般若心傳講座合集（上冊）


佛法開示



1.修行要義（一）


我哋所謂修行吖，究竟係修啲咩嘢呢？其實就係修煉我哋嘅心性，將我哋嘅心性呢，淨化到最純、最真、最善、最美嘅境界，啫係真善美嘅境界，到咗呢個境界時候呢，就係成佛嘅境界嚟。有啲人以爲修行就係唸經，好多人真係誤會吔！以爲我一學佛嘅時候，我學識邊部經吖、我日日唸邊部經吖，或者邊啲咒吖，就係修行，啫每日呢，做足晒功課覺得，吓，好似交咗個功課了喎，我每日唸足經了喎，我做咗早課了喎，我做咗晚課，咁吖就謂之修行，其實唔係㗎。你唸經，每日所佔嘅時間都唔係好多，我諗最多一個鐘、兩個鐘或者三個鐘，但係唔唸經嘅時間，我以前都講過，啫我哋做其他雜務嘅時間，係太多，非常之多嘅時間，唸經時間相對係好少，但係喺呢個做雜務嘅期間嚟講呢，都係一種修行。以前已經講過，生活就係修行嚟，我哋要將個生活覺得係修行，投入去修行先得，唔係淨係唸經咁簡單嘅。


2.修行要義（二）


我知道呢，有好多師兄將修行呢，同每日做嘅功課呢，啫特，每日，譬如唸經吖、持咒吖、拜懺吖，等等呢啲功課呢，劃咗一個等號，啫修行呢，就係等於做功課去唸經唸咒，如果你一旦咁樣覺得，誒……的話呢，劃咗等號呢，你好容易退嘅。因爲點解呢？人係有個惰性㗎嘛，你一旦呢，積累啲功課唔做嘅時候吖，嗰惰性一出嚟吔，你會覺得：哎吔，我又冇咗個修行嘞，我今日冇修行，我失去咗個修行。其實你唔應該咁諗嘅，同埋個心態唔應該將修行呢，同埋做功課劃上等號，係每時每刻都修行，我哋自己應該要知道，喺日常生活，無論唸經唔唸經嘅時候呢，都係等於修行嘅。其實你最重要，猶如我以前所講就話，先發呢個大菩提心，你唔發上求佛道下化衆生，成，吖，成就無上正等正覺呢個大菩提心呢，你係遇到好多境界嘅時候，你會退嘅，譬如話你唔做功課嘅時候呢，一放逸懶惰，你冇個菩提心喺大前提去支持你的話呢，你就好容易退，退失㗎喇，又跌番落，啫跌番落去最初唔修行嘅時候嘅，好多時候都係咁嘅。


3.修行要義（三）


另一點好重要嘅呢，修行形成退心嘅原因，就係咩呢？就係犯戒，最容易犯咗戒之後呢，個菩提心失呢，亦都會退墮，亦都又，好容易呢，受呢，一啲，誒，魔去干擾你嘅心性。因爲我哋一犯戒嘅時候吖，譬如我哋殺生吖，或者有邪淫，或者偷盜吖，或者有啲惡口講咗唔好嘅說話，心理係唔舒服㗎其實，你個心一定係唔舒服，個心唔舒服，知道自己唔啱，但係又做咗呢行爲的話呢，個心靈就產生個灰暗吖，灰色嘅地方，陰暗面，同時間呢，你個身體嘅光明呢，亦都下降，有啲灰色吖，嘅光氣去包圍你身體嘅外便。咁所以你心靈有咗呢陰暗面嘅時候，你唔，唔好意思，有個心慚愧去面對佛菩薩，或者，誒，好怕去見，誒，啲同學吖，或者師兄弟，因爲知道自己內心有愧去犯戒，咁無形中就係因爲呢一個心靈嘅反差導致你退墮㗎嘛——“哎，算啦，索性我唔修一段時間先嘞。”咁開始會放逸㗎喇喎，一放逸嘅時候呢，就開始呢，破更多戒呢，造更多業㗎。


4.修行要義（四）


另外一個修行呢，容易退墮嘅原因就係同人攀比、比較，千祈唔好比較。有啲人會覺得：“嘩！師兄點解你會修得咁好嘅？你成本經都背晒喎，一個月已經背晒本經出嚟喎，我又唔得吖，我背咗成半年吖，都未背出一本經吖，半本都未背得到。師兄，你真係好嘞，你又可以修梵行，又可以唔結婚，師兄你守戒真係好吖，我成日犯戒嘅，又妄語吔、又飲酒吖、又邪淫。”千祈唔好攀比，你一攀比嘅時候呢，就好容易自己個心呢，會退失。你係幾大個杯、幾大個器皿，裝得到幾多就裝幾多，素其位而行。你見到人哋做功課，譬如話佢唸，每日唸五本經，誒，五個咒，咁你冇咁多時間，你只係得半小時，咁你咪唸一本經，怕且唸一個咒囉，唔需要同人去比較。一本經、一個咒都可以唸出功夫嚟，問題呢，你自己專唔專一，有冇心去做。千祈唔好話對方唸咁多，唸咁少，我就係好差，唔係咁樣睇法嘅，呢個觀點係錯。你係咩程度做番自己嗰個程度嘅，嘅經文同埋咒語，千祈唔好攀比。


5.修行要義（五）


我哋修行呢，喺呢個三無漏學“戒、定、慧”三門裏便呢，除咗我成日強調守戒，當然係必須㗎喇，你無論修咩宗咩派都好啦，守戒呢，係大前提嚟，你守，守唔好戒，其他嘢呢，就唔需要再講，守好戒啦。跟住定門，定門呢，亦都係相當相當重要。咁我哋平時誦經吖、唸佛吖，誒，持咒吖、拜懺都係修呢個定門，等我哋個業障消除呢，有個定心嘅。所以因爲我哋有個定心之後呢，喺日常生活裏便遇到種種境界我哋先可以對抗，定力夠先可以對抗，如果你嘅定力唔夠、心力唔夠，就一定被個境界轉。所以，每日做功課，我強調呢，就係靜坐。靜坐嘅時候呢，持一個簡單嘅咒，你揀一個喜歡嘅簡單嘅咒，不斷持呢個咒，個耳聽你自己個口唸出嚟嘅咒，聽入耳，然後印番喺個心裏便，呢個就係最簡單修定嘅方法。每日都要做，去訓練自己修呢個定，慢慢慢慢、一步一步日子有功呢，個定力就出嚟，咁你不知不覺呢，你喺日常生活遇到事情之後呢，嗰個平時培養到嘅定力呢，就自己會出嚟去對抗呢逆境嘅喎，係好美妙㗎。


6.修行要義（六）


三無漏學嘅“慧門”呢，“智慧”個“慧”，就係文字般若，意思就係話呢，由佛陀所講嘅經同埋律，同埋後來啲祖師大德呢，講解經同埋律呢，嘅著作裏便呢，令我哋產生一個般若嘅智慧，明辨是非、明辨正邪，指導我哋去點樣修行，有個準繩、有個法則、有個規則，所以呢個文字般若呢，係好重要㗎。咁修慧門呢，點修法呢？我哋每日就一定要抽時間去研究經書，唔係讀誦經書吔，係研究，去了解佢裏便嘅義理，去養成一個習慣，每日無論閒忙，你總要抽個時間去研究經書，哪怕你十分鐘都好，都要養成呢個習慣，咁日子有功的話呢，你始終有日吖，會豁然開悟嘅，啫由個文字裏便呢，會證得呢個文字般若，咁個境界係好微妙、好難講嘅。因爲當你係明白呢個文字嘅智慧之後呢，有呢個境界之後呢，你遇到好多問題同事情呢，你自然就識去解決嘅，因爲呢個智慧呢，係文字裏便俾我哋嘅。所以呢，養成每日睇經書嘅習慣呢，係必不可少嘅，記得呢一點。


7.修行要義（七）


我哋修行淨土嘅最終目標呢，就係解脫生死同往生極樂世界啦，所以我哋喺日常生活裏便呢，發咗呢個菩提心、行呢個菩薩道去幫助衆生嘅時候，無論你修布施、持戒、忍辱、精進、禪定、般若、六度般羅蜜裏便呢，我哋都要將所修嘅功德去回向西方淨土。其實所謂西方淨土呢，狹義嚟講呢，就係好似《阿彌陀經》裏便講話：“從是西方過拾萬億佛土，有世界名曰極樂，其土有佛，號阿彌陀，今現在說法。”係指西方極樂世界呢個《阿彌陀經》裏面嘅經文所講“阿彌陀佛”。其實喺呢個法界宇宙裏面呢，有三十六萬億一十一萬九千五百尊同名同號嘅阿彌陀佛，我相信嘅佛國都係平等同一樣。故此我哋其實唸“阿彌陀佛”嚟講呢，其實唔係淨係唸一尊阿彌陀佛嘅，嘅佛號，雖然我哋唸一次阿彌陀佛嘅佛號就等於唸呢個三十六萬億一十一萬九千五百尊阿彌陀佛同名同號嘅功德嚟，但係不論點都好啦，我哋記住將我哋修持功德，無論大同埋小，哪怕你喺街頭執起一舊小嘅垃圾揼垃圾桶的話，呢個功德都可以回向去淨土嘅。


8.修行要義（八）


淨土法門呢，係一個有相嘅法門嚟，佢唔同話修持禪宗囉，因爲你修持禪宗呢，講“空性”、講“離相”、講“破相”，但係我哋修持淨土呢，係講執著嘅，係講有相，因爲我哋往生淨土呢，要積滿呢個資糧。“不可以少善根福德因緣，而得生彼國。”《阿彌陀經》已經講到好清楚。所以呢，個資糧，我哋嘅積集喺日常生活裏面嘅修行係好重要，儘量去積集資糧。積集資糧呢，就係屬於有相㗎喇，將個功德，無論做，誒，大事，大嘅善事或者小嘅善事吔，一切嘅功德都將佢回向去淨土。咁有啲人話：“你咁執著㗎，佛教講‘空性’，唔係講‘放下’咩？”唔係嘅，修持淨土你記住，空性係到達咗羅漢所證嘅境界，你到咗羅漢未吔？羅漢都係一個小空嚟，並不是佛陀嘅大空，要真正到佛嘅境界呢，先係大空嘅境界，所以唔好俾個“空”字呢，去搞得你團團轉。只不過我亦都講過就係話，我哋做咗大小嘅功德之後呢，回向咗去淨土，喺佛前度做一個簡單嘅回向的話呢，然後就將佢忘記，唔好放喺心上就得，並不是等於呢，我哋“空”，所有嘢都唔執著，連回向都唔去。


9.修行要義（九）


我哋依家呢，要開始訓練自己喺念頭同念頭之間呢，就唔好打妄想，就要唸佛或者持咒，啫響你做嘢嘅時候，你當然去諗嘢啦，正思惟，去諗件工作點做吖，或者啲功課去點做吖，咁但係當你思惟咗之後呢，經過咗呢個思惟，喺呢一念過度去第二念，你冇嘢諗嘅時候呢，嗰個空間就持咒或者持佛號，揀一個你最鍾意嘅咒呢，或者佛號，長期係持呢個咒同佛號。如果咁樣做的話呢，日子有功呢，嘅定力就可以喺日常生活培養到，同埋喺日常生活裏便呢，亦都唔使空過修行嘅時間。因爲我哋返工、放工吖、照顧家庭，已經用咗好多時間，我哋應該係用呢個念頭同念頭空間，誒，過度呢，去修行嘅，因爲往生淨土嚟講呢，得生與否全憑信願之有無，品位高下亦由持名之深淺，所以呢，持名嘅深淺呢，決定我哋將來往生淨土品位嘅高下。平時我哋，誒，日常生活訓練成習慣，成日持咒、成日唸佛嘅時候呢，到臨終嘅時候呢，就一樣有把握嘅。所以呢，呢一點希望大家呢，喺平常過度嗰陣時呢，訓練多啲，練多啲自己念頭同念頭之間嘅過度。


10.修行要義（十）


好多初學佛嘅人呢，初機嘅人呢，以爲修行呢，就係做嗰個早晚嘅兩堂功課。問佢：“咦？你今日修行咗未吔？”“我修咗啦，我今日修行咗。”原來佢意思就係話：我已經唸左經嘞，我早課又做咗，晚課又做咗，我已經唸咗經。啫係好多初學呢，就唔明白呢個道理，修行就係斷我哋貪瞋痴吔嘛，你要解脫生死，你一定要斷貪瞋痴，所以由另外一個角度去睇，修行呢，就係要管理好我哋嘅情緒，呢一點係最重要。喺平時我哋任何，遇到任何嘅境界、任何嘅環境，工作吖、家庭吖，對上司吔、對朋友吖、對同事吔，啫係你遇到任何嘅人嘅時候呢，你遇到種種嘅境界都要控制住你情緒，唔好俾貪瞋痴去爆發。因爲有情緒唔開心嘅時候呢，就儘量去唸佛去化解，或者觀照，點樣觀照呢？反省自己內心，同埋將自己平時喺文字般若裏便學到嘅佛理吔，思惟吔，點解我要咁暴躁呢？究竟個原因係邊度呢？由個根去諗，去破解佢，多啲去做呢啲觀想係非常之重要嘅。


11.修行要義（十一）


我哋修行爲咗恢復我哋無始以來嘅本來面目，見番我哋原原本本嘅真如本性，咁樣點修呢？就係通過禪定。禪定係非常重要，外不亂爲禪，內不亂爲定。“禪”嘅意思就係話外邊嘅八風，種種毀譽吔、苦樂吖，都係影響唔到你嘅心嘅，啫外邊對你種種嘅壓力吖、攻擊吖，影響唔到你個心。但係雖然外邊影響唔到你喎，你裏面會有情緒會動搖到你“貪瞋痴慢疑”呢五種根本煩惱，呢啲唔好嘅情緒呢，會動搖到你裏便，如果動搖唔到你就謂之“定”，所以“禪”同“定”係要結合嘅。我哋修淨土法門嚟講呢，專注喺唸佛，我都講過就係話，我哋唸佛出於口、聽於耳，我哋耳仔，啫其實用個心聽嘅啫，印於心，印番喺個心裏便。無論你唸佛，唸出聲或者唔唸出聲或者金剛唸，金剛唸就係介於有聲同冇聲之間，口唇微動謂之“金剛唸”。用呢個方法去唸呢，就唔傷血，唔傷氣，長時間唸呢，就係最好嘅。咁，出於口、聽於耳、印於心，咁樣唸法呢，先能夠消歸我哋自己嘅本性，先叫做真正嘅唸佛嘅。


12.修行要義（十二）


有啲師兄同我講話唸佛好開心。咁我話：“開心咪好囉？法喜充滿，唸佛應該係開心㗎，法喜充滿。”佢話：“我今日就唔開心啦。”我話：“點解吔？”我（註：根據前後文，“我”疑爲“佢”）話：“今日冇嘢睇嘞。”冇嘢睇？哦……原來佢唸佛，佢唔係話集中去唸佛吖，一合埋眼去睇戲，有好多嘢睇。原來佢唸佛裏便呢，出現好多境界吔，有佛啦，有菩薩吖，又有神吖，又有仙吖，嘩！追住個境界係咁睇。所以呢，好多人唔明白就係話，啲境界出現嘅時候，你唔好理佢，因爲理佢呢，你去追逐佢呢，好有危險性，如果每次唸佛，你都去追逐個境界呢，好容易著迷嘅，著迷就出偏差㗎喇。無論我哋聽到乜嘢吔，或者見到乜嘢，就算佛，真係佛現身或者菩薩現身呢，你都唔需要理嘅，你唔需要話我起身去拜佢吔、去頂禮佢吔，完全唔需要，因爲如果佛菩薩，真正佛菩薩化身呢，佢都唔會怪你，因爲佢知你修行緊，知你唸佛緊，點會去怪你呢？故此呢，禪宗就有一句“佛來佛斬，魔來魔斬”嘅意思就係掃除一切相，千祈唔好追逐喺唸佛裏便，唸佛你啫係修定了嘛，喺修定裏便所出現嘅一切相呢，千祈唔好追逐，一追就危險，記得！記得！


13.修行要義（十三）


有啲師兄修禪定呢，會出現好多魔障，咩魔障呢？佢打坐唸佛閉眼嘅時候呢，啲魔會變現啲好恐怖嘅境界去嚇佢，啫啲妖魔鬼怪會出現令到佢好驚，咁嚇咗之後呢，佢就唔夠膽繼續修落去，就非常之驚。甚至有啲就喺，現身到喺夢裏面呢，都會出現呢啲恐怖嘅境界，又影響睡眠，而且日常生活都會見到喎，嚴重到。咁呢啲問題嘅產生呢，就由於嗰個修行人呢，前生有呢個魔緣吖，或者個業障係比較重。如果遇到呢啲情況的話呢，我哋唔好夾硬嚟，首先停止修呢個定先，唔好再打坐先，轉爲呢，就開始去拜懺，先懺悔我哋前生嘅業障先，等個業障消到咁上下呢，先重新再修呢個禪定。咁你拜懺，拜咩懺呢？咁我建議拜八十八佛懺或者三十五佛懺。你有時間呢，就長啲啦，拜八十八佛，如果時間短呢，拜三十五佛。咁有啲人呢，好中意拜大悲懺吖，即係比較，誒，比較常見同埋常用，得唔得呢？都得，總之任何懺都得，去先消去你嘅業障先，然之後再轉修禪定呢，咁個問題應該會改善㗎喇。


14.修行要義（十四）


有啲師兄唸佛或者靜坐嘅時候呢，會出現氣動嘅現象，咩嘢氣動呢？啫身體呢，有啲熱氣呢，流經過身體裏便，誒，一，每一個部位，或者有時振吖，或者有時麻吖，或者身體膨脹，呢啲感覺係正常嘅氣機發動嘅現象，唔需要擔心嘅。咁呢，你千祈唔好呢，就以意導氣，用個意念呢，去引導啲氣呢，流經邊一度，應該讓啲氣呢，喺身體裏便順其自然，其實你係集中專心唸佛，你目的係唸佛吖嘛，唔係引個氣，集中唸佛就得。但係另外有一類靈動我哋要分開就係話，唔係淨個身體前搖吖、後擺吔，啫坐喺度氣動嘅現象呢，啫向前吖、向後吖，咁搖一搖，佢係好大嘅動作嘅，譬如突然間起身，佢會打一套拳啦，吖，好似打功夫咁，或者你會見到佢呢，誒，打啲手印吖，講啲你又聽唔明嘅語言，佢哋叫做“天語”或者“宇宙語”，呢一啲呢，就要小心，可能係有靈界附身吖。咁最重要一樣呢，就係話，你個意念可以控制得到，譬如打拳嘅，你叫佢停佢就停，咁就冇危險性，如果控制唔到呢，或者甚至你打啲手印吖、講啲嘢嘅時候呢，你根本就唔喺度唸佛嘅，個心呢，去左嗰個境界，嗰個境界控制得到呢，咁你就要停要注意嘞，咁先唔好修煉呢個打坐同靜坐，就先拜懺先，將個業障消除先，先再開始修番呢個禪定同埋靜坐。


15.修行要義（十五）


我哋學佛第一步呢，正式成爲一個三寶弟子，一定要通過歸依儀式，歸依佛法僧三寶。歸依佛不墮地獄，歸依法不墮餓鬼，歸依僧不墮傍生。一定要做呢個儀式嘅。有啲人覺得係唔需要做，只不過儀式嚟，其實唔係。法師通過呢個儀式呢，令到我哋呢，種下呢個三歸依嘅種子，呢粒種子深深植喺我哋嘅第八識阿賴耶識裏便，令到我哋將來成佛解脫生死，所以係非常之重要。同埋個法師呢，係幫我哋做呢個儀式，係代我哋，誒，行呢個儀式呢，歸依十方三世嘅佛法僧三寶嘅，並不是歸依某一個人，我哋要知道。但係呢個，呢個儀式呢，一定要法師做，居士係唔可以做嘅。有啲人話居士都可以同你歸依，唔啱嘅，係唔如法嘅，一定要喺法師面前做。亦都有啲人話，歸依，隔空做得唔得呢？打電話，個法師問你，得唔得呢？唔得嘅。一定我哋要好尊敬喺佛前去履行呢個儀式。同埋當法師去問你歸依嘅時候呢，你要答得好清楚，法師講一句你要答一句。呢一段呢，誒，呢一段呢，就好重要啦，決定你得唔得到呢個歸依嘅，一定要係法師面前去做，聽清楚法師講乜，而唔得去隔空去做呢個儀式㗎。


16.修行要義（十六）


我哋修行須唔需要設置佛壇呢？重唔重要呢佛壇？其實係相當重要嘅，亦都須要設置佛壇嘅。因爲呢，我哋有一笪專心皈一嘅地方去俾我哋修行，靜靜咁樣去唸經吖、拜佛吖、拜懺，咁個心就會定下嚟。同埋呢，你長久喺呢個空間裏便修行呢，啲正氣就會匯聚，加持力又會匯聚呢個地方，咁會提升我哋修行嘅質量，所以佛壇呢，係相當之重要。咁有啲人係冇地方，設喺房間又好唔好呢個佛壇？設喺房間呢，係比較勉強，特別如果夫妻房的話呢，儘量都唔好設佛壇，除非房間你係單人睡啦，咁你可以設置一個方便嘅佛壇，啫未結婚單人吖，用嗰個房間，咁你可以用一個帳幔呢，隔開，但係千祈隻腳呢，就唔好向住個佛壇喎。你安佛壇呢，嘅要點呢，最好呢喺三埲牆嘅中間，啫個佛壇憑住一埲牆，而左右兩邊牆呢，好似兩隻手臂吔，兩個侍衛咁呢，去護衛，而左右兩邊牆呢，或者，誒，你憑佛壇嗰個牆呢係冇窗嘅，完全係平嘅個牆，上便呢，嗰個樓底嗰度呢，亦都唔好壓頂壓住佛壇，咁樣係最好嘅方向嚟嘅。


17.四十二手眼法（一）


千手千眼觀世音菩薩四十二手眼。若爲富饒種種珍寶資具者，當於如意珠手。若爲種種不安求安穩者，當於絹索手。若爲腹中諸病者，當於寶鉢手。若爲降伏一切魍魎鬼神者，當於寶劍手。若爲降伏一切天魔神者，當於跋折羅手。若爲摧伏一切怨敵者，當於金剛杵手。若爲一切處怖畏不安者，當於施無畏手。若爲眼闇無光明者，當於日精摩尼手。若爲熱毒病求清涼者，當於月精摩尼手。若爲榮官益職者，當於寶弓手。若爲諸善朋友早相逢者，當於寶箭手。若爲身上種種病者，當於楊枝手。


18.四十二手眼法（二）


若爲除身上惡障難者，當於白拂手。若爲一切善和眷屬者，當於胡瓶手。若爲辟除一切虎狼豺豹諸惡獸者當於傍牌手。若爲一切時處好離官難者，當於斧鉞手。若爲男女僕使者，當於玉環手。若爲種種功德者，當於白蓮華手。若爲欲得往生十方淨土者，當於青蓮華手。若爲大智慧者，當於寶鏡手。若爲面見十方一切諸佛者，當於紫蓮華手。若爲地中伏藏者，當於寶篋手。


19.四十二手眼法（三）


若爲仙道者，當於五色雲手。若爲生梵天者，當於軍持手。若爲往生諸天宮者，當於紅蓮華手。若爲辟除他方逆賊者，當於寶戟手。若爲召呼一切諸天善神者，當於寶螺手。若爲使令一切鬼神者，當於髑髏杖手。若爲十方諸佛速來授手者，當於數珠手。若爲成就一切上妙梵音聲者，當於寶鐸手。若爲口業辭辯巧妙者，當於寶印手。若爲善神龍王常來擁護者。當於俱尸鐵鉤手。


20.四十二手眼法（四）


若爲慈悲覆護一切衆生者，當於錫杖手。若爲一切衆生常相恭敬愛念者，當於合掌手。若爲生生之處不離諸佛邊者，當於化佛手。若爲生生世世常在佛宮殿中，不處胎藏中受身者，當於化宮殿手。若爲多聞廣學者，當於寶經手。若爲從今身至佛身，菩提心常不退轉者，當於不退金輪手。若爲十方諸佛速來摩頂授記者，當於頂上化佛手。若爲果蓏諸穀稼者，當於葡萄手。


21.四十二手眼法入門講義（一）


點解叫做“四十手眼”呢？“四十手眼”嘅意思呢，就係話千手千眼觀世音菩薩呢，救渡衆生佢手眼嘅功能由一千種就簡化爲四十種，咁吖就叫“四十手眼”，就係四十種救渡有緣衆生嘅法門。呢個四十手眼法門呢，其實講法器嚟講，有三十八件嘅法器、兩式手印，卅八加二就係四十嘞。除咗施無畏手吖，同埋蓮華合掌手之外呢，其他都係法器嚟。如果單以手去計吔，以手去計算呢，其實四十手眼法門呢，一共有四十二隻手，因爲寶鉢手嘅手印呢，係雙手揸，而蓮華合掌手呢，亦都係兩隻手合埋一齊呢，變成手印，所以剩低嗰啲手呢，全部都係揸法器，唔係單手揸，啫左手揸就係右手揸，係單手揸嘅啫，所以四十手眼法門呢，亦都可以被稱爲“四十二手眼法門”。咁我哋以十個字簡單去總括一下呢，就係話“功能四十項手眼四十二”，啫話功能有四十項，但係手同眼呢，加埋就有四十二嘞。


22.四十二手眼法入門講義（二）


“四十手眼法門”呢，之所以被稱爲“四十二手眼法門”嘅第二個原因，就係因爲後人喺“四十手眼法門”當中加入咗兩項功能三隻手眼，啫係甘露手眼同埋總攝千臂手眼。如果就手眼嘅功能嚟講呢，加入咗兩項呢，就變成咗四十二項，如果單就手眼去計算，一共就變四十五隻嘞，因爲甘露手眼呢，係用單手結印嘅，而總攝千臂手眼呢，就雙手結印。甘露手眼同總攝千臂手眼呢，雖然係後人加入，但係呢，我哋要知道呢兩隻手眼呢，唔係假嘅，我哋可以查到藏經，於經有證，的確係如來正法嘅一部分，故此甘露手眼同總攝千臂手眼亦都可以歸入去四十手眼法門嘅系統裏面嘅。


23.四十二手眼法入門講義（三）


甘露手眼嘅功能呢，其實係相當於蒙山施食裏便，用嚟濟度餓鬼嘅甘露水真言同埋手印嚟㗎。雖然兩者嘅手印呢，係唔相同，但係真言嘅內容呢，就大同小異。至於總攝千臂手眼呢，喺《大藏經》裏便係可以搵到。邊部《大藏經》呢？係《大正新修大藏經》第二十冊就可以搵到一部經，叫做《千眼千臂觀世音菩薩陀羅尼神咒經》。呢一部經嘅卷上裏便呢，我哋可以搵到總攝千臂手眼嘅資料，係唐代智通法師所譯嘅。經文嘅第九十二版上欄嘅第二十五行：“千臂總攝印第五……此名總攝千臂印，此印能伏三千大千世界魔怨。”吖，所以呢，總攝千臂手眼呢，亦都係觀世音菩薩千手觀音菩薩裏嘅兩隻手臂一項功能嚟嘅，故此歸入四十二手眼或者四十手眼系統嚟修呢，係完全冇問題嘅。


24.四十二手眼法入門講義（四）


觀世音菩薩呢，喺久遠劫前已經成佛，佛號正法明如來，故此呢個四十手眼法係正法明如來所傳下救渡廣大衆生嘅密法嚟嘅。“四十手眼法”，其實佢原名呢，就叫做“千手千眼法”，因爲觀世音菩薩佢具足千臂千眼千法器。“千手千眼法”係以“四十手眼法”做基礎修起，所以“四十手眼法”呢，就足夠應用呢，我哋南瞻部洲去救助好多衆生。四十手眼分別相配於密部嘅五部五法，每一部呢，就統攝八種手眼。“五部”係邊五部呢？就係如來部、金剛部、摩尼部、蓮華部同埋羯磨部。“五法”係邊五法呢？就係息災法、調伏法、增益法、敬愛法同埋鉤召法。


25.人生的價值（一）


我自己時常都會問自己究竟人生嘅價值同埋意義喺邊一度呢？點解人人都要跟住一條公式——返工吖、放工吖、拍拖吖、結婚吖、生仔吔……啫要跟住呢條公式行呢，我成日都會咁諗。同埋啫係當我自己做錯事嘅時候呢，個良心會責備得自己好緊要，我係呢一類人嚟嘅，故此我喺守戒方面呢，我就只有寧枉勿縱，啫只有要求嚴，就唔好寬鬆，因爲我只有，誒，咁樣做，守持呢個戒律呢，令到自己個心呢，就會開心，會踏實、會安穩，故此喺守戒方面，我係唔會覺得有咩痛苦，相反我會覺得係好開心，吖，啫個心係咁樣，嗯……我唔想自己做一個係與世同凋嘅人吖，我想喺呢個世界上面創造返一番價值，有建樹同埋有作爲，去做一啲能夠利益人嘅事使到人開心。我係想做一啲，呢啲踏實嘅工作，啫我係一類呢，呢個咁嘅人嚟，係呢類人嚟。


26.人生的價值（二）


可以話呢，我唔想跟住普通人嘅生活方式咁樣生活囉，啫跟住一條公式去走囉，亦都可以話，我希望喺呢一條公式裏便有所突破，誒……當中搵到人生嘅真價值同埋真意義，就去幫人嘞。咁我學咗佛之後就更加明白自利利他嘅重要性，呢個就係菩薩道嘅精神，佛陀所教。其實你見到德雷莎修女呢，真係好感動，佢可以去到最貧窮、最底線嘅，嘅人群，最苦難嘅人群當中伸出佢呢一雙手，去接受佢哋，去愛護佢哋，去幫助佢哋，呢一點係好難好難做到。因爲而家，呢個係，咳咳，係一個非常物質嘅社會嚟，好物質化，你要一個人喺靈性上有所突破，放棄啲物質，係真係好唔容易嘅。所以你話學佛，你有緣去學佛，係一個有緣人，喺佛經裏便嚟講呢，真係宿值善根，好深厚嘅善根先能夠做得到嘅。


27.人生的價值（三）


對於錢呢，嘅價值觀，我一向係冇乜執著，誒……有得食吖算嘞，有得著吖算嘞，啫唔會追求名牌，啫識得我嘅人都應該會係知道，呢，呢一種個性。嗯……並不是話因爲我係出生個富裕嘅家庭，或者我自己後來工作搵到好多錢，唔係嘅，啫係我自己嘅性格不溜都係咁樣。比如話去超市度，吖，睇到有食物吖，或者買支牙膏咁，吖，睇下幾多錢，哦十五蚊，或者十二蚊，咁吖出去俾咗錢吖算數，之後你問番我，我已經真係唔記得幾多錢，啫個心唔會係太上心啦，意思唔係我太多錢吖，係唔上心，啫個性格就係咁樣。但係呢，啫係近來吔，啫我以爲特別係近來，我個價值觀又開始有些少改變，因爲接觸喺中國內地好多痛苦嘅人、好多痛苦嘅百姓，我就希望能夠有更多錢去幫助佢哋解決生活嘅煩惱，特別喺醫病方面，因爲原來醫一個病可以傾家蕩產，可以去賣身，可以去做奴僕，嘩，有好多嘢發生㗎原來。


28.人生的價值（四）


一個人，總要有一個好榜樣喺前便去鼓勵自己嘅，啫係當你失意無助，吖，或者空虛，或者痛苦嘅時候，你就會諗起呢個榜樣，一見到呢個榜樣嘅時候呢，又使你重新升起番鬥志，有番個信心、有番個毅力，啫有番個勇氣去面對困難。我覺得德雷莎修女就係我心中裏便永遠不滅嘅萬世巨星，我覺得佢仲未走嘅，唔知點解呢，有呢個感覺，我覺得佢喺我身邊，因爲每次我唔開心，或者係有啲事情解決唔到嘅時候，除咗望住佛陀，咁我就望一望德雷莎修女，諗一諗起佢，佢會俾我有好大嘅信心、勇氣同埋力量去解決問題。因爲見到佢幫咁多苦難嘅人，啫又係自己嘅意願囉，好夾吖，啫有種好志同道合嘅感覺。佢真係將自己拋出嚟，犧牲自己，成全他人，喺佛教裏便，可以視爲一尊大菩薩㗎。


29.人生的價值（五）


人生幾十年，好快過去，總要有啲事情去做呢，令到自己喺呢個人生裏便有一種價值同埋意義，咁就不枉你匆匆咁樣走一次啦，嗯……有啲人好大年紀呢，其實佢都未能夠搵到自己個人生目標，啫人又係咁樣生活，佢又係咁樣生活，究竟都唔知係點解會生吖、老吖、病、死，咁樣就好快走完一程。其實人生嘅價值係唔在於你擁有幾多財富吖、幾多名譽吔、幾多地位，呢啲真係嘅，當你經歷咗好多事情之後，誒……你自然會睇化，覺得呢啲都係過眼雲煙，不過大前提你係一定要經歷囉，講就係冇用，啫文字上嘅嘢唔及你親身去經歷。誒，所以我自己都經歷咗好多事，所以呢啲事情都能夠放開，名利吔、金錢吖、地位呢啲，唔覺得佢太重要嘅。


30.人生的價值（六）


德雷莎修女呢，有一點偉大嘅地方，就係佢自己得到幾百萬嘅諾貝爾和平獎嘅獎金，全部捐晒出嚟爲啲貧苦人做事，呢一點真係好難能可貴，唔係咁多人做得到㗎。因爲好多人呢，係自己嘅衣食豐足，儲到錢嘅時候有餘力嘞，先攞出嚟布施。但德蘭修女唔係吔，佢連自己都拋咗出嚟，傾盡自己一生去爲啲貧苦人去做事，已經到達一個忘我嘅境界。你睇下德蘭修女離開嘅時候，幾多國家元首同埋政要對佢幾尊敬，係佢面前鞠躬。呢種咁嘅榮譽一個普通人係唔能夠擁有嘅，有幾多人可以有呢種榮譽吔？德蘭修女只不過係一個修女嚟嘅啫。所以有啲人話：“讀書可以成大功、立大業。”會嘅，有啲人有福，有運氣，佢應該可以做得到，但係有一樣嘢，可能比讀書更加重要，就係人格魅力。一個人嘅人格魅力偉大的話呢，自然有好多人去追隨佢、去仿效佢、去跟從佢嘅。


31.逆境試煉，成我大道（一）


修行呢係必須面對種種境界同考驗，每一個人都要經過，每個，每一個人都要過關，啫我哋會怕啲境界吔，啫令，令到我哋身，身心都唔舒服、唔開心，冇人中意境界，但係我哋應該要換轉番一個心態呢，由於呢個境界可以長養我哋嘅道業，令到我哋成道嘅，所以應該要多謝個境界，換轉個心嚟去諗，多謝個逆境。因爲冇逆境呢，係冇辦法成佛，呢個一定係必須，必然嘅。你睇下兜率天落嚟嘅大菩薩虛雲和尚，你睇下虛雲和尚要受美色嘅考驗，要受身體病苦嘅考驗，要受被毒打幾乎至死嘅考驗。我哋係咩人呢？我哋只不過普通嘅凡夫，所以我哋更加要必須經歷呢啲重重考驗，修我哋呢個係安忍啦、布施、持戒、忍辱（第三個波羅蜜嚟），一定要修得好，如果冇呢啲境界呢，我哋係冇辦法成道。呢啲境界一定係苦嘅，喺我哋凡夫嘅角度嚟講，冇人會覺得俾屋企人鬧吖，或者其他人唔諒解你學佛吖，會覺得快樂，但係我哋要必須面對，去過關，去睇下點樣衝破佢。


32.逆境試煉，成我大道（二）


逆境嚟嘅時候，我哋要學習去接受佢，千祈唔好產生個對抗個心，你一產生對抗個心，其實你已經輸咗㗎喇。我哋應該好似水咁，個心係好調柔，你諗下任何刀劍，世界上幾鋒利嘅刀劍，斬落啲水度，抽刀斷水水更流，啲水冇傷嘅，水性係萬物至柔，所以你要學習水嘅智慧。同埋當逆境嚟到嘅時候吖，我哋要慢慢培養一個心就係話：我多謝你。因爲呢個逆境成就我哋嘅道業，如果我哋過關的話呢，就會加分㗎，加分嘅時候，啫等於我哋，誒，讀書吔嘛，加啲分上去，啲分夠你咪畢業囉。所以最重要就話，唔好同個逆境去對抗，呢一點，呢一點真係要記住，唔好同佢對抗，因爲你一對抗有個反逆嘅心呢，生起瞋恨吖、報復嘅對抗嘅，誒，呢個對抗嘅心呢，就係魔性嚟，啫好容易俾啲魔呢，呢個空隙鑽入去呢，使到你呢，越嚟越嚴重，我哋要形成一個習慣去接受呢個逆境，同埋多啲呢，用四念住呢，去觀想，一有啲逆境嚟嘅時候就“觀身不正”“觀受是苦”“觀心無常”“觀法無我”。我哋平時好少做呢啲訓練吖，多啲做呢啲訓練吖，好有幫助嘅。


33.逆境試煉，成我大道（三）


因爲我哋平常呢，習慣晒順境吖，所以逆境一嚟嘅時候呢，我哋抵抗唔到，其實係一種習慣嚟，當你如果每日面對逆境嘅時候呢，你嘅抗壓嘅能力自然增強，係一種習慣嚟，多啲去習慣，多啲用個心去接受佢呢，接受個逆境呢，調整個心態。其實等於我哋一朵花，吖，一條草，落雨啫嘛，啲雨打落嚟，咪當佢同你沖涼囉，沖淨個涼仲好添，將啲塵洗咗佢，始終過一段時候之後，個陽光一樣會出嚟。你要知道逆境呢，係個過度嚟，唔好睇佢係一種永恆，太執著喺當時令到你唔舒服嗰種感覺，你要諗下會過度嘅，好快就會過去，明天陽光一樣會燦爛，所以一定要有咁嘅智慧，咁嘅想念。你睇下釋迦牟尼佛俾提婆達多害幾多次吔？攞佢命喎，攞命喎！仲有玄奘法師嘅師父戒賢論師，受嗰個骨折嘅疼痛火燒病，受咗好耐吖，好辛苦吖。你睇下目犍連尊者俾啲外道毒打到啲骨折碎晒，身負重傷然之後圓寂。有邊個聖人吖，唔遇過逆境吖？耶穌呢？耶穌更加嚴重添啦，係咪？所以呢啲逆境就長養我哋心性嘅好好嘅磨練嚟嘅，記住，唔好逃避要迎接佢。


34.逆境試煉，成我大道（四）


逆境就等於考車啫嘛，啫等於你想考個車牌，吖，好嘞，考咗個車牌，自己可以買嘢放生，唔使再搭公車，又幾方便。咁你考車牌，個師傅叫你揸上條斜路嗰度，咁你揸到半路嘅時候，一係死火，一係架車就向後溜，唔合格，咁咪要再考過囉？一次唔合格，兩次唔合格，始終你要考嘅，因爲你目標就要攞到個車牌去放生。你唔應該話：“唉，我唔考啦，算數啦，唉！好辛苦吔！”又發脾氣。唔應該咁。應該相反就係話，諗下點樣改善個駕駛技術，點樣聽個師傅講，點樣更加再做好啲，一定要攞到個車牌爲止，因爲你目標要放生，有個大前提喺度。所以當逆境嚟嘅時候呢，你一定要想方法去衝破佢，唔應該話：“唉！好難，太難啦！”

啫因爲呢個逆境压逼你壓力太大呢，令你退失上求佛道、下化衆生呢個菩提心，呢一點係相當之重要，唔好喺逆境面前去屈服，相反，你要搵啲方法去接受佢，去衝破佢，千祈唔好因爲逆境呢，令你打，打消你修行嘅意，意念，令你退失個菩提心，好多人逆境嚟嘅時候個菩提心就自然退失，唔好講話大風吖，小風都吹咗佢去，因爲佢平時係習慣順境，係個溫室呵護一個小草嚟，好難成長㗎咁樣。


35.逆境試煉，成我大道（五）


三無漏學嘅戒定慧裏便嘅“定”門呢，啫修定，可以培養出個定力呢，幫助我哋對抗個逆境，所以平時我哋要多修呢個禪定嘅，定門。有啲人修習定嘅方法呢，就係數息，啫數出入息，有啲人呢，佢就守丹田，但係我建議我哋修淨土法門的話呢，最好就唸佛或者持咒，唸一句佛號，譬如“南無阿彌陀佛”，就持一句佛號去修定。因爲你持佛號呢，出於口、聽於耳、印於心，呢三個步驟嚟講呢，慢慢慢慢就可以增長我哋嘅定力，亦都係比較安全穩當。因爲持佛號呢，有佛力嘅加持吔，出偏呢，啫走偏差呢，會少啲。咁有啲人當佛號當做功課做，做一日，譬如我定，誒，一萬佛號，咁吖做咗一萬佛號之後呢，其他時間就唔持㗎喇，佢當嗰功課，交咗功課就算數。其實當你修定嘅時候呢，就唔須要計數嘅，你可以跏趺坐，上座之後呢，就靜心，用頭先講嘅三個方法：出於口，誒，聽於耳、印於心，用金剛唸，唔好計數，任得佢去持，持到你係唔想持嘅時候先下座。就用呢個方法去修定，唔須要計數，因爲你計數呢，抓住串珠呢，仲有個動嘅感覺吖，個心全部吖，投入去修定，集中去修就唔好計數，吖。


36.逆境試煉，成我大道（六）


喺修行呢條吖，菩提路嚟講呢，咁多年我自己都經歷咗好多逆境考驗，真係好多辛酸，當中啫好難話三言兩語可以講得明白同清楚。啫有時你遇到嗰個逆境嘅時候呢，磨得你好緊要，你會失意吖，會有，啫有氣餒嘅心，有一種好無助吖，好孤寂、好傍惶嘅心，但係雖然當你係有呢啲心念出現嘅時候呢，但係我菩提心點都唔會退，點解呢？因爲我嘅大目標係想幫人，希望多啲人去往生極樂世界，我一諗起呢個大目標嘅時候呢，我又會重新振作，又再上路。當然面對逆境嘅時候會有失意會唔開心，啫你會覺得好無助，點解佛菩薩唔幫我嘅呢？唔幫我去面對啲困難，佢唔施與啲法力吖，唔幫助我快啲行好呢條路嘅呢？你會有啲咁嘅心，但係另外一個心又會咁，咁樣，咁樣諗就係：佛菩薩其實係睇住我嘅，佢睇住我點行，因爲條路係我㗎嘛唔係佢㗎嘛，將來成佛係我成佛，唔係佢成佛。所以一咁諗嘅時候呢，自己個心又會泰然。因爲冇呢啲逆境就真係冇辦法成佛，所以經歷重重考驗係必須嘅。


37.我的讀書生活（一）


誒，呢套《辭海》呢，買左都差唔多三十年，咁佢一本大嘅、一本細嘅，吖，黑色嗰本係薄啲、細啲，咁係補編嚟，裏便聖經紙好薄好薄，每次我查嘅時候都聞一聞，好香！我中意聞書㗎，覺得啲書好香嘅，每次查字典嘅時候都聞一聞，吖，好香！呢本《辭海》呢，就係喺個書展裏便見到，當時一眼睇，《辭海》？咩《辭海》呢？跟住打開嚟睇，嘩喺！咁多條目嘅？乜嘢百科知識，裏便都有嘅喎。跟住揭下揭下，咦？開始見到有啲佛學嘅名相，“佛陀”？“佛教”？咁吖好吸引我嘞。因爲當時我係，嗰段時間係開始啱啱係研究佛學，所以咁多佛學名相，我更加要買啦，差唔多係百幾蚊一本吖，好似，如果冇記錯。而家仲保存咗喺度吖，但係個面已經揭到爛晒，左查右查，因爲我比較中意查字典㗎，同一類字典呢，譬如嗰啲中文字典，我會買成十本八本，雖然係一個字，但係我都會每本都查一次嘅，睇下佢個解釋究竟係相唔相同嘅。


38.我的讀書生活（二）


大概喺我十歲八歲嘅時候呢，有一次係好偶然嘅，喺個床下底度拖左一個大盤出嚟，咁個大盤裏便呢，就啲雜物啦，好多雜物，咁吖有啲書。咁其中有一本吖，藍色封面呢，啲紙都好舊吖，寫住唐詩三百首。誒？唐詩三百首？咩嚟嘅呢？咁打開睇一睇，一讀落去，嘩喺！好舒服喎！好鏗鏘，好有節奏，又押韻。因爲當時咁細個唔知咩叫做押韻，但係就好中意吔，吖。咁及後到讀中學嘅時候呢，因爲我讀中學嘅時候就係讀英文嘅，但係得呢個國文同埋係歷史係中文，其他全部係英文，上課吖，啲書、課本都仲用英文寫，咁但係我吖特別中意中文。

