般若心传讲座合集（下册）

208.孔雀明王（一）

恶业嘅众生，一时间唔能够用说话降伏，系要用武力去降伏，用力量去降伏。“明王”嘅意思呢就系，“明”就“光明”个“明”啦，就光明之王，“明”者亦都代表智慧也，亦都系智慧之王，“明”者亦都代表真言，大家念诵个真言，亦都系真言神咒之王，所以由修持真言神咒而开悟而得到智慧，就谓之“明王”，“明”者系光明。当你修持明王嘅咒嘅时候，你心中嘅烦恼污染去除，你本心自心自性嘅心光发露嘅时候，呢一个心光发露嘅智慧呢，就系光明，呢个光明嘅本体就系你嘅本性。所以“王”者就“至尊至大”咁解，所以佛菩萨，佛陀所化嘅身体，其中有一类就叫做“明王”，就系呢一类。

除咗孔雀明王之外，其他还有好多明王嘅，但我相信法轮会里便所听嘅师兄嚟讲呢，对于嗰啲明王呢，唔系太多认识，因为呢个属于，比较属于密法、密部吖，密部比较多啲吔，亦都系比较少人，少人讲嘅，关于孔雀明王。明唔明吖？咩叫“明王”吖？真言、神咒、智慧之王，光明之王，谓之“明王”，而呢个明王呢，呢个明王呢，骑住一只孔雀，就谓之“孔雀明王”，以佢骑住嗰个座驾去定义佢个名称。

点，咁继续讲落去啦，点解佢骑孔雀呢？佢又唔骑狮子呢？譬如文殊师利，文殊师利就骑狮子了，狮子代表勇猛、代表精进、代表我哋修行嘅六道法里便嘅勇猛同精进。每一个佛菩萨有佢唔同嘅座骑，外在嘅座骑其实喺内，喺内，内在里便有个象征嘅意思。文殊师利呢，就骑狮子代表勇猛与精进。咁孔雀王骑孔雀系代表咩，咩，代表咩呢？我哋要了解呢，孔雀有一个特性嘅，孔雀嘅特性系咩吔？我哋有冇，应该澳门见过孔雀唔系太多，二龙喉有冇孔雀吖？好似有㖞，吓嘛？但虽然你见到孔雀，但系孔雀唔系成日开屏㗎，吓嘛？孔雀开屏嘅时候会点呢？会学似出便咁落雨了，孔雀一开屏就会落雨，所以孔雀系同雨好有关系。另外孔雀嘅特质系咩呢？孔雀所食嘅嘢，专系食啲毒虫同埋毒草嘅，但对佢自身呢，系冇任何嘅伤害性，佢能够将啲毒虫同毒草食咗入去之后呢，而能够化成甘露，将呢啲咁吖毒物嘅营养呢，长养佢羽毛嘅生长，所以见到孔雀嘅羽毛点解咁艳丽呢？咁七彩咧？而印度嗰啲孔雀呢，嗰啲羽毛呢，带有金光吖，好金嘅，而我哋中国嗰啲羽毛呢，系彩色，比较绿绿哋色，个羽毛，羽毛，一条羽毛呢，中间嗰个圆，嘅圆，嗰个圆环嚟讲呢，系比较彩色啲嘅，中国嗰啲，但冇咁金，但印度嗰啲就比较金色。

所以呢个孔雀明王系释迦佛响当时二千多年前将呢个密法教俾佢弟子而讲孔雀王嘅故事，因为孔雀王嘅故事啲孔雀系出自印度，所以“佛母大孔雀明王”，简称“孔雀明王”，亦都叫“佛母金曜大孔雀明王”，金曜，金曜，佛母金曜，金光照曜同闪曜，金曜，金色嘅光明。佢啲，印度嗰啲孔雀啲羽毛呢，一条啲孔雀嗰啲尾毛啦，譬如咁吖，一条一条啲孔雀尾毛，呢度有个环嘅，系彩色绿色嘅，呢度好金嘅，一条条线好金好金嘅，但系我哋中国嗰啲呢，你买到嗰啲羽毛嚟睇呢，喺街市有时见到呢，冇咁金，但好金，所以叫做“金曜孔雀王”。当佢一，个尾部一竖开开屏嘅时候咧，摇摇下、摇摇下喐嘅时候呢，啲金光就慢慢散发出嚟，好曜眼，所以叫做“金曜孔雀王”，就以呢个孔雀为象征，所以你修呢个孔雀王法嘅时候呢，呢个孔雀王个座驾，嗰个羽毛后便呢，就会发出金光去加持修法嘅，嘅众生嘞，修法嘅行者，令佢消除业障。

咁讲番孔雀嗰度，点解佢要骑孔雀头先讲就系，孔雀嘅特质就系食一切毒，化一切毒，所以响佛教嘅象征犹如我哋本身嘅贪、瞋、痴、慢、疑。响上一次已经讲过，我哋人类世界众生嘅五毒嘅烦恼，我哋修孔雀王法，就犹如用个鸟嘅德行，孔雀德行，呢个象征嚟嘅，啖食我哋众生嘅一切烦恼，我哋嘅贪心啦、我哋瞋恨心啦、我哋愚痴心啦、我哋轻慢心、我哋嘅疑惑心，呢个五种根本烦恼，所以你修孔雀法就能够将你五根本嘅烦恼净化，五根本嘅烦恼净化就点吖？慢慢慢慢你心开意解，明心见性，你就解脱生，生死，甚至与佛无二，所以呢个孔雀嘅象征就系咁嘅意思嘞，食一切毒而自己唔会中毒，所以你当你修呢个孔雀法嘅时候呢，有化一切毒嘅功能，当你修孔雀法，如果人哋真系能够修到有道行嘞，人哋俾一碟食物你吔，如果里便落咗毒你系唔知，如果你修孔雀法，一食落去不但无毒，而且孔雀王嘅功德法力将呢啲毒全部化解，犹如你修大佛顶首楞严神咒一样，所以孔雀能够具有化毒嘅功能。外在嘅毒既能够化，咁你内心嘅毒呢？就系头先我所讲个烦恼嘅毒，以至于你无明嘅毒，无始以来解脱唔到生死嘅毒，流转响生死嘅毒，都系一种毒，将佢能够化解，破无明显佛性，孔雀王个法术就有咁嘅功能，所以点解要骑孔雀就系一个原因，象征，象征孔雀王嘅法力能够将我哋嘅人嘅内心嘅种种嘅毒能够化解。

我哋点解唔能够解脱生死呢？我哋仲坐喺度你听佛法，我哋而家开始修行紧，就因为我哋内便嘅五根本烦恼啦。我哋知道小乘嘅圣者吔，就算你今生唔走大乘嘅菩萨道，你要，唔救渡众生，你基本上如果你想解脱生死，要修持成就，声闻嘅四果罗汉嘅果位，最基本你要破咗呢个五根本嘅烦恼──唔好讲破，系压伏佢。菩萨就将佢断除，罗汉将佢压伏，犹如一条草咁飙出嚟，攞嚿石压住佢唔好飙到咁犀利，到最后菩萨嘅果位，佛嘅果位将呢条草吖，根都掹埋，根都掹埋，断咗根嘞，但罗汉最基本要伏惑，将个烦恼，将个惑障伏住佢。咁所以贪、瞋、痴、慢、疑呢五毒嚟讲呢，孔雀王嘅法术响内在嚟讲就有机会，你日日修持，特别我自己个人嘅经验，呢个孔雀法系我最钟爱嘅法术嚟嘅，日日修持嘅时候就能够将你无明嘅毒化解，好短嘅时间你修持你就会体会到个经验就系，你嘅脾气就会慢慢慢慢，譬如你唔修持嘅时候你好暴躁嘅，一开始修持个多月你已经容易将你个内在嘅脾气吔，你内在嘅心情起伏吖，好容易降伏得到。所以呢个鸟德，呢个孔雀王嘅雀仔吔，呢个鸟吖，呢个孔雀嘅德行呢，就有呢个功德响呢度，所以佢就骑孔雀。

同埋另外一个问题呢，大家唔知道吖，当你，而家我哋一般都系修持净土宗，西方极乐世界嘅法门嘅，如果阿弥陀佛我哋通常见到，诶，西方极乐世界嘅教主就系阿弥陀佛啦，阿弥陀佛嘅造像系点吖？你一般见到？都系直立嘅，有啲吔，手托住莲花响胸前啦，有啲吔，垂手作接引状啦，同施无畏嘅手印啦，通常系企喺度，如果打坐嚟讲呢，就两只手喺度结个定印盘喺度，但系你有冇见阿弥陀佛坐座驾㗎？冇咧？少见了。其实五方五佛都有座驾嘅，阿弥陀佛属于西方个方向，西方极乐世界嘅法主，西方极乐世界嘅法主嘅座驾就系孔雀嚟吖，今晚讲俾你听，就系孔雀嚟。阿弥陀佛嘅法门同埋咒法能够将我哋众生嘅贪瞋痴三毒亦都能够净化，亦都能够清净，极乐世界就系一笪清净嘅国土啦，将我哋内在嘅烦恼无明同愚痴净化啦，所以阿弥陀佛骑孔雀嘅座驾正好同孔雀王嘅所骑嘅孔雀嘅性质，内在嘅德吖，相吻合，所以，你修极乐世，修孔雀王嘅法门呢，同极乐世界嘅法门相通嘅，你回向极乐世界嚟讲呢，可以令你进一步解脱生死，所以同阿弥陀佛系共通，同阿弥陀佛系共通吖，呢个法门。

如果阿弥陀佛嘅座驾你好少听咧？今晚就话俾你听阿弥陀佛嘅座驾，佢系通常唔坐莲花之外，如果系骑动物嘅座驾，系骑孔雀。咁你会谂一谂，我再提示一样嘢俾你，令你谂一谂，谂一谂咩呢？点解啲明王吖，或者佛或者菩萨要骑畜生？三恶道嘅众生。无论你孔雀又好，咩其他动物又好，地下里便走嘅、空中飞、海中游，都系属于三恶道嘅众生啦，或者叫做“旁生”，佢做咗破咗五戒十善，亦都分开三品嘅，分别堕入旁生、饿鬼、地狱三个法界。咁就算孔雀吖，都系摄入于畜生道，点解一个贵为佛之尊会骑畜生道嘅孔雀？唔骑莲花，坐莲花会尊敬啲呢？嗱，我再提示呢一样嘢，你要谂下呢个问题，就系由于呢啲畜生嚟讲呢，唔系我哋三恶道嘅众生，我哋好简单答到呢个问题。阿弥陀佛嘅极乐世界，我哋头先念《阿弥陀佛经》嚟讲呢，系唔系有共命之鸟吔？有迦陵频伽吔？有其他鹦鹉吖，亦都有孔雀啦，讲到好清楚，系佛嘅神力，功德神力变化出嚟嘅，唔系三恶道轮回出嚟，所以明王所骑嘅孔雀系佢本身内在嘅德行化现出嚟嘅，明唔明吖？犹如地藏王菩萨所骑呢只瑞兽吖，呢只善听吖，佢唔系狗嚟嘅。当时金乔觉所带嚟嘅系一只犬，犬嘅形状，其实唔系犬嚟，系一只瑞兽嚟，瑞兽嚟，似犬非犬嘅瑞兽嚟嘅，所以变咗而家我哋地藏王菩萨嘅画像画嗰只瑞兽呢，似犬非犬啦，但真正嘅相吖，当然唔系咁啦，系一种象征，呢个就系佢德嚟嘅，代表佢德，一个瑞兽代表吉祥。所以，佛菩萨外在，你见下孔雀王呢个蔓陀罗呢幅相，呢个当然唔系佢蔓陀罗，佢蔓陀罗另外一个坛城，将孔雀画为中心，其他五方五佛、二十八天同埋其他嘅明王集中喺个坛城嘅布置去，去修，修个孔雀王个法，而呢个孔雀王嚟讲系独立响个坛城抽出嚟嘅呢个，喺仪轨里便。如果我哋修习孔雀法，修孔雀明王嘅法门呢，一定要以呢幅相作为准则，呢幅相就系孔雀王嘅修法嘅法照嚟嘅，规定咗系用呢个法照嚟嘅，因为佢手持有各式各样个法器，吓。“孔雀”呢度明白啦，解释咗俾你听，“明王”亦都解释咗俾你听，“金曜”亦都解释俾你听。

点解叫“佛母”呢？再推番上去嘞，佛母，佛母金曜大孔雀明王。佛母就系出生一切诸佛之母，个“母”字，你唔好谂系一定代表女性㖞——妈妈，系解释为“源头”咁解，总源头，系出生一切诸佛同佛法嘅源头，并不一是，并不一定系代表女性、女身。准提佛母啦，或者其他尊胜佛母啦，有好多都号称佛母，由于响过去无尽嘅时空世界里便呢，有好多修行者都系受持呢个孔雀王法而成道嘅，解脱生死或者成就菩萨吖、罗汉吖、辟支迦佛吖、佛陀嘅果位，所以以呢个法能够出生其他嘅佛，所以谓之“母”，“母”就系mother啦，mother就能够生啦，生，有“生产”嘅意思嘞，源头，一个总源头，并不代表母性。但我哋而家见到孔雀王所现呢个身相呢，其实呢，系男嘅唔系女，不过佛菩萨嘅相画到中性，其实你睇下佢，有两条须嘅，孔雀王呢一度，系男相，不过呢个相唔系咁清楚，系男相，犹如千手观音一样，系男相，你睇下，千手观音系唔系有须㗎？睇唔睇到吖？呢幅千手观音嘅法照，如果我哋唔睇佢嘅须呢，好似女相。因为点解唐朝以后，观世音要画做女相呢？我已经解过呢个道理俾大家听就系，观音为咗女性嘅痛苦太多，所以现女相。唐朝以前通常就系以男相多，所以经典里便都讲过“勇猛丈夫观自在”，“丈夫”，“大丈夫”嘅意思，就系以男身，以丈夫身得道而现丈夫身啦。点解画到中性呢？另外有个意思就系佛菩萨嘅修持境界已经系非男亦非女，系无性别，以众生嘅随类现身幻现出嚟，名之为“等流身”，“等流身”嘅意思就系随住唔同众生嘅根基，随住众生喺唔同空间嘅形态，佢就番你，相应现番呢个身出嚟谓之“等流身”，而孔雀王系边位佛菩萨嘅等流身呢？就密宗里便所讲嘅大日如来嘅等流身，亦都系释迦如来嘅等流身，亦都系我哋本师释迦牟尼佛嘅化身。嗱，我哋知道佛有法身、报身同化身，而等流身系化身嘅一种嚟吔，化身嘅一种嚟吔，即是意思话随住唔同嘅空间同埋道路而化现嘅身体，“等”者平等也，“流”者呢？就系嗰个空间同道路，“流水”个“流”，唔同个空间、唔同个道路，依据呢个空间你系咩形态去现唔同嘅身，犹如观音普门嘅三十二应就解释咗等流身。

孔雀王就系大日如来，密宗里便嘅原始嘅佛啦，毘卢遮那如来，“Maha Vairocana Buddha”，“Maha Vairocana Buddha”解释为“毘卢遮那”或者译做“高显藏广眼如来”，呢，呢个系译音唔同，但系我哋一般都称为“大日遍照如来”，或者“大日如来”。大日如来嘅光辉犹如天上嘅太阳无物不照，无物不庇荫吖，如果我哋冇咗阳光，世界上好多嘢都唔能够再运作，大日如来就犹如阳光一样庇荫福荫一切众生，亦都有破暗嘅意思，显光明嘅意思，所以孔雀王亦都有“金曜”两个字，亦都有大日如来嘅德行，就金光、金曜之光。佛菩萨最高修持嘅境界嘅光芒呢，就系金色嘅光明，修到纯，纯一而最高嘅境界就系金色嘅光明。所以头先讲到，孔雀王就系大日如来嘅等流身，毘卢遮那如来、大日遍照如来等流身，亦都系释迦佛嘅等流身，释迦牟尼如来亦都有化现出孔雀王，亦都有化现出孔雀王。

而家我哋响孔雀王嘅修法里便嘅流派呢，主要分开两大个流派，因为孔雀王个法术响西藏嘅藏密里便亦都有传授，但系犹以东密喺日本嗰便嘅密宗嚟讲呢，当时我哋唐朝，日本嘅僧人将啲密法由唐朝而带返，由唐朝嘅时候带返去日本，而日本开枝散叶就谓之日本嘅密宗啦，简称就系“东密”啦，东边嘅密宗啦，东寺嘅密宗。以主，东密日本嘅密宗呢，最重呢个法，系其中一个大法嚟嘅，孔雀王系其中一个大法嚟，但系藏密，西藏嚟讲呢，就唔算视为咩大法，但系西藏亦都有一个传承，呢个就系流派同观点嘅问题。

而家孔雀王嘅法嚟讲，修个流派一共有两，两个流派，一个流派呢，就系“”字（注：“”字嘅罗马拼音系“Yu”）嘅流派，一个流派就系“”字（注：“”字嘅罗马拼音系“Vam”）嘅流派，有冇睇过呢个字吔？好，好难写嘅呢个，呢个“”字嚟嘅，“”字嚟嘅，梵语“”字嚟。“Vam”“Yu”。孔雀王嘅梵号吖、密号吖，Maha Mayuri Vidya-rajni，呢个梵语嘅密号嚟讲，Maha Mayuri，“maha”就系“大”，“Mayuri”呢，就“孔雀”，“Vidya-rajni”就“王”，孔雀王。而孔雀王以一个梵号，一个，一个梵号化成一个字代表佢就系呢个“”字，“Yu”，Maha Mayuri，中文呢，佢哋写个“瑜”字嘅。另外就系个“”字，“”，“”。

而家修孔雀王法响东密里便呢，有呢两个流派，第一个“”字，“”字嘅意思就系话孔雀王，头先已经讲过孔雀嘅德行能够化一切毒而不被其他毒所中害嘅，就系“”字嘅流派。呢个“”字嘅流派嘅观点呢，就系孔雀王嘅等流身，头先讲过就系释迦佛嘅化身，就等流身。释迦佛嘅化身为孔雀王，变成孔雀王嘅等流身就系“”字嘅流派。而“”字嘅流派呢，就认为“”，呢个“”字喺梵语点解呢？“”字解释为“绑”嘅意思，束绑吖，束绑吖，或者“缚”，但系呢个“”字呢，呢个流派写法加咗个点上去，一个圆圈，呢个就“空点”（注：《佛学大词典》中解释“空点”指附于梵字上之圆点，即“·”），“空点”嘅意思呢，解释为“解绑、除绑”。“”字，“”字系咩意思呢？大日如来嘅种子字嚟嘅，呢个“”字。呢个“”加咗一个“空点”呢，白色嘅点喺上便吖，解除一切系缚，所以修“”字嘅流派，呢个意思就系解除一切系缚，认为孔雀王个等流身呢，就系大日如来嘅化身，就“”字嘅流派，两个流派嘅修法。而呢个“”字嘅流派属于一般密法嘅传承，系基础孔雀王嘅修法，而但呢个“”字，呢个“”字，“”字流呢，呢个流派就孔雀王嘅秘密法术，高级嘅修法嘞，又再更进一筹。

呢个就东密所修孔雀王法嘅流派，呢两个字都系代表，可以代表孔雀王嘅梵字嚟。“Yu”，Maha Mayuri Vidya-rajni，呢个“”同埋“”，梵语“”，代表佢嘅流派。但系响藏密就唔系咁分嘞，又唔同嘅观点啦，藏密就冇咁嘅分法。呢个系日本嘅分法嚟，日本所修东密嘅密宗嘅修法嚟吖。所以大日如来化现孔雀王，释迦佛亦都可以化现孔雀王去帮助众生，其实系一样，唔同嘅祖师有唔同嘅流派，创造出唔同嘅法，都系修番呢个孔雀王个法，其实系相同，不过只不过同大家解释下呢个流派上嘅意思咁解。

孔雀王点样嚟㗎？有咩故事吔？孔雀王点样嚟㗎？来源，我哋点知吔？当然就释迦佛讲啦，我哋人间导师大雄世尊释迦牟尼佛讲啦。释迦牟，记载孔雀王嘅经典，每一样嘅，嘅法理都有一部经典嘅，记载阿弥陀佛嘅经典系咪《阿弥陀佛经》啦、《无量寿经》啦、《观无量寿经》啦、《清净平等觉经》啦，或者《往生论》吖，嗰啲，记载阿弥陀佛嘅资料。记载孔雀王嘅经典就系《佛母金曜大孔雀明王经》吖，或者简称叫做《孔雀王咒经》。其实呢个经典呢，响唐朝好耐以前吖，东晋嘅，响东晋嘅时候吖，已经传到嚟到我哋中国，《孔雀王咒经》。个法师当时有个法师呢，帛尸梨蜜多罗法师呢，系最早将《孔雀王经》带嚟我哋中，中国。响呢个译经嘅传承嗰个分法嚟讲系属于杂经吖，杂咒吖经，但呢个思想呢，比其他经典嚟到我哋中国更早吖，比中，我哋中国更早，比我哋认识好多大乘经典早出咗千几年㗎，呢部经典，所以孔雀王法根本就系好多人已经系熟习嘅，响中国里便系一个好早嘅密咒，系一个好早嘅密法嚟，好古嘅密法嚟嘅。咁喺根据《佛母大孔雀明王经》记载，孔雀明王系点嚟嘅呢？孔雀明王，释迦佛当时就讲番呢段因缘，同阿难尊者讲。

有一次呢，释迦佛嘅弟子呢，有一个新出家嘅出家人，新出家嘅比丘，啱啱出家冇几耐，佢嘅法号咧，叫做Svatir。Svatir呢，我哋叫做“莎底”吔，译做我哋广，广东话叫“莎底”吔，Svatir。Svatir比丘咧，Svatir比丘咧，佢啱啱新出家受完具足戒冇几耐呢，受完具足戒冇几耐呢，因为响僧团里便有分科，由一间寺庙，香灯师呢，或者香积厨呢，香积厨就负责煮菜嗰个啦，香灯师吖负责，香灯吖、香油吖，嗰啲吔，吓。每寺庙里便有好多分工，犹如当时释迦佛嘅僧团，各人做番各人嘅嘢，分工。当时呢，Svatir比丘系负责，诶，啲出家人呢，洗，啲出家人呢嘅沐浴吖、洗澡吖，或者清洁，清洁吖呢一部分去做。咁有一日佢正当攞，喺山上收咗好多柴返嚟吔，预备，收咗好多柴，有啲柴干枯咗吖，系冇俾虫，冇俾，冇俾蛀到嘅，冇俾虫蛀到，有啲系好，有啲系坏，咁佢系破柴，喺度破柴。但系正当佢破到一条朽木，呢条，啫有一条腐烂咗个柴呢，一破嘅时候突然间一条大黑蛇喺个柴走出嚟，一走出嚟呢，“伏”一声好快，你知蛇几敏捷，好迅捷咁，将个Svatir，呢个，bhik，bhiksuh吖，呢个Svatir呢个比丘嘅右脚嘅脚趾公咬咗一啖，“伏”一声咬咗佢一啖，嗰条黑蛇。黑，啫“黑”嘅意思啫好毒㗎喇，我谂就系，吓，根据嗰经典嘅形容。咁咬咗佢一啖呢，嘅毒，嘅毒呢，即时佢就跶低落地嘞，中吖毒，呕晒白泡，只眼吖，翻咗去上便。咁吖，啲，咁吖自然其他人见到，吖，瘫咗喺地下，呕紧白泡。咁有咩方法救佢呢？咁阿难尊者呢，就走去佛陀嘅面前：“佛陀吖，Svatir比丘而家跌咗落地下，俾条毒蛇咬亲，中咗毒，有咩方法救佢吔？”佛陀话：“唔怕，我而家教你一个真言，呢个真言呢，系我以前亦都学习返嚟嘅，亦都系我前生所修习嘅真言，呢个真言能够拥护修行呢个真言嘅人呢，昼夜三时都能够作为拥护，而且能够解一切毒、破一切毒。”于是佢将呢个真言，就系今日所讲嘅佛母大孔雀明王嘅真言教授咗俾阿难，阿难于是学咗之后就即刻去嗰个澡浴嘅埞方，个斩柴嘅埞方呢，念咒加持，加持呢Svatir比丘，于是佢嘅毒就化解咗，醒番，苏醒番，就将呢个毒蛇嘅毒破解咗，破解咗，亦都系呢个经嘅因缘啦。

每样动物响呢个生物界里便都相生相克，另外我想讲多一样嘢就系呢个经典亦都有密意吔，孔雀嘅天敌，蛇嘅，嘅天敌就系孔雀嚟吖，蛇最怕孔雀，孔雀专食毒蛇嘅，所以啲毒蛇嘅毒，特别今次借助呢部经嘅因缘呢，就话俾你听有呢个密意喺里便嘞。呢个孔雀王个法术嘅力量呢，就能够将所有蛇类嘅毒，蛇类嘅法术能够破解吔，所以蛇，蛇类吔，蟒蛇吔，总之长形身体嗰啲呢，有毒素，或者幻化成精灵吖、出嚟害人吖，或者系扰乱众生嘅修行呢啲魔类、妖类呢，用孔雀王法就可以将啲魔同呢啲咁嘅类型嘅魔同埋妖将佢全部收服，因为万事万物都有相生相克嘅本性。咁呢，Svatir比丘就苏醒咗啦，呢个就系释迦佛所传授孔雀王法吖，教，教授孔雀王咒嘅因缘，简单讲咗呢个咒。

咁后来呢，阿难尊者呢，就返番去释迦佛嘅身边，释，释迦佛问佢得唔得吖？解决咗呢件事未吔？于是解决咗，释迦佛就开始再娓娓道来咁讲出呢个孔雀王法嘅因缘。佢话：“我头先咪讲过嘅？我前生都有修习孔雀王法，而家阿难，我就讲俾你听，呢个孔雀王法嘅因缘。喺好耐好耐嘅时候，响喜马拉雅山大雪山嘅南面嘅山麓，有一个孔雀王，有一个孔雀王，呢一个孔雀王呢，呢个孔雀王唔系孔雀明王㖞，系孔雀王，系直程一只孔雀，孔雀群之王，孔雀群中带领好多孔雀，啫孔雀群之中个王带领好多孔雀一齐生活嘅。咁呢，呢一只孔雀，呢只孔雀王呢，早，昼夜都，昼夜都持念呢，孔雀明王嘅真言，都持念孔雀明王个真言。”释迦佛话：“呢个孔雀王带领一班孔雀群，有男有女嘅孔雀，带领孔雀群昼夜都持念呢个孔雀明王嘅真言呢，所以能够令到佢响山林度穿梭，能够非常生活得好快乐，而唔被一切猎人所束缚佢吖，将佢击缚佢。但系正当有一次呢，呢个孔雀王呢，同一班女性嘅孔雀群呢，喺山林度玩耍嘅时候，一时忘记咗，有一次忘记咗忆念佛母金曜大孔雀明王嘅真言，就俾猎人“伏”一声个网捉住咗嘞，正当个网一冚冚住个孔雀王，捉住咗佢嘅时候呢，孔雀王就忆念番持念孔雀明王嘅真言，一持念个网即刻消退咗，即刻个网弹开，将，将佢同埋孔雀群救渡番出嚟，救渡番出嚟，所以孔雀王就持念金曜孔雀明王个真言呢，得以解脱咗呢个险厄。”咁释迦佛就继续讲落去话：“阿难吖，当时被绑孔雀王系我个前身嚟㗎，当时我喺森林度就系一只孔雀王，化度啲孔雀群，但系一时间忘记称念佛母大孔雀明王真言呢，所以俾啲猎人吖，所束缚咗啦。咁所以释迦佛话：“我得，得免于难吖，嗰一次咧，就系凭住持念呢个佛母金曜大孔雀明王真言。”释迦佛就讲咗呢段因，因缘出嚟，讲咗呢段因缘。

佛母大孔雀明王呢个因缘呢，就头先我所讲嘅出，出自《孔雀王咒经》，《孔雀王咒经》里便就有解释呢一段因缘同故事，我就讲番出嚟，演绎番俾大家听啫。其实孔雀呢类鸟类呢，非常之奇怪吔，非常之独特，孔雀有个特性，虽然雌雄鸳，鸳鸯交配能够成孕吖，能够产生下一代，但系孔雀除咗呢个生殖方法之……（注：接下文）

209.孔雀明王（二）

（注：接上文）……雌性就会成孕，唔须要经过雄性嘅交合而能够成孕。另外孔雀有一个成孕嘅方法就系只要佢听到男性孔雀嘅，孔雀嘅叫声，或者佢嘅身影能够，雌性嘅身影踏到雄性嘅身影都会成孕㗎，都会成孕嘅，都会成孕嘅，所以孔雀喺浊之中呢会有清嘅，因为点解呢？我哋人类世界或者其他动物都系雌雄鸳鸯交配，父精母血所交配出嚟都系污浊嘅，但系孔雀呢种成孕来讲呢，浊中亦有清，闻雷击或者听到雌性（注：根据上文，呢度“雌性”疑为“雄性”）嘅声音，或者踏到佢影子都会成孕，呢样嘢比较神奇少少嘞，可能大家会唔知吖，呢一样嘢。

咁所以释迦佛呢，话佢前生：“我就孔雀王嚟，由于我忆念呢个金曜孔雀王嘅力量，所以就得以解脱咗呢个猎人嘅系缚。”咁响呢个《孔雀王咒经》里便呢，释迦佛亦都讲过孔雀王嘅咒术，但系一般以孔雀王嘅咒术嚟讲呢，个篇幅系非常之长嘅，唔系咁容易念诵，你念啲梵，特别你念啲梵文嘅音，你个，你就容易唔系咁易掌握嘞。吓，如果你净系识中文嘅，如果冇啲拉丁文，冇啲英文嘅根底呢，就唔系咁容易发得到梵语嘅音，因为英文、拉丁文啫系拼佢个音相似吔，譬如孔雀王嘅密号，Maha Mayuri，“Maha Mayuri Vidya-rajni”，孔雀明王。你就，咁你如果唔能够念诵孔雀明王依个密号嚟讲呢，梵语呢，你可以用中文，用我哋汉文念诵“摩诃摩瑜利”，或者“玛哈玛瑜利”。点解我叫你念诵呢？因为释迦佛响呢个经典佢继续讲落去啦，除咗能够化一切毒，化外毒同埋化我哋心嘅毒之外，另外能够护持我哋，特别明王嘅法术，唔俾一切邪魔、妖怪、天魔去侵扰我哋嘅修行啦，令到我哋求一切愿望都圆满。

头先我又讲番个特性就系孔雀系喜雨嘅，所以每当你见到天雨嘅时候呢，你见到啲孔雀就容易开屏，一开屏呢，有机会会落雨啦，系咪吖？点解今晚会落雨呢？可能都奇怪吔！讲孔雀王法，我都觉得，吖！点解会落雨吔？头先唦一声，行、行嚟，唦一声洒咗一阵雨，跟住又收番啲雨，又唔会令到个身湿嘅，所以孔雀系喜雨嘅。同埋孔雀王嘅法术有一样特性，喺历朝嘅高僧懂得孔雀王嘅修法嚟讲呢，都有帮过朝廷或者国家啦。天旱嘅时候修孔雀法呢，令到，令到能够旱灾嘅地方遍地甘霖吖，遍地嘅甘霖全部能够落雨，但系亦都有同类相反嘅性质㖞，水浸洪水嘅时候呢，孔雀王个法术亦都能够止雨个㖞，将啲洪水消退个㖞，好特别个㖞！所以孔雀个法同水吔，好有关系。所以头先我写吔，呢个大日如来嘅种子字，呢个“”（注：“”字嘅罗马拼音系Vam），呢个“”字吔，就系水嘅意思吔，代表，呢个“”字嘅性质同水有关系，呢个“”字亦都叫做“一字水轮咒”。喺施食、变食俾其他空间嘅灵界嘅时候呢，会用到呢个“”字，犹如啲甘露不断流出嚟吔，响呢个“”字里便，所以孔雀王同呢个字好有关系。由于佢系大日如来嘅等流化身，所以可以通用大日如来嘅种子字，亦都同水有关。头先讲过，亦都代表甘露，所以呢个“”字，就系一字，亦都，真言里便可以俾一个称呼佢，叫做“一字水轮咒”。所以呢个孔雀嘅性质系好特别，既能够止雨，亦能够求雨，所以历朝嘅高僧大德都用呢个方法去帮助众生吖，求雨同埋止雨系特别有效验！特别有效验！非常之有效验！

咁头先讲开，你念呢个“Maha Mayuri”，呢个就系梵语“Maha Mayuri”，如果你唔识念呢，“Maha”，“Maha”解释为“大”，“Mayuri”就“孔雀”。“玛哈”，“玛”，写咗个“摩”字，“玛哈”，你可以“玛-哈-玛-瑜”，“玛哈玛瑜利”，或者念“摩诃摩瑜利”，你可以咁念。梵语就“Maha Mayuri”，中文就“玛哈玛瑜利”或者“摩诃摩瑜利”，一样嘅啫，系个译音嚟。你如果朝头早念或者夜晚念，不断称念呢个孔雀王呢个佛号嚟讲，释迦佛一早已经讲过，你净系称念呢个孔雀王个佛号，如果你唔识佢个咒术，而家我哋城市人太繁忙唔可以修咁多法㗎喇，唔可以修咁多法，唔可以修咁长嘅咒啦，你咁大嘅发心先能够有勇猛嘅心，学习佛法先能够精进，学到呢啲大法。但系我哋城市嘅人啱啱学习冇咁多时间，又想修孔雀王个法，又想今晚听闻利益嘅时候，你要点做呢？当然你唔好走宝吖，就系你返去持念呢个“Maha Mayuri”，“摩诃摩瑜利”或者“玛哈玛瑜利”，早、午、晚或者早、晚，忆念呢个佛号嘅时候，一切嘅毒物不能够伤害你，孔雀王个法力就会护念于你个身上吖，护念于你个身上将你业障消除，将你嘅身体内在同外在嘅毒素俾呢只孔雀食咗你啲毒素吖，啖除你啲毒素，慢慢慢慢你修行就有进步吖。

你唔好简单吖，睇小呢个名号吖！呢个名号就系佢修孔雀王修持嘅心髓结晶，亦都出自释迦佛金口所宣，喺呢个《孔雀明王经》里便，除咗孔雀王嘅根本嘅咒术之外呢，亦都有讲过，过去七佛，过去七佛，释迦佛以前嘅七佛，亦都有讲过呢个孔雀王咒，过去七佛亦都说孔雀王咒去护持修孔雀法嘅人㗎，所以呢个法术系过去诸佛所护念、现，现在诸佛会讲、将来弥勒佛以致弥勒佛以后嘅佛亦都会不断去讲孔雀王法，会讲孔雀王法，有缘嘅众生自然就能够听闻。但响当今世界之上能够讲孔雀王法、听到孔雀王法嘅人甚少，非常之少！呢个传承，亦都，一般嘅显宗嘅人亦都唔了解咩叫“孔雀王”，亦都唔明点解有个人，有个菩萨会骑喺孔雀上便，究竟系乜嚟㗎？其实孔雀王法犹如所讲，以前所讲嘅准提法，准提法，Cunde，准提法，或者四臂观音，四臂观音，呢啲，呢啲法，呢啲法嚟讲，系好古好古远佛陀所传落嘅法嚟㗎，呢啲古法嚟，亦都我哋中国好早已经传入咗，好多高僧大德经过修持过而成就吖，所以呢，呢个，呢个法，呢个法嘅功德力系不可思议嘅，不可思议嘅，呢个力量。

咁你可以实际修持就持念“玛哈玛瑜利”或者“摩诃摩瑜利”“Maha Mayuri”呢个名号，呢个名号而去护念于你，或者护念去其他人，护念去其他人。假如你发现，譬如当你同人交谈嘅时候，你好多时候会同人交谈吖，响生活上啦，或者倾生意啦，或者倾偈或者其他时间啦，同人交谈嘅时候，你发现个人只眼有邪光啦，点样邪光吖？个只眼呢，当你讲说话嘅时候呢，通常正常人讲嘢个头望去呢边就咁啦、咁啦、咁啦、咁啦，会跟住头郁㗎嘛，有邪光嘅人就唔系嘞，讲啲嘢个，啫有少少微笑㖞，阴阴阴阴笑或者唔微笑，讲嘢嘅时候你留意下佢嘅眼神，啲眼向上向下，唔会郁个头嘅，呢个个人呢，嘅机心，心里便呢，深谋远虑吔，好多计划，亦都可能系一个，如果佛法里便或者其他宗教里便有机会系一个邪师嚟嘅。心术，你可以留意下，如果你发觉佢对佢，对你有伤害性呢，你就喺心中里便忆念“玛哈玛瑜利”，喺个心里便：玛哈玛瑜利、玛哈玛瑜利……个心念诵，而后就能够，孔雀王个法力就将呢啲邪力击缚吖可以，所以你心中忆念唔须要同对方讲吖，自然就将佢呢啲力量去化解，嗱，你留意下吖。我教个实际嘅方法去用啦，咁又能够同你生活好贴切，唔会觉得“摩诃摩瑜利”同你远离嘅，呢个法门就好适合、好适合大家。

比如你身体上呢，有任何嘅病症，记住孔雀王嘅法术系化毒嘅，身体上咩病系有毒吖？最大嘅病症都能够医到啦，最大嘅病症都能够医到啦，就系癌症啦——cancer，癌症啦，癌症就系啲毒嚟嘅。我哋心有毒，想害人，有瞋心，瞋，瞋恨心呢，就能够起啲毒，起啲毒嚟讲咧，我哋再加上食肉呢，就会凝聚响唔同嘅器官，呢啲能量，呢啲有形同无形嘅毒素就会凝聚喺某一个器官，经过太长时间呢，就会发生啲细胞嘅病变，就系癌症。而“摩诃摩瑜利”依只孔雀就专系啖食啲毒嘅，所以修“摩诃摩瑜利”嘅法术能够将一切癌症击缚，能够化一切嘅癌症，将癌症嘅业力击缚，而你再加以医药嘅辅导，你嘅癌就会好嘞，唔系唔叫你睇医生吓。“摩诃摩瑜利”嘅法力能够将癌嘅过去恶业击缚，除非你系一定要受、必定要报你，报应响你身上嘅定业，否则“摩诃摩瑜利”嘅法力能够对付癌症嘅，将癌症嘅法力击缚，癌症嘅魔力击缚。所以你修“摩诃摩瑜利”嘅法，有机会你遇到人有癌症，你不妨介绍下，可能你唔记得我头先讲嘅，太多嘢，你只系记住“摩诃摩瑜利”呢句佛号能够忆念持念就能够将一切嘅癌症化于无形。你可以教授佢持念呢个佛号，叫佢跪喺个坛前嗰度，当然最好有一幅“摩诃摩瑜利”嘅法照啦，送俾佢啦，如果冇都唔紧要㗎，话俾佢听有一个佛母骑住一只孔雀，你只要每日诚心念诵佢名号“摩诃摩瑜利”，就能够将你嘅癌症化于无形，化于无形。如果再配合你食素啦，唔吸，啫外在唔再吸入啲毒素入个身体度，个心亦都唔起瞋恨心而配合去修“摩诃摩瑜利”，你嘅癌症喺短时期一定能够好，我保证！除非你唔依呢啲条件去做。但有冇人知道呢个孔雀王法可以化癌吖？知道就唔使咁多人死啦，就系定业啦，就系佢嘅业导致佢死亡，而冇福份能够听到佛陀教你解决人生病苦嘅法术，嘅法门。呢个孔雀王法其中一个好独到嘅地方就系化一切毒，大小嘅毒物都唔能够伤害到修持呢个孔雀王法嘅人，病呢，病症呢，就系其中之一类啦，系嘛？讲到病症就系其中之一类啦。

咁我哋睇番呢个孔雀王嘅像吖，呢个孔雀王嘅像，我哋正面去睇佢，如果以依一边，呢一边你哋而家向住正面，呢一边计数为右，嗰边计数就为左嘞，吓。如果呢边计数为右嘅，依边计数就为左啦，系咪吖？右、左。我哋睇下孔雀王嘅右边，佢嘅，佢手持，头先解释咗只孔雀嘞，再解释埋佢手持嘅法器。佢手持嘅法器都好重要，手持嘅法器，点解佛菩萨要现啲法器出嚟吖？就系希望你明白佢嘅意思，佢透示出一个咩道理？佢揸呢个法器系帮到众生一啲乜嘢呢？否则佢使咩树立咁多形象，嗰个形象就话俾你听，佢要讲出一啲咩道理，我哋密宗里便含有咩秘密嘅意思呢？啫“秘密”者就内在深层嘅意思，就唔系话唔可以讲俾人听，内在深层意思呢，佢所揸住个法器。我哋睇下，呢边系右边吖，佢前面嗰只手呢，就揸住一朵莲花升上去㗎，睇唔睇到吖？一朵开敷嘅莲花，一朵莲花升上去。呢一度呢，只手呢，就揸住一个俱缘果，系一种印度嘅果实嚟㗎，“俱-缘-果”，或者叫“具缘果”，咁写都得㗎，“具缘”，缘份俱足，亦都能够具足，而令到你具足一切功德，令到你果位圆满，就谓之“俱缘嘅果”，呢个“俱缘嘅果”，“俱缘嘅果”。而佢左手边呢，所揸住另外一个，亦都系揸住一个，另外一个果呢，摆喺胸前上便，红红地色，好似木瓜咁嘅形，佢画咗，呢个叫“吉祥果”，“吉祥”唔使写啦，你知啦吓，一切，“一切二六时中行吉祥”，吉祥果，令到你每时每刻修呢个孔雀王法，任何嘅时空都能够吉祥㗎，呢个象征嘅意思。而嗰只手所揸住呢就系三条至五条嘅孔雀羽毛，呢个就系孔雀王个法器，法术所释放出嚟嘅法器，主要就系揸住个孔雀毛嘞，孔雀毛。咁讲番嘞，呢便为左，呢便为右，左边呢个莲花系代表咩意思呢？莲花代表敬爱咁解，敬爱。如果你修持孔雀王法嚟讲呢，佢呢个莲花嘅法力就能够令你俱足，赋予咗俾你，令一切人敬爱你，“恒得他人恭敬扶接”，好似佛经里便呢句说话。一切人敬爱你，你亦都同一切人呢，好容易和睦，和洽相处，可以话俱有人缘，所以亦都方便你传授佛法，能够别人敬爱你。如果你认为对方唔敬爱你呢，你可以修呢个孔雀王法，借助呢个莲花嘅法力就可以将唔敬爱你嘅人调摄，令到佢得以加以敬爱你、亲近你，但系佢对你敬爱不系为咗，为咗你啲名利㖞，对你敬爱尊敬你系为咗调摄佢、降伏佢，令佢得到佛法嘅好处。“俱缘果”系咩意思呢？俱缘果呢，所具足嘅法力就最厉害嘞，俱缘果就代表降伏，降伏法、降魔法嚟㗎，俱缘果系，“降-伏”，头先呢个就系“敬爱”，或者爱敬，敬爱法，呢个属于“降伏”。俱缘果嘅法力呢，佢嘅光芒放射出嚟呢，能够将所有唔能够调伏嘅众生，包括人界、非人界一切空间嘅众生能够将佢法力收摄击缚，将佢魔，如果系魔界嚟讲，能够将佢魔心摧毁，而达到恢复番佢善良心嘅境界，亦都有法力能够将一切魔法嘅兵器全部制绑吖，呢个就系“俱缘果”。

跟住我哋再讲下右边嘞，右边右手所托住嘅吉祥果，吉祥果，吉祥果呢，头先呢个代表敬爱、降伏，呢个吉，吉祥果呢，同埋个羽毛呢，另外有两种意思嘅，但系呢个羽毛就最特别。每一个佛菩萨手持一样法器呢，都有佢嘅象征，譬如有啲，有啲明王有好多只手㗎，个个都有个法器，但其中梗有一件法器系代表佢嘅。文殊师利，头先，我吖成日用文殊师利举例啦，文殊师利嘅法器系揸住宝剑嘅，系咪吖？佢嘅法器就宝剑，宝剑，或者呢，莲花上有本般若嘅经书吔，呢个就系佢法器，代表智慧吔嘛！宝剑就能够断除我哋嘅烦恼，开显我哋一切智慧吖嘛。所以孔雀王嘅羽毛就系佢最重要嘅法器嚟嘅，所以修孔雀王法嘅时候，必须具备有三五支孔雀王嘅羽毛去帮助众生，当你念咒拂拭响众生嘅身上，就可以将佢嘅邪恶嘅妖气同埋佢业障能够清除，譬如佢发烧能够令佢退烧啦，将佢，如果佢身体上有咩嘢唔好嘅嘢能够将佢拂拭，将佢能够祛除嘞。咁呢个，诶，吉祥果，呢个“敬爱”啦，“敬爱”啦，就系莲花啦，“降伏”呢，就系俱缘果啦，吉祥果代表咩吔？“息灾”。“息灾”嘅意思呢，凡系你有任何嘅灾难，包括地、水、火、风、空五种嘅灾难，地嘅灾难、火嘅灾难、水嘅灾难、空中嘅灾难，以致你人界所有嘅业难啦，吉祥果嘅光芒能够将一切灾殃化为尘吖，吉祥果嘅功德嘅法力能够将一切灾殃化为尘，所以佢捧住呢个红色嘅吉祥果就系咁嘅意思，有代表，象征嘅意思，所以你修呢个孔雀王法，孔雀王法呢，就有能够将一切唔吉祥嘅嘢变成吉祥嘞，吓。

咁佢羽毛系咩意思呢？孔雀嘅羽毛，孔雀嘅羽毛呢，代表“增益法”，“增益法”嘅意思呢，能够将佢本身我哋，点讲吖？我哋譬如唔能够得到嘅功德，我哋希望想得到或者希望我哋想进一步修持嘅境界吔，增加我哋嘅益处，代表增益，啫系将我哋嘅果位一级级咁增上，将我哋所修持嘅世间同出世间嘅一切嘅功德、一切嘅福报能够增益、增上。其实，你话呢啲法器系咪净系咁简单咁嘅意思？唔系，只不过我而家简单将佢拆解，令你容易明白，其实一样亦有含摄四样嘅意思，四即一，一即四，但系本身独立嚟讲呢，就有咁嘅，咁嘅意思啦，咁嘅意思啦。但系有啲人嘅讲法呢，系将孔雀羽同吉祥果呢，调转嘅，呢一度。吉祥果代表“增益”，孔雀羽代表“息灾”。但系呢，如果将孔雀羽呢，代表“息灾”嚟讲呢，就比较贴切啲，因为头先我讲好似个尘拂咁吖，将你一切灾，灾殃，一切灾殃化为尘，将佢全部拂拭，拂拭而去。吉祥果呢，代表“增益”，将你一切冇嘅功德，世与出世间嘅功德同埋法力，或者你所求嘅善缘，一级一级增上，就谓之增益嘞，所以孔雀王，佢所有嘅法器嚟讲啦，就有啲咁嘅意思，咁样咁特别嘅意思，所以你修孔雀法嚟讲啦，响密宗里便就具足“息、增、怀、降”四个方法——“息灾”啦、“增益”啦、“怀爱”啦、“降伏”（或者“降魔”）啦，降魔嘅法力，具有呢种，四，四种摄法嘅功能。呢个“四摄法”同我哋显宗所讲嘅大乘嘅“四摄”呢——“布施”“爱语”“利他”“同事”呢，系唔相同，呢个“四摄”就系施与众生直接得到嘅利益，而大乘所讲嘅“四摄”就系同佢同流，用四种方法去将佢嘅心去转化而近于佛道咁解嘞，又唔同。

仲有一样嘢我哋要注意到啦，孔雀王骑乘孔雀上便系有莲花座㗎，呢个莲花座亦都有好特别嘅意思㗎，暗示，呢个莲花座可能系红莲花，可能系白莲花，可能系青莲花。红莲花就一般佛菩萨所坐㗎喇，通常都现出红莲啦，红莲就系火里生莲法，喺逆境里便能够磨练你不动嘅心。孔雀王喺个莲花上便所透析出嚟嘅意思吔，红色嘅莲花，俾啲火越烧越灿烂，点解红色呢？呢啲火就系代表我哋喺逆境里便修行嘅磨练，你喺而家世界上所遇到一切磨练，你所遇到一切压力，你嘅疾病吖、你嘅事业吖、你嘅家庭吖、你嘅金钱吖、你身边嘅朋友嘅亲眷，全部都有压力俾紧你嘅，呢啲压力就系火啦，烧紧你啦，而家你学佛法唔系坐喺度念经咁简单㖞，呢啲火就烧紧你啦。你如果修呢个孔雀王嘅法术，就系呢个莲花嘅意思就系令到你火里生莲，遇到呢啲逆境呢，能够一一降伏，一一降伏，犹如佢呢个俱缘果一样将所有嘅唔好嘅法力、唔好嘅明咒击缚，一样嘅意思，所以你修孔雀王个密法有呢度密意啦，呢个莲花所透出。如果佢坐喺白莲花系咩意思呢？白色嘅莲花，“白”者就清净无染嘅本性，所以就代表慈悲，代表佛菩萨拔除一切众生嘅苦难，给予众生一切快乐，就系慈悲嘞，代表白色慈悲嘅本性。呢个白色呢，亦都系《妙法莲华经》（Saddharmapundarika），妙法莲花系白色嘅莲花，能够出于污泥而不染，代表我哋每一个凡夫都具足佛陀清净嘅本性，当我哋修呢个孔雀王法嘅时候亦都有成佛嘅果位，慢慢呢，就能够一步一步被呢只孔雀将我哋毒吖，身体嘅毒、内在嘅心嘅毒全部啖食，你就会恢复番你嘅本性，就“白莲花”嘅意思。仲有一度，呢幅相呢，冇画出嚟嘅，仲有一度呢，孔雀王会坐青莲花，青色嘅莲花。青色嘅莲花通常降魔时候用，代表调伏法、降伏法。青色嘅莲花就孔雀王施展佢法力出嚟呢，个莲花就会现青色㗎啦，将一切恶魔去降伏，佢就佢座驾孔雀之上就座青莲。吖，所以佢坐个莲花都有几层嘅密，密法嘅意思响里便，代表透示出嚟孔雀王法嘅功德同埋我哋所修持吔，呢个孔雀王密法里便嘅精神同埋心要吖。响佢个，嗰个，诶，蔓陀罗吖，个法相上便，依啲就孔雀尾啦，呢个就系日轮啦，太阳嘅轮光，日轮上有月轮啦。呢啲系孔雀，孔雀尾羽咪系一个金色嘅孔雀开屏，围住佢，坐喺座驾，其他身上呢，种种嘅庄严，有髻冠嘅，有璎珞吖，有啲手吖同臂吖，嗰啲镯吖，庄严，吓，庄严喺佢身上，所以呢个就系孔雀王法嘅法像，我已经解释得好清楚，都比较详细咗少少。当然你再深入修持呢个法门嘅精髓呢，还有好多意思嘅，呢个就系最初步嘅基础孔雀王法，我同大家讲，佢所透示出嚟呢个像吖，嘅意思呢，系咩功用。而头先所解释嘅功用呢，你只要持念孔雀王嘅咒术，或者“Maha Mayuri”，“摩诃摩瑜利”呢，只要单忆念呢个佛号啦，孔雀王个法力，头先我所讲个法器嘅力量呢，就会加被于你嘅身上啦，有呢个功德，昼夜都忆持呢个佛号啦，对你嘅人生啦，有非常之大嘅帮助。头先息灾、增益、敬爱、调伏，喺你人生里便都会遇到呢啲问题嘅，你都可以用呢四种法器呢，嘅性质能够响你嘅人生里便呢，化解你所遇到嘅问题，咁你修法咪有进步啰？

所以孔雀王其实同我哋息息相关，不过少人去弘传，依个就系密法里便基本上孔雀王法嘅解释嘅基础，但系一般显宗啲大寺庙嘅法师呢，当然冇，冇一个极端啦，有一啲法师可能都有专修孔雀王嘅法门嘅，响中国嘅内地啦，或者响台湾都有一啲法师，不过极为少数。佢哋所修持呢个孔雀王法门呢，通常就唔系修持个咒术同修持个密法㗎喇，就喺念经，将成本孔雀王嘅经由头念一次，念经念经念经，去求一个心愿，譬如当，头先讲嘅天旱或者天雨嘅时候，就将整本经念诵修持，去祈求唔好水浸啦，或者唔好天旱啦，孔雀王法亦都能够令到世界和平、人民康乐、五谷丰登吖，响《孔雀王经》记载。因为孔雀王嘅护法实响太多太多啦，你翻阅《孔雀王经》，除咗天龙八部之外，宇宙之间吖，你数得出嘅护法吖，都系孔雀王嘅护持者。哎？所以我咪讲过点解叫做“佛母”呢？因为好多人都得到孔雀王嘅利益，亦都由孔雀王法修持而证果，证到果位，就所以叫做“佛母”咁解。好多好多护法，天、龙、夜叉、乾闼婆、阿修罗、迦楼罗、紧那罗、摩睺罗伽、人界、非人界，呢啲空间嘅众生，好多都系护持孔雀王法，希望呢个孔雀王法能够流传世间，所以今日我哋听到孔雀王法，亦都系《孔雀王经》嘅流传。不过你哋会好少见到呢个法门嘅，我谂你喺澳门都第一次听啩，应该，所以呢个孔雀王法嚟讲有好特别嘅深厚嘅因缘吖，同澳门都有好特别嘅深厚嘅因缘。当然我哋澳门唔会见到咩大水灾吔，或者大旱灾吔，吓，唔好，将来都唔好有吖，大吉利是！系咪！但系当我哋有小嘅水浸嘅时候，唔退啦，啲水渠塞啦，你系咪住喺新桥吖？有边个住喺新桥吖？啲水塞吖，水渠唔去吖，或者，吓，你间铺头吖，备受水浸之余吔，你都可以修持忆念呢个“玛哈玛瑜利”吖，就能够将呢啲关于水嘅嘢吖，击缚一切水啦，将啲水嘅嘢，水嘅难吖，能够化解，化解有水难嘅地方，所以无论显密嚟讲啦，都系尊崇呢个法㗎，不过系比较少啲去修持呢个孔雀，孔雀王法咁解吔。

哗！啲时间咁快嘅？又讲咗成个钟啦已经。

台湾呢，台湾呢，有一位法师呢，嗰位法师呢叫见如法师，嗰个见如法师呢，专修呢，孔雀王法嘅，喺台湾，全台湾都出名吖，咁佢台湾好多地方吖，都请嗰位法师呢，台湾系有时有啲地方真系旱嘅，天旱嘅，天旱多就水浸少嘅，通常。天旱都请呢个见如法师呢，去念诵呢个《孔雀王咒经》吖，佢专系念诵《孔雀王咒经》，就好多，有好多神奇嘅感应嘅。但系孔雀王法呢，古来到现代所修法嘅传承呢，通常都系念经嘅方法都系修七日嘅，以七日为一坛，仲加要通宵念诵唔可以停吖，通宵念诵，七日以内通宵念诵，一班接一班，咁通宵念诵呢，去修持呢孔雀王法，咁以你至诚感格呢，将呢个业力能够调控下呢，天上就会有雨降落嚟啦，如果你旱灾嘅时候，所以呢个见如法师喺台湾里便就修呢个孔雀王法啦，出名嘅，好多人都识得，喺台湾。但系大陆里便呢就唔系太，未，我都未，未听闻过修孔雀王法嘅人，当然有啦，我未听闻唔代表冇啦，系咪？但系藏密里便亦都有修孔雀王法嘅人嘅，西藏里便，但系围数呢，就极少嘞，应该就系。但系响日本嘅密宗里便呢，呢个孔雀王法嚟讲属于一个大法嚟嘅，甚至唔系佛法嚟讲呢，日本其他嘅宗教吖，或者啲忍者吔，日本佢叫修验道山伏，修验道山伏派吖，嗰啲忍者吖，“山伏”嘅意思呢，佢就系，中意匿埋喺山吖，山度修行，深……（注：此处录音中断）

210.雪域红莲调御师（一）

Om ah hum vajra guru padma siddhi hum

莲花生大士系西藏密宗嘅开山祖师，佢系合阿弥陀佛嘅身、观世音菩萨嘅口，同释迦佛一切佛嘅心而成，系诸佛菩萨身口意嘅三密金刚应化身。释迦佛早有悬记，亦都系阿弥陀佛嘅法身佛，观音菩萨就系报身佛，莲花生大士就系应身佛嘞。西藏人尊称莲花大士做“Guru rin po che”，意思就系珍贵嘅上师。莲花生大士系第二佛，法、报、化三身总集嘅自性导师，具有无比嘅法力，所以佢嘅神异事迹流传广泛。

响佢入西藏之前，曾经响印度、尼泊尔等地宏法，后来应西藏王赤松德真邀请去西藏宏扬佛法，沿途佢一路调伏恶鬼吔、罗刹啦、无数嘅毒龙，仲以善巧去扭转藏人佢个原始信仰——苯教，令佢哋改信无上密乘。首先归依莲花生大士嘅，有国王啦、大臣啦，同埋以后所谓跟随佢嘅二十五个弟子，而奠定咗西藏密教嘅基础。莲花生大士就系宁玛派嘅始祖，啫红教嘅最初嘅祖师嘞。修莲花生大士法有无量无边不可思议嘅功德，简单嚟讲，能够具足息、增、怀、诛，普渡一切众生嘅大威德，而且能够了知世出世间嘅一切诸法，显密圆通、坚固戒律、顿开智慧、辩才无碍，其余譬如除病啦、免难啦、长寿、衣食具足、熄灭一切地水火风空所生嘅灾难、摧灭妖魔，亦都能够令到一切鬼神无不恭敬听命，命终之后往生去莲花生大士嘅邬金净土。每个月农历嘅初十系莲师普渡众生嘅纪念日，响呢个日子去修莲花生大士法功德更加大，即使平日修法吖，亦都有无量无边嘅功德。

Om ah hum vajra guru padma siddhi hum

跟住我哋讲到莲花生大士身体上嘅坐姿同埋佢嘅手印，同所持法器嘅种种意思，希望各位师兄能够对莲花生大士能够有一个深入嘅了解。

莲花生大士嘅坐姿呢，系国王游戏嘅姿态，呢个姿态其实系有意思嘅，表示莲花生大士，佢已经彻证一切轮回、涅槃法性嘅本质而游戏于三界。佢解脱自在，任运度化众生，已经系究竟圆满嘞。密教之中嘅三密相应，意思就系话以修持本尊嘅咒语、手结本尊嘅印契同埋观想本尊嘅本相而令到我哋行者速证我哋嘅悉地。咒语种子字呢，就系语密，结印呢，就系身密，而观想本尊嘅相好吖、法器同埋身相嘅庄严就系意密。又咒语呢啲字种呢，有两种意思，就系“升”同埋“菩提心”嘅意思，印契吔，亦都有“有形”同埋“无形”之别，本尊嘅形相亦都有“清净”同埋“非清净”嘅分别。所谓“升”同埋“菩提心”嘅意思，“升”系“菩提心”嘅名词文字，“菩提心”呢，就系“升”字嘅实体，意思系诸法实相所含摄嘅另外一个名称同埋异相。“有形嘅印契”系本尊所结嘅手印，或者佢所揸嘅法器嘅三昧耶形貌相状，“三昧耶”嘅意思就系本尊嘅本誓，就系佢利益众生嘅誓愿嘞。“无形印契”嘅意思系各种本尊同埋真言行者嘅本誓念愿。“有形”同“无形”嘅印契，都系以具体同抽象个方式去诠释诸法实相嘅面貌，一体两面，同埋本尊嘅特色同特质。“清净”嘅意思呢，系指无相嘅形象，而“非清净”嘅意思呢，就系有相嘅形象嘞。

我哋修行人，修行纯熟精进，而进入本尊究竟嘅三昧，所谓寂然无相，本尊同埋行者嘅自身合为不二一体而入于实相、无相嘅三昧，所谓“入我我入”而证入法性不可思议嘅解脱门，先至叫做修行究竟。密法以有相入无相，空有圆融双超而不坏真俗二谛。所谓本尊“不了义”嘅意思，就系所谓各种本尊吖，外在所现出嚟嘅形相；所谓“了义”说，啫系了义嘅本尊，就系指我哋人人本具嘅尊贵自性。有相而唔著相，有形而唔著形，就系内观自性，令到我哋悟入诸法实相，咁样去了解，先系真正金刚乘嘅正确嘅意思。而诸尊相好庄严嘅身相，除咗各种佛菩萨系累劫熏修万德所积聚嘅殊胜果报，同埋为有缘众生所示现嘅幻相之外，无非系以呢啲幻相去摄受导引众生悟入法性实相之门。其实依啲都系善巧方便，无非系源自诸佛菩萨本尊内证，佢哋嘅无尽大悲心同埋本誓愿力，由不了义法而悟解了义法，先能够一探诸尊嘅本怀。所谓《大日经》讲过：“菩提心为因，大悲为根本，方便为究竟。”正系呢个意思。

讲完莲花生大士坐姿所蕴含嘅甚深密意之外，跟住我哋讲下莲花生大士嘅法王冠呢、衣服、佢嘅眼神，甚至佢嘅束发或者佢嘅胡须，所介绍嘅意义嘞。

首先我哋讲下法王冠，佢所戴呢顶法王冠，响世间法上系表示莲花生大士就系当时西藏嘅国王，爱民如子，堪为君主仁王，所以能够戴住王冠。但系在于出世法嚟讲呢，就系表示莲花生大士系集十方三世三宝同三根本响身嘅无上法王，亦都系代表十方三世诸佛去教化众生嘅密宗教主，能够赐予一切众生世间法、出世间法嘅毕竟安乐同埋解脱嘅。

讲到莲师嘅眼神，莲师系怒目直视嘅眼神，意思系调伏一切刚强难伏嘅邪魔外道众生而示现嘅忿怒相，但系莲师内心系极具圆满嘅智慧同埋慈悲，响了义嘅角度嚟讲，莲师睁眼直视，亦都象征咗修行嘅人都应该由内观直视众生原来本具，无造作嘅心性而去证得佛果。大部分嘅显教佛像都系慈眉善目，呢个为咗就系接引善根嘅众生，但系对于一啲恶性嘅众生，比如啲大力妖魔、恶鬼、罗刹等等嘅众生，密宗嘅本尊呢，通常都会示现一啲忿怒相去度化同埋调伏佢哋。莲师其实佢嘅相系寂静同埋忿怒悉皆圆满嘅相。

莲花生大士同时身著白、红、蓝嘅法服，国王嘅法服同埋袈裟服。莲花生大士，佢身体具有国王同埋法王嘅身份，表示佢响显密嘅教法得到圆满总持而任运自在，亦都表示世间法同出世间法不二、轮回涅槃不二、明空不二、空乐不二、悲智不二、空悲不二，一切嘅相对性、绝对性嘅法性缘起现象嘅圆融整合同埋圆满具足。而法服系表示莲花生大士善能以法去治伏，亦都能够用法去服人嘅胜义。五种法服呢，系表示莲师嘅身口意功德，事业吉祥圆满成就，具足五部如来嘅最上心要同埋成就，亦都具足四部瑜伽（所谓作密、修密、瑜伽密同无上瑜伽密）同埋三种密续（所谓父续、母续同无义续）嘅命根同成就，具足五根五力，转五蕴五毒成为五智（五智就系成所作智、妙观察智、平等性智、大圆镜智同埋法界体性智）而成就佢五种身（五种身就系法身、报身、化身、大乐智慧身同埋法界体性身）嘅境界。

至于讲到莲师束发同埋束胡嘅意思，就系表示修持密法嘅行者，如果如法精进，其实无论佢出家或者在家，都可以成就而证得无上佛果。莲师所示现嘅无二身份嘅大成就者之中，其实有好多呢，都系示现在家相嘅修行人。

跟住我哋嚟讲，莲花生大士佢所揸嘅法器。首先我哋讲下左手，莲花生大士左手揸住一个“嘎巴拉”，“嘎巴拉”意思就系甘露瓶咁解，里便盛有长寿宝瓶嘅甘露，长寿宝瓶当然盛有长寿嘅甘露啦，就表示修行人如果能够虔修莲师嘅法，可以得到健康、无病、长寿，唔会有横夭，更可以进一步去证得无死虹光嘅大成就，呢个成就系一切成就之中最高嘅成就嘞，莲师就系修成虹光身嘅代表。“嘎巴拉”其实真正嘅意思呢，就系人头嘅盖骨，意思就系人嘅天灵盖骨，响西藏，大成就嘅高僧圆寂之后，通常以头盖骨做法器去装住甘露，而“嘎巴拉”法器嘅意思系表征法性奥秘嘅真髓同清净无染自性嘅究竟义理。莲师左手所揸住嘅嘎巴拉里便盛有诸佛嘅红白菩提甘露，修行人如果得到灌顶加持，能够饮咗之后，可以得到无上嘅悉地。莲师左手亦都揸住一枝三叉杖，莲师嘅左臂之上呢，放住一枝三叉杖，呢枝杖系由上至下，局部嘅细节就系燃烧住智慧嘅火焰嘅三叉箭嚟嘅，其实系表示莲师圆满具足咗闻、思、修、戒、定、慧嘅大智慧，能够回转同埋消灭三界众生嘅三毒同烦恼。枝杖下便串住三颗人头，系表示莲师具足过去、现在、未来嘅三世智慧，完证法、报、化三身，亦都令到三界嘅人天完全皈仰莲师嘅无尽佛德。下便呢，系一枝十字嘅五股杵，表示莲师系十方诸佛嘅总集体，亦都系五方佛最极嘅心子，具有十力自在等等嘅功德。再下便就系莲花，表示清净无染嘅自性，而再下便，就系随风飘荡嘅吉祥宝鬘，而之上亦都有一对灵鼓，其实系表示莲师具足智慧同方便，亦都表示莲师嘅法音宣流将会化度十方嘅众生，能够大击法鼓而威震三界。简单嚟讲，依枝法杖系表示莲花生大士拥有十方三世一切诸佛清净无染嘅智慧同埋功德，呢枝法杖亦都能够代表莲师善于能够回遮一切不善、邪恶嘅势力加害而赐予众生安稳同埋吉祥。

Om ah hum vajra guru padma siddhi hum

Om ah hum vajra guru padma siddhi hum

Om ah hum vajra guru padma siddhi hum

跟住我哋讲下莲花生大士右手所揸嘅法器，莲师右手所揸住嘅九股杵。一般嘅莲师像，右手系以祈克印，所谓“祈克印”系密宗嘅，嘅一个手印，意思就系降魔印咁解，系揸住五股杵，而表示莲师具足五佛五智，能够转五毒成为五智，而莲师像如果揸住以祈克印去揸住九股杵，系因为藏密红教判教者将显密嘅教法判为九乘次第，九股杵系表示莲师九乘次第嘅圆满成就同埋传承法教嘅持有者，同时九股杵亦都代表莲师对四生九有一律度化同埋调伏嘅慈悲心同行愿力嘅圆满具足。

至于莲花生大士顶法冠上嘅帽翎，啫顶帽上便有条羽毛状嘅物体，系由于莲师响西藏一度身兼国王同法王，莲师法冠上嘅帽翎喺世间法上系表示国王独具嘅威权，教化臣民，一归人王统治，响出世法之上就表示一真法界之中嘅法性一味、一佛乘、一即一切，同埋同密宗本初原始佛普贤王如来无二无别嘅意思。喺帽翎之下有一枝一半嘅五股金刚杵，系表示莲师传承自密宗本初佛普贤王如来，同埋以五方五佛嘅传承持有者同埋御大者。五方五佛系中央大日如来、东方阿閦如来、南方宝生如来、西方阿弥陀如来同埋北方不空成就如来。

乌境西北隅，

莲茎花胚上，

得胜妙成就，

圣名莲华生，

空行众围绕，

随尊我修持，

加持祈降临。

Om ah hum vajra guru padma siddhi hum

Om ah hum vajra guru padma siddhi hum

Om ah hum vajra guru padma siddhi hum

响每个月去修持莲花生大士嘅法，特别喺初十日呢，系具有强大同埋无尽嘅加持，同埋与莲花生大士本尊，系得到好高嘅相应。

响十二月初十，呢个月嘅初十日去修持莲花生大士法呢，能够得到大威权，一切天魔嘅神鬼、人同非人都会畏服听命，而且能够除去地、水、火、风、空五大所生嘅诸病，凡有所求都无不如愿成就。

而响一月初十去修持莲花生大士法呢，能够令到事业繁盛、衣食丰足，亦都得到大福利，一切众生亦都能够听命，而且因为佛力加被，夜梦吉祥，能够响梦中预知未来嘅吉凶，一切所求，无不如愿成就。

响二月初十修持莲花生大士法，一切嘅风鬼、无常鬼、地狱鬼、八方嘅神道都唔会侵害修行人，亦都能够了知世出世间一切诸法，而且显密圆通，唔会破戒，得到大智慧，成就金刚身。

响三月嘅初十，如果想避免星宿嘅不祥，丧嫁葬娶，月日不吉，而且旅行平安，喺呢日修法就最好，一切希求都能够如愿嘅。

喺四月初十修持莲师法，能够降伏龙王同一切外道，同天魔神鬼都能够听命于行者嘅功德。

响五月初十修持莲师法，能够有消灾延寿、除疾病苦厄，而且威权炽盛、辩才无碍，外道唔能够加害，一切众生凡有所求亦都能够如愿。

响七月初十修持莲师法，能够免除年月日时运气嘅不祥，消除恶梦同埋家事嘅不顺遂，凡系求成佛都易于得到成佛嘅功德。

喺八月初十去修持莲师法，能够使到一切病魔、鬼魔、外道嘅邪法唔能够加害，而且鬼神等等嘅众生亦都听命，同埋求证金刚亦都能够得到大金刚嘅功德。

响十月初十修持莲师法，能够灭除破戒、谤佛、谤法、妄语、恶口等等嘅罪过。

响十一月初十修持莲师法，能够令到寿数未尽嘅人免除危病，而寿数能够尽呢，而即将死亡咧，就能够往生去极乐世界或者往生去大士嘅国土，究竟成就无上正等嘅正觉。

所以喺呢啲日子里便，特别系初十日，我哋最好能够特别去念莲花生大士嘅真言同埋修持莲花生大士嘅法。响每月嘅初十，佢无数嘅化身可能就喺你面前出现，佢喺特定嘅神圣日子，可能你哋亦都会见到佢，呢个时候，佢就会俾你普通同埋殊胜嘅成就。

Om ah hum vajra guru padma siddhi hum

Om ah hum vajra guru padma siddhi hum

Om ah hum vajra guru padma siddhi hum

跟住落嚟我哋讲下念珠、铃杵响密宗里便嘅运用同埋代表嘅意思。密宗之中嘅法器其实种类繁多，有好多唔同嘅应用，以念珠嘅材料同埋质地嚟讲呢，分别有菩提子呢、金刚子、莲花子、金、银、铜、铁、水晶吖、檀木吖、石头吖、珍珠吖、珊瑚吖、象牙、琥珀、琉璃、绿松石、蜜蜡、人骨等等唔同嘅杂宝所制成，其实好多质地都有嘅，但响市面上我哋亦可以买到依啲念珠。一般通俗常用嘅呢，就系所谓显密教都通用嘅星月菩提珠，无论系修边一类嘅密法，其实都可以使用嘅星月菩提珠。不过呢，响密宗之中，喺修咩法、用咩念珠，其实都系有分别，响经典上都有记载，尤其是系修息灾吖、增益、怀爱同埋诛法，各种方，各种密法，唔同嘅密法所运用嘅念珠其实都系有唔同嘅。譬如举例啦，修息灾法，以观音，诶，以观音部修观音法息灾法为例，适宜用水晶念珠啦；修增益法，啫增福慧嘅法，适用琥珀念珠啦；修财神法呢，就适宜用龙凤眼嘅念珠；如果修怀法，怀爱法，譬如长寿佛法吖、咕噜咕咧佛母法吖，一定就要用珊瑚念珠了，因为怀爱法系事业成就，所以适宜用珊瑚；如果修诛法或者降魔法，啫金刚法啦，同埋空行母吖、忿怒尊护法等等嘅密法，就要用人骨念珠嘞。咁你会话，如果修持息、增、怀、诛四种法，但系有时我系揾唔到啲念珠，或者我系唔喜欢用呢类嘅念珠，譬如你冇水晶吖、琥珀、珊瑚、人骨等等嘅念珠，就可以用凤眼菩提子念珠呢，去做为总代表，修四种法都系得嘅，除此之外呢，就最好啦，修唔同法就用唔同性质嘅念珠。至于讲到念珠数目嘅意思呢，念珠有啲系一零八颗，啫一零八粒嘞，响西藏系代表一百零八三昧，用以去对治一百零八种烦恼。另外有二十七颗嘅念珠，它嘅意思系代表十八有学同埋九无学。二十一颗嘅念珠嘅寓意呢，亦都有系十地十波罗密加上佛果，一共就系二十一嘅密数嘞。呢个系念珠嘅数目所表示嘅密意。

讲到金刚铃杵嘞，响修法之上，密宗嘅修行人时常用金刚杵、金刚铃。其实金刚杵有好多种类，有独股嘅金刚杵啦、三股嘅金刚杵啦、五股嘅金刚杵、七股嘅金刚杵同九股金刚杵嘅分别，一般运用之上呢就可以分成以上数种。咁一股金刚杵就代表一真法界，三股金刚杵呢，就表示三界真空，修行人嘅自性三界有必要内空、自性空同心空，使到一切清净，一切内在嘅自性空而无挂碍，同时亦都表示身口意嘅，而五股嘅金刚杵就代表五智同五佛嘞，七股嘅金刚杵呢，就表示打尽七识，九股金刚杵就代表净除我哋嘅第九嘅庵摩罗识。金刚铃呢，而金刚铃，我哋敲金刚铃里便呢，有一条金属，呢条金属条叫做“具”，呢个“具”呢，其实系表达真空方便，意思就必须真实去证悟先能够知道，何以称为“真空”呢？何以称为“方便”呢？譬如举例嚟讲，“铃”一定要响，就一定要靠“具”去敲，一响，明明听到有声音，但系空无一物，就用以代表真空之中就有妙理，虽然系空，但系意思就系好微妙，真空里便亦都有妙有，妙有之中亦都包含喺真空里便，佛陀所讲嘅一切方便法，看似“有”，其实又系“无”，所以称为方便门，响方便之中教导好多弟子修持。响佛陀方便演化嘅时，嘅时候呢，明明见到喺度表演、演说，亦都有教化结果，但系又好似空花幻影，刹那间消失。“铃”嘅比喻就喺呢度，但系其他呢，其实仲有好丰富嘅深密义理，各人修法嘅时候自然就会领会。而嗰金刚杵同埋金刚铃两者一齐去解释，铃代表“智慧”，杵代表“方便”，一切法相之中，亦都以男相就代表“方便”，女相就代表“智慧”，所以金刚乘之中，佛父同佛母相抱嘅双身像，其实系表示不离“方便”“智慧”嘅密意。其实本来就唔需要有呢个双身相，只要知道“方便”就系知道佛父，知道“智慧”就系代表佛母嘞，啫系认识佛父同埋佛母、方便同智慧相合嘅意思。另外，所有法器，一般人可能认为系纯铜所造成，其实唔系嘅，如果用纯铜铸造呢，有时系发出唔到咁响亮清脆嘅声音，通常好嘅法器都系由金、银、铜、铁、石五种合金所铸成嘅。

讲到铃杵嘅重要嘅作用呢，响西藏嚟讲呢，就非常之重要，因为修密宗嘅人唔能够离开金刚铃，亦都唔能够离开金刚杵，西藏嘅修行者呢，无论行脚去边笪地方，佢可以唔带钱，但系佢身上，身上呢，一定会携带金刚铃同金刚杵。有啲人话我不用金刚铃同金刚杵，净系用个口念，念经得唔得呢？尤其话我住嘅地方不适合用金刚铃、金刚杵。咁当然可以啦，响显宗嘅修行，又边有用密宗嘅金刚铃、金刚杵吔？不过仍然都会用显宗嘅法器，但系运用金刚铃同金刚杵呢，其实嘅效果可能系唔同。所谓“工欲善其事，必先利其器”，有冇锋利方便嘅利器，对于能够善成其事吔，系好重要，譬如想食水果嘅时候，如果缺少一把刀，就会因为无法批去啲皮而变得十分唔方便。如果净系食水果就需要刀器，何况保护我哋慧命嘅安全，增福息灾，点能够有时喺某啲情况之下唔须要用法器呢？其实金刚铃同金刚杵，同埋各种法器，响密宗修持之中呢，可以发挥佢哋各种嘅功用，佢运用嘅方法，慢慢慢慢当我哋修行人喺修法去运用佢，就会体验到佢嘅奥妙嘅地方就响边度嘞。其次，如果用金刚铃同金刚杵去修法，可以解除我哋嘅愚痴、化解我哋嘅妄想，而且可以降伏魔障、消除灾害，去迎请佛菩萨本尊护法嘅光临，去增加我哋福慧，亦都可以开展显明我哋自性同智慧嘅光明，尤其金刚杵可以摧毁诸魔外道、降怪除妖，它嘅作用有各种各样，所以又名“降魔杵”。身怀金刚杵，可以得到金刚智焰，发出金刚嘅智慧火焰呢，以金刚智祛除愚痴妄想同内魔而显出我哋清净同埋光明嘅智慧本光。

释迦世尊普渡众生，佢演说法义，八万四千法门，而分开显宗同埋密宗。显教归依三宝，密宗就归依四宝，响显教归依三宝之前呢，加入“归依上师”，“Namo Gurubhyah”就系归依上师嘅意思。所以密宗就归依四宝系入佛门嘅第一步，亦都系四加行嘅第一加行，而第二加行就系供曼达，第三加行就系大叩头，亦都叫做大礼拜，第四加行就系念诵百字明咒，系金刚萨埵嘅咒。以上各个加行都应该做最少十万遍，先能够慢慢慢慢进入修持正行。加行就系修持正行嘅基础，如果你嘅根器……（注：接下文）

211.雪域红莲调御师（二）

（注：接上文）……内密灌顶啦，密宗……（注：此处录音中断）顶呢，就唔好去接受，而要接受内密嘅灌顶，一定要修持四加行，打好坚固嘅基础，就能够受用密宗里便所讲嘅内密灌顶了。密宗一定要依师承，师承就系法统嘅源流，上师就系三宝嘅表率，所以首先，密宗归依呢，就系归依上师嘅。师父系代表佛法僧三宝，系三宝嘅总相，而三宝就系别相。上师嘅意思就系代表佛宝，而上师嘅语就系代表法宝，上师嘅身呢，就代表僧宝，所以佛法系由上师嘅三门所授，所以喺密宗里便好尊重师父，师父就系第一嘅胜义。

学密宗嘅修行人如果想求得一个法，首先要经过上师灌顶，因为由法流相连嘅关系，一定要通过呢个程序，唔可以错误，而传法系一件好严肃嘅事，礼仪响密宗里便亦都十分隆重。修行嘅人如果首先要求一个法，应该先三次呈递哈达，向上师请求，而经上师认可之后，就择吉日去设坛，然后由上师入本尊嘅坛城（所谓蔓陀罗）修法加持。喺嗰个时候，如果系呼图克图，或者仁波切地位嘅上师去主坛呢，就首先佢会施展内密灌顶嘅法义，先行抉择定夺，而具足加持师资嘅人呢，至少要具有大悲感召嘅加持威神力，聚集众人去修持，令到各个弟子得到感应为应验嘅。如果系法王，大达登巴嘅地位呢，就要具有四部内密定义嘅灌顶之相，缺少其一都系唔可以嘅。如果将神通幻化、穿墙入壁、腾空飞行等等呢啲受用功夫而去作为代替内密灌顶嘅程式，就唔系合乎密乘合法嘅灌顶，因为神通容易成为外形所惑嘅障碍而唔明白密宗嘅真相，所以有好多邪魔外道都具有呢类神通或者特异功能嘅功夫，所以系修学密宗嘅人呢，嘅行者呢，一定要小心！小心跟随咗假上师，被佢哋冒充，呢点系好重要嘅。

讲到内密灌顶，系嘎丹赤巴或者系大达登巴地位嘅上师先可以能够做，唔系呼毕勒罕所能够做嘅。响加持灌顶之中，由佛菩萨嘅光明，即系他力而循法耳，“法耳”嘅意思就系法界力而融入上师嘅身口意三门。响呢个时候，上师就入本尊嘅三昧，“本尊”嘅意思就系修持某一法你依恃嘅圣尊，譬如你修持观世音菩萨嘅法，观世音菩萨就系本尊嘞。而上师喺当时灌顶就进入本尊三昧，由佢嘅身，自身，成为本尊嘅体性，就可以同弟子灌顶，施与法力。法力嘅意思系包含加持力同埋定力，呢个系由上师所修持出嚟嘅。至于弟子方面，如果弟子能够诚信接受呢，呢个灌顶嘅力量自然进入弟子嘅心田而得到开发弟子嘅净菩提心嘅种子，啫自心力量嘅种子，响呢个时候，作为弟子嘅心识，其实已经同吖，本尊嘅光明嘅三智，啫身口意契合嘞，而结而成为本尊嘅金刚种子。所以由他力、法界力、上师嘅加持力、定力同埋修行人自心嘅观照力，各种力量统一圆融而无分，金刚种子就可以结成，而响嗰阵时候呢，应该去念诵咒语，依咒力去灌溉呢个金刚种子，令到佢生长，相持不断。所以呢，持上师或者本尊嘅根本咒呢，就可以令到力量不散。

修行人承上师嘅法统，传承嘅时候，其实应该注意上师系咪通达佛菩萨、护法圣神嘅允诺，咁响内密甚深嘅灌顶里便呢，就可以彻见无遗了。如果获得灌顶，就要从此依法修持，加以灌溉，相继不断，久久修持，身口意三业相应，自然就同本尊一体，即得成就而得到本尊嘅三密。如果凡系去传授内密灌顶或者接受内密灌顶而能够依法不二，就可以得到即身成佛。得到内密灌顶嘅修行人，譬如生于皇帝嘅家庭，一生出嚟已经具有太子嘅资格，只系等待成人，就可以继位，不过中间呢，当然要得到教养嘅功夫啦，教养嘅功，功夫呢，就依止上师嘅教导。

响西藏嘅行者，修行嚟讲，成就系好多，但系佢哋呢，全部都系遵照佛诫同埋上师嘅训诲，所以当今世界凡系有成就嘅人吖，一定要依止《上师五十颂》，响康藏里便嘅修行人呢，视为日常重要嘅课本，而康藏地方嘅弟子呢，当然呢，系要严格去拣师父啦，而上师亦要拣弟子，如果弟子唔系法器呢，就唔可以传授佢大法，但系如果一经师徒建立咗关系，弟子就一定要对上师恭敬终生，凡系上师所教一定要信受，如果上师所教呢，能够信受咧，弟子修法就能够成就了，呢个系密宗里便修法好重要嘅一点心法。考证过去诸佛都系咁讲，如是修，如是成，而且西藏嘅宗喀巴大师呢，同埋诸经论呢，都系咁讲，如果唔系咁，纵然自己吔，去修学经法，博通经论，唔依止上师嘅教诲都唔容易成就嘅。所以学密嘅修行人，再讲一次，如果要成就，一定要完全倚靠你鉴别过值得依止嘅真正嘅上师，唔系假上师，所以上师同弟子嘅关系，呢一点系非常之重要。

西藏嘅大成就者多杰觉拔尊者曾经讲过，修法嘅重要，首先要观想上师能够开发弟子嘅根本，对于上师要至心归依，上师就系道嘅根本。“道”唔系世间道，而系佛道，所以自下而上，应该有次第，三业恭敬，一步一步去修，上师能够同十万诸佛相等，倘若供养十万诸佛，不如供养上师一毛孔，所以佛法必须响恭敬之中求。恭敬上师嘅次第有三种：第一，就对上师尽力奉侍；第二，上师开示教法，就要一心信仰；第三，对于上师等于佛一样，无二无别，如说修行，呢个就系恭敬之中嘅最上嘞。

多杰觉拔尊者又讲，修上师法，十万嘅诸佛都会嚟右绕上师三匝，向上师作礼而欢喜赞叹嘅，因为上师讲法嘅时候，修呢个法，其实已经同佛一样嘞。供养上师一口嘅食物，佢嘅功德比一切功德更大，因为上师系众生功德无量，所以施与上师嘅功德亦都系无量嘅。上师嘅开示，对于敬师之道，以上已经讲咗一啲。西藏同埋西康蒙古地方嘅大德，亦都好多成就，佢哋亦都舍弃一切家财去供养上师，其实一啲都唔出奇，随处可以见到，所以修学人去求法，如果唔尽三业去供养，就唔可以修起法用。但系你供养嘅，一定要系真正嘅上师，唔系假上师，所以对上师，一定要须以加以真正嘅鉴别。

佛陀佢讲说显密嘅经论，唔经过上师嘅口授，系得唔到读诵，如果依密法嘅规矩同埋仪轨呢，各种法门同口诀系唔同嘅，特别系观想种子字同埋手印。如果唔经上师响法坛之中传授，系口授甚深法义，直程系唔可以笔录，譬如内密嘅灌顶啦，唔可以系俾外人知，修到相当嘅程度，因为可能出现各种唔同嘅境界，必须要揾上师去鉴别。响呢个情况之下，如果修到高深，佛魔难分，就要上师去加以抉择疑问嘞，如果唔系就会危险，容易入魔。

所以上师有根本嘅上师同结缘嘅师父嘅分别。凡系问一法一偈，乃至问一字之师，同埋随时亲近嘅大善知识，都可以叫做“结缘师”，如果经过传法灌顶呢，就系根本嘅上师，但系如果经过内密灌顶，响护法神力示现嘅时候，而系传法嘅人，就系金刚嘅根本上师嘞。对于上师嘅相，必须要供奉于坛城嘅中央，唔可以违法，随时观想上师同佛系无二无别。

凡系修持密法嘅人都知道密宗系以《大日经》同《金刚顶经》为依归，立十种心去统摄各种法数，建立蔓陀罗，身口意三密相应，积凡成圣，唯佛先能够知道呢个道理。密法亦都以大圆满系无上瑜伽部嘅最高法，宁玛派嘅大圆满确实系超越咗无修瑜伽嘅境界，但系修学嘅人一般只知其一，不知其二，一听见某一个活佛传授大圆满，就随即以为呢个活佛就系佛陀嘅转世，当下虔诚依止去苦修，其实响当中有好多误会同埋错谬。

响法义嚟讲，固然有阶梯之分，但系唔能够作为成就果位大小嘅定义，因为无论响四部瑜伽嘅密法边一部法里便，最关键，佢系属于显嘅密法还系属于内密灌顶，去分高下。如果以显密灌顶去修学大圆满，实质就系“灌显”，显宗嘅“顶”，啫显灌显修，虽然可以取得一些成就，但系受用无法达到快捷同埋无上之境。但系如果以内密灌顶去修学大圆满呢，就能够速捷无比，神通智慧无碍而即身成佛，所以学密法嘅高低唔在于法义嘅大小，而系在于是否系内密嘅灌顶所传授嘅佛法，三业相应嘅法器。

由上述嘅因缘，我哋修学嘅人可以知道，一定呢，要查明师资，而可，唔可以盲目去依从嘅。宁玛派嘅教理系甚深精微嘅，以阿底瑜伽大圆满最尊胜嘅法门为最高，所以呢个大圆满教法嘅创立就系莲花生大士嘅传承，而修持莲花生大士嘅法，最后亦都可以证得大虹光身而能够往生去莲花生大士嘅佛土或者任运去其他任何一切佛土，所以各位修持西藏密宗嘅人，请多念“Guru rinpoche padmasambhava”，啫系莲花生根本上师嘅咒，希望得到加持，日后能够证得虹光嘅化身。

“Om ah hum vajra guru padma siddhi hum”，以上念诵嘅咒系莲师嘅根本咒，系梵语嘅发音，而西藏文念诵，系“Om ah hung benza guru pema siddhi hung”。其中不同嘅呢，就系“vajra”同“benza”，或者佢哋西藏文会念诵“besa”，其实都系“金刚”嘅意思，但系梵语嘅念法就系“vajra”，西藏就系“benza”，或者“besa”。咁你念西藏文可以念成“Om ah hung benza guru pema siddhi hung”都系一样，具足传承嘅加持力，所以请各位修行西藏密宗嘅人，多多念诵莲花生大士嘅咒，以得到无上传承嘅加持。

Om ah hung benza guru pema siddhi hung

Om ah hum vajra guru padma siddhi hum

Om ah hung benza guru pema siddhi hung

Om ah hum vajra guru padma siddhi hum

212.慈悲再现人间世（一）

各位，今晚我要同大家讲一个好伟大嘅故事——《慈悲再现人间世》，系我哋嘅本师释迦牟尼佛嘅一生。

响喜马拉雅山嘅南麓，靠近罗希尼河一带嘅地方，有一个好富裕嘅国家，叫做迦毗罗卫国。国王净饭，姓瞿昙，系释迦族嘅后裔，佢继承咗绵延世代嘅纯正血统，佢勤政爱民、英勇能干，所以深为全国百姓嘅爱戴。国王嘅王后摩耶夫人呢，系属于释迦族另外一个分支，拘利族嘅公主，亦都系天臂城城主善觉王嘅妹妹，计起上嚟呢，就系净饭王远房嘅亲戚。

