。“灭”系梵语“nirvana”嘅“涅槃”嘅意译，意思系一切由“我想”同埋“贪、瞋、痴”等等根本烦恼造作嘅业因永断无余，了除生死患累嘅苦果，证得清净寂涅嘅解脱境界。其实，小乘呢，只系讲“有余”“无余”两种涅槃，大乘呢，就更全面，系将四个角度去讲涅槃嘅体性，呢个喺后面嘅大涅槃同埋大菩提，我哋讲到呢个问题之中呢，就会慢慢再讲嘞。
最后我哋讲到道谛，要解脱人生苦恼嘅现象必须修道，无论大小乘嘅修道方法都系分为“戒、定、慧”三学，当然具体内容并唔系一样啦，但系基本嘅方式就有共通嘅地方。小乘嘅学者更加将三学详细分为“三十七道品”，“三十七道品”之中嘅基本修行方法亦都系大小乘共通嘅途径，尤其系以严胜嘅“八正道”更加系大小乘嘅修行人所积极实践嘅圣道。咁何谓“三十七道品”呢？“三十七道品”亦都叫做“三十七菩提分法”，可以分为七科嘅。
第一，“四念住”。“四念住”亦都叫做“四念处”，系修道嘅入门方法，所谓“四念住”就系对四种境界观察思惟、安住心念，从而引发定慧嘅修道方式。呢四种修道方式，本嚟系以智慧、抉择、思惟、事理，但系由于初修习嘅人每每以安住心念作为更进一步引发定慧嘅方便，所以就叫做“念住”。
“四念住”嘅第一种系“身念住”——观身不净；第二种“受念住”——观受是苦；第三种“心念住”——观心无常；最后一种系“法念住”——观法无我。“四念住”嘅内容就系以五蕴为主，而分开“身、受、心、法”四方面加以思惟观察。粗略讲，“身”就系“色蕴”啦，“受”就系“受蕴”啦，“心”就系“识蕴”啦（呢个“识蕴”系“意识”个“识”），“法”呢，就系“想、行”两个蕴嘞。
比较狭义讲呢，“四念住”就系观察思惟有情自他身体都系唔干净，受都系苦，心识系无常，法都唔真实，用呢个观念去对治有情对人生现象所生起嘅“常、乐、我、净”四种妄执，从而减少烦恼去引发定慧嘅。如果广义讲，就唔单止局限响有情身体嘅观察啦，而可以通过一切“有为法”，啫系宇宙现象嘅观察嘞。至于修习“四念住”嘅方式，又可以分为“别相念住”同埋“总相念住”两种嘅，随住修行人习气嘅进展呢，而采取唔同嘅方式。
跟住我哋讲到“四正断”，“四正断”呢，亦都叫做“四正勤”。“四正断”，第一就系“律仪断”，“律仪断”系策励精进，令到已生嘅恶法或者恶念能够得以断除咁解；第二系“断断”，策励精进，令到未生嘅恶法或者恶念唔再生起；第三“修断”，策励精进，令到未生嘅善法或者善念得以生长；第四叫做“防护断”，系策励精进，令到已生嘅善法或者善念增长不失。
修行嘅人喺修习“四念住”渐趋纯熟之后，已经能够排除一般意识上嘅妄见，明辨“善”同“唔善”嘅差别，就可以更进一步努力精进，使到已经生嘅恶法或者恶念去断除，使到一切未起嘅恶法或者恶念唔生，使到未生嘅善法或者善念得以生起，使到已生嘅善法或者善念得以增长唔至于亡失。故此，狭义讲，“四正断”系专指喺“四念住”嘅基础之上，更进一步修习止观、培养善念、压止恶念；广义讲，就可以泛指日常生活上嘅修养嘞。
跟住讲到“四神足”，“四神足”亦都叫做“四三摩地”，一切如意自在就叫做“神”，呢个系“三摩地”嘅成果，“三摩地”即系“足”，具有基础嘅意义。“三摩地”系梵语“samadhi”嘅音译，意思系“定”，“定”就系心意专注响一境嘅意思。“神足”，正能够譬如能够自在往来响殊妙嘅境界，即系“定境”嘞。“四神足”第一种，“欲三摩地胜行成就神足”，简称“欲神足”；第二种，“勤三摩地胜行成就神足”，简称“勤神足”；第三种，“心三摩地胜行成就神足”，简称“心神足”；第四种，“观三摩地胜行成就神足”，简称“观神足”。
当我哋修行嘅人能够熟练修习“四正断”，使到恶念不生，念念都能够生起善法之后，就可以更进一步去修习获得禅定嘅境界。而修习嘅方式可以分为四种，就系“欲三摩地胜行成就神足”。所谓呢种“神足”，系由于对佛同菩萨所生嘅信心而意欲听闻佛法，呢种意欲嘅增强就促成咗“定境”（“定境”就系三摩地）嘅产生，所以叫做“欲三摩地”嘞。
“三摩地”成就之后，以呢个基础去修习“四正勤”，所以叫做“胜行”，意思就系殊胜嘅行为或者修行嘅方法。而呢种殊胜嘅行持同埋前便所讲嘅“三摩地”，能够使到心境如意自在，远离烦恼，故此名为“神足”。“神足”系“欲三摩地”同埋“胜行”所成就嘅，而“神足”成就之后，又能够加强“欲三摩地”同埋佢嘅“胜行”，所以总称就叫做“欲三摩地胜行成就神足”，简称“欲神足”。
第二种呢，“勤三摩地胜行成就神足”呢，意思就系话，由于对佛菩萨嘅经教、训示心而生渴慕，精进追求，而呢种努力嘅增加而成就咗“定境三摩地”，其他亦都好似前便所讲，所以叫做“勤三摩地胜行成就神足”，简称“勤神足”。
第三种呢，“心三摩地胜行成就神足”，由于思惟佛法义理嘅心识活动增强同埋集中，而成就“定境三摩地”，其他亦都好似前便所讲，所以叫做“心三摩地胜行成就神足”，简称“心神足”。
最后一种，“观三摩地胜行成就神足”，修行嘅人因为多闻熏习，再加以智慧嘅判断拣择，深入细微嘅观察，呢一种观慧嘅增强而促成“定境三摩地”嘅产生，所以叫做“观三摩地胜行成就神足”，简称“欲神足”（注：根据上下文，此处“欲神足”疑为“观神足”）。
以上所讲呢四种“神足”呢，全称就讲咗出嚟，但系通常一般人所讲呢，都系以简称“观神足”吖、“心神足”吖等等去称谓嘅。
以下落嚟我哋讲到“五根”嘞，“五根”就系“信根”“精进根”“念根”“定根”同“慧根”。“根”，具有增上嘅意思，就系话“五根”对于出世间法有增上嘅作用，由每一个“根”前者响后者亦都有增上、引发嘅作用，意思话系，“信”对于“精进、念、定、慧”有增上、引发嘅作用；“精进”呢，对于“念、定、慧”有增上、引发嘅作用；“念”对于“定、慧”有增上、引发嘅作用；“定”对于“慧”有增上、引发嘅作用；“慧”对于“出世间法”有增上、引发嘅作用。所以“信”等等就能够引发“精进”等等乃至“慧”，能够出世间解脱，都具备增上引申嘅意义，所以话就叫做“根”嘞。“根”亦都可以作为出世间善法嘅根本解释，前者系后者嘅根本，所以引申后者，意思系增上意义嘅由来嘞。
所以，所以“五根”可以话系修习观行嘅时候，观照四谛嘅程序或者活动情形，狭义嚟讲，只系修定嘅时候先会经历，但系广义讲呢，就亦都可以应用响日常嘅修行之中。
“信根”就系响“四谛”等等嘅道理深生胜解而生起净信；
“精进根”就系响其他嘅谛，啫各种真理嘞，既然生起净信，为咗觉悟嘅缘故就会精进修习嘞；
“念根”喺其他嘅谛，各种真理，既然能够精进修习，个心就能够唔亡失而从事修习；
“定根”呢，系喺其他嘅真理既能够系念不失，能够专注一境而从事修习；
“慧根”喺其他各种真理嘅心既然得到“定”，就能够拣择修行从而引发圣谛现观，由于呢种嘅增上力，冇几耐就能够见道嘞。
以下我哋讲到“五力”，“五力”就系上述“五根”由于不断修习嘅缘故，势力增盛，能够摧毁所对治嘅烦恼障，唔被所对治嘅烦恼所屈服，所以叫做“五力”。
第一系“信力”。“信根”能够增长啦，摧破所对治唔净信等等嘅烦恼，就系“信力”嘞；
“精进力”，“精进根”增长，能够摧破所对治嘅放逸懈怠嘅烦恼；
“念力”，“念根”增长，能够摧破所对治嘅失念等等嘅烦恼；
“定力”，“定根”增长，能够摧破所对治散乱掉举嘅烦恼；
“慧力”，“慧根”增长，能够摧破所对治嘅无明烦恼，从而引生正智而趣向见道。
跟住我哋讲到“七觉支”，“七觉支”亦都叫做“七菩提分”。所谓“觉支”，系能够助成如实觉慧、觉察“四圣谛”实性嘅方便，亦都即系正智嘅生起，见道时候所经嘅历程，呢个见道时候嘅历程或者正智生起嘅方便呢，可以分为七种嘅，所以叫做“七觉支”嘞。
第一“七觉支”，第一种系“念觉支”，意思系话对于真谛明了不忘；
第二“择法觉支”，“择法觉支”亦都系“慧”，对真谛能够了解觉悟；
第三“精进觉支”，由于深精进力，出离烦恼邪见而趣向真谛嘅；
第四系“喜觉支”，对于真谛能够生欢喜心；
第五“轻安觉支”，能够断除身心嘅粗重，安住响真谛；
第六“定觉支”，能够响真谛专注于一境；
第七“舍觉支”，观照真谛嘅时候，我哋嘅心性平等正直、无有动转。
由于不断修习上述所讲嘅“五根”“五力”，就能够引发见道之前嘅四种“顺抉择分”，所谓“顺抉择分”就系“暖、顶、忍、世”第一法，经过呢个阶段就能够产生摧毁烦恼嘅作用，超越有漏嘅世间法，叫做“见道”嘞，行者由呢七种方便得到无漏智，所以最初经过呢七个历程嘅时候呢，就叫做“见道”。
最后，我哋讲到非常重要嘅“八正道”，“八正道”就系见道之后嘅圣者循住八支所摄嘅正道，去断除一切所余嘅烦恼，究竟解脱。第一“正见”、第二“正思惟”、第三“正语”、第四“正业”、第五“正命”、第六“正精进”亦都叫做“正策励”、第七“正念”、第八“正定”亦都叫做“正等持”。
“正见”，简单嚟讲，当然系指正确嘅观念同见解啦，但系其实响佛学上更深入一层意义就系话，“正见”系指见道时候嘅根本同后得两种智慧生起时候所证验嘅境界。见道之中，根本智生起嘅时候，系离开一切名相语言嘅观念、分别思惟，“无漏无分别智”体证嘅真如就叫做“真见道”；响后嚟后得智生起嘅时候呢，遍此真如，亦知见道时候嘅状态同埋以“无漏有分别智”次第去游观“苦、集、灭、道”四圣谛理，由于有相观念可以思惟，所以亦都叫做“相见道”。合埋呢两种智觉先系叫做“正见”。
“正思惟”，系指由“正见”引发离开一切欲，无畏无害嘅正确思惟，啫系思量分别嘞，亦即系合理嘅作意思惟，所谓“如理作意”就系嘞。
“正语”，系指由“正见”嘅推动生起正确嘅思惟，从而远离一切妄语、欺诳语、恶语、绮语、离间语等等，生起一切如法合理正确嘅言论。
“正业”，系指基于正确嘅认知同理解而作出一切如法合理嘅行为，亦都系话对一切衣食住行、言语动静都能够正知而住。
“正命”，系指正确合理嘅求生活命嘅方式，意思为从事合法（包括社会法律同佛家戒律啦）正当职业去维持生计，远离一切唔正当嘅职业。
“正精进”，亦都叫做“正策励”，系指响修道之中乃至思惟“四谛”嘅道理，修习“四念住”吔、“四正断”“四神足”“五根”“五力”等等，基于“正见”“正思惟”作一切“正语”“正业”“正命”等等，勇猛精进、策励其心、相续无间，所以就叫“正精进”。
“正念”，系指修道之中乃至思惟“四谛”道理嘅时候，或者依止、或者依观、或者止观双运嘅时候，响所修习嘅境界比如“七觉支”啦，能够明了不忘，就叫做“正念”嘞。
正，“正定”，亦都叫做“正等持”，系指修道之中乃至于思惟“苦、集、灭、道”四谛道理嘅时候，依九种住心去达至“心住一境”嘅定境。
以上所讲嘅“八正道”，或者叫“八圣道分”，系咪同普通嘅讲法有啲唔同，比较深入咗一层呢？“八正道”虽然经过阿毘达磨学者贯串咗其余六科而成为体系复杂、精细嘅修道德目，而且更加被视为见道之后嘅修道次第，但系咁样并唔表示一般凡夫唔能够实践“八正道”，行者可以圣见为“正见”，如法修行，虽然同见道嘅圣者修习深度唔同，但系其实实践性系一样。
又有人以为“八正道”系小乘嘅修道法，系大乘所不取，其实都系一种误解。因为站喺解脱嘅立场嚟讲，三乘嘅目标系共通，即系所谓“三乘同坐解脱床”。故此，大小乘嘅行者由于悲愿唔同、实践嘅深度或者唔相同，但系断烦恼、证涅槃嘅基本目的系并无唔同嘅㖞，所以“八正道”嘅修习系佛教修行人最基本嘅修道方法，亦都系极简明而又切实可行嘅修持次第。（注：接下文）
148.千波万浪尽朝宗（六）
（注：接上文）
大小乘修道论嘅发展历程，可以溯源去原始佛教《阿含经》，首先响《杂阿含经》之中，就有八正道嘅提出，进而响《长阿含经》之中，亦都开演出三十七道品，最后又喺《增一阿含经》归纳演化为六度。呢个系佛教修道论渐次发展嘅历程，正好显示出由原始佛教对个人修养嘅重视发展，到大乘佛教菩萨行愿嘅主张，而呢一切修道嘅论据都可以溯源响佛陀个遗教。
由思想上嘅观点嚟睇，现存汉译嘅《增一阿含经》系由大众部传出嘅，由大众部而再传出大乘嘅思想，所以修道嘅内容，亦都系随住时代而渐次开张，但系佢基本原则就不出戒定慧三无漏学嘅范围嘞。故此，与其说三十七道品系大小乘共通嘅修道方式，无疑话戒定慧三无漏学系大小乘共通嘅修道论更为恰当啦。
佛法并唔系只以知识嘅研求、明理嘅思辨作为思想目的，而系更重视躬行实践，将知识同生活结合，从而达到理想嘅思想体系。故此，如果将佛家嘅义理贯彻响生活实践当中，就必须对佛家基本嘅人生观具备正确嘅认识，尤其呢必须要注意下列所讲嘅几点：
第一点，就系佛家对人生现象系苦嘅认识，一方面系基于有情唔能够接受“无常”“无我”嘅事实，而产生妄见嘅现实基础而建立，另一方面就系基于对佛教嘅最高理想，即系清净解脱涅槃境界嘅可能实现性，同埋圣者嘅见地而作出嘅价值判断，但系圣者嘅见地不外乎系实现清净解脱涅槃境界之后嘅体验，所以两者本质上系一致嘅，因此对苦嘅观念了解，应该以佢梵文原义为依据，唔适合由汉译之中相似概念嘅义译去望文生义。
更重要嘅系，必须要明了佛家对人生苦恼现象嘅认识同埋厌离，唔代表任何悲观、消极嘅意义，相反，就更充分显示出为咗实践崇高理想所应该具备嘅积极态度。同时，呢种清净解脱嘅最高理想，亦都唔系脱离现实人生先能够得到，更加唔系待诸身后先能够实现嘅虚幻想象。佛教固有历劫修行嘅修道理论，但系历劫修行成功嘅例子，亦都可以响现实人生之中发现，故此历史上实现最高理想嘅修证嘅人呢，比比皆系，呢个亦都系佛法同一般宗教大异其趣嘅地方。
况且，假使佛教如果只系提出人生苦恼嘅现象，而唔提供任何解决嘅方法，咁样或者可以系悲观消极嘅言论去睇，但系事实上佛法唔单止如实指出人生现象系苦恼，更加探索出呢个苦嘅现象成因，提供切实可行嘅解决方法，所以唔能够以悲观消极嘅宗教去睇，相反，更加足以显示出佛法对人生系如实观，系具备积极性嘅。
第二点，喺传统嘅说法之中呢，三十七道品一向被视为小乘修行人修道嘅德目，系趋向小乘理想嘅果位。所谓“四向四果”，即系预流向、预流果、一来向、一来果、不还向、不还果、阿罗汉无学向同埋阿罗汉嘅无学果嘅必经阶段。
但系事实上，大小乘嘅区分只系行愿嘅唔同，但系对清净解脱涅槃境界嘅要求系并无二致，况且三十七道品可以话系八正道嘅细分同推广，归纳起嚟亦都可以统摄响戒定慧等等嘅三无漏学。而八正道同三无漏学都可以话系大小乘共通，严格嚟讲大小乘嘅名称只系就行愿嘅广大同狭小去区分。自己话大乘，但行愿狭小，其实亦都同小乘系一样嘅啫，反过嚟讲，虽然行迹系以声闻示现，但系大愿犹如同菩萨亦都比比，大有人在。喺学理上嚟讲，只有思想发展段落嘅区分，而唔应该有大小嘅歧见。部派佛教时期嘅戒律固然唔完全同于大乘佛教所提倡嘅戒律啦，但系咁样唔表示大乘佛教嘅戒律能够完全脱离前期戒律而去独创。修定嘅方式亦都系一样，印度大乘佛教以至于中国佛教各宗所提倡嘅禅观修持方法，都唔能够唔话系渊源响原始佛教以至于部派佛教所重视嘅“四念处”，以至于“三十七道品”等等嘅修道论。喺慧学嘅范围嚟讲，大乘佛法嘅义理自然比较部派佛教嘅思想深邃同埋圆融，但响思想史嘅立场嚟讲，如果唔经过部派佛教思想嘅酝酿，亦都冇后嚟嘅大乘“空、有”二论，以至于中国各宗佛学深邃圆融思想嘅出现，况且大乘论师同部派学者嘅思想都系渊源响佛陀嘅遗教，都唔能够出佛法嘅基本原则。
今日嘅学佛人士，如果能够明白上述所讲嘅道理，就唔会自己封喺传统嘅成见，而对佛法发展过程之中唔同时期嘅思想妄生歧见嘞，而更重要嘅系，应该点样抉择呢啲思想之中能够应用响现实人生嘅部分而光大佛教呢？就系以三十七道品嘅修道论嚟讲吖，今日嘅修行人，能唔能够一成不变去依循修习都系一个疑问，况且部分修道嘅方式已经响后期佛教嘅发展之中成为更加符合世人要求嘅修道论，但系基本嘅方法，就好似八正道同埋从中显示嘅戒定慧三学，仍然系今日有价值可以依循修持嘅途径，呢个系我哋学佛人更应该重视嘅。
以上所讲，如果更深入想研究，可以睇《阿毘达磨大毘婆沙论》卷七十八，唐玄奘法师所译；《大乘阿毘达磨集论》卷三至到卷五，无著菩萨所造，唐朝玄奘法师所译；《显扬圣教论》卷二，无著菩萨所造，唐朝玄奘法师所译；《原始佛教思想论》啦，日本木村泰贤先生所著，欧阳瀚存先生所译；《人生学》嘅三，解脱道论，王恩洋先生所著。
跟住落嚟，我哋讲到重心——“菩提心”同“菩萨行”。“菩提心”同“菩萨行”概括咗大乘菩萨嘅愿行。“大乘”就系指菩萨乘，菩萨乘嘅境、行、果都系比较声闻、独觉为大，所以就称为“大乘”嘞，而声闻、独觉就被称为“小乘”。“乘”，就系运载嘅意思，大乘嘅修行人不但自己追求解脱觉悟，更加立志普渡一切有情，以大乘佛法能够运载无量有情去到达圆满正觉嘅目的地，所以称为“大”。小乘嘅行者虽然亦都利他，但系心愿唔及得大乘行者广大长远，所以称为“小”啫。菩萨系梵语“菩提萨埵Bodhisattva”嘅简略称呼。“菩提Bodhi”系“觉”嘅意思，“萨埵Sattva”系有情嘅意思，“菩提萨埵”系追求无上正觉，自觉觉他、自度度他嘅有情。
唯识宗嘅学者就一切有情根性嘅唔同，喺教学之上可以分成五类建立“五种性”嘅说法，因为有情嘅种性响学理上可以分为五类，所以佛教嘅教学方法亦都可以分为五种，就称为“五乘嘅佛法”。
其中菩萨种性嘅有情，遇到殊胜嘅因缘就能够发起大菩提心，由菩萨乘直趋佛果。而不定种性嘅有情呢，就首先先修学声闻乘或者独觉乘，去证得小乘果位之后，然后先回心向大，发起追求大菩提嘅心愿，而转向菩萨乘或者趣向佛果，前者我哋称为“顿悟菩萨”，而后者呢，我哋叫做“渐修菩萨”。
喺《解脱论》之中，我哋讲过三十七道品，可以话系小乘修行人嘅修道理论，而现在所讲呢，就系著重介绍大乘菩萨嘅立志同埋实践。所谓“愿”，就系发心、立志嘞；所谓“行”，就系实践包括一切自利利他德行同行为，简单嚟讲，可以以“菩萨行”三个字去代替。“愿行”喺一般佛经之中，亦都有称为“行愿”嘅，因为“行”同“愿”响大乘佛法之中系不可分。“行”系“愿”嘅具体表现，“愿”系“行”嘅原动力，两种都系统摄响“菩提心”之中，所以可以称为“行愿”，亦都可以称为“愿行”。
大乘菩萨修行嘅阶次首先系重于发心。“发心”系指发大菩提心，菩萨既然发上求下化——上求正觉而利益有情嘅心，就必须对于一切有情具备无量嘅慈悲喜舍心，先能够实践一切自利利他嘅菩萨行。而一切菩萨行就不出于六度，即系“六波罗蜜多”“四摄嘅范围”。“六波罗蜜多”虽然亦都利他，但系自利嘅意义就较“四摄”为强嘞；“四摄”虽然亦都自利，但系利他嘅意思就比“六度”为强，所以呢度首先说明大乘菩萨嘅发心，然后再讲“四无量心”“六波罗蜜多”，即系“六度”“四摄”，而具体介绍大乘菩萨嘅愿行。
我哋先嚟讲下“菩提心”嘅定义，“菩提心”就系追求无上正觉嘅誓愿。大乘佛法修行嘅开始，首先著重发“菩提心”，因为“菩提心”系无上菩提嘅修因，一切正愿嘅根本，学佛人无论修禅、学密、持戒、修定、求慧，做种种嘅善行，假使唔能够同“菩提心”相应，咁一切嘅功果不落小乘，就形同凡夫外道嘞。所以大乘嘅修行人发心目的系求无上大菩提，即系圆满正觉，同埋做一切有情义利，意思系利益一切有情嘅行为，所以“菩提心”嘅内容亦都系就上求佛道正觉、下化有情众生嚟讲嘅。
根据《瑜伽师地论》卷三十五嘅阐述，初发菩提心系有四种“因”同埋四种“缘”。首先讲下初发菩提心嘅“因”有四种，第一，系具备菩萨嘅种性；第二，系倚赖佛菩萨善有嘅摄受；第三，系对一切有情能够时常生起悲悯心；第四，有坚定不移嘅毅力，唔畏怯响长时间难行嘅苦行修道嘅过程。
第二我哋讲到呢，初发菩提心嘅“缘”嘞，亦都有四种。第一，系亲见或者信或者闻诸佛菩萨嘅威神力量、伟大嘅事迹；第二种，系深心信解大乘嘅经教；第三种，为咗恐怕正法湮灭，希望正法久住，利益有情而发心住持嘅；第四种，因为见到末世嘅有情愚痴，被种种烦恼恼乱唔能够自拔，所以发心去拯济。
总括嚟讲，菩萨发菩提心必须具备内因、外缘种种条件，而菩萨恳切发大菩提心响心识，意思话喺我哋第八阿赖耶识之中呢，熏习成为一种强而有力嘅功能，唯识学叫做“种子”。呢种功能响现生能够推动发心嘅有情实践菩萨行愿，唯识宗嘅学者称呢种功能叫做“业种子”，喺来世如果遇到善缘嘅时候呢，就能够继发大菩提心，继续实践菩萨行，而唯识宗学者就呢个角度称为“明缘种子”嘞，咁样生生世世不断熏习、不断实践，以至于一步一步去成就圆满嘅正觉。
讲到“菩提心”嘅类别，依据大乘佛教嘅经典，“菩提心”可以有深浅程度嘅唔同，根据修行人修证嘅程序，大体可以作为下便嘅分类，就系“世俗菩提心”同埋“胜义菩提心”啦。“世俗菩提心”亦都分为“愿菩提心”同埋“行菩提心”。发菩提心嘅有情必须对成佛、度众生嘅伟大事业具备坚定嘅信心同崇高嘅志愿，因为见到世间恶劣、有情嘅苦恼，同时亦都深信有究竟圆满嘅佛果可以证取，所以认识唯有修证成佛先能够净化世间去拯救一切有情。由此发出广大嘅誓愿，希望未来际上求佛道、下化有情，由于呢种信愿而发心，就称为“愿菩提心”或者称为“信愿菩提心”嘞。
既然具备信愿嘅先决条件，仍然须要实行，所以要讲到“行菩提心”嘞。“行菩提心”主要系指菩萨必须受持菩萨戒法，亦都叫做“菩萨学处”，意思系包括一切自利利他嘅行为，菩萨就以呢种无边嘅戒行去实践菩萨道。关于菩萨嘅戒法，我哋可以参考《瑜伽师地论·菩萨地》所记载嘅《瑜伽菩萨戒》。
上便所讲嘅“愿、行”两种菩提心，仍然系有漏有情嘅心行，未出世间，所以统称为“世俗菩提心”，但系有情依“世俗菩提心”不断再发心，不断实践，由此再进一层去到达“胜义菩提心”嘅境地。所谓“胜义菩提心”系指大乘嘅修行人悟入无生法忍，证得真如实相。
“世俗菩提心”系著重悲愿，而“胜义菩提心”呢，就不离悲愿而得到智慧嘅现证，亦可以话“愿菩提心”系著重起信发愿，“行菩提心”呢，就著重从事利他，“胜义菩提心”就著重响般若嘅现证，所以“菩提心”统摄信愿、大悲、般若，系大乘佛法嘅心要。
发菩提心嘅基础其实必须具备慈、悲、喜、舍“四无量心”，而呢“四无量心”亦都即系“菩提心”嘅扩展同实现，两种系互为因果、辗转增上嘅关系。所谓“无量”就系指一切有情都系菩萨修行利他嘅对象，有情无量，所以利他嘅对象亦应该无量。菩萨亦都必须具备呢种无可限量嘅心愿，先能够对无量有情作无量嘅利益，引生无量福德，感召无量嘅果报。
讲到“四无量心”，第一种，“慈无量心”啦，“慈”嘅本质就系无瞋，具备对治瞋恚同埋产生一切善行嘅功能。有情由于本具慈心嘅缘故，所以能够帮助他人，使到人获得快乐，故此，“慈无量心”亦都就系无限嘅仁爱心。就积极利他方面嚟讲，“慈”系一切利他善行嘅根本，能够济度有情给予快乐，能够以仁心去感化顽劣嘅有情，使到佢哋生起正信而趣向圣道，能够使到一切众生安稳快乐。就消极自利嘅方面嚟讲，能够使到众生常怀恕心，能够对治瞋恚，使到众生唔被烦恼恼乱，亦都使到自身安稳快乐，随顺圣道。所以慈心系一切忍辱、精进、戒律嘅基础，菩萨伟大行愿嘅由来。
初发心嘅菩萨以一切有情作为对象而生起慈心，趣向圣行嘅菩萨就以法理为对象而生起慈心嘞，证道嘅菩萨基于对无生法忍嘅体会，心无执滞，所以能够对一切有情生起无缘嘅大慈心。其实慈心嘅深浅度虽然随住菩萨实践嘅程度而有所不同，但系本质亦都系一样，都系以使到无量有情离苦得乐作为最终嘅目标嘅。
讲到“悲无量心”。“悲”亦都叫做“不害”，原本系善心所发嘅一种，系唯识宗所讲，但系就词嘅功用上，系对一切有情，唔忍心佢哋受到逼恼呢一个角度而加以强调嘅，所以有“悲”嘅观念产生嘞，所以“悲”有拔苦嘅作用。就佢消极方面嘅作用嚟讲呢，系唔忍心有情受苦，但系就积极方面嘅功用嚟讲，系拔除受苦有情嘅种种苦恼逼迫。用现代嘅术语讲“悲无量心”，就系无限嘅同情心，不但同情，而且付诸实践嘅行动去解除有情嘅苦恼。所以“悲”系无上菩提嘅根本，大乘佛法嘅精神所在，一切大信大愿大行嘅由来。悲心嘅最彻底地方就系菩萨能够观察自己同有情同为一体，不特唔应该加以逼害，亦都以有情嘅苦难作为自己嘅苦难，时常怀住恻隐之心，就系大乘佛法所强调嘅同体大悲。
讲到“喜无量心”，“喜心”就系欢喜心、兴悦心，发菩提心嘅目的就系利益一切有情，而要利乐有情，首先就要对一切有情具备深刻良好嘅印象、和谐亲切嘅感情，不但丝毫染著欣悦心境，亦都能够以呢种心境去对待有情，就系具备喜心嘞。实践菩萨道嘅菩萨，应该对一切正法生起欢喜、信受嘅心，对一切善行亦应该生起欣悦唔厌离嘅心，对一切有情心无厌倦，对有德嘅人唔生嫉妒，欣喜尊重，见人行善随喜赞叹，呢啲行为都系喜心嘅具体表现。能够咁样做，咁样对待无量嘅有情，就系具备无量嘅喜心。
“舍无量心”，“舍心”就系平等心，对于无论顺利抑或恶劣嘅境遇系冇爱、恚（“恚”就系瞋恚嘅心），对于自己同其他嘅有情喺心里便冇分别，对于怨家、亲人都能够平等对待，就系平等心。所以简单讲，“舍心”就系保持情感同理智嘅平衡，心无执著，意志唔被外境所动摇。依理嚟讲，“舍心”系修习菩提心嘅前提，慈心、悲心、喜心嘅依据，因为假使菩萨个心唔平等，自然就唔能够对有情生起无限嘅仁爱、同情同埋喜悦啦。而“舍心”嘅建立，不但可以从一切有情都具备佛性，本质上并无分别嘅观点而嚟，更加可以由宿世因果，有情互为眷属嘅观点著眼。菩萨能够具备无限嘅平等无私心，先能够产生无缘大慈同埋同体大悲以利益一切有情嘅善行。
“四无量心”不但系大乘菩萨修习菩提心所需要具备嘅条件，亦都系大乘佛法观行上嘅方便，时常修习“四无量心观”可以使到菩萨菩提心更加巩固，一切善行嘅原动力更加有基础。
跟住落嚟，我哋讲到“六度”嘞。有时讲“六度”，喺录音带里便听，好容易同“六趣”，啫所谓“六道轮回”呢个“六道”混淆，其实讲嘅“六度”系“六波罗蜜多”。“度”，梵语就系“波罗蜜多paramita”，简称“波罗蜜”。“波罗”意思系“彼岸”，“蜜多”系“到”嘅意思，合起嚟就系“到彼岸”嘅意思嘞，而“渡”同“度”呢，即是话三点水同埋冇三点水嘅“度”呢系相通，取譬如为名，有度生死苦海嘅意思。“到彼岸”就系“到涅槃彼岸”嘅意义，意思就系话修习呢六类自利利他嘅菩萨行，能够令到有情渡过生死嘅苦海，去到达涅槃嘅彼岸。菩萨发菩提心之后，对于一切嘅众生具备无量嘅慈悲喜舍心，就应该实践一切自利同利他嘅行为，呢啲菩萨行呢，归纳起嚟，不外有六种主要嘅途径，所以就称为“六度”。
第一就系“布施”，“布施”响梵语叫做“檀那波罗蜜dana paramita”，以自己所有同别人分享，施与别人，就叫做“布施”，呢个系简单嚟讲嘅意思。而“布施”亦都可以分开三种：“财施”“法施”同“无畏施”。
“财施”就系指一切物质嘅施与，轻嘅呢，譬如财物啦，重嘅呢，譬如生命啦，都系属于“财施”，所以有“外财”同埋“内财”之分嘞。
第二系“法施”，就系知识嘅传授、善法嘅教化都系属于“法施”嘅范围。
第三“无畏施”，就包括两种意义。第一，就系修行人透过内心嘅修养，喺心里便唔会存丝毫恼害有情嘅意念，慈颜善容，令到其他有情对于呢个众生，有亲切感，冇怖畏心，就叫做“无畏施”嘞；第二，其他人遭遇疑难恐怖时候，能够给予安慰、支持、劝解、援助，使到其他嘅人无恐怖感，平安快乐，亦都叫做“无畏施”。总之“无畏施”系精神上嘅布施，有时吔，更加胜于物质上嘅布施。
三种“布施”之中，以“法施”系最有价值，“财施”喺意义之上系占最低嘅地位，因为“财施”呢，只不过系以物质去利益别人于一时，但系“法施”就可以对人产生无穷嘅利益。其中特别以无缘嘅布施功德最大。所谓“无缘布施”就系我哋嘅心怀有平等、唔为求名、唔为求利、毫不勉强、诚意和颜去布施，而“布施”嘅最高境界就系能够做到三轮体空，亦都系喺布施嘅时候，响心里便唔会执著有布施嘅我，唔见到有所布施嘅对象，更加唔见到有布施嘅事物，毫不执著，就叫做“随缘任运布施”嘞。
“布施”系“六波罗蜜多”嘅第一步，佢嘅功能可以对治我哋嘅悭贪，培养、增长福德，系修习一切善行嘅开端。我哋初初学习布施，就尽其在我、量力而施、心安理得、毫无悔意，先系正确嘅布施态度。随住自己嘅修养不断增加，布施嘅胸襟、能力呢，其实必然都会随住增长，以至布施嘅最高境界，就会觉得“布施”呢回事系最自然不过，喺我哋嘅心里便根本唔会起“布施”嘅观念，而实际就能够将“布施”嘅精神发挥到极致。
第二，我哋讲“持戒”。“持戒”喺梵语里便叫做“尸罗波罗蜜多sila paramita”。“持”系受持、执持嘅意思，“戒”呢，系指戒律。“止恶行善”系持戒嘅目的，“尸罗”意思系清凉，贪瞋痴三毒，譬如火，戒就能够防熄呢三毒火，所以有清凉嘅意义。一切有情被烦恼去缠绑，恼乱人心，持戒就能够对治烦恼，止烦恼因，断烦恼果，所以就叫做“持戒波罗蜜多”嘞。
菩萨所持嘅戒律广泛嚟讲，好似《瑜伽菩萨戒》嘅“四重四十三轻戒”，归纳起嚟不出三种：
第一，“摄律仪戒”。“摄律仪戒”意思系受持一切禁戒，唔应做嘅唔好做，就系消极方面嚟讲就具有“止恶”嘅意思，例如七众嘅“别解脱律仪”，即系一切在家出家嘅戒律啦，都系属于“摄律仪戒”嘅范围。
第，第二种系“摄善法戒”，菩萨受持“律仪戒”之后，所有一切为咗大菩提，由身、语、意积集嘅各种善行，总名就叫做“摄善法戒”啦，意思系一切应该做嘅都要做，呢个就积极方面嚟讲，系具有“生善”嘅意义。
第三就系“饶益有情戒”。菩萨以利益一切有情为本分，前便所说嘅两类戒虽然具有“止恶生善”嘅意义，但系多数都系著重自利方面去讲，而“饶益有情戒”以利乐一切有情作为根本目的，纯粹系属于利他嘅性质，尤其系能力做唔到而唔作饶益嘅呢，都系属于犯戒，所以话系戒律嘅最高境界。
佛家持戒嘅精神最重视就系出发点，所以都系以意业为主，假使出发点系为咗饶益有情众生，表面上虽然系违反咗别解脱戒，但系如果站喺菩萨戒嘅立场，亦都可以开许，譬如为咗救渡众人，而犯咗杀一人嘅戒律就系嘞。严格嚟讲，戒律嘅最高要求，就算连我哋起心动念违犯咗正思惟，都系属于犯戒嘅行列，例如目睹财宝而生起偷盗心啦，又譬如听到隔墙女性嘅声音而生起绮念啦，虽然我哋未付诸行动，但系响意念上其实已经系犯咗戒㗎喇。
莫将身作业，严以戒为师，希望我哋谨记释迦牟尼佛佛陀嘅遗训，以戒为师，护戒犹如明珠，防非止恶，去令到我哋身口意三业维持清净。
南无本师释迦牟尼佛！（注：接下文）
149.千波万浪尽朝宗（七）
（注：接上文）
千波万浪（四）——完结篇
（注：对于音频嚟讲，呢个主题到此为第四篇，而对于文字记录嚟讲，呢个主题到此为第七篇）
上一次，“蜜多”里便嘅“持戒”，今次我哋由“安忍波罗蜜多”讲起嘞。“安忍”亦都叫做忍辱，梵语呢，就系“羼提波罗蜜”。“忍辱”系指我哋内心能够忍受外来嘅侮辱同恼害而唔生起恚恨，或者有时会译作“安忍”，咁含义比忍辱更加广泛。安忍嘅对象不但逆境系须要忍，顺境都系须要忍。佛教有“八风吹不动”，“八风”就系指“利、衰、毁、誉、称、讥、苦、乐”呢八种境遇、感受能够影响动摇人嘅心，所以称为“八风”嘅说法，咁样如果能够八风都吹不动呢，就系“安忍”嘅最高境界。根据《瑜伽师地论·菩萨地》所讲，“安忍波罗蜜多”可以分为三类：
第一类系“耐他怨害忍”。“耐他怨害忍”嘅意思就系话菩萨受到其他有情嘅种种侮辱同埋逼害都能够忍耐，而唔会生起愤懑怨怼嘅心，反而能够作悲悯嘅思想，所以就叫做“耐他怨害忍”。
第二种名为“安受众苦忍”。“安受众苦忍”系咩意思呢？世间嘅众苦可以分为八类。第一系“依止苦处”，即系意思话有情我哋所依止嘅衣食住同埋各种医药，或者供养身体嘅食物等等嘅物质，因为由于上述种种日常起居生活嘅必需品短缺不足，而产生饥寒等等嘅苦恼，故此叫做“依止苦处”。第二种呢，系“世法苦处”，“世法苦处”系指一切基于世法无常嘅现象而产生嘅种种苦，比如老啦、病啦、死啦嘅苦啦，就属于“世法苦处”嘞。第三种，系“威仪苦处”，意思系话修道嘅有情喺修道嘅过程之中须要修习行住坐卧各种威仪，由于修习种种威仪而产生疲乏嘅苦，故此叫做“威仪处苦”。第四呢，就系“摄法处苦”嘞，“摄”呢，就系“四摄法”个“摄”，乜嘢叫做“摄法处苦”呢？就系菩萨勇猛精进修行嘅时候所产生嘅劬劳之苦，佢所行嘅善法包括就系供养三宝、供事尊长、谘受正法广为他说、吟咏赞诵、修习瑜伽止观、作意等，呢啲等等嘅法，所以呢，喺呢啲法生起劬劳之苦，所以就叫做“摄法处苦”。第五就系“乞行处苦”，“乞行处苦”就系出家修道嘅人须要受毁形剃发，舍弃世俗欲乐，节约艰辛，依赖他人维持生计等等嘅苦恼，所以就叫做“乞行处苦”嘞。第六，就系“勤劬处苦”，“勤劬处苦”呢，意思就系话指一般修习种种善行辛勤嘅苦，“劬”就系“劬劳”啦，“句”字边做个“力”字嘞。第七种，就系“利他处苦”，“利他处苦”系菩萨为咗饶益有情不惜牺牲自己嘅精神、时间、钱财等等，纯粹系利他嘅，唔为自我，由于要实践呢啲利他嘅伟大行为，所以须要抵受嘅艰辛困难就叫做利他处苦。第八种就系“所作处苦”，意思系话出家嘅菩萨须要维持生计，先能够安心办道，咁在家菩萨就须要从事世间嘅事业，跻身喺士农工商嘅位置。咁菩萨无论在家出家，为咗生活所需，都系要从事自己嘅事业，从事事业就不免辛勤劳苦啦，所以呢种劳苦就系名为所作处苦。菩萨能够对上述世间各种苦都能够忍受，唔因为遭受艰苦而懈怠放逸，一心去求取无上菩提呢，就可以称为“安受众苦忍”嘞。
咁我讲完“安受众苦忍”，记住我哋讲紧，而家讲紧呢，就系《瑜伽师地论》里便所讲嘅“安忍波罗蜜多”嘅分类，有三种，头先讲咗“耐他怨害忍”啦，而后讲咗“安受众苦忍”里便嘅，诶，八种嘅苦处啦，然之后再讲而家就系“法思胜解忍”，最后一种嘞。意思就系话，“法思胜解忍”，菩萨能够对佛法心生胜解，对三宝嘅功德，世间因果嘅道理吔、宇宙嘅实相、佛菩萨嘅伟大行愿，或者菩萨都能够以善巧嘅智慧去观察理解，佢深切认同，亦都对佛教嘅教理行果具有好深嘅信心，唔会为一切世间虚妄嘅言论、唔正确嘅外道见解所动摇，嗱，呢点呢，就叫做“法思胜解忍”。“佛法”个“法”，“思想”个“思”，“胜利”个“胜”，“解脱”个“解”，“安忍”个“忍”，“法思胜解忍”。
我哋讲完《瑜伽师地论》对菩萨三种“安忍波罗蜜多”分类境界嘅睇法，咁由此可知呢，“安忍波罗蜜多”含义系好广大，作用亦都极大。对逆境嚟讲，安忍可以对治瞋恚啦，就顺境来嚟讲呢，安忍都可以对治骄慢个㖞，就寻求真理嘅角度嚟讲呢，安忍可以对治无明，所以修习“安忍波罗蜜多”不但可以使到学习菩萨行愿嘅行者，佢嘅菩萨心量能够广大、平等安稳，更加可以使到智慧清明，对真理嘅认知就会坚定不移㗎喇。
跟住落嚟我哋讲到“精进”嘞，“精进”系梵语就叫做“毘梨耶波罗蜜viryaparamita”，亦都可以话系叫做“勤”嘞，或者可以译做“精进”，显示，意思就系显示呢种努力系精纯，唔混杂恶法，系进取嘅、毫不懈怠嘅，所以叫做呢，译师就会译做“精进”，而唔译作“勤”，咁正好讲明就系话，向纯净方面去求进益嘅意思啦，“精进”。
菩萨如果发咗大菩提心之后，就能够深信，去信解大乘嘅佛法，佢心智勇猛，能够不断去实践无量嘅善法去利乐一切嘅有情，意思就系“精进”嘞。咁我哋又根据《瑜伽师地论·菩萨地》里便所讲，“精进”同“安忍波罗蜜多”都一样，又可以都分为三类嘅㖞。第一类呢，叫做“擐甲精进”，乜嘢叫做“擐甲精进”呢？“擐”系剔，诶，“归还”个“还”，但唔系用个撑艇仔边，系用剔手边，“擐甲精进”。“擐甲”系指勇士上阵嘞，首先擐甲胄，对于剑戟戈矛吖、一切苦难吖，系冇丝毫嘅畏惧，然后先能够勇猛直前，杀敌取胜，咁其实系一个譬如嚟嘅，用呢个譬如就认为菩萨为咗修行一切自利利他嘅伟大行愿。首先我哋必须要了解到生死大海系苦难无边，如果要拔济有情呢，唔系容易嘅事，所以就必须先擐誓甲，即是著一个披甲去上阵嘅战士一样，但呢件甲系有大誓愿，唔系普通嘅甲，有一个大愿庄严，呢个大愿系度众生嘅大愿，当然，对众生证果，佢所遭遇嘅苦难，唔畏惧嘅。由呢个观点开始就发起勇猛精进心，喺修行过程之中唔怕众苦，对一切利生嘅事业呢，亦都唔怯懦，一切嘅苦难唔能够使到菩萨嘅菩提心退转，所以就叫做“擐甲精进”，著起大勇猛甲，勇猛去杀烦恼嘅敌，誓救一切众生。
第二点，叫做“摄善法精进”，“摄善法精进”意思系指对布施、持戒、安忍、禅定、智慧等等嘅波罗蜜多，一切自利利他嘅善行，能够努力不懈成就各种嘅善法，就叫做“摄善法精进”，吖，呢个就好容易理解嘅啫。
第三种，叫做“饶益有情精进”，何谓叫做“饶益有情精进”吖？意思系话呢，对一切饶益有情嘅善事，比如为他人呢，作助伴啦、善于演说法要等等啦，能够勇猛勤修，努力不断，时常一心一意去饶益其他嘅有情，虽然遭遇各种艰难困苦，但系都唔会懈怠嘅。佛菩萨甚至为咗度化有情，或者舍弃禅悦嘅喜乐喺欲界里便受生，或者誓入地狱去济拔有情嘅困苦，地藏菩萨嘅大愿就系呢一类啦，诸如此类都系“饶益有情精进”嘅。“精进波罗蜜”足以对治懈怠，修行自利非精进唔能够成就，利乐有情非精进无以贯彻我哋嘅悲愿，所以由狭义嚟讲，“精进”都足以策励自修，但系如果就广义嚟睇呢，“精进”就可以尽未来际随缘任运去利乐有情㖞，所以“精进波罗蜜多”系通一切菩萨嘅行愿。但系我哋初学佛法嘅人，精进亦都要量力而为，循序渐进去开始，既唔好懈怠，亦都唔好急进，咁样先能够合乎中道嘅。
跟住我哋讲到第五度嘅第五个波罗蜜多嘞，就系“禅定波罗蜜多”。“禅定”，印度文叫做“禅那波罗蜜多”啦，“dhyanaparamita”，旧嘅译法呢，叫做“思惟修”，新嘅译法呢，就叫做“静虑”，或者叫“定”。思惟所观察嘅境，即是话外境对象啦，而加以研求修习，就叫“思惟修”。我哋嘅心意集中响一个境界，虽然寂静，但系能够好清楚了知自己现前嘅境相就称为“静虑”嘞，所以“静”呢，就系“止”嘅意思，“停止”个“止”啦，“虑”呢，就系“观”，吓，“观察”个“观”，所以亦都可以叫“止观”。
而禅定嘅类别、层次，有所谓分为九次第定，就系“四禅”“四空”。“四空”亦都叫做“四无色定”。“四禅定”呢，就系意思系色界嘅，“四空定”呢，就系无色界天嘅，同埋“灭尽定”嘞，“灭尽定”就更高吖。一般嚟讲，佛家所提倡修行嘅禅定都系以“四禅”为主嘅，见道嘅般若智同埋种种嘅神通力呢，都系响“四禅”嘅基础之上生起嘅㖞，呢一点。咁日，咁喺日后如果能够有机会，我哋再做一啲，诶，关于禅定嘅讲座，譬如“四禅”或者“四空”定嘅修法同埋境界。
咁禅定嘅作用呢，主要系对治我哋凡夫嘅散乱心啦，使到我哋心意集中、妄念平息而引发清净嘅智慧嘞，而禅定嘅修习其实最重要就系能够止观双运。“止”就系能够扫除我哋嘅妄念，“观”呢，就系能够观照真理嘞。修行嘅人最初系以世间嘅有漏心去修习止观啦，当然，但系慢慢呢，就能够逐步降伏世间嘅烦恼而产生出世间嘅无漏静虑，启发我哋清净嘅般若智慧嘞。至于修习禅定嘅入手方法，佛教嘅各宗各派为咗适应唔同根基嘅众生呢，就有唔同嘅方法，有唔同嘅倡导，但系各种静虑嘅方式其实都系殊途同归嘅，目的都能够，都系能够希望我哋降伏烦恼啦，引生我哋嘅净智。
跟住我哋讲最后嘅一个波罗蜜多，系“智慧波罗蜜多”。“智慧波罗蜜多”梵语就亦都叫做“般若般罗蜜多”啦，大家都好熟悉啦。“般若”系专指超越一般世俗经验，唔同烦恼连结，啫无漏嘅烦，无漏㗎喇，嘅殊胜嘅智慧啦。为咗表示“般若波罗蜜多”唔同于一般世俗嘅智慧，所以每每只系用音译唔用意译。智慧嘅意义就系对所观察嘅事理、境界能够辨别是非、抉择邪正，系具有决断、裁定嘅意思，去除疑惑嘅功能嘅。
“般若”包括“无漏嘅无分别智”啦，亦都叫“根本智”，同埋“无漏嘅有分别智”，亦都叫“后得智”。“根本智”系体证真如，“后得智”呢，就思惟观察一切现象界嘅实事实理嘅，所以“般若智”不独能够体证实相、勘破无明、对治愚痴，更加系六度之中最重要嘅一环，功能统摄其余五度嘅可以。假使如果冇咗“般若”嘅指导，咁布施、持戒、安忍、精进、禅定种种嘅修行方法就唔足以叫做“波罗蜜多”嘞，所以一切菩萨修习嘅善行都必须藉住“般若”嘅指导先能够趣向菩提。
而且另一方面嚟讲呢，“布施”等等其余嘅五度又足以助成“般若”㖞，而“般若”又能够统摄、指导其余五种波罗蜜多，而互为因果嘅，而最终嘅目的就系藉住智慧作为舟筏去渡登觉悟嘅彼岸。总括嚟讲呢，六度之中嘅“持戒、禅定、智慧”即系戒定慧三无漏学，系嘛？你谂下？系戒定慧三无漏学嘅，而其余布施等等嘅三度都足以增长善行、饶益有情，系菩萨学处嘅加行嚟嘅，所以六度互相统摄，唔能够分离嘅，千祈唔好将六度去拆开。
以下我哋讲到“四摄”嘞。“六度”系自利利他嘅主要修行方式，“四摄”呢，就系纯粹系利他嘅菩萨行为。“摄”系摄受、摄引嘅意思，意思就系话以四种善巧嘅方法引导吖，同埋摄受一切有情，首先令到佢哋生起亲近、亲切嘅感受，然后再引导佢哋信受正法，所以四摄系弘法利生嘅一种高度技巧嚟嘅。
第一摄，我哋讲“布施”嘞。所以六度波罗蜜开始，亦都系以布施为首，好重要。而家讲“四摄”亦系以布施开始，所以布施喺佛教之中系好重要嘅一个修行法门嚟嘅。菩萨以两种方式去引导同摄受有情，第一种系我哋成日讲嘅“财施”啦，第二种当然系“法施”啦。
“财施”系菩萨用钱财、衣服、饮食同一切物质布施俾众生，布施之后亦都劝导佢哋归依三宝，或者劝导佢哋持戒，或者劝导佢哋修习禅定，或者教佢哋修习四无量心种种嘅法门，务求使到受施嘅有情呢，能够接受到佛法，喺菩提大道之上去迈进。当我哋做财施嘅时候，如果能够尽量做到同对方讲下佛法当然更好啦，但系如果唔能够，单单布施钱财或者身外嘅物质俾佢，其实都有一种功德。
咁“法施”呢，就系菩萨以世间嘅善法去引导其他有情去信受、修习，再用方便嘅善巧由浅入深引导有情出离世间法，指示佢哋了解出世间嘅圣道，使到佢哋得证圣果嘅。例如首先以五乘共通嘅言教啦，五乘共通嘅言教即系比如用善恶因果嘅讲法去引导众生先啦，然后再慢慢开示大乘所讲不共嘅义理，大乘不共嘅义理系讲追求解脱、趣向涅槃嘅道理啦。又比如你首先教众生静坐，去受，令到佢足以澄清佢嘅思虑先，然后令到佢调息身心，使到众生倾慕修习，慢慢再同佢讲明禅定嘅真正目的就系降伏烦恼、引生净智，去体证真如，呢个就系“法施”嘅一种方便嚟嘅。
菩萨嘅第二摄呢，第二种技巧去度化众生就系“爱语”嘞，吓。“爱语”意思就系话菩萨应该能够令到有情欢喜，欣悦嘅言辞，用欣悦嘅言辞呢，加以慰喻勉励吔，去宣示正确嘅道理，去引导众生迈向胜道，咁呢个意思就系“爱语”嘞。如果根据《瑜伽师地论》卷四十三所记载，“爱语”可以分为三种嘅，边三种呢？系“菩萨设慰喻语”“菩萨设庆悦语”“菩萨设胜益语”。第一种“菩萨设慰喻语”，菩萨设慰，“设”就系“假设”个“设”啦，“慰”就系“安慰”个“慰”啦，“喻”呢，就系“比喻”个“喻”，“语”就系“语言”个“语”，“菩萨设慰喻语”，意思就系话菩萨对于一切有情要和颜悦色，唔时常会有皱起眉头嘅神态嘅，含笑善言去慰问晓喻有情，亦都能随顺世间嘅礼仪，以平易近人嘅言语同人接触。所谓令一切众生欢喜，诸佛菩萨就会欢喜，所以菩萨度化众生，面上便呢，时常露出笑容、可人嘅神态，令到众生容易接近嘅。第二种呢，就系“菩萨设庆悦语”嘞。“设”就系“假设”个“设”，“庆”就系“庆祝”个“庆”，“悦”就系“喜悦”个“悦”啦，“语”系“语言”个“语”。“菩萨设庆悦语”，菩萨所运用嘅庆祝语，使到人哋喜悦嘅言语就系“菩萨设庆悦语”嘞，比如有啲人对自己子孝妻贤吖、衣食丰足嘅福报，自己毫不自知，或者有啲人对自己能够修习戒定慧、信受正法正理嘅殊胜福慧，佢都唔能够察觉嘅㖞，咁菩萨就应该向佢哋庆贺祝福，使到佢哋了解到福慧难得，应该劝佢哋加以珍惜，吓，呢个就系一个例子，“菩萨设庆悦语”嘞，嘅意思；第三种我哋讲“菩萨设胜益语”，“假设”个“设”，“胜利”个“胜”，“有益”个“益”，“语言”个“语”，意思系话菩萨所运用殊胜使到人获得利益嘅语言嘞，因此菩萨应该呢，时时宣说合乎伦理道德，同真理相契合嘅言语去利益一切有情。
跟住我哋讲到第三种菩萨摄受众生嘅方便方法就系“利行”嘞。菩萨用种种方便善巧饶益有情，使到佢哋获得现时以至将来嘅利益就叫做“利行”。我哋又根据《瑜伽师地论》嘅记载讲下利行啦，利行亦都可以分为三种。第一种，“于现法利劝导利行”，乜嘢叫做“于现法利劝导利行”呢？“于现法”，“现”者，现在个现，“法”就系“法理”个法啦，“利”就系利益个利啦，“劝导”系劝导佢啦，“利行”，“利益”个“利”啦，“行为”个“行”。“于现法利劝导利行”，意思就系话劝导他人，使到人现时获得利益嘅善行咁解啫，例如菩萨以正法劝导其他人做善业啦，积修福德以保持甚至增加现有嘅财产同埋名位，系呢个意思啫。第二就系“于后法利劝导利行”，就系劝导他人使到人将来获得利益嘅善行，“后法”就系“将来”啦，菩萨完成上述嘅初步利行之后，啫第一种，使到受化度者获得现时嘅名利安乐，更进一步我哋引导众生舍弃名利财位吔，更进一步修习梵行，使到佢哋认识到未来嘅安乐更胜于现时嘅安乐。修习梵行就系离开一切欲望嘅行为修习啦，呢个就系“于后法利劝导利行”嘞。咁再进一步呢，就系“于现法后法利劝导利行”，喺现法后法之后嘅一种劝导利行，更进一步就劝导众生使到佢哋现时同埋将来都获得利益嘅善行嘞，即是话菩萨劝导在家、出家嘅人逐步修习离欲嘅梵行，使到人呢，现时获得身心嘅安稳快乐，将来或者生去净土或者得到涅槃嘅乐果，就系“于现法后法利劝导利行”嘅意思。
最后一种摄化众生嘅手段就系“同事”吔，菩萨同摄化同埋受摄化嘅对象处于同一个环境，做同类嘅事业。首先使到彼此能够充分沟通了解，互相信任，然后再加以方便去接引佢，或者系菩萨为咗使到所摄化嘅有情佢嘅信心要佢坚固，对于所教授嘅修行方法亲身去实践示范，同摄化嘅对象一齐修行，做佢嘅榜样，增加对方嘅信念，都系“同事摄”嘅意思。另外，如果具有伟大能力同悲愿嘅菩萨，更加能够以种种殊胜神通变化随类化身六道之中，用平等嘅身份、相同嘅处境去接引有情，使到佢哋获得利益安乐啦，呢个呢，就系“同事”嘅极致嘞。咁如果呢种修为呢，必须要系大菩萨先可以做到，能够随类分身，去化身去各道呢，去帮助众生。总括嚟讲呢，“四摄”其实系菩萨利他嘅方便善巧，如果就浅义嘅方面嚟讲，人人都能够做到啦，当然，但就伟大高深嘅地方嚟讲，就必须具有高度修养嘅菩萨先能够承办㗎嘞。
咁样讲完以上嘅内容之后，我哋跟住喺呢一度或者做一个小嘅总结先。学习大乘嘅佛法，其实最重要系对菩萨愿行嘅了解同埋躬行实践，但对于下便我所讲嘅几点都应该要注意。
第一点呢，释尊设教嘅本怀都系为咗普渡唔同根基嘅有情，所以原始嘅教法我哋睇下啦，虽然都系随缘施设，但系呢，都系法同一味，唔应该强分宗派同埋教乘，唔应该分教，唔应该分门嘅。佛陀涅槃之后呢，由于佛弟子对佛嘅永怀恒念同埋追思，释尊过去世嘅时候，喺因地佢所修嘅大行（即系菩萨嘅伟大行愿）受到特别嘅重视同埋诠述，故此稀有嘅佛功德、慈悲嘅菩萨大行系部派佛教所共存共信嘅，呢点我哋要知道。但系部派学者佢心目中嘅菩萨只系局限响因地修行时候嘅释迦牟尼佛，咁其后呢，佛弟子反省同埋自觉，慢慢促成大乘佛法嘅兴起，其实主要原因呢，可以有两方面嘅探索，第一，边两方面呢？第一方面就系佛教内部嘅因素，佛教内部嘅因素呢，有两点嘅，第一点就系由于当时部派佛教思想发展吖，到极点嘞，慢慢含义深远而契合释尊设教本怀嘅大乘经典就喺呢个时候陆续出现，所以喺思想发展蜕变嘅历史法则之上，大乘自然必有取代小乘嘅地位嘅趋势啦，当然。第二点就系当时部派学者，只喺支离琐碎嘅义理钻研，将个精神集中喺呢度，而忽视咗宗教生活嘅体认同宗教对社会所应该发挥嘅功能，啱啱咁样就同佛陀个本怀相违背，故此能够促成佛教内部嘅自觉同埋反省。第二个探索，我哋要明白社会背景嘅影响都好重要。当时政局慢慢渐趋安定同埋统一，影响到日趋分歧嘅佛教内部产生谋求同埋统一嘅意愿，但系因为小乘各部佢哋因循守旧，唔能够融通，只有新兴嘅大乘既能够超然响各部之上，亦都能够吸收其他部派嘅长处，故此能够足以担负去组织新嘅说法而统一佛教内部嘅重任。随住大乘佛法嘅兴起，佛性观念得以流行，菩萨嘅慈悲大行亦都再唔系只限于因地修行时候释迦牟尼世尊所独有嘅，菩萨修道嘅德目亦都散见响陆续出现嘅大乘经论之中，甚至流行吖，响佛教以外学派嘅修道方法，譬如“四无量”啦，亦都被吸收赋予新嘅意思。较早能够将菩萨修行嘅德目作有系统嘅组织，我哋可以见到，喺龙树菩萨嘅《菩提资粮论》里便，之后流行嘅《菩萨藏经》啦，亦都系专门讲述大乘菩萨道嘅组织，以“四无量”“六度四摄”为纲领去统摄一切有关嘅法门，更，更加将“四无量”嘅义理摆喺“六波罗蜜多”嘅先头，而用“四摄”作为“六度”嘅推广，最后就将重点放喺“智度”之上，啫“智慧波罗蜜多”。
此外呢，当时出现同类嘅书亦都有《菩萨藏摩怛理迦》，之后呢，亦都收入咗《瑜伽师地论》作为本地分十七地之一嘅菩萨地嘞，而《瑜伽师地论》嘅菩萨地可以话系大乘经论之中有系统论述菩萨修道德目嘅极峰，所以喺《瑜伽师地论》呢本论著之中，除咗意韵深邃嘅真实义品可以作为大乘菩萨行愿嘅理论基础之外，更加响“戒波罗蜜多”之中，佢提出菩萨自性嘅律仪戒，意思就系一套四重四十三轻嘅菩萨戒。咁样做法系将散见响其他地方嘅佛陀所讲嘅理论组织起嚟，成为实践大乘菩萨行愿嘅具体依据。到咗呢个地方，对大乘菩萨修道论系统性嘅组织就具备咗嘞。
第二点我哋要研究嘅就系话，“声闻重智，菩萨重悲”系一般区分大小乘修道论唔同重点嘅常谈。喺思想史嘅立场来睇呢，唔同时期嘅思想发展都有佢思想史上嘅价值，呢个系以前我哋讲到《解脱论》嘅总结之中已经有讲过，喺呢度唔再详细。但系由宗教嘅行持同证悟嘅角度嚟睇，唔能够话毫无区别嘅，上便嘅，喺上便所讲呢两句说话“声闻重智，菩萨重悲”系讲明大小乘唔同嘅地方，但系呢两句评语亦都有加以说明嘅必要。
首先呢，声闻嘅行者佢所重嘅“智”呢，系解脱涅槃嘅“智”，声闻行者发现自我嘅私欲罪恶根源，于是由无贪欲希望能够寻求自心嘅净化，所以强调“离贪欲，故心得解脱；离无明，故慧得解脱”，但系咁不免就偏于理智而忽略咗情感。当然啦，同戒律有关嘅慈悲，声闻亦都唔能够话系冇，但系由于佢厌离世间嘅情绪系好深，所以唔能够由离欲无执嘅合理行为之中去促进完成更加合理嘅自他和乐，去成熟有情同庄严国土。
声闻乘嘅修行人深切厌离、欣求解脱，唔能够话同佢观慧嘅方面系冇关系嘅。声闻对无我胜义嘅观察系由“无常，所以苦”去作为入门嘅方便，呢个观点好容易使到声闻乘嘅人怖畏生死，去速求解脱，所以佢哋虽然亦都能够证觉涅槃空寂，但系由于佢哋嘅厌离心过深吖，所以自以为究竟，就不免悲愿不广，限制咗佛陀正觉内容嘅开展嘞。菩萨嘅观慧就系从缘起去直证空义，菩萨……（注：接下文）
150.千波万浪尽朝宗（八）
（注：接上文）
菩萨了解到万法虽宛然而有，但系都系因缘和合，系无实自性、当体即空嘅中道义理，所以菩萨能够了解到生死虽然系苦，但系完全都系由于执著，如果了空去执，就不以为苦嘞。由此自利利他，先能够喺生死苦海中唔会急于求自了，而能够由入世度生之中迈向佛道嘅，所以由大乘佛教嘅修道理论嚟睇，慈悲正系佛法嘅根本精神。大乘佛法之中虽然处处以成就无上正觉为目的，但系佢嘅原动力就系对一切有情嘅悲愍心，以悲为缘，所以菩提心得以发轫。喺实践菩萨行嘅过程之中，更能够由自他和乐嘅悲行之中去净化自心，唔专于说教嘅一个方面，而讲求参与社会一切正常嘅生活、去广做利益有情嘅事业，比如维摩诘长者嘅作为啦、善财所见到善知识嘅唔同事业啦，《瑜伽师地论》之中呢，就宣示咗“菩萨当于五明处求”呢个道理嘞。故此菩萨喺证得如实智之后，响八地之前呢，特别呢，留低一啲烦恼，以便喺轮回六道呢，度脱有情，呢个系崇高悲愿嘅表露嚟嘅其实。其实八地菩萨佢系故意剩返啲烦恼为咗去度众生啫，到佢成佛后之后，仍然不住涅槃，喺尽未来际去度脱有情，呢个系“悲”嘅极致。总之，大乘佛法修道论嘅特色系慈悲精神嘅贯彻始终，我哋可以咁样睇法。
最后一点，我哋要知道就系话，大乘各宗佛学之中，对菩萨修道嘅阶次系有唔同嘅分类嘅㖞，最显著呢，就系唯识宗所讲嘅五位说法，边五位呢？系“资粮位”“加行位”“通达位”“修习位”同“究竟位”。而天台宗就唔同嘞，天台宗就有六即佛说，所谓六即佛说，系“理即佛”“名字即佛”“观行即佛”“相似即佛”“分证即佛”“究竟即佛”。而华严宗就由次第行布门所提出嘅五十二位说，即系平时我哋所讲嘅“十信”“十住”“十行”“十回向”“十地”“等觉”同“妙觉”呢啲位置啦。但系对菩萨由初发菩提心到佢成等正觉，就须要经过三大阿僧祇劫嘅说法系一样嘅，并无二致嘅。
由此我哋可以知道大乘佛法嘅最终理想崇高博大，但系要经历久远嘅修道历程先能够成就嘅，唔系一步可以𨂾到上天，亦都唔系悲愿微小嘅人所能够祈求。但系一分耕耘就自然有一分收获，大乘嘅修行人，如果能够唔舍菩提心，随住自己能力所及去精进不懈，能够循序渐进，永远唔退转响菩提路之上。所以大乘菩萨行愿嘅原动力、无限嘅慈悲精神就必须奠基喺对于真理嘅确切体认，而唔系由于一时嘅感情冲动或者盲目嘅信仰，咁样先能够历久弥新、坚定不移。咁以上所讲呢几点都系我哋要注意嘅。
假若各位师兄对头先所讲嘅内容有兴趣进一步收集，可以睇以下嘅书目，我介绍俾大家，系《瑜伽师地论》卷三十五到五十，弥勒菩萨所造，（唐）玄奘法师所译；第二系《大般若波罗蜜多经》卷三百八十，（唐）玄奘法师所译；第三系《人生学》之四嘅《大菩提论》，系王恩洋居士著，响民国嘅时候吖；第四呢，系《学佛三要》，就印顺论师所著㗎喇。
以下落嚟，我哋讲到佛学上嘅最高境界就系“大涅槃”同“大菩提”嘞。大乘佛教一般公认嘅说法都认为菩萨由初发菩提心开始，要经过三大阿僧祇劫，即无数劫，修习六度万行，喺十地之中，渐次去断除一切烦恼障同所知障，慢慢先能够证入真如法界。般若智慧先慢慢去趋于圆满嘅，最后当金刚喻定现前嘅时候呢，就会顿断一切最微细嘅烦恼，咁嗰个时候，所知两种障嘅习气就会证得圆满正觉㗎喇。
呢种圆满正觉，如果就历劫修行嘅“因”方面嚟讲呢，就叫做“佛果”。“佛果”嘅内容可以由两方面去加以认识，第一就系“大涅槃”，第二就系“大菩提”。“大涅槃”系断德，而“大菩提”后者呢，就系智德，前者可以代表无为嘅体性，所以本质即系真如，而后者可以代表一切有为嘅功德，内容呢，就系“四智相应心品”嘞。前者系所证，后者系能证，如果综合呢两个范畴呢，就叫做“法身”，啫广义上嘅“法身”，系圆满正觉嘅具体内容。“净土”呢，就系“法身”嘅依止，亦都系“四智相应心品”无漏有为功德呈现摄化有情嘅方便，所以亦都属于“佛果”嘅一部分。
首先我哋讲下“涅槃”嘅定义，“涅槃”系梵文“nirvana”，或者巴利文呢，“nibbana”嘅音译嚟嘅，咁我哋中文亦都叫做“泥洹”啦、“涅槃那”啦，等等嘅译法，或者可以译做“灭”“寂灭”或者“灭度”等等嘅意译。“涅槃”呢个名称，其实个唔同嘅名，名目呢，系好多，比如《大般涅槃经》卷三十三有二十五种唔同嘅名称，《四谛论》卷三更加有六十六种别名，此外呢，“涅槃”亦都可以叫做“般涅槃”嘅，咁我哋中文就叫“圆寂”嘞。“涅槃”呢个名称呢，可以由“遮诠”，“遮诠”嘅意思即是话由反面或者以否定嘅方式去解说同埋表诠，“表诠”嘅意思呢，“诠”系“诠释”个“诠”，“言”字边做“完全”个“全”，“表诠”啫由正面或者肯定嘅方式去解说，呢两个方面，我哋都可以探索“涅槃”嘅含义嘅。“涅槃”呢个名称在梵语嘅语根上原来系具有“止息”“消散”嘅含义，所以《杂阿含经》卷十八，《入阿毘达磨论》卷下等等都解释指“涅槃”就系贪瞋痴三毒火永灭，一切烦恼灾患永尽嘅境地嘅意思，更加彻底讲，就系一切苦，因吖、苦果吖，永灭嘅境地。“苦因”系指生死流转嘅因啦，亦即系烦恼同烦恼所感召嘅有漏业，“苦果”呢，系指生死流转嘅苦果啦，呢啲都系以遮诠嘅方式由消极方面去理解“涅槃”嘅定义。假使如果从灭苦以后所证得嘅解脱乐嚟讲呢，相对有漏世间嚟讲，“涅槃”就系绝对安稳，系无上清凉自在，系至乐嘅境地，咁样系以表诠嘅方式由积极嘅方面去加以解说“涅槃”嘅含义嘞。
但系“涅槃”呢个名称原嚟并唔系佛家所专用嘅㖞，其实喺古印度嘅时候，从常人到九十六种外道对涅槃嘅定义都有各自嘅解说嘅，印度一般人民呢，响遇到苦痛消失，快乐继之产生嘅时候，就称呢种境界为“涅槃”，我哋可以参考下《大般涅槃》经卷二十三就知道。至于印度古时候嘅各种外道，有啲以欲界嘅乐处为“涅槃”，有啲以初禅吖、二禅吖、三禅吖、四禅，乃至非想非非想处作为“涅槃”，呢啲都系“涅槃”定义嘅解说，而由佛家嘅角度嚟讲，都未能够彻底解脱人生嘅苦恼，都唔系究竟嘅解说，如果依照以上嘅解释。
佛家对“涅槃”意义嘅解说呢，比起当时印度嘅国家外道嚟讲呢，都较为呢，究竟同埋彻底嘅。至于佛家内部嚟讲，小乘各部派对于涅槃所下嘅定义，一般都系著重响消极方面嘅诠释，至于积极方面嘅解说呢，小乘部派之中，比如说一切有部啦，虽然具备呢种诠释，但系毕竟只系属于少数，而且未够详尽，其中更有部分嘅小乘学者，佢哋迷执消极方面嘅解释，以至于产生灰身灭智嘅误解。到咗大乘经论，虽然两方面嘅诠释吖，都具备，但系更著重积极方面嘅含义，而强调“涅槃”系不生不灭嘅意义，同如来嘅法身系同视嘅，等同视之嘅，所以有涅槃三德嘞，就系“般若”“解脱”同“法身”三种德，或者八味啦，系“常住”“寂灭”“不老”“不死”“清净”“虚空”“不动”“快乐”，或者系四德啦，“常”“乐”“我”“净”，呢啲我哋都知㗎嘞，等等嘅解说，我哋可以参考《妙法莲华经》啦、《方等般泥洹经》啦，或者吉藏大师所写嘅《大乘玄论》等等啦。总括嚟讲呢，“涅槃”系三乘圣者所证嘅解脱果，就佢具备烦恼灭尽嘅含义嚟讲吖，系“断德”，就系佢不生不灭、常恒不变嘅本质嚟讲呢，就系“真如法性”嘞。
至于“涅槃”嘅类别系点样分类嘅呢，对“涅槃”含义嘅解说，一般小乘嘅经论多数只系论及两种“涅槃”，即系“有余依嘅涅槃”同“无余依嘅涅槃”两种。呢个系因为小乘学者系偏重对“涅槃”消极方面含义嘅解说，所以佢诠释“涅槃”义理都系以灭苦吖、断生死吖，作为准则。而到咗大乘学者呢，佢哋就强调“涅槃”呢一个名称系积极方面嘅含义嘞，就重视如来法身长存嘅理论，所以主张有四种“涅槃”嘅讲法。不过“涅槃”嘅解说虽然有两种、四种，广略嘅唔同，但系都系由唔同嘅角度去解说“涅槃”嘅观念，喺其中并唔能够截然去加以分割。
喺呢度呢，我引证《成唯识论》卷十，将“涅槃”嘅类别呢，加以讲解。“涅槃”，《成唯识论》里便有四种讲法，就系“本来自性清净涅槃”，意思系话一切嘅有情平等共有嘅真如法性咁解。第二种系“有余依涅槃”，就系头先小乘都讲，“有余依涅槃”就系烦恼障灭除啦，所依呢，就未灭。“无余依涅槃”呢，就系烦恼既尽，所余依呢，亦都灭咗，众苦就永寂，所以叫“无余依涅槃”。“无住处涅槃”嘞，最后一种，喺《成唯识论》所讲嘞，就系不住“生死”，亦都不住“涅槃”，断除所知障，大悲般若时常所辅翼嘅，亦都能够利乐有情呢，喺尽未来际，呢种系最高吖，“无住处涅槃”。
咁或者头先所讲嘅《成唯识论》卷十，“涅槃”嘅分类呢四种啦，头先系简单描述，或者喺呢度再详细咁深入小小再解一次，头先所讲嘅四种“涅槃”啦。
