般若心传讲座合集（中册）

175.波罗提木叉（一）

佛教之中嘅戒律，最基本嘅就系五戒，但系呢五戒呢，时常都被人认为系小乘行嘅小道。但系实在讲吖，呢五戒系“诸戒之母”。“诸戒之母”意思就系各种戒律嘅母亲。如果能够严持五戒就可以得到无量无边嘅功德。所谓“五戒”就系不杀生、不偷盗、不邪行、不妄言同埋不饮酒吖。 

我哋现在喺下便就讲一讲呢五戒。

第一，不杀生戒。“不杀生戒”呢，亦都叫做“不夺命戒”，意思就系话唔断绝一切生灵嘅命根啦，而使到佢享尽天然嘅寿命，就叫做不杀生戒。因为呢，命根系一切生灵最宝贵，如果我哋为咗自己嘅私利，唔分黑白，将佢哋杀害，咁样岂不是残忍之至？记得云栖嘅莲池大师讲过：“人人爱命，物物贪生。何得杀彼形躯，充己口食？或利刃剖腹，或尖刀刺心，或剥皮刮鳞，或断喉劈壳，或滚汤活煮鳖鳝，或盐酒生腌蟹虾。可怜大痛无伸，极苦难忍！造此弥天恶业，结成万世深仇。一日无常，直堕地狱，镬汤炉炭，剑树刀山。受罪毕时，仍作畜类，冤冤对报，命命填还。还毕为人，多病寿夭，或死蛇虎，或死刀兵，或死官刑，或死毒药，皆杀生之所招感也。”

嗱，由以上呢段文字呢，读俾各位听，明显证明咗杀生系招感一切恶业嘅主因。亦都根据《分别善恶报应经》上便吖，曾经亦都讲过呢，杀生其实系有十种恶报，边十种恶报呢？第一，冤家转多啦；第二呢，见者不喜啦；第三呢，有情惊怖啦；第四呢，恒受苦恼啦；第五呢，常思杀业啦；第六，梦见忧苦啦；第七，临终悔恨；第八，寿命短促；第九，心识愚昧。而第十种呢，就死堕地狱。

所以我哋知道杀业嘅恶报系咁惊人，所以佛陀释迦牟尼世尊特别注重戒杀，响菩萨戒之中，特别呢一条戒亦都系排喺所有戒律嘅头条。总之呢，戒杀系离开杀业，离开杀业呢，系属于止恶嘅范围，“止恶”嘅意思就系成就大悲嘅行门，同时如果能够呢，做到放生就更好嘞，或者救济呢，即将被残杀嘅众生，使到得到解脱，加以爱护，咁吖属于行善嘞，呢个行善呢，就属于成就大慈嘅行门。所谓“慈”者，就系给予快乐，予乐；“悲”者，拔苦也，拔除一切众生嘅苦难。

相信大家都明白嘞，“慈”同“悲”吖呢两个意思，咳。咁换句话讲呢，只系修杀戒，啫系，诶，止恶行善嘅妙道，能够得到无尽嘅功德啦，响《十善业道经》呢，上便，亦都讲咗唔杀生嘅善业个㖞，唔知大家有冇听过呢？因《十善业道经》里便都讲过，若离杀生，就能够成就十离恼法，十种离开烦恼嘅法。何等为十呢？边，边十种呢？嗱，第一，于诸众生就普施无畏啦，对于众生能够普遍施与呢个无畏施；第二呢，常于众生起大悲心；第三，永断一切吔，瞋恚嘅习气吔；第四呢，身常无病嘞；第五，寿命亦都长远；第六呢，恒为非人所守护，即系有龙天护法嘅善神护卫啦；第七，常无噩梦，寝觉快乐，啫睡眠能够得安稳，亦都无噩梦啦；第八，灭除怨结，众怨亦都自解嘞；第九，无恶道怖，啫冇恶道嘅恐怖；第十，命终就生天。所以如果能够回向呢，阿耨多罗三藐三菩提呢，最后成佛嘅时候呢，亦都得到呢，随心自在嘅寿命。

咁我哋简单讲完呢个不杀生戒，可以见到不杀生戒呢，系非常之重要。

第二呢，我哋讲不偷盗戒，亦都叫做不予取戒。不予取戒呢，就系话，凡系他人嘅物件吖，冇得到其他人嘅允许而擅自去取得呢，就叫“偷盗”。如果他人冇俾我而擅自去取用，就系佛教所唔许可，亦都系世间上法律所禁止呢，但系呢，世间法律只系严禁盗取，但系佛教能够进一步做到呢，所谓呢个布施嘅慈善嘅行为。响《华严经》上面讲过：“性不偷盗，菩萨于自资财吔，常知止足，于他慈恕，不欲侵损，若物属他呢，起他物想，终不于此生盗心，乃至草叶吖（啫草叶，一草一叶），不与不取，何况其余嘅资生之具呢！”响《十善业道经》亦都举出唔偷盗戒嘅十项善业讲过，佢话：“若离偷盗，就得到十种可保信法，何等为十吖？一、资财盈积，王、贼、水、火，及非爱子，不能散灭；二、多人爱念；三、人不欺负；四呢，十方赞美；五呢，不忧损害；六呢，善名流布；七呢，处众无畏；八呢，财、命、色、力安乐，辩才具足无缺；第九，亦都常怀施意吔；第十，命终就生天。”

咁根据以上所讲呢，如果守持唔偷盗嘅善行就有咁多功德，但系相反，犯咗偷盗呢，响《分别恶报应经》呢（注：《分别恶报应经》疑为《分别善恶报应经》），亦都记载有十种恶报，边十种吖？第一种呢，久结宿怨吖；第二种，恒常疑虑；第三，恶友随逐；第四呢，善友远离；第五呢，破佛净戒；第六，王法谪罚；第七，恣纵豫逸；第八，恒时忧恼；第九，自心不乐；第十，死入地狱嘞。所以偷盗嘅恶报有咁多，我哋守持呢个偷盗戒，一定要谨慎，要非常……（注：此处录音中断）

跟住讲到第三条呢，就系不邪行戒。所谓“不邪行戒”呢，啫系亦都叫做“不邪淫戒”啦。“淫”呢，其实喺人生五欲之中啦，好难断除，所以响佛教戒律之上呢，对于在家居士系许可正淫，但系呢，就要守住唔邪淫嘅原则。所谓“唔邪淫”嘅定义呢，其实就算正当嘅夫妇吖，夫妻生活都要有节制嘅，或者呢，系唔能够非时或者非处，即是唔适合时候呢，或者唔适合地方呢。但系呢，如果系正淫呢，在家居士系许可。但系如果系非时、非处嚟讲呢，就唔许可㗎喇，呢个属于邪淫嘅戒律嘞。

释迦牟尼佛呢，对于出家嘅僧众其实系绝对嘅禁欲，因为爱欲系人生最大嘅系缚，如果呢，根本唔断除呢，就好难得到清净嘅解脱，所以世尊呢，就严制修行人必须守持梵行。修持梵行嘅功德，“梵行”就离欲啦，响《十善业道经》里便亦都讲过啦，若离邪行呢，就得到四种智所赞法。咩叫做“四种智所赞法”呢？第一，诸根调顺吖；第二呢，永离喧掉啦；第三呢，世所称赞啦；第四呢，妻莫能侵嘞。相反呢，如果犯咗邪行呢，响《分别善恶报应经》亦都讲过，亦都有十种恶报㖞，边十种呢？第一，欲心炽盛啦；第二，妻不贞良啦；第三，善不增长啦；第四呢，善法消灭；第五呢，男女纵逸；第六，资财密散；第七，心多疑虑啦；第八，远离善友啦；第九，亲族不信啦；第十，命终三途啦。

其实我睇，我哋睇一睇呢，《分别善恶业报经》以上所讲嘅报应，现在社会上好多人呢，都会经历过呢啲咁吖恶报，都有啲事发生响佢身上。其实，佢哋冇检讨下点解呢啲咁多唔好嘅嘢发生响佢身上，可能就系所谓触犯咗佛教所讲嘅邪淫嘅戒律。虽然佢系未受戒，但系响因果上已经成立，都系有呢个报应，啫有呢个唔好出现响佢身上，就应该要忏悔了。邪淫嘅恶报，所以凡系学佛嘅人呢，都应该去谨慎。

第四，我哋讲到不妄言戒嘞。不妄言戒呢，当然发言要平正啦，真实去直述自己所见嘅所闻，就谓之“不妄言戒”。呢一个戒呢，虽然好似睇，冇乜特殊嘅功夫，好容易修持嘅，但系一般嘅人为咗好奇心嘅驱使，譬如佢冇见过嘅事吔，就话见过，冇听过嘅事就话听过，佢会自己一时间捏造咗妄言，其实无论有心同无心呢，都系属于犯咗呢个戒律，变咗有时自己响立身处世吔，响社会上，会失去咗人格同信用。但系如果能够老老实实守持不妄言戒呢，所得嘅功德呢，根据佛经上，比如《十善业道经》上便呢，都讲过嘅，若离妄言，就得到八种所赞法。何等为八呢？一、口常清净，优钵华香吖；第二呢，为诸世间之所信服；第三，发言成证吖，人天敬爱；第四，常以爱语，安慰众生；第五，得胜意乐，三业清净；第六，言无误失，心常欢喜；第七，发言尊重，人天奉行；第八，智慧殊胜，无能制伏嘞。

咁相反呢，如果犯咗妄语戒呢，响《分别善恶报应经》上便，亦都讲过有十种恶报，第一，口气恒臭啦；第二，远离正直啦；第三，谄曲日增；第四，非人相近；第五，忠言不信；第六，智慧鲜少啦；第七，称扬不实；第八，诚语不发；第九，爱论是非；第十，身谢恶趣。

以上所讲嘅呢，都系犯咗呢个妄言戒吔，所得到嘅恶报，所以学佛嘅人呢，就应该慎重。

跟住我哋讲到呢，不饮酒戒嘞。酒系米嘅制品，讲嚟都好奇怪，点解释迦世尊呢，偏要规定佛弟子唔能够饮酒呢？就因为酒呢，能够使人致醉，令到神智昏迷呢，好容易做错事，所以世尊先严禁吖，佢嘅弟子唔得饮酒吖。自古以嚟，为咗饮酒而失败误事嘅例子真系不胜其数。譬如纣王啦，周朝嘅幽王啦，佢哋广作酒池，唔分昼夜长饮，失去咗常性，乱杀大臣就导致国破身亡。又譬如号称诗仙嘅李太白啦，相传亦都系一个醉翁，因为饮咗过度嘅酒而乱性，误认为个月亮喺河底，因为要去取月，所以呢，就跌咗落水被水溺死嘞。

所以响佛经之上亦都有一个为咗饮酒犯戒嘅故事，相信大家都听过了。旧时因为呢，饮酒失性呢，有一个人呢，佢见到吖，隔篱屋企呢，有一只鸡走嚟，所以呢，佢趁呢个机会呢，就杀咗只鸡，于是呢，就煮只鸡呢，去𩠌酒。咁其实呢个行为已经犯咗“杀”“盗”两条戒啦。之后呢，隔篱呢，有个妇女过嚟呢，即是话个鸡嘅主人吖，想揾番只鸡呢，跟住呢，呢个人就话俾佢听，冇见过只鸡㖞。吖，咁响呢度呢就犯咗妄语戒嘞。于是呢个人走咗去之后呢，吃饱咗之后嘞，就开始淫念起，见到嗰个妇女呢，就将个妇女呢，强迫去将佢奸淫，呢度就犯咗邪淫戒。所以一时嘅酒醉呢，就五戒全犯吖，犯晒五个戒，相信好多法师呢，都曾经讲过呢个比喻吔。酒，为害人性亦都系好惊人，不但凡夫会被酒所乱，就算系证咗二乘嘅圣人吖，亦都唔能够逃出酒毒嘅病患。

现在讲个例子啦，譬如响律藏之中有一段，诶，嘅故事啦，讲过：响制地国之中，有一条毒龙，呢个毒龙，佢个本身嘅本性好暴恶嘅，时常呢，为害啲农田。咁呢个毒龙所居住嘅池边吖，水中游吖、空中飞吔，冇一种众生敢近佢住嘅地方。咁喺当时有一个尊者叫做善来，善来尊者，用善巧嘅方便呢，令到呢条毒龙调伏，所以善来尊者呢，就名传四方，于是啲人呢，就开始争相对尊者供养。后来尊者渐次游化啦，到咗呢，呢个室罗筏城呢，有一个女居士呢，就贡献啲饮食俾尊者，尊者呢，就食多咸嘢多，咁呢须臾之间呢，佢就呢，非常之口渴，由于口渴吖，所以佢就呢，希望就攞啲嘢去解渴啦，咁当时个女居士就谂一谂嘞，尊者食咗啲好肥腻嘅嘢又咸，如果饮冻水呢，可能会病，所以就方便呢，俾啲清酒佢饮，咁尊者一时不察呢，就饮咗，饮咗啲酒嘞。后来呢，呢个善来尊者将啲衣钵收起啦，就去胜林寺，到咗胜林寺嘅时候呢，醉闷啦、头晕啦，就晕低咗，衣钵吖同埋锡杖吖，全部狼藉，亦都系冇咗知觉。咁当时阿难尊者呢，就跟住佛陀呢，经行就见到佢，世尊呢，就知道，啫知而故问啦，就问啦：“瞓喺呢度系边个嚟㗎？点解饮到咁醉吔？”跟住阿难就话俾佛陀听，呢个就系善来吔，佛陀呢，就话俾阿难听，你叫晒啲僧众嚟，将啲僧众聚集。

阿难呢，就如常咁敷坐，叫佛陀跏趺坐，喺嗰时世尊呢，就话俾啲比丘听：“你哋有冇听见善来比丘曾经以善巧方便去制伏毒龙呢？”咁啲比丘呢，就呢，将佢见闻呢，话俾世尊听嘞，即是话“有”啦。佛陀就回答话：“你哋咩意思吔？你睇下善来，而家能唔能够调伏虾毛吖？”啲比丘又话：“唔得吖，世尊。”咁响嗰个时候呢，佛陀就用种种方便去呵斥饮酒嘅过患，亦都话俾佢嘅比丘弟子听呢：“你哋如果系认我做师父的话呢，由而家开始呢，直至以后，就算一滴酒都唔能够沾唇吖。”

所以呢，由呢段说法我哋可以知道呢，饮酒嘅过患呢，系非常之妨碍修道，所以凡系学佛嘅人唔可以忽视。咁喺《分别善恶报应经》下便呢，都有记载过话，饮酒有三十六种过失㖞，边三十六种呢？第一，资财散失啦；第二，现多疾病；第三，因兴斗诤；第四，增长杀害；第五，增长瞋恚；第六，多不遂意；第七，智慧渐寡；第八，福德不增；第九，福德转减；第十，显露秘密；第十一，事业不成；第十二，多增忧苦；第十三，诸根暗昧；第十四，毁辱父母；第十五，不敬沙门；第十六，不信婆罗门；第十七，不尊敬佛；第十八，不敬僧法；第十九，亲近恶友；第二十，舍离善友；二十一、弃舍饮食；二十二、形不隐密；二十三、淫欲炽盛；二十四、众人不悦；二十五、多增语笑；二十六、父母不喜；二十七、眷属嫌弃；二十八、受持非法；二十九、远离正法；三十、不敬贤善；三十一、违犯过非；三十二、远离涅槃（吖，呢点都好重要，远离涅槃）；三十三、颠狂转增；三十四、身心散乱；三十五、作恶放逸；三十六、命终呢，就堕大地狱嘞。

哗，有三十六种咁唔好嘅过失。咁讲到呢度呢，我谂起一件事就系话，有啲人话，少少唔怕，饮少少，对于个身体亦都系有帮助，譬如饮啲补酒啦，行气活血。其实唔系嘅，虽然可能真系酒有佢正面嘅功能，冬天嚟讲，啲古人中意煮酒饮，饮咗之后呢，行气活血，冇错，可能系有啲咁嘅功用，但系事物必有正反，反作用嚟讲呢，佛陀或者有智慧嘅圣者，佢就睇到，因为，凡系一件事、一件物、一个思想都好啦，喺我哋嘅阿赖耶识一种下种子之后吖，喺个识田呢，好容易起现行。你饮少少，虽然系即时唔会话发生犯戒嘅事，但系由呢一个小嘅种子种喺入你识田，慢慢慢慢再起现行，每一次现行嘅时候呢，又会令到佢嘅将来发生嘅果报，啫呢粒种子发生嘅果报嘅力用吖，增上，所以一次其实比一次强。所以有啲人饮酒，饮少少、少少、少少开始越饮越多，由饮普通嘅酒开始追求饮靓酒，亦都系人生嘅欲望系冇厌足。所以系最重要呢，喺唯识学嘅观点嘅问题，系入咗我哋嘅识田里便，系好难洗除到出嚟，呢一点系重要。所以“少饮怡情”呢，其实系唔啱嘅，呢一种讲法。特别我哋受咗五戒嘅佛教徒嚟讲吖，一定要注意，唔好俾呢种说法去圆滑自己。

咁讲到呢一度，顺便去提一提嘅呢，酒嘅朋友吖，好重要吖，系咩呢？就系烟嘞，吸烟嘅问题。烟草嘅毒素呢，其实都系伤害我哋嘅身体，亦都系促短寿命嘅障碍。其实现代科学已经证明咗，只不过人系愚痴，都系仍然喺度吸烟，去贪著吸烟里便嘅快乐。龙拔菩萨记得曾经开示过，佢开示系讲咩呢？就系讲吸烟嘅问题：“吸烟之害，不生三戒本续中，三毒俱备故也；不生六度本续中，六垢俱备故也；不容观修生起次第，以其于佛前触犯其障故也；不容观修圆满次第，以一切根本道为烟所障故也；不容趋至三宝佛殿前，以减少彼等之功德故也。烟气上行至天宫，触于天帝释及梵天等，阻瑜伽道，及修道，下行龙宫，触于百龙族众，阻瑜伽道，及见修二道；中行至人间，触寻香无色，及饶益众生之护法，令其昏昧吔，则护法势力衰弱，而资粮隔绝矣，若作佛之近侍，则触佛障，虽有念诵功德，纵经百劫，亦不生微若芥子许之效果。及至临命终时，于法身出现之际，中脉上端，以为烟所遮，则灵性流转于下，于中阴报身出现之际，虽现天身，以为烟所覆蔽，无所见而失堕于中阴，于出现化身之际，不得贵族善种众生之胎，以烟毒根源，是由胎血火中焚化，而成吸者邪缘之因故也。清晨吸烟，阻断动脉流行，临命终时，不容或现光明；午间吸烟，阻断静脉流行，于中阴时，不容或现报身；昏暮吸烟，阻断中脉上端，于投生时，不容或化身现。何况烟气恶劣，当为诸善士所共弃，故必须速除，若不戒断，将必符合世尊以往金口承认，今世贫穷，渐至堕于恶趣，身色不美，而受生于污秽之处，盖吸烟者，多半于不净之中，及食便溺者之族类中也！”

所以呢，我读以上呢一段开示俾大家听呢，知道吸烟嘅害处，听完呢，都觉得系好恐怖。因为烟毒系妨碍修行人修道，固此凡系佛教徒呢，都希望佢能够戒除，未食嘅当然唔好食啦，已食希望能够真正戒除，能够帮助我哋修道，专注于力行，去成就我哋嘅道业，呢个其实系阻碍我哋行道嘅一种唔好嘅习气嚟。

好嘞，咁简单以上所讲嘅五戒呢，系好简单好简单咁样叙述嘅啫，非但系学佛嘅人一定要守持，凡系属于人类吔，其实都系共守嘅宏规嚟嘅。自古至今，我哋睇下中外每一个国家，为咗安定社会，去维持人伦、去立法，所以亦都唔能够超越呢五戒嘅范围。譬如中国儒家所讲嘅五常“仁义礼智信”啦，就好浅白、好简单嘅啫，其实就系佛教所讲嘅五戒嘞。“仁”就系不杀生啦；“义”就系不偷盗啦；“礼”系不邪淫啦；“信”不妄语啦；“智”就系不饮酒啦。但系儒家嘅五常呢，其实只系训勉其他人，而呢，去将自己规范嘅说话，但系世尊所讲嘅五戒呢，如果能够依法受持呢，就会收到自他嘅大利。譬如响自己方面嚟讲，受持五戒就系入道嘅正因，精进不懈咁守持呢，咁我哋嘅惑吖，嘅业障慢慢就消灭，功德一步步增长，最后会证圣果嘅。

如果响利他方面，五戒当然就系净化人心嘅良药，如果一个人受持，就一人得益，一万人受持就万人得益，如果全世界嘅人类一齐嚟受持五戒，咁世界当然系太平啦。每个国家为治安去设嘅军警亦都无所作用，法庭呢，亦都可以改为另外一个用途嘅地方，监狱亦都将咁大嘅地方可以做为生产嘅工厂。所以呢，如果人守持五戒嘅利益的确系非常之好、非常之大，所以其实人守持五戒，眼前已经系一个大同嘅世界吔，所有人都能够各安其业，过住自己快乐嘅生活。故此我哋佛教徒应该首先嚟提倡，亦都去自己做好五戒，起码粗嘅五戒，响粗嘅戒相之上，啫头先已经讲咗粗嘅戒相，我哋要明白。当然微细嘅戒相还有好多，咁就一步一步嚟，唔可以急，首先循序渐进，由粗嘅戒相去做咗先啦。 

咁，讲完五戒呢，或者我哋再讲一讲，所谓“八斋戒”，意思就系“八关斋戒”啦。前面所讲嘅五戒呢，如果再加上“不涂饰花鬘”吖，或者“不著香花鬘”叫做，“歌舞观听”同埋“不卧坐呢个高广华丽大床”，再加埋“不非时食”，呢三个戒呢，就系称为“八关斋戒”嘞。咳，咳咳。

“八关斋戒”呢，亦都叫做“八斋戒”。“八”呢，系数目，意思系在家学佛嘅人必须修持八条戒嘅项目。“关”系咩意思吔？“关”系禁闭嘅意思，就系话受持呢个八斋法能够灭除各种罪，离开种种嘅恶法，所以所有嘅恶道门呢，自然能够关闭坚固啦，唔令到我哋陷于漏尽吖、散失吖。“斋”嘅意思系咩呢？“斋”呢，其实呢，同个“齐”字系相通嘅，你见同个“齐”字嘅写法系好相似呢（注：“斋”嘅繁体字为“齋”，“齐”嘅繁体字为“齊”，呢度系话呢两个字嘅繁体字好相似），意思就系“摄一心”咁解，齊摄一心，统诸根门。因为我哋人嘅心，由无始劫嚟呢，一向都趋向散漫同埋多欲念嘅，所以唔能够齊一。古人话呢：“祭必先斋戒沐浴以自齊洁吖。”都讲过，《大乘义章》亦都讲过“洁清故名为斋”嘞。所以依据“斋”嘅本喻呢，响梵语里……（注：接下文）

176.波罗提木叉（二）

（注：接上文）

依照布萨嘅戒法去受持呢，就能够去恶修善了，得到清净了，由于清净而能够住于善法，就可以养成各种善根，亦都可以使到善根增长啦，所以亦都叫做“长养”咁解嘞。

但系如果修持布萨呢，其实系有出家同在家嘅分别。如果根据律藏呢，半个月就讲一次戒，犯呢，就要忏悔，使到佛陀嘅出家弟子呢，都能够住于净戒之中，增长善法，就系出家嘅布萨法。

而在家二众呢，就喺六斋日里便，啫系每个月嘅初八、十四、十五、廿三、廿九、三十咁啦，受持八戒呢，就系修在家嘅布萨法。

由以上嘅观点去睇呢，“斋”嘅含义吔，其实并非只系我哋世人所谓嘅“素食”就叫“斋”嘅解释。如果以素食就作为“斋”嘅讲法呢，呢个就偏于大乘嘅观点嘅别义，同“斋”嘅本义系无关。

如果我哋根据小乘戒律嘅解释，凡系响午前，啫中午之前啦，当然要睇时间嘞，午时啦，一般嘅计算法就系十一点，诶，至到一点钟，就谓之“午时”啦，所以凡系午前嘅食品呢，都统称为“斋”，唔限定系素食品。过午不食呢，就能够得到心，身心清净，所以就称为呢，中食就为“斋食”。

道宣律师都讲过，过午不食能够得到清心，恶法就可以远离。“斋”嘅解释，亦都可以含摄清净嘅意义，意思就系清净能够摄到我哋嘅心，断除一切恶啦，止一切非啦，亦都唔被一切欲邪所染。所以好多嘅隐士呢，将佢自己修持嘅净室呢，就叫做“斋”，乜嘢斋、乜嘢斋，就咁嘅意思。

再讲到，如果八关斋戒呢，亦都叫做“近住律仪”，咩叫“近住律仪”呢？“近住”嘅意思，意思就系“靠住佛道而住”咁解嘞，啫将个身心安喺佛道嗰度。在家学佛嘅人呢，好容易堕落响爱欲同物欲嘅生活，呢个就人之常情吖。由于而家都系末法时期，所以佛陀就制定每个月嘅六斋日，使到我哋在家人能够做一啲修持上嘅功夫，起码一个月都做一啲，系令到我哋在家人能够实行禁欲，奉行呢个八戒，亦都效法出家人嘅清净生活，藉住呢一种习惯可以令到我哋离开尘俗，能够种下解脱嘅良好因子啦。

所谓八关斋戒嘅修持，喺佛陀未降生以前吖，追究佢嘅源流，好早呢，就已经有婆罗门教徒呢，提倡呢种嘅修持，但系当时嘅宗旨呢，只系教人呢，修持去绝食一日，去种福德。呢个法门呢，世尊呢，后来将佢改良呢，变咗过午不食，当然，呢个又系好多个原理响里便嘅，咁吖改为过午不食而制定呢，第八戒所谓嘅“不非时食”戒嘞。

关于八关斋戒嘅含义，上便已经呢，讲咗五种，啫系五戒已经讲咗，而家呢，就由第六戒起嘅三支，简单咁样讲一讲吖。 

所谓第六就系“不著香花鬘歌舞观听戒”。呢个系将“涂饰香花”呢，同埋“观听歌舞”两项合二为一嘅戒律。讲到以花作鬘或者涂抹香油，呢个系所有女性最喜爱嘅行为，近嚟嘅男性亦都有啲香油涂身吖，喷香水嘅装饰吖，等等嘅行为都系有。所以呢，响古代印度吖，已经亦都系有呢啲风俗，佛陀所以制定凡系修道嘅信众，只系宜穿著普通嘅衣服，以朴素啦、清洁做标准，亦都能够维持礼貌就够。如果系存有丝毫爱好华丽嘅心理呢，其实唔系咁适宜。

至于“观听歌舞”呢一项呢，就系世人被耳目嘅娱乐而设嘅，亦都好容易使到我哋身心放纵，故此修道嘅人呢，就要戒绝。所谓“色声之尘，不可染近”，近都唔可以嘞，咁亲自去做当然更唔可以啦。

记得系响《大毗婆沙论》亦都讲过，以前有一个人呢，得咗五神通，时常出入于皇宫里便嘅，听啲宫女呢，去奏乐，咁吖音声好美妙，但系忽然呢个人吖，生起邪念嘞，导致后来佢五种神通都失去。咁由《大毗婆沙论》呢个故事去睇呢，不合宜嘅观听，凡系佛教徒呢，其实都应该要戒绝。

第七呢，讲到不坐呢个高广大床戒。床席呢，系一种呢，当然系息身嘅工具啦，俾我哋休息，只要能够令到我哋身体躺低，平稳适宜就够。如果一定要呢，席丰呢，裹厚，重褥叠裀呢，就系呢，纵逸咗我哋个躯体。你瞓高广大床，要高床暖枕，好容易令到自己生出呢个骄慢嘅心，亦都系一个放逸嘅心。所以佛陀制定嘅床座呢，高不过如来八指啦，“高不过如来八指”，大约相当而家我哋嘅尺寸系一尺六寸；“广不过如来三肘”，“三肘”啫“肘”，啫“手踭”啦，大概系五尺四寸。唔可以阔过呢个尺寸，如果超过呢种限度，其实就唔合宜吔。所谓床嘅高大呢，仲有一种解释，凡系华丽嘅床座，虽然唔大，亦都系呢，要视为呢，“高大”去看待。例如曾经用金雕吖、玉砌吖，或者系呢，纱绢嘅床褥，细软殊妙嘅床，虽然系冇超过佛制规定嘅高广度，但系我哋呢，一定要有举一反三嘅精神，要明白呢个道理嘞，凡系佛门嘅弟子为咗长养道力，使到身心唔放逸呢，都唔适宜呢，系瞓呢类嘅床嘅。

第八呢，讲到不非时食戒嘞。呢一条戒呢，响儒家孔子亦都讲过不时不食嘅说话。意思就系话呢，系合宜食嘅时候呢，就要食，唔合宜嘅食，时候呢，就唔可以食。呢个同佛制不非时食戒嘅制定系同出一辙，不过孔子所讲嘅比较简单，而佛陀嘅制戒呢，就特别详尽。

佛陀所谓呢，食嘅时候呢，啫应该食嘅时候呢，就系指由日出以至于日中之前。所谓“非时”呢，就系就算日影吖，过一条头发、一条线到第二日朝头早日出之前呢，如果你喺呢个段时间去食吖，都系叫做“非时”。咁有一种说法系讲到话，六道各有时辰去进食，其实个来源系《毗罗三昧经》讲，因为呢个经讲过啦：“早起诸天食，日中三世就诸佛食，日西畜生食，日暮鬼神食。如欲断六趣吔，令人入道中，故制令同三世佛食嘞。”（注：根据CBETA，“如欲断六趣，令人入道中”疑为“如来欲断六趣因，令入道中”）咁照以上呢个《毗罗三昧经》所讲呢，讲到六道众生嘅食饭时间唔同吖。所以呢，我哋如果系佛弟子呢，就当然应该遵守佛陀嘅制戒啦，应该同三世诸佛所食嘅时间系相同，采取一致嘅行动呢，先能够算系合理合宜嘅食法，否则呢，就等于系犯戒嘞。

咁对呢个戒嘅说明，其实响，诶，好多大师都讲过，蕅益大师曾经讲过有《非时食戒嘅十大益论》，咁大家亦都可以参考下呢篇文章，呢篇文章讲到呢个受持，诶，非时食呢个戒功德同埋过失呢，系好详细嘅。

咁以上所讲嘅八戒，响其他嘅经典之中其实都系一致，盛赞受持呢个八关斋戒功德。能够受持八戒呢，就系离尘入道嘅圣因，如吞金刚吖，终必穿肠而出。所以佛陀话，受持八戒，功德同阿罗汉系相等，同诸佛系相齐，所谓“因赅果海，果彻因源”就系呢个意思嘞。

但系受持八戒呢，就一定要净念相继，先能够叫做“清净”，能够获得所讲嘅功德，呢点系好重要吖，否则，好似《大毗婆沙论》讲过：“有彼厨人，欲害生命，以拟充所食，彼便告曰：我今受戒，不得杀生，留待明天杀，以充所食。复有捕获怨敌将，来至座前，便欲加害，彼请告曰：我今受律仪不得杀生，留待明旦，依法刑戮。”如果系咁样受持呢，世尊就话：“彼所受嘅律仪，虽有善因吖，终不获大果。”

所以由以上呢一段可知，受持八关斋戒法，响受咗戒之后呢，要将身心整顿，令到同呢个戒法相应系真正嘅受持，唔系话净系所受嘅戒嘅表相先，咁先能够得到大嘅利益，系好重要吖，呢一点，啫“心”嘞，我哋嘅“心法”“心戒”吔。

讲完八关斋戒，我哋再简单讲下十善戒。五戒讲咗嘞，而家就讲十善戒，十善都系戒嚟。所谓“十善戒”，就系前便所讲嘅四戒“杀、盗、淫、妄”再加上第五不两舌、第六不恶口、第七不绮语、第八不贪欲、第九不瞋恚、第十不邪见，呢度各戒，就谓之“十戒”。讲到“不两舌戒”呢，就系响说话之中，如果有意呢，去挑拨别人斗争，向东就说西，向西就说东，离间恩义呢，就叫做“两舌”。 

《诚实论》讲过：“若以恶心令他斗乱，即是两舌，得罪最深，死堕三恶道中，世世受恶劣眷属。”《诚实论》讲到好明。其实读咁多经，读咁多文，好似好详细好重复，点解要咁讲呢？就系样样嘢，唔系我哋乱讲，系佛陀或者祖师讲出嚟，所以一定要引证经论，显示佛陀同埋祖师所讲系真，戒律嘅重要性。

相反，如果能够讲到善用亲切嘅心，处于两个人、两个屋企或者两个国家嘅交际之间，能够增进彼此嘅友谊同和合嘅说话呢，就系能够善护持呢个两舌戒嘅行者，咁呢个人所得嘅功德，《十善业道经》讲过：“若离两舌，即得五种不可坏法。”有五种不可坏嘅方法，啫功德啦，“何等为五？一、得不坏身，无能害故；二、得不坏眷属，无能破故；三、得不坏信，顺本业故；四、得不坏法行，所修坚固故；五、得不坏善知识，不诳惑故。”

所以由以上所讲我哋分明就知道，能够善于运用说话嘅人得到莫大嘅功德，如果有意离间去中伤人呢，所受到嘅害呢，亦都系唔少，我哋佛教徒……（注：此处录音中断）

第六，就系讲到不恶口戒嘞。凡系开口呢，轻侮他人呢，怒骂不善美嘅言辞吔，自发骄傲，使到他人难堪吖，都系属于恶口。恶口伤人呢，呢个系最损害私德嘅。伤人之余呢，其实都系自伤嘅。如果含血喷人呢，都系自污己口，呢句说话讲得好啱。如果攞佛教嚟讲，恶口伤人，亦都系违背佛教嘅慈悲，现世容易受人嘅厌恶啦，死咗之后亦都受地狱嘅苦报。经中都讲：“出口不善，死堕三途，若堕地狱，被狱卒割舌自啖；若堕饿鬼，口中蛆脓常流；若生畜生，食啖粪秽，罪毕为人，面貌丑陋，口臭唇齿皆缺。”

所以古德嘅训诫文都讲过：“宁以利刀割其舌吖，积劫受苦，不可一言骂谤吖，骂谤二罪吔，苦报难尽。”响《报恩经》里便亦都讲过：“祸从口出，就当护于口，甚于猛火，猛火炽然，烧世间财，恶口炽然呢，烧尽七圣财。”咩叫“七圣财”呢？一、信财啦；二、精进啦；三、戒财啦；四、惭愧啦；五、闻舍；六、忍辱；七、定慧。

由上面经文嘅引证，我哋可以知道，恶口系障碍修道嘅根源，毁灭慈悲嘅毒素，所以佛陀先训诫弟子话：“修行人必须守口如瓶，发言当以柔和。”如果能够守持呢一条戒，所得嘅功德真系无量。我哋不厌其烦，又再引证《十善业道经》讲：“若离恶口就得到成就八种净业。何等为八呢？一者，言不乖度；二、言皆利益；三、言必契理；四、言词美妙；五、言可承领；六、言则信用；七、言无可讥；八、言尽爱乐。”呢个就系离恶口嘅功德嘞。

讲到第七不绮语戒嘞。“不绮语戒”意思就系话，含有不正嘅邪意，令到人呢，心目皆眩嘅、虚浮不实嘅言辞，就叫做“绮语”。自古以嚟呢，有好多骚人墨客都系喜欢用美人香草作为寓言，有时都令人呢，想入非非，使到人迷乱常性、失去正念，其实都系属于小嘅绮语。响《大乘义章》讲过：“邪言不正吖，甚犹绮色，纵喻之称，故名绮语。”（注：根据CBETA，“纵喻之称”疑为“从喻立称”）绮语又叫做“杂秽语”吔，系十恶里便一种，如果犯咗呢个戒呢，罪恶都唔系轻。喺旧时吔，法云秀禅师对鲁直亦都讲过：“公作艳歌，荡人淫心，使逾礼越禁，其罪非止吔，堕恶道而已吔。”呢个就系我哋佛教徒，其实都须要吖，慎重一种戒行。相反，能够老老实实守持正言，咁响《十善业道经》讲成就正言嘅功德都讲过，如果离开绮语呢，就得到成就三种“定”，“何等为三呢？定为智人所爱，定能以智如实答问，定于人天威德最胜吖，无有虚妄。”咁呢个就系不绮语戒，不绮语戒呢，有时讲啲花言巧语吖，令人想入非非。唔应该讲嘅说话、无谓嘅说话，我哋应该要注意，都系摄入呢个不绮语戒里便，其实作为我哋在家居士去修持呢个戒律，系好容易犯到嘅。

第八呢，不贪欲嘞。讲到不贪欲戒，其实人类由无始以嚟呢，都被“无明”所蒙蔽，所以对于世界上一切无常嘅事物生起幻想、迷于常见，处处呢，都受到污染，响衣食资财嘅物质或者声色里便追求不息，就所讲嘅贪欲。如果由智者嚟睇，世间呢一切事物，其实都系虚幻不实嘅啫，冇追取嘅必要。但系愚蠢嘅人就唔系，见色追色，见声就寻声，迷惑响物欲之中，所以就造出一切恶业，受报无尽，非常之可叹！譬如频婆娑王为咗贪色欲，不顾国家之重，甘愿身入敌邦而独处响淫女阿梵波罗嘅房里便。又譬如提波那仙人听歌声，起贪欲嘅念头，就失去神通啦。

故此自古至今，不少嘅英雄好汉，为咗贪取种种嘅欲乐，心醉狂乱，造成唔可以拔除嘅罪业，时常处于六道嘅轮回，来来去去、生生死死，受尽往还不了嘅苦报，故此真正修行嘅人呢，一定要护呢条戒，舍弃一切嘅贪欲，系好重要。

《十善业道经》里便亦都有详细嘅说明呢个戒功德。咁呢饼录音带里便处处都引证好多经典，由中，由其中以引证《十善业道经》系好多，所以希望大家有时间去研究呢一本《十善业道经》，我相信好多法师曾经讲过呢本经典。

咁讲到贪欲，《十善业道经》讲过，远离贪欲嘅功德：“若离贪欲，即得成就五种自在。何等为五吖？一、三业自在，诸根具足故嘞；第二，财物自在，一切怨贼不夺故嘞；第三，福德自在，随心所欲，物皆备故；第四，禄位自在吔，珍奇妙物皆奉献故吖；第五，所获之物，过本所求百倍殊胜，由于昔时吔，不悭嫉故嘞。”

以上，就系所讲不贪欲戒嘅功德同埋过患。讲到第九，不瞋恚戒。讲起“瞋恚”亦都系好厉害，我哋系好难修，凡夫系好难禁止自己唔发脾气，自己去嬲自己或者嬲人。古人讲过：“一念瞋心起，百万就障门开。”又讲过：“瞋似心中火，烧尽功德林。欲行菩提道吖，戒瞋护真心。”

由古人嘅说话可以知道，一念瞋心，系修道嘅障碍；一念瞋心，系断失佛法嘅根本；一念瞋心呢，系吞没慈悲忍辱一切各种善业嘅毒素，亦都系堕落，引致我哋堕落恶道嘅根源，所以凡系佛弟子一定要坚守修持，去对治“瞋恚”。其实“瞋恚”分开嚟解释嘅，“瞋”呢，就系呢，勾引吖，即是对于人哋做出嘅行为吔，你唔喜欢，所以好嬲。“恚”呢，就系自己恼自己、嬲自己，点解自己咁衰，做啲嘢，会咁做嘅呢？自己发𤷪𤺧嘞。所以对治“瞋恚”，其实个强敌，令到我哋浊心得到清凉，使到菩提种子能够生根萌芽，先能够获得解脱道嘅旨趣。所以《十善业道经》讲过，能够守持唔瞋恚，得到功德，有八种喜悦心法。何等为八呢？“若离瞋恚，即得八种喜悦心法，何等为八？一、无损恼心；二、无瞋恚心；三、无诤讼心；四、具柔和质直心；五、得圣者慈心；六、常作利益，安众生心；七、身相庄严，众共尊敬；八、以和忍故，速生梵世。”

跟住再讲呢，第十种，就系不邪见戒嘞。自作聪明，否定因果正信嘅道理，去妄执自己嘅见解，以为响世界之上系冇因果嘅原因，作恶亦都唔使惊，作善亦都唔需要欢喜吔，咁换句话讲就系将无因果嘅谬见去作为正确嘅见解，就叫做“邪见”嘞。因为邪见系一切烦恼嘅根本，如果犯咗罪过都好严重㗎，所以特别用“邪”字吔，喺呢度作为解释，去作为标志。

响世界上呢，其实最可怜就系犯咗邪见嘞。如果唔能够明白真正嘅佛理去深入正教，系冇办法得到解脱嘅希望，所以呢，真正修行嘅佛教徒，我哋一定要直心、要正见，去明白因、明白果，时常去亲近大善知识，去断除我哋各种疑惑，全心去归依佛法僧三宝，先能够令到我哋福慧俱增，得到真正嘅解脱。

响《十善业道经》里便讲到呢：“若离邪见，即得成就十种功德，何等为十？一、得真善意乐；二、深信因果，宁殒身命吖，终不作恶；三、惟归依佛，非余天等；四、直心正见，永离一切吉凶疑网；五、常生人天，不更恶道；六、无量福慧，转转增胜；七、永离邪道，行于善道；八、不起身见，舍诸弃业；九、住无碍见；十呢，不堕诸难嘞。”（注：根据CBETA，“一、得真善意乐”疑为“一、得真善意乐、真善等侣”）

咁综合以上所讲嘅十善戒之中呢，不杀生戒、不偷盗戒、不邪行戒，呢三戒系属于动作方面嘅身业戒嚟；不妄语戒、不两舌戒、不恶口戒同不绮语戒呢，呢四戒属于语言方面嘅口业；不贪欲吖、不瞋恚吔、不邪见吖，呢三戒属于思想方面嘅意业。

身、口、意三业之中，身业系粗而显于外嘅，意业则细而在内嘅，口业就居中而涉及内外嘞。不过呢，意业系身口两种业嘅根本戒，所谓贪、瞋、痴嘅三毒，其实都系意业嘅所作所为，故此能够损害一切世出世间嘅善法功德好大，所以我哋佛教徒应该特别注意切实修持喺意业上嘅意念啦，亦都特别护持呢个十善业戒。

总之守持十善戒，唔需要咩特殊嘅工夫，其实只系将我哋日常嘅生活行为，将佢嘅纳喺道德嘅轨范之中，见小罪而生怖畏，见微善就生欢喜，咁推究到我哋起心动念嘅清净，使到我哋人格向上啫，所以唔一定系出家众，亦都系在家人都必须要修嘅第一课嚟，系好重要好重要，一切戒嘅根本嚟。

所以呢，守持呢个十善戒，其实都系生天堂嘅资粮，天上嘅快乐殊胜，唔同我哋五浊嘅恶乱、八苦交煎嘅人间所能相比，所以每一个宗教吖，都系鼓励人呢，都系去生天，但系生天亦都有生天嘅条件，呢个就系话，天人就系唔犯杀吖、偷吖、淫戒，所以好杀偷淫嘅人呢，当然就唔会生天啦。天人亦都唔犯妄语、两舌、恶口、绮语嘅，所以如果犯咗呢，自然就唔能够生天啦。天人更加系冇贪、瞋、痴嘅三毒，如果犯咗呢，更加呢，亦都唔会生天。所以话，要想生天嘅人，就一定要守持十善戒，就系呢一个意思嘞。

咁以上好简单讲咗五戒了、八关斋戒同十善嘅功德，希望大家能够进一步请教法师，或者自己作深一步去对经典，对于呢种种戒律嘅研究，咁对于响个人在家嘅修持嘅法理上同埋自己喺学习日常生活去实行呢个戒律都系好有裨益。但系呢饼录音带所讲只系粗嘅戒相，当然五戒同埋十善嚟讲，亦都有好多微细嘅戒相，特别响律宗里便，或者系所讲嘅南山律宗，里面所讲嘅戒律里便嘅微细点呢，唔系我哋常人所知道，如果要深入研究，必须呢，仲要去下一番功夫。

其实戒律响印度，由部派嘅分裂嚟睇呢，由大乘嘅学者必须响小乘嘅部派之中去出家受戒，同埋呢，大乘、小乘，显宗、密教都有佢应该守嘅戒律嚟睇，所以知道印度嘅佛教系非常重视戒法。戒定慧三学，系修学大小乘佛法最主要嘅方法同步骤。

学佛如果要想断烦恼同解脱生死呢，虽然一定要慧学，但系呢，无漏慧唔能够呢，冇原因能够生起，如果修习慧学，一定要喺一定嘅基础之上先能够发生。“定”呢，就系修学观慧嘅方便，冇咗正定呢，深慧系修唔起吔。所以呢，“定”呢，犹如深密无隙嘅静室，然后响里便去燃起灯，灯先能够呢，明净有力，照破微细嘅黑暗，比如就由定发慧就能够断到烦恼。如果系风中之烛，摇摆不定呢，破暗嘅能力当然唔强啦，呢个比喻就系散慧无断烦恼嘅功能嘞。所以修“慧”就一定要习“定”，但系“定”呢，亦都有正定同邪定之分，修习正定一定要依止净戒吔，呢个戒好重要，戒开始，如果冇净戒，不但唔容易得定，即使得定，亦都系邪定，邪定系障碍解脱涅槃㗎嘛，所以如果得到正定，一定要严持净戒。

所以戒系防止身口七支去陷于非法，有如呢，一个严密嘅静室，首先要掩门呢，去补窗、去治漏一样，所以戒亦都系生定嘅胜因。《佛遗教经》讲到好清楚：“因依此戒，得生诸禅定及灭苦智慧。”

由此我哋睇，因戒生定，因定发慧，系一切佛法修行所必须依止嘅方法同次第，而戒吔，特别系学佛进道嘅初机，因为呢，佢粗显亦都易于受持，系戒定慧二学嘅渐阶，可以咁睇。所以学佛一定要首先去持戒，去搞好个戒律先，先能响佛法之中去有所增进嘅。

177.密乘根道果（一）

归依与灌顶

一般嚟讲，佛教嘅仪轨系由三大部分组成，啫系加行、正行同埋后行嘞。归依系被认为由外凡转入内凡嘅阶段，所谓“外凡”呢，啫系“外道凡夫”咁解，但系呢个名称唔好误会，系唔含有贬嘅意义嘅。所谓“内凡”呢，就系已经归依咗发心学佛嘅修行人嘞。

西藏佛教嘅归依同汉传佛教嘅归依，其实系有明显唔同嘅地方，就系喺归依佛法僧三宝之上，更加我哋安止一位喇嘛上师，认为“归依四宝”，啫系叫做“四归依”：归依上师、归依佛、归依法、归依僧嘞。西藏人话：“无喇嘛上人如何得近佛？”可以见到喇嘛上师受到信仰嘅人系特别崇敬，具有好高嘅社会地位。西藏嘅僧人同埋信徒的确相信上师同埋善知识系帮助理解金刚持嘅必备条件，如果唔依止上师引导，唔知道有佛陀，唔由上师嘅教诲传承就冇办法入佛同埋成佛嘞。过去诸佛都系由上师教授而得到信解行证，上师系救渡众生嘅导师，而且更加喺三宝嘅上面，所以归依佛法僧三宝仲须要归依金刚上师，故此“四归依”就成为藏传佛教嘅特色嘞。

归依应该由一位心灵嘅上师喺正式嘅仪轨之中去传授嘅，喺本质上，归依系尊敬同信赖佛法僧嘅一种表达。“佛陀”喺西藏文嘅意思系净化同圆满，而“佛法”呢，就系引导开悟嘅道理，而“僧伽”呢，意思就系佛法嘅继承者同弘扬者。“归依佛”系承认自己嘅潜能可以体验开悟嘅境界；“归依法”系承认由于我哋过去所倚赖嘅处理方法去处理自己嘅困惑而得唔到解脱，现在仍然困喺期望同恐怖嘅循环之中，而“归依法”就有一个仰赖同埋慢慢慢慢学习得到解脱了；“归依僧伽”呢，就系承认信赖上师嘅指导、鼓舞、开示嘅重要。喺归依三宝之中，唯有佛系被认定究竟嘅归依，例如病人求医，僧伽就系医生，药物就系法宝，按照医生嘅指示进行服药治疗，就系我哋修行学法嘅过程，一旦病痊愈咗就唔需要任何嘅药物同医生去诊断了。无论系喺最初归依嘅仪轨之下，或者系每日修持大礼拜去归依嘅时间，喺传承之中都要求行者能够持住一份大愿心去归依，以尽形寿直到开悟，并且要奉献自己嘅力量，去帮助所有嘅众生都能够达到究竟开悟，咁样做就系菩萨嘅悲愿。响归依嘅时候，如果发心革除自己嘅恶习，亦都能够产生处处为众生著想嘅积极态度，咁样无论修行人嘅习气几重，三宝嘅慈悲同埋智慧都会引导呢个悲愿而使到行者达到开悟嘅境界。呢一切嘅根本同埋基础即系要归依佛、法、僧三宝，咁样就可以称为“外归依”。但系由密乘嘅观点来睇，如果修行人归依上师，即系所有加持力嘅根本，归依本尊就系一切开悟嘅根本，而归依空行母就系所有善行嘅根本。咁样呢三种归依喺密乘里便就所谓叫做“内归依”。更深入去讲只系归依自己嘅根本上师，即系能够认识到呢个根本上师系佛法僧嘅化身，亦都集上师、本尊同空行母喺呢个化身里便，并且具足佢哋所有嘅特性就系所谓“密归依”嘞。

喺藏传佛教特有嘅归依形式里便，以噶举派系比较典型，叫做“六归依”，咁样做系将归依分为六类，三种系恭敬三宝，三种系恭敬三个根本嘅。上师系加持嘅根本，系三宝嘅化身，尤其系佛陀嘅化身，而本尊系诸佛嘅示现，以唔同嘅形相具体显现佛性，以便修行人能够按照自己嘅根性去修持，而修行人修持身、口、意同本尊嘅身、口、意相契合嘅时间呢，就能够显示本具嘅佛性嘞，所以本尊系成就嘅根本。而勇父、空行母同护法就系觉悟嘅众生，佢哋藉住四种佛行实践以去除业障而达到佛道，而呢四种佛行就系息灾、增益、怀爱同埋降伏（或者称为“诛法”），所以佢哋被称为佛行嘅根本。喺归依嘅六项对象之中，上师系十分之重要。佛陀在世嘅时候，曾经预言未来末法时代，佛陀会化身为上师嘅形相示现俾需要佢指引同埋保护嘅众生，因而修行人呢，认上师为佛陀就可以体验到同沾佛陀本身嘅法露，故此亦都就有咗简易嘅四归依形式。

第一项归依金刚上师，系表示行者深信上师系三根本嘅化身，因为上师真实嘅形体同色身系上师，而佢嘅语言系空行同护法善行嘅表现，而上师嘅心识就系本尊嘅心性。咁样我哋喺外归依喺佛法僧呢项简短嘅归依之中，其实亦都包括咗归依三宝同埋三根本嘞。上师通常系指已经开悟嘅师父，佢已经完成咗广泛嘅训练，已经达到咗心灵体悟嘅高层次，并且依照一套有根本完整嘅传承去传法。藏传佛教嘅上师，能够以大智慧、大悲心、无有二、无差别去对待众生予以认可。归依弟子可以清清净净去观察师父，睇下师父系咪具备上师嘅五个条件，边五个条件呢？第一，呢个上师嘅五官庄严、声音宏亮，喜怒唔系偶然，而系正常嘅，唔会为一点小事就喜怒无常；第二，上师有禅定嘅功夫；第三，就系戒律清净；第四，要有菩提心；第五，有真正根本嘅传承。而上师去收归依弟子亦都有五个条件：第一系五官端正、声音嘹亮啦；第二，精进；第三，要有菩提心；第四，弟子对师父要有真正嘅信心同供养心；第五，能够承受师父所传授嘅法系真正修行法门，而唔系普通嘅法门，知道如理如法修行就能够即身成佛。具备上述五个条件，就系所谓称为“根器”嘞。师父如果观察弟子要观察一年多，一般人唔一定明白师徒关系嘅本质，所以了解乜嘢系上师系必要嘅，了解弟子对师父嘅职责为何，亦都系重要嘅。纵使修行人有与生俱来嘅智慧能够接触佛法，如果缺少咗上师嘅引导，仍然系好难喺修持之中有所突破。呢个未开悟嘅心智如果被无始以嚟累积嘅习气冲动指使，如果冇上师超凡嘅洞察力同引导，其实系好难克服嘅。上师嘅宽大同悲心俾修行人弟子一个机会改变佢观察有情世界嘅习惯性方式。喺上师嘅完全无私之中，弟子修行人可以揾到一面观察真我嘅镜，如果了解呢个情况，学习点样对治，咁样修持就更有效益了。

因为师徒关系嘅特质，以虔诚态度去对待上师系极为重要。喺传统上，经过一段相互考验嘅时期呢，师徒关系就得以形成，亦都喺修道嘅阶段之上一直持续住。所以喺修持方法之中，由于智慧同埋慢慢熟练，上师就给予各种密乘修持嘅灌顶，经由呢啲加持嘅直接传承呢，修行人弟子就能够成功咁样修持了。喺密乘修持相当深奥精妙，如果正确咁修行就能够即身成就，但系如果修持唔正确，由于错误嘅动机、了解或者行为，就会导致更大嘅困惑同埋苦难。故此修行人要想直接修持达到开悟，咁样一位上师嘅个别指导系绝对必要嘅。修行人通过归依同埋教理嘅学习而进入修密嘅阶段，佢要由上师做一次入门嘅灌顶仪式先可以入密教道修行嘅步骤同埋次第。学密开始嘅第一步就系四加行修法嘞，密教修行人将呢个入密门嘅前导，称为“四加行”。四加行嘅修法将会下便讲到。而灌顶系修学密宗嘅人必须举行嘅一种宗教仪式，喺形式上嚟讲，藏传佛教嘅灌顶仪式同印度皇室嘅传统系有关系个㖞，印度嘅王子系必须经过灌顶先能够确定佢喺王室之中嘅地位，而密教由印度传入西藏亦都将灌顶嘅仪式传入西藏。上师为弟子灌顶亦都时常称为“法王灌顶”，而受灌顶嘅传法弟子呢，就被称为“法王子”，可以见到藏传佛教对传承嘅重要，而能够获得传承嘅尊贵亦都由此而知了。王子同埋法王子只系世间同出世间嘅分别，源头呢，其实彼此相同，而后者就赋予咗法嘅内涵，呢种内涵就系藏密嘅各级灌顶系依住次第去开发弟子本身具足嘅真如佛性，即系“如来藏”嘅。一个修持密乘嘅行者由初入密教嘅修习到最高密法嘅无上瑜伽，系要按照次第去进行多次灌顶嘅。灌顶被视为系最庄严、最神圣嘅仪式，而未受过灌顶嘅人系唔能够修习密法同阅读密教嘅经典，否则不但唔能够成就，而今生报尽之后仲可能要堕入地狱。喺宗喀巴大师《密宗道次第广论》之中讲过：“欲成闻修大密之器，要得清净灌顶，是故灌顶即是成就根本。若无灌顶，纵能悟到了达教义精进修习，终不能得殊胜悉地。非但有不得大悉地之失，纵得诸小悉地师资亦俱堕那洛迦。”咁喺呢段讲到“那洛迦”意思就系地狱嘞。喺《大印空点》第二亦都讲过：“若时诸师资，先灌一次顶，尔时即成为，宣说大密器。无灌顶不成，如压沙无油。若无灌顶者，慢心说密教，师弟纵成就，死亦堕地狱。故应勤精进，从师请灌顶。”又譬如响《金刚鬘经》第二又讲过：“灌顶为重要，诸悉地常住，我说如是义，故先应正听。若具慧弟子，先正受灌顶，于满次瑜伽，尔时成法器。若无正灌顶，虽了达教义，行者师弟子，俱堕大苦狱。”宗喀巴大师响《密宗道次第广论》里便特别强调：“又灌顶者，未灌下顶决定不可授上灌顶。”以防俱害自他。

藏传佛教嘅初级灌顶我哋称为“瓶灌”，“瓶”呢，就系“宝瓶”个“瓶”。呢个灌顶嘅主要目的系对治啱啱入密乘嘅弟子嗰种坚固执住嘅凡夫心理，初步开发佛性嘅灌顶嚟嘅。呢一步开发佛性嘅功夫呢，喺理论上系要开发弟子嘅如来藏，而喺事相上呢，就系通过五种灌顶分别使到五方佛去现起，而使到弟子嘅贪、瞋、痴、慢、疑五毒受到调伏。呢五种灌顶呢，全部都系属于身灌嘅范围，“身体”嘅“身”，身灌嘅范围，因为灌顶之后呢，弟子就可以成为童瓶身宝，故此就以“瓶灌”嘅名称去统摄五种灌顶嘞。所谓嘅五种灌顶就系：第一种，宝瓶灌顶。宝瓶灌顶系用宝瓶代表东方嘅阿閦如来，阿閦如来就系五方五佛里便嘅不动佛，作用系为咗调伏弟子嘅瞋心所，即系瞋恨心，证果嘅时候能够将我哋第八识阿赖耶识转变成佛陀嘅大圆镜智；第二种系宝冠灌顶。“冠”系“皇冠”嘅冠，用宝冠去代表五方佛南方嘅宝生如来，作用系为咗调伏弟子嘅慢心所，“我慢”个“慢”，证果嘅时候就能够将我哋第七识末那识转变成为佛陀嘅平等性智；第三种系金刚杵灌顶，用金刚杵代表西方极乐世界嘅阿弥陀佛，即系无量寿佛、无量光佛啦，作用系为咗调伏弟子嘅贪心所，响证果嘅时候，能够将我哋第六个识，即系意识呢，转变成佛陀嘅妙观察智；第四种灌顶称为金刚铃灌顶，系用金刚铃代表北方嘅不空成就如来，作用系为咗调伏弟子嘅疑嫉，“疑”就系“疑惑”，“嫉”就系“嫉妒”啦，证果嘅时候就能够将我哋凡夫嘅前五识，眼、耳、鼻、舌、身前五识转成为佛陀嘅成所作智；最后一种叫做名灌顶，“名”就系“名誉”个“名”啦，呢个名灌顶系帮弟子授记名号，有安立弟子将来成佛某某名号，叫做某某如来嘅功能，灌顶嘅时候以“轮”吖，去代表中央嘅毘卢遮那佛，佢嘅作用系为咗调伏弟子嘅痴性，证果时候就能够将第九识庵摩罗识转变成为佛陀嘅法界体性智嘞。以上所讲就系密宗所谓嘅五种灌顶。喺《密宗道次第广论》讲过：“故由瓶灌顶，于修依诸部之生起次第及诸支分，悉得自在，成彼法器，于果位四生之中，安立成办化身之功能。”呢一段意思就系话，受咗瓶灌嘅修行人，就可以依止“生起次第”，去修行成就而成化身佛嘞。

喺藏传佛教嘅二级灌顶，我哋称为“密灌”，系再深入一步嘞。佢主要嘅意思系使到修行人能够修持脉、气同埋明点。喺藏传嘅密教里便，以身、语、意三业，“身”就系粗相，而“脉”就系细相，“语”呢，系粗相，“气”系细相，“意”系粗相，而“明点”亦都系细相，所以话藏密嘅修习系细相嘅修习。刚才讲嘅“瓶灌”系对治凡夫嘅五毒，贪、瞋、痴、慢、疑啦，只系由心理上便著手，使到弟子能够经灌顶而破除我执，所以能够敢于承当自己本身就系本尊。而密灌呢，就比瓶灌深入一步嘞，就能够调治由于心理嘅障碍而产生嘅生理障碍，一共有三种功能嘅，边三种呢？第一系使到我哋凡夫嘅五烦恼脉，亦都系贪、瞋、痴、慢、疑五毒所积结嘅脉呢，去得到调治而开显我哋本来具足嘅金刚身脉；第二点呢，系使到凡夫嘅业气吔，开显调治而开显本来具足嘅智慧气；第三系使到凡夫因为受到熏习而污染嘅明点得到调治而成为本来具足名副其实嘅明点。按照《密宗道次第广论》嚟讲，受密灌顶嘅修行人修习圆满次第就可以使到身语意远离世俗嘅幻身而去成就报身佛位嘞。

藏传佛教嘅第三级灌顶我哋称为“智慧灌顶”，智慧灌顶嘅作用系前一级密灌嘅发挥，亦都就系所讲嘅双身法嘅修习。喺呢度只系将呢级灌顶嘅内涵喺理论上去加以解说，至于种种藏密嘅名相同埋灌顶嘅具体仪轨，喺宗喀巴大师——黄教嘅创始者《密宗道次第广论》之中关于呢个灌顶嘅部分就有详细嘅解说。如果将男女睇作系生殖嘅机体，咁样对藏密嘅智慧灌顶嚟讲系极大嘅侮辱，因为藏密系以男性嘅脉去表示方便，男性嘅气去表示智慧；以女性嘅脉去表示智慧，而女性嘅气呢，就表示系方便。倘若男女双方都经过修习第一、第二级灌顶而得到证量，喺第三级灌顶嘅时候就可以发挥气脉明点嘅功能，由两性脉同脉嘅相触、气与气嘅相合、明点同明点嘅相融，因为智慧同方便嘅双运，就可以收到彼此互利嘅功效，于是智慧气就能够值此去灌入我哋嘅中脉。喺藏密里便呢，认为智慧气嘅开显仍然唔够嘅，必须系要气入中脉先会成为成就相。故此由于第三级嘅灌顶，可以因为智慧气去进入中脉，冲击智慧明点，依次去开启修行人嘅六个脉轮，边六个脉轮呢？第一系密轮，“秘密”个“密”，亦都叫做“生殖轮”。呢个轮嘅开发能够得到成所作智，去实证初地、二地菩萨两地嘅功德；第二系脐轮，呢个轮嘅开发能够得到平等性智，去实证三四两地嘅功德；第三系心轮，呢个轮嘅开发能够得到法界体性智，去实证五六两地嘅功德；第四系喉轮，呢个轮嘅开发系得到妙观察智，实证六同埋七两地菩萨嘅功德；第五系顶轮，呢个轮嘅开发能够得到大圆镜智，去实证十地菩萨嘅功德。而最后一个系顶髻轮，呢个轮嘅开发刹那就能够证得佛位嘞。所以喺《密宗道次第广论》话呢级嘅灌顶能净治一切境界吔，由此生起乐空吖，而成修第四光明次第之法器，而圆满法身佛嘅果位吔。故此呢级灌顶系非常之重要吖。

喺藏传佛教嘅第四级灌顶呢，我哋称为“名词灌顶”嘞。呢一级嘅灌顶可以话系修心嘅层次，经由初灌至到第三个灌顶就依次开发众生本嚟具足嘅如来藏，佢所缠绕嘅层层障碍呢，其实已经一一清除，而如来藏本身，仍然具有第四重微细嘅障碍，比如微细嘅法障、所知障之类，仲应该由呢一级嘅灌顶去慢慢加以清除嘅。有好多嘅学者认为呢级灌顶嘅修习同汉传佛教禅宗修习系相当，但系喺呢度必须指出两者系有啲唔同嘅地方。首先，禅宗嘅修习系冇次第，唔注重次第，所以系非利根难以开悟嘅，但系藏密嘅修行人呢，响呢个阶段喺理论上嚟讲，如来藏已经显露嘞，所要等待清除呢，只系微细障，故此容易就由第四级灌顶去得到无学慧嘞。其次，喺呢个阶段嘅藏密修行人并唔等于禅宗嘅初机，佢距离密宗嘅极果其实只有一层之隔，所以呢个修行人已经其实系肉身嘅圣者，而唔系等待开悟嘅凡夫。换句说话嚟讲，假如受灌顶嘅人唔系跳级，而系循序渐进嘅话，就可以由前便嘅三级灌顶修习嘅成就，其实已经可以确保解脱，同禅宗嘅开悟或者未开悟就有凡圣嘅分别嘅。喺第四级呢一级最高嘅灌顶之中，喺白教噶举派嘅修习嚟讲，我哋称为“无修瑜伽”，而喺宁玛派红教嘅修习，我哋叫做“大圆满”。其实响呢个灌顶里便亦都有“顿”同“渐”两种法门，讲到大圆满“顿”嘅法门其实绝对同禅宗惠能大师嘅法门，系唔相同嘅，而大圆满“渐”嘅法门呢，亦都绝对唔等同禅宗嘅神秀大师嘅法门，因为彼此嘅宗风有唔同，趋向虽然相同，但系都系以修心为主，具体嘅地方就有好多差别嘞，所以系唔能够将“禅”同“密”绝对等同、划为一线嘅。但系讲到第四级灌顶嘅“密”，其实就系“禅”，亦都系好啱嘅，因为呢种讲法唔系由事相上、证量上同次第上去立论，而只问心地。佛法八万四千法门，横讲直讲都可以，只系要了解每一个说法有每一个说法嘅立论观点就够嘞。响呢级灌顶里便，修习圆满，密乘以为可以得到同显乘不共之果，就称为“大乐智慧身佛”嘞。

讲完关于密宗嘅四级灌顶之后，跟住落嚟我哋讲到坛城嘅部分嘞。坛城呢，响密宗里便叫做“蔓陀罗”，“蔓陀罗”系梵语“mandala”嘅音嚟嘅，意思旧时译做“坛”或者“道场”，而新嘅译法呢，叫做“轮圆具足”或者系“聚集发生”嘅意思。喺早期嘅蔓陀罗系古代印度密教修行人修法嘅时候为咗防止魔众侵入，喺修法嘅场地筑起圆形或者方形嘅土台，而国王即位，或者剃度嘅僧人都喺台上便举行仪式，而迎请诸佛菩萨去亲临作证，亦都喺台上绘画出佢哋嘅形象嘅。喺《密宗要旨》里便讲过：“坛者积土于上，平治其面，而以牛粪涂其表，使之印巩固。于此坛上以管宗教之神圣行事，尤其为阿阇梨授戒弟子时，或国王即位时，于此上行之，当为此神圣行事时，例须迎请十方三世诸圣而证明者。于是绘画十方三世诸神圣像，或以其所持之物，表示尊严。又或以诸佛诸尊之种子，而表尊崇。”喺后来一般以区划圆形或者方型嘅地域称为“蔓陀罗”，认为喺区域里便充满诸佛菩萨，所以亦都称为“聚集”或者“轮圆具足”，喺律里便亦都有避免不净而喺种种场合之中去作蔓陀罗嘅。根据《大日经疏》卷四记载，由“轮圆具足”呢方面嘅意义嚟讲呢，佛菩萨好似车轮……（注：接下文）

178.密乘根道果（二）

（注：接上文）……认为呢，蔓陀罗其实主要系聚集嘅意义，亦都系诸佛菩萨、圣者所居住嘅地方。刚才讲过蔓陀罗响旧译法里便译做“坛”或者“道场”，其实就系本体呢个角度去讲，而新译我哋译做“轮圆具足”或者系“聚集发生”，呢个译法系就意义上所立嘅，而“体”同埋“义”本嚟就系一体嘅东西啦。而梵语嘅“蔓陀manda”系本质嘅意思，而“罗”呢，“la”呢，“mandala”嘅“la”呢，系“成就”嘅意思，故此合起嚟就系“本质嘅成就”，而所，所表诠嘅含义呢，就系佛陀自觉嘅境界，咁蔓陀罗嘅哲学意义先能够建立起嚟。本嚟六大——地、水、火、风、空、识嘅本体就系如来嘅三摩耶形啦，三摩耶形就系如来本誓嘅标志，代表佢嘅本誓，所以一尘一法其实都系如来嘅象征，而一切嘅嘢都系如来智慧德相嘅表现，如来嘅智慧德相就系“轮圆”嘞，圆满具足嘅，可以话系万象都系如来德相嘅圆满象征，而宇宙嘅体同体之中嘅内涵意义系唔能够离开嘅一种具体性嘅存在，呢个存在系好深奥嘅世界，呢个世界系佛自证嘅境界，系普遍性而且系绝对性嘅存在，系超越性同埋内在性嘅相即存在，亦都系由本不生嘅实现世界，系六大一实嘅境界，呢个境界就系绝对究竟嘅菩提实体，系如如嘅中道世界，呢个世界系无可言嘅秘密庄严世界，将佛自证嘅境界用象征嘅方式而表现出嚟嘅嘢就系“蔓陀罗”嘞。

文字嘅理论表现只系有近似性、接近性嘅作用，但系由本不生嘅理论表示住无数诸佛嘅境界，呢个象征式嘅蔓陀罗嘅作用系直感性，即系灵感性嘅表现法，系更根本性嘅表现法。假，假如修行人只系从文字亦都能够感受同埋体证到蔓陀罗一样嘅境界的话，呢个人可能已经证到同诸佛所表现出嚟嘅蔓陀罗境界一样嘞。“禅”嘅境界系唔可以测量嘅，但系呢个唔可以测量嘅境界用蔓陀罗个象征方式去表现出嚟呢，而喺密教观点呢，就密教嘅特色。当然喺呢度有宗教嘅色彩，亦都有无限嘅哲学意义啦。所，所谓“当相即道”，即系将现象嘅相状用“阿”字由本不生同埋六大嘅体大嘅理论而具体表现出嚟，就系蔓陀罗嘅意思。蔓陀罗系由宇宙实相嘅内容而生出嚟嘅诸佛境界嘅表现，呢个表现后嚟用图画去做，呢种将佛嘅世界用图画描扫出嚟嘅嘢就系蔓陀罗。蔓陀罗亦都系表现诸佛世界嘅具体形像，当然有艺术性同庄严性，同时更加系真理性嘅表现，所以系睇得见嘅嘢都系蔓陀罗。世界系无数嘅蔓陀罗嘅存在，故此现象系千差万别，千差万别嘅一现象都系“当相即道”嘅具体现象，离开呢个现象之外就冇本体嘅形而上学可以讲。所以“体”嘅坛或者道场，离开轮圆具足嘅种种现象就唔能够成立坛或者道场，同时如果离开根本嘅体，就冇现象存在嘅意义。所以“体”同埋“相”系不即不离而一体嘅存在。总之蔓陀罗系体、相，用一体嘅一个具体现象，由哲学嘅立场嚟睇，所有事物都系归于应该有嘅东西，事实就系真理。现象即系事实，所以话“即事而真，当相即道”。

如果由宗教嘅立场嚟睇，宇宙就系一个蔓陀罗，呢个系由六大嘅理论所引至嘅必要结论。蔓陀罗嘅哲学意义由佛教嘅密教所完成，后嚟喺呢个理论基础之上逐渐发展成为多种形式同类别嘅蔓陀罗，例如喺显教里便“转识成智”呢个教理，喺密教之中就用五方佛去表达，认为只要接受法身佛毘卢遮那，即系大日如来嘅五种智慧：法界体性智、大圆镜智、平等性智、妙观察智同埋成所作智，接受呢个智慧就能够成佛。呢五种智慧就系用五方佛——毘卢遮那啦、阿閦、阿弥陀、宝生同不空成就佛去象征表示嘅，或者画五尊佛或者铸造五尊佛坐像，或者用五方佛嘅五个梵文字母去组成图案甚至做成一座塔都可以称为蔓陀罗，当然呢个只系五佛五字蔓陀罗啦，而其他嘅仲有药师佛嘅蔓陀罗啦、观世音菩萨或者度母嘅蔓陀罗、时轮金刚嘅蔓陀罗啦、代表佛理嘅蔓陀罗啦，等等好多好多，但系一般嚟讲可以分为大蔓陀罗、三昧耶蔓陀罗、法蔓陀罗同埋羯磨蔓陀罗。喺密宗里便被称为四蔓，咁响以下我哋对于四蔓，四种蔓陀罗我哋一一加以解释。

第一种系大蔓陀罗，大蔓陀罗亦都称为“绘画蔓陀罗”，简称“大蔓”。我哋意思就系话只绘画佛同菩萨嘅形像，用青、黄、赤、白、黑五种颜色去代表地、水、火、风、空五大，用呢五种颜色去绘画佛菩萨嘅形像，就表示聚集嘅意义，系表示宇宙嘅全体嘅形相，指万有嘅普遍相，将大蔓解释为五大嘅“大”嘅时候，系表示由五大识所显示嘅蔓陀罗嘅意思。所以喺大蔓里便有周遍全体嘅意义同五大识嘅意义两种。由宗教嘅立场嚟睇，大蔓陀罗系佛菩萨嘅相好具足身，呢个时候嘅“大”系“五大”嘅意思。所以佛像系大蔓，但系由广义嘅解释嚟睇，一切万像都系六大法身嘅当体，地、水、火、风、空、识所成嘅现象、诸法嘅全体亦都系大蔓嘞，所以尘尘法法都系大蔓陀罗，而整个坛场亦都系大蔓陀罗，每尊佛像都系大蔓陀罗，一切现象亦都系大蔓陀罗。

第二种我哋讲到系三昧耶蔓陀罗，如果唔绘画出佛菩萨嘅形像，只系描绘象征佛菩萨嘅器杖同埋印契，例如所持有嘅宝珠啦、金刚杵、刀啦、剑啦、法轮同手印等等，我哋修行人见到呢啲法物，就好似见到代表嘅佛菩萨，所以三昧耶蔓陀罗系指现象嘅特殊相，即系佛菩萨所表示手执嘅法器，代表佢嘅本誓。“三昧耶samaya”，就系本誓嘅意思啦。宇宙之中每个现象都有佢各自嘅特色，即系特相吖。事事物物都系有意义存在，而唔系冇意义。一切嘅事物都有好深奥各自嘅生命价值，每一种事物都表示住各自嘅理念就系本誓，三昧耶有平等、本誓、除障、惊觉嘅四种意思嘅其实，其中本誓呢，就系最为接近原义嘞。本誓系一种作用嘅理想，由宗教立场嚟睇呢，三昧耶蔓陀罗系诸佛菩萨所持嘅法器同手印嘅意思，因为呢啲器杖同埋手印系象征诸佛菩萨誓愿。但系由广义嘅解释嚟睇，一切嘅事物都系三昧耶蔓陀罗，而一切万象呢，都系有客观存在嘅性能同埋作用，呢嗰特殊嘅具体表现就系三昧耶蔓陀罗嘞。

第三种蔓陀罗叫做“法蔓陀罗”，亦都称为“种子蔓陀罗”，简称“法蔓”。法蔓陀罗系以本尊嘅梵文名称嘅第一个字母作为诸尊嘅种子去代表本尊。甚至经论嘅文字、言语嘅义理同埋真言嘅种子陀罗尼等等，凡系关于法文义理都可以称为法蔓陀罗嘅。一切嘅事物既然有佢自已嘅特殊意义同理想，因而将呢嗰表现呢，作为文字、声音或者名称嘅时候当然会出现一种特殊嘅意义啦。响十种法界里便呢，都具有语言，六尘诸法皆是文字，一切嘅语言、所有嘅文字都系如来嘅语言文字，而表示呢个声音文字，即系实相嘅立场，亦都就系话法蔓陀罗嘞。由宗教上嚟睇，法蔓陀罗系诸佛菩萨嘅种子，世间万象都有名称，由诸佛菩萨嘅名称同埋本誓，而将头一个字用梵字表现出嚟，就叫做“种子字”。所以法蔓陀罗系文字嘅蔓陀罗，系种子嘅蔓陀罗。我哋举一个例，例如以梵文“阿”字，去表示大日如来，而用梵……（注：此处录音中断）但系由广义上嚟睇，其实一切经典嘅文字乃至世界嘅所有语言文字嘅名称都系法蔓陀罗嘅范围，因为言语系表达真理嘅原因，喺一个字里便其实都有无量嘅功德。如果再详细讲，文字有“了因”“生因”“本相”嘅三种意义，亦都有含藏嘅意义、有生出嘅意义、有根源嘅意义嘅。

最后一种嘅蔓陀罗系被称为羯磨蔓陀罗嘞。羯磨蔓陀罗呢，其实系立体嘅蔓陀罗，系用雕刻、铸塑等等嘅立体造型呢，去表示佛菩萨集会，形像更加具体直观吖。羯磨蔓陀罗系表示宇宙间嘅一切事物嘅活动作用，“羯磨”系梵文啦，“karma”，“karma”系“业”嘅意思啦，系作“业”嘅意义嘞，一切嘅事物都系实在嘅象征，所以一切嘅作用活动呢，系实在嘅本身活动。而四大嘅运行，日月星辰嘅异动吖，都系由实在所发生嘅有意义嘅活动。而由宗教上嚟睇呢，羯磨蔓陀罗系表示诸佛菩萨威仪嘅事业，所以喺雕刻、塑铸上便所表现嘅威仪活动就系羯磨蔓陀罗。但系如果由广义上嚟睇呢，其实行住坐卧一切事物活动嘅作用行为吔，都可以称为羯磨蔓陀罗嘅。

响以上我哋对于四蔓就作咗简要嘅说明，而四种蔓陀罗嘅教理内容虽然系哲学嘅形像形式，但系究竟都系宗教性嘅实在，而现象嘅诸法其实都系大日如来圆满相好嘅种种相。大蔓就系色相，系宇宙本身嘅全体，三昧耶蔓呢，系形相嘞，法蔓呢，系名相（“名字”个“名”），而羯磨蔓呢，就系作用相，系相对全体嘅部分，系如来身、语、意三密嘅象征，而四蔓嘅究竟意义就喺呢个地方嘞。关于四蔓之间互相嘅关系，亦都同本体轮嘅六大一样有无碍摄入、相即不离嘅关系，现实同理想，事实同真理都系相即相入嘅生存，所以话“当相即道，即事而真”，凡即是佛，我即大日。故此一切现象其实都系四蔓嘅具体表现嘞。

至于讲到蔓陀罗嘅制作，系有严格一套仪轨嘅要求，唔可以立乱嚟嘅。例如喺《陀罗尼集经》里便卷二讲过，佢话做一个阿弥陀佛嘅佛像法，佢讲到话：“其作像法，香水泥地作坛，唤一、二、三好巧画师，日日洒浴，与画师受八戒斋。咒师身亦日日洒浴，作印护身，亦与画师作印护身。咒师、画师两俱不得犯戒，不喫五辛酒肉之物。作坛中央作帐，四方着饮食、果子、种种音乐供养阿弥陀佛。其画师着白净衣服，用种种彩色，以熏陆、安息等香汁和之，不得用皮胶。咒师坐于坛外面向西，画师而向东。咒师前一炉香，烧种种香及散诸华，夜即然灯。咒师作阿弥陀佛身印，诵陀罗尼咒。”（注：根据CBETA，“香水泥地作坛”疑为“先以香水泥地作坛”；“作坛中央作帐”疑为“作坛中央着帐”）嗱，以上呢一段就《陀罗尼经》（注：疑为《陀罗尼集经》）所记载嘅作像法。我哋又，我哋再举一个例吔，又好似《不空羂索神变真言经》卷八讲过：“世尊是不空王像三昧耶，当以白㲲或细布上或复绢上，方圆四肘或方八肘。画匠画时一出一浴，以香涂身著净衣服。食三白食寂然断语，受八斋戒。盏笔彩色皆令净好，勿用皮胶调和彩色。”吓，以上呢段就《不空羂索神变真言经》记载画像嘅方法。由此我哋举咗两个例，可以知道喺印度绘画蔓陀罗嘅材料选择吖、画师、咒师吔，其实都系有严格要求嘅。咁蔓陀罗除咗画喺布匹吖、丝绢吖、墙壁、天花板之上呢，其实仲有有一啲作法呢，系画喺地上或者木板上便，画喺地或者木板上便嘅曼荼罗呢，有时系用各种颜色嘅粉漏印制而成，将颜色嘅粉装入尺多长嘅金属管，管嘅其中一端呢，有一个细嘅窿仔，而画师呢，就一手揸住金属管而用另外一只手呢，用一支细嘅棒吖，去敲击个管，咁通过震动吖，啲色粉就会漏落嚟嘞，用唔同嘅色粉去组成图案啦，呢个就系其中一种粉漏嘅画法。

佛教认为宇宙系有二十八层天，欲界六天，色界十八天，而无色界四天，但系只有时轮金刚嘅坛城呢，唔喺天上便，而喺东印度同西藏交界嘅深山雪域里便，所谓称为嘅香巴拉国，所以好多人愿生去时轮金刚嘅坛城。时轮金刚嘅坛城呢，就好多时候就用呢个粉漏方法去画，呢种用色粉嘅粉漏去印制成嘅坛城呢，通常都系时轮金刚嘅坛城，所以亦都叫做尘色坛城（“尘埃”个“尘”，“色相”个“色”），尘色坛城。但喺法会完毕之后呢，呢个坛城呢，就被毁弃唔用嘞。仲有蔓陀罗呢，系用青铜同木头制作嘅立体蔓陀罗，系根据修行人修习供养唔同嘅本尊而有唔同嘅形式，细就玲珑别致，大呢，经常亦都宏伟壮观嘅。

喺今次讲座嘅最后，我哋讲到密宗里便嘅护摩法。“护摩”系梵语嘅译音，其实个意思呢，系“烧”咁解，准确去讲应该系“火祭法”或者叫做“火供法”，即系喺火里便投入供物，以作为供养嘅一种祭法，亦都系密教一般修法之中重要嘅行持，用以譬喻智慧之火能够焚烧我哋迷昧嘅心嘅意思。护摩原本系印度古代去供养火神阿耆尼去作为驱魔求福嘅一种方法。喺印度太古印伊时代，呢一种宗教仪式已经产生咗，我哋可以见到喺梨俱吠陀吖、夜柔吠陀、百道梵书之中等等早期嘅印度文献亦都有设立三种火坛去修法嘅记载。另外喺《家庭经》之中亦都有详载种种复杂嘅护摩法，我哋可以见得到呢，护摩法一早已经风行响重视祭典嘅印度了。喺吠陀时代嘅诸神之中，最重要嘅一个就系火神阿耆尼。供养火神嘅仪轨系非常之盛行，响当时嘅事火嘅婆罗门之间烧火祭天，将供物投掷喺祭坛嘅火炉之中，等火焰上升就以为已经达到诸神嘅口里便，咁诸神呢，依此得到力量去降伏诸魔鬼神而赐给众生一个福祉，所以将火去视为诸神嘅口，亦即系天口。呢一个祭法后嚟被佛教密宗所采用咗，而且逐渐发展成为密教嘅重要修法。

而密教嘅护摩同婆罗门嘅护摩佢意义系有极大嘅唔同。密教所做嘅护摩又可以分为内外两种，如果实际上喺护摩嘅坛里便所做嘅修法就称为“外护摩”，亦即系响行法嘅时候具足本尊呢、炉啦、行者等等三样要素，去作为行者三密嘅表征，喺其中本尊系唔限于边一个如来或者明王，系要视乎所忠嘅教派而定，用以表示修行人嘅意密。而炉呢，系代表行者嘅口密，行者自身呢，就表示身密。而行法嘅方式，就首先要择地、造坛、设炉，口诵真言，投掷乳木、五谷等等嘅供物响炉里便，以清净行者嘅三密，而且成就息灾、增益、降伏等等嘅法。呢一种行法，都系响心外行事作法，故此称为“外护摩”或者“事护摩”（“事业”个“事”）。如果相反，唔需要采用实际嘅作法，而以自已嘅身作为坛场，喺观想之中以如来嘅智火去烧除其他嘅烦恼障同埋各种业障，呢一种喺向心内作观修法嘅护摩就称为“内护摩”嘞。又因为内护摩所做嘅观乃系属于理法嘅观（“事理”个“理”），所以又称为“理护摩”。内护摩通常有四种方法，即系第一种息灾法，去观想大日如来嘅本性；第二系增益法，去观想不空成就如来嘅本性；第三系钩召法，去观想宝生如来嘅本性；第四系调伏法，去观想阿閦如来嘅本性。如果以世间出世间相对嘅区别，咁出世间嘅护摩即系指内护摩啦，而世间外道嘅护摩就系谓之外护摩。但系如果响出世间护摩之中，又有内外之别，咁以观心为内，而事相就为外嘞。喺前面所讲嘅外护摩，由于未能够同内观相应，系冇办法成就悉地嘅，啫系成就啦，所以外行嘅护摩嘅时候呢，必须要同时修习埋内护摩嘅平等观，希望能够内外相应、事理相融，先能够速疾去成就悉地嘅。故此呢一点系密教外护摩同外道嘅护摩法有唔同嘅地方嘞，亦都系密教修行人修护摩时候嘅一大要决嚟嘅。

如果单就外护摩嚟讲，响修法嘅时候，除咗前面嘅本尊、行者之外，另外喺本尊嘅前便设有一个护摩坛，呢个坛呢，就称为“光明坛”“护摩火坛”“火坛”“军荼坛”或者“火事护摩蔓陀罗”等等嘅名称嘅。筑坛嘅材料可以分为土坛同埋木坛啦，如果筑土坛可以依七日嘅作坛法同埋水坛法。七日作坛法首先要择地，经过七日七夜去供养地神，掘地啦、清除秽物啦，同埋呢，画其他本尊嘅蔓陀罗啦。水坛法系为咗急病吖、兵乱等等紧急嘅时候所行嘅简略仪轨，响一日之中洒水净地去作坛。如果做护摩，我哋要喺护摩坛嘅中央去掘一个火炉，喺炉边之外嘅地方呢，我哋要画三重院，呢三重院嘅蔓陀罗诸尊，我哋又要依息灾、增益、降伏、钩召、敬爱五种法有唔同，有时亦都用佢嘅三昧耶本誓所揸嘅法器标志呢，去表示嘅。咁例如依《金刚顶瑜伽护摩仪轨》记载，譬如息灾法，喺中院嘅四方要画羯磨杵嘞，响四隅啫四边四角啦，就系莲华嚟嘅。第二院呢，我哋要画四波罗密多菩萨，而喺四隅呢，就系内嘅四供养菩萨。而喺第三院嘅四门我哋画四摄菩萨，而喺四隅呢，就系外四供养菩萨，而喺中间就画八方嘅天，而蔓陀罗嘅最中央，我哋就安置大日如来本尊嘞。但系呢个只系其中一个例，呢个画法同埋圣位嘅分布，亦都根据各种经轨呢，系有唔同嘅说法。至于土坛嘅形状大小亦都有几种说法，形状一般系以息灾护摩坛用圆形，白色或者黄色，而增益坛系方形嘅，赤色或者黄色，而用嚟做降伏嘅坛系三角形嘅，黑色。钩召坛呢，同埋呢，敬爱坛呢，都系半月形或者八叶莲华形嘅，以赤色或者杂色去作为根据。而佢嘅大小直径呢，一共有二肘吖、四肘嘅讲法。木坛嘅形状亦都因修法而有唔同，一般通常用方形嘅牙坛，大小亦都唔一样。护摩炉之外唔需要画三重院，而喺坛嘅四隅呢，我哋要钉四橛，啫金刚橛，一支支长形尖嘅金刚杵，而呢四橛嘅顶端呢，系绑有五色丝去作为金刚线，喺坛上亦都布列阏伽、涂香啦、华曼、火舍啦、灯明同埋洒水、漱口、五种瓶等等嘅其他器皿。喺坛上便嘅装饰同其他物件嘅布列亦都依各个教派唔同而有分别嘅。

如果修外护摩法，通常呢，系三种、四种、五种、六种嘅分别。但系最普通就系四种法，称为“四护摩”。第一系息灾法，以佛部尊为本尊，用圆形白色嘅护摩坛，圆形炉，向北方作吉祥坐，焚烧呢，就系甘木（“甘草”个“甘”）。第二种增益法，以宝部尊为本尊，用方形嘅白色坛，个炉亦都系方形，向东呢，而半跏趺坐，跏趺坐都有讲究嗰㖞，焚烧果木（“果实”个“果”）。第三种系敬爱法，以莲华部尊为本尊，用莲花叶形嘅赤色坛，而炉呢，都系莲花叶形嘅，向西方箕坐，如焚烧花木。第四种系调伏法，以金刚部尊作为本尊，用三角形黑色嘅坛，炉都系用三角形，而向南方蹲踞坐，而焚烧苦木。

刚才讲咗四种护摩法，如果系三种护摩就系以息灾、增益、调伏而冇敬爱㗎喇，系喺胎藏界呢，三部内证相应嘅三种修法嚟嘅。如果讲到五种护摩，就系喺四种护摩之中另外加上钩召法，以羯磨部嘅尊为本尊，用金刚形炉，向其他嘅方向半跏趺坐，而焚烧刺木。呢个五种护摩系以金刚界五部五智内证相应嘅修法。但系敬爱法系由钩召法开衍出嚟。喺五种法之中，每一种法其实都包含有其他四法嘅效益，我哋称为“五法互具”。譬如以息灾法去举一个例吔，修行息灾法可以除去我哋凡夫嘅贪、瞋、痴各种烦恼或者止息国家嘅灾难，呢个就系息灾嘅意义。如果除去贪、瞋、痴等等烦恼嘅时候又可以增长定慧嘅功德或者行者嘅各种福德，呢个就系增益嘅意义啦。各，各种功德既然得到增长，就慢慢可以摧破我哋嘅无明，灭除其他嘅灾殃，呢个就系调伏嘅意义啦，依住呢啲功德，而慢慢就冇战乱诤斗事件发生，亦都得到诸佛菩萨嘅庇护，就系敬爱嘅意思嘞。由呢啲功德而令到诸善集生、万法集现，呢个就系钩召嘅意义，即系话其他嘅善事可以集埋一处，其他嘅诸法慢慢亦都能够钩召到俾我哋学习嘞。咁其他嘅四法亦都可一样互通去咁样解释嘅。

讲到六种护摩呢，系头先所讲五种护摩之中喺增益法之中再开衍出一种延寿法，而佢嘅修法方式呢，亦都呢，系同增益法有啲唔同嘅，咁喺各种嘅护摩法之中，其实嘅主角都系“火”。“火”呢，有三种意思，第一就系般若嘞，亦都就系好似明灯一样嘅智慧；第二就系“清净”嘅“净”，亦都可以烧除一切罪恶同烦恼；第三可以摧毁我哋菩提道上嘅一切障碍。护摩法虽然有多种，但系经轨之中呢，讲法亦都系唔相同，但系都系以火作为中心嘅形象，以智慧为火，以一切烦恼束缚、欲念去作为燃料，然后我哋预备作出献出去烧嘅护摩食物就系涅槃嘞，呢个讲法其实都系一致嘅。喺护摩法之中我哋所梵烧嘅薪木即系柴薪，我哋称为护摩木，护摩嘅灰烬，我哋称为火食灰，而伐木所用嘅刀呢，称为护摩刀，而书写护摩法嘅旨趣吔，祈愿内容嘅纸、板可以作为护符嘅用途，称之为护摩札，而行使护摩嘅堂屋，去安置本尊，称为护摩堂，而喺护摩堂前便设坛呢，我哋称为护摩坛。由于火通常喺大清早点燃嘅，如果做护摩仪式嘅时候，所以护摩仪轨通常都系喺朝头早举行㗎喇。

以上我哋就简略咁讲咗护摩喺密宗里便所代表嘅意义啦。希望各位听完呢饼带之后，对密宗嘅道理有一个更加深入明确嘅掌握，多谢各位。（注：接下文）

179.密乘根道果（三）

（注：接上文）

首先多谢大家收听《密乘根道果》嘅第二集。喺呢集里便，我哋首先同大家讲下，白教藏密里便大手印嘅四瑜伽法。大手印系白教里便最高嘅法门，其实“手印”嘅名称，喺显教里便都有嘅，就系用十只手指结出种种形状就称为“手印”嘞，又称做“印”“印契”“印相”“契印”等等嘅名称。喺密教里便呢，手印系代表身口意三密嘅身密，亦都系诸佛菩萨法德嘅标志。佛菩萨手上面执住嘅法器亦都称为“印”或者“执印”，譬如刀、枪、绢索、金刚杵、铃、莲花等等，但系如果真正堪称“大手印”呢，就一定要经过密乘嘅第四灌顶所传授嘅“大手印”，如果唔系呢，就唔可以叫做“大手印”嘅。“大手印”喺西藏嘅意思里便呢，就叫做“大手印口诀”。现在嘅译法，喺“大”“印”之中，里便加入一个“手”字，意思就系尊重佛典嘅意思。呢个“手”字，系尊称佛嘅手，表示佛陀嘅如所有同尽所有，以及二无分别同埋空乐嘅智慧。“印”呢，就表示佛嘅二无分别智，而呢个“智”呢，系最上、最重要而且最秘密，犹如国王嘅印玺一样，意思系一切轮回涅槃嘅法，全部都系一一契合佛嘅如所有智，而且呢，系冇一个法更加超越呢个智慧之外嘅。之所以称为口诀或者口授，就系简单、言简意赅嘅概括嘅意思，但系口诀或者口授呢，系含有好深嘅义理，咁样讲法系便于我哋修行者口诵心记，所以名之为全称“大手印口诀”。喺《大手印明点续》里便讲过：“‘手’，系诸法空性智，‘手’喻空智，凡所执持，悉为手之功能。凡所显现吖，即是空之妙用。‘印’，喻印记，决定义也。由空所现诸法，决定不出乎空。轮王敕令，自本法理，以印印之，谁能逾越。生死涅槃，本来是空，以觉觉之，莫非正智。大者，谓更无深广殊胜，有过于此。而综合诸法，惟此为最高无上，故名大手印。”

呢一段，讲到大手印法嘅传承。大约响公元前一世纪左右，印度人嘅上师萨罗哈传俾龙树菩萨，然后慢慢递经舍波黎吔、卢伊波、征吉波，慢慢就传至呢个谛诺巴上师（注：“征”嘅繁体字系“徵”，同“微”字相近，音频疑将“征吉波”读作“微吉波”），我哋知道嘞，谛诺巴祖师系白教好出名嘅，然后传到那洛巴上师。而另外有一支，就系卢伊波，去传陀黎迦波，然后安多啰波等等嘅上师。比如西藏噶举派开创人玛尔巴大师，啫密勒日巴上师嘅师父，三次去印度，由那洛巴祖师同埋麦哲巴祖师嗰度得到大手印嘅传承。另外，阿底峡尊者，或者叫阿提莎尊者，亦都宣说过大手印哲理同埋喺瑜伽学之中嘅重要性。故此大手印虽然系藏传佛教噶举派（即系白教）密法嘅精髓，但系萨迦派呢（花教）、格鲁派（黄教）呢，其实都有呢个传承个㖞。

大手印大致可以分为三种，第一种系实住大手印，第二种系空乐大手印，第三种系光明大手印。我哋首先讲下第一种实住大手印。何为实住大手印呢？“实”就系“真实”个“实”，“住”就系“住世”个“住”。实住大手印系通过研究经论同埋名师嘅教导，能够明了真实嘅道理，依住自己所悟所解而去修习禅观、去调心，令到同真实相去相应，呢个就名之为“实住大手印”，系依经教、依悟解而修嘅。换句话讲，喺大乘佛教所讲嘅一行三昧同埋真如三昧就同呢一样实住大手印嘅道理系相当。因为密教系以显教嘅《般若经》作为“因乘”，而密教嘅金刚乘呢，就称为“果乘”嘅。第二所讲到空乐大手印，乜嘢叫空乐大手印呢？空乐大手印系属于无上瑜伽密法嚟嘅，须要经过灌顶，修加行，经过专一、离戏、一味瑜伽嘅次第，而慢慢呢，渐渐达到我哋个心，到达空寂而去生起“空”同埋“乐”不二呢两种感受嘅禅定觉受，而喺第四级灌顶之中，咁乜嘢叫做第四级灌顶呢？响，诶，第一次讲座，大家听番个饼带，就会有讲到密，密法里便嘅第四级灌顶吖。喺第四级灌顶之中，经由上师指示加持，而慢慢了悟到我哋嘅光明嘅心性，知道我哋嘅心光明，然后慢慢再去修所谓嘅无修瑜伽，呢个就系大手印嘅渐入法，系渐入嘅法门，而必须亦都以修炼气、脉同埋明点吖，去作为基础喺呢度，咁吖适宜于中下根器嘅人去修习呢个空乐大手印法。第三系光明大手印。光明大手印主要系依上师嘅加持吔，而获得顿悟，顿悟法嚟㗎。贡噶上师曾经喺《恒河大手印直讲》里便开示讲过，佢话：“最上之大手印，则并亦无须乎灌顶，但当恭敬礼拜，承事亲近于其上师，或仅观上师微妙身相，即能立得证悟。”贡噶大师讲过呢段开示，而且话呢种大手印呢，系大手印嘅最胜义心传，系真正嘅大手印。光明大手印呢，系属于大手印嘅顿入法门嚟㗎，唔系渐入，系顿入。修习嘅人呢，要有上等嘅质素，遇到上等嘅上师，咁师同埋徒互相配合，就能够直传大手印俾你立见自己嘅光明本性。故此呢，喺呢一门里便，光明大手印，其实实际得到嘅传承同埋修习证悟嘅人系好少好少嘅。亦都有学者曾经讲过呢，空乐大手印系依于三昧耶印、法手印、羯摩印等等呢三种手印嘅方便去发生大乐，即系喺呢种“乐”里便呢，自己自证到当体即空嘅境界吖，故此所得到嘅果乘系不共之共嘅果乘嚟㗎，不共之共吓。空乐大手印之所以系异于光明大手印，同光明大手印唔同呢，因为空乐系依“喻”而证“智”，而光明系依“义”而证“智”。“依喻证智”呢，就系依“喻”（就系“比喻”个“喻”嘞）；光明呢，“依义证智”，“依义证智”（呢个“义”呢，就系，诶，“义理”嘅“义”），“依义证智”。所以空乐系能表智嚟嘅，就比喻为光明；光明呢，系所表智，就故此称为光明嘞。而空乐必须依三个手印，光明呢，亦都可以由上师口授，唔执能所，而能够得到加被，顿时能够显露，所以亦都认为光明大手印亦都有顿、渐呢，两种分法。但系噶举派开示大手印嘅时候呢，一般都分为根大手印、道大手印同埋四瑜伽次第去入嘅果嘅大手印嘅。咁我哋跟住落嚟就详细讲下，噶举派头先以下所讲嘅根大手印、道大手印、四瑜伽次第而入嘅果大手印。

乜嘢叫做根大手印呢？根大手印讲嘅就系佛性，佛性系指蕴藏响我哋每一个众生里便嘅觉悟本性，我哋称之为“本觉”。呢个觉悟本性，系原始本然嘅，系无染无瑕，本质本始就系清净。但系虽然系咁讲，由于众生嘅无明呢，精神上嘅迷惑，虽然都具有潜质嘅佛性，但系未被开发出嚟，甚至连点样开悟嘅方法，我哋众生都唔知道。咁呢个能够导致开悟大手印嘅“根”，呢个“根”系咩意思？而家我哋讲根大手印，呢个“根”就系佛性咁解。如果我哋用唯识宗嘅观点去讲，就系种子嘞，种子。随住根大手印嘅建立，修行人吖，就会产生一啲特质，咩嘢特质呢？首先，就系对传承嘅上师、祖师嘅虔诚恭敬，随住会生起呢，有三种信心嘅，如果呢种大手印建立起嚟的话。第一，就系明净信心，诶，“明白”个“明”，“清净”个“净”。何为明净信心吖？就系深信祖师、佛同菩萨同一切众生都同样具有佛性，呢种信心变得好坚固、好牢固，而且明朗，心地亦都开阔、开怀，就系明净信心产生嘅象征同埋觉受。呢个系对上师坚固不可破嘅信心，对佛菩萨不疑嘅信心，称为明净信心。第二种系向往信心，向往信心，就系要明白自己亦都有成佛嘅种子，能够成就吖，同一切祖师呢、佛菩萨一样嘅自性同特质之后，我哋更加要努力精进，去得到呢种成就，呢个就系向往信心，即是向往佛菩萨嘅祖师德行，用自己修行佛性嘅本质慢慢一步步去成就，要具有呢个信心，将来我能够修成同埋佛、菩萨、祖师一样，系好重要。第三点，咳，根大手印，系清净嘅信心讲到。清净嘅信心系同明净信心唔同嘅地方，有唔同嘅，系要确认，清净信心系咩呢？要确认，开悟之后吖经验并非只系发生喺少数人身上偶然状况，呢点系好重要，系好多人都有呢个开悟经验，唔系偶然响你或者我身上先会出现，其实实际上已经有好多个修行人藉住呢啲方法去脚踏实地勤修去证得果位。呢种确信，明，啫要信呢一，呢一种情况呢，就系所谓清净嘅信心。咁根大手印嘅建立，系我哋修道嘅行者，修道，修大手印之前，一定要确定嘅呢三种信心，系根大手印嘅内容。其实如果明确去讲呢，我哋所讲嘅四共加行嘅内容，其实就系根大手印嚟㗎嘞，明唔明？

咁跟住我哋讲到道大手印。道大手印呢，系修行人知觉嘅佛性存在响每一个众生之后而付诸实际嘅修行，就名之为“道大手印”。道嘅程序，系按部就班、循序渐进嘅，唔可以越等，吓，记住呢度要循序渐进去修。首先我哋修大手印嘅时候，我哋要明白苦集灭道（“苦集灭道”，响以前，诶，嘅录音带讲咗，已经讲得比较详细，大家可以参考番）。要知道苦集灭道，我哋要发心离苦得乐，喺呢种出离心嘅基础之上而再发起菩提心，系好重要㗎，所以呢个系同显宗共通，不共之中共嘅基础嚟。佛陀最初初转法轮就系转呢个四圣谛嘅法轮，咁我哋要对四圣谛有深切嘅了解，先能够知苦，然后先能够令到我哋发出个出离心，有出离心，我哋先能够喺呢个基础之上，再发起上求下化嘅心，即系菩提心，上求佛道、下化众生嘅心。有呢个基础，有呢个认识，甚至有呢个证量，然后我哋先可以开始修呢个道大手印。道大手印一定要按部就班，就系修道嘅过程。同时，发咗菩提心之后呢，同时亦都修持金刚嘅法门，而进入金刚嘅法门呢，我哋就必须要修四不共加行法同埋止观，四不共加行法同埋止观。我哋修行人凭住四不共加行去积累修持金刚法门所需要嘅功德同埋智慧，所以根大手印呢，系属于密宗预修嘅法门，预备预修嘅法门，而大手印修持嘅内容呢，其实讲番转头就系根大手印，其实头先讲过系四共加行，而道大手印包括四不共加行同埋止观嘅禅定。乜嘢叫四不共加行？归依大礼拜、金刚萨埵法、献曼达同埋上师相应法（咁喺，如果呢饼带能够讲得晒的话，会再讲埋四不共加行嘅内容，如果讲唔晒，就会开多另外一饼带讲呢个四不共加行，系归依大礼拜、金刚萨埵、献曼达同埋上师相应）。道大手印里便有四不共加行同埋止观禅定，所谓止观禅定呢，就系密宗所讲嘅七支坐法，毘卢遮那如来嘅七支坐法。

而第三种呢，就系四瑜伽次第而进入果嘅手印啦（有三种，咁我只系重复讲多次啫）。咁现在道大手印，头先已经讲咗四不共加行同止观禅定嘅内容，而讲到瑜伽，由瑜伽次第进入果大手印呢，就系四瑜伽次第入果大手印，就系正修嘅法嚟嘅，呢个先系正修嘅法，喺呢一度建立咗道大手印。根大手印就有一个具足嘅信心，而响道大手印正式修咗四共加行同埋七支坐法之后，然之后再进入果大手印，吓，呢步唔系咁容易到达。呢个果大手印呢，就系四瑜伽，四瑜伽就专一瑜伽、离戏瑜伽、一味瑜伽同埋无修瑜伽，四种瑜伽系修习大手印度逐级深入嘅四个层次嚟嘅，实际上就系藏传佛教修一切止观嘅阶梯。其实换句话讲，睇清楚，就系藏传佛教修一切我哋显宗所讲止观嘅阶梯嚟。四瑜伽嘅修习方法，现在跟住讲嘞，现在我讲。第一，专一瑜伽。专一瑜伽就系将我哋嘅心系于一境，去修止观嘅“止”，止息我哋妄念，属于四瑜伽嘅初级法门，咁包括咩内容呢？包括观想佛像啦，简单去讲大家容易明白，观想佛像、观想种子字啦，或者金刚诵啦，金刚念诵，喺密宗里便亦都有明点法同埋宝瓶气呢个范围。咁专一瑜伽虽然系初级嘅法门，循序渐进，但系慢慢我哋定力就会由浅而入深，所以我哋修行人要有坚韧不拔嘅内心，要有克服困难㗎，去修专一瑜伽唔系咁简单。