净饭王同摩耶夫人结咗婚好多年了，都冇生下一男半女，直到二十多年后嘅一个六月十五嘅晚上，摩耶夫人就发梦，见到被四大天王连埋卧铺一齐抬到叫做雪山嘅地方。响洁净沐浴之后呢，一只六牙嘅白象就响卧铺旁边向摩耶夫人绕咗三个圈，然后由摩耶夫人嘅右胁进入咗摩耶夫人嘅身体，然后摩耶夫人就怀咗孕了，之后全国上上下下都盼望摩耶夫人能够诞下新嘅王子。响接近生产嗰个月呢，王后依照当时印度嘅习俗，返去天臂城娘家去待产，咁响返娘家嘅途中，经过一个花园叫做蓝毗尼园休息。蓝毗尼园系位于迦毗罗卫城同天臂城交界嘅地方，园中遍植娑罗树，响嗰个时候呢系正值初夏，娑罗树盛住开晒花，开得好茂盛，花叶之间有五色蜜蜂和各种禽鸟飞翔，而且时时发出美妙嘅声音，整个花园就靓到好似帝释天王嘅游园一样，王后因此就决定响第二个清晨前往娑罗树林之中去观赏。

响日出嘅时分，王后漫步到一颗郁郁葱葱嘅娑罗树之下，见到一支满缀花朵嘅树枝，竟然情不自禁就举起佢右手想去触摸，不料树枝呢，就好似芦苇遇到热气一样，自动垂入王后嘅手中，就喺呢一刹那，王子就从王后右边嘅胁出生咗啦。王子出生咗之后，突然有两股清泉，一股系温嘅，一股系凉嘅，由空中洒落下嚟，使到王子同摩耶夫人增加咗不少嘅气力。之后王子又从婢女嘅手中落落，落咗地上面，观望四方，然后向四方各行七步，以庄严嘅声音就作狮子吼话：“一切嘅天、人之中，以我最尊最胜，呢个系我喺人间嘅最后一生，我要度尽一切众生远离生死苦海。”

呢件事系西元前五百六十五年嘅四月十五日嘅事情，或者可以话系四月初八。当时有一位仙人叫做阿斯陀，正在响雪山上面修行，佢已经得到四禅八定，能够知道过去四十劫同未来四十劫之间嘅一切事。四月十五日嗰一日，佢发现迦毗罗卫城嘅空中有吉祥嘅瑞相，于是佢就嚟到城里便，要求去见太子。阿斯陀仙人以神通观察之后，不禁露出欢喜嘅微笑，但系随后佢又喊起嚟，阿斯陀仙人话：“太子具有三十二相八十随形好嘅大丈夫相，再过三十五年就一定能够成佛，成为人天嘅教主，但系我将喺佢未成佛之前就死亡了，我会转生响无色界天，任凭百佛千佛出世，我都无缘见得到，所以我就喊！呢个系我嘅莫大损失了！”仙人讲完呢段说话之后就俯低身对王子礼拜了。

王子出生后嘅第五日，净饭王为王子举行命名嘅仪式，响会中请咗一百零八位精通三吠陀嘅学者，最后由大家共同选定“悉达多”做王子嘅名字，“悉达多”嘅意思呢，就系一切愿望能都够圆满达成嘅意思。学者之中有八位精通六分吠陀，《吠陀》呢，系当时印度婆罗门教嘅圣典，犹如我哋学习佛经一样。当时有八位精通六分吠陀擅长观相嘅人，呢一次见到王子嘅德相呢，有七个人一致伸出两只手指而作出两种预言，呢个预言就系话：“有呢种大人相嘅人呢，（即是话王子），假使继承王位吖，将来一定能够统治四大部州嘅转轮圣王。假使如果出家修道，一定会成为无上正等正觉嘅佛陀。”但系其中有一位青年嘅学者叫做㤭陈如，只系伸出一个手指作坚定嘅预言话：“王子长大咗之后绝对系唔会留喺屋企嘅，佢将来一定系一个破除烦恼盖障嘅佛陀。”净饭王听咗呢啲预言非常之高兴，但系后嚟呢，就越谂越担心，因为佢惊王子长大咗之后呢，就离家远去，于是净饭王问学者话：“究竟我个仔会见到一啲咩嘢征兆，而后佢想出家呢？”啲学者就回答净饭王话：“王子会见到四种征兆而引发佢出家。”净饭王就话：“系边四种征兆吖？”啲学者就话：“一个系老人，一个系病人，一个系死人，同一个系出家人。”净饭王听咗之后立刻下令就话：“从今以后唔准呢四种人喺王子面前出现，我嘅王子唔需要成佛，佢应该好似其他人一样娶妻生子、组织家庭，我要亲眼见到佢继承我嘅王位，统治我嘅国家。”

王子出生之后嘅第七日，好不幸，摩耶夫人，佢妈妈就去世了，然后王子就交由净饭王嘅另一位王妃摩诃波阇波提抚养。王子由七岁开始就接受文武双全嘅教育，国王为佢聘请各种名师入宫殿去教佢读书、作文、算术、射箭同埋一啲技艺。

咁有一年春天，耕耘祭祀嘅时候，王子跟住父王去各度地方田园去巡视，见到农夫响田园揸个耙系咁锄土，有一只雀仔啄走咗呢个锄头尖所掘出嚟嘅虫，王子于是喃喃自语就话：“真系可怜吖，呢啲生物点解会互相残杀嘅呢？”于是王子就偷偷离开人群，独自坐喺树底沉思起嚟。王子诞生之后不久就失去咗母亲，现在又见到生物互相残杀嘅情形，响佢幼小嘅心灵之上早已经刻下咗人生苦恼嘅伤痕，呢个伤痕就好似刻喺细树一样，随住细树嘅成长而日益扩大，王子亦都因为呢一年，年，一年同埋一年呢，更加慢慢进入沉思嘅冥想而厌弃世事。净饭王知道王子有咗修道嘅思想，好忧虑，呢个时候就谂起从前仙人同学者嘅预言，更加惶恐不安，于是想尽咗各种办法要使到王子快乐起嚟，但系都冇效果。

响王子十九岁嗰年，净饭王终于接受群臣嘅建议，决定迎娶佢嘅舅父天臂城主善觉国王嘅女耶输陀罗俾王子做妃嫔，之后十年嘅时间，王子流连响春、秋、雨等等唔同嘅宫殿里便，享受住歌乐弦管嘅生活。净饭王为咗使到王子唔生起出家嘅念头，特别下咗一道命令，唔准任何人响王子面前提到生、老、病、死等等人生忧、悲、苦、恼嘅事。服侍王子嘅人呢，亦都要日以继夜表演各种清歌曼舞，亦都唔准现出辛苦疲倦个样。此外呢，亦都喺宫殿四面建造一啲围墙，里便除咗青春美貌嘅女性之外，其他嘅人一概唔准进入，即使里便有人无意受咗一啲伤，亦都要立刻抬走，唔等到佢复原呢，都唔俾佢再返入嚟。净饭王虽然将世间所有痛苦嘅情形都阻隔响王子嘅生活圈之外，但系王子并唔快乐，即使响作乐之中，佢都不时喺度沉思冥想，苦心去探讨人生嘅真谛。

有一日，王子忽然向净饭王提出想出城游园嘅要求，净饭王虽然心怀忧虑，但系由于爱子心切，仲系好快咁答应咗。于是皇帝立刻下令，响王子出城嗰一日，凡系所要经过嘅街道吖，每一家都要清洗打扫，街道呢，要散满鲜花，窗门要结满彩缦，务必使到人呢，见到系觉得新鲜同埋美丽，又禁止工人吖，响路旁工作，穷人、盲人、病人、老人嗰一日都唔准外出，直到王子呢，过咗呢个街道为止。咁响一切都准备就绪之后，王子就乘住华丽嘅吉祥嘅车由宫门开始出发嘞。呢个时候净居天嘅天帝知道王子出家嘅时候就快到，为咗让呢个机缘快啲成熟，于是净居天帝幻化成为一个白发苍苍嘅老人，弯住驼背嘅腰，只手揸住拐杖，响马路上便颤抖，一便颤抖一便行。老人忽然出现惊动咗好多人，大家虽然想赶走佢吔，但系已经来不及了，王子见到咁怪异嘅老人，于是问揸车嘅车夫车匿话，王子话：“车匿，呢个人点呢？点解佢嘅头发咁白嘅？同我哋唔一样嘅？点解佢嘅背脊咁弯曲唔能够伸直嘅呢？佢嘅身体点解不停咁颤抖？啲牙又响度打震？车匿，佢系咪生，一出生就系咁嘅样嘅呢？”车夫车匿于是回答王子话：“王子吔，呢个老人佢唔系出生就系咁㗎，佢同所有嘅人一样，都系曾经有个强壮结实嘅身体、乌黑嘅头发、明亮嘅眼睛、整齐嘅牙齿，但系响世界上生存耐咗就会慢慢变成咁样㗎喇！”于是王子又问：“车匿，你话全世界嘅人，只要生存耐咗就会变成呢个样，咁我呢？我嘅父王呢？我嘅太太呢？系咪一样都会衰老、会驼背、会颤抖、会白发、会落牙嘅呢？”车匿就话：“王子吔，的确好似你讲嘅一样，老系冇办法避免嘅，无论系富人、穷人、有权力嘅人、冇权力嘅人、尊贵嘅人、卑贱嘅人，都系一样会老㗎，人一出生就注定要老㗎喇。”悉达多王子听咗非常伤心，于是立刻叫车匿就揸番架车返去王宫了。王子返到王宫之后，净饭王马上召见车匿，问下今日王子嘅心情系咪好快乐？但系当国王知道响街道上所发生嘅一切，佢就非常担忧，国王心中就谂：千祈唔可以俾王子舍弃王位嘅，唔能够俾佢离家出走嘅，唔能够俾占相嘅学者预言成为真实嘅。于是国王就更紧张，命令属下嘅人去访求各种增集五欲嘅方法，去俾王子尽量享乐，而令佢忘记愁苦。

过咗冇几耐，王子又再度驾住一架吉祥车出去宫殿再游园林嘞。净居天子真系好有心，佢知道王子又出去游园，于是立刻又化成病人，瞓喺王子经过嘅路旁里便呻吟，而且一再以极微弱嘅声音去哀求其他人帮助佢。病人嘅身体已经被，被病魔折得不可磨折嘅形状，又因为痛苦扭成一团，挣扎不息。王子见到，于是立刻落车扶住佢，问车匿话：“车匿，呢个人点解会咁嘅呢？佢嘅眼神点解同一般人唔系一样嘅呢？佢嘅呼吸点解咁微弱呢？皮肤点解又黑又紫呢？”

“王子吔，呢个系病人吖，你快啲离开佢啦，佢现在全身布满咗病毒，内脏开始腐败，到咗最后连佢呼吸都会停止㗎，如果你太接近佢，佢嘅病毒系会传染俾你㗎，到时你亦都会跟佢一样㗎。”

“车匿，世上除咗呢种病之外，仲有冇其他病嘅呢？”

“有吖，病有好多种㗎，但系无论系边一种病，都系痛苦嘅㗎。”

“车匿，难道冇人能够解救佢咩？难道世人就咁样被病魔任意摧残咩？”

“王子吔，世人生病系好平常㗎，虽然有好多医生努力揾克服病菌嘅方法，但系都冇办法能够揾到真正压止病嘅发生嘅原因。就算呢个病医得好，咩时候再会发生另外一啲病，冇人能够预料，冇人能够知道㗎，因为世人随时随地都会生病。”

“你讲嘅系咪都系真㗎？车匿？包括我父王，仲有我在内？”

“王子吔，有我哋呢个身体就有病吖，生病系不分贵贱、男女、老少㗎。”

王子听咗车匿嘅说话之后就非常唔开心，佢就咁谂：如果系咁，咁样人生活响世界之上咪只有痛苦同恐怖？因为冇人知道我今晚瞓咗觉之后，听日系会唔会变成好似呢个病人一样。于是王子嘅心中对于世间嘅眷恋就顿然舍弃了。

此后又有一日，悉达多王子又响游园嘅园林路上见到天人幻化出嚟嘅死人，死人就瞓喺担架之上，前后有杂色嘅缯幡导引，后面又跟住一群人悲号哭泣，出咗城之后，死人就被放喺一堆木柴之上，啲火红红咁点著咗烧起嚟。王子见到好惊讶，以好震颤嘅声音问：“车匿，点解嗰个人咁静咁瞓喺度嘅呢？啲人系咪烧紧佢吔？点解旁边嘅人喺度喊呢？佢哋系咪抢救紧佢吔？”

“王子吔，嗰个人已经死咗㗎喇！佢虽然有脚，但系唔能够再走路㗎喇，虽然有眼，但系唔能够再睇嘢㗎喇，佢对一切事物已经唔会再有知觉㗎，无论系热、系冷、系火、系雪，佢完全失去咗知觉，佢已经死咗㗎喇！你睇下啲尸虫几多？漫布响佢身上，食紧佢嘅肉体。王子吔，如果你唔再烧佢嘅身体呢，臭味就会散布响整个空气之中，佢从此，呢个人死就唔会再返嚟㗎喇。佢嘅亲朋戚友，你睇下，成班人正为佢伤心吖！”

“车匿，难道咁样就叫做‘死’咩？我系国王嘅儿子，好似呢个人一样要死？我嘅父王、耶输陀罗同埋我所认识嘅人，总有一日系咪都会被放喺呢啲木柴上便烧呢？”

“王子吔，人既然有生就一定会有死，任何人都冇办法防备同埋逃避㗎！”

王子听咗之后非常伤心，默默唔再讲嘢。佢就谂：真系太可怕！世上嘅人除咗会老、会病之外，原来有一日系仲要死，唔通冇方法可以防备呢啲老、病、死嘅问题？唔得，我一定要谂出解决依啲问题嘅方法，只要我揾到方法，我嘅父王、我嘅太太耶输陀罗以至于全世界嘅人就唔须要笼罩响老病死嘅恐怖之中了。

又有一次，王子响园林之中散步，忽然见到天人幻化出嘅出家人，披住黄色嘅袈裟，捧住钵，正安详由前便走过。由佢寂静嘅外表，王子猜想内心必定充满咗快乐同埋宁静，于是王子又问车夫车匿话：“车匿，正话行过嘅系咩人呢？”

“王子吔，呢位系出家人吖。”

王子一听到“出家人”呢三个字，响佢心中自然升起咗既恭敬又欢喜嘅微妙感受，于是就立刻吩咐车匿，追，开车去追呢个出家人。于是王子揸车追到呢个出家人，于是佢就下车合掌向出家人问了：“仁者，你剃除须发，著住袈裟，毅然舍弃家庭，系咩目的呢？”

“王子，我所以出家，目的系舍离世间嘅恩爱，而且收摄六根，唔受五欲，慈心去对待一切众生，以求解脱世间嘅痛苦吖。”

悉达多王子听到好高兴咁赞叹话：“善哉善哉，响世界上原来有咁殊胜嘅嘢！”

悉达多王子自从见到出家人之后，每一日都好快乐咁静坐响园林里便，佢心中但系始终缠住一啲出家嘅念头。响嗰个时候，净饭王就派人话俾佢听，话佢嘅太太已经生咗一个可爱嘅细伩仔，但系佢听咗并，并冇表示好喜欢嘅样，反而话：“罗睺罗。”罗睺罗就系“障碍”或者“系缚”嘅意思。因为王子当时咁样讲，净饭王就为佢嘅孙取名叫做“罗睺罗”。

悉达多王子二十九岁嗰年嘅六月十五，占相学者又向国王预言话：“王子如果唔出家呢，再过七日就成为转轮圣王了。届时，七宝就自然会显现，释迦族姓亦都因此而大盛了。”净饭王听咗好高兴，为咗尽最后一次嘅努力，于是呢，通令全国，找寻出最聪明又最美丽嘅女子，响今日起长期住喺王子嘅寝宫里便，日夜为王子表演各种美妙嘅歌舞，希望再能够博得王子嘅欢悦。就喺嗰一晚，有好多天女一样嘅美女，打扮得花枝招展，手执各种乐器，围绕住王子歌舞，但系呢个时候王子嘅心一早已经脱离咗五欲嘅烦恼，对于歌舞根本感唔到兴趣，冇几耐就瞓著咗。呢啲唱歌同跳舞嘅女子见到王子瞓著咗，亦都纷纷放下手中嘅乐器，各自亦都躺喺地板上便休息。过咗一阵，王子就醒咗，佢盘坐，坐喺床上便，见到呢啲女子因为瞓著而露出嘅种种丑态，有啲个口里便流住口水沾污咗肢体，有啲就咬牙，发出好似瞋恨嘅鬼魅声，有啲好大嘅鼻鼾声，有啲喺度发梦讲梦话，有啲张大咗个口，有啲衣服就打开，现出令人讨厌作呕嘅样。王子好惊讶，点解呢啲平日美如天仙嘅女子，点解今日会变得咁讨厌可怕呢？突然间，佢觉得呢座华丽嘅寝宫，好似一座纵横狼藉、摊住死尸嘅墓地，三界就好似炼狱一样，冇一笪安乐嘅地方，于是就叫咗一声：“世间真系祸患吖！”于是王子就决定喺呢个夜晚离开宫殿而去出家了。

响夜深嘅时分，悉达多王子骑住有灵知嘅马，叫做“犍陟”，佢骑住马，带著车夫车匿，悄悄咁样离开宫城。响呢个时候，破坏佛法嘅魔王波旬早已经趁机会要嚟纠缠王子，所以波旬就响空中话：“王子，你返去宫殿啦！再过七日，就有轮宝出现了，冇几耐，呢个世界上所有嘢都系属于你㗎！”王子于是闹魔王话：“魔王吖，你亦都返去啦，我当然知道轮宝会出现，但系我唔要王位，亦都唔要尘世上嘅一切，我要成佛，我要救渡一切众生，我要俾十方世界都知道我成佛，而为我震动！”魔王于是个心里谂：我唔相信你能够逃得出我嘅手掌，今日，只要你一生起贪欲，或者邪恶嘅不善心，我仲可以捉住你㗎！从此之后，魔王就如影随形一样一直跟喺王子嘅身后便，每时每刻都想揾出王子嘅过失去破坏佢嘅修道。响嗰个时候，正系六月十五嘅月圆之夜，皎白嘅月光倾泻住大地，王子好想回头对故，对故乡作出最后一望，但佢生起呢个念头，大地忽然间裂开，好似有把声音话俾王子听话：“大士吔！你要坚定信心，千祈唔好番转头吖！”于是悉达多王子就骑住犍陟马，一夜之间通过三个王国，到咗黎明时分就到达阿罗摩，意思系尊胜、常满意思。呢个阿罗摩系一条河，王子到达河嘅岸边，王子企喺银光一片嘅沙滩之上，问车匿呢个车夫话：“车匿吖，呢条河叫咩名呢？”“王子吔，呢条系阿罗摩河吖。”王子心谂，呢个系出家嘅好缘起，于是佢只右手执住一把刀，左手拉起自己嘅头巾同埋发髻毫不犹豫咁一刀割断，于是就换咗贵重嘅衣服，著起僧衣，手掌捧住钵，沿途乞食，就到咗南方去了。

王子出家之后，响当地一个叫做阿奴夷庵嘅波树林（注：根据《本生经》卷一、《南传小部经典》《佛学大辞典》，释尊响阿奴夷嘅菴婆/奄波树林里便过咗七日，然后进入王舍城。“阿奴夷”，又作“阿奴波村”，梵名Anupriya，巴利名Anupiya）里便住咗七日，享受住离尘绝欲嘅快乐，之后就继续向南行，到咗摩羯陀国嘅国王，王舍城。第二日早晨，王子响近城嘅小河里便沐浴，忽然呢，入城一家挨一家咁托钵，王舍城嘅人民见到王子具足种种嘅相好同埋高贵嘅威仪，都纷纷将最好嘅美食去供养佢。自从王子入城托钵之后，呢个消息就被传开，呢个消息系话有一位庄严无比、仪态高贵嘅出家人嚟到王舍城。后嚟国王知道呢个消息呢，亦都派人跟踪王子，而且调查佢嘅来历，最后得知呢个出家人就系迦毗罗卫国嘅太子，佢为咗解脱世间嘅种种痛苦，冇几耐之前舍弃咗王位，出家修梵行。频婆娑罗王系非常钦佩王子伟大嘅行为，于是请求王子响王舍城里便留下嚟，以便长期供养王子珍贵嘅食物，但系王子婉拒咗国王嘅要求，就咁讲：“大王，我对于物质已经无所希求，我系为咗最上嘅菩提而出家，所以响我未达到目的之前，我系唔能够长住响一个地方㗎。”频婆娑罗王最后同王子相约，请求王子成佛之后首先降临到佢嘅国家，教化佢同埋佢嘅人民。

悉达多王子离开咗王舍城之后，遇到咗当时印度最有名嘅阿罗南（注：阿罗逻·迦罗摩alara Kalama）同埋优头南迦（注：郁头迦·罗摩弗Uddaka Ramaputta）两位仙人，王子先后跟佢哋学习解脱生死嘅方法。经过两位仙人嘅指点，王子嘅学识虽然好快就达到同两个仙人相等嘅地步，而且能够进入无所有处嘅禅定同非想非非想处嘅禅定，如果以非想非非想处禅定嚟讲呢，系世间里便最高层次嘅禅定，系无色界，三界嘅无色界最高嘅禅定嘞，但响王子心中嘅生死问题仍然系冇办法解决，因为佢知道一味修习禅定系冇真实嘅意义，亦都产生唔到智慧，绝对唔系菩提嘅大道。于是王子就唔再去各度地方去求知，佢只想单独运用自己嘅智慧做大精进，以寻求脱离生死嘅真理。

响二千多年前嘅印度，其实同现在一样，有好多外道嘅出家人，认为只要以种种嘅方法使到身体受苦，死咗之后就会升天同得到永久嘅快乐，所以响山林旷野之间呢，到处都系充满住修呢种苦行嘅出家人，好似有人以一只脚企喺度，有啲人以双脚倒挂响树上便，有啲人将个头埋喺个地里便，有啲人就瞓喺插满刺嘅钉床木板上，有啲人呢，几乎呢，系唔食任何嘅嘢，以为呢啲咁嘅方法去修苦行能够得升天界解脱，悉达多王子亦都试验过以上嘅种种苦行嘅方法，佢希望借此得到开悟。有一日佢嚟到一个名叫优楼频罗嘅地方，见到一片好幽静嘅树林，地方好平坦，林木好茂盛，又靠近河流，认为呢笪地方系好适合佢作修道大精进嘅地方，于是佢就喺呢笪地方留低了。曾经预言悉达多王子如果出家将成为佛果嘅八位学者，除咗㤭陈如之外，都已经随业报往生咗，佢哋生前都曾经各自告诫自己嘅儿子，一定要随王子出家，归依佢嘅教法。王子出家之后，㤭陈如就带领其中四个人嘅儿子出家，亦都一样沿门托钵向南方去，最后响优楼频罗嘅树林之中同王子相会。跟住嘅六年呢，佢哋五个人都跟喺王子身边充当侍者，担任扫除……（注：接下文）

213.慈悲再现人间世（二）

（注：接上文）

当王子觉悟咗之后，自然就会将觉悟嘅真理教导佢哋呢啲做弟子嘅人。王子决定以极端嘅苦行作大精进，所以就开始减食，直到每一日只系食一粒胡麻或者一粒米为止，有一啲时候甚至完全断食添，咁样经过咗六年，王子嘅身体开始变得好瘦了，本来金色嘅身体逐渐变为黑色，三十二种大人相亦都慢慢失去咗。有一日，王子作无色嘅禅观嘅时候，因为身体太虚弱而晕低咗，完全失去咗知觉。响呢个时候，刚好有一位牧童经过，知道王子绝食而晕低，于是佢立刻挤出羊奶帮助王子苏醒过嚟。王子醒咗之后，又继续坐喺树下便用功，冇几耐，忽然听到一班女孩子嘅歌声，佢哋唱道：“琴嘅琴弦如果太紧，啲丝系会断嘅，琴嘅琴弦如果太松呢，又奏唔到悦耳嘅音乐。不松不紧，恰到好处，妙音就响天边了。”当王子听到“不松不紧，恰到好处，妙音响天边”呢对歌词嘅时候，佢嘅心自然生起咗无比光明嘅觉受，佢就心谂：苦行绝对唔系导致觉悟嘅途径，世人如果坚持苦行而将生命嘅弦拉嘅太紧呢，咁样不但无法使到心力集中，而且仲会将证道嘅宝贵人身白白浪费咗添。王子回想六年来所做嘅苦行系过去嘅人所冇做过，相信将来亦都唔会有人能够出其左右，而呢种严行嘅苦行就好似虚空打结一样，并冇将佢获得想要嘅东西，所以王子决定放弃呢种毫无意义嘅修行方法。

悉达多王子响天光之后，又重新到附近嘅村落托钵乞食，摄取滋养。不久之后，三十二种大人相又逐渐出现，皮肤亦都恢复番金色了，但系以㤭陈如为首嘅五比丘呢，就不以为然，佢哋仍然坚持，佢哋觉得只有透过苦行先系获取无上正等正觉嘅唯一方法，所以当王子放弃苦行呢，佢哋认为王子求道嘅心已经退转，所以贪舒服而堕落。呢个时候呢，佢哋期望王子有所成就呢，就等于谂积咗露水嚟洗脸一样系唔可能嘅，所以佢哋各自携带自己嘅衣钵远离王子，到几百里路外嘅鹿野苑去了。

优楼频罗附近，有一个叫做将军村嘅村落，村里便嘅长者有一个女叫做善生，佢曾经向大榕树许过愿，话佢如果得到好嘅归宿，而且第一胎系生男嘅，佢就会献上价值十万枚钱币嘅供品，后来佢嘅愿望果然达成，于是佢就决定响四月十五日嗰一日带备一啲供品去还愿了。善生希望以转乳嘅方法取得味甘而营养丰富嘅乳粥作为供品，所以预先将一千头母牛放喺一个树林里便，然后将呢一千头母牛所挤出嚟嘅奶喂五百头母牛，然后再将五百头母牛挤出嚟嘅奶去喂二百五十头母牛，如是次第减半，直到二十六头嘅母牛挤出嚟嘅乳喂八头母牛。响四月十五日嘅清晨，善生取得呢八头母牛所挤出嚟嘅乳，放喺锅里便加埋蜂蜜变成乳粥，然后装喺价值十万枚钱币嘅金钵里便，顶喺头上便，带住一个侍俾一齐嚟到大榕树下便。响呢个时候善生所准备嘅供品呢，正吖，应咗一切诸佛成道之日必须接受一个价值十万枚钱币金钵嘅瑞应。善生走近榕树嘅时候，见到悉达多王子坐喺树下便，身光遍照整樖树，又具有种种相好，所以就好欢喜。佢将王子当作树神，以最虔诚嘅心俯身前进，献上金钵同埋以花熏过嘅香水，并且对王子礼拜话：“祝您早日达成您嘅心愿，就好似我已经达成我嘅心愿一样。”善生起咗身之后就随即离开，将价值十万枚嘅钱币金钵视同柳叶，望都唔望一眼。

悉达多王子响凌晨嘅时候发咗五个大梦，佢个心谂：今日一定要成佛。于是就携带住钵到尼连禅河边，响一个名叫善住嘅浴场去洗澡。洗完澡之后，就响河岸边将善生所供嘅乳粥搓成四十九个好似小汤圆嘅一粒粒嘅细粒，然后全部食咗，王子食咗之后，气力就充沛，身体焕发出光辉，就如同百千金灯光聚一样，所以呢，以呢个善生嘅福报系好大嘅。王子继而将金钵投入尼连禅河里便就话：“如果今日我可以成佛，金钵我就希望你逆流而上，停喺中途，否则你就顺流顺住流水去啦。”王子嘅话一讲完，金钵就开始移动，先系横截水面到达河嘅中央，然后就好似一匹快马逆流而上，到咗相距八十只手肘嘅地方就停止咗，然后再顺住一道漩涡，沉到龙王嘅宫殿里便，同过去贤劫三个佛所用嘅金钵并排响同一行列嘅最尾嘅地方。龙王听到金钵叮咚嘅响声，就以偈去赞：“昨日有一个佛出世，估唔到今日又有一个佛出世。”龙王讲，讲完之后，就现出高大嘅身矗立响空中，原来每遇一个佛出世，龙王就涌出地面，以佢现身地面嘅时间嚟讲呢，佛出佛没，其实在于佢呢个时间嚟讲，就好似琴日同今日咁短嘅啫。

王子响岸边嘅娑罗树林过咗一日，到咗日落嘅时候，佢就走去菩提道场。响呢个时候正好有一位叫做吉祥嘅除草嘅农夫，身上背住一啲草迎面而嚟，佢见到王子俱足种种嘅相好，知道王子系一位圣者，因而请求王子接受佢八束青草嘅供养，王子接受青草供养之后，于是呢，就去咗菩提场了。菩提道场系贤劫之初，同大地同时出现，佢位于世界嘅中心，下至金轮，上至地面，完全系由金刚所造，因为贤劫一千尊佛咧，都喺呢度呢，入金刚定去成就无上菩提，所以呢个地方就叫做菩提道场，或者叫做金刚座。

王子首先响道场嘅一个方向站立，刹那之间前方大地突然上升，彷彿到咗有顶天，背后嘅大地亦都急速下降，彷彿沉到响无间地狱一样，王子知道呢个唔系成就无上菩提嘅地方，于是又向右绕转咗去另外一个位置，但系情形仍然一样，无论佢企喺边度，大地都系向一个方向倾转，咁样换咗几个地方呢，直到佢企喺菩提树下便嘅时候，就觉得大地异常嘅平稳，王子嘅心就咁谂：呢个大概就系三世诸佛成就无上菩提嘅位置。于是佢将八束柔软嘅青草向地上一震，立刻自行咁铺成宽十四个手踭位嘅狮子法座，王子就喺法座之上，面向东方嘅座下，就喺座前佢发出好似金刚嘅誓言话：“我如果唔能够证得无上菩提嘅大道，我宁可响呢个座位上便粉身碎骨，系绝对不会离开呢个座嘅。”

咁喺嗰夜，日嘅夜晚，王子就入咗降魔定，放大光明。啲魔见到光明就生起畏惧，魔王波旬派遣三个女到达王子面前，以种种嘅媚态去诱惑王子，希望破坏王子嘅道心，但系王子嘅心就好似湛然不动嘅清水一样，丝毫不为所动。魔王波旬看见王子嘅道心咁坚固，于是更加害怕，就率领八十亿魔军前嚟干扰。魔王到咗菩提树下就向王子呵啦：“悉达多！呢个位系我嘅，你快啲起身，唔系我就将你捉住，将你掟入海里便！”王子就回答：“魔王，你嘅恶愿系永远唔会实现嘅，你嘅福力远远唔及我，点能够令我放弃成佛嘅愿望呢？你喺过去世之中，因为造咗一座佛寺，受持一日八关斋戒，供养辟支佛一钵嘅食物而享受到今天嘅福报，成为第六天嘅天王，但系仅仅以呢啲福力，其实系冇办法郁动我一丝一毫嘅信念。魔王，我响三大阿僧祇劫之中，供养过无量无数嘅佛，同难以估计嘅菩萨、辟支佛、阿罗汉，而且发出无量嘅清净愿，如果今日嘅智慧、福德、因缘其实已经圆满了，今晚嘅夜晚就系我示现成佛嘅时候，所以金刚宝座系属于我嘅。”魔王听完非常生气，就话：“悉达多！我过去做过布施而身为六欲天嘅天王，呢个系实情，但系有你为证。你称话作过无量布施，你自己做无量布施，又边个替你证明呢？”王子于是右手指喺地嚟话：“大地就可以为我作为证明嘞！”王子嘅话啱啱讲完，大地吖出现六种震动，地神于是只手执住个地，由地下走出嚟就话：“有呢个大地以来呢，我一直就喺呢度，所以我可以为王子作证明。一切嘅大地如果碎为微尘，我都能够数到，但系王子嘅广大功德我就根本计算唔到。王子成佛嘅时节因缘已经到了。”地神讲完依啲说话就唔见咗嘞，魔王响呢个时候亦都忍唔住佢嘅狂怒，于是立刻麾动啲魔军将王子团团包围，前方啦、左方、右方啦，所有嘅部队长达十二由旬，后方嘅部队一直延伸到世界嘅尽头，呐喊嘅声隆隆不绝，几乎可以使到大地震裂。呢个时候，王子嘅心早已远离烦恼，对于大敌当前呢，佢都不惊不怖，佢好寂然咁进入咗慈心三昧。魔王见到咁嘅状况，于是就刮起一阵狂风，呢个风势吔，可以足以将一座大山吹出一条路，四方大小村庄化为微尘。但系因为王子具有无比功德嘅威力，佢风势呢，大为减弱，当吹到王子身边嘅时候，竟然连法衣嘅边缘吖，都唔能够触动佢一啲。魔王跟住又使出降大雨、下岩石、喷火吖、吐烟吖、飞沙走石、雷雨交加、天昏地暗，喺个天上便落出唔同嘅各种兵器，呢啲猛烈嘅攻势去袭击王子，但系都唔能够将王子赶走。呢个时候啲兵器接近王子身边嘅时候呢，反而变成一朵朵嘅鲜花飘落王子嘅身上，所有凶恶诅咒嘅声音亦都顿时化为赞颂嘅歌。魔王呢个时候急得就要癫了，于是佢将身边带住嘅轮一掷飞向王子，而且口中仲大叫：“我要你由呢个座位立刻离开！”呢个轮盘平日具有无比嘅威力，就系钢铁嘅大柱吔，都被击得粉碎，但系呢个轮盘到达王子嘅头顶上便，反而化为一朵无比庄严嘅宝盖停住响空中。魔王同魔军见咗，傲慢嘅心一时都被摧毁，纷纷惊到向四方逃走。

王子降伏咗魔军之后，内心就更加澄净，就好似冇风浪嘅池水一样，寂然进入咗四禅定，王子响定中一心思惟真实义。到咗夜晚嘅中段，就得到能够了知过去世同埋一切生嘅宿命神通，之后又得到能够了知一切众生生死来去嘅天眼神通。到咗夜晚嘅后半夜，王子就将十二因缘依住顺逆嘅次序加以观察，立时一万个大世界起咗十二种震动，得到漏尽嘅通。于是东方发白，黎明拂晓，就证得殊胜智慧而成佛了，于是王子喺嗰个时候就被尊称为如来、应供、正遍知、明行足、善逝、世间解、无上士、调御丈夫、天人师、佛、世尊嘞，呢个就系如来嘅十号。

以上就系佛陀本师释迦牟尼佛出家成道嘅经过。众生无始以来皆由一念不觉，沉沦于生死苦海，做咗五欲“财色名食睡”嘅奴隶，留恋三界而流连忘返，因此，具有圆满智慧嘅大觉者佛陀发起咗大慈大悲嘅誓愿，永远不断化身响有情世界，救拔同开导有缘嘅众生，使到佢哋能够消除一切苦恼，得到绝对真正嘅快乐，踏上修行嘅道路而证得同大觉者一样嘅圆满智慧。

“佛陀”呢两个字系梵语“Buddha”嘅音译，佢意思系“觉者”，“觉”即系不迷惑，“觉”呢，有“觉察”同“觉悟”嘅两种意义。我哋平常嘅身体，大多数嘅时候都系受住唔正确心态嘅支配而去做恶事，习以为常而唔，自己唔知道。呢啲不正确嘅心态主要有贪心、憎恨心、愚痴心、轻慢心同疑惑心等等，具有智慧嘅修行者就能够时时刻刻觉察出自己依啲不正确心态而极力加以修正，唔俾佢哋支配自己嘅身体而去做恶事，依个就系所谓“修行”，亦都系“觉察”嘅意思。

除咗不正确嘅心态之外，我哋仲有好多唔正确嘅见解，比如执著呢个身体系实有而不变呢，其实呢个身体如果用化学嘅方法去分析，只系众多嘅元素——氢、氧、钙、铁、磷、锌等等嘅元素聚集响一起嘅组合，呢啲组成身体嘅元素每时每刻都响度生灭变化，呢个道理就系所谓“无常”嘞，无常系万事万物冇不变嘅常态，但系点解我哋唔能够察觉出嚟呢？反而偏要执著呢个肉体当作系“我”，尽量响自己有生之年为呢个“我”而去争取应该或者唔应该得到嘅嘢，为呢个“我”嘅享乐而沉醉响“财色名食睡”五欲之中，呢个道理就所谓“无明”，“无明”系唔能够真正彻底明白万事万物嘅真实相，所以就好容易对各种事物妄加判断而产生邪见，再加上种种唔正确心态嘅支配之下就会做出好多恶事，结果就会招致未来嘅苦报，轮回响六道之中而循环不息。

所谓觉悟就系一个修行嘅人能够真真正正彻底体会同明白宇宙同人生嘅真实相，唔会再被世间幻有嘅假象迷惑，亦都唔会好似以前再受呢啲唔正确心态同见解嘅支配而去做恶业。当修行者嘅心完全被净化，好似一面一尘不染嘅巨大光明镜，无物不照，无事不鉴，但系光明嘅心镜冇因为外界嘅物象嘅动而去动，只系物来影现，事去境亡，唔会存有丝毫嘅执著，意思系对一切事物嘅执著叫做“法执”。连自己系镜嘅观念亦都唔存在，对自己嘅执著呢，就称为“我执”，呢个就系觉悟者嘅境界了。真正解脱生死嘅觉悟者其实分开三个层次，就系阿罗汉、辟支迦佛、菩萨同佛陀。

阿罗汉同辟支迦佛系小觉，因为佢哋虽然去除咗“我”嘅执著，但系对于宇宙之间嘅万事万物仍然有好多唔明白，仲有法嘅执著存在，仍然须要努力修行去开启智慧，破除迷惑。菩萨系中级嘅觉者，智慧呢，已经比阿罗汉同埋辟支迦佛已经高好多，但系对于宇宙人生嘅真实相仍然仲未能完全了解透彻，仍然系存有部份嘅法执。至于佛陀系真真正正嘅大觉者，完全彻底明白宇宙系从何而嚟，人生从何而有，具有分析同解决一切世间同埋出世间事事物物嘅大智慧，如果用科学嘅观点去解释佛陀，佛陀就系一股唔受时间同空间控制，过去冇开始，未来亦都冇终结，而且具有大慈悲同大智慧嘅超时空力量，呢股力量响宇宙未生之前已经存在，亦都可以话同宇宙同体，遍覆宇宙之中嘅每点时间同空间，譬如空气同埋电一样，系冇一定嘅形体同埋相貌嘅，呢一股力量就系所谓佛陀嘅“法身”。“法身”嘅意思系从证悟宇宙人生一切嘅法而生嘅身，与万事万物平等同体嘅身，呢股力量能够任意转化成为物质，亦都可以由物质转化番能量，达到质能互变。响二千五百多年前降生响印度嘅释迦牟尼佛陀就系呢股力量嘅其中一个化现。

释迦牟尼佛系慈悲同智慧嘅化身，佢垂迹响娑婆世界，降生响秽土成佛，就系佢大慈大悲精神嘅表现。响《央掘魔罗经》第四卷有讲过：“如来成就如是无量功德，云何当有若无常、若疾病？如来常住无边之身，我今当复广说有根本，有因有缘，一切佛一切因，悉皆不乐生此世界，以此众生不可治故。以是义故，我于此世界治不可治众生，数数舍身故不生身。”（注：根据CBETA，“数数舍身故不生身”疑为“数数舍身故生不生身”）

《地藏菩萨本愿经》第八品亦都讲过：“佛告阎罗天子：‘南阎浮提众生，其性刚彊，难调难伏。是大菩萨，于百千劫，头头救拔如是众生，早令解脱……自是阎浮众生，结恶习重，旋出旋入。劳斯菩萨，久经劫数，而作度脱。’”呢个经文里便讲“阎浮嘅众生”呢，其实就喺指我哋呢个世界嘅有情生命，由于我哋嘅恶习特别重，亦都容易迷失，所以佛陀同埋菩萨先化身示现种种嘅事迹，借以诱导同教化我哋，使到我哋能够归于正道。

响《妙法莲华经》嘅《方便品》亦都讲过：“诸佛世尊唯以一大事因缘故出现于世……诸佛世尊，欲令众生开佛知见，使得清净故，出现于世；欲示众生佛之知见，出现于世；欲令众生悟佛知见故，出现于世；欲令众生入佛知见道故，出现于世。”

诸佛菩萨，佢具足慈悲、智慧、福德同埋无边嘅神通法力，佢能够作为一切众生嘅大依怙、大福田。响《无量义经》嘅《德行品》亦都讲过：“菩萨是诸众生真善知识，是诸众生大良福田，是诸众生不请之师，是诸众生安隐乐处，救处、护处、大依止处，处处为众作大导师；能为生盲而作眼目，聋劓哑者作耳鼻舌，诸根毁缺能令具足，颠狂荒乱作大正念；船师、大船师，运载群生，渡生死河，置涅槃岸；医王、大医王，分别病相，晓了药性，随病授药，令众乐服；调御、大调御……师子勇猛威伏众兽，难可沮坏。”

释迦牟尼佛陀，其实响过去久远劫前，早已经成就佛道，证得无上正等嘅正真智慧，只因为佢唔舍弃恶浊嘅世界众生，盼望一切流连响三界六道嘅有情，希望早日能够踏上菩提大道，精进修持，解脱生死苦恼，同证同佢无异嘅圆满智慧，所以先不辞劳苦，千方百计以种种嘅方法摄受有情去归于正道。释迦牟尼发心修行佛道呢，已经系好久远嘅事，根据《大智度论》第四卷、《俱舍论》第十八等等记载，响三大阿僧祇劫之前，有另外一尊佛亦都叫做释迦牟尼，呢个时候我哋呢个世界嘅世尊释迦牟尼正系修行紧菩萨嘅果位，佢遇到古释迦牟尼佛而发心，而且希望同古释迦牟尼佛嘅愿一样，呢个就系我哋今日呢个释迦牟尼佛世尊最初嘅发心嘞。

响《妙法莲华经·化城喻品》记载，过去久远劫前呢，有一个佛叫做大通智胜如来，响未出家之前有十六个王子，然后呢，都发心出家做沙弥，佢哋听咗《法华经》就成佛，其中第十个王子呢，就系释迦如来嘞。又根据《大乘慈悲白莲华经》卷二同卷三亦都记载，响过去嘅删提岚国有一个国王叫做无诤念王嘅时候，宝海梵志呢，呢个梵志系修行离欲清净嘅道行嘅，佢叫做宝海。呢个宝海梵志有一个仔，佢出家成道，后来个佛号叫做宝藏如来。响呢个时候，宝海梵志就劝请王同埋王嘅一千个仔同其他嘅众多弟子发心。呢个王国王呢，就随从呢个愿呢，去求一个清净嘅佛国，于是佢一千个弟子同五位侍者呢，都希望呢，去求生响浊恶嘅世界，梵志最后亦都发五百个大愿，希望求生响浊恶世界去化度众生，呢个，呢个呢，梵志呢，就系释迦牟尼佛嘅前身，释迦如来之后呢，就响我哋呢个娑婆世界成佛，就系贤劫千佛之中嘅第四尊佛。

释迦如来愿力无边，响娑婆世界同其他各度嘅空间，佢分身百千万亿，佢一音说法各得其解，随类现身靡不周遍。响《大方广佛华严经·如来名号品》亦都讲过：“诸佛子！如来于此娑婆世界诸四天下，种种身、种种名、种种色相、种种修短、种种寿量、种种处所、种种诸根、种种生处、种种语业、种种观察，令诸众生各别知见。诸佛子！如来于此四天下中，或名：一切义成，或名：圆满月，或名：师子吼，或名：释迦牟尼，或名：第七仙，或名：毘卢遮那，或名：瞿昙氏，或名：大沙门，或名：最胜，或名：导师……如是等，其数十千，令诸众生各别知见。”

佛菩萨嘅无缘大慈、同体大悲，真系唔能够再用我哋人间嘅语言文字去形容佢哋，佢哋好多所发嘅大愿呢，其实都同地藏王大菩萨一样——“地狱未空，誓不成佛；众生度尽，方证菩提”嘅，但系亦都有好多佛陀呢，都系倒驾慈航嘅，譬如观世音菩萨，过去就系古佛“正法明如来”嘅化身，文殊师利菩萨，过去叫做“龙种上尊王如来”，佢哋都系古佛之中嘅古佛。其他好似须菩提尊者呢，系“青龙陀佛”嘅化身，舍利弗尊者，系“金龙陀佛”嘅再来，仲有维摩诘居士系“金粟如来”嘅应世，央掘摩罗居士系“一切世间乐见上大精进如来”嘅化现。《药师琉璃光如来本愿功德经》曾经讲过：“阿难白言：‘大德世尊！我于如来所说契经，不生疑惑；所以者何？一切如来身语意业，无不清净。世尊！此日月轮，可令堕落；妙高山王，可使倾动，诸佛所言，无有异也。’”其实，我哋要坚信诸佛菩萨嘅说话绝对唔系虚妄，佢哋所说嘅一句一偈就系我哋解脱生死嘅津梁，渡过生死河岸嘅宝筏，我哋如果能够依住修行，将来一定能够得到大自在。

方便至为灯，照见心境界，欲究真实法，一切无所见，合掌以为花，身为供养具，善心真实香，赞叹香云报，诸佛闻此香，沉升内相倒，众等勤精进，终不相贻误。

214.舍利子之研究（一）

舍利子之研究

各位，我哋信仰佛教嘅人，个个都知道舍利子系有道行嘅佛教徒去世之后由佢身体之上烧出嚟嘅，舍利子系一种七彩或者五色嘅坚固子，不但会放光，而且来去无踪，系一种好神奇嘅圣物。由于舍利子嘅存在，使到好多信仰佛教嘅人士解除咗生老病死嘅痛苦，但系亦都有啲佛教徒就对舍利子毁谤，话佢系人体上嘅胆结石。假如话舍利子系人体之上嘅胆结石，佛祖圆寂嘅时候烧出舍利子一共有八斛四斗，唔通释迦牟尼佛全身都系胆结石咩？

另外有一啲动物，譬如鹦鹉、鹩哥，佢都能够烧出舍利子，唔通动物亦都有胆结石？有时我哋响佛坛前便点灯供佛嘅油灯，响古代嘅时候，往往响点灯上便嘅灯花都能够结出舍利子，唔通灯花上便嘅舍利子又系胆结石？响民国嘅时候，嚟中土传法嘅西藏密宗大成就上师诺那上师，当佢在生嘅时候，响个颈上便都能够攞出舍利子。如果话系胆结石，胆结石会唔会放光同埋来去无踪？同埋胆结石亦都有五彩同七彩嘅光芒咩？人体死咗之后经过火化，系咪个个人都能够烧出舍利子吔？答案一定唔系，相反，有胆结石嘅人呢，实在系好多。

世界上嘅宗教，不只系佛教，其他修道嘅人士，都往往亦都有听过有少量嘅舍利子烧出，但系真正嘅舍利子同埋大量嘅舍利子，只系限于佛教徒先有，并冇听过其他嘅宗教徒能够烧出五彩斑斓嘅舍利子，而且仲会放光、来去无踪。

退一步讲，假如释迦牟尼佛生前，佢嘅舍利子八斛四斗喺身上全部都系胆结石，咁样佢嘅身体一早就已经硬化到唔能够再喐，但系相反我哋见到佛祖响佢灭度之前嘅前一日，仲讲咗一部四十卷嘅《大般涅槃经》，然后仲问佢弟子话：“有冇疑难嘅地方吖？你哋赶快提出问题，我就要灭度了。”弟子就回答：“并冇其他疑难嘅地方。”然后佛祖先安详咁样圆寂。咁高修行嘅圣者，去得轻松自在，又点系好似一个患有八十四斗胆结石响身上嘅人所能做得到嘅呢？

章嘉活佛圆寂咗之后烧出七、八千颗舍利子，但系佢生前曾经照过Ｘ光，并冇胆结石嘅症状。同埋最近响今年圆寂嘅宣化上人亦都有四、五千颗舍利子，所以，舍利子系胆结石嘅论调自然不攻自破。

各位，稍稍读过佛经嘅人都会知道，响《般若波罗密多心经》同《佛说阿弥陀经》之中，时常都发现有“舍利子”同“舍利弗”呢个名称，但系各位要明白，现在所讲嘅舍利子系唔同经上便所讲嘅“舍利子”或者“舍利弗”。“舍利子”同“舍利弗”系一个人嘅名称，系一位大阿罗汉，系释迦牟尼佛座下十大弟子之中智慧第一嘅“舍利弗”或者“舍利子”尊者。但系现在我哋讲嘅舍利子系一种物质，系人体体质道行嘅结晶。人嘅“舍利子”同物质嘅“舍利子”自然唔同，呢一点首先要搞清楚嘅。

“舍利子”系梵语，亦都译作“设利罗”或者“驮都”，响我哋汉文嘅翻译系叫做“遗身”或者“灵骨”，意思系坚固子，讲得通俗一啲，就系指身后火化留低嘅灰之后所剩下嚟嘅结晶品。如果想明白舍利子嘅来源呢，我哋首先要知道印度民族嘅风俗。印度嘅俗例，人死咗之后大概有四种嘅埋葬方式：第一种系水葬，人死咗之后抛入河海，任由鱼虾啖食；第二种系土葬，土葬呢，系喺路旁用泥土去掩埋；第三种系林葬，林葬呢，就系将尸体放喺山林旷野去喂食俾一啲鸟兽，呢啲系印度风俗嘅一种孝嘅表示，譬如弃尸山林而无鸟兽去啖食呢，反而认为唔系吉祥，因为尸嘅身体生平无福德，因为呢，如果冇鸟兽啖食证明呢，系同众生无缘，呢个观点呢，系同我哋中国人啱啱相反，我哋中国人呢，就喜欢风光大葬；第四点系火葬，积一啲柴枝去焚化，就系称为火葬。呢四种葬法之中，以火葬呢，最为盛行、最清洁，所以佛教出于印度，佛教徒亦都采取咗火葬嘅方法，因为火化不但清洁，仲能够留下骨灰或者舍利，装入金属器皿或者陶器之中去供奉，以为孝敬父母或者亲属嘅精神对象，好似我哋中国人奉祀祖先以牌位为对象一样。

佛嘅舍利亦都叫做“舍利子”，呢个名词大概系从佛嘅全身舍利同碎身舍利而嚟嘅，因为全身称为“舍利”，所以碎身恐怕就系称为“舍利子”而得名啦。“舍利”如果译做“遗身”或者“遗骨”，照普通人嘅见解，不外系火化之后血肉精髓凝固嘅碎粒，唔值得有咩珍贵同重视，但系佛同佢弟子嘅舍利，亦都被后世人称做“灵骨”，可见，虽然同系遗骨，已经同普通人嘅遗体有唔同嘅地方嘞。印度虽然有火化嘅民俗，但系我哋好少见到响印度一般族人嘅遗体之上发现有舍利子，或者系我哋对印度嘅书籍读得少嘅关系嘞。因为舍利子被称为灵骨，系由佛身火化之后先被传播出嚟。

相传佛陀灭度火化之后得到碎身舍利一共有八斛四斗之多，引起八国嘅国王争相竞争，几乎动武战斗。譬如《处胎经》曾经讲过：“尔时八大国王：优填王、顶生王、恶生王、阿阇世王、最豪兵马王、容颜兵马王、炽盛兵马王、金刚兵马王，此八大国王共争舍利，各领兵众列住一面，各言佛舍利我应独得。大臣优波吉谏言：‘诸王莫诤，舍利应分，普皆供养。’”亦都讲过八王分得舍利，各还本国起塔供养。

响印度尼泊尔嘅地方，尼泊尔嘅首都就系加德满都，响一个山叫做瑞荫芜山上便，山上呢，响五个佛塔旁边所供养嘅舍利，据说就系佛灭度之后迦毗罗卫国（啫系现在嘅尼泊尔）王所分得嘅一份，保留到现在。响嗰度拜舍利嘅人亦都讲过，塔上呢，亦都时常有舍利跌下可以执到嘅，咁样讲明呢，佛身嘅舍利对于佛教徒嚟讲系具有灵异嘅感觉，唔系由普通人一般人嘅遗身之上所能够得到嘅。

舍利大概可以分为两种，第一系全身舍利，第二系碎身舍利。全身舍利又分为法身舍利，法身舍利系指如来嘅法身慧命，体遍一切时处、无相不坏、究竟坚固嘅意思，因为舍利又叫做“坚固子”。第二种系色身舍利，系指有形相嘅色身，因为戒、定、慧等等嘅功德所熏修，道行成功，呢个有形嘅色身已经变成金刚不坏嘅固体，不但佛有，佛嘅弟子亦都有，譬如世尊座下嘅一位大弟子迦叶尊者，佢金刚不坏嘅肉身舍利，现在仲入定隐身响灵鹫山之中，等待弥勒佛降生，现在，现身法会，影响大众得利，然后先取入灭。

中国九华山嘅地藏菩萨，唐朝曹溪嘅六祖惠能大师，明朝嘅憨山大师等等，佢哋嘅肉身舍利仍然留喺人间俾人瞻礼供养。六祖、憨山两位大师嘅肉身，现在仍然供养响广东韶关嘅南华寺里便，凡系到过南华寺嘅人都见得到嘅。响泰国亦都能够见到一个中国僧人只系四十几岁圆寂咗之后修成金刚不坏之身，成为舍利，被泰国僧王封号为“琥珀禅师”，因为佢颜色如生，好似琥珀一样，现在佢嘅全身舍利仍然坐喺泰国一笪叫做“呈娘”嘅地方，呢个地方特地为佢建咗一间小庙，佢嘅头发比佢圆寂嘅时候长高咗半寸，呢个系近十几年来嘅事实，去泰国嘅人呢都可以瞻礼得到嘅。

至于碎身舍利就有多种，有赤色嘅肉舍利、白色嘅骨舍利、黑色嘅发舍利，亦都有黄紫等等五色斑斓嘅舍利，不一而足，可以随各人过去嘅善根功德、现前嘅至诚感格，所见到嘅颜色系唔同嘅。响《金光明经佛舍利品》曾经讲过：“此之舍利乃是无量戒定慧之所熏馥，甚难可得最上福田。”（注：根据CBETA，“此之舍利乃是无量戒定慧之所熏馥”疑为“此舍利者是戒定慧之所熏修”）《般若经》亦都讲过：“佛身及设利罗……皆由如是甚深般若波罗密多功德所熏修，故为一切世间天、人……供养恭敬，尊重赞叹。”

由呢个观点嚟睇，供养佛嘅舍利可以作为福田种种福报，系同普通人奉祀祖先嘅骨灰，更胜一筹嘅，因为舍利系住持三宝之一。佛在世嘅时候，以释迦牟尼佛丈六老比丘相为佛宝，佛所讲嘅说法系法宝，诸大菩萨同阿罗汉嘅出家比丘系僧宝。佛灭度之后，以佛像同舍利系住持佛宝，三藏经典系住持法宝，剃发染衣嘅出家比丘系住持僧宝。有呢三宝在世，令佛法住持不失，所以叫做“住持三宝”。

舍利既然系住持三宝之一，假使我哋能够至诚供养，自然能够获福无量。响学佛嘅过程之中，其实求福系好紧要嘅一课，经上便讲过：“归依佛，两足尊。”福慧两足具足自然就可以成佛，二者缺一不可嘅。大家诵经听经，闻法不倦，呢个系修慧嘅善缘；供养三宝、广行布施、打扫佛殿、做诸功德，呢啲都系修福嘅胜因。但系植福呢，要植得其所，犹如种田去肥田一样，否则，得福系好微，或者徒劳无功。

讲到求福嘅田，可以有三处。第一系孝顺父母，叫做“恩田”，生我者父母，教我者师长，父母对于我恩深如海，诗经上曾经讲过：“哀哀父母，生我劬劳，欲报之恩，昊天罔极。”父母对我既然有如此嘅深恩，为人子女应该恭敬孝顺，所以要“晨昏定省”，呢种孝道不但中国人系咁，譬如西方嘅人，早晚亦都有向父母请安嘅习俗，所以孝顺父母嘅道理呢，系天经地义，古今中外都系一样，对父母孝顺嘅人，自然得福无量，反而呢，相反逆害父母嘅人呢，就会得到无边嘅罪过。第二种所讲嘅田系供养三宝嘅“敬田”，佛法僧三宝系苦海之中嘅舟航、长夜里便嘅明灯，恭敬自然可以获福，舍利系住持三宝之一，虔诚供养礼敬，自然能够亦能够得福。成就众生系“悲田”，呢样系第三种嘞。众生受住无量嘅痛苦，我哋应该对佢有一种同情嘅悲悯心，随力随分去帮助他人，佛经上便讲过：“一切男子是我父，一切女人是我母，我生生世世无不从之受生，故六道众生皆是我父母。”一切众生，以往将来，既然都有做我父母嘅可能，咁样自然能够应该悲悯同情予以援助，亦都系自己求福嘅工作。学佛嘅人要得福，适宜于以上三种所讲嘅福田种植，而最紧要嘅呢，就系至诚心，俗语话：“诚之所至吔，金石为开。”心自虔诚，得福至大。

佛陀在世嘅时候，有一个乞妇，身上只系得两个钱，就系佢一生嘅积蓄。有一日佢听见人讲布施嘅功德，佢自己谂自己好穷，由于前生未种胜因，今生如果再唔作福呢，来生恐怕就更会贫穷，所以将辛勤积返嚟嗰两个钱呢，去买油点灯供佛。但系当佢点灯嗰日呢，适值遇到狂风大雨，唔能够出门行乞，佢虽然饿住肚皮，但系冇丝毫嘅之后悔。因为佢诚心所至，油灯虽小，竟然明亮非常，入夜都不灭。舍利弗系佛陀座下十大弟子之一，神通智慧有过人之处，但系以舍利弗嘅神通亦都冇办法吹熄呢个贫妇所点嘅呢盏小油灯，呢个故事系证明诚心嘅感应同力量，所以学佛嘅人，如果想种福而得到大利，必须要发至诚嘅之心，先能够得到广大嘅福报。

舍利，不但佛祖释迦牟尼佛有，佛弟子之中嘅圣僧罗汉都有舍利子嘅记载。譬如舍利弗、目犍连两位尊者嘅舍利，现在仲供奉响印度阿输迦王嘅故都，仙支地方嘅一个圆塔里便。呢啲舍利子响十多年前曾经失落响伦敦博物馆之中，后来被印度嘅留学英国嘅学生发现，集体要求归还印度。响归途之中曾经运到泰国两笪地方，同埋锡兰啦，俾人去瞻礼，现在依然供养响仙支嗰笪地方里便。印度政府发起修筑佛教八大圣地，而家已经改建一新，因为佢系八大圣地之一。

近代譬如我国嘅印光、太虚二个大师，同埋去世嘅章嘉大师、南洋嘅演本大师，亦都有好多舍利留低，但系佢同佛身嘅舍利系有唔同嘅地方，就系据说佛身舍利坚固不坏，而圣僧舍利系可以用锤去击碎嘅。关于舍利嘅灵异，可以由至诚而感得，呢个就系舍利子受到佛教徒普遍崇敬嘅因素。

响我国，舍利子最早得到感应系响东吴嘅孙权时代，响孙权时代嘅时候，有个大臣叫做孙皓，因为听见印度嘅僧人康僧铠法师演说供养舍利嘅功德，佢亦都希望得到舍利去供养，于是康僧铠法师就教佢结坛虔诚祈求，经过四十九日，空瓶里便嗝嗝有声，发现舍利子得到十余颗。吴王呢，于是呢，令到大力士将啲舍利摆喺一个砧板之上，用铁锤去击佢，果然，不断去将铁锤挥舞，去打呢个舍利子呢，仍然击佢唔碎，反而呢个砧板陷入数寸，舍利依然无损。

其次响一千七百年之前嘅西晋时代，有一个叫做刘萨河嘅人（后嚟出家叫做慧达法师），响四明茅县嘅地方礼拜祈求，舍利呢，由塔响地下涌出。现在宁波阿育王寺所供养住嘅呢，就系当时佢礼拜出土嘅嗰一颗舍利。

上面有关舍利灵验嘅两件事，好似系时代太迟，唔容易令人启发信心，但系譬如近二三十年前，有一位朱子桥将军，佢响西安兴教寺嘅玄奘大师塔院虔诚礼拜，塔上便忽然跌落一块砖头，有两颗舍利呢，附喺砖头上便，所以将军就发起重修塔院，具有一段微妙嘅因缘。响印度菩提伽耶嘅地方，亦都有一位老修行叫做广清法师，佢响菩提伽耶大塔礼拜舍利已经有三年，亦都亲见有舍利子由个塔跌落嚟。呢啲舍利子嘅灵验，证明可以至诚感格，系能够随时生长嘅，由少粒可以增至多粒。亦都譬如缅甸嘅大金塔，相传最初供养嘅舍利子系缅甸商人达普陀同波利迦兄弟用盒装返嚟佛嘅头发，一共有八条，啫系佛身嘅发舍利。佢哋响归途之中两次被强盗截劫，一共失去咗四条，但系返到缅甸嘅时候，得到王帝乌伽罗巴迎供去建塔供养，将盒打开一睇，仍然系八条，所以佛陀嘅舍利可以作出种种嘅神变。又譬如我国明朝，西藏黄教嘅宗主宗喀巴大师晚年甩咗一只牙，弟子将佢当作舍利去礼敬，竟然响牙根下便生咗好多舍利子出嚟，后嚟大家分开供养，都时常会增出好多微粒出嚟，一直供养到现在。

讲到牙齿能够长出舍利，其实一啲都唔出奇，自从佛陀入灭之后留下咗四颗圣牙，呢个世界上有两颗，其中一颗供奉响中国北京里便嘅广济寺，另外一颗供奉响锡兰嘅康提地方嘅佛牙寺，第三颗就供奉响我哋欲界嘅忉利天三十三天，玉皇大帝嘅天宫里便，第四颗就供奉响海里便龙王嘅宫殿。至于响北京呢一颗、响忉利天呢颗同埋响龙王里便供奉呢颗佛牙呢，系有相当长嘅历史嘅，但系我哋现在讲少少关于我哋人世间呢颗佛牙嘅舍利一啲灵异事迹。

佛陀灭度之后，佢嘅一颗圣牙被人带到去北印度嘅卡林加省，呢个省嘅人对佛陀呢一颗圣牙系好尊敬，而且作出好多嘅供养。但系，有一派人反对供奉佛陀嘅圣牙，于是佢哋设办法将佢破坏，将呢颗佛牙去消灭。佢哋用咩方法呢？首先佢哋攞咗佛陀嘅圣牙将佢放喺木炭上便烧，但系当烧呢颗佛牙嘅时候呢，呢颗牙嘅舍利突然间现出神通，飞到天空上便去，呢颗佛牙飞到天空竟然佢能够发放出光芒，佢光芒嘅光辉射向十方世界。呢啲反对供奉佛牙嘅人见到呢个方法唔成功，佢哋又设法攞一啲硬物希望能够将啲舍利打碎，但系佛牙越击越坚，系永远都打唔碎。最后当佢哋再想打击佛牙嘅时候，佛牙突然间隐身不见而逃避咗。可以见到佛陀虽然圆寂咗之后，佢嘅神通、佢嘅法力仍然系存在响呢个世间里面嘅。

头先我哋曾经讲舍利子嘅时候，提到碎身舍利，咁边啲人有碎身舍利呢？佢系点样得嚟嘅呢？等我哋首先讲一讲章嘉大师嘅事嘞。章嘉大师系蒙古嘅活佛，佢通晓汉、满、蒙、藏嘅语言。章嘉大师响中国拥有内蒙古嘅四十九旗同青海嘅二十九旗嘅广大信众，响蒙旗里便共有寺庙三百多间，另外响西藏、北平、辽宁、热河、绥远、察哈尔、青海、山西嘅五台山等等嘅地方，亦都有好多嘅大寺庙，每间寺庙都住有三百到四千嘅喇嘛，出家嘅弟子一共有十多万人，系蒙旗人民信仰嘅中心。章嘉大师每日只食一餐，日常持诵经咒，圆寂以后烧出将近八千多颗舍利子，系所有烧得舍利子最多嘅一位活佛。

咁章嘉大师其实每日做啲咩功课呢？点解会有咁多嘅舍利子呢？相信大家都有好有兴趣。其实章嘉大师每日念嘅系密宗里便一个极为秘密嘅咒语，佢嘅名称系叫做“六道金刚咒”，据说呢个咒语响密宗里便系好灵验，既可以转生，又可以圆寂火化之后得到好多舍利子。除此之外，章嘉大师嘅修……（注：接下文）

215.舍利子之研究（二）

（注：接上文）

佢嘅房间，除咗佢妈妈以外，系冇再第二个女性出入，所以见到章嘉大师嘅戒律系好精严嘅。

咁章嘉大师嘅舍利子同其他人烧出嚟嘅舍利子有咩唔同呢？大师嘅舍利子，有啲好似黄豆一样大，有啲好似米一样大，此外仲有一种叫做“金刚宝”嘅，有一种叫做“六字轮”嘅。所谓“金刚宝”好似就系透明嘅玉石，形状亦都好似珊瑚，水火不能侵、刀斧不能伤，“六字轮”系好似调味用嘅八角茴香一样嘅形状，因为佢有六只角。尤其稀有嘅系大师嘅舍利子好似一啲果子一样长喺舍利子嘅树上，好似一束杂乱嘅细铁丝，好容易折断。关于“金刚宝”呢一样嘢，佛经上面记载，系修持密宗嘅人到咗最高境界嘅时候精华凝结而成，响三种宝物当中呢，佢系最珍贵㗎喇。

咁样，系咪每一位活佛死咗之后都能够烧出舍利子呢？活佛系不可思议嘅。西藏活佛嘅诺那上师佢专门修持密法，有一次，诺那上师曾经被人幽禁响深山里便一个深坑，而且幽禁佢嘅人派咗一队人去看守佢。看守嘅人每日将食物丢到洞里便去俾诺那上师食，但系过咗一个时期呢见佢唔死，于是就将毒药放喺食物里便去毒害佢，之后就再将食物丢落去，又唔见佢食，于是就以为诺那上师死咗。其实诺那上师系冇死到，相反，佢每日用佢双手不断去挖地洞，终于挖到见到有光嘅地方，趁黑夜就逃咗出嚟。当时其实诺那上师系修紧绿度母法，假装死亡留低个假尸身里便，于是佢嘅真身就能够逃出咗呢个深坑嘅黑洞嘞。诺那上师逃出咗黑洞之后，佢虽然衣服破烂，头发好长，不顾一切佢就向锡金方面逃走。

响路上便，佢遇见白教嘅弟子，贡噶活佛嘅弟子，佢哋将衣服俾诺那上师换，带佢去到印度。诺那上师沿途为人念咒医病，接受供养。到咗印度之后，诺那上师又搭船嚟到中国，首先去北平见到当时嘅执政段祺瑞，但系段祺瑞呢，听到活佛已经死咗嘅消息，以为诺那上师系假冒，就唔欢迎佢，诺那上师于是静静咁修咗一个咕噜咕列法，然后段祺瑞执政先召见佢，经过佢说明原因之后呢，段祺瑞就开始相信，于是佢就立刻开始传法，出现咗好多奇迹。

记得有一次，活佛响临川县传法嘅时候，有一位居士问佢：“师父吖，我想供养舍利子，您可唔可以俾一粒我呢？”活佛话好容易啫呢件事，于是诺那上师就喺颈上面拍一拍，就攞咗一颗舍利子出嚟，呢件事系有好多人亲眼见到，诺那上师嘅神通妙用，简直就可以叫做活神仙。诺那上师后嚟返番去西藏，佢圆寂响西藏，但系佢吩咐弟子将佢嘅尸体送番去中国庐山安葬。嗰个时候呢，佢嘅尸体竟然缩成有三尺长，据说呢个就系成佛嘅证明啦。

响我哋高，中国嘅高僧里便，有好多位都能够烧出有舍利子嘅，其中有一位好出名，相信大家都听过，就系虚云和尚。虚云和尚俗姓萧，系梁武帝嘅后人，佢嘅爸爸同妈妈四十几岁呢，都冇生产，于是呢，就去到观音庙求子。响当晚，佢嘅爸爸妈妈两个人同时梦见一位穿住长袍嘅老人骑住一头老虎向住佢哋前面走嚟，于是佢哋就生咗虚云和尚啦。虚云老和尚初生嘅时候系一个大肉团嚟嘅，佢嘅妈妈见到非常伤心而失望，立刻气死，家里便嘅人将呢个肉团丢到去外便。第二日有一个卖药嘅老公公执到，将佢破开一睇，原来里便系一个男婴，虚云和尚后来就由佢继母将佢抚养长大。

佢嘅祖母从小就为佢揾咗两个太太，但系佢只系将佢哋当作家姐同妹妹一样看待。老和尚从小就喜欢到佛教嘅地方去住，中意读佛经，后嚟佢就偷偷出咗家。当佢爸爸去世之后，佢嘅继母亦都带住佢两个太太一齐去出家，安心咁样修行。

佢出家以后，无论打柴、挑水、种菜，样样都肯做，每日只系食一餐，但系身体就好健康。虚云和尚因为仰慕玄奘大师嘅求法精神，于是就到山洞里便去生活，三年之中都系食一啲松毛同埋青草叶，饮嘅系山水，衣服破烂得不能蔽体，头发亦都长到好长，但系双眼就炯炯有光，健步如飞，有啲人见到佢都以为佢系鬼一样而避开佢。但系佢咁样修行呢，都冇咩成就，有一个老和尚就闹佢，而且教佢参话头，参一句“拖死尸嘅系边个呢？”佢参呢一句话头，于是佢又开始食米，开始做工同继续研究教理。

光阴苒荏，出家二十年冇咩成就，人生惭愧，为住报答父母嘅辛劳，于是虚云老和尚就三步一拜朝礼普陀山同五台山，由苏北直入河南省，经过凤阳嘅八州、昊陵、嵩山少林寺，一直到洛阳嘅白马寺，全程一共有三千多华里，佢日行夜宿，口念佛号。有几日狂风大雪，道路不通，饥寒交迫，忽然遇到一个叫做文吉嘅乞丐送佢一碗黄米粥先至救咗佢一命。文吉又指点佢嘅路程，于是后来虚云老和尚先知道根本系冇文吉呢个乞丐，原来文吉呢个乞丐系文殊师利菩萨化身嚟救佢，因此先见到佢嘅道行系几深。

虚云老和尚响高旻寺里便打禅七嘅时候，日夜努力参禅，甚至连自己嘅身体系咩样都唔知道。响一个晚上，睁开眼睛突然一睇，忽然大放光明，好似白天一样，佢见到墙边另外一边嘅香灯师响度小便，呢个系透墙而看嘅天眼通。佢见到有一个和尚响菜园里便，见到远方河中嘅船只，又见到两岸各种树木，于是响第二日就问香灯师同园丁去对照佢见到嘅答案，完全系冇错，但系虚云和尚一啲都唔觉得有咩特别。响第三个晚上，有一个和尚冲开水，唔小心将开水泼喺佢嘅手上，茶杯立刻落地，突然间断咗虚云和尚咁多年参禅以来一切嘅疑根，所以佢写咗一首偈语话：“烫著手，打碎杯，家破人亡语难开；春到花香处处秀，山河大地是如来。”

虚云老和尚响宁波嘅阿育王寺礼拜舍利子，燃烧手指头去供养佛菩萨，借以超度佢嘅母亲，每日礼拜三千拜。起初，佢见到佛陀嘅舍利子大如绿豆，颜色系紫黑色嘅。第二次，佢见到仍然好似第一次一样大，但系舍利子嘅颜色已经变成红色嘞，有一啲光亮，于是佢继续拜落去。后来佢见到舍利子好似黄豆一样大，变成黄色同白色，所以我哋可以确信舍利子系以各人嘅根境而示现嘅。

虚云老和尚嘅奇迹实在系太多，度人无数，可惜响大陆沦陷嘅时候唔能够立刻到台湾，据说佢死咗之后烧出好多好似花生米一样大嘅舍利子，但系佢嘅舍利子被弟子请到香港、台湾，甚至亦都被人请到美国去起塔供养。虚云老和尚响佢晚年嘅时候曾经拍摄咗一幅法相，手持念珠，身著禅宗嘅斗篷，系黑色嘅，喺佢嘅下巴里便系留有长须，两眉低垂，非常之庄严。响呢幅相下便呢，佢自己曾经自题咗一首诗，佢自号“幻游比丘”，呢一首诗足以能够表明到虚云老和尚一生嘅心迹，呢首诗系咁讲嘅：“这个痴汉有甚来由，末法无端为何出头？ 嗟玆圣脉一发危秋，抛却已事专为人忧。向孤峰顶直钩钩鲤，入大海底拨火煮沤。不获知音徒自伤悲，笑破虚空骂不唧留。噫，问渠为何不放下，苍生苦尽那时休！”

讲完虚云老和尚，我哋继续讲下中国嘅近代高僧太虚大师。太虚大师喺光绪十五年十二月十八日默默无闻咁出生响浙江省海甯县嘅长安镇。大师嘅童年孤苦伶仃，两岁嘅时候就死咗父亲，五岁嘅时候母亲又改嫁，养育佢嘅系年老力衰嘅外祖母。

太虚大师细个嘅时候体弱多病，由舅父教佢一啲简单嘅文字，十一岁嘅时候，外祖母就带佢去安徽嘅九华山进香，顺路又去朝礼镇江嘅江天寺。响返屋企嘅路上便，又去朝礼普陀山、宁波嘅天童寺、育王寺、雷峰寺等等嘅佛教圣地，所以太虚大师非常羡慕寺庙出家人嘅生活。

但系到咗十三岁嘅时候，太虚大师就去小商店里便做学徒，时时做一啲烦杂嘅家事，所以佢时时病倒，嗰个时候佢心目中系感觉到好苦恼，但系佢一方面亦都好向往佛门嘅清静生活。到咗十六岁嘅时候，太虚大师借故离开长安镇，准备去普陀山出家，但系当佢响小九华寺旁边散步嘅时候，得到监院嘅允许，将佢带去苏州嘅一间小庙去做和尚，法名叫做唯心，后嚟得到祖师嘅爱惜为佢医病，又带到佢去天童寺受戒，就取名叫做太虚。

太虚大师努力于学识嘅探讨，专心研究哲学同文学。佢阅读《大藏经》，受到康有为、梁启超、孙中山先生同章太炎先生、吴稚晖先生等等嘅影响，产生革新新佛教嘅思想同整顿僧伽教育嘅决心。大师嘅足迹遍及武昌、北京等等嘅地方，率领中国佛教嘅代表出席东亚佛教会，佢去过南洋、新加坡等等地区访问，亦都到过欧美各国去讲学，系僧侣之中向外国传教嘅第一人。

响太虚大师二十六岁嘅时候，曾经响普陀山闭关，出关之后佢就去到台湾讲学，又去到日本访问，返到中国之后又主编一个《海潮音》月刊，佢宣讲《维摩经》《心经》《大乘起信论》等等嘅大乘经论，成立武昌佛学院，为佛教造就第一流嘅僧众人才。太虚大师提倡“人间佛教”，一生为振兴佛教而致力。响民国三十六年，佢五十九岁，太虚大师就响上海玉佛寺圆寂，佢圆寂之后火化得到五色好似拇指咁大嘅舍利几千颗，除咗一部分供奉响玉佛寺之外，其余呢，亦都分，分开供养响浙江奉化嘅雪窦寺同埋泰国、香港等等嘅名山宝刹。

咁有人话，从以上嘅事迹我哋可以见到，太虚大师系有好多舍利子，但系太虚大师一生为法奔驰，边有咁多时间去念经拜佛，边会有咁多舍利子吖？其实，有成就嘅人，有边个唔忙呢？但系你又见唔到佢究竟点样修，又点可能咁武断话佢冇舍利子呢？其实修为唔系一定在于念经拜佛，最紧要系一个至诚为众生嘅心，牺牲自己，成全他人，将学咗个佛法融入响你生活当中，难道呢啲唔系修行咩？如果净系识念经拜佛，但系身体唔识力行，或者净系念完经之后身体仍然去做恶事，唔检点自己身口意，咁修行与唔修行系根本冇分别嘅。

修行，只系检点我哋日常嘅身口意，时时注意诸恶莫作，众善奉行，自净其意，将啲佛法融入响生活之中先系真修行。念唔念经、拜唔拜佛，最紧要你系专心，千祈唔好执著念经拜佛系修行嘅唯一途径。太虚大师呢个故事，烧出咁多舍利子，佢一生奔波，就可以证明佢系有非常嘅修持。

跟住落嚟我哋讲下另一位值得我哋效法嘅高僧，系民国时候净土宗嘅祖师——印光大师，佢已经往生咗去极乐世界得到上品上生嘅莲花果位。印光大师俗姓赵，法号常惭，系陕西省嘅人氏，三十岁嘅时候大师响圆广寺出家，曾经居住过终南山、红螺山同埋普陀山。自从大师出家以后就唔喜欢同人家往来，亦都唔愿意人哋知道佢嘅名，佢嘅目的系由于佢专心修持，日夜念“阿弥陀佛”，希望能够早啲成佛。

响民国十九年，印光大师创立咗灵岩山净土宗嘅道场，教人要以伦常因果作为根底，以念佛求生西方作为志愿。大师平时自己非常节俭，但系待人呢，就好宽厚，凡系有弟子供养佢，佢都用嚟印赠经典或者救济贫民。佢又设立救济院同慈幼院，时常去监狱讲经。

印光大师嘅慈悲心亦都普及到其他嘅小动物。响民国十九年，大师去到苏州，佢住嘅地方有好多臭虫，弟子恐怕大师被臭虫咬亲，就叫人去消灭臭虫，但印光大师极力阻止，只系话佢自己冇德行，所以臭虫唔肯离开佢。直到民国二十二年，臭虫忽然绝迹，佢知道，但唔对人讲。当弟子问及臭虫嘅事，佢话臭虫已经消失咗，弟子以为佢老眼昏花睇唔清楚，一定要去检查，果然发现臭虫嘅踪迹已经销声了。

大师每餐食完饭之后恐怕糟蹋咗米粮，一定要用条脷去将饭碗舔干净，然后再加开水将碗冲过饮埋呢啲洗碗嘅水先至心安理得。佢每日两餐都系一饭一菜，佢系每日过咗中午十二点钟就唔喫嘢㗎喇。有一日，一个客人同印光大师同一台食饭，嗰个客人唔爱惜饭菜，印光大师就大声责骂呢个客人：“你究竟有几多福气要咁样糟蹋粮食呢？你知唔知道‘虽知盘中飧，粒粒皆辛苦’吖？”

印光大师教导我哋要惜福，唔好将福报享尽，要留一啲俾自己嘅子孙同朋友，仲要留一啲俾来生去享受。大师嘅床头时时贴住一个“死”字，当佢见到“死”字，就会努力念佛，以求了生脱死，佢依种做法就正如越国勾践卧薪尝胆一样咁有功效嘅。印光大师系唔中意谈玄说妙嘅，佢说法系切合人间嘅需要嚟讲，除咗教人父慈子孝、兄友弟恭之外呢，亦都教人求生极乐世界。

求生极乐世界，印光大师倡导嘅方法当然系最简单嘅老实念佛，佢一心求生去阿弥陀佛嘅极乐净土以免受轮回嘅痛苦，所以佢嘅弟子，无论系士农工商，每一行都有，总计一共有二十多万人，都系修持净土嘅。印光大师嘅著作一共有一百万字，佢嘅寿命有八十岁，响灵岩山念佛堂里面坐化之后呢，佢三十二颗牙齿全部都齐全，后来经过火化荼毗之后，得到五色嘅舍利一共有几千颗。

接住我哋再讲下一个亦都非常伟大高僧，就系近代嘅律学泰斗弘一大师李叔同。大家知唔知道弘一大师系边个呢？佢嘅俗名叫做李息霜或者李叔同，喺中国嘅近代史上系好出名嘅。你嘅音乐课本有冇曾经唱过一首《送别》嘅歌吖？响我哋细个嘅时候亦都曾经唱过，歌词曾经有讲过：“长亭外，古道边，芳草碧连天。晚风拂柳笛声残，夕阳山外山。”冇错，呢首送别嘅作者同埋一首好出名嘅《三宝歌》嘅作者，我哋时时唱嘅，或者佛教举行重要仪式嘅时候都要唱呢首《三宝歌》，作者就系弘一大师，俗家名叫做李叔同，佢系一个音乐家，一个好出名嘅艺术家。

弘一大师，俗名叫做李文涛，原籍浙江省嘉兴县，生长响天津，自从父亲死咗之后，佢嘅哥哥李文熙日日将佢锁喺书房里便，由《千字文》《朱子家训》《养性篇》《黄石公素书》一直读到《论语》《孟子》《大学》《中庸》，甚至读到秦文、汉文、唐文等等，佢嘅哥哥希望将佢塑造成为一个经院式嘅传道士，虽然佢认定李叔同唔会成功，但系仍然一心一意去训练佢，学习一切君臣、父子、兄弟、朋友种种嘅儒家礼仪。

弘一大师十八岁以后，佢嘅智慧学历都发展到颠峰，佢嘅每一动作都有分寸，亦都有风格、有出处，譬如写字呢，都能够自成一格，呢一，呢种系长长柔软带有棱角，活动好似一条蠕动嘅蚕虫，佢嘅字的确系好靓，仲有词吔、诗吔、金石吖、篆刻，只要佢练习过都成咗一种创造。总之，弘一大师系一位天才横溢、热情奔放嘅文学家，系一位风流潇洒嘅艺术家，亦都系一位音乐家，当佢响日本留学嘅时候，曾经扮演过茶花女，演得惟妙惟肖、丝丝入扣，轰动日本嘅剧坛。此外，对于评剧，弘一大师亦都好拿手，佢会演小生、武生、花旦等等嘅角色。亦都系物极必反嘅缘故，当佢厌倦呢啲多姿多彩嘅生活以后，响佢风华正茂，突然间急流勇退，毅然投靠佛门，归依我佛。响民国七年嘅夏天，响西湖嘅定慧寺舍俗出家，拜咗悟老和尚为师，李叔同出家之后，法名就叫做弘一或者演音，佢专修律宗，严持戒律，过午不食，每日除咗研究律学之外，就系写经、念佛，分析、整理同注释佛陀嘅戒律《四分律》，使到佢能够发挥实际嘅功能。佢认为末法时代嘅佛弟子好似狮子身上嘅虫，去学世俗人追求名利而唔做了生脱死嘅功夫，呢个就系佛教破产嘅绝症。

佢又认为，如果冇咗戒律，唔肯实行律学，都不足以去医治呢种歇斯底里嘅精神虚弱症，咁样再落去，一百年后中国就冇佛法啦，所以弘一大师发愿刺血写经，为一切生命忏悔，以佢用血写成嘅经嘅功德回向俾众生。大师出家有四个规定：第一，宁愿佢堕地狱，唔做寺庙嘅主持，亦都唔收出家嘅弟子；第二，佢以简易嘅方式去宣扬佛法，唔做大法师；第三，佢拒绝一切名利嘅供养，以粗茶淡饭过行云流水嘅生活；第四，佢精严去持戒，老实念佛，誓成佛道。由以上四点嚟睇，我哋知道佢系几清高。

出家以后嘅弘一大师永远唔提及在家嘅事情，甚至由家里便嚟嘅亲人亦都一概唔接见。咁样我哋可以话，在家嘅李叔同，同出家以后嘅弘一大师，前后根本判若两人，呢个系一般人好难做到嘅事。大师出家多年，以文字嚟度化众生，对佛教实在有好多嘅贡献，但系世事无常，有边个能够逃得过人世间嘅生老病死呢？响关房之中，大师正当病危嘅时候，弟子都嚟为佢念佛，但系佢嘅表现一啲都冇痛苦、冇悲哀，平静咁躺喺床上便，就默默离开咗人间。当弘一大师火化荼毗之后，所捡拾出嚟嘅舍利子，有银色、白色、乳白色、黄色、浅红色、淡绿色，总共有一千八百多颗舍利。

宗教上嘅灵异，对于好多冇宗教修养同信念嘅人，往往系唔容易相信。有啲人认为舍利子嘅灵异未免有啲过于神化，所以竟然有人主张用化学嘅分析去试验，或者认为呢啲迷信系麻醉人民思想，同科学唔切实、同人民无益。如果咁样谂，实在系太唔理解舍利子响佛教之中嘅意义，亦都可以话对舍利子系冇认识嘅批评。

如果讲到有益无益嘅问题，好明显嘅现实，前面已经讲过，舍利子唔系普通人都有，佢系无量戒定慧等等功德所熏修，系一个人精神，人事行为纯洁、品格高超嘅结晶品，遗在人间，使到人对佢生起信仰、信敬之情，鼓舞自己嘅精神意志向上，所谓见贤思齐，因向往舍利、礼拜舍利而学习先贤嘅良好行为。假使每个人嘅行为都能够纯洁，意志都能够向上，咁社会自然少咗好多坏人、少咗好多罪恶，由此可见，舍利子对于罪恶嘅社会感召嘅潜力系好巨大嘅，所以能够讲供养舍利系无益于社会咩？又何必一定要有科学嚟做一啲验证去证明舍利子嘅真假呢？

216.三十三天天外天（一）

三十三天天外天

响1969年嘅7月16号，美国太空人Alden Armstrong，艾鲁准·阿姆斯壮，驾驶太空船阿波罗11号进入辽阔嘅太空，准备登陆月球，为人类开辟一个新嘅天地。佢一面飞行一面四下张望，睇一睇地球以外嘅世界究竟系咩景像，但系佢失望，响太空里便，佢咩嘢都睇唔到，弥望嘅系灰苍苍嘅天空无边无际向下延展，好似一个硕大无朋嘅帐幕，好似有鬼眼似嘅繁星此明彼灭，闪烁不定，真系令人不寒而栗、毛骨悚然。太空人见唔到活动嘅物体同生命嘅迹象，只有花炮嘅流星穿插交错，划空而过，留下几道银色嘅光弧，闪跃几下就消失，一切亦都归于沉静。响呢个荒漠嘅太空，太空人感到可怕、寂寞同空虚，所以佢对地球嘅花花世界更加迷恋，格外珍惜。

地球系好可爱，你睇下有蓝天白云、红花绿树，有家庭嘅温暖，有亲友嘅眷顾，佢系荒漠嘅绿洲、希望嘅灯塔、生命嘅摇篮。其实人类系几荒唐同愚昧呢，身在福之中而不知福，美好嘅一片天地，人类不但唔知道点样爱护同珍惜，反而想尽办法去摧残、去毁灭佢，咩原子战、细菌战吖、太空战，几乎现在成咗广播电视嘅热门节目同报章杂志嘅时髦课题。阿姆斯壮驾住太空船，一面飞行一面个心里便谂，佢感到宇宙嘅无穷、生命嘅渺小、人生嘅空虚，同埋人类自我毁灭嘅悲哀。当太空船飞近月球嘅时候，佢用眷恋嘅眼光望番转头睇一睇，一角里便有一个星球响度浮动，呢个究竟系个咩景象呢？一个橙黄色嘅橄榄形嘅球响浑无涯际嘅太空里便浮浮沉沉、闪闪有光。吖！原来呢个就系我哋最珍惜、最可爱嘅地球，太空人几乎惊叫起嚟，但系随住太空船嘅推进，呢个橄榄形嘅球开始逐渐缩小，终于消失响银河系里便无数嘅星群之中。

讲到呢度，我哋会不期然谂起，谂到一啲问题，宇宙其实究竟有几大呢？有冇限度呢？我哋日常居处于呢个地球，究竟响太空里便系占有一个咩位置呢？呢个问题嘅答案其实系太多了，几乎牵涉到整个天文学同太空学嘅演变历史。庄子曾经讲过“自细视大者不尽”，渺小嘅人类无法藉住有限嘅感官经验同科学仪器，其实去探测大宇宙嘅底蕴，就时间嚟讲，宇宙系亘古如斯、长驻久存，时间嘅无限同虚无，比起空间上嘅零点或者空洞亦都系不可思议。宇宙间任何个别嘅物体都有大小方圆嘅体积，佢哋响发展嘅过程之中都要生长、成熟、衰败同死亡，不过宇宙嘅本身系无始无终、无量无际、圆满自足同不容增减嘅。响呢个无限大嘅世界里便，日、月、地球同无量数嘅星体好似随风飞卷嘅尘沙，响人不经意嘅太空角度里便构成难以计数嘅星云层太阳系。我哋嘅地球究竟系咩嘢样嘅呢？佢不过系太空里便一粒微尘，大海上便一滴水珠，呢个无始无终、无量无边嘅大宇宙其实就系代表咗整体同埋完善。

跟住落嚟我哋大家一齐试尝探讨一下佛经里便讲三界嘅情况。所谓三界，系欲界、色界、无色界。“界”就界别嘅意思，分界嘅意思，呢个三界里便构成咗众生善恶差别同埋禅定嘅相。

第一系欲界。欲界系地狱、畜生、饿鬼、修罗、人间同埋六欲天嘅总称，呢个界嘅众生耽于食欲、色欲、睡欲等等嘅各种欲望，所以叫做欲界。

第二系色界。色界系身体、宫殿、国土、物质，都系殊胜精妙，称为“色界”，“色”就系有物质、障碍嘅意思，一共有四禅十八天。

第三系无色界。无色界呢，系冇物质嘅，只有心识，由空虚嘅地方有四种空天，一定由空无边处天开始至到非想非非想处天嘅四天，只有受、想、行、识四种心，但系冇形质，所以叫做“无色界”。