咁第一种“本来自性清净涅槃”呢，意思系话一切嘅法相嘅自性真如嘅理体嚟嘅其实系。“真如法性”，我哋知道佢本原存在所以叫做“本来”啦，“真如”系一切现象嘅本质，所以叫做“自性”。“真如”不生不灭、本来寂静，一切有情平等共有，有情虽然有圣凡嘅分别，但系本具嘅“真如法性”，我哋平时叫“佛性”啦，系无异嘅，系相同嘅。凡夫虽然被无明烦恼嘅客尘所染，迷而未悟，但系我哋本身所具有嘅真如理体呢，本嚟就系湛然清净，犹如虚空，虽然有浮云吖，但系唔损佢清净嘅本性，所以就叫做“清净”嘞。呢个真如理体同一切法相非一非异，但系只能够凭圣者嘅内证，而唔系语言文字、思想概念可以描画。本性寂然，所以就叫做“涅槃”啦。咁样解我谂会比较明白啲。
第二种呢，“有余依涅槃”。乜嘢叫做“有余依，依涅槃”呢？因为烦恼障我哋已经断咗（烦恼障就系“贪、瞋、痴、慢、疑”啦），生死嘅因已经尽咗，但系由于我哋过去苦因吖，所感召有情，依止嘅五蕴身体吔，仍然都会存在㗎嘛，所以有啲好微嘅苦仲未尽，有漏嘅寿命未终，而由于虽然呢五蕴和合嘅假体仍然存在，但系烦恼障已经永远寂灭，故此就叫做“涅槃”嘞。
第二种（注：根据上下文，“第二种”应为“第三种”）“无余依涅槃”呢，系话烦恼嘅因（啫烦恼嘅障）已经尽，过去烦恼嘅业所感召嘅果报，即是有情依止嘅五蕴身体呢，我哋嘅五蕴身体亦都已经舍报，世寿亦都终嘞，啫一切有漏嘅业感召嘅残余势力亦都尽，由此了脱咗生死，不受后有而超出轮回、众苦永寂，所以就叫做“无余依涅槃”嘞。
咁如果以上对于“有余依涅槃”同“无余依涅槃”嘅解说，系一般大小乘经论嘅共通说法，系解说涅槃嘅正义。但系如果《增一阿含经》嘅《火灭品》呢，就以小乘嘅第三果，啫“不还果”同第四果“阿罗汉果”去诠释“有余”同“无余”两种“涅槃”，我哋可以作为呢，其他嘅解释嘅参考嘅。
第三种（注：根据上下文，“第三种”应为“第四种”）“无住处涅槃”呢，就系二乘嘅圣者，虽然已经断除烦恼障，但系仲未能够断除所知障，所以都系有法执，不住生死而住喺涅槃，但系大乘圣者呢，了达咗人法两种空，烦恼所知二障都能够断除咗嘞，所以能够“生死”“涅槃”呢，两种都唔会住，大智大悲时常并起。由于大智嘅缘故，就不住“生死”，超脱烦恼啦，由于大悲嘅缘故，亦都不住“涅槃”，所以不舍众生嘞。本体虽然系寂静，但系用呢，就能够无边，故此能够利乐群生，尽未来际，所以就叫做“无住处涅槃”。所以咁样解释或者可能就比较会明白少少。
以上四种“涅槃”，由于小乘行者只系著重人生苦恼嘅解脱，较少涉及本体嘅问题，所以一般呢，只系论及“有余”“无余”两种“涅槃”，并未谈及“本来自性清净涅槃”，又由于小乘嘅行者系著重个人嘅自证，悲愿不够广大吔，所以就并未论及“无住处涅槃”嘞。故此大乘经论多数认为小乘“涅槃”嘅内容只能够包含前三种，唯有大乘佛法先具备“无住处涅槃”嘅特质。我哋可以略略见到大小乘喺思想上、精神上重点嘅唔同，但系就生死流转嘅解脱嚟讲呢，大小乘上便呢，就冇分别嘅㖞，所以有“三乘同坐解脱床”嘅说法，而大乘“无住处涅槃”嘅观念就可以视为佛家最崇高伟大嘅理想，所以就称为“无上大涅槃”嘞。
跟住落嚟我哋讲到“大菩提”。首先菩提嘅定义嘞，讲下，“菩提”，梵语同巴利语都系“bodhi”，旧嘅译法就叫做“度”，新嘅译法系就叫“觉”，亦都有译做“智”吔、“知”吔，等等嘅。三乘行者修道圆满时候所得嘅觉智，我哋都叫做“菩提”，“菩提”系梵语系动词吔，“budh”所转化嘅名词，而“budh”系“知觉”嘅意思，所以有以上嘅译名就系咁解嘞。至于讲到“菩提”嘅类别呢，大小乘论典对于“菩提”亦都有唔同嘅分类，但一般嚟讲可以分为三类，比如《俱舍论》卷二十五、《大智度论》卷五十三等等都纳三种菩提吔，系“声闻菩提”啦、“独觉菩提”同埋“无上菩提”。大乘行者所证得嘅“菩提”系最为究竟圆满，而超越二乘嘅“菩提”，所以就叫做“无上菩提”嘞，“无上菩提”嘅梵语系“Anuttara-samyak-sambodhi”，咁呢个梵音呢，咁我哋平时念《心经》就所谓“阿耨多罗三藐三菩提”，“Anuttara-samyak-sambodhi”，意思就系叫做“无上正等正觉”，亦都可以译做“无上正等菩提”，或者“无上道”吖，简称系“正觉”吖，等等嘅。至于大小乘圣者，由于“因行”“所证”同埋“果德”嘅唔同，“菩提”亦都有深浅程度嘅差别嘅㖞，咁我哋跟住去讲下嘞。
第一点我哋讲“因行”嘅不同。“因行”系指因地修行嘅经历，二乘嘅行者只系寻求个人人生苦恼嘅解脱，所以佢哋修行戒定慧嘅时候呢，亦都以自利为主，目的系快啲去断除呢个烦恼，速了生死，去趣入涅槃。所以传统说法认为，声闻菩提吔，少至三生亦都可以得证，独觉菩提亦都可以百劫修成，呢个同大乘菩萨因地嘅愿行就有显著嘅唔同嘞。大乘菩萨为咗求解脱一切有情去修习六度万行，发心无量，喺长远嘅生命历程之中呢，不断会自度度他嘅，会自利利他，对生死嘅苦恼，佢唔会觉得疲厌，所以能够乘愿再来去度化众生，随类摄化，对于涅槃寂静无为嘅乐果啦，佢唔会去求呢，速得自了吖，所以能够呢，经历三大阿僧祇劫，去广行“四摄”同埋“六度”，去普渡一切众生，然后先成佛果。由呢点可以睇得到，大小乘修行嘅人因地嘅愿行呢，显然呢，就系有唔同。
第二点我哋就“所证”嘅唔同嚟讲，“所证”就系指圣者觉智所证境界嘅程度嘞。声闻独觉只系就“四谛”“十二因缘”去思择现证，了知“诸行无常，苦空无我”。由于了达咗“人无我”，所以能够断除烦恼障啦，对三界唔会希求嘞，只系求速得解脱、去趋向寂灭。而大乘菩萨摩诃萨由“闻思修”去修习无量嘅教法，通达一切诸法实相，了达“人法二空”，然后断“烦恼”“所知”两种障碍，由于了达“二空”嘅道理，所以能够了知诸法自性都系空，证得真如理体嘅自性涅槃。由呢点可以知道，大小乘圣者嘅觉智深浅程度唔同呢，佢哋所证嘅理境嘅圆满程度呢，亦都有唔同嘅㖞，嗱，我哋听完呢点就会明白得到嘞。
第三点呢，我哋就“果德”嘅唔同嘅方面去讲，“果德”系指修行所获得果报嘅德相啦。二乘嘅修行人由于悲愿唔够深、智慧唔够广，既然证到涅槃呢，佢以为所作已经办嘞，冇进取嘅目标，所以依止呢个身体寿终之后呢，智德亦都会尽，此后呢，佢唔会再用心智嘅功德，喺未来际去利乐有情，所以亦都冇酬因本愿嘅殊胜广大受用嘅“身”同埋“土”、受用嘅“法乐”，只系唔受生死雑染嘅苦恼，超越凡夫，获得解脱寂灭嘅道果啫，但系大乘菩萨“果德”就显然有唔同，因为大乘菩萨摩诃萨以无上清净嘅无分别智圆满证得法界真如理，又以无边妙用嘅后得智去成就无尽嘅功德，喺尽未来际去度脱有情，不住“生死”，亦都不住“涅槃”，呢点就系大乘菩萨嘅伟大吔。
一方面大乘菩萨以无漏大用去成就广大清净受用嘅“身”“土”，去受用“法乐”，另一方面去成就“他受用身土”同埋“变化身土”去利乐有情，故此我哋可以知道，大乘圣者嘅功德果报同二乘系有住截然嘅差别。大乘圣者由于“因行”，“所证”同埋“果德”都系殊胜广大，所以佢所得嘅觉智被称为“无上菩提”，就又同二乘道果唔同嘞。
而菩提系属智、属用，三乘圣者都以觉智证道解脱，大乘更加以去利乐一切有情，所以呢，就系“智德”。至于讲到“大菩提”嘅体性呢，大乘菩萨由开始初见道吖，嗰阵时开始，以根本智去实证真如，以后得，得到呢个智慧呢，由观法相，咁样净智慢慢去增长，而慢慢经历十地，到金刚道之后就圆满佛果，就转有漏嘅八识而成为清净嘅“四智心品”，喺尽未来际利乐有情，所以“无上菩提”以“四智相应心品”呢，作为体性嘅，故此我哋依《成唯识论》卷十呢，去讲一下“大菩提”，“大菩提”喺《成唯识论》呢，分开四种，就系“大圆镜智相应心品”，意思系转第八阿赖耶识而成嘅；“平等性智相应心品”，系转第七末那识而成；“妙观察智相应心品”，系转第六意识而成；“成所作智相应心品”，系转前五识而成嘅。
首先我哋讲“大圆镜智相应心品”，呢个就系大圆镜智同大圆镜智相应嘅无垢净识，亦都系清净嘅第八识。大菩萨将成佛嘅时候，佢入金刚喻定（“喻”就“比喻”个“喻”），而喺金刚深处断除一切“烦恼”“所知”两种微细嘅习气，舍离一切世间有漏同埋劣嘅无漏法。喺呢个时候，“大圆镜智无垢净识”就同时发生（“无垢识”啫第八嘅清净识啦），“大圆镜智相应心品”执持一切纯无漏法嘅种子，变现如来自受用嘅“身”“土”，系其余三智心品嘅依止。而“大圆镜智”嘅名称嘅意思呢，系因为一切有情嘅根身器界、心智意欲都系如来法身所遍缘，各种影像都呈现喺呢个“智心品”之上，由于呢个“智心品”一方面能够摄持无量嘅功德啦，另一方面而能够变现“身”“土”自用，有如大圆镜能够现种种嘅迹像，由呢个比喻取名，所以叫做“大圆镜智”。不过呢个“大圆镜智相应心品”喺果位嘅时候先能够得以成就，故此《八识规矩颂》有“不动地前才舍藏，金刚道后异熟空”嘅名句说法。
第二种系“平等性智相应心品”，呢个系平等性智同平等性智相应嘅净识，即系第七识末那识。大乘菩萨喺初见道时候就登“极喜地”，亦都叫做“欢喜地”啦，第七末那识同第六意识都得到转依嘞，体证二空真如，人法我执唔起现行，但系呢个并非系究竟嘅断伏㖞，因为出观之后呢，净智唔再相续，有漏法仍然都会起现行嘅，所以菩萨喺通达位，啫初见道位之后呢，仍然须要不断修习，到第八地菩萨不动地嘅时候就会彻底断除我哋嘅我执，金刚道之后呢，呢两种障就会永远断除，无漏嘅第七识，平等性智得到究竟转依，长时相续嘞。呢个“智心品”嘅得名呢，系由于观自他有情悉皆平等，又观诸法平等，所以叫“平等性智”。由于我执已经断除，所以能够观自他平等啦；法执已经断除，所以能够观诸法平等嘞。由于能观自他平等，所以大慈大悲时常相应，观有情受苦，犹如自己受苦，所以能平等拔除一切有情嘅苦恼；观有情快乐，犹如自己快乐，故此能够平等去济施一切众生。由呢个观点嚟睇，“平等性智”系一切大慈大悲嘅根本。另一方面，由于“平等性智”嘅缘故，能观一切染污不净嘅法都系幻法，唔生怖畏，又能观一切无漏清净法亦都系幻法，唔生爱著，由此就会“生死”“涅槃”呢，两样都平等，所以能够不住“生死”，亦都不住“涅槃”，就系咁解嘞，呢度，尽未来际去度脱有情。故此“平等性智”系“无住涅槃”建立嘅根据，呢个“平等性智相应心品”系随住十地菩萨嘅意乐自现“他受用身土”，令到登地菩萨去受用大定嘅法乐嘅。
第三样系“妙观察智相应心品”，呢个系妙观察智同妙观察智相应嘅净识，啫系清净嘅第六识。我哋有漏嘅第六意识喺初见道位嘅时候，啫“欢喜地”嘅时候，初得转依啦，开始转啦，但系尚未圆满嘅，至到第八地嘅时候呢，“烦恼”“所知”二障就伏断嘞，纯无漏嘅清净第六识就开始生起，长时相续去利益有情，做种种殊胜嘅功德。由于呢个智能呢，善观一切法嘅自相吖、共相吖，摄观自心，引生无量嘅功德，同埋观察有情心性嘅差别，使到摄法度生嘅方便，能够如理如量，所以叫做“妙观察智”。呢个“妙观察智”必然同无漏嘅第六识同埋遍行等等嘅无漏心所诱发相应去生起，故此叫做呢，总名称为“妙观察智相应心品”。各个，各个大菩萨喺八地之后，喺“相”同埋“土”都得到自在，就能普遍示现去度脱有情嘞。
最后我哋讲到第四种“成所作智相应心品”嘞，呢个就系成所作智同成所作智相应嘅净识，即系清净嘅前五识。诸佛如来对于无上菩提一切所作都已经承办啦，但系为咗度化众生，虽然成就佛果，但系仍然喺十方示现种种嘅变化身业，去承办如来本愿力所应该做嘅事业，所以叫做“成所作智”。而其他大菩萨呢，就经过无量劫嘅修行，将有漏嘅八识成为清净嘅“四智心品”，到此呢，就成就圆满佛果嘞，得证“无上菩提”，繁兴永处，业用无穷。所以《六祖坛经》机缘品可以引证呢段，第七讲过：“大圆镜智性清净，平等性智心无病，妙观察智见非功，成所作智同圆镜，五八六七果因转，但用名言无实性，若于转处不留情，繁兴永处那伽定。”
跟住落嚟我哋讲到如来嘅“法身”嘞，如来嘅清净法身呢，其实系依上便所讲嘅“大涅槃”“大菩提”两种果位去建立嘅。“法身”亦都可以分“自性身”“受用身”同埋“变化身”三种。
“自性身”就系“真如”，亦都系本嚟自性清净嘅涅槃，亦都系狭义嘅法身。呢个“自性真如”虽然系一切有情平等共有、本然具备，但系由于四乘先证得到，凡夫未证，所以有“得”同“唔得”嘅分别。呢个清净法身并非离开诸法而别有嘅体性，但系如果就理上嘅方便去讲呢，接纳呢个观念，实际上就系”受用变化身土”嘅实证。
第二种“受用身”，“受用身”可以分为“自受用身”同“他受用身”两种嘅。“自受用身”亦都叫“报身”，系诸佛如来经过三大阿僧祇劫修习无量福慧资粮，去感召无边真实功德嘅果报，亦都系“四智相应心品”所有真实功德嘅体相，更确切去讲，亦都系大圆镜智相应无垢嘅净识。而他，而“他受用身”呢，系有时候同“变化身”呢，一齐叫做“应身”，由于随应有情机缘示现，或者更确切咁讲，系随应十地菩萨机缘而示现，所以叫做“他受用身”。
第三，第三种“变化身”呢，系诸佛如来以“成所作智”呢，随类示现无量嘅化身，居于净土或者秽土，为地前嘅菩萨、声闻、独觉同一切有情随顺机缘，或者自现神通啦，或者宣说正法令到各得利乐，叫做“变化身”嘞。“变化身”又分为两类嘅㖞，第一就系“示现成佛”嘞，为咗利乐有情，以大事因缘去示现成佛嘅真相，就系天台宗学者所讲嘅“应身”。第二种就系“随类示现”嘞，系随顺有情嘅类别，根性嘅机缘，而示现种种有情、无情嘅形象，以同时摄受嘅方便教法，天台宗学者所讲嘅“化身”嘞，呢度。咁喺“随类示现”嗰度又可以分为两类，第一就系“有情类”，第二“无情类”。“有情类”就示现六道有情随类接引，方便摄受；第二种“无情类”呢，就以《地藏经》所讲嘞，示现山林川源吖、河池泉井吖，等等嘅物质呢，去利益有情嘅。
至于法身嘅依止呢，就系诸佛如来嘅种种清净嘅国土，想进一步研究，我哋可以睇《大般涅槃经》卷三十三，北凉昙无谶法师所译；《解深密经·如来成所作事品第八》，玄奘法师所译；《成唯识论》卷十，亦都系玄奘法师译；《人生学》嘅第四呢《大菩提论》，王恩洋居士著；《学佛三要》印顺道师所著，同埋《净土与禅》第一章《净土新论》，亦都系印顺法师所讲嘅。
多谢各位师兄收听！祝各位菩提精进！
151.生命中有缘的佛菩萨（一）
有冇收到嗰个通信吖？法轮会每个月会寄俾大家嘅通信。吖，唔知道搞乜？吓？有冇？冇吖？下一次写清楚个地址嘞，如果你唔写清楚个地址呢，恐防呢，啲通信呢，会寄失咗，吓。
今晚同大家讲嘅题目呢，叫做《生命中有缘的佛菩萨》。意思就系话，响大家一生里便，学咗佛，修持里便点样能够知道边一位菩萨系同你最有缘份呢？因为呢一样嘢呢，对于我哋吔，修持嚟讲呢，系非常之重要。如果我哋拣啱一个佛菩萨、一个法门，或者我哋修行密宗嚟讲叫做“本尊”啦，适合我哋去修持呢，咁响我哋修持上呢，可以得到事半功倍嘅效力。如果你系拣啱唔，拣唔啱本尊嘅呢，或者唔适合你嘅法门呢，可能你付出力量大，而收效呢，就事倍功半，相反。咁所以我哋能够拣啱一个佛菩萨本尊，对我哋今生吖，以后嘅修持嘅道路嚟讲呢，对我哋好重要，因为我哋修行呢，唔系一生一世嘅，吖，可能系多生多世，就算系今生里便呢，都有好漫长嘅时间呢，俾我哋去修行。
咁响佛法里便嘅修行呢，大致上吖，都系分开显宗同密宗，而我哋一般所接触到嘅佛同埋菩萨呢，通常都系显宗嘅佛像比较多，本师释迦牟尼佛吖、观音菩萨吖、地藏菩萨吖、阿弥陀佛吖、文殊师利菩萨吖、普贤菩萨吖、弥勒菩萨吖、普贤菩萨吖，呢啲种种嘅菩萨都系我哋时常见嘅。
咁我哋修行佛法里便，点样先能够同嗰个菩萨相应呢？点能够揾到吖，你修行佛法有缘嘅本尊呢？密宗所谓叫做嘅“本尊”。咁其实我哋只要呢，了解嗰个菩萨本身嘅特质、本身嘅性情，而我哋本身嘅性情可唔可以同佢相应，修持时同佢可唔可以结合呢？所谓瑜珈呢，契合呢，呢一点好重要嘅。
比如我举一个例啦，如果适合修持观世音菩萨法门嘅人呢，佢呢一生里便吖，佢会觉得自己，佢信唔信宗教吖，都包括在内嘅，佢会觉得自己呢，佢有一种呢，悲天悯人嘅思想。佢好中意去帮助人嘅，特别见到呢，一啲穷苦嘅人呢，佢会俾啲金钱呢，或者呢，对佢施与一啲帮助，同埋至少都有慈悲心，同埋亦都唔系咁喜欢杀生嘅，但佢唔识得点解嘅㖞，因为有啲人系冇宗教信仰嘅，佢唔知道点解。有啲人见到啲生命吖，好中意杀生㗎，但系如果同观音菩萨有缘嗰啲呢，佢可能唔会杀生，但佢解释唔到。同埋或者呢，对肉类吔，都会产生，食肉嗰啲肉呢，有厌倦嘅。咁如果信宗教呢，就可以解释为有佛缘啦，但系唔信宗教呢，嘅人呢，就揾唔到个答案，佢天生就系咁嘅本性。我哋会揾到一啲人呢，佢系唔信宗教嘅，但系本身呢，佢好有慈悲心嘅，比如大家生活嘅时候，见到你嘅同事吔、亲戚或者朋友都有呢类人，但系佢唔信宗教，有啲佢都会去食素食嘅，有冇发现过有啲咁嘅人？系有嘅！咁呢啲人其实响佢自己生命中嘅内涵里便呢，系具有观音菩，观音嘅本性。
其实我哋真真正正修持学佛嚟讲呢，真正嘅佛呢，唔系喺外界呢，我哋拜嘅偶像，人人心中真正有佢嘅佛性，我哋念佛、持咒、诵经，都望藉住外界嘅佛去接引我哋、开发我哋本有天然嘅佛性。比如乜叫“观音”？观音就系“慈悲”两个字，“慈”呢，嘅意思就系拔除众生一切苦难，“悲”嘅意思呢，就系给予众生一切快乐。所以头先我举嘅例子呢，假如你发现你自己吔，或者身边嘅人系有呢啲咁嘅心的话，好中意帮助人嘅，唔计较嘅、唔自私嘅，个心就利益人嘅，呢个就同观音相应，就有观音嘅本性，无论佢信宗教与唔信宗教都好。
但系今晚我哋呢，特别讲大家修持佛法里便嘅师兄啦，当然系有宗教信仰，信佛教，咁呢一类人呢，系比较适合修持大悲观世音菩萨嘅法门，因为观音嘅本性系慈悲，假如你自己本身内在嘅条件吖，就有呢一种特质，咁你修持起上嚟嘅时候呢，就容易同观音相应。咁我哋好容易用逻辑去推一推话，假设一个人中意杀生嘅、食肉嘅，中意杀生食肉，冇慈悲心，亦都唔中意怜惜孤寡，做一啲菩萨所讲嘅十波罗蜜，第一就系布施嘞，吖，有财施吔、法施吔、无畏施。
财呢，就系钱财嘅布施啦，外在嘅财；内财呢，菩萨修行更高嘅境界啦，包括你头目脑髓吔、眼耳口鼻。我哋睇下佛经，身体每一部分都可以去布施俾人，呢个就睇我哋嘅发心有几大。但呢个系菩萨道上修行，我哋必须要做嘅第一波罗蜜，布施波罗蜜，财施。
第二就系法施。法施特别主张佛法或者世间上种种人哋唔明嘅学问呢，你都教俾佢，令佢心开意解，明咗系好开心㗎，吓嘛？当你有个问题唔明，佛法里便，但系你讲咗出嚟，有个人帮助你解答呢，你会好开心，好，有个法喜充满，里便有种喜悦嘅呢个答案。当你系一，有一团疑团解决唔到呢，谂咗好耐，突然间有一个人同你讲下呢个问题，解释咗、打开咗你嘅狐疑呢，你就会好开心，嗰种快乐系讲唔……（注：音频喺呢度重复咗一下）打开咗你嘅狐疑呢，你就会好开心，嗰种快乐系讲唔出，用钱都买唔到。呢个法施里便呢，佛教所讲嘅功德系最大。
第三种就无畏施。无畏施就系当一个人处于恐怖吖、怖畏嘅时候呢，你能够有方法用佛法嘅施与或者其他种种嘅方法将佢救，救拔离开呢个怖畏嘅环境，令佢得到平安、安稳，吓。
咁菩萨嘅修为呢，系有第一就系布施。咁假如一个人譬如话佢唔中意做呢样嘢，我哋举一个实例嘅时候，咁佢本性上其实未能够开发到观音嘅本性，所以佢，就算佢系适合观音嘅法门呢，佢一修持起上嚟就唔及一个人本身佢已经有呢个条件嘅。佢一出世或者系继续长大嘅时候，喺世间上嘅人情道理里便吖，体会到好多事物嘅无常啦，同埋话体会到好多人生里便呢，去领会到好多佛理，咁嘅时候佢会产生到慈悲心啦、惭愧心啦，同埋有布施嘅心。咁前者就唔及后者修起观音法咁相应，因为后者呢，佢已经有同观音菩萨嘅特质，所以修起上嚟呢，就容易事半功倍，前者呢，冇呢个特质呢，就事倍功半。
但系譬如我哋讲开观音为例呢，因为观世音菩萨同埋地藏王菩萨呢，两个大菩萨，系同我哋娑婆世界嘅众生吖，特别有个缘份嘅。释迦佛涅槃咗之后，到弥勒佛未降生响我哋呢个世界之前，未降生响印度，释迦佛涅槃咗之后呢，根据佛经记载，要距离呢，五十六亿七千万年之后呢，弥勒佛先会再降生响印度开三个法会，龙华三会，度化释迦佛有缘嘅遗教弟子。咁响呢段过渡嘅中空期吔，弥勒佛未嚟，释迦佛已经圆寂，呢个娑婆世界嘅责任包括我哋地球在内呢，呢个娑婆世界嘅责任，教化一切众生嘅责任就由两个大菩萨负担啦。由释迦佛亲自响佛经里便授记，第一就系以慈悲著称嘅观世音菩萨啦，第二就系以大愿著称“地狱未空，誓不成佛；众生度尽，方证菩提。”大愿嘅地藏王菩萨。咁呢两个菩萨，一般嚟讲呢，都同我哋嘅修行吖，有好大嘅感应，特别对我哋娑婆世界有缘，所以我头先所讲，无论前者与后者，你天生有冇慈悲心，有冇悲天悯人嘅心，中唔中意布施嘅，或者唔喜欢杀生或者喜欢杀生嘅，其实都可以修观音法同地藏法嘅，普遍性嚟讲，都系同呢两个菩萨有缘。
因为整个娑婆嘅世界众生，大体上嚟讲呢，修呢两个菩萨嘅法呢，系好安全同埋好稳当，比较。咁头先我所讲嘅后者，有慈悲心，自己内在观音嘅本性有观音嘅加持嚟讲，修起观音嘅法嚟讲呢，就会特别相应。所以有啲人吖，修观音法一段时间呢，由于佢仍然改唔到佢嘅习惯，仍然杀生嘅、仍然饮酒食肉嘅，所以同观音冇办法相合同佢嘅本性，借助外在嘅佛菩萨冇办法开发到自己，好似密宗所讲吖，内在嘅真如觉性出嚟，所以修好长时间呢，你都唔会有咩成就，其实呢一点好重要。
譬如一讲起修行呢，我成日都讲一个问题，一讲起修行，我哋以为一个印象呢，谂起一个人揸个㩧！㩧！㩧！揸个木鱼喺屋企匿埋念经吖、念咒吖，念得越多越好吖、越快越好吖，数目多就好，呢个系修行。其实，释迦牟尼佛响佛经里便话俾我哋听呢，最重要修行，其实，学密宗里便亦都系引导咗我哋依个概念呢，就系身口意三密——我哋平时所做嘅行为呢，我哋身体做恶业啦、口会讲坏话啦、意念会谂啲唔好嘅嘢。假如我哋系修持，修持密法嚟讲，举一个例，手结佛菩萨嘅印契、口颂佛菩萨嘅真言、意念观想佛菩萨嘅梵字，或者佢种种嘅庄严相好，起码喺你修行嘅一刹那里便呢，你已经停止咗身口意三样嘢去造业啦，吓，嗰个空间里便。咁真正嘅修行亦系咪净系坐喺度手结印吖、思想念咒吖、思想观想吖、口里便念咒咁简单？其实唔系！其实真真正正系二十四小时里便呢，每时每刻，时时检点身体、语言、意念、你嘅行为已经系一个修行，但一般人唔注意呢个问题，以为一讲起修行——嗯！我要返屋企念多啲经吖，哗，而家啱啱放工，诶，啲约会推晒嘞，快啲返去念多啲经，吓，积多啲福德吖，功德，呢个就系修行。呢个我唔否认系修行，但系真正修行呢，二十四小时其实同生活打成一片，你嘅待人接物处事，呢一啲都可以攞到好多分数，意思就系功德，好重要呢一点。
咁所以有啲人修法上嘅心态里便呢，净系以为修持，匿埋喺屋企好重要，但出便嚟讲呢，佢冇做菩萨种种嘅修行，布施、持戒、忍辱、精进、禅定、般若，六波罗蜜，如果波罗蜜再加埋方便、愿、力、智。任何嘅菩萨，无论咩宗派，显宗、密宗都要经历呢个十波罗蜜修持里便嘅阶段。咁所以如果你要修任何嘅法相应呢，外、内都要须要配合，但而家我见到修法嘅人嚟讲呢，好少注重外嘅，通常系内，所以要注重呢一点。今晚讲到同你有缘嘅佛菩萨。
咁所以如果系你觉得，讲番转头，你觉得你本身有个慈悲心嘅，而且一见到观音嘅佛像里便，吖，好中意吔，好舒服吖，眼见观音个像呢，其实你多多少少呢，前生已经同观音结下一个缘，可能系你系佢嘅徒弟，亦都可能你系修持过观音法。今生再轮回嘅时候，我哋身体唔同吖，等于一个旅舍一样啫嘛，我哋嘅精神呢，就系客人，身体就旅馆，今日住呢间酒店，听日住呢间酒店，酒店唔同但系个客人系一样，永远都系呢个精神。咁所以可能前生你嘅修为里便呢，你系修观音法，所以今生一见到观世音菩萨嘅佛像呢，就同佢结下不解之缘，有啲人一见到观音呢，就话：“好中意，好开心！”咁呢中意，佢今生未接触过观音，可能佢唔知系观音嚟嘅，有啲师兄，我都听过嘅，“呢个咩佛像嚟㗎？好舒服㖞，好靓㖞！好中意！”嗱，呢一点，啫佢自己唔知系观音菩萨嚟嘅，佢都有呢个思想呢，证明佢内在观音嘅本性呢，开发咗出嚟，同观音相应，喜欢观音，嗱，呢一点系好重要，就可，就可以呢，叫做呢个菩萨同你系好有缘份。犹如，亦都犹如，譬如我哋识得观音之后呢，想请一尊佛像吖，返屋企去供奉吖，咁你，而家啲佛具店呢，都好多观世音菩萨俾我哋请，但系种种形形式式，各种相貌都唔同，个个人喜好都唔同，吓，就要你自己亲自去拣，边个相系靓，适合你自己，就系你同嗰个观音呢，嘅缘份深，呢个直觉嚟嘅，系直觉嚟嘅，吓，呢个就系同观音有缘。（注：接下文）
152.生命中有缘的佛菩萨（二）
（注：接上文）
同地藏菩萨有缘呢，有三种因素会同地藏菩萨有缘。第一种因素呢，就系呢，你前生系喺地狱里便受苦，喺地狱道吖，今生再转生做人，由于你喺地狱里便呢，受地藏王菩萨嘅法力嘅化度嘅帮助，于是同地藏菩萨结咗缘，上番嚟做人嘅时候呢，都有方法，个脑里便呢，保持咗个意识响度，今生有机会碰到地藏菩萨呢，你都会喜欢地藏菩萨，同地藏菩萨呢，结咗一个缘份。
第二种情况呢，同地藏菩萨有缘呢，系前生你就系地藏菩萨嘅弟子嚟嘅。点样谓之系地藏菩萨嘅弟子呢？系地藏菩萨嘅弟子就系话，你生生世世都发愿：我要跟随地藏菩萨，我要“地狱未空，誓不成佛；众生渡尽，方证菩提”。就算我呢生死咗之后，我一样要继续行菩萨道，跟随地藏菩萨修行。”吓，呢一类嘅人再转生做人呢，佢有个使命、有个愿力，系要弘扬地藏菩萨嘅法门，但佢今生通过咗出胎入胎就忘记咗前生嘅记忆，但一见到地藏菩萨像系好喜欢，一听到人哋称扬地藏菩萨嘅法门呢，佢就好赞叹，所以呢类人呢，就好中意修持地藏菩萨嘅法门。
仲有第三类呢，就系你今生或者前生里便呢，由于身体上有病，有啲灵界嘅障碍呢，或者肉体上有病，而有人教你修地藏菩萨嘅法门，而你因此吔，得到地藏菩萨嘅恩惠呢，所以你会好喜欢修地藏嘅法门，地藏菩萨嘅力量加持咗俾你，吓。
通常，同地藏菩萨有缘嘅众生嚟讲呢，佢都有一啲呢，容易近阴嘅。第一种嗰种呢，喺地狱转里便生上嚟嘅呢，地藏菩萨化度嗰啲，佢再出生做人呢，佢嘅本质八字里便呢，都会近阴，所以嗰啲人呢，呢类嘅同地藏菩萨有缘嘅众生呢，容易呢，好容易有阴阳眼吖，好容易撞到灵界，我哋都听到过有啲人会见到鬼嘅，有阴阳眼容易撞灵界。特别如果你系响七月出生里便，因为七月系地藏王菩萨诞辰，同埋七月呢，亦都系阴界同人间活动吖，交通吖，好频繁㗎，嗰段时候，咁所以你喺呢段时候出生嘅日子呢，你都可能同地藏菩萨有缘。有啲人去送殡，有啲人去参加啲白事呢，都好容易俾冲煞到，吓，冲煞到，或者撞到啲唔好嘅嘢，呢一类人个本性系近阴嘅，咁同地藏菩萨嘅法门系好有缘，因为地藏法门呢，就系超度阴界嘅众生，地藏菩萨常处地狱，要救拔阴界鬼道嘅众生，令到佢哋呢，都有机会响痛苦嘅世界，有一念嘅善，佢都希望俾个机会佢哋，拔除佢哋嘅苦难，所以呢类人再转生之后呢，就同地藏菩萨可以话非常之有缘份。
咁我讲咗啲原理吔，你去谂一谂，你嘅朋友之中有冇呢啲吔？你谂下，应该系有，你会发觉佢，咦？点解呢个人咁中意地藏菩萨嘅？有啲又咁中意观音嘅？吓，就有呢类型嘅例子。亦都可以反映一样嘢，你自己适唔适合修呢个法门呢？可能我而家讲紧，在座师兄都会谂谂：系㖞，我成日都只眼有时会见到啲阴界嘅众生吖、灵界吖，或者好容易唔舒服吖、俾冲煞到吖。如果你修持地藏菩萨嘅法门呢，就非常之相应，会同地藏菩萨好有缘份。咁你可以由你嘅特质去判别、了解你究竟同边个佛菩萨系最有缘份。
观音、地藏，仲有一个好重要嘅菩萨就系文殊，文殊呢，系释迦佛嘅师父，七佛之师、九代之祖。地藏系代表大愿啦，喺中国安徽嘅九华山就系地藏菩萨嘅道场；观音就系代表大悲啦，浙江嘅普陀山就系观世音菩萨嘅道场啦；文殊师利菩萨呢，山西嘅五台山就文殊师利菩萨嘅道场，文殊响佛教里便代表“大智”。假如我哋今生嘅性格里便呢，啫比较觉得系聪明嘅、机巧嘅，譬如举例咧，做生意响商场上觉得，咦，柔韧有余，应付好多嘢都好简单你觉得，但系对于有啲人嚟讲，咦，解决呢个问题好困难嘅，但系呢个问题一发生喺你身上呢，你就觉得好简单，吓，你会好迎韧而解，同埋你好中意般若嘅经典，今生。譬如你，有啲人好中意念诵《金刚经》啦，有啲人好中意念诵《大般若经》啦，有啲人中意念《心经》，亦都中意睇禅宗嘅经典《六祖坛经》吖，《达摩血脉论》吖，呢啲，呢啲咁嘅经典呢，都系同禅宗、同般若有关系。文殊菩萨代表智嘅，所以呢一类嘅修行师兄呢，可以话同文殊菩萨有缘。同文殊菩萨有缘呢，亦都同释迦牟尼佛有缘，同我哋本师，因为释迦牟尼佛系教主，华严三圣里便，《华严经》我哋讲过，华严三圣，中间系释迦，左边系文殊，右边系普贤，所以你同文殊智慧嘅菩萨有缘呢，一定同释迦佛有缘，亦都同呢，普贤菩萨有缘。咁所以可以检讨下你自己嘅个性同埋性格，你可以知道，略知一二，你系适合修边一个法门，吓！
另外呢，如果同普贤菩萨有缘呢，今生你所表现出嚟嘅性格呢，你就比较会沉默寡言嘅，默默耕耘。譬如我哋见到有啲道场里便嘅师兄呢，佢唔中意讲嘢，好沉默，但系你一叫到佢：“诶，师兄唔该你搬下啲台吔，抹下啲凳吖”做下呢啲、做下呢啲……佢就会好愿意呢，任劳任怨去做，而唔计较任何嘅嘢，亦都唔会有任何嘅怨言，好少讲说话嘅。呢个同普贤菩萨呢，就好有缘份，因为点解呢？普贤菩萨响佛教里便呢，代表德行，“大行普贤菩萨”。普贤菩萨响中国嘅道场，喺边度吖？知唔知吔？四川嘅峨眉山，我哋所谓峨眉嘅金顶佛光啦，吓，你有睇过啦，好出名呢个名胜。咁呢一类嘅众生，默默耕耘唔出声嘅，自己默默修持嘅，好中意用身体去做出嚟嘅，呢个就同普贤菩萨德行有关系，同普贤菩萨系有缘份。
咁无论你同文殊或者普贤有缘份，都同释迦佛有缘份，亦都系好中意去读般若嘅经典，般若部嘅经典，解释为空理嘅经典、智慧上嘅经典。同观音有缘呢，中意念观音嘅经典啦，观音有咩经吖？吓，《普门品》啦，哗，有啲师兄咁犀利嘅？题题都答到你。《妙法莲华经》嘅《观世音普门品》啦，吓，或者密宗里便密部吖，好多观音嘅法身啦，有啲人修行密宗里便呢，睇好多密宗嘅经典，都系中意睇观音部吖，密宗里便有观音部嘅，成本里便呢，都系讲观音嘅法门。咁你咁中意，点解呢？就头先我所讲话前生、今生系同观音菩萨系有一个缘份，吓。
咁我相信在座嘅师兄呢，或多或少都同我头先所讲嘅观音啦、文殊啦、普贤啦、地藏菩萨，四大菩萨有缘。四大菩萨响佛教里便呢，分别代表“悲”“智”“愿”“行”，四大菩萨。咁我一般所接触嘅菩萨嚟讲呢，不离文殊、普贤、观音、地藏。仲有一个好重要嘅菩萨，知唔知边个吖？喺嘞，哗！呢个师兄咁厉害嘅，你睇好多佛经啦，梗系。仲有一个弥勒菩萨。弥勒菩萨呢，喺佛里便呢，代表“慈”，观音代表“悲”。“慈”呢，拔除一切众生嘅苦难；“悲”呢，给予众生一切快乐。因为弥勒菩萨呢，响宿世嘅修为里便吖，佢时常中意修一个禅定、一个三昧，三摩地，叫做“慈心三昧”，佢常修慈心，常入慈定。
所以今生你好中意解救人嘅苦难，除咗同观音相应之外，亦都同弥勒菩萨相应，啫将来降生响印度头先我讲嘅弥勒世尊。“慈、悲、智、愿、行”就系佛教嘅五大特色，佛教嘅中心不离“慈、悲、智、愿、行”，亦都同文殊、普贤、观音、地藏、弥勒，呢五个大菩萨呢，好有好有关系，所以我哋一般认识嘅呢，不离系呢啲菩萨。
咁我，你可以问，你话：“咦？你讲嗰啲好似显宗嘅菩萨，咁密宗里便呢？”其实嗰个佛菩萨嘅化身呢，系一个身体呢，变幻出好多嘅身形。净系我哋呢个宇宙里便吖，我哋叫做“阿弥陀佛极乐世界”系嘛？如果，嗱，我哋同观音菩萨有缘呢，亦同阿弥陀佛有缘，因为呢，阿弥陀佛系观世音菩萨嘅师父嚟嘅，都系同大势至菩萨有缘，“西方三圣”，亦都系佢师父，阿弥陀佛系观音同势至嘅师父，所以我哋同观音有缘亦都同弥陀同势至有缘，亦都同西方极乐世界有缘，你可以往生，求往生去西方极乐世界。
咁呢个密宗里便有咩佛菩萨同你有缘呢？因为密宗里便啲佛菩萨好多变化身嘅，譬如观音可以变成马头明王啦，文殊可以变成大威德金刚啦，普贤亦都可以变成金刚萨埵啦，弥勒菩萨可以变成大轮明王啦，系嘛？地藏菩萨可以变成步掷明王啦，呢啲系密宗里便嘅“变化身”。其实千佛万佛都系一体，一个佛可以变化好多身，咁点解要变化咁多身呢？就系众生有唔同嘅根器、有唔同嘅需要，于是佢就变化啲身体呢，教啲法门去适合你学，梗有一个法门啱你嘅，梗有个法门啱你。
比如头先我所讲话阿弥陀佛喺我哋佛经里便记载呢，已经有三十六万亿一拾一万九千伍百个同名同号嘅阿弥陀佛，宇宙里便吖，有三十六万亿一拾一万九千伍百个阿弥陀佛。点解有咁多阿弥陀佛？好简单之嘛，譬如我哋知道阿弥陀佛发下四十八个大愿吓，要拯救众生、接引去极乐世界，你如果仰慕阿弥陀佛嘅高风同埋德行，你都可以发愿，我都要做阿弥陀佛，得唔得㗎？可以！因为佛教比其他宗教伟大一点呢，人人皆有佛性，人人都能够成佛，只要你能够学习佢，你发呢个愿，将来都能够成就同阿弥陀佛一样嘅本体，同样可以成就一个极乐世界出嚟。所以响宇宙之中追随阿弥陀佛修行，仰慕佢嘅精神，发呢个愿要成就极乐世界嘅修行者呢，亦都有好多，咁所以就亦都会宇宙里便呢，成就有好多嘅阿弥陀佛。咁同一个原理呢，其他菩萨，有冇人中意追随吔？当然有啦，所以观音亦都有无数嘅弟子。可能在座大家里便呢，如果同观音菩萨、同地藏菩萨好有缘份，可能前生你都已经，《金刚经》讲过：“不于一佛二佛三四五佛而种善根，已于百千万亿佛所种诸善根。”（注：根据CBETA，“已于百千万亿佛所种诸善根”疑为“已于无量千万佛所种诸善根”）
你前生可能系一个修行人嚟嘅，你已经修过观音嘅法门，所以今生你先会咁有兴趣坐喺度听佛法啦，中意见到啲佛菩萨像啦，中意睇经书，呢啲系前生嘅习惯，每个人有习惯唔同，都会带嚟今生唔会消失，呢个就系我哋佛经所讲嘅“习气”，亦都系由我哋业力去控制。“业”呢，善、恶、不善不恶嘅行为，梵文叫做“karma”，“karma”，有善有恶，不善不恶嘅行为。做善有善报，做恶有恶报，不善不恶嘅行为就系我哋嘅习惯啦。譬如有啲人中意食芒果，有啲人中意食荔枝，有啲人中意食榴梿嘅，个人喜好唔同吖，食生果，就你嘅习惯。有啲人中意食烟，有啲人唔中意食烟，呢个就系你八识田里便呢，累积生生世世嘅习惯带到今生，累积变化返一个果报出嚟。所以你今生同你有缘嘅佛菩萨相应之后呢，你如果觉得系同佢相应呢，你就千祈唔好二心，专修一个佛菩萨嘅法门呢，你就好容易同佢相应。
相反，你拣啱一个唔啱你嘅佛菩萨呢，你去修嚟讲唔系唔相应，因为每个佛菩萨都度众生嘅，每个佛菩萨都希望众生成佛，但系相应嘅时间呢，可能较慢。举一个好简单嘅例子，犹如你第一份职业系做三行嘅，做斗木嘅，跟住你又唔做嘞，第二份职业系做酒店，咁当你做做下酒店嘅时候发觉，唉，个前途都好似冇乜发展嘅，有个人又介绍你合股间公司做装修，做番三行，咁呢转翻职业做番三行嘅时候，你就唔须要再学，事半功倍，工多艺熟。犹如你前生修开一个法门，今生如果你能够拣一个适合你嘅法门一修呢，就好快，稳步上升，好，好多问题你唔应该遇到嘅，你都会化解得到，会避开得到。所以拣一个佛菩萨嘅修持，适合你嘅本尊呢，系非，非常之重要。（注：接下文）
153.生命中有缘的佛菩萨（三）
（注：接上文）
另外一个佛菩萨呢，我想介绍呢，就系东方净琉璃世界嘅药师琉璃光如来。咁如果大家系做医院嘅职业呢，医护人员嘅职业呢，医生吖、护士吔、护理人员吖，比较适合修行呢，药师佛嘅法门，因为药师佛嘅大愿系咩吔？医护人员嘅职业呢，比较适合修持药师佛嘅法门，你系真心帮助，对呢个病人，救佢嘅病，但系有啲病呢，唔系针药可以医得好，必须用佛法化解佢嘅业力。如果针药能够医好一切嘅病嘅，咁人类唔使死啦，我哋个个可能你有机会再上嚟呢个法轮会都百几岁啦，如果针药能够医晒你所有嘅病，人间嘅医药可以医好晒你所有嘅病。所以如果做医生嚟讲，除咗医人我物质呢个身体嘅病呢，有啲精神上嘅病或者灵界上嘅病呢，唔系用佛，唔系用医药嘅方法可以解除，所以你帮助一个人医病呢，药师佛嘅法除咗医佢嘅肉体，亦都医佢嘅精神。如果医护人员能修持药师佛嘅法门吖，对佢好大帮助，佢自己亦都可，积好多功德，培养到个慈悲心，将来成佛，亦都可以真真正正呢，帮啲病者吔，解除困难，医呢啲病者嘅病，比如癌症啦，呢啲病啦，好难用医药去医得好嘅，大部分呢，都系会死亡，由于佢前生嘅业力，特别杀生吖，好重。咁如果我哋净系用化学治疗，打针吖，或者放射嘅治疗去杀啲癌细胞呢，净系物质上去帮佢改变系冇用，仲有佢业力要同佢化解，就用药师佛嘅法门，将佢前生嘅恶业消除，教佢药师佛嘅法门，教佢忏悔，念诵药师琉璃光如来嘅灌顶真言，饮药师琉璃光如来嘅法水，咁再配合埋人间嘅医药呢，两者呢，就能够将呢个病人嘅病医好吖。
但系，有几多医生佢系信佛吖？有几多医护人员，佢同药师佛系相应吖？知道自己系适合修药师佛嘅法门呢？我谂数埋啲手指呢，都寥寥可数。所以呢啲法门呢，需要真正发扬出去，发扬出去，你要了解咗同埋配合自己嘅职业、自己嘅特性，咁修起上嚟呢，日常医病嘅时候呢，又系佛法嚟嘅。帮助众生系佛法，冇分工作与唔工作，二十四小时你都可以修行紧。帮助病人好大功德，看病嘅福田，佛陀响佛经里便讲过系第一嘅福田。所以如果你拣啱一个法门嚟修的确好好，你会越修越开心嘅，你唔会学似修修下，唉，点解我学咗咁耐，修咗成年嘅，连观想都观想唔到呢？点解好似修咗成年嘅，我修观音法都冇慈悲心呢？可能你喺外功上做得唔相应，外在可能你仲有杀生，有啲习气，未能够有慈悲心，呢一点呢，就要检点，一定要内外去配合。
仲有一个菩萨呢，我需要讲系，对于我哋呢，特别重要。因为我哋响末法呢个娑婆世界里便嚟讲呢，要我哋唔食肉、唔杀生、唔饮酒呢，或者甚至清净修行去结婚吖、唔结婚吖，去出家系好难。但系有一个菩萨嘅法门呢，好适合我哋修，因为佢嘅慈悲心好强大，就算饮酒、食肉或者造恶业嘅众生修呢个法都有相应。头先我哋讲过嘅，修观音法嘅人如果你杀生食肉可唔可以相应？基本上唔相应，但系呢，观音嘅悲心呢，特别亦都化现出准提菩萨，有冇听过准提菩萨吖？密宗里便亦都有东密嘅准提菩萨啦，就系呢一尊嘞，准提菩萨。准提菩萨嘅慈悲心呢，系好强大，佢话：“不问在家、出家、饮酒、食肉，你但能够专心修持准提法嘅法门呢，都有相应。”咁当然准提菩萨唔系俾个机会你去造业啦，佢系怜悯你，暂时，未，你又想修佛法，但一时间我哋嘅习气，叫你唔食肉、叫你唔杀生，你系改唔到嘅，呢啲习气我哋生生世世累积㗎嘛，犹如一个镜吖，埋咗十几年，佢所积嘅尘系咪一次就无呢？可能个镜根本唔要得嘅，生晒锈。咁所以你要将你本性光明去恢复，将你习气去磨洗、去磨练，唔系一世可以做得到，但系你又要修持佛法，咁要拣啱一个相应嘅本尊呢，所以准提菩萨系好适合我哋末法修持个法门。但系你要修准提菩萨嘅法嘅心，你要抱，抱住，抱持一个心，就系话“我虽然饮酒食肉，但系我希望菩萨加被我，我希望我啲习气慢慢改变”，咁你就有相应。
所以你修准提菩萨嘅法门呢，以为准提菩萨好似俾咗块免死金牌，吖！食肉㖞、杀生㖞，修持都可以相应㖞，如果你有咁嘅思想呢，就错，咁吖好容易造业。依个食肉同杀生你慢慢改变呢，系一个过渡期，你嘅习气系一步一步改变，所以准提菩萨嘅法门亦都好适合我哋一般人去修。但系介绍准提菩萨嘅法门呢，嘅法师呢，相信好少吖，因为准提菩萨嘅法呢，响佛法嘅学理去分系属于密宗，密宗里便一个佛母嚟，一个佛母嚟嘅，所以我哋显宗嘅修行人呢，比较少修呢个法。但显宗嘅出家人呢，朝头早念诵经典嘅时候吖，都有念十小咒里便嘅准提咒，点解出家人朝头早念十小咒，会念准提咒吖？十小咒呢，系将啲好重要嘅咒呢，编咗落去俾出家人朝头早所谓晨钟暮鼓，朝头早所做嘅功课嘅时候呢，系好重要嘅一个咒嚟嘅，所以佢就将大藏经里便最重要嘅咒呢，有十条呢，比较重要就编咗系出家人嘅功课，日日都做，其中一条就准提咒。所以准提咒对于末法我哋修行里便呢，亦都系非常之重要。如果你嘅习气暂时唔能够改变，如果你发现我头先所讲嘅，你觉得：咦？头先呢位师兄所讲嘅，我嘅性格又唔似观音嘅？又唔似地藏嘅？又唔系文殊、又唔系弥勒、又唔系普贤菩萨嘅？咁你可能呢，适合修准提菩萨，会对你嘅机。而且你觉得你自己习气改唔到，你觉得自己好重业障，咁你吔最啱适合修持准提法门，一段时间呢，你嘅习气就会慢慢被改变，纵而你修持紧嘅时候呢，都会饮酒食肉，但系准提菩萨嘅加持力耳濡目染、日日修习呢，你必会将你嘅习气呢，去改变，所以呢个菩萨呢，响我哋修持里便呢，亦都好重要。
（注：接下文）
154.生命中有缘的佛菩萨（四）
（注：接上文）
至于个修法嘅内容点修呢？我哋一定要揾上师灌顶吖，如果修密宗里便，上师灌顶呢，又传咗你个法呢，你先可以去修。
咁大致上呢，生命里便同我哋有缘份嘅菩萨，我哋一般都系接触到咁多，系嘛？仲有冇佛菩萨你系想知㗎？觉得系同你仲有缘份，你觉得我头先讲嘅，咦？你想唔想问下：究竟边个佛菩萨系同我有缘呢，我觉得你头先讲嗰啲都唔系咁啱我，好似都唔系呢啲佛菩萨嘅缘份咁嘅？有冇师兄接触其他佛，系唔系一般常见嘅，而你系好中意嘅？有冇吖？我想访问下，有冇吖？
吓！大势至我讲咗了㖞。大势至菩萨呢，西方三圣都好重要，有好大嘅势力能够将你带去西方极乐世界，就系大势至。大势至响密宗里便嘅化身呢，亦都可以叫做“金刚萨埵”，或者叫做“金刚手菩萨”，东密叫做“金刚手菩萨”，藏密叫做“金刚萨埵Vajrasattva”，金刚萨埵。同大势至菩萨或者同金刚萨埵有缘嘅众生呢，亦都同极乐世界阿弥陀佛有缘，因为西方三圣一佛两个菩萨，呢两个菩萨呢，都系帮助师父阿弥陀佛将众生接引去西方极乐世界。虽然无论你修密宗又好、显宗又好，你修密宗嘅金刚萨埵，或者你显宗，譬如你金刚萨埵，响显宗里便呢，四加行里便呢，藏密修百字明嘞，吓，“唵，班札萨埵萨玛呀，玛奴巴啦呀……”咁念百字明嘅咒呢，或者东密修金刚萨埵个法，亦或者相反显宗里便，大势至菩萨系咩吔？你好，你会念楞严经里便嘅《大势至圆通章》啦，或者你称念大势至菩萨名号，其实系一个菩萨嘅变身响显密，你都会同大势至有缘，你亦同西方极乐世界有缘，你都同观音有缘，亦都同无量寿佛无量光佛即系阿弥陀佛有缘，日后你亦都会往生去西方极乐世界，所以呢啲系好多相连嘅关系，带动咗个关系，系可能你自己唔知，忽略咗。
准提咒呢，我可以教你念诵冇问题，但系呢需要揾一日就唔系今晚，因为呢，呢啲传法嘅问题呢，就唔可以视同儿戏，啫口讲完你就咁学就算数，必须要响佛前呢，隆而重之，我讲俾你听，然之后你观想佛菩萨将呢个咒传承俾你，然后你返去呢，好好修持呢个准提咒，可以，冇问题嘅。
头先我所问嘅问题吔，有冇师兄觉得我头先讲嘅，好似唔啱你吔？有冇觉得你系中意其他啲佛菩萨，但系我冇讲到吖？有冇吖？通常大家都系中意观音多，系嘛？地藏菩萨多吖，系咪吖？
所以你普遍性你可以做一个好科学嘅调查，你问下人有几多个唔识观音？吓，再问下，地藏菩萨比较少人识，但系普遍性响佛菩萨嚟讲都系好多人识，你可以问下。所以证明一样嘢呢，就系地藏菩萨同观音菩萨对我哋呢个娑婆世界特别有缘，多人信就系同佢呢两个菩萨系有缘份啦，唔代表其他菩萨冇缘，唔代表文殊吔、普贤冇缘，不过少人修或者少人识。
呢个菩萨对我哋世界有缘，同时对第个世界呢，可能个缘份唔系咁深，所以佛菩萨千千万万，化身唔同形式去宇宙各度空间有唔同嘅变身度化唔同嘅众生，就系咁嘅意思。
呢个师兄想问啲乜嘢？
大势至菩萨，冇错。我哋佛门里便呢，菩萨嘅修为呢，有四无量心：慈、悲、喜、舍。大势至菩萨呢，亦都有修“慈悲喜舍”嘅法门，所以呢，“大喜”同“大舍”你系讲得啱嘅，呢个系佛菩萨修行佛道嘅大心量嚟嘅，包括其他菩萨都有呢啲心量。
“慈”呢，头先讲过啦，“慈”者呢，拔除一切众生嘅苦啦；“悲”呢，给予众生一切快乐啦；“喜”呢，就系利益众生啦，众生喜悦啦；“舍”呢，就系布施，将我哋身边嘅或者自己所有嘅，包括自己嘅身体完全都可以布施俾众生，呢个系般若里便讲嘅“空性”。譬如释迦牟尼响《金刚经》里便讲嘅，用头目脑髓去布施吔，歌利王将佢身体节节肢解嘅时候，佢都冇生起个怨恨、冇生起个瞋恨心，都唔取相，如如不动响个心里便，呢就系“舍”嘅心，系“无相舍”嘅心，唔会系计较，有利益嘅心，唔会话“我布施俾你，你又俾啲嘢我去交换”，唔系呢啲心，系无所为而为，唔为任何嘅嘢，你需要布施俾你，唔将个心停留响某一个功嘅法上便，呢个就系真正无相嘅布施，唔会为咗个特别目的去施舍俾你。施舍嘅时候亦都唔会将个心吖，去安住响任何一个位置里便，呢个就系施舍嘅心。
菩萨生生世世除咗修行十波罗蜜之外呢，“慈悲喜舍”嘅法门呢，都系菩萨要修行嘅，好重要。所以其实我哋平时修行呢，要注意下啲心法，呢啲心态，唔系话喺屋企念经念咒就算数，佛法系深入世间嘅，如果你学咗佛唔能够化解你自己身边遇到嘅困难烦恼，工作上啦、家庭啦、感情啦、亲友啦，呢啲问题你唔能够化解嘅，你学佛掌握唔到个方法，可以话你系未到家，因为呢，佛陀教我哋八万四千法门呢，系佛法不离世间法，一切都由世间里便可以揾到，佛法系好活泼，唔离开世间，佛陀都系由人而成，佢系讲宇宙嘅真理，佢发现宇宙嘅法，宇宙法就系世间嘅法啦，系咪吖？你谂下！所以，佛陀教我哋呢啲智慧系几咁入世间去帮助我哋解决我哋。如果你学咗佛唔开心嘅，你学咗佛越嚟越烦，亦唔觉得有得益呢，其实可能你唔系学紧佛。学佛就学佢嘅行为同以佢为榜样，可能你学咗佢嘅皮毛，去包装自己，带啲念珠吖，或者好勤力咁念呢个咒吖，追逐个数量吖，吓，你学咗外界嘅表相，唔系学佢嘅真心，呢一点好重要。（注：接下文）
155.生命中有缘的佛菩萨（五）
（注：接上文）……佛菩萨，你有钱嘅时候，你可以用金雕啦，好似啲观世音菩萨咁。冇钱嘅时候，你可以用泥塑，甚至你攞张纸写“南无观世音菩萨”，我礼敬我、我礼拜你。观音菩萨，只要你发自一点至诚嘅心吖，善心，佢都会加被你，唔会你雕金像，佢去保护雕金像嘅有钱人多啲嘅，唔会保佑，保佑写一个名嘅冇钱嘅人少啲，菩萨唔会因为呢一样嘢，无论你有冇钱呢，去保佑你多少。最紧要，我哋有冇睇过《大悲心陀罗尼经》记载“唯除不善及不至诚”（注：根据CBETA，此句疑为“唯除不善，除不至诚”），如果你有善心、有诚心嘅，去敬礼观音，学习佢慈悲嘅精神嘅，菩萨一定加被紧你、暗中影响紧你，菩萨唔系一个像吖，暗中嘅力量加被紧你，喺日常生活影响紧你，你不知不觉受佢加持。
仲有一个问题就系头先我初头讲嘅，有宗教信仰、冇宗教信仰，你只要有个慈悲嘅本呢，其实观音加持你。观音唔会分：咦？你信佛系我个党我就帮你，信天主教、信回教我就唔帮你。观音就系你慈悲嘅本性，人人有慈悲嘅本性，人人有观音。观音系不断加被紧每一位众生，佢唔会分国籍、宗教、种族、贫富、贵贱，智愚，呢啲在于观音嚟讲系虚幻嚟，在于佛嘅本质。佢只会睇下你有冇真诚心去利益众生，如果你有咁嘅慈悲心去利益众生呢，佢唔止加被你吔，你已经系观音菩萨嘅化身啦，你已经帮咗佢，你去利益众生，菩萨嘅目嘅就系帮助众生、利益众生、拔除佢嘅苦难，给予快乐，可能你已经系观音嘅化身啦，你做紧呢一样嘢。
所以呢个偶像嚟讲呢，有啲宗教话我哋佛教去拜个偶像，其实否认咗我哋呢个像背后嘅精神实质。我哋去拜佢、去礼敬佢，我哋唔系去拜一个死物、实物嘅像，我哋因为见贤思齐，见到个像呢，启发到我哋效法观音嘅慈悲。犹如，好简单，好似国民党，啲老嗰啲国民党员吖，见到啲青天白日旗一定鞠躬㗎，因为点解呢？佢冇忘记战争嘅教训，台湾几辛苦能够独立，唔通你话佢鞠躬向支青天白日旗就拜支旗了㖞？嗰支旗系死物嚟㗎嘛，冇意思。由呢支旗启发佢背后一个像征，精神实质嘅意义响边度。
所以你见到佛像拜呢，你唔好盲目，猛咁喺度拜，冇用嘅，所以啲人学习佛教唔进步就系学咗表相，拜多啲就好多功德，或者买多啲珠吔，呢种珠念佛有咩功德吖？星月菩提珠吔，琥珀珠有咩功德吖，吓？或者嗰啲蜜腊琥珀吖，而家，天珠吔，学佛好真，啫会有啲尊贵啰，见到有啲师兄买咗啲琥珀吖，或者蜜蜡琥珀吖，啫只手抰一抰、抰一抰：“吖，我学佛学高级嘅佛吖，我戴琥珀嘅，戴波罗的海蜜腊琥珀吖，成几万银一条吖，嗱，你吔戴星月菩提嘞，响大陆里便未经打磨㗎，几蚊人民币吔请到一条。”
如果你用咁嘅心去斗嘅，咁样嘅心去骚扰嘅，咁你学嘅系佛菩萨嘅表相。真真正正你呢串念珠系俾你提醒你嘅心忆起每时每刻去俾你念佛，唔系话戴出嚟话我戴边条珠，虽然系有功德，珠嘅性质响密宗里便系有功德嘅，以唔同珠，最大功德系以星月，系以菩提珠去念佛嘅功德，无穷无尽咁多倍。咁但系如果我哋唔执住珠嘅功德，专心提醒你呢串珠系时时念佛，比你成日挂住、揸住串珠有几多功德有几多功德，呢串珠有大功德我先买呢串珠念，其他珠呢，我就唔念，呢个系取嘅功德相啦，反而功德仲少，你不取功德相呢，你个心胸如宇宙咁广阔，无量嘅珍宝就可以装入宇宙，装几耐都装唔完，宇宙系无穷无尽嘅空间，你心中又系呢个无穷无尽嘅空间，所以我哋学佛唔进步可能我哋学嗰啲皮毛吖，啲表相。发唔发觉吖？而家末法嘅修行人就有呢啲弊病，呢啲特点。因为事实上呢，响我哋眼见呢，充斥响市面嘅佛像吖、佛珠吖、修行嘅法器太多啦，你有钱呢，可以请啲好精致、好特别。响古代，生活朴素啲嘅，乜嘢像都冇，你点修吖？人人心中有佛，佛就响你心中，将外在嘅佛打开你自性嘅佛，你就唔需要佛像。所以犹如密宗里便所讲嘅三密修持呢，三部，上三部密同埋下三部密，下三部密有坛城，事相上好重要嘅，有手印、有真言、有咒语，但当你修上去嘅时候呢，一切声音都系如来，大日如来嘅说法嘅声，一切宇宙间嘅动态都系大日如来嘅手印，一切宇宙间嘅形形色色都系大日如来嘅意念。其实依个，真真正正就系如来法体本身嘅思想。譬如密宗里便我哋都睇过，弘法大师所讲啦，空海上师又讲过：“六大无碍常瑜伽。”地水火风，地水火风空色，六种构成宇宙天地万物嘅元素时常都系同佛菩萨相应。禅宗都有讲：“青青翠竹尽是法身，郁郁黄花无非般若。”
外界任何嘅嘢能够启发得到你内在嘅觉性显现，呢个就系佛啦！一条草，已经系佛嚟，个佛就响，呢条草能够启发你，有啲人睇到一条草，有啲有修为嘅人，吓，可能前生有修为，今生未修学佛法，但可能佢见一条草会启发到佢㖞。譬如佢见到点解春天啲草开得咁茂盛呢？秋天又凋谢呢？吓，冬天又枯死咗呢？万物点解无常变化呢？佢由外界嘅环境里便体会到一种不生不灭嘅道理，呢个不生不灭嘅道理呢，就系无常。佢由物质嘅界而体会到精神世界嘅嘢，呢个咪佛啰？呢条草咪佛啰？对佢有恩德，对佢产生觉性，呢个就系佛，佛唔系一个像吖，系你内在嘅觉性，你体会宇宙万事万物嘅觉性，呢个先系真正嘅佛。
所以密宗下三部密里便呢，佢好注重坛城吖、手印吖、真言，借助外，外界嘅环境，凡夫要借境调心吖，借助外界嘅环境去摄你嘅心。你入到呢个佛堂，你个心就算几暴戾吔，都比较平和安祥啲。但当你一出咗去嘅时候，你个心可唔可以保持喺呢一刹那听我咁集中、咁专注呢？可能唔得，因为点解呢？你俾外界嘅环境转咗你吔。所以真正嘅修持就系借助外界去调你嘅心，外界嘅佛开显你内在自性嘅佛，呢个真正嘅佛就喺你心中，呢个先系真正嘅佛，先系证果。如果你唔能够体会自性嘅光明、自性嘅佛呢，你始终修外在嘅佛呢，始终都仲系未同真正嘅佛，你修嘅本尊、你修嘅菩萨相应。
156.菩萨著眼天地间（一）
首先多谢大家收听今次嘅讲座。
中国佛教自恢复以嚟呢，就忙于落实政策、修建寺庙，所以对于四众弟子嘅培养呢，仲系捉得唔够紧，咁样会使到好多人有善根发现之后，如果佢归依咗佛门，但系就冇机会好好咁去学习佛教嘅理论，所以呢，喺自利利他方面仲有很多工作未做。好似，诶，有啲法师同埋居士通常都喺自己嘅寮房里便或者寺院里便读诵佛经，呢个系一种最常见嘅求学佛法嘅方法啦。通过读诵嘅佛经，无论你理唔理解佛经嘅意思，首先受到佛经嘅加持，增长信心，系好常见嘅一种方法。
除咗呢个方法之外呢，有啲有文化有一定智慧嘅人去睇经睇论，佢唔系读诵，系去睇。通过睇，我哋叫做“文字般若”，由“文字般若”而深入佛法。咁喺古代大德嘅传记之中，因为睇佛法嘅经论而开悟嘅先例都好多，最出名嘅就系有一位叫做华严大师。
华严大师系个目不识丁嘅人，当佢听到人哋讲经嘅时候，嗰个讲经人口若悬河、辩才无碍，华严大师就会好感动嘞，俾佢。咁有一日华严大师去拜一个华严经塔，拜呢个塔拜咗七七四吔九日，突然有一日夜晚呢，五台山嘅呢个华严塔就大放光明，从此，华严大师就得到我哋所讲嘅般若智慧。
咁有一次，喺方丈讲《华严经》嘅时候呢，华严大师吔上前话：“法师吔，您讲嘅唔系《华严经》嘅真义，唔系第一义㖞，唔系《华严经》嘅真正实相。”咁当方丈讲完经下座之后呢，咁佢就请华严大师开示嘞，咁华严大师就上去讲咗三日三夜，讲咗《华严经》嘅经要。我哋现在时常见到嘅《华严经》经要呢，就系根据佢嘅讲经说法而记录低嘅。睇论嘅方法，就系通过“文字般若”深入经藏，使到自己获得好似海洋一样嘅智慧。
第三个方法就系去听讲经嘞，特别喺一啲法师同埋居士之中呢，有一种常用嘅方法就系参方、云水，或者“云游”叫做。喺云游嘅过程之中呢，嗰度有讲经说法嘅机会，我哋就去听，通过呢个听呢，由耳根熏修，就可以扩大同增长我哋自己嘅智慧吔，启发思想吖，咁样听法师讲经、听开示，所以亦都能够学习到真正嘅佛法。呢个学习佛法嘅第三种方法。
第四种方法呢，就系参学。参学就系当我哋走向大自然嘅时候，见到落花流水，我哋就会悟到人生嘅无常；见到自己身边嘅老朋故旧，渐渐慢慢一个个离开，亦都体会到人生嘅苦同埋无常，佢哋同样能够觉悟佛法。另一方面，喺参访嘅过程之中呢，就系云水天下、名山大川，我哋接近善知识嘅当中，佢哋一啲行仪同埋风范，尤其系一啲禅者嘅风范，修净土嘅人嘅一啲风貌，亦都同样能够增加我哋嘅信心，使到我哋能够学习到真正嘅佛法。
讲到第五种方法，系一种比较难嘅方法。就系自参自悟嘅方法。呢个方法系禅宗嘅人时常都用嘅，通过自己喺禅堂吖、寮房长期嘅静思静虑，静虑都叫做“禅那”啦，就系“静思惟”。自己观察，去睇话头，自己念佛，寻求自己嘅本来面目，亦能够觉悟以后而得到真正嘅佛法。
所以学佛嘅四众弟子只要喺生活之中做一个有心嘅人，处处留心，每时每刻我哋都系获得少少嘅觉悟，呢个好多小嘅觉悟，每日都有好多嘅启发，久而久之，如果积累呢，就系大悟，亦都系话，小悟有千百次，大悟就有一次。如果我哋冇平时读经睇经吖、睇论吖，听讲经、听开示、自参自悟等等呢啲留心嘅过程呢，你想要获得根本嘅大彻大悟系唔可能。所以要学习佛法，首先要掌握呢五种方法。
呢五种方法系最常见嘅，五种方法亦都可以单独一门深入，亦都可以互相交替使用。亦都就系话，睇，诶，你睇经、你读经，就唔妨碍你深入经藏去睇论；如果你睇论呢，亦都唔妨碍你去听讲经；听讲经，亦都唔妨碍你去听开示；听开示，亦都唔妨碍你自参自悟。咁样就系一种互相关联嘅关系，就唔可以偏执一面，如果能够呢五种方法共同运用，就譬如长咗角嘅老虎一样就好厉害。
另外，喺呢个学习方法之中，仲要将下便吖，三个问题搞清楚，边三个问题呢？首先就“学佛”同“佛学”嘅关系。先讲“学佛”啦，“学佛”最通常嘅意思就系话，佛系由唔觉悟走到觉悟嘅道路。咁样佛系咁做，我哋都咁做；佛系咁讲，我哋就咁讲。呢个最简单㗎嘞，咁样就叫做“学佛”，如果由理论上去讲“学佛”就好复杂。但系“佛学”就系咩嘢呢？“佛学”简单讲，“佛学”就系无论信仰，只要你系有文化，将佢当做一种文化、一种哲学吖、一种思想、一种道德去研究，都可以叫“佛学”。
今日我讲呢个讲座，大家坐喺度听，大家都系佛教嘅四众弟子，呢个情况既系“学佛”亦都系“佛学”，点解咁样讲呢？因为佛就系觉悟者，好似我哋每日由朝头早念嘅“天上天下无如佛”，世间所有嘅佛都见到，知道，世间法同出世间法，佛都系知道，所以我哋学佛首先要修学“五明”当中嘅“内明”。如果我哋学佛自己唔知道自己学啲乜嘢，唔知道学佛嘅目的同意义，唔知道方法，就唔算系一个有正知、正见、正信嘅佛教徒，故此如果你喺修行嘅道路之上呢，就会慢慢出岔路。
由呢个意义之上嚟讲，所以今日呢个讲座我哋学习佛法嘅义理，就系俾我哋能够睁开眼睛睇到我哋修行嘅过程，睇到我哋修行嘅道路，咁喺呢个意义上讲呢，佢系“佛学”，如果作为一门学问嚟讲，佢系“佛学”。一旦你掌握咗呢种方法同呢种理论，能够处理你嘅家庭问题、社会问题，能够提高你嘅修养同道德、同埋启发你嘅智慧，咁样佢就称为“学佛”了。
第二个我哋要讲嘅系，“学”同“修”嘅关系。我哋现在汉传佛教有八大宗派啦，禅宗啦、净土宗、密宗、律宗、华严宗、天台宗、三论宗、法相宗。喺历史上，人会受，诶，地域、地形、地貌、文化等等嘅局限，八大宗派彼此之间唔能达成一定嘅意见，互相都有时有非议。咁样今日我哋大家一齐嚟分享、一齐嚟学习嘅时候，我哋由呢个意义，系从一个高度嘅角度去出发，无论边个宗派，无论你系学禅亦都好，持戒都好，修净土都好，首先我哋学习佛法嘅基础，呢个系我哋共同嘅课题。就算你系念佛嘅话，由自利嘅角度，你可以一心一意念佛，念到一心不乱，自然得到念佛三昧，系无可非议，但系如果你要利他嘅话，其他人问你：“佛系咩嘢吔？”你都要回答俾佢听，话俾佢听个基础。如果问：“学佛能够得到咩嘅结果？三世因果系一回咩事？学佛嘅人系用咩嘅世界观？”甚至有人反问你：“学佛嘅人系迷信、系消极。”又点样回答其他人呢？咁我哋如果要回答呢啲问题，就一定要有一啲佛学嘅水平，有咗佛学嘅水平就能够利他，同时亦都能够自利。
所以有句俗语叫做“世间智慧无如衲子”，“衲子”就系出家人，世间人嘅智慧都比唔上出家人，原因就喺呢一度。出家人由世间而嚟，过去都系喺呢个红尘滚滚嘅社会之中生活啦，对世间有深刻嘅理解。但系如果出家之后修学咗佛法，又能够进一步深入到世间嚟，再加上佢广泛譬如云游同参学嘅生活，由于有咗经历，又有学历、又有阅历，就促成佢有智力，所以“世间智慧无如衲子”，无如一个真真正正学佛嘅出家人。
今日我哋嚟学佛，要将“学”同“修”嘅关系处理得好呢，我哋就会非常之好。“学”同“修”嘅关系概括起嚟呢，就系几句话：如鸟之双翼，好似鸟嘅两个翅膀；如车之两轮，好似车嘅两个轮。车如果系一个轮，好似过去我哋所见到嘅就系行唔稳、行唔远，佢就走唔远、走唔稳；如果雀仔系得一只翼嘅话，佢飞唔高啦、飞唔远啦。所以话一个学佛嘅人如果想自己智慧超群、智慧无碍、辩才无碍，能够自利更加能够利他，达到自利利他圆满嘅话，就必须要处理好“学”同“修”嘅关系。
咁“学”同“修”系有个次第，我哋刚刚讲过啦，佢哋系有个关联。譬如鸟嘅两只翼呢，车嘅两个轮啦，言外之意就，就系话缺一不可㗎，边个都唔能够离开边个，就好似我哋嘅眼睛同我哋嘅嘴巴，好似我哋嘅眼耳鼻舌身意一样，将佢并用起嚟先能够表达我哋思想同我哋嘅精神境界。如果话我哋冇咗眼耳鼻舌身意嘅话，我哋心里便想嘅，个嘴讲唔到，系唔可以。所以由此，呢个角度去讲呢，处理好“学”同“修”嘅关系系非常重要。
刚才系同“学”同“修”嘅总论述，咁样现在我就讲一讲“学”同“修”嘅次第吔。“学”，譬如睁开眼睛去行，唔好讲夜晚啦，就系我哋日头行，我哋都要睁开眼睛睇到条路吖，尤其系走到岔路口嘅时候，我哋要睇睇边条大路，边条系小路，边条路应该走，边条路唔应该走，“学”就系睁大眼去选择一条道路。譬如我现在要去一笪地方，我行到去边一度，咁由我嘅智力同我嘅眼话俾我听，我到咗边个地方。如果你闭住只眼，好似盲人揸住支拐杖一边行一边笃笃下咁，咁样走，走起嚟呢就会好乱，甚至每时每刻会有一种危险，一唔小心就跌落条坑度或者跌倒。所以学佛嘅人亦都系一样，如果话你唔学习佛法，但系呢，你听佛法，你唔学习佛法嘅基础，对佛法冇一个全面嘅了解，你即使系话，我就系去念佛，就咁去参禅，但系呢句说话好似比较过激，犹如盲修瞎练一样，因为你唔知道走咩路，自已到达咩层次、咩文化。所以，咩嘅智力就会修行到咩嘅境界，如果自己一无所知呢，层次就系比较低。