首先，我哋要对治杂念，由于我哋妄念连续不断呢，我哋会经历无数次嘅失败经验㗎，响修专一瑜伽里便，然后慢慢你先会得到成功。第二点呢，你就系要知道要点样先能够得到妙观察智嘅生起，佛陀嘅妙观察智。妙观察智，意思就系话我哋能够认知个体意识同埋宇宙意识系一元吖，一元，即是无二元，唔系相对，系一元，要，慢慢要我哋能够即刻达到明心见性嘅境界，因为大手印嘅思想体系建立喺妙观察智嘅基础之上，而只有专一瑜伽，修专一瑜伽去功德圆满之后，就能够转入去修第二步嘅离戏瑜伽。由离戏瑜伽以上，啫其余嘅三种瑜伽都系属于深嘅法门，比较深嘅法门。咁专一瑜伽嘅第一阶段吖，我哋修持专一瑜伽嘅阶段嘅觉受，喺嗰阵时候我哋会产生“静”同埋“明”嘅觉受。“静”就系个心地好安静，一念不生，心如止水；“明”就系光明，唔系用肉眼见到发光，唔系呢一啲嘢，系心中觉得智慧产生，明明静静嘅光明，唔系见到外境幻想呢种明，呢种系妄境嚟，唔系咁，如果咁样呢，系唔相应嘅，同专一瑜伽。呢种感觉，但系唔会长久嘅，呢个“明”“静”嘅感觉，亦都唔会同时间出现，即系有“静”嘅感觉时候，嗱，个分别喺呢度，有“静”嘅感觉时候，就冇“明”嘅感觉，而感觉“明”嘅时候呢，亦都就唔会平静嘅。呢个阶段表示我哋修行人开悟成就嘅可能性嘅，啫呢种感觉，就如同远处，比如一个例，远处有烟升起就可能有火，或者清晨朝头早嘅时候响东方逐渐发白，表示太阳就要出嚟一样。咁呢个静相、呢个明相系代表乜呢？代表觉悟嘅可能性吖，呢个就系修专一瑜伽第一阶段嘅觉受嚟，喺我哋修持嘅心性里便。

至于讲到第二阶段，再进一级，第二阶段，我哋修行人完全会安住响定境同埋喜悦之中，有一个心嘅定境，慢慢慢慢由明静去转入第一阶段、转入第二阶段，个心慢慢越嚟越静、越嚟越禅定高，而得到内心一种喜悦。而任何念头同埋障碍喺嗰啲时候系冇办法干扰吖，如果你到第二阶段吖，吓，呢个时候已经到呢一度。第三阶段，再进一级，我哋修行人就会感到光明，但系呢个光明，再讲番，唔系开悟时候嘅静光，清静嘅光，唔系㖞，系代表智慧嘅发展，记住，唔好执著外相。而我哋得到呢个光明，系代表一种智慧嘅发展，智慧个慢慢慢慢你会觉得智慧会增长咗开发，如人饮水冷暖自知呢个觉受，智慧开始发展、慢慢开发。咁我哋如果继续修持落去呢，光明喺心中会不断越嚟越光、越来越增长，我哋光明越强，就代表我哋有更敏锐嘅智慧，咁喺呢个时候，神通就出现，会出现神通。咳咳，Sorry。会出现神通，神通就系特异功能啦，喺呢个时候，比如好简单，睇穿埲墙，睇穿啲门等等嘅物体，或者有预知未来嘅能力，但系修到呢个时候有呢啲现象出现，冇沾沾自喜，如果你一沾沾自喜，喺呢一度，专一瑜伽呢第三阶段出现呢种情况，你一执著呢，你就会执著色，或者执著相，堕入番你自己五蕴，被五蕴绑番入番呢个境界，喺嗰个时候好易产生《首楞严经》里便真正所讲嘅五阴十魔，有呢啲境界，呢段时候。咁你修到呢度嘅时候，你有睇穿啲墙嘞，睇穿物体有预示嘅能力，亦都可以预知过去未来，有呢啲能力，咁修到呢个征，呢啲都系修行进步嘅征兆其实，咁呢，亦都代表有呢个征兆可以预示得到，我哋慢慢再逐步修落去，可以获取到预知过去，知番过去，预知将来嘅遍达三世嘅智慧，有呢个可能性会修成。但系记住呢个唔系真正嘅神通，只系一种觉受所出现感应嘅幻象，但系你去了解到外界嘅真实情况啦，系真嘅，就唔系虚幻嘅，系真，譬如睇穿埲墙，对面有咩东西之后，你行开埲墙过去对面睇，真系有呢一样嘢，但系唔好执著呢个境相，喺呢个时候你执呢一样嘢你会著魔，会著魔，记住，呢个唔系真正嘅神通。如果你将呢个修持嘅境界，第三阶段作咗圣解，即受群邪。喺《楞严经》讲过：“若作圣解，即受群邪。”呢度所，呢度要提一句，好重要，呢个阶段。

咁对于专一嘅，跟住我讲对于专一嘅训练方法呢，响专一瑜伽里便呢，头先讲到有观想佛像，我哋而家逐一讲修行嘅方法。第一步，专一瑜伽里便，观想佛像或者字，观想字，或者佛像庄严。佛有三十二相啦，八十种随形好，佛陀结印跏趺喺莲花日月轮之上，披住衫衣，住于一个虹，虹嘅圆光，彩虹嘅圆光，好似历历喺我哋眼前一样，好真实嘅，你用呢个心去观想。一般观想佛像呢，同埋修月轮观系相结合嘅。其实系佛口呢，系象征呢，就系一个月轮，喺行者嘅面前，大呢，如指甲，上面有一个藏文嘅“空”字，但系个笔画呢，就细如毛发，呢一轮嘅明月慢慢逐渐逐渐扩大到一尺，然后明朗清凉、光洁莹澈，好清凉、好光洁、好莹澈嘅呢个月轮，咁呢，我哋要注意将我哋念头注念去观想呢个月轮，唔好堕入昏沉里便。咁久而久之，我哋慢慢通过呢个观想，呢个深沉嘅禅定去集中响月轮嗰度，月轮就慢慢能够越睇越明白，慢慢慢慢越嚟越见吖，越嚟越清楚显现。到呢个时候我哋再观想月轮，慢慢扩大到四尺，头先一尺，而家四尺。个形状如果佢大光嘅时候，越嚟越大，我哋谂佢四尺，四尺就好似一个薄饼一样，好薄嘅薄饼，但系佢个光明系白色，悬浮响空中，悬浮响空中，而呢个“空”字呢，就喺佢中间，“空”字喺个月轮中间。慢慢地我哋再观想佢，再深一层次观想佢扩大到同整个宇宙一样，呢个月轮。我哋初步如果可以用呢一种观想，咁当我哋下座之后，我哋亦都应该要观想月轮呢，慢慢去缩小，好似初头咁，然后将个月轮呢，收归响我哋自心嚟，呢个系完满次第嘞，头先系升起次第，升起一个境相，圆满次第，将佢收番落我哋自心里便，将呢个月轮。咁如果月轮观一观成之后，咁我哋定中里便只系见到光明朗彻、无边无际嘅感觉，系见唔到自己嘅身心同埋世界嘅，个觉受，如果呢个月轮观修起，一入定里便，完全系光明，系好朗彻，无边无际嘅光明，处于光明里便，身心世界已经消融。咁我哋修行如果能够时常入呢种定，照呢个方法去修，护持佢，唔好俾佢失，因为入呢个定，观想个月轮去把持摄持住我哋个意念，我哋当时意念就好少妄念甚至唔会打妄念，喺呢个境界我哋就会见道明心㗎嘞。喺，如果你能够修到呢个境界，无呢个妄念，见道明心，进入呢个月轮观光明，身心世界莹澈，无人无物，见道明心，咁其实呢个境界系属于咩境界？系进入咗初地菩萨嘅果位。当然唔系一朝一夕啦，系好长嘅时间，而家讲嘅方法好似好简单，几句话，但系修嘅时候你会经历咗好多考验同境界。呢度遇到个个人嘅根器唔同啦，千差万别，唔可以用一饼录音带去讲晒每个人喺修呢个定里便，专一瑜伽呢个定里便所发生嘅境界。而呢发生嘅境界点样处理？处理一定要依止一个真真正正修过呢个瑜伽嘅上师，唔系空口讲嘅上师，要有呢个觉受，要揾一个过来人，所谓“欲知山下路，需问过来人。”要喺一个过来人嘅上师里便去了解呢种境界，如果行过呢条路，自然会答到你话俾你听，你而家弟子修行嘅境界系到达专一瑜伽第几个层次，你修呢个月轮观，你所观想有咩嘢错误、有咩嘢啱，佢会话俾你听，咁慢慢如果你继续修呢个定，唔失嘅时候，见到光明嘅道心出现嘅时候，渐渐你嘅杂念完全慢慢慢慢冇晒，喺时常嘅入定之中光明朗彻、无边无际，身心世界顿时消融，而就进入初地菩萨果位，依住咁样一步一步修习，直至慢慢成佛。其他嘅道理就唔需要再讲，系冇其他嘅捷径同道理，系按部循序渐进。呢个系佛像嘅观想，月轮观，观佛像。

第二种金刚诵。金刚诵呢，如果讲到金刚诵，系无上瑜伽修行人练气脉明点主要嘅方法嚟嘅。咁我哋将观息，观我哋嘅气息、心息，去念咒，或者观想同埋观修脉轮吖，结合为一吖，将呢啲方法结合为一。“金刚诵分”呢，系“起分”同埋“正分”呢，分开，咁我哋先从起分去修起。金刚诵起分，我哋亦都叫做金刚数息法，系无上瑜伽嘅六妙门，好似天台宗智者大师所创、所讲嘅止观六妙法门一样，分开数、随、止、观、还、净有六个阶段，要清楚呢六个阶段，何为呢六个阶段？一定要讲明呢六个阶段。数，数嘅阶段就系同显宗显教六妙门嘅数息系相同，天台宗系一样，呢度，冇分别。喺我哋安坐嘅时候，我哋调息之后，我哋专意去数呼吸，去数呼吸，每一呼一吸，谓之一次，专心沿住每一个数去数，由一到二，乃至慢慢，数到二万一千六百个数，慢慢一、二、三、四咁样数落去、数落去、数落去，去数我哋嘅呼吸。咁我哋数我哋嘅呼吸，慢慢越数就会越清楚我哋嘅内外息出入息，慢慢慢慢就越嚟越明晰咁数落去。咁我哋初修习嘅人，每一日以修四座为限度。咩嘢四座？第一座，我哋呢，只系数二十一次，第二座增加至三十六至七十二次，第三座比前便就再增加一啲，可以数到一百零八次，而第四座呢，就随我哋嘅力去多数。如果唔舒服，身体唔舒服，或者自己唔得到一种轻安嘅感受，夹硬去数，你就下座，唔好刻意去数。而喺呢个数息慢慢数下数下，你嘅心念就会集中响息里便，而且亦都可以调到我哋身体气脉，令我哋身体气机增强，可以消除好多病症㗎。其实喺呢个阶段我哋呢个可以做到呢一样嘢，而最重要我哋唔系身体嘅执著觉受有冇病，系最重要我哋心念处于一个数里便，而冇杂念，处于空明嘅境界慢慢去数，如是者我哋慢慢渐增，唔好令，数呢个息，唔好令到我哋心向外驰，咁修习纯熟之后呢，舍，舍除我哋数，数嘞，数呢个数目，我哋修“随”，第二个字，第二字诀，六字诀里便嘅“随”。修“随”系咩意思？修“随”嘅时候，吸气嘅时候，观我哋嘅气由个鼻前便一尺到五尺远之外去吸入，观呢个鼻吔，吸气嘅时候，观呢个气由我哋个鼻孔前便一尺至五尺外便，用个心去谂，吸入嚟，经过鼻、我哋嘅喉咙、心，然之后到肚脐嘅部位，然之后落到会阴个部位，会阴个部位，然之后慢慢遍行到四肢，然后到全身。咁吸气嘅时候系咁样做，呼气嘅时候呢？我哋观想我哋嘅气，而再由鼻里便出，然之后出呢，至到于鼻前嘅一尺到五尺嘅地方之后，放番出去，放番出去。咁样反复练习，至到明了我哋嘅气息出入嘅远近长短，我哋要知道，我哋其实如果你越做呢个“随”嘅时候，慢慢一步一步深入，我哋知道几时出、几时入，吖，个距离有几多、出入嘅长短，我哋个心系无念个㖞，记住，喺无念嘅境界，但系我哋喺无念之中我哋又知道我哋息出入长短嘅，嗱，呢个就系好微妙嘞，微妙嘅境界就喺呢度。咁呢，如果能够你修到呢一种境界，就我哋开始舍弃“随”字诀，而修“止”字诀。“止”，“止观”个“止”嘞。咁修止呢，就首先我哋观我哋嘅气，停喺个肚脐下便，啫丹田嗰个位置差唔多肚脐，而渐渐慢慢个气呢，遍于我哋全身，令到，呢个步骤我哋要令到心同埋个气去相合，令到自己寂然入定，慢慢入定，心同气，心气要令佢合一，喺呢个阶段，吓，要做到呢样，寂然去入定。观呢个“止”，如果我哋慢慢纯熟之后呢，如果能够心同气相合，入得到定，咩叫心气相合呢？心同气系同一嘅，唔啫，啫自己唔觉得心喺度运作，亦唔觉得气喺度运作，而大家互相已经系相合咗，心底系寂然安住喺定，好平和嘅定嘅境界之中。咁如果我哋修呢个，诶，“止”之后，能够得咗，然之后我哋进一步呢，就修“观”，“观止”纯熟咗之后，我哋要修“观”。（注：接下文）

180.密乘根道果（四）

（注：接上文）

咁修观，我哋观啲乜嘢、点修法呢？我哋观外境，外便嘅境界，地水火风空系依黄白红绿蓝五种色去分布，吓，地水火风空，系依黄白红绿蓝五种色去分布。

现前见到嘅时候呢，就舍“观”修“还”，“还”字诀。“还”字诀点样呢？吸气嘅时候我哋观想十方诸佛嘅光明功德化为一个白色嘅“Om”字（“Om Ah Hum”个“Om”字），然后慢慢住于落嚟，慢慢住于我哋嘅脐吔，脐轮嗰度，啫气海，丹田个位置，而变成红色嘅“Ah”字，一变呢，红色嘅“Ah”字呢，长久嘅停住响呢位置嘞，停住喺呢度。而家我哋呼气嘅时候呢，就吸，变成蓝色嘅“Hum”字，然后由个鼻里便亦都慢慢呼番出去，放出蓝光，而后入一切众生嘅身里便。点解要咁做？为咗去消除呢个罪障，去增福，咁循环往复“Om”“Ah”“Hum”三个字。点解要修呢个“观”？呢步好重要啦，呢步，就可以解开我哋全身嘅脉结嚟㗎喇，呢度。所以你修天台宗嘅止观，喺金刚诵呢个法门系相等，一样可以打开我哋全身嘅脉结，所以叫做“还”，我哋脉结解开，烦恼就会断了，烦恼就会断，呢就“还”。

所以修炼纯熟咗之后，呼吸我哋随住我哋心嘅寂定，慢慢慢慢会缓慢，直到我哋嘅气息停止、停息，然之后呢个阶段中脉就会打通，响呢个时候吖，中脉打通，呢个业气，我哋身体嘅业气就会转变成为智慧嘅气，所以响呢个步骤里便，啫呢个阶段就叫“净”，第六个字诀“净”。一共有六个字诀：数、随、止、观、还、净，就系呢个阶段。所以讲到呢一度，谂起一样嘢就系，你话显宗同密宗有冇分别？既有分别，亦无分别，争在你自己所证得到嘅境界系点，其实条条大路都可以去到一个目的里便嘅。因为如果你一样，同天台宗一样呢，可以修持呢个止观嘅法门，将我哋中脉嘅脉结解开，左右二脉嘅脉结解开，将业结气转为智慧气，令到我哋清净，打开晒啲脉结，开我哋嘅脉轮。

咁讲番嘞，金刚诵嘅正分系依住我哋呼吸，吸，诶，依住我哋呼吸嘅入、住、出，我哋去默诵“Om”“Ah”“Hum”呢三个字啦，同时观想“Om”字系白光，“Ah”字系红光，而“Hum”字就蓝光，由我哋中脉里便出入，吓，“Om”“Ah”“Hum”三种光出入。咁如果修习纯熟就可以进一步打通最难打开嘅心结里便嘅脉，心结，心间里便我哋有个脉系最难打开，如果修到纯熟嘅时候，我哋连呢个心间个脉，呢个脉结都打开，咁就可以令到全身嘅气入同埋住而融喺我哋中脉里便。咁有咩觉受？如果呢个气打开咗呢个心结，呢个脉之后呢，我哋嘅感觉就系个气入，入咗佢啦，然之后住于融入我哋中脉，引生我哋心嘅寂静，寂静，好寂呢个境界，好寂悟呢个境界。而后呢，就慢慢深入，喺呢个境界就会好快逐步深入到达到四禅定嘅境界，而能够静见，证见到我哋所谓嘅实义光明。慢慢慢慢进入呢个四禅天嘅境界，初禅，啫色界里便，初禅、二禅、三禅、四禅吖，好高嘅禅定嚟㗎，呢度，进入呢个四禅寂定嘅境界。

好嘞，咁我哋讲完金刚诵。咁或者可能我讲得个次第吔，唔系咁清楚，或者修法，都，你听落去都唔系咁容易明，当然啦，唔可以一饼带咁详细解释晒话所有嘅嘢，只可以希望喺呢饼带浓缩去介绍简单嘅修法同埋究竟呢个大手印里便有咩秘密，系点样修？其实系一啲秘密都系冇，简简单单可以解释到出嚟。但系真正嘅修法，你唔得听呢饼带去修，你要依止你真正嘅上师，呢饼带只系一种参考，你要揾到一个真正嘅上师，识得大手印去传授俾你。因为喺头先我讲嘅过程之中，譬如呢六字嘅口诀里便，数、随、止、观、还、净，呢六个字口诀，每一个阶段都有你所出现嘅问题嘅，慢慢你如果真系发心开始修，由根大手印开始修，一步步到呢个阶段嘅时候呢，你就会知道㗎喇。

咁我哋跟住讲完金刚诵嘅修法，我哋讲到宝瓶气，宝瓶气。而家我哋其实讲番转头，我哋讲嘅专一瑜伽啫㖞，大手印里便嘅专一瑜伽里便，头先我哋讲咗，诶，金刚诵嘅方法，而家讲到修宝瓶气嘅方法。金刚诵我哋属于柔气嚟嘅，属于太极界里便阴性嘅嘢，柔气。而宝瓶气属于刚气，有分阴阳，宝瓶气系刚，系强性，所以我哋修行人呢，应该以金刚诵嘅起分入手，先修柔先，然后有一定嘅功底之后我哋再修个宝瓶气，以柔再去进入刚。宝瓶气虽然属于刚，但系其中刚中之中亦都有柔，啫犹如太极里便阴阳相对，阴中有阳，阳中有生，阳中有阴，孤阴不生，独阳亦都不长，阴阳会相对双运，吓，呢个原理，唔系净系阴同埋阳，系一体两面对立，唔系，其实包容互相转化，所以刚之中有柔，柔之中亦都寓于刚。故此宝瓶气虽然属于刚，但系其中亦都有刚中之柔，以上气压下，下气提上，有，譬如好似函盖呢，相扣，啫个壶一样，好似气藏喺里便嘅，如果你修刚气，上压，上气压下，下，下气就将佢提上，好似一个壶一样，相扣如壶呢，使到个气藏喺里便。咁修呢个宝瓶气，金刚诵属于柔气，宝瓶气属于刚气，宝瓶气吔，咁修宝瓶气嘅口诀讲过话：“引起满息与均息，及以射息为四法，不明四法合作者，无益有损吖，险当知。”（注：根据CBETA，“引起满息与均息”疑为“引息满息与均息”）呢个口诀好重要，咁口诀里便之中点解呢？口诀之中佢所讲到嘅均息，我哋可以叫做称为“消”，“消防”个“消”，“消”字。所以宝瓶气收集四个方法口诀就系：吸、满、消、射，四个步骤，好简单，将佢融摄四个字，你记住：吸、满、消、射。

何谓吸？吸嘅时候系我哋静坐调身，调好个身体，调息之后再调息。咁呢度唔详细讲吖，以后有机会再讲，呢度又要开一饼带讲调身同调息，打坐个方法。首先我哋调好身呢，然之后再调息之后，然后由我哋鼻里便慢慢呢，缓缓咁吸入，纳气，用纳气嘅方法慢慢吸入气，而后收腹扩胸。吸入气令到个腹部收起，胸部扩张，而令到气呢，满于我哋嘅腹部，同时提肛，啫有收缩个肛门嘅感觉嘞，将个肛提起。然之后将下行气将佢上提，下便嘅气将佢上提，使到上下两个气呢，压合喺我哋嘅肚脐吖，脐轮嘅位置。吖，呢个方法，讲，啫系好简单，即是几句说话，但系其实里便修，呢个修习过程系一段好长嘅时间㗎，你要将佢能够咁样做，一定要有上师同埋专人指导先好修。收腹扩胸使到气满腹，然之后提肛，下气同上气相合，而将佢压喺脐下便，呢个就系“吸”嘅口诀。

“满”嘅口诀，我哋观想呢，嘅气灌入我哋左右两个脉里便，而后左右两个脉，然后慢慢进入中脉，随之将我哋口里便嘅津液吞下，我哋谂个，谂啲口水，啫津液啦，同啲气同时被压合响我哋脐下便，异常充满，好充满，然之后我哋闭息唔好出嚟，长久而住，闭住息，闭住气息。咁闭息嘅时间呢，初学嘅人呢，以三十秒钟就好嘞，然后慢慢逐渐增至一分钟，然后到一分半钟。慢慢慢慢去适度，吓，如果唔识练，夹硬嚟呢，会有反效果呢度。唔可以勉强压抑，会坏气㗎，应该要自然循序渐进，呢个“满”嘅口诀。

跟住到“消”，“消”嘅口诀系闭气唔好忍，唔好忍，应该将佢消散，同“满”相反，消散，即是意思系均息，“平均”个“均”。咁呢度亦都分开内外两种消，内消就观想我哋左右两条脉嘅气灌入中脉，犹如喺渠里便引啲水由左右脉去流入我哋中脉，然之后到我哋心间里便，心轮然之后消失，中脉中，中之中亦都系空空如也，中脉亦都冇咗啦，空空嘅。如果外消，外消就观想我哋嘅气首先灌到我哋中脉，然后再满我哋四肢，然之后遍行全身同埋每一个毛孔吖，呢个就系外消。“消”里便有内外两种。

跟住“射”嘞。“射”系咩意思？分开，“射”呢，亦都分开冲顶射同埋自然射两种方法。系感觉气，意思就系话感觉气，我哋唔能够再闭，喺嗰个时候唔能够再闭嘅时候，我哋要观想气呢，就系蓝色，犹如一支箭摆喺个脱弓上面射出嚟，“伏”一声，由顶门嘅梵穴冲出，就叫冲顶射，吖，个气喺上面冲出嚟。呢个呢，只可以我哋初修嘅人呢，去修一次，去冲开我哋脉道，以后绝唔可以修，因为有危险性嘅，冲开咗个顶门。咁冲射一次之后呢，我哋观想我哋气由两个鼻孔之中再射出，犹如香烟缭绕一样，喺鼻前大约一尺左右嘅虚空之中消散，咁每次射出嘅时候，我哋要留一啲喺个脐下便，将啲气留一啲喺脐轮下便，叫做中住气，呢个气就叫中住气，呢个对入定嘅时候呢，系好重要嘅，有呢个气，有呢个气住响度，我哋好快会进入到禅定，吓。

咁讲到专一瑜伽最后嘅安止境界呢，犹如风平浪静嘅大海，虽然仍然有想念嘅动荡，但系个体嘅意识其实都同宇宙融为咗一体㗎喇，啫已经达到咗所谓平静原本嘅状态。咁嗰个时候妙观察智就会生起，而呢啲幻动，妄乱嘅幻动，系对于真正嘅止息，我哋妄念，系冇障碍，真空不碍妙有，妙有亦都不碍真空，亦都能够控制我哋心吖，响一笪地方㗎，到咗呢个境界。

咁我哋讲到第二种离戏瑜伽。离戏瑜伽，“离戏”呢两个字，意思系众生受咗幻象所迷，一切都系戏，其实都系一切假嘅，世间，离开呢啲戏呢，就能够离开一切分别同埋边际，从而取得修证嘅成就，所以名为“离戏”，离开虚幻，“戏”就“虚幻”“假”咁解。咁离戏呢，亦都有一个法叫做“无修”，所以亦都叫做“无修瑜伽”，系属于修“观”。 

咁离戏瑜伽已经系大手印瑜伽修持吔，比较更高深嘅法门嘞。离戏瑜伽就系响寂定心之上，我哋修完呢个，诶，头先所讲个专一瑜伽，咁专一瑜伽之上就到离戏瑜伽，咁喺呢个寂定心之上达到咗专一瑜伽境界，然之后再上一层，喺寂定心呢个境界之上，起心反观我哋心嘅实体系乜嘢，问一问我哋心嘅实体，意思就系犹如我哋禅宗所讲反观自性，问一问心嘅实体，自性喺边度？实体喺边度？

咁讲到喺离戏瑜伽第一个阶段呢，我哋修行人能够明白到心同埋其他外界各种现象都唔系实际客观嘅存在，一切都系虚幻，系空嘅，系缘起，但系虽然系缘起之㖞，但系佢系不生不灭嘅，亦都系不生不灭。到第二个阶段，行者，我哋修行人呢，不但体悟到我哋心同埋外界境像嘅虚幻不实，同时亦都知道对于“一切都系虚幻”呢个观念嘅执著，亦都系虚假，所以要知道呢个观念，第二个阶段嘞，你执著虚幻呢个观念都系虚假嘅，唔好执著佢，所以呢，就超越咗呢一种执著。咁离戏瑜伽，到咗，修到第三个阶段，修行人就会知道主体同埋受体之间嘅空性，主同客之间嘅空性，明了事实上根本呢，就系冇所谓嘅执著，亦都冇执著嘅人，冇被执著嘅事物。所以就会慢慢慢慢明白，只不过呢啲执著系我哋与生俱来无明嘅投射嚟嘅啫，咁喺呢个阶段修行人就会到，到达一种呢，冇执著嘅，嘅境界，啫冇一种有任何嘅执著嘅境界。所以离戏瑜伽响修禅观上便，头先简单讲个心态嘞、发展嘞，其实系分成三方面，统括嚟讲就系，第一方面呢，系反问我哋自性嘅心境。由时间方面去睇呢，我哋将个心，揾自己个心，觅心喺过去现在未来嘅实体，睇下喺边度生起，亦都系边一度灭，呢个就系第一种嘅禅观。第二种，由有无方面嘅角度睇嘞，我哋睇下我哋心，系有定系冇？第三种嘅禅观呢，同是一是异嘅方面去睇嘞，“一”啫相同啦，“异”就系唔相同啦，异就系，“异”就系“无异”个“异”啦。由观心同埋呢个境，能观同所观系一吖？究竟系异呢？由呢方面去睇嘞，究竟系能观同所观系一样嘢吔？定系唔同呢？系两样嘢嚟。咁离戏瑜伽主要喺呢三方面著眼个观去修，但系对于未修过呢个，诶，专一瑜伽，叫你修离戏瑜伽，系唔会明，因为你冇嗰个境界，再讲番离戏瑜伽嚟讲呢，根本更加唔明点样问我哋心。但系如果当你有咗上师指导，有咗呢个专一瑜伽嘅基础之后，一讲到离戏瑜伽嘅口诀，比如头先简单讲喺呢三方面观我哋嘅心，你就会慢慢慢慢知道点样修，大致上就系咁，由呢三方面简单嘅口诀去进入问我哋心嘅方法。

咁如果我哋反复推究，慢慢呢，我哋就会所谓“觅心不可得”，即是讲番菩提达摩祖师传个心印俾慧可嘅时候，慧可话：“你同我安心啦，我个心唔安。”达摩祖师话：“我已经同你安咗心，我与汝安心竟，我同你安咗心。”嗱，呢一度就有度相似。“我已经同你安咗心。”点解？因为慧可“觅心不可得”，通度去揾个心，个心不可得，佢嗰个心唔系通度去搜寻㖞，嗰刹那就系，所谓“语言道断，心行处灭”嘅境界，你记住慧可唔系一个普通嘅修行人嚟㗎，佢系已经系好高深嘅修行人，唔系一个完全唔识禅法嘅修行人，就咁问达摩祖师话：“你同我去安心，我个心唔安。”咁如果达摩祖师咁答佢，话同佢安心，咁如果一个普通嘅人当然唔明白，究竟连佛学里便所讲真心同假心都唔识分，就会通度去寻觅。但系慧可所谓“觅心不可得”，呢一句就系禅宗嘅关子，亦都同呢个离戏瑜伽系非常之相同，就系“觅心不可得”，意思就话——我已经当体即空嘅境界。所以达摩祖师话：“我与汝安心竟。我已经同你安咗个心。”根本心就唔需要安，我哋嘅心系尽空虚遍法界，十方常住、湛然常寂、寂而常照、照而常寂嘅境界。禅宗就系言语道断，心行处灭，咁我哋由呢个离戏瑜伽就可以到呢个境界啦其实。如果反复推究，我哋由呢三方面去著眼，头先讲个时间方面、有无方面、是一是异方面咁反复去推究，我哋慢慢就见唔到我哋心嘅实体，“见唔到”嘅意思话，而家用说话讲“见唔到”，唔系我哋眼去见，即是话“觅心不可得”，用语言明唔明白吖？就系觅心不可得，揾唔到我哋心喺边一度，但系我讲“揾唔到”唔系去找寻㖞，有找寻就有能找嘅人与被找嘅物件，已经系离开呢两个阶段啦，唔系呢个意思，系我哋个心已经湛然安住，谓之“觅心不可得”，所以就能够自然到达言语道断——说话讲唔到嘅境界，离开一切名相吖、语言嘅概念、分别嘅戏论。所以喺呢啲，呢个，呢，呢个地方就所谓，亦都系“心行处灭”，“心行处灭”就系证悟到我哋自己心嘅本性，就喺呢个，个阶段嘞，咁呢个就系离戏瑜伽嘅特点。

咁第三样嘢，第三个瑜伽就系一味瑜伽。一味瑜伽亦都叫特殊瑜伽，系好深嘅密法嚟，境界非常之高。喺行住坐卧吖、待人接物之中，一切时、一切处、一切事物之上，我哋能够保持我哋所证见心体，证见到嘅心体，因为离戏瑜伽我哋已经觅到我哋嘅心性，而家你喺一味瑜伽呢，一味瑜伽呢个阶段嚟讲呢，我哋就开始安住个心，我哋见到我哋心个本性。任何行住坐卧、走作嚟讲呢，都唔会令到我哋证见嘅心体去迷乱。我哋观我哋心境嘅真同埋妄，体相不异，即系一味啦，体同相已经系冇分别，就系一味，已经打成一片。咁响呢个境界呢，修行人能够体会到就系咩境界？简单去讲一句，大家都好明白，就系《般若波罗蜜多心经》所讲嘅八个字——色即是空，空即是色。就系呢个境界，就系喺呢个一味瑜伽嘅境界之上，就系证见呢个境界，了悟到“色”同“空”事实上都系相同。系“了悟”，系“证得到”，唔系去明白，唔系睇书去解释“色就系物质，空就系缘起法”，唔系呢个意思，系去证悟、印入，唔系说话去讲，系去证悟到呢个境界，了悟“色”同“空”事实上根本就系相同，有觉受、有知觉、有个智慧去明白到呢个境界，所以同，明白“色”同“空”都系同一个味道，系唔系两样嘢，色不异于空，空不异于色，所以喺呢个境界上，我哋就称为一味瑜伽，而唔系两味，系相同嘅，系一味嘅，系同一个味道。

咁一味瑜伽喺呢个第一阶段嘅时候，我哋修行人能够觉悟心啦，同埋外界系冇分别。自我同埋他人喺呢个境界亦都系冇分别个㖞，净度系相同，所以一切都系无明嘅造作同蒙蔽嘞，喺嗰阵时我哋真真正正发觉，唔系睇书去明白，吖，一切无明嘅造作同埋蒙蔽先会系有差别。如果到咗第二阶段，我哋修行人嘅心同外界嘅一切诸法就合而为一，犹如冰融喺水一样系冇分别，吓，冰同水根本系相融。

到第三个阶段，修行人就会逐渐发出光亮嘅智慧而体悟到万法嘅究竟实相，就好似啲光，举例吔，好似啲光照喺水晶球上便，光亦都系由水晶球而反射到十方一样，由于我哋修行人产生咗原始嘅佛智吔，嗰阵时出现吖，亦都能够了悟一切万，万物诸法嘅究竟实相，诸法嘅究竟实相本然系点？本然就系湛寂、清净，色同空系相合，系一味嘅，吓，系呢个境界。系我哋心去体会，我哋嘅光发射嘅十方宇宙，宇宙每一样事物反射番入我哋心里便，而每一样嘢，事物，都能够了解，都能够知道佢嘅实相存在。我讲嘅实相嘅意思就系“无相而无不相”谓之实相，唔系有个外界嘅相状，因为有相皆妄，唔系形色嘅相状，呢个实相系无相亦都系无不相，宇宙真正每一样事物湛然寂静嘅本体，呢一种实相。

当然佢嘅假相，假相嚟讲就系实相所反映嘅假相就系色相，色相我哋亦都能够到呢个境界，当然通晓每一样事、每一样嘢，诶，宇宙间嘅事物嘅来龙去脉啦，呢啲，系好简单，好容易做得到吖，到咗呢个境界，因为我哋已经了达每一样嘅事物嘅实相嘅本体呢，佢嘅外相嘅分别只系一种枝节，万事万合，色空只系一种唔同嘅和合去组合而变成万有嘅诸法嘅实相。以前喺《俱舍论》呢饼录音带已经讲过，一切诸法都系由极微去组成，极微，唔同嘅极微，极微就系总相，唔同极微去组成宇宙间嘅万事万物，就系别相，而我哋了达到极微本身嘅性，嘅实相、本体、本性嘅实相，就系谓之无相无不相嘅真实相。但系极微所显现宇宙间嘅色色相相，种种唔同嘅形式，呢个就系别相。当然，体相，本体，我哋明白，别相又何难？我哋唔能够去触摸得到，唔能够去了解，到呢个情况之后我哋已经完全知道。

但系呢度要注意，就话，意识同埋智慧讲一讲系唔同，意识系由我哋嘅心所制造出嚟嘅念头，系冇办法见到未来，但系我哋原始嘅智慧就能够喺一刹那之间遍知三世嘅一切，喺呢个境界嘅智慧嚟，唔系意识，唔系自己幻想出嚟，唔系念头嘅造作嘅幻境，吓。

咁一味瑜伽，再讲深入啲，有睡梦喻、水冰喻同埋水波喻嘅三种修法，喺修法上。

睡梦喻系咩意思呢？意思就系瑜伽修行人通过深沉嘅禅定，可以体验同埋了解到意识嘅每一个层次吔，意识系具有四种状态，就系清醒啦、梦境啦、深睡吔同埋超觉，有四，四，四种状态，再讲多次系清醒、梦境、深睡同埋超觉呢四种状态。前三种呢，系响个体嘅自我状态嚟，由于自我局限性，自己会幻觉所制造嘅遮障，亦都就系无明，遮盖咗真理，而瑜伽嘅目的就系去除呢啲无明，将啲遮障拨开，超越呢三种状态——清醒、梦境、深睡，去进入第四种超觉状态，亦都就系我哋时常所讲宇宙嘅大我状态，大宇宙嘅大我状态，我哋系小宇宙吖嘛，大我状态，而慢慢恢复番自性光明，即系开悟嘞，简单讲两个字：开悟。

而梦幻系由我哋心所生起，我哋醒嘅时候所见亦都同梦中一样，所以有睡梦嘅譬如嘞。记得密勒日巴大师有讲过：“昨夜梦中所梦见，种种不外汝一心，梦即瑜伽士之师，汝诸弟子应当知吔。”“观彼三界种种有，即为世界一合相。”吓，呢个“一合相”一般解释为悲智相融双身合一体，咁当我哋修行人修习到咗堪能受学嘅时候，上师就会以呢个重要嘅口诀去教授我哋。我哋要观察三界之中一切所有，都系两性结合而成，佢嘅力用方面等同佛父嘅阳性体，喺智慧方面呢，亦都等同佛母嘅阴性体，两相结合，宇宙嘅，诶，阴阳刚柔，就系咁样去相合、去组成，而成为不可分离嘅悲智交融嘅双身合一，吖，系大悲同智慧嘅双身合一。到达双身嘅合体就获得究竟道，呢个究竟道就系大手印，就系大手印之道。

所以我哋修行人修习到呢程度，上师就会将大手印教授，会讲：“一实相者，难言难名，非是两边，唯一体性，不可分别。此谛须明，乃得获证圆满菩提，无上安乐。彼已获证者，即自能从其大圆满菩提心中，油然生无量大悲心，愍念于沉溺无明苦海之一切众生，亟欲提升之，使之一一同登光明觉道。”吓，你到呢个境界嘅时候，上师会话俾你听：你既然已经明白一实相，你就会开始兴起大悲，既然你兴起大悲，知道宇宙嘅一实相，无人亦都无我，就会兴起同体大慈同埋同体大悲，你证得到而再兴起呢个心，幻起呢个心去救渡宇宙之间嘅无明苦海所有嘅众生，令到佢同登觉岸。所谓“油然生起大悲心”就系呢个境界。“油然”嘅意思自然咁生起，唔需要造作，唔需要假以任何嘅念头，谓之“油然”啦。

好嘞，由于呢饼带嘅时间关系，我哋唔讲得太详细，继续，我哋讲落去水冰喻。

第二种水冰喻，就系以水同冰为譬喻，表明幻象就系本体。水冰，水同冰本性系相同，所以以譬喻嘅本体同埋幻象系一元。如果修持，开始修持，我哋知道有三个双重，呢三个双重呢，就系极乐同空，第一种，第二就系净光同空，第三就系智慧同空。呢三样嘢好重要，我哋要知道三者合为一元，将佢三者合埋一齐，啫系了解到所有嘅胜行经验系一个整体，殊胜嘅行为嘅经验系一个整体，唔可以分割。再讲一次，净光同空、智慧同空，吓，同埋极乐同空，呢三样嘢，三者系一元，我哋要体会呢三者点样系一元，呢个就系水冰喻。

第三种水波喻。水波喻系做水波为譬喻，化一切为一个整体，唔可分割。喺禅观之中，我哋观水波系由水去兴起。同样，一切都系由我哋心所显现，但系我哋要知道一样好重要㖞，就系我哋心嘅本性就系真空嘅。波浪无论有几大，系轩然大波或者系死水嘅微澜，波始终嘅续本体嘅相都系水嚟，所以用水波喻去比喻呢个一味瑜伽嘅第三种修法，吓，呢三种修法，所以睡梦喻、水冰喻同埋水波喻呢三种。

咁跟住我哋讲到无修瑜伽，无修瑜伽喺修行其实系为咗要发展我哋修行人所欠缺，譬如佛菩萨嘅各种特质，要消除我哋修行人必须消除各种恶业同埋烦恼，所以修行系必要。但系到咗无修呢个境界，已经根本系冇乜嘢需要去发展啦，换句话嚟讲，亦都系冇咩要去消除。

故此喺无修瑜伽个第一个阶段，我哋修行人能够觉悟到“无修”同埋亦都系“无修行人”嘅呢个状态嘅分别系毫无分别，冇嘢可以修，亦都冇人去修法。呢个境界用说话真系讲唔到，慢慢慢慢去体证。由于呢一种，有呢种觉受同觉悟呢，我哋修行人会慢慢，就会净除到我哋嘅贪瞋痴慢疑嘅五毒五根本烦恼。

咁喺第二个阶段，我哋修行人就净除咗所知障同埋烦恼障，此外除咗习气之外呢，咁咩习气呢？讲番嘞，简单嚟讲呢，习气譬如话咸鱼有一种臭味，当我哋只手将咸鱼攞走嘅时候，手上自然留有臭同埋咸味啦，呢个咸鱼就好似比喻为烦恼障，而啲臭同埋咸嘅气，气味呢，就比喻为我哋习气，所以虽然烦恼障已经被净除，但系我哋仍然有习气系残留嘅。但系无修瑜伽呢第二个阶段，呢一切烦恼同习气就可以完全去消除，吓。

故此如果再进入到咗第三阶段，应该消除嘅完全消除咗，亦都能够降伏到无明，瑜伽就能够停止，呢个时候呢，瑜伽停止咗，就系大彻大悟嘅境界，咁样大圆满嘅成就亦都系呢刹那就显现，而成就到阿耨多罗三藐三菩提吔，喺密宗里便讲就系呢个境界嘞，到。咁修行人已经同金刚总持吔，啫响呢个境界，金刚总持，系十方诸佛嘅总合体，已经系无二无别嘅啦，永恒不变，亦都永不退转。因为俱生无染嘅无上大菩提即系大手印啦，化一切做为法身呢，到呢个时候功德圆满，任运自然，就进入大解脱、大智慧嘅无碍自由境界，啫系达到无余涅槃啦，吓，显宗所讲无余涅槃嘅境界吔，呢个就系最高嘅无修瑜伽境界，无修而修，修而不修，就系最高嘅大圆满嘅境界，显现阿耨多罗三藐三菩提，证得圆满佛陀嘅真挚嘅境界。

咁讲到呢度，由于时间关系，我哋做一个总结。大手印点样分配呢个果位嘅安排？我哋要明了嘞，我做一个总结，大手印嘅果位，所谓讲到十五道十地（注：“十五道十地”疑为“五道十地”），就四瑜伽各自分开三个阶段，就上中下三品，一共十二个阶段，啫十二品啦。专一瑜伽嘅上中下三品，属于资粮同埋加行两条道路，而离戏瑜伽嘅上中下三品呢，属于见道嘅初地至到七地菩萨嘅果位，而一味瑜伽嘅上中下三品，就属于修道嘅八至九地菩萨嘅果位，至于无修瑜伽上中下三品，系属于十地至到第十三地嘅果位，之后呢，再先到究竟道嘅最上无修瑜伽，啫四身佛嘅最圆满果位嘞。

我哋平时所讲嘅修道历程呢，修到十地已经系好高了，八地不动地呢，就不退转，如果乘愿再来就冇隔阴之谜，如果七地以下呢，其实修行呢有进进退退嘅隔世疑惑嘅。

181.真言密教（一）

何为即身成佛呢？佛陀嘅梵语“Buddha”系觉者嘅意思，释迦牟尼佛响菩提树下冥想，而睇清楚呢个世界嘅实相成为觉者。密宗系以我哋呢个父母所生身一生就能够成佛，所以就叫做即身成佛。印度密宗称现世成佛，中国密宗就叫做速疾成佛。而主张响人类存在之中发现绝对原理嘅即身成佛，就系日本嘅空海上师最先提出。

空海上师响早期嘅著作《辨显密二教论》之中，对一般佛教亦即系显教提出咗密宗嘅特色之一——即身成佛论。另一方面亦都写咗即身成佛义以表明佢所要讲嘅理论基础。所谓即身成佛，并唔系指经过特定修行嘅行者先能够达成，而系指每一个人嘅自性都同摩诃毘卢遮那如来平等无异，只系被障闭咗，但系藉住宗教性嘅自觉同正确嘅实践修行，以呢一生嘅肉身就可以达到同毘卢遮那佛同等嘅正觉，而得到真正嘅觉醒。

密宗里便亦都讲四种法身，四种法身系乜嘢道理呢？密宗根据法身嘅性格分为四类，佢嘅根源我哋可以响印度中期嘅密宗经典里便见到，而全面性给予理论地位嘅人亦都系空海上师。呢四种法身就系：自性身、受用身、变化身、等流身。其中嘅受用法身又分为自受用身同他受用身两种。

法身系完全冇固定嘅形态，系超越时间同空间嘅存在。所谓自性身，又称为自性法身，就系显示法身本来嘅状态，因此系无色、无音、无臭、无味、无触、无相，唔能够成为人类感觉作用嘅对象，处于呢种状态嘅法身，系我哋完全冇办法接触嘅存在，为咗显示某一种具体性，所以将佢完全性化为各种形态，就系受用身嘞。呢种情形，正如无色透明嘅太阳光线，用我哋嘅肉眼无法见到，但系透过三棱镜就形成咗七种色彩，用我哋嘅眼睛就能够见到七色一样嘅原理。

响法身之中，为咗自己要将佢完全嘅性格打破，理智相应，浸游响广阔嘅彻悟天地自受法乐，显示具体化端绪就系自受用身嘞。而为十地菩萨解说佛法，令到其他人受用嘅就系他受用身。当法身要说法嘅时候，系直接响自性法身嘅情形之下说法同埋系变成受用嘅法身说法。响真言宗之中，喺中世纪以嚟呢，就有各种嘅强调、各种嘅论述，到现在呢，仲未得到明确嘅结论。所谓变化法身，系法身化为历史上嘅人物，现身响呢个世界上去说法，释迦牟尼佛或者祖师，相当于就系呢个，呢种法身。所以变化法身嘅情形，系说教嘅时间同空间呢，都受到限制，所以教义亦都带有具体性。至于所谓等流法身，即系随住种种唔同机缘变化唔同种种嘅身，系佛为咗普救六道众生，变化成同人类或者动植物同类嘅身形而说法，系为咗教化示现嘅具体形象。呢个原理系将密宗响天地万物之中发现绝对嘅特色，予以充分表现出嚟嘅佛身观嘅一种。

法身嘅说法，其实系冇限定、冇时间、地点、对象嘅限制，所以密宗将法身嘅说法赋予自受法乐嘅理由，唔系为他人，而系为咗法身本人嘅自乐。所以超越时间同空间不断演说真理，我哋只能够咁样去解说法身说法嘅原因。 

咁密宗里便所讲嘅秘密又系咩原理呢？大乘佛教之中虽然有“显明嘅教义”同埋“秘密嘅教义”呢两个用词，但系原来唔系好似日本密宗所讲显教同密教一样，含有价值判断嘅意思。一般所谓嘅秘密，好容易使人认为系惊俾人知道，属于个人独有而唔公开嘅意思，对于呢个秘密，空海上师响《辨显密二教论》中亦都有讲：“秘密”呢一个词呢，有两层意思，第一系众生嘅秘密，另一个系如来嘅秘密。 

众生嘅秘密，又称为众生嘅自秘。响呢度所讲如来嘅秘密，系指被佛隐藏起嚟，唔让我哋见到嘅嗰一部分，呢个唔系佛唔舍得俾众生知道，将呢啲秘密隐藏，而系由于法理深奥，不可思议，唔系浅机嘅人所能信受，响我哋具备正确接受或者消化嘅能力之前，唔话俾我哋听反而较好。所以暂时予以保密，等待时机成熟再予传授。

尤其是密宗系更重视实践，对于冇接受过某种程度肉体训练嘅人嚟讲呢，授予高度洗炼嘅修行法，反而有损伤我哋身体嘅危险，无论系体操嘅技术或者各种运动技能嘅训练，都需接，都需由教练根据选手嘅进度，逐步授予高度嘅技术，密宗嘅情形亦都可以话系与呢个道理相似嘅。

总之，所谓如来嘅秘密就系唔俾众生任何不利嘅东西，根据众生进步嘅程度逐渐予以公开。另一方面，实际上亦都可以话从来唔加以隐藏，只因为众生响呢一方面系冇张开眼睛，所以见唔到变成嘅秘密，所以称为众生嘅秘密，系自己唔开眼使到佢变成秘密，所以又称为众生嘅自秘。

有啲人同样嘅地方去过两三次，认为嗰个地方一啲都冇改变，但系有啲人曾经两次去嘅时候呢，就发现呢个地方已经唔同咗，到呢个人去呢笪地方第三次，就真正了解到唔同嘅地方喺边度啦。或者因为自己嘅知识增加咗啦，或者关心嘅对象改变啦。上一次嚟睇嘢嘅时候咧，呢一次虽然呢样嘢仍然存在，但系我哋呢，咩嘢都睇唔到。人际关系都一样，对方虽然冇改变，但系往往因为我哋嘅心情或者了解程度嘅加深，而对对方产生唔同嘅评价，呢个就系众生嘅自秘。

密宗所谓嘅秘密，无论系本来嘅秘密或者众生嘅秘密，都冇吝啬嘅心或者恶意隐藏，系我哋自己缺乏能力演变成秘密而已嘅啫。由此可知，冇，见唔到事物嘅真相，至于实，真相能够隐藏，被人见唔到，其实系众生自己嘅责任。

响空海上师所著嘅《秘藏宝钥》之中有一句话好值得我哋参考，佢话：“显药拂尘，真言开库。”佢话显教嘅钥物系拂去一啲尘埃，真言秘密乘呢，系开我哋智慧嘅宝藏，呢两句说话简明扼要指出显教同密宗唔同嘅功能，显教要人悟道，尽量将事物上嘅灰尘清除，俾眼晴见到非常美妙个嘢，相对密宗要人修持，将外在嘅事物视为次要，直接进入事物嘅内里，掌握原有嘅形象，所以认为净系用嘴去讲一讲，唔采取行动去修行系唔得，其实要应该立即打开我哋嘅秘密嘅宝藏去修行，但系进入秘密嘅仓库里便所必需要嘅钥匙呢，唔系随处都有，要找钥匙，首先要将覆盖响眼睛上嘅灰尘清除，所以，密宗可以话系从自我个彻底改造开始嘅。

响密宗里便最高嘅一尊佛就系大日如来，大日如来系密宗嘅始祖，密宗最高本尊大日如来嘅梵语系“Maha vairocana-tathagata”，梵音译做“摩诃毘卢遮那如来”，或者“毘卢遮那如来”，简称为“卢遮那佛”。“摩诃”系“大”嘅意思，“毘卢遮那”系“日”嘅别名，所以译做我哋汉文就系“大日如来”。由“大日如来”呢个名称嚟睇，好容易被认为系太阳神嘅，但系太阳神响佛教之中已经响天部里便有十二天之一嘅日天，已经系一个代表，呢个系“太阳神Surya”引进佛教，作为佛教嘅守护神。 

因此，大日如来唔系太阳嘅佛格化，而系将宇宙嘅永远性、普遍性化为佛，呢个道理响善无畏上师所著嘅《大日经疏》卷一就记载咗点解将毘卢遮那佛译为“大日”嘅三个理由。原因系第一除暗遍明，即是除去黑暗，能够发放出光明；第二系能承众务，能够承办一切众生嘅事务；第三系光无生灭，大日如来嘅光系永远不生不灭。由呢三个原理，我哋可以睇到，大日如来唔系太阳神，太阳只系用嚟譬喻大日如来系冇内外同埋方所、昼夜之别嘅性格。

太阳嘅特性一般系指光、热同埋培育万物嘅能力，呢啲性质确实给予地球上嘅动物同植物无止境嘅恩惠。但系，呢个力量其实都有限度，到咗夜晚，阳光就冇了，响阴影嘅地方亦都缺乏热度，照到外便，但照唔到里便，所以响有啲洞穴里便或者地下嘅培养动植物嘅能力呢，呢啲能力就明显降低咗。太阳拥有了不起嘅力量，所以受到人类嘅崇拜，但系唔系万能嘅。

大日如来嘅伟大能力足可以媲美太阳，而且同太阳唔同嘅系，佢冇受到限定，系遍一切处作大照明。大日如来向人类前进嘅路发射光芒系冇日夜之分，经常都发出温暖慈悲嘅热，对任何生活响恶劣环境之中嘅人亦都毫不吝啬送俾佢强大嘅培育力量。

虽然，以太阳比喻大日如来，但系因为佢超越太阳嘅有限性，所以加以“大”嘅名，呢个时候嘅“大”，唔系指量嘅大小，而系应该解释为无限性或者绝对性，同时具有普遍同常住嘅性格，系超越思议嘅宇宙性存在，唔系以我哋嘅知识能够完全掌握，握嘅，唯有透过宗教性嘅直观先能够进入呢个世界，大日如来嘅领悟世界，须要靠五种智慧先能够体现，而呢五种智慧呢，必须由师父直接传授先能够得到嘅。

四智与五智。大乘佛教主张四智，啫系大圆镜智、平等性智、妙观察智、成所作智。密宗系将四智再加上法界体性智而成为五智。本来系以四智成为完整嘅体系，所以对大圆镜智赋予相当综合性嘅智慧性格，亦即系镜能够不分彼此，照出现实世界所存在嘅一切事物，系包容整个现象界嘅绝对智慧，能够将隐藏响人类深层里便嘅意识加以转变，启发人内在嘅菩提心。

从存在响现象嘅万事万物之中，特别重视共同性或者均质性等平等面嘅智慧就系平等性智，但仍旧拘泥响自我意识转变成智慧，相反由事物之中睇出异质面嘅智慧就系妙观察智。通常响讲到观察嘅时候，可以分为观察者与被观察者，但系呢度讲系喺主客同体之中能够见到佢嘅差别性，以人类认识作为基础转化意识嘅智慧，成为一切事物活动性性格根源嘅智慧就系成所作智嘞，亦都系依据人类五种感觉意识转变所得嘅智慧，由呢个智慧可以开展真理嘅实践面，成就自利利他嘅妙业。

法界体性智系密宗独特嘅综合性智慧，本嚟响四智体系之中嘅大圆镜智已经具有呢种特性。所以佢独自性就唔系咁浓厚。密宗嘅五智唔系抽象性嘅理念，佢附身于金刚界五佛，即系大圆镜智嘅东方阿閦佛啦、平等性智嘅南方宝生佛、妙观察智嘅西方阿弥陀佛、成所作智嘅北方不空成就佛同埋法界体性智嘅中央毘卢遮那佛等等，以具体嘅智慧而存在，系密宗修行者成佛嘅精神要素。

跟住我哋嚟讲下密宗里便所讲嘅六大说法。响东方嘅宗教或者哲学之中，将大宇宙同小宇宙做为一元性嘅基础而创造出独自嘅思想或者实践体系嘅学派，实在不在少数，印度后期密宗同西藏密宗就系根据呢个原理建立生起次第或者圆满次第等等具有特色嘅实践体系。 

日本密宗系由空海为大宇宙同小宇宙嘅一体化提出嘅理论根据，响即身成佛义之中呢，就展开好独特嘅六大说嘅主张。密宗嘅修行人由经验可以知道，本尊同行者虽然系相对嘅存在，但系本质上系一体嘅。但系，响理论上冇人能够讲出呢两者点解本来唔系个别嘅存在，系咩理由使到两者合而为一呢？

空海上师为咗使到即身成佛嘅思想，能够响理论上得到确定，就创立咗六大说去解释大宇宙同小宇宙世界嘅一元性。所谓六大就系地、水、火、风、空五大，再加上识大。所谓“大”唔系指广大，而系指根源性嘅嘢，无论系希腊哲学或者印度嘅唯物论，地水火风四大都系构成现实世界嘅要素。初期嘅佛教亦都同空海上师一样采取六大说，认为六大系大日如来嘅法身，系构成世界万物嘅本体，系构成一切物质现象嘅根源。响大乘佛教嘅《般若经》之中，视六大做空，否认佢嘅实体。由以上睇嚟，对空海上师所讲嘅六大好容易认为系构成宇宙个六种要素，亦都有人将五大解释为物质嘅要素，而识大系精神嘅要素。同时认为空海上师系将宇宙睇成物质同精神要素嘅综合形态。但系如果将六大睇成系宇宙构成嘅要素，咁空海上师嘅思想上嘅特色就会消失，因为呢种由几个要素集合构成一个主体嘅思考方法，等于系印度所做嘅积聚说，唔能够算系新嘅见解。空海上师将地、水、火、风、空、识等等六大视为宇宙嘅六种象征，亦都系话有一个完整体嘅宇宙可以由六个面去加以观察。

首先系地大，系表示大地能够承载一切物质，成为一切嘅依靠，具有坚固而安定嘅性质；水大系表示能够洗净污秽，促使万物生育，显示杰出嘅复元力同生育力；火大有烧尽万物嘅激烈性，同时亦都给予温暖；风大具有吹走万物嘅动态性质，象征活动性嘅性格；空大系好似虚空咁无限，意味住超越时空嘅广大同无止境嘅包容力。以上五大系象征由客观睇到宇宙嘅五种性质，而睇呢个主体嘅自己就系用识大嚟表示嘞。

大宇宙同埋小宇宙嘅一体化。关于五大响《大日经》之上有讲过，呢度嘅五大被视为系五个梵字：“A”“Va”“Ra”“Ha”“Kha”，同埋系四角、圆形、三角、半月形、宝珠五种形态，亦都系代表五种颜色同五色相对应：黄、白、红、黑、蓝，亦都通过文字、形式等等三种组合，显示到五大嘅象征性，而且呢五种字、五种形、五种色嘅五大，又分别同坐低行者嘅脚、脐、心脏、颈、头五处相对应，就象征大宇宙嘅五字、五形、五色，括至响小宇宙行者身上嘅五度地方，咁样透过观想就可以使到大宇宙同小宇宙合为一体。 

《大日经》之中啱啱叙述咗五大，不过由呢种观法整体嚟睇，自然可以推测加入行者亦即系识大，就能够完成呢个宇宙图。空海上师有鉴于此，就响《大日经》里便，以相当勉强嘅论法设定识大响文献上嘅根据而构成咗六大嘅说法。空海上师响《即身成佛义》之中讲过“六大无碍常瑜伽”，所谓瑜伽“yoga”，译为“相应”，喺呢度系融合为一体嘅意思，无论系客体嘅五大或者主体嘅四大都合而为一嘅状态。

如果六大构成嘅要素，就将佢分别做成界层或者境界，唔可能经常成为瑜伽状。《即身成佛义》又话：“如是六大法界体性所成之身乃无障无碍而互相摄入相应，常住不变且同住于实际。”六大系由法界为体所成嘅身，亦都系佛身、大宇宙，六大互相无障无碍嘅相应，常住不变，住于实际，亦都系讲六大系佛嘅身体，同时亦都系行者嘅身体，大宇宙、小宇宙都系由六大所形成，响本质上系冇咩唔同嘅。

响空海上师嘅理论之中，令到人感兴趣嘅系佢不仅主张佛同众生都系由六大所形成嘅一体，亦都将自然界等同视之。认为由天体现象到矿物呢种冇生命嘅自然界亦都同佛、同众生一样系由六大所构成，将天地万物加有生命嘅东方思想，响大小宇宙一体化嘅世界观之中予以理论化嘅空海上师嘅论法，响缺乏理论性思想嘅日本宗教界中，可以话系相当独特嘅。

跟住我哋嚟讲到密宗所讲嘅三密相应，密宗实践嘅基本形态三密：身密、语密、意密。修行人以手结印契“mudra”嘅手印同埋座法、口念真言“mantra”或者陀罗尼“dharani”、个心观想本尊，使到我哋心能够进入三摩地“samadhi”嘅境地，就能够使到自己三业清净，唔需经过累世修行就可以即身成佛。 

护摩系密教大法，凡系求成就一定做护摩，响寺院、本堂烧护摩或者修炼者响房间外便烧大规模嘅柴灯护摩，呢个时候修行人双手就会做出各种形状，呢个就系结印契嘞，喺嘴里便念诵嘅咒文就系真言，而行者集中精神，心意住于白净嘅月轮就称为三摩地。

古代印度将人类嘅行为大概分为身体嘅功能、语言嘅功能、精神嘅功能等等三种，习惯上就称为“三业”。“业”呢，啫系“karma”，“karma”系一切行为嘅意思，呢个时候，“业”系功能。密宗将“三业”称为“三密”，认为现象界系直接表现绝对嘅世界，如果从原始观点嚟睇，人类嘅三种活动就系佛嘅功能，所以密宗称为“三业”，认为三种秘密，所以称为“三密”。

每个寺院都供奉有各种形状嘅佛或者菩萨像，譬如佢形状唔同，手结嘅印契亦都唔一样，由印契同埋手中所揸住嘅物件就可以知道边一尊系佛或者菩萨。响金刚界嘅大日如来手印唔止一种，最常见嘅系智拳印，阿弥陀如来系结左手在下、右手在上，最容易集中精神冥想嘅禅定印，弥勒菩萨大都采取载宝塔嘅莲花印，而不动明王就系右手持剑，左手执罥索㗎喇。

呢啲印契或者持有嘅物件，响我哋睇嚟呢，系区别佛菩萨嘅标准，其实事实上呢，就系象征佛菩萨领悟嘅内容，换句话讲，印契或者持物系凝缩宇宙真理嘅形状。平常我哋会用手或者手指做出各种信号，虽然系一种记号，但系印契本质上系象征宇宙嘅精神，佢本身就具有生命，好似印度嘅古典舞蹈，跳舞嘅人以双手或者手指做出各种动作，巧妙咁表现出喜怒哀乐嘅表情或者整体气氛，十分令到人惊讶！比舞台布置或者身体嘅动作更能够正确咁表现出内在。

无论婆罗门教或者印度教都根据古代嘅印度传统，创造出好多印契。婆罗门僧人就以呢啲方法象征宇宙，用喺各种修法之上，密宗亦都继承呢种印度嘅文化传统，将印契纳入响密宗嘅修法之中。响后来唐朝阿地瞿多所译嘅诸佛菩萨、诸天嘅印契三百种，啫系《陀罗尼集经》。印契本嚟系真理凝缩嘅象征，所以佢本身系藏有推动宇宙嘅力量，所以唔方便随便公开，尤其系要谨慎同埋注意用喺不正当嘅目的之上。修行人响修法嘅时候要喺衣服里便结印契，西藏密宗嘅寺院就喺佛像嘅手上盖一块薄布，唔能够随便俾人见到全体宇宙集中响双手上嘅印契。

跟住嚟我哋讲一讲真言，真言其实系集中宇宙嘅音波。印契系凝缩真理嘅形状，而集中音声嘅呢，就系陀罗尼，或者叫做真言。所谓陀罗尼系冇办法了解佢正确同埋完全嘅意思，只能够发出奇妙音声嘅咒文。西藏寺院响进行勤修嘅时候通常都用平板嘅声调去诵唱陀罗尼，日本真言宗嘅寺院，亦都响燃烧护摩嘅时候，高声诵念不动明王嘅真言。 

陀罗尼本嚟系应该用梵语发音，但系因为已经译为汉字或者冇人指导，致使到佢原有嘅发音或者写法失传，形成咗意思难以了解嘅陀罗尼。响印度亦都冇特定、特殊嘅意思嘅，譬如将风声或者鸟声直接纳入陀罗尼一样，呢个时候，同佢去理解内容，不如将达成目的嘅希望寄托响声音嘅力量之中。自古嘅人都相信声音或者语言不仅系将意思或者内容传达俾人嘅一种手段，其实佢本身就具有奇妙嘅威力。印度人亦都相信真实嘅语言有使到魔鬼无法接近嘅力量，而且带嚟幸运，所以将声音视为一种神灵而重视。

大乘佛教亦都有受持、读诵、听闻经典就能够免除灾难嘅记载。响《般若经》《法华经》《金刚明经》等等嘅经典之中，呢种倾向系几强烈。日本亦都自古认为呢啲经典有让灾嘅功能，所以视为护国经典倍加尊崇。经典之内充满真实嘅语言，所以相信只要受持读诵就能够有消灾招福嘅咒力，而翻译嘅经典呢，都有呢一种力量。所以一般认为印度原有嘅真言或者陀罗尼呢，有更大嘅功德，呢个呢，就系想当然㗎喇。

古代印度婆罗门教嘅圣典《蔓陀罗》系赞美诸神嘅德行、期盼获得恩重嘅赞美之歌，亦都系咒文，《蔓陀罗》响汉籍经典呢，通常被译为真言、咒或者神咒。咒嘅梵语系“vidya”，除咗“咒文”意思之外，亦都有“学问、科学”嘅意思，亦都有人译成“明”或者“明咒”。

印度以五明去表示五种学问，即系内明，内明啫佛教学；声明，啫文法学；因明，啫系伦理学；医方明就医学、药学；工巧明就系艺术学等等。呢度嘅“明”呢，就系学问嘅意思嘞。陀罗尼嘅梵语“dharani”，本来系冇“咒文”嘅意思，譬如汉译嘅“持”或者“种子”一样，有保存或者维持嘅意味，即系将精神保持响一定嘅状态，统一精神，将心集中响一点之上就可以产生某一种念力而增进记忆力。

念诵陀罗尼嘅时候，全神贯注，咒语嘅力量自然就会加持响行者嘅身上。所以随住时代嘅演进，咒同真言被睇成系相同嘅事。响佛教经典之中，陀罗尼有“统一精神”同“咒文”嘅两种意思，但系响密宗嘅经典里便之中呢，大多都系用“咒文”嘅意思嘅啫。（注：接下文）

182.真言密教（二）

（注：接上文）

跟住我哋讲到真言密教里便嘅三密瑜伽行。讲到密宗嘅修行，一般人嘅脑海大都会浮起行者响寒风吹袭、白雪飞舞之中，置身响冰柱成串嘅瀑布或者小流嘅地方，静坐、念诵真言嘅景象。但系一般所谓嘅苦修，亦都系响山岳修行或者浴冰修行等等，响密宗嚟讲，应该系属于前行，唔系真正嘅行。 

密宗嘅修行以三密为宗，完全系在于三密瑜伽行，啫系身结印契、口诵本尊真言、意念住于本尊嘅三摩地，使到身口意一致，本尊同行者能够相应合一。瑜伽嘅行者必须响阿阇梨嘅指导之下进行，所以响开始嘅时候，必须获得阿阇梨即系上师嘅许可，亦都系首先响归依上师嘅基础开始嘅。

阿阇梨响观察弟子嘅器量嘅时候，首先要了解弟子系咪已经有前行，因此响呢个阶段之前呢，弟子须要做好各种肉体训练嘅先行准备，亦都就系话苦行系进入瑜伽行嘅前事阶段。空海上师年轻嘅时候，曾经响故乡四角嘅山间同埋近住京都地区嘅山岳地带做过严厉嘅身心训练，但系只知佢嘅片段，唔知具体嘅行法。不过佢师父惠果上师一睇就知道佢有器量而且已经完成咗基础嘅修行，所以，先后传授咗空海上师胎藏界同金刚界两部嘅灌顶。空海上师回国之后，亦都以瑜伽嘅体验传播真言密宗，但系从未讲到佢年轻时期嘅前行。所以由此可以认为修瑜伽行嘅时候，方行已经系含摄响其中了。

跟住我哋讲到东密真言宗所修嘅四度加行。四密加行、真言行法，呢个次序亦都叫做“四度加行”。响授予灌顶之前嘅修行就称为“加行”，梵语系“prayoga”，相当于瑜伽嘅前行。所谓“加行”，啫系加工勤行嘅意思，特别系多加去作之意，通常分为四个阶段，所以称为“四度加行”。藏密嘅四加行系归依加行、献万达加行、大礼拜加行同金刚萨埵加行。而东密真言宗嘅四加行就系十八道、金刚界、胎藏界、护摩等等嘅四种加行。佢嘅顺序同埋内容，真言、天台两宗嘅流派都有唔同嘅分别。

当我哋研究下，冇空海上师嗰个时候呢，其实仲未形成加行嘅组织，好少同时传授胎藏同金刚界两部蔓陀罗嘅大法，大都只系传授其中嘅一部或者观音、弥勒菩萨等等一尊嘅伽，瑜伽嘅行法。至于四度加行嘅组织，应该系响其以后嘅时代完成嘅。

四度加行嘅日数响古代嘅时候须要修满一千日，每度加行都系二百五十日，但系后来有逐渐缩短嘅倾向，现在大约以一百日为标准。依照规定，响加行期间举凡取水、折花、换供佛桌、洗涤器皿都唔能够假手他人，修行人必须要精进、洁净、沐浴，一日三次，即系初夜下午两点钟、后夜上午四点钟、日中上午九点钟去修行嘅。

修行十八道之后就修金、胎两部同埋护摩法，就系四度加行。所谓十八道，系使用十八种印契同真言嘅修法，系后段加行嘅基础。金刚法系根据《金刚顶经》，胎藏法系根据《大日经》编篡嘅行法细则，以上都需要庄重嘅装饰道场，譬如焚香啦、献花啦、召请蔓陀罗诸佛同埋观想修行人同本尊合为一体嘅入我我入观，念诵真言，观想种子、音声之后，再诵诸佛嘅礼仪，呢种加行嘅礼仪，据讲系模仿古印度接待宾客嘅方法。

跟住我哋讲到加行里便嘅护摩法。四度加行最后阶段所修嘅护摩系梵语“homa”嘅音律，原本系“事火”嘅意思，古印度婆罗门教烧火祀天，以火系天嘅口，认为烧饷物俾啲火、拜祭啲火系天食而赐俾人类嘅福报，后来响五世纪，呢个法系佛教所吸收，建设咗火坛，烧乳木代表智慧之火，烧尽烦恼嘅坛成为密宗嘅仪轨。以泥土去筑坛，依法用色粉去画线，画出简单嘅蔓陀罗，堆积牛粪，点火燃烧，而且亦都由上便倒入酥油，投入一啲米谷等等嘅供物，随住啲烟呢，传送去天上，修法结束之后，必须亦都将呢个土坛呢，去拆。

依所求嘅目的唔同，其实护摩可以分为四种，啫系祈求安宁、除灾、生福德嘅息灾法，增进福智、圆满万行嘅增益法，突破怨敌或者障碍嘅调伏法，或者称为降伏法，同埋获得人尊敬嘅敬爱法四种，或者再加上召摄所希望嘅人物嘅钩召法，就变成咗五种嘞。

经典上记载，印度后期嘅密宗，或者属于佢系统嘅西藏密宗，仲有杀人嘅咒杀法，或者使人起离间嘅方法，亦都有呢啲等等嘅护摩，但系随行者嘅心念去决定佢嘅善恶。呢啲护摩法，根据佢嘅目的，就有坛形、颜色、方向、护摩木嘅种类、开始日期嘅分别。响日本呢，密宗从来唔构筑土坛，而系响寺院嘅本堂，或者护摩堂之中，放置木制嘅护摩坛，佢中央就有炉，燃烧切成一小块嘅木材，将供物投喺火里便。

跟住落嚟，我哋要讲到灌顶。密宗灌顶系非常之重要嘅，密宗对修完四度加行嘅行者就授予传法灌顶，之后就可以得到阿阇梨嘅地位。传法灌顶，本来系要由阿阇梨观察行者嘅器量判定系咪应该传授，但系最近对于只要完成四度加行嘅人就传予传法灌顶嘅资格系开咗一个好大嘅方便。

其实灌顶仪式系起源于印度，印度国王响即位典礼嘅时候以一个瓶，金瓶，装咗四边海嘅海水，灌喺国王嘅头上表示君临天下嘅王者仪式，被大乘佛教采纳咗之后，开始有继承佛位嘅意思，到密宗就变成咗法脉相承嘅仪礼。密宗将瓶水视为象征五种智慧嘅五智水，接受灌顶系等于接受佛嘅智慧。响接受灌顶之前，首先必须授予三昧耶戒，亦都叫做发菩提心戒，目的系发觉自己本来具备边一种佛性，醒悟有宇宙嘅生命，因为各个本尊嘅誓愿唔同，所住嘅法门系喺形式唔同，所以呢，就叫做“三昧耶”，系誓约嘅意思，系徒弟同上师互相共同遵守嘅戒律。

接受灌顶嘅时候，首先阿阇梨将木片授予接受灌顶嘅人，接受灌顶嘅人呢，用啲牙去咬木片，由阿阇梨观察牙型去判断系咪有足够能力接受。合格嘅人就要闭上眼睛，带入庄严嘅道场之内，呢个就系许可灌顶嘅坛场，受灌顶嘅人企喺铺喺地上嘅蔓陀罗金刚藏之前，双手合十，夹喺两指中间嘅密叶，响念诵真言嘅同时掷喺蔓陀罗之上，而后再观落叶落喺边个佛本尊身上，而呢个修行人呢，就同呢个佛有缘，即系受持边一个本尊法，呢个礼仪嘅名称就叫做“投华得佛”。经过呢个过程之后，再前进到阿阇梨嘅前便垂头，而由阿阇梨响接受灌顶者嘅头呢，洒瓶水，咁样就完成咗继承阿阇梨即位嘅仪礼嘞。

跟住我哋讲到密宗嘅观想法，成佛嘅三种力量。好似头先上面所讲，密宗嘅基本修行系在于三密合一嘅瑜伽行，行者喺坐喺本尊前便修完种种前行之后，手结印契、口诵真言、发菩提心，观想自己同本尊融合为一，响保有肉身嘅情形之下，响现世中得悟成佛，就称为即身成佛，所以无论喺印度或者流传到亚洲各地生根嘅密宗，行者嘅最终目标都可以话系在于即身成佛。即身成佛必须有三种力量做综合性嘅发挥先能够完成，密宗嘅行法以呢个三力偈嚟表示：“以我功德力，如来加持力，及以法界力，普供养而住。”即身成佛并非仅靠行者嘅力量就能够达成，但系亦都唔系好似其他主张他力嘅宗派，仅仅依赖如来嘅救济力就能够成佛，密宗嘅成佛，应该话系借行者观法嘅功德力、如来发出嘅救济力同埋藏于宇宙万物嘅生命力呢三种力量综合起来就能够达成即身成佛了。

讲到加持，一般人总认为都系靠祈祷治病，或者出现神奇变怪之类不可思议嘅现象。事实上，真正嘅加持系指由佛方面嚟嘅力量，系由我哋加以接受嘅作用。空海上师响佢著作《即身成佛义》之中有下面嘅叙述：“佛之大悲日影显于众生心水曰加，行者心水能感佛日曰持。”（注：根据《佛学大辞典》，“佛之大悲日影显于众生心水曰加”疑为“佛日之影，现众生心水曰加”）“加持”嘅梵语系“adhisthana”，空海嘅加持译句分为“加”与“持”两部分，以表示佛力同受持行者二者之间嘅状态，呢种独特嘅解释后来成为密宗独特嘅说法，亦都可以话系具有密宗特色嘅成佛论。

密宗有好多经典同埋仪轨，“仪轨”就修持时候嘅仪式同埋轨范，所谓“仪轨”系遵行密部本经所讲佛菩萨同埋天神等等念诵、供养嘅所有准则，虽然有体系化同埋片段式嘅差异，但系大多能够发现有关观想嘅记载，观法响经典仪轨之中都各具特色，但系都以即身成佛为最终目标，所以可以话系记载系俾行者本身所具有佛性得以醒悟嘅方法。

胎藏法所根据嘅《大日经》亦都有各种嘅观想法，最具代表性嘅系“五字严身观”，又称为“五字轮观”或者“五轮成身观”，系象征大日如来五大意味嘅五个梵字观想响身体嘅五笪地方，企图使到修行人嘅身体同佛嘅身体达到入我、我入嘅境界。

响真言宗嘅寺院里便，可以见到嘅五轮塔坨或者墓石，就系象征大日如来嘅宇宙，表示人死后系返到大自然。五轮塔上便所写或者刻有嘅五个梵字，由上到下系表示虚空嘅“Kha”、表示因嘅“Hetu”嘅字头“Ha”、表示尘嘅“Raja”嘅字头就“Ra”、表示雨“Varsam”嘅字头“Va”、表示存在响现象界一切都系无始无终、本不生嘅“A”字，以上五个字亦都分别写喺宝珠形、半月形、梯形、圆形、四角形嘅塔上便，象征空、风、火、水、地嘅五大。响观想法之中，五个字系配置响修行人嘅头部、眉间、胸部、脐部、尿部五处，系俾观法能够让行者直观到自己嘅身，能够即身成佛，系寂妄嘅基器，又系顿成佛嘅法门。另一方面，《金刚顶经》嘅代表性嘅观法系五相成身观，呢个分成五个阶段嘅观法系到达菩提心，修菩提心，成金刚心，证金刚身，佛身圆满。修行人忆观想月轮或者金刚杵而领悟自己嘅心源系本来清净，自身就系佛身。

密宗嘅观法就系学似以上所讲，至于具体嘅形态，物件之前，或者作为观想，或者透过象征性使到修行人同佛融合一体。如果我哋就现象界里便边存在一切事物象征宇宙生命密宗思想嚟讲呢，以具有实体形象嘅佛、蔓陀罗、法具等等为媒介嘅观法系较为复杂嘅仪礼。所以，密宗嘅观法如果未得阿阇梨适当嘅指导系无法达到目的嘅。

跟住落嚟我哋讲下密宗嘅两个重要观法，系月轮观同阿字观。一面使用具体嘅法具，一面亦都将观法简化嘅密宗观法系有月轮观同阿字观，如果系复杂嘅观法呢，须要由阿阇梨亲自传授，至于月轮观或者阿字观系在家信徒亦都好容易实践嘅。月轮观系在寂坐嘅行者前大概一公尺嘅地方挂住满月状嘅月轮，观想自己同月轮一体化，因为满月系象征行者本身既有嘅清净菩提心，所以行者能够藉住月轮观使到原有嘅佛性醒悟。阿字观系密教嘅总持，系喺月轮之上配上梵文嘅字，使到自己同佢呢个一体化。阿字就系我哋有嘅菩提心，而本有嘅菩提心就系六大嘅法性，六大嘅法性即系毘卢遮那如来嘅平等智身。阿字嘅意思系一切法本来不生嘅实相，不生不灭嘅缘故，不生不灭所以无始无终、本有常住，本有常住就系我哋不生不灭嘅菩提心嘞。我哋平常嘅心本嚟系不生不灭，而系万有诸法能够做，功德无量，具足圆满，而因为各人嘅私欲而使到本有嘅功德障蔽，所以修呢个观法就能够舍除我哋私欲、断除烦恼、降伏恶魔，使到本有性德能够显露出嚟。我哋修行人藉住阿字一体化，能够同大日如来同化，阿字观嘅原始形态响《大日经》或者《菩提心论》之中亦都有所叙述，但系将呢个字拎嚟做密宗简单嘅观法而予以体系化嘅可能系日本，真言宗所含嘅阿字观大都系依据空海上师嘅弟子慧实，实慧所著嘅《阿字观用心口诀》。

跟住落嚟，我哋同大家研究下日本密宗嘅修法同西藏密宗嘅修法。日本密宗嘅胎藏法同金刚界法喺构成之上差异唔系好大，而且一尊法或者理趣经嘅法亦都可以以两部嘅次第结构作为准则。响日本并唔做择地嘅作法，因为响已经设定嘅道堂或者道场进行修法，所以唔需要另外选择适合修法嘅土地、改变愿文，而系做九方便嘅胎藏或者五悔金刚界嘅修法嘅时候必须要表明决意。响金刚界法里便有慈悲喜舍四无量心嘅观法，然后将自身同埋坛上结界，使到佢清净。亦都有穿戴盔甲嘅作法，呢个就系金、胎两部都以观想去作为修行。完成以上嘅步骤之后，结成胎藏或者金刚界主要佛嘅印契，念诵真言。期间，胎藏法系加入五轮观法，啫五字严身观，金刚界法系加入五相成身观，都系两部经典嘅代表性观法，但系呢个都不过系预备嘅动作而已啫。其次所做嘅道场观呢，系观想须弥山现在眼前，山顶之上有法界宫殿，亦都系宝楼阁，从中依次序显现出由种子变成嘅大日如来、诸佛、诸菩萨，而且将佢安置响行者嘅身上七度地方，使到行者同佛菩萨合成一体嘅观法，然后就奉洗脚水洗本尊嘅脚，献上花同香去敲响个铃，以供养表示欢迎嘅意思。咁样做，以坛上嘅六器，即系承载六种金属器嘅密叶同水，以及持行者面前嘅金刚盘上面嘅铃同五股杵，进行观想。然后系诸佛菩萨嘅印契同真言，念祈愿礼佛嘅文章。其次系设定入我嘅我入观，观想行者嘅身体遍满虚空，同大日如来相同。修行呢个法到到呢度已经到达高潮，但系文字记述极为少，实际嘅具体观想法其实必须要由阿阇梨直接口授学习口诀。响印契同真言之间有本尊嘅加持，将本尊真言仔细咁念一百零八遍，呢个系正念诵，其次系字轮观，金、胎两部都系相同，都系观想“A”“Va”“Ra”“Ha”“Kha”五个字嘅梵文，同埋牢记各自所代表嘅意思，使到佢深植响行者嘅心中，然后分别念诵蔓陀罗诸尊嘅真言，跟住再做一次香花等等嘅供养同埋打响铃、念赞、祈愿、回向等等嘅文字，解开结界嘅作法，而后就结束嘞。

由以上金、胎两部个观法次第嚟睇呢，结印契、念真言、颂赞佛文所占嘅比重系好大，而观想呢，几乎系冇讲到。关于观想，大部分其实都系由阿阇梨去口传。但系，构成金、胎两部观法嘅基干嘅五相成身观同五字严身观只系响形式上加入各种次第嘅前行部分，并冇纳入入我我入观或者入本尊观等等嘅核心观法之中。又譬如将种子同三昧耶形本尊互相联系、自在观想嘅总三尊观，亦都同道场观、入我我入观、正念诵、字轮观分别配置，彼此之间已经系冇关联嘞。

从以上几点我哋可以知道，日本密宗嘅观法已经同印度密宗嘅观法相差好远，变成日本独特嘅修法次第。而且，日本密宗除咗教学之外，亦都使到所谓事上嘅修法成为一个独立嘅领域，响佢范围之内应用嘅观法，因此特别系重视师资嘅相承口传，所以响观法之上同密宗教学系冇咩嘢关联。日本密宗嘅行法次第系同佢自己内部发现嘅本尊，不如将本尊予以对象化，所以响次第之中系特别强调修行人响本尊之前礼拜、念诵真言、上供等等以获得功德。重视随修法而嚟嘅功德呢，对奏圣嘅效用系特别重视，所以真言、天台两宗各自传承嘅密宗史上，师资相承一直都延续至今，呢一种修行方法，使到密宗观法系流于形式化，有时系好难获得深刻嘅领会。

跟住我哋嚟讲下西藏密宗嘅修法。同日本密宗比较，西藏密宗系忠实嘅继承印度密宗。关于密宗嘅观法，有生起次第同埋圆满次第两种。生起次第系从绝对世界向现实世界展开嘅观法，圆满次第或者叫做究竟次第，系行者响自己嘅内部发现绝对，然后同佢同化嘅观法。中国、日本嘅密宗系冇究竟次第嘅传承，按规定，即使系西藏密宗亦都只能够传授俾经过特别训练嘅修行人，佢嘅方法亦都有父怛多罗系同母怛多罗系同埋不二怛多罗系等等种种嘅传承。生起次第亦都有各种形式，同日本密宗嘅修法有啲相似，响呢度介绍父怛多罗系嘅《秘密集会》嘅圣者流生起次第，称为“略集成就法Pindikrta Sadhana”。

略集成就法可以分为三种瑜伽，即系三摩地。三种三摩地系第一瑜伽、第二蔓陀罗最胜王、第三羯磨最胜王。第一嘅瑜伽三摩地，首先系要选择同防护修法嘅坛场，即系所谓结界，都系响瑜伽观想之中进行，其次呢，就有四无量心观空嘅观法，然后就观想忿怒尊嘅出现，保护坛城同埋修行者安全使到唔怕被魔害、侵扰，跟住观想楼阁宫殿出现，由其中呢个楼阁宫殿就现出三十二尊。三十二尊之中，五佛系代表五蕴，四个明妃系代表四界，八大菩萨系六根同埋脉管等等，十忿怒明王系将身体各部分分别同种子同时观想。呢三十二尊包括现象界所有嘅生物同无生物，修行人必须能够自在咁使佛同现象界嘅万物由虚空中出现，而后再使到佢归于空性。第二个蔓陀罗最胜王三摩地系观想三十二尊之中，使到佛、菩萨、明王等等具体出现，而且牢记各尊嘅特征。第三嘅羯磨最胜王三摩地，系由微细嘅瑜伽开始，自由咁观想三十二尊出现之后，将佢哋嘅次第集喺行者嘅鼻前便嘅观法，咁样，修行人本身亦都同佛一体化嘞，再呼吁同埋劝导四个明妃，然后自己观想，立起进行礼赞之后，而后将蔓陀罗纳入自己嘅身里便。

好似以上嘅生起次第、修法过程系完全冇说明外在点样做，一切都系行者观想之中进行，系以大乘佛教空嘅思想为根底所组成，呢一点就同日本密宗嘅观法次第呢，有相当大嘅差异。呢种为咗即身成佛嘅具体修行，响日本密宗几乎系直接由阿阇梨授予，因为观法嘅次第完全系瑜伽嘅行法，所以每一项都要有阿阇梨适切嘅指导，否则就唔可能实施嘅。生起次第可以话系蔓陀罗嘅佛菩萨由虚空中出现，而修行人领悟呢个佛同自己响本质上系一体嘅观法嚟嘅。经过呢一种观法就能够逐渐发挥我哋本身嘅潜在能力，发现响日常生活之中被遗忘咗我哋嘅本来嘅真正面目。

最后，我哋同大家研究一下何谓“蔓陀罗”。密宗里便所讲嘅“蔓陀罗”或者“曼荼罗”系梵语“mandala”嘅音译，亦都有人译为“蔓陀罗”“曼怛罗”“曼达拉”，译，意译呢，亦都有好多名称，响古代译做“坛城”，佢意思系平坦嘅意思，又叫做“道场”，新嘅译法译做“轮圆具足”，表示十法界：地狱、饿鬼、畜生、修罗、人、天、声闻、缘觉、菩萨、佛陀，十法界嘅依报同正报都悉皆圆满，毫无缺乏；又译做“无比味”“无过上味”“醍醐味”，诸味调和，其味无比，譬喻十法界嘅依正具足。“依”者，就系身体以外嘅一切器界；“正”者，就系自己身体嘅圆满法、报、应三身。“依、正”两界圆满无比，不可思议，亦都表示佛领悟嘅本质，其实佢含义系好多。

“蔓陀罗”响古代印度系指国家嘅领土同埋呢，祭祀神嘅祭坛，系生存响现象世界嘅我哋同神圣嘅佛一体化嘅场所，亦都系超越嘅大宇宙同埋内在嘅小宇宙相织嘅空间，所以蔓陀罗就成为密宗嘅中心要素。一般泛称嘅蔓陀罗啫系指图画，蔓陀罗最原始嘅形状系用土做嘅坛，用泥土所筑嘅坛，响佢上便用白粉画几何嘅图案或者各个神嘅形象，呢个就系神圣嘅空间，系天上嘅神回应祭师祈愿，降临嘅场所。呢一种仪式原本属于婆罗门教或者印度教嘅仪礼，响公元五世纪左右就开始被佛教采用、吸收、改变，而且越嚟越详尽。到咗公元七世纪嘅中期，已经完成咗完整嘅土坛嘅制作法。以《大日经》所讲嘅七日作坛法系最具代表性嘅，呢个原理系用七日嘅时间按仪轨去做成土坛，而且佢上便去绘画蔓陀罗。首先选择清净嘅土地去张开绳索画出一定嘅空间，去除土石、毛发等等唔洁净嘅物件，去拣清楚土壤呢，去准备呢，去作坛场。喺坛场上部呢，要搞到佢好平坦，响中央同埋四方系埋入五宝或者五谷，表面用白色嘅石灰粉画上几何形嘅线条。完成准备之后，响第七日就由阿阇梨响佢上便画佛、菩萨嘅形象，将适合接受灌顶嘅弟子呢，挡住眼，引到坛上便举行投华得佛嘅仪式。西藏密宗系筑土坛，响佢上边画线、堆牛粪，而且响佢上面浇上啲酥油或者燃烧羽毛，土坛响仪礼结束之后必须要拆除。西藏密宗所做嘅沙嘅蔓陀罗亦都属于土坛嘅系谱，亦即将五色嘅细沙散喺坛上便，然后画上各种嘅蔓陀罗。

183.密宗抉疑论（一）

顶礼普贤王如来，顶礼大恩金刚上师！

释迦牟尼佛为咗度化无边嘅有情，适合种种唔同嘅根基而宣说咗八万四千法蕴。响《普作续》之中讲过：“为调贪惑之对治，宣说二万一千律；为调瞋惑之对治，宣说二万一千经；为调痴惑之对治，宣说二万一千论；为调三毒之对治，宣说二万一千密。”根据所教化嘅众生嘅界、根性、意乐嘅唔同，佛陀宣说咗三藏十二部同埋密续部等等无量嘅殊胜法门。后嚟，印度、西藏、汉地为主嘅高僧大德又喺呢个基础之上创立咗好多教派而饶益无边嘅有情，就好似雪山嘅水分流四方，普泽大地。

对各宗各派嘅如来清净教法，本来应该系普皆推崇。但系有少数嘅人，或者基于凡夫嘅情见，除咗自己嘅宗派之外，唔承认其余宗派都系正教，尤其对于无上密宗有好多疑惑，甚至诽谤。佛法系佛陀由大觉智海之中流露出嚟嘅度人方便，系芸芸众生离苦得乐嘅唯一津梁。佛陀甚至将佛法比喻为诸佛嘅“法身舍利”，去显示佢嘅重要性。无论我哋系出于有心还系无意，如果对佛法讲出相违嘅说话，无疑就等于断送咗自己嘅慧命，障碍解脱，其实咁样做呢，果报系至为严重嘅。

我哋要知道，六道轮回系佛陀为我哋揭示因果缘起嘅法则，亦都系世尊开示我哋响轮回苦海里便有究竟安乐嘅涅槃彼岸，亦都系佛陀明示嘅。出家修道，守持戒律同样都系佛赐予我哋嘅教诲。但系，我哋响学佛之前，对呢啲就完全一无所知嘞。世尊所讲嘅种种法门，以我哋凡夫嘅分别心根本就系无法去揣度衡量，即使系十地嘅菩萨亦都系冇办法完全去测度佛陀嘅密意，所以我哋又点能够用自己庸俗嘅分别心去对于远在我哋认知能力以外嘅佛经论典加以无理嘅诽谤呢？就算其他嘅大班智达同好多尊者著书立说、讲经说法，佢哋亦都遵循严格嘅规范。比如，以前响印度那烂陀寺有一个明确嘅规定，只有经过所有嘅大班智达同意之后先能够著书造论，去确保所造嘅论点同佛法唔会相违背。而且即使响地上嘅大菩萨，亦都必须借助佛力说法，系冇完全凭自己说法嘅能力嘅。历史上我哋睇下，龙树菩萨等等嘅菩萨亲得佛陀嘅授记，显现咗甚深嘅证悟、无碍嘅神通同辩才都系依靠圣教正理去弘扬教法。响西藏嘅地方直到现在呢，仍然都保持呢一个良好嘅传统，凡系一啲教授师嘅堪布讲法嘅时候，佢哋要陈述一个观点，必定就会引用经论去作为依据，而冇传承冇圣教依据嘅论点根本就唔可能受到大众嘅许可。因此亦都确保咗响西藏地方佛法嘅纯正性。

响显宗嘅经典里便，佛陀多次强调咗谤法嘅过失，比如《宝性论》之中话凡系以瞋恚心去诽谤佛法嘅人就无法得到解脱。《涅槃经》话：“迦叶，世间众生有三种病，极难消除。一谤大乘法，二造五无间罪，三生邪见。此三病，于此世间，极难对治，声闻、缘觉及菩萨亦不能除之。”喺《诸法摄要经》都讲过：“文殊师利，若有人思惟佛说之法中，或为胜妙，或为不胜妙，则彼舍正法也。若说此法为应理，彼法不应理，则彼舍正法，并已诽谤善逝，诋毁僧众也。”《般若八千颂》亦都讲过：“何人若造五无间，不及相似谤佛法。舍利子，若以舍法心云：‘此法非为汝与吾等应学，因此法不应理，此法非能调伏，此法非本师之教，此法非佛语之语。’如是说已，自己舍法，令他人不起信，毁坏自他之心，扰乱自他之心……舍利子，吾不愿闻彼人之名，况复与其相触。”及“其谤法者，舍弃一切三世如来正等觉智，又舍一切种智，是故损毁诸正法。以此业感，于地狱中焚烧俱胝万年也。其后虽从彼地狱中解脱，又转移他方世界之地狱，地狱坏时，又迁往他方世界之地狱而受焚烧之苦也。复次转生傍生界与阎罗世界，彼等处尽业已，一旦转人身，然以往昔种种谤法舍法之罪成熟，无论生于何处皆成盲者、粪扫者、劣种者、竹工者、瞎眼者、鼻舌手足不全者、麻疯病者、驼背者等，或生于不闻三宝名之地也。”

听过以上嘅种种经文，所以我哋可以知道谤法嘅恶业嘅果报真系相当之重。喺谤法嘅罪过之中，相比之下，诽谤密宗就更为严重嘞，因为密宗系成佛嘅最大方便，三世诸佛心血嘅精华。诽谤密法嘅人因为前世福报浅薄，今世又冇得到灌顶、修行密法嘅缘份，或者形象上虽然好似喺度修学密法，但系其实密法嘅法义仲系冇入到佢嘅心，因此呢，往往好轻易作出咗结论，咁样做不但摧毁咗自己嘅善根，同时呢，亦都损害咗无量信众嘅慧命。

如果有人听到一位法师讲法嘅时候话“密法唔殊胜，现代嘅人系唔会修成功”之后就不加思索贸然去接受，咁就显出呢啲人比如墙头嘅芦苇，好似《格言宝藏论》之中讲过：“智者自己能观察，愚者总是随声行，如同老狗狂乱吠，群狗也是随声奔。”咁样呢类众生佢哋学密嘅善根就因此中断了，而且因为他人退失信心而转学相对低等嘅法，讲法嘅人其实都违反咗菩萨戒。如果原来已经进入咗密乘嘅人，就违犯咗密乘嘅根本戒第一条——不舍无上嘞、第四条——不间断密咒手印，而且亦都破咗密乘根本戒，又唔忏悔嘅人就必定会堕入地狱。响嗰个时候，再修显宗嘅念佛坐禅与其他法门都系冇办法挽救，即使十方诸佛现喺佢面前亦都无济于事。佛法同世间法唔同，世间上嘅工作唔适宜就可以转行，但系佛法就有佢嘅原则，学咗密乘之后就唔能够再舍弃上师同密法。智悲光尊者话：“学密者嘅未来系只有两种可能性，第一种就系解脱，第二种就系堕入金刚地狱。”密乘之所以特别强调响学密法或者依止上师之前去进行观察，亦都就系上述呢个原因。嗰啲抛弃咗密宗，以为学显宗更适应、更有把握嘅人其实系好危险嘅。但系接受咗密宗灌顶，进入咗密乘嘅人，如果因为条件所拘限，一时间无法深入修行密乘，亦都可以确立以修学显宗念佛法门为主，同时守持密乘嘅戒律，唔好断除增上对金刚上师同密法嘅信心，咁样一方面增长咗显密嘅善根种子，另一方面亦都唔至于犯咗舍法嘅罪过，因为诽谤显密佛法嘅罪过无量无边，而其中诽谤密法嘅罪过更加系无法揣测。喺《空边平等续》里便讲过：“若于胜密之密法，何人舍弃并诽谤，则彼舍弃佛胜密，永时远离解脱道。”《智慧深圆续》话：“心违密法造恶者，定堕地狱真可愍。”《意护续》中话：“若谤普贤密意法，乃至虚空之边际，死后堕入金刚狱。”《眼珠续》之中话：“浊时众生增盛烦恼及邪见，以嫉妒心舍弃佛法，尤其诽谤密法者，尽管此人已对轮回生厌离心，趣入佛门并恒时修持，然以彼舍法罪，堕入无间地狱、金刚地狱等无边恶道受大苦楚。”《文殊根本续》亦都讲过：“此乃殊胜最妙法，胜者所供之法藏，世上若人舍此法，则彼堕入无间狱。”

我哋要评判密宗，首先必须对密法有一定嘅研究同了解。而了解嘅依据应该系浩瀚如海嘅显密经续同埋祖师大德嘅论著，而唔系应该盲目去对密法一无所知嘅人去听佢哋嘅说话，亦都唔能够依据冇传承、经过多方抄袭拼凑而成嘅一般书籍。

密宗除咗十七大续部同埋佢嘅注疏等等无量嘅典籍之外，仲有后代祖师所著嘅大量论著，例如《无垢光尊者全集》《全知麦彭上师全集》《珠庆上师全集》、敦珠法王汇集嘅五十六函宁玛教藏等等，但系最遗憾嘅就系一点，现在好多呢啲典籍到而家都未能够译成汉文。假如获得咗灌顶，而且有缘深入密续，就必定会认识到密法嘅殊胜性，响嗰个时候无论点样亦都唔敢诽谤了。太虚大师响《斗诤坚固中论时轮金刚法会》之中讲过：“密宗之经咒及仪轨，缘为佛地自受用法乐之事，皆为如来果分不可说之说。”犹记当年律宗大德弘一大师已经为我哋做咗呢方面嘅开示，弘一大师曾经话：“大乘各宗之中，此宗（啫系讲密宗）之教法最为高深，修持最为真切。常人（啫系一般人啦）未尝穷研，辄轻肆毁谤，至堪痛叹！余于数十年前（啫系弘一大师话佢自己响数十年前啦），唯阅密宗仪轨，亦尝轻致疑议，以后阅《大日经疏》，乃知密宗教义之高深，因痛自忏悔。”

我哋平时唔应该以瞋恚心去否定其他宗派，其他宗派亦都有好多不共殊胜嘅窍诀值得我哋学习，同时我哋亦都唔应该以贪心去赞扬自己嘅宗派，如果我哋冇如理如法去修持，尽管法系好殊胜，但系自己亦都唔一定能够开悟。因此学佛嘅人，首要嘅系就系经常观察自己嘅过失，而唔系去轻毁其他嘅宗派。

由世尊释迦牟尼佛嘅传记之中我哋可以知道，释迦佛响因地修行菩萨道嘅时候，曾经多次以外道嘅婆罗门、仙人等等嘅形象去度化众生。所以如果冇极大嘅密意，其实对外道都唔能够毁谤。记得响《毘卢遮那菩提续》之中讲过：“不能诋毁外道宗，若人诋毁外道者，远离毘卢遮那因。”《月灯经》亦都话：“世上其余外道者，不应于彼起瞋心，而应发起大悲心，此乃第一忍耐法。”

谤法嘅罪过不可思量，诽谤说法师嘅罪过亦都系同样嘅。例如《不舍佛陀经》话：“曾于阳焰世间，毗婆尸吼佛出世时，有五十位男子，每人造五百个经堂，每经堂各供养一千僧众，尔时，彼等多说，说法师慧积破戒之过失，以此恶业成熟，彼等堕于地狱达九万年，其后，五百世生于人中，或成石女，或生边地，或持邪见，又六百年，成为盲人，或无舌者，再七百世中，虽成出家，而及至晚终，也未得陀罗尼。以彼业障，遮盖彼等善业也。善男子，当应深信，当应了达此理，听闻此法之后，现见说法师破戒，亦不应说之，何况听闻而说。善男子，若人挖出一切众生之眼，何人以恶心蔑视说法师，此过胜过前者；若人杀害一切众生，何人见说法师时，与彼背向而坐者，此罪百万十万乃至无数倍、亦不及前者。若人诽谤说法师，彼人诽谤一切诸佛故，若欲承事佛，彼应承事说法师也。”

喺《大宝积经》嘅第二十五会《弥勒菩萨所问经》之中，记载咗佛陀在世嘅时候，有好多菩萨退失咗菩提行，弥勒菩萨于是发起大悲心，将其中六十位菩萨带到佛前，请佛去教化，佛陀于是为菩萨讲说咗下面往昔嘅因缘。喺拘留孙佛嘅时候，呢啲菩萨曾经出家修道，虽然多闻精进，佢哋修行头陀行，但系由于执著呢啲功德，就心生傲慢。当时有两个说法嘅比丘亲友众多，名闻一方，就引起咗菩萨嘅嫉妒而诽谤呢二位比丘有淫欲嘅事，使到亲友远离两位比丘中断咗善根。由于呢个恶业，呢啲菩萨就响六万岁之中堕入阿鼻地狱，又响四万岁之中生喺等活地狱，又喺二万岁之中生喺黑绳地狱，又喺六万岁之中去生喺烧热地狱。罪业稍轻之后呢，五百世之中转生咗做人，但系呢，常有诸根不具、贫穷下贱种种唔吉祥嘅事。之后又将喺未来嘅末世五百岁之中生喺边地，饥寒交逼，修行多有障碍，虽然暂时生起到智慧同埋光明，但系顷刻又消失无余。经过咁多嘅罪苦磨难之后呢，先前诽谤二位法师嘅罪业先能够得到清净，响嗰个时候先能够往生到阿弥陀佛嘅极乐世界得到菩提记。

所以我哋知道，诽谤嘅罪过真系好严重。有啲人话密法唔系由佛陀亲口所讲，而系由后嚟嘅印度或者西藏人去创造。其实密宗嘅续部有啲系释迦牟尼佛涅槃嘅时候作出授记，后来先出现响世间，有啲就系释迦佛住世嘅时候亲口所讲，比如印度南方米积塔之前所讲嘅《文殊真实名经》啦，或者《时轮金刚本续》等等啦。响《二观察续》里便话：“如来先说有部、经部、唯识、中观之法门，此后宣说密宗金刚乘。”《时轮金刚后续》亦都讲过：“具德米积塔之前，法界十力大尊者，宣说诸佛之密续。”现在西藏文嘅《大藏经》，净系经、续部就有一百零三函，其中二十几函系密宗嘅续部，有啲密续系莲花生大师等等嘅大持明成就者以神变由龙宫、乌金刹土、香巴拉国等等嘅佛国迎请到呢个世间嘅。当年嘅阿底峡尊者嚟到西藏嘅时候，见到桑耶寺里便藏有丰富嘅密藏续部，之后佢都好感叹话：“藏地嘅佛法真系远比印度殊胜，喺印度都见唔到咁多嘅密典。”

但系喺现今嘅末法时代，佛教之中既有证悟又能够宣说嘅大德就日渐减少了，所以修行人对佛法嘅深义就变得越嚟越生疏，对于佛陀为咗唔同根机嘅众生所讲嘅佛法就开始慢慢混淆，于是佢哋就以分别念去抉择圣教密意嘅现象逐渐滋生同埋蔓延，其中遗患较大嘅系，有啲人根据有限嘅资料考证同埋根据佢哋所理解嘅尚未达到究竟了义嘅知见，就好轻易否定一个道理，质疑一个道理。喺显宗之中，比如有人否定第三转法轮如来藏光明嘅甚深见解，仲提出大乘佛教非佛所说。佢哋仲用《阿含经》第一转法轮嘅经典作为教证去否定无上密乘嘅见修行果，呢个就系以凡情测圣意嘅好好嘅典型例子嘞。我哋再举一个例吔，比如有人以教小学生嘅一啲知识去硬套大学里便嘅教材，而且话大学教材之中有好多地方同小学生嘅教材唔相符，因而呢，就有错误，咁样听落去就会觉得好好笑。同样，佛陀因材施教，为咗上根利器嘅人直接宣说咗大乘嘅无上密法，为中根嘅众生讲说大乘显宗，而为小乘根器嘅众生暂时首先讲咗相应嘅小乘教法，而后再逐渐将小乘嘅众生引向大乘。如果将佛陀暂时一啲权宜嘅教法去硬套了义嘅教法，无异将小学嘅知识去硬套大学嘅教材一样可笑。

又有啲修行人以发现婆罗门教亦都有一啲类似密法事续部嘅仪轨，譬如烧护摩啦，就断定密法系由婆罗门教发展出嚟嘅一种外道教派。其实密法有佢严密嘅传承系统，并且以无上见解嘅摄持，众多方便都可以转为无上道嘅作用，佢系甚深微妙嘅法门，凡夫嘅分别心真系好难窥其堂奥嘅。我哋可以换个角度去谂一谂，佛所讲嘅人天乘嘅教法之中，有好多嘅内容我哋都可以响外道嘅典籍之中揾到，咁样系咪就可以因此而断定人天乘佛教就系外道呢？呢个咁简单不过嘅原理其实好容易明白，可惜就有人一直响牛角尖里便钻，走唔番出嚟。其实讲呢啲说话嘅人亦都情有可原，因为条件所限，佢哋对于无上密法知道好少，响西藏文嘅《大藏经》之中二十多函嘅密续到现在先开始有人将其中少数翻译成汉文，而系统嘅密宗论典亦都好少见翻译。有人只听到咗一啲双运吖、降伏吖、护摩等等嘅甚深行为，就作出咗咁大嘅判断，即使由世间“治学”嘅角度去讲亦都有失偏颇，更何况针对嘅系凡夫难以测知嘅无上密法呢？

如果我哋要考证到底有啲道理适唔适合响佛教？我哋要作一个分析。首先，由考证嘅过程嚟睇，人系以有限嘅手段而得到有限嘅发现，再经过带有个人主观倾向嘅推理而得出某一啲结论。响中间呢三个环节其实都明显存在咗局限性，使到无法准确还原出历史嘅真相，因为一段时间之后，随住实践手段嘅更新、新发现嘅补充啦、推理嘅人思惟定势嘅改变啦，旧有嘅结论呢，就必然会面临被新结论替代嘅命运，而新嘅结论呢，亦都同样会受上便所讲嘅三个局限嘅制约，而又将被更新嘅结论去推翻，现在新被发现嘅人类出现嘅时间正在不断向前推进，生物进化论嘅地位亦都开始动摇，咁样讲唔系最好嘅例证咩？而将考证加之于佛教就更唔合理了。无论借助咩嘢先进嘅仪器，人考证嘅手段归根结底都系通过我哋嘅眼、耳、鼻、舌、身五根去获得相应嘅资料，五根暂时响人界嘅范围之内可以无误咁摄取名言外境，但系对于上界嘅天界或者下面嘅饿鬼界、地狱界等等嘅地方已经系无能为力了，更何况对胜义实相，相对出世间嘅罗汉、菩萨、佛嚟讲，五根所获取嘅实际，其实系错误嘅信息嚟㗎。佛嘅殊胜……（注：接下文）