咁首先我哋嚟讲一讲欲界，我哋由地狱道开始讲啦。地狱其实粗略可以分做八寒地狱、八热地狱同埋无间地狱等等嘅地狱。其实地狱系由我哋嘅心去感召而应现嘅，但系由于我哋造嘅因唔同，感受嘅果唔同，造嘅恶唔同，感受嘅苦报唔同，所谓万法唯心，故此就应现咗无穷无尽无边嘅地狱，有一个恶心，就有一个地狱。

首先我哋讲一讲八寒地狱，八寒地狱故名思义就寒冷嘅地狱嘅刑罚啦。第一个地狱叫做“頞浮陀”，“頞浮陀”嘅意思系梵语，解释为“疱”。“疱”嘅意思犹如我哋嘅身里便起啲水疱，由于太过寒冷吖，所以个身呢，开始生疮、生水疱，呢个系冻嘅迹象。第二系疱裂地狱，梵语“尼赖浮陀”，“尼赖浮陀”嘅意思系寒苦所逼，令到嗰啲身上所起嘅冻疱开始崩解，开始裂开。第三个寒冷嘅地狱叫做“阿吒吒”，“阿吒吒”嘅意思系极为寒苦咁嘅意思，“阿吒吒”系寒苦嘅众生响地狱受报，个口里便发出嘅声音咁解。第四系“阿波波”，“阿波波”嘅意思系寒苦增极，受苦嘅众生系唇上便微颤微颤，犹如我哋好冷喺度震颤，喺地狱里便就发出呢个“阿波波”嘅声音。第五系“呕喉”，“呕喉”，寒苦亦都比阿波波再开始增极嘞，呢个地狱，越嚟越大嘅冻嘅寒冷，于是由个喉部而发出呢个声音。第六系青莲花地狱，青莲花地狱梵语“郁波罗”，“郁波罗”嘅意思，由于太过寒冷冻到皮开肉裂，颜色就好似青色嘅莲花一样。第七就红莲花地狱，梵语“波头摩”，“波头摩”地狱呢，系比青莲花地狱更加寒冷，冻到啲肉好似红色嘅莲花开花一样爆开撕裂。第八系白莲花，梵语“芬陀利”，“芬陀利”嘅意思呢，系已经比红莲花嘅冷冻呢更红，红呢慢慢再转白，白到冇得再白，开始皮肉脱落，骨嘅颜色就好似呢个花一样。以上所讲嘅八寒地狱，呢啲地狱嘅寿命呢，系比热地狱更长或者系减半嘅。

讲完寒嘅地狱，我哋又讲下热嘅地狱，第二种我哋所讲嘅呢，就系八热地狱。

第一个地狱叫做等活地狱。等活地狱系呢个地狱之中嘅众生佢哋互相瞋恨、愤怒，攞啲利器你㓤我，我㓤你，到大家互相相杀咗之后，死而复活、活而复死，所以叫等活地狱，呢个就等活地狱嘅苦报。我哋讲个等活地狱苦报呢，系有一个好长嘅寿命嘅，好惊人，如果我哋以人间五十年去计，就四天王天嘅一日，如果呢个狱呢就系四天王天嘅寿命五百年为一日夜，所以累积个数呢，就达到五百岁。

第二我哋讲下，就系黑绳地狱。黑绳呢，好似世界嘅木绳一样，计佢嘅寿命呢，系人间百岁，人间百岁呢，等于玉皇大帝帝释忉利天嘅一日一夜，呢个地狱以忉利天嘅寿命一千年为一日夜，呢个寿命呢，总共有一千岁。

第三种系众合地狱。众合地狱呢，系众生死后，将个罪人嘅身呢，压逼成微尘，所以叫众合地狱。如果用个寿命计，系以人间二百年为夜摩天嘅一日一夜，呢个狱嘅寿命系以夜摩天二千年为一日一夜，天寿总共有二千岁。

第四系嚎叫地狱。嚎叫地狱呢，系响个大锅之中沸汤烹煮，令到啲罪人嚎叫。寿命呢，如果以人间四百年就系兜率天一日一夜，呢个地狱就以兜率天四千年为一昼夜，总共受苦要有四千岁。

第五系大嚎叫地狱。大嚎叫地狱就响热铁嘅锅中烹煮，受煎熬苦，痛极嘅时候大叫，所以叫大嚎叫。佢嘅寿命如果人间八百年就化乐天嘅一日一夜，呢个地狱呢系以化乐天八千年嘅寿命为一日夜，一共嘅寿命有八千岁。

第六系炎热地狱。炎热地狱系烈火猛烧，烧到皮开肉裂而变糜烂，好似煮粥一样，由固体而变成液体，所以叫做“炎热地狱”。佢嘅寿量人间一千六百年就他化天嘅一日夜，呢个地狱系以他化天嘅一万六千年为一日夜，寿命一共有一万六千岁。

第七种地狱呢，系极炎热地狱。极炎热呢，系罪人响火中里便烧，内烧外烧，烧到已经无可再烧嘞，身心同灵魂都已经受烧灼之苦，所以叫做极炎热地狱，佢嘅寿命一共有半个中劫。

第八就系我哋平时所讲嘅无间地狱，亦都叫做“阿鼻地狱”，“阿鼻”系梵语，译为我哋汉文呢，就“无间地狱”。无间地狱系受苦无间歇，一共有五种意思嘅其实“无间地狱”：

第一就趣果无间，趣果无间呢，意思话系有极重罪嘅罪人呢，而落到呢个地狱里便呢，受到呢个果报系冇休息、冇间歇；

第二系受苦无间，意思就话喺呢个地狱里便呢，受各种痛苦亦都系冇间歇；

第三种系时无间，意思话落到呢个无间地狱呢，受苦嘅时节亦都系冇间歇；

第四种呢，系命无间，命无间呢，系话落到呢个地狱，寿命有一终结，无有间歇；

第五系形无间，形无间，喺呢个地狱受罪嘅众生，生而复死，死而复生，身形系冇间歇。

跟住我哋讲下有第三种地狱，叫做“十六游增小地狱”。八热地狱每一个方向亦都有四个小狱，一共呢，就有十六个小狱啦，四四一十六，所以八大地狱总共有二十八个小狱（注：疑为一百二十八个），八寒八热，佢哋所附属嘅地狱夹埋一共有二十八个小地狱，就叫做“游增”。“游增”嘅意思系受刑嘅众生，喺大嘅地狱受完之后，然之后呢，再轮，轮转去呢啲“游增”，啫小嘅地狱里便再继续受苦。

呢十六个地狱，第一系黑沙地狱，“黑沙”嘅意思系热，热嘅风吹热嘅黑沙，吹到燋烂，吹到我哋皮骨燋烂；

第二系沸屎地狱，沸屎地狱呢，系呢沸屎嘅铁丸吖，喺地下上便呢，驱逼罪人，全部系烧热晒嘅；

第三铁钉地狱，系铁钉钉满全身，周身遍体嘅惩罚；

第四系焦渴地狱，意思当你渴嘅时候，就用一啲好高热度溶咗嘅铜浆灌口；

第五系饥饿地狱，意思犹如《地藏经》一样，“饥吞铁丸”，头先个焦渴嘅地狱亦都系渴饮铁汁嘅地狱；

第六系铜镬地狱，铜镬地狱呢，系投于油镬里便蒸炸；

第七系多铜镬地，系经过好多铜镬嘅痛苦，头先第六个系一个铜镬，今次呢个呢，系众多嘅铜镬；

第八，石磨地狱，系受一啲炎热嘅石去压逼煎磨；

第九，脓血地狱，系一啲脓血沸汤，将个身泡烂，然之后再食番啲脓血，通彻过腹；

第十，系量火地狱，系意思有啲大火将全身嘅身体烧到焦烂；

第十一，系灰河地狱，系一啲灰河沸涌、恶气蓬勃、铁刺纵横、剑树刀林，恶兽毒鸟而啄磨我哋嘅身体，受无量嘅极苦；

第十二，系铁丸地狱，系一啲热铁丸呢，烂坏我哋嘅身体，令到我哋身体著火，举身焚燃；

第十三，系斧钺地狱，斧钺地狱系攞啲铁斧吖、铁锤吔，斩斫我哋嘅身体，𢱕我哋嘅身体；

第十四，系豺狼地狱，系铁嘅猛兽、铁嘅豺狼呢，咬到罪人呢，皮开肉裂；

第十五，系剑树地狱，剑树地狱，罪人进入咗个剑林，当啲暴风吹啲树嘅时候，啲树嘅树叶都能够好似剑一样咁锋利，将身体斩开成一件件；

第十六系寒冰地狱，系有啲大嘅寒风吹我哋嘅身体，吹到我哋皮开肉绽。

以上呢十六个地狱系附属八寒同八热地狱。我哋粗略讲讲呢啲地狱，呢啲地狱就系唯我哋嘅心所现，若然我哋唔造罪，又何尝游地狱呢？

跟住再同大家研究一下畜生道。畜生道其实嘅分类亦都系好广泛，有披毛嘅啦，有戴角，有四足、多足、有足、无足、水陆、空行，其实畜生呢，系好惨，佢哋互相吞啖，受无明障蔽，受苦无穷，佢哋亦都愚痴贪欲。如果你生前系做咗中品嘅五逆十恶，“五逆”嘅意思系杀父、杀母、杀阿罗汉、出佛身血、破和合僧，“十恶”呢，就“十善”嘅相反，如果我哋做咗中品嘅五逆十恶，就会感到畜生道嘅报应。现在我哋就畜生道嘅报应嚟讲，有八个角度去睇：

第一，譬如由形体嚟讲呢，畜生有披毛、戴角、鳞甲、羽毛等等嘅分别；

第二，如果我哋呢，就佢所居住嘅地方呢，就有水啦、陆啦、空啦、行啦，等等嘅分别；

第三，就陆地嚟讲，重者呢，就匿入嚟土里面，中者呢，就喺山林里便，轻嘅呢，就系人所畜养嘅；

第四，如果就时间昼夜嚟讲呢，有啲昼行，有啲夜行，有啲昼夜俱行；

第五，如果就强弱嚟讲呢，畜生道，所谓物竞天择，适者生存，强嘅一定去伏弱，饮佢哋嘅血，啖佢哋嘅肉，互相吞啖；

第六，如果就寿命嚟讲呢，畜生道嘅寿命呢，系有时冇一定嘅，最长嘅呢，可以到达一中劫咁长嘅寿命嘅；

第七，如果就果报胜劣去讲呢，其实虽然属于畜生吖，由于生前所修嘅福德力唔同呢，有啲福德大嘅呢，可能做龙王、象王或者金翅鸟王、狮子王等等；

第八，就出生嚟讲呢，出生嘅种类就有胎、卵、湿、化等等。

以上系畜生道简单嘅叙述。

我哋再嚟去研一研究饿鬼道。饿鬼呢，其实响六道里便都有嘅，有福德嘅饿鬼呢，其实就相当于一啲小神一样去管理一啲细细嘅地方，如果冇福德嘅呢，就时常居住喺啲唔洁净嘅地方，时常受饥饿，受苦无量。由于生前做人陷曲心意而作下品嘅五逆十恶，就会感生饿鬼道。饿鬼道嘅寿命以人间一个月作为一日，佢哋嘅寿命通常一共有五百岁，但系极长嘅呢，亦都有七万岁嘅，种类其实都好多，现在同大，大家讲一讲，饿鬼大约可以分为三种九类。

第一种系无财鬼，一共分为三类。“无财”嘅意思呢，系得唔到饮食咁解。无财鬼嘅第一类系炬口鬼，炬口鬼意思就系好似我哋而家所讲嘅焰口鬼一样，当你俾嘢食佢嘅时候呢，佢食唔到，个口里便呢，由于生前嘅业力喷出猛火，将你俾佢嘅食物烧焦，所以得唔到食物。所以我哋佛教里便所谓“打斋”，所做嘅法事其实叫做“放焰口”，就去障祭呢啲饿鬼一种功德法事。第二种系针咽鬼，针咽鬼呢，佢嘅头同埋腹部呢，好似山咁大，但个咽喉就细到好似针一样，所以呢，滴水都唔能够进入。第三呢，系臭口鬼，身体呢同埋个口系好臭，好似尸体咁臭。

第二种呢，我哋讲到系少财鬼。少财鬼亦都分开三类，话佢“少财”嘅意思呢，唔系得唔到饮食，系比无财鬼优胜一啲，系得到少少嘅饮食。第一种系针毛鬼，针毛鬼个身呢，嘅毛好似针一样呢，自己嘅毛㓤返自己嘅身体呢，而时常出血，佢哋呢，就以呢啲血呢为食；第二系臭毛鬼，臭毛鬼身体里便犹如头先无财鬼嘅臭口鬼系一样，身体亦都系好臭，佢身体上嘅毛发亦都系臭秽不堪；第三种系大瘿鬼，大瘿鬼嘅意思就系颈里便，“瘿”就系一个肉瘤咁解，颈里便有一个好大好大嘅肿瘤，肿瘤里便呢充满咗脓汁，大瘿鬼就挤压颈上便嘅肿瘤嘅脓汁去饮，作为自己嘅食物。

第三种，我哋讲到系多财鬼。多财鬼系有福德嘅鬼嘞，一共分为三类，“多财”嘅意思系福德多，所以饮食亦都多。第一种系得弃鬼，得弃鬼嘅意思呢，系时常得到呢，人哋丢弃嘅饮食；第二系得失鬼，得失鬼嘅意思呢，系时常得到我哋遗失嘅食物而食，所以叫得失鬼；第三系势力鬼，势力鬼呢，系有大嘅势力，亦都一共分为三类。第一种系夜叉，亦都叫做“药叉”，“药叉”系梵语，我哋中文叫做“勇健”同埋“暴恶”，一共有三种：有地行夜叉啦，喺地上便啦；有虚空嘅夜叉啦，喺虚空里便游行啦；有响天界上有福德嘅夜叉。势力鬼嘅第二种系“罗刹”，我哋成日听到“罗刹”，“罗刹”嘅意思系梵语，我哋中文叫做可畏鬼、食人嘅鬼，“罗刹”系一类恶鬼嘅通称嚟嘅。第三种系“毗舍阇”，“毗舍阇”呢，译做“啖精气鬼”，专系食人嘅精气嘅鬼。呢啲都系有力嘅恶鬼嚟嘅。所以六道轮回里便，其实人死为鬼只系六分之一个机会，但系鬼类呢，其实亦都唔止咁少，由于时间嘅关系，响呢度只能够介绍到咁多，我哋一般见到个鬼，其实都可以用以上所讲嘅三种九类去分辨嘅。

跟住嚟到我哋讲到修罗道，修罗道嘅果报系好殊胜嘅，系次于天界，但系修罗个意思，由于佢嘅心呢，时常有瞋恨心，时常好斗，有天接近嘅福报，而冇天嘅德行，佢哋好恐怖，有时呢，因为心怀小小妒忌呢，就兴起战争，虽然有时都能够行善，但系呢，佢哋有个心希望能够胜过他人。如果我哋生前做咗下品嘅十善呢，就会感生呢个道路。修罗道呢，系上三道，“天、人、阿修罗”嘅“修罗”就系呢个“修罗”啦，解释为“无端正”咁解，“无端正”呢，就系样貌唔端正，“非天”咁解，“非天”系有天嘅福，但系冇天嘅德行，而下三途呢，就相对于上三途，就头先所讲嘅地狱、旁生同饿鬼。而家就讲到上三途啦。其实阿修罗呢，都可以用四类去分嘅：

第一喺畜生道里便嘅阿修罗，因为有湿气嘅缘故呢，系畜生趣所摄；

第二系鬼道嘅修罗，由卵而生嘅，系鬼趣所摄；

第三系我哋人界嘅阿修罗，系由胎生嘅，系人趣所摄；

第四系天界嘅阿修罗，由化生而出，系天趣所摄。

以上嘅分类就所讲嘅四种嘅阿修罗，其实我哋“阿修罗”呢，用我哋现代术语讲，可以系叫做精灵界嘅众生。

跟住落嚟我度讲，我哋讲到我哋自己“人道”嘞。人道系苦乐相间，响修因嘅时候能够守持杀、盗、淫、妄、饮五戒，做咗中品嘅十善就会生于人道。一共有四大部洲、四种龙王同埋十种仙人之分，现在我哋就开始研究一下啦。

第一，四大部洲。四大部洲嚟讲呢，喺佛经里便讲到，论福报，响北俱卢洲，北方呢个洲系最胜，南方个洲呢，系最乱，但如果讲佛法嚟讲呢，南方个洲系最胜，北方个洲呢，系最乱。南方个洲，所谓“南赡部洲”，响佛经时候常提到嘅呢，其实系相当于我哋嘅地球。

第一，系北俱卢洲。北俱卢洲梵语叫做“郁单越”，“郁单越”呢，系解释为“胜处”咁解，亦都叫做“高尚”，因为由于呢个北洲嘅福报吖，系比其他洲呢，较为优胜，佢哋嘅寿命一共有一千岁。中途呢啲响北区，北洲里便生活嘅人民系唔会中夭嘅，亦都唔会做十恶，佢哋命终之后就会生响天上，纯乐无苦，亦都唔怕无常，佛法呢，但系好难呢，传到入呢个北俱卢洲，所以响佛教里便呢，北洲亦都系八难里便嘅其中之一难。第二系西牛货洲，西牛货洲梵语叫做“瞿耶尼”。西牛货洲嘅人寿命五百岁，但系呢，中途会有夭折嘅，稍微亦都有佛法能够传入到西牛货洲。第三系东胜神洲，或者叫做东胜身洲，梵语“弗于逮”。“东胜身洲”解释为“胜”咁解，由于佢福报胜过南洲，寿命一共有二百五十岁，亦都有中途夭折嘅。第四系讲到我哋住嘅地方南瞻部洲，其实呢个“瞻部”嘅意思呢，亦都系梵语，有时译做“阎浮”，所以喺佛经里便我哋亦都听到有“南阎浮提”呢个名称，其实同“南瞻部洲”呢，系一样嘅，只系译音嘅问题，翻译我哋中文叫做“胜金”咁解。由于我哋嘅寿命冇定限，响呢个世界形成嘅时候，劫初嘅时候嘅寿命系无量，减劫嘅时候呢，减到呢，十岁，增劫嘅时候又会增到八万四千岁，但系而家我哋人类嘅寿命呢，已经唔够一百岁，可能系六十岁多至七十，但系仍然会中途夭折。所谓不道……（注：接下文）

217.三十三天天外天（二）

（注：接上文）

如果讲到我哋人类世界嘅果报呢，当然唔及东胜身洲啦，何况系西北两洲呢？但系有三样嘢系比天界更为殊胜，何况其他嘅三洲呢？第一，就系能够断淫；第二，就系我哋呢，明白我哋嘅念力；第三呢，就能够精进。所以诸佛喺出南洲，所以呢个洲嘅人呢，根性猛利，但系呢，亦都容易升、容易沉，呢个就系我哋人界南赡部洲嘞。

第二，我哋讲到四轮王。四轮王呢，即系转轮王，亦都叫转轮圣王，呢啲嘅皇帝嘅身体呢，响佛经里便我都听见过，有三十二相，好似佛陀一样嘅，而且能够，能够感得呢，统领人天嘅宝物：轮宝。亦都能够长伏四方，所以又叫转轮王，亦都能够飞行响空中，增劫到人寿八万岁以上出世，减劫亦都由人寿无量岁到八万岁嘅时候出世。所以轮王同埋轮宝呢，分别有金、银、铜、铁四种，而次第统领一、二、三、四个大洲，即系金轮王就统领四洲，银轮王就统领东、西、南三洲，铜轮王就统领东、南两个洲，铁轮王呢，就统领只系南赡部洲呢一个洲啫。第一种系铁轮王，铁轮王系感得铁轮嘅宝，统御南赡部洲嘅圣王，响增劫嘅时候到人寿两万岁就会出现，或者减劫嘅时候到人寿八万岁以上就会出现。呢个铁轮王呢，统御一个洲，佢哋呢，用十善化世。第二系铜轮王，铜轮王呢，系感召得到铜轮嘅宝物，而去呢，统领两个洲嘅圣王。喺佛经里便记载，菩萨嘅五十二个阶位，十住嘅位呢，其实系铜，铜轮王嘅位，统御东、南两个洲，亦都以十善化世。第三，系银轮王，银轮王感得银轮王嘅宝物，呢个银轮嘅轮宝呢，能够统领三洲嘅圣王，亦都呢，使到三洲得以称服，用十善化世。铜，银轮王呢嘅功德已经系胜过头先所讲嘅铜轮王嘞。第四系金轮王，金轮王系感得金轮嘅轮宝而统领四大部洲。金轮王出世，风调雨顺、国泰民安，亦都具足七宝，有一千个儿子，金轮王亦都能够使到天下呢，行十善，所以四个轮王之中呢，以金轮王嘅功德最大。

跟住落嚟我哋讲到，头先已经提过人界里便，修心不正，意思以偏重某一方面去修嘅十种仙人。十种仙人呢，其实虽然离开人世，但系离唔开人类嘅，响《楞严经》里便其实已经讲过㗎喇。有一种人，佢为咗求坚固嘅形骸，长生不死，以各种嘅药物炮炼、修冶，制作一啲膏丹丸散去不断服食，等到呢啲功夫圆满成就呢，佢不但身强体壮，能够祛病延年，而且身体系好轻，行走嘅速度极快，系我哋人唔能够及得佢，呢一类就叫做地行仙，呢个就系第一种仙人。第二种，为咗求长生，唔食人间烟火，只系服食各种草木，譬如紫芝吖、黄精吖、松枝吖、柏叶嘅药物，服食不断，等到功夫圆满成就，于是就行步如飞，能够跳跃高空山崖，身轻胜前，呢一类呢，就做叫做飞行仙。有一类，为求长生，由于烹煎铅汞、炼养丹砂，所谓炼丹，不休不歇，一旦功夫圆满成就，就能够化形易骨、点石成金，因而超脱而云游世外，为咗利人济世呢，而去游行人间，呢一类呢，就叫做游行仙，呢一类嘅仙人呢，我哋喺道教里便呢，都见得到好多。有一类，为咗求长生，专心一致，炼精化气、炼气化神、炼神还虚，等到功夫圆满成就，精气俱化，形神皆妙，可以乘风御气、腾云驾雾、游于虚空，呢一类叫做空行仙。有一类，为咗求长生，专心致志，鼓天池、咽玉液，使到身内嘅水火升降，久而不息，而后最后达到水火相济，功夫圆满，而结成身内嘅丹，内外融通，唔被世俗嘅物质所累，能够乘风御气、云游天上，同天地合德，同六气合用，亦都能够利济万物，呢一类亦都系好高境界嘅天行仙。有一类，为咗求长生，专心致志，采日月嘅精华，餐云采气、久行不息，到功夫圆满，精气潜通，形同埋气化，神亦都同物通，呢一类嘅仙人能够穿金石、蹈水火，任运无碍，物质已经阻碍唔到佢，已经通咗造化，呢一类呢，就叫做通行仙。有一类，为咗求长生，专心致志，但系呢一类同以前唔同，佢哋奉持咒语、严守禁戒，久久修行而唔停止，等到啲咒语、法术得以圆满成就，可以治病、祛病、降魔、伏鬼，不但可以用呢一种方法去养身，亦都用呢一种符咒嘅方法去济世，呢一类就叫做道行仙。有一类，为咗求长生，坚定心智、沉思静念，佢哋嘅心存想喺顶门里便出神，运用呢个方法嚟去修炼，等到思念圆满成就，佢嘅元神就能够出入自在，佢嘅气可以上下交通无滞，形神照应不失，呢一类就叫做照行仙。有一类，坚固交媾而唔休息，感应圆成，呢一类叫做精行仙。十种仙人嘅最后一类，就系坚定心智，以穷物变，呢一类嘅仙人呢，佢深研造化嘅道理，参悟天地嘅玄机，久而不息，悟通造化之道，与大自然造化相通，觉悟圆满成就，佢哋嘅能力足以移山倒海、呼风唤雨，将春夏秋冬四季嘅时序能够颠倒，呢一类叫做绝行仙。呢十种仙人呢，其实系喺人中炼心，唔修正觉，但系佢哋嘅功力同埋神通已经系非常之高，我哋听完之后呢，好容易误会系得到道嘅，其实，呢一类嘅仙人有啲都自己响陶醉佢嘅修炼嘅满足感之中，以为自己能够证道，以为自己能够呢，化人济物，但系其实呢，都响人中炼心，而唔修正觉。呢一类嘅神仙呢，有千万岁，有啲呢系匿埋喺深山，有啲响大海，有啲响人嘅境界里便，但系其实都出唔到六道轮回，都系一啲妄想流转。呢啲仙人唔修三昧，等佢报应，当然个天寿系好长，寿命完咗之后呢，其实佢都要须要再轮回嘅。

好嘞，跟住我哋讲到，向上嘅天界就三十三天天外天。其实三十三天呢，系玉皇大帝道教里便嘅称谓，响我哋佛教里便呢，叫帝释、释提桓因，系欲界嘅天帝嚟嘅，三十三天嘅天帝。三界里便一共有二十八天，简称欲界、色界、无色界。欲界六个天，色界十八个天，无色界一共有四个天。

第一，六欲天，六欲天嘅福德同埋其他天呢，系一样，而有饮食，有男女，有睡眠三种事，但系同“色、声、香、味、触”五欲同埋其他五道呢，都系一界。第一系四天王天，距离我哋最近嘅天界系四大天王天。四大天王我哋成日听到，啫系护世嘅四天王同埋佢嘅眷属去保护人间，呢啲天王都系修咗上品嘅十善，系唔杀生，戒功增上，德行所感，或者一日一夜斋戒嘅功力所感。佢哋身长五十七丈，以人间五十年为一昼夜，寿命五百岁，如果合人间嘅数呢，其实就系九百万年，但系亦都有中夭嘅，死嘅时候呢，有五衰相现，亦都好似阳世间嘅人有一部分嘅苦恼。四大天王分别系：第一，东方持国天王，佢统领乾闼婆神；第二系南方增长天王，佢统领鸠槃茶神；第三系西方广目天王，系统领龙众；第四系北方多闻天王，佢哋统领夜叉众。

欲界嘅第二层天再上，就系我哋所讲到嘅三十三天。三十三天梵语叫做“忉利天”，“忉利”意思解释为三十三，所以叫做“三十三天”。因为天界里便呢，中央为中心，四方各有八天，四八三十二，加埋中间呢个天呢，系统领，系玉皇大帝统领其他天界嘅皇帝，所以叫做“三十三天”合共，亦都系修上品十善所感，或者不杀、不盗、戒功增上嘅德行，就会生去忉利天。忉利天嘅天人身长五十丈，但系呢，帝释嘅身长呢，就三百丈，以人间一百年为一日夜，寿命一共有一千岁，合计就人间三千六百万年，但系中途都有中夭，亦都会现五衰相嘅。三十三天呢，第一就系帝释天所居住，所谓善法堂天，亦都系位于呢，三十三天嘅中央。

跟住我哋嚟讲下，南、西、北方或者东方每一边嘅八天嘅名称，虽然唔够，唔能够今日详细解释天界嘅内容，但系起码大家能够知道天界嘅名称。响南方嘅八天，佢哋嘅名称分别系：山峰天、山顶天、善见城天、钵私他天、俱吒天、杂殿天、欢喜园天、光明天；响西方嘅八个天界就系：波利耶多天、离险岸天、谷崖岸天、摩尼藏天、旋行天、金殿天、鬘形天、柔软天；响北边嘅方向嘅八个天，系：杂庄严天、如意天、微细行天、歌音喜乐天、威德轮天、日行天、阎摩那娑罗天、速行天；响东方嘅八天分别系：影照天、智慧行天、众分天、蔓陀罗天、上行天、威德颜天、威德焰轮光天、清净天。所以呢，四八三十二，加埋玉皇大帝统领嘅天界，合共就三十三天。玉皇大帝就掌理人间嘅善恶功过，我哋一日解脱唔到生死，一日都受玉皇大帝所管辖。玉皇大帝再上一个天呢，就所谓夜摩天，“夜摩”嘅意思就系“善时分”咁解。夜摩天以莲花开合去分昼夜，呢个亦都系修上品十善，而且亦都识得少少禅坐，亦都不杀生、不偷盗、不邪淫，三条戒增上嘅功德所生，生去到呢个天嘅，或者守持八关斋戒、十戒等等嘅功德所感，佢哋身长二百五十丈，以人间二百年为一昼夜，寿命一共有二千岁。第四就系兜率天，兜率天就好出名㗎喇，“兜率”嘅意思呢，解释为“知足”，由于响五欲嘅境界知足所现，如果我哋修上品十善呢，能够呢，感生到呢个天。呢个天嘅身呢，系非常之长嘅，或者可能我哋修八戒、十戒亦都能够感生呢个天。天人嘅身长系三百丈，以人间四百年为一日夜，寿命四千岁。兜率天呢，亦都有呢，唔俾世界毁坏嘅时候，水、火、风三灾所坏嘅内院，内院亦都系弥勒菩萨嘅净土，将来弥勒菩萨响释迦佛圆寂五十六亿七千万年之后就会降生响印度开龙华三会，现在就喺兜率内院教化菩萨。兜率内院呢，系一生补处菩萨所居住，一生补处菩萨，啫系挣一个阶位就成佛去补佛位嘅菩萨摩诃萨，所以内院呢，系好重要，系培训菩萨嘅道场。兜率天以上呢，再上一层天就系化乐天，呢个天界呢，自己化现呢，尘俗、尘世嘅娱乐去以为自己嘅娱乐，修上品十善，而且呢乘欲界中嘅定，修持少少欲界嘅禅定所感召，身长一共有三百七十五丈，以人间八百年为一昼日夜，寿命八千岁。再上一层天，就欲界嘅顶——他化自在天嘞，呢个天呢，系假他人所化嘅娱乐为自己嘅娱乐，所以叫做他化自在天。他化自在天呢，身长四百五十丈，以人间一千六百年为一日夜，寿命一共有一万六千岁。有啲人话，他化自在天有一个里便，就系魔天，所谓“魔”，“魔罗天”，响他化自在天之上，有破坏佛法嘅魔王嘅魔宫，系魔天所居，亦都系他化天所摄嘅。

讲完欲界嘞，跟住我哋再讲下色界。色界一共有四禅十八天，就系初禅、二禅、三禅、四禅。初禅有三天，二禅有三天，三禅有三天，四禅一共有九天。第一系初禅三天，初禅三天开始呢，身体呢同埋衣服都系随意，亦都系冇男女，佢哋以禅定发起为食，只系一个内外，内在嘅觉观心。响外在里便呢，火灾坏呢个世界嘅时候就会烧到上初禅天。初禅嘅三天，第一系梵众天，梵众天系超越六欲天，远离饮食同埋淫欲、睡眠三种过患，所以叫做“梵”，“梵”系清净、离开欲望嘅意思，到达梵天呢，都须要去修禅定，去离开呢个欲望嘅。呢个梵天嘅身长呢系半由旬，寿命一共有二十小劫。第二系梵辅天，梵辅天呢，犹如梵，大梵天嘅自，嘅神众一样。第三天系大梵天，呢个梵辅天系佢嘅神众，系初禅天天主嘅辅神，系帮助初禅天统理呢个初禅嘅三天嘅。呢个梵神嘅身长呢，就系一由旬，寿命四十小劫。初禅最高嘅天就大梵天王，大梵天王响我哋佛教里便就相当于所谓叫做四面佛，其实就系四面神。初禅天嘅天主呢，叫做尸弃，尸弃呢，就统领呢，呢个呢，大梵嘅三天，亦都系婆罗门教嘅主神。

跟住讲到二禅嘅三天，二禅嘅三天呢，世界破坏嘅时候呢，水灾呢能够淹到二禅。第一，第一系少光天，少光天意思系光明比较少，由于禅定力未深。呢个天系世界坏嘅时候呢，火灾烧唔到，寿命有两大劫，身体有两由旬咁长。“由旬”嘅意思呢，相当于我哋四十华里，但系亦都有一种说法，相当于六十或者八十嘅华里。第二系无量光天，无量光天系比少光天嘅光明呢，增胜嘞，无限量嘞，亦都系须要修禅定先能够去到呢个天界。呢个天界嘅四，嘅寿命一共有四个大劫，亦都系呢，身体有四由旬咁长。第三系光音天，光音天嘅意思呢，系话呢个天呢，以光明作为语音，作为沟通嘅语言、工具。我哋人类初时嚟呢个世界嘅始祖，就由光音天而嚟嘅，光音天亦都呢，兼修四无量心嘅，命终之后呢，亦能够呢，得生呢个天界。寿命光音天有八大劫，身长八由旬。

现在我哋讲到三禅天，二禅已经讲完了。三禅有三个天，三禅嘅天呢，喺世界坏嘅时候呢，被风灾能够所摧毁嘅。第一系少净天，少净天嘅意思呢，系话呢个天嘅意识乐受清净。少净天嘅人呢，命终嘅时候呢，水灾系到唔到嘅，但系风灾就会吹得到嘞。佢哋身长十六由旬，寿命一共有十六大劫。第二，系无量净天，系呢个天呢嘅清净比少净天呢，优胜咁解。身长三十二由旬，天人寿命亦都有三十二个大劫。第三，系遍净天，意思系呢个天呢，乐受呢，系最胜、最清净、周遍。呢个天嘅天人呢，身长有六十四由旬，寿命有六十四个大劫。

三禅天讲完嘞，跟住我哋再讲四禅，一共有九天。四禅天里便呢嘅九天呢，系水、火、风三灾都唔能够破坏佢嘅。第一系无云天，无云天嘅意思呢，系天上嘅云呢，以云为居，系好轻薄咁解。天人嘅身长一共有一百二十五由旬，寿命有一百二十五个大劫。第二系福生天，意思系呢个天呢，所修胜福力而生咁解，天人身长二百五十由旬，寿命二百五十大劫。第三系广果天，呢个天嘅果报广大，无能胜故，天人嘅身长五百由旬，寿命五百大劫。以上呢，头先所讲呢三天，四禅九天里便，依三天系凡夫所居住嘅。

跟住落嚟所讲呢五天呢，系无想天、无烦天、无热天、善见天、善现天、色究竟天，呢五天呢，系圣人所居住，系三果圣人同埋呢，阿罗汉所居住，亦都叫做五不还天。咁呢，呢啲天界呢，一个天比一个天嘅寿命同身长更加殊胜，譬如以最后嘅色究竟天为例嘅天人竟然能够有一万六千由旬嘅身长，寿命一共有一万六千个大劫咁长。喺佛经里便记载呢，响色究竟天之中呢，再上亦都有摩酰首罗天，亦都系破坏正法嘅魔王，亦都翻为，响我哋中文叫做“大自在天”。

最后，我哋讲到无色界，无色界嘅四空天系比色界更高嘞。因为呢，呢啲四个空天呢，系厌弃我哋嘅色身而不自在，所以呢个色身已经解脱，只系得返一个心去悬于虚空同色相无边相应而住于空处。但系，呢个无色界嘅四天嘅“空”，唔系佛法所讲涅槃寂静究竟嘅“空”，系有漏嘅“空”，所以无色界就算到到最后嘅非想非非想处天呢，争少少能够解脱生死呢，都未到嘅其实，所以，唔好误会无色界好高嘅空天嘅禅定，就以为解脱生死，但往往有啲外道嘅禅定能够修到呢个天界，由于寿命系非常之长，所以佢哋误解咗能够解脱生死。无色界嘅四天系空无边处天，空无边处天，寿命亦都有两万个大劫。第二，系色无边处天，色无边处天嘅寿命呢，有四万个大劫。第三，系无所有处天，无所有处天嘅寿命呢，有六万大劫。第四，系非想非非想处天，非想非非想处天嘅寿命呢，竟然有八万大劫咁长，所以我哋可以知道，呢啲天人嘅寿命系非常非常之长远，好容易令到佢哋产生喺禅定里便一个错觉，认为佢哋已经得到不生不灭嘅境界。

属于生灭门嘅有漏世界，头先我哋其实已经大概讲晒，系包括三界、六道，上至非想非非想天，下至饿鬼同埋地狱，都系由业感而生。佛陀所讲嘅惑、业、苦三样，其实系构成有漏世界嘅成因，颠倒、妄想就系“惑”，由呢个迷妄嘅“惑”而去造“业”，因为“业”而去受“报”，就感召到六道流轮回、生死流转嘅痛苦。“惑”系业因，“报”系业果，“惑”由妄生，但系呢个虚妄其实冇本体，不离开我哋嘅心性，响我哋迷嘅时候就会觉得有，当我哋一旦觉悟，就会冇嘞。如果呢个业因除去嘅时候，业果唔生，其实边有三界吖？边有六道呢？生死流转亦都变成咗戏论了。

218.情欲婚姻桃花劫（一）

情欲婚姻桃花劫

呢套专门探讨人嘅感情世界同婚姻嘅吉凶祸福嘅带，系我多年嚟好想讲嘅作品，毕竟我哋罪业唔重，唔会生于娑婆世界。我哋之所以会感召嚟呢个五浊恶世，亦都系来自于我哋嘅贪爱执著、情欲炽盛嘅结果，呢个问题就系点解佛陀称我哋做有情众生嘅缘故。

众生因为爱欲而受生，因为有咗生命嘅开始，就脱离唔到一连串嘅生、老、病、死、烦恼、求不得苦、爱别离苦同埋灾厄凶险等等嘅苦。好多佛教徒或者系修行人亦都时常因为情欲炽盛嘅苦而伤透脑筋。有关你嘅感情世界、桃花运、婚姻前后嘅命运、业命同埋苦报、福报等等嘅变化，响呢套带之中，我都会为你一一作解释同埋讲出对治嘅方法。

无论你现今系唔系佛教徒，只要你对自己嘅感情生活同埋未来婚姻对象，或者婚后生活，外遇、桃花、情苦等等，一切疑难嘅问题，想要寻求解脱或者突破呢，呢套录音带都会一一为你介绍，希望能够令到听众响呢套录音带之中得到大利益，以解决同埋避开感情业报嘅痛苦。

首先第一点，我哋同大家讲下重感情、情欲、邪淫嘅分析。有啲人天生就有一副乐善好施嘅心肠，而且大多数系个性耿直，佢哋嘅心地光明磊落，道德观亦都比较强。呢一啲人安分守法，响人际同埋亲朋好友方面亦都会系较重情义，所以我哋称呢一类人系重感情嘅人。其实良好、健康嘅感情生活系好嘅，亦都系人性光明嘅天性，所以无论响亲情、手足之情、父子之情、夫妻之情、友情、师徒嘅情分、君臣嘅礼仪等等，其实都系喺道德、良性互动之中嘅感情生活。呢啲讲义气、重伦理、重情义嘅人，其实系值得肯定，尤其响呢个工业文明嘅社会里便，贪婪成性、物欲横流、功利盛行又冷漠自私嘅社会，呢种理智型嘅，嘅重感情生活系应该大力宣扬同埋鼓励，以弥补社会发展之中嘅失衡现象。

至于讲到情欲，情欲系人类原始嘅劣根性，多多少少都深藏响每个人嘅潜意识之中。情欲系一种强大嘅欲望，而“欲”系来自于人内在深层生命之中嘅贪爱同执著。情欲系每一个人响无量劫嘅生死轮回之中所不断累积低嘅，所以可以话，系你我每一个人生命内部所共同存在嘅根本业障同习性。

有时系有意嘅，有时就响不知不觉之中，我哋经常会喺心里面生起情欲嘅想念，想同异性亲近，想上前同佢倾下偈，进而想由异性嘅身上得到一啲慰藉。如果感情嘅欲望过笼而时常对异性有非分之想嘅话，我哋就可以称做淫欲过重或者色欲过重。

淫欲心强嘅人，时常会想贪求鱼水之欢，想要透过肉体嘅欢乐同身心嘅刺激去占有对方。贪求情欲嘅男女，其实佢嘅目的呢，只系为咗使到双方嘅肉体同心灵借呢个渠道而得到依靠同抚慰，而且获得身心快乐。对于情欲嚟讲，如果过度嘅追求同贪执，其实就会造成纵欲。如果情欲过盛，进而贪求夫妻之爱或者非时、非地嘅苟合，更加会造成邪淫嘅恶业，为自己同埋他人带嚟以后无穷嘅烦恼同痛苦添。

而纵欲同邪淫，其实唔系男人嘅专利，好色之徒亦都可能系女嘅。虽然系咁讲，但系多数人响根深蒂固嘅观念之中，情欲炽盛，甚至邪淫好色嘅标签，似乎都系喜欢响男性身上贴。但系值得注意嘅系，前面讲过，男性往往系比较热衷响权力嘅追求，而有啲女性，多数系透过满足男性嘅情欲去抓住男性嘅心，而借呢个机会掌握男性嘅权力，所以呢，佢内在嘅情欲世界吔，往往女性系要比男性复杂而微妙嘅。

其实，情欲唔系唔好，而系往往佢嘅副作用系太大，而且时时会俾人带嚟患得患失嘅欲求同埋贪执嘅苦难，亦都系众生六道生死轮回嘅根源。情欲系人嘅根本业障，有一啲人转世到咗人间，待人处事或者其他方面都好好，但系呢，与生俱来，佢嘅情欲同爱念系特别旺盛，有啲人从小时候或者青春期呢，就渐渐发现自己嘅爱欲、情欲嘅需求系特别强。

情欲业障嘅风暴其实系分为自发性同埋外在刺激性两种。所谓自发性，系指一个人因为内在情欲嘅毒素太过浓，时常响一个人独处嘅时候，就会自发性贪执男女嘅色相，肉体嘅欲望一幕幕咁浮现响脑海之中，心里便嘅欲火随之后沸腾燃烧，自己亦都唔好意思话俾人听，惊人笑，而且要同自己心中嘅欲火煎熬交战，真系苦不堪言。而外在刺激型嘅情欲呢，系指一个人平时读圣贤书，行君子之礼，道德观亦都好注重，守法守份，但系响男色或者女色当前嘅时候呢，呢啲人心里便就有一股好强大嘅燃烧力量浮现，响嗰个时候或者我哋会发现，点解自己嘅思想有一种力量响度牵引住你，使到你一直被嗰啲唔道德嘅思想所污秽、所包容？所以呢类人呢其实都系好烦恼。但系无论系自发型，或者外在刺激型嘅人，亦都无论系男性或者女性，只要有前面所提到呢啲现象，我哋都可以话，呢类人嘅根本最大业障呢，就系情欲嘅毒，所以好多有心修心养性学佛嘅朋友，因为自己情欲嘅业力特别强而系好矛盾，想尽办法要除去心中嘅情欲嘅毒素，当然亦都好多人或者自己嘅情欲所击败而懊恼不已了。

情欲业障太过于炽盛嘅人，如果唔透过佛法或者修行去净化同埋消毒，日子耐咗就会渐渐恶化就变成咗邪淫嘅恶业嘞，所以佛教响居士五戒之中就有“不邪淫”呢一条戒律。俗语讲过“外在嘅敌人容易打，但系自己本身嘅问题呢，就系真正嘅敌人。”当人嘅情欲、业障现前嘅时候，人嘅理智或者平时嘅思惟能力呢，多数都会丧失，甚至迷迷糊糊，响自己嘅心里有一股冲动嘅爱欲，呢股情欲嘅毒当一点燃之后，干柴烈火，真系一发不可收拾。一个人如果造下有违背道德同良知嘅行为嘅时候，我哋就称为“邪淫”，譬如男女通奸、外遇、强暴、淫荡、淫乱、贪求、执著等等。一个人造下邪淫嘅罪业，其实只要良心仲未泯灭，自己系知道，所以先会有道德同良心上嘅责备，呢啲矛盾痛苦。

色欲系世间嘅祸患，系凡夫迷恋追逐而且至死不悟嘅一个大陷阱。色欲亦都系人间嘅灾害，生而为人，都受呢个问题所污染。学佛嘅人，如果能够睇破呢个关键，而又能够惺惺不忘，好似出监狱而又再入监狱，亦都好似病愈又再度病患一样。色欲系造成邪淫嘅祸因，而呢个邪淫呢，亦都系佛教五个重戒之一。邪淫，除咗夫妻之外，凡系唔正常嘅身体嘅淫乱，同埋非时、非人、非女淫、非处淫都系属于犯下邪淫重罪嘅范围。除咗大家比较熟悉嘅状况之外，恐怕有啲人对于邪淫，因为唔了解而误犯，造下咗无边嘅地狱、饿鬼、畜生等等三途嘅苦报而自己唔知道。跟住落嚟，我就为各位介绍邪淫嘅种种问题。

由于情欲过度或者偏差所犯下嘅邪淫呢，其实可以分为三种嘅。第一系同血统有关嘅人行淫，呢一点，系指同父母亲或者兄弟姐妹之间行淫，包括翁、媳、姑、侄之间等等，所有同血缘相近或者有姻亲关系嘅人行淫呢，都系犯咗邪淫嘅重罪，亦都系一般人所讲嘅“乱伦”。

第二点呢，就系同有主之妇行淫，呢一点系指无论同有夫之妇或者系有妇之夫去行淫呢，都系属于邪淫嘅。

第三点，系不依法度行淫，呢一点又可以分为五类，即系夫妻之间如果违犯咗下面所讲呢五种情况呢，其实都系算做邪淫嘅，所以要注意嘞。

第一点系指非器行淫。非器行淫嘅意思系指唔正当嘅器官嘅地方去行淫。

第二点系非境行淫。非境行淫呢，系指响近住师父嘅地方，或者上师嘅地方、靠近庙宇嘅地方、佛塔之前同埋大众集会嘅地方去行淫。响佛寺前面行淫呢，其实已经犯咗严重嘅邪淫，更何况响佛寺以内行淫，如果要犯咗，所有嘅邪淫之中呢个罪呢系最重嘅。

第三系非时行淫。非时行淫系指响妇人斋戒之期、怀孕、哺乳，同埋日头嘅时候，其实都算系邪淫嘅。呢一点尤其系好多夫妇，好可能响唔知道嘅情况之下误犯，所以呢一点呢，系要特别注意。

第四点系非量行淫。非量行淫系指夫妻之间嘅正淫，如果贪求鱼水之欢而纵欲过度，其实都算做邪淫，因为如果纵欲过度，不仅容易伤身、短命，而且淫欲嘅毒素吖，会不断大量去滋长，污染我哋嘅神识，死咗之后更容易唔小心会堕入恶道，受无量嘅苦楚添。

最后一点系讲非理行淫。非理行淫系指用殴打、武器等等嘅暴力方式去强暴妇女，其实系包括自己嘅太太，或者同性之间乃至于阴阳人。阴阳人系指同时具有男女两性嘅特征，或者系非男非女，非男非女呢，系男女两性嘅特质不足，同呢啲以上所讲嘅人呢去行淫，其实都系算做犯咗邪淫嘅戒。

咁由以上嘅介绍我哋可以知道，无论外遇、婚前试婚、乱伦等等，都系邪淫，就算系夫妻之间，如果发生咗有上述嘅状况，都系算做邪淫。如果你因为从前无知而误犯，而家应该生起忏悔嘅心，马上制止，下定你最大嘅决心，以后绝对唔好再犯。但系你即使知道自己犯咗系邪淫嘅业，但系心无惭愧，唔知道悔过，碰到有机缘嘅时候呢，其实你仲系会心痕痕，咁样铁定呢，可能你嘅邪淫嘅果报一定会受得到你将来嘅果报嘅惨痛同埋痛苦。

其实面对情欲根本业障现前嘅时候，我哋应该点样对治呢？情欲恶业，形成嘅来龙去脉同埋缘由到底系点嘅呢？情欲，而系点样蔓延变成邪淫嘅呢？而邪淫嘅惨痛代价又系咩嘢呢？

邪淫嘅罪业，最大嘅根本造业来源呢，其实系呢个身业所造低嘅。一般邪淫心重嘅人，当佢邪淫心生起嘅时候，身体内在嘅欲火就开始燃烧，全身会胀胀热热、口干舌燥、心跳加速，佢体内嘅微血管会扩张，血液运行快速，全身嘅毛细孔亦都扩展散热。

因为邪淫嘅心同埋情欲升起嘅时候，就会触动人体内在嘅拙火，当人嘅拙火引发嘅时候，身体内部嘅热气就由我哋腹部里便嘅丹田上升一直冲上去我哋嘅脑部，所谓叫做“气冲天灵穴”，系佛家时常因为邪淫欲望而引发嘅脑热。前面讲过，一个人淫心、欲火正喺燃烧嘅时候，无论呢个人嘅情欲系来自外界嘅美色、肉欲嘅刺激，或者潜意识之中我哋嘅如来藏情欲种子嘅浮现，其实都会产生脑热嘅现象，而响呢个时候，气血同埋热力一直就会向我哋脑部集中，我哋嘅脑袋呢，当然会昏昏沉沉啦，再加上全身犹如火山要爆发一样，全身响色欲同淫欲充满嘅时候，当然就好想发泄自己嘅爱欲淫心嘞。呢种全身混热、昏沉嘅感觉，同埋体内好似积聚咗好多能量嘅情形同埋种种嘅变化，其实都好容易使到人失去理智，随住邪淫、色欲嘅贪爱执著而造下无量嘅罪业，所以邪淫嘅根本业障种子，凡夫俗子如果被引燃爆发之后，系好难抵挡佢嘅祸害。

如果一个人邪淫心生起嘅时候，身体嘅生理开始产生种种变化，譬如呼吸或者心跳加快，体内嘅拙火升起、气血沸腾、脑热充，充塞等等嘅现象，其实都系唔可以用言语去表达。因为呢个身体，身业系自动运行紧，亦都可以话系人嘅前世或者生生世世就时常行淫，先会一直留下呢个身体嘅性欲、习性，所以色欲、情欲系人嘅夙业，唔须要透过，透过今世嘅语言思想，人嘅身体业力就会自动引燃情欲嘅火。

所以我哋时常修佛法、持清净嘅戒或者唔邪淫嘅人，响色欲方面都系比较健康同埋节制。但系佛法系唯一能够净化我哋身、口、意三业所造下嘅一切恶业，佛陀本师释迦牟尼佛亦都曾经讲过：“色欲系凡夫一生之中所能够体验到嘅各种享乐之中喺凡人嘅标准嚟讲呢，系算做最快乐嘅。”所以人只要一陷入邪淫嘅欲望之中，大多数会沉迷嗰个层次嘅快乐而无法自拔。因为邪淫系一种唔洁嘅行为，如果迷恋贪爱呢，轻者丧财伤德，重者会招致杀身之祸，如果唔能够觉悟，死后甚至仲会堕入地狱去受苦添。

至于讲到爱欲嘅淫心，点解系人流转生死嘅根本呢？跟住落嚟，我就同大家一齐打开慧眼，去睇一睇生死轮回嘅最大原因同埋由来。

人嘅性爱淫欲系透过生生世世慢慢熏习累积而种喺潜意识里便嘅，如果今世投胎为人，又勤修佛法，因为诚心忏悔同努力修行，系会慢慢消除响我哋嘅八识，啫系如来藏里便嘅情欲种子。但系如果今世冇修行嘅呢？甚至一直响度造邪淫嘅恶业，咁呢个人嘅潜意识之中就会种下更重嘅情欲业力，除咗今世感召邪淫各种祸害之外吖，内心更可能堕入三恶道，亦或者百病丛生，沦为娼妓，感召情业苦报。

人死后，其实唔系即刻进入六道里面，六道系天、人、阿修罗、畜生、饿鬼、地狱六种空间嘅轮回。其实人死后，系响死亡数小时之后，身体已经冇生命嘅迹象，响身体里便嘅地、水、火、风四大元素就开始一一分解同还原，而且神识系会脱离躯壳而形成中阴身，即系俗称嘅亡灵或者灵魂。

“中阴身”系佛家称呼人由死后到尚未投胎之间响四十九日之内所处于嘅生命状态，有时又称为“中荫”，“荫”呢，就系“蔽荫”嘅“荫”，啫系“障蔽”咁解，亦都叫做“中有”。响人间行善积德、修佛礼佛、守佛戒律嘅人，响临终嘅时候，好多人都会直接超生响天界，或者由各个佛国净土嘅佛菩萨去接引而往生到佛国。而响人间大奸大恶、多行不善、违背良心嘅人，佢哋死咗之后嘅灵魂通常系由地府之中嘅黑白无常或者鬼卒前嚟勾魂，带返地狱，有啲系因为生前所做嘅恶业去感召而直接堕入地狱去受报。

以上呢两种大善同埋大恶嘅人都系直接转生，所以死后呢，其实系冇中阴身嘅，但系如果响生前唔系大善或者大恶嘅人，呢个亡灵嘅中阴身，呢个神识呢，就会感觉到飘飘渺渺、似梦非梦，似真又似假。因为灵魂响失去肉体嘅束缚之后就会进入纯精神嘅状态，呢个情形系有啲好似平时响我哋人间发梦一样，只系死咗之后个神识所处于嘅空间呢，系属于异次元嘅时空，又好似梦境同埋现实物质组合一样而会进入全精神活泼浑浊嘅状态，呢一切都系人嘅如来藏，即系潜意识第八识响度作用。

人死后嘅亡灵神识大多数会返到生前住嘅地方，或者系会时常去最喜欢或者印象最深嘅地方，而我哋嘅中阴神识全都系靠意念快速去飞行，任何嘅山川、湖泊、铜墙铁壁、障碍城墙、花草树木等等呢，都可以轻易飞穿而过。民间对于车祸意外死亡嘅亡者，都会牵魂或者招魂，以便将意外身亡响他乡嘅亡灵带引番屋企，再摆设灵堂香案或者坛城去做法事超度。人死咗之后嘅中阴幻境多数都会存在四十九日，而亡灵所处于嘅空间呢，系由人嘅如来藏所产生大量嘅精神放射作用而构成亡灵嘅时空感受同埋环境嘅。当人活著嘅时候，如来藏就成为你嘅潜意识嘞。人所以有记忆，或者前世所遗留低嘅习惯、习性、行为动作等等呢，都系由如来藏嘅记忆吸收嘅结果，但系到咗人阳寿将尽，或者因为意外状况而死亡嘅时候，呢个如来藏就会释放出大量嘅资讯同埋影像，而且产生好似梦境之中嘅空间同感受，响呢个时候所谓嘅时间概念其实唔重要啦，系全凭亡灵生前嘅记忆去行事嘅。

至于讲到中阴身呢个问题，中阴身响四十九日之内系唔需要食饭，中阴身嘅“食”系靠闻食，即是意思话用嗅觉去食嘢。我哋可以谂一谂，其实鬼魂系边有牙齿、嘴巴、食道、肠胃等等嘅消化器官呢？因为中阴身冇肉体，所以亡灵系以嗅食嚟食嘢，即系用个鼻去闻，所以我哋拜祭祖先嘅嘢，鬼魂嚟食嘅时候都系用个鼻去闻人间所供养、祭拜嘅食物嘅气味，所以中阴身对于嗅觉同香味系好敏感，而且会闻香而嚟，所以西藏密宗有特别嘅除障香，当点燃之后可以用嚟驱赶鬼魂阴障或者邪灵，而佛教时常用嘅檀香、沉香，经咗燃烧之后呢，亦都可以用嚟辟邪驱凶嘅。

我哋响前面提过，中阴神识系嗅觉特别敏锐，而且都用嗅食嘅方式去维持中阴身嘅生命。其实男女响交会嘅时候，因为爱欲嘅火被触动同埋点燃，男女双方响情爱、性欲嘅交会之中，就会释放出一种味道同埋光明，咁响呢个时，异次元时空嘅中阴身就会见到一啲幻境大放光明，就会随住而嚟㗎喇。

因为人间男女响行淫嘅时候，双方佢哋嘅脑里便都会谂住情欲、美色等等嘅执著念头，所以亡灵嘅中阴神识响纯精神领域嘅状态之中对于男女行淫嘅时候所产生嘅幻想就会起咗一个交感嘅作用，呢个时候中阴神识如果生前情欲系冇断除，多数都会受到人间夫妻男女交会嘅时候所辐射出嚟嘅大量脑电波所吸引而飞驰接近男女交会嘅所在地。又由于男性嘅精子进入女性嘅卵子嘅时候，意思就话精卵受孕嘅时候，即系精同卵结合嘅时候会释放出一种特别嘅异香气味，呢种异香系亡灵特别喜欢去闻嘅，所以中阴身会向母体嘅胎门，即系女性嘅子宫飞去。而神识……（注：接下文）

219.情欲婚姻桃花劫（二）

（注：接上文）……而除非你能够往生去佛国净土啦，否则一受生到我哋人间，就有生、老、病、死等等嘅苦，一切苦难同埋烦恼，就系由生命开始出生嘅时候就一个接一个咁嚟。三界犹如火宅，人生无常，即使有快乐亦都系好短暂，所以净土法门系好适合现在末法恶世嘅众生，亦都可以讲，佛菩萨嘅慈悲同埋方便，先会开放各个佛国净土嚟救渡接引众生嘅。

以前我都讲过，父母嘅遗传只系响小孩子嘅身体、五官外貌、组织器官等等方面嘅遗传，但系个性同埋心理状态就好难百分之百去遗传嘞。同时呢，大体上嚟讲，嚟投胎嘅灵魂，如果即将出生为男仔呢，呢个灵魂响父母交会嘅时候，佢一定会喜欢母亲嘅，而即将投胎做女性嘅灵魂呢，对于父亲呢方面系较为喜欢而被吸引过嚟。

所以我哋人间家庭里便，父母所生嘅孩子，有啲个性同嗜好、习性吖，系会好似爸爸，有啲就会好似妈妈，呢一种道理就称为“业力嘅感召”。而且，呢个原因亦都系点解佛教家庭或者行善积德嘅家族会有善业功德而嚟投胎嘅仔女，而呢个仔女呢，通常都系孝顺、乖巧，或者佢哋系灵魂品质比较高尚一啲，所以响人间行善积德、勤修佛法，都会影响下一代子女嘅宿命同埋灵魂品质，而胎教同埋育儿教育都系好重要嘅。

其实情欲唔系咁可怕，最可怕嘅系人类一陷入爱欲同埋感情之中，情欲嘅毒素就会使到人更加迷惑、贪执，同时亦都使到自己种下更深嘅爱欲种子，对于将来嘅生死轮回之中又将成为投胎转生嘅因。人，就系咁样反反复复、周而复始、轮回不已，造下永无出离三界火宅嘅命运。

跟住落嚟，我哋同大家再讲情欲同邪淫嘅对治办法。相信大家都好有兴趣听一听佛陀系点样教我哋对治情欲同邪淫嘅方法。大家响听头先我讲嘅时候，一定会深深感觉得到情欲呢个根本业障对众生灵性嘅破坏力系好大嘅，除咗使到我哋生生世世响六道之中轮回浮沉之外，佢炽热嘅欲火更加焚烧咗我哋嘅心智，使到修佛同修道嘅人果位尽失，冇办法进入涅槃寂静。因为爱染情欲系修行人最难断绝同根除，咁我哋修佛嘅人又要有咩办法去对治呢？

好多学佛嘅读者同朋友有啲长久以嚟知道自己嘅情毒系好重，爱欲炽盛，但系又唔好意思同人讲，又好伤脑筋，自己实在系好有诚意去长伏呢个邪淫嘅心。亦都有啲听众，生下嚟之后懂得事就发现自己情欲需求好强，自己嘅心灵时常被情欲嘅恶业所占据，或者被自己嘅邪念淫心所打败，一次又一次而想由脑海之中去除，但系实在系控制唔住自己脑海嘅浮现嘅邪念。另一种人系出社会工作之后呢，或者学佛之后先发现自己潜意识之中或者前世留低嘅情欲恶业。点解呢个爱染贪欲嘅欲望时常会破咗自己平时嘅理智同埋检查嘅思考防线，而整个人会陷入强大嘅情欲杂念之中呢？亦都有啲人，由青少年发育期以嚟呢，时常都起邪淫心，受情毒嘅苦，爱欲需求永无止境，但系由于佢学佛，就好想修佛，由修佛法开始，心里便嘅良知同觉悟心就日渐萌芽，但系实在亦都揾唔到对治情欲淫心嘅办法。

以上嘅种种问题，各种宗教，譬如回教、天主教、基督教、道教等等，大多数以禁欲守戒嘅办法，或者向上帝认罪祈祷嘅办法去对治邪淫、不贞洁、纵欲放荡嘅罪业，但系对于情欲业力强大嘅人，用禁欲嘅方法去对治，不仅效果唔大，有时反而会引发更严重嘅后果。

佛教对治情欲嘅毒，应该系比较圆满。佛教除咗有戒律、禁令之外，佛法之中仲有各种忏悔、密行消除情欲毒素嘅方法。佛教首重智慧，能够观透恶业、情欲嘅根本结构，就对症下药呢，如何应时、应缘、应机去对治情欲嘅毒。跟住落嚟我为大家提供一点浅见，希望能够俾你一啲启示，或许你嘅朋友、亲人，或者佛教徒时常为情毒所苦所困扰，呢个时候，或许你可以帮佢一臂之力去降伏情毒嘅毒素。

不净观与白骨观

响修行上嚟讲，就算一个人朝头早清醒嘅时候，佢守法守戒、中规中矩，但系响夜晚瞓觉嘅时候，潜意识嘅淫心种子其实都会走出嚟作怪嘅，而响梦里便，我哋造作种种嘅邪淫重罪，其实都系犯咗戒律。另一种就系前面章节所讲嘅，一位禅修高僧响禅坐嘅时候产生贪爱美色嘅幻境，最后起咗魔障。而当你响淫心情欲嘅种子浓度仲好浓嘅时候，响禅坐之中其实系好容易由心之中产生邪淫嘅杂念，我哋可以称之为“心魔”，所以响梦中或者禅定之中要有警觉性。而响梦中亦都系可以修行嘅，梦境之中你不但可以修行，而且对于每一种梦境唔同，都可以加以解梦。

响严格嘅修行同埋规定之下，响梦中或者禅定之中犯咗邪淫重罪呢，其实都系算做造业，因为呢啲贪爱淫欲嘅劣根性系深藏响你嘅如来藏之中，而如来藏系构成亡灵中阴神识嘅主要元素，而且会下地狱受各种邪淫嘅恶报，亦都系人嘅神识。而且地狱之中种种铁床铜柱、刀山剑林都系神识恶业力量所显现，人生活响梦里便贪淫好色，时常犯邪淫重罪，到死咗之后都系一样罪业深重。

所以要渐渐去除情欲邪淫嘅第一步，就系响日常生活之中要时常生成正念同埋正思惟，而且要时时注意自己嘅念头，观照自己嘅起心动念之间邪念淫心有冇浮现或者钻出嚟呢？呢种禅宗嘅基本修养系要有嘅。人一唔留神呢，脑里便嘅情欲毒素就走出嚟啦，当自己有咗警戒心之后，跟住嚟就要练习不净观。

淫心好色嘅人，实在系好难摆脱美色嘅诱惑，但系应该去谂一谂，女仔或者男仔虽然容貌系好，系庄严，但系好喜欢，你好想占有佢，但系如果你有警觉嘅心，不妨将佢由头到脚嚟睇一睇，去观察一番。首先你睇下佢头上嘅秀发，佢个头上嘅秀发呢，其实同动物嘅毛，同象吖、马吖、其他动物嘅毛呢，都系一样，本质系冇分别。再睇一睇佢头发之下系有骷髅，骷髅之下系得几块骨头，我哋睇下屠夫所杀猪嘅屋企之中，猪头都系得几块骨头走埋一齐，拼合埋一齐。我哋再睇一睇佢里便嘅脑，脑里便有脑浆，腥臭难闻，如果𢱕喺地下度，冇人够胆践踏，系好恶心。

眼睛点样迷人，但系挖低搅碎佢只系啲汁液，而人嘅鼻中有鼻涕，口中有口水，腹中全部系肝肺、屎屎尿尿，同埋一啲虫，系好腥臭。再嚟系人嘅肠胃膀胱，再嚟全部系粪便，种种难闻不净嘅嘢，而人嘅四肢手足，骨节同骨节相抵，筋身皮张因为呼吸而动，呢个同木牛流马有咩分别呢？如果解剖身体，支离破碎、血肉狼藉，个个人都系一样，有咩嘢美丽同漂亮？无论系俊男或者美女，时间嘅刮痕好残酷，人会死，到头来只不过都系一堆白骨啫。

以上所讲其实系比较简单不净嘅观法思惟，呢啲正思惟可以话俾你听、提醒你，话俾你听智慧理性嘅清醒度，平时我哋应该多啲去照以上方法所谂，跟住以上嘅线索，自己去思考一下男色同女色种种嘅不净，你嘅邪淫爱欲系会因为你嘅正念增强而减少嘅。但系禅宗对于不净观有九种正统嘅观想方法，所谓“运九想，除六欲”。听众可以响平时禅坐或者正思惟嘅时候，多加运用呢个九种不净观嚟对治自己生命之内情欲邪念同埋爱染心。呢个九种禅定嘅不净观法，我简单讲一讲。

第一叫做胖胀想。胖胀想系谂人死咗嘅时候，身体首先开始发胖发胀。

第二系青瘀想。青瘀想系我哋谂一谂死尸死咗之后，身体发胀之后，系会产生青斑、瘀斑喺身体，尸体上嘅颜色。

第三点系坏想。有青色瘀色嘅时候，尸体就开始坏，一块一块开始败坏。

第四系血涂想。败坏之后，尸体嘅血就化为液体，白色，而喺身体好似脓咁慢慢流出嚟。

第五系脓烂想。白色嘅液体跟住浓流出嚟，尸体就开始逐步逐步腐烂了。

第六系虫啖想。再嚟就会身上好多尸虫走出嚟吞食呢一具尸体。

第七系分散想。啲虫吞食尸体呢，我哋身体嘅皮毛血肉就渐渐分散完毕了。

第八系白骨想。分散完毕之后，其实冇咗血肉，留低嘅只系一堆骷髅头，一堆白骨。

第九系尘土想。日子耐咗，一阵风吹啫，我哋嘅白骨又化为灰尘随风而去了。

人呢个臭皮囊，由死亡而败坏化为灰烬，自然而然都会出现上述嘅九种败相，无论富贵贫贱、智愚贤者、男女老幼、好嘅丑嘅，到头来都系一样啫，所以世人唔知道喺度争一啲咩嘢，追逐一啲咩，死后尘归尘、土归土，乜嘢都冇，只有业随身。

所以禅修嘅人，可以用上述九种不净嘅观想法嚟观照自己或者你最贪爱嘅人，无论系美系丑，皮包骨吖，或者内在系肠肚屎尿，又有咩嘢可以贪恋可爱嘅呢？当你深深感觉到呢个身体唔值得贪爱同埋留恋嘅时候，你嘅心境就会好平静，妄想、杂念就会冲淡，心如止水。心念定、安宁，唔起邪淫嘅欲念，呢个时候，你所修持嘅不净观法门可以算做就系有初步成就了。

你如果响不净嘅白骨观修持之中有进步或者有心得嘅话，希望你可以教人，教一啲时常被情欲、爱欲所荼毒嘅人，希望佢哋都能够解除苦恼。只有佛法先系最究竟同最有效彻底净化人心，佛法亦都有高超嘅智慧同埋大方便嘅殊胜法门俾大家去参考。除咗不净嘅白骨观之外，佛教之中仲有密行、拜佛、忏悔、苦修等等种种消除罪业嘅方法去针对情欲、邪淫方面，亦都系好有作用嘅。

跟住我哋嚟讲下响佛前求忏悔同祈祷嘅修法。

当你犯下邪淫重罪或者情欲心重嘅时候呢，其实可以响佛前去求忏悔嘅。如果你因为生命嘅觉醒，痛悟到邪淫恶报嘅可怕而内在生起大惭愧、厌离或者恐怖嘅时候，你可以跪响佛前，双手合十，一心仰告佛菩萨，真诚咁样表露，好似下便呢一段说话咁讲：“诚心忏悔，弟子……（然后响‘弟子’之下讲出你嘅名称或者法名），因一时嘅无知同埋糊涂，造下咗……（依度就讲你造下咗嘅罪业，造下咗某一啲邪淫嘅恶业），罪不可赦（如果系你情欲心嘅呢，就应该改为‘情欲心重，因为平时起邪淫同埋妄念，无法平息同埋痛苦不堪’，响‘一时无知同糊涂’呢句，‘造下咗’里便就加头先我所讲嘅‘因为我邪淫，情欲心重，冇办法平息，痛苦不堪，造下咗罪不可赦嘅业’），唯愿佛菩萨慈悲摄受，佛力加持我，使到我一切淫念同埋恶业都能够得到消灭。”

你应该学似以上嘅说话咁讲，响忏悔嘅时候，应该攞出你至诚同恳切嘅心，而且要将所有嘅邪淫同恶业一五一十话俾佛菩萨听，请求佛菩萨慈悲加持，使到你嘅罪业清除，最后响佛前要发重誓愿，保证以后一定唔好再犯。

响佛前求忏悔嘅好处呢，系有时靠自己嘅力量去忏悔，力量不够呢，而响佛前求忏悔，咁一方面仰仗佛嘅加持，第二方面响十方佛菩萨同龙天护法作证之下，以后自己遇到类似嘅境界或者状况，亦都比较系唔会再犯一个业嘅，咁样一方面可以将以前恶业忏悔清除呢，以后吔，又能够避免再犯。咁样唔造恶业嘅因，点会招感恶道嘅苦报呢？

此外，响佛菩萨嘅法门之中，又以观世音菩萨嘅法门吖，系最容易，亦都最有效，能够清净我哋内心嘅情欲嘅业，所以平时应该勤修观音嘅圣号，譬如四臂观音菩萨嘅六字大明神咒，或者千手观音嘅千手千眼无碍大悲心圆满陀罗尼呢。有时间嘅，如果能够多多去修持如意七宝塔去圆满你嘅愿望、去忏悔你邪淫嘅业，咁就更好。

第三点，我哋要讲下慈悲众生观想嘅修法。其实慈悲观呢，亦都系对治情欲邪淫嘅一大利器，千祈唔好忽略呢一点。无论系不净观或者系慈悲观，都唔系另外制造一种观想嚟要我哋去揣测、去想象，只不过自古以来证悟生命实相嘅祖师大德响见到生命呢啲真实状况嘅时候，内心生起大悲悯而话俾我哋听呢啲观想生命真实情况嘅方法。

跟住落嚟，我要介绍慈悲观嘅其中一种观想。我哋凡夫嘅肉眼真嘅系难，不仅隔一张薄薄嘅纸就见唔到对面，对于过去未来嘅好多因缘果报都系盲无所见，而得道嘅圣人就可以见得到嘞。原来我哋无量劫嘅生死沉沦都系曾经互为父母夫妻、兄弟姐妹，我哋屋企里便所养嘅宠物呢，好可能就系我哋过去世嘅亲朋戚友，而我哋餐桌上所食嘅，更可能系我哋以前嘅至亲骨肉。咁样讲，听起嚟其实好似好荒谬、好无稽，但系修行成就证悟嘅人所共同见到一致警告人嘅其实就系呢啲实相，所以，当你见到一位令你心动嘅美少女嘅时候，可能佢正系你过去世嘅姐妹，而当你正想跟佢有来往、有污染嘅时候，你就应该要谂一谂，佢可能系你以前对你好亲切、好有悲悯、好爱锡你嘅妈妈。

我哋无始劫以来生死轮回，好可能都曾经互为亲朋挚友，呢个就系点解慈悲观话俾我哋听，要将年纪比我哋大嘅女性去睇成我哋嘅母亲，或者姑姑，或者阿姨，年纪同我哋相当嘅呢，要睇做我哋嘅姊妹，而且年纪比我哋细嘅呢，要将佢哋睇做我哋嘅子女。透过呢种不断嘅思惟同观想之后，当然唔系一日啦，如果你观想一日就放弃，就冇用，应该日以累积去熏染我哋识田，用慈悲观，用不净观，用呢啲观想去熏染我哋嘅思想，修习日子耐咗就自然会成功。

由于心存慈悲去修习呢观想，就会慢慢同佛菩萨相通，就能得到佛菩萨嘅加持而渐渐去除我哋内心嘅情欲、邪淫嘅毒素。如果你做一日就话能够去除你毒素，就放弃嘅呢，其实系一个愚痴嘅想法，应该要加以恒心，有毅力去做呢啲观想，因为慈，因为呢个淫欲嘅毒响我哋内心里便扎根咁耐，生生世世，唔系一时间能够除去嘅。响呢个时候，你情欲嘅淫心毒素除去，你就会发觉你心中嘅淫念妄动同非分之想其实就算唔除去，透过观想都系会减轻好多，有咗呢啲正业之后，你就能够百尺竿头更进一步去勤修佛法，去彻底拔除你嘅淫根，永断呢一生嘅生死根本。

佛法法门广大，有八万四千咁多，如果你暂时学唔到白骨观、不净观或者慈悲观等等嘅观想，亦都可以首先修持我下便介绍一种简单嘅观音法门。只要你能够诚心有时间去礼供、修持，一定能够得到观世音菩萨嘅慈悲加持，去清净你生命之中坚固嘅情欲业障。

跟住我哋讲下，就系要介绍嘅观世音菩萨礼诵法。

第一，我哋要设像去供养。如果我哋家中系已经有佛堂，只要有西方三圣像或者观音圣像就可以嘞。如果冇坛城呢，或者住响外面嘅宿舍、学校、机关、部队等等，可以请一张细嘅西方三圣像或者观音像，佢，要将佢啤胶或者摆相架里便，修法嘅时候摊开净布或者净纸，而将你观音像摆喺上便，或者亦都摆，摆喺干净嘅书台上便。我哋供奉嘅像嘅时候应该要展开经卷，慢慢去诵读经文，然之后修法完毕，就可以将呢个圣像包番佢放喺干净嘅地方。

第二点，我哋需要礼拜念诵。可以首先面对佛像，虔诚默念或者朗诵“南无西方极乐世界大慈大悲救苦救难广大灵感观世音菩萨摩诃萨”，三称三拜，或者问讯。然后拜完端坐或者长跪响佛像之前，要恭念“南无大悲观世音菩萨”，亦都系三称，再念《妙法莲华经观世音菩萨普门品》一卷，然之后再去念《般若波罗蜜多心经》一卷，然后再念大悲神咒一遍或者三遍，跟住应该恭念赞观世音菩萨嘅偈嘅：“观音菩萨妙难酬，清净庄严累劫修。三十二应遍尘刹，百千万劫化阎浮。瓶中甘露常遍洒，手内杨枝不计秋，千处祈求千处应，苦海常作度人舟。”再念嘅系“南无西方极乐世界大慈大悲观世音菩萨”，一称，起座绕念或者坐喺度念都可以，然后再念“南无观世音菩萨”数百声或者数千声，然后再念“观音菩萨”百声或者千声。

第三个步骤，我哋要发愿回向。应该要称念“南无本师释迦牟尼佛”，三称三拜，然后再念“南无阿弥陀佛”，一样三称三拜，再念“南无观世音菩萨”，一样三称三拜，最后念“南无清净大海众菩萨”，三称三拜。跟住我哋要跪念，诵念祈祷嘅愿文：“南无过去正法明如来，现前观世音菩萨。成妙功德具大慈悲。于一身心现千手眼。照见法界护持众生。令发广大道心，教持圆满神咒。永离恶道得生佛前。无间重愆缠身恶疾，莫能救济悉使消除。三昧辩才现生求愿，皆令果遂决定无疑。能使速获三乘，早登佛地。威神之力叹莫能穷。故我一心求哀护持，十方三世一切佛，一切菩萨摩诃萨，摩诃般若波罗蜜。”然后一拜。

跟住念：“弟子……（称自己嘅名，法名或者俗家名）”，然后再念：“普为四恩三有，法界众生，至诚忏悔。愿我及众生，往昔所造诸恶业，皆由无始贪瞋痴，从身语意之所生，一切我今皆忏悔。”一拜。

然后：“弟子……（称自己嘅法名或者俗家名），普为四恩三有，法界众生，至诚忏悔。愿我及众生，愿消三障诸烦恼，愿得智慧及秀巧，普愿灾病悉消除，往生完成菩萨道。”一拜，然后再：“以此功德回向……（再讲你嘅心愿，自己可以随意祈祷，譬如父母康宁啦，家宅平安，或者求男求女、国运昌隆等等都可以）。”

第四点，就要念三归依啦。应该起立合掌恭念：“自归依佛，当愿众生，体解大道，发无上心。”一拜。“自归依法，当愿众生，深入经藏，智慧如海。”一拜。跟住再念：“自归依僧，当愿众生，统理大众，一切无碍。”一拜。于喺佛前三礼拜之后，再一问讯，咁就课诵完毕。

依个系简单嘅观音修持法，呢个礼诵方法唔系一定限住，可依时间其实自由增减嘅，《普门品》可以唔念，可以改念《心经》，或者直接念大悲咒，如果唔识字，可以直接由偈赞念起，或只修观音菩萨圣号。

220.前世记忆潜能（一）

各位师兄，今晚同大家讲嘅题目呢，有冇收到呢啲通信吖？有冇收到通信吖？有边位师兄冇收到通信吖？如果冇收到通信呢，就留低你嘅地址嘞，因为呢，净系讲你嘅名呢唔足够吖，有啲师兄话收唔到通信啦，因为佢冇摆低自己嘅地址吔。如果你将你地址摆低啦，法轮会就会通知你嘞，吓，如果冇呢，就一阵同阿龙姑娘呢，登记你嘅地址，咁变咗你收到通信呢，可以选择到个题目同埋配合你哋作息嘅时间，睇下啱唔啱听呢个题目。

咁今晚同大家讲嘅题目呢叫做《前世记忆与潜能》。哗！呢个题目个名好吸引吖，一讲到前世咧，好多人呢，都想了解下究竟佢前生系乜嘢嚟，系嘛？特别学咗佛嗰啲人呢，有个好奇嘅心。

咁一般人呢，想了解佢嘅前世呢，有咩方法吖？系唔系去睇三世相吖？查三世书？我听到好多人话查三世书嘅㖞，但系呢，我觉得呢，三世书好似有啲荒谬吖，荒诞不羁，因为点解呢？咁多人出生嘅八字，梗有人相同嘅，但系嗰本三世书呢，我都睇过，大部分都话你前生系中国乜嘢乜嘢人嘅、喺咩地方、咩省出世嘅、有几多钱吖，吓，做过啲乜嘢，好简单，但系好似冇外国出生嘅㖞，三世书我睇，所以呢，我哋学咗佛之后呢，就唔好去查嗰啲三世书了，听讲有几个嗰啲师傅呢查三世书好出名嘅，吓。

咁佛教讲嘅“三世”呢，同术数里便吖，所讲嘅“三世”系唔相同，术数讲嘅“三世”呢，就系你今生呢，现在呢，对上一世系前世，而家系今生，来生又系一世，就夹埋就三世嘞。三世书只系查到你对上嘅一生啫，就算系准的话。但系佛教讲嘅“三世”呢，就系过去你有无尽嘅生命，由于你去造业，有善、恶、不善不恶嘅行为呢，呢啲力量呢，影响你继续不断吖，响宇宙里便去转生，我哋今生如果唔修行嚟讲呢，唔解脱生死呢，永远受宇宙里面嘅时间同埋空间控制，将来亦都有无尽嘅转生，有无尽嘅生命，一世一世咁轮回落去，吓。所以佛教所讲嘅“三世”呢，系无尽，过去世无尽，直至你现在，现在再去造业呢，亦都会轮回啦，到无尽世代嘅将来，所以我哋唔想我哋嘅生命延续落去。

咁吖每个人都想长寿啦，我讲唔，我讲我哋生命延续落去呢，就唔系话今生唔想长命，我意思就系话，如果你想今世之后希望能够解脱生死嘅，唔响天、人、阿修罗、畜生、饿鬼、地狱六道里便轮回嘅，今生你就要开始修行，修行之后呢，就可以摆脱呢个六道轮回而得到一个宇宙不生不灭嘅永生，呢个就系佛教所讲嘅未来世，解脱生死嘅未来世。如果你今生唔修行的话呢，继续不断受时间、空间影响，去控制呢，将来你会继续出生响六道里便轮回，所以而家我哋得到人身，听到佛法，系好重要、好宝贵，我哋要珍惜呢啲时刻，珍惜修行，我每次都系咁讲，希望大家把握到你学识嘅佛法，识几多去做几多，咁将来呢，你就能够呢，解脱生死。

咁我哋分开两部分嚟讲吖。第一部分呢，讲前世记忆，第二部分呢，再讲点样开发我哋嘅潜能，简单讲一讲。

我哋嘅前世记忆呢，其实系保存咗响我哋嘅阿赖耶识里便，佛教里便讲八识——眼、耳、鼻、舌、身、意、末那、阿赖耶，阿赖耶就系第八识，我哋生命轮回嘅本体，咁我，响我哋佛教里便呢，叫做“神识”，但系其他宗教，譬如天主教叫做“灵魂”，道教叫做“元神”，咁比较科学啲嘅名称呢，就叫做“精神体”，啫系除咗我哋物质嘅身体现象之外，精神嗰部分。我哋人呢，系物质同精神两部分结合，咁第八识阿赖耶识呢，系我哋轮回嘅本体，而呢个阿赖耶识吖，生生世世都保存咗啦，我哋吖，做善事、恶事、不善不恶中性嘅行为嘅种子吔，响我哋阿赖耶识里便，犹如一块田地一样，所以我睇佛经里便呢讲“识田”，“识田”吓嘛？叫做“识田”呢个名称，犹如一块田有好多种子响里便，呢个种子呢，经过灌溉，一块田嘅种子经过阳光吖、水分吖、泥土吖、施肥吔，呢啲灌溉呢就会发芽生长。咁我哋前生所做嘅善事、恶事同不善不恶嘅事呢个种子呢，就保留响我哋呢个阿赖耶识嘅识田，我哋今生再做善、做恶或者不善，不善不恶嘅行为呢，犹如对啲种子呢灌溉吔，淋水吔，吓。

以前喺阿赖耶识所种下嘅“因”，我哋淋水呢就系“缘”，今生我哋亦都会继续做善、恶同不善不恶嘅事，因缘结合呢，就会变成一啲果报。善有善报啦，恶有恶报，不善不恶啦，就系我哋平时一般生活嘅行为习惯，各人嘅喜好唔同，就不善不恶嘅业嘅力量，导致有呢啲行为嘅结果。

咁所以其实我哋前世嘅记忆吖，系保留响我哋嘅阿赖耶识当中，第八识，阿赖耶识，咁有一啲人呢，譬如现代嘅科学，通过催眠嘅方法，就可以将个人慢慢慢慢控制，催眠咗之后呢，然后进入沉思，好似类似我哋打坐吖，禅定嘅状态呢，就会将佢前生忆述番出嚟嘅。有冇听过吖？呢啲，将前生忆述番出嚟：前几世喺边度生活过、系咩嘢人、有几多兄弟姊妹、父母系点样。通过催眠，可以做到呢一啲嘢。

咁其实系阿赖耶识里便嘅部分嘅种子，激发咗呢种子呢，就变成咗一个现象，俾呢个人忆述番过去，啫前世吔，佢所做嘅事。咁我哋如果能够将个阿赖耶识开发，响佛教里便呢，就系将第八识转成大圆镜智，好似一个清净光明嘅圆镜一样，就佛陀本身嘅智慧。呢个智慧呢，就能够呢，知道我哋前生一生一生嘅事，无尽生、一生一生点样轮回而做到今世，我哋呢会好清楚好清楚，如果将呢个神识开发咗，转变成智慧。

咁我哋嘅前生记忆，其实系保留响我哋前世轮回里便，咁响我哋轮回转世呢，一共呢，一般呢，有五条道路，有五大管道呢，我哋系前生系乜嚟嘅，导致我哋今生呢，去投胎呢，去做人。

咁第一种呢，就系前生我哋系人嚟嘅，今生我哋再投胎做人，咁呢，今生呢，你系做人嘅习惯呢，就会好深吖。啫譬如，你前生系人，做人嘅原因呢，你一定要守五戒十善，今生先有机会再轮回做人。不杀生啦、不偷盗啦、不邪淫啦、不妄语啦、不饮酒啦、不贪啦、不瞋啦、不痴啦、不绮语啦、不两舌、不恶口、不妄语，吓，呢啲五戒同埋十善导致我哋做咗呢个因，导致我哋今生轮再做番人，呢个就系“因”嚟嘅，今生，前生我哋守五戒十善系“因”，今生做人呢，就系“果”嚟。

另外一种呢，我哋系前生呢，由地狱吖，受完苦报，今生再转生为人。如果地狱受完苦报呢，今生再转生为人呢，我哋见到好惨，有啲人呢，身体残废吔，只眼失明吖，盲吖、聋吖、哑吖，因为佢喺地狱受完个苦报再转生嘅时候，佢做咗好重恶业先会落地狱吖嘛，吓嘛？如果佢唔做重恶业，佢唔会落地狱。有啲众生就喺地狱受咗漫长嘅地狱嘅苦报，火刑吖、刀山吖、剑树吔、锯崩吖，呢啲种种嘅地狱嘅苦报呢，个神识，响，唔系太健全，而后再轮回嘅时候呢，所以佢嘅身体就有残缺。譬如我哋街边见到啲乞丐嚟讲呢，有啲系盲嘅、聋嘅，吓嘛？有啲系身体残缺不全。如果我哋前生系做咗恶事，吓，譬如杀，犯咗五戒，杀生吖特别，我哋除咗要酬偿俾人杀嘅报应之外，再轮回转生，亦都要受地狱嘅苦报嘅制裁，然之后欠人嘅债呢，再转生之后呢，就要还番俾你嘅债主，有机会再转生做人嘅时候呢，就会身体上残缺不全。

如果你前生毁谤佛法吖，你谤佛法、闹佛陀，唔相信佛法，咁你受完地狱嘅苦报之后再转生呢，可能你聋，亦都可能你会哑嘅。有啲人好后生，五官好端正嘅，但当你同佢讲嘢，点知佢用手语同你表达嘅，哑嘅原来，吓嘛？呢啲就系响地狱受完苦报再转生上嚟嘅众生。我哋见唔见到呢啲现象吖？今生见到，有好多聋嘅，吓嘛？有好多哑嘅，我哋亦都接触过可能，有啲系我哋嘅朋友嚟嘅。呢类就系地狱受完果报再转生为人。

有一类呢，由天界转世人间嘅。嗱，头先讲番地狱转世呢，做番人嘅时候呢，今生佢会投生响啲贫穷、下贱个国家里便，亦都朝头早嗰餐，谂得到，又顾唔到夜晚嗰餐，亦都生喺战乱嘅地方，个环境系好逼迫，比较系惨啲，冇我哋前生系人、今生系人呢，再投生嗰个生活系比较安定嘅，稳定啲。而第三种由天界转生，做我哋人呢，当我哋守五戒十善，上品嘅五戒十善就可以生天嘞，啫好严格，前生我哋做过五戒十善，我哋有机会呢，转生去做天人。咁天界嘅人呢，佢嘅寿命比我哋人类吔，非常之长，个福报好大，但系亦都有一个寿命嘅期限嚟嘅，当佢寿命期限到，寿命一完结咗之后呢，佢有机会，个福报仲未尽吖，仲有个福呢，再有机会转生为人。嗱，呢一类人呢，我哋容易响而家嘅社会里便，或者我哋嘅朋友里便见得到，呢类人喺天界转生嚟我哋人间嘅人类嘅特点呢，佢好容易出生响个富有嘅家庭，或者系王子，甚至系国王，咁生活两餐呢，起码都无忧㗎已经，有冇呢啲人吖？有，同埋由于有呢个福报咧，今生可以俾佢尽量使钱，可以挥霍，同埋咧，基本上物质咧，物质嘅条件已经好满足佢生活，好满足佢生活。

当然啦，有钱人一样有痛苦㗎嘛，系嘛？系佢心理上嘅痛苦，每个人都有，由于我哋前生所做嘅恶业，但系普遍性呢，响物质嘅条件嚟讲呢，天界转生嚟我哋人间嘅人呢，人同人比，人有品流复杂，上中下三层嘅人，佢哋属于上层，比较上层阶层嘅人嚟，因为佢嘅福未尽，吓，所以天界转生呢，就有呢啲特点。

另外一啲天界转生嘅人呢，由于佢天界里便呢，亦都有神通，吖，有种种嘅神通，所以今生呢，再转生为人嘅时候呢，佢容易有啲特异嘅功能。譬如我哋见到有啲气功呢，而家大陆所讲嘅气功，有啲气功师，或者有啲教气功嘅人，佢有啲眼可以睇到灵界嘅，或者系耳呢，可以同灵界沟通听到佢说话。呢一类就系天界人转生，可能佢神通未消失得晒，仲有啲余力保留咗响度，所以我哋容易见得到有呢类人出现，呢一类都系天界转生嘅人嘅特性嚟，吓，呢个比较简单嘅角度去描述。