反过嚟讲，学佛并唔排斥冇文化嘅人，对冇文化嘅人呢，冇文化嘅要求，对有文化嘅人呢，就要有文化嘅要求。有文化嘅人不但要自利，仲要利他，亦都系话，大部分嘅居士同有啲出家人法师一样，譬如受咗菩萨戒，咁你就要用菩萨嘅行言去利他嘞，要利他嘅话，你就要不断学习。咁样如果冇文化嘅人呢，自顾不暇，就只，只能够利益自己，喺呢个层次上就有区别嘞。
所以讲到呢个“学”字就系第一步，好重要。通过学佛以后，比如话因为我哋有八大宗派，做一个譬如，譬如现在修净土法门嘅人比较多啦，咁你知唔知，点，咩叫“念佛三昧”呢？你知唔知道念佛嘅五种方法呢？如果人哋问你：“西方极乐世界究竟系一回咩事？”你能唔能够对其他人作出圆满嘅解答？好似呢啲范围内嘅问题就属于“学”嘅范围。你知道嘅念佛嘅方法，无论系金刚念也好，持名也好，默念亦都好，你咁样每日定时定量不断去念，呢个念嘅过程就叫做“修”啦。先系知道呢个方法，然后按照呢个方法去做，亦都系讲前面嘅“学”嘅部分系属于理论部分，后面“修”嘅部分呢就系实践嘅部分嘞。
讲到“学”同“修”嘅关系，“学”同“修”虽系雀仔嘅两只翼、车嘅两个辘，但系如果要分先后，必须要“学”喺先而“修”喺后嘅。现代嘅人点解咁难靠近真理呢？其实真理每日都喺我哋身边，但系我哋又好难靠近真理、觉悟真理，就系因为我哋贪瞋痴慢疑，有邪知、邪见都好炽盛，不过就系我哋自己唔觉悟啫，包括我在内啦。如果我哋每日能按佛教嘅方法，去静坐一个小时、两个小时，去反省一下自己，我哋就会觉得自己生活喺世上好惭愧。
古代嘅人，佢能够获得一句真理不惜生命，为咗求法而不惜去牺牲。但系我哋今日无论由书店里便见到嘅或者喺藏经楼上供奉吖，或者大殿里头供奉嘅经书，又或我哋听到嘅录音机吔、见到嘅录影带，知识嘅真理处处都充斥喺我哋身边，因为现在已经系一个信息化嘅时代，但系点解我哋唔能够广泛咁知识同埋觉悟呢？呢个因为我哋就系冇不断使到我哋未生发嘅善根令到佢生发、已经增长嘅善根令到再增长，如果唔咁样做，仲有就系我哋嘅品质意志嘅问题，亦都就系现在嘅人去追求一种感官同五欲嘅享受，忘记咗对自我真正嘅寻求。
咁有一次，一个做珠宝嘅工程师，佢嚟同我讲，佢话，现在佢已经60岁嘞，已经退休嘞，咁佢觉得好似百无聊赖、冇嘢做。咁佢话：“我平时生儿育女、娶妻生子，喺社会上工作，有呢样责任吖、嗰样责任吖，将好多嘢当成系一种‘我’，啫将身边、身外嘅事物当成一种‘我’，但系忘，就相反呢，换嚟就系忘记咗一个‘真我’，所以觉得好失落。”咁呢，佢呢种情况呢，其实佢要考虑到，一旦突然呢，横祸临身，或者重病喺身体嘅时候，或者受到意外嘅打击，响呢个时候，佢嘅思念同埋观念就会急转直下，佢就会突然感觉到自己本身应该做嘅事都冇去做，所以佢就会觉得以前佢所做嘅事都系身外。咁样系咪话身外嘅嘢唔应该做呢？唔系，当然我哋人生活响呢个世上，系社会关系一个总和，我哋有好多嘅义务同责任，关键系学佛嘅人喺利他嘅同时一定要自利，喺你尽呢啲社会责任同埋义务嘅同时，唔好忘记去寻求自己内心深处嘅真理，要洞彻自己嘅本来面目，唔系呢，一旦有咗灾难，无论系大嘅灾难亦都好，细嘅又好啦，一个地区嘅劫难也好啦，全人类嘅劫难也好啦，定系你本身嘅灾难亦都好啦，嗰个时候就措手不及㗎喇。就譬如喺茫茫大海之中，开始觉得搭只船好稳啦，但系嗰只船沉嘅时候呢，要揸住一条芦苇一条稻草吖，都揾唔到嘅时候，就觉得好彷徨㗎喇。所以无论修禅都好，念佛都好，持戒也好，定系你根本就唔信佛，喺社会上做事，一日当中，希望都能够抽一啲时间去观照一下自己究竟喺度做紧乜嘢。在佛法里便呢个方法叫做“内省”，“吾日三省吾身”吖，圣人每天都每次反省自己三次，咁响我哋佛教里便有一个“静虑”，“静思惟”，呢个过程本身就系一个探究心性嘅过程了。
咁当我讲“学”同“修”嘅关系嘅时候呢，首先就系讲咗“学”同“修”一个总体嘅关系啦，头先讲过车嘅两个辘、雀仔嘅两只翼，系好重要，要深刻理解呢两句话啦。如果再讲到修学嘅次第同关系，“学”系第一位嘅，“学”就系睁大只眼睇清楚自己条路，“修”呢，就系去实践一种嘅方法。要处理好“学”同“修”嘅关系，好重要。
咁我讲第三个小问题，就“学问”嘅问题嘞。“学问”呢个词呢，古人发明呢个词嘅时候真系好有“学问”，“学”同“问”呢，就系“学”喺先，“问”喺后。如果我通过读书，读咗大量嘅书，我睇唔明读唔明嘅时候我再提出问题，咁提出嘅问题就有层次亦都比较有深度，亦都就系话更加有价值同意义。
咁有啲法师喺寺庙里便吖，初一、十五吖，咁吖，经常见到一啲居士，咁啲居士有时都会问：“法师吔，你话西方极乐世界有冇呢？”“你话如果我受咗五戒，我嘅家庭生活点过呢？”问呢都系问啲好，呢啲问题，呢啲其实系既深又浅嘅㖞。如果话佢浅，点解呢？我哋现在嘅流通处、图书馆，关于呢类常识知识性嘅书到处都系，但系呢啲居士佢就唔去翻开啲书去睇一睇，净系只系问，一味去问。点解佢要问呢？就系方便吖嘛，因为你摷书、睇书呢，仲要买、要借、仲要攞、仲要睇，会好费自己个脑同埋思想，耗费个精神。见到人就去问，几方便吖！但系其实实质咁样做系错，呢个想法系错误，因为只有，只有通过自己去学习，如果学唔识之后再去问，咁就来得比较深刻，因为系你迫切需要，如果你轻易去问人，你个脑里便就会留下好浅嘅印象，唔会有好深嘅印象。所以呢，唔可能呢，有一个人去做你嘅家庭教师，每日去答你提出光怪陆离咁多嘅问题，所以学佛，亦都有个“学问”嘅问题。
我哋平常同人接触嘅时候，某某人有学问，呢个就系话嗰个人嘅知识面非常之广、知识嘅深度非常之深，呢个就系“学问”，所以就系“学”在先。有时间自己就要去读书，养成一个读书嘅习惯，咁样亦都系中华民族一个优良嘅品质。譬如净系我哋佛教玄奘法师一人翻译过来嘅经典，译成中文就有六千七百三十几卷，亦都系话佛法系有智慧，容纳咗智慧、哲学、文学、伦理同埋道德嘅。三藏十二部佢嘅内容系好丰富，我哋如果每日去追求呢种学问嘅话呢，其实都唔能够系寻佢嘅本源，因为要有好长嘅时间嘅。
佛法譬如大海。兔仔去到海边饮水，佢饮一啖返番嚟，有个古仙人就问佢：“你到大海边，大海有几大吔？”“咁吖大海就好似我肚咁大嘞！”兔仔当然系咁样话啦。但当一只鹿去个海边饮水嘅时候，有个古仙人就问佢：“大海有几大吔？”只鹿就话：“大海好似我肚咁大啦！”咁我哋谂一谂，鹿嘅肚当然要比兔嘅肚大啦。一只大笨象佢又跑到海边去饮水，饮咗一啖返嚟嘅时候，咁个古仙人又问佢：“你到咗海边，个海有几大？”只大笨象就答：“个海好似我肚咁大。”古仙人所以就话：“海吔，既然唔好似兔，兔仔嘅肚咁大，亦都唔好似鹿同大象个肚咁大，咁海呢，就好似海咁大，因为你哋三个肚都无法去计量个海有几大。”
咁喺呢度讲呢段话嘅意思系话，佛法好似大海一样，用我哋人嘅世智辩聪去度量佛法，唔能够穷佢嘅根源，亦都唔能够睇到佢嘅底嘅，所以我哋别无选择，必须抱住一个虚心嘅学问态度，我哋嘅智慧先会每日增长。如果话自己修学某宗某派就点到即止，或者自以为是，咁样你自以为系聪明，其实系最蠢。呢个系一个哲学家培根所讲“愚蠢嘅人佢自以为系聪明，实质上佢系最愚蠢。”咁样就系我哋学问上嚟讲，就呢一点。
咁另外仲有一个层面就系话，尤其今日嘅科学发达，科学比较昌明嘅时代，作为佛教嘅四众弟子，你如果想弘扬佛教教义，无论系八大宗派任何一个宗派都好，你今日要弘扬佛法，就有一个契机、契理嘅问题。
“契机”，你就系要知道今日世界嘅人、社会喺度谂紧乜嘢。社会最关心嘅问题系咩嘢？人最关心嘅问题系咩嘢？同时你唔能够被呢啲问题所转。亦都系话，你必须对佛法有一个好深嘅见地，如果涉及到呢个问题，每一个人、每一个佛弟子嘅膊头都有好重嘅担。有两个担吖，点解呢？一个担就系要肩负佛法，另一个担就系要担住世间法，担住世间法，通达咗世间法，知道世间法一切运作嘅规律。如果通达咗佛法，不至于被世间所迷惑啦，当然，而且你喺讲经嘅时候，你就又能够捉住人嘅心态，从而能够达到弘扬佛法嘅目的，因为了解咗世法吖嘛。如果有人问你好多科技嘅问题，或者人生嘅问题、哲学嘅问题、伦理道德方面嘅问题，你净系话俾人听：“你去念‘阿弥陀佛’。”咁样系解决唔到。相反过嚟呢，你同人其他人讲，或者开啲药方俾佢，你自己一啖亦都食唔到呢个药方，咁样亦都唔系一个真正嘅佛弟子。
讲到呢度呢，我讲一个近代史上嘅公案俾大家听，呢个公案系印光老法师，啫净土宗嘅大德同埋澍培老法师嘅一段因缘嘅。澍培老法师响佢一生之中佢系弘扬天台宗嘅教义，喺北方一带知名度系好高，收嘅弟子都好多，澍培法师到边度讲经都座无虚席，因为佢辩才无碍吔，智慧都无碍。但系当佢讲到晚年嘅时候，有一次，澍培法师就得咗重感冒病，病低咗，佢就觉得好痛苦，就有切肤之痛嘅感觉啦，因为个病苦逼身吖嘛，于是澍培法师就写信俾印光法师话，佢话：“印光法师，我一生之中弘法度生，但系最近身体欠安，自己觉得好痛苦。”澍培法师表达咗自己呢个心意，出家人讲羯磨吖嘛，因为印光老法师喺张白纸上写咗：“你当咗一辈子嘅郎中（‘郎中’就系南方嘅说话——医生啦）你卖咗好多药俾其他人食，但系自己呢，都冇食一味。”法师就承认咗弘法讲经功德系无量，因为佢忙于利他，忘记咗自利。所以当时佢病嘅时候，大难临头嘅时候，自己就觉得我讲咗咁多经，佛法系药方、系治病嘅良药，开咗咁多药方，但系自己一味都食唔到。
所以呢个故事嘅含义非常深刻，就系话我哋学佛嘅人喺修时千祈唔好忘记自利同利他呢关，呢两个关系嘅重要。“学问”嘅重要性就系在于利他，自利同利他系非常有意义。另一方面，自利同利他，我哋佛教徒一定要处理好家庭生活，喺居士当中呢，你全家信佛，呢个系少数嘅，大部分嘅家庭之中，只有一个或者两个人信佛。咁样你嘅仔女，佢哋都系受过现代教育，佢哋识得好多自然同社会科学嘅知识，你一旦学咗佛之后，对于佛教嘅感情，学佛，你话学佛呢样又好、嗰样又好，咁样你嘅仔女会问你：“佛教好喺咩地方吖？”如果你冇渊博嘅佛法知识同社会知识，你就唔能够答佢一个心悦诚服啦。如果你唔能够回答佢呢个问题呢，当然佢唔能够心服。
所谓度众生有好多方法，讲经说法、用文字语言亦都系度，做一个模范，身体力行去做亦都系度，做一场如法如律嘅佛事亦都系度，建一座庄严嘅寺庙亦都系度。凡系令到众生眼耳鼻舌身意向上向善都系喺度度人。但系现代嘅社会呢，你到，譬如话你去一去一啲阅览室、图书馆、大街小巷睇睇，到处都系成堆嘅文件资料、信息书籍，尤其系现代电脑嘅出现。如果你唔能够有条有理讲出佛法嘅真义，唔能够由道理之上令人心服口服嘅话，咁样作为一个佛弟子就有缺陷，呢个系一件遗憾嘅事。仲有一个，因为我哋现在所处呢个时代，我一再强调系一个信息嘅时代、科技昌明嘅时代，迫到你唔能够唔学习佛法同世间法双重嘅知识，只有咁样，你先能够立足响寺庙、立足响本位走向社会，否则就行唔通。
所以喺下便所讲第二个问题呢，就系学习佛法嘅态度。当然我哋前面所讲之中呢，或者或多或少会讲到一啲学习佛法嘅态度啦，但系而家就开始真正讲，第一要虚心啦。咁有一次，弘一法师去普陀山亲近印光法师，当时弘一法师系书法家、教育家、戏曲家、文学家同埋音乐家，有五个“家”集喺一身，亦都系中年出家。虽然，弘一法师系一个持律好严格嘅大德，呢个系后来造就嘅。但系当时佢参学过程之中呢，佢系知识份子，嘅，一个知识份子嚟嘅，佢，佢所知道嘅嘢，佢系冇完全放低。所以去到普陀山嘅时候呢，佢同丰子恺、夏丏尊一齐去，印光法师吔，请佢食饭，佢就问印光法师好多问题，印光法师都唔答佢，唔出声，后嚟呢，佢就拎咗两个杯，啫印光法师，佢将弘一法师装茶个杯就倒咗去，倒，倒喺地上便，然后再擦干净，又俾佢倒另一杯开水。咁喺禅宗里便可能叫“禅机”，如果你有咁样一份善根嘅话，就能够觉悟法师喺度回答紧咩问题，意思就系话一个“虚心”，佢将嗰啲水倒咗佢吖嘛，就系一个“虚心”啦。
我哋以前喺世间学到好多嘅世间法，呢啲世间法不外乎就系贪瞋痴慢疑，见啦，名闻利养，点去争斗、点样去生存，为咗适应环境去生存啫，将我哋原来一个清清湛湛嘅心，蒙上一层又一层嘅尘土，所以大家觉得系好合乎自然，好合乎情理，大家都会咁样做吖，一窝蜂都会咁样做啦。但系一旦要学佛法呢，就好似神秀大师所讲“时时勤拂拭，莫使惹尘埃”。
我哋心性上就好似一面镜，将啲尘土要擦咗，擦咗啲尘土，我哋就要虚心。首先你必须将你世间嘅东西放低，彻头彻尾做一个佛弟子去学习佛法，佛系咁讲我就系咁讲，佛咁做我就咁做。亦都相当于将原来嘅茶倒咗，仲要将个杯擦干净㖞，擦干净个杯就相当于你归依佛门了，归依受咗三归依嘅戒体，就等于你将杯去擦干净，由嗰日开始，你就会过住一种如法如律嘅佛弟子生活。然后你要全方位从头到尾去吸收佛法，等到你通达咗内明之后，又通达咗其他嘅四明，喺嗰个时候你就可以先开始去做利他嘅工作。
所以呢个里头如果要得到更多嘅佛法知识同修养，你要必须要有一个虚心嘅态度，唔净系学习佛法，学习世间法任何一门知识，如果冇咁样一个虚怀若谷嘅胸怀，呢个人佢就会受到一种局限性。如果你想超越自我，使到自己成为，咳，一个大智大德嘅人，必须由懂事嗰日起到自己闭目以前呢，都要铭记宇宙系无限，宇宙嘅真理同知识都系无限，而我嘅生命系非常有限，我以我有限嘅嘢去衡量无限嘅嘢，当然非常惭愧，非常渺小啦。
故此，我哋睇到一啲贤者同埋圣者，贤圣佢哋都系一种谦虚嘅人，敬人敬物，佢哋都系有一种胸怀。如果冇呢种谦虚嘅胸怀，胸怀里便藏住自我嘅知见，佛法当然装唔落去啦。好似个杯一样原来就系满，你唔倒咗佢吔，点会空呢？呢个系其一。其二所讲就系话，虚心嘅同时，唔可以混杂。咳咳，唔好意思。混杂系咩意思呢？你将茶，啲茶水倒咗入，倒咗入个杯里便，然后呢，喺里头呢，再倒上清水，即是一，一半茶水一半清水，咁系咩味道呢？究竟系茶嘅味道定水嘅味道呢？当然就淡咗啦，如果由茶嘅角度观点。我讲呢个问题就系现在嘅居士，或者呢，喺有出家人之中会时时面临一个问题，虽然系归依咗或者出家，但系喺言行之中冇用佛教嘅审美观、冇用佛法嘅道德观，亦都冇用佛教嘅世界观同埋缘起法去为人处事，最终一句话，就系冇用佛教嘅慈悲去待人接物，喺世法互相掺杂里便呢，有啲世法嘅观点，喺呢啲场面之上，譬如有啲学佛嘅人好慈悲，但系有啲场面上，佢又唔慈悲，亦都就系话，佢嘅信仰扎根得唔深。原因佢就知见上冇彻头彻尾将佛法装喺自己嘅脑里便，变咗真假参半。
所以喺经论里头亦都有，就系我哋受咗菩萨戒之后，叫做“名义菩萨”，“名义菩萨”发心就系真假参半。举一个最典型嘅例子，譬如喺寺院里便管理呢，当知事或者居士林里担当嗰一个职位呢，有时发心系好纯正，但系有时啲私心杂念亦都会同佢所做嘅功德会捞埋一齐，要揾到一个精致纯真嘅心思呢，系好难嘅。咁样学佛嘅过程就系清除我哋私心杂念嘅过程，使到自己嘅思想达到至精至纯，开始种下呢啲种子必须系至精至纯嘅种子，唔能够混杂，唔能够将世法、佛法喺呢个学嘅过程之中呢，将佢搞埋一齐，系唔可以。
所以呢，所以有时听到一啲居士私下谈论佛法嘅时候，听落去，你话佢讲唔系佛法，但又有啲佛法嘅味道，你话佢系佛法呢，但又唔系彻头彻尾根本嘅佛法，因为佢哋冇探到佛法根底同埋原本。举一个例呢，譬如响“四摄六度”当中……（注：接下文）
157.菩萨著眼天地间（二）
（注：接上文）
“布施”响佛法之中最根本嘅意义就系“三轮体空”啦，“三轮体空”就系“能施同所施、被施”嘅“三轮体空”，根本意义“三轮体空”所讲就系“同体大慈”同埋“同体大悲”啦。因为，因为有啲人佢喺听佛法嘅时候，佢冇听到至精至纯嘅佛法，就系真假参半嘅佛法啦，所以有啲居士就将世间上嘅，譬如话我俾你一个好处，咁你最起码亦都要多谢我一声，或者俾番我一个好处吖，但系如果下次对我唔好呢，个心就唔满意了。或者，所以呢，就将呢啲唔好嘅嘢呢，就抠埋晒一齐，喺名义上做起嚟，但佢哋会觉得系一种布施。或者有啲居士见到法师，佢嘅长相好庄严就布施俾佢，就供养俾佢，其实都系有分别心嘅布施，表面上睇起嚟好似系布施，但起心动念之上去睇呢，系唔精纯，唔精嘅佛法嚟嘅，亦都系话，嗰啲人一开始就冇虚心去彻头彻尾接受真正嘅佛法，咁样呢，喺指导具体行动时候呢，就会觉得悠悠忽忽了。
古圣先贤有一句好重要嘅，嘅说话，我哋可能好多人之中呢，学就学过，佢话：“吾生也有涯，而知也无涯。”我哋生命好短暂，但系我哋想要知道嘅系冇边际，好似海洋一样冇边际，如果由宇宙飞船之上，或者系宏观科学来睇，我哋人嘅本身，就好似早上嘅露水一样，早上嘅露水如果滴喺草叶之上，稍微就会有一阵轻风将佢就会吹落，或者一啲阳光就会将佢挥发。生命响整个宇宙之中好短暂嘅啫，以短暂嘅生命想要喺无限当中去获取真理，咁你就唯有要珍惜每时每刻嘅时光，而且仲要有一种佛教所讲嘅“善根”。佛教所讲嘅“善根”系由善良嘅愿望、善心同智慧所组成，呢个就系“善根”，亦都就系可以定量去分析。具体喺佛法嚟讲，佛法犹如大海，我哋嘅言行连沧海一粟都比唔上，由呢个意义嚟讲，我哋亦都必须虚心，无论系听某一堂课上面嘅虚心，而且亦都要贯穿到自己自始至终嘅宗教生活，我哋要达到咁样嘅标准呢，自己都系好惭愧。讲到呢度有一句话，要，题外话讲，仲系讲一下虚心唔等于消极，虚心唔等于空虚，因为佛教传入中国之后，受到儒家同道家嘅影响，我哋喺翻译经典嘅时候用咗一啲“无为”吔、“空”吖，等等一啲观念去表达佛法一啲思想，就喺相当多嘅佛教徒当中认为学习佛法就系消极，学习佛法就系叫人呢样又放下、嗰样又放下，但系呢啲人只系睇到佛教讲“空”嘅一面，佢冇睇到佛教讲“有”嘅一面，只系看到佛教消极嘅一面，冇睇到佛教讲积极嘅一面。根据《大般涅槃经》上结论呢，可以话俾大家听，佛嘅最根本意义就系“常乐我净”，而唔系响消极、无为同厌世嘅思想之中。
喺讲学习佛法嘅态度当中，所讲嘅第二个问题系要正信佛法而唔能够迷信佛法。咁样讲起嚟吔，比较长篇嘞。咁一般人认为我哋佛教系迷信，喺报纸、喺电台甚至有时传媒会讲：“唉，出家人都做法事，都喺度搞迷信嘅活动。”话呢样迷信，嗰样又迷信。其实“迷信”呢个词系来源于佛教，正信嘅反面就系迷信啦。譬如你对一本书，你知道一本书系点样做成，纸张系乜嘢原料，呢本书讲咩嘢内容，你能讲出佢所以然就叫“正信”或者系“智信”。如果你唔明白呢本书嘅构造，唔明白佢原理，盲目去崇拜呢，就叫做“迷信”，呢个就系最简单“迷信”同“智信”嘅差别了。所以迷信每时每刻都伴随响我哋身边，我哋佛教徒就要用智信嘅正信嘅目光去看待我哋身边嘅一切事物。
再讲个发生喺我哋身边比较切身嘅问题吔，譬如气功现象、特异功能现象对佛教，诶，嘅神通嘅理解。如果你识得佛教嘅禅定知识，知道“四禅八定”，而且明白佛教嘅缘起理论，从而能够同别人讲述神通系乜嘢一回事，而且自己能够修证到神通，对有神通嘅人钦佩，就系“智信”同埋“正信”。如果话你根本唔通达佛教嘅教义同教理，见到其他人吖，捉神搞鬼，将佢当做一种特异功能，或者当成系佛教乜嘢嘅“五眼”吖、“六通”吖，呢个就系迷信。
佛教唔，佛教唔弘扬神通，但系并唔完全否定神通，尤其喺末法时代，神通对一部分众生嘅教化会起住决定性嘅作用。因为现在嘅人呢，佢唔听你讲嘅有啲，佢要睇你点样做，你话水能够浸死人可能佢都会唔信，咁呢，一定要自己跳落去，确实浸死咗嘞，佢就会相信水能够浸死人，有啲人系咁顽愚，唔相信真理，只系相信眼前所发生嘅事。嗰啲人非常相信自己只眼，我哋最相信就系我哋自己嘅眼同我哋嘅耳呢，但系呢两样往往欺骗咗我哋。
故此社会上有好多嘅骗子，经济领域嘅犯罪同各个领域嘅犯罪，点解有机会可乘呢？就系芸芸众生愚昧无知留下咗空隙。如果你唔透风唔渗水，冇留呢啲空隙，大家嘅心性好似水一样清净，就唔会留下一啲空隙，咁害人嘅骗子喺社会上讲假话嘅人、沽名钓誉啲人，佢就冇空隙㗎喇。冇有机可乘嘅机会，因为呢，点解佢有可，有机可乘嘅机会？因为市场有呢块土壤喺里便。
我哋佛教徒响今日气功比较滥觞嘅时代一定要保持一个清醒嘅头脑，要弘扬正信嘅佛教，唔能够被邪魔歪道所转，俾一啲假气功所迷惑。呢度里头就会涉及到前便所讲嘅佛学问题，就系一定要用佛学嚟武装自己嘅头脑，改变自己嘅认识观同埋人生观。
咁见到有一啲法师响自己咭片上便印上自己系某某气功大师嘅名词，咁样气功系咩？气功一个古老又新兴嘅科学。佢讲古老，就系葛洪写嘅《抱朴子》呢本书就有“炁”嘅出现，上便一个“无”字，下便有四点，呢个就系“炁”，同现代嘅“气”字嘅写法唔同。包括扁鹊响同人治病嘅时候就有气功疗法同用气嘅方法。讲佢古老，其实系好久远，但所谓佢新兴呢，就系喺中国里便而家有太多嘅气功功种了，即是话将传统嘅文化弘扬出嚟，将佢现代化去介绍，但系有时呢，就会真伪难分。就好似中国现在十一亿人民就有十一亿气功师，人人都系气功师一样，呢个气功嘅问题系非常之大，故此能够反映咗全民文化质素就好容易变低，好容易偏向迷信，喺呢种情况之下，我哋佛教徒更加有责任将真正嘅佛教弘扬俾世间，呢个系我哋一种责任同埋使命。咁样，如果你要反驳邪知邪见呢，必须有一个正信佛法嘅态度，你如果自己立足都唔稳，好似墙头芦苇一样，东风嚟咗就东风倒，西风嚟左就西风吹，你点能够实践理论上嘅真正佛法意义同树立正信嘅佛法？所以必须要一个系统庞大嘅佛学思想，咁对于每一个学佛嘅弟子嚟讲系好重要。
正信嘅内容当然包括正知正见啦，而正知正见系由正信嘅基础上而嚟，只有对佛法正知，有咗正确嘅认识，先能够产生正确嘅见地同见解，所以你信嘅佛法先系正信嘅佛法，反过嚟讲，你正信嘅佛法，先会有正知同埋正见，呢三个关系互相辨证，就好似三宝，佛法中嘅三宝，佛法僧三宝系互相依存同依赖，一样嘅道理，边个都离唔开边个。如果呢个人有正信，咁样呢个人必定系正知正见，呢个人正知正见呢，咁佢必定系正信佛法。喺今日嘅社会就变得好重要吖，呢个问题，由此嚟睇，无论系神异现象也好呢，气功现象也好，巫婆神怪亦都好，我哋都要用正信嘅佛法嘅法轮去摧破魔军。
呢度有个小常识——有关“法轮”嘅起源。呢个“法轮”最初响印度打仗嘅时候就系一个战轮，将军将战轮一转嘅时候就系往往向前进，要摧破一切魔军，战无不胜嘅意思。后嚟佛陀将佢引申作为佛教嘅“法轮”，咁言外之意就系“法轮常转，佛日增辉”。
点样增辉呢？首先系降魔，降魔同成佛系同时，如果你唔降魔就冇佛可成，降魔嘅同时就系成佛嘅同时。喺今日嘅社会上，我哋要树立一种佛教嘅正信同正见，摧破一切偷呃拐骗、欺骗民间财物、沽名钓誉而借宗教，特别借宗教名誉沽名钓誉、邪知邪见嘅人。首先我哋就要武装自己，使到自己有佛教嘅正知正信嘅头脑，呢个正知正见嘅佛学思想，由“学”同“修”得嚟嘅，头先讲过，系冇其他嘅方法。响刚才前便五种方法之中，都可以以“学”贯穿喺自己嘅生活当中，毕生呢，去学习。
佛陀释迦牟尼系公元前六世纪，啫相当于我哋中国嘅春秋时代啦，嗰阵时印度净饭王个王子嚟嘅。佛陀喺苦行林中修行咗六年，又喺雪山修行三年，后来喺尼连禅河边受牧羊女嘅供养，菩提树下，佢望明星而悟道。咁样佛陀悟道嘅系咩道？咁现在大家学佛，佛陀悟道系咩道？大家一定要清楚。佛陀悟到三大规律呢，其实。第一佢悟到就系，一切器世间都喺成住坏空当中，一切器世间就系一切物质世间啦，都喺成住坏空当中。呢度里便就大有文章嘞，小到科学所研究嘅微观世界，大到宇宙学科嘅宏观世界，连我哋居住嘅星球、见到嘅星星、星云，包括我哋见唔到嘅嘢，一切世间所存在嘅物质都喺成住坏空里便。
乜嘢叫“成”呢？比如地球嘅寿命一百亿年，现在已经系四十五亿年了，到咗一百亿年嘅时候，佢最后都系要坏灭。最初嘅时候地球生成了，一切都系飘忽嘅世间嘅微粒，微粒同微粒之间呢，互相产生碰撞，产生正负两极，正负两极产生正负电互相吸附，所以团体呢，就越大，佢嘅吸附力就越强，慢慢生成我哋现在所居住嘅地球。生成呢个地球之后，地球不断喺度运转，产生咗能量，物质比较轻浮嘅嘢，譬如土吖、岩石就浮喺地球嘅外圈形成咗地表，物质较为坚硬嘅嘢呢，就形成咗地壳，好似鸡蛋嘅皮吔，嗰一层，咁样喺二十几公里到四十几公里之间嘅。咁佢最中间系六千多度高温嘅岩浆啦，地球，系由各种高能嘅矿物质，好似我哋现在嘅各种宝石钻石都系由液体嘅方式存喺地球个内部，地球喺最初嘅时候就系咁样生成。呢个问题就涉及到现代科学啦，呢个生成嘅过程喺佛经里便叫做“成”。
相对稳定嘅过程就叫“住”㖞，好似我哋现在地球嘅内部系六千多度高温，太阳表面系六千几度高温，但系地球上嘅绿树红花，我哋仲过得好好，生活得好好，就系“住”嘅过程，就系相定，相对稳定嘅过程。等到能量释放咗嘞，地球能量释放放尽，呢个过程进入咗“坏”嘅过程，嗰个时候火山就爆发、气候变坏、瘟疫就会蔓延，进入一个“坏”嘅过程。“坏”嘅结果系咩？到最后就“空”，会被其他嘅星球碰撞或者自己唔能够再运转就粉碎，以微粒嘅状态粉碎到其他嘅虚空当中里便，呢个过程就叫做“空”啦。细到我哋眼睛见唔到嘅微粒，大到星际空间，喺呢个生而空、空而生嘅轮转都系循环不息，所以佛陀喺二千五百几年前，喺五月嘅月圆之日，望到明星，一瞬间觉悟咗三大真理。其中一个真理就系对物质世界嘅顿悟，用今天科学嘅方法嚟睇系完全科学，而且尖端科学任何人都推翻唔到佢发现嘅呢个规律。
我刚才讲系物质世界，现在讲我哋人本身啦。人就系灵同肉嘅结合，我哋现在只讲肉嘅呢一部分。一个人投胎以后到出生，有咗眼耳鼻舌身意，呢个过程就系生成嘅过程。所谓“住”嘅过程，就系由1岁生活到80岁吔，假如，呢个过程就系“住”嘞，就系相当属于稳定。“坏”嘅过程呢就好简单，就系生病啦，今日甩牙，听日啲头发落，今日就流鼻涕，听日大小便不利，就系“坏”嘅过程，到最后就死亡，就回归到大自然。水嘅部分就还俾水，就会蒸发；土嘅部分，骨骼吖、毛发就会还俾大地。喺我哋见嚟就系一啲血液口水，一切我哋能够把握嘅色彩嘅东西亦都还给水嘅就会俾番水，俾番风我哋要归翻风，应该还给火就还给火，还给地就会还给地。你人到边度呢，冇一个存在嘅，所以，如果我哋佛教讲，一瞬间讲都喺变化，前念后念，念念相续，就系我哋嘅思想。一口气一口气嘅呼吸，就有我哋嘅生命嘅运动，先系有我哋一期期活活泼泼嘅生命，如果一口气接唔上，呢个生命就结束，所以生命系既复杂又简单。我哋佛教徒对科学应该用咁样一种态度，就系用佛法去印证科学，用佛法去补充科学。
有一句名言对大家非常重要，著名嘅广义相对论同狭义相对论提出嘅人就系爱因斯坦啦，喺佢《广义相对论》呢一本书前便上便写咗一段名言：“没有科学的宗教是瘸子，没有宗教的科学系瞎子。”亦都系话，科学无论系尖端科学定系一般科学，如果佢离开咗宗教就会睇唔远，但系如果宗教离开咗科学就走唔远嘞，因为好多宗教现象唔能用科学向大众作出好好嘅解释，就唔能够叫人信服。但系反过嚟，科学如果唔喺宗教里便不断地吸取营养同假设，科学就冇办法进步同发展，所以呢两句话爱因斯坦系讲得系好重要，亦都觉得好有道理。
佛陀，佢喺菩提树下悟道之后，佢就悟到一切物质世间，小到中子、电子、质子、胶子，现在甚至发现咗夸克同埋暗物质。所谓暗物质，好似电子、中子、原子、质子、胶子、核子呢，呢啲嘢，我哋只眼已经睇唔到嘞，但我哋只眼所见唔到，所唔能够见到嘅呢，就好似我哋用粉笔喺黑板上面画一下，呢啲粉粒，眼睛我哋仲能够见到，但系佛教里便叫做，将佢叫做“粗尘”，吖，“粗细”个“粗”，“尘埃”个“尘”，或者将佢用做牛毛吖，或者羊毛嚟比方。喺科学上所讲嘅“夸克”，就相当于佛经里便所讲嘅“邻虚尘”，“邻虚尘”就系同虚空相吻合，同零相等㗎喇，人嘅眼睛系见唔到。现在科学研究发现咗一种“夸克”，无论尖端科学点样发展，物质都可以无穷分割落去，充分证明咗小到微观世界或者甚至大到宏观世界，宇宙嘅星体都喺成住坏空当中。
今日嘅社会科学成果，系佛喺2500年前佢用肉眼、用自己嘅心灵觉悟到嘅真理，今日嘅社会科学先能够进一步去证明，哦！原来呢个系一个真理。
最初佛陀现比丘相嘅时候，同佢嘅弟子一齐去外便托钵，有啲弟子就随便拿钵去𢳂水饮啦，佛陀呢，就话呢啲水唔能够饮，佢嘅弟子就问：“点解唔饮得吖，师父？”因为，佛陀话，呢啲水唔系干干净净，佛陀话，一钵水里便有八万四千种生命。亦都系话，佛当时就以佢嘅天眼同慧眼睇到，水系一切微生物生存依赖一个条件，喺呢度有无数嘅微生物啦，当然，呢啲微生物，如果时代因缘允许的话佢就会发展成无脊椎或脊柱嘅动物，所以佢讲呢个水唔能够饮，啫佛陀讲。后来啲比丘有常随嘅十三物，饮生水嘅时候必须要攞一个滤水囊啦，啫现代嘅滤水器啦，相当于，将水过滤，尽可能唔要，唔好伤害生命，如果唔系呢，起心动念随处随处呢，都会违背佛法，所以就好……（注：此处录音中断）
现代科学就进一步证明如果攞一碗水当中确实里便有好多菌类、微生物喺里便活动。如果我哋用显微镜去睇呢，用显微镜随便睇一睇我哋嘅窗口吖、窗台吔，你就睇咗之后会觉得，我哋根本冇办，冇地方去容身落手同落脚，点解呢？其实嗰个地方都系一啲好小嘅微生物生存嘅地方，系佢哋倚赖生存嘅环境。佛陀喺二千五百年就用佢嘅慧眼、天眼观察到一钵水有八万四千种生命，就系话有好多个生命，而且佢弟子问佢，世界系咁大嘅时候，佛陀所讲嘅世界观就有三千大千世界。喺，讲到呢度，我谂到一个问题，好似唐朝诗人李白所讲，佢话：“白发三千丈，缘愁似个长。”仲有佢嘅诗句“飞流直下三千尺，疑是银河落九天。”佢凭佢嘅脑，任佢去想象亦都只能够讲“飞流直下三千尺”“白发三千丈”，“三千丈”有几多呢？佛陀喺觉悟以后就讲，宇宙就系三千大千世界，无数嘅微尘组成一个小世界，三千个小世界组成一个中世界，三千个中千世界组成一个大千世界，咁样宇宙之间有三千个大千世界，而呢个“三”，系一个虚指，就系话无数个大千世界咁解嘞。
现在宏观科学实际证明我哋所住嘅地球只系一颗行星，佢自己本身唔会发光，系靠住其他恒星，啫“永恒”嗰个“恒”嘅恒星，靠住太阳嘅光。一个太阳同九大行星，同埋佢嘅慧星同无数嘅小行星先能够组成一个太阳系，一千亿个以上好似太阳咁样嘅大小恒星同埋佢嘅星系，同埋无数嘅星云、星团先会构成银河系，再有无数次银河系，咁样嘅星系先构成无边无际嘅宇宙。现代嘅科学只能喺太阳系同银河系观察，银河系以外就好少观察到，最近观察到呢，有第二个银河系。无数嘅星星就组成一个星云，无数嘅星云就组成一个好广大嘅宇宙，佛陀喺二千五百年就讲有三千大千世界啦，已经一早讲咗。
由呢个意义上嚟睇，由科学嘅分类嚟讲，佛系一个科学家，毫无疑问，因为佢所得出嘅结论，同微观科学同宏观科学所得出嘅结论完全符合，但系佢由解决人生嘅苦恼出发，佛点解要讲“成住坏空”？就系因为要反映佛嘅本怀，佢一生当中嘅宗旨系启迪我哋人生嘅真理同认识宇宙嘅实相。佢点解要讲研究宇宙外部嘅世界？目的就系为咗我哋，令到我哋要了解我哋所处嘅世界，将宇宙嘅实相同人生嘅真相去话俾我哋知，令到我哋破除我哋嘅贪瞋痴嘅执著。
一切嘅生命都喺生老病死之中，呢个就系关于我哋人类自己本身嘅话题。喺三界以内，大到我哋睇唔到、摸唔到，人非人嘅类别，同埋我哋人本身同埋浮游嘅生物，呢啲生命都喺生老病死当中。生命产生咗，慢慢新陈代谢，骨骼、经络、毛发不断退化，人嘅生命喺呼吸之间，每个呼吸一次，生命就退化一次。
譬如按现代生理学，生理医学去研究，我哋生命每七日要退化一次，好似蛇蜕壳一样。我哋睇到外部嘅世界，动物喺唔同嘅季节要脱化毛发，蛇要脱皮啦，我哋人内部喺度代谢，外部亦都喺度代谢，七日就完全蜕变一次，就已经唔系现在嘅你吔，已经系另外一个你了，不过系相续嘅，你唔知道啫。呢个蜕化嘅过程就好似一台机器不断喺度磨损，最初系好饱满，喺不断嘅体力劳动、脑力劳动同自然嘅碰撞之中不断慢慢老化，骨质就变得疏松嘞。比如细蚊仔，佢喺秋天有时呢，著衫，甚至冬天唔著衫佢都唔怕冷，原因佢嘅骨骼精髓系好饱满，但系老人家到咗冬天就要著好多衫，因为佢嘅全身器官已经老化咗，佢嘅骨质好似冻豆腐一样。呢个就系人老化嘅过程，好微妙吖，但系人自己唔觉得。老嘅一个现象就系病，年轻嘅时候食嘢，越生嘅，越脆嘅，越好嘅，但系到咗老嘅呢，就咬唔喐、咬唔烂吖，食唔到吖，路都走唔到，瞓觉亦都瞓唔好，呢个就系痛，痛呢，慢慢就会出现病，病最后结局就系死亡。
所以佛陀喺二千五百年觉悟嘅三大规律，觉悟嘅生命本质系咩呢？毕竟就系要死亡，虽然我哋现在亦都讲人系要死，但系好多人好难面对生同死嘅问题，就有一个生死嘅问题——生嘅时候点样过自利利他、解脱自在嘅生活？死嘅时候能够安然去死呢？有一个归宿有一个临终嘅关怀，呢个就系佛陀要解决嘅问题。
当佛讲生老病死嘅时候，并唔系令到我哋认识生老病死嘅规律而去消极厌世，唔系咁，而系令到我哋认识呢个规律去珍惜人生，把握呢个规律借假修真，借我哋呢个暂存嘅生命去获得至高嘅真理，获得一种觉悟，获得一种解脱，去达到涅槃，呢个系佛嘅真义。所以佛，所以嚟讲，佛令到我哋认识到生老病死，令到我哋能够掌握生命嘅规律，正确面对生命呢一样嘅规律，从而活著嘅时候解决自己生嘅问题。
点样去生呢？就系自利利他去生，活得解脱，唔好患得患失去活，就系佛陀教我哋生活嘅态度。点样去面对老呢？每一个人都要老。咁样就要做佢自他相换嘅想法，就要产生一种同体大慈、同体大悲。我哋大家讲喺一个地球之上，喺宇宙空间，就好似搭埋同一条船一样，有我先有你，我哋彼此关联，同体大悲，无缘大慈，呢个就系对老嘅态度。点样对待病呢？别人病之后就同我病一样嘞，呢个就系菩萨嗰种胸怀。点样对待死呢？我哋就要依佛教不生不灭、不垢不净、不增不减嘅实相法去解决生死，就系话敢于正视生死。生嘅时候，我就如意解脱自己嘅生活，面对死嘅时候，我亦都好坦然。
菩萨有三种无畏，其中一个就系“死无畏”，面对死亡佢系无畏嘅，如果众生需要佢献身嘅时候，毫无顾惜咁献出生命，呢个就系死嘅无畏，用现代话说讲就系献身精神啦。如果你唔认识到生老病死嘅规律，现代嘅人求长生吖，求长寿，将自己嘅生命睇到比其他人更重要，咁样喺关键时候就唔可能为别人献出生命，所以就唔能够得到菩萨呢种无畏嘅精神，踏实唔到菩萨道真正大菩萨嘅修行。所以，认识唔到生老病死我哋系好愚痴，我哋要明白生老病死，真真正正佛陀教俾我哋嘅规律。
佛同埋佛教系由佢嘅历史、思想同修道方法三个重要嘅部分组成，如果咁样学佛，呢个佛先系实实在在、活生生嘅佛。如果你既唔了解释迦牟尼佛嘅历史，亦都唔了解佢嘅思想同修道嘅方法，只系烧香，只系知道叩头，咁拜佛就近乎于迷信嘞。
讲到佛呢个时候呢，就要将“佛”同“神”分开。“佛”系“佛”，“神”系“神”。“神”点样产生嘅呢？系人类处喺社会生产力低嘅时候，对自然现象同社会现象，喺自然界生活唔能够把握自己命运嘅时候，佢就认为树有树神、河有河神、雷有雷神、电有电神、天有天神、地有地神，认为一切都系有神灵，有神嘅，有主宰住我哋命运同强加喺我哋头上嘅超然嘅力量，呢个就系常，时常所讲嘅“举头三尺有神灵”嘞，就系“神”嘅意思。但系我哋如果学佛，就要用佛教所讲嘅，佛嘅方法去掌握自己主宰，同埋主宰自己嘅命运，而唔系求神保佑。当然佛经里便记载真正系有河有河神，雷有雷神啦，但系亦都唔否定人吖，喺臆测里便去造出好多假嘅神。时常有啲香客烧住好大一啲香喺佛前上下摆动，做呢个动作嘅时候往往就将佛当成咗神，求神求佛去保佑，求佛送我个仔啦，求佛保佑我升官发财啦。咁样假如佛可以保佑嘅，佛既然可以保佑你，亦都可以保佑佢，喺人当中有善有恶，保佑你升官发财、向上向善，亦都可以保佑其他人杀人放火，咁样佛就系界限不分嘅佛嘞。所以“佛”同“神”系唔同，我哋佛教系信佛而唔信神，由呢个意义上嚟讲，佛教系智信而正信嘅唔系迷信，一定要搞清楚。
咁样由佛教上讲，“佛”首先由三个含义组成，当然第一系指释迦牟尼佛其人啦，第二系有觉悟嘅意思。点解系“佛”呢？“佛”系“佛陀”嘅简称，因为中国人求省，省事吔，将“佛陀”呢，简称呢，做“佛”。“佛”系觉悟嘅意思当然，觉悟就系“佛”，罗汉亦都系觉悟，但觉悟嘅程度唔同。罗汉觉悟之后，自己喺泉边林下揾一个清净嘅地方，自己去修道，以祈求早日灭道，众生嘅苦难呢，有啲罗汉系唔理嘅。但系佛陀觉悟之后，佢要将觉悟嘅方法同道理通过各种善巧嘅方法话俾芸芸众生听，佢所做就系觉他嘅工作。所以佛不但自己觉悟，仲要觉悟别人，佢觉他嘅工作，不但要觉他，仲要观机逗教。
比如对娑婆世界嘅众生讲三藏十二部嘅经典，对其他空间世界嘅众生，佢就唔一定讲三藏十二部了，譬如佢可以用其他嘅方式，以密咒嘅方式啦、以手印嘅方式去叫佢哋觉悟。喺觉他嘅时候，佛陀真系用咗好多好大嘅方便，能够自觉觉他就系菩萨嘞。佛除咗自觉觉佢仲要觉行圆满，不但要你觉悟，而且仲要度你吔，用各种善巧嘅因缘，好非常方便能够圆满嘅因缘，好似一条大船一样，载你由生死嘅此岸去涅槃嘅彼岸。但系罗汉呢，就好似一只细嘅独木舟一样，佢自己撑住独木舟由此岸到彼岸，由苦嘅一个世界去到乐嘅另一个彼岸去解脱，众生嘅事情，佢就多数唔理㗎喇。菩萨就要撑一只大船，不但我自己能够到彼岸，将其他嘅众生都要载去彼岸，佛系同体大慈，亦都系同体大悲，所有嘅众生我都希望能够去灭度，都希望令到佢觉悟，解脱自在咁生活，唔俾一切众生去迷没，过住一种觉悟嘅生活，因此，呢个就叫做“觉行圆满”。所以，佛系自觉觉他，觉行圆满，菩萨系自觉觉他，罗汉只系自觉㗎啫。另外，佛陀喺大乘教义之中其实都有三个意义，就系一切真、一切善、一切都系美，咁样呢三个意义里便就系“佛”嘞，“佛”就代表一切真善美嘞。
一切众生喺佢内在都有一切如来智慧嘅德性，呢个觉悟性，系咪玄谈呢？有咩嘢好处呢？当你嘅生命受到空前嘅破坏同危机嘅时候，你用你嘅觉悟性去观照你所处嘅环境，包括平时嘅身口意三业系咪清净呢？你系咪有道德修养嘅人呢？而面对今日商品社会同埋红尘滚滚嘅世界，你自己应该点样为自己去定位呢？咁呢个觉性，我哋可以理解为大智慧，由自己嘅大智慧去观照，就唔同于世间嘅聪明。世间嘅世智辩聪系在于计较自己嘅得失、人我是非，系一种东西叫做聪明，所谓耳聪目明就系聪明，而大智慧呢，就系佛经里便所讲嘅“般若”。呢个“般若”思想里便嘅含义就更加丰富，有两个意思嘅，一个叫做“妙观察智”，就系用自己嘅妙观察呢一种智慧，我哋知道世间嘅善恶同埋是非，假、丑、恶、真、善、美，知道世间嘅各种学问嘅建立，世间法各行各业我都了如指掌，咁样呢个就系“妙观察智”。仲有一种叫做“无分别智”，但系我哋同时亦都知道呢个世间系虚幻，系偶合，系梦幻泡影、如露如电，我哋仲知道，佢系空性，同时以出离心、慈悲心去加持自己嘅行为，使到自己嘅行为能够同情众生嘅命运，时刻理解同埋指导自己，处喺咁样一个红尘滚滚嘅地球之上，大家都系同舟共济，亦都就系话无缘大慈同埋同体大悲。如果单单净系了解咗佛教所讲嘅空性，咁样只系一个消极厌世嘅人啫，就好容易导致一啲唔积极嘅行为，如果唔理解空性，就好容易争名夺利，将一分钱睇得比泰山仲重，咁样生活就非常之累赘。
呢两方面知道呢，仲系唔够，还要有佛教嘅“大悲心”同“出离心”。所谓“出离心”，系既喺世间，亦都唔被世间污染，呢句说话非常重要。犹如莲花出污泥而唔污染一样，但系唔系逃离世间同脱离世间个㖞，系既喺世间而唔被世间所染，同时仲要有一个“菩提心”同“大悲心”。呢个“大悲心”就系我点样学佛、点样觉悟，我都希望一切众生好似我一样学佛、一样觉悟，就系自他相换、易地而处，众生苦难就系我个苦难。当你有咁样嘅思想、咁样行为嘅时候，慢慢你嘅心量同埋修养就好似海洋一样咁大，非常之广、非常之深厚。“大智慧”，佢主要嘅营养其实系来自我哋嘅“出离心”、我哋嘅“大慈悲心”，而唔系喺世间患得患失嘅聪明而嚟嘅。
喺当今嘅社会，物欲滚滚，每个人对于自我嘅执著实在系过大，好难将自己放低，让自己有个安静嘅心灵嘅空间去寻求真正人生嘅意义同埋解脱之道。所以每个真正学佛嘅人其实都要做一个“持宝嘅人”。乜嘢叫做“持宝嘅人”呢？就系持自己当下具足嘅摩尼宝。虽然话心外求法亦都能够得到宝，但系其实系有限嘅，唯有内心真正嘅摩尼宝先系无限，系真正我哋内在智慧嘅生命。只有开发呢粒摩尼宝珠，让佢发出无尽嘅光芒，我哋人生先能达到最终根本嘅解脱，先能够将众生由此岸带往彼岸。
158.五湖水月印禅心（一）
五湖水月印禅心
响中国嘅历史上，随住汉王朝嘅没落，同埋东汉末年嘅董卓之乱，东汉中央大权旁落，地方分权乘之而起。随住各地群雄并起、割据一方，终于响势力消长同埋互相吞并、排挤之下，而形成咗三国鼎立嘅局面，即系曹操、刘备、孙权三股势力，响赤壁大战一役之后而三分天下。
我哋再将中国历史往上去推算，响秦王朝崩溃灭亡之后嘅楚汉相争，即系刘邦同埋项羽，亦都时常使到我哋后代嘅中国人追忆霸王别姬嘅故事。无论系三国演义定是系霸王别姬嘅历史故事，响民间流传嘅地方戏曲、戏剧、野史或者传说等等，更系丰富咗人茶余饭后谈论嘅趣事。
一个王朝嘅霸权经过兴盛之后，佢衰败灭亡嘅原因同埋共业当然系好复杂啦，但系由古到今都系一样，一个强权或者强人嘅时代结束咗之后呢，天底下有心想分呢块“大饼”嘅人仲系好多嘅。古代称之为宫廷嘅内斗，但系现代人就称之为政争嘞，所谓“乱极思治”。
我哋再将时间向上推算，大概响西元前六百五十年左右，中国正处于春秋五霸嘅时代。响春秋时代，王室卑微、礼乐征伐、诸侯割据，诸侯嘅政权亦都被国内嘅贵族、世卿所相夺。到咗后来，亦都进入咗战国七雄争霸嘅时代，即系秦、楚、齐、赵、魏、燕、韩。而一直到秦始皇即位之后，秦朝统一天下嘅时机就开始成熟嘞，秦王政响九年当中终于将六国一一吞并或者消灭。当然中国嘅历史系有一啲血腥，每经历一次群雄割据或者改朝换代，就时常发生刀兵灾劫，战祸连年，无辜嘅老百姓总系最倒楣嘅。
响中国上古时期嘅周朝，由周武王灭殷之后，大概响三千年之前，一直到周幽王被杀，一共经历咗十二个王帝，大概系三百四十一年，而后虽然有周平王，但系亦都系各地军阀、诸侯借名去拥护嘅虚位天子，其实并无实权嘅。春秋同战国嘅运，就系发生呢一段时期。
咁大家会问话，中国历史上嘅消长同埋恩怨，呢个同佛法有咩关系呢？其实禅宗、禅修、禅学同呢啲嘢都系有一啲关联，更何况呢啲系你征我伐嘅争霸时代，同埋同禅修、禅宗、禅学嘅关连，其实系互相穿插嘅。
大家都知道，周武王系讨伐暴虐无道嘅商朝末代嘅帝王纣王，而结束咗六百多年嘅商王室，更加建立咗周朝。响周朝以前嘅中国政权，大多数系以“禅让”嘅方式去传授领导嘅位置，但系周朝嘅人以武力去取得天下之后，响形势上就造成咗“普天之下，莫非王土；率土之滨，莫非王臣”嘅局面，而周朝嘅帝王系分封同姓嘅子弟同异姓嘅亲戚、功臣，而且一方面系用以镇压反动，一方面系用嚟制衡国内旧有部族嘅势力，于是中国帝王嘅封建制度咁样就开始，但系因为大封诸侯，最后亦都种下咗，东周之后春秋同战国嘅群雄争霸嘅祸苗。
周武王系开创周朝嘅第一位皇帝，到咗第四代周昭王嘅时候，故事就开始发生了。大约响距今二千五百多年前，亦都系周昭王二十六岁嘅时候，有一日，周昭王响夜晚里便走出皇宫去乘凉，散一散步、赏一赏花。自从武王伐纣以来，周朝响政治上就有好多改革，而朝政亦都处于强势嘅时代，正所谓天下太平、国泰民安嘅盛世。就响周昭王响宫外观赏夜景嘅时候，忽然响京城向西面嘅地方嘅夜空之上大放光明，有种种嘅祥云同彩光四射，呢种天文异象，总系俾人睇咗之后，心情无限嘅喜悦同舒畅。祥光笼罩住整个西方嘅天空，就好似系由天界兜率天所释放、照射落嚟嘅天人彩光，久久而不散。
于是周昭王就命令朝中嘅天文官去观赏呢种天文奇景，而且去解释一下呢种异象征兆。当天文官同有道之士观察咗之后，就禀告周王话：“西方有圣人出世吔！”于是周昭王就下令立下圣碑去描述同纪念当日晚上所见到嘅异象，而“西方”呢，就系指当时中国领土以西嘅北印度嘞，“圣人出世”就系指本师释迦牟尼佛嚟人间应化成佛，投胎嘅日子。所以佛陀释迦牟尼佛因为一大事因缘而转世，嚟呢个娑婆世界——阎浮提嘅地球，响遥远嘅东方帝国王朝，亦都有目击证人嘅，呢个目击证人就系周昭王嘞。
佛法本身系超乎科学嘅，佛教自东汉明帝嘅时候传入我哋中国之后，随住隋唐佛教文化嘅兴起，佛教就扎扎实实融入中华文化里便，其中禅宗，亦都系响中国唐宋嘅时候大放异彩。禅宗，可以话系中国先被发扬光大。我哋再睇下今日，禅学，禅坐，禅修同埋禅坐亦都充实咗现代人空虚嘅心灵，现在呢个世界上，无论系中外人士，已经有好多人透过学禅去修心养性啦。禅学，虽然出自中国，但系佛教现今唯一俾西方人所接受嘅修法，就系禅修同静坐嘞。
响中国古代嘅朝廷之中都有天文官嘅设立，比如唐朝设有司天监，而清朝亦都设有钦天监等等嘅天文官。皇帝如果有咩天文、异象、玄学、道学、术数嘅问题，都会揾天文官去解释或者处理嘅。
响唐朝开元二年嘅时候，禅宗六祖惠能大师嘅金刚不坏肉身，啫系全身舍利。要入塔供奉嘅时候，响塔里便忽然现出一道强烈嘅白光直冲灵宵天际，而且经过咗三日三夜之后，呢道白光先散去。当时嘅韶州刺史就将六祖嘅事迹同圆寂之后嘅天文奇观奏入朝廷，而皇上就敕令立碑去纪念六祖嘅真才实修、大彻大悟、明心见性嘅道行，当时皇上亦都赞叹禅宗嘅六祖大师系我哋中国嘅国宝。
响二千五百多年前，位于喜马拉雅山南麓嘅恒河流域，有释迦族人建立嘅城邦，佛陀世尊就系转世响呢个北印度嘅国家里便，佢嘅父王就系净饭王，而母亲系摩耶夫人。呢个释迦族嘅国家虽然唔大，但系系人心归顺、海内升平嘅盛世。
佛陀由兜率天，欲界嘅第四层天转世人间，系有好多不为人知嘅事迹嘅。首先要成就无上正等正觉嘅佛果，必须就响无量劫之前受到他方世界或者本世界已经成佛嘅大成就者授记。就好比本师释迦牟尼佛响多劫之前，大概系几百兆亿万年之前，就有一大殊胜嘅因缘嘞，受到咗燃灯佛去授记！另外佛陀响讲演《妙法莲华经》之中嘅《授记品》里便，亦都为好多大阿罗汉、大弟子去授记，呢个只有成就无上菩提嘅佛陀，先能够以佛眼去观察众生嘅修行因缘，几时成熟、几时证果、几时成佛，所以冇亲自受到佛陀印证同埋授记，系唔可能成佛嘅。当然，你亦都可能响多生多世之前，响他方佛国净土受到其他个别嘅如来授记呢。
释迦佛响仲未成佛之前，就以精进、忍辱、智慧第一而为好多佛菩萨所赞叹。而且响我哋呢个娑婆世界呢，包括三界二十八天、地狱、幽冥、阿修罗、人类同非人类、地球都属于三界之内，亦都称为娑婆世界。
从古至今，好多修禅宗嘅人，包括你修禅宗在内，如果你响今生今世，系冇法好似禅宗六祖惠能大师一样明心见性成佛嘅话呢，咁样临终之后，大多其实都系会往生去兜率天，所以兜率天里便，除咗有释迦佛时代嘅大弟子、大阿罗汉、大菩萨住世之外，就系仲有好多禅宗嘅弟子都会发愿往生去呢一度嘅。
我哋呢个世界，娑婆世界嘅唯一佛国净土，其实就系第四层兜率天了，同时，兜率天亦都系禅宗嘅第二个净土。禅宗嘅第一个根本净土呢，就系常寂光佛土，亦都系法身佛嘅根本净土，所以释迦佛嘅遗教弟子、法脉、法门同埋文殊师利菩萨、普贤菩萨、弥勒菩萨等等嘅大菩萨，都系位居响兜率天。而如果你嘅本尊系地藏王菩萨的话，咁样你临终往生嘅佛土，亦都可能会系兜率天。而且如果你想发愿再往生去其他佛国净土的话，亦都可以响到咗兜率天之后，再重新发愿前往嘅。
人嘅寿命不过百年，而所谓嘅百年时间就系人经过一生一世嘅体验同经验。至于蚊或者蚂蚁嘅一生一世呢，大约就系一星期嘅时间，所以蚂蚁，佢所能够体会一生嘅时间观念，对于人类嚟讲亦都只不过系一星期而已啫。又譬如龟同埋蛇嘅寿命，可以长达好几百年，所以人类吔，同较长寿命嘅动物比起嚟，其实已经逊色咗好多啦。
就将我哋距离我哋较近嘅天界忉利天嚟讲啦，忉利天系所谓道教玉皇大帝所居住嘅天界，佛教就称为“帝释天”，人间每过一百年，而玉皇大帝嘅族人同埋天人先感觉到只系过咗一日嘅光景。但响佛陀住世嘅时候，响三界二十八重天里便最护持佛教、做最大嘅供养、排场搞得最大嘅天主，就要算系道教嘅玉皇大帝了。虽然如今佛陀已经入灭咗二千五百多年，但目前对玉帝嚟讲，佛陀先刚刚入灭圆寂不过二十五日时间啫。而人间每经过二百年，位居响第三层嘅夜摩天，先过咗一日。再往上一层嘅天界就兜率天了，人间每经过四百年，响兜率天嘅天人或者佛弟子，只不过觉得系过咗一日嘅感觉啫。
其实，你只要往生去兜率天，咁由你一投生响兜率天嗰日开始，你就有天界嘅时间四千年嘅寿命，而地球每过四百年，你先过一日，所以你响兜率天一生嘅时光就相当于地球人类时间嘅五十六亿万年至于五十八亿万年嘅时间了，呢个就系点解弥勒菩萨响佛陀住世嘅时候，释迦佛授记佢响当来十二年之后先圆寂，然后再上生兜率陀天教化兜率天嘅天人，而且再，再要等五十六亿七千万年之后，等兜率天嘅天寿同业缘结束之后，就转世嚟到地球，成就第五尊佛！呢个就娑婆世界嘅第五尊如来弥勒佛嘅成佛因缘，而释迦佛系第四尊响我哋呢个世界成佛嘅圣者。
释迦佛响仲未下凡人间之前，亦都系同现在嘅弥勒菩萨一样嘅，位居响兜率天，而且以等觉菩萨嘅证量同智慧去教化兜率天嘅佛弟子。所以要能够修证到初地菩萨嘅果位系唔系咁容易，更何况系由初发心开始，修成无上正等正觉嘅佛果呢！
释迦佛响尚未成佛之前就已经经历咗多生多世嘅勇猛精进，而且响佢内在真正嘅证量已经达到等觉菩萨嘅境界，而大多内证修行达到等觉菩萨嘅行者早已经证得无生法忍不退转嘅地步，亦都可以系话，就算释迦佛由兜率天转世人间，佢一生之中都不修行精进嘅话，寿命结束之后亦都系等觉菩萨嘅果位。
况且悉达多太子嘅如来藏中，其实早已经具足好多过去世用功而嚟嘅成佛资粮，平时就已经养成摄取自心嘅现量，同摄受妄想纷飞嘅基本能力，所以出离心自然就由如来藏里便嘅内力自熏而起，而且行为之上唔会被杂俗所拘，就好似小孩子一般嘅纯洁，而且亦都断除咗睡眠，由朝至暮，日日夜夜修习自己宿缘相应嘅佛法。同时，内在亦都会产生一股力量同智慧，远离外道嘅思想或者修法，同埋舍弃声闻、缘觉等等小乘法嘅学理同境界，而且回小向大，步入大乘菩萨道嘅境地。所以虽然悉达多太子放弃咗一味嘅苦行，呢个都系内在智慧嘅觉醒之故，亦都正如禅宗所讲嘅“平常心是道”。
响太子去除咗表相同唔正确嘅修行方法之后，其实佢嘅内在已经渐渐进入咗不可思议、真实至圣嘅如如境界。佢嘅心灵好似明镜照物，水净沙明一样，呢个时候，悉达多太子嘅法眼就豁然清净啦，虽然仲未成佛，但系已经恢复咗菩萨嘅法眼净同一切智慧嘅证量！
一般修学佛法嘅人嚟到人间，并唔系每个人都必须由初学基础开始去学嘅，其实大多数嘅佛教徒响前几世，或者就有好多嘅修佛基础同证量啦。今世响人间，只要心灵纯净，业障净除到一定嘅程度，咁你前世嘅修行慧命系会慢慢慢慢被恢复嘅。
响佛教嘅修行当中，阿罗汉嘅果位分嘅四个等级，一般小乘嘅佛弟子历经千辛万苦嘅修持先能够证到阿罗汉果。阿罗汉果分开初果、二果、三果同四果，而，而且我哋时常所讲嘅大阿罗汉，大多都系讲四果嘅，所以佛陀时时劝阿罗汉要多多向啲大菩萨学习，更要回小向大去发大乘菩萨道嘅愿力，去累积菩萨道嘅资粮，以便能够由四果嘅罗汉，再进步到初地嘅菩萨果位，即系欢喜地嘞。
当众生或者修佛嘅人，内证嘅功夫已经达到初地菩萨之后，跟住落嚟呢，就会循序渐进再精进修行，一步一步迈向圆满菩萨嘅十地果位。何为十地呢？初地菩萨欢喜地、二地菩萨离垢地、三地菩萨发光地、四地菩萨焰慧地、五地菩萨难胜地、六地菩萨现前地、七地菩萨远行地、八地菩萨不动地、九地菩萨善慧地、十地菩萨法云地。而响十地菩萨再向上一级就系等觉菩萨了，等觉菩萨嘅功德、资粮同埋觉悟嘅圆满程度，几乎可以话同佛相等，就系只有一啲啲无明未破啫。等觉菩萨再进一步修持圆满，观破咗呢一分生相无明，就成就咗妙觉菩萨，而妙觉菩萨其实就系佛了。
我哋呢个娑婆世界嘅成佛，真系好有意思，我哋可以称为后补嘅制度。凡系位证等觉而即将成佛嘅菩萨，都先会响欲界嘅第四层天兜率天内院等住，以便天上嘅法缘结束而响人间嘅法缘成熟嘅时候，再下生人间去示现成佛。呢个时候响兜率内院准备候补佛位嘅等觉菩萨就系一般所称为嘅“一生补处菩萨”了。
而两千多年前嘅悉达多太子就系以咁样嘅一个内在证量同埋果位嚟下生人间嘅。释迦牟尼佛经过遍学外道，得到外道嘅最高成就，同埋六年雪山嘅勇猛精进同苦修之后，就准备等住成佛，所以悉达多太子正系以等觉菩萨嘅内证喺菩提树下嘅不动金刚宝座之上用功。当然，要成佛系冇咁容易嘅，最后一关嘅魔扰，啫天魔嘅侵袭，就即将要来临了。
魔扰、魔考，相信大家都应该听得多了，讲唔定你仲会被考得七上八落添。而前面讲过佛陀八相成道，“降魔”其中系极重要嘅一点嚟嘅。如果悉达多太子当初响菩提树下冇降魔成功，咁人间亦都冇佛陀了，而如果人间冇佛陀嘅教化同埋指引，咁我哋到现在，虽然每日可以能够忙到好愉快，但系我哋嘅心灵世界，亦都系话我哋内在最真实嘅生命就恐怕会响一片黑暗无明之中，而继续长劫沉轮响生死大海里便。
咁点解天魔好似食饱咗饭冇嘢做嘅呢，都系时时要修行人间嘅学佛修行人，甚至响佛陀成道之前嘅嗰个晚上仲系发动千军万马，非要致佛陀于死地不可呢？天魔点解咁无聊呢？其实佢哋系咪冇嘢做，去揾善良嘅佛弟子嘅麻烦呢？其实天魔呢啲干扰、障碍甚至逼害，对我哋修行人呢，可能都系一种考验，亦都系一种恐惧。其实，佢系怕我哋佛弟子嘅，因而佢所以采取一种过度防卫嘅行为，其实点讲呢，因为天魔有极强大嘅权力同占有嘅欲望，佢希望任何人都臣服响佢脚底之下以受佢控制，一旦你修行成就，想超出三界生死轮回呢，就会摆脱佢嘅控制，使到佢损减咗一位子民，呢个问题系令到天魔冇办法接受嘅。第二点呢，如果你不仅自己解脱，而且仲发大乘心行菩萨道，度化更多人学佛解脱呢，咁岂不是要天魔损减更多嘅子民同眷属咩？呢样嘢仲更加令佢唔能够忍受啦。第三样嘢呢，天魔亦都更害怕，万一你真正修出咗大成就、大智慧，能够用神通去降魔，使到佢损失大批魔军。如果咁，咁样的话呢，岂不是要俾魔宫去唱空城计，然后会天魔慢慢、慢慢乖乖去信佛？所以，呢种害怕，就系天魔惊你修成之后以智慧嘅光明拆穿咗佢西洋镜嘅恐惧心态，所以天魔无所不用其极，软硬兼施，以各种顺境、逆境，去诱惑或者贿赂、恐吓或者破坏你嘅道行，使到你丧失道心或者冇办法修行成就，以便佢能够将你缚喺三界之内继续控制你，去摆布你。
除咗呢啲因素之外，另外仲有一个更重要，亦都较鲜为人知，而且令天魔恐惧以至于百般要嚟破坏佛陀成道嘅原因，呢个就系悉达多太子响菩提树下、吉祥草金刚宝座之上所发下嘅誓愿：“我今日如果唔能够成就无上正等嘅正觉，即使粉身碎骨，亦都唔会离开呢个座位。”由于呢个愿……（注：接下文）
159.五湖水月印禅心（二）
（注：接上文）
天魔嘅眷属四处逃散，同时响宇宙嘅时空当中，亦都发生咗一件时间差嘅恐怖事件，到底系咩嘢呢？原来佛陀响人间示现成佛，系要花上人间数十年嘅时间，先能够度化无量无边嘅众生，但系所有呢啲变化对于身处欲界第六层天嘅天魔波旬嚟讲呢，就可能系几秒钟嘅事，呢个因为我哋人间每过一千六百年呢，第六天他化自在天嘅魔天先过咗一日啫。
你能够体会一下天魔嘅心情咩？对于一个权力欲、占有欲咁强大嘅天魔嚟讲，眼白白睇住一座又一座嘅魔宫倒塌，转眼间化为乌有，而且大批大批嘅魔众亦都快速响度散失，你话天魔嘅心有咩感想？系咪会想将佛陀一除为快，以免留响人间后患无穷呢？而当日我哋证悟之时呢，自性所放射出嚟嘅光明比起几千亿兆瓦嘅光吖，仲要强，而且会刺，刺到天魔张不开眼，所以如果你明白呢个道理之后，原来魔扰系天魔恐惧心理响度作祟，咁当你下一次又被天魔逼害嘅时候，只要你提起正念，咬紧牙关，更大无畏嘅勇猛精进，到时天魔一定会被你吓退。因为响修行嘅战争之中，我哋唔应该去怕天魔，其实天魔系好怕我哋嘅。
当然，如果你目前心志比较怯懦，而且担心自己会唔会碰上咩嘢魔嘅干扰，其实话俾你听，你应该放心，因为表示你生命只系刚刚觉醒，学佛啱啱起步，呢个时候仲劳驾唔到天魔佢老人家去骚扰你，所以呢段时候你啱啱学佛，其实唔会碰到咩嘢魔难嘅，天魔因为深深会知道，强大嘅俗世洪流好快又会将你卷咗去了。你每日只要去应付呢啲凡人嘅俗业就够啦，点样仲有能力去触犯天魔呢？即使你几年或者几十年之后觉醒更深、功力更强，但好快死魔亦都会嚟去揾你嘅，天魔根本不费吹灰之力，只要响旁边睇清楚你继续堕入生死嘅大海之中受苦就够啦。亦都系话，如果你现在嘅修行，修得好散漫、好懈怠，咁就唔需要害怕咩恶魔去干扰你，因为轮唔到天魔去障碍你，你早已经被自己累世所造嘅业解决咗嘞。
讲番转头，虽然佛陀降魔成功而成就咗佛道，但系为众生带嚟佛教正法嘅光明，而且使到魔众大量损减，但系天魔并未因此而罢手，反而响佛陀住世嘅时候，天魔仲假装臣服响佛陀嘅座下，因为佛陀实在系太厉害了。但系天魔有机会呢，佢仲系会四处去捣乱，破坏佛陀清净嘅僧团，甚至响佛陀晚年入灭之前，天魔更系当住佛陀嘅面立下毒誓：将响未来末法嘅恶世穿住佛嘅袈裟入佛嘅寺庙、破佛嘅戒律，毁破佛法，佛陀因此当场落泪。
佛陀为我哋末法薄福嘅众生讲演预言咗好多天魔败坏佛法嘅恶行恶状，俾我哋警惕同埋防范，我哋一定要知道呢啲事。虽然佛陀对呢啲末法嘅乱象同天魔嘅行径，早响好多经典就讲得好明白，但系对于躲藏响修行人背后嘅魔爪，多数嘅人仲系警觉性唔够，以致于唔系被呢啲魔爪捉到就系造成魔扰痛苦不堪，唔系就冇能力去抵抗，迷迷糊糊走入偏差，而走火入魔不自知。
本师释迦牟尼佛嘅成佛其实系较为特殊嘅例子，因为响释迦佛尚未成佛之前，呢个地球上并冇真正嘅佛法，虽然当时已经有好多外道修行，但系都唔及能够圆满同埋究竟，而释迦佛能够修成正觉嘅果位，系一大殊胜嘅因缘。其实主要原因呢，用咁严格同谨慎嘅修行呢，佛陀系必须倚靠过去无量劫精进嘅用功同内修嘅证量，使到自己响仲未有人间大成就者嘅老师教导之下而能够独自修成正觉嘅，就系因为佛陀系当时人类响地球上数百亿年成佛嘅第一人，就系因为佛陀响遍修一切外道法之后，响内在产生咗自觉嘅动力，亦都系因为呢种自觉嘅内力，而使到佛陀恢复咗成佛之前嘅内证准备，亦都系因为佛陀必须独自内证成佛，所以响大宇宙嘅法身佛就必须加持释迦牟尼佛。
悉达多太子降伏咗诸天嘅魔怨之后，当晨曦由东方出现，佢内在一切善恶业力同功德资粮交错消长终告结束。当破晓嘅天空逐渐晴朗而明亮之前，佛陀已经入咗大光明嘅禅定，而东方嘅星辰激光更使到悉达多太子终于证悟咗无上正等正觉嘅佛果，呢个时候佛陀嘅肉身年龄先系三十五岁啫。
我哋呢个世界，要好似本师释迦牟尼佛有咁样嘅大善因缘，由兜率天下生人间而成佛，咁就要等下一尊弥勒佛了，我哋身为佛弟子或者佛教徒嘅善知识，更应该深感欣慰先系。由于释迦佛嘅慈悲，嚟到呢个五浊恶世成佛，指引咗我哋呢一条光明而正确嘅路，使我哋唔须要响黑暗之中经过漫长嘅摸索，就可以直接吸收佛陀弘法四十九年之中所讲演同埋教导嘅各大法门。