咁吖將呢個《唐詩三百首》裏便呢，最長嗰首啦，大家知邊首啦，白行簡（註：疑爲白居易），就《長恨歌》，講唐玄宗同楊貴妃嘅故事㗎嘛，咁背咗，而家識唔識背呢？而家都仲記得，哈哈。咁呢就對呢個唐詩或者宋詞呢，啫中國文學嗰方面呢，就非常之喜愛，啫莫名嘅喜愛啦，吓。


39.我的讀書生活（三）


咁到讀中學formone嘅時候呢，我有個同學佢好中意中國文學嘅，咁呢，有一次放學之後，佢帶我去間書店嗰度，因爲平時我好少去書店吖，點解？冇錢吖嘛，冇錢買，多數我係去圖書館，放咗學之後好少去書店。咁佢一個箭步，嘩！走咗埋去呢個中國文學個書櫃嗰度，隨手揦開一本書一揭。咁吖當時書店都有一啲人喺度，不過佢又讀得唔係好大聲，咁一打開，打開讀：“大江東去，浪淘盡，千古風流人物。故壘西邊，人道是，三國周郎赤壁。亂石崩雲，驚濤裂岸，捲起千堆雪。江山如畫，一時多少豪傑。”嘩！係咁唸唸唸，唸呢個，誒，蘇東坡嘅《念奴嬌》。嘩！一聽佢唸嘅時候好中意吔，咩嚟㗎呢啲？當時我唔識係宋詞，咩叫宋詞。咁，搶咗佢本書，係咁揭係咁揭、係咁睇係咁睇，咁自呢一次之後呢，就開始同呢個宋詞又結下不解之緣。


40.我的讀書生活（四）


夫天地者，萬物之逆旅；光陰者，百代之過客。而浮生若夢，爲歡幾何？古人秉燭夜遊，良有以也。

咁到呢個中學，誒，讀完之後呢，大概十八九歲，我記得嗰幾年，我係冇去出做嘢，就幫人補習，啫嗰啲小學生，誒……晏晝黃昏放學之後我就幫佢補習。咁其他剩返啲時間我做咩呢？就自修，自己自修。因爲我讀英文部吖，覺得自己啲中文呢，係當時嗰種感覺好差，嗰啲中文字又寫得唔好睇啦，又唔靚啦，誒，啲中文嘅水平又差，咁於是決定就自修，每日大概都讀八至九個鐘頭書嘅，最少吖，因爲你有時讀一讀、查一查字典吖，都好多時間。咁就買咗好多中文書返嚟，誒，去讀、去研究古文觀字吔，吖，呢啲咁嘅古書，就都用咗非常多嘅時間，但係嗰段時間呢，就爲中文嘅基礎呢，打深咗啦。


41.我的讀書生活（五）


讀書一定要做筆記㗎，咁但係呢，我做筆記，我好少寫花本書㗎，啫畫條線喺本書度都少，因爲我有種好珍惜嗰本書嘅心。咁吖做筆記點呢？就另外攞開本筆記簿啦，就將，誒，自己覺得啱嘅段落吖，重要嘅段落就寫低，唔會直接寫咩眉批吔，呢啲直接寫花部書，係冇。所以我借本書俾人，嗰個朋友話：“嘩！本書咁新淨嘅？你有冇睇過㗎？”

“有㗎。”我話我有睇過。

“有睇過點解咁新淨吖？”

我話我都，啫唔會寫花部書㗎，唔會做筆記。所以有啲人以爲我，“咦？本書咁新淨，你係咪未睇過吖？”其實有睇過㗎。記得有段時間呢，就，我係每日買幾份報紙㗎，啫買幾份報紙，咁將佢重要嗰啲資料就剪埋，剪剪埋，剪剪埋呢，然後呢，就貼落啲卡片嗰度，貼咗落卡片度就將佢分類嘞，分類好嘞，咁到時寫文章嘅時候呢，就方便自己攞番出嚟參考，呢樣都幾大幫助㗎，吓，好重要吖。做卡片呢，呢個功夫，我諗好多人應該都有做㗎，讀書人有做呢個卡片嘅功夫。


42.我的讀書生活（六）


我比較中意去書店買書吖，睇書。啫係，你以前如果係去書店呢，就好容易撞到我。我中意嗰種感覺啦，好多書圍住自己嘅感覺，因爲佢俾你有一種動力，繼續，誒……令你不斷去增進自己、增值自己、自強不息、奮發向上、繼續進取啦。我覺得見到咁多書呢，有一種動力，俾自己繼續向前進步。咁我多數都係買書嘅，因爲圖書館，我讀書嗰段時間係有去，做嘢呢就比較少去，但係圖書館，我好少借書，係咪，誒……因爲還，因爲麻煩呢，還書呢？其實都唔係主要呢個原因。我買本書，覺得啫有一種係擁有嘅感覺，亦都覺得隨時可以參考囉，吓，幾時睇呢本書，喺個書架攞落嚟參考又可以。因爲可能我個心係比較珍惜書嘅，所以啲書都係好新簇簇嘅，一本一本一本，甚至買咗十幾廿年嗰啲書呢，睇過呢，都係新簇簇嘅。嗯……啫書店，俾人一種係快樂同開心嘅回憶吖。


43.我的讀書生活（七）


我覺得王勃呢，喺個《滕王閣序》裏便呢，有一句講得幾好嘅，佢話：“老當益壯，寧移白首之心？窮且益堅，不墜青雲之志。”意思就係話呢，一個人如果肯奮發向上、自強不息，肯立志的話，如果佢想完成一個目標，其實唔關乎年紀嘅大細，只要有心，鍥而不捨，不斷去做的話呢，始終有日係會成功。我自己嚟講呢，讀書其實就唔係爲咗功名利祿，係爲咗讀書而讀書，純粹爲咗學問而學問。點樣高，提高自己，令自己更加好好去做一個人，使到自己懂得明白是非，分別咩係正、咩係邪、咩嘢係啱、咩係錯、所以求呢個學問呢，係非常之重要。猶如我哋佛教所講，“廣學五明”：工巧明、聲明、醫方明、內明、因明。你種種個學問都能夠掌握，咁喺度衆生方面嚟講呢，就有好多嘅工具，好方便呢，去攝引衆生，呢一點係非常之重要㗎。


44.我所知道的地藏王菩薩（一）


地藏王菩薩，我哋知道佢嘅大願，所發嘅大願“地獄未空，誓不成佛，衆生度盡，方證菩提。”其實地藏菩薩又何嘗唔係學似觀世音菩薩一樣大慈大悲呢？地藏菩薩真係每一個衆生都唔會放棄。喺每日地藏菩薩，佢朝頭早，我哋人間嘅時間呢，佢會打開法眼，個法眼一打開嘅時候呢，個心光就照出嚟，佛光就照出嚟，去照見恆河沙數咁多嘅世界六道嘅衆生，而且係特別關心地獄道，睇下呢啲道路裏便呢，有邊啲受苦嘅衆生呢，佢就喺個法身裏便分一個身出去，去救呢啲衆生。

每一道，只要有一個衆生係有一點善根未埋沒，佢都分一個身出去，嗰種慈悲真係冇辦法用說話形容到出來。地藏菩薩你話以爲佢係菩薩，其實喺我個修持當中，我感覺得到佢嘅能量、佢嘅法力同佢嘅功德，係一尊超級嘅大菩薩，亦都係佛。


45.我所知道的地藏王菩薩（二）


慈因積善誓救衆生，手中金錫振開地獄之門，掌上明珠光攝大千世界，智慧音裏吉祥雲中，爲閻浮提苦衆生作大證明功德主，大悲大願大聖大慈南無本師地藏王菩薩摩訶薩。

地藏菩薩其實佢嘅功德已經係成咗佛㗎喇，不過佢不捨棄衆生，仍然心心念念衆生，救苦救難，所以現出一個菩薩身。喺釋迦牟尼佛圓寂咗之後，彌勒佛再來之前，現在呢段空白期呢，地藏王菩薩就係我哋娑婆世界嘅代教主。所以我哋每一個衆生都唔可以忘記地藏王菩薩。

地藏王菩薩對我哋嘅恩德，真係無量無邊。比如地震，地藏王菩薩同佢嘅眷屬，一早已經去到現場去加持啲受苦嘅衆生，去幫助衆生脫離災厄苦難㗎喇。


46.佛菩薩爲何以雲彩示現（一）


好多人唔明白呢，點解佛菩薩要用雲彩嘅方式去示現，話俾我哋凡夫聽，佢係存在呢？佢喺呢個空間裏便加持我哋呢？好似令我哋睇舊雲呢，要估估下，橫看成嶺側成峰，咦？又好似觀音菩薩喎，又好似文殊菩薩，又好似六牙白象喎，又似獅子喎，人人睇都唔相同。因爲呢，其實佛菩薩喺嗰個雲彩同一時間嗰個空間裏便呢，佢已經係現咗身出嚟，我哋凡夫肉眼所見嘅波長有限，紅外線同紫外線我哋都睇唔到，佛菩薩嘅功能我哋又點樣睇得到呢？所以佛菩薩爲咗安慰我哋、加持我哋、滿足我哋，增強我哋嘅信心，所以佢就用雲彩嘅組合示現喺我哋眼前。有啲人呢，佢見到係菩薩，但係有啲人呢，可能見到嘅係佛，有啲人呢，可能見到嘅係天人，其實唔同嘅身相，可能都係同一尊菩薩，因爲六道嘅衆生福德因緣唔同吖嘛，佢哋所見到呢，誒，嘅境界亦都不盡相同吖，啫個果報唔相同，因唔相同，果報亦都會唔相同，所以用雲彩嘅組合呢，其實佛菩薩示現係鼓勵我哋個信心嘅，希望我哋知道有佛菩薩存在，喺度加持我哋，我哋千祈唔好退心喺菩提道上便。


47.佛菩薩爲何以雲彩示現（二）


有人話：“《金剛經》講‘凡所有相，皆是虛妄。’”我哋如果將佛菩薩現身呢啲雲彩嘅形狀拍落嚟，又話係觀音菩薩，又話係文殊菩薩，咁會唔會又過於執著呢？其實呢個問題，我覺得唔應該由我哋去答，係由佛菩薩去答，因爲佛菩薩現出嚟嘅相，係佢現嘅，唔係我哋叫佛菩薩現嘅，當然裏便有一定嘅密意，我哋凡夫嘅思想係了解唔到。我諗最主要嘅原因呢，就係佛菩薩希望增加我哋修行上嘅信心，令到我哋信心、菩提心唔好退吔，俾我呢個鼓勵，一個加持。我哋睇下呢個《觀無量壽經》裏便呢，就講得好清楚，修呢個十六觀，觀極樂世界種種嘅依報莊嚴，觀佛身，誒，西方三聖阿彌陀佛吖、觀世音菩薩、大勢至菩薩，呢個身相嘅相好嘅莊嚴，呢啲又唔係執著相咩？何嘗唔係執著？其實係叫我哋一種執著，令到現生，我哋眼前所見到嘅就係一個清淨無染嘅世界，一個清淨無染嘅西方淨土，其實係由“有相”入“無相”嘅步驟，我哋凡夫唔可以一下呢，就直接進入個空性，所以呢個執著，係善嘅執著，係正嘅執著，我哋係唔需要擔心嘅，喺經文裏便都有呢個修法去教我哋咁做嘅。


48.佛弟子轉世人間（一）


《大佛頂首楞嚴經》明確授記，喺當今末法嘅時候，一定會有大菩薩同大阿羅漢用人身轉世去補救佛法嘅斷層，帶領受苦衆生出離魔網，阻礙魔力魔風，唔好俾佢哋過於猖獗。佛陀圓寂之前，爲咗以後有緣衆生接引化度，佛陀仲殷勤咐囑十六大阿羅漢以大禪定嘅功夫住世留形，一直唔取涅槃，時時處處多番方便利益衆生，令到所有衆生離苦得樂，得到解脫。


49.佛弟子轉世人間（二）


我哋千祈唔好迷戀人間吖，今生一定要儘快醒覺，去往生極樂世界，離開呢個受苦嘅世界，先解脫，然後修成果位呢，再返番嚟呢個受苦嘅世界，先去幫助其他嘅衆生。其實我哋入胎之迷呢，使到我哋忘記咗好多事物，有好多人佢前生根本已經係修行過，只不過出胎入胎呢，受嗰個業力障隔咗。今生一出胎嘅時候，有呢個肉體呢，慢慢長大，自然就會受呢個財色名食睡所熏陶同污染，咁修行就會忘記咗。其實佢根本就係一個修行人，佢前生就可能聽過佛陀講經，亦都或者供養過無數嘅諸佛，好多人嘅前生都有呢個善根、有呢個經歷。但係由於受咗呢個慾望所污染，就覺得自己好污穢，會覺得自己：我點會供過佛吖？我點會跟佛修行過？其實係真相嚟，好多人都久植善根，否則今生係冇辦法接觸到佛法㗎，所以一定要珍惜，珍惜我哋眼前嘅佛法。


50.念珠被淨化後法力可以持續多長時間（一）


呢個問題問呢，新請番嚟嘅佛珠呢，點樣淨化？同埋呢，唸咗咒加持咗佛珠之後呢，嘅法力可以維持幾耐？淨化呢，其實嘅方法呢，就係你自己呢，就持咒，攞個念珠返嚟，因爲你請返嚟嘅時候可能有其他磁場污染嘅。

咁唸咩咒呢？唸你自己最純熟，平時唸得最多嘅咒，咁個力量應該係最大。咁唸幾多遍呢？最少我諗都要唸108遍嘞，咁將唸個珠淨化咗佢，令到個磁場清淨番，你就可以平時日常，誒，用嚟作爲修持之用。但係有一樣嘢要好重要，千祈冇俾其佢人掂，一掂咗之後呢，會污染嘅，因爲法力會有高低嘅，如果對方磁場大嘅，強的話呢，會蓋過你個磁場。其實唔係，唔關事嗰個咒力嘅問題，個咒嘅功德係好大、力量好大，不過你唸嘅人發唔發揮得到佢力量出嚟呢？猶如你一把切水果嘅刀係好利嘅，你識不識用吖？如果你唔識用或者用得唔得法的話呢，會甚至鎅損自己條，誒，隻手添。所以呢，最重要就係話呢，唔好俾人掂嗰，嗰個佛珠，平時呢，就將個珠呢，就擺番響個佛壇度，啫到夜晚瞓覺之前擺番個佛壇度呢，而接受佛菩薩嘅加持，咁就最好㗎喇。


51.念珠被淨化後法力可以持續多長時間（二）


被加持咗個念珠，法力可以維持幾耐呢？當然要睇下係咩人唸囉，唔可以一概而論。如果係得道嘅聖人去加持一串念珠，比如佛陀加持、菩薩加持，或者阿羅漢去加持嘅，當然呢，係非常之長久嗰個力量啦，甚至一生一世、多生多世嘅力量都匯聚喺呢個念珠上面嘞。如果係高僧加持的話呢，嘅力量同法力一定會比普通修行人大好多，如果我哋普通人去喺個念珠上面加持念咒嘅，嘅法力就會有機會散失，並不能保一生一世。所以我講過就係話，最重要你加持咗串念珠，淨化咗之後呢，唔好再給俾任何人去摸，親人都唔好摸，因爲每一個人呢，有唔同嘅磁場吖，比如食肉嘅人佢嘅磁場呢，摸咗個念珠之後呢，會污染。因爲你唔知係咩人嚟嘅，佢本身個人係好吖？係壞吔？故此呢，佢嘅磁場呢，都會沾染咗個念珠上面。所以呢，每日就最好呢，將佢呢，放喺佛壇，俾佛菩薩去加持，咁到第二日呢，你就攞番出嚟用，戴喺手上，咁呢，個法力呢，就可以呢，維持，亦都個珠呢，得到被淨化。


52.念珠被淨化後法力可以持續多長時間（三）


念珠淨化係好重要㗎，因爲你請串念珠返嚟呢，你請返嚟係對於你嚟講係新嘅，但係你擺喺個商店嗰度呢，好多啲客人摸過吖，掂過，個磁場就已經係污染咗，其實個念珠。咁買返嚟嘅時候，我哋可以做一個三日淨化念珠嘅儀式，點樣三日淨化念珠儀式呢？首先我哋將我哋最熟嘅咒，唸得最多嘅咒加持喺個香嗰度，加持喺啲香粉吖，或者盤香嗰度，唸幾多次呢？最少你唸49次，加持個香，咁你喺早晚做功課嘅時候呢，我哋將串念珠，就攞啲香呢，熏嗰串念珠吔，點著加持咗個香去熏嗰個念珠，連續去做三日，三日之後呢，你就先攞呢串念珠呢，愛嚟作爲修持，咁呢個係最簡單用香去淨化念珠嗰個儀式嚟㗎，所以呢，你淨化與唔淨化呢，係有個分別嘅。

仲有一個問題就喺念珠上便，有機會有靈界附著喺上邊，你更加須要去淨化，因爲有啲靈界會附喺，誒，啲珠上面，特別啲水晶珠吔，嗰啲石頭類嗰啲念珠係，係會附上去。

咁用念珠同唔用念珠嘅分別係在於邊度呢？用念珠唸佛或唸咒呢，嘅功德係大好多嘅，用菩提子珠，我已經講過啦，係有無量無邊嘅功德，呢個就係個分別嘞。


53.念珠在應用上必須注意的事項


嗯……呢題題目都好多人問嘅，就係話呢，念珠係以邊隻材質嘅念珠個功德係最大，啫用邊一隻念珠係功德最大？同埋就話念，用念珠有冇講究呢？咁我簡單嚟講一講呢就係話，念珠佢有分開，譬如話好多材質啦，水晶吖、瑪瑙吖、珊瑚吖、琥珀吖……個水晶裏便又有茶晶吖、煙晶吖、粉晶吖、白水晶吖……諸如此類啦。咁但係問題呢，如果講功德嚟講呢，係以菩提子嘅念珠嘅功德就係最大嘅，無量無邊。咁個菩提子裏便又分開鳳眼菩提吔、星月菩提也、天台五間菩提……總之乜嘢菩提都好啦，以菩提子念珠嘅功德係最大。咁用念珠呢，有一點係最重要呢，我提出嚟講呢，就係話，誒，要講究一下，就係話，當你唸到嗰個佛珠個珠嘅頭嘅時候呢，千祈唔好穿過佢，你將佢返番轉串念珠呢，再重新開始過，原因係點解呢？因爲個念珠嗰個珠頭呢，就代表阿彌陀佛㗎，吓，咁嗰個念珠穿珠嗰條繩呢，就代表觀世音菩薩，所以唔好穿過個念珠嘅珠頭。


54.五眼六通的修學


瑞典嘅科學家已經可以利用高科技嘅儀器拍攝到物質內部電子運動嘅形態，電子呢，係我哋凡夫肉眼睇唔到嘅。原子之中嘅電子一直喺度運動、震動，排列組合亦都不斷喺度變化，不斷形成新嘅原子、分子、新嘅物質，呢個就係佛陀當日教導“無常”嘅道理。萬事萬物不斷喺度更新變化，冇永恆嘅常態，一時起一時落、一會合又一會散、一陣喜又一陣悲。所以佛陀教導我哋慢慢學習放下自我同身邊嘅一切，呢啲都係生滅嘅法，只有我哋嘅佛性先係不生不滅嘅。“電子”，喺當日佛陀說法嘅時代，佛經之中翻譯叫做“塵”，即係細到好似一粒塵咁嘅意思。佛陀一早已經了悟咗宇宙當中嘅真相，佛眼就可以清楚洞明一切，所以佛陀可以講出宇宙嘅真相嚟教導弟子放下一切執著，唔貪戀紅塵，心清意淨，我哋嘅心眼就可以開啓。嚴守佛制嘅禁戒去修行呢，斷淫離慾，咁樣天眼、慧眼、法眼、佛眼就可以得證，觀我哋嘅身心同埋所有世界，就好似掌中嘅庵摩羅果一樣清楚無疑。神通呢，係以般若同大智慧爲體嘅，唔係用妄心可以去求得，所以首先呢，就要發大菩提心，以大慈悲心去利益一切衆生，慢慢學習放下，經過苦修，心胸就能夠容納宇宙嘅萬物，六種神通不求呢，就自得㗎嘞。如果用妄心去求暫時嘅靈通，唔修根本呢，只會著魔作孽、自誤誤人，我哋必要謹守呢個心法，咁我哋嘅心先能夠活潑自如，自由自在嘅。


55.他心智證通


他心通唔能夠亂用嘅，因爲亂用他心通等於犯咗偷盜戒，因爲未得到別人嘅同意呢，你隨便去讀人哋嘅心念，不問自取，就等於犯咗偷盜嘞。他心通可以用於了解別人嘅心念，喺某啲特殊嘅情況之下可以運用，比如你喺講法嘅時候，希望了解信衆當時佢哋嘅心情係點樣，就可以更好呢，令到對方接受佛法，呢個係一個例子。他心通亦都可以通於人以外動物嘅想法嘅，可以同動物去溝通、交流，大家互傳心意，明白到動物佢哋嘅苦樂感受嘅。


56.陰眼


陰眼呢，好多人天生就有嘅，唔須要經過修煉就可以見到鬼嘅，但係有一類人呢，佢唔係天生有陰眼，佢點解會有呢？就係經過大病，比如發高燒之後呢，好番，咁吖突然間可以見到鬼吔，有陰眼。有一類呢，就經過係，個意外吔，經歷咗啲意外譬如話，氣車撞到，撞親個腦，咁好番之後呢，佢又可以見到鬼喎，又出現咗陰眼嘅功能。好多人呢，就係將天眼同陰眼呢，就混淆咗，佢哋唔明白，陰眼只可以見到鬼，唔可以見到神，唔可以見到仙，但係天眼就唔同，天眼呢，就可以見到神嘅、見到仙嘅，吓。陰眼呢，有一樣嘢呢，就係個功能唔受自控嘅，啫自己控制唔到，比如啲鬼類就混喺人群當中，你一眼望去嘅時候呢，就自然見到嘞。有陰眼嘅人，佢唔會話，吖，我唔想見呢，就見唔到，唔得嘅，唔受自控。但係天眼呢，相比較呢，就隨心所欲，我中意見就見，唔中意見就唔見，呢個呢，就係一個分別，但係好多人唔明白。咁另外有一類嘅陰眼呢，就係靈媒嘅陰眼，由於有靈界附身呢，係暫時個靈界力量令到佢見到嘅。


57.天眼


天眼呢，其實係人個腦裏便內分泌系統嗰個松果腺嘅功能重新再活躍，咁就恢復番呢，超乎肉眼嘅視覺，就謂之“天眼”。譬如呢，我想，誒，睇十里以外嘅地方，你用天眼睇呢，都係非常之清楚，但係肉眼就唔得嘞，呢樣。咁譬如話，夜晚黑嘅，黑黑嘅路，我哋肉眼根本就睇唔到，但係天眼呢，見到夜晚呢，好似見到日頭一樣嘅，佢唔受呢個黑暗所，誒，拘限嘅，都可以見到。仲有天眼呢，有個透視嘅功能嘅，譬如話個箱裏便裝咗啲乜，唔須要打開個箱，你望一望呢，就知道佢裏便係乜。天眼亦都可以見到正神，亦都見到佛，見到菩薩，陰眼就唔得㗎喇，陰眼只係可以見到鬼嘅啫。咁有一類呢，假嘅天眼呢，其實呢，就係話，誒，陰眼嚟㗎，啫個靈界嘅眼係陰眼嚟，譬如你好簡單，嗱，你試一試佢，打開本書，隨便揭一頁，你問佢：“呢一頁書裏便第幾行嗰句說話係乜嘢？”你叫佢講出嚟，如果講得到出嚟，都未必一定係天眼，但係有機會係天眼，但係陰眼通常就係做唔到，因爲點解？陰眼冇透視嘅功能，絕對講唔到俾你聽究竟呢一行係咩字嚟嘅。


58.慧眼


我哋講一講“慧眼”，“慧眼”係咩意思呢？就係大智慧到彼岸所得到嘅眼睛，“慧”係簡稱嚟嘅，啫“智慧”。梵語“般若波羅蜜多”，中文就叫做“大智慧到彼岸”，由生死嘅此岸到達涅槃嘅彼岸，解脫生死，證得空性，就謂之“般若波羅蜜多”，所以慧眼呢，就能夠觀空，證得空性。慧眼就係阿羅漢同埋辟支迦佛，二乘嘅聖人呢，所得到嘅眼睛，佢可以照見諸法都係一個空性嘅。嗱，我哋舉個實例吔，譬如眼前呢一個電話，又膠吖、又玻璃吖、又金屬吖，啲電子零件所組合，羅漢嘅慧眼呢，就能夠觀察到呢個電話都係由各種因緣聚合所生，緣生緣滅，所以羅漢見到諸法、萬事萬物都係緣生緣滅，佢就唔會再生起一個執著嘞。包括我哋人嘅身體，由十二因緣，誒，嘅原理去入胎，嘅流轉門去入胎——無明緣行、行緣識、識緣名色、名色緣六入……咁樣一步一步一步咁入胎，羅漢就觀察到呢個入胎嘅實相好清楚，所以佢就能夠放下個我執啦，故此呢，慧眼就能夠觀諸法嘅空性，而脫離一種執著，得到解脫，就謂之“慧眼”。


59.法眼


咩叫做“法眼”呢？“法眼”係初地菩薩所擁有嘅觀察能力。咁呢，愛嚟觀察呢，諸法種種嘅法門，同埋呢，觀察呢，呢個衆生適合咩法門去度化嘅。我哋舉個實例吔，譬如菩薩用法眼去睇一睇呢個衆生，咦？佢多生之前原來修過大悲心陀羅尼個法門嘅喎，咁我就應該用大悲心陀羅尼去度佢嘞。咁再睇落去的話，究竟咩叫做“大悲心陀羅尼”呢？再睇，哦，原來“大悲心陀羅尼”呢個法門呢，係千光王靜住如來，一尊古佛，教俾千手千眼觀世音菩薩嘅喎。咁呢，呢個法門又點修呢？再用法眼去觀察，哦！原來個過程係咁修，咁菩薩就開始學習呢個法門，學咗之後呢，自然就可以用呢個大悲心陀羅尼個法呢，去度呢，呢位衆生嘞。咁所以法眼嘅功能呢，係可以觀察諸法究竟呢，點樣生、點樣滅，啫亦都可以同羅漢個慧眼一樣呢，啫觀察呢個法嘅空性，亦都可以知道呢個法嘅來龍去脈點樣修，進而去幫助衆生，亦都知道種種衆生嘅機情，嘅根基，咁呢，呢個就係菩薩所擁有嘅法眼，一地、二地、三地、四地，直至成佛，一步步增強上去，破一分無明，見一分佛性，得一個更高嘅法眼。


60.佛眼


佛眼呢，嘅功能係最強大同最圓滿，佢具足肉眼、天眼、慧眼、法眼全部嘅功能。其實佛眼呢，係我哋心性原本嘅展現，亦即係“大圓鏡智”，呢個“大圓鏡智”呢，係佛嘅智慧嚟嘅，好比一塊光亮嘅鏡，無物不照、無事不鑒，任何嘅人與物喺個鏡前便呢，都知道係咩嘢嚟，但係當個人離開或者個物件移走的話呢，個鏡呢，仍然係保持係光亮，乜嘢事情都冇嘅，完全唔會執著，係“空性”嚟，呢個就“寂而常照”“照而常寂”嘅境界嘞，嗱，我哋舉個實例啦，譬如中國有二十三個省，每個省有一萬人，佛眼可以喺同一個時間裏便知道呢二十三萬人嘅心中係諗緊啲乜嘢，係同一時間喎！所以佛眼嘅功能係非常之不可思議，用我哋凡夫嘅想念係完全冇辦法測度到佛眼嘅境界有幾高同幾深嘅。呢個佛眼嘅境界呢，係最圓滿嘅，係成佛先具有，比起慧眼同埋法眼同埋天眼有過之而無不及。


61.《首楞嚴經》的研究方法


研究《楞嚴經》呢，一開始呢，我哋呢，就將整部經文通讀一次先，務求呢，喺個識田裏便呢，留下一個印象，明白幾多唔緊要嘅，吓。第二步呢，就係呢，搵一部，誒，近代或現代嘅高僧或者大德居士嘅解釋，務求掌握《楞嚴經》整部經嘅綱領同埋意思。第三步呢，就嚟一個對讀，搵高僧大德同埋居士嘅比較權威嗰啲嘅解釋，譬如話有五部嘅解釋，我五部擺晒喺度，首先搵一段經文嚟講，跟住五部嘅解釋對呢一段經文係點解呢，咁我首先要了解嘅經文，如果唔明唔緊要吖，跳過佢，可以繼續落去，當然明嘅時候呢，一步一步一步按步就班當然係最好啦。跟住再嚟呢一步呢，就係話，你喺對讀裏便你發現，邊一本解釋你係最心儀嘅、最喜歡呢，就攞，攞呢一本解釋自己重新由頭到尾再睇一次，咁經過呢幾個步驟之後呢，你對《楞嚴經》呢，應該會掌握咗佢嘅綱領同埋好深嘅印象嘞，應該，但當然仍然會有啲唔明。咁呢我哋喺讀經嘅時候呢，我哋加上要背誦經文同埋或者背誦楞嚴咒吖，咁時時將啲經文或者咒語喺心裏面默誦就會得到加持同埋消業障，日子有功之後呢，隨住你睇《楞嚴經》嘅時候呢，好多你唔明白嘅嘢都會豁然貫通嘅，所以呢幾步係好重要。


62.護持《金剛經》兩尊金剛的說明


喺坊間嘅《金剛經》版本當中呢，我哋可以見到喺經文之前呢，有呢個奉請八金剛同四菩薩嘅名號嘅，吓，好多版本都有嘅，呢個八金剛同四菩薩呢，就係發願護持我哋唸誦《金剛般若波羅蜜經》嘅修行人。但係現在我提出來要講嘅呢，就係話，喺呢個八金剛裏便呢，其中有兩尊金剛，誒，一般嘅版本，坊間流通嘅版本呢，就係“定持災金剛”同埋呢個“赤聲火金剛”嘅。如果我哋考證呢個房山石經同埋敦煌遺書呢，呢兩尊金剛呢，嘅名號呢，就有啲唔相同。“定持災金剛”呢，喺遺書同埋石經裏便係“定除災金剛”，“赤聲火金剛”呢，係冇有“火“字嘅，淨係“赤聲金剛”。所以由呢個考證呢，我哋會發現到坊間嘅版本呢，可能存在咗有一定嘅錯誤，但係呢，我哋如果照坊間嘅版本，照樣去唸誦“赤聲火金剛”或者“定持災金剛”，有冇問題呢？其實一樣呢，感應非凡，啲金剛一樣會嚟去護持我哋，功德無量，亦都唔使去擔心呢個問題嘅。


63.讀誦及抄寫焚化《金剛經》的問題


讀誦《金剛經》呢，需唔需要讀嗰“三十二分”嘅題目呢？係唔需要嘅，因爲根據梵文嚟講呢，根本就冇呢“三十二分”喺度。呢“三十二分”呢，係中國梁朝昭明太子爲咗我哋後人方便去理解吔，咁將啲經文呢，分開“三十二分”，吖，呢段經文係說乜嘅，呢段經文係說乜嘅，吖，“法會因由分”“善現啓請分”……咁一分一分去分落去。我哋如果唸誦經文嘅時候呢，就直接跳過呢啲分數嘅題目，唔需要唸就得㗎喇。另外一個，誒，《金剛經》嘅問題呢，就係話，抄寫呢個《金剛經》呢，需唔需要呢，回向俾啲祖先嘅時候呢，喺佛前焚化？係唔需要焚化嘅！因爲唸咗經文嘅時候呢，個功德已經存在，喺佛前嗰度簡單回向你嘅心願就可以吔，千祈唔好焚化啲經文。因爲呢，焚化時候呢，啲經文嘅灰呢，飛到通度都係嘅時候呢，變咗踹到吖，或者唔知點樣呢，就褻瀆到啲經文嘅灰，咁個罪過呢，就歸抄經嘅人。除非嗰本經呢，就爛到呢，好厲害，不乎再應用呢，咁我哋呢，就要按印光大師所教個方法去焚化，平時呢冇，冇必呢，要千祈唔好焚化啲經書。


64.解答“南無阿彌陀佛”的讀音問題


呢個問題好多人都爭論咗好耐，究竟唸“南無阿（a）彌陀佛”啱呢？定唸“南無阿（o）彌陀佛”啱呢？究竟係唸“阿（a）”定係唸“阿（o）”呢？我自己嚟講呢，就唸“阿（o）”嘅，因爲我師父最初教我嘅時候呢，都係唸“阿（o）”嘅，如果佛陀係全知者的話，阿（o）彌陀佛係全知，佢已經成咗無上正等正覺，乜嘢都聽得明，乜嘢都知，你唸“阿（o）”又好，“阿（a）”又好，其實都無傷大雅，我覺得都可以。但係如果根據梵語嘅考證的話呢，“南無阿（o）彌陀佛”或者“南無阿（a）彌陀佛”呢，嘅梵語，就係“Namo Amita-Bhddha”，“Amita”如果正規嚟講應該發“阿（a）”嘅，就“阿（a）彌陀佛”先係啱嘅，吓，如果按梵語嘅考證。但係呢，誒，譬如一個咒嚟講，好長嘅咒，你有少少發音唔係太正確，有幾個字呢，都係冇問題，啫唔會太大影響個咒嘅效力囉，如果個咒嘅，咒係短，譬如六字大明咒“Om mani padm hum”嘅，啲字係少嘅，如果你個個字發音都唔準的話呢，就會真係影響個咒嘅效力嘅，所以唔需要再爭論話“阿（o）”定係唸“阿（a）”㗎喇。


65.《大悲懺》當中偈語的錯誤


呢個問題呢，以前我喺文章裏便都講過，吓，現在提出嚟，再提醒一下大家，就係，喺呢個《大悲心陀羅尼經》裏便記載呢，就有六組十二句嘅偈頌，但喺坊間流行嘅，誒，懺本吖，《大悲懺》裏便吖，多數都係唔啱嘅，都係錯嘅。咁呢，如果佢真正嗰個版本嘅，誒，《大悲心陀羅尼經》嗰個偈頌係點嘅呢？佢話：“我若向刀山，刀山自摧折；我若向火湯，火湯自消滅；我若向地獄，地獄自枯竭；我若向餓鬼，餓鬼自飽滿；我若向修羅，惡心自調伏；我若向畜生，自得大智慧。”嗱，呢個就係啱嘅版本。咁錯嘅版本呢，就係中間嗰兩句，佢就話：“我若向火湯，火湯自枯竭；我若向地獄，地獄自消滅。”啱啱就同原版個倒轉咗，所以希望大家以後印呢個《大悲心陀羅尼經》吖，或者《大悲懺》嘅時候，就一定要留意呢個問題，睇下你，誒，根據嗰個版本個偈有冇錯，如果錯呢，就一定要改正番過嚟吔。


66.晚上不能讀誦《地藏經》的說法係錯誤的


我諗呢個講法呢，以訛傳訛咗好耐，唔係呢，就唔會咁多人重複去問我呢個問題，咩問題呢？就係夜晚唔好去唸《地藏菩薩本願經》。點解夜晚唔會唸《地藏菩薩本願經》？因爲話夜晚陰，你一唸嘅時候呢，就好多靈界、好多鬼類搞到你唸經嗰個地方，譬如間房，吖，好多鬼嚟集中，就好陰吖，唸經嘅人又出現頭暈吖、個身軟晒吔，誒，又有時會話想嘔吖、想屙吖，呢啲唔舒服。其實就根本與呢啲唔關係嘅，你身體唔舒服，將唸呢個《地藏經》呢個，誒，將佢扯埋一齊呢，以爲係有關連呢，係冇必要。其實你唸邊一本經呢，都有靈界嚟嘅，何止唸《地藏經》，你唸《金剛經》吖、唸《普門品》吖，甚至唸大悲咒，啲靈界有鬼類吔、有阿修羅吖、有羅剎吖，甚至有天人嚟隨喜，完全都唔出奇嘅，嚟聽我哋誦經，就算啲鬼類嚟呢，其實唔會傷害我哋嘅，點解我哋淨係一條線去諗有鬼類嚟，我哋唔諗有天神嚟嘅？我哋唔諗唸《地藏經》嘅時候有好多護法，隨喜《地藏經》嘅護法去保護我哋？因爲如果啲靈界，我哋唸經去干擾我哋作障呢，護法係唔允許嘅，所以一定要有信心。如果你唸經唔舒服，嗰個靈界可以干擾到我哋作障呢，係必定有一個因果存在先會發生呢個問題嘅。


67.選擇有緣密法修學


學習密法最重要就係對機，按自己適當嘅根機選擇有緣嘅法門去修，就能夠修到事半功倍嘅效果，千祈唔好貪求學大法，或者貪求呢，去學神通，咁樣就會製造好多煩惱同障礙。印光大師都講過啦，修習密法千祈唔好貪即身成佛，如果成日諗住即身成佛，又或者修密法容易發神通呢，呢個發心嚟講呢，再加埋唔守戒律，最重要就係唔守戒律，就好易出偏差同著魔。喺《首楞嚴經》都講過，釋迦牟尼佛開示好清楚，我哋修行三大綱領，邊三大綱領呢？“戒、定、慧”，因戒生定，因定發慧。如果唔守戒，因地不真，發心不正呢，唔係真係發呢個大菩提心吖，去修持佛法，即身成魔就好容易，即身成佛就難上加難吖。


68.持咒的發音問題


唸咒方面呢，如果唸到古梵語，當然最好啦。咁我建議初學唸咒嘅人呢，如果佢係，啫未先入爲主吔，最好就學梵語先，吖，用梵語唸咒，就好多音佢能夠掌握得到呢，咁個發音標準呢，個靈驗度呢，相反係增強。當然我喺以前文章裏便都講過話，你發音係準呢，只不過係一個助緣，其他令到個咒呢，產生靈感呢，有好多種種嘅因素吖，嗱，我哋見到，誒，古代到而家好多大師，你試下去統計，啫唔須要話點樣科學去統計吔，有幾多人去唸梵語吔？大部分都用番自己嘅方言去，去唸個咒，但一樣產生靈驗，點解呢？因爲道行嘅問題吔。特別我成日強調“戒定慧”嘅“戒”，戒律，守戒律，守戒律呢，自然護法神就會幫你㗎喇，同埋唸個咒呢，所謂“道高龍虎伏，德重鬼神欽”，自然就會發生靈驗嘅。咁當然我哋唔可以否定梵語嘅力量啦，唸到梵語呢，就絕對係最好，但係初學嘅人呢，如果唔能夠唸梵語呢，就用番師父教你嘅口音去唸都可以㗎，吖，一樣有好大嘅加持力。


69.持咒需要注意什麼


持咒嘅數量重唔重要呢？係相當重要吖！比如有啲人呢，佢發心，吖，我閉關持某一個咒，我持五十萬。咁如果你一旦發咗願之後呢，你中途呢，就千祈唔好停，你唔好話，我持十萬、二十萬，之後呢，我就停咗。譬如話停幾個月，再接做落去，咁樣唔得嘅，個法力同埋功德呢，亦都接續唔到嘅，如果你中途打斷，就變咗前功，誒，盡廢，要重新呢，再持過，中間千祈唔好斷。咁呢，譬如話密宗裏便嘅息災吔、增益吖、懷愛吔、降伏吖、誅滅吖、鉤召吖，種種呢啲事法呢，某一個咒呢，你一定要持滿數量呢，先能夠發揮到佢功效出嚟嘅。咁一般基本嚟講呢，我哋每一個咒嚟講，最少你先持十萬作爲一個小基礎，十萬係好少咋，唔係好多㗎，作爲一個咒嘅基礎，慢慢打上去，慢慢打深啲，再繼續持二十萬、三十萬、四十萬，直至一百萬、二百萬，咁樣持上去呢，你個心呢，越持呢，就開始越順，妄念越少，越專一，咁呢，變咗個功效呢，就越嚟越大嘅。


70.我用什麼音唸大悲咒


有啲人問我唸咒呢，係用咩麼音吖？咁師父教我大悲咒嘅時候呢，我係用粵語唸，啫佢用粵語教我，咁所以我跟佢唸大悲咒呢，都係用嗰個粵語吔，一直唸到而家㗎，咁斷斷續續，唔經唔覺呢，都唸咗卅幾年，都唔算短嘅日子吔。總，總結我自己唸咒嘅經驗呢，其實一切，我哋話，誒，唸咒有咩靈驗呢？點樣要靈驗呢？其實我覺得一切都係唸咒嘅助緣嚟嘅，比如清淨嘅傳承啦、你唸梵音啦、食素啦，誒，淨身吖、淨口吖、持咒嘅數量吖，或者呢個係，誒，串念珠吖，具備殊勝嘅念珠，念珠好吖、壞吖，你用咩念珠，或者你著唔著法衣吔，呢啲外在嘅助緣，去促使你去唸咒，都係一啲助緣嚟。但係歸根，誒，到底嘅主因嚟講呢，最重要最重要，我覺得係要發個大願，大願係最重要嘅，同埋呢個發呢個，誒，大菩提心，我時常都強調，同埋特別特別就係我成日講嘅持好戒律啦，戒律就係真係排第一位，其他嘢唔使講，一定要做好戒。


71.蓮師咒講解及發音要點


唸誦蓮師咒啦，嘅功德當然無量無邊啦，因爲蓮師亦都係，誒，阿彌陀佛嘅化身，所以嗰個佢嘅根本咒吖，啫等於佛部嘅咒，係佛嘅咒嚟。如果我哋跟西藏嘅上師去唸呢個蓮師咒呢，佢哋通常最後將蓮師嗰個種子字嘅發音“hrih”，咁佢哋呢將佢唸咗做“舍”嘅，因爲我哋知道西藏文呢，係由梵語去變過去、改過去，所以一改嘅時候呢，啲音一定有，有走樣嘅，特別呢個種子字呢，用拉丁文，誒，啫英文拼出嚟，“h-r-i-h”，個“h”最後嗰個係半音嚟嘅，“h”，啫有個“h”，“h”音，但係就唔係完全發嘅，嘅“h”音嚟嘅，“hrih”，有一個少少嘅吐氣音，但係如果你發“舍”都可以嘅，你係跟西藏嘅上師去唸誦，跟番上師嘅口音唸，嘅加持力一樣都係好大，因爲你發唔到“hrih”，嗰個，誒，音。個根本咒呢，就係呢個：Om ah hum vajra guru padma siddhi hum hrih。


72.大白傘蓋咒在施食中的應用


聽下外邊啲雨聲，出便落住好大雨吔，通常遇到呢咁嘅情況呢，就我施食嗰陣時，首先會唸呢個大白傘蓋咒先，咁你唸大白傘蓋根本咒吖，或者唸大白傘蓋堅甲咒都可以，個作用係咩呢？等於我文章裏便都有講過，就係話，修呢個大白傘蓋法，唸咒嘅時候呢，觀想個大白傘蓋佛母嘅種子字呢，“唵”，“唵”字呢，就變成佛母嘅傘蓋，遮住啲靈界吔，遮住啲鬼類，等佢哋喺飲食嘅時候呢，唔怕俾啲雨溚到。咁你會話：“咦？啲鬼類，都唔係人咯，冇咗身體都會怕雨嘅咩？”佢冇咗個身體，不過問題呢，佢嗰個靈覺吖，比人吖，仲強好多倍，冇咗個身體嘅約束吖，所以其實佢哋都係有一種呢啲感覺嘅執著，咁你變一把好大嘅傘去保護佢哋、遮住佢哋，佢喺個傘下邊呢飲食，就好安心嘞，好安全，亦都好舒服。呢個係落雨嘅時候我做施食之前就必修嘅，就唸呢個大白傘蓋咒。


73.孔雀明王心咒密義


“Om mayura krante svaha”，“Om”就係一切咒語聲波嘅總源頭，“Mayura”就係孔雀，“Krante”，不能夠超越，“Svaha”係功德圓滿嘅意思。所以孔雀明王呢個心咒就係意思就係話：所有世間一切，正嘅咒、邪嘅咒；所有嘅法，正嘅法、邪嘅法，都唔能夠超越孔雀王嘅法，都唔能夠超越孔雀王嘅咒願。所以你唸呢個孔雀明王嘅心咒，所有嘅邪咒悉皆被綁，悉皆被破，冇嘢能夠超越得到孔雀明王嘅法，就係呢個心咒嘅意思。所以我就建議大家每一日都唸誦呢個心咒，去飲孔雀明王嘅法水，強身同埋治病，化解自己身上所有嘅諸毒，亦都能夠布施個水俾給其他人呢，去利己利人。呢個咒語，唔好睇佢哋係少少幾個字，就係呢少少幾個字嘅功德，已經係無量無邊，因爲係大日如來所傳下嘅佛咒。