第四类呢，就系由阿修罗界呢，转生而嚟。我哋呢，亦都时常呢，好接触得到，如果由阿修罗界呢转生我哋人界呢，譬如前世你阿修罗嘅，今生你转生咗做人嘅，你个心好中意好勇斗狠吖，个瞋恨心好强。因为阿修罗呢，系一啲精灵，高过人界，但系升唔到上去天界，半浮半沉嘅精灵。佢呢，时常兴兵呢，喺佛经里便记载，侵犯帝释天，啫我哋玉皇大帝嘅宫殿，希望得到个宫殿，所以玉皇大帝天界里便成日都练兵嘅，要操兵嘅上便，好似我哋人间练兵系抵抗阿修罗嘅侵略，佢哋嘅神通都好大。阿修罗呢，系精灵界一类嘅众生嚟，咁阿修罗呢，佢主要嘅心态，个心念吖，佢系瞋恨心，所谓一念无明火呢，能烧功德林。今生我哋接触到嘅朋友，如果佢好容易起火嘅，瞋恨心好强，亦都有破坏性，有毁灭性嘅，呢一类人呢，就有机会系由阿修罗界亦都可能系魔界，吓，转生呢，响我哋人间里面。虽然而家我哋嘅人吖，具足五官吖，眼、耳、口、鼻，好似样样器官都齐全具足，但可能我哋嘅心呢，比古人嘅心呢，冇咁纯朴，啲古人嗰啲相呢，睇番啲书画出嚟呢，好似啲野兽嘅，但系呢，个心呢，就好纯朴，好光明，但相反我哋今日五官具足，眼耳口鼻齐全呢，有手有脚，但我哋嘅心呢，人类嘅心呢，好坏，有瞋恨心，系嘛？有恶毒嘅心，咁呢一类嘅人呢就阿修罗，阿修罗界转生，因为个神识生生世世有瞋恨心，所以佢转生嘅时候呢种瞋恨心呢，带埋响今世里便，唔能够消失，虽然个肉体系人吖，但个精神系阿修罗嚟㗎嘛，系个神识里便，冇变坏㗎嘛，系一个，形成一个瞋恨心嘅习惯。

最后一类呢，投胎做我哋人界嚟讲吖，有一类系乘愿再来呢，嘅佛、菩萨嚟嘅，或者阿罗汉嚟。因为释迦佛呢，曾经讲过，响我哋末法嘅时期里便呢，虽然有好多魔啦，破坏我哋修行，但系有楞，释迦佛亦都响《首楞严经》有讲过啦，或者其他经典，佢暗中派遣一啲菩萨或者罗汉，甚至喺当时同释迦佛跟随佢学习嘅弟子呢，当然系有道行嘅，转生响呢个人界里便呢，去辅助佛法复兴㗎，去帮助佛法，去度化众生嘅，去教化众生。呢一类咧，有个愿力而嚟嘅释迦佛嘅弟子，或者菩萨，呢一类系乘愿再来，“乘愿再来”嘅意思即是话，有个愿望要嚟度化众生，响呢个末法黑暗嘅时期，希望能够呢，将一啲佛法嘅光明呢，带俾众生。

譬如地藏菩萨嘅精神系“地狱未空，誓不成佛”，观世音菩萨嘅心亦都系慈悲，佢哋亦都有好多化身响人类里便，不过你唔知边个系之嘛，佢亦都唔会话俾你听：“吖，我系观世音菩萨，你拜我，叩头供养我。”如果佢咁同你讲呢，有个人咁讲，我就要小心啲吔，呢个肯定七至八成就唔会系啦，因为菩萨转生呢，佢度化众生呢，佢唔会贪求众生嘅名闻利养，佢会暗中去工作，默默耕耘，将佛法去复兴，喺黑暗嘅时期，响呢个末法嘅时期，希望能够呢，将光明呢，带入众生嘅心里便，令到佢哋学佛，离苦得乐、觉悟菩提。呢个第五类乘愿再来嘅佛嘅弟子，有释迦佛嘅弟子，有菩萨，亦都有阿罗汉，响我哋啲末法时嘅世间，分散响我哋世界各地都有，有呢啲咁嘅人。譬如呢啲，呢一类嘅圣者，我哋好简单可以举例啦，譬如我哋都有听过禅宗六祖惠能，有冇听过吖？六惠能大师，惠能大师好出名吖，佢亦都系一个菩萨嘅再来去度化众生啦。其中历代有好多开宗立派中国嘅祖师呢，亦都系菩萨再来，去度化众生，因为佢开宗立派有佢嘅成就，佢希望借助释迦佛嘅佛法，某一本经呢，去摄引众生，所以开宗立派。呢啲祖师，通常呢啲宗派所嚟嘅祖师呢，都系乘愿再来嘅菩萨嚟。

所以头先我讲过呢，有五，五种前世轮回，今生，今生做人嘅五种管道。第一种可能你前世系人，今生再投胎做人；第二种呢，你前世喺地狱里便受报完毕，今生再转生做人；第三种，由天界转生人间；第四种，由阿修罗界而嚟；第五种呢，就系佛嘅弟子同埋菩萨乘愿再来嚟度化众生。当然呢，唔可以用呢五种嘅转生呢，去统括晒所有宇宙间嘅轮回嘅现象啦，但系我哋身边接触嘅人呢，呢五，五种嘅性质嘅人呢，系多的是嘅，但系你唔知咁解，你可以由佢嘅外表、佢嘅行为、佢嘅性格去判别得到。

譬如我又讲番如果系前生系人，或者你前生好多世系人嘅轮回，今世再做人呢，你嘅执著心比较重吖，对于世间上嘅情爱吔，父子之情吖、兄弟之情吖、朋友之情，呢啲情执嘅观念好重。由于呢个情执咁重吖，先会轮回嚟呢个娑婆世界去做人，所以我哋情念执著重呢，就容易做到人，我哋好容易分析得到。譬如假设，你系由旁生道动物，前生系动物嚟，或者好多世系动物，还完债，今生先再转生做人嚟讲呢，动物系咩吖？愚痴，系嘛？譬如你叫啲动物念佛，佢会唔会念佛吖？唔会念佛，所以佢系愚痴。所以佢转生，今生有机会，如果你前生系动物，今生有机会转生再做番人呢，你智慧系好低嘅，唔系一点就明嗰类吖，讲极都唔明吖，啫系话牛皮灯笼——“你个仔系牛皮灯笼！”解极都唔明。同埋系唔相信佛法，佛法，甚至会毁谤佛法，对于宗教无信仰，呢一类就系愚痴，可能系动物界转生而嚟，只系有好简单嘅人本身嘅本性，财色名食睡，食完就瞓，瞓完就食，呢啲系动物嘅性嚟嘅，吓。你检查下你身边嘅朋友，如果系比较系呢啲情执太重嘅呢，就系人界转生，如果愚痴心强呢，就系动物界转生。系嘛？有冇呢啲朋友？有啦，可以检查得到。

咁跟住我哋讲呢，我哋前世记忆点解会被封蔽？点解？嗱，譬如我哋而家出生咗做人，我问你：“你上一世系乜吖？”有冇人，有冇人发过梦知道佢上一世系乜吖？有冇人想讲下？你知唔知你自己上一世系咩嚟㗎？我知你个心里便好想知吖，系嘛？不过我答唔到俾你，我话唔到俾你知你前生系乜，系嘛？但系你偶尔发梦呢，有时都会知道自己系乜嘅㖞，譬如有啲人同我讲过佢发梦吖，成日发梦发到佢自己喺天空度飞嘅，呢啲梦境呢，就系你潜意识起作用。当我哋平时呢，我哋嘅显嘅意识——眼识、耳识、鼻识、舌识、身识，呢啲咁嘅“识”呢，执著世间嘅种种嘅嘢，我哋潜意识第八识呢，就被压伏埋藏咗，但系当我哋瞓觉嘅时候呢，眼、耳、鼻、舌、身、意呢，潜伏咗，第八识开始活动就容易发梦。

头先我讲过第八识系潜藏我哋前生嘅善、恶、不善不恶嘅种子吖嘛，当呢个第八识一活动嘅时候呢，将我哋前生嘅种子呢，变现番响我我哋嘅梦里便。譬如你前生多生多世系天空嘅飞鸟嚟嘅，啲雁嚟嘅，咁你咪容易发梦：吖，点解我成日发同一个梦嘅？发到自己喺天度飞嘅？有时吖，发到自己喺水里便游嘅？好似好舒服㖞，可能你前生系鱼嚟嘅，江河里便嘅鱼，系水族嚟嘅。有冇咁嘅现象？应该可能你哋会有发梦，发梦啲咁嘅现象，呢个系第八识活跃嘅时候，当我哋显嘅意识：眼、耳、鼻、舌、身、意潜伏嘅时候，第八识开始活跃，我哋有梦吖，呢个精神体开始恢复。咁我哋人吖，活著嘅时候呢，个肉体驾驳咗个精神，禁住，所以冇办法由个肉体之中解脱个灵性，但系当我哋死亡咗之后呢，我哋灵性就由个身体出嚟呢，解放咗。但系类似死亡嘅阶段呢，就系你睡眠嘅时候呢，你个身体唔喐，眼再唔去睇嘢、耳唔去听嘢、脷唔再食嘢、鼻唔去闻嘢、身体唔接触嘢嘅时候呢，呢啲意识停咗，唯独第八意识恢复番，类似死亡，咁呢，你嘅，嗰个灵识开始活动呢，容易有梦，同埋容易有时个精神呢，走出体外，就有啲咁嘅现象。

咁我哋前世记忆被封蔽嘅原因呢，佛经里便解释，由于我哋无明，唔明白宇宙间嘅真理，唔修行佛法，我哋冇智慧，所以唔知道我哋前世究竟系乜，封蔽咗。假如如果你有机会知道你前世：哗！大佬，我前世原嚟系杀咁多生，做咗一条鱼，后屘又俾人杀番，而家咁难得先有机会做人。假设你知道一个咁嘅现象，你今生会唔会修行佛法吖？你肯定会修啦，你知道呢个因果现象，吓嘛？假设你知道你自己前世系一个天人嚟：哎吔，原来我天界又唔修行佛法，有佛陀嚟讲经我都唔修行，将啲福报浪费，而家做咗人嘞，唔得啦，我今生要快啲啦，如果唔系呢，我将来又会轮回转生做动物吖，下等啲嘅，嘅众，嘅众生㗎喇！

咁所以如果你前世记忆能够被打开，响佛法里便呢，可能令你所谓恢复番“宿命通”。宿命通就系能够回忆你多生多世之前，所发生嘅事，点样轮回？你系咩位置？系喺边个空间里便？天、人、阿修罗、畜生、饿鬼、地狱，边个法界里便？咩国家？咩民族？发生过咩事？你全部知。如果你通过修行呢，修行戒、定、慧，将呢个无明打破咗，有个光明，修行佛法就系俾我哋一啲光明，将我哋无明黑暗照破，显现番我哋本有嘅光明嘅智慧，你就能够将第八意识打开，另外一角度讲就将第八识转成大圆镜智，系清净光明嘅镜，样样嘢经过呢，能够鉴照，好清楚，但嗰样嘢过去之后呢，你唔会响镜里便呢，留低个影像。

咁所以你前世记忆被打开呢，有方法，通过修行，破咗你嘅无明，显现番你嘅佛性。响佛教里面，阿罗汉就有宿命嘅神通，能够知道自己前生所发生嘅事，亦都有慧眼。菩萨有法眼，佛陀有佛眼，呢啲就系智慧嚟嘅，将无明照破就系光明嚟嘅，恢复番你本有嘅觉性呢，就能够将覆，覆盖咗障蔽咗你嘅本性嘅无明呢，打开照破，你嘅前世嘅意识就会被显露番出嚟，你就会知道你究竟系咩回事，点解你今晚会坐喺法轮会？吖，可能前世你有几世买过花供佛吖，今生就有机会嚟听佛法。吓，如果你将你嘅前世意识解开咗，解开咗你个封蔽，你就会有机会知道。

前世意识被封蔽嘅原因，头先讲过就系“无明”。“无明”呢，知唔知咩叫“无明”吖？唔明白事理而起惑造业，唔明白呢样嘢系啱唔啱，应唔应该做呢？杀生？吖，你自己判断唔到。譬如话佢系害虫吖，应该杀，就系一个“无明”，因为唔合乎宇宙嘅真理。点样合不合乎宇宙嘅真理呢？佛陀解释俾你听，边样啱你就去做，唔啱就千祈唔好做，合乎戒律你先好去做，守持戒律，唔合乎戒律呢，譬如杀生你都去做，呢个就无明愚痴。咁我哋不断，我哋前生有造业啦，恶业，今生亦都不断有继续造业，呢啲业呢，就会掩盖咗我哋嘅智慧，系唔系越积会越厚吖？所以我哋越难将我哋前世意识开发，前世意识呢，越来越被封蔽。所以我哋今生有机会做到人，再唔修行，我哋再造业呢，我哋就好难将我哋佛性开发番出嚟。将我哋前生后世嘅意识打开呢，系好难，因为你证唔到智慧嘅尘呢，越积越多吖，越累积越厚。

咁跟住我哋呢，讲一讲呢，潜能嘅开发。我哋阿赖耶识，头先已经讲过，潜藏咗我哋呢，多生多世好多种子，咁有恶亦都有善嘅。譬如善嘅一方面呢，可能前生我哋系一个修行人嚟嘅，会唔会吖？当然会有机会啦，我哋今生有机会喺度听佛法，可能前生我哋个修行人，咁我哋前生修行，可能你前生呢，系民国时期一个修行人吖，或者一九二几年嘅修行人嚟嘅，有修过密宗啦，或者念佛，咁你呢啲修为呢，都会保留响你第八识里便，所以今生你一出世，见到佛经就开心吖，系嘛？中意听佛经，中意学佛，可能你前生系一个有修为嘅人。咁我哋嘅修为，生生世世修为呢，都会被保留响我哋第八识阿赖耶识里便，头先已经讲过，我哋有咩方法打开佢呢？点样将我哋呢啲修行嘅潜能开发，开发番出嚟呢啲智慧？

其实而家我哋做紧已经系㗎喇，譬如我哋念佛、诵经、持咒、忏悔，呢啲咁嘅修行法门呢。嗱，譬如头先我讲过第八识，我哋咪种下咗，假设我哋前生个修行人，我哋有冇拜过佛？假设我哋有拜过佛，有念过咒，有忏过悔嘅，如果今生我哋有机会再重新做一啲嘢，系咪犹如头先讲嘅淋水嘅道理吔？将前生呢个，譬如我哋今生前生，咳，好中意念“阿弥陀佛”嘅，今生有机会你再念“阿弥陀佛”，犹如将今生念“阿弥陀佛”呢个就系阳光水份，施肥去前生呢个“阿弥陀佛”系你识田嗰粒种子，今生就会开花结果，更加伟大，不但能够将前生嘅宝藏攞番出嚟，今生你再做仲加会累积、会增厚。善业会增厚，恶业亦都会增厚。

所以我哋利用同样个方法，只要我哋今生去修行，肯修行嘅，忏悔、持咒、诵经、念佛，我哋就能够将我哋嘅潜意识里便嘅宝藏攞番出嚟打开，恢复番我哋本有嘅觉性，我哋本有嘅能力。譬如假设相反嘅，我哋前生去做好多恶业，如果今生咁再杀生呢，就会将前生所做恶业呢个种子引发番出嚟呢，变成一个果报，所以我哋今生容易多病吖、短命吖、仔女唔孝顺我哋，所以点解中国人有一句说话“但行好事，莫问前程”呢？而家你听完之后你觉得有冇道理吔？

不断去做善事，唔好问将来嘅前程，你不断做善事就系等于对你前生响个，你个识田脑海里便吖，呢啲善种淋紧水嘞，淋紧水佢咪开花结果，变现一啲好嘅果报，你衣食无忧啦、身体健康啦、仔女又孝顺啦，系嘛？你就等于淋，淋紧水啦，你多啲做善事。譬如你今生去修行嘅，诵经、念佛、持咒、忏悔，亦都系头先我所讲，对你前生嘅修为嘅种子嗰一部分去淋水，就会激发番你前生嘅得到嘅能力嘅功能，可能系神通，亦都可能开发到你嘅智慧，所以一定要通过一啲法门先可以将你前生嘅记忆，呢啲咁嘅能力开发番出嚟，如果你唔通过修行呢，系冇方法。一粒种子响泥土里便，你唔淋水嘅，唔施肥嘅，会唔会发芽生长吖？唔会㗎嘛永远都，所以我哋而家修为呢，其实好大利益。可能有啲人呢，修修下有好大嘅进步，有啲人呢，系冇进步，因为佢冇修为简直。点解有啲人一修为，有啲一个师兄修为呢，比另外一个师兄好快好多？呢个系决定佢前生，可能佢前生根本系已经修行一段好长嘅时间，可能系四、五世已经系修行人嚟，今生再修行，佢咪能够开发番佢前生嘅能力，一修嘅时候，佢咪比其他人飙前啰。譬如你今生两个人一齐学佛嘅，但有一个人飙前咗一段大距离，可能呢一个前生就系好多世之前都有修行，今生一用功就能够将前生嘅能力开发番，犹如攞到一条锁匙，将个宝藏打开番，啲宝已经响咗，响咗个宝箱里便，睇下你点样攞番出嚟。咁我哋由呢个逻辑上去推论，我哋而家能够坐喺个法轮会里便，听到佛经，学到佛，我哋前生肯定有某一世甚至好多世呢，有见过佛陀，亦都有修行，有亲近过善知识，一定有嘅。亦都由我哋嘅人身推论，我哋前生有守过五戒十善啦，系咪？咁所以你今生修为呢，只有利，冇害。你而家诵经、念佛、持咒，有利冇害，因为你前生如果有咁嘅因呢，根据呢个逻辑推论，你不断淋水嘅时候，灌溉啲种子呢，你前生嘅修行呢，就会被攞番出嚟，但要一段时间啦当然，唔系话而家即念佛即刻有个效果。你淋水施肥要一樖植物开花结果，发芽生长到个生果俾你食得到都好长时间啦，吓嘛？所以你今生修为有个恒心，有个毅力啦，要唔好退，唔好一曝十寒啦，慢慢慢慢做，就如培养一樖植物一样啦，你好快就能够将你前生嘅力量嘅功德开发番出嚟。一定有恒心，有毅力，否则你唔咁做，一曝十寒嘅呢，修下唔修下、修下唔修下，你永远都浮沉。

唔好唔记得，你而家一边修行呢，虽然系做紧善业，另外一方面，你可能亦都做紧恶业，因为我哋生生世世所累积，而家做人有好多坏习惯，唔系一时间能够改得到嘅，吓嘛？我哋一手，可能一手放鸡，另外一手又㓥鸡，可能我哋放五只鸡，又㓥番一只鸡咁嘅，吓嘛？冇话完全善，冇话完全恶，你仍然系改紧你嘅习气。所以而家你修为，持咒、打坐、诵经啦，继续努力保持不退呢，系非常非常之重要吖，你嘅恒心吖、毅力系好重要。有啲师兄失败唔能够成功，修来修去都咁嘅样呢，就系佢唔明白呢个道理。佢冇去努力，佢唔明白，佢前生可能系有修为过，佢亦都唔珍惜佢嘅人身，所以佢就容易退，亦都周围呢，冇善知识去鼓励佢，就呢种种助缘嘅因素。

咁呢度我解释，明唔明吖？潜能开发嘅方法呢，有好多种，譬如你今生喜欢念佛，你咪念佛啰，你喜欢忏悔嘅，你咪多啲忏悔，喜欢持咒，你咪持咒啰，同埋各种宗派呢，都系冇问题，只要系佛教里便正确嘅宗派呢，你就揾一个师父去跟从佢去修，千祈唔好跟邪嘅宗派，邪嘅宗派呢，等于你做啲，教你做啲唔好嘅嘢，又会淋到前生做恶事嗰啲恶嘅种子，就会开花结果㖞。你前生有冇机会系外道吖？有机会你做过㖞，你咁多世。嗱，而家用你呢个身体去推论你前生，一日未成佛，哗，推推推推推，推到百千万劫你都仍然系轮回紧嘅，系嘛？咁呢百千万劫咁长嘅时间，你话我哋个阿赖耶识吖，我哋个本体，嗰个精神，累积咗几多唔好嘅嘢响里便吖？所以你一时间要成佛，一时间要将你业障清洗，开智慧唔系咁容易。所以成佛呢，响显宗上便讲要经过三大嘅阿僧祇劫，系嘛？你哋都听过，系好漫长嘅时间吖。

“三祇修福慧，百劫修相好。”用三大阿僧祇劫嘅时间去修福德同智慧，用一百劫嘅时间去修庄严，自己嘅庄严相貌嘅形态，咁所以，你生生世世根本系做咗好多善事，可以推论，亦都做咗好多恶事。咁我哋只要令今生，前生所做嘅善因继续开发，我哋前生修为嘅能力攞番返嚟，继续开发，不断增上，有一日，你始终一跳，会跳去解脱生死，去西方极乐世界。

假如相反，你做恶嗰便嘅，不断做恶，系咪又会累积吖？好快你就会向下沉，两条直线之嘛，一个向上、一个向下，所以你今生不断向善嗰个方面嘅时候呢，你就能够解脱。所以，《地藏经》里便都讲，地藏菩萨话，但求有一个人做一件善事吖，佢都会接引佢，引领佢，亦都犹如其他菩萨一样都会。因为呢一念善，你唔好睇轻呢一念善，所谓“一毫之善，与人方便”，你就因为呢一念善呢，第二世有机会啦，亦都因为呢一念善，你可能亦都会做善事，一件、两件、三件咁样累积呢，始终有机会你会学佛，会解脱。但一毫之恶呢，就劝人莫作，一毫纸咁细，一条头发一毫吖，咁小恶事你就唔好作，因为会累积㗎，虽然一个好大嘅碗吖，好似个蒲团咁大装好多水吔，但一个好似针窿咁细嘅窿吖，都会将里便嘅水漏晒，吓嘛？你谂下？个碗装嘅水犹如你嘅修为嘅功德，如果你今世有缺漏呢，有个窿仔呢，就会将啲功德全部漏晒出嚟。所以呢，统括嚟讲，你要明白你自己，你想了解你前生系乜嘢，你通过修为呢，通过禅定里便，你就会开发智慧，戒，守戒，修持禅定，你就会开发智慧，由智慧里便，好似一块镜里便，你要睇乜就睇乜，你就会好清楚，知道你前生后世，点解会轮回？我点解会做人呢？佢点解会做一只蚁呢？点解佢会做天神呢？点解佢会做皇帝呢？吓，呢啲全部由因果去累积。你通过修为，你一定会知道，一定要守戒，修持禅定，开发智慧，照破你嘅无明，显现番你嘅本性，你就会知道究竟呢啲因果系点，而打开你封蔽嘅意识嘅方法呢，就系修行，修行。

当然，各个人所修行嘅佛菩萨嘅本尊唔同，响有一次一讲里便呢，生命有缘中，《生命中有缘的佛菩萨》啦，我亦都讲过，每人，每个人所修为嘅本尊唔同，亦都关乎到你前世，可能你前世修开观音法嘅，今生你能够再修观音系咪好容易同观音相应吖？将前生你修观音嘅功德攞番出嚟，所以亦都系好大关系。各个人有缘嘅佛菩萨唔同，个法门唔同，譬如唔好话人哋修呢个法门，你见到佢咁好呢，你就依样画葫芦啦，照修可能对你未必系啱，你要就你自己本性、根器，拣啱一个法门，一门深入，不断去努力去修呢，就有机会将你前生嘅潜能开发。

犹如你行楼梯，行一级、两级，一个细路仔行一级、两级，但佢唔识，佢唔识跳嘅，犹如，但系佢有跳嘅能力，譬如佢三四岁已经识跳，但有个人话俾佢听，你唔使行两、三级㗎，你一跳就跳到上去，佢只脚只要一𨂾呢，可能𨂾过三级㗎喇已经，唔使逐步逐步行，有冇人话俾佢听之嘛，你已经具有呢个能力。犹如有冇人话俾你听，通过修为你会将你嘅潜能开发，根本你就有咁嘅能力。而家就话俾你听，通过修为，你不断去修，你就会不断进步，你自己唔觉㗎，其实已经慢慢慢慢累积，可能差唔多到终点啦，不过你唔知啫，你自己睇唔到吖嘛，吓嘛？而家有人话俾你听，你可以咁做，亦都有方法可以咁做，就系修行戒、定、慧，将你嘅贪瞋痴去熄灭，不断修，不断累积呢，你就好快行到返番你间屋企个单位上便吖，三步三步行楼梯，快唔快吖？好快啦，系嘛？（注：接下文）

221.前世记忆潜能（二）

（注：接上文）

咁我就粗略讲咗关于前世记忆同埋开发嘅方法。因为呢，响法轮会每次讲都系一个钟头松啲呢，我唔可以太详细、太深入，我亦都唔系算命，你问我三世书，你前生系乜？我又答唔到俾你，吓嘛？话唔到俾你听，所以，但你可以个别，揾我商量，譬如你想了解下你适合修边一个法门嘅，你可以同我讲下，我可以俾啲意见你，你私人可以嚟揾我，你系属于，譬如话：“吖，你觉得我修观音好唔好啦？”吓，可以同你研究下，你系适合修边个法门。

咁今晚粗略讲咗你嘅前世记忆啦，同埋你嘅潜能嘅开发啦，明唔明吖？明唔明吖？掌唔掌握到呢个基本嘅概念？我而家讲嘅嘢呢，我唔希望太深，但我希望俾一个骨架你，我唔同你黐啲肉，唔黐啲皮，唔俾啲内脏你，呢啲系你自己装上去。你掌握咗基本嘅观念嘅骨架系乜嘢，点解你嘅前世记忆被封蔽吔？譬如举例就系你嘅无明啦。你头先啲嘢，所有听唔到唔紧要，你听到呢两句得㗎喇，呢两句就系骨架嚟嘅：点解你嘅前生嘅意识被封蔽呢？就系由于你嘅无明。同埋点解你轮回做人呢？有好多原因。你今生，你有冇睇达摩吖？达摩套戏，“欲知前生因，今生受者是。”系咪？佢都讲：“欲知来世果，今生作者是。”你想知道你点解今生咁重吖，瞋恨心吖？欲知前世因，你今生受者是吔，就算你而家唔须要开发咗有神通、有宿命通吖，可能冇慧眼，亦都冇法眼，但系你由呢个逻辑去推断，犹如头先我所讲，前生系阿修罗界转生，就有瞋恨心，譬如你今，今生修为——唉，点解我嗰个，啲脾气硬系揿唔住嘅呢？话我两句我已经火兵兵𠾴𠾴冲到上嚟，又想打人咁滞。呢啲系你多生多世所累积落嚟嘅习气，可能前生你系阿修罗界，瞋恨心重，勇，好斗，亦或者可能你系一啲比较有毒嘅动物转生，啫个，个斗心，个瞋恨心吖，害人嘅心仍然有，可能系蝎子啦，可能系毒蛇啦，吓，你可以咁样推论，机会都好高㗎，相信。如果中意害人吖，中意斗吖，同埋个人呢，同埋你乜嘢宗教信仰都唔信嘅，啫系比较个人呢，接近动物性多，食完饭就瞓觉，瞓完觉呢，就谂“色”呢一样嘢，呢啲咪动物性啰？我哋人吖，点解能够超越动物？就我哋有智慧，我哋能够创造一切，凌驾于其他。对我哋嚟讲吖，人称呼叫低等动物，啫系猪吔、鱼吔，但系佛法嘅角度完全系平等，冇话高低，精神系一样。佢本体好似低过你，霎时间你执著个景象——佢系猪啫，但系将来你都会有机会㗎，如果你愚痴造业的话，人界角度睇呢啲低等动物。如果你今生有呢啲低等动物嘅习性，你中意食饭，好中意食，食嘢嘅，好中意瞓觉嘅，好贪好女色嘅，如果男性，女性吖，贪好男色啦，净系有呢啲咁嘅基本上动物性嘅需要呢，系大过你自己中意谂嘢吖、智慧吖、揾啲书去读吖、学佛吖，所以可能呢，呢啲习气就系你前生好多世做动物带返嚟，可能前生就系动物嚟，有冇啲咁嘅人吖？你发现吖，将呢啲原则去检讨下，你唔须要有宿命通嘅，由呢个逻辑就去推断，欲知前世因，今生受者是。我谂相信你身边冷眼旁观下有好多人都会系咁，你嘅同事、你嘅亲戚、你嘅朋友，咁所以由呢啲逻辑，你就可以了解因果嘅报应。其实佛法呢，就响我哋生活之中，冇离开过我哋，不过我哋唔识观察之嘛，万物静观皆自得，我哋由呢啲原理去睇一睇下，呢啲就系佛法嚟嘅，系唔系吖你谂下？我咁讲有冇道理吖？有道理啦，喺你嘅生活里便，慢慢去体察，你就知道你身边嘅人，系边度转生返嚟。

譬如我举一个例，有啲弱智嘅，嘅人呢，啲细路哥吖，孩童嗰啲吖，你有冇发觉呢，我成日都咁样睇嘅，有冇发觉无论鬼佬或者中国人，弱智细路哥，个样都一样嘅，差唔多，有冇发觉吖？系咪吔？嗱，我讲呢个道理你会好易明白转生轮回嘅因果。佢哋个样都差唔多，佢哋今生弱智，可能佢前生毁谤佛法，毁谤佛法，同埋亦都系做咗好多生动物，好愚痴，今生转生，愚痴就冇智慧啦，所以我哋话点解叫“弱智”吔？或者“低智能”，系咪IQ低话佢，愚痴啦，冇智慧，愚痴冇智慧系咩吖？系咪畜生吖？所以呢，可能推论呢一啲弱智嘅人士吔，啲细路哥呢，都几惨，佢好多世可能做咗好重嘅业，轮回轮回轮回，可能十世一百世，好多世呢，做咗动物，今世再转生呢，都得唔到个人嘅样。你见到嗰啲样好似动物嘅，有冇发觉吖？有时中意蹦蹦跳跳嘅，话唔听嘅，系嘛？智慧亦都低嘅，咁所以前生佢可能由动物界，旁生界转生返嚟吖。有冇发觉呢个例子吔？你试下去睇下，鬼佬弱智嘅人同我哋中国人弱智嘅人系一样样㗎，啫有，我觉得好似有啲猪猪哋㗎，猪型咁吖，猪型猪型咁吖，系咪吖？有冇发觉？呢啲就系轮回转生嘅现象吖，我哋唔可以否认，你点解释呢个原因吖？系嘛？所以我哋人呢，之能够得到呢个身体呢，父亲嘅精子、母亲嘅卵子结合，只可以帮助我哋造成一个外，外便呢个物质嘅躯壳，还有一样最重要，就头先我所讲嘅，咩吖？阿赖耶识啦，第八识。阿赖耶识响我哋中文里便叫做“藏识”，“藏”吖，“潜藏”个“藏”，我哋做善恶、不善不恶个种子全部潜藏响呢个“识”里便，要佢变咗个果报出嚟，善恶、不善不恶嘅果报啦，先会冇咗呢粒种子去。所以呢个阿赖耶识，配合咗我哋父母俾我哋嘅身体呢，我哋先能够做到一个人嘅，包括其他动物，都有精神嘅部分，所以佢先会轮回。如果人死如灯灭嘅——哦！瓜咗啰㖞！冇咗呢个肉体啰㖞！仲会轮回？唔须要轮回啦！如果人死如灯灭。哗，呢个世界仲放肆，而家都咁厉害吖，有宗教，冇宗教，人死如灯灭啦，做善事冇善报，做恶事冇恶报，呢个世界惨吖。过八号风球，今次呢个肯达肯定吹正澳门吖，一定会伤人，因为我哋做恶事感召呢啲天灾人祸嘅恶报吖嘛，就会去侵袭到澳门，就会侵袭到我哋。呢个大家所做嘅恶事嘅共业，感召一啲天灾或者人祸嘅现象呢，侵损到我哋。我哋前世一定有，譬如一个国家嘅战争，有啲人呢，侥幸生存，有啲人就唔得嘞，有啲人呢嘅自己或者家庭呢，俾呢个战争所连累，就你前生有做杀业。“欲知世上刀兵劫，但听屠门夜半声。”你前生就有做呢个杀业，被牵连在内，所以啲战争一定会波及到你，系大家一齐所做嘅恶业，感召而报应响大家身上。有啲人幸免的话呢，共业之中有不共嘅业，就系佢哋冇做杀业，所以佢能够喺战争之中，能够侥幸生存，就系咁嘅道理。咁大家做咗毁谤佛法，大家做咗愚痴嘅共业，转生响动物多生多世，一做番人嘅时候，智慧都低啲嘅，同埋个样呢，啫五官唔得太端正，有啲六只手指嘅，吓嘛？唔系外星人，吓，六只手指，有啲比较低，弱智嗰啲呢，有六只手指，有冇发觉，吓嘛？好似啲动，嗰啲手型，好似啲动物呢，猪吔，嗰啲指吔，岔出嚟，啲猫咁，你发现睇下啲手吖，你试下细心留意下，呢个就系转生轮回嘅现象，系有因果，我哋呢个世界，唔系冇因果。

其实智慧呢，唔系话，除咗开发智慧，头先所讲，我通过修行呢，我哋念念照佛陀所做嘅，念念光明，念念向正呢，我哋念念有智慧，譬如我哋识得去观察，识得去体察呢个世情，世情吖，用佛法嘅道理，呢啲就系你智慧，由体察呢个因果。譬如体察：系㖞，你返去照我呢个，呢个道理去睇下，系㖞，点解弱智人一样样嘅呢？东西方，吖，唔通我，玮师兄真系讲得啱嘅？佢做咗好多愚痴嘅业，做咗好多世动物，今生就转生为人，唉，我都唔好做杀业啦！嗱，如果你能够信呢个明白咗，你咪唔会去做杀业，系咪有智慧吖？一念愚，你嘅般若智慧就冇咗，你一念智慧你肯相信呢，你嘅般若就生了，吓嘛？咁你又体察呢啲种种世情嘅现象，警醒你自己：吖，佢错咗，我就唔好再错，如果咁样，杀生嘅，毁谤佛法嘅业，就会弱智㗎喇下生，我今生都要信佛法，唔好毁谤。如果你相信的话，你今生都要修行吖，咁你咪有咗智慧吔？系咪吖？智慧系咁得嚟㗎嘛，你观察世间嘅事物，唔系话坐喺屋企就咁念经：卟卟卟卟卟……南无阿弥陀佛，南无阿弥陀佛……呢个都会有智慧，开你智慧，但系念完佛之后，你接触世情，接触社会嘅时间系多过你屋企呢一种念经嘅修行，所以你应该更加响呢个世界里便用佛陀教你嘅道理。当然有个准则啦，你冇准，冇个准则，我唔讲呢个，譬如唔讲呢个弱智嘅道理，你冇个准则就体察唔到。你读佛经，吸收咗佛陀嘅思想之后，有咗呢个准则，就响呢个世间里便用呢啲准则去验证世间嘅真假同善恶，咁你就会累积咗好多智慧，系嘛？呢个就系智慧嘅来源。再通过你内修修行呢，佛法嘅光明将你内在嘅无明照破，呢个亦都系你本有嘅智慧，本有嘅光，然之后同宇宙根本嘅智慧，佛陀呢个大光明完全结合咗嘅时候，你就本身就系佛嚟嘅。所以，我强调应该更加喺世间里便生活，多啲去体察，呢啲系生活嘅佛法嚟嘅。每时每刻你都会接触到呢啲现象，你有啲朋友有善心啦，有啲朋友有瞋恨心，有啲朋友有斗心啦，呢啲咪轮回因果现象啰？你个肉体系人啫，但系你嘅精神，系冇消失到你前世嘅习性，所以你有个习性去体会到嘅前生究竟系乜嚟嘅，亦都可以有方法警惕你自己：哎？我唔好学佢。亦都可以劝诫你嘅朋友：咦？唔好咁嬲㖞你，唔好发脾气㖞，伤肝嘅㖞，吓，平静啲吖，啲火，唔好咁容易发脾气，如果系修行人呢，好容易烧咗自己功德林。嗱，呢啲咪智慧啰？如果你有个心帮自己亦都帮人，你咪已经行紧菩萨道啰，系嘛？你已经累积紧智慧啦。争在你识唔识谂通呢啲法则，有冇人话俾你听呢一点呢，系好重要，响世间里便体察。

除咗念经、修行，头先我所讲开发你嘅潜能，打坐、参禅、修禅定、忏悔，将啲业障洗清之外，另外响世间里便，你要体察呢一啲种种嘅世情，用佛法嘅原则，再去累积你嘅智慧。因为而家我哋末法时期呢，世俗奔波，顾儿女、顾家庭，你有几多时间能够坐低念经呢？一晚顶多都最多数小时啫，系嘛？比较，最少吖数分钟啦，吓嘛？最多都系咁。你接触社会、接触世俗，六根攀缘外在嘅六尘，而啲种子种入你嘅八识里便呢，系好强，每时每刻，你系接触世俗，多过你清，污染被世俗污染系多过你自己内在嘅清净。所以世俗我假设系烦恼，你自己修行系菩提的话，点解唔可以将世俗嘅烦恼去化成菩提呢？就系头先我讲嘅方法，利用，你能够体会到佛陀教你做人，一个佛弟子嘅原则，守戒、修禅定，有智慧呢，将啲法则去印证人世间嘅种种善、种种恶，你就会识分，你就会累积好多智慧，咁呢啲时间，你咪能够将烦恼化成菩提，每时每刻你都喺度修行紧，系嘛？你谂下，就系咁嘅方法。

有五分钟，五分钟个饼带差唔多够钟嘞，五分钟。有冇问题问我吖？你觉得我咁讲吖，你学唔学到嘢吖？觉得咁讲你觉得得唔得到嘢吖你？啫有冇系听到呢啲嘢吖？讲真心话，咁少人，唔系我改一改吔嘛，讲得唔好。

222.了却凡心是佛心（一）

各位，多谢大家嚟参加今晚嘅法会。今晚要同大家所讲嘅讲题呢，系叫做《了却凡心是佛心》。《了却凡心是佛心》呢，系讲一部书叫做《了凡四训》，亦都系个作者叫做袁了凡，佢本身呢，系叫做袁学海嘅。袁学海先生所写“四训”嘅讲解。

自古以嚟呢，一般人都被命运所控制吔，而身不由己，只有明理嘅人，命运就约束唔到佢，正所谓贤达嘅人呢，能够安命。《了凡四训》，世人几乎都知道系改造命运嘅宝典，有福份嘅人呢，大都能够响呢部书，吖，细心阅读之后吖，进而能够，呢部书俾佢一定嘅启发，令佢立定志向，力行去实践。有时可以帮助到种种嘅人，譬如，将疾病化解于无形啦，或者扫除穷困嘅威胁、消除生活嘅烦恼，达到超凡入圣嘅境界。

《了凡四训》作为修身嘅座右铭，人人都可以成圣成贤。《了凡四训》呢部书呢，可以作为处世嘅准则，亦都能够令到举世能够消除灾难同埋业障，确实系自救救人最佳而系最简单嘅途径。

《了凡四训》呢，佢内容吖，讲呢部书呢，其实都几通俗同明朗，亦都唔会失去，吖，原著《了凡四训》嘅宗旨。因为《了凡四训》呢，系有白话解释嘅，但系啲白话解释呢，就要视乎人见人殊啦，各人解嘅唔相同，观念唔同呢，亦都有见仁见智嘅观点，但系“修身律己，安身立命”之道呢，喺《了凡四训》呢部书里便呢，系非常之清楚讲得，所以凡系有先见之明嘅人呢，都唔会放过去读呢部书。凡系有智慧、有志气、有作为嘅人，想了解宇宙人生嘅真相，服务社会去造福人群，响读过呢本书之后呢，一定能能够逢人传颂同埋介绍，令到人哋有收获，正系呢本书所以能够流传千古吖，历久不衰嘅一个原因嚟嘅。

《了凡四训》呢，系袁了凡先生，一生奉行《太上感应篇》嘅精华所得嚟嘅。呢本书嘅开头其实首先讲所谓立命之学，系为咗勉励世人奋发向上，唔好自暴自弃，因为人生嘅气数吖，虽然系由前生造因而定，但系命运嘅好坏呢，就随住呢一生心性状态而改变，所以立命嘅学说喺呢部书里便呢，系首先讲，系可以话系开宗明义吖。

第二篇呢，《了凡四训》跟住讲就系改过嘅方法，改过嘅方法系因为一般人都自认自己系无过失而唔知道改过行善。我哋试谂下，唔知改过嘅人就好似漏咗底嘅容器，行善亦都得唔到效果。如果做人想诸恶唔改，众善奉行，而想去功过相抵呢，其实系等于冇做，因为功吖，唔可以同过相抵，如果诸恶不改，只系略行数善，见祸呢，嘅结果呢，都系见祸而唔见福，所以话，改过系立命嘅下手工夫，所以第二篇呢，系接住上篇改过嘅方法去讲嘅。人如果知道能够改过，但系唔知道行善嘅道理，亦都系徒劳无益，所以《了凡四训》嘅第三篇跟住所讲嘅系积善嘅方法，以淋漓尽致嘅分析同行善嘅道理同方法去讲一讲积善有几多方法。我哋初学行善嘅人呢，虽然难免吖，好似一个穷人一样忽然变成暴发户，会有傲慢天下，甚至藐视一切嘅骄傲作风，所以《了凡四训》嘅最后一篇呢，系讲谦德之效嘅，袁先生叮咛我哋“满招损，谦受益”嘅道理，人如果能够谦虚为怀呢，亦都能够行善惟恐不足，先能够使到立命吖，呢个方法去收到效果而达到改造命运嘅目的。总之嚟讲，《了凡四训》虽然话系“四训”，其实我觉系一气呵成一篇所谓立命嘅道理，确确实实系人生嘅至理名言。

咁我哋未开始呢，讲《了凡四训》嘅内容，首先我哋或者介一介绍呢本书嘅作者袁了凡先生个简单嘅传记。因为今，可能今晚嘅时间有限吖，所以只系能够，诶，尽量讲一讲《了凡四训》里便抽一啲大概精华、重要嘅内容去讲一讲，如果大家有兴趣的话，你可以自行翻阅《了凡四训》嘅解释嘅白话，甚至佢嘅原文，如果你自己睇呢，比我讲嘅可能系更有味道。

好嘞，咁我哋而家讲一讲袁了凡居士。袁了凡先生呢，佢本身系叫做袁黄，别字呢，叫做坤仪，系江苏省吴江县人，佢出生响西元1535年而死于1606年。了凡先生年轻嘅时候呢，入赘到浙江省吖，嘉善县吖，嘅一笪地方，所以喺嘉善县得到公费，做咗县里便嘅公读生。咁其实袁了凡先生佢系明朝时候嘅人，佢喺明穆宗隆庆四年呢，大概西元嘅一千五百七十年，响个乡里便吖中咗举人，响明神宗万历十四年呢，嗰西元1586年呢，就考上咗进士，奉命做河北省呢，宝坻县嘅县长，过咗七年呢，就提拔做兵部嘅职方司嘅主管人。咁了凡四，了凡，袁了凡先生呢，啱啱响到任呢个官职嘅时候呢，碰到日本人正当侵犯朝鲜而向中国求救，当时嘅经略吖（一个官名吖），啫驻韩鲜嘅军事长官呢，个名叫宋应昌啦，佢呢，请了凡呢，做一个官职叫做“军前赞画”，啫参谋长嘅职务，而且督导支援朝鲜嘅军队。提督李如松呢，掌握兵权呢，诈谛呢，赐给高官俸禄吖，同日寇谈和，日本人就信以为真，就冇设防，李如松发动突击呢，攻破形势险要嘅平壤，所以就打败咗日本人。咁了凡先生因为呢件事呢，当面指责李如松，第一，佢唔应用诡诈嘅手段去对付日本人，有损失大明朝嘅威信；第二点，李如松手下嘅士兵呢，随便杀害百姓，以百姓嘅头吖，去记功。李如松非但唔接纳袁了凡先生义正言辞嘅劝诫，反而自己一个带住军队东走，得到咗袁了凡先生所率领军队呢，令到佢孤立无援，日本人因而乘机就攻击咗了凡先生嘅军队，后来呢，好在了凡呢，机智应对，对日本人打退，但系李如松嘅军队最后终于俾日本人击败，佢想要脱离自己嘅罪状，反而以十项罪名去弹劾袁了凡，于是了凡呢，好快被提出审判，终于响拾遗嘅官职嘅时候（啫一种谏官嘅任内），被逼停职返乡下。咁响屋企里便呢，袁了凡呢，好恳切，认真去行善直到去世，咁佢享年呢，有七十四岁。响明熹宗嘅天启年间呢，了凡嘅冤案呢，终于真相大白，朝廷追封咗了凡呢，为征讨日本海盗嘅功绩，封赠佢做尚宝司少卿嘅官衔。

了凡先生由做学生嘅时候呢，其实佢已经非常喜欢研究学问，书不论古今，事不分轻重呢，佢都好中意研究，而且非常通达。例如星象吖、法律吖、水利吖、理数吖、兵备吖、政治吖、堪舆等等。

了凡先生响宝坻县做县长嘅时候呢，佢好注重百姓嘅福利嘅，佢时常会做一啲有利地方嘅事。宝坻县当时呢，时时有水灾泛滥，了凡先生于是积极兴办水利，将三汊嘅河疏通，筑堤防备呢，免水灾嘅侵袭，而且教导县里便嘅百姓吖，沿住海岸吖，去种植柳树，所以每当啲海水泛滥嘅时候，挟带一啲沙土冲上岸呢，遇到柳树呢，就积挡住，久久就变成咗一道堤防。于是袁了凡先生又督导百姓呢，响堤防上便去建造一啲沟渠，而且鼓励百姓耕种，所以荒废咗嘅土地就渐渐得以开垦，地方就逐渐繁荣了。了凡先生又免除种种杂役，避免干扰百姓，多方面方便人民嘅措施使到百姓安乐，安居乐业，所以佢系一个好官嚟㗎其实。

袁了凡先生其实佢屋企呢就唔系好富有，但系就好喜欢布施嘅。佢家居生活系好俭朴，佢每日诵经啦、持咒，而且参禅打坐或者修习止观。无论公务吖、私务系几繁忙，佢早晚嘅功课系唔会间断，所以响嗰段时候呢，了凡先生写低咗四篇短文，去教训佢嘅子弟嘅，就后嚟我哋坊间所讲嘅《了凡四训》呢部书，就系咁吖来源。当时呢部书就唔系叫《了凡四训》，系叫做《诫子文》，啫劝诫佢儿子嘅文字，但系用嚟训勉佢嘅儿子，点都估唔到今日呢，呢部书能够流通咁广，被咁多人传颂！希望大家亦都认识呢一部书。

了凡先生呢，讲到佢嘅太太亦都好贤惠嘅，经常帮助了凡去布施行善，而且依照了凡先生佢做咗个所谓叫《功过格》，功同过每日做几多都记喺一本簿上便，叫《功过格》，记低所做嘅功德。因为了凡嘅太太冇读过书吔，冇法用文字去记载，所以用啲鹅毛呢，诶，去点一啲红墨水，每日响历书上便去做记号。有时了凡先生比较忙啦，嗰日做功德比较少，佢老婆就皱眉头嘞，希望了凡先生能够多啲行善。有一次呢，佢太太为咗个仔吔，裁制冬，冬天嘅袍吖，佢想买一啲棉絮吖，去做内笼啦，了凡先生就话：“屋企里便呢，有丝绵，又轻又暖，点解仲要去买啲普通嘅棉花呢？”于是了凡先生嘅夫人呢，佢太太就答佢，佢话：“丝绵比较贵，棉絮又平啲，我想将屋企里便嘅丝绵去换棉絮，咁样咪可以裁多几件棉衲，去送俾贫寒嘅人家过冬？”了凡先生听咗呢，就好高兴而且话：“你咁虔诚布施，就唔怕我哋将来个仔女冇福了！”

咁所以呢，后来袁先生个仔呢，袁俨吖，得中咗进，进士吔，最后呢，系以广东省高要县嘅县长呢，退休吖。吓，所以我哋积善呢，所谓呢，“阴功”呢，积落儿孙受，但嗰个“阴功”呢，唔好误会话“吖！冇阴功！”个“阴功”，“阴功”系阴德咁解，我哋积落呢，儿孙自然会受到我哋嘅福德，其实呢个系因果嚟。

咁好嘞，我哋就简简单单介绍咗袁了凡先生嘅生平，我谂大家都好闷，吓嘛？听前面嗰啲人物嘅传，但系我已尽量简单讲解下，但系如果你唔听过去个传呢，诶，唔知佢系一个咩人呢，同埋，诶，唔知《了凡四训》系一部咩书嚟。

咁我哋抽里便《了凡四训》嘅精华开始讲一讲。首先我哋讲下“立命之学”，所谓“一切都是命，半点不由人。”了凡先生童年嘅时候，佢话自己失去咗父亲，于是佢母亲认为呢，希望佢能够学习医术，可以过生活，亦都能够就，救世济人，学成一技在手，亦都可以呢，完成佢父亲嘅心愿，因为佢父亲嘅心愿系想佢做医生嘅，所以呢，了凡先生听咗母亲嘅意思，放弃咗考试做官嘅念头而去学医术。但系有一日，响一间寺吔，叫做慈云寺呢，佢遇到一位道貌岸然，好似神仙嘅老人，佢告诉袁了凡先生话：“你有做官嘅命，明年就系秀才啦，点解唔读书咧？明年就开考啦！”

诶，于是袁了凡先生呢，就话俾呢个，诶，慈云寺吔，好似神仙嘅老人听呢，佢请教老人姓名，吓，同埋住喺边度。老人就话，佢话：“我姓孔，系云南人，我得到呢，以前，吖，一个术数家叫做邵康节……”邵康节系宋朝一个术数家嚟，佢得到邵康节嘅《皇极经世书》吖。《皇极经世书》呢，而家传到落嚟呢，俗称呢，可以叫做《铁板神数》，听讲系好灵㗎，呢，呢个《铁板神数》系打算盘，将一个人嘅命呢，八字呢，吓，喺个算盘上便批呢，遂句遂句讲出嚟呢，将你一生嘅命运呢，去纵断嘅，听讲系准确率好高。咁呢个孔先生得到邵康节，吖，宋，宋朝一个术数吖，好出名嘅大家，呢个《皇极经世书》嘅正传。呢个孔先生就话，同袁了凡讲：“我应该就将呢个术数传俾你吔。”于是我就，于是呢，袁了凡先生就接引咗呢个老人返到屋企住，而且将情形话咗俾佢妈妈听。佢妈妈呢，就要袁了凡好好招待呢个老人家，而且亦都屡次试验老人嘅命学理数，但系呢，唔试验犹自可，一试验呢，无论大细嘅事情呢，都好灵验准确，所以袁了凡就好相信老人嘅说话，又开始读书，准备呢，就唔学医生嘞，准备就考秀才。于是呢个孔先生，呢个孔老人呢，就为袁了凡算命，佢吖同袁了，袁了凡算到，佢话：“你响县考考童生嘅时候呢，一定会得到第十四名，响府考呢，得第呢，就会第七十二名，响提学嘅考试里便呢，就会得到第九名。”啫三个考试唔同嘅名次。咁算完之后呢，到咗第二年嘞，三次嘅考试呢，都好似孔先生批中吖，都能够考得到，而且录取嘅名次吖，亦都确实符合老人嘅预言㖞，所以呢，袁了凡呢，就再请孔先生呢，为佢占卜终生嘅吉凶祸福。孔先生计咗结果之后呢，就话袁了凡，边一年吖，就会考到第几名，边一年呢，就会补一个官嘅空缺，边一年就会当贡生，而后边一年就会入选为做四川嘅知县，响在任三年半呢，就离开，诶，在职嘅地方，返乡下，五十三岁八月十四日丑时，寿终正寝而无子。哗！呢啲就可以叫做，可以叫做话“金口直断”！哗！讲到咁准嘅？呢个术数，哗，连死嘅时候几年几月几日几时，有冇仔，吖，送终都讲到咁清楚，哗，听到其实都好惊。

咁从此之后呢，袁了凡听咗之后凡碰到考试吔，名次嘅先后呢，估唔到都离唔开呢个孔先生嘅《皇极经世书》嘅预言㖞！咁孔先生呢，仲算定，袁了凡命中注定呢，领取所用嘅米吔，有九十一石五斗吖，吓，喺个做官嘅期间嘅职位，领取九十一石五斗然后先能够升为贡生，啫跳一级官，但系当袁了凡领到七十斗嘅时候呢，上司呢，就为袁了凡呢，去补贡吖，所以依度开始唔准嘞，超过咗七十斗，因为佢九十一石五斗吖嘛，所以袁了凡就怀疑孔先生预言嘅准确性，冇谂想到结果呢，都系被驳回，啫补贡嘅，嘅申请吖，啫补唔到。到咗一定嘅时候呢，上司又发现呢，考场里便佢个考试嘅卷嘅答案呢，做得好好，唔忍埋没人才就吩咐县官呢，替佢揾另外一篇文章，正式升补贡职，计算所领取嘅米粮，又啱啱系九十一石五斗。

于是呢，哗！咁准确之后，从此袁了凡就开始更相信，佢话：“‘升官发财，迟速有时；富贵在天，生死有命’嘅‘命’，命理嘅数吖，系啱嘅！咁既然有命运，又俾一个咁高人术数算到咁准，咁人生岂不是冇意思？”所以从此袁了凡呢，就心灰意冷、淡淡无求，因为佢话“你几多岁做咩官吖、几多岁考咗咩试吔、有冇仔送终吔、几时死吔、一生食几多米”都讲得咁清楚，如果俾一个人算到你咁呢，你听到之后而啱啱件件事都准吖㖞，咁你分分钟钟做人呢，好似冇意思吔，堕入咗宿命，吖。

咁跟住我哋再落嚟讲呢，就袁了凡点样改变佢嘅命运，系一个转捩点嚟嘅，“命由己作，相由心生”，所谓。

后嚟袁了凡呢，入咗去燕京服务咗一年呢，佢终日静坐，亦都懒于读书求进，因为由于个孔先生影响咗佢吖，所以返到南京之后，有一日了凡就去到栖霞山，去拜访一个禅师，叫做云谷禅师，于是两个人呢，了凡同禅师吖，对座响一间房里便，三日三夜唔瞓觉。咁吖，云谷禅师呢，就问佢嘞，佢话：“凡人所以唔能够成圣成贤吖，都因为被杂念吖，同欲望所牵缠。”佢话：“你静座坐喺度同我对坐三日，唔起杂念，唔胡思乱想，一定有原因嘅。”咁袁了凡呢，就答云谷禅师话：“由于我被一个术数嘅专家，佢姓孔嘅，佢同我算咗命，关于我嘅荣辱生死，其实我觉得都系有定数，就算我点样努力，点样谂，其实都冇用，所以我就心灰意冷，仲谂乜嘢吖？”

云谷禅师就话，佢话：“人吖，如果唔能够达到无心、明心嘅境界，难免就会被阴阳气数吖，去控制，如果被阴阳气数嘅气运去控制呢，当然就有定数啦，但系只有凡夫俗子呢，先有定，定数嘅，大善嘅人嘅命运呢，其实系唔会被约束。”啫意思话做大善事嘅人，命运系约束唔到佢，另外相反嘅方向呢，做好多恶事嘅人呢，命运亦都约束唔到佢㖞。云谷禅师话，佢话：“袁了凡吖，你二十年嚟，你被命运所控制，喐唔到，真系凡夫俗子一个，我仲以为你系圣贤豪杰添！”云谷禅师对佢讲完呢段说话之后呢，就哈哈大笑，笑佢。

咁袁了凡之后，听完之后咪仲失落嘞，自己已经好似感觉到穷途末路吖，仲俾人笑添。于是袁了凡呢，过一阵呢，就再问云谷禅师，听听下又好似觉得，谂谂下：咦？又好似有啲道理㖞！佢问云谷禅师话，佢话：“一个人嘅命运，其实能唔能够改变嘅呢？能唔能够逃离阴阳嘅气数呢？”

云谷禅师就答佢：“命由己作，相由心生，祸福无门，惟人自召啫！”云谷禅师话：“我哋嘅命吖，系由自己去造，我哋嘅相系由我哋嘅心去改变，祸福系无门嘅，系自己去闯入去。”啫是祸是福、造善造恶系我哋自己，人逼唔到我哋，我哋嘅心呢，系最真，我哋自己能够作主，我哋嘅命运呢，系由我哋控制，唔系受人去摆布，命运系掌握我哋嘅手上。呢几句说话就系咁解释，云谷禅师就咁讲。跟住佢就再讲，佢话：“佛教经典里便唔系讲过‘求富贵得富贵，求男女得男女，求长寿得长寿’？都唔系乱讲㗎。如果乱讲呢，释迦牟尼佛亦都犯咗妄语，亦都啦，欺骗咗人。但系呢，历来嚟讲呢，都有好多呢啲说话应验嘅例子，多得不可胜数。”

袁了凡听完云谷禅师讲完呢段话之后，佢就话：“孟子曾经提过，佢话：‘求，系能够得到嘅，但系必须要自己能够做得到先得㗎。’道德仁义能够力行去自求，但系功名富贵要待人去赏赐，点能够求得到呢？功名富贵系咪自己去求嘅呢？点求呢？”

云谷禅师就话：“冇错，你讲得系冇错，孟子所讲嘅嘢冇错，但系你未深入去了解啫。我话俾你听啦，六祖惠能禅师吔，亦都讲过：‘一切福田，不离方寸嘅，从心而觅，感无不通。’意思系话众生想得到一切福乐，都离唔开我哋吔，我哋自己方寸之间，我哋方寸之间就系我哋嘅心，由我哋嘅心去作主，我哋心里便就可以揾到我哋嘅福田，我哋只要精诚去感动，精诚去改变我哋嘅命运，系冇嘢唔通嘅。”佢话：“人只要呢，由我哋内心去自求，力行仁义道德，自然就能够呢，赢取他人嘅敬重而得到身外嘅功名富贵。为人如果唔知道反躬自省，一味向前冲，自己唔识得反省，所谓‘吾日三省吾身’，由我哋心去祈求，只系好高骛远，祈求身外嘅名利，就算你用尽心机吔，其实两头都系空嘅。”

云谷禅师呢，同袁了凡呢，讲咗呢段话之后呢，袁了凡呢，就好似有一啲茅塞顿开嘅感觉，但系呢，佢仲呢，唔系话完全太相信，但系已经打动咗佢嘞，打动咗佢开始同云谷禅师倾偈，吓，已经开始明白到，明，啫俾佢一个问号：命运系咪可以改变呢？云谷禅师就俾咗一啲圣人嘅话语俾佢，俾咗一啲忠告佢。

于是云谷禅师呢，又继续问袁了凡，佢话：“孔先生孔老人到底算你终身嘅命运系点呢？”于是了凡呢，又详细咁将孔先生同佢算咗过往嘅经历一一向云谷禅师讲一次。云谷禅师就话，听完之后佢就咁讲，佢话：“你认为自己应该得到嘅功名，应该有儿子，你认为系咪吔？”

袁了凡谂咗好耐先话，佢话：“官场中嘅人都有福相，但系你睇下我相貌系几轻薄？又唔能够积德去造福，加以呢，又唔能够刻苦耐劳，度量又狭浅，纵情任性、轻言妄谈、自尊自大，呢啲都系无福嘅相，点样做到官呢？”吓，你唔好话㖞，如果袁了凡呢，其实能够讲咗呢段嘢呢，佢自己都几有自知之明㗎，其实都几谦虚。佢话：“俗语所讲呢：‘地秽多生物吖，水清常无鱼。’地邋遢呢，就多嘢生出嚟嘞，水太清了则无鱼。”佢话：“我自己呢，中意呢，清洁，有清洁嘅癖好，形同孤寡相，系无子一个原因。”啫呢个袁了凡自己解释，“脾气暴躁吖，缺乏养育万物嘅和气呢，系第二个原因，无子嘅。仁爱呢，系化育之本，刻薄呢，就系不育之因，我一向洁身自好，唔能够舍己为人、同情别人，系无子嘅第三个原因。其他仲有好多，诶，好多嘢系耗气吔，譬如我系好饮酒啦，好中意饮酒啦，或者损耗精气吔，中意长夜不眠吖，吓，唔识爱惜自己啦，呢啲都系无子嘅原因嚟。”吓，袁了凡呢，就系亦都有一段解释，向云谷禅师讲，解释佢自己有套方法，点解佢无子嘅。

但系云谷禅师听完之后呢，就咁讲，佢话：“照你咁样讲吖，世界唔应该得到嘅事呢，其实唔止你讲咁少吖，仲有好多，岂，岂止系功名同埋呢，子嗣嘅事情呢？世界上嘅人，系享千金财富，或者享百金嘅财富，或者应该饿死，系取决于各人心性所造成，天吖，只不过系因材施教、因势去利导啫，佢系冇加以丝毫嘅力量，好似人体嘅轻重，系决定响本身嘅份量，而唔系，唔系磅吖，嘅厚同埋薄嘅，唔系厚此薄彼嘅，系一样嘅道理吖。”吓，啫天对人好公平吖，系自己嘅问题，唔关个天嘅事。云谷禅师吖再话，佢话：“传宗接代嘅事呢，亦都一样，但凭各人积德嘅厚薄，有百世功德嘅人呢，一定有百世子孙可以传，十世功德嘅人呢，亦都有十世子孙可以护，呢啲绝子嘅人呢，系毫无功德嘅人嚟吖，其实。只要能够了解自我嘅因素，系造就人生吉凶祸福嘅关键，千祈唔好将呢，唔做官吖、中唔到状元吖，或者冇儿子嘅原因呢，去归咎于一啲不可解嘅因素，吓，你应该将你自己嘅习惯尽量去改。譬如呢，将你吝啬嘅习惯变成中意施舍呢、偏激变为平和、虚伪变成虔诚、浮躁变成沉著、骄傲变成谦虚、懒散呢改为勤奋、残忍化为仁慈、刻薄改为宽容，尽量去积德，尽量自爱，珍惜自己，唔好糟蹋自己。以前种种好似昨日死了，今日种种譬如今日生。咁样做吖，我话俾你听，就能够除去身上嘅病根，重新而获得仁义道德嘅新嘅身体。”云谷禅师再同袁了凡讲，佢话：“血肉物质嘅身体呢，如果受到生灭气运嘅影响呢，咁人类嘅道德精神一定能够感动天地而获福嘅。古有名言：‘天作孽犹可违，自作孽了就不可活。’”吓，云谷禅师话：“诗经亦都讲过，如果人吖，能够了悟立命嘅道理、顺天嘅道理，自然就能够求得厚福。”佢话：“孔老先生呢，算你呢，做唔到大官，又冇仔，呢个系天嘅作孽仲可以避免，只要你扩充德行、广积阴德、多作善事，而且自己所造嘅福，系亲手去做，又边有唔会应验嘅道理呢？”譬如佢话：“易经里便一本书吔，专系讲趋吉避凶嘅道理，如果讲命运唔能够改变，咁如果好同坏又有咩分别呢？凶又点样避呢？吉又点样取呢？易经都有讲过话：‘积善之家必有余庆，积不善之家必有余殃。’啲福呢，能够呢，延及我哋子孙，祸呢，亦都能够祸及我哋子孙。”佢话：“你相唔相信吖，袁了凡？”咁样讲。

于是呢，袁了凡呢，听完之后呢，从此开始呢，猛然醒悟，佢呢，好感谢云谷禅师吔，指点咗佢吔，呢一啲道理，于是呢，佢就即刻呢，拜领受教，而且将往日嘅过失，响佛前呢，尽情去表白忏悔。首先佢去求登科，然之后发愿做三千件善事……（注：接下文）

223.了却凡心是佛心（二）

（注：接上文）……功过簿上便，如果有过失呢，就功过呢，就相抵，吖，其实系当冇做过嘅。因果上唔系功过相抵，唔好误会吔，佢做呢个善同埋恶呢，只系呢，整一条加减数出嚟，令自己做更多嘅善事。而且云谷禅师呢，仲教袁了凡呢，一个密咒吖，呢个密咒呢，就系准提佛母嘅神咒，去教袁了凡呢，持念去改变命运呢，以期有所应验，吖，呢个咒响佛教里便呢，都系好重要吖，准提佛母嘅咒特别适合我哋居士去修持。

诶，咁云谷禅师呢，又教咗袁了凡呢，其他一啲特别嘅法门，去教袁了凡改变命运嘅。云谷禅师仲有对袁了凡呢，佢开示，佢就话，都好重要嘅，佢话：“一般人呢，认为呢，夭同埋寿，啫早死或者长寿，系两种截然不同嘅遭遇，但系孟子呢，所讲，点解佢系话一样呢？我哋试谂一谂吖，佢话人如果能够心处于不动欲念嘅境界，随遇而安，善尽自己在生嘅职务，我哋呢条命吖，一定能够过得踏实，咁样我哋能够日日生活响踏实之中，冇违反因果，咁长寿同埋短命根本就冇分别。进一步嚟讲呢，贫富、穷通、贵贱亦都系存在我哋心，系决定于我哋心存欲念嘅分别，正因为世人心存妄念，唔敢去面对现实，唔能够用静心去处理顺境、以善心去安于逆境，所以生死就变成严重嘅两面。一切吉凶祸福、毁誉是非、穷通贵贱，亦都系困扰住世人，而搞到我哋心神不宁，永无宁日，人如果能够修身养性呢，去恶向善，安于顺逆嘅现实，时刻亦都处于不动丝毫非非念头嘅明心似镜、似有、似无嘅境界，能够返本还原、归根复命嘅境界呢，距离呢个境界就唔远，咁样一切嘅罪恶其实自然呢，就无影无踪吖，命运自然就归于称心如意、全吉无凶嘅境界，呢个先系真正利人，吖，同埋利益自己，有价值嘅行为。如果未到达无心境嘅人呢，只要时时刻刻持念准提神咒，念到滚瓜烂熟，有持等于无持，无持又好似有持，连持咒嘅念头自己都冇感觉得到，吓，类似好似画符一样啦，到达空灵嘅境界咧，就能够一定得道，所谓呢，福至就能够心灵。”吓，非常之好吖，其实云谷禅师讲嘅呢段开示吖，我觉得，对袁了凡、对我哋吔，亦都系非常之有用！万法都系由我哋嘅心嘅啫，其实。

所以云谷禅师讲完，开示袁了凡呢啲嘢之后呢，袁了凡呢嘅外号吖，就将个外号，自己呢，佢叫袁学海嘅嘛，就将自己个名叫，叫做，改咗叫“了凡”，其实佢叫袁学海，啫我哋所谓今日嘅题目叫《了却凡心是佛心》，或者了却我哋凡心即佛心，万法系唯心。

如果大家想学准提咒呢，可以喺佛前里便受持，我可以将准提咒嘅咒音同埋承授嘅方法，点样修学讲出嚟，如果大家有兴趣。

咁吖，袁了凡将个“袁学海”嘅名改咗做“了凡”之后呢，佢就纪念，因为改呢个名系纪念呢，佢了悟立命嘅道理，而唔落去凡夫俗子，吓，嘅地方嘅，所以叫“袁了凡”咁解，呢个名就来源呢一度。

咁至此之后呢，袁了凡呢，佢做嘢呢，日日小心行事，就觉得心理呢，其实已经变咗同以前唔同，以前譬如佢放荡忧郁吖，六神无主嘅状态呢，到而家变成咗战战兢兢，好小心好谨慎。既然处于暗室之中呢，亦都以不获罪吔，向天呢，而时加警惕，譬如碰到有人呢，闹佢嘅时候，佢能够淡然处之，其实同以前唔同咗啦，佢已经唔再计较。

咁吖，到咗讲开佢嘅功名利禄呢，到咗佢第二年参加考试，孔老先生算定头先讲佢系得到第三名，但系呢，因为嗰段时间过渡期，佢听云谷禅师讲，做吖好多善事，又念准提咒，点知开始唔准嘞，佢嘅命运开始变吖，脱离咗孔先生所算嘅轨迹，佢考取咗第一名。咁孔先生嘅预言开始失灵嘞。到咗秋季嘅举人考试呢，亦都出乎孔先生意料之外㖞，孔先生话佢唔中㗎嘛，但佢考中咗举人㖞。咁所以证明我哋佛教里便嘅法门吖，云谷禅师系教袁了凡佛教嘅法门呢，准提咒同埋改命行善，人天善法嘅道理系真系能够改变我哋命运。准到好似孔先生嘅《皇极经世书》吖，铁板神数亦都算唔到佢，证明我哋能够命运掌握响我哋手，能够逃出命运啦。但系咧，袁了凡呢，又冷一冷静去检一检讨，仲系感觉得修养好勉强，好似战战兢兢、谨谨慎慎，行善都觉得唔彻底。救人呢，佢仲有一啲心存疑虑，或者呢，身行善，个口呢，仲系有啲唔修，或者平时嘅自己节操吖，都系做得唔系太好。咁呢，如果将功抵过，其实形同虚度，因为你做一个“功”，做一个“过”相等，咪啫虚度？一手杀鸡，一手放鸡。所以呢，袁了凡呢，就于是呢，再发愿吖，历时呢，十几年呢，佢呢，要做尽量，乜嘢恶事都唔做，善事源泉不断呢，博命去做，历时呢，十几年呢，佢就做满咗三千件善事，吓，做三千件善事。咁呢，到咗第二年呢，佢，佢就返乡下，就去，做完三千件善事呢，就到佛堂吖，返乡下佛堂去还愿呢，而且呢，佢又再发求仔嘅愿望，啫话冇子嗣㗎嘛，孔先生话佢，于是佢又发愿去求子，于是许下一个诺言：再做三千件善事，以去补赎今，佢今生嘅过失。咁经过咗一年之后，估唔到奇迹出现啦，就系生咗一个男仔嘞，就系佢个仔吔，头先所讲佢嘅仔。

所以我哋每做一件善事呢，其实呢，我哋亦都可以学似袁了凡一样吖，记喺个功过簿里便，你唔好以为呢个方法笨吖，呢个方法系时常提醒我哋点样去，诶，行善积德。其实行善，你个心呢，只要唔执著呢，系冇问题。咁你话记落个簿度系咪一种执著？唔系嘅，你初头可以由呢个方法去做，去提醒你自己，你觉得一个提醒嘅方法，唔系执著你去，自己去做咗几多件善事。

袁了凡就每将一件善事呢，记于自己嘅笔记里便呢，但系呢，佢老婆头先讲，佢系唔识字嘅，每做一件善事就响个历书嘅日历上便画一个圆圈吖，用支鹅毛笔点墨水，譬如施舍物品救济穷人啦、助人急难、放生等等啦，有时一日里便呢，做十几件善事嘅，咁样继续去行善积德啦，两年嘅时间啦，袁了凡啦，哗，好快今次，两年吖，三千件善事已经做完嘞，第一次成十年咁多。咁于是袁了凡又再去佛堂度还愿啦，又再去，又求㖞，其实袁了凡都求好多嘢，但系只要我哋系求嘅善愿呢，系冇问题嘅。于是佢再求中进士嘅愿望，并且再许下再做几多件吖？今次唔系三千吖，一万件吖，一万件善事嘅愿望吖。

于是又经过咗三年啦，佢，哦！个愿望又达成，又考中咗进士，做咗宝坻县嘅知县添吖，直程成个县嘅知县吖，所以呢，佢就将本笔记簿呢，放，放响个台度，叫做《治心篇》，交待呢，一啲熟悉同埋佢觉得应该要将呢个方法传授佢嘅人，凡所有做嘅善事呢，一定要登记，到夜晚呢，就摆一个香案呢，响花园里便呢，去祷告天地吔。咁佢老婆见到所，佢所做嘅善事呢，又仲觉得佢唔多㖞，仲经常担心佢话：“以前响屋企呢，大家互相帮助行善，三千件善事嘅数呢，就好快就完成，现在响衙门之中冇善事可以做，咁几时先能够达成吖，做一万件善事嘅心愿去完成功果呢？”哗，佢老婆已经做善事，啫做到入晒迷嘅，已经。咁有一日呢，夜晚里便呢，就梦见呢，发梦吖，见到个神灵呢，去指点，去指点佢话，教袁了凡佢话：“只要你下令吖，减收百姓嘅粮租吖，其实一件事咪可以抵得上做一万件善事？功果就可完啦，你只要做咗呢件善事。”原来呢，袁了凡后尾发完梦佢返去查探下宝坻县嘅佃租其实系好高嘅，每一亩呢，须要缴吖，二分三厘七毫嘅租税，于是佢就即刻计划减低到到一分四厘六毫。但系佢个心都系怀疑，系咪就系做一件善事咁简单就可以抵得上一万件呢？我嗰晚所发嘅梦系咪真嘅呢？个神讲嘅嘢有冇假呢？

咁吖，啱啱有位禅师呢，由五台山嚟到，佢就将发梦嘅内容吖，嘅，个神教佢所做嘅嘢向呢个，诶，禅师请教。禅师就话，佢话：“只要真诚去做善事吔，切实力行呢，就算一件都可以抵得一万件，何况你全县减租，万民受福，当然一件事可以抵得做万件啦。”咁袁了凡听到呢就好开心，好信受，于是佢就将佢自己嘅薪水吔，捐献出嚟呢，拜托呢个禅师返去五台山嘅时候呢，希望同佢代办吖，去请一万个僧人去食饭，去供僧，去表达佢嘅诚心还愿去回向。哗！你睇下袁了凡做善事越做越做好似滚雪球吖，令到佢自己个心呢，越嚟越大吖，利益众生，有一个菩萨心，虽然系有为嘅，有个目的嘅，但系呢，都系属于善，都系利益众生。

袁了凡呢，其实孔老先生呢，曾经算佢五十三岁已经死吖，但系呢，佢就从来呢，都冇为佢自己嘅寿命呢，呢件事去做祈祷，或者发愿添寿，但系呢，到咗五十三岁呢，嗰一年呢，佢都平安无事度过咗，几乎唔记得咗嘞。吓，所以呢，尚书上便曾经讲过一句说话呢，吓，亦都系好有道理，命运呢，其实亦都呢，系时时变嘅，亦都系好似佛教所讲，有一啲无常嘅道理嘅，“惟命不于常”吖，所谓天命嘅说法呢，其实有时系唔可信，唔系一成不变，命运呢，唔可能系唔可以改变嘅。于是袁了凡呢，佢就真真正正，由佢做咁多善事，发生咁多事响佢身上呢，佢就深明一个道理，一句说话就系：凡系话人生祸福系天定嘅呢，其实系凡夫俗子嚟，如果个祸福系凭我哋心定呢，贤达就能够安命呢，呢个一定系圣贤豪杰！如果相信呢啲说话，我哋嘅心、我哋嘅力，凭我哋双手可以创造我哋命运，如果咁样谂系圣贤豪杰，如果觉得我哋命运系安排，相信术数，迷信术数嘅，话祸福系天定嘅，呢个人呢，一定唔能够得到好大嘅成功，佢一定系一个凡夫俗子嚟嘅。

总之呢，人嘅命运虽然唔可以知道，但系只要呢，运逢显达嘅时候呢，亦都以落魄嘅心境去处世，相逢到顺利嘅境遇呢，亦都呢，系当作拂逆一样嘅谨慎。譬如我哋碰到富足嘅时候呢，好似贫穷一样节俭，就系得到其他人爱戴呢，其实都唔好趾高气扬，要谦虚啲。如果你嘅家世呢，系望族，亦都唔好自鸣得意，或者你学问高深，应该要礼贤下士，去不耻下问。咁如果你能够咁做，有咁嘅心呢，所谓“克己复礼”，你嘅道德就能够上进，道呢，就将近啦。

我哋能够时时维护祖宗嘅高德同埋重望，日日去弥补，代父母，去弥补父母嘅罪过同过失，在上面我哋能够谂下国家、社会栽培嘅恩德，响下便我哋能够呢，谋求家庭同子女嘅幸福。对待人时常抱有救急嘅心情，对待自己呢，一定要严格，所谓呢，“待人宽就律己严”，就唔好“待己宽律人严”㖞，吓，相反，我哋务必能够日日反省、时时改过。有一日我哋能够安于现状，我哋自认自己系冇过失、缺点，自以为自己系十全十美嘅人呢，其实呢，佢系逆水行舟、掩耳盗铃呢，不进呢，就则退嘅。

我谂天下嘅聪明人呢，所在皆是，所以呢，会有道德不修，事业唔发达，都系因为因循苟且，贪图安逸，耽误咗佢一生。云谷禅师佢所讲立命嘅道理呢，我觉得吖，真系至理名言！我哋应该要经常去诵读而且力行添，就唔会枉度我哋嘅一生呢，去荒废我哋嘅时日。呢个立命之学啦，系真系值得我哋去参考，做多啲善事同埋修行佛法。

跟住落嚟呢，我哋仲有一啲时间，我哋可以讲下改过嘅方法同埋改过嘅要素。咁响春秋时代呢，有好多嘅大夫吖，仅凭观察一个人嘅言行举止呢，就能够推测嗰个人嘅吉凶祸福，而且系非常之准确，呢种事吔，如果我哋睇一睇古籍吖，《左传》吖，或者《国语》里便呢啲书呢，都有好多记载。一般嚟讲呢，一个人嘅吉凶征兆，发源于响我哋人嘅内心，而表现，表现于响人嘅外表嘅，凡系相貌仁慈忠厚呢，行事稳重嘅人，佢都能够获福，如果相貌系刻薄、行为轻佻呢，都容易近祸，绝对冇所谓吉凶未定、渺不可测嘅道理吔。所以一件事嘅发生呢，其实系有啲预兆，所谓山雨欲来呢，风满楼，所以相由心生呢，亦都大致上系呢个道理。

一个人心性嘅善恶呢，其实呢，同天心系相感应。福之将至，可以由呢个人宁静嘅心境、安祥嘅态度去判断出嚟，祸嘅临，祸嘅来临呢，亦都能够呢，从一个人嘅乖戾嘅行为呢，发现得到。人如果想得到福而避祸呢，其实可以呢，首先无论去点样行善呢，我哋唔好理呢啲嘢先，只要我哋能够力行将我哋嘅过吖，去改变呢，自然呢，其实能够向善吖。咁讲到，谈，咁讲到改过呢，知耻就近乎勇呢，其实第一个要素吖，我哋谂下啦，古代嘅圣贤同我哋系同样嘅人，点解佢能够流芳千古呢？但我哋呢，就寂寂无名，甚至身败名裂呢？人如果其实呢，只系贪恋声色名利，纵情呢，恣意，去背住其他人呢，做一啲，诶，见唔到人嘅勾当，自以为其他人呢，见唔到，而自鸣得意，咁其实呢个人慢慢就会变成衣冠禽兽，自己唔，唔知嘅，世界上呢，再冇比呢种行为更可耻、更惭愧。所以，其实一个人呢，自己独处嘅时候呢，系改过最好嘅时候，系佢最真嘅时候，呢啲时候先要注重。孟子亦都其实讲过，佢话：“我哋知道我哋嘅羞耻俾人嘅影响系好大，能够知耻呢，就圣贤，唔知道羞耻呢，系一啲咩东西呢，其实系禽兽无异。改过嘅关键其实喺我哋一念之间，人所以同禽兽唔同，亦都响一念之差。”

改过嘅第二嘅要素呢，其实系有三个要素吖，第一个要素系知耻近乎勇，第二个要素，我觉得系要有敬畏嘅心。天地鬼神呢，其实我哋系唔呃得，人只犯咗一啲过，过失呢，天地鬼神其实知道好清楚，所谓“十目所视吔，十手所指，其严乎”呢，呢个系儒家所讲嘅道理。犯嘅如果系重大嘅过错呢，其实天呢，都会施与一啲惩罚，系降一个灾殃，我哋因果就感召到呢啲天，天吖所降嘅灾，犹如一个人犯咗罪之后，法官就给予一个刑罚咁解。犯如果系小嘅过错呢，就会损及我哋阳世嘅福报，所以，人唔可以唔怕天地嘅鬼神嘅，一个人呢，就系生活响隐蔽暗室里便呢，其实天地鬼神亦都样，一样一目了然，你就算掩盖到几周密，做到几巧妙，其实都冇办法掩饰我哋善恶嘅心念所产生嘅意念，呢个意念就好似一道频率、一个电波一样。鬼神呢，系无形嘅导体，呢啲唔系鬼神呢，唔响度，所以呢，人吖，又必须呢，要有一个敬畏心，唔好话自己做咗嘢，尽量去掩饰，话自己过去做嘅时候呢，无人知道呢，就以为人唔知，其实所谓儒家所讲呢，“暗室亏心呢，神目如电”吖。人只要一息尚存呢，其实滔天嘅大罪大恶，都有悔改嘅机会，古时候其实有人一生作恶，临命终嘅时候佢都能够觉悟，能够悔改，佢发一个善愿能够得到善终，正所谓“放下屠刀立地成佛”，可以洗百年嘅罪恶，好似千年嘅幽谷涵洞，一盏灯啫，去照一照呢，咁千年嘅暗室呢，就一朝能够照亮，所以话呢，过失不拘大小，以能改为要。

各位，人生无常，肉体易逝，如果等到呼吸停止呢，灵魂想改过都唔可能。有人呢，遗臭万年，有人得到孝子贤孙嘅尊敬，有人呢，沉沦响地狱受折磨，有人呢，能够受仙佛菩萨嘅指引，所以呢，我哋身体一旦呢，消失响呢个世界之上，一旦无常，我哋又唔知几时再能够做番人。我哋喺夜晚，清夜里便深思，谂一谂呢啲道理，点能够唔怕呢？我哋要谂一谂呢个道理，真系。

第三个讲到改过嘅要素呢，你要话，系要有勇气同决心。人所以唔能够改过，系因为因循苟且误咗大事，如果能够发奋图强、当机立断，碰到小嘅过，好似啲竹吖，刺伤我哋肉一样呢，快啲拔咗佢，犯咗大过好似毒蛇咬我哋手指一样呢，我哋要斩手指嘞，如果唔系啲毒呢，就走上我哋身度，命都冇，唔能够犹疑，唔能够等待吔。所以易经都讲过一句说话，其实佢话“风雷增益之象”吖，风起雷动呢，其实系好干脆利落，咁改过迁善呢，一定能够成功。咁譬如我以上所讲，人呢如果能够俱备以上改过三种要素呢，知道过能够改呢，就能够好似春日逢冰嘅一样，一定能够呢，消失瓦解吔。

跟住我哋或者又讲下改过嘅三个阶段吖，一啲阶段。一般人改过，有喺“事”上便改，有喺“理”上便改，有喺我哋“心”上便改嘅三个阶段，“事、理、心”，做嘅方法唔同，但系其实所得到嘅效用系一样。譬如前日杀生，今日戒杀，前日好暴怒嘅，今日反而静心反省，呢啲系由“事”上便去改过嘅方法。呢种只喺行动上便去勉强压制嘅方法呢，其实我觉得系好难达到改过嘅方法。比较理想嘅改过方法，系应该由“理”上便去改嘅，“道理”个“理”。譬如我哋谂住想改杀生嘅过错，就谂上天有好生之德，每一样物件都应该要珍惜生命，杀佢去养活自己，又点能够心安呢？再加以水深火热锅鼎之苦，一定痛彻骨髓。我哋想得到健康，健康之道，首先在于我哋本身元气嘅运化，而唔系在于物品嘅稀罕同埋珍贵，就算山珍海错吖，其实食咗之后呢，都唔系一定能够令到我哋身体，诶，一定能够健康嘅，就算我哋能够用一啲蔬菜果品去充饥呢，可能亦都会好好，何必其实要将自己嘅肚呢，去当作一个坟场呢？吓，装动物嘅尸体嘅坟场！咁样因果上便其实折损自己嘅福分。我哋再谂一谂下，血肉之类嘅呢，嘅动物一定系有灵性，同人同体，唔能够修养大德，使到好似亲近细蚊仔呢，咁样呢，去亲我、敬我，已经系属于惭愧，点可以再残害生灵，使到仇我、恨我呢？如果我哋谂到呢个道理呢，一定呢，见物能够怜惜，落唔到手，而我哋慢慢逐步能够改变呢，杀生嘅坏习惯。

譬如，又讲下如果我哋想改一改我哋暴躁嘅脾气吔，坏脾气呢，我哋应该谂一谂呢，人系唔可能一模一样，大家都有佢嘅长，有佢嘅短，系冇十全十美，所以应该要互相体谅迁就，就算唔啱我嘅意思，而干扰到我呢，但系对我呢，亦都系冇损伤，又何必劳气呢？再讲，天下系冇自以为是嘅豪杰，亦都冇怨天尤人嘅修养法，点样可以只要求别人，唔要求自己呢？我哋日常生活里便，如果唔能够称心如意呢，系自己徳行未修，涵养唔够，我哋应该必须再加以反省。如果咁毁谤呢，如果我哋咁样谂呢：其实毁谤亦都会举火烧空，吓，揸住一个火把去烧天空，烧唔烧到呢？烧嘅人其实可能会烧番自己吔，会自烧自灭。如果听到毁谤呢，你就容易发嬲，想尽办法去辩护吖，加以维护自己，有时恐防呢，适得其反，好似春蚕作茧，自缚一样呢，自取其辱嘅，有时会系。

总之呢，杀生吖、发嬲吖，都系无益有害，譬如其他仲有好多过失，都可依此类推，我哋细，细心去谂一谂，观照一下呢啲道理啱唔啱，谂下明，明唔明白，咁呢，如果我哋每一件事都加以反省，至正其言呢，啲过错就唔会发生。咁一般嚟讲，其实人嘅过失虽然呢，有好几百种吖，但归根究底呢，都系由我哋心所做起，如果心唔动念，无私无欲，就唔会呢，去逐样去检讨名吖、利吔、色吖、货吖，各种过失，只要一心向善，正气所钟，邪气呢，自然系一尘不染，就譬如好似太阳当空一样呢，鬼魅呢，一定能够消散，呢个道理就系所谓“本立而道生”嘅道理，亦都系最正确，由我哋心嘅上便去改变我哋错误、坏习惯，唔好嘅嘢嘅方法嚟，因为过由心生，亦都由我哋心去改呢。譬如斩一樖毒树，首先一定要断佢嘅根，咁根冇咗，枝叶必定唔能够生长，就唔需要呢，好繁复呢，将枝枝叶叶呢，遂块遂块去剪去，遂枝遂枝去剪，我哋由我哋心上吖，去改变吖，即系呢，去调理我哋嘅心。当我哋妄念一动呢，我哋即刻觉察而加以去化解，咁唔会呢，有过错。一有心想去做一啲恶事，做一啲损人利己嘅嘢，我哋应该谂一谂，自，即刻去检点，当下要即刻检点我哋心态，时常俾一个信息暗示自己：我所做呢样嘢系利益自己吔？定利益他人吖？有冇伤到他人吖？或者有冇伤到自己呢？要检一检讨。呢个动念呢，去改过方法，其实系最好嘅方法，如果做唔到呢啲道理同境界呢，只好用头先所讲“理”嘅方法去改过，如果再做唔到呢，只有用“事”嘅方法去慢慢禁制嘅啫。能够如果治理我哋心呢，而且明白道理呢，而且亦都能够禁到我哋嘅过错呢，就再好不过嘅事吔。

由事、由理、由心三个方法一齐去做，当然系最好，但系只系识得去禁止我哋过失，唔明白道理，唔知道调治我哋嘅心呢，其实呢，系一个比较笨嘅改过方法，所以发愿改过行善呢，其实最好能够有亲朋戚友去督促我哋，或者呢，奉请鬼神呢，作为借鉴，一心忏悔，昼夜呢，都唔能够松弛，咁经过一段时日呢，其实就会有效验。到咗呢个境界呢，我话俾你听，自然就能够感到心旷神怡、智慧顿开，或者处于杂乱环境你嘅心系唔会动嘅，唔怕乱性。见到你嘅仇人呢，唔会发嬲，同埋相反会欢喜系自然嘅。或者响你嘅梦里便吖，会梦见呢，吐出一啲黑色嘅嘢，或者梦见圣贤去提拔去接引你，或者梦见自己呢，飞腾空中，同埋种种罕见嘅胜迹妙景。如果你有啲咁嘅梦吖，或者你修持咗一啲准提咒之后呢，有啲咁嘅梦呢，或者亦都做咗好多善事有咁嘅梦呢，亦都证明你呢，啲罪过开始消灭，善呢，开始增吖，你嘅，你嘅呢，灵身吖，你嘅精神体上便开始有光明，咁呢，一定证明你呢，所做嘅嘢系冇白费嘅。但系唔好有呢啲现象你就心满意足，自已觉得好得意，唔再求进步，百尺竿头，一定要继续进步，唔好自满，千祈唔好自满。我哋凡夫俗子，就好似呢，一啲鮠鱼吖、啲刺猬，好似箭猪一样咁吖，身上好多刺一样吖，如果我哋冷静思考呢，仲见唔到自己嘅过失呢，就一定系粗心大意吔，迷糊嘅人吖，我哋身上嘅过失就好似吔，刺猬嘅刺一样咁多。其实，凡系罪孽深重嘅人吖，其实都系心智昏庸，失神健忘，无事烦恼，见到正人君子呢，佢有时会表现出好惭愧同沮丧嘅状态，听到真理大道呢，反而唔高兴，有时施恩反而招到憎怨，或者梦见一啲颠颠倒倒嘅噩梦，甚至经常呢，好啰嗦嘅，咁以上种种嘅迹象呢，其实有时系自已造孽嘅相，系报应出嚟，如果做人有上述嘅情况呢，其实应该加以反省，加以发愤图强，去改过迁善，如果唔系日后呢，泥足深陷呢，就不能自拔，自己自误咗呢，自己嘅前途。