184.密宗抉疑论（二）

（注：接上文）……佛嘅殊胜妙好嘅报身同远离形相嘅法身同埋佛陀所显现嘅无量神变等等，其实系冇办法用我哋凡夫嘅五根去观察得到嘅。《四十二章经》讲过：“慎勿信汝意，汝意不可信。”众生响未证圣者果位之前，个心被妄识所障蔽。因此所见到嘅呢，都系迷乱，唔足以为凭据，所以必须依靠上师三宝嘅教言去依教奉行。《等持王经》亦都话：“眼耳鼻根非正量，舌身意根亦非量，设使此根为正量，一切圣道有何用？”人嘅第六意识嘅推理其实好大程度都系决定响个人嘅见解、感情倾向等等嘅因素，唔同嘅人或者同一个人响前后唔同嘅时期里便都可能会由同一个根据去推出完全唔同嘅结论嘅现象。而对已经远离咗分别念嘅出世间法，更加当然系如聋如盲、无从下手啦。比如，佛菩萨可以“一身复现刹尘身”，同一个时间之内可以响好多个地方去幻化示现。好似莲华生大师去到西藏之后显现众多嘅事业，唔同嘅众生所见到嘅呢，都系唔同。喺后世发掘出嘅有关莲师传记嘅伏藏之中，记载亦都系好有差异。如果只系能够有一种莲师历史嘅观点去考证研究，响凡夫分别心睇嚟似乎系合理，但系显然同历史唔相符。有人由考证嘅立场出发，竟然提出“龙宫喺咩地方？”嘅荒谬问题。其实，又点能够以现代科技嘅水平去探测尚未足以发现嘅龙宫，去质疑佛经之中有关龙宫嘅论述呢？而且发出咁样嘅疑问，其实已经表明呢类嘅众生对佛宝、法宝、僧宝狐疑不信，故此响归依戒之上已经违犯。简单嚟讲，其实考证呢一样嘢系好难作为评判佛教嘅根本依据。

好，跟住落嚟，我哋去探讨一下有关修习密宗嘅人，佢所需要具备嘅资格。有啲说法嘅人根据佛陀所讲嘅《大宝积经》之中，菩萨摄取生死“非诸声闻缘觉境界”呢一句经文而推导出“八地不动地嘅菩萨以下系仲冇资格去修学密法”嘅结论。其实呢个结论将好多众生都吓怕咗企喺密宗嘅门外。我哋要知道，因为小乘系断生死之后先取涅槃，而大乘密咒见呢，就直观生死轮回嘅本性去证悟本性，要知道一切轮回同涅槃所摄嘅诸法都系因地取舍、无贤劣嘅，所以，呢个见解其实已经远远超越咗声闻嘅境界。以前亦都话有八地以后先可以学密嘅说法，但系八地其实并非系指真正超凡入圣嘅不动地，呢个理论根据嘅来源系自印度圣天论师嘅《明灯论》，响加行道佢所讲嘅暖位、忍位、顶位，世第一法位之中各自安立上中下三地，其实八地即系指中顶位，意思话系到咗嗰个时间呢，先可以相应行使密宗嘅甚深行为，呢个说法智悲光尊者响《功德藏》之中早已经进行咗解释。况且修学密法嘅人亦都并唔系一开始就无取无舍，直接摄取生死，而系相续之中已经产生智慧之后，以智慧嘅深浅相应去摄取生死，未有智慧摄持嘅时候，一切嘅身语意仍然响无欺嘅因果范畴之中，所以学密乘嘅人对小乘嘅别解脱戒或者大乘嘅菩萨戒同样都要特别防护。响西藏嘅地方自从有佛法开始就有静命菩萨等等嘅祖师喺度弘扬密宗嘅同时亦都弘扬显宗嘅经律论三藏，直到现在，西藏地方通达显宗三藏嘅大德仍然到处都可以见到，佢哋对于显宗嘅精通同埋成熟嘅程度远远都超出一般人嘅想象，所以完全系冇必要以怯弱嘅心去远离密宗嘅。

又既然承认密宗只系了义嘅佛法，咁样点解唔承认密续之中佛陀所宣说嘅圣教量呢？普贤如来明确讲明咗密续系为凡夫宣说。《时轮金刚续》之中有六瑜伽嘅修法，全部都系为凡夫地所摄，只系响第六瑜伽修圆满嘅同时，先去超凡入圣证入初地。又喺无上瑜伽之中有相嘅生起次第系佛陀为众生免于堕入六道轮回而宣说嘅修法。初地菩萨其实已经唔需要再修有相嘅生起次第，因为已经圆满具足咗呢啲功德。如果话八地先能够开始学密法，咁密宗之中根本就冇宣说时轮金刚同生起次第嘅必要了，又响密续之中明显建立讲明咗五道十地嘅理论。如果八地之后先能够学密，咁样资粮道、加行道、见道、修道嘅二地到七地又系为边个而安立呢？响密续之中，讲说咗密乘戒律，例如将诽谤上师同金刚同修等等作为根本戒。如果已经系八地菩萨就根本唔可能生起呢一类烦恼，咁点解又要安立戒律呢？密续之中，仲具体讲说咗弟子应该具备嘅法相。如果系八地菩萨已经诸根清净了，又边需要咁繁琐嘅规定呢？弟子如果系八地，咁灌顶上师相当于无疑就要九地菩萨以上，而响密续之中其实关于金刚上师嘅法相根本就冇咁高嘅要求。故此，我谂讲呢番理论嘅人，如果系成就者为咗度化相应嘅弟子可以当为一种权巧嘅示现，自然可以当别论，但系如果自己尚未证悟讲呢番言论，就不免喺后世会堕入地狱，将来自己就会亲自偿还呢个罪业。

有人认为，密法系四归依，响归依三宝之前首先要归依上师，所以咁样做，其实同修学显宗系相违背嘅。依止上师系修学密宗嘅关键。但呢个唔单只系密宗嘅特色，其实就算响显宗之中要取得成就同样都系须要归依师父。因为上师唔系个人，而系将佛法僧三宝总集为一身，佛陀响好多地方都强调咗依止上师嘅规则。譬如《弥勒菩萨请问经》之中话：“当于是人而生佛想、作教师想，亦于是人听受其法。何以故？是人所说，当知皆是一切如来之所宣说。”显宗嘅经论记得都有讲过话：“阿难尊者，请勿忧愁，我将现师相，饶益汝等。”响密宗嘅《二思惟续》里便话：“于后末法五百岁，我将化现上师相，心之中认定为我者，于彼当生敬仰心。”其实我哋唔需要广得灌顶、传承、引导嘅上师，就算仅系得到四句经偈嘅上师我哋都应该诚心去尊敬，否则就有极大嘅过失。喺经中话：“若人闻一偈，不敬上师者，彼转数百犬，后成有痣者。”如果犯咗四堕罪、五无间罪等等嘅大罪，通过密法嘅忏悔就可以消尽，亦都能够成就，但系诽谤上师不但成就无望，亦都必会堕入地狱。响《金刚心庄严续》中讲过：“若人诋毁金刚师，虽弃睡眠远愦闹，精进修持深密法。专心修持一千劫，亦成反修金刚狱。”《密集金刚》亦都话：“世人虽犯无间等，堕落性之种种罪，若已趣入金刚乘，修持此道得成就，一心诋毁上师者，修亦不可得成就。”喺注疏之中讲诋毁上师嘅修行人不但唔可以成就，甚至亲近诋毁上师嘅人嘅朋友亦都唔可以成就。《句义宝藏论》话：“凡诋毁上师者，如何忏悔，亦必堕地狱。对上师发怒一刹那亦有无量过失。”《时轮金刚经》讲：“于师生瞋一刹那，则毁一劫诸善行，数劫堕入地狱等，恶道遭受深痛苦。”所以，我哋要明白，真正咗归依一个，选择咗值得信赖嘅上师就唔好加以诽谤了，呢一点系非常非常之重要嘅。

喺密宗真正嘅上师嚟讲，佢必须具足灌顶传承圆满、戒律清净、精通续部窍诀、修行亦都得到证量嘅境界、诵真言圆满等等嘅条件。但系，现在有啲自称上师连灌顶仪轨亦都唔识就到处传授密法，信徒亦都唔观察，盲目依止师父，犹如盲人骑瞎马，然后再观察上师有冇法相，或者讲说上师嘅各种过失，咁样就造咗无量嘅严重罪业。又有人话：“某某师父就系我灌顶传法嘅上师，而唔系我真正嘅师父，而我真正嘅师父呢，就系我嘅归依师某某。”呢类人显然唔系咁识佛法，既然你已经得到密法，点会有唔归依而得到法理吔？所以，连归依嘅含义都冇搞清楚。

有人亦都话：“吖！无上密法系上等根机人嘅境界，好似以前莲花生大师同埋密勒日巴尊者等等嘅高僧大德先能够证悟嘅深法，现在我哋咁样嘅凡夫劣根又点能够证悟呢？”咁听咗呢段说话，前一段就系正确，但系后一段就完全错误嘞。请问有咩嘢教证根据呢？我哋应该站喺公正嘅立场，依据教理去进行详细嘅观察同思惟，而唔可以随意去下结论，以为密法嘅成就就只有莲师、密勒日巴尊者等等少数嘅几位圣者，只系一知半解，可能佢哋只系读过莲师、密勒日巴嘅传记汉文译本嘅缘故。就好似一位只系读过印光大师传嘅人，就话净土宗只系以前嘅印光大师、弘一律师等等所修嘅法，现在嘅人系唔能够依此修行成就一样可笑。其实一般嘅凡夫只要具有信心，亦都照样能够证悟本性。密宗所要求嘅上根利器唔一定系早已经系成就嘅先天慧根，而系佛教之中共同嘅五根，就系信、精进、念、定、慧，而其中呢，又以信根为主。尤其密宗嘅即身成就，对上师嘅信心系极为重要嘅。响《时轮金刚》教法讲过：“三时多劫中，供养诸三宝，放生百万众，即生不成佛，若于恩师前，起信令到欢喜，即生定获得，共不共成就。”《大威德续》第三品话：“或是愚笨坚信者，彼修近得诸成就。”“上师隐密深窍诀，弟子若无犹豫心，敬称师之胜窍诀，珍爱修持定成就。”又话：“信心佛宝信法宝，信心僧宝信心田，信心上师信心父，信心大道信心舟，信心即是如意宝，信心密咒之悉地，信心福德之圣财，是故修持密咒者，是为自心起信心，应当诚心敬他众。”莲华生大士话：“汝意清净得加持，心若离疑所思成。”萨迦班智达都讲过：“数劫苦修般若行，施舍身首手足等，师道刹那皆圆满，故应乐修事师法。”果仓巴大师亦都讲过：“一生成佛道，不在法殊胜，在于虔诚信。”喺《般若经》之中佛陀开示讲过：“舍利子，言胜义者，唯是正信之所证得。”若具有上品正信，则得上品加持证悟，诸佛菩萨恒时不离而加被。帝洛巴祖师话：“若欲今生获得金刚持，究竟之道即为上师道，究竟恭敬乃为敬上师。”密宗嘅大师嘉扬亲则旺波（注：疑为“蒋扬钦哲旺波”）经常讲：“修密法嘅上根系指信根上等，亦都系话对佛法同上师有坚定不移信心嘅人。”喺《杰珍大圆满》《空行心滴引导文》同《文殊大圆满发愿文》之中亦都有同样嘅论述。而响《大圆满心性休息》《句义宝藏论》等等密宗论著之中亦都强调以精进根为主。如果自己信心具足，纵然系充满咗烦恼嘅凡夫俗子亦都能够以上师同密法嘅不可思议加持力同自己嘅信心增上力嘅因缘聚合而立刻证悟一切诸法嘅本来自性，因缘聚合就必然产生果报啦，咁样嘅因果规律系边个都冇办法否定嘅。

不仅修密法嘅人需要上等嘅信根，其实修显宗净土宗吖，同样都系需要呢种上等根基嘅条件。虽然修净土宗系“万修万人去”，但系如果信根唔具足，咁往生西方极乐净土最起码嘅条件已经失去，依然系生西无门。记得蕅益大师讲过：“往生与否，全凭信愿之有无，品位高低，乃依念佛之深浅。”所以无论修显或者学密，只要具备上等信心，就算凡夫俗子同样都能够成就。如果自己冇正信，咁样修咩法门都系唔会成就啦，好似种子被火燃烧，再唔能够生长绿芽一样嘞。佛经话：“诸无信心人，百法不生起，种子为火烧，绿芽如何生？”呢个人纵然遇到真佛亦都无多大利益，就好似佛陀时代嘅善星比丘、提婆达多等等，同埋现代有啲对上师佛法毫无正信而依然希望求得证果嘅人一样。如果具有正信就证悟好容易嘞，比如中土智者大师对《法华经》起信而顿悟啦。禅宗六祖惠能大师对五祖弘忍嘅《金刚经》嘅极大信心而证悟咗无相嘅法门，而且得到五祖弘忍嘅衣钵，六祖嘅弟子法海又以无比嘅信心而将六祖嘅事迹法语集成《六祖坛经》一样啦。

学密嘅成就并非只系一种古代嘅传讲或者系现代人嘅吹嘘标榜，而系确凿有据嘅事实。有关印度、西藏嘅地方密宗修行人成就嘅实例，其实响好多典籍，比如西藏嘅佛教史（注：书名为《西藏佛教史》）之中都有好详细嘅记述。各位师兄如果有时间可以加以研究一下，咁样必然就会对密宗生起坚定嘅信心。

又有人认为，藏传佛教纯粹系密宗，同汉传、南传嘅佛教完全唔同。咁样讲其实都唔系太正确，可能讲呢啲言论嘅人冇睇过一本正规嘅藏传佛教书籍，或者冇实地去调查就作断语，同事实其实系完全相违。如果稍具知识嘅人，就会知道西藏地方嘅宁玛派、格鲁派、噶举派等等嘅各宗派都系显密并弘嘅，显宗嘅典籍响西藏，佢嘅丰富嘅程度其实都唔会比汉传同南传佛教逊色。响西藏莲花生大师入藏之前就已经迎请咗那烂陀寺嘅显宗大德静命大师去西藏弘扬显宗。响嗰个时候，用因明啦、戒律、俱舍、中观、般若五大部为主嘅大小乘显宗嘅经论弘传就非常之鼎盛。此外呢，响西藏嘅大成就者，麦彭上师、宗喀巴大师等等亦都著述咗大量嘅显宗论著，比如《澄清宝珠论》《菩提道次第广论》等等，又例如无垢光尊者嘅《大圆满心性休息》之中由小乘嘅出离心到大乘嘅菩提心直至密乘嘅大圆满都有极为详细嘅修法引导。能海上师讲过：“显系密嘅显，密系显嘅密。有则双存，无则并遣。若不知显，则不了密之性相，若不知密，则不知显之作用。”所以学习藏传佛教亦都意味住同时学习咗汉传同埋南传嘅佛教，咁样将各宗各派摄为一体而普皆弘扬，无疑就系藏传佛教最鲜明嘅特色之一。

现在世界各地以一己之见去诽谤其他宗派嘅现象屡见不鲜。泰国、斯里兰卡等等地方嘅有宗唔承认大乘经典系佛所说，中国汉地嘅有啲学佛人亦都唔承认密宗，亦都有诽谤、轻慢小乘教法嘅。甚至喺国外亦都有人话《阿弥陀经》系伪经，似乎佢哋嘅智慧已经系超越以前嘅前贤，好似玄奘法师、鸠摩罗什法师等等嘅先贤都唔能够辨别出佛经嘅真伪。唉，其实，造呢啲深重罪业嘅人应该虔诚忏悔，多啲念金刚萨多嘅百字明咒，祈求菩萨令到早日开智消业。

但系又有人走向咗一个极端，认为只有显宗修学圆满之后先能够修学密乘，殊不知显宗修学圆满已经究竟成佛，同修密宗所证得嘅根本系无二无别，已经无须要再借助于密宗嘅方便啦。又比如证悟必须建立响清净戒律嘅基础之上，但系唔意味住只有戒律完全清净之后先有机会去证悟，因为实际上只有证到大乘二地菩萨嘅时候，持戒波罗蜜先得到圆满。其实，经论都有外、内、密意，亦都有一般同特殊嘅用法、总说同别说等等嘅差别，而唔能够仅仅由字面上去判断嘅。

类似呢啲言论都系闻思唔够、见识不广。“牛饮水成乳，蛇饮水成毒，智学成菩提，愚学为生死，如是不了知，斯由少学故。”（注：根据CBETA，“斯由少学故”疑为“斯由少学过”）呢个《华严经》之中所讲嘅。佛对我哋指出嘅修行道路系闻思修，因为既然系众生，内心自然充满嘅只系迷乱嘅分别念，而佛经记录嘅系佛陀嘅智慧，犹如暗夜嘅明灯，照亮我哋成佛嘅路程。现在有人提倡似是而非嘅“专修”，即系只用研读单一嘅某部经论，而唔需要广学多闻，咁样实在唔系明智之举，弥勒菩萨曾经指出，如果唔需要广泛嘅闻思，佛陀就冇必要广转法轮啦。喺《格言宝藏论》之中讲过：“浅学寡闻愚者云：修习不需广学法。若无闻法仅修习，再勤亦成旁生因。”如果只系局限响某部经论之中，修行人就缺少咗圣言量嘅指导，响呢个时候出现种种嘅臆测同杜撰嘅现象就不足为奇，同时好多蛊惑人心嘅外道邪讲亦都可以乘虚而入。呢种专学单一经论嘅方法，其实对有啲人系适合，但系对另一部分嘅人就唔一定有利嘞。

跟住我哋讲一下密咒真言嘅功德。有人话密宗里便嘅咒同埋真言多数都系鬼神嘅名号，所以念密咒时时都会将啲鬼神请嚟，我哋中国话都讲啦：“请神容易就送神难。”将咁多鬼都招嚟，就冇办法将佢哋送走，所以就好麻烦，故此学密嘅人著魔机会就会多了。讲呢番说话嘅人实在缺乏对密宗嘅基本知识。密咒祈祷嘅大部分系佛菩萨，有啲亦都系已经归依咗三宝嘅世间善神，佢哋嘅时时随身护持正系我哋修行人迅速证悟嘅保证，又点会有因为害怕而躲避嘅道理呢？仲有一类咒语就系事业嘅咒语，譬如迎请咒、缘起咒、灌顶咒等等啦。“学密嘅人著魔嘅机会多”，呢个结论又有咩事实根据呢？其实无论学密或者学净，参禅学教，只要修学嘅人见地唔到，执著心深重，都会使到魔得到方便，产生著魔嘅机会，而唔系喺所学嘅边一种法之上。而且恰恰相反就系修学密宗著魔嘅机会就更少，点解呢？因为密宗里便有好多降魔嘅殊胜方便法，每一个仪轨之中都有唔同嘅降魔咒、驱魔咒、止魔咒等等。密法之中仲有佛菩萨变化成金刚橛、马头金刚、大威德金刚等等嘅忿怒本尊护持修行人。即使唔系好高修持嘅人，只系作观想、念心咒，依凭心咒嘅巨大加持力亦都能够遣除邪魔嘅扰乱嘞。当年嘅静命大师去建桑耶寺受到外魔嘅阻挠，以寂静嘅方法无法调伏嘅时候，亦都系迎请密咒大师莲华生大士入西藏之后先能够将外魔收服。密宗呢啲方便就好似一个安全装置将修法嘅人好好咁保护。其实只要我哋修行人真正有正规嘅师承，又如理如法去修习，即使即生唔证悟，亦都能够增加好多世出世间嘅不共功德。我哋响解释甚深嘅显密经论同埋评判其他宗派嘅时候，必须要有教证同理证嘅根据，同埋掌握因明、中观嘅基本推理方法，而唔能够以有一啲人冇信仰嘅民间传说去破斥佛语，否则民间之中有对念佛参禅讲“迷信无智”，系唔系都应该承认呢？咁样就好麻烦啦。萨迦班智达讲过：“没有教理而喜欢辩论，就像没有双手的人喜欢打架，最终还得失败。”喺呢度我恭敬合掌，衷心希望各位千万唔好师心自用，依据自己嘅感觉去评判佛法中嘅事理，不但自己造业，亦都会使到好多唔明白道理嘅无辜信众误入咗舍法、谤佛嘅歧途。

佛陀响显宗之中亦都讲述咗好多密咒不可思议嘅功德，真系难以一一引述，比如《首楞严经》讲过：“若不持咒而坐道场，令其身心远诸魔事，无有是处。”又话：“若未能诵，写于禅堂或戴身，一切诸魔所不能动。”故此所有成就修行人持咒呢个法门无疑系好重要。《观音密藏经》话：“若有受持神咒者，凡有所作，必得成就，唯必深信，不得生疑。”《光明经》亦都话：“十地菩萨，尚以咒护持，又何况凡夫呢？”（注：接下文）

185.密宗抉疑论（三）

（注：接上文）

跟住落嚟，同大家探讨一下密宗同净土嘅关系。有修行人认为密宗同净土水火不容，如果要选学一种就必须要舍弃另外一种。我哋要知道，其实密宗之中亦都同样包含咗净土嘅。喺法王如意宝嘅《文殊大圆满》、无垢光尊者嘅《四心滴》等等众多嘅大圆满法之中呢，都有具体嘅往生极乐世界嘅修法，密宗之中仲有破瓦捷径嘅往生法。响伏藏大师列绕朗巴等等嘅大成就者嘅著作之中就有好多唔同种类嘅净土灌顶同修法仪轨，噶举派嘅恰美上师，好多密宗成就者临终嘅时候佢哋都系往生去极乐净土。红教宁玛派大祖师麦彭上师佢做咗一部《净土教言》，系专门去论述极乐世界嘅殊胜，劝导世人往生极乐。黄教宗喀巴大师、恰美上师同埋麦彭上师都做咗极乐愿文。又比如法王如意宝晋美彭措上师显密并弘，平时佢都一再强调弟子发愿去往生西方极乐世界，并以自己发愿往生而为表率。法王指出修密法嘅人必须同时要兼修净土，修大圆满嘅人应该响大圆满嘅基础之上往生去西方，既可确保往生，了生脱死，同时亦都可以获得极高嘅品位。法王亦都倡导每一位弟子念满一百万嘅阿弥陀佛名号同三十万遍阿弥陀佛心咒，对圆满呢两个数目嘅弟子，法王以佢嘅加持力保证弟子能够即生往生去西方极乐世界。如果我哋各宗各派嘅弘法大德都能够圆融显密，不分彼此，唔将佛陀嘅法去割裂，咁实在系太好了！以前嘅大德，比如诺那上师讲过：“修任何嘅本尊，都必须兼修西方净土。”贡噶活佛亦都讲过：“往生极乐世界即系密宗嘅即身成佛。”呢句嘅密意系好重要，讲明咗显宗嘅往生净土其实同密宗嘅即身成佛系互不相违嘅。近代高僧圆瑛老法师亦都话：“密净兼修好，万修万人去。”

有啲修行人喺弘扬净土宗嘅同时对密宗亦都有轻毁，甚至话好多愚昧嘅人被密宗呃咗。咁样讲不但诽谤咗宣说密法嘅佛陀同无量嘅密续，亦都诽谤咗由极喜金刚到莲华生大士、密勒日巴尊者以至于宗喀巴大师等等嘅传承嘅所有大成就者。喺《无量寿经》之中指出，往生极乐嘅条件系好重要，要注意呢八个字，系咩嘢呢？“唯除五逆，诽谤正法。”诽谤正法嘅人系无缘往生极乐，咁样弘扬佛法呢，无疑系将人引向净土定系引向地狱呢？希望讲呢啲说法嘅人要小心，唔好自误误人。

跟住落嚟再讲即身成佛。曾经听过一个论调：显宗最利根嘅修行人都须要经过三大嘅阿僧祇劫先能够修行去成就佛果，但系密宗就宣说能够即身成就，显然好似唔相应，因为两者观点相差都好悬殊。之所以产生呢种疑惑，实际上系冇了知如来嘅密意而造成。释尊为咗度化唔同根基嘅众生宣说咗种种法门。粗略咁去睇，似乎觉得系有相违背嘅地方。比如有啲经典话“有我”，有啲经典又讲“冇补特伽罗嘅我”，有啲话“涅槃诸法就系空性”，有啲话“如来藏成实不空”，呢啲等等嘅例子。但系只要真正具有正规传承或者经过长期闻思修嘅修行人呢，就可以知道不但呢啲道理互不矛盾，而且隐含有极大嘅密意。佛响《解脱经》之中讲过，所谓嘅无数大劫，即系阿僧祇劫啦，系以众生无量嘅界、根、信解唔同嚟讲嘅。《金刚顶五种密经》亦都话：“于显教修行，需经三大阿僧祇劫，然后证果。若依密教，则由加持威力故，于须臾顷，当证无量三昧耶，无量陀罗尼门。”一般嘅众生，成佛须要经过三大无数劫，如果特别利根嘅人或者具足善巧方便就可以极快成就。比如坐火车由一笪地方到另外一笪地方需要两日两夜，但系如果我哋搭飞机呢，只需要两个钟头就可以到达。我哋唔可能因为极大多数嘅人坐火车而否定有人坐飞机可以快速到达嘅可能性。同样因为众生之中有唔同因缘嘅聚合，有啲钝根嘅人需要长时间去修证，但系亦都有啲利根嘅人仅凭自己对上师三宝嘅信心同通过修持了义嘅教法而疾速成佛。呢啲论据其实有佛陀亲口宣说嘅好多经典嚟作为证明，比如响《普措续》之中话：“人天诸众异根基，有为天生利根者，有为修学之根基。”《等合续》中亦云：“众生有本来的利根和其余根基。”显宗经论之中对呢啲地方亦都有所明说。《解深密经》讲过：“有者自性利根众，有者钝根而安住。”《俱舍论》话：“有者天生之种姓，有者修学而成也。”上根利智啫系指信根嘅精进根嘅力量具足，呢个道理响前面已经讲过了。显宗了义嘅经典亦都明示利根嘅人唔一定经过三大阿僧祇劫先可以成就。所以可以见得到，即生成就嘅捷径大道响显宗之中其实都系承认，只系显宗并冇讲法去宣说即身成就嘅法门。《大密方便经》之中话：“证一地后，若欲成就者，七日便能成佛。”《楞严经》话：“不历僧祇获法身。”《摩诃止观》话：“利根者圆教下一生顿超十地。”达摩祖师喺《破相论》之中将三大阿僧祇劫解释为“三大恒沙毒恶之心”。《宗镜录》亦都话：“一念成佛。”《法华经·法师品》话：“须臾闻之，即得究竟阿耨多罗三藐三菩提。”《法华经·提婆达多品》之中讲八岁嘅龙女因为献上宝珠刹那间就已经成佛，圆满相好，并且立即前往去南方无垢世界坐上宝座之上为众生说法。《顿悟入道要门论》话：“若悟道，现前身便解脱。”另外，释迦牟尼佛在世嘅时候，有一位老人，佛讲述佢八万劫前身为樵夫，响山上斩柴，见到一只老虎，当时老人好惊慌，于是佢心之中随口喊出一句“南无佛！”由于呢个善因，樵夫就响佛世时候出家，而且仲证得罗汉果位添！无垢光尊者响《如意宝藏论》之中指出以不净心见到佛像亦都系证菩提之因，《法华经》之中亦讲过：“若人散乱心，入于塔庙之中，一称南无佛，皆共成佛道。”又讲：“或以欢喜心，歌咏颂佛德，乃至一小音，皆已成佛道。”（注：根据CBETA，“歌咏颂佛德”疑为“歌呗颂佛德”）由此可见，以散乱心念佛颂佛亦都能够得到咁殊胜嘅加持，咁样如果以一心一意去修持无上密法，点解唔能够迅速成就呢？又有人认为，密宗嘅即身成佛所成就嘅佛只系罗汉嘅果位，但系，只要稍微涉足密续就可以知道咁样讲系唔啱嘅。响密宗旧译派嘅九乘佛法、新译派嘅六乘佛法之中，声闻、缘觉、罗汉都喺最初嘅外三乘之内，而且罗汉只证到“人无我”嘅空性，对“法我”尚有执著，对究竟嘅光明更加系如聋如盲，但系密乘最终所证嘅已经系觉空无别嘅佛陀境界。讲呢啲说话嘅人其实连大小乘嘅基道果都分唔清楚，仲同人讲经说法。如果只追求自己嘅解脱，专学一门或者可以成功，但系如果要收摄弟子，就必须要广学多闻了，先能够调化唔同根基嘅众多有情。

大部分嘅众生须要经过三大阿僧祇劫成佛，利根嘅人短短嘅时间之内就可以成佛，呢啲都系佛为唔同根基嘅人而宣说嘅法，我哋都应该承认。须要再三强调嘅系，当我哋响遇到观点唔同嘅佛经论典嘅时候，千万唔好以一己嘅私见对自己唔太理解嘅嗰一部分就贸然断定为非理。如果立为非理或者断定系邪道，咁必须就要有真实嘅教证同埋理证。有人偏激话：学密就系即身堕地狱。呢句说话出自学佛人嘅口，实在令到人痛心。即身成就，系佛陀亲口宣说，亦都由众多嘅高僧大德所亲证嘅事实。一个既然系相信因果嘅人，点能够对无上密法信口雌黄呢？如果破咗密乘戒，即使系身堕地狱都系无法挽回。但系显宗之中亦一样，如果犯咗谤法、五无间罪，除非发心改过，猛力忏悔，否则仲系响临终都会堕入地狱。

密宗嘅即生成就系佛嘅教言，净土宗嘅即生往生亦都系佛嘅教言。如果系真嘅佛教徒，点能够对佛教嘅教言要作一取一舍呢？佛陀响《楞严经》中话：“末法时代，邪师说法如恒河沙。”陈那论师亦都话：“邪道极无边，一一难破尽。”如果凭自己感觉测度圣意去建立一家学说，就难免响因果上自招过愆了。

有人话：密宗将烦恼宣说做智慧，五毒讲做五智，所以冇办法被显宗所接受。如果咁样讲其实都系未领会到“烦恼即系智慧”嘅深意。喺《大圆满心性休息》之中，明确指出“烦恼嘅本性就系智慧”。咁样嘅说法并唔系密宗所独有嘅见解，响显宗之中亦都同样可以揾出类似嘅教证。《文殊遊舞经》话：“诸烦恼为菩提金刚之基。”《文殊幻化经》话：“非除轮回而修涅槃，是缘轮回即是涅槃。”龙树菩萨响《中论》之中亦都话：“轮回同涅槃无有稍许差别。”《无垢称经》话：“诸烦恼即是善逝舍利。”《六祖坛经》讲：“烦恼即是菩提。”《摄乘论》讲：“若见诸大方便者，烦恼即成菩提支。”《大方广佛华严经》讲过：“吾与一切佛，自性平等住，不住亦无取，彼等成善逝，色受想行识，无数善逝众，彼成大能仁。”《摩诃止观》话：“若达诸恶非恶，皆是实相，即生于非道，通达佛道。”《无行经》话：“贪欲即是道，恚痴亦如是，如是三法之中，具一切佛法，若人离贪欲，而更求菩提，譬如天与地，贪欲即菩提。”《维摩诘所说经》讲过：“为增上慢，说离淫怒痴，名为解脱；无增上慢者，说淫怒痴性，即是解脱……一切尘劳，即如来种。”密宗系建立响显宗嘅基础之上，亦都将显宗隐含嘅最了义观点加以明显宣说，同显宗其实系冇冲突。如果上述密宗之中嘅“烦恼即菩提”“轮回同涅槃平等”嘅道理唔能够成立，咁显宗之中类似嘅观点又应该点样去解释呢？

密宗里便嘅“众生即佛”嘅见地亦都系直接由胜义实相而作嘅宣说。如果从外相上嚟讲，当然众生仍然系众生，被烦恼障同所知障所蔽，同佛陀系有别啦。好似《喜金刚续》话：“诸众生为佛，然被客尘遮。”《时轮金刚经》讲：“诸众即是佛，于此世间中，余无大正觉。”《瑜伽母续》讲：“此等众生五佛性，如现舞者及画师等。”《圆觉经》话：“此之众生，本来成佛，生死涅槃，犹如昨梦。”《维摩诘所说经》话：“一切众生即菩提相，不可复得……即涅槃相，不可复灭。”《圆觉经》再讲：“善男子，一切障碍，即究竟觉；得念失念，无非解脱；成法破法，皆名涅槃；智慧愚痴，通为般若；菩萨外道，所成就法，同是菩提；无明真如，无异境界；诸戒定慧，及淫怒痴，俱是梵行；众生国土，同一法性；地狱天宫，皆为净土；有性无性，齐成佛道；一切烦恼，毕竟解脱；法界海慧，照了诸相，犹如虚空，此名如来随顺觉性。”所以话，引证咁多经典，显密嘅见解响究竟上其实系并不矛盾嘅。

有人认为，密宗里便嘅“双运”同“降伏”同显宗嘅道理系大相违背，令到人冇办法理解同接受。其实，大凡系冇依止过具德善知识或者未广泛学习过佛法嘅人，难免对佛教之中好多观感感到无法理解。比如从来未学过“中观”嘅人睇到《心经》之中嘅语句“色不异空，空不异色，色即是空，空即是色”嘅时候，会对“空”同“色”呢种关系感到矛盾。但系如果已经通达经论嘅人就知道，不但呢种论据并不矛盾，亦都揭示咗诸法极为深奥嘅本性。同样，从未修学过密法嘅人对“双运”同“降伏”产生疑惑亦都实属自然，但系明智嘅人只要坚信佛陀圣言量嘅正确性，了知呢啲行为虽然为自己嘅分别念去理解，但系必然系有殊胜真实嘅含义，咁样做自然可以避免谤法嘅无边罪业。实际上，密宗嘅“双运”同埋“降伏”并唔系一般凡夫嘅淫乐同杀生嘅行为，佛菩萨早已经断除咗呢类习气，但系响度化众生之中，有必要嘅时候亦都会本住无贪嘅心而示现贪欲相，本住无瞋嘅心而示现愤怒相。例如显宗嘅《父子相会经》讲过：“虽无贪欲现贪相，虽无瞋恚现怒相，本无愚痴现痴相。”又话：“彼等幻变种种身，调伏一切诸有情。”因此，见到密宗嘅双运佛像或者双运嘅修法时候，唔好生起贪瞋痴嘅烦恼，亦都唔好生起邪见，因为“双运”嘅真实含义系指“乐空无二”或“智慧方便无别”咁嘅意思。同样，降伏亦都唔系恶劣嘅杀生手段，而系瑜伽士以无上嘅大悲心去调化业力深重嘅有情，一种殊胜嘅方便法门。

记得世尊释迦牟尼佛响因地嘅时候，曾经做过一位叫做其吾嘎玛嘅婆罗门，婆罗门已经出咗家，修持梵行多年。后来佢进城，有一个商人嘅女对婆罗门生起咗贪爱，差唔多要死。由于呢个缘故，婆罗门就生起咗极大嘅悲心，于是就舍戒同商人个女结婚。由于呢个功德，婆罗门就顷刻圆满咗四万大劫嘅修行资粮。又世尊曾经做过大悲嘅商主，响嗰个时候商主同五百个商人一齐乘船入海去取宝，后嚟天神就话比啲商人听，有一个人要杀死五百个商人，商主就思惟，其余商人都已经系不退菩萨了，如果嗰个人嘅杀业成功就必会堕入无间地狱。由此，商主就发起大悲心，宁可自己下地狱而去杀死咗嗰个图谋不轨嘅人。亦都由于呢个缘故，商主就圆满咗八万大劫嘅资粮功德。

所以，小乘之中根本重罪嘅杀生同埋淫业，只要系由大乘嘅大悲心或者由密乘嘅大智慧去摄持，亦都可以成为积累资粮嘅殊胜方便。密法有以方便法去借助空行母而成就，亦都有直接依解脱道而成就，无论方便道定系解脱道，其实都系无上嘅成佛妙法。所以，应该要注意唔好因为一时误听他人错误嘅言论而诽谤咗正法，只要一分钟嘅时间，就造下谤法嘅口业，将来招致无量劫地狱之中嘅痛苦。犹如俗语所谓“度日如年”，的确地狱中嘅一日就等同于我哋人间嘅万万千年、万年、亿万年，到时即使再多嘅弟子眷属亦都难以救拔了。如果以教理去对照，我哋会发现咗错处，犹如弘一大师咁样及时忏悔，亦都仍然不失为合格嘅佛弟子，大家亦都会深感随喜，共同光大佛教。佛经中讲过，从来唔犯过失嘅人就系高举佛教幢幡嘅人，如果犯而知道忏悔嘅人呢，亦都系能够摧毁魔嘅幢幡，但系犯错而唔去改过，就系举高魔嘅幢幡了。如果修行人发心清净，确立依据教证、理证嘅标准，咁佛理自然就会越辩越明，但系如果唯恐损害自己嘅名闻利养，唯恐自己脸上无光，唔以理智去抉择，因辩论而生起咗瞋恨心，咁就离开真道好远了。

跟住落嚟，我哋讲到密宗嘅行为同小乘嘅戒嘅关系。有人都讲，认为西藏地区嘅修行人喺别解脱戒嘅守持方面系唔清净，呢种观念实在都有好大嘅误会。西藏嘅地方虽然密法兴盛，但系出家人佢所行持嘅主要都系清净嘅小乘戒律，响明朗上师嘅开示曾经讲过：“如果能够食毒唔至于中毒，就可以行持密宗嘅行为。”无论边一种续部同论典，都冇对凡夫俗子开许能够行双运、降伏、饮酒等等嘅方法。《时轮金刚经》都讲：“凡夫嘅人唔能够作瑜伽士嘅行为，而瑜伽士亦都唔能够做大成就者嘅行为，而大成就者呢，亦都唔能够做佛陀嘅行为。”莲华生大师为我哋作咗极好嘅教言，佢话：“见解之高犹如虚空，但系呢，取舍因果就当如细粉吖。”如果冇相应证悟嘅凡夫亦都行持高深密宗嘅行为，佢嘅结果最后只有堕落。

学密宗嘅人之中，如果出现冇证悟，但系平日又渴望有家室嘅僧人，应该要知道呢啲人系冇如理行持，而唔系密法嘅过失。呢个现象响显宗之中同样都唔可以避免，我哋唔应该将人嘅过失加喺法之上。《弥勒请问经》讲过：“不以憎嫉人故而憎嫉于法，不以人过失故而于法生过，不以于人怨故而于法生怨。”

显密圆融，无疑系成佛嘅根本捷径。莲华生大师教诫开示话：“外面行为依小乘经部道，此有细致取舍因果嘅必要；内行为依无上密咒道，此有生起次第与圆满次第双运嘅必要，密行为就要依大密大圆满法嘞，此有即生成就虹身嘅必要。”以莲师讲嘅呢个教证，就可以知道密宗系并冇话学密就唔需要守持小乘嘅戒律，密宗嘅修行人，乃至成就之前，都会分别受持比丘、比丘尼、沙弥、沙弥尼或者居士等等嘅戒律。如果已经证得成就，就可以作出各种方便嘅示现。莲华生大师响有啲众生嘅面前显现小乘嘅比丘相，但系喺有啲众生嘅面前呢，就显现密嘅乘瑜伽师相。不丹嘅国师嘉扬钦哲上师喺出家之后又娶咗空行母，一生佢显现咗极大嘅事业同成就。龙树菩萨嘅上师萨饶哈娶咗空行母之后，佢话今日以前仲唔系比丘，但系今日起就正式成为比丘，然后就同龙树菩萨传咗比丘戒。白教嘅帝洛巴祖师系一位乞丐，但系佢时常去食活鱼，不过佢嘅修持成就就相当之大了。布瓦巴祖师饮酒不醉，而且饮酒之后又由佢嘅手指尖将啲酒流番出嚟。大成就者大译师饶在娶咗空行母之后，传咗比丘戒，亦都做种种梵行。咁睇番我哋显宗，同样根据《五灯会元》等等嘅好多禅宗典籍记载，例如汉地禅宗二祖慧可大师晚年经常去酒肆、去屠场，有人就唔了解，二祖就话：“我自调心，何关汝事呢？”后来响禅宗里便亦都有禅师经常去妓院调化众生，又比如赵州禅师唔喜欢听“佛”字啦，南泉斩猫、丹霞烧佛等等都系一般人以浅显嘅见解好难接受嘅行为。又根据《晋书》等等嘅史料记载，响历史上，鸠摩……（注：接下文）

186.密宗抉疑论（四）

（注：接上文）……鸠摩罗什大师响晚年嘅时候，佢另辟居所，置有妻室，但系佢座下嘅弟子，有啲人就想仿效了。一日，大师上堂手持一碗，碗里便装满咗密密麻麻嘅细针，大师就对弟子话：“有边个能够好似我一样将啲针吞晒落肚，就可以学我嘅行为。”于是，说时迟那时快，鸠摩罗什大师就将啲针全部吞晒落肚，但系后来佢又将啲针一支一支咁由佢身上嘅毛孔使番出嚟，于是各个弟子就非常折服大师嘅德行。又譬如我哋近代嘅金山活佛啦，佢行为虽然系诡异，但系时常现出神通救世济人，就受到好多大德嘅推祟嘞。其实，如果修持能够有佛菩萨嘅证量，佛菩萨佢哋行双运、降伏等等，因为以智慧摄持，所以就唔会成为障碍，就算酒饮得再多亦都唔会对神智有丝毫嘅影响，但系我哋凡夫就唔能够简单咁去仿效。好简单一个例子，比如孔雀，佢越食毒物，佢嘅羽毛反而更加鲜艳，但系如果乌鸦食毒，无疑只会丧失自己嘅性命。

再落嚟，我哋讲到密宗嘅灌顶问题。有人话：如果真系能够摸摸个头就可以得度，当初佛陀又何必讲经讲法呢？四十九年嘅说法系好辛苦嘅，佛陀佢老人家如果同人能够摸摸头岂不是轻松省事？能够令到人证悟，所以叫人唔好迷信，唔好被密宗欺骗咗。讲得冇错，佛陀度化众生的确有无量个方便法门，摸头灌顶就系其中一种啦，佛经之中经常可以见到佛陀同佢嘅弟子摩顶嘅例子。《华严经》之中善财童子响参访文殊师利菩萨嘅时候，嗰个时候文殊师利菩萨遥伸右臂，过一百一十由旬去按住善财菩萨嘅顶。《妙法莲华经‧嘱累品》讲：“释迦牟尼佛从法座起，现大神力，以右手摩无量菩萨摩诃萨顶。”《首楞严经》讲，亦都有好多地方讲到摩顶加持嘅记载，譬如喺阿难遇到摩登伽女即将破戒嘅时候，佛陀敕文殊师利菩萨持楞严神咒将两个人带到佛前，喺嗰个时候世尊喺大众之中，舒出金色嘅手臂摩阿难尊者嘅顶，亦都开演咗《大佛顶首楞严经》嘅三摩地，然后又喺狮子座上再摩阿难嘅顶，到第七日，十方如来一时出现，镜交光处，承佛摩顶。《首楞严经》亦都话：“十方如来持此咒心，能于十方摩顶授记。”记得宣化上人响解释摩顶嘅时候话：“摩顶响佛教里便系表示慈悲同埋爱护嘅意思，并且能够使到众生消除魔障。”上师嘅身体有无量嘅坛城同空行嘅护法，摩顶系帮弟子加持嘅一种方式，喺历史上就曾经有具足信心嘅弟子合掌祈求上师摩顶而开悟嘅事例，好似麦彭上师就系通过佢个上师嘉样钦哲旺波嘅摸头而证悟。亦都有啲精神病患者通过有修证嘅人摩顶而得到霍然痊愈嘅事例。我哋要知道如果广泛提倡只念一句佛号，咁佛陀说咁多法其实系咪冇必要呢？佛陀老人家佢帮众生念一念佛号真系轻松省事，四十九年，你要知道世尊说法系几辛苦，佢讲咁多法都系为一切众生，其实念佛、摩顶都系度众生嘅方便法。灌顶系密宗嘅一种最殊胜嘅仪式，喺《大幻化网总说光明藏论》之中讲过：“依甚深之密咒灌顶仪轨，即能驱散或洗净弟子之三门及平等俱之诸障垢，于自相续中注入或种植能显现智慧之力，并令成熟四金刚也。”喺历史上都有记载，佛陀世尊曾经同恩扎布德国王灌顶之后，国王立即证悟本性获得佛位。其实灌顶响显宗之中亦都好多例证屡见不鲜，例如《十地经》之中话十地菩萨最后获得十方诸佛嘅大光明灌顶而证得正等正觉。《集密意经》亦都讲过：“若证佛陀之密意，复次明示于他众，此乃一切胜灌顶，彼得三有诸灌顶。”《大乘无量寿经》喺开篇介绍与会嘅十六大菩萨嘅功德时候亦都有“升灌顶阶，授菩提记”嘅说法。《楞伽经》话：“一切佛刹，所有如来，皆舒其手，如转轮王子灌顶之法而灌其顶，超佛子地获自证法，成就如来自证法身。”如果只系听到灌顶嘅字眼就心怀不悦，其实未免做下咗舍法罪，而且亦都好难得到解脱嘅。

随住密法响汉地嘅逐渐兴起同埋唯利是图之风亦都逐渐蔓延，不少人将致富成名嘅眼光转到去无上密宗，喺社会上借助密宗而谋利嘅现象层出不穷。有人从来未得到过任何灌顶，亦都未依止过金刚上师，而只系搜罗一啲密法嘅书籍，去研究考证嘅方式编写密法书籍，响书里便嘅内容亦多数系密宗嘅不共极密修法，亦都公开出版，使到成千上万从未归依佛法嘅人用嚟教授众生，亦都能够轻易得到一本，呢种泄密嘅罪过，其实有边个能够承当吖？本嚟密法嘅一切历史同埋教理原本系冇任何嘅秘密，人人都可以学习，但系密法嘅不共甚深见解、行为、修法等等，只有获得咗金刚上师嘅四种灌顶、圆满咗修完加行，而且对密乘具有不共信心嘅弟子先能够听闻，除此之外其他人系唔能够随意宣说。其实一般人只系睇书亦都唔能够得到成就，因为修密法必须得到上师嘅教授同埋窍诀，否则好似睇小说咁样，又点能够证悟无上菩提呢？又有不少借密宗之名嘅人教授气功，其实佢哋系追名逐利，亦都有好多人不择手段去抬高自己个身价，吹嘘佢个修证己经系超越咗佛菩萨嘅无上智慧，咁样讲真系邪说无边、罪业无尽。

现在好多地方去建设佛教嘅景观，借以招揽游客己经成为一股风气。其中有按佛教规定而建造，亦都有存在好多急功近利嘅人将啲佛教景观草草营建嘅例子，结果所表现出嚟嘅己经同佛教嘅观点完全违背。其实响佛教之中，对塑造佛像嘅严格尺寸比例都系有一定嘅要求，显宗同密宗都有呢方面嘅专门经续去讲，所以千祈唔好马虎去乱造佛像。如果要介绍一件事物，首先必须了解事物嘅本身，尤其系介绍博大精深嘅密宗，必须求教密宗典籍同埋如法修持密宗嘅人，而唔应该凭自我嘅想象或者依靠嗰啲外行人嘅评论，否则难免漏洞百出，同事实唔相符。所有嘅密续同埋历代传承祖师都从未讲过密宗系祟尚性欲同埋对生殖器嘅祟拜，但系恰恰相反，呢啲庸俗嘅世间执著正系学密嘅人必须以无上嘅方便加以对治同埋净化，否则耽著于其中又点能够生起修道嘅功德，证得无上嘅佛果呢？所以每个学密宗嘅人都应该要知道呢个道理。佛教系神圣，佛像系圣洁，如果借佛像敛财嘅做法必然会受到遣责嘅。

随住西方文明嘅东进同埋大众对传统文化嘅修养不足，有不少人将佛教等同于迷信看待，其实即使由西方哲学嚟睇，佛教都系一门深奥莫测嘅学问。黑格尔嘅辩证思想、心理学大师弗洛伊德嘅精神分析学说，其实都己经受到咗佛法嘅影响。恩格斯曾经讲过：“人类到咗释迦牟尼佛嘅时代，辩证思惟就得以成熟。”由此亦都可以见到佛教嘅真正智慧。

密乘嘅见解以直接、详细、广大嘅方式将诸法实相和盘托出，而且喺具体修行上亦都增加咗显宗所不具嘅众多方便。喺《诸天积聚续》之中话：“五浊越炽盛，时代越趋末法，无上密法嘅加持就越强烈了。”噶托度达上师讲过：“五浊黑暗越深之时，莲师加持之月越明。”喺众多嘅续部、论部同各大德嘅教言都曾经讲过：末法时期，众生烦恼炽盛嘅时候，其余八乘，即系外三乘——声闻、缘觉、菩萨乘；内三乘——事部、行部、瑜伽部，同埋密三乘之中嘅玛哈瑜伽同阿努瑜伽，已经系无能力去将众生调伏，唯有九乘之巅嘅无上密法大圆满法先能够调伏众生。喺《忠言心之明点》之中话五浊黑暗极为深重嘅末法时代，前八乘犹如星光，好难遣除众生嘅烦恼，而大圆满就好似丽日中天，最善于对治众生嘅烦恼。我哋通过自己嘅修行实践亦都可以知道，当烦恼生起嘅时候，其他好多对治法系唔能够直接断除，而以密法嘅最深窍诀，系无须勤作，直观自己心嘅本性，一切嘅烦恼顷刻就消散响法界之中，而呢啲殊胜窍诀亦只有对上师生起正信嘅人先能够运用自如。进入密乘之后，只要自己冇退失信心，亦都严持密乘嘅戒律，纵然今生系冇办法证悟实相，但系由于听闻加持嘅力量亦都可以尽快成就。无垢光尊者讲过：“若男若女己入此胜密，并获得传承教言，虽其未证悟，然以听闻之功德力，决定速疾解脱，因彼相遇无上果法之故。”喺《日月吻合续》之中话：“学密利根者即生成就，中根者中阴，下根者来世幻化界得解脱。”确确实实喺密宗里便有见解脱、闻解脱等等一般凡夫所无法想象嘅众多方便加持法，所以莲花生大士亦都话：“现见画物即成佛，身触彼者即成佛，听闻彼声即成佛。”甚至旁生听闻咗密法亦都照样能得到成就。密宗嘅祖师极喜金刚讲：“若仅听受此密法，七世之前定解脱。”

又有人认识到密法嘅殊胜之后，对自己系咪有福报同缘份去修学无上嘅密法产生咗疑惧，其实呢个问题系完全属于冇必要嘅非理犹豫。喺《胜乘宝藏论》之中己经对呢个问题作咗明确嘅答复，佢话：“凡系相遇无上极密乘嘅人，喺往昔必定己经供养过无数佛陀，亦都成为普贤王如来嘅眷属。”故此，己经受到最无上灌顶嘅人必定己经系有殊胜嘅宿业因缘，应该对自己生起坚定嘅自信心，今生认真修学无上密法就能够迅速证果，早日完成度生嘅大愿。总之，宗喀巴大师曾经讲过：“若知异宗无相违，一切经论知窍诀，则易证悟佛密意。”普愿天下嘅有情，都能够往生去阿弥陀佛嘅极乐世界，同趋无上嘅菩提。

以上所作嘅论述，并非系出自破斥其他宗派嘅心，而系实际真正想帮助有缘人更加能够明白密法，并且能够澄清密宗嘅一啲误解，依据教理嘅辩证系佛教拨开迷雾、遣除疑惑嘅殊胜方便。诸佛为咗度化根器意乐唔同嘅无量众生，宣说咗种种嘅甘露妙法，密宗就系响显宗基础之上具有不共同殊胜方便，由果起修，即身成就嘅法门。近年嚟，入西藏学密嘅人日渐增多，唔少人匆匆忙忙去求灌顶、去听法，但系对密宗缺乏咗基本嘅了解同观察，所以就会存在咗好大嘅盲目性同危险性。

其实要入密乘，首先须要对佛教有坚定不退嘅信仰，更加须要对密法同金刚上师具有特殊嘅信心，如果能够具备呢两个条件，就有资格进入密乘。进入密乘嘅标志就系接受咗密宗嘅灌顶，而未得灌顶嘅人系无权修学密法，呢个同别解脱戒同菩萨戒唔同嘅系密乘戒系并无单独嘅受戒形式，响灌顶嘅同时就己经得到咗密乘戒嘅戒体，而且己经圆满具足咗归依戒、别解脱戒同菩萨戒了。

密乘嘅戒条细分真系有成千上万，但系主要可以归纳为大幻化网五条根本戒，呢五条根本戒系咩呢？第一，就系不舍无上，即系不舍密宗甚深无二嘅教法；第二，就系恭敬上师；第三，系不间断修持本尊同埋念本尊嘅心咒真言；第四，要以慈悲心去对待同坛灌顶嘅金刚同修；第五，密宗甚深嘅见解同行为唔可以向外间泄漏。呢五条之中最重要嘅其实都系不舍密法同埋上师。

进入咗密乘之后，无论有冇生起信心都永远唔能够舍弃密法同埋上师，如果舍弃就会堕落金刚地狱。而金刚地狱其实并非显宗所讲嘅无间地狱，根据《萨扎续》话：“呢个金刚地狱受苦十亿劫，如果对密宗里便唔同修法，例如降伏、双运等等无法理解，其实亦都唔可能轻率咁作出诽谤，应该要知道有甚深嘅密意，要等待自己能够广学经续之后就能够了解呢个密意嘅殊胜了。”有人认为，学密之后唔能够再学显宗，亦都唔能够再念佛、学净土，学咗红教之后又唔能够再修其他，好似黄教或者其他教派嘅法门。但系我哋要知道佛教各宗各派都系出自佛陀个本怀，本不相违，如果受咗红教灌顶之后，其实原先显宗同黄教等等嘅功课可以照样进行嘅。

古今藏汉嘅通人证士、圣人贤者，对各种法门，佢哋所持嘅不偏袒见解同埋兼收并蓄嘅行为，实在系我哋当今后学应该要效法。各派嘅教法本嚟系无差异，但系如果以我哋凡夫嘅分别心去睇呢，都系有区别，其实都系好自然。但系如果其他宗派同自己嘅想法系稍为有唔同嘅时候，就唔可以轻易去诽谤嘞，因为凡夫唔能够直接衡量诸佛菩萨深奥善说嘅义理。《胜乐金刚续》话：“众生根基既无边，如来幻化亦无边，若于自宗不相同，即时不能作诽谤，应当发愿将来知。”《神变经》话：“嗟，如来子，为成熟诸有情。如来现示众多方便，依众生种种根基而说法，有众生以菩萨能调伏，有以声闻，有以缘觉，有以天人，有以龙王，有以神变，有以国王，有以禅定，有以闻法，有以神通能调伏。”《大方广佛华严经》讲过：“善逝幻变既无量，为调伏一切有情众，现示彼色形色等。”《父子相会经》亦话：“如来显现魔王形象救渡众生。”所以诸佛菩萨嘅化身系无量无边，我哋凡夫唔能够了知，故此我哋喺一切时，我哋个心应当观自心清净。

因为现在时逢末世，违背圣教不乏其人，比如响西藏有人以似是而非嘅说法去妄说中土嘅教法系假嘅。请问讲呢啲话嘅人有冇读过禅宗各传承大德嘅著作同埋唐代三大译师所译嘅珍贵经典呢？如果冇，就成咗毫无根据嘅诽谤。同呢个道理相反，有啲持偏执嘅见解话藏传密教并非纯正嘅佛法，唔可以修。我忠告各位，首先应该闻思通达深广如海嘅藏密前译十八大续经等等嘅教藏，唔系对所有密续经典一无所知就作轻率嘅说话，做出诽谤密法嘅罪业。所以学道嘅时候，对所有各宗派嘅如来教法同埋证法生起真实无伪嘅信心而观清净，呢一点系极为重要。相反，如果自己系缺少呢方面嘅细微理智而增上傲慢，贪执自己嘅宗派，去瞋恚其人所学嘅宗派，彼此之间互为嫉妒、显露痴暗，去诋毁圣法造无边嘅罪，最后都系唯有堕入金刚地狱，所以一定要谨慎。《宝性论》话：“何者依止恶友瞋恚佛，杀害父母罗汉破僧合，彼若思惟法性必解脱，何人意瞋圣法无解脱。”《日藏经》话：“宁可吾身碎，不应谤善法。”《月灯经》话：“若于赡部洲，毁坏所有塔，何人诽谤法，此过较其大。若于恒沙数，杀害阿罗汉，何人诽谤法，此过较其大。”《般若八千颂》亦讲过：“造五无间罪，不及谤法像。”所以我哋作为佛教徒，纵然无力承办弘法利生嘅广大事业，但系都唔可以故意摧毁诽谤释迦如来传下嘅甘露妙法，例如萨迦派班智达讲过：“虽无能力弘佛法，而不应理损害法。”其实与其出言去诽谤，不如闭口默言更加好。《宝鬘论》话：“愚者少说极佳。”好多大师都话：“愚者少言，佛法无害。”其实意义都系相同嘅。

总之，汉地嘅佛教有禅、净、华严、律等等嘅八宗或者十宗嘅分别，西藏亦都有宁玛、格鲁等等八个派别，而仅系宁玛派红教又分为嘎多、竹庆、白玉等等嘅支派，但系无论点样去区分其实都系释迦牟尼、大日如来同埋普贤王如来等等嘅佛陀亲自传下嘅经续，呢啲观点其实都系究竟嘅观点，呢啲教派传承里便所讲嘅理论都系经过好多上师如理修持，但系时至今日仍然有不断成就嘅大德，所以我哋唔可以武断认定系一真一假而去进一取一舍嘅思惟。宗喀巴大师讲过：“若知异宗无相违，一切经论知窍诀，则易证悟佛密意。”唯有我哋打开自己嘅心胸去接受一切佛教里便嘅宗派，多啲闻思修去进入三摩地，唔好你分我、我分你，喺末法时候，大家应该显密团结一齐，咁样做先能够令到释迦佛嘅佛法再能够长久住世、庄严国土，令到利乐有情，一切有情可以得到光明嘅未来。

各位，如果大家响过去检讨一下曾经做过诽谤佛法嘅恶业，无论系显宗或者密宗嘅诽谤，我哋都应该加以忏悔。喺忏悔方面，响藏密里便有一首金刚萨埵嘅真言称为百字明咒，呢个百字明咒可以消除我哋宿生嘅罪业同今生嘅罪业，包括十恶五逆种种嘅重罪都能够消除。无论谤人谤法，我哋诚心持念呢个百字明咒都可以能够得到清净。但系百字明咒系比较长咗少少，如果各位师兄系冇时间修持的话，可以念金刚萨埵嘅心咒，亦都系百字明真言嘅心咒，呢个心咒篇幅系比较短一啲，所以系方便修持同埋省时。咁只要我哋能够诚心持诵呢个咒，攞出我哋嘅真心去忏悔，好快我哋谤法或者其他身、口、意所做嘅恶业就好快清除㗎喇。

呢个真言嘅念法喺藏文嘅发音就系：嗡班扎萨埵吽。或者有上师传承嘅念法系:嗡班扎萨埵阿吽呸。咁修持以上所讲两个咒音，两个款式，边一个都系一样，功德都系一样。但系金刚萨埵嘅心咒响梵语嘅发音就系：Om vajra sattva ah hum phat，或者系：Om vajra sattva hum。

“vajra sattva”同“班扎萨埵”其实系西藏文同梵语嘅分别，其中“班扎”以前都讲过，同“vajra”系一样嘅意思，不过“vajra”系梵语，“班扎”就系藏语，意思就系“金刚”咁解。好，咁我哋大家一齐持诵金刚萨埵嘅心咒啦：

嗡班扎萨埵吽

嗡班扎萨埵吽

嗡班……（注：此处录音中断）

187.金胎血脉相承（一）

今日好高兴，可以喺呢度同大家分享一下《大日经》嘅《入真言门住心品》。咁《大日经》响密宗里便嘅地位系非常之重要，佢可以话叫做密宗嘅三大经之一，《大日经》啦、《金刚顶经》啦，同埋《苏悉地经》合称为密宗嘅三大部。

咁其中密宗嘅思想建立，特别喺密宗里便所讲嘅，诶，胎藏界蔓陀罗代表“大悲”，就系建立喺《大日经》嘅思想里便来源出嚟，而金刚界蔓陀罗呢，就系建筑响个《金刚顶经》里便，嘅思想个来源就系咁。

咁《大日经》其实系简称啦，一般人都叫《大日经》，全称就系《大毘卢遮那成佛神变加持经》，咁亦都可以简称做《大毘卢遮那成道经》或者《毘卢遮那成佛经》。通常就叫做简称，啫略称啦，《大日经》。而《大日经》，大毘卢遮那成佛，诶，神变加持经呢，个梵文就系：Maha vairocanabhisambodhi vikurviti adhisthana vaipulya sutra indra raja nama dharma paryaya。或者可以我哋读做：Maha vairocana visambodhi vikrinita dhista sutram indra raja。咁呢个《大日经》个梵文嗰个读法啦。

“毘卢遮那”呢，或者“大毘卢遮那”，有时我哋中文会译做“摩诃毘卢遮那”，简称“毘卢遮那”。咁显宗其他宗派呢，都有各别嘅译法，但系呢，呢个名称都系由梵文呢，“Maha Vairocana”嘅音译嚟。咁讲到“Maha Vairocana”，啫系“摩诃毘卢遮那”，“摩诃”就“大”嘅意思，“毘卢遮那”呢，啫系“日、太阳、光明遍照”嘅意思，所以呢，就译做“大日”“大遍照”。系密宗，大日如来呢，系密宗奉为最高嘅佛嘅名号，通称叫做“毘卢遮那佛”，或者“大日如来”，或者“大日世尊”。

咁响一行禅师嘅《大日经疏》里便曾经解释过话呢：“梵音毘卢遮那者，是日之别名。即除暗遍明之义也。”即是话梵音“毘卢遮那”意思呢，就太阳嘅别称嚟嘅，意思就除黑暗而令到普遍得到光明嘅意义嘞。

《大日经疏》卷一亦都讲到：“如世间之日，能除一切暗冥吖，而生长一切万物，成一切众生事业。今法身如来，亦复如是，故以为喻也。”即是话毘卢遮那如来呢，好似世间嘅太阳一样，冇咗太阳，咪整个世间都黑暗啰？所以世间上嘅太阳可以除一切嘅黑暗、一切嘅幽冥，能够生长一切万物，如果一切万物冇咗阳光吖，又点能够生长呢？“成一切众生嘅事业”，所以亦都比喻可以承办到一切众生嘅事业，现在法身如来呢，亦都系一样嘞，所以话“今法身如来，亦复如是”吔，法身嘅大日如来亦都系一样，等于阳光、太阳一样去对众生、对一切有情有庇护、有照荫嘅作用，系普遍光明，唔系净系照一处㖞，照他处、照十方、照百方、照千方，每一个空间角落都照到，所以就“大日”有“摩诃”嘅意思，“Maha”，“Maha”就系“广大”嘅梵语，所以用太阳去比喻为呢个佛。“故以为喻也”就系呢个比喻啦。

咁一行禅师《大日经疏》卷十六亦都讲过：“现世间之日不可为喻，但取其少分相似，故加以‘大’名吖，曰摩诃毘卢遮那也。”（根据CBETA，“现世间之日不可为喻”疑为“世间之日不可为喻”）呢段古文嘅意思，佢嘅意思话呢，就系话，世界上嘅太阳我哋可以攞去做比喻，但系呢，只系“少分相似故”，点可以用世间嘅太阳去将佢比佛呢？因为佛嘅光明犹如几千亿、几百亿嘅太阳嘅光明，吓，甚至超离所，太阳嘅光明好多好多倍，不可以用我哋嘅凡夫思想去猜度，即是系所以话“算数譬喻所不能及”嘞，佛经里便讲嗰句。所以用太阳呢个意思就系话一个小嘅比喻，唔好当佛系太阳，系犹如我哋众生觉得太阳系对我哋世界已经系咁重要，何况佛嘅光明或者佛嘅法身，佢嘅力量系超离咗太阳无数无数倍，所以故以太阳为喻，如果唔攞一样嘢去做比喻，我哋就唔能够了解佛嘅功德同功能，所以呢，叫做摩诃毗卢遮，遮那。

咁响《金刚顶经大瑜伽秘密心地法门义诀》，诶，呢一部论里便呢，亦都有唔同嘅解释，佢话：“梵云毘卢遮那，此翻最高显广眼藏如来。”吔，佢个梵语，呢个，“毘卢遮那”嘅意思就系有另外一种译法，就叫做“最高显广眼藏如来”，所以我哋“大日如来”亦都可以叫做“最高显广眼藏如来”，“南无最高显广眼藏如来”即系“大日如来”，不过呢个名称呢，就少人称呼啲，就通常叫“大日如来”。

“毘者最高显也”，“毘”吔，个“毘”嘅意思就系“Vairocana”，“Vairocana”，“vai”，呢个“毘”，“毘”嘅意思就系“最高显”。“Rocana”，“卢遮那者”呢，就“广眼”也，广大嘅眼，咁亦都有译做“遍照王如来”吔，啫同大日如来一样啦，无所不照啦，亦都翻为“大日如来”啦，“此并略而名义阙也”嘞，即是话各有长略不同啦，而译法，总之我哋知道大日如来亦都可以叫做最高显广眼藏如来，或者摩诃广眼，诶，高显藏如来，亦都得。

咁响密宗里便呢，以大日如来呢，做法身佛嘅，系作为法身佛，亦都系建立密宗教法嘅教主，故此显，显宗里便各家各派呢，依据唔同嘅名呢，对大日如来呢，就有唔同嘅解释，咁呢个系《大毘卢遮那成佛神变加持经》，我哋现在讲。

咁《入真言门住心品》，呢一品系《大日经》里便呢，就非常之重要㗎。“真言”嘅意思呢，梵文呢，就系“mantra”，“mantra”意思呢，中文叫“曼哆罗”或者“曼怛啰”啦，译文唔同。因为以前旧译师嘅译法，唔可以用我哋嘅广东话或者国语读啦，如果照呢个字用我哋广东话去读出嚟就唔似依个梵语，所以一定要识返呢个古梵语嘅发音先能够系相似：mantra。如果根据梵语嘅意思呢，梵语个词根吖，“man”，“man”嘅意思系有“思惟”，“思惟”嘅意思。后便个橛“tra”呢，“tra”，有啲人吖“mantra”可以读“dra”或者“tra”，“tra”嘅意思呢，有“用具”嘅意义，咁“mantra”合埋嚟讲，就系，意思就话“用嚟思惟嘅工具”，即系言语、词汇嘅意思嘞。咁喺密教之中，“真言”具有“真实而唔系虚妄嘅言语”嘅意思，咁喺《大日经疏》讲过：“真言呢，梵语漫怛罗，即是系真语、如语、不妄不异之音。”卷一里便。喺呢个不空嘅《总释陀罗尼义赞》吖，不空法师亦都讲过：“真者真如相应，言者真诠义。”吓。

咁又广义上嚟讲，真言呢，其实有四种含义，第一种系“法真言”，“法真言”呢，就系清净法界以为真言咁解，以清净法界以为真言，整个大法界都系真言，整个清净法界都系真言。“义真言”，“义真言”，胜义相应，每一个字之中呢，有实相嘅“义”，啫真言之中，同我哋宇宙嘅原理、真实嘅胜义系完完全全相应嘅，每一个真言嘅梵字里便吖，都具足有一定嘅实相。咁有一种意思就系“三摩地真言”，“三摩地真言”意思就系由我哋修瑜伽嘅行者呢，啫修瑜伽嘅人，用真言响我哋嘅心镜月轮之上布列真言文字，而我哋专注个心唔散动呢，咁我哋可以好速疾能够证得三摩地。“三摩地”就等持、禅定，定慧不二，能够好快进入各种嘅三昧。咁呢个系密宗一种修法，将真言嘅种子字布喺我哋个身体每一个部位，或者布喺我哋嘅心月轮，即是心有一个月轮，月轮上便吖，布满真言嘅轮嘅字，啫个圈圈吖，呢个圈圈就发光，咁我哋观想呢啲心月轮里便呢啲真言嘅字呢，亦都念诵真言可以令到我哋速疾证得三摩地。

亦有一种意思，真言，“文持真言”，“文持真言”嘅意思就系“文章”个“文”，“持诵”个文，“持”。“文持真言”呢，譬如话真言由“Om”字开始，通常呢，嘅结尾就系“娑婆诃”，其实讲到我哋念“娑婆诃”呢，个“婆”字嚟讲，我哋唔可以读“婆”，如果我哋广东话见到吖，当然嗰个系“婆”字啦，譬如大悲咒句句都系“娑婆诃”吖，后尾，“唵，悉殿都”，结尾嗰度，“唵 悉殿都 漫多啰 跋陀耶 娑婆诃”，咁佢梵语：Om sidhyantu mandra padaya svaha。“娑婆诃”系“svaha”，其实“娑婆诃”，“婆”字唔可以单独发音嘅，“娑婆诃”系“娑婆”两个字合埋快读，如果用古梵语，当时译师所译出嚟呢个中文，按古梵语嘅例吔，去读出嚟就系“sva”，“娑婆”就系“sva-ha”，就唔系“娑婆诃”或者“斯哇巴哈”，冇嘅冇嘅，梵语唔会有个“巴”呢个音出嚟，有啲人读“梭巴哈”都系唔啱，系“sva-ha”，“梭-诃”，呢个梵语。咁有啲西藏嘅师父呢，佢教嘅所发嘅真言啦，佢“梭哈”，“梭哈”呢，就冇咗个“婆”嘞，冇咗个“婆”音，因为西藏文系近似梵语，好多就系梵语去拼出嚟、译出嚟，所以就“梭哈”，正式就系“sva-ha”，吖。

咁呢个文持真言讲番呢，喺文持真言意思就话，响“Om”嘅咒，每一首咒嘅开头，通常结尾就系“svaha”啦，喺呢度个咒中间所有嘅文字吔，成段咒文字，每一个字都系叫做“真言”，但系如果由分类上嚟讲呢，真言呢，有如来讲啦、有佛讲啦、有菩萨讲啦、有金刚讲啦，有二乘讲啦，二乘嘅缘觉同声闻啦，极果就系声闻果嘅罗汉啦，大家都知啦，缘觉极果或者独觉胜者极果就系辟支迦佛啦。咁有天界讲吖，天界讲，吓，天界讲，天界就宝部，密宗叫宝部，宝部，吖，天界讲。咁前便所讲呢三种真言呢，就系胜者真言，啫如来吔、菩萨、金刚吖，后便两种讲呢，就系宝部，神嘅真言，另外有一种密宗所讲嘅羯磨部，羯磨部呢，属于，诶，鬼嘅真言吖，或者一啲护法嘅真言，鬼神属于天部，咁但系通常呢，如果系神嘅真言呢，属于天神嘅真言都系属于摄入呢个，诶，宝部，吖，羯磨就系“事业”啦，“karma”，事业嘅部吖，啫成就啲护法，成就我哋事业啦。

咁响密宗里便认为真言呢，有一种唔可以思议嘅神秘力量啦，用真言加持，小可以除我哋嘅病、护身积福，大呢，亦都可以消除我哋嘅罪业，往生净土，能够相应成佛。我哋因为念诵观修真言，系密教修行吖，嘅主要嘅方法，所以我哋密宗里便吖，往往通常都自称做“真言宗”，或者修行密宗嘅人叫“真言行者”，或者叫做密宗修行嘅教法叫做“真言门”“真言教”，咁真言亦都亦，有叫做呢，“密语嘅密言”或者“密号”，“密号”。

有啲人误会呢个“密”字吔，密宗里便嘅秘密呢，就系唔可以话同外人宣说、唔可以同外人讲，其实呢个系观念唔系完全正确，只系啱咗一部分，唔可以同人宣说呢，因为佛陀当然对机呢说法，唔系一个法可以啱八万四千众生用，所以释迦佛同大日如来咧，都讲咗种种种种嘅法门呢，用，用呢个“八万四千”吖，去做比喻，吓，唔同法门就适合唔同众生，所以“密”嘅意思秘密，当然系唔对机唔可以讲，因为唔对机唔啱佢嘅法。同小学生讲大学嘅嘢，听唔明呢，可能会误会啦，会令佢哋行错路，所以有呢种秘密嘅意思，唔可以讲。但系其实真正嘅秘密，密宗佢所讲真正秘密呢，就系如来，大日如来，佢所证得嘅境界、内证嘅三摩地嘅法门呢，唔系我哋凡夫，所谓“不可思议”四个字吔，最容易同大家解释就系不可思议，点解叫“不可思”？“思”者就系用个心，我哋见我哋中国字个“思”，“田”字下便做个“心”，当然系用心去谂啦，“心田”啦，用我哋嘅心去想念就谓之“思”。“议”者呢，就系我哋睇下中国字嗰个结构，“言”字边做个“义”，“意义”个“义”，“义理”个“义”，即是话用说话唔可以去讲得到佢嘅义理。“不可思议”就系唔可以用心思，用个心去思考，亦都唔可以用我哋说话去议论，所以“思议”嘅意思就系，密宗里便所讲嘅道理，就系大日如来佛嘅境界，甚至一切佛嘅境界都系秘密，唔系单单密宗里便讲一切佛嘅境界系秘密。其实吖，佛教系无分宗派，释迦佛系因人而设，只不过密宗系强调呢种事相，其实一切法或者菩萨嘅内证境界都唔系我哋凡夫嘅心去谂得到，亦都唔系用说话去讲得到，佢嘅境界有几高，去思考佢境界有几高，用说话去议论佢嘅境界有几深，所以不可思议，呢个秘密主要就系喺呢度，简单嚟讲个“密”字。如果深入嚟讲呢，仲有好详好详细嘅义理吔，所以唔好误会咗密宗吖。“密”字呢，就秘密，唔可以宣说。一切嘅佛法都系用嚟救渡众生，点解唔可以同人宣说呢？有乜嘢秘密？秘密嘅意思只系对机，唔对机唔可以说，如果系将啲秘密佛法去收埋的话，呢啲系外道、系邪道，唔系真正佛陀嘅本怀，唔系真正佛陀教，佛法系施与一切众生。

咁头先讲到大日如来，点解叫做“大日如来”？大日如来犹如太阳喺虚空之中系普荫一切嘅万物，每一样万物都受到太阳嘅加被，点会太阳系照一个角唔照第二个角落？冇可能嘅呢一样嘢，犹如佛法一样，所以用大日如来去譬喻密宗里便嘅佛法，系普荫，普照，系“遍”，“遍”嘅意思系普遍每一个角落，犹如观世音菩萨一样，所讲嘅“普门”，“普”者，就“普”也，“普”者，同“遍”系意思系一样，“普遍”嘅意思系普及而遍于一切嘅空间，系一切，系一个意思，所以密宗吖，点会有秘密嘅法收埋，唔教人？佛陀希望将多啲呢啲佛法去教导众生，特别呢啲咁深奥嘅法门，只系众生嘅根器冇办法接受，一时间唔可以话学晒佛陀种种种种嘅法门，所以呢，就有对机嘅说法咁解啫。

咁讲番，“真言”亦都叫密语、密言啦、密号啦，由真言嘅念诵形式，同埋佢用法、功能嘅意义，诶，方面去讲嘅。咁另一个称呼呢，叫“陀罗尼”嘅，“dharani”。“dharani”呢，梵文嘅意思呢，要叫“总持”，咁根据佢陀罗尼嘅原意系咩意思？佢“总持”，“总持”，“总”就系总一切法，啫总含、总摄一切嘅法门，“持”者，摄持一切法唔散失，持无量义也，令到一切法唔散失，所以你持一条真言如果系能够成功，一法具足一切法啦，系，即是话你持呢个真言能够进入三摩地，能够证得同如来无分别嘅境界。有一个真言，有好多众生嘅根器可以立地成佛，呢啲系佛陀所讲嘅法门，有众生亦都须要修行，经过三大阿僧祇劫，两样都啱，唔需要有任何嘅冲突，只不过佛陀系对唔同众生嘅机情，钝根系修三大阿僧祇劫，慢慢慢慢去修行；利根，一闻即悟，一刹那就可以顿悟，所以密宗会有讲到呢个“即身成佛”说，有呢个意思，就系咁解。所以一首陀罗尼、一个咒，就算一个我哋普通所念嘅好常，为常人所知嘅六字大明咒“唵嘛呢叭咪吽”啦，你就系持诵呢个真言吖，都可以成佛，根本就系唔需要执著，咁所以陀罗尼嘅意思系总一切法，通常嘅简单嘅解释就系持无量义，总持一切法，而摄持无量嘅义理而已经同个“真言”相通了。其实陀罗尼还陀罗尼有佢嘅意思，“dharani”，真言“mantra”，亦都有佢嘅本身嘅意思，但系我哋两者嘅，嘅意义，其实可以，而家系混谈咗啦，捞埋一齐，其实系相同㗎。亦都有个意思叫做“明”，“明”咧，“明”喺梵文里面吔“videa”，“videa”嘅意思呢，有“知识”嘅意思，“知识”嘅意思。

咁呢，有啲民间里便所讲嘅咒，因为佛陀时代已经流传，婆罗门教嗰阵时已经有好多咒吖，响《四吠陀典》里便呢，有啲吠陀吖，有好多咒吖，赞颂吖、歌咏吖，已经系有，佛陀未出世嗰阵时已经系有，所以有啲咒呢，都可以称为陀罗尼真言。但系我哋要学，学嘅呢，就要学佛陀嘅真言，真实嘅言语、真实嘅教证，咁真言系由佛菩萨禅定之中所发出嚟嘅秘密语，佢同宇宙，佛系同宇宙已经系相通咗，佢知道宇宙嘅种种原理，而由唔同嘅禅定嘅境界去内证修行呢个秘密嘅境界，去将宇宙嘅奥妙嘅秘密摆喺每一种唔同嘅真言之中，所以每一种真言有佢唔同嘅功德、唔同嘅性能，可以帮助种种嘅众生。而每一个真言，亦都相通其他真言，点解呢？如果唔相通，点会讲到系“总持”呢？总一切法，持无量义，站在“总”的来说系一切相通，犹如一个全科毕业嘅医生，基本上乜嘢嘅病吖、乜嘢嘅医学嘅学理咧，佢都会明白，都可以睇到普通嘅疾病，但系一个专科嘅医生嚟讲，就专门对治嗰一门嘅病症吖，专门医某一个器官吖，吓。所以其实喺咒里便亦都系一个意思嚟，有某啲咒系帮助某啲众生，一，一类，一类嘢，譬如有啲咒，头先讲到天部啦，系求世间嘅事业，菩萨部啦，里便亦都有好多咒语，医我哋嘅病吖，或者除灾吔，或者免祸，有种种种种唔同嘅功能。咁所以话真言陀罗尼吔，或者“总持”，或者“明”嘅意思，其实呢个“明”嘅意思，“videa”，梵文里便有知识同埋智慧嘅意思，亦都有光明，所以喺密宗里便有好多明王，啫现忿怒相嘅金刚力士啦，去调伏种种刚强难化众生，点，点解叫“明王”，“明”，头先讲嘅同“真言”相通，就系持真言之王谓之“明王”，所以佢每一个明王有佢嘅好特别威猛嘅禁咒，如果你念诵呢个咒呢，可以驱邪同埋降伏一切，诶，难调难化刚强嘅众生或者其他外道嘅妖魔鬼怪，所以叫做“明王”吖，有咁嘅意思吔，响呢度。

咁喺呢度，要，重要一样嘢就系我哋要学咒呢，学真言，学返我哋佛教正正统统嘅咒，唔好学其他邪法同禁咒。喺《阿含经》里便呢，释迦佛记得佢亦都讲过唔好学习世间嘅外道咒术。外道咒术即是话唔系我哋真正佛教，嗰啲唔究竟嘅咒，或者邪咒，譬如可以相通个道理就系话，诶，所谓“戒禁取见”吖，响呢个，诶，身见呢、边见呢、邪见呢、见取见呢、戒禁取见呢，五不正见里便，啫我哋嘅所知障，我哋所知嘅根本障，好似戒禁取见，唔好执著一啲邪戒，认为唔正确戒律，我哋去守持，而作为一种正确嘅见解，会障碍我哋身心、障碍我慧命、障碍我哋嘅圣道，呢个就系“戒禁取见”嘅本身嘅问题，所以故此一样由呢个道理，唔好持一啲外道嘅真言，外道。咁喺密宗里便嘅讲法，有讲过就系话，八地菩萨佢自己能够自说本身嘅真言，因为八地菩萨已经到咗不动地嘅境界，喺菩萨嘅修为嚟讲已经系好高，喺以前啲录音带里便都有大量讲过八地菩萨嘅境界。八地菩萨嘅境界非常之高，佢自己能够自说自己本身嘅真言同埋心咒，但系虽然如此，我哋唔可以，讲番转头就系话，而家响市面坊间或者响世界上，有好多师父佢自己都有佢自己嘅心咒，吓，有佢自己嘅心咒，叫啲弟子念诵佢嘅心咒，但系呢个心咒唔代表一样嘢就话，反推，啫用个逻辑，去反推番转头，唔代表有心咒嘅师父，佢嘅果位就系证得到八地菩萨，唔代表。因为我哋冇智慧，我哋唔系佛，而家末法时期，我哋好难知道呢个心咒嘅来源，我哋更加好似头先所讲嘅原理，佛菩萨心咒境界我哋点样能够测度呢？所以呢点系小心注意，我哋学佛，学番佛陀嘅正统佛经或者真正上师，佢所传授个咒法，吓，呢啲先系真真正正嘅心咒，真真正正，咁持诵真正嘅心咒，我哋先可以得到呢个真言嘅功德。

咁大毘卢遮那，讲番嘞，《大毘卢遮那成佛神变加持经》呢，系唐朝印度，啫开元三大士嘅其中之一啦，善无畏啦，善无畏三藏，同埋呢，一行禅师呢，一齐去译嘅，一齐去译。咁《入真言门住心品》系非常之重要，我哋而家读一读经文啦，咁或，或者系慢慢慢慢咁样讲下、解下，演绎下啦，希望能够讲到呢本经嘅少少意思出嚟，帮助到大家了解何谓真正密宗嘅住心啦。

“如系我闻。一时吔，薄伽梵吖，住如来加持广大金刚法界宫，一切持金刚者皆悉集会。”

咁，如果大家系一齐同我研究呢本经文嘅时候呢，如果你有《大日经》，你有《入真言门住心品》，主要有个经文，因为你睇住经文呢，听住带嚟讲呢，就比，跟得到啦，如果就咁唔睇经文都无所谓，但系有时有啲字嚟讲呢，唔知系咩字吔，就咁读出嚟，所以有个经文，揾到《大日经》嘅《住心品》，你去睇住呢，就会比较好啲。

咁头先所读嗰几句嘅意思就系话，诶，有一个时候呢，“如是我闻”呢，即是话结集经典嘅人，佢所讲番出嚟嘞，吖，就系曾经佢听讲过呢，有一日，大日如来吔，系呢个“薄伽梵”呢，“薄伽梵”就“Bhagavan”，就世尊咁解，喺呢度嘅世尊意思就系大日如来啦，讲《大日经》。有一日大日如来呢，就喺佛陀所加持高大无比嘅金刚法界宫殿，喺呢个宫殿之中，所有嘅“执金刚”，执金刚啫手执住金刚杵护法嘅金刚胜众，一切嘅“持金刚”亦都叫“执金刚”啦，吖，呢啲“持金刚”。咁或者讲下“持金刚”呢，“持金刚”系梵文“Vajra Dhara”，“Vajra Dhara”嘅意，诶，嘅意译嚟嘅，咁吖中文好多种译法啦，“伐折罗陀罗”啦，或者叫其实都系呢个音嚟嘅啫，唔使讲得太多了呢度咁，“vajra”嘅梵语呢，就系“跋折罗”。“跋折罗”或者“vajra”就系金刚杵，咁我哋通常好多咒都有“vajra”，系“金刚”或者“金刚杵”嘅意思，“木”字边做个“午”字，“午间”个“午”字，系个“杵”字，咁有啲人读嗰“金刚午”，咁吖读错了㖞，呢个“杵”字嚟㗎，“金刚杵”吓。“vajra”译做“金刚杵”“金刚智杵”或者“坚慧杵”，坚固智慧嘅杵。金刚杵，其实讲番啦，系印度一种武器嚟嘅，喺密宗里便呢，而家系作为一种法物嘞，法具。意思，佢嘅表征，最重要嘅表征，我哋唔好执住佢表面嘅相吓，呢个金刚杵嘅意思系咩呢？佢表征系智慧力嘅标志嚟㗎，如来智慧力嘅标志，代表个智慧。而“dhara”嘅咩意思呢？“dhara”，“dhara”就系执持。所以呢“Vajra Dhara”，梵文译做持，译番我哋汉文，中文呢，“持金刚”咁解，亦都译做“执金刚”，系执持如来智印嘅金刚杵嘅圣者嘅意思，就叫“持金刚”。“持金刚”系密宗，诶，主要嘅一类护法嚟嘅，有啲已经系解脱咗生死，证得咗佛嘅果位，有啲只系属于，诶，天部嘅护法嚟嘅啫，仲未解脱生死，但系佢哋都有大悲心，为咗护持佛法，诶，而现出呢个持金刚嘅相。呢个“持金刚”呢，就系表现咗佛陀吖，如来吔，“慈”嘅一面，慈者予乐，悲者拔苦，“慈”嘅意思系给予一切众生快乐啦，表现如来“慈”嘅一面，啫菩萨，同菩萨本身嘅“慈”系相对应，亦都表现如来“悲”嘅一面，表现如来“悲”嘅一面就系拔苦啦，拔苦就系能够慑伏、摧破一切烦恼，佢拔苦个方法就唔同菩萨用大悲，以呢个大悲心去应验，用其他方法，呢持金刚可能佢用愤怒相去出现去摧破一切众生嘅烦恼吖，去揸呢个金刚杵。降魔个意思，我哋唔好一讲到“魔”，喺佛经里面所讲嘅“魔”吓，一讲到“魔”，我哋就已经好怕，成日个心第一个印象谂住外来嘅妖魔鬼怪、外来嘅魔，唔系呢个意思。佛教最重要系讲心性，系我哋个心魔最重要。喺佛经，引证佛经，释迦如来讲到好清楚，烦恼魔、死魔、五蕴魔、天魔，外来个魔只系天魔，四魔里便嘅其中一种，天魔啫，但系如果我哋嘅心系唔著魔，我哋嘅五蕴魔，色受想行识，我哋嘅五蕴唔能够……（注：此处录音中断）五阴十魔嘅境界，呢一啲境界呢，就系真真正正我哋要怕嘅“魔”，外魔反而唔使怕，用……（注：接下文）

188.金胎血脉相承（二）

（注：接上文）……都可以帮助我哋降伏，所以最重要系我哋嘅内心嘅魔，我哋嘅烦恼魔，我哋五根本烦恼——贪、瞋、痴、慢、疑吔，咁呢个“瞋”吖，当然包括“恚”啦，两个“土”字做个“心”，即是系自己𤷪𤺧自己啦，发脾气，唔系一定系嬲人，系瞋恨，有呢个瞋恨嘅心啦，呢个烦恼系仲加厉害过外魔吓，所以我哋如果我哋心魔唔著魔，又点会招引到外魔嘅骚扰呢？外内相合，咁先能够毁到我哋修行嘅慧命，毁咗我哋菩提道，所以首先我哋调伏咗我哋嘅心，自然不动呢，就唔怕外魔骚扰，呢一点系非常之重要。所以一讲到金刚去降魔呢个问题，就唔系一定系外在。当然啦，执金刚或者持金刚佢所降嘅魔，揸住枝金刚杵嘅表征系摧伏烦恼，烦恼就系我哋内在嘅烦恼魔，亦都有外在嘅功能，就系降伏外来四魔里便嘅天魔，喺欲界他化自在天嘅天魔，或者色界摩酰首罗天更高嘅天魔，吓，有降伏呢种魔嘅力量。咁呢个持金刚嘅意思。大日如来呢，喺呢个金刚法界宫殿，咁所有嘅持金刚同无数个菩萨，同埋呢，众多嘅天神吖、神仙吖，都喺呢个，诶，金刚法界宫吖，里便呢，集会吔，金刚法界宫。

“如来信解游戏神变，生大楼阁宝王，高无中边，诸大妙宝王，种种间饰，菩萨之身为师子座。”

呢段嘅意思就系话呢，大日如来用佢超越时空嘅神通嘅力量，佢化现出一幢呢，系，嗱，“一幢”，我所讲嘅“幢”嘅意思唔系一张床㖞，“巾”字做个“儿童”个“童”，呢个读“幢”（注：音同“床”）吖，幢幡宝盖。咁如果一幢楼，你可以读个“栋”都得，一“栋”两“栋”，但系，佛教里便呢个读“床”，幢幡同宝盖。化现一幢好珍希嘅大楼阁，非常之高吖，其高没有“上”可以叫做话，高到睇唔到个顶；其大没有“边”吖，大到无穷无尽吖。咁呢个大楼阁里便，种种珍宝呢，就当然庄严去间饰啦，非常光彩耀眼、金碧辉煌，咁喺啲法香嘅香烟缭绕之中呢，又有宝铎和鸣啦（啫宝铃吖，摇啲宝铃、金刚铃吖），幡盖高扬啦，妙乐悠悠啦，当然奏起天乐吖，好多宝铃，种种庄严喺呢个楼阁之中。

咁大日如来就安然端坐喺以佢菩萨嘅身化现喺师子座之上。因为大日如来当时说法系端坐，用呢个菩萨身去化现，因为同菩萨说法吖嘛，佢化现呢个对菩萨嘅相啦，当然。咁所有嘅人喺呢个楼阁之中，大日如来坐喺中间，集会嘅人呢，重重、重重环绕吖，嗰个境界，环绕住大日如来，重重叠叠，啫好似我哋听法会，一层一层、一层一层咁排下、排下排，一叠一叠咁，数量如恒河沙。佢排嘅唔系打横排㖞，系经同纬排，打横同打直，系纤密去排，打横同打直，向上一层层，我哋唔好净系谂平面，空间系无穷无尽向宇宙，向上亦都重叠，一层一层一层一层，啫犹如释迦佛响《大般若涅槃经》里便记载啲天人吖，去涅槃嗰阵时，侧塞到整个空间，简直冇空位，一层一层向上排，吓，数如恒河沙咁多啦，佢嘅量呢，亦都广如吔，佛刹微尘吖，头先经文所讲。而近佛侍坐者，啫系近住佛吖，所坐喺佛陀侧边呢，就系金刚手秘密主为首嘅上首执金刚。咁呢啲金刚手菩萨，或者呢个上首执金刚呢，头先我又讲过，有两种啦，如果系重要嘅执金刚，所谓“重要”就系“外现凡夫相吖，内秘菩萨行”。咩“内秘菩萨行”？佢已经证得菩萨或者佛嘅果位，只可以现一个凡夫相，凡夫相就执金刚嘅相，有啲执金刚系解脱生死，解脱咗生死证得菩萨果位，有啲就未解脱生死呢，所以仍然系凡夫啦，所以亦都叫做凡夫相咁解。

咁如果根据佛陀所讲嘅义理，严格啲去讲，除咗佛之外所有都系众生。菩萨，十地菩萨都系众生，因为佢未成佛，佢只不过一个大悲嘅众生，佢以一个大悲心去度化所有嘅有情，当然比我哋呢啲咁普通嘅凡夫，诶，具有生死根本烦恼嘅凡夫，当然我哋系微不足道，更加凡夫之中嘅凡夫，更加固然就系众生啦，但系如果严格嚟讲，菩萨系佛嘅眼中都系众生，所以“菩萨”以前呢，有个旧译法叫“大度心众生”或者“大度心有情”，“Maha Bohdhisattva”，大度心嘅众生，具有大度心嘅众生。

咁大日如来呢，坐喺中间，菩萨身化现，一层层嘅菩萨吖、执金，金，执金刚系坐喺度，金刚手秘密主呢，就系上首嘅菩萨，同埋上首嘅执金刚就近住大日如来最近嘅位置，同埋以普贤菩萨为首嘅上首嘅大菩萨亦都喺度，吓，有普贤菩萨。咁金刚手菩萨讲到或者执金刚呢，亦都叫做“金刚萨埵”。咁响密宗藏密里便通常叫做“金刚萨埵”，咁响东密里便呢，即是话系日本嗰方面嘅密宗呢，东密，比较多啦，就系叫做“金刚手”吖，“金刚手”。咁有一个说法，就系金刚手菩萨就系显宗西方三圣吖，里便嘅大势至菩萨嘅化身。

因为佛菩萨里便，响佛教学里呢，分开有寂静身同埋忿怒身嘅，最简单嘅分法，当然亦都可以分做教令轮身啦，同埋自性轮身啦。咁我哋唔讲呢个教令轮身同自性轮身啦，如果讲系呢个化身显宗里便讲寂静身就系大势至菩萨，而忿怒身呢，就系金刚手菩萨啦，有呢个说法嘅，有呢个说法。当然另外仲有一种讲法就系大忿怒身比忿怒身更厉害，我哋见到金刚手菩萨呢，都系一个菩萨身相揸住金刚，如果大家见到法相，如果更大嘅忿怒身呢，就系金刚手菩萨或者化现做呢个普巴金刚吖，更加忿怒嘅，响密宗里便叫做“大忿怒身”，极度忿怒，系降伏啲大魔所现嘅恐怖相吖，大忿怒身。

咁经文里便佢再讲嘞，同大日如来呢便出场嘅金刚，数一数，哗，好紧要，嗰啲金刚嚟讲呢，都系证得佛，或者已经系内证吖，高，诶，好高嘅菩萨秘密果位。“其金刚名曰”，金刚个名有咩金刚呢？嗱，我哋读呢啲金刚嘅名呢，其实都保护我哋个㖞，有无穷无尽嘅功德，所以念一次亦都非常之好嘅。“虚空无垢执金刚、虚空游步执金刚、虚空生执金刚、被杂色衣执金刚……”嗱，佢经文所，所写如果“被”字吔，应该意思就系“披”啦，披住吔，杂色衣吔，执金刚。“善行步执金刚、住一切法平等执金刚、哀悯无量众生界执金刚、那罗延力执金刚、大那罗延力执金刚、妙执金刚、胜迅执金刚、无垢执金刚、刃迅执金刚、如来甲执金刚、如来句生执金刚、住无戏论执金刚、如来十力生执金刚、无垢眼执金刚。金刚手秘密主，如是上首，十佛刹微尘数等持金刚众俱，及普贤菩萨，慈氏菩萨，妙吉祥菩萨，除一切盖障菩萨等诸大菩萨，前后围绕而演说法，所谓越三时如来之日加持故，身语意平等句法门”嘞，嗱，呢段就系经文，咁吖意思就系咩呢？

大日如来话，嚟参加呢个法会里便有好多好多嘅大金刚菩萨啦，上首执金刚，咁啲金刚名呢，唔再重复读，啫头先嗰啲金刚啦。但系上首菩萨，诶，嗰啲金刚我哋都有时都觉得好陌生个名称。嗱，讲开陌生嚟讲，点解有啲有时我哋听到佛菩萨吖、金刚，特别金刚，我哋少听过，觉得陌生，其实陌生嘅意思，喺我哋呢个世界佢少出现，我哋觉得陌生，或者我哋众生嘅缘份吖，同呢啲金刚系比较唔系咁深，冇同某一类嘅本尊，密宗里便讲本尊啦，以我哋修持嗰个法为本，我哋所尊敬就谓之“本尊”。我哋同某一类众生系同某一个本尊系有缘份，所以我哋听落去少听嘅唔代表我哋系冇缘，可能个缘浅，或者我哋前生同佢有深缘，今生入胎之谜之后，我哋冇咗记忆，我哋唔知道，或者我哋前生同佢有深缘，但系我哋一般听……我哋可以举例嘞，呢一个《大日经住心品》里便讲到好清楚，有上首嘅菩萨，咁我哋，呢啲金刚，同啲菩萨去比较，我哋一听到菩萨，因为我哋认识觉得熟，所以觉得系同佢有缘嘞，有啲咁嘅感觉。咁上首菩萨，有普贤菩萨啦，释迦佛嘅左右胁士啦，普贤啦，慈氏菩萨，“慈氏”就系弥勒菩萨吖意思，“Maitreya”，慈氏嘞。妙吉祥菩萨，妙吉祥菩萨，“Manjusri”，啫系文殊啦。除一切盖障菩萨等诸大菩萨，除一切盖障好出名，除盖障菩萨，其实除盖障菩萨都系非常之重要，响我哋修行，无论显密，佢令到我哋除开、除去一切“盖”，就覆盖我哋嘅种种烦恼，“障”，就障蔽我哋嘅种种嘅所知嘅迷惑嘅见解，佢帮我哋除去晒，所以我哋多啲念呢个除盖障菩萨个名号，对我哋真系好大助益。我自己做晚课嘅时候，我都会有念除盖障菩萨嘅名号，因为我深感除盖障菩萨呢个佛号系好伟大嘅力量，真系可以系冥冥中加庇令到我哋消除咗好多习气。啫系用番头先嘅话讲，系专科嘅医生啦除一切盖障，标明咗呢个菩萨嘅意思就系除我哋一切嘅障蔽吔，吓。

有呢啲种种嘅大菩萨在会吔，所以呢个会都系好大、好重要。咁所有呢啲菩萨在会嘅圣者都静静咁坐喺呢度，翘首仰望住大日如来啦，佢哋谂超越过去现在未来三时嘅佛日，呢嗰系好，啫神圣嘅时间吖，佢哋亲耳呢，去听大日世尊所宣讲嘅点样安住我哋身语意平等嘅法门。哗，呢个法门好大嘅盛会，如果我哋能够亲，亲逢其时就非常之好，但系唔紧要，我哋去唔到呢个大日如来金刚法界宫，色界里便去听呢个大日如来当时所讲紧，讲紧嘅经，唔紧要，而家我哋去研究《大日经》，有机会等于亲逢其会、恭逢其盛一样，咳，咳咳，系冇分别嘅其实。

咁讲到呢度我谂起智者大师曾经讲过，佢当年修法华，诶，修《法华经》证得法华三昧，喺法华三昧里便，佢曾经亲自返过去佛陀时代嘅灵鹫山——耆阇崛山，佛陀成日喺耆阇崛山，啫灵鹫岭灵鹫峰里便，好多同弟子说法，咁《法华经》，《妙法莲华经》就系喺耆阇崛山讲啦。智者大师曾经讲过话，一句，好清楚：“灵山一会，俨然都未散吖。”佢话喺灵鹫山里便，释迦佛仲喺度说法，呢个法会仲未散，点解佢会咁讲呢？

因为如果用科学嘅观点，我哋去面对呢个问题，宇宙何来有时空性呢？而家我哋研究，同大家研究紧呢本经系日头嚟嘅，系日头，咁我哋日头南半球就日头，北半球就系夜晚，时空就有种相对，等于道教所讲原理，太极嘅阴阳啦，咁但系喺宇宙，我哋跳出咗呢个宇宙，何来有时空吖？冇时间，亦都冇空间，空间就系方位啦，空间就系方位。由呢个方位画一点响宇宙里便，去到宇宙另外一个尽头，我哋以为尽头，其实你返番去原点上便㗎咋，返番去原来嗰一点嚟，返番原来呢一点上便，宇宙系冇时间同空间性，所以爱因斯坦喺相对论里便根本一早已经就系讲咗呢个问题，佢发现咗呢个问题吖嘛，所以佢能够将牛，牛顿嘅定律已经系修正咗，就喺呢一度。

咁所以智者大师讲到呢个问题，我觉得用现代而家科学嘅观点去睇，好合乎科学性，释迦佛嘅法会边度有散？如果我哋有修行禅定内证嘅力量，我哋随时释迦佛欢迎你返番去灵山里便听佢讲《法华经》，听佢讲一切经典。宇宙系冇时空性，犹如拍底咗一饼录影带，我哋而家现代所讲嘅录影机，中意几时就摆我哋中意睇录影带入去，或者所谓VCD、光碟去睇我哋中意所睇嘅经。咁犹如现，而家见到，诶，澳门电台啦，佛教宣明会，请净空法师吓，录咗录音带，配咗广东话嘅音，喺澳门电台里便讲，系非常之好嘅一件事，能够传扬呢个佛法，好多众生喺电视台能够听到，佢嘅遍及嘅遍覆面系好大好大。其实亦都令我哋想到一点，现代嘅科技可以帮到我哋学佛好多，咁净空法师喺电台里、电视机里便讲，犹如大日如来咪一样？佢嘅光明吖，咪能够遍照到好多好多嘅地方？有人开电视机就受到呢个佛法嘅福荫，所以功德系非常之大嘅，喺呢一点里便去睇呢个问题。

咁所以我哋讲到话，宇宙系冇时空性，灵山一会，根本就系未散嘅，如果我哋有能力，我哋都可以听经，返去，当然有一定好深嘅证量先能够做到呢一样嘢。但系如果我哋唔得的话，我哋喺文字般若亦都可以深解其意，就系我哋多啲去研究呢个经典。而家我哋去听《大日经》，睇番释迦佛大日如来嘅言教，犹如佛陀面对教授我哋一样，其实都系冇分别嘅啫。

咁所以，好多执金刚吖、普贤菩萨吖、文殊吔、普贤、弥勒、除盖障等等诸大菩萨讲唔尽啦，犹如《华严经》，《大方广佛华严经》一开始所讲嘅《世主妙严品》，哗，《世主妙严品》非常之伟大，嘅出场序吔，嘅出场序吔，都成本经书吔讲咗，吓。《华严经》宣化上人讲，订装成现代嘅版本二十三册，咁净系《世主妙严品》都占吖去一册至两册，佢所出场嘅序吔，嘅天神吖、虚空神吖、江海神吖、菩萨吖、佛吖，呢啲出场，出场嘅序，种种种种嘅天神，所以呢本经其实等于《世主妙严品》一样，一样。佢话“等诸大菩萨”，呢个“等”字就好厉害啦，好多好多好多，唔能够用说话讲到，如果要讲，净系讲个出场序，佛陀有排讲，但系重要就唔喺呢度，所以佛陀用个“等”字去代表佢种种嘅佛、种种嘅菩萨、种种嘅金刚。呢度只出，只系举出上首。“上首”嘅意思呢，就系每一本经里便都有上首嘅菩萨，即是当机嘅菩萨。有好多经典，文殊菩萨都系当机吔，以文殊菩萨发问种种嘅问题，佛陀就解答嘞，呢啲就叫“上首菩萨”。系菩，上首嘅意思呢，除咗系佢嘅果位、佢嘅证量高之外，可以咁解释，亦都系每一本经当机嘅菩萨，谓之上首嘅菩萨，吓，最上排首之中，或者以佢为代表咁解啦，就系上首嘅菩萨咁嘅意思。

咁头先有一样嘢讲漏咗，补充下讲番啦。金刚萨埵啫所讲，头先讲到金刚手菩萨啦，或者我哋显宗所讲话系大势至菩萨嘅变化身啦，好重要，讲漏咗系咩呢？一点就系所有由大日如来嘅密法啦，都系由金刚手菩萨亲自传承，大日如来咧，曾经咐嘱金刚手菩萨要护持密藏吖，响，特别响末法时期令到密藏唔散失，同埋护持修持密法嘅人。咁响《大佛顶首楞严经》里便，金刚手菩萨亦都有出现，都系执金刚嘅上首，亦都系去保护受持楞严咒嘅人，吓，所以啲金刚手菩萨或者金刚圣众嚟讲吖，系佛门里便真系好大嘅护法嚟，佢护持好多修行人。所以呢度仲要我提一点，就系金刚萨埵响西藏密宗所称，或者东密所讲嘅金刚手菩萨，其实都系一样，无异无别，名称唔同，佢都系大日如来心光赋予佢嘅，即是将佢心要嘅传承，所有嘅秘法、法藏结集去传咗俾佢，由佢去护持，由佢去再教授众生，佢系阿头嚟㗎，呢一点系好重要。

咁头先经文佢讲到，所谓有一句呢，要解一解，可能大家唔明白“身语意平等句法门”，即是话“除盖障菩萨等等诸大菩萨”呢一段呢，前后围绕说法，“所谓越三时如来之日吖加持故，身语意平等句法门”，乜嘢叫身语意平，身语意平等句法门呢？意思就系话呢，《大日经》所讲嘅教法，身语意系平等，意思系话佛陀如来种种嘅三业，身语意都已经达到咗第一个实际同埋极妙嘅境界，身体、语言同埋意念，三业都系平等嘅，身语意都系平等嘅。“句”系咩意思呢？“句”呢个字呢，有“止住”同埋“住处”嘅意思，“平等句”呢，就系达到咗三业平等，三密相应嘅“止住”同埋“住处”，啫地方啦，达到咗呢个境界嘅意思吔，所以就叫“身语意平等句法门”喺呢一度，吓，可能古文呢度系要解一解。