74.孔雀明王心咒化除諸毒


孔雀明王心咒呢，佢嘅功德係非常之偉大嘅，呢個心咒可以化解晒世間所有嘅大小諸毒，孔雀可以食盡所有嘅毒，而令到佢嘅羽毛更加亮麗。一切嘅病就等於係毒啦，吓，我哋嘅內心無形嘅貪瞋痴又係三毒，我哋三毒化解，就能夠成佛，所以修持呢個孔雀明王心咒呢，可以食盡我哋嘅外毒同內毒，呢啲毒化解咗之後，我哋就能夠證果，所以呢個咒呢，我哋要不斷持落去，日子有功，自然呢，慢慢就會發生效力。同埋持誦呢個咒，我哋唔好設一個門檻喺裏便，話需唔需要灌頂吖？需唔需要有人傳吖？當然有師父傳俾你呢，功德會大，但係冇師父傳，一樣可以唸，普通人都可以唸，我哋要將呢個咒普傳出去，因爲現在呢個世間呢，太多毒，人心又變壞，孔雀明王法同孔雀明王心咒呢，正係對治而家當今末法時期衆生嘅所有弊病，應該要將呢個咒去普傳嘅。


75.孔雀明王法的微妙功德力


有啲師兄呢，聽咗我講法或者唸咒嘅聲音之後呢，佢哋出現屙吖、嘔吖或者頭暈吖，呢啲種種好似身體唔舒服嘅現象，我話俾你聽，係唔使擔心，呢個係排毒嘅反應嚟嘅。因爲呢，我哋修孔雀明王法嘅人呢，嘅咒音裏便呢，會傳遞到孔雀明王咒嘅功德嘅信息，你聽咗入耳嗰度呢，自然就吸收咗入個身體嗰度，或多或少呢，都會有反應，各個人嘅根器同埋機緣唔同，佢嘅程度嘅深淺呢，就每個人呢，都不盡相同。所以如果你聽咗，吖，我唸咒或者講法嘅聲音之後呢，你突然間對於肉食唔想食嘅，吖，想戒肉嘅，或者想戒煙吖，突然間好唔想飲酒吖，以前明明係好中意飲酒，一聽咗之後呢，你自然戒除，咁就係真係一件好好嘅事情嚟，唔須要你去刻意去戒，所以呢，我哋修持孔雀明王法呢個咒嚟講呢，就有呢啲微妙嘅功效同埋功德。


76.六字大明咒


六字大明咒呢，我細細個嗰陣時跟師父學，啫一開始學佛嘅時候，佢都已經教我唸呢個六字大明咒。六字大明咒喺西藏就家喻戶曉，我諗好少西藏人係唔識唸六字大明咒，嘅發音吖，“唵嘛呢叭咪吽”，咁“唵嘛呢叭咪吽”呢，就藏文嘅發音，如果梵文呢就“Om mani padme hum”，其實，佢係相差無幾嘅，都唔爭好多。有啲人話：“我唸藏文好吖？定係唸呢個梵文好？”其實都冇乜太大關係嘅，我相信觀世音菩薩都會聽得明白，不過呢，就如果你唸埋個觀世音菩薩嘅種子字呢，亦都係阿彌陀佛嘅種子字，啫嗰個“hirh”，“hirh”，咁呢，西藏就唸“舍”嘅，啫變咗音，變咗個“舍”，其實梵文就“hirh”，“Om mani padme hum hirh”，咁呢個功德更加無量無邊，更加大。六字大明咒有個好特別嘅功能，就係話，你唸六字大明咒呢，你嘅身上嘅塵吖，有風吹過，如果吹喺任何一個人嘅身上，你唔識佢都好，你喺街嗰度行呢，佢都能夠種下成佛嘅種子㗎。


77.文殊師利大菩薩八字最勝大威德心真言


文殊師利菩薩八字最勝大威德心真言：Om a vi ra hum kha ca rah。或者呢，你可以發，誒，後邊呢個加埋個“dhih”，“dhih”，呢個“dhih”係文殊菩薩嘅種子字，你可以咁唸：“Om a vi ra hum kha ca rah dhih”，咁樣唸都得。加埋個“dhih”呢，就功德比較更加大，Om a vi ra hum kha ca rah dhih。


78.文殊師利大菩薩五字真言解密


唸誦文殊師利菩薩嘅五字真言呢，功德真係無量無邊嘅，呢個五字真言呢，係文殊師利菩薩成佛心髓嘅結晶，非常之秘密，佢嘅境界高深唔係說話可以講得到出嚟，一陣我唸俾大家聽呢，有五個梵字，但係呢，西藏嘅上師所傳呢，就通常加埋文殊菩薩個種子字落去，所以變成咗六個字嘅。其實有啲人話：“我唸佛菩薩嘅咒語，會唔會得到佛菩薩嘅保護呢？”呢個文殊師利菩薩嘅五字真言，你只要唸一次就等於唸呢個法界宇宙吖，所有嘅佛講過嘅經一次，你話功德有幾大吔？如果唸兩次的話呢，就由文殊師利菩薩同普賢菩薩作你隨身衛護去保護我哋，嘩，功德真係不可思議！我哋一定要相信佛陀所講嘅說話，所以呢個真言呢，係非常之秘密稀有，能夠聽到嘅人呢，過去生都久植善根。好，而家我唸俾大家聽，文殊師利菩薩五字真言：A ra pa ca na dhih。


79.文殊師利大菩薩三世成佛


文殊師利菩薩摩訶薩呢，過去成佛叫做“龍種上尊王如來”，現在已經成佛，叫做“歡喜藏摩尼寶積如來”，將來成佛，叫做“普現如來”。其實文殊師利菩薩已經係一尊老佛祖嚟，我哋睇下《法華經》話，釋迦牟尼佛喺塵點劫前（以一粒塵作爲一劫，無量嘅微塵就無量劫，無量微塵無量劫以前），釋迦佛已經成佛，釋迦佛其實已經係一尊老佛祖，但係文殊師利菩薩呢，比釋迦牟尼佛更唔知早幾多劫成佛，係釋迦佛嘅祖師爺。七佛之師、九代之祖，你諗文殊菩薩喺佛教裏便嘅地位係幾高幾高？我諗喺法界宇宙嚟講呢，基本上可以咁講吖，好少嘅佛，成佛唔係因爲受過文殊師利菩薩嘅教化同埋教誨，我諗係冇，好多佛都跟過文殊師利菩薩學，而且《大方廣佛華嚴經》裏便記載，釋迦佛親自授記中國嘅五台山就係文殊師利菩薩教化嘅道場。


80.七俱胝佛母與大准提神咒


准提菩薩亦都叫做“准提佛母”或者“七俱胝佛母”，“准提”嘅意思呢，係清淨無染，“俱胝”呢係“千萬”或者“億”嘅意思，都係梵語譯到我哋中文嘅意思嚟，咁呢，過去有一億尊佛成就無上正等正覺，都係皆因修持呢個准提法，受到准提佛母嘅化度而成佛，所以修持呢個准提法嘅功德好大嘅，我建議初學佛嘅師兄呢，由於佢哋未能夠即時，誒，斷除酒肉，所以呢，修持准提法係最好。因爲准提佛母吖，非常慈悲，憐憫我哋末法衆生，即使我哋未能夠即時戒到酒肉，仲係喺飲酒食肉嘅期間，我哋修持呢個准提咒或者准提法呢，都會得到靈驗嘅，以下呢，我唸一次准提咒嘅梵文給大家聽：

Namah saptanam samyak sambuddha kotinam tadyatha om cale cule cunde svaha

Om cale cule cunde svaha


81.七俱胝神鏡


今日准提菩薩紀念日，我哋講少少有關准提法嘅修法。准提法呢，就唔須要建立壇城嘅，因爲你修密法呢，好多時候每個法都要建立壇城，因爲准提法嘅壇城呢，係用個鏡作爲壇城，有個鏡叫做“准提鏡”，吖，以鏡爲壇。每次修法嘅時候，我哋請個鏡出嚟，然之後結印，對住個鏡誦咒就可以㗎喇。而家嗰啲准提鏡呢，就係工廠生產嘅，做到非常之靚吖，有兩條龍係側邊吖，下便又有個好靚嘅，嘅木架吖，吓，個鏡身又非常之光亮吖，做得好好。咁以前我哋修法呢，幾十年前呢，嗰個鏡呢，係自己做，我記得我最初嗰個准提鏡呢，就係買啲梳妝鏡，細過個手掌，啫個手掌，唔係好大嘅，好細個，咁然後呢，就將個准提咒嘅咒文自己親手寫咗上去，然之後每次修法就請個鏡出嚟，個鏡又可以隨身去保護自己，因爲你每次攞個鏡出嚟修法呢，佢就吸收個加持力㗎，日子有功，變咗個法力會累積就強大。後來我記得呢個准提鏡好似我係已經，呢個法寶送咗俾一位師兄，吖。咁所以嗰個准提法嚟講呢，用鏡修呢，就作爲佢嘅壇城係一個要點嚟。


82.禮敬不動明王


不動明王呢，亦稱爲“無動明王”或者“不動尊”，係大日如來所變現出嚟嘅忿怒身，幫助我哋修行人呢，降伏魔障，使我哋呢，喺修行道上呢，少啲魔難。不動明王呢，係一尊較爲熟知嘅明王，好多人呢，都可能聽過，亦都係唐密、東密嘅一個重要嘅大法嚟。咁不動明王呢，發咗一個好偉大嘅願，係講乜嘢呢？佢話“見我身者，發菩提心”——凡係見到不動明王身體嘅人呢，見到佛像吖，見到佢嘅形象吖，都能夠發上求佛道、下化衆生嘅菩提心；“聞我名者，斷惡修善”——聽到不動明王聖號嘅人呢，都從此就會開始斷除惡業、修持善法；“聞我法者”呢，“得大智慧”——聽到不動明王法嘅人或者學習不動明王法嘅人，最終都能夠得到大智慧；“知我心者，即身成佛”——如果能夠知道不動明王嘅心，同不動明王嘅心，心心相印，亦都意思就係話，跟不動明王嘅願去修行的話呢，能夠將來一定即身成佛、立地成佛嘅。


83.明王傳


明王呢，係佛同菩薩嘅化身嚟，呢個兇惡同忿怒嘅身呢，用嚟降魔伏妖吖，所以一定呢，個樣係兇猛同埋威武。咁“明”字嘅意思呢，就係“光明”“智慧”同埋“真言”咁解，光明之王、智慧之王、持誦真言之王就係“明王”嘅意思。有好多同學問：“點解明王咁兇猛，咁惡㗎？”會好驚見到，唔明白嘅人以爲明王好似係妖魔鬼怪添，其實唔係，因爲如果你唔兇惡、唔兇猛、唔威怒嘅、唔忿怒嘅，啲魔怎麼會驚你？因爲啲魔個樣係好恐怖、好得人驚㗎嘛，你一定要威猛過佢、恐怖過佢，先可以降伏得到佢。猶如個細佬哥發脾氣嘅、唔做功課嘅，家長教唔掂佢啦，如果你一念慈悲，仲唔攞條藤條出來嚇下佢吖，佢點會聽吖？點會做功課？所以其實就係咁嘅意思。但係呢，有一點我哋要注意同明白，明王雖然外表兇猛啦，降魔伏妖，但係佢個心裏邊呢，係猶如佛菩薩一樣咁柔軟同慈悲嘅，並不是係忿怒㗎個心，係慈悲，係柔軟嘅，吓，呢一點就好重要。喺衆多嘅明王之中呢，大部分基本都係兇惡同威猛㗎喇，但係呢，以孔雀明王爲一尊少數嘅慈悲明王係比較少見嘅。


84.人生的真意義


我覺得人生，唔在於話自己係擁有幾多物質吖、幾多財富，或者係著得好唔好吖、食得好唔好吖。嗯……其實最重要就係搵到自己人生目標，能夠做到呢，自己開心嘅嘢，吓。有好多人，誒，搵唔到自己人生嘅目標嘅，啫每日會循住一個軌道循環發展，誒，返工啦、放工啦、照顧家庭啦、照顧仔女啦，每日都喺度忙，而搵唔到自己真真正正嘅人生目標，同埋真係做到呢，自己開心嘅嘢。咁我嚟講，我係好僥倖、慶幸，搵到人生目標，亦都做到，誒，自己開心做嘅嘢啦，就係弘揚佛法，好開心㗎，真係！如果你能夠用到佛經所講嘅法門去幫到人，去解除痛苦，呢一種感覺，勝過你得到世間嘅你好中意嘅物質啦，嗯，唔知大家有冇呢種體會呢？


85.發菩提心係成就的關鍵


有啲人呢，我知道佢今生係唔會修成嘅，係會退墮嘅。因爲呢，我觀察到佢哋係未能夠真正發起上求佛道下化衆生，去不斷無私利益衆生呢個菩提心，所以呢，佢必然就會退墮。但係我唔可以直接同當事人講出嚟，咁樣會好挫擊到對方嘅銳氣，相反，我會不斷去鼓勵佢，所謂“知其不可爲而爲之”，我會儘量鼓勵佢，雖然知道佢唔得，但係希望都有機會令佢發起呢個菩提心，真真正正去利益衆生呢，衝破佢嘅宿命，咁變咗呢，佢原定唔能夠成就，但係都能夠改變，變成可以成就。所以我唔會話俾佢聽：“吓，你唔得㗎，你今生係修唔成嘅。”咁樣對人嚟講呢，係好大嘅打擊。故此呢，我哋修行嚟講呢，發菩提心，係一個正因，有正因先能夠變成係正果，吓，“端正”個“正”，“正邪”個“正”，因爲如果除咗係菩提心嚟講呢，其他所發生嘅因嚟講呢，都唔係叫做正因，呢一點係好重要嘅。


86.生生不退菩提心


有啲同學問：“點解你唔講部經吖？不如講部大經俾大家聽下。”嗯……唔好講話講部大經，講部細經呢，我都相信我冇呢個能力，因爲……因爲，誒……學嘅嘢，係到呢個層次就到呢個層次囉，啫唔可以自己去充嘅，唔識就係唔識，吓。講經如果講錯的話呢，誤導咗人就唔係咁好，講經呢個責任呢，都係留番俾法師好啲。

誒……有同學問：“點解你，啫個菩提心會係唔退嘅呢？點樣嘅菩提心會係唔退嘅呢？”嗯，菩提心唔退，因爲係有個願囉，希望能夠幫更多嘅人啦，雖然喺唔同階段呢，都會遇到啲挫折吖，遇到啲打擊，遇到啲唔如意嘅事吔，但係我係會覺得佛菩薩喺度支持我嘅願，支持我行呢條路，咁所以菩提心係唔會退嘅。


87.大愛與慈悲


愛，係唔應該有國界，無私嘅愛，佢係唔會分開貧富吖、貴賤、種族吖、宗教，係冇呢啲嘢。我哋喺印度仁愛修女會，德蘭修女創立，呢個救苦救難，咁偉大嘅會，我哋可以見到一啲垂死嘅病人呢，誒，見到啲麻風病人，見到一啲可憐嘅人呢，呢啲全部人都集中喺修女會裏便，得到救助。今次我哋同學，去到呢個仁愛修女會呢，做呢一個星期嘅志願者嘅服務呢，我相信，喺人生之中，係一個好寶貴、好稀有嘅經驗。有啲人，吖，假日嘅時候呢，都會去一啲，誒，團體去做義工，比如，誒，安老院吖，或者孤兒院，但係如果你去到仁愛修女會裏便呢，係別有一番景象，係特別唔同嘅，嗰度有一種共振嘅感覺，咩共振呢？係愛嘅共振。你會見到世界各地嚟到嘅義工，都係一齊無分彼此，一齊喺度工作，一齊喺度幫人，你會有一種咁嘅感動，呢個機會係好難得嘅，去做義工，係一生之中難求嘅機會，所以好多謝德蘭修女創立咗個會，令到世界上嘅人可以將愛重新團結喺一起，啫無分天主教，或者佛教，咩宗教都好，其實呢啲係唔關乎宗教嘅事，因爲宗教嗰個係宇宙觀吖、世界觀，或者人生觀，雖然係唔相同，但係內心嗰一種愛，一種無私嘅奉獻，係共通，我相信。我哋就可以用呢一點無私嘅愛呢，連通所有宗教，一齊去幫更多嘅人，而唔好喺，誒，呢個教理上去太多嘅，你攻擊我吖、我攻擊你吔，大家去計較，因爲宗教都去救人，都係去做實事，去真真正正面對呢個社會，面對群衆，使到其他人會覺得我哋信宗教嘅人呢，誒，會對社會有貢獻，係做返我哋應該所做嘅榜樣。故此去呢個印度仁愛修女會呢，做呢個義工，就係打破咗呢個宗教嘅界限同埋藩籬，唔係因爲我哋佛教，你係天主教，我唔幫你，係無宗教。有苦有難嘅地方，觀世音菩薩就會去，猶如德蘭修女一樣，有苦有難嘅地方，佢就會救，修女會亦都歡迎世界上任何一個志願者去做工作，喺度去幫助人，佢唔會分開你佛教，我唔歡迎你嚟嘅；你基督教，我唔歡迎你嚟嘅；你回教，我唔歡迎你嚟，冇呢啲嘢嘅，所以呢個係好大嘅、好重要嘅一點呢，去聯通所有宗教，去聯通人類內在嘅共振，愛嘅共振。所以宗教，佢去求，求咩嘢呢？就係三點，“真、善、美”啫嘛。喺呢個仁愛修女會裏便，我哋可以睇到真、善、美嘅一面。的的確確，咁叫你自己親自去到，你就能夠真真正正感受得到個程度有幾深，如人飲水，冷暖自知。


88.過一個不一樣的人生


釋迦牟尼佛用盡一生燃燒生命，完全奉獻俾一切衆生。佛陀爭取每一天、每一分、每一秒說法，四十幾年從冇鬆懈。人生雖然苦短，但係就過得好有意義、好充實。我哋唔似佛陀有大威神力，能夠徹底度化衆生，但係自己嘅命運就可以完全掌控，其實一樣可以過一個唔一樣嘅人生。一個人最緊要係自強不息、奮發修行，最後一定會苦盡甘來、得佛授記嘅。


89.我的信念


人生係無常，光陰係短暫，但係我希望短短留喺人間嘅匆匆歲月能夠幫助更多受苦嘅衆生，使到佢哋離苦得樂。因爲見到佢哋能夠解脫呢，由苦裏便走出嚟，透一口新鮮嘅空氣，吖！好舒服吖！你咁樣見到佢哋，會係好開心。所以我希望你能夠支持我，大家攜手並進，並肩一齊好好行好呢一條菩提路，唔好辜負我哋今生所得到嘅人身，唔好辜負佛陀所教導我哋，我哋喺佛經裏便學到嘅嘢。希望大家支持我嘅理想，支持我嘅信念，一齊好好行好呢條菩提路，將我哋學到嘅點點滴滴嘅佛理用出嚟，幫助更多嘅衆生。我冇太過刻意去諗話成唔成佛，但係如果喺這條菩提路上，能夠幫助更多更多受苦嘅人，令到佢哋可以往生去淨土，咁，成唔成佛又有咩足惜呢？


90.不執世情世務，珍惜人身有限光陰


世緣重呢，太執著世情世務嘅人呢，好難喺呢個修行有所成就，相反你應該放下，啫自己嘅執著，喺持戒上面落多啲功夫，因爲功夫係磨練出嚟，證量都係修出嚟。我哋每日返工同放工，其實已經佔去我哋好多內修嘅時間同精神，因爲放工嘅時候，要照顧家庭吖、仔女吔、先生或者太太，啫屋企都好多親人吖，好多，誒，時間呢需要空出，剩低修行嘅時間其實唔多嘅一日。剩低嘅空檔，如果我哋再唔嚟，用嚟努力去磨洗自己嘅舊習氣，力求上進呢，咁今生好容易又空過我哋寶貴嘅人身，而且亦都唔能夠保證吖，呢一點係最重要，唔能夠保證我哋將來係唔墮落呢個地獄、餓鬼同埋畜牲，墮落三途。萬一今生往生唔到極樂世界的話呢，咁就好危險，真係有機會呢，來生再用呢個畜牲身吖，去酬償我哋未清嘅債務。


91.大業未成換了童顏青鬢


百煉千磨，幾多風霜雨浸。笑凡間，年年虛度，大業未成，換了童顏青鬢！漫贏得浮名如夢，詈言輕謗，吹過如風未著塵。佛影天涯，白衣居士，胸懷磊落，一曲山林世外心。急變驚濤，掌舵穩櫓，共臻慧岸，同看明燈。那衆生苦盡，師徒偕隱，琴簫長奏紫竹林。


92.一點浩然氣千里快哉風


落日繡簾捲，亭下水連空。知君爲我新作，窗戶濕青紅。長記平山堂上，欹枕江南煙雨，杳杳沒孤鴻。認得醉翁語：“山色有無中。”一千頃，都鏡淨，倒碧峰。忽然浪起，掀舞一葉白頭翁。堪笑蘭臺公子，未解莊生天籟，剛道有雌雄。一點浩然氣，千里快哉風。


93.自己如何結出舍利


仇恨呢，只會毀滅自己、毀滅世界；寬容，能夠造就自己造就世界。我哋只要睇下聖人頭上吖，同身後嘅光，多數都係白色嘅，就係一個最好嘅證明。白色代表慈悲、純潔、大愛、寬容、和平，喺五行之中呢，白色代表西方，向住西方極樂世界看齊嘅。如果修成白光，我哋要時時修心，我哋嘅心要時時懷有慈悲喜捨、純潔大愛、寬容和平，咁身體嘅光頻吖，自然就會轉向白色，當我哋圓寂之後呢，燒出嚟嘅舍利都係雪白，因爲心靈純潔，因爲修持梵行嘅關係，我哋喺自己身體內在所儲蓄嘅能量係從來冇丟失，所以呢啲能量呢，經過火化變爲固態之後，就即係舍利子。


94.面對逆境的大智慧


我哋喺日常生活裏便呢，每日都出現好多不如意嘅事啦，自己唔開心㗎，吖，自己見到或者聽到好多唔開心嘅嘢，令到個心情動蕩，唔開心。但係呢啲不如意嘅事你係無辦法避啦，你避唔到㗎，因爲好多嘢，因果，你係要面對啦，自己過去生所造嘅業，你又要承受了。你而家避得一時就唔避得一世，就算你今世嘅生命結束咗，捨報之後呢，你下一生，你咪都係用個人身吖，或者用其他嘅，嘅身相去酬償嗰個債務？所以其實你話逃避係好難逃避，但係我哋信咗佛之後呢，佛菩薩俾咗我哋一個信心、力量同埋勇氣，喺佛經裏便，佛陀教俾我哋好多智慧啦，有好多方法，去教我哋去面對日常生活遇到嘅種種不如意嘅問題。啫有時人哋講你一句說話，話唔開心，咁你可能哽咗幾天吖，話有啲人哽咗成一個星期、一個月咁長，咁其實我覺得都冇乜太大必要囉，你應該自己去化解先係啦，啫用佛經裏便教你嘅智慧，吓。


95.拋卻己事專爲人憂


這個痴漢，有甚來由。末法無端，爲何出頭？嗟茲聖脈，一發危秋。拋卻己事，專爲人憂。向孤峰頂，直鉤釣鯉。入大海底，撥火煮漚。不獲知音，徒自傷悲。笑破虛空，罵不唧溜。噫，問佢爲何不放下？蒼生苦盡那時休！


96.有血有肉的菩薩


勇於放下私情私我，敢於承擔衆生嘅苦痛憂傷，爲正法重生而堅忍修行，爲衆生魔難而挺身而出，“功成不居，爲而不恃。”將所有修行嘅功德同埋幸福回向俾天下蒼生，咁樣先係人間世上真正有血有肉、活生生嘅大菩薩。真正懂得尊敬同珍惜眼前嘅佛法，你就擁有佛教三藏嘅鎖匙，佛法奧妙之門就會爲你打開，呢個絕大嘅寶藏，你一定會取之不盡，用之不竭。


97.有苦就有菩薩


每次我見到苦難嘅人，就好想幫佢哋，雖然係杯水車薪，自己能力有限，但係我哋都應該盡我哋嘅心、盡我哋嘅意，誒，履行佛陀所教我哋嘅無緣大慈同埋同體大悲嘅精神。啫唔係話呢，就睇佛經好高深嘅理論，我哋應該要將啲理論呢，一點一滴落實喺我哋生活裏便實踐出嚟，唔因爲對方嘅宗教信仰，佢信唔信佛或者信基督教，誒，信回教或其他宗教，我哋去幫唔幫佢，衆生係平等嘅，我哋唔應該因爲佢嘅種族、國籍、文化、種種背景唔同，我哋要選擇幫與唔幫。總之有苦，我哋就應該去幫佢、去救佢、去憐憫佢，好似耶穌同聖德雷莎修女一樣，我哋應該效法聖者嘅精神去做嘅。


98.菩薩的眼淚


佛菩薩呢，係慈悲嘅，佢見到衆生有苦呢，就傷心，但係呢種傷心係同普通凡夫嘅傷心唔相同。佛菩薩見到衆生有苦呢，會流出眼淚，但係呢個眼淚呢，係由大悲心而出發，並無污染，喺菩薩嘅空性心目中裏便呢，係一法不納，佢唔會因爲呢個慈悲呢，而阻礙咗佢自己，啫意思話係唔會執著呢個慈悲。相反凡夫就唔同嘞，隨住外邊個境界轉嘅時候呢，佢受呢個境界污染吖，個心就動，會入咗個境裏便，因爲衆生苦，佢而苦，而自己亦都捲咗入去，可能自己都苦埋，更加幫唔到衆生添。但係佛菩薩就唔相同嘅，佢個心喺一種空性裏便，只不過佢嘅悲心流露，喺外表示現呢，可能觀音菩薩呢流淚，但係佢嘅心呢，係完全處於一個空性，呢個就同凡夫嘅分別唔同，所以菩薩呢，既住於生死，但係又超離咗呢個生死，故而呢，就可以呢，度化一切衆生。


99.觀音菩薩傳授開智慧的偈語


有好多人寫信嚟問呢：“點樣開大智慧？”咁我自己分享我嘅經驗嚟講，就係我唸《六祖壇經》裏便嘅偈頌。曾經記得我唸《六祖壇經》嘅偈頌，嗯，真係開咗好多好多智慧，啫記性方面會好囉，記憶會好囉，同埋就係分析事物嘅能力吖、誒，邏輯吖、思惟吔，各方面真係強吖，強咗好多！咁但係呢，我有一首偈語呢，介紹大家，因爲壇經啲偈語可能比較長吖，有啲人呢就未必喜歡記啦，吓，咁我介紹一首呢，比較短啲，係觀世音菩薩夢授嘅偈語，呢個夢授嘅偈語呢，誒，都係非常之靈驗嘅，而且呢個夢授嘅偈語呢，有個特點，係可以醫到腳病，啫足部嘅疾病，所有足部嘅疾病都可以唸呢首偈語去醫嘅，首偈語係點樣唸嘅呢？

“大智發於心，於心無所尋，成就一切義，無古亦無今。”

呢首偈語係觀世音菩薩夢授嘅，你不妨背誦下，對於你開大智慧係非常之有幫助。


100.我師父韋陀菩薩


韋陀菩薩，韋陀菩薩呢，就同我真係好有緣份，真好中意佢，非常之中意，誒，或者前生所結嘅緣份啦，因爲馮馮前輩呢，就都係修呢個法，而且呢，韋陀菩薩係佢嘅師父，佢係親口講俾我聽嘅，係佢嘅師父，所以我同佢本身嚟講，講開呢啲，呢啲事情嘅時候呢就好投契，非常之投契吔，講起韋陀菩薩。誒，佛教裏便，好少人修韋陀法，以我幾十年所見嘅人，吓，我所知，就佢哋都唔係太識唸，誒，韋陀菩薩嘅名號啦，就或者甚至係咒語吔，韋陀菩薩嘅真言吖，係比較少人知囉，包括啲出家人吖，誒，都係少啲，出家師嘅父都少啲。咁我哋係當然要推廣同弘揚韋陀菩薩嘅法啦，因爲佢護持我哋修行人係好重要㗎。當然，佢護持咗我哋，我哋都唔知㗎，完全都，真係唔知，不過我唸韋陀菩薩咒呢，同埋佢嘅名號呢，嘅靈感呢，就好大㗎。


101.韋陀菩薩五雷正法


嗯……韋陀菩薩嘅五雷正法，犀利㗎！犀利！就……嗯，我唔識，我唔識！最遺憾呢，就係冇學到，因爲呢，同馮馮前輩交往嗰段時間呢，點解冇問佢呢？我自己喺度諗緊，其實真係好想學，因爲學咗唔好令到個法繼續失傳落去吖嘛。因爲以我所知，識得佛門裏便韋陀菩薩五雷正法，因爲呢個降魔大法嚟嘅，嘅人呢，我未見過囉，淨係見過馮馮前輩一個，佢識，同埋有提過，同埋運用過，係真係有好大好大嘅降魔嘅法力㗎，吓。咁因爲韋陀菩薩係帝釋吖嘛，佢用呢個降魔嘅雷矢寶杵，啫雷電杵我哋叫，就放出雷電，直程吖，影響嗰個，個天氣，誒，可以打雷㗎，吓，呢個，呢個係，誒，同道教嘅“五雷正法”係唔相同㗎，佛教跟道教係唔相同吖，唔好搞亂咗，吖。誒……唔知有冇失傳呢，咁喺呢個世界上呢個法，希望冇失傳，有人繼續弘揚緊呢個“五雷正法”啦，嗯。


102.韋陀菩薩幫我的一件事


誒，講件真人真事俾大家聽吖，以前未講過嘅，吖，冇講過，就係韋陀菩薩點樣幫我。咁有一年嘅冬天，記得呢，就都好凍㗎，誒，大概係，我諗應該都係得，得三四度，總之就好凍，唔記得咗。就夜晚，好夜嘅，就……我沖涼，要沖涼咁吖，開呢個熱水爐，一啪個熱水爐，哎吔，弊啦，唔著，盞燈唔著，唔通電個熱水爐，唔通壞咗？咁慘啦，如果壞咗要沖凍水涼，容乜易冷病呢？咁……冇辦法，誒，唸佛囉，坐低，坐低唸佛唸佛唸佛，咁唸咗一陣之後，大概十零分鐘，咁又去再啪，啪啪啪啪，都唔著，冇辦法，咁又坐番低，冇辦法啦，咁求韋陀菩薩，唸個名號同埋唸，唸佢嘅真言囉。咁吖一唸嘅時候，唸咗大概唔夠五分鐘啦，咁再去啪，一啪就著嘞，即時個熱水爐，“啪”嗰一下呢，我都嚇咗一跳，嘩，真係好靈感，非常之靈感，多謝韋陀菩薩，真係。


103.媽祖是觀世音菩薩應化人間


“媽祖”，亦都叫“天后聖母元君”。因爲我同媽祖呢，都有好深嘅因緣，自細喺媽祖廟附近嗰度長大，我師父呢，亦都拜媽祖爲師。媽祖喺道教嘅角度呢，就係一個天神嚟，但係佛教角度呢，其實就係觀世音菩薩萬萬千千嘅化身之一，因爲福建沿海好多漁民呢，佢哋出海打漁遇到風浪，啲船隻呢，誒，被打沉，咁呢好多嘅漁民都係求媽祖去庇佑，媽祖亦都好靈應，吓，幫助佢哋好多，所以媽祖呢，就變成咗，誒，漁民心目中一個好偉大嘅水神。其實媽祖天生呢，佢係素食嘅，而且童貞修行，唔結婚。現在好多人呢，用酒吖，去肉，用肉吖，去拜媽祖，其實係唔啱，我哋應該用素食去拜媽祖先係嘅，吓，呢一點大家要記住，希望能夠改過嚟啦。咁媽祖本身話天生，誒，可以幫助人，其實佢嘅神通係唔係後天修返嚟，係先天所具有嘅五通嚟，後來拜師只不過啓發佢，猶如一筆財產過戶俾你一樣咁自然，雖然過戶俾你喎，咁但係問題你要識得用先得㗎，有財產過戶俾你。故此媽祖呢，係一個正神，都值得我哋佛教去尊敬。


104.大羅金仙呂純陽祖師


呂祖呢，亦都叫“孚佑帝君”，喺道教裏便呢，嗰個係職位吔，非常之高嘅，喺三清天裏便呢，太清、玉清、上清，玉清裏便嘅金闕內相。咁呢，誒……呂祖呢，就發咗願呢，要度化天下嘅蒼生，後來喺佛教，佛教裏便呢，亦得到黃龍禪師嘅接引，歸依咗佛教，行菩薩道。喺道教嘅情況呢，呂祖已經修成咗大羅金仙吖，已經係最高嘅果位嚟。我哋見到呂祖行化嘅事蹟呢，一直由唐朝成仙以後吖，元吖、明吖、清吖，甚至係近代，民國近代吔，都一直喺度顯化，所以呂祖有個大願呢，係幫助天下嘅蒼生。咁道教呢一個係，誒……扶乩問事，佢哋叫“飛鸞顯化”，就係啲真仙降壇，吖，啲信衆問事呢，由啲真仙去解答。咁但係呢，現在嗰啲好多扶乩嘅壇呢，啫呂祖嘅壇呢，好多都係啲靈鬼吔，假託呂祖嘅名呢，而去冒名頂替，根本就唔係真正呂祖降壇。因爲你要呂祖降壇呢，你必須扶乩嘅人呢，都要清淨，本身亦都食素同清心寡慾，因爲呂祖亦都叫“呂純陽”。


105.拜佛誦經前我如何清潔兩手


清潔方面呢，就係咁嘅，我就預備一嚿番梘、一支梘液，咁唸經、拜佛，或者當研究經書嗰陣時候呢，總之隻手接觸經書，誒，或者點香吖，點，點蠟燭嘅時候呢，誒，先洗手，洗手嘅時候，我用個番梘洗，洗完之後呢，咁我再用梘液洗一次，然之後攞一條乾淨嘅布，誒，或者係攞紙啦，去抹，抹乾淨隻手嘞，然後先開始上香吖，開始唸經嘅。咁嗰舊番梘呢，因爲頭先講預備咗一嚿番梘吖嘛，嗰嚿番梘係平時我都可以用來嚟洗手，咁支梘液呢，就再洗多次，就再清潔，吖，咁嘅意思。咁就變咗我哋隻手乾淨囉，對佛菩薩嗰種尊敬心，護法就歡喜同埋護持我哋，好重要㗎，呢一點，非常之重要。我哋有啲同學呢，可能呢，啫冇注意呢一點吖，隻手比較邋遢啲，咁啲護法就唔中意，所以你唸經誦經之前呢，要注意呢一點，就先洗乾淨雙手吖。


106.唸誦經文應該從哪裏開始


誒……都唔少師兄問呢個問題㗎喇，就係話：“我讀經，係咪由經文嘅開始讀到尾呢？成部經讀晒？”佢所謂經文嘅開始呢，就係由香讚開始，誒，跟住就開經偈吔，然後到經文吖，經文最後呢，就有呢個係補缺真言吖，回向文吖，甚至就經文之後吖，又有啲咒語嘅，咁需唔需要唸？係咪由頭唸到落尾呢？你可以由頭唸到落尾，由香讚開始，一直唸經文經文，跟住然後唸到回向文，吖，咁就結束都可以。但係呢，你亦都可以唔由香讚開始都可以嘅，直接從經文第一句，唸到經文最後一句，因爲我哋睇番呢，大藏經裏便呢，啲譯師，淨係譯原裝嘅經文嘅，經文裏便呢，就並無香讚，亦都並無回向偈，呢啲香讚同回向偈呢，係啲後來編集經書嘅高僧大德呢，加入去，方便有一套儀軌我哋唸誦呢，就更加完美咁解。但係呢，我哋要注意就係話，如果你唸香讚呢，你就必須要上香嘅，因爲“爐香乍熱法界蒙熏，諸佛海會悉遙聞”吖嘛，所以呢，你一定要上香㗎，唸香讚。


107.開車時可否聽經


喺車上可唔可以播經書呢？誒，喺唔可以嘅，唔好播經書。啫有啲人喺個車度，開著車，諗住揸啲長，長途車一兩個小時，咦？咁我開本，誒，《地藏經》聽下都係幾好個喎，咁橫掂個車途咁遠。其實唔好㗎，因爲問題呢，你一開個經嘅時候呢，每一部經書都有護法嘅善神嚟隨喜，會聽聞，甚至你開緊嘅車嘅時候，喺中途呢，你開個經書嘅時候，嗰個當時實時空間嘅天上便吖、或者海吔、或者周圍個空間，嗰啲護法善神嘅天耳聽到你開經嘅時候呢，佢哋有機會呢，都嚟合掌、嚟隨喜、嚟恭聽。所以你開車嗰度呢，你又要集中精神嚟開車，因爲你唔係專注去聽嗰本經吖嘛，變咗問題呢，就有失於，誒，恭敬，所以唔好開經播。但係呢，如果你話係聽佛號吖，或者聽咒語嘅唱誦，連埋有啲配樂嗰啲吔，就可以開個方便，可以跟住嚟唱，亦都可以通融㗎，經書呢就儘量唔好開。喺屋企嘅時候呢，開住個經書，跟住佢一齊學唸呢，就可以，就係冇問題嘅。


108.在產房可否唸佛


產房可唔可以唸佛？係可以㗎。點解產房可以唸佛呢？唔怕褻瀆或者唔怕唔尊敬呢？因爲呢一種係屬於好特別嘅情況囉，一個婦女嘅生產嘅過程，所以係佛菩薩都開許，護法亦都唔會怪責嘅，因爲你唔係刻意唔尊敬吖嘛，你生產呢一個係好多婦女喺人生裏便必經嘅過程，所以喺產房裏便呢，我哋要唸呢，“南無觀世音菩薩”，求觀世音菩薩庇佑，使你順利度過呢個生產。吖，有啲人生產呢，會有難產嘅，嘅苦難㗎，所以觀世音菩薩呢，喺呢個時候就起到好重要嘅作用，去加持我哋、幫助我哋，咁你可以唸出聲又得，唔唸出聲又得。而且另外有一種情況就係產房裏便，好多鬼類吔，都係以食呢個胎兒嘅血同埋呢個精氣爲生，所以唸觀世音菩薩亦都可以保呢個產婦嘅平安囉，講起上嚟好似有啲神怪，但係其實唔係㗎，呢個係真相嚟，信嘅人自然會信，唔信嘅人自然會唔信，但係不論點都好啦，記住唸“南無觀世音菩薩”。


109.治療疾病與唸佛


嗯……有病一定要去睇醫生啦，當然，因爲如果你唔睇醫生呢，淨係喺屋企度唸佛，希望佛加持你個病好呢，你唔去睇醫生呢，個病萬一有咩事的話呢，人哋以爲你迷信，啫信佛信到咁，有病都唔正常去睇醫生，千祈唔好咁吖。唸佛，當然要唸啦，求佛菩薩一定會加持你，吖，重報輕受嘅，個病呢慢慢會減輕或者好，如果唔好，就自然捨報啦，吓，或者壽盡吖。咁千祈唔好唔，誒，唔去睇醫生，會俾其他外人誤會我哋佛教迷信，呢點係非常之重要，吖。你睇醫生嚟講，醫生自然會開藥去治療你啦，或者根本佛菩薩加持你呢個方法呢，就係叫你去“睇醫生”，因爲呢個係我經驗嚟㗎，有好多情況就係話，你求佛菩薩，佛菩薩自然安排一個好醫生去醫咗你個病。有啲人唔係，會覺得話，吖，有個神力醫好我個病，我就唔需要睇醫生，如果醫唔好，啫佛菩薩唔靈啦，啫好似一個賭注咁囉，千祈唔好咁做。有病一定要去睇醫生先，吓，呢點係好重要㗎。


110.拜懺的威力


懺悔喺我哋修行上係必不可少。咁懺悔嘅體現呢，就係我哋去拜懺，用身體去拜懺，因爲身語意我哋都會造作嘅惡業，咁你身體去拜個懺嘅時候呢，就消身業，個口唸誦個懺文吖，或者懺文裏便有咒語吔，就消口業，意念呢，隨呢個懺文去觀想呢，隨文入觀呢，就消我哋意念嘅業。所以懺悔，呢個拜懺呢，就消好多業嘅，咁，誒……譬如我哋命中裏便有啲唔好嘅事，譬如前生做咗啲惡事，大惡或者小惡，你拜懺嘅時候呢，大件嘅惡事呢，由於拜懺嘅力量呢，將呢個惡業去洗除，大嘅會將佢轉番做小，譬如你命中註定有個車禍會發生嘅時候，咁啫好嚴重或者甚至喪失性命，通過呢個努力拜懺呢，因爲未發生吖嘛，你之前拜咗懺呢，通過呢個拜懺的話呢，可能呢，由，誒，斷命呢，就轉成重傷，啫重傷就了咗呢個報，或者轉成輕傷，就睇你拜懺嘅力量。如果小嘅不定業呢，直程就可以清除嘅，唔會發生嘅甚至，啫將個業呢去消除咗，所以拜懺嘅功德同力量係非常之大。我個人喜歡呢，就比較係拜大悲懺囉，當然其他嘅懺呢，都可以去修行嘅。


111.燒香


燒香都重要㗎，因爲每日我哋供佛，你都去點香。咁你點香嚟講呢，你啲唔好香呢，對身體健康一定有影響。咁呢，支香或者盤香呢，有機會可能呢，佢係用啲動物膠吖，啲動物膠做粘合劑，所以喺戒律方面呢，呢度有一個問題產生囉，吖。另外嗰啲支香或者盤香呢，佢有機會，誒，加啲色素、加嗰啲防腐劑落去，咁長期點呢，又大煙呢，對身體係影響比較大。我就建議最好用原香木，啫原裝一支嘅檀香木或者沉香木，咁樣就最好。不過有啲人唔識點呢，有時點點下嘅時候，佢會熄嘅，嗰啲香木，因爲要攞香粉呢，首先鋪咗喺個底嗰度先，然之後點著咗啲香粉呢，嗰啲香木，誒，先會燃得著，有少少技巧囉。如果唔得嘅，你退而求其次呢，就攞啲香木，啫原裝嗰啲香木磨咗粉，就燒嗰啲香粉呢，就添加嘅機會呢，就唔係太多，啫雖然佢都會勼，勼啲雜粉落去嘅，有機會，咁呢啲又講個經驗嘞。


112.婚姻的抉擇


我哋嘅著眼點呢，唔應該諗自己係應該結婚吖，定唔結婚。其實最重要就係話，我哋先要諗，我哋究竟結婚之後，會唔會影響到自己嘅修持呢？或者唔結婚係咪對我修持有利呢？或者結婚之後，對我修持又更有利呢？首先要著眼，究竟影唔影響修行。如果唔影響修行嘅，你結婚，又有咩問題吔？根本就係冇問題。但係呢，有好多人呢，結咗婚之後呢，根本呢，就俾個家庭呢，令到自己呢，啫壓力重重，透唔到氣嘅，因爲照顧家庭要好多時間，之後又生兒育女嘞，個時間拖咗好長，多數呢，都係冇辦法呢，喺修行上便呢，有一個大長進嘅。咁但係，有啲人呢，啫唔可以話全部都係咁，有啲人結咗婚之後呢，可能個修行又更積極嘅喎，或者佢嘅配偶，先生吖，或者太太吔，支持佢繼續修行呢，呢一點係最重要。當然，你修梵行，唔結婚，有咁大個願，有咁大嘅毅力同決心吖，非常之贊同吖，相當之好啦，但係呢，千祈唔好拔苗助長，要順其自然。


113.新年要做的第一件事


喺每年新年要做嘅第一件事呢，就係捐款俾啲無衣無食嘅孤兒，要將大愛嘅心，去補人間一切缺憾！如果自己唔親身去力行釋迦牟尼佛嘅真正教導，再漂亮嘅文章，只係賣弄裝飾自己，博人稱頌啫。內在嘅真修實證先係人生最重要嘅一件事。


114.放生的深意


身心嘅自由係非常之寶貴，成佛就可以得到絕對嘅自由、絕對嘅自在，所以就叫做“自由自在”。你想自由自在就應該由放生開始做起，放生就係令到你自由自在嘅第一步。海闊憑魚躍，天空任鳥飛。渡水同埋騰空嘅神通，亦都由慈悲嘅一念成就。有個放生嘅人呢，有一日，佢隨便放咗一隻小黃鳥，後來放生嘅人呢，轉生做咗一條幼龍身，小黃鳥呢，就變咗一隻大鵬金翅鳥。有一次呢個幼龍呢，就喺須彌山附近被另一隻覓食之中嘅金翅鳥攻擊，身負重傷，正當喺生命危急存亡之際，突然喺空中飛降另一隻身軀較爲巨大嘅金翅鳥將條龍擔咗然後騰空走咗，之後就將呢個幼龍呢，安放喺山上便。“你當日放我，今日我一定會救你！”