咁呢，今晚就讲到呢度，我希望大家能够呢，自己呢，返去能够真系睇下《了凡四训》呢本书，今晚我所讲呢，只系抛砖引玉，其实《了凡四训》响中国民间里便系一本脍炙人口嘅书，家喻户晓。其实《了凡四训》所做，了，袁了凡先生所做嘅善事呢，其实响我哋中国人嘅天性里便系埋藏咗，喺我哋心底扎根系有一个善性里便嘅，呢个善性就系袁了凡先生一种牺牲自己嘅思想，吓。但系虽然呢，佢牺牲自己，能够得到回报，但系呢一种都系利益到他人嘅行为吖，所以呢，袁先生嘅精诚吔，其实呢，足以作为我哋嘅榜样嘅，所以呢，我不惜能够抛砖引玉去讲一讲呢个袁了凡呢小小四训，希望能够令你睇下呢本书，明白改过嘅问题，亦都我哋知道吖，命运呢，系掌握响我哋手上系最重要，所以我哋呢，唔，唔好迷信算命，最好唔好算，因为命运掌握我哋手上。我哋学似袁了凡先生笨啲，或者做个功过格，或者只系你努力去行善，去努力去改造你命运。就算你去算命、去睇相几准都好，话你将来会点，其实可以改变，何必要知呢？何况一般人，佛教所讲嘅善恶事吔，都系一啲因果嚟，如果你不断去行善事，你自然会有好嘅福报，唔需要理得你前生所做恶事会发生响你身上嘅恶果，只要你努力行善，唔好介怀。譬如你去睇相嚟讲，佢算到你系你做咗好多恶事嘅，你会有一段时间有啲恶报，你个心一定耿耿于怀吖，听完，或者唔会发生，或者呢个算命先生，唔系学似孔先生咁样，不学无术算错你呢？咁你咪担心好耐？就算佢真系算真你吔，又何必呢？如果你唔知道咪稍为更加心安理得？所谓“但行好事，莫问前程”，就系呢，我今晚忠告大家嘅说话。多谢各位！

224.道在寻常日用中之《菜根谭》（一）

道在寻常日用中之《菜根谭》

《菜根谭》系我国明朝万历年间，即系公元1573至1619年，有一位叫做“还初道人”嘅人——洪自诚先生所遗留下嚟嘅散文集，全本文集可以分为前集同埋后集。前集主要系记载洪先生社会生活嘅心得，后集系记载洪先生遗世独立、同朋友谈风说月嘅乐趣。当然，《菜根谭》本身呢，系冇咁严格去区分，所以将前后集视为一体亦都未尝不可。

“菜根”嘅意思就系指菜叶、萝卜等等嘅粗糙食物，宋朝大学者朱熹响《小学》呢本书之中亦都曾经记述宋朝嘅人汪信民先生嘅说话，佢系咁讲嘅：“得常咬菜根，即做百事成。”呢本书嘅书名吖，亦都就系咁样来源，由呢本书嘅书名就可以睇得出呢本书系主张清心寡欲、简朴而充实嘅人生。关于《菜根谭》嘅作者洪自诚先生，我哋除咗知道佢系明朝万历年间嘅人之外，佢叫做应明，别号还初道人啦，关于佢其他嘅生平事迹，已经系难以考察。《菜根谭》系一本兼具文采，用以修养心性嘅书籍，全部嘅书阐扬中庸之道嘅思想，糅合咗儒释道三家嘅哲学精义，联袂成为一篇警世嘅箴言。书里便每一章、每一句都可以作为我哋修身嘅座右铭，系一本不朽嘅处世语录。

现在，我将《菜根谭》简单咁样用录音带演述出嚟，分为三百六十课，每一课逐一加以演绎同解释，希望对大家做人处世能够得到一点点嘅帮助，就系呢套录音带嘅心愿。

第一课：弄权一时，凄凉万古。“栖守道德者，寂寞一时；依阿权势者，凄凉万古。达人观物外之物，思身后之身，宁受一时之寂寞，毋取万古之凄凉。”能够坚守道德嘅人，只系会一时觉得好寂寞，但系嗰啲攀附权贵嘅人呢，就会遭到万古凄凉嘅命运。一个通达事理嘅人，将会摒弃现实物质嘅诱惑而注重心性嘅涵养，顾虑到死后嘅名誉，所以我哋宁可以遵循道德规范，忍受一时嘅寂寞，亦都唔适宜吔，去依附权势，去招致万古嘅凄凉。人生最美同最尊贵嘅唔系在于食衣住行等等物质享受，虽然住嘅系高楼大厦，著嘅系绫罗绸缎，吃嘅系山珍海错，但系如果生活糜烂、醉生梦死，咁样嘅人，咁样嘅人生亦都毫无意义。我哋试观古今中外历史上嘅名人、伟人，佢哋之所以受人敬仰，系由于人格、学识嘅伟大，而唔系因为佢哋嘅地位、权势，所以古人话：“世上最尊贵嘅莫过于道；最美善嘅莫过于德。”一个人如果能够遵守道德，一定为世人所尊重敬仰，如果唔修品德、作恶多端、馋利奸佞，虽然高官厚禄，依然呢，系会遭到世人所咒骂嘅。

第二课：抱朴守拙，涉世之道。“涉世浅，点染亦浅；历事深，机械亦深。故君子与其练达，不若朴鲁；与其曲谨，不若疏狂。”涉世经验较为浅嘅人，佢所沾惹嘅恶习呢，系一定较少，但系涉世经验较深嘅人，佢所沾惹嘅恶习就必然亦都较深，因而懂得运用各种嘅奸诈同埋计谋，所以，有道德修养嘅君子，同埋精晓人情世故嘅人，佢处事系圆滑老练，与其咁，不如做一个淳朴正直嘅老实人啦，与其拘泥于小节、行事过于谨慎，不如稍为狂放一啲，反而不失人嘅坦率同埋真诚。社会就好似一个大染缸，我哋初入社会嘅人呢，多数系比较天真纯朴，但系一旦经历咗世间嘅各种惊涛骇浪，阅尽咗各种艰难险阻，经验越多就越为世故而变得投机取巧，专走旁门左道嘞，所以，凡事唔应该只求熟练精通而忘记咗抱朴守拙嘅做人原则。太过于练达嘅人往往容易变成老奸巨猾，所以一个君子吖，与其过于虚矫不实呢，不如敦厚朴直，先唔会失去佢自己嘅本来嘅真实。

第三课：心事宜明，才华须韫。“君子之心事，天青日白，不可使人不知；君子之才华，玉韫珠藏，不可使人易知。”君子嘅心意，要好似青天白日咁样清净明朗，系冇一件事唔能够俾人知道嘅，但系君子嘅才智同埋学识呢，就要好似藏珍珠宝，藏玉咁嘅藏起来，唔可以轻易呢，系俾人知道。如果一个人嘅心意就好似青天白日咁样清朗，冇丝毫嘅乌云遮染，行为“上仰不愧于天、俯不怍于地”，即使一个人独处室内或者响暗处亦都唔会欺骗自己，咁样其他人对佢呢，就冇咩嘢可以批评。但系一个人嘅才华就不宜过于炫露吖，我哋需要懂得韬光养晦嘅功夫，非到必要嘅时候绝不轻易展露自己嘅聪明才智，否则系好容易遭人猜忌。内心保持住深谋远虑，响外貌就显露出潇洒飘逸嘅作风，咁样做呢，就唔会轻易败坏事件，亦都唔会遭致人哋去妒忌。

第四课：出污泥而不染，明机巧而不明（注：网上资料为“明机巧而不用”）。“势力纷华，不近者为洁，近之而不染者尤洁；智械机巧，不知者为高，知之而不用者为尤高。”对于权势名利、富贵荣华能够唔接近嘅人，佢嘅品行必然高尚，如果接近佢而唔被浮华奢侈嘅习气所沾染呢，咁样品格就更为高洁嘞。对于智巧机谋等等嘅虚伪欺诈嘅手段，唔知道嘅人固然高尚啦，但系知道而唔去运用嘅人呢，就更为高尚。一般人对于有利益嘅事呢，都会好似蚂蚁一样吖，想贪一啲甜头，因此有权有势嘅豪门望族天天呢，都门庭若市，然而呢啲豪门望族一旦失去权势、生活困顿、性命危急嘅时候，平日馋利阿谀响门前嘅人都会纷纷避开，咁样就系所谓人情冷暖、世态炎凉嘅道理。以前有个翟公，当年佢响在朝为官嘅时候宾客盈门，等到佢被辞官返乡之后呢，就门可罗雀，我哋可以见到呢，人都系喜好权势荣利。一旦有咗权势荣利而能够唔受佢束缚嘅人呢，人格自然高尚，对于富贵荣华嘅引诱能够视若无睹嘅人，行为自然清廉，而即使接近咗仍然唔为佢所污染嘅人，品格就更高洁。

第五课：良药苦口，忠言逆耳。“耳中常闻逆耳之言，心中常有拂心之事，才是进德修行的砥石。若言言悦耳，事事快心，便把此生埋在鸩毒中矣。”响我哋嘅耳里便时时听到令人唔舒服嘅忠告，心里便时常有唔顺心嘅事，呢个先系增进我哋道德、修养我哋品行嘅磨石，如果所听到嘅都系令人愉快嘅说话，所遇到嘅都系顺心如意嘅事，就等于将自己一生埋浸响剧毒中了。“良药苦口，忠言逆耳”，呢个系千古不变嘅至理名言，当我哋听到朋友嘅忠告嘅时候，我哋嘅心里便往往呢，都会生出厌憎嘅感觉，刚愎自用，根本系唔会理会人家嘅金玉良言。如果听到其他人嘅恳切劝言，而能够进一步反省检讨而加以注意改进我哋嘅缺失，无形中其实就可以增进咗自己嘅德行。因此听到唔中听嘅说话呢，唔好觉得厌烦，遭遇困境亦都唔好埋怨灰心，因为逆境往往可以磨砺我哋嘅心智，鼓励我哋向上求进。俗语话“一枝草，一点露”“天无绝人之路”，唔好为自己已经走到穷途末路，我哋要知道上天有好生之德，一切都要靠我哋自己去努力创造嘅。

第六课：和气致祥，喜神多瑞。“疾风怒雨，禽鸟戚戚；霁日光风，草木欣欣。”可见天地不可一日无和气，人心不可一日无喜神。狂风暴雨嘅天气，连到禽鸟亦都会感到忧伤哀凄；晴朗嘅天气呢，清风送爽，连无心嘅草木亦都会欣欣向荣。由此可见，天地之间唔可以一日缺乏平和嘅气象，人嘅心内唔可以一日缺乏愉快嘅情绪。狂风暴雨嘅日子呢，天气灰暗，连鸟类吖，都会显得悲伤哀凄，但系天气晴朗嘅时候，草木亦都跟住会呈现出欣欣向荣嘅景象。大自然嘅变化对天地万物竟然有咁大嘅影响，所以，天地之间绝对唔能够一日冇平和嘅气象，犹如我哋人间社会唔可能一日缺少欢乐嘅气氛。人嘅七情六欲系照映人心嘅一面镜，如果以不平、不满嘅心去处世呢，就会呈现出忧恼、懊悔。如果以欢喜、愉快嘅心去待人接物，就唔会遭人排斥同埋厌怨，一切呢，都会显得极为和谐同埋圆满㗎喇。

第七课：淡中知真味，常里识英奇。“脓肥辛甘非真味，真味只是淡；神奇卓异非至人，至人只是常。”浓烈嘅醇酒、丰盛嘅美食、辛辣甘甜嘅嘢，唔系真正适合我哋嘅口味，真正适合我哋口味应该系清淡嘅，嗰啲神妙、奇特、超凡神异嘅人，唔系真正有道德嘅人，其实真正有道德修养嘅人，佢嘅作为其实系同普通人一样嘅。粗淡嘅蔬果最适宜我哋嘅肠胃，呢个先系爽正、真正嘅口味，食过多嘅醇酒美食，反而唔及食一啲简单嘅菜根嚟得香甜可口。因为自己系具有神奇技艺出众而自以，自以为超群拔萃、与众不同嘅人呢，并唔系别人崇敬嘅对象，相反一个有住圆融嘅人格同品德嘅人，会循守住自己嘅理念，默默实现自己嘅理想，就好似虚心嘅竹有低头叶一样谦逊平和，喺外表上同别人一样嘅平凡无奇。

第八课：闲时吃紧，忙里悠闲。“天地寂然不动而气机无息稍停；日月昼夜奔驰而贞明万古不易。故君子闲时要有吃紧的心思，忙处要有悠闲的趣味。”天地睇起嚟彷彿静默得系冇一丝动静，但系充满天地间嘅阴阳之气呢，就会时刻不停喺度活动；日月夜以继日奔驰运转，但系日月嘅光明就系万古不变。所以君子响闲散嘅时候要有警惕应变嘅心理准备，响繁忙之中呢，其实亦都需要保留一分悠闲嘅兴致。西方人认为神系天地万物之主，又认为人类应该充分利用自然嘅潜在资源，用文明去克服自然，由河川山谷嘅声音去探测水嘅流量，利用水力嚟发电，由山石颜色嘅深浅去探知矿物嘅所在，然后设法努力去采集资源，运用资源。东方人就认为天地养育万物，就好似同人间嘅父母一样，天地运行嘅道理，就同做人嘅道理一样。天地自然嘅变幻，静中有动，动，动中有静，所以人响悠闲嘅时侯应该随时都会有所警觉，响百忙之中亦都应该有悠闲嘅趣味，呢个先系人生嘅真意义。

第九课：静中观心，真妄毕见。“夜深人静独坐观心，始觉妄穷而真独露，每于此中得大机趣；既觉真现而妄难逃，又于此中得大惭愧吔。”响夜深人静嘅时候，自己一个人静坐，反省检讨，所谓“吾日三省吾身”，就会发觉我哋嘅一切妄念、烦恼都会消失于无踪而露出我哋嘅真正本心，每次响呢个时候呢，都能够得到人生嘅真义，但系响我哋嘅本心流露之后，又会觉得杂念、烦恼系唔系咁容易摆脱？呢个时候又不觉，觉得自己有一啲惭愧不安。响日头繁碌不停嘅工作活动使到我哋吖，时常无法静下我哋嘅心嚟审视自己，只有响夜阑人静嘅时候呢，先有属于自己嘅一片天地，呢个时候将自己闩埋响屋里便或者房里便，俾自己心思平静下嚟就可以发掘到心灵嘅泉源。就好似一桶污水，如果想俾佢澄净嘅话，首先要将佢摆喺度唔好喐，等到过一啲时辰，过一啲日子呢，自然杂质就会沉到桶底，如果将佢搅动呢，污水无论如何都唔会澄清嘅。曾子好似头先所，所讲过呢句说话：“吾日三省吾身：为人谋而不忠乎？与朋友交而不信乎？传不习乎？”连忠圣嘅曾子吔，都不忘随时反省自身，何况系我哋一般人呢？

第十课：得意须早回头，拂心莫便放手。“恩里由来生害，故快意时须早回首；败后或反成功，故拂心处莫便放手。”蒙受恩宠嘅时候，好容易因此会产生祸害，所以响得意顺心嘅时候要及早回头，响遭受挫折失败之后，亦都会反而可能会带嚟成功，所以响失意、唔顺心嘅时候呢，千祈唔好轻易放弃。朱子曾经讲过：“凡名利之地退一步便安稳，只顾向前呢，便危险。”人往往响得意嘅时候呢，多数都唔考虑到事情嘅后果，往往会骄矜自大、恃先傲物，等到灾祸临身嘅时候就仓皇失措、无所遁形，所以响得意嘅时候，我哋嘅心时时要谨慎去约束自己，做一啲准备功夫，要及早回头，以免灾祸发生嘅时候懊悔，就嚟不及㗎喇。所谓“得意莫忘失意日，上台勿忘下台时”就系呢个道理。但系唔好因为事情稍有挫折就灰心丧志，所谓“失败系成功之母”，人必须要有百折不挠、奋勇向前嘅精神毅力，然后先能够达到成功嘅目的。

第十一课：澹泊明志，肥甘丧节。“蔾口苋肠者，多冰清玉洁；衮衣玉食者，甘婢膝奴颜。盖志以澹泊明，而节从肥甘丧也。”能够忍受三餐粗菜淡饭嘅人品格嘅操守呢，通常都好似冰玉咁洁净无疵，而嗰啲喜欢穿住华丽衣裳、讲究美味佳肴嘅人，多数都系甘心好似奴仆向其他人屈膝奉承。因为一个人嘅志节系喺恬淡寡欲之中表现出嚟，而节操呢，则系喺贪图物质享受之中就往往会丧失咗。只需要简单粗菜淡饭就能够满足需求嘅人，对于现实嘅事物就唔会抱持任何嘅野心，佢嘅心就冰之清澈，好似玉嘅洁白。但系讲究华衣美食嘅人，时常都系甘愿以谄媚奉迎嘅姿态去换取荣华富贵，所以一个人如果冇贪求名利嘅念头，就冇必要向人低头，佢嘅名节、操守自然坚定不移。相反，贪求锦衣玉食嘅人，就会以各种嘅手段嚟取得所需，因此品格往往会变得卑劣无比，所以老子曾经讲过：“知足常足，终身不辱；知止常止，终身不耻。”

第十二课：眼前放得宽大，死后恩泽悠久。“面前的田地要放得宽，使人无不平之叹；身后的恩泽要流得久，使人有不匮之思。”眼前心胸要放得宽厚一啲，先唔会使到人对你有所不满；死后要留俾后人嘅恩泽要能够留得久远，先能够使到后人对你有不尽嘅追思。佛家将人生分为过去、现在、未来三个阶段，所谓“面前”就系指现在意思，“田地”就系佛书里便所讲嘅心田，意思系话人心实在系种种烦恼嘅根源，人生在世犹如梦幻一般转瞬即逝，所以人心需要放开我哋嘅心田，打开我哋嘅心扉，无论善恶智愚、长幼亲疏都应该同等看待，对人体贴宽厚，一视同仁，就唔会引起其他人嘅不平不满。所谓“前人种树，后人乘凉”，一个人响有生之年应该善尽自己嘅职责，贡献自己嘅心力，多啲为社会大众谋求更大嘅利益，咁样身后自然会为人所追思同埋缅怀。

第十三课：路要让一步，味须减三分。“径路窄处，留一步与人行；滋味浓的，减三分让人尝；此时涉世一极安乐法。”我哋行经狭窄嘅小路，应该留一步俾别人去行走，有好食嘅嘢应该分一部分同别人同享，呢个先系立身处世、求取安乐嘅最佳方法。山间嘅狭路往往唔能够两个人同时走过，如果争先恐后呢，就会有坠落深谷溪壑嘅危险，所以最好呢，先能够俾人行一步，咁样彼此都能够保存住性命。有功劳利润嘅时候，应该与别人分享嘅，唔适宜唔顾他人嘅存在而独自享受，咁样呢，做呢，先唔会招惹怨尤。《易经》上吖，曾经讲过：“天道之盈亏也，乃视谦之有无。”（注：根据CBETA，“乃视谦之有无”疑为“乃视益谦之有无”）如果为咗达成目的而不惜绊倒别人，或者谋取他人嘅财物去满足自己，就系违反天道，咁样做将会使到自己陷于痛苦嘅深渊。

第十四课：脱俗成名，超凡入圣。“作人无甚高远事业，摆脱得俗情便入名流；为学无甚增益功夫，减除得物累便超圣境。”想做个成功嘅人呢，其实唔需要咩高远伟大嘅事业，只要能够摆脱世俗情欲同埋功名利禄嘅枷锁就可以跻身名流；研求学问亦都唔需要咩嘢诀窍，只要能够唔受外物嘅诱惑，其实就可以达到超凡入圣嘅境界了。有高明手腕同埋聪敏见识嘅人，固然能够成就一番大事业啦，但系平凡嘅人纵然冇轰轰烈烈嘅大事业，只要能够专心一致嘅努力从事，唔被功名利禄所诱惑，终会有成功、跻身名流嘅一日。响研究学问或者修养品德方面，应该抱住远大嘅理想，站稳我哋嘅脚步，积极奋进，保持我哋嘅恒心同毅力，丝毫唔会受外在事物嘅牵累同影响，应该全副精神吖，放响进德修业上，努力不懈，咁样即使唔能够成为伟大嘅人物，亦都能够超凡脱俗而出类拔萃。

第十五课：义侠交友，纯心做人。“交友须带三分侠气，作人要存一点素心。”同朋友交往呢，要带有三分侠义嘅心肠，做人处世呢，就要保留一颗赤子嘅心怀。朋友之间应该互相窥过劝善，互相切磋鼓励，有福同享、有难同当，好似难兄难弟一样，呢个先系交友之道。如果只系为咗私利吔，而同人交往，系唔可能获得真诚嘅友谊。至于平时为人处世吖，应该保存一颗真诚善良嘅赤子之心，坦诚去对待其他人，唔好因为风气嘅败坏、人心嘅险诈难测而污灭咗自己善良嘅本性。所谓“敬人者、人恒敬之；爱人者，人恒爱之”，呢个系千古不变嘅至理嚟嘅。（注：接下文）

225.道在寻常日用中之《菜根谭》（二）

（注：接上文）

第十六课：德在人先，利在人后。“宠利毋居人前，德业毋落人后；受享毋逾分外，修为毋减分中。”名利恩宠系唔须要同其他人争先恐后去争取，道德事业嘅表现呢，就唔应该落于人后；生活享受唔适宜超越本分之外，但系学问道德嘅涵养就应该尽自己嘅能力去研求。对于荣耀同利益嘅获得唔可以抢喺人前，应该首先让其他人之后，然后自己先去领受，咁样就唔会引起别人嘅怨恨同埋猜忌，但系对于社会国家有利益嘅事，或者增进个人嘅道德学问呢，就唔好落喺人后了。获得长上嘅恩宠或者受到他人嘅馈赠嘅时候，应该反省一下自己系咪应该得到嘅呢？所获得嘅千万唔可超过自己所付出嘅，凡事都要有转弯嘅余地，咁样先能够有和谐快乐嘅人生嘅。

第十七课：退即是进，予即是得。“处世让一步为高，退步即进步的张本；待人宽一分是福，利人实利己的根基。”做人处世以谦让一步为妙，因为退让一步啫使到自己往前进一步嘅基础；待人接物呢，以宽厚一点呢，就系福，因为方便别人呢，就系方便自己嘅基础。佛家曾经讲过：“手把青秧插满田，低头便见水中天；六根清净方为道，退步原来是向前。”待人处世有两种方式，一种系将其他人压低使到自己占优势，一种系同人互信互让。一般人呢，多数系采取第一种方式，宁可独占鳌头而唔愿意同人分享利益，处处以自我为本位，抱持咁样观念又点样同别人互信互让呢？社会又点能够达于和谐同安乐呢？当然，响研究学问、造福社会方面，我哋应该有不落人后嘅观念，但系响日常生活里便，无论做任何嘅事都应该以让人一步为贵，待人亦都不宜过于苛刻，太苛刻就会使到其他人去疏远咗你了。

第十八课：骄矜无功，忏悔灭罪。“盖世功劳，当不得一个矜字；弥天罪过，当不得一个悔字。”即使立下盖世嘅功劳，亦都抵挡唔得到一个“矜”嘅消磨；即使犯下滔天嘅罪恶，只要能够及时悔悟呢，亦都能够立地成佛。所谓“一将功成万骨枯”，一个名将立下咗盖世嘅功勋系要牺牲无数嘅士兵先能够成就佢嘅功勋，能够时常怀有呢个念头就系一个道德高尚嘅人，所以绝唔可以因为一点成就呢，就骄矜自傲，自以为高人一等，有道就系“骄者必败”嘅道理。而犯下滔天大祸呢，系天地所不容嘅人，如果能够由我哋心底真诚忏悔、改过自新、洗心革面，将所有嘅罪过亦都能够一笔勾销，好似佛经上讲：“罪性本空由心造，罪从心起将心忏，心若灭时罪亦亡，心亡罪灭两俱空，是则名为真忏悔。”罪业深重嘅人亦都有善根嘅，如果能够启发佢嘅善心，就能够令到佢放下屠刀，立地成佛，就算最坏嘅人，莫过于一啲欺善怕恶，有啲强抢虾虾霸霸嘅人，咁样嘅人呢，先系最可悲可怜嘅。

第十九课：完名让人全身远害，归咎于己韬光养德。“完名美节不宜独任，分些与人可以远害全身；辱行污名不宜全推，引些归己可以韬光养德。”完美嘅名誉同节操决不可自己一个人独自承受，应该呢，分一啲同其他人去共享，咁样先能够远离祸害，去保存生命同名节；令到人感到耻辱嘅行为同名声呢，唔好全部推卸俾别人，自己应该承担几分，咁样先能够掩藏才华、涵养嘅品德。完美嘅名声或者功业呢，其实系最容易遭受其他人嘅嫉妒，因此一个人应该懂得明哲保身之道，唔适宜呢，好事占尽，而招嚟别人嘅怨恨，只要将自己嘅成就利益分出一部分同人分享，就可以保存自己嘅生命同名节。相反呢，败德乱行嘅名人呢，人人吖，都远而避之，自己嘅清白固然唔愿意遭人污损呢，然而呢，一旦污名降身亦都唔须要呢，好急去推卸，自己能够承担一部分嘅罪辱虽然表面上唔系咁光彩，但系只要我哋心中能够光明磊落，其他人对我哋嘅诬蔑其实又有何害处呢？咁样反而可以长养我哋德行，令到我哋韬光养德、进德修业啫。

第二十课：天道忌盈，卦终未济。“事事留个有余不尽的意思，便造物不能忌我，鬼神不能损我。若业必求满，功必求盈者，不生内变，必召外忧。”做任何事都要事先留一个余地，唔好走极端，咁样创造天地、发育万物嘅神就唔会嫉嫌我了，鬼神亦都唔会加害我；如果事事要求称心如意，达到至善至美，功劳一定要求到达到登峰造极、无人可比嘅呢，咁样即使唔会发生内部嘅变乱吖，亦都会必然吖，招致外患嘅。对于任何事，人人都想有个圆满嘅结果，事情要做到尽善尽美，事业要达到登峰造极，但系如果唔能够留几分退步嘅余地，凡事做尽做绝，就连鬼神都会嫉恨你、加害于你。正如朱子所讲：“势到八九分即已，如张弓然，过满则折。”古人亦都话：“满招损，谦受益。”任何嘅事达到圆满嘅时候就容易走下坡，所以做任何事呢，都唔宜太过强求到十全十美，做人亦都唔好太骄矜自大，只有虚怀若谷、凡事唔做，唔好做尽做绝嘅人呢，先至能够受人敬重嘅。

第二十一课：人能诚心和气，胜于调息观心。“家庭有个真佛，日用有种真道。人能诚心和气、愉色婉言，使父母兄弟间形骸两释、意气交流，胜于调息观心万倍矣！”一家之内有个真正嘅佛，日常生活之中亦都存在住一个不变嘅真理原则，就系人人要坦诚和气、神情愉快、言语温和，咁样就可以使到父母兄弟之间嘅情感能够水乳交融、了无隔阂，彼此相互了解、相互影响，咁好比座前同拜佛、修心养性呢，胜过千万倍嘅。学佛或者修道，非要向远处去求取，其实系莫大嘅错误，真理系唔须要向远处而祈求嘅，响家庭或者日常生活之中随时我哋可以悟得到真理，因为家庭之中就有一个真佛，日常生活之中就存在住一个真理，系咩嘢呢？就系人人相处有一颗坦诚嘅心，神态愉快、言辞温婉，咁样彼此之间自然心气相通，气氛和谐圆融，即系等于悟得咗佛理。若果只系依求打坐参禅、调息观心，以为依啲途径先能够悟得真道，咁无疑系舍本逐末而缘木求鱼啫。

第二十二课：动静合宜，道之真体。“好动者云电风灯，嗜寂者死灰槁木；须定云止水中，有鸢飞鱼跃气象，才是有道的心体。”好动嘅人就好似云之中嘅闪电、风之中嘅灯烛，摇摆不定，而好静嘅人呢，就好似冷却嘅灰烬、枯槁嘅树木，死气沉沉。人嘅心境应该响不动嘅浮云之中而有自在飞翔嘅雀仔一样，响静止嘅水流之中有任意跳跃嘅鱼一样嘅动态，静中有动、动中有静，先系有道德人嘅心胸。过于好动嘅人就好似风前摇摆不定嘅灯火，系冇片刻嘅停止，做事急躁不定，好难有静下嘅时间去冷静思考，好容易呢，导，导致诶，事物嘅败坏。过于好静嘅人就好似干枯嘅树木毫无生机了，所以对任何事都漠不关心，无论成败或者得失佢都无动于衷嘅，呢两种人其实都过于偏执而唔合乎中庸之道。人生在世唯有动中取静、静中取动，动静恰宜先唔会失其真趣，呢个先系做人嘅处世原则。

第二十三课：攻人毋太严，教人毋过高。“攻人之恶毋太严，要思其堪受；教人之善毋过高，当使其可从。”指责批评其他人嘅过失，唔好过分苛刻，要谂一谂，对方系咪能够接受呢？教导别人去做善事，千祈唔好佢期望过高，要使到对方能够做得到先系至系真嘅。处世嘅艺术系我哋必须加以注意，同朋友交往，见到佢嘅过失，我哋需要劝谏，去规劝佢，但系唔好过分严格要求使到佢难堪，应该事先考虑，我同佢讲嘅忠告、我嘅责难系咪适当呢？因此，刻意去批评、刁难吖，或者呵责都系有欠适当嘅。至于教导其他人去行善吖，唔可以要求过高嘅，必须顾及对方嘅能力同埋佢能唔能够遵守呢，为原则，咁样先能够因为各人嘅才智而使到佢达于至善，依据个人嘅性格而予以妥当嘅启示。凡事先求诸己，然后求之于人，自己无法做到嘅呢，唔好刻意苛求别人都能够达成，别人能力所不及嘅亦都唔好期望太高，因为“己所不欲，勿施于人”，你唔好希望别人去苛求你，别人亦都同样唔希望你过分嘅苛求。

第二十四课：净从秽生，明从暗出。“粪虫至秽，变为蝉而饮露于秋风；腐草无光，化为萤而跃彩于夏月。固知洁常自污出，明每从晦生也。”响粪便里便嘅虫呢，其实系最邋遢嘅，但系变成蝉之后呢，就会栖宿响枝头之上吸饮秋天洁净嘅露水而生；腐烂嘅草木系唔会发光嘅，但系变成萤火虫之后呢，就会响夏日嘅夜里便发出闪烁嘅光芒。由此可知，洁净嘅嘢呢，往往由污秽之中出嚟嘅，明朗嘅事物其实从呢，黑暗之中产生嘅。宇宙之间存在任何嘅嘢，由大到细吔、由贵到贱，以至粪便里嘅虫同腐草都各有佢嘅价值，所谓“天生万物，各有其生”，所以暴殄天物呢，自暴自弃嘅行为都系最唔要得嘅。洁净嘅嘢时常出于污秽，光彩嘅事物时常系从暗淡之中产生，所谓“将相本无种，男儿当自强”，只要我哋肯努力，响不断嘅求新、求进步之中成长，终有飞上枝头嘅一日嘅。

第二十五课：客气伏而正气伸，妄心杀而真心现。“矜高倨傲，无非客气；降伏得客气下，而后正气伸。情欲意识，尽属妄心；消杀得妄心尽，而后真心现。”骄傲、傲慢、自以为了不起，都系一时嘅血气之勇，能够降伏、克制呢股血气，咁样光明正大嘅浩然之气呢，就能够响心中滋生而能够扩展开嚟，一切嘅欲念同意识活动吖，其实都系虚妄唔真实嘅，如果能够将呢啲妄念消除净尽呢，咁样就能够显现出我哋善良嘅本性。凡事以为卓越嘅人呢，必然心高气傲嘅，认为只有自己先系天造英明嘅圣贤伟人，对人总系摆出一副傲慢不恭嘅态度吖，即使具有超人嘅勇气，其实亦都系一时嘅血气之勇，唔系真正嘅大智大勇。如果能够以纯真嘅气去降伏客气，就可以使到心灵充塞响浩然嘅正气之中，浩气长存就能够百邪自然不侵，如果能够除去我哋心中嘅情欲意念，自然能够显出纯真善良嘅本性，所以孟子话：“养心莫善于寡欲。其为人也寡欲，虽有不存焉者，寡矣；其为人也多欲，虽有存焉者，寡矣。”

第二十六课：事悟而痴除，性定而动正。“饱后思味，则浓淡之境都消；色后思淫，则男女之见尽绝。故人常以事后之悔悟，破临事之痴迷，则性定而动无不正。”酒足饭饱之后再去谂菜肴嘅味道呢，就唔会感到食物嘅浓淡甘肥了；色欲满足之后再去想淫欲嘅事，就唔会再有男女交会嘅意念，所以，人如果能够常用事后嘅悔悟嚟除去临事嘅愚痴迷茫，咁我哋嘅本性就可以唔受动摇，行为亦都冇不正当啦。饥饿嘅时候，咩食物都可以觉得系最可口嘅，但系饱食之后，对于食物嘅味道好坏就唔会再去分别了，所以浅尝淡酌最能体味出事物个中嘅滋味，过多过饱呢，就会令人生离。因此无论做一啲咩事吖，都唔可以过分贪求，过分贪图享乐往往就会适得其反，所谓“乐极生悲”就系呢个道理。我哋如果要使到心意坚定唔好动摇，就必须先去除去愚痴同埋虚妄，唯有咁样先能够坚定我哋嘅心念，使到一切嘅行事唔会再有任何嘅怨悔。

第二十七课：轩冕客志在林泉，山林士胸怀廊庙。“居轩冕之中，不可无山林的气味；处林泉之下，须要怀廊庙的经纶。”身居高官显爵嘅时候，应该有隐居山林、淡泊名利嘅观念，但系如果幽居响山野泉林嘅时候呢，就应该有出而治理国事嘅胸怀嘞。位居高官、担负国家重任嘅人，当面临国家兴衰存亡嘅关头，应该以国事为重，但系如果有咗私心嘅存在呢，就好容易误入歧途，祸国殃民，所以身负国家重责嘅人必须要摆脱优越嘅心理，淡泊名利，“己立而后立人，己达而后达人”，咁样先能够使到国家政治步入正轨，民生得以安乐富足。而一般人平民百姓呢，亦都应该时时吔，去关心国事，遇到有重大事变发生嘅时候，就应该尽一己之力，以求国家社会嘅和谐安定，所谓“身在林野，心系庙堂”就系呢个道理。

第二十八课：无过便是功，无怨便是德。“处世不必邀功，无过便是功；与人不求感德，无怨便是德。”人生在世，不必刻意去求取功劳奖赏，只要能够唔犯过错就系功劳啦；施恩惠俾其他人，不必要求其他人去感激回报，只要唔遭别人怨恨，其实就系回报㗎喇。大丈夫应该有建功立业嘅精神，但系千祈唔可以令到我哋嘅理智头昏脑胀，以卑贱嘅手段去做出不可告人嘅事以争取自己嘅荣耀同地位，咁样系会招致种种灾祸嘅，做人必须脚踏实地，努力奋斗，先能够成就伟大嘅事业同埋功绩。帮助别人其实唔系在于求取别人嘅回报，如果帮助别人嘅目的只系想获得感激回报，就好容易遭到别人嘅怨恨，所以凡事但求无过，而唔可以强求功赏；助人但求无怨，而唔可以务必去求取一啲回报嘅。

第二十九课：作事勿太苦，待人勿太枯。“忧勤是美德，太苦则无以适性怡情；淡泊是高风，太枯则无以济人利物。”尽心尽力做事系一种美德，但系过分操劳呢，就违反咗本性而使到心情无法开朗愉快了；恬淡寡欲系一种高尚嘅节操，但系如果表现得太冷淡就唔能够帮助别人或者有利于事物嘅发展。勤奋专注响自己嘅事业固然系好吖，但系呢，应该知所节制嘅，如果超过咗限度而使到自己变得忧愁劳苦，就失去咗勤奋嘅意义了。对于事物唔可以有过分嘅执著，抱持偏见或者过于热情呢，都唔适当，而应该以淡泊平凡嘅态度去处理，但系所谓嘅淡泊并唔系指冷淡、漠不关心嘅意思，而系指不慕名利、不求富贵，对于事物如果过分冷淡呢，就会失去人生嘅意义，所以为人处世应该抱持中庸之道，不偏不倚，咁样幸福快乐先会源源而嚟嘅。

第三十课：原谅失败者之初心，注意成功者之末路。“事穷势蹙之人，当原其初心；功成行满之士，要观其末路。”对于事业衰败、时运不继嘅人呢，应该谅解佢最初奋发向上嘅精神；对于事业成功、行事圆满达成嘅人呢，应该观察佢最后嘅结局。响社会上，创立事业系冇人一开始就会成功，事实上成功嘅人少，而失败嘅人呢，就好多，虽然事业失败咗，但系佢创业嘅精神呢，其实系值得嘉勉嘅，绝对唔能够因为人嘅事业失败而予以嘲笑或者落井下石。相反呢，事业成功、春风得意嘅人，亦都唔好因为一时嘅成就得意忘形，所谓“创业容易守成难”，能够永远持续下来嘅呢，先系真正嘅成功。做人亦都系咁，所谓“声妓晚景从良，一世之烟花无碍；节妇白头失守，半生之清苦俱非。”事业嘅成败兴衰，个人嘅善恶忠奸，只有到最后呢，先能够盖棺定论嘅。

第三十一课：富者应多施舍，智者宜不炫耀。“富贵家宜宽厚，而反忌刻，是富贵而贫贱其行矣！如何能享？聪明人宜敛藏，而反炫耀，是聪明而愚懵其病矣！如何不败？”富贵人家待人应该宽大仁厚，但系反而猜忌苛刻，咁样嘅人虽然身处富贵嘅环境吖，佢嘅行径呢，其实同贫贱嘅人一样，点样能够享受安乐嘅生活呢？聪明嘅人应该收敛深藏自己嘅才华，却反而处处夸耀表现自己嘅才华，咁样嘅人虽然天赋聪明吖，但系同愚昧无知嘅人呢，相差唔多，点样唔能够遭到失败呢？常言道：“待富贵人不难有礼，而难有体；待贫贱人，不难有恩，而难有礼。”富贵嘅人呢，待人多半刻薄冷酷、多疑多忌，虽然身处富贵环境呢，心地呢，系好卑贱贫乏，咁样嘅人边能够享受富贵安乐嘅人生呢？聪明有才华嘅人应该含蓄收敛一啲，但系聪明人往往自恃才华，处处表现自己，而唔俾其他人有表现嘅机会，结果就会遭人怨忌，所以聪明人应该虚怀若谷，先能够明哲保身。

第三十二课：居安思危，处乱思治。“居卑而后知登高之为危，处晦而后知向明之太霭；守静而后知好动之过劳，养默而后知多言之为躁。”居于低下嘅地方然后先会知道攀登高处嘅危险，居于阴暗嘅地方呢，然后先会知道面向光明嘅时候太过于显露，保持宁静嘅心境然后就会知道活动太多就会过于辛劳，修养心性、沉默寡言然后先会知道言语过多呢，就会显得烦躁不安了。处喺高地位嘅人正系意气风发嘅时候，自然唔会知道自身嘅处境嘅危险呢，但系站喺低下地位嘅人嚟睇呢，原来高处嘅地位先会明白身处高处嘅危险同埋冷清，所以我哋应该时时超脱自己嘅岗位，由另外一个角度吖，客观审慎去反省检讨，咁样对于任何嘅事物先能够有全盘性嘅认识同了解，为人处世呢，先唔会呢，偏颇同埋歪违嘅。

第三十三课：人能放得心下，即可入圣超凡。“放得功名富贵之心下，便可脱凡；放得道德仁义之心下，才可入圣。”如果能够将功名富贵嘅心全然都能够放下，就可以超脱凡俗；如果能够唔被道德仁义嘅心去羁缚呢，就能够达到圣人嘅崇高境界了。功成业立、富贵荣显呢，系人人所祈求嘅，有咁样向上进取嘅心思就要努力奋斗，不断去增进自己嘅知识技能，但系一般人呢，就会姑息怠惰，唔会充实佢自己，而择以投机取巧、不择手段嘅方式去达成目的，结果就使到自己成咗功名富贵嘅奴隶，岂不可悲可叹呢？所以为人要由平凡嘅地方去著手，唔好好高骛远，牢牢站喺功名富贵之上去用心，亦都唔好为咗博取赞美呢，而去刻意行善，随时心存善念，身行善事，眼光放得长远一啲，咁样先能够摆脱尘俗杂念，去超凡入圣嘅。（注：接下文）

226.道在寻常日用中之《菜根谭》（三）

（注：接上文）

道在寻常日用中之《菜根谭》

第三十四课：我见害于心，聪明障于道。“利欲未尽害心，意见乃害心之蟊贼；声色未必障道，聪明乃障道之藩屏。”利欲嘅念头唔一定都会伤害我哋嘅本性，嗰啲自以为是嘅偏见先系伤害我哋本性嘅祸源。淫魅嘅音乐同美色唔见得都会妨碍道德嘅修养，而自作聪明呢，先系损害道德嘅障碍物。其实边一个呢，都有利欲嘅心，利欲响恶嘅方面就变为贪图私利私欲嘅贪念，响善嘅方面就会成为奋发向上嘅激发力，所以利欲其实亦都有好嘅一面嘅。凡事固执己见、刚愎自用、唔肯听人忠告，或者以成见待人接物，就容易损害到自己同伤害别人。同样，“色不迷人人自迷，酒不醉人人自醉”，声色未必能阻碍个人嘅道德涵养，适度嘅享受亦都能够调剂身心，只有喜好自作聪明、投机取巧，先系容易陷入自身响不义嘅地方。

第三十五课：知退一步之法，加让三分之功。“人情反复，世路崎岖；行不去处，须知退一步之法；行得去处，务加让三分之功。”人情变化无常，世路崎岖不平，走唔过去嘅地方要有退一步嘅打算，容易通嘅地方呢，亦都必须有谦让三分嘅美德。人心变化无常，今日觉得美好嘅事物也许明日就会觉得奇丑无比，今日喜爱嘅也许明日就会痛恨入骨。王维先生有一首诗讲过：“人情翻覆似波澜。”有句俗语亦都话：“人情似纸张张薄。”世态炎凉，人情冷暖，又岂可懵然不知呢？如果事事倚赖别人或者睇别人嘅脸色去过活，就终会发生问题嘅。但系人生嘅道路又系咁坎坷不平，走嘅时候一定要谨慎小心，遇到狭路需要知“退一步嘅海阔天空”，平坦顺利嘅时候亦都唔好忘记让人三分，如果争先恐后呢，就必然会险象环生嘅，俗语话：“事不可做尽，言不可道尽，势不可倚尽，福不可享尽。”其实就系呢个道理。

第三十六课：对小人不恶，待君子有礼。“待小人不难于严，而难于不恶；待君子不难于恭，而难于有礼。”对待小人唔难用严厉嘅态度，而系难在唔去厌恶佢哋或者憎恨佢哋；对待品格高尚嘅君子唔难用恭敬嘅态度，而系难于适度嘅礼仪表现。人总有犯错嘅时候，而我哋亦都总系以严词厉色去责备别人嘅过错，但系就难以包容嘅心去宽恕别人，其实对人应该持有“憎其罪而不憎其人”嘅观念，用真理义行去感化同教化别人呢，先系最妥善嘅方法。其次，对待君子要做到恭敬嘅地步唔系困难，但系亦都唔需要表现到过度谦恭而变成阿谀奉承嘅，咁样呢，就有失礼仪了。所以，如果表现得恰到好处、刚正不阿，其实呢，都唔系一件好容易嘅事。

第三十七课：留正气给天地，遗清名于乾坤。“宁守浑噩而黜聪明，留些正气还天地；宁谢纷华而甘淡泊，遗个清名在乾坤。”除咗聪明机巧嘅心智，宜保留一点光明正大嘅气概还诸于天地，宁可抛弃繁缛嘅美丽景致而甘于淡泊嘅清净生活，去留一个清白嘅名声于天地仲好啦。每个人嘅心中都有一股浩然嘅正气，而自作聪明嘅人呢，喜好掩饰恶行，善于机巧诈术，行事华而不实，于是正气就显现唔到出嚟。所以，如果要伸张正义，使到乾坤正气光明普照人心，就必须首先由我哋内心做起，人人守住正直纯朴嘅本性，浩然正气就会自然会常存。同样，如果能够抛弃富贵荣华、繁缛嘅景致而甘于淡泊清净、与世无争嘅生活，咁样就能够响身后留低一个清白嘅名声。

第三十八课：伏魔先伏自心，驭横先平此气。“降魔者先降自心，心伏则群魔退听；驭横者先驭此气，气平则外横不侵。”邪恶障碍自然退却而起唔到作用，要控制唔合情理嘅事去发生呢，首先要控制我哋浮躁嘅情绪，情绪能够平和稳定，咁外来嘅横逆就自然唔会侵入。要降伏我哋嘅邪恶，其实首先就须要降伏我哋自己内心嘅邪念，如果能降伏我哋内心嘅邪念呢，咁一切邪恶障碍自然就唔会生起㗎喇。王阳明先生讲过：“捉山中嘅贼易，擒心中嘅贼难。”心魔障碍咗我哋修道嘅路程，使到我哋冇办法达到至真、至善、至美嘅境界，令我哋失去咗光明，见到嘅只系一片黑暗，唔能够有清醒嘅意识，所以临事即迷，乃非事物能够迷人，而系心魔作祟。如果唔能够降伏心魔，就会受到迷惑永远唔能够摆脱，如果能够下定决心除去心中嘅魔障，咁外魔自然就会退却而听从我哋本心嘅命令，咁样就可以除去一切魔障而返璞归真，所以《六祖法宝坛经》里便讲过：“菩提只向心觅，何劳向外求玄呢？”

第三十九课：种田地须除草艾，教弟子严谨交游。“教弟子如养闺女，最要严出入，谨交游。若一接近匪人，是清静田中下一不净的种子，便终生难植嘉禾矣！”教育子弟就好似养育闺女一样，应该要严格管束佢出入嘅生活，注意所交往嘅朋友，如果让佢哋接近品行唔端正嘅人，就好比响良田里便播下不良嘅种子，咁样就永远冇办法长出高大嘅稻禾嚟啦。《三字经》上便曾经讲过：“养不教，父之过；教不严，师之惰。”教育子弟系为人父母师长应尽嘅责任，丝毫系唔能够马虎放松，只要一放松，年轻人就容易误入歧途，而且必须紧密注意佢哋出入嘅场所同埋交往嘅朋友，所谓“近朱者赤，近墨者黑”，交上咗坏朋友就有堕落沉沦嘅危险。《孔子家语》亦都讲过：“与善人居，如入芝兰之室，久而不闻其香，即与之化矣；与不善人居，如入鲍鱼之肆，久而不闻其臭，亦与之化矣。”教育子弟系一件好重大嘅事，为人父母、师长实在唔可以唔慎重嘅。

第四十课：欲路上勿染指，理路上勿退步。“欲路上事，毋乐其便而姑为染指，一染指便入万仞；理路上事，毋惮其难而稍为退步，一退步便远隔千山。”关于情欲方面嘅事，唔好为咗贪图便利而姑且沾取非分嘅利益，一沾取非分嘅利益就会陷入响万丈深渊之中；关于道义方面嘅事，唔可以因为畏惧佢嘅困难呢，而稍微让步，一让步就好似隔咗千重山咁遥远，想再前进就更为困难了。情欲、物欲人皆有之，但系呢，要有个限度，唔可以一味贪图一时嘅快乐，如果超越咗限度就会成为佢嘅奴隶，好似跌咗入深谷一样唔能够自拔。例如婚丧嫁娶等等都用得住酒，医药上亦都用得住，如果用得适度就可以达到医疗效果，恢复疲劳而促进健康，俗语话“一醉解千愁”“酒系百药长”，但系如果用之过度，就会为，酒为万病之机，酒后乱性不但有害身体，而且会误人不浅。而进德修业就好似“逆水行舟，不进则退”，一旦稍有懈怠疏松，如果再想迎头赶上呢，就要付出加倍嘅努力同辛劳了。

第四十一课：不流于浓艳，不陷于枯寂。“念头浓者，自待厚待人亦厚，处处皆浓；念头淡者，自待薄待人亦薄，事事皆薄淡。故君子居常嗜好，不可太浓艳，亦不宜太枯寂。”心思丰厚嘅人对自己固然甚为丰厚，对待他人亦都会好丰厚，处处都会讲求丰盛浓厚，心思淡泊嘅人呢，对自己必然会淡泊，对他人亦都会好淡泊，事事都会显得好好淡泊，所以一个有涵养嘅人，日常生活嘅喜好唔好过于浓艳丰盛，亦都唔宜过于枯淡死寂而显得毫无生机嘅。心思过于丰厚嘅人必然会追求浪漫华丽嘅生活同埋享乐而忽略咗正道嘅发展，一味讲求舒适，结果陷于华而不实嘅境地而为人所嫌弃，所以浓艳过度唔系为人处世应有嘅态度。而过度嘅淡泊，咁一切呢，都显得枯淡无味，响生活上、心理上都会陷自己响寂寞嘅境地，对周遭事物亦都了然无趣，咁样嘅生活唔系单调死寂咩？所以，凡事应该求恰到好处，太过与不及都系将于偏颇。

第四十二课：超越天地之外，入于名利之中。“彼富我仁，彼爵我义，君子固不为君相所牢笼；人定胜天，志一动气，君子亦不受造物之陶铸。”别人虽然富贵，而我仍然坚守住仁德，别人虽然居高官显爵，但系我仍然坚守住节义。一个君子绝对唔会被高官厚禄所笼络，一个人如果能够坚决奋斗，一定能够战胜外在环境嘅羁绊而开拓佢嘅命运，精神意志集中就能够变化气质，所以一个君子唔会为造物所主配、所支宰，别人虽然位居高官，过住荣华嘅生活，而我依然系我，依然坚守住仁义之道，丝毫唔会埋怨，亦都唔会感到羡慕或者动摇自己嘅心志。一个有为有守嘅君子应该以仁爱待人，以道德作为待人处事嘅尺度，高官厚禄只不过好似牢狱一样，将会羁缚我哋嘅自由，我哋宁愿做一个自由嘅人，又何必为名利富贵所困呢？做个有品德嘅君子，系远胜于整日钻研名利嘅小人，人到咗最后免不了两腿一伸，富贵名利原本系一场空，又何必穷尽一生，孜孜不倦咁去钻营呢？只有君子嘅美德先系永远值得敬仰、怀念嘅。

第四十三课：立身要高一步，处世须退一步。“立身不高一步立，如尘里振衣，泥中濯足，如何超达；处世不退一步处，如飞蛾投烛，羝羊触藩，如何安乐。”立身于世如果唔高人一丈，保持超然嘅态度，就好比响尘土之中抖震衣物、响污泥之中洗濯双脚一样，如何能够超越其他人而达到目标呢？处理世事如果唔留一点余地，就好似飞蛾扑火、羝羊触藩一样，使到自己进退两难或者自取灭亡，点样先能够使到自己得到安乐呢？生活响呢个世界之上，自身要站得安稳、站得牢，心地要放宽、要高超，唔可以同世人一般见识，咁样做先唔会呢，与俗浮沉，否则就同凡夫俗子一样了，点样超越他人而成为唔平凡嘅人物呢？如果咁样做。同样，处世待人应该以谦让为怀，后退一步可以进十步，如果鲁莽行事，一味横冲直撞，就好似飞蛾扑火、羝羊触藩一样，只有使到自己陷入于困境。朱子曾经讲过：“凡名利之地，退一步便安稳，只管向前便危险。”所以，要达成目的，绝对唔可能盲目，一方面要持住超人一等嘅智慧，另一方面仲要以谦虚虔敬嘅态度，如此先能够成就大业，圆满去达成我哋嘅目标。

第四十四课：修德须忘功名，读书定要深心。“学者要收拾精神并归一路，如修德而留意于事功名誉，必无实诣；读书而寄兴于吟咏风雅，定不深心。”追求学问应该集中精神嘅，专心致志，如果响潜修道德嘅时候仍然去注意事功名誉，咁样必然得唔到真实嘅造诣；读书嘅时候就偏好吟咏诗文，如果将个思想沉迷响吟咏诗文里便，就必然唔会用心去思考学问嘅问题了。求学问系为咗深明事理，所以应该振起精神潜心研究，求学嘅最大目嘅系为咗涵养道德，发挥道德同增进学识系一样重要，但系一般人呢，多数只系重视学识嘅增进而忽略咗道德涵养嘅重要性，或者系附庸风雅咁吟风弄月，只求华而不实嘅东西而唔深入研究去思索问题，呢一种浅薄嘅态度根本就失去咗求学嘅意义。

第四十五课：真伪之道，只在一念。“人人有个大慈悲，维摩屠刽无二心也；处处有种真趣味，金屋茅禅非两地也。只是欲闭情封，当面错过，便咫尺千里矣。”人人都有一颗慈悲嘅心，印度嘅维摩诘居士同埋屠夫刽子手嘅本心其实系相同冇两样嘅，处处都系显得一种自然嘅趣味存在，富贵人家华丽嘅屋宇同贫穷嘅人家简陋嘅房舍亦都冇咩唔同，只系人心时常为贪欲私情所蒙蔽，一旦错过就差之毫厘，失之千里了。孟子曾经讲过：“恻隐之心人皆有之，羞恶之心人皆有之，恭敬之心人皆有之，是非之心人皆有之。”亦都就系话人心本善，人人都有善良嘅本性，只可惜人心时常为情欲所绑，混沌污浊而不自知，我哋嘅善心被七情六欲所占，一转眼间就错失咗修养嘅道心，咫尺之差就隔去千里之遥，有道嘅人因为情欲而成为非道嘅人，就好比光明嘅人忽然盲目失明，岂不可悲呢？而原本处处存在嘅真趣味亦都浑然唔知道佢嘅存在，反而多方去强求添。所以，我哋应该切戒欲心，唔可以使到佢高涨，努力去抑制、降伏原始嘅欲心，坚持我哋唔退嘅道心，咁如果想修菩萨嘅道就唔会远了。

第四十六课：道者应有木石心，名相须具云水趣。“进德修道，要个木石的念头，若一有欣羡，便趋欲境；济世经邦，要段云水的趣味，若一有贪著，便堕危机。”增进德行、修养心性需要有个好似木石一样坚定，唔被外物所动嘅心念，如果对富贵荣华一有咗欣羡嘅念头，就会堕入物欲嘅境地了；济世助人、治理国政需要有一种好似行脚僧悠游山水、淡泊名利嘅乐趣，如果一有咗贪欲嘅念头存在，就会陷入危险嘅境地了。一个有志勤修道德嘅人，应该有个木石坚定不移嘅意志，任何事情都唔能够动摇佢修行嘅决心，唔贪求世上嘅富贵名利，亦都唔至于攀附功名利禄。孔子话：“饭疏食，饮水，曲肱而枕之，乐亦在其中矣。不义而富且贵，于我如浮云。”如果稍有一点羡慕富贵嘅心思，而想求取权势功名，咁样最终都会成为欲望嘅奴隶而堕入可悲嘅境地。一个治理国事嘅政治家亦都应该有一种行脚僧一样嘅淡泊胸怀，如此先能够为人民谋取福利，如果一心想攀附权贵，贪恋荣华富贵，患得患失，咁样点能够为人民谋取利益？恐怕自己身后都会将陷入危险嘅境地呢！

第四十七课：善人和气一团，恶人杀气腾腾。“吉人无论作用安详，即梦寐神魂无非和气；凶人无论行事狼戾，即声音笑语浑是杀机。”心地善良嘅人，唔需要话，佢嘅言行举止都系非常安详平稳㗎喇，就连在睡梦中神情呢，都依然带住和乐嘅气氛；凶残暴戾嘅人，唔需要话，佢嘅所作所为好似狼一样咁暴戾凶狠，就系连佢嘅声音笑语吔，其实都充满咗杀气嘅。心地善良嘅人必定处处为其他人著想，佢嘅一言一行都显得非常和气，因此容易同人亲近，就连他喺睡梦之中神情亦都会带住一团和气，俗语话“吉人天相”，善良嘅人必然会得到上天嘅庇佑，相反呢，凶狠嘅人往往性情暴戾粗野、野蛮凶残嘅，呢啲野蛮凶残嘅动作往往响无意之中就会表现响佢嘅外表里便，就连听见佢嘅笑声亦都会令人不寒而栗，因为佢嘅笑声里便系充满咗杀气，呢种凶狠残暴嘅人必然得唔到好嘅结局。孟子话：“听其言也，观其眸子，人焉廋哉。”可见要了解一个人嘅善恶并唔系一件好困难嘅事。

第四十八课：欲无祸于昭昭，勿得罪于冥冥。“肝受病则目不能视，肾受病则耳不能听；受病于人所不见，必发于人所共见；故君子欲无得罪于昭昭，先无得罪于冥冥。”肝脏如果感染疾病，眼睛就会受影响而唔能够睇清楚，肾脏如果感染疾病，就会耳仔受影响而唔能够听得清楚嘞。感染疾病嘅时候，人系冇办法去察觉，但系病人一发作呢，众人都会见得到，所以一个君子想唔喺明显嘅地方犯错嘅话，就首先要喺别人见唔到嘅地方唔犯错。身体内部器官嘅疾病感染，如果唔细心留意嘅话多半系好难察觉嘅，等到病情发作或者病情恶化嘅时候再去救治，咁就好麻烦嘞，如果再唔做根本嘅防治而任佢发展，咁到咗病入膏肓嘅时候就会后悔莫及。一个有德嘅君子屏居应该谨言慎行，心地要光明纯正，表里一致，即使极细微嘅地方亦都应该细心留意，唔好以为其他人见唔到就姑且为之。响《礼记·中庸篇》上便讲过：“莫见乎隐，莫显乎微，故君子慎其独也。”

第四十九课：多心招祸，少事为福。“福莫福于少事，祸莫祸于多心。唯苦事者，方知少事之为福；唯平心者，始知多心之为祸。”人生最幸福嘅莫过于冇乜嘢事可以操劳牵挂，而最大嘅灾祸莫过于多疑猜忌。只有成日忙碌唔停嘅人先知道无事系最大嘅幸福，只有心胸宁静平和嘅人呢，先知道疑心呢一种病呢，系最大嘅祸患嘅。人生最大嘅幸福系咩呢？系富贵福寿定系功名利禄呢？其实我哋好容易揾到一个圆满嘅答案，呢个就系少无谓嘅祸端，而祸端通常系源于多事，人生嘅灾祸同不幸大部分系由于人嘅多心，亦都就系话多心系人最大嘅祸根，所以聪明嘅人应该抑制内心嘅散漫，唔好盲猜多疑，唔好胡思乱想，如此不安同埋烦恼自然就会离身而去了。

227.安心断臂雪千寻（一）

今日同大家要讲嘅题目系《达摩禅法及其修正》。我哋今日所讲嘅达摩系一个历史嘅人物，但系有啲学历史嘅史学家，或者对佛教有偏见，亦都或者系出于学术上嘅狭隘观念呢，认为根本系冇达摩呢个人，所以由呢个观点考虑，首先要正本清源，我哋讲一讲达摩祖师先。

有好多嘅历史资料记载咗的确有达摩呢一个人，我哋根据中国历史嘅角度去睇，首先有一部书叫做《洛阳伽蓝记》，可能大家都听过。呢部《洛阳伽蓝记》呢，系有位居士，叫做杨炫之，系杨炫之所写。《洛阳伽蓝记》系一部记载寺庙嘅构造，同埋寺庙文化嘅脉络，相当重要一部书嚟。另外呢，一个就系昙琳法师所讲《略辩大乘入道四行观·序》，佢亦都详细记载咗达摩祖师呢，修习禅观嘅次第方法，喺呢篇序度。仲有好出名嘅唐朝嘅道宣律师啦，佢所写嘅《续高僧传》里便，其中亦都记载咗达摩祖师佢嘅事迹同埋行仪。再嚟，我哋亦都可以睇到神会和尚嘅《菩提达摩南宗定是非论》呢一篇著作里便呢，亦都有讲到达摩祖师呢个人，亦都系非常重要一本书，呢本书里便嘅资料系好丰富，如果大家有机会都可以读一读。另外，《神会和尚遗集》呢，呢本书亦都提及咗达摩祖师嘅一啲事迹，同埋佢嘅修行。

咁“达摩”系咩意思呢？“达摩”都系梵文“Dharma”，佢嘅全名其实都系叫做“菩提达摩”，Bodhidharma，或者系“达摩多罗”。“菩提”呢，就系智慧，“达摩”就系“法”，翻译成我哋中文，就系叫做“智慧法”。由于响古印度，叫“达摩”嘅人非常之多，所以我哋呢，喺前头就冠以“菩提”，故此通常称之呢，就谓之“达摩”，咁有啲就叫“菩提达摩大师”，简称佢个名就叫“达摩”啦。根据《洛阳伽蓝记》记载呢，达摩祖师系波斯五胡十六国时代嘅胡国人，胡国人就系西域嘅人啦，仲有一种说法认为呢，佢系古印度人，系大婆罗门国王嘅第三个仔嚟嘅，大婆罗门系一个比较豪富嘅家族啦。佢游化为务，不测所踪，过住一种云水古行嘅生活，咩时候圆寂都冇人知道，但系有一个说法呢，就系话佢呢，嘅寿命吖，有一百五十岁咁长。

达摩祖师之所以喺中国成为一个传奇性嘅人物，原因就在于佢终生以游化为务，就不测所踪，好难喺一个地方去落脚，喺一段长嘅时间。咁样如果据文字资料嘅记载，只系片段，系冇一个好有系统嘅记载，所以有啲学者认为呢，达摩祖师只系传说之中嘅人物。但系实际上，我哋可以睇一睇呢，由中国禅宗初祖吖，呢个菩提达摩祖师开始呢，如果冇达摩呢个人嘅话，我哋可以话中国嘅禅宗就冇咗根本，因为达摩祖师嘅师父，按佛教禅宗嘅传承喺印度，诶，西天第二十八代祖师，就系般若多罗大师，而般若多罗大师呢，就预言授记吔，达摩祖师会嚟中国去将禅法去弘扬，所以授记佢以为呢个西天，啫印度嘅第二十八代祖师。故此达摩祖师嚟到我哋中国之后呢，啫系我哋中国嘅禅宗初祖呢，就开山嘅祖师，咁就慢慢一代一代传到六祖惠能啦，初祖达摩祖师，二祖慧可大师。

咁其实讲起历史，大家都明白。咳，以前有套达摩嘅电影啦，大家都睇过晒嘞，咁其中嘅传说都系根据达摩祖师嘅一啲资料去改编啦，比如达摩祖师传法俾二祖慧可，啫神光，咁吖“断臂立雪”呢啲故事吖，咁大家都听过、睇过，都系好熟。咁达摩祖师传俾二祖慧可，二祖慧可就传俾三祖僧璨，僧璨大师，僧璨大师最出名嘅一部著作就系《信心铭》啦，有机会大家都可以参念，或者有时间日后都会讲。三祖《信心铭》，三祖再传俾四祖道信，道信禅师，咳咳咳咳咳，sorry，道信禅师再传俾五祖弘忍，弘忍禅师就系六祖惠能嘅师父嘞，弘忍，弘忍再传到惠能，惠能就系禅宗嘅第六代祖师，就好出名。所以我哋睇一睇，如果根本冇达摩呢个人嘅，嘅说话，我哋可以话中国嘅禅宗根本冇咗根本，我哋学禅法，所以就要追溯到菩提达摩。如果系喺历史嘅年代记载，达摩祖师系喺西元嘅四百二十年吖，大概，而后到四百七十八年，就系我哋中国刘宋嘅时代。咁由现在嘅海南岛去登陆，达摩祖师啫嚟我哋中国啦，喺现在嘅海南岛登陆，咁首先就到咗梁朝，好出名啦，呢个故事，达摩大师同梁武帝嘅对白，佢同梁武帝呢，呢段对白，思想内容非常丰富，时常都被人引用，作为一个公案、作为一个故事去讲下，讲开禅宗。梁武帝问：“我一生建寺，度僧无数，功德大唔大呢？”达摩祖师回答：“一啲功德都冇。”咁梁武帝听咗之后当然唔能够接受啦。梁武帝呢，就讲开，佢系号称叫做“佛心天子”，点解叫做“佛心天子”？因为佢系大力好推崇、弘扬佛法，起好多寺庙，亦都好有佛心，不过梁武帝佢所做嘅事嚟讲呢，喺佛教里便都系属于人天乘所摄，啫人天善法，佢系有，用一个有相嘅心，去求一啲有相嘅功德，所以达摩大师就，喺禅宗空性嘅角度嚟讲，如果执著功德就不能解脱，故此就答佢一句：“根本如果修行有相嘅心，去执著，就一定冇功德嘅。”但系梁武帝喺做善功嘅方面嚟讲，的确积集咗无数嘅福报。

咁样梁武帝听完达摩大师讲嘅，话佢一点功德都冇，当然唔能够接受啦，但系我哋睇下点解会有呢段对话，我哋谂谂。由大乘佛教嚟讲，菩萨嘅行愿嚟讲，菩萨，我哋做“四摄六度”嘅时候，不但要舍去“非法”吖，唔系“飞头发”个“飞发”，哈，唔好误会。“非法”，“是非”个“非”，“法理”个“法”，“非法”，不但要舍去“非法”，而且连“法”都系要舍去，吓。菩萨喺“四摄六度”嘅时候，到咗呢个境界，亦都系话不但要出离世间，而且我哋心外求法，亦都要舍去，唔可以心外求法，仲要出离世间。如果一个人做咗功德，佢又起寺庙，又去度僧众，问自己功德大唔大？呢个问题讲明呢个人呢，其实仲有一个求功德嘅心啦，喺佢心里便，所以就呢个角度嚟睇，修行嘅角度去睇呢，唔系一个上乘嘅境界，仲未到达一个高嘅层次，讲明求功德嘅人吖，喺心性上仲系有污染。“污染”，咁系咩嘢呢？“污染”又系咩呢？污染、冇污染，我哋个心本身就系受住污染，受住“无明”，所以障蔽。梁武帝冇染污非法，冇染污恶法，但系呢，染污咗咩呢？染污咗一个善法，善法都系一种污染嚟嘅，因为梁武帝认为仲有一个功德性可求，有所求，就系讲明功德有限啦，功德喺个心里便，真正功德，系明心见性之后嘅功德，心量等同虚空，咁样嘅功德先系非常之大，而人间一切有为嘅功德其实都系如梦幻泡影，呢个喺“空性”嘅角度去睇系非常之啱。如果认为自己喺度做善事，咁样呢个“善”系非常有局限性，因为我哋本嚟嘅清净嘅心性呢，就有咗污染性，实际你哋喺法界上系一法不立。所以达摩祖师答梁武帝答得好啱，系好适当，好贴切，好到根嘅，所以佢就话：“冇任何嘅功德。”作为一代帝皇嘅梁武帝，听咗心里便当然唔高兴啦，达摩祖师一睇，同佢机缘唔投契，所以就唔能够接受。故此呢，我哋如果用现代嘅说话嚟讲吖，唔能够达到思想上嘅交流，唔能够印心，所以达摩祖师决定，就离开梁武帝继续向北上。

喺呢个，呢个问题之上到呢度，就所以系出现咗嗰个“一苇渡江”个典故嘞，我哋睇达摩套戏，达摩祖师，佢好似唔系一条芦苇，我记得系，好似系抌一只鞋落去，吓嘛？唔记得太清楚，总之系有一个典故，呢个典故，达摩祖师攞一条芦苇，由一个江，到第二个江，咁套戏里便佢仲救咗个细路仔添，可能系冇呢啲事，吓，嗰套戏加以强化，诶，加呢啲故事，有个感染嘅力量啦。咁当时梁武帝，达摩祖师走呢，佢派好多兵去追佢，一方面想挽留佢，但系另一方面因为呢，佢怕达摩祖师呢，呢一个人会破坏咗梁武帝整个嘅教化系统吖，所以呢，亦都系派兵去追。呢个时候达摩祖师到咗江边，就拔咗一条芦苇啦，一苇就如一个江，一个岸就到达第二个岸。如是者，之后达摩祖师用咗好多时间游化喺嵩山吖、洛阳一带。咁呢，喺呢度，嵩山，嵩山呢一带当然就系好出名啦，嵩山少林寺嘅周围啦，咁嵩山方圆呢，就有百里吖。咁点解达摩祖师选择咗嵩山吖、洛阳呢一带去教化呢？如果我觉得作为一个禅师嚟讲，佢用心真系良苦，因为洛河一带系中国传统文化嘅发祥地嚟嘅，我哋要知道，系中国民族文化嘅摇篮，有好多文化嘅本源都可以上溯到黄河同洛河一带，系一个重要嘅文化中心所在，咁当时嗰个时空，喺当时嘅时空呢，有魏文帝，喺当时系魏文帝四百九十六年吖，系跋陀禅师所造嘅少林寺，有呢一座嘅寺，开始少林寺已经有规模。佢喺少林寺，达摩祖师呢，咁一住，住咗好短嘅时间，就离开咗少林寺七百里嘅地方，嗰度有个山洞，咁佢入个山洞度修定，咁相传佢喺个山洞里便呢，面壁咗九年。咁达摩大，祖师嗰套戏呢，就有啲渲染呢，插，打坐面壁嗰阵时插支针入嗰啲肉度，支针吖弹番出嚟，咁吖好似冇呢啲记载。相反鸠摩罗什法师食咗啲针去教化佢啲弟子，将啲针喺啲皮肤洒番出嚟，就有呢个故事。咁达摩大师面壁咗，面壁咗九年呢，一方面佢系等待东土有人去接佢嘅法，另一方面呢，佢认为机缘仲未到，唔可以随便去弘扬禅法。后来佢等到咗两个人，系二祖慧可同埋道玉。咁中国文化同印度文化毕竟系两种文化嘅系统，中国嘅儒家思想、道家思想对印度文化有排斥，非常多嘅人经常去摧毁达摩祖师嘅思想同佢所讲个禅法，但系唯有道可，sorry，讲错咗，唯有慧可同埋道玉亲近咗佢六年，呢六年嘅时间，奉茶倒水去服侍达摩大师，达摩大师只系话俾慧可同埋道玉听，叫佢哋读诵同埋研讨，研讨乜嘢呢？达摩大师嗰套戏嗰度都好似有提及到，就系《楞伽经》，达摩大师带咗《楞伽经》嚟我哋中国。

有一日，慧可感到亲近吖师父六年咁耐，仲冇得到师父嘅印可，于是佢就希望向师父呢，去求受心法啦。咁就系一个雪夜里便，佢站喺现在嘅少林寺嘅立雪亭（现在起咗个立雪亭），一直到天光，雪差唔多已经系到落到膝头咁深嘞，咁达摩祖师依然喺度面壁，就冇将咩法传授过俾佢。咁后来慧可呢，就斩咗只手臂落嚟，捧住，然后希望达摩大师同佢印心，传法俾佢，慧可话：“我断臂求法，身疼难忍，希望达摩大师您能够帮我安心啦。”咁达摩大师话：“你将你个心攞出嚟啦，我帮你安啦。”慧可呢，个利，利根嘅人，根性好利嘅，所以佢觉得上下左右内外，咦？个心喺边度呢？佢一刹那，慧可就直接契入佢自己本心嘅心源。嗱，呢一点好重要吖，禅宗就讲诶，呢样嘢，呢度到家就系，佢一问佢之下，呢个疑情就将佢参禅咁耐嘅积累咁多个疑情吖，打断喺呢一个问，即，即当下能够见番佢自己真心，呢句说话非常之重要，佢上下，上下左右内外觅唔到心，觅唔到心就系真心啦。心点可以觅到出嚟嘅啫？唔系我哋“肉团心”，又唔系“唯识”里便所讲嘅“识”，亦都唔系我哋嘅思想，“觅唔到心”呢个“心”，就系真心嚟，咁其实已经系传咗个心印俾佢，咁上下左右内外觅心了不可得，冇呢个心。佛法讲嘅“心”呢，唔系指我哋嘅“肉团心”啦，当然。有啲人睇达摩祖师套戏，佢曾经问过：“咦？‘觅心不可得’，我根本自己揾唔到呢个心。”以为佢哋一听到，揾心、揾心，咦？系揾内便去揾“心”，点揾个“心”吖？肉团心，当然唔系，千祈唔好误会，唔系我哋心脏，物质器官嘅“心”。咁有人讲，唔系我哋物质嘅心，系唔系我哋脑里便嘅思惟呢？系咪思惟心？我哋要知道呢，思惟心系前念接后念，念念相续嘅妄念，咁最好用番现代科学心理学嚟讲，就系意识流。我哋思念系一个意识流，一条意识嘅河，由各种假象构成，不过系我哋耳朵听嘅、眼睇嘅、鼻闻嘅、条脷能够尝到，其实都系眼耳鼻舌身意所触到嘅呢啲幻境，六根对六尘，都系十八界嚟，六根对六尘同埋六识，三六一十八，呢十八界嘅作用嘅啫，都系根、境、尘相续。如果大家对心理学有睇过的话，就会知道眼睛作为心嘅一个窗口，只系一个官能嘅作用，对于外部世界，眼睛响天晴嘅时候，情况之下只能够见到十里外嘅地方吖，最多，形象过大嘅事物我哋都睇唔到吖，如果形象更小，我哋更加睇唔到，所以一般人相信自己嘅眼睛，但系按佛法嚟讲呢，往往其实自己呢，呃紧自己。再讲我哋耳仔啦，有几多分贝以上嘅声音，我哋系听唔到，几多分贝以下过小嘅声音，我哋亦都听唔到，系一定范围，以分贝嚟分，我哋能够听到，只系我哋能够接受嘅有限范围。咁样各位师兄都会谂一谂，如果讲话眼耳鼻舌身所得到嘅信息都系虚幻，我哋嘅思惟心，我哋每日起心动念呢个“心”，究竟系咪真心呢？呢一点好重要。喺原始佛教，嗰个时候佛陀成日教我哋观察呢个问题，我哋每一个动作都由我哋心念去发起，系善恶或者无记，系一种机械嘅动作，就无记啦，无善无恶。我哋呢啲每一个心念嚟讲，究竟起心动念嗰一刹那嘅“心”系咪真心呢？你谂下，当然唔系啦，当然唔系真心啦。由呢啲，咁由呢个意义上讲，我哋讲番慧可，佢觅心了不可得，揾唔到自己嘅心，咁样佢揾咩心呢？所以呢段话就成为禅宗以后，一个传为佳话嘅公案，一个话头留咗俾后人，其实揾唔到个心，先系真心，有“揾嘅人”同埋“被揾嘅对象”，喺佛教上，就落咗两边啦，叫做“能、所”啦，有“能找嘅人”，亦都有“被找嘅心”，既然落“能所”系相对嘅境界，唔系中道实相，点能够到达一种空性呢？呢个好简单嘅逻辑嘅解释，故此就系“俗谛”，唔系“真谛”，唔系真正嘅道理嘞，响佛教里面讲。

咁讲到呢度呢，我又谂起另外一则公案，佢同呢件事亦都有内在嘅关联。咁以前有一个小徒弟成日跟喺佢师父后面，成日问师父：“师父，乜嘢系佛法呢？乜嘢系祖师嘅西来意呢？”咁佢师父，师父系点呢？今日同佢讲咩佛法，佢听到，听日又问呢，即是话同佢讲一段佛法嘅道理啦，听日又问嗰段佛法嘅道理系咩，越追又越深，越问吖越多。意思就系话呢，其实我哋人嘅思惟，如果由理路之上去攀缘，真系无穷无尽，一个问题往往去谂呢，会越辩越深。咁好嘞，有一日，咁佢师徒两个人呢，就去咗一个溪边呢，去泡麻衣，将啲麻布、麻衫去浸下。咁过去我哋知道中国穷人嘅生活都系以农缮为生活，衣食住行样样都要自己照顾自己，咁吖喺个溪边嗰度，个徒弟，小徒弟又问了：“师父，乜嘢系西来意呢？祖师嘅西来意呢？”佢师父就拧个头过嚟同佢讲，即刻答佢三个字吖，当时，“麻衫巾！”佢话，因为佢浸紧麻吖嘛，所以佢话“麻衫巾！”咁个徒弟当时一见到师父拧过头答佢呢句说话三个字，即时俾呢三个字呢，吓住咗，愣住咗，咁佢谂，个徒弟：乜嘢麻衫巾呢？乜嘢系麻衫巾呢？即是，其实我哋嘅思惟心时时都攀缘事物，如果我哋时时攀缘事物嘅说话呢，好难就会达到一种境界，我哋真心好难展现，唯有喺一个大喝嘅时候，嗰个清净心嘅上面覆盖住嘅云层、嘅障蔽、嘅污垢先能够透出一小小嘅光亮，即是呢啲系以前嗰啲禅师指导佢徒弟用嘅种种唔同嘅方法。禅师喺禅堂里便呢，通过讲一啲公案将你妄想呢，打番转头，佢问你：“咩系佛法？”如果你答，你话：“佛法就系‘三皈五戒’‘四摄六道’。”咁个师父又会再问你：“咁‘四摄六道’又系咩呢？”咁你答佢：“‘四摄’当然好简单嘅啫，就系布施、爱语、利行同埋同事啦。”咁个师父又会再问你㖞：“布施、爱语、利行、同事，又系咩嘢？”咁样问落去，问一千年都会问唔完，所以师父就喝一声：“麻衫巾！”一话“麻衫巾”，徒弟嘅狂心就顿时休竭，顿时竭低，妄想心就再冇攀缘嘅地方。我哋嘅心唔系好似啲猴子一样咩？要攀藤条，要攀到上去个山顶，咁样聪明嘅人就会将啲藤条割断，咁割断啲猴子咪跌落嚟囖？就冇攀缘嘅地方，我哋攀缘心断咗，前后制都断咗，冇前冇后，所显露嘅就系当下，“当下”呢两个字嘅意思就系真正嘅佛法，就系我哋嘅本性，真正嘅佛嘅大法亦都系心法。当然，呢个只系文字上嘅解释嚟㗎啦，真正嘅修证境界，系要过来人先会明白嗰种感觉，点样断疑情？虚空大地都系粉碎六尘呢个境界，一即一切，你与个宇宙融合，你同宇宙系打成一片见性光明的，见性光明嘅境界。

咁古来啲祖师形容“见性”嗰个“性”，用说话文字表达出嚟就：圆陀陀、光灼灼、赤洒洒。记得好似系，诶，印光大师讲，唔知系边个祖师讲，我呢度都唔记得清楚，系形容呢个本性有呢几句说话，我哋系唔可以话系用语言文字去表达到，只系一种感觉、一种感受，但系人人嘅感受唔相同，但系见性嘅刹那光明嘅境界，佢所证得嗰种一念嘅境界就系人人都相同，但系表现出嚟嘅外像可能就系唔相同。禅宗公案嘅妙用之一就系令到你因指见月，呢啲公案睇得多之后呢，我哋会发现祖师，佢会各立门庭，觉得佢扬眉瞬目，无非都系一种方便去指导徒弟、指导众生，一举手一投足都系嘅。咁喺实际理地之上，法界真义之上呢，呢个角度去睇，无论由边个角度去讲吖，都系殊途同归。如果你，譬如中意喺文字名相上去追求，喺义理上去钻呢，于是你当然可以，可以攞到博士文凭啦，但系呢，对于禅宗嘅角度嚟睇，你一啲都冇受用到。你识佛法，好叻，讲到天花乱坠都好，讲到法界，讲到真义，几强势，逻辑几好，分析几得当都好，但系唔代表你系见到你自己嘅本性。呢个系真受用，同博士文凭，同呢啲佛学上嘅理论系无关，同学佛系无关。所以最重要一样嘢系贵在呢，当下承当，承当我哋自己嘅本心。

达摩祖师话：“吾与汝安心竟吖。”佢同慧可讲：“吾与汝安心竟。”我已经同你安完心，“竟”就已经完毕啦，我已经同你安完心。咁“安心”嘅系咩“心”呢？又讲到呢度，讲来讲去“安心”系咩“心”？我哋喺呢度立一个假名叫做“无心”，咁容易解释啲。就系话妄心系虚幻，如果祛除我哋妄心之后，嗰一样嘢，俾一个假名佢，就系“真心”。其实你讲到“真心”，名相相对咪有假心？其实又系两边，嗱，所以喺名词上就好容易执著，但系我哋如果唔咁样讲就冇办法明白，一定要用语言传递。有啲人听到“真心”两个字，总以为呢，“妄心”后便其实仲有一个“真心”，总系想揾到一个“真心”，如果咁谂，就系错嘞，好错，唔系咁嘅意思，所讲嘅“真心”只系俾个假名称佢。所以希望大家能够听得明白，安心嘅“心”唔系相对嘅心，系揾到我哋自性本源清净嘅心，系本师释迦如来喺菩提树下，《法华经》里便所讲，一切如来众生，“一切众生皆有如来智慧德相，因妄想执著，不能证得。”吓，咁我呢度系凭记忆去读呢个经文出嚟，你或者查证下《法华经》可能有啲文字读错，唔出奇，但系其实释迦佛原本，佢本来嘅意思都系咁，佢发现大地众生都系有如来嘅智慧德相，呢如来智慧德相就系成佛，所谓“悟心成佛禅”，系见性嘅境界。人人都有佛陀嘅德相，见性，明心见性，喺外便表现出嚟，自然就有三十二相八十随形好啦。

咁曾经听过一个师兄讲过啦，佢每日读《金刚经》，经文上便就要讲，佢话要“破四相”，佢话本嚟佢学佛，系想有所得嘅，咩有所得呢？佢话呢，譬如话得到罗汉、得到菩萨、得到佛啦，但系一睇《金刚经》之后呢，呢度又空，嗰度又空，空到最后呢，连佢读《金刚经》佢自己都想唔通究竟应唔应该读《金刚经》，我曾经听过有个师兄咁样讲法。呢个问题由境界上去讲，佛法无非都系医病嘅良药，因为我哋喺心性上、响精神上有障碍，有贪瞋痴慢疑见覆盖咗我哋个心，所以佛先会讲三皈、五戒、四摄、六度，讲呢啲系要将你心里便嘅毛病除去，你一贪呢，佛陀就话俾你听唔好贪，呢个道理好简单，好似佛系一个大医王，佢喺你嘅毘卢性海之中装咗好多灵丹嘅妙药。佢喺《金刚经》上面讲过：“过去心不可得，现在心不可得，未来心不可得。”咁样达摩大师同二祖慧可传心嘅时候，言外之意其实就系讲三心不可得嘅，已经系《金刚经》呢个道理其实，因为如果有所得嘅心就系妄念，咁样点能够有所得？（注：接下文）

228.安心断臂雪千寻（二）

（注：接上文）……真心，嗰个真正嘅“心”只系有当下承当，咩叫“当下承当”呢？譬如“清潭映月”，啫深山里便，老树林之中，你见到啲水好清，响个清潭之中个月光映落去，就系“当下承当”嘞，呢个过程冇经过咩嘢阶梯，喺嗰个地方系不立一法，佢只系一个“清潭映月”嘅境界，明唔明？“过去心不可得，现在心不可得，未来心不可得”吖，就系，前后心制断，真心先会显现，而显现嘅真心，如果安立咗个假名，安咗个假名其实都系有污染性，连嗰个“真心”嘅假名其实都唔能够安。禅宗嘅祖师苦口婆心，有时用棒喝去打啲弟子，其实目的都系为咗令你当下承当，去截断呢啲疑情，所以嗰个三心不可得同达摩传慧可嘅境界系相同嘅，达摩传慧可嘅过程实质系一个磨练嘅印心，佢认可慧可，乃至于呢个咁样嘅印心，系对于后来禅宗，由初祖到六祖一脉相承，都起咗好重要嘅作用。初祖系达摩，头先讲过啦，跟住慧可，慧可传俾僧璨，僧璨传俾道信，道信传俾弘忍，弘忍传俾六祖惠能，由初祖到六祖，呢个禅宗嘅发展历史系好明白，好清楚，冇任何疑问，而六祖之后就更加灿烂，禅宗，所谓禅学史上面叫做“一花开五叶”。之所以将呢段讲得系比较细致啲，系为咗正本清源。

好，跟住我哋落嚟就正式讲达摩禅法。达摩禅法嘅第一个特点系叫做“藉教悟宗”，“藉”就系“凭藉”嘅“藉”，“经藉”个“藉”；“教”，“宗教”个“教”；“悟”，“了悟”个“悟”；“宗”，“宗教”个“宗”。“藉教悟宗”四个字，“藉”就系“凭藉”咁解；“教”，“教”喺呢度我所讲呢，就系《楞伽经》；“悟”呢，就系“悟入”；“宗”就系我哋嘅心，心为宗，以心为宗。呢个“宗”字唔系“宗教”个“宗”，即是头先我讲，当然话俾大家听个字系“宗教”个“宗”啦，但意思唔系“宗教”个“宗”，系指我哋嘅“心”，以心为宗，以心为宗，发之于言语，在“言”呢，就谓之“教”。比如你得到一种佛法嘅禅悦，乃至于一种开悟嘅境界，明心见性嘅境界，喺心里便隐藏住就叫做“心宗”，喺说话里便讲出嚟就系“教”，我哋通过语言文字、通过思辨、通过逻辑，我现在讲俾大家听，咁已经叫做“教”嘞。“藉教悟宗”意思就系话，藉《楞伽经》嘅教义而悟自心宗，明白自己嘅本心。所谓“禅法”就系“禅”嘅方法，系非常具体，可以把握到嘅，而单独嘅一个“禅”字呢，呢个字系心灵所达到个一种境界，同“禅宗”唔同，所以要搞清楚呢啲名称。“禅”字嘅意思系到达一种境界，系非逻辑，而系言语道断，言语讲唔到，所以用一个单独嘅“禅”字去表达。“禅”，当然仲要同“禅宗”去分别，分别开嚟，“禅宗”系并列响八大宗派吖，佛教里便嘅一个专门研究禅法嘅派别。仲有一个名称，大家都知道啦，就系“禅定”，“禅定”用现代说话去讲明白就系叫做四个字嘅啫——“心的永恒”。心嘅永恒，就系我哋通过修定嘅方法，好多种，比如数息，数自己嘅出入呼吸，呢啲真系释迦佛所教，古佛教嘅方法，念佛啦，等等呢啲法门，咁我哋通过呢啲法门可以使到自己嘅心唔会起妄念，去达到一种境界，达到一种定境，去入定，去专注响一个地方，所以六祖讲过：“外不乱为禅，内不乱为定。”外内境界扰乱唔到你就系真正嘅禅定，去专注一笪地方，但呢笪地方都系有障有漏，因为你仲有一笪地方执，你个心仲系有所住，呢一点要注意。但系你到咗呢个此时此景呢，可以话系同凡夫嘅境界有所分，你系已经唔攀缘外界嘅妄念，可能系攀缘喺内在，或者系守于一样嘅地方，比如念佛啦，所以念佛都系一种执著，不过系一种高深嘅执著，到最后连呢个佛念都打破咗之后先可以见到我哋本来吖，禅宗所讲嘅本身嘅空性嘅境界而进入念佛嘅三昧。“禅”同“禅定”其实系有内在嘅关联，但系亦都有区别，往往有人，佢以为“禅定”就系“禅”，但系“禅”系活泼泼，著衫吖、食饭吖，举手投足、扬眉瞬目都可以表现出禅嘅灵活同禅嘅智慧，但系“禅定”呢，就系谂到，我哋要谂到，翘埋对脚、跏趺坐闭目嘅一种状态，而用心去得到一种永恒，咳咳。假如话如果有人每日朝头早七点钟起身，到九点钟呢段时间打坐，持续一段时间之后，偶然某一日朝头早，如果你冇喺呢个时间打坐，咁就喺呢个时间，你个心因为以往惯性嘅驱动，依然系一种清净嘅恒定嘅状态，会有，有呢种境界，但系呢一种定境，并唔等于系明心见性，要注意了，有人会有呢种感觉。但系“禅”系专指明心见性，而“禅定”系一种过程，系心嘅一种永恒。往往有人将“禅”吖，“禅宗”“禅定”同埋“禅法”混为一谈，我哋为咗明心见性，咳咳咳，sorry，为咗明心见性，为咗开悟，必然要有一种方法，咁呢种方法就叫做“禅法”嘞，“禅法”系具体嘅方法，系可以把握嘅，唔系虚无缥缈，用现代说话去讲，可以叫做话系“有操作性”。

咁为咗令到大家可以对以往一啲模糊嘅概念搞清楚，咁现在讲禅门里便所谓嘅“四料简”，即系“不立文字”“不舍文字”“不住文字”同埋“不离文字”。所谓“不立文字”系话喺实际嘅理地同法界圆义嗰个真如本性之上，喺我哋开悟嗰个心境上面，善法、恶法，我哋一法都不立，任何一样嘢都唔摆喺我的心里便，乃至于文字嘅假相当然亦都唔能够立啦，呢个所谓“不立文字”嘞。“不舍文字”呢，更加系老生常谈啦，喺大乘佛教嘅八大宗派之中，教典最多，其实你话禅宗不立文字，教典最多就系禅宗，你睇下大藏经里便禅宗嘅祖师嘅公案同语录几多？大家可以查下《大正新修大藏经》，你就会明白。咁样点解又会讲“不立文字”呢？古代嘅祖师同禅宗嘅修行人为咗让学禅，为咗让想学禅嘅人而达到明心见性，由迷到悟，所以啲禅师前说后说，就立咗好多文字，写咗好多书，尤其就系公案，最普通吖，都有一千七百几条，比如好出名禅宗嘅典籍，可能大家都听过，但系未必明白呢本书，或者未睇过啦，里面所讲嘅咩，《指月录》吖、《碧岩录》吖、《古尊宿语录》吖、《祖堂集》吖、《五灯会元》等等呢啲禅宗典籍。咁我哋时时依止嘅经典就系《楞伽经》《楞严经》《达摩多罗禅经》《金刚经》《六祖坛经》，甚至有人将《维摩诘所说经》吖，吓，亦都划入禅宗嘅范围。虽然话禅宗不立文字，但系大家如果通过呢个问题可以睇得到，佢不舍文字㗎，不舍文字就系一种方便、一种方法，为咗使到学禅嘅人走向觉悟，应该讲就讲，唔讲呢，就唔啱嘅。喺境界上呢，唔应该讲，讲呢，就好难讲明白，甚至讲错，因为境界就不可思议啦，好难讲、好难谂，你唔明白个境界，唔悟到个境界，点讲呢？但系如果明白咗就唔讲，而且你就系自己明白咗开悟以后，为咗上求佛道、下化众生，其实都系要讲，你要将你明白个道理讲俾其他人听，一定要假以文字，所以“不舍文字”就系唔舍弃文字，但系唔系执著文字，啫系“指”同“月”嘅关系嘞，好简单。