佛法嘅修持系有各种方面因缘同法门嘅，一一都能够随顺众生嘅根器同因缘，你只要能够揾到最适合自己修嘅法同法门，咁无论禅宗、密宗或者系净土宗，都系最殊胜㗎喇。释迦佛嘅成佛系最标准嘅版本，佛陀嘅内证已经同法身佛无二无别了，而释迦佛嘅三十二圆满庄严嘅金身亦都系成就圆满报身佛嘅证明。响呢个时候嘅悉达多太子就唔能够再称之为悉达多了，因为佛陀嘅法身同报身都系圆满，所以响住世人间嘅肉身呢，我哋就称之为释迦佛嘅化身，亦都可以话系化身嘅一种。所以释迦佛嘅法、报、化三身佛都系最圆满究竟嘅。
其实讲番，我哋身为佛教徒系唔能够有门户之见，因为只要佛陀所亲自传承下嚟嘅法门或者宗派，都系有佢顺应众生机缘或者法缘嘅存在必要。或者你嘅修佛因缘较偏向显宗，但系你亦都唔可以用自己极为有限嘅智慧同心量去评论其他宗派嘅是非。响我以前弘法嘅过程之中，亦都遇到一啲佛教徒或者佛教里便嘅人讲密宗根本就唔系佛教，而修禅宗打坐系会走火入魔，念佛往生西方极乐世界先系最上乘、最稳当嘅修法。冇错，西方法门系好方便同殊胜，但系佛教徒亦都唔需要有咁深嘅门户之见，而去毁谤如来所讲嘅正法，咁样讲系会落无间地狱嘅。而修持密宗唔系佛教嘅正法嘅人，所讲呢道理，佢唯一嘅理由，系佛陀住世嘅时候并冇公开嘅场合去讲演密宗嘅法门，而呢类嘅佛教徒虽然承认禅宗嘅存在，但系将修禅打坐嘅方式同走火入魔划咗一个等号，所以呢种极心研究，而亦都系咁狭隘嘅门户之见同邪知邪见，系值得我哋佛教徒反省同深思。其实释迦佛所讲嘅各种佛法只系适应唔同嘅根基、唔同嘅缘份嘅人去修习啫，何必互相诽谤，去互分门派呢？
密宗系最古老嘅佛教，响密宗嘅教义之中，远喺释迦佛仲未成佛之前，他方佛国世界其实已经有佛法存在㗎喇。而密宗将佛法嘅宇宙观由我哋呢个世界——娑婆世界向外扩展。响密宗嘅佛教观里便，时时都可以见到好多其他世界净土嘅佛或者菩萨，所以密宗最初嘅觉悟者称为原始佛，亦都依照密宗嘅说法嚟讲，原始佛就系阿达尔玛佛，就响太古时期，无量大劫之前嘅第一尊佛嘞！而所谓阿达尔玛佛正系佛教密宗里便嘅弟子口中时常所讲嘅普贤王如来。
响前面讲过，响三国鼎立嘅时代结束之后，中国呢块群雄争霸嘅大地之上就进入咗魏晋南北朝嘅时代。呢个时候正系五胡（匈奴、鲜卑、羯、羌、氐）乱华嘅战祸动荡嘅混乱时代，而创立天台宗嘅智者大师响十七岁嘅时候，正值南北朝之中嘅南朝，宋、齐、梁、陈等等四国之中嘅梁末兵乱时代。响智者大师青年嘅时候因为战乱之故，家庭分散、颠沛流离，亦都因为种种嘅夙愿同佛法因缘嘅成熟呢，所以智者大师就响荆州嘅长沙寺佛像之前发大愿要出家为僧。后来响十八岁之中出家，二十岁受具足戒，响二十三岁就去参礼当时嘅禅修大成就者慧思禅师，因此结下咗极深嘅师徒之缘。
当时响中国嘅佛教，虽然禅宗仲未开花结果同埋发扬光大，但系已经有咗好多极原版嘅禅修同静坐嘅方法，都系直接来自于印度嘅原始根本佛教嘅，而流传响中国本土嘅密宗俗称“唐密”，亦都系咁样直接或者间接去传入我哋中原。所以响隋唐时代嘅出家僧众，无论系经师、律师或者论师并唔系只会响度空讲白话亦都沉醉响花拳绣腿嘅知识障里便，或者响自由心证形态嘅六贼妄念妄语之中嘅相似佛法里便打滚。所以当时嘅好多修行人学问吖、人品、德性、精进、证量同实修实证嘅功夫都好扎实嘅。
当智者大师去拜见慧思禅师嘅时候，慧思禅师语出惊人话：“我哋以前曾经一齐唔系响灵山会上听过佛陀世尊讲《法华经》咩？因为夙缘嘅关系，我哋今日又见面了。”由于智者大师亲证法华三昧，证量纯熟嘅缘故，所以大师同埋慧思禅师都能以自己禅定中阴身去进入法华三昧嘅禅定，而将时空回转到过去佛陀世尊住世嘅时候讲演《妙法莲花经》嘅时空里便，亦都正系我哋人类如来藏深入五识嘅奥妙之处。
又响近代嘅禅宗大德虚云老和尚，响佢甚深禅定之中亦都亲临佛陀世尊响法华会场嘅景象嘅存在嘅地方去听经，所以法华会嘅灵鹫山嘅盛况，至少有数以百万同千万嘅天人、罗汉、菩萨同人间弟子去听释迦佛讲演《法华经》嘅。位于古代中印度摩羯陀国王舍城东北嘅灵鹫山呢，其实就系因为佛陀响当地说法而得名㗎嘞，亦都系现今佛教徒心目中嘅圣地。而灵鹫呢类鸟呢，羽翼稍黑，头部呈灰白色，毛亦都好少，时常响印度各处嘅林野都可以见到。当佛陀住世嘅时候，响王舍城以内嘅人都见到呢啲鹫鸟，所以呢个山亦叫“灵鹫山”嘞。
佛陀曾经喺灵鹫山讲演好多佛经，响现在亦都好多大阿罗汉常住呢个山去讲演佛法。譬如佛陀讲过《大般若波罗蜜多经》啦、《妙法莲华经》《无量义经》《佛说法华会经》啦、《佛为阿支罗迦叶自化作苦经》啦，等等呢啲经典。佛陀每次响法会之上要讲演佛法之时，都会以佛力加持在法会嘅大众同佛弟子，使到整个法会嘅信众，因为受到佛陀嘅放光加庇，亦能够同样进入微妙嘅三昧禅定之中。佛教徒都知道佛弟子阿难系佛入灭之后先开悟证到阿罗汉果，而响佛陀住世之时，阿难尊者仲系一介凡夫血肉之躯，所以佛陀每次要前往天界、龙宫或者其他嘅精神世界说法嘅时候呢，亦都系以佛力加持带住阿难前往，唔系阿难一介凡夫之身又点能够飞去天界嘅圣景呢？所以佛陀住世嘅时候，有啲比较殊胜嘅法会，因为佛陀住世之故，再加上当时好多修佛嘅人嘅根基、智慧都比较好，所以一场大法会里便就有好多人，百人甚至好几千人证到果位了，亦都有啲信徒当下证得法眼净或者无生法忍嘅。
响古代，人性同埋民风都较为淳朴，人亦都比较善良，身口意三业亦都比较清净，所以响佛陀讲演嘅大法会之上，有好多嘅天人、龙天护法吖、大阿罗汉吖，都系好热心公益，去为佛陀布置道场嘅。就有一次，梵天天王响灵鹫山嘅法会之中供养咗佛陀金色嘅婆罗花，而佛陀以欢喜嘅心拈花微笑，而将呢个心印传俾大迦叶尊者，视为禅宗嘅第一代祖师。而佛陀嘅十大弟子以头陀行第一嘅迦叶尊者，响佛陀涅槃之后继承佛陀响人间嘅衣钵，领导佛陀创立嘅僧团，而且主持咗七婆罗叶石窟嘅第一次法藏结集。后来迦叶尊者亦都度化咗佛弟子中多闻第一嘅阿难尊者，而再将付以禅宗嘅正法眼藏。而后来迦叶尊者就响鸡足山入定，要等到将来五十六亿七千万年之后，弥勒佛出世嘅时候，迦叶尊者再出禅定而授以释迦佛法物同埋衣钵，所以阿难尊者就成为禅宗嘅第二代祖师。
佛陀响经典之中时常提到“菩提正觉”“涅槃寂静”“真如”吔、“佛性”“如来藏”“大圆镜智”“正法眼藏”等等嘅名称，虽然佢嘅作用同名词唔同，但系都系响称颂众生内在嘅自性本体同埋清净圆满光明佛性去形容嘅。而人内在嘅佛性禅宗称为“自性佛”，佢嘅体性系坚凝，犹如金刚宝石一样系历劫不衰、长住不坏嘅。
禅宗响中国初祖达摩祖师，啫印度嘅第二十八代祖师，亦都提到佛系自心所作，点解离呢个心先能够去向外去觅一个佛呢？根本就系了不可得嘅。
如果冇受到佛陀亲自印证为明心见性开悟嘅人，或者冇响禅宗各祖师已经开悟嘅大成就之下印证明心见性嘅人，而狂妄自称为开悟成佛或者明心见性嘅人，呢种狂人其实就已经走火入魔㗎喇。其实，“成佛”亦都系佛陀为咗度化众生，响我哋三界火宅之中芸芸众生嘅方便说法啫。当你明心见性成佛之后，就冇咩成唔成佛呢啲种种名相嘅差别。所以真正慧命较深而且有大智慧嘅人绝对唔会响文字名相、喺外表去产生分别心，好似俗人嘅六贼妄念之中去做文章嘅。
所以禅宗点解不立文字，直指人心呢？以明心见性、即心成佛为宗旨呢？禅宗向来以无念为宗嘅无上法门为主，但系亦都唔系空无一物嘅幻空，所以世人先会觉得禅宗系高深莫测，而且摸不住边际嘅感觉。事实上菩提正觉、般若佛智，世人本自有之，只缘心迷不能自悟啫，所以需大善知识去开导。当知愚人、智人其实佛性本无差别，只系迷悟之间唔同啫，所以先分开有智、愚嘅分别了。
一讲到禅宗，相信好多人马上就会联想到达摩祖师㗎喇。其实禅宗嘅源流呢，由达摩祖师开始，就系我哋禅宗嘅初祖，以至于六祖惠能大师，就系六祖嘞。禅宗初祖迦叶尊者响灵山会上亲自从释迦佛处去领受正法眼藏，视为禅宗嘅初祖。二祖就阿难尊者，系佛陀嘅堂弟子，以多闻第一。三祖系商那和修尊者，系佛灭后一百年中印度摩突罗国人。四祖优婆毱多尊者，系吒利国首陀罗种人，系奴隶族证果典型嘅代表。五祖系提多迦尊者，摩伽陀国人，亦都响中印度度化咗八千个人出家。六祖系弥遮迦尊者，中印度人，证果之后，弘游诸方度人无数。七祖婆须蜜多尊者，系佛灭后七百年生于须赖国，佢有著作《中律论》。八祖佛陀难提尊者，迦摩罗国人，辩才无碍，证悟之后度化众生无数。九祖伏驮蜜多尊者，提迦国人，曾经为《百智论》去做过注疏嘅。十祖胁尊者，中印度人，八十岁出家，胁不至席，精进证果。十一祖富那夜奢尊者，华氏国人，得法之后，去度众不下千万人。十二祖马鸣大士，波罗奈国人，西元一一五年生。十三祖迦毘摩罗尊者，系摩竭陀国人，初初系外道，后来被马鸣尊者所折服。十四祖龙树大士，南印度人，系显宗、法宗所共认嘅祖师。十五祖迦那提婆尊者，南印度人。十六祖罗睺罗多尊者，迦毘罗国人。十七祖僧伽难提尊者，室罗筏城嘅太子。十八祖伽耶舍多尊者，系摩提国人。十九祖鸠摩罗多尊者，系大玉支国人。二十祖阇夜多尊者，北印度人，证悟之后游化诸国，显扬正教。二十一祖婆修盘头尊者，专修苦行，一食不卧，人称为“遍行头陀”。二十二祖摩拏罗尊者，那提国人。二十三祖鹤勒那尊者，玉支国人，响民间教导一啲学众，人称“群鹤勒”。二十四祖师子尊者，中印度人。二十五祖婆舍斯多尊者，罽宾国人。二十六祖不如蜜多尊者，南印度人。二十七祖波罗般若多罗尊者，东印度人，系以乞丐之身出家而受戒而得法嘅。第二十八祖就系菩提达摩尊者，南印度香至国嘅第三太子，啫中国我哋嘅禅宗初祖。二十九祖慧可大师，禅宗二祖，河南武牢人，系中国禅宗第二祖。第三十祖僧璨大师，江苏徐州人，系中国禅宗嘅三祖。三十一祖道信大师，湖北人，系中国禅宗四祖。三十二祖弘忍大师，湖北人，系中国禅宗嘅五祖。三十三祖惠能大师，广东人，就系禅宗嘅第六代祖师了。
禅宗自六祖以后响中国大放异彩，传承子孙嘅众多同影响中国文化嘅深远，都唔系其他宗派所可以比拟嘅，所以证悟禅法而了生脱死不计其数，呢啲都系自佛陀以嚟禅宗诸位祖师大德嘅伟大贡献。
头先讲到密宗，讲完密宗之后又讲禅宗。其实禅宗同密宗边一个比较殊胜呢？其实都系一样嘅。一个修行人只要揾到适合自己夙世因缘嘅佛法同埋相应嘅法门，透过老实嘅修持，唔好只谂住一步登天，或者好高骛远或者贪功贪德，或者急于想速成吖，等等嘅畸形修行病态，咁佛教其他好多法门都系好殊胜嘅。
但系现代好多禅修或者研究禅学嘅人，就系仅仅抱住西洋人一啲思想方式同工具，再加上自己六贼妄念同五毒贪瞋痴慢疑，添油加醋混合起嚟，每日终日响唔知道响呢度搞一啲假禅宗嘅嘢，最后将禅宗同埋好多殊胜嘅佛法混合咗，落入咗名相之中。有啲人因为六贼实在太过嚣张，再加上内心嘅五毒又重，亦都会沦入狂禅或者妖魔邪道之中。
禅宗嘅修持同证量教义之中，系将四大“地水火风”假合嘅臭皮囊肉身当作系暂时假合虚幻。所以禅宗以破相直指人心、明心见性、即心成佛为主。而心嘅成佛并非好似释迦佛呢一种正统成佛法，因为本师释迦牟尼佛系最究竟完整嘅法、报、化三身成佛，而禅宗系破相，抛开呢个臭皮囊，即心是佛，亦都可以话系无上意密嘅成就。而禅宗嘅心成佛呢，亦都系相同于佛教唯识宗里便所讲嘅“转识成智”，而成就圆满嘅佛果。禅宗圆满究竟嘅即心成佛，亦都可以相当于密宗红教嘅“大圆满成就”，亦都相同密宗白教嘅“大手印光明成就”，所以佛法成就嘅发源系相同。
响禅宗嘅修行概念之中，系将自体睇成如幻如化嘅无明，妄有假相，而且以自心修心为主。而佛教密宗正好相反，密宗将人嘅身体睇成系宇宙之中佛菩萨嘅秘密坛城一样，所以密宗就发展出人体内在嘅气、脉、明点同拙火嘅修法。禅宗同密宗两个宗派，虽然修行嘅立足点唔同，但系呢啲系佛菩萨为咗众生修行之上所方便教度而传下嚟嘅法门。
其实无论系禅宗、密宗或者佛教任何嘅其他宗派，只要响本师释迦牟尼佛所亲传而契合你嘅根性夙缘，咁你亦都会实修实证而得到成就嘅。对你嚟讲，样样宗派都系最好嘅宗派，亦都唔系天下嘅唯一宗派，所以学佛嘅人实在系冇必要去分宗派嘅好坏。宗派嘅意思依度系讲佛教里便嘅宗派，但系由于目前普遍大家对佛教嘅知解唔系太通，所以容易会执著某个宗派嘅殊胜。
例如佛陀曾经上升忉利天为母说法，而宣讲咗大家熟悉而时常所讲嘅《地藏菩萨本愿经》啦。其实唔好话系佛陀或者菩萨，古今极多嘅禅、密宗嘅成就嘅人呢，亦都会穿梭响二次元时空嘅能力，所以我哋人类实在唔应该以井蛙之见去否认一啲大乘经典或者禅宗、密宗嘅经典，去毁谤禅宗同密宗嘅，毕竟呢个世界唔系只有人类先拥有灵性、具有生命。依据佛陀同埋成就者嘅眼光嚟睇呢，我哋，咳，身处嘅宇宙系由无限多重嘅时空所构成，其中各有唔同嘅形态生命存在。而佛陀同埋菩萨亦都时常为呢啲众生宣说佛法，使到证悟佛法、解脱生死。
所以，应该大家好好研究一下佛陀教化人间弟子嘅整个流程，你就会发觉佛陀响成道之后三周内所讲嘅《华严经》，因为内容距离人类嘅层次太远，所以就由《阿含经》开始，循序渐进引渡人间嘅弟子，使到生命慢慢成熟之后，再教以《方等经》同《般若经》，令到大家顿破无明，揾番真正嘅自我。最后更加慈悲，将弟子以带入《法华经》《涅槃经》嘅大乘一实佛法教嘅境界，去完成佛陀呢个大事嘅因缘说法。
所以当你真正想深入禅修之前，首先必须将心量打开，接受呢个浩瀚佛法嘅宇宙观同所有佛陀所宣讲嘅一切大乘、小乘同显教、密教嘅经典，咁样喺禅宗修法先能够有成就，而且唔会因为自己一时嘅无知而随住人云亦云跟住大家去毁谤大乘或者禅、密两个宗派，自己断咗大乘嘅菩提种子，同时亦都唔会犯下毁谤嘅业障，自招无量劫嘅盲聋喑哑同埋辗转恶道嘅苦报，所以我哋佛教徒唔应该有门户之见，但系对于好多附佛嘅外道同埋邪师邪教，浑水摸鱼同埋鱼目混珠、偷龙转凤嘅行为，佛陀遗教弟子就要注意。而对于依度里便所讲，更加唔能够容易分辨嘅相似佛法嘅论调呢，系我哋学佛嘅人要好好深思明辨，亦都系而家呢个末法时期呢个时代我哋学佛要小心，我哋一定要张大眼睛去睇清楚。
160.火宅安禅（一）
生活，其实系自我实现嘅过程，生活系直接、单纯，而无须间杂一啲生活以外嘅嘢，因为咁样生活至会落实。亦都系话，当我哋如果唔理会名利吔，唔理会地位、权势，唔渗杂其他文饰性嘅“防卫机制”嘅时候呢，我哋能够感受到自在嘅喜悦。譬如，当你闲坐休息，对住“秋山入帘翠滴滴”嘅景致嘅时候，你喺度休息，其实就系投入完美嘅人同自然结合嘅喜悦，嗰个时候呢，你系真喺度生活，而且呢，生活到好踏实。但系相反，如果你泛起咗睹物思情、嘅牵肠挂肚嘅思想，咁你唔系投入生活嘅清妙同实在里便，而系活喺一个妄念之中而无法真正得到生活所引发嘅喜悦同埋生活里便清新嘅感受。
精神生活同物质生活系唔同嘅，因为喺精神生活里便呢，只要你加深一点点，就会失去另外一点点，如果你执著更多，反而会全盘落空，正好似老子所讲话“为道日损”呢，呢句说话啦，就系最贴切嘅启示。由于现代人追求系物质吖、系名利，操纵权利嘅心机，随之而嚟嘅呢，就系自大同埋自傲，于是单纯嘅生活就会被无尽嘅竞争啦，同埋追求所取代。而占有同埋防卫性不安就盘踞咗响我哋心里便，而衍生出紧张同埋贪婪，佢表现出穷困嘅精神现象。但系穷困呢，更加促使我哋自己呢，再度投入无休止嘅竞争同埋追求。
现代人根深蒂固行为嘅特质就系对外追求，你话系咪？认为价值在外唔在于内，所以就养成豪夺嘅习性，终日为咗取得同埋占有，但系呢，就遗忘咗生活本身先系目的。六祖惠能嘅偈语都讲过：“离道别觅道，终身不见道；波波度一生，到头还自懊。”由于我哋唔系为生活而生活，系为咗自己嘅妄念而奔波，所以我哋得唔到真正生活嘅情趣，将工作当做系一种负担，而唔系将工作视为一种实现，将人际关系当做操纵嘅把戏，而唔觉得人际关系系友爱亲切嘅情怀，咁生活就变咗勉强嘅活动，于是就形成咗苦不堪言嘅负担啦，自然。现代人为咗物欲同埋财富呢，已经将生活当做系过程而唔系目的，将本末倒置咗了，所以导致咗好多精神嘅症状啦，呢啲症状就包括失眠啦、紧张、焦虑吔、神经衰弱吖、空虚啦，同埋怠倦。我哋可以话现代人已经失去咗生活嘅意义，成为咗物欲嘅奴隶。
记得唐朝赵州禅师教人“以平常心是道”，现代人呢，但系相反就头上安头，喺平常生活之中加咗好多妄想，以致寝食难安，得唔到自在。喺无尽尼嘅《咏梅诗》之中呢，几好嘅，呢首诗，好能够启发我哋生活嘅态度吖。佢话：“终日寻春不见春，芒鞋踏破岭头云。归来偶过梅花下，春在枝头已十分。”我哋脱离咗生活嘅本身，到处去寻找好嘅生活，就好似你自己喺春光明媚嘅景物之中，但系好愚昧咁向外去找寻春嘅妙悦，结果就搞到自己精疲力竭嘞，丧失咗生活嘅情趣。嗰个时候，但系如果你能够驻足停留去睇一睇呢，欣赏你自己周围吖，四周嘅一下嘅风物，你就会领悟到，亦都犹如寒山子所谓嘅“蜂蝶自云乐，禽鱼更可怜”嘅自在喜悦。嗰个时候呢，就真正体会到人生嘅快乐早已经十分绽放响生活嘅枝头上便。
咁现代人嘅心病系惊其他人唔知道自己，咁样谂正好，好似孔子所讲嘅“不患人之不己知”，恰恰就背道而驰，结果呢，就总系喺度虚张声势、文饰伪装，原本追求喜悦嘅生活意志，就被一波波嘅作为，令到佢抑制喺潜意识里便，成为紧张同埋焦虑嘅情结。所以我话，唔系为生活而生活系现代人嘅，嘅一种通病嚟。
喺工业社会里便呢，每个人都系组织嘅人，佢必须系组织嘅一部分，无论佢系属于一个公司呢、一个机关，或者一个大工厂嘅成员，无论你系劳心或者劳力，系蓝领或者白领，你必须都要接受一份工作嘅责任。好似前便所讲，嗰份工作系隶属于整个制度，系喺你接受呢份工作之前呢，已经系被安排好，要你执行或者承担，咁你有责任同埋义务将佢做好，但系，似乎呢，好少可能系有机会享有主动嘅决定权，除非你系老板啦，或者高级嘅主管。有时甚至系高级主管或者老板亦都无能为力去做一个自主性嘅决定，毕竟喺一个制度化社会里便，你必须要考虑到人与人之间彼此嘅关系，呢点系必然嘅，但系当然你亦都必须要遵从系统化工，工作嘅分派啦，先能够使到生产效率吖，去得以提高。
工商社会系一种新嘅生活制度，系中国几千年以嚟所面临嘅新经济嘅生活方式，其实系事实嚟嘅，已经摆喺我哋面前，我哋无从选择同埋逃避。无疑，呢个制度带俾我哋好多新嘅建设同福祉，但呢种生活方式就有个强烈嘅副作用，咩副作用吖？就系失去追求独立自主嘅希望。佢对个人长久以嚟嘅抑压，就形成咗精神生活嘅不安同埋焦虑，引发咗倦怠感同埋空虚感，呢个就好多人要寻找刺激、要寻找麻醉同寻找逃避嘅原因，吖，呢一点好重要。失去主动性嘅精神生活，会使到一个人呢，变得冷漠，将工作就当做一种负担，结果嗰份勉强同埋倦怠使到人失去生活嘅乐趣同埋愉快。我哋必须要注意呢，当社会嘅成员普遍失去生活嘅主动性嘅时候，佢所反映嘅倦怠同空虚、焦虑同紧张，必然逼使到呢，个人要寻求发泄嘅，呢种发泄或者出路，系具有共同性同普遍性，就形成咗一个社会风气嘞。奢靡，系为咗补偿心中嘅寂寞；色情，系为咗寻找刺激同狂欢；大食大饮，系为咗忘记一，一时间嘅困顿。日子耐咗，自然就会形成一种特有嘅病态社会性格呢，就好难扭转改正嘞，除非能够响我哋心理生活之中有咗新嘅转机。
我哋必须要特别留意呢，喺现有嘅社会制度之下，精神生活发生困扰嘅人呢，已有增加嘅趋势，呢个呢，系一个好普遍嘅现象嚟嘅。好多人悲观，失去活力同朝气，明显嘅特征就系话：虽然我有工作，但系我唔中意。不过呢啲困境，其实系自己执著先会产生，好似黄檗禅师讲过：“凡夫取境，道人取心。”精神生活失去自主性嘅人就容易被四周环境引诱，就系凡夫啦。现代人由于极力吖，想要逃避忙碌同埋唔能够自主嘅生活方式呢，就会转移去寻求物质嘅享受同麻醉，咁从而就会引发好多精神嘅症状。但系相反呢，如果我哋能够任运响优悠之道，主动去发现一啲生活嘅情趣同埋意义，我哋就能够将消极转为积极，化烦恼作为喜悦。一个人如果失去自主性，就好似枯木一样嘞，喺消极同万念俱灰嘅心情之下，就会变成佛教里便所讲嘅“无记空”，变成行尸走肉，呢种消极嘅心态使到一个人振作唔到，物欲同埋麻醉就喺呢种情况之下会乘虚而入。好多青年人吸毒、出入不良嘅色情场所，正系而家青年人嘅心理嘅苦难。
喺精神生活上呢，现代人普遍以“自由”作为价值判断嘅标准，好似前便讲吖，“自由”已经被现代人曲解成为“为所欲为”，但系日子耐咗，我哋呢，就失去咗自制嘅能力，我哋不但成为物欲嘅奴隶，而且变得唔能够自制。喺物质化嘅生活之中，“我”同“境”，主客已经易咗位啦。本嚟应该系境随人转㗎嘛，现在系人随境转了，于系就失去咗自制同埋作主嘅能力啦自然。好多人嘅精神生活似乎喺度退化，佢哋失去毅力，失去“任重道远”嘅耐力，失去“人能弘道”嘅本性，于是响心理之上就变得脆弱，唔能够作持平嘅判断。只要四周嘅人呢点样讲呢，就跟住点样讲，情不自禁，一窝蜂就跟住去做。人哋买股票，自己对股票一啲都唔认识，又跟住人去买股票；人哋个仔送去音乐特别班，无论自己个仔系咪有音乐嘅才能，又盲目将个仔送咗去啦。咁喺社会上呢，而家存在住一种风气，只要“我能够”三个字，就一定要去做，只要其他人话好呢，自己就想拥有，于是对于庸俗社会价值有咗无可抗力嘅接纳性嘞，有呢种接纳性。好多商品嘅广告啦，其实就系抓住呢个弱点而达到推销嘅目的，嗱，譬如化妆品啦、流行嘅装饰品啦、进补嘅药物，都系喺无可抗力之下推销俾消费者。而消费者经常喺不惜高价之下而将啲产品买入，但系到头来呢，有时就为咗唔够金钱，喺经济上呢，而苦恼万分。
自制，其实表示自己能够有效去节制欲望同埋享乐。一个纵欲嘅人无疑系贪婪，系永远唔能够知足，所以长期就会处于穷困，佢注定要被饥饿折磨。现代人嘅心态，时时都显露住呢啲贪婪同埋穷困，因为人响满足欲望嘅过程之中，其实一直都处于“嗷嗷待哺”嘅情绪反应，唔能够自制，亦都表现喺力不从心嘅挣扎同埋矛盾之上。时下好多青少年啦，喺知性嘅教诲之下，何尝唔曾经兴起勤劳同努力嘅念头吖？但系喺下定决心之后，只系用功咗一两日就开始怠倦，三分钟嘅热度，时下嘅青年人呢，学业无成、学艺不精，终至一事无成就流落街头，呢个都系一个原因。咁心理学家时常话呢啲人呢，叫做“阶段性心理发展嘅暂时现象”，但系呢，其实如果喺呢个发展过程之中，唔能够振奋起嚟，唔能够学习自我约束，冇格律去维持向上成长呢，好容易好快就会走入消极心态，步入心智发展过程之中嘅陷阱，就好难翻身㗎喇。我谂冇一个人一开始就自愿养成吸毒嘅恶习，其实只系好奇啫，尝试同埋朋友嘅怂恿之下去种下无力自拔嘅惨剧啦。当然亦都冇人一厢情愿要好勇斗狠，其实喺失去自制能力之后先会放纵暴力嘅本能，反叛一切。再讲吖，有好多犯错或者吸毒嘅人未尝系冇回头是岸嘅意念，只系一旦失去咗自制能力，嗰啲意念都系一场美丽嘅妄想。好多心理学家认为，因为细蚊仔呢，失去爱吖，先开始误入歧途，走入魔窟无以自拔，但系，如果一个人长大到咗成青年甚至成年，佢自己系应该负担起责任，必须自己努力向上，而唔能够呢，只系将呢个责任去推俾父母或社会，呢个观念系重要嘅，系人生哲学，系精神成长嘅真理，因为当一个人唔能够自制嘅时候，外来嘅境界就会将“自性”紧紧绑住，而我哋就会失去自由，失去正义同埋智慧。而，而由呢个“言论自由”嚟讲呢，现代人由于失去自制，所以呢，就好中意一味批评其他人，但系忽略咗严以律己，将挑剔别人当做一种自由，事实上系一种低级嘅趣味嚟㗎，呢样嘢。
现代社会共同病症，就系在于唔能够自制，唔能够自制系自由民主社会之中好严重嘅败行，系放弃生活戒律嘅结果，所以世尊讲过：“当尊重珍敬波罗提木叉。”“波罗提木叉”就系戒律啦。“如暗遇明，贫人得宝，当知此是尔等大师。”呢啲系世尊所讲嘅说话。戒律，其实就系心理学所谓嘅生活格律，有格律嘅生活使到人振奋自强，好似盲人见到光明、穷困享受至宝，因为格律就系生活嘅导师啦，所以好重要。相反如果你生活放纵无度就毒害无穷嘞，而现代人呢，其实正系受住呢种精神上嘅毒害。
就现代嘅经济生活嚟讲吖，我哋应当有自制嘅美德，先能够避免无谓嘅灾难。比如讲，我哋拼命咁发展经济，尽其可能大量生产，或者为咗一时嘅利益，但系，就会影响到环境嘅生态。我哋必须要认清，生活系人同自然嘅结合嚟嘅。事实上，人唔能够创造一啲乜嘢，只不过系投入自然啫，发现自然之中可以运用维生嘅少数材料啫。但系，如果我哋响“人定胜天”嘅自傲之下不断去挥霍无度、浪费资源，制造环境污染，不久嘅将来，我哋就要面临住无以为生嘅难题，呢个就有因有果嘅道理吔。有节制咁使用资源，珍惜大自然所给予我哋嘅一切，避免破坏同埋污染，咁样，我哋而家所居住嘅地方，何尝唔系净土呢？如果我哋能够以慈悲心去看待同我哋一齐生活响呢个大自然里便嘅万事万物，而享受生态平衡所赐予嘅正常生活，咁样咪就系平直心？喺呢一方面，我哋做得实在好少。喺过去日子里便，我哋将生活建立喺自制之上，所以系节俭朴实，但系现在就强调消费刺激生产，强调大量生产去发展经济，将自已喂哺得好好，娱乐如痴如迷，但系事实上，我哋系咪真正快乐吖？答案其实好明显，因为如果我哋已经快乐，就唔须要再去寻求娱乐啦。
人类精神生活能够维持健康同埋活泼，唔系由满足物欲同感性嘅享受得嚟，精神生活能够喜悦自在，系因为能够做自己嘅主人，能够自制，能够喺宇宙之间参赞化育，能够发现活下去嘅意义，但系大部分嘅人对呢方面似乎毫无所知㖞。喺无尽嘅竞争同埋价值分歧嘅社会里便，另一种精神生活嘅偏态，就系失去“自我肯定”嘅能力，由于个人太重视自己虚有其表嘅“我”，佛教就系所讲呢个“我执”，太重视其他人对自己嘅睇法，于是“我相”呢，就成为生活之，里便呢，最重要嘅价值，扰乱咗我哋心灵嘅平静。由于我哋太惊自己吔，落唔到台，想维护自己嘅尊严，结果就造成唔能够自我肯定，唔敢诚实讲一句“系”或者“唔系”，否定咗我哋本性之中嘅美德。
唔能够自我肯定呢，有几种特质。首先系唔能够自觉，唔能够醒悟到自己嘅本质，连自己应该做一啲乜嘢，自己嘅兴趣吔、能力同环境因缘系乜嘢都唔清楚，一个对自己无所知识嘅人一定系迷惘㗎喇，系冇方向㗎喇。喺分工精细嘅社会里便，强调嘅系因材适所，发挥自己嘅特长，对自己无所适从嘅人，喺谋生适应里便吖，自然就会发生困难啦，时下嘅青年最大困扰之一，就系对自己毫无所知。其次呢，讲到每个人都有自己嘅缺点，亦都系有自己嘅优点，无论系好系坏，系咪能够改变嘅呢？或者无从补救呢？你一定首先去接受佢，咁样就唔会产生虚幻，先能够落实工作，勇敢生活。佛经上讲过：“大死一番，再活现成。”无非就系叫人首先将虚妄洗去，接受自己，根据你自己嘅本质去生活。人同人之间系唔能比较嘅，比较嘅结果，都会造成迷失，会带嚟一啲否定自己嘅困惑，生活嘅本质就系“你之所以为你，系好嘅；我之所以为我，亦都系好”，咁样嘅观念就系平等性智啦。目前我哋嘅社会秩序好讲究平等吖，但系喺精神嘅生活之上就往往否定自己、羡慕别人，缺乏平等嘅自信。一个自我否定嘅人吖，系好难有健康嘅精神生活嘅。
每一个人都有自己嘅根性因缘，喺迷嘅时候就必须“师度”啦，请老师指导；喺悟嘅时候，因为警觉咗嘞，有所发现嘞，就要“自度”，自己去实现圆满嘅人生。但系，有时呢，有好多青年人正面临住否定自己嘅危机，佢哋否定自己嘅能力同，同所处嘅环境，一味羡慕住别人嘅成功同埋荣华，结果就喺精神生活里便发生咗短路嘅现象，一味要发财，眼高手低，心理生活亦充满住矛盾，咁样好容易导致黐线，导致神经衰弱㗎。
同“自我肯定”关系密切呢，就系价值取舍嘅问题。人嘅精神存在，系价值抉择同价值实现嘅理念世界，所以如果追求某一种信仰、信念或者目标，系好自然，因为佢系生活本质嘅一部分，信仰如果唔系建立喺醒觉之上，就会走向迷信，变成咗精神生活嘅堕落㗎喇。宗教同艺术，同样都系人类超感经验嘅来源，佢同精神生活呢，其实息息相关，但系对于宗教嘅信仰呢，就必须建立喺纯真同埋正信之上。宗教能够俾我哋生命完整嘅轨迹，等我哋喺虔诚之中品触到喜悦嘅信息，由超感嘅经验之中呢，而接触到宇宙万物嘅真意。但系有好多人呢，就喺信仰之上发生咗严重意识性嘅扭曲，演变咗无能嘅祈求同依赖嘞，咁样嘅反应，就会伤害咗个人精神生活嘅自主性，同时喺知性之上亦都会发生严重嘅萎缩。当你睇到好多人呢，聚集喺神庙里便祈求神显灵嘅时候，你都会心中有时会好好笑，但系由心理角度嚟睇，系一种知性嘅退化，有碍心理健康同积极思想嘅发展，当然亦都就丧失咗自我肯定嘅能力啦。
“自我肯定”系追求真理，免于产生妄念嘅唯一之道。人如果能真正肯定内在嘅自己呢，就能够做到神赞禅师所讲过嘅“灵光独耀，迥脱根尘，体露真常，而不拘文字。呢度所讲嘅“文字”呢，并非只系狭义嘅文字语言㖞，而系包括一切文饰、不自在嘅种种行为㖞，亦都就系话，当一个人能够清清楚楚讲自己真心话、做真心事，肯定自己本真嘅时候，喺嗰个时候先能够“体露真常，灵光独耀”，但系现代人似乎系最缺乏对自己真诚，以致连自己亦都想呃。呢个唔系一种精神症状咩？
心理学家发现呢，当人嘅左脑活动特别频繁而右脑渐渐迟滞嘅时候呢，人就会失去统一整合嘅生活，佢属灵嘅生活会慢慢变得苍白啦，引致空虚、纵欲、操纵同占有，而且严重影响到健康。但系相反，如果只系使用自己嘅右脑，一味去追寻生命嘅空间，向往内在嘅属灵生活，就会疏忽科学所赖以存续发展嘅分析啦、逻辑同推理能力，会造成生活上嘅困局嘅。但系现代人由于太重视逻辑思考了，同埋分析嘅训练，缺乏咗非理性直觉同统觉嘅陶冶，我哋几乎唔重视灵性、艺术嘅直觉嘅创造性陶冶，以致生活就变得浮躁同不安。因为左脑如果用得太过，右脑就会变成废墟，于是承载人类灵魂嘅宝塔开始倾斜，精神生活就陷入失衡嘅状态了。人同人之间嗰种唔计利害嘅相容已经好少存在，“无所住而生其心”嘅洒脱更加系远离我哋嘅生活，而使到我哋徒有昌明嘅科技而唔能够真正提升我哋生活嘅品质。
“禅”，系引导我哋走向自由，等我哋本性嘅活力释放出嚟，喺生活里便流露出自然平直嘅纯真而直截了当去生活，而唔被妄念同外来嘅力量，啫境界牵住我哋去走。生活，其实本嚟就系现成㗎喇，只需要当下投入，无须要多余嘅作为。只要我哋平直而心行一致，无需要使用心理嘅防卫机制，喺真我同待人处事之间，如果加咗芥蒂呢，就会造成假相，乱假为真而生活喺虚幻里面。
“禅”，使到一个人唔会堕入心病，因为心病系来源于分辨啦、成见啦、检择啦、操纵等等嘅作为。“作为”呢两个字呢，就好大学问嘞，佢使到一个人嘅心理生活会画地自限嘅，将心中嘅真相会扭曲，令到自己堕入无明而产生偏见。咁所有嘅憎恨吖、怨怼吔、不满吔、疾妒、自傲同埋自负等等嘅妄念，都系唔能够平直行持，障碍咗自性智慧嘅引气。“禅”引导我哋放下种种嘅作为，以清净嘅性体，咁优悠自在响我哋喺生活里便。
冇错，“禅”唔能够使到我哋免于饥饿风寒，唔能够免除我哋疾病同身体嘅衰老，但系有一样特质好重要！“禅”，可以教导我哋点样承担生活、投入生活而充满法喜，“禅”亦都教导我哋免于堕入烦恼海，“禅”对生活所下嘅妙方，就系“平直心”了，“平直心”就系清净嘅法身，系生活智慧或者本性流泻嘅源泉。六祖惠能大师话“心平何劳持戒，行直何用参禅”呢。所有嘅教化工作，乃至“戒定慧”三学，都系总归“心平”同埋“行直”，而后“见性”实现。心行平直就系“见性”嘅方法，而“见性”所发出嚟嘅襟怀就系自由自在了，所以“心平”就系“定”，“行直“就能够产生“慧”，所以《坛经》讲过“定慧等持，意中清净”“用本无生，双修是正”。一切嘅大用都喺无生同埋无为之上，使到我哋嘅自性大放光明，遍照生活嘅点点滴滴，就能够喜悦自在、充满活力，所以话，直心即系净土。
人类嘅所有烦恼都系由于比较、分辨、执著同种种作为所引起嘅。六祖惠能讲过：“菩提本自性，起心即系妄。”“菩提”就系智慧啦，“妄”就系烦恼嘅根本啦。“禅”，为咗使到一个人能够唔起妄，就教人喺“烦恼暗宅中，常须生慧日”，这个“慧日”就系法身，亦都系清净心，有咗佢，就能够转烦恼做智慧，将生活落实，唔受虚妄嘅干扰。
“禅”系要人生活喺“慧日”之下，将自己嘅“作为“扫除，呈现就系“万里长空”啦，自性嘅大日如来就能够“照破山河万朵”，喺呢个时候，我就系我，生活自然就实实在在。“是非”唔系唔知，而系唔执著响分辨啫；“善恶”并非不察，而系唔起憎爱，即契之情，至非不发，而系唔染著啫。“境”与“我”不是疏离，但系唔被境界所蒙蔽，如果有咁样嘅心量，先能够广大，就能活得自自在在。经上便讲明：“心量广大，遍周法界，用即了了分明，应用便知一切。一切即一，一即一切。去来自由，心体无滞。”喺无所执著之中，我哋见性啦，“见性”就系实现珍藏喺自我心中嘅智慧，系了了分明嘅呢个智慧，冇任何嘅扭曲或者压制，嗰个时候所做嘅判断自然就系正确，心情亦都就特别平稳。
自由同实现，系无所谓在家同出家嘅。一个人如果能够放下由熏染而嚟嘅成见同埋习性，真心去生活，将唔属于自己本身嘅一切虚假同外衣都剥落，依照自己嘅根性因缘去生活，就系自由，就系实现啦。每个人嘅根性、因缘都唔同，教师喺教书嘅生活之中自悟自度，实现佢嘅法体，去教导学生；工人喺工人嘅工作之中自悟自度，实现佢嘅法体，将工作做好，服务社会。各行各业，出家在家都系冇唔同，咁样讲法就是圆满的菩提般若，圆满嘅自我实现啦。
中国禅，喺六祖惠能之后就真正发展，中国禅系我哋中国文化精华嘅一部分，唐朝同宋朝以嚟，禅学赖以发展嘅根本经典就系我哋熟知嘅《六祖法宝坛经》。响呢本经里便，对于乜嘢叫做“见性”呢，系冇深入嘅诠释，但系就不厌其烦讲明“见性”嘅方法㖞。其实，见性就系见性啦，就好似生活就系生活一样，唔须要解释，只要有咗方法，有咗蓝图，有蓝图就可以去实践，就好容易揾到宝藏。
六祖指出见性嘅方法就系“摩诃般若波罗蜜多法”，呢句话系梵语，中文就系“大智慧到彼岸嘅方法”。呢个见性嘅方法呢，要去分析，就包括三个要点：第一，要心量广大，一个人嘅胸襟必须系开阔，好似我哋抬头能够见到宇宙嘅空间咁大。由于宇宙有无边无量嘅空间，所以能够包容一切存在，肯定一切嘅价值。一个人如果能够有开阔嘅心理生活空间，而唔被种种成见、憎恨、怨怼、挂碍去闭塞，就可以观照一切，虚心去学习，心智不断咁成长，从而就会发出智慧，智慧就会生起了，呢个就叫做“自性能含万法”，而万法总在我哋自性之中。心量广大基本条件呢，就系对“空”嘅认识同实践。能够“空”，先有大嘅心量，能够放下妄念，放下我哋心理防卫嘅机制、种种嘅文饰、补偿、投射等等，因此呢，“空”亦都可以解释为“清净心”或者“无念”。响《坛经》话：“从上以来，先立无念为宗，无相为体，无住为本。无相者，于相而离相；无念者，于念而无念；无住者，人之本性。”喺清净无执著之下，人类嘅创造力，啫本性，先能够显露出嚟，所以心量广大，所谓嘅“空”，唔系空心静坐、百物不思㖞，而系心不住法，不住相，不住境，不住五蕴尘劳，将我哋自性解脱出嚟，清醒咁去流泻含藏我哋自性嘅菩提。好似布袋和尚讲过：“我有一布袋，虚空无挂碍。展开遍十方，入时观自在。”“空”使到一个人能够真正响生活之中悠然自得，自得就居安啦，咁样就系大自在，能够实现圆满人生而唔会堕入于精神生活嘅困境。
第二点，要知道嘅就系“智慧”，见性嘅第二个要点系光明智慧嘅展现。如果用现代心理学去讲一讲呢，智慧就系一种生活嘅创造性。佢系醒觉嘅，有回应能力嘅，能够发挥而中节嘅一种心智，所以话……（注：接下文）
161.火宅安禅（二）
（注：接上文）……所以话“一切处所，一切时中，念念不愚，常行智慧，即是般若行”，“用自真如性，以智慧观照，于一切不取不舍，即是见性成佛道。”（注：根据CBETA，“于一切不取不舍”疑为“于一切法不取不舍”）智慧不但表示一个人能够由好多偏见、主见、欲望嘅尘劳之中解脱出嚟，同时亦都表示能够由我哋嘅潜意识之中解脱，使到自己走向醒觉，能够独立判断同埋自由思考。自性本身呢，就系生活嘅创造力，但系由于好多成规同埋禁制吔，将自性抑压而成为潜意识嘅一部分，往往喺意识控制唔住嘅时候，以非理性嘅方式去表现出嚟，就成为一种执著或者偏见，甚至可能系一种抗拒或者唔道德嘅反应。智慧系原原本本由我哋自性而发挥出嚟，系未经扭曲变形嘅意识同埋知见，呢种种意识同埋知见系清醒嘅，有创造性，佢系入佛知见嘅根源。抑制同染著有关，染著越深呢，自由嘅心灵呢，就会受到扭曲就会越严重㗎喇。
“禅”嘅旨意呢，唔系要使到一个人成为某种规范嘅奴隶，而系使到自性智慧大放光明，从而就会产生六度万行㗎喇。三世诸佛、十二部经在人性中本自具有，人只要唔被抑制，智慧系本源嘅，醒觉亦都系本源，但系好不幸，现代嘅人太重视感性嘅生活了，欲望因为不断去刺激而增高，满足欲望嘅方法就无所不用其极，呢种心，能够不断被激荡呢，就形成咗心灵世界嘅波浪。《坛经》上话：“人我是须弥，邪心是海水，烦恼是波浪，毒害是恶龙，虚妄是鬼神，尘劳是鱼鳖，贪瞋是地狱，愚痴是众生。”睇一睇现代人生活，对人我嘅对立多攻心机，强烈竞争同埋欲望高涨嘅情形之下呢，就能够解释我哋系咪用与生俱来嘅智慧、与生俱来嘅光明去过我哋嘅生活。
第三样呢，自性嘅要诀就系离生灭了。人总系喺待人处事之中生活，所以随时随地呢，都喺度运用心智，呢个心智嘅主宰，其实系乜嘢吔？系“般若”，佢系明白嘅本体，“般若”嘅本体，系好明白嘅，而唔系呢，要开拓嘅荒地。呢个光明嘅本体因为受到好多干扰，好容易就会失去光明嘅一面，好似一潭溪水一样变得波浪四溅，冇办法澄清照现四周嘅倒影，以致喺待人处事之上呢，而失去醒察嘅。点解喺呢个本性嘅湖，会激起小嘅波浪同埋大浪呢？当然系因为有所求啦，有所攀缘啦，有足以动心嘅欲望同动机啦。生活系“我”呢一个字同环境之间嘅互动作用，如果我哋能够喺平静嘅情况之下去运作，咁冇咩好动容嘅心吖。相反，如果因为著境而有所作为，例如，想要实现一个自己能力达唔到嘅欲望，或者追求别人赞美，勉强去做啲唔应该做嘅事，咁平静嘅心就会被境牵了，本性就会被作为嘅波浪所蒙蔽。我哋起咗作为嘅心先有所生，啫生出我哋操纵嘅心机。有所生，就有所灭；有所灭，就想逃避某啲现实啦。所以话“著境生灭起，如水有波浪，即名为此岸”嘞。相反，如果我哋以清净心去生活，喺外便于欲而行，但系唔受名利所奴役，咁样无论你做咩事，自己都系做主，智慧嘅本体就时常显现。经讲过：“若无尘劳，智慧常现。”人嘅创造性，只有喺放下做作之后先会产生嘅，所以，“离境无生灭，如水常流通，即名为彼岸”嘞（注：根据CBETA，“如水常流通”疑为“如水常通流”）。由以上嘅说明，我哋好容易了解，“禅”嘅旨意就系一个人嘅彻底醒觉，使到一个人嘅内在本身同潜能流露响生活里便，咁样就系见性嘅本义。《坛经》上话：“但于自性常起正见，烦恼尘劳常不能染，即是见性。”（注：根据CBETA，“但于自性常起正见”疑为“但于自心常起正见”）咁样就能够内外不住、去来自由，心灵之上先有“如水常流通”嘅活泼同“通用无滞”嘅活力。
“禅”嘅见性训练，自古以嚟呢，就有南北两大嘅派别，响北禅里便以神秀做代表啦，就偏重三学之中“戒”同“定”嘅训练，南禅就惠能所传㗎喇，偏重“定慧等持”嘅训练，但系“戒”呢，其实都系好重要嘅一环，“定”同“慧”更加系见性功夫嘅著力地方，所以“戒定慧”三学都系好重要，必须要讲嘅。虽然自性嘅般若本自具足，但系本嚟就有嘅自性法身，就会因为被尘劳同烦恼所蒙蔽啦，会被种种嘅外境所牵引而唔能够令到显露佢嘅功能，咁就丧失咗光明嘅一面嘞。尘劳同烦恼，都系我哋追求占有同埋唔合理嘅欲望所引起嘅，因此呢，如果冇生活嘅格律，就好难防止烦恼同尘劳嘅侵袭了。
咁由心理学观点嚟睇，每个人喺生活里便都必须有一个格律，如果冇格律，往往就会失去自制，所以格律系一个人走向成长同实现嘅条件嚟嘅。对于一个学佛嘅人嚟讲，戒律系极为重要，因为冇咗戒律，就冇行持，就冇修行嘞，所有嘅道行就冇根基。佛陀释迦牟尼喺《遗教经》之中特别强调格律嘅重要，因为有咗格律，我哋嘅行为先会有准绳。佛陀话：“戒是正顺解脱之本，故名‘波罗提木叉’。因依此戒，得生诸禅定及灭苦智慧。”（根据CBETA，“因依此戒”疑为“依因此戒”）戒律能够使到自己免于放逸，能够防范种种欲望同虚妄嘅侵袭，所以有助于我哋自性般若嘅彰显。
一个人喺仲未有开始学禅之前，心里便总系会充满住唔合理嘅抱负同埋欲望，所以就会引起心理上嘅烦恼同焦虑。喺思考上呢，往往会受先入为主嘅成见所羁缚而生起种种嘅分辨同执著。咁样呢个时候，不但我哋会丧失生活嘅创造力、生活嘅智慧，同时亦都容易被妄想所欺瞒而会误入歧途嘅。一个唔能够自我控制嘅人，就好似蛮牛一样，可能到处都会闯祸个㖞，自以为是嘅纵情纵欲呢，喺外表睇嚟好似系自由，但系事实上就好严重违咗背生活嘅道理。所以，记得明朝普明禅师所作嘅《牧牛图颂》，喺里便佢讲明修行步骤就系由“戒”开始。佢喺第一张图《未牧》嘅时候，所题嘅诗有讲过：“狰狞头角恣咆哮，牛走溪山路转遥。一片黑云横谷口，谁知步步犯佳苗。”（注：“牛走溪山路转遥”疑为“犇走溪山路转遥”）人嘅野性同智慧系并存嘅，就好似神会和尚话“佛性与烦恼俱”：“譬如金之与矿，俱时而生，得遇金师，炉冶烹炼，金之与矿当自各别。金则百炼百精。矿若再炼，变成灰土。”（注：根据CBETA，“金之与矿当自各别”疑为“金之与矿当各自别”）《涅槃经》亦都话：“金者喻于佛性，矿者喻于烦恼。诸大乘经论具明烦恼为客尘，所以不得称之为本，烦恼暗，如何得明？”（注：根据CBETA，“烦恼暗，如何得明？”疑为“烦恼为是暗，如何得明？”）《涅槃经》话：“只言以明破暗，不言以暗破明。”（注：根据CBETA，“不言以暗破明”疑为“不言以暗得明”）以明破暗嘅方法，就首先以生活格律去调伏同智慧并存嘅烦恼。普明禅师认为第一步呢，就系要用格律去初调，啫初步去调伏，佢嘅题诗亦都讲：“我有芒绳蓦鼻穿，一回奔竞痛加鞭。从来劣性难调制，犹得山童尽力牵。”呢度所谓嘅“芒绳”就系生活嘅格律，如果冇格律，就唔能够制伏内在并存嘅烦恼而显露我哋本性光明嘅智慧。冇生活嘅格律，喺价值分歧嘅社会里便，必然就得一个结果，就系会迷失咗自己。
当我哋嘅心灵唔被境牵住走嘅时候，我哋就系处于“定”嘅状态。喺呢种状态之下，我哋就返番做返我哋自己主人嘅地位嘞。由呢个境界所生嘅呢，所生起嘅心呢，就系“慧”嘞。换言之，《金刚经》所讲嘅“应无所住而生其心”就系“慧”“定”并俱嘅结果。“定”同“慧”系一体两面，离开“定”，就系冇“慧”，离开“慧”，亦都冇“定”，唔系两样嘢嚟嘅。清净法身呢，就系“定”“慧”嘅家，“定”“慧”所流露出嚟嘅呢，就系前便所讲嘅“平直心”，佢嘅作用就系一般所谓嘅“直观”了。“直观”所带俾我哋嘅信息，既唔系分析、系统嘅、逻辑嘅，亦都唔系语言文字或者知性嘅，“直观”俾我哋嘅呢系综合嘅、统觉嘅，系直接体验嘅，所以“直观”将一个人呢，带入意义丰富嘅生活。呢种“定、慧”俱足嘅平直观照呢，就系“平常心”，使到一个人能够喺平常生活之中落实体会出喜悦、恬淡嘅乐趣，即使一件好寻常嘅事呢，对佢嚟讲，亦都变得好动人，所以嗰个时候嘅内在心理生活系意义丰富，亦都因为呢个人系好丰足同埋喜悦，所以冇需要作为嘅。
《六祖坛经》话：“定慧一体不是二，定是慧体，慧是定用。即慧之时定在慧，即定之时慧在定。”现在，如果我哋将“定”“慧”去分别说明，咁样，“定”，就系“禅那”啦，“慧”系咩嘢呢？系“般若”。惠能禅师教训话：“如果禅那同般若系同一样嘢，边一度就有禅那，边一度就有般若呢；边一度有般若，嗰度就有禅那啦。”“般若”同“禅那”系分唔开嘅，喺惠能之前呢，两者系被分开，至少佢哋嘅同一体系冇被清楚肯定，结果呢，会牺牲咗“般若”而强调“禅那”。佛陀最珍贵嘅开悟体验被人当做静态去解释，以致将“空”嘅意义睇成咗一个死嘅东西，一潭死水，惠能呢，就将开悟嘅体验重新受到重视。咁咩叫“禅那”呢？“禅那”，系一种平静嘅训练，目的系使到心理有平静嘅机会，将我哋嘅烦恼去加以调伏，“禅那”将虚幻而卑俗嘅心意导向真挚同埋诚实，佢使到我哋对于超越感官嘅事态感到兴趣，佢喺我哋嘅心里便沉淀一种精神力嘅存在，可以沟通有限同无限嘅鸿沟。最后，“禅那”教我哋脱离无明嘅枷锁同痛苦，安全将我哋度至涅槃嘅彼岸。
根据日本铃木大拙先生嘅睇法呢，“禅那”对人类心灵嘅益处可以归纳下便几点。第一呢，可以使到我哋平静呢，控制情感、节制欲望啦，唔会令到我哋堕入情同欲嘅漩涡或者激流之中。“禅那”第二点呢，有助于知性嘅明彻，将我哋嘅心集中响当前嘅事物之上。第三点呢，有益于储存精神嘅力量吖，免至于虚耗我哋嘅精神。因为一般人都耽于浪费精神力量，遇到强烈嘅冲动或者刺激，稍做挣扎，精神就会瘫痪了。第四点嘅益处呢，禅那可以帮助我哋接触到永恒嘅价值，亦都能够有效去排除我哋生活之中嘅琐碎事物嘅纠缠同干扰。
坐禅，喺《坛经》里便嘅解释就系：“外于一切善恶境界，心念不起，名为坐；内见自性不动，名为禅。”又话：“外离相为禅，内不乱为定。”好明显，当一个人能够唔随境转，唔喺境上便去生心，而由我哋真如自性去起念，就系真正嘅坐禅，亦都就系定慧等持、等一嘅意思。唐朝神会和尚喺回答哲法师嘅时候话：“念不起，空无所有，名正定。能见念不起，空无所有，名为正慧。即定之时是慧体，即慧之时是定用。即定之时不异慧，即慧之时不异定。即定之时即是慧，即慧之时即是定。”所以呢，“定”同“慧”系必须双修，两者都系明心见性嘅体用，系超越咗现代精神生活困境嘅法门。
讲到“悟”呢，就系禅学之上好重要嘅一部分，当一个人如果能够做到“定、慧”等持嘅时候，精神生活就有咗一种直观嘅能力。好似前便所讲吖，直觉并非系思考，而系直接当下嘅把握，佢经常俾我哋一啲灵感同启示，使到我哋当下悟入生活嘅理而即契投合。直观系唔系理性嘅，系非理性，但系直观所提供嘅“灵机”呢，就系理性思惟上创造或者发明嘅基础，好多科学上嘅发明呢，或者数理上嘅发现呢，就系源自于直观嘅，先由直观嘅发现，再透过理则同逻辑嘅证验呢，而证实系真嘅，所以创造力显然系同直观有密切嘅关系。
一个人透过定慧等持嘅工夫，佢内在本性渐渐清醒、活泼起嚟，于是能够破除染著，直接体会到事态嘅如如实相，而且发现其中存在嘅意义，于是喺精神生活里便呢，有咗直渗心头嘅喜悦同新奇，呢个就系发现，就系所谓嘅“悟”。精神生活嘅成败呢，系在于自己能唔能够由生活之中去悟出，从而获得意义嘅，所以“悟”系唔唔能够说破嘅，同样一件事情，你所悟嘅当然同其他人唔同啦，因为你系你，我系我，你讲嘅呢，自然就系你嘅，而唔属于我，即使你将你嘅定义话俾我听，我所听到嘅，亦都只不过系对于你所悟到嘅加以知性化嘅啫，系讲唔上系我嘅“悟”。亦都正因为开悟嘅唔系我，我冇“悟”嘅喜悦，冇“悟”嘅满足，冇“悟”开悟嘅时候解脱，所以就系“如人饮水，冷暖自知”㗎喇。由于“悟”系一种过程同埋实现，佢属于“悟”嘅人，好似食饭一样，饱属于吃嘅人嘅呢，饱咗之后嘅感受亦都只有食嘅人喺度享有，所以叫做“说食不饱”，但系如果自己能够由从中体悟，咁样开悟嘅秘密就喺你自己心里便。“悟”虽然可以启发，但系唔能够言传，呢种必须自己去领悟直观嘅开悟，就好似你学数学一样，如果每日只对住练习去抄答案，咁样抄嚟嘅答案毕竟唔系你谂出嚟嘅，所以无论你学几耐，你仲系唔识。精神生活嘅智慧亦都系一样，亦都唔能够将其他人嘅答案去当做自己嘅答案，咁样做系永远处于唔开悟嘅境况。所以学禅，系讲唔破嘅，即是唔可以说破，就算讲破咗，亦都系冇用，生活就好似一连串精神生活嘅习题，你要每一个都能够开悟作答，而唔能够囫囵吞枣，咁样就系“见性”了。“见性”就系一切是一，一是一切，系一种心灵同人格嘅统整同合一，佢使到我哋喺被抑压同无量劫嘅情结之中解脱出嚟，系清醒嘅，系觉悟嘅，系真知灼见嘅。
中国文化有两个主要嘅脉络，一个系儒家，佢系主流；一个系道家，就居于其次。中国禅系结合咗印度禅同中国文化之后先诞生嘅，所以“禅”系中国文化嘅一部分。如果我哋由中国文化角度去睇呢，对“禅”嘅本质就更加容易了解了。由于儒家强调伦理，道家重视自然，两样嘢都有佢嘅宇宙观，但系禅宗就好似透过一种前便所讲嘅开悟同直观，将呢啲因素同时放喺一个生活嘅实践里便，寻求第一义嘅突破，咁样一嚟，禅宗亦都重视伦理，但系唔会为伦理而生活，而系实现伦理，成为伦理嘅主人。“禅”当然本于自然啦，但系“禅”嘅自然，唔只系无为啦，而系喺无为之中醒悟到人唔系被造物，从而还返我哋嘅本嚟面目，发现自己嘅究竟，甚至连自己亦都超越咗嘞。好多人认为，“禅”在于“荡相遣执”，而伦理系一种心灵同行为嘅规范，佢注定同禅宗所讲嘅“无善无恶”同“无是无非”背道而驰，所以“禅”同儒家所谓嘅伦理系大异其趣，其实，咁样讲唔系太啱嘅，禅宗伦理当做系一种见性嘅功夫，系达到明心见性嘅历练过程。冇错，禅唔要求一个人去为实践某一啲道德格律而生活，而系由直观之中去睇人际嘅大伦，去去除种种邪恶同虚妄，使到一个人由好多愚迷之中解脱出嚟，获得心灵嘅自由，还得清净嘅法身。“禅”认为，如果为咗善而去行善，为咗使到行为合乎预定嘅准绳，咁自己就被法绑，而失去本真了，所以《六祖坛经》里便话：“心是地，性是王，王居心地上，性在王在，性去王无。性在身心在，性去身心坏。”当一个人嘅本性显现出嚟嘅时候就无入而不自得，从心所欲而不逾矩，所以禅嘅伦理观系“从性中作”四个字，而唔系“向身外求”。
经中话：“自性迷即是众生，自性觉即是佛。慈悲即是观音，喜舍便名势至，能净即是释迦，平直亦即弥陀。”人喺清净之中显现本性嘅智德，而种种嘅德性系本自清净、本无动摇、本自具足嘅，所以《六祖坛经》又讲：“心平何劳持戒，行直何劳参禅。恩则孝养父母，义则上下相怜，让则尊卑和睦，忍则众恶无喧。若能钻木取火，淤泥定生红莲。”心行平直就系定慧等持啦，定慧等持就可以产生“悟”，于是所有嘅思想同行为唔须要伦理就已经能够符合伦理啦，唔须要任何嘅修持就能够符合纲常啦。禅宗除咗由定、慧等持之中，明白自性嘅智德之外呢，亦都重视“忏悔”嘅。所谓“忏”，系将过去所有嘅过错、愚迷全部忏尽，永不复起；所谓“悔”呢，就系悔自己嘅后过，等自己永断嚣诳嫉妒等等嘅罪过得以觉悟，呢度嘅“忏悔”系好，好似儒家嘅反省功夫嘅。“忏悔”系唔同心理分析所谓嘅“净洗”，“净洗”只系将情绪或者情感加以净化，而忏悔呢，就必须进一步化为行动，由实践之中得到醒觉。当一个人能够由过错或者不良适应之中解脱出嚟，佢已经呢，超越咗原嚟嘅精神生活困境而走向实现嘅里程嘞。伦理固然系源自清净法身啦，但系伦理当然亦都系一个人洗炼佢真性嘅工具，所以禅宗系唔排斥儒家嘅伦理，相反呢，就将佢接纳㖞。所以话，“使君心地但无不善，西方去此不遥。若怀不善之心，念佛往生难到。”呢个系《坛经》所讲嘅。伦理就人文心理学嚟睇呢，系导引一个人吖走向自我实现嘅重要凭借，伦理帮助我哋自我功能嘅提升，佢系唯一能够拯救人类免于疯狂嘅法器。“禅”，就系就呢一点嚟睇，同现代嘅人文心理学呢，又系有好相似嘅睇法嘅。
当一个人悟入佛嘅知见之后，一切都变得自然了，佢由尘劳之中脱颖而出，以清新嘅品质去生活，一切就自然贴切，笃笃当当啦，呢个时候，感情同理智融合咗，内在嘅本性同外在嘅情景亦都相应，从而有咗自在同无量嘅喜悦，嗰一种襟怀系冇办法用言传嘅，或者寒山子嘅诗可以表达到个中嘅一义啦，佢话：“去岁换愁年，春来物色鲜。山花笑绿水，岩岫舞青烟。蜂蝶自云乐，禽鱼更可怜。朋游情未已，彻晓不能眠。”（注：根据CBETA，此句疑为“岁去换愁年，春来物色鲜。山花夹绿水，岩树舞青烟。蜂蝶自云乐，禽鱼更可怜。朋游情未已，彻晓不能眠。”）呢种醒悟后嘅心灵好似由寒冬嘅愁年之中去转入万物峥嵘嘅春天，佢使到人更能够投入自然，更能够任运去逍遥。
其实，生活嘅本质就系实现而唔系占有，佢本身就系一种喜悦啦，而无须向外去追求快乐，当我哋能够珍惜生活嘅点点滴滴，领会独一无二嘅意义，就能够由生活之中享受喜悦。无论你系喺度工作或者休息，系睡眠或者饮食，一切都系完美，都能够带嚟愉悦动人嘅体验，都具有令人欢喜嘅光明一面同价值，所以话，一切都系现成、系可爱，只要你能够当下投入，捉住佢，让自己投入其中，就能够流泻出生活嘅妙悦之词，流露响自己嘅情感同埋行动之上。如果相反，将生活嘅本质忽略，一心一意去追求更多嘅占有同埋名利，就会疏忽平常生活所含藏嘅意义同令人喜悦嘅清新感啦。由于现代人嘅价值观念系“有”而唔系“是”，所以生活嘅本质已经从“是什么”而扭曲到“有什么”，由于不断去渴望同追求，牵肠挂肚，个心放唔低，惶惶不可终日，生活就变得一啲都唔喜悦、唔活泼，亦都冇创造性。
“禅”，并非话俾我哋听唔需要去工作，唔能够拥有生活嘅目标，而系话我哋听以平常心去生活、去工作，去实现生命嘅光明嘅一面，将工作当做生活嘅一部分，将目标去符合自己嘅准则，笃实喺生活中嘅本身。对于现代人嚟讲，禅学嘅关键性嘅启示就系回归生活，放弃对妄念嘅追逐，笃笃当当去生活，同时对于顺同逆、成与败抱住超然嘅态度，从中而获得愉快嘅情怀。无门和尚讲过，大家都成日听过呢首诗嘞：“春有百花秋有月，夏有凉风冬有雪，若无闲事挂心头，便是人间好时节。”呢首诗系话，一个人当然要识得欣赏春花秋月嘅美丽啦，但系亦都唔好忘记喺酷暑之中去品味凉风嘅清新同严冬里便嘅风雪美景，喺日常生活里便，如果对于胜负或者得失睇得过重，生活就会失去乐趣。如果我哋以平常心去看待，成败此时唔能够影响我哋日常生活嘅自在情趣啩。
“禅”，教我哋先肯定生活，只有生活本身被肯定，心智就会冷静，先会保持相当嘅警觉。而肯定生活嘅方法就系平常心啦，亦都即系唔好响生活里便头上安头。喺唐朝嘅景岑禅师答复弟子问：“如何是平常心吖？”禅师就答：“要眠即眠，要坐即坐。”嗰位弟子唔明白老师嘅意思，于是话：“我唔明白吖。”景岑禅师就话俾佢听：“热即取凉，寒即向火。”景岑禅师对“平常心是道”已经讲得好清楚啦。事实上，平常心就系攰咗就休息，饿咗呢，就要食饭，而现代人就往往攰唔知道休息，饿就唔记得咗好好咁去食饭。平常生活所表现嘅食衣住行，本嚟应该系喜悦嘅事，但系往往因为心里便另有所系，以致唔能够享受佢嘅情趣而将一切变得勉强。当然，工作之中亦都同样有好多情趣啦，但系又有几多人能够响工作之中体验到就系生命嘅美呢？
“禅”，唔系教我哋逆来顺受，而系要我哋老老实实、笃笃当当去生活，咁样先能够体验到生嘅美同生嘅喜悦，咁样先能够使到自己唔被名利物欲嘅境界牵住走，咁样先系自由，先具有创造性，系人生、生活嘅实现。《金刚经》上便话：“应无所住而生其心。”无非系教人回归去生活，而唔好响生活之上加上丝毫嘅勉强同造作，喺嗰个时候，嗰个境界所发出嚟嘅心，所发出嚟嘅智，先系真心，喺真心嘅灌注之下，一切都会感到亲切、自在。现代人每日嘅生活，喺繁忙嘅工作社会里便，由早到晚喺度竞争、挑战，扰扰攘攘嘅情绪生活，咁生活就被好多物欲、成见同情绪嘅妄念盘踞，所以心理嘅空间就变得狭隘，使到人有透不过气嘅感觉。喺呢种情况之下，烦闷同暴躁就系通常嘅反应系好自然啦，所以现代人真系好需要开阔嘅心理同埋生活嘅空间。
青原行思嘅禅师对“道”嘅解释就系话：“长空不碍白云飞。”好明显，人只有生活响心量广大嘅自性宇宙里便先会有真正嘅自由嘅。“禅”，俾我哋一个宇宙观，亦都俾我哋精神生活定位，佢话俾我哋听，只有透过醒觉先能够超越一切困境，走向自由永恒嘅精神世界，但系醒觉系喺平常生活之中试炼出嚟，所以精神生活嘅圆满，喺生活之中实现，而唔系离群独居、逃避遁世所能够求得。亦都《六祖坛经》话：“迷人念佛求生于彼，悟人自净其心。所以佛言：‘随其心净即佛土净。’”当一个人能够响生活之中自净其心，由种种境界之中醒觉过嚟，就系生活响永恒嘅佛……（注：此处录音中断）
162.天子魔（一）
天子魔
“天魔”唔系专指一个人或者一个魔，“天魔”系天上、人世、魔界嘅共同魔力同业力所合成，但系魔王所组成嘅基本元素就系贪瞋痴三毒。禅修嘅人，佢嘅自觉有时系好重，亦都系好重要嘅，有啲禅修嘅人，佢哋比较执著贪瞋痴，但系呢个三毒系每个众生多少都具有，只系轻重嘅程度唔同啫。呢三毒亦都响我哋宿世嘅八识田里便阿赖耶识隐藏住、潜伏住，当你引发一分三毒力量嘅时候，你就同天魔嘅心灵拉近一分。天魔嘅形式亦都系人类嘅共业，佛同魔之间只有一线之隔。响天魔嘅体系之下，合成咗各种魔头嘅首领，而呢啲魔头亦都有好多眷属随从左右，魔嘅共业就称为“魔界”。
响佛经里便，每每讲到有魔嘅事，一般嚟讲“魔”可以分为十种。
第一种系“五蕴魔”，或者叫做“五阴魔”，系色、受、想、行、识五种障蔽我哋真如本性嘅魔，因为佢能够障蔽我哋嘅正道，阻碍我哋慧命嘅发展，所以就系“魔”。
第二系“烦恼魔”，我哋内心有种种嘅烦恼，贪、瞋、痴、慢、疑等等迷惑事理、障蔽正道，亦都损害我哋慧命上进，所以称为“烦恼魔”。
第三种系“业魔”，譬如我哋杀生、偷盗、邪淫、妄语、饮酒，造作种种呢啲恶业，亦都能够障蔽我哋正道、损害我哋慧命，就称为“业魔”。
第四种“心魔”，我哋嘅轻慢嘅心，我哋种种邪见嘅心，我哋种种怀疑嘅心，以及其他唔正确嘅心，唔信受佛法嘅心能够障蔽我哋正道，所以呢啲都系“心魔”。
第五种系“死魔”，人嘅寿命系非常之有限，用我哋今生嘅时间能唔能够好准确、好快脆能够完成我哋修道嘅慧命呢？因为人嘅寿命有限，好快就终结，当我哋未修道完成嘅时候，我哋己经不在人世吔，所以“死魔”亦都系障碍我哋修行嘅一种魔。
第六系“天魔”，“天魔”系欲界第六天他化自在天嘅天魔嚟嘅，佢对我哋修行人作出种种障碍，破坏我哋修道，今日所讲呢个题目《天子魔》就系所讲呢个“天魔”。
第七系“善根魔”，譬如我哋执著自己嘅身体所得到嘅善根啦，而退堕唔再百尺竿头更进一步，咁嘅心态都会障碍我哋正道，损害我哋嘅慧命，呢个就系“善根魔”。
第八种系“三昧魔”，“三昧”嘅意思就系禅定，耽著于我哋自身所得禅定嘅快乐、感受，唔利益众生，亦都自己唔求上进，咁样嘅修行方式亦都会障蔽我哋嘅正道，呢个就系“三昧魔”。
第九系“善知识魔”，“善知识魔”系悭吝响佛法，唔肯布施，唔肯开导别人，人哋请教佛法嘅疑难，唔肯帮助众生。咁样做，亦都会障蔽自己、损害他人，呢啲善知识称为“善知识魔”。
第十种系“菩提法智魔”，“菩提法智魔”，“菩提”嘅意思就系上求佛道下化众生，系如来嘅根本正觉嘅法门。响菩提道上，自己执著，障蔽于正道，亦都会损害我哋嘅慧命。我哋唔求上进，如逆水行舟，不进就则退，咁样就称为“菩提法智魔”。
响佛经里便好浓缩咁，亦都有提到以上所讲嘅十种魔，但系其实呢十种魔所变现出嚟嘅种种魔相同魔心系讲亦都讲唔完嘅。其实梵语“魔”嘅意思呢，系解释为能够夺我哋嘅命，障碍我哋嘅修行，扰乱同破坏我哋嘅修行，甚至损害我哋嘅肉身，亦都损害我哋嘅慧命，就称为“魔”。“魔”系译音嚟嘅，喺佛经里便所称为嘅魔王亦都系天子魔，佢系他化自在天，欲界第六天其中有一个空间系魔王同魔众聚居嘅地方，呢啲魔王、魔众专系破坏我哋修行人，亦都响色界嘅上面，有，有摩酰首罗天宫，“摩酰首罗天”就译做我哋中文叫做“大自在天”，呢个“大自在天”呢，亦都系有魔王破坏我哋修道人嘅正法。
世尊释迦牟尼佛响久远劫之前就被燃灯如来所授记，将会响我哋呢个娑婆世界，响适当时机就会降生人间，圆满佢嘅佛果。本师释迦牟尼佛响尚未成就如来正觉之前，佢已经居住响我哋欲界嘅第四层天兜率陀天作为天主。我哋都知道，响三界二十八层天里便，以第四层天兜率天嘅佛法系最兴盛，所以大家如果想往生天界，最好以兜率天为最佳嘅去处。因为兜率天分开内外两个院，内院现在就系弥勒菩萨教化众生嘅净土，而且唔会感受到世界破坏嘅时候，被灾难，水灾、火灾、风灾呢啲灾难所损毁嘅。