115.爲什麼我喜歡放生


點解我咁中意放生？嗯……因爲可以解救到物命，將佢哋嘅生命解放番出嚟，而免於殺戮呢，救人一命真係勝造七級浮屠，你睇到佢哋個生命能夠俾解放番出嚟，你係好開心，喺個心裏便開心出嚟，吖。就算我係唔信佛教的話呢，我都係好中意去放生嘅，吓，特別放啲魚啦，見到放番落嗰啲海吔、啲水裏便吖，自由自在咁游，你係會好開心囉，真係好開心。嗯……我哋修行嚟講，最重要最重要當然係念佛啦，係咪吖？念佛，咁但問題念佛之餘呢，放生係一個幫助我哋往生極樂世界嘅助行，一個好強嘅助緣。而且放生嚟講呢，對於就算非宗教嘅人士，佢亦都可以去做，而能夠呢，幫佢達成好多心願。咁多年，我都不知見過幾多幾多嘅個案，亦都教人放生，而滿足佢心願，亦都不知幾多幾多，要講有排講，講唔完，所以其實放生真係好重要好重要。最重要去放生嘅時候呢，記得唸三歸依，因爲三歸依呢，會免除啲衆生下一世呢，唔會墮入三惡道嘅，好重要，記得。


116.放生路上遇見觀音菩薩


記得好似大概十年前，有一次我去放生，咁，誒，個時間係黃昏嚟嘅，黃昏，因爲我哋去離島放生吖嘛，個黃昏回程嘅時候大概，誒，六點半啦，六點半到七點之間，咁個天已經係微黑㗎喇，啫差唔多黑晒，但係仲有光，就唔係全黑嘅。咁可能又，大家都知我住嗰個地方喺離島嗰邊，係有個好大嘅天后像，吓，啫媽祖，媽祖天后像。咁我哋架車，個師兄車住我哋，架車回程嘅時候呢，咁望出個窗口度，我突然間望出個窗口度，有一個好白好白嘅發光嘅觀世音菩薩嘅，啫全身，啫當然係睇唔清楚，係，吖，細部嘅輪廓，離遠望埋去，用肉眼見度，吓，我而家講嘅係人人都可以見到嘅，用肉眼見到，係觀音菩薩嘅形狀嚟嘅，成個光，光，光形呢，就飛向呢個天后嘅像嘅方向，我哋架，架車一便行嘅時候，一便見到觀音菩薩呢，向住嗰個天后像個方向去飛，非常之逼真，係好光，係雪亮，有少少刺眼嘅白光㗎。多謝觀世音菩薩！


117.我與蟑螂的故事


嗯……收到很多信問我，話個曱甴點樣處理？“曱甴”，嗱，你哋唔明咩係“曱甴”，“曱甴”啫蟑螂吖，佢有好多名嘅，又“曱甴”、又“蟑螂”、又“蜚蠊”。咁我哋廣東話叫做“曱甴”嘅。咁其實你冇方法㗎，你唔殺佢呢，你，越生就越多㗎嘛，佢滋生，一隻蛋裏便呢，我都數過，有，應該有成廿，廿隻嘅，好細細隻嗰啲，啲細嘅蟑螂仔吖，一個蛋有廿隻喎，咁問題你，多，多多兩隻大嘅曱甴喺屋企嘅時候，啫越生越多，好犀利，咁但係呢，我哋本住慈悲嘅心腸呢，就一定唔可以殺㗎喇，去捉佢。咁呢，誒，有啲曱甴屋呢，就物理性嘅曱甴屋，佢前便有道門仔㗎，你中間就可以放啲食物入去呢，佢走咗入去之後，佢就唔出得嚟㗎，千祈唔好買有毒藥嗰啲曱甴屋吖，有毒藥嗰啲唔得㗎，你擺毒藥，佢食咗就肯定，肯定死㗎喇，唔得㗎。啫買物理性嗰啲曱甴屋呢，捉咗佢，然之後攞出去放嘅，攞出去放。我諗我都放咗幾千隻啦，最少都，我屋企都唔少，因爲隔離鄰舍嘅曱甴可能都走埋入你度，知你慈悲，唔殺生吖嘛。


118.我與蜘蛛的前生故事


以前我屋企有隻蜘蛛，咁佢喺屋企個牆角度呢，就結咗個網，個網就唔係好大嘅，一般般，啫唔係話好大隻嗰啲蜘蛛，係好細隻，啲爪就好幼吖，吖，好細隻，啫唔係話好大隻吖、好多毛吖、好嚇人吖，嗰啲，係好細隻嘅。咁點解呢隻蜘蛛會喺我屋企牆角結網呢？我都覺得奇怪。因爲喺佛教裏便，任何嘅事情呢，都有因緣，佢喺得你屋企嘅時候呢，必定係過往生呢，同你有一個緣份，佢先能夠嚟到你屋企。咁呢隻蜘蛛呢，就有一世，我係做苦行僧嘅時候，佢曾經布施過食物俾我，應該係啲飯食，布施過飯食俾我，對我有恩嘅，咁所以今生大家展轉輪迴、因緣際遇之下，我又僥倖，誒，得番人身啦，不過佢又造咗惡業，做咗蜘蛛喎。咁大家重新碰見嘅時候，因緣聚會，佢咪嚟咗我屋企囉，咁我唔理佢，佢又唔理我，咁佢有笪地方可以安身同寄居囉，一切都有因緣嘅。


119.食素與修行有莫大關係


好多人覺得修行呢，同食素係冇關係，完全將修行同食素拆開咗嚟講，係唔啱嘅，修行同食素係好大關係，你修行嘅基礎嚟講，首先就係要素食，因爲點解呢？你素食嘅時候，我哋食入身體嘅，嘅食物吖，同埋飲，飲嘅嘢入去吔，會令到我哋個身體呢，影響到我哋心靈嘅部分㗎，如果你食啲唔乾淨污濁嘅嘢呢，你個心嘅妄念就好多，一定污濁。呢啲係我修行嘅經驗嚟嘅，真真正正感受得到，呢樣嘢。所以問題呢，你修行，首先就係真係要食素！等於你係一個器皿，你個器皿係唔乾淨，裏便好多塵吖，好多污，污濁嘅東西喺裏便，你斟啲水落去嘅時候，嗰個水都變埋污濁。所以佛菩薩要你做一個器皿嘅時候，利用得到你嘅時候，去幫助衆生嘅時候呢，佢注入啲法力喺你嘅身上呢，加持你嘅時候，你必須係一個乾淨嘅器皿，如果你污濁嘅器皿，佛菩薩點加持你吔？加持你冇用嘅喎，你污濁。所以你食素呢，首先就可以令到自己個身心清淨，呢樣呢，係非常之重要，一定要首先食素先。


120.使血液恢復弱鹼性的重要性


修行一定呢，係要首先乾淨啲血，因爲我哋內心嘅雜念呢，影響血嘅純度，最重要就係我哋每日食入身體嘅食物，因爲食物濁嘅時候呢，啲血就會濁，血濁，你雜念呢，自然多嘅。所以呢，食植物嚟講呢，會容易使到我哋啲血恢復番弱鹼性，啲血一定要弱鹼性，就對修行有幫助。直接同間接食啲含有蛋奶嘅食物呢，一定要戒，一定唔好食蛋奶，因爲會令到血呢，偏酸，血液偏酸呢，自然雜唸多㗎，身體亦都容易出毛病，亦都將來呢，我哋要還呢個蛋同奶嘅債務。所以我哋初學佛入門嘅師兄，修行第一件事，就係首先呢，要清除血毒，使到自己嘅血呢，回復番清淨，同埋呢，要快啲呢，去斷除肉食同埋五辛，儘量食素，之後呢，先可以講得到呢，念佛同埋修法嘅。


121.素食與宿命的秘密


其實我哋今生食素呢，喺好多情況之下都同自己前生嘅因果有一定嘅關係，比如有一位師兄呢，佢今生食素，點解佢食素呢？佢一食啲蝦蟹呢，佢就會敏感嘅，個身呢，皮膚會出點點嘅，會出啲紅點吖，好痕吖，甚至會流水，你一𢯎佢就會流水，係唔食得蝦蟹，佢食其他肉係冇問題喎，吖，食雞吔、食魚吔，呢啲冇問題，係蝦蟹。其實係咩因緣呢？原來呢個師兄呢，前生佢本身就係一個唔信佛嘅人，不過後來呢，人哋帶佢去放生，喺好偶然一次放生之下，就係放蝦同蟹，觸動咗佢嘅慈悲心吖，咁所以佢就喺佛前發願就話，我以後就唔食蝦蟹，希望我下一生都唔食蝦蟹。咁所以由於呢個願力嘅帶領呢，呢個願力嘅驅使，今生佢食蝦蟹呢，就有呢一個敏感嘅情況出現吖，吓，呢個係自然嘅，所以同前生嘅因果係好有關係。故此你唔食得嘅時候，好似有啲人就唔好話去打針啦，特登打針令到自己可以食得蝦蟹，其實係同你嘅宿命呢，嘅因果呢，係非常之有關聯嘅，呢一點呢，大家都要注意一下。


122.素食的生活


我哋食素呢，有時好難做到，誒，絕對清淨，因爲點解呢？雖然你食素，但係你隔離鄰舍佢哋食肉㗎嘛，咁嗱，呢啲時間，煮午飯嘅時間，一定煎啲肉吖，吖，煮，煮啲肉㗎，咁啲肉味一定會過到你個單位，多多少少，自然就會聞到，啫等於間接食肉，你係冇得避免。咁啫其實食素個生活方式已經習慣咗咁多年，你話撇開宗教嘅角度唔講吖，啫你要我重新再食番肉，真係冇可能，完全冇可能，甚至你話請我去間餐廳度，不過叫啲，吖，素食俾你，但係間餐廳係食肉，都唔得嘅，因爲而家我都比較敏感囉，聞到啲肉味呢，個人係，啫覺得唔舒服嘅，啫可能或者有小小心理作用啦，吓，因爲食咗咁多年素。同埋仲有個問題呢，就係好似斷六親，大家都會經歷過呢個過程，吓，啲朋友吖、啲同學吖，甚至啲親屬吖，有時聚會嘅時候，佢哋都食肉，你又唔去得嘞。


123.爭取純素百分百


咁喺食肉到食素嗰過渡期間呢，都有好多誘惑㗎。比如你，誒，見到啲餅店，個窗櫥裏便啲蛋糕吖、啲布甸吖、啲pancake吖，啫你以前係食㗎嘛，咁突然間唔俾你食，因爲我媽媽，誒，細個呢，帶我呢去食西餐，因爲我對西餐變咗有啲情有獨鍾，見到有曲奇吔、有啲餅吖，嗰啲西餅，特別我哋生活喺呢個葡國人，啫葡國殖民地呢個文化嘅社會嘞，多少都會受到啲熏陶，咁你突然間見到以前你食得而家唔食得，有一種引誘囉，吖。但係當你升起番嗰個大目標，諗番下，點解我唔食得呢？我而家食素爲咗咩呢？吓，有咩意義呢？咁你諗一諗呢啲事情的話呢，咁你，誒，對於呢啲食嘅執著呢，就相對降低好多好多，甚至係一個好小嘅問題可以將佢忽略咗。啫我講我吖，我就係咁嘅情況，變咗就好快就戒得到囉，吓，好難戒嘅嘢都，都戒得到，所以最緊要明白你食素究竟嘅真正目的同意義係咩。


124.食純素的美好價值


當你由食肉，誒，過渡到食素呢個期間呢，生活上多少都會有啲唔方便㗎喇，因爲你去，誒，超級市場吖、去商店買嘢嘅時候，你就要唔係學似以前咁便利、隨意，吖，我喜歡食乜就買乜，都唔使睇佢嘅成分。咁你要食純素，你一定要睇佢個成分裏便有冇蛋吖、有冇奶吖、有冇其他唔食得嘅成分吖，咁會有少少唔方便囉，但係當呢個行爲做得多嘅時候呢，你就慢慢變成習慣嘞，咁你唔會覺得唔方便嘅，相反你會覺得，誒，我食素，啫越食越清淨呢，覺得越嚟越舒服，越嚟越開心嘅，你會，啫你唔會覺得話，吖，好多嘢我唔食得吖，覺得唔開心或者唔方便，係好少呢種感覺，在於我嚟講，甚至可以叫冇囉。同埋你會要知道就係話食純素個價值係好大，就減少殺生啦，起碼首先自己受惠先嘞，唔使，誒，每日吸入由肉食裏便，誒，來源嘅毒素，疾病都少啲，咁你唔食肉亦都爲地球吖，添一份祥和嘅氣氛，減少殺業，何樂而不爲呢？


125.我食素的過程


好多人好奇怪會問我，佢話：“點解你食素可以一戒就戒到咁多嘢㗎，乜嘢都唔食㗎，可以咁清嘅你食得？”其實我最初食素成二十幾年前，啫戒都有個過程，最初我係，誒，唔食牛肉啦，跟住就係唔食，誒，豬肉嗰啲肉類，雞吔，雞肉嗰啲肉類，我就特別㗎真係，我一話唔食就唔食㗎，點解啫係冇過渡期嘅，一話，吖，我唔食牛、唔食豬、唔食雞，就唔食。點解會咁呢？因爲我有個目標喺前便吖嘛，啫明白，誒，個因果吖、殺生吖、食肉嘅問題，有呢個大目標在前，所以俾咗我一個信心同力量，我可以咁做囉。咁最後我就係戒嗰個海鮮㗎，咁吖海鮮都戒埋，咁就然之後開始就戒個蛋同埋奶嘞，啫唔，唔間接再食蛋奶，誒，蛋就，嘅係，直接食蛋就一早已經唔食㗎喇，吖，就冇過渡期嘅，我一話唔食就唔食嘅，咁就變咗，誒，個人覺得好清淨囉，吖，吓，好清淨。


126.水煮菜的生活


我呢，就，唔係屬於一個物質型嘅人，我係需要有理想、有個追求嘅目標、實幹型嘅，啫係踏踏實實去做嘢，見到係付出，有一個收穫，嗰一類人嚟。誒，嗯……或者天生嘅性格呢，物質對我嚟講，誒，真係唔係太重要嘅，嗯，夠就算數㗎喇，我唔會要求話，誒，鑽得好深去追求吖，誒，衣著吖、飲食吖，或者係住，住嗰個方面要求係名牌吔，誒，買啲名牌嘢吔，或者住到好好，好求。呢啲對我嚟講係比較容易放得低囉，吓，誒，唔關學佛事嘅，就係，係天生嘅性格，當然學咗佛之後就更加會，會睇得開啲啦，因爲，因爲明，明白咗佛理吖嘛。所以你話，而家就算你俾我好多錢呢，擁有好多錢的話，我生活都唔會點樣改變，都係食，誒，啲菜囉，各種菜，淥咗佢，嗯，幾條水煮菜囉，哈。


127.贏得家人對自己食素的信任


食素呢，多數家人都係唔會贊同嘅，我諗喺呢方面唔好太過同父母吖，同啲親屬去對抗，啫搞到本身嘅，誒，好唔愉快啦，啫儘量自己去避重就輕，睇個情況而去決定啦。因爲家人，誒，見你食肉，突然間你轉做素食呢，其實佢哋最擔心一個問題就係話唔夠營養，咁譬如我自己嚟講，我就好堅持，吖，要食素，咁家人都係唔太贊同，吖，就係因爲唔夠營養，但係我可以，吖，俾一個證據佢睇囉，最好你就係驗血㗎喇，話俾佢聽：“咦？我食咗素咁耐，我驗血嘅報告，都冇唔合格喎！你信科學吖，嗱，全部冇，冇一個，誒，項目呢，係唔合格嘅。”咁用呢一樣行爲去證明俾佢睇。嗱，你一樣好似普通人喎，食咗素之後，返工、放工，公園又有活動吖，打波吖，去做運動吖，你都好似一個正常人咁活動，根本就係冇問題。用你行動去慢慢證明，去感化家人囉，話俾，話俾佢哋聽食素嘅體質唔會差過食肉，甚至係好過食肉，一步步循序漸進去做啦。


128.食素不會造成貧血


好多人擔心食素會唔夠營養、貧血，我話俾你聽，呢個擔心係冇必要，我自己食素二十幾年呢，每一次體檢抽血，從來未試過一次話貧血唔合格嘅，全部都合格，所以根本就唔需要喺呢方面去擔心囉，我哋只要均衡各方面嘅飲食，咁呢，自然身體呢，所需要嘅營養就足夠補充。譬如食飯嗰度呢，你就少食啲白飯，食糙米飯或者食紅米飯，菜方面呢，就用水煮菜，最多煮咗之後呢，你落少少嘅橄欖油，吖，如果唔食油嗰啲呢，脂肪酸我哋可以食少量嘅果仁，已經可以補充番礦物質同埋脂肪酸。咁譬如蛋白質方面，我哋有好多豆類去煲湯啦，譬如話豆腐或者腐竹嘅，呢方面已經足夠蛋白質㗎喇，其次維他命，我哋食新鮮嘅水果，新鮮水果呢，足夠我哋食維他命，但係唔好食太甜嘅水果，因爲我哋食素嚟講呢，膽固醇係基本唔會唔合格嘅，係唯獨呢，一樣嘢呢，三酸甘油酯呢，容易高，因爲呢，我哋喺飲食裏便容易吸收到飽和脂肪吖，會變成三酸甘油酯，所以呢，糖分高嘅水果都唔好食得太多，會轉變成爲三酸甘油酯，呢一點吖，要注意嘅。


129.食肉與持素


我想講俾大家聽，就係話呢，無論任何師父呢，佢講話“顯宗食素”或者“密宗食肉”，我哋呢，千祈唔好相信。因爲修行呢，係要由食素開始，打好個基礎，除非你條件好困難，你完全做唔到，否則你一定要食素，係唔可以食肉嘅。如果食肉呢種錯誤觀念呢，繼續傳開去呢，令到人哋以爲呢，佛教將佢分開顯宗同埋密宗，顯宗可以食素、密宗可以食肉，我哋唔可以再將呢個錯誤嘅觀念繼續傳開去。根本我哋，誒，本師釋迦牟尼佛呢，係唔食肉，除咗好特別好特別嘅情況之，嘅，誒，嘅時候會示現呢，但係呢個唔係一種常法嚟，係唔會食肉。所以無論師父吖，教導弟子嚟講呢，都唔會用，誒，呢種食肉嘅方法呢，去示現出嚟嘅。


130.燕窩並非素食，食者果報不輕


燕窩呢，真係唔好食，好多女師兄稍爲經濟好啲呢，佢哋梗係注重補身吖、養顏，所謂吸收多啲蛋白質吖，咁都食燕窩。因爲燕窩呢一樣嘢呢，雖然唔需要殺生吖，但係佢都係動物性嘅，並非素食嚟。而且採集燕窩嘅時候呢，你拆散嗰個燕窩，個燕巢，啫等於啲燕子嘅家庭，啲雛燕呢，亦都無家可歸，甚至採摘嘅工人呢，會容易呢，啫爬，爬到好高吖，因爲燕窩有時候喺啲山巖上便㗎嘛，佢爬到好高，跌落嚟呢，甚至會喪命。咁你拆咗啲巢嘅，啲燕子住喺邊度吖？故此你食燕窩呢，個果報呢，你都唔好話唔大嘅，現生嚟講呢，如果嚴重的話呢，自己嘅家庭亦都不和啦、妻離子散啦，啲仔女亦都未必孝順嘅，咁有時呢，配偶方面呢，亦都有機會呢，外遇吔，令到你嗰個婚姻呢，會破裂，有時你搵唔到咩原因，其實原來個原因就喺食物上便出現，估唔到咧？將來吔，你食燕窩亦都要填還呢個拆散人哋家庭嘅果報，所以呢，係非常之嚴重嘅，呢個問題。


131.希望幫助患病的人康復


每日收到好多信吖，誒，信箱啦，好多個信箱收到啦，或者係微博嘅私信啦，吖，吖，各個渠道啦，好多人屋企人呢，啲親友有病，啫病得好嚴重吖，吖，啲絕症吖，或者其他慢性病，總之係嚴重，就嚟求我啦，當然，啫希望能夠幫，幫得到佢哋。傷心㗎，會吔，當然傷心啦，啫佢哋啲家人，唔，係唔信佛，同埋呢，平時係食咗肉咁多年啦，吖，或者飲酒吖，或者好多，嗯，不良嘅生活習慣啦，特別佢哋爸爸媽媽，真係身同感受，你爸爸媽媽譬如生癌症，作爲仔女，個心就一定好難受，都希望能夠幫到佢哋啦，但係而家你臨急去抱佛腳呢，話即時有個方法要幫得到，令佢哋係，誒，好番晒吔，或者冇事吔，根本就係好難好難。唉，有時睇啲照片，就有個感覺就係基本上係冇得救㗎，幫唔到㗎，不過問題，我都唔可以將個真相講出嚟，都要安慰對方，等佢哋個心理比較舒服，吖。


132.只要肯相信所有苦難會去除


既然佛菩薩大慈大悲、救苦救難，點解佢唔拔晒我哋凡夫啲苦，等我哋快快樂樂，唔使好似有啲人咁痛苦生活喺世界上呢？其實佛菩薩一早已經講咗好多好多方法出嚟，教我哋凡夫點樣離苦得樂，可惜我哋凡夫係唔相信，係唔會聽。比如好多天災、人禍吖，地震吖、海嘯吖，種種呢啲人間不如意嘅事情呢，我哋當然係好唔開心，但係佛菩薩一早已經教我哋點樣去避免呢啲種種災禍，就係唔好去殺生、唔好去邪淫、唔好去偷盜、唔好去妄語，更加唔好飲酒亂性，做出啲非理嘅行爲，其實佛菩薩一早已經說明呢啲道理，但係我哋凡夫覺得迷信，係唔會聽。我哋唔殺生、唔邪淫，個世界會變成好咩？唔見而家個世界好？好多人係真係唔會相信，所以變成因果同埋呢個業力不斷喺度循環，係惡性循環吖，唔係善性循環，衆生幾時醒覺呢？


133.餓鬼道太痛苦


施食呢，係非常之重要吖，因爲有啲餓鬼吔，真係好慘吖，餓鬼，真係唔好做餓鬼。如果做到餓鬼的話呢，嗰種苦係冇辦法講到出嚟，因爲佢哋呢，嗰個喉嚨吖，好似一個針孔咁細，你諗下針孔有幾大吖？點食得到嘢？但係個肚呢，就大過個冬瓜，好似冬瓜咁大，嗯……啫佢哋基本上呢，連水或者食物吖，都從未聽過有呢樣嘢，就一味飢餓，但係餓呢，又餓唔死喎，嗰下嘢慘喎，就餓唔死，一味喺度受苦，咁個身體呢，就成日會噴啲火出嚟，噴啲火出嚟，同埋佢哋行動好大聲嘅，喐一喐呢，都非常之嘈，好吵耳嘅。所以你如果墮落咗餓鬼道呢，真係有苦自己知，好難形容！咁有關施食嘅實際操作呢，我喺呢個佛說救拔焰口，誒，餓鬼陀羅尼經個施食法裏便呢，有詳細嘅解釋，啫我篇文章裏便有講，大家應該有機會去學習一下，去幫下餓鬼道受苦嘅衆生。


134.鬼道的平民區


鬼道嘅衆生呢就分開好多類，有多財鬼吔、無財鬼吔、少財鬼吔、臭餓鬼吔，種種種種，啫有啲有福德，有啲冇福德，有啲享，可以享受到人間嘅齋祭，有啲就唔得。比如餓鬼，佢唔能夠食嘢嘅，誒，一食嘢嘅時候呢，個口噴啲火出嚟，將啲食物燒成火炭，咁你必須要通過，誒，咒力，加持咗啲食物同埋嗰啲水俾佢，佢先可以食到同飲到，吖。咁根據通靈人士去過個鬼道嗰個平民區睇過呢，所謂個鬼道平民區呢，就係話，係一般普通嘅平民百姓嘅鬼類嚟嘅，咁呢，佢哋係有另外一個社會結構，就非常之簡單，當然亦都有好似我哋人間嘅買賣啦，但冇我哋人間個社會咁輝煌，亦都咁複雜，因爲由於有買賣，所以自然就有貨幣嘅出現，吖。喺佛教嚟講，就萬法唯心啦，有供就有求，佢哋有咁嘅需要，自然就有人燒呢啲金銀衣紙貨幣俾佢哋，係有用處嘅。不過佛教嚟講呢，就唔希望我哋燒，點解呢？因爲呢，佢用晒你又要燒、用晒又要燒，始終會令到佢哋呢，逗留流連喺餓鬼道，最好就超度佢哋離開。


135.靈動與氣動


好多人打坐嘅時候呢，靜坐呢，個身體呢，會有動態，會喐來喐去吔，啫個身體會震吖，啲手吖，會擺來擺去吔，或者個頭搖來搖去，個身向前向後吖，有呢啲情況，咁，誒……唔一定係有危險性同埋話一定有靈界附身，我哋要分清楚呢，係靈動同氣動唔同。因爲普通練氣功呢，頭先所講話個身向前向後吖、左搖右擺呢啲呢，通常多數係氣機發動嘅時候，啱啱學冇幾耐呢，好多人會有呢個現象出現，係身體氣脈嘅流動，呢樣嘢呢就唔需要太擔心，順其自然就得，千祈唔好用個意念吖，去帶領啲氣，引啲氣去邊度走。但係另一樣我哋要注意嘞，假如如果係靈動的話，咩靈動呢？可能有靈界附身，都有呢啲情況出現嘅，有啲人會呢，唔係淨係向，向前向後郁吖，啲手會擺動，會打出啲手印，甚至會講出一啲唔知咩嘢嘅方言，佢哋講叫做“宇宙語”或者“天語”，吖，呢啲情況我哋聽唔明究竟佢講乜，嗰啲呢，就要小心，可能就有靈界附身。


136.嬰靈干擾與超度


有墮胎呢，先有嬰靈個問題產生，嬰靈呢，已經墮落咗喺鬼道㗎喇，係鬼嘅一類嚟嘅，咁要得到閻王嘅批准呢，佢先可以近到父母身邊吖，去作出障礙嘅，啫討回呢個債務吖，因爲佢唔開心，有個怨氣，你，誒，你攞咗佢條命吖嘛，咁如果喺屋企裏便，你會發覺係有好多事情出現不如意啦，譬如話，誒，哥哥或者家姐，你唔生佢，咁再生第二胎嘅妹妹同埋細佬嘅時候，你對佢好呢，有嬰靈喺身邊就會對妹妹同埋呢個細佬呢，就作出障礙，令到佢哋喊吖、夜啼吖、身體唔舒服吖，或者令到先生同埋太太之間多是非吔，吵架。如果唔係因爲人爲嘅問題引起呢，你就要注意下會唔會係嬰靈嘅問題，因爲一般婦女多數都會墮胎，如果係懷孕嘅時候，醫生話：“吖，個胎發育唔正常喎！”你就會聽醫生講，一定會墮胎，唔係你生出嚟嘅時候，你又會好大壓力呢，你唔知點樣去照顧佢，所以通常都選擇墮胎。如果你同佢講話有地獄嘅報應吖，佢係唔相信，因爲呢個苦在後囉，好難令到佢唔墮胎，多數墮胎。咁唸經嗰度呢，一定要係靠自己去誠心去唸嘅，你如果搵人去超度佢呢，個嬰靈發現唔係你自己去真心去懺悔的話呢，佢一樣唔會去原諒你，所以效果係好微囉。


137.債主附身的應對方法


其實有靈界附身唔需要太擔心，如果嗰啲靈界附身係債主的話，佢通常嚟呢，就對你生活構成障礙嘅啫，想俾啲唔舒服你，令到你身體唔舒服，佢發泄番佢嘅憤恨吖嘛，因爲你前生欠佢，所以佢而家咪嚟附你身作障囉，通常就係唔會話要取你性命嘅，大部分嘅情況都係唔，都係唔會嘅。就算佢要取你性命的話，假如而家我哋修佛法呢，有護法嘅幫助的話呢，都唔會去到咁嚴重嘅程度，最多係對我哋日常生活構成障礙，種種不如意吔，同埋唔舒服。咁但係我哋呢，遇到呢啲種種不如意同埋唔舒服嘅時候，我哋要安於忍受，因爲我哋知道現在係還緊債俾佢吔嘛，嗯，而且亦都冇必要去驚、去擔心囉，吓，唔須要呢，誒，去，去處理囉。如果真係對生活構成好大嘅障礙吔，或者係佢真係要攞命嘅時候呢，我哋就用佛法，誒，再去處理。咁一般嚟講呢，我哋就唔需要話太過去介意佢，好似你當一個正常人咁樣生活就得㗎喇，吖，唔好太過介懷。


138.夢魘與鬼壓床的處理方法


有不少師兄呢，有被鬼責嘅經驗，有啲甚至話一晚嚟責幾次添，都好頻密嘅。咁當你被鬼責嘅時候呢，你一定要鎮定，唔好驚，同埋要分清楚係真嘅被鬼責定假嘅被鬼責，假嗰啲呢，就係你嘅心理壓力大吔，半睡半醒之間好似個人唔喐得咁，如果真嘅時候呢，其實你個人呢，個腦已經醒咗個大腦，無論你閉眼或者開眼，有時甚至見到對方個靈界係咩樣添，嗰陣時候你一定要定，唔好驚，唸呢，你最熟個咒語就最有威力，因爲平時你用得多吖嘛。佛號同埋咒語都可以唸，但有時你唸完之後呢，佢一樣唔走㗎，唔係話個咒語同佛號冇用吖，係你未能夠唸出佢嘅力量出嚟，啫平時可能你修持少，咁你要佛號同咒語交替嚟唸，試下邊一個佢係最怕嘅，咁一定呢，應該個問題都解決嘅。唔係話佛號同咒語嘅威力係唔夠，因爲譬如呢，有啲靈界特別怕一個佛號，特別怕一個咒語，比如佢蛇精嚟，誒，砸你、去干擾你，如果你唸孔雀明王個心咒，因爲孔雀係剋蛇㗎嘛，咁呢，啱啱唸正孔雀心咒，佢一定走，唸幾句，佢就已經走，因爲佢怕吖嘛，所以你要識運用呢啲方法囉。


139.水晶附靈的處理方法


有啲師兄買啲水晶珠返嚟戴呢，或者用嚟唸佛呢，我哋要注意嘅，啫啲水晶買返嚟之前呢，可能有機會被污染咗，又附有靈界。有啲人佢話屋企吖，風水唔好吖，擺個水晶陣，或者呢，自己財運唔好，又擺個嗰啲招財嘅水晶陣，點知擺咗之後呢，屋企呢，有機會有啲唔如意嘅事情發生添，如果嗰個水晶本身附有靈界呢，都可能會引發呢啲問題出現。咁咩靈界呢？我哋就唔詳細去講先，咁主要講呢，就話點清除嗰個靈界。有時你用普通清除水晶嘅方法，吖，譬如擺個雪櫃吔，或者曬下佢吔，都未必個靈界會走㗎，如果係靈界。咁呢，我哋最好預備呢個孔雀心咒嘅法水，吓，唸三百次，咁呢，大悲咒或者大悲咒嘅法水呢，唸四十九次，然之後將個水晶珠吔，或者水晶嘅擺件吖，浸一晚過夜，最少浸一晚，然之後先攞番出嚟用。如果佛像呢，就攞嗰個加持咗嘅法水呢，愛嚟塗抹清洗個佛像之後呢，然之後喺嗰佛像響後便貼有啲有法力嘅咒輪呢，嗰個靈界呢，就應該會離開㗎喇。


140.補回被盜取精氣的方法


精氣呢，啫係我哋人體生命嘅能源，通常由三方面補充，就食物啦、水份同睡眠，喺呢三方面我哋得到精氣，係一種光氣，你肉眼睇唔到，支持我哋嘅生命嘅活動。咁呢，我哋除咗正常嘅活動會散失呢啲精氣之外呢，有一種係異常散失精氣呢，係咩情況呢？就係俾啲惡鬼吔，佛經裏便講，講啲羅剎吖、夜叉吖、毗舍遮，啲盜精氣鬼會盜我哋精氣。點解會盜我哋精氣呢？特別呢，我哋食咗五辛吖、蒜頭吖，同埋洋蔥呢啲味道會吸引佢哋，吸引佢哋呢，喺夜晚我哋睡眠咗之後呢，喺我哋口同埋呼吸之間，佢係將我哋啲精氣扯出嚟去盜取，作爲補足佢自己身體嘅，嘅養分嘞。咁問題，如果我哋散失咗啲精氣之後，身體強壯嘅人唔會有咩問題出現，但係身體如果虛弱嘅人呢，盜得一兩次精氣呢，個身體，嘅物質身體可能會出現病症。咁點樣補充呢？補充我哋一定要唸“南無藥師琉璃光如來”或者唸“南無藥師佛”，藥師佛的力量呢，就有方法令我哋補充我哋身體失去咗嘅精氣。如果唸藥師佛嘅聖號呢，最好唸法水吔，每日去飲呢，唸最少三百遍，如果唸藥師灌頂真言嚟講呢，每日最少唸一百零八遍，日日飲，去保護我哋身體散失咗嘅精氣同能量。

佛學講座


141.開創生命的最高境界（一）


每當夜闌人靜之時，仰首星空，面對住繁星細數，每一顆星都發射出閃閃光華，從而感覺到宇宙造化係好奇妙嘅！好似宇宙每一顆星都向人類衆生呼喚住，發出呢啲星所要表達嘅訊息，甚而每一顆星星可能係代表世間芸芸衆生嘅每一個。

有時自己總會撫心自問：人究竟生存於世，係爲咗一啲咩嘢呢？由於每個人嘅價值觀唔同，就形成咗古往今來對人生千差萬別嘅睇法。千百年來，東西方嘅哲人智者各抒己見，去探討呢個“生而爲人”嘅大問題。

由於對人生意義同價值有唔同睇法，就形成咗種種認爲適合每個人自己嘅生活模式。除咗一類不事生產嘅人之外，其他嘅人都係追隨住一個規律，向住前面走，休息、工作、再工作。唔同嘅生活模式，只係響休息工作嘅或前或後，穿插咗一啲小調子。

其實我哋有冇諗過呢，“生命”係咪只等於“生活”咁簡單呢？係咪只等於結婚、生子、養子、求學、名位、利祿呢啲種種東西？或者就係簡單嘅三字：性、食、睡？

人類之所以能超越其他嘅動物，係在於人有較高等嘅智慧同埋理想。人，想征服宇宙；人，想駕馭自然。響東西方漫長嘅思想史裏便都搵到昭然若揭嘅證據。

響呢個廣闊無垠嘅宇宙，生命係好卑小！每個生命響宇宙之中所出現嘅周期，周而復始、循環不息，但係響空間嘅佔有性亦都係狹隘嘅，響時間上嘅存在亦都係非常短暫。每個生命響宇宙廣闊嘅劇場之中扮演住唔同嘅角色，各安其位又各盡其份，咁樣就構成咗千姿百態嘅人生大舞臺。

我好中意王國維先生嘅一闕浣溪沙詞：“山寺微茫背夕曛，鳥飛不到半山昏，上方孤磬定行雲。試上高峰窺皓月，偶開天眼覷紅塵，可憐身是眼中人。”我嘗試登上高峰，去窺探下天上嘅明月，偶然打開天眼，注視塵囂嘅塵世，響呢個時候先發覺，可憐嘅自己竟然亦都屬於芸芸衆生之中嘅一分子。

當一個人響最真嘅時候，偶然反省睇清楚自己嘅真面目，可能係一個既空虛又失落嘅故事。人貴能自知，每當夜深嘅時候，我都會屢屢喺度思索，自己響宇宙之中嘅定位，雖然係芸芸衆生嘅一分子，但係自己嘅生存空間同埋價值，只係如螻蟻之小，如鴻毛之輕？定是有如泰山之大，好似金石之重呢？

杜甫先生講過：“富貴必從勤苦得，男兒須讀五車書。”但係若然功名富貴係能夠由勤苦鑽研學問得嚟，咁樣好多飽學之士就唔會將往日嘅“琴棋書畫酒詩花”，被迫變成咗束縛今天嘅“柴米油鹽醬醋茶”嘞。人生嘅際遇千差萬別，複雜嘅前因後果，構成咗幻變無常嘅命運。但係倘若“富貴”兩個字係心中富有的話，咁樣男兒又何須只係讀五車書呢？

我曾經有一段時間，刻苦鑽研經籍、歷史同兵法，而得到一個重要嘅啓示：響人生嘅大舞臺裏便，人如果要反面去保存自己嘅方法，不外“淫、殺、盜、妄”四個字；人如果要正面去保存自己嘅方法，不外“禮、仁、義、信”四個字。

其實喺我自己嚟講，我唔想庸庸碌碌去虛度一生，呢個身體嘅發膚受之於父母，我希望能夠利用呢個有漏嘅身體，盡我所有嘅力量，去幫助更多有需要嘅人，一則藉以報答父母劬勞於萬一，二更無負我恩師釋迦牟尼佛陀嘅心意。

人生在世，最要緊係一個“孝”字。王祥先生臥冰求鯉，響今日嚟講可能被視作愚昧，但是老萊先生彩衣娛親，黃庭堅先生爲母親清洗馬桶亦都親嘗湯藥，呢啲孝行嘅表現，係無容被否定嘅。文天祥先生響就義之後，喺他嘅腰帶裏便發現一封遺書，佢話：“孔曰成仁，孟曰取義，唯其義盡，所以仁至。讀聖賢書，所學何事？而今而後，庶幾無愧。”讀聖賢之書，究竟學到一啲咩嘢呢？除咗儒家所說嘅仁義之外，我所學到嘅係至孝之道。

響我嘅宗教體驗嚟講，至誠嘅大孝精神，能夠感動天地人三界。響天界當中，玉皇天尊係最尊重同欣賞人界嘅大孝之人；而喺下界嘅冥府閻君，也同樣讚歎同埋禮待人世間嘅孝子，響人界就唔須要再講嘞。每個人嘅心靈深處都係扎根住孝道嘅思想種子，只係要睇這顆種子發芽同發揮到去邊一種程度，同埋表達出嚟嘅形式啫。

今日響宗教嘅領域裏便，我自己有自己嘅一片天，受到很多人尊重、讚賞同認同，我實在默默唔敢承受呢啲榮譽。但係每當響一次次嘅掌聲背後，我都會諗起佛陀開示嘅詩句：“慈母像大地，嚴父配於天。覆載恩同等，父娘恩亦然。”父母長養嘅恩惠猶如天覆地載，天可荒，地可老，父母嘅恩情係永遠報答唔盡嘅。曾參先生曾經講過：“大孝尊親，其次不辱，其下能養。”我縱然唔能夠學人中嘅曾參，亦都希望能夠效法精衛鳥去填滄海，一點一滴去報答我生生世世父母嘅大恩。

“少年易老學難成，一寸光陰不可輕。未滿池塘春草綠，階前桐葉已秋聲。”我時常不斷去提醒自己，人生如白駒過隙，千萬唔好放逸，將時間耗費響無益嘅事物裏便。世界上有一啲嘢總要響年青嘅時候去做，以免日後引嚟白髮蕭蕭嘅追悔。

好多年前，響讀童蒙書嘅時候，曾經睇到一首五言詩，使到響我心靈嘅上面產生咗好大嘅震撼：“朝爲田舍郎，暮登天子堂；將相本無種，男兒當自強。”呢首詩嘅意思係話：早晨仲喺田舍裏便做耕作嘅細蚊仔，響黃昏已經登上咗天子嘅殿堂；自古嘅將相公侯係冇天生嘅，一個人應該要發憤而自強不息。我唔希望好似石崇先生嘅豪富，亦都唔會望好似甘羅先生嘅運早，亦都唔會盼望好似彭祖嘅高壽，只希望響變幻無常嘅人生之中，做一切嘅事，都可以盡如衆生嘅意思，亦都但求無愧於天地之心。

得道高僧不易逢，

幾時歸去願相從。

自言住處離三界，

別是花藏第一峰。

開創生命嘅最高境界——將時空轉化嚟改造命運

時間同空間束縛咗我哋嘅一生，我哋已經執實咗時空，而且隨日月嘅起落而將垂垂老去。響我哋生命嘅感覺之中，又曾否有一日切實地感受到係完全屬於自己嘅呢？虛偽無主嘅生活已經不斷響度淡化我哋嘅靈性生命，隨住時空嘅流轉同我哋自己一向以自我中心嘅習慣，生老病死已經被認定係平常嘅事而加以忽略。但係呢啲睇嚟好似尋常但係又響我哋心靈嘅深層覺得係可怕嘅事，響現實之上係無可逃避而最終帶嚟結局。人是否正在喺度欺騙自己嘅寶貴靈性呢？真正屬於自己嘅一日，唔係早睡早起，而係分分秒秒能夠肯定當下嘅剎那，進入言行一致嘅時空裏便，爲完全真正嘅自己而活。

心行合一嘅境界就係駕馭、轉化同超越時空嘅方法，是一切三昧之中嘅三昧。時光倒流只是痴人嘅夢話，響時間上又何嘗有三世之分呢？心行合一就係人境交融、人法合一嘅一行三昧境界，一行亦即是無行，無行就係空性，響空性裏便嘅人生，只係隨緣而活，響心底裏便永遠係一片光明同安祥，命運不改而自造，算命同睇相已經係一件冇意思嘅事情嘞。時空係空性嘅子女，響宇宙之中搵唔到你，但係又處處都係你。

以無法體驗萬法

將修行投放響每個衆生嘅上面，每個衆生嘅心裏便都有一位慈悲嘅你，但係你無作無住，咁響你嘅生命裏便就洋溢住瀟灑嘅禪意。如果心能夠同“無法”相契，萬法自然任運於掌中。遁世修行同在家閉關，其實係同一個心、同一件事。“一身入定多身起”，莫如一切衆生因爲你嘅接引而向佛菩薩感恩修行。

救渡一隻螞蟻由水淹而到陸地，係一個很高嘅法門；幫助一個老婆婆推紙箱車，係一個很高嘅法門；響公車之上俾孕婦同孩子讓座，亦都係一個很高嘅法門。每一個衆生嘅心底裏便有一個你，你就係能夠身外化身嘅千手千眼大慈大悲嘅觀世音菩薩嘞。萬法，其實就喺我哋平常嘅生活當中，如果能夠以無住嘅心而行菩薩道，街頭執起一個破玻璃瓶嘅功德，猶勝以計度心去誦經持咒。咁乜嘢係佛法呢？無法就係佛法，無法所生起嘅力用就會無邊。咁樣咩嘢又唔係佛法呢？呢個問題就留待大家去參悟一下。

時刻懺悔，令生命昇華

冇過錯嘅人，佢嘅生命係唔會昇華嘅。響每一念之中都存有懺悔嘅思想，係一種最高嘅觀照，慧眼就係咁樣修成。人界係一個對錯並存、苦樂參半嘅世界，有對有錯，就有善惡苦樂嘅相貌，真正嘅懺悔係無善無惡、無苦無樂嘅無相懺悔。業性本嚟係空嘅，有求亦都係妄，當下嘅念，如果能夠無住無作無相，就係真懺悔。罪附喺我哋嘅心上便，當心行處滅嘅時候，罪亦都係虛幻，一切嘅地獄係自己懲罰自己，一切嘅天堂亦都係自我陶醉響電光火石之間。被心營役嘅我哋唔能夠自主，但係法界嘅最終覺性就係我哋嘅心。

每當夜闌人靜嘅時候，萬籟俱寂，就係檢討心靈、昇華生命嘅最好時刻。響裊裊香煙之中，默默跪喺最可依靠嘅聖者面前，流出最真誠嘅眼淚，一切待人接物嘅虛飾已經唔再存在嘞，敞開你嘅心懷，雙手合掌，至誠咁講一句：“菩薩，對唔住，我錯咗喇。”呢個時刻，係心靈上嘅最高交流，光明就由你嘅頭頂進入加持，而默許你懺悔嘅話句。

由疾病之中去體驗解脫嘅法樂

只有疾病所產生嘅痛苦，響裏便我哋先會令到一切衆生反省。疾病消去咗我哋所做嘅惡業，但係亦都招引咗衆生嘅自怨。大修行人雖然唔離開因果，但係就唔會受因果嘅束縛，所以大修行人能夠響疾病之中體驗到解脫嘅法樂，冇一種心境能能夠同清償所有嘅債務之後嘅安祥同自由相比！勇敢去面對痛苦，先係解決一切疾病嘅最有效方法。大修行人不特能夠響疾病之中反省，亦都能夠利用呢個機會去攝受、教化衆生。一個人能夠將自身嘅苦痛化成一種藝術，疾病亦都變成咗一種可有可無嘅心靈騰化三昧，昇華到更高嘅修行境界。

金粟如來最後之身

維摩詰居士，係我響佛典之中好仰慕嘅聖者。維摩詰居士，係金粟如來輔助本師佛教化世間嘅應化，佢雖然有妻室，但係示現梵行，一默如雷，啓迪本師佛嘅好多弟子。

響好多年前嘅一個夜晚，響似睡非睡之間，隱約見到一尊如來世尊，好似釋迦牟尼佛嘅模樣，佢圓滿無瑕嘅三十二相令到我不由自主拜在足前。如來清澈明亮嘅聲音由光明之中傳遞入我嘅心靈，佢開示話：“我係你仰慕嘅維摩詰居士，因爲你嘅修持特嚟安慰。要修成慧眼同法眼，必須由斷除淫慾開始，慈悲一切有情，以至於唔損害一花一木，教導世人唔可以食啖自己嘅父母，守持如來嘅清淨戒律，時常檢點自己嘅過失，要有人溺己溺嘅精神。弟子，如來本應響每個人嘅心目中，爲咗應不同嘅衆生而示化虛幻嘅身體，所以以後唔好再執著我嘅相貌。佛法嘅唔平凡嘅地方，就係在於佢平凡，因爲每一個有情，如果依止如來嘅教誨，係一定能夠做得到嘅。照我以上嘅教誡去做，你就相等於我。你謹記！”