咩叫“不住文字”呢？以前曾经记得有位老师父，时常响青灯黄卷之下去深入经藏，佢嘅徒弟到外便游方参学已经开悟咗，返到嚟，嗰个徒弟就想引导番佢嘅师父㖞，哗，好，好厉害，但系正面教育，当时呢，就与世相违。有一日，佢师父呢，睇经嘅时候呢，有只蜜蜂就喺个窗里便嘅纸呢，转圈个纸，以前啲纸窗嚟㗎嘛，想飞入个房间里便嘞，但系呢，就出唔到去，徒弟就话：“嗰个门打得咁大，点解你唔由对门里便出去呢？咁喺呢度钻故纸堆呢？咩时候你先能够出得去呢？”呢个系一个双关语嚟嘅，即是意思就话，借助个蜜蜂出唔到去，就话佢师父：你几时能够出得到去？一味喺度睇经。实际上佢系令佢师父能够当头棒喝，敲佢嘅师父，佢话唔喺自己嘅心里便去悟佛法，净系喺文字上里便去求。好似记得达摩祖师，系达摩祖师讲嘅，两句说话，偈语或者诗都好：“若然纸上谈佛法，笔尖就蘸干洞庭湖。”纸上点谈佛法呢？洞庭湖嘅水写干吖，都写唔晒。佛陀佢老人家说法咁多法门，恒河中嘅几粒沙嚟㗎咋其实，对于我哋呢个娑婆世界，可以咁样睇。咁个徒弟希望能够师父明白，喺个纸上便系揾唔到佛法，佛法系明心见性，系由我哋心里便去悟，佢希望个师父咩时候先能够由啲纸堆里便去能够到达跳出嚟，嚟一个新天地呢？咁佢师父听咗呢句说话之后，立时又会开悟啦，佢师父当然系上根啦，佢徒弟都开悟，早得过师父，只系一时间嘅执著。所以佛法唔系依文字上去求，去文字上去求，其实同三世诸佛已经系无缘，呢个系禅宗所讲嘅，好高深嘅道理。

咁由呢个观点我哋就反射到一个问题，西方哲学我哋睇一睇流派好多，而家学哲学嘅人好多，但系后嚟西方哲学就陷入咗一种困境，点解呢？大家发现都系按我哋嘅思惟嘅逻辑研究个哲学问题嘅话，如果研究到最终、最后，唔能够解脱我哋人身吖，我哋自己本身嘅问题，而且好似啲蜘蛛网一样，自己将自己困喺网里便嘅，研究哲学，亦都系话由理念到理念、由概念到概念、由理论去到理论，走来走去都搞唔清楚，就好似先生同学生去接触一样，讲咗一堂之后就提到一大堆问题，上堂亦都提到问题，下堂亦都提到问题，搞来搞去都喺概念理论之中，唯物主义同唯心主义嘅辩论，乃至于唯心主义之间嘅辩论、唯物主义之间嘅辩论都好，可以话，无论系一元哲学所讲，二元嘅，其实辩论到而家两三千年了，边一个思想都冇打低另外一个思想，你冇将我推下历史舞台，我亦都冇将你推下历史舞台，原因系咩呢？由理论到理论，因为每一个人所企嘅角度唔同，每个人运用个方法唔同，每个人都可以讲出自己嘅一套理论。所以西方哲学因为思辨走入咗困境，佢哋唔得，唔嚟到中国去参考东方嘅哲学，去求取一种顿悟嘅学说，所以西方好多人亦都系学禅，学真正嘅禅，当然唔系假禅。佢哋所讲，有啲佢哋话饮茶又系禅，诶，食饭又系禅，佢哋所讲嗰啲全部都系口头禅，当然唔系呢样，有好多西方人真正系寻求禅境，禅宗所讲嘅“禅”。所以西方哲学唔得唔嚟到中国去求一种顿悟学说，去求取一种直观，系“直观”吓，直接观察，领悟人生同宇宙嘅方法。咁我哋，好嘞，呢个其实都系题外话，但系谂到呢个问题，旁及讲到嘅啫。咁我哋再嚟就系所讲嘅“不离文字”，禅宗虽然“不立文字”“不住文字”，但系同时亦都系“不舍文字”同“不离文字”，达摩禅法嘅第一个特点就系“藉教悟宗”头先讲，就系要通过精研经教嘅教义而悟入理地，悟入我哋真理嘅境地。

达摩禅法又有一个特点就系“二入四行”，乜嘢叫“二入四行”呢？“理入”“行入”就叫“二入”，“行入”里便呢，有具体有四种“行”嘅，边四种“行”呢？“报怨行”，吓，“果报”个“报”，“怨恨”个“怨”，“随缘行”“无所求行”同埋“称法行”，吓，“名称”嘅“称”。咩叫“理入”呢？就系通过文字般若，啫系睇经啦，将文字里便嘅境界读出嚟，将文字忘记，然后豁然开悟，就系叫“理入”。再讲一次，通过文字般若，啫睇经啦，喺唯识宗里便有三般若：文字般若、观照般若同实相般若，呢度套用唯识宗嘅说话去讲，文字般若喺禅宗里便都有讲，由文字背后里便嘅境界，读出文字以外嘅嘢，而后将文字忘记，豁然开悟，就叫做“理入”。说话就系讲到咁多，只系咁讲，证，就凭大家去证，要喺嗰度去证，通过研讨佛经，我哋睇佛经，思惟佛经，同样都能够开悟，都系一种方法，其实呢个方法呢，讲到，对知识分子吖，好契机。比如我哋思惟《金刚般若经》啦，“破四相”“三心不可得”，大致所讲嘅“一切有为法如梦幻泡影，如露亦如电，应作如是观”或者“若以色见我、以音声求我，是人行邪道，不能见如来”，呢啲就系《金刚经》所讲嘅经眼，经中嘅眼，系人称颂嘅偈语明句，你不断去思考，同样都能够见道嘅，同样能够开悟，开悟咗仅仅就系你明白到条路点样行，但系你仲要一步一步向前行，所谓呢度讲就系“行入”嘞，“行入”嘅意思，就系要有生活嚟到实践，“理可顿悟，禅须渐修。”道理可以顿悟，但系真正嘅修为系慢慢慢慢去一步一步喺生活之中实践嘅。

讲完“二入”，我哋嚟讲达摩禅法嘅“四行”，“四行”之中第一个就系“报怨行”，“报怨行”点解呢？首先就由法界上嚟讲，“是法平等，无有高下”，法法都系平等，唔应该生分别心去判断人我是非，由因果上讲，菩萨畏因，菩萨喺修行之中，佢非常害怕“因”，怕咩“因”呢？就系惊身口意我哋三业种下恶因，到咗后嚟受报，但系众生就畏果，因为迷吔，迷嘅时候呢，贪吖、瞋吔、痴、慢、疑吔、见吔、争，等等嘅心都会出，“争”，争咩呢？争名夺利啦、尔虞我诈、人我是非，起心嘅动念时候，凡夫唔理㖞，但系佢会害怕果，当个果嚟佢会唔愿意承受恶果，所以菩萨喺起心动念嘅时候将念头睇到好紧㗎，好紧㗎将。咁样如果已经种咗恶因，要了结呢个恶果嘅话，你就必须当下承当吖，冇得选择，而世间嘅人通常都系种下好多恶因，等到受报嘅时候就唔愿意，唔能够当下承当因果，恩恩怨怨，是非总系无了期，咁由因果上讲，其实冇咩恩恩怨怨嘅，你得咗恶果，当然要承当，得咗善果亦都系要承当。好多人以为佛法好抽象，系一种玄妙、一种玄谈，其实佛法同我哋每个人嘅修养有关，同我哋嘅生活实际紧紧结合一齐。开悟以后修学嘅人为咗隔除自己所有嘅习气毛病同精神上嘅障碍，系用“报怨行”嘅方法（唔系以报还报㖞，“怨”其实就系怨亲平等吖），“报怨行”，提高自己嘅修养，增长智慧，从而使到自己慢慢成为人天嘅师表，智慧解脱而能够自他两利啦，吓。“报怨”唔好唔明，唔好误会㖞，以，啫以德报怨，唔系㖞，意思系“怨亲平等”，唔好以报还报、以牙还牙。呢个达摩禅法所透露嘅第一行，吖，好重要，要做嘅时候。

乜嘢叫“随缘行”呢？第二行，有句话叫做“不变随缘”，乜嘢系“不变”呢？菩萨所达到嘅境界就系“不变”啦，所谓“随缘”就恒顺众生，众生有苦难，我去救，众生需要讲经说法就去讲经说法，众生食咩药就俾咩药佢食，众生需要布施，我就去行布施，而且心里便系冇挂碍，就系“随缘行”。系最重要呢样，有冇挂碍，冇挂碍先系“随缘行”，有挂碍唔系“随缘行”。世上嘅人因为执著人我之见，认为你系你，我就系我，我嘅名就系我嘅，我嘅利就系我，我家庭系我，我地位系我，成日都捍卫住一个执著嘅牢牢不可破嘅我，所以就会有好多烦恼啦。但系如果你受委屈嘅时候或者当你得到荣誉嘅时候，你同其他人易地而处，换个位置吖，企喺别人嘅角度去谂一谂，你就会同情同埋理解，理解佢、同情佢，呢个先系真正嘅理解。“随缘行”一方面系要坚持佛法嘅原则，另一方面为咗恒顺众生，都要做种种饶益众生嘅事，所以包括我哋所讲嘅讲经说法、流通经书、建设寺庙，做社会各种嘅慈善事业，呢种都系一种恒顺众生，“随缘行”嘅方法，亦都系圆满功德嘅一种修为嘅方法，吓。

咁讲到呢度，又有一个老生常谈嘅公案，就苏东坡嘅公案啦。咁世间嘅人有咗荣誉嘅时候往往就得意忘形，失意嘅时候又非常之沮丧，其他人去讥毁你嘅时候就感到好紧张，赞你嘅时候又飘飘然，所以我哋将世间嘅“利、衰、毁、誉、称、讥、苦、乐”叫做八风，世俗嘅人喺八风里便摇荡。咁苏东坡，宋朝嘅苏东坡大居士吔，曾经写过一首偈：“稽首天中天，毫光照大千。八风吹不动，端坐紫金莲。”老生常谈，人人都识背。好自豪啦，佢写咗呢首偈，咁吖叫吖童子送过江，送俾佢嘅朋友，佢个friend——佛印禅师，俾佛印禅师睇，佛印禅师睇咗之后呢，写，跟住喺下便批咗两个字，咩两个字？“放屁！”写咗两个字，又叫个童子带番去，苏东坡睇完之后大发雷霆啦，当然，跟住连夜即刻撑船过江去揾佛印禅师。佢话：“我写咗咁好嘅诗，你点解话我放屁呢？”佛印禅师话：“诗，真系写得好，但系后便应该改一下。”佢话，咁吖请禅师指教，苏东坡就话，禅师于是将最后话，“端坐紫金莲”呢句改咗“一屁打过江”吖，所以变成：“稽首天中天，毫光照大千。八风吹不动，一屁打过江。”唔系“端坐紫金莲”。呢个就系讲明修行唔喺个口里便讲，系心行，心行合一嘅境界，开悟系一瞬间嘅事情，但系修证就需要千百年先能够功德圆满，先能够将我哋无始以嚟嘅杂念毛病去除，唔可以有不劳而获嘅心吖，去修行，亦都唔可以话：“我求佛菩萨咁耐，佛菩萨都唔相应我，所以我退心，我忏悔咁耐业障仍然有，唔能够去除。”好多师兄都有咁嘅心。其实我哋过去曾经生生世世做几多业吖？我哋试问去谂一谂，修行系好长远嘅事嚟。

跟住我哋讲到“四行”之中“无所求行”，点解要“无所求”？因为有求皆苦，有所求，但系如果你得唔到嘅话，当下就系苦，喺佛教之中，“八苦”唔系当下就有一个“求不得苦”咩？所以行菩萨道嘅人应该无求，呢个系好重要。有人问，佢话：“学佛嘅人点解系无求呢？”因为佢认为我哋念佛、学佛，求嘅系成佛，菩萨唔系亦都要上求佛道、下化众生咩？但系实际上凡系有求嘅现象就会带嚟无穷无尽嘅烦恼，其实你有心去求成佛都系唔啱，但系呢个比较系高少少嘅层次去讲吖，咁我哋世间凡夫执著，当然系有求，善求，而家唔紧要，择善固执，之但系一步一步就要解脱、就要舍弃，喺禅嘅角度、喺佛嘅本怀嚟讲就要通向呢，呢个思想，同佛嘅本心去相应，去达到无求。咁大家都知道“有求”同“求不得”都系相对，“希望”同“失望”都系相对，都系话你对人生抱住几大嘅幻想，抱住几大嘅希望，你往往就有好大嘅失望，而且有得必有失，对于凡夫嘅心，所以好苦吖，点解苦吖？八苦交集嘅原因就系凡夫时时去患得患失，时时喺事情嘅处理之上、喺人生嘅路途之上患得患失，一患得患失，个心摇摆不定，就会好苦。但系，喺佛法之中，好似大家受嘅三皈、五戒、十善，喺佛法嘅五乘当中，人天乘，人天乘系有求，叫做求福求慧。通过深入经藏可以智慧如海，呢个就系求慧啦；通过广结善缘，多做一啲慈善嘅事业就可以培植我哋福田，就系求福啦。咁喺菩萨乘之中应该系冇求，佛问须菩提：“如果有人用恒河沙咁多个宝珠去做布施，你话功德大唔大呢？”须菩提答：“功德非常大啦，当然。”佛陀话如果呢个功德系“有实”，如来就唔讲功德多啦。如果有一个人行菩萨道，做咗一件好事，就希望其他人俾自己回报，赞叹自己、夸奖自己，呢个人，你谂下仲系唔系菩萨呢？当然唔系啦，所以菩萨说法、菩萨用智慧去度人、菩萨做布施等等都系无求，正因为无求，就系得到“无所得”呢三个字。《心经》上好清楚：“以无所得故，得阿耨多罗三藐三菩提。”“阿耨多罗三藐三菩提”系一个假立嘅名，系一个假名去安立，唔好喺文字上去求法，以为菩萨真正得到啲咩，菩萨度众生，实冇一众生得度，因为每一个众生都有本嚟嘅佛性，“心、佛、众生，三无差别。”好重要呢一句说话，迷就系众生，悟就系佛，所谓“自性众生自性度”。另一方面，菩萨如果喺度众生嘅时候话：“我喺度度紧你吔。”佢起咗呢个心，动咗呢个念，咁嗰个唔系真正嘅菩萨，因为菩萨嘅心量等同虚空，唔住于有为，亦都唔住于无为，亦都唔舍有为，亦都唔舍无为，所以菩萨应该系“无所求行”，呢点系好重要，“无所求行”就系讲呢啲嘢。

《金刚般若经》上面讲：“汝等比丘，知我说法，如筏喻者，法尚应舍，何况非法。”就系话我哋学佛嘅人，学菩萨嘅人唔应该执著喺法上便，法系一种救渡嘅良药，为咗度众生，佛设立种种方便，苦口婆心，讲一千道、一万道。众生如果冇病，佛仲须要说法咩？无法可说啦。譬如我哋搭船由烦恼嘅此岸为咗解脱去到彼岸，我哋搭嘅大般若船到咗彼岸之后就应该将呢个大法船放低吔，你落咗船，潇洒咁自在去走，如果你上咗岸之后仲背住一个法就系法执，法执唔除点成菩萨？就难于得到究竟涅槃。咁有人问：“开悟之后吖，菩萨道系咪‘无所求行’呢？我哋仲未有开悟，系咪仲，啫都要有所求呢？仲未开悟。”其实唔系咁，虽然话你系冇开悟，咁样咩嘢叫做“行入”呢？你首先要做吖，我哋喺生活之中，当中系以无求嘅心去待人处世，虽然我哋冇开悟，我哋待人接物，你首先要实现，实现一下，睇一睇系唔系你心中无挂碍，有所求，心中自然就有挂碍啦，所以呢度就要实现一下。

咁咩叫“称法行”呢？就系“相应”吖，“称”就系“相应”，唔好读“称”（注：音同“清”），“称”呢，就系“相应”嘞，同佛法相应咁样去实践佛法，点样同佛法相应呢？尤其系对现在嘅学佛人嚟讲，首先唔讲开悟以后嘅事，开悟以前，我哋首先就要发出离心嘞。所谓“出离心”就系对人生同宇宙有一个明确嘅了解，如果冇一个明确嘅了解，咁样要会认为人世间系实有，就会贪著五欲，唔能够生起求道嘅心，呢个要观照，要修四念处，要修无常观，要多谂呢啲嘢。悟入佛嘅知见以后，喺具体实践佛法嘅时候，我哋就要去正确实践佛法，“无所求行”“随缘行”“报怨行”，呢种实践就系叫做“称法行”。更加深层嘅意思，可能大家唔系咁容易理解，就系佛嘅大法，所谓“心法”，既冇来去，亦都冇长短，亦都冇善恶，亦都冇增减，要求就系你当下去悟入，当下承当，咁样为咗除妄想、修行六度而无所行，心唔染著就叫做“称法行”嘞。

咁喺上面讲咗“理入”同“行入”，咁“理入”同“行入”之间要，关系系咩呢？点样处理呢？悟在一瞬间所谓，修行亦都千百年，一个人觉悟到佛法嘅真理，由于长期积累，瓜熟蒂落，系一瞬间嘅事情。比如虚云老和尚喺禅堂嘅时候，当啲开水吔，烫到佢只手，焫到佢只手，只杯就跌落地，揸唔稳，咁佢当下由于打落地嘅声音令到佢豁然透亮，虚空粉碎，所以开悟就系一瞬间，但系证悟嘅过程，修行嘅过程就要上千百年。如果一个人系未开悟，就须要努力去通过深入经藏、藉教悟宗，吖，头先所讲嘅藉教悟宗，去开悟，开悟之后就要通过三皈啦、五戒啦、十善或者菩萨嘅四摄六度使到自己嘅习气毛病去隔除，先能够慢慢去修到功德圆满。好多啱啱学佛嘅人呢，只系明白开悟嘅果实系好甜美，但系佢唔知道开悟之后其实条路只系走咗一半嘅啫，禅宗嘅路叫做难行道，亦都叫做险道，一唔小心冇人指导就会走上岔路，所以自己必须要有抉择嘅智慧，开悟之后，修行仲要有漫长嘅路系艰难嘅。

至于讲到达摩大师嘅禅法，佢具体修证嘅方法只系四句说话，希望各位师兄能够落一啲功夫，去研究呢四句说话，由文字般若、观照般若，最后通入实相嘅般若。呢四句说话呢，就系：外息诸缘，内心无喘，心如墙壁，可以入道。再讲一次：外息诸缘，内心无喘，心如墙壁，可以入道。

祝大家能够早日明心见性，多谢大家！

229.唤醒生命中的至亲至爱（一）

唤醒生命中的至亲至爱——《佛说父母恩重经》解说

呢本经系讲佛陀响祇树给孤独园，一日率众南行，佢见到路边有一堆枯骨嘅因缘开始，展开以人间慈母为中心嘅生命世界。由怀胎开始伴随发生嘅种种际遇，无论系心理嘅、生理嘅、家庭嘅、社会性嘅切身问题都叙述得好写实，感人肺腑而又流畅。加上解说者冯冯居士以佢崭深嘅佛法素养，洞触现实社会伦理问题嘅慧眼，生动而又活泼表现出对佛教、对孝道嘅见地同精神。对唤醒人类生命之中最珍贵一份至亲至爱，相信呢本经论嘅影响力系可以如期。我哋心中对父母时常存有感恩，响美德之上终身力争上游，系现代造经报父母恩嘅最佳方式，而孝亲精神响社会上嘅落实亦都系人间净土展现嘅曙光。

呢本经嘅解说一共分开六点，第一系前言；第二，“白骨堆前话汝报恩”（注：疑为“白骨堆前话报汝恩”）；第三，“十月怀胎更十恩”；第四，“至亲之爱”；第五，“不孝，大地恒久的哀歌”；第六，“如何报答父母恩”。

呢套录音带系冯冯居士响加拿大温哥华永忏楼整理录音。我系谈瑨玮，我希望能够将呢套经普及，将佢录成广州话，方便广州人士学习佛经。

呢一部系被人忽略嘅佛经，好多人都唔知道佛教有呢部《佛说父母恩重难报经》，因为好少人响道场讲解呢一部佛经，原因唔系咁明白，可能佢冇咩高深嘅哲学，亦都冇使用咩精微奥妙嘅名相。一般学佛嘅人并不认为呢一部系好重要嘅佛经，学者往往因为佢浅白简单而将佢轻视咗。其实，呢一部系相当重要嘅佛经，系佛陀教导弟子做人最基本嘅道德同人生态度嘅一部宝典，字字珠玑，每一句都语重心长，无论系唔系佛教信徒都应该细读呢本经嚟学习孝敬父母。有人话，信佛嘅人，尤其系出咗家，四大皆空，割亲断爱，父母妻子全部都唔要，归依咗佛就一心向佛，只知道有佛，仲有咩亲情、有咩孝亲可言呢？呢啲咁嘅说法都系对于佛教嘅一知半解，佢哋唔系真正明了佛陀嘅原本教训，亦都系自古以来历代对于“割亲断爱”四个字嘅误解。其实，割嘅“亲”同埋断嘅“爱”都唔系指父母天伦嘅“亲”，而系指欲爱之“亲”，然而，要断嘅“爱”亦都唔系讲“天伦之爱”“友爱”同埋“无缘大慈、同体大悲”嘅慈悲博爱。不幸，古今好多人误解咗佛教本意，以为学佛就连父母都唔要，连妻子亲人亦都唔要。其实，佛经本本都载有各种生灵同眷属嚟听佛陀讲经说法嘅记录，可见佛陀并未叫人抛弃父母亲眷，相反，佛陀鼓励弟子接引亲眷嚟一同学法、一同修行，同证涅槃。

呢部《父母恩重难报经》系由姚秦三藏法师鸠摩罗什奉召翻译成为汉语，一般学者相信系鸠摩罗什口译，由佢嘅弟子笔受记录。鸠摩罗什系原籍西域嘅一位高僧，由丝绸之路嚟到中原，受姚秦国国王嘅礼遇。佢响中土弘法，口译咗好多佛经，包括至今仍然流行嘅《金刚经》在内。佢口译嘅《金刚经》非常深入简明，之后呢，比唐三藏玄奘法师所译嘅简本简单得多，不过亦都因为咁呢，漏咗唔少嘅内容，唔及唐译嘅完整。就经名嚟讲呢，鸠摩罗什译为《金刚波罗密经》，唐三藏玄奘大师呢，译为《能断金刚波罗密经》，唐译显然系比较正确详尽嘅，不过鸠摩罗什唔识汉文，无从得知译本笔受嘅内容。佢嘅译本较为精简，所以一直都响度风行，掩盖咗唐玄奘大师嘅完整详译版本。呢啲系本题之外，我哋有时间再谈。

《父母恩重难报经》系冇发现其他嘅译本，鸠摩罗什似乎系唯一嘅版本，所以我哋仲系采用佢嘅译本。呢个译本系佢奉咗秦国国王嘅召命而口译，可以见到秦王系好重视呢本佛经，先叫佢翻译嚟教育世人。鸠摩罗什喺沙门亦都敬奉呢一本经，教人孝敬父母。后世嘅人，无论出家在家，实在系应该孝敬父母，千万唔好讲咩“四大皆空”“割亲断爱”嘅说话而自己走入咗歧途成为不忠不孝、不仁不义之人。

出家也好，在家也好，要割断嘅唔系正嘅邪念欲念，而辞嘅系邪念之亲，并唔系割断天伦人伦。如果要弘法度众生，就应该首先度亲人成为我哋嘅法眷，“法眷”，啫系佛法嘅眷属。唔能够话去度众生就抛弃自己嘅天伦同眷属，厚此薄彼，呢个唔系佛法嘅平等法。

要修行，首先要自净其意，实践八正道、守五戒，除去贪瞋痴嘅毒，呢个系人所周知嘅，但系好多人唔注意到，孝敬父母、供养父母系百善之首、百善之先。经云：“万恶淫为首，百善孝为先。”要从无私无我嘅真诚孝行开始就更容易踏上修行嘅道路。

好嘞，现在我哋开始嚟研究《佛说父母恩重难报经》。我哋首先念一段由经文里便鸠摩罗什译成嘅汉语原文，然后再将佢用现代白话语体文解释下。由于现代人生活紧张忙碌，未必每个人都能够睇得明先进时代嘅中原古文，经中有啲佛教名称呢，亦都唔系人人识嘅，现在呢，将经文呢，用白话文解释一下，作为呢，俾大家参考，如果解释有咩错误，务请原谅同指正。无论点样，我都唔系一个佛教专家，请各方大德多予指正。

《佛说父母恩重难报经》，第一：“说法因缘”。

“如是我闻，一时佛在舍卫国祇树给孤独园，与大比丘二千五百人，菩萨摩诃萨三万八千人俱。尔时，世尊引领大众，直往南行，忽见路边聚骨一堆。尔时，如来向彼枯骨，五体投地，恭敬礼拜。阿难合掌白言：‘世尊！如来是三界大师，四生慈父，众人归敬，以何因缘，礼拜枯骨？’”

佛陀自己并冇揸支笔写低啲讲稿，响二千六百多年前纸笔恐怕都系未普及。佛陀讲嘅语录都系弟子由记忆之中传递，后来由弟子笔录，开头一句都系话“如是我闻”，呢个就系“我从佛陀里便听到”咁解。“一时”呢，就系现代语讲故事开头所讲“从前有一次”，英文系“Once upon A time”。佛陀喺舍卫国，“佛”就系指佛陀释迦牟尼。其实佛陀自己从未自称系“佛”，“佛”呢，系后世弟子尊称佢嘅。“佛陀”本来嘅字义亦都只不过系“开悟嘅人”，并冇特殊超凡神化嘅意义，将“佛”字睇成超凡神化，系后世尊敬逐步加添上去。“佛陀”系巴利文音“Buddha”嘅音译，汉语呢，系冇“佛”呢个字，系从译音而创造嘅，呢个“佛”字，“佛”呢，亦都系“佛陀”嘅简称。英文将“佛陀”“开悟嘅人”译为“The enlighten one”，亦都冇神格化嘅意义，将“佛”视为神系后世嘅错误。

舍卫国系古代印度诸多邦国之一，嗰个时候差唔多一城一国。呢个舍卫国系喺当时嘅中印度北方，现在已经唔存在，有人考据话可能系现在嘅班那斯市区附近。舍卫国距离佛陀出生嘅地点蓝毗尼呢，唔系好远，呢个系当时佛陀时常讲经说法嘅地方。舍卫国有一位太子叫做祇陀，佢好发心拥护佛陀说法，同时亦都有一位富有嘅老人，人哋称佢做“给孤独长者”，亦都系好发心护法。佢称用黄金铺地买下祇陀太子嘅园林嚟供养佛陀居住说法，太子被佢嘅诚心所感动，就将园林捐出建造咗一座道场去供养佛陀说法，呢个地方就叫做“祇树给孤独园”，系将太子同老人两个人嘅名连埋起嚟并称。佛陀时常到呢个地，因为佛陀长住响嗰度说法，后世简称呢个地方叫做“祇园”，将佛陀修行居所称为“祇园精舍”。“比丘”就系男性嘅出家人，“比丘尼”系女性嘅出家人，都系巴利文嘅译音。

“菩萨”系译音同埋简称，原音系巴利文转译成为梵文，英文嘅拼法系“Bodhisattva”，就系大觉有情、行大慈悲嘅修行者。《华严经》讲要必须修到十地嘅程度先可以称为“菩提萨埵”。现在对于慈悲布施、行慈悲道嘅人呢，都尊称为“菩萨”，已经系近于咗滥称，但系亦都可以话，只要开悟，人人都可以成佛，只要慈悲，人人都系菩萨。响佛陀说法嘅时代，大概系称出家修行人为“比丘”同“比丘尼”，对于慈悲布施、护法嘅在家人，尊称为“菩萨摩诃萨”系尊敬嘅称呼，原音系“Mahasa”，意思系“佛大义”，“俱”就系“响一齐”。

五体投地呢，系尊敬嘅礼拜方式。首先立正、合掌、屈膝下跪，然后以手承足，然后头礼叩头，再嚟呢，就系全身趴喺地上面继续叩头。呢种五体投地嘅礼拜方式，现在仍然流行响西藏同尼泊尔一带，好多密宗信徒仍然使用呢一种方式拜佛像同埋师长。响显宗信徒当中呢，系比较少用，响西方嘅宗教，天主教同犹太教亦都仍然呢，使用呢种礼拜方式。

“世尊”系对佛陀嘅尊称，原音巴利文系“Lokanatha”，梵文系“Bhagavat”，本来嘅意思系“尊敬老师”嘅意思。中文加上尊敬嘅意思译为“世尊”，使到佢听嚟更加尊贵。“如来”亦都系对佛陀嘅尊称之一，意思系话，佛陀系乘真如大道而嚟嘅得到正觉嘅人。

三界呢，就系欲界、色界同埋无色界。色界就系指有形有相嘅物质宇宙，欲界就系指有欲望同埋因欲念而繁生嘅众生。人类、动植物都属于欲界，要饮寿酒、食橎桃嘅神仙呢，会思凡仍然有男女欲念嘅嗰啲神仙，虽然响天上，其实都系欲界生灵。希腊神话之中嘅男女仙人，要恋爱、要饮酒、要嚟人间揾爱情，呢啲都系欲界嘅生灵而已，只不过系有啲所谓神通啫。

“阿难”嘅巴利文名称系“Ananda”，汉语译为“阿难陀”，佢系佛陀嘅堂弟，系最早追随佛陀出家修行嘅弟子之一，佢最博闻强记，记忆力特别强，佢能够将佛陀讲过嘅经文都能够背诵出嚟，最早嘅佛经好多都系由阿难尊者由记忆背诵出嚟嘅，由后来嘅弟子口口相传同埋进一步笔录记低。

“四生”呢，系指胎、卵、湿、化。举例嚟讲，鸡生蛋，蛋孵化成小鸡，呢个就系卵生；人类同哺乳动物都系胎生；澳洲嘅鸭嘴兽呢，就例外，因为佢系生蛋嘅；植物系湿生，但系细菌就唔系湿生，草履虫亦都唔系，佢哋系分裂而嚟嘅；生化系从无化为有，但佢系属于无机体。

好嘞，名词我哋简单解释完，现在我哋可以将下，上便嘅一段经文一口气译成白话。

阿难尊者话：“依个系我听到用佛陀嘅口中亲自解说。有一次佛陀响舍卫国祇树给孤独园同两千五百位大和尚、三万八千位大菩萨响一齐，嗰个时候，世尊，啫系佛陀，引领大众外出向南边走，可能系出去乞食化缘。”嗰个时候嘅佛教徒必须每天托钵乞食，作为消除我慢心嘅修行方式之一。“响嗰个时候忽然见到路边有一堆枯骨。”印度古今都系贫穷，路边呢，系时常会有饿死、病死嘅尸骨。“嗰个时候，佛陀向嗰堆枯骨行五体投地嘅最恭敬礼拜。阿难就合掌请问嘞：‘世尊，您已经系成为正觉正真嘅如来，您系欲界、色界同埋无色界三界一切生灵嘅老师，系卵生、胎生、湿生、化生等等四种生态生灵嘅慈父，受到众人归依同埋礼敬，但系由于咩缘故，您去礼拜呢堆枯骨呢？’”阿难问得好有道理，唔系好奇怪？老师点解去路边嘅一堆枯骨，礼拜呢堆枯骨呢？要想知道答案，我哋就要睇本经嘅继续嘅下文。

第二点，我哋跟住讲嘅系“白骨堆前话报汝恩”。我哋现在继续睇经文原文嘅下面几段。

“佛告阿难：‘汝等虽是吾上首弟子，出家日久，知事未广。此一堆枯骨，或是我前世祖先，多生父母。以是因缘，我今礼拜。’佛告阿难：‘汝今将此一堆枯骨分做二分，若是男骨，色白且重；若是女骨，色黑且轻。’阿难白言：‘世尊，男人在世，衫带鞋帽，装束严好，一望知为男子之身。女人在世，多涂脂粉，或薰兰麝，如是装饰，即得知是女流之身。而今死后，白骨一般，教弟子等，如何认得。’佛告阿难：‘若是男子，在世之时，入于伽蓝，听讲经律，礼拜三宝，念佛名号；所以其骨，色白且重。世间女人，短于智力，易溺于情，生男育女，认为天职；每生一孩，赖乳养命，乳由血变，每孩饮母八斛甚多白乳，所以憔悴，骨现黑色，其量亦轻。’”（注：“每孩饮母八斛甚多白乳”疑为“每孩饮母八斛四斗甚多白乳”）

呢几段文字好浅白，并冇咩特别专用名词，可以直接翻译成为现代嘅白话语文。

佛陀话俾阿难听：“你哋虽然系我嘅上首弟子，出家日子亦都好耐，但系所知嘅事理呢，仲系唔够广博。呢一堆枯骨或者系我前世祖先，或者系我好多生以前嘅父母呢，所以我现在先对住呢堆枯骨作礼拜。”佛陀又话俾阿难听：“你现在将呢一堆枯骨分做两份好唔好？假如系男子嘅骨呢，颜色就系白嘅，亦都比较重；如果系女子嘅骨头呢，颜色就比较黑而且亦都比较轻嘞。”阿难就话：“世尊吖，男子响世界上嘅时候，佢嘅衣服装束有著鞋、有戴帽，比较讲究，一望就知道系男子之身啦。女子响世界上嘅时候，佢哋多数涂脂抹粉，或者呢，喷一啲香水，例如兰花、麝香之类，由佢哋咁样嘅装饰就知道系女流之身。现在死人白骨一堆，世尊吖，你又叫我做弟子嘅点样认得出系男系女呢？”阿难真系问得好！死人白骨一堆又点可以见到去分出系男系女呢？其实，古代嘅中国同印度嘅验尸专家系可以从医学嘅解剖上去分别，阿难冇学过呢一套学问，当然认唔出啦。佛陀答复阿难话：“倘若系男子，响世界上嘅时候，由于佢去佛寺听经、礼拜三宝、念佛名号，所以佢嘅骨头嘅颜色系比较白而且比较轻（注：根据上下文，“轻”疑为“重”）。至于世间嘅女子呢，智力较低，容易沉溺于情爱，对于生儿育女认为系天职，生咗一个细蚊仔呢，喂自己嘅乳汁俾呢个孩子养活，母乳其实系由血变出嚟嘅，每一个细蚊仔就要吸饮母亲嘅乳汁达到八斛四斗咁多，所以做母亲嘅女子憔悴嘞，骨头就变黑咗，亦都比较轻。”

关于呢一段，有几个地方呢，需要解释一下。“伽蓝”系寺庙嘅意思，呢个系译音。佛陀响世上说法嘅时候，并未自称为“佛陀”，佢讲嘅礼拜三宝系佛、法、僧。我推想佛陀当时唔会叫弟子去持念佢嘅名号，佢叫弟子持念嘅佛号可能系指“阿弥陀佛”或者其他嘅古佛佛号。至于佛陀讲男子嘅骨系比较白、比较重，女子嘅骨系比较黑、比较轻，由现代医学常识嚟睇，并唔算系唔合理嘅，因为女子生育孩子、哺乳俾孩子，损失咗大量嘅钙质，所以骨质就比较轻、比较黑，男子系冇呢一种损失大量嘅钙质，骨头就比较白同埋重一啲嘞。钙质系白色，你睇下石灰就知道，睇下啲钙片亦都知道。佛陀系一位有大智慧、博学精深嘅老师，佢亦都精通医学，佢讲嘅男骨白、女骨黑系符合现代医学嘅原理嘅。至于佛陀讲女子智力较低，如果以现代眼光嚟睇，响教育发达嘅国家，男子同女子嘅智力系冇高下嘅差别，但系响佛陀时代嘅印度，重男轻女，教育唔普及，女子根本系冇机会受到教育，再聪明亦都变成傻瓜啦。现在嘅第三世界落后地区仲系咁样，就系中国古代亦都系男尊女卑，连孔夫子都免不了要讲一句“女子无才便是德”同埋“唯女人与小人难养”吖。所以我哋要明白，佛陀所讲女子智力低呢，其实系古代印度嘅情形，嗰个时候女子冇机会受教育，自然就笨一啲，呢啲完全系教育嘅问题。但系今日你睇，几多女子智慧比男子强得多！女科学家、女工程师、女医师、女政治家、女艺术家、女作家，有边一个系输俾男子呢？可以俾男子仲强得多啦。我哋读佛经必须要了解佛陀系以当时佢嘅社会情况嚟说明，我哋唔能够以今日嘅社会情况去批评佛陀去歧视女子。需要知道佛陀嘅时候，女子系俾男子轻视嘅。至于佛陀讲，女子容易沉溺于情，呢个都系古今女子嘅通病吖，女子系比男子更重感情，不过佛陀所讲女子容易沉溺于情，呢个“情”字呢，并唔系单指爱情，亦都系指亲情、母爱。你睇下，做母亲嘅几爱细蚊仔，女子认为生男育女系天职，生下细蚊仔、哺乳俾细蚊仔，爱护唯恐不周。当然亦都有啲唔喜欢生细蚊仔嘅女性啦，亦都有啲唔肯哺乳嘅母亲，不过都系少数人啫。响古代印度同中国，妇女都唔知道咩叫做避孕唔生孩子，亦都冇唔哺乳俾细蚊仔，嗰个时候亦都冇奶粉同埋特别嘅婴儿奶水，咁做母亲嘅都要亲自去哺乳，所以唔好忘记……（注：接下文）

230.唤醒生命中的至亲至爱（二）

（注：接上文）……所以唔好忘记佛陀讲经嘅时代已经同今日唔同啦。佛陀话“乳由血变”，血又点会变成奶呢？其实系血液将营养运输去俾母亲嘅乳腺，再由乳腺制造乳汁，佛陀讲“乳系由血变”就系呢个道理。佛陀话，每个细蚊仔须要饮最少八斛四斗咁多嘅母乳先能够长大。母亲嘅血液里便嘅营养都供给咗俾细蚊仔，所以母亲憔悴了，钙质都俾咗孩子，所以母亲嘅骨头就唔够白，变黑咗亦都变得轻又脆。你睇下嗰啲因为缺乏钙质而致到骨头老化脆弱，容易跌断大腿骨嘅老人，唔系大多数都系年迈嘅老祖母咩？古代嘅度量衡同现代唔同，古代嘅“一斛”就系“十斗”。呢个“斛”字，《辞源》讲嘅读音系“酷”，我唔敢确定系咩读音。《辞源》讲“一斛”系等于现代大约五十二公升咁多，咁样计嚟呢，八斛四斗系大约相等于四百公升左右嘞。平均一个细蚊仔呢，一日大约饮一公升奶，总要饮到两岁左右，咁样计起嚟，佛陀估计嘅数量系好接近一般实情嘅。佛陀咁样开示之后，阿难又点样反应呢？

跟住我哋讲第三点：“十月怀胎更十恩”。

经文原文讲：“阿难闻语，痛割于心，垂泪悲泣，白言：‘世尊！母之恩德，云何报答？’佛告阿难：‘汝今谛听，我当为汝，分别解说：母胎怀子，凡经十月，甚为辛苦。在母胎时，第一月中，如草上珠，朝不保暮，晨聚将来，午消散去。母怀胎时，第二月中，恰如凝酥。母怀胎时，第三月中，犹如凝血。母怀胎时，第四月中，稍作人形。母怀胎时，第五月中，儿在母腹，生有五胞。何者为五？头为一胞，两肘两膝，各为一胞，共成五胞。母怀胎时，第六月中，儿在母腹，六精齐开，何者为六？眼为一精，耳为二精，鼻为三精，口为四精，舌为五精，意为六精。母怀胎时，第七月中，儿在母腹，生成骨节，三百六十，及生毛孔，八万四千。母怀胎时，第八月中，生出意智，以及九窍。母怀胎时，第九月中，儿在母腹，吸收食物，所出各质，桃梨蒜果，五谷精华。其母身中，生脏向下，熟脏向上，喻如地面，有山耸出，山有三名，一号须弥，二号业山，三号血山。此设喻山，一度崩来，化为一条，母血凝成胎儿食料。母怀胎时，第十月中，孩儿全体一一完成，方乃降生。若是决为孝顺之子，擎拳合掌，安详出生，不损伤母，母无所苦。倘儿决为五逆之子，破损母胎，扯母心肝，踏母跨骨，如千刀搅，又仿佛似万刃攒心。如斯重苦，出生此儿，更分晰言，尚有十恩：第一、 怀胎守护恩；第二、 临产受苦恩；第三、 生子忘忧恩；第四、 咽苦吐甘恩；第五、 回干就湿恩；第六、 哺乳养育恩；第七、 洗濯不净恩；第八、 远行忆念恩；第九、 深加体恤恩；第十、 究竟怜愍恩。’”

下面系白话语体嘅翻译：

阿难听到佛陀开示之后，就心痛如刀割，流泪悲泣，对佛陀话：“世尊，母亲嘅恩德，点样先能够报答呢？”佛陀就对阿难话：“你现在听住，我嚟为你分别解说。母亲响怀胎十个月嘅时候已经系好辛苦。怀胎嘅第一个月嘅时候，母亲就担心胎儿会好似早晨嘅露珠咁容易响午间好似见到阳光一样就消失了；怀胎第二个月嘅时候，胎儿脆弱得好似奶油酥一样；怀胎第三个月，胎儿稍为聚形，似凝结嘅血滴；怀胎第四个月嘅时候，胎儿先开始初具人形；怀胎第五个月嘅时候，胎儿响母亲嘅肚里便形成咗五体，第一体系头，手脚四肢就系四体，合成变咗五体；到咗第六个月嘅时候，胎儿响母亲子宫里便开咗六精，就系眼睛、耳朵、鼻、嘴、舌头同埋意识；第七个月，婴儿形成骨节，有三百六十根筋骨，又生成八万四千个毛孔；第八个月，胎儿生成意识同智力，同埋九窍，即系两只眼睛、两个鼻孔、两只耳朵、一个嘴巴、一个尿道同一个肛门，一共九处嘅孔窍；第九个月，胎儿响母亲嘅肚里便就会吸食食物嘅各种营养物质，例如桃、李、蒜、五谷等等嘅精华。嗰个时候，母亲嘅身体里便，生嘅内脏就向上，熟嘅内脏就向下，好似地面由上耸起嘅山一样，呢个山有三个名字，第一叫做“须弥山”，第二叫做“业力山”，第三叫做“血山”，呢啲山都系作为一种比喻嘅名称啫，佢一崩溃嘅时候就变做一条将母亲体内血液运送嘅营养输送俾胎儿；到咗第十个月，胎儿全身各部分都已经一一生长完成，就可以降生出世嘞。倘若系孝顺嘅儿子，就会合掌举拳然后头先出，就叫做顺产，就唔会损伤母亲，母亲唔会有几大嘅痛苦；倘若系个五逆嘅细蚊仔呢，就会逆产，破损母亲嘅胎盘，扯拉母亲嘅心肝，踢踏母亲嘅骨盘，好似一把千刀万刃插喺母亲嘅心里便，母亲受呢啲咁大嘅痛苦先生出孩子。再进一步分析，母亲仲有十种大恩吖！第一，怀胎守护之恩；第二，临生产嘅时候受到痛苦之恩；第三，生咗细蚊仔就唔计较自己所受嘅痛苦；第四，母亲自己咽下痛苦嚟对细蚊仔慈爱、温暖、甜蜜嘅照顾；第五，宁愿自己受苦唔舒服，亦都要使到细蚊仔干爽舒适；第六，哺乳养育之恩；第七，洗涤细蚊仔嘅屎尿都唔怕邋遢；第八，孩子远离咗之后母亲就怀念惦挂；第九，深深关怀体恤孩子；第十，永远慈爱怜惜子女。”

佛陀嘅时代仲冇X光，亦都冇超音波设备，见唔到胎儿响母亲子宫内嘅实际情形，佢只系由推测嚟解说胎儿嘅十个月情况。佢所讲嘅同今日嘅可能唔一致，但系我哋要明白，佛陀当日系冇现代人咁幸运可以响电视上见到超音波拍出嘅胎儿十个月嘅生长过程。我哋现代人用超音波摄影可以见到胎儿响母亲子宫之中，由一开始成人就喺肚脐已经生出嚟嘅吸管同埋吸盘，吸喺子宫里便嘅壁上，吸取母亲喺肚脐嘅血液输送嘅养料。第二周就已经形成咗两只眼、两只耳同埋个鼻嘅初形，胎儿睇起上嚟好似一只大肚嘅鲹鱼，系有尾巴卷成挛曲，骨骼由一开始已经形成，神经系统、血管系统亦都渐渐形成，尾亦都渐渐退化，第一个月已经略具哺乳动物个样。第六周到第七周已经会自己吮吸大拇指，亦都有咗听觉，听到母亲嘅心脏跳动同血液流动嘅声音。第二个月，到咗两个半月，性别就开始形成，已经系好似一个细细嘅人嘞。胎儿响子宫里便系时常移动嘅，佢喺羊水里便游泳，转来转去。到咗第四个月就会伸下手、喐下脚。到咗第九个月接近产期嘅时候呢，有啲胎儿嘅头就会转倒面门，就会转向生门里便，就称为顺产。但系有啲胎儿呢，就啱啱将脚呢，转向下便，而子宫里便嘅羊水膜就会破，流干咗羊水，胎儿唔能够移动，只有两只脚同埋屁股首先出嚟，咁就麻烦，成为难产了。其实唔能够讲顺产嘅胎儿就系孝顺嘅，逆产嘅就唔系孝顺嘅，不过我哋要明白，佛陀响两千六百多年前冇见过超音波电影嘅胎儿成长同出生，我哋唔能够以佢响呢方面嘅不足知识嚟批评佢，我哋要睇下佢讲呢本经嘅动机同目的。佛陀系已经将尽佢所知嚟解说做母亲怀胎生产嘅痛苦，我哋读经唔可以断章取义，我哋必须要睇下经文嘅前文后理，我哋必须明白佛陀系以佢嘅时代嘅最佳医学生理知识嚟表达子女做母亲怀胎嘅辛劳痛苦，由此而引出对于母亲对养育子女嘅十种母爱大恩，然后佛陀又用诗句去赞颂母爱嘅伟大，下便就系经文嘅原文。

第一，怀胎守护恩。颂曰：

累劫因缘重，今来托母胎，月逾生五脏，七七六精开。

体重如山岳，动止劫风灾，罗衣都不挂，装镜惹尘埃。

第一首诗颂译成白话文就系：经历好多劫因缘，现在嚟投入母胎嘞，过咗一个月多之后呢，就生出五脏，经过四十九日之后就开六精，胎儿重得好似山峯一样，母亲无论系行动、静止都响度受苦难。怀胎连穿衣吔，都唔能够，梳装镜亦都停止使用，以致粘满咗尘埃嘞。

呢首诗颂系称颂母亲怀胎守护嘅大恩。诗中里便所讲嘅“累劫”两个字，“累”就系累债，“劫”字呢，其实唔系劫数个劫。“劫”应该系巴利文“kappa”，转译成为梵文再译为中文，个音应该读作“ka”嘅，呢个唔系呢，“打劫”个“劫”字，好不幸连《辞源》都搞错咗，将佢当做系“劫”字。字典呢，免不了都会有啲错误，念书嘅时候要小心求证。“劫”字响佛学上嚟讲系指唔能够以通常嘅年月日计算嘅好长好长嘅时间，亦都有翻译为“大时空”嘅。简单地讲，一个小“ka”等于大约人间嘅一千六百八十万年，响呢度唔能够对佢详细讨论，“累ka”就系讲累积咗好多好多、生生世世、千千万万年嘅缘份，先有缘得到去投生去母胎里便。

第二，临产受苦因。颂曰：

怀经十个月，难产将欲临，朝朝如重病，日日似昏沉。

难将惶怖述，愁泪满胸襟，含悲告新族，惟惧死来侵。

呢个系佛陀歌颂母爱嘅第二首诗偈。母亲怀胎经过十个月咁耐，艰难嘅生产即将来临，日日都好似患咗重病，日日都好似昏昏沉沉，难以尽述种种嘅担忧同恐惧，忧愁嘅眼泪流满咗胸襟，含住悲伤去告诉亲人，生怕死亡会来临。

依第二首赞颂母亲临生产前受苦嘅，就系呢首颂，下面系第三首，系赞颂母亲生孩子之后嘅忘忧欢喜。

第三，生子忘忧恩。颂曰：

慈母生儿日，五脏总开张，身心俱闷绝，血流似屠羊。

生已闻儿健，欢喜倍加常，喜定悲还至，痛苦彻心肠。

译成白话文就系：慈母生孩子嘅嗰日痛到五脏都裂开，佢嘅身心都闷痛得死去活来，血流好似系杀羊一样。生孩子以后，闻知孩子平安出世，母亲就欢喜到咗极点，欢喜刚定下来之后呢，悲伤又嚟嘞，因为痛楚呢，系穿彻心肠嘅。佛陀为咩用杀羊嚟做比喻呢？大概系因为古代印度系畜牧社会，仲末转为农业社会，牧羊呢，系好普遍，杀羊亦都系常见嘅事。杀羊流血就多得好可怕，母亲生细蚊仔嘅时候流嘅血亦都好似多到杀羊一样。

跟住第四首诗颂系赞颂母亲自己忍受一切痛苦嚟将甜蜜嘅慈爱给予孩子嘅。

第四，咽苦吐甘恩。颂曰：

父母恩深重，顾怜没失时，吐甘无稍息，咽苦不颦眉。

爱重情难忍，恩深复倍悲，但令孩儿饱，慈母不辞饥。

翻译成白话文系：父母嘅恩德系好深、好重，无时无刻唔慈爱照料怜惜孩子嘅，吐出甘甜永无息止，自己吞下苦痛亦都从来唔会皱一皱眉头，慈爱情深系好难忍舍，慈恩深倍令到佢哋伤悲。但愿孩儿食得饱，慈母就甘愿用佢嘅饥饿去换取孩子嘅温饱。

第五首诗颂系歌颂慈母宁愿自己换湿冷而俾孩子干爽舒适嘅。

第五，回干就湿恩。颂曰：

母愿儿投湿（注：经文为“母愿身投湿”），将儿移就干，两乳充饥渴，罗袖掩风寒。

恩连恒废枕，宠弄才能欢，但令孩儿稳，慈母不求安。

译成白话文：慈母甘愿屈身于湿冷，俾孩子安置响干嘅地方，慈母两个乳为儿解饥渴，衣袖遮掩咗孩儿去避风寒。因为爱惜孩儿而自己睡眠唔安稳，爱惜孩儿先至心放，但求孩儿得到安稳，慈母自己亦都唔求安乐。

第六首颂系颂扬慈母哺乳养育之恩。

哺乳养育恩。颂曰：

慈母像大地，严父配于天，覆载恩同等，父娘恩亦然。

不憎无怒目，不嫌手足挛，诞腹亲生子，终日惜兼怜。

译成白话文：慈母就好似大地，父亲就好似苍天，天覆地载完全相等，父母嘅恩情亦都系一样。慈母嘅心永远唔会憎怒，唔会厌恶佢嘅细蚊仔，孩子都系亲生嘅，好好坏坏都会对佢爱怜。原文嘅“手足挛”系指孩子反抗唔听话，以“手脚痉挛”嚟做比喻。

第七首颂系赞颂慈母洗涤孩子之恩。

洗濯不净恩。颂曰：

本是芙蓉质，精神健且丰，眉分新柳碧，脸色夺莲红。

恩深摧玉貎，洗濯损盘龙，只为怜男女，慈母改颜容。

慈母本嚟系好似芙蓉花一样美貌，精神饱满又健康丰满，佢嘅眉毛秀丽好似新出嘅柳叶，脸色好比红莲花咁美丽，只因为怜爱佢嘅细蚊仔而辛劳嘞，憔悴，美玉咁嘅容貌，只因为洗涤孩儿而损坏咗双手，因为怜惜儿女以至于慈母憔悴咗佢嘅颜容。

第八首颂系歌颂怀念孩子远行嘅。

第八，远行忆念恩。颂曰：

死别诚难忍，生离实亦伤，子出关山外，母忆在他乡。

日月心相随，流泪数千行，如猿泣爱子，寸寸断肝肠。

译成白话文：死别嘅痛苦实在难以忍受，生离呢，实在亦都好伤心。孩子远行到远方，慈母忆念亦都跟到他乡，日日月月心中惦念相随，流泪数千行，就好似猿猴嘅妈妈哭泣思念孩子，肝肠寸寸都痛断。呢一首颂系描写儿女长大成人外出去他乡，慈母响屋企惦念孩儿嘅伤心。

第九首系歌颂母亲体恤之恩。

第九，深加体恤恩。颂曰：

父母恩情重，恩深报实难，子苦愿代受，儿劳母不安。

闻道远行去，怜儿夜卧寒，男女暂辛苦，长使母心酸。

译成白话文：父母亲嘅恩情深且重，儿女实在系无法报答得完，孩子受苦，父母愿代佢受罪，孩子辛苦，慈母嘅心实在系好不安。听到孩子要远行去外地，慈母整夜都唔能够睡眠以致于受寒，儿女暂时受一啲辛苦，慈母就时常心酸伤感。

第十首颂系歌颂父母嘅带深恩。

第十，究竟怜悯恩。颂曰：

父母恩深重，恩怜无歇时，起坐心相逐，近遥意与随。

母年一百岁，常忧八十儿，欲知恩爱断，命尽始分离。

译成白话文：父母喜欢孩子，对孩子嘅恩深重，爱怜儿子系永无休止嘅。父母企起身，坐低，佢嘅心都挂念孩子，无论远近亦都惦念相随。慈母即使到咗一百岁，亦都系时时忧念佢八十岁嘅细蚊仔，如果要慈母慈爱嘅恩情断绝呢，除非系到咗生命完尽先会分离嘅。

上面嘅第八至第十首颂实在系好能够反映古今嘅慈母心。唐诗有话，“慈母手中线，游子身上衣，临行密密缝，意恐迟迟归。”咁样讲亦都唔及佛陀呢几首偈颂描写得咁深切。今日几多慈母响挂念流落外国异乡嘅孩子呢，几多人响美国、加拿大、澳洲、欧洲，远离咗故乡嘅父母，你又知唔知慈母响家乡日夜挂念怀念、悲伤流泪到天明呢？冇错，出国或者创造咗事业前途，但系几多慈母悲伤牵挂，不少人响美国忽然听到家乡传来消息，父母病重慌忙赶回去，有啲人仲见得到慈母慈父嘅一面，但系有几多人连呢啲最后嘅一面都见唔到呢？点样痛哭、点样喊，能够补得到呢？几乎每日都有人打电话或者写信嚟要求挽救佢垂危父母嘅生命，但系一个讲佛法嘅人只不过系一个凡夫俗子，讲佛法嘅人又有咩法力去救尽天下慈母慈父嘅生命嚟安慰天下游子嘅悲痛、后悔嘅心呢？

朋友，都系趁住父母仲在世嘅时候，唔好顶撞父母，多多孝敬供养佢哋，多啲同父母团聚啦！唔好等到父母唔在世嘅时候，纵然能够念经超度，到底亦都总系见唔到佢哋嘅面。佛陀慈悲开示，教导世人要孝敬父母，唯恐弟子仲唔明白，所以佢语重心长，再喺经后便详细向大家继续说明。（注：接下文）

231.唤醒生命中的至亲至爱（三）

（注：接上文）

第四：“至亲之爱”。

原经文：

佛告阿难：“我观众生，虽绍人品，心行愚蒙，不思爹娘，有大恩德，不生恭敬，忘恩背义，无有仁慈，不孝不顺。阿娘怀子，十月之中，起坐不安，如擎重担，饮食不下，如长病人。月满生时，受诸痛苦，须臾产出，恐已无常，如杀猪羊，血流遍地。受如是苦，生得儿身，咽苦吐甘，抱持养育，洗濯不净，不惮劬劳，忍寒忍热，不辞辛苦，干处儿卧，湿处母眠。三年之中，饮母白血。”

下面系翻译嘅白话文：

佛对阿难话：“我观察众生世人，继承咗父母人品，但系佢哋心中仲系好愚痴、好愚昧，佢哋唔念父母嘅恩德，唔恭敬父母，不仁不义、忘恩负义，唔孝顺父母。要知道慈母怀胎十个月之中喜坐不安，好比挑咗重担，饮食亦食唔到，好似患咗大病、久病嘅人。到咗足月生孩子嘅时候就受尽种种痛苦，好唔容易，生咗孩子，好似杀猪羊一样，流咗满地嘅鲜血，又怕养唔大孩子，母亲受咗咁多嘅苦先生下孩子，自己甘愿吃苦亦都俾孩子温暖甜蜜，抱持爱护小心而养育。为咗孩子洗净屎尿不洁嘅嘢，母亲不畏劳苦为孩子去忍受寒冷炎热，不辞劳苦。干燥嘅地方俾孩儿睡，潮湿嘅地方就母亲眠。三年之中孩儿都靠吸饮母亲嘅奶汁为生，就好似饮白色嘅血一样。”

原经文：婴孩童子。乃至成年。教导礼仪。婚嫁营谋。备求资业。携荷艰辛。勤苦百倍。不言恩惠。男女有病。父母惊忧。忧极生病。视同常事。子若病除。母病方愈。

译做白话文就系话：父母养育儿女，经历婴孩嘅时代到童年到成长为成人，做父母嘅都需要教导孩子礼仪，又要为儿女嘅婚嫁而打算，又要为孩子嘅事业资产而筹备，父母负担艰辛、辛劳百倍，亦都唔会有咩恩惠去期望儿女去报答。相反，儿女有病呢，父母就担忧惊慌，乃至于因为忧虑而生病，直到孩子病痛解除咗之后，母亲先至病愈。

佛陀又继续开示话：“如斯养育，愿早成人。及其长成，反为不孝。尊亲与言，不知顺从，应对无礼，恶眼相视。欺凌伯叔，打骂兄弟，毁辱亲情，无有礼仪。虽曾从学，不遵范训，父母教令，多不依从，兄弟共言，每相违戾。出入来往，不启尊堂，言行高傲，擅意为事。父母训罚，伯叔语非，童幼怜愍，尊人遮护，渐渐成长，狠戾不调，不伏亏违，反生瞋恨。弃诸亲友，朋附恶人，习久成性，认非为是。”

译成白话文：父母养育儿女盼望早啲长大成人，等到儿女长成咗，反而不孝。长辈亲人劝告佢亦都唔听从，反而用无礼嘅态度去应对，用凶恶嘅眼光去对待，欺凌叔叔伯伯，打骂兄弟，毁坏侮辱亲人，毫无礼仪。虽然亦都读过书，但系就唔遵守规范训律，对于父母嘅教训多数都唔会听从，同兄弟说话亦都每每爆戾争吵。凡系由外便或者返屋企亦都唔禀告父母，说话行动乖张傲慢，凡事擅作主张。孩子年幼嘅时候，长辈都会袒护佢、纵容佢，到咗孩子渐渐长成就变咗凶恶爆戾无法教导嘞，非但唔承认自己嘅理亏同埋违背教训，反而憎恨怨恨父母，抛弃自己嘅亲友去同啲坏人朋友朋比为奸，时间耐咗就变咗坏习惯，将错误嘅都认为系啱㗎喇。

两千多年前，佛陀开示所指出嘅呢啲情形，大家睇一睇系几似今日嘅问题少年、今日嘅问题青年。呢啲问题你听落嚟系咪好熟呢？每年唔知道有几多个家庭吵闹，呢啲不良子女嘅悲剧，唔知有几多人曾经哭诉子女唔听话斗气。

好，等我哋继续再听佛陀嘅开示：“或被人诱，逃往他乡，违背爹娘，离家别眷。或因经纪，或为政行，荏苒因循，便为婚娶，由斯留碍，久不还家。”呢一段系话有啲子女长大之后被人引诱逃到外地，违背咗父母离开家庭，抛弃咗家眷，有啲系去做生意，有啲呢，就系从政，时间因循耐咗，就系外边结埋婚，从此滞留在外，好耐都再冇返过家乡。

点样呢？你听一听，好，系咪好似今日嘅情形呢？今日唔系有好多子女争先恐后到外地去移民，将父母留喺家乡而不顾咩？唔系好多子女响外国定居，再唔返嚟探望乡下嘅父母咩？

佛陀又继续开示：“或在他乡，不能谨慎，被人谋害，横事钩牵，枉被刑责，牢狱枷锁。或遭病患，厄难萦缠，囚苦饥羸，无人看待，被人嫌贱，委弃街衢。因此命终，无人救治，膨胀烂坏，日暴风吹，白骨飘零。寄他乡土，便与亲族，欢会长乖，违背慈恩，不知二老，永怀忧念，或因啼泣，眼暗目盲；或因悲哀，气咽成病；或缘忆子，衰变死亡，作鬼抱魂，不曾割舍。”

译成白话文：有啲子女响外地他乡，唔能够自己谨慎小心，被人谋害死于非命，或者牵连到横祸官非里便去，受咗冤枉刑罚，坐监，进咗监牢被枷锁绑住嘞。或者又患咗病痛，遭到厄难缠身，被囚禁挨饥饿，瘦弱无人照顾，又被人嫌弃鄙视，被弃于街头巷尾，因此就丧命，冇人嚟救佢，任由日晒风吹雨淋，佢嘅尸体已经肿胀腐烂，白骨散落于他乡异国，从此就永别父母亲人，永别咗慈母嘅恩德，唔知道父母两老仲响度永久忧心念念，哭泣到眼睛都盲咗，悲哀到气喘病重，或者由于苦念孩子而衰老、死亡，就算做咗鬼魂亦都念念不忘佢哋嘅亲生儿女吔！

古代有呢啲事，今日就更多。几多做父母嘅响苦苦怀念、倚泪而坐，流泪等待爱子爱女由外国回嚟呢？流泪流到两眼都盲咗，亦都唔见到孩子回家，甚至亦都得唔到一封信，点知道孩子已经喺美国撞车身亡了，点知道响加拿大被人连累韫咗入监狱里便，又点知道孩子早已埋骨异国呢？孩子响咩国被人谋杀父母根本唔知。天下嘅父母心吖，无尽嘅慈爱惦念，流不尽嘅眼泪，做儿女嘅，你又知唔知道父母嘅悬念呢？

等我哋再读经文：“或复闻子，不崇学业，朋逐异端，无赖粗顽，好习无益，斗打窃盗，触犯乡闾，饮酒樗蒲，奸非过失，带累兄弟，恼乱爹娘，晨去暮还，不问尊亲，动止寒温，晦朔朝暮，永乖扶侍，安床荐枕，并不知闻，参问起居，从此间断，父母年迈，形貌衰羸，羞耻见人，忍受欺抑。”

译成白话文：又有啲做儿子嘅唔中意上学念书，但系去交结一啲异端不良嘅朋友、无赖嘅坏蛋，学一啲不良嘅习惯，打斗偷窃抢劫、侵扰街坊、酗酒赌博、作奸犯科，拖累自己嘅兄弟，气坏咗父母。又早出夜归，出入从来唔问一问父母起居系冷系热、是否平安，由月头到月底，亦都永远唔去扶持老父老母，更唔去安排床铺俾父母休息，亦都唔会去问候父母一声，从此就隔离咗嘞。父母年老衰弱咗，忍受呢一切子女嘅欺负，而且亦都羞于见人，唔敢同人诉说。佛陀好似系预见到今日嗰啲不良嘅少年、不良嘅青年，睇下嗰啲逃学唔肯念书、不求上进嘅青年人，你睇下！嗰啲响外面滥交嘅阿飞，呢啲青年人已经学坏咗啦。佛陀呢一段开示，唔系佢哋嘅活生生嘅写照咩？

等我哋再继续读经文：“或有父孤母寡，独守空堂，犹若客人，寄居他舍，寒冻饥渴，曾不知闻。昼夜常啼，自嗟自叹，应奉甘旨，供养尊亲。若辈妄人，了无是事，每作羞惭，畏人怪笑。”

译成白话文嘅系：有啲系父亲孤单咁样一人，或者系母亲守寡独居，独自守住空房，好似系客人寄居响别人嘅屋企之中。系饥饿、系苦渴、系受寒、系冻死都冇人知道，冇人可怜，唯有自己伤感嗟叹啫。而做子女嘅理应尽用甘美嘅食物去供奉父母先啱，但系有啲狂妄之徒根本冇将呢件事放喺心上，做父母嘅呢，只好自已惭愧，唉，恐怕被人耻笑。

现在嘅社会唔知有几多单身嘅母亲或者单身嘅父亲独力抚养儿女，等到儿女养大成人，自己已经老嘞，揾唔到工作，又揾唔到伴侣，孩子长大飞走咗，亦都唔问父母系死系生，系病定是健康。单身嘅母亲或者父亲为咗儿女牺牲咗佢哋一生，换嚟嘅只系被儿女遗弃。呢一啲现象，原来两千几年前佛陀亦都早有指出嚟吖，正是“可怜古今父母心，无情最是离巢燕。”我套用咗唐代大诗人白居易嘅名诗改编咗呢两句，我唔系诗人，但系咏叹唔到世间父母被子女遗弃嘅悲惨。

我哋再听佛陀嘅开示：“或持财食，供养妻儿，忘厥疲劳，无避羞耻；妻妾约束，每事依从，尊长瞋呵，全无畏惧。或复是女，适配他人，未嫁之时，咸皆孝顺；婚嫁已讫，不孝遂增。父母微瞋，即生怨恨；夫婿打骂，忍受甘心，异姓他宗，情深眷重，自家骨肉，却以为疏。或随夫婿，外郡他乡，离别爹娘，无心恋慕，断绝消息，音信不通，遂使爹娘，悬肠挂肚，刻不能安，宛若倒悬，每思见面，如渴思浆，慈念后人，无有休息。”

译成白话文：有啲人用财富同埋美食去供应妻儿子女一啲都唔会觉得辛劳，亦都一啲唔会避畏，被妻妾管束就事事都顺从，但系父母尊长嘅教训呵责，佢就毫无敬畏嘞。又有一啲女儿，未出嫁之前呢，系好孝顺，但系嫁出咗去之后就渐渐变咗不孝嘞，父母轻微责骂佢哋，佢哋就心生怨恨。又有啲女儿跟随丈夫去咗外地，离别咗自己嘅父母亦都毫无留恋怀念，完全断绝咗消息，不通书信，使到父母牵肠挂肚、惦念担心，冇一个时刻系可以安心嘅。呢一种痛苦就好似被倒吊咁挂起嚟一样，时时响度思念子女，系无时休止嘅。

一般嚟讲，嫁出去嘅女儿大多数仍然系孝顺怀念父母嘅。东西方民族性嘅唔同，风俗嘅唔同，观念亦都有分别，就一般而言，中国人嫁出去嘅女儿孝顺父母嘅比较居多，亦都能够怀念同照顾爹娘，同埋娘家嘅手足，女婿亦都大多数都能够孝顺自己嘅父母同岳父母。而西方人嫁出去嘅女儿呢，一般就比中国人嘅女儿要薄情一啲，只知道丈夫不管爹娘，洋女婿同岳父母亦都有好多相处得唔系咁好。但系到咗而家呢个时代，可能东西方嘅人都系逐渐变成一样。

佛陀上述嘅一段话所指出嘅情形可能响古代印度之中系较中国普遍，我哋唔好错认佛陀系指责所有嫁出去嘅女子都系咁不孝，中文嗰个“或”字系“有啲人”嘅意思。

跟住我哋嚟讲第五点：不孝，大地恒久的哀歌。佛陀举例讲说不孝嘅子女嘅一啲例子之后，于是就结语话：“父母恩德。无量无边。不孝之愆。卒难陈报。”

佛陀话：“父母嘅恩德无量无限咁深，儿女不孝之罪点样亦都讲唔尽。”佢嘅意思就系话，仲有好多好多不孝不义嘅人根本就讲唔完、讲唔尽。

好，等我哋嚟继续研究经文：

“尔时，大众闻佛所说父母重恩，举身投地，捶胸自扑，身毛孔中，悉皆流血，闷绝躄地，良久乃苏，高声唱言：‘苦哉，苦哉！痛哉，痛哉！我等今者深是罪人，从来未觉，冥若夜游，今悟知非，心胆俱碎，惟愿世尊哀愍救援，云何报得父母深恩？’”

译成白话文：响嗰个时候，大家听咗佛陀所讲嘅父母种种深厚恩德之后，大家都扑伏响地面上，披打胸口，身体嘅毛孔都因而流出血，仲有一啲人晕倒响地上，好耐先再苏醒过嚟，众人都高声叫喊：太苦了，太苦了，实在系好痛心，好痛心吖！我哋现在都系罪深嘅人，从来都唔知道自己嘅不孝罪深，好似处于黑暗之中游荡咁无明，现在至觉悟前非，心胆都难过得好似碎咗一样，唯有祈求老师您衰怜我哋、教导我哋点样去报答父母嘅深恩。

呢一段描述，听咗法嘅弟子，人人被佛陀嘅开示所感动，悔悟嘅情形。现代人可能必定会觉得可笑同难以置信。点解弟子佢哋会全身毛孔流出血又会晕倒呢？我谂系咁样嘅情形，印度古代有一种风俗，响悲伤难过嘅时候就撕裂自己嘅衫，自己拼命打胸口高声痛哭，瞓喺地上嘅沙石之中打滚折磨自己，呢啲系用自我折磨嚟赎罪嘅意思。响沙石之中打滚咗耐咗，裸露嘅皮肤又点会唔流血呢？咁样响白日之下滚来滚去，就难免有啲人会晕到昏迷嘞。正是好似陶渊明讲过：“悟已往之不谏，知来者之可追。”

我哋继续听佛陀嘅开示：“尔时，如来即以八种深重梵音，告诸大众：‘汝等当知，我今为汝分别解说：假使有人，左肩担父，右肩担母，研皮至骨，穿骨至髓，绕须弥山，经百千劫，血流没踝……”（注：接下文）

232.唤醒生命中的至亲至爱（四）

（注：接上文）“……血流没踝，犹不能报父母深恩；假使有人，遭饥馑劫，为于爹娘，尽其己身，脔割碎坏，犹如微尘，经百千劫，犹不能报父母深恩；假使有人，为于爹娘，手执利刀，剜其眼睛，献于如来，经百千劫，犹不能报父母深恩；假使有人，为于爹娘，亦以利刀，割其心肝，血流遍地，不辞痛苦，经百千劫，犹不能报父母深恩；假使有人，为于爹娘，百千刀戟，一时刺身，于自身中，左右出入，经百千劫，犹不能报父母深恩；假使有人，为于爹娘，打骨出髓，经百千劫，犹不能报父母深恩；假使有人，为于爹娘，吞热铁丸，经百千劫，遍身焦烂，犹不能报父母深恩。’”

翻译成白话文系：响嗰个时候，佛陀就用八种深重嘅梵音对大众话：“你哋听住，我现在分别一一解说俾你哋听。”呢度所讲嘅梵音呢，可能系指佛音而言，或者系佛陀用八种唔同嘅地方方言嚟说法。印度系由好多个国邦所组成，有好多种唔同嘅方言，博学嘅佛陀好可能系通晓好多种方言，因为古代中国译经嘅人将印度嘅文字、语言、音乐好多都译为梵字。所以我推断呢度嘅经文所话嘅八种梵音呢，可能系八种唔同嘅方言，而唔系同时一齐发嘅世俗以为有八种神通嘅佛音，因为喺呢度说理只系用普通语言就已经使到人听得懂，无须运用咩神通。仲有，嗰个时候嚟听佛陀说法嘅人好多系来自各地方唔同嘅邦国，未必个个都听得明佛陀讲嘅巴利文。佛陀于是自己将最重要嘅说法用八种唔同嘅语言嚟讲俾在场嘅各种各邦嘅民族嚟听。你睇下，今日嘅天主教教宗唔系响每年嘅圣诞节同复活节站喺圣彼德大广场嘅听众，用拉丁文、意大利文、法文、西班牙文、英文、俄文、希腊文等等十二种语文去讲道咩？我推断两千多年前，佛陀说法亦都曾经用多种语言嚟讲嘅。

佛陀对大众话：“假如有任何人，左边膊头挑担住父亲，右边膊头挑担住母亲，挑担到皮烂见骨，亦都见到骨髓，咁辛苦绕住宇宙嘅中心须弥山行走，走咗上千千百百年代嘅漫长时间，流血流到浸到上脚踝上便，就系咁样做呢，亦都唔能够报答父母嘅深恩。假如有任何人响饥荒灾难嘅时候，为免爹娘挨饿就尽自己嘅全身嘅肉斩成肉酱嚟供养父母，咁样供养千千百百万万年代咁耐，同父母嘅深恩相比呢，只系好似微尘一样咁微小，仲系冇办法报答得尽父母嘅深恩嘅。又假如有任何人为咗要报答爹娘，就自己挖咗双眼去奉献俾佛菩萨，咁又千千万万嘅年代之后，仲系冇办法报得尽父母嘅深恩。亦都假如有任何人为咗报答爹娘，就用利刀自己割出心肝内脏，血流满地亦都唔怕痛苦，咁样经过千千万万无数年代，亦都系报答不尽父母嘅深恩。假如有任何人为咗报答父母深恩而用千刀万斧嚟刺斩自己嘅身体，响左边插入，右边刺出，咁样经过千千万万无数年代，仲系冇办法报答得尽父母嘅深恩㗎。假如有人为咗报答爹娘就自己打碎骨头，打到流出骨髓，就算经过千千万万无数年代，亦都系报答不尽父母嘅深恩。假如有任何人为咗报答父母而去吞好热嘅铁丸，就算经过千千万万嘅无数年代，令到自己全身焦烂，亦都系永远永远报答唔尽父母嘅大恩大德。”

响呢七段譬喻里便，佛陀用咗七种唔同嘅受苦方式去譬喻而已，而唔系叫人咁样做，做呢一，做呢一啲事先能够报答父母，佛陀系咁样譬喻，等于就系话肝脑涂地亦都报不尽父母嘅大恩。读经嘅人千万唔好错解咗经意而去自己残害自己嘅身体生命，以为可以报父母嘅大恩吖。从前佛教嘅出家人盛行焚指报亲恩，就系用火油将自己嘅十只指燃烧嚟供佛，以为咁样就可以报父母嘅大恩，呢一种做法可能系一种愚不可及嘅迷信愚行。我哋谂一谂，假如焚指受痛苦可以报父母恩，咁样将自己整个人都当作烧猪嚟烧烤供佛唔系就更大功德咩？咁样父母就可以成佛做神仙啦咩？你如果唔小心搞伤咗手指流血，你嘅母亲就会心痛焦急无比，点样会要你去焚指报恩呢？佛教有好多陋规同唔合理嘅迷信传统，好似焚指报恩之类都系唔系佛陀嘅本意，要学佛就得正本清源去研究原始嘅佛经，唔好轻信任何嘅迷信。

好，等我哋继续研究经文落去。

“尔时，大众闻佛所说父母恩德，垂泪悲泣，痛割于心，谛思无计，同发声言，深生惭愧，共白佛言：‘世尊！我等今者深是罪人，云何报得父母深恩？’”

呢一段系话大家听咗佛陀开示父母恩德系太深重，难以报答得尽，大家都流泪悲伤喺度喊，心痛得就好似被刀割一样。大家谂来谂去亦都谂唔出一啲咩方法去报答父母恩，同时大家惭愧同佛陀话：“老师，我哋现在都知道自己系不孝嘅罪人了，但系要点样做先能够真正报答到父母嘅深恩呢？”

佛陀又继续讲：“佛告弟子：‘欲得报恩，为于父母书写此经，为于父母读诵此经，为于父母忏悔罪愆，为于父母供养三宝，为于父母受持斋戒，为于父母布施修福，若能如是，则是名为孝顺之子；不作此行，是地狱人。’”

译成白话文：佛陀开示佢嘅弟子话：“你哋想要报答父母嘅深恩，你哋必须为父母抄写呢一本《佛说父母恩重难报经》，为父母诵念呢一部经文，要为父母去忏悔，消除佢哋嘅罪业，为父母去供养佛法僧三宝，为父母去持戒食素，为父母去布施修福，假如能够咁样做，先系真正孝顺嘅仔女，如果连呢啲都做唔到，将来就会落地狱㗎！”

佛陀再对佢嘅弟子开示：“佛告阿难：‘不孝之人，身坏命终，堕于阿鼻无间地狱。此大地狱，纵广八万由旬，四面铁城，周围罗网。其地亦铁，盛火洞然，猛烈火烧，雷奔电烁。烊铜铁汁，浇灌罪人，铜狗铁蛇，恒吐烟火，焚烧煮炙，脂膏焦燃，苦痛哀哉，难堪难忍，钩竿枪槊，铁锵铁串，铁槌铁戟，剑树刀轮，如雨如云，空中而下，或斩或刺，苦罚罪人，历劫受殃，无时暂歇，又令更入馀诸地狱，头戴火盆，铁车碾身，纵横驶过，肠肚分裂，骨肉焦烂，一日之中，千生万死。受如是苦，皆因前身五逆不孝，故获斯罪。’”

呢一段经文系佛陀接上文嚟解释不孝嘅人点样落地狱受罪。佛陀告诉阿难话：“嗰啲不孝嘅人，到咗肉身死亡命终嘅时候，会因为有不孝嘅罪名而被罪业沉重咁拖落地狱，呢个地狱叫做阿鼻无间地狱，系最低层嘅大地狱，面积一供有八万由旬咁大。”响呢度我要注解一下，“由旬”系古代印度嘅一里，大约系等于现代嘅十六英里，各家说法不同，我采用十六英里嘅说法。八万由旬就大约相当于一百二十八万平方英里嘞，都系譬喻嘅约数而已。呢座无间地狱四面都系铁铸嘅城墙，周围都有铁罗纲，地面呢，亦都系铁铸嘅，大火响度猛烈焚烧，又有雷轰电闪，又有白热嘅铜汁铁汁去浇淋有罪嘅人，又有铜狗铁蛇响度喷火嚟焚烧罪人，又有油锅烹炸罪人。种种嘅刑罚痛苦不堪，难以忍受。又有铁钩、干啦、枪啦、茅啦、铁链啦、铁锤啦、铁戟啦、剑林刀轮啦，好似雨点咁多，好似云咁大，由空中降落去惩罚嗰啲罪人。或者系砍杀，或者系刺穿，唔知要惩罚到几多千千万万年代，系无片刻嘅停止。而且仲有鬼卒夜叉将罪人驱赶到去其他嘅地狱，叫罪人头戴火盆，用铁车去辗碎佢哋嘅身体。铁车冲驶过去嘅时候，罪人嘅肠肚就裂开了，骨肉焦烂，一日之中真系唔知死过几多次。唉，咁样受苦又为咩呢？就系因为呢啲罪人生前五逆不孝，所以受到呢一种恶报苦刑嘅惩罚。

佛陀开示嘅上面呢一段描写阿鼻地狱、无间地狱嘅惨况，已经有人提出过疑问，要叫佢攞出科学证据去证明无间地狱响边度。惭愧惭愧，唔系科学家，亦都冇咩证据可以证明地狱存在，只有要问科学家留待将来继续研究。不过我推想，宇宙之中嗰啲黑洞，好可能就系地狱，黑洞嘅高热唔知有几千万度，黑洞嘅物质浓度同埋比重唔知大过我哋世界嘅几千亿倍，黑洞嘅吸力系好大，无论咩物质或者非物质，被黑洞吸入去都被焚化成为飞灰，就系非物质嘅微中子亦都唔能够例外。人死咗之后，肉体物质腐化败坏，但系灵识仍然存在，灵识唔系物质，所谓中阴身，可能系由非物质嘅微中子构组而成。假如呢个人系修行人，心地光明纯洁清净，又冇恶业缠身，当然清醒就会飞向光明，接受诸佛嘅接引，各自随佛缘去各种净土啦。假如呢个人一生作恶呢，有好多恶业牵缠，佢嘅心地一定系黑暗污秽，死后就自然系仍然无明，神识昏昏迷迷，随住恶业嘅黑暗吸力而去，如果唔系轮回响畜牲道就系进入咗黑暗可怕嘅地狱，可能喺黑洞去受嗰啲种种嘅刑罚嘞，而且可能喺嗰啲刀山油锅、刀剑茅戟、钩绳之中受苦，相信只系佛陀嘅譬喻啫，就系话进咗地狱受苦嘅种种痛苦就好比受到刀山油锅一样。因为人嘅感觉系从经验先知道，古时候嘅印度人或者中国人由经验之中知道有刀山剑林嘅斩斫之苦，亦都见过油锅烹炸畜类，所以亦都只能用呢啲嘢去譬喻地狱嘅痛苦。如果佛陀系现代人，或者就会话有死光啦、毒气啦，用水银剥皮啦，用灌滚水、灌滚油啦，呢一类现代嘅残酷名词，呢一啲酷刑呢，去做譬喻。或者地球同其他星球嘅火山口之下就可能系地狱啦，或者地球嘅中心白热熔岩铁桨亦都系地狱之一啦，可能呢，咁样讲亦都有啲符合佛陀开示四面都系铁墙嘅地狱。总之，无人去过地狱嘅人又点会知道系有冇地狱呢？而去过地狱嘅人又冇返过嚟，一啲口信都冇。不过，就算物理学上冇办法证明系有冇地狱，心理上就唔系咁难去解释地狱嘅存在嘅。一个人假如行善做好人系心理上嘅愉快光明，自然就唔会响佢心里便有咩罪恶感。响佢嘅知识同埋听嚟嘅观念之中，佢已经知道作恶会落地狱受罪，而佢亦都冇做坏事，心中坦荡荡、光明正大，佢当然呢，就肯定咗自己唔会落地狱，所以佢嘅心就唔会出现地狱嘅境相。相反嚟讲，一个人假如又不孝，又唔行善，又多做坏事、多作恶业，无论佢点样唔信鬼神、唔畏因果吖，唔信道德、唔信公理，佢心里便嘅潜意识之内总会有多多少少存留住一啲由幼年听到嘅因果论，“善有善报吖，恶有恶报”吖，同埋一啲有关地狱嘅受苦受罪嘅传说。等到呢个人命终之后呢，佢嘅潜意识就会伴住中阴身免不了就会产生对地狱嘅恐惧同幻境，咁样地狱嘅一切苦刑就喺佢嘅神识之中幻现，亦都可以话良心自责嘅罪恶感折磨番佢自己。

佛陀讲过心生万法，又讲过诸法都系由心生，咁样地狱嘅一切恐怖境像同刑罚嘅痛苦都系由罪人嘅心中自责而产生，化幻为真，就好似活人响做恶梦一样，咁样亦都系地狱嘞。如果讲“地狱系响罪人嘅心目中里便”呢句说话可以讲得通呢，何必一定要扯上黑洞同火山洞呢？佛陀设教解说罪人必入地狱受苦刑永不得翻身，系要将呢种因果论嘅恶有恶报嘅定律灌入人嘅心，警戒人唔可以作恶。一啲自命好科学嘅人自作聪明嚟否定因果论，否定地狱之说，咁样做以为系好科学咩？如果你哋咁样做系等于否定咗杀人者必判死刑、劫盗都必被判枪弊等等嘅法律，如果否定咗呢啲法律刑罚就系助长犯罪，助长犯罪，认同呢啲定律嘅人呢，亦都等于自己犯罪一样，点解要否定地狱嘅阻吓犯罪、行恶嘅功用呢？

跟住落嚟我哋要同大家研究嘅系最后一点，第六：“云何报得父母恩”。等我哋继续听佛陀开示啦：“尔时，大众闻佛所说父母恩德，垂泪悲泣，告于如来：‘我等今者，云何报得父母深恩？’”

佛陀嘅弟子听闻佛陀所讲父母种种恩德，人人都流泪哭泣，再次请问于老师：“我哋从今以后要点样先可以报答父母嘅深恩呢？”

经文：“佛告弟子：‘欲得报恩，为于父母造此经典，是真报得父母恩也。能造一卷，得见一佛；能造十卷，得见十佛；能造百卷，得见百佛；能造千卷，得见千佛；能造万卷，得见万佛。是等善人，造经力故，是诸佛等，常来慈护，立使其人，生身父母，得生天上，受诸快乐，离地狱苦。’”

译成白话文系话：佛陀就开示弟子：“你哋想要报答父母嘅深恩，就必须为父母印送呢一部经典，呢一部经系真正能够报答到父母嘅大恩。你能够印送一卷就见到一位佛，印送十卷呢，就见到十位佛，印赠百卷呢，就得见一百位佛，印赠一千卷呢，就得见一千位佛，印赠一万卷呢，就得见一万尊佛。咁样嘅善人发心出力印赠呢一部经会得到诸佛菩萨嚟加持保护，使到佢哋嘅生身父母都可以获得接引往生净土，永远快乐，永远唔会受地狱嘅苦报。”

呢一段佛陀嘅开示系教我哋印赠呢一部孝经就有功德，可以获得诸佛菩萨嘅加持，接引父母往生极乐净土，咁样做系最好报答父母大恩嘅方法。有人问我印呢本经有咩功德呢？点解会获得佛去庇佑父母呢？我嘅答案系话：印赠呢一本经可以启发人人孝顺父母，人人行善，人人戒杀生、戒作恶，消除咗社会上好多罪行，所以印呢本经特别有大功德，会得到诸佛各大菩萨嘅加持同埋庇荫。

佛陀跟住再讲：“尔时，阿难及诸大众、阿修罗、迦楼罗、紧那罗、摩侯罗伽、人非人等、天、龙、夜叉、乾闼婆、及诸小王，转轮圣王，是诸大众闻佛所言，身毛皆竖，悲泣哽咽，不能自裁，各发愿言：我等从今尽未来际，宁碎此身犹如微尘，经百千劫，誓不违于如来圣教；宁以铁钩拔出其舌，长有由旬，铁犁耕之，血流成河，经百千劫，誓不违于如来圣教；宁以百千刀轮，于自身中，自由出入，誓不违于如来圣教；宁以铁网周匝缠身，经百千劫，誓不违于如来圣教；宁以锉碓斩碎其身百千万段，皮肉筋骨悉皆零落，经百千劫，终不违于如来圣教。”

译成白话文：响嗰个时候，阿难尊者同埋其他大众弟子，仲有啲阿修罗啦、迦楼罗啦（迦楼罗啦，就食龙嘅金翅鸟，系天龙八部之一）、紧那罗啦（紧那罗系一种非人嘅神，亦都系天龙八部之一），其他嘅仲有摩侯罗伽啦（啫系大网神），同埋嗰啲人非人、仙人吖、天龙吖、夜叉吖、虔闼婆吖（虔闼婆系香神同乐神），同埋一啲小王，仲有转轮圣王等等等等好多嘅弟子大众，听到佛陀开示之后都激动得毛骨悚然、悲泣哽咽、不能自制，佢哋都一齐发愿话：“我哋从今以后一直到未来无穷尽嘅时间都宁愿粉身碎骨成为微尘，经历千千万万嘅年代，亦都誓言永远唔会违背佛陀您嘅教训；我哋宁愿被铁钩拔出舌头，拖到十六里咁长，被铁犁耕犁到血流成河，就算经过千千万万嘅年代，亦都誓言唔会违背佛陀您嘅教训；我哋宁愿被千刀万剐穿插刺身，插出插入多少千次，亦都誓愿唔会违背佛陀您嘅教训；我哋宁愿被铁网周围捆绑全身，经过千千万万嘅年代，亦都誓言唔会违背佛陀嘅教训；我哋宁愿被刀斧斩斫碎尸千万段，皮肤筋骨都零碎了，虽然经历千千万万嘅年代，亦都唔会违背佛陀您嘅教训。”

“尔时，阿难从于坐中安详而起，白佛言：‘世尊，此经当何名之？云何奉持？’”

响嗰个时候，阿难就由座位安祥起立，向佛陀请问：“世尊，依部经应该用咩名呢？点样去奉持佢呢？”

“佛告阿难：‘此经名为父母恩重难报经，以是名字，汝当奉持！’尔时，大众、天人、阿修罗等，闻佛所说，皆大欢喜，信受奉行，作礼而退。”

译做白话文：佛陀就开示阿难话：“呢一部经文呢，就命名做《父母恩重难以报答》嘅经文，你哋应当用呢个经名去奉持。”嗰个时候，大众弟子、天人、阿修罗等等听闻佛陀咁样嘅开示，人人都皆大欢喜，都信奉实行，人人行礼之后，然之后退席。