喺密宗如果认为修行嘅人呢，身体结密印，能够平等去结密印，语，喺语嘅方面语业，唔去造业，能够平等去持真言，意念平等去作微妙嘅观想呢，如果咁样修习，用呢个途径就可以得到加持同埋受用，成就加持受用身，亦都成就我哋平等嘅智慧身，慢慢慢慢就会相应成佛，呢一点好重要，所以身语意平等句法门，三密加持而令到三密相应。

起码我哋简单嚟讲一讲，我哋嘅口唔去造业，我哋守住，诶，十善啦，不妄语、不绮语、不两舌、不恶口，唔去造业，我哋专心去持诵真言，边一个真言都好，同我哋有缘就得嘞。嗰个时间呢，喺嗰个时刻，语吔，我哋嘅语言上唔去造业，其实已经系善业，唔讲人嘅坏话，唔挑拨离间是非，喺我哋日常生活里便。咁亦都当我哋持诵真言，更加受到你嘅本尊，啫持呢个真言嘅尊啦，吓，加持啦，佛或者菩萨啦，或者金刚圣众去加持你。身体你已经亦都唔去造业，停止咗身业，结出本尊嘅手印，意念亦都作出本尊嘅观想，我哋喺头先所讲月轮布字观啦，响身体将啲梵字布喺身体里便，当然有一定嘅方法，要由师父传授啦，自己唔可以立乱去学啦。

咁“如是者三”，我哋系身语意三业，吓。“业”就行为吔，梵语“karma”。嗱，讲到嗰个“业”嚟讲，有啲人呢，我哋中国有个“孽障”个“孽”嘅，草花头嗰个吖，“孽障”的“孽”，我哋话：“唉，真系冤孽啦，恶孽。”“冤孽”同埋“恶孽”可能会用草花头“孽障”嗰个“孽”，但系佛教讲呢个“业”嚟讲呢，唔同我哋中文草花头个“冤孽”嘅“孽”，嗰个“冤孽”嚟讲系有个贬嘅意思，有个反嘅意思，系唔好嘅，系负性嘅方向嘅意思。但系佛教里便所讲嘅“业”，系“事业”个“业”，啫“职业”个“业”，呢个“业”，“karma”，“karma”，梵语“行为”咁解，唔系净系贬，诶，消极嘅意思，亦都有积极嘅意思，就系善个方面，所以呢个“业”系包括善恶，亦都系不善不恶，中性嘅行为，吓，呢种种，呢三种嘅性质都系有，所以唔好误会嗰个“业”嘅意思，要分清楚吖，喺中国字里便。佛经里便嗰个“业”嚟讲呢，就系善、恶，或者不善不恶嘅行为，唔系，系嘅总，总括嘅意思，唔系净系消极，草花头嗰个“孽”嘅意思，所以唔好误会，冤孽吖业障，所以我哋读佛经呢度系要搞清楚。咁，诶，就身语意，吓，身语意平等句呢个法门，啫身语意三业，我哋凡夫嘅三业，将佢转成佛菩萨嘅三密，就可即身成佛嘞，吓，手结印啦，口念真言啦，意呢，去作观想，呢个就系简单密宗嘅修持嘅简单嘅通途嘅方法，一般嘅方法，通途嘅方法。

以下我哋再读经文：“时彼菩萨，普贤为上首；诸执金刚，秘密主为上首。毘卢遮那如来加持故，奋迅示现身无尽庄严藏，如是奋迅示现语意平等无尽庄严藏，非从毘卢遮那佛身或语或意生，一切处起灭边际不可得。”吓，呢段嘅意思系咩呢？“时”就系“嗰个时候”啦，喺嗰个时候意思就系话呢，好简单嘅啫，就系金刚手菩萨为首嘅其他嘅揸住金刚杵嘅大金刚啦、执大金刚啦、执金刚啦，以普贤菩萨为首嘅其他大菩萨同埋所有大会嘅会众啦，都因为受到吖，如来神力嘅加持呢，眼前忽然呢，映现出佛吖，以神通化现嘅种种境界。当大众见到呢神奇莫测嘅世界呢啲境界呢，目睹从来未有嘅盛事，听见呢，佛陀嘅美妙嘅语言，好深广嘅义理，佢哋听到嘅大众呢，面部都露出好欢悦嘅颜色，吓。亦都听到系非常之开心，绝妙之音听到，犹如置身其中，亦都仿如呢，自己同呢个境界融合嘞，唔知道呢个境界，此情此景系来自何处，或者来，起自他方，因为佢起灭边际吔，而不可知。吓，呢一段嘅经文呢，嘅意思就系咁。

有时啲古文呢，因为所谓言简意赅，好简单几个字已经表示到，唔同我哋而家白话文啦，比较长少少，累赘，所以啲就要讲一讲吖。即是话呢，总括呢段嘅意思就系，啲菩萨吖，同埋执金刚呢，受到如来加持嘅境界呢，佢哋呢，就有个思想意念啦，唔知点解，要去了解大日如来呢啲加持或者佛嘅加持系身生呢？语生定意生？因为佢个加持力系起灭无边吖，不可测，呢个就系如来，表示如来好高深嘅境界啦，咁解啦。

经文嘞：“而毘卢遮那一切身业、一切语业、一切意业，一切处吔、一切时，于有情界宣说真言道句法。又现执金刚、普贤、莲华手菩萨等像貌，普于十方宣说真言道清净句法。所谓初发心乃至十地次第此生满足，缘业生增长有情类业寿种除，复有芽种生起。”

吖，系，我谂起呢，唔讲呢段住，就，头先未讲到，读过经文吖，嗱，“奋迅示现身无尽庄严藏，如是奋迅示现语意平等无尽庄严藏”，嗱，呢个“藏”字，呢度又要讲一讲吖，去更正一下。“藏”吖，嗱，我哋佛经里便有时我哋读“藏”（注：同“床”字音），有时读“藏”（注：同“状”字音）。响“地藏（状）菩萨”，我哋点解唔读“地藏（床）菩萨”呢？“地藏（床）菩萨”就嗰个菩萨匿埋喺地下了㖞，藏喺地。咁地藏菩萨，有啲人话佢喺地狱，地狱系咪一定喺地下？当然唔系啦，用我哋有限嘅空间观念，谂地狱唔好个衰嘢，梗系下面㗎喇，吓，所以话谓之“地狱”，咁嘅地藏（床）菩萨就啱㖞。但系地藏菩萨佢唔喺地，地藏（状）菩萨，点解“地藏（状）菩萨”？“藏（状）”就宝藏，地藏菩萨犹如个大宝藏，施与众生一样。吓，“静虑深密如秘藏（状）”吖嘛，佛经里便讲吖，秘密嘅宝藏，佢静虑深密嘅境界好似秘密嘅宝藏一样，所以唔读“地藏（床）菩萨”，所以要睇边一度读咩音，读唔同个音有唔同个解释。

又例如，大方广佛，诶，《华严经》，吓，讲到呢“华严”，呢个离咗题㗎喇。其实“华严”，以前个“花”同个“华”字系相通㗎嘛，“花”同“华”。咁好多好多，诶，佛教人读《华（话）严经》，咁就其实唔啱嘅个意思，“华（话）严”，点“华（话）严”吖？“华（话）”就系“荣华富贵”个“华”，“华美”个“华”，喺佛经里便呢个就系“花”，要读“花”，系“花”嘅意思，以千花去庄严万行，就系《华（花）严经》，唔可以读“华（话）严”，“华（话）严”系错。

咁有啲人话你执著字音啫，点解一定要矫正？咁如果唔需要矫正啲字音，咁啲佛经念错晒，咁继续一代一代传落去，以后就会错落去㗎喇，所以每一个字，当我哋念经嘅时候，都希望尽量去了解同考证，嗰个字吔究竟嘅读法，个音系点？音唔同，义就会唔同嘞。

其实嗰个“花“字，啫个“华”，如果“华”字写法，现代我哋变咗个“花”同个“华”字，系两个字唔同㗎喇，我哋系草花头“一朵花”个“花”啦，就已经系知系花啦，但古代个“华”同个“花”系相通，冇“花”嘅时用个“华”去代表。三个读法嘅——华美啦，就华丽啦，就用“华（话）”；《华（花）严经》啦，就现代嘅“花”嘅意思吔，一朵花，花嘅意思；另外姓“华”个㖞，有姓“华”嘅，“华国锋”咪“华”（话）啰？有个以呢个“华（话）”字去做姓，或者“中华（话）”啦，吓。咁所以个读音呢度系，系好紧要吖，吓，呢个系离题啦，但呢个系读音嘅问题。

所以“藏”，有时读“藏”（床）。虚空藏（状）菩萨，虚空嘅宝藏，犹如虚空无穷无尽嘅宝藏。“法界藏（床）身阿弥陀佛”，就唔系“法界藏（状）身”吖，呢度要读“藏”（床）。因为阿弥陀佛系喺呢个宇宙无穷无尽、百千万亿嘅世界，每一个世界其实都有佢嘅分身，点唯独佢净系极乐国？极乐国就系佢嘅化土，所以叫做“法界藏（床）身阿弥陀佛”。每一个法里便有个界，每一个界别，“界”就系空间方所，每个空间都有佢嘅身体喺里便，所以系“藏（床）身”，唔系“藏（状）身”吖，嗱，呢度要读“藏”（状）嘞，吓。

咁“阿弥陀佛”，又讲番呢个，呢个佛号啦，都有好多好多研究，争论都好耐。“阿（o）弥陀佛”定系“阿（a）弥陀佛”呢，嗱，呢样嘢争论咗好耐，又系个读音嘅问题，其实你念“阿（o）弥陀佛”同“阿（a）弥陀佛”，功德都一样，系我哋个心只要我哋念嗰阵时个真诚心，系发自个真诚心发露出嚟去念呢个佛号嚟讲，我哋嘅意念波已经系同嗰个佛沟通咗相应。因为佢系宇宙之间嘅大觉者，吖，大觉者，所以佢会知道我哋嘅意念，我哋心之所念。《金刚经》已经讲过啦，众生啫，嘅心中所念，如来都好非常之清楚，咁所以就系话，无论你读“阿（o）”同“阿（a）”都系冇错。

但系如果你据佛学嘅佛理去考证嚟讲呢，真正嘅读音应该要读“阿（a）”嘅，系先啱嘅，因为佢梵语系“amita”，“amita”就系“a”，“a”嘅音。“阿（a）”就“无”咁嘅意思。系“阿”字喺，如果讲番密宗系非常重要，意思就“本不生”，亦都系“本不灭”吖，不生自然就不灭，所以“阿”字，喺密宗里便系修行一种观想，称为阿字观，呢一种都系好重要嘅修行嘅方法。所以根据学理嚟讲，你去读“阿（a）”先系啱，“阿（o）”就系错嘅，但系如果喺念诵嘅方面嚟讲，喺修持方面，我觉得唔需要去执著“阿（a）”同“阿（o）”，因为你系念诵呢个佛陀，你个心系向个佛，心中有佛去观佛，自然佛陀就会加持你，何必要执著念“阿（o）”同“阿（a）”呢？吓，呢个系我认为嘅观点，但可能系唔啱，我希望喺呢度提出，讲到呢度俾各位去参考。

有学理上，佛学同学佛，大家观点上嘅睇法系唔相同，但系我认为如果系专心去念咗个佛，因为宇宙间嘅觉者，佢已经系全知，吓，当然佢唔系全能，系万能，但系你念诵呢个佛号嘅时候自然就能够同佢相应，因为佢已经知道，你念错呢个小小音亦都唔关系，唔系一个属于嗰个好长嘅真言，或者天部嘅咒语吔，天部嘅咒语就唔同嘞，或者天部，诶，嗰啲众生嘅护法嘅，嘅名号，你念错咗可能佢会唔知，因为佢宇宙唔系一个全知者嚟㗎嘛，唔系全觉者，佢都系有漏嘅生死凡夫，所以对于呢个咒语读音呢，就须要考究。你睇下系边一类嘅咒语呢，如果系头先讲到话，佛嘅名号，菩萨嘅名……（注：此处录音中断）

189.灭罪真言重出世（一）

净除一切恶道——《佛顶尊胜陀罗尼经》

首先讲下佛顶尊胜陀罗尼嘅缘起同埋殊胜嘅功德。佛顶尊胜陀罗尼嘅缘起系由于善住天子将于命终之后连续七世受畜生身，七生报尽之后呢，就会堕入地狱受大苦报，地狱苦报满咗之后，得番人身，但系都生于贫贱嘅家庭，而且双目失明添。帝释天由于怜悯善住天子过去嘅业因，所以就去到释迦牟尼佛嘅地方去乞求佛陀救济嘞，佛陀就为天子宣说佛顶尊胜陀罗尼，同埋解说呢个陀罗尼嘅持诵功德添。

根据《佛顶尊胜陀罗尼经》记载，呢个真言系八十八俱胝恒河沙数诸佛共同宣说，能够除灭一切罪业同埋障难，亦都能够破一切污秽恶道嘅苦报。根据《佛顶尊胜陀罗尼经》序所载，响唐朝高宗仪凤元年，即系公元六百七十六年，罽宾国，即系现在嘅北印度克什米尔，有一位婆罗门嘅僧人佛陀波利法师，进入我哋中国个唐朝，去到五台山，响五台山嘅狮羊岭附近，即系现在尊胜寺嘅地点，佛陀波利法师遇到一位老者。老者就对法师话：“汉地嘅众生多造罪孽，出家人亦都好多犯戒律，只有《佛顶尊胜陀罗尼经》能够灭除众生嘅一切恶业。”老人家又讲：“大师，你可以向西国去攞呢本经嚟，将来流传汉土，广利群生，拯济幽冥，去报答佛陀嘅恩惠。法师，如果你能够将《佛顶尊胜陀罗尼经》攞嚟中土，我就会话俾你听你想见嘅文殊师利菩萨嘅地方嘞。”

佛陀波利法师听完老人家呢段说话之后就非常之欢喜，自己抑制唔住心情亦都流泪，至心敬礼老人家，但系举头之间，已经唔见老人家嘅踪影㖞。后来，波利法师依据老人家嘅劝告，于是不辞劳苦，远涉流沙，重新返番天竺，即系印度，将《佛顶尊胜陀罗尼经》攞嚟我哋中土。

响永淳二年（公元六百八十三年），再番入长安，同日照三藏（即系地婆诃罗法师）、杜行顗居士等等将呢本经翻译。后来佛陀波利法师又同汉籍僧人顺贞重译呢一部经。当呢本经译成之后呢，波利法师就将本经嘅梵本攞埋入咗五台山，后来就不知踪影嘞。

其后，义净法师吔、善无畏三藏、金刚智三藏、不空三藏、法天三藏等等嘅各大译师亦都分别有译过呢本经，但系所唔同嘅呢，就系各大译师嘅咒语嘅长短都有相异同埋出入之处。根据武彻居士所讲嘅《加句灵验佛顶尊胜陀罗尼记》呢一篇文章记载，金刚智三藏嘅译本呢，即系所谓《加句灵验佛顶尊胜陀罗尼经》呢个咒文呢，文句系最圆满具足嘅。

佛顶尊胜陀罗尼功德威力不可思议，大致可分为：除灾救难、灭罪生善、净除业障、增福延寿、得大菩提、救拔幽冥、利益鸟兽同一切蠢动嘅含灵、增智慧、转定业、消诸病、破地狱、净恶道、除恶鬼、安门户、得子嗣、和夫妇、往生极乐世界甚至系于其他嘅佛国净土。另外，除去一切鬼神所作祟嘅疾病或者祈雨等等，甚至呢个真言一经于耳就能够熏习我哋嘅阿赖耶识，即系第八识作为佛嘅种子。

响中国同日本，修持呢个真言嘅行者历来都有好多，古来应验亦都不胜枚举。响禅宗嘅课诵亦都时有用之。根据《佛顶尊胜陀罗尼流布缘起》记载，响唐代宗大历十一年，公元七百七十六年嘅二月八日，唐代宗特别颁诏天下嘅僧尼每一日都要将呢个真言讽诵二十一次，限一个月以内要令精熟，响每年嘅正月一日呈报俾皇帝知道。

响唐朝嘅末年吖、五代吔，都好兴盛流行呢，将佛顶尊胜陀罗尼呢，写于石幢之上去建立所谓真言幢或者经幢嘅，真言幢或者经幢，啫刻有经文或者陀罗尼嘅咒文啦，到现代呢，流传嘅亦都好多。所以我哋知道呢个真言系无上法宝，世间稀有。佢神力广庇、功德巍巍，果报实在难思难议，对当今嘅天下实在系非常有益。救济含灵、清净诸趣，无过于呢个真言。故此凡系正信嘅三宝弟子，有缘能够遇到呢个崇高、无上神圣嘅法宝，我希望大家都能够留心于圣教，以报答父母嘅恩惠同埋四重嘅恩德。

《净除一切恶道佛顶尊胜陀罗尼经》，呢部经系阿难亲自听佛陀所讲嘅。有一日，佛陀同佢常随嘅弟子一千二百五十位大比丘、一万二千位大菩萨僧共同住喺舍卫国嘅祇树给孤独园之中。响嗰个时候，三十三天嘅天子亦都响忉利天嘅善法堂之中聚会。其中有一位天子，个名字叫做善住，亦都同其他嘅天子一齐游戏于亭台楼阁之中，享受天上最胜嘅尊荣富贵。其他嘅天女亦都前后围绕、歌舞作乐、欢喜嬉戏。佢哋相互愉悦，真系快乐无比。但系，不料乐极生悲，善住天子响入夜不久，忽然听到空中有声音话：“善住天子，你从现在开始，七日之后寿命就会尽嘞，死咗之后就会转生响娑婆世界，而且连续七生都系畜生身添。七生之后又会堕入地狱受苦。地狱苦报满咗先能够转生人道，但系都要生喺贫贱嘅家庭，喺母胎之中就冇咗双眼，出生就系盲㗎喇。”当时善住天子听咗之后非常恐惧，吓得浑身毫毛直竖、忧愁万分。于是佢立刻赶往帝释天宫，不禁悲伤痛哭，惊慌得不知如何是好。

于是佢向帝释天处顶礼之后，就老实对帝释话：“我同其他天女共聚一齐喺度歌舞嬉戏，非常之快乐嘅时候，忽然听到空中有声音话：‘善住天子，由而家起，七日之后你嘅天命就会告终。响命终之后，你就要下生娑婆世界，连续七生都系畜生身。七生报尽又要堕入各种地狱去受大苦。地狱报满，又转生为人，但系仍要生喺贫贱嘅家庭，而且生下嚟就双眼失明。’唔知天帝您点样使我能够逃过呢啲苦难呢？”

帝释听咗善住天子嘅哭诉之后，当时亦都非常惊愕，个心谂：善住天子响恶道之中要经历七次生死，到底转生咩样嘅畜生身呢？为咗明白善住天子转生嘅情形，于是帝释就立刻进入禅定，仔细咁样观察，就知道将会陆续善住天子转生为猪、狗、野干、猕猴、蟒蛇、乌鸦、鹫鸟等等嘅飞禽走兽，食各种污秽嘅食物。帝释见到嘅善住天子将来响恶道之中七次生死嘅身相，不禁就心如刀割，就非常难过啦，但系感到无计可施。于是帝释谂一谂，吖，佢谂到嘞，原来只有释迦如来应正等觉先可以救到善住天子，能够使到佢逃过堕落恶道嘅苦难。

咁响嗰个时候，帝释就喺当日嘅初夜时分，备办咗各种花鬘吖、涂香吖、抹香吖，同埋天妙衣庄严佢嘅身体，奉持供品，专程就前往誓多林去拜见佛陀嘞。帝释到达咗佛陀嘅座前，首先五体投地，行接足嘅大礼，随后又右绕佛陀七匝，然之后呢，广陈供养、胡跪佛前，陈述善住天子将要堕落恶道，七次生死都系畜生身嘅种种情形，帝释就乞求佛陀开示救苦脱难之道嘞。

响当时，如来嘅顶上立即放射出种种嘅光芒，遍照十方一切嘅世界，随后又反射返嚟，绕佛三匝，然后进入佛口而消失。呢个时候，佛陀就微笑话俾帝释听：“天帝，有陀罗尼叫做如来佛顶尊胜，能够使到一切恶道化为清净，能够完全灭除一切生死苦恼，亦都能够完全解除各种地狱、阎罗王界嘅畜生苦难，又能够破一切地狱，使到受罪苦嘅众生都能够改过自新，转向善道。天帝，呢个佛顶尊胜陀罗尼，如果有人听到，一经耳闻，呢个人先世所做嘅一切应该堕入地狱嘅恶业都会一齐消灭，并且获得清净嘅身相。亦都无论转生去边一道都能够清楚记忆而唔会遗忘，由一佛土到另外一个佛土，由一个天界去另外一个天界，就系遍历三十三天，佢所生嘅地方，都系唔会忘记㗎。天帝，如果有人嘅寿命行将临终嘅时候，只要有须臾嘅时间能够忆念呢个陀罗尼神咒，就能够延年益寿，而且得到身口意清净，身无苦痛。随住佢嘅福业，到处都得到安稳快乐，受一切如来嘅照顾。一切天神亦都时常侍从卫护，并且受到他人尊敬，恶障消灭，一切菩萨亦都会同心庇护呢个人。天帝，如果有人能够响极为短暂嘅时间之内虔诚读诵呢个陀罗尼，咁呢个修行人所有一切地狱、畜生，同埋阎罗王界嘅饿鬼苦厄都会完全破除、消灭殆尽，唔会残留一丝嘅罪报嘅。诸佛嘅清净国土同埋其他嘅天宫，一切菩萨所安住嘅门径都可以随意趣入，唔会有任何嘅障碍。” 

当时帝释听咗以上嘅开示，就立即向佛陀祈请话：“世尊吖，唯愿您嘅大慈，请为众生演说呢个延年益寿之道啦！”佛陀知道帝释嘅意思，心中谂：帝释一定系好喜欢听我讲呢个佛顶尊胜陀罗尼法嘞。于是佛陀就当即说咗佛顶尊胜陀罗尼。

Sarva durgati pari sodhana usnisa vijaya dharani：

Namo bhagavate trai lokya prati vi sistaya buddhaya bhagavate

tadyatha om visodhaya visodhaya asama sama samanta avabhasa

spharana gati gahana svabhava visuddhe abhi sincatu mam

sugata vara vacana amrta abhisekaih maha mantra padaih ahara ahara 

ayu san dharanni sodhaya sodhaya gagana visuddhe 

usnisa vijaya visuddhe sahasra rasmi sancodite 

sarva tathagata avalokani sat paramita pari purani

sarva tathagata hrdaya adhi sthana adhi sthita

maha mudre vajra kaya sam hatana visuddhe

sarva avarana bhaya durgati pari visuddhe prati nivartaya ayu suddhe

samaya adhi sthite mani mani maha mani 

tathata bhuta koti pari suddhe visphuta bodhi suddhe jaya jaya 

vijaya vijaya smara smara sarva buddha adhi sthite suddhe

vajre vajra garbhe vajram bhavatu

mama sariram sarva sattvanam ca kaya pari visuddhe

sarva gati pari suddhe sarva tathagatas ca me sam asvasa yantu

sarva tathagata sam asvasa adhi sthite

buddhya buddhya vibuddhya vibuddhya

boddhaya boddhaya viboddhaya viboddhaya

samanta pari suddhe sarva tathagata hrdaya adhi sthana adhi sthita

maha mudre svaha

（注：由于冇查到同音频一样嘅梵语罗马拼音版本，所以呢度用果滨居士翻译嘅版本，此版本同音频版本相比少咗一句“sarva tathagata mati dasa bhumi pratisthite”。）

佛陀话俾帝释听：“以上所讲嘅神咒叫做净除一切恶道佛顶尊胜陀罗尼，能够灭除一切罪障业障，能够破除一切污秽恶道嘅苦难。天帝吔，呢个大陀罗尼神咒系八十八俱胝恒河沙数嘅无量诸佛共同宣说，亦都随喜受持，系大日如来嘅智印所印证㗎。因为呢个神咒能够破除一切众生三恶道嘅痛苦，能够使到一切地狱、畜生、阎罗王界嘅罪苦众生获得解脱，就系面临苦难，立即要堕入生死海中嘅众生亦都能够得到解脱。可以使到短命福薄、无人救助嘅众生同埋乐于造作各种恶业嘅众生都得到好大嘅利益。又因为呢个神咒响娑婆世界住持力嘅缘故，能够令地狱恶道嘅众生、种种生死流转福薄嘅众生、唔相信有善恶业同埋偏离正道嘅众生都能够了知解脱嘅意义。”

佛陀于是又叮咛天帝话：“我所讲嘅神咒，现在付嘱俾你，你应该将呢个神咒转授俾善住天子，但系你自己亦应该受持、读诵、思惟、爱乐、忆念、供养。对娑婆世界嘅众生亦都应该广为宣说呢个陀罗尼印。亦都系为咗一切诸天子嘅缘故，讲呢个陀罗尼印，现在亦都付嘱俾你。天帝，你应该好好受持，殷勤守护，唔可以忘失吖。天帝，如果有人听闻呢个神咒，甚至只系一会儿嘅时间，呢个人千劫以嚟累积所造嘅恶业重障，本来应该轮转各生死恶道，或者地狱、饿鬼啦、畜生啦、阎罗王界啦、阿修罗啦，或者夜叉罗刹啦、鬼神啦、布单那啦、羯吒布单那啦、阿波娑摩啰啦、蚊虻啦、龟狗、蟒蛇，各种飞禽同埋各种毒蛇猛兽之类，以致蠢动含灵，蚁子等等嘅身体，因为须臾听受呢个神咒嘅功德力，舍报之后就唔会再受恶道之身，即得转轮诸佛国土，同一生补处嘅菩萨同生㗎喇，甚而或者托生响大姓嘅婆罗门家，或者生于王族家，或者生于其他最豪贵嘅家中。

天帝，呢个人能够转生好似上面所讲嘅尊贵地方，都系由于有幸听闻呢个神咒嘅因缘，先能够获得转生去清净嘅地方。天帝，乃至得到菩提道场最尊胜嘅处所，亦都系由于赞美呢个神咒功德所致。故此天帝，呢个神咒名为吉祥，能够使到一切恶道清净。呢个佛顶尊胜陀罗尼就如同日藏摩尼宝珠，凝净而冇任何嘅瑕疵，明亮犹如晴空，光艳显耀，冇照唔到嘅地方。如果有众生受持呢个陀罗尼神咒亦都系如此。呢个陀罗尼亦都好似阎浮檀金一样明净柔软，见到嘅人都会好欢喜，一切秽恶嘅物件都唔能够污染佢。

天帝，如果有众生能够受持陀罗尼亦都系如此，乘住呢个持咒嘅善净功德，将来就会得生于善道㗎喇。天帝，呢个陀罗尼所在嘅地方，如果能够书写流通、受持读诵、听闻供养，将会使到一切恶道得到清净，一切地狱嘅悲惨、痛苦、忧恼都会完全消灭。”

佛陀又慎重告诉天帝话：“如果系有人能够书写呢个陀罗尼真言，安置响高幢之上或者系安置响高山或者高楼之上，乃至安置响塔里面，天帝吔，如果有比丘、比丘尼、优婆塞、优婆夷、族姓男女等等，遥远见到幢上同埋高山嘅山上，或者幢影等等蔽身，或者因为风吹幢上等等嘅尘埃落喺身上，天帝，呢啲众生所有嘅罪孽原本应该堕入地狱、畜生、阎罗王界、饿鬼界、阿修罗等等恶道之中受各种痛苦，因为有前便所讲嘅因缘，佢哋都唔会依业受报，亦都唔会受罪垢嘅污染。天帝，一切嘅诸佛都会为呢啲众生授记，响阿耨多罗三藐三菩提嘅道上永远唔会再退转㗎喇。

天帝，只系遥见呢个陀罗尼，甚至仅仅陀罗尼嘅幢影蔽身、幢尘著体，就会有咁样嘅功德威力，何况系用诸多嘅供养，比如花鬘啦、涂香啦、抹香啦、幢幡、宝盖啦、衣服、璎珞等等啦，作种种嘅供养庄严，同埋响交通嘅要道建造宝塔，安奉呢个陀罗尼合掌恭敬、绕塔行道、归依礼拜，天帝吔，如果有人能够咁样去供养就叫做大菩萨，真系佛弟子，系法门嘅栋梁，亦都系如来嘅全身舍利塔。”

响嗰个时候，阎摩罗法王响入夜嘅时候嚟到佛陀嘅住所，首先以种种天衣、妙花同埋涂香，庄严去供养，接住绕住佛陀三匝，然后五体投地行接足嘅大礼，然后合掌话：“我听见佛陀演说、赞叹、奉持呢个大力陀罗尼，所以专程前嚟修学。如果有受持读诵呢个大力陀罗尼嘅众生，我都会常随守护，唔会使到佢哋堕入地狱，以佢哋能够因为遵循如来嘅言教，所以我就会护念嘞。”

响嗰时护世嘅四天王呢，亦都从座而起，绕佛三匝，然后恭敬祈请话：“唯愿如来为我详说持诵呢个陀罗尼嘅方法。”

佛陀即刻就开示四大天王话：“你哋现在仔细咁听住，我为你宣说受持呢个陀罗尼嘅方法，亦都系为短寿嘅众生讲。响持诵呢个陀罗尼以前呢，首先就应该斋戒沐浴，穿著新嘅洁净衣服，然后响每个月中嘅月圆之夜持诵呢个佛顶尊胜陀罗尼一千遍。咁样做就会使到短命嘅众生增长寿命，永远唔会有病苦，一切业障都会消灭，一切地狱嘅各种痛苦亦都可以获得解脱，一切飞禽走兽同埋含灵之类，得闻呢个陀罗尼，一入耳根，尽咗佢呢个报身呢，以后就唔会再受呢啲秽恶嘅身相啦。”

佛陀又继续开示话：“如果有人患咗严重嘅恶病，能够听到呢个陀罗尼神咒就能够永离一切病痛，亦都消灭应该堕入恶道嘅罪业，命终之后就会转生寂静嘅世界。从当生以后呢，就唔会再受胎生，佢所生嘅地方都系由莲花之中化生，无论转生去边一度都能够记忆呢个陀罗尼，仲有，而且呢个人常知宿命添。

如果系有人已经做咗种种极重嘅恶业，响佢命终之后，由于恶业嘅缘故应该堕入地狱或者堕入畜生道或者饿鬼，乃至堕入无间地狱，长劫受苦，或者生于水族，或者沦为禽兽异类嘅身体，如果有人攞亡者部分嘅身骨，用一把泥土，诵念呢个陀罗尼二十一次，然后将泥土撒喺亡者嘅骨上，咁样亡者就会因为神咒嘅真言加被嘅力量，立刻就会往生去天界嘞。”

佛陀又话：“如果有人能够每日诵念呢个陀罗尼二十一次，就能够消受一切世间嘅广大供养。舍报之后呢，就可以往生去阿弥陀佛嘅极乐世界。如果能够时常诵念，亦都可以得到大涅槃，亦都能够延年益寿，享受最为殊胜嘅快乐。舍弃当生报身之后呢，就能够往生各种微妙嘅佛国，亲近诸佛。一切如来亦都为持诵修学呢个法门嘅人演说微妙嘅法义，一切世尊会为呢啲幢者授记，身光照耀一切国土。”

所以佛陀话：“如果要持诵呢个陀罗尼，首先就响佛前攞清净干净嘅泥土，依泥土嘅大小，作一个四方形嘅坛场，以各种草花撒喺坛上便，亦都烧各种名香，右膝要著地胡跪，个心时常念佛，手结陀罗尼印，即系尊胜陀罗尼嘅手印。手印就系屈头指，以大拇指按压住，合掌置于胸口之前。口诵呢个陀罗尼一百零八遍之后，就响坛之中好似云王雨花一样，咁样普遍供养八十八俱胝恒河沙数无量嘅诸佛。咁呢啲佛陀就会同声赞叹话：‘善哉！稀有！真系佛子嘞。’响呢个时间，就同时得证无障碍智三昧、大菩提心庄严三昧。持诵呢个陀罗尼神咒嘅方法，大致就系咁样嘞。”

佛陀又咐嘱天帝话：“我呢个方便道能够令一切应嘅堕入地狱嘅众生获得解脱，令一切恶道转为清净，亦都能够令持诵嘅众生延年益寿。天帝吔，你将我呢个陀罗尼带返去，教授善住天子啦，叫佢如法持诵，咁样响七日之后，你同善住天子再一齐嚟见我啦。”

当时天帝就响世尊之前恭敬受持咗呢个陀罗尼法，就奉持返到去自己嘅天宫，依照佛陀个吩咐，就传授俾善住天子嘞。善住天子敬受咗呢个陀罗尼后，就立即依法持诵。啱啱满六日六夜呢，就能够满足咗一切嘅愿望啦，天寿原本应该尽嘅，堕落一切恶道辗转受种种嘅大苦，因为持诵呢个陀罗尼嘅缘故，已经得到解脱，得到安住响菩提道，增寿无量，所以就无限嘅欢喜。（注：接下文）

190.灭罪真言重出世（二）

（注：接上文）……就遵照佛陀嘅慈命同埋善住天子以及其他天众，奉持咗花鬘、涂香、末香、宝藏、幡盖、天衣、璎珞微妙嘅庄严，就去到佛陀个地方供养世尊，又恭敬绕世尊百千匝，然后欢喜踊跃，严肃咁坐喺佛陀嘅前面，听佛陀说法嘞。

当时世尊伸出金色嘅手臂摩住善住天子嘅头顶为佢说法之外，又为佢授菩提记，而且吩咐佢话：“呢一部经叫做《净除一切恶道佛顶尊胜陀罗尼》，你应当受持吔。”咁响当时嘅大会嘅圣众听到佛陀所说嘅法都欢喜信受奉行。

跟住落嚟同各位讲下加句灵验佛顶尊胜陀罗尼嘅灵验事迹。呢一篇故事系唐朝嘅朝议大夫兼侍御史武彻居士所讲嘅：

佛顶尊胜陀罗尼呢，系概括一切如来秘要嘅总持法门，佢系大日如来亲自印证嘅，佢吉祥善净，亦都有破除三恶道罪苦嘅大力神咒。响唐朝嘅仪凤年间呢，啫西元嘅六百七十六到六百七十八年，由佛陀波利法师传入我哋中国。响当时国内嘅各个寺院呢，持诵嘅人都好多，我自细呢，就时常持诵㗎喇。响永泰初年，西元嘅七百六十五年，自从我太太过咗身之后，我由于追求出世间嘅法，于是就更加精诚修习呢个陀罗尼啦。

当时有一位响朝中做官嘅侍御史，佢嘅名称叫做蒋那，呢个蒋那呢，佢时常亦都持诵呢个神咒。有一日，蒋那忽然嚟我屋企探我，好高兴咁话俾我听：“我现在得到究竟道，非常难逢难遇㗎。”于是我诚敬咁问佢：“咩嘢得到究竟道呢？”哦，原来蒋那系指得到佛顶尊胜陀罗尼咒文嘅善本，于是我就叫佢念一遍俾我听啦。我听咗之后就觉得佢念诵嘅文句稍为多咗一啲，嘅音同埋旨趣呢，亦都颇有不同，于是呢，就跟住佢念诵嘞。蒋那又话俾我听，佢系有一位王开士教佢念嘅，而呢个开士呢，系金刚智三藏大师所传授。

金刚智大师亦都曾经告诉王开士：“响印度吖，其实亦都好难见到咁完善嘅抄本，我带住呢个梵本嚟到中土，所以呢，只系秘密去传授。”蒋那坐咗一阵之后呢，讲咗一啲奇特嘅灵验事迹，佢就走咗。可惜喺当时我冇呢，叫佢将佢嘅善本攞出嚟俾我睇，而家谂番起真系遗憾。蒋那不久就遭到刑法诛戮，所以因此呢，我就非常之后悔。以后每遇到有精进嘅修行人，我就呢，都向佢哋询问佛顶尊胜陀罗尼有关呢个咒文嘅善本，我亦都时常抱住一线嘅希望。后来呢，我遇到僧人呢，际公，居然呢，佢藏有呢个咒文嘅善本㖞。

响开元年中，西元七百一十三到七百四十一年之间呢，响五台山之下，有一位精修嘅王居士，因为有事佢远游异乡。但系不料出门之后，佢嘅爸爸因为疾病而身亡，所以佢返到屋企之后见唔到爸爸就好悲痛啦，唯有至诚念诵佛顶尊胜陀罗尼，虔诚去祈祷，希望能够知道佢爸爸生喺咩地方同埋善恶业报等等嘅情形。但系王居士念诵咗数十万遍之后，见唔到任何嘅感应，于是佢就好失望，所以就停止念诵真言而出山了。响佢出山嘅途中，王居士见到一位老翁突然对佢话：“仁者，你持诵呢个神咒，唔可以话唔精勤同埋快捷，但系可惜你诵念呢个神咒文句有啲缺漏，所以呢，功德就唔显著嘞。咁啦，如果你想学，我现在就传授你真正嘅佛顶尊胜陀罗尼全首咒嘅文字啦。”

王居士听完之后就喜出望外，于是就即刻恭敬礼拜而受老者嘅教导。后来呢一位老翁又咐嘱佢：“你可以诚诵一千遍，就会有灵验㗎喇。”果然王居士响持诵数日之后，响夜晚之间，忽然间听到环佩箫笛嘅声音，由空中慢慢慢慢降落到庭院。王居士就好惊异咁出门去探视啦，佢见到数十个天人原来簇拥住一位天仙，慢慢慢慢咁步向自己面前。于是天仙就问王居士话：“你认唔认识我吖？”王居士就答：“唔认识㖞。”天仙就话：“你唔认识我吖？我就系你病故嘅父亲吖！因为你历年嚟持诵佛顶尊胜陀罗尼，因为你持咒嘅功德利益。但系响近数日以嚟呢，唔知点解，福德力忽然大增，胜过你数年累积嘅一倍，唔知咩缘故有咁样嘅威力。我因为你持咒嘅功德力量吖，我已经做咗天仙之王啦，就系知道持诵神咒嘅威力，果然系不可限量个㖞。”讲完之后，天仙就慢慢上升虚空，腾云而去嘞。王居士知道原来天仙系佢爸爸，同佢讲咗呢番说话之后就非常之欢喜啦，因为佢已经得偿所愿，知道佢爸爸去咗边一道嘞，于是就欢喜跪送天仙。从此以后，因为呢件事，王居士就更加加倍精进去修持佛顶尊胜陀罗尼嘞。

后嚟王居士到咗东都，即系洛阳，佢知道有一位专持诵呢个神咒嘅学人王少府，亦都系首先佢诵持佛陀波利所传嘅咒文，但系直到佢诵念数万遍之后呢，佢有一夜，呢个王少府又见到一个梵僧对佢话：“你持诵呢个佛顶尊胜神咒可以话系非常精诚，可惜咒文亦都有缺漏，以至功德变成咗微薄啫。”王居士于是礼拜叩赐呢个神咒嘅全文，梵僧就出示梵文嘅全本，又亲口教授佢。随后，佢就恭送梵僧出门，彷彿已经系白天。返到床前，见到僮仆仍然高卧未起。佢突然间醒嚟，哦，原来系白日，所以叫僮仆，而且喝斥佢哋：“天都光啦，点解仲唔起身呢？”僮仆就对佢讲话：“现在先系半夜咋，仲未天光。”说话啱啱讲完，光亮即刻消灭，果然系深夜。所以王少府对自己所见嘅情景觉得非常之惊异，佢闭目诵咒，历历分明，从此，佢就更加精勤去修持陀罗尼嘞。

响天宝嘅初年，西历嘅七百四十二年，五台山嘅人又有一位叫做王居士，同埋王开士、王少府三人，同时住喺东京，但系互不相识。有一日，王少府突然间暴亡，但系尸体停咗七日之后又复活。响城中好事嘅人当然争相走告啦，唔知系因为咩缘故会有呢啲事情发生。五台山嘅人同埋王开士听到呢个消息亦都不约而同去前去探访，希望知道佢死而复活嘅经过。

后嚟据王少府嘅自述话：“响当日夜晚，啱啱就寝冇几耐，忽然有两个衙差嚟拘捕我，我身不由己就跟佢哋走咗数十里啦，行到一樖大树下便，两个差就告诉我，叫我休息，我亦都跟住佢坐喺笪草地上便。于是我就谂起佛顶尊胜陀罗尼，我就闭目虔诚念诵。啱啱念咗一遍，二十一遍之后，就睁开眼，不料两个差使已经无影无踪，唔知去向嘞。正当感到奇怪嘅时候，就见到有四个人匆匆喺樖大树度走嚟，嚟到我面前，竟然跪住对我话：‘仁者，您系修行咁高，获得咁大功德神力，前嚟追捕您两个差使由于得您嘅助力，已经生天啦。’于是我话俾佢哋听：‘只会持诵佛顶尊胜陀罗尼神咒。’于是四个人又同声恳求话：‘请您亦都为我哋诵呢个神咒啦！拯救我哋嘅苦难啦！’于是，我又闭目虔诚念诵二十一次，睁开眼嘅时候，四个人已经唔见咗。”

“转眼之间又听到空中有戈甲嘅声音，随即就见到一个神人由空中而降下，佢身著住铠甲，外面罩有紫袍，仪态威严，亦都好多侍从跟住佢，竟然亦都近前跪向我话：‘我其实系五道嘅司命神，地位都算尊贵，然而都系属于神道，但系我希望能够生喺天上。前面嘅六人呢，都系借您嘅福德威力都已经生天，现在劳驾到我个住处，希望您嚟我地方呢，亦都为我持诵呢个神咒，希望获得您嘅庇荫都能够生天。’于是，我就随住神人乘空去一个宅第，但系见到方圆数十里之内，都系披枷带锁待为处决嘅罪犯。原来吔，呢个地方系冥府嘅审讯吖、拷问嘅地方。神人于是请我高座，自己呢，就坐喺床座之下，跪住听我持咒。”

“当我虔诚持诵佛顶尊胜陀罗尼神咒刚刚满四十九遍之后，睁眼环视，已经见唔到任何人嘞，只系见到断枷烂锁，一片凌乱。我正当奇怪嘅时候，忽然有四人匆匆前嚟粗声咁对我话：‘大王命我速送你去出境，你扰乱咗阴界，封锁咗文案刑卷，破坏咗阴司。’讲完呢番说话之后就将我驱逐去一个山谷之中，咁响呢个时间，我就悠悠忽忽咁醒咗，竟然就还阳嘞。我谂以上嘅情况都系佛顶尊胜陀罗尼神咒不可思议嘅加庇力量。”

五台山嘅人王居士、王开士同王少府三个人，既然都系以持诵佛顶尊胜神咒为常课，于是佢哋就各人将自己所珍藏嘅咒文原本对校文句，欸？竟然好奇怪，佢哋嘅文句完全相同，不禁互相庆贺就各有奇缘啦。王居士话：“我呢一本系五台山圣公所赐予嘅。”王少府就话：“我呢一本系梵僧所授予嘅。”王开士就话：“我呢一本系金刚智三藏亲自传授，梵文原本现在仲保存住添。”于是佢哋三个人就好开心，共同去勘校，各本嘅音旨呢，同埋字数呢，都系一样，于是叹为世间真正少有嘅福缘。

以金刚智三藏嘅译本去勘校佛陀波利法师所传嘅译本，文句虽然大致相同，但系前本较后本就多咗九句，一共六十九个字。僧人惠琳大师呢，因为修订《大藏经》目录，收入以前未入嘅藏嘅经典，一共六百几卷，于是呢，就武彻居士所叙述陀罗尼嘅感应神验，亲自校勘，写于序响本书后便。当时就系元和十四年，即系西元八百一十九年。

响前朝嘅蒋大夫行、通事舍人张承福同埋百济僧人等等三个人，佢哋都各自持诵佛顶尊胜陀罗尼，都好精诚用功。虽然曾经为冥司所追捕，但系因为持咒不可思议嘅威神力量，都唔会受到恶道嘅各种痛苦，亦都同时超度正喺受苦嘅众生，而且各有传记添。惠琳法师响成都府右经藏之中获得呢啲史料。当时系如意元年，公元六百九十三年三月二十三日。 

跟住我哋再讲下一啲佛顶尊胜陀罗尼经感应事。

响开元二十六年，即系西元七百三十八年嘅冬天，神都有一位张绎嘅长史，自小就孝养父母，及至父母逝世之后，又惊父母沉沦恶道，于是佢诚心想报养育嘅大恩，时时谂点样超荐父母呢？于是佢就发愿入山专心去持诵佛顶尊胜神咒，希望能够亲见父母去转生安乐嘅地方。佢日夜精诚持诵，早晚恳求。一共持续达六年时间，但系都冇任何嘅感应，于是佢信心开始动摇嘞，怀疑呢个神咒究竟会唔会灵验呢？佢退心，正想停止持诵嘅时候，忽然见到一位仪容甚为奇特嘅老翁，前嚟对佢话：“居士，唔系呢个神咒唔灵验，亦都唔系你唔虔诚，只因为佛陀入灭年代已经久远，后人翻译经咒多有错误，以至文句脱漏，所以得唔到相应嘅功德啫。”

老翁即时就口诵咒文，令呢个张绎长史逐字逐句抄录一本，而且嘱咐佢话：“依呢一本文句持诵，期满七天呢，你必然会见到你嘅父母，得偿心愿，你会知道佢哋生于何处㗎。”张绎当时就立刻至诚拜谢，但系抬头已经见唔到老翁嘅踪影，不知去向嘞。难道呢个老翁系何方嘅贤圣现身指点？当佢惊愕之余呢，就决定依老翁口传嘅咒语，照抄本专心诵持啦。

啱啱先到第六日，果然亡父母呢，降临，情爱亦如生前，佢哋抱头相泣，悲喜交集。父亲凄然咁告诉佢：“我自从入咗冥府，堕入大地狱之中，受尽咗各种痛苦，多年嚟得儿子你精诚诵咒功德利益，痛苦慢慢减除，但系近日就得到生天嘅快乐，现在系从天界嚟，幸得父子相见吖。”于是父子抱头相慰一番，详述因缘之后，一如生前。

凡系听到呢个感应事迹嘅人呢，有边个唔愿意留心圣教呢？徒然虚妄，纵情六欲，其实有咩好处呢？况佛陀大弟子目犍莲救母嘅故事，经中明文记载，现在张长史又有咁样嘅感应事迹，后嚟又有僧人承持呢个神咒，传得念诵舍利，种种境界极多，难以尽举。后来至东都，亦都有各种灵验嘅事实，各自流传，好多人都知道呢啲感应真实故事。

喺长庆三年，西元嘅八百二十三年嘅四月中旬，有一位响以前响朝中做官嘅奉天县尉马先生，当佢任满返番去蒲阪，佢自己嘅旧屋东城石子坊嘅地方时候，佢日以继夜去持诵佛陀波利法师嘅版本，呢个佛顶尊胜陀罗尼神咒，作为佢日常嘅功课。佢虔诚持诵呢个咒已经十五年了，从来冇间断或者轻慢，当佢返到蒲阪嘅时候就更为精进。

响数月之后，有一夜，佢见到一个金甲神将进入佢嘅房中，呢个神将嘅形貌极为奇伟，好严肃咁对佢话：“马先生，你既然精诚持诵呢个佛顶尊胜神咒，点解唔到景福寺东坊去拜访一位持念嘅僧人呢？佢有一个灵验嘅版本，持诵嘅功德比你现在念嘅大九倍。”

马先生听咗之后惊醒，汗透襟枕。第二日佢就专成去呢间寺庙去寻访，但系连日去咗几次先遇著呢位僧人。呢位僧人佢叫做义法师。果然义法师亦都精进持诵呢个神咒，远近信众都依止佢。义法师就问呢个马先生寻访佢嘅原因，于是马先生就告诉法师梦中嘅情形，法师就觉得呢件事真系奇怪了。

“我有呢本咒文都冇人知㗎，但系既然马先生你得到神人指点，我点敢吝啬将神咒去收埋呢？”于是义法师就叫佢嘅弟子响箱里便攞咒文出嚟，并且依咒传授俾马先生，随后又将咒文交俾马先生带返去佢屋企。马先生就将自己嘅版本同埋义法师嘅版本去对照，先知道自己持诵佛陀波利法师嘅版本果然有缺漏嘅文句。从此，佢就依新嘅版本去念诵，果然灵验比以前呢，更胜。于是佢又增传《尊胜瑜伽》两卷流传于世。到呢一度，先知道圣教分明，其实持诵系有一定嘅法度，唔可依凡情任意而为，所以我记述呢一段因缘，希望供各位同道去参考。

西域尊者往东来，却被文殊化引开。

东土若无尊胜咒，孤魂难以脱尘埃。

梵音《佛顶尊胜陀罗尼加字具足本》：

Sarva durgati pari sodhana usnisa vijaya dharani：

Namo bhagavate trai lokya prati vi sistaya buddhaya bhagavate

tadyatha om visodhaya visodhaya asama sama samanta avabhasa

spharana gati gahana svabhava visuddhe abhi sincatu mam

sugata vara vacana amrta abhisekaih maha mantra padaih ahara ahara 

ayu san dharanni sodhaya sodhaya gagana visuddhe 

usnisa vijaya visuddhe sahasra rasmi sancodite 

sarva tathagata avalokani sat paramita pari purani

sarva tathagata hrdaya adhi sthana adhi sthita

maha mudre vajra kaya sam hatana visuddhe

sarva avarana bhaya durgati pari visuddhe prati nivartaya ayu suddhe

samaya adhi sthite mani mani maha mani 

tathata bhuta koti pari suddhe visphuta bodhi suddhe jaya jaya 

vijaya vijaya smara smara sarva buddha adhi sthite suddhe

vajre vajra garbhe vajram bhavatu

mama sariram sarva sattvanam ca kaya pari visuddhe

sarva gati pari suddhe sarva tathagatas ca me sam asvasa yantu

sarva tathagata sam asvasa adhi sthite

buddhya buddhya vibuddhya vibuddhya

boddhaya boddhaya viboddhaya viboddhaya

samanta pari suddhe sarva tathagata hrdaya adhi sthana adhi sthita

maha mudre svaha

（注：由于冇查到同音频一样嘅梵语罗马拼音版本，所以呢度用果滨居士翻译嘅版本，此版本同音频版本相比少咗一句“sarva tathagata mati dasa bhumi pratisthite”。）

愿以此功德，普及于一切。

见闻及读诵，受持赞叹者。

宿现业消除，现前开慧眼。

正念常相继，同生极乐国。

191.金刚怒目佛心肠 西密本尊心要（一）

时轮大法系藏传佛教密宗修持之中主要嘅方法同埋本尊之一，时轮法具有佢独特嘅理论见解同修持方式，响藏传佛教密宗里便，以觉囊派为专修时轮法著称于世，亦都使到好多修行人得到成就。我哋现在就嚟解释一下时轮嘅义理。

分分秒秒组成岁月嘅时轮，无始无终转动不息，威力无比，佢创造出五光十色嘅天地万物，亦都将天地万物一个个嘅内涵粉碎，唔留任何痕迹，呢个就系外时轮。响现代科学之中嘅相对论讲四度空间（四度空间就系三度空间再加上时间），认为一切嘅存在都离唔开时间嘅因素。时轮呢，就系重视时间，一切由时间嘅角度去解释生灭，认为生命就系时间。时间同空间两方面之中，首先就系要重视时间，由时间嘅角度去研究宇宙，研究人体生命，除咗时间之外，呢个宇宙之中系冇其他嘅嘢嘞。

我哋讲过去嘅社会、现在嘅社会，其实都离唔开时间，一切都系时间，所以将时间睇做一个循环嘅过程，一年就有四季，春夏秋冬就系外时轮。比如，响时轮天文里便嘅解释，系时轮法里便嘅一部分，就系讲天文宇宙构造嘅学说，响藏传佛教嘅天文学上面呢，主要就系用时轮天文。佢能够计算出行星嘅轨道，每年嘅日蚀啦、月蚀，同现代科学天文台所计算嘅结果系十分接近，精确度同天文台里便嘅电子计算机所计出嚟嘅亦都好相似，只系讲法唔一样啫。时间系根据太阳运行嘅相对位置去决定嘅。比如，由今日朝头早太阳出嚟到明日朝头早太阳出嚟就系一日嘅时间，一年嘅时间亦都系太阳遍行十二宫星座嘅位置一周嘅时间，就叫做一年。由一日嚟讲，每日仲有十二宫星座嘅位置，十二宫有六阴宫、六阳宫，阴阳配合就形成一日嘅阴阳时间。无论点样计，分分秒秒都系时间，时间无始无终，流动不息，时间就好似一个轮喺度不停转。时间嘅轮转动之中创造咗五光十色嘅天地万物，历史、文化、社会都系响时间之中创造出嚟，同时，时间又将佢一个一个粉碎。

人体生命系小宇宙，同外部宇宙其实系有一定嘅关系。比如人嘅情绪响春天同夏天或者响一日之中嘅朝头早同埋夜晚都唔会一样，人嘅智力同兴奋嘅程度都唔一样，阴阳程度唔一样，天体时间变化亦都唔会一样，比如沿海地区嘅人去到高原之上就系唔适应嘅，亦都就系话宇宙嘅天体时间呢，对我哋身体影响系相当之大。生命、环境唔能够分开，任何一个小嘅变化都会影响身体同埋生命，所以凡系外面嘅东西响人嘅身体上都系有嘅，人体嘅气脉运行节奏，形成人体生命嘅时轮。气脉运行有节奏，呼吸有节奏，心脏跳动呢，都有节奏，唔能够快亦都唔能够慢，就系气脉运行嘅节奏形成生命嘅时轮嘞，由生到死，气脉运转不息，创造维新嘅元素育养我哋嘅生命。但系相反，又无情破坏咗生机，使到生命夭折、终止。

一方面创造维持生命，一方面又破坏生命，将生命推向灭亡，呢个就系时轮法要解决嘅根本问题。比如，时轮法上面讲，人一日平均嘅呼吸有二万一千六百次，用现在嘅计算方法大概系四秒钟一次，六十个时分，呼吸二万一千六百次，每一日，气响人体嘅脉轮之中遍行一周嘅时间呢，就等于一昼夜嘞。咁一日十二个时分亦都分开阴阳，气呢，亦都分开阴阳。时轮讲人体气脉有七万二千条，一共分开三类，二万四千条系精脉，精液流动；二万四千条系血脉，血脉运行；二万四千条系气脉，气脉亦都运行。各占三分之一。

由时轮法嘅角度去睇，一百岁就系平常人嘅寿命，人体嘅器官同内部嘅构造嘅有效期限应该通常就系一百岁，但系点解好少有人系活到一百岁呢？呢个就系由于有先天、后天嘅条件，情绪啦、阴阳啦、环境啦、工作等等嘅多种原因形成咗气脉嘅混乱、阴阳不调同各种疾病嘅产生，使到唔能够活到正常嘅岁数。仲有人体一啲功能呢，我哋佛教上就叫做正常嘅功能，而家叫做特异功能。其实应该话呢啲功能人人本来都系有嘅，唔能够叫特异功能，点解现在大多数人都冇呢？呢个就好似电视机一样，内部个线路唔通了，人体亦都系一样，一个线路出咗问题，其他就会有问题。喺修法嘅过程之中，我哋要让呢啲线路恢复正常，一啲脉络须要打通，有啲须要接起嚟，有啲死脉、坏脉须要育养。经过修持呢，有啲人呢，就会出现一啲功能，有啲虽然唔能够出功能，亦都能够保持健康长寿，智慧能够得到正常嘅发展、开发，呢个就系人体所讲内部嘅时轮嘞。

时轮法上面讲，人由一出生五个月开始，每日坏死两条脉，一百年之后七万二千条脉全部坏死，如果冇特殊嘅原因，比如良好嘅保养同修持，就冇办法生存嘅条件嘞。时轮就系掌握呢种规律，彻底改变呢种生命规律嘅殊胜妙法。再比如呢，有人练气，现在就系练深呼吸，点解可以长寿呢？点解气短咗，人嘅身体就唔好呢？响剧烈活动之后气短，人有咗病以后就气短，系咩原因呢？龟点解可以长寿？有人研究咗之后，因为发现龟呼吸一次，人就要呼吸十五次，龟嘅呼吸长十五倍，所以龟可以活到一千多年，呢个就系深呼吸可以长寿嘅道理。咁样掌握咗呢种规律就可以控制呼吸，锻炼呼吸，短呼吸变成长呼吸。举一个例：一个手表每日转两个圈，假如呢个表嘅寿命系二十年，如果将呢个表改为每日转一个圈，就可以比原来减慢零件嘅磨损嘅消耗量嘅二分之一，就延长咗表嘅寿命一倍了，呢只表嘅寿命啫系就系四十年了。人一昼夜呼吸二万六千一百次，如果每日通过金刚咒嘅修炼或者宝瓶气嘅修炼，使到短呼吸变为长呼吸、深呼吸或者平稳嘅呼吸，每日嘅呼吸由二万一千六百次减少到一万次，啫系减少到一半，咁样人嘅寿命就可以延长了。

如果我哋将身体分为宏体同埋微体，宏体就系见得到嘅，仲有我哋睇唔到嘅精脉、气脉，仲有更微细嘅元神、元气，就系微体嘞。内时轮嘅法就系指呢啲人体嘅规律，呢啲都系同外部相应嘅，又比如天上最主要嘅就系太阳、月亮，仲有一个罗睺星，罗睺星系天体里便非常重要嘅星星，由时轮上面讲，形成日蚀同埋月蚀好重要嘅原因都系罗睺星。罗睺星系无颜色见唔到嘅。日、月、星就系代表人体里便嘅三条脉，一条红脉表示日，一条白脉表示月，中间嘅中脉系绿色嘅或者兰色嘅就代表罗睺星嘞。其实天体、人体都系有对应嘅规律，人体嘅四季，天上嘅四季春夏秋冬，人一生嘅四季同一日嘅四季都系有对应嘅规律，响四季之中，情绪嘅变化各有不同，而且人嘅气吔，每日响体内运行都系有一定规律，规律紊乱咗之后，身体就出毛病了，修法嘅目的就系要等啲气正常，等到啲规律正常番之后得到平衡，呢个就系内时轮所讲嘅道理。

另外，我哋讲到别时轮嘅六支修法。六支修法系圆满次第修法之中嘅高级修法，六支修法系绝妙嘅对治方法，针对天体同人体嘅对应规律提出一个对策。别时轮掌握嘅规律，主动控制调整气脉、补精、养肾、增福，增利除弊。人嘅身体之中，有利嘅因素，我哋就要增加、要增长，响修炼嘅过程之中，弊病要驱除，成就乐空不二、自在嘅时轮。自在嘅时轮呢，就系能够最终改变人体内部呢一种规律嘞。

人始终系一个奴隶，系自己身体里便同身体外便自然环境奴役嘅奴隶。自在就系获得自由生命，响阴阳各个方面采取对治嘅办法。咁样讲就系两种次第，两种次第呢，就系生起次第同圆满次第。时轮法系研究生命规律，改变生命规律系超脱生命规律奥妙无穷嘅大法。时轮天文同人类修证嘅经验，证明佢嘅科学性系无可怀疑嘅。时轮嘅意义仲有好多，比如仲有一个时轮坛城同埋时轮佛陀，同内外时轮嘅对应规律。时轮坛城呢，亦都系代表人体嘅，亦都系代表宇宙，唔系随便谂出嚟、画出嚟，佢嘅每一个组成成分都同人体有对应关系。宇宙之中嘅任何事物都系有对应规律，每个佛都有佢嘅对应性，比如讲外部，每年有三百六十日，有三百六十个星宿每日轮流值日，当值嘅时空响时轮坛城之中呢，所以就有三百六十个佛，代表三百六十个值日星。

人体嘅五蕴，色、受、想、行、识、空，人体系由呢六个要素组成，响时轮坛城之中就有六个佛去代表。时轮与众不同嘅系以“六”为代表，一切都系“六”，比如地、水、火、风、空、识，人体除咗地、水、火、风、空，仲要加上“识”先能够成为人，咁样讲就系人体嘅六大要素。坛城之中嘅六大要素系六位佛母去代表嘅，仲有比如时轮金刚嘅佛身，上身系兰色，下身右脚系红色，左脚白色，代表咗身体里便嘅最主要三种元素，就系精、气、血。上身兰色代表气，右脚红色代表血，左脚白色代表精，精气血系人体之中最主要嘅物质，离开咗呢三样嘢就冇生命嘞。比如四种颜色，四个头，前面系黑色或者兰黑色，右面系红色，后面系黄色，左面系白色，就代表四大。前面嘅黑色代表风大，亦都就系气，红色代表火大，后面嘅黄色代表土，左面嘅白色就代表水。四大响外时轮之中正好代表一年之中春夏秋冬嘅四季，春夏秋冬亦都系同地、水、风、火去对应。时轮佛有十二只手臂，代表一年有十二个月，十二宫，二十四只手就代表一年嘅二十四个节气，或者话系二十四个上弦同埋下弦月，一阴一阳，上半月阳，下半月阴，十二个阴阳就系十二个月。现在一般系农历二十四个节气就代表咗嘞。时轮佛每个手五个手指头，二十四个手就一百二十个指头，一个指头就有三个指节，所以一共有三百六十节，就代表一年有三百六十日嘞。点解咁多只手，只有两只脚呢？其实两只脚系代表地球上嘅两回归线，即系南回归线同埋北回归线，红色嘅脚代表北回归线，白色嘅脚呢，就代表南回归线，一年四季都超唔过呢两种回归线，呢个就时轮嘅相应法嘞。

现在我哋讲到时轮佛嘅佛身呢，就释迦牟尼佛响讲密法嘅时候所显现嘅身相。时轮佛嘅佛身上嘅颜色同埋装饰其实全部都系有意思，全部都系代表外时轮同埋内时轮一一对应嘅关系，所以呢种法系内外时轮密切相关嘅对治法。仲有时轮佛前面一个佛母，佢系黄色嘅，佛母就系太阳嘅象征，太阳有七种颜色，一年要遍行十二宫，所以宇宙系以太阳为中心，任何嘅时间都系以太阳去决定，包括地球嘅时间呢，啫二十四小时呢，系以地球同太阳相对嘅位置去决定。离开太阳系冇办法去决定时间嘅，所以佛母代表太阳，由身体里便嚟讲呢，就代表血液，血液就生命嘅基础，独阴不生，孤阳不长。人分开男，就系阳体，女就系阴体，男女嘅体内又有阴阳两种成分相依为命，而佛父、佛母呢，就系代表阴阳唔能够分离，必须平衡。响时轮金刚法之中呢，讲到时轮坛城之中里便嘅佛系相当之多，比如三重嘅坛城，呢个坛城之中就有六百二十个佛，全部都系同外时轮嘅星宿吖、季节同内时轮嘅人体各种成分相应，每一个都系有意思嘅。人体里便有阴阳，两两相对嘅对应规律，所以佛里便亦都有佛父吖、佛母吖、男菩萨吖、女菩萨，都系代表阴阳规律嘅。总体嚟讲呢，响密宗之中，形形色色嘅各种佛身都系密法嘅象征，代表一种理论同埋修持，亦都就系话一种哲学观点嘅象征，可以话最大嘅象征就系响佛法之中，响密宗嘅坛城里便。响坛城之中所有嘅标志都有象征嘅意义，上面嘅莲花呢、月轮呢、一草一木都有象征意义，冇一个系虚设。

至于讲到一般生起次第嘅闭关修行呢，而家修嘅一般都系内坛城法，坛城之中一共有四十六尊佛，需要五十日嘅左右嘅时间呢，先能够修完生起次第，传法嘅时候一定要完成生起次第嘅修法，圆满次第六种成就嘅修法。高层次嘅修法呢，就要集中修嘞，一般系有规定嘅时间，啫系三年零一个月半嘅时间，呢个规定嘅时间其实亦都系人体气脉运行规律去决定嘅。仲有一种特殊情况，比如“黑关法”啦，要喺黑房之中修，每一日修，呢个系一种强制嘅修法，要见到“空色”，空色见到之后，第一个阶段嘅修法就可以话达到标准。呢个法唔能够单独修，必须响导师指导之下先能够修，唔系就会出问题，而且二十四个小时要修，所以修呢个法比较难。仲要观察气脉嘅运行，修到一定嘅层次就可以见到气脉嘅颜色，可以睇到自己嘅脉轮，可以见到边一个脉响某个时辰按照规定应该运行到边一个方向，喺嗰个时辰运行到呢个方向，呢个规律系唔系正常呢？如果反常就可能系死症或者系其他原因，所以一定要睇到气脉嘅形状颜色之后先能够控制脉里便嘅气。响丹田呢个地方呢，就系六十四条脉，六十四条脉系按照每日嘅六十个时分去计算，而且按照佢运行规律去修嘅，呢个就系高级嘅法，但系一般所传所讲呢，都系平常所修嘅法。故此呢，时轮仪轨讲嚟都系相当复杂，有六百二十个佛要观修，要念咒，所以有因缘嘅时候希望各位亦都有机会能够修到呢一个法。

凡系受过真真正正灌顶而能够坚定信念嘅人，虽然唔修时轮法，但系响七世之内必定能够成佛，呢个就系响藏密里便，《时轮经》里便所讲嘅，凡系听到呢个法而能够产生信仰吖，经常念咒，都能够免除各种灾难，比如风灾啦、洪水啦、火灾啦、疾病、战争、恶病、传染病，甚至不治之症，或者克服各种自然嘅灾害。凡系听过呢个法、受过灌顶，如果唔犯重罪呢，都能够得到人身或往生到时轮金刚嘅国土，所谓叫做香巴拉国啦，绝对亦都唔会堕入三恶道，重罪可以减轻，轻罪可以消灭。凡系听到呢个法或者咒嘅动物都能够解脱，所以我哋要坚信呢个时轮金刚法，唔好怀疑。

其实修习密法系必须要得到真真正正嘅高僧灌顶，圆满次第嘅修法更加系必须由法王级或者以上嘅大喇嘛去灌顶，其实一般嘅人系唔可能传或者修嘅。密法响外面或者书店里便系买唔到嘅，就算根器唔具备嘅出家人，修行几十年亦都唔会学到圆满次第嘅时轮密法，因为时轮金刚法系好难遇、好珍贵。

佛陀所传嘅八万四千种法门主要系为咗对治唔同根器嘅众生而设，所依据众生嘅智慧同领略程度嘅差异，佛法就可以分为小乘、大乘同埋金刚乘。小乘嘅佛法好比基础嘅教育，大乘嘅佛法就好比高等嘅教育，而金刚乘嘅佛法呢，就好比高等教育之中嘅特殊专业教育，所以想要修习金刚乘嘅法门就必定要得到兼具小乘嘅戒学基础同埋大乘宽宏嘅菩提心愿，先能够安稳咁登上方便同智慧双运嘅无上密乘，所谓金刚乘嘅菩提道。而佛法响公元五世纪左右由印度传入西藏嘅时候，依照经典翻译嘅时间先后，藏传佛教大致上划分为旧译密法同新译密法两支。响呢两支密乘嘅宗派之中，旧译派嘅密法有所谓伏藏法嘅传承。伏藏法嘅来源有两种，依据历史嘅记载，响朗达玛王执政以后，西藏为时近百年嘅灭法期，佛教因为遭到禁佛运动嘅逼害，有少数经典或者密宗嘅密续被僧人埋藏响岩洞里面保存下嚟，呢个就系以后意外咁被发掘出来而被称为“伏藏”嘅经典，呢个经典所记载个内容呢，就被称为“伏藏法”嘞。

另外，依照藏传佛教嘅传承，响公元八世纪末，莲花生大士同埋一啲藏密大成就者认为，受法众生嘅根器会因为时局嘅唔同而将会有程度上嘅差异，所以就将密宗嘅经典埋藏，等待后人去发掘，佢嘅目的系要使到合宜嘅法门应该喺合适嘅世代之中被发掘同埋传递，而咁样嘅经典响几百年之后就被人发掘出嚟，而且进行解读同埋传授，就成就咗所谓嘅伏藏法门。依据伏藏法门取得就有三个来源，第一就系取自伏藏，所谓地、水、火、风、空之中嘅自然环境；第二种系取自禅观，即系禅定观修里便；第三种系由佛菩萨或者本尊直接现前传授，而要响呢种来源之中去取得伏藏法，就要有非常相当大嘅神通力先能够胜任，比如徒手攀岩、入石取物或者长时间嘅闭气、潜水等等啦。此后呢啲取出伏藏法嘅大成就者呢，就被称为伏藏大师嘞。

佛陀入灭嘅时候，弟子非常悲伤，于是佛陀就告诫弟子唔需要悲伤，因为同佛陀无二无别嘅第二佛即将会到嚟，特别系为末法嘅众生传法，而佛陀所指嘅第二佛，即系预言授记咗莲花生大士嘅化现。释尊同时以天地为举例，佛陀将与莲师连同天地间嘅日月相互辉映，照耀大地。释尊再以药师佛为举例，如果佛陀认同药师佛救渡众生，莲师即系药师佛所持药钵之中嘅药宝嘞。佛陀亦都曾经开示：佛法分为显密两种教法。显教，佛陀已经亲自宣说过，密宗呢，就由莲花生大士嚟传递弘扬嘞。莲师本身系以无生嘅相降生响湖心嘅莲花当中，本应系无生自然就无死啦，因为莲师唔系经由家族种姓嘅母胎之中所繁衍，而系由莲花之中所化现嘅。相传响法灭嘅时代，所有嘅佛教圣地破坏殆尽，响嗰个时候，只剩低佛陀说法嘅圣地——菩提迦耶依然完好。呢个时候诸佛菩萨向佛陀作殷切嘅祈请，于是佛陀响个心之中就有一道光芒射出，直接射向古天竺北部嘅措贝玛湖嘅湖心，当时湖心有一朵千瓣嘅莲花盛开，莲花生大士就由莲花之中化现而出嘞。莲师化现之后传授咗非常多嘅金刚乘密法，同时莲师仲加预言授记咗响末世之中将会有好多嘅伏藏师陆续将所谓嘅伏藏法发掘出嚟。

莲花生大士同埋其他大成就者因为时机因缘唔适合，所以特别将密宗嘅秘诀埋藏响山岩、水边、森林等等嘅地方，而呢啲各种嘅密法呢，就称之为“伏藏”嘞。例如已经圆寂嘅敦珠法王系宁玛派嘅伏藏大师，佢嘅伏藏包含咗三种，第一就系法性，虚空藏；第二系净相，智慧网伏藏；第三就系心间嘅伏藏。敦珠法王嘅伏藏一共有二十七个法本，其中包含上师、大圆满、意嘅珍藏同埋本尊、空行母、护法等等，普巴金刚法呢，就系其中之一。依据敦珠法王、听列诺布法王、噶拉多杰仁波切等等所讲，修持普巴金刚会得到好大嘅加持。而普巴就有四种，第一系佛性嘅普巴，第二系慈悲嘅普巴，第三系手印嘅普巴，第四系物质嘅普巴。修普巴法嘅功德包含有共同不共两种，共通嘅成就系八种悉地：妙丹啦、眼药、土行、宝剑、空行、隐形、不死、除病等等，简要言之，响密法里便嘅息灾、增益、怀爱、降伏等等嘅法都能够圆满，系属于生起次第。至于不共嘅成就，所谓圆满次第呢，就系证得四种持名啦：业熟持明啦、寿命自在持明啦、大印持明啦，同埋任远持明。

响莲花生大士嘅时代，印度同尼泊尔边境有一个岩洞叫做赖舒，莲师同尼泊尔公主释迦德华响呢笪地方修殊胜嘅法。喺当时有三个具力嘅魔鬼去到莲师同公主作障碍，用间断法去想破坏佢哋，使到三年唔落雨，疫症流行，仲加饥馑。于是莲师就派两个使者返去印度将普巴法攞嚟，当使者刚刚返抵印度嘅时候呢，呢三个具力魔鬼呢，已经听到，闻风远遁，而当时呢，就落雨，疫症就慢慢消灭了。（注：接下文）

192.金刚怒目佛心肠 西密本尊心要（二）

（注：接上文）……佢嘅意思系“橛”，“木”字边做个“突厥族”嘅“厥”，呢个“橛”字响中国字嘅解释系“短小嘅木条”咁解。由于本尊佢只手里便所揸住嘅法器系一个三角形前尖嘅利器，响古时就称为“金刚橛”，现在我哋通称呢件法器叫做“普巴杵”。本尊另外一个名称亦都名为“金刚孺童”。

响西藏嘅噶举派、宁玛派、格鲁派、萨迦派等等嘅四派都有普巴金刚法。当时莲花生大士响西藏传俾空行母益喜措加、昆鲁旺同埋藏王赤松德真、佢嘅弟子那南多杰敦珠同埋家纳古马拉等等五个人。莲师响西藏弘法完毕之后，由西藏去到夜叉嘅地方，响途中经过孔汤拉两个山间低洼个路径，莲师就化出两个身，一个系普巴金刚，系光明体，一个就系佢自己本身。喺嗰个时候，莲师就问佢弟子话：“现在有两个身体，你哋会向边一个顶礼呢？”啲弟子都话：“以前我哋每日都见到莲师，从来都冇见过普巴金刚嘅，到今日先见到，所以我哋当然要向普巴金刚顶礼啦。”

咁当时除咗益喜措加佛母以外，莲师嘅弟子大家都向普巴金刚顶礼。后来益喜措加就话：“我以前敬礼我嘅上师，现在我仲系对我嘅上师顶礼。”跟住莲花生大士就念咒，当时普巴金刚立时融入莲师本身嘅身中，由呢个情况就系代表本尊其实系由上师而嚟嘅，故此只有益喜措加得到普巴金刚嘅特别加持，而其他嘅人就冇得到呢种加持嘞，所以普巴金刚法嘅传承呢，就系由益喜措加嚟嘅，系一个受到特别加持嘅传承。

修持普巴金刚法嘅时候，我哋首先观想心轮之中由空性现出一个蓝色嘅“Hum”字，由呢个“Hum”字发出非常明亮嘅五彩智慧光，响刹那之间，我哋自己嘅身亦都转变成普巴金刚嘅身，我哋嘅心亦都变成普巴金刚嘅心。普巴金刚嘅身体系蓝黑色，有三个头、六臂、四只脚，每一个头有三只眼，所以一共有九只眼。右边个头白色，代表文殊师利菩萨嘅忿怒相，即系大威德金刚，就系诸佛身体嘅代表；左边嘅头红色，代表阿弥陀佛嘅忿怒相，即系马头明王，就系诸佛嘅语嘅代表；中间蓝黑色，代表大势至菩萨嘅忿怒相，即系金刚手菩萨，就系诸佛意嘅代表。而每个头嘅最里便有四只獠牙突出，两只向上、两只向下。响普巴金刚嘅背后生出翅膀，好似非常锐利嘅剑，身体嘅背后亦都有代表智慧嘅火焰。

讲到普巴金刚手上所持嘅法器嘞。佢右边第一只手系揸住用金制嘅五钴金刚杵，点解用金制呢？因为金呢个性质系象征“喜乐”咁解，而五钴呢，就系代表将五毒转成五智；右边第二只手揸住铁制嘅九钴金刚杵，铁呢一种金属就系象征“忿怒”，而九钴就系代表度尽三界九乘嘅一切众生。讲到左边嘅手嘞，左边第一只手就有智慧火焰喺上便，第二只手就揸住三叉戟，系表示统摄一切响三界嘅空行母，而前边根本嘅两只手呢，就系合掌。合掌，我哋见到掌心，佢系抱持住单面嘅小嘅普巴杵，即系代表本尊嘅根本法器嘞。讲到普巴杵，有两种，单面嘅普巴杵，受咗灌顶嘅人就可以随身携带作为护身之用。而三面嘅普巴杵呢，当我哋修法嘅时候可以供奉响坛城之中，而修持好嘅人亦都可以将佢随身携带。

普巴金刚嘅法相亦都响佢前便拥抱住浅蓝色嘅空行母，译音叫做“口洛给丁玛”，右手呢，就系揸住乌巴拉花嘅。其实普巴金刚嘅佛相呢，一共有佛母两位，一个就系头先所讲嘅口洛给丁玛佛母啦，系喜乐相嘅，第二个佛母呢，叫做阿松玛，系忿怒相嘅，而本尊如果所抱持嘅佛母系口洛给丁玛第一位佛母呢，所以第一位佛母佢所手持嘅三叉戟呢个表征嘅意思其实代表第二位佛母阿松玛嘅。佛母就绕住普巴金刚嘅背后，左手持住加巴拉，即是金颅嘅颅器啦，腰围豹皮裙。

普巴金刚嘅脚下有一个莲花，花之上有月轮，月轮之上有日轮，普巴金刚右边嘅两只脚，踩住两个男魔个背部，左边两只脚，踩住两个女魔嘅胸部。男魔，其实一种就系代表死神，而另外一种呢，就系代表七情六欲。至于女魔，一种就系代表我哋众生与生俱来嘅贪瞋痴三毒，另一种就系代表比较特殊嘅不良嗜好同埋习气嘞。普巴本尊有降伏呢四种魔嘅能力，而金刚嘅身上亦都有三种唔同嘅衣服，第一件系象皮嘅大披肩。点解佢披住象皮嘅大披肩呢？其实系表示降伏“贪瞋痴”里便嘅“痴”。点解要象皮去代表“痴”呢？因为据西藏嘅说法，动物之中，象呢，系最愚痴嘅。第二件系人皮嘅腰带，表示降伏贪心，因为无任何嘅动物系比人类更贪㗎喇。第三件系虎皮嘅围裙，就表示降伏瞋恨心。点解用虎皮呢？因为冇一样动物比老虎系更瞋恨㗎喇。金刚嘅脸上面涂有三种唔同嘅颜色，第一，前额涂有骨灰；第二，块面涂有鲜血；第三，响佢颈上面涂有人油，就代表三毒清净嘅。

响普巴金刚嘅头上，一共竖立咗两万一千条烟灰色嘅怒发，即是向上冲嘅头发啦。响佢顶上而突出有半根嘅五钴金刚杵。普巴头戴骷髅冠就系代表五方五佛，中央就白色嘅大日如来毘卢遮那佛啦，东方嘅就系阿閦如来，蓝色嘅不动佛啦，南方嘅就系黄色，代表宝生佛啦，西方系红色，就系阿弥陀佛啦，北方系绿色，就代表不空成就佛嘞。响本尊嘅颈上面分别挂有三串嘅人头链，第一串系五十八颗嘅干人头，绕住本尊嘅颈；第二串系五十八颗啱啱斩落嚟嘅人头同埋胸；第三串系斩落嚟未干嘅人头同埋翅。耳环、颈、胸、手环、腰、脚环等等都配以人骨所做嘅装饰。本尊身上亦都挂有五种蛇，五种蛇其实系代表五种嘅龙族。本尊嘅头束有白色嘅蛇，耳呢，就挂有黄色嘅蛇，颈环呢，就系红色嘅蛇，而腰部呢，就缠有绿色嘅蛇，至于手脚就缠有黑色嘅蛇。五种嘅蛇神就系代表普巴金刚有降伏一切龙族嘅能力，能够统治一切。

其实“普”字再讲得深入一啲，就系空性嘅意思，“巴”字，就系智慧嘅意思。故此“普巴”就系空性同智慧结合成为不二嘅体性。响古代嘅藏密以普巴金刚作为修持主要嘅本尊，而弘扬普巴嘅法统呢，就系宁玛巴（即系红教）同萨迦巴（即系花教），比较特别重视。修持普巴法在于断除一切自我嘅贪执，消除内心嘅恐惧，咁样先能够了解法界性，亦都即系唔在于降伏外在嘅东西，而系在于对自己内心本性嘅了解。

响西藏嘅密宗里便，除咗普巴金刚法之外，仲有一个法叫做普巴忿怒莲师法，普巴忿怒莲师法系忿怒莲师同普巴金刚嘅合一化身。呢个本尊嘅传承系由持明吉噶多杰札波响禅观之中面见本尊亲自传授呢个法，所以其实系属于意岩法之中嘅尊传法，本尊系阿弥陀佛嘅忿怒身显现而属于无上瑜伽部父续嘅本尊法。普巴忿怒莲师身体红色，一面二臂三目，现出忿怒相，佢张口、裂牙、卷舌。右边嘅手揸住天铁制成嘅金刚杵向上举，左手揸住九头嘅铁蝎子，头呢，就顶戴五骷髅冠，代表五方五佛，有其他嘅宝物、骨饰喺身体作为庄严，响颈上便挂有鲜湿嘅人头作为项蔓，身体披象皮、人皮、虎皮同黑蛇嘅索链等等嘅庄严。响本尊嘅背部，有两只金刚宝翼展开，下身就系鳄鱼忿怒口同埋热铁普巴尖锉，刺响恶魔嘅心口之上，而本尊呢就安立响莲花嘅日轮上面。

修习忿怒莲师或者普巴金刚法或者普巴忿怒莲师嘅修行人，须要具备有普巴金刚杵。头先讲过，普巴金刚杵有两种，三面嘅普巴杵适宜供奉响坛城，视同本尊而得到佢嘅加持；一面嘅普巴杵适宜随身携带作为护身之用。忿怒莲师同普巴金刚合一，修持呢个法，功德能够圆满各种佛法事业，摧伏天龙、鬼神、罗刹、邪魔等等，亦都除却我哋众生内在嘅贪瞋痴三毒障碍，呢一点系非常之重要嘅，而令到我哋速得成佛嘅悉地。再其次……（注：此处录音中断）

至于讲到忿怒莲师本尊呢，亦都叫做金刚力士。忿怒莲师系莲花生大士所现出嘅忿怒相，亦都属于古传宁玛巴（啫系红教）岩藏嘅秘密法门。忿怒莲师嘅形相一头二臂三目，身体棕红色，好似“Heruka”忿怒尊嘅外貌，佢獠牙微咬、怒发狰狞、颜色橘红，至于眉毛胡须就好似大火燃烧，非常之炽热。忿怒莲师右手揸住九钴嘅天铁所制成嘅金刚杵向上举，左手就揸住普巴橛向下刺，而指尖呢，就有黑蝎子嘅。忿怒莲师上身披住棕色嘅锦袍，下身著住舞扬褐色嘅裙，脚踏西藏舞鞋，亦都以海螺作为耳环，外便就罩有金色三法衣，以跳舞嘅姿态踏喺母老虎嘅背上，安住响般若烈焰之中。忿怒莲师嘅功德，将四大（地水火风）嘅病气能够消除，令到众生唔起妄念而能够明了空性，亦都将贪瞋痴慢疑五毒化为五智，摧伏天魔、死魔、烦恼魔、大力鬼神等等，特别降伏唔相信佛法同埋对佛法制造障碍嘅众生，以上就系修持忿怒莲师法嘅功德嘞。

跟住落嚟为大家讲一下四臂观音法更深入嘅一层嘅密意。四臂观音系雪乡西藏嘅守护神，西藏人由老至幼家家户户都识念诵六字大明咒“唵嘛呢叭咪吽”，而且将佢刻喺各地石崖嘅墙壁之上，去方便过路嘅行商旅人念诵，佢嘅重要性就犹如我哋汉地念“南无阿弥陀佛”一样。宗教领袖达赖喇嘛亦都被奉为系观音嘅化身，达赖所居住嘅布达拉宫，其实都系源自观音嘅净土普陀洛迦嘅意思。四臂观音同文殊菩萨、金刚手菩萨合称为三族姓尊，分别代表观音系“大悲”、文殊系“大智”、金刚手系“大力”，系密宗嘅修行人，人人必修嘅法门。

四臂观音身体颜色皎白如月，佢头戴五佛冠，头发黑色，系结髻嘅，响中央呢，就两手合掌响胸前，之中呢，就有摩尼宝珠，另外右手就有揸住水晶念珠，左手捻住八瓣嘅莲花，大概到耳际咁上下嘅高度，面貌寂静含笑，菩萨以慧眼凝视众生，凡系被菩萨观见嘅众生都能够得到解脱。响菩萨嘅胸前，左边呢，嘅上面呢，覆盖住鹿皮嘅披肩，身著五色嘅天衣，而下身就红色嘅绸裙，耳环啦、手环啦、指环啦、臂圈啦、脚镯啦、珠宝璎珞等等，第一串就系绕颈嘅，第二串呢，就到胸部，第三串呢，就到腹部肚脐嘅地方，全身花蔓庄严，佢双跏趺坐喺莲花月轮之上，身体发出极大嘅五彩光，明朗照耀。

其实，菩萨本尊身体嘅庄严，每一个庄严都有代表性，唔系立乱安上去嘅。譬如一个头就表示通达一真法界嘅法性啦；四臂表示四无量心；身体白色表示自性清净无垢，唔被烦恼、所知两种障蔽所障碍；头戴五佛冠表示五智，头发黑色就表示无染啦；五色天衣代表五方佛；红色嘅绸裙就表示莲花族性嘅妙观察智；耳环以下呢，就六种庄严，代表六波罗蜜；璎珞第一串绕颈表示不动如来系由禅定成就而嚟；第二串到胸部，表示宝生如来系由布施修行而嚟；第三串到腹部嘅肚脐地方，表示不空成就如来系由精进成就嘅；全身花蔓庄严就代表万行啦；双跏趺表示不住于生死；手印表示不住于涅槃；而中央两手合掌响胸前就代表智慧同方便合一双运；另外右手持水晶念珠，代表每拨一个念珠就系救渡一个众生出离轮回；左手揸住莲花，代表清净烦恼。

至于讲到观世音菩萨嘅六字大明咒呢，有两种念诵嘅方法，一种就系藏文念法：唵嘛呢叭咪吽舍，另外一种就系梵文真正嘅念法：Om mani padme hum hrih（注：音频将“mani”读作“moni”）。其中嘅分别，就系“mani”同“嘛呢”“叭咪”同“padme”，同埋呢，最后嘅种子字“hrih”同埋“舍”嘅分别。但系无论念边一个咒文，最紧要有信心，依据上师所传授嘅咒文去念诵，如果有啲学佛嘅人希望能够念梵文真正嘅音，亦都可以持诵梵文。至于有啲人话念“舍”同“hrih”，点解会多个字嘅呢？其实呢个种子字系代表观世音菩萨同阿弥陀佛嘅心，特别系代表千手观音嘅心，所以念埋其实系功德更大。但系根据《大乘庄严宝王经》记载，即是六字大明咒嘅出处呢，“唵嘛呢叭咪吽”系冇个“舍”字嘅，但系西藏嘅说法呢，就可以念埋呢个“舍”字，其实就系冇乜分别，功德系一样咁大嘅。

对于观世音菩萨六字大明咒嘅解释呢，深入一层，“唵”字白色，象征本尊嘅智慧，属于禅定波罗蜜，能够除慢心，唔再众生，令到众生受生于天道，对应南方个宝生佛；“嘛”字绿色，象征本尊嘅慈心，属于忍辱波罗蜜，能够除嫉妒心，唔再受生于阿修罗道，对应北方嘅不空成就佛；“呢”字系黄色，代表本尊嘅心口意事业功德，属于持戒波罗蜜，能够除我执，唔再受生于人道，对应金刚持佛；“叭”字蓝色，象征本尊嘅平等性，属于般若波罗蜜，能够除痴心，唔再受生畜生道，对应中央嘅毘卢遮那佛；“咪”字红色，象征本尊嘅大乐，属于布施波罗蜜，能够除贪心，唔再令众生受生响饿鬼道，对应西方嘅阿弥陀佛；“吽”字系黑色，象征本尊嘅悲心，属于精进波罗蜜，能够除瞋恨心，唔再受生响地狱道，对应东方嘅不动佛。

另外，“唵”字分别象征修行人不净嘅身语意，亦都代表佛陀清净崇高嘅身语意；“嘛呢”意思系宝珠，象征善巧方便，譬如利他嘅菩提心、悲心同埋爱心啦，正如好似宝珠一样可以解除贫困，利他嘅菩提心亦都能够解除轮回同埋贫穷嘅困难；“叭咪”二字系就系莲花嘅意思，象征智慧，比如好似莲花出于污泥而不染，智慧就能够将众生放喺无矛盾嘅境地，呢个境地如果无智慧呢，就会有矛盾嘞；“吽”字意思就系不可分，方便同埋智慧必须合一不分先能够得到清净，而象征方便同智慧合一嘅呢，就系最后一个“吽”字嘞，“吽”字就系阿閦佛嘅种子，“阿閦”嘅意思系不动、不变，唔被任何事物所动摇咁解。

由以上嘅解释嚟睇呢，“唵嘛呢叭咪吽”六字真言，意思系藉住修行方便同智慧合一、不分之道，可以将自己不净嘅身语意转化成为佛陀清净崇高嘅身语意。我哋唔应该将自心，喺自心之外去寻求佛果，应该要喺自心之内去寻求成佛嘅要素。六字大明咒嘅利益同埋功德系非常之大，虽然佛陀能够以神力去计算十二年间降雨每一滴嘅数量，但系对于念一次六字大明咒嘅功德系计算唔到出嚟，呢个系一种譬如嘅说法，讲明六字大明咒嘅功德系非常之大，持诵六字真言，对于病苦、刑罚、非时死嘅恐惧可以消除，寿命增长啦、福德增加啦、财富丰盈等等嘅利益。即使众生命终嘅时候，其他道路都得以封闭，唔会令到我哋去往生三恶道，而得以进入人天嘅道路去受生、去接触佛法，所以，念诵六字大明咒嘅功德利益系不可胜数嘅。

好，就等我哋现在一齐去持诵六字大明咒，呢个六字真言，去祈求四臂观世音菩萨嘅加持，令到我哋响菩提道上永远唔会退转，有菩萨心去利益一切众生，以致自己同众生将来悉皆成佛。

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

Om mani padme hum hrih

Om mani padme hum hrih

Om mani padme hum hrih

Om mani padme hum hrih

Om mani padme hum hrih

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

Om mani padme hum hrih

唵嘛呢叭咪吽舍

愿以此功德，庄严佛净土，上报四重恩，下济三涂苦，若有见闻者，悉发菩提心，尽此一报身，同生极乐国。十方三世一切佛，一切菩萨摩诃萨，摩诃般若波罗蜜。

193.时轮金刚法（一）

时轮金刚法

时轮金刚系西藏密法嘅重要本尊，佢藏语嘅名称叫做“堆柯”，佢嘅别名亦都系好多，有“三界轮王”“戒集金刚”“无转金刚”“寂净金刚”等等嘅称谓。 

“时轮”嘅意思呢，就系时间同空间嘅轮转，而且分为内、外、别三种。外时轮系指佛教宇宙观之中所讲嘅世界嘅中心，须弥山、四大洲同八小洲等等外部星体嘅世界，讲述佢嘅生成、存在、变化同毁灭嘅情况规律。内时轮系讲述人嘅身体同外在宇宙嘅缩影，以及三界众生分类同埋情况。别时轮就讲到修持上嘅生起次第嘅能依，所依坛场同圆满次第嘅气、脉、明点等等嘅修习方法，就系所谓嘅成佛解脱嘅道路。

时轮金刚密法发源响古印度北方嘅香巴拉国，即系西方人所讲嘅香格里拉。呢个法大约响公元十二世纪传入西藏。

时轮金刚咒由吉祥梵字合而为一，如果能够恭敬悬挂、张贴、供奉、礼拜，能够令到东、南、西、北、东南、西南、东北、西北、上下等等嘅十方同埋年、月、日、时等等嘅时辰所组合嘅时空宇宙嘅世界，一切都能够吉祥自在，赐俾修行人加持同护佑嘅效力。

相传本师释迦牟尼佛响睌年嘅时期，带住随众同埋一啲大阿罗汉前往雪山，即系而家嘅西藏去传扬佛法，其中遇到香巴拉国第一世国王苏禅德喇，而香巴拉国王亦都发心供养佛陀嘅僧团。呢个时候，佛陀问香巴拉国王：“点解唔修持佛法呢？人间无常，刹那变迁，现有嘅荣华富贵就等于过眼云烟！”呢个时候，香巴拉国王苏禅德喇就回答佛陀话：“唔系我唔修佛法，我系想睇一睇有冇能够修持无上大法嘅佛法，能够唔出家，而且保有而家嘅财产同一切拥有嘅嘢，又能够即身成就嘅密法呢。”

佛陀观察香巴拉国王苏禅德喇深具密宗嘅根器，而且密法嘅因缘具足，所以传授香巴拉国王一世密法而使到香巴拉国王即身成佛。

呢个时候，跟随响世尊身边嘅各大阿罗汉虽然唔至于话心理唔平衡，但系响心中亦都系比较烦闷，佢哋向佛陀请问：“点解香巴拉嘅囯王可以得到咁无上嘅大法，而且能够即身大成就，但系我哋呢啲证得阿罗汉果嘅佛弟子费尽千辛万苦嘅修持，先能够证得菩提呢？”

佛陀世尊响呢个时候告诫佢嘅弟子话：“原因系香巴拉国王久远劫以嚟时常修习密法，而且佢具足密宗嘅大慧命先能够受持呢一个密法。”

佛陀响佛法嘅教育之上一向以随机、应机、应时、应地、应慧命法源而教授佛法。经过佛陀嘅解释，亦都化解咗众弟子嘅疑惑。所以香巴拉国王一世就系释迦牟尼佛亲传密法嘅传承弟子，亦都可以话香巴拉王朝之中，一切密法同修行都源自于本师释迦牟尼佛嘅传承。 

响西藏，好多人都相信响北方嘅雪山之中有一个神秘王朝就系香巴拉王朝，咁样点解香巴拉王朝到现在都未被物质科技世界嘅人类所发现呢？呢个就系因为时候未到嘅缘故，整个香巴拉王朝被神秘嘅真言保护住隐藏起嚟。香巴拉王朝保持住释迦牟尼佛最完整嘅教义同修法。 

响第二十五世国王嘅时候，香巴拉王朝就会公开将佛法普传于响我哋呢个地球之上，嗰个时候，大概系西元二千六百年之后，可能全个空间亦都为香巴拉王朝所统治，释迦牟尼佛嘅正法将会再度复兴响地球。而家正系适逢香巴拉国第二十一世嘅时代。

时轮金刚，或者可以称为时间之轮或者卡拉轮。时轮金刚法系本师释迦牟尼佛最亲传承嘅无上大法，亦都系西藏已经修持密宗多年嘅高材生先可以受持呢个法门。

时轮金刚系一种符号，亦都就系宇宙之中时间之流同无限空间嘅秘密，响时轮金刚嘅符号秘密之中，包含咗外时轮、内时轮，亦都涵盖咗宇宙之中日、月、星、辰同人体之内色、受、想、行、识等等五蕴，同宇宙之中地、水、火、风、空同时间之流嘅神秘密法。

时轮金刚系本师佛世尊智慧嘅结晶，亦都系宇宙天地万物一切佛性嘅根本，犹如道教之中嘅五行八卦一样，或者时轮金刚咒牌就相当于佛教嘅五行八卦同天干地支，宇宙之中，无上正等正觉嘅成就者，即系已经成佛嘅智者，而时轮金刚大法，正系浓缩咗宇宙物质世界同精神世界同时间空间嘅秘密。

香巴拉王朝呢一个国度系人间嘅唯一佛国净土，呢个人间佛国净土正位居响西藏嘅北方。要前往香巴拉王朝，一定必须通过大沙漠、高原高山同埋天寒地冻，亦都要遭遇沿途嘅恶鬼、恶魔嘅侵扰同障碍。要通过呢啲崇山峻岭，大江河天险要，必须靠修持无上密法而成就大神通力同埋诸佛教嘅菩萨护法嚟保护你，亦都须要同时轮金刚结一结法缘，先能够到达香巴拉王国。

要到达香巴拉王国，你必须平时就要修炼精神世界同锻炼身心，而使到物质化嘅肉身蜕变成为精神体嘅纯洁生命，咁你就能够进入香巴拉王朝嘅净土。香巴拉王朝，西洋人就称为香格里拉。 

人一到达香巴拉就可以见到美丽嘅公园城堡、有规律嘅建筑结构，四周亦都有双层嘅雪山围绕，分成八个区份，有如八叶莲花瓣一样。 

香巴拉国王就居住响国境中央嘅大城堡，佢系一位菩萨嘅转世，国王身居菩萨果位，教导子民同诸佛弟子修佛礼佛，同时兼具有领袖之位同埋教授佛法嘅导师身份。

香巴拉王朝之中，佢嘅人民唔会执、唔会迷、无欲，香巴拉居民呢，响各种食物乐趣唔会缺乏，丰饶无比，拥有大量嘅金银珠宝。佢哋生活平安祥和，冇人会犯罪，居民佢哋都会遵循智慧而生活，佢哋都已修持达到非常高嘅层次境界。香巴拉人民嘅寿命大约有二百年，而香巴拉净土呢，正好亦都系保持本师释迦牟尼佛所有佛法最完整嘅地方，而香巴拉国王一世就系受持释迦佛嘅时轮金刚密法而得到即身成就。

香巴拉王朝嘅存在，其实系事实，有好多大成就者都曾经去过，好似龙树菩萨响南天铁塔取出《大日经》同《金刚顶经》而显宏无上密法，或者南天铁塔就可能喺香巴拉王朝里面。

讲到香巴拉王朝人民嘅生命现象呢，香巴拉嘅子民唔系我哋人类地水火风四大假合嘅肉身，由第一世国王受持释迦正法同埋无上密法以嚟，响二千多年前，整个王国以内嘅人民生命大量正在进化，到咗现在，每一位香巴拉人民已经修炼成彩虹身，即系唔系物质嘅生命，犹如彩虹一样轻如薄雾，但系亦都存在响三次元空间。

因为修持时轮金刚大法嘅成就，所以亦都可以做时间之流同埋反物质现象嘅运动。而且香巴拉人民身上都会发光，可以自由往返三次元空间同埋二次元空间，呢啲物质世界一切化学物理嘅现象对香巴拉人民嚟讲系冇意思嘅。而现今人类嘅文明同生命形态对香巴拉人民嚟讲亦都系粗糙而且系低层唔完美嘅四大假合生命体。 

香巴拉王朝总共有六个王朝，而现今系属于第一个王朝之中嘅第二十一世国王，当到咗第二十五世国王嘅时候，香巴拉王朝就会走出自己嘅国度而将佛法传到世界上嘅每一个角落。 

响香巴拉王朝第二十五世嘅时候，西洋人所讲嘅香格里拉净土将会被西元二千五百年以后嘅人类发现，嗰个时候嘅人类，以极先进、尖端嘅科学做工具，亦都有侵略嘅本性，发动战争去侵略香巴拉国。

但系佛陀住世嘅时候就已经预知三千年后我哋呢个世界嘅共业，所以香巴拉王朝响几千年前呢，就已经开始准备以防抵御外便其他民族嚟侵略抢夺香巴拉国嘅活动。

所以响香巴拉国嘅子民响千年之中，佢哋嘅密法成就已经修炼成彩虹之身，系任何物质科技唔能够伤毁，亦都集体修持咗好多降伏物质科技嘅密法同埋真言，准备用嚟面对科学嘅世界，而且用呢啲密法去解救人类嘅心灵同生命。

香巴拉王朝受本师释迦佛所托付，将于佛入灭之后三千年，人类最需要佛法嘅时候，将最完整嘅佛法普传响地球，亦都解救人类心灵嘅黑暗同埋纯以物欲为中心嘅世界。

响香巴拉王朝之中亦都有超物质世界同科技嘅飞行船，呢啲飞行工具系好神奇嘅，系反物质材料做成嘅高能量发光体，亦都能够往返时光隧道，亦都唔受地心重力场嘅牵引，佢哋系无惯性，亦都以可以航行于二次元嘅时空之中。

香巴拉王朝嘅军队系好多时候同我哋人类地球嘅世界接触，只可惜我哋系不知不觉啫。响地球之中，有时时常被误认为神秘嘅发光体，可能认为系外星人或者系不明嘅飞行物体，其实有一部分就系香巴拉王朝嘅飞行舰。我哋可以感觉到呢啲不明飞行物体似乎一直系关心住人类嘅生态同文明嘅进步，而且做地球生物嘅研究。

未来世界嘅战争，亦都系科学嘅时代即将末落之时，响西元二千六百年后，全世界就被香巴拉王朝所统治，到时释迦正法就会再度兴盛，直到娑婆世界嘅第五尊佛弥勒菩萨转世之前一千年，香巴拉王朝先会灭亡。

虽然香巴拉王朝采取开明嘅统治，但系响宿世之中同佛法冇结上缘份或者断灭种性嘅人仍然会感到好痛苦。但系现在虽然身处物质充斥嘅时代，但系亦都能够同时亲近佛法嘅人呢，将会得到大解脱同埋幸福嘅。 

响藏密红教第一位祖师莲花生大士曾经预言过：“响人类开始大量使用金属铁器、铜器嘅时代，而且飞行工具普及，物质科技到达最顶点嘅时候就系密宗开始兴盛嘅时期，而且会普遍传到全世界嘅每一个角落，而全世界嘅人类亦都会普信正信嘅佛教。”呢段预言，应该系西元二千六百年后，香巴拉王朝同物质科技世界战争之后，全人类共业渡向佛法光明嘅世界。

香巴拉王朝嘅人民唔系好战嘅分子，冇坚守住佛教嘅慈悲心，而系先人圣者嘅预言，物质世界嘅邪恶力量嘅消长同众生嘅共业同佛法嘅因缘又将会成熟嘅时代即将来临。

佛法可以分为二乘，即系小乘同大乘，小乘本身又可以分成声闻乘同缘觉乘。声闻同缘觉系依佢哋嘅能力同所得嘅结果相对之上嘅优劣唔同而加以区分，但系佢哋所依循嘅路径同埋响教理上嘅特色基本上系相同嘅。人往往倾向于依循呢两类嘅小乘，系由于佢哋只顾自我解脱嘅缘故违弃咗承受其他目标嘅重担。

因为束缚响轮回之中最主要嘅原因系执著一个自我，得到解脱自在最主要嘅原因就系了解无我意义嘅智慧，所以声闻同缘觉好似菩萨一样，了悟无我，佢哋响呢一点上嘅观照呢，伴随住其他嘅持戒、禅定等等，因而熄灭咗五毒，贪、瞋、痴、慢、疑等等。

纵使小乘嘅修行人，佢哋唔再向通达佛界嘅路径努力，小乘道，事实上系引导应机众生究竟达到佛界嘅一个方法，所以唔好误解咗小乘道，将佢当成为系证果嘅障碍。因为《妙法莲华经》同其他嘅经典教导我哋话，佢哋系达到佛界嘅方法。佛陀出现于世系为咗令到有情众生悟入佛嘅知见，所以佛陀试验嘅法径，严格嚟讲系引导众生达到佛界嘅方法。

纵使小乘道唔系直接引导到佛界，事实教导我哋，小乘嘅修行人最后都系回归去大乘道而达到佛界嘅果位。虽然小乘嘅修行者好似大乘嘅行者了悟现象界不实而虚幻，但系唔系话小乘同大乘之间就冇分别了。大乘嘅教理并不只系阐明现象界嘅无我，仲教导菩萨嘅阶位、六道，为咗利益一切有情众生达到圆满嘅正觉愿望、大悲等等，佢哋亦都教导将功德回向菩提、福慧双修，同埋难以令人相信嘅无究实相。 

所以大乘同小乘不单止响理性嘅观点之上有所差异，并且根据佢哋相对嘅修行同非修行嘅技巧方法嘅全部范围而有区别。龙树菩萨同佢嘅弟子提婆曾经讲到：“母亲生儿子，父亲定俗姓。”所以般若自似母，生出四种圣者，就系声闻嘅圣者、缘觉嘅圣者、菩萨嘅圣者同埋佛陀。呢四种圣者系决定是否有发菩提心等等嘅法门为父，去决定佢哋系小乘或者大乘。

一般嘅大乘犹如小乘，就可以再分为二乘，呢二乘就系波罗蜜乘同埋密咒乘。大乘共同嘅目标系以六道去训练自己，藉住为咗利益一切有情众生而得到无上正觉之愿去修行嘅。密咒乘呢，亦都系依循呢个路径，因为响密续之中亦都系咁样教导，然而依循波罗蜜乘嘅大乘修行者响大体之上就仅以法径去修，而密咒乘嘅行者就依波罗蜜乘所冇教导嘅密乘法门而达到圆满。譬如因乘、波罗蜜乘等等嘅名称其实意思系一样，而密咒乘、金刚乘、果乘同方便乘亦都系相同嘅。而因乘同果乘之间呢，有所不同，系因乘系一种大乘道，响修行之中，自己唔灌承具有四种清净嘅果报，而大乘道响修行之中，自己就灌承具有四种清净嘅果报，就称为果乘或者密咒乘。呢一点系宗喀巴大师响嘉林音幕所讲嘅。

就“乘”字讲，因为佢系一种车乘，换句话讲，输送到呢度所得到嘅果，以及所得到果嘅呢个因，就称为“乘”。“果”系将住处、身体、财产同埋行为四种完全净化成佛嘅宫殿、身体、功德同事业。修行人由现在观想本身嘅坛城、眷属同法器同净化咗整个宇宙同埋其中一切众生嘅庄严佛行，如同一尊佛陀一样，所以呢个就系果乘，因为行者依照果乘嘅方法而去进修嘅。大乘整体呢，其实就分为波罗蜜乘同密咒乘，因为呢二乘嘅实质上以唔同嘅方法去证得圆满众生之愿嘅佛身，小乘同大乘嘅区别，唔系以佢哋嘅……（注：接下文）