自呢個時候開始，我時刻惦記住如來嘅教誨而潔身自愛。從此我將自己每日嘅修行心得寫低，其中包括靜坐嘅筆記同每日所做錯嘅事，力求不斷更新改正。我已經將自己嘅身、語、意完全奉獻，去供養一切如來，我要好好咁去妥善安排我嘅一生，勤加研習經律論三藏，修持不懈，利他自利。我永遠唔會忘懷恩師嘅教誨，一心去受持佛母金曜孔雀大明王嘅真言同千手千眼觀世音菩薩嘅法門，去利益一切衆生。（註：接下文）


142.開創生命的最高境界（二）


（註：接上文）

曠劫難磨不動心

我哋學佛，其實係想磨練出一顆永恆不變、清淨無染嘅純潔真心，呢一顆真心具足至真、至善、至美嘅標準。呢顆真心又點樣能夠磨練出嚟呢？講到磨練，磨練就係修行，因爲響佛法修行嘅道路之上就必須經歷種種嘅磨練，可能呢啲磨練唔係響一生一世就完全出現嘅，響佛法修學嘅時空觀點嚟講，呢啲磨練係貫串過去、現在、未來三世，特別響菩薩道嘅修行嚟講，經歷一次磨練嘅考驗就破一分迷惑，響個人法性嘅長養之上就多開啓一分般若智慧。

修行嘅功德係一分一分累積而嚟嘅，並冇一蹴而就嘅事，頓悟嘅修爲係由漸悟而嚟，就算係今世即身成佛，修行嘅人響過去世其實已經累積咗無數成佛嘅資糧，已經種下咗成佛嘅無數善因。有好多古佛嚟到呢個娑婆世界垂跡教化，示現修行嘅道路，佢哋亦都不約而同去講述佢哋各自響過往生因地之上嘅精進修行，圓滿十波羅蜜多嘅教法同普賢菩薩嘅大行大願，佢哋都唔係一生一世修爲就可以成功證果嘅。本師佛降生響地球就係呢種示現，佢響塵點劫嘅時空之前其實早已經成證咗圓滿嘅佛果。

響佛果嘅修爲觀點之上，視度化衆生如幻，就釋迦佛嚟講，佢響宇宙嘅過去時空之中不知已經成就咗幾多次嘅佛果，好多響宇宙其他國土之中嘅佛陀其實係來源於本師本體嘅，所以本師響宇宙法界之中係有好多別號，雖然唔同嘅佛號，其實嘅本體係無二無別。佛陀唔會有執著“實有衆生可度”之心，只會由空性之中生起如幻嘅大悲去化度一切有情，根本對成佛、成就佛果呢一回事亦都唔會存在住任何“有所得”嘅觀念，呢個道理就係猶如幻師度諸幻衆嘞。

講到修行嘅事，千萬唔可以執著唸誦經典就相當等於修行嘅全部，初學嘅人響呢個觀點上好容易陷入盲點。唸誦經典，亦都好似拜懺之類，只係修行嘅其中一種途徑，並唔係必要嘅唯一可修嘅方法，修行嘅真正意義就係每時每刻縝密注意我哋身體、語言，尤其響意念上所做嘅業。身、語、意三部分每日不停喺度運作住，當誦經或者拜懺嘅時候，身、語、意響度做住善業，但係我哋誦經、拜懺嘅時間有幾多呢？係咪日日都同樣有做呢？我哋做俗事嘅時間其實係仲多！如果只認爲誦經同拜懺係修行嘅唯一途徑，如果只做咗早晚功課之後就算完成咗一日嘅修行，呢個唔係我哋學佛嘅人所有嘅正確觀點，可能我哋整日所做嘅違背如來教法嘅行爲比做善業嘅更多。

如果將修行定義爲做早晚功課，分開有修行同埋非修行嘅時間，咁樣就唔係真正嘅修行嘞，只要我哋嘅身、語、意響度運作住，只要我哋有生存嘅一日，每時每刻都係修行，修行就係修正我哋身、語、意三方面嘅缺失同埋去除所有不良嘅習氣。“諸惡莫作，衆善奉行，自淨其意，是諸佛教。”冇錯，呢首偈我哋成日都會聽得到，但係我哋可能已經當作咗老生常談嘞，其實修行嘅最重要口訣就係響呢首偈裏便。一個人見慣咗嘅嘢，或者係人或者係事物，日子一耐咗就唔再尊重或者重視嘞，呢個就係娑婆世界凡夫嘅習氣，我哋知道所有嘅佛法其實係由恭敬中來嘅，都應該由恭敬之中去獲得嘅。

修行，其實就係磨練我哋法性上嘅長養。六祖惠能大師響獵人隊裏便生活十多年就係磨練；那羅巴上師十二大苦行、十二小苦行就係磨練；密勒日巴尊者蓋房子以至於皮開肉綻就係磨練；虛雲老和尚三步一拜朝禮五台山去報答佢父母恩德就係磨練。以至於大覺世尊佛陀本師亦都示現修持外道仙人嘅苦行，爲求無上正等正覺。

修行，其實要視每時每刻都係磨練，磨練有順境嘅正面，亦都有反面逆境嘅。順境嘅磨練可能就係別人嘅讚譽或者五欲嘅吸引，逆境嘅磨練可能係別人嘅言語譭謗，或者甚至係人身上嘅攻擊。如果遇到呢啲情況，我哋應該要視爲修行嘅課題，要由三世因果嘅觀點上去分析，要用安忍波羅蜜多去面對，我哋要學習不動明王嘅心，要學習阿閦如來嘅無動心，要學習本師佛嘅安忍智慧去面對一切。“我師得遇燃燈佛，多劫曾爲忍辱仙。”本師佛多生多世以安忍作爲修行嘅課題，歌利王將本師四大分解，本師亦都微笑欣然接受，呢一種修行，呢一份對衆生嘅大慈，我哋係咪應該要開始去學習呢？

彌勒菩薩曠劫修習慈心三昧，所以亦都叫做“慈氏菩薩”。“慈”嘅意思，就係給予一切衆生快樂，絕對唔做擾惱同妨害衆生嘅事。慈氏菩薩響中國嘅化身，大肚笑面呢一位布袋和尚，佢以呢個形象去示現，就係要教化一切衆生“大肚能容不平之事，笑面常寬不赦之人”，菩薩其實已經俾咗我哋修習慈心三昧嘅一啲消息。

我哋要學習地藏菩薩嘅一份平靜同安穩嘅心境，地藏菩薩法號之中嘅“地”字，就係“安穩不動如大地”嘅意思，有呢份嘅心境先能夠成就不可思議嘅無盡大願，響曠劫以來嘅時空之中救渡無量衆生。

觀世音菩薩響久遠嘅不可說時空之中亦都勤修“大悲三昧”，“大悲”嘅意思係“拔除一切衆生嘅苦難，我皆代受，而令到一切衆生得入無余涅槃”嘅心。觀世音菩薩嘅心亦都係謙卑嘅心，視一切衆生猶如佛陀去恭敬承事，其實觀世音菩薩真係承事服務衆生，而唔係教化衆生，亦都唔爲任何目的同埋益處。

文殊師利菩薩係般若之母、七佛之師，佢響佢無盡嘅甚深大願當中，亦都教導我哋化敵爲友、以德報怨，“若一切衆生怨我、恨我、害我、殺我，我皆與其爲朋而作利益，令一切衆生畢竟獲至菩提大樂”，呢一份係何等嘅胸襟同抱負呢！

普賢菩薩亦都教導我哋：“所有禮讚供養佛，請佛住世轉法輪；隨喜懺悔諸善根，回向衆生及佛道。”將我哋所有修行嘅功德好處悉皆施與一切衆生。普賢菩薩教導我哋“若發大心者必能與三世十方諸佛同行”嘅大道理，我哋又有冇體會到菩薩嘅心意呢？

佛陀嘅十大弟子，解空第一嘅須菩提尊者，佛陀稱讚佢證得“無諍三昧”，人中最爲第一，係第一離慾嘅阿羅漢。“無諍三昧”就係心境平等一如，無分別取捨嘅真空境界，亦都與人無諍，具有謙卑、禮讓、恭敬嘅精神思想意義。須菩提尊者教導我哋響日常生活修持之中嘅無諍意義，我哋經常同衆生爭一日嘅長短，爲爭一口氣可能做下五逆十惡而墮入無間地獄。提婆達多爲咗同本師爭奪尊榮地位而不惜千方百計去謀害本師，惠明和尚亦都爲咗爭奪禪宗法位而想劫害六祖惠能嘅傳承衣鉢，其實放下一切無諍，自然就會顯現自在、具足宇宙一切萬法嘅真心。心法用人世間物質上嘅伎倆同手段係點能夠爭得到呢？如果能夠進入“無諍三昧”，即係一即一切，一得亦永得。本師“八風吹不動，端坐紫金蓮”，所以佢嘅毫光能夠照耀三千大千世界，加被護持一切衆生，“八風吹不動”就係“無諍三昧”嘅最高境界。

我哋響修行嘅歷程當中，唔可以過於輕視自己嘅能力，亦都唔能夠有不可一世嘅傲慢之心，應該要尊重自己、尊敬他人同埋恭敬一切如來、菩薩、聖者。尊重自己嘅意思，就係唔好辜負四重嘅恩，所以要“勤修戒定慧，熄滅貪瞋痴”。尊敬他人嘅意思，就係要時刻念記三途之苦，誓救一切衆生，亦都唔好做任何損害衆生嘅事。所謂“凡夫”，就係損人利己呢；所謂“菩薩”，就能夠損己利人。恭敬一切如來、菩薩同埋聖者，係要話俾大家聽，佛法由恭敬之中而獲得嘅道理，如果失去恭敬嘅心就會自然失去一切學習佛法嘅機會，失去恭敬心嘅人，修行亦都冇任何嘅成就。釋迦佛響因地修行菩薩道嘅時候，用頭髮散喺泥路之上俾燃燈如來踏過，呢個就係恭敬嘅心，燃燈如來所以爲本師授記未來成佛。持地菩薩發願要填平一切衆生所走過嘅崎嶇道路，亦要平復一切衆生嘅心令到佢安穩，呢個就係恭敬同埋唔輕視一切衆生係未來佛嘅行爲表現。

佛陀在世嘅時候，佢嘅弟子、天帝同埋護法嘅天龍金剛，想請佛陀本師任何問題嘅時候，響未發問，總係先敬奉一啲供養俾佛陀，或者係鮮花，或者係珠寶同埋其他嘅物品，亦者或者右繞佛陀三個圈，然後先提出自己嘅疑難俾佛陀開示，呢個就係恭敬嘅心嘞。

響《妙法蓮華經·觀世音菩薩普門品》裏便，無盡意菩薩獻上寶珠瓔珞，價值百千兩金，去供養觀世音菩薩。無盡意菩薩已經係位證一生補處嘅大菩薩，即將候補佛位，佢亦都要示現修持恭敬嘅法門，但係觀世音菩薩響接受咗無盡意菩薩嘅供養之後，佢將供養分爲兩份，一份敬奉俾本師，一份供養多寶佛塔。觀世音菩薩貴爲古佛之尊“正法明如來”，亦都冇忘教授衆生謙卑同恭敬嘅法門，我哋響研讀《普門品》嘅時候，又有冇忽略咗菩薩度生嘅心意呢？

恭敬嘅法門，響修行鍛煉嘅歷程之上實在係太重要嘅一課嘞，唔好將日常嘅平淡，將你應該恭敬佛菩薩嘅心沖淡洗去。就算我哋能夠出生響正法時期，甚而近喺本師嘅身邊，如果失去恭敬，個心已經離開佛陀漸遠，對住本師嘅化身肉體又有咩用呢？心離佛陀，已經失咗進取菩提大道嘅機會，能夠近喺佛陀身邊亦都得到好少嘅益處。

修行雖然要經歷三大阿僧祇劫去修持福慧雙圓嘅行爲，但係三祇亦可能只攝於一剎，其實係端賴響我哋修持嘅心態去決定，因爲漸法之中亦有頓法，頓法之中亦有漸法，頓中有漸、漸中有頓，頓漸亦都相兼相融，而頓漸嘅分亦都係按衆生嘅根基去界限，響宇宙嘅一如本體之中，其實又邊有頓漸嘅法門呢？

除滅一切諸三毒，思惟修習無上智；不爲自己求安樂，但願衆生得離苦。

願一切嘅有情能夠同證華嚴境界，同入華嚴覺海，謹以此至心回向。

地藏菩薩法門

地藏菩薩嘅願力，穿越十方時空法界，大家如果能夠發願學習地藏菩薩嘅精神，或者追隨地藏菩薩利益衆生嘅方向，就能夠好實在而有效去接受到地藏菩薩願力嘅加持，遲早你係一定感覺得到嘅。

“願力”呢樣嘢係好微妙不可思議，佢無形無相，帶領住每個真心學佛嘅人嘅一個正確方向，影響住學佛人嘅一顆純潔心靈，可能學佛嘅人本人亦都唔知道，甚而同化消融響佛菩薩嘅加持力之中。要體會佛菩薩嘅願力、加持係一樣咩嘢，大家必須多多關心同埋細心留意自己身邊所發生同存在嘅事物，而且要多研佛典，了解每個如來同菩薩嘅本願。

佛菩薩嘅法身本體，化身世間救渡六趣有情，佢嘅本願亦都遍於每個時空嘅有情同埋無情。所謂“有情”，好似觀世音菩薩《普門品》三十二應身；“無情”呢，就《地藏菩薩本願經》所記載：“或現川原、河池泉井，利及於人。”（註：根據CBETA，“或現川原”疑爲“或現山林川原”）其實如來嘅旨意、佛菩薩嘅願力就響大家嘅身邊，宇宙之中嘅萬事萬物，都喺度爲我哋講緊動人嘅佛法。

我哋今生一定要由世間嘅萬法之中醒悟過嚟，唔好再迷失嘞，應該好似獨覺嘅修行人一樣，要練習“外觀飛花落葉，內省十二因緣”嘅修持功夫，我哋如果能夠發起菩薩心，雖然修行獨覺嘅法，亦都等於大乘嘅菩薩一樣啫。

地藏菩薩響凡界分身爲“悲願金剛”，降諸天魔、制諸外道，大家如果響危難嘅時候可合掌虔心稱念：“南無悲願金剛”，稱念呢個聖號，一切靈界嘅業難定然可化解於無形之中。地藏菩薩亦都受本師嘅囑咐，響佢佛體之中分出六個化身去拯救六道衆生。

若爲救渡地獄苦難者，請稱念：南無檀陀地藏王菩薩；

若爲救渡餓鬼道苦難者，請稱念：南無摩尼地藏王菩薩；

若爲救渡畜生道苦難者，請稱念：南無寶印地藏王菩薩；

若爲救渡天界衆生除其五衰之苦者，請稱念：南無日光地藏王菩薩；

若爲解除人界八苦者，請稱念：南無除蓋障地藏王菩薩；

若爲救渡阿修羅界衆生者，請稱念：南無持地地藏王菩薩。

地藏菩薩嘅滅定業古梵咒，相傳已久，功德法力實在係難思難量，能夠將定業轉化消滅，或者減輕所受嘅果報，大家如果能夠誠心懺悔而且受持呢個秘密真言，一切所作嘅惡業如雪遇湯，冰消瓦解。滅定業古梵咒係地藏菩薩嘅微妙本心，係菩薩憫念苦難衆生而響三昧宣說，大家如果能夠正心誠意守持戒律，誦持呢個真言無斷，可以同地藏菩薩心心相契，直接傳承地藏菩薩嘅加持願力。

響清朝嘅時候，淨土宗嘅第九代祖師藕益大師曾經專修地藏菩薩法，佢仲響安徽嘅九華山閉關，以百日嘅時間，結壇修持滅定業古梵咒五百萬遍，而且發願回向：捨身他世，生在佛前，面奉彌陀，歷事諸佛，親蒙授記，回入塵勞，普令群迷，同歸秘藏。

無上甚深微妙法，百千萬劫難遭遇；

我今見聞得受持，願解如來真實義。

請大家一心恭敬，合掌受持地藏菩薩滅定業古梵咒。

地藏菩薩滅定業古梵咒：唵 鉢囉末鄰陀寧 娑婆訶

地藏菩薩師傳滅定業密咒：唵 巴喇媽呢打惹 娑婆訶

大家如果想受持以上嘅真言，必須經由真正嘅上師傳授，或者可以喺地藏菩薩嘅法壇前領受，然後就可以修習嘞。


143.千波萬浪盡朝宗（一）


“佛”係梵語“佛陀Buddha”嘅音譯略稱，意思就係“覺者”，亦即係話，能夠如實表達宇宙人生嘅真理，而佢嘅智慧同德行都達到究竟圓滿嘅人，所以經上面時常講，佛陀係自覺覺他、覺行圓滿嘅聖者。

所謂“佛法”，係包括一切佛陀宣示嘅言教。人如果能夠循住佛陀嘅教示逐步實踐，就能夠邁向圓滿正覺嘅途徑。所以簡單嚟講，佛法係指成佛嘅方法同埋途徑，而詳細咁講呢，佛法係指佛陀宣示嘅一切理論同實踐嘅方法，其中包括一切能夠使到有情覺悟嘅思想同埋修行方式。

中國近代佛教嘅大德之中，歐陽竟無居士認爲佛法既非宗教亦非哲學，太虛法師就認爲佛法既屬宗教亦都屬哲學，兩個人雖然見解唔同，但係由於由唔同角度、唔同層面去下判語，所以當然各有各嘅道理啦。佛法嘅體系固然唔同一般嘅西方哲學，但係無疑響探究人生嘅問題之上，表現咗東方智慧嘅特色，由呢點嚟講，佛法顯示咗東方哲學嘅基本精神。

至於宗教，由西方人嘅觀念嚟睇，佢嘅本質就係神同人嘅結合。佛教從原始佛教嘅時代開始，既唔承認有全能、絕對主宰嘅神，亦都唔接受人有永恆不變嘅靈魂呢一種觀念，而由呢個角度嚟睇呢，佛教自然唔能夠視作宗教啦。但係正如日本佛教學者木村泰賢先生所講：“宗教嘅本質係喺自然條件嘅限制之下去追求精神嘅滿足同絕對嘅自由，甚至憧憬無限生命嘅開展。”咁樣，東西方嘅文化背景唔同，滿足宗教心理嘅方式自然就會有不同，尤其係佛教更能夠超然喺一般宗教之上，以理性嘅方式去滿足宗教嘅情感。佛教嘅最後嘅宗教基調，不管係對無限生命嘅憧憬，抑或係對解脫人生苦惱困逼嘅要求，都係由人類內心尋求解答，唔係外在嘅、虛無縹緲嘅超自然力量爲最終憑藉，所以，佛教既能夠滿足人類宗教心理嘅要求，同時亦都能夠經得起理智嘅批判，可以話係最深刻、最合理嘅宗教。由呢個角度嚟講，佛法無疑係具備宗教最基本嘅性質，而佢達到宗教目的嘅途徑就能夠超然喺一般宗教之上。

“乘”，梵語“yana”，係有運載嘅意思，呢度係取譬如爲名，譬如佛法猶如車乘一樣，能夠運載有情到達唔同嘅目的地。

由於有情嘅根性唔同，設教嘅客觀環境當然有異啦。所以由佛陀宣示正教，以至古來嘅菩薩、大德弘興佛法，都隨順有情嘅機宜以各種方便善巧去引導，適應各類唔同嘅根基。咁一般嚟講，佛法可以分爲“五乘”，就係“人乘”“天乘”“聲聞乘”“緣覺乘”同埋“菩薩乘”嘞，或者係叫做“佛乘”，所以“五乘教法”實際即係指一切嘅佛法。因爲有情嘅類別，不外上述所講嘅五類根性，佛法既然能夠適合各類有情，所以就稱爲“五乘佛法”。自古以嚟，佛教學者對“五乘佛法”有唔同嘅分類，稱爲“判攝”，咁樣，響現在要講嘅就係舉出古今兩位大德對佛法嘅判攝，呢兩位大德就係宗喀巴大師同近代嘅太虛大師，佢哋嘅判攝既簡單明嘞，亦都唔含宗派嘅偏見，以佛教最重視嘅實踐性爲判攝嘅先決條件，亦都符合時代嘅意義，係最適合初學佛法嘅人作爲探索佛法嘅導引，但係響未認識古今兩位大德對“五乘佛法”嘅判攝之前，我哋首先應該要了解“五乘佛法”嘅來由。

響佛法之中，雖然每每話“一切有情都具備佛性”，但係就教學上嘅便利同埋實踐上嘅需要，基於有情嘅根性，將佛法嘅宗趣係分爲唔同嘅品類，其實佢基本嘅原因係有兩種。第一種就係“種性論”。“大乘有宗”即係話，響印度稱爲“瑜伽行派”，響我哋中國或者稱爲“唯識宗”，或者叫做“法相宗”，呢一系呢，基於教學上嘅方便同埋實際上嘅考察，提出“五種性”嘅說法。“種性”，簡單咁以現代嘅術語嚟講，就係有情由無始以嚟所具備嘅潛質、根性，呢種潛質具有決定有情修行傾向，同埋所可以獲得嘅最終果報嘅作用。所謂五種種性，就係“菩薩種性”，或者叫做“如來種性”，其次就係“聲聞種性”“辟支佛種性”，即係“緣覺種性”，跟住係“不定種性”，“不定種性”呢，就係根性唔定嘅有情，隨住機緣嘅唔同，修習上述三乘嘅佛法。再其次就係“無種性”嘞，即係喜歡修人天福果，對解脫唔感興趣嘅有情。由於有情種性既然唔同，而佛法嘅精神係普濟一切有情，所以教學嘅方法同埋度向嘅目的，嘅地呢，自然亦都有唔同，所以先有“五乘佛法”嘅建立。

第二種就係“頓漸說”。“種性”嘅說法係就有情無始以嚟具備嘅根性嚟講，但係就有情現世嘅資質嚟講呢，就有頓漸嘅唔同。一般嚟講，有情嘅根基有利、鈍嘅分別，修習佛法嘅時候亦都有頓悟同漸入嘅唔同。利根上智嘅人可以唔循序漸進，唔依次第而直超頓入，但係呢類有情畢竟係爲數甚少，所以建立佛法嘅目標既然係度化一切有情，自然亦都唔能夠因爲極少數資質特殊嘅例外而廢棄上道嘅，況且利根上智嘅人，亦都係經多生多世嘅修習先有現生特殊嘅資質，所以就現世嚟講係利根頓悟，但係就歷劫修行嘅角度嚟睇呢，仍然係漸悟嘅，所以佛陀嘅聖教主要係開示漸次一貫嘅途徑，使到一切有情循序漸進，既可適應頓漸利鈍唔同嘅根基，亦都可以適應修習到唔同階段行者嘅機宜。由呢個角度去睇，“五乘佛法”嘅建立當然係有必要㗎啦。

古嚟嘅大德基於自己宗派學說嘅著重點嘅唔同，據於釋尊一代嘅教法，就有各種唔同嘅判攝。例如天台學者有五時八教嘅判攝，華嚴學者有三時五教嘅判攝，唯識學者有三時說教嘅判攝，都係比較顯著嘅例子，其他各種唔同嘅判攝多到不勝枚舉。呢啲唔同嘅判攝，其實都係基於唔同嘅宗趣，由唔同嘅角度去加以分析，大多各有各嘅理論根據同埋價值，但係對初學佛法嘅人嚟講不免就有啲覺得衆說紛紜、莫衷一是，唔知有邊一種係啱佢哋，有無所適從嘅感覺。但係實際上佛陀嘅教法，目的係使到有情轉迷成覺，對於唔同嘅根基，宣示嘅重點或者係有唔同，但係本質上就係一致嘅。後代嘅學者基於傳承嘅唔同、理解上嘅差別，慢慢就演變成各個唔同嘅宗派。但係如果又講番就教學上嘅便利嚟講呢，實際就應該就教理之中共通嘅基本原則同埋修學嘅先後次第去加以判攝，既然可以便利初學學佛嘅人士，同時亦都使到一啲人容易了解教理同埋修行嘅層次。

響西藏黃教，誒，我哋奉爲宗師嘅宗喀巴大師，響佢所著嘅《菩提道次第論》之中，依據有情修習佛法嘅次第建立咗“三士道”嘅說法，用“三士道”嘅觀點去判攝“五乘佛法”。所謂“道”，就係修習佛法嘅人由生死苦海到涅磐正覺彼岸所必須遵從嘅途徑，故此菩提道次第亦都係學佛嘅人趣向圓滿正覺，由淺入深嘅次第。除咗利根嘅菩薩種性有情之外，一般有情對佛法嘅契入都係循序漸進嘅，但係前面修習嘅階段係通達後來階段入門嘅途徑，而後嚟嘅修行境地亦都必然包括以前嘅初階。由呢方面嚟睇，前者同埋後者係有住必然共通嘅地方，所以“三士道”都貫以“共”字就係咁解嘞。

跟住我哋講下“三士道”嘅內容。

第一就係“共下士道”。所謂“共下士道”，簡單嚟講就係指“人天乘”。“下士”可以分爲兩類，一般嘅下士，只係希求現世嘅福樂，未有嘅能夠擁有，已經有嘅呢，就能夠有所增益。更有一啲優越嘅下士，唔以現世嘅福樂爲滿足，佢哋知道更進一步去希求後世嘅善趣圓滿，所以宗喀巴大師曾經引用過《道炬論》替下士立嘅定義就係，有以下呢四句偈：“若以諸方便，唯於生死樂，希求自利義，知彼爲下士。”

第二就係“共中士道”。所謂“共中士道”，就係指聲聞乘同獨覺乘。“中士”嘅定義，係發心厭離一切人身嘅苦惱現象，希望超出三界、解脫自利嘅有情。所以宗喀巴大師亦都引《道炬論》嘅偈語話：“背棄諸有樂，遮惡業爲性，若惟求自靜，說名中士夫。”

第三種係“共上士道”。所謂“共上士道”，就係指菩薩乘。“上士”就係由於大悲心嘅生起，同情一切受苦嘅有情，祈求圓滿正覺去度脫衆生，因而修習一切菩薩偉大嘅行願。宗喀巴大師引《道炬論》偈語話：“由達自身苦，若欲正盡除他一切苦者，是爲勝士夫。”

由此可知，有情只係祈求三界嘅欲樂，就屬於“下士夫道”；只係求解脫生死以自利嘅呢，就屬於“中士夫道”。但係無論係“下士夫道”或者“中士夫道”，都係“上士道”嘅支分，可以話係“上士道”嘅初階，所以，修習“下士”同埋“中士”兩個道路，係通往“上士道”嘅方便，即係“上士道”嘅發起前行嘞。

一般有情，佢發菩提心去追求正覺，都係希求發菩提心嘅殊勝利益，菩提心嘅殊勝利益呢，係有兩種，第一就係現前嘅勝利，意思係唔墮惡趣就得生善趣啦；第二係畢竟嘅勝利，即係圓滿正覺嘅成就嘞。利根上智嘅有情，能夠以無所得嘅心去發大菩提願，但係一般有情就不免有希祈勝利嘅想法，所以呢，必須通過共中、下士道以進趣上士道，呢個就係“三士道”建立嘅由來嘞。

有情響修習“共下士道”嘅時候，應該正確咁思惟響惡趣之中受苦嘅道理，對於各種惡趣生厭離心，殷求善趣同埋現世、後世嘅福樂。有情響修習中士道嘅時候，應該正當思惟人天善趣雖然係好，但係唔及寂滅無爲嘅樂果，所以相對之下人天善趣亦都係苦嘅現象，再以依種道心做基礎，思惟顧念一切眷屬有情，修習善念，引發大慈大悲心作爲菩提心嘅基礎，所以修習共同嘅中下士心，實際即係產生真菩提心嘅方便，而並非引導有情去趣入其他途徑嘅方法。有情依循中下士道循序漸進一步一步以求通達大乘嘅時候呢，就應該時常去思惟歸依佛法嘅殊勝同埋業果流轉嘅道理，精進實踐、去惡務善、集福淨罪，去作爲修習大菩提心嘅前道，能夠咁樣做，中下士道即係無上菩提心嘅支分，統攝響上士夫道。如果修習中下士道，唔知應該同大菩提心相應呢，咁一切修行方法都唔能夠視爲通向圓滿正覺嘅階梯，呢一點就要注意嘞。

宗喀巴大師嘅“三士道”建立，正好說明菩薩性雖然係高，但係如果冇人天善法同埋二乘解脫嘅法門作爲基礎，係唔能夠建立嘅，由此勉勵一切衆生響修行嘅時候要踏實進取、循序漸進，不致有好高騖遠嘅過失。

近代嘅太虛大師，響《佛法總抉擇》同埋《我怎樣判攝一切佛法》之中，基於教理上嘅共通點同埋修行嘅次第，將佛法判攝五乘佛法作爲三級。

第一就係五乘嘅共法。響教理上，五乘共通嘅法則就係因緣生法，亦即係因果論。因果法則係五乘共修嘅教法，緣生嘅道理係五乘共遵嘅道理，所以名爲“五乘共法”。五乘共法亦即係人天乘嘅修法，係其餘三乘嘅基礎，修習五乘共法嘅人應該發增進心，亦都係希求增益向上嘅心，修行方式就係要注重因果業報，實踐人間嘅正行，布施、持戒等等基本嘅方法。

第二就係三乘共法。聲聞、緣覺、菩薩三乘嘅行願雖然有唔同，“三法印”就係三乘共遵嘅理論基礎，斷煩惱了生死嘅依據。所以響教理上嚟講呢，諸行無常、諸法無我同埋涅槃寂靜嘅“三法印”係三乘共通嘅法則。三乘共法既然係聲聞、緣覺行者修行嘅方式，發心自然係以出離心爲主啦，聲聞、緣覺嘅行者殷求解脫，去速斷煩惱、了生死作爲自己嘅要務，所以對於有漏世間就會生起厭離心，去希求涅槃寂靜嘅快樂，所以三性共法嘅修行方式呢，係從“四念處”以至於“八正道”等等嘅“三十七道品”，亦都係循序漸進，唔求人天嘅果報，只係求證得出世間嘅涅槃啫。

第三就係大乘嘅不共法。大乘嘅不共法係指大乘菩薩特有嘅行願，不共其他嘅餘乘。大乘菩薩嘅發心係以大悲爲根本嘅菩提心，修行嘅途徑係盡未來際遍學一切法門，廣行四攝，四無量心，廣修六度萬行，求證法空般若嘅智慧去普渡一切有情圓滿無上嘅正覺。太虛大師所強調係由人乘去進趣大乘嘅佛法，亦都係最適合現代嘅佛法，由正信佛法而實行佛法。就普遍嘅機緣上，應該重視完成人生基本嘅責任，去充實人生，從而走上菩薩行嘅大乘覺路。由保持人嘅業果嚟講呢，響今日，亦都以佛法建立人生道德，使到佛法遍滿人間，人人實踐人間佛教爲主要嘅目的。

學佛嘅人響初次探討佛法嘅時候，對佛法其實應該有下便嘅基本觀念：

第一，佛法嘅特質固然唔同於西方宗教嘅本質，但係無可置疑，佛法能夠有效、合理滿足人類嘅宗教心理要求，從而啓發人類嘅智慧同埋覺性。至於係咪俾佛陀法冠以宗教或哲學嘅稱謂都係無關宏旨，我哋所應該重視嘅係佛法對人生實踐嘅真正價值。另外，同樣係滿足人類宗教心理嘅要求，但係佛法同一般嘅宗教就以唔同嘅途徑去滿足呢種要求嘞，所以彼此響教理之上同實踐之上其實都有相當嘅距離，響衡審宗教價值時候，亦都要注意呢一點。

第二樣所要講嘅，就係佛教嘅學者爲咗教學之上嘅方便同實際觀察嘅結果，所以有種性根器嘅說法，實際上仍係爲咗達成普化有情嘅目的，本質上係無優劣嘅歧視，而事實上呢，亦都唔可能斷言某啲有情係某一類根性，或者某一啲種性嘅有情係爲數若干，因爲響無限嘅人生歷程之中，有情一生嘅表現並唔能夠視作無限人生行爲表現嘅必然表切，但係基於佛法廣大嘅容攝性，同埋應機唔同嘅教學便利，咁樣嘅分類亦都有佢嘅意義存在。

第三點，歷來各宗各派嘅學者對於佛陀教法雖然有唔同嘅判攝，但係就適合現代初學佛嘅機緣之上呢，同埋基於佛法理論嘅共通性同埋修行次第嘅連貫性嚟講，宗喀巴大師同埋太虛大師嘅判攝係最適應機緣嘅說法，尤其係二者都強調由基本嘅人性爲本位以進趣佛法嘅最高理想，正係適合最適應時代嘅指標。佛法如果脫離以人爲本位嘅實踐基礎，對修行人嚟講固然容易產生好高騖遠、不切實際嘅流弊，對佛法嘅時代形象嚟講，更加容易使人產生脫離現實，追求虛無飄渺死後人生領域嘅誤解，呢個對於佛法嘅推行實係有弊冇利。所以，今日嘅學佛之士應該要努力使到佛法人間化，使到佛法透過自己嘅融會體驗同埋現實人生相結合，使到佛家嘅智慧同埋慈悲普應世間。

各位師兄，如果對以上所講嘅題目覺得有興趣，想進一步進修嘅話，可以介紹大家繼續研讀以下嘅書籍：第一部就係宗喀巴大師所造、法尊法師所譯嘅《菩提道次第廣論》第三卷；第二部就係太虛大師所著嘅《我怎樣判攝一切佛法》，原作響太虛大師傳書第一篇嘅《佛學總論》嘅第二冊；第三本《佛法非宗教非哲學說》，係歐陽竟無大師所著嘅；第四係《大乘佛法思想論》嘅第二篇第一章《宗教本質同佛教》，係日本學者木村泰賢所著，演培法師所譯；第五種呢，就係印順論師所著嘅《成佛之道》。

以上嘅書目如果各位師兄想進一步深入研究佛法嘅判攝同埋形象，可以參考頭先所講嘅書目。

跟住落嚟，我哋研究一下佛教所講嘅世界觀。“世界”，亦都叫做“世間”。“世”係“遷流”嘅意思；“界”係“方位”嘅意思，合而言之就係指有情同埋佢所依止生活嘅地方。“間”呢，就係有“空間”“間隔”嘅意思，意義係同“界”相同，但係嚴格嚟講，用法就有分別嘞，呢度所講佛教嘅世界觀只係就宇宙現象而論，對於宇宙嘅本質問題，就係唔係現在本講所論述嘅範圍嘞。

“世界”嘅種類其實可以依照有下便嘅分類嚟分嘅：

“有情世間”，“有情世間”係指我哋嘅正報，即係我哋嘅身體；第二就係“器世間”，啫係有情嘅依報，啫係我哋生活嘅地方。呢兩種“有情世間”呢，同埋“器世間”都係泛指一切凡夫生活嘅世界，亦即係佛法上講有漏嘅世界。

第二種就係“華藏世界”嘞，華藏世界根據佛經講，就係聖者生活嘅世界，意思就係無漏嘅世界。但係根據玄奘法師嘅弟子窺基法師嘅《成唯識論述記》卷一講過：“可毀壞故，有對治故，隱真理故，名之爲世，墮世中故名間。”（註：根據CBETA，“墮世中故名間”疑爲“墮世中故名爲世間”）所以嚴格嚟講，世間一詞呢，都係指有漏嘅世界，即係凡夫嘅污染世界嚟講嘅。華藏世界海之中，其實包含咗無數諸佛嘅淨識所轉化嘅清淨國土，唔適用“世間”一詞嘅，只可以話係“世界”，但係就一般應用上呢，就係似乎唔須要咁嚴格去要求，喺呢度要有小小說明嘅。

佛陀說法嘅目的係令有情轉迷成悟，所以著重由現實之中去啓發有情，但係對於同解脫係冇直接關係嘅事情呢，多加注意力就係佛陀所深戒嘅，所以響原始佛教嘅世界觀裏便，佛陀只係採用當時流行嘅世界觀，或者加以修改，或者用譬喻嘅形式去講，因此原始佛教世界觀嘅提出只係作爲說法上嘅便利，而唔係佛陀說法嘅最終目的亦都唔能夠視作佛陀嘅創建。猶爲佛教嘅特色，係在於採用當時嘅種種思想加以修改，使到合乎佛家嘅精神同埋世間嘅正理。

由原始佛教嘅世界觀發展到阿毘達磨論師嘅時代，漸漸將佢作爲佛教自身嘅問題處理，或者逐漸將呢個觀點改造成佛教本身理論嘅一部分。阿毘達磨論師基於《長阿含經》裏便嘅《樓炭經》或者係《世起經》，去加以整理，而有《佛說立世阿毘曇論》十卷，喺中國嘅譯本就係陳真諦法師所譯嘅，就專門研究去討論㗎嘞。而專門研究討論，另外亦有《設施論》嘅《世間品》，現在存有西藏文本爲開始，亦都以世親菩薩嘅《阿毘達磨俱舍論》嘅《分別世間品》爲極峰。到咗大乘佛教思想發達嘅時候，喺有必要時亦都採用阿毘達磨嘅世界觀，並未另外建立大乘特有嘅世界現象論，但係由於大乘嘅菩薩行願著重不捨衆生，所以對於淨土嘅思想特別加以強調，呢個就係阿毘達磨論師所冇嘅特色嘞。

佛教向來唔承認“最初因”嘅，即係所謂“第一因”嘅說法，亦都唔接受有造物者創造世界嘅論調。佛教認爲，世界嘅存在係本然而有嘅，探究宇宙最初嘅起源係冇意思，因爲佢對人生苦惱嘅解脫係毫無幫助。譬如《中阿含經》第六十《箭喻經》之中講過，曼童子同佛陀問答嘅時候，佛陀所設嘅“毒箭”嘅譬如就係最佳嘅例證嘞。後代論師亦都認爲執著宇宙有最初起源創造論嘅人，響論理學之上呢，係有無窮過嘅過失。

講到“有情”，“有情”響世間之中，梵語就係“薩埵sattva”，舊嘅譯法就譯做“衆生”，新譯就譯做“有情”。五蘊和合相續嘅假體，而具有“情”，啫“愛慾”“色”，就係“了別力”，名之爲“有情”，近似於現代人所講嘅動物，但係涵義呢，就稍爲寬廣。一切有情由佢生存形態同生活嘅情況嚟講可以分爲“六趣”；就係佢出生嘅情況嚟講，亦都可以分爲“四生”；就佢哋嘅精神狀態嚟講，就可以分爲“三界”了；就佢物質身體嘅資養同埋精神生活嘅滿足嚟講，就有“四種食”嘅說法。跟住落嚟我哋會講到。

先講下六趣，“六趣”亦都叫做“六道”，一切有情大體可以分爲五類或者六類，叫做“五趣”，呢個係小乘上座部同埋有部嘅分類，或者呢，如果我哋叫做“六趣”呢，就係小乘嘅犢子部等等嘅分類。“趣”，就係“趣向”，即係趨向嘅意思，有情各自由業力牽引，趣向六種生存嘅形態，故此就叫做“六趣”啦；“道”係道路嘅意思，有情各自由業力所牽引，往來響呢六條道路之上，所以就叫做“六道”嘞。

其實“六趣”再分開呢，就有“三善趣”同埋“三惡趣”。所謂“三善趣”就係“天趣”“人趣”“阿修羅趣”。“三惡趣”呢，就係“地獄趣”“鬼趣”同埋“旁生趣”嘞。“三善趣”嘅有情都係由於過去世修習善行而感招快樂嘅果報，其中以“天趣”嘅精神同物質生活條件係最好嘅，“阿修羅趣”有情嘅物質生活條件雖然好，但係精神修養就唔同“天趣”有情嘞，而“人趣”呢，就苦樂參半，但係呢最適宜修習佛法。“三惡趣”嘅有情係由於過去世嘅惡業感招苦痛嘅果報，生存響唔同程度嘅苦惱環境之中。

至於講到“四生”，就係“六趣”有情出生狀況嚟講，分開四類咁解，“四生”就係“卵生”“胎生”“濕生”同埋“化生”。“卵生”就係由卵殼而生；“胎生”呢，就由母胎而生；“濕生”就係依濕氣而化生；“化生”呢，就係由變化而生咁解。

“四生”所依住嘅空間，亦都係所講嘅“三界”，就係一切有情衆精神狀態去區分，分開三類，第一就係“欲界”，第二“色界”，第三就係“無色界”。“欲界”呢，就分開“六欲天”“人”“阿修羅”“旁生”“鬼”……（註：接下文）


144.千波萬浪盡朝宗（二）


（註：接上文）……“阿修羅”“旁生”“鬼”同“地獄”。

“色界”呢，就包括初禪天、“二禪天”“三禪天”同埋“四禪天”。“無色界”呢，就分開“識無邊處”“空無邊處”“無所有處”同埋“非想非非想處”，所謂嘅“四空天”。三界一共合共有二十八重天。“欲界”係著重物質同愛慾嘅有情世間；“色界”係有物質而冇愛慾嘅有情世間；“無色界”呢，就係冇物質，而唯有精神狀態嘅有情世間。合埋呢三類有情世間就叫做“三界”嘞。

至於“四食”，就係有情物質身體滋養同埋精神生活嘅滿足嚟講，可以分爲四種嘅資養方式。第一種叫做“段食”，又叫做“全食”，就係有情日常所食，係屬於物質性，啫係我哋日常所食嘅食物。第二就係“觸食”，“觸食”係由於接觸外境產生快樂嘅感受，從而可以滋養到我哋嘅身心，亦都係叫做“可意觸”。第三種係“思食”，“思”就係思念，即係意慾思願，有情嘅意志力去延續生命，就謂之“思食”。第四就係“識食”，“識食”係支持有情一期生命嘅精神力量，響大乘嘅唯識宗講，就係我哋嘅“第八阿賴耶識”，至於小乘學者呢，就係話我哋嘅“意識”。

講到“器世間”，“器世間”就係物質世界，係有情所居住嘅地方，因爲有情住響器世間之中，好似物件置於器皿之中，所以就叫做“器世間”嘞。

有情嘅種類，寄於精神狀態去分爲三界，一共有二十八重天，所以，所居住嘅地方亦都分爲三界，種種嘅不同，但係由於無色界係冇物質處所，響空間裏便係冇地位，所以嚴格嚟講，物質世界係只有兩界嘅啫。

欲界，根據《阿毗達磨俱舍論》嘅《分別世間品》所講，“欲界”可以依五趣分爲二十個區域，邊二十個區域呢？就係天處六個區域，所謂“四天王天”“忉利天”（亦都叫做“三十三天”）、“夜摩天”“兜率天”“化樂天”“他化自在天”，一共有六個天。人處有四處，就係“東勝神洲”“南瞻部洲”“西牛貨洲”同埋“北俱盧洲”。旁生就係一處，鬼係一處，地獄一共有八處，係“等活地獄”“黑繩地獄”“衆合地獄”“號叫地獄”“大號叫地獄”“炎熱地獄”“極熱地獄”或者叫做“大熱地獄”，最後就係人人共知的“無間地獄”。

講到“色界”，根據《阿毗達磨俱舍論·分別世間品》所載，“色界”可以分爲十七度地方，其實正統嘅有部學者只係講十六處，啫係“初禪天”之中只有兩處，“大梵天”係居住於“梵輔天”之中嘅高樓閣處，唔會另立一處，但係經部學者呢，喺“色界”立十八天，除咗“初禪天”並立“大梵天”之外呢，咁第四禪嘅“廣果天”外亦都立“無想天”作爲無想有情嘅居處。

“色界”一共有十七處，初禪三處，就係“梵衆天”“梵輔天”同埋“大梵天”。咁呢個“梵”字呢，其實都可以讀“梵”嘅，有啲人就叫做“大梵天”嘞。二禪有三處，“少光天”“無量光天”“光音天”，“光音天”亦都叫做“極光淨天”，啫係人類最初生喺地球嘅來源。三禪有三處，“少淨天”“無量淨天”“遍淨天”。四禪有八處，“無雲天”“福生天”“廣果天”“無煩天”“無熱天”“善現天”“善見天”“色究竟天”。

講到“無色界”，“無色界”雖然冇方所可以區分，但係，由於有情精神修養嘅唔同，受生嘅時候所受用嘅定境亦都自然唔同啦。因此仍然可分做四處，所謂“四空天”嘞，係三界裏面最高嘅境界嘞。第一“空無邊處天”，“識無邊處天”“無所有處天”同埋最後亦都係三界最高嘅“非想非非想處天”。