念呢本经之后呢，须要加念一个报父母恩咒四十九遍，嘅念法就系：

南无密栗哆 哆婆曳 娑诃

南无密栗哆 哆婆曳 娑诃

南无密栗哆 哆婆曳 娑诃

念呢个咒文就可以用呢个功德去回向俾我哋嘅父母，报答我哋嘅父母恩。（注：接下文）

233.唤醒生命中的至亲至爱（五）

（注：接上文）

响上面我哋已经正式研读完咗《佛说父母恩重难报经》。呢本经嘅文字唔算系好深奥，道理亦都好简单，可能就系因为咁，一向未受到学佛人嘅重视，并未予以推广，以至好多人都唔知道有呢一部经，甚至仲有人误解咗佛教，以为佛教主张出家修行系唔要父母嘅，系唔孝顺父母嘅。现在我哋研读过呢本佛说嘅孝经，我哋就知道佛陀当时已经出咗家，成咗佛，仲要特别开示教弟子去孝敬父母呢。读咗呢部佛经我哋就知道，所谓学佛修行并唔系弃家出走，抛弃父母妻子先可以去修行。佛陀当日抛弃嘅系荣华富贵同未来嘅王位，佢并冇抛弃父母妻子，成道之后嘅佛陀仲迎接佢嘅父母同妻子一同去修行，使到父王同个后母全家都得免于被后来嘅兵变屠杀，父母亦都后来修成佛。佛陀嘅太太、太子妃耶输陀罗同佢嘅仔罗候罗亦都修成咗菩萨品位，佛陀亦都超度咗佢亲生母后成为佛母。你睇下，佛教边度系唔要父母妻子嘅呢？佛陀系主张将世俗嘅亲情度化为修行嘅法眷同证菩提吔。

读咗呢本经，我哋就应该自我检讨下自己系唔系对得住我哋嘅父母亲呢？我哋应该点样去报答父母养育嘅辛劳大恩呢？一个明白佛理做人、一个懂得保健知识嘅人，系唔会用酒肉同各种莫名其妙所谓补品去供养父母嘅，因为肉食同超补徒然会使到父母亲得到高血压、糖尿病、心脏病、肠胃病、中风、癌症，促使父母亲早死而已。真正懂得点样去孝敬父母嘅人系应该用保健嘅素食方法去供奉父母嘅，素食系可以使到父母免于高血压、糖尿病等等嘅致命疾病，因而可以健康长寿，活得快乐安逸。真正识得孝敬父母嘅人系会趁住父母仲健在就多多承欢膝下，多多照料父母嘅生活同保健，要等到父母唔在世嘅时候先去后悔悲伤，咁又有咩用呢？真正识得孝敬父母嘅人，要报父母嘅大恩，除咗供奉金纸之外，仲应该尽力去为父母做一啲善事嘅布施，用呢个功德回向俾佢哋。

如果要报父母嘅大恩，我哋就应该好好保重自己、洁身自爱、努力上进、学业有成、事业有成，以慰父母嘅殷切期望。真正要报父母嘅大恩，我哋就应该为父母持诵佛经佛号，亦都要接引父母信佛修行，能够接引到父母修行成道，了生死，唔须要再轮回，呢个先系真正报恩。父母如果不幸唔喺世上嘞，亦都应该为佢哋多行善事回向俾佢哋，超度父母往生去净土。一个人如果系不孝不义，纵然系自己出家苦修，亦都系抵消唔咗不孝嘅罪行。你可以见到，有冇不孝嘅人能够成佛呢？孝行就系修行嘅一项砥砺品德嘅方法，孝行系修行嘅基本法门之一。如果唔修孝行，咁应该修咩呢？修打坐观心，咩苦行，咩秘法，我相信呢啲都系水中捞月，一定得唔到正果嘅。

冇错，呢本经系简单浅白，但系包含咗人生嘅主张、人生嘅大道理，孝行就系最重要嘅基本修行方式，使到我哋嚟学习同埋正式实行佛陀嘅教悔，亦都让我哋能够推广呢种修行方法。好，但愿全世界嘅人都孝敬父母，由孝义开始进入高尚嘅品德，从而一步一步再进入佛法嘅三昧，解脱生死，往生极乐世界。

好，跟住我哋嚟研究冯冯居士嘅学佛心得。继续同大家讲嘅系“韦陀菩萨系边一个？”

观世音菩萨寻声求苦，普渡慈航嘅灵异奇迹从古至今多得不可胜数，古今都有无数沐恩嘅人呢，记述观音菩萨嘅灵异感应，无论系咪信佛嘅人，个个都知道观音菩萨嘅人。佛寺凡系供奉观音菩萨亦都会供奉韦陀菩萨，至于韦陀菩萨就较少人提及佢嘅威灵降魔同救苦渡厄嘅奇迹，甚至几乎于没有。但系大家又知唔知道韦陀菩萨系边个呢？经论之中好少提及韦陀菩萨，关于韦陀菩萨嘅传说亦都极为罕闻，响近人嘅著作之中，我只系见到虚云老和尚嘅年谱里便曾经提及韦陀菩萨嘅请厄奇迹。响一九四一年，日本军队侵占香港嘅一个夜晚，有一位郑子嘉居士，全家惶怖无计，唯有讨念观音菩萨。就喺嗰个夜晚，佢哋梦见一位金光四射嘅金甲神人，庄严威仪无比，指示佢哋全家向新界东北角逃走，往北走。佢哋全家醒嚟嘅时候，都讲同一个梦。响炮火嘅隆隆声中，佢哋全家连夜逃向东北角。响嗰个时候，日军已经由大亚湾登陆，封锁咗边境，佢哋全家都以为能够脱难脱险，响黑夜之中，有一团光呢，指引佢哋、带领佢哋全家老少避开咗日军封锁嘅守兵落慌而逃，终于到达咗东北角嘅边境。响嗰个时候佢哋全家已经疲惫不堪，如果遇到日军呢，就一定唔能够生还，点知东北角上嘅边境竟然毫无日兵嘅巡哨㖞，佢哋全家老少十余口竟然得以平安通过，进入咗内地。后来佢哋经过惠州到农村再北上到韶关，途经南华寺。嗰个时候虚云老和尚就喺嗰度施粥赠衣去救济难民，佢哋一家得以少安，于是就进入南华寺，但系当佢哋拜佛嘅时候，抬头一睇，嗰位金甲威武嘅神人塑像正系佢哋全家梦中所见嘅天神，于是佢哋去问一问请教虚云老和尚，原来先知道呢一位救佢哋全家脱险就系韦陀菩萨。佢哋全家慌忙顶礼叩谢，而且立刻发心捐献修塔去供养菩萨。

呢一类真实嘅韦陀菩萨威灵事迹系虚云老和尚亲口讲，亦都有嗰位郑子嘉居士全家嘅作证，由岑学吕居士记录，收喺《虚云老和尚年谱》呢一本书里便。当我写《空虚的云》呢一本书嘅时候呢，亦都有提过，亦都采用咗呢一段资料。我自己好幸运认识韦陀菩萨嘅不可思议伟大救苦渡厄同埋降魔嘅大能力，我自己从小就深深得沐观音菩萨同韦陀菩萨慈悲嘅恩惠，有数不清嘅灵异感应。响我屋企嘅佛堂之中都有供奉观音菩萨同韦陀菩萨，嚟过我屋企嘅客人都曾经见过呢两尊菩萨嘅雕像，人人都觉得奇怪，因为好多人响屋企供奉观音菩萨，但系好少人响屋企供奉韦陀菩萨，有啲访客甚至问我：“呢位系咪关圣帝君吖？点解佢唔揸青龙偃月刀嘅？”好多中国人家庭系供奉关圣帝君，难怪有啲人误认韦陀菩萨就好似关圣帝君！碰到呢啲问题我就必须一一耐心去回答。啲访客问我：“你点解唔供奉关公而去供奉韦陀呢？”有啲访客亦都问我：“关公系帝君，韦陀只不过系一位小小嘅护法神啫。”我好谅解人重视关公而轻视韦陀，我知道一般人崇拜关公嘅忠义而丝毫唔懂得韦陀菩萨嘅身份同埋大能，一般寺庙亦都冇重视韦陀菩萨，往往只将韦陀菩萨供奉响偏殿或者一个角落，有一啲庙宇呢，甚至只将佢供奉响大门口或者影壁嘅后面，当佢系守门神，咁样做法就令我大惑不解了。韦陀菩萨，有一位比丘曾经咁样答复我，呢个唔系替佛门看门嘅神咩？韦陀菩萨系十八伽蓝之一吖嘛！另外一位出家人就讲：“系护法，佢系看守庙门，佢唔系佛。”但系我又话：“你话韦陀菩萨唔系佛，但系我请教你，佛经点样讲？何谓众生是佛？你知唔知道吖？你讲韦陀菩萨只系一个小小嘅护法神，你知道可能你咁样讲系造咗口业，你快啲响韦陀菩萨顶礼忏悔。”或者呢种说法系讲得太过火，但系对也好，错也好，呢个就系我反映佛教真实嘅一面，我从无骄饰，我以真面目对人，响修行嘅戒律之上可能系好差。呢件小故事反应出一般人对于佛寺庄严嘅唔注重，同埋佢哋对于佛像嘅唔尊敬，呢一点系会令我会产生瞋恨心。我唔喜欢任何人唔敬佛像，我亦都唔喜欢任何人轻视韦陀菩萨，话佢只系一个小小嘅护法神。

韦陀菩萨系咪只系一个小小嘅护法神呢？我所知道嘅韦陀菩萨不单止系小小嘅护法神，响我以前嘅研究里便，曾经提过韦陀菩萨嘅三重彩虹周天圆光，佢曾经数次响我屋企佛堂上空，三百六十度三重彩虹广罩周围数百尺嘅天空。我喺一啲写作里便亦都曾经提出过韦陀菩萨嘅真正身份。我一向知道韦陀菩萨唔系一位普通嘅神，而系一位菩萨，佢唔系“Deva”，佢唔系“天”，而系“菩薩Bodhisattva”，亦都系一位古佛。一般人以为佛只有一个，只有释迦牟尼系佛，实际上众生悟时即佛，众生修成十地菩萨，亦都修成佛位嘅好多。响多元幅度宇宙嘅无限无边世界之中，有无数嘅佛，释迦牟尼佛就系为咗一大事因缘，就系度世人而出世而嚟，弟子尊之为“世尊”。但系后世误认咗以为只有一位佛，呢一个观念恐怕或多或少亦都受到咗犹太基督教嘅一神思想影响。最著名嘅古佛之一就系阿弥陀佛，但系好奇怪，好多人念“阿弥陀佛”，但系唔知道或者唔认识到阿弥陀佛就系古佛，亦都系未来佛，响佛经上讲到好明白，文殊师利系过去佛，释迦牟尼系现在佛，阿弥陀佛就系未来佛，佛经本本都讲宇宙有亿万无限嘅佛土同埋佛菩萨。另外一位最著名嘅古佛就系观世音菩萨，佢以悲愿寻声救苦而自居于菩萨嘅身份，仲有古佛地藏菩萨，立誓度尽地狱众生，亦都居于菩萨位，另外有普贤菩萨亦都系古佛之一。其他好似虚空藏菩萨、贤首菩萨，呢啲菩萨呢，都系古佛，亦都系为度众生而行菩萨行，所以叫做“菩萨”。佛同菩萨其实系冇高下嘅分别，只系佛以觉悟嘅超慧而被称为“佛”，菩萨以行悲愿慈心济世救苦而被称为“菩萨”。其实佛同菩萨系一体嘅，而且响幅度宇宙嘅内外亿万佛土都有佛。《大方广佛华严经》里便每一卷都讲到好明白，亿万佛系一体，一佛即系亿万佛菩萨，一佛化身做亿万，亿万化合为一佛。

韦陀菩萨原本系一位古佛嘅化身，以行慈悲而被称为“菩萨”，以降魔护法、破邪显正而现出金甲天神嘅相貌。中国佛教一般人将韦陀菩萨误认为守门神，又误认为呢位金甲将军嘅菩萨系唐代南山道宣律师所见嘅韦陀天将军。道宣律师曾经著有《灵威要略》同埋《感通传》两部书，《感通传》有一段话：有一个天人嚟礼敬，当佢同道宣律师打过招呼之后的呢，就道出佢嘅姓名叫做王蟠。王蟠系南天韦将军之下嘅侍者。跟住冇几耐，响道宣律师面前又出现一个天人对道宣律师话佢姓费，亦都向道宣律师问礼。呢个费天人就讲，佢话弟子响迦叶佛嘅时候就已经往生去四天王天，隶属于韦将军之下，而韦将军呢，佢做童真嘅时候已经远离淫欲，修梵行，已经唔受天界嘅欲望。响四天王一个天王之下呢，一共有八将军，四大天王合埋一共有三十二位将军，往还天下去辅助保护出家人。响《法苑珠林》第十六卷亦都讲过有天人姓韦名琨，亦都系南天王八大将军嘅其中一个将神。四天王一共有三十二位将军，以韦琨将军为首。韦琨将军出生聪明智慧、早离欲尘、清净梵行、修童真业，佢曾经亲自面受佛足要护持出家人、护持三洲。后嚟呢，有啲人根据道宣法师嘅记载，认为呢位韦琨将军就系韦陀菩萨，咁样讲，韦陀菩萨就被误认为四大天王嘅手下部将嘅领班，但系恰恰将四天王同韦陀菩萨嘅真正身份，佢哋嘅关系本末倒置咗。

我所向来知道嘅韦陀菩萨，其实佢真正身份就系帝释。冇错，韦陀菩萨就系仞利天嘅天主同三千大千世界之主。四大天王系帝释嘅爱将，居于须弥山嘅半腹，峰有犍陀罗山，呢个山有四座峰头，四天王呢，分别居住响呢度，各自保护一个天下，所以叫做护世四天王，佢哋所居住嘅天界呢，就称为四天王天，系属于六欲天嘅第一度地方。四大天王分别系东方持国天王、南方增长天王、西方广目天王、北方多闻天王。关于四天王嘅记载，响《长阿含经》里便已经讲过嘞。东方嘅天王叫做多罗吒，佢统领乾闼婆同埋毗舍遮神像，保护弗婆提嘅人；南方天王叫做毗琉璃，佢统领鸠槃茶同埋薜荔神，保护南赡部洲；西方天王叫做毗留博叉，统领一切龙同埋富禅那，护渠耶离人；北方多闻天王毗沙门，佢统领夜叉同埋罗刹，保护郁单越人。响《止持会集音义》嘅记载亦都讲过，东方持国天王能够护持国土，所以居住响须弥山盖嘅金捶；南方增长天王呢，因为佢能够令到众生善根增长，所以呢，佢追，居住呢，须弥山嘅琉璃埵；西方广目天王能够以净天眼观察护持阎浮提，所以佢居住响须弥山嘅白银埵；北方多闻大王，因为佢福德名闻四方，所以居住响须弥山嘅水晶埵。响宋代智严法师所译嘅《四天王经》亦都有记载，每月六斋日四天王呢，由七耀二十八星宿嚟降下四洲，视察众生嘅善恶而报告俾帝释。

由佛经嘅记载已经可以证明四大天王系帝释嘅部属，而唔系帝释嘅上司，呢个系符合我以神识以前所见到嘅情形，我系首先用呢个神识去接触帝释同四大天王，然后先去揾佛经做证明。响四大天王之下有四方嘅大将，即系北方散支大将、东方乐欲大将、南方檀帝大将、西方善现大将，四个将军有五百部属率领二十八部天神去守护佛法嘅。现在，各处寺庙呢，所供奉嘅四大天王造像，可能系根据四方大将嘅各别特性而想象造型，所以呢，有弹琵琶嘅天王啦，弄蛇嘅天王啦，托塔嘅天王啦，同打伞嘅天王等等嘅造型，其实呢啲造型呢，实际并非四大天王真实化现嘅色相。佛经上讲嘅须弥山，一般人误以为系喜马拉雅山嘅最高峰，甚至有啲佛学学者亦都响佢著作之中讲须弥山呢，其实就系喜玛拉亚山嘅额非尔士峰啫，有啲学者话须弥山其实系唔存在嘅，系佛教采用上古印度人嘅地理贫乏知识所幻想出嚟嘅一个世界中心，因为佛经所讲嘅四大洲呢，除咗南赡部洲勉强可以讲话系印度大陆之外，其他佢讲嘅东胜神洲吖、西牛贺洲吖、北俱芦洲吖等等嘅三洲都唔能够附会考证系现代嘅任何边一笪地方，所以，所谓世界中心嘅须弥山，实际上系并无其事嘅，只系一个譬如啫，呢啲论调其实似是而非。佛讲嘅须弥山其实唔止一座，而系有无数座嘅须弥山，意思即系有无数嘅世界中心。希望大家多多研究佛经，尤其系《阿含经》同埋《华严经》，呢啲佛经呢，几乎每一品都提及佛讲过有无数嘅须弥山，有啲系大须弥，有啲系小须弥，各自成为世界嘅中心。世界中心即系宇宙嘅中心，“宇”就系各种空间，“宙”就系各种时间，即系话各种幅度时间、空间嘅世界，包括上下四方多度空间同过去现在未来，咁样讲已经系好明白咁指出每一座须弥山就系一种宇宙嘅中心。须弥山又叫做光明山，光明无比，光华亿万丈。分明佛经讲有啲须弥山就系现代太空科学所发现各座星云船系嘅中心，例如银河系中心就系一座中千世界嘅须弥山嘞。

我哋嘅物质宇宙色界系无数大大小小多元嘅小宇宙、无数空间嘅“界”交织物。小千世界太阳系无数座组成一座中千世界，佢嘅中心系无比高能高热嘅光芒亿兆里嘅一团物质，由上下正面同埋反面嚟睇呢，佢嘅形状就好似一团蛋黄，由旁边侧面嚟睇呢，就好似一座圆顶嘅光华大山，呢一个就系佛教所讲嘅光明山，呢一个就系佛经所讲嘅须弥山。星云船系中心嘅四个方向外面有黑暗嘅太空，佛经称为“海”。将太空称为“海”呢，系古代印度同埃及同希腊相同嘅。呢个无限嘅太空海之中有好多嘅小千世界，即系太阳系。咁样一分析，我哋就好容易明白佛经所讲嘅须弥山系咩嘢，佛讲嘅须弥系喺太空嘅深处，而唔系响印度同中国接壤嘅喜马拉雅山。世人唔向太空深处去揾，而去喜马拉雅山去做刻舟求剑嘅功夫，无怪乎点样亦都搞唔清真相，咁样去考据当然考据到头晕眼花亦都揾唔到事实。好多佛学学者就系固执只系讲哲学，唔肯由太空科学同宇宙学去入手研究佛所讲嘅嘢，佢哋死都唔肯接受佛讲，喺经文里便佛所教嘅系讲幅度宇宙，佢同其他众生说法，系同宇宙嘅众生说法，系讲俾宇宙嘅众生听。但系科学家固步自封话佛只系人间嘅，更冥顽不灵钻牛角尖，就算悟得咗佛学之中嘅哲理，亦都只系得到人生哲学嘅一面，而唔能够真正获得佛学嘅更深远超宇宙真理。科学家唔了解佛讲嘅宇宙跨越性，就妄自去批评佛经之内嘅超自然系神话、系迷信，真系愚不可及，不能救。响色界物……（注：接下文）

234.唤醒生命中的至亲至爱（六）

（注：接上文）

响色界物质宇宙之中有无数嘅星云船系中心，即系须弥山，佢哋带住无数嘅小千世界，即系太阳系，同埋无数嘅星体不停咁旋转，佢嘅中心响度自转，亦都响度公转。佢带住好多条船臂绕住一个更大嘅中心而进行，呢个更大嘅超级宇宙中心就系更大更高密度光度同埋热度嘅一团光热高能中心，佢嘅形状亦都系由于旋转而形成咗圆锥形嘅堆，所以称为“山”，呢个就系更大嘅须弥山，就系帝释所居住嘅地方。佢嘅四个象限，每一个象限都系帝释嘅一位部属所居住。呢啲地方就系所谓山腰嘅四峯——四大天王天嘞。

帝释同四大天王同埋佢嘅部属都唔系色身，佢哋都系超越色界嘅无色界具大高能力，呢种无色界嘅高能力系非物质高能，所以可以居住响色界，即系物质宇宙嘅中心——须弥山。虽然系温度高达摄氏数十万度，对于佢哋呢，其实系一啲都冇伤害，佢哋可以出入无色界同色界，来去自如。其实帝释系万佛亿佛之一，同万佛同体。《阿弥陀经》唔系讲过咩？“其土众生，常以清旦，各以衣裓，盛众妙华，供养他方十万亿佛，即以食时，还到本国。”呢一段经文就系讲宇宙之中有无数嘅佛，佢哋都可以随时来去，出入各时空。呢个亦都系我以慧眼、法眼、天眼综合观察所见到嘅实情。佛讲嘅须弥山，《阿弥陀经》里便所讲完全系实际嘅情形，并不是虚言。

帝释佛以佢无限嘅大能力，为咗护法度济众生就随类化现接引众生，佢对天人就化现天人嘅形相，对于我哋呢个小千世界太阳系里便嘅地球人类呢，就化现人类嘅形像。因为降魔同埋护法救危请难而现出威武金甲嘅巨神天像嘅幻相，其实呢个唔系佢真正嘅法身，呢种情况同观音菩萨系古佛，因为寻声救苦、出苦渡厄而随类化现，情形系相似嘅，观音菩萨特别以大慈大悲而现慈母相同埋慈母抱住婴儿之相，有时佢亦都会化现威武嘅大将军相。我哋要知道详细嘅情形呢，你读一读《妙法莲华经》里便观世音菩萨普门品就知道。

诸佛菩萨都唔系世人以相去求见嘅色身肉体，世人每每以相去相求，往往自堕魔障。心虽然系虔诚，但系以相去求见如来，就会由心中生出魔相，著咗相、著咗魔。所以《金刚经》讲到破执去相讲到好明白，世俗相传《金刚经》可以驱邪治鬼降魔，其实就系因为《金刚经》破执去相。若有所见邪魔，诵念《金刚经》之外，仲必须响你心中能够真正破执离相先能够得嘅。

佛陀原本系唔准去造像崇拜，但系后世唔见像就唔会生出恭敬。自从犍陀罗佛像艺术开始相沿成风，到现在寺庙呢，各个寺庙都开始塑像，造像呢，嘅人随住佢哋灵感同埋推想而塑造出每一尊佛菩萨同天神嘅形象，其中亦都可能系有真正根据目击佛菩萨化现而塑造嘅，但系当然大部分都系谂出嚟嘅居多。我哋如果若依庙宇嘅佛像去以相求见佛菩萨系唔一定正确，不过有时候佛菩萨为咗怜悯众生嘅恋慕之情，亦都会随俗化现为各人所见嘅庙宇呢个供奉嘅形相。

帝释同亿万佛亦都有呢个心愿，系仰赖众生嘅祈求而对众生现出唔同嘅情况以慰信众、以安众生嘅心。举例嚟讲，上面所讲到郑居士全家所见到韦陀菩萨化现金甲天神嘅形相呢，就系最佳嘅实例。郑居士一家如果唔见金甲天神嘅形相点能够安心呢？边有勇气去偷渡日军嘅封锁线呢？世人著相，帝释如果唔化现好似中国南华寺所供奉嘅韦陀菩萨嘅塑像，郑居士又点能够认识佢而为之见证呢？所以“有相俱妄”呢一句说话唔系错，但系佛菩萨有时亦都以幻相去达到请救渡厄嘅目的，安定众生嘅心，我哋唔能够执著“有相俱妄”呢一句说话，否定咗一切嘅现象都系非善类嘅幻相。相系幻，冇错，但系救渡众生而现幻相，虽幻亦真，若乎为咗求自己嘅私利血食或者利益而现相，虽然真亦都系妄。现相者系佛系魔，要睇呢个动机来意，我哋就可以分辨嘞。

帝释响娑婆世界被塑造为金甲天神嘅形象，除咗上述嘅种种缘故之外，其实仲有历史上嘅因素。我哋不防简单讲一讲由人民角度去睇帝释点样被称为韦陀菩萨，当然呢啲人民观点唔能够推翻帝释响无色界呢个世界里便幅度时空嘅存在。

雅利安民族响印度北部嘅西部，由游牧民族嘅生活逐渐安居而成为半牧半农嘅社会，呢度要讲到雅利安人嘅宗教信仰同埋佢哋所信奉嘅神灵。雅利安人系冇乜资料留低记载，但系取代雅利安人统治继任民族呢个韦陀民族呢，古时候译做“吠陀”，系较为安定嘅农业社会，文化发展亦都较高。韦陀民族亦都继承咗雅利安民族嘅宗教，佢哋将历代流传嘅宗教信仰同神灵嘅故事记录低，写成咗著名嘅“韦陀四经”，旧时嘅译法就叫做“四吠陀典”。呢四部经典将近千万年嘅赞颂，系婆罗门教嘅根本圣典，亦都成为后世佛教歌颂体裁嘅模范。

韦陀四经分别系：第一本《梨俱韦陀经》，《梨俱韦陀经》系讲述太古以来赞颂歌诗，共有十卷一千七百余品，一万五百八十颂；第二本系《娑摩韦陀》，《娑摩韦陀》系赞美嘅诗句而有音乐嘅乐谱，配合《梨俱韦陀经》呢，就作为供奉响宗教里便嘅仪式使用；第三本系《夜柔吠陀》，《雅喻吠陀》揆集咗太古以来嘅咒文同埋真言，分为白部同黑部两大部分，白部同黑部嘅咒文呢，同埋解说，分别都列出，黑部嘅咒语同埋解说就唔会列出（注：《雅喻吠陀》即《夜柔吠陀》，《佛光大辞典》解释《夜柔吠陀》嘅梵名系“Yaiurveda”，巴利文名同。印度古代经典“四吠陀”之一。又作耶柔吠陀、冶受吠陀、耶树薜陀、耶受毘陀、夜殊鞞陀。意译祠、祭祠、作明供施、祭祀智论。即有关祭祠、祭司所唱之咒文及其注解等之集成。《夜柔吠陀》分黑夜柔、白夜柔两种，前者咒文同解说不分，即合糅本文同梵书而成；后者咒文同解说分开，文句较短，虽乏文学价值，然却为了解印度社会状态之重要资料）；第四就系《阿达婆韦陀经》，《阿达婆韦陀经》呢，揆集咗攘灾消难嘅各种古咒，一共有二十卷，七百六十篇，六千颂。

响佛教嘅经论里便，有关韦陀嘅四经记载唔系好多，但系虽然唔系好多，讲明佛教其实冇排斥韦陀四经，仍然将佢列为参考书，知道而唔用啫。由佛经可以见到各种唔同嘅音译：“吠陀”“韦陀”“皮陀”“围陀”，其实都系由呢个“veda”，V-E-D-A，呢个字译嚟嘅，佢嘅原意呢，就系“明智”咁解。有一个十九世纪嘅西方学者曾经讲过，继雅利安人而兴起自北印度嘅混血民族，因为信奉韦陀四经而被命名为“韦陀民族”，“vedava”或者“vedi”。呢个说法冇人肯定，一般学者都安于现状予以默认，我冇足够嘅资料可以鉴定，亦都只好跟随呢个说法。由佛经嘅记载嚟睇可以知道韦陀四经从古就有，历代祭师、婆罗门不断予以补充先成为四经嘅千万字数嘅百万颂。韦陀四经之外，仲有史诗《埃玛瓦那》，或者译做《罗摩衍那》，叙述宇宙之中太空嘅战争等等嘅故事。西方学者呢，公认呢个系印度比《但丁神曲》更伟大嘅文学史诗作品。响韦陀四经之中，同《罗摩衍那》呢个史诗之内呢，时时崇拜嘅宇宙大神就系大梵天帝同帝释天帝。韦陀四经原文呢，大部分已经散失，资料不足，只可以由佛经嘅经论之中转录得到若干嘅概念。

龙树菩萨响佢著作《大智度论》之中嘅第二卷讲过：“韦纽天，秦言‘遍闷’，四臂，捉见持轮，骑金翅鸟。”（注：喺CBETA中，“捉见”一为“捉贝”，一为“捉具”）菩萨所指嘅呢，就系雅利安人自古以嚟崇拜嘅毗瑟奴，呢个系宇宙大神，佛经讲佢系大自在天之主，生于劫初大水之中，一共有一千个头、两千只手，由脐中生出大莲花，莲花之上化生大梵天王。又话佢系三十三天之主仞利天主，佢响色界世界嘅顶，系三千大千世界之主。响《大智度论》第八卷亦都讲过：“劫尽炽时，一切皆空，众生福德因缘力故，十方风来，相对触能持大水，水上有一千头人，二千手足，名为韦纽，是韦纽天脐中出千叶金色妙宝莲花，其光大明，如万日俱照，华中有人结加趺坐，此人复有无量光明，名曰梵天王，此梵天王心生八子，八子生天地人民。”由《大智度论》可以见到中国人早已知道有大宇宙，有大神毗瑟奴。雅利安民族所崇拜嘅宇宙大神，上便讲嘅毗瑟奴其实就系帝释天。响韦陀四经之一嘅《梨俱韦陀经》嘅一千零二十八篇诗颂之中呢，赞颂帝释天因陀罗嘅就占咗四分之一咁多，显示住历代已经崇拜住呢位宇宙大神，可能响雅利安人民就已经供奉咗佢。佢一向嘅造型系一位威武高大、身披金甲、头戴金盔嘅英俊魁伟中年男子，雅利安人尊称佢为百威之神——因陀罗，Indra。佢手持金刚杵发出雷电，亦都有威猛凶恶嘅造型。雅利安民族有数支由高加索西迁进入中东同欧洲，包括北欧同西欧、南欧，成为现代欧洲白种人嘅祖先，佢哋将信仰亦都传扬过去，佢哋所崇拜嘅宇宙大神因陀罗帝释天，后来演变为古代希腊宗教神话之中嘅宙斯天帝，再传到古代罗马帝国演化为“朱庇特天帝Jupiter”，然之后北传到北欧，成为斯干得纳维那民族嘅天帝雷神兼胜利之神托尔，佢嘅造型亦都系手持雷矢嘅。

雅利安民族移居去中东地带同土著结合，渐渐形成咗闪族，即系以色列民族嘅祖先。雅利安人嘅皮肤白色渐渐失色，而貌呢，轮廓依然存在，高鼻蓝眼或者啡色嘅眼，多毛发同埋胡须。另一支雅利安民族进入埃及建立帝国成为后来著名嘅埃及皇朝多代，直到啡色皮肤嘅阿利伯人兴起取代佢哋为止。呢两支雅利安人，根据一啲西方学者著作考据讲，亦都将宗教信仰带到咗中东同埃及。传入埃及嘅系多神，所谓泛神派，帝释天因陀罗被埃及改为天帝兼封雷之神阿蒙，由金字塔同埋古墓嘅壁画同埋象形文字可以知道，阿蒙嘅造型亦都系手持金刚杵放射雷电嘅金盔天帝，不过系冇身穿金甲。传入伽蓝（啫系以色列地区）嘅雅利安人支派呢，就系死硬派，只系信仰大梵天王，尊之为万能嘅上帝。天，“八子生天地人民”呢一节传说呢，演变为上帝创造天地世界万物，成为犹太以色列民族先祖所崇拜嘅上帝，旧约嘅《创世记》就系由此而产生。由佛经嚟讲，大梵天王系帝释所化身嘅仔，如果咁讲，犹太教亦都系起源于雅利安人嘅婆罗门教，佛教亦都系同婆罗门教有好深嘅渊源。前者受一神思想支配，只认为有一个主，后者受泛神观念影响，认为宇宙内外嘅无量超自然智慧神力系与亿兆佛菩萨。

咁样由人民发展嘅历史角度嚟睇呢，雅利安人因陀罗（即系毗瑟奴）就系犹太民族尊奉嘅上帝之父。基督教提倡平等博爱，反而对犹太教嘅编合民族排外思想，但系仍然继承咗犹太教嘅《创世记》同埋上帝。咁样推论，帝释亦都系基督教嘅太上帝。佛教响呢一方面同犹太、基督教就系一家人，只系各执真理嘅一端，彼此都系一家，何必分彼此？何必互相攻艰呢？响小乘派嘅《涅槃论》里便讲过：“何等外道说梵天是涅槃因？答曰：第四外道围陀论所说，从那罗延天脐中生大莲华，从莲华生梵天祖公。彼梵天作一切命、无命物。”（注：根据CBETA，“第四外道围陀论所说”疑为“第四外道围陀论师说”）呢一段同《大智度论》呢，记载系相似，几乎完全一样，只系天嘅名称唔同，名字可能有变，神仲系一位，“那罗延”呢，就系“因陀罗”。《法华经·聚品》亦都讲过“娑婆世界主梵天王尸弃”，《法华文句》第二卷亦都讲过：“‘尸弃者此翻为顶髻，由外国呼为火，呼火为树提尸弃，此王本修火光定破欲界惑，从德立名。’彼深信正法，每佛出世，必先来请转法轮，又常在佛之右边，手持白拂，以对于帝释。”由龙树菩萨嘅《大智度论》第八卷嚟睇，佢讲大梵天王系三千世界嘅，之主，又讲过帝释系三千大千世界之主，显然帝释天同大梵天系父子。根据韦陀四经嘅说法，亦都系帝释毗瑟奴系生大梵天，咁样帝释天同大梵天就系父子关系或者分身关系，或者系化身。

帝释同佛陀嘅关系，响记载佛陀入灭嘅故事之中，出《后分涅槃经》之中，有下便嘅一段话：

尔时，帝释持七宝瓶至荼毗所，其火一时自然灭尽，帝释即开如来宝棺，欲请佛牙……楼逗言：“莫辄自取，可待大众共分。”释言：“佛先与我一牙舍利，是以我来火灭。”……于佛口中右畔上颔取牙舍利，即还天上起塔供养。尔时，有捷疾罗刹隐身随帝释后，众皆不见，盗取一双佛牙舍利。

呢一段经文讲明帝释天嘅身份与众不同，嚟到佛陀嘅荼毗场所，唔理会徒众阻挡，就先行取去佛陀嘅佛牙舍利一颗带返天上建塔供养。帝释讲佛陀首先许诺俾佢一颗佛牙舍利，由此可以见到佛陀对帝释嘅另眼看待，否则唔会预先应承佢赠送佛牙舍利。帝释如果唔系三千大千世界之主咁样嘅大身份，徒众亦都唔会容许佢优先去取舍利。呢段经文嘅下文系讲有两只罗刹鬼趁机会去盗取佛牙两颗，后嚟被帝释（亦都系韦陀）急追取还。

帝释嘅另外一个名就系大自在天。响《大日经疏》卷五讲过：“微瑟纽，旧译谓之毘纽。”即系那罗延天。玄奘三藏法师嘅名著《大唐西域记》卷九，记载帝释问法于佛陀嘅事：“因陀罗势罗窭诃山(唐言帝释窟)。其山岩谷杳冥，花林蓊郁，岭有两峯，岌然特起。西峯南岩有大石室，广而不高，昔如来尝于中止。时天帝释以四十二疑事画石请问，佛为演释，其迹犹在……其中僧众，或于夜分，望见西峯石室佛像前每有灯炬，常为照烛。”又有一卷《帝释所问经》里便记载：“尔时，帝释天王闻佛在摩伽陀国毘提呬山帝释岩中。”响《帝释岩秘密成就仪轨》一本经里便讲：“摩伽陀国菴没罗聚落北韦提希山有帝释岩，而彼岩中有九十九宫……慈氏菩萨今现在彼入三摩地，名最上庄严。”

以上所讲嘅几段经文系说明咗帝释岩自古已经存在，显然系帝释时常降临嘅山岩。释迦牟尼佛到呢度地方入定，玄奘法师呢，曾经参拜过呢个山洞。根据学者康宁哈武士考证，呢个帝释岩就喺王舍城嘅东六英里嘅吉里也克山。帝释嘅梵文，英译音系叫做“释迦提桓因陀罗Sakra devam indra”，简称“因陀罗”，《法华二疏》卷二亦都解释为“释迦”就系“能”嘅意思，提桓系“天”，因陀罗系“主”，以其在善法堂治化称会天心，故为“能天主”。《法华玄赞》卷二亦都讲过：“梵云释迦提婆因陀罗，释迦姓也，此翻为能；提婆天也；因达罗帝也。正云能天帝……此在妙高山顶而住，三十三天之帝主也。”

《阿含经》里便有一本《帝释般若般罗密多心经》，有赵宋施护法师嘅译本，系佛陀响灵鹫峯为帝释所讲嘅般若经，兼夹讲咒。佛陀为帝释天说法，可以见到佛陀重视呢位三十三天嘅帝主，亦都证明佛陀承认佢存在，并未因为佢系婆罗门教崇拜嘅神而加以排斥。

后世嘅佛教徒，尤其系今日有一啲学者每每斥责佛教徒唔应该供奉婆罗门教嘅神灵，我认为咁样系太过执著“我”同“法”。帝释同埋其他佛菩萨系宇宙内外早已经存在嘅超自然大智慧存在体，唔系由婆罗门教创造而存在，亦都唔系婆罗门教或者现在嘅印度教所专有。佛陀嘅应身释迦牟尼亦都为帝释说法，帝释其实早已经响亿万劫前归依佛法，每有佛出世，佢一定能够嚟护持弘教，可以话系佛教同佢嘅因缘远早于婆罗门教供奉佢。准提佛母亦都系一样嘅情形。学者如果能够认识佛教嘅超越时空性，就唔会执著响人民主义嘅人间短短历史而嚟反对佛教徒供奉韦陀菩萨同准提菩萨等等嘅先天佛众嘞。

韦陀民族响释迦牟尼佛出世之前大约一百年左右就已经末落失势，婆罗门教仍然存在，亦都仍然崇拜帝释同埋准提菩萨等等嘅佛，佛教徒亦同时供奉帝释同准提菩萨。佛教东传至西域各国亦都介绍咗帝释辗转传入中国，但系古代嘅中国僧人除咗玄奘极少数嘅人之外，对于印度都唔系咁了解，可能有啲僧人认为帝释唔系佛教嘅神，唔适宜供奉于大殿之内。佛经里便本身故事既有帝释护法同埋护送佛陀出世一段，又有佛陀为帝释说法嘅故事，因此亦都不妨响前殿或者偏殿供奉呢位护法天神。不过一般人并唔知道帝释嘅来历，就只知佢系韦陀民族嘅大神，曾经记载于《韦陀经》之内，所以就称呼佢做韦陀菩萨。年代悠久到咗今日已经冇几多人知道韦陀菩萨就系宇宙大神三千大千世界之主，人亦都唔知道佢系一位神威无比、法力无边嘅护法佛菩萨，只当佢系守门嘅小小神将，恐怕系有一点贬义，贬低佢嘅意思。

上面讲咗依啲人民嘅因缘，现在我可以讲番到超自然嘅方向。我个人从小就知道韦陀菩萨系帝释天，可以话同佢有宿世嘅因缘。好记得呢位三千大千世界之主，响我细个嘅时候第一次入佛寺礼佛，就见到前殿供奉嘅韦陀塑像，我就会向佢叩拜，无师自通咁样呼喊：“因陀罗，因陀罗，Indra，Indra……”周围嘅人都好愕然，唔知我系度叫咩，但系我心中知道呢个系天帝，系宇宙大神，系最大嘅佛教护法、大神古佛。从来冇人话俾我听有关韦陀菩萨嘅故事，我屋企根本就冇人明白佛经，父亲系唔拜佛，母亲亦都或者会信观音，但系对于佛经故事一无所知，亦都冇睇过佛经，亦都未认识任何佛教人士，亦都从未带我去庙宇，但系我自己去庙宇就会自动拜。五六岁嘅细蚊仔会识得啲咩吔？但系我知道会叫“因陀罗，因陀罗……”呢个现象系唔可以解释嘅。

我再讲一次，喺加拿大嘅温歌华有过三次，响夏天嘅正午，碧空如洗，冇云雾嘅天空之上，就喺我屋企嘅顶上嘅高空出现三重彩虹光环，三百六十度圆周，响蓝天嘅高空笼罩住好广阔嘅地区，而以我屋企做圆心，呢三重彩虹嘅奇观俾我见到嘞，响嗰个时候系冇半点云雾同埋水气，三重彩虹，每一层相隔系好宽阔，响天空成为三重大圆圈。“因陀罗，因陀罗……”我好高兴咁呼喊，我认得呢个就系帝释嘅虹光，我一向从小就知道呢个系天帝嘅虹光，响我细个嘅时候见过。我即刻返入屋企，想攞相机再走番出外便想将佢拍摄落嚟，但系三重虹光已经淡化咗，咁我一个人只有驻足仰望称奇。边个见过三重嘅彩虹呢？可惜出现只有几秒钟就消失，我每一次就嚟唔低将佢摄影。我一直以为我系唯一得见帝释三重彩虹嘅幸运儿，因为我同其他人讲呢，都冇人见过。响一九八四年，一位佛教嘅友人同埋几位法师嚟我屋企舍下，适逢我喺度念紧韦陀菩萨嘅真言，我放下持咒，接见贵宾。呢啲友人未问我就用影相机同我影相，呢个情形系我一向唔系咁愿意，我唔喜欢以色相示人，但系两张照片已经影咗，后来冲咗出嚟，照片中里便嘅我竟然有一圈彩虹笼罩住全身，七重彩虹嘅光圈层次分明。另外一张同法师同坐嘅照片，我嘅身体发出虹光，背后系金光，都射向法师。对于两张照片嘅奇象，我只有一个解释，就系持念韦陀菩萨嘅神咒所产生，并非我个人有咩修为。我相信任何人只要诚心、净心、净意、净口去持念菩萨嘅真言都可能产生呢一种彩虹同金刚护罩全身嘅奇观。不过我持念嘅时候心中并无所求，或者呢个就系无求而自得啦。

其实我一向就以与生俱来嘅天眼、慧眼、法眼去认识帝释同其他佛菩萨嘅法身，纵然我呢三种眼都好幼稚，但都足以去认识佛菩萨嘅法相同佛法。但系对于唔懂佛法嘅人嚟讲，无论点样讲其实都系同佢哋讲唔通，响佛教上总有啲超自然嘅智慧系……（注：此处录音中断）

235.如何解脱人生病苦（一）

（注：此处部分录音缺失）……讲就系，佛陀嘅身边呢，有好多弟子，但系佛陀身边最出色嘅呢，一共有十个大弟子，每个弟子呢都各有专长，犹如耶稣十二个门徒一样，耶稣亦都有好多门徒，但系耶稣近身嘅一共有十二个门徒。咁释迦牟尼佛近身嘅大弟子一共有十个，系弟子之中嘅弟子，即是话好出色嘅弟子，而目犍连呢系其中之一个。而目犍连嘅专长呢，每个弟子十大弟子都各有专长，目犍连呢，就系神通最第一。点解嗰日要讲呢个题目，因为盂兰节嘅来源呢，都系出自于目犍连报答父母恩惠吔，讲个孝道吖，都系出自佢身上，所以呢，我会讲下目犍连嘅少少嘢，同埋佢报答父母嘅恩惠，同埋会讲下啲盂兰节嘅意义，顺便涉及会讲下一啲神通嘅问题，关于五眼六通嘅问题。跟住到八月十九号呢，二十四呢，旧历啦，《生命中有缘嘅佛菩萨》，呢个题目所讲嘅呢就系话，大家而家响末世里便呢，修行嚟讲呢，你所选择嘅法门，啱唔啱呢？点样谓之系啱你嘅呢？点样系唔啱你，而响你生命之中，同你最有缘嘅佛菩萨系边一个呢？我会教你鉴别，用一个方法，会话俾你听究竟边个同你系最有缘嘅佛菩萨。如果你知道呢个问题呢，你今生修行就事半功倍，你会拣啱一个合适你嘅佛菩萨去修行，去修法，咁成就就会快，犹如你有病食啱药一样，一食个病，一食个药，个病呢，就会好。咁点样找寻你生命之中有缘嘅佛菩萨呢？而呢啲佛菩萨同你前生有咩关系呢？其实系前生我哋有个远因，可能同呢啲佛菩萨结咗缘，同埋你今生选择咗一个适当嘅佛菩萨去修行，你应该点样同呢个佛菩萨去相应呢？呢个就系《生命中有缘佛菩萨》所要讲解嘅大概嘅内容。跟住到三十呢，月尾嗰度呢，七月三十，新历八月二十五号，《地藏菩萨木轮相法》，嗰日就系地藏菩萨诞。《地藏菩萨木轮相法》主要所讲嘅呢，就系地藏菩萨响《占察善恶业报经》里便呢，教授我哋一个占卜嘅法门，呢个法门呢，系俾我哋末世嘅修行人呢，一个依归，一个依附。因为我哋响日常生活里便呢，好多问题大大小小，自己有时揸唔定主意，有时我哋就算揸定咗个主意之后呢，我哋往往呢，个心都十五十六，唔知究竟我哋所做嘅嘢啱唔啱。咁地藏菩萨曾经开示有一个法门呢，系一个类似世间占卜嘅法门，但系其实同占卜呢，完全系唔相同，如果你听过嗰日讲解呢，你就会好清楚。咁呢个木轮相法呢，你利用咗呢套木轮相法可以占测你前生嘅三世因果，包括你过去生，你由边，六道里便边一个道路里便转生响我哋人嘅世界上？同埋你前生所做嘅业障：杀、盗、淫、妄、酒，所犯嘅五戒孰轻孰重，你嘅身所造嘅业多吖，意念所造嘅业多吖，语言所造嘅业多吖？呢个木轮呢有一部分可以替你去占测。你知道自己究竟做过几多业，你就开始好好咁依住呢个木轮相法去忏悔，以后再占嘅时候呢，可能会显示出一个清净嘅轮相，如果能够显示出一个清净嘅轮相，代表你业障已经消除。同埋亦都可以替你解决世间嘅种种事，譬如你想搬一间新屋嘅，我话：吖，好唔好呢？我又问下菩萨，地藏木轮相法就能够同你取决呢啲问题，话俾你听呢间屋好唔好、你应唔应该搬入去。我睇啲医生好唔好呢？呢医生啱唔啱我呢？地藏菩萨亦都又会俾你一个答复。我嘅病会唔会好呢？地藏菩萨亦都会俾你一个答复。咁响呢个《占察善恶业报经》嘅木轮相法呢，就有教授呢啲种种种种嘅法门，咁响地藏菩萨诞嗰日呢，我就会讲呢个法门出嚟，就系地藏菩萨木轮相法。跟住到九月呢，就讲六祖惠能，禅宗六祖惠能大师嘅事迹、简介同埋关于六祖大师所讲嘅《六祖坛经》里便嘅精华部分抽出嚟讲解一下，咁呢，对于我哋修行佛法、了解空性嘅道理吖，系非常之重要。咁响九月呢，我分开两个星期两个部分就会讲六祖惠能第一部分同第二部分。咁如果大家有兴趣嘅呢，听完呢个简介你就，到时你会收到一份简介㗎喇，咳，咁你可以依住呢个简介呢你选择你喜欢嘅题目上嚟听。

好嘞，今晚呢，我要讲呢，《如何解脱人生病苦》，有乜方法能够，佛陀吖，教我哋大家呢，将你身上嘅病吖，除去，将你身上嘅病症除去。

我哋知道呢，我哋生活响呢个世界之上呢，尤其是今日二十世纪九十年代呢个社会呢，我哋每个人生存响呢个现代嘅世界里便呢，会遇到好多社会嘅问题、人生嘅问题，种种种种嘅烦恼令到我哋自己呢，不能够自拔，解脱唔到。咁我哋社会嘅问题唔讲住，有时间呢，再同大家分析，咁我哋讲下人生嘅部分。人生，对于我哋自己嚟讲，每个人呢，系一个单位啦，无数嘅人就组成无数嘅团体，无数嘅团体呢，又会变成无数嘅社会，咁其实都由一个人为单位嘅。但呢个人呢，讲开呢，以人为本就非常之复杂，如果佛教嚟讲响六道里便系占六分之一个机会，天、人、阿修罗、畜牲、饿鬼、地狱，轮回响呢个六种宇宙嘅时空里便呢，我哋有六分之一机会，但今生我哋做到人其实系非常之有福报，前生呢，系修行咗呢，五戒十善，一定系修行咗五戒十善。我哋奉持过不杀生、不偷盗、不邪淫、不妄语、不饮酒、不绮语、不两舌、不恶口、不贪、不瞋、不痴、不妄语，呢啲种种身口意嘅善业，我哋曾经做咗，所以累积咗个因，今生变成咗一个果报，而我哋呢，得到而家咁好嘅人身，仲六根俱足，你有眼、有耳、有口、有鼻，全部唔怕残缺嘅，所以呢啲系一个前生我哋呢，种善因嘅福报。咁但系虽然系咁，我哋外壳系好健全，但系我哋精神上又健唔健全呢？一个人嘅精神，所谓灵嘅部分同肉体，肉嘅部分，灵同肉两样嘢系米能够完全结合而使到我哋身心都能够健康呢？呢个系一个重大嘅问题。我谂呢，响今日嘅世界里便呢，我哋每个人吖，所处于个环境嘅空间系非常之污浊，所以佛经里便呢，话我哋呢个系五浊嘅恶世，系娑婆嘅世界，系堪忍好多痛苦嘅世界。知唔知“娑婆”系咩意思吖？佛经里便所讲嘅“娑婆”呢，就系“堪忍”嘅意思，译做我哋汉文吖，梵语印度文译做我哋汉文呢系“堪忍”嘅意思。“堪忍”呢，就系意思话呢，你吔，能够承受到我哋外界加之于我哋身上，同埋自己我哋本身吖，嘅内心里便嘅种种痛苦，我哋能够承受，所以呢个世界呢，就叫做“堪忍世界”，喺梵语里便呢，就叫做“娑婆世界”，就系咁嘅意思嘞。

我哋而家面对呢个世界呢，非常污浊，你睇下空气污染、大气污染、工业污染。我哋自己精神上，外界种种嘅唔好嘅物质、唔好嘅东西去吸引我哋，污染我哋嘅精神，肉体我哋所食嘅食物污染。点解而家现代嘅人讲科学，咁提倡环境保护呢？因为佢发现呢个世界上污染实在太多，虽然有好多人唔信佛，但系佢吖，亦都有呢啲思想，因为太过极端呢个社会，物极必反嘅道理，太过污浊，自然有一部分人希望以浊去还清，得番一个好清嘅境界。

咁讲到我哋自己本身，我哋身处嘅环境，呢个世界已经系咁污浊，所以我哋本身吸入嘅空气，食嘅水同埋食物系一啲污染嚟，进入我哋身体就好容易产生种种嘅病症。但系，如果我哋由佛教角度吖，去睇下呢啲问题呢，其实我哋致病嘅原因呢，我哋嘅身体有咁多病呢，唔系净系因为呢啲种种因素，呢啲种种嘅因素呢，响佛经里便呢，都系一个助缘，呢个条件令到你个病发生，但唔系主因，因为因同缘配合先能够生恶果吖，呢个只不过系一个助缘嚟，系一个缘份嚟，令到你生病。如果有世界上嘅医药，包括中医同西医，可以能够呢，治愈到人类嘅所有病症呢，呢啲唔系真正嘅医药，因为医药呢，仍然不断发展紧，有一个病有一只新药，不断嘅病呢，又有不断嘅药。咁所以我哋身体嘅病嘅助缘就系我哋外界环境污浊嘅空气污染我哋食物水份同埋你自己精神上嘅种种昏逸唔检点，容易导致一个助缘呢，令你身体生病，但系佛陀话俾我哋听主因令到你生病嘅就系我哋宿世所造嘅种种种种嘅恶业。呢个“业”字呢，嘅意思呢，有好多人误会咗，“业”响印度文呢叫“karma”，“karma”嘅意思呢，解释为“行为”，行为呢，有善有恶，亦都有中性嘅不善不恶，咁我哋身体病嘅来源呢，就系呢个业力，业力去推动我哋去感受一个报应。呢个业呢，系一个力量嚟嘅，推动我哋去感受一个报应。但系我哋感受呢个报应呢，我哋做善事当然有个善报啦，做恶业有个恶报啦，做一啲不善不恶嘅业就有啲不善不恶嘅报。善事发生喺我哋身上感应嘅报应呢，就系你嘅心情时常有个舒适快乐嘅境界，你心情会好开心。但当你做恶业嘅时候呢，你今生所遇到嘅境界，譬如你出生嘅地点同埋你今生嘅遭遇有好多都唔如意，令到你心情唔开心，再加上你身体有好多病，呢个就系你前生恶业所造成，呢个善恶业就系推动你嘅命运喺度循环，生生不息。

咁响呢度呢，有个故事呢，讲俾大家听。咁呢，从前呢，有个法师，呢个法师呢，呢个法师呢，佢响个身上嗰度呢，一共呢，有二十个恶疮吖，佢得到个恶病，个身上长咗二十个人面疮，嗰啲人面疮呢，就会呼吸嘅，会透气嘅。咁个法师呢，就非常之肥嘅，系非常之肥，但系呢，啲人面疮就开始吸佢嘅血，令到佢越嚟越瘦、越嚟越瘦。咁有一日呢，呢个法师呢，就喺佢身上个人面疮呢，其中一个响佢膊头上嘅人面疮呢，就开始同个法师对话，但系个法师呢，响佢嗰一生里便呢，就非常之守戒嘅，守啲戒律就好精严。咁但系有一日呢，嗰个人面疮开始同佢讲嘢，佢话：“我等咗你二百年了，二百年，而家我先可以揾到你报仇。因为呢，你生生世世都系一个出家人，守戒律，所以呢，我近唔到你身边，但系今日你有机会破咗一次戒，所以呢，我哋呢，呢二十个人面疮呢，就可以附喺你身上。”于是个法师思前想后谂下自己破咗咩戒呢究竟，原来呢，个人面疮就对法师讲，佢话：“有一次，你记唔记得你落山去买菜嘅时候见到一档狗肉，啲狗肉嘅香味呢，传嚟入你个鼻度，你闻到吖，好香好香，于是你个心动一动念，就想食啲狗肉，但系就冇实际行动去食到。”咁个法师谂一谂：咦，系㖞！我真系㖞，连呢件事我都唔记得咗。起心动念，一丝一毫嘅动念，因为啲人面疮呢，呢啲鬼神嘅嘢呢，有个神力嘅，会知道呢啲过去事嘅发生，所以佢讲番呢，俾个法师听，佢话：“法师，由于你守戒咁精严，所以我哋呢，就近唔到你身，但而家你动咗呢一念啦，我哋就可以附咗喺你身上。”于是个法师谂一谂：系㖞，我心谂想食狗肉嗰次，返番寺庙冇几耐呢，就开始个身长啲疮出嚟，个时间吖系非常之巧合。咁于是呢，呢个人面疮就再对个法师讲，佢话：“法师你又知唔知道我点解附响你身上吖？”佢话，“响金朝嘅时代吖，中国金朝嘅时代，曾经你系一个部将嚟，一个将军嚟，我哋呢，二十个呢，系士兵嚟嘅，系属于你嘅属下。咁有一次呢，你就派我哋二十个下山呢，去守卫，去巡逻，巡逻边防嗰度，咁其中有两个士兵，我哋其中嘅两个同僚呢，就见到一个女人好靓，因为贪爱佢嘅美色就强暴咗佢，有两个士兵。后来呢，呢个女人呢，嘅丈夫呢，就告到响你面前。”啫向个法师，法师嘅前生系一个将领，同呢个将领去投诉，于是呢个将领呢，就唔查清个原因，将嗰二十个士兵，哗，全部杀晒，不问个原因。咁有两个犯罪啫，就冇理由杀埋嗰十八个㗎嘛。所以嗰十八个呢，嘅怨恨呢，怨恨，愤愤不平，加埋嗰两个犯罪嘅士兵呢，而家就变成咗二十个人面疮，就附喺呢个法师身上，因为怨气唔消解吔，解唔到吖，解唔到，所以就附喺佢身上。“由于头先讲过，你生生世世守持佛陀嘅清净戒律，所以呢，我哋近唔到你身，入唔到你个身，发唔到个病，所以你就冇事。我哋足，足足等咗你二百年吖，而家先有机会揾到你报仇。”咁后来呢个法师呢，始终因为呢个定业吖，系重呢，个身体慢慢呢，溃烂呢，咁就死咗。

咁呢个故事呢，话俾大家听系咩嘢呢？我哋做咗嘅恶业吖，唔系咁容易消解得到吖，呢个因缘配合呢，始终都会发番出嚟。但系我哋话：“咁咪好唔公平？我哋今生唔知道前生所发生嘅乜嘢。”但系宇宙嘅因果律嚟讲，当你证到佛陀嘅真正嘅智慧，佢嘅佛眼就能够观察到宇宙嘅因果律，呢个因果系最公平。你做咗啲恶业，虽然你今生嘅身体唔同，可能喺六道里便轮回，但系你嘅前生呢，所累积咗呢个恶业系一种无形嘅力量，喺你个精神里便，不过肉眼系见唔到，呢啲力量迟早都会发出嚟变成你身体嘅病症。咁所以呢，呢个法师嘅故事呢，就系其中之一个例子嚟。

咁我哋讲番我哋身体嘅病症有好多种，但系点解都医唔到呢？西医有啲叫做细菌，细菌，有啲叫做细胞上嘅病变。但系中医呢，所解释呢，我哋身体致病嘅原因呢，不外六邪呢，入侵你身体，风、寒、暑、湿、燥、热，六种邪气去侵袭你身体。中医同西医呢，永远都拗撬冲突，其实呢，可以做一个调和，冇乜冲突，因为当中医解释病理呢套阴阳五行嘅观念呢，系比西医更加详细，当啲邪气入侵你身体嘅时候呢，于是呢，你身体就产生组织病变同埋有细菌嘅感染，于是响解剖学吖，响生物化学里便组织里便抽出嚟呢，就知道你系有细菌，譬如癌症就有腐败咗嘅组织。但响外界嚟讲呢，就系呢啲邪气所侵袭，呢啲气呢，唔系我哋肉眼所见得到，呼吸出嚟你嘅手指感觉有气吹出嚟嘅气，系无形嘅一种动力，一种动力，宇宙间一种能，系邪，邪极嘅能量，negative，负极嘅能量嚟，宇宙有正极嘅能量亦都有负极嘅能量，呢一种系宇宙之中其中一种负极嘅能量，咁我哋中国人呢，中医解释就用“气”去代表。依一个系个助缘，系个助缘，头先我讲过，系一啲令到你发病嘅条件，主因就头先我所解释，你前生所做嘅种种嘅恶业同呢啲助缘结合，结合就变成咗你今生身体嘅病症，今生身体嘅病症。而家，心脏病、癌症已经侵袭我哋每个人嘅家庭，亦都好犀利，好多人嘅家庭或者亲眷啦，都听到佢有癌病同心脏病，好多情况都系咁，但系群医束手无策。而家又话有艾滋病，越嚟越犀利。所以你有一样业就有一样病产生，医学嘅原理只系研究医药去对治你身体嘅组织，你嘅细胞，但系佢根本嘅业响你自己本身身体里便。

头先我讲呢个法师嘅故事，前生佢所做嘅业系咪食两粒药可以解除得到呢？你谂下？当然唔系，唔可用物质上嘅药物去将呢啲业力清除，一定要用精神嘅部分去化解，去帮助你，先能够将你嘅病去彻底根治。咁精神嘅部分响一般嘅层面嚟讲呢，我哋能够医好嘅病，有啲人就去练气功啦，有啲人或者去练下太极吖、学下拳吖，或者系学下道家嘅养生吖、调息吖、打坐，呢啲都系属于精神上嘅修炼。呢啲冇错，系可以帮你暂时调养个身体，但系都系属于一个助缘，根本嘅业亦都系除唔到。如果我哋睇番佛教嘅角度嚟讲呢，佛陀就讲得非常之明确，你要除去你身体根本嘅业力，你必须要学习佛法，因为佛法响精神嗰部分呢，就能够将你前生嘅业力去除去，靠你自己修行嘅力量，亦都靠佛菩萨帮助你去将你身体嘅业力除去。但呢段时间呢，讲就容易，我而家讲两句呢，我而家讲两句呢，就好容易，但系呢，真正有病呢，系大家，你要将你业力除去呢，呢个斗争期同埋你精神同肉体所受嘅痛苦呢，未必系我哋用说话可以表达到出嚟，咁所以呢，能唔能够成功去战胜一个病，去克服一个病其实系睇你自己。点解你唔能够克服呢？唔能够克服，佛陀所讲喺佛经一早已经讲咗，呢啲就叫做“定业”，fix karma，“定业”，固定咗嘅业，系注定！响佛陀嘅眼里便，佢所见到嘅结果，注定你系要受呢个报应，注定你系要受呢个果报，就算你系点改变都改变唔到，因为你响斗争嘅时期可能你呢，放弃咗修持佛法呢个机会，净系靠医药嘅机会。譬如癌症嚟讲，一个人得到癌症，会唔会你唔靠药物嘅治疗吖？但系你靠药物嘅治疗，不外放射治疗同埋化学治疗，化学治疗呢，就系打癌症嘅针去杀你嘅细胞，但系呢，呢一样嘢呢，对你嘅身体产生嘅副作用非常之大，连你好嘅细胞都杀咗，放射治疗系一种射线嘅原理，将你坏嘅细胞去摧毁，亦都系同样嘅原理。但系呢样嘢对我哋人嘅身心嘅创伤亦都系好大，你所面临克服嘅癌症嘅精神同埋你嘅肉体所面临嘅种种困难，嗰个过渡期嘅心态，亦都系非常之难克服。但一个人如果得到癌症，你会唔会唔从呢个医学角度去医疗吖？而你会转求去由佛法嘅途径去帮助你，我相信十个人九个都唔会，包括信宗教嘅人在内，佢都会接受埋化学，化学嘅治疗或者系放射性嘅治疗。但系用番我哋头先嘅原理去分析，放射性嘅治疗同化学嘅治疗呢，都系一个外界嘅条件，一啲助缘，一啲外界嘅条件令到你嘅病好，唔能够完全令你彻底根治，但系，呢啲助缘你去接受，你亦都面临一个反作用力，就系损害到你身体。所以我哋见到好多癌症嘅病人十个有九个一定会死亡嘅，点解呢？因为佢前生嘅业因好重，同埋佢接受咗现代医学呢啲治疗亦都系一个因素。

得到癌症嘅业因，非常恶嘅病亦都同样嘅比例代表佢前生所做嘅恶业系非常之重，呢个正比例嘅，所谓“欲知前世因呢，今生受者是，欲知来世果呢，今生作者是。”我哋要知道，如果我哋而家，假设我哋身体得到个病，我哋感受嘅痛苦越大，我哋依个身心所承受嘅痛苦越大，呢个系果，反映番条件，呢个条件反映番证明我哋前生所对人唔住嘅，所做嘅恶事呢，所做嘅恶事呢，个量系好多，个量系好深，个数亦都好多，系成正比例。意思话你个病越重越难医呢，前生你所侵损众生、你所做嘅唔好嘅嘢系越大嘅、越多嘅，癌症就系一个例子。咁佛陀话我哋所做嘅恶业得到好难医治嘅病吖，响我哋嘅今生嘅身体里便呢，不外系一样嘢，就系你前生杀生，杀生，你杀生呢，你今生就须要以血还血，用你嘅生命去填还番你前生嘅债务。呢个债务系累积，你用而家嘅时空嘅片断去睇觉得唔公平，我今生冇做任何嘢，但系呢个只系你嘅精神禁固响你肉体，我哋肉眼只系睇到眼前几尺嘅范围，周围后便都睇唔到了，但系佛陀嘅慧眼能够遍观过去、现在、未来三世嘅时空，佢将因果透彻咗，佢将我哋一生嘅片断嘅菲林已经睇晒，包括我哋上一生，其实我哋一生一生系延续落去。站在我哋呢个时间嘅空间片断就觉得唔公平，但系假如我哋将整套菲林去睇一睇，原来你前生系一个㓥牛嘅屠夫嚟㗎，抑或者你系一个㓥鸡嘅婶嚟㗎，或者你喺街市里便卖咗十几二十年㓥鱼嘅一个阿伯嚟㗎，你睇下咁长时间你杀几多生？生灵涂炭几多响你手上吖？所以呢啲血债，所累积嘅血债，呢啲生灵，有机会你再轮回嘅时候未必碰到佢，但系因缘会遇时，果报都系受番你自己身上。所以呢二十个人面疮，头先我都讲过，等咗二百年先能够揾番个法师，未必碰到。等于我哋失散咗一个好耐嘅朋友，喺茫茫人海，就喺澳门咁大，唔好讲咁远，你都唔系咁容易碰得到，因为同学唔系成日见面，梗有，但系有机会你会碰得到佢，要经历好长嘅时间。

所以啲业果系唔会空嘅，梗有机会碰到，系几时碰到啫，咁所以假如你前生嘅杀业，杀生太大好重嘅时候，你今生所受嘅报应就好苦响你身上，肉体、精神两者皆痛苦。你受嘅痛苦越大，你前生所做嘅恶业就越重，呢个系成正比例，正比例。咁但系由另外一个角度，我哋睇呢个问题就系话，我哋欠债好应该要还钱吖，如果你真正解决债务嘅方法就系你还钱。如果我哋用一个轻松嘅角度去面对我哋嘅病症，你争人一笔债务，争人一百蚊，你还番一百蚊，你个心情一定好舒畅，如果你唔还呢，个心呢，始终系有条数欠住，心哽哽，心哽哽，始终有件事摆响心度，做任何事都唔畅快。佛陀教导我哋，如果我哋有个病症嘅时候，如果我哋能够安然面对，佛经上有句说话叫做“随缘消旧业，更莫再造新殃”，随住你前生所做恶业嘅因响度，个缘份嚟嘅时候，因缘汇合，个果报就受番响你身体，有个病嘞，有个病你就随住个缘份等个病嚟，慢慢令佢消去消去，你去享受呢个病，你唔系同个病去斗争，你应该有个咁嘅心态，去享受呢个病。因为点解？虽然你身心系讲唔到你有几大嘅痛苦，因为呢个问题呢，我做医院吖最知道㗎喇，呢样嘢，第二个我讲你都唔信，我讲你一定要信，因为我做啲医院病房，我见得太多，你要信我呢句说话。就算你身心所抵御嘅痛苦有几大，你都要面对你嘅痛苦，安然接受，因为点解呢？你唔安然接受，你有咩可以做得到吖？如果你而家有个癌症，只有你将个生命交喺医生手上，你有咩可以做得到吖？试问？但系唔同啦，今日我哋一样嘢，我哋学到宝贵嘅佛法，能够将我哋呢个病去减轻甚至消灭，所以你应该要有个心去享受呢个病症，亦都有个还清债务嘅心理，因为系公平吖，你欠人嘅血债，点解你唔还俾佢呢？你应该要还嘅，但系只不过系点还呢？系一次过还晒吖？定系分段还？如果系血债，你一次过用今生去偿还呢……（注：接下文）

236.如何解脱人生病苦（二）

（注：接上文）

咁样呢，呢啲系种种死于非命嘅情况就系你前生所做恶业而唔能够得到善终，但系我哋能够今生得到宝贵嘅佛法，佛法教我哋唔系唔使还，你系将一生所要了断嘅血债分段去摊还。因为我哋每个人都会有执著嘅，而家你得到癌症，你访问下啲癌症嘅病人：“喂，你想唔想死吖？”有边个话想死吖？除非佢好厌世，唔想面对呢个世界，唔系因为佢癌症嘅病，而系因为佢有其他家庭、婚姻或者其他儿女嘅问题导致佢要，逼佢唔想面对呢个人生，除非有呢啲因素，否则冇人会愿意死嘅，你揸个咪去访问下佢。咁如果佢学习到宝贵嘅佛法，对于个肉身，每个人都有执著，未能够解脱嘅时候，你都希望能够分段摊还，有乜方法呢？就系你学咗佛法之后就有呢啲方法去教你点样珍惜你嘅生命，既然你有病，点样还清你前生所造恶业嘅债务，而家更加好重新再对你嘅人生呢？昨日种种譬如昨日死，今日种种譬如今日生。但系，虽然我系咁讲吖，但系做起上嚟呢，我话俾你听系非常之困难嘅，唔系我就唔需要响医院里便见到啲癌症病人呢，几日几日就有一个推出去啦，如果佢个个能够斗争成功嘅。有啲神父都去医院去讲下道理，讲下天主教嘅道理，一样响个宗教信仰嘅支持。但系如果呢啲得到恶症嘅病人佢能够斗争成功系唔使死嘅，但系摆喺眼前我哋见到嘅现实就唔系，死嘅多过生，因为呢个斗争嘅过程系非常之痛苦。就算吖，你系得到佛法嘅利益都唔系咁易冲破呢个难关，咁所以佛经上，佛陀一早用佛眼观照过，呢个就叫做“定业”。吓，好多法师都讲过话定业不可转吖，好难转，因为个业，业障好重你前生，今生突然间压喺你身上一次过，你受唔住。啫意思好简单解一下原理：你同个配偶结咗婚，男方或者女方突然间好赌学坏咗，突然间借咗成百万嘅，返嚟同——“老公！我借咗人一百万，你帮我还，唔系大耳窿追债。”突然间咁同你讲，你个心点接受得到吖？个压力太大啦，你计一计条数，今生我点做嘢都未必可能会揾到一百万，假如嗰个人系做啲好低下阶层嘅工作吖，啫呢个压力突然间加喺你身上呢，你会觉得好唔公平。“点解突然间我会有呢啲怪病？”有个咁嘅症，咁你就开始会怨天尤人，上天对我唔公平，或者我今生冇做过任何嘅恶业，我一生仲帮人。你一定会埋怨嘅，肯定会埋怨，因为你唔了解你前生系做咗咩事，况且加之你唔信任何嘅宗教，你唔信宗教就唔会讲“前生”啦，系咪吖？况且一神论嘅宗教呢，根本就冇讲“前生”，只有佛教先有讲“三世六道轮回”，婆罗门教都有讲轮回嘅道理。咁所以你要经历去克服呢个病症呢，啫去还你呢个债吖，都唔系咁容易，等于你向大耳窿借咗好多钱，你一便生活揾到啲钱返嚟，咁辛苦仲要去还债，你嘅心情感受都唔开心啦，好正常，唔系咁容易去面对，所以你要战胜呢一个病症嘅困难呢，呢个经历一定要有好大嘅精神力量去支持佢，你自己对宗教上嘅信仰要有好坚决，先能够对你产生个作用，否则系完全冇用，就算你而家信咗佛，我话俾你听都系冇用。但系如果你系明白我头先所讲呢一啲条件、呢啲方法，用呢个心态面对呢，你基本上掌握得到，掌握得到呢，咁你度过嘅时候呢，你会轻安啲。你明白呢个道理，呢个根本道理，你就会随遇而安啲，冇咁怨天尤人，会平淡啲，知道你应该接受，你应该要去偿还呢啲债务，因为你系欠人。相反人哋今生借你一百蚊，有啲人比较吝啬啲嘅，记成世吖，喂！喺街度撞到：“喂！你争我一百蚊吖！”十年前吖，你都会猛记住啦，何况你系欠咗人一笔血债吔？相反你欠人，人欠你，你会唔会追吖？一样会追啫。相反你欠人嘅，对方会唔会追你？吓，就系咁嘅道理。天地间好公平，因果嘅法则，为何人欠你，你就追佢九条街，但你欠人呢，你就避佢十条街呢？你谂下有冇呢个道理呢？你应该今生面对你个病症去随遇而安，去接受佢。因为你前生争人好多笔债务，掘咗好多个氹，填完一个氹，吖，虽然仲有九个氹，已经开心啲吖，又填第二个氹，好似愚公移山咁，你应该要有咁嘅心面对。

我哋换吖，换咗另外一个角度谂吖，我咁样解释俾你听，唔系消极，你而家接受呢个病症，唔系消极，其实系佛教话俾大家听，佛陀教我哋好积极面对病嘅方法就系你去受咗佢，接受咗佢，唔系去逃避佢。人哋追你还债，你避咗佢，始终个债务不能够了结嘅，你谂下，系咪？我之所以重复咁多说话啦，都系想将，尽量用我嘅语言表达去反映出你嘅心态吔，我哋应该要经历嘅心态，点样去面对个病症。有时讲咗方法俾你听呢，你会随住个环境呢，个心态就会转化，遇到好嘅环境你开心，遇到唔好嘅环境唔开心，但你唔好唔记得你个身系仍然有病，你嗰笔债仲未还，开心与唔开心嘅环境，你都要工作去还债。所以而家我哋学到咁宝贵嘅佛法之后，佛法就有方法教我哋将啲债务摊还，你唔希望呢笔债一次过压到你透唔到气，亦唔希望你喺因果上呢笔血债要索取咗你嘅生命，包括你家人你亲属在内。将来在座嘅人只耳亦都会听到你嘅亲属有癌症有心脏病死亡，亦都有死于非命，我哋唔想听到呢啲嘢。你有机会遇到一啲咁嘅人，正在见佢行紧呢条道路，食好多肉啦，譬如，或者佢好多杀生啦，你明白咗呢个道理呢，应该要对佢讲，有机会呢，加以将啲道理同佢讲一讲，令佢唔好将来有啲恶事去入你嘅耳。因为你已经掌握咗呢个方法，你应该要将呢啲事去教导其他人，去帮人，都系你自己嘅一点善心。

咁头先我所讲呢，你系你面对病症我尽量讲出嚟用我嘅说话，系表达到你经历呢个病症嘅心态。跟住落嚟呢，我要同你讲疾病嘅成因，有几种，简单解释。因为详细一来唔够时间，二来因果系千丝万缕，好复杂，唔可以举一反三㗎，每个人唔同㗎，每个人嘅报应唔同，但系我可以简单讲致病嘅原因有几种。

第一种就系我所讲四大不调嘅病，如果我哋四大不调，我哋呢，就会得病，咩叫“四大不调”呢？响佛经吖，佛教上里便讲呢，我哋身体呢，系由“四大”再加埋“识”组成嘅。“四大”咩意思呢？地、水、火、风，系四种唔同性质，用现代科学嘅术语可以，都可以勉强叫做“元素”嘅，四种唔同性质嘅元素组合变成我哋身体，再加埋精神体嘅参与。物质嘅部分呢，就系四种唔同性质嘅元素组合，精神嘅部分就系我哋嘅第八识“阿赖耶识”，即系天主教所讲嘅“灵魂”、道教所叫嘅“元神”，我哋佛教就叫做“神识”，参与咗落去物质嘅部分里便呢，就变成我哋嘅身体。咩叫“地水火风”呢？“地大”就系我哋身体本身。嗱，你𨂽下个地系咪好硬吖？坚硬，佢嘅性质，佢嘅性质叫做“property”，系坚硬嘅，个性质，代表我哋身体坚硬嘅部分，牙齿吔、骨骼，呢啲咪坚硬嘅部分啰；“水大”系冰冻嘅、湿性嘅、流动嘅，响我哋身体里便系液体嘅部分，血液啦、口水啦、鼻涕啦、淋巴液啦，呢啲种种系流动嘅，系属于我哋身体嘅水大；“火大”系咩吖？火系咪暖吖？暖性向上升，响我哋身体里便呢，我哋感觉有温暖吖，食咗嘢，就系我哋“火大”上升，火性嘅元素俾我哋身体感觉有温暖，就系“火大”；“风大”，风系流动嘅，流动飘逸，飘逸不定嘅性质，响我哋身体里便冇咗“风大”，你就危险啦，“风大”系咩吖？系呼吸吖！我哋只要揞住我哋个鼻吔，数分钟吖，你身边嘅嘢全部唔属于你㗎喇，就系咁简单吖，“风大”就系流动就系我哋嘅呼吸。所以一个人物质嘅部分就系地水火风，再加埋精神结合，就系“色”，“色”同埋“空”嘅道理，精神系“空”，“色”就系物质，《心经》里便解释“色”“空”就系呢个原理。咁我哋嘅人得病嘅原因呢，我哋身体组成不外地水火风，啲地水火风，如果个“地大”呢，唔平衡呢，会有咩病吖？好简单，我已经解释过原理，以后你自己知道边方面唔平衡有病。我哋“地大”有病，骨痛啦，系骨上便嘅问题，骨里便嘅骨髓嘅问题，又或者骨外表嘅骨痛吖，呢啲就系坚硬吖，属于骨。水火，“水大”有问题，有咩问题吖？血啦，白血病嗰啲细胞吖，流动咪有问题啦？血，血里便有病。“火大”嘅问题系咩病吖？“火大”嘅问题呢，如果你“火大”上升就会发烧啦，唔退啦，而感到，当你发烧烧到㷫嘅时候呢，就会感觉到好寒冷，系咪吖？“火大”就系热病嘅问题，“风大”呢，就系冷病嘅问题，风寒嘅问题。呢啲种种嘅道理讲嚟呢，其实睇番我哋中国本身嘅医学中医，其实都好相似呢啲，非常之相似。再加埋如果我哋身体上系有精神病，就系我哋“识”嘅问题嘞，“识”嘅问题，眼耳鼻舌身意，末那识、阿赖耶识，系我哋“识”上便嘅问题，所以有啲人有精神上有障碍，神经官能症、神经衰弱、精神病呢啲歇斯底里嘅病，呢啲全部系我哋精神嘅部分嘅病症。“地水火风”再加埋我哋嘅“识大”，咁你明白咗呢个结构之后，我哋普通人嘅病症呢，如果我哋系四大里便失调嘅，失调嘅，是但一样嘢失调呢，就导致我哋物质上嘅病症，依啲系我哋身体基本上嘅病症。譬如你突然间天冷唔著衫吖，落雨你唔担遮任得啲雨溚吖，咁你好快就发烧啦，“火大”就会上升，变咗“水大”制唔到呢，水火不调呢，你就容易有“火大”嘅病，开始发烧，依啲系你唔注意，你觉得你唔注意俾啲雨溚到，你冇担遮，你唔知道落雨，就得到呢个病，其实系一个助缘。佛陀话俾我哋听呢，就算你一个伤风一个感冒吖，同前生嘅业病吖，都有关系，都有做过恶业，先有呢个病吖，只不过你嘅恶业系小。但系一个人一生唔系净系伤风感冒咁小嘅病，亦都有好多嘅病接踵而嚟，一步一步随住你年纪大衰老，呢啲病苦呢，不断而嚟。病苦越重，头先我讲过，你前生所亏欠人嘅债就越多吖。咁样，你四大不调嘅病呢，你今生你以为你唔小心担，冇担遮溚咗落雨，就有感冒，其实唔系吔，亦都头先我所讲嗰一样原理，系一个助缘，就算你感冒咁小嘢吔，都系前生嘅业因嚟嘅。譬如，我解释下感冒菌嘅来源系点嚟，感冒菌嘅来源呢，来源于凡系啲传染病呢，来源于我哋众生所做嘅共业，佛经里便呢，亦都记载过共业，我哋精神去创造所有嘅嘢出嚟，如果我哋一做恶业出嚟呢，自然会感召一啲，有个力量去推动呢，就会无中生有。佛经里便记载我哋宇宙空间各道嘅生命，一种有四种出生嘅形态：胎生、卵生、湿生、化生。细菌类呢，病毒呢，无中化生出嚟，系化生嘅一类嚟，系受我哋人类所做咗嘅恶业个力量去推动而衍化出嚟啲感冒菌，所以系有我哋，有份参与嘅，如果你得到呢一个感冒呢，你今生或者前生都有参与咗个恶业而令到呢啲菌类呢，一个滋生，一个助缘嚟。如果你冇做到啲恶业呢，你今生就算你同埋一班有传染病嘅人，就算一个神父吖，去到一啲麻风嘅病人，麻风病院去同麻风嘅病人说教呢，佢都唔会染到麻风病，因为点解呢？如果用佛学嘅原理去解释，因为佢自己冇有麻风嘅恶业嘅因子响个脑里便，响个识田里便。所以，但系同系另外一个人接触麻风病人呢，佢会得到个麻风病，因为佢有做过麻风嘅恶业，同性相吸嘅原理，因为佢前生有做过恶业而感召到有呢啲麻风嘅细菌产生，于是佢今生嚟讲，接触过麻风病呢，就俾呢个麻风菌所感染到，就系呢个原理。所以你冇做呢个恶业，你唔需要惊会染到呢啲恶疾吖，传染病，呢个系同类相吸，同性相吸嘅原理。呢啲种种恶业嘅种子呢，就种响你嘅识田里便，一定要遇到个缘份呢，开花结果，感应咗呢，先会发芽生长得到一个报应。咁呢类嘅病呢，总之凡系所有嘅病，都系你前生嘅业因去驱使。

但有一类病呢，唔系伤风感冒咁简单，就系头先我所讲嘅呢个法师嗰个例证吖，灵界上嘅病。灵界上嘅病呢，譬如你有啲时候系胃痛，有啲时候可能你溃疡，胃吔，十二指肠溃疡，有啲时候呢，系偏头痛精神病，有啲时候系全身骨痛，但医生系解释唔到原因，或者你身体某一部位好痛，呢一种情况呢，如果你睇医生系用药物治疗唔到的话呢，系灵界病嘅成份呢，非常之高。咩叫灵界病呢？就系头先我所解释你前生对唔住，所做出对唔住人嘅事，呢一班债主，呢班灵界嘅众生可能佢落咗鬼道，亦都落咗系其他空间无形嘅众生，系冇身体，灵界上嘅，只有存在一个精神，可能系鬼道，可能系其他阿修罗道或者精灵界呢，同你前生，你系侵损过佢，佢就附住响你个器官里便。譬如有好多人嘅胃病，医几十年都医唔好嘅，慢性胃炎啦，或者溃疡嘅病啦，反复复发，可能呢，就系有个灵界嘅众生附住响你个胃部里便，所以你食药系医唔好，净系靠药物，一定要靠佛法嘅方法去将你同佢嘅债务解消。你承受之余，你希望你同佢嘅怨气解消呢，你呢个病先会好。呢一类嘅病呢，咁响我哋今日时代嘅社会多唔多呢？佛陀已经一早预言咗嘞，系非常之多，十之其七八，就系呢一类病嚟，所以有好多咁嘅病医唔好。特别可以话一样病症俾你听，就系头先所讲嘅癌症，同灵界附身嘅因素呢，系非常之有关系，如果你得到食道癌吖、胃癌吖，特别女性妇科嘅癌症吖，好多都同佢前生所杀生好有关系，佢所杀嘅生灵今生有机会就附响佢嘅身上，附响佢啲器官上便，令到佢要填还番呢一笔债务。做手术系米血光之灾吖？流番好多血出嚟吔？如果只系做一次手术，用个血能够填还到呢笔债务呢，呢笔债务都系尚浅吖，如果做手术之后都唔得嘅，啲癌症再扩散呢，你前生亏欠人嘅债呢，就好深吖，以至于导致你今生嘅生命了结。所以可以话俾你听，十之其七八呢，就系同灵界因素好有关系。所以我哋而家，头先我所讲过，我哋面对嘅事实嘅病症，好多医唔好，因为点解呢？得到呢啲恶症嘅人，佢唔会由宗教嘅途径去帮助自己，系咪吖？有几多系信宗教吖？得到癌症。就算信咗宗教，我头先亦都讲过，重复我头先所讲嘅说话，你同癌症斗争，经历呢个阶段系好痛苦同好漫长，你一定好难战胜佢，所以佛经就叫“定业”。所以点解初头我要解释俾你听，你斗争嗰个过渡心态呢，系非常之紧要吖，靠你自己嘅精神意志力，靠佛菩萨嘅加持力，你先能够摊还呢条数。癌症有几多个会唔死吖？你谂下，就系呢个原理。咁所以而家大部分嘅病症呢，好多都系灵界病嘅因素，我哋相反用逻辑推番转头，假如你个病系有灵界嘅因素吖，用气功、耍两套太极、食两粒药，可唔可以医好你个病呢？你谂下，梗系唔得啦！所以我觉得呢，真正用药医好你个病，呢啲病系假病嚟嘅，真病药物医唔好嘅，真正嘅病系冇得医嘅，真正嘅病呢，就系业病，系要你自己还，先有得医。要你承受就医好，你受咗佢咪冇啰？过咗去啰。你唔受咗佢呢，你笔债务未还呢，始终你嘅病系唔会好，时间嘅问题。所以我哋中国，中国人都讲过，唔信宗教，老一辈嘅人都会讲过：“善恶到头终有报，只争来保与，来早与来迟啫。”呢个就系佛教嘅因果道理。几时报呢？唔系迟就系早，唔系今世就系下一世，只不过我哋唔了解呢个因果道理。

依个呢，就系病症嘅成因，病症嘅成因，头先我讲出，点出呢个因素系非常之重要，如果你以前未听过，或者你系唔明白嘅呢，而家你就要认识开始，同埋有机会同人解释，劝化佢修行，去解决佢业病嘅因，再配合埋适当嘅医药，咁可能呢个病就能够医好，或者呢条债呢，你就会还得舒服啲，慢慢慢慢摊还。

咁呢，因为时间有限呢，呢部分我唔用得太长时间。咁跟住第三部分呢，我想简单话俾你听，你还债都有个方法嘅。你还债呢，你系问大耳窿借吖？争一个大耳窿又问第二个大耳窿借吖？又要立利息，定是问你啲亲属借呢？唔使利息吖。定是你自己再去做一份兼职赚多啲钱呢？有好多方法还债嘅。跟住嚟讲，我就讲还债嘅方法，意思就话俾你听，佛菩萨系你一个庇荫嚟嘅，我哋今生学到咁宝贵嘅佛法，佢必然有方法教导我哋点样将身心嘅病苦去除去。响佛教里便基本，如果按而家大家嘅层次嘅修为嚟讲呢，有三个法门一定适合你去修持而能够将你嘅病症完全除去。三个有缘嘅本尊，日后头先我介绍呢，有一讲我会讲到，你最有缘嘅本尊系边个，点样找寻你最有缘修法嘅本尊，亦都会讲到呢一部分嘅问题，但系今晚，我会讲三个大家最有缘嘅本尊，不特对我哋娑婆世界有缘，亦都个别对我哋某一个众生系，对呢啲佛同埋菩萨好有缘份嘅，有三个法门系对我哋非常之重要，特别系将我哋精神同肉体嘅病症可以帮我哋完全除去嘅，今晚我要讲一讲，简单介绍一下。

第一个就系观音嘅法门，非常之重要；第二个系地藏菩萨嘅法门；第三个系药师佛嘅法门。呢三个法门系对我哋娑婆世界众生非常之重要。有啲人呢，当我讲到呢三个法门之后呢，有好多人呢，都会轻视，因为点解呢？以前我都讲过，佢哋个心态会点：有冇搞错吖？观音、地藏菩萨、药师，我学佛咁耐，边个都知啦，乜都识啦！药师咒有咩唔识念啫？观音菩萨“唵嘛呢叭咪吽”，边个都识念啦，地藏灭定业真言，地藏殿都成日教啦，我容乜易？你错晒啦，千祈唔好轻视呢三个佛菩萨嘅法门吖，三个都系古佛嚟㗎！你究竟学到呢三个法门有几多？对唔住，你所知道呢一个咒只系呢个佛嘅法门里便嘅一千万分之一咋，都唔可以用“一千万”，唔可以讲，恒河沙数嘅一部分。呢个法扩展有好多方法，唔系净系你识一个咒咁简单。况且我再问番，如果有呢啲疑问提出嘅师兄呢，往往我都会质疑，我同佢讲，我话：“你虽然系识得呢个药师咒，你虽然识得呢个地藏灭定业真言或者地藏菩萨嘅心咒，你虽然识得四臂观音嘅咒，但系吖，我问你一样嘢，你修持有几多吖？你个病除去晒未吔？吓？你而家系咪身心好健康吖？”佢又冇得答㗎喇，因为人人都有病，我攞呢句我实赢，我同佢讲，因为人人嘅身心嘅病除去唔到。小心一样嘢啦，我哋唔好对于我哋熟习嘅法门轻视咗，根本你唔能够轻视，你以为你耳熟能详嗰啲法门你就可以运用，你错晒吖，真正运用唔系咁，运用咗出嚟产生嘅效力嘅效果唔系你所预期嘅咁低。即是我举例呢，好简单，好多人够念，识念大悲咒，一讲大悲咒，个个都识，咁大悲咒你应用得到几多呢？你系咪真系念杯水可以同人退烧呢？你自己系咪可以退到烧呢？咁你吖咁大声话“大悲咒我都识啦！”识，唔代表用到出嚟，记得！同埋你耳熟能详嘅法门呢，我哋人类呢，佛陀话俾我哋听，众生有一个劣根性嘅坏习惯，我哋每一样耳熟能详，成日听到嗰啲呢，成日见到嗰啲呢，就会开始产生厌，开始产生怕，要追求一种新鲜，所以我哋学习密宗嘅人好容易追求好多法好多法门，因为普通嘅法门佢唔想修，成日听。一讲四臂观音嘅，学吖佛好耐嘅时候，佢都唔会珍惜呢个“唵嘛呢叭咪吽”，好简单啫六个字，容咩易背吔？但系呢六个字所产生出来嘅效力，佛陀亲口讲过，就算穷百千万亿劫都讲唔到呢个“唵嘛呢叭咪吽”六个字所发出嚟嘅功德有几高、有几深、有几大、有几广，系用百千万亿劫都讲唔到呢个功德。所以呢，当你，依度呢，我又要点出一个心态吖，修行人最容易犯到呢个毛病。当你听到呢啲法门，你认识嘅，你应该要更加虚心去学，因为你记得，佛法里便嘅法门有八万四千咁多，净系一个观音吖，所开出嚟嘅法吖，已经有好多好多好多！观音嘅变化身有好多，你系咪个个学得晒吖？而每一个你究竟掌握到几多吖？你修持所发挥嚟，发挥出嚟嘅威力有几大吖？你自己用呢啲问题去检测下你自己啦。所以，对一个佛菩萨嘅法门，千祈唔好轻视，呢个系一个心法嚟。