194.时轮金刚法（二）

（注：接上文）……呢两种大乘嘅法门系以佢哋修行方法上观点嘅差异而去区分。大乘方法嘅主要观点系关于证得佛身嘅部分，响密咒乘之中，证得佛身嘅方法就系观想自身犹如本尊嘅佛身嘅本尊瑜伽，呢种方法系比较优胜于波罗蜜乘所用嘅方法。

关于密咒乘嘅弟子系有四种嘅类别：下根、中根、上根同最上根。响四部密续系应呢四类弟子而传授嘅，因为弟子进入密咒乘须要透过呢四部密续，呢四部就被称为四门。你一定想知道呢四部到底系乜嘢嘞？佢哋系事密、行密、瑜伽密同无上瑜伽密。

跟住嚟我哋再讲下时轮金刚，呢个时轮金刚法其实系属于无上瑜伽密呢一部。

时轮金刚密续嘅附属主题，全部嘅意思，包括咗三种时轮金刚或者时轮，佢哋系外时轮、内时轮同别时轮。外时轮系居住嘅外在世界，又被称为外在嘅太阳日同太阴月嘅行列。内时轮就系人嘅身体，系一个内在嘅南赡部州或者地表，同样地，内脉、明点同埋气嘅流动亦都展示响内时轮之中。别时轮呢，系灌顶同埋师利时轮金刚嘅路径同埋佢哋嘅成果，佢系有别于以前两种嘅时轮。上师以灌顶使到弟子嘅身心连续而成熟，并且弟子由生起次第同圆满次第所组成嘅法径修观。用呢种方法，瑜伽士就成就咗乘果，神圣嘅“空”为形象嘅佛身，呢个就系所讲嘅“别时轮”。

响阿提佛陀《时轮金刚根本密续》之中都有记述佛陀传授时轮金刚法。当佛陀响灵鹫山依般若法门讲演佛法嘅时候，佛陀嘅另一个化身呢，就到咗斯尼达雅卡塔卡教导密咒法门。乜嘢化身呢？教啲咩密续呢？佛陀居住响边个时候？乜嘢地方？响咩地方传法？世俗嘅侍从系边个呢？同埋目的系乜嘢呢？以下我哋会讲到。

佛陀响灵鹫山教导无上大乘般若嘅法门俾其他各大菩萨，响呢个时候，佛嘅法身同菩萨圣众响现象界嘅坛城之内嘅大佛塔之中，佛陀就住响金刚宫，金刚宫响宇宙之中系冇形体，但系清晰可见嘅，圆满光明遍照，佛陀为咗利益有情众生，就响金刚宫呢个庄严嘅天界去教导密续。响《根本密续》里便提到，金刚手菩萨嘅化身苏禅德喇，汉文叫做月贤王，响著名嘅香巴拉国里便，喺不可思议嘅地方进入咗灿烂华丽嘅现象界之中。首先苏禅德喇王绕行到佛陀嘅右边，然后佢以众宝所盛嘅花去供养，顶礼佛陀嘅莲足。苏禅德喇王双手合掌，跪喺万德庄严嘅佛陀面前，佢向佛陀请求密法，而且将佢编辑流传落嚟。

时轮金刚法系由我哋嘅本师释迦牟尼佛所教嘅，佢响四五月之间，月圆嘅黎明，初晓嘅时分，响印度嘅菩提伽耶嘅菩提树下示现成就无上正等正觉嘅法径，佢以一年嘅时间教导咗一般嘅波罗蜜乘，特别系佢响灵鹫山转般若法轮嘅时候，主要传授嘅系大乘波罗蜜嘅无上法门。响三四月间嘅月圆时分，由释迦牟尼佛证到佛果嘅时候算起系第十二个月，佛陀正好喺灵鹫山教导波罗蜜乘，就响同一时候，佢嘅另外一个化身就响南印度靠近斯利巴瓦达嘅斯里达雅卡塔卡地方嘅大佛塔之内教授密咒乘。

呢座大佛塔由塔顶至到塔底有六里格嘅咁广阔，内部有两个坛城，下面系法界华吉斯华拉坛城，上方系璨烂星座大坛城，佛陀坐喺金刚天界嘅大坛城中央嘅金刚狮子座之上，佢深住时轮金刚三摩地之中，转化成为时轮金刚本尊。响坛城之内，无量诸佛、菩萨同天龙八部随侍佛陀左右，坛城嘅外边请法嘅人系金刚手菩萨嘅化身——香巴拉国嘅第一世国王苏禅德喇，或者叫做苏给扎王。苏禅德喇王不可思议由香巴拉国嚟到斯里达雅卡塔卡，而且请求时轮金刚本尊守护听法嘅人，响香巴拉嘅九十六大地之中嘅九十六化身国王同无数嘅菩萨、天神、护法都系呢啲时轮金刚嘅护法圣众。佛陀传授殊胜嘅法俾海会嘅圣众世俗同埋超凡嘅灌顶，同埋授记佢哋将来都会证得佛果。随后佛陀教导佢哋本初佛阿提佛陀一万二千偈嘅《时轮金刚根本密续》，苏禅德喇王就将呢啲密续记载低，写成一册法本，而且好不可思议咁又返番去香巴拉国。

苏禅德喇王响香巴拉国结集咗六万行嘅根本密续嘅注解，而且建立咗一座用众宝所合成嘅时轮金刚坛城。响佢任命佢嘅仔苏瑞瓦惹做国王同埋密续嘅导师之后，佢就入灭嘞。

好多伟大嘅国王出现响香巴拉王朝，譬如卡吉瓦沙、卡吉普达利卡等等，佢哋使到精心嘅时轮金刚法发扬光大，有如日月光明。时轮金刚法就系咁样经由连续不断嘅香巴拉国王不断咁去传递而最后再传入印度。传入印度有两个嘅重要故事须要叙述，分别系“惹（Ra）”嘅传统同“哆（Dro）”嘅传统嘅故事。

依照“惹”嘅传统，时轮金刚同埋相关嘅注释系响三位国王同时统治嘅时候以《菩萨传集》闻名出现响印度。以菩提伽耶为之中心，三位国王分别系北河巴拉（系响东部嘅象王）、究刚加（南部嘅人王）同埋卡纽（喺西部嘅马王）。响呢个时候，伟大嘅西鲁班智达诞生响印度东部五个国家之一——奥里沙（Orissa），佢精通佛法全部嘅教理。西鲁响惹那基里寺、威拉马西拉寺同埋那烂陀大学研集咗所有佛陀嘅经典，特别系佢响惹那基里寺嘅研集，因为呢个寺系冇受到土耳其人嘅破坏。

西鲁了解咗为咗即身成佛，佢须要学习咒乘，特别系佢需要响菩萨注释里便呢啲教法嘅净化法。响知道呢啲教法存在响香巴拉国嘅时候，并由佢嘅本尊给予佢指示之后，佢就加入海中寻宝嘅商人队伍。响同呢啲商人商议之后就出发渡海，响共渡六个月之后，佢哋就分道扬镳嘞。

西鲁一步步前进，最后响爬上一座山嘅时候，佢遇见一个人，呢个人就问佢话：“你要去边度吖?”西鲁就回答：“我要去香巴拉国揾《菩萨全集》。”于是呢个人就话：“要去嗰度系一件好困难嘅事，但系如果你能够了解《菩萨全集》嘅话，甚至响嗰度你就可以听得到佢嘞"。西鲁知道呢个人呢，其实就系文殊师利菩萨嘅化身，于是佢顶礼、献曼达，而且请求菩萨教导。呢个人就传授西鲁全部嘅灌顶、密续嘅注释同口传，佢抱住西鲁，放一朵花响佢嘅头上便，而且加持佢话：“希望你能够领悟完全嘅《菩萨全集》。”然后就如同将一个容器里便嘅水倒入另一个容器，西鲁就契悟咗完整嘅《菩萨全集》。佢照先前嘅方向返番去，而且遇到番呢啲商人，佢就返番去东方嘅印度。

根据“哆”嘅传统，时轮金刚法系由卡拉恰库拉巴达上师再传入印度嘅，一对修持大威德金刚瑜伽嘅行者依照大威德金刚密续里便所教授嘅方法进行祈求降生麟儿嘅仪式而获得一个儿子。当佢长大之后，佢听到北方菩萨教导佛法，所以佢就前去听法。由于佢嘅虔诚，香巴拉嘅国王知道呢位年轻人纯正嘅动机同埋对深奥佛法嘅热诚，佢知道如果呢位年轻人意图到香巴拉就会危及佢嘅性命，因为佢必须花费四个月嘅时间先能够穿越无水嘅荒原，因此香巴拉国王就变成一个化身嚟到荒漠嘅边遇会呢位年轻人。

国王见到呢位年轻人就问佢话：“你要去边度吖？为咗一啲乜嘢呢？”当年轻人话俾国王听佢嘅意愿嘅时候，国王就话：“呢条路系非常艰难，但系如果你能够了悟呢啲事物，难道就唔能够当下就喺呢度，听到你所希望得到嘅嘢咩？”年轻人领悟到呢一位响佢眼前嘅人就系香巴拉国王嘅化身，于是年轻人就请求佢嘅教导，就喺嗰度，国王为年轻人灌顶，并且以四个月嘅时间教导佢全部最高深嘅密续，特别系三部《菩萨全集》嘅注释。亦都好似一个花瓶嘅水注满到瓶口嘅边缘，年轻人了悟而且记住所有嘅密法。当佢返到印度之后，就被当作系文殊师利嘅菩萨化身而好出名，而且佢嘅名字就叫做卡拉恰库拉巴达（Kalachakrapada）。

“惹”同“哆”嘅传统，呢两个法统叙述咗时轮金刚法系由西鲁同埋卡拉恰库拉巴达引入印度嘅，时轮金刚法响印度持续被研习同埋修行，而最后传入咗西藏。经由呢一啲因缘，“惹”同“哆”呢两个传统就成为两支主要嘅传承。

“哆”嘅传统系从喀什米尔嘅索马那沙班智达到西藏嘅参访做为开始嘅。索马那沙首先到达咗西藏卡惹嘅地方，而且停驻响Ryo，啫系“优”嘅部族，以一百两黄金作为报酬，索马那沙翻译咗一半庞大嘅《时轮金刚注释》。呢一半庞大嘅《时轮金刚注释》，即系《无垢光》（Vimalaprabha）。《无垢光》呢部份嘅教法，索马那沙将佢翻译成为西藏文，但系响翻译嘅中途，佢就变得唔愉快，而且停止咗工作，佢攞走咗黄金同佢嘅翻译草稿嚟到潘优竺，响嗰度桑部族嘅宗亚拜索马那沙作为佢嘅上师，而且请“哆”嘅部族嘅沙惹扎作为译师，索马那沙同沙惹扎于是共同最后完全完整咁翻译咗《无垢光论》。

“哆”嘅传统持续传到却库奥释喇嘛，呢位喇嘛精通“哆”部族嘅教法，包括时轮金刚。佢嘅弟子就系嘎洛喇嘛，精通“哆”传统同埋“惹”传统，而且将佢融为一支嘅传承。“惹”传统就系由惹部族嘅却拉开始，佢系著名嘅译师惹多杰扎嘅侄，佢出生响连玛孟优。惹却拉记忆而且精通“惹”部族嘅一切教理，后嚟佢想学时轮金刚法，所以佢就动身前往尼泊尔中部。佢响嗰度伺奉沙曼塔师利班智达长达五年十个月零五日嘅时间。沙曼塔师利为佢解说全部嘅时轮金刚经典，而且给予灌顶同口传，然后却拉恭请沙曼塔师利到西藏，响嗰度佢哋审慎翻译出时轮金刚密续同佢嘅注疏，以及一啲辅助嘅经典。“惹”传统继续透过惹却拉嘅儿子同埋孙，最后传到咗嘎洛喇嘛，好似前便所讲嘅。嘎洛喇嘛融合咗“惹”同埋“哆”嘅传统，而佢嘅传承经由布登宁青竺同埋宗喀巴等等嘅大师而传布落嚟。时轮金刚教法嘅研习同修持系借机响“惹”同“哆”嘅传统而流传到今日嘅。

时轮金刚密续嘅修持如同所有佛教密乘嘅法门，基本系在于首先要接受正式嘅灌顶。由于灌顶必须适当授予同埋接受，因此上师同弟子彼此都须要具有相当程度嘅资格。密咒乘嘅上师嘅资格由罗桑却吉嘉乘曾经讲过，佢话：“上师必须身、口、意清净，必须非常嘅贤明同睿智，有耐心而且诚实不欺，亦都必须深谙咒语同密续而得到真正嘅成就，亦都能够编撰同诠释所有嘅法本。”其实我哋十分庆幸，能够到今时今日，亦都揾到能够具有真正传承嘅时轮金刚法嘅真正嘅明师。

关于讲到弟子嘅方面，弟子必须体验大乘道三个主要嘅观念，就系出离轮回嘅心念、菩提心、同埋了悟空性。如果弟子未有呢啲观念嘅实际经历，佢至少必须具有智慧精通呢啲嘅观念同埋为之赞叹。呢三个观念之中最重要嘅就系菩提心，即系受灌顶嘅最初发心。弥勒菩萨响佢嘅《现观庄严论》之中同菩提心讲咗一啲定义，菩提心系为咗利益一切众生而祈求真实圆满正觉，尤其系特殊，好似受时轮金刚灌顶法嘅时候呢，弟子必须依照下列所讲嘅方法去发菩提心。咩方法呢？就系为咗救渡一切有情众生，我必须成就师利时轮金刚嘅境地，然后我能够使到所有其他嘅有情众生亦都能够成就师利时轮金刚嘅境界。如果具备咗以上所讲嘅发心呢，先能够可以接受灌顶。

密乘灌顶嘅主要目的就系透过灌顶上师，使到弟子身心连续而成熟，呢度嘅“成熟”系指授予弟子有修持生起次第同圆满次第瑜伽嘅资格，特别系时轮金刚法嘅灌顶授权，弟子可以修持时轮金刚密续瑜伽并且最后成就师利时轮金刚嘅境界。时轮金刚法总共有十一次灌顶，有七次系等于初阶，即系进入好似幼童阶段嘅灌顶，有三次系高阶，有一次系最高阶位嘅灌顶。作为弟子嘅应该暂时一心不乱，只系世俗嘅成就，如果只有呢啲心态嘅呢，就只会给予七次较为低层次嘅灌顶，至于嗰啲趣入佛界超凡嘅成就者先会给予十一次嘅灌顶。

进入好似幼童嘅七次灌顶——孺童七灌，就系初灌，亦都系“水灌顶”，就犹如一位母亲响孩子出生之后立即为佢嘅孩子沐浴一样；第二次嘅灌顶呢，系“佛冠灌顶”，犹如幼童头上绑髻加冠；第三次“幡戴灌顶”，犹如刺穿幼童嘅耳朵，戴上饰物、璎珞去打扮佢一样；第四次灌顶“铃杵灌顶”，就如同幼童喺度嘻笑同谈话；第五次灌顶系“戒律灌顶”，就如同幼童五欲嘅享乐；第六系“授名灌顶”就系如同幼童嘅命名一样；第七系最后嘅进入，好似幼童嘅灌顶，即系“加持灌顶”，呢项灌顶系授予弟子消除业障而且能够成就息、增、怀、诛，亦即系息灾法、增益法、怀爱法同埋降伏法嘅不可思议嘅力量。

至于讲到三次高阶嘅灌顶，就系宝瓶灌顶、秘密灌顶同智慧灌顶。最高阶次灌顶呢，亦都称为第四灌顶或者文字灌顶，先前嘅智慧灌顶系授予弟子成就菩萨嘅第十一地，然后上师象征性指出智身嘅结合、无上不变嘅大乐同埋拥有一切最完美观念嘅空性。讲咗呢啲之后，上师就授予弟子第四级灌顶，呢个灌顶系授予弟子师利时轮金刚（Shri Kalachakra）本尊嘅形相而证得完满嘅佛果。

Om kalachakra hum 

Om kalachakra hum 

Om kalachakra hum 

Om kalachakra hum bhrum phat svaha　

195.大悲咒讲解

南无千手千眼无碍大悲心大陀罗尼神妙章句，陀罗尼曰：

南无何啰怛那 哆啰耶耶 南无阿喱耶 婆嚧鸡帝 刍般啰耶 菩提萨埵婆耶 摩诃萨埵婆耶 摩诃加嚧尼加耶 唵 唦嚬啰花夷 苏怛挪怛佘 南无悉鸡唎佗 伊蒙阿喱耶 婆嚧鸡帝 斯唬啰呤佗婆 南无挪啰坚驰 斯唎摩诃 嚬哆唦咩 萨婆阿佗 豆输朋 阿斯唌 萨婆萨埵 那摩婆萨埵 那摩婆伽 摩花打豆 怛吱佗 唵 阿婆嚧斯 嚧加帝 加罗帝 夷斯喱 摩诃菩提萨佗 萨婆萨婆 摩啰摩啰 摩斯摩斯 喱佗唌 俱嚧俱嚧 鸡蒙 度噜度噜 花些耶帝 摩诃花些耶帝 陀啰陀啰 地喱尼 斯唬啰耶 遮啰遮啰 摩摩花摩啰 穆低唎 伊斯夷斯 斯挪斯挪 阿啰仙 唬啰些唎 花唦花仙 唬啰些耶 呼佬呼佬摩啰 呼佬呼佬斯唎 娑啰娑啰 斯唎斯唎 苏嚧苏嚧 菩提耶 菩提耶 菩佗耶 菩佗耶 弥低喱耶 挪啰坚驰 第呢斯尼那 般耶摩娜 娑婆何 斯佗耶 娑婆何 摩诃斯佗耶 娑婆何 斯佗喻意 斯嚬啰耶 娑婆何 挪啰坚驰 娑婆何 摩啰挪啰 娑婆何 斯啰僧 阿穆伽耶 娑婆何 娑婆摩诃 阿斯佗耶 娑婆何 啫鸡啰 阿斯佗耶 娑婆何 般陀摩 鸡斯佗耶 娑婆何 挪啰坚驰 嚬伽啰耶 娑婆何 摩婆唎 胜鸡啰耶 娑婆何 南无何啰怛那 哆啰耶耶 南无阿喱耶 婆嚧鸡帝 刍嚬啰耶 娑婆何 唵 斯甸都 呡哆啰 般佗耶 娑婆何

大悲咒系，其实系千手千眼无碍大悲心大陀罗尼神妙章句嘅简称，其实大悲咒亦都叫做广大圆满陀罗尼、无碍大悲陀罗尼、救苦陀罗尼、延寿陀罗尼、灭恶趣陀罗尼、破恶业障陀罗尼、满愿陀罗尼、随心自在陀罗尼、速超十地陀罗尼等等嘅名号。大悲咒呢个真言一共有八十四句，响咒文里便除咗“娑啰娑啰”呢一句系表示五浊恶世之外，其余嘅八十三句就分别代表八十三位菩萨。虽然咒文里便相同嘅句数系好多，但系咒文代表嘅菩萨呢，就每句嘅意思唔同，我哋可以参考下《大悲心陀罗尼经》图像里便嘅解释。

其实咒呢，即是“真言”，或者叫做“陀罗尼”，梵文嘅名称系“dharani”，亦都译做我哋汉文就系“总持嘅法门”啦。总持嘅法门系诸佛菩萨修持得果嘅心法结晶，响呢个宇宙有无量无数嘅佛，所以就有无量无数嘅陀罗尼门，而同一嘅陀罗尼门亦都有无量数佛修持成功得果嘅。学佛嘅人其实唔系以多持为贵，而系以一心不乱、一门精进为宗，我哋要知道诸法如义，一法系等于一切法。但系一切嘅咒文都系梵文，有时会将佢意思译做中文，但系我哋持咒嘅人呢，其实系唔需要知道佢嘅意思，因为当我哋诵咒嘅时候，我哋心明白佢嘅意思，反而就会令我哋生起分别心添，所以就唔能够令我哋一心持诵，达到炉火纯青、一心不乱嘅境界嘞。譬如六字大明咒“唵嘛呢叭咪吽”系观世音菩萨嘅微妙心印，净系简单呢一句六个字嘅咒文同样就能够成就不可思议功德，而能够证到圆通啦。其他好似九字真言或者准提神咒，最后嘅“Om cale cule cunde svaha”，短短呢几个字，曾经过去就有七亿嘅佛修持呢个咒成功得果，所以大悲咒系以往九十九亿恒河沙数诸佛所讲㗎。所以系殊胜而不可思议嘅。

咁大悲咒有咩殊胜之处呢？一共有好多点嘅。第一就系，大悲咒系过去九十九亿恒河沙数佛所讲嘅。观世音菩萨系响千光王静住如来里便学习呢个咒，当时观世音菩萨啱啱就系修持到菩萨嘅初地，但系一听闻呢个咒，立刻嘅果位就超升到第八地，于是观世音菩萨佢就心生欢喜，发下宏誓要安乐众生，即时应愿，所以佢发愿之后，由佢嘅身体之中就生出千手千眼，所以“千手千眼观世音”呢个名号就由大悲咒里便得来㗎。第二点，观世音菩萨曾经对释加牟尼佛讲过：“如果众生诵持大悲神咒，如果唔生去诸佛国嘅呢，唔得到无量三昧嘅辩才，响现在生之中一切所求嘅愿望如果唔得果遂嘅呢，就唔会成正觉。”但系有一点我哋要注意嘅，持咒嘅人如果不善心同不至诚心，譬如求啲唔善嘅心愿啦，或者响诵持经咒嘅时候攞唔出呢个至诚心，呢个咒系唔能够圆满成功㗎，系唔能够得果，所以大家持诵大悲心咒嘅时候就要记住呢两个心法：“不善”同“不至诚”。一定要善心善愿，同攞你嘅真诚至诚嘅心去持诵，咁就一定产生到功效㗎喇。第三点系诵持大悲咒嘅人呢，我哋应该知道系有菩萨同佛去授记，呢个人即是佛身嘅宝藏，九十九亿恒河沙数嘅佛所爱念呢个人，所爱惜呢个人，呢个人系光明藏，一切如来嘅光明都会照向呢个人嘅身上，消除呢个业障，加持呢个人。第三（注：根据上文，“第三”应为“第四”，下面序号以此类推）系慈悲藏，慈悲藏系以陀罗尼去救疗一切众生，呢个人迟啲就会拥有大悲心，利用大悲咒嘅神力去帮助好多众生㗎喇。第四所讲嘅系妙法藏，学习大悲咒嘅人能够普摄一切陀罗尼嘅缘故，普摄一切陀罗尼嘅意思就系话，一通就一切，一切通嘞，受持大悲咒成功嘅时候，其他陀罗尼自然就会明白嘞。第五系禅定藏，百千三昧常现前故，就系话当你修持大悲咒打坐入定嘅时候、你证到大悲三昧嘅时候，其他亦都能够通向唔同咒术嘅禅定，亦都能够通达嘅。第六就系虚空藏啦，虚空藏就修持大悲咒陀罗尼能够令我哋有个空观心而产生空观嘅智慧，去观察众生嘅生死苦恼，同埋明白一切佛法里便嘅道理嘅。第七系无畏藏啦，无畏藏，修持大悲咒，由于观世音菩萨有个别号就叫做“施无畏者”，所以受持大悲咒嘅人就得到无畏啦，亦都有龙天嘅善神护法时常护持呢个人，令佢离开险难、得到无畏嘅。第八点呢，就系妙语藏嘞，妙语藏就系我哋受持大悲咒，口中时常念诵大悲咒嘅陀罗尼音系唔会断绝嘅，呢个就大悲咒嘅三昧，行住坐卧不念而念嘅境界啦！你唔觉得你自己念紧咒，但系其实你已经响咒中，心与咒系交融打成一片，亦都同观音嘅心相印㗎喇。第九系常住藏，常住藏嘅意思就系水火风三灾同埋其他嘅恶劫唔能够损坏受持呢个大悲咒嘅人嘅，即是意思唔会受其他灾害所动摇佢嘅。第十系解脱藏，解脱藏嘅意思受持大悲咒能够降伏一切天魔外道，唔能够令佢留低响你身边去对你作出任何嘅破坏。第十一系药王藏啦，药王藏就系受持呢个大悲咒自然拥有观世音菩萨嘅悲心，用呢个陀罗尼去救治一切众生嘅病苦，犹如一个药王个宝藏一样，开咗呢个宝藏，一切嘅病都有药，一切嘅病都得以被医治而成功啦。第十二点呢，就系神通藏，神通藏修持大悲咒陀罗尼嚟讲，能够开发我哋嘅五神通啦，亦都能够即身能够证果，证到阿罗汉果，如果你修持产生力用一心的话，时常唔断绝呢个咒，今生所证到嘅四沙门果都系可以得到㗎，即是意思话连阿罗汉果，你一心修持呢个大悲咒，今生就可以得证嘞，所以系神通藏。“神”者就“不测”，“通”者就“无碍”，你嘅神通法力系冇人阻碍得到你，而且能够通达一切，能够游历诸佛国而得到自在啦，所以受持大悲咒能够开发呢神通去救渡众生，呢个人嘅功德唔系我以上讲咁多点可以赞尽得到佢嘅。

另外诵持大悲咒其实亦都有好多功效嘅，譬如，第一，能得安乐啦；第二，除一切病啦；第三，延年益寿啦；第四，得到富饶啦；第五，灭除一切恶业重罪啦；第六，离开障难啦；第七，增长一切白法功嘅功德啦（“白法”嘅意思呢，就系善心善愿嘅善法，相反相对“黑法”呢，就系邪法啦），所以“白法”嘅意思就系善法，一切功德都能够增长嘅；第八，系成就一切嘅善根啦；第九，远离一切怖畏啦；第十，当修持大悲咒嘅人临命终嘅时候佢希望发愿去边个佛国都能够受到菩萨接引而随愿得生㗎。

观世音菩萨其次亦都同佛陀讲过话，念大悲咒嘅人呢，得到十五种善生，咳，何者为十五种善生呢？第一，所出生嘅地方时常能够遇到友善嘅国王去摄化呢啲地方㗎；第二呢，时常能够出生响圆满善化嘅国度，呢啲意思就系话你生喺呢啲国家就唔会有咩天灾人祸，系比较合适令我哋修持佛法同埋生活㗎；第三，常值好时，就系意思我哋能够时常逢到好嘅时节，唔会任何风雨不调吖，任何障难；第四，常逢善友，修持大悲咒嘅人时常都会碰到善知识教授佛法提携佢，唔怕令佢走入险路，险路嘅，包括佢喺工作、喺爱情或者其他方面都会碰到好嘅朋友嘅；第五，身根常得具足，当然啦，修持大悲咒嘅人点会出生残缺，点会盲聋喑哑呢？绝对冇呢啲事嘅。第六，道心纯熟，修持大悲咒嘅人日子有功，具有大悲心，佢嘅心系唔会退转，好纯熟，唔会受其他环境容易动摇得到佢㗎；第七，不犯禁戒，受持大悲咒嘅人绝对会产生个力量令到佢护持戒律，守持释迦佛清净嘅戒律，在家人嘅戒律当然系五戒同埋十善啦，受持大悲咒嘅行者绝对唔会作出破坏呢个五戒十善嘅事嘅，否则佢受持呢个咒就冇力啦；第八，所有嘅眷属都能够响我哋身边得到恩义和顺，绝对唔会有唔开心同忤逆嘅事嘅；第九，我哋嘅资具同埋财宝，即是意思话我哋身旁嘅物质都能够得到丰足，唔会令我哋缺乏得到挨饿或者饥渴嘅；第十，恒得他人恭敬扶接，时常呢，就有人，贵人呢，去提携我哋，去扶持我哋、接引我哋，令到我哋样样都顺遂嘅；第十一，所有嘅财宝呢，唔会被其他人去劫夺得到，系冇呢啲打横嘅、唔系正嘅、打横嘅劫夺之事吔；第十二，意欲所求皆悉称遂，我哋求任何嘅善愿、心愿都能够满足到我哋嘅；第十三，龙天善神恒常拥卫，当然啦，头先讲过，一切嘅天龙护法都系护持大悲咒嘅胜，行者嚟嘅，所以修持大悲咒嘅人自然得到护卫啦；第十四，所生喺嘅地方都能够见闻佛法嘅，大悲咒嘅力用就能够令到我哋见闻佛法啦，唔会生喺啲边地、旁边嘅地方、冇佛法嘅地方；第十五，我哋听到嘅正法悟甚深义，意思就系话我哋受持大悲咒，而家开始去研究经书的话，学习佛法，我哋就能够举一反三有呢个能力，因为大悲咒能够令我哋加持智慧，我哋修持大悲咒就能够明白到嘅系比其他人更多，悟到响佛法里便嘅道理好深嘅层次，就“所闻正法悟甚深义”嘅意思啦。

讲完正面，又讲一啲反面，其实都系正面嘅，因为受持大悲咒呢，唔会有十五种非命嘅横死同埋恶死。何为十五呢？第一，就系唔会饥饿困苦死啦；第二，就唔会俾啲枷锁囚禁而俾棒仗乱棍打死啦；第三，系唔会俾我哋嘅冤家为咗报仇而对我哋杀害啦；第四，当我哋行军打仗嘅时候，唔会俾对方嘅军阵之中嘅士兵或者将领伤杀啦；第五，亦都唔会俾一啲凶猛嘅虎狼恶兽残害到我哋；第六，亦都唔会俾一啲毒蛇吔、毒嘅蝎子吔，或者其他嘅毒物中佢哋嘅毒而令到我哋死于非命嘅；第七，唔会被大水所漂啦，唔会被大火所烧啦；第八，亦都唔怕我哋中咗啲毒药令到我哋服毒之后而身亡嘅，即是意思话人家落你毒嘅时候，你持诵大悲咒，一切嘅毒物都会化为甘露嘅；第九，亦都唔会俾吔，啲毒虫吖，去令到我哋中毒害死嘅；第十，不为狂乱失念死嘅意思就系话，我哋唔会因为神经病或者精神病呢，令到我哋心智丧失，受灵界骚扰，或者自己一时谂唔开，失去我哋正念而去自杀，呢个就系狂乱失念死嘞；第十一，唔会我哋喺高处嘅山树或者崖岸无端端会堕落俾人推吔，或者响一啲高嘅地方跌落嚟吔，而跶到我，而令到我哋呢，死亡嘅；第十二，唔会俾啲恶人或者魇魅，魇魅啦，去伤害我哋，何为“魇魅”吔？“魇”呢，就系俗称俾鬼砸嘞，“魅”呢，就系啲妖怪附喺我哋身上，令到我哋非时死亡，我哋唔会有呢啲灾害嘅；第十三，一切嘅邪神同埋恶鬼，我哋受持大悲咒都可以将佢哋驱散，唔会令到佢得到方便，侵扰我哋，令到我哋无端端死亡嘅；第十四，受持大悲咒嘅人亦都唔会有一啲顽疾、一啲恶病，因为啲顽疾恶病而导致我哋死亡嘅；第十五，不为非分自害死，非分自害死呢，亦都好似呢个狂乱失念死，有时系会自杀，因为我哋失去神志，但非分自害死嘅时候就系自己无端端做一啲了结自己生命嘅事，未到时候我哋死亡就将我哋福报同缘份今生了断，受持大悲咒系绝对唔会有呢啲事，所以大悲咒能够避免以上十五种横死，响人类世界里便，我谂都不出呢十五种，至于嗰复杂嘅程度同埋，同埋嗰情况呢，就有所变化各人不同啫。

诵持大悲咒，仲有响世间上嘅八万四千种病都能够医治吔。何谓“八万四千”吖？“八万四千”，其实我哋唔好执著一个实数，其实亦都系印度翻译我哋中文汉语一个成语嚟㗎，犹如我哋中国人所讲嘅“成千类万”，好多好多，其实系冇一个实数。意思就话好多好多病都能够念诵大悲咒得到医治，但系你记得，再提大家一句“唯除不善与不至诚”吖，记得要善心同埋诚心先有功效嘅。

如果我哋响山野之间去诵经坐禅，犹如有啲出家人以前喺个山洞里便闭关打坐，廖无人烟嘅，喺啲地方自然有啲山精吖、魍魉鬼怪吖，依附木石或者依附树木而成精嘅鬼怪呢，都会对啲修行人作出恼乱嘅。假如有啲咁嘅情况，当我哋日常修行遇到呢啲事吔，无论喺咩地方，我哋只要诵持呢个大悲咒呢，嘅时候咧，呢啲鬼神或者魔怪都会大悲咒咧，绑住唔能够动弹，唔能够骚扰我哋诵经去坐禅，所以大家记住，遇到呢情况就去持念大悲咒啦。如果去如法诵持大悲咒呢，其实我哋嘅本尊，慈悲嘅千手千眼观世音菩萨就会敕令，佢命令一切善嘅神或者金刚密迹，“金刚”就可以，不可以被其他东西破坏啦，“密迹”就系隐蔽佢嘅身形踪迹而护卫我哋，我哋虽然见唔到佢哋，但系佢哋时常都会护卫我哋，系观世音菩萨派佢嚟嘅，因为我哋受持大悲咒，我哋专心，我哋有咁嘅德行，所以啲密迹金刚就会嚟保护我哋啦，时常去卫护我哋。“不离其侧，如护眼命”吖，唔会离开我哋嘅侧边，犹如护持佢哋自己本人嘅生命同埋佢哋嘅眼睛一样，你话呢啲金刚护法护持我哋系几重要呢！佢哋所发嘅心系几大！所以我哋应该好好地去努力修持呢个大悲咒嘅。

又譬如，如果我哋如果响现世所求一啲善缘的话呢，我哋可以响二十一日以内呢，要净持斋戒。何谓“斋戒”呢？唔好唔记得，“斋”字嘅意思呢，系“心”同“口”合一。我哋唔好以为我哋口食斋或者食素就系真正嘅斋戒，响受持大悲咒呢个二十一日里便呢，或者其实我哋平时去食素食斋呢，系要用个心，唔系用个口，口就系身体，系我哋嘅心去控制，我哋心一样要清净㗎，心唔好贪、唔好瞋、唔好痴、唔好慢、唔好疑，就系心持斋戒啦，要呢个心持斋戒再配合埋我哋外在嘅行为去真正唔好食肉，唔好侵损一切众生，啖食杀害一切众生，口要持素食，心口合一呢个斋戒，咁样二十一日内我哋受持呢个大悲心陀罗尼，我哋所求一切嘅愿望同果报就会灵验㗎喇。

记住，加上我哋嘅至诚心同埋恭敬心，同埋唔好怀疑嘅心，咁你修呢个大悲咒就一定灵感，一定呢，非常之响应，菩萨一定会护持你。希望大家好好地去受持呢个大悲咒，唔好空过呢个人身，辜负咗观世音菩萨将呢个咒传番响我哋人类世界嘅一番心意吔！

196.华严梵网妙重重（一）

佛教系一种人文嘅信仰，由华严宗嘅“信、解、行、证”四个修行嘅步骤到净土宗嘅“信、愿、行”嘅实践过程都建立响信仰之上。事实上，宗教嘅本质就系建立响信仰，而唔系建立响推理同思辨，虽然佛教亦都兼顾教理嘅了解同实践，但系“信”毕竟系第一个因素，因为信心带俾我哋精神生活同埋希望。

信仰系建立响“希望”呢个心理活动之上，人类无论处于顺境或者逆境都要抱住希望，随时随地为尚未诞生嘅事物去做准备，即使响我哋活著嘅时候，目标仍然未诞生，但系唔绝望。信仰对于已经存在或者根本唔可能发生嘅事抱住希望系冇乜意义嘅，同时，信仰如果坚强就会培育出新生同埋成长，充满光明同智慧。冇希望或者根本就冇信仰，人类就会恐惧、厌倦，或者孤独。信仰事实上就系一种心理动力，亦都同时系一种需要，佢系实现生活嘅基础，所以《大方广佛华严经》上面讲过：“信为道源功德母，长养一切诸善法，断疑生信出爱流，开证涅槃无上道。”（注：根据CBETA，“断疑生信出爱流，开证涅槃无上道”疑为“断除疑网出爱河，开示涅槃无上道”）

佛教嘅信仰系在于发挥自己嘅慧性，佢所传布嘅各种法门，响中国传布开嚟，无论系华严宗、天台宗、净土宗、禅宗、密宗等等，都离唔开清净嘅菩提心，清净嘅菩提心就系要我哋由无明嘅烦恼之中解脱出嚟，达到涅槃，熄灭一切有为法，去伏断“所知”同“烦恼”二障，进入庄严嘅精神法界，啫系成佛啦。因此呢，佛教就生活嘅层面去睇，佢要我哋由非理性嘅情欲之中解脱出嚟，过丰足同醒觉嘅生活，而且发展理性同慈悲嘅力量，佢要人类追求智慧嘅成长、心灵嘅自由、幸福同喜悦。就人生嘅前瞻嚟讲呢，信仰俾我哋一个意义丰富嘅未来，即系同十方诸佛同回于华藏世界。

佛陀教化嘅宗旨就系“法界唯心”，法界就喺我哋精神生活嘅本身，而精神生活嘅主要素材呢，就系伦理嘞。现在我哋从《梵网经》嚟讨论佛教伦理嘅本质，喺呢部经里便，佛陀将伦理同心理，即系“心地法门”，完全咁样融和。伦理唔系单纯嘅规范或者戒条，而系一种由我哋心地所流露出嚟嘅德性同埋能力，所以伦理其实系涵盖有一种智慧、能力同完美嘅本质响里头。当人类嘅精神生活达到澄澈光明嘅时候，就具有超越欲界、色界同无色界三界嘅能力而证入一真法界嘅华藏世界。

《梵网经》系一部专讲由伦理入手，提升精神生活嘅经典。佢可以话系华严经教嘅实践伦理学，亦都系入华严海会嘅蓝图、证一真法界嘅进阶。依照《梵网经》而即知即行，去诵念华严而神游法界嘅庄严，日日念佛而观照进入寂光净土嘅深妙，所以《梵网经》系精神生活理事互摄嘅指引，从而显露无缘大慈同埋同体大悲嘅清净菩提心。

佛陀教人由“觉”而证入佛性系有次第嘅。“觉”有三个阶梯：第一系“自觉”，系平直而行，依根胜因缘任运生活，不被境迁亦都不被五欲所绑，亦都唔受“烦恼”同“所知”二障所蔽，就系“自觉”嘞；第二系觉他，觉他系指同二乘唔同嘅醒觉，所谓二乘啫系小乘啦，以空见为佢哋嘅纲领，以厌生死取涅槃嘅心态，只求空灭，充其量只系自了汉。大乘就响“自觉”之后实践梵网嘅伦理，实现自己，布施俾人，运无缘慈，起大悲心去广化众生；第三系“满觉”啦，“满觉”啫系悲智双运、万德圆满，是究竟觉了嘅佛陀。

喺呢三个阶段，喺《梵网经》之中就得到融和，三觉合埋一觉，完全响伦理嘅精神生活之中表现出嚟，所以，明朝律宗嘅大师寂光讲过：“梵网二字乃因人所具之庄严，若能回真向俗，始知佛陀说梵网以度人，始知人人持梵网以成佛。”（注：根据CBETA，“始知佛陀说梵网以度人，始知人人持梵网以成佛”疑为“始知佛佛说梵网以度人，若能回因向果，始知人人持梵网以成佛。”）净空法师亦都讲过：“依梵网菩萨心行，入华严不思议解脱境界，安住弥陀寂光净土。”

所以《梵网经》系学佛证道嘅指引，系融和世出世间法嘅桥梁，系过去心、现在心同未来心所以不二嘅根源。“梵网”就系道德，佢系法界嘅新生同醒觉嘅序曲，我哋必须了解道德伦理并非世人功利心嘅旁白，而系精神生活成长嘅资粮。现实生活其实只系生活嘅一小部分，凡尘嘅种种梦影不过系未来法界生活嘅开端啫，如果唔以坚毅嘅心志去实践经由醒觉所发展出嚟嘅伦理，慷慨布施，咁通往法界成佛成圣嘅可能性就唔存在了。

伦理系一种我哋自身生活嘅实验，而理论同逻辑只不过系经由思惟同感觉所编织嘅观念，所以伦理系绝对嘅力行，唔系知性化嘅知道。“梵网”嘅本质就系实践伦理，而唔系建立一套仪式同死硬嘅教条，因为仪式同教条会僵化实践嘅智慧，佛陀所教诫嘅“梵网”究竟系咩道理呢？咁样就要由经典嘅内容开始讲嘞。

呢本经典如果依据华严判教嘅区分嚟睇，应该属于圆教嘅经典，因为佢系法界同教理不二嘅教典。本经一开始就好似一本高妙嘅文学作品一样，讲到释迦牟尼佛入四禅天——摩酰首罗天王所住嘅地方。呢个地方又叫做色自在天，修证到十地嘅法云地菩萨就住喺里便嘞，佢哋嘅修行同精神生活都已经到咗最胜嘅境界，再加修证就即将成佛嘞。嗰个时候众菩萨正喺度讨论华藏世界同埋报身佛卢舍那佛演说心地法门，阐明法界唯心嘅精义。

卢舍那佛象征修行已经到诸恶净尽、众德悉满、证得圆满嘅报身佛，嗰个时候，化身佛嘅释迦牟尼，同法身佛，所谓毘卢遮那佛同报身佛相互辉映。清净法身、圆满报身、千百亿化身，呢三个身其实原本系一体，而家象征千百亿化身嘅释迦牟尼身上放出智慧之光，照遍一切世界。所以我哋应该要知道，法身就系“体”，报身而显嘅；报身就系“性”，因法身而成。化身系生活嘅大用，所以“千百亿化身”。喺呢个时候，座之中嘅玄通华光菩萨亦都受到德性慧光嘅感应而放光，光照一切世界，可见呢位菩萨亦都系证入十地，入精神法界嘅最高层次嘞。跟住呢，释迦牟尼佛以化身佛嘅神通妙用将法身、报身、化身融和为一，俾华藏世界天人连成一气，使到菩萨乃至于人、天同时能够见到精神法界嘅增长同提升嘅次序，一副美丽嘅远景就展现响众生嘅眼前嘞。

呢个时候，众菩萨同埋佛陀嘅弟子异口同声咁问：“呢啲光明嘅本性究竟系咩嘢呢？”化身佛嘅释迦牟尼为咗要俾大家了解真相，就将大家一齐接引到去华藏世界，去到紫金刚光明宫殿之中，见到卢舍那佛坐喺百万亿莲花赫赫光明嘅座位之上。呢啲百万亿莲花嘅光明就系实践伦理嘅果报，表示报身佛证果嘅庄严。呢个时候，世尊带住大众敬礼卢舍那佛，深深表示对圆满果报嘅崇敬，亦都替菩萨询问卢舍那佛点样先能够成就菩萨十地去证得佛果，而且亦都广问如何实践菩萨嘅行持。响嗰个时候呢，卢舍那佛好欢喜咁现出虚空光体性本源成佛常住嘅法身三昧，意思就系精神生活嘅圆成实性嘞，如实咁话俾大众知，要其他大众谛听、善思、修行，透过“信、解、行、证”去证入精神法界。

呢个时候，华藏海会之上，卢舍那佛化为千释迦，千释迦化为亿万释迦，每一个世界都有释迦坐喺菩提树下，各各说明菩萨嘅心地，咁整个嘅法会成为一个法体，其他菩萨众呢，响听到法门之后呢，如是修行就可以成佛，成就释迦牟尼，意思就系“能仁寂默”——能仁而唔住于涅槃，寂静而唔住于生死，亦都表示能够忍，能够含忍响善恶而又无生于寂灭。

《梵网经》揭示咗人人都有嘅佛性法体，必须依法行证，依因缘根性实现修行就系化身，行果圆满系为报身，所以而家法会之上有亿万嘅释迦同时为诸众生去请教卢舍那佛，请佢演说成佛证道嘅心地法门。呢个时候卢舍那佛所讲嘅其实就系精神生活嘅训练，所谓十住、十行、十回向同十地。现在我哋就嚟睇一睇呢个集法身、报身同化身响一体嘅精神生活嘅实践伦理系一啲乜嘢嘅内涵啦。

人类嘅心理生活所抱持嘅希望就系精神生活嘅善性，佢既然系我哋嘅天赋，亦都系我哋觉得喜乐同丰足嘅泉源，所以希望系人类迈向高层次精神生活嘅起点，亦都系向往精神生活嘅趣向同动力。佢系一种准备，系一种光明嘅心愿，而且系积极付诸实现嘅愿力。此外，希望当然亦都系同欲望唔同啦，欲望嘅本质系贪婪同埋贫乏、享乐同堕落，而希望就系精神生活嘅丰富同成长。于是响华藏海会嘅时候，卢舍那佛讲过：“诸佛当知……十发趣心向果。”

发趣心唔止系一种希望，同时亦都系生命同生长嘅本质，佢不但系理性嘅思惟，同时亦都兼具感性嘅情操，就好似太阳嘅热能一样滋润我哋嘅精神生活，呢个心理嘅趣向俾自己发动咗迈向成长同光明嘅动机，成为一股坚毅嘅力量。响佛教嘅伦理学里面认为佢能够成为五种力量，呢五种力量就系：信力、进力、念力、定力同慧力。

咁咩嘢叫做“信力”呢？“信力”系由丰富嘅自信同崇高嘅信仰所发出嘅力量。“进力”就系由光明心志所发出嚟嘅积极力量。“念力”呢，系由良好嘅信念所发出嚟嘅坚定力量嘞。“定力”呢，就系由纯净嘅抱负所孕育出嚟心安理得嘅定力。至于“慧力”呢，就系由不断提升同心理嘅自发性所发出嘅智力。

透过呢五种心志嘅力量，趣向证果嘅大愿就非常坚固嘞。呢个由希望到坚定嘅过程就系求道动机，不过只系动机仲唔够扎实，所以卢舍那佛列出咗十住心，佢系十种时时用嚟校正系咪动机坚固嘅标准。

十住心就系——舍心，即系布施给予嘅发心；戒心就系维持正当嘅生活习惯嘅决心；忍心系心如虚空嘅容忍心；进心，即系努力不懈嘅积极心；定心系坚定嘅心志同埋唔被境界所牵嘅定净心；慧心，即系保持醒觉免于障碍嘅心；愿心，发愿成就正等正觉嘅心；护心，维护自己不令松散嘅心；喜心就系对生活充满欢喜心嘞；最后一种顶心就系抱住崇高信念嘅心。

呢十个发心，总归一句说话，就系要以踏实坚定嘅心志由烦恼生灭嘅此岸迈向光明自由嘅彼岸，而下定决心要由“烦恼暗宅中，常须生智慧”。如果自己冇追寻崇高精神生活嘅决心，就唔可能有好嘅精神生活去深入法藏，证入无余涅槃。故此《六祖坛经》讲过：“自若无道心，暗行不见道。”

当我哋打从心中发出弘愿，而且愿愿都含有十住，咁样生活嘅崇高理想就能够落实。发心唔止系一个念头嘅啫，必须系有具体嘅蓝图先有如实嘅大愿，发心带俾我哋希望，亦都带俾我哋实践嘅力量。

刚才我哋讲过，响十行之中前四行系慈心、悲心、喜心同舍心，呢四种心响佛学之上称为四无量心，系指面对一切众生要以呢四种存心同态度去对待佢哋。《俱舍论》上便话：“以无量有情为所缘故、引无量福故、感无量果。”（注：根据CBETA，“感无量果”疑为“感无量果故”）四无量心系佛教徒待人接物嘅基本存心，当然亦都系判断自己行为系咪合乎中道嘅理则啦。现在我哋要进一步去追究，点解要以四无量心嘅“心”去做为力行嘅法门呢？显然“心”呢个字系代表能力，佢系经过思考，透过健全人格所表现出嚟嘅活泼能力，心系清醒嘅，具有主动性嘅，系成熟嘅心智自然流露嘅智慧。龙树菩萨响《大智度论》之中话：“‘慈’名爱念众生，常求安隐乐事以饶益之；‘悲’名愍念众生受五道中种种身苦、心苦；‘喜’名欲令众生从乐得欢喜；‘舍’名舍三种心，但念众生不憎不爱。”

从以上嘅解释嚟睇，“慈”就系博爱啦，“悲”就系救济其他人嘅苦难，“喜”系以助人为乐，“舍”呢，就系无所求嘅行善。咁样嘅心智能力就系力行梵网伦理嗰种内圣外王嘅基础。“慈、悲、喜、舍”四种实践嘅能力能够生无量嘅福德，对治人格成长上所发生嘅障碍，所以《大智度论》上又讲，为咗对治我哋众生内心嘅瞋毒，就要培养慈心；为咗对治内心嘅恼怒必须培养悲心；对治情绪上嘅郁闷，应该培养喜心；为咗对治爱憎愚痴，应该去培养舍心。将呢啲心理上嘅障碍加以清除就能够使心智不断成长，精神生活不断提升，所以话呢四种实践嘅能力系无量甚深嘅智慧。

其次，十行之中嘅第五行到第八行就系所谓“四摄”嘞，呢四摄嘅事嘅实践亦都系要由我哋心里头出发，佢哋分别就系施心啦、好语心啦、益心啦，同埋同心。

咩叫做“施心”呢？“施”系布施个“施”，当然唔会系自私个“私”啦。“施心”系普惠无惜，即是普施恩惠一切众生而无吝惜，以自己嘅能力去尽量帮助其他人。“好语心”呢，就系良好嘅人际沟通关系嘞。“益心”呢，就系所谓利行，系方便别人嘞。“同心”呢，就系同事嘞，就系能够设身处地，己所不欲，勿施于人嘞。

呢四种能力系佛学上四种同别人广结善缘同处理人际关系嘅智慧。人系离唔开群体去生活，所以同别人相处嘅能力就系必备嘅条件。由心理学嘅观点嚟睇呢，人如果响人际关系上适应不良呢，必然就会造成精神生活上嘅困扰嘅。人际关系亦都系人类互利互助、互爱互信嘅基础，解决问题嘅智慧系由互动之中相互激发得嚟，所以群性同社会关系嘅能力系精神生活不可或缺嘅一环。

培养仁德嘅第三个力行法系要定心同慧心，呢个系禅宗见性成佛嘅心要。因为《六祖坛经》上讲过：“即心名慧，即佛乃定，定慧等持，意中清净；悟此法门，由汝习性，用本无生，双修是正。”人类嘅心理活动总系响定静之中先发挥最高嘅创造力，响进行一项创造活动嘅时候，个心亦都变得专一笃定。六祖惠能话：“定就系慧体，慧就系定嘅用；即慧之时定在慧，即定之时慧在定。”定、慧系提升精神生活最根本嘅伦理。

卢舍那佛响说法之中讲过揭示十种能力，啫系十行啦，去提升精神生活就系要由四无量心嘅慈、悲、喜、舍去做起，由四摄嘅布施、爱语、利行、同事之中去过合群嘅社会生活，由定慧等持之中去过现实嘅生活，见本无生无灭嘅自性。呢十个行门各自代表一种实践嘅能力，而唔系死板嘅教条。四无量心系悲智双运嘅能力，而四摄呢，就系立身处世、待人接物嘅能力，至于定、慧嘅功夫就系汇入精神法界嘅方法嘞。

呢十种能力必须自己实验去体会，响生活之中实际去磨练，先能够培养到纯熟嘅程度，甚至成为一种习惯，一种唔需要加以思索就可以如如运作嘅智慧同埋能力。人类嘅本性同天赋经过十行嘅训练，培养出实践生活精神嘅能力之后呢，就唔能够即刻停止嘅，因为嗰个时候先能够真正要实现生命嘅意义，要将甚深嘅智慧同能力普注到现实世界，去普照一切有情众生。呢个就好似我哋由学校毕业获得能力同学识一样，必须要回到社会去服务，所以佛教嘅宗旨基本上系“入世”，不过系一种出世嘅“入世”，系一种奉献而唔执著嘅入世。

由华严经教嘅教理嚟睇，如果修习咗十住同十行，唔再继续努力落去呢，即使得到定慧嘅功夫，亦都只不过系自己一个人响现世得到无碍，而冇将佢提升磨练，扩大范围去帮助其他人，所以佢嘅能力只系等于冇经过实际嘅应用而得到更高层次嘅提升，距离所谓华严所讲“理事无碍”同“事事无碍”嘅精神法界仲系好远。因此，一旦呢个修行者离开现状去投注到另一个情境呢，就会有困难同障碍嘞。套用一句世俗话讲呢，就系修习嘅十住同十行只不过就系一个知识份子，而唔系真正克竟全功嘅成功者。

另一方面，由心智成长嚟讲，当我哋自己进步到好高嘅阶段，如果唔用嚟回向俾自己嘅同胞，乃至到一切嘅有情众生，咁样充其量只系一个自了汉，一个独善其身嘅小乘行者，而唔系兼善天下嘅大乘菩萨。

由以上嘅讨论，我哋唔难知道卢舍那佛跟住落去要讲啲咩，当然，佢要讲嘅就系十种回向啦。十种回向就系实际履行大乘菩萨嘅任务，所谓“上求”即系上弘或者下化。卢舍那佛呢个时候接住就对法会上嘅诸天呢、人呢，同埋菩萨众去讲：“从十长养心入坚修忍中十金刚心向果。”“从十长养心”嘅意思就系培养十种力行嘅能力；“入坚修忍中”就系入无生忍嘅极致；“十金刚心向果”呢，就系实践十种回向以圆满我哋嘅德性。

响呢个阶段里便，不但要向上回向，提升自己嘅精神生活，不断超升达到圆满嘅境界，参入精神宇宙最高嘅顶点，而且仲要向下去回向拯救世界，拯救其他嘅有情众生。呢两种实践其实系互补，系相得益彰嘅。要想成就上弘、下化嘅大乘菩萨德行咧，就必须具有以下嘅十个条件，啫系所谓嘅“十回向”，用现代嘅说话去逐一解释就系：信心、念心、回向心、达心、直心、不退心、大乘心、无相心、慧心、不坏心。

何为信心吖？信心咧，就系必须时时保持正确嘅信仰，对精神法界嘅向往，决定成佛，坚信不移。念心咧，就系时时系念华藏世界嘅十方诸佛，念念唔失去佛法嘅正智，我哋嘅心要系道业而发信、解、行、证嘅愿力。回向心咧，不停向上回向去提升精神生活，心心安住响实相，念念都系安住响真如，同时我哋要记住有下化众生嘅强烈意欲同埋心念去济度一切有情，令到……（注：此处录音中断）

达心咧，就系通达佛法，由文字般若入手，去醒发我哋内在嘅自性般若而过实现嘅生活。直心系依自己嘅根性因缘去生活，去实现功德，虽然彼此嘅性向、兴趣唔同，但系成就嘅德性就系平等嘅，所以系“直照平等”。不退心系唔起邪心、邪念，唔执著响实现生活嘅一切成就，咁样先能够虚心向上、成就万德、行果圆满。大乘心呢，所谓“己立立人，己达而达人”，慈航普渡，令到诸众生去能够同入佛海。（注：接下文）

197.华严梵网妙重重（二）

（注：接上文）

讲到“无相心”，就系唔受现象界嘅迷惑，亦都唔被物欲所迷，唔执著响成见。“慧心”呢，系由理事无碍到事事无碍，心灵得到彻底嘅自由，能够响生活之中无集亦都无受，承受一切法而离一切法。“不坏心”就好似金刚一样嘅心智，邪魔唔能够坏，境界亦都唔能够牵动，入佛嘅威神出没自在。

显然“十回向”就系十种实践大乘菩萨道嘅德行同埋规范。以上所列嘅十种德行只有完人先能够具备呢特质，亦都只有人格成长到相当完美嘅人先能够有履行上求下化嘅能力。

卢舍那佛深深知道人类一旦以权利同物欲去满足呢一种需要，必然就导致疯狂嘅竞争、无尽嘅烦恼同堕落，所以提出咗“达心”“直心”同“无相心”去引导菩萨，避免拥塞执著，光明剔透咁能够睇出一切事物嘅本来面目，再用“不退心”同“慧心”去保持积极而清醒嘅创造力同回应能力，最后再用“己立立人，己达达人”嘅襟怀同一切有情众生力求同登法界而发展出最好嘅相属感，能够彻底治愈人类先天上嘅不安同孤立，去得到大自在嘅精神生活，所以大乘菩萨实践上求下化嘅伦理，并不单只系成就愍念有情众生同服务社会嘅慈悲观念，更重要嘅系佢自己响服务人群之中呢，得到心灵嘅成长，获得精神生活嘅满足同提升。正因为咁，菩萨嘅六波罗蜜行响无所求之中而能够得到更大嘅硕果，而渐渐悟入精神嘅法界。

我哋系咪有好嘅精神生活，就要睇自己有冇正确信仰啦，呢个正确嘅信仰系咪能够带动自己实现成功嘅人生呢？就要靠自己下定决心去做，所以卢舍那佛话俾众菩萨知道，修行嘅第一步就系住心响正信，如果缺乏正信，必然就要沦落响烦恼愚痴嘅深渊。其次要长养强烈嘅向道动机同学习精神生活必备嘅能力，即系“十行”，继而要实地去练习，由上弘下化之中，即系“十回向”，不断提升精神生活，渐渐去悟入法界。

精神生活如果能够提升到呢个阶段呢，就相当于完成咗《唯识论》之中所谓嘅“资粮位”“加行位”同“通达位”三个部分嘞，跟住卢舍那佛再将与会嘅菩萨带到更深一个层次，去进入菩萨嘅“修习位”。现在跟住讲嘅就系十地菩萨嘅修习法门。

菩萨经过上求下化努力之后呢，渐渐呢，就福慧增长，为咗彻底达到自在解脱，证菩萨嘅正果系要经过十个阶段嘅专修。响《华严经疏论纂要》上便话：“十地菩萨，断十种障，证十真如，真如体性，实无差别也。”呢十个修行阶段主要就系要证入究竟位嘅准备，佢亦都响佛学之上又称为“十种波罗蜜多”。咁咩嘢叫“十地”呢？归纳下便，我哋会研究。

第一，平等地。平等地系属于布施波罗蜜多为最胜嘅。响平等地呢个阶段，菩萨注重修布施波罗蜜多，以呢个舍心去观一切生活，去伏断执著同比较所生嘅烦恼，要了知空性，去放下一切“相”同埋一切见解嘅执著，不被现象所欺，亦都不被自己嘅“我见”所迷，能够自利利他，心中充满咗喜悦，所以亦都叫做“欢喜地”。有咗欢喜嘅性情，有咗空嘅修养，和光接物，生活障碍自然减少啦。就心理学嘅观点嚟睇，布施就系给予，能够给予别人需要嘅帮助，自己当然有一种丰足欢喜嘅体验啦。布施表示能舍，能放下种种情绪性嘅焦虑同挫折，当一个人能够勘破因缘所生法嘅“空性”时候呢，心理生活就变得平静，呢个时候可以“行无量大愿，辩才无碍，一切论一切行，我皆得入”，所以就能够证入“遍行真如”，寄位于转轮圣王嘞，所以《梵网经》讲：“生出佛家，坐佛性地，一切障碍凡夫因果毕竟不受，大乐欢喜。”入欢喜地嘅菩萨已经能做到“无缘大慈”嘅行持，佢哋唔会分别亲疏㗎喇，亦都唔计较报偿咁样去帮助人，能够响世间法之中实现出世间法嘅德行而做到“入色受报而心心无缚”。

菩萨第二地，善慧地。善慧地系戒波罗蜜多为最胜嘅。精神生活之所以堕落，都因为无明而起，所谓“行苦”“苦苦”同“坏苦”三种苦系人类苦难嘅根本来源。“行苦”系迷失响五蕴“色、受、想、行、识”里头不断去造业，一切睇唔开而迁流不息，心理失去平衡。“苦苦”系心理失衡、焦虑不安，再加上外界嘅种种境遇而造成苦上加苦。通常有咗情绪病嘅人呢，最容易苦上加苦，甚至于无法承受，造成将来嘅精神崩溃。至于“坏苦”系讲寿命嘅有限性同各种疾病嘅折磨。菩萨修行到咗第二地，虽然粗重嘅尘垢已经洗涤殆尽啦，但系微细嘅烦恼尘垢呢，仍然系唔能够免除，所以就要进一步去勤修戒律，加行持戒波罗蜜多，透过对戒嘅训练呢，就将呢个尘劳去清除洁净，故此第二地呢，就叫做“离垢地”。喺呢个同时，菩萨亦都要知道一样嘢，要知道去彻底体认释迦牟尼佛最初响鹿野苑初转法轮所讲嘅四谛法——苦、集、灭、道嘅教诫。呢四种系宇宙至高无上嘅真理，证道嘅根本标准，我哋要体认，彻底知道呢四种真理，从而获得解脱，所以卢舍那佛亦都话俾在座嘅菩萨听：“清净一体，体性妙智，寂灭一谛，慧品具足。”（注：根据CBETA，“清净一体”疑为“清净一照”）

佛陀响鹿野苑为㤭陈如等等嘅五个行者说法嘅时候，佢特别提出离苦得乐嘅法门。佛陀话：“人生系好苦，点解会咁苦？因为我哋有好多执迷愚痴，呢啲执迷愚痴俾自己带嚟更多嘅烦恼同埋痛苦。”如果想去离苦得乐，就首先必须去洗干净我哋心中嘅尘垢同埋无明，洗净心中嘅尘垢同无明呢，光明嘅本性就会自然流露，咁样做先系合乎正道。所以二地菩萨所修嘅就系所谓“最胜真如”嘞，而寄位响忉利天王，去用呢个位置咧，去教化众生嘅。

第三地，光明地。光明地系以忍波罗蜜多为最胜。醒觉同正确嘅认知系分唔开嘅，而认知嘅活动就好容易因为人格上嘅因素而受到扭曲。一个有强烈情绪反应嘅人遇到挫折咧，同一个人格成熟而情绪稳定嘅反应相比咧，差别系好大嘅。前者会认为挫折好强，引起嘅焦虑同情绪嘅强度大，后者系忍受性系比较好，能够静心去检讨而且思考解决问题嘅方法。所以忍受性比较好嘅人，人格就比较健全，亦都有较好嘅智慧。急躁焦虑嘅人呢，容易犯呢，就系所知障，呢类人总系急于拣现成，好容易受到外界嘅刺激牵动，所以邪见、成见吖、发怒吖，或者对立吖，都因之而起，所知障就比较严重。故此菩萨要进一步呢，去修忍波罗蜜，要忍耐得住，静心去处理事情，研究思考，先能够有一个清醒嘅生活，就唔会被种种色相物欲所障蔽。于是忍波罗蜜就可以成为我哋精神世界嘅关键，所以亦都叫做“陀罗尼”，即系总持嘅法门。能够忍就能够定，能够定就可以生慧，依忍嘅法行：闻、思、修，就能够突破表面嘅意义，得到甚深嘅了义，发无边嘅智慧，所以呢个菩萨行位亦都叫做“发光地”。响《梵网经》上面讲说：一谛之音（即系讲忍波罗蜜），国土不同（即系成就唔同响尘世嘅法界），身心别化（意思系色身就等同法身嘞）。能够忍就唔会被三毒“贪、瞋、痴”所转，真正体会到无生无灭嘅妙用，一切自然如如现前，而十方佛土嘅精神法界从中亦显现，证入“胜流真如”，而寄位响夜摩天，做夜摩天王。

菩萨第四地，尔焰地。尔焰地系精进波罗蜜多为最胜嘅。人类嘅心理经常存在不安同焦虑，所以产生唯识学上所谓嘅烦恼法。呢啲烦恼法包含咗六种根本嘅烦恼，即系贪婪啦、瞋恨啦（瞋恨亦都系愤怒啦）、愚痴啦（啫系痴爱啦）、轻慢啦（啫系傲慢）、疑惑（疑惑啫系猜忌同埋恶见）。恶见亦都可以分为五种，啫系：身见，身见系以自我为中心；边见呢，就偏埋一边嘅见解；邪见呢，就系唔正常嘅见解；见取见呢，用现代嘅说话去讲就系成见嘞，同埋戒禁取见，就系固执嘅见解。呢度所谓嘅“见”就系指观念或者系态度。

除咗呢啲根本烦恼之外，仲有一样嘢系随烦恼。随烦恼呢，佢哋都系一啲不正当嘅习惯同埋不良嘅适应，呢啲随烦恼会影响我哋嘅精神生活，所以响第四地嘅菩萨要起智慧嘅火焰，去燃烧一切根本嘅烦恼同埋除烦恼。愚痴嘅障蔽如果断除呢，智慧就能够光明去照耀自己嘅人生，去证得“无摄受真如”，证得无摄受真如就能够寄位响兜率天，做兜率嘅天王。咁乜嘢系“焰慧”呢？乜嘢系智慧嘅火焰呢？根据《梵网经》就可以解释为精进嘅醒觉，要以精进不懈嘅恒心去实践“十觉支”，针对信仰、思想、定力、精勤、观念、智慧、观照、轻安、喜悦同放下，去做彻底嘅醒觉，同时要追求禅定呢，同佛法嘅心，完全摆低，去放下先能够见到光明嘅本性而得到真正嘅善巧智慧，去积极度化众生。《梵网经》上面讲：“入善权方便，教化一切众生，能使得见佛体性常乐我净。”（注：根据CBETA，“能使得见佛体性常乐我净”疑为“能使得见证佛体性常乐我净”）修行尔焰地能够使到菩萨去悟入中道，见到本性嘅真我，体验到真我嘅四种德：常、乐、我、净。一切都系犹如金刚，所以可以教化一切众生去了悟如来嘅宝藏。

大乘菩萨嘅第五地，慧照地。慧照地系以禅波罗蜜多为最胜嘅，我哋再用现代嘅白话去解释一下。对一个修行者嚟讲，最主要嘅目标就系要离开生死去证入涅槃，正因为有咗咁样一种动机呢，就好容易执住响离生死而向涅槃嘅死胡同里便，去造成一种好严重嘅后果，就系所谓“断灭空”嘞。因此呢，要修禅波罗蜜，由“定”去发出智慧，真俗无碍，将精神生活一定要落实响世间法同出世间法之上嘅。菩萨必须能够响凡尘世间生活，经得起种种物欲嘅引诱，种种烦恼唔能够牵动，咁样做系好难，所以呢，第五地故此又称为“难胜地”，修呢个地嘅菩萨证入咗“类无差别真如”，佢寄位响化乐天，做化乐天王。慧照地嘅菩萨由“定”而入“慧”，明白事理，唔被是非所困，能够别善恶，但系唔被善恶所牵㖞，所以能够发出大智慧啦，现出种种嘅创造性，所谓创造性就系“皆是菩萨大方便智力用所作”，所以叫做“不思议智慧”。《梵网经》呢，标示呢个地嘅菩萨行者叫做“是人大明智，渐渐进分分智，光光无量无量，不可说不可说法门现在前行”，响精神生活因为禅定而渐渐深远向上进，能够分分去证得诸佛嘅一切种智而实现响生活里便，佢嘅光明德性不可言传而自然如实咁现在眼前啦。

第六地，我哋讲到华光地。华光地，呢一地嘅菩萨系以般若波罗蜜多为最胜。菩萨修行到咗慧照地，智慧不断增长，得到一切种智，但系仍系未决了嘅，因为仲有“相”嘅障碍，佢会产生染净嘅分别，所以现在要用般若智去体会无相、无性，而知道一切法无有染净、无住相去作意，令到真如圆满呈现，所以第六地故此就叫做“现前地”嘞。喺呢度所以证得嘅真如呢，系无染净嘅真如，就能够寄位做自在天王，以般若为佢最胜教化众生。

修般若行能够深悟诸法嘅空相，不生不灭、不垢不净、不增不减。了达一切相都系由缘起，无论系我相、人相、众生相、寿者相都系由因缘而起，了达“性空”就系“缘起”，“缘起”即系“性空”，“真空”里便有“妙有”，“妙有”亦都寓于“真空”，所以响精神生活之中就能够显得自在，呢个系证境嚟嘅，就算用白话去讲出嚟都系觉得好深，冇办法能够捉摸得到。但系，菩萨到咗华光地嘅时候，就慢慢慢慢能够证入到呢种境界、呢种实相，所以有时佛法唔系能够三言两语用言说可以用众生完全明白，必须要“信”“解”之后，第三者好重要就系“行”，“行”然后到“证”，“证”而能够真正了解同感受，所谓“如人饮水，冷暖自己知”。

头先所讲嘅“空”即系“实”，即系冇染净，亦都冇人我对立嘅分别，离开相对嘅境界，就系绝对嘅境界，亦都唔立绝对，就系《金刚般若波罗密多经》里便所讲嘅“应无所住而生其心”，冇人我嘅对立，所以就能够成就最高嘅智慧同埋神通。

菩萨嘅第七地，满足地。满足地以方便波罗蜜多为最胜嘅。以前都讲过，亦都我成日提一句说话，系《大日经》里便所讲好重要嘅三句口诀，亦都系《大日经》三句精华：“以菩提心为因，大悲为根本，方便为究竟。”第七地，菩萨修行到呢个阶位，就要讲到“方便”嘞。菩萨到咗了悟“一切智智”嘅时候，就要以呢个方便嘅力用去度众生，于是就修方便波罗蜜多，佢悲智双运，自度度人。菩萨到吖呢个境界，已经远离色界、欲界同无色界呢三种众生轮回嘅世界之中里便嘅种种习气。其实我哋轮回三界咁多世，我哋喺里面打滚，其中累积咗多生多世无尽嘅习气嘅。咁菩萨超过三界，远离呢啲习气，当然超过小乘嘅修行法门啦，身、口、意嘅三业已经入咗无漏，所以能够常住响禅定三昧嘅净法里便，得到“六神足”。咁六神足系咩呢？“欲神足”就系以欲摄化众生啦；“进心足”，“进心足”就系精进无减咁解；而“念心足”，“念心足”系了知一切众生个心里便所谂嘅嘢；“智慧足”，“智慧足”就系能够深悟真俗两种相，即系相对嘅境界里便，任何嘅相对之相都能够了知，深深咁明白了悟；“解脱足”就系由无明烦恼之中亦解脱出嚟，身心自在；“六通足”，“六通足”当然唔使讲，就具足咗六种嘅神通力啦。菩萨响呢个地位心胸开阔、救渡众生，到呢个时候亦都不可限量嘅，所以呢个满足地呢，亦都叫做“远行地”。喺呢个地位嘅菩萨入六道嘅众生，善巧方便吖，去开导一切众生，所谓“观三界尘等色，是我故身”，最重要呢一句说话就话“一切众生，是我父母”吖，喺呢个地嘅位嘅菩萨，其实佢已经悟得众生嘅平等，去证入咗“法无差别嘅真如”，所以佢能够寄位响初禅天，更高吖，去做咗初禅天嘅天王。

讲到第八地再高嘞，呢个大乘菩萨第八地嘅阶位系叫做佛吼地。“佛吼地”，“吼”呢，“口”字边，做个“孔”，咁你可以读“吼”或者“佛吼地”，“狮子吼”个“吼”，以愿波罗蜜多为最胜。响十地菩萨之中，前五地系修“有相观”为多、“无相观”就少，到咗第六地之后呢，“无相观”就多、“有相观”就少，而到第八地以上呢，就系纯系“无相观”。“无相观”系咩嘢呢？系表示完全由分别智之中解脱出嚟而由自己内在自动产生愿力，从而呢，去进入“入法王位嘅三昧，其智如佛，佛吼三昧故”嘞，所以称为“佛吼地”。呢个时候，菩萨已经能够优游任运，无需加行亦都能够合乎中道，唔俾一切烦恼同境界所动，故此第八地亦都称为“不动地”。

佛吼地菩萨仲要修愿波罗蜜多，第一系为咗求菩提愿，第二系为咗度化众生愿。呢两种愿虽然响初发心嘅时候已经具备，但系唔可以恒常维持，但系菩萨到咗不动地第八地嘅时候，呢两个愿就唔会间断嘞。响呢个时候就提升咗上求下化嘅精神层次，好似《梵网经》上便讲：“入无量佛国土中，一一佛前谘受法，转法度与一切众生。而以法药施一切众生，为大法师、为大导师，破坏四魔，法身具足，化化入佛界。”呢个时候就可以入空慧门，体验到空有不二、以不有而有为嘅“真空妙有”，所以话菩萨用呢个甚深嘅般若智去智照法界、圆融事理、一切无碍，系好高好高嘅境界，证入不增不减嘅真如，寄位响第二禅天。

大乘菩萨修行第九地就系华严地嘞。华严地，以力波罗蜜多最胜。当菩萨位寄于二禅天嘅时候，一切无碍，当然证入到空慧啦，有时候响利乐有情方面有咗不欲勤行嘅心。呢个时候虽然智慧具足㖞，但系唔能够将智慧如如咁发挥出嚟，所以要断除呢个障碍咧，就要能登“善慧地”嘞。“善慧地”呢，要修力波罗蜜多，成就八十种相好、三十二相，相好庄严、无量大悲光明，亦都精进去救渡一切六道嘅众生。所以《梵网经》上面话菩萨“常行六道，现无量身，说无量法，转魔界入佛界、佛界入魔界，转一切见入佛见、佛见入一切见，转佛性入众生性、众生性入佛性。其地光光照、慧慧照、明焰明焰，无畏、无量、十力、十八不共法、解脱涅槃无为一道清净。以一切众生作父母兄弟，为其说法尽一切劫得道果。又现一切国土身，对一切众生相视如父如母，天魔外道视如父如母”，哗，呢个系好高好高嘅境界！修到呢一度，精神生活已经产生咗高贵单纯嘅光明性，而且好重要系永远唔会熄灭，而且含藏住创造嘅能源，所以话系已经系证入到智自在真如而位寄更高嘅第三禅天。

讲到菩萨十地里便嘅最后一地，法云地。法云地系以智波罗蜜多为最胜。第九地嘅菩萨虽然已经证得智自在真如，现在要修智波罗蜜，使到个法身圆满、性智清净、空有两忘，能够极证中道嘅理体，去证得菩萨法身圆满、体性无为，得到平等智，见到如来性而有如来嘅十种功德，即系如来、应供、正遍知、明行足、善逝、世间解、无上士、调御丈夫、天人师、佛。去证得业自在真如嘞，喺呢一位嘅菩萨，一切嘅惑业都能够解脱，同真如嘅理得到相应，寄位响四禅天，做四禅天王。

菩萨修十地嘅法行功果圆满，就得到精神法界嘅最高层次，呢个就系华藏庄严世界，亦都系一真法界嘅正觉世间，到咗呢一度就要快成佛㗎喇，但系大乘菩萨响证得法身之后，并唔系就离开凡尘嘅世界，佢哋一定会一定会乘愿再嚟去度化有情，所谓“雨大法雨，去充足一切枯槁嘅众生”，呢个就系菩萨，大乘菩萨所讲嘅“无缘大慈”同“同体大悲”嘅极致悲愿。最后，菩萨实践悲智愿满、行果双圆，入一真法界，住常寂光净土，呢个就系所讲嘅“大乘心地法门”嘞。

现在如果我哋回顾一下十地法门，我哋会发现前面嘅六地系实现六波罗蜜多，系有空双运，系真空妙有嘅实现，后面四个波罗蜜多就分别增强咗六波罗蜜多嘅不足。第七地嘅方便波罗蜜使到众生懂得权实并用、活泼创造，第八地同第九地分别系愿同力两个波罗蜜多，用以保持恒常嘅上求下化，过更圆满嘅实现生活，而第十地所修嘅智波罗蜜多就系“无上智智”，系空慧嘅圆满。人类精神生活如果发展到呢个地步，已经可以话系成就咗最高层次嘅精神……（注：此处录音中断）

198.《佛说法灭尽经》讲解（一）

咁今晚我哋所讲嘅讲题呢，系佛陀对今日世界嘅预言。呢个讲题唔系话俾你听，同今晚打算同大家讲话预言呢，佛陀同大家讲话会世界末日，几时世界末日。又好似西方嘅预言家洛查丹马斯讲过，会唔会1999年嘅7月世界末日呢？

大家有冇谂过世界末日呢？而家咁多战争、天灾人祸，水灾、地震、风灾、细菌、瘟疫种种呢啲损耗、侵损人类嘅疾病同埋灾难，其实佛陀响末法时期已经讲咗，话俾大家听，一切都系大家所做嘅恶业所造成。咁我今晚可以好肯定话俾大家听一句啦，唔需要担心世界末日，1999年7月唔系世界末日，因为有好多人曾经对我问过呢个问题：佛教究竟有冇讲世界末日嘅呢？佛陀曾经响二千八百几年前有讲过，佢好老老实实咁话俾我哋大家听，系有世界末日，不过唔系1999年，系将来好长好长嘅时间。我哋人一定有生老病死，世界一定有成住坏空，万物亦都有生住异灭，只要有一样嘢存在响度嘅时候呢，必有佢消灭嘅一日嘅，所以就算呢个世界毁坏亦都系理所当然，任何嘢都系由因缘所组合。

咁所以大家唔使担心移民，唔使担心战争，唔使担心水灾、瘟疫嘅问题，因为我始终觉得澳门系一笪福地嚟，有咁嘅福我哋能够聚合一齐听佛陀讲经说法，我哋听佛陀讲经说法，虽然我哋唔能够面对佛陀吖，但系我哋亦都能够呢，由佢嘅言教结集咗三藏十二部经典呢。我哋只要打开经卷去学习佛陀嘅根本思想，如果我哋依照经卷吖，能够信受奉行的话呢，我哋犹如见到佛陀系冇分别，所以呢，我哋接触到佛法今生系非常之宝贵，所以我哋要珍惜，唔好辜负我哋呢个人身。当我哋有健康坐喺度念经嘅时候，我哋就尽量把握时间去修行，唔好虚度咗呢一生，因为人生无常，当你冇健康嘅时候呢，你想念佛，你都提唔起劲，念唔到吖，呢一点系非常之重要。

我哋人生，生老病死、怨憎会、爱别离、求不得、五阴炽盛，呢啲种种嘅苦啦，逼迫我哋，冇一个时间呢，令到我哋停息，我哋试下检点下我哋嘅心，每时每刻我哋都系受外在嘅环境呢啲苦所侵扰。我哋今日生而为人，同埋有机会庆幸亦都有福，我觉得我自己亦都出生响澳门系好有福，亦都经历唔到战乱、水灾、地震、瘟疫，大嘅灾害，我哋经历唔到，呢一个问题，呢一个因缘呢，正恰恰话俾我哋听，我哋系有福能够响澳门里便呢，学习到佛陀嘅正法，呢个正系我哋前生所做善事所招感返嚟嘅因果关系，欲知前世因，今生受者是；欲知来世果呢，今生作者就系嘞。所以我哋，我时常响讲佛学嘅时候呢，都强调我哋要珍惜呢个人身，好好呢，借呢个四大假合、地水火风嘅人身呢，好好去修持，千祈唔好虚度咗光阴，因为我哋系好有福嘅，坐喺度能够听到佛陀所讲嘅正法。

其实佛陀对今日世界嘅预言呢，有好多方面嘅讲法，其实唔止一张纸咁简单，但系我喺众多嘅经文里便呢，今晚抽出嚟同大家研究，佛陀，释迦牟尼佛世尊，佢老人家对，响正法时期对我哋而家末法时候嘅开示呢，比较重要嘅一段，同埋比较重要嘅一本经系《佛说法灭尽经》。响你哋嘅讲义上便有《佛说法灭尽经》，就喺呢个框框嗰度，咁系比较重要，系佛陀佢老人家对于我哋末法时期呢，嘅开示嚟嘅，话俾大家听末法时期究竟嘅现象系点，同埋我哋需要注意啲乜嘢呢？

咁现在我哋开始，因为时间关系，唔讲咁多题外话，我就开始讲经文嘅内容，大家睇下呢一度，开头嗰框框之外嘅经文，呢一度：“坚净信菩萨言”。

有一位菩萨呢，叫做“坚净信菩萨”，“坚净信菩萨”嘅意思就系坚固清净嘅信心，响大乘嘅佛法唔会退转嘅呢个菩萨。“如佛先说”，坚净信，坚净信菩萨就讲嘞，佢话，佢对住释迦佛讲，对住世尊老人家去讲，佢话：“佛陀吖，好似您以前曾经讲过‘若我去世，正法灭后，像法向尽，及入末世’吔。”嗱，呢度有少少名称要解，大家成日听到话“正法、像法、末法”，系咩意思呢？其实系佛陀呢，佢形容佛法传播嘅阶段。“正法时期”嘅意思呢，啫话有佛法存在，有佛陀存在，而且好多人修行能够证果，证阿罗汉果、证菩萨嘅果位，听到佛陀说法，有佛经存在，而且啲人嘅根器好猛利，系佛陀住世嘅时代，谓之“正法时期”。正法时期有几多年呢？根据佛经记载，正法时期其实系有一千年，但系由于呢，阿难尊者请求佛陀去度女性去出家，因为佛陀统计咗宇宙嘅因果嚟讲，女性嘅身体呢，系比男性嘅业障系重好多，所以呢，由于咁嘅关系呢，响佛经里便记载，正法缩短变咗五百年，所以正法时期呢，系谓之五百年。“像法”系咩意思呢？“像法”，“像”者相像也，相似，像法嘅意思呢，即系相似正法。响呢一段嘅时期呢，修道嘅人已经比较少，真正嘅佛法开始被歪曲，只系相似嘅佛法，但系都有人修道，但系证果嘅人少，佛陀亦都唔存在，谓之“像法时期”，呢段时间呢，一共有一千年。

再继后呢，就系到“末法时期”，末法时期就系我哋今日嘞。末法少人修道，根器低，几乎冇人能够证到阿罗汉果，几乎冇人能够解脱生死，亦都冇佛陀存在。学习佛法嘅条件，嘅信心，条件少，信心，学佛法嘅信心，易都退堕嘞，呢个系谓之“末法时期”，咁末法嘅时候呢，根据经典记载一共有一万年。

所以我哋计一计佛陀，世尊涅槃咗二千八百几年，正法、像法总数吖，加埋都系一千五百年，就算正法系一千年加埋都系二千年，而家佛陀佢老人家涅槃二千，已经二千八百几年，所以而家我哋呢个时空就系处于末法时期，末法将会有黑暗一万年嘅时代。所以我就简单解释咗呢三个名称俾大家听。

咁佛陀对今日世界嘅预言呢，就系讲今日末法时期，但系佛陀响正法时期佢嘅法眼已经能够洞观到三世嘅因果，睇到我哋今日末法时期所发生嘅种种现象。佛陀就系一个预言家，佢讲嘅一定会中嘅，佢系能够见到因果嘅终极，终极嘅答案，但系同世界嘅占卜、预言、星相呢啲唔同，呢啲系有错漏，唔系完全啱，但系佛陀系用佢智慧去观察整个宇宙人生嘅真相，所以佛陀响正法时期用佢嘅法眼能够睇到末法时期种种嘅现象，呢啲系咩现象呢？以下落嚟，我就讲呢个经文嘞。

坚净信菩萨话：“好似佛陀您曾经讲过‘如果我去世之后，正法灭咗之后，像法向尽，像法都尽嘞，入咗而家嘅末世’。”

“如是之时，众生福薄，多诸衰恼。”响呢个时候呢，众生嘅福就薄嘞，好多衰恼，好多唔好嘅事、好多恼乱我哋身心嘅事将会发生。

“国土数乱”——全世界嘅国家几乱？你睇下国家与国家战争，民族与民族嘅对抗，佛陀一早讲咗。

“灾害频起，种种厄难。”现在天灾人祸头先我都讲过，日本嘅地震啦，你睇吓，日本海啸啦，美国嘅地震啦，好多好多种种嘅灾难。亦都睇下我哋中国嘅水灾啦，华南、华东，哗，呢啲种种嘅水灾，都系佛陀预言“灾害频起”，就系应咗呢一句说话。“种种厄难，怖惧逼扰。”呢啲种种嘅厄难呢，系恐怖惊惧去逼住末法时期我哋嘅修行人，所以系，好恐怖啲灾难。

“我诸弟子，失其善念，唯长贪瞋，嫉妒我慢。”佛陀话响呢个末法时期呢，身为我嘅弟子呢，会失去善念，佢哋只会增长吖，贪心、瞋恨心、嫉妒心、我慢心。佛陀讲唔系普通人㖞，你要睇下呢几个字㖞——“我诸弟子”，话归依咗佛教，系佢嘅弟子，啫意思话系我哋三宝弟子，就唔系普通人，只有增长贪瞋痴。

“设有像似行善法者，但求世间利养名称以之为主吔，不能专心修出要法。”佛陀话，假设有一啲人，佢好似去行善法一样，但系相似嘅善法，唔系真善法，你睇佢表面其实系做善事，但系呢，佢系贪求世间嘅名闻利养咋，“以之为主”添，“以佢为主”吔，做呢啲事。呢啲佛陀嘅弟子呢，唔能够专心修出要法，佢唔能够专心呢，修解脱生死嘅法。“出要法”就系解脱生死嘅法门。

“尔时众生，睹世灾乱，心常怯弱，忧畏己身及诸亲属，不得衣食，充养躯命。”响嗰个时嘅众生吖——嗱，佛陀响正法时期，佢所讲“嗰个时候嘅众生”，系咪啫等于我哋现代吔，末法时期嘅众生系一样。佢话而家我哋吔，见到世界几多灾难、几多战乱？我哋个心就开始惊啦，开始退缩啦。“忧畏己身及诸亲属”——我哋见到咁多天灾人祸，我哋会唔会担心自己嘅生命呢？我哋都谂住，吖，澳门嘅政治动荡个局势系咁，我哋都谂住移民，我哋有谂过呢啲念头，亦都谂过身边嘅细路仔长大将来应该点样发展呢？我哋点样能够安顿佢呢？嗱，我哋都谂过呢啲问题，佛陀就讲咗呢啲说话话俾我哋听。“不得衣食，充养躯命”嘅意思就系话，我哋惊我哋嘅下一代，亦都惊自己，有战争、有灾难嘅环境之中，我哋究竟衣食充唔充足呢，具唔具足呢？我哋惊自己，亦都惊身边嘅眷属。

“以如此等众多障碍因缘故吖，于佛法中钝根少信，得道者极少吖。”佛陀话呢，由于呢啲种种障碍嘅因缘吖，响佛法之中，顿根嘅人末法时期特别多，信佛法嘅人呢，亦都好少，得道嘅人极少嘞。

“乃至渐渐于三乘中”吖，信心成，“信心成就者亦复甚少。”佛陀话，渐渐我哋末法修行人呢，同正法唔同。“三乘”呢，即是话小乘嘅缘觉同声闻，即是话阿罗汉同埋辟支迦佛，大乘呢，就系呢，菩萨。修“三乘”嘅人呢，渐渐成就少，信心亦都少，啫意思话我哋末法时期遇唔到圣人。呢一点我哋自己亦都可以谂下，响末法时期我哋谂下系唔系，我哋而家，今日学佛嘞，咁困难，我哋唔明白好多道理，但系我哋有心，但系我哋受好多种种嘅障碍阻住我哋，同埋我哋响佛法上便唔明白嘅嘢，有冇人教我哋呢？点样揾师父呢？师父，响我哋而家末法嚟讲系好少吖。但系正法时期唔同，好多人修道，根器好猛，近住佛陀嘅身边，有乜嘢就可以问到佛陀，同埋问到佛陀嘅弟子嘅弟子，呢啲都系正法修行成道嘅人，有好多咁嘅圣者。但系相反我哋今日，我哋学佛，我哋种种唔明白嘅问题，能够问嘅人有几多呢？我哋唔明嘅嘢可以问到边个呢？吓，你谂下，所以得道嘅人少自然解答唔到你问题，解答唔到你问题呢，你就开始退心，唔会修佛法，因为点解呢，外界嘅环境对你有逼迫，你要为工作、为家庭而奔波，为你嘅生活由朝到晚忙忙碌碌，咁，有一个机会学佛法，你唔明嘅时候，冇人鼓励你，冇人帮助你，你就开始退心㗎喇。

咁样，佛陀亦继续讲，坚净信菩萨亦都再继续复述佛陀嘅说话：“所有修学世间禅定，发诸通业，自知宿命者吖，次转无有吖。”佢话呢，喺我哋末法时期修学我哋世间嘅禅定，“世间嘅禅定”就系欲界、色界、无色界，三界二十八天里便嘅四禅八定。修行种种嘅禅定，“发诸通业”，由修禅定，由守持戒律而去修禅定，由戒生定，由禅定之中呢，去产生智慧，而后呢，发，发出嚟咧，有神通、天眼通、天耳通、他心通、宿命通、神足通、漏尽通，有神通嘅人亦都好少吖，响末法时期，所以啲魔呢，好容易欺侮我哋，因为我哋冇智慧、冇神通嘅时候呢，我哋冇办法辨别正邪。而家呢，末法时期，太多邪师出现，鱼目混珍珠，我哋冇办法分别得到，正系用我哋人脑、用我哋嘅五蕴嘅意识，你要去分辨世间边个宗派正、边个宗派邪，边啲嘢系真、边啲嘢系假，我哋系冇咁嘅能力。佛陀都讲过，我哋末法时期，我哋根器低下，周围冇人指导我哋，师父少，所以呢啲，都系末法时期嘅感慨！

假设我哋有智慧、有神通，能够自知宿命，能够明白我哋有宿命通嘅，知道我哋前生，生生世世点样轮回，做人呢，呢一生再对上嘅时候，我哋系，究竟系边个空间里便嘅生命。可能我哋忽然间系做天界嘅天人，甚至系天，天上嘅皇帝，忽然间呢又好低，喺地狱里便受苦，忽然间就做精灵界嘅阿修罗，好勇斗狠，忽然间呢，又堕落畜生嘅身俾人宰割、俾人烹煮。种种如是因缘，由我哋业去变化，我哋又知唔知？我哋根本冇人知，因为点解？末法时期我哋冇人教我哋修禅定，冇人教我哋修持佛陀嘅真正法门，所以我哋冇宿命通，我哋就唔知道呢啲三世因果。但系相反，假设有人得到宿命通，明白自己前生后世，点解今生会做到人？吖！原来前生我做过好多修桥补路嘅事；原来有一生，我救咗好多嘅生命，今世我先得到人身，学习到佛法。假如有一日你知道，你系咁稀有嘅因缘同机缘而能够坐喺呢个正法明法轮会里便呢，学到佛法，你会唔会珍惜今晚呢？你会唔会好努力咁继续行你人生呢条路，用佛法去教导你点样行你人生呢条路？我谂你，相信你会好积极，如果你知道呢啲嘢。但系始，始终呢个唔系现实，因为如是因如是果，你守戒、修禅定先能够有智慧，有智慧你先能够有神通，你会先会有宿命通，如果你唔修持嘅时候，你根本就冇呢啲嘢，所以呢个系因，互为因果。但系，虽然我哋冇神通，但系我哋要明白，我哋以前所做嘅善因同埋恶果始终系积集响我哋嘅八识田里便，始终会受报嘅。

佛陀响嗰啲经文里便指出，只系，话我哋，话俾我哋听，末法时期实在太感叹，冇人有神通，冇人能够修到好似正法时期啲罗汉咁样修习禅定，能够咁精进。

“如是于后，入末法中，经久得道，获信禅定通业者，一切全无。”坚，你记住呢段经文呢，系坚净信菩萨再复述佛陀佢老人家嘅说话，呢句再重复佢话：如是由我哋末法时期吔，开始对后，慢慢越嚟越后、越嚟越后嘅时期呢，渐，渐次到佛法开始毁灭嘞，一，一段段嘅时期呢，“经久得道”吖，要等好耐吔，先能够得到真正嘅道理，修行成道。“获信禅定通业者，一切全无”啦，嗱，而家末法时期我哋已经话“次转无有”吖，慢慢慢慢咁样减少吖，意思就系时间一步一步落去啦，到最后，冇人能够修到，佛法嘅禅定嘅法门，冇人有神通吖，一切全无啦。呢一啲系坚净信菩萨呢，复述佛陀嘅说话，佛陀嘅说话，话俾大家听呢，呢一段经文系末法时期我哋面对嘅种种灾害。

我自己呢，觉得呢，呢段经文系非常之有意思吔，虽然佢系少少字吔，但系可以话呢，言简意赅。咩叫做“言简意赅”呢？语言虽然系浅白简单，但系佢所，呢一段经文，所含藏嘅义理吔，系非常之深远嘅，系佛陀刻骨铭心嘅说话。的确佢冇讲错，我哋而家末世所面对嘅现象，我哋谂下系咪咁吖？佢老人家一啲都冇讲错，的确系咁！所以我哋要面对呢啲事实。我哋更加佩服释迦牟尼佛响二千多年前呢，佢嘅智慧，佢嘅智慧，佢嘅智慧能够睇到我哋末法时期种种嘅现象话俾我哋听，我哋应该点样处理，我哋嘅修行问题，点样面对我哋而家身边嘅环境同埋自己嘅前途。

好嘞，跟住我哋嚟咧，试下我尽快讲《佛说法灭尽经》吖。因为我快读呢，惊你呢，又赶唔到，因为嗰影印比较差啲吔，啲字黑黑地、朦朦地，我快读惊你跟唔到，如果我慢读的话呢，嗰时间呢，又赶唔切，因为今晚夜咗少少，因为一阵仲有荟供，大家要食嘢。

呢个《佛说法灭尽经》呢，就系佛陀对我哋今日世界预言呢，比较简单亦都好详尽吖，点解叫简单详尽，义，字数系好少好简单，但佢含嘅义理系好详尽。话俾我哋听，而家嘅末法时期嘅现象究竟系点，同埋佛法点样慢慢一步一步响呢个我哋嘅娑婆世界里便毁灭，呢一件事系好痛心嘅，佛法响我哋娑婆世界里便毁灭，我哋真系唔想听到呢个消息，但系冇办法，众生嘅因果系自己造。做善事有善报，做恶事有恶报，假如我哋今日能够发起一个心，去修持迦牟尼佛嘅正法，一步一步向上进，根本我话俾你听，就冇末法时期嘅，末法时期系我哋嘅心吖，我哋个心去造。嗱，好简单，而家虽然系末法时期，但系好多嘅经典而家已经摆喺大家嘅眼前，如果你依，依住呢啲经典去修行呢，呢经典冇消失到，佛陀所讲嘅《大般若经》《大方广佛华严经》或者《妙法莲华经》，呢啲，呢啲种种嘅经典，《大佛顶首楞严经》，呢全部佛陀咁伟大嘅大乘嘅经典根本就冇消失到，但系我哋冇人学之嘛，系咪吖？我哋只要花上数十元，食少几个麦当劳嘅面包或者饮少几支汽水，我哋已经可以吔，用金钱去买到一本好靓嘅现代印刷嘅白话嘅佛经嘞，譬如《大佛顶首楞严经》啦、《法华经》《华严经》呢啲。根本佛法就冇消失到，但系另外，另外一方面嚟讲，系，我哋学习冇师父指导我哋，我哋自己根器低下，但系，只要我哋努力，我哋会能够掌握佛法，我哋喺佛经里便一步步去迈进嘅，我哋得到几多得几多。问题就系响你个心，你有冇心机去学习。比如做一件事，如果我哋大家能够众志成城，为一个目标去做嘅，等于大家唔怕出便嘅落雨，唔怕出便嘅风雨，而你今晚能够嚟到法轮会，你付出今晚嘅时间，去听呢个佛学嘅讲座，大家都一条心坐低，去听呢个佛学讲座，咁呢，呢个佛学讲座先能够成功，如果得我一个喺度讲嘅，对著个空间嘅，冇人听，冇听众，呢个佛学嘅讲座就唔会成功，咁所以如果大家众志成城去做一件事，呢件事就成功。

所以正法、像法、末法，其实佛陀呢，反映呢，话俾我哋大家听呢，其实都系我哋嘅心吖，唔关事周围嘅嘢，万法唯心，三界唯识，系我哋嘅心识点样去创造我哋嘅命运、去创造我哋嘅世界。佛陀话俾我哋听，一切嘢冇人去决定得到我哋，系掌握响我哋嘅手上里便，所以正法、像法、末法喺我哋手上决定。但系佛陀佢老人家咧，释迦牟尼佛，佢自己见到末法时期，啫而家嘅现象，用佢佛眼去睇吔，已经睇到终极嘅一点，话俾我哋听，就算我哋付出好努力，唉，无奈世界呢，都系有成住坏空吖，佛法亦都有生住异灭，始终经过呢个阶段。但系如果经过我哋努力奋斗呢，可能末法时期呢，嘅时间吖，会去拖长，唔会咁短，唔会一万年，可能会继续长。呢个，虽然佛经系咁讲，“末法一万年”，但系我哋应该抱有一个希望，我哋继续努力修行佛法，越多人修行佛法嘅时候呢，啲魔冇咁炽盛。我哋做多啲善事，国土唔怕失调，亦都感召一啲善神下降、佛菩萨下降，我哋就有师父啦，佛菩萨再转生响呢个世界之上，我哋有师父啦，跟呢啲师父学习，我哋再精进，我哋一定能够解脱到生死。所以呢一点，我点出呢一点呢，最重要就系我哋嘅心，同其他一切嘢无关系，如果我哋一心去做一样嘢呢，愚公移山，铁柱真系可以磨成针，睇下你嘅时间用几多，可能唔系一生一世，成佛亦都须要经过三大阿僧祇劫，唔系一日可以做得到嘅。

好嘞，我讲一讲个经文。“闻如是，一时佛在拘夷那竭国。”我读快啲吔，大家唔好，大家唔好怪我，因为我要读快少少，个时间问题。如，“闻如是，一时佛在拘夷那竭国。”拘夷那竭国呢，响佛经咪有个名称叫“拘尸那城”？就系佛陀涅槃嘅地方嘅国家。其实呢，印度古时吔，分开十六个大国，呢个拘夷那国啫系拘尸那国，其实一个城嚟嘅啫，系中印度一个国家嘅，嘅首都嚟嘅，拘夷那国，十六个大国其中一个国家嘅首都嚟嘅，拘尸那城，佛陀就喺呢度涅槃。

“如来三月当般涅槃”，如，释迦牟尼，呢度“如来”系指释迦牟尼佛，响三月里便呢，就嚟涅槃啦，所以呢本经呢，响佛法嘅学理吔，里便嘅分法呢，佛陀五时说教呢一部经属于“法华涅槃时”，佛陀系最后讲《妙法莲华经》呢，同埋《涅槃经》嘅，《大般若涅槃经》嘅，所以佛陀，我哋睇到呢句，佛陀系最后涅槃先讲呢本经嘅，所以属于“法华涅槃时”，系佛陀老人家临终嘅时候，最后嘱咐弟子嘅谆谆教诲嚟嘅。

如来三月就要涅槃嘞，“与诸比丘，及诸菩萨。无央数众，来诣佛所，稽首于地。”啲出家人系食肉嘅，佛陀已经预言咗啦，饮酒啖肉、杀生贪味，出家人应该有慈悲心，四大皆空唔食肉，为何你今生见到好多出家人都系食肉呢？有好多人都曾经问过我啲问题，点解出家人会食肉嘅？密宗嘅上师就除外啦，因为密宗嘅时候，响印度、尼泊尔、锡金呢一带修行呢，西藏地方植物生产唔到，响当时嘅世代嘅风俗就系沿袭咗食肉嘅习惯。咁但系佛陀所指啲，唔系话净系密宗嘅出家人，密宗亦都有好多败类，显宗亦都有好多败类，著住佛陀嘅袈裟去欺瞒众生，佢哋想博取大家嘅供养——“你供养我啦，就有福，你供养我啦，我传一个法俾你，教授你好多法门。”呢啲著住如来袈裟坏佛陀正法嘅出家人呢，佢，大部分你去鉴别佢，佢都系食肉。唔系话食肉嘅出家人一定系错，特别系西藏密宗嘅传统，我哋唔可以一概而论，但系如果一个真正有慈悲心嘅菩萨呢，见其生，不忍见其死，好似孔子所讲，闻其声就不忍食其肉，所以众生嚟讲，一切皆有佛性，我哋大家嘅身体吔，全部都系平等嘅，唔应该有分别边个高、边个低。

为何你个口，口称系讲慈悲，但系你个心系执著去食肉？既然你讲慈悲，点解你个口都唔可以戒肉呢？连戒肉都做唔到呢？点解呢？佛陀已经预言咗，由于而家系末法时期，所以我哋，唔好怪食肉嘅出家人，佢哋都系修行者，一步一步佢都会修上去，但系我哋要知道一个最重要嘅道理，千祈唔好饮酒同食肉，记得佛陀话俾我哋听。

“无有慈心，更相憎嫉。”出家人同出家人之间呢，特别多斗争吖，内部亦都有斗争，会同会之间，我哋而家睇下佛法里便，会同会之间有斗争，人与人之间亦都勾心斗角，佛陀一早讲咗。我今晚所讲嗰啲嘢呢，我要讲一点就系话呢，我唔系要讲佛教里便啲唔好嘅嘢，但系由于讲到呢个《法灭尽经》里，里便讲呢，佛陀的的确确系见到呢啲嘢，所以我要将呢个现实真相话俾大家听呢，要依法不依人，千祈唔好迷恋一个众生外在嘅相貌。唔好执著佢系出家人你就去拜佢，你拜佢系冇用，你系尊敬佢，如果佢讲嘅法你系啱，合乎佛陀嘅戒定慧、三无漏学，你就去依从，如果唔合乎戒定慧呢，你就千祈唔好跟从佢，纵使佢著住一件袈裟，好多人讲佢好说话，你一定要用你嘅真真正正嘅慧眼，去鉴别一下，唔好迷信，特别而家末法时期，佛陀好强调呢一样嘢。

如果各位师兄系觉得夜呢，可以随便离开，冇问题嘅，如果系觉得夜。

“时有菩萨、辟支、罗汉，精进修德，一切敬待，人所宗向，教化平等，怜贫念老，鞠育穷厄，恒以经像，令人奉事，作诸功德，志性恩善，不侵害人，捐（呢个唔系“损”字吓，佢印得朦），捐身济物，不自惜己吔，忍辱仁和。设有是人，众魔比丘咸共嫉之，诽谤扬恶，摈黜驱遣，不令得住吔。自共于后，不修……”

“摈黜驱遣，不令得住。”我哋讲到呢度先，意思就系话呢，佛陀都，亦都安慰当时听《法灭尽经》嘅菩萨呢同罗汉，佢话虽然系咁恶世吔，虽然系法灭尽，但系亦都有菩萨同罗汉呢，精进修德，亦都有嘅，末法时期。因为释迦佛呢，响《首楞严经》里便呢，亦都讲过呢，响我哋呢个末法时期呢，末法衰败嘅时候呢，佢暗中吖，亦都派遣好多菩萨同罗汉秘密转生响我哋末法时期，因为呢啲菩萨同罗汉嘅悲愿吖，系要不断去救渡众生，佢会嚟呢个世界上继续去弘扬释迦佛嘅正法。虽然系咁恶，咁末法嘅时期，但系一点呢，我哋要仲要非常要注意就系佛陀响《楞严经》亦都讲过，真正嘅，咳，师父，真正嘅佛陀嘅转世弟子，罗汉或者菩萨，佢哋唔会自称自己系边个菩萨转世嘅，你要记得一样嘢，除非系有密意，除非佢对佢嘅弟子所讲，对佢一班弟子，亦都可能系临终嘅时候“暗有遗咐”，佛陀响《楞严经》已经讲过。“暗有遗咐”系咩意思？即是暗中交代咐托，佢唔会响佢而家当住嘅弟子面前为咗博取名闻利养，佢就会话“我系边个菩萨转世吔，我系边个罗汉转世吔”，佢唔会咁讲，一啲都唔会咁讲。但系讲，亦都未必唔系，因为西藏里便嘅转世制，制度呢，特别密宗里便呢，好多话佛菩萨转世嘅自称，而且系好夸张，我唔否定呢一样嘢，但系我哋亦都，亦都要鉴别，唔系个个都系真吖，我可以话俾大家听。

咁所以我哋要注意呢一点，虽然，咳，师父系好多，而家末法时期，但系头先佛陀讲，得道嘅师父好少㖞，自称系师父，假师父太多太多啦，响今日。但系真师父亦都有，呢啲真师父呢，利人济物、怜念孤寡，亦都用经像呢，去送俾人嘅，教人去奉侍、教人去做功德、教人去修持佛法，佢哋唔会侵害人，佢哋系捐身济物，佢哋会牺牲自己嘅身体呢，去化度众生、利益万物，自己呢，会忍辱柔和，吓。但系呢，虽然有呢啲佛陀嘅罗汉同菩萨，佛陀命令佢转世去教化众生。但系呢，响末法时期呢，呢啲咁嘅好人呢，一定会受人排斥嘅，因为后便呢度讲咗：“众魔比丘咸共嫉之，诽谤……”有啲魔附身嘅比丘、恶性嘅比丘、著魔嘅比丘，就会将呢啲好人、好嘅比丘去排斥，讲佢坏话，中伤佢，等佢众生冇依靠，唔好信受佢，呢一点系好严重！所以，我哋真系真假难分。我讲到呢度，连我自己觉得都好混乱，有啲魔个口亦都借咗呢句话自称，嗱，好多，咳，有啲上师，密宗吖特别，话自己系得道嘅上师，咁好多人话佢系假，啫我讲一个假嘅上师，假设我系一个假嘅上师，好多人话我系假嘅，但系嗰啲上师呢，咳咳，sorry，嗰啲假嘅上师呢，亦都会借咗呢个借口呢，借呢句经文嘅话——“嗱，你睇下佛陀，佛陀响呢本经都有讲过话，我而家修行咁有利益，咁努力，一样有人话我㗎，嗱，佛陀经文唔系明显记载啰？”佢都会利用呢句经文嘅借口去保护佢自己嘅，咁所以呢，真假实在太难分啦！今日末法时代，令到我哋好困惑好困惑，所以好嘅比丘呢，俾魔去排斥、驱逐，唔俾佢。