響阿毗達磨論師所講嘅小世界，係以須彌山爲中心，另外加九山八海，日月各一個，組合而成嘅世界，就相當於我哋現代天文學所講嘅“太陽系”非常之相似。而一個器世界嘅形成，最初係依止於虛空之中，喺空中生起風輪，響風輪之上再生水輪，響水輪之上再生金輪，到咗金輪形成，大地就開始形成嘞。咁樣嘅說法，其實都好似而家天文學所講嘅星球形成嘅過程，虛空之中生風輪，猶如旋渦型嘅氣體嘅形成，水輪就近似旋渦型嘅液體運動，金輪就可以視爲液體凝固成固體嘅狀態。合上述所講嘅小世界一千個就係所謂一個嘅小千世界，而合一千個嘅小千世界呢，即就成爲一個中千世界嘞，而一千個中千世界呢，加埋呢，就成爲一個大千世界嘞。咁樣，呢一個大千世界就係一千嘅立方，三次方嘅小世界所組成，所以又叫做“三千大千世界”。

阿毗達磨論師以大千世界作爲一個宇宙，而佛教認爲整個宇宙之中有無量三千大千世界，即係天文學所認爲嘅大宇宙之中有無數嘅小宇宙。

講到宇宙，自然就不離“劫數”啦。所謂“劫數”，唔係一般人所講嘅遇到咩災害、咩災劫，其實“劫數”嘅意思係梵語“劫波”kalpa嘅音譯，簡稱爲“劫”，其實全稱應該係“劫波”。佛教認爲諸行無常，所以有情嘅個體有種種輪迴嘅現象，物質世界呢，亦都不斷嘅變化生滅，呢個就係“劫波”嘅講法。就頭先所講“器世間”嚟講，佛教以四期去作爲物質世界嘅成立、存在、破壞、毀滅嘅區劃，所謂嘅“成劫”“住劫”“壞劫”同埋“空劫”嘞，合呢四種“劫”就叫做一個“大劫”。而從悠久嘅立場嚟講呢，世界始終係不絕往復循環嘅。就有情世間嚟講，一般嘅說法由人類平均壽命八萬四千歲開始，每一百年減一歲，減到十歲，再反過嚟，由人類平均嘅壽命十歲開始，每一百年加一歲呢，增加到八萬四千歲，咁樣嘅一增一減各自成爲一個小劫，中劫就係合呢一增一減嘅二小劫而形成，而，而“成、住、壞、空”四劫呢，就係各合二十個小劫，啫係八十個小劫而成嘞，所以，一個大劫啫係等於八十個小劫嘞。

講到“華藏世界”，“華藏世界”就係報身佛所居嘅報土嘅通稱，亦都叫做“諸佛剎土”。“報土”係諸佛經無量劫嘅修行，積集無量功德，酬因本願，佢嘅淨識轉化而成嘅清淨國土。譬如東方嘅阿閦佛土，西方嘅極樂國土，上方嘅衆香佛土，呢啲都係諸佛嘅清淨國土。“華藏世界”得名嘅由來，其實係根據《大方廣佛華嚴經》之中所講，香水海之中生起大蓮花，而蓮花之中又包藏咗微塵數嘅世界，所以就叫做“華藏世界海”。而喺十方世界有無量嘅諸佛，所以“華藏世界”亦都有無量。所謂嘅香水海之中嘅大蓮花呢，其實係譬如真如法界，蓮花係出污泥而不染嘅，亦都係譬喻真如雖然遍世間，而不爲世間所污染。“華藏世界”嘅報土，係大乘嘅不共淨土，只有證道之後嘅聖者，即係所謂地上嘅菩薩，先可以往生，同五乘共土嘅變化土呢，係唔同嘅，譬如彌勒菩薩嘅兜率內院呢，就唔係報土嘞。呢一點，響慢慢講到大涅槃同埋大菩提之中，談及淨土嘅時候就會慢慢再講。

今日佛教修行人同埋學人響探討佛教嘅世界觀時候，應該有以下嘅認識嘅：

第一點，佛陀說法嘅目的係轉迷成悟，爲咗說法嘅便利，當然涉及世界觀嘅問題啦，就採用印度當時流行嘅思想同常識加以改造。後代嘅阿毗達磨論師雖然較爲注重世界觀嘅問題，但係立說嘅基礎，仍然唔脫離當時世間共許嘅學說。因爲佢哋係專門研究天文學嘅學者，假使另闢一套天文學說，首先響實際上唔見得有呢個需要，其次，響論理學上容易犯上世間相違嘅過失，反而成爲說法上嘅累贅添。

第二點要注意嘅，就係佛法響世界觀之中，尤其關於“器世間”嘅部分，有啲響現代嚟講，只係存響歷史上嘅價值，可能係未必合乎現代嘅天文學、地理學等等嘅科學知識，但係我哋要知道佛家嘅本旨既非探究呢啲自然科學嘅論題，所以學習嘅人，自然亦都唔適宜太過固執舊有嘅世界觀同現代嘅科學知識嘅相同或者相矛盾嘅地方，況且爲咗說法上嘅便利，對於一般天文學、地理上嘅問題，亦都不妨援引現代嘅科學知識作爲例證亦都係非常好，咁樣做都可以合乎當初佛陀說法度生嘅本懷。

第三點要注意，佛教嘅世界觀係奠基於佢人生觀之上，原始佛教嘅思想，可以話係極重論理意識，係有由善惡嘅心態同埋行爲而開展出各種世界，譬如六趣分類就係嘞，同時亦都又極重視精神嘅修養，譬如三界嘅分類就係嘞。由此可知呢，佛教嘅世界觀，尤其係有情世間呢一部分，係極富倫理道德嘅意義。

第四點我哋更加要知道，“華藏世界”嘅觀念係大乘佛教特有嘅思想，這個觀念本身係極具大乘佛法嘅普濟精神，將個人嘅身心淨化嘅理想擴展至整個社會嘅淨化，而充分表現出大乘菩薩不捨衆生嘅崇高理想，而呢一種境界嘅證驗，係必須透過戒定慧三無漏學嘅不斷實踐先能夠獲得，並唔係能夠單憑學理上嘅探索或者一般世俗經驗可以得到嘅。

各位師兄，如果對以上呢一部分有興趣，可以進修以下所介紹嘅書目：第一就係《阿毗達磨俱舍論·分別世間品》第三，係世親菩薩造，玄奘法師所譯；第二就係《佛經選要》第二篇嘅《有情與世界》，係羅時憲先生主編嘅；第三係《小乘佛教思想論》第三篇嘅《世界觀》，係日本學者木村泰賢所著，演培法師所翻譯；第四係印順論師所講嘅《佛法概論》。

跟住落嚟我哋講到佛法嘅“無我論”。“我”係梵語“atman”嘅意譯，具有“常”“一”“主宰”嘅含義。“常”就係永恆不變嘅意思啦，“一”就係絕對獨立自存嘅意思，“主宰”就係自在支配嘅意義。所以“我”就係唔須要依賴其他嘅條件即係衆緣而獨立自存，永恆不變嘅個體或者實體、主體。

而“無我”呢，梵語“anatman”，巴厘文“anatta”，意思係世間冇唔須要依賴衆緣而能夠獨立存在，永恆不變嘅個體或者實體。“我”嘅觀念係古代印度大多數宗教學派所共同承認，而“無我”嘅觀念呢，就係佛教所獨有嘅思想。佛家認爲世間一切存在嘅事事物物，即係現象，都唔係唔需要憑藉各種條件、因素而能夠獨立存在、永恆不變嘅個體，甚至宇宙嘅本體亦都唔能夠以個體去視之。關於宇宙嘅本體，即係所謂“無爲法”嘅“無我”意義，喺慢慢以後講到“真理認知嘅標準”之中就會講到，現在所講就係講到現象界“無我”嘅問題，所以佛家有“諸法無我”嘅說法，而“空”“無自性”等等觀念呢，亦都具備係同一嘅意思。

“無我”嘅思想係佛家嘅根本要義，原始佛教嘅“三法印”、大乘佛教嘅“一實相印”都係以“無我”觀念作爲主體嘅，所以，梁啓超先生認爲佛家嘅三藏十二部都可以以“無我我所”四個字去概括，甚至更簡單去講，可以以“無我”呢一個名詞代表佢嘅思想中心。

如果由宗教嘅觀念嚟睇，“無我”思想嘅強調，亦都係佛教同其他宗教唔同嘅地方，所以響佛家思想嘅發展史之中，從無出現“宇宙主宰”“靈魂”等等嘅觀念，縱然稍有呢一種傾向，亦都係各派所唔接受，由此可見“無我”思想響佛家係具有根本唔可以動搖嘅地位。至於佛教嘅部派之中犢子部呢，就有“勝義我”嘅觀念嘞，呢點就要提一提嘅。

印度傳統嘅哲學思想都有“實我”嘅觀念，譬如響傳統嘅《奧義書》之中，已經講到人嘅“自我”或者“我”經過不斷嘅轉化，最後歸沒響宇宙嘅絕對本質“梵”。咁樣發展到後嚟，成爲婆羅門教“梵我一如”嘅思想，婆羅門教認爲人嘅“神我”經過多生嘅修行呢，可以完全淨化，最後同梵天合一，而“實我”嘅觀念亦都一直支配住古印度嘅思想界。直至佛教興起嘅時代，除咗佛教同埋主張唯物思想嘅順世派之外，其他嘅思想教派大體上都係有執住“實我”嘅觀念存在。佛陀透過智慧嘅實觀，了解宇宙人生嘅真相，發現當時思想界嘅偏差，所以世尊佢特別提出“無我”嘅觀念去糾正當時人思想上嘅迷執。

佛教興起於正統婆羅門教思想解體嘅時候，而婆羅門教嘅解體，主要係因爲婆羅門教僧侶道德嘅墮落。當日婆羅門僧侶利用自己社會上嘅特殊地位，生活驕奢淫佚，早已招致一般求道者嘅失望。古代印度人嘅人生理想呢，係在於尋求解脫，而解脫嘅所以可能，係奠基於善惡因果嘅觀念，如果沒有因嘅法則，咁修行亦都係冇意思嘞。當時大部分嘅婆羅門僧侶呢，響道德之上既不足以服衆，而奢言可以透過咒術同埋祭祀使到人獲福，實在難以令人相信，婆羅門嘅思想地位由此就開始日漸衰落。

佛教當時提出“無我”嘅觀念，主要係由“去我執”嘅角度解說，佢嘅主要意思係唔係讓自我意識擴張，具有道德行爲實踐上嘅意義。佛教強調“無我我所”，主要目的就係排除世人自私嘅觀念，所以佛家認爲人生最高境界嘅成就係必須揚棄一切貪欲、我執，啫係所謂無明煩惱，先能夠達至嘅。此後呢，呢一種觀念一直應用響佛家大小乘嘅思想同埋實踐之上，直至今日呢，仍然具有重大嘅社會價值。

佛家“無我”嘅思想，最初響小乘部派之中嘅上座部已經談論到“法無我”嘅問題，但係一般嚟講，對於“法空”嘅解釋，小乘學者都好拘泥傳統嘅見解，特別就係有部，佢哋唔承認萬法皆空，最多只係承認“人無我”，即係所謂“人空法有”。上座部雖然主張“法無我”，但係亦都只係用分析法得出嚟，咁樣嘅理解“空”其實係唔徹底嘅，而且更有趨向斷滅嘅傾向，譬如佢哋認爲響滅盡定同埋無余涅槃嘅狀態之中，“五蘊”亦都係唔存在，令人產生灰身滅智嘅誤解。

及至大乘之中嘅中觀學派興起，特別重視破法體，強調一切現象，啫係“有爲法”都係各種因緣合同而生，所以一切法係無實嘅自性，一切法都係幻有。中觀學派對於法性嘅理解，一方面係要了解諸法嘅無自性，即係“空”啦，一方面亦要了解假名施設、因緣和合嘅現象存在，即係“假有”嘞，咁樣既唔執著實有，亦都唔會墮於虛無。大乘嘅有宗瑜伽行派呢，響龍樹菩薩性空學說嘅基礎之上建立起嚟，除咗補救空宗末流傾向虛無主義嘅弊端之外，更加著重提出衆生係必須通達“人法二無我”，然後先可以徹底斷除煩惱同埋所知二障，獲得圓滿嘅解脫。響呢度嘅“法無我”係包括咗“人無我”，“二無我”嘅思想亦都係“空”思想嘅由來。

所以“無我”同“空”，可以話係大小乘由於理解方式同認識程度嘅唔同，所以產生用語上嘅差別。因爲小乘吖，對於本體問題呢，係較少接觸，但係大乘空義呢，就對宇宙嘅實相涉及就比較多，咁樣可以話係認識深度嘅分別，而唔係思想上根本嘅差異，所以響《大智度論》亦都講過：“若了了說，則言一切諸法空；若方便說，則言無我。”

原始佛教以“五蘊和合”嘅說法去講明“人無我”，所謂“五蘊”就係佛家將有情嘅個體分析爲五聚，“蘊”就係積聚嘅意思，有情喺呢一度和合嘅假體之上執爲“實我”，所以佛家以“五蘊”嘅講法去對治呢一種迷執。“五蘊”就係“色、受、想、行、識”，最後呢個“識”係“意識”個“識”，以現代嘅觀點嚟講，就係精神同物質嘅和合體，但係由於佛家特別重視心理活動同精神狀態對人生嘅影響，所以“五蘊”之中，除咗“色蘊”（呢個係“顏色”個“色”，係指物質身體部分）之外呢，其餘四蘊都係指精神嘅部分，根據《大乘五蘊論》《大乘廣五蘊論》《百法明門論》等等所載，“色蘊”（“顏色”個“色”）呢個蘊，除咗包括“五根”“五境”之外，亦都包括“無表色”，但係“無表色”嘅觀念，本嚟係小乘部派之中“說一切有部”學者爲咗解釋業果輪迴嘅觀念而建立，呢一種說法本身有佢嘅缺點，發展到後嚟被大乘法相唯識一系所建立嘅“業種子說”所取代，所以“無表色”嘅觀念只係有思想上嘅價值，已經失去咗實際嘅意義。另外後嚟嘅唯識家所建立嘅“法處所攝色”嘅觀念，一方面嚟取代“無表色”，同時亦都包括意識所認識嘅物理現象，含義係好廣，喺呢度係冇時間再講嘞。

站喺佛教嘅立場，“人”“我”只係一個假體，響時間上係一個相續體，響空間上呢，係一個和合體，根本上係並無“實我”可得。原始佛教嘅解說重點係喺人生現象之上，以解決人生苦惱爲主旨，當時思想界普遍觀念既以人嘅假體爲“實我”，所以佛家以“五蘊”嘅分析去破除呢種迷執。

到咗部派佛教嘅時期，義理嘅範圍就更加擴大，將“五蘊”嘅分析擴展到宇宙現象方面，於是有“三科”嘅建立，“三科”就係“五蘊”“十二處”同“十八界”。“三科”嘅建立響對治有情嘅迷執係有佢價值，佛家雖然有明顯以“五蘊和合”嘅說法去闡明“人無我”，但係部分有情就進一步執“識蘊”係“我”（呢個“識”係“意識”個“識”）。所以佛家亦都進一步以“十二處”嘅講法去指出呢種迷執嘅唔啱。“十二處”就係“六根”同埋“六境”，“六根”就係“眼、耳、鼻、舌、身、意”，“六根”，“六境”就係“色、聲、香、味、觸、法”，“六境”亦都叫做“六塵”。響呢一度，“根”係近似現代生理學上所講嘅“感覺器官”，亦都係有人以爲應該指“神經組織”更爲恰當嘅。“境”就係感官所認知嘅對象，“處”就係“識”嘅生長門，即係一切精神認知能力所憑藉而能夠產生嘅地方。所以“十二處”嘅分析，正好說明“識”係藉住感官同對象互相依存而生起，凡係因緣和合而生嘅事物都唔係“實我”，所以“識”呢個意識呢，亦都唔係“實我”嘞，但係更有部分有情，雖然能夠了解精神認知嘅能力都係憑藉感官“根”認知對象“境”先能夠生起作用，就好容易墮入唯物無心嘅偏執，誤以爲係冇“根”“境”就冇“識”嘞，其實唔知道“根”“境”“識”各有能生嘅自因，即係“種子”，故此佛家更進一步以十八界嘅解講，去指出宇宙之間一切精神同物質現象各有自因，而並非唯物無心，亦都唔係一因所生嘅。

“十八界”即係頭先所講嘅“六根”“六境”，再加埋“六識”啦。喺呢度，“界”即係“因”嘅意義，亦都係“種子”嘅意義，“十八界”嘅解說，闡明一切宇宙現象都係各種精神同物質結合而生，並非單獨一因可生，更唔係唯物無心嘅。由此可知，佛家爲咗顯示有情係冇“實我”，所以提出“五蘊”嘅說法；爲咗顯示孤因不生必須待緣而起，破執“執識爲實我”嘅誤解，所以提出“十二處”嘅說法；又爲咗顯示一切現象並非只係憑藉緣而起，必須有佢嘅自因，因緣和合先能夠產生一切宇宙現象，並非唯物無心，亦都唔係造物者所創，所以就提出“十八界”嘅說法。

佛家認爲現象界嘅一切事物（即係諸法）都係互相待緣而生嘅，憑藉各種主要同次要嘅因素條件（即係衆緣啦）而存在，形成事物嘅衆緣轉變嘅時候，事物本身亦都隨之而轉變，形成事物嘅衆緣壞滅嘅時候呢，事物本身亦都隨之壞滅，現象界嘅一切事物，既然係衆緣構成，事物本身亦都係衆緣之一，由此互相關連，互爲因緣，就構成宇宙人生嘅無限大網嘞。

由於諸法必須待衆緣而產生存在，所以現象界一切事物都唔係絕對獨立自存，所以就係“非一”；由於諸法隨著衆緣不斷形成、轉變、壞滅，所以就係“非常”，即係唔會唔變啦，既然係非絕對獨立自存，亦都非永恆不變，所以一切現象係冇實嘅自體，所以佛家講“諸法無我”“無自性”“空”，呢個就係《中論》所講嘅“因緣所生法，我說即是空”嘞，亦即係《十二門論》所講嘅“因緣所生法，是即無自性”。

佛家將一切現象歸結爲衆緣所成，而依據《中論·觀因緣品》，將各種緣歸納爲四類，名爲“四緣”。

第一就係我哋平時講嘅“因緣”，即係主因，凡係具有能夠產生某類事物，果嘅作用、功能，都係因緣嘞。

第二“等無間緣”，舊時嘅譯法就叫做“次第緣”，心念生起嘅過程係前念引生後念，後念引生後後念，各種心念都具備引生後念嘅作用，而心念嘅生起連續不斷，所以話係等無間緣。

第三種呢，就係“所緣緣”，舊譯呢就叫做“緣緣”，即係心識所攀緣接觸嘅對象，包括概念同埋外在嘅事物啦。

第四種就係“增上緣”嘞，亦都係我哋時時所講嘅，亦都係叫做“助緣”，凡係一種事物具備附助影響其他事物嘅功能，導致佢產生成果，就係“增上緣”。

以上四種緣，心識產生作用嘅時候必須四緣具備，但係物質現象嘅形成呢，就只需“因緣”同埋“增上緣”就可以㗎嘞。（註：接下文）


145.千波萬浪盡朝宗（三）


（註：接上文）

“無我”嘅思想，既係佛家思想嘅一大特色，而今日研究佛家嘅“無我觀”，我哋應該有下便嘅認識：

第一點呢，就係“無我”思想並非係虛無主義。佛家“無我”思想嘅形成，係有佢對治作用嘅，響思想上，佢對治迷執“實我”嘅偏差；響道德上，佢足以對治自我意識嘅擴張。但係佛家所講嘅“無我”，所講嘅“空”，並唔係否定一切現象嘅存在，亦都唔係否定人生嘅價值，佛家所破斥嘅“我”呢，只係破斥世人時常所執著嘅“常”同埋“一”嘅實體，而並非否定行爲嘅主體，所以佛家並唔係否定五蘊和合嘅假體存在，只有咁，修行先係有意義，菩薩嘅行願實踐先會有對象。由此可知呢，佛家“無我”嘅思想非但唔係虛無主義，反而係正視人生現實去糾正人生偏差嘅思想。

第二點，我哋要知道嘅係“無我”思想嘅實踐意義嘞。基於“無我”觀念響道德上同埋思想上嘅價值，由原始佛教開始以至後嚟嘅大乘佛教都廣泛應用“無我”觀念響修行嘅實踐上，譬如原始佛教嘅四念住之中嘅法念住——“觀法無我”，以至大乘佛教嘅“空觀”，都係應用“無我”思想響實修之上嘅。由此可知，佛家並唔係空談理論，而係最能夠將理論同實踐結合嘅思想體系。不過，我哋縱然能夠明了“無我”嘅觀念，但係唔能夠一下子徹底拔除根本上“我”呢個執著，意思就係所謂俱生嘅“我執”，只有憑藉不斷嘅熏修去對治嘞。大乘佛教不獨以觀行去對治呢種根本上嘅執著，更加從行爲實踐上講求自利利他、自度度他，以求逐步去泯除自我中心嘅執著，而透過戒定慧三學嘅不斷熏修，培養超越純粹嘅般若智慧，徹底去消除“人我”“法我”嘅種種執著。

第三點，無我思想嘅應世價值。部分人類學家呢，同埋心理學家都認爲，人類心理之上存在住兩種根深蒂固嘅觀念，就係“自衛self-protection”同“自存self-preservation”。爲咗自衛，創造宇宙嘅主宰，藉以獲得心靈上嘅保護；爲咗自存，堅執實我，以滿足自我能夠恆古長存嘅慾望。由於人類對實在自我嘅執著，“我”同“我所”嘅觀念擴張，世間嘅一切煩惱吖、紛擾、邪惡、不善都由此而興起嘞。佛家“無我”觀念嘅提出響人生哲學之上其實係具有積極嘅制治作用，喺呢度反省呢，就可以逐步糾正人類心理之上嘅根本偏差，對於匡扶人心，建立社會倫理道德係具有積極嘅應世價值，而佛家大乘菩薩行願所講求嘅“無緣大慈”“同體大悲”，都係基於對“無我”觀念嘅透徹了解所產生嘅平等觀念而發揮嘅。

如果各位師兄想對“無我”作深入或者進一步嘅了解，可以參考以下介紹嘅書目：第一係《中論·觀因緣品》嘅第一，龍樹菩薩所造，鳩摩羅什法師所譯；第二係《大乘五蘊論》，世親菩薩所造，玄奘法師所譯；第三係《成唯識論述記刪注》第一冊，羅時憲居士刪注嘅；第四種係《印度佛學源流略講》，呂澄居士所著。

跟住落嚟，我哋同大家講下真理認知嘅標準。佛教經典浩瀚，而且流傳久遠，結集當然需要好長嘅時間啦，後代由於傳承唔同，對於結集嘅論說都有分歧，博雜繁複嘅佛理又經過長期嘅演進、唔同區域嘅流佈，假使係冇準繩去俾學者作爲辨偽證真嘅依據，咁佢嘅思想經過悠久嘅歷史、文化嘅衝擊，係好難保存周密圓融，同埋呢，使到上智下愚去心悅誠服嘅。

佛教對真理嘅探知，都係以“三量”爲依據嘅，而一切佛法嘅根源，都係佛陀智海所流出，所以“聖教量”係一切佛弟子所共遵嘅言教，但係經過久遠嘅流傳，佛教嘅典籍之中或者存有並非出自佛陀嘅論說，或者唔合乎佛教基本原則嘅思想，所以佛教衡量“聖教量”嘅標準呢，並非單純以考證學嘅角度去衡量，而係以“以理爲宗”。換言之，凡係合乎正理嘅，唔須要一定係出自佛說，亦都同佛法無二，反過來講，如果違反正理，縱使係假託佛說，亦都無從混淆視聽，而呢個衡量“聖教量”嘅正理，即係所講嘅“三法印”或者係“一實相印”嘞。“法印”呢，本身亦都係根據“現量”“比量”嘅審度、歸納而建立嘅，所以呢，凡係合乎呢啲“法印”，啫基本原則嘅都算係佛法，相反呢，就唔係佛法嘞。

學佛並唔係單從義理上嘅尋求，而更加重視人生實踐上嘅貫徹，咁樣講呢，就會牽涉到學佛必須有正確態度嘅問題，咁樣同佛家嘅義理必須就有準繩係同樣重要嘅。而學佛嘅正確態度呢，冇過於“四依”同“四不依”，響義理嘅尋求上能夠有所依據，喺實踐佛法上亦都具備明確嘅態度，咁樣就唔會產生籠統嘅弊病，亦都能夠收到事半功倍嘅效果。

頭先講到“三量”，咁何爲“三量”呢？其實佛家以“三量”呢，係作爲認知真理嘅依據。“量”呢，就係“量度”嘅意思，“三量”即係量度、認知一切事理嘅三種方法或者依據。“三量”分別就係“現量”啦、“比量”啦，同埋“聖教量”。

首先我哋講下“現量”。“現量”就係離開各種概念，各種概念意思就係我哋去分別計度嘅心，對事理本身呢，而作出直接嘅把捉，簡言之呢，“現量”就係對事理直接嘅觀察同體會嘞。“現量”呢，其實可以分開四種，第一種就係響定中嘅“現量”，即是意思話響禪定之中，我哋嘅心意極度集中時候嘅“現量”；第二種係散心嘅“現量”，意思話就係響一般嘅情形之下，我哋嘅心意唔係極度集中時候嘅“現量”；第三種所謂清淨嘅“現量”嘞，就係證道聖者嘅“現量”嘞；第四種世間“現量”，就係世間凡夫嘅“現量”。

跟住我哋講到“比量”。“比量”嘅原意係以共同成形嘅“因”（啫“因由”）同埋“喻”（即係“例證”）證成未經認知嘅事理，引申嚟講，凡係以已知嘅事理去推度未知或者未被承認嘅事理呢，都可以話係叫做“比量”嘅。由此可知道，佛家不但重視對事理本身嘅觀察、體驗，亦都極爲重視對事理邏輯性嘅推演，而且無論係“現量”或者“比量”呢，都係唔含有主觀偏差嘅理性認知，所以佛教可以話係極重理性思想嘅體系。

第三種，我哋講到“聖教量”。何謂“聖教量”呢？“聖教量”呢，亦都叫做“聖言量”“正教量”“至教量”。凡係以聖言所講嘅言教作爲量度同埋認知事理嘅依據，都可以稱爲“聖教量”，就佛教嚟講，聖言就係指佛陀或者佢嘅聖弟子，比如羅漢啦，或者證道咗嘅菩薩，隨順佛說嘅言教，廣義嚟講呢，凡係一切經、律、論，凡係唔違背正理嘅，都可以叫做“聖教量”。而鑒別係唔係合乎正理呢，就有賴佛教基本嘅原則，所謂頭先講嘅“法印”嘅建立去認定嘞。

新因明學嘅創立人陳那論師認爲量度、認知一切事理係採用“現、比量”就已經足夠嘞，尤其響“因明”，“因明”其實就係印度所講嘅邏輯學，響“因”嘅應用之上，佢更加唔主張係採用“聖教量”作爲依據，呢個由因明學嘅角度嚟講係合理嘅，但係並非話“聖教量”係冇價值，而係因爲“聖教量”嘅由來亦都自“現量”同埋“比量”嚟，所以攝“聖教量”響“現、比”二量而唔另外去建立一種，使到佛家嘅理論同埋思辨方式更加合乎探究真理嘅精神。

但係如果單從因明學嘅立場嚟睇，以“現量”“比量”兩種去作爲依據固然已經足夠，但係佛法嘅內容呢，除咗明理上嘅思辨之外，其實係更加重視心性嘅修養，而關於修養品德、心性嘅方法，就唔係單純以世俗嘅“現量”“比量”就可以概括㗎喇。我哋更加須要注意到嘅就係話，佛家嘅“聖教量”之中，有涉及到“清淨現量”或者“定中現量”嘅部分，講到呢兩種“量”嘅範圍呢，係遠較因明學上所依據嘅“世間現量”呢，爲廣泛，故此呢，真正學佛而唔係徒以明理思辨爲能事嘅學人，仍然呢，係適宜以“聖教量”去作爲探求嘅根據。不過呢，如果響探索經論之前呢，應該對佛法嘅基本原則同埋精神具備透徹嘅了解，呢個就係對“法印”必須先有認識，先能夠講求深入探討。佛教嘅“聖教量”既然有“法印”審定，自然就合乎正理，既然合乎正理，自然同“現量”“比量”唔會違背，實際上係極合乎探究真理嘅精神。

原始佛教，以三個範疇去印定佛陀嘅教法，就叫做“三法印”，相信大家都聽過嘞。“印”呢，就係“印證”“印可”嘅意思，亦都可以解釋爲“尺度”，可以用嚟衡量一切教法，凡係符合這三個尺度就係真正嘅佛法。“三法印”亦都可以話係佛法嘅三項基本原則，一切佛法嘅內容都唔離開呢三項基本原則，而佛教嘅一切義理同實踐方法都可以話係從呢三項基本原則建立起嚟嘅。原始佛教嘅“三法印”後嚟發展成爲大乘嘅“一實相印”，“三法印”係較爲小乘學者所強調，而“一實相印”呢，就較爲大乘學者所偏重嘞。雖然偏重係有唔同，但係真理係無二嘅，因爲“三法印”都係由不同角度去了解同埋闡明宇宙嘅實相，所以“三法印”本質上呢，即係“一實相印”，兩種只係有廣略嘅唔同，而冇本質上嘅分別。

跟住我哋就講下“三法印”嘅內容。“三法印”嘅概念呢，大小乘嘅經論呢，都曾經講過，譬如《雜阿含經》卷十話：“一切行無常，一切法無我，涅槃寂靜。”《大智度論》卷二十二亦都講過呢：“佛法印有三種：一者，一切有爲法念念生滅皆無常；二者，一切法無我；三者，寂滅涅槃。”

咁“三法印”我哋講第一種“諸行無常印”。“諸行無常印”呢，亦都叫做“一切行無常印”，亦都叫做“一切“有爲法”無常印”，“諸行”亦都意思就係話“一切有爲法”，亦都即係一切由因緣和合造作而成嘅事事物物，就係世間嘅一切現象啦，包括物質現象——色法，同埋精神現象——心法。“諸行無常印”就係話世間一切現象都係生滅無常嘅原理，對於呢種生滅無常現象嘅觀察呢，可以分成“粗相”同埋“細相”去觀察，如果講“粗相”呢，就係一期嘅生滅嘞，一期嘅生滅就比如我哋有情世間嘅生、住、異、滅，器世間所講嘅“成住壞空”啦。如果講到“細相”呢，就係剎那生滅嘞，剎那生滅亦都叫做“念念生滅”，就係話呢，世界一切嘅現象呢，啱啱生就即刻滅，係冇停住嘅。積無數嘅剎那生滅呢，而形成一期嘅生滅，但係一期嘅生滅容易察覺，而剎那嘅生滅呢，就必須細心審察先能夠了解，呢個響對世界原理嘅認識上就應該去咁樣諗，就算響觀行嘅應用之上亦都係一樣，由此可知道世間嘅一切現象都係過去、現在、未來三世不停咁變異生滅，所以就因緣和合而成嘅“有爲法”嚟講，係冇永恆不變，係遷流不住嘅，所以話就係“諸行無常”啦。

第二個“印”就係“諸法無我印”。“諸法無我印”亦都叫做“一切法無我印”，由於宇宙嘅一切現象同埋本體都唔係永恆存在而獨立不變嘅個體，如果有獨立不變個體就稱爲“我”啦，所以諸法就當然係“無我”，世間有情唔能夠了解，對一切事物強執爲“我”，所以佛陀以“無我”嘅方法去解除呢一種迷執。喺呢度呢，“諸法”或者“一切法”係包括“有爲法”，“有爲法”就係宇宙嘅現象啦，同埋“無爲法”，“無爲法”就係宇宙嘅本體嘞。咁前面講到諸行無常印嘅“行”呢，其實係單指現象界嚟講，唔涉及到本體界，而呢度所講嘅“諸法”就係現象界同本體界都包容咗嘅，呢一點要注意。咁“我”呢，就係實體嘅意思，亦都就係永恆不變、絕對獨立嘅個體。就“有爲法”世間現象嘅角度嚟講，佛家唔承認宇宙之間嘅一切現象有永恆不變、絕對獨立嘅實體，所以就講“無我”嘞，對“無我”嘅認識可以由廣、狹兩種唔同嘅角度去分別了解嘅。

咁“無我”呢兩種又係咩嘢呢？就係所講嘅“人無我”同“法無我”嘞，“人無我”就係有情嘅個體生命本應係五蘊和合而成，就假名爲“人”，其實都係冇實體嘅。“法無我”呢，就係一切精神物質嘅現象都係由因緣和合而成，亦都冇實在嘅自體。呢兩種對“無我”嘅認識亦都就係所講嘅“二空”——“人空”同埋“法空”嘅原理。“無我”同埋“空”只係解說技巧上用語嘅唔同，其實本身要表示嘅原理係一樣，所以《大智度論》講過：“若了了說，則言一切諸法空，若方便說，則言無我。”

“有爲法”啫係世間嘅現象啦，固然“無我”，而“無爲法”，宇宙嘅本體呢，亦都係“無我”嘅。“無爲法”係“有爲法”嘅自體，亦都就係一切現象嘅本體、宇宙萬有嘅實體嘞。實體係唔須要憑藉因緣造作而生，本然具備，所以就叫做“無爲”，“無爲法”亦都叫做“真如”“空性”等等唔同嘅名稱。宇宙嘅實體係真實如常嘅存在，所以叫做“真如”啦。宇宙嘅一切現象都係空嘅，“空”就係一切宇宙現象嘅本質，所以就叫做“空性”啦。故此呢，“無爲法”同“有爲法”係有住體用嘅關係，兩者呢，非即亦都非離。

“真如”嘅本體其實係超經驗嘅宇宙實質，絕對嘅理體，而唔係心識概念所可以思惟嘅對象，亦都唔係言語所可以解說嘅事物，唯有憑住超經驗、直覺性嘅智慧即係般若嘅實證嘞，先能夠去體驗，所以唔能夠話係“空”，亦都唔能夠話係“不空”，因爲不論係講“空”或者“不空”呢，都係相對嘅概念，相對嘅概念並唔等於絕對嘅理體，所，所以如果執“真如”係如實物，有“我”嘅存在，亦都係一種法執。“真如”嘅名稱只係爲咗解說上嘅方便而假立嘅概念，相對響世間不真不常嘅“有爲法”而立名嘅，呢個概念嘅本身呢，並非係實物，所以“真如”亦都係冇自性，冇自性，“自性”嘅意思就係實在嘅自體嘞，所以一切“有爲法”“無爲法”都係“無我”嘅。

第三種我哋講到“涅槃寂靜印”。“涅槃寂靜印”亦都叫做“寂滅涅槃印”，一切嘅有情唔了解生死輪迴嘅苦惱，去起惑造業流轉響三界。佛陀爲咗引導一切有情出離苦海，得證寂滅嘅境界，所以佢講“涅槃”嘅道理。“涅槃”係梵語“nirvana”嘅音譯，意思就係“寂滅”，所以“寂滅涅槃”呢，係音義嘅複詞。“寂”係無爲空寂嘅意思，“滅”係指滅生死嘅大患，所以“涅槃”係體證無爲空寂嘅實相，斷滅引致生死流轉嘅煩惱。響經之中時常講到“涅槃”就係貪瞋痴滅、無明滅，呢個就係消極方面嘅含義嚟講。又有講到“涅槃”嘅境界係“不死”啦、“清涼”啦、“最高樂”啦，又講係“一切法之中，涅槃最勝，是善是常，超餘法故”，咁樣講就係積極方面嘅含義嘞。

而“寂滅”呢，就係舊時嘅譯法，亦都譯作“滅”，新譯嘅意思就叫做“圓寂”，“涅槃”亦都有解脫嘅含義，因爲煩惱猶如繫縛，脫離繫縛呢，就係解脫嘞，斷滅煩惱呢，就係“涅槃”，所以《大般涅槃經》講過：“涅槃之體無有住處，直是諸佛斷煩惱處。”《大智度論》卷二十二亦都講：“寂滅者是涅槃，三毒、三衰火滅故，名‘涅槃印’。”

“三法印”係鑒定佛法嘅基本原則，同時亦都係修觀嘅途徑，對於“三法印”嘅理解，可以由“無常印”嘅認識了解“無我印”嘅意義，再從而認知“寂滅印”嘅原理，由淺入深逐層分析，就可以掌握佛法嘅基本原理。咁樣嘅理解過程同時亦都可以作爲修觀嘅次第，所以《大智度論》講過：“一切法無常，則破我所外五欲等；若說無我，破內我法；我、我所破故，是名寂滅涅槃。”（註：根據CBETA，“一切法無常”疑爲“一切作法無常”）由此可以知道佛家嘅義理往往深具實踐意義，理論同埋實踐就能夠互相結合嘞。

總括嚟講，“三法印”之中嘅“諸行無常印”只係說明世間現象——“有爲法”嘅特性，而“涅槃寂靜印”呢，就說明宇宙本體——“無爲法”嘅特性，“諸法無我印”呢，就通乎現象同埋本體，將“三法印”結合響一齊，所以凡係合乎呢三項基本原則就係佛法嘅正義，否則就係唔係佛法嘞。

頭先講到“三法印”亦都有提過“四法印”，而關於“三法印”嘅內容，漢文佛典所記載，大都不外乎上述所講嘅三項，但係如果根據巴利文嘅《增一部》同埋《法句經》嘅記載呢，“三法印”嘅內容呢，就係“一切行無常”“一切行苦”同埋“一切法無我”，同我哋漢譯佛典所記載有少少唔同。而其中“一切行苦”呢一項係指世間嘅一切現象都係遷流不息，所以係“苦”。“苦”呢，其實係梵語音譯嘅意思，“duhkha”，原來呢，含義係好廣泛，包括“唔完美”吔、“唔完善”吖、“無常”等等嘅含義，唔係單係好似我哋漢譯嘅用語所含嘅“苦惱”嘅意思，但係同時唔能夠否認嘅係，呢項“法印”嘅建立就響一定程度之上反映咗聖者呢，對於有情世間嘅價值判斷嘞。

“印”呢，係梵語“laksana”，亦都含有“特質”嘅意義，所以有“法印”“法本”“法本末”或者“相”等等唔同嘅譯名。響大小乘嘅經論之中，亦都有對於“三法印”之外加上“一切行苦”呢一項，而成爲“四法印”嘅，“四法本末”或者“四憂檀那”嘅講法。咁樣呢，譬如《增一阿含經》卷十八，即係“以一切諸行無常”“一切諸行苦”“一切諸行無我”“涅槃永寂”，就合稱“四法本末”；響《菩薩地持經》卷八，亦都以“一切行無常”“一切行苦”“一切法無我”“涅槃寂滅”叫做“四優檀那”。

四法印之中嘅“一切行苦印”呢，亦都叫做“諸受是苦”或者呢，“有漏皆苦”，實際上佢只係諸行無常印嘅含義之一啫。由事理嘅真相嚟講呢，其實我哋講到“三法印”呢，係已經足夠㗎喇，但係由於有“四法印”嘅名稱，所以響以上都要解釋俾各位師兄聽，作爲一個佛學入門嘅了解。

以下落嚟我哋講到“一實相印”嘞。“一實相印”亦都叫做“一法印”，或者叫做“實相印”。“一實相印”即係以佛陀宣說所證諸法實相，就係宇宙嘅本體，最終極嘅真理啦，諸法實相嘅妙理呢，去作爲大乘唯一嘅法印。“一實相印”嘅建立係依據原始佛教嘅“三法印”發展起嚟嘅。佛陀爲一般根性嘅有情說法，大底呢，都係由“無常”吖、“無我”嘅次第去引入“涅槃”，但係對於利根嘅有情，比如迦旃延尊者啦，就直接開顯“中道”——不落空、有兩邊嘞。前者就係“三法印”嘅解說，後者呢，就係“一實相印”嘅開示嘞。

“一實相印”實即就係“三法印”之中嘅“涅槃寂靜印”，不過“三法印”之中嘅“涅槃寂靜印”呢，係相對生死嚟講，諸法實相嘅意義唔係太明顯。大乘呢，就直接闡明諸法實相嘅意義，講明一切法本性空寂，即係“涅槃”。大乘直接由諸法本性之上講明一切法都係“空”，而“空性”無所不遍，因此以“一實相印”呢，去疇範、鑒定一切法嘅特性，所以《妙法蓮華經》卷一《方便品》講過：“無量衆所尊，爲說實相印。”《大智度論》卷二十二講過：“摩訶衍中有一實。”但係呢個“實相印”呢，亦都係響無言說之中強立言說，並非係有一個名爲實相嘅嘢或者概念可以執取。一切大乘嘅思想呢，其實都係爲咗開顯呢個“一實相印”而發展起嚟嘅。

我哋再扼要講“三法印”嘅義理，可以以“無我印”貫通，“無我”就係“空”，所以“三法印”都統一響“空性”，同樣係由唔同角度層次去開顯“空性”，“空性”就係諸法嘅實相，所以“三法印”即係“一實相印”，兩種說法有廣略嘅唔同，本質上又係冇分別。所以《大智度論》卷二十二亦都講：“佛說三種實法印，廣說則四種，略說則一種。”

跟住我哋講到學佛應該有嘅態度。“四依”同“四不依”係學佛應有嘅態度，亦都係修學佛法所可以依據嘅準繩。“四依”嘅說法，我哋可以見響大乘嘅各種經論之中，比如《維摩經》卷下嘅法供養品啦、《大般涅槃經》卷六啦、《瑜伽師地論》嘅卷十一同卷四十五啦、《顯揚聖教論》嘅卷二等等都有解說呢個道理嘅。

所謂依法不依人，“法”就係宇宙人生嘅真理，響學佛嘅人嚟講就係佛法嘅正理啦，“人”係指善知識，包括修道嘅師長同埋朋友，要知道學佛嘅目的係覺性嘅啓發、真理嘅尋求，呢個過程必須透過理性嘅認知，並唔係能夠倚賴盲目嘅信仰、偶像式嘅崇拜去獲得，況且佛法源遠流長，其中或者有傳聞失實、沿襲歪真嘅地方，如果只係憑住偶像式嘅崇拜、情感嘅作用，就無條件加以接受，又或……（註：接下文）


146.千波萬浪盡朝宗（四）


（註：接上文）……“三法印”去辨別，作爲抉擇佛法嘅依據。《瑜伽師地論》卷四十五話：“……以理爲依，不由耆長衆所知識補特伽羅。”（註：此處錄音中斷片刻）《瑜伽師地論》卷四十五講過：“……以理爲依，不由耆長衆所知識補特伽羅，若佛若僧所說法故便即信受。”（註：根據CBETA，“便即信受”疑爲“即便信受”）

第二，我哋講到依義不依語。“義”係指語言文字所想表達嘅真實義理，“語”呢，就係語言文字嘞，咁樣講明，修學佛法嘅人不論閱讀經典抑或從師聞法，必須注意語言文字佢所要表明詮釋嘅實際義理，唔可以單從語言文字嘅表面呢，去望文生義，或者甚至斷章取義去了解佛法。所以《瑜伽師地論》卷四十五講：“謂諸菩薩爲求義故，從他聽法，不爲求世藻飾文辭。”

第三，依“了義經”，不依“不了義經”。“了義經”係指意義明顯嘅經典，“不了義經”呢，就係講文義隱密嘅經典嘞。至於邊種係“了義經”呢？邊種係“不了義經”呢？大乘同小乘乃至於小乘之中嘅唔同部派其實都有唔同嘅講法嘅。但係總括嚟講呢，“了義經”同“不了義經”嘅分類係因爲佛陀對唔同根性嘅有情說法，有啲時候需要曲逗機宜，有啲時候呢，就需要直顯法義，所以呢，有時係權說，有時實說，或者有時說真，有時說俗，故此有咗“了義教”同“不了義教”嘅分別。但係學習佛法，無論“自行”同埋“化他”呢，都應該依循義理明顯嘅“了義”經教，而唔應該以“不了義”嘅經教爲最終嘅依歸嘅。

第四點，就係依智不依識嘞。嚴格嚟講，“智”係指內證真理嘅清淨智慧，“識”呢，係講由聽聞吖，閱讀、思惟而積累嘅世俗經驗同知識，前者係超越世俗經驗同執著嘅觀慧，後者呢，就係未離迷執、妄情嘅認知。學佛必須追求正智去衡量事理，唔應該倚賴虛妄嘅情識去認知，亦都唔可以以聽聞嘅有限知識而滿足，應該去力求真實智慧嘅培養、覺性嘅顯發，藉以去伏斷我哋嘅煩惱，淨化心智去洞悉真理嘅。