本师释迦牟尼佛一向以智慧同勇猛精进为特色，响诸佛菩萨之中，时常被赞叹。莲花中以白色莲花系最最上品，而释迦牟尼佛大雄世尊就好似白色嘅莲花一样，光明、般若、智慧充满，而且方便去度化众生。当初释迦牟尼佛响人间转世嘅机缘成熟，宇宙同埋天界大放光明，当时响中国周朝嘅时候呢，用肉眼我哋就可以见到，响西边嘅方向（中国嘅西边就系天竺，亦即系而家嘅印度嘅上空啦）出现祥光，而且地震数秒钟，天界魔王嘅宫殿亦都大地震。
释迦牟尼佛成长嘅过程喺好多佛传已经有记载，本师释迦牟尼佛其实响尘点劫嘅时候，即是意思话好久远好久远嘅时间以前已经系成咗佛，佢系一尊宇宙之中嘅古佛，而且一切外道嘅法术，人天嘅法门，样样精通。响释迦佛进入甚深禅定嘅当中呢，响菩提树下，佢每一日都印证一种神通，天眼通、天耳通、神足通、宿命通、他心通，分别响五日之中就圆满具足。响呢个时候，教主释迦牟尼佛累生累世累劫嘅内修功力正在凝聚，佢嘅般若智慧光芒嘅闪耀直冲欲界嘅第六层天，呢个天上便所谓嘅魔宫，天魔嘅宫殿城堡为之大地震，魔王嘅城堡嘅围墙嘅梁柱亦都几乎被震裂，因为天魔曾经发誓会同释迦牟尼佛嘅法门般若波罗蜜多作对，而且天魔所发嘅愿，系生生世世要同呢个般若波罗蜜多三藐三菩提嘅法门作对，系有宿世嘅仇冤。呢个时候，释迦牟尼佛就即将响人间成佛，而且响天上人间数以百万以上嘅魔子魔民呢，亦都将受释迦佛嘅正法度化，所以天魔呢，就要损失几百万个眷属，所以佢就好紧张，就亲自率领大军重返人间围攻本教嘅教主释迦牟尼佛。
呢个时候，魔兵就集结千千万万，即将杀到，响菩提树下便去围攻释迦牟尼佛，当时本师释迦牟尼佛被天魔嘅军队重重围住，但系最后佛陀仲系降伏咗呢啲种种魔难。就响佛陀世尊身、口、意三业清净嘅同时，亦都就系无量劫以来成佛因缘即将具足嘅时候，响黎明呢一刹那，五方佛喺第六层天他化自在天亦都为释迦牟尼佛嘅报身，佢嘅光明金身灌顶，刹那之间，佛陀就大彻悟而证得咗天眼明、宿命明、智慧明，同时得证法身如来嘅体性。呢个法身如来嘅光芒围绕当时菩提树下释迦佛嘅化身，即系印度嘅肉身，而呢个时候，他化自在天嘅圆满报身佛，丈六金身、黄金光明无量嘅佛身亦都大放光明，同时，释迦牟尼佛亦都成为密宗红教嘅第四代祖师。
成就佛果系每一位佛教徒嘅目标，但系响迈向正觉嘅路途上呢，可能系有一啲艰辛，犹如释迦牟尼佛成道嘅时候，亦都俾魔军重重围绕。头先所讲嘅魔呢，就系“天魔”，“天子魔”，破坏释迦牟尼佛修行成道嘅魔，呢个魔劫亦都延续到今时今日，呢啲魔亦都要破坏我哋有心修持正道嘅人，唔俾我哋修习正道，毁坏释迦牟尼佛嘅佛法，阻碍释迦牟尼佛嘅弟子去修持、精进。
其实呢啲魔响人间，同我哋亦都息息相关，不过我哋见唔到佢咁解啫。曾经听讲过，澳洲有一群科学家为咗研究地球大气层嘅温室效应，利用数万年嘅原始森林去做研究。例如响一棵树龄长达三万年嘅古树里便钻窿去推算树木嘅年龄，呢啲年龄会随住三万年以嚟地球大气层温度嘅变化而有疏密嘅不同，因为每樖树都有一环一环嘅圈响个树干上便，就凭呢啲树木嘅年轮就可以推断呢棵树嘅寿命。其实呢啲数万年嘅树木亦都有好多已经化成精灵之类嘅生命现象，人类虽然称谓自己系万物之灵，亦都有人认为天地万物都系只系供给人类享用嘅物品或者器具，其实呢个想法系好自私同埋愚蠢嘅。佛陀住世嘅时候，除咗为人天大导师之外，就连花草树木、山精水怪等等都能够同佛陀相应沟通，依佛陀眼中嘅世界嚟睇，山河大地嘅一切事物，花草树木，全部都系响佛性里便。
跟住同大家略为讲一讲，其实同我哋亦都好有关系，有时有一部分修行人都会面对嘅，一啲佛经所讲嘅“魑魅魍魉”，呢啲生命现象嘅问题。“魑魅魍魉”嘅形成呢，其实有一啲系唔同所谓山精水怪呢啲咁嘅生灵嘅，譬如我哋有时会听到有“狐仙”啦，俗称就叫做狐狸精，或者蛇精、虎精、猴精、蝙蝠精等等，呢啲奇奇怪怪嘅动物，自己修炼成精。点解大部分嘅动物都系愚痴，而且但系有啲动物就好精明，仲会修行嘅呢？譬如有啲狐狸每每到咗月圆嘅时候，就会响山里便炼气吐纳，有恒心咁样修持，日子有功之后，除咗长命百岁之外，亦都会修炼成为精灵。又譬如老鼠亦都好精明，屋企里便嘅狗亦都有人性，佢哋只系唔会讲嘢啫。呢啲动物好多都系响人生在世嘅时候做咗好多恶业，死咗之后，因为恶业感召而落入畜生道。有啲动物嘅前世亦都系修行人所投胎，只系呢啲修行人做咗一啲恶因啫，所以呢啲动物呢，经过百年千年，甚至于上万年嘅道行之后，就有咗成精嘅能力，但系功力比较差一啲嘅呢，就系所谓嘅“魑魅魍魉”。人生在世嘅时候修持佛法，有时会佛道不分，乱修一通，但系可能冇咩大恶业，都系有一啲道行。有啲人道行深一啲就会成仙，但系有啲修道呢，修到半桶水，佢嘅功德资粮唔足以上天堂，但系佢嘅罪业同果报又唔足以落地狱，最麻烦嘅就系佢死咗之后就重新投胎做人，佢又唔中意，系好贪执自己嘅形相或者执迷佛菩萨嘅表相，所以无常一到，肉身死后，呢啲执著嘅心就会感召一个形体成为鬼魅，三分唔似鬼，七分又唔似魅，所以呢就称为“鬼魅”。呢啲鬼魅呢，响我哋现今嘅社会上，或者响我哋修行嘅生活之中，亦都时常听到人哋讲，或者自己亦都会接触得到，譬如有好多神坛里便，假借佛菩萨嘅金身形像降灵扶乩，借窍嘅某部分嘅鬼灵，呢啲鬼灵生前就系自己认为系某尊佛，或者菩萨嚟借窍转世，因为贪执同贪爱佛菩萨嘅性容形象。呢类嘅修行人生前亦都有修一啲道法，所以佢死后就会成为精灵鬼魅。由于佢恶习不改，当神灵降喺乩童身上之后，佢就会讲我系西方极乐世界嘅阿弥陀佛，我系南海古佛，我系释迦牟尼佛，我系济公活佛，我系九华山嘅地藏菩萨，我系弥勒祖师，我系燃灯古佛等等，借助佛菩萨嘅名字去迷惑世间、迷惑众生。
我哋一定要有慧眼，睁大我哋个眼，利用佛陀所教我哋嘅佛法去鉴别呢啲魔相，去分别正邪，唔好俾呢啲错误嘅众生引领我哋走错咗菩提大道，响菩提大道走歪咗，去损害咗我哋嘅慧命。佛陀系以功德智慧嚟普渡、解救众生，令众生达到涅槃妙境，但系恶魔就经常以破坏众生嘅善根，使到众生流落生死轮回，佢哋破坏众生，佢哋就会开心，令众生修行唔到，但系如果能够安心修习正道，会随住功力嘅增高而更加了解咗恶魔嘅猖獗，但系要好好去认识恶魔，系需要一定嘅时间。
其实头先所讲嘅十魔，喺经典上亦都有时常提到，我重复再讲少少，譬如我哋内心嘅烦恼魔啦，头先讲过，五阴魔啦，或者无常死丧魔啦，或者系鬼神幻化嘅魔啦。譬如烦恼魔、五阴魔或者无常魔，呢三种都系世间时常有嘅事，亦都系随住我哋修行者自心所产生，只要由我哋嘅心念端正呢，就可以排除化解，唔需要再作太多详细嘅说明，但系我哋修行人亦都必须要知道。第四种“鬼神幻化魔”，“鬼神幻化魔”其实有三种，第一种就系头先所讲嘅，讲过嘅妖精鬼魅，系十二时辰嘅鬼兽变化，变成各种嘅模样，有时变成少女或者老年人嘅形貌，甚至变成坏人害怕嘅形体，不一而足，佢哋嘅目的都系为咗扰乱迷惑修行嘅人。呢啲妖精鬼魅要扰乱修行人都会响相应嘅时辰嚟到修行人嘅面前去破坏佢嘅道行，我哋须要好好咁去辨别。譬如响寅时嚟嘅呢，一定系虎精猛兽之类；响卯时嚟嘅呢，一定系兔精、鹿精之类；响辰时嚟嘅呢，一定系龙精、鳖精，即系好似龟嘅水类嘅动物；响巳时嚟嘅呢，一定系蛇精、蟒精；响午时嚟嘅呢，一定系马精、驴、骆驼之类嘅精灵；响未时嚟嘅呢，一定系羊精；响申时嚟嘅呢，一定系猿精、猴精；响酉时嚟嘅，一定系鸡精、乌鸦、鸟类嘅精灵；响戌时嚟嘅，一定系狗精、狼精；响亥时嚟嘅，一定系猪精之类；响子时嚟嘅，一定系鼠精；响丑时嚟嘅，一定系牛精之类。修行人如果见到呢啲精魅响咩时候嚟，就知道系咩嘢兽精，只要叫出佢哋嘅名，严厉去责骂佢哋，佢哋就会消失不见。
跟住讲鬼神魔嘅第二种，系叫做“堆剔魔”，“堆砌”嘅“堆”，“挑剔”嘅“剔”，亦都叫做“堆剔鬼”，呢啲堆剔鬼呢，系最恐怖，亦都系一种罗刹之类嘅鬼，佢哋亦都破坏修行人嘅修道。呢啲堆剔鬼亦都会做出各种形相去扰乱修行人。有时变成虫或者蝎子，攀附响人嘅头同埋脸上便，钻刺修行嘅人，有时袭击修行人嘅两腋，有时突然抱住修行者，有时大声说话、喧闹干扰，有时变成各种野兽嘅形相，奇形怪状，不一而足，去扰乱修行人。呢个时候就应该我哋觉察知道，专心一致闭目，喺心中闹佢哋：我知道你哋，你哋系阎浮提树上吸食香火，偷猎嘅鬼神，你哋本性邪恶，喜欢破戒之类嘅鬼魅，我现在严持戒律，系唔会怕你哋！呢个时候，如果系出家人，就应该诵念梵网四分、五分等等嘅戒律，如果系在家人，就应该诵念三皈五戒等等，鬼魅一听到就自然会退缩。
鬼神魔嘅第三种系“魔恼”，扰乱众生、烦恼众生嘅魔，呢啲魔大多会变成三种外界嘅五尘境界嘅相去破修行人嘅道心。第一系违背心意嘅事情，亦都系恐怖嘅五尘境界，会使到修行人害怕嘅；第二种系顺遂心意嘅事情，亦都就系令到修行人中意嘅五尘，会使到修行人迷惑；第三种系既不违背亦都唔顺修行人心意嘅事情，亦都系看似平常嘅五尘，亦都会使到人心神动乱不定。所以魔恼就系能够杀伤修行人嘅身命，亦都叫做“花箭”，亦都叫做“五箭”，系因为专门射人嘅五情弱点。而且响各种情况之下，做出各种境界嘅变化嚟迷惑扰乱修行人。做顺情嘅情况，就会变成父母、兄弟、各种佛菩萨嘅形像、或者俊男美女等等可爱嘅样去迷惑修行人，令到修行人做一啲破戒嘅事。就系变成虎、狼、狮子、罗刹嘅形相等等恐怖嘅样去令人害怕，呢个就系逆境，去吓修行人，令到修行人迷惑，令到修行人失去禅定，所以叫做“魔”。
其实呢啲魔，有时会变成各种优雅，或者令人讨厌嘅声音；有时变成各种幽香，或者恶臭嘅气味；有时变成各种顺口，或者难食嘅味道；有时变成各种痛苦，或者快乐嘅境界去干扰人身，呢啲都系魔事。佢嘅形相变化系好多种嘅，简单嚟讲，变成各种五尘嘅情形去扰乱人，使到人失去正确嘅修行而产生各种烦恼，都系魔军，因为呢啲魔军能够破坏平等嘅佛法，使到人产生贪欲、忧愁、怨恼、睡眠等等阻碍修道嘅行为，就好似佛经上所讲嘅偈语：“贪欲系修行人嘅第一敌人，忧愁系第二，饥渴系第三，渴爱系第四，睡眠系第五，恐怖惊怕系第六，怀疑懊悔系第七，怨恼系第八，贪图利益、爱好虚名系第九，高傲怠慢他人系第十。”好似咁样嘅心态就系修行人嘅敌人，而且我哋用禅定同埋智慧力先能够破除呢啲敌人，直到修成佛道，而能够度脱一切众生。
修行者既然已经知道咗魔嘅行为，就应当去对治佢哋，去谂一啲方法，其实系有两种嘅，第一种系修止去驱除，凡系见到各种外道恶魔嘅情形，我哋都应该知道系虚讲不实，唔需要忧愁同恐惧，亦都唔需要刻意追求或者排斥，去强加分别，只要止息我哋心念，寂然禅定，就会自行消失㗎嘞。第二种就系修习观心去驱除，如果见到前面所讲嘅各种恶魔嘅情态呢，唔能够用止息嘅方法去除嘅时候，就要反过来观察我哋能够见到嘅心，既然连我哋嘅心都无法见得到，咁样仲有咩嘢可以恼怒，好似咁样用嚟观心，去观察，呢啲方法呢，日久幻相呢，就自然会消失。
假如幻相仍然唔能够消失呢，我哋就要正心不动，唔好生起恐惧嘅念头，亦都不惜舍身求道，保持不动摇嘅正念。我哋应该知道魔界同佛界，佢嘅本源都系空性寂灭，既然能够知道魔界同佛界嘅本源相同，系无异嘅，咁样我哋系唔需要刻意去排斥魔界，亦都唔需要刻意去追求佛界，咁样佛法呢，自然就会显现响我哋眼前，而魔界自然亦都会消灭。再讲，如果魔境仍然唔能够消失，亦都唔需要忧愁，而一旦消失亦都唔需要欢喜，点解呢？我哋唔系从嚟冇见到，有人响坐禅嘅时候所见到嘅魔变成嘅虎狼嚟食人，亦都唔会见到魔所变成嘅俊男美女同现世嘅修行人结成夫妇。当恶魔显现幻相嘅时候，愚昧嘅人唔了解个中嘅道理，喺佢哋嘅内心就会产生惊慌恐怖，或者产生贪爱执著，所以就乱咗心念，失去咗定念而发狂、自寻烦恼。呢啲都系修行者冇智慧所造成，唔系恶魔所造成嘅。
如果各种魔境扰乱咗修行嘅人，经年累月都唔能够摒除，我哋就应该端正心念，坚固我哋嘅信念，不惜舍身求道，千万唔好心怀忧愁同恐惧，而应该诵念大乘嘅方等经典同埋降魔嘅咒语，用默念去诵念，而且将心念集中响佛法僧三宝，而喺修习完禅定出定嘅时候呢，亦都要诵念经咒去保护自己，响佛前发露忏悔，心生惭愧，诵念戒律，因为邪恶唔能够干扰到正念，所以久而久之呢，自然就会真正魔相消灭。
所以初发心要修行嘅人一定要亲近善解佛法嘅人，因为有前面所讲嘅呢……（注：接下文）
163.天子魔（二）
（注：接上文）……由于恶魔进入人心，会使到修行嘅人心神狂乱，有时会欣喜，有时会忧愁，所以就会致病甚至致死，有时会使到人得到邪恶嘅禅定、智慧，或者神通、陀罗尼等等嘅方法去说服教化众生，使到众生信服佢，然后破坏修行者出世嘅好事，亦都破坏咗如来嘅正法。好似咁样嘅各种头先所讲嘅例子，不一而足，其实讲亦讲唔完，响呢度只系简单赘述一下啫，希望能够修行嘅人响坐禅嘅时候唔会受到各种恶魔嘅境界所干扰。总而言之，要驱除邪恶，回归正法，就应该观察各种情况嘅真面目，好好修习止观，一切邪恶自然就会破除。
其实一个人要想修成正果成佛并非容易嘅事，同样道理，一个修行人要走火入魔，亦都冇咁简单。其实我哋响社会上，响我哋修行嘅师兄弟之中都会时常发觉，其实有啲佢哋嘅心灵系由于贪求一啲执著，贪求种种嘅神奇怪异或者神通，或者其他执著嘅心念，而唔小心发生魔业，或者被魔所摄而偏离咗正法嘅。
跟住落嚟，我哋嚟讲一讲，容易令到我哋走火入魔嘅十种嘅心态。
第一种系追求灵异。好求神通感应嘅人。呢啲众生虽然系能够修行佛法，但系由于佢哋生生世世之中，佢哋时常修习外道法，修行怪异，或者响呢类人嘅第八识之中嘅潜意识深藏咗外道魔教修法嘅种子，今世虽然佢哋能够逢遇正信嘅佛教，但系响修法之中，多少都会渗杂寻求灵异神通嘅劣根性，所以大家应该要仔细咁样反省观照自己系咪有呢个盲点同埋死角，而自己唔知嘅。现在嘅市面上，我见到好多灵书，都系一味标榜神通去吸引读者，亦都有好多读者依照书本里便嘅内容去修炼，其实咁样系好危险嘅。呢啲灵书，睇唔到作者究竟有咩慈悲心，而且可能发现佢系有瞋恨心。而且响灵书之中，对一啲佢自己认为睇唔上眼嘅佛教大德或者其他人加以大肆攻击，所以呢啲罪业又透过灵书，扩散到读者里便，令读者增加瞋恨同埋我执嘅感染。
我哋应该要知道，如果一个人神通，就算系几厉害，如果一啲慈悲心都冇，咁就好容易落入神道或者沦为魔道。以下譬如我就举出两个例，以神足通同宿命通嘅例子，去作为修行人嘅借鉴。一般外道魔教嘅神足通通常系灵魂出窍、飞嚟飞去，有啲飞到去外太空，一手捉住月光，一手捉住太阳，又飞到千里之外嘅某个城市去做一啲事，其实呢啲小神通多数都系幻觉，但系有一啲就系道教所谓嘅出阳神。好似呢啲外道嘅鬼通，一般人见到灵书上便所描述，或者听到呢啲事迹，都觉得好神奇，亦都觉得了不起，其实呢啲写灵书嘅作者都好可怜，因为自己修行嘅偏差，好容易就会向魔界里便归投。何必将唔正确嘅修行方法大量印成书去散播呢啲魔道呢？正统嘅佛法其实系唔标榜神通，因为神通再厉害亦都系难逃生死轮回嘅，只有禅宗同密宗响心，生命修持过程之中，就会自然发生所谓神通嘅现象。
就以神足通为例，只要我哋七个轮，人身上便嘅七个轮嘅顶轮嘅脉结能够打开，就能够将密宗嘅气脉明点拙火修持熟练，只要由顶轮脱离躯体其实系好容易，好似呢种小把戏只系修持正统佛法之中嘅副产品。如果由我哋胸口嘅空轮脱离躯体呢，系打横慢慢脱离嘅，由顶轮嘅分身就直达或者盘腿坐喺度。而一般冇修行嘅信徒呢，或者其他人呢，可能都有类似咁嘅经验，就系有时候喺度瞓觉嘅时候，亦都会感觉忽然间身体向下跌，好似跌入深谷里便，黑掹掹一片好恐怖，大多数嘅人呢，都会因为咁样吓醒。其实呢种现象呢，系由我哋脚板底嘅涌泉穴脱离身体嘅自然现象，由于一般人嘅眼，五蕴里便嘅色阴未去除，所以往下便掉嘅时候呢，跌落去嘅时候呢，就黑暗无光，只要色阴清净呢，其实大多数可以见到分身之后嘅周围嘅一切，一景一物。初级嘅分身响脱离躯体之后仍然系保有凡人嘅习性，有啲轻飘飘，但系冇法响空中飞行，所以亦都要有修持禅定深厚嘅人嚟教授。所以我哋唔好太过迷信外便所讲嘅神通，其实佢哋一啲都唔系佛教所讲嘅神通，我哋要归依正信嘅佛教，唔系好可能呢，因为呢啲邪说呢，引至你八识田之中嘅宿业魔仇嚟干扰你而令到你走火入魔。
譬如有一般小乘嘅外道同魔教嘅宿命通大多数都喺禅坐之中见到自己前世或者前几世系咩神明吖、咩罗汉，或者某一尊菩萨去转世，或者系自己发梦发到自己前世究竟系边个，呢啲其实呢啲小把戏呢，都唔系真正嘅宿命通。无可否认呢啲禅定之中见到前世嘅片段记忆呢，唔系假嘅，可能系真，但系呢啲宿命通呢，仲未圆满，而且容易被魔所摄。真正嘅宿命通唔系用肉眼见到前世系点，而系一直咁梦到自己前世系咩神明转世，呢啲都系唔啱嘅。
佛教正法所修持嘅宿命通，系由于自己禅定纯熟，而深入我哋第八识如来藏里便，当下就能够回到百年或者千年之前，神识仲系保持清醒，或者所穿嘅服装都系现代嘅衣服，同埋同你有宿缘嘅古代人能够打招呼，亦都可以互相交谈、讨论问题，但系自己仲系保持清醒，其实只系时空转换，如果多生多世之前有冤家或者魔怨，亦都会揾到你去算帐。所以修行禅宗或者密教，其实一定要归依正法同埋归依真正嘅上师禅师，要呢啲师父有深厚嘅修行印证，先可以替你印证，而唔系坐喺度，只靠脑筋幻想一大堆同修行无益嘅事。我哋一定要具有如来嘅慧眼，学如来教我哋有鉴别正邪嘅智慧，唔好贪求神通，神通只系修持正法嘅副产品，而真正嘅空性智慧就系般若波罗蜜多，先系我哋佛弟子所应该归向嘅。
第二点，我哋讲到嘅，就系神权思想同神道主义较为强大嘅修行人。呢一类人，对于仙佛嘅执著系好重嘅，佢哋好容易拜偶像，形成偶像化，亦都好容易被魔所摄，佢哋唔系学如来嘅正法，佢哋只系拜日或者拜偶像啫。所以太过神道化，或者执著一个偶像、一个神，都系唔啱，我哋应该以佛陀为宇宙正真嘅榜样。
第三点，容易走火入魔嘅心态，系一心一意只系向外表同埋表相追逐嘅人。众生佛性平等，其实每一位嘅有情众生都具有如来嘅种性，只有下下根嘅人或者外道种性嘅人先会一味向心外追求而唔认识我哋自心就系佛，迷惑表象嘅庄严或者种种分别心，或者差别嘅想法，呢类有情嘅众生系因为自己有向外追求嘅习性，所以时常就会被别人呃，因为邪魔妖道呢，都好中意搞排场嘅，响物质嘅环境嘅排场之上去摄引众生，佢哋做起上嚟可能呢，远胜于我哋正信嘅佛教。
第四点系六贼嚣张，佢嘅所知障文字障坚固同埋疑心强大嘅人，一般响世间法上面熟悉嘅人，佢嘅所知障亦都好坚固，所以时常用妄心去判断事物，但响佛法方面呢，就唔系用世间嘅学术或者所知障能够修好。而且疑心强大嘅人呢，我哋眼耳鼻舌身意嘅“六根”（或者称为“六贼”）呢，系好嚣张，时常会发生响佛法初学嘅人身上，所以亦都因为业障现前或者其他人做魔事，而自己嘅疑心强大被魔力加持，而失去咗正知正见嘅照明，而唔系修行人嘅福分嚟嘅。
第五点系人间俗情贪爱习性浓厚嘅人。有啲人本性亦都系好善良，乜嘢都好，但系感情呢，就容易泛滥，自己唔，唔会知道，但系修学佛法开始，由初机修起，到一步步嚟呢，慢慢成长呢，唔可，要按部就班，系好重要嘅。但系呢，有啲修行人，就系因为感情嘅俗情贪爱作怪呢，就会跳级而令佢发生障碍，亦都可能响七情六欲之下修持佛法，就会形成较低级层次嘅见解，甚至会曲解佛法嘅真谛。
第六点呢，就系贪瞋痴慢疑“五毒”强大嘅人。其实呢“五毒”喺我哋生命或者我哋业命之中呢，多多少少都有，我哋称为“五毒”，或者“内在嘅业障”。呢啲内在嘅业障，响修持佛法嘅初期呢，我哋一定要将佢净化嘅，否则响日后呢，就会对我哋进一步修行形成好大嘅障碍。
第七点呢，系正统前生由魔界转世嚟嘅人。呢一类嘅人呢，响人世间上便都好多，但系佢哋唔知道自己系由魔界转生而嚟，但系今生佢哋嘅心态里便系具有强烈损人利己嘅破坏性，甚至做啲损人不利己嘅事，呢啲都系由于佢哋前世嘅魔性，响如来藏之中响今世发生作用嘅缘故。
第八点，我哋讲到响我哋八识田如来藏里便呢，带有魔业嘅人，呢一类嘅人呢，大家响日常生活之中，我谂曾经碰见过，譬如，有一啲乩童，沦为乩童嘅呢，就系以扶乩为业，被一啲假嘅仙佛，呢啲鬼灵呢，借佢身而扶乩，讲出一啲类似修行嘅说话，似是而非。其实佢做一个乩童都系好可怜，呢啲乩童其实佢嘅前生多生多世同外道嘅邪师由于结下因缘，今世嘅果报成熟就会当上乩童，或者由于呢啲乩童过去世佢修行走火入魔，今世嘅魔业又再发出嚟。其实乩童嘅训练系由细蚊仔佢灵知未敏嘅时候开始训练，其实呢啲细蚊仔系好可怜，因为佢妈妈或者爸爸迷上咗仙佛，所谓呢啲假仙佛嘅法门，将啲细蚊仔大概十岁左右就送去一啲训练班里便去训练开乩，呢啲父母咁做真系无知。
扶乩呢种把戏呢，佛陀曾经预言过，真正嘅佛菩萨系唔会借助众生嘅身体去说话嘅，我哋应该要研究佛陀所留下嘅千经万典，呢啲系佛陀嘅法身舍利，我哋千祈唔好迷信一啲预言或者灵异嘅事，扶乩就系其中嘅一种。响呢个末法嘅衰败时期，其实好多恶魔都会借助人去宣说佛经，因为佢哋都有修行，可能佛陀讲经说法嘅时候，佢哋亦都听过，但佢哋将听到嘅嘢，用嚟掩饰佢哋嘅身份去迷惑众生，以借窍同体灵嘅方式，或者其他好似气功，一啲邪嘅气功，发功嘅方式比如特异功能去迷惑众生嘅心性。
第九种，我哋讲到，我哋嘅命里便带阴嘅人。呢一类嘅修行人呢，本身嘅命一出世就比较阴，呢个“阴”呢，系容易接近一啲阴界嘅嘢，当佢禅坐或者打坐嘅时候，佢系自己唔知道嘅，有时会指手画脚，或者坐低呢，就会起鸡皮，亦都会时常响梦中见到一啲鬼怪恶魔，亦都有呢一类嘅修行人。有时呢类嘅修行人呢，佢到处去参访道场呢，去想学一啲静坐嘅方法，其实佢应该自己反求返自己嘅佛性，应该要深入一啲正知正见嘅佛法，最好有呢，依类情况嘅人呢，佢一开始修行就唔好去打坐，应该多啲忏悔自己嘅业障，否则就容易走火入魔。
但系有啲人会问，一直问自己，点解一齐学禅坐，或者同一个道场里便嘅好多人一边坐一边感应都好神奇灵验，点解唯独自己系冇感应呢？其实你应该要庆幸，因为你冇著魔，但周围嘅善知识，响嗰度感应嚟感应去呢，可能系真，亦都可能系假。譬如系命中带阴嘅人呢，其实应该修持正信嘅佛教，正信嘅菩萨同龙天护法会保佑你，佛法系讲求智慧同理性，如果能够通过真正嘅实修，能够呢，真正通过实修系会破坏灵通同埋幻觉，我哋就唔会被啲灵通幻觉所迷。佛教唔系用外表去包装，而系有佢真正嘅实质令众生离苦得乐、觉悟菩提嘅。
第十种，我哋讲到经过灵修嘅时候，有一啲人会讲出一啲方言。响其他嘅宗教里便，通过灵修呢，由于启发佢哋嘅潜意识呢，有啲人会讲出一啲方言，有啲人会预言将来会发生一啲咩事，咩预言呢？将来嘅国家大事呢，或者小至一个人嘅将来所发生嘅事呢，但呢啲预言，或呢啲体灵嘅现象呢，其实我哋都唔足以效法嘅，因为好容易呢，亦都被魔所摄嘅。太迷信或者执著呢啲咁嘅道法都好容易落入魔道，所以我哋一定要小心。
一般人要走火入魔，其实必须经过三个阶段。首先系做魔事，然后再嚟心被魔所摄，最后先能够成魔嘅。所谓做魔事，就系指一个人因为智慧不明，或者种种贪瞋痴慢疑五毒炽盛，或者魔力加持，一时不察而做下魔业嘅因，亦都系话有好多前便所讲嘅头先所讲呢十种心嘅人呢，都好容易走火入魔嘅。因为人嘅不良习性呢，其实系累积咗数十年，唔系能够一秒钟或者一时间就能够改变我哋习气，修行系绝对冇速成或者即刻嘅。修行亦都唔须要响神嘅面前立下一大堆嘅誓言，应该要循序渐进，量力而为，否则虽然你信咗某一个宗派之后，靠住一时嘅感情用事而当下整个人暂时就会变好，呢啲都系来得好突然，有时亦都系魔力加持。万一你嘅内力支持唔耐呢，你生命之中嘅劣根性又会流露出嚟，你当初所立下好多嘅戒律吖、誓言吖，你又破咗戒，违背你自己一时冲动之下所定下嘅誓言，咁响个时候，你就会情绪反弹、良心不安，或者因为呢啲种种嘅矛盾反弹，从此你就生起退转嘅心，就唔会再亲近好嘅宗教了。
佛法系不偏不倚、不取不舍、不贪不求，较为理性而且心性平寂祥和嘅，响现代工商业物质充斥嘅社会之中，有宗教信仰系值得鼓励，但系如果你唔修尤自可，越修你心里便越充满贪毒，你嘅贪毒日渐滋长，贪求一啲咩法、咩道，天魔就正好利用人性呢个弱点，贪毒同埋痴毒，而呢个痴毒太浓嘅信徒，一信仰到有偏差，而唔系正信嘅佛教呢，佢哋就会一直执迷落去，呢啲种种现象就系所谓做魔事嘅一种。
第二种做魔事嘅现象就系呢个人因为自己中魔毒已经深，到处拉人去揾一啲咩法、去求一啲咩道，好似老鼠一样，美其名度人拜佛、信佛，求一个道，其实心里喺暗中去数人头，今日能够度到几多个人，有几多功德，将来嘅功德仲差几多先够能够名列仙班。呢一种嘅贪毒强到最后，就会使到好多信徒只会落入呢个陷阱之中，就冇办法能够自拔，要度要拉嘅更多人嚟满足自己嘅功德。
当然劝人行善或者助人呢，都系好好，但系应该我哋要不住于相而行布施，或者接引信徒信仰正信嘅佛教先系真正功德无量。因为正信嘅佛教，终会使众生迈向正觉嘅道路，绝对唔会即刻点样，或者返去指定嘅某一个地方，系唔须要修行嘅。学佛嘅人，其实佢真正嘅本性要学嘅系无来无去，而且系自性显现嘅光明常住，每一位有情嘅众生，其实都具足咗如来圆觉真如嘅法性，何必要去东去西呢？又有好多人自己话已经证咗阿罗汉果而到处去揾人同佢印证，例如自己话证咗三果嘅阿罗汉，然后自己就够功力去帮别人印证初果二果嘅罗汉，只要经过你所谓针锋相对，讲几句说话就可以印证对方脱离任何苦，而且你或者其他人受你恩惠嘅人就永远唔再受苦。所以有好多人自称系阿罗汉，亦都用呢啲几句嘅说话去同人印证，去自误误人，其实呢啲现象呢，都系释迦佛响末法预言咗，必然会发生嘅现象。
跟住我哋第二阶段去讲到，心，被魔所摄。到咗第一个阶段，做完魔事之后呢，第二个阶段，就系我哋被心魔所摄。因为一般如果冇受过正知正见佛法熏习嘅人，经年累月做魔事，慢慢佢嘅心就会被魔所摄，亦都就系话整个人呢，慢慢被魔法化咗，亦都可以说系魔化之后嘅修行人，呢个时候，呢个修行人嘅眼神会变咗邪邪或者怪怪。无论修任何嘅宗教或者修佛法，修到眼神带有执迷不悟嘅眼光或者有异状，咁呢个人嘅心通常都系被魔所摄。有啲修行嘅人嘅眼呢，一大一小呢，俗称叫做“雌雄眼”，咁呢个人嘅性格一定唔系太健全或者脾气古怪，或者感情执著，而呢类有大细眼嘅人呢，系比较缺乏佛陀嘅般若波罗蜜智慧嘅。响佛陀嘅三十二圆满嘅法相之中，佛嘅眼睛明亮细长，而且含有无量佛智慈悲，所以一般修佛嘅人，如果生命之中智慧强大嘅人，佢双眼呢，一定会生得好似佛陀一样，而且五官端正均匀，唔会忽大忽小，不偏不倚嘅。一般人如果心系被魔所摄之后，除咗佢本人被魔法化之外，佢嘅双眼亦都会摄受其他众生，好似磁铁一样吸住比较迷信或者执著嘅修行人。响呢种魔眼嘅摄受之下，就会产生魔力加持嘅现象，会令到被摄受嘅人兴奋，或者当下系点样咁样去除数十年嘅恶习，又点样响修行上得到感应灵验，呢啲种种嘅呃人嘅现象通常都系被魔力所加持。
又有一种人就系由魔界转世嚟我哋人间，呢一类人呢，今世大多数都系会修持佛法，但系业障系较重。从细个嘅时候，佢嘅心中嘅魔念邪念，好似海水嘅水泡一样咁浮现，有时亦都会陷害人嘅心，有呢个心或者有自私心，或者欲望贪执充满，时常响梦中破戒，心情烦乱，而且呢类由魔界转世嘅人呢，心思系比较复杂，佢哋嘅五毒贪瞋痴慢疑呢，系炽盛嘅。所以我哋响修行上可能亦都会遇到呢啲心态嘅人。
跟住我哋第三种，就讲到完全成魔嘞。一个人要走火入魔呢，真嘅唔系太容易，必须要经过做魔事、个心被魔所摄，再嚟先能够走火入魔，而被魔法化。一个被魔法化咗嘅修行人呢，亦都呢，佢外表呢，好似扮到佛教徒一样嘅外表，而具足晒佛教嘅仪轨威仪。真正嘅佛教，其实呢，系唔贪、唔迷信、唔疯狂，唔以牛鬼蛇神为榜样，亦都唔以感觉或者感受，向外追求嚟传扬佛法。响修行嘅道路之上呢，其实陷阱重重，好容易我哋唔小心呢，会行错，所以一个迷失响修行道路嘅人呢，所谓“一盲引众盲”，自己好容易走入魔事，而相牵入火坑，有啲呢，更加将一大堆嘅善知识拉入火坑。当一个人嘅心渐渐被魔所摄之后，就会加速做魔事直到成魔为止，佢虽然披著人皮吔，但系呢，呢啲咁嘅魔时时刻刻就会毁谤佛陀嘅佛法，毁谤佛陀嘅戒律，将佛教徒拉入去外道，令所有嘅佛教徒慢慢就会放弃佢哋嘅慧命嘅修行，令到佢哋贪著五欲，令到佢哋生起贪瞋痴慢疑种种嘅心而导致同最后呢个魔王一样走火入魔嘅。
跟住落嚟最后，我为大家介绍两个本师亲传嘅破魔嘅法门，呢两个法门响末世嘅时候，能够保护我哋修行人，唔怕被魔所扰，亦都帮助我哋修行人化解一切修行上、生活上嘅种种灾难嘅法门，呢个法，呢两个法门系释迦牟尼世尊亲传，而且系释迦牟尼佛嘅正脉正法。
第一个，就系《大佛顶首楞严经》嘅法门。响佛陀住世嘅时候，有一日，佛嘅堂弟阿难尊者响城里便乞食，啱啱经过窗户嘅门口，俾一个窗户摩登伽女看见，中意咗佢，所以摩登伽女就用魔咒去迷住阿难尊者，而且想去奸淫佢。正当情形严重而且紧要关头之时呢，佛陀嘅他心通就知道阿难尊者被淫女所迷惑，佛陀就教授文殊师利菩萨一个真言，而且请文殊菩萨以神通力去救阿难。阿难一直到遇咗文殊菩萨之后，神智就开始清醒恢复，而心神开始定嘞。最后阿难同摩登伽女一齐嚟到精舍，而且响佛陀面前好惭愧，涕泪交流，而且诚心忏悔，祈求佛陀教导，而且佛陀就同阿难因为呢次因缘而讲演咗《大佛顶首楞严经》。
《楞严经》，古今中外以来，利益咗无数嘅禅宗弟子，而且系我哋佛门嘅至宝，亦都系佛教末法里便最先毁灭嘅一部经。响《楞严经》中里便嘅楞严神咒，亦都系佛教早晚念诵护持嘅长咒，而楞严心咒亦都系消罪业、明佛心、开智慧，能够除恶障嘅护心佛咒，响西藏密宗里便所流传嘅大白伞盖佛母咒，其实就系我哋中土里便所传嘅楞严神咒。昔日佛陀世尊将入涅槃之前，就曾经预言喺佛教末法里便，响法宝藏里便，就以《大佛顶首楞严经》首先消失响我哋嘅地球之上，其次就系《佛说般舟三昧经》。《楞严经》系佛教嘅镇山至宝，佢经文里便面嘅每一个字、每一句都包含咗佛陀般若佛智嘅明睿，能够破一切魔类魔扰、魔障、魔业等等，好似照妖镜一样，使到魔嘅形相、邪说嘅论一览无遗、无所遁形，所以学佛嘅人系唔可以唔知嘅呢一部经，呢个法系唔可以唔修嘅。
跟住我哋落嚟介绍佛陀嘅第二大护法，降魔大菩萨——大白伞盖佛母。响中国道教嘅玉皇大帝，响佛陀住世嘅时候，即系帝释天，系各种天神同天主之中最护持佛教同最礼敬佛教，每次佛陀响人间或者天界讲演佛法嘅时候呢，玉皇大帝都系最勤奋亦都系最喜欢供养佛陀说法，响会场上便吖，所有一切嘅天花啦、奇珍异宝啦、法座啦、蔓陀罗等等啦。玉皇大帝都首先带领同埋统御道教嘅三十三天其他嘅天帝军、天人同埋眷属去佛陀前便听佛法，其他嘅龙部、雨部、雷部、二十八部嘅星宿、三十六天罡、七十二地煞同埋其他嘅鬼王夜叉等等，亦都嚟到释迦牟尼佛嘅面前好庄严咁听释迦牟尼佛说法。
有一次，玉帝恭敬亦都虔诚咁启请大雄世尊到道教嘅三十三天嘅善法堂天讲演佛教嘅妙法而且接受玉帝嘅供养，佛陀就带领咗其他嘅大阿罗汉弟子一齐去三十三天嘅善法堂说法。有一次佛陀响善法堂说法嘅时候呢，响玉帝皇宫嘅城墙外便，啱啱遇到六道里便嘅阿修罗嘅军队嚟袭击，玉帝所居住嘅宫殿系位居须弥山顶，喺须弥山嘅下便，有四大天王防守嘅四面嘅山麓，而且道教嘅三十三天呢，亦都配置咗天兵天将有三十六亿万，可以话系坚固如铜、固若金汤，但系呢次阿修罗王呢，嚟嘅侵犯呢，系非常之强大吔，佢嘅军力，佢所有嘅武器系应有尽有。正当正邪两军对阵嘅时候，我哋谂下，阿修罗嘅区域，全部嘅军队都倾巢而出，将近有五六百亿之多，就算系玉皇大帝调齐咗能够作战嘅天兵天将，亦都不过系三十六亿，再加上四大天王所统领嘅军队同埋雷部、龙部等等嘅八部长官兵士，响数量之上仲系比阿修罗军略为较为少嘅。
佛陀响经文里便亦都讲到，天人同阿修罗作战嘅惨况，佛陀话，呢个系人间所无法想象嘅浩大嘅战争，呢一次阿修罗军嚟侵犯，来势汹汹、势如破竹，玉皇大帝所带领嘅天兵天将，就节节败退，响须弥山下便嘅四大天王天，亦都被攻破，玉皇大帝军队兵马呢，于是就退守返番三十三天嘅城墙里便，但系阿修罗军就步步进逼，五百亿嘅大军包围咗佛陀正在讲佛说法嘅三十三天里便嘅善法堂。响呢个时候，玉皇大帝眼见外便嘅情况实在不妙，于是就请求本师帮忙去降伏数目庞大嘅阿修罗军，如果善法堂一失陷呢，咁三十三天里便嘅九十九亿天女同埋六十亿嘅天人就好危险嘞。
响呢个时候，本师释迦牟尼佛就展现佢无数嘅神通变化，化现出降魔嘅大白伞盖佛母。大白伞盖佛母生长得非常高大，而且响佢嘅中央化现六个头，两边各各有两块面，而且有九层，手里便拿住大白伞盖，宣说大白伞盖陀罗尼，而且用神通降伏咗嚟犯嘅所有阿修罗嘅军队。
大白伞盖咒有三种，系长咒、心咒同坚甲咒，三种咒都有唔同嘅用法。大白伞盖佛母系本师释迦牟尼佛最亲嘅护法金刚菩萨，只要你保护释迦牟尼佛嘅正法，以呢个法作为修持嘅准则，咁你一切嘅生活都喺呢个佛菩萨嘅保护之下。
164.千朵莲花护住身（一）
千朵莲花护住身——楞严咒之威力
楞严咒系出自《楞严经》，《楞严经》全称《大佛顶如来密因修证了义诸菩萨万行首楞严经》，简称为《大佛顶首楞严经》《大佛顶经》或者《首楞严经》，或者《楞严经》，系属于密教部嘅经典，一共有十卷，系唐朝般剌密谛法师所译，宰相房融笔受。
《楞严经》响中国历史之中，由宋元之后响佛教经典之中可以话系相当嘅重要，尤其响禅宗方面可以话系最流行嘅一部经典。《楞严经》响佛教经典嘅分类之上被划归属于密教方面嘅经典，事实上呢本经所谈论嘅修证境界同后代禅宗所要达到嘅境界系相当契合嘅，尤其系后代禅宗祖师受到呢本经嘅启发系好大，所以呢本经就广大流行开嚟。
《楞严经》除咗本部之外，另外有一部同佢关系亦都相当密切嘅《首楞严三昧经》。《首楞严三昧经》里便讲到嘅所有境界同《楞严经》所讲嘅相类似，《楞严经》嘅修证嘅果地就系楞严经三昧嘅成就，特别唔同嘅系《楞严经》著重于阐明《楞严经》之中嘅正见，经文里便二十五个大阿罗汉菩萨宣说佢哋修行嘅经验，呢个就系著名嘅“二十五圆通”，由呢个立场嚟讲，《楞严经》可以话系讲楞严经三昧嘅好重要修证嘅一个法门。
《楞严经》全称系《大佛顶如来密因修正了义诸菩萨万行首楞严经》。“大佛顶”，意思就系证入最究竟嘅如来境界，如来密因就特别显示出呢本经系直接契入大佛顶嘅如来密因，直接要契入大佛顶嘅殊胜见地，从“因”上嘅究竟能够迅速证得喺“道”上嘅究竟，乃至到大佛顶嘅“果”嘅究竟，“大佛顶如来密因修证了义诸菩萨万行”呢一句说话系代表响道究竟嘅《楞严经》。“首楞严”系“坚固不坏”嘅意思，代表呢本经系由“因”“道”乃至“果”三者都系究竟坚固不坏嘅经典，可以话系彻底阐扬咗首楞严三昧嘅“因”“道”“果”，尤其侧重响“因”嘅解悟，由解而悟，了悟咗之后并唔系只安住响解悟上便，无论系“由解而悟”或者“由行而入”，或者“由证而住”，三者到最后都系达到大佛顶修证嘅境界。
响佛教史上，由唐朝以嚟，为《楞严经》所做嘅注疏系有好多，不下六十余家，近代有太虚大师、谛闲大师、圆瑛大师、倓虚大师、守培大师等等，关于《楞严经》嘅著述传世。响中国寺院早课系一定要诵楞严神咒，而且视呢个咒系咒中之王，可以见到《楞严经》系对中国佛教嘅影响嘅深远。古德有讲过：“开悟楞严，成佛法华。”更将《楞严经》和《法华经》并举，所以可以见到《楞严经》响中国佛门传诵嘅盛行。
近代藏密嘅传嚟中国，有啲人将藏密之中嘅咒语同《楞严经》相比负，认为楞严咒就系大白伞盖咒。传统上将《楞严经》视为密教嘅经典，响密教之中有所谓嘅六大，即系“地、水、火、风、空、识”六大嘅缘起，而响《楞严经》特别讲到七大，除咗上述嘅六大之外，特别安立“见大”，“见”即系正见，所以呢本经又叫做《中印度那兰陀大道场灌顶部六出别行》，可以见到呢本经同密教嘅关系。如果依密教所谓嘅五部说法嚟讲，五部即系中央嘅佛部、东方嘅金刚部、西方嘅莲花部、南方嘅宝生部、北方嘅羯摩部，呢本经系属于中央佛部嘅经典，但系《楞严经》主要系以观世音菩萨为主要嘅法主，最后二十五圆通呢，嘅法门系回归响呢一度，以观音嘅圆通为第一，而观音系属于莲华部嘅，灌顶部嘅部主应该系毘卢遮那佛如来，亦即系大日如来，咁两者点样可以会通呢？所以关于《楞严经》属于五部之中边一部仍然说法不同，近代嘅太虚大师主张呢本经系属于真言宗嘅金刚界，由莲花部观世音因门去证入灌顶部嘅毘卢遮那佛佛果圣海，太虚大师主张以上嘅说法，用呢个说法嚟解决观音系本经法主嘅问题。其实，《楞严经》最殊胜嘅地方唔系响仪轨次第上便，虽然呢本经系属于密教嘅经典，但系呢本经著重于正见，所以《楞严经》对于禅宗嘅影响深远，远远超过对密教嘅影响。
《楞严经》响西藏亦都有译本，大概响清高宗乾隆十七年至到二十年之间，由汉文本译成西藏文嘅，近代曾经有学者主张过《楞严经》系伪经，我谂呢个问题恐怕喺学术上嘅意思嚟讲，实际上呢部经对修行人嘅影响深远，响宗教嘅修证上呢本经系完全符合佛陀嘅法义嘅，其实如果喺呢个角度去睇，响学术上嘅认定就对呢本经嘅价值冇咩大嘅影响嘞。
其实整部嘅《楞严经》就系要我哋坚住于究竟嘅首楞严三昧，响如来嘅果道之中能够坚住本境圆满成就。要体悟嘅系响修持过程之中，体悟法性周遍一切，离于一切功用造作，坚住本来嘅一切清净，现前已经系圆满。而坚住本来清净，一切现前圆满，系“如是”，唔系作用而嚟，唔系落于两边嘅，真实嘅体悟非因缘性、非自然性，系遍一切处、周遍圆满，一切弦悦汇入响菩提嘅妙胜当中。
跟住落嚟，我哋讲下楞严神咒嘅修持方法。楞严咒响佛门日常嘅课诵之中时常被诵持，甚至被喻为咒中之王，大家响修持《楞严经》嘅时候，除咗耳根圆通法之外呢，亦可以量力去持诵楞严神咒。或者有人会奇怪，咒语翻译嘅时候点解唔采用意译而用音译呢？咒语响密教之中系属于“密”，有佢声音上嘅缘起，亦都系摄心嘅方便。譬如密宗嘅法本，赞诵嘅部分可以诵出中文嘅意译，咒语呢，就仍然以原音呢，为准确念诵。咁样讲只要依音而诵，唔须要知道佢嘅意思，系咪会同咒相应呢？以楞严咒嚟讲，如果我哋能够了知《楞严经》嘅义理，了悟正见，咁样去诵持楞严咒就能够相应，譬如我哋诵持大悲咒嘅时候，以平等心、大悲心去诵持就系语密再加上意密嘞。而家大家了悟咗《楞严经》嘅义理，能够用正见去诵持楞严神咒就能够得到灌顶加持而不可思议，如果能够咁样做，好比用口去诵上千百遍仲更加有用。
楞严咒本身系大坚固大首楞严，坚固一切世间，坚固一切法界世间上常住。呢个“坚固一切世间”，并非坚固呢个世间嘅相，而系常住嘅法界，所以唔舍弃呢个世间，呢个世间嘅一切呢，都系由本原呢个微妙本心所示现、所现起嘅，所以喺呢度要产生大作用，系回落世间大作用嘅首楞严三昧，呢个原因就系点解要特别讲耳根圆通嘅原因了。所以我哋睇下楞严咒呢个咒语有敬礼三十三天、世主等等，即系呢一切所有世出世间嘅世主、金刚力士等等法界，种种一切都系楞严咒之中具足，而所有世间现起嘅一切全部都能够响呢一度得到总持、消融最后回归于首楞严。
南无楞严会上佛菩萨
南无楞严会上佛菩萨
南无楞严会上佛菩萨
妙湛总持不动尊，首楞严王世希有；
销我亿劫颠倒想，不历僧祇获法身；
愿今得果成宝王，还度如是恒沙众；
将此深心奉尘刹，是则名为报佛恩；
伏请世尊为证明，五浊恶世誓先入；
如一众生未成佛，终不于此取泥洹；
大雄大力大慈悲，希更审除微细惑；
令我早登无上觉，于十方界坐道场；
舜若多性可销亡，烁迦罗心无动转。
南无常住十方佛
南无常住十方法
南无常住十方僧
南无释迦牟尼佛
南无佛顶首楞严
南无观世音菩萨
南无金刚藏菩萨
尔时世尊，从肉髻中，涌百宝光。光中涌出，千叶宝莲。有化如来，坐宝华中。顶放十道，百宝光明。一一光明，皆遍示现，十恒河沙，金刚密迹，擎山持杵，遍虚空界。大众仰观，畏爱兼抱。求佛哀佑，一心听佛，无见顶相，放光如来，宣说神咒。
佛顶光明摩诃萨怛多般怛啰无上神咒：
第一会（毘卢真法会）
南无萨怛他苏伽多耶阿罗诃帝三藐三菩陀写 萨怛他佛陀俱胝瑟尼钐 南无萨婆勃陀勃地萨哆鞞弊 南无萨多南三藐三菩陀俱知喃 娑舍啰婆迦僧伽喃 南无卢鸡阿罗汉哆喃 南无苏卢多波那喃 南无娑羯唎陀伽弥喃 南无卢鸡三藐伽哆喃 三藐伽波啰底波多那喃 南无提婆离瑟喃 南无悉陀耶毗地耶陀啰离瑟喃 舍波奴揭啰诃娑诃娑啰摩他喃 南无跋啰诃摩泥 南无因陀啰耶 南无婆伽婆帝 嚧陀啰耶 乌摩般帝 娑酰夜耶 南无婆伽婆帝 那啰野拏耶 槃遮摩诃三慕陀啰 南无悉羯唎多耶 南无婆伽婆帝 摩诃迦罗耶 地唎般剌那伽啰 毗陀啰波拏迦啰耶 阿地目帝 尸摩舍那泥婆悉泥 摩怛唎伽拏 南无悉羯唎多耶 南无婆伽婆帝 多他伽哆俱啰耶 南无般头摩俱啰耶 南无跋阇罗俱啰耶 南无摩尼俱啰耶 南无伽阇俱啰耶 南无婆伽婆帝 帝唎茶输啰西那 波啰诃啰拏啰阇耶 哆他伽多耶 南无婆伽婆帝 南无阿弥多婆耶 哆他伽多耶 阿啰诃帝 三藐三菩陀耶 南无婆伽婆帝 阿刍鞞耶 哆他伽多耶 阿啰诃帝 三藐三菩陀耶 南无婆伽婆帝 鞞沙阇耶俱卢吠柱唎耶 般啰婆啰阇耶 哆他伽多耶 南无婆伽婆帝 三补师毖多 萨怜捺啰剌阇耶 哆他伽多耶 阿啰诃帝 三藐三菩陀耶 南无婆伽婆帝 舍鸡野母那曳 哆他伽多耶 阿啰诃帝 三藐三菩陀耶 南无婆伽婆帝 剌怛那鸡都啰阇耶 哆他伽多耶 阿啰诃帝 三藐三菩陀耶 帝瓢南无萨羯唎多 翳昙婆伽婆多 萨怛他伽都瑟尼钐 萨怛多般怛㘕 南无阿婆啰视耽 般啰帝扬岐啰 萨啰婆部多揭啰诃 尼羯啰诃揭迦啰诃尼 跋啰毖地耶叱陀尼 阿迦啰蜜唎柱 般唎怛啰耶儜揭唎 萨啰婆槃陀那目叉尼 萨啰婆突瑟吒 突悉乏般那尼伐啰尼 赭都啰失帝南 羯啰诃娑诃萨啰若阇 毗多崩娑那羯唎 阿瑟吒冰舍帝南 那叉刹怛啰若阇 波啰萨陀那羯唎 阿瑟吒南 摩诃揭啰诃若阇 毗多崩萨那羯唎 萨婆舍都嚧尼婆啰若阇 呼蓝突悉乏难遮那舍尼 毖沙舍悉怛啰 阿吉尼乌陀迦啰若阇 阿般啰视多具啰 摩诃般啰战持 摩诃叠多 摩诃帝阇 摩诃税多阇婆啰 摩诃跋啰槃陀啰婆悉尼 阿唎耶多啰 毗唎俱知 誓婆毗阇耶 跋阇啰摩礼底 毗舍嚧多 勃腾罔迦 跋阇啰制喝那阿遮 摩啰制婆般啰质多 跋阇啰擅持 毗舍啰遮 扇多舍鞞提婆补视多 苏摩嚧波 摩诃税多 阿唎耶多啰 摩诃婆啰阿般啰 跋阇啰啇羯啰制婆 跋阇啰俱摩唎 俱蓝陀唎 跋阇啰喝萨多遮 毗地耶乾遮那摩唎迦 啒苏母婆羯啰哆那 鞞嚧遮那俱唎耶 夜啰菟瑟尼钐 毗折蓝婆摩尼遮 跋阇啰迦那迦波啰婆 嚧阇那跋阇啰顿稚遮 税多遮迦摩啰 刹奢尸波啰婆 翳帝夷帝 母陀啰羯拏 娑鞞啰忏 掘梵都 印兔那么么写
第二会（释尊应化会）亦名（楞严教主会）
乌𤙖 唎瑟揭拏 般剌舍悉多 萨怛他伽都瑟尼钐 虎𤙖 都嚧雍 瞻婆那 虎𤙖 都嚧雍 悉耽婆那 虎𤙖 都嚧雍 波罗瑟地耶三般叉拏羯啰 虎𤙖 都嚧雍 萨婆药叉 喝啰刹娑 揭啰诃若阇 毗腾崩萨那羯啰 虎𤙖 都嚧雍 者都啰 尸底南 揭啰诃娑诃萨啰南 毗腾崩萨那啰 虎𤙖 都嚧雍 啰叉 婆伽梵 萨怛他伽都瑟尼钐 波啰点阇吉唎 摩诃娑诃萨啰 勃树娑诃萨啰室唎沙 俱知娑诃萨泥帝㘑 阿弊提视婆唎多 吒吒罂迦 摩诃跋阇嚧陀啰 帝唎菩婆那 曼荼罗 乌𤙖 莎悉帝薄婆都 么么 印兔那么么写
第三会（观音合同会）
啰阇婆夜 主啰跋夜 阿祇尼婆夜 乌陀迦婆夜 毗沙婆夜 舍萨多啰婆夜 婆啰斫羯啰婆夜 突瑟叉婆夜 阿舍尼婆夜 阿迦啰蜜唎柱婆夜 陀啰尼部弥剑波伽波陀婆夜 乌啰迦婆多婆夜 剌阇坛茶婆夜 那伽婆夜 毗条怛婆夜 苏波啰拏婆夜 药叉揭啰诃 啰叉私揭啰诃 毕唎多揭啰诃 毗舍遮揭啰诃 部多揭啰诃 鸠槃荼揭啰诃 补丹那揭啰诃 迦吒补丹那揭啰诃 悉乾度揭啰诃 阿播悉摩啰揭啰诃 乌檀摩陀揭啰诃 车夜揭啰诃 酰唎婆帝揭啰诃 社多诃唎南 揭婆诃唎南 嚧地啰诃唎南 忙娑诃唎南 谜陀诃唎南 摩阇诃唎南 阇多诃唎女 视比多诃唎南 毗多诃唎南 婆多诃唎南 阿输遮诃唎女 质多诃唎女 帝钐萨鞞钐 萨婆揭啰诃南 毗陀耶阇瞋陀夜弥 鸡啰夜弥 波唎跋啰者迦讫唎担 毗陀夜阇瞋陀夜弥 鸡啰夜弥 茶演尼讫唎担 毗陀夜阇瞋陀夜弥 鸡啰夜弥 摩诃般输般怛夜 嚧陀啰讫唎担 毗陀夜阇瞋陀夜弥 鸡啰夜弥 那啰夜拏讫唎担 毗陀夜阇瞋陀夜弥 鸡啰夜弥 怛埵伽嚧茶西讫唎担 毗陀夜阇瞋陀夜弥 鸡啰夜弥 摩诃迦啰摩怛唎伽拏讫唎担 毗陀夜阇瞋陀夜弥 鸡啰夜弥 迦波唎迦讫唎担 毗陀夜阇瞋陀夜弥 鸡啰夜弥 阇耶羯啰摩度羯啰 萨婆啰他娑达那讫唎担 毗陀夜阇瞋陀夜弥 鸡啰夜弥 赭咄啰婆耆尼讫唎担 毗陀夜阇瞋陀夜弥 鸡啰夜弥 毗唎羊讫唎知 难陀鸡沙啰伽拏般帝 索酰夜讫唎担 毗陀夜阇瞋陀夜弥 鸡啰夜弥 那揭那舍啰婆拏讫唎担 毗陀夜阇瞋陀夜弥 鸡啰夜弥 阿罗汉讫唎担毗陀夜阇瞋陀夜弥 鸡啰夜弥 毗多啰伽讫唎担 毗陀夜阇瞋陀夜弥……（注：接下文）
165.千朵莲花护住身（二）
（注：接上文）……鸡啰夜弥跋阇啰波尼 具酰夜具酰夜 迦地般帝讫唎担 毗陀夜阇瞋陀夜弥 鸡啰夜弥 啰叉罔 婆伽梵 印兔那么么写
第四会（刚藏折摄会）
婆伽梵 萨怛多般怛啰 南无粹都帝 阿悉多那啰剌迦 波啰婆悉普吒 毗迦萨怛多钵帝唎 什佛啰什佛啰 陀啰陀啰 频陀啰频陀啰瞋陀瞋陀 虎𤙖 虎𤙖 泮吒 泮吒泮吒泮吒泮吒 娑诃 酰酰泮 阿牟迦耶泮 阿波啰提诃多泮 婆啰波啰陀泮 阿素啰毗陀啰波迦泮 萨婆提鞞弊泮 萨婆那伽弊泮 萨婆药叉弊泮 萨婆乾闼婆弊泮 萨婆补丹那弊泮 迦吒补丹那弊泮 萨婆突狼枳帝弊泮 萨婆突涩比唎讫瑟帝弊泮 萨婆什婆唎弊泮 萨婆阿播悉摩唎弊泮 萨婆舍啰婆拏弊泮 萨婆地帝鸡弊泮 萨婆怛摩陀继弊泮 萨婆毗陀耶啰誓遮唎弊泮 阇夜羯啰摩度羯啰 萨婆罗他娑陀鸡弊泮 毗地夜遮唎弊泮 者都啰缚耆尼弊泮 跋阇啰俱摩唎 毗陀夜啰誓弊泮 摩诃波啰丁羊叉耆唎弊泮 跋阇啰商羯啰夜 波啰丈耆啰阇耶泮 摩诃迦啰夜 摩诃末怛唎迦拏 南无娑羯唎多夜泮 毖瑟拏婢曳泮 勃啰诃牟尼曳泮 阿耆尼曳泮 摩诃羯唎曳泮 羯啰檀迟曳泮 蔑怛唎曳泮 唠怛唎曳泮 遮文荼曳泮 羯逻啰怛唎曳泮 迦般唎曳泮 阿地目质多迦尸摩舍那 婆私尼曳泮 演吉质 萨埵婆写 么么印兔那么么写
第五会（文殊弘传会）
突瑟吒质多 阿末怛唎质多 乌阇诃啰 伽婆诃啰 嚧地啰诃啰 婆娑诃啰 摩阇诃啰 阇多诃啰 视毖多诃啰 跋略夜诃啰 乾陀诃啰 布史波诃啰 颇啰诃啰 婆写诃啰 般波质多 突瑟吒质多 唠陀啰质多 药叉揭啰诃 啰刹娑揭啰诃 闭㘑多揭啰诃 毗舍遮揭啰诃 部多揭啰诃 鸠槃荼揭啰诃 悉乾陀揭啰诃 乌怛摩陀揭啰诃 车夜揭啰诃 阿播萨摩啰揭啰诃 宅袪革荼耆尼揭啰诃 唎佛帝揭啰诃 阇弥迦揭啰诃 舍俱尼揭啰诃 姥陀啰难地迦揭啰诃 阿蓝婆揭啰诃 乾度波尼揭啰诃 什伐啰堙迦酰迦 坠帝药迦 怛隶帝药迦 者突托迦 昵提什伐啰毖钐摩什伐啰 薄底迦 鼻底迦 室隶瑟蜜迦 娑尼般帝迦 萨婆什伐啰 室嚧吉帝 末陀鞞达嚧制剑 阿绮嚧钳 目佉嚧钳 羯唎突嚧钳 揭啰诃揭蓝 羯拏输蓝 惮多输蓝 迄唎夜输蓝 末么输蓝 跋唎室婆输蓝 毖栗瑟吒输蓝 乌陀啰输蓝 羯知输蓝 跋悉帝输蓝 邬嚧输蓝 常伽输蓝 喝悉多输蓝 跋陀输蓝 娑房盎伽般啰丈伽输蓝 部多毖哆荼 荼耆尼什婆啰 陀突嚧迦建咄嚧吉知婆路多毗 萨般嚧诃凌伽 输沙怛啰娑那羯啰 毗沙喻迦 阿耆尼乌陀迦 末啰鞞啰建哆啰 阿迦啰蜜唎咄怛敛部迦 地栗剌吒 毖唎瑟质迦 萨婆那俱啰 肆引伽弊揭啰唎药叉怛啰刍 末啰视吠帝钐娑鞞钐 悉怛多般怛啰 摩诃跋阇嚧瑟尼钐 摩诃般赖丈耆蓝 夜波突陀舍喻阇那 辫怛隶拏 毗陀耶槃昙迦嚧弥 帝殊槃昙迦嚧弥 般啰毗陀槃昙迦嚧弥 哆侄他 唵 阿那隶 毗舍提 鞞啰跋阇啰陀唎 槃陀槃陀尼 跋阇啰谤尼泮 虎𤙖都嚧瓮泮 莎婆诃
（注：以上文字以《碛砂藏》为底本校对，同音频所念嘅唔完全一致。）
千朵莲花护住身——受持楞严神咒的威力
受持楞严神咒，要受之于心，持之于身。“持”就好似用手搦东西一样，持念神咒就系唔好将佢忘记，将佢放弃，要念兹在兹，时时刻刻诵持神咒。
持咒应该有一定嘅坛场叫做咒坛，就好似传戒需要有戒坛一样，咒坛要清净，唔能够有闲杂嘅人入去，只有持咒嘅人响里面修法。建立坛仪就系持咒嘅前方便，建坛呢，原本有一定嘅规矩，响《楞严经》里便有所说明，呢个系为诵经行道求现证嘅人而设嘅，“现证”即系今生就得到咒嘅利益。如果缁素发心散持（“缁”系出家人，“素”系在家人，散持即系冇坛场），咁就要专一其心，虔诚恭敬。
响《楞严经》上便讲：“设有众生于散乱心，非三摩地心忆口持，是金刚王常随从彼诸善男子，何况决定菩提心者。”纵然散心持诵，如果唔响禅定之中，亦都有八万四千嘅金刚藏王护法时常随逐行者，何况决定发菩提心呢！经上亦都讲到：“纵不作坛、不入道场，亦不行道，诵持此咒，还同入坛行道功德无有异也。”“乃至读诵书写此咒，身上带持，若安住处庄宅园馆，如是积业犹汤销雪，不久皆得悟无生忍。”
简单扼要嚟讲，持咒必须三密相应先能够得到感应。“三密”就系口诵神咒、心想梵字、手结印相，亦都叫做三坛。点解叫做“咒”呢？或者叫做“神咒”呢？因为妙不可言之故。我哋嘅心去观想梵字即系观想后便咒心嘅每一个梵字，三密相应亦即系持咒嘅前方便。
第一个即系咒语嘅坛城，持咒自然结成坛。呢个就系讲每日或者每次首先念楞严神咒一次，然后再持念楞严神咒嘅咒心一百零八次。咒心系：怛侄佗 唵 阿那地 毗舍提 毗喇跋舍喇陀唎 槃陀槃陀唎 跋舍喇 傍尼嚬 虎𤙖 都嚧雍 嚬 娑婆诃，梵语系：Tadyatha om anale visada vira vajra dhare bandha bandhani vira vajra pani phat hum brum phat svaha。楞严神咒呢个咒心妙不可言，如果天地间冇人再会念楞严咒，一切嘅妖魔鬼怪都出世了。呢个咒心后便呢两句“阿那地 毗舍提（anale visada）”，一句系竖高嘅意思，一句系横遍嘅意思。竖穷三际，横遍十方。呢两句咒语一念，天魔外道都吓到冇地方可以走，佢哋都会老老实实听我哋去使唤，只有呢两句嘅力量就已经不可思议。如果你能够响早晨诵念楞严咒一次，然后再持咒心一百零八次，就能够得到福报无量无边。所以话如果你会持诵楞严咒，来生七世能够得到大福大贵嘅果报。你想求人天福报嘅话，如果唔想求，当然唔须要啦。如果你想求出世嘅果报，亦都能够达到目的，呢个系咒语坛。
第二个系心想坛。心想坛系诵咒嘅咒心嘅时候观想每一个梵字，讲到梵字，有时唔系一定须要清楚了解同埋明白，唔明白有时比明白更加好。可以讲一个例子，犹如我哋食嘢嘅时候，我哋如果唔知道呢个嘢嘅味道，总系觉得佢怪怪，但系如果知道佢甜酸苦辣，食过咗之后呢，我哋贪食嘅心就止息，就觉得不过如此。修道亦都系一样，如果你唔知道咒嘅意思，梵字嘅意思，都会觉得佢妙不可言，心心念念都希望能够认识，如果你知道呢，你就唔会注意。观想梵字亦都系一样，因为梵字我哋冇学过，唔知佢嘅意思，唔好似我哋中国字一样。“大”字同埋“菩萨”两个字，观想梵字其实能够得到五眼六通，要将佢一字一字都要谂得清清楚楚，睁眼闭眼都要清清楚楚，久而久之，妙处就会生出嚟，可以使到人开五眼六通，通因达果。因为我哋唔明白梵字呢，所以我哋仍然有个想学习嘅心，令到我哋产生有一股不可思议嘅神妙力量。其实观想梵字，亦都系锁住我哋嘅心嘅方法，将心制喺一笪地方，就唔会打妄想嘞，将每个梵字都印入我哋心里头，无论开眼闭眼都明明白白，咁样久而久之，就能够得到三昧。
第三个要讲嘅系手印坛，“手印”亦都叫做“手诀”，前面嘅咒语坛同埋观想坛明白咗之后，手印坛亦都须要明白。响《一字佛顶轮王念诵仪轨》上面曾经讲过大白伞盖佛顶印，呢个印亦都相等于楞严神咒嘅印，其实系共通嘅，呢个印叫做“大白伞盖佛顶轮王印”，只要我哋结呢个印，去念诵楞严咒就可以同咒相通。其实叫你结印念咒，系叫你注意，注意呢啲动作，唔好打妄想，唔系其他意思，唔系话一结印就好灵，如果你冇其他嘅妄想，唔结印呢亦都系三密相应，要知道真理，点解要有三密相应呢？咒语坛、观想坛、手印坛都系叫你唔好打任何嘅妄想，所谓专一则灵，分歧则毙。仲有一个手印坛，系好简单嘅，金刚拳、金刚掌同金刚缚嘅手印。金刚拳、金刚掌同金刚缚嘅手印就唔系好似头先所讲嘅大白伞盖佛顶轮王印，比较系复杂。我哋结上金刚拳，但系唔好擘大瞪开我哋嘅眼睛，否则就会成咗金刚怒目。十个手指交叉，仰上就叫做金刚掌，俯下就叫做金刚缚，一切三昧嘅法门，系由金刚拳、金刚掌、金刚缚所生出嚟，你念咒嘅时候三坛相应，就好似放咗好多花去点缀一样，呢三个手印任何结一种都可以，都能够成为楞严王大白伞盖佛顶心咒印。然后我哋再观想，念诵呢个咒就三密相应嘞，能够咁样做呢，就能够得到十方诸佛身口意三轮不思议嘅缘化，无论世出世所求无不如愿。不过最好都系无所求，因为有所求就有贪心，有贪心如果得到现时嘅感应呢，唔能够得到无量嘅功德，如果能够无所求呢，其实功德系更大嘅。如果你唔识手印，响密部里面有三个咒，亦都能够随念而成为坛城，第一个就系法界真言“Om vajra dhatu vam”，念咗呢个真言，能够将法界完全清净；第二个系清净真言“Om ram svaha”；第三个就系放焰口时候念嘅三坛真言“Om Ah Hum”。“三坛”系佛、法、僧，“Om”系毘卢顶上作佛坛，“Ah”系弥陀口中作法坛，“Hum”系阿閦佛心内作僧坛。呢三个咒每一个都念七次亦都能够三密相应，念咒之前先念呢三个咒系最好嘅。
跟住再嚟我嚟解释，楞严咒开首念咒嘅时候嘅启首颂。
“南无楞严会上佛菩萨”——“南无”系梵语，译为皈命、敬投，就系将我哋身心性命都归依俾佛，对佛恭恭敬敬嘅五体投地，只有佛系我哋相信嘅。“楞严”系一切事究竟坚固，一切事就唔系一种事，而系无论咩事都包括在内，究竟到达不可破坏嘅程度。呢一句系皈命楞严会上嘅一切佛、一切菩萨，念楞严咒呢，首先要皈命楞严会上嘅佛菩萨，呢一句须要念三次。
“妙湛总持不动尊，首楞严王世希有”——“妙湛”，“妙”系不可思议，唔能够想象，如果能够想象呢，能够知道呢，都唔叫做“妙”，“妙”系出乎意料之外，思想达不到，所以叫做“不可思议”。“湛”系湛深，不只系妙，而且妙得湛深，非常不可思议。“总持”系总一切法、持无量义。总一切法系包括所有嘅法，持无量义系受持无量嘅义理，都喺里面包括晒。所以“妙湛”系显密圆融，“总持”系随缘普应，所有尽虚空遍法界，有求，完全都能够相应嘅境界。本体常住即系“不动”，本体系寂然不动、感而遂通嘅。“妙湛”“总持”同“不动”呢三样嘢呢，都系妙湛，三而一；三者都系总持，一而三；三者都系不动，非三非一，亦三亦一。详细分析，每一个意思里便呢都有三种意思。“世希有”系世出世之间最好嘅，“不动尊”系佛嘅另外一个名称。“首楞严王世希有”呢句系赞叹楞严大定，修行呢个楞严王大定能够生起其他一切嘅定。一切嘅禅定都由呢个楞严王大定生出。“世希有”系话世界上唔容易有、系好难遭遇嘅。呢一首偈颂系由阿难尊者被先梵天咒所迷，佛讲楞严咒，派文殊师利菩萨用咒将阿难尊者救回。阿难感谢佛陀嘅深恩，所以讲咗呢首偈颂去形容佢嘅感受。
“销我亿劫颠倒想，不历僧祇获法身”——人由无量劫以嚟有一啲妄知妄见、邪知邪见、颠倒梦想。“颠倒”即系非常计常，非断计断，非有计有，非无计无，跟住妄嘅境界去走，唔能够将妄嘅境界转过嚟，亦即系人被境转而唔能够转境，亦即系常为业风所牵。所差嘅只系一啲啲，唔系好多，但系呢一啲啲呢，就同真正嘅常住真心、性净明体大相径庭，何止谬于千里？颠倒呢，就唔相应，想而想，唔应该贪而贪，唔应该瞋而瞋，唔应该迷糊而迷糊。再往清楚嚟讲呢，就系自性里面嘅颠倒想，唔能够大公无私就系颠倒，呢种颠倒想就令到我哋响六道轮回受生死嘅因缘。修，就系要将颠倒想销咗，好似阿难咁聪明嘅人仲系一样有颠倒想，佢嘅记忆力非常之强，响佛所讲嘅经典一历耳根就永劫不忘，但系当佢见到摩登伽女嘅时候就被佢动摇，就跟住佢走到黄发外道嘅屋企里便，呢个系佢嘅颠倒想。男贪女爱就系颠倒想，呢个由无量劫以嚟就有㗎喇。所以话首楞严王呢种大定大法系世间所希有嘅，能够销除无量劫以嚟生生世世嘅颠倒想。
“不历僧祇获法身”——佛成佛呢，系经过三大阿僧祇劫，所谓“三祇修福慧，百劫修相好”，修福一百个大劫能够得到三十二相、八十随形好。阿僧祇劫系无量数，三个阿僧祇劫即系三个无量数，呢个数目有几多呢？连电脑都计唔到。而家阿难尊者“不历僧祇获法身”——我得到呢个楞严咒嘞，有呢种坚固嘅大定嘞，唔须要经历三大阿僧祇嘅时间就可以得到法身，亦都系成佛，证得法身自在、神通变化。诚心诵楞严咒呢，唔须要经过咁长嘅时间就可以得到法身嘞。
“愿今得果成宝王，还度如是恒沙众。将此深心奉尘刹，是则名为报佛恩。伏请世尊为证明，五浊恶世誓先入。如一众生未成佛，终不于此取泥洹。”阿难响前面讲过：“销我亿劫颠倒想，不历僧祇获法身。”现在又话：“愿今得果成宝王”——我现在发愿，愿先成佛。“得果”呢啫系得到佛果，“宝王”啫系“佛”。“还度如是恒沙众”——我成佛唔系为咗自己，仲要倒驾慈航，回入娑婆，去教化恒河沙咁多嘅众生，所有嘅众生我都要教化。
“将此深心奉尘刹”——“深心”啫般若嘅智慧，“奉尘刹”系变化到十方嘅世界去教化众生，我以愿力普遍到十方微尘刹土咁多嘅世界去教化众生。
“是则名为报佛恩”——系用呢个至诚恳切嘅心，就报答佛对我嘅恩德。
“伏请世尊为证明”——又好虔诚请求世尊为我阿难证明呢种愿力。
“五浊恶世誓先入”——五浊恶世嘅众生系最难度嘅，我要先度。响呢个劫浊、见浊、烦恼浊、众生浊、命浊嘅五浊之中，刚强众生系难调难伏，我要先到呢个罪恶嘅娑婆世界去度众生。
“如一众生未成佛，终不于此取泥洹”——我始终唔会取阿罗汉嘅果证，初果须陀洹、二果斯陀含、三果阿那含、四果阿罗汉，亦都唔会取佛嘅涅槃果位。只要有众生未成佛，我就响呢度等住嚟教化佢，令到佢哋都成佛之后，然后我先取泥洹。泥洹响二乘嘅阿罗汉嘅果位，响佛就系涅槃嘅果位，即系无上正等正觉。
以上系阿难尊者所发嘅愿，嚟帮助佛陀扬化，帮助释迦牟尼佛去教化众生。
“大雄大力大慈悲，希更审除微细惑。令我早登无上觉，于十方界坐道场”——“大雄”即系大英雄，响其中就包括大智、大慧、大行、大愿、大力，再冇比呢种力量更大。既有大雄力，又有大慈悲，以大雄大力去支持大慈悲心。“慈”即系给予众生一切乐，“悲”能够拔众生一切苦，爱护众生无微不至，满众生嘅一切愿，众生对佛有乜嘢要求，佛都满佢嘅愿。
“希更审除微细惑”——“希”就系希望，“更”即系再次。前面已经请佛“销我亿劫颠倒想”嘞，系指销除见惑、思惑，现在呢，更加销除尘沙惑。尘沙惑系一种微细惑，响你觉察唔到嘅地方，沉喺你心底之下，微细微细嘅妄念、无明。希望大雄大力嘅佛世尊将我微细嘅迷惑亦都除去。
“令我早登无上觉”——令我早成佛道。
“于十方界坐道场”——响十方嘅世界都能够建立大道场去宏扬佛法。有人话阿难发呢个愿呢，系好矛盾，前便讲“如一众生未成佛，终不于此取泥洹”，现在又希望早成佛道，“于十方界坐道场”，呢个愿唔系矛盾咩？其实唔系。佢前便讲嘅“终不于此取泥洹”，系将众生度尽咗之后先取涅槃，如果冇度尽就唔会取正觉。现在请佛加被佢，令佢粗惑断，细惑亦都断，众生亦都度尽嘞，令佢嘅愿力，早得成就。“令”就系使令，使令阿难尊者登到无上嘅觉，早成佛道，亦都请佛陀帮助佢度尽佢要度嘅众生。“如一众生未成佛”系指同佢有缘嘅众生，佢都要度尽。如果同佢冇关系嘅众生，当然要等待另外嘅人去度啦。譬如响佢嘅法会之上听过佢讲经，同佢有法缘嘅，佢要度尽，如果同佢冇法缘嘅众生，就等另外嘅人去度。
佛法八万四千法门，门门可入，教教是真，梗有一个佛菩萨系同你有缘，同你相近嘅性格嘅。（注：接下文）