“自共于后，不修道德”，啲魔呢，开始附身嘅出家人呢，嘅魔呢，佢唔会修道德嘅。“寺庙空荒，无复修理，转就毁坏。”咳咳，啲寺庙呢，就荒废啦，慢慢就毁坏。“但贪财物，积聚不散，不作福德，贩卖奴婢，耕田种植，焚烧山林，伤害众生，无有慈心。奴为比丘，婢为比丘尼，无有道德，淫泆浊乱，男女不别，令道淡薄，皆由斯辈吔。”我哋睇到呢段呢，真系非常非常之痛心。慢慢慢慢啲寺庙嘅田产呢，就好似变吖个，本应寺庙系俾出家人呢，去拜，系俾出家人去修行、住持，同多啲众生结缘，俾佢哋修行，但系啲寺庙呢，慢慢慢慢呢，就俾佢当为私人嘅田产去变卖，冇人修行，做咗世俗嘅生意啦。我哋见到今日末法时期，好多地区都有啲咁嘅现象，出家人争寺庙嘅财产，为咗财产，而好多，亦都有传媒报导过呢啲系事实嚟嘅，所以佛陀嘅预言呢，好佩服世尊老人家，佢嘅法眼睇得好清楚，的确有咁嘅事。啲出家人仲会贩卖奴婢，唔积福德。“奴”，以呢，新入嚟嘅比丘——“呢，嗱，你嚟我个寺院，帮我做嘢啦，出家啦，剃头啦。”佢哋出家剃头呢，唔系为咗修道㖞，佢哋为咗，你睇下呢句“奴为比丘”㖞，譬如我系一个寺庙嘅住持——“嗱，剃头啦你哋，帮我做嘢，我俾啲饭你食。”嗰班人根本唔系真正嘅出家人，佢唔明白咩目的，佢叫佢剃头，只系同嗰个住持做奴做婢之嘛。而家有冇咁嘅现象吖？呢谂下，有咁嘅现象。“奴为比丘，婢为比丘尼”㖞，服侍佢嘅婢仆系啲比丘吔！你话真系咁嘅现象发生系好离谱吖，但末法时期呢，的确我哋唔能够逃避，就系有呢啲问题。

“无有道德，淫泆浊乱，男女不别。”虽然你外相见到系出家人吖，但系啲出家人已经破咗淫戒，佢根本冇修清净嘅明诲，可能佢结婚，有生子，佢表面系一个出家人，但系你睇唔到佢，佢系有结婚生子，“淫泆浊乱，男女不别。”

“令道淡薄，皆由斯辈。”佛陀讲过话，我嘅法吖，之所以灭吖，我嘅道吖，慢慢淡薄吖，都系由于呢啲人去破坏，慢慢慢慢呢啲人就去破坏我嘅正法，都系呢啲人，呢一辈嘅人呢，去造成嘅。跟住佛陀亦都讲到有一类出家人呢，“或避县官，依倚吾道，求作沙门，不修戒律。月半、月尽，虽名诵戒，厌倦懈怠，不欲听闻。抄略前后，不肯尽说。经不诵习，设有读者，不识字句，为强言是。不谘明者，贡高求名，虚显雅步，以为荣冀，望人供养吖。”唉！讲到非常之详细，而家末法时期我哋见到真真正正系咁，你唔好嫌我长气成日讲，因为呢，佛陀好语重心长，佢讲呢部经唔系对住一般我哋而家，我哋，包括我在内系凡夫所讲，佢唔系对普通嘅百姓讲，佢系对罗汉吖，对大菩萨讲，所以呢啲事系一定系真嘅，一定会发生。呢啲咁吖，假嘅出家人呢，有啲出家人因为呢，避县官犯咗法呢，“依倚吾道”，去走入寺庙、山林里便出家，根本都唔系出家人，佢唔系发心去修道，佢系由于避官非，去走入去出家，响古代嚟讲呢，叫“逃禅”，系咪吖？佢唔系真正出家，佢哋呢，根本就唔会修戒律，唔会诵戒嘅，响每一月里便，月半同埋月尽唔会诵戒嘅。“虽名诵戒，厌倦懈怠，不欲听闻”，虽然诵戒吖，但系求求其其，水过鸭背咁样呢，喴喴哗哗咁吖念咗啦，自己都唔愿意听呢个戒嘅。“抄略前后，不肯尽说”，有人问佢解释呢个戒律嘅时候呢，佢根本冇咁嘅资格亦都解唔到俾人听，经又唔会诵习，就算佢真系有心去读呢个经呢，“不识字句，为强言是”，根本佢就冇咁嘅文化、咁嘅程度，完全唔识解。“不谘明者，贡高求名”，但系一样嘢就好矛盾嘅心理，由于啲出家人呢，贡高我慢，佢唔识，佢唔会有个谦虚嘅心呢，去求教人嘅，由于佢贡高嘅心吖嘛，系咪吖？佢唔会咨询一啲明白嘅人，佢有贡高——我永远都系最高吖，我永远都系叻过晒你哋，我系出家人，我系最大。你睇下呢个问题，末法时期就有呢啲问题呢，去发生，呢啲系魔嘅性嚟嘅，魔嘅本性就系贡高我慢、摧毁、唯我独尊，呢啲性质就系魔嘅本性。我哋试问，我哋唔系出家人，但系我哋修行者，如果响我哋个心里便呢，系有呢啲本性，其实我哋已经有咗魔心，所以七佛，过去七佛嘅通戒偈，除咗“诸恶莫作，众善奉行”呢，第三句其实一定要注意，系好重要，“自净其意”，你时时刻刻检点你个心念，你个心念，有冇魔嘅性呢？头先我讲嘅性呢？贡高我慢、摧毁、破坏、为我独尊、唔听人讲，呢啲就系魔嘅性嚟㗎喇。如果你嘅心里便有呢啲性呢，响你识田里便转呢，你就好快成魔。真正魔系你个心魔，外魔虽然有，如果你心魔系冇嘅，亦都唔会招引到外魔啦。“虚显雅步，以为荣冀，望人供养。”即是个意思呢，希望人供养呢，自己呢，做呢，做出啲种种唔同嘅仪态，但系呢，都系空虚。

“众魔比丘……”咳，“命终之后，精神当堕无择地狱。”精神当堕无择地狱。”哦，咁吖唔系好得意嘅，因为有如是因如是果，佛陀话呢啲魔，佢明知系错嘅，坏佛陀嘅正法佢都去做，死咗之后呢，佢最后堕落无择地狱，无择地狱呢，啫而家我哋所讲嘅无间地狱一样啫，无间嘅地狱。

“五逆罪中，饿鬼、畜生，靡不经历恒河沙劫，罪竟乃出，生在边国，无三宝处。”佛陀话呢啲魔呢，堕落咗之后呢，再转生就做畜生，经历恒河沙劫，出生响啦，边国吖，无三宝处。如果我哋造恶业，好似魔咁呢，杀生吖、害命吖、唔修佛法，到我哋响地狱填完呢个宿业嘅债务之后再转生之后，我哋就会出生响冇佛法嘅地方，今日举一个例咧，就系埃塞俄比亚啦，可唔可以叫做吖？可以啦。好多人冇得食，颠沛流离，家庭得唔到温暖，都谂唔到个仔女根本已经系要点样照顾，求祈都系为咗自己生存嘅欲望去揾食，你睇边地仲点样讲到佛法？如果我哋破坏佛法，受完报嘅时候有魔心，我哋将来喺地狱受完苦，填完我哋杀生嘅命债，被人杀番，被人杀番嘅时候，然后再转生再做完畜生，还完我哋欠人嘅债务，就算得到人身吖，再转生都会转生响啲边地，呢啲边地啫旁边嘅，唔系正中嘅，唔系中间嘅，系冇佛法嘅埞方嚟嘅，我哋今日世界就好多呢啲贫瘠，要有红十字会吔、宣明会吔，呢啲种种种种嘅团体呢，去救助佢哋，就系呢啲边地嘅地方，冇佛法嘅。

跟住佛陀讲“法欲灭时，女人精进，恒作功德。男子懈慢，不用法语。眼见沙门，如视粪土，无有信心，法将殄没。”呢句说话呢，真系好简单。我哋今晚可以作一个譬如，点样一个譬如呢？佛陀话而家嘅佛法开始消灭嘅时候，女性吖，反而精进过男性㖞，但系佛陀响佛经里便记载呢，男身嘅功德，得到男身嘅功德呢，系比女身呢，个业障轻，得到男身修行呢，就能够成佛，呢一点系好重要，但系相反响……（注：接下文）

199.《佛说法灭尽经》讲解（二）

（注：接上文）……就能够成佛，呢一点系好重要，但系相反响我哋末法时期里便就有个颠倒吖，女人学佛仲多过男人，但男人呢，懈慢，“不用法语”，佢哋个心懈怠，佢认为男主外女主内嘅时候——我而家为个家庭奔波，我养个家庭，我唔需要学佛，我一日都咁奔波啦，咁辛苦，为个家庭做嘢，仲要我学佛返嚟，我而家都冇时间啦，我养啲仔女，根本冇办法，已经供给佢哋嘅生活，读书又要钱，我几个仔女，我已经做紧一份副业，我点能够再有时间腾出嚟去教授去学习佛法呢？

我哋今日好容易揾到一个现象，我哋睇下黑沙环啦、筷子基啦、马场呢啲北区嘅地方，呢啲众生比起我哋中区嘅众生平均计数你睇下，生活条件系差啲吖，大家都知，唔系贬低，系大家都知，系差啲，佢哋嘅福报冇中区，中区嘅众生，新马路、白马行、荷兰园，或者南环、西环呢啲众生嘅福咁厚，佢哋所住嘅高楼大厦我哋比一比，佢哋日头奔波，好多细路仔，好多家庭呢，北区人口几密集？所以，佢哋根本已经冇时间，为生活而奔波，为世务而驰骋，佢哋根本已经冇办法再有心机去学佛法，俾个业障，宿生嘅压力嘅业障呢，压到佢哋透唔到气，所以呢，冇机会去俾佢哋修行。

但系呢，一个好讽刺嘅现象呢，就系相反正法时期男性呢，学佛嘅人多，女性嘅学佛人少，但相反末法时期女性就会精进，做好多功德，男子就懈怠嘞。见到啲出家人呢，如视粪土，无有信心㖞，哗，好业障！见到啲出家人好似见到地下嗰啲粪土吖，一啲信心都冇——“出家人，哎！惨啦！见到呢个和尚惨啦，一阵唔使打麻雀啦，个场麻雀输梗。”系咪吖？大家都好容易听到呢句说话，但系呢啲唔系出自男性嘅口，可能女性都有，但系男性呢，为多，亦都唔出奇。我哋今晚可以呢，用一个好简单嘅譬如，举一举例，我哋而家睇下在座嘅，女性多定系男性多？系咪吖？系咪吖？女性多定男性多吖？你数数，证明佛陀有冇讲错吖？我哋而家即场去抽一个例出嚟。我亦都话俾你听，响香港、响全世界嘅法会，整个末法嘅，嘅大气候，东南亚，包括台湾在内，都系女性学佛嘅人多过男性，但系当然地区嘅人数平均唔同，可能男亦都好多，但系平均数去计一计，女嘅系多过男性㗎，你试下观察呢个现象，你去下其他嘅道场去睇下，唔同嘅道场。青年会啦、地藏殿啦、法论会啦、永禅莲院啦，吓，功德林啦，或者其他种种种种，我讲唔到嘅会啦，吓。或者而家禅静中心呢，我相信呢个系女多过男嘅，我估系。我哋即场可以抽到个例子出嚟。

“法将殄没”，“殄”就消失。“佛法将殄没，登尔之时，诸天泣泪；水旱不调，五谷不熟；疫气流行，死亡者众”吖，哗！佛陀话法灭嘅时候呢，响嗰个时候呢，天吖，天上界呢，都喊吖，泣泪，泣泪吔！啲天人见到佛法唔兴旺呢，天人呢，都泣泪。“水旱不调，五谷不熟”，而家你睇下系咪又水灾又旱灾，系咪水旱不调吖？“五谷不熟”，应该有一块好嘅田生长植物，佢唔生长，枯田又凋谢咗，因为呢，啲雨露唔平均，雨露唔平均，雨露唔平均系关乎我哋众生嘅业。因为天界上嘅雨呢，系玉皇大帝根据我哋嘅业，帝释天呢，去平均分配，系由啲龙负责，龙里便呢，有法行龙同埋恶行龙，有两种龙。如果法行龙嚟讲，天龙八部里便嘅龙呢，法行龙系保护佛法。天龙、夜叉、乾闼婆，阿修罗、迦楼罗、紧那罗、摩侯罗伽、人非人，啲天龙八部里便嘅龙呢，龙有大江大河嘅龙，亦都有天界嘅龙，同水有关系，护持水嘅。龙呢系负责降雨，有少少水能够化大雨，因为佢嘅神力都好大，所以响玉皇大帝面前呢，负责降雨嘅龙呢，系玉皇大帝帝释天（三十三天忉利天天主释提桓因）去分配，按照我哋人类所造嘅业力，边个地区嘅业多嘅时候呢，佢就分配多啲雨量，就有水灾，边个地方嘅时候业障亦都重就相对亦都有旱灾。我睇水灾同旱灾都系相对，一度就冇水，一度就水多得滞，系咪？都系由于我哋众生所造嘅恶业。呢个原理亦都等于，我哋犯咗法，法官系执行个命令判处我哋嘅罪，所以呢啲龙呢，就会负责边笪地方降多啲雨、边笪地方降少啲雨。但系亦，亦都有一样嘢，如果我哋造得恶业多嘅时候呢，有一种恶行龙呢，亦都会呢，用佢嘅神通呢，去呼风唤雨，降啲雨落嚟，令到水旱不调，众生败，众生呢，受呢啲龙嘅恶嘅神通呢，所变化出嚟嘅雨呢，害吖，得到害处，由于我哋呢，系造作咗好多恶业。所以呢点呢我今晚讲到，亦都有讲下啲少少、少少我哋唔知道嘅嘢。

咁大江大河，黑龙江吖、扬子江吖、浙江吖、长江吖，呢啲江吖黄河，都有好多大龙呢，去守护。点解有时黄河泛滥吖？失堤吖？你有冇睇报纸？最近中国，黄河断流吖，竟然会断流咁搞笑吖，系咪？就系呢啲龙呢，守护唔到。因为我哋众生恶业多嘅时候呢，感召啲恶龙呢，恶龙同善行龙就会斗法，正神亦都护持咗少。所以我哋人心向善呢，天界就光明太平，如果我哋人心向恶呢，天界就黑暗。我哋试下而家望上去天界，乌烟瘴气吔，系嘛？我哋以前细个我读书嘅时候都能够见到彩虹呢，而家对于嗰啲细路哥嚟讲，彩虹系咪怪物嚟吖？好少见到天上有七色嘅彩虹，真系，雨后彩虹系好靓，但系我哋今日已经好难见得到，一定要天青地灵，有水汽、有阳光折射嘅地方先可以见到。相反我哋见到臭氧层破坏，天界几污浊，天界一片黑暗，冇光明，由于我哋人心造恶时个脑电波放射出去，意念影响天界嘅云层呢，亦都会导致呢个现象，所以啲天神呢亦都唔喜欢，因为佢宫殿亦都会失去少少光明，所以佢亦都冇信心去守护我哋。我哋有功德、修行有福德佢会守护我哋，我哋冇功德佢点解要守护你吔？个老细唔出粮俾你，你会唔会同佢打工吖？啫咁简单，佢护持佛法，你系修行人，佢先护持你，你唔系修行人，你唔系修行人嘅，世界上唔系得你一个修行人，有好多修行人，佢点解要护持你？不如去护持一个有修行佢嘅功德更大。所以呢，我哋而家见到五穀水旱不调呢，我哋唔好怪，都系我哋自己造业。

“疫气流行，死亡者众。”我哋几多瘟疫？疫气，包括而家细菌啦、病毒啦、爱滋病啦，系嘛？种种呢啲病毒侵扰我哋。希波拉病毒啦，呢啲咁嘅新病毒，我哋人类系冇办法克服。癌症啦，吓，不溜都有，我哋而家好多时听到话，每个家庭几乎个亲戚，听到啲亲眷都话有机会患癌症，以前几十年好似比较少啲，但系呢几十年嚟讲呢，好多人呢，都系患癌症，特别我听到最多，大家嘅亲属，心脏病、癌症，所患呢啲疾病嘅人呢，越嚟越多。就系呢啲疫气嘅流行，水旱不调，亦都系我哋自己去造业。

“人民勤苦，县官计克，不顺道理，皆思乐乱。恶人转多，如海中沙，善者甚少吖，若一若二吔。”佛陀再讲话，人民虽然勤苦吖，工作吖，但啲县官呢，计克。县官呢设计亦都好刻薄，啫代表而家嘅政府，有好多都唔系好嘅政府，佢系剥削人民，佢唔系保护人民。“不顺道理，皆思乐乱”，佢哋呢，唔会顺住真正嘅道理去做吖，都会谂，都会呢，喜欢呢，去乱嘅，唔系喜欢去齐，齐心吖，系喜欢去恶乱，喜欢唔好嘅，呢啲心呢，系魔心。“恶人转多，如海中沙”，响末法时期，恶人呢，好似海中沙咁多，善嘅人甚少吖，若一若二。

“劫欲尽故，日月转智短，人命转促，四十头白，男子淫侄，精尽夭命。”嗱，而家我哋根据科学家统计吖，我哋而家睇下平均我哋人类嘅寿命，其实都系唔过七十岁，古时候又话人生七十古来稀，但系而家我哋平均，平均全世界平均数，都系六十零岁已经就系死亡吖，呢个平均数，攞个平均数。所以佛陀话，随住末法时期我哋造业呢，慢慢慢慢世界开始毁灭，慢慢慢慢我哋造业而越多嘅时候呢，人命开始就越嚟越短嘞，平均唔系六十，会跌吖，五十、四十、三十。四十就头白啦男子，慢慢见到，我而家都三十，过咗十年可能到时就白晒吖，已经好快趣嘅时间，可能再迟啲，劫尽嘅时候，如果我又未解脱生死呢，继续轮回响个劫欲嘅时代，啫如是嘅时间更耐呢，如果我四十岁，我已经白晒头发，啫咁嘅意思。“淫侄，精尽夭命”，末法时期众生吖，福薄呢，一步一步落去嘅时候呢，男子就越嚟越贪色欲、贪淫、贪爱美色，佢哋耗尽佢嘅精力，所以呢，寿命亦都会短促，寿命亦都会短促。

“或寿六十。男子寿短，女人寿长，七八九十，或至百岁吔。”咁呢，男人，男性呢，亦都有六十岁，但系相比起女之下呢，女人呢，相反就有七十、八十、九十岁，相反男性就得六十岁，吓。但系呢，各位女师兄又唔好听到开心，你长命唔代表一样咩嘢，你长命你学唔学佛？如果长命嚟讲呢，唔好讲话学唔学佛啦，如果你身体系唔健康嘅，我俾你长命啦，亦都冇用，系咪吖？你长命坐喺度，你知道而家末法时期呢，啲仔女又唔孝顺嘅呢，有个老人家喺度呢，踢来踢去，系嘛？见老人家，唉！真系惨吖——“见到你都眼冤吖，送你入老人院又贵㖞，四千几蚊㖞啲私家房，又要照顾你㖞，到我放假嘅时候我都要睇下我啲细㗎喇，供书教学，我边得闲睇你？”已经冇个心向啲老人家，所以唔好老吖，吓，如果你老得嚟都要健康，自己可以照顾到自己。但系你健康嘅来源响边度呢？你修习佛法、注意养生呢，你就有健康。如果你成日谂住养儿防老、积谷防饥，而家呢个世代冇咁望吖。但系咪养钱防老呢？都唔系，都系错㗎，唔系养钱防老，有啲人唔养儿防老谂住积多啲钱就系一个保障，你错晒，唔系。我哋只要而家将个鼻揸住，两三分钟，你身边一切嘅嘢都冇晒，你积咗咁多钱做咩嘢呢？真真正正学佛就系最大嘅一个保障。如果你做善事、做善业，你嘅福报慢慢增长，唔需要忧心你嘅生活，精神上亦都有保障，将来学佛解脱生死。就算你自己学唔到佛，都能够做咗善业上生天界，或者个福再递减，再转生呢，为人身都能够有机会修习佛法，真正嘅保障呢就系学佛，唔系话储埋啲钱。养儿可能会防老，咁吖要决定你前生嘅善恶因果啦，可能如果啲仔女系欠你嘅，佢系你嘅，你，佢系你嘅债主嘅，佢还番啲债俾你吖，你系佢债主，佢还番啲债俾你，佢咪对你孝顺啰。如果你系，佢系你嘅债主呢，佢嚟攞债就惨嘞，有钱吖败坏，败晒你啲钱吖，冇钱呢嘅时候呢，就夭心夭肺激到啲父母，嗱，你睇下而家报纸，系咪先？啲报纸你系咪睇到啲咁嘅现象吖？港澳太多太多不能够尽述，但系佛陀嘅慧眼、法眼、佛眼一早已经睇到呢啲问题出现啦。

咁呢，“大水忽至，卒至无期，世人不信，故为稀有。众生杂类，不问豪贱吖，没溺浮漂，鱼鳖食啖吖。”佛陀话，末法嘅时期咧，好容易有水灾嘅，世人呢，唔相信，以为水灾呢，系稀有，嗨，水灾有咩出奇吔？啲河泛滥有咩问题咧？依啲咁自然嘅现象，有乜出奇？所以呢，我哋响痛苦嘅时候，我哋唔能够接受痛苦同失败嘅教训，观今宜鉴古，无古不成今。如果我哋唔睇下前人嘅足迹，亦都冇今日，如果我哋唔睇下祸害嘅由来呢，亦都冇将来美好嘅明天。所以其实我哋面对而家我哋面临嘅挫败呢，冲击，我哋学佛人生，每个冲击、每个挫败，其实系一个暗示，我哋应该检讨，点解我哋有咁嘅挫败？我哋以后应唔应该可以继续做好啲呢？譬如等于佛陀讲有大水嚟啦，去湮灭呢个世界，将啲人冲落海嘅时候，有好多大鱼呢，鱼食人、人食鱼。譬如我哋睇下，我可以解释话俾你听日本嘅共业点解嚟，日本咁多水灾呢？系嘛？我可以解释俾你听，话俾你听，点解原因，因为日本人最中意食边一类嘅动物吖？中意食鱼啦，鱼生啦、海产啦、鱼籽啦。嗰啲三文鱼啦，好中意食嘅，啲蟹籽，你见下超级市场，一条条鱼仔腌晒干，一只只蟹仔一粒粒嘢，咁细嘅生命佢已经将佢压缩、腌干，做我哋普通细路哥口度好似喫一粒酸梅，“伏”一声咁喫咗佢。《地藏经》，地藏菩萨个妈妈，个妈妈系咪由于食啖多鱼鳖？食啖多鱼籽佢先堕落无间地狱啫。吖，你谂下，日本人嘅共业，同个海好有关系，啲海搞到水，水呢，水嗰方面就会失调，于是有水就卷上城市，有海啸，日本好多海啸吖，吓嘛？自古以来，所以佢同个海好有关系，由于日本人好中意食鱼，所以我已经举咗依一个咁简单嘅例。但系如果你遇到呢个问题，你身为日本人，可能你唔会检讨——有咩关系呢？我哋嘅城市历来由祖先传落嚟，都有地震㗎喇，都有水灾，有咩出奇呢？我哋就冇检讨呢啲嘢，有冇检讨呢？观今而鉴古，你有冇睇番呢？吓！你会唔会再重蹈，重蹈覆辙呢？你有冇谂过呢啲嘢？呢啲就系智慧啦！《六祖坛经》里便唔系讲“一念愚即般若绝，一念智即般若生”咩？你一念愚痴，你就系迷啦，一念嘅智慧呢，呢一念呢，就般若，呢一念就般若智慧，般若系无形相嘅，……（注：15'36-15'38录音唔清晰），如果你明白我头先所讲嘅说话，你就拥有个般若智慧。其实“聪明”同“智慧”，系名称上的解释，……（注：15'45-15'48录音唔清晰），可能你今日谂嘅嘢就系佛陀加持你，系般若智慧，所以我哋应该要由痛苦之中里便去吸取教训。

亦都讲到佛陀佢所能够生于呢个世间，佛陀未出世，未出世之前呢，根本就冇佛嘅，但系点解咁多人都唔能够成佛？佛只系宇宙间嘅觉者啫嘛。佛陀嘅时代，已经有好多哲人出现啦，婆罗门教啦，系咪吖？好兴盛，等于而家嘅印度教，好多哲人修四禅八定，上去无色界添，点解佢解脱唔到生死呢，系咪吖？好简单，就系佛，佢哋见到人生现象，佢冇用一个智慧去透析，佢冇谂过点解春天百花开、秋天会黄叶落吖？如果我哋见到樖树，你问，你问一个人点解，喺嗰街捉住个人问：“喂，点解春天会花开，夏天会热，秋天会叶落？”佢话傻，痴线吖，系咪吖？佢会唔会咁话你吖，肯定会。但系你呢问呢个问题呢，如果响古代嘅时候呢，依个问题一转移个空间呢，佢即刻向你顶礼：“你真系有智慧吔！”你一啲都冇傻到，呢个系空间转移。因为古代嘅时候，正法时期啲人智慧高吖，根器猛，所以觉得你问呢个问题好有智慧，哲理嚟嘅。你试下喺古代，相同于佛陀嘅时代嘅希腊嘅哲学家，阿里士多德、柏拉图、苏格拉底，相对我哋中国佛陀时代孔子，周朝嘅时候，同佛陀相距不远。如果你喺生于呢时代问依个问题，嗰啲人会好恭敬你，你系一个哲人嚟嘅，你体会宇宙万事万物嘅道理。咁佛陀未出世之前，根本众生冇发现天地宇宙嘅道理，冇人成佛，佛陀出世之后先有人成佛，因为佛陀知道点解人会有生死呢，佢明白人有生死，但系佛陀未出世之前，啲人冇谂过呢个问题。“傻嘅，有乜关系啫？”一样有啲咁嘅人，当然唔系全部都系哲人。咁佛陀之所以能够成为佛陀，宇宙间觉者，就系佢能够洞悉众生有生死，从而由呢个道理之中揾出解决嘅方法，亦都体会到宇宙间至高嘅道理，系有一个不生不灭之道。依个就系你点样去睇万事万物，所以“一念愚即般若绝，一念智即般若生。般若无形相，智慧心即是；若能如是解，即名般若智。”就系《六祖坛经》里便所讲嘅般若。

“时有菩萨、辟支、罗汉，众魔驱逐，不预众会。三乘入山，福德之地。”“恬”（“恬”，淡吖，呢个应“恬泊自守”，呢个唔系“怕”字，因为古代冇个“泊”字，呢个系三点水，“淡泊”嘅“泊”），“恬泊自守，以为欣快，寿命延长，诸天卫护，月光出世。”嗱，呢一段呢，其实我哋可能见唔到㗎喇，如果我哋再轮回嘅时候呢，可能就会见到，呢个系好久好久嘅事啦，我谂相距再过六七千年，甚至末法一万年，依段时间所发生嘅嘢。佢话咧，再落嚟嘅时候呢，就有亦都有啲圣人开始出世嘞，有众生痛苦嘅时候，亦都开始有人做善事，有圣人出世，众生开始寿命再延长番，天界开始卫护，“月光出世”。“月光出世”嘅意思呢，就系月光菩萨，到时有一位月光菩萨，月光菩萨就系响弥勒菩萨未出世之前，释迦佛涅槃，人寿八万四千岁，对唔住，讲错咗，释迦佛涅槃咗之后，人寿，五十六亿七千万年之后咧，佢释迦佛灭度之后，弥勒佛再降生响印度里便，开三个大会，龙华三会。

再讲到释迦佛有缘嘅遗教弟子。如果假如我哋而家能够亲近弥勒佛嘅程度，而家释迦佛涅槃咗之后，我哋能够学习释迦佛嘅佛法，得唔到道，解脱唔到生死，将来响五十六亿七千万年之后，嗰个龙华三会，弥勒菩萨响一樖树，好似龙个口吐出嚟嘅花好大嘅，枝叶连绵弥漫咗好多由旬嘅地方，庇荫晒整个法会嘅众生。一共三个法会，里便呢，每一个法会差唔多到九十亿人咁多。呢九十亿人，如果我哋而家系释迦佛嘅遗教弟子，我哋而家修弥勒佛嘅法门，亦都能够学习，而家坐喺度学习释迦佛嘅佛法，如果我哋唔能够得道，将来一定有机会，我哋有心继续修行的话，响龙华三会里便啦，我哋一定九十亿人里便，我哋系其中九十亿分之一，会有机会。咁呢度讲到月光菩萨出世咧，系弥勒佛未出世之前呢，有个菩萨系月光菩萨，会出嚟救世嘅。“得相遭值共兴”，有机会呢，有啲众生就会同月光菩萨相逢，“得相遭值共兴吾道”，有啲罗汉，有啲菩萨就会同月光菩萨聚一齐呢，去弘扬月光菩萨嘅法。我哋如果系有机缘呢，再转生响嗰个世代呢，亦都会遭逢到呢个运数，能够呢，学到释迦佛嘅正道。

“五十二……”跟住讲到呢句呢就非常之，我哋唔中意听吖。“五十二岁，首楞严经、般舟三昧先化灭去。”吓，所以呢，系非常之重要嘅，释迦佛讲啦，佢话啦，到咗人寿五十二岁嘅时候呢，《首楞严经》吖，啫而家我哋所讲嘅《大佛顶首楞严经》呢，即将会灭去吔。即是呢，话俾我哋大家听呢，会消失响呢个世界之上，唔会再存在。所以，末法时期呢，第一部经啦，要消灭呢，就系《楞严经》，《大佛顶首楞严经》。

所以呢，响，我哋知道呢，美国万佛城呢嘅宣化上人呢，啫度轮法师啦，好提倡呢部《楞严经》，所以呢，我好欣赏佢。相对于万佛城啦，就系台湾佛光山嘅星云法师，佢唔系强调《楞严经》，但系呢，佢哋两个呢，能够呢，响今日嘅佛教里便呢，开创到咁大嘅基业，能够度咗咁多嘅众生，佢哋功德呢，系非常之伟大。但系呢，度轮法师呢，好强调呢，呢本《大佛顶首楞严经》嘅，佢一个口号就系咁讲嘅，佢话：“欲要佛法兴呢，先学《楞严经》。”就系咁简单。所以呢，佢呢个口号其实唔系无的放矢吔，佢系好有根据，佢系学习，学习咗佛陀呢，正真嘅道理，譬如呢本《佛说法灭尽经》里便亦都讲到呢个问题。

点解《楞严经》响末法时期咁重要？因为佢系末法时期第一本要消失嘅经，同埋《楞严经》之所以嘅重要性就系啦，佢里便将末法时期修行吖，众生嘅种种魔相啦，揭露得海尽无遗，完全讲晒出嚟，点样著魔，修行人点样著魔、末法出家人点样破坏佛法、点样鱼目混珍珠、我哋应该点样去鉴别。亦都有讲到修行次第嘅法门，好多圣者、菩萨、罗汉，佛陀当时嘅亲嘅亲教嘅弟子，佛陀叫佢起身，报告佢系咩方法，点样修证到佛法上嘅圆通，譬如大势至系耳根圆通啦，观世音菩萨亦都教我哋用耳根去修行佛法啦，种种种种嘅圆通，《楞严经》亦都有解释有呢啲法门，同埋教我哋点修持楞严咒。

“楞严”嘅意思，上一次我哋法会啦，莲华，诶，嗰个楞严咒开光嘅时候呢，我亦都有解释过《楞严经》嘅，大家有冇听过？“楞严”嘅意思就系“一切事究竟坚固”，冇一样东西呢，能够破坏得到楞严。如果你能够修持到楞严咒呢，末法就将会兴盛，如果有人修持《楞严经》，念楞严咒，末法呢，就会兴盛。“一切事究竟坚固”，冇一样嘢能够破坏得到《楞严经》。楞严，首楞严三昧呢个大定，冇嘢能够破坏得到佢。所以度轮法师先会讲呢个口号“欲要佛法兴，先学《楞严经》。”因为第一本经消失响世界上就系《大佛顶首楞严经》。

“般舟三昧呢，先化灭去。”因为《楞严经》我哋众生嚟讲啦，觉得太厚啦，好难明吖，冇人解释，特别啲魔呢，好反对吖，呢部经，因为佢将啲魔相揭示得好详细。“般舟三昧”系咩意思呢？“般舟三昧”，同我哋而家系好有关系，“般舟三昧”呢，系我哋修行净土法门。而家我哋修行净土法门求生念佛往生、解脱生死，般舟三昧，如果我哋念佛，简单，我哋日日念“南无阿弥陀佛”、做善事、去求往生极乐世界，我哋唔读任何经书，呢个可以响净土法门里便叫做“易行门”，系好简单、好容易做得到，普通人都做得到，叫你念佛修持嘅法门。但系，相对“般舟三昧”嚟讲呢，系一个“难行门”，唔系咁容易做。“般舟”嘅意思系梵语，解释为“佛立三昧”，“佛立三昧”意思就系话呢，响九十日以内里便除咗食嘢呢，绕住个佛，一便念佛或者念经，经行，唔能够休息，直至见到佛为止。见到佛系咪有凭据吖？我哋修极乐世界法门，都希望能够见到佛，往生佢有一个凭据。咁所以我哋忆佛念佛，现前当来必定见佛，不假方便，自得心开，好似大势至菩萨嘅圆通章里便就有讲过呢道理，所以“般舟三昧”就系呢个法门，忆佛念佛，响九十日以内呢，“克期取证”，咩叫“克期取证”？啫好似闭关咁，定一个时期，一定要到呢个时期，一定要得到一啲嘢，一定要见到佛，呢个系净土法门好难做嘅嘢，叫你净系食嘢㖞，唔停㖞，日日去念佛，唔可以瞓觉㖞，几难做！

古来嘅大德啦，特别净土宗吖，古代我哋莲宗净土宗嘅慧远大师呢，响庐山结舍念佛嘅，净土宗嘅始祖，佢呢，好强调呢个法门，佢亦都结舍，同一班居士吔，同啲出家人吖，都有组织呢个“般舟三昧”。但系到我哋而家末法众生，叫我哋坐喺度听一听说法、听一听经都唔耐烦啦，叫我哋修“般舟三昧”点修呢？咁难，我哋一听到已经觉得难嘞，但系将呢啲法门换番响正法时期里便，其实就好容易嘅法门嚟嘅咋，好容易嘅法门。咁所以佛法灭嘅时候呢，净土呢个法门同《楞严经》已经唔见啦，首先消灭。

“十二部经寻后覆灭，尽不复现。”跟住三藏，十，戒定慧、三经律论，三藏十二部经典，种种体材嘅经典，一部、一部、一部慢慢消失晒，就系依呢个次序，佛法就咁灭，首先《楞严经》，然后“般舟三昧”，跟住佛法，慢慢、慢慢、慢慢消灭。

“不见文字。”我哋见，再见唔到世间上有文字出现吖，冇文字记载佛法啦。

“沙门袈裟自然变白。”出家人如果当时有响末法时期再后啲啦，他哋所著嘅衣服自然会变做白色。

“吾法灭时，譬如油灯临欲灭时，光明更盛于是便灭。”吖，呢句说话，如果你上一段呢，我系讲得快你唔系咁明呢，听完呢句你就会明。释迦佛话佢嘅法吖，将灭嘅时候啦，等于人临死嘅时候都会回光返照，呢个就回光返照，嘅灯更强更盛照一照，有月光菩萨出世，有缘嘅人就接受到月光菩萨继续度化，如果度化唔到，过咗呢段时期，《楞严经》、“般舟三昧”消灭，跟住呢个法就灭。油灯吖，就再光一光，犹如譬如，月光菩萨出世，再兴一兴盛，放最后嘅光，接引埋最后嘅众生，然后啦，啲法就开始灭，任何用文字记低嘅佛法已经响人类嘅世界全部消失晒，好似油灯咁慢慢慢慢灭。

“自此之后难可数说。”哗，经历呢个时期之后，唔知再有几耐先能够逢遇到佛法，唔可以讲得到吖，有几长时间。

“如是之后数千万岁，弥勒当下世间作佛。”嗱，过咗呢个咁黑暗嘅时代啦，佛法嘅消长又开始，我哋佛法有消长嘅时期，一消一长、一消一长，等于我哋日日都可唔可以见到月光，十五同埋初一嘅月光？唔可以。月有阴晴圆缺，人有悲欢离合，所以我哋每，唔能够见到月光日日都圆，犹如佛法，永远唔会兴盛，系我哋人嘅心，学、精进、退堕、学、唔学、精进、退堕，就系咁吖，好似个曲线上上下下。如果我哋永远都学嘅时候，永远月光都会光照住我哋，永远佛法都会兴盛。

但系当佛法经历嗰个黑暗时期之后啦，黑暗，唔修行，再修行嘅时候啦，佛陀预言呢，弥勒世尊呢，就会响嗰个时候，再过一千万年之后佢就会降生啦，喺世间作佛，就系头先我所讲嘅龙华三会嘞。“弥勒”嘅意思系点解啦？好似我以前啦，冇解过大家俾你听咩叫“弥勒”，“弥勒”嘅名号。“弥勒”呢，就系梵文嘅意思“Maitreya”，弥帝隶耶，译做我哋中文解释为“慈氏菩萨”，由于佢修行里便呢，以一个法门修慈心嘅禅定，时常用一个慈心去悲悯众生，所以佢叫做“慈氏菩萨”，中文，梵文就叫“弥勒菩萨”，就系咁嘅意思。弥勒菩萨出世，嗰时候就正法时期嘞，有佛出世，当然正法样样都好啦，犹如释迦佛嘅时代。

“天下泰平毒气消除，雨润和适，五谷滋茂。”同头先所讲嘅末法，同我哋而家就相反，哗，天下又开始太平，五谷丰登。

“树木长大，人长八丈”㖞。嗰阵时候呢，弥勒佛呢，降生响世界嘅时候，我哋人身高呢，有八丈咁长，哗，八丈啫几多？要去换一换算嘞，而家唔知啦，换一换算，有八丈咁长。

“皆寿八万四千岁”吔，我哋人类当时嘅寿命，由于正法时期系好长，八万四千岁咁长，咁我谂呢个“八万四千岁”呢，形容系好长好长，系一个乘数，唔系啱啱就八万四千岁，所以唔好执著嗰个数，系好多好多。

“众生得道不可称计。”就系头先我所讲，弥勒佛响龙华三会里便度，每个会度九十亿人，就系咁多嘅众生，度之不尽，不可称计。

“贤者阿难作礼白佛：‘当何名斯经？’”讲到呢度呢，呢本经呢，就差唔多讲完。于是呢，阿难，多闻嘅阿难尊者咧，就向佛陀行一行礼，佢话：“佛陀，你讲到呢本经，我哋应该点叫呢？云何奉持？我哋点样恭奉同埋受持呢？”

佛陀讲，佛言：“阿难，此经名为法灭尽。”依部叫做佛法消灭海尽嘅经。“宣告一切宜令分别，功德无量不可称计。四部弟子闻经，悲惨惆怅，皆发无上圣真道意，悉为佛作礼而去。”佛陀嘅弟子，所有在会嘅菩萨听完呢部经呢，“四部弟子”：比丘、比丘尼、优婆塞、优婆夷（居士：男居士、女居士）。四种嘅弟子，听完呢本经啦，悲惨惆怅，都，佢哋都发咗“无上圣真嘅道意”，“悉为佛作礼而去”。呢啲弟子呢，听完佛法灭尽呢本经嘅时候呢，佢哋都好悲哀、好惭愧，都发无上正真嘅道意，都鼓励到自己修行，觉得自己亲近到佛陀，佢哋当时亲近佛陀，觉得系好稀有。佛陀讲呢啲嘢出嚟，鼓励佢哋，一来，二来系预言而家末法时期，俾我哋参考。

但系而家我讲完啦呢部经，大家听到觉唔觉得悲惨吖？睇下你哋啲样先，好似唔系悲惨，点解呢？仲有啲笑意添！听到佛法灭尽，点解呢？嗱，个原因我讲俾你听，因为如果当你能够发心呢，行阿耨多罗三藐三菩提呢，求正法呢条路啦，你听到佛法消灭嘅时候啦，你会好悲伤。因为啦，点解呢？因为你嘅膊头孭咗如来嘅家业，俗称叫孭如来嘅家业，啫意思话，你有心去弘扬佛法，你去救众生，你将啲佛法传播俾人听，你听到有啲人同你唱反调嘅，咁你伤不伤心吖？听到法灭，唔代表你个样笑唔伤心虽然系，但系，有一样嘢话俾你听，如果你个心唔系摆喺佛法里便，你会唔会伤心？一啲都唔伤心，意思你唔到肉吖嘛！到唔到肉。如果你学佛法，好简单之嘛！譬如你将你个，一个仔去栽培养到大晒，点知佢忤逆你嘅，咁你伤唔伤心吖？你付出咁大，得唔到收获，你希望佢养你吖嘛！你伤唔伤心？咁吖到肉嘞，会伤心。犹如佛法，如果你将你嘅心安立响阿耨多罗三藐三菩提，安立响度化众生，你去走大乘菩萨道嘅时候，你听到今晚所讲呢本经，亦都系佛陀对我哋今日世界嘅预言呢，你会伤心。你知道，一方面你会伤心，觉得将来佛法，唉，点解咁败坏呢？会灭尽呢？人心点解向恶呢？另一角度，你应该要向好嘅方面睇，就系话俾你听，你应该要珍惜你而家当下嘅人生，因为好重要，将来你就再冇机会学，再轮，你会轮回㗎嘛，如果你解脱唔到生死，如果你而家唔学，将来你就学唔到㗎喇。

所以如果你而家系有心，听完呢部经，听完我讲完之后，希望你今晚返去珍惜，珍惜你嘅人身，好好去修行佛法，唔好等末法时期仲有机会。你话：“唔系㖞，玮师兄讲过，弥勒佛嚟仲有机会㖞！”不过五十几亿年后，你仲等？记住一样嘢，我话俾你听，弥勒佛嚟，你系有机会，不过！呢个机会系决定你而家有冇修行，有冇种下善种，如果你而家冇种善种，唔修释迦牟尼佛嘅佛法，到时弥勒佛，你冇咁嘅因，边有咁嘅果？佢度化唔到你嘅。所以你而家系最重要，你把握现在先系最真。

依个就佛陀教授我哋预言，《法灭尽经》，亦都系佛陀对今日世界预言。因为时间有限，我讲到系咁多啦，其实仲有好多嘢讲嘅。多谢大家！

200.《佛说盂兰盆经》解说（一）

1995年8月10号（农历7月15号）

谈晋玮师兄讲《盂兰盆经》

今晚呢，其实大家都收到个通讯，今晚我哋嘅讲题呢，就叫做《十大弟子目犍连》。因为啦，盂兰节系涉及到呢，目犍连尊者对于佢自己尽孝道报答母亲嘅恩惠，所以我定呢个题目叫《十大弟子目犍连》，系关于目犍连尊者嘅小小事迹。但系呢，其实我就打算每年都系响盂兰节里便呢，好简单咁解释下呢部佛门里便其中一部孝经，就系《佛说盂兰盆经》。

嗱，大家呢，睇下个经题嗰度呢，嗰个唔系“孟”字吔，有啲人读“孟兰节”嘅，我喺街度听到有啲人叫“孟兰节”，系嘛？个“孟”字同个“盂”字有咩分别吖，知唔知？系嘞，如果“孟”字呢，上面系“子”字，“盂兰节”呢，系啦，做个“于素秋”嗰个“于”啦，“于”字，分唔分到吖？分到，所以如果我哋信咗佛，归依咗三宝啦，唔好读“孟兰节”㖞，人哋笑你话：“佛教徒，今日咩节吖？”“孟兰节吖！今日。”系咪吖？记得读番“盂兰节”吖，吓。但系有时呢，嗰啲经文呢，执字粒啦，有时好易执咗个“孟”字，因为呢，印经书嗰啲老板呢，佢哋唔系太清楚啲佛经吖，所以我哋要印《盂兰经》嗰时要校对下呢个字吔，清楚。

咁其实，讲少少题外话先，我就唔谂住压后尾讲啦，一次过就讲晒啲经文，一阵我哋又有嘢食，系嘛？我要控制番啲时间，有冇吖？荟供吓嘛？有！头先做咗荟供之后，我哋有冇粥吖，有冇粉面食吖？吓？冇吖？有冇吖？冇，咁可以我慢慢嚟吖嘛。有，我就要乒铃嘭唥好似上一次咁好紧张咁，好快吔。嗱，其实呢，我今晚好想清楚咁讲一样嘢呢，盂兰节究竟同佛教呢，有咩嘢关系？或者系鬼节，大家俗称嘅鬼节，其实我哋多多少少啦，都有啲已经混淆咗鬼节同盂兰节嘅关系，究竟佢哋嘅关系系点呢？其实佛教里便啦，根据佛经记载啦，释迦牟尼佛所讲啦，就冇鬼节嘅，我就未睇过佛经记载有鬼节。咁但系呢，睇过一啲祖师嘅笔记，同埋响坊间里便啦，有好多人相传七月呢，就鬼门关大开，究竟有冇一件咁嘅事呢？我今晚呢，就同大家解答下呢个问题，相信你会好有兴趣。

咁我讲咗佛教真正嘅节日盂兰节先，点解叫做“盂兰”呢？“盂兰”嘅意思系个译音嚟嘅，系个译音嚟嘅，个梵音呢，叫做“ullambana”，简称为“盂兰”，我哋中国汉文，译咗我哋中国文字嘅意思解释为“救倒悬”。“救倒悬”，“倒悬”系咩意思呢？“盂兰”记住系一个音嚟嘅，意思系“救倒悬”，比如将一个人，嗱，我哋假设将一个人头向下、脚向上，将佢嚟倒吊啦，永远咁将佢倒吊，啲血系咪向下行吖？慢慢慢慢呢，可能会死亡，啲血逆转，所以呢种痛苦呢，系冇办法用我哋嘅说话语言去表达到，到出嚟嘅，所以呢，佛陀就用咗呢个譬喻呢个形容词呢，“盂兰”呢个形容词呢，形容饿鬼道嘅痛苦。因为《盂兰经》呢，系目连尊者救渡佢堕落饿鬼道嘅妈妈，纪念佢妈妈，报父母恩嘅一个节日嚟嘅，所以“盂兰”嘅意思解释为救渡饿鬼之苦。呢个饿鬼之苦呢，犹如将一个人倒悬，譬如为头向下、脚向上系好痛苦，你感受下，自己到，系咪吖？俯卧撑，啲“蛤蟆功”嚟嘅，脚向天嗰啲，你试下倒立，倒立几耐可以做？倒立半个钟头睇下得唔得？一个钟头、两个钟头，我谂都几辛苦。但系啲饿鬼嗰种痛苦呢，我哋可以讲一个比喻，犹如咁嘅痛苦，所以称为“盂兰”，“ullambana”，就攞咗头前面个音“盂兰”，解释为“救倒悬”，就系咁嘅意思。

咁其实呢，佛教吖，真正所讲嘅盂兰节呢，系旧历七月十五，七月十五，就唔系七月十四。咁但系民间相传呢，七月十四系咩节吖？好惊㖞，一讲到呢个，系哗？谈鬼色变吖，你好惊吖，讲到鬼，七月十四就系鬼节。但响佛经里便记载呢，就冇鬼节，正式就系盂兰节。咁但系头先我已经讲过，相传呢，我睇啲祖师啲笔记吓，或者听好多老人家讲呢，我哋旧历七月十四就系鬼节，去烧衣，甚至整个月你都可以烧衣，账祭嗰啲孤魂饿鬼吔，嗰啲游魂野鬼。咁佛陀冇讲过，但系有冇呢件事呢？咁我可以讲下啲祖师少少笔记话俾大家听。 

嗰啲祖师呢，曾经描述过，因为好多祖师呢，曾经修道证果，得到神通力，犹如目犍连尊者呢，系释迦牟尼佛十大弟子，神通第一。释迦牟尼佛呢，有十个大弟子，其中各个弟子都各有专长，但目犍连尊者呢，就系神通第一。咁嗰啲祖师呢，有啲祖师修行呢，有道力，证得到神通之后呢，佢哋曾经呢，进入过饿鬼道睇过嚟。咁响我哋六道轮回里便呢，天、人、阿修罗、旁生、饿鬼、地狱，响呢个鬼个法界里便呢，原来有个平民区嘅，听讲。嗰个平民区呢，好得意吔，系嘛，有啲师兄笑，听到平民区知系咩事，一听到平民区呢，就好似，好似我哋呢，人世间吖，阳界嘅生活咁，不过，只不过呢，佢嘅生活呢，好简朴，就冇我哋咁多物质嘅。啫一样好似我哋人类有生意做，但系啲贸易呢就好简单嘅，啲档口呢，就好简单嘅，啲人往来呢，冇乜顾忌嘅，就唔系我哋有咁多机心，啲衣著呢，就好似好朴素嘅。买卖呢，亦都贸易有啲货币嘅，就可能系我哋烧落去嗰啲货币嘞，就唔知。咁呢，呢个系鬼道里便平民区嘅空间。

因为佛陀讲过六道轮回呢，鬼呢，有好多类嘅，呢一类呢，嘅鬼啦，就系不善不恶嘅鬼、不升不沉嘅鬼，就响鬼道里便好似过住人间吖，阳世嘅生活，不过响物质上呢，冇咁高享受。只不过佢同我哋人界里便有咩唔同呢？就冇咗个肉体咁解，佢只系一个灵身，一个虚体，犹如我哋死后生前四十九日吖，呢个中阴身一样，吓。咁所以根据啲祖师记载呢，的确系有呢笪地方吖，鬼道有呢个空间。另外，我哋响人世间里便见到嗰啲鬼呢，嗰啲鬼呢，就系浮游灵，浮游响我哋人类空间里便，佢会去我哋人类呢，每一个空间场所。

但系我哋中国人呢，时常误会咗人死后实做鬼，系嘛？我哋信咗佛之后就知道唔系，吓嘛？人死咗之后呢，只有六分之一机会做鬼，因为我哋六道轮回㗎嘛。如果我哋再加埋，我哋去修道成佛，佛、菩萨、缘觉、声闻（声闻最高嘅果位就阿罗汉，缘觉最高果位就辟支迦佛），咁如果我哋加埋六道，加四圣六凡，十法界嚟讲，我哋吔，死咗之后做鬼其实只有十分之一嘅机会。如果你系一个修行人，你修行人未必一定成功㗎嘛，可能会失败㗎嘛，咁但系我哋一般唔修行里便呢，有六分之一机会只可以做鬼，所以大家呢，今晚明白咗呢概念之后呢，我哋信佛有返啲基础嘅佛学知识，就唔好俾人笑话，人死后之后仍然误会咗都系鬼，只有六分之一嘅机会你系做鬼。

咁传说呢，鬼门关大开呢，我谂呢，我解释吖，就相传啲祖师所见到鬼道嗰啲平民区呢，放假响七月，然之后呢，因为我哋死咗之后假如有机会我哋做鬼，或者我哋啲亲属呢，沦落咗鬼道之后，去咗呢个平民区嘅地方呢，其实佢冇肉体，但系同我哋人世一样有个关系，佢仍然未解脱生死，佢有执著，虽然佢死咗，但系佢都会挂念呢，我哋阳世嘅亲属，所以过时过节，所谓每逢佳节，咩吖？倍思亲吖嘛，系咪吖？每过时过节中秋十五你都谂起啲月饼，吓，我哋一齐成家人坐低食月饼中秋赏月就系呢个道理，所以虽然佢过世咗，但系佢都会眷念吖，阳世嘅亲人。所以七月呢个月呢，旧历呢，阴历呢，呢啲平民区鬼道嘅众生啦，就会嚟到我哋人界啦，去探访我哋阳世嘅眷属。不过佢嚟探你嘅时候你未必会知吔，因为你可能未有咁高嘅感应或者神通力知道佢嚟到，咁但系啲祖师讲过，系事实上系有呢啲事存在。所以可能由于呢个思想开始流传呢，我哋阳世间嘅人，就有拜，就有祭祀，希望呢，嗰啲亲眷上嚟探我哋，我哋同佢阴阳相隔，模拟有一啲物质去表达我哋思念亲属之情。咁可能喺嗰日呢，我哋就整一啲嘢去拜祭，烧下啲金银衣纸吔，攞下啲其他嘢去拜祭吔。

咁吖，拜还拜，有一样嘢就最唔好嘅，今晚我吖又要讲呢样嘢，又话我提起食肉啦，唔好话，因为呢，我哋系佛教徒呢，就算拜祭呢，尽量唔好攞肉去拜。因为呢，攞肉去拜，如果我哋平时吔，去供佛或者佛菩萨呢，好易吸引啲血食嘅鬼神。但系你又会问我：“而家横掂我都系俾啲鬼食，咁去吸引啲鬼神冇乜分别吖？”如果你摆喺街去拜祭。但系呢，我哋发乎一点慈悲心，做乜嘢都系呢，一概用素食呢，就可以培养到你嘅慈悲心，但系至于佢食唔食到呢，就系其中另外一个问题。咁你话究竟食唔食到呢？我可以话俾你听呢，其实佢系食到嘅，不过呢，佢食呢，唔系用个口去食。如果你系攞啲鸡吖、鸭吖、鹅吖、猪吖，喺街边拜祭完唔见咗呢，一系隔离拜，有个小朋友，偷咗去，唔见咗的话，冇理由特然间唔见，如果突然间唔见就好恐怖嘞。嗰啲灵体呢，佢所吸收你拜祭呢，嘅精华呢，就系用佢嘅触觉，用个鼻好似我哋，去将嗰啲食物嘅精华提取出嚟，啫系用佢嘅嗅觉，闻吖，吸取佢精华，所以呢，的确你祭祀嘅时候呢，系对佢会有个好处。咁如果你用肉拜，可能你教晓佢食肉，唔出奇，你用素食拜呢，亦都可能佢未必会食，因为佢生前嘅习惯吖嘛，各个人。但我哋本住一个佛教徒嘅慈悲心呢，我哋应该任何嘢、任何节日都用素食呢，咁就最为适当。唔好杀生，呢一点系最重要。

咁样嚟呢，呢啲都系我哋民间嘅现象流传咗咁耐，咁我哋佛教徒点样面对？我要讲啲方法俾你听，就系咁样面对，用素食。咁你话拜与唔拜呢？咁我自己年年我都唔拜嘅，我边会拜吖？冇拜嘅。因为呢，我哋以佛菩萨为最高嘅模范、最高嘅榜样，鬼神呢，我哋系尊敬，但系唔拜佢，唔以为，唔以佢为最高模范，但系我亦都唔可以否定佢存在。咁至于你话烧金银衣纸嗰啲有冇用呢？如果根据啲祖师大德讲呢，的确你烧落去嘅时候呢，可能通过你心念吖，会传送到去俾鬼道嘅众生呢，佢哋收到之后，就有一种物质，由佢嘅精神啦，幻化变成佢需要嘅物质。未必你烧一间洋楼佢有间洋楼嘅，未必你烧架车佢有一架车，但随著你嘅心意传送，可能烧到落去系佢嘅心念所幻化出嚟嘅一啲物质嚟嘅，的确系可以做得到。但系呢，如果你系一个佛教徒嚟讲呢，我建议你，如果你要烧的话呢，我就希望你呢，啫有啲上咗年纪嘅佛教徒呢，佢就好难呢，改呢个习惯，因为你叫佢唔烧呢，佢过，年年都烧嘅，咩节都烧嘅，但我都好希望佢哋唔好用肉先，第一个条件。第二样你烧呢，最好你烧嘅时候呢，加持佛菩萨嘅真言，念啲咒或者念佛号嘅时候呢，有佛菩萨嘅真言加持落啲纸张度呢，到你嘅亲人或者其他眷属收到嘅时候呢，就会得到呢一个加持，系你一点心，一点布施嘅善心，所以你烧亦都未尝不可。但系呢，我希望你念佛去烧，咁比其他人呢，啫点讲吖？其他人啫系随俗，人做我做啦，嚟得有意义得多，同埋呢个功效呢，系比较有个成效，收到个成效，呢个就系我嘅建议嘞，你响盂兰节，如果你要烧嘢的话，要拜祭的话。

咁所以我哋呢，要清楚一样嘢就，七月十四呢，同佛教呢，冇乜严格嘅关系吔。但系民间俗称嘅鬼节，真正佛教呢，就系七月十五盂兰节，报恩嘅节日。明唔明白吖？咁我哋呢，而家开始解释个经文，《佛说盂兰盆经》。

“闻如是，一时佛在舍卫国祇树给孤独园。”

呢部经呢，每本佛经开头呢，都系阿难尊者呢，听佛陀所讲忆述嘅，所以话“闻如是”呢，亦都有犹如“如是我闻”一样，即是呢本经系我阿难尊者亲自由我师父释迦牟尼佛嘅口中听返嚟嘅。由一个时候呢，佛陀就响舍卫国嘅一个园，祇陀太子同给孤独长者共同布施嘅园林出嚟，呢个就系祇树给孤独园。

“大目犍连始得六通，欲度父母，报乳哺之恩。”

当时释迦佛嘅十大弟子呢，目犍连呢，啱啱得到六神通，证咗阿罗汉果，因为证阿罗汉果呢，先能够得到六神通嘅，其他嘅外道呢，只可以得到五神通，唯独最后一种漏尽神通系冇。漏尽神通呢，“漏”者呢，就系缺漏，“尽”者呢，就系净尽，“漏”者亦可以解释为烦恼，即是话你要烦恼净尽先能够得到呢一种智慧，系一种智慧嚟嘅，所以六通系天眼、天耳、他心、宿命、神足，第六种就漏尽通，一般外道嘅仙人或者鬼灵呢，都有天眼通、天耳通、他心通、宿命通、神足通，但系最后一种漏尽神通佢冇，因为要解脱生死嘅圣人最少系声闻，喺佛在世听佛说教，最高果位就系无生嘅阿罗汉，先能够漏尽通。缘觉，生于无佛之世，独自觉悟，亦都称为“独觉”，佢能够证到最高嘅果位，独觉嘅圣者辟支迦佛，佢先能够得到呢个漏尽通，否则一般修其他外道嘅宗教嘅人呢，修禅定啦，系唔能够有漏尽通，只可以有头先前所讲嘅五种神通，呢个就系佛教同其他宗教修为上嘅层次嘅分别。咁目犍连尊者呢，证到阿罗汉果得到六种神通，佢希望吖，报答父母对佢嘅恩惠，“乳哺之恩”就系父母，报答妈妈养育之恩呢。

“即以道眼观视世间。见其亡母，生饿鬼中，不见饮食，皮骨连立。”

目犍连尊者呢，就用佢嘅道眼，啫天眼通呢，去观察，睇下佢妈妈究竟吖，生系边个世界里便。佢而家有个神通法力，希望报佢妈妈嘅恩惠。目犍连尊者唔睇就犹自可，一睇呢，点知见到佢妈妈原来堕落响饿鬼道里便！“不见饮食”即是话呢，见唔到佢妈妈有任何饮食。“皮骨连立”，皮包骨剩返，哗，几惨！饿鬼就皮包骨，个肚呢，就非常之大，但系个喉咙呢，就好似一条针咁细。我哋俾人类呢，人界物质嘅食物呢，佢冇办法食嘅，因为呢，佢唔系物质嘅身体，同埋佢嘅喉咙咁细呢，根本冇办法呢，吞咽到一啲物质。

所以响佛教里便呢，我哋见到所谓俗称嘅“打斋”呢，佛教其实叫做“放焰口”，“放焰口”啦，就系意思话有一类鬼，而家目犍连尊者嘅妈妈就系呢啲，呢类就系鬼类之中嘅一种焰口鬼。当一啲有道嘅僧人，通过真言、手印、观想嘅三密加持力，将一啲物质嘅食物或者水滴变成一啲甘露，而俾嗰啲饿鬼食，将个喉咙呢，通过咒同手印打开呢，佢就能够呢，接受到人界嘅食物，所以我哋“放焰口”嘅意思就系话祭祀啲饿鬼。因为目犍连尊者嘅妈妈就系堕落饿鬼道，就系呢一类鬼，啲食物呢，摆系佢手，面前嘅时候，嗰口就揈揈声，由于佢生前吖所做嘅恶业，佢生前嘅恶业就系呢，吝啬，啫俗称嘅“孤寒”，见到善事唔做，一毫之善唔会与人方便，一毛不拔，唔做一啲怜惜孤寡嘅事，所以死咗之后呢，就容易得到呢个果报。譬如一啲守财奴啦，刻薄寡恩嘅守财奴啦，同埋唔中意做布施嘅人呢，好容易就会堕落饿鬼道嘞，所以要小心。咁佢前生有咁嘅业力，佢堕落饿鬼道嘅时候呢，如果佢系一类焰口嘅鬼啦，个口一喷啲火出嚟呢，将啲食物吖，烧焦咗，就冇办法食得到，所以佛教密宗里便特别嘅施食法呢，布施俾啲鬼神，通过手印、真言咒语将啲食物加持咗之后呢，佢就能够用佢嘅嗅觉吸入，就好舒服，唔怕啲火喷出嚟，啲食物食唔到嘞。吖，就系咁嘅原理。

咁目犍连尊者见到佢妈妈皮包骨，于是就好悲哀啦，“目连悲哀”，谂住即“以钵盛饭，往饷其母”。谂住呢，攞个钵，装一啲饭呢，“往饷”。嗱，我哋睇下后便嗰页，我做咗注解。“饷”嘅意思呢，系用食物敬奉嘅意思，读个“响”字。目犍连尊者妈妈，想呢，用食物去敬奉佢妈妈嘞。

“母得钵饭，便以左手障钵，右手抟……”呢个读个“团”字，“抟食”。“食未入口，化成火炭，遂不得食。”佢妈妈就饿咗好耐，突然间见到目犍连尊者用神通力去到饿鬼道，将碗饭递到佢妈妈嘅面前，佢妈妈一见到呢，说时迟那时快，就用左手一执，执住个钵挡住。“障钵”，啫咁样揸住个钵一挡挡住。因为点解佢要用呢个手势？因为饿鬼道唔系得佢一只饿鬼，个个都喺度肚饿，如果目犍连尊者俾一钵饭佢妈妈食，周围嗰啲鬼呢就会抢，所以佢妈妈惊其他嘅鬼类都会能够抢咗佢嘅食物，所以手挡住，“障钵”。“右手抟食”，“抟”就系咩意思呢？你睇下后边解释，将东西搓成球形就谓之“抟”，啫意思话只手咁揸住个钵，依只右手呢，就将啲饭啫，啫一揦呢，搓成一个球呢，即刻想放入口，做呢个动作，因为佢好肚饿，饥饿嘅表现。但系，当个食物仲未摆到入口嘅时候呢，佢自己个口就已经将有火喷出嚟啦，将嗰啲饭呢，烧成做火炭，头先我就解释咗个原理，就系佢前生嘅业力，嘅恶业力，所以就食唔到啦。

“目连大叫，悲号涕泣，驰还白佛，具陈如此。”目犍连尊者见到咁吖情形，当然好悲哀啦！于是呢佢就呢，返番去释迦牟尼佛嘅身边呢，将佢饿鬼道嘅见闻，点样去俾嘢食佢妈妈呢件事，佢妈妈就食唔到，就返去禀告番释迦佛，讲番呢件事。

“佛言：‘汝母罪根深结，非汝一人力所奈何。汝虽孝顺，声动天地，天神地祇、邪魔外道、道士、四天王神、亦不能奈何。’”释迦佛于是就开示目犍连尊者话，佢话你妈妈罪根深结，唔系深深咁结集，唔系一世吔，所做嘅恶业，系好多世。佢话唔系你目犍连吖，一个人嘅力量可以救渡到你妈妈，你虽然孝顺嘅声音呢，所谓孝感动天吖，震动天地。天上便嘅神呢、地下嘅神呢。“祇”字就地下嘅神，就谓之“祇”，“地祇”。一切邪魔，唔系修佛教嘅外道、道士，呢个“道士”点解释呢？我哋吖，睇睇后便有字词注解。道士，唔系话道教嘅，道教嘅修行人咁解，修行佛道嘅通称，具有德行嘅修行人嘅意思，谓之“道士”呢度。四大天王：东方持国天王、南方增长天王、西方广目天王、北方多闻天王，呢四个大天王呢，系玉皇大帝呢，座前嘅大将嚟嘅，佢负责保护我哋呢个南瞻部洲同埋四大部洲嘅，所以呢啲咁嘅护法、天王、有道之士、外界嘅外道邪魔呢，佢听到你目连呢，点，想救你妈妈，你虽然孝感动天，但系佢哋都唔能够施与救济，“亦不能奈何”。

“当须十方众僧威神之力乃得解脱。”释迦佛话你想救渡你妈妈，一定要十方。十方系边个方向吖？东、南、西、北、东南、东北、西南、西北，系咪八个方向吖？再加埋上、下，就十方，泛指一切嘅空间咁解。“如果你想救渡你妈妈，必须要十方嘅僧众佢㗎威神嘅力量，先能够救渡你妈妈嘅。”

“吾今当说救济之法。”释迦牟尼佛话：“好啦，我而家就教你救渡你妈妈嘅方法啦。”

“令一切难，皆离忧苦。”令到你妈妈所有嘅劫难呢，离开忧愁同埋苦恼。

“佛告目连”，佛陀对目犍连尊者话，“十方众僧，七月十五日，僧自恣时，当为七世父母及现在父母厄难中者，具饭、百味五果、汲灌盆器、香油锭烛、床敷卧具、尽世甘美以著盆中，供养十方大德众僧。”嗱，呢段嘅意思呢，释迦佛就话俾目犍连尊者听，如果响七月十五日僧自恣时呢，我哋又睇一睇个解释啦，吓，“恣”字系咩意思呢？睇唔睇到吖？两点，“其次”个“次”下面做个“心”，“恣”字解释为随意、任意，“自恣”嘅意思呢，自己随意举出所犯嘅过错，向别人发露忏悔。其实呢个“自恣”呢，系有一个典故嘅，因为释迦牟尼佛嘅世代，印度呢，由四月中开始呢，到七月中，三个月系雨季嚟嘅，咁释迦牟尼佛同佢弟子讲话，呢个雨季嘅时候呢，唔方便出去乞食，啲地又滑又湿，成日大雨又水浸，咁所以释迦牟尼佛叫佢啲弟子响呢三个月以内呢，就叫“结夏安居”，佛教嘅名称叫“结夏安居”。响夏天嘅时候，喺呢三个月雨季，大家结集埋一齐响度修行，唔好出去化缘，嗰个时候呢，就有啲皇帝供养啲出家人嘅饭食自然。响呢三个月精进修行里便呢，由七，四月十五日开始呢，就系闭关，七月十五日就出关，咁七月十五日呢日，啫今日盂兰节啦，其实有两个名称嘅，今日，第一个叫做“佛欢喜日”，第二个名称叫做“僧自恣日”。

所以呢个经文解释为“僧自恣时”系咩意思呢？通过三个月嘅修行，释迦佛嘅弟子呢，有啲就会证到果位，咁响今日嚟讲呢，佢哋就会呢，自恣啫自己任意批评对方，啫唔系话无中生有吖，鸡蛋里便捡骨头，系大家互相检讨嘅错误，你讲出我嘅错误，我讲出你嘅错误，咁大家指正错误以期响个日里便能够做到无瑕疵，希望更多人证到果位，所以嗰日叫“僧自恣日”。点解叫“佛欢喜日”呢？因为通过三个月嘅修行呢，释迦佛好多弟子精进，都能够证到罗汉吖，嘅果位，所以呢，佛响嗰日好欢喜吔，就叫做“佛欢喜日”。所以七月十五日就有呢个典故，所以你又记得，叫做佛欢喜日或者僧自恣日。

咁释迦牟尼佛话七月十五日僧众自己批评自己嘅时候呢，你应该为吔，你七世嘅父母，啫由今世开始数上去，一二三四五六七，所谓“九玄七祖尽超升”，你七世嘅父母同埋现在嘅父母，如果有困难喺厄难之中嘅呢，你如果想救渡佢呢，“具饭、百味五果”。咩叫“百味五果”呢，你又睇睇个解释啦，后便，睇唔睇到吖？我已经写咗俾你嘞，日，等你返去方便参考。“百味”呢，“百”字呢，就众多之意，“百味”呢，就系各种味道嘅饮食，但系记得吖，素食吓，唔好，俾肉吓，唔系“百味”你又烧猪头吖。今朝呢，中午呢，我就去柏惠餐厅食饭，咁呢，入去柏慧之前呢，咁吖，行到个门口见到啲人拜，心都罨晒，咁吖费事冇眼睇吖，去食饭，食饭去也啦，算数啦，吓，费事冇眼睇吖，去食饭，食饭去也啦，算数啦，吓。

记住吓，系素食。

“百味五果”嘅意思就系话种种你能够做得到呢，各种尽量多，种种好味道嘅饮食，同埋呢，尽量呢，有五种果物呢，嗰日呢，我哋要供养。五种果系咩意思呢？五类嘅果，第一有核嘅果，譬如红枣啦、蓝枣啦，吖，杏啦、桃啦、梨啦，呢啲咪有核啦？第二种类嘅果系肤果，肤果就有皮嘅果实，啫特别啲皮，有特别嘅嘢，譬如瓜吖、梨吖、李仔吔，系嘛？第三种有壳嘅果实，椰子吖、核桃吖、咪有壳啰；第四种糩果，粗糙皮类嘅果实，啲松树子吔、柏树子。我哋买绅士牌果仁，有冇食过吖？嗰啲咪松树子吖、柏树子吖，唔知有冇吖，我都好似未食过，吓。角果，角果呢，有角嘅果实，有角有咩吖？菱角啦，同埋大豆、小豆呢，有个角，突突哋嘅、尖尖哋嘅，呢啲就属于角果。咁我哋响呢一日呢，释迦牟尼佛教我哋用种种嘅果品、种种嘅饮食，最好嘅，最好嘅。

“汲灌盆器”，除咗食物之外呢，“汲灌盆器”，我哋又睇睇解释，点解呢？“汲”者，吸取，“灌”者，倒入装进嘅意思，即系用嚟吸水同埋放水嘅器具，泛指一切沐浴嘅用具。啫唔食得嘅呢，你可以买啲沐浴嘅用具，因为以前啲出家人呢，都要洗澡，要洁净嘅，有啲居士都会供养啲沐浴嘅用具。所谓衣服、卧具、饮食、医药，就系卧具，释迦佛成日讲嘅，爱嚟供佛，吓。“汲灌盆器、香油锭烛”，嗱，个“锭”字都有解释，读“定”，解释为烛台，即是准备啲香、油呢，点灯嘅油呢，或者烛台呢、蜡烛啦。“床敷卧具”，“卧具”就系铺床啦，“床敷”就铺床嘅被啦，“卧具”就瞓觉嘅用具啦。咳。

“尽世甘美”，总之喺你能够响世界上尽你嘅心力揾得到啦，甘甜、甘美、美好嘅食物啦，放喺一个盆里便，喺嗰日呢，去供养十方大德众僧，吓。呢一段嘅意思释迦佛，我再讲一次，释迦佛嘅意思就系叫你买种种嘅素食，最好嘅，或者一啲用品，食得唔食得，放喺一个盆里便，用呢个方法啦，去供养一啲僧众呢，以祈呢个功德力，去教导目犍连尊者呢，用呢个功德力回向吖，俾佢嘅妈妈，将佢由饿鬼道呢，拔出嚟，解脱佢苦难。咁跟住落去一段经文呢，就会解释话，点解要，点解供养啲僧众呢？供养啲咩僧众呢？咩原理要喺呢一日供养僧众呢？释迦佛继续会讲，啫响今日，点解响今日供养啲僧众呢？因为有好大嘅功德。

“当此之日”，呢一日就系七月十五嘞。

“一切圣众，或在山间禅定、或得四道果、或在树下经行、或六通自在教化声闻缘觉、或十地菩萨大人，权现比丘，在大众中，皆同一心，受钵和罗饭。”释迦佛原来佢解释话，原来七月十五今日吖，好多圣众吖，有啲响山间里便禅定，吓，但系我要解释一次俾你哋听，你去崇山就揾唔到㗎喇，哈哈哈！你去魔鬼山呢，见唔到。你话山间禅定，点吖，今日上山，好，下个，下年七月十五日睇下系咪真系见到啲圣众响山间禅定吖？吓，大家唔需要，唔好去做嗰啲傻事，因为呢，释迦佛讲嗰啲，呢啲圣众呢，系要用天眼通先能够睇到嘅，用嗰度吖，唔系用呢度，唔系用你两个肉眼睇到，系用天眼通先睇到嘅。啫佛在世嘅时候呢，除咗啲肉身嘅出家人响山里便修行禅定，响嗰日，我哋记住三个月结夏安居，佢哋仲未出关，今日，今日系结夏吖嘛，咁所以有啲亦都系无形嘅罗汉呢，同埋菩萨响度修行嘅。

“或得四道果”，或者佢证咗啦，罗汉嘅四果呢，须陀洹、斯陀含、阿那含、阿罗汉，罗汉嘅四果呢。或者响树下经行，一便念经、一便行道，六通自在，呢啲圣众嘅六种神通吖，已经随意运用吖，天眼、天耳、他心、宿命、神足、漏尽，哗，六种神通，随意运用去救渡众生。

“教化声闻缘觉”，去教化啦，一啲声闻嘅圣众，啫罗汉啦，一啲缘觉嘅圣众，辟支迦佛啦。或者甚至有啲更高果位嘅十地嘅菩萨，十地嘅菩萨啦，再进一级就等觉嘅菩萨，等觉菩萨争一级就成佛嘞，再跳一级就妙觉嘅菩萨，第五十二个阶位吔，天台宗解释，呢个第五十二个阶位，妙觉嘅菩萨呢，啫系佛，所以十地菩萨都即将成佛，原来嗰日连十地菩萨呢，都会出现，“十地菩萨大人，权现比丘”吖，呢个十地菩萨佢都会化身做一个比丘嘅装束。

“在大众中，皆同一心，受钵和罗饭。”响大众之中呢，佢哋呢啲圣众都会一心去接受呢个“钵和罗饭”。“钵和罗饭”咩意思？你睇睇解释啦又，最后嗰度，“钵和罗”呢，就系梵语“pravarana”，梵语“pravarana”嘅意，音译，意思系自恣、随意、满足、喜悦嘅意思。“钵和罗”就系满足、喜悦、随意。出家人响七月十五结夏安居结束嘅日子，自己向别人发露罪过，得清净，而生喜悦，响呢一日，供养三宝嘅饭就称为“钵和罗饭”。嗱，所以我哋居士呢，由古代开始相传呢，呢一日咧，我哋呢，就会，啲祖师教我哋呢，预备好多种种嘅食物吖、果品吖，由于呢个缘故咧，就攞啲食物呢，去啲寺院吖、庵堂吖、寺观里便派俾啲出家人呢，做一个供养，啫意思话代表我哋供养咗一啲游行空间禅定嘅圣众，因为游行空间嘅禅定，我哋如果冇神通呢，唔能够同佢沟通，所以我哋为咗表示呢个功德，积累功德响呢一日呢，我哋供养有肉身嘅出家人都系一样啫，同埋我哋亦都可以摆啲食物，好似而家法轮会咁啦，供养游行十方嘅佛菩萨同僧众，就有一个力量超度你七世父母，所以自古相传原习呢，喺今日，都有人攞一啲食物，攞啲用得嘅床敷卧具吔、饮食医药去供养出家人，去积呢个大功德，去修一个孝道，去报答我哋七世父母恩嘅，所以就系咁嘅意思。钵和罗饭就我哋供养出家人自恣嘅饭，因为今日佢哋任，自己批评自己嘅过错，系佛欢喜日，所以你供呢钵饭，由于呢个名称来源，所以叫“钵和罗饭”。

“具清净戒，圣众之道，其德汪洋，其有供养此等自恣僧者，僧者，现世父母、六亲眷属，得出三涂之苦应时解脱，衣食自然；若父母现在者，福乐百年；若七世父母生天，自在化生，入天华光。”呢个唔系读个“华”字，“天花光”。释迦佛话，呢啲，啫响今日嘅圣众，出关嘅圣众呢，佢哋嘅道德，同埋十方游行嘅佛菩萨嘅圣众呢，汪洋，好似汪洋大海一样，如果有人今日能够供养呢啲僧众呢，咁嗰啲人有咩利益呢？呢一句系关乎你切身利益啦，吓，我哋最想知道我哋切身嘅利益，我哋有咩好处呢？如果我哋咁做？如果我哋能够咁做呢，现世嘅父母、六亲嘅眷属都能够离开三途嘅痛苦。假如你一啲亲属过世，佢系唔能够善终或者死于非命，或者得过恶病而死嘅，可能佢，或者你知道佢前生做咗好多杀业，可能佢㓥鱼啦，或者可能佢卖鸡、卖鸭啦，都可能积累咗好多业障，佢哋死咗之后呢，都会堕落三途，就系地狱、饿鬼、旁生，三恶道里便。如果我哋今日能够预备啲饭食去供养啲僧众的话啦，佢哋都能够吖，藉住啲功德力都能够超脱，呢啲我哋嘅眷属离开呢个三途嘅痛苦嘅报应。“应时解脱”，呢个唔系读个“英”字，“应时”，即是话你一，随住你一供养啲食物摆喺度，一念完呢本经，念完呢个报父母恩咒，即时你有呢个心念去供养啲僧众嘅时候呢，即时嘅力量就开始，如果你有堕落去恶道嘅眷属呢，即时能够超升啦，超升去边度呢？后便有讲嘞，如果佢话你现在嘅父母如果未过世呢，佢哋都会继续无病延年，福乐百年，吓，甚至由你今世父母开始数上去七世嘅父母都能够生去天上，你今世父母以上嘅父母啦，啫系你阿爷、阿公吖嗰啲呢，都能够啦，将佢阿嫲、阿婆吖，都能够呢，超脱去天界里便，自然响天界里便化生，进入天嘅花朵里便嘅光明啦，喺天嘅花朵里便，具有光明嘅花朵里便出生吖，“入天华光”吖，呢个就系供养今日供养呢啲圣众嘅功德力，令到我哋得到嘅好处，就系超度我哋七世父母。

“时佛敕十方众僧，皆先为施主家咒愿，愿七世父母行禅定意，然后受食。”响当时佛陀呢，其实响今日教导佢嘅弟子咧，“时”就“当时”佛陀，“敕”呢，就“命令”。佛陀教导佢弟子，命令十方嘅众僧呢，呢啲游行嘅僧众咧，譬如你供养啲僧众，佛陀亦都命令啲僧众应该点样帮助啲施主呢？我哋系施主，施俾僧众，僧众系受施者，我哋系布施者。咁受施者嘅僧众，佛陀教导佢哋点样帮助我哋呢？佢话如果有啲施主布施俾你嘅时候啦，你一定要念啲真言咒语祝愿呢个施主嘅父母能够被超度，同埋加持呢个施主，希望呢啲施主嘅七世父母都能够喺受食之前呢“行禅定意”，“禅定”嘅意思啫系修行，“外不乱为禅，内不乱为定”，啫意思加持啲施主嘅父母都有一个定心，能够令到嗰啲父母解脱。你哋啲僧众加持完佢之后呢，然后你先去接受啲施主嘅食物啦，就咁嘅意思嘞，佛陀教导佢嘅弟子。

“初受食时，先安在佛前，塔寺中佛前，众僧咒愿竟，便自受食。”佛陀话，我哋初初呢，受食嘅时候，啫话佢弟子咧，首先安喺佛前，嗱，我哋将啲食物系咪安晒响佛前啦？安咗佛前呢，系安喺塔吖，或者寺庙嘅前便去，去嘅，供咗佛之后，然后呢，佢嘅弟子，佛陀命令佢嘅弟子念咒，念完咒之后呢，然之后呢，先去接受施主嘅食物，响嗰日。啫佛陀教化佢嘅弟子虽然接受施主嘅布施，但系仍然不忘记修行，就系咁嘅意思。

初，诶，“时目连比丘及大菩萨众皆大欢喜。”当时目犍连尊者呢，听到同埋其他菩萨，听到释迦佛讲完呢个方法之后呢，即时好欢喜。

“目连悲啼泣声释然除灭。”目犍连尊者嘅喊声呢，就不再喊啦，因为佢听到释迦佛呢个咁好嘅方法，教导超度佢嘅父母，佢就唔再喊。

“时目连母即于是日，得脱一劫饿鬼之苦。”哗，好犀利呢个功德力，目连尊者嘅妈妈呢，响嗰一日，目连尊者当然照释迦牟尼佛嘅方法去供养其他嘅僧众啦，佢妈妈啦，脱离咗一劫咁长嘅饿鬼嘅苦报，吓。

“目连复白佛言：‘弟子所生母，得蒙三宝功德之力，众僧威神之力故。若未来世，一切佛弟子，亦应奉盂兰盆，救渡现在父母，乃至七世父母，可为尔不？’”嗱，呢个唔系读个“不”字，读个“否”字，有时读“不”，有时读“否”。但摆喺最后嗰度啦，一个问号，啫quesstion mark，可唔可以咁做呢？“可为尔不”，如果系嗰个疑问嘅语气呢，系佛经里便要读个“否”字，其他情况呢，“不”摆喺中间嘅时候通常就“不”嘅。譬如你睇《金刚经》有啲时间读“不”，有啲时间读“否”，但摆最后便呢，亦都系读“否”。因为古代嚟讲个“否”字啦，系冇下面个“口”嘅，同个“不”字相通嘅，所以呢，可以，呢个字呢会读个“否”字。

释迦，目连尊者呢，的确系一个菩萨嚟嘅，虽然佢外便现一个比丘好似小乘嘅相，但系其实佢有个菩萨心，佢自己得到利益，于是佢再请问释迦佛。佢话：“佛陀吖，如果将来末世嘅时候。”未来世啫将来，而家到我哋呢，呢个空间嘅弟子，“一切嘅佛弟子呢，应唔应该做呢个盂兰盆去救渡佢七世嘅个父母呢？我哋应唔应该仰仗啲僧人嘅威神之力去救渡我哋嘅父母呢？”其实唔使问都知道系应该啦！我哋如果信咗佛之后，但系有啲人呢，后世嘅人呢，释迦佛为咗我哋能够依奉呢，佢嘅道路去走，依奉个真理去走，所以必须目犍连尊者问呢个问题，后来再记载呢，有呢个经文存在。如果执著呢本经文嘅人，释迦佛教目犍连尊者供养，“佢冇叫我去供养㖞！”吓！咁所以呢个经文讲清楚，我哋佛弟子呢，应该去要做呢啲嘢，目犍连尊者就代我哋向释迦佛问咗呢个问题。我哋可唔可以咁样做呢？“可为尔不？”

“佛言：‘大善快哉！我正欲说，汝今复问。’”释迦佛话，“真系好啦，目犍连，太过好啦，我啱啱想讲，我未讲呢，你已经问咗我啦。”

“善男子，若比丘、比丘尼……”（注：接下文）

201.《佛说盂兰盆经》解说（二）

（注：接上文）

释迦佛话：“真系好啦，目犍连，太过好啦，我啱啱想讲，我未讲呢，你已经问咗我啦。”

“善男子！若比丘比丘尼、国王太子、大臣宰相、三公百官、万民庶人，行慈孝者，皆应先为所生现在父母、过去七世父母，于七月十五日，佛欢喜日，僧自恣日，以百味饭食，安盂兰盆中，施十方自恣僧，愿使现在父母，寿命百年无病、无一切苦恼之患，乃至七世父母离恶鬼苦，生人天中，福乐无极。”

释迦佛跟住答目犍连尊者，佢话凡系修行佛道嘅善男子，有善心肯修行嘅男子，如果系比丘、比丘尼（男嘅出家人、女嘅出家人），国家嘅皇帝啦、太子啦、大臣啦、宰相啦、三公啦（三公就系啲官位啦，太傅吖、太师吖、太保，啫我哋睇粤语长片嗰啲宰相之类呢，好高级嘅官僚、百官），万民庶人，如果佢哋有慈悲心，行慈孝心，应该吔，首先为现在嘅父母同埋过去七世父母，就响今日嘅七月十五日，今日叫做咩日吖？七月十五日，吖，呢度就有写嘞，佛欢喜日、僧自恣日，系咪吖？系呢一日里便啦，所有无论平民百姓、国王，出家嘅、唔出家，佛陀讲到好清楚嘞，应该以百味嘅饭食，就头先所讲嘅百味五果，安喺一个盆之中，盂兰盆就系“救倒悬”嘅盆里便呢，去布施十方自恣嘅僧人，希望使到现在嘅父母吖，借助啲僧人嘅功德力咧，令得现在嘅父母寿命百年无病，离开一切苦恼嘅患难，乃至过去七世嘅父母都能够离开饿鬼嘅苦报，生响人界或者天界里便，得到无穷无尽嘅福乐，就系呢段嘅意思。

因为呢，我哋要知道我哋过去生嘅父母吖、眷属吖，往生，死咗之后往生去边条道路去呢？我哋冇乜方法。但我系提供你一个方法，如果你想知道，有两个方法，第一个方法，你就学似，嗱，你会问嘅，你会问话：“我都唔知我啲父母，会唔会堕落去饿鬼道，咁我需唔需要超度佢呢？”有啲人咁问嘅，但系呢，你叫佢做嘅时候呢，佢就有时都会嫌麻烦嘅——“唉，我都唔，啫譬如话，你话堕落饿鬼道得六分之一机会啫，或者佢升天呢？系咪吖？或者佢做番人呢？”佢又捉你字虱嘅，有时会问下你呢啲嘢，啫佢惊做咗都嘥咗佢啲时间，但系呢，你做咗起码冇坏先。假设，如果，六分之一机会真系中呢？六合彩六分之一机会，中咗呢，真系你过去世嘅父母有机会堕落到饿鬼道，或者畜生或者地狱，你做呢个供养响今日呢，都能够将佢哋超度。咁有啲人会问话：“我点知吖？有冇方法证明吖？吖，点样可以check到我啲父母去投生去边条道路呢？”有几个方法嘅，今晚讲俾你听。

第一个方法呢，就学似目犍连尊者，你勤力啲，修修有天眼通，跟住闭目入个禅定，嗯，睇睇先，哗，去边度咁样，第一个方法嘞，吓。第二个方法呢，就系呢，我哋都读过《地藏经》，就系求地藏菩萨。我哋记唔记得吖？地藏菩萨，如果地藏菩萨讲过，我哋唔知我哋亲眷，“未知魂神在何趣”，系咪吓，记唔记得吖？我哋唔知我哋嘅亲眷嘅元神吖，嘅灵魂吖，转生去边个道路呢，你有个方法就系求地藏菩萨，“七七日中念其名，菩萨当现无边体，示其眷属所生界。”（注：根据CBETA，“七七日中念其名”疑为“三七日中念其名”）系咪吖？有冇咁嘅偈语？记唔记得吖？有咁嘅偈语。所以你七七四十九日以内呢，念诵地藏菩萨嘅名号呢，地藏菩萨响梦中呢，就会现身，满足你嘅心愿，佢话：“喂，哥哥仔，你想知道你妈妈喺边吖？我带你去啦，吓，唔使惊，我系地藏菩萨嚟嘅，唔使担心，吓。”如果地藏菩萨喺梦中咁现身呢，你就唔使担心。咁有冇呢啲例子呢？事实上现代，现代呢，真系有呢啲例子，因为呢，好多年前呢，都唔系好多师兄会做呢啲嘅，但系呢，有几个师兄讲过俾我听呢，就系佢曾经做过呢样嘢，真系知道地藏菩萨喺佢梦中里便现身，带领佢个本身个人，当然唔系个身体飞，飞出张床嗰度啦，带佢个元神离开个身体度，话俾佢听，佢所要知道嘅眷属究竟喺边一条道路里便。天人、阿修罗、畜生、饿鬼、地狱，或者恭喜你，已经去咗西方极乐世界啦，吓。地藏菩萨就会指导，话俾你听。你，所以你可以求，称念“南无大愿地藏王菩萨”个名号，系第二个方法，知道你嘅眷属响边道。咁有啲人话：“呢样嘢咁求，算唔算非分之想呢？知唔知其实冇乜意思。”有啲人就会咁问。唔系嘅，如果你有心报答父母恩，你想知道呢，佛陀就有啲法门呢，去应你嘅机，如果唔系呢，《地藏经》里便呢，就唔会记载有呢啲法门啦。

仲有第三个方法，第三个方法呢，我会呢，响七月三十里便呢，地藏菩萨诞嗰日就会讲地藏菩萨嘅木轮相法。地藏菩萨木轮相法呢，系地藏菩萨教授我哋呢，点样去决定我哋世间上好多问题呢，决定唔到嘅，或者亦都唔知道我哋眷属往生去边一道呢，地藏菩萨木轮相法，呢个方法通过一个类似占卜嘅方法，但系唔系占卜，千祈唔好误会，系地藏菩萨悯怜我哋末法嘅众生，中意占卜，中意求下签吖、求神吖、问卜吖、玩下碟仙吖，你，你想做嗰啲嘢都系想得到个答案啫，系咪吖？譬如我话，今日，听日生意好唔好呢？唔知我同嗰个人接头倾唔倾得成呢？咁你摮摮支签问问嘞，又去，吓，去啲寺庙里便。

咁地藏菩萨嘅愿力呢，非常之广大慈悲，佢知道有一类众生中意占卜，但系你依杖世间嘅术数，睇相占卜呢，得出嚟嘅答案呢，未必系准，因为术数呢，第一样嘢系随著历代古人嘅经验去丰富嘅，唔系一套绝对啱嘅学问。第二，占咗出嚟嘅答案，系凭嗰个人嘅学力嘅见解呢，去将佢解出嚟，如果佢呃你呢，不学无术嗰啲呢，你吖更加有排惊添，嗰答案不特唔啱，仲加使咗好多钱。咁地藏菩萨怜悯末法嘅众生，佢讲咗呢个占察木轮出嚟呢，其中有一部分讲到呢一度呢，就可以占察到我哋嘅眷属，除咗占察我哋今生嘅业障之外呢，亦都可以占察我哋嘅眷属究竟六道里便吖，去投生去边，边个道路，吖，地藏菩萨就一个咁嘅法门，咁你欲知详情后事如何呢，你要睇《如来神掌》七月三十下集嘅大结局啦，地藏菩萨嘅木轮相法。但我唔会好强调教你点占卜，我就会解释个原理俾你听。

咁咧，有三个方法。其实都仲有一个方法嘅，如果你想知，你求你自己有缘嘅佛菩萨，称念佢嘅名啦，佢嘅心咒啦同埋佢嘅经典啦，发愿回向嘅时候希望佢帮解决一件事，帮助啦，都可以达到呢个目的。但头先我讲呢三种方法呢，系专门可以俾你知道，第一种用神通，第二种呢，就系用木轮相法，第三种吖求地藏菩萨，吓，念佢嘅名号，就系咁嘞，有啲人会问嘅，因为。咁如果要照呢个方法呢，七世嘅父母就能够得到福乐无极嘞，生去人或者天界。

“是佛弟子修孝顺者，应念念中，常忆父母，乃至七世父母。年年七月十五日，常以孝慈，忆所生父母，为作盂兰盆，施佛及僧，以报父母……”唔好读“长”（注：音同“详”），“详”字吔，长（注：音同“蒋”）养，“长养慈爱之恩。”

所以佛陀话呢，如果我哋系佛弟子呢，能够呢，孝顺呢，应该我哋时时吔，要记得念念中去忆念我哋嘅父母，因为呢，如果我哋冇我哋父母吖，虽然我哋而家学紧佛啦，但我哋冇我哋父母呢，生我哋嘅肉身呢，我哋点可以学佛吖？我点可以坐喺度可以讲本《盂兰盆经》俾你听？所以父母嘅大恩呢，我哋一定要报吖。但系呢，好遗憾呢样嘢，讲就容易，做就好难，包括我自己在内，都好遗憾呢一样嘢。但系佛陀呢，我话俾你听啦，好强调一样嘢就系，样样嘢，样样法门呢，第一样真系以孝道为先吖。同我哋祖先，老祖宗，或者老人家教我哋呢，万恶就淫为首，百行一定真系孝为先，孝能够感动天地，亦都精诚所至，金石为开。

佛陀呢，讲过好多本孝嘅经，呢本《盂兰盆经》呢，就系一个例子啦，其次就系《佛说父母恩重难报经》啦，仲有啦，就系佛陀啦，我哋好出名呢部经典呢，大家都知道就系《佛说地藏菩萨本愿经》，系释迦牟尼佛个妈妈摩耶夫人呢，生咗释迦牟尼佛七日之后，就死咗嘞，佢嘅元神上生去玉皇大帝嘅忉利天宫三十三天。咁释迦牟尼佛成道之后呢，直程肉身消失咗响印度唔见咗，肉身飞吖上去忉利天宫里便，带埋用神通力带埋啲弟子，上咗去忉利天三个月，讲好多经典，其中一部就系《地藏菩萨本愿经》。咁呢个来源系咪佢妈妈？释迦佛为咗报答佢妈妈摩耶夫人嘅恩惠，就讲《地藏经》。但系，话中有话，《地藏经》里便呢，亦都系讲述光目女同婆罗门女点样报答佢妈妈嘅恩惠，系嘛吖？你大家睇《地藏经》会知道，所以呢，系一部孝经嚟，《地藏经》。 

另外有好多经典虽然唔系专门讲孝吖，但系呢，多少呢，都有带及到呢啲思想。佛陀当时成咗道之后呢，佢爸爸呢，响个皇宫里便即将要死吖，圆寂，但系佛陀呢，讲紧经嘅时候呢，佢嘅神通力已经知道，佢爸爸呢，呼救佢，呼应，叫佛陀，佛陀嘅他心智神通就知道，即时间呢，带埋舍利弗、目犍连呢，呢啲尊者，用神通力，一瞬间，屈伸臂顷呢，就去到佢爸爸皇宫里便呢，去安慰佢爸爸。跟住佢爸爸捉住佛陀只手啦，佛陀就摆响佢心上里便加持佢，同佢讲一啲说话，佢爸爸就同佢讲，同佛陀讲，佢话：“哎！佛陀，而家，以前就系你嘅，我，你就系我个仔，而家你已经成咗道啦，我好开心。你度化咗好多众生，但系而家呢，我亦都要离开你身边啦。”跟住佛陀就对佢开示苦空无常个道理，佢话人有生必有死吔。佢话：“国王，爸爸，你能够听我个法，而家尊重我，你死咗之后呢，一定能够证到个果位，你安心，唔须要挂念。”咁佢爸爸呢，就慢慢闭眼，就圆寂咗。

后来呢，佢爸爸嘅丧礼里便呢，佛陀都亲自呢，身为三界嘅人天导师吔，都帮佢爸爸去做咩呢？抬棺材吔，亲自抬佢爸爸嘅棺材去落葬。佛陀身为三界人天导师，点解佢要咁做呢？就因为佢要佢嘅肉身去示教、显示呢，俾众生睇，话俾大家听，佛教唔系唔注重孝道，唔系出咗家呢，就割爱离亲，舍弃屋企，舍弃家庭，要抛妻弃子去出家修道。佛陀所讲嘅割爱离亲呢，割嘅系欲嘅爱，财色名食睡，欲嘅爱，断嘅亲呢，系自己执著，执著嘅心念，而并唔系舍弃屋企，舍弃家庭。如果我哋佛陀教导，如果唔适合条件，唔适合因缘时节你去出家，如果你结咗婚，未安顿到妻子，或者有儿女嘅，佢哋都靠你养活，你抛弃佢哋出家，根本就无益，佛陀都系禁止。所以割爱离亲，呢一样嘢好多人误会吖，系抛妻弃子、抛弃家庭，以为修道系好可贵。

但系我哋其实，佛陀话俾我哋听，要注重一样嘢，佛法系建立响世间里便嘅，如果你唔能够搞到上和下睦，好似儒家咁，仁义礼智信一样系人间嘅基本法，你做唔到，你去出家呢，佛陀都会闹你，呢啲系佛陀都唔会赞成，所以唔系出家系一定好。所以佛陀话俾我哋听呢，孝道系非常之重要，我哋如果孝道都做唔到呢，人伦嘅大统嘅基本做唔到呢，我哋修行成佛又谈何容易呢？你个口讲到啲佛教嘅教理吔，夸夸其谈，讲到好叻，啫学似我咁，我讲未必识做吖，真系，你唔好笑我。可能呢，讲到夸夸其谈，但系真真正正、踏踏实实，用你身体听佛陀嘅言教去做出嚟呢，又有几多人呢？响我哋末世？所以佛陀好提倡呢个孝道，报答父母恩恵。如果你再深入佛教，睇到好多经文吖，就有讲过呢啲佛陀咧，报亲吖、报孝吖，呢啲种种嘅事迹，所以佛陀话，如果我哋孝顺父母吖，我哋应该年年响今日，我哋都要记得做盂兰盆，呢一个节，去超度我哋七世父母，布施佛、布施僧人，去报答父母长养，养育我哋，令到我哋长大，利益我哋嘅慈爱嘅恩惠。

“若一切佛弟子，应当奉持是法。”佢话如果一切我嘅弟子吔，一定要啦，奉行、去受持呢个盂兰盆节日，呢个法门。

“时目连比丘、四辈弟子，欢喜奉行”嘞，目犍连尊者呢，同埋呢，其他嘅出家、在家嘅四众弟子呢，听到呢本经就好欢喜，依住佛陀嘅说法嘅说教呢，就去奉行，去守持呢一部经。

咁呢本经咧，讲到呢度就讲完嘞，其实咧，佢嘅重心吖，都系教导我哋呢，去报答孝，但系报答孝道呢，其实有好多种嘅。有时我哋呢，冇办法啦，真真正正对住父母，当然佛陀响佛经里便讲啦，第一等孝道你去报答父母呢，就系希望同佢哋讲到佛法，解脱生死啦。如果你系买好多嘢俾佢食嘅，或者买啲衫俾佢著，带佢饮茶，呢啲都系孝道，但呢啲系物质上嘅孝道，真真正正我哋学咗佛啦，希望最，佛陀最希望我哋就能够将啲佛理传播到俾屋企人，特别我哋嘅父母去度化佢。不止个肉身能够享用到你嘅物质，你揾到钱吖，而家你快乐啦，你长大咗啦，你好应该孝顺父母，呢啲系人之常情，唔要求你，都应该咁样做。咁但系进一步嚟，嘅儒家里便嘅孝道系点分呢？我哋中国人受儒家思想熏陶咗三千几年，其实我哋心目中，内心里便做人嘅根本，特别我哋中国人呢，比其他西方人系比较注重礼仪嘅，就算点放肆、点样放荡呢，个内心呢，都有啲受祖，老祖宗嘅熏陶吖，都有啲礼义廉耻嘅观念，呢啲咁嘅思想都好扎根响我哋中国人每一个心灵里便。 

咁儒家嘅孝道呢，其实佢同佛教呢，提倡都系好相同，响人间法里便，譬如儒家所讲嘅仁，“仁义礼智信”啦，同佛教啦，嘅“杀盗淫妄酒”啦，完全系相应嘅。至于儒家嘅孝道又点样描述？系尊敬同埋孝敬父母啦。儒家所讲“大孝尊亲，其次弗辱，其下能养”（个“养”字系读个“样”）。佢话啦，孔子呢，教佢嘅弟子吔，当时吔，响四书五经吖，《论语》吔、《孟子》吔、《大学》《中庸》吖四书里便呢，亦都有提过呢啲道理话，如果一个人呢，古代一个人呢，孝敬父母，第一等嘅孝道呢，“大孝尊亲”，第一等嘅孝道呢，就系唔好逆父母嘅心意，去尊敬父母，佢话乜就乜，去尊敬父母。咁你又会话：“哗，如果佢有啲无理嘅要求，唔通我都要尊敬佢呢？”哎，系古代嘅孝道就系咁嘞，你有冇睇过《二十四孝》吖？王祥卧冰求鲤吔、黄香扇枕温席吖，有冇睇过吖？卧冰求鲤，如果你睇到都话黐线，剥晒衫，瞓喺啲冰天雪地里便，啲结晒冰个条河呢，个爸，个爸爸病㖞，瞓喺度，攞啲肉去引条鱼上嚟㖞，凿开佢。咁如果用我哋现代人嘅观念去睇，咪话嗰个王祥黐线吖？但佢就有呢点孝道，真系引到条鲤鱼上嚟㖞，话说。吓，虽然佢杀生食肉，吓，呢，呢笔唔好提吔，但系都系佢一点孝心啦，去报答父母嘅恩惠。

黄香扇枕温席呢，点样扇枕温席呢？夏天嗰个黄香呢，见到好多蚊嘅，吓。咁呢，系佢爸爸未瞓之前吖，走上个被窦度，剥晒衫，赤肋肋，喂饱晒啲蚊先，啲蚊“瓮瓮”声吖嘛，好紧要啲灰色，嗰啲古代好多草吖嘛，啲山林吖啲屋。咁喂饱晒啲蚊先，吖，等啲蚊饱嘞，然之后先叫佢爸爸妈妈入嚟瞓。哗，如果你用现代角度睇睇呢《二十四孝》，啲愚孝吖，傻仔嚟嘅。而家有蚊帐，有驱蚊机吖、杀虫水吖、蚊香吖，啫另外一个讲法，我哋唔杀得生吖，但系一般人都会用呢个方法，使咩咁蠢呢？但系古代嘅人就用呢啲心意吔，去表达一个孝道，佢系一个细路仔吔，黄香，十几岁吔，都识咁样谂。冷天呢啲床冻吖，啲床褥冻吖，佢吖自己走上去整到佢暖晒先，然之后先俾妈妈去瞓。嗱，中国儒家古代我哋睇下呢啲咁嘅故事吖，都有啲孝道。

譬如又讲下宋朝嘅宰相吖，好出名嘅宰相黄庭坚呢，有冇听过？黄庭坚，同苏东坡同一个时代吖。黄庭坚身为呢，身为呢，宋朝一个大宰相吖，但系咧，佢屋企已经咧，哗，亭台楼阁，已经好多，好多嗰啲仆人吖、奴婢可以应用吖，但系佢当时有个妈妈好老吖，八十几岁吖。佢妈妈，佢唔使人服侍嘅，唔需要啲奴婢服侍，佢一定要亲手服侍佢妈妈，包括呢，倒屎倒尿，倒完仲要将嗰啲咁吖塔呢，洗净吖，自己去冲厕所吖。身为一个宰相吖，你谂下！嗱，呢个故事就讲出咩意思，话俾我哋听呢？就系中国人，儒家思想统治咗我哋心，呢点孝，呢啲就系孝道嚟，我哋应该要注意吔，呢啲仁义礼智信。但系相反，用而家啲思想角度，又话佢哋傻嘞。嗱，我讲呢三个典故，你个心都话，系咪傻㗎？你讲呢啲嘢，吓。但系可能呢，佢嘅行为可能未必系完全正确，你觉得唔科学，但系如果用你，佢哋嘅心呢，呢个心念、呢个行为呢，我哋要值得学习。啫你唔好话黄香去喂蚊呢，而家最多，吓，有蚊嘅时候，吖，整个冷气呢，冇冷气，不过开著个冷气俾个妈妈瞓啦，吓。冷天呢，去大陆咧，平平哋买一张电暖毡啦，开暖佢啦，唔使自己瞓上去啦，嗱，你又可以用呢啲方法去孝敬父母吖。你吔惊蚊，蚊针吖，惊捐血，系咪吖？我哋可以变一变个观念，我哋参加下啲精神，去了解下呢啲嘢。