所謂“慎厥終，惟其始”，學佛嘅人最初探求佛法嘅時候，應該對佛家嘅義理標準呢，具備明確嘅認識，尤其要注意下便所講嘅幾點：

第一點就係“三量”，“三量”係佛家認知一切事理嘅依據，而從陳那論師只係取“現、比”二量嘅主張之上，可以知道佛家係幾重視客觀求真嘅精神。但係，近代嘅人歐陽竟無先生呢，就響“三量”之中抉擇出“聖言量”，呢個亦都證明佛法本旨係極重視人生實踐上嘅證驗，並非徒恃明理思辨爲能事。而事實上對真理探求嘅入門方便，亦都唔係單憑一般世俗經驗嘅認知就足夠，因爲同係面對世間嘅事實，唔同嘅思想體系就能夠引生唔同嘅結論，建立對人生唔同嘅態度，響呢度“聖言量”就產生咗決定性嘅導引作用嘞。

總之呢，探求佛法嘅人應該以“聖言量”作爲入門嘅方便，但係仍然須要以唔好違背“現、比”二量作爲基礎，否則容易流於迷信、獨斷嘞。而佛家最高嘅理想係清淨智慧嘅啓發，具備洞燭一切事理嘅般若智慧，自然能夠融通“三量”，慧解無礙，呢個時候聖者所認知嘅“現、比”二量就係“聖言量”嘞，所作嘅“聖言量”亦都必會處處呢，吻合“現、比”二量嘅。

此外呢，我哋亦都要注意嘅就係話，同係“聖言量”亦都會基於設教時機嘅唔同而有差別嘅喎，同時呢，基於語言運用嘅層次同埋對治嘅方便，亦都使到“聖言量”對唔同嘅對象產生唔同嘅成效，咁所以三論宗呢，有“三重二諦”啦、唯識宗有“四重二諦”嘅建立。故此，我哋學佛嘅人響研究去讀佛經嘅時候呢，或者領受唔同嘅宗風嘅教法，就唔應該呢，淨係局限響表面嘅文字或者導引嘅方式，而應該以探求語言文字佢想表達嘅義理爲依據嘅。

第二點，“三法印”係鑒定“聖言量”嘅基本原則，同時亦都係透過“現量”同“比量”所可以建立嘅原理，我哋可以知道，佛家義理嘅基礎係“三量”融通，以呢三項基本原則去衡量一切佛法自然就最穩當不過㗎喇。而一切大小乘嘅教法或者因爲設教對象嘅唔同，時、地、背景嘅唔同，但係基礎仍然都係“三法印”，故此，能夠明確去理解“三法印”即係掌握深入佛家智慧嘅鍵鑰，而由此呢，亦都可以認識到佛家思想脈路相連、條理貫徹周密嘅體系嘞。

由“三法印”嘅建立到“一實相印”嘅提出，自然有思想史上發展嘅脈絡可尋，但係並唔能夠將呢個問題去睇作思想本質上嘅唔同，只係可以話係大小乘學者義理上重點嘅唔同，認識嘅程序、深度乃至語言上嘅運用稍爲有差別。因爲“三法印”可以“無我”嘅思想貫通，“無我”就係“空”嘞，而“一實相印”呢，不外係以“空義”去作爲依據，所以“三法印”同“一實相印”只係廣略、開合嘅唔同，而冇根本上嘅差異，呢點真係好重要，要注意。事實上，響初學佛嘅人嚟講，由“三法印”以認識佛法嘅原理更加能夠修循序漸進、由淺入深嘅效果，而以呢一種嘅觀念作爲觀行上嘅修習方便，更加能夠將理論吖，同實踐結合一致，就能夠真正貫徹對佛法嘅體認嘞。

第三點呢，我哋講到對佛理嘅研求嘞。一般嚟講必須要循序漸進，千祈唔好跳級，但係學習嘅先決條件呢，就係要具備正確嘅態度，對佛法嘅基本精神呢，同原則能明確認知，咁樣先能夠收到事半功倍嘅效果㗎，唔同……（註：此處錄音中斷）

各位師兄如果想對以上所講嘅作進一步深入嘅研究，可以參考《瑜伽師地論》卷十五、卷四十五，《瑜伽師地論》係彌勒菩薩所造，玄奘法師所譯；《大智度論》卷二十二，龍樹菩薩所造，鳩摩羅什所譯；《唯識抉擇談》係歐陽竟無居士所作嘅；《佛法概論》係印順導師所作嘅。

接下嚟，我哋講到佛教嘅業果論。佛家嘅根本思想同學佛嘅目標就係著眼響生死煩惱嘅解脫、菩提涅槃嘅證得，如果想尋求解脫生死苦惱之道，就必須首先明了輪迴現象嘅存在，而佛家嘅業果論就足以去闡明作業感果嘅輪迴現象，成爲佛教嘅一大特色。咁響探究業果輪迴觀念之前呢，我哋首先必須呢，對以下所講嘅名詞呢，有一啲了解先得。

我哋所講第一，要講一講“輪迴”嘅定義嘞。“輪迴”，響嗰個梵語嘅讀音就係“samsara”，“samsara”嘅意思呢，意思就係生死輪迴。有情由於貪瞋痴等等根本嘅煩惱繫縛呢，做種種同埋煩惱連結嘅行爲，即係所講嘅“有漏業”，由於種種惑業嘅牽引，響三界六道之中生死流轉無有了期，好似車輪嘅轉動周而復始，往來於六道冇停嘅，唔能夠解脫，所以就叫做“輪迴”。由於“輪迴”嘅現象係基於有情造業感果，流轉不息，所以亦都叫做“業果輪迴”，亦都叫做“業感流轉”。

“流轉”梵語“pravritti”，係“輪迴”嘅別稱，有輾轉遷流嘅意思，意思就係話有情生死相續不斷。而“流轉”嘅現象呢，細分亦都可以分爲兩類嘅，第一係“剎那輾轉流轉”，指一切現象（有爲法）剎那生滅，因果相續，有情嘅生命亦都唔例外，所以有話人命就響呼吸之間嘞。第二係生身輾轉流轉嘞，啫講有情一期嘅生命接住一期嘅生命相續咁生滅轉變。“業”就係梵語“karma”，具有“造作”嘅意思，亦都叫做呢，“應作業力”，相當於我哋現代說話所謂“行爲嘅力量”，就“業”嘅類別嚟講可以分爲“身業”“語業”同“意業”；就“業”響倫理上嘅價值嚟講，可以分爲“善業”“惡業”啦，同“無記業”；就聖凡唔同嚟講，亦都可以分爲“有漏業”同“無漏業”兩種。

世間一切有情都係由於自身所作行爲嘅“因”，感受由呢啲行爲所引生嘅“果”，呢啲行爲嘅結果由於係唔同時間而成熟，即係相對“因”嚟講嘅，係異類而熟，因爲“因”有善惡之分，“果”呢，自然就無記性㗎喇，係變異而熟嘅，即係話由造業“因”到感受“果報”，響形態上就已經有轉變嘞，故此呢，就叫做“異熟果”。而生死輪迴嘅成因就係由於有情嘅迷執，造作種種有漏業做爲“因”，就感召異熟嘅“果報”，流轉六道，感受各種苦樂。至於有情依報世界嘅淨穢吔，亦都係有情相似嘅業因、共業所感而成，所以佛家輪迴嘅觀念即係業果流轉嘅原理。

佛家思想響印度興起嘅同期，除咗少數嘅唯物論者之外，其他嘅宗教吖，哲學嘅派別都有肯定三世因果同生死輪迴講法嘅同一特徵，而自釋迦牟尼佛我哋世尊設教，以至小乘嘅部派、大乘“空、有”兩宗相繼興起嘅一千五百年，佛家思想嘅發展，呢一段時期之中呢，各家各派對宇宙人生嘅睇法響某種程度上吖，或者會有分歧，但係對於“厭患生死，殷求解脫”嘅中心思想呢，就仍然能夠保持一貫嘅姿態，而“生死”同“解脫”之間呢，係以“業”嘅理論去貫穿嘅。

但係，業果輪迴嘅觀念響印度思想史之中其實唔係自佛教開始嘅，印度嘅文化自吠陀時代就開始漸次去進入《奧義書》嘅時代，而印度傳統文化之中有關業果輪迴嘅觀念，響《奧義書》我哋已經可以見到好多嘅道理。響《奧義書》之中，對於死嘅睇法，係認爲由一個世界遷移到另外一個世界，而遷移嘅自體呢，就叫做“自我”，佢嘅本質係同於“梵”，啫“梵天”個“梵”。遷移嘅因呢，就係“業”嘞，亦都係“自我”所做出嚟具有倫理價值嘅，或者善、或者惡嘅言行，期間固然呢，係冇其他力量去足以改變呢種善惡因果嘅自然反應，亦都無須依賴一個造物主居響中間嘅參與，去判別善惡、去司理賞罰。

佛家興起之後，佢對業果輪迴嘅觀念雖然同傳統嘅觀念有所唔同，最明顯嘅係，佛家唔承認有一個實在嘅“自我”作爲輪迴嘅主體，但係思想嘅淵源呢，其實都係同傳統輪迴呢，有一定嘅關係。佛教建立咗之後雖然承認輪迴嘅現象，但係唔承認有“一”“常”嘅“自我”去作爲輪迴嘅主體，相反講，佛家更加認爲“我執”係生死輪迴嘅根源，所以響原始佛教嘅聖典裏便度度都有講“無我”嘅義理。至於佛家所講嘅“業”“輪迴”呢，其實不外係一個組合成嘅物質性元素，配合各種瞬息萬變嘅精神作用而產生各種“非常非斷”嘅相續活動。而呢個五蘊和合而成嘅假我點樣響三世之中輪迴呢？咁我哋就要由“四聖諦”同“十二因緣”兩個角度去分析啦。

何謂“四聖諦”呢？“四諦”就係“苦、集、滅、道”四種真理。“苦諦”係流轉輪迴人生嘅苦果，“集諦”係流轉輪迴嘅人生苦因，呢兩種都係屬於世間嘅因果，我哋叫做“流轉門”。“滅諦”係煩惱寂滅嘅人生樂果，“道諦”係煩惱寂滅嘅人生樂因，呢兩種就係出世間嘅因果，我哋叫做“解脫門”。一切有情流轉生死苦海唔能夠自拔就係“苦諦”啦，都係由於煩惱同有漏業嘅積集而成爲感召苦果嘅因，就係“集諦”嘞；而人生苦惱嘅解脫——“滅諦”呢，就在於修習“八正道”而得到慾愛永盡嘅涅槃境界，呢個境界就係所講嘅“道諦”嘞。

佛家業果流轉嘅觀念其實並唔限於人，六趣嘅有情都包括在內嘅，但係釋尊施教嘅對象既以人爲主，而我哋現在所能夠經驗嘅亦不外人嘅生命形態，所以響呢度處處都用人生作爲論述嘅大前提。

佛家爲咗講明有情生死流轉嘅現象同埋講明有漏人生嘅緣起，將“惑”“業”“苦”開爲“十二支”，叫做“十二緣起”，或者叫做“十二因緣”“十二緣生”吖、“十二有支”吔等等嘅名稱，其實意思係一樣。“緣”係“依藉”嘅意思，“後支”藉住“前支”作爲緣而生起，所以叫“緣生”啦，“前支”作爲緣而引生“後支”呢，就叫做“緣起”嘞。“十二緣起”嘅解說響《長阿含經》之中已經好詳盡，而後代依“世”嘅觀念去加以分析，所以有“三世兩重因果”同埋“二世一重因果”嘅說法，前者係小乘說一切有部嘅義理，係較爲普及，後者呢，就係大乘唯識宗嘅解說，較爲精密，呢兩種說法響佛學之中都有佢嘅地位，現在爲咗容易了解起見呢，我哋以“三世兩重因果”去講明。

“十二緣起”嘅理論就係講有情所以有“生死”係在於有“生”，而今生嘅由來呢，就響於前生一切以“愛”“取”等輾轉爲緣嘅“煩惱”同埋“業”，而一切嘅“煩惱”同“業”，由無始以嚟植根響無明嘅大痴暗之中，由此無明嘅推動呢，咁今生又作種種嘅善或者唔善嘅業，而起種種嘅“愛”“取”嘅煩惱，而引召來生苦惱嘅人生，咁樣生死流轉冇停嘅。賢聖深切了解到“十二緣起”嘅道理，明了生死嘅苦果都係緣起響“煩惱”同埋“業”，而“煩惱”同“業”嘅根源就在於“無明”嘞。

咁我哋講“十二因緣”就分開三世嚟講。過去世就係“無明”，即係“惑”啦，“行”即係“業”啦，呢個就係過去世嘅兩重“因”，亦都係“集諦”。現在世呢，就有“識”“名色”“六處”“觸”同“受”，呢五種就係“苦”，就係現在世嘅“五果”，亦都就係“苦諦”。咁過去世同現在世裏便呢，其中現在世仲有“愛”“取”同埋“有”，“愛”“取”亦都係“惑”，“有”就係“業”啦，呢三種呢，就係現在世嘅三因，就係“集諦”嘞。

咁樣，頭先所講嘅“無明”吖、“行”吖、“識”吖、“名色”吖、“六處”（或者叫“六入”吖）、“觸”“受”吖，夾埋呢，就係過去、現在一重嘅因果。而至於講到未來世呢，有“生”同“老死”都係“苦”啦，就係未來世嘅兩重果，就係“苦諦”。咁集合“愛、取、有、生、老死”呢，呢幾種加埋呢，就係現在、未來嘅一重因果嘞。

鏟草我哋一定要除根，所以如果要出離生死呢，就首先要除去無明，如果要斷滅無明呢，必須就要有般若正智，如果要得到般若正智就要修習梵行，而呢啲梵行就係所謂“四聖諦”之中嘅道諦嘞。

釋尊建立佛家思想體系嘅規模，後世賢哲窮其枝葉，更加從事深入研究，發揮佛陀嘅言教，於是佛家思想就得到大盛，而業果輪迴嘅觀念亦都響呢種情況之下不斷發展。響部派佛教嘅時期，對於以“假我去配合業感”嘅說法產生好多嘅疑難，而部派學者各自依據本宗嘅義理去疏解呢啲疑難，綜合嚟講呢啲疑難有三點：

第一，原始佛學之中，係認爲每一個有情今世嘅“煩惱”同埋“業”係依“五蘊假我”而作，來世嘅“福”同“非福業”呢，係依“五蘊假我”而感嘅，但呢個“五蘊”嘅假體響一期生命之後又由聚而散，點樣能夠作爲感果嘅憑藉呢？

第二點，今生由“五蘊”嘅“假我”所作嘅“業”，憑藉邊一種功能得以去聚而唔散呢？以去作爲來生受報嘅成因呢？

第三點，呢個五蘊和合嘅假體既然係剎那生滅、起伏聚散而唔係永恆常住，基於邊一種原因係足以決定每一個有情去造業感果都係自作自受，而唔係自作他受嘅呢？亦都唔係他作自受，或者係自作共受、共作自受呢？

咁呢度所講嘅“作”呢，“受”嘅問題呢，要聲明，唔係以一期生命嘅因果關係嚟講，而係綜合三世因果嚟講嘅。部派佛教嘅學者爲咗解決頭先所講嘅疑難問題，佢哋互相鑽研呢，去創立出新嘅義理，於是就有說一切有部關於“無表色”“三世實有”等等嘅說法建立，而犢子部嘅“勝義補特伽羅”，啫係“勝義我”啦，嘅建立，同埋經量部嘅“色心互持說”同埋“種子說”嘅建立，各家嘅思想雖然各有所依，但係仍然都係未完備嘅。而集各家思想嘅大成，彌補各種解講嘅缺陷，徹底解決上述疑難呢，就有待響大乘嘅有宗無著同世親兩位論師，即係“法相唯識學”嘅建立嘞。

佛家既然主張“無我”，同時亦都承認輪迴現象嘅存在，期間必然產生輪迴以邊一個作爲主體嘅疑難。部派佛教學者雖然努力響尋求呢啲疑難解決方法，但係各種解說都唔能夠完備，甚至有啲解說同佛教基本原則係相矛盾，譬如頭先所講嘅犢子部，佢哋講“勝義我”就係嘞。故此直至大乘有宗嘅法相唯識學嘅建立，一方面佢去窺尋原始佛教嘅奧義，另一方面亦都採取部派佛教解說之中可取嘅精義，去建立圓滿嘅業感原理，而佢嘅內容就以“業即思”“種子熏習”同埋“阿賴耶識”爲中心嘅。

第一種我哋講到“業即思”嘅說法。有漏嘅有情生命，無論係三善趣吔，或者三惡趣，都係由於身、語、意三種業因所感召，咁樣理解係由《四阿含經》開始嘅，處處響經典之中呢，都有講到。而根據《中阿含經》卷二十七嘅《達梵行經》所記載，身、語、意三業又可分爲兩類，三業就係“意業”啦、“身業”同埋“語業”。其中“意業”係屬於“思業”，“思想”個“思”。“身業”同“語業”呢，係屬於“思已業”，而“思已業”正係從“思業”而嚟，所以呢，由此可以將“思已業”歸屬響“思業”嘅一部分，到呢度呢，咁一切業都係屬於“思業”嘅範圍。

世親論師就依呢個原則，旁採“化地”“經論”等等嘅部嘅義理，去著成《大乘成業論》，建立“業即思”嘅理論。“思”就係“思想”啦，啫同意識相應嘅“思心所法”，相當於我哋現代人所講嘅“意志”。“思”有三種，就可以講爲三個階段：第一種“審慮思”，第二種“決定思”，第三種“發動思”（亦都叫做“發業思”）。就“思”嘅發動而有具體嘅表現響語言、行爲呢，就叫做“語業”“身業”，除此之外，一切“思”嘅過程都係“意業”啦，所以三業嘅倫理價值取決於審慮、決定同埋發動呢啲官能活動嘅內在意識之中嘅意志活動，呢啲意志活動嘅善惡等等嘅性質就決定三業嘅倫理價值嘞，所以一切行爲造作都係透過意志嘅發動。故此，“業”嘅根本就係“思”，而“業”所感召嘅“果報”亦都決定於“思”嘅性質，呢個就係“業即思”嘅原理。好似以上所講係咪比較複雜少少呢？因爲佛學裏便係太多名相，講到呢一部分，要用淺白嘅思想去儘量表達，希望各位師兄都能夠明白。

第二點我哋講到“種子熏習”嘅原理。世親論師採用“種子熏習”嘅原理去辨析作業感果同因果異時嘅可能性，因爲一切善惡嘅業都係由“思”嘅審慮、決定、以至於發動，然後表現成爲我哋嘅身、語等等行爲。呢啲等等唔同嘅“思”，喺呢度呢，尤其係講“發動思”，起現行，啫產生作用之後，去熏習成各種唔同嘅種子，啫係功能，呢種子依存響“心”（“心”即係“阿賴耶識”）之中嘞，剎那剎那咁同“心”俱生俱滅，相逐不斷，呢一種功能雖然不斷去轉變喎，但係唔會喪失佢嘅屬性，而且同類嘅功能亦都可以互相引發嘅，所以能夠匯聚成爲一種呢，決定性嘅勢力，響我哋一期生命完結之後呢，就會引生感受苦樂等等“異熟果報”嘅“體”。

第三點我哋講到好重要，“阿賴耶識”嘅建立。世親論師響《大乘成業論》之中，分開“心”做爲兩大類，啫係“集起心”同“種種心”。“集起心”就係無量種子嘅集起地方，即係叫做“阿賴耶識”。“種種心”呢，就除咗第八識“阿賴耶識”以外嘅各種識，亦都叫做“心王”或者“心所”嘞。而其中“阿賴耶識”正係解釋輪迴主體嘅關鍵，“阿賴耶”係梵語“alaya”嘅音譯，意思就係“藏”，所以“阿賴耶識”亦都叫做“藏識”，淺顯嚟講，就係一種能夠攝持、含藏一切種子嘅功能，所以“阿賴耶識”亦都好似一切種子嘅庫藏。有情去造業，熏習成爲各種“業”嘅種子，呢啲業種子得以唔散失而能夠感召異熟嘅果報，正係“阿賴耶識”嘅作用。

唯識宗嘅學者以種子作爲感果嘅媒介，以“阿賴耶識”作爲造業感果嘅所依，所以圓滿解決咗頭先講部派佛教學者關於業感原理所產生嘅第一同埋第二項疑難嘞。此外呢，“阿賴耶識”不但能夠攝持一切業嘅種子喎，去作爲酬報當來果報功能，而且仲係產生今世所作嘅一切善、不善業嘅本有功能，啫係種子嘅潛藏嘅地方。但係呢個“阿賴耶識”並非係實我，要注意嘞，呢一度，佢不過係有情每一個單位嘅功能總匯啫。如果再加以分析，響剎那生滅不已、或隱或現嘅功能之中，一種現行無間生滅而能夠攝持一切種子嘅功能，呢個就係“阿賴耶識”嘅“見分種”。咁一般凡夫唔能夠了解呢種原理，執阿賴耶識爲“實我”，所以唯識宗嘅學者就建立“末那識”嘅觀念去講明有情無始以來執我嘅妄情嘞。有情，各有各嘅“阿賴耶識”，而有情各自作業感果都係呢一個假體“阿賴耶識”嘅內部不斷變化而已啫，所以自作業因呢，必然自受果報嘅，呢度亦都解決咗部派佛教學者嘅第三種疑難，而佛家業果輪迴嘅觀念嘅解說就粲然大備嘞。

講完以上嘅原理，聽咗之後係咪覺得好深呢？其實呢啲係佛家學佛嘅本身基礎理論，我哋必須要加以時間探究，可能我解釋講得唔好，但係希望各位師兄亦都能夠多啲時間去研究呢啲佛家理論嘅基礎，去作爲我哋修學嘅基石，打穩我哋真正學佛嘅基礎。因爲學佛係由佛學裏便建立，兩者要兼備，擇一而從都係唔啱嘅，我哋……（註：此處錄音中斷）

各位師兄，人生苦短，多啲研究佛法對大家將來係有莫大嘅裨益，喺經典上，佛陀已經好詳細爲我哋解明，研究佛經或者唸一句佛對我哋將來嘅利益嘅果報唔係我哋凡夫嘅凡情可以猜度，或者甚至有啲聖者都唔可以計量，所謂“一稱南無佛，皆共成佛道。”有時我哋學佛唔可以畏難，或者對於名相多吖、名詞多，我哋就怕咗，我哋應該要用一個菩提心，有大無畏嘅精神去加以研究，比如去請教一啲善知識啦、法師啦，或者自己用功去查下啲佛學名相嘅詞典，咁樣對我哋解決問題都係有好大嘅幫助。咁我哋一步一步咁學落去，日後必會有成功嘅希望。各位師兄，如果你智慧未能夠開發，請多啲去唸佛號，或者真言，或者經文，去祈求佛……（註：接下文）


147.千波萬浪盡朝宗（五）


（註：接上文）

學佛嘅人，喺探究佛家業果輪迴觀念嘅時候，應該有下便嘅認識：

第一就係對佛家業果輪迴原理嘅認知可以透過“現量”同“比量”獲得，但係世俗“現量”同“比量”嘅認知，只能夠覺察呢種原理嘅高度可能性，對輪迴現象嘅透視呢，就只有透過聖者嘅“定中現量”嘞，啫係所謂宿命通嘅觀察先能夠知道，一般世俗嘅認知，就只能夠基於對宇宙、自然現象循環不息嘅規律觀察，比如現代嘅生物學啦、地質學啦、氣象學之上都有循環嘅說法去認可有情輪迴現象嘅高度可能性。

而喺“比量”方面，亦可以由因果相續不斷嘅原理認知輪迴觀念嘅理論根據，不過，今日對佛家輪迴觀念已經有更明顯而強而有力嘅佐證，呢個就係現代科學家對人類輪迴現象研究嘅初步成果。而其中，就以美國維珍尼亞大學超心理學系嘅史雲遜教授嘅研究工作最享盛譽嘞，史雲遜教授喺印度同埋斯里蘭卡等等嘅地區進行咗多年嘅研究，饋集咗好多人類再生嘅例證，正可以作爲我哋理解佛家業果輪迴觀念嘅參考。

第二點，佛家對業果輪迴觀念嘅提出，唔單止係宣示宇宙人生嘅一種現象，仲同時提供咗倫理道德、價值建立嘅基石，同埋人生苦惱解脫嘅理論根據。由於善、惡唔同嘅行爲，會招致苦、樂唔同嘅異熟果報，因此，善嘅行爲應該受到鼓勵，而惡嘅應該加以抑制，透過對輪迴現象嘅認識，呢種善惡行爲嘅抉擇先能夠有更穩固嘅基礎，而唔係奠基響空泛嘅道德觀念上便。

除此之外，學佛嘅人如果能夠體驗輪迴現象嘅存在，歷劫修行成功嘅可能性就得以確定，而人生實踐嘅意義呢，亦都較爲明顯嘞。所以學佛嘅人唔應該以輪迴現象嘅存在而對修行產生畏難嘅諗法，相反，更加應該努力去實踐佛法，去改善現在嘅人生以趣向未來理想嘅人生，咁樣不斷去改善，必定能夠解脫苦惱，達到圓滿人生嘅最終目的。

另一方面，學佛嘅人士，亦都唔可以以輪迴現象嘅存在作爲怠惰嘅理由，相反，更應該以“如果唔精進向善就會退墮”嘅業感觀念作爲警惕，咁樣既唔會因爲有輪迴嘅現象而認爲人生苦惱嘅解脫了不可尋，亦都唔可以等待將來作爲來生嘅懈怠藉口，呢個先係學佛人應該嘅有嘅正確嘅態度。

佛家業果輪迴嘅觀念並唔係定命論，造業感果雖然係必然嘅規律，但係果報嘅出現嘅遲疾、輕重亦都受到其他因緣嘅影響，呢啲因緣亦都係“業”。故此，過去世作不善嘅業，感召今生嘅苦報，但係呢種苦報可以由於今生嘅善行而得到減輕甚至改變。相反嚟講，過去生嘅善業所感今生嘅樂報亦都可以由於今生嘅不善業而使到呢種樂報去改變，咁樣嘅人生先係有意義嘅人生，而唔係刻板嘅人生。佛家特別重視現生嘅行爲，因爲現在嘅行爲不但係來世果報嘅“因”，同時亦都係今生人生現狀嘅重要元素，唯識宗嘅學者特別強調“強緣引弱種”，佢嘅理由就喺呢一度嘞。由此可見，佛家嘅業果輪迴觀既唔係定命論，亦都唔係消極、只係寄望來生嘅人生觀，而係積極嘅、重視現實人生嘅觀念。

如果各位師兄對以上所講嘅內容有興趣，可以進一步作以下嘅研究，可以介紹參考嘅書目就係：《大乘成業論》，世親菩薩造，玄奘法師所譯；《唯識方隅》，羅時憲先生所撰述；《佛家業論辨析》，李潤生先生所講；《佛學今詮》上冊第二章嘅《業力論》，張澄基居士所著；《大乘成業論之研究》，王聯章居士所著。

以下落嚟，我哋講到佛教嘅“解脫論”。佛陀嘅教法，每每就係就一切現象作出價值判斷，從而昭示佛家對人生最高理想嘅觀點。而自原始佛教開始，佛教對人生現象嘅價值判斷呢，都係認爲係苦嘅。而原始佛教所趣向嘅人生最高理想亦都係以人生苦惱嘅解脫爲主，佛家解脫人生苦惱嘅理想基礎就係“四聖諦”嘞，佛陀成道之後，對五比丘初轉法輪，佢所闡釋嘅呢，正係“四聖諦”嘅義理。因爲“四諦法”係原始佛教最通行嘅教說，亦都係後嚟阿毘達磨佛教嘅理論中心，而大乘佛教嘅理論基礎亦都係奠基響“四聖諦”，亦都係由“四聖諦”開始，所以，“四聖諦”可以話係佛教最基本嘅人生觀同埋“解脫論”。

首先，我哋講下“苦”嘅定義。“苦”，梵語“duhkha”，意思係很廣泛，並唔係單純好似我哋中文漢語嘅字面含義。漢譯作“苦”呢，係採用較爲接近嘅術語。根據一般嘅解釋，“苦”含有痛惱、逼迫嘅意思，具體講更加有四種狀態，第一係逼惱嘅狀態，第二係遷流嘅狀態，第三係燒熱嘅狀態，第四係變壞嘅狀態。第一同第三種狀態係屬於自身嘅苦痛，第二同第四種狀態就係唔係苦痛嘅感受，而係有情苦痛感受嘅客觀現象。客觀嘅現象本身並唔能夠冠以苦痛嘅名稱，但係有情本身所具有嘅執著就係基於呢種客觀現象而產生苦痛嘅感受，所以現象本身亦都構成苦嘅價值判斷而統攝響苦嘅觀念之中。

簡單嚟講呢，一切無常係“苦”嘅由來，一切“苦”係認識“無我“嘅由來，所以佛家話“無常故苦，苦故無我”。《雜阿含經》卷第十七話：“知諸行無常，皆是變易法，故說受悉苦，正覺之所知。”

就有情嘅現象嚟講，對“苦”可以有各種唔同嘅分類。比如“老、病、死”三種身苦啦，“貪、瞋、痴”三種心苦啦，“地獄、餓鬼、畜生”三種後苦，“生、老、病、死、愛別離、怨憎會、求不得、五陰熾盛”等等嘅八苦。喺《長阿含經》《頌集經》《俱舍論》呢啲經典，更加將各種“苦”綜合起嚟分爲三類：“苦苦”“行苦”同埋“壞苦”。其中以後便嗰兩類“苦”最能夠表達佛家人生觀嘅特質，講明有情嘅生活終歸係有漏嘅性質，喺一時嘅感覺之上即使唔以爲苦，但係因爲無常變壞嘅緣故，缺乏常恆不變嘅性質，就呢個角度嚟講，正好符合“苦duhkha”嘅觀念。所以世間嘅一切現象，全部都係“苦”。

對於人生苦惱嘅睇法，喺古印度可以追溯到《奧義書》中葉嘅時代，但係佛教苦觀建立嘅理論根據，就係對“無常”“無我”“業果流轉”“緣起法則”等等事實所作出嘅價值判斷。“無常”“無我”係客觀嘅現實，本身並唔能夠構成“苦”嘅價值判斷，但係因爲呢種客觀嘅現象同有情所期待嘅事實相違，有情基於根本嘅迷執，喺“無常”“無我”嘅現象之中，希望去追求得到“常”同埋“我”嘅人生，但係往往事與願違，就所以構成有“苦”嘅現象。

仲有特別值得注意嘅，就係佛家對於人生苦惱嘅價值判斷並非單純係以日常生活嘅體驗做標準，而係比對人生嘅最高理想，就係所謂清淨、解脫嘅涅槃境界。到咗阿毘達磨佛教時代嘅學者呢，更加明確斷言“人生現象係苦”嘅理解係聖者嘅見地，所以佛教所強調對人生苦惱嘅厭離，係標舉亙諸永遠、光輝燭照嘅人生最高理想，而唔係失望悲觀嘅厭世思想。

跟住我哋說到“集諦”，“集”係招聚嘅意思，有情有漏人生嘅一切煩惱同埋善惡各種嘅行爲都係根源於先有“我想”同埋“貪、瞋、痴”嘅根本煩惱，起惑造業去招集人生嘅各種苦惱，就所以叫做“集諦”嘞。有情由於與生俱嚟嘅我執同埋慾念，例如“有”嘅慾、“愛慾”“繁榮慾”等等，不斷去追求、維護“一”“常”嘅我見，恰好同“無常”“無我”嘅現實唔相容嘅，所以就會引起種種煩惱，以至於生死流轉嘅苦惱現象。

咁由此可以知道，有情人生苦惱嘅根源係在於我執同埋由我執而產生種種嘅根本煩惱，比如“我痴”吔、“我見”啦、“我慢”啦、“我愛”等等。而有情嘅“我執”又可以分爲“俱生我執”同埋“分別我執”兩種，而其中“分別我執”就係後天思想上或者教育上嘅偏差，透過對事實嘅理解、現象嘅分析較容易消除，但係“俱生我執”呢，就係基於根本嘅無明同埋多生多世以嚟嘅習氣形成與生俱嚟牢不可破嘅妄見，呢種妄見就係一切煩惱嘅根源、生死流轉嘅基本原因，必須透過長期嘅修道啦、般若智慧嘅培養啦，先能夠徹底去清除嘅。

跟住講到“滅諦”嘞。佛家不獨指示出人生苦惱嘅現象，更清楚講明呢種現象係可以消除，就係“滅諦”嘞。“滅”係梵語“nirvana”嘅“涅槃”嘅意譯，意思係一切由“我想”同埋“貪、瞋、痴”等等根本煩惱造作嘅業因永斷無余，了除生死患累嘅苦果，證得清淨寂涅嘅解脫境界。其實，小乘呢，只係講“有余”“無余”兩種涅槃，大乘呢，就更全面，係將四個角度去講涅槃嘅體性，呢個喺後面嘅大涅槃同埋大菩提，我哋講到呢個問題之中呢，就會慢慢再講嘞。

最後我哋講到道諦，要解脫人生苦惱嘅現象必須修道，無論大小乘嘅修道方法都係分爲“戒、定、慧”三學，當然具體內容並唔係一樣啦，但係基本嘅方式就有共通嘅地方。小乘嘅學者更加將三學詳細分爲“三十七道品”，“三十七道品”之中嘅基本修行方法亦都係大小乘共通嘅途徑，尤其係以嚴勝嘅“八正道”更加係大小乘嘅修行人所積極實踐嘅聖道。咁何謂“三十七道品”呢？“三十七道品”亦都叫做“三十七菩提分法”，可以分爲七科嘅。

第一，“四念住”。“四念住”亦都叫做“四念處”，係修道嘅入門方法，所謂“四念住”就係對四種境界觀察思惟、安住心念，從而引發定慧嘅修道方式。呢四種修道方式，本嚟係以智慧、抉擇、思惟、事理，但係由於初修習嘅人每每以安住心念作爲更進一步引發定慧嘅方便，所以就叫做“念住”。

“四念住”嘅第一種係“身念住”——觀身不淨；第二種“受念住”——觀受是苦；第三種“心念住”——觀心無常；最後一種係“法念住”——觀法無我。“四念住”嘅內容就係以五蘊爲主，而分開“身、受、心、法”四方面加以思惟觀察。粗略講，“身”就係“色蘊”啦，“受”就係“受蘊”啦，“心”就係“識蘊”啦（呢個“識蘊”係“意識”個“識”），“法”呢，就係“想、行”兩個蘊嘞。

比較狹義講呢，“四念住”就係觀察思惟有情自他身體都係唔乾淨，受都係苦，心識係無常，法都唔真實，用呢個觀念去對治有情對人生現象所生起嘅“常、樂、我、淨”四種妄執，從而減少煩惱去引發定慧嘅。如果廣義講，就唔單止局限響有情身體嘅觀察啦，而可以通過一切“有爲法”，啫係宇宙現象嘅觀察嘞。至於修習“四念住”嘅方式，又可以分爲“別相念住”同埋“總相念住”兩種嘅，隨住修行人習氣嘅進展呢，而採取唔同嘅方式。

跟住我哋講到“四正斷”，“四正斷”呢，亦都叫做“四正勤”。“四正斷”，第一就係“律儀斷”，“律儀斷”係策勵精進，令到已生嘅惡法或者惡念能夠得以斷除咁解；第二係“斷斷”，策勵精進，令到未生嘅惡法或者惡念唔再生起；第三“修斷”，策勵精進，令到未生嘅善法或者善念得以生長；第四叫做“防護斷”，係策勵精進，令到已生嘅善法或者善念增長不失。

修行嘅人喺修習“四念住”漸趨純熟之後，已經能夠排除一般意識上嘅妄見，明辨“善”同“唔善”嘅差別，就可以更進一步努力精進，使到已經生嘅惡法或者惡念去斷除，使到一切未起嘅惡法或者惡念唔生，使到未生嘅善法或者善念得以生起，使到已生嘅善法或者善念得以增長唔至於亡失。故此，狹義講，“四正斷”係專指喺“四念住”嘅基礎之上，更進一步修習止觀、培養善念、壓止惡念；廣義講，就可以泛指日常生活上嘅修養嘞。

跟住講到“四神足”，“四神足”亦都叫做“四三摩地”，一切如意自在就叫做“神”，呢個係“三摩地”嘅成果，“三摩地”即係“足”，具有基礎嘅意義。“三摩地”係梵語“samadhi”嘅音譯，意思係“定”，“定”就係心意專注響一境嘅意思。“神足”，正能夠譬如能夠自在往來響殊妙嘅境界，即係“定境”嘞。“四神足”第一種，“欲三摩地勝行成就神足”，簡稱“欲神足”；第二種，“勤三摩地勝行成就神足”，簡稱“勤神足”；第三種，“心三摩地勝行成就神足”，簡稱“心神足”；第四種，“觀三摩地勝行成就神足”，簡稱“觀神足”。

當我哋修行嘅人能夠熟練修習“四正斷”，使到惡念不生，念念都能夠生起善法之後，就可以更進一步去修習獲得禪定嘅境界。而修習嘅方式可以分爲四種，就係“欲三摩地勝行成就神足”。所謂呢種“神足”，係由於對佛同菩薩所生嘅信心而意欲聽聞佛法，呢種意欲嘅增強就促成咗“定境”（“定境”就係三摩地）嘅產生，所以叫做“欲三摩地”嘞。

“三摩地”成就之後，以呢個基礎去修習“四正勤”，所以叫做“勝行”，意思就係殊勝嘅行爲或者修行嘅方法。而呢種殊勝嘅行持同埋前便所講嘅“三摩地”，能夠使到心境如意自在，遠離煩惱，故此名爲“神足”。“神足”係“欲三摩地”同埋“勝行”所成就嘅，而“神足”成就之後，又能夠加強“欲三摩地”同埋佢嘅“勝行”，所以總稱就叫做“欲三摩地勝行成就神足”，簡稱“欲神足”。

第二種呢，“勤三摩地勝行成就神足”呢，意思就係話，由於對佛菩薩嘅經教、訓示心而生渴慕，精進追求，而呢種努力嘅增加而成就咗“定境三摩地”，其他亦都好似前便所講，所以叫做“勤三摩地勝行成就神足”，簡稱“勤神足”。

第三種呢，“心三摩地勝行成就神足”，由於思惟佛法義理嘅心識活動增強同埋集中，而成就“定境三摩地”，其他亦都好似前便所講，所以叫做“心三摩地勝行成就神足”，簡稱“心神足”。

最後一種，“觀三摩地勝行成就神足”，修行嘅人因爲多聞熏習，再加以智慧嘅判斷揀擇，深入細微嘅觀察，呢一種觀慧嘅增強而促成“定境三摩地”嘅產生，所以叫做“觀三摩地勝行成就神足”，簡稱“欲神足”（註：根據上下文，此處“欲神足”疑爲“觀神足”）。

以上所講呢四種“神足”呢，全稱就講咗出嚟，但係通常一般人所講呢，都係以簡稱“觀神足”吖、“心神足”吖等等去稱謂嘅。

以下落嚟我哋講到“五根”嘞，“五根”就係“信根”“精進根”“念根”“定根”同“慧根”。“根”，具有增上嘅意思，就係話“五根”對於出世間法有增上嘅作用，由每一個“根”前者響後者亦都有增上、引發嘅作用，意思話係，“信”對於“精進、念、定、慧”有增上、引發嘅作用；“精進”呢，對於“念、定、慧”有增上、引發嘅作用；“念”對於“定、慧”有增上、引發嘅作用；“定”對於“慧”有增上、引發嘅作用；“慧”對於“出世間法”有增上、引發嘅作用。所以“信”等等就能夠引發“精進”等等乃至“慧”，能夠出世間解脫，都具備增上引申嘅意義，所以話就叫做“根”嘞。“根”亦都可以作爲出世間善法嘅根本解釋，前者係後者嘅根本，所以引申後者，意思係增上意義嘅由來嘞。

所以，所以“五根”可以話係修習觀行嘅時候，觀照四諦嘅程序或者活動情形，狹義嚟講，只係修定嘅時候先會經歷，但係廣義講呢，就亦都可以應用響日常嘅修行之中。

“信根”就係響“四諦”等等嘅道理深生勝解而生起淨信；

“精進根”就係響其他嘅諦，啫各種真理嘞，既然生起淨信，爲咗覺悟嘅緣故就會精進修習嘞；

“念根”喺其他嘅諦，各種真理，既然能夠精進修習，個心就能夠唔亡失而從事修習；

“定根”呢，係喺其他嘅真理既能夠繫念不失，能夠專注一境而從事修習；

“慧根”喺其他各種真理嘅心既然得到“定”，就能夠揀擇修行從而引發聖諦現觀，由於呢種嘅增上力，冇幾耐就能夠見道嘞。

以下我哋講到“五力”，“五力”就係上述“五根”由於不斷修習嘅緣故，勢力增盛，能夠摧毀所對治嘅煩惱障，唔被所對治嘅煩惱所屈服，所以叫做“五力”。

第一係“信力”。“信根”能夠增長啦，摧破所對治唔淨信等等嘅煩惱，就係“信力”嘞；

“精進力”，“精進根”增長，能夠摧破所對治嘅放逸懈怠嘅煩惱；

“念力”，“念根”增長，能夠摧破所對治嘅失念等等嘅煩惱；

“定力”，“定根”增長，能夠摧破所對治散亂掉舉嘅煩惱；

“慧力”，“慧根”增長，能夠摧破所對治嘅無明煩惱，從而引生正智而趣向見道。

跟住我哋講到“七覺支”，“七覺支”亦都叫做“七菩提分”。所謂“覺支”，係能夠助成如實覺慧、覺察“四聖諦”實性嘅方便，亦都即係正智嘅生起，見道時候所經嘅歷程，呢個見道時候嘅歷程或者正智生起嘅方便呢，可以分爲七種嘅，所以叫做“七覺支”嘞。

第一“七覺支”，第一種係“念覺支”，意思係話對於真諦明了不忘；

第二“擇法覺支”，“擇法覺支”亦都係“慧”，對真諦能夠了解覺悟；

第三“精進覺支”，由於深精進力，出離煩惱邪見而趣向真諦嘅；

第四係“喜覺支”，對於真諦能夠生歡喜心；

第五“輕安覺支”，能夠斷除身心嘅粗重，安住響真諦；

第六“定覺支”，能夠響真諦專注於一境；

第七“捨覺支”，觀照真諦嘅時候，我哋嘅心性平等正直、無有動轉。

由於不斷修習上述所講嘅“五根”“五力”，就能夠引發見道之前嘅四種“順抉擇分”，所謂“順抉擇分”就係“暖、頂、忍、世”第一法，經過呢個階段就能夠產生摧毀煩惱嘅作用，超越有漏嘅世間法，叫做“見道”嘞，行者由呢七種方便得到無漏智，所以最初經過呢七個歷程嘅時候呢，就叫做“見道”。

最後，我哋講到非常重要嘅“八正道”，“八正道”就係見道之後嘅聖者循住八支所攝嘅正道，去斷除一切所餘嘅煩惱，究竟解脫。第一“正見”、第二“正思惟”、第三“正語”、第四“正業”、第五“正命”、第六“正精進”亦都叫做“正策勵”、第七“正念”、第八“正定”亦都叫做“正等持”。

“正見”，簡單嚟講，當然係指正確嘅觀念同見解啦，但係其實響佛學上更深入一層意義就係話，“正見”係指見道時候嘅根本同後得兩種智慧生起時候所證驗嘅境界。見道之中，根本智生起嘅時候，係離開一切名相語言嘅觀念、分別思惟，“無漏無分別智”體證嘅真如就叫做“真見道”；響後嚟後得智生起嘅時候呢，遍此真如，亦知見道時候嘅狀態同埋以“無漏有分別智”次第去遊觀“苦、集、滅、道”四聖諦理，由於有相觀念可以思惟，所以亦都叫做“相見道”。合埋呢兩種智覺先係叫做“正見”。

“正思惟”，係指由“正見”引發離開一切慾，無畏無害嘅正確思惟，啫係思量分別嘞，亦即係合理嘅作意思惟，所謂“如理作意”就係嘞。

“正語”，係指由“正見”嘅推動生起正確嘅思惟，從而遠離一切妄語、欺誑語、惡語、綺語、離間語等等，生起一切如法合理正確嘅言論。

“正業”，係指基於正確嘅認知同理解而作出一切如法合理嘅行爲，亦都係話對一切衣食住行、言語動靜都能夠正知而住。

“正命”，係指正確合理嘅求生活命嘅方式，意思爲從事合法（包括社會法律同佛家戒律啦）正當職業去維持生計，遠離一切唔正當嘅職業。

“正精進”，亦都叫做“正策勵”，係指響修道之中乃至思惟“四諦”嘅道理，修習“四念住”吔、“四正斷”“四神足”“五根”“五力”等等，基於“正見”“正思惟”作一切“正語”“正業”“正命”等等，勇猛精進、策勵其心、相續無間，所以就叫“正精進”。