166.千朵莲花护住身（三）
（注：接上文）
千朵红莲护住身——楞严咒之威力
“舜若多性可销亡，烁迦罗心无动转”——乜嘢系“舜若多”呢？“烁迦罗”又系乜嘢呢？“舜若多性可销亡”系话虚空嘅本性根本就系冇嘅。大家话虚空嘅本性会唔会有吖？虚空嘅本性本嚟就系空嘅，仲有咩去销亡呢？根本就系冇，亦都冇可能销亡。但系点解阿难尊者又话佢可以销亡呢？其实阿难尊者咁样讲只系一个假设啫，唔能够销亡嘅虚空都可以销亡，但我呢个金刚不坏嘅心，坚固嘅心唔能够动转，永远都系唔会改变嘅。
“南无常住十方佛，南无常住十方法，南无常住十方僧，南无释迦牟尼佛，南无佛顶首楞严，南无观世音菩萨，南无金刚藏菩萨。”
“南无常住十方佛，南无常住十方法，南无常住十方僧”——“南无”系归依，归依三宝嘅意思。我哋归依十方诸佛，亦都归依诸佛所讲嘅法，又归依十方三世嘅贤圣僧。“贤圣僧”就系大菩萨、大阿罗汉都包括在内。
“南无释迦牟尼佛”——系归依十方三宝之后又归依我哋嘅本师，我哋嘅本尊释迦牟尼佛。释迦牟尼系梵语翻译过嚟我哋汉文就系“能仁”同“寂默”。“能仁”就系可以普渡众生啦，“寂默”就系寂然不动。“能仁”亦都系感而遂通，能够用仁慈去施与众生，呢个就系动静不二。“能仁”系动，“寂默”系静，动静一如，动里便就系静，静里便就系动，动不碍静，静亦不碍动。大家修道，修得动静一如嘅时候，就揾到本体，亦都冇乜嘢妄念嘞。
“南无佛顶首楞严”——归依完三宝之后，我哋再归依佛顶首楞严呢个大定。
“南无观世音菩萨”——再归依观世音菩萨。
“南无金刚藏菩萨”——再归依八万四千嘅金刚藏菩萨。念楞严咒，有八万四千嘅金刚藏菩萨时常保护大家，随侍你左右。
所以能够念楞严咒唔系一生一世所种嘅善根，而喺无量百千万亿劫以前已经种诸善根，先能够学习到楞严神咒同埋晓得点样去诵持、受持楞严神咒嘅。唔系一佛二佛三四五佛而种善根，再讲一次，已于无量百千万亿佛所种诸善根，呢个系受持到楞严咒行者各人嘅宿命因缘。过去世能够种诸善根，今生先能够遇到楞严神咒，先能够听到法师去讲楞严神咒。
“尔时世尊，从肉髻中，涌百宝光。光中涌出，千叶宝莲。有化如来，坐宝华中。顶放十道，百宝光明。一一光明，皆遍示现，十恒河沙，金刚密迹，擎山持杵，遍虚空界。大众仰观，畏爱兼抱。求佛哀佑，一心听佛，无见顶相，放光如来，宣说神咒。”
“尔时”，即系话当时讲楞严咒嘅时候呢，亦都系而家讲楞严咒嘅时候，讲楞严咒系几千年以前，讲楞严咒亦都系几千年以后。听楞严咒系现在，唔系过去，亦都唔系未来，因为过去已经过去，未来仲未到，至于现在，现在亦都系刹那迁流不停嘅。当大家话“现在”嘅时候其实已经过去嘞，连“现在”都唔存在，点解讲，咁样讲呢？因为过去心不可得，现在心不可得，未来心亦不可得吖，三心了不可得，只有楞严咒系可得嘅。
“世尊”系世出世之尊，冇一样嘢再比世尊更宝贵、更高超，即系佛。响呢个时候，佛从佢顶上肉髻之中涌出百宝光明，光明之中涌出千叶宝莲。呢度“百宝”系表示百界，“千叶宝莲”表示千如。讲系咁样讲，不仅系表示百界千如，其实已经系表示咗无穷无尽无量无边嘞，可以话三千大千世界都系由百宝光明所化成、所造成嘅。响宝莲之上有佛嘅化身，化身系由无化有，讲佢有，佢系冇嘅，讲佢冇，佢又有，忽显忽隐，忽有忽无，瞻之在前，忽焉在后。“化如来”，即系佛嘅变化身响千叶宝莲花之上正在端坐，响化如来嘅头上又放出十道百宝光明。“十道”系表示十法界，一一光明都普遍示现。响十恒河沙咁多嘅金刚密迹，就系金刚护法，亦即系护法金刚。“密迹”即系默默保护大家，护持大家嘅修行圣者。念咒最低限度有八万四千金刚藏王去保护大家。其实系唔止呢个数嘅，有十恒河沙咁多，其实连电脑都计唔出嘅护法金刚默默咁样保护你，但系大家睇唔到，但系睇唔到，唔代表佢唔存在，呢啲金刚护法系实实在在存在响大家身边，保护住大家嘅。呢啲金刚护法菩萨一手拿住大伞，一手拿住大宝杵，你睇下有几大？遍满虚空。
“大众仰观，畏爱兼抱”——“畏”就系怕，个心好似一只兔仔响度蹦蹦跳，讲唔敢睇，又舍唔得，想睇呢又好怕，毛骨悚然，头发都竖起嚟，身上嘅毛孔都起咗鸡皮。“畏爱兼抱”——又怕又爱，两种心情，两种思想。“求佛哀佑”——呢个时候系求释迦牟尼佛怜悯我哋。
“一心听佛”——响呢个时候真系冇妄想嘞。
“无见顶相”——佛嘅无见顶相，仰之弥高，钻之弥坚。呢个无见顶相，似有似无，话佢冇又有，呢个无见顶相系你见唔到，亦都系无所不见。
“放光如来宣说神咒”——就系响大宝莲花之中变化嘅如来，亦都响佢无见顶相之中生出百宝光明。百宝光又有千叶宝莲，千叶宝莲之上又有化如来，又放大光明宣说呢个神咒。呢个系佛嘅化佛所宣说嘅神咒，唔系一般人可以听得见嘅，当时都系嗰啲法身大士菩萨先可以听到神咒。你愿意听，就首先要学楞严咒，学咗之后就可以听嘞。
“佛顶光明摩诃萨怛多般怛啰无上神咒”——楞严咒嘅名系叫做“摩诃萨怛多般怛啰陀罗尼”，又叫做“摩诃萨怛多般怛啰无上神咒”。“摩诃”系梵语，译为“大”，体相用都大，体遍十方，尽虚空遍法界系佢嘅大用。讲到相，佢系无相嘅，咒有咩相呢？但系无相而无不相，亦都可以话佢冇咩嘢用，但系无所不用。尽虚空遍法界无所不用，呢个“用”就系大用，“相”系大相，“体”系大体，呢个就系“摩诃”嘅意思。“萨怛多”亦都系梵语，译为“白色”，亦即系清净，冇污染嘅意思，所以话“相觉诸染曰白”。楞严咒系白净法，清净无染污嘅法。“般怛啰”系梵语，译为“伞盖”，呢个系一个譬如，譬如一个伞盖去覆荫万物，护持一切有德行嘅人，边个有德行，边个就能够遇到呢个法，无德行系遇唔到呢个法嘅。
（注：以下解释嘅楞严咒句偈为“三光普照透三才，阎浮世界取不来，大德大善能遇得，无德无善不明白”）
所以话“三光普照透三才”——一般人一定认为“三光”系日月星，日月星系外边嘅三光。诵持楞严神咒身上会有光嘅，口里便有口光，心里面有心光，身口意三业都会放光嘅，大家听过呢个道理未吔？身上所放嘅系黄光，修成功嘅时候就会放出金光，金光万道。开始修楞严咒嘅时候系黄光，淡黄色嘅，久而久之就会变成金光，所以话“紫磨金色，万道光明，充满法界”，呢个境界都系修持楞严咒而修成。口里便所放嘅光系红光，心里便所放嘅光系白光，但系有时响口里便亦都会放出黄光，有时又会有青光，有时亦都会放出黑光，有时青、黄、赤、白、黑嘅光都会一齐放，不过，呢种境界系要修持楞严神咒成功先能够达到嘅。“般怛啰”即系荫护万物、荫护万德。大白伞盖能够保护所有有德行嘅人、受持楞严神咒嘅众生，所以话“三光普照透三才”，“三才”系天地人。
“阎浮世界你不来”（注：根据网上嘅资料，此句疑为“阎浮世界取不来”）——响阎浮界里便，你喺咩地方都揾唔到，一定要受持楞严神咒先能够得到呢种光明加被。
“大德大善能于得”——要有大德行，大善行嘅人先能够得到呢个法门。
“无德无善不明白”——如果冇德行，冇善功德，就系遇到亦都会当面错过，失之交臂，睇到金以为系铜，见到钻石以为系玻璃，见到楞严神咒认为呢个咒都系普通，不外如是，冇乜特别啫，唔知道佢系宝，唔知道佢嘅妙用，唔知道楞严神咒嘅功德系不可思议。
（注：以下解释嘅楞严咒句偈为“千朵红莲护住身，坐驹骑著墨麒麟，万魔一见往远躲，济公法师有妙音”）
“心光”啫系意念，即系我哋嘅第六识，不过，你如果唔修行，咩嘢用都冇嘅，如果修行就会放光。刚刚讲嘅光呢，唔系身口意三业清净放出嚟清净嘅光明，其实仲有红光缭绕，你念诵楞严神咒嘅时候自然就会红光缭绕，所以话“千朵红莲护住身”，千朵红莲护住身所放出就系红莲花所放出嘅红光了。
“坐驹骑著墨麒麟”——响呢个科学嘅时代，讲呢啲说话可能会俾科学家笑甩大牙，但系唔讲，亦都冇得笑啦。可能科学将来就会证明到呢啲放光嘅境界。
“万妖一见往远躲”——乜嘢妖魔鬼怪，一见到呢个千朵红莲护住身嘅威德法相都一定会向远处跑啦。“济公法师有妙音”——济公法师当时咪又系诵持呢个楞严神咒去保护众生，佢用呢个楞严神咒曾经医好好多人，亦都用佢嘅医术亦都救咗好多人。诵楞严咒嘅时候有紫光放出，亦都有白光旋转。点解一念楞严咒，妖魔鬼怪都唔敢出嚟呢？因为力量太大了，尽虚空遍法界，冇一个地方唔系祥光瑞气到处弥漫。所以有人诵楞严咒就系补天地正气嘅不足，一个人念楞严咒就有一个人嘅力量，一百个人念楞严咒就有一百个人嘅力量。世上嘅妖魔鬼怪都会老老实实乖乖咁样听话。
楞严咒系咒中之王，亦系咒中最长嘅，呢个咒关系到整个佛教嘅兴衰。世界上如果有一个人唔会念楞严咒，呢个世界就毁灭了，因为世上冇咗正法，只有《楞严经》同楞严神咒系正法之中最要紧嘅一部经同一部咒。《楞严经》系为楞严咒嚟讲，系解释楞严咒、赞叹楞严咒。《楞严经》之中结坛法嘅一段经文，其实已经讲得好详细。大家想知道嘅详细，你就去睇一睇呢一段经文。
楞严咒亦都叫做“佛顶光明”，系佛嘅顶相化身所讲，所以系微妙不可思议。每一句有每一句嘅用途，每一个字有每一个字嘅奥妙，都具足不可思议。“佛顶光明”系表示咒嘅力量能够破除一切嘅黑暗，能够成就一切嘅功德。如果你能够受持楞严咒，将来一定成佛无疑，一定得到无上正等正觉。离开咒文能够念呢，叫做“诵”，对住咒文念叫做“读”。如果能够诵念楞严咒可以消除宿世业障，呢个系楞严咒嘅妙用。何谓“无”呢？光明无极，光明到极点，冇嘢再能够超过呢个光明嘞。“上”系尊上莫等嘅“上”，冇嘢比呢样嘢更尊贵、更高尚。“神”，就系不可思议，亦都系威灵不能够预测嘅意思。“咒”就系感应道交，佢有一种力量，你念咒就有感应。
佛顶光明摩诃萨怛多般怛啰无上神咒：
南无楞严会上佛菩萨
南无楞严会上佛菩萨
南无楞严会上佛菩萨
妙湛总持不动尊 首楞严王世希有
销我亿劫颠倒想 不历僧祇获法身
愿今得果成宝王 还度如是恒沙众
将此深心奉尘刹 是则名为报佛恩
伏请世尊为证明 五浊恶世誓先入
如一众生未成佛 终不于此取泥洹
大雄大力大慈悲 希更审除微细惑
令我早登无上觉 于十方界坐道场
舜若多性可销亡 烁迦罗心无动转
南无常住十方佛
南无常住十方法
南无常住十方僧
南无释迦牟尼佛
南无佛顶首楞严
南无观世音菩萨
南无金刚藏菩萨
尔时世尊。从肉髻中。涌百宝光。光中涌出。千叶宝莲。有化如来。坐宝华中。顶放十道。百宝光明。一一光明。皆遍示现。十恒河沙。金刚密迹。擎山持杵。遍虚空界。大众仰观。畏爱兼抱。求佛哀佑。一心听佛。无见顶相。放光如来。宣说神咒。
佛顶光明摩诃萨怛多般怛啰无上神咒：
第一会（毘卢真法会）
南无萨怛他苏伽多耶阿罗诃帝三藐三菩陀写 萨怛他佛陀俱胝瑟尼钐 南无萨婆勃陀勃地萨哆鞞弊 南无萨多南三藐三菩陀俱知喃 娑舍啰婆迦僧伽喃 南无卢鸡阿罗汉哆喃 南无苏卢多波那喃 南无娑羯唎陀伽弥喃 南无卢鸡三藐伽哆喃 三藐伽波啰底波多那喃 南无提婆离瑟喃 南无悉陀耶毗地耶陀啰离瑟喃 舍波奴揭啰诃娑诃娑啰摩他喃 南无跋啰诃摩泥 南无因陀啰耶 南无婆伽婆帝 嚧陀啰耶 乌摩般帝 娑酰夜耶 南无婆伽婆帝 那啰野拏耶 槃遮摩诃三慕陀啰 南无悉羯唎多耶 南无婆伽婆帝 摩诃迦罗耶 地唎般剌那伽啰 毗陀啰波拏迦啰耶 阿地目帝 尸摩舍那泥婆悉泥 摩怛唎伽拏 南无悉羯唎多耶 南无婆伽婆帝 多他伽哆俱啰耶 南无般头摩俱啰耶 南无跋阇罗俱啰耶 南无摩尼俱啰耶 南无伽阇俱啰耶 南无婆伽婆帝 帝唎茶输啰西那 波啰诃啰拏啰阇耶 哆他伽多耶 南无婆伽婆帝 南无阿弥多婆耶 哆他伽多耶 阿啰诃帝 三藐三菩陀耶 南无婆伽婆帝 阿刍鞞耶 哆他伽多耶 阿啰诃帝 三藐三菩陀耶 南无婆伽婆帝 鞞沙阇耶俱卢吠柱唎耶 般啰婆啰阇耶 哆他伽多耶 南无婆伽婆帝 三补师毖多 萨怜捺啰剌阇耶 哆他伽多耶 阿啰诃帝 三藐三菩陀耶 南无婆伽婆帝 舍鸡野母那曳 哆他伽多耶 阿啰诃帝 三藐三菩陀耶 南无婆伽婆帝 剌怛那鸡都啰阇耶 哆他伽多耶 阿啰诃帝 三藐三菩陀耶 帝瓢南无萨羯唎多 翳昙婆伽婆多 萨怛他伽都瑟尼钐 萨怛多般怛㘕 南无阿婆啰视耽 般啰帝扬岐啰 萨啰婆部多揭啰诃 尼羯啰诃揭迦啰诃尼 跋啰毖地耶叱陀尼 阿迦啰蜜唎柱 般唎怛啰耶儜揭唎 萨啰婆槃陀那目叉尼 萨啰婆突瑟吒 突悉乏般那尼伐啰尼 赭都啰失帝南 羯啰诃娑诃萨啰若阇 毗多崩娑那羯唎 阿瑟吒冰舍帝南 那叉刹怛啰若阇 波啰萨陀那羯唎 阿瑟吒南 摩诃揭啰诃若阇 毗多崩萨那羯唎 萨婆舍都嚧尼婆啰若阇 呼蓝突悉乏难遮那舍尼 毖沙舍悉怛啰 阿吉尼乌陀迦啰若阇 阿般啰视多具啰 摩诃般啰战持 摩诃叠多 摩诃帝阇 摩诃税多阇婆啰 摩诃跋啰槃陀啰婆悉尼 阿唎耶多啰 毗唎俱知 誓婆毗阇耶 跋阇啰摩礼底 毗舍嚧多 勃腾罔迦 跋阇啰制喝那阿遮 摩啰制婆般啰质多 跋阇啰擅持 毗舍啰遮 扇多舍鞞提婆补视多 苏摩嚧波 摩诃税多 阿唎耶多啰 摩诃婆啰阿般啰 跋阇啰啇羯啰制婆 跋阇啰俱摩唎 俱蓝陀唎 跋阇啰喝萨多遮 毗地耶乾遮那摩唎迦 啒苏母婆羯啰哆那 鞞嚧遮那俱唎耶 夜啰菟瑟尼钐 毗折蓝婆摩尼遮 跋阇啰迦那迦波啰婆 嚧阇那跋阇啰顿稚遮 税多遮迦摩啰 刹奢尸波啰婆 翳帝夷帝 母陀啰羯拏 娑鞞啰忏 掘梵都 印兔那么么写
第二会（释尊应化会）亦名（楞严教主会）
乌𤙖 唎瑟揭拏 般剌舍悉多 萨怛他伽都瑟尼钐 虎𤙖 都嚧雍 瞻婆那 虎𤙖 都嚧雍 悉耽婆那 虎𤙖 都嚧雍 波罗瑟地耶三般叉拏羯啰 虎𤙖 都嚧雍 萨婆药叉 喝啰刹娑 揭啰诃若阇 毗腾崩萨那羯啰 虎𤙖 都嚧雍……（注：接下文）
167.千朵莲花护住身（四）
（注：接上文，录音中少咗一句“者都啰尸底南”） 揭啰诃娑诃萨啰南 毗腾崩萨那啰 虎𤙖 都嚧雍 啰叉 婆伽梵 萨怛他伽都瑟尼钐 波啰点阇吉唎 摩诃娑诃萨啰 勃树娑诃萨啰室唎沙 俱知娑诃萨泥帝㘑 阿弊提视婆唎多 吒吒罂迦 摩诃跋阇嚧陀啰 帝唎菩婆那 曼荼罗 乌𤙖 莎悉帝薄婆都 么么 印兔那么么写
第三会（观音合同会）
啰阇婆夜 主啰跋夜 阿祇尼婆夜 乌陀迦婆夜 毗沙婆夜 舍萨多啰婆夜 婆啰斫羯啰婆夜 突瑟叉婆夜 阿舍尼婆夜 阿迦啰蜜唎柱婆夜 陀啰尼部弥剑波伽波陀婆夜 乌啰迦婆多婆夜 剌阇坛茶婆夜 那伽婆夜 毗条怛婆夜 苏波啰拏婆夜 药叉揭啰诃 啰叉私揭啰诃 毕唎多揭啰诃 毗舍遮揭啰诃 部多揭啰诃 鸠槃荼揭啰诃 补丹那揭啰诃 迦吒补丹那揭啰诃 悉乾度揭啰诃 阿播悉摩啰揭啰诃 乌檀摩陀揭啰诃 车夜揭啰诃 酰唎婆帝揭啰诃 社多诃唎南 揭婆诃唎南 嚧地啰诃唎南 忙娑诃唎南 谜陀诃唎南 摩阇诃唎南 阇多诃唎女 视比多诃唎南 毗多诃唎南 婆多诃唎南 阿输遮诃唎女 质多诃唎女 帝钐萨鞞钐 萨婆揭啰诃南 毗陀耶阇瞋陀夜弥 鸡啰夜弥 波唎跋啰者迦讫唎担 毗陀夜阇瞋陀夜弥 鸡啰夜弥 茶演尼讫唎担 毗陀夜阇瞋陀夜弥 鸡啰夜弥 摩诃般输般怛夜 嚧陀啰讫唎担 毗陀夜阇瞋陀夜弥 鸡啰夜弥 那啰夜拏讫唎担 毗陀夜阇瞋陀夜弥 鸡啰夜弥 怛埵伽嚧茶西讫唎担 毗陀夜阇瞋陀夜弥 鸡啰夜弥 摩诃迦啰摩怛唎伽拏讫唎担 毗陀夜阇瞋陀夜弥 鸡啰夜弥 迦波唎迦讫唎担 毗陀夜阇瞋陀夜弥 鸡啰夜弥 阇耶羯啰摩度羯啰 萨婆啰他娑达那讫唎担 毗陀夜阇瞋陀夜弥 鸡啰夜弥 赭咄啰婆耆尼讫唎担 毗陀夜阇瞋陀夜弥 鸡啰夜弥 毗唎羊讫唎知 难陀鸡沙啰伽拏般帝 索酰夜讫唎担 毗陀夜阇瞋陀夜弥 鸡啰夜弥 那揭那舍啰婆拏讫唎担 毗陀夜阇瞋陀夜弥 鸡啰夜弥 阿罗汉讫唎担毗陀夜阇瞋陀夜弥 鸡啰夜弥 毗多啰伽讫唎担 毗陀夜阇瞋陀夜弥 鸡啰夜弥跋阇啰波尼 具酰夜具酰夜 迦地般帝讫唎担 毗陀夜阇瞋陀夜弥 鸡啰夜弥 啰叉罔 婆伽梵 印兔那么么写
第四会（刚藏折摄会）
婆伽梵 萨怛多般怛啰 南无粹都帝 阿悉多那啰剌迦 波啰婆悉普吒 毗迦萨怛多钵帝唎 什佛啰什佛啰 陀啰陀啰 频陀啰频陀啰瞋陀瞋陀 虎𤙖 虎𤙖 泮吒 泮吒泮吒泮吒泮吒 娑诃 酰酰泮 阿牟迦耶泮 阿波啰提诃多泮 婆啰波啰陀泮 阿素啰毗陀啰波迦泮 萨婆提鞞弊泮 萨婆那伽弊泮 萨婆药叉弊泮 萨婆乾闼婆弊泮 萨婆补丹那弊泮 迦吒补丹那弊泮 萨婆突狼枳帝弊泮 萨婆突涩比唎讫瑟帝弊泮 萨婆什婆唎弊泮 萨婆阿播悉摩唎弊泮 萨婆舍啰婆拏弊泮 萨婆地帝鸡弊泮 萨婆怛摩陀继弊泮 萨婆毗陀耶啰誓遮唎弊泮 阇夜羯啰摩度羯啰 萨婆罗他娑陀鸡弊泮 毗地夜遮唎弊泮 者都啰缚耆尼弊泮 跋阇啰俱摩唎 毗陀夜啰誓弊泮 摩诃波啰丁羊叉耆唎弊泮 跋阇啰商羯啰夜 波啰丈耆啰阇耶泮 摩诃迦啰夜 摩诃末怛唎迦拏 南无娑羯唎多夜泮 毖瑟拏婢曳泮 勃啰诃牟尼曳泮 阿耆尼曳泮 摩诃羯唎曳泮 羯啰檀迟曳泮 蔑怛唎曳泮 唠怛唎曳泮 遮文荼曳泮 羯逻啰怛唎曳泮 迦般唎曳泮 阿地目质多迦尸摩舍那 婆私尼曳泮 演吉质 萨埵婆写 么么印兔那么么写
第五会（文殊弘传会）
突瑟吒质多 阿末怛唎质多 乌阇诃啰 伽婆诃啰 嚧地啰诃啰 婆娑诃啰 摩阇诃啰 阇多诃啰 视毖多诃啰 跋略夜诃啰 乾陀诃啰 布史波诃啰 颇啰诃啰 婆写诃啰 般波质多 突瑟吒质多 唠陀啰质多 药叉揭啰诃 啰刹娑揭啰诃 闭㘑多揭啰诃 毗舍遮揭啰诃 部多揭啰诃 鸠槃荼揭啰诃 悉乾陀揭啰诃 乌怛摩陀揭啰诃 车夜揭啰诃 阿播萨摩啰揭啰诃 宅袪革荼耆尼揭啰诃 唎佛帝揭啰诃 阇弥迦揭啰诃 舍俱尼揭啰诃 姥陀啰难地迦揭啰诃 阿蓝婆揭啰诃 乾度波尼揭啰诃 什伐啰堙迦酰迦 坠帝药迦 怛隶帝药迦 者突托迦 昵提什伐啰毖钐摩什伐啰 薄底迦 鼻底迦 室隶瑟蜜迦 娑尼般帝迦 萨婆什伐啰 室嚧吉帝 末陀鞞达嚧制剑 阿绮嚧钳 目佉嚧钳 羯唎突嚧钳 揭啰诃揭蓝 羯拏输蓝 惮多输蓝 迄唎夜输蓝 末么输蓝 跋唎室婆输蓝 毖栗瑟吒输蓝 乌陀啰输蓝 羯知输蓝 跋悉帝输蓝 邬嚧输蓝 常伽输蓝 喝悉多输蓝 跋陀输蓝 娑房盎伽般啰丈伽输蓝 部多毖哆荼 荼耆尼什婆啰 陀突嚧迦建咄嚧吉知婆路多毗 萨般嚧诃凌伽 输沙怛啰娑那羯啰 毗沙喻迦 阿耆尼乌陀迦 末啰鞞啰建哆啰 阿迦啰蜜唎咄怛敛部迦 地栗剌吒 毖唎瑟质迦 萨婆那俱啰 肆引伽弊揭啰唎药叉怛啰刍 末啰视吠帝钐娑鞞钐 悉怛多般怛啰 摩诃跋阇嚧瑟尼钐 摩诃般赖丈耆蓝 夜波突陀舍喻阇那 辫怛隶拏 毗陀耶槃昙迦嚧弥 帝殊槃昙迦嚧弥 般啰毗陀槃昙迦嚧弥 哆侄他 唵 阿那隶 毗舍提 鞞啰跋阇啰陀唎 槃陀槃陀尼 跋阇啰谤尼泮 虎𤙖都嚧瓮泮 莎婆诃
（注：以上文字以《碛砂藏》为底本校对，同音频所念嘅唔完全一致。）
阿难，呢个佛顶光聚悉怛多般怛啰秘密伽陀精微奥妙嘅章句能够出生十方一切诸佛，十方嘅如来都系因为有呢个心咒以为密因，所以先得成无上正遍知觉嘅。
十方嘅如来执持呢个秘密咒心，好似金刚王宝剑一样活杀自由，能够降伏五阴诸魔，制伏断见、常见等等嘅外道。
阿难吖，十方嘅如来乘住呢个咒心坐于宝莲花之上，应缘而游历微尘数嘅国土，随类现身去摄化众生。
十方嘅如来怀住呢个秘密嘅咒心，能够响微尘数嘅国土宣扬了生脱死最上根本嘅大法。
阿难，十方嘅如来因为执持呢个咒心，如果自己已经证果，能够响十方世界为众生摩顶受记，预言佢哋将会响几时得成佛果。如果自己未证佛果之前，亦都会亲蒙佛陀授记，预言何时会必成佛道㗎。
阿难吖，十方嘅如来依仗呢个咒心嘅威神力用，如果手持如意宝珠，系无所不能，所以能够响十方世界救济一切罪苦嘅众生，譬如地狱、饿鬼、畜生，人道之中嘅盲聋喑哑等等之类，同埋冤家相聚嘅痛苦、六亲眷属生离死别嘅痛苦、所求不遂嘅痛苦，五阴炽盛、生、老、病、死等等嘅痛苦，系每一样痛苦都能够消除，一切大小嘅横祸都能够同时解脱。其他譬如贼难啦、兵难啦、狱难啦、饥渴贫穷，一切嘅天灾人祸，只要一心受持楞严神咒，都可以应念消散、逢凶化吉、遇难呈祥嘅。
阿难，你要听住吔，十方如来随顺呢个秘密咒心嘅威力，能够令饮食、医药、卧具等等四事都能够具足，而且得到他心通，所以可以响十方世界奉事善知识，无论行住坐卧四威仪之中都可以随意供养。响恒河沙数嘅如来会下，都会被尊为大法王子，继承法王嘅家业。
十方嘅如来持住呢个秘密嘅咒心，或者施于物，或者应于人，都能够令人心悦诚服嘅。十方如来亦都能够响十方世界，过去历劫之中，凡系同楞严神咒有亲因缘嘅，都能够摄受护念，佢哋纵然堕入小乘之教，获得呢个秘密神咒威力嘅加持呢，亦都能够回小向大，听如来藏心嘅微妙大法，亦都唔会惊疑唔信而心怀恐怖。
十方嘅如来因为诵持呢个秘密嘅咒心能够得成无上正等正觉，响菩提树下入座，进入大般涅槃。
十方嘅如来传持呢个楞严神咒嘅秘密咒心，为咗化缘既毕，将要归真嘞，响如来灭度嘅时候，最后咐嘱佛法继承上事，俾使正法能够永远住世，令到戒律严正、身心皎洁。
阿难吖，如果我要广说呢个佛顶光聚悉怛多般怛啰无上楞严神咒嘅功能德用，就系由而家夜晚开始讲到朝早，语语相续，不断咁讲，字字句句都唔重复，咁样讲的话，讲到恒河沙劫亦都系赞之不尽嘅。
阿难吖，呢个咒不止系名为如来藏心，亦都系《大佛顶首楞严经》所讲嘅大佛顶，系最尊、最胜、最高无上，如果想成佛果，想利益众生，唔可以唔恭敬奉持㗎。
阿难，你哋尚喺三果以前嘅修学地位，仲未超出分段生死嘅拘绑，亦都系冇完全解脱轮回。现在想发至诚心，想求证阿罗汉圣果，如果唔奉持呢个大佛顶首神咒，自己坐喺修持嘅道场，希望获得清净，修成正定，其实系唔可能嘅，一定会招致外魔嘅扰乱，甚至会发颠发狂，见到各种恐怖或者媚人嘅境界，以至丧失心神，终于会沦为魔道嘅眷属。
阿难，如果各个世界，每个国家所有嘅人民，如果能够依佢哋自己国土所出产嘅树木，譬如贝多罗叶啦、素净嘅纸啦、白色嘅笺等等，一切可以用嚟书写嘅物品，将大佛顶首神咒恭敬咁书写，装喺香袋里便随身佩戴。呢个人如果系心智懵懂，冇记忆能力的话，亦都唔能够读诵，只要将呢个神咒佩戴响身上，或者悬挂响宅中，由于神咒威灵加被，呢个人终其一生，一切嘅毒物都唔能够对佢有所损害嘅。
阿难，我再讲呢个大佛顶首神咒，不但有护生助道嘅功能，亦都有保护世间众生，使到佢哋安宁无畏同埋成就出世智慧嘅德用，我现在再为你详细说明。
阿难，将来我灭度之后，末世嘅众生，如果有能够自己持诵或者教其他人持诵，应该知道呢个持诵神咒嘅人，火唔能够烧，水唔能够溺，各种大小嘅毒药毒物都唔能够对佢有所伤害，以至于龙天嘅鬼神、精魅魔怪，一切嘅邪咒都唔能够有所著于受持嘅人身上。就系有人想强欲加害受持嘅人，然而因为呢个神咒而成三昧，心得正受，亦都唔能够对受持嘅人有所伤害。一切嘅咒诅、魇蛊毒药、金毒银毒、草木虫蛇、万物嘅毒气，如果入呢个持诵人嘅口，其实反而会化成甘露上味添。不但唔会以恶心相加，凡系一切凶神恶煞同埋落毒嘅人，一遇到诵持神咒嘅人，恶念佢就自然唔会生起㗎喇，不但唔会起恶念，反而会转祸为福。自频那夜迦其他恶毒鬼王以至于佢哋嘅眷属，都会因为听诵咒嘅人而获得利益，感谢佢嘅深恩大德，故此对诵咒嘅人就会时常加以保护了。
阿难，你要知道，呢个佛顶神咒，时常有八万四千那由他恒河沙数俱胝嘅金刚藏王菩萨种族，一一都有金刚众眷属昼夜随侍。如果有众生，虽然未得到三摩提，但系能够以散乱心口诵心维，呢啲金刚藏王菩萨亦都会时常随逐保护，何况系决定发菩提心而又持咒嘅人呢？呢啲金刚藏王菩萨都会以精心暗催行人，启发修持人嘅神识，使到呢个人应时能够心开，能够逐渐记忆到八万四千恒河沙数劫以来嘅一切，完全明了，冇任何嘅疑惑。由初发菩提心嘅第一劫起，以至于最后受身因圆果满，降生成佛嘅时候为止，响呢个漫长嘅修行过程之中，生生世世系永远唔会出生响药叉、罗刹、富单那、迦吒富单那、鸠槃茶、毗舍遮等等，同埋饿鬼、有形、无形、有想、无想等等各种恶劣嘅地方。
如果有善男子，响呢个佛顶咒心，无论系诵、系读、系书写，或者佩戴，或者珍藏，咁样如法恭敬供养，呢个善男子，决定系劫劫都唔会出生响贫穷下贱嘅家庭。因为楞严咒嘅咒心系好尊贵嘅大法，生嘅时候一定会尊荣富贵，生于响富贵嘅氏族。呢啲持咒嘅众生，纵然自身唔作福业，但系十方如来所有嘅功德都会回向俾呢啲修持嘅人，所以能够响恒河沙数、不可说劫之中，时常同诸佛同生喺一笪地方，凡系佛嘅功德，佢哋都一一有份，行人嘅所修就系诸佛嘅所证，佛同行人都会打成一片，好似恶叉果聚一样，生则同生，永不分离嘅。所以能够使到破戒嘅人再能够得到戒根清净；未得戒嘅人，使到佢哋得戒；懈怠使到佢精进；冇智慧嘅，使到得到智慧；身心唔清净，使到身心速得清净。如果因为宿业嘅障碍，想持斋戒而唔做唔到嘅呢，如果能够一心持诵，就可以自成斋戒㗎喇。
阿难吖，呢啲持咒嘅善男子，如果响冇持咒之前曾经犯有禁戒，但系发心持咒以后，以前嘅破戒罪，无论系轻系重，都会应时消灭。纵然曾经饮酒食肉，同埋食咗五辛等等种种唔清净嘅食物，诸佛同菩萨、金刚、天仙、鬼神都会以既往不咎而宽恕。假如穿著不净嘅破旧衣服，佢嘅行止都同清净一样，不失持咒嘅利益。即使唔依教法建坛，唔入楞严道场，亦都唔依教行功办道，但能够诵持呢个佛顶神咒，其实同入坛行功办道嘅功德根本系冇分别嘅。
如果曾经犯有杀父、杀母、杀阿罗汉、破和合僧、出佛身血等等嘅五逆大罪，应该堕落无间地狱嘅，同埋有比丘犯咗杀、盗、淫、妄四种根本嘅大戒，比丘尼犯咗四种根本嘅大戒，呢啲等等嘅罪业虽然系好重，唔能够忏悔，但系诵持呢个楞严神咒，对于呢重大嘅罪业，就好似狂风吹聚沙一样，都会消灭无余，丝毫不留嘅。
阿难，如果有众生由无量无数劫以嚟所有轻重罪障，譬如由前世带嚟而冇及时忏悔，一定作为修行嘅真正障碍嘅。如果能够发至诚心，恭敬读诵呢个佛顶神咒，或者恭敬书写，随身佩戴奉持，或者供奉响自己所住嘅地方，咁样多劫以嚟积聚嘅宿业，就譬如如雪遇汤，应时能够融化，不久之后都会证得无生法忍嘅。
阿难，如果有女人久婚不孕，曾经冇生过一男半女，如果佢想求身孕，只要以至诚心忆念呢个佛顶神咒，或者书写随身佩戴，就能够生育具有福德智慧嘅男女。求长寿嘅，就能够如愿获得长寿；如果求福德果报速得圆满嘅，就能够速得圆满成就；如果想求身体健康，精力充沛，都能够如愿嘅。命终嘅时侯亦都可以随自己嘅意愿往生去十方佛国净土，绝对唔会生响下贱嘅处所，或者边疆蛮荒嘅地方，何况生于异类呢？
阿难吖，如果响各国嘅州县或者村落，凡系遭遇饥荒瘟疫或者刀兵贼乱，同埋一切困厄危难嘅地方，只要书写佛顶神咒悬挂响城门之上，或者悬挂可以供养嘅清净佛寺，或者悬挂响幢幡之上，教呢个国家或者城邑村落之中所有嘅众生去奉迎供养、恭敬礼拜，使到全国嘅人民都能够佩戴呢个神咒，或者各自安奉响自己住嘅地方，一切灾难同埋危难都能够会消失，转祸患而化成吉祥嘅。
阿难吖，在在处处，无论任何国土嘅众生，只要能够奉持呢个佛顶神咒，龙天都会欢喜，必然会风调雨顺、国泰民安、五谷丰登、万民安乐。而且能够镇压一切嘅恶星，随方作怪，使到灾障不起，人系冇横死夭亡，就算杻械枷锁，亦都唔能够加于人身，昼夜能够得到安睡，心清神定，就自然冇噩梦啦。
阿难，呢个娑婆世界，我话俾你听，有八万四千种执行灾变嘅恶星，由二十八大恶星所统领，以八大恶星分为其主，随众生嘅业惑幻作各种嘅形状出现响世间，能够使到众生遭受各种灾害怪异。但系有呢个佛顶楞严神咒所在嘅地方都能够逢凶化吉，一切嘅灾害怪异自然得到消灭。如果以十二由旬成为结界嘅地区，呢个结界之地，一切嘅横恶灾害永远都唔能够进入界内，自然得到百灵守护嘅。所以如来特别宣说呢个佛顶神咒，以便保护后世一切初学佛法嘅修行人，使到佢哋能够顺利进入三摩地，身心泰然，得到大安稳，唔会再有一切魔鬼神怪同埋无始以嚟嘅冤枉宿殃、旧业陈债去扰乱佢哋嘅身心安宁，使到修行人唔能够获得正定嘅。
阿难，如果依我嘅坛场轨则如法持戒，唔犯以下我讲嘅四种过失，即系第一种，种子不差；第二种，戒行不缺；第三种，导师不秽；第四种，奉持神咒，不生疑悔。咁呢个人唔犯以上四种嘅过失，佢就会当生得证道果。如果善男子就父母所生呢一身唔能够明心见性、获证圆通嘅，十方诸佛就系以妄语欺诳一切众生。
响末法时期，第一部消失嘅系《大佛顶首楞严经》，希望大家听完呢两盒《千朵红莲护住身——楞严神咒之威力》呢两盒带之后，希望大家能够发起菩提心，为利益一切众生，为释迦牟尼佛嘅正法复兴，希望大家能够学习五会嘅楞严神咒，纵使学习唔到五会，希望你能够学习心咒或者心中心咒。如果能够护持《楞严经》，佛法就会生存响世上，一切众生亦都能够得救，我哋亦都帮咗各大佛同埋菩萨去度化众生。如果想要佛法兴盛，希望你能够学习《楞严经》，想护持释迦嘅正法救渡众生，希望你学习五会嘅楞严神咒！
168.楞严一卷安天下（一）
《大佛顶首楞严经》之四清净明诲
阿难，你唔系曾经听我讲过响律藏里便，亦都有记载住修行嘅三种决定要义咩？所谓收摄其心谓之“戒”，心既然收摄，寂然不动谓之“定”，定久就能够生起“智慧”，“戒、定、慧”就系我讲所谓嘅三无漏学。三无漏学系唔会流落于三界，唔会流落于“空”“有”两边嘅意思。
阿难，点解我话摄心系名为戒呢？如果系所有世界上嘅六道众生，唔起淫心就唔会跟住淫欲以至于生死不断嘞。你之所以修习正受，为咗要脱离六尘嘅劳累，但系淫欲嘅心唔除，尘劳系唔可以脱出㗎。纵使你系有好高嘅智慧，禅定时时现前，如果唔断淫心，亦都必然会堕落魔道。最高嘅就会做魔王，中等嘅就会做魔民，下等就做魔女。佢哋一大群妖魔，亦都各有佢哋嘅眷属，个个魔王、魔师都话成就咗无上大道。我谂，响我灭度咗之后，响末法时期，呢啲魔民多得不得了，佢哋会大肆沉淫，自称为最了不起嘅善知识，咁就害咗好多众生误信佢哋嘅邪说，陷落爱欲邪见嘅深坑，失却咗菩提大觉嘅正路。
阿难，你要教导世人，如果修习正定，首先一定要断除淫念，呢个道理系过去诸佛世尊第一个明明白白决定要遵守嘅教义。所以，阿难吖，如果唔肯断除淫念而去修禅定，正好似蒸砂煮石，要将佢变成为饭，虽然蒸煮到百千万劫，只可以叫做热砂啫。点解呢？因为砂唔系饭嘅原料吖，如果以淫欲嘅身，去求佛果菩提，纵然得到微妙嘅开悟，亦都免不了由淫根所发出嚟，佢嘅根本已经系淫，枝、叶、花果其实必定都系淫，淫上加淫就会轮回六道，堕入三途，到嗰个时候，又点会出离摆脱生死烦恼呢？如来嘅涅槃大道，试问由边一条路可以去修证呢？相反，如果能够将淫欲嘅机，身体嘅、心念嘅，一切都断除，连呢个“断”字都断咗，响佛嘅菩提，咁就有希望了。阿难，照我咁样讲就系佛所讲，如果唔依照我咁样讲，就系魔王嘅说法啦。
阿难，仲有，世界上嘅六道众生，如果唔起杀心，就唔会跟住彼此相杀嘅杀业，死生不断。你所以修习正受禅定，你嘅本意系想超出尘劳，但系如果杀害嘅心唔除去，尘劳系唔能够跳出㗎。纵使有好高嘅智慧，禅定亦都时时现前，如果唔断杀业，系必然会堕落于鬼神嘅道路。最高嘅系大力鬼，其次就系天行夜叉，其次系岳神、河神，呢啲鬼神虽然亦都称王称帝，中等嘅系空行夜叉，其次就系城隍、土地。下等嘅就系啖人精气嘅地行罗刹。呢一啲鬼神亦都有佢哋嘅眷属，个个都话成就咗无上大道。唉！将来我灭度之后，末法时期，呢啲鬼神系多得不得了，佢哋都以饮酒食肉号称就系菩提大觉嘅正路。
阿难，我话俾你听，众生嘅肉千万唔可以食，我教出家人只可以食五种净肉，系边五类呢？第一种系不见杀，第二种系不闻杀，第三种系不疑为我杀，第四种系自死嘅肉，第五种系鸟残嘅肉。呢五种肉系我以我嘅神通力化现而成，本嚟就系无命根，只因为印度嘅地方过于干燥，或者系潮湿，又多砂石，草菜根本系唔能够生长，我运用我嘅大悲神力幻化成呢五种净肉，系使到你哋都能够尝一尝一啲滋味。奈何将来我灭度之后，竟然有啲不肖嘅修道人居然食起众生嘅肉，仲话系我嘅弟子。唉！阿难，你应该系知道，食肉嘅人纵然得到大开圆解，得到相似嘅禅定，亦都不过系罗刹一类嘅东西，福报享尽亦都必然会沉沦响生死苦海之中，呢一种人我唔会承认佢系我嘅弟子，咁样相杀相吞系冇了期，又点能够跳出三界呢？
阿难，你要教导修习正定嘅人首先第一样嘢系要戒绝杀生，呢个教训系过去所有嘅佛陀，第二个明明白白决定要遵守嘅根本教义。所以，阿难吖！如果唔断除杀业而去修禅定，等于自己掩盖自己嘅耳仔叫，想要人哋听唔到，又边有呢个道理呢？正所谓掩耳盗铃，欲盖弥彰啫。阿难吖！你试谂一谂，清净嘅出家人同埋大菩萨，纵使响羊肠小径往来嘅时候，尚且唔愿意踩踏青草，更何况用手去拔呢？如果自称为大慈大悲嘅人，又点能够忍心去食众生嘅血肉吖？如果所有出家人唔穿著东方中国嘅绫、罗、绸、缎同埋天竺国嘅狐、裘、革、履之类嘅东西，好似咁样嘅出家人就系真真正正可以脱离世间嘅牵累，命债一还清，就唔使再去轮回响三界之中嘞。点解呢？因为穿著众生身上嘅皮毛就系跟佢哋结咗不解嘅缘份，犹如人食咗地面上所产生嘅百谷，双脚就唔能够离开地下。修道嘅人必须身心要一致，对众生身中肉、身上嘅毛，唔会存有食佢、著佢嘅行为，甚至响心理上亦都唔会存有食佢、著佢嘅念头，咁样三界嘅生缘就能够得到断绝。我认为咁样修行嘅一个人先系真真正正系一个解脱嘅人。照我咁样讲就系佛所说，唔依照我咁嘅说法就系魔王嘅说法。
仲有，阿难，我要吩咐你，世界上嘅六道众生，如果唔起偷盗嘅心，就唔会去偷、窃、盗、扒、抢、夺、劫、侵吞、霸占、欺骗、诈伪、拐带、敲诈、剥削、威胁、恐吓、勒索、贪污，呢啲种种嘅盗业，如果做咗，亦都会轮回生死㗎。阿难，你修习禅定，为咗要摆脱尘劳嘅牵累，如果唔首先将偷心去除，尘劳系唔能够摆脱嘅，纵使有好高嘅智慧，当禅定时时现前嘅时候，假如唔断除偷心，亦都会堕落响邪道㗎。
假如当一个偷盗嘅人堕落咗响邪道，最高嘅修行就系精、灵、魔、怪，佢哋盗日月嘅精华，窃天地嘅灵气，附山托水，迷惑众生去祭祀，中等嘅道行系妖、系魅、系魑、系魉，盗人物嘅津液，窃山林嘅气润。而下等嘅修为就系邪人，被精灵所依附，受妖魅所迷乱，呢一大批嘅妖邪亦都有党羽徒众，佢哋都以为成就咗无上嘅妙道。唉！将来我灭度之后，末法时期，呢啲邪人妖魅亦都系多到不得了。佢哋时时处处潜踪诡秘、匿迹藏奸、欺世盗名、投机取巧。佢哋冒充大善知识，自己话自己已经得到真传秘诀，蛊惑一啲冇见识嘅愚人，以恐吓嘅言辞，使到人徬徨无主，诈财取物，破产倾家。阿难吖！我教出家人逐户逐户去行乞，就系要使到佢哋舍离悭贪，先能够修成佛道，所以就唔俾佢哋自己开火去煮食，无非就系要借三界作为旅舍，假斋素以了残生，一次嘅往还之后，就唔须要再轮转嘞。奈何呢啲歹人竟然著我嘅衣服，假托我嘅名义，四出混骗，造种种嘅恶业，反而话呢啲就系佛陀嘅教诲。唉！对于真正求道嘅出家人，不惜毁谤、责骂，对于受咗戒律嘅比丘以为系小乘，咁就会使到无量嘅众生怀疑困惑而退失信心，造恶业，一盲引众盲，堕入无间地狱了。
阿难，自我灭度之后，如果有部分嘅出家人能够发得起决定要修习三摩钵提嘅大愿，假如能够响如来嘅像前，燃一香炷，烧一指节，我就认为呢个人嘅宿业同埋旧债，一时间就能够还清，可以向生死凡夫嘅门路打个招呼，讲一声再见了。所有嘅欲漏、有漏、无名漏，永远脱离，虽然对于无上嘅菩提大道系冇彻底明白，但系真实嘅佛法已经下定咗决心。如果系唔舍得燃点一香炷嘅微因去忏悔业障，咁样宿业未尽，旧债未偿，必然系会再嚟呢个人间去负债还债。正如我响过去世嘅时候，因为辱骂沙门应该食马麦嘅一句说话，所以今生就响毗兰邑嘅地方，阿耆达王嘅宫里便，真正咁吃咗九十日嘅马麦一样吖。
阿难，你教世间嘅人去修习正定，仲要断除偷盗，呢个教诲系如来同埋先佛世尊第三种明明白白决定要遵守嘅教义。所以，阿难！如果唔断除偷心而去修禅定，犹如以水注入破漏嘅水杯里便一样，想要斟满呢个水杯，纵使斟到百千万劫都系唔可能斟得满嘅。世上嘅出家人，除咗三衣一钵以外，一点一滴都唔应该私自储蓄，而佢乞食所得食剩嘅饭其实系要应该转手布施俾一切饥饿嘅众生㗎。布施系能够使到自己嘅身心都能够捐舍，甚至血、肉、骨、髓都可以分俾众生，呢一种做法就能够扭转悭贪，先系大悲同体嘅表现。甚至响大集会嘅时候，合掌礼敬四众，假使有人加以打骂你，其实仲应该欢喜去接受，等于称赞你一样吖。如果咁样做，偷心就能够尽绝，就能够一念纯真啦。阿难，千祈唔好将如来所讲嘅不了义教文饰其辞去维护自己个人嘅私见，作为自己嘅注脚，咁样做好容易耽误初基学佛嘅人，佛就会印定呢个人呢，系能够得到真正正受嘞。照我咁样讲就系佛所讲，唔照我咁样讲就系魔王嘅说法。
阿难，世界上嘅六道众生，虽然对身嘅一方面，佢哋唔犯杀、盗、淫，但系对于心嘅一方面，系冇贪、瞋、痴，三毒都已经清净，慈行、舍行同埋梵行都已经圆满嘞，但系响口业方面仲系同时都需要清净嘅。假使发言唔真实就系小妄语，妄自夸为证果就系大妄语，大妄语嘅人总会有一啲贪求供养嘅心，对于修习正定就唔能够得到清净，成为爱见嘅魔，而失却如来嘅种子啦。
阿难，咩嘢叫做大妄语呢？所谓未得道就话得道，未证果就话证果，或者系贪求世间上最尊、最胜、最第一嘅虚名而虚妄去对人讲：我已经得到初果、二果、三果、四果，乃至话：我已经成就咗辟支佛，成就咗地前菩萨，或者成就咗十地嘅大菩萨了。呢一类嘅人于是就教人向佢礼拜，向佢忏悔而贪求世间嘅名利恭敬同埋种种嘅供养，呢一类人简直系坏咗善根嘅一阐提，灭尽佢本有成佛嘅种子。犹如用刀坎断咗贝多罗木一样。因为贝多罗木一经坎断就永远唔能够再复活，我认为呢一种人系永远断灭咗善根，唔会有正知正见将来，唉！必定会堕落响三恶道受各种嘅苦报。阿难，纵使有一点点禅定同埋智慧，亦都不过只能够助长魔业，呢一类人系唔能够得道成为真实嘅正定。
阿难吖！将来我灭度之后，必会派遣各大菩萨同埋大阿罗汉，以应化嘅身体深入末法嘅时代，变现出种种嘅身形嚟度脱众生，避免轮回嘅苦报。呢啲菩萨所变现嘅身形，可能系沙门出家人，或者系居士，或者系国王，或者系宰官，或者系童男童女，甚至有时变现做淫女或者寡妇，做一个奸人，做一个偷儿，做一个屠夫，做一个小贩，虽然此类嘅身形无非系一种示现，实际上呢一类人已经根本系无烦恼㗎喇，不过利用呢一种卑贱嘅身份其实先能够跟卑贱嘅众生去结缘，同住、同食、同事，共相往来，先能够摄受佢哋归于正道，先可以将佛教、佛法、佛性向佢哋时时称扬赞叹，使到呢一类嘅薄地凡夫身心清净，渐渐而得入真正嘅禅定。
阿难，但系我讲俾你听，呢一啲化身嘅菩萨同埋阿罗汉，佢哋系唔会表露出自己嘅身世，系唔会自称系真菩萨、真罗汉，亦都唔会向后来学习嘅人轻易泄露秘密嘅因。只会响临命终嘅时候写底几句嘅遗嘱，稍微透漏一啲消息。照咁样睇，嗰啲未得谓得，未证言证嘅妄人又点可以惑乱众生去做大妄语呢？
阿难，你要教导世人，如果修习正定系必须断除大妄语，呢个系如来同埋过去嘅佛世尊第四个明明白白决定要遵守嘅教义。所以，阿难吖！如果唔断除大妄语，犹如将一嚿干粪当作天檀木一样，试问干粪又点会发出檀香嘅气味呢？我吩咐出家人忠直心就系道场，响行、住、坐、卧，乃至语、默、动、静，一切时间尚且都唔能够虚假，又点可以自夸得到最高最上嘅妙法呢？咁样做唔系等于一个贫寒嘅小民称王称帝而夜郎自大？何况法王，已经系同法界同体，三贤十圣尚且唔敢荒唐，点解一个生死凡夫胆敢自称为佛？呢个人响因地上已经唔真实，将来响果报上就难免有好多歪曲了。阿难，如果想求佛嘅菩提大道，譬如自己咬自己嘅肚脐，系无办法弯底身，咬嚟咬去系永远系咬唔到嘅。
如果所有嘅出家人心直如弦，响一切时、一切定，无论语、默、动、静，都肯力求真实嘅话，要修习正定系决定唔会有种种嘅魔障，我可以印证佢，印定呢一啲出家人，呢一啲修行嘅人将来必然会成就菩萨嘅无上正等正觉。照我咁样讲就系佛所说，唔照我咁样讲就系魔王嘅说法了。
南无楞严会上佛菩萨
南无楞严会上佛菩萨
南无楞严会上佛菩萨
妙湛总持不动尊，首楞严王世稀有。
销我亿劫颠倒想，不历僧祇获法身。
愿今得果成宝王，还度如是恒沙众。
将此深心奉尘刹，是则名为报佛恩。
伏请世尊为证明……（注：接下文）
169.楞严一卷安天下（二）
（注：接上文）
伏请世尊为证明，五浊恶世誓先入。
如一众生未成佛，终不于此取泥洹。
大雄大力大慈悲，希更审除微细惑。
令我早登无上觉，于十方界坐道场。
舜若多性可销亡，烁迦罗心无动转。
南无常住十方佛，
南无常住十方法，
南无常住十方僧，
南无释迦牟尼佛，
南无佛顶首楞严，
南无观世音菩萨，
南无金刚藏菩萨。
尔时世尊从肉髻中涌百宝光，光中涌出千叶宝莲，有化如来坐宝华中，顶放十道百宝光明，一一光明皆遍示现十恒河沙金刚密迹，擎山持杵遍虚空界。大众仰观，畏爱兼抱。求佛哀佑，一心听佛，无见顶相，放光如来，宣说神咒。
Stathagato-snisa om anale anale visada visada bandha bandha bandhani bandhani vira vajra pani phat hum bhrum phat svaha
阿难吖，呢个佛顶光聚悉怛多般怛啰秘密神咒精微奥妙嘅章句，你要知道，能够出生十方一切诸佛，十方嘅如来都系因为有呢个咒心以为密因，所以能够得成无上正遍知觉。
十方嘅如来执持呢个秘密嘅咒心，犹如金刚王宝剑，活杀自由，能够长伏五阴诸魔，制伏断见，常见等等嘅外道。
十方嘅如来乘住呢个咒心，坐喺宝莲花上便，应缘游历微尘国土，随类现身去摄化众生。
十方嘅如来怀住呢个秘密嘅咒心，能够响微尘数嘅国土宣扬生脱死嘅最上根本大法。
十方嘅如来因为执持呢一个咒心，如果自己已经证果，就能够响十方嘅世界为众生摩顶授记，预言佢哋将来喺乜嘢嘅时候能够得成佛果。如果自己未证佛果以前，亦都会亲自得佛陀授记，预言几时能够必成佛道。
阿难，十方嘅如来依仗呢个咒心嘅威神力用，犹如手持如意宝珠，无所不能，所以能够响十方世界救济一切罪苦嘅众生，譬如地狱、饿鬼、畜生，人道之中嘅盲、聋、喑、哑等等之类，同埋冤家相聚嘅痛苦，六亲眷属生离死别嘅痛苦，所求不遂嘅痛苦，五阴炽盛、生、老、病、死等等嘅苦，系全部都能够消除㗎，以至一切大小嘅横祸亦都能够同时解脱。其他譬如贼难、兵难、狱难、饥渴贫穷，一切天灾嘅人祸，只要一心能够受持呢一个咒心，就能够应念消散，逢凶化吉，遇难呈祥嘞。
阿难吖，十方嘅如来随顺呢个秘密咒心嘅威力，能够令到饮食、医药、卧具等等四件事都能够具足，亦都能够得到他心通，喺十方嘅世界奉事善知识，无论行住坐卧四威仪中都能够随意供养。
阿难吖，响恒河沙数嘅如来座下，如果能够受持呢一个神咒，就会被尊为大法王子，继承法王嘅家业嘞。
十方嘅如来持住呢个秘密咒心，或者施于物，或者应于人，都能够令人心悦诚服，亦都能够响十方世界，过去历劫之中，凡系同呢个咒有亲因缘嘅，亦都能够摄受护念，佢哋纵然堕入小乘嘅教，获得呢个秘密神咒威力嘅加持，亦都能够回小向大，听咗呢个如来藏心嘅微妙大法，亦都唔会惊疑唔信而心怀恐怖。
阿难吖，我话俾你知，十方如来，因为诵持呢个秘密咒心得成无上正等正觉，喺菩提树之下进入大般涅槃。
阿难，十方嘅如来，传授呢个秘密嘅咒心，为咗化缘既毕，将要归真，响灭度嘅时候，最后咐嘱佛法继承，俾使喺正法能够永远住世，令到戒律严正，身心皎洁。
如果我要广说呢一个佛顶光聚般怛啰神咒嘅功用，就系由朝到晚，语语相续，不断咁样讲，字字句句，亦都唔重复，如果咁样讲，就算讲到恒河沙劫，亦都系赞颂唔完呢个咒嘅功德同力用㗎。
阿难，呢个咒不只系叫做如来藏心，亦都系《大佛顶首楞严经》所讲嘅大佛顶，系最尊、最胜、最高无上，如果想成就佛果，想利益众生，唔可以唔恭敬去奉持㗎。
阿难，我嘅弟子，你哋尚在三果以前修学嘅地位，仲冇超出分断生死嘅拘绑，就系冇完全脱离轮回。现在你要发至诚心，想求证阿汉罗圣果，如果唔奉持呢个大佛顶神咒，自己喺道场里便修习，希望获得清静，修成正定，我话俾你哋听，咁样做系唔可能嘅，而且一定会招致魔嘅骚扰，甚至会发狂，见到各种恐怖或者媚人嘅境界，以至丧失心神，最后就会沦落为魔嘅眷属。
阿难吖，如果各个世界，每个国家所有嘅人民，都能够依止佢哋自己国土所出产嘅桦树皮，贝多罗树叶，白净嘅纸或者其他笺等等，一切可以用嚟书写嘅物品，将呢个大佛顶神咒恭敬书写，装喺香袋里面，随身佩戴。呢个人如果系心智懵懂，系冇记忆嘅能力，亦都唔能够读诵，只要将呢个神咒佩戴身上，或者悬挂响家里便，由于呢个神咒威力嘅加被，呢个人终其一生，我话俾你听，一切嘅毒物都唔能够加害于佢。
阿难吖，呢个大佛顶神咒，不但有护生助道嘅功能，亦都有保护世间众生，使到安宁无畏同埋成就出世智慧嘅德用，我现在再为你详细加以说明。
阿难，呢个大佛顶神咒，将来我灭度之后，末世众生，如果有能够自己持诵或者教他人持诵，你应该知道持诵神咒嘅人，火不能烧、水不能溺，各种大小嘅毒物都唔能够伤害佢，以至于龙天鬼神、精魅魔怪，一切嘅邪咒亦都唔能够侵扰呢个修持嘅人。就系有强欲加害，然而因为以持咒而成嘅三昧力量，个心得到正确嘅受用，亦都唔能够被伤害。一切嘅咒诅、魇魅、蛊毒、毒药、金毒银毒、草木虫蛇，万物嘅毒气，如果入咗呢个人嘅口，反而会化成甘露上味，不但唔会以恶心相加，凡系一切嘅凶神恶煞同埋落毒嘅人，一遇呢个诵咒嘅人，佢嘅恶念就自然唔会生起了。不但唔会起恶念，反而会转祸为福，吸人精气嘅毗那夜迦同埋各种恶魔同埋眷属，都会因为听呢个咒诵咒嘅利益，而感谢呢个诵咒嘅人嘅深恩，而且会对佢加以保护添。
阿难，你应该要知道，呢个佛顶神咒，时常都有八万四千那由他恒河沙数咁多俱胝嘅金刚藏王菩萨嘅种族，呢啲种族一一都有金刚嘅眷属昼夜随时保护修持呢个佛顶神咒嘅人，如果有任何众生，虽然未得到三摩提，但系能够以散乱嘅心，口诵心维，呢啲金刚藏王菩萨亦都会常随保护，何况系决定发菩提心而又持咒嘅人呢？呢啲金刚藏王菩萨一定以精心暗催行人，启发佢嘅神识，使到呢啲人应时心开，能够记忆八万四千恒河沙数劫以嚟嘅一切，完全明白，冇任何嘅疑惑。由起初发菩提心嘅第一劫起，以至于最后受身，因圆果满，降生成佛嘅时候为止，响呢个漫长修行过程之中，生生世世，永远都唔会出生响药叉、罗刹、富单那、迦吒富单那、鸠槃茶、毗舍遮等等，同埋饿鬼、有形、无形、有想、无想等等各种恶劣嘅地方。
阿难吖……（注：此处录音缺失）男子受持呢个佛顶咒心，无论系诵、系读、系书写、系佩戴，亦或珍藏，如果恭敬供养，阿难，我话俾你听，呢个善男子决定劫劫亦都唔会出生响贫穷下贱嘅家庭，因为呢个咒心系好尊贵嘅大法，生嘅时候一定尊荣富贵，生于高尚氏族。呢啲持咒嘅众生，纵然自己唔作福业，但系十方如来所有嘅功德，都会回向俾呢一啲人，所以能够响恒河沙数、不可说劫之中，时常同诸佛同生一处，凡系佛嘅功德，一一都有份，行人所修就系诸佛所证，佛同修行人，打成一片，譬如恶叉果聚一样，生就同生，永远都唔会分离。
阿难，呢个咒心能够使到破戒嘅人，再得到恢复清净；未得戒嘅人，使到佢哋得戒；懈怠，使到修持嘅人回复精进；冇智慧，令佢哋得到智慧；身心唔清净，使到速得清净。如果因为宿业嘅障碍，想持斋戒唔能够做到，如果能够一心持咒，就能够自成斋戒嘞。
阿难吖，呢啲持咒嘅善男子，如果响未持咒之前曾经犯咗禁戒，发心持咒之后，以前嘅破戒罪，无论轻重都会应时消灭。纵然曾经饮酒食肉，同埋食咗五辛等等唔清净嘅食物，佛同菩萨、金刚、天仙、鬼神，亦都会以既往不究而宽恕。假如穿著不净嘅破旧衣服，行止皆都同清净一样，不失持咒嘅利益。即使唔依教建立法坛，唔入楞严道场，亦都唔依教行功办道，只要能够诵持呢个佛顶神咒，亦都同入坛行功办道嘅功德一样，系冇咩唔同㗎。
阿难，如果曾经犯咗杀父、弑母、杀阿罗汉、破和合僧、出佛身血等等嘅五逆大罪，应该堕落无间地狱，同埋有比丘犯咗杀、盗、淫、妄四种根本大戒，比丘尼犯咗四种根本大戒，亦都犯咗“触”——同有染污心嘅男人以身相接触；“入”——同有染污心嘅男人拉手扯衣，共语同行，暗室共坐，相倚相期；“覆”——掩饰他人嘅重罪；同埋“随”——同大僧一齐共衣食。呢啲等等嘅罪，虽然系好重，不通忏悔，但系能够诵持呢一个神咒，对于呢啲重大嘅罪业，就好似狂风吹聚沙一样，都会消灭无余，丝毫唔会留低痕迹。
阿难，如果有众生由无数无量劫以嚟，所有轻重嘅罪障，由前世带嚟，而冇及时忏悔，必定能够系真正修行嘅障碍嘅。阿难吖，如果冇及时忏悔，但系如果能够发至诚心，恭敬读诵呢个佛顶神咒，或者恭敬书写，随身佩戴奉持，或者供奉响自己住嘅庄园宅馆之中，呢啲多劫以来积聚嘅宿业，就譬如如雪遇汤，应时融化，不久之后就会证得无生法忍㗎喇。
阿难，如果系有女人久婚不孕，冇生男育女，如果想求怀孕，只要以至诚心，忆念呢个佛顶神咒，或者书写随身佩戴，就能够生育具有福德智慧嘅男女了。如果想求长寿，就能够如愿获得长寿；想求福德果报，亦都能够速得圆满；如果求身体健康，精力充沛，亦都能够如愿。命终嘅时侯，就可以随自己嘅意愿，往生去十方任何国土，系绝对唔会生喺下贱嘅地方，或者边疆蛮荒之地，何况又会生于响异类呢？
阿难，我语重心长话俾你听，如果响各国嘅州县或者村落，凡系遭遇饥荒瘟疫，或者刀兵贼乱，同埋一切困厄危难嘅地方，只要书写呢个佛顶神咒，悬挂响城门之上，或者悬挂可以供养嘅清净佛寺，或者挂响幢幡之上，教导呢个国家或者城邑村落所有嘅众生奉迎供养、恭敬礼拜，使到全国嘅人民都能够喺身体上佩戴，或者安奉响自己嘅舍宅，咁样一切嘅灾害同危难都会自然消失，转祸成祥嘞。
阿难，在在处处，无论任何国土嘅众生，只要能够奉持呢个佛顶神咒，龙天都会欢喜，必然风调雨顺、国泰民安、五谷丰登、万民安乐嘅。而且能够镇压一切恶星，随方作怪，使到灾障不起，人亦都冇横死夭亡，杻械枷锁，亦都唔能够加于人身，使到每个人能够昼夜安眠，心清神定，亦都唔会有任何嘅噩梦。
阿难吖，呢个娑婆世界，有八万四千种执行灾变嘅恶星，由二十八大恶星所统领，同埋八大恶星各别互为其主，随众生嘅业感幻化种种嘅形状出现响世间，呢啲恶星能够令到众生遭受各种灾害同埋怪异。但系如果有呢个佛顶神咒所在嘅地方，都能够逢凶化吉，一切灾害怪异都会消灭。如果能够响十二由旬成为结界嘅地区，呢个结界嘅地方，一切嘅横恶灾害系永远唔能够侵入，自然得到百灵守护。所以如来特别宣说呢个佛顶神咒，以便保护后世一切初学嘅修行人，使到佢哋能够顺利进入三摩提，身心泰然，得到大安稳，唔会再有一切魔鬼神怪同埋无始以嚟嘅冤枉宿殃、旧业陈债嚟扰乱修行人嘅身心安宁，使到佢哋唔能够获得正定嘅。
阿难吖，你喺在会之中同埋其他嘅弟子，一定要遵循我嘅教诲，你哋听住，同埋将来嘅一切修行人，如果依我所讲嘅坛场轨则，如法持戒，唔犯四种过失，第一，种不差；第二，戒不缺；第三，师不秽；第四，奉持神咒，不生疑悔，呢个人即生就能够证得道果。如果呢个善男子，就父母所生呢一生唔能够明心见性、获证圆通，十方诸佛就系妄语欺诳呢个众生。
阿难，我语重心长，今日响楞严大会之中教授大家呢个楞严神咒，希望你好好利用呢个神咒，喺末法时期鼓励一切众生，传扬我嘅法，卫护十方诸佛嘅正法，唔好俾魔去迷惑众生，令众生失去如来大觉嘅正路。
阿难吖，我将呢个法咐嘱于你，你一定要将佢传扬开去，要《楞严经》同埋楞严咒响末法时期喺众生嘅心中能够植下种子，带俾每一个众生光明，带俾每一个众生一个正路，令到佢哋解脱生死，日后有机会响龙华三会参加弥勒菩萨嘅盛会。
阿难，我希望你唔好忘记我嘅教诲，天龙八部同埋各大菩萨，我亦都咐嘱你哋，希望你哋卫护所有受持呢个楞严咒嘅众生，响将来末法时期，无知嘅众生会受魔部迷惑，我见到将来嘅情形实在系非常之感叹！
各位大士、各位护法、所有嘅金刚，我而家命令你哋，保护受持呢个楞严神咒嘅人，喺一切嘅地方，令到佢哋都能够得到安全，令到佢哋如意，响修习我嘅法嘅时候唔好退失响菩提正路，呢个系我对你哋嘅咐嘱，你哋要记住吖！
170.法藏群英讲解 1A
《大佛顶首楞严经》呢，系佛陀世尊呢，佢老人家所讲一部呢，好重要好重要嘅经书嚟嘅，佢呢一部经呢，响末法嘅时代呢，将来吖，就会响我哋呢个世界里便呢，第一部吖，所消失嘅经典。因为呢部经太重要吖！呢部经教我哋修行嘅心点样安住，而后有好多种种嘅法门，释迦牟尼佛教我哋，亦都讲到我哋要守持嘅戒律，同埋最重要呢部经点解叫《大佛顶首楞严经》呢？因为呢，佢里便呢部经吖，最重要呢，里便就系所讲嘅楞严神咒，楞严神咒呢，系出家人呢，做早课呢，必修嘅咒文嚟嘅。“楞严”嘅意思呢，解释为呢，一切事究竟坚固，“一切事究竟坚固”意思就系话，冇一样嘢响世间里便能够破坏到由修持楞严咒而得到嘅楞严禅定。而呢个楞严禅定你得到之后呢，你就永远安住于不动心里便，唔受外界同埋你自己内心嘅烦恼所困扰，去骚扰你。
证得呢个楞严禅定呢，必须要修持大佛顶首楞严神咒，咁所以呢部经呢，叫做《楞严经》啦，由于佢有楞严神咒嘅存在，亦都系一部好重要嘅经典。就头先我所讲，里便讲出佛陀教我哋好多好多嘅法门，譬如“二十五圆通”啦、“七处征心”“八还辨见”啦，同埋今天我哋要讲嘅“四清净明诲”。喺《楞严经》里便抽出嚟，四种清净光明嘅教诲，释迦佛教我哋四种清净光明嘅教诲，谓之“四清净明诲”。大家嘅讲义里便呢，系冇写《四清净明诲》呢个题目，你可以写番，四种清净光明嘅教诲。个讲义呢，系写四种律仪啫，四种律行威仪，呢四样呢，就系：断淫、断杀、断盗、断妄，亦都系释迦牟尼佛世尊呢，对佢出家嘅弟子吔，所谆谆嘅教诲，咁如果我哋在家居士亦都能够学得到，尽量守持呢，呢一类人呢，释迦佛响楞，《楞严经》里便讲呢，先系真真正正佢嘅弟子。所以呢个“四清净明诲”啦，历来有好多法师吔，好多人都讲过吖，系非常之重要。我希望能够尽量用浅白嘅语言解释俾大家听，令大家容易接受得到。
而家可以开始解释经文。第一断淫，大家睇一睇经文：“阿难！云何摄心，我名为戒？”呢一句呢，就释迦牟尼佛同佢嘅弟子，多闻第一嘅阿难尊者，每一部经典开始呢，都系“如是我闻”。佛陀涅槃咗之后呢，由阿难尊者呢，做记录。咁呢个阿难尊者呢，就系佛陀十大弟子里便吖，多闻第一嘅。咁阿难尊者，呢一句呢，就系佛陀释迦牟尼佛世尊呢，同阿难讲，佢话：“阿难！云何摄心，我名为戒？”佢话点样摄心呢？我叫做戒呢？“云何摄心”——戒系点样摄心嘅呢？跟住世尊继续讲：“若诸世界六道众生，其心不淫，则不随其生死相续。”佢话如果吖，我哋呢个世界里便吖，天、人、阿修罗、畜生、饿鬼、地狱，呢个喺六道空间轮回嘅法界吔，如果呢啲众生佢嘅心唔起淫心吖，呢个“淫”呢，嗱，我哋包括呢个“淫”字嘅解释呢，就包括正淫与邪淫，我哋在家居士嚟讲呢，就可以有正淫，但呢个对出家人讲吖，连正淫，正淫都要断除。“正”同“邪”识唔识分吖？正嘅意思就系话，可以有夫妻嘅生活，但系出家人呢，连夫妻嘅生活都断除埋，系非常之清净，咁呢，释迦牟尼佛就印证呢一个人呢，真真正正地脱离咗爱欲。咁所以呢个“淫”字呢，系解释为一切嘅淫，包括“正”与“邪”。
释迦佛讲呢个世界六道众生，如果众生嘅心唔淫欲吖，就唔会随住生死继续轮转吖，相续连续循环。“汝修三昧，本为出尘（或者‘本出尘劳’），淫心不除，尘不可出。”释迦佛话，同阿难讲佢话：“你而家修习禅定吖。”“三昧”呢，系梵音译音，samadhi嘅译音，解释为“正定”，正确嘅禅定。佢话：“你阿难修三昧、修禅定，想为咗离开呢个世界上嘅尘劳，想解脱生死。”但系释迦佛话：“淫心不除，尘不可出吖。”如果，假如一个修行人呢，淫心唔去断除呢，系冇办法解脱生死嘅。
“纵有多智禅定现前，如不断淫，必落魔道。”佢话如果一个众生修行禅定呢，而唔断淫呢，一定嘅结果呢，会落入去魔道。“上品魔王，中品魔民，下品魔女。”咁魔王，魔吖，都随佢修行有高低级之分，最上等就做魔王啦，中品，皇帝之下就国家嘅子民啦，最下品呢，就系啲魔女。
“彼等诸魔，亦有徒众，各各自谓成无上道。”释迦佛话：“呢啲魔王呢，佢吔，个个人都话佢成就咗无上道嘅，嗰啲魔王都有好多徒弟嘅。”
“我灭度后，末法之中，多此魔民炽盛世间吖。”释迦佛话佢灭度咗之后，末法之中，末法就系我哋而家呢个时期，好难学到佛法，学咗亦都唔系咁容易相信，相信咗之后呢，亦都未必能够修成正果，呢个就末法时期。佢话：“我哋呢个时期，就好多啲咁吖魔民。”“炽盛”呢，好似火一样烧一样，响我哋呢个世间好多。我哋今日见到好多佛教嘅师父，有啲自称为无上道，成就咗无上道，有啲亦都披住如来嘅袈裟，但系可能呢，就应咗释迦佛呢句经文呢，佢系教众生广行贪淫，佢系害众生，所以今日我哋末法时期修行嚟讲呢，一定要有一个择法眼，好清楚咁样分别“正”与“邪”。唔系一定，我喺呢度所讲嘅唔系话诋毁出家人，因为讲到呢一句，喺呢个末法时期里便唔系一定著起袈裟嘅就系真正嘅出家人，所以有，我哋要小心用佛陀嘅教理，佛陀教我哋嘅心法嚟去衡量、去判别，但系唔好用自己嘅思想意识去谂：呢个系唔系出家人？要睇下呢个人嘅修持合唔合乎佛陀嘅戒律，如果呢个人系合乎佛陀嘅戒律呢，佢系一个真正嘅出家人，如果佢唔合乎佛陀嘅戒律呢，佢唔足以能够作为我哋嘅师父，但系我哋一样要尊敬佢，唔可以产生毁谤，只系敬而远之啫。所以呢一点呢，佛陀教我哋要小心，呢个就系佛陀所讲末法时期吔，而家我哋所见到嘅现象，呢啲魔民呢，就会教众生广泛咁行淫、贪淫。我哋喺世界上都听过，有一啲宗教呢，教众生，教一啲人入咗教之后呢，就会乱伦，系嘛？就会乱搞男女啲关系，有冇听过吖？呢啲宗教？有啦！呢一，呢啲咁嘅宗教就应咗释迦牟尼佛所讲嘅呢一句经文。我哋细心谂下，有冇呢啲事？有啦！多的是！呢，呢啲仲系宗教，但佢会打住宗教嘅旗号。宗教基本嘅层面系善化社会人心，但系呢啲，呢啲宗教唔系善化社会人心，系毒害，毒害众生，系害众生，断众生嘅慧命，害众生嘅肉身。所以释迦佛呢，好感慨！
“为善知识，令诸众生落爱见坑，失菩提路。”呢啲咁吖魔王呢，佢自称为善知识，令到众生呢，堕落贪爱、执著。“见”呢，呢个“见”呢，就系执著，执著种种唔正确嘅见解、邪见，贪爱执著嘅邪见。“爱”呢，亦都可以解释为烦恼，我哋内在嘅烦恼，贪心啦、瞋恨心啦、愚痴心啦、轻慢心啦、疑惑心。呢啲魔就会拨起我哋内在呢啲咁嘅心嘅本性，令我哋去造啲恶业，轮转生死，亦都会令到我哋兴起一啲邪见吖，呢个“见”就系“邪见”。执著我哋身体呢，守持唔正确嘅戒律呢，呢啲咁吖见解呢，令到我哋失却菩提嘅正觉之路，令到我哋唔会能够最后成佛。
“汝教世人修三摩地，先断心淫，是名如来先佛世尊第一决定清净明诲。”释迦佛同阿难讲，佢话：“你，将来我灭度咗之后，你教世人修习三摩地禅定，首先第一样嘢呢，就要断除内心嘅淫欲。”就系过去如来先佛世尊，即是，唔系释迦牟尼佛讲嘅，系释迦牟尼佛以前嘅过去七佛，甚至好古远嘅古佛都有讲过呢个断淫嘅教训，咁样嘅教训呢，就系今日所第一种要讲嘅，第一个决定一定要遵守，决定，而且系清净离开污染嘅。“明”就系“光明”，“诲”就系“教诲”，就系断淫！点解头先嗰句讲，释迦佛话，叫阿，阿，叫阿难修三摩地首先要断心淫呢？因为我哋任何嘅行为吔，我哋做任何嘢都系身口意三业，身体会造作善恶业，语言会讲啲好、唔好嘅嘢，思想会谂啲善与恶嘅嘢。咁所以我哋发动我哋身体嘅行为吔，第一样系我哋心起咗个念头先，如果我哋个心唔起念头呢，我哋根本就唔会有种种嘅行为，系嘛？首先你做一样嘢，当然你嘅脑里便要谂，要有一个计划，有一个思想啦，系嘛？所以你要断淫，唔系净系个肉体咁简单，肉体系我哋嘅心控制，首先将个心嘅淫，呢个淫念断除咗呢，就能够肉体被架缚，唔会肉体，唔会个心做咗肉体个奴隶，被佢营役咗，而系肉体听番我哋个心去控制，做一啲利益众生、救渡众生嘅事。