咁我哋身为一个中国人，我哋要知道呢啲嘢。大孝，第一等嘅孝道就系尊敬父母，唔好令到父母有唔开心。“大孝尊亲，其次弗辱。”第二，再次一级嘅孝道咧，就唔好辱及父母嘅名声。但系呢一点咧，包括我自己在内，都好，好容易犯，我都犯过好多次吖，犯大错。系点解呢？你其实你呢个血肉之躯吔，嘅所得，系得你嘅父母，生身父母。如果你出去做咗啲错事、做咗啲坏事，人哋讲：“哗，你睇下个玮师兄吖，喺卡拉OK㖞，见到佢行出嚟㖞！”吓，或者见到佢跳舞吖，见到佢乜。如果讲一句佢唔好嘅，啲人听到呢，譬如你听到都唔开心，“佢学佛点解会去啲咁嘅地方呢？”咁吖何止如果传到入你父母嘅耳中，如果你父母系挂心啲儿女嘅，系觉得儿女有用嘅，突然间听到有啲唔好嘢嘅，你父母嘅心系几哽吖？几痛心吖！如果父母听到外人讲佢儿女一句唔好吖，犹如讲佢自己唔好一样，如果父母听到外人赞佢儿女一句，佢就好心甜。“吖，真系有家教，你个仔几听话，又读书，吓，又乖，考试成绩又好，吓，暑期仲做暑期工，攞啲零用钱呢，去敬奉个爸爸妈妈。”吓，几开心呢！所以呢第二等嘅孝道，唔好辱及父母嘅名声，但系我哋呢，而家好多人都犯咗，系咪吖？你谂下，好多人都犯咗，辱及父母嘅名声，好容易做错事。

至于第三等孝道系咩呢？儒家所讲嘅第三等孝道就系我哋今日以为我哋已经报答晒父母嘅恩惠㗎喇已经，个个月交足粮，粮饷吖，个个月俾足家用吖，孝敬佢吔。但“其下能养”，最下等嘅孝道系养父母咋，吖，就系咁啦，儒家嘅思想，所以我哋唔好以为个个月揾完钱，我好辛苦吖！大汗搭细汗㗎，爬高吖、爬低吖、运货吖，酒店吖、挨通宵吖，诸如此类吖，吓，揾到好多钱去孝敬父母，呢一点系最下等嘅孝道。供给佢衣食系最下等嘅孝道，就算儒家角度。第一等系尊敬父母，第二等唔好辱及佢名声，第三等先系养佢咋，所以我哋以为我哋孝敬过父母，摆到我哋最高，今晚唔该你摆番最低嘞，摆番第三级嘞，真系。将第一跌到第三，依个就系儒家思想。儒家都尚且咁，何况佛陀吖？你谂下，佛陀系宇宙间嘅觉者，呢啲问题佢完全知道晒，但系佛教嘅世间法，嘅人天善法，做好一个人，守五戒十善，再高啲就能够升天。如果你连儒家啲咁根本都做不到呢，我话俾你听，你唔可以成佛嘅，真系。你今世做唔到，下一世再做啦，一生一世，所以成佛唔系咁简单，脚踏实地，千祈唔好好高骛远。

咁我今晚讲呢个孝道，讲开呢个孝嘅原理呢，就同关，关怀到你成佛呢个问题，系一个基本，系一个楼阁、系一个基础嚟，系起楼嘅基础，如果你系冇对父母尽到心意，就算你唔能够达到咁高嘅条件，好似儒家咁，啫对我哋今日嚟讲好高吖。譬如以前古代啦，嗰啲父母死咗，啲近亲呢，啲仔女呢，响个墓旁搭间茅屋呢，守孝三年㗎。哗！而家有冇咁憨居吖？守到三年唔做嘢，又冇收入，个老婆同个仔喺度饿，有冇咁吖？肯定冇，但系古代一定有，好多会咁做，就系一种孝道，一种慎终追远，我哋中国人就有啲咁嘅思想。咁所以呢，我哋学佛之余呢，我哋一定要知道呢啲嘢，呢啲你唔好话唔系佛法嚟嘅，呢啲系佛法，我今日好强调呢啲系佛法嚟嘅，有啲人觉得呢啲唔系，但系佛陀系好强调呢个思想孝道，因为太多人话佛教唔注重孝道，所以我尽量喺经书里便讲一啲资料俾你哋听，尽我嘅能力，希望串通所有嘅嘢话俾你听，佛陀系好讲孝道，唔系佛陀响佛经里便唔须要讲咁多孝经，所以佛教嘅伟大之处系统括晒其他所有嘅宗教，过之而无不及，我可以咁讲。

咁所以大家听到之后呢，就要注意呢个孝道嘅问题，系非常之重要。咁至于个准则，你自己点样做咧，就睇呢自己，因为各人嘅家庭呢，环境系唔同嘅。譬如话佛教所讲第一等嘅孝道系教你教导父母念佛、诵经、持咒，希望佢发愿往生极乐世界，解脱生死，但系往往，我哋呢，人生不如意事常八九，好多人都冇办法度化父母，父母呢，就系唔会信佛嘅，太多太多，系咪吖？各位师兄，包括我在内，吓。咁所以呢，依个系一个矛盾嚟嘅，但系，你点响矛盾之中呢，揾出个融和呢，呢个就系你嘅智慧，你喺佛经里便揾方法。我提供你啲方法，呢啲，提供，提供个原则俾你，你由呢个大原则，孝道里便，你自己就要变通，每个人嘅家庭唔同，我唔可以讲晒所有嘅方法俾你听。咁你教唔到佢念佛呢，或者你可以退而求其次，夜晚诵经回向俾佢，希望佢唔好造咁多业，咁佢已经帮助到佢啦，就算佢唔信佛，下世都好啲啦，最好你能够教到念佛。再退而求其次，如果你系觉得自己，听完我今晚所讲，你觉得自己，哎吔，孝道都未尽嘅，都冇乜关心父母，咁你得闲咪买多啲嘢俾佢食啰，系咪？如果佢哋唔信佛，都系一种孝道嚟。

咁至于点做、个能力个程度做到几多，就睇你哋自己，呢个准则、呢个方便系自己去应用，唔能够用一条规律去教晒全部人，因为各个家庭嘅背景好复杂，尤、尤其是今日嘅社会呢，好多家庭根本个背景啦，啲细路哥呢，得唔到父母温暖，有啲根本就系离咗婚嘅父母，有啲甚至就系父母虽然唔存在，犹如唔存在，因为呢，啲物质俾个细路仔太多，父母一系走咗去为咗生意啦，啫供给啲钱俾个细路仔享用，享受个物质，所以啲父母根本冇关心到仔女吖。近亲疏离咗啦，我哋呢一代，所以个个人嘅家庭背景唔同，唔可以用一条法则嘅方法去话俾你听，点样谓之系一个孝道，呢个系你自己点样学咗佛之后，响人生社会里便应用去掌握经验，呢啲就系佛法，佛法唔系离开世间。如果你一个唔尽孝嘅人，我都讲咗你唔能够成佛，佛法嘅法门就喺世间里便，如果你学咗佛，你个烦恼解决唔到嘅，呢个唔系佛法嚟嘅，佛陀发现宇宙人生嘅道理，系教你解决人生嘅种种问题同埋痛苦，每一样嘢响佛经里便都能够揾到一个答案。但系，呢个答案系一个准则，系一个根本嘅路线，犹如起楼嘅框架一样，起完个架之后呢，外墙你中意点砌点批荡，就悉随尊便，系个个人嘅喜好不同，但系你响佛经里便都能够揾到呢个骨架，佛陀呢，都对大家呢，有所指示嘅。

九点几开始讲，九点半吓嘛？九点三。

咁呢本经就讲完嘞，希望大家真真正正都能够报父母恩啦，我只可以咁讲，包括我自己在内。因为每年我都讲一讲呢部经，咁，有冇问题吖？对于呢部经，或者其他问题你都可以问我，举手。如果大家要走嘅，可以随便离场，随便。问啦。

（注：呢度应该系有人发问，但音频冇声）

答：供养十方圣众，头先都讲到好明啦，就系如果系唔参加任何嘅法会嘅话，或者有啲人呢，师兄系内向啲嘅，唔中意出街吔，唔中意见到咁多人吖，咁你如果系修佛法呢，响屋企有个佛坛呢，你就可以今日呢，一样学似摆一啲贡品呢，念诵呢个《盂兰盆经》，个心念系希望供养啲出家人去超度你嘅七世父母，就系咁做得。基本上个经文呢，能够念到三次就念三次，唔得就念一次。个报父母恩咒呢，最好能够念到四十九次，更多呢就能够念一百零八次，然之后作报父母恩一个回向咁就得㗎喇。

有冇师兄有问题吖？

（注：呢度应该系有人发问，但音频冇声）

答：如果你屋企冇佛堂呢，就你摆一张台，摆一张香案，有香炉呢，就喺当天供养。因为呢，真正嘅佛呢，其实呢，唔系住于响个佛像里便，佢法身系遍满十方虚空嘅，但只不过你有一个佛坛呢，就能够将你嘅精神集中响一笪地方。我哋都能够睇到一个经文里便讲呢，十方游行嘅僧众，响十方嘅空间里便，唔系一定住于你嘅佛坛里便，所以你冇佛坛呢，喺当天里便摆张台，摆哋𩠌，诚心供养就得㗎喇。

（注：呢度应该系有人发问，但音频冇声）

答：个“盆”呢，只不过一个器皿嚟嘅，唔系一定要攞冲凉吖、洗脚嗰啲盆，啫一个大嘅器皿装住，古代就通常用个盆啦，啲物质唔系咁丰盛啦，就通常用个盆啦。

（注：呢度应该系有人发问，但音频冇声）

答：佢呢个“盆”呢，其实话俾你听呢，就系，佛经响梵文呢，译番过嚟呢，译做我哋中文叫做“盆”啦，啫“盆”吖，“盆”嗰意思呢，其实我哋一谂呢，就好似通常盆呢，洗脚冲凉嗰啲咁大个，其实细细个都系叫“盆”或者“碟”，都可以。

（注：呢度应该系有人发问，但音频冇声）

答：点解叫“盆”呢？因为“盆”响我哋心目中觉得佢系大嘅，个size系大嘅，个容量，因为你要好多百味五果，你装嗰个器皿都唔细㗎喇，所以有，有番“盆”咁上下个大细呢，就啱啦。

（注：呢度应该系有人发问，但音频冇声）

答：得，冇问题，任何形式嘅器皿都冇问题。

（注：呢度应该系有人发问，但音频冇声）

答：系，念，念经呢，一定要念呢个经啦，《盂兰盆经》啦，同埋念呢个后便个报父母恩咒啦，嗯。

（注：呢度应该系有人发问，但音频冇声）

答：回向就系用你个心念去报答七世父母嘅心意啦，七世父母嘅恩啦，然后，啫作呢个回向。

（注：呢度应该系有人发问，但音频冇声）

答：嗱，吖各位师兄静少少吓，唔该，唔系啲师兄听唔到，唔好意思。嗱，呢个咒呢，呢个咒呢，报父母恩咒呢，头先呢，写咗一个“粟”字，因为个“栗”同个“粟”呢好易写错。“栗”呢，“栗”呢，“栗”字系咁啦。“粟”字系个“米”字，粟米吖嘛，呢个“粟”。嗱，你嗰个咒呢，可以咁念㗎，我话俾你听，如果你系讲粤音咧，讲广州话咧，你可以念“南无密栗哆 哆婆曳 娑诃”，“南无密栗哆 哆婆曳 娑诃”。如果梵语呢，你可以咁念诵“Namo amrtodbhave svaha”，可以咁念，“Namo amrto，amrtodbhave svaha”，“Namo amrtodbhave svaha”，如果你喜欢念梵语呢，可以咁念。如果你系唔识念梵语呢，“南无密栗哆 哆婆曳 娑诃”一样，功德完全相等嘅，系冇分别嘅。

（注：呢度应该系有人发问，但音频冇声）

答：吓？咁你念几句补阙真言就系你自己心安理得啦，吓嘛？同时增加咗个功德啦，呢个咒嘅功德啦，吓，念返二十一句补阙真言啦，吓，咁吖心安理得吖。有冇问题？

（注：呢度应该系有人发问，但音频冇声）

答：namo amr，amrto，amr，“[mi]-[li]-[də]”，其实三个音节：“[mi]-[li]-[də]”，amrto，快读，amrto，namo amrto，amrto，dbhave，“[da]-[ba]-[je]”，namo amrtodbhave svaha，svaha。

吖！真犀利，呢个，有佛缘，你个仔嚟吓嘛？呢个。吖，好厉害，好厉害，呢个，呢个好厉害，戴两串珠添，好厉害呢个，呵呵，仲坐喺前座添，哗，呢三个好厉害，呢三个，第日紧要，第日坐呢度讲经吖，知唔知吖？你哋三个，好厉害呢三个。

namo amr，amrto，amrtodbhave svaha，svaha。

202.著论求为百世师（一）

著论求为百世师

“俱舍”全称《阿毗达磨俱舍论》，Abhi Dharma Kosasastra，系佛陀释迦牟尼涅槃之后九百年之间，出生响北印度嘅犍陀罗国首都布路沙城嘅世亲菩萨，或者旧译做“天亲菩萨”，佢所做嘅著作。

“阿毗abhi”系“对”嘅意义，“达磨dharma”系“法”嘅意思，而“俱舍”呢，“kosa”系“藏”嘅意义，所以《阿毗达磨俱舍论》就译为《对法藏论》嘞。“对法”系咩意思呢？“对法”系指对于佛经之中，所讲嘅言教、法加以考察、推论，即系由种种角度讨论佛陀言教嘅态度。

所谓嘅“对法”有两种意义。第一，“对”就系话，“对向”同埋“对观”。第二，“法”呢，系“涅槃”同“四谛”，即系“对向涅槃”“对观四谛”嘅意思嘞。换句话讲就系：由于对观四谛理，得到对向涅槃嘅境地。依一般嘅说法嚟讲呢，能够对观四谛，系冇烦恼嘅“无漏正智”，所以所谓嘅“对法”，毕竟系指“无漏正智”嚟讲，因为转迷开悟必需要“无漏正智”，但系要发起“无漏正智”呢，就一定要对观四谛，可以见到呢个系佛教最大嘅眼目啦。

而“藏”呢，嘅意思又包含“所”“依”两个意义。因为《俱舍论》含摄咗当时能够发“无漏正智”嘅各种论典，例如发智论、六足论、婆沙等等嘅论。“对法”嘅论议喺印度佛陀灭后四百年之间呢，最为发达，不特产生咗好多冠以“阿毗达磨”为开始嘅论书，当时嘅教界亦都被所谓嘅阿毗达磨论师吔，啫系对法师啦，占有好高嘅地位而风靡一时，呢种学风直到世亲菩萨时代就开始被整理、归纳而成为今日嘅《俱舍论》，所以我哋可以见到《阿毗达磨俱舍论》响佛学之中所占嘅地位系好高，如果学佛嘅人冇从俱舍下手就开始研究大乘，咁样非但吖，对于全部教理得唔到头绪同基础，而且更加系冇办法把握“信解行证”嘅程序同入门嘅方法。因为大乘嘅教理系根据小乘而建立嘅，呢部论书本来系为咗改善“有部”中嘅教义而根据《阿含经》同埋律，同埋“有部”其他嘅论典去叙述，期间虽然有啲论难，但系被视为含摄小乘三藏征义同印度一般宗教哲学嘅明论嚟嘅，所以呢本论喺印度又叫做《聪明论》。

跟住落嚟，我哋开始讲下《俱舍论》里便一啲好重要个内容。《俱舍》呢一本论其实最后嘅归结系在于破斥实我论，去显法无漏嘅正智，故此开始我哋要讲下“四谛”同埋“无我”。我哋人生苦恼嘅根源无非在于唔明白宇宙嘅实相、真理，妄执有一个常一嘅主宰，有一个实我，所以就会求我爱自利，去走向排他嘅路径，有咗呢种先入嘅错觉，应运而产生就会有贪、瞋、痴、慢等等念头嘅烦恼，呢种我见嘅堕性，更加可以将人类带入“惑”“业”“苦”呢三条道路使到你无法自拔，永远沉沦响生死苦海。

其实佛教所谓嘅“我”，深入去讲，大体有三种情况，第一种叫做“实我”，第二种叫做“假我”，第三种就系“真我”嘞。所谓嘅“实我”系咩意思呢？就系我哋每个人偏执我哋自己嘅身心一定有一个常、一主宰嘅存在，喺度支配住我哋，或者呢，就离开咗我哋嘅身心，另外吔，有一个主宰驱使我哋产生错觉。如果咁讲，前者嘅“我执”喺佛教术语呢，就叫做“即蕴我”，“即”就“立即”个“即”啦，“蕴”就“五蕴”个“蕴”啦，后者我哋叫做“离蕴我”，“离开”个“离”，亦都系“五蕴”个“蕴”。咁“五蕴”大家都听过好明白，“蕴”嘅意思就系所谓嘅“五蕴”嘞，结合我哋人身同埋心嘅五种要素，如果系简单嘅解释，比如一般人所执著嘅“灵魂”同埋数论派嘅“实我谛”啦、胜论派嘅“实具我”啦，全部都系“实我见”嘅产物嚟嘅。

跟住讲到“假我”嘞，“假我”系咩意思吔？“假我”就系由五蕴和合，啫假嘅和合啦，而现前相续嘅我哋本身嘅身同埋心啦，当然呢个系为咗讲明方便起见，假、假设嘅名称啦，其实并非“实我”嚟嘅，例如系咩呢？经典之中所讲嘅“如是我闻”啦，“我闻如是”等等嘅语句。“真我”就系话呢，指涅槃嘅殊胜功德嘞，“常乐我净”之中嘅“我”嘞，就系“真我”，当然呢个系“大我”，系绝对嘅境界啦。咁佛教由“我”嘅立场，虽然对呢个“三我”吖，头先所讲嘅“三我”都加以去破斥，但系“假我”同“真我”呢，系唔能够否定嘅事实，所以佢排斥嘅对象呢，只系站在“实我”嘅角度去讲嘅啫。

“四圣谛”呢，就系讲明迷悟嘅因果关系，就系我哋众生出离苦界嘅要道，如果离开“四圣谛”，佛教嘅一切亦都归于乌有。响呢个道理里便呢，“苦集二谛”就系迷界嘅因果，属于有漏嘅生死法，而“灭道二谛”呢，就系悟界嘅因果嘞，就属于无漏嘅出生死法。“漏”系咩意思？“漏”系泄漏啦，漏泄嘅意义啦，对于烦恼嘅嚟讲咧，因为烦恼系由众生嘅六根所泄漏，使到留住吔，我哋众生响生死苦海，所以叫做“漏”嘞。咁“四圣谛”，响《婆沙论》吖，第七十七里便讲过，有几种意思吔：实义、真义、如义、不颠倒义、无虚诳义嘞。“谛”呢，就谛观、审察嘅意思，就系见到真实嘅相，肯定嘅见到真实，就系“谛”嘅意思。“苦谛”呢，系指我哋现在嘅境遇同埋我哋执实嘅世界吔，一般嘅人呢，都以为环境嘅适宜，就作为快乐，或者保持心境平和嘅，无苦无乐，以为呢种境界就系安稳，但系由佛嘅智慧嚟睇呢，其实根本都系苦嘅境界，因为呢啲境界并非常住不变，而系时常变化，系无常，不断新陈代谢嘅。比如话吖，举一个例：一个人有生必有死，有壮就必有病，有盛，当然有衰啦，边个都冇办法去避免，所以话人生就系苦，系不如意，快乐亦都不过系苦恼嘅变形啫，我哋睇清楚、谂清楚，就系咁吖其实。如果讲到招感呢种果报，苦嘅原因又系咩嘢呢？就系“惑”嘞，“惑”呢，就系“迷茫”同埋“业”，“业”就系我哋人类嘅语言同埋行动吖。“惑”同“业”都系其实以无明嘅“我见”作为根本而生起，换句话讲，我哋嘅生死流转，同埋世间嘅种种苦恼嘅逼迫、纷乱嘅根本，都系由于“我见”喺度作祟吔，而由于强烈嘅“我想”作为中心，最终呢，就展开咗一切颠倒嘅思想同行为了。咁“我见”呢，就系无明嘅内容之一，所以“我见”由于愚痴而生起无明，就起咗迷惑、起咗烦恼，唔知有情系假相，和合嘅相续体，但系我哋时常固执住自己嘅我见，去做出各式各样嘅行动，啫“行”啦，意思就系“业”啦，造出呢啲业力，呢个就系我哋流转生死、沉沦迷界嘅根本嘞。咁讲到呢度就系话，我哋如果依自己嘅身心喺度不断活动，造出无数嘅业，由于唔同性质嘅业力呢，就招感各式各样嘅生死嘞。我哋如果明白招集苦果嘅原因，就系由于“惑”同埋“业”，咁样呢种自觉就系“集”嘅真谛嘞，意思就系“圣谛”嘞，“灭圣谛”就系解脱生死迷界之后达到嘅极果，极果就系大家时常听嘅“涅槃”啦，“涅”就系“不生”啦，简单解释，“槃”呢，就“不灭”啦，到不生不灭嘅境界。“道圣谛”呢，就系能够达到“灭谛”嘅根本，悟嘅原因，啫“圣道”啦，咁喺里便当然包含咗“正见”“正思”“正语”“正业”“正命”“正念”“正精进”“正定”八种，俗称我哋叫做“八正道”，喺当中其实最紧要嘅呢，就系“正见”，“正见”就系智慧嚟嘅，譬如经中所讲：“假使有世间，正见增上者，虽复百千生吖，终不堕恶道。”呢个喺《杂阿含经》里便讲嘅。大乘嘅重视“般若”，亦都就系呢一个意义嘅强化嚟嘅其实。总之，我哋由于迷嘅因果，明白到流转轮回嘅实相，知道我执嘅迷茫而积极去殷求无我嘅涅槃，慢慢就会趣正涅槃嘅境界，故此我哋可以见到四圣谛嘅教法，真系可以令到我哋挽回人生痛苦、迷茫嘅厄运而能够体观到“我”嘅真理吔。

跟住落嚟咧，我哋讲到，深入去讲佛教对于宇宙万有嘅分类。佛教将宇宙森罗嘅万象，啫系“万有”啦，分为两种，第一系“有为法”，第二系“无为法”，两个名称呢，我哋时常都听过啦。“为”呢，就系“作为”“造作”嘅意思，佢含有生灭变化嘅意义㗎其实。“法”呢，就系所谓嘅“任持自性”“轨生物解”嘞，意思就系话，宇宙嘅原理吔、真理，一切嘅法则、规范吖、法律等等，其实意义呢，系好广大，有“文义法”啦、“意境法”啦、“依归法”三类，但系我哋呢度所指嘅就系“意境法”嘞，所以凡系由心识所认识嘅境界都系“法”，每一个“法”有佢嘅特有嘅圣相去引发我哋吔，作为一定嘅认识。故此呢，所谓嘅“有为法”，啫系指生灭变化无穷嘅现象，“无为法”呢，系指舍离因果、无生灭变化嘅常住法。

“无为法”因为唔摄于“五蕴”，所以呢，就冇积聚嘅意思。为咗“十二处”同埋“十八界”就摄尽咗一切嘅“有为”“无为”嘞。“蕴”“处”“界”嘅三类分科，系基于宗教嘅主观立场去分析，至于客观哲学嘅分析，应该系属于五位七十五法，呢个系唯识学者就讲有八法嘞。“五位”系咩呢？就系“色”“心王”“心所”“不相应”“无为”，五种法。“色法”一共有十一种，即系“五根”“五境”同埋“无表色”啦，简单嚟讲。“心王”呢，就随所依嘅“根”同埋所遇嘅“境”唔同而分开“眼识”“耳识”“鼻识”“舌识”“身识”“意识”等等嘅“识”嘅名称，但系佢嘅本体都系惟一嘅，所以呢，先作为系一种，算系一种嘅啫呢度。“心王”就系“六识”嘅主体啦，我所讲呢“六识”系“意识”个“识”㖞，唔系“颜色”个“色”㖞，“心王”呢，系“六识”嘅主体，喺一切法之中系最为殊胜，而且有主动嘅支配力。“心所”就属于“心王”嘅心理作用嘞，一定呢，同“心识”，我哋“心识”相应先能够开展作用，自己呢，系唔能够自由，所以“心所”其实就系心嘅“附属品”咁解，咁呢，呢度一共有四十六种之多嘅。“唔相应”，啫头先讲嘅“不相应”啦，系由“心识”“心所”同埋“色法”彼此展开作用之后而燃起嘅，比如时间啦、空间啦、数量啦、尺度啦、得失、生灭相、文字相等等都属于呢类嘞，一共有十四种之多。咁我哋纵观以上所讲，“心王”同“心所”就心理学所研究一切心理嘅现象，“识”法同埋“不相应”法呢，就系数学、物理学等等自然科学所研究嘅对象，“无为法”嘅理性系哲学家嘅境界嘞，所以其实佛法真系好科学嘅，讲到呢度觉得，释迦牟尼佛将好多嘢都讲晒出嚟，如果我哋能够用现代科学加以作为一个相比对，我哋可以发现佛法有另外一个好伟大嘅之处。

咁关于“五位”嘅排列顺序呢，我哋可以参考唯识宗里便嘅说法，咁我现在呢，只系简单将“五位七十五法”讲一讲。所谓“五位七十五法”就系“色法”，一共有十一种，何为“色法”十一种吖？就系“眼根”“耳根”“鼻根”“舌根”“身根”“色境”啦、“声境”啦、“香境”啦、“味境”啦、“触境”啦、“无表色”啦。“心法”咧，就有一种，即系头先所讲，心嘅主宰——“心王”，我哋叫做。“心所法”一共有四十六种，四十六种呢，亦都可以分为好多类。首先“大地法”有十类，边十类吖？“受”“想”“思”“触”“欲”“慧”（“智慧”个“慧”）、“念”“作意”“胜解”同埋“三摩地”。“大善地法”有十类：“信”“勤”“舍”“惭”“愧”“无贪”“无瞋”“不害”“轻安”“不放逸”。“大烦恼地法”有六类，“无明”啦、“放逸”啦、“懈怠”啦、“不信”啦、“昏沉”同埋“掉举”。“大不善地法”有两类，就系“无惭”同“无愧”嘞。“小烦恼地法”呢，有十类：“忿”（“忿怒”个“忿”）、“覆”（“覆藏”个“覆”）、“悭”（“悭贪”个“悭”）、“嫉”（啫“嫉妒”个“嫉”）、“恼”“害”“恨”“谄”“诳”“骄”（“谄”系“谄媚”个“谄”啦；“骄”系“骄慢”个“骄”啦）。“不定地法”呢，一共有八类，“恶作”啦，“睡眠”啦，“寻”“伺”“贪”“瞋”“慢”“疑”（“伺”就系“窥伺”个“伺”，啫禅定里便嘅“心识”啦，“有寻有伺”啦，咁吖，新译呢，就叫做“有觉有观”嘅）。不相应法一共呢有十四类：“得”啦、“非得”啦、“众同分”啦、“无想果”啦、“无想定”啦、“灭尽定”啦、“命根”啦、“生”“住”“异”“灭”“名身”“句身”“文身”。咁“无为法”呢，一共有三类，就系“择灭无为”“非择灭无为”同“虚空无为”。咁依度总共夹埋呢，一共呢，所谓头先讲过，“五位”一共有七十五法嘞，呢个《俱舍论》里便所讲嘅。系咪觉得好深吖？大家。其实唔系好深，系基础嚟㗎咋，但系对于我哋嚟讲呢啲名相系太多，好深，但系我哋一定研究佛法要到博大精深嘅境界，要方便众生，要深入先能够到达一种浅出嘅效果，所以我哋应该要俾心机攞啲时间去睇下呢方面嘅道理吔。

咁大小二乘嘅“万法论”，大乘系以心为本，主张万法为识，所以唔准许心外法嘅存在，因此详举咗八个“心王”，五十一种“心所法”，特别系详细于“心王”嘅说明。对于呢个问题，小乘就以“色”为本嘞（呢度我所讲嘅“色”呢，就系物质呢个“色”，“颜色”个“色”），所以就允许心外法嘅存在，自然就详于“色法”嘅说明啦。诸法既然系无常、无我，咁样我哋现在眼前见到嘅一切活动，又系一啲咩嘅现象呢？关于呢个问题，《俱舍论》就有严密嘅立场嘞，佢用严密嘅立场去考察我哋嘅根基，而特别分为“五蕴”“十二处”同埋“十八界”三科去讲嘅，“科”就“品别”嘅意思，啫种类嘅分别啦。

讲到“蕴”“处”“界”呢三科呢，“蕴”界呢，呢个“蕴”观，详细呢，就喺心理上嘅分析上便，可以指引迷于精神作用嘅人。而“处”观呢，“蕴”“处”“界”呢个“处”观呢，就详细响生理嘅分析，可以指引迷于物质界嘅人嘞。而“界”观呢，就详于物理嘅分析，可以指引迷于色、心两种法嘅人。但系又有一类众生系比较利根嘅，好中意省略嘅，所以分类呢，就有较少嘅“蕴”观，而钝根嘅众生呢，佢希望能够详细讲，所以分类呢，就有较多嘅“界”观。中根呢，就啱啱喺中间嘞，所以就有中等嘅“处”观嘞。所以三科系通大小乘嘅分类法，只系法数呢，系唔同嘅啫，吓，“蕴”“处”“界”呢三科都系通大小乘嘅分类嘅。

“五蕴”，讲到“五蕴”呢，“五蕴”，意思就系梵文“skandha”，我哋译做“塞健陀”啦，嘅译名，其实梵语“skandha”，旧嘅译法叫做“阴”，我哋叫“五阴”啦，“众”或者“积聚”嘅意思。“五蕴”就系“色蕴”“受蕴”“想蕴”“行蕴”同“意识”个“识”啦，“识蕴”，五种，吓，大家都识背啦其实。响其中里便呢，除咗“颜色”个“色”，呢个“色蕴”之外，其他四蕴都系属于精神上嘅作用，而“颜色”呢个“色蕴”呢，就系具备咗形式嘅物质。呢个“颜色”个“色”，千祈唔好误会咗同“美色”个“色”系相通，虽然个字系写法一样。咁有啲人话佛教四大皆空，“色即是空”，咁引用咗《心经》个“色”，佢哋有错误嘅观念，就系其实指向“美色”呢个方面，系错嘅，唔啱嘅，呢个解释，其实呢个“色”字系物质、质外嘅意思吔，呢个“颜色”个“色”。咁“色蕴”就系具备形式嘅物质啦，讲番，包括“地”“水”“火”“风”等等“四大”嘅要素，同埋“四大”呢个要素结合嘅“眼”“耳”“鼻”“舌”“身”等等嘅“五根”，而且为咗“五根”对象嘅“色”“声”“香”“味”“触”等等嘅“五境”嘅，系作为对象嘅。“受蕴”系指由我哋嘅“五根”同埋“五境”所起嘅各种感觉同埋情绪啦，而“想蕴”就系综合上便所讲嘅感觉而所起嘅认识啦，“想蕴”系一种认识，你有感觉就有认识、有思想啦。“行蕴”就系唔属于其他四蕴嘅一切嘅心理作用，我哋叫做“行蕴”嘅造作，其实都系“有为法”嚟嘅，头先讲到“有为法”，属于“有为法”所摄。而“识蕴”呢（“意识”个“识”），呢个“识蕴”呢，系指认识之中嘅“眼”“耳”“鼻”“舌”“身”“意”等等嘅六识嘞。

咁我哋嘅世界呢，包括我哋自己在内就系上述“五蕴”嘅假合相啦，但系由于结合唔同嘅种类，啫唔同嘅因果，所以就有各色各样嘅众生，呢个就好似流水或者瀑布一样，系毫无实体嘅存在，啫冇主宰嘅东西啦，但系众生唔知道呢种意思，就执著咗“我见”，就会起种种嘅烦恼、迷惑，造种种嘅恶业，咁呢，就会得到种种嘅苦报，就系轮回嘞。众生因为唔明白“五蕴”由种种因缘结合生，就误认为有一种独立性嘅存在，就“妄执识”，“识”就系“分别心”嘞，其实呢个“意识”个“识”有分别嘅意义，就系“分别心”。咁“妄执识”而生出种种颠倒是非嘅思想，由于呢啲习性做出唔正当嘅各种行为，故此我哋永远就会沉迷响苦界、苦海，如果我哋能够明白呢个道理，自然就能够痛改前非，去出入光明嘅大道啦。因为“五蕴”，头先讲过，唔摄于“无为法”里面，所以佢包含嘅只有七十二种法。“色法”呢，有十一种啦。“受蕴”呢，就有一种啦，呢一种就系“遍大地法”嘅“受心所”，前面讲过。“想蕴”有一种，就系“遍大地法”嘅“想”嘅“心所”嘞，就系“想”，属于遍大地法里便“想”嘅“心所”。“行蕴”一共五十八种㖞，边五十八种呢？就头先讲过咧，除咗“受”“想”两个“心所法”之外嘅“心所法”嘅四十四种，同埋“不相应法”嘅十四种，故此一共有五十八种，就“行蕴”。“色蕴”呢，只系一种嘅啫。

讲到“十二处”嘞。“十二处”，梵语“ayatana”，意思就译作“入”，系“生长门”嘅意思，“生长门”系咩意思呢？“生长门”意思就系“心王”“心所”所依止嘅地方，所原、所在嘅意思，啫系根境相对，发心识嘅作用，所以叫做“生长门”。呢个根境各自呢，有六类，一共有十二处，就系“眼、耳、鼻、舌、身、意”等等嘅“六根”同埋“色、声、香、味、触、法”嘅“六境”，或者我哋叫“六尘”啦。十二处所摄嘅“法”一共有六十四种嘅，就系头先讲过“无表色”同埋四十六“心所”法，以及十四种“唔相应法”、三种“无为法”啦。咁其中“无表色”，虽然系“色法”，但系呢，并非前便“五色”所缘，所攀缘嘅，所以就摄于“意”嘅地方，“意”就“意念”啦，“眼、耳、鼻、舌、身、意”个“意”啦。意思就系“十二处”，“眼根处”就系“色处”啦，“耳根处”系“声处”啦，“鼻根处”就攀缘“香处”啦，“舌根处”攀缘“味处”啦，“身根处”就攀缘“触处”㖞，而“意根处”呢，就系“法处”嘞。“法处”再讲多次，里便包含咗四十六种“心所法”、十四种“不相应法”、一种“无表色”、三种“无为法”，咁吖上面都讲过。

“十八界”，系梵文嘅“dhatu”，“dhatu”嘅意思吔，就系种族、种类，意思系种族、种类。咁喺上面嘅十二处如果加上引发嘅“眼、耳、鼻、舌、身、意”等等嘅六识，所以一共有十八种啦。呢个说法不外就十二处之中呢，“耳根处”嘅详解嚟嘅，系“耳根处”嘅详解。咁十八界呢，总摄有七十五种法，“无为”嘅，全部有七十五种法。

总之三科嘅安立呢，其实讲来讲去，系破斥我哋嘅实我执，分析我哋嘅人嘅真相吖，教我哋唔好偏重物质或者精神。故此我哋可以见到“六识”系主观嘅“心”，“六根”就系所依嘅“根”啦，而“六境”就系所攀缘嘅境界，由呢三科嘅假合，就有一切嘅生活作用，譬如喺里便呢，如果求一个实体嘅存在就不可得，记住，一法不可得，一个实体都唔会存在嘅。

至于深，跟住我哋深入去讲到“色法”嘞，就系“颜色”个“色”，一般人误会作为“美色”嘅解法嘞。“色法”系梵文“rupa”，“rupa”嘅意思等于我哋英文所讲个嘅“form”，就系物质啦。换句话讲，凡系占有空间，而会变坏，有质外嘅东西都系“色法”，咁一共有十一种，就系“五根”“五境”同埋“无表色”。

“五根”系梵文“indriya”嘅译名，系胜用、增上、自在、光显嘅意思，“五根”就系“眼、耳、鼻、舌、身”等等五官嘅机能，比如视觉吖、听觉、嗅觉、味觉、触觉吖就系。“增上”呢，就系能发“识”，能够助识，啫助我哋意识发生了别作用嘅意思。“自在”呢，就系“根”嘅本身嘅能发“识”嘅自在功能嘞。“光显”就系“根”对“境”有见性啦、有光明啦，能见色闻声等等嘅意思。“胜用”嘅解法就系缘取吔，对镜就有殊胜嘅作用嘞。因为“根”能够摄取外境而引起“五色”嘅精神作用，故此叫做“根”，喺呢度又有“扶尘根”同埋“胜义根”两种嘅分别个㖞，咩叫“扶尘根”呢？“扶尘根”就系血肉所成嘅“根”，咁我哋简单白话讲就系所谓器官啦。“扶”就“搀扶”嘅“扶”啦，佢系扶助“胜义根”，啫“扶尘根”扶助“胜义根”。“胜义根”就系我哋五官嘅神经而发识嘅，而发起意识嘅。“胜义根”呢，系内在嘅受纳嘅器官，即系五官嘅神经系啦，系由清静、微妙嘅“四大种”所造成，系我哋肉眼见唔到嘅。但系“五根”之中呢，前两根“眼”“耳”，必需要距离，先能够发识，生理学就叫做“距离感受器”啦，所以叫做呢，“离中支”，“离中支”。后三根就叫做“取至境”，所以叫做“合中支”嘞。

“五境”嘅“境”呢，系梵语“visaya”嘅译名，意思就系“五根”对仗嘅客观境界，系“色、声、香、味、触”等等嘅“五境”嘞。第一“色境”，有两种嘅，即是“显识”同埋“形识”啦，“显识”就系映于我哋“眼根”可以见到嘅“色法”，比如青黄赤白、云烟雾尘、影吖、光吖、明暗等等嘞，“形识”呢，就系有形状嘅“色法”，比如长短、方圆、高下、正吖，不正等等，所以“识境”一共有二十类嘅，边二十类呢？有“显识”同“形识”啦，“显识”再分开“本识”同埋“差别识”，“本识”里便就有“青”“黄”“赤”“白”，而“差别识”呢，“云”“烟”“尘”“雾”“影”“光”“明”“暗”，加埋呢，就有十二类嘞。而“形识”咧，就有“长”“短”“方”“圆”“高”“下”“正”“不正”八类，所以有二十种“色”。“色境”吓，就系咁分嘞。

第二“声境”呢，系由耳根听取嘅景体，一共有八类嘅，耳根听取景体，边八类呢？首先有两大类就系“有执受大种为因”，以有执所受嘅大种为因，而第二种呢，就“无执受嘅大种为因”㖞。咁“有执受嘅大种为因”又分开“有情名”同埋“非有情名”，咩叫“有情名”呢？“有情名”啫有意义嘅语言音声，“非有情名”就系无意义嘅鼓掌音声，呢个摄于“有执受嘅大种为因”呢一类，而“无执受嘅大种为因”又有两类，系“有情名”亦都系“非有情名”，同“有执受大种为因”系一样。咁“无执受”呢一类嘅“有情名”呢，同“有执受大种为因”嘅“有情名”唔同解法㖞。“无执受大种为因”呢个“有情名”呢，就系指譬如话收音机等等所发出嘅声音，我哋可以摄入呢一类；“非有情名”，譬如风雨溪流嘅嘈杂声啦，都可以摄入呢一类。咁我哋讲番嘞，详细去讲，如果“有执受大种为因”呢类嘅“有情名”，意思话系有意义嘅语言声音，亦都可以分开两类嘞，第一“可意声”，第二种“不可意声”。乜嘢叫“可意声”吖？譬如称赞嘅悦耳声音啦，“不可意声”呢，譬如毁骂吖，唔悦耳嘅声音，我哋唔中意听嘅声音就系“有情名”里便嘅“可意声”同埋“不可意声”，而“非有情名”里便嘅意思就系无意义嘅鼓掌声音，头先已经举咗例嘞，吓。“非有情名”亦都分开“可意声”“不可意声”，“可意声”，譬如鼓掌悦耳嘅声音；“不可意声”，譬如跌倒不悦耳嘅声音啦。咁呢，呢个系“有执受大种为因”里便所分嘅“有情名”同埋“非有情名”里便嘅“可意声”同“不可意声”嘅四类，而“无执受大种为因”里便嘅“可意声”同埋“不可意声”嘅分类呢，就系“有情名”……（注：接下文）

203.著论求为百世师（二）

（注：接上文）……就系“有情名”嘅“可意声”同“不可意声”啦。“可意声”，譬如唱片所播出嚟嘅优雅音声啦，“不可意声”呢，例如唱片嘅暴恶音声啦，而“非有情名”呢，嘅“可意声”就系溪水嘅悦耳音声啦，“不可意声”，比如吖火山爆发嘅音声，咁呢两类都系可以摄入“无执受大种为因”，吓。其实“有执受”系咩意思呢？“有执受”意思就系有感觉嘞，所谓“执受”就系“心心所”嘅别名，意思就系话“心心所”能够执持有情身，觉知其他嘅苦乐，所以就叫“执受”，换句话讲啦，能够感觉苦乐就叫做“有执受”，啫“有情”啦，从“有执受”嘅“四大种”所发出嘅声音，意思就系“有执受大种为因声”嘅解释。相反，“无执受”即系由唔感觉苦乐嘅物体，啫系“非情”嘅“四大种”所出嘅声音啦。“有情名”就能够传意义嘅声音，相反呢，就系“非有情名”嘞，啫能够表述意义嘅声音啦，就叫“有情名”，相反唔能够表述就“非有情名”啦，喺呢啲声音之中，能够使到我哋吔，生起快感啦，就可以叫做“可意声”，相反我哋有不快嘅感觉就叫“不可意声”啦。

跟住落嚟，我哋讲到第三嘅“香境”嘞。“香境”呢，就系我哋鼻根嗅取嘅境体，一共有四种，系“好香”“恶香”“等香”同埋“不等香”啦，比如沉香、檀香就系“好香”啦，例如葱吖、韭菜吔等等有臭气嘅菜所发出嚟嘅香味就系“恶香”啦。喺呢度里便，对于身体有益就叫做“等香”，对于身体有害无利叫做“不等香”。但系觉得呢种分类法系唔系太严格，如果严格嚟讲，应该系“好香”之中嘅“等香”“好香”之中嘅“不等香”“恶香”之中嘅“等香”“恶香”之中嘅“不等香”四种，应该咁样分嘅。

第四就系“味境”嘞。“味境”系我哋舌根所尝取嘅境体，一共有六种，就系“苦”“酢”“咸”“辛”“甘”“淡”呢六种。由于，由于众生喜好乐境，所以响呢度亦都有再分为“可意味”“不可意味”“舍味”嘅分别。

至于第五嘅“触境”呢，系“身根”接触所对嘅境啦，一共有十一种嘞，就系“坚”“湿”“暖”“动”“滑”“涩”“重”“轻”“冷”“饥”“渴”，十一种。喺里便最初头嘅四种系代表“地”“水”“火”“风”四大显著性质嘅缘故，所以就叫做“能造触”，能够造作嘅触，其余七种呢，系由于“四大”嘅调和而生，所以叫做“所造触”。至，至于“无表色”，意思系话，喺冇表示、显现嘅色法咁解，谓之“无表色”，系对“五根”“五境”嘅表色嚟讲嘅。“无表色”，系由于善恶嘅行为呢，一举一动、一言一语喺我哋内心里便生起一种招感业果嘅作用，呢种招感业果，业果嘅作用就系“业力”啦，所以善恶嘅表业，表面上嘅业，虽然喺动作之后随时消灭嘞，但系由于呢个原因就会激发出“无表色”嘞，意思就系业力系永远相逐，必然呢，就招感相当嘅果吖，所以又叫做“无表业”嘞。佢嘅本体虽然唔系“极微”所成嘅“色法”，即是唔系“极微”，我哋以下就会讲到乜嘢叫“极微”。本体“无表色”就唔系“极微”所成嘅物质嘅法（色法），但系就由于身语嘅“色业”所发起嘅，所以系依能发嘅“色”去讲，故此亦都系一种“色法”，我哋叫做“摄入色”。

刚才我哋提到一个名相叫“极微”，究竟咩系“极微”呢？呢个名相就涉及到一切物质嘅构造。物质究竟系由咩所造成嘅呢？佛经上就所谓系叫做“极微”，以前旧时嘅译法叫做“邻虚”，“邻居”个“邻”，“虚空”个虚。“极微”系将物质分析得再冇办法可以分嘅物质分子，即系最细微物质构成嘅单位，如果要将“极微”分析嘅话呢，就等于“空”嘞，喺佛学上叫做“析空观”，“分析”个“析”。凡系有咗物质嘅存在，必定就有佢嘅方位啦，就系话无论乜嘢嘢都有一定方位嘅，有“上下”啦、“东西”啦、“南北”嘅六个方向，但系“极微”系将物质分析冇办法再分析落去，已达到极点之后，再将佢分析为六个方位同埋“中央”嘅七份嘅，所以“极微”系唔能够附于“上下”等等嘅方位，所以叫做“无方分”。“极微”系冇变坏，亦都冇质碍，而用我哋凡夫嘅肉眼系见唔到嘅，如果将“极微”能够集成“上下”“东南西北”四个方向同埋“中间”七个嘅时候，呢个名称就叫做“微”嘞，如果“微”积集咗七个就叫做“金尘”，“金尘”嘅七倍叫做“水尘”，点解叫做“水尘”呢？由于佢能够喺水里便通行，呢啲微细嘅物质。“水尘”嘅七倍叫做“兔毛尘”，“兔毛尘”嘅七倍叫做“羊毛尘”，“羊毛尘”嘅七倍叫做“牛毛尘”，七个“牛毛尘”就叫做“隙游尘”，“隙游尘”嘅意思就系响户隙之间所能够见到嘅游尘嘞。如果能够集合八十二万三千五百四十三个“极微”就成就咗“隙游尘”嘞，而七个“隙游尘”呢，就等于一个“虮”，一个“虮”系咩意思呢？呢个“虮”字，“虫”字边，就“几时”个“几”，“虮”呢，就系等于一只微细嘅“虱”，虱嘅卵吖，一只虱嘅卵咁细吔。七“虮”谓之一“虱”，吓，呢个就系“虱”，身上所生嘅“虱”，呢个“虱”嘞，七“虮”谓之一“虱”，七“虱”谓之一“𪍿麦”，“𪍿”呢，系嗰“麦”字边，做个“广大”个“广”，七“虱”谓之一“𪍿麦”，七“麦”谓之一个“指节”，三“指节”就谓之一“指”。咁样次第积集就会成为山河大地一切嘅万物嘞，即是累倍上去重重叠叠，互相积聚，越积聚得多，物件就越大，但系一切物件嘅长吖、短吖、方圆吖嘅差别呢，就系由于起因“极微”积聚嘅状态，啫“极微”慢慢慢慢积集、积集，就会成为一切山河嘅大地。咁讲到呢度，觉得佛学真系好有科学性，喺《俱舍论》里便，其实“极微”系物质分到冇办法再分嘅微细嘅单位——“尘”，我哋平时叫做“尘”，当然系好微细，用肉眼都见唔到啦，飞飞下嗰啲叫做“尘”啦。咁佛经，以前嘅语言用，译番我哋中国古代嘅语，由于啲文字唔系太多，所以佢会用一啲好古嘅字。譬如“𪍿麦”嘅“𪍿”字，你查普通字典系冇办法查得到嘅，要查比较深嘅词典，譬如汉语大字典先能够知道呢个字嘅解释系乜，“𪍿”嘅意思就系“麦”嘅一类嘞，好细嘅“麦”咁解。所以呢，佛经真系好合乎科学性，喺呢度佢亦都有讲到一切物质嘅构造系由冇办法，系由宇宙嘅物质冇办法再能够分嘅最微细嘅单位，开始慢慢慢慢、一粒一粒咁累积，累积，累积，以至于天地间嘅所有一切万物，即是我哋意思就系器世界外间嘅一切事物嘞。七个“极微”就等于一个“微聚”。嗱，我哋再讲下，如果用数学嘅形式我哋表达下比较容易明白：七个“极微”等于一个“微聚”吔；七个“微聚”呢，就等于一个“金尘”，一个“金尘”呢，如果我哋用番“极微”嘅表达啫七乘七，就四十九个“极微”嘞；七个“金尘”等于一个“水尘”，啫系四十九乘七，等于三百四十三个“极微”；七个“水尘”等于一个“兔毛尘”，即系三百四十三再乘七，等于二千四百零一个“极微”；再上就系七个“兔毛尘”等于一个“羊毛尘”嘞，即是二千四百零一乘七，等于一万六千八百零七个“极微”；七个“羊毛尘”等于一个“牛毛尘”，即系一万六千八百零七再乘七，等于十一万七千六百四十九个“极微”嘞。如果再计上去呢，就系七个“牛毛尘”讲到等于一个“隙游尘”，即喺户隙之间能够见到㗎喇，被我哋肉眼所见，就系十一万七千六百四十九再乘七，如果用“极微”嘅表达，条数就等于八十二万三千五百四十三个“极微”嘞。“极微”就有“色”“香”“味”“触”等等四种嘅分别，叫做“四尘”㖞，即系意思话映入我哋人类嘅眼嘅呢，系“色尘”啦、嗅觉喺鼻嘅系“香尘”啦、味觉喺香嘅就系“味尘”啦、肤觉个肌肤嘅感觉喺身嘅就系“触尘”啦，呢四个尘因为各别具有“坚”“湿”“暖”“动”四大性质，所以喺佛学上，我哋一般睇普通嘅佛教书籍，就叫“地”“水”“火”“风”，“四大种”吖，“四大种”，“种类”个“种”吖。“地大”呢，系以“坚性”为体，以“任持”为用嘅，每样事物呢，彼此都有抵抗力，能够互相相持就系“地大”嘅作用嘞。“水大”当然以“湿性”为体啦，以“摄取”为用啦，每样事物能够互相接引、固定，即系“水大”嘅作用嘞。“火大”系以“暖性”为体，以“成熟”为用吖，果麦能够成熟、米能够成饭就系“火大”嘅作用啦，如果唔用火点能够煮饭呢？以前用火，而家用电，电都系“火大”嘅功能发挥嘅一种啫。“风大”系以“动性”为体，以“增性”为用，每一样事物能够运动、能够生长就系“风大”嘅作用。

讲番“大种”呢，就系“遍依”嘅意思，“普遍”嘅“遍”，“依靠”嘅“依”。喺，诶，《地藏经》，我哋初头嚟，开，开始《地藏经》我哋咪念过，诶，没，有啲《地藏经》嘅前面加咗，喺《大方广佛华严经》里便，觉林菩萨嘅偈嘅，觉林菩萨偈里便有讲过：“大种中无色，色中无大种，亦不离大种，而有色可得。”欸，就系呢啲原理嘅嚟啦，讲到呢度，就系《华严经》中所讲嘅原理嘅“大种”。“大种”系“遍依”嘅意思，“大”就系“遍”嘅意思，“种”就系“依”嘅意义，就系话呢，佢遍依一切万物嘅，“大种”系遍一切万物，不但佢势力强大，即系每一个“极微”吔，都无法脱离“四大”，而且呢，系依呢“四种”呢，为“依”先能够嘅，所以叫做“大种”咁解嘞。而呢“四大种”呢，又分开有假嘅“四大”同埋实嘅“四大”嘅分别，假嘅意思就系非真实啦，即系虚妄，亦都非空非无嘅，假设唔确定嘅意思就谓之“假”啦。“假四大”系依“实四大”所成，意思就系话，我哋通常所见到嘅“地”“水”“火”“风”吖，“实四大”呢，就系我哋肉眼见唔到微细嘅东西，不过因为佢嘅作用系要用个假嘅“四大”去表达出嚟，所以强名为“地”“水”“火”“风”。然而呢，呢“四大种”系以同一个分量集合啦，定系有其他原因去集合呢？就系一个问题嘞，因为“四大”系有所偏增，喺量上便亦都有所增减嘅，物体系有种种唔同嘅性质就系起因于呢“四大”嘅量唔同嘞。我哋举例啦，譬如物体有湿滑嘅性质，滑性呢，就系“水大”嘅偏增，温暖性就系“火大”嘅偏增啦，动性就系“风大”嘅偏增，坚性呢，就系“地大”嘅偏增，咁响其中譬如喺“地”“水”两大偏增嘅时候物质就会重嘞，“火”“风”二大偏增就会变成轻嘞，而“水”“风”两大偏增呢，就会变成冷啦。但系无论任何物体，绝对系冇由“一大”或者“二大”所成，都系必须要具备“四大”先能够形成，呢一点我哋要特别注意嘅。不但“四大”系咁吖，即是“四尘”亦都系一样，所以凡系物体嘅存在，必须都系由“四大”“四尘”去合成，呢种道理叫做“八事俱生，随一不减”嘅道理。

跟住落嚟，我哋讲到《俱舍论》里便所讲嘅“心王”嘞。“心王”呢，好重要，就系我哋心嘅主体，但系“心王”只能够缘取总相，系冇办法缘取别相吖。点解呢？举一个例吔，譬如外面有个人，“心王”嘅作用只能够缘取呢个人嘅相貌总体，但系冇办法好精细缘取呢个人嘅姿态美丑同埋呢个人佢所起嘅好恶等等嘅念头。按照普通嚟讲呢，“心王”一共有三种唔同嘅名称，即系我哋平时成日讲嘅“心”啦、“意”啦，同埋“识”。“识”呢，就系“意识”个“识”，唔系“颜色”个“色”。“心”呢，系梵文呢，“质多citta”嘅译文嚟嘅，系“集起”嘅意思。咩嘢系“集起”呢？就系一切“心所”同埋能够引起三业所作嘅心作用。而“意”呢，就系梵文“末那manas”嘅译名，系思量嘅意思，或者依止嘅意思，能够思虑、量度所缘境界嘅作用，意义就系咁嘞，或者系其他“心”“心所”嘅依止，令到佢生起后念嘅刹那，呢个意思呢，就系，就系呢个，诶，“末那”嘅意思。“识”呢，“意识”个“识”，系梵语“vijnana”嘅译名嚟㗎，系“了别”嘅意思，能够明了、了别景象嘅功能，意思就系“了别”。所以《俱舍论》讲来讲去就系“六识”嘅论，所以唔系好似唯识所讲，唯识学唔同㖞，唯识学所讲“心”系指第八识阿赖耶识，而“意”呢，“意念”个“意”系指我哋第七识末那识，而呢个“识”，头先我哋讲讲呢，讲呢个“意识”呢个“识”系指前“六识”嘅讲法，所以“识”就系能够缘外境嘅“心”嘅唔同嘅名称嘅称呼，就系所谓“心识”或者“意识”。“六识”就系“眼识”“耳识”“鼻识”啦，“舌识”“身识”“意识”啦。“眼识”就系以“眼根”为所依，了别“识境”嘅心识；“耳识”系依“耳根”了别声，“声境”嘅心识；“鼻识”呢，就依我哋“鼻根”了别“香境”嘅心识；“舌识”系依“舌根”了别“味境”嘅心识；“身识”呢，系依“身根”了别“触境”嘅心识，啫所接触嘅境界啦；“意识”系依“意根”了别“法境”嘅心识。六，“六识”呢，都系由于“依根”而得名，所以叫做“眼识”“耳识”“鼻识”等等啦，如果由所缘嘅境去取名的话呢，咁就应该叫做“色识”啦、“声识”啦，等等嘞。咁响其中前“五识”因为依“五根”去了别“五境”，所以佢嘅范围多少都有唔同，但系第六意识系依广缘嘅“境”，所以具足一切“心所法”。而喺“六识”之中，“意识”又作为主体而有强烈嘅作用，譬如我哋嘅做善做恶完全系“意识”嘅作祟嚟嘅。虽然“意识”所缘嘅境界叫做“法境”吖，但系如果将佢配喺五位嘅时候就唔同嘞，因为呢个时候系针对“五识”嚟讲，所以必须将佢除外，将其余嘅“无表识”吖、“心王”“心所”“不相应行”“无为”等等嘅诸法就叫做“法境”嘞。喺呢度我哋要特别注意就系话呢，即使系“意识”，因为“意识”唔系好似前“五识”只系以“识根”为所依，而系以前面嘅“意识”为所依嘅，就系话佢系响“现前”包括“过去”同“未来”嘅刹那生灭，啫系“法尘”嘅影像之间发生作用。因为“心法”唔准许有两个并起，必须呢，等待前念消灭咗之后，后念先能够生起，故此前念系后念嘅所依而叫做“意根”嘞，喺法相里便又叫做“末那”，换句话讲“意根”就系前念嘅“六识”，如果再加上现在嘅“六识”呢，就叫做“七心界”。“心王”嘅了别作用有三种殊胜㖞，第一即系“自性分别”，第二即系“计度分别”，第三即系“随念分别”。“自性分别”就系唔加任何嘅比量、猜想，自然能够识别外境嘅意思，呢个系对于现前嘅直觉嚟讲嘅。而“计度分别”就涉及“过去”“未来”吔、“现在”三世而推量种种分别嘅作用。“随念分别”呢，就系回忆过去嘅种种事情而加以考察嘅作用。咁喺“六识”之中，前“五识”只有自性嘅分别，系冇善恶好乐嘅知觉，而第六意识先具有三种分别，能够观察事物嘅历程同知觉、作业，了别一切万有嘅。

跟住我哋讲完“心王”，就到“心所”嘞。“心所”就系心理作用嘅现象，另一个名称叫做“心数”，意思就系话心所有法，就系梵语“caitasikas”嘅译名嚟嘅，系随“心王”而起嘅作用，心理嘅作用，谓之“心所”，系心嘅附属品，心之所属，谓之“心所”。因为佢唔能够离开“心王”去单独行动，必须依附“心王”，将“心王”缘取嘅“法境”吖，去加以微细嘅辨别，所以叫做“相应法”。“相应”有五种嘅意思，第一系“所依平等”，就系话“心所”同“心王”依一样嘅“根”，譬如话“心王”系依“眼根”，“心所”亦都必须依“眼根”。第二系“所缘平等”，咩“所缘平等”呢？就系对于所缘嘅“境”去讲，意思，意思就系话呢，如果“心王”系缘“色境”，“心所”亦都必须要缘“色境”。第三就系“行相平等”，意思话下，意思系话呢，“心所”必须同“心王”系同样嘅“相”吖，啫感觉。第四系“时间平等”，就系话“心所”现起嘅作用必须同“心王”系同时，并非唔同时间能够单独去自在。第五系“体事平等”，“事”就系“体”嘅意思啦，就系话“心王”同“心所”虽然“体”唔同，但系佢哋有密切嘅关系，唔能够同时并起两个同类嘅“心”同埋“心所”嘅。以上五种就叫做“心王”“心所”嘅五义平等嘅相应法嘞，喺《俱舍论》里便。“心所法”就一共有六类四十六种，而同“心王”唔同，可以精细咁呢，缘取其他别相，啫小部分啦，所以能够起好恶等等嘅感情，分为六类嘅标准系根据道德嘅观念而嚟。因为佛教中普通一切事物不止分为“善”“恶”两种性，仲有所谓嘅“无记性”，系一种不善不恶嘅中庸性，喺中间嘅。根据《俱舍论》话呢，“善”系能够称赞嘅清净之物，“恶”呢，就可以毁废嘅污秽之物，而“非善非恶”即系“无记”嘞，由于呢个理由，招感乐果就叫做“善”，招感苦果叫做“恶”，都系冇力量招感“善”“恶”呢，就叫“无记”嘞。“无记”仲有个㖞，有“覆”同埋“无覆”嘅两种咧，啫“有覆”同“无覆”两种分别，“有覆无记”系虽然冇力量招感苦果嘅力用，但系佢嘅性质系属于污染，能够障覆圣道无漏智嘅发生，比如“我见”等等嘅，嘅唔正确嘅见解啦。而“无覆无记”呢，系既无招感苦果嘅力用，亦都唔会障覆圣道无漏智嘅发生，比如游戏心啦，等等啦。喺六类之中“大地法”普遍“善”“恶”“无记”三性，头先讲过“大地法”啦，而“大善地法”呢，只系遍于“善”性，而“大烦恼地法”系只系遍于污染性，啫染污性啦，“大不善地法”呢，只系遍于“恶”性，而“小烦恼地法”只系遍于染污性，而“不定地法”呢，系冇办法去决定性别嘅。 

咁喺呢一度，我哋只系抽出“大地法”去讲一讲，因为比较大家容易理解同埋接受。何谓“大地法”呢？“大”系“遍义”，“地”呢，系指“心所”嘅所行之处，啫“心王”嚟讲啦，就系话遍常响“心王”同“心所”嘅法，一共有十种。第一就系“受”，“受”就系“领纳”嘅意思，就系心理学上面所讲嘅感情嘅领纳，系靠外境嘅美满点样而定佢苦乐嘅，比如喺我哋内心生起一种顺违嘅苦乐，或者非苦非乐嘅感受变化，即系叫做呢，“苦”“乐”“舍”三受，或者由我哋身心嘅感受分为五受、两种受等等。第二种呢，就系“想”嘞，“想”就系取像嘅意思，呢个喺接触某一种境界之后，对某种境界所加嘅度量。如果我哋喺某一种境界，心里首先有一个安排，啫有个概念啦，咁样就知道人世间一切事物吖、名称吖、语言都不过系心，呢一个心理上嘅创设嘅啫，呢个就系“想”嘞。第三，第三种系“思”，“思”系造作嘅意思，即喺“想”上便所起嘅活动，故此“思”就系发动我哋“身”“口”“意”三业嘅主因㖞，我哋一切嘅“心”“心所”嘅动作行为，都系要受呢个“思心所”推动，所以“思心所”就系行为嘅根本嚟嘅。第四系“触”嘞，“触”就系“接触”嘅意思，就系话两个以上嘅物体互相接触就会发生变化，意思就系话，“根”“境”“识”和合嘅时候所起嘅“心所”，所以一切嘅“心”“心所法”嘅生起都系要靠呢个“触心”嘅作用嘞，“触心所”嘅作用。比如外境系“花”，透过“眼根”即系产生“花”嘅认识啦，但系呢种认识唔能够离开“根”同“境”嘅组合，所以佢必须三法和合，可以见到“触”就系一种引申感受嘅原因，即感觉、受嘅原因。第五种系“欲”，“欲”就系欲望嘅意思，啫系我哋希求嘅“心所”啦，就系话对于喜欢嘅事物有所希望同埋殷求。喺呢度呢，有善有恶，“善”就系善，善法啦，可以发，发出我哋菩提心，希望成佛同度众生，“恶”呢，就可以杀、盗、淫，堕三恶道。第六种呢，就系“慧”嘞，“慧”系“智慧”个“慧”，“慧”就“拣择”嘅意思嘞，“拣择”呢，就有“拣别”“抉择”“推求”三种意义，呢个系对于所缘嘅法拣择正邪、善恶嘅心所对嘅。第七就系“念”，“念”就系铭记不忘嘞，就系过去曾经接触过嘅境界喺我哋个脑里便有好清楚嘅印象而唔忘记嘅“心所”。第八系“作意”，“作意”就系警觉嘅意思，就系接触某种境界时候，使到我哋个心生起注意，怀有警觉。第九系“胜解”，“胜解”就系最殊胜、唔怀疑嘅了解或者认识，系心理上对于某种见解能够坚定，唔被人转变嘅决定。第十呢，就系“三摩地”，“三摩地”系梵文啦“samadhi”嘅音译呢，系“等持”嘅意思，意思就系令到精神集中专注响一境而唔移动我哋嘅“心所”，系“定”嘅另外一个名称嘞。

第二种，我哋讲到“大善地法”，“大善地法”就系只有善性嘅“心所”，因为遍于一切善心所以叫做“大”，“善”就系对于今世、他世都有利益嘅法，一共又有十种。第一系“信”，“信”就系引许、澄净嘅意思，啫系信仰三宝吖、四谛、善恶、因果而毫无犹疑。“信”嘅自体系清净无杂念、无污染，系心理嘅皈趣同埋热情嘅力量，如果一个人有咗有信心，心里就能够安定啦，亦能够清净发出一种力量。比如经论中所讲“信为道元功德母”或者“佛法大海，信为能入”，就系强调呢一种嘅重要性。第二种嘅“大善地法”名之为“不放逸”，“不放逸”就系专修善法，唔放荡嘅“心所”，系修善嘅意思，即系“精进”同埋“无贪”三根嘅总和合体。第三种系“轻安”，“轻安”系安乐嘅“心所”，但系呢种心理系必要修定嘅时候先能够产生，所以轻安嘅人可以话系已经入咗修定嘅门径，故此修定可以断烦恼得解脱，所以系属于善法嘅。第四种系“舍”，“舍”就系令到我哋嘅心平等，唔被外境所动嘅“心所”就系唔须要加一点功用，心理自然能够安住寂静嘅平常心，有咗呢种心然后修止观呢，就能够真正咁起作用。第五种系“惭”，“惭”就系惭耻啦，系反省自己嘅自觉能力，系感觉惭愧同埋羞耻嘅“心所”，呢个同“愧”嘅意义系有小小唔同。第六种就系“愧”嘞，“愧”就系抱愧，系依社会嘅批评力量感觉对唔住人嘅羞耻，同“惭”系有共同嘅作用，因为“惭”系主要对自己，而“愧”呢，系主要对他人嘅。第七种系“无贪”，“无贪”呢，“无贪”嘅意思就系对于世间法之中无论边一方面都系冇贪著、贪求嘅“心所”。第八系“无瞋”，就系对痛苦嘅来源能够了解忍受，对一切环境嘅恶劣都能够唔怨天尤人，唔动我哋嘅瞋恨嘅“心所”。第，第九呢，就系“不害”嘞，“不害”就系能够拔除他人嘅苦恼，唔使到其他人喺精神上、生活上、身体上感受痛苦嘅“心所”嚟嘅。第十就系“勤”，“勤”就系向上进取嘅一种“心所”，即系话对善法要修学、对恶法要断除，做事要用功，毫不懈怠嘅精进心嘞。

第三种我哋讲到“大烦恼地法”，“大烦恼地法”就系遍通响一切嘅污染心，污染心就系“不善心”同埋“有覆无记心”啦，嘅“心所”啦，因为佢系烦恼嘅根本，所以叫做“大烦恼地法”，一共有六种。第一系“痴”，“痴”亦都叫“无明”，系对一切嘅真理去颠倒妄想嘅“心所”，系轮回嘅根，轮回嘅根源嚟嘅。第二系“放逸”，唔修善法、唔怕恶法嘅放荡纵逸嘅“心所”。第三系“懈怠”，就系“精进”嘅反面，对于善嘅方面唔肯努力修学，对于恶嘅方面亦都唔肯努力去除嘅“心所”嚟嘅。第四系“不信”，“不信”就系“信”嘅反义，啫唔信真理、唔信三宝，更加唔信善恶因果嘅一种“心所”。第五系“昏沉”，昏迷沉醉嘅“心所”，因为昏沉就提唔起精神，成为一种呢，萎靡不振吖、颓萎嘅状态，所以就唔能够修观啦。第六系“吊举”，“吊举”系令到个心高举，轻躁浮动嘅妄想心而吊举，就系“昏沉”嘅相反啦，嘅反面啦。

第四我哋讲到“不善地法”，“不善地法”喺依一切不善心而起嘅“心所”，系“无惭”同埋“无愧”两种。第一“无惭”，啫俗语所谓嘅无羞耻嘅“心所”啦，系“惭耻”嘅反面。第二“无愧”，就俗语所讲无廉耻嘅“心所”嘞。

第五呢，我哋讲到“小烦恼地法”，“小烦恼地法”虽然同“恶”“有覆无记”嘅“心王”相应，但系呢度呢，只系指同第六意识相应嘅“无明”，啫系依“大烦恼地法”“心所”嘞，所以就叫做“小烦恼”，一共又有十种。第一种系“愤”，“愤”系对自己当前唔如意嘅境界所发出一种愤慨嘅心理，如果动咗火就可以执物打人、张口骂人。第二种系“覆”，“覆”就系覆盖嘅意思，即系对自己所作嘅罪恶遮盖唔俾其他人知道嘅“心所”。第三系“悭”，“悭”就系悭吝、吝惜，唔肯施惠啦。第四种就系“嫉”，“嫉”就系嫉妒，啫见到其他人所做好事同埋利益，喺自己内心唔能够忍耐而生出妒忌心嘅“心所”。第五就系“恼”嘞，“恼”就系恼怒，啫系唔听其他人嘅谏诲，自己喺苦恼嘅“心所”。第六系“害”，对于人类嘅损恼心嘞，意思就系话，时常呢，用种种方法去逼恼其他人嘅“心所”。第七系“恨”，“恨”系喺“愤”之后所发出嘅内心结怨嚟嘅。第八系“谄”，“谄”就系谄曲，啫口是心非嘅人，有呢个心理嘅人一定献媚响其他人以博取其他人嘅好感。第九系“诳”嘞，“言”字边做个“狂”嘞，唔好读个“狂”，“诳”就系㤭诳，就系冇真实嘅“心所”嘞。“㤭”呢，就系树心边做个“乔”字呢，“㤭”，“㤭”就系骄傲，对于自己嘅资财、地位等等而生起骄傲嘅“心所”嘞。

由于时间嘅关系，以上我哋所讲嘅只系《俱舍论》里便嘅沧海一粟啫。其实《俱舍论》主要嘅意思系说明诸法因缘嘅正理，破斥外道凡夫著“我”嘅执见，希望我哋凡夫能够断惑入圣，永离三界嘅系缚。希望各位师兄有时间能够好好去研究《俱舍论》，作为佛学一个深入嘅基础，多谢各位！

204.大白伞盖佛母之威力（一）

今晚呢，同大家讲嘅题目，叫做咩题目呢？记唔记得吖？《金刚顶髻大回遮》。《金刚顶髻大回遮》呢，就好似，唉，比较深奥啲吖啲，密宗嘅法嚟嘅，就讲大白伞盖佛母嘞。咳咳。点解叫做《金刚顶髻大回遮》呢？“金刚”者呢，就不可摧破咁解，犹如金刚般若波罗蜜多，只有金刚系好坚固、好锐利嘅，可以摧破一切东西而不被其他任何嘅外在物件摧破，响佛经里面就形容般若智慧啦，亦都可以代表文殊菩萨把宝剑，金刚王宝剑，断我哋众生嘅烦恼，摧破众生嘅业障。“顶髻”嘅意思就系话，我哋睇下大白伞盖佛母幅相啦，大白伞盖佛母幅相啦，根据西藏密法嘅传承呢，呢幅就系大白伞盖佛母化身幅相，但系呢，呢一个就好，呢个手臂就唔系好多嘅，有幅相呢，就好似千手千眼观音咁样好多手臂，个头顶上呢，有髻嘅，一层一层，一层一层，有六层三块面，所以个一层一层就谓之“顶髻”，代表如来嘅，如来嘅顶，代表佛陀个顶。“大回遮”嘅意思就系咩呢？呢一大白伞盖佛母嘅功德同埋法力呢，能够将众生嘅一切恶业回遮，将一切邪法、将一切魔术反弹，一切魔王嘅邪咒吖、一切害人嘅法术吖，嘅法咒吖，全部将佢，“回”就回番转头，“遮”就遮止咁解。

大白伞盖佛母，佢嘅法器呢，就一把伞嚟嘅，犹如呢个图上便，呢度，呢一把呢，就系伞嚟嘅，呢把伞呢，当佢一展开出嚟呢就白色嘅，能够覆护一切众生呢，亦都能够，呢个伞吖，所放出嚟嘅光芒呢，头先所讲嘅回遮邪法嘅法力，同埋一切魔咒，一切不如意嘅事，都可以反弹番转头，而唔会伤害到修法嘅人，就谓之“大白伞”，呢把伞嘅意思，有回遮嘅功能，回转而遮止咁解，所以叫金刚顶髻大回遮母。“母”嘅意，意思就系话有好多佛呢，有好多佛嘅修持吔，都系由修持呢个大白伞盖法而成就嘅。“母”者，就代表慈悲，母性就系慈悲啦，亦都代表“总体”咁解，有呢个总体而出，出生一切法，所以就叫“金刚顶髻大回遮母”。

咁大白伞盖佛母嘅法嚟讲系密宗里便无上密部嘅密法嚟嘅。呢一本呢，呢本经书呢，而家我哋成日都见到，有好多人呢，已经系流通咗呢一本经书吔，印咗好多出嚟，呢一本经书就系《佛说大白伞盖总持陀罗尼经》。呢本经书呢，就记载大白伞盖佛母法嘅功德，系元朝嘅时候翻译嘅，呢一本经书，我哋中国元朝嘅时候翻译，但系呢，呢本经书，我详细翻阅过同埋研究过呢本经书呢，就好少讲到有大白伞盖佛母嘅来源嘅。呢一大白伞盖佛母嘅来源呢，其实都有一段历史嘅，但系喺呢个经书度冇记载，亦都系其中一段历史，咁今晚呢，就要讲俾大家听，因为佛陀会讲一部经有一个历史嘅。

呢个历史就系点呢？当有一次呢，佛陀上升去忉利天宫吖，三十三天去说法嘅时候呢。上升忉利天宫我哋知道，欲界嘅第二层天，四天王天，忉利天，忉利天喺须弥山顶嘅，谓之三十三天。中间释提桓因，道教叫玉皇大帝，我哋佛教叫帝释吖，统领呢三十三天。四面都有八天，四八三十二，加埋中间佢所统领呢个天界就三十三天。佢统领呢个天界呢，玉皇大帝系管治我哋呢个世间嘅，管治我哋呢个人间。佢时常同埋佢啲部属，特别再下一层天嘅四大王众天呢，东方持国天王、南方增长天王、西方广目天王、北方多闻天王，咁同四大天王同埋四大天王所统领嘅部属，因为每逢六斋日同十斋日呢，呢啲部属，包括玉皇大帝本身同埋佢嘅太子亦都会查察人间嘅善恶嘅，所以玉皇大帝见到人类世界行善佢就会欢喜嘅，人类世界行恶呢，佢就会唔开心，所以佢哋集中一笪地点，喺个中心点嗰度呢，就玉皇大帝统领三十三天最高嘅天界，而里便呢个天界呢，有一笪开会嘅地方，呢个开会嘅地方呢，就系玉皇大帝同啲大臣喺度开会啦，去商议点样去护持佛法吖，点样，诶，去保护人类世界嘅众生嘅慧命吖，去帮助人类世界嘅风调雨顺，去协调吖，好多好多，犹如我哋嘅会议室，嗰地方叫善法堂天，善法堂天。

咁有一次，释迦牟尼佛就喺呢个善法堂天呢，就开法会，同三十三天嘅所有天众吖，去讲经说法，咁正当呢个，呢个时候呢，释迦牟尼说法嘅时候呢，就遇著阿修罗嘅兵众吖，去侵扰帝释嘅宫殿。呢阿修罗嘅兵众呢，一共有四个好大嘅阿修罗王吖，四个阿修罗王统领咗好多阿修罗，有几百亿嘅阿修罗军队呢，去侵扰玉皇大帝呢个天宫。咁玉帝，玉帝嚟讲呢，嘅兵将嚟讲呢，自知不敌，因为佢有神通，亦都了解到阿修罗个力量系非常之厉害。

阿修罗系冇天嘅德行，但系佢有升天之福，所以呢，佢时常都希望能够呢，得到玉皇大帝天宫嘅一切享乐，所以时常会兴兵去犯上去侵扰玉皇大帝嘅天宫，所以我哋人界有军队练兵惊打仗，天界一样有军队练兵，所以玉皇大帝三十三天成日都去练兵，咳，会操练，以防阿修罗或者其他妖啲妖魔去进占呢个玉皇大帝嘅城堡吖。

咁当时四大阿，阿修罗王呢，就统领啲军队去侵占帝释呢个宫殿，咁帝释呢，自知不敌，就向释迦牟尼佛求助。佛陀呢，于是就化身，喺个顶门上化现出，就系呢本经所讲嘅本尊啦——金刚顶髻大回遮母，就大白伞盖佛母啦，去将啲阿修罗去降伏。而后啦，佛陀就喺嗰段时空里便呢，向天界亦都传授咗大白伞盖佛母嘅法嚟嘅，所以大白伞盖，呢个就简单少少嘅历史啦。 

咁大白伞盖佛母嘅法嚟讲啦，其实系释迦牟尼佛嘅正脉嚟，亦都系，系佢化身嘅降魔嘅大护法其中之一位嚟嘅，所以，呢个法对于我哋娑婆世界呢，或者对于我哋澳门嚟讲呢，亦都有一个比较深厚嘅因缘，好多人亦都有缘份呢，同呢个大白伞盖佛母结缘嘅，亦都对我哋非常之有作用。我哋见到大白伞盖佛母嘅法相，头先我所讲嘅六层三面嘅，千手所伸出嚟呢个法相嘅化现呢，就系当时释迦牟尼佛响帝释天宫化现降魔嘅本尊相，呢个正式嘅降伏众多魔军。因为你降魔嘅时候呢，个身相一定要庄严啦，同埋有威吓性吖，如果唔系啲魔力咁强大，啲魔嘅样仲加恐怖，仲加恐怖过个佛嘅，个佛点降魔？所以个魔就要，个佛就要化身做一个，化身做一啲金刚明王，或者而家依度所讲嘅大白伞盖佛母去退魔，去护持一切修行人。咳。

咁吖讲番，咳咳，咁吖讲番少少，点解要退魔呢？退魔嘅意思就系我哋修行人呢，每每修行嘅时候呢，都会遇到好多魔障。响上个星期嘅时候我都讲过，修行人里便，喺录音带里便，修行人亦都会遇到非常之多魔。而家你开始修行，你遇唔到魔嘅原因就系话，你刚刚开始修行，你啱啱踏上菩提路。但你唔修行嚟讲呢，根本你已经自己俾你，你自己所耽著嘅“财色名食睡”吖五欲，解决咗你自己㗎喇根本已经，啲魔唔会侵扰你吔，根本你自己已经耽著喺个魔境里便。你为财、为色、为名、为食、为睡，你都不思修行，啲魔唔须要搞你吔。但当你一踏上呢个菩提路嘅时候呢，你开始前进嘅时候，啲魔就开始对你注意嘞，对你注意，而加以睇下点样破坏你。特别如果你想修一啲退魔嘅降魔嘅金刚法，佢仲加会留意你。

因为宇宙之间嘅，嘅法门有相生相克嘅，犹如医学界所发现一只新药之后控制一个病症，另外一啲更厉害嘅细菌又出现嘞，系咪吖？宇宙间阴阳正邪就系咁消长嘞，所以，特别你修啲降魔金刚法嘅时候呢，啲魔就更加会对你留意，希望你修唔成，希望攻击你，去挑拨你嘅人性，令你“财色名食睡”呢啲心挑起，令你“贪瞋痴慢疑”啲烦恼充斥响你个脑里便，令到你起种种嘅不正确嘅见解，等你学习唔到佛法，所以我哋修行人呢，身边事实上有好多魔扰，不过我哋唔知，我哋唔知。但系其实我哋如果时时反问我哋自心，我哋就知道我哋嘅习气好重，啲习气就令到你著魔其中嘅要素，虽然外魔你见唔到，外魔一定要修持到有天眼通先可以睇到，最基本要有天眼通先可以睇到你周围灵界上所发生嘅情况，但如果你个心内魔唔动的话呢，外魔点能够骚扰到你呢？我成日都讲呢一个心法，如果你内心冇“贪瞋痴慢疑”嘅，外魔点能够攻击到你吔？就因，因为佢个魔，咳，佢有神通，发现到你有个贪心，于是佢就借你个贪心而带你入魔，等你越踩越深。但系魔往往用嘅方法呢，唔系一步令你著魔，你好容易发觉，佢系用蚕食你嘅方法嘅，少少好似蚕虫食桑叶咁咬下、咬下、咬下，你就唔知啦，慢慢你就会入咗魔道。所以释迦佛响正法时期，当时嘅邪魔外道亦都太多，所以释迦佛就变现好多降魔金刚嘅身相呢，去教导佢啲弟子呢，去点样去伏魔啦，喺密宗里便有好多呢啲咁样嘅法门。亦都而家就系我哋处身于末法时期呢，亦都需要呢一啲法门呢，去帮助我哋，去帮助我哋，去护持我哋修行人消除我哋业障，同埋帮助我哋有好多世间上嘅祈求，譬如我哋医病吖，或者系其他种种嘅需要呢，释迦佛好多法门都帮助到我哋。呢个大白伞盖佛母嘅法呢系同我哋一个最有缘嘅佛法嚟嘅，其中个密宗里便最有缘嘅佛法嚟嘅。

大白伞盖佛母里便呢，根据呢一本经书记载呢，佢里便有好多，好多个好多个大白伞盖佛母嘅咒术，好多个咒术喺里便。咁其中大白伞盖佛母嘅咒术里便呢，佢有四种呢系最重要嘅，将佢大白伞盖佛母嘅功德同埋法力呢嘅精华呢，集中晒响嗰度吖，唔系有四种，系有五种。

第一，呢本经书讲到呢，佢就系大白伞盖忿怒金刚遣魔拥护咒，呢个忿怒金刚遣魔拥护咒系有咩作用呢？能够驱除一切邪魔，能够拥护行者，免除危险同种种灾难。当你运用起呢个咒上嚟嘅时候呢，犹如大白伞盖，把佛母个伞一打开嘅时候，如果你念诵呢个咒呢，有任何魔法向你攻击，攻击嘅时候，或者有任何嘅魔力向你侵扰嘅时候，只要你一念诵呢个咒呢，就可以驱魔。如果你念诵呢个大白伞盖佛母佢讲明好清楚忿怒金刚遣魔咒，念呢个咒嘅时候，佢就会变现一个金刚降魔相，就系，呢度我哋冇个法相啦，就系头先我所讲六层头啦，三面吖，全身有，有手嗰个，好多火围绕，佢念诵呢个金刚遣魔咒佢就会现呢个相出嚟去降伏啲魔众。

呢一把伞呢，降魔嘅时候我哋可以观想成为金色或者白色。而大白伞盖佛母嗰把伞呢，有个特别嘅，嘅功用同用途。嗰把伞呢，大白伞盖佛母呢，我哋知道每个佛菩萨呢，都有真言有咒语，但系将大白伞盖佛母整个功德将佢融合成为一个字，有一个字可以代表到佢，等于我哋每个人有个名一样啫，呢个字系咩字呢？就系“ཨོཾ（Om）”字，“ཨོཾ”字就系大白伞盖佛母响密宗里便称为嘅字种，“种”啫种子，犹如一樖树生出嚟开花结果，如果冇呢粒种子点能够开花结果？呢粒种子代表“重要”咁解，好重要，由呢粒种子衍生一切功德。大白伞盖佛母法嘅种子呢，嘅，嘅口诀呢，就系个“ཨོཾ”字嚟嘅。个“ཨོཾ”字呢，呢个喺西藏文嘅写法就系咁嘞，个“ཨོཾ”字，由呢个字变现，由呢个字变现出大白伞盖佛母嘅本相。

嗱，大白伞盖，系嘞，就系呢一个，嗰时我哋法论会呢做，诶，楞严咒牌呢，同埋大白伞盖佛母咒啦，就系做咗呢一个。呢个咒里，呢个咒牌里便呢，就有好多，好多咒文嘅，就唔只大白伞盖佛母咒，但系佢呢，呢个后便就用大白伞盖佛母咒代表拥护同降魔。嗱，当佢念诵呢个大白伞盖忿怒金刚遣魔拥护咒嘅时候呢，呢个佛母就会变成呢个本相，会变成呢个本相。你睇下几多手、几多层头，有火嘅，变成一个降魔，降魔相，同埋揸住一把伞，代表佢嘅法器就系呢把伞啦，顾名思义佢叫大白伞盖佛母啦，代表佢嘅字呢就系呢个“ཨོཾ”字。

嗰把伞有个特别嘅秘密，就系呢把，呢个法器一打开嘅时候呢，响个法器嘅顶端上边呢就有呢个字存在嘅，有，就代表大白伞盖佛母嘅法器。咁我同我哋头先落雨担遮同个啲遮有咩分别啫？打开把遮之嘛，意思，有咩分别呢？大白伞盖佛母个把伞呢，就好多璎珞七宝庄严嘅，好似有啲罗伞吖，打开咁。睇下呢本书上有冇先？系啦，咁上下，呢一，呢一把伞打开好庄严，一散散开嘅时候有好多璎珞吖，喺侧边垂住嘅，上便呢，有好多咒文啦，上便好多咒文啦，有大白伞盖佛母嘅心咒啦，同埋中间系一个“ཨོཾ”字嚟嘅。你观想呢把伞嘅时候最要紧观想中间个“ཨོཾ”字，呢个“ཨོཾ”字就系大白伞盖佛母嘅字种，呢个就系“ཨོཾ་མ་ཎི་པདྨེ་ཧཱུྂ༔（唵嘛呢叭咪吽）”嘅“ཨོཾ”字，就系西藏文嘅写法嚟嘅，呢一个。

咁佢个把伞嘅作用呢，响呢个降魔咒里便呢就可以发挥得到出嚟。同埋佢揸住呢一把伞就变现依一个好多手嘅、好多层头嘅佛母，有三面，环视一切方向呢，去降魔。呢个咁多个咒里便呢，头先佢有五个咒呢，咁多咒里便呢，呢个咒呢，系爱嚟驱魔同埋治妖吖，嘅法力系谓之最大，所以叫忿怒金刚遣魔拥护咒。呢个将大白伞盖佛母嘅力量集中响呢个咒嘅真言咒音，将佢发挥出嚟去降魔，一切邪魔、天魔外道都能够驱除，能够保护。

咁呢个咒，呢个咒嘅用途我哋系点用呢？呢个咒嘅用途就系，假设当你如果见到你有任何个朋友吖，有灵界响个身上，你觉得佢吖，啲行动吖，唔系咁正常吖，讲嘢系好唔正常，平时佢唔系咁嘅，突然间变咗，好似失去理性，或者讲啲自己啫都唔知自己讲乜嘢嘅，同平时生活习惯唔同，有啲中邪咁嘅迹象，如果佢唔系精神病的话呢，如果佢系中邪关于灵界呢，你就可以用到呢个咒吖，可以用到呢个咒呢，去将佢身上嘅灵体驱除。将佢身上灵体驱除，但系唔可以怀有一个瞋恨心，因为大白伞盖佛母呢，佢现呢个相呢，虽然系金刚降魔护法，但系都系属于比较慈悲吔，已经系一个女性嘅相，你睇下呢个相貌，就唔同一啲金刚嘅明王呢，好凶恶，有啲牙突出嚟吔，骑住一啲野兽，身体有骷髅骨吖，哗，全身著晒火，你见到都好惊。但系见到呢个大白伞盖佛母只系好威严、好庄严，能够降伏好多魔众。

达雅他 嗡 扣乍 奔达奔达 嘛嘛 日阿卡日阿卡 娑哈 嗡 扣乍 奔达奔达  巴札 嘛嘛 日阿卡日阿卡 巴札 巴尼 吽 呸 娑哈

（注：本文嘅咒文均来源于《佛说圣如来顶髻涌出白伞盖名无能胜大回遮母最胜成就陀罗尼经》孙景风居士敬译。再补充孙景风居士翻译此咒嘅另一个版本：玳[雅]塔阿 嗡  咔卓[母] 坂达坂达 嘛嘛 惹洽惹洽 娑哈 嗡 咔卓母 坂达坂达 拔杂[日] 嘛嘛 惹恰惹洽 拔杂[日] 巴呢 吽 呸 娑哈。梵语：Tadyatha om stom bandha bandha mama raksa raksa svaha om stom bandha bandha bajra mama raksa raksa bajra pani hum phat svaha）

呢个就系忿怒金刚遣魔拥护咒。你念呢个忿怒金刚遣魔拥护咒呢，就有头先嘅功能，只要你对住嗰个人念诵呢个咒，对住对方念诵呢个咒，去帮助佢，嗰个灵体自然就会驱除。如果普通个灵体呢，对于呢个咒亦都会非常之害怕，当然你睇下念咒个人嘅道行啦，但如果你用到呢个忿怒遣魔拥护咒嚟讲就好强个法力。再加上如果你平时有修大白伞盖佛母嘅法或者后便所讲嘅法嘅法咒呢，你自己有所储备嘅，你自己有所修为嘅，到你正常用到出嚟嘅时候，念诵呢个遣魔金刚咒嘅时候，呢个法力就会发挥响你身上咧，将对方嘅邪灵、嘅降头或者唔好嘅嘢，身上嘅浊气就完全可以驱除，呢个用途就系忿怒金刚遣魔拥护咒，甚至可以将个魔心粉碎而变成佛心。呢一个咒嘅功能，就《大白伞盖佛母经》里便记载其中一个好重要嘅，嘅法门嚟嘅呢一个，所以有机会你可以用下呢个咒，通过坛前领受嘅时候你就可以用呢个咒去帮助你自己或者利益众生。

跟住讲个大白伞盖恒常持心咒呢，嘅意思就系话可以俾我哋时常持诵嘅心咒嚟嘅。呢个咒亦都系总括《大白伞盖佛母经》嘅一切功德。咁你持诵呢个心咒嘅时候呢，大白伞盖佛母就唔会现出一个降魔相，现出一个接近呢一本经书嘅相呢，有啲系两只手嘅啫，有啲系四只手，就总之一定会揸住把伞嘅，比较慈悲嘅相，因为你恒常持诵，佢又自然会护持你嘞。所以呢个，呢个咒就，头先呢个遣魔金刚咒呢，唔适合我哋平常成日念嘅，但系你可以学熟咗佢之后呢，到你每日能够修持呢个大白伞盖佛母恒常持心咒一段熟络嘅时间之后，然之后其实每个大白伞盖佛母嘅咒都相通。你能够修咗一个咒，打好基础嘅时候，其他咒都能够功用到出嚟嘞，到你急嘅时候千变万化可以，所以呢个金刚遣魔拥护咒就唔好成日念，但大白伞盖恒常持心咒就可以作为你自己的时常修持嘅功课，每日令到大白伞盖佛母嘅法力加持你、能够护持你，令到魔唔好侵扰你，令到你嘅菩提心唔好退吔。咳咳。

嗡 萨日哇 达他嘎多 可丁卡 阿纳雷 阿哇罗哥伊得唉 主那 得唉走日阿西 嗡 杂拉杂拉 达嘎达嘎 达日阿达日阿 比达日阿比达日阿 亲达亲达 宾达宾达 吽吽 呸呸 娑哈

（注：补充孙景风居士翻译此咒嘅另一个版本：嗡 萨[日]瓦 答塔[阿]噶哆 [乌]尼咔 阿纳睐 阿干罗革代 租[日]那 代左惹[阿]斯 嗡 佐拉佐拉 达嘎达嘎 达惹达惹 比达惹比达惹 层达[雌纳达]层达 滨达滨达  吽吽 呸呸 娑哈。梵语：Om sarva tathagato snisa anale avalokite curna tej rasi om jvala jvala dhaka dhaka dhara dhara bidara bidara cchinda cchinda bhinda bhinda hum hum phat phat svaha）

呢个就系大白伞盖恒常持心咒，你成日可以持诵在心，背熟佢，将个心不断持诵，不断运转嘅时候呢，大白伞盖佛母嘅白色嘅光芒呢，个本尊个光就会护持你嘅身，你嘅身光就会越嚟越白㗎喇，由白色慢慢，好厚吖你个身光，身体外围个光呢，越嚟越白。然后你再持续修行，日子有功嘅时候由白就会转成金色，因为大白伞盖佛母系佛嚟㗎嘛，佛嘅最高嘅光色就系金色，所以呢个白光越来越厚就代表正法，正法就长存，正气亦都响你身体之上，邪魔外道嘅眼睛见到你嘅身体发出咁强嘅佛，佛，佛嘅光呢，白色嘅光呢，就唔会对你侵扰，所以呢个可以作为你时常持诵嘅恒常持心咒。

另外一个大白伞盖增，增长身亲心咒呢，能够增长你寿命同福慧吔，令到人人敬爱吔，属于增益法。头先个属于降魔法，属于降魔法四摄法，而家呢个属于增益法，增益法，增益法，所以，你如果你求长寿或者求福慧，求到人敬爱吔，同人和合呢，你去修呢个增长身亲心咒，亦都系总括大白伞盖佛母咒嘅所有嘅功德嚟㗎。

嗡 萨日哇 达他嘎多 可丁卡 吽 呸 娑哈

（注：补充孙景风居士翻译此咒嘅另一个版本：嗡 萨[日]拔 答塔[阿]噶哆 [乌]尼咔 吽 呸 娑哈。梵语：Om sarva tathagato snisa hum phat svaha）

呢，呢个就好易啦，比较系短啲，令到能够他人敬爱，所以你可以时常亦都修习呢个咒，系坛前领受咗之后呢，你就可以修呢个咒嘞。

另一个大白伞盖呢，摄受咒呢，持诵呢个咒嚟讲呢，呢个咒嘅功德亦都比较大。如果你想求生去佛国，想，呢，想将你自己想往生特别西方极乐世界嘅，就去持呢个咒呢，亦都可以发愿往生阿弥陀佛极乐世界，到时大白伞盖佛母或者阿弥陀佛就会将你摄引去西方极乐世界。而持呢个咒呢仲有一个功能吖，呢，用摄受咒，话明“摄受”就系将一切亡，亡灵嘅众生摄受，将佢神识度去西方极乐世界，意思就系意味住好似往生咒嘅功用，超度嘅作用。呢个咒嘅特别嘅地方就系超度嘅作用，可以将已死嘅众生超度。比如你见到一只蚁死咗，或者街边有只猫死咗，吓，咁你见到嘅时候你点超度佢呢？念诵呢个摄受咒，譬如你揸紧个车嘅时候呢，你只要意念谂住佢就得㗎喇，过咗都唔紧要，过咗谂住佢死嗰个形态，啫大概谂住嗰动物，用个摄受咒谂住佢，然之后个心谂住回向俾佢，个心喺度持诵个摄受咒。如果最好你能够呢，平时修持个咒呢，当你超度嗰个众生嘅时候呢，你观想白光。大白伞盖佛母个“ཨོཾ（Om）”字出现系白色，然之后呢，变成一把大白伞盖把伞，个把伞呢，就飞出去，飞出去，譬如话有只死嘅动物，嗰把伞有动物上面，覆护住佢，个光呢，就照住佢、加持佢，然后你就回向嘞，希望佢往生极乐世界，或者超度佢去一个善处，就呢把伞嘅力量发挥出嚟。

呢把伞有几大呢？讲起呢把伞，呢把伞嘅力量随你个心有几大，用得到就有几大。譬如而家我想覆护晒呢度全部所有听，听大白伞盖佛母法嘅人嘅呢，你就观想吖，把伞好大把出现喺个空中上面，整个范围都覆盖晒，咁再持诵呢个大白伞盖嘅摄受咒，或者佢头先所讲嘅增长身亲心咒或者恒常持心咒都得，而后呢，个白光就降落呢个在场嘅信众里便，就可将整个坛场去护持，驱魔、清净，有呢啲咁嘅功能，所以呢个力用就发挥响佢个法器吔，个把伞上便吖，个把伞上便，所以呢个系密宗里便一个法门嘅观想嘅口诀嚟嘅。

达雅他 嗡 阿纳雷阿纳雷 卡萨昧卡萨昧 北瑞北瑞 收昧收昧 萨日哇布达 阿地叉纳 阿地七得萨日哇 达他嘎多 可丁卡 希达达巴贼（注：呢句音频念为“希达希达巴贼”） 吽 呸 吽 嘛嘛 吽尼 娑哈

（注：补充孙景风居士翻译此咒嘅另一个版本：玳[雅]塔[阿] 嗡 阿纳睐 阿纳睐 喀萨迈 喀萨迈 百[厄]热（维日[阿]） 百[厄]热 苏[鄂]迈 苏[鄂]迈 萨[日]瓦布达 阿谛叉纳 阿谛哧代 萨[日]瓦 答塔[阿]噶答 [乌]尼咔（维[士]尼萨） 斯答[阿]帕达瑞 吽 呸 娑哈。梵语：Tadyatha om anale anale khasame khasame baire baire saume saume sarva buddha adhisthana adhisthite sarva tathagato snisa sitatapatre hum phat hum mama hum ni svaha）

依个就系摄受咒嘞，摄受众生，一切众生导向极乐世界而后将佢亡灵摄引超度嘅摄受咒嚟嘅。

仲有一个呢系大家成日持诵嘅所谓坚甲咒，一般人都学呢个大白伞盖佛母嘅坚甲咒。呢个坚甲咒就大白伞盖佛母所有咒呢浓缩为最短嘅，亦都可以叫大白伞盖佛母嘅心咒嚟嘅。呢个心咒亦都具足大白伞盖佛母所有法嘅功德。

何为“坚甲”吖？“坚”者，就坚固也；“甲”者，就甲胄也，好似盔甲。你念呢个咒嘅时候亦都保护自己，犹如著咗一套盔甲一样，不能够被邪法攻击，唔怕俾其他负面嘅力量去影响到你。所以，你如果去一啲危险嘅地方之前，时间紧迫，你就可以利用到呢个大白伞盖坚甲咒，合掌受持呢个坚甲咒四十九次，而后观想你个头顶上面有，有一把白色嘅大白伞盖佛母个伞出现，呢个伞就放射光芒将你全身笼罩，而后呢，你就许愿，同大白伞盖佛母讲，希望依个法嚟能够护持你无灾无难，能够度过呢个险度，或者去一笪地方呢，就完全安全。呢个就系观想嘅密法嚟，但系呢，必定要配合你所修持嘅大白伞盖佛母呢个坚甲咒啦，呢个真言啦。

“吽 嘛嘛 吽尼 娑哈”（注：Hum mama hum ni svaha），呢个就系坚甲咒嘞。有啲人呢，会将嗰个“吽”字后面加“呸”：“吽 呸 吽 嘛嘛 吽尼 娑哈”，加个“呸”呢，嘅力用亦都系更加大，“呸”嘅意思就“降伏”，梵文就系“phat”，“发”，西藏文就“呸”，就“降伏”咁嘅意思。

所以大白伞盖佛母坚甲咒呢，好多人都修持，爱嚟护国，息灾同埋护国，爱嚟呢，帮助整个国家升平，去保护唔怕敌人嘅侵扰嘅，所以呢个法呢，历来呢，历代呢，都会有人修嘅，会用呢个法啦，去救助个国家一切灾难啦，或者救助众生，通常会用喺息灾法会里便。所以，其实头先讲嘅大白伞盖五个咒嚟讲呢，呢五个咒其实你每持一个呢，都系统摄咗所有大白伞盖佛母功德，不过睇众生各个人嘅需要啦。譬如你想增益嘅，希望长寿吖，求家人同埋希望令到佢业障消除，你可以念增长身亲心咒；你想降魔嘅，就念忿怒金刚遣魔拥护咒；你想保护自己嘅，你就可以而且需要简短啲嘅咒文嘅，你就持诵坚甲咒啦。啫随各人嘅喜好、各人嘅根器唔同啦，而有所差别。

咁大白伞盖佛母咒嘅功能吖，嘅功德其实有啲乜嘢呢？其实喺经书里便呢，已经系略略咁讲咗好多㗎喇。凡有行人呢，“以此一切如来顶髻中出白伞盖余无能敌大回遮母，或桦皮、或白㲲、或树皮上书写已，或戴身上，或项颈上，则能直至终身，以毒不能害。”如果你将大白伞盖嘅咒文吖，书写带住响身度呢，一生一世呢，毒药都害唔到你㗎。“器械亦不能害，火不能焚，水不能漂，宝毒不能中，以和毒不能害，咒毒不能坏，非时夭寿不能侵，一切冤魔及所有恶友等，凡一切处，为悦爱所爱敬也。”即是意思话，唔会有夭寿、死于非命嘅时刻啦，亦都唔会俾人落毒啦，犹如大悲咒一样啦，你修持大悲咒，世间嘅，避免十五种恶死吔嘛，唔怕啦，一切时，非时嘅死亡啦，而伤害到你，亦都唔会中一切毒，吖，包括，呢度系包括毒，毒物吖、降头吖。

但系呢，呢一样嘢我哋而家，如果同人冇乜过节人哋吔唔会去落毒嘅，讲真，呢一样嘢系比较少啲，少啲，你唔同人家斗法吖，人哋吔，冇理由落毒嘅，亦都冇理由害你，但系跟住所讲嘅又会比较多啲嘞，就系你身体上个病吖……（注：接下文）

205.大白伞盖佛母之威力（二）

（注：接上文）……就系你身体上个病吖，因为大白伞盖佛母嘅咒呢，佢功能比较特别，系医啲比较僻少少同怪少少嘅病㗎。啲经文里便呢，有讲到呢，好多鬼类㗎，好多鬼类，呢，呢个，呢个娑婆世界呢，有好多魔吖、好多鬼类呢，对我哋修行人呢，造成侵扰㗎。好多鬼类吖，譬如佢话夺容颜鬼吔、食产宫鬼吔、食血鬼吔、食凝脂鬼吔、食肉鬼吔、食大便鬼、食小便鬼吔、食苗鬼吔，或者其他有好多魔吖，天魔啦、龙魔啦、空魔啦、夜叉魔啦、饿鬼魔啦、臭魔啦、枯瘦魔啦、癫狂魔啦。呢啲魔，同埋呢，好多病症啦，不进饮食病啦、眼病、鼻病、口病、颈项病、心病、咽喉病、耳病、齿病、足病、腰病、腹部病、背病，吖，呢啲等等嘅病症呢，全部都可以遣除，嗱，呢啲就叫做一般嘅病症。

另外一啲属于皮肤病、疫病，呢个疫病就瘟疫啦，疥疮吖、疥癞吖，其他身体上皮肤嘅，嘅疮吖，痔疮吖，或者肿瘤吖，呢啲全部都能够修大白伞盖佛母个法去遣除，同埋其他犹如我哋念《普门品》所讲嘅“蚖蛇及蝮蝎”吖、“气毒烟火然”吖，呢啲，呢啲咁嘅侵扰呢，都能够，蛇虫鼠蚁吔、熊罴吔、虎狼吖、野兽吖，都能够一切能够被击缚吖，“彼等一切明咒，悉皆系缚一切威仪，系缚余者一切明咒，系缚一切诸多明咒，悉皆愿令，愿令系缚。”（注：音频将“系缚”读作“击缚”，“系”嘅繁体字“繫”，同“击”嘅繁体字“擊”字形相近）所以一切法术、一切明咒、一切其他外道嘅法术如果对你有伤害呢，嘅时候，你只要个心念诵呢个大白伞盖佛母嘅咒语，其他邪法完全都唔能够用到出嚟。所以呢个，啫睇你个人对大白伞盖佛母嘅呢个法术信受，同埋有冇虔诚嘅修持？如果有虔诚嘅修持呢、如果信佛的话呢，呢啲所有嘅头先我所讲嘅病吖、呢啲魔扰吖，呢啲咁嘅其他嘅咒术邪法吖，一样唔能够加之于你身上，落向你身上，所以呢，呢个咒语好重要。

我个人嚟讲呢，响我开始学佛冇几耐呢，已经开始接触到大白伞盖佛母法同埋呢个咒，咁亦都修持过呢个法门呢个咒呢，的确事实上感觉佢嘅力用呢，就不可思议吔，可，就可以叫非常之厉害啦，用四个字讲。譬如话大白伞盖佛母嘅咒，亦都可以呢，将呢个咒呢，念，念诵个咒吖落啲法水嗰度，犹如大悲水一样呢，去医治疾病，将大白伞盖佛母个咒念落啲法水度。但系你念诵嘅时候你记住就头先我所讲，大白伞盖佛母嘅法器就系把伞嚟嘅，谂把伞呢，放射啲白光落杯水嗰度，落杯水嗰度。而后呢，就嗰大白伞盖佛母俾你嘅法水，而家你口念诵大白伞盖佛母咒，七、二十一、四十九、一百零八，系啲咁嘅吉祥数字倍数上去，最好念诵四十九次，而后呢，就饮咗呢杯水，呢杯就系大白伞盖佛母医病嘅法水。如果你功德，你嘅修持系到家的话呢，呢本经书所讲嘅嘢，如果喺以前发生呢啲病、呢啲魔，你念咗啲咒水，俾对方饮，或者自己服用嚟讲呢，呢啲全部嘅困难可以解除嘅，我自己亲身亦都经历过呢啲咁嘅事嘞，所以我呢，今晚亦都可以证明大白伞盖佛母嘅功德呢个法力的确系无虚。因为我好耐之前呢，初头学佛已经用呢啲法，修持呢啲法，所以呢，今晚就讲俾大家听，希望你都能够修持呢个大白伞盖佛母咒。如果最简单，你就可以念：“吽 呸 吽 嘛嘛 吽尼 娑哈。”呢个就系坚甲咒，你响个心时常持诵，能够相通大白伞盖佛母吖，嘅所有功德，呢个咒好简短，唔系太过难学，唔系太过难学。

你可以跪喺个坛前嗰度，对住大白伞盖佛母幅相或者对住释迦牟尼佛幅相呢，而后观想佢个口念诵呢个咒语，而后你自己呢，自心承受，佢念一次，你念一次：“吽 呸 吽 嘛嘛 吽尼 娑哈。”你就观想佛陀个口喺度喐动，佢就念诵呢个咒，其实你自己个心念一次，你念一次嘅时候谂住佛陀个口喐，而后你觉得自己见听番自己个心里便，而后跪喺佛坛前上香念诵呢个咒三次，咁你以后就可以受持呢个咒，但不能够教俾人，唔能够教俾人，意思就系话：“哎，埋嚟，我传授个咒俾你吖，埋嚟埋嚟，全部我传授个咒俾你。”唔可以咁样做。如果嗰啲其他人想学，你就可以引介本经典俾佢话佢听照呢个仪式做，喺释迦牟尼佛嘅面前，而后由佛陀将呢个咒传俾你，或者喺真正密宗嘅上师面前由佢传授俾你，你就唔可以代师父去将呢个咒呢，去传授俾他人。要佢跪喺佛坛面前，跪喺大白伞盖佛母面前，或者跪喺本师释迦牟尼佛嘅面前呢，去领受呢个咒，咁当你领受完之后你就平时就可以修持嘞，可以用，用呢个咒嘞。