咁讲番头先我哋所讲嘅最重要一样嘢，就系话观音、地藏、药师三个法门对于我哋嚟讲消除业障系非常之大。除咗一个本尊衍生好多法门出嚟呢，我哋而家学唔晒呢，穷我哋一生嘅精力其实真系学唔晒，但系最简单，你可以念同佢相通嘅心咒。譬如你喜欢四臂观音呢，你可以念“唵嘛呢叭咪吽舍”；你喜欢地藏王菩萨呢，你可以念“唵 钵啰末呢达呢 梭哈”，佢嘅灭定业真言；你中意药师佛呢你可以念“唵 鞞刹遮 鞞刹遮 鞞刹迦 三末揭帝 梭哈”，你可以念药师佛嘅心咒。你同边个本尊有缘，最简单你就可以念返佢嘅咒去消你嘅业障。嗱，我又重复提番起一句说话，就系你念呢句咒嘅时候，你会觉得好沉闷、你会好苦闷，点解会觉得好苦闷？因为头先我讲过一句，你系有紧病，你好痛苦个嗰心，你个身好痛吖，一个癌症病人摊喺个床度，你叫佢念“唵嘛呢叭咪吽”？佢嘅心情念唔念到先？就系所以你过唔到呢关吖，咁你咪死啰？就咁简单，嗰条债填唔到。但唔好唔记得㖞，你今世填唔到，下一世都要还呢个债务，所以我头先屡次点出，唔系咁容易克服到呢个病症，纵使你得到一个法门系咁稀有，因为佛菩萨教呢啲法门，赐予啲法门俾你，仲要靠你自己力量，你肯唔肯修先得㗎，你唔修嘅时候呢，呢个威力发挥唔到出嚟，所以呢个斗争期呢，就系睇你自己。你要行嘅人哋扶一扶你，你唔行嘅，人哋扶你都系冇用，所以呢样系最重要最重要。

日后有时间呢，我都希望能够将观音嘅法门呢，慢慢慢慢教出嚟，按大家嘅层次好简单去教出嚟。譬如四臂观音嘅六字大明咒嘅法门呢，净系念呢个咒，或者呢个咒嘅手印，或者呢个咒嘅观想，响密法上便嘅修持呢，同埋点样去消除你嘅业障呢。或者有啲人系喜欢白衣观音嘅，白衣观世音菩萨嘅修法又系点呢？有啲人喜欢千手观音嘅，咁千手观音嘅修法嘅性质又系点呢？吖，有啲人呢，喜欢送子观音嘅，咁送子观音嘅修法又系点呢？一步一步一步，希望有机会呢，去教授大家。譬如地藏菩萨嘅法门呢，响今次嘅地藏菩萨诞里便呢，我就拣咗占察木轮相法呢，头先我已经介绍过，解释个原理俾大家听，希望你能够都做得到，呢个系佢地藏菩萨法嘅精华其中一部分。药师法呢，你点样修持药师佛同埋药师佛所变化出嚟嘅药师七佛嘅法门去医治你身心嘅病症，包括精神病、灵界病，点样去帮助其他人呢？点样去延寿呢？点样去修北斗七星嘅法呢？呢啲种种种种都系配合药师法嘅法门，对我哋今生嘅利益好大嘅。佛陀讲过，对我哋娑婆世界众生好有用，但系有用都系无用，因为点解系无用？你有冇需要吖？众生，如果你冇需要嘅，我讲出嚟都冇用。如果你有需要呢，我讲出嚟就好有价值，因为你能够利用得到，你有呢个痛苦解除咗之后呢，再去帮助其他人，身、心嘅病苦去解除。

咁今晚冇时间呢，讲呢啲法门嘅详细嘅细节，我只系简单解咗病苦大概嘅成因同埋你面对嘅方法，但系真正经历呢，都系靠你自己去点样面对，我哋坐喺度每一个人都有病，包括我自己在内，你修行亦都要面对呢个问题。我哋而家末法时期有病，正法时期佛陀时代一样，佢哋，佛陀嘅弟子，好多弟子都会有病，僧团里便呢，都有医生，都帮助啲弟子去疗病，不过系用简单嘅医药。有啲人话：“哦，佛陀正法嘅时期根本啲弟子有病就好湿碎啫，佛陀同埋其他弟子都有神通。”如果有咁嘅谂法呢，大错特错，错晒吖。神通系医唔到病，神通系虚幻吖，医唔到病，因果连佛陀都唔能够改变，神通点可以医病？你谂清楚。如果神通可以医病吖，因果可以改变，我哋今，而家坐喺度个个人都会冇病，因为佛陀嘅神通法力将我哋嘅病除去咗吖嘛，可以系咪吖？如果神通可以除病，我哋咪，而家咪健健康康、精精神神？唔通佛陀唔想佢嘅弟子好好哋学佛法，冇……（注：此处录音中断）

237.一切如来有长子（一）

普贤菩萨

普贤菩萨系中国佛教四大菩萨之一，佢时常随侍世尊释迦牟尼佛嘅右边，专门掌理德行。喺佛经上讲，普贤菩萨嘅“学”系德之于行，“行”嘅谨慎郑重莫若象，故号“象”。所以，通常我哋见到嘅普贤菩萨塑像同埋画像，多数都系以白象作为坐骑嘅。

普贤菩萨喺佛门之中嘅地位系非常之高，系著名嘅上首菩萨，佢同文殊菩萨一齐并列喺释迦牟尼佛嘅左右两边作为协侍。文殊侍奉喺佛陀嘅左边，主持智德门；普贤侍奉喺佛陀嘅右边，主持定德门。咁样嘅协侍系象征如来嘅教法——行解并进、定慧双修、理智圆通。

普贤同文殊喺学佛嘅方法之上各有佢哋嘅特点。普贤菩萨以法界门为所入之门；而文殊菩萨呢就以般若门为能入之门，两位菩萨喺求证菩提嘅时候相互融摄，依体起行，以行显理，所以普贤菩萨得到三昧自在，而文殊菩萨呢，就得到般若自在。

普贤菩萨以佢伟大嘅德行话俾世人听，学佛要有“信”；文殊菩萨以佢卓越嘅智，话俾世人听，学佛要有“解”，但系，“信”同“解”两者喺我哋学佛嚟讲，系唔能够分离嘅。冇“解”嘅“信”只系盲目，只能称之为“无明”。如果系冇“信”嘅“解”系虚妄，只能称之为“邪见”。普贤菩萨通过修行圆觉清净嘅境界，成就咗菩提正果，所以呢位菩萨喺佛学嘅造诣里便系非常之高。喺各部佛经里便我哋时常见到普贤菩萨向佛陀提出问题，请佛陀阐述呢啲问题去解决法会之上听众同埋末世众生心中嘅疑惑。有一次响灵山嘅法会之上，普贤菩萨表示：喺释迦牟尼佛灭度之后，如果有人能够受持《妙法莲华经》，普贤菩萨就会对呢个修行人加以守护，将佢嘅衰患除去，令到行者平安，使到修行人命终之后上升兜率天弥勒菩萨嘅内院。释迦牟尼佛非常之赞赏普贤菩萨呢种坚定护法嘅精神，喺嗰个时候，佛陀就表示：“汝已成就不可思议功德，心大慈悲，从久远来发阿耨多罗三藐三菩提心而能作是神通之愿，守护是经。”喺显教，系以弥勒菩萨作为释迦牟尼佛嘅补处菩萨，而响密教，就以普贤菩萨作为大日如来嘅补处菩萨嘞。普贤菩萨之所以号称“普贤”，系为咗显示大日如来久已成道，芸芸众生亦必将成道。喺《菩提心论》指出：“其圆明则普贤身世，亦是普贤心也，与十方诸佛同之，亦乃三世修行证有前后，及达悟已，无去来今。”普贤菩萨系我心目中好尊重嘅一位大菩萨，普贤菩萨亦都喺中国佛教徒嘅心目中有崇高嘅威望。

有关普贤菩萨嘅信仰，最重要嘅文献就系《大方广佛华严经》里便嘅《普贤行愿品》嘞，而《普贤行愿品》嘅核心就系普贤菩萨嘅十大行愿——礼敬诸佛、称赞如来、广修供养、忏悔业障、随喜功德、请转法轮、请佛住世、常随佛学、恒顺众生、普皆回向。普贤菩萨十大行愿嘅主旨系为咗弘扬佛法而努力，所以普贤菩萨的尊号叫做“大行普贤菩萨”。另外，我哋根据《大方广佛华严经·十忍品》里便所讲到普贤菩萨嘅十种“忍”，对于研究普贤菩萨思想亦都系至关重要。普贤菩萨讲过：如果能够做到“十忍”，何为“十忍”呢？音声忍、顺忍、无生法忍、如幻忍、如焰忍、如梦忍、如响忍、如影忍、如化忍、如空忍。能够做到“十忍”就能够对一切佛法无碍无尽，因而佛教对“忍”都非常重视，宣扬只要到咗忍位就唔会再堕落响恶道啦。显教同密教都修习普贤三昧，但系都有各自唔同嘅修法，显教注重观诸法实相嘅理，忏悔六根罪障，而密教呢，就注重身口意嘅三密相应，而且时常用手印同真言相配合嘅方法去辅助修习添。

随住四大菩萨响中国佛教界影响逐渐扩大，有关四大菩萨嘅传说亦都越来越中国化，亦都系文艺作品之中经常出现，比如喺《西游记》我哋见得到啦，《封神演义》家传户晓，呢啲咁嘅古典小说，我哋都能够见到被小说家描写得栩栩如生嘅普贤菩萨形象。好似普贤菩萨知名度咁高嘅大菩萨，其实佢嘅影响早已扩散到我哋佛门之外了。四川嘅峨眉山以美丽而著称，记得李白嘅诗句曾经吟咏过：“蜀国多仙山，峨眉邈难匹。”可以见到峨眉山系不同凡响嘅，道教更加将峨眉山称为“第七洞天”，而佛教将峨眉山就视为“普贤道场”，而凡夫俗子就将佢当成旅游胜地了。

“普贤菩萨”系梵文“三曼多跋陀罗”嘅意译，“Samantabhadra”，亦都有译做“遍吉”嘅。喺各部佛经之中，对“普贤”呢一个译名呢，解释系略有唔同，我哋试举几个例吖。喺《法华义疏》讲：“‘普贤’者，外国名三曼多跋陀罗，三曼多者此云普也。‘跋陀罗’，此云贤也。此土亦名遍吉，遍犹是普，吉亦是贤也。”喺《探玄记》讲：“德周法界曰普，至顺调善曰贤。”《大日经疏》话：“‘普贤菩萨’者，‘普’是遍一切处，‘贤’是最妙善义。谓菩提心所起愿行及身口意，悉皆平等遍一切处，纯一妙善备具众德，故以为名。”（註：根據CBETA，“‘普’是遍一切處”疑爲“‘普’是遍一切處義”）《首楞严经》讲：“普贤菩萨言：我已曾与恒沙如来为法王子，十方如来教其弟子菩萨根者修普贤行从而立名。”（注：根据CBETA，“修普贤行从而立名”疑为“修普贤行从我立名”）《悲华经》话：“‘我行应当胜诸菩萨。’宝藏佛言：‘以是因缘，今改汝字，名曰普贤。’”我哋以上引证咁多种经文，由唔同嘅角度解释咗普贤菩萨，呢个译名嘅含义都能够言之成理。

喺唐代宗密大师归纳咗“普贤”依一个译名嘅种种解释，大致就可以分成三类，依个喺《大方广圆觉修多罗了义经略疏》之中就有讲到嘞。《略疏》之中系点讲嘅呢？佢话第一，“约自体说，体性周遍曰普，随缘成德曰贤。”意思就系话普贤菩萨嘅体性系普遍周满法界嘅，所以叫做“普”；“随缘成德曰贤”呢，意思就系话普贤菩萨，佢随众生唔同嘅缘份而成立各种德行去度化众生，所以叫做“贤”。第二个意思就系“曲济无遗曰普，邻极亚圣曰贤。”“曲济无遗”嘅意思就系普贤菩萨去救济众生无有遗漏，而佢嘅果位就能够齐于圣人，谓之“贤”。第三样嘅意思，“德无不周曰普，调柔至顺曰贤。”意思系话，普贤菩萨嘅德行无不周遍，就系“普”嘞，佢嘅性质调柔而至顺就叫做“贤”，亦都可以解为：调顺众生，令众生柔服，曰“贤”。

普贤菩萨喺密教里便，又叫做“金刚萨埵”“金刚手”“秘密主”等等嘅名称，被奉为真言宗八祖之中嘅第二祖。因为大日如来就系第一祖，而金刚萨埵就系第二祖嘞。“金刚萨埵”喺汉语，我哋可以译为“执金刚”“持金刚”“金刚手”“金刚手秘密罗”“金刚萨埵”“金刚手菩提摩诃萨”，或者“金刚手萨埵摩诃萨埵”等等。所谓“萨埵”，梵文“Sattva”，就系有情、勇猛嘅意思，称普贤菩萨做“金刚萨埵Vajra-sattva”，意思系表示普贤菩萨系一位勇猛嘅大士。普贤菩萨其实同金刚萨埵只系同体同唔同嘅名称啫，普贤菩萨其实由大日如来里便受过灌顶而赐以五智嘅金刚杵，所以就叫做“金刚手”嘞。

喺有啲佛寺嘅圆通宝殿之中，供奉咗二十五尊塑像，分别代表二十五种圆通。而普贤菩萨喺二十五圆通里便系代表“耳识圆通”。二十五圆通法门包括六尘、六识、六根、七大。所谓“六尘”就系色、声、香、味、触、法；所谓“六识”就系眼、耳、鼻、舌、身、意；所谓“六根”就系眼、耳、鼻、舌、身、意六根了；“七大”呢，就系地、水、火、风、空，见，识。二十五圆通嘅总结系著名嘅《首楞严经》讲，呢部佛经记载，喺一次法会之上，释迦牟尼佛对于在座嘅各位菩萨同大阿罗汉话：“吾今问汝，最初发心悟十八界，谁为圆通？从何方便入三摩地？”于是喺佛门弟子里便，一个个汇报自己最初修道嘅时候系点样达到圆通嘅门径，圣者一共讲出咗二十五种入道嘅法门，所以就叫做“二十五圆通”嘞。喺《首楞严经》，普贤菩萨汇报话自己曾经同恒河沙嘅如来做为法王子，意思就喺恒河沙如来面前曾经做过大菩萨去协助佛陀转法轮啦。十方嘅诸佛都以普贤为榜样，教菩萨修习普贤行，而修习普贤行，首先就要悟入毘卢性海，然后先能够入普贤行嘅门径。当释迦牟尼佛询问入圆通嘅门径之时，普贤菩萨就回答话：“由心闻。”普贤菩萨意思就系话，由我哋嘅真心去听闻、去入门，用心闻嘅方法去分别众生嘅所有知见，最后达到心闻法明分别自在嘅境界。普贤菩萨亦都自述最初嘅本因：“但用耳识随念分别，能发智慧光明普照群机，得大自在。若于他方恒沙界外，有一众生，心中发明普贤行者，我普贤即时乘六牙白象，分身千百，至其发心者面前，与之相见，纵然彼因障深，看不见我，我也会暗中为他摩顶，护持安慰，使他所愿得以成就。”

对于圆通法门嘅修习方法，喺《楞严正脉疏》作咗概括嘅叙述同形象嘅描绘，佢话：“六根互用，周遍圆融，成之妙果。”“六根互用”系要到菩萨嘅境界先能够运用到出嚟，我哋凡夫，眼只可以用嚟睇嘢，耳净系用嚟听嘢。简单嘅举例，根门之中系互相隔阂，唔能够互用，但系大菩萨嘅境界，每个根门都可以做其他根门嘅功能，眼不止可以去睇嘢，亦都能够去听闻其他嘅声音。六根互用嘅方法，修入嘅方法最为方便，其实就系由耳根修入嘞。喺《楞严正脉疏》讲到耳根闻性，人人都系本自圆通——“如十方击鼓，一时并闻，是圆也。”意思系话，十方打鼓嘅时候，系咪一时间我哋都能够听到声音呢？冇错，呢个意思就系“圆”，系“圆满”个“圆”。“隔墙听音，远近能悉，是通也。”假如隔住一埲墙，无论系远系近，其实我哋都听到，如果有声音传导系唔受物质阻隔嘅障碍，意思就系“通”嘞。“声有动静，循环代谢，而闻性湛然常住，了无生灭。”声音系有动同静，有动态亦都有静态，不断去循环、不断去代谢迁流，但系我哋嘅闻性呢，系湛然常住嘅，系唔受时空阻隔性，系永远一样。过去又系咁，现在又系咁，未来又系咁，即系话，系不动嘅本体，了无生灭，系无生亦都无灭嘅。“若不寻声流转，而能反闻自性，渐至动静双除，根尘回脱，寂灭现前，六根互相为用，遂得圆通。”如果我哋唔寻外界嘅声音，唔攀缘外界嘅声音流转，唔将我哋嘅心再去向外去攀缘吖，将我哋嘅心反闻番自己嘅本性，人人内在有一个清净嘅自性，由呢一步功夫去入门做起，慢慢慢慢我哋就会到动静双除嘅境界。乜嘢叫做“动静双除”呢？我哋听唔到“动嘅相”，亦都听唔到“静声音嘅相”，慢慢慢慢，而后根尘回脱，唔攀著“根”亦都唔攀著“尘”，“根”“尘”两样都能够解脱。咁“解脱”呢一样嘢又系咩呢？其实就系我哋嘅寂灭本性自然现前。如果我哋唔攀缘相对嘅境界，唔攀缘“有”亦都唔攀缘“空”，唔攀缘“外”亦都唔攀缘“内”，但系亦都唔将个心放喺中间。如果我哋个心唔执著种种嘅见相同埋相分，唔攀缘任何嘅嘢，就会慢慢根尘回脱，慢慢我哋嘅本性就会自然寂灭现前。喺寂灭现前嘅境界，我哋嘅六根就会发挥用处嘞，就可以到达菩萨嘅境界——互用嘅根门，眼可以睇嘢、可以听嘢嘞，耳亦都可以睇嘢、可以听嘢，唔受凡夫平时嘅意识阻隔障碍，因为响嗰个时候已经转识成智而得到圆满通达，故谓之“圆通”。至于“圆通”嘅含义，《三藏法数》喺名相度都讲得清清楚楚啦：“性体周遍曰圆，妙用无碍曰通。”我哋本身嘅佛性能够周遍法界，唔系“圆”咩？我哋佛性嘅妙用发之外在，能够通达去十方，能够救渡一切众生，唔系“通”咩？“圆通”系一切众生本俱嘅本性，只系我哋唔记得咗，我哋忘怀咗啫。“圆通”系一切众生本有嘅心源，系佛菩萨所证嘅圣境嚟嘅。观音菩萨亦都讲过，众生嘅耳根系最利、最为圆通嘅，所谓“此方真教体，清净在音闻。”如果我哋由耳根去修入，慢慢慢慢就好快证得圆通，系对于我哋娑婆世界嘅众生运用耳根系比其他根门系较为利益、较为厉害，好容易到达高嘅境界，喺修行嘅方面。

释迦牟尼世尊曾经喺古印度王舍城嘅灵鹫山开讲《妙法莲华经》，喺在座嘅有舍利弗尊者、须菩提尊者、摩诃迦叶尊者、富楼那尊者，其他嘅大菩萨有药王啦、文殊啦、普贤菩萨啦，都参加在会嘅。释迦牟尼佛，佢讲演大乘教义，主旨在于说明三乘嘅方便、一乘嘅真实，最后指归净土、宣扬济世，所以记载呢次法会内容嘅《妙法莲华经》可以话系集大乘思想嘅大乘著作。而普贤菩萨喺灵山法会之上就提出，释迦牟尼佛灭度之后，善男子、善女子如果想得到《妙法莲华经》，必须要做到下便所讲嘅四点：第一就系诸佛护念，第二就系植众德本，第三系人正定聚，第四系发救一切众生嘅心。普贤菩萨又喺法会上便表示：喺世尊灭度之后五百年之间，有人受持《妙法莲华经》，我当守护，除其衰患，令得安稳吖。是人若行若立读诵此经，我当乘六牙白象王，与大菩萨俱诣其所，供养守护，安慰其心吖。是人若坐思惟此经，我复乘象王至其人前，是人对《妙法莲华经》有所忘失一句一偈，我当教之，与共读诵，得见我身，甚大欢喜。若有比丘、比丘尼、优婆塞、优婆夷受持读诵，书写此经，一心精进，满三七日，我当乘白象与无量菩萨而至围绕。以一切众生所起智身，现其人前而为说法。若人受持读诵此经，经常忆念解其义趣，如说修行，是行普贤行，为诸如来摩顶受记。若但书写，是人命终，生忉利天。若人受持读诵，解其义趣，是人命终，升兜率天，弥勒菩萨所。所以，对于普贤菩萨呢种坚定嘅护法精神，喺《法华经》有详细嘅记载。佢护持众生嘅大行大悲，亦都喺《法华经》有详细记载。释迦牟尼佛系好赞叹嘅，而且都表示：“汝已成就不可思议功德，深大慈悲，从久远来，发阿耨多罗三藐三菩提心，而能作是神通之愿，守护是经。”普贤菩萨发愿要喺释迦牟尼佛涅槃之后，守护《妙法莲华经》，而《妙法莲华经》系乜嘢意思呢？所谓“妙法”，系对三乘嘅粗法嚟讲嘅，指嘅系一乘嘅因果，因为经前便嘅十四品已经讲咗一乘嘅因，后便十四品就系一乘之果嘞。所谓“莲花”系一种譬喻，因为莲花必须花同埋果实同时而存在，用嚟系象征一乘嘅因果系同时存在嘅。普贤菩萨喺灵山会上誓愿守护《妙法莲华经》，讲明佢对呢部大乘经典系极为重视嘅。（注：接下文）

238.一切如来有长子（二）

（注：接上文）

喺唐代嘅般若三藏亦有《大方广佛华严经》，简称《华严经》四十卷，其中有一卷叫做《入不思议解脱境界普贤菩萨行愿品》，就系而家我哋时常念诵嘅《普贤行愿品》嘞。喺呢一品嘅内容就系普贤菩萨为其他菩萨众所讲嘅，首先就系长行，然后就用偈诵，跟住系统阐述咗普贤菩萨嘅十大行愿。《普贤行愿品》系《大方广佛华严经》嘅核心，概括咗《华严经》嘅主要思想。“所有十方世界中，三世一切人师子，我以清净身语意，一一遍礼尽无余。普贤行愿威神力，普现一切如来前。一身复现刹尘身，一一遍礼刹尘佛。”

《大方广佛华严经·普贤行愿品》里面记载普贤菩萨对善财童子同法会上便嘅所有菩萨话：“你哋如果想得到佛嘅功德圆果，亦都就系话你哋想要成佛，就应该修学十种伟大嘅行愿。”呢个行愿就系普贤菩萨嘅德行，功德门系“果”，普贤十大行愿系“因”，要想得到“果”，先须修“因”。普贤菩萨自述嘅十大行愿：第一礼敬诸佛，第二称赞如来，第三广修供养，第四忏悔业障，第五随喜功德，第六请转法轮，第七请佛住世，第八常随佛学，第九恒顺众生，第十普皆回向。

普贤菩萨，我衷心敬礼于您，您加持一切众生早日得成菩提，成就您嘅行愿，好吗？普贤菩萨，现在我就简略略述您嘅大愿，希望我唔好讲错。

第一“礼敬诸佛”。所谓“礼”，指嘅就系合掌、绕佛、绕塔、长跪、头面接足、五体投地等等；所谓“敬”，就系发自内心嘅尊承。概括讲，“礼敬”指嘅系生恭敬心，遍于身口所进行嘅礼拜嘞。“礼拜”系外在嘅表现，而“恭敬”就系我哋内心嘅活动。如果内心唔尊承，外表上嘅礼拜只系徒做一啲花巧，唔系真礼敬，咁样点能够感动佛菩萨呢？所谓诸佛，包括过去、现在、未来嘅十方一切佛，佛教强调，唔止对于过去佛同现在佛要恭敬礼拜，对于未来嘅佛亦都一样要礼敬吖！礼敬诸佛嘅具体要求就系我哋心观想、身礼拜、口称念，一心顶礼本师释迦牟尼世尊及十方三世一切诸佛，一心顶礼西方安乐国土大慈大悲阿弥陀佛及十方法界常住诸佛。喺顶礼嘅过程之中，我哋一定要做到一心不恙、五体投地、深入法性，离开能所嘅想，好似佛偈讲过：“能礼所礼性空寂，感应道交难思义，我此道场如帝珠，阿弥陀佛影现中，我身影现弥陀前，头面接足归命礼吔。”佛教认为，礼敬诸佛，如果能够达到上述嘅境界，咁样我哋会觉得我哋嘅身前便有诸佛普贤，诸佛嘅前便都有我哋嘅身体。亦都系话，一一尘中都有佛，一一佛前都有普贤，一一普贤都喺度合掌礼拜。进一步讲，一个普贤嘅身遍入一切普贤嘅身内，而一切普贤亦都摄归一切普贤嘅身内吖。

礼敬诸佛所得到嘅利益花报系现在可以消除根本烦恼之中嘅我慢，低头一拜又有几难呢？罪灭河沙。果报系来世所得嘅报身，人人一见我哋就自然生出恭敬尊重心，喜欢接近你、信从你。礼敬诸佛嘅要旨系内佛、外佛同一实相，随一一礼，曰佛曰礼，重重无尽。

我哋讲到第二点嘅“称赞如来”。所谓“称”，指嘅系称颂，所谓“赞”，指嘅系赞叹；“如来”呢，就系佛嘅十号之一，“如”就系如如不动，意思系不生不灭嘅心体湛然寂照，亘古今而不变；“来”就系去来，意思系如如不动嘅心体能够生起万德，喺无去无来之中而能够任去任来。佛所以称为“如来”，系因为佛陀成真如之道去游化嘅缘故。称赞如来，有“赞因”同“赞果”嘅区别，所谓“赞因”就系赞叹佛喺因地经过三大阿僧祇劫，修福修慧嘅时候行种种难行能行、难忍能忍嘅修因。比如释迦牟尼佛喺因地行菩萨道嘅时候，曾经将自己身体上嘅肉一块一块割落嚟去喂鹰。又曾经被哥利王所误会，将佢嘅身躯节节肢解，但系释迦佛不但唔生起怨恨心，而且仲认真为哥利王说法，而哥利王就系后来嘅释迦佛大弟子㤭陈如尊者。好似释迦佛过去嘅难行能行、难忍能忍嘅道行，就系佛嘅修因，称扬赞叹呢种修因就系“赞因”。而所讲嘅“赞果”，就系赞叹佛所成就嘅种种德能，例如无量智慧、无量神通、无量慈悲等等，称扬赞叹呢啲果德就系“赞果”嘞。佛陀有法、报、应三种身，称赞如来系对法身佛、报身佛、应身佛呢，都系要赞扬嘅。我哋试举三首偈诵，一齐嚟赞叹佛嘅三身啦！“清净妙法身，湛然应一切。”“阿弥陀佛身金色，相好光明无等论，白毫宛转五须弥，甘目澄清四大海，光中化佛无数亿，化菩萨众亦无边，四十八愿度众生，九品咸令登彼岸。”称扬赞叹佛身嘅偈诵，可以有“堂堂黄金相，巍巍不动尊；天上与人间，无不咸恭敬。”称赞如来利益所得亦都系无穷无尽嘅，系消除我哋嘅恶障，身口意三业亦都喺将来得到辩才无碍。“称赞如来”嘅要旨系身业礼、口业赞、意业敬，系三业供养如来嘅真实法。

第三种，“广修供养”。所谓“广”，意思就系供养嘅范围，竖穷三际、横遍十方，普贤菩萨对三世十方一切诸佛都进行供养；所谓“供养”，意思系施舍财物或者举行法会去弘扬佛法。故此“供养”又有“财供养”同“法供养”嘅分别，“财”有“内财”同“外财”两种，所以“财供养”又有“内财供养”同“外财供养”嘅分别。“内财供养”就系以自己身上嘅物根据对方嘅需要嚟施舍，比如现在有人自愿输血俾有需要嘅人、志愿献出肾脏俾需要换肾嘅人，呢种真系大菩萨嘅行为，系好伟大嘅施舍，就系“内财供养”嘞。当然，“内财供养”嘅范围好广大，喺《法华经》界定为“内财供养”系用身口意三业恭敬供养，就系礼拜赞叹供养啦。而“外财供养”就系将金钱财物等等一切身外之物上俸诸佛菩萨、下济贫困嘅人。佛教嘅修行人具有大慈大悲心，能够随缘布施，我哋应该尽心供养一切众生嘅。（注：接下文）

239.一切如来有长子（三）

（注：接上文）

“法供养”有“自供养”同“他供养”两种，“法”嘅“自供养”就系自己修学世间同出世间嘅一切学问道德；“法”嘅“他供养”呢，就系将自己学到嘅学问道德无私去教俾别人，使到别人亦都得以开智慧、行道德，呢个就系“法供养”嘞。广修供养喺实施嘅过程之中可以由小到大、由近到远个㖞。比如“法供养”可以由劝导一人、一家行善开始，而逐渐开始扩展，使到周围嘅人都可以积德行善，以致可以将呢个力量影响遍及四方。“广修供养”所得利益嘅花报就系现在可以减少我哋根本烦恼嘅贪欲，而果报呢，就系将来可以得到大富嘞。而“广修供养”嘅要旨就系“财供养”应该尽己所能，唔好存贪恋嘅心，而“法供养”就以如来正法去开示众生，令到一切众生转迷启悟吖。

“忏悔业障”。所谓“忏”系梵语“忏摩”嘅音译略称嚟嘅，系“容恕我罪”嘅意思；所谓“悔”系中文，意思就系改以往嘅过失、修来世嘅福德。“忏悔”原本系对人发露自己嘅过错、求人哋去宽恕嘅一种自我表述，但系后嚟就成为佛教一种宗教仪式。所谓“业”系指我哋身口意嘅三业；所谓“障”系指“惑、业、苦”嘅三障。佛教认为众生由于无始一念不觉之间起咗迷惑，起咗迷惑就会失去理智啦，同时又产生唔合理嘅念头，产生唔合理嘅念头，身口意就会造出罪业了。造业系“因”，有“因”就必有“果”，将来一定会遭受六道生死轮回嘅苦报吖，所以我哋千祈唔好造业。好似《普贤行愿品》讲到：“若此恶业有体相者，尽虚空界不能容受。”因为有呢啲业障，所以会受唔尽嘅苦，如果想脱离苦海，我哋就一定要忏悔嘞。佛教讲“忏悔业障”所得到利益嘅花报系现在可以消除我哋一切烦恼，而果报呢，系将来嘅生活可以永远富裕同幸福。“忏悔业障”嘅要旨系忏悔我哋一定要真诚，要改我哋嘅心，改往修来，唔系口讲。因为“惑”系我哋嘅心起，所以就要发自内心去进行忏悔，只有咁样先能够被污染嘅心，将心识去转换，换上灵明清净嘅智慧，有咗智慧就唔会再造恶业，冇咗恶业恶因就唔会再有苦报、苦果了。我哋忏悔千祈唔好摆喺口上便，虽然做错咗可以改，但系我哋亦都唔好因为忏悔而有一个藉口，认为佛教可以洗脱我哋罪业，念经念咒可以消除我哋嘅罪障，甚至十恶五逆都可以消除，藉住呢个方便去不断造业，千祈唔好吖！呢种系一种误会嚟㗎。相反，我哋更加应该要改往修来，因为菩萨畏因，凡夫畏果，如果系修行菩萨道嘅圣者，佢每一步、每一言、每一行都会注重所种下嘅“因”，佢会观察到种种机缘适不适合去讲、适不适合去做。所以修行菩萨道嘅师兄，如果受咗菩萨戒，希望能够注意呢点！菩萨喺种因嘅时候真系好小心嘅。

跟住我哋讲到“随喜功德”。所谓“随喜”，系指听佛法嘅时候内心产生喜悦而归依佛教，比如，喺听说法嘅时候流下激动嘅眼泪啦，就称为“随喜之泪”嘞；所谓“功德”，指嘅系做善事同得善报，比如念佛、布施、诵经、建佛塔、印佛经等等。其实“随喜”有消极同积极两种，消极嘅随喜只不过系见人哋做善事，心中生起欢喜心啫，而积极嘅随喜就系见人哋做善事，不但我哋自己心中生起欢喜心，而且仲要努努力力去实行呢种善事，去帮助其他人成就，系积极嘅。“功德”亦都有“世间有漏功德”同“出世间无漏嘅功德”两种。“世间有漏嘅功德”指嘅系济贫扶贫、斋僧建寺、造桥修路、抗洪救灾吔；“出世间无漏嘅功德”所讲嘅就系广修六波罗蜜多啦，时常行四摄法，善巧方便而了生脱死吔。对于上述两种功德能够心生欢喜、积极支持，有力嘅助力，无力嘅赞叹、随喜去修，就好似普贤菩萨随喜净土法门去称赞阿弥陀佛嘅功德一样。“随喜功德”嘅利益，现生嘅花报就系现在可以消除我哋嘅烦恼之中嘅嫉妒障，而果报，喺将来嘅眷属亦都可以过上等、美满嘅生活。“随喜功德”嘅要旨系对各种功德善举只能够称扬赞叹，唔可以讽刺打击，能够随喜修行，千祈唔好嫉妒同诽谤吖！

我哋讲到“请转法轮”嘞。所谓“请”，指嘅系请求；所谓“转”，指嘅系运转；所谓“法”，指嘅系断除烦恼嘅方法，亦都系佛法；所谓“轮”，原意系车轮；“法轮”就系指佛嘅说法辗转不停，好似车轮一样。将佛法比喻为“法轮”，呢度有两层寓意嘅，第一，系以车轮转动，能够将东西不断运送到四方八面，暗喻说法系辗转不断，可以将佛法不断运送到我哋众生嘅心里便。第二，系以车轮能够碾碎路上无尽嘅乱石杂草，暗喻佛法能够不断消除我哋众生内心嘅无明烦恼。“请转法轮”就系请求佛陀俾众生说法得听。佛在世嘅时候请求佛说法，佛唔喺世上嘅时候亦都可以请求正知正见嘅大法师代佛说法。佛陀说法，字字句句都系由菩提心之中流出，众生闻法，字字句句入耳都能够转入心中而成为妙法。我哋只要有个清净心，打开心胸就可以接受佛陀嘅佛法㗎喇。法师转大法轮，亦都能够使到众生去恶向善、转凡成圣。“请转法轮”所得嘅利益花报，现在可以消除我哋嘅“我慢法障”。“慢法”就系骄慢嘅心嚟看待佛法，咁样点能够接受佛法呢？唔能够接受佛法就冇办法开启智慧，就形成一种障碍，所以叫做“慢法障”。其实，我哋识得少少佛经，喺佛海里便只系恒河一粒沙，能够讲、能够学又有几高呢？如果我哋自以为是，将自己识得讲好多佛经，能够弘扬好多佛法，以为自己喺佛法修学嘅历程修到好高，就未免过于自以为是，呢个就系佛经里便所讲嘅“我慢”。无需要吖，其实人人用一个谦卑平等嘅心互相自处，唔好大家互相去妒忌，一齐携手去弘扬佛法，咁样真系有几好呢！消除“慢法障”就会虚心接受佛法，每得一分佛法，就能够开一分智慧，希望各位佛陀嘅弟子都能够团结，唔好互相加以诽谤。我哋有入胎之谜吔，我哋唔能够了知我哋前生嘅嘢，可能我哋前生都系佛陀座下共同弘扬佛法嘅弟子嚟嘅。只要我哋人人能够团结，唔好分开你我，系一种好嘅方便，系佛陀所希望见得到嘅。消除“慢法”嘅果报系将来可以得到多闻智，有好多机会听闻佛法。“智”就系佛法一传入耳之中能够牢牢记住了。请，“请转法轮”嘅要旨系喺释迦如来灭度之后、弥勒如来未生世上，请大法师说法应该真心诚意、虚心顶受，咁样先能够破除法障、大开智慧嘅。

跟住我哋讲到“请佛住世”。“若悟大乘得见性，虔恭合掌至心求。”所谓“住世”，意思系喺世间居住。“请佛住世”呢种行愿，意思系话请求佛陀要久住世间，点解要请佛陀久住世间呢？为咗只系一样嘢——希望多啲利益苦难嘅众生。世人大都处于迷惑之中，只知道尽情造业，唔知学法修行，所以就不停受苦。众生由于冇智慧，深陷苦海，揾唔到出路，冇人救拔，只有大慈大悲嘅佛陀先能够普渡众生出离苦海。佛度众生嘅方法就系使到众生获得智慧、去迷开悟，呢个原因系因为众生嘅苦都系由迷而生，去咗迷惑、开咗智慧就能够离开痛苦，得到安乐，请佛住世嘅目的系令众生获得智慧嘅。佛在世嘅时候，我哋应该求佛久住人间，佛唔喺世嘅时候，可以请自性嘅佛住世，所谓“自心作佛，即心即佛”，我哋有冇请过自心嘅佛去住世呢？众生心净，见佛常住，众生嘅心垢见佛就会涅槃嘞。如果众生念念在佛，就系时时请佛住世，请自性佛住世就系求自己念佛嘅心同佛相应，心即是佛啦。按照佛教讲，“请佛住世”所得到利益嘅花报系现在可以消除我哋喺佛前佛后之难——唔会出生喺佛前或者佛后，果报就可以将来得到福德智慧双重满足。“请佛住世”嘅要旨系念佛念念不断，佛先会时常映入我哋心中。我哋要记得佛经所讲，心、佛同众生三样嘢系冇差别，我哋一定要真正请自性佛住世。

第八样大行，我哋讲到“常随佛学”。“常随佛学”呢个行愿，系要佛门弟子经常随从佛嘅学问去修学，佛嘅学问、佛嘅教诲都记载响佛经之中。“常随佛学”就系经常系统咁学习研究佛经嘞，而且不但要随佛所学，仲加要随佛所行。佛喺因地所行嘅种种难忍能忍、难行能行嘅一切行为都系佛门弟子所要学习仿效嘅。“常随佛学”嘅利益嘅花报，系现在可以消除我哋堕落同退转嘅危险，果报系将来可以成佛。“常随佛学”嘅要旨呢，我哋要诚心忆佛，由因至果、忍得心至、随之而学、随之而行。学得一分，实行一分，如果我哋能够时常咁永远不变就非常之好了。

第九我哋讲到“恒顺众生”。所谓“恒顺”就系长久随顺，所谓“众生”就系大众。众生嘅性格、脾气、心情、习惯都有差异，人同人之间相处要经常不断去了解对方，先能够适应对方，就系“随顺”。无论喺何时何地都要同人和睦相处，去造成一个轻松愉快嘅气氛，唔使到对方感到不快痛苦，应该俾对方心生欢喜先系。“恒顺众生”所得嘅利益，现生可以消除我执果报，将来无论做乜嘢事情都会得到好多人嘅拥护爱戴。“恒顺众生”嘅要旨系永远以大悲心平等对待众生，亦都能够好似尊敬父母一样，乃至如来一样，对众生承事供养。具体我哋要做到四点：第一，系当众生遭到疾病折磨嘅时候，你要成为良医。第二，当有人失足或者迷路嘅时候，你要引导佢走上正途。第三，当众生处于黑暗之中，你要带嚟光明。第四，当有人贫穷困难嘅时候，你要伸出援手吖。

最后我哋讲到普贤十大愿王“普皆回向”。所谓“回”就系回转，所谓“向”就系趋向。“普皆回向”呢条行愿系指回转自己所修嘅一切功德，完全无私去施与众生，或者趋向一个目标。“回向”嘅内容主要有三种：一种系回向自他，就系将自己所修嘅一切功德全部趋向奉献俾尽虚空遍法界一切众生；另外一种系回因向果，系将自己念佛号、诵佛经等等嘅全部功德，为众生回向去往生极乐净土；另外一种就系回事向理，就系由佛学理论嘅高度去认识自己所修嘅一切功德系因缘所生嘅，缘生无性，当体就即空，佛说功德即非功德，而又称之为功德。至于回向嘅目标，佛经之中讲得清楚了：“愿令众生常得安乐，无诸病苦；欲行恶法皆悉不成，所修善业皆速成就；关闭一切诸恶趣门，开示人天涅槃正路。若诸众生因其积集诸恶业故，所感一切极重苦果，我皆代受，令彼众生悉得解脱。”“普皆回向”所得嘅利益，现生果报系现在所修功德唔会消失，果报系将来能够有愿必成。“普皆回向”嘅要旨系回向要专注一个目标，唔使到功德分散，并且要真正做到无一自己嘅私求，系专为他人谋利益。

“愿得普贤真妙行，常乐利益诸众生。”希望各位师兄早日完成普贤嘅十大愿，同证阿耨多罗三藐三菩……（注：此处录音中断）

240.自古圣贤迈俗流（一）

喺我哋中国嘅历史宝库里便，有一部闪闪发光嘅巨著，叫做《太史公书》，《太史公书》即系将有历史以嚟一直到秦、汉嘅整个历史编写成一部通史，我哋后人称之为《史记》。《史记》被誉为史家嘅最高准则，呢部著作系史学家司马迁忍辱负痛，用自己一生嘅血汗写成嘅。

讲到司马迁嘅家庭系一个仕宦之家，佢爸爸司马谈做过太史令，太史令系专门管理天文历法嘅事，司马谈亦都精通各家嘅学说，学问好高深，喺家中里便亦都藏书不少。司马谈好喜欢自己嘅仔，希望能够一心一意将司马迁教育成为世代相传嘅有才、有志之士。司马迁后来都好争气，佢好细个嘅时候就经常聚精会神听爸爸讲论诸子百家学派同埋所见所闻嘅历史趣事。司马迁读书嘅时候呢，非常用功，啱啱几岁嘅时候，佢就学会咗当时所通行嘅文字，十岁嘅时候，佢开始阅读古文，《左传》《国语》《世本》等等，无书不读，到咗二十几岁嘅时候，司马迁已经读遍咗家中嘅藏书，而具有比较广博嘅知识。

为咗接触实际，扩大眼界去增长知识、结交学友，啱啱二十岁嘅司马迁接受父亲嘅安排，踏上壮游祖国嘅大地、进行学术旅行嘅漫长历程，前后一共二十年，佢嘅足迹几乎遍及全国。佢所到嘅地方，司马迁都注意去做历史嘅调查研究，对于地理环境、人民嘅生活习惯、历史传说同埋著名人物嘅逸闻、逸事，佢走乡串户、访问长老，佢查阅史实，进行认真细致嘅调查，而且随时做详细嘅记录，甚至连嗰啲唔引人注意嘅细微锁事，佢都好认真去听取、细心观察。

通过呢次嘅游历，司马迁亲手记低咗几本好大嘅历史资料，咁喺写文章嘅词藻同埋气势方面，亦都受到咗好好嘅锻炼，为咗写《史记》作好准备嘞。例如佢嚟到长沙湘水之滨之后呢，又重读咗屈原嘅《离骚》《天文》《招魂》《哀郢》等等嘅作品，亦都亲自去屈原投水嘅地方进行咗考察同埋实地了解，正因为佢做咗呢件事，所以佢喺写《史记》里便，《屈原贾生列传》嘅时候，屈原，佢写到屈原嘅形象呢，栩栩如生。

司马迁虽然有咗好高嘅学问，但系佢始终虚心学习其他人嘅长处，佢曾经亲自登门向孔安国学习《尚书》啦，又到过董仲舒屋企里面专门请教孔子作《春秋》嘅事迹。佢同大文学家贾谊嘅孙——贾家一直保持学术通信，多年唔间断。佢同天文学家壶遂经常相邀，一齐去讨论各种学术问题，夜深不散。

司马迁嘅爸爸司马谈病重嘅时候，将司马迁叫到面前话：“我死咗之后，你一定唔好忘记著书立说呢件大事，千祈唔能够俾国家历史断绝吖！”司马迁完全明白历史对于一个国家、一个民族嘅重要性，佢深沉而坚定，喺父亲面前立下咗要编写国家历史嘅誓愿。喺三年之后，年近三十岁嘅司马迁继承父亲嘅职位，做咗太史令，从此，佢更加有咗机会阅读国家收藏嘅大量藏书，去进一步熟悉同埋整理历史资料，特别对于古代各国嘅历史、杂记，佢更加系广泛猎取，用心去钻研，故此使到自己嘅历史知识达到咗一个新嘅水平，尤其对各国历史发展过程嘅了解同埋睇法日益丰富同埋成熟，于是司马迁就正式开始咗《史记》嘅编写工作。

正当司马迁昼夜为编写《史记》紧张工作嘅时候，不幸嘅事情就发生了。喺公元前九十九年，汉朝嘅大将李陵喺一次战斗之中惨败，投降咗俾匈奴，而司马迁喺讲到处理呢件事嘅时候，只系随便讲咗几句公道嘅说话，但系呢几句说话就触怒咗汉武帝，被收监而处以宫刑。好好一个健壮嘅身体突然之间惨遭残疾，咁样对司马迁嚟讲系一个好严重嘅打击，但系司马迁并冇灰心，佢嘅意志不仅冇消沉，反而更受到咗考验，佢下定决心无论如何都要生存落去，要彻底完成《史记》嘅编写工作。记得佢喺回答一位朋友嘅信里便曾经讲过，佢话：“我受咗咁可耻嘅负刑，所以要忍辱偷生系有原因嘅，因为我多年嚟搜集咗全国嘅历史资料，亦都进行咗考察、比较，研究佢嘅成功、失败、兴起同灭亡嘅道理，撰写一部阐述古代到现代发展嘅一部历史书，建立一家之言，不料工作仲未完成就遭遇咗呢种惨祸，为咗完成呢部著作，唔俾国家历史断绝，就只好生存、忍受呢种刑罚。假如书已经完成，亦都可以流布响世上，即使要我立即去死，以致死一千次、一万次，我都系唔会后悔嘅。”司马迁喺写俾朋友一封信里便讲过以上呢一段说话。正系由于司马迁呢种对于事业嘅坚毅、郑重、严肃、负责嘅态度同百折不挠嘅奋斗精神，经过前后几十年嘅努力，司马迁终于用整个生命同血汗，实现咗自己嘅誓愿而完成咗《史记》嘅全部编写工作。

黄霸系中国西汉时候嘅大臣，佢青少年嘅时代，爱好非常广泛，佢治学文法、诗书，仲懂得音乐，佢为人正直，修养亦都好好，对于乡里之间所发生不平嘅事，无论系边个，佢都系能够敢于挺身而出、仗义直言。遇到有一啲无依无靠、鳏寡孤独、穷苦嘅老人，如果病，甚至死咗，冇钱去安葬，只要话俾黄霸听，佢就主动出嚟去承担义务，一个一个都处理安置妥当，如果买唔起棺材，佢就去砍伐树木去作为棺材，去帮助啲老百姓。故此黄霸一直好得到平民百姓嘅信赖同埋赞誉，大家都时时暗自祝福佢：好似黄霸咁样嘅好人，将来如果能够负起治理国家大业嘅重任，咁就好嘞。

咁讲完呢段说话真系巧合，可能系黄霸积咗阴德嘅关系，后嚟黄霸果然官运亨通，相继就任要职，一，一直嘅官位升到朝廷丞相长史嘅位置。无论做咗几大嘅官，黄霸都系坚持廉洁奉公、贤良为政嘅，但系佢冇想到贤良系总系遭受奸臣嘅逼害。正系黄霸做丞相长史嘅嗰一年呢，朝廷之中嘅奸臣借咗一位学者夏侯胜嘅案件喺皇帝面前诬告佢，当场加以附和，纵容夏侯胜非议诏书、诽谤皇上嘅罪名而削去一切嘅官职，而且同夏侯胜一齐打入咗监狱，准备对佢哋判处死刑。讲到夏侯胜，系当时名望好高嘅学者，尤其喺对金文《尚书》嘅研究方面有好深嘅功力，曾经被人称为“大夏侯学”嘅开创者。黄霸一向好赏析夏侯胜嘅学问，夏侯胜亦都非常敬仰黄霸呢个人，现在两个人同处一个监狱，更加系亲密无间了。一日，黄霸突然谂起，现在被关进咗监房，成日冇嘢做，唔系正系学习嘅大好时机咩？于是佢对夏侯胜话：“你嘅学问咁深，可唔可以帮我讲解《尚书》呢？”夏侯胜以为黄霸喺度开玩笑，就冇认真答佢，但系跟住黄霸一次又一次咁重复自己嘅要求，于是侯胜感到好奇怪，好唔理解话：“你同我而家都系获罪坐监嘅人，讲唔定咩时候就会被推出去杀头，仲讲《尚书》有咩用吖？”黄霸于是好冷静，笑咗一笑然后话：“孔子唔系曾经讲过咁样嘅说话咩？佢话：‘朝闻道，夕死可矣！’如果朝头早能够听到至高无上嘅道理，就算响黄昏嘅时候死去，唔系冇遗憾咩？如果我哋今日仲未被杀头推出去嘅话，就应该抓紧今日嘅时间，应该学多一啲嘢，即使到咗听日被杀头嘅时候，咁我哋个心都会感觉到快慰无憾啦！”夏侯胜被黄霸呢种争取时间热爱学习嘅精神深深感动咗，佢完全答应黄霸嘅要求，而且立刻开始系统讲授咗《尚书》俾佢听，从此之后，日日夜夜、朝朝暮暮，一个学不倦，一个教不厌，喺三年监狱之中嘅生活，从嚟冇间断过“教”同埋“学”。喺三年过咗之后，当黄霸同埋夏侯胜被赦免出狱嘅时候，两个人嘅学问都比以前大大咁样长进，黄霸就感叹咁讲：“呢三年嘅光阴，我终于真系冇虚度过！”

匡衡系西汉时期一个好出名嘅经学家，佢出生响山东苍山兰陵镇，系一个穷苦人家嘅细蚊仔。穷细蚊仔匡衡从小就好中意读书了，但系嗰个时候，穷人家想读书犹如蛤蟆想飞天一样，系好难嘅，匡衡不但冇条件去学堂读书，喺日头仲要帮助爸爸妈妈去做嘢生活。如果利用晚间嘅时间去读书呢，屋企又冇钱去买灯油，亦都系读唔成。有一日，匡衡就望住屋企嘅墙壁而谂到一个主意，系咩主意呢？佢喺自己嘅墙壁里便去凿开一个小洞，希望能够喺隔篱邻舍嘅灯光能够透过呢个小洞照射过嚟，自己就可以利用呢啲灯光，借呢啲小灯光去读书了。咁一日、两日，三年、数年慢慢过去，匡衡就系利用呢个方法读书，终于用呢种刻苦求学嘅精神使到自己成才，后嚟，佢不仅文章写得好好，仲加善于吟咏诗句，而且有超人嘅理论修养同政治见解，到咗汉元帝嘅时候，匡衡就被任命做咗朝廷嘅丞相。呢个系好著名嘅“凿壁偷光”故事。

玄奘法师系中国历史上一位有卓越贡献嘅僧人，佢从小求知好学，而且具有坚毅不拔嘅性格同百折不挠嘅毅力，佢仲系一位杰出嘅旅行家、思想家、文学家同翻译家添。玄奘法师系河南人士，本身佢叫做陈祎，佢十一岁嘅时候开始诵读经书，十三岁出家，“玄奘法师”就系佢做咗和尚之后嘅法号，佢虽然出家为僧，但系好中意学习，敬惜寸阴，励精无怠。唐朝初期，玄奘法师去过长安、成都、荆州、河南、河北等等嘅地方游历授学，佢每到一笪地方，佢都首先去登门请教有学问嘅僧人，同佢哋讨论学术问题，亦都了解情况。经过广泛嘅调查，佢发现全国嘅佛教宗派分歧，译经唔能够传道，亦都唔能够传实，所以佢就下定决心要亲自到佛教嘅发源地——印度，去学习同研究佛学。

玄奘法师喺二十五岁嗰一年就离开咗长安西行。一日，佢走到嘉峪关嘅路途之上，见到一位老人，老人听讲玄奘法师只一个人西行取经，就再三劝阻话：“西行嘅道路系极为艰险，伊吾国（啫系现在新疆嘅一带嘞）有八百里大沙漠，嗰度上无飞禽、下无行兽，成群结队嘅人都迷失咗方向，唔识得往返而葬身响沙漠之中，更何况你一个人独行呢？我劝你都系趁早返去啦！”玄奘法师听完老人嘅说话之后，寻思咗片刻，佢就话：“我既然已经立志西行，就决唔会后退一步，纵然死喺路途之中，一定系冇悔恨嘅！”老人被玄奘法师坚定嘅意志所感动，唔再拦阻佢，于是仲将自己所骑嘅一匹赤色嘅马送给俾玄奘。

玄奘法师骑住马进入咗大沙漠之后，果然迷咗路，携带嘅一啲水亦都倒咗，真系进退两难。面对呢种情况，玄奘法师曾经寻思过：仲系返去攞水定系西行呢？但系一谂到自己立下嘅不后退一步嘅誓言，于是又鼓足咗勇气，继续前进。佢一边走一边坚定自己嘅意念话：宁肯西行而死，不能东归而生。喺滴水未进嘅情况之下，又西行咗四五日，佢曾经多次晕倒响地上，但系只要一苏醒过嚟，佢又接住向西行，咁样，佢一路越过戈壁、翻越葱岭、经过碎叶城到阿母河、登帕米尔高原、闯铁门关嘅偏远，经历近一年嘅时间，终于到达咗天竺国，成为第一个周游古印度嘅中国旅行家。

玄奘法师响印度留学咗十五年，游历咗七十多个城市。佢时时都系日头去游历调查，夜晚就响油灯之下功读佛教嘅各种经典、逻辑文法，同埋博览佛教嘅群书，学业大有长进，成为第一流嘅佛教学者。喺公元嘅六百四十二年，玄奘法师出席咗响印度戒日王都曲女城举行嘅经术讨论会，参加盛会嘅一共有十八个国王，数千名佛教僧侣同婆罗门教徒。喺呢个大会之上，玄奘法师以主讲人嘅身份发表咗佢超众嘅佛学论文《制恶见论》，喺大会举办咗十八日嘅讨论会之中，冇一个人对玄奘法师嘅论文能够提出反对嘅意见，由呢点可以睇得到，足以显示玄奘法师嘅刻苦钻研精神同高超嘅学术水平。取得咗惊人嘅学术成就之后，玄奘法师对自己嘅事业仍然系一片热忱，毫不懈怠。

当佢由印度步行返去长安嘅时候，佢已经系四十四岁嘅中年了，但系征尘刚去，佢又开始咗对带返嚟嘅六百五十七部佛经进行咗大规模嘅翻译工作。法师翻译嘅态度系好严肃、认真嘅，每次佢决定翻译某一部经典之前，佢总系首先要搜集齐各种唔同嘅版本，自己亲自精细去进行校勘比较之后，然后先开始动笔翻译。由佢开始翻译嘅嗰一日起，直到佢圆寂之前嘅第二十七日为止，喺二十年之间，佢虔虔不懈，专思法务，喺依啲期间，佢除咗有一次返乡下去探望佢同胞嘅姐姐之外，所有嘅时间，系冇离开过自己嘅岗位一步。玄奘法师一生，总共译出佛经七十五部，一千三百三十五卷，大概一千三百多万字，佢仲亲笔写出十二卷嘅《大唐西域记》，俾我哋后人留下一份极为宝贵嘅文化遗产，更为可贵嘅系玄奘法师俾后人仲留下咗艰苦卓越嘅求知同埋治学嘅精神态度。

喺中国古代嘅优秀散文里便，有一篇脍炙人口嘅佳作，叫做《岳阳楼记》，依篇文章唔单止系写景抒情动人，更加有“先天下之忧而忧，后天下之乐而乐”嘅不朽名句，激励住人嘅宏大抱负。《岳阳楼记》嘅作者就系北宋时期一位有志之士，著名嘅学者、政治家、军事家，范仲淹。范仲淹响佢一生嘅事业里便，走咗艰苦曲折嘅道路，但系佢嘅治学精神，就是始终如一，而且被后人传为佳话添。范仲淹，虽然佢嘅出身于名门仕宦之家，但系事实系一个破落嘅世家，家境一年比一年艰难，尤其喺佢唔到两岁嘅时候，爸爸去世，跟住母亲亦都改嫁，生活更加系清苦孤寂。生活虽然艰苦，但系对于小小嘅范仲淹，仲唔算得系咩事情，最令佢伤心嘅系由于冇钱，冇书读，由啱啱识事起，佢就开始希望能够进学堂，能够读书，一直等咗四五年，年年都系落空。后来到咗范仲淹十岁嗰年，佢终于决定决心离开家庭，去长山醴泉寺里便住，喺僧房里便发奋用功苦读。范仲淹集中咗精力，节省时间，一心读书，佢每日只系煮一大碗稀粥，等到啲粥凉咗凝结之后，再攞嚟一把刀，将啲稀粥划分为四块，早晨同埋晚上呢，就食两块，亦都唔烧火同埋炒菜，只系切几条咸菜就将稀粥混埋一齐食，食完之后又埋头再读书了。喺寺庙里便有一个老火头僧人，佢见到范仲淹呢种专心学习嘅精神，非常感动同埋佩服。有一日，呢个火头僧当面称赞范仲淹话：“你小小年纪，点解就识得咁发奋读书？而且生活上又唔怕艰苦，真系好难得吖。”范仲淹于是回答佢话：“一个人如果唔读书，只系贪图享受、饱食终日、舒舒服服，呢种生活根本就毫无意义嘅。”

为咗开拓眼界，广泛摄取知识，十九岁嘅范仲淹辞别母亲，孤身离开久居嘅江南，餐风露宿，千里迢迢去求师访友，嚟到名师群集嘅应天府，即系现在嘅河南商丘地方。佢入咗当时全国赫赫有名嘅南都学社，范仲淹一踏进南都学社，一下子就被满架嘅书籍吸引住，佢好贪婪咁昼夜苦读，简直达到废寝忘食嘅地步。喺滴水成冰嘅冬夜，当佢读得实在疲惫不堪嘅时候，佢就用冷水洗一洗面，清醒下自己嘅头脑，然后继续又就灯攻读。每当肚饿嘅时候，佢只系饮一啲稀粥去充饥啫，老师、同学都好称赞范仲淹嘅刻苦求学精神，亦都同情佢生活上嘅艰难境遇。喺同窗嘅好友之中，有一个系南都留守（即系相当于知府官位）嘅仔，佢见到范仲淹忘我攻读，昼夜不息，而后只系食一啲稀粥，好感动。有一日，佢放学回家嘅时候，对爸爸讲咗呢件事，于是留守听咗之后就好有感慨话：“呢个范仲淹必定系一个胸怀大志、有出息嘅细蚊仔，你应该同咁样嘅人做朋友，好好向佢学习。”于是留守仲吩咐咗自己个仔，要经常送一啲好嘢食俾范仲淹，唔好令到佢身体因为读书而读垮咗，于是留守个仔就天天呢，去将啲食物送俾范仲淹食。咁过咗几日，留守个仔喺范仲淹书房里便就发现，原来佢每天送俾范仲淹嘅食物都原封不动，于是佢就责备范仲淹话：“你点解有好嘅食物唔食摆住呢？仲系饮啲稀粥？唔通你怀疑我爸爸嘅用心？”范仲淹于是回答同埋多谢话：“学友，唔系我唔领会令尊嘅厚意，只因为我多年来一直食粥，已经成为习惯了。再讲吖，如果我每日食你送嚟嘅美食，如果唔再饮粥嘅话，恐怕会养成贪食嘅毛病，将来食唔到苦，咁样追求事业嘅志向就会因为懈怠落去了。”

由于范仲淹从小刻苦好学，佢又断意磨练自己嘅意志，终于成为一名坚强嘅忧国忧民嘅政治家，一位才学过人嘅学者。喺范仲淹成年之后，经过朋友嘅荐举，受到朝廷嘅重用，曾经做过右司谏（即系向皇帝提建议嘅官）、吏部员外郎（吏部嘅助理官员啦）、知州（地方行政长官）、枢密副使（中央军事机关嘅副长官），后嚟范仲淹仲升到做副宰相嘅要位，成为显赫一时嘅朝中红人。我哋都知道，宋朝曾经变法，举行过，范仲淹佢变法失败之后，就遭到贬责，甚至被朝廷清洗，但系，无论喺佢贫穷、倒霉嘅时候，定系佢富贵荣身、官运亨通嘅时候，佢都唔会动摇吖，坚持佢自己嘅意志同埋原则，为政不忘以天下国家为己任，为事不忘廉洁励志而求真嘅精神态度。范仲淹不仅自己嘅一生系咁，佢对自己嘅仔女吔、亲属亦都系时刻用呢种精神去教育同要求佢哋，喺范仲淹做咗朝廷大官之后，虽然家产万千，身居显贵，然而佢全家人嘅衣食住行吖，都系同普通人完全一样个㖞，佢规定佢屋企冇宾客嘅时候唔准食荤菜，妻，妻子儿女嘅衣服唔能够用好嘅布料去做，即使普通嘅衣服，只系仅仅够换洗就够了，佢经常对妻子同埋儿女话：“一个人，特别喺青少年求知嘅时期，千万唔能够过分享受优裕嘅物质待遇，唔能够贪图安逸，否则喺事业上就缺乏进取心，喺学述上亦都难于探深治玄了。”

欧阳修系宋朝一位著名嘅大官、文学家，佢喺散文、诗词、史传同埋书法艺术等等各方面都有较高嘅成就，欧阳修嘅成就唔系天生嘅，而系佢苦心造就。欧阳修细个嘅时候就丧父，家境贫寒，连上学堂读书都冇办法实现，只系靠屋企，靠住妈妈教佢读书认字。佢细个嘅时候就识得求知嘅重要，读起书嚟，佢唔知道疲倦，亦都唔觉饥寒，佢连食饭、瞓觉都时时要妈妈提醒，一唔提醒，就会将乜嘢都忘记咗。欧阳修细个时候对书法抱有浓厚嘅兴趣，佢暗暗羡慕嗰啲写字写得漂亮嘅书法家。欧阳修开始练字嘅时候，因为冇钱买纸同笔，就去野地里便攞一啲芦苇杆嚟当笔，用地去当为纸，一有时间，佢就跪喺地上刻苦去练字，大字、小字、椽书、隶书、楷书、草书，全部都熟练。佢先系照住名书法家嘅贴，一笔一画练基本功，喺掌握基本书法要领之后，佢仲特别注意吸取各家嘅长处，避免短处，写出具有自己特色嘅字体。唔知道经过咗几多个日日夜夜嘅苦练，终于佢创造出独具一格嘅书法艺术，人哋称之为“欧体”，系我国优秀书法艺术嘅大家之一。

欧阳修为咗掌握作诗填词同写散文嘅学问，读遍咗各朝典籍，而且吸取各家所长为自己所用。欧阳修读书惜时如金，无论严冬酷暑、走路食饭都系书不离身、眼不离书，就系一边骑马亦都一边读书。喺夜晚，佢好攰，攰到睁唔开眼，依喺枕头上便都系要读书，甚至连去洗手间嘅时，时间吖，咁短暂，佢都唔会白白放过，亦都用嚟读书。由于自己嘅刻苦努力，欧阳修二十二岁就中咗进士，亦都担任过翰林学士、枢密副史、副宰相、史馆修撰等等重要嘅朝廷职务，欧阳修从事过《新唐诗》《新五代史》等等艰巨浩繁嘅修撰工作。佢，佢自己仲创作咗大量嘅散文、诗词、传史作品，现在嘅《欧阳文中公集》，一共有一百五十卷，喺呢啲作品里便，尤其佢嘅散文具有平易流畅、委曲婉转嘅独特风格，对后世有住巨大嘅影响。

喺当时，人哋仲唔系好了解欧阳修平日嘅刻苦精神，对佢嘅成功，亦都有众说纷纭，有啲人话佢只不过求系求咗好嘅老师，有啲人话欧阳修天生就与众不同。一，一日，有人去问欧阳修：“你咁渊博嘅学识系点样得嚟嘅呢？又点样能够喺事务繁忙嘅情况之下坚持创作而且能够写出咁精彩嘅文章呢？”欧阳修就回答话：“我嘅知识仲唔系能够讲到系渊博，仲要再加倍努力去获得知识。”欧阳修后来再谂一谂，又话：“如果要问我现在嘅知识系由边度得嚟？我可以毫不含糊去话俾大家听，我个知识同埋时间主要来自于‘三上’，边度‘三上’呢？就系响马匹上便、响枕头上便同埋响洗手间上便。”

“人生自古谁无死，留取丹心照汗青。”自古以嚟嘅英雄豪杰之所以能够昭人千世，其实主要系喺佢哋嘅突出嘅牺牲精神上便，而且能够由自我嘅牺牲之中去完成大我，去完成永恒不死嘅大我。古圣先贤有讲过：“圣人不爱己，圣人不贵己，圣人不为己。”大英雄、大豪杰对于时光都系一样，主要系在于牺牲自我，以“成我”呢个思想喺千百世之后嘅牺牲精神，喺心中只系存有一个我见、我执，系绝对唔能够有万古不朽嘅大成嘅，无我见、我执先能够舍去自己嘅身体去为人，先能够牺牲自我个人嘅名利、个人嘅生命，去做啲有益于他人、有益于国家民族、有益于世界人类嘅事情，咁样当代人都会敬仰你，后世人亦都会追忆你。如果一个人一生只为咗个人嘅升官发财、贪图享乐，同为自己嘅妻妾儿女著想，或者只系为个人嘅富贵功名著想，呢种成就只系个人主义嘅成就，个人英雄主义嘅成就，系绝对有限嘅。喺我哋心目中，如果完全唔为自己打算，只系为人类同天地去著想，咁样，有人类在就自有我在，有天地在都自有我在。确立牺牲自我，呢种牺牲观，首先主要，要令到我哋心能够忠直、平白，将我哋嘅心态恪清，唔被尘俗、惑障所染，对于外境，亦都唔好被外景所转，去习惯……（注：接下文）

241.自古圣贤迈俗流（二）

（注：接上文）……去习惯俾外界嘅事事物物同化我哋个心。我哋做任何事，首先必须个动机要纯良、要正确，对得住自己、对得住佛菩萨、对得住他人。

龚定庵嘅诗话：“百年心事归平淡，删尽蛾眉惜誓文。”圣贤嘅事业亦都系一样，要将绚烂极光辉、极伟大嘅事业归于平淡嘅心怀，咁佢嘅意义自然与其他急功近利嘅人唔同，我哋要以闲云野鹤、飘然世外嘅心怀去从事救人救世嘅事业，就自然亦都同一啲贪恋权贵嘅巧宦亦都系唔同，所以先能够“正其义不谋其利，明其道不计其功”，修到呢个效用，亦都可以使到“从政而不制于政，居官而不役于官”，随时都可以解缆放船，本立而道生，古有明训：“大者立则小者不立而自立”啦。我哋要做英雄豪杰嘅心理建设，一定要喺立本上便落功夫。

喺功利境界嘅人，佢嘅行为系以占有为目的；喺道德境界嘅人，佢嘅行为系以服务为目的；喺英雄境界嘅人，佢嘅行为系以自我嘅天才发展同个人利益、个人完成为目的；而喺圣人境界嘅人呢，佢嘅行为系以大众嘅天才发展同人类利益、人类完成为目的。所以如果有牺牲一个小我去完成大我嘅精神，先能够跻身于英雄境界而进入道德境界、圣人境界嘅领域。我哋亦“不问收获，但事耕耘”嘅心理基础，咁政治之争自可不禁而止，个人成就之缘亦都可以迎风而化，而道德同气节亦都自然可以不想而自行。要完成一个大我，先系一个永恒不死嘅我，正如老子所讲过“死而不亡者寿”，呢一，呢一点嘅精义就喺呢一度嘞。

如果要涵养一种无比嘅牺牲精神，首先要对生死嘅观念有正确嘅了悟。人生从何来，死往何去呢？古诗讲过：“人生无根蒂，飘如陌上尘。”庄子亦都话：“方生方死，方死方生。”如果能够了然生死之义，就自然喺我哋心里便无求，如果唔能够把握住我哋嘅主人公，了然生死嘅道理，所以就唔能够独往独来响天地之间了，同时亦都唔能够放出生命嘅异彩，即使活一百岁，生亦轻如鸿毛，同禽兽无异。而生命嘅异彩，时常唔喺佢生嘅伟大，而喺死嘅伟大，如果能够死重于泰山，就死如于生了，而虽死犹生，如果生系轻于鸿毛，咁就生不如死而虽生犹死。文天祥话：“人生自古谁无死，留取丹心照汗青。”意思系话俾我哋听，一个人系适宜以死嘅价值去换取生嘅价值，以死嘅荣誉去换取生嘅荣誉，呢个意思，所以伯夷同埋叔齐宁愿饿死响首阳山都仗义不食周粟；鲁仲连情愿自蹈东海而死，就义不帝秦；屈灵均、文天祥、史可法、方孝儒等等嘅贤圣，都学似文天祥《正气歌》所讲过嘅：“鼎镬甘如饴，求之不可得。”佢哋做到视死如归嘅境界。又比如楚项羽，垓下一败吔，本应佢可以听从亭长嘅劝告，返番江东，图谋再举，再可以称王，卷土重来嘅，但系佢就婉拒亭长嘅意思，自己走到江东去自刎，其实楚项羽呢个气概，视死如归系足以气盖世。又用拿破仑去举例吔，拿破仑系欧洲近代历史上嘅大英雄，但系佢最后都俯首就擒，被拘于荒岛之下，而唔能够对海忘居，咁呢一点未始唔系拿破仑光辉生命之中最后嘅一个败笔，如果佢同项羽相比的话呢，系其实比项羽稍逊一筹。希特拉同墨索里尼之所以有差别，其实就喺佢哋死嘅唔同地方啫。假使古代西方如果冇保罗嘅殉道精神，咁基督教绝对唔能够代替罗马而有西方。其实可以断言，同时我哋如果系冇黄花岗七十二烈士嘅壮烈牺牲，就绝对唔会有辛亥革命嘅成功，最低限度满清嘅生命将再延续一个更长嘅时期，呢一点亦都可以断言。故此凡系创大业嘅超世伟人，绝对唔能够有恶死而窃生嘅心情，而系必然具有超越一切嘅精神、涵盖一切嘅风度同救人救世嘅胸怀嘅。

对生死观念有咗正确嘅了悟，对名利观念，又必须有正确嘅了悟，咁牺牲精神先唔会误放喺名利观念之上。有好多人对于名利观念甚至重于生死嘅观念，认为“人死留名，豹死留皮”，能够传名响后代系一件好有价值嘅事，喺上便嚟讲，时常为名而生、为名而死，喺下便嘅人亦都为利而生、为利而死。华盛顿名望嘅伟大，唔喺在于佢自己本身嘅伟大，而系喺美国二百几年嘅历史嘅伟大。林肯嘅不朽，唔喺在于总统嘅不朽，而系喺佢解放黑奴呢一件事上便嘅不朽。因为华盛顿、林肯都坚除个人嘅私心去为公众，所以先能够成其大我而能够显得自我更加伟大。

做英雄嘅事业，必须要有圣贤嘅怀抱，如果我哋系谂住去行佛法嘅事业利益众生，必须要有圣贤嘅怀抱，最低限度就要打破名利嘅观念，先能够无争而有得，否则自己终日身在于欲胶漆盘之中，永远系唔能够自拔，自己唔能够自拔，又谈何能够救人呢？诸葛孔明话：“淡泊以明志，宁静以致远。”真系明言嚟嘅，呢个证明佢自己能够跳得过名利关嘅说话。我哋如果能够打破名利嘅观念，自然容易做到富贵不淫、贫贱不移同埋威武不能屈嘅境界了。

不为圣贤便为禽兽，不为英雄便为凡夫。其实做圣贤、做禽兽，或者做英雄、做凡夫，呢两者都喺我哋自己嘅手上，系我哋自己去拣择。孟子话：“人之所以异于禽兽者几希。”所以我哋如果唔想自己嘅一生无异于禽兽嘅一生，同草木同凋、同草木同朽，就必须要自强不息去锻炼同埋创造自己，增润我哋嘅本质，光大我哋做人嘅意义。圣人嘅性质、英雄嘅性质，其实人人本自具有，唔需要欠缺，只系能够将佢培养、滋润、灌溉，咁呢个潜藏嘅种子自然可以发芽生长、开花结果，所以我哋要做圣人，就可以做圣人，我哋要做英雄，就可以做英雄。孟子话“人皆可为尧舜”，佛陀世尊亦都讲过人人皆可成佛，换句话去讲，即系就我哋本自具有嘅性质嚟讲，人人都可以做圣人，人人都可以做英雄，培养就会生，养育就会长，我哋修行就会得到，我哋努力去做就会成功。如果唔培育就唔能够修为，唔修为就点能够生长？唔生长就点能够成功呢？但喺另一方面，我哋去睇，人人都有凡俗嘅性质，人人都有禽兽嘅性质，如果你唔加以克制同埋防治，纵容凡性、兽性，令到佢自然增长，咁就好容易湮灭咗英雄性质同圣人嘅性质了。

人嘅本性系善嘅，但系凡系有本性嘅动物就容易生情，情动就会生欲，欲动就好难同其他禽兽唔一样了。如果我哋要做圣贤，就必须要克制我哋嘅人欲以向上修行，一秒一分都唔可以放松，如果我哋想做凡夫，只须要顺人欲而下流，无须用半点功夫，所以前者难而后者系好容易，做圣人系好难，而做凡夫就话都冇咁易。好易恶难系人之常情，所以圣人英雄，虽然人人都可以做，但系总系凤毛麟角，系好少，林林总总，全部都系凡夫俗子同鸡鸣狗盗、奸猾嘅小人之流啫。

所谓超人，系超于众流之人，先佛圣人、英雄豪杰，全部都系出于众流，但系又可以超于众流，入凡而不断凡，随俗而不掩俗，形无以异于人而神异，貌无以异于人而则殊，所以尧、舜、禹、汤、文武、老、庄、孔、孟等等嘅古圣先贤，佢哋嘅形相其实同普通人都冇乜分别，但系点解佢能够出类拨萃，有异于人嘅？内也，非外也，神也，非形也。除咗佢哋自然生命之外，其实佢哋仲有精神生命，除咗自然生死之外，佢哋尚有精神生死，因为圣人能够用修养功夫去成为一个真正嘅人，去成为一个超出众流嘅人，所以能够永生永存，享天地而万古不朽。

天子生人而未生英雄豪杰，大家一齐开始都相同，点解最终系唔一样呢结局？因为圣人能够涵盖一切、超越一切、融通一切，自己掌握自己命运去主宰一切，所以同常人唔同，结果固然唔一样啦。因为圣人有个特点，佢哋能够自克、自制、自卫、自强，能够自克、自制、自强，咁人人都系一个王，人人都系领袖，人人都系英雄，人人都系圣人，如果唔能够自卫、自强、自克、自制，咁人人都系凡夫，人人都系奴隶。要将铁去炼成钢，须要经过千锤百炼，历史上所有嘅英雄豪杰，全部都系由千辛万苦、千锤百炼去出嚟，俗语讲过啦：唔吃苦中苦，点能够做人上人呢？世界上，凡系有成就嘅人，绝对唔系垂手得嚟。

孟子话：“尧人也，舜人也，有为者亦若是。”圣人能够做到，点解我哋唔能够做呢？“非不能也，实不为也。”其实唔系唔能够，系我哋唔做啫，为则是之，舍则失之，“我命由我不由天”呢句先系真理，《易经》讲过：“天行健，君子以自强不息。”凡系能够自强不息而无成就，未之有也。

俗语、谚语都讲过：“帝王将相本无种，有志男儿自为之。”所以千祈唔好自暴自弃，去蹂歪天命。自己甘于作为奴隶，咁样你就永远都系奴隶，自己甘于凡夫，我哋永远都系凡夫。如果唔自甘作为奴隶、凡夫，就终有一日唔系奴隶、凡夫嘅。

本嚟人嘅天赋系有厚薄，资质有利钝，但系天赋、资质绝对唔能够限制人，限制人嘅发展同成就，时常都系我哋自己。如果资质稍不如人就自卑自馁、自暴自弃，自己安于渺小同平凡而唔去奋发图强，喺渺小之中创造伟大，喺平凡之中创造神奇，咁永远就唔会有咩成就。一个人嘅成就唔喺富贵功名之中见得到，历史上嘅帝王将相同一生都系富贵功名之中嘅人，佢哋唔系圣人，唔系英雄，只系凡夫俗子啫，呢类嘅众生比比皆是。但系如果无论喺任何一方面要有成就，就必须自艰难困苦之中去奋斗出嚟。

世界上冇天生嘅圣人，亦冇天生嘅英雄，喺一切事业成功嘅条件之中，我哋否定“天才”呢一样嘢。爱迪生话：“天才系百分之一嘅灵感加上百分之九十九嘅血汗！”佢又话世界上嘅人时常将佢嘅成功归功于佢嘅天才，但系佢话，其实佢嘅天才只系刻苦奋斗啫，所以奋斗系伟人之母，血汗系成功之母。

喺世界上，系冇只有靠天才而能够成功嘅伟人，所以悠闲系伟人嘅陷阱，安逸系英雄嘅坟墓，即使我哋天才唔如人，亦都可以努力奋斗去弥补。《中庸》上便讲过：“人一能之，已百之；人十能之，己千之。果能此道矣，虽愚必明，虽柔必强。”呢句说话就系成功嘅最大秘诀，亦都系成功嘅最高原则。自古以嚟，成功嘅天才只不过系埋没咗嘅天才千万分之一二啫，其余都被自己嘅好逸恶劳，恒情所荒废咗，就好似荒废田一样。喺人嘅潜能里便，人人都有天才，人人都有英雄嘅本性，只系或多或少、或深或浅，潜伏住，犹如金玉埋藏喺泥土里便一样，浅就容易发掘，深就唔容易发掘。你如果唔怕艰苦险阻，能够努力自我发掘，最后就可以证明你并非有乜嘢技不如人嘅地方。不但埋藏有深浅，而且成熟都有迟早，同时历史上成功嘅人，绝对唔系全部都属于嗰啲得天独厚嘅人，而系十居其九属于资质中庸，但系能够奋斗不懈嘅人。孔子讲过：“或生而知之，或学而知之，或困而知之，及其知之，一也。或安而行之，或利而行之，或勉强而行之，及其成功，一也。”呢啲古圣先贤嘅说话，真系天经地义、千古不易嘅真理。世界上有不少自安响困顿同现实嘅人，对于佢未能够有最高嘅成就或者全无成就，总系自己解释俾自己听，自己宽恕：“因为冇适当嘅时势同埋环境或者命运。”其实时势唔能够限制人，环境亦都唔能够限制人，命运更加唔能够限制人。

古人话时势造英雄，英雄亦都造时势。实质系时势所造嘅英雄只系第二流嘅英雄人物，能够造时势嘅英雄先系第一流嘅英雄人物，凡系为天生禀赋所限制、为时势所限制、为环境所限制、被命运所控制作弄嘅人，绝对系凡夫，而非常嘅人物，就时常能够改变自己嘅禀赋、改变时势、改变环境，去创造把握自己嘅命运，甚至系改变天地、改变世界。“由有做有”并唔出奇，如果“从无做有”先系真正嘅神奇，英雄唔系时常创造历史咩？如果只系俯伏响现实同历史嘅脚下，因事而成事，因人而成事，因事成事嘅人绝对唔系英雄。突出嘅英雄，时常能够呢，善于转化，转逆为顺、转害为利、转异为自、转怯为勇、转柔为刚、转弱为强，转就会化，唔转就唔化，无所不转，就无所不化。儒家讲涵养，佛家讲修持，道家讲锻炼，呢个就系讲转化嘅功夫，功夫所到嘅地方，妙用就无穷，气质随之而慢慢变化，智愚亦都会变化，心性亦随之变化，命运随之变化，神气随之变化，形相亦都随之变化，顺逆与利害亦都随之变化，甚至可以变化天地而旋转乾坤。成功同失败，完全系决定喺我哋自己手上，而唔系决定响时势、环境或者命运之上，你能够多流一分血汗，就多一分成功，多食一分苦头，就多一分伟大，血汗系我哋事业嘅皇冠，亦都系我哋成功嘅唯一条件。

莎士比亚话：“呢一个唔系靠自己埋头苦干，唔系用自己嘅血汗功绩去堆积成嘅位置，系唔牢固嘅，系毫无意义价值可言嘅。”佢又讲：“金字塔嘅造成系由一方一方嘅石头堆砌上去。”咁样讲法就系话，凡事系由一点一滴嘅血汗累积而成，无限嘅困苦环境，唔流大量嘅汗水、血汗，绝对唔能够产生顶天立地嘅人物，顺境同富裕只能够使到你安于现实，去止于平凡，而唔能够育成你成为伟大嘅功绩。

萧伯纳讲过：“人，时常归咎佢自己所处嘅环境。”但系佢话佢自己唔相信环境，因为生于呢个世界上嘅人，要起嚟发掘佢哋所需要嘅环境，如果发掘唔到，咁就要去创造环境。世界上系冇嘢唔能够改变，你可以改变环境，亦都可以改变天地，你可以创造环境，亦都可以创造天地。环境同天地唔能够拘限人，但系人时常自己拘限响环境同天地里便，凡系被环境同天地所拘限，一啲都转变唔到嘅，就系凡夫；凡系唔被环境同天地所拘限，能够唔被任何嘢去束缚，佢就系英雄。

我哋要想成功一番惊天动地、千古不朽嘅事业，绝对唔系一蹴而就、垂手可成，喺中间一定会经过好多艰难困苦、危险同失败，但系你千祈唔好灰心，每一种困难系增益你伟大嘅资粮，每一次失败系促成你成功嘅阶乘。困难越大，伟大就越大；失败越多，成功就越大。无论做任何事，失败一次唔紧要，只要你能够不屈不挠，跌倒一定要企番起身继续奋斗，不死不休，咁最后一次胜利都系属于你，成功永远都属于你。决定平凡嘅条件，系喺你自己由于自认为平凡，决定失败嘅条件，由于自己自自认失败，只要你唔气馁，唔终止奋斗，成败总系冇确定嘅。

莎士比亚话：“千万人嘅失败，失败系由于做事唔彻底，往往做到离成功仲争一步吖，就停咗唔做了。”拿破仑都讲过：“人生嘅光荣，唔在于永远唔失败，而能够屡跌屡起。”凯撒大帝也都讲过：“胜固不骄，败亦不馁，二者均属同样光荣。”所以当我哋陷入失败之中，千祈唔好灰心，唔好自己失望，唔好气馁，非要达到目的唔好停止。易卜生讲过：“灰心就系动摇嘅开端，动摇就系失败嘅开端。”培根亦讲过：“灰心生失望，失望生不信，不信生失败。”如果你确定目的之后，你一定要有自信心，信心系一切事业成功嘅基础，唔成功绝对唔可以半途而废，所谓“掘井九轫而不及泉，犹废井也。”柏拉图嘅名言话：“成功嘅唯一秘诀系坚持到最后一分钟。”富兰克林亦曾经讲过：“成功属于嗰啲不屈不挠、百折不殁嘅人。”所以我哋要知道，凡事喺最艰苦、最困难、最冇希望嘅时候，就系可能离成功不远嘅时候嘞，犹如黎明之前嘅黑暗一样，要知道失败真系成功嘅母亲，凡事走到尽头总会系成功，失败只系中途嘅驿站啫，你唔可以驿站上行嚟行去，你就系成功，所以失败嘅时候唔好灰心，喺绝望嘅时候千祈唔好气馁，自然慢慢就会有“山穷水复疑无路，柳暗花明又一村”嘅境界。

历史上任何一个人嘅成功、失败，总会有佢原理、原则可以追寻，宇宙嘅万事万物亦都系一样，呢个原理、原则，即系我哋做人做事嘅行动法则，同行为轨范，亦都就系秘诀，守住呢个原则，如果离开就会失败。但系构成原理、原则同埋秘诀，系有佢嘅条件，条件系唔可以取佢偶然性嘅，同埋独特性，而系必须要必然性同埋普遍性，凡事喺此时此地可以成功，喺彼时彼地呢，就唔一定会成功，但系我哋遵从有啲法则去做事，可能我哋咁样做可以成功，但系其他人做唔一定成功，咁呢种环境系属于偶然性同埋独特性嘅。但系如果相反，时间无论古今，地域无论中外，事情无论难易，人无论智愚，如果依住某一个法则，能够人人做到成功，如果离开呢个法则就一定失败，咁就属于必然性同埋普遍性㗎喇，嗰依住呢个法则一定能够令你成功，换句话讲即系放之四海而皆准嘅法则。

一个人做人，先要有个主宰，我哋嘅主宰嚟讲，就系我哋嘅心，如果立定呢个心，就系定咗主宰啦，如果乱咗呢个心，就系乱咗我哋个主宰，而一切嘅主宰存在于我，而唔喺人嘅手上，主宰存在于内，而唔喺外便。其实人生只有两条路可以走，第一种系喺内便嘅发展，向内走嘅路，另外一条系向外发展，向外走嘅路，亦都可以系话一个系向内发展嘅人生，而另外一个系向外发展嘅人生。东方嘅圣哲每每教人尽量向内发展，而西方嘅圣哲就教人尽量向外发展。咁呢两者无限发展嘅结果，我哋睇一下，前者就会产生优越嘅精神境界、理性境界同埋道德境界，慢慢慢慢嘅结果，有因有果，就可以见到一片天理流行嘅现象，人人信奉天理，人人信奉因果；但系后者嚟讲，慢慢就会产生优越嘅物质文明同埋科学文明、事功文明，现在就系呢个社会，最后嘅结果就好容易导致一片人欲流行，呢个就系东西文化根本区别嘅地方。但系一个人，生命嘅自我完成嘅原动力，其实究竟系喺我哋生命自身之内，而唔系喺生命以外嘅东西，所以举凡物理学问、科学嘅学问、事功嘅学问，今日虽然已经发展到太空时代嘞，但系我哋人生嘅知识，知识无限嘅发展同无限成就系绝对唔能够完成我哋人生嘅，而且相反，可能会吞噬咗我哋呢个人生，绝对唔能够完成一个人同埋完成一个“我”，可能会足以毁灭我哋嘅真正做人嘅根本同埋一个真我，因为完成真人嘅条件，同完成一个真我嘅条件，知识系无关，都系我哋身外嘅事物、身外嘅东西嚟嘅啫。

无我嘅精神系一种超我嘅圣人境界，亦都系一种天地嘅境界。天地无私，固能够成其大，日月无私，故能成其明，圣人无私，故能成其我。领袖嘅事业同圣人嘅事业，唔系一种为我嘅事业，而系一种为人嘅事业，唔系一种救己成己嘅事业，而系一种救人成人嘅事业、救世成世嘅事业。如果我哋因为自己，咁样我哋只能够成为一个有限嘅小我，如果我为人人，我哋就能够存响人人嘅心目中，如果能够为天下全人类、全众生，咁我哋就能够存在于天下全人类嘅心目中，如果我哋能够做到与天地万物同为一体，嗰我哋就能够同天地万物永生不灭。还我于天地，咁天地永在，而我哋亦都永在，所以圣人无我，无我所以有我；圣人无私，无私所以成其私；圣人无能，无能所以有大能；圣，圣人无功，无功所以有大功。故此愈为己者，愈不能有己；愈自私者，愈不能成其私，呢个系天地之间嘅至理。所以我哋无论想成为圣人或者英雄，我哋总应该建立自己内心嘅无我观作为人生嘅大根本、大目标，将我念、我执、物念、物执，一概剥落净尽，咁样生命所发挥出嘅光辉同力量就可以无穷同埋无限，不但能够铁肩担道义，白骨壮山河，亦都可以浩气高今古、精忠贯斗牛嘞。如果一个世人，认为自己乜嘢都能够拥有咗，通常呢类谂法嘅人可能系一无所有嘅人；一个人如果认为自己一无所有，可能呢个人乜嘢都拥有咗。

释迦牟尼佛自愿放手王子嘅富贵尊荣而为救渡众生去说法；耶稣自愿放弃人世间嘅万有而为人类去赎罪。讲番我哋中国历史吔，范蠡同埋张良能够放手卿相之位而遨游五湖；虬髯客同埋陈抟可以放弃同唐太宗、宋太祖争帝位而去归隐。呢啲圣人豪杰，佢哋放手，就系我哋凡夫看来，可能系乜嘢都冇，但系可能喺佢哋心目中系坦然，心目中已经系富贵，可能喺天地之间，呢啲圣人先系乜嘢都能够拥有嘅人。因为一个人嘅成……（注：此处录音中断）系多方面嘅，喺某一个角度放弃，可能喺某一个角度就系成就，故此一个人必须损我方能利我，无我方能有我，大损我方能大利我，大无我方能大有我，将我哋呢个小我能够超化去归于至简至无，而千祈唔好丧己于物，失性于俗，先能够游心于天地之外，养气于大化之中。

闲来无事不从容，睡觉东窗日已红；

万赖静观皆自得，四时佳兴与人同。

道通天地有形外，思入浮云变化中；

富贵不淫贫贱乐，男儿到此是豪雄。