“是故阿难！若不断淫修禅定者，如蒸沙石，欲其成饭，经百千劫，只名热沙啫。”释迦佛话：“阿难吖，如果你唔去断淫而修禅定。”咩“禅定”呢？外不乱为禅，内不乱为定。“禅”嘅意思就系话外在种种嘅境界，嗱，头先我，呢，呢本就系《楞严经》嚟嘅，头先所讲嘅楞严大定，你修持楞严大定，就系外界一切种种嘅境界，“轻、衰、毁、誉、称、讥、苦、乐”八风，所谓稽，“稽首天中天，毫光遍大千；八风吹不动，端坐紫金莲。”就系本师释迦牟尼佛！呢八风，我可以举，举，举例啦，譬喻为外在影响你嘅心境界，人哋赞你啦、闹你啦、褒你啦、贬你啦，诸如此类呢啲咁嘅，好似一啲风吖，去吹你吖，将你嘅心，境风吹识浪吖，将你嘅识田猛系度拨，你嘅心咪乱啰，我哋受外界环境影响，我哋识田令到我哋困扰，呢一点所以好重要。“禅“呢，你真正修持到“禅”，回复番你清净本来无染嘅面貌，外界嘅环境唔会影响到你心，如果能够做到呢，就真正“禅”嘅境界。但系，“定”者呢，就系你内在嘅境界，外界唔会扰乱你嘅身心，但系在于你自己内在嚟讲，你有冇贪心吖？我问下你，有冇瞋恨心吖？嬲人啦？你冇瞋恨心亦都有恚心。“恚心”呢，两个“土”字下面做个“心”，个“恚”字点解呢？自己发自己脾气，自己𤷪𤺧！有时自己做错嘢：唉！我真系错啦！好𤷪𤺧，唉！点解我会咁做呢？我唔咁又唔咁呢，我唔咁又唔会咁呢。呢个就系自己嬲自己。如果人哋对你唔住，你又对佢有个瞋恨心，啫憎恨心。你有贪心啦、瞋恨心啦、愚痴心啦（唔明白真理，迷惑造业）、轻慢心啦（轻慢佛法，轻慢彼此学习嘅人，轻慢你身边一切嘅人）、疑心啦（对于应该信你嘅你唔信，唔信嘅嘢呢，可能一啲错，迷信嘅嘢呢，你就会奉为圭臬，你就会觉得呢一样嘢你应该要做，其实你系错咗好多嘢）。咁所以真正嘅禅定就系外在同内在嘅境界，外不乱为禅，内不乱为定，真真正正内外配合唔影响你就系真正嘅禅定。所以释迦佛教阿难修禅定，你里便嘅淫心唔除，浮下浮下嘅，点修禅定我问你？系咪先？如果一个人成日中意出去花天酒地嘅，佢自己嘅心会唔会虚吔？心虚啦，返嚟见到太太，而家咁兴包二奶嘅，系咪先？返嚟见到个面色，吖，睇一睇都知你咩事啦，心会虚嘅，你内在会心虚。你可能喺外白，外，外貌外表呢，呃好多人，但系在于你自己内心嚟讲呢，你系交代唔到俾自己个内心，你会虚，因为你做错咗事。呢个就系一个普，好简单嘅心嘅比喻，你嘅心已经动咗，有呢个念头响度，所以一定要断除个心嘅淫，先能够断除，唔，唔怕个身体呢，营役咗我哋嘅真心。所以禅定呢一样嘢如果修得成的话呢，就非常之厉害！释迦佛话如果修唔成呢个禅定，如果你要断淫吖，等于蒸沙，蒸，“欲如蒸沙石，欲其成饭，经百千劫，只名热沙。”即是话用一啲石，用啲石，我哋将啲石去煮想煮成饭得唔得吖？蒸吖蒸吖蒸吖，蒸到呢个地球毁灭，最多啲，嗰啲石仔唔烂，都系热沙啫，可能几千度高温，会唔会变饭吖？唔会变饭！点解？嗱，释迦佛用咗呢个譬如，“何以故”吖？点解呢？“此非饭本，沙石成故”吖嘛，根本呢啲你蒸嘅沙，唔系饭嘅材料吖，系沙石嚟嘅，系咪先？系沙石嚟，点会蒸沙会变成饭呢？“种瓜得瓜，种豆得豆”，唔会种瓜嘅种子会得出豆嘅树㗎嘛，呢个就系因果嘅道理。
释迦佛举咗呢个譬如系话乜呢？“汝以淫身求佛妙果，纵得妙悟，皆是淫根。根本成淫，轮转三途，必不能出吖。”释迦佛话，同阿难讲，其实对后来教诫我哋呢，或者佢嘅弟子讲，佢话：“用我哋呢个淫欲身体，你想求正觉，无上如来正等正觉微妙嘅果实，纵得妙悟吖，皆是淫根。”假如你能够修呢个禅定，但系你行淫去修禅定，你会发出神通吖，你会有特异功能吖，你会有啲种种嘅能力。而家我哋听到好多气功师啦，或者好多师父啦，会有特异功能，响佛经里便呢，我哋叫做“五神通”：天眼通啦、天耳通啦、他心通啦、宿命通啦、神足通啦。呢啲咁种种嘅功能呢，我哋只要真真正正修禅定，个心清净，离，离开污染，嗰个心唔被个肉体架缚，啲功能就会显现番出嚟，响佛教里便叫做“神通”。但系如果你唔断淫呢，修禅定，一样会有神通，但系邪力嚟嘅，发出嚟。释迦佛就讲到呢个问题，所以有啲人跟师父，可能会拜偶像，亦都可能迷恋嗰啲法力，迷恋嗰啲功能，我哋见到好多气功而家就有咁嘅现象，要小心！可能一个气功师未必就系佛教徒，佢未必会守持佛陀嘅戒律，但系佢会有好高功能，可能会医到你个病，不过系一时间啫，呢个系一个好微妙嘅因果道理，呢度有机会我会再解释，要拆开个题目嚟讲，呢度唔想讲得太详细。咁你要分别一个现象，我哋千祈唔好盲目拜有神力嘅人，有神通、有特异功能嘅人，一定要用个德行去衡量佢值唔值得被你去学习呢，用佛陀戒律去衡量，千祈唔好以为佢有高深嘅法力，佢就有高深嘅德行，有高深嘅果位。果位、德行唔可以用佢法力去断定吖，记住！咁所以佛陀喺度讲咗，如果你唔修禅定，你有淫心呢，你想求佛嘅妙果，纵然你有得到微妙吖，好似相似觉悟（“悟”就系“了解”啦），其实都系淫根，系淫欲嘅根本，系沙嚟㗎，你冇以为你自己系饭。但有啲人修行走火入魔，以为佢揸住嗰钵饭嚟，其实系沙嚟，在于佢眼嚟讲就系饭嚟嘅，在于人嘅眼，你钵沙嚟嘅之嘛，在于佛陀嘅眼嚟睇。你就会，如果呢啲众生唔修，修禅定，但系行淫嘅呢，最后嘅果报会跌落三途，三途就系地狱、饿鬼、畜牲，会堕落三恶道！唔会，必不能出，好长嘅时间都唔能够解脱。
“如来涅槃，何路修证？”你唔断淫，你唔断淫，你又要修禅定。有一首诗，我记得啦，出自一个转世嘅活佛嘅，我记得有一句讲呢，讲呢度就系最好吖：“你又要不负如来，又要不负卿，冇办法嘅，做唔到吖！”咩叫“不负如来不负卿”呢？你又想修持出世间解脱嘅果，但系你又贪恋美色嘅，你又戒除唔到嘅。当然呢个系对出家人讲啦，佛陀讲，你又唔要负如来，又唔想负身边嘅太太，咁点得吖？啫你唔断淫心，又要修禅定嘅，永远冇办法！咁所以佛陀话：“如果系咁嘅人，如来嘅涅槃，涅槃系咩意思呢？‘涅’，‘涅’者，‘涅’者不生，‘槃’者就不灭，涅槃嘅意思就不生不灭。你要达到个不生不灭嘅境界，边一条路吖，你可以修行？证明得到吖，能够印证得到呢，证到果呢？”但系相反，有咩方法呢？
“必使淫机身心俱断，断性亦无，于佛菩提斯可希冀吔。”释迦佛话：“你必定首先要将淫欲嘅机缘，身嘅、心嘅、身体嘅、心念嘅，要完全俱断，两样嘢都要断除。令到你诱发淫欲嘅机缘吖，呢两样嘢都能够断除，连“断”嘅本性都冇。嗱，呢句系点解呢？嗱，譬如淫欲，我举例系一样嘢嚟嘅，你要断除淫欲，边个断吖？系你自己断吖嘛！唔系人断吖嘛！你断除咗淫欲之后呢，因为你仲有个“断心”，系你自己断，而你自己“断”嘅断心都空埋呢，你先能够证得佛果，明唔明吖？明唔明我呢个解释？淫欲系一种嘢，你要断除佢，但问题有“能断”，有“所断”，“所断”嘅“既断”，“能断”亦都要忘记咗佢，空咗佢，进入空境，“断”个本性都冇埋呢，响佛陀大觉嘅菩提你就有希望啦。“斯可希冀”，咁样呢，就可有希望。
“如我此说，名为佛说；不如此说呢，即波旬说。”释迦佛话，如果学似刚才我所演译讲出嚟呢段，就系释迦佛所讲断淫嘅说话，如果学似咁样嘅说法嚟讲就系佛所讲，如果违背头先所讲呢啲，呢一啲说话，呢啲明诲，呢啲道理呢，即波旬说。“波旬”系咩呢？“波旬”系魔王。“波旬”系梵语吖，解释为“魔王”，损害众生身心嘅魔王。呢个“波旬”系意思系指外界嘅魔、精灵吖、妖怪，但其实真正嘅魔系你嘅心魔，你嘅心魔唔作崇嘅，外界嘅魔边会扰乱到你吔？好简单，我举一个例，你讲开“淫”，而家澳门，香港，好多，譬如话喺街度你会见到一啲黄色嘅杂志，或者甚至啲录影带。如果你个心系冇淫心，冇淫欲心去见到，你唔兴起呢个心嘅，嗰个小贩逼你买：“喂，帮我买本啦，买本啦！得唔得吖？得唔得吖？”你会唔会买？肯定你唔会买，如果你遵守世尊呢个咁清净嘅明诲。所以真正嘅魔呢，我话俾你听，就系个心魔，首先系你嘅心魔，如果你嘅心魔唔动嘅时候呢，佢冇办法sell到你嘅，卖唔到俾你。所以外魔同你心魔相应，如果你嘅心魔唔动嘅，嗱，我头先讲嘅禅定，外不乱为“禅”，内不乱为“定”，你做到眼见色而不动心，你系外界嘅“禅”，个“定”亦都对嗰本书唔会相应嘅。“听一切声音如风过树，见一切境界似云浮空。”啫意思话，你听一切声音，犹如啲风吖，吹过啲树一样，哦，吹过咗之后冇咗嘢，你唔会过后个念头再谂番：哗，啲风吹啲树真系好听吖，真系好听吖！一至行到返屋企呢，个念头仍然保持，呢一咁嘅思想污染咗你嘅识田，犹如你见到一本黄色嘅杂志，虽然你而家离开咗个档口吖几百码，但系仍然个杂志档喺你个脑度吖，呢个就系我哋心嘅作用，心嘅微妙嘅作用。所以首先要断咗个淫心，先能够将淫欲呢样根本先能够去除得到，所以“魔”呢样嘢嚟讲就系你嘅心魔，心魔唔动，外魔引诱唔到你，外内相配嘅时候就系真正佛陀所讲断淫嘅楞严嘅禅定。
跟住我哋讲呢，释迦佛所讲，第二个清净光明嘅教诲，就系断杀，吖，呢样嘢更重要，我觉得。“阿难！又诸世界六道众生，其心不杀吖，则不随其生死相续。”其实如果大家明白咗第一段经文之后，第二段呢，佢嘅，呢本经文嘅措词同结构呢，系比较通顺嘅，句句都好似好相同。我哋可以举一反三嘅，“断淫”同“断杀”，吖，啲语句都系来来去去都个结构，个结构咁上下，你可以自己甄一甄。释迦佛对阿难讲：“世界嘅天人、阿修罗、畜傍生、饿鬼、地狱，呢六道众生如果心唔杀呢，就唔会有生死。”有淫我哋有生死，有杀我哋有生死。
“汝修三昧，本出尘劳，杀心不除，尘不可出。”阿难吖，你修禅定，你要离开生，生死，但系你个杀心唔除，同淫一样，你一样解脱唔到生死。
“纵有多智，禅定现前，如不断杀，必落神道。”头先呢，讲断淫嗰度呢，就会落魔道嘞，如果唔断杀呢，就会落神道。
“上品之人为大力鬼，中品则为飞行夜叉、诸鬼帅等。”呢个读“帅”（注：音同“碎”），“诸鬼帅等，下品当为地行罗刹。”释迦佛话：“如果你唔断杀吖，最高嘅时候你所证到嘅，死咗之后嘅果位，因缘成熟呢，系有力量吖，好大power吖，大力嘅鬼，系一啲异类空间嘅众生。下一级嘅呢，就系飞行夜叉。“夜叉”，“夜叉”系食血吖、食肉吖、食人吖嗰啲鬼怪嚟嘅。诸鬼帅，“帅”呢，就阿头啦，鬼中之王，鬼中嘅阿头，中品㗎。下品呢，地行罗刹，下品嗰啲呢，啫系话，唔能够飞天嘅，福报薄啲嘅，唔能够空中飞，喺地下行，但系隐没响一啲空间里便，但系呢啲呢，就会害人嘅，呢一类呢，就比较恶性。罗刹呢，系专系食人血肉嘅鬼嚟嘅，系一种鬼类嚟嘅。
“彼诸鬼神，亦有徒众，各各自谓成无上道。”一样啦，嗱，你见唔见到啲经文嘅构造，所以你比较容易明。呢啲鬼神又话有徒众，哗，真系唔得了，断淫嗰啲鬼神又一班，呢断杀嘅鬼神又一班，所以物以类聚呢，人以群分。犹如我哋今日有机缘听到呢个经，你有兴趣嘅，我哋一定系宿植善根，有个好深厚嘅因缘先能够听到如来咁多经典。无论我演译得好唔好，呢个唔需要介意，我希望能够响你识田里便呢，种下咗关于呢部经嘅意识、呢个思想，将来你就有机会遇到更好嘅人对你解说呢本经典，甚至喺佛嘅面前出世，而能够听到释迦佛或者其他嘅佛继续将呢本经好详尽咁解释俾你听。
如果，合，诶，“诸鬼神等，亦各有徒众，各各自谓成无上道。我灭度后，末法之中，多此鬼神炽盛世间。”一样有呢啲咁吖鬼神、夜叉、罗刹吖，响呢个世间里便。“自言食肉得菩提路”——嗰啲夜叉，罗刹呢啲鬼神呢，佢教我哋咩呢？嗱，我哋好易印证得到佢，如果你跟一个师父呢，佢系走火入魔，可能佢系俾一啲罗刹吖，俾啲夜叉附身，你唔知吔，因为你用肉眼点知吔？我而家肉眼个个都望住系人嚟嘅，但当你天眼，当你修持到有天眼，打开你嘅慧眼，打开你嘅法眼嘅时候，你就能够睇穿得到佢，呢个师父吖，有冇被邪魔所附，能够睇穿佢嘅真相，就唔会被佢蒙蔽咗你，呢个就系智慧，你开到智慧，你就会明白。呢啲咁嘅鬼神，但系有一样嘢，你冇呢啲眼唔紧要，佛陀教你佛法就系一个真真正正嘅慧眼、法眼，能够择法眼，识得选择边样啱、边样错。如果佢教你食肉呢，呢样嘢你唔使谂啦，呢个师父肯定系有问题，除咗密宗里便一啲大师父之外，其他一般嘅讲食肉，教你食肉，好提倡，啫讲提倡吖，提倡食肉嘅呢，呢个师父一定有question mark，一定有问题存在，所以你一定要小心！点解呢？你听落去个经文你就自然会明白。
“阿难吖！我令比丘食五净肉，此肉皆我神力化生，本无命根。”释迦佛话，喺释迦佛嘅时代呢，其实释迦佛准许，准许啲弟子食肉，因为啲弟子系一时间系戒唔到肉。后来释迦佛再讲经嘅时候，譬如讲到《楞伽经》嘅时候，佢叫啲弟子吖，完全你就唔准食肉，因为你太过执著个肉味嘞。初头释迦佛就用佢神通力化现五种净肉出嚟，“以我神力化生”，呢啲肉系冇命根，系唔系真嘅杀佢吔？系冇命，“命根”嘅意思即是话，一个众，一只猪、一只牛，你杀咗之后，个神识离开个身体就有个命根，佢系冇命根，系我化现。边五种净肉呢？第一，不见杀，你见唔到被杀嘅情况；第二种呢，不闻杀，听唔到杀嘅时候嘅声音；第三种，不疑为我杀，唔系我自己杀；第四种呢，自死，旧，啫嗰只雀仔跌落嚟自己死嘅；第五种呢，鸟残，啫譬如话一只雀仔跌咗落嚟啦，啲鸟类分咗个尸体嘅肉，剩返嗰啲未吃净啦，啲比丘就可以吃嘅。释迦佛嘅时候系有呢啲咁吖制定，但系到后来呢，释迦佛响《楞伽经》嗰度禁止咗，话俾，因为啲弟子耽著咗个肉味，但系记住啲肉系冇命根。就点解释迦佛要化现呢啲咁吖冇命根嘅肉出嚟呢？后面呢句就系一个注脚、一个解释。
“汝婆罗门地多蒸湿，加以沙石草菜不生。我以大悲神力所加，因大慈悲吔，假名为肉。”释迦佛话。“汝婆罗门”，啫意思话印度，印度分嘅四种姓吖，最高级就系婆罗门，系祭司，祭司嘅类，祭司类。啫意思话呢度婆罗门系代表印度。印度个地方呢，好湿吖，沙石多，草菜生长唔到。一个修行人唔食肉就食素㗎喇，系咪先？如果菜你都唔食，你可唔可以生存吖？肯定唔得啦。所以释迦佛，由于佢大悲神力，用吖大悲神力加被，加被呢，用佢嘅慈悲心幻现一啲假肉出嚟，俾佢嘅弟子食，令佢能够修行得到。咁有啲人问嘞：“喂，点解释迦佛有神通，变啲菜出嚟都得嘅啫，使咩变肉啫？”如果佛陀呢，唔喺世间度，用人化角度去行人嘅道路啦，佢就唔系佛陀。如果能够示现咁多神通，佢唔使降生，唔使舍弃个王子嘅阶位，佢用神通掟几部经落嚟，你慢慢学都足够啦，点解佢唔化现啲菜吔？你明唔明白点解？因为如果地下，全个印度沙石又多，又蒸湿得，突然间“嘭”声生长菜，违反常理！明唔明白吖？违反晒常理，违反晒自然，啲众生系唔会接受。佛陀嘅神力系按众生嘅机缘令佢接受嘅角度，令佢能够按佢嘅根基而教佢，所以佛陀会按佢机缘呢，去做一啲嘢。呢个就系解释点解佛陀唔变啲菜出嚟呢，呢个疑问，有啲人会问过，问过呢个问题。
“奈何如来灭度之后呢，食众生肉，名为释子。”释迦佛话：“唉！奈何，当我死咗之后，有啲人食紧众生嘅身上嘅血肉自称就系佛教徒。”“释子”就系佛教徒啦，包括出家、在家。
“汝等当知，是食肉人吖，纵得心开，似三摩地，皆大罗刹，报终必沉生死苦海吔。”释迦佛话：“你哋应该知道，呢个食肉嘅人，纵然个心开，修行禅定个心开，得到三摩地，其实都系食血嘅鬼神嚟㗎，到佢死咗之后呢，“报终”，呢个身体嘅报应，命终之后，最后都会堕落生死苦海吔。”其实讲真吖，如果我哋而家食肉，比如我以前，好多年前我都系食肉，咁其实我觉得我自己系一个罗刹，冇分别，你系人身之嘛。（注：接下文）
171.法藏群英讲解 1B
（注：接上文）……吖水准，啲水平吖，已经完全降低晒，我哋已经科学越嚟越进步。但系科学嘅文明唔系唔恭维佢，系有用，可以帮助我哋生活，但系随住科学嘅文明，我哋依赖咗好多物质，我哋人嘅灵性开始降低，我哋人类嘅本性呢，啫本性嘅本能，最基本嘅本能呢，就会提高咗。食饭啦、睡觉啦、色欲啦、为财啦、为名啦、为利，佛教所讲嘅五欲，“财色名食睡”，呢种种嘅精神，种种嘅，嘅欲念已经提高咗，随住科学进步，你觉唔觉得吖？觉唔觉得吖？所以人嘅本性系降低咗，兽性就加强咗。咁所以呢个社会，你睇下，道德几沦亡吖！系咪吖？就系呢个原理。所以我哋见到而家我著住件西装，著住件衫，咁靓，有牌子吔，你系一个人嘅外壳，但系可能你内心同一个食肉嘅罗刹冇分别，因为你人类原始嘅本性提高咗出嚟。你唔知礼仪，只系将人嘅本性发挥咗出嚟，但系其他嘅嘢，你唔，唔识收敛，唔识控制，冇智慧，愚痴。所以而家我哋学佛，佛陀就教我哋呢啲智慧，教我哋点样更加做好一个人，而化解到我哋日常生活嘅种种问题，我哋事业啦、我哋家庭啦、我哋嘅烦恼。如果我哋学咗佛，唔能够帮助到我哋，学完佛净系识得响屋企念经嘅，对于我哋生活世间上便呢，一啲帮助都冇，我哋学佛有咩嘢意思吔？完全冇意思。佛法在世间，不离世间觉。佛法系生活响我哋世间里便，释迦牟尼呢，发现宇宙人生嘅真理，还归喺宇宙里便攞出嚟，我哋系宇宙一分子，所以我哋同佛法系息息相关，为何我哋同呢个世界脱离咗呢？而家又话讲环保，但我哋有冇一个观念觉得地球同我哋息息相关呢？包括我自己在内，我都唔感觉好似个地球同我有咩关系，其实宇宙同我哋信息相通，好似星矢嗰套卡通片，我系小宇宙，佢系大宇宙。但系我又唔感觉环保对我有咩作用㖞，我咪照喷喷发胶啦、照用香水啦，吓嘛？照用胶袋啦，吓，无论我系唔系一个支持环保嘅人都好，但系呢样嘢事实上对地球有帮助，但我哋唔感觉我哋身边嘅嘢同我哋息息相关，点解呢？因为我哋被我哋嘅欲望遮蔽咗，觉得：唉，自家打扫门前雪啦，事不关己，己不劳心啦，今日既然有佛经讲，唉，都好啦，冇嘢做，嚟听下啦，吓，可能或者会有啲咁嘅心态。其实呢啲嘢同我哋息息相关，啲真理，不过你唔明白啫，冇人讲俾你听。如果你突，突然间发现，哗，你返屋企，个屋顶穿咗窿㖞，喇喇声漏夜两三点都叫人嚟补啦，系咪先？如果落紧雨的话。但系个地球穿窿，我哋又唔关心㖞，点解？你唔发觉嘅咩？你冇感觉到嘅咩？呢个就系我哋科学进步，人与人开始疏离咗，世界远咗，住嘅距离远咗，慢慢样样嘢都加深咗，欲念加深咗，所以我哋唔觉得我哋同宇宙、同佛陀系接近，系息息相关，我哋系宇宙一部分，我哋就系宇宙嘅全体，而家佛陀话俾我哋听呢，就系呢一啲道理嚟嘅。
“如是之人，相杀相吞，相食未已吔，云何是人得出三界？”佛陀话：“呢啲人又相杀又相吞，你食我，我食你，你话呢啲人能够出三界？”我又食你，你又食我，我又杀你，你又杀我，大家互相个因果循环，好似两个球，一个撞第二个，第二个撞，撞番头先嗰个，你要佢停吖，要有一个停，冇个反作用力，第二个先能够停㗎嘛。你杀我，我杀你，因果互相循环，点能够了呢？譬如而家我打你一巴，你都有瞋恨心，你都：唉，忍住啦，话慈悲心，算啦！忍咗佢。如果你系唔修佛法，哗，可能打埋，打，打两拳吖！打番嗰个人两拳。啫意思话，你对我有一个唔好嘅加害于我身上，我又以彼之道，还施彼身，又打番你，咁如是循环，点会了吖？世界战争咪咁样来源啰，你杀我，我杀你。如果有呢个杀心，你话呢啲人能够出三界？释迦佛话冇可能嘅。
“汝教世人修三摩地，次断杀生，是名如来先佛世尊第二决定清净明诲。”释迦佛再语重心长同阿难讲，佢话：“你将来教导世人修禅定，第二，第一我教你断淫，第二我要教你断杀。呢个就系过去所有嘅佛曾经教过我，而家我再教你哋，希望你哋遵守，教导将来嘅众生，唔好俾佢哋沉迷吔。呢个就系第二样，决定一定要遵守嘅清净嘅教诲。”其实唔系包括释迦佛感叹，我讲咗佛经咁耐啦（教，啫唔好话教啦，大家研究嚟讲），见到好多学佛嘅师兄啦，好长嘅时间之内吔，都唔能够断杀嘅，但仍然见佢出现嘅㖞，佢又好有兴趣坐度听下，讲下佛经吖，听下讲下啲道理。但系你坐响度听，唔系冇益嘅，咁但系你真真正正学咗佛嚟讲呢，希望佛陀嘅思想能够改变你嘅人生，令你有一条光明嘅路去行，我希望能够见到嗰啲师兄嘅行为开始改变。但系过五年十年之后，“哎！你好，李生！点吖？食素未吔？”“唉，唔得吖，都系未得吖，屋企唔掂吖，吓，仔女要食吖，我唔食又唔掂吖，吓，始终我好多应酬吖，吓，我又做乜吖，做边行吖……”十年后又系咁，十年前见佢又系咁，但系佢仲系一个佛教徒㖞，咁你先攞命㖞，好恶抵㗎嘛，佢仲系一个佛教徒。你唔系佛教徒，唉，算啦，唔理啦，下次啦，吓，唔好理佢住。奈何佢系佛教徒，佢又上啲法会里便又听你讲嘢，咁你希望佢好嘅，但系佢听完你之后呢，系左耳入右耳，右耳出，佢个耳根圆通仲犀利过观音吖，哈！左耳入右耳出。咁所以咧，真真正正呢，你一定要了解咗啲嘢返去，真正正修行，去做。“千里之行，始于足下。”如果你自己唔行第一步嘅，冇人帮得到你吔，你唔行，最多扶一扶你啫，但系你唔肯行嘅，你永远喺原地里便踏步，别人都勉强唔到你。
第二就系“断杀”，呢个就系“四清净明诲”第二个好重要教诲。“是故阿难！若不断杀修禅定者，譬如有人，自塞其耳，高声大叫，求人不闻吖，此等名为欲隐弥露。”释迦佛又讲咗个比喻嘞，譬如你唔，你唔修禅定，你唔，你唔断杀要修禅定，等于有个人大声嗌，揞住自己嘅耳仔：“听唔听到？听唔听到吖？哗哗哗，听唔听到？听唔听到吖？”其他人梗系听到啦。“听到咩？我听唔到有声嘅？”啫自己阿Q精神，自己话听唔到声，但系人哋已经听到好大声嗌。等于犹如你戴住个耳筒唱walkman，喺度你唱嚟讲，你以为好细声，其实系好大声嘅，吓嘛？啫咁嘅原理。所以呢，咁样系好傻，如果你修禅定唔断杀，只会，欲隐弥露嘅意思，你越想覆藏呢，其实个果报呢，就会越会暴露出嚟，越会快脆显露出嚟。
“清净比丘，及诸菩萨，于岐路行吖，不踏生草吖，况以手拔？云何大悲，取诸众生血肉充食呢？”释迦佛呢，好语重心长，再讲呢句，佢话：“我嘅清净嘅出家嘅弟子吔，同埋其他修行菩萨行嘅弟子吔，响歧路行（“歧路”呢，啫系啲十字路口啦，吓，啲三岔路口啦），不踏生草（呢个“踏”呢，同“践踏”一样）。”佢话：“我教授吖，我啲弟子吔，同埋啲菩萨吖，响啲歧路度行路嗰时候吖，连一条草吖，都唔会用脚踏落去吔。”因为万事万物欣欣向荣，你一见到呢一条草、一朵花，佢有佢生存嘅权利，如果冇特别目的，你点解摘佢出嚟呢？学一个顽童，一个细佬哥，摘完一朵花，觉得好靓，然之后抌，抌咗喺地下里便。呢朵花可能呢，所谓“十年树木”啦，系咪先？你培养樖树，都最少要十年啦，你摘朵花，都起码三个月啦啩，或者甚至一季先开花吖嘛，有啲花。佢有佢生存嘅权利，万事万物欣欣向荣，佢都有佢自己本身生存嘅因素、生存嘅条件，你点解无端端要摘佢呢？嗱！你谂下释迦佛嘅慈悲心。嗱，我哋知道就算我哋掹朵花冇罪嘅，讲真，系咪先？你杀，杀一个众生，杀咗之后，佢个识田种下你杀佢嘅种子，你有个恶业，将来佢会揾番你报仇，但系你掹朵花就唔会，佢系生，系生命，系无情嘅生命。嗱，有啲人讲到呢度呢，就有个问题话：“喂，大佬，你而家杀生，吓，唔食肉，咁你而家食菜吔，系唔系杀生吖？你又话，你煲水都杀生啦！”好多人都问，吓嘛？其实呢，释迦佛讲过，菜系唔系生命呢？系生命嚟嘅，但系无情嘅生命，要加埋“无情”嘅注解，意思就系话呢，佢有单一嘅反应，反应系action，reaction。啫譬如话，你个科学家譬如有两樖植物，试过做过啲实验，一樖植物，就对佢施肥吔，阳光吖、雨露吖，好多助缘，对佢好呵护，而且俾啲信息佢：“哗，你真系生得靓吖！你啲花开得好好吖，再开啦，再开！”另外一樖呢，就少啲淋水，少啲肥，少啲阳光，就闹佢：“快啲谢，快啲凋谢，快啲凋谢！”咁吖做过一个咁嘅实验，真系㖞，闹嗰樖吖谢晒，好快，过咗几日，好嗰樖慢慢慢，就唔见得佢生得好犀利，但系冇谢，仍然继续向上生长。所以闹佢，其实可能用现代科学讲，解释呢，证明佢有单一嘅反应吖嗰啲，嗰啲植物吖，有嗰感情，但系单一，单一嘅，啫单一嘅机械性嘅反应，但唔代表系感情嚟。所以释迦佛响佛经里便，佢都系“生”，但系无情嘅“生”。你系冇业嘅，你系食嗰樖草系冇业，啫冇个罪业嘅，但系啲人就唔识分开生，生命吖，同埋无生命，佢以为植物都系有个生命。有冇生命，就决定你有冇“精神”响你个身体里便，人系物质现象同精神现象嘅综合体，每一个宗教都有讲死后有精神嘅生命，咁所以菜有冇吖？其他植物有冇？呢啲有冇吖？冇吖，呢啲系无情，譬如草嗰啲就有生命，呢啲直程生命都冇，系无情，明唔明白吖？就系呢一，呢个道理。
释迦佛嘅慈悲本性，都能够扩展到无情嘅生命，何况有情嘅生命呢？云何嘅大悲菩萨，点解大悲菩萨会食众生嘅血肉呢？可能你食嘅血肉，你听完我讲经，今晚你出去食饭，可能你都会食肉嘅，但系你食嗰嚿肉会唔会系你嘅父母呢？如果你系轮回嘅思想嚟讲，同我哋结得缘，被我哋食得嘅，可能系兄弟姐妹，或者宿生，前生里便嘅父母、朋友，唔出奇，只不过我哋冇慧眼睇清楚啫，我哋冇宿命嘅神通，我哋唔知道。但系释迦佛嘅教诲其实俾咗我哋一个法眼，已经我哋系俾咗我哋个神通，如果你系相信的话，呢啲肉就系你宿世嘅父母吖，冤家互相仇对，点解食呢？大悲菩萨连生草都唔拔，云何众生，“云何大悲，取诸众生血肉而充食？”
“若诸比丘不服东方丝绵绢帛”（注：“丝绵绢帛”嘅繁体字系“絲緜絹帛”），呢个“绵”字嚟嘅，啫古体字，相反，反番转一样啫），“……丝緜绢帛，及是此土靴履裘毳、乳酪醍醐。如是比丘于世真脱，酬还宿债，不游三界。”释迦佛再讲嘞，嗱，呢段有个特别嘅意思就系话，如果，如果我嘅出家弟子，唔著吖，“不服”，东方吖，东方，嗱，上便系东方，下便系此土啦，因为释迦佛讲经嘅地方就系印度，东方就系指我哋中国。“丝绵绢帛”，“丝”点样出嚟嘅呢？“春蚕到死丝方尽”，系咪吔？啲，我哋啲人要著丝绵嘅绵衲嘅冬天呢，温暖吖，但系你唔知几多条生命吖，系咪吔？响你件绵衲里便有几多条生命？你吖暖笠笠啦，利工民（注：衣服嘅牌子），系咪吔？好暖吖，但系你知唔知几多条生命吖？因为呢，如果你唔，佢嗰个蚕呢，变化嘅时候，蜕变个蚕蛹呢，如果嗰只飞蛾吖，变咗蛾飞出嚟呢，好似天蚕变咁，你要咬烂咗个茧呢，佢先能够出咗嚟，但系一咬烂个茧，啲丝就冇用，所以趁嗰个飞蛾未飞出嚟嘅时候，将啲茧煠熟咗取丝，但系里便有个生命㖞，连里便嗰个都死埋。有啲人中意吃埋里便嗰粒，嗰粒啡啡哋色，未变成虫嗰只飞蛾，吓，以前我细个见，见过有啲亲戚系食，炒吓嘛？好好味，哗，好香，佢哋吔。嗰阵味都好难顶。咁所以你谂下你著嘅绵衲，吓，你所冚嘅丝绵被，嗰度几多条生命呢？你谂一谂。我哋中国嘅丝绵绢帛，呢啲都系蚕丝嘅织品嚟嘅，蚕丝嘅制成品。
或者系印度嘅土，或者系印度嘅“靴履裘毳”。“靴履”，啫系用牛皮吔，吖，而家又话羊皮吔，软啲吔，啫手袋吔，鞋吔，做嗰啲啦，吓。“靴履”，就鞋啦，鞋啦。“裘毳”呢，就系各位女士著嘅mink吖，大mink吖，吓。“毳”呢，你睇下“毳”字，三个“毛”字，啫系好多毛咁解啦，啫掹动物身上嘅毛，吓。你冬天所著嘅mink，吓，要攞个，系咪要，咩攞个冷藏柜保养吖，又要几多度吖，呢样唔知嘞，听过，系咪吖？如果唔keep好佢呢，皮褛呢，就发毛嘞，起霉点嘞，系咪吖？以前我讲过呢个“四清净明诲”呢，又记得有个师兄呢，听完之后啲皮褛喇喇声送晒俾人，后屘佢同番我讲有成四五件皮褛，连嗰张sofa都唔要，吖！佢真系，真系佛弟子吔，真系。不过后来佢一样食番肉，唔知点解，啫可能一时间嘅，嘅冲动啦，吓，吖，咳。咁你又会问，你又会问：“点解？嗱，喂，你话啲蚕丝要杀生嘅啫，喂，有啲mink吖，有啲皮毛嗰啲唔使杀只动物嘅㖞，羊毛啦，系咪先啦？我著啲羊毛衫，或者羽绒啦，大佬，我去爬山咁冻，著件羽绒都唔过分。”羽绒就系嗰啲咩料吖？我都唔知嘞，个腋下嗰啲毛吖，系咪吔？听讲掹咗之后聚织而成，好暖㗎，可以保温，喺阿拉斯加或者北极吖，好寒天地冻吖，嗰啲嗰啲料唔知乜嘢啦，吓。“呢啲我又唔须要杀嘅，点解你都唔能够咁做呢？”嗱，后便嗰度有解释吖，原来，今日揭晓一个秘密，呢个真系秘密嚟嘅，释迦佛讲到好真。
仲有一样就系“乳酪醍醐”。哗，呢，呢样嘢讲一讲啦，一阵我哋下昼嗰啲点心系有牛奶饮吖？牛奶都唔饮得？“乳酪醍醐”，牛奶嚟嘅㖞，“乳”呢，就系牛奶嚟嘅，“酪”呢，就系牛奶再提炼一层吖，“醍醐”呢，就更加乳嘅精华，啫而家我哋所讲可能炼奶啦，以前印度炼奶啦、吖芝士啦、酸奶啦，啫发酵有啲虫仔。我哋见到超级市场吖，惠康吖、盛昌吖，吖，OK吖，诸如此类嗰啲，提炼出嚟，又，总之系乳制品，乳类嘅制品，吓，嘅精华提炼出嚟嘅，都唔可以食㖞。“哗，系唔系咁严格吖？”有啲人问点解咧？释迦佛后便就好清楚话俾大家听，佢特别同佢语重心长讲，真系佢嘅弟子，你真系要修行呢，一定要咁做吖，讲真。但系如果而家叫你勉强，你唔得㗎，嗱，你而家挨，挨到下午两点，如果得包奶俾你饮，你肯定饮嘅，冇计嘅，人嘅本性又出嚟嘞，系咪吔？但系你嗰，嗰个时候嘅心呢，你会唔会检一检点下你个心：哎吔，释迦佛教我，啱啱听完，唔好做，好啦，忍肚子饿啦！但系谂谂下：哗，九点㖞，今晚要讲到（夸张啲，七点啫可能），九点㖞，唔饮又肚饿。嗱，呢个时候心已经斗争紧，系咪吔？禅定嘅心，你降伏唔到你有一个起伏嘅心，点解呢？释迦佛话：“如果你真嘅咁做，唔著中国嘅丝绵绢帛，同埋我哋印度嘅鞋履裘毳，同埋饮啲牛奶类嘅制品呢，呢一个出家人吖（嗱，记住系讲出家人，但系我哋居士如果能够做到呢，更加好），呢个出家人响世界上就真系解脱嘞，真系离开三界。”“酬还宿债，不游三界。”唔须要再出生喺呢个三界里便，将以前嘅债务都能够还清。“何以故吖？”释迦佛真系好慈悲吔，成日惊啲徒弟呢，唔明，成日问：“明唔明吖？明唔明吖？点解吔？”嗱，又解释“何以故”——“服其身份，皆为彼缘吖，如人食其地中百谷，足不离地。”必是，“足不离地”，即是释迦佛解释点解你唔需要杀，你都唔，唔可以著，著佢呢？著众生身上嘅皮毛所做成嘅制品，因为如果服、食，“服其身份”，即是同个动物嘅身体有关系嘅部分呢，都同佢哋下不解之缘吖，明唔明吖？同佢结下一个缘份，等于“如人食其地中百谷，足不离地。”等于我哋人，初头我哋人类嘅来源呢，同其他宗教解释唔同，系嚟自三界里便其他嘅时空，第三度空间以上嘅光音天嚟嘅，呢个光音天，初头啲人类呢，会飞行嘅天人，佢福报尽咗，嚟到地下里便，食咗地上嘅百谷，而失去咗个神足，失去咗个神通，个福报呢，而开始做咗地球呢，人类最初嘅祖先，所以佢系食咗地上嘅百谷，同个地下结咗不解之缘嘅。嗱，好简单之嘛，我哋用佛经去印证番呢个问题，点解我哋唔能够飞呢？啲天界人能够飞呢？天界人使唔使食我哋人间啲烟火？所谓“不食人间烟火”㗎嘛，神仙。我哋就要食人间烟火，食地下里便生长出嚟嘅草菜，同个地下结咗缘，我哋嘅脚咪黐住嗰地啰。咁假如我哋另外一个角度去睇，啲太空人嘅，外星人嘅，佢唔须要吃地下嘅草菜㗎，可能吸收宇宙嘅能量，佢咪能够飞行啰，好简单嘅道理啫。所以如果你系同任何一样嘢结下缘呢，啫你都会再嚟一次呢个世界里便呢，要酬还你嘅债务，无论系好、系坏。我哋今生呢，能够有夫妻吖、朋友吖、兄弟姊妹，呢啲亲戚咁嘅关系，由于你欠我，我欠你。嗱，譬如讲，仔女一样啦，大家嘅仔女，有啲孝顺，有啲唔孝顺嘅，有啲好激气，有啲天生出嚟系有啲缺陷嘅，点解吔？冇得解释，你去算命嘅话，哦，注定咗啦，后天睇下有咩方法可以补救？但系再推上一层宿命论，就冇得再去解释，点解你会生出嚟缺陷，点解你会生，生喺埃塞俄比亚，点解你个仔教极都唔聪明，点解你读完大学之后冇嘢做，踎咗咁耐？点解呢？嗱，呢种种嘅问题，呢个就系个根源，就系你前生所造嘅恶业嚟嘅，你个恶业导致你有呢个因果存在。譬如有啲父母所生嘅仔女，有啲对佢孝顺，有啲对佢唔孝顺，唔系报恩就报怨啦。而家养儿防老，呢句说话呢，唔啱㗎喇，响呢个世代，我相信，因为而家我见到啲仔女太唔孝顺啦，对啲父母。积谷防饥系仍然真嘅，所以啲人猛揾钱，“唉！费鬼事生吖，激气，储多啲钱仲好吖！”系咪吔？亲生仔女不如近身钱，系咪吔？我哋而家呢个世代，每个人都有咁嘅思想，但系我哋睇番中国我哋传统文化，中华民族里便，我哋啲“仁义礼智信”吖，儒家所讲嗰啲，去晒边一度呢？嗰啲人类根本嘅美德吖，去晒边一度？冇晒啦！犹如头先我讲科学越进步，淘汰咗好多嘢，淘汰咗我哋人类嘅精神，呢啲咁吖人类根本嘅道德，系冇晒，冇晒了。咁所以我哋嘅亲属，譬如我哋仔女嚟讲，唔系对我哋孝顺就对我哋忤逆㗎喇，因为我哋前生唔孝顺父母，所以今生佢就唔孝顺你吔，有好多都现眼报嘅，譬如今生你唔孝顺父母，将来你都会老㗎，你都会有仔女㗎，呢啲仔女一样唔孝顺番你吔。所谓中国人有句古语都讲过：“远在儿孙，近在身吖。”呢啲果报，系咪吔？你谂下，好快就会出现眼前，每个人都会老吖。所以对你有恩、对你有怨，对你有啲人有恩，你对佢有怨，生生世世由于一个“恩”字、一个“怨”字，呢两个字呢，缠结你轮回嘅世界里便不清。所以你食众生身上嘅肉，同众生结下个缘，著众生身上嘅皮嘅毛，你一定要还番呢个债务，再嚟嘅，佢都会用番你身上嘅嘢吖。嗱，呢个就系解释点解就算你唔杀生，你都会轮回响呢个世界，因为同佢结下不解之缘，犹如你食咗地上嘅百谷一样啦，你离唔开地下。
“必使身心于诸众生，若身、身份，身心二途不服不食，我说是人吖，真解脱者。”释迦牟尼如来讲呢，佢话：“如果你想同众生唔结缘，离开呢个三界，首先呢，喺众生嘅身，就系佢身体、身份。”身体里便所出嚟嘅嘢，皮毛吖，嗰啲你唔用佢吖，内脏，唔用佢，你要杀佢先攞到佢内脏，佢嘅身体，属于佢身体嘅部分。”“身心二途”，呢个“途”字系古字啦，犹如个道路嘅“途”一样啦，身心两个途径，唔，唔食嘅，“不服不食”，唔著嘅、唔食嘅，释迦佛话：“我就话呢个人真系真真正正解脱。”
“如我所说，名为佛说，不如此说，即波旬说。”——学似我咁讲嘅呢，就真系佛讲，如果唔系呢，就真系魔所讲。
嗱，呢个第二个清净明诲呢，就系“断杀”，我哋又听完呢个呢，都应该会有好深嘅感受，我哋又做唔做得到呢？就算我哋做唔到，但系我哋的的确确而家系见到啲咁吖现象，我哋系唔可以否认吖，我哋系唔可以逃避呢个事实，我哋而家又见到呢个现象，除非你唔信宗教，你话：“唉，人死如灯灭，有咩轮回吔？今世都系享乐啦，有啲钱，都系努力做返一啲有意思嘅事啦，咪信咁多因果。”你咁嘅心呢，都还好啲，但系如果你话：“人死如灯灭嘅，唉，尽量享受啦，话之你吔，损人利己吖。咁你第二世嘅报应好惨，一有自私心，一有损人嘅心呢，损人，咁人呢，你个，你个脑已经谂咗，人，其他万物嚟讲系比人次于一级，一级嘅，喺人嘅角度，因为唔平等，有阶级嘅观念，对人，你都损人利己，啲动物，唉，话之你吖，乱杀啦，系咪先？你去食饭，日日都海鲜嘅，可能如果你有钱，真系，你觉得系补，觉得系好，以形补形。最棹忌呢样嘢，中国人“以形补形”，杀好多生，食好多肉。“欲知世上刀兵劫，但听屠门夜半声。”你想了解世界上刀兵劫嘅战争，点解咁惨？我嘅家人，我嘅仔女可能移民去外国，突然间地震，突然间嗰个地方打仗，可能损失咗一啲眷属，你会好痛心，但系你有冇问一问自己，你前生嘅杀业，你所杀嘅众生，呢笔血债吔，由边个去填呢？系咪先？你对人唔公平，而家你觉得怨天尤人，个天地震，火山爆发，对你唔公平，毁你嘅家园，损你嘅财物，将你嘅亲属夺去佢嘅，佢嘅生命，咁但系在于你前生、在于你今世，你有冇做啲损人利己嘅嘢？假若你有嘅，呢啲报应，系你要承受㗎，唔好怨天尤人，呢啲系因果循环。所以我哋唔杀生呢，系释迦佛所讲嘅第二个清净明诲，将来我哋一定能够得福嘅。
咁我哋讲第三点“断盗”嘞，吓，“断盗”。“阿难！又复世界六道众生，其心不偷，则不随其生死相续。”释迦佛又对阿难讲，佢话：“世界嘅六道众生，如果个心唔偷呢，就唔会生死相续。”嗱，如果重复嘅语句呢，我唔太详细解释嘞，呢啲举一反三，你明。
“汝修三昧，本出尘劳。”你嘅偷心唔除呢，其实系冇办法解脱生死嘅。“纵有多智，禅定现前，如不断偷呢，必落邪道。”如果你修禅定，有多智嘅禅定出现呢，喺禅定发到智慧出嚟呢，如果你唔断偷心呢，一定会落邪道。落啲咩邪道呢？上品就系精灵，啲山精水怪，盗日月嘅精华，中，摄天地嘅气润；中品呢，就系妖魅，妖魅嘅意思就系附人嘅，你冇话呢样嘢同你无关心吖，好多人话被鬼砸，可能就系呢个问题。夜晚有冇试过被鬼砸吖？妖，被鬼砸呢，可能就系啲妖魅，呢啲邪，呢啲妖，可能附住众生，吸众生嘅精气。释迦佛有讲过，事实上有呢啲情况存在。上品嗰啲呢，精灵嘅意思呢，佢就会寄居响啲山吖，寄居啲石，或者甚至附住一啲佛像，你冇以为你拜，而家拜紧啲观音、拜紧嘅佛就系真系佛嚟嘅，可能唔系，可能俾啲精灵，俾啲邪魔妖怪附咗响上便，因为冇通过你嘅加持，冇通过你开光嘅方法，亦都你做咗就算做咗开光加持之后，你个心系求啲唔好嘅嘢，你嘅心就同外界相应，明明你初头开光嘅时候系有个正气嘅，个佛像里便，但系随住你求嘅歪念害人，呢啲唔好嘅嘢，呢个正气就消失，邪气就会降临，所以万法都系唯我哋嘅心，系我哋嘅心嘅问题。精灵就系附著一啲木石成精，妖魅呢，就系附住人嘅身体，盗人嘅精气。下品呢，就系邪人，邪人呢，就系响我哋人里便呢，其心不正嘅人。“诸魅所著”其实呢，呢啲人呢，都被啲妖魔鬼怪吖，所附吖。“彼等群邪，亦有徒众”，又话有徒众。“各各自谓成无上道”，又话已经成就咗无上道。
“我灭度后，末法之中，多此妖邪炽盛世间，潜匿奸欺，称善知识。各自谓己得上人法，詃惑无识。”呢一段嘅意思就系话啦，呢啲咁嘅邪人吖，释迦佛涅槃咗之后呢，又系炽盛世间，佢会哩埋，会隐藏自己，话自己得到上人法。“上人”系咩意思？系菩萨，菩萨嘅法，甚至话自己已经成佛。当然啦，如果佢话魔，你点会跟佢吔？佢梗系话佛，著住件衫好似佛，好似出家人一样，吓，讲嘅亦都系佛法，但系你未必能够分得到佢系真系假。呢一啲人呢，詃惑无识，冇知识嘅人、迷惑嘅人，唔识佛法，就好，就俾佢迷惑得到嘞。
“恐令失心，所过之处，其家耗散吖。”即是佢呢啲咁嘅魔呢，会用啲恐吓嘅言辞呢，令到众生呢，失去正念吖，令到佢好惊。呢啲咁吖妖邪所过嘅地方呢，譬如话你信奉咗呢啲妖邪，拜咗佢做师父嚟讲呢，你嘅家庭会自然耗散，梗耗散啦，佢叫你去攞啲财物去供养佢吔，系咪先？你供养来供养去，你屋企都冇晒钱啦，梗耗散啦。呢度耗散唔系净系讲财物，身体嘅、心灵嘅都有损失。
“我教比丘，循方乞食，令其舍贪，成菩提道。”释迦佛话：“我教出家人吖，向住唔同嘅方向去乞食，令到佢舍离贪心，而能够成就菩提嘅道路。”“诸比丘等，不自熟食，寄于残生，旅泊三界，示一，一往还，去已无返。”释迦佛话：“我叫我嘅出家弟子呢，自己唔煮嘢吃。”点解呢？自己唔烧火煮嘢吃？因为佢沿途行乞，佢嘅出家弟子，我哋供养出家人有福。但而家出家人揸住钵啦，托钵俾你嘅时候，你可能话：“唉，阴公嘞，㖊晚买咗金多宝，今日开今多宝，我见到你真系惨吖，呢次。”好多人会有咁嘅思想，唔出奇，吓，会闹出家人。啫而家啲人对于出家人好唔尊敬，但系释迦佛教啲出家人托钵，教佢啲弟子，点解呢？由于我哋布施吔，供养出家人呢，系有福报嘅，甚至佢证咗个果位系罗汉果，“罗汉”就系“应供”，你应该供养，供养佢，下世呢，好多福报。如果你将呢啲福报回向极乐世界，今世就能够造成呢，解脱生死嘅因。咁释迦佛所以教佢啲弟子乞食呢，其实你布施，当时啲人吖，印度嘅时候，布施啲饭食俾啲出家人嘅心态唔系话等于而家我哋好似俾啲钱，俾啲钱街边啲乞丐咁，俾一，俾一蚊，“嘭！”一声，好大力咁抌落个兜度，“吖！俾你啦！”咁吖，啫个心仲有，啫都会有啲咁嘅心嘅，啫好似“我施舍俾你”，啫好似好求你。其实我哋用个心态，如果出家人就同我哋而家布施嘅心态唔同，相反，佢施舍俾我哋吔，佢俾个机会你积福咋，你布施俾佢，将来能够得到好多福报，你供养出家人，如果佢系一个罗汉，一个菩萨嘅果位，哗，你将来嘅福报可能唔只喺世间做人王吖，做而家世间，我哋知道嘅，世界啲名流吖，十大富豪，可能呢，喺天上做天界嘅皇帝吔，唔止世间福报咁简单，如果你唔将呢啲福回向极乐世界的话，第二世变咗你人界、天界嘅福报啦。其实系出家人俾机会我哋去修行，唔系话我哋施舍俾佢，千祈唔好倒转咁谂吖。如果我哋一个佛教徒，所以释迦佛教佢弟子话唔煮食，由于我哋嘅身体，由于佢，释迦佛话：“众生嘅身体，为咗修行，唔应该耽著去食嘅。”“寄于残生，旅泊三界。”响呢个三界里便漂泊。“旅”呢，就响道路里便；“泊”呢，就系河岸，三点水嘅。啫意思系话，乞食有时喺水中，有时喺陆地，吓。
“示一往还，去已无返。”释迦佛话：“我都希望。”啫话佢嘅弟子啦，“一次嚟呢个世间解脱生死，就唔须要再返嚟。”
“云何贼人，假我衣服，裨贩如来呢？”嗱，呢句呢，就讲到而家末法时期呢……（注：接下文）
172.法藏群英讲解 2A
（注：接上文）……人呢，劫夺我哋嘅财物，包括我哋身体外便嘅财物，包括我哋身，身，自己嘅“法财”，“法财”就系你嘅慧命。佢污染你嘅思想，毒害你嘅思想，仲惨过攞咗你啲身家吖，仲惨过攞咗你嘅身份证，因为攞咗身份证你可以发番俾你，唔见咗钱可以揾番，但损害你嘅精神吖，荼毒你嘅精神，如毒品一样，你一世都甩唔到吖，所以末法时期，我哋揾师父学佛法一定要小心啲。呢啲邪人，呢啲贼人呢，“假我衣服”，你记住最惨一样嘢佢就鱼目混珍珠，佢会著住袈裟，会著住如来嘅衣服，佢话佢系出家人，“裨贩如来”，啫将佛法去贩卖吔。譬如话，你今日嚟，吓，好啦，我讲，今日净系讲完《楞严经》，算啦，每人收返一百蚊啦，吓，呢一堂，一阵要讲吖，逐堂计，第二本咩经？第二本经《无量寿经》啦！好啦，收返五十啦，吓，最多减半。哗，咁我都发达吖，如果咁。呢啲就系“裨贩如来”，用佛法一个交易嘅心态衡量，犹如我哋而家拜佛、拜菩萨一样，吖，而家啲人拜佛，好啦，唔好讲素，唔好讲肉食啦，我哋就算攞素食，吖，我拜佛，希望求，求乜、求乜、求乜，真系几似交易，我求我个仔吖，啫虽然你求系正确，我求我个仔健康吖，求我，诶，老公嘅生意好啦，吓，求我家庭顺遂……呢啲祈求系啱嘅，佛陀系准许嘅，但系真真正正呢，一个人无求呢，其实而自得嘅，因为点解呢？佛陀嘅法身，你唔须要求，佢都知道你嘅心念，你使咩祈求吖？“但行好事，莫问前程。”只要你专心去做佛陀教你嘅嘢，佢会永远加庇紧你，犹如你觉得同个宇宙冇息息相关，其实佢喺你身边，你点知吔？你见唔到之嘛，犹如我哋见唔到呢啲宇宙嘅射线，其实可能而家穿插喺我哋嘅身体，咈哩啡咧你系睇唔到。咁所以我哋其实而家拜佛嘅心系一种交换，系一种贸易，去做生意：“我拜你，你俾啲嘢我，喂，我唔拜你，俾唔俾我吖？”咁样仲系学佛嘅？系咪吖？你用素，素食求个善性嘅心愿还好㖞，如果你用肉拜呢，就乌烟瘴气嘞，但会有灵验嘅，点解呢？就头先所讲，呢啲山精水怪附喺佛像里便，你拜佢就会俾啲灵验你，唔拜佢嘅时候呢，你可能屋企就有灾祸，有好多咁嘅例子，我亦都听过，有啲咁嘅事实，所以小心啲，唔好迷信。佛，我哋拜佢系恭敬，唔系拜个木头公仔，唔系拜个像，我成日都讲，有钱你可以去金雕，冇钱你就咁写个字，一张纸：南无本师释迦牟尼佛。你尊敬佢，依住佢嘅说法，就系呢一啲“四清净明诲”所有嘅经典，你跟住呢条路行，你已经系最尊敬佢。你日日拜佢上香有乜作为？冇作为，但系我唔否定你代表你一种你嘅尊敬心，因为人嘅诚敬，冇，冇个外在嘅行为去表达呢，你个心唔舒服嘅，呢样嘢你可以做，但系真真正正呢，经呢，系一条路径嚟嘅，你跟住呢条路径去行呢，你先能够得到益处，如果你净系空拜，对住个像拜嚟拜去求一啲嘢呢，严格嚟讲，呢个心态呢，都唔系正确，好容易有个机会呢，被魔利用咗啦，而家呢个末法时期。
诶，“皆言佛法，却非出家具戒比丘”，呢啲著住袈裟嘅出家人吖，佢个口都讲佛法㗎，亦都，但系呢，有一样嘢，释迦佛话，佢唔系具足戒律嘅比丘，佢系讲佛法，或者个相系好庄严嘅，但系呢，佢根本唔守佛法，唔守戒吖，“为小乘道”，佢行紧小乘吖，佢唔系度众生吖。“由是贻误无量众生吖，堕无间狱”，更加坏啲，佢教导众生偷盗嚟讲呢，头先呢条所讲呢，令到众生呢，堕落无间地狱。“若我灭后，其有比丘，发心决定修三摩提，能于如来形象之前身燃一灯，烧一指节，及于身上爇一香柱。我说是人，无始宿债，一时酬毕，长揖世间，永脱诸漏。”释迦佛话，有个方法响《楞严经》教，不过呢样嘢呢，唔系咁容易做。以前古代呢，好多高僧大德曾经呢，用过呢个苦行嘅方法去做，但后屘被禁止。因为释迦佛，呢，呢一段嘅说话呢，佢话如果你吔，唔，希望能够以前嘅债务一时间，酬，一时间呢，了却呢，如果你能够发心呢，修禅定呢，能够响佛像之前呢，“身燃一灯”，啫将一盏灯呢，去烧你嘅身体，“燃一指节”，或者将你手指一节烧咗佢。我哋有冇见过一啲出家人系冇，得八只手指嘅？有吖。佛教里便八指头，头陀啦，或者我哋睇下香港大屿山嘅圣一法师呢，佢都有燃过指吖，无名指嗰度燃咗佢吖，我唔知佢燃一节定两节，佢就系应该系以奉呢本《楞严经》呢，为佢修行嘅，嘅准则嚟嘅，所以佢照样咁做。但呢样嘢唔系咁容易做，如果你唔系真系修禅定，唔系发心嘅，你烧埋你脚趾都冇用吖！啫意思话你好专心燃一个指节，希望能够酬偿宿债，亦都断淫、断盗，断，断妄，我跟住讲落去呢一啲呢，你无始以来嘅宿债，仲要唔退心啦，就能够一时酬还。或者响你身上烧一炷香，我哋都有见燃香嘅，有啲手臂里便受菩萨戒，焫啲窿啦，或者个头焫啲窿啦，吓！呢，呢一啲咁嘅行为，呢啲系痛苦，可能嘅原理就系以一次咁大嘅痛苦去抵消你宿世嘅业障。你恶业不外身心唔开心痛苦，你病个心唔开心，肉体痛苦啫，你用燃指一次过痛苦去抵消你无始以来嘅宿债，如果你有咁嘅精诚嘅心呢，你无始嘅宿债就一时酬偿完毕。我哋而家用凡夫嘅智慧，我哋唔可以猜度如来嘅真正嘅思想，因为点解呢？你觉得好似燃一只手指，有啲人忍得痛都做得到啦，但系你有冇呢个真心呢？我哋只，而家听到呢咁嘅经文呢，只有对佛陀保持一个信心，相信，我哋唔会觉得佢系虚妄，如果你有信心呢，一定能够你无始嘅宿债呢，一时能够酬偿得到。“长揖世间”，你就会，“揖”呢，啫拜别嘞，拜拜嘞，吓，就唔会再嚟呢个世间。“永脱诸漏”，永远离开各种烦恼，“漏”就系烦恼。“虽未即明无上觉路吖，是人于法已决定心吖。”释迦佛话，虽然呢个燃指嘅人呢，未能够即刻，“虽未即明无上觉路”，未能够即刻明白无上正等菩提嘅觉路，啫同佛仲有一个距离，仲未能够成佛，但系呢，呢个人吖，喺法里便吖，已经有决定嘅心啦，啫会有不退转嘅心啦。“若不为此，舍身微因吖，纵成无为吖，必还生人吖，酬其宿债。”释迦佛话：“如果你唔咁做呢，唔舍身以啲少少，少少嘅燃身供佛嘅微因呢，去做呢，“纵成无为”，“无为”就阿罗汉，纵使你成为阿罗汉，都还须要再嚟呢个世间去酬还番你欠人嘅债务。呢度释迦佛跟住讲咗个比喻：“如我马麦，正等无异。”呢个系一个故事嚟嘅。释迦佛呢，当时嘅时代呢，有个国王吖，叫做阿耆达王，呢个阿耆达王呢，就请释迦佛同埋佢嘅弟子吔，入去皇宫里便吖，毗兰邑嘅地方，去接受个供养。咁呢，个国王供养嘅时候，因为印度四月至七月系个雨季嚟嘅，响雨季里便呢，释迦佛规定佢弟子，因为，因为天雨多湿，就唔出去乞食，国王于是布施接受供养，呢段时间就集中喺度修行。但系个国王呢，供养咗七日之后呢，啫讲释迦佛嘅，嗰个时代释迦佛嘅事，国王供养咗七日之后呢，个国王被个魔迷咗个心吖，唔记得咗供养，但其他人又唔敢供养，但系最后呢，有个马师吖，养马嘅马夫呢，哗，见到佛肚饿吖，成班弟子啲罗汉跟住晒，国王请咗佢哋又唔供养，于是将啲马麦食剩嘅去供养佛陀食马食嘅麦，啫比较低下嘅食品，啲马食吖嘛，啲畜生食。咁于是呢，差唔多食咗成三个月，佛陀就离开个皇宫。佛陀都要食呢个马麦。但后屘阿难尊者再问佛陀：“哗，以您老人家世尊大觉嘅身份，咩因缘要食嗰个马麦呢？点解会食三个月呢？”佛陀呢，就解释俾佢听，佢话：“喺过去嘅时代，啫释迦佛以前，喺过去嘅时代，毘婆尸佛嘅时代，嗰阵时候呢，毘婆尸佛就去接受供养，供养完，啫同埋啲弟子去接受供养，嗰佛叫做毘婆尸佛。咁当佢供养完毕呢，有个病嘅出家人，呢个病嘅出家人，毘婆尸佛就攞咗啲食物带返去俾个出家人食，因为佢唔去得，接受唔到供养，咁途径一个山呢，嗰个山呢，好多古代嘅梵志吖，修行，嗰啲梵志吖，就系嗰啲婆罗门，断咗淫欲去修行。咁其中一个梵志经过呢，见到毘婆尸佛同佢嘅弟子呢，就讲咗一句唔好嘅说话，佢话：“嗯，呢个咁嘅出家人都应该接受皇帝嘅供养咩？”就讲咗呢一句说话。佢应该食啲下贱嘅食品吖，啫咁嘅意思啦，由于讲咗呢句说话嘅时候呢，第二世嘅时候呢，呢个，呢个梵志吔，当时个梵志，释迦佛话就系我嘅前身嚟嘅，由于我话咗毘婆尸佛呢一句，话佢应该食啲比较低下，下贱嘅嘢，咁当时呢个梵志呢，亦都有五百个弟子，呢五百个弟子亦都同佢师父一样呢，都轻视咗呢个毘婆尸佛，毘婆尸佛同佢嘅弟子，所以释迦佛当时喺阿耆达王应供嘅时候，同埋嗰五百罗汉呢，就系要食马麦三个月，呢个连释迦佛都有呢个因果存在。释迦佛后来再讲，佢话：“呢个病嘅比丘接受唔到应供呢，就弥勒菩萨嚟嘅，个五百个童子呢，就系个五百个罗汉。”释迦佛讲番个宿世嘅因缘，佢话：“我系佛陀吖，举一个例，我都要酬还宿债吔，要食马麦吖。”
“汝教世人修三摩地，后断偷盗，是名如来先佛世尊第三决定清净明诲。”阿难吖，你将来教世人修行禅定，一定要断除偷盗，系佛陀世尊第三种决定清净光明嘅教诲。“是故，阿难，若不断偷修禅定者，譬如有人，水灌漏卮（呢个‘卮’字），欲求其满，纵经尘劫，终无平复。”佛陀话：“如果你唔断偷盗去修禅定，譬如有人吖，攞啲水吔，去灌落一个漏嘅，“卮”呢，就系古代呢，装酒嘅器皿嚟嘅，一啲装饮品嘅器皿嚟。如果你唔断偷盗去修禅定，等于个器皿穿咗个窿，你要注满佢吔，纵经百千万劫，好长好长嘅时间，系冇办法装得满，冇办法平复。“若诸比丘，衣钵之余，分寸不畜，乞食余分，施饿众生，于大集会，合掌礼众。有人捶詈（呢个‘詈’，啫辱骂），有人捶詈，同于称赞。必使身心二俱捐舍，身肉骨血，与众生共。不将如来不了义说，回为己解，以误初学，佛印是人，得真三昧。如我所说，名为佛说；不如此说，即波旬说。”呢段呢，释迦佛嘅意思就系话，佢嘅弟子衣钵之余，即是话呢，著衫同埋乞食，啫衣著之余咧，都唔应该呢，有金钱嘅，蓄有金钱吖。“乞食余分”，应该就算有多嘅，都要施俾肚饿嘅众生。虽然出家人，你布施俾佢啦，佢系，你系有福，佢亦都接受咗你供养，但系佢自己仲未成佛，佛菩萨嘅精神就上求下化，在于在佢对下嘅，佢可以施于俾众生，仲可以度众生，但佢仲未到达佛果，佢仲要上求，佢仲要再修吖，所以呢，佢亦都自己都须要做布施，所以在于佢有多食物之余呢，都要施俾饥饿嘅众生。“响大集会，合掌礼众”，响一啲集会里便呢，都要有一个谦虚嘅心，去礼敬众生，唔好话你出家人就高高在上，我而家说法坐喺度就你叻啲，唔系，大家都系释迦牟尼佛嘅同学，大家互相研究，千祈唔好分你高我低、你贵你贱，呢啲咁唔平等就产生战争，产生大家唔平等嘅心系冇办法修佛法。“有人捶詈，同于称赞。”如果有人打你吔，“捶”就打你啦，“詈”就骂你啦，你就觉得系称赞，你要修忍辱波罗蜜。“必使身心二俱捐舍”，你要使到你嘅身、使到你嘅心，都完全能够施舍。“身肉骨血，与众生共”，你嘅身体同埋骨肉都能够施与俾众生，呢啲就大菩萨嘅行为，呢啲系最究竟施舍嘅行为。唔好将我如来，啫释迦佛教你唔究竟嘅说法作为遮护自己嘅解释。咩“唔究竟嘅讲法”呢？因为释迦佛去度化众生系按机说法嘅，唔同机情呢，讲唔同嘅法嘅，可能对于甲适合嘅方法，对乙就唔适合，所以呢，你攞乙嘅方法俾自己修，可能唔适合，但系可能你会用乙嘅方法做咗自己犯戒嘅借口吖，会唔会吔？往往会有。譬如我哋食肉，我哋自己都提出好多借口啦，系咪吖？甚至你话：“唉，呢只动物嚟讲，如果唔杀佢嘅，杀咗佢咪早啲轮回，系咪先吖？唔使喺个世界上面咁多动物。”有好多啲咁吖借口，用佛法去做借口。唔好将释迦佛所讲按机嘅说法呢，去作为自己做错吖，一个借口去解释，“以误初学”，去误导初学佛嘅人。“佛印是人，得，真得三昧”，释迦佛，如果能够咁样做呢，释迦佛印证呢个人，真正能够得到如来嘅大定。“如果学似我咁讲呢，就系佛所讲，如果唔系咁讲呢，就天魔嘅说法。”
好嘞，我哋而家讲到“四清净明诲”嘅第四个清净明白嘅教，光明嘅教诲，就系“断妄”。“阿难，如是世界六道众生，虽则身心无杀盗淫，三行已圆，若大妄语，即三摩地不得清净，成爱见魔，失如来种。”释迦佛话：“阿难，如果世界六道众生呢，身心系已经冇咗杀、盗、淫，前便嗰三样戒行已经清净，三行已圆，但系最后一样，如果有大妄语呢，三摩地呢，仍然系唔得到清净，会变成爱见嘅魔王，堕入，堕入烦恼同埋邪见嘅魔里便，失却如来嘅种子。”呢啲魔系咩呢？所谓“未得谓得，未证言证”，意思话未得到果位嘅，就话已经系得到果位，未证到果就话自己证果。“或求世界尊胜第一”，或者祈求响世间呢，自己系最叻嘅、最胜嘅。“谓前人言：我今已得须陀洹果，斯陀含果，阿那含果，阿罗汉果”，佢会对于学习嘅人嚟讲呢，话佢自己已经得咗须陀洹呢，就罗汉嘅初果，斯陀含呢，就罗汉嘅二果，阿那含呢，就系三果，最高就阿罗汉啦，就解脱生死。犹如我哋读书一样，小学、中学、大学咁读上去。呢啲人呢，落咗爱见魔嘅人呢，会自称自己得到呢啲果位。辟支佛乘，辟支佛乘呢，亦都系小乘缘觉嘅果位，罗汉同埋辟支佛有咩分别呢？“罗汉”就系声闻嘅弟子，“声闻”嘅意思呢，就系听释迦佛说法，有佛陀生于佛陀嘅世上，听佛陀说法，而由呢个声音去修行悟道谓之声闻。“缘觉”嘅意思就系呢，随住因缘而觉悟，亦都称为“独觉”。外观飞花落叶，内观十二因缘，明白十二因缘嘅道理，外界生灭无常嘅变化刺激起呢啲咁吖修道人生于响无佛嘅世上而自己觉悟，所以称为“独觉”。“独觉”亦都叫“辟支迦佛”，佢唔系佛，“辟支迦”解释为“独”，系梵语，独自觉悟嘅觉者咁解，佛就觉者，就唔系佛陀，呢啲系小乘嘅圣人。“十地、地前诸位菩萨”，或者自称自己系十地嘅菩萨，由初地到十地，或者十地以前嘅菩萨。“……诸位菩萨，求彼礼忏，贪其供养，是一颠迦，销灭佛种，如人以刀断多罗木。佛记是人永损，永殒善根（‘殒’吖）无复知见，沉三苦海不成三昧。”呢啲落爱见魔嘅人呢，犯大妄语嘅人呢，佢会自称自己系罗汉吖、菩萨吖，求人礼拜，贪人嘅供养，但系佛陀会话呢啲人呢，系一颠迦。“一颠迦”系咩意思呢？系断灭佛种嘅人。如果咁样讲呢，自己已经系犯咗大妄语罪，系消灭佛种嘅人，佛会印记呢个人呢，好似犹如一把刀去断多罗木。“多罗木”呢，系印度一种植物嚟嘅，呢种植物啦，如果斩断咗佢之后呢，就永远唔会再生长。犹如你自称你自己已经证咗某一个果位，你犯咗大妄语，犹如断多，多罗木一样，你系消灭咗你嘅佛种，佛印记呢个人呢，“永殒善根”，“殒”呢，就系销落，你嘅善根已经冇咗了。“无复知见”，已经再冇真知真见，沉沦于地狱、饿鬼、畜生三途里便，而唔能够成就到三昧。“我灭度后，敕诸菩萨及阿罗汉应身生彼末法之中，作种种形度诸轮转……”释迦佛话佢灭度咗之后呢，佢会命令一啲菩萨同埋一啲阿罗汉呢，会用应身呢，啫化身嘅方法去生喺末法嘅时期呢，变现出种种嘅身形呢，去度化六道里便轮转嘅众生。“或作沙门、白衣居士”，或者呢，佢做一啲居士嘅身份，犹如我哋唔系出家人嚟讲，就系居士啦，沙门就系出家人啦，白衣居士在家嘅修行者啦，或者系国王，或者系宰官，或者系童男童女。“……如是乃至淫女、寡妇、奸偷、屠贩。与其同事吔，称赞佛乘，令其身心入三摩地。”或者有时呢，有啲逆行嘅菩萨做啲相反嘅行径，可能呢啲佛菩萨会变现一个寡妇，变现一个偷盗嘅人，咁但系你话佛菩萨如果变现啲咁嘅身形，啲逆行嘅菩萨岂不是教导众生，会害众生？唔系嘅。因为你睇下下便嗰句，佢哋变现啲咁嘅身份，佢哋知道系去度化众生，教众生去称赞佛乘，虽然佢哋身份系妓女、系屠夫，但系佢哋系冇业嘅，佢哋系啲大乘嘅佛菩萨，系啲阿罗汉嘅果位化身去教度众生修行诸佛秘密之因，去教度众生离苦得乐，佢哋唔会学似一般，如果系小贩咁㓥鸡杀鸭，教导众生杀生，唔系呢一类。佛陀会派遣啲菩萨用各种身形，菩萨系无定嘅身形嘅，罗汉亦都无定嘅身形，唔系一定著袈裟就系罗汉，罗汉只系一个果位，罗汉亦都冇性别，亦都冇分男，亦都冇分女，系解脱生死应该接受世间嘅人天供养，亦都系“无生”咁解，唔会再生喺呢个三界。佢唔系我哋饮汤嗰啲阿罗汉果，亦都唔系有男有女，佢系一个果位，解脱生死，圣人嘅果位。所以佛陀会派遣阿罗汉同埋啲菩萨用各种身形，任何嘅身形，可能佢系菩萨去度化众生，会教导众生修三摩地。但系，“终不自言我真菩萨、真阿罗汉，泄佛密因，轻言未学，唯除命终阴有遗付。”释迦佛话呢啲派遣嘅菩萨同埋罗汉呢，佢唔会轻易吔，泄漏吖，佛陀嘅秘密嘅因嘅，唔会向啲后学（啫初学）呢，去讲：“我系菩萨，我系罗汉，我系咩咩佛，你供养我，你拜我，你跟我学啦，你就会得到福。”但系相反，我哋响世间里便而家见到嘅现象太多啦，太多假嘅师父啦，系咪吖？头先我已经重复讲过呢个问题，太多话自己，自己自称系佛啦，自己自称已经证咗某个果位，呢个就系佛陀所讲嘅犯咗大妄语罪，“未得谓得，未证谓证”，我哋要小心啲。呢啲真正嘅化身嘅罗汉同菩萨呢，佢唔会话自己已经证咗果位，但系有一样条件——“唯除命终阴有遗付”，除非有特别嘅机缘，当佢自己圆寂嘅时候，佢希望呢，用，做一个榜样出嚟。因为如果系菩萨或者罗汉嘅化身，佢一生嘅行径都值得自己学习，所以可能呢，佢会启导，临终嘅时候会启导佢嘅弟子，话俾佢嘅弟子听：“我系某某菩萨，我系某某罗汉。”呢个可能系有啲咁嘅机会，咁但系都系极少嘅，如果系要显露嘅呢，都系有特别嘅原因。因为学习佢嘅榜样，学习佢嘅德行系唔须要理得佢系边个，总之合乎佛陀嘅佛法，就值得我哋去学习，唔需要理得佢嘅身份，所以呢啲罗汉同菩萨唔会去泄佛嘅密因。“云何是人惑乱众生成大妄语？”佢话呢啲“未得谓得，未证谓证”嘅人呢，点可能惑乱众生讲大妄语呢？“汝教世人修三摩地，后复断除诸大妄语，是名如来先佛世尊，第四决定清净明诲。”阿难吖，你教导众生修三摩地，将来一定要断除妄语吖，唔好讲大话，唔好讲啲虚妄嘅说话，就系如来世尊教众生嘅第四种决定清净光明嘅教诲。千祈唔好讲啲说话去损害众生，讲啲说话去利益众生，呢个呢，就系我哋语言上嘅功德守口，我哋唔需要做任何功德，讲少人一啲坏话，自己念多啲佛，念多啲咒，念佛菩萨嘅名号，已经就系功德，就密宗所讲身语意三密嘅语密，呢个就系秘密嚟嘅。所以佛陀教导阿难，教导后来嘅世人呢，要断除大妄语。“若不断其大妄语者，如刻人粪为旃檀形，欲求香气，无有是处吔。”释迦佛讲个比喻，如果你唔断除大妄语呢，等于将一嚿人粪，要将佢刻为“旃檀”，系一种香木，要将一嚿人粪点能够刻，一个，旃，刻做一嚿旃檀嘅香木嘅形状呢？你想求一嚿人粪只有臭，系冇香气，要有香气根本就系冇方法，“无有是处”，根本就唔可能嘅。“我教比丘直心道场，于四威仪一切行中尚无虚假，云何自称得上人法？”释迦佛话：“我教我嘅出家弟子，直心就系道场，心地光明正直，响四威仪行住坐卧，一切嘅行为之中都唔会虚假。”“云何自称得上人法？”点解而家有啲大妄语嘅人自称得到菩萨嘅果位？通度招摇撞骗，话自己系佛菩萨呢。“譬如穷人妄号帝王自取诛灭”，佢话犹如穷人一样，如果自己自称帝王呢，响国王面前呢，自己就会招致杀身之祸，国王只有一个，如果你话你自己系国王，你就会招致杀身之祸。“况复法王如何妄窃？”人间嘅帝王尚且系咁，何况你自称你系佛，虚妄盗窃用佛嘅名称，将来个因果呢，真嘅好危险。“因地不真，果招迂曲，求佛菩提，如，如噬脐人（‘噬’吖，噬脐人），欲谁成就？”释迦佛就讲一个比喻，如果你发心种下嘅因唔真呢，你嘅果报呢，将来呢，就会歪曲。“种瓜得瓜，种豆得豆”，如果你求佛嘅菩提呢，如果你嘅因呢，种得唔正确呢，系大妄语，犹如一个人想弯低身，想去咬佢嘅肚脐一样，有冇方法你能够弯低身做得到呢？呢个系一个譬喻。“若诸比丘心如直弦一切真实，入三摩地永无魔事……”我哋修行佛法，直心是道场，如果出家，我嘅出家弟子，个心好似一条弹琴嘅弦一样咁直，好似，好似一个弓箭，“如箭在弦”嗰个“弦”咁直呢，个心系咁真实，唔会歪曲而进入三摩地呢，一定唔会有走火入魔嘅事产生。我哋个心由于虚妄，由于个心虚，由于讲妄语，所以呢，就容易俾魔所摄，因为你心魔所毒。“……我印是人成就菩萨无上知觉。如我所说，名为佛说；不如此说，即波旬说。”释迦佛话：“我印证呢个人能够成就无上嘅正智正觉，真正嘅智慧，真正嘅觉悟，如果唔大妄语的话。如，学似我咁讲呢，就系佛所讲，唔系学我咁讲呢，就系魔王所讲嘅说法。”