咁有啲人问呢，佢话：“楞严咒究竟同呢个大白伞盖佛母咒有咩分别呢？”其实楞严咒同大白伞盖佛母咒呢，都系佛顶化佛所说。咁但问题上呢，楞严咒嘅心中心咒呢，“南无萨怛多般怛啰”呢，或者“南无悉怛多般怛啰”，其实佢嘅中文吖，系解释为呢“大白伞盖”咁解，所以啲人呢，就话大白伞盖咒呢，同楞严咒呢，系相同嘅，其实只不过佢个心中心咒呢，嘅解释就叫做“大白伞盖”，但佢梵音呢，就系楞严咒心中心咒嚟，所以既有同亦都既不同。

楞严咒亦都系破魔嘅咒、降魔嘅咒，降伏五阴十魔，降伏一切外道天魔嘅咒术，而大白伞盖佛母亦都系降伏妖魔嘅咒术，降伏我哋内在烦恼同习气嘅咒术嚟，所以其实个性质同功能都系相通，但其实都系两个咒嚟，只不过心中心咒楞严咒呢，“南无悉怛多般怛啰”解释呢，就系“大白伞盖”咁解，就相当于而家呢度所讲嘅大白伞盖。

咁吖经文佢嗰度呢，有重要性，如果你修持呢个，呢个咒，呢个咒嘅呢，就不断呢，你最好念一念吖，就念一念呢，系赞颂大白伞盖佛母啦，咁就非常之好嘞，你念一念。我揾揾先我哋，呢度呢，佢其中有一段呢，就系讲大白伞盖佛母嘅观想方法嘅。亦都系念诵个称赞大白伞盖佛母嘅，你修持嘅时候可以念诵呢个偈语呢，而后再持呢个咒呢，咁样就可以当一个法去修持其实，呢个经里便已经讲咗。

唵

莲华月轮妙座上  金刚跏趺身色白

左手当胸执白盖  具白伞处称赞礼

右手结于无畏印  喜笑及身具窈窕

一切正觉所摄受  佛母汝处称赞礼

一切所伏有情处  随类化现种种身

大宝庄严极美妙  悦意母处称赞礼

唵

无有能敌大紧母  大掇朴母大力母

大炽然母大威母  大白盖母大力母

炽然挂缨白衣母  圣救度母大瞋皱

圣世金刚称念珠  莲华昭明金刚名

无有能敌具念珠  金刚墙等摧坏母

柔善佛等供养母  柔相威力具大母

圣救度母大力母  不殁金刚铁鋜母

金刚少童持种母  金刚手种金念珠

大赤色及宝珠母  种明金刚称顶髻

种相窈窕金刚母  如金色光具眼母

金刚烛及白色母  莲华目及月光母

手印聚处称赞礼  出有坏母白盖母

释迦顶髻中出母  金刚顶髻回遮母

千臂千手大具母  大俱胝之具眼母

不二炽燃具种相  金刚广博大白母

主宰三界中围母  最极于我求拥护

最极于我乞覆护

呢一，呢一段就系称赞大白伞盖佛母嘅功德同埋佢嘅法相，尤是最后呢一两句呢：“最极于我求拥护，最极于我乞覆护。”就系意思话，你称赞佢而又乞佢求加护。当你念诵到呢，呢一段文字嘅时候呢，大白伞盖佛母法力呢，净系念，念诵呢一段吔，佢嘅光同埋力呢，就会灌注响你身度吖，赐给你一个无畏嘅力量啦，能够帮助到你嘞。或者你有其他灾难嘅时候呢，你可以念诵呢一段：

唵

国王贼怖水火毒  器械饥馑邪魔疾

霹雳非时并夭寿  地震国王刑罚等

闪电飞空诸怖散  恶兽虎等大难中

一切时中乞覆护  其天魔等诸魔碍

能夺威力并饿鬼  风胆痰等大病中

一切时中乞覆护  贪痴瞋等诸烦恼

十不善业五无间  所遮自性罪业等

恶趣苦果怖畏中  愚资我今求覆护

以大慈悲之铁钩  犹如爱子乞护持

一切时中拥护我　

嗱，呢段好重要，呢段亦都可以念咒之前念，念咒之后念作为回向都得，系你求大白伞盖佛母，诶，头先将所有嘅灾难、啲魔难吖或者身上啲病吖，其他毒物嘅侵害吖，浓缩咗响呢首偈，希望佢覆护你，犹如以大慈悲嘅铁钩呢、犹如爱子呢，引摄你、勾招你、覆护你。最紧要最后嗰句，就“一切时中拥护我”，咁二六时中，二十四小时里便呢，你念诵呢个咒呢，佛母都会拥护你，所以呢个偈语你可以念诵到呢个偈语呢，去修持呢个法嘅。

修持呢个大白伞盖佛母咒嚟讲呢，其实仲有其他功德嘅，“恒河沙俱胝八万四千金刚种等，亦拥护……”即是意思大白伞盖佛母属于一个金刚法，就你修个金刚法一切嘅金刚部族呢，都会嚟呢，坛场拥护嘅。当你念诵呢个经文，所以种种嘅金刚就对你护持、救护、覆护。彼等作悦意所爱敬之，嗰啲金刚呢，对你嚟讲呢，都好恭敬、好喜欢，因为你受持大白伞盖个法，拥护释迦牟尼法嘅正脉，亦都可帮助自己、帮助他人，所以佢拥护你、爱敬你。

“八万四千大劫之中得宿命智”，而后你修持呢，大白伞盖佛母法开始呢，在以后嘅八万四千大劫里便呢，生生能够证得宿命智证通，啫系宿命通啦，又世世生，世世生处呢，不受罗刹、饿鬼吔，等等嘅身啦，亦都唔会喺人中贫穷啦，“无量无数恒河沙数正觉出有坏之福禄也”，你修持大白伞盖佛母，福禄就如佛嘅福禄一样啦。

又能“一切如来顶髻中出白伞盖佛母余无能敌大回遮母，恒受持，则不行梵行，亦成梵行；不能忍辱，则亦能成忍；不清净，则亦为清净；无近住戒，得近住戒；不持斋戒，亦成斋戒。设尔所造五无间罪，则能清净无余。往昔业障，悉皆消灭。若欲女人求子，则能受持，一切如来顶髻中出白伞盖佛母余无能敌大回遮母者，获得具足寿命、福德、威力之子，命终之后，往生极乐世界。”嗱，呢一段嘅意思就系话，你唔守梵行唔持斋戒呢，你修持大白伞盖佛母个法，能令你身持斋戒，与，与持斋嘅功德相等呢，亦都能够令你保持梵行，如果能够求子嘅时候呢，一样呢，能够得到你嘅子女呢。

大白伞盖佛母其实亦都能够好慈悲，护荫吖令往生极乐世界，头先讲过啦，修咒亦都可以往生极乐世界啦，但佢亦都顾及唔止我哋人类嘅世界嘅病症，“牛病、畜病、疫病，及损害，及惹病等，及斗战、余他一切军兵之中执行，以此一切如来顶髻中出白伞盖佛母余无能敌大回遮母安置于幢顶上，作广大供养已，尔将幢置大城门上，或官宅之中，或村坊之中，或聚落之中，或川原之中，或寂静之处。于余无能敌大回遮母处，作广大供养，则能速然国界安宁，亦能柔善疫病等，与损害、斗争、余他一切军兵也。”即是意思呢，呢一段嘅经文嘅意思就系话，佢不止能够医治我哋人嘅病，譬如家畜嘅病，一切家畜嘅病，牛病吖、羊病吖，所有家畜嘅病啦，狗嘅病症都去加持佢，令佢康复，俾啲水佢饮，吖，或者啲鸡瘟吖，瘟疫你都可以用呢个法咒吖，去帮助佢。后面个段就系讲，国家战争嘅时候呢，如果能够将大白伞盖佛母嘅咒文呢，画喺啲幢幡上面呢，插喺啲城门高楼，俾啲军队，对方敌军见到呢，啲军队见到自己军队为自己增加士气，而对方军队见到就会退散。如果你对住啲幢幡作一个供养，念诵咒文嘅时候，对方军队见到退散，唔会再攻击你国家，令到你国家安宁，唔会有军阵相杀之战，所以呢个大白伞盖佛母，点解头先讲话以前喺民国时候都有好多上师修呢个法呢。军阀割据个时代，修持呢个法去，去，诶，保护国家，啫国共内战嗰段时间吖，有修持呢个法呢，去退敌嘅。

因为当时呢，呢个法嘅源头，主要我哋能够了解，了解呢，就系西藏或者尼迫尔嗰啲上师响民国嘅时候呢，入去我哋中土吖，西方嘅上师去传法，而且将呢大白伞盖佛母法呢，密宗里面嘅密部呢，去讲出嚟，传扬番出嚟，所以呢个法响民间里便好多人都听，好普遍，如果学佛嘅人。但系真正修持就唔知有几多人，同埋能够修到能够去帮助到人呢，又唔知有多少人。同埋了解大白伞盖佛母个心法同心要响边度，你又要慢慢研究大白伞盖佛母嘅总持陀罗尼经，但系由于佢系比较元朝时候所译嘅经呢，个经文呢，有时都甩咳，同埋有啲名相冇唐朝译出嚟咁通顺，所以你就要睇下啲标点吖，慢慢慢慢了解嘅。

修持大白伞盖佛母法嘅时候呢，你可以念诵呢个经文里便呢一段嘅，念诵呢段嘅，去拥护你嘅，亦都系时常我哋而家有啲密宗嘅弟子修持呢个法都会念诵呢一段嘅，嗱，“金刚顶髻大回遮母，具千手圣母，千面圣母，百千万眼圣母，不二炽燃，具种相金刚宽广大白母。主宰三界中围，一切时中，拥护于我，及诸众生，常得安稳。”吖，会念，念诵呢一段。

“种相窈窕金刚母，如金色光具眼母，金刚烛及白色母，莲华眼及月光母，莲华昭明金刚明金刚少童持总母，一切诸佛手印真言聚彼等，一切力护，愿令拥护于我及诸众生。”嗱，呢一段其实嗰度有个口诀好重要，当你念诵，佢话“一切诸佛手印真言”吖，“聚彼等”吖，啫意思话当你念诵呢一个咒，呢个经文嘅时候，同埋修大白伞盖法嘅时候，所有佛嘅真言同埋手印嘅功德呢，就凭呢个咒嘅摄引吖，能够汇聚响大白伞盖佛母个手印同埋真言里便发挥出嚟，拥护一切众生，所以修持大白伞盖佛母法有力度嘅修持嘅人呢，就可以将佛嘅法力汇聚响大白伞盖佛母呢个法里便发挥出嚟，所以就唔净系呢个法咁简单嘞，用出嚟呢个就比较再高深个层次。

其实呢个“唵”吖，“唵”呢个字呢，就系佛菩萨，一切佛菩萨嘅源头嘅种子嚟嘅，亦都可以代表一切佛菩萨嘅种子字嚟嘅，所以好多咒文我哋见到开头都系“唵”，“唵嘛呢叭咪吽”啦，系咪吖？吖。“唵”，地藏菩萨灭定业真言“唵 钵啰末邻陀宁 梭哈”啦，吓，或者佢嘅心咒“唵 克施地 啰扎萨瓦 悉地吽”啦，莲花生大士嘅咒“唵阿吽 班扎咕噜呗嘛悉地吽”啦，吓，全部个“唵”字开头嘅，你谂下，所以“唵”字系有呢种秘密喺度，亦都代表一切佛菩萨嘅心吖，一切佛菩萨亦都系来源呢个“唵”字，一切咒语嘅源头嘅声，声，声，声波嘅源头，都系来源于呢个“唵”字，由，由呢个“唵”字产生嘅，个咒力。

外间香港呢，都印咗好多次吔，呢本经书，已经作为普传，普传嘅经书嘞。佢话西元1993年，佛历二五三七年，印咗三千册出嚟嘅，所以呢，呢本经书喺民间里便已经流通咗，流通咗吖，所以唔系咁难得到呢一本，呢一本经书。大白伞盖佛母嘅法，事实上呢，的确佢嘅功德系非常之殊胜，如果你修持上嚟嘅时候呢，你就会慢慢慢慢体会到，呢个大白伞盖佛母吖，功德，呢个法门嘅力用嚟㗎。

大概咁我今晚讲住咁多先啦，大家有冇问题吖？大概我将佢少少精华讲住咁多先啦，有冇问题想问下？

因为法会里便呢，好少讲吖密宗里便嘅密法，呢个又唔算得叫咩密法，啫意思“唔算得咩密法”，唔系叫你唔珍用佢㖞，呢个已经系比较大部分人识，普传嘅密法，所以好多佛弟子应该要修持呢个法。其实俾人，越俾人识嘅法，越多人知先代表佢重要吖，点解叫“家家弥陀佛，户户观世音”呢？观世音对我哋好重要，个个人都识㗎喇，无论咩宗教，信唔信，迷信又好，理，理智嘅相信又好，都识观世音。观世音对我哋几重要，所以呢个响密法里便系比较属于好多上师喺西藏或者尼泊尔，东南亚或者西方世界灌顶呢，都有常用到呢个大白伞盖佛母个法，所以佢普传出嚟嘅法啫代表佢重要啦，好嘢先会教俾你，所以呢个大白伞盖佛母嘅功德同力用，犹如观世音菩萨一样呢，护持众生，亦都系不可思议，吖。

咁有冇乜嘢问题呢？你想唔想修持呢个大白伞盖佛母嘅法呢？你对于大白伞盖佛母嘅法有冇兴趣呢？去修持呢？有冇其他问题吔？

（注：以下内容为问答，部分录音不清，用省略号表示）

问：……

答：好。

问：呢个系咩意思？呢个，呢个，呢个咒语有咩意思呢？

答：呢个咒，点得嚟吔？呢个咒你？

问：呢个咒，师父……

答：哦，师父。呢个，呢个属于绿度母嘅心咒嚟嘅，呢个“嗡 达咧 唵 梭哈”。绿度母嘅心咒。呢个“唵”呢，就系佢嗰个，嗰个点讲，代表佢个字嚟嘅，个种子字嘅，犹如大白伞盖佛母个“唵”字代表佢。呢个，呢，呢个，呢个，呢个字写错咗呢个。吖，就呢个犹如观音嘅咒一样啫。绿度母，绿度母我哋，有个法相，呢一，呢一尊吖，绿度母，呢个，嗱，啫等于西藏叫绿度母啦，我哋中国人叫南海观世音，南海观世音个咒嚟嘅，呢个，你可以，有用嘅，呢个可以持诵。

问：可以持诵？

答：系嘛，可以持诵吖，呢个咒冇问题。呢个系佛陀所教嘅咒嚟嘅。

问：咩意思吖？

答：呢个意思就系绿度母，代表绿度母救苦咁解。绿度母嘅功德就会融摄咗响呢个“唵”字里便啦，就代表佢救苦个功德，能够救，啫拯救六道嘅众生，六道嘅众生能够帮，帮助一切众生，同观音，观音嗰个慈悲嗰愿望系一样，呢个，所以可以持诵。

问：啫我唔明白，嗰个意思系……

问（另一师兄）：玮师兄吖，有个问题呢，诶，《地藏经》里头呢，“瞻礼、赞叹、供养”地藏菩萨，我哋其实应该点样做呢？

答：“瞻礼”“赞叹”，同“供养”系三样嘢。“瞻”者，“瞻”者意思就系一瞻一礼咁解，“瞻”者就系瞻视咁解，所以有时候个“瞻”字同埋个“仰”字一齐用，“仰”个意思就系要𩓥高头，啫代表菩萨高高在上。“瞻”嘅意思，嗱，点解呢？当你一拜落去，首先顶礼俾佢，跟住一起番身嘅时候，个头咪有少少𩓥高？望一望个菩萨，就系“瞻”嘞，瞻仰嘞，咁样叫“瞻”，“拜”就叫“礼”嘞，你瞻礼，所谓“佛前念佛一句就福增无量”，你听过，“佛前顶礼就罪灭河沙”，当你一顶礼嘅时候呢，起身瞻，瞻仰个菩萨法相嘅时候呢，加持俾你，消咗好多罪业啦，所以，系咪获福无量吖？赞叹地藏菩萨嘅功德，地藏菩萨，“地狱未空，誓不成佛，众生度尽方证菩提。”咁伟大嘅愿望，有人称颂佢嘅功德，佢过去已经成咗佛㗎喇，不过而家现一个菩萨身啫，你赞叹佢嘅功德，当然会有功德啦，赞叹称颂一个菩萨，福德同功德都会无量吖。仲有“供养”啦，“供养”嘅意思就系话，先瞻礼，就我哋身体做，赞叹亦都系个口做，“身”“语”。供养就有好多方法，供养呢，分开“外”同“内”。如果你“内供养”嚟讲呢，你就专修地藏王菩萨嘅法，三密加持，手结地藏王菩萨嘅印，口念诵佢嘅真言，意念成日想住地藏菩萨，仲要将你个心同地藏菩萨个心相合，即是佢做乜，你做乜，依佢嘅愿力跟佢发愿，救渡一切众生，“地狱未空誓不成佛”，而你将呢个心，依，呢个咁嘅修持嘅谓之“内供养”，系最大嘅供养，亦都叫法供养，同埋平时你守好五戒十善，获五戒十善，个口唔讲啲缺德嘅嘢，身唔做啲缺德嘅嘢，个脑唔做啲缺德嘅嘢，意思你不断修持嘅时候就唔怕缺损功德。“缺德”者，谓之缺损功德，咁我哋人嘅说话就系一啲唔好嘅事啦，亏心事或者对人唔好嘅事，损人不利己嘅事，或者损人利己嘅事都唔好做，呢啲就系内供养。外供养就系外在你能够用你金钱嘅布施，譬如话买得到嘅鲜花吖、水果吖、舍宅吖、房舍吔，或者一切其他种种嘅东西去供养地藏菩萨啦，去累积你嘅福报，就系外供养嘞，所以呢啲就系供养嘅方法啦。内供养就系你自己修持，外供养就系以你身体以外嘅嘢去帮助众生、供养菩萨咁解。

问：咁其中有一句呢，诶，如果，如果系丑陋嘅女人呢，瞻礼地藏菩萨，“植顷之间”，“植顷之间”，嗰，嗰几个字我想知道点解。

答：点样吖？你讲清楚个经文。

问：啫，佢呢，诶，如果有丑陋嘅女人呢，咁佢系瞻礼供养地藏菩萨，诶，致心瞻礼咁样吖，植顷之间，诶，个人呢，千万身中呢，就，诶，永远都唔须要再做女人吖。佢吖“植”，“植物”个“植”吖，“顷刻间”个“顷”吖，“植顷之间”，我想知道。

答：系咪呢个？

问：系啦系啦系啦。

答：“植倾之间”，意思就系话，如果当你瞻礼地藏菩萨嘅形象嘅时候，由于佢个福德，《见闻利益品》你都读过㗎喇，有非常非常之多嘅利益啦。当你瞻礼地藏菩萨，“植倾”就系一个饭食之间，“倾”就系天黑啦，你已经唔须要再受女身啦，但唔见你个样变嘅？食完餐饭，听日都唔会变佢个样，知唔知个秘密在于边度吖？其实地藏菩萨话俾你听啦，当你见到佢嘅形相呢，犹如大势至菩萨《念佛圆通章》所讲嘅口诀一样：“若众生忆佛念佛，现前当来必定见佛。”（注：根据CBETA，“若众生忆佛念佛”疑为“若众生心忆佛念佛”）就系呢个秘密嘞。当你植倾之间，点解会转成男身嘅相？你唔系女就系男㗎喇，转成男身啦，啫男身个佛经记载比较尊贵，佢嘅福德系大啲，智慧比较高啲。咁所以你瞻礼地藏菩萨点解变呢？唔系你个样变，系你个心变。唔需要植倾，一念之间，“伏”一声你已经变嘞。如果你当时系至诚三业，诚求拜一拜，望地藏菩萨瞻礼，个心觉得好开心好欢喜赞颂，而且你亦都发过愿，受到地藏经悟发——我而家好厌弃我个丑陋个女身，我希望地藏菩萨加持我下生变成男身。如果你当时瞻礼你嘅心有咁个愿望呢，你个心有咁愿望呢，地藏菩萨一瞻礼嘅时候会加持你啦，喺你个第八识阿赖耶识就落咗呢粒种子嘞，下一生你就系男身，由于地藏菩萨同你相认，帮助你。系你个心植倾之间转，唔系你个相，系讲你个心唔系讲你个相，明唔明吖？系好快，“植倾”系一个形容，系好快咁解。

问：唔该！

答：唔使。所以就系忆佛同念佛嘅，嘅功能同功效嚟嘅呢个。

问（另一师兄）：点样修持呢个大白伞盖佛母呢个咒，点样，点样去修持？

答：修持大白伞盖佛母呢，就系首先呢，因为凡系“母”者呢，就“慈悲”也咁解，等于观世音菩萨一样啦，你首先一定要以五戒十善为基础啦，守好五戒十善啦，同埋呢，守好五戒十善呢，同埋你每日呢，要抽返啲时间呢，拣最简单嘅修持方法就系念诵佢嘅真言啦，供奉呢个本尊嘅法相，啫大白伞盖佛母任何一幅法相，或者呢种经文嘅法相，而后呢，每日念诵头先所讲嘅五个真言里便其中一个真言，甚至念诵呢个经典，或者再唔识嘅就咁念诵“南无大白伞盖佛母”，念诵个名号，咁就系其中一种修持嘅方法，自然得到佢加持同拥护，呢个系最简单嘅方法嚟嘅，可以咁样修持。

问：但系头先你话过呢，就话如果我要修持呢个大白伞盖，依以前民国嗰段文化呢，就系埋去响个上师授俾你或者系，系你，啫点样或者话，我唔可以就咁样传俾你呢个法啦，因为我就系就咁样听完咗，同我自己咁样去修呢，咁同埋个上师，亲自嚟讲，嗱，佢而家传俾你，有咩分别？

答：分别就在于，点解要有上师灌顶呢？因为上师呢，就系历代传承加持，譬如简单嘅假设，我系你师父嘅，我当你嘅上师，依家我教俾你，咁我个法嘅来源系边个？梗系我师父啦，我师父之后又上去师父啦，咁一代一代呢，向上推嚟讲呢，推到最高嘅佛，传呢个法出嚟嘅佛系边个？释迦佛吖嘛！由释迦佛开始一代一代一代传落嚟，佢哋大家嘅上师所修呢个法都系相应，心连心，所以，一代一代就谓之“传承”，依一个法嘅法脉一代一代咁传落嚟俾你，犹如盅魇之术，有啲就系祖传，一代一代父传子，不传外人㗎嘛，一代一代一代咁传落嚟。咁个上师传承里便呢，就具有一个加持嘅力量同埋赋予你一个权力修呢个法，所以由个上师传咗俾你去修呢个法嚟讲，主要个力量嘅意思就系功德就会非常之大，同埋同个法相应。如果你冇上师个传授呢个法俾你呢，你自修嚟讲呢，功德就比较少，如果根据密宗个学理嚟讲。同埋如果你将，你冇上师传承呢，你只可以自修唔可以转教他人，因为一切如来嘅密法系冇秘密，密宗里便嘅“秘密”嘅意思就系话修持嘅境界不可以思议啫，唔可以用你嘅说话讲到你修持境界有几高，唔可以用你嘅思想谂到你修持境界有几深，并无秘密可言。“秘密”嘅意思唔系话收埋，系secret，唔系呢个意思，系指嗰个唔系根器唔可以教授佢咁解啫，意思就唔系指秘密，如来嘅境界，内证嘅境界，三密嘅境界系秘密咁解，犹如你未修证到一个阿罗汉果，点知阿罗汉果内在嘅境界修持嘅功德系点呢？亦都唔可以用我哋凡夫个智慧去猜测究竟佛陀嘅智慧有几高、有几深，呢个就系不可思议嘅秘密，喺经典里便用个“妙”字去解释，《妙法莲华经》个“妙”字就系咁解啦，所以密宗里便嘅秘密唔系话收埋唔可以教，如来嘅法绝对冇秘密，如果秘密，教得你唔教得佢就唔叫做平等，唔叫慈悲，每个人都可以学，如果系啱根器就可以传授嘞，所以上师就有种功德同埋嘅智慧去辨别呢个可以传授、嗰个唔可以传授，佢就会有佢嘅经验，有佢嘅修持嘅力用去教授个弟子。但唔代表冇上师唔可以修，只不过冇上师，你修嚟唔可以将呢个法传俾人咁解，同埋你冇上师嘅地方，你就要跪喺坛前以释迦佛为师，当佢教授咗你嘅时候，你就可以修持呢个法则，个分别在于呢度啫，并无任何罪过同秘密可言嘅。答唔答到你吔？

问：答到。

答：你唔明可以……

问：咁，咁如果我就学佛讲嘅呢，系为咗解脱吖嘛。

答：系。

问：去解脱吔。咁，而家我学呢个咒嚟讲呢，佢系降魔吖，吖，咁有时啦，嗰啲，佛门吖，好多吖，佛门吓……

答：系。

问：但如果我修持呢个咒，同埋我，啫我想解脱系一样，佢话解脱……好似转生嗰度，同埋都系，生生都系苦吖嘛！

答：系。

问：……目的都系能够话做一个……唔系话，我话……修点样，啫唔系话唔要去按嗰个法去点样帮助自己……

答：嗯。

问：而系话……

答：嗯。

问：去做……世间……（注：接下文）

206.大白伞盖佛母之威力（三）

（注：接上文，以下内容为问答，部分录音不清，用省略号表示）

问：……又唔系话……吖，我，吖……修行点样……啫唔系话唔要去按嗰个法去点样帮助自己……

答：嗯。

问：而系话……

答：嗯。

问：……去做……最大……救……佛陀……世间事……

答：嗯。

问：……去……解脱，吖，咁我从呢个咒嚟讲呢。

答：嗯。

问：就两方面。

答：嗯。

问：……啫……明唔明我意思吔？

答：我知，我可以答你嘅，我明你意思，我明你意思。

问：……我讲唔出吖……

答：譬喻大白伞盖咒呢，头先已经话咗啦，五即一，一即五，虽然佢将佢分开咗有五种嘅功用啫，犹如一个大海，分出五杯水出嚟，装入五个唔同嘅器皿里便，一个装入个杯度，一个装入个花樽度，一个装入个碗度，一个装落支管嗰度，系胶嘅，一个装落一个铁嘅罂里便，五个器皿嘅形状唔同，就五，五，但系各个人呢，中意，有啲中意用个杯饮，有啲中意用个碗饮，有啲中意用个铁嘅容器去饮，大家根器唔同，但系里便所饮嘅水一样嘅本性，意思就系话五个咒功能系相通一样，但只不过佢有佢嘅特别功用咁解，犹如，你念呢个金刚忿怒降魔咒可唔可以求生极乐世界？当然可以啦，已经系共通咗，共通咗，所以你念大白伞盖咒任何一个咒都可以令你解脱生死。啫我按呢个法，解番俾你听啦，你亦都可以解脱生死，但系你念唔同个咒亦都有一个特别功用，犹如每个医生有个全科医生，每个专科医生有个全科医生，但系佢亦都个别分科有佢自己嘅专长嘅一样嘢，一样啫，明唔明吖？所以念诵任何嘅大白伞盖咒都可以令你解脱生死，完全冇违背。但系从另一个角度去谂番下，你想解脱，唔好唔记得㖞，你解脱系一条比较，修持一条比较漫长嘅路，你解脱之中你会遇到有病苦嘅㖞，有魔侵嘅㖞，咁你用咩方法吖，你谂下？呢啲咒就俾你交替用啦，佛陀已经一早知道吖，系咪？你唔系话解脱，一解脱就“唵嘛呢叭咪吽，唵嘛呢叭咪吽……”噢，好顺，好顺利咁死咗就往生极乐世界。你修持中途你会遇到好多问题㗎嘛，呢啲问题，唔同个问题就用唔同个药去对治啦，犹如你一生里便又有感冒病，又有头晕病，可能有心脏病，呢一生里便有好多病症，唔同嘅病症睇唔同嘅专科医生，亦都唔同嘅病食唔同嘅药啫，明唔明吖？

问：……但，但，但系嚟讲呢，就，好似就，我哋开头念嗰四句吔，“往昔所造诸恶业，皆由无始贪瞋痴”吖嘛？

答：系。

问：其实我哋所造嗰个业嚟讲，啫我哋以前，好似我而家点解要病呢？

答：系。

问：就唔系话我，我，我点解，系因为我以前系积咗咁嘅因。

答：系。

问：咁而家因缘和合嘅情况之下呢，得咗病啦，吓。咁其实呢个系最自然嚟嘅，就算系佛，佢成咗佛，佢都要，佢嘅业都喺度，佢一样话，我好似听过人讲话……

答：……因果不空啦，因果不空啦……

问：系，哎！冇错冇错……变咗嚟讲呢……

答：系。

问：我嗰个果报系要承受番嘅。

答：系，冇错！啱。

问：咁，呢，呢，呢从个根源嚟讲呢系，应该就我喺度贪瞋痴，啫就系，诶……呢，呢，呢个，呢个如果个结果……就系承受番，或者我只系因过去减轻佢，有念个咒咁简单……系咪咁嘅意思？

答：你，你而家系谂住想问我咩问题吔？

问：……我而家个问题呢就系话……

答：慢慢讲，唔使心急。

问：就系话，吖，啫我本身嚟讲，呢个系个业嚟㗎嘛，嗰个……

答：啫你做咗一个恶事，第一个，个病就开始……

问：……啫呢个业……

答：嗯。

问：所以就变咗嚟讲呢嗰个大白伞盖，呢个法……

答：咁呢个问题就唔系关乎大白伞盖咒吖，系关我哋点样能够消除我哋嘅恶业啦，呢一个。业唔系灭唔到嘅，本性就系空嘅，因为点解呢？嗱！假设，譬如话你头先讲得好啱，系冇错，譬如我已经有咗个病响个身体㗎喇，唔舒服，个果系咪结咗吖？你要佢灭都灭唔到㗎喇。咁如果你，我系以番呢个大白伞盖咒为例，如果你修持大白伞盖咒呢，可以令你痛苦减轻，但系你仍然要承受，因为你个“果”已经结咗出嚟啦嘛，第一点，吓嘛？已经受紧个病啦，点样能够令佢“空”咧？你如果继续念呢个大白伞盖咒嚟讲，如果可以减轻，一定唔会违背因果，呢个法力能够减轻，宇宙嘅法嘅性质系同个因果相应，唔会同个因果冲突。如果呢个法你修起上嚟呢，你嘅果报已经响身已经有个病呢，如果能够令你减轻，你个痛苦就会轻啲，但个病唔会消除，如果令你个病能够快脆报喺你身上，缩短个时间呢，可以！只可以将个时间缩短，但唔可以灭嘅，如果“果”变咗出嚟之后。但系当你个“果”未出现，系一个因嘅时候呢，就可以消灭嘞，明唔明吖？当你造个恶业，个病未发出嚟。你而家个胃病，啫可能将来有头病吖嘛，或者系脚病、身病，呢啲病未发出嚟，防范于未然嘅时候，你就可以修持呢个大白伞盖咒，就将你以前，以前所做嘅恶业灭除嘞。但系如果当你发咗出嚟嘅时候呢，只可以减轻或者将个时间缩短，但系你仍然要承受嘅。但系仲有一个问题嘅，嘅话就系，如果你前生所做嘅业响佛经上便记载叫做“定业”嘅，啫一定要受报嘅，任何咒都灭除唔到嘅，你讲得啱，任何嘅咒灭除唔到。其实真正嘅病苦同真正业果，我哋承受咗咪空啰？只不过我哋凡夫觉得，我，我要嗰条债一次过还唔晒好辛苦，佛陀有冇方法帮我摊还吖？一次过唔好受咁多呢？呢啲法就系帮我哋摊还啦，等我哋受得轻点，舒服啲，唔好阻碍我哋菩提慧命，如果一下个苦突然间好大嘅压逼你，你已经系修唔到啦，犹如我哋六道空间轮回嚟讲，如果你响地狱受紧苦吖，我哋点修行呢？但喺天界极度享乐又唔得修行，唯独人道苦乐参半先可以修行，所以太大嘅苦压逼你呢，系冇办法修行，就系咁解，所以未生嘅业可以灭，已生，已生嘅业呢，可以减轻，或者将个时间缩短。但系其实，头先话，你讲话“往昔所造诸恶业，皆由无始贪瞋痴”啫，但系《华严经》里便仲有一首偈就系话“罪性本空由心造吖”“罪从心起将心忏”，系咪？“心若灭时罪亦亡，心亡罪灭就两俱空。”我哋嘅心觉得我哋有罪咪有罪啰，如果我哋心都空咗，同宇宙个本体一样嘅，何来有罪呢？我哋个心已经系泊然空寂嘞，罪系附喺我哋心里便啫，如果我哋心都冇埋嘅，心，“与灭道断，心行处灭”嘅境界，何来有罪呢？呢个就系《华严经》同埋空性嘅境界嚟嘅，根本罪就可以幻，业力亦都可以幻，但我哋凡夫有我哋身体就觉得系实物有个业有个罪，啫等于，犹如我哋身体喺度嘅时候，有一样物件啲尘会铺上去，如果本来无一物嘅，边会有尘呢？答唔答到你问题？

问：话嗰个定业嚟讲呢，点解话嗰个定业一定要受报吖？咁有啲业呢，又可以唔使受报？

答：“业”里便呢有分“定”与“不定”吖。“不定业”呢，个意思就系话呢，个业果呢，啫以前做嘅恶事嚟讲呢，啫其实“定业”嘅意思我哋谂咗去负面，其实有正面嘅，“定业”决定要受报可能系善事嘅报应，亦都可能系不善嘅报应，亦都有不善不恶嘅报应，善报就要做善事啦，恶，恶报就要做恶事，不善不恶你系咪要做啲不善不恶嘅事？所以你今生会有啲意念呢系中性嘅，不善不恶，我哋有善嘅念头、有恶嘅念头、有不善不恶嘅念头，就感，感受到三样唔同性质嘅报应。“不定业”嘅意思就系话，我假设做恶事，去举例话俾你听就系话，如果你做一件恶事嚟讲呢，你所做嘅恶事系好轻嘅，譬如话你杀生只系好轻微，㓥下买咗两只鸡嘅今生，咁呢啲业呢唔系太重，只要你刻意努力啲去忏悔，就可以消灭。但系你今世从事杀鸡嘅行业，或者前生更是又杀鸡，或者其他屠宰嘅行业，咁啲杀业吖，累积就越嚟越厚吖，一定有业产生，如果有啲菩萨嘅慧眼或者法眼或者佛眼嚟睇，呢个因果呢，系唔“空”，你一定要受呢个报应，一定要受报应就谓之“定业”。但系其实“定业”系相对于“不定”嘅啫，有咩业唔可以“空”㗎？如果当你发大心嘅时候，都可以将个业扭转啦，业力能敌须弥、能深巨海，但系我哋愿力都能够敌须弥、能够深巨海㗎，只要你发大愿就能够将定业去扭转嘞，吓，就系咁样意思，所以我哋谂到“定”，亦都觉得有“不定”，系相对“不定”而讲嘅啫。其实世界上系冇一定嘅业要你受报嘅，只不过我哋凡夫去做恶事，被恶事制裁咗我哋嘅心，亦都觉得，觉得我哋身心事实上系存在，咁就有个罪出现啰，如果我哋能够学似六祖，学似上一次我所讲嘅五湖，《五湖水月印禅心》，上一次我讲过，如果你个心系“空”，你能够学到六祖嘅根器，即时能够见性成佛的话呢，根本罪就点样附喺你个心呢？点能够生？但系我哋往往就系神秀大师嘅境界，觉得我哋存在，个镜，我哋个心系存在，要时时要拂拭嘅，一有尘就要拂拭，所以我哋要，要用自悟嘅法门，一有尘就慢慢拂拭，觉得我哋有罪，一有罪就要拂拭，所以显然就系两个修持嘅境界唔相同嘞。 

问：所以变咗念咗大白伞咒嗰个，呢，呢，呢个咒嚟讲呢，都系我哋内在，啫一个咒啦，一样嘢就，的确唔系空㗎？

答：嗯，系吔，冇错！

问：……我哋修持嘅程度上问题。

答：系。

问：……喺呢个娑婆世界，我谂呢就……

答：系。

问：……嘅一样嘢，呢个咒……咁佢有，如果佢呢个咒能够发挥嗰个威力就系……大白伞盖佛母……系佛母呢，落到个大……修持佢个咒就可以帮我哋，啫好似地藏菩萨咁吖，啫好似阿弥，阿弥陀佛咁，你修，你念嗰个，你念咗嗰个“阿弥陀佛”，你就可以去我哋嗰个极乐世界，系咪咁嘅意思吔？

答：当然啦！大白伞盖头先讲咗就系降魔嘅力用啦，主要，主要功能就系退魔，帮你身边祛除我哋心魔同外魔吖，吓嘛？但系个经书记载就外魔好多种性质，心魔就我哋烦恼，统括就系我哋心魔同外魔啦。咁但系你记住大白伞本体嘅佛母，佢已经成佛，所以修持大白伞盖佛母嘅功德亦都可以通到佛嘅通性，亦都可以通到般若，般若嘅境界，所以修持大白伞盖佛母嘅咒呢，到你修到无心嘅境界都可以成佛，但系佢仍然学似你头先所讲咁样冇错，系属于“有”嘅佛，咒就系“有”啦，未能够到“空”啦，系借助呢个法去令到你空境啫，所以其实你针对呢大白伞盖佛母嘅法最后都唔能够解脱嘅，你要修到将呢个法都放低先可以解脱㗎，《金刚经》都讲咗㗎喇呢样嘢。答唔答到吖？

问：答到吖。

答：吖。

问（另一师兄）：唔该。

答：系。

问：我想问，楞严，个楞严……要雪山嘅……白牛，个雪山系咩雪山嚟？……存唔存在呢？

答：大白牛呢，我就未去过喜马拉雅山，佢当时所讲嘅雪山呢，就应该喜马拉雅山啦，大雪山。响《楞严经》所起嘅镜坛嚟讲呢，要雪山嘅白牛粪呢，啫嗰啲白牛呢，就唔食任何嘅杂食啦，第一点，佢系食雪山里便嘅青草同饮雪山，雪山基本上冇青草啰，好少吖，基本上就饮雪山融咗雪嗰啲，嗰啲雪水嘅，所以好清净，所以佢排出嚟啲粪便呢，就系好清净，一啲臭味都冇。咁吖，西，古代嚟讲印度呢冇乜物质嘅，所以利用呢啲清净白牛嘅牛粪作为起坛一啲泥吖，嗰啲泥吖，所以系一种，点讲？系有相事相嘅坛城，其中一种构成嗰坛城嘅条件嚟嘅。咁我哋而家十五楼养牛牛肯定有啦，但系雪山白牛呢……

问：有冇全白嘅牛？

答：有，有全白嘅牛，有，有，有全白嘅牛。

问：……清净明诲呢……我呢个……里面呢，释迦佛话，再进一步嘅呢，连动物嘅身体部分亦都唔食。

答：系，“身”就“身分”吖嘛，系，系冇错。

问：但系设个楞严坛呢一度呢，佢就嗰啲醍醐吖，嗰啲牛奶供，供佛嘅，有冇……

答：醍醐，醍醐。

问：好似互相违背，唔系话……

答：呢度唔系互相违背，啫个秘密系在于边呢？犹如我哋供莲花生大士，修法嘅时候攞碟牛肉之嘛，或者攞酒啫嘛，当你供嘅时候，如果上师嘅功德力用就可以将啲牛肉同酒变成甘露嘞，将个酒，将啲牛肉加持超度嘅性质，再唔系牛肉，但系当佢分俾受持灌顶人食落去，如果呢个人系食肉，个心有参著，一食嘅时候呢，仍然系肉，因为佢执著系肉。但系当个上师加持超度嘅时候，佢个心唔觉得系肉，因为有啲护法系中意食肉，个上师开个方便，所以就用呢啲，呢啲咁物质系肉类去供护法。咁所以犹如起楞严坛嘅时候，佢用到动物嘅性质，醍醐或者乳酪，呢啲系牛奶，奶类所出，出嚟嘅嘢啦，意思就系通过加持力嘅时候已经再唔系呢个物质嚟嘅，转化咗啦已经。因为，因为当时西藏或者印度呢带嘅地方，植物、草已经缺乏，乜嘢原料都冇，亦都啲人贫穷，做唔出任何个大供养，唔系饮羊奶就饮牛奶㗎喇，所以就佛陀就攞啲现成嘅物质，去作为起坛嘅，嘅材料啦，就揾唔到其他合适嘅嘢，吓。

问：啫嗰个雪山就系喜马拉雅山？

答：系喜马拉雅山嚟，咁喜马拉雅山一带都好多新鲜嘅，有雪嘅山都系雪山啫，其实佢嘅重点，点出就系要喺嗰笪地方生长嘅牛只啫，吓。但我哋而家修楞严法，冇理由拉只牛嚟㗎嘛，特登要攞佢嗰啲嘢，冇理由㗎嘛。就冇违背，系我哋嘅心法嘅问题，吓。啫佛陀所讲，既然佢《四清净明诲》讲连牛嘅身，啫身分都唔可以食，仲加唔可以著，啫我哋著皮鞋吔、戴皮带，何况佢点会攞动物呢？所以用喺修法上嘅意思有特别嘅意思，就唔同嘞，应该系个比较，有个密意啦，可以讲吖密宗里面叫“密意”啦，吓。

问：……再讲一啲嘅《四清净明诲》呢，释迦佛话佢入灭之后呢，就系佢会藉住啲罗汉吖、菩萨吖……

答：系。

问：去示现众生相吖。

答：系。

问：去度众生嘅。

答：系。

问：但系绝对唔会泄露身份㗎嘛。

答：系。

问：一旦泄露咗就入灭㗎喇，系咪？

答：系。

问：吓，但系有啲密宗嘅上师呢……

答：系。泄露身份会入灭？呢度，呢度要定义下，点样入灭先？

问：如果呢，能够，诶，知道佢系某个……转世呢，佢就会入灭㗎喇嘛？

答：冇，冇呢个记载，冇呢个记载！唔系，佢嘅意思就，意思入灭就系话……

问：……

答：系啦，系啦，就唔系话知道佢身份，佢唔会入灭。

问：……

答：唔系，唔系。啫意思话佢临终“阴有遗付”吖，“阴”者就系暗暗咐嘱佢弟子啫，就唔系话泄露咗你身份就瓜老衬吖，损害个慧命吖，冇呢啲事，就。

问：但你话过系绝对唔会讲俾人听佢身份㗎嘛？要佢临终嘅时候先至会暗指啫，吓嘛？

答：系吔，系吔，啱吖。

问：但系有啲……佢公然讲自己系某某嘅转世，咁系咪好似有啲吖，有啲互相违背。

答：佢公然呢，佢公然讲呢，佢系咩佛转世嚟讲，就睇佢对边个讲啦。咁但系，譬如，呢个就要实际接触嗰啲上师啦。因为如果我接触就好少听过上师开法会自己讲自己边个佛。通常讲佢系佛嗰啲，或者咩菩萨转世，睇佢传，但系传都唔系佢自己自传，系人哋同佢写，或者人哋话佢系边个佛转世，其实佢系咪真系嗰个佛转世，有啲人话达赖喇嘛同班禅都系观音添。

问：系吔系吔！

答：可能啲人就觉得佢，佢修个法就系修观音法，或者佢嘅，佢嘅行为好慈悲，犹如观音个化身一样，所以号称佢系观音化身，未必系实际佢就系嗰个佛菩萨化身嘅，同埋我哋了解个上师都好少话自己会传法自己讲嘅。佛陀所讲嘅自己，呢一段其实最主要意思就系，自己话自己系佛菩萨化身，可能借助呢一样嘢去谋取世间嘅名誉同地位，佢讲出嚟啫，就博取你名誉地位。如果传法唔须要讲嗰啲嘢嘅基本上，你令众生生起信心唔系因为你系唔咪佛菩萨吖嘛，最紧要你教化众生受唔受用得到，你话你系佛菩萨都冇用㗎，佢牙痛紧个胃痛紧，你救唔到佢，亦都徒然啦，所以最紧要传法嗰个实质啫，其实都。但系上师嚟讲，我接触咁多上师就应该实例比较少，佢自己讲自己系边个应该就少啲嘅。

问：喺啲传有，有记载呢？有啲传有记载……

答：吖，传就系其他人同佢写嘅，咁就，但系纵使佢系嗰个佛菩萨嘅分身亦都唔出奇嘅，但系佢如果唔系博取世间嘅名闻利养，亦都唔系夸大佢自己，亦都无可口非嘅，呢一样嘢。冇，啫我觉得吖，个观点。同我觉得佛陀嘅《四清净明悔》嘅观点就系，只不过点出末世呢《楞严经》，特别系破魔呢，一部照妖镜嚟嘅。佢特别讲出末世如果成日提起个“我”字，成日把响话“我系咩佛菩萨招牌”，成日强调嘅，咁嗰个人就要小心，强调，啫好强调嘅。相反，佢唔强调，佢临终轻轻，轻轻提，轻轻提少少佢系边个佛菩萨，等啲弟子增加信心啦，咁吖就会有。例如密勒日巴会讲啦临终，刚戈巴大师亦都会讲啦，系嘛？咁嘅意思啫。啫如果个上师一上台：“各位，我就系观世音菩萨嘞！”

问：哈哈哈……

答：咁你都惊啦觉得，系咪先吖？

问：但系出传呢个问题呢？应该？

答：吓？

问：出啲书，讲佢嘅传有问题呢？

答：出传呢……

问：……出传系公然咁公开。

答：出传呢，嗱，主要就系人同佢写啫，如果站在一个弟子角度称赞佢上师，犹如，譬如话观音一样吖，都系，佢发自嘅心都系赞颂佢。如果出咗之后啲人信受咗，佢上师嘅德行系好嘅，其实亦都系带众生善性嘅一面啫。如果上师行为唔好，佢话佢边个佛菩萨化身，佢弟子夸大佢上师吔，佢上师系邪魔嚟讲呢，个弟子同个上师一齐跌入大地狱啦，吓，所以睇下，边个睇下个上师系边个上师，我觉得就系。魔就成日会出传话佢系边个：“各位，我……各位，我……”哗，个“我”字好多㗎，你睇下，“我系边个”“我系边个”，会唔会多啲？

问：同埋《大智道论》呢。

答：唔使举手，就咁讲啦。

问：《大智道论》话呢，吖，罗汉呢，嘅神通、宿命通呢，可以知道八万劫以前、八万劫以后嘅事，系咪？

答：系。

问：……长过佢就唔知㗎喇，系嘛？

答：系，系吔。

问：……宿命通呢，系八万，嗰长过呢啲数目，点解呢？

答：咁我哋嗰数字呢，嗱，犹如呢，其实嗰个数呢，唔需要太过执著嘅，因为“八万四千”或者“八万”呢，如果你去比较争个四千嚟讲话，点样少咗四千呢？

问：《楞严经》个法门呢……恒河沙咁计数。

答：吓，嗱！呢度呢，有两种解释嘅，第一种……

问：……未证果嘅，啫作坛修呢个……

答：系嘞，系嘞，系嘞，我知道呢个，我都谂过呢个问题嚟㗎。第一呢，嗰个“八万四千大劫”嚟讲呢，就系呢，印度里便嘅乘数嚟嘅，我哋肯定就唔系“八万四千”。因为佛经里，屡屡都有提到“八万四千”嘅，我哋冇理由逐，逐个劫数：一劫、两劫、三劫……咁吖八万四千，唔系，“八万四千”即是话好长好长好长远。但“恒河沙数”就更利害啦，恒河嘅沙点止八万四千粒吖，系咪吖？更加长远咁解。啫意思话，第一点，唔好执著个实数。但系相反呢，你而家问嗰个唔系依个问题，就系点解修持楞严咒，佢都未证罗汉果位，佢点解会恒河沙咁长嘅时间，宿，宿命智呢？

问：……嗰个罗汉……

答：系嘞，嗱，依个就系《楞严经》嘅功德力用啦，呢点问得好。《楞严经》，我哋记住“楞严”嘅意思就系“一切事究竟坚固”，所有嘅，所有嘅大定最后都通向楞严禅定吖，啫所有嘅大定最后都系通向楞严，啫不可被一切外界、内在嘅魔，心魔、外魔破毁嘅就谓之“楞严大定”，所有嘅定最后都具有呢个性质嘅。但系如果呢个定你修，譬如话，嗱，佛经里便记咗好多“三昧”嘅，譬如话“狮子品信三昧”啦，“乐见照明金刚三昧”啦，“海印三昧”啦，《华严经》吖，你睇过，诸如此类啲“三昧”，最，佢啲，每个“三昧”，佛陀入啲“三昧”嚟讲，都，都有唔同嘅性质，嘅功能去化度众生，但系依个“三昧”，每一个“三昧”最后都系通向楞严，“首楞严三昧”。个“首”字嘅意思就系“第一”咁解，“首楞严三昧”，或者系个译音“sur”，s-u-r，“sur”，就系解释为“头”咁解。“首楞严三昧”，第一无常，犹如文殊菩萨叫做“妙首”一样啦，佢，佢嘅意思就系话所有嘅禅定都系通向楞严大定，所以楞严大定系最高嘅禅定嚟。如果有，有人能够有咁嘅机缘福分修持得到呢，佢何止罗汉吖？佢嘅宿命智直程相等于佛与菩萨㗎喇已经，啫一超超越好多大劫嘅生死添吖，甚至，就系因为楞严咒嘅功德力用咁解，吓，所以已经超越晒罗汉㗎喇，呢个境界，如果你修持，修持到的话，吓。但系，但系嗰个数字又唔需要太执著，唔系太实嗰个数字，系好多好多咁解，当然“恒河沙”多过“八万四千”啦，嗰个劫吖，更长咁解啦，或者“无量百千万亿阿曾衹劫”吖，更长啦，吓，仲加长啦。

问：同埋《大般涅槃经》里便呢，有好多仙人吖，弟子吔……佢嘅弟子……

答：嗯，边位弟子吔？你记唔记得个名吖？系咪纯陀吖？系咪个铁匠吖？吓嘛？

问：唔记得个名。

答：我记得系开头……嗰个弟子应该系一个老人，同一个老人……

问：……弟子……

答：点解呢？《大般涅槃经》其实已经讲咗啦，嗰度，因为嗰个，嗰个铁匠嚟讲呢，其实“宿厚”，啫宿世嘅福德嘅好深厚嘅因缘，佛陀喺呢个时机要去度化佢，所以接受佢嘅供养。因为佛陀当时已经呢，对于拘尸那预备涅槃嘅时间无多，其实佢接受供养，临死食多餐，贪佢一餐食咩？系咪先？

问：……其他唔接受，单单接受佢一个呢？

答：因为佢福德因缘具足，佛陀特登接受以显示话佢听，你哋全部我唔接受你供养。第一点就系啲时间问题啦，第二点嘅意思就系话显得呢个纯陀嘅供养系好重要，所以佢最后临终都要度化埋呢个弟子啦，就系咁嘅意思。显得佢嘅，正因为特别，比较系重要咁解啫，冇乜特别嘅意思嘅，依一度。接受其他嘅众生供养，其实，其他众生可能能够，佢问得佛陀，佢已经问过佛陀接唔接受佢供养，佢问得佛陀接唔接受供养，佢已经系供养咗佛陀㗎喇，其实已经，佛陀已经加持咗佢㗎喇已经，所以显得佢特别啲吖，咁解。

问：……之后呢，罗汉……

答：呢一段嚟讲呢……

问：……点解……

答：佢呢一，呢一段嚟讲，应该系讲个《法住记》吔。因为释迦罗汉啦，释迦佛嚟讲呢，响佢涅槃，涅槃之前呢，曾经咐嘱十六个大阿罗汉呢，常住世间不灭嘅，肉身不灭，犹如迦叶尊者呢，响鸡足山一样啦，捧住个袈裟呢，等弥勒佛落嚟嗰时就将袈裟传授俾佢。咁吖，迦叶尊者，大迦叶呢，就唔系十六罗汉嘅，有十六罗汉，住世嘅罗汉，同埋释迦，呢个罗汉统领好多罗汉。以至释迦佛再咐嘱其他好多大阿罗汉，佢分驻我哋娑婆世界每个空间去教导众生，唔准佢哋入灭，而令佢，佢哋更行菩萨，菩萨道嘅心，等待将来弥勒佛落嚟嘅时候先至入灭，但系迦叶尊者到时候呢，喺鸡足山出禅定嘅时候呢，就会汇聚番啲罗汉，罗汉啦，参加弥勒佛嘅法会。佢哋显扬番释迦佛嘅法，因为佢哋系释迦佛嘅遗教弟子，前一个佛嘅弟子嚟㗎嘛，亦都参加后一个佛嘅法会，所以呼召番佢出嚟。我哋只要睇下弥勒三经里便，特别《弥勒大乘佛经》，当迦叶尊者呢，响鸡足山飞出嚟嘅时候就响空中显现十八神变嘞，跟住嗰啲弥勒佛嘅弟子，当时嘅人寿八万四千岁身材高大吖嘛，点解有个，有个矮仔呢，有个人头虫走出嚟咁细粒，跟住迦叶尊者将个身放大，用个神通，跟住而家响空中演说，呢一句就答你个问题嘞。佢喺空中演说释迦佛以前所讲嘅三藏十二部经典吖，全部讲一次俾弥勒佛嘅弟子听，显示释迦佛上一代佛嘅法教嘅重要。然之后将，先将呢啲法嘅汇聚嘅代表呢件袈裟，金，金缕袈裟就交俾弥勒佛。就系咁解嘞，所以佢就会将释迦佛嘅法讲番出嚟。

问：我问题系话点解佛入灭之后啲罗汉跟住亦都入灭？

答：啲罗汉？边啲罗汉吖，你又？好多罗汉，但系佛陀入灭，个先佛入灭，呢个仲有好多，譬如舍利弗同目犍连都先佛入灭㗎喇。

问：……记载……一齐呢，就，诶……

答：头先，头先我答……

问：……入灭之后……

答：头先我答你嗰问题呢，就系佛陀入灭咗之后呢，《法住记》所记载十六罗汉啦，显扬释迦佛个法啦。至于你头先所讲话点解啲罗汉，啫入灭呢，其实所谓入灭嘅因缘就系佢适当嘅时候就入灭嘞。但仲有一个，一个特别嘅，特别嘅意思就系，佢入灭，唔系佢嘅精神，系肉体之嘛。迦叶尊者请番佢出嚟响呢个，七，七叶窟里便吖，第一次集结经典，王舍城嘅七叶窟里便呢，结集经典嚟讲呢，就系迦叶尊者用佢神通召唤番一定要有六通嘅罗汉，但佢坚持释迦佛嘅法藏呢，先能够聚集番一齐。当时聚集经典嘅结集嘅时候，啲罗汉嚟讲有啲系冇肉身嘅，但系阿难尊者当时呢未证果，你应该知呢件事迹，所以佢用神通去，去汇聚十方嘅罗汉，唔系净系释迦佛印度个空间，啫啲罗汉圆寂可能系有啲去四大部洲吖，有啲响其他唔同嘅星球教化众生，将佢汇聚返嚟。释迦佛死咗嘞，然之后将个法重新结集喺人间留传，唔好再去失去，就系咁嘅意思。其实先同后系个肉体嘅问题，冇乜关系，啫缘，缘至呢，个身体存在，缘尽就身体入灭。哗，你问咗好多，《大智道论》啦、《大般涅槃经》啦，哗，好厉害，《华严经》啦，仲有咩？《楞严经》啦。

问：……

答：吖，好犀利吔，好开心吖，有人问呢啲。哗，讲下经名我都成个人雀跃啦，已经，你讲到啲名好开心。

问：……所以我……

答：唔系吔，你提到呢啲名我已经好开心㗎喇，已经，提到啲名好开心吖，讲啲咁大嘅经，经王嘅名。仲有冇问题吔？好早之㖞而家。谂下有咩经论、经书可以研究下，好早㖞而家。

问（另一师兄）：老师吔。

答：吖。

问：我想问你呢，吖，《地藏经》好多时都有讲“归依地藏菩萨”，咁其实我哋应该，啫点样嚟归依地藏菩萨？ 

答：身心诚投就谓之“归依”啦。而家我哋一般人呢，只系得“身归依”啫，啫你顶礼，图佢一个躯壳，吖，归依佛、归依法、归依僧，你个心一定要归依佢，“心归依”就系意思话将你嘅精神、将你个心，真心交付俾地藏菩萨，意思就系跟佢条路行，就谓之真正归依，所以你归依佛法僧，有分开个，诶，点讲吖？外在形相嘅归依、事嘅归依，亦都有理嘅归依。“事归依”就系话意思有个法师同你受三归依，俾个三归依戒体你，有个仪式，就谓之“事归依”，但系真正理体三宝呢，去领取内在理体三宝嘅“理归依”，就系话将你身心，完全诚投俾佛菩萨，不止个心去做个仪式归依，不止个身去做个仪式归依，个心都要交俾佛菩萨，将你，密宗所讲嘅“三业清净”去交付俾佛菩萨，身体啦、语言咧、意念咧，完全供养同奉献咗俾佛菩萨，而且照佢精神去做，就谓之真正嘅“心归依”，心先系内在最重要嘅嘢，万法为心吖。呢个就系能够得到理体三宝归依，比得到外在三宝事相上嘅事体归依嚟讲，不名系真归依，一个仪式，所以而家啲法师有时同啲，诶，弟子归依，好多信众，根本就时时间赶，佢都冇办法解释呢啲嘢俾佢听，啫你个心唔能够诚投呢，都系得个仪式，未必一定得到个三归依嘅戒，但一样会种下菩提嘅种子㗎喇，已经。咁吖，换番另一个角度讲，就算你当时好虔诚归依，亦都能够得到个戒体，唔代表你将来修持唔会破戒㗎嘛，你个勇猛心发咗嘞，但要长远慢慢步步去做，保持番你个戒体唔好失。三归依系个戒体嚟嘅，唔系五戒先系戒，归依三，三归依嚟讲就系佛法僧三宝嘅三个戒响你个身，唔可以破戒，每个戒亦都有善神去守护你，你一破戒，啲善神就离开，你个戒体失咗嘅时候，啲魔就会侵，侵占你，所以点解自归依佛法僧之外，不归依天魔外道邪众，不归依外道典籍，不归依外道一切说法嘅邪师呢？就系意思你得咗戒之后系好清净，唔好将你个心嚟污染，倚托俾第二个人将你个心去交俾邪法、啲邪众，嘅意思就系，你得到个理体三宝就系个戒嘅意思吔，呢个“理”嘅意思系宇宙嘅真理，系你真真正正去诚心诚投，归依佛法僧或者归依某个菩萨而产生出嚟嘅清净嘅戒体嚟嘅呢一个。但系我哋普通人未能够做到咁深层次嘅时候，得个外在形相去做，啫犹如你拜忏，一拜落去，吖，拜下忏吖，去忏悔吔，你拜完之后你会唔会做恶事先？你继续去做，是，是则名为，“是不名为真忏悔”咁样，唔系“是则名为真忏悔”，就唔系忏悔吔。真正忏悔就系，你以前，以前嘅嘢真正忏咗个业，唔好做啦，将来个嘢你唔好再作先得嘅，明唔明吖？你忏完之后，拜完大悲忏，跟住你又再去杀生，或者饮酒食肉，或者个心谂去谋害他人嘅，冇用嘅，咁你唔系真忏悔。一样之嘛，犹如你归依咗三宝，唔代表你第日唔会走岔路，所以你时时刻刻提醒自己，自已领受咗三归依呢个戒体嚟呢，就唔好俾佢破损，好重要。但而家我哋归依三宝嘅心，而家好似流水式咁吖，根本冇办法明了佢里便嘅真义吔，太快吖做得，同埋就系应该三归依之前嘅一日，就个法师，就或者揾一个居士了解个法理，代个法师完全清楚解释，第一日，第二日先正式去做归依，就唔好一日过时间话太仓促嘞，半个钟头或者一小时呢，我觉得失咗个意思吔。我个人认为就系你应该解释好清楚揾一段时间，然之后先再做归依，咁就妥当啲，你受个心就会清楚啲啦，吖，啫唔使话你，你容易唔明白就行差踏错啦。

问：系吔而家……经常……

答：系吔，呢个系一个陋弊嚟，而家，而家，而家速度时代，乜都要快吖嘛，快餐吖，系吔，员工快餐。 

问（另一师兄）：……咩叫“天魔”呢？

答：吖？

问：咩叫“天魔”呢？

答：“天魔”点解“天魔”呢？“天魔”嘅意思呢，其实佛教里便呢，有两种意思嘅，广义同狭义嘅意思。“天”者呢，就谓之“天上界”咁解。啫魔王嘅福德呢，比玉皇大帝啫帝释天更高，佢欲界嘅第六天，玉皇大帝先喺欲界嘅第二天之嘛，佢已经生住喺欲界第六天啦。他化自在天里便有个魔宫吖，呢，喺天界上嘅魔，因为魔有好多种嘅，你讲“天魔”就系指系住喺天界嘅魔，广义嚟讲系住喺天界嘅魔，唔系，狭义嚟讲，讲系住喺天界嘅魔，但系如果广义嚟讲，“天魔”嘅意思唔系净系指天吖，佛经里便就系一切损害佛法嘅魔众都谓之叫“天魔”，特别指，佢佛经记载叫“波旬”，波旬为首呢个魔王呢，佢有好多子子孙孙要陷害佛法。因为如果广，广义嘅“天魔”嚟讲，其实包括地魔吖、人魔吖、龙魔、阿修罗魔，每一个空间嘅众生都可以成魔嘅。嗯。

问：……呢个……魔……

答：明唔明吖？呢度明唔明吖？呢度唔明吖？

问：……佢呢个魔点解要……呢？

答：咁个原因要问番我哋自己啦，点解我哋会有贪瞋痴慢疑呢？因为我哋内在嘅贪瞋痴慢疑，所以佢咪要阻止我哋修佛法啰。如果我哋内在冇贪瞋痴慢疑，佢点阻碍我哋修佛法吖？根本阻唔到，就系佢发现我哋人类内心有贪瞋痴慢疑，佢就要阻止我哋，唔俾我哋继续学佛。另外一个呢，就系你问番隔离阿，阿肥仔师兄啦，上一次佢好清楚，我都同佢研究过，讲《五湖水月印禅心》嘅时候呢，讲到好清楚就系话，嗰饼带已经讲到好清楚。当你发愿修行，犹如释迦佛当时响菩提树下打坐嘅时候吖，佢禅定放光吖，惊动魔宫，啲魔宫摇摇陷、摇摇陷，嗰啲光冲上去第六天魔宫度，啲魔王都见到惊魔宫震裂，所以睇下边个喺度成道，咁吖落嚟骚扰下佢啰。犹如人我哋人禅定或者修持嘅时候亦都会放光吖，呢啲光呢，会吸引啲魔众，但系佢唔敢攻击我哋，等，等我哋转弱嘅时候，佢当时，你，你嘅禅定力就会提醒佢：哗，你个绿色衫条友仔修道㖞，哦，响个机会攻击唔到你，下一次就要破坏你！啫你提醒咗佢嘞。其实你学佛，一插支旗出嚟就话：我修佛嘅！你已经同魔作对啦，你唔须要揾个魔攻击你，已经就同个魔作对。其实真正你系降伏你嘅心魔啫，如果你个心系空嘅，一切外在嘅魔境亦都唔能够攻击到你。

……（注：此处录音缺失部分内容）见，邪见、见取见、戒禁取见，呢个就系“见惑”，就系所知障。呢两，呢个烦恼障同所知障，见惑同埋思惑或者修惑相交嚟讲，就令到你解脱唔到生死，罗汉嘅四果就要断除思惑五十五品同埋一百二十八，一百二十六品，系唯识宗同埋法相宗同埋小乘嘅宗派所讲嘅唔同，三界分别，我哋有唔同嘅品数，要破，破除呢啲惑障，然后分证阿罗汉嘅四果嘅，所以我哋破除呢啲惑障，修持禅定，需要解脱生死就系咁解啦。

问：嗰个“见惑”系咩呢？

答：“见惑”就系你见解上嘅迷惑，见解上嘅迷惑错误。比如而家我哋，譬如我哋唔明白佛理，无明而产生愚痴，而起好多邪见啦。譬如见惑第一种举例就系“身见”啦，“身见”亦都名之为“萨迦耶见”，呢个萨迦耶见就系你执著你呢个色受想行识，五蕴假合之身，以为实有，而唔觉得佢系空嘅，就谓之“见惑”，“身见”第一种。第二种“边见”，边埋两，两边嘅见解，“边见”亦都分两种，第一种“断见”，第二种“常见”。“断见”嘅意思就系话认为人死如灯灭，人死咗之后就永远消失晒，灵魂唔会再轮回，个本体精神系唔会再轮回，就偏咗左嘞，偏向右边就常见嘅，有啲人认为人死永远为人，每一动物，譬如猪死永远做猪，猫死永远做猫，呢个常见，时常执著轮回系一个本体见解，亦都系偏咗右吖，左右都唔啱，应该走中道，系走中道，中道嘅一佛相见就系佛陀嘅真正嘅见解。第三种系“邪见”，邪见就系种种你对于事同埋对于理，迷惑而生起嘅障碍谓之邪见。第四种“见取见”，“见取见”就系执著唔正确嘅见解，人哋灌输俾你或你自己内心幻现嘅见解呢，谓之正嘅见解谓之“见取见”。第五种就系“戒禁取见”，戒禁取见就系话你如果学咗啲邪嘅宗派或者你虽然系守持，修佛，修佛教嘅，但系有啲戒律你误会咗个意思，而做错咗，或者你受持其他宗教唔正确嘅邪戒，以为能够得到解脱。因为，能够得到解脱，系咪三无漏学戒定慧去破除贪瞋痴呢？去破除三毒，第一就系“戒”，如果你执著错误见解呢，以为真嘅见解嚟到修持禅定你就会著魔啦，《楞严经》《四清净明诲》讲到好清楚，所以最后一种“戒禁取见”，点解提到“戒”呢？唔系“定”，唔系“慧”呢？系“戒”呢？就系修持嘅根基吔，基础嚟嘅，执著错误嘅见解以为见解呢，就系戒禁取见。身见、边见、邪见、见取见、戒禁取见就系见解上五种嘅大阿哥，能够统摄好多邪见，都系由呢五个，五个，五樖树产生好多枝叶出嚟弥漫于整个森林，所以你破除咗呢啲见惑嚟讲，见解上迷惑错误嘅时候就能够生起智慧。罗汉就一定要断除呢啲见惑同埋你内心上嘅烦恼思惑，呢两样就系交织嘅，交织嘅。譬如由于你贪心，内在嘅思惑起一个贪嘅烦恼，而令到你谂一啲谋害人嘅邪见，见惑同思惑交织，就令你解脱生死啦（注：根据上文，“令你解脱生死”疑为“令你解脱唔到生死”），所以见惑呢，谓之“五顿子”，思惑谓之“五利子”，有动有静呢，佢根性有快有慢嘅，所以起呢个心，喺唯识宗上便去分，分得非常之详细，每一个性质吖，同埋每一个惑嘅品数吖，你修持咩果位，要断除几多品吖，系好清、好鲜明话俾你听。天台宗同埋唯识宗会有讲呢啲，啫法相宗同唯识宗。吓。

问：哗，咁呢个见惑，啫就需要好高嘅智慧……啫，错误嘅见解。

答：如果我哋有好……

问：我哋点，点，点，点样？

答：如果我哋有好高嘅智慧就唔须要破啦，我哋已经系如来有好高嘅智慧，我哋只要有一个大愿心去修持佛法，自然慢慢就可以断啦，呢啲。一定要发个大愿，推动你行呢条路就系个大愿。你已经信咗啦，有冇发大愿吖？发大愿嘅时候你行起上嚟，付于实行，修持释迦佛正脉嘅佛法，你都可以断除见惑同思惑㗎喇，最紧要大愿。

问：发个大愿，嗰个大愿系咩大愿呢？

答：大愿嚟讲呢，有“通愿”亦都有“别愿”。“通愿”嘅意思就十方三世如来嘅通，通则，就系“四宏誓愿”。“四宏誓愿”唔使讲啦？系咪？“众生无边誓愿度，烦恼无尽誓愿断，法门无量誓愿学，佛道无上誓愿成。”就系三世诸佛嘅“通愿”。“别愿”嘅时候呢，每个佛、每个修行人唔同个愿望。药师如来有十二大愿，文殊师利菩萨有十大愿，普贤菩萨亦都有十大愿，阿弥陀就有四十八大愿，系咪吖？每个佛嘅愿唔同，成就唔同无量嘅功德，但系呢，十方三世如来嘅通愿就系救尽众生一切苦，然后自己先成佛，啫地藏菩萨嘅精神啦，所以就睇下你用边一样嘅啫，唔同个心唔同个愿有唔同嘅成就。

问：……嗰度“思惑”……呢？

答：“思惑”，“思惑”咪就系你嘅烦恼障啰，你嘅贪心、你嘅瞋恨心，瞋恨心包括你嘅恚心，两个“土”字做一个“心”，叫“恚”，“恚”就系你自己内在产生，产生嘅烦恼，“瞋”呢，就系对外嘅。吖，点解，“虽无过犯，面目可憎”㖞，点解佢会嬲呢个人呢？外界点解会令佢发脾气呢？但有时你自己因为你情绪内在波动都会𤷪𤺧个㖞，你情绪内在嘅波动就系“恚”嘞，“恚”嘞，“恚”嘞，呢一个。“瞋”就系咁啦，“恚”就系呢个啦。恚心，恚心就系你内在情绪嘅波动。所以佛陀呢，嘅慧眼呢，睇过我哋个心系好清楚，知道我哋内在情绪嘅波动而影响你修行嘅。“痴”啦，第三种啦，贪瞋痴呢，就系三毒啦，愚痴无明啦，唔了解真理啦，你前生唔积福，所以冇机会响今生了解真理、修习佛法。“慢”就系你傲慢啦，个魔心，轻慢众生嘅心吖。“疑心”就系对于正确见解唔去执著去守持，对于，对于邪嘅见解，反而你执著去守持，就系，就系“疑心”吖。对于正法你怀疑，对于邪法你唔怀疑，去，去信受嘅，你睇下而家芸芸众生有几多人入咗邪教吖？你同佢讲正教，佢都唔相信，呢啲心、呢啲邪见，就谓之“思惑”，思想上嘅迷惑错误令到我哋唔能够解脱生死。 

问：……思惑就系根本一个烦恼，贪瞋痴？

答：我哋根本烦恼响佛经上叫做“无明”，由“无明”衍生出嚟呢啲枝节嘅烦恼。“无明”嚟讲，我哋如果断咗“见惑”同“思惑”，仲要破埋“无明”。“无明”，“无明”嚟讲已经系超越罗汉嘅阶段啦，已经到达菩萨，十地菩萨嘅阶段。因为菩萨分开五十二个阶位，由第四十一个阶位开始呢，初地、欢喜地到第十地法云地开始呢，就开始断除你个“无明”。破一分无明显一分佛菩萨嘅法性，意思就系已超越罗汉嘅阶位，已经断除见思惑㗎喇，见思惑一断尽呢，伏咗呢个“惑”呢，就超越三界生死，然之后进入菩萨嘅位置吔，菩萨嘅嘅位置，然后登初地嘅欢喜地。一发大心嘅时候就修持菩萨果位，前四十个阶位呢，可能就罗汉断除见惑、思惑嘅阶位，但系你睇，嗰个四，十，十信、十住、十行、十回向、十地、等觉、妙觉，呢五十二个阶位呢，前，前四十个阶位嚟讲呢，你修持就罗汉果位，但你修持嗰个中段如果你一发大心嘅时候呢，可以一跳跳去，可以一跳去大乘菩萨嘅果位，初地开始啦已经，初地开始就正式已经同个“见思惑”冇关系，同你嘅“无明”，最初“无明”有关系。“无明”呢，系好多种嘅，“无明”亦都分好多级嘅。断你嘅“无明”，初地嘅“无明”同二地嘅“无明”同三地嘅“无明”唔同，所以每一地断除“无明”呢，而得到嘅功德就系一个“地”嘅名字啦，譬如话初地欢喜地，菩萨一发心修持破咗初品嘅“无明”，而后产生个欢喜心，啱啱登菩萨嘅真正嘅菩萨嘅地位，前四十地嘅阶族都系凡夫，由第四十一开始至到妙觉佛菩萨，啫佛陀呢，依个先系圣人嘅流域，先系能够真真正正踏上圣人嘅流域。欢喜地，一地一地一地咁修到第十地法云地，然之后等觉菩萨就系一生补处嘅菩萨，即将补佛位，然之后再跳去妙觉菩萨，妙觉菩萨就系佛嘞。

咁所以，呢个“惑”同个“无明”唔同吖，个佛经分到好清楚，“无明”就系佛菩萨已经系进一步㗎喇，更高度吖，慢慢破破破破，到到等觉菩萨争一点嗰度呢，仲有一分“无明”，嗰分“无明”叫做“元品无明”，啫第一个“无明”令我哋，啫点讲呢？堕入生死苦海嘅。如果破埋呢一品“无明”呢，就系直证妙觉菩萨果位，啫成佛㗎喇已经，所以“无明”嘅烦恼，简单解释就系我哋唔明白宇宙嘅真理，被烦恼迷惑，不能见到宇宙中道实相，就谓之“无明”啦。所以“十二因缘”，佛陀一早已经讲清楚，首先最根本就系无明缘行、行缘识、识缘名色、名色缘六入、六入缘触……咁就哱哱哱，咁推落去，倒番转头“还灭门”嘅时候，就破番个“无明”嘞，有死吖、老吖、生病吖、六入吖、触吖、受吖、爱取咁，倒，倒返转上去呢，将个“无明”破番，就系逆数个法门，谓之“还灭门”，如果顺数就谓之“流转门”。罗汉就系还灭门嘞，将最后，就算罗汉同埋菩萨嚟讲都系观察呢个十二因缘，只不过菩萨发大心啫，罗汉唔发大心啫。菩萨只不过系一架牛车啫，系咪先吖？“三乘佛法”中午已经讲咗啦，罗汉，罗汉就系羊车同驴车啫，所以佢一样用番“还灭门”逆数个方法，用呢个“十二因缘”最后破番“无明”，佢发个咗大心就系菩萨，唔发大心就系罗汉、辟支迦佛，就系咁嘅意思啫。

问：……食肉嘅人呢，发大心呢，会唔会解脱生死吖？

答：食肉嘅人？哗！《楞严经》你好熟㖞！听讲，唔系你问过《四清净明悔》？“众生心开”。似咩食肉嘅人？大罗刹吖，报终必沉生死苦海吔，呢个。食肉，点能够解脱生死吔？修持禅定，肯定无有是处啦，呢样嘢，大罗刹吖，报终，如果你食肉，你修持佛法嚟讲呢，一定会做罗刹。罗刹系中意食血嘅鬼神吖，罗刹鬼子母，最中意食血吖，食啲胎儿吔，BB嘅，嘅胎盘吖，同埋吸啲母，啲大肚婆嘅，嘅，嘅血嘅，嗰啲罗刹，所以你唔修持禅定呢，你，你唔修持禅定，你唔修持唔守戒呢，你要食肉、要杀生而修持禅定呢，你就学咗罗刹嘅法啦，你一杀生就，到时你做罗刹嘞，就系咁嘅意思，所以无有是处吔，你呢个唔使讲咁多。

问：啫系……

答：咁就你谂你啦，呢样嘢就，佛陀明明白白讲到好清楚嘅，已经，吓，至于做唔做就系众生吖，吓，你帮唔帮地藏菩萨，孭唔孭，孭唔孭佢个担挑就自己决定㗎喇，呢样嘢就。

问：但系如果发个大愿嚟讲……嗰个虾饺……

答：咁就不名为“大愿”啦，哈哈。你发个大愿，啫，啫你发个大愿，如果仲食个虾饺呢，就叫做“大妄语”㗎喇，唔系大愿吖！大妄语吔，唔系大愿，呃佛菩萨吖！

好早之㖞，我今晚讲开好兴奋，我讲下《大白伞经》，哗，又问大，《大智道论》，又问，又问其他嗰啲《大般涅槃经》吖嗰啲，咁多嘢讲吖。呢个法有冇唔明吖？呢个法？……（注：接下文）

207.大白伞盖佛母之威力（四）

（注：接上文，以下内容为问答，部分录音不清，用省略号表示）

答：……都学紧啦已经，好似。一样吖，相等吖，相等功能。

问：预备学。

答：唔使担心。

问：预备学。

答：预备学吖？你吖嘛？

问：系，预备学。

答：预备学。

问（另一师兄）：……个法门呢……

答：无上佛母，大白伞盖系通到无上佛母，等于楞严，楞严咒一样啦。

问：……

答：吓？

问：……

答：哦，唔系你，你修个法门好多㗎喇已经，够皮㗎喇已经……够皮啦。你楞严咒五会都学紧啦，已经，好似。一样吖，相等，相等功能。

问：预备学。

答：唔使担心。

问：预备学。

答：预备学吖？你吖嘛？

问：系，预备学。

答：预备学。

问：……个法门呢……

答：无上佛母，大白伞盖系通到无上佛母，等于楞严，楞严咒一样啦，《楞严经》里便就无上佛母啦，喺呢度，嗯，无上佛母。有冇问题吔？

问：食肉嚟讲系咪同杀生吖？

答：吓？食肉？

问：杀生同食肉两件事嚟嘅。

答：你谂下系一件事定两个事？你谂清楚？唔好自己呃自己，冇人食就冇人杀啦！正常嘅，呢样嘢，一件事嚟嘅。

问：死咗。

答：吓？

问：死咗啰㖞。

答：但如果你唔食亦都冇人饲养啦，亦都冇人杀啦，讲真吖，如果我哋唔食肉真系好㗎，好多街，整个，啲街市唔使成日嘈啦，而家，又话冇地方供棜，又整个定期街市响嗰度，唔使嘈啦，搞到康公乌烟障气吔，个佛庙前便，吓。如果冇人杀生嘅时候街市执笠，全部，街市除咗杀生食肉，其他啲料都可以超级市场买到啦，执笠啦，全部而家超级市场掂晒啦，啲百货，唔使街市。食肉其实，唔系，食素呢，其实学佛个基本嚟嘅，如果，如果一个人唔食素去学佛呢，呢个人真系唔叫学佛嘅，如果，我，我，我嘅观点，吓。但系佛陀讲得明明确确呢，响《楞伽经》，我讲一句嘢吓一吓你先吖，今次要。《楞伽经》里便已经讲清楚，佛陀话，有一句说话就系，如果食肉嘅人呢，译做白话，译做白话，一切食肉嘅人，而家特别讲末法时期，如果，如果话认佢嘅弟子，认系佢弟子，“无有是处”吔，“非我弟子”吔，食肉嘅人唔系佢弟子吔。可以俾《楞伽经》你睇吔，系佛陀讲，话吓一吓人先得，一讲到食肉，我一定要，《楞伽经》讲到好清楚，如果食肉嘅人，嗱，《楞严经》讲食嘅人，头先佢问吖，食肉嘅人修持佛法，死咗就做大罗刹啦，报终必沉生死苦海吔，诶，《楞伽经》就讲“是一切食肉人呢，非我弟子，我非其师”吔，呢三句就系咁讲，好清楚啦已经讲到，非常之清楚，所以，所以呢，食肉嚟讲去学佛呢，就“无有是处”。如果话三净肉或者其他净肉俾你暂时系，诶，食素嘅过度时期嘅啫，但系你执著的话，话学佛可以食肉呢，就叫“无有是处”吔，真系，“蒸沙成饭”呢个系邪说嚟嘅。如果食肉能够修持学佛成功呢，释迦佛就唔会将咁嘅经典教俾我哋，佢教我哋，叫我哋培养慈悲心，我哋食肉会有慈悲心，讲咁多经做咩吔，嘥咁多口水，冇意思㗎嘛，吓嘛？所以你想真真正正修持佛陀个法，首先就五戒十善同埋断除杀生同食肉开始，就系基础嚟嘅，基础。

问：……咁我食肉可唔可以念经吖？

答：食肉可以念经，不过念经，不过念经之前你刷下牙啦，念经之前。食肉可以念经，唔代表你念嗰个经冇功德，不过，不过你食肉有食肉嘅业，念经有念经嘅功德，咁解啫，吓。

问：……

答：食肉可以念经吖，你食嗰个肉，有食肉嘅罪，念经有念经嘅功德，分受，分受。但系如果你想解脱生死呢，食肉无有是处。

问：……

答：有冇其他问题吔？啫关于食肉搞唔掂吖，点解，点样，点解呢啲食得唔食得吖，搞唔掂吖，好辛苦吖，呢，辛苦问题。

问：……辛苦吖……

答：呵呵，其实，其实呢，你，你如果研究……

问：……好似……

答：真系想吖。

问：……释迦牟尼……

答：嗯。

问：……唔系……

答：嗯。

问：……

答：嗯嗯嗯。

问：……觉悟到……行，行唔到去佛陀个境界……

答：嗯。

问：……

答：其实呢个问题好简单嘅啫。释迦牟尼饮一杯牛奶同我哋饮一杯牛奶就差得远啦，释迦牟尼念一句“唵嘛呢叭咪吽”同我哋念一句“唵嘛呢叭咪吽”就差得远啦，呢个就系个心在于执唔执著、取唔取相啫。佛陀响《金刚经》已经讲咗无所住身心嘅境界啦，如果你觉得眼前嗰嚿唔系肉嘅，佢食落去自然就唔系肉啦，但系，如果你怀疑得你眼前所食紧呢块牛扒唔系牛扒嘅，咁我就要割你一块肉出嚟睇下你痛唔痛啦，因为如果你证咗空性的话，你就对自己冇感觉㗎喇五蕴，亦都唔会执著自己嘅身体呢，如果能够有呢个空性嘅境界。所以释迦牟尼食嘅同我哋食唔相同，佢始终系佛祖。虽然我哋可以成佛，但佛祖所示现嘅，我哋而家系凡夫点同佛祖相比呢？何况呢啲，呢啲佛传嘅记载有非常之多个版本，有啲就牧牛女，有啲就唔系牧牛女，牧牛男嚟嘅，有啲就唔系牧牛，牧羊添，有好多个记载，我哋唔需要太执著。但系如果呢样嘢我哋认为佛陀做得嘅我哋都做得嘅，错嘅，所以我吖，唔系咁承认话“舜何人也，予何人也，有为者亦若是。”有时未必系咁，因为如果你唔系嗰程度，夹硬嚟䏱自己呢，你始终冇办法成就到个果位，犹如，都话讲你系杯水，如果你同个壶比，你斟落去就泻晒，你解唔到渴，可能会打烂咗个杯，个杯翻转过嚟，太大的话，所以唔可以同佛祖同我哋相比。但系我哋最终都会成佛，但系你要睇下自己而家咩根器，咩法门一步步修上去，唔好违背如来嘅戒律，你最终都会成就到佛祖。但系你一步要学似做到佛祖咁呢，咁就唔啱，错，肯定唔掂，等于个杯泻咗一样啫，嘅原理，所以唔好将呢啲，啫，比较啰。

同埋《楞严经》有一句说话呢，《四清净明悔》呢，讲得好清楚吖，“不将如来不了义说回为己解”吔，呢句说话系点解意思呢？如来教导众生有了义同不了义，犹如释迦佛以前地处于婆罗门，地多积湿，本多沙石，一切草菜不生嘅，所以佢就俾佢啲弟子可以食肉，食肉啦，嘅意思，但系，依个肉类呢，系佢大悲神力所化现，本无命根吖，所以系假肉嚟嘅，佢化现出嚟。因为婆罗门嘅地方系好多沙石，啫印度地方生唔到草菜，所以释迦佛允许弟子食肉，啲肉系假嘅，同埋就系可以食五净肉：不见杀、不闻杀、不疑为我杀，自死同鸟残。而家自死同鸟残我哋唔食，就演化成三净肉，依个系释迦佛允许弟子冇嘢食，喺啲荒野里便传法，喺啲好偏僻嘅地方嘅时候呢，系佢神力变现出嚟俾弟子食，本无命根，但后来啲弟子呢，执著咗肉味之后，释迦佛又话俾佢听：“我俾啲假肉你食，你又执著个肉味，你执著就唔能够解脱生死。”所以后来佢讲《楞伽经》嘅时候又要啲弟子完全禁绝，去断除肉食，所以唔好，所以释迦佛允许弟子食肉，点解一时准许一时又唔准许嘅呢？如来制啲戒就系将众生嘅心摄化，将佢转化成事理呢，呢个时候用呢个方法，嗰个时候用呢个方法，嗰啲方法嚟讲系不了义说嚟嘅，所以释迦佛话唔好将如来不了义嘅法“回为已解”，意思系话，意思话，等于佢啲弟子中意食肉——“嗨！释迦佛都可以食三净肉啦！”而家末法嘅修行人就系咁做紧嘞，所以《楞严经》有冇了解个经义，呢两个就系答咗呢个问题吖，冇将如来所传嘅法嘅枝叶当佢系根本。三净肉或者五净肉系断肉嘅过度期，但系释迦佛嘅根本思想就系完全不杀生，以至慈悲一切动物。当你真正了解禅宗里便个法性吖，般若智慧吔，食素都系有罪过嘅，唔止食肉，一切万物，都，佢生存都有个权利嘅，圣人都对一花一木，《楞严经》《四清净明悔》都有讲过，圣人都唔会随便拔一条草㗎，喺地下生出嚟嘅草吖，依啲草都有佢嘅生机嘅，有佢单一嘅感情㗎，科学家都证明佢有痛苦㗎，但系佢唔会轮回，但佢有单一嘅感觉。我哋修行人而家食素吖，应该系有惭愧嘅心先系吔，不止唔应该食肉，食素仲有吖惭愧嘅心，先系真正如来嘅心法嚟嘅。而家食肉，我哋如果冇惭愧心，博命恣情食啖嚟讲，一样唔能够令到我哋修行专一嘅，个心一样会回乱，所以释迦佛喺经典里便讲心法讲得好清楚，食素，仍然我哋要，譬如出家人食饭之前要感恩吖，有观想，有五种观想，好清楚就系我哋冇咁嘅功德接受啲食物，根本。我哋食咗食物要好好修行，但相反你已经食咗啲食物，修行不但冇惭愧心，冇感恩，仲走去做更多恶业，仲话食，食肉就系释迦佛嘅弟子，仲话自己学佛，咁吖如来就会流眼泪，你睇下而家几多魔，系咪先吖？好清楚㗎啦，释迦佛讲到，你睇，喺个经典里便，揭多啲页，喳喳喳，你会好明白，咩事吖。所以食素你要有个惭愧心，唔好讲食肉吖，真系。财、色、名、食、睡已经系地狱五条根啦已经，你睇下天界嘅人根本唔须要食嘢吔，色界嘅人已经唔须要食嘢，冇“食”同“睡”吔已经，但系欲界嘅人仍然有执著嘅心念，我哋欲界嘅凡夫呢，仍然有食有睡啦。

问（另一师兄）：“睡”有咩咁大罪过呢？。。

答：吖。

问（另一师兄）：以阿修罗嗰个……

答：吖，嗱，俾你，俾你讲。

问：以阿修罗嗰个境界呢，系享紧福㗎？

答：嗯。

问：吓。点解会享紧福，咁有福……如果系有福，有一个享乐已经系够嘅话，佢仲会攻击呢个，第二个天，嗰个……

答：嗯，因为佢……

问：……佢……

答：系。

问：……本身已经……

答：佢本身嘅“有”嘅“有”呢，就系由于佢个空间有啫，系咪先？点解美国同苏联成日都想侵占人吖？你谂下，佢个地已经够晒大啦，美国已经世界经济强国啦，日本嘅野心一样好强㗎，你谂下。因为帝释天上便呢，有好多嘢阿修罗宫殿冇㗎，中国地大物博，有好多嘢，美国同，同苏联边会有㗎？我哋故宫里便好多嘢佢都冇啦，系咪先？佢天界里便，上便嘅境界个福报享乐比修罗仲大吔。修罗住喺须弥山嘅附近，亦都住喺大海底，亦都住喺人类世界其他嘅空间，或者山林或者冢边，或者大地狱里便都有修罗宫殿，特别大海底吖，百慕达三角里便吖，就有好多修罗嘅宫殿吖，佛经里便记载，修罗个法力就能大能小吖，就能够出入一个藕丝嘅孔吖，一个细窿都能够出入嘅神通，亦都可以变现极大嘅身，手遮日月，遮住呢个须弥山嘅神通法力。但系天界上好多嘅福德佢冇嘅，尤其是玉皇大帝有一样嘢嚟讲啦，玉皇大帝其中有啲妃嫔吖，根据佛经记载就阿修罗宫殿呢，阿修罗王呢，个公，阿修罗王嘅公主嚟嘅，所以咧，阿修罗呢，“阿（o）修罗”或者叫做“阿（a）修罗”，“asura”，“asura”呢个梵文呢，其实有好多种解释，其中一种解释，解释为“无端”，无端正，个样好肉酸㗎，但系男性阿修罗呢，个样好肉酸好丑陋，但系女嘅阿修罗就好美丽嘅，所以玉皇大帝嚟讲，啲天界宫殿仍然有淫欲，但系啲淫欲嘅做法就比我哋人类吔，简单，冇咁复杂吖，或者揸只手啦，笑一笑就可以解决咗佢欲望嘞，咁所以咧，佢仍然系有淫欲生死嘅世界吔，所以玉皇大帝其中有好多妃嫔呢就阿修罗宫殿里便嘅公主嚟嘅，所以呢，有时啲阿修罗公，公主一呷醋嘅时候，返去佢老豆度投诉，阿修罗佢会兴兵犯上啦，有时，亦都代表个天界呢，有好多嘢吖，阿修罗系冇嘅，所以佢会侵占玉皇大帝嘅城堡，所以玉皇大帝点解练咁多天兵天将咧？成日要练兵呢，三十三天同四天王天，就系防护佢宫城。呢本经就系咁样出处啦。

问：咁咪同我哋娑婆世界无咩大分别之㖞。

答：一样㗎咋！一样㗎，佢冇个肉体，但系佢个思想嘅生活比我哋简单同进化啲嘅啫，冇咩分别吖？冇分别，一样。欲界就一样，色界就开始唔同，无色界就更高吖，修行层次，所以守五戒十善呢，可以去到欲界。但系至于色界嚟讲要修禅定，无色界，非想非非想处天嚟讲呢，更要修禅定，所以无，色界同无色界有四禅八定，就系咁嘅意思嘞，要修禅定先去得到。你问，你问我讲吖。

问（另一师兄）：我话“财、色、名、食、睡”，“睡”点解会系……

答：睡有咩，睡有咩罪过？系咪吖？

问：吖，系吔！

答：睡，当然罪过大啰。我讲番佛陀嘅十大弟子嘅，嘅咩嘢吔？阿那律尊者啦，由于佢，由于佢好懒吖，修行佢成日中意去瞓觉吖，所以佛陀就闹佢。所以当佢好精进修行啦，好勤力咧，就盲咗眼嘞，佛陀教佢个方法，于是开佢开咗个天眼呢，就俾其他罗汉吖，更加第一，所以叫天眼第一。所以“睡”其实系一种罪过，佛陀响佛经讲过，你睡呢，中意瞓觉，下一世会做咩吔？好容易会做呢啲。如果你中意，学似地藏菩萨个妈妈吖，吓，诶，婆罗门佢咪当时佢个妈妈，中意恣情食啖鱼鳖吖，同啲海类嘅众生结缘呢，你就中意瞓觉啦，下世呢，你就做啲蛳蚶吖、蚌吖、珍珠吔，佢哋成日合埋个口里便瞓觉吖，乜嘢都唔理吖，哩埋个壳，几千年都喺猛喺度瞓吖，打开个壳，“哗，有阳光入嚟吔，天光吖，am……（注：打喊路嘅声）。”咁样，啫做咗水族沉入大海嘅众生。海系好深沉嘅业力，同埋系好沉静吖，好想瞓觉，你见到海个心都平静啦，个海系透唔到底嘅，好深沉，所以嗰啲蚌，嗰啲壳一扱埋，黑掹掹，“好，熄灯啦，黑晒，瞓觉啰！”所以佛陀话你中意瞓觉好容易堕入呢啲低等动物嘅身体里便。同埋瞓觉呢，呢个睡眠嚟讲呢，呢个睡欲呢，亦都系一种魔嚟嘅，影响你修道吖，所以佛陀点解佢啲弟子呢，诶，冢间呢，夜晚喺度打坐，修炼禅定唔瞓觉，同埋当你素食配合嘅时候，你身体机能呢，恢复嘅时候呢，你个慧命恢复吖，你自己勤力修行呢，业障清嘅时候呢，你睡眠嘅时间自然会缩短嘅，唔须要瞓咁耐吖，但系唔代表唔瞓。但系你修持到佛陀嘅境界已经唔需要瞓觉㗎喇，唔需要瞓觉，食根本唔需要食，佛陀根本已经喺《楞伽经》里便记载吔：“我根本食都唔需要吖，点解要诽谤我去食肉，亦都教我弟子去食肉呢？”佛陀食都唔需要，点解佢会食呢？佢就示现俾众生睇，佢系人类，唔系你超乎人类咁多，你，你点样去效法呢？佛陀吸收能量个方法维持个肉体唔需要通过我哋咁粗糙嘅手段，咬烂食物嚼，吞咗之后落个胃消化完，佢个十二脂肠吸收仲要屙番出嚟，经过咁长嘅阶段，消化完喺十二脂肠先运入里便嘅血液吸收啲能量变成卡路里，喺我哋身体里便消耗呢啲能量，佛陀只要一打坐数秒钟，或者一两分钟嘅时候，已经可能等于我哋瞓觉十数个钟头，佢吸收宇宙能嘅方法，吸收维持佢肉身运动嘅能量，唔需要系食肉食物咁粗糙，因为佢修持嘅阶段、修持嘅果位非常之高咁解，因为释迦佛已经呢，嚟呢个人世间嘅等觉菩萨嘅果位嚟嘅，喺《法华经》佢已经成咗佛啦，佢再嚟一修持破埋最初一分无明嘅显现，啫嗰个幻，幻现出嚟嘅假相吖，呢个“无明”，佢就已经成咗佛，所以释迦佛根本就唔需要瞓觉，如果唔系吔，佢做王子嘅时候，你，譬如你做公主我做王子吔，哗，冬天，冬天有冬宫，冬凉夏暖，夏天有水池游水吔，咁多美女，我都唔会觉醒，我肯定唔会出家嚟啦，比著我，点解会觉醒会出家？就系因为佢等觉菩萨嘅智慧能够对于世间万事万物睇透即时就会出离吔，就系佢宿生嘅道力嘅显现咁解啦，所以根本释迦佛就连瞓都唔需要，所以教佢嘅弟子“睡”都要断，要断吖，要断。犹如再讲得高少少就系我哋三界里便嘅无色界嘅四禅，吖，四空天吖：无所有处、空无边外、识无边处、无所有处，非想非非想处，最高非想非非想处吖，嗰啲嘅天人呢，已经系冇咗个身体吔，好虚，虚无嘅，净系有心识，已经咩惑障都好微细，争少少可以出三界。佢哋有八万四千大劫咁长嘅时间都系禅定里便，犹如沉系个禅定睡眠一样，所以佛陀呵斥呢啲就系断灭嘅外道嚟嘅，你要出咗呢个禅定再回小向大先能够解脱呢个生死，所以，所以修道里便亦都有一个，依个点讲吖？“昏沉”，可以形容系睡眠嘅阶段，入咗深嘅禅定，何况我哋人类咁粗糙，佛陀仲唔呵斥？咁高境界佢都呵斥啦，系咪先吖？

问：……嗰个非想非非想处天呢度有冇继续精进去，去……

答：有！继续精进，就系深沉喺个禅定里便，认为解脱咗啰！其实系。

问：啫意思话系解脱咗？

答：以为系解脱咗，所以成日沉喺嗰境界唔出嚟啰，所以外道呢，啲婆罗门教吖，嗰啲禅定呢，最高可以到达嗰个天吖，最高吖，最高可以到达呢个天，所以佛陀当时参访啲外道仙人呢，咁多年苦行呢，譬如参访呢个阿罗蓝仙人啦，阿罗蓝仙人个禅定就可以到达呢个非想非非想处天咁高，但就佛陀已经修，修到嗰个情况觉得，咦？仲未究竟，仲有啲嘢罩住嘅？出唔到去嘅？所以佢于是先坐喺菩提树之嘛，佢个体会，体会得到吖，呢个就系未系宇宙嘅究竟境界，觉得始终仲未系个心意自由，好畅顺。仍然，因为非想非非想处呢，争一条边界呢，就出，出三界吔，争一线就出三界啦已经，就系咁嘅意思，所以非想非非想处禅定再进取就出三界㗎喇已经，但系偏偏佢就唔进，佢要瞓觉吖，沉喺个深沉嘅禅定里便，非想亦都非非想，又唔系想又唔系想，个心住喺有想、无想之间，但又唔系中道㖞，佢执著有想、无想之间嘅一样嘢。

问：如果执著喺嗰个境界呢，就一样有呢个成住坏灭？

答：佢嘅寿命就八万四千大劫啦。嗯。

问：大劫完咗之后咁，咁会点吖？

答：大劫完咗之后，玩完嘅，连佢，连，呢个，呢个读，嗱！佢大劫嘅意思就系话佢嘅寿命有完结。譬如话当佢八万四千大劫嘅时候呢，佢就会继续轮回嘞，啫意思话佢嘅寿命，譬如话，我拣番欲界开始讲啦，譬如话四天王天嘅寿命一日等于人间五十年，譬如个天寿呢，就五百岁嘅，咁你将五百乘五十就系人间嘅寿命嘅年龄，就系四天王天一期生命嘅，嘅长度啦，啫个空间嘅长度啦。再上到，一推推到最高嘅非想非非想天，有八万四千大劫咁长，一个，一个大劫呢……

问：……

答：“万劫不复”就唔系呢样嘢。“万劫不复”嗰个“劫”呢，就系“劫数”嘞，“劫数”嘅意思就系，对我哋众生有损害侵损，谓之“劫数”。佢嗰个“劫”嘅意思啫系时间嘅单位，虽然写出嚟呢，都系呢个“劫”，一样嘅啫，但个意思唔系。“k-a-l-p-a”吔，其实个“劫”呢，我哋吔，中国人就好衰嘅，中意“简”嘅，其实“劫波”，原本呢个“劫波kalpa”，“劫波”，简称为“劫”。而家我哋“万劫不复”呢，嘅意思就系，呢个“劫”就系，“万劫不复”就系“劫数”个“劫”。呢个唔系“劫数”吖呢个，依个嘅意思就系时间单位，好长好长个时间，一个大劫，一个大劫，大劫有四个中劫，一个中劫有二十个小劫，所以一个大劫有八十个小劫，一个小劫就系人寿就系八万四千岁，每隔一百年呢，减一岁减到人寿嘅十岁，再由人寿嘅十岁每隔一百年增加一岁，增加到人寿个八万四千岁，咁样一增一减，嗰个增减嘅时间，减八万四千减到十，十加到八万四千，一增一减嗰一段时间叫一个小劫，咁一个大劫有八十个小劫，咁你将八万四千乘嗰段时间再乘八十就系佢最高一层天嘅寿命嘞，你谂下几长？

问：咁电脑都计唔掂嘅㖞！

答：电脑吖，将来咩脑都计唔掂㗎喇，电脑计，乜嘢脑都计唔掂。呢个非，非想非非想处天嘅境界，好高，但系答番你头先个问题呢，“劫数”呢，宇宙间嘅灾害，宇宙间物质嘅灾害对呢个天冇损害，将来我哋宇宙毁灭，水、火、风三灾嚟讲最多系侵扰到色界嘅初禅天啫，无色界唔受影响，嗰啲人呢，个福报太强，冇灾害侵，侵扰到佢，但最大嘅至命伤就系佢沉于禅定里便嘅啫。水、火、风三灾揼唔坏佢嘅，佢个，啫佢个，因为点解揼唔坏佢呢？因为到达无色界系冇宫殿亦都冇方所嘅，但系色界仍然有物质嘅宫殿，欲界亦都有物质嘅宫殿，所以啲宇宙间嘅灾害就能够毁坏啲嘢，有星球嘅，嘅虚无嘅实体里便，不过比人类世界进步啫。但无色界冇空间、冇方所，系意念嚟嘅啫，意念系水、火、风三灾物质毁坏唔到。但佢沉于深沉嘅禅定亦都系一个大灾害，呢个灾害仲加惨过外界嘅灾害，得唔到苏醒，响禅定里便。

问：咁，咁佢苏醒嗰一日，诶，诶，啫……

答：苏醒嗰日唔知吔，苏醒日可能已经轮回跌咗落猪身啦，佢苏醒嗰下，寿命完啦，苏醒。

问：……但，但系，啫佢，佢好似佢流落番去猪身吖，但系本身佢以前嗰个，啫嗰个慧根佢修到咁高嘅层次，啫……

答：佢嘅慧根，佢嘅慧……

问：……

答：佢嘅慧根已经……

问：……

答：佢八万四千大劫呢，已经享紧个福报其实，佢享受，意思话佢嘅天嘅福报享有八万四千大劫咁长。如果咁长嘅禅定里便佢系唔，已经唔修行㗎喇，不思进取呢，禅定享受紧㗎喇已经，好happy喺禅定里便。然后佢个福报享完呢，就会，会再转生咁解……

问：……

答：系吔，再转生。佢再转生去边一度就决定佢做呢个非想非非想处天嘅天人前生嘅善恶事，边个，边一生嘅业力强，佢去边一度啰，譬如佢畜生道业力强咪去畜生道啰，但佢个畜生道，可能呢，亦聪明，畜，畜生可能做猪嘅，猪智商最高嘅，系咪吖？可能做猪，因为佢前生系天人嚟嘅，做动物嘅智商都高少少唔出奇，福报未尽吖嘛。

问：咁样讲禅定咪好危险？

答：系吔！禅定系好危险㗎，你唔守戒仲危险吖，食肉修禅定仲危险吖，所以要小心吖！系吔，所以释迦佛当时就呵斥啲外道咁解，觉得外道唔究竟吖，修啲禅定，所以呢，禅定呢，四禅八定呢，就系世间嘅禅，亦都有出世间嘅上上禅，亦都解脱生死嘅三昧吔，所以佛陀教好多，好多弟子修持嘅系三昧吖，“samadhi”，呢个三摩地，啫“等持”咁解，定慧倶等而摄持平均，平均修持谓之“等持”，啫禅定，啫三摩地。就系佛陀教导佢嘅弟子好多啲三昧就可以得到好多功德同力用，亦都可以解脱生死，就唔系外道里便嘅四禅八定。因为唔系净我哋佛教修禅定㗎嘛，释迦佛未出世之前啲婆罗门教，婆罗门教咁多种外道，呢啲外道都修持嘅禅定都有好高深嘅，佛陀几唔得闲？啫而家都存在嘅呢啲禅定，譬如超觉静坐已经系一种禅定啦，吓嘛？都，都会修到话个肉体喺地下，埲下埲下，弹下弹下咁㗎。好早之㖞，阿龙姑娘嗌架车，车佢返去啦，仲有冇问，问题吔？

问：咁嗰个“戒定慧”中间个“定”嚟讲，系咪话就禅定？

答：“戒定慧”就系禅定啦，冇错啦，禅定吖，啱吖，系禅定吖。

问：啫话如果去学佛嚟讲呢，“戒定慧”嚟讲呢个禅定呢，啫系好重要，如果唔禅定，佢嗰个“定”啫讲话……

答：唔能，唔修禅定嘅自然开发唔到智慧啦，守持好戒律，修禅定就系禅智慧啦。守持戒律就系将你本身一潭污水嘅泥尘，好浊嘅水，将啲泥尘沉淀呢，就系守戒啦，而修禅定嘅时候守戒之㖞，虽然你将啲泥尘沉淀咗响水底之㖞，但个水面一样唔能够清澈㖞，唔清澈原因可能有波浪㖞，啲波浪如果摇动嘅，点能够反映天上佛菩萨嘅身体呢？月光就天上佛菩萨身体，你修禅定就令啲波浪平复，你嘅心湖呢，令你嘅心湖平复，然之后能够呢，开到智慧，反映天上个月影嘞，明唔明吖？个湖水要平静得㗎，你沉咗啲泥个湖喺度起晒浪嘅，境风吹识浪嘅，因为个境而转你个心嘅，点能够反映佛菩萨嘅真心吖？点能够同佢感应道交吖？点能够千江有水千江月呢？万里无云万里天呢？所以禅定就令到湖水平静吖，就系咁嘅意思。仲有冇问题吔？有冇问题吔？好晏？冇问题就结束嘞，咁下个礼拜再继续啦。