嗱，咁我哋呢，《楞严经》，“淫、杀、盗、妄”已经讲完嘞，四段好简单咁解释俾大家听。
（注：此处录音中断）……佢嘅弟子智慧第一嘅舍利弗听话：“由我哋呢个西方一直数去过十万亿个佛土，有一个世界系叫‘极乐’，嗰个地方有一个佛，叫做‘阿弥陀’。”“阿弥陀”系梵语嘅译音“Amita”，解释为无量光明、无量寿命，以致佢国土种种都系无量，所以有时我哋叫阿弥陀佛呢，做“无量光佛”或者“无量寿佛”，就系咁解。我哋念“南无阿弥陀佛”，就“南无无量光佛”“南无无量寿佛”。喺西方极乐世界呢，阿弥陀佛就系教主嚟嘅，观世音菩萨同大势至菩萨呢，就系佢两个菩萨辅助佢教化极乐世界嘅人民，一佛两菩萨合称为“西方三圣”。释迦佛讲话：“西方有阿弥陀佛，而家说紧法，亦都有个极乐世界。”
跟住我哋跳嘞。不如你唔好睇经文吖，我读出嚟仲好吖，费时，唔使揾啦，悭返啲时间，我读俾你听。
“舍利弗，于汝意云何？彼佛何故号阿弥陀？”佛陀话：“舍利弗吖，你嘅意思系点呢？阿弥陀佛点解叫做‘阿弥陀佛’呢？”吓，呢度就有解释啦。“舍利弗，彼佛光明无量，照十方国无所障碍，是故号为阿弥陀。”佛陀话：“舍利弗吖，由于呢个佛吖，嘅光明无量无边，照到西方以外嘅十方嘅国土，东南西北，东南、东北、西南、西北、上下，就宇宙嘅十个方向，啫总体所有嘅方向同空间，阿弥陀佛佢无量光嘅光明都能够照遍十方世界，无所障碍，系冇障碍嘅，所以叫做‘阿弥陀’。”阿弥陀佛嘅来源就喺呢一度啦。“又舍利弗，彼佛寿命及其人民，无量无边阿僧祇劫。”佛陀又话：“舍利弗吖，呢个佛嘅寿命吖，同埋佢嘅人民呢，无量无边。”“阿僧祇”系梵语，解释为“无央数”，“劫”呢，亦都系好长嘅时间。释迦佛话：“呢个阿弥陀点解叫无量寿？由于佢嘅寿命根本数唔到咁长，几长，根本就系无尽，所以就叫做梵号就叫做‘阿弥陀’。”“舍利弗，阿弥陀佛成佛以来，于今十劫。”舍利弗吖，阿弥陀佛成咗佛吖，到现在已经有十个劫咁长。其实“劫”系咩意思呢？“劫”就唔系“劫数”咁解，系“好长嘅时间”咁解。喺佛经里便记载人哋人呢，嘅寿命有好长嘅时间嘅生命，有八万四千岁，啫好长好长咁多，咁每百一百年，一百年减一岁，由八万四千减到十岁，然之后再由十岁每隔一百年增加一岁，增到八万四千岁，咁就叫做一个小劫。劫有大中小三种。呢个时间一增一减，八万四千过一百年减到十岁，减一岁，减到人寿十岁，然之后再由人寿十岁每过一百年加一岁，而加到八万四千岁呢，一增一减来回，你乘一乘嗰条数，十嘅几多次方？就谓之一个小劫，咁一个大劫，一个大劫，有八十个小劫，一个大劫有四个中劫，一个中劫有二十个小劫，四乘二十，所以一个大劫就系八十个小劫，呢个劫呢就大劫。阿弥陀佛成佛以来有十个大劫咁长，哗，你话几多时间？“又舍利弗，彼佛有无量无边声闻弟子皆阿罗汉，非是算数之所能知。诸菩萨众，亦复如是。”佛陀话：“舍利弗，阿弥陀有好多声闻。”头先就系话阿罗汉啦，听佛嘅声音而悟道嘅弟子，唔系用计数可以知得到有几多嘅，“诸菩萨众，亦复如是。”喺极乐世界嘅菩萨呢，亦都系一样，用数系计唔到有几多。“舍利弗，彼佛国土成就如是功德庄严。”佢话：“舍利弗，你睇下，阿弥陀佛极乐世界，你话功德庄严系伟大呢！”“舍利弗，不可以少善根福德因缘得生彼国。”佛陀话：“你想生喺呢个不生不灭、咁快乐嘅世界呢，唔可以少善根同埋呢，种福德嘅因缘先能够生去呢个国家里便㗎。”要点呢？“舍利弗，若有善男子、善女人，闻说阿弥陀佛，执持名号，若一日，若二日，若三日，若四日，若五日，若六日，若七日，一心不乱，其人临命终时，阿弥陀佛与诸圣众，现在其前，是人终时，心不颠倒，即得往生阿弥陀佛极乐国土。”佛陀再对舍利弗讲，佢话：“有善心嘅男性，有善心嘅修行嘅女性，如果你哋能够今日听到阿弥陀佛嘅名号，念佢嘅佛号‘南无阿弥陀佛’，就系咁念啫，一日、二日、三日、四日、五日、六日、七日，如果七日以内你能够集中心念，进入阿弥陀佛禅定嘅境界，一心不乱呢，呢个人临命终嘅时候吖，阿弥陀佛就同其他嘅圣众就会出现响你面前，响呢个人命终嘅时候呢，佢个心就唔会颠倒，就能够一刹那间呢，往生去西方，由印度嘅西方数过去十万亿佛土嘅阿弥陀佛嘅极乐世界。”如果我哋而家念“阿弥陀佛”啦，我哋响极乐世界个莲花池吔，好靓嘅，就有我哋朵莲花，有埋我哋个名响……（注：接下文）
173.法藏群英讲解 2B
（注：接上文）……陈大民（注：疑为人名，呢度用同音频一样嘅粤语同音字），莲花，跟住临终嘅时候你个心唔会念，唔会乱，喺度念：“南无阿弥陀佛，南无阿弥陀佛……”朵莲花放低嘅时候，你就坐上个莲花度，咁由我哋呢个世界到极乐世界要几耐嘅路程呢？心念嘅路程。“屈伸臂顷到莲池”，意思就话咁样一个动作，呢个世界就去咗嗰个世界，就咁短嘅时间已经去到极乐世界。所以而家我哋肯勤力、有心、专心念佛求解脱生死，你觉得呢个人间系痛苦，呢个宇宙里便，响无尽嘅空间角度里便，系超脱生死离开宇宙嘅时空里，嘅架缚，呢个就系其中一个世界嘅极乐世界。点样去呢？就系念佛、修持功德就可以去。“舍利弗，于汝意云何，何故名为一切诸佛所护念经？”跟住讲到舍利佛话，佛陀问：“你嘅意思系点呢？点解呢个《阿弥陀经》佛陀讲咁重要，系宇宙一切佛所护念嘅经典呢？”佢话：“舍利弗，如果有善男子、善女人，闻是经受持者，及闻诸佛名者，是诸善男子、善女人，皆为一切诸佛之所护念，皆得不退转于阿耨，阿耨多罗三藐三菩提。”释迦佛话，如果有善心嘅修行嘅男性、女性，如果今日能够听到呢本经吖，能够返去信受有阿弥陀佛，念佢嘅名号、诵呢本经，照个方法去做呢，听到佛嘅名字呢，呢啲咁嘅善心嘅男性、善心嘅女性呢，一切诸佛在生嘅时候，佢在生，唔系讲佢死，死喺极乐世界啫，在生都会护念佢、加持佢。等于头先我话，你唔使求，你念佛唔求任何嘢，呢度已经讲咗，佛个如来神力都会加被你，冥冥中保护你亦都保护你嘅家人，使到我哋离开痛苦得到平安，最后你能得到呢，不退转于阿耨多罗三藐三菩提。“阿耨多罗三藐三菩提”呢，解释我哋中文系“无上正等正觉”，宇宙之间冇一个觉悟系俾超于佢嘅，亦都系第一等最正确嘅觉悟，唔系邪嘅觉悟，就系佛陀，简称为“菩提”。我哋成日菩提，讲菩提呢，全称就“阿耨多罗三藐三菩提”，简称为“菩提”。你念“阿弥陀佛”，除咗佛护念你之外，以后呢，你都会响呢个菩提大道唔会退转，你一生唔系解脱生死㗎嘛，可能今生你去唔到，但系你保持呢个心念继续念佛，到死嘅时候随住你业力可能你转生做人，或者其他空间嘅众生，但系你唔会退转嘅，你嗰一世唔知点解咁中意佛嘅呢，咁中意阿弥陀佛，咁中意观音，由于可能你前生就系念过佛。佛护念你今生唔会响菩提大道会退转，继续会念佛，一步一步增上向上。“是故舍利弗，汝等皆当信受我语，及诸佛所说。”佛陀话：“舍利佛吖，你应该信我而家讲嘅说话，呢，头先已经讲过呢一部经呢，系一切诸佛所护念经，十方宇宙空间嘅佛都护念呢本经嘅，唔系净系我所讲。”所以佛陀讲话俾舍利佛听：“你应该信受我说话同埋诸佛所说，诸佛印证呢部经，呢部《阿弥陀经》吖系好伟大，亦都教我哋解脱生死。”咁讲番头先“四清净明诲”嚟讲，我哋要断淫、断杀、断盗、断妄，系靠我哋自己力量修行，释迦佛系教个出家嘅罗汉弟子，但系我哋今生唔做到，岂不是我哋解脱唔到生死？头先呢个师兄问：“你做晒最基本都阿罗汉啦，但我哋冇办法做吖，点呢？”所以释迦佛就讲咗好慈悲呢个法门，所以点解我要讲呢部经最重要？就算三部讲唔到都要抽呢一部出嚟最简单讲，因为可以带业往生，佛陀讲过。纵使你今生尽量做善事，但系我哋一生人点可以保证我哋成生做善嘢呢？梗有善有恶，好似摩天轮循环，一个人嘅命运冇话喺最高点永远，亦都冇喺最低点，睇你自己点把握，永远好似轮回咁样循环。咁如果你响最高点能够识把握，你就能够改变命运，创造你命运。犹如你而家今日能够听到《阿弥陀经》一样，你相信响极乐世界，相信咗阿弥陀佛，你相信可以去到嗰度，就能够解脱生死，解脱你嘅痛苦，咁你开始念佛，日后呢，你必定能够往生。所以我哋虽然有做恶事，我哋唔使惊，我哋尽量忏悔，但系如果忏唔清的话，我哋一定要修呢个法门。因为楞严经“四清净明诲”唔系咁易做，即生要解脱成阿罗汉呢，响正法系好多，但响末法时期，我哋揾师父已经咁难嘞，亦都好多邪师，周围学佛法亦都好难。由于世代流通嘅文字嚟讲呢，语言上嘅障碍，你亦都唔系咁容易学。咁所以，阿弥陀佛好慈悲，有呢个法门接引我哋去往生去极乐世界，所以末法嘅时期嘅众生一定要专注呢个法门，如果唔修呢，冇办法解脱嘅，靠你自己嘅力量。犹如你行远路，有个人帮住你孭住啲物资、粮食，你孭得轻啲，你行路都多啲、快啲啦，有个人去帮助你。阿弥陀佛垂手嚟我哋娑婆世界接引我哋往生去极乐世界就系佢嘅慈悲嘅大愿，所以十方嘅国土，阿弥陀佛嘅国土系最第一，因为佢怜念我哋众生，惊我哋众生末法解脱唔到生死。亦都系释迦佛嘅慈悲，众生响末法时期修“四清净明诲”佢知系已经冇可能，包括出家人系好难好难，只可以做到一部分，所以佢特登要透露，呢本经系不问自说。释迦佛通常讲经就系有人问，一问一答，好似头先我哋聚会咁，一问一答，呢本经不问自说，释迦佛冇人问而自己讲出嚟嘅，所以呢本经系好重要，亦都显示到佢老人家慈悲心话俾我哋听响末法时期，我哋一定要倚仗阿弥陀佛嘅力量，或者倚仗观音力量，倚仗大势至菩萨嘅力量，去往生去极乐世界，假如你想解脱生死的话。如果唔系，响末法时期真系无有是处，十人一定会九差路，唔系咁容易行嘅呢条路，但系我哋有极乐世界法门，我哋有支扶手棍，唔系生虫拐杖，呢支拐杖用金刚般若波罗蜜嘅金刚做嘅，不能够摧毁，一定带你行到去彼岸，呢只系法船嚟嘅。所以呢个法门呢，好重要，所以我简单抽咗几句精华。点解叫“阿弥陀佛”？点解极乐世界十方诸佛护念呢本经系咁重要？三言两语其实已经讲晒㗎喇，话俾你听系好重要，只要你信受、念佛、修持，信有极乐世界，你一定可以够解脱到生死。
跟住嚟呢，同大家讲呢，系讲第十一部，亦都好重要嘅，《大势至菩萨念佛圆通章》。大家讲义有㗎喇，唔使揾经书，揭开讲义，个讲义开头嗰句就“大势至法王子”吔，你揭一揭，差唔多系咪最屘吔？揾唔揾到吖？揾唔揾到吖？咁跟住落嚟呢，我又要变一变个演绎嘅方法啦，因为时间有限，我会，我希望尽量讲得几多讲几多，用串讲嘅方式，点样串讲呢？就我唔读经文，你留意经文，我用白话加经文，有时我读几句经文重要嗰啲。我会用串讲嘅方式，希望你尽量能够听得到几多得几多，好唔好吖？嗯，咁你要留意个经文了㖞。
咁我哋开始讲《大势至菩萨念佛圆通章》啦。呢个《圆通章》啦，同我哋修行呢，有咩关系呢？当然好有关系，佢教导我哋点样修行念佛嘅心法。呢个《大势至念佛圆通章》系出自呢，头先所讲第一部呢，《楞严经》里便嘅二十五圆通其中一个圆通嚟嘅，呢个就系“念佛圆通”。佛弟子有好多修行法门，种种嘅圆通，但系呢个念佛嘅圆通就适合我哋修行西方极乐世界嘅法门，呢个方法系出自于《大佛顶首楞严经》吖。系释迦佛叫大势至菩萨报道一下，佢用咩方法而修成能够得到大势至菩萨嘅果位呢。大势至菩萨系西方极乐世界西方三圣辅助阿弥陀佛嘅菩萨，除咗观世音之外就到大势至，加埋阿弥陀佛，一佛二菩萨合称“西方三圣”，所以对于我哋而家修西方法门系好重要，所以必须一定要讲一讲嘅。大势至法王子呢，呢个“法王子”嘅意思呢，就系解释为菩萨，大菩萨咁解，因为佛就系法王，菩萨就系法王子，即将继承佛位，犹如人间皇帝同王子一样，不过系佛法里便嘅法王同埋王子。“大势至”嘅意思能够有好大嘅势力，能够度化众生，好大嘅势力无远弗届，咩地方都能够到得到，呢个势力，名之为“大势至”。大势至法王子同佢同修（同伦就系同修）嘅五十二个菩萨由座位起身，顶礼佛足（释迦牟尼佛嘅脚），而又同释迦牟尼佛报告，就咁讲嘞：“我忆念吖，以前呢，过去呢，恒河沙咁多劫嘅时候呢（即是好似恒河咁多粒沙，一粒沙呢，谓之一劫，头先解释过‘劫’系好长嘅时间），好耐嘅时间呢，有一个佛出世，叫做无量光佛。呢个佛就唔系阿弥陀佛，虽然阿弥陀佛叫无量光，但系另外一尊佛叫做无量光。”其实宇宙里便呢，同名同号嘅佛陀呢，真系有好多，响阿弥陀佛嘅同名同号嘅佛里便呢，都有三十六万亿壹拾壹万九仟伍佰个同名同号嘅阿弥陀佛，只要你而家发愿学似阿弥陀佛一样，要成就一个极乐世界，要修行嘅，你都可以系阿弥陀佛。咁有一个佛叫做无量光佛，无量光佛之后呢，就有十二个佛喺一劫嘅时间呢，相继出现，而最后个佛叫做超日月光佛，呢个佛呢，就教大势至菩萨“念佛三昧”，“三昧”就系禅定，点样修持念佛嘅禅定，唔俾外在嘅境界、内在嘅烦恼扰乱我哋身心呢？呢个极乐世界念佛嘅禅定，就大势，超日月光佛教授大势至菩萨，称为“念佛三昧”。譬如有一个人，一个人呢，专系忆念，一个人专系忘记，即系有两个人，一个忆念对方，一个忘记，呢两个人呢，如果唔相逢嘅，或者见，或者唔见，“或见非见”，“二人相忆，二忆念深”，两个人你忆念我，我忆念你，无论你见与唔见呢，“如是乃至，从生至生”，由生生世世呢，呢个人呢，系“同于形影，不相乖异”，等于一个人，我哋两个人你忆念我，我忆念你，犹如你自己身上嘅影系跟随住你嘅，唔会违背。嗱，呢个比喻就系大势至菩萨教我哋呢个“念佛三昧”嘞。但系呢，初头佢讲：“一个人呢，专系忆念，一个人专系忘记，如果呢两个人呢，如果相逢或者唔相逢，见到或者见唔，见到啦，等于见唔到一样，因为一个人忆念对方，第二个又忘记佢吖嘛，所以变咗心灵冇办法得到相扣，无办法得到紧扣。但系如果两个人好似夫妻咁，你忆念我、我忆念你，成日挂住对方，等于形与影，永远唔会离开。”大势至菩萨就举呢个例，教我哋念佛法门。佢话，十方嘅佛，佢怜悯、忆念众生呢，等如母亲去忆念子女一样，如果子女离开吔，母亲去忆念子女有咩用吖？如果子女忆念母亲等于母亲忆念佢嘅时候，大家互相一齐同时间忆念，咁母子历生一定不相违远，母亲同子女生生世世就唔会违背、唔会远离，系咪吖？你忆念妈妈，妈妈又忆念你，时常你个心头都挂住对方嘅，你就唔会远离对方啦，系咪吖？如果众生嘅心，忆念佛，忆佛念佛。嗱，我哋见到呢个“念”字系唔系冇“口”字边㗎？呢个“念”字，呢个“念”字系用精神上去忆念，唔系一定用个口去念，如果众生系忆佛念佛，响而家或者将来呢，一定会见到佛，离开佛唔会远，唔需要任何方便自然心开意解。其实呢个就好简单嘅法门嚟嘅。譬如一个做搓香工作嘅人呢，嘅身唔须要特别有香气，因为日日同嗰个搓香嗰个环境接触，你去做香，又系搓香，你个身有冇香气呢？有！“如染香人，身有香气”，呢个法门就叫做“香光庄严”嘅法门。譬如佛就系我哋嘅妈妈，我哋就系佛嘅子女，一切佛响嘅眼中，我哋都系佢嘅子女，佢而家忆念紧我哋，每时每刻希望我哋解脱生死，但系我哋有冇忆念佢呢？如果你今日开始听《大势至菩萨圆通章》，你开始忆念番我哋妈妈，啫我哋嘅佛，忆念阿弥陀佛，忆念观音、忆念势至两位菩萨，妈妈忆念我哋，我哋再忆念佢呢，我哋一定同于形影唔会离开佢。不断念佛，不断我哋嘅心慢慢就开，就可以往生极乐世界。我哋嘅身就有香气，我哋身体就有光明，我哋不断念佛，我哋嘅身好快发出香气，我哋身体好快发，好快发出念佛嘅光，呢啲光都系来源于西方三圣加持我哋嘅光，来源于佛陀加持我哋消业障嘅光，有香有光，呢个就系念佛香光庄严嘅法门。所以有啲人念佛呢，古代嚟讲身体会发出一啲香气，系人哋闻到，由于佢精诚念佛所致，受到如来加被，就有啲感应，一啲都唔奇怪，因为我哋忆佛念佛，现在将来一定会见佛。“我本因地，以念佛心，入无生忍。”大势至菩萨话：“当我修行种因嘅时候，我未成佛，我以咩方法去成佛嘅呢？我就系用呢个念佛心，入无生忍。”“无生忍”嘅意思呢，“忍”嘅意思呢，呢个“忍”字系“安住”咁解，安住于不生不灭嘅法上便而不动心咁解，啫唔会退转，进入无生法忍。大势至菩萨话，我喺因地修行嘅时候呢，由于我念佛而能够得到禅定呢个念佛三昧。所以而家我哋念佛会唔会得到吖？会啦！大势至菩萨就教我哋呢个念佛法门。“今于此界，摄念佛人，归于净土。”我现在就嚟呢个娑婆世界话俾大家听，我哋要摄心，摄住我哋嘅念，唔要打妄想。同埋佢系教授我哋念佛嘅人，摄归依去极乐世界。我现在就要嚟话俾你哋听，念佛嘅法门就可以往生到去西方极乐世界。“佛问圆通，我无选择，都摄六根，净念相继，得三摩地，斯为第一。”释迦佛，您既然问到我有咩法门能够得到我个心去圆融通达，我所修嘅法门系冇选择性嘅，只要将我哋眼、耳、鼻、舌（啫系‘脷’）、身（身体咧）、意（意念上），所有嘅识，所有嘅眼识、耳识、鼻识、舌识、身识，呢全部将佢摄念，摄归于一念响个佛号里便，净念相继。清净嘅念头就系念佛相继，“南无阿弥陀佛，南无阿弥陀佛，南无阿弥陀佛……”咁样念，唔好打任何嘅妄想，将所有嘅眼唔好攀缘外界，唔好睇嘢，如果你擘大眼就似看非看，闭目嘅时候唔好攀缘于内在嘅色像嘅境界，耳唔好听任何外界嘅嘢，身体要停止去食任何嘅嘢，亦都停止一切触觉去接触嘢，专心集中心神，身、口，意三业去念佛，就会得到佛嘅加被，就会得到香，得到光，呢个就系香光庄严最简单修持嘅念佛法门，日后亦都必定能成佛，进入呢个无生忍，念念相继最后都得到呢个三摩地，呢个三摩地系指念佛嘅三摩地。呢，“斯为第一”，系最第一嘅法门。哗！简唔简单吖？睇似好简单，又睇似好复杂，其实一啲都唔难事。你叫你而家做，即刻瞌埋眼，唔好谂，净念相继，“南无阿弥陀佛……”或者“南无观世音菩萨，南无观世音菩萨……”嗱，乜嘢意念都冇谂，集中精神去念，自然有光、有香到你嘅身体。呢个系佛陀加持嘅法门，系最简单修行念佛而达到三摩地嘅法门。至于叫你打坐，去修禅定，修世间嘅四禅八定，响我哋末法时期冇师父，系好难教导我哋，所以呢个香光庄严嘅法门系最简单而最冇危险，而且亦都能够令到我哋往生极乐世界，所以我哋一定要修。我哋亦都明白咗一个心法就系：我哋念佛嘅时候点解冇感应？由于我哋嘅心冇忆念妈妈。我哋如果个心时时忆念妈妈，妈妈，观音、其他菩萨、阿弥陀佛都忆念我哋，我哋有咁嘅心，无论点样修行呢，我哋都会成功。由于我哋念佛求一啲嘢，而个心呢，唔系系念响真真正正嘅正道，就系念响佛嘅心里便，如果你嘅心系念于佛，佛加持你，你同佛嘅光相接，你同个佛嘅心心连心，好快你都会变成佛㗎。就由于我哋脱离咗个关系，觉得我哋念佛好似见唔到佛，系冇感应，其实唔系，你念念相继嘅时候，啲香啲光啲加持力就到你嘅身上，而慢慢令你得到无散乱嘅心，以至冇晒杂念，最后而得到呢个三摩地。呢个就系第一念佛嘅禅定嘅三摩地。就算我哋修行咩都好，用咩心态，都要用如子忆母嘅心态时常忆念佛，不但口念佛号，意念仲要忆念佛号，忆念佛嘅庄严，三十二相、八十种随形好呢啲庄严嘅身相，咁我哋日后呢，一定证得呢个念佛三摩地，咁我哋往生极乐世界嘅品位就会好高，就会好高，同埋呢，起码保证我哋能够解脱生死，其实呢个方法唔系咁难做，你持之以恒日日咁样念呢，一定会得到三摩地。所以大势至菩萨同埋释迦佛亦都好慈悲，问到大势至菩萨讲到呢个法门，教我念诵，我哋一啲都唔难，做唔到。但系相反而家我叫你做“四清净明诲”，叫你修四禅八定，叫你数气息，叫你将个身体，注意身体某一个部位可能会更难。但系你念佛，有佛嘅加持力，静心咁念，一啲都唔系难事吔，慢慢念念下，你唔好惊你嘅妄想，你嘅妄想就会消失，将万念摄归于一念，最后将一念都打破埋，进入空性里便就能够成佛，呢个就好简单，呢个念佛。阿弥陀佛嘅慈悲、大势至菩萨嘅慈悲去教导我哋咁好嘅念佛法门，我哋千祈唔好浪费咗佢，听咗之后一定要珍惜，返去实行。无论你念咒念佛都一样，咒语亦都系念极乐世界菩萨嘅咒语，亦都系如子忆母嘅心，念念相继一样会得到呢个三摩地。
落嚟呢，我哋讲义都有㗎喇，我哋再讲《大悲心陀罗尼经》，好重要嘅精华个部分。你打开讲义，“观世音菩萨重白佛言”嗰度，揾一揾，揾唔揾到吖？系嘞，111、112吔，下便有个冧把响度，出便啲师兄揾唔揾到吖？
“观世音菩萨重白佛言”。观世音菩萨呢，因为呢个《大悲心陀罗尼经》嘅节段，所以有个“重”字，观世音菩萨就再问释迦牟尼佛嘞。“世尊”，佢话，“我忆念过去无量亿劫呢，有个佛出世呢，就叫做千光王静住如来。”因为呢本《大悲心陀罗尼经》系观世音菩萨教我哋嘅心法，教我哋点样修持大悲咒去利益将来嘅众生。我哋大悲咒，大悲咒呢，人人都识念，但系能唔能发挥到呢个大悲咒嘅功效呢？呢一本，呢一段呢，就有讲到修持大悲心陀罗尼嘅心法，同埋你成就到大悲心呢，其实你已经系观音嘅化身。所以我哋修行最紧要有慈悲心，如果冇咗呢个慈悲心呢，做乜嘢亦都做唔到，但系慈悲必须要有智慧般若去指导，所以呢个《大悲心陀罗尼经》呢，就教导我哋修持大悲嘅法门嘅。“千光王静住如来呢，由于怜悯我同埋呢，一切众生，而讲咗呢个无碍大悲心陀罗尼呢，呢个如来用金色手……”呢个“我”字系观世音，吓，记得，观世音讲佢点样学到呢个大悲咒返嚟，千光王静住如来就用一只金色手摸观世音嘅头顶上就话俾佢听，佢话：“善男子吔，你应该修呢个心咒为未来恶，恶世一切众生，利益佢哋呢，作大利乐。”观世音菩萨响嗰时候呢（菩萨有五十二个阶位，呢个初地呢，系第四十个，四十一个阶位，初地。由初地开始到十地，然之后开始到等觉菩萨超越十地，最，最后到妙觉菩萨就成佛，妙觉菩萨就系佛），响嗰时候观世音菩萨啱啱初地，但喺佢一听千光王静住如来讲完呢个咒呢，就跳到第八不动地嘞，哗，跳咗七级！呢个咒呢，个威力就好厉害，观世音菩萨嘅，听到呢个咒嘅心就好欢喜，于是立即发誓，佢话：“如果我能够将来吖，可以利益一切众生呢，希望我即时能够个生，个身吖，生一千只手、一千只眼出嚟。”吓，观世音菩萨发咗呢个愿之后呢，估唔到当时即时佢个身呢，生起咗千手千眼具足，于是十方大地都震动都高兴。观世音菩萨发咗呢个愿，好多佛都嚟作证放光，照足佢嘅身，同埋亦都照耀十方无边嘅世界。过咗呢啲时候呢，观世音菩萨亦都喺其他佛嘅聚会说法嘅场所，更加能够再听到呢个大悲心陀罗尼，亲承受持呢个陀罗尼，然之后再欢喜踊跃无量，再超越无数微细劫生死，啫呢个系讲观世音菩萨修行嘅阶段嚟嘅。
从呢个时候呢，观世音菩萨就冇忘记，从未忘记佢所持嘅个咒，佢所生之处呢，如果持呢个咒都喺佛前莲花化生，唔会再受我哋胞胎之身吖。如果有出家人比丘、比丘尼、男居士、女居士、童男、童女如果想持诵呢个咒呢，对众生呢，首先应该起一个慈悲心，首先如果你学大悲心陀罗尼呢，要跟观世音菩萨发下便呢个愿。因为呢个经文呢，其中有一句倒转咗，印错咗。“南无大悲观世音，愿我速知一切法。”南无大悲观世音，希望我能够知道一切嘅佛法；观世音菩萨吖，希望您加持我能够早日得到智慧嘅眼睛；观世音菩萨希望您速速能够度化，令我度化一切嘅众生啦；观世音菩萨，希望您令我早日能够得到善巧方便；观世音菩萨，希望您能够，希望你加持我能够令我乘到智慧嘅船，由生死岸到达涅槃嘅彼岸；大悲嘅观世音菩萨吖，希望我能够，早早能够超越，我嘅，超越苦海，令我解脱生死唔须要再受苦；观世音菩萨您加持我，希望我能够得到戒、定同埋修行种种嘅道理；观，观世音菩萨，观世音菩萨，希望您加持我早日能够到达不生不灭嘅山顶之上（啫涅槃嘅境界）；观世音菩萨，希望您加持我令我速速到达无所作为嘅地方（啫成佛嘅境界）；观世音菩萨希望我早日能够同诸佛嘅法性身体等同一样。呢度有一句错咗，跟住后便“我若向刀山，刀山就自然摧折”，如果希望菩萨你加持我，我念呢个大悲咒，如果我向住有刀山呢，刀山自然会摧折。呢个就菩萨持大悲咒神通嘅力用发挥出嚟。“我若向火汤”，诶，“火汤自枯竭”，应该唔系“火汤自消灭”，“火汤自枯竭”，你改番。“我若向地狱，地狱自消灭”，啫调转，明唔明吖？调转番啫。如果我若向嗰啲火汤，火汤自然滚油，火汤都会消灭；如果我用大悲咒加持地狱嘅众生，地狱都会消灭；我如果向饿鬼呢？饿鬼用大悲咒能够施食俾佢哋得到饱满；如果我向一啲修罗界、中意斗争嘅阿修罗呢，自然念诵大悲咒就令佢瞋恨心自然会被调伏；如果我向一啲愚痴嘅畜生呢，念诵大悲咒，亦都自然令佢得到呢，真正嘅大智慧。
吓，如果你修持大悲咒，修持大悲心呢，应该要发呢个愿，跟观世音菩萨，应该夜晚都会念下呢个祈愿文，念大悲咒就会好相应，菩萨亦都会加持你，你可以咁念。发咗呢个愿呢，应该亦都至心称念观世音菩萨嘅名字，亦都应该专念观世音菩萨嘅师父阿弥陀如来嘅名字，然后就念呢个大悲咒，一夜呢，要念五，五遍，要念五次，就会将身上嘅百千万亿劫生死嘅罪除去嘞，所以大悲咒点解日日要念五次呢，就有呢个典故响呢度，系菩萨教我哋。观世音菩萨呢，再对释迦牟尼讲，佢话：“世尊吖，如果天界人界嘅人呢，诵持呢个大悲章句，到佢死临命终嘅时候十方嘅佛呢，都会递只手俾佢，佢希望往生去任何嘅佛土呢，都能够皆得往生。”哗！呢一句好重要，呢一句，如果我哋今生修持大悲咒呢，十方诸佛都递只手俾我哋，你中意去边个方向嘅世界嘅净土都可以解脱生死㖞。哗！大悲咒几无上嘅功德呢！观世音菩萨就再讲，佢话：“世尊，如果众生诵持大悲神咒，堕落地狱、饿鬼、畜生三恶道呢，我永远唔会成佛。”嗱，呢个《大悲心陀罗尼经》记载观世音菩萨已经久已成佛，佛号正法明如来，将来佢继阿弥陀佛喺极乐世界教化众生，佢接阿弥陀佛嘅佛位成佛，叫做普光功德山王如来，所以观世音菩萨过去已经系古佛嚟嘅，只不过佢化菩萨身叫观世音，观世间嘅音声而寻声救苦故名观世音，亦都叫“观自在”，系照见五蕴皆空而得到自在，谓之“观自在”，所以观世音菩萨现在过去已经成咗佛。佢话：“如果有人念大悲咒堕落三恶道，我唔成佛。”咁佢已经成咗佛啦，所以你而家念诵大悲咒，你系唔会堕落三恶道，系咪吖？推论番。如果念大悲咒，如果唔生去其他佛国呢，观世音菩萨唔成佛。如果念诵大悲咒得唔到辩才无碍去教化众生呢，识得种种嘅法门去说法度化众生，佢唔会成正觉。念大悲神咒，响现在生里便你想求任何嘢如果达唔到满足呢，呢个就唔叫“大悲心陀罗尼”，因为观世音菩萨讲呢个大悲咒系好有慈悲，咩叫，大悲咒全称系《广大圆满无碍大悲心大陀罗尼神妙章句》吖嘛，“广大”，非常之大，冇嘢大得过佢；“圆满”，系样样嘢都好圆满，圆满众生所有嘅愿望；“无碍”，冇嘢能够阻碍得到佢。所以求一切心愿一定能够成就。但系有一样嘢呢，你系唔会成功，点解有啲人修持大悲咒唔会成功呢？“唯除不善，除不至诚。”如果你求唔善性嘅心愿求害人，同埋你念咒嘅时候唔诚心呢，你就会唔相应啦，明唔明吖？咁点样谓之诚心呢？就头先大势至菩萨所教嘅“如子忆母”嘅心吖，明唔明吖？你个至诚心忆佛念佛，收摄六根唔好有杂念，专心去持呢个大悲咒，具有个慈悲心，咁就会相应。要求啲善愿，唔好求啲唔成嘅愿。如果有女，女性呢，唔希望有女人嘅身呢，希望将来再转生做男仔呢，念呢个大悲咒呢，就能够得到嘞，如果唔能够转女身成男身呢，观世音菩萨唔会成佛，但系……（注：接下文）
174.法藏群英讲解 3A+B
（注：接上文）……杀父、杀母、杀阿罗汉、出佛身血、破和合僧就系五逆罪，毁谤人、毁谤佛法、破斋破戒、毁坏晒啲塔、毁坏寺庙、偷出家人嘅物件、污净梵行、破坏梵行、污染净地。呢啲咁嘅恶业重罪呢，念大悲咒都能够除灭，但系有一件事唔得嘅——“于咒生疑者，乃至小罪轻业亦不得灭。”嗱，呢几句好重要，如果呢个咒呢，生起疑心吖，少少疑心呢，少少罪都唔能够灭，所以一定要善心、诚心，千祈唔好有疑，要相信，如果疑呢，产生唔到任何嘅效用。“何况重罪，虽不即灭，重罪犹能远作菩提之因。”虽然灭唔到你罪吔，但系呢，将来都能够作为你成佛嘅因子吔，仍然有功效。
观世音菩萨再对释迦佛讲，佢话：“世尊，如果人界、天界念诵大悲心咒呢，得到十五种善生”。啫讲现在吖，你现生有咩十五种利益呢？十五，“不受十五种恶死”，唔会呢，有十五种死于非命嘅恶报。嗱，以下就讲，念诵大悲咒现世嘅利益嚟嘅。
“其恶死者”呢，啫讲咗衰个样先啦，吓：
“一者，不令其饥饿困苦死。”你一定唔会饿死嘅，唔会因为饿而饿死。
“不为枷禁杖楚死。”唔会俾啲刑罚吖，打死。“枷禁杖楚”，诶，手铐吖，手镣锁住你吔，攞啲杖吖，嚟打你。
“不为怨家仇对死。”唔会俾谋害你嘅冤家害死。
“不为军阵相杀死。”唔会喺打仗国家出战嘅时候呢，派你去呢，喺嗰度无辜辜就死咗嘞。
“不为虎狼恶兽残害死。”唔会去森林、去旅行，无端端就狮子出嚟咬你嘅，拖咗你入森林，俾野兽残害。
“不为毒蛇蚖蝎所中死。”唔会中啲蛇毒吖，或者蝎子吔。“蚖”就大蛇，大条蛇咬中你嘅毒，有冇呢啲现象吖？有㗎，我哋而家澳门有福，冇呢啲嘢出现咋，非洲呢？埃塞俄比亚呢？更贫穷落后地区有呢啲现象。
“不为水火焚漂死。”唔会被浸死，俾火烧死。
“不为毒药所中死。”任何毒药，你念诵大悲咒呢，都唔能够毒，毒到你吔。
“不为蛊毒害死。”蛊毒就系啲巫术、降头。
“不为狂乱失念死。”唔会突然间发癫狂，精神失常，无端端去自杀。
“不为山树崖岸坠落死。”唔会喺山树崖岸，譬如你搭飞机有机会坠落山树崖岸㗎，崖岸㗎，系咪吖？
“不为恶人厌魅死。”唔会俾唔中意你嘅人，恶人呢，“厌魅”啫念，念一啲咒术去咒你，用啲法力、用啲邪法去害你。
“不为邪神恶鬼得便死。”邪神恶鬼亦都唔能够得到方便，因为有观音嘅大悲神力加持你。
“不为恶病缠身死。”念大悲咒唔会得到恶症吖。
“不为非分自害死。”唔会自己自杀。“非分之死”呢，就唔系，未到你嘅寿尽就死亡咗。
念呢个大悲神咒呢，以上嘅十五种恶死系唔会得到，相反，会有十五种善生。而家讲好嘅，十五种善生：
“第一，所生之处，常逢善王。”澳门，澳门系唔系善王唔知吖，但起码我哋有机会而家听佛法都好善㗎喇，讲真吓。
“二者，常生善国。”系咪善国就唔知啦，但系起码我哋两餐一宿而家暂时无忧啦。
“三者，常值好时。”澳门好多天灾人祸，虽然你睇下呢几个台风成日吹嚟嘅，但系嗰个台风肯达吹去台湾吖，吹去大陆，唔知汕头都死好多人。但系吹到我哋澳门，虽然八号都系经过，冇任何嘅损害，吖。可能你大家师兄修咗大悲咒回向吖，有个秘密，我而家怀疑可能系咁样。所以呢，“好时”，啫时常好时节。
“常逢善友。”哎！坐喺我面前，大家都系善知识啦，大家互相鼓励修行，就系时常有善友啦。
“身根常得具足。”意思唔会出世呢，残缺不全吖，又盲又聋又哑吖，残废吖。
六呢，“道心纯熟。”个道心好纯熟㗎，念大悲咒，唔会退失。
“不犯禁戒。”念大悲咒，观音会加持我哋，令我哋唔好犯，犯禁戒，禁止，禁止所做唔好嘅嘢。
“所有眷属，恩义和顺。”呢样大家最中意吔，听到呢句，念大悲咒，啲眷属恩义和顺，仔女孝顺啦，老公对我唔好，念下大悲咒嘅时候佢又对我好吖，老婆对我唔好，念下大悲咒嘅时候呢，个老婆又会忍让下我。真系㗎，恩义和顺。
资财具足，“资具财食，常得丰足。”唔会呢，欠缺食物，唔会欠缺金钱。咁你梗系唔系话中六合彩啦，你话，一个人心无厌足，“喂，我欠佢金钱。”“你欠佢几？”“我欠佢六合彩、金多宝吖。”咁冇计啦，你咁讲。意思就系两餐一宿呢，你就无忧无求，一定唔系好差个只，系平平稳稳，基本上你要食要著嘅，都会有嘅，如果你念呢个大悲咒唔犯戒。
“恒得他人，恭敬扶接。”我哋话，俗语有贵人帮助，有急难嘅时候。
十一呢，“所有财宝，无他劫夺。”哎，呢句吖，最要紧，我哋搏命搏命揾埋咁多钱㖞，大佬，头先就唔怕飞机吔、火灾吔、风灾咁吹鬼咗佢啦，系嘛？你中银都水浸啦，你保险箱都唔系最安全㗎，摆喺保险箱，十月初五街间中银水浸吖，浸咗你保险箱，记唔记得吖？所有财宝无他劫夺，唔会有其他人呢，去劫夺你嘅财宝嘅。
十二呢，你希望所求系善愿呢，都能够称遂。
“十三者，龙天善神，恒常拥卫吖。”嗱，呢样最重要啦，呢样又系。当我哋修持呢，而家末法时期，头先讲到四种清净明诲，好多邪魔妖怪会侵扰我哋，唔系用我哋用肉眼见到，好多魔王会破坏我哋唔修佛法。有啲人话：“我唔修佛法由自可，一修佛法，哗，咁多障碍嘅，你又阻，我又阻，好多唔如意嘅事。”可能就系有啲宿世嘅吖冤家吖，有啲其他古灵精怪嘅嘢，你同佢结下一个不解之缘吖，去搞你。但系你念诵呢个大悲咒，有善神拥卫，邪魔消藏，善神拥卫，就唔会怕呢一啲嘢。所以大悲咒亦都有呢个功效，防止非人类世界嘅众生去侵害你。
十四呢，“所生之处，见闻佛法。”嗯，呢一句已经推论得到今日全部嚟呢个“佛教文化”嘅师兄呢，个，（唔系“佛教文化”，成日记错，“日本文化”）嘅师兄呢，个个前生都念过大悲咒吖，肯定系。因为呢本《大悲心陀罗尼经》记载呢，听到《大悲心陀罗尼经》呢个经题吔，都不得了吖，何况而家听到里便嘅文字相，特登拣出嚟要你种入个识田里便，要你明白呢个大悲咒嘅重要性。你而家坐喺度咪听紧佛囖？你所生嘅地方有佛法听，你仲前生唔系念大悲咒？如果有人念《金刚经》都记过啦，唔系，记载过啦，唔系“一佛二佛三四五佛而种诸善根，已于百千万亿佛所种诸善根”？吓嘛？如果念《金刚经》，其实你宿世已经逢遇好多佛了。咁你话：“喂，我逢遇咁多佛，点解我而家好似戆居居坐喺度，迷失咗，又唔知喺度做紧乜嘢咁嘅？”你而家听紧佛法仲话迷失吖？你唔系戆居居㗎喇已经，你问下街嗰啲，而家你落去，落去楼下，拉佢上嚟听下，肯唔肯？唔肯嘅！一定要宿植善因缘先可以有机会，知唔知吔？呢个系好深厚嘅因缘嚟讲。你而家听闻到佛法就好快啲学啦，你前生系修过大悲咒嘅肯定，因为如，如果唔系，今日你听唔到呢个《大悲心陀罗尼经》。咁你又问：“我点解前生修过我唔识背？”哎！而家就教你方法快啲学番，将你前生所修嘅修为喺个宝藏攞番出嚟。学大悲咒唔系好难，八十四句，你一念诵嘅时候就好快上口㗎，如果你前生修过的话，吓。
十五呢，“所闻正法，悟甚深义。”你听到任何人同你所讲嘅佛法，虽然三言两语讲，但系你自己所悟得到，明白得到，如果念大悲咒呢，你会悟到好深嘅道理。虽然人地同你讲三言两句啫，但系你所悟嘅就唔只呢三言两句呢里便嘅道理，你会明白佛法好深厚嘅道理。
“若有诵持大悲心陀罗尼者，得如是等十五种善生也。”如果有人念十，《大悲心陀罗尼经》，就呢十五种善生，避免头先所讲嘅十五种恶死。“一切天人，应常诵持，勿生懈怠吔。”嗱，观音菩萨交带我哋，无论天界、人界嘅众生应该时常，“诵”呢，就系背嘞，背吔，要背吔叫你，读呢，就系，即咁读，读落嚟啦，“诵”就掩卷就谓之“诵”，叫你个心摄持，用大势至菩萨嘅方法去念诵大悲咒，唔好生起懈怠吖。嗱，呢一句好简单，观音菩萨提醒我哋，警惕我哋，末法时期，咁重要嘅嘢，你前生有机会修持到大悲咒，今生唔好懈怠吖，再继续努力修番。不过你哋都好有兴趣，因为睇睇，哗，十五种jetso，加埋三十种，啫前后加埋三十种啦，相反，现生嚟讲有一个好大嘅保障，最大嘅利益将来就能够往生宇宙嘅十方嘅佛国净土，而不断修嘅时候，你嘅悲心不断培养，你慢慢就会唔食肉㗎喇，慢慢就会怜爱众生，同观音个心相合，因为你忆念佢，佢忆念你，你又修佢嘅咒，好快你变成观音㗎喇，你坐喺我面前个个观音，真系，嗰时真系家家弥陀佛，户户观世音。如果你肯修持大悲咒，你就系佢嘅化身嚟。所以真正你就要了达到观音嘅心，唔系求一啲特别嘅心愿，你系培养个慈悲心。譬如你食肉嚟讲，你夹硬压住自己唔食，冇用，因为你未生起个慈悲心吖嘛，虽然你明白众生嘅肉，讲四种清净明诲系唔可以食，但系我系真系想食吖嘛，我前生习气系成日想食肉。譬如你前生好几世之前系虎狼、系狮子，系野兽㗎，野兽以食肉为佢嘅本性，你做番人，转番，但系你神识里便嘅习气未去除，所以你，对于好中意食肉嘅。地藏菩萨嘅妈妈系中意食鱼鳖啦，所以先落无间地狱，先有地藏菩萨出现啫，系咪先？中意食海鲜啦，食鱼，食啲鱼子酱之类吖，吓。咁所以，如果你要培养一个慈悲心呢，唔好食肉，我教你一个最简单嘅方法，唔系揿住去锯扒，唉，见到人锯啲香又喷过嚟，我点知咬条粟米咁冇瘾，系咪先吖？要真正教你嘅方法呢，就系培养一个大悲心，要有呢个大悲心呢，去念诵呢个大悲心陀罗尼咒，观音加持你，你好快有慈悲心一产生就会断肉㗎喇。一定要修持，听完讲经，空口讲，冇用嘅，如果你唔能够修持大悲咒呢，退而求其次，最少你返去都要念观音嘅名号，“南无大悲观世音菩萨”，咁样念呢，同个悲心相应，咁佢会加持你慢慢令你远离杀生、偷盗、邪淫、妄语、饮酒，呢个咪“四清净明诲”啰？慢慢你做到吖，呢个大悲咒同“四清净明诲”根本就系共通嘅。有慈悲心嘅时候，“四清净明诲”里便啲嘢你会唔会做吖？肯定你唔会啦！所以呢个门径呢，亦都可以通向到“四清净明诲”。所以观世音菩萨点解咁慈悲叫做“大悲”？因为佢怜念我哋众生，同我哋众生相通，教我哋好多法门，所以好多人就算信唔信佛吖，都识得正法明如来，呢个名号可能唔识，但系正法明如来呢，其实就系观世音菩萨嚟，佢已经成就咗正觉，佢边有呃我哋吔？所以我哋念大悲咒得到所有嘅功德，佢已经成咗佛，我哋一定能够得到。所以今日你听完呢，最简单，我希望能够返去，唔念观音嘅，就开始念观音，念咗观音就返去学大悲咒，然后培养你嘅慈悲心同观世音相应，进一步你咪修到“四清净明诲”啰。到时你出家，我唔禁止你㗎喇，你话要出家，你修到“四清净明诲”的话，吓，嗯。
好嘞，跟住再同大家讲啦，《佛说四十二章经》吖。有好多人听过呢本经嘅名，由于佢中意《鹿鼎记》吖，睇韦小宝吖，《四十二章经》系真系一本武林嘅秘笈嚟嘅，学得到呢，就好厉害，不过真系武林秘笈，如果你学得到《四十二章经》呢，你可以成佛嘅，真系，响佛教里便都系一本好高深嘅秘笈嚟。咁我抽咗二十三、二十九、三十六、三十八，四章同大家讲，亦都系佛陀对佢嘅弟子好，好白，我觉得啲经文译得非常之好吖，好浅白，亦都好语重心长嘅教诲啦。
佛陀话呢，一个人吖，系念于妻，妻啦，佢嘅儿子啦，佢嘅妻房啦，啫太太啦，屋企啦，舍宅啦，甚于牢狱。哗，讲到呢一句，惨吖，自己都有妻、舍宅，吓嘛？好似一个牢狱，讲到好似好苦咁，不过谂谂下，又系，因为后便，后便讲牢狱，坐监吖，放监嘅时候㖞，妻子无远离之念，吓，好啱㖞，我读到呢句，真系，有，有，好有会心微笑吖，佛陀，吖，佛陀啲智慧咁厉害嘅？真系我谂，谂我老婆啲时间，真系多过谂佛嘅时间吖，一放工就打电话报道我去边一度吖，吓。真系，吓，呢，呢样呢，呢样，呢样好真吖，要知道我行踪，又唔见我打个fax电话，佛，同阿弥陀佛报告下，吓，我几时念佛？又几似㖞，佛陀讲得。牢狱有放监嘅时候，唉，妻子无远离之念吖，吓。“情爱于色，岂惮驱驰呢？”啫，对于情情爱爱、色欲呢样嘢吖，如果你为咗呢一样嘢吖，唔会怕烦。“惮”呢，就系害怕。老婆或者你中意嘅人，叫你去做一样嘢，由于情爱关系，你根本就唔怕吖，你谂系唔系？我哋追求而家我哋个老婆嘅时候，我哋付出几多？为咗要得到手，唔系不择手段吓！买花啦、香水啦、珠宝啦、银纸啦，哗！谂番下，结咗婚嘅谂番下，对方个配偶送几多嘢俾自己？吓，包括我在内，吓，洗几多钱，吓嘛？送几多花情人节？吓嘛？为咗爱欲嘅念头呢，真系唔怕驱驰㖞，呢样嘢佛陀讲到咁入心嘅？真系，所以我好中意吖，呢段佛经。“虽有虎口之患㖞，心存甘伏吖！”哗！真系，虽然好似讲到好恐怖，企喺个虎口嗰度，但系个心都好心甘情愿㗎，哎吔，闹你都好啦，唉，返去，返去俾个老公听完佛经系咁闹，系咁打都好，都系好甘服，因为佢系你老公吖嘛，吓嘛？你为咗听个佛经，去打你，去闹你，都应该吔，但你个心好服个㖞，如果唔系你老公，你会唔会服吖？唔系你老婆，你会唔会服吖？你就唔会服啦，所以虽有虎口之患呢，你都系好服。“投泥自溺”吖，好似跌落泥坑里面呢，上唔到嚟吔。“故曰凡夫，透得此门，出尘罗汉吖。”释迦佛话：“如果你耽溺情爱、妻子、舍宅呢，你就系凡夫，如果能过得呢关呢，你就系出尘嘅罗汉嘞。”吓，我谂在座都可能有啲出尘嘅罗汉嘅，不过我就肯定唔系嘞，吓。
第二十九章呢，“正观敌色”。释迦佛话呢：“慎勿视女色吖，亦莫共言语吔。”教佢出家嘅弟子，呢个对出家弟子讲，唔好望女色。所以以前啲古代嘅修行人，只眼吖，向前望呢，唔会东张西望。向前呢，啫耷耷地咁望，唔会平视嘅，唔会望其他嘢嘅，如果系守戒的话呢，呢啲系三千威仪。亦都唔好同女性语言，恐防人哋误会你出家人同个女性一齐行吖，接近。特别泰国啲戒律呢，系好严格。“若与语者”呢，如果你谂住要同佢说法讲嘢呢，一定要正心、要思念：我系一个出家人，我处于浊世，应当犹如莲花，唔好呢，俾泥去污染得到。“想其老者如母”，如果你对女性嚟讲呢，吖，如果想同佢说法，见到老嘅呢，你谂系你妈妈，要做一种咁嘅观想，可能佢真系你前生嘅妈妈，不过你唔知，但系对老嘅呢，你当你妈妈。大过你呢，好似家姐，细过你好似妹，再细啲呢，譬如自己嘅子女一样，要生个度脱心，要熄灭你恶念。见到异性，佛陀教嘅出家弟子修行就系用呢观想。其实佛法就咁浅白，如果你时时咁谂嘅时候，你对于爱欲，对于色嚟讲，呢个问题呢，人生大问题，就慢慢、慢慢远离，你就会好轻松吖，好快乐㗎喇！咁有释放之期吔，放监吖，到时真系。咁所以呢啲系好原始佛陀教我哋“正观敌色”，原始嘅观想亦都系好重要。
第三十六章呢，“辗转获胜”。佛讲吖，人离嘅恶道呢，做番人已经好难嘞，既然做到人呢，唔做女性做男呢，就更难。唔系贬低啲女性吖，因为佛眼所观呢，女身嘅业障系比较重啲，因为女性要照顾家庭细务，受世俗牵累，系咪？好多烦恼，好多痛苦，不为外人道嘅。哗，而家我讲，嗰啲女性好会心微笑，我睇到有啲喺微笑，埲墙隔住，不过我感觉到你哋系笑嘅，吓嘛？所以观世音菩萨就要化身做女性，同女性接近，你要大悲将你嘅苦难去拔除，去了解女性嘅苦难。所以观世音菩萨好多女性相信，就系咁解。得到男身好难，既然做到男身呢，要唔残缺，六根具足呢，眼耳口鼻具足吖手脚呢，好难。六根具足，生中国难。呢个“中国”呢，唔系话我哋嘅中国。响佛法里便，“中国”嚟讲呢，就系有佛法嘅地方，生于有佛法嘅地方谓之中间嘅国度，啫意思系离左右两边，唔系“边地”，“边地”就冇佛法嘞，吓。中国就有佛法嘅地方，生喺有佛法嘅地方，见到佛难㖞。嗱，你生喺印度，而家生喺印度，可能以前佛陀涅槃咗之后你生喺印度，冇佛，亦都系好难。既然见到佛，“遇道者难”，听到真正嘅道理好难，既然得到，遇到道理，兴信心，生起信心去信呢，系好难。如果能够生起信心呢，有信心，代唔代表你能够发菩提心想成佛呢？更难嘞。“既发菩提心，无修无证难。”如果你能够再发菩提心，上求下化成佛，到达无修无证嘅成佛嘅境地，就难上加难。
所以释迦佛好耐已经讲咗，辗转获胜嘅意思就系一级比一级更难。我哋可以用呢几句语句去检查下我哋，我哋系到边，边度呢？到边行呢，喂，我哋到边一个字呢？我哋离开恶道未？吖离开咗。做吖人未？做咗啦。“既得为人啦，去女即男难”，咁女吔，男吖，最多“去男即女”啦，吓，倒番转，唔系一阵出去费事俾女师兄闹啦，吓。“既得为男”，嗱，我哋六根又完具，六根又完具，我哋生于有佛法嘅地方，已经有啦。哗，都去到好舋啦，第二句尾啦，跟住，停咗嘞，“值佛世”吔，冇吖，见唔到佛，吓，所以我哋而家就末法时期吔，见唔到佛吖。但系虽然见唔到佛，我哋有佛教嘅经典，我哋继续已经遇到嘅道理。我哋而家有咗信心，你冇信心就唔嚟，唔嚟听啦。既然有个信心，你就要喺，临屘第三句，你今日开始就要发菩提心，发起无上正觉上求下化嘅心，既帮人，亦都帮自己，一边修行，一边去利益众生。发咗菩提心，你自然就能够成佛。所以其实你已经，屘，搂屘数上第三句你已经做到，争两步咋，快啲吔，加油吖！争呢两步，就能够成佛，你就快啲发起你嘅菩提心啦！
第三十八章“生即有灭”，有生就有灭。呢个，呢句嘅经文呢，好多法师都曾经讲过吖，又好有意思，所以我抽咗出嚟。佛陀问佢其中一个沙门嘅弟子，佢话：“人命在几间？”佢话人嘅寿命有几长呢？“在几间？”啫有几多空时间呢？吓。嗰个沙门就话：“数日。”话人命有数日。跟住佛就再话呢：“你唔知道，唔啱。”“子未知道”，啫唔啱。于是又问第二个沙门，另外一个沙门：“人命在几间吖？”佢话：“饭食间。”吃一顿饭嘅时间咁长啫，个沙门。啫，佛问佢嘅弟子，佢话以佢个弟子嘅修持境界讲出觉得人生命有几长，吓。第二个修持嘅弟子，佢嘅道行，佢就话：“吖，我觉得系一餐饭嘅啫。”佛再话嘞：“你仍然未了解吖！”于是佢再问一个沙门：“人究竟有几长嘅寿命呢？”呢个沙门就系真系的当嘞，话得到俾佛陀听：“在于呼吸间吖！”佛即刻话：“善哉，善哉，子知道矣，你真系明白我个心意吔！”吓，人命系在于呼吸之间。将你个鼻揞住而家，你而家喺坐喺呢度听佛法咁舒服，都话焗吖，响呢度里便嘅空间，如果将你个鼻揞住十分钟，你已经拜拜，你身体所有嘅嘢，今日真系放监嘞，牢狱有释散之期嘞，嗰时真系，吓，你要系念妻子都系念唔到啦，到时。所以我哋个人呢，根本系好苦空无常嘅，一切都无常，只要我哋一唔呼吸，十分钟有啲都唔得，五分零钟已经唔得啦，已经。所以我哋系好虚妄嘅生命，系无常嘅，只要我哋一冇咗呢个“我”存在，周围嘅嘢已经系冇意思，但系你冇唔记得，周围嘅嘢，系用你几十年嘅心血去打江山，或者谋害人，去做啲损人利己嘅嘢先能够攞到返嚟，从中你系肯定有做啲损人利己嘅嘢，但系只系在于呼吸之间就冇晒吔！系唔系吔？你谂下，我哋值唔值得咁做吖？所以我哋更加要修道，我哋要发菩提心啦，人命响呼吸之间，一阵子就冇。你冇以为你而家坐响度安安全全，我哋计唔到我哋前生做咗几多恶业嘅因果，我哋会唔会死于非命呢？吖，你话好大声答一句：“唔会！”“点解呢？”“因为我头先听咗你讲《大悲心陀罗尼经》吖嘛，我返去修持大悲咒，梗系唔会啦！”吖，啱，你答得好爽呢句，但系你返去唔好唔修㖞，如果唔系一样避免唔到吓。咁所以，我哋应该珍惜我哋嘅生命，人嘅生命就喺呼吸之间。
“大人”呢，啫系佛，亦都系。大家做大丈夫，做佛陀嘅弟子，一定要遵守佛陀所讲以下八种嘅觉悟嘅真理，就系《八大人觉经》嘅结集，呢啲系好原始嘅经典，我好中意，又好浅白，几句讲话已经中的，你又会会心微笑，知道自己错咗，你知道应该自己将个心念转变吖，应该改，应该行你而家应该走嘅道路。
“为佛弟子，常于昼夜，至心诵念八大人觉。”如果系佛陀嘅弟子，都应该响昼响夜，响心里便呢，不但用口念，仲加要忆念啦，下便所讲嘅八种道理。
“第一觉悟：世间无常，国土危脆，四大苦空，五阴无我，生灭变异，虚伪无主。心是恶源，形为罪薮（‘薮’字），如是观察，渐离生死。”吖，我好中意呢啲经文，你觉唔觉得好通顺吖、好舒服吖？几句呢，佢已经扣住我个心，啫唔需要讲咁多嘢。好似头先个婆婆问我问题，唔需要讲咁多无谓嘢，几句已经㓤到个心已经，我好舒服，一受持嘅时候呢，我自然能够得到我嘅空灵，得到我嘅解脱。觉悟呢个世间系无常嘅，我哋呢个所住呢个世界系好危脆嘅。地火水风构成我哋身体吔，坚硬嘅地大系我哋骨骼啦，湿性嘅水大呢，就系我哋血液吖，身体一切液体嘅东西啦。火大系我哋身上嘅暖气，风大系我哋呼吸，加埋我“识”呢，地火水风识呢，就构成我哋身体嘅要素嚟嘅。“五阴无我”，色受想行识，我哋物质嘅身体呢，我哋感受、我哋思想、行，念念迁流不灭，打妄想啦，我哋第八识轮回生死呢，呢啲五阴呢，都系无。“我”呢，就系不变嘅实体，永恒不变存在就谓之“我”，系冇永恒不变嘅，念念迁流系苦空嘅，生灭变异嘅，系好虚伪，我哋唔可以做到自己嘅主人。但系最恶嘅呢，就系我哋嘅心，但相反最善成佛又系我哋个心。我哋嘅形体就系罪恶嘅深渊，“薮”就系深渊。我哋形体会造好多恶业，如果我哋咁样观察，时时去谂吖，用我哋脑去谂吖，呢啲观想嚟㗎，就会令到我哋离开生死，哗，好好，非常好。
第二个，我哋知道多欲系苦嘅，生死几疲劳吖？今生又要轮回吖，今生唔修行，下生又要轮回嘞，由贪欲开始呢，我哋应该少欲，就能够身心自在，少食、少睡、知足、寡欲、少名、少利。用你应该有金钱，有嘅财富，有嘅福报去利益众生，咁先系啱嘅。
我哋，第三呢，我哋知道我哋“心无厌足”，但系我哋好中意贪求嘅㖞，增长我哋罪恶，但菩萨就唔系嘞，佢会知足，安贫守道，惟慧是业。所谓呢，君子达人呢，忧道就不忧贫，吓，尤其是我哋佛教徒，唔需要担心嘅。你又好大声话一句就系：“我念咗大悲神咒，梗系唔担心啦，两餐，吓，有保障啦！”
第四个觉悟呢，你知道“懈怠堕落”，你应该精进，要破烦恼，摧伏四魔，摧伏四魔。四魔呢，就系呢，死魔，第一就系死魔。“魔”嘅意思就系劫夺我哋嘅生命，劫夺我哋嘅慧命，我哋死，已经唔能够再修行嘞。第二就系烦恼魔，我哋嘅烦恼呢，贪、瞋、痴、慢、疑，呢啲烦恼都会障碍我哋解脱唔到生死。凡系阻碍我哋嘅修行，都系称为“魔”，魔唔系有个有形态嘅众生。虽然佛经里便记载有魔王，但系头先我已经讲过心魔系最重要。第三种系五阴魔，五阴就系色受想行识，构成我哋同埋，构成我哋身体同埋天地万物嘅要素，我哋就被呢啲所绑。第四种魔就系物质嘅魔，佛经所讲嘅天子魔，系六界第六天他化自在天嘅天宫嘅魔王，破坏修道人修行佛法嘅魔，亦都真系有。我哋要摧伏呢四种魔，出阴界狱，出咗障蔽世界嘅地狱，障蔽我哋本性嘅地狱。
第五呢，觉悟“愚痴生死”。我哋呢，好愚痴吖，继续生死。菩萨应该时常谂一谂，要广学多闻，法门无量誓愿学，增长我哋智慧，成就我哋辩才。点样能够增长我哋智慧，成就我哋辩才吔？哎！修持大悲心陀罗尼啦，头先已经讲过，“若不得无量三昧辩才者，不得为大悲心陀罗尼也。”记唔记得呢句吖？好清楚啦，有讲过啦，吓。你想成就辩才，说法去度众生，你就勤力啲修持大悲心陀罗尼。“教化一切，悉以大乐。”我希望能够拔除众生嘅所有苦难，教化众生，发大菩提心，将个大嘅快乐给予佢。
第六，我哋要知道“贫苦多怨”，唉，真系又贫又苦，好多怨恨。我哋时常都会埋怨自己，亦都呢，我哋今生结下咗好多恶缘吖。菩萨嘅布施呢，等念怨亲，不计怨，不计亲，要平等普渡，不念旧恶，不憎恶人。我哋唔好憎对我哋有怨恨嘅人，我哋所谓君子不念旧恶，昨日种种譬如昨日死，唔好计较嘞，今生种种譬如今日生。由今日我希望如果能够听咗《八大人觉经》呢，希望将你前生或者你今生认为嘅仇人，纵使你仲系认为佢系你嘅仇人，希望你减轻啲对佢嘅怨恨心，减轻啲对佢嘅憎恨心，唔好问佢追债追得咁紧要，追债唔系一定问佢攞钱嘅，有种种嘅方法。我希望你能够得到呢啲咁嘅心态，因为菩萨等念怨亲，唔念旧恶，个心系空嘅，亦都唔会分恶，善人同埋恶人。善人可以升天堂虽然，但系善人一念行恶呢，佢都会堕落地狱。如果恶人一念行善，虽然十恶不赦，头先下品下生嗰啲十恶不，十恶不赦嘅，杀父、杀母甚至杀阿罗汉、出佛身血、又破坏人哋讲佛法，做咗咁重嘅罪业嘅人，我哋都应该去普渡佢，因为呢啲人正需要佛法嘅救渡，我哋唔好憎恶佢。不过可唔可以同佢正面接触呢，或者你要远离佢，但系你保持一个心，要去救渡佢，一定有方法。你用呢个心去系念佢的话呢，其实已经加持咗佢，将来你实有方法遇到佢，可能唔系今世，或者下一世，一定能够你度化得到佢。所以菩萨，菩萨呢，怨亲普渡，不念旧恶，呢样嘢对于我哋现世人生呢，系非常之重要，因为我哋呢，“怨憎会苦”好紧要㗎，我哋唔中意见到嘅人呢，偏偏见到吖，特别你去街市买𩠌最容易撞得到吖。
第八呢，第七呢，觉悟呢，“财色名食睡”嘅过患吖。你虽然系俗家人啦，但系希望你呢，尽量呢，唔好呢，成日被世俗嘅快乐去污染。虽然我哋唱卡拉OK呢，睇录影带呢，呢样嘢唔系过患，但系问题呢，会污染我哋，会污染呢，我哋修行嘅识田吖。我哋如果成日做世俗嘅俗务呢，念佛嘅时间少，到我哋有事嘅时候，临急抱佛脚，会唔会同个佛相应呢？唔会！你如果去唱卡拉OK，或者睇电视吔、睇戏嗰啲，系啲不善不恶嘅行为，养成呢一种习惯，但系呢啲习惯呢，都会障碍你嘅智慧，障碍你解脱唔到生死吔，何况其他恶习啦？仲有其他恶习，我哋应该要戒除吔，咁样好多人都中意打麻雀嘅，咁打麻雀系唔系呢？打麻雀就唔系一种恶习嚟嘅，但系问题上，如果你成日将个精神耗费响麻雀上便呢，三四五圈，十零圈咁上落呢，一样有得失嘅心，你个心就会起伏，赢吖输吖，出嚟又叽叽搞搞（注：呢度揾唔到同音频发音相同嘅文字，暂用“搞搞”代替）吖，又闹人吖：“吖！点解唔打呢只俾我吃吖？唉！唔打七万，我系唔要七万㗎嘛！卡隆都食唔到！唉！冇计！”系吖，我以前就打麻雀吖嘛，而家又戒咗吖嘛，所以我讲番我经验出嚟呢，输咗钱呢，你就会好唔开心，赢咗钱你会沾沾自喜㖞。但系呢啲咁嘅外界嘅环境嘅心系咪扰乱到你修唔到禅定呢？你欢喜都会扰乱你修唔到禅定。所以呢个都系习气吖，障蔽你自己嘅本性吖，障蔽你开唔到智慧，所以呢啲呢，菩萨，修行菩萨道嘅人呢，希望你能够尽量减少，甚至于断绝就好嘞。
诶，西环吖，都好多档捉棋嘅，哗，啲粗口连场，几紧要吖？如果你冇胜负心，就唔会有“楚河汉界”啦，话明“楚河汉界”。你冇见捉祺坐到咁文静，其实你个心同佢个心，二者已经喺度交战紧，呢个就系一场无形嘅战争，系意念嘅战争。我哋学佛系修摄我哋嘅心念，虽然捉棋好似好文静，但系心中已经动咗杀机了，吖。呢个系一个智慧嚟嘅。
第八呢，你要了解呢，“生死炽然呢，苦恼无量”。我哋嘅生死头先已经讲过，唉，对我哋成日逼迫，好苦，我哋应该发大心要救渡一切众生，愿代众生受种种嘅苦，令种种嘅众生毕竟大乐。嗱，呢个心其实我哋好难嘅，系菩萨先能够做到大乘嘅境界。但系相信做咗妈咪嘅人呢，佢都会做到：“见到个女呢，成日发烧，几日六七日，发三十几度，睇医生唔好，唉，不如俾我，我见你咁辛苦，我代你一啲。”嗱，你都有凡夫都有啲咁嘅心啦，只要你将呢个心扩展，以至于无尽，对于每一个人都系咁，呢个就系菩萨嘅心肠。再普及唔系人，其他宇宙间各道嘅众生，或者系畜生，你现世所接触到嘅畜生道，你都怜悯佢，唔好杀佢，培养个慈悲心，扩展到悲天悯人，人人爱物嘅心呢，令众生离一切苦，自己嘅快乐给予众生，众生嘅痛苦帮佢拔除，帮佢代受。呢啲就系菩萨真正嘅大发心，令到各种众生毕竟能够得到大乐。
呢八件事呢，系佛菩萨，释迦佛教我哋嘅吔，要觉悟嘅，要我哋时常谂吖，唔系我而家读咗俾你听就算数，你返去忆念，背咗佢，念一念，用个脑谂一谂，你就会刺激下你修行，好快你能够得到清净嘅智慧。我哋精进行道，慈悲修智慧，乘住法身嘅船，到达涅槃嘅岸。我哋修行佛法都系假，而家佛法其实系一只船嚟嘅，等于我哋嘅生死岸，过紧河。如果我哋到咗涅槃嘅彼岸，根本只船就冇用。所以呢，根本呢一只船系法身嘅船，系空花嘅船，系假嘅船嚟嘅，但系会搭，会搭我哋到涅槃嘅彼岸，到达法身不生不灭嘅境界。然之后我哋解脱，应该返番入个世界里便去度脱众生。
以上所讲嘅八种嘢呢，教导世间一切众生，希望佢觉悟生死，离苦得乐，舍离“财色名食睡”嘅五欲，去修持心性之道。吓，注重多我，注，多啲关心下我哋自己，其实你话你关心我哋自己？一啲都唔关心吖，对自己系最唔了解，最唔关心自己。你以为你食、你著，霸头吖，抢先吖，就系关心自己吔？真正关心自己就检点你嘅心念，念念清净你嘅意念，念念去修行，咁先系真正关心自己吔。你以前同人争先恐后食嘢吖，唔让人吖，搭巴士吖，诸如此类各样嘢，呢啲系糟蹋紧自己嘅福，唔系珍惜紧自己，你谂下。我哋应该舍离五欲，修心胜道。如果佛弟子呢，时常诵念呢八件事，响念念之中，我哋能够灭到无量嘅罪，能够进趣到菩提嘅大觉，能够好快速登到正等正觉，永远断除生死，得到真正嘅快乐。咁你话系唔系就系咁得简单吖？就系咁简单吖，如果你信就系咁简单。佛陀原始嘅教理根本就冇经㗎，口同口讲，好似密宗咁以心传心，犹如而家我揸住个麦，虽然我演绎得唔系太好，时间太快，咁但系我讲咗俾你听，你听咗印喺识田度，无笔无纸㗎，唔系记住啰？以前古代都系记住，几时开始有，有字嘅？几时开始记低嘅？佛涅槃咗之后先有呢啲事。咁所以而家讲咗之后你个脑记低，忆念呢个八大人觉，背咗佢，日日谂住，日日做住，你就好快解脱生死。咁吖梗系要四个字啦——“的起心肝”啦，你唔的起心肝，系唔系先？你又要不负如来要不负卿吖，啫头先嗰个比喻吔，根本就冇可能。
跟住最后呢，我有，影咗首诗出嚟，我吖，最中意舞文弄墨，啲诗词歌赋吖，吓，呢首诗呢，就非常之好。最后呢，咁我作一个总结，响呢度，呢一首诗。有冇吖？个讲义有冇吖？有一首诗，好得意嘅，亦都系好有讽刺嘅，呢首诗。
“终日忙忙只为饥吔，才得饱来又思衣。”我哋忙咩吖？都系为，为“口”，为两餐啫，为“口”奔驰啫。但你饱咗呢？又谂衣著了㖞。
“衣食两般皆俱足啦，房中又少美貌妻啦。”吓，又有衫著吖，又有饭食吖，饱暖就咩吖？饱暖思淫欲吖，谂一谂嘞，吖，房中，哎吖，点解冇咗个娇妻呢？冇咗个靓嘅老婆呢？
“娶得娇妻并美妾，出入无轿吖，少马骑嘞。”唉，个老婆系娶咗，惨啦，又冇私家车啦，人哋有架靓车揸，自己成日行路，又去谂私家车嘞。
“骡马成群轿已备呢，田地不广吖用支虚。”吖，有轿嘞、有马嘞，但系可惜自己啲田地又唔够人多吖，少吖，田地少吖。
“买得良田千万顷，又冇官职俾人欺。”咦？我系一个大地主，好多地，又有娇妻又有美妾，又有嘢食，但系呢，唔够皇气咁犀利吔，有皇气吖，你冇官职吖，唔掂吖，压一压你吖，系咪？你冇官职唔掂吖，又俾做官嘅人去欺负你嘞，又去想做官，想去参与政治吖。
“七品五品皆嫌小吖，四品三品吖，仍嫌低吔。”哗，做到七品五品呢，都嫌小㖞，个大官，四品三品又嫌佢低，究竟边一样嘢啱你做吖？
“一品当朝为宰相”，当然系最好啦！但“又想君王做一时㖞”。你做完个宰相，你又想做皇帝。但系自古以来啦，嗰啲咁贪心嘅人啦，实俾个皇帝杀嘅，功高盖主吔，你睇下。楚汉相争嘅时候，韩信功高盖主俾刘邦杀咗，杨修功高盖主嘅时候呢，想叻过曹操，曹操又杀咗佢。所以呢，你做完宰相嘅时候呢，你又想做君王，冇乜可能？但人心系永远冇厌足。
“心满意足为天子，更望万世无死期㖞。”哈哈哈哈！当你心满意足，希望做到皇帝之后呢，你希望长生不老。有冇呢例子吔？秦皇汉武咪系啰？秦始皇、汉武帝佢想能够成就千秋百世嘅基业，能够希望将佢嘅朝代维之于永久吖，但呢个梦想系一个虚幻嚟嘅。于是佢揾人呢，希望能够求得一啲长生不死嘅仙药，希望佢嘅皇朝，佢嘅势力能够巩固吖，维之永远，有冇可能吖？四，头先已经讲过《八大人觉经》，第一觉咩吖？“四大苦空，五蕴无我。”嗰个臭皮囊嚟，会唔会死吖？就算你修成道教嘅仙人，长生不老。因为响《楞严经》记载有十种仙人，第吖，第日大家返去睇一睇，呢十种仙人就系道家修为嘅方，道教修为嘅方法嚟。可以寄居于蓬岛十洲，天上三界里便呢，好长好长嘅时间，甚至我哋呢个地球爆炸咗好多次，宇宙爆炸几次，成为呢，里便嘅星球成毁，佢都仍然存在呢个生命，但系唔代表佢冇终结，啫好长好长，响佛经里便记载“那由他八千万亿阿僧祇劫”，有冇听过呢啲数吖？哗，好长好长嘅时间吖，呢啲寿命，唔系唔使死吔，做到神仙都要死吔。
“种种妄想无止息，一棺长盖抱恨归。”你咁多嘢谂，好快就拜拜㗎喇！嗰四块嘢一冚埋，吖三块半一冚埋就冇嘢谂㗎喇，冇谂咁多。人命在呼吸之间，你又要快啲修行。吖，呢首诗讲得好唔好吖？吓，好讲，好讲啱啫，心意吔，我觉得好讲啱心意，冇㗎，冇，啫好少人能够逃离得，呢啲，呢啲诗里便嘅句数吓，好中吖，真系。千，我觉得呢啲系千古以来不易之理。由古到今都有，将来我哋嘅子孙都有呢啲心态，呢啲系心吖，用心嘅问题啦，吓。所以我哋要珍惜我哋嘅生命吖，珍惜修行。