“正念”，係指修道之中乃至思惟“四諦”道理嘅時候，或者依止、或者依觀、或者止觀雙運嘅時候，響所修習嘅境界比如“七覺支”啦，能夠明了不忘，就叫做“正念”嘞。

正，“正定”，亦都叫做“正等持”，係指修道之中乃至於思惟“苦、集、滅、道”四諦道理嘅時候，依九種住心去達至“心住一境”嘅定境。

以上所講嘅“八正道”，或者叫“八聖道分”，係咪同普通嘅講法有啲唔同，比較深入咗一層呢？“八正道”雖然經過阿毘達磨學者貫串咗其餘六科而成爲體系複雜、精細嘅修道德目，而且更加被視爲見道之後嘅修道次第，但係咁樣並唔表示一般凡夫唔能夠實踐“八正道”，行者可以聖見爲“正見”，如法修行，雖然同見道嘅聖者修習深度唔同，但係其實實踐性係一樣。

又有人以爲“八正道”係小乘嘅修道法，係大乘所不取，其實都係一種誤解。因爲站喺解脫嘅立場嚟講，三乘嘅目標係共通，即係所謂“三乘同坐解脫床”。故此，大小乘嘅行者由於悲願唔同、實踐嘅深度或者唔相同，但係斷煩惱、證涅槃嘅基本目的係並無唔同嘅喎，所以“八正道”嘅修習係佛教修行人最基本嘅修道方法，亦都係極簡明而又切實可行嘅修持次第。（註：接下文）


148.千波萬浪盡朝宗（六）


（註：接上文）

大小乘修道論嘅發展歷程，可以溯源去原始佛教《阿含經》，首先響《雜阿含經》之中，就有八正道嘅提出，進而響《長阿含經》之中，亦都開演出三十七道品，最後又喺《增一阿含經》歸納演化爲六度。呢個係佛教修道論漸次發展嘅歷程，正好顯示出由原始佛教對個人修養嘅重視發展，到大乘佛教菩薩行願嘅主張，而呢一切修道嘅論據都可以溯源響佛陀個遺教。

由思想上嘅觀點嚟睇，現存漢譯嘅《增一阿含經》係由大衆部傳出嘅，由大衆部而再傳出大乘嘅思想，所以修道嘅內容，亦都係隨住時代而漸次開張，但係佢基本原則就不出戒定慧三無漏學嘅範圍嘞。故此，與其說三十七道品係大小乘共通嘅修道方式，無疑話戒定慧三無漏學係大小乘共通嘅修道論更爲恰當啦。

佛法並唔係只以知識嘅研求、明理嘅思辨作爲思想目的，而係更重視躬行實踐，將知識同生活結合，從而達到理想嘅思想體系。故此，如果將佛家嘅義理貫徹響生活實踐當中，就必須對佛家基本嘅人生觀具備正確嘅認識，尤其呢必須要注意下列所講嘅幾點：

第一點，就係佛家對人生現象係苦嘅認識，一方面係基於有情唔能夠接受“無常”“無我”嘅事實，而產生妄見嘅現實基礎而建立，另一方面就係基於對佛教嘅最高理想，即係清淨解脫涅槃境界嘅可能實現性，同埋聖者嘅見地而作出嘅價值判斷，但係聖者嘅見地不外乎係實現清淨解脫涅槃境界之後嘅體驗，所以兩者本質上係一致嘅，因此對苦嘅觀念了解，應該以佢梵文原義爲依據，唔適合由漢譯之中相似概念嘅義譯去望文生義。

更重要嘅係，必須要明瞭佛家對人生苦惱現象嘅認識同埋厭離，唔代表任何悲觀、消極嘅意義，相反，就更充分顯示出爲咗實踐崇高理想所應該具備嘅積極態度。同時，呢種清淨解脫嘅最高理想，亦都唔係脫離現實人生先能夠得到，更加唔係待諸身後先能夠實現嘅虛幻想象。佛教固有歷劫修行嘅修道理論，但係歷劫修行成功嘅例子，亦都可以響現實人生之中發現，故此歷史上實現最高理想嘅修證嘅人呢，比比皆係，呢個亦都係佛法同一般宗教大異其趣嘅地方。

況且，假使佛教如果只係提出人生苦惱嘅現象，而唔提供任何解決嘅方法，咁樣或者可以係悲觀消極嘅言論去睇，但係事實上佛法唔單止如實指出人生現象係苦惱，更加探索出呢個苦嘅現象成因，提供切實可行嘅解決方法，所以唔能夠以悲觀消極嘅宗教去睇，相反，更加足以顯示出佛法對人生係如實觀，係具備積極性嘅。

第二點，喺傳統嘅說法之中呢，三十七道品一向被視爲小乘修行人修道嘅德目，係趨向小乘理想嘅果位。所謂“四向四果”，即係預流向、預流果、一來向、一來果、不還向、不還果、阿羅漢無學向同埋阿羅漢嘅無學果嘅必經階段。

但係事實上，大小乘嘅區分只係行願嘅唔同，但係對清淨解脫涅槃境界嘅要求係並無二致，況且三十七道品可以話係八正道嘅細分同推廣，歸納起嚟亦都可以統攝響戒定慧等等嘅三無漏學。而八正道同三無漏學都可以話係大小乘共通，嚴格嚟講大小乘嘅名稱只係就行願嘅廣大同狹小去區分。自己話大乘，但行願狹小，其實亦都同小乘係一樣嘅啫，反過嚟講，雖然行跡係以聲聞示現，但係大願猶如同菩薩亦都比比，大有人在。喺學理上嚟講，只有思想發展段落嘅區分，而唔應該有大小嘅歧見。部派佛教時期嘅戒律固然唔完全同於大乘佛教所提倡嘅戒律啦，但係咁樣唔表示大乘佛教嘅戒律能夠完全脫離前期戒律而去獨創。修定嘅方式亦都係一樣，印度大乘佛教以至於中國佛教各宗所提倡嘅禪觀修持方法，都唔能夠唔話係淵源響原始佛教以至於部派佛教所重視嘅“四念處”，以至於“三十七道品”等等嘅修道論。喺慧學嘅範圍嚟講，大乘佛法嘅義理自然比較部派佛教嘅思想深邃同埋圓融，但響思想史嘅立場嚟講，如果唔經過部派佛教思想嘅醞釀，亦都冇後嚟嘅大乘“空、有”二論，以至於中國各宗佛學深邃圓融思想嘅出現，況且大乘論師同部派學者嘅思想都係淵源響佛陀嘅遺教，都唔能夠出佛法嘅基本原則。

今日嘅學佛人士，如果能夠明白上述所講嘅道理，就唔會自己封喺傳統嘅成見，而對佛法發展過程之中唔同時期嘅思想妄生歧見嘞，而更重要嘅係，應該點樣抉擇呢啲思想之中能夠應用響現實人生嘅部分而光大佛教呢？就係以三十七道品嘅修道論嚟講吖，今日嘅修行人，能唔能夠一成不變去依循修習都係一個疑問，況且部分修道嘅方式已經響後期佛教嘅發展之中成爲更加符合世人要求嘅修道論，但係基本嘅方法，就好似八正道同埋從中顯示嘅戒定慧三學，仍然係今日有價值可以依循修持嘅途徑，呢個係我哋學佛人更應該重視嘅。

以上所講，如果更深入想研究，可以睇《阿毘達磨大毘婆沙論》卷七十八，唐玄奘法師所譯；《大乘阿毘達磨集論》卷三至到卷五，無著菩薩所造，唐朝玄奘法師所譯；《顯揚聖教論》卷二，無著菩薩所造，唐朝玄奘法師所譯；《原始佛教思想論》啦，日本木村泰賢先生所著，歐陽瀚存先生所譯；《人生學》嘅三，解脫道論，王恩洋先生所著。

跟住落嚟，我哋講到重心——“菩提心”同“菩薩行”。“菩提心”同“菩薩行”概括咗大乘菩薩嘅願行。“大乘”就係指菩薩乘，菩薩乘嘅境、行、果都係比較聲聞、獨覺爲大，所以就稱爲“大乘”嘞，而聲聞、獨覺就被稱爲“小乘”。“乘”，就係運載嘅意思，大乘嘅修行人不但自己追求解脫覺悟，更加立志普渡一切有情，以大乘佛法能夠運載無量有情去到達圓滿正覺嘅目的地，所以稱爲“大”。小乘嘅行者雖然亦都利他，但係心願唔及得大乘行者廣大長遠，所以稱爲“小”啫。菩薩係梵語“菩提薩埵Bodhisattva”嘅簡略稱呼。“菩提Bodhi”係“覺”嘅意思，“薩埵Sattva”係有情嘅意思，“菩提薩埵”係追求無上正覺，自覺覺他、自度度他嘅有情。

唯識宗嘅學者就一切有情根性嘅唔同，喺教學之上可以分成五類建立“五種性”嘅說法，因爲有情嘅種性響學理上可以分爲五類，所以佛教嘅教學方法亦都可以分爲五種，就稱爲“五乘嘅佛法”。

其中菩薩種性嘅有情，遇到殊勝嘅因緣就能夠發起大菩提心，由菩薩乘直趨佛果。而不定種性嘅有情呢，就首先先修學聲聞乘或者獨覺乘，去證得小乘果位之後，然後先回心向大，發起追求大菩提嘅心願，而轉向菩薩乘或者趣向佛果，前者我哋稱爲“頓悟菩薩”，而後者呢，我哋叫做“漸修菩薩”。

喺《解脫論》之中，我哋講過三十七道品，可以話係小乘修行人嘅修道理論，而現在所講呢，就係著重介紹大乘菩薩嘅立志同埋實踐。所謂“願”，就係發心、立志嘞；所謂“行”，就係實踐包括一切自利利他德行同行爲，簡單嚟講，可以以“菩薩行”三個字去代替。“願行”喺一般佛經之中，亦都有稱爲“行願”嘅，因爲“行”同“願”響大乘佛法之中係不可分。“行”係“願”嘅具體表現，“願”係“行”嘅原動力，兩種都係統攝響“菩提心”之中，所以可以稱爲“行願”，亦都可以稱爲“願行”。

大乘菩薩修行嘅階次首先係重於發心。“發心”係指發大菩提心，菩薩既然發上求下化——上求正覺而利益有情嘅心，就必須對於一切有情具備無量嘅慈悲喜捨心，先能夠實踐一切自利利他嘅菩薩行。而一切菩薩行就不出於六度，即係“六波羅蜜多”“四攝嘅範圍”。“六波羅蜜多”雖然亦都利他，但係自利嘅意義就較“四攝”爲強嘞；“四攝”雖然亦都自利，但係利他嘅意思就比“六度”爲強，所以呢度首先說明大乘菩薩嘅發心，然後再講“四無量心”“六波羅蜜多”，即係“六度”“四攝”，而具體介紹大乘菩薩嘅願行。

我哋先嚟講下“菩提心”嘅定義，“菩提心”就係追求無上正覺嘅誓願。大乘佛法修行嘅開始，首先著重發“菩提心”，因爲“菩提心”係無上菩提嘅修因，一切正願嘅根本，學佛人無論修禪、學密、持戒、修定、求慧，做種種嘅善行，假使唔能夠同“菩提心”相應，咁一切嘅功果不落小乘，就形同凡夫外道嘞。所以大乘嘅修行人發心目的係求無上大菩提，即係圓滿正覺，同埋做一切有情義利，意思係利益一切有情嘅行爲，所以“菩提心”嘅內容亦都係就上求佛道正覺、下化有情衆生嚟講嘅。

根據《瑜伽師地論》卷三十五嘅闡述，初發菩提心係有四種“因”同埋四種“緣”。首先講下初發菩提心嘅“因”有四種，第一，係具備菩薩嘅種性；第二，係倚賴佛菩薩善有嘅攝受；第三，係對一切有情能夠時常生起悲憫心；第四，有堅定不移嘅毅力，唔畏怯響長時間難行嘅苦行修道嘅過程。

第二我哋講到呢，初發菩提心嘅“緣”嘞，亦都有四種。第一，係親見或者信或者聞諸佛菩薩嘅威神力量、偉大嘅事蹟；第二種，係深心信解大乘嘅經教；第三種，爲咗恐怕正法湮滅，希望正法久住，利益有情而發心住持嘅；第四種，因爲見到末世嘅有情愚痴，被種種煩惱惱亂唔能夠自拔，所以發心去拯濟。

總括嚟講，菩薩發菩提心必須具備內因、外緣種種條件，而菩薩懇切發大菩提心響心識，意思話喺我哋第八阿賴耶識之中呢，熏習成爲一種強而有力嘅功能，唯識學叫做“種子”。呢種功能響現生能夠推動發心嘅有情實踐菩薩行願，唯識宗嘅學者稱呢種功能叫做“業種子”，喺來世如果遇到善緣嘅時候呢，就能夠繼發大菩提心，繼續實踐菩薩行，而唯識宗學者就呢個角度稱爲“明緣種子”嘞，咁樣生生世世不斷熏習、不斷實踐，以至於一步一步去成就圓滿嘅正覺。

講到“菩提心”嘅類別，依據大乘佛教嘅經典，“菩提心”可以有深淺程度嘅唔同，根據修行人修證嘅程序，大體可以作爲下便嘅分類，就係“世俗菩提心”同埋“勝義菩提心”啦。“世俗菩提心”亦都分爲“願菩提心”同埋“行菩提心”。發菩提心嘅有情必須對成佛、度衆生嘅偉大事業具備堅定嘅信心同崇高嘅志願，因爲見到世間惡劣、有情嘅苦惱，同時亦都深信有究竟圓滿嘅佛果可以證取，所以認識唯有修證成佛先能夠淨化世間去拯救一切有情。由此發出廣大嘅誓願，希望未來際上求佛道、下化有情，由於呢種信願而發心，就稱爲“願菩提心”或者稱爲“信願菩提心”嘞。

既然具備信願嘅先決條件，仍然須要實行，所以要講到“行菩提心”嘞。“行菩提心”主要係指菩薩必須受持菩薩戒法，亦都叫做“菩薩學處”，意思係包括一切自利利他嘅行爲，菩薩就以呢種無邊嘅戒行去實踐菩薩道。關於菩薩嘅戒法，我哋可以參考《瑜伽師地論·菩薩地》所記載嘅《瑜伽菩薩戒》。

上便所講嘅“願、行”兩種菩提心，仍然係有漏有情嘅心行，未出世間，所以統稱爲“世俗菩提心”，但係有情依“世俗菩提心”不斷再發心，不斷實踐，由此再進一層去到達“勝義菩提心”嘅境地。所謂“勝義菩提心”係指大乘嘅修行人悟入無生法忍，證得真如實相。

“世俗菩提心”係著重悲願，而“勝義菩提心”呢，就不離悲願而得到智慧嘅現證，亦可以話“願菩提心”係著重起信發願，“行菩提心”呢，就著重從事利他，“勝義菩提心”就著重響般若嘅現證，所以“菩提心”統攝信願、大悲、般若，係大乘佛法嘅心要。

發菩提心嘅基礎其實必須具備慈、悲、喜、捨“四無量心”，而呢“四無量心”亦都即係“菩提心”嘅擴展同實現，兩種係互爲因果、輾轉增上嘅關係。所謂“無量”就係指一切有情都係菩薩修行利他嘅對象，有情無量，所以利他嘅對象亦應該無量。菩薩亦都必須具備呢種無可限量嘅心願，先能夠對無量有情作無量嘅利益，引生無量福德，感召無量嘅果報。

講到“四無量心”，第一種，“慈無量心”啦，“慈”嘅本質就係無瞋，具備對治瞋恚同埋產生一切善行嘅功能。有情由於本具慈心嘅緣故，所以能夠幫助他人，使到人獲得快樂，故此，“慈無量心”亦都就係無限嘅仁愛心。就積極利他方面嚟講，“慈”係一切利他善行嘅根本，能夠濟度有情給予快樂，能夠以仁心去感化頑劣嘅有情，使到佢哋生起正信而趣向聖道，能夠使到一切衆生安穩快樂。就消極自利嘅方面嚟講，能夠使到衆生常懷恕心，能夠對治瞋恚，使到衆生唔被煩惱惱亂，亦都使到自身安穩快樂，隨順聖道。所以慈心係一切忍辱、精進、戒律嘅基礎，菩薩偉大行願嘅由來。

初發心嘅菩薩以一切有情作爲對象而生起慈心，趣向聖行嘅菩薩就以法理爲對象而生起慈心嘞，證道嘅菩薩基於對無生法忍嘅體會，心無執滯，所以能夠對一切有情生起無緣嘅大慈心。其實慈心嘅深淺度雖然隨住菩薩實踐嘅程度而有所不同，但係本質亦都係一樣，都係以使到無量有情離苦得樂作爲最終嘅目標嘅。

講到“悲無量心”。“悲”亦都叫做“不害”，原本係善心所發嘅一種，係唯識宗所講，但係就詞嘅功用上，係對一切有情，唔忍心佢哋受到逼惱呢一個角度而加以強調嘅，所以有“悲”嘅觀念產生嘞，所以“悲”有拔苦嘅作用。就佢消極方面嘅作用嚟講呢，係唔忍心有情受苦，但係就積極方面嘅功用嚟講，係拔除受苦有情嘅種種苦惱逼迫。用現代嘅術語講“悲無量心”，就係無限嘅同情心，不但同情，而且付諸實踐嘅行動去解除有情嘅苦惱。所以“悲”係無上菩提嘅根本，大乘佛法嘅精神所在，一切大信大願大行嘅由來。悲心嘅最徹底地方就係菩薩能夠觀察自己同有情同爲一體，不特唔應該加以逼害，亦都以有情嘅苦難作爲自己嘅苦難，時常懷住惻隱之心，就係大乘佛法所強調嘅同體大悲。

講到“喜無量心”，“喜心”就係歡喜心、興悅心，發菩提心嘅目的就係利益一切有情，而要利樂有情，首先就要對一切有情具備深刻良好嘅印象、和諧親切嘅感情，不但絲毫染著欣悅心境，亦都能夠以呢種心境去對待有情，就係具備喜心嘞。實踐菩薩道嘅菩薩，應該對一切正法生起歡喜、信受嘅心，對一切善行亦應該生起欣悅唔厭離嘅心，對一切有情心無厭倦，對有德嘅人唔生嫉妒，欣喜尊重，見人行善隨喜讚歎，呢啲行爲都係喜心嘅具體表現。能夠咁樣做，咁樣對待無量嘅有情，就係具備無量嘅喜心。

“捨無量心”，“捨心”就係平等心，對於無論順利抑或惡劣嘅境遇係冇愛、恚（“恚”就係瞋恚嘅心），對於自己同其他嘅有情喺心裏便冇分別，對於怨家、親人都能夠平等對待，就係平等心。所以簡單講，“捨心”就係保持情感同理智嘅平衡，心無執著，意志唔被外境所動搖。依理嚟講，“捨心”係修習菩提心嘅前提，慈心、悲心、喜心嘅依據，因爲假使菩薩個心唔平等，自然就唔能夠對有情生起無限嘅仁愛、同情同埋喜悅啦。而“捨心”嘅建立，不但可以從一切有情都具備佛性，本質上並無分別嘅觀點而嚟，更加可以由宿世因果，有情互爲眷屬嘅觀點著眼。菩薩能夠具備無限嘅平等無私心，先能夠產生無緣大慈同埋同體大悲以利益一切有情嘅善行。

“四無量心”不但係大乘菩薩修習菩提心所需要具備嘅條件，亦都係大乘佛法觀行上嘅方便，時常修習“四無量心觀”可以使到菩薩菩提心更加鞏固，一切善行嘅原動力更加有基礎。

跟住落嚟，我哋講到“六度”嘞。有時講“六度”，喺錄音帶裏便聽，好容易同“六趣”，啫所謂“六道輪迴”呢個“六道”混淆，其實講嘅“六度”係“六波羅蜜多”。“度”，梵語就係“波羅蜜多paramita”，簡稱“波羅蜜”。“波羅”意思係“彼岸”，“蜜多”係“到”嘅意思，合起嚟就係“到彼岸”嘅意思嘞，而“渡”同“度”呢，即是話三點水同埋冇三點水嘅“度”呢係相通，取譬如爲名，有度生死苦海嘅意思。“到彼岸”就係“到涅槃彼岸”嘅意義，意思就係話修習呢六類自利利他嘅菩薩行，能夠令到有情渡過生死嘅苦海，去到達涅槃嘅彼岸。菩薩發菩提心之後，對於一切嘅衆生具備無量嘅慈悲喜捨心，就應該實踐一切自利同利他嘅行爲，呢啲菩薩行呢，歸納起嚟，不外有六種主要嘅途徑，所以就稱爲“六度”。

第一就係“布施”，“布施”響梵語叫做“檀那波羅蜜dana paramita”，以自己所有同別人分享，施與別人，就叫做“布施”，呢個係簡單嚟講嘅意思。而“布施”亦都可以分開三種：“財施”“法施”同“無畏施”。

“財施”就係指一切物質嘅施與，輕嘅呢，譬如財物啦，重嘅呢，譬如生命啦，都係屬於“財施”，所以有“外財”同埋“內財”之分嘞。

第二係“法施”，就係知識嘅傳授、善法嘅教化都係屬於“法施”嘅範圍。

第三“無畏施”，就包括兩種意義。第一，就係修行人透過內心嘅修養，喺心裏便唔會存絲毫惱害有情嘅意念，慈顏善容，令到其他有情對於呢個衆生，有親切感，冇怖畏心，就叫做“無畏施”嘞；第二，其他人遭遇疑難恐怖時候，能夠給予安慰、支持、勸解、援助，使到其他嘅人無恐怖感，平安快樂，亦都叫做“無畏施”。總之“無畏施”係精神上嘅布施，有時吔，更加勝於物質上嘅布施。

三種“布施”之中，以“法施”係最有價值，“財施”喺意義之上係佔最低嘅地位，因爲“財施”呢，只不過係以物質去利益別人於一時，但係“法施”就可以對人產生無窮嘅利益。其中特別以無緣嘅布施功德最大。所謂“無緣布施”就係我哋嘅心懷有平等、唔爲求名、唔爲求利、毫不勉強、誠意和顏去布施，而“布施”嘅最高境界就係能夠做到三輪體空，亦都係喺布施嘅時候，響心裏便唔會執著有布施嘅我，唔見到有所布施嘅對象，更加唔見到有布施嘅事物，毫不執著，就叫做“隨緣任運布施”嘞。

“布施”係“六波羅蜜多”嘅第一步，佢嘅功能可以對治我哋嘅慳貪，培養、增長福德，係修習一切善行嘅開端。我哋初初學習布施，就盡其在我、量力而施、心安理得、毫無悔意，先係正確嘅布施態度。隨住自己嘅修養不斷增加，布施嘅胸襟、能力呢，其實必然都會隨住增長，以至布施嘅最高境界，就會覺得“布施”呢回事係最自然不過，喺我哋嘅心裏便根本唔會起“布施”嘅觀念，而實際就能夠將“布施”嘅精神發揮到極致。

第二，我哋講“持戒”。“持戒”喺梵語裏便叫做“尸羅波羅蜜多sila paramita”。“持”係受持、執持嘅意思，“戒”呢，係指戒律。“止惡行善”係持戒嘅目的，“尸羅”意思係清涼，貪瞋痴三毒，譬如火，戒就能夠防熄呢三毒火，所以有清涼嘅意義。一切有情被煩惱去纏綁，惱亂人心，持戒就能夠對治煩惱，止煩惱因，斷煩惱果，所以就叫做“持戒波羅蜜多”嘞。

菩薩所持嘅戒律廣泛嚟講，好似《瑜伽菩薩戒》嘅“四重四十三輕戒”，歸納起嚟不出三種：

第一，“攝律儀戒”。“攝律儀戒”意思係受持一切禁戒，唔應做嘅唔好做，就係消極方面嚟講就具有“止惡”嘅意思，例如七衆嘅“別解脫律儀”，即係一切在家出家嘅戒律啦，都係屬於“攝律儀戒”嘅範圍。

第，第二種係“攝善法戒”，菩薩受持“律儀戒”之後，所有一切爲咗大菩提，由身、語、意積集嘅各種善行，總名就叫做“攝善法戒”啦，意思係一切應該做嘅都要做，呢個就積極方面嚟講，係具有“生善”嘅意義。

第三就係“饒益有情戒”。菩薩以利益一切有情爲本分，前便所說嘅兩類戒雖然具有“止惡生善”嘅意義，但係多數都係著重自利方面去講，而“饒益有情戒”以利樂一切有情作爲根本目的，純粹係屬於利他嘅性質，尤其係能力做唔到而唔作饒益嘅呢，都係屬於犯戒，所以話係戒律嘅最高境界。

佛家持戒嘅精神最重視就係出發點，所以都係以意業爲主，假使出發點係爲咗饒益有情衆生，表面上雖然係違反咗別解脫戒，但係如果站喺菩薩戒嘅立場，亦都可以開許，譬如爲咗救渡衆人，而犯咗殺一人嘅戒律就係嘞。嚴格嚟講，戒律嘅最高要求，就算連我哋起心動念違犯咗正思惟，都係屬於犯戒嘅行列，例如目睹財寶而生起偷盜心啦，又譬如聽到隔牆女性嘅聲音而生起綺念啦，雖然我哋未付諸行動，但係響意念上其實已經係犯咗戒㗎喇。

莫將身作業，嚴以戒爲師，希望我哋謹記釋迦牟尼佛佛陀嘅遺訓，以戒爲師，護戒猶如明珠，防非止惡，去令到我哋身口意三業維持清淨。

南無本師釋迦牟尼佛！（註：接下文）


149.千波萬浪盡朝宗（七）


（註：接上文）

千波萬浪（四）——完結篇

（註：對於音頻嚟講，呢個主題到此爲第四篇，而對於文字記錄嚟講，呢個主題到此爲第七篇）

上一次，“蜜多”裏便嘅“持戒”，今次我哋由“安忍波羅蜜多”講起嘞。“安忍”亦都叫做忍辱，梵語呢，就係“羼提波羅蜜”。“忍辱”係指我哋內心能夠忍受外來嘅侮辱同惱害而唔生起恚恨，或者有時會譯作“安忍”，咁含義比忍辱更加廣泛。安忍嘅對象不但逆境係須要忍，順境都係須要忍。佛教有“八風吹不動”，“八風”就係指“利、衰、毀、譽、稱、譏、苦、樂”呢八種境遇、感受能夠影響動搖人嘅心，所以稱爲“八風”嘅說法，咁樣如果能夠八風都吹不動呢，就係“安忍”嘅最高境界。根據《瑜伽師地論·菩薩地》所講，“安忍波羅蜜多”可以分爲三類：

第一類係“耐他怨害忍”。“耐他怨害忍”嘅意思就係話菩薩受到其他有情嘅種種侮辱同埋逼害都能夠忍耐，而唔會生起憤懣怨懟嘅心，反而能夠作悲憫嘅思想，所以就叫做“耐他怨害忍”。

第二種名爲“安受衆苦忍”。“安受衆苦忍”係咩意思呢？世間嘅衆苦可以分爲八類。第一係“依止苦處”，即係意思話有情我哋所依止嘅衣食住同埋各種醫藥，或者供養身體嘅食物等等嘅物質，因爲由於上述種種日常起居生活嘅必需品短缺不足，而產生飢寒等等嘅苦惱，故此叫做“依止苦處”。第二種呢，係“世法苦處”，“世法苦處”係指一切基於世法無常嘅現象而產生嘅種種苦，比如老啦、病啦、死啦嘅苦啦，就屬於“世法苦處”嘞。第三種，係“威儀苦處”，意思係話修道嘅有情喺修道嘅過程之中須要修習行住坐臥各種威儀，由於修習種種威儀而產生疲乏嘅苦，故此叫做“威儀處苦”。第四呢，就係“攝法處苦”嘞，“攝”呢，就係“四攝法”個“攝”，乜嘢叫做“攝法處苦”呢？就係菩薩勇猛精進修行嘅時候所產生嘅劬勞之苦，佢所行嘅善法包括就係供養三寶、供事尊長、諮受正法廣爲他說、吟詠讚誦、修習瑜伽止觀、作意等，呢啲等等嘅法，所以呢，喺呢啲法生起劬勞之苦，所以就叫做“攝法處苦”。第五就係“乞行處苦”，“乞行處苦”就係出家修道嘅人須要受毀形剃髮，捨棄世俗欲樂，節約艱辛，依賴他人維持生計等等嘅苦惱，所以就叫做“乞行處苦”嘞。第六，就係“勤劬處苦”，“勤劬處苦”呢，意思就係話指一般修習種種善行辛勤嘅苦，“劬”就係“劬勞”啦，“句”字邊做個“力”字嘞。第七種，就係“利他處苦”，“利他處苦”係菩薩爲咗饒益有情不惜犧牲自己嘅精神、時間、錢財等等，純粹係利他嘅，唔爲自我，由於要實踐呢啲利他嘅偉大行爲，所以須要抵受嘅艱辛困難就叫做利他處苦。第八種就係“所作處苦”，意思係話出家嘅菩薩須要維持生計，先能夠安心辦道，咁在家菩薩就須要從事世間嘅事業，躋身喺士農工商嘅位置。咁菩薩無論在家出家，爲咗生活所需，都係要從事自己嘅事業，從事事業就不免辛勤勞苦啦，所以呢種勞苦就係名爲所作處苦。菩薩能夠對上述世間各種苦都能夠忍受，唔因爲遭受艱苦而懈怠放逸，一心去求取無上菩提呢，就可以稱爲“安受衆苦忍”嘞。

咁我講完“安受衆苦忍”，記住我哋講緊，而家講緊呢，就係《瑜伽師地論》裏便所講嘅“安忍波羅蜜多”嘅分類，有三種，頭先講咗“耐他怨害忍”啦，而後講咗“安受衆苦忍”裏便嘅，誒，八種嘅苦處啦，然之後再講而家就係“法思勝解忍”，最後一種嘞。意思就係話，“法思勝解忍”，菩薩能夠對佛法心生勝解，對三寶嘅功德，世間因果嘅道理吔、宇宙嘅實相、佛菩薩嘅偉大行願，或者菩薩都能夠以善巧嘅智慧去觀察理解，佢深切認同，亦都對佛教嘅教理行果具有好深嘅信心，唔會爲一切世間虛妄嘅言論、唔正確嘅外道見解所動搖，嗱，呢點呢，就叫做“法思勝解忍”。“佛法”個“法”，“思想”個“思”，“勝利”個“勝”，“解脫”個“解”，“安忍”個“忍”，“法思勝解忍”。

我哋講完《瑜伽師地論》對菩薩三種“安忍波羅蜜多”分類境界嘅睇法，咁由此可知呢，“安忍波羅蜜多”含義係好廣大，作用亦都極大。對逆境嚟講，安忍可以對治瞋恚啦，就順境來嚟講呢，安忍都可以對治驕慢個喎，就尋求真理嘅角度嚟講呢，安忍可以對治無明，所以修習“安忍波羅蜜多”不但可以使到學習菩薩行願嘅行者，佢嘅菩薩心量能夠廣大、平等安穩，更加可以使到智慧清明，對真理嘅認知就會堅定不移㗎喇。

跟住落嚟我哋講到“精進”嘞，“精進”係梵語就叫做“毘梨耶波羅蜜viryaparamita”，亦都可以話係叫做“勤”嘞，或者可以譯做“精進”，顯示，意思就係顯示呢種努力係精純，唔混雜惡法，係進取嘅、毫不懈怠嘅，所以叫做呢，譯師就會譯做“精進”，而唔譯作“勤”，咁正好講明就係話，向純淨方面去求進益嘅意思啦，“精進”。

菩薩如果發咗大菩提心之後，就能夠深信，去信解大乘嘅佛法，佢心智勇猛，能夠不斷去實踐無量嘅善法去利樂一切嘅有情，意思就係“精進”嘞。咁我哋又根據《瑜伽師地論·菩薩地》裏便所講，“精進”同“安忍波羅蜜多”都一樣，又可以都分爲三類嘅喎。第一類呢，叫做“擐甲精進”，乜嘢叫做“擐甲精進”呢？“擐”係剔，誒，“歸還”個“還”，但唔係用個撐艇仔邊，係用剔手邊，“擐甲精進”。“擐甲”係指勇士上陣嘞，首先擐甲冑，對於劍戟戈矛吖、一切苦難吖，係冇絲毫嘅畏懼，然後先能夠勇猛直前，殺敵取勝，咁其實係一個譬如嚟嘅，用呢個譬如就認爲菩薩爲咗修行一切自利利他嘅偉大行願。首先我哋必須要了解到生死大海係苦難無邊，如果要拔濟有情呢，唔係容易嘅事，所以就必須先擐誓甲，即是著一個披甲去上陣嘅戰士一樣，但呢件甲係有大誓願，唔係普通嘅甲，有一個大願莊嚴，呢個大願係度衆生嘅大願，當然，對衆生證果，佢所遭遇嘅苦難，唔畏懼嘅。由呢個觀點開始就發起勇猛精進心，喺修行過程之中唔怕衆苦，對一切利生嘅事業呢，亦都唔怯懦，一切嘅苦難唔能夠使到菩薩嘅菩提心退轉，所以就叫做“擐甲精進”，著起大勇猛甲，勇猛去殺煩惱嘅敵，誓救一切衆生。

第二點，叫做“攝善法精進”，“攝善法精進”意思係指對布施、持戒、安忍、禪定、智慧等等嘅波羅蜜多，一切自利利他嘅善行，能夠努力不懈成就各種嘅善法，就叫做“攝善法精進”，吖，呢個就好容易理解嘅啫。

第三種，叫做“饒益有情精進”，何謂叫做“饒益有情精進”吖？意思係話呢，對一切饒益有情嘅善事，比如爲他人呢，作助伴啦、善於演說法要等等啦，能夠勇猛勤修，努力不斷，時常一心一意去饒益其他嘅有情，雖然遭遇各種艱難困苦，但係都唔會懈怠嘅。佛菩薩甚至爲咗度化有情，或者捨棄禪悅嘅喜樂喺欲界裏便受生，或者誓入地獄去濟拔有情嘅困苦，地藏菩薩嘅大願就係呢一類啦，諸如此類都係“饒益有情精進”嘅。“精進波羅蜜”足以對治懈怠，修行自利非精進唔能夠成就，利樂有情非精進無以貫徹我哋嘅悲願，所以由狹義嚟講，“精進”都足以策勵自修，但係如果就廣義嚟睇呢，“精進”就可以盡未來際隨緣任運去利樂有情喎，所以“精進波羅蜜多”係通一切菩薩嘅行願。但係我哋初學佛法嘅人，精進亦都要量力而爲，循序漸進去開始，既唔好懈怠，亦都唔好急進，咁樣先能夠合乎中道嘅。

跟住我哋講到第五度嘅第五個波羅蜜多嘞，就係“禪定波羅蜜多”。“禪定”，印度文叫做“禪那波羅蜜多”啦，“dhyanaparamita”，舊嘅譯法呢，叫做“思惟修”，新嘅譯法呢，就叫做“靜慮”，或者叫“定”。思惟所觀察嘅境，即是話外境對象啦，而加以研求修習，就叫“思惟修”。我哋嘅心意集中響一個境界，雖然寂靜，但係能夠好清楚了知自己現前嘅境相就稱爲“靜慮”嘞，所以“靜”呢，就係“止”嘅意思，“停止”個“止”啦，“慮”呢，就係“觀”，吓，“觀察”個“觀”，所以亦都可以叫“止觀”。

而禪定嘅類別、層次，有所謂分爲九次第定，就係“四禪”“四空”。“四空”亦都叫做“四無色定”。“四禪定”呢，就係意思係色界嘅，“四空定”呢，就係無色界天嘅，同埋“滅盡定”嘞，“滅盡定”就更高吖。一般嚟講，佛家所提倡修行嘅禪定都係以“四禪”爲主嘅，見道嘅般若智同埋種種嘅神通力呢，都係響“四禪”嘅基礎之上生起嘅喎，呢一點。咁日，咁喺日後如果能夠有機會，我哋再做一啲，誒，關於禪定嘅講座，譬如“四禪”或者“四空”定嘅修法同埋境界。

咁禪定嘅作用呢，主要係對治我哋凡夫嘅散亂心啦，使到我哋心意集中、妄念平息而引發清淨嘅智慧嘞，而禪定嘅修習其實最重要就係能夠止觀雙運。“止”就係能夠掃除我哋嘅妄念，“觀”呢，就係能夠觀照真理嘞。修行嘅人最初係以世間嘅有漏心去修習止觀啦，當然，但係慢慢呢，就能夠逐步降伏世間嘅煩惱而產生出世間嘅無漏靜慮，啓發我哋清淨嘅般若智慧嘞。至於修習禪定嘅入手方法，佛教嘅各宗各派爲咗適應唔同根基嘅衆生呢，就有唔同嘅方法，有唔同嘅倡導，但係各種靜慮嘅方式其實都係殊途同歸嘅，目的都能夠，都係能夠希望我哋降伏煩惱啦，引生我哋嘅淨智。

跟住我哋講最後嘅一個波羅蜜多，係“智慧波羅蜜多”。“智慧波羅蜜多”梵語就亦都叫做“般若般羅蜜多”啦，大家都好熟悉啦。“般若”係專指超越一般世俗經驗，唔同煩惱連結，啫無漏嘅煩，無漏㗎喇，嘅殊勝嘅智慧啦。爲咗表示“般若波羅蜜多”唔同於一般世俗嘅智慧，所以每每只係用音譯唔用意譯。智慧嘅意義就係對所觀察嘅事理、境界能夠辨別是非、抉擇邪正，係具有決斷、裁定嘅意思，去除疑惑嘅功能嘅。

“般若”包括“無漏嘅無分別智”啦，亦都叫“根本智”，同埋“無漏嘅有分別智”，亦都叫“後得智”。“根本智”係體證真如，“後得智”呢，就思惟觀察一切現象界嘅實事實理嘅，所以“般若智”不獨能夠體證實相、勘破無明、對治愚痴，更加係六度之中最重要嘅一環，功能統攝其餘五度嘅可以。假使如果冇咗“般若”嘅指導，咁布施、持戒、安忍、精進、禪定種種嘅修行方法就唔足以叫做“波羅蜜多”嘞，所以一切菩薩修習嘅善行都必須藉住“般若”嘅指導先能夠趣向菩提。

而且另一方面嚟講呢，“布施”等等其餘嘅五度又足以助成“般若”喎，而“般若”又能夠統攝、指導其餘五種波羅蜜多，而互爲因果嘅，而最終嘅目的就係藉住智慧作爲舟筏去渡登覺悟嘅彼岸。總括嚟講呢，六度之中嘅“持戒、禪定、智慧”即係戒定慧三無漏學，係嘛？你諗下？係戒定慧三無漏學嘅，而其餘布施等等嘅三度都足以增長善行、饒益有情，係菩薩學處嘅加行嚟嘅，所以六度互相統攝，唔能夠分離嘅，千祈唔好將六度去拆開。

以下我哋講到“四攝”嘞。“六度”係自利利他嘅主要修行方式，“四攝”呢，就係純粹係利他嘅菩薩行爲。“攝”係攝受、攝引嘅意思，意思就係話以四種善巧嘅方法引導吖，同埋攝受一切有情，首先令到佢哋生起親近、親切嘅感受，然後再引導佢哋信受正法，所以四攝係弘法利生嘅一種高度技巧嚟嘅。

第一攝，我哋講“布施”嘞。所以六度波羅蜜開始，亦都係以布施爲首，好重要。而家講“四攝”亦係以布施開始，所以布施喺佛教之中係好重要嘅一個修行法門嚟嘅。菩薩以兩種方式去引導同攝受有情，第一種係我哋成日講嘅“財施”啦，第二種當然係“法施”啦。

“財施”係菩薩用錢財、衣服、飲食同一切物質布施俾衆生，布施之後亦都勸導佢哋歸依三寶，或者勸導佢哋持戒，或者勸導佢哋修習禪定，或者教佢哋修習四無量心種種嘅法門，務求使到受施嘅有情呢，能夠接受到佛法，喺菩提大道之上去邁進。當我哋做財施嘅時候，如果能夠儘量做到同對方講下佛法當然更好啦，但係如果唔能夠，單單布施錢財或者身外嘅物質俾佢，其實都有一種功德。

咁“法施”呢，就係菩薩以世間嘅善法去引導其他有情去信受、修習，再用方便嘅善巧由淺入深引導有情出離世間法，指示佢哋了解出世間嘅聖道，使到佢哋得證聖果嘅。例如首先以五乘共通嘅言教啦，五乘共通嘅言教即係比如用善惡因果嘅講法去引導衆生先啦，然後再慢慢開示大乘所講不共嘅義理，大乘不共嘅義理係講追求解脫、趣向涅槃嘅道理啦。又比如你首先教衆生靜坐，去受，令到佢足以澄清佢嘅思慮先，然後令到佢調息身心，使到衆生傾慕修習，慢慢再同佢講明禪定嘅真正目的就係降伏煩惱、引生淨智，去體證真如，呢個就係“法施”嘅一種方便嚟嘅。

菩薩嘅第二攝呢，第二種技巧去度化衆生就係“愛語”嘞，吓。“愛語”意思就係話菩薩應該能夠令到有情歡喜，欣悅嘅言辭，用欣悅嘅言辭呢，加以慰喻勉勵吔，去宣示正確嘅道理，去引導衆生邁向勝道，咁呢個意思就係“愛語”嘞。如果根據《瑜伽師地論》卷四十三所記載，“愛語”可以分爲三種嘅，邊三種呢？係“菩薩設慰喻語”“菩薩設慶悅語”“菩薩設勝益語”。第一種“菩薩設慰喻語”，菩薩設慰，“設”就係“假設”個“設”啦，“慰”就係“安慰”個“慰”啦，“喻”呢，就係“比喻”個“喻”，“語”就係“語言”個“語”，“菩薩設慰喻語”，意思就係話菩薩對於一切有情要和顏悅色，唔時常會有皺起眉頭嘅神態嘅，含笑善言去慰問曉喻有情，亦都能隨順世間嘅禮儀，以平易近人嘅言語同人接觸。所謂令一切衆生歡喜，諸佛菩薩就會歡喜，所以菩薩度化衆生，面上便呢，時常露出笑容、可人嘅神態，令到衆生容易接近嘅。第二種呢，就係“菩薩設慶悅語”嘞。“設”就係“假設”個“設”，“慶”就係“慶祝”個“慶”，“悅”就係“喜悅”個“悅”啦，“語”係“語言”個“語”。“菩薩設慶悅語”，菩薩所運用嘅慶祝語，使到人哋喜悅嘅言語就係“菩薩設慶悅語”嘞，比如有啲人對自己子孝妻賢吖、衣食豐足嘅福報，自己毫不自知，或者有啲人對自己能夠修習戒定慧、信受正法正理嘅殊勝福慧，佢都唔能夠察覺嘅喎，咁菩薩就應該向佢哋慶賀祝福，使到佢哋了解到福慧難得，應該勸佢哋加以珍惜，吓，呢個就係一個例子，“菩薩設慶悅語”嘞，嘅意思；第三種我哋講“菩薩設勝益語”，“假設”個“設”，“勝利”個“勝”，“有益”個“益”，“語言”個“語”，意思係話菩薩所運用殊勝使到人獲得利益嘅語言嘞，因此菩薩應該呢，時時宣說合乎倫理道德，同真理相契合嘅言語去利益一切有情。

跟住我哋講到第三種菩薩攝受衆生嘅方便方法就係“利行”嘞。菩薩用種種方便善巧饒益有情，使到佢哋獲得現時以至將來嘅利益就叫做“利行”。我哋又根據《瑜伽師地論》嘅記載講下利行啦，利行亦都可以分爲三種。第一種，“於現法利勸導利行”，乜嘢叫做“於現法利勸導利行”呢？“於現法”，“現”者，現在個現，“法”就係“法理”個法啦，“利”就係利益個利啦，“勸導”係勸導佢啦，“利行”，“利益”個“利”啦，“行爲”個“行”。“於現法利勸導利行”，意思就係話勸導他人，使到人現時獲得利益嘅善行咁解啫，例如菩薩以正法勸導其他人做善業啦，積修福德以保持甚至增加現有嘅財產同埋名位，係呢個意思啫。第二就係“於後法利勸導利行”，就係勸導他人使到人將來獲得利益嘅善行，“後法”就係“將來”啦，菩薩完成上述嘅初步利行之後，啫第一種，使到受化度者獲得現時嘅名利安樂，更進一步我哋引導衆生捨棄名利財位吔，更進一步修習梵行，使到佢哋認識到未來嘅安樂更勝於現時嘅安樂。修習梵行就係離開一切慾望嘅行爲修習啦，呢個就係“於後法利勸導利行”嘞。咁再進一步呢，就係“於現法後法利勸導利行”，喺現法後法之後嘅一種勸導利行，更進一步就勸導衆生使到佢哋現時同埋將來都獲得利益嘅善行嘞，即是話菩薩勸導在家、出家嘅人逐步修習離慾嘅梵行，使到人呢，現時獲得身心嘅安穩快樂，將來或者生去淨土或者得到涅槃嘅樂果，就係“於現法後法利勸導利行”嘅意思。

最後一種攝化衆生嘅手段就係“同事”吔，菩薩同攝化同埋受攝化嘅對象處於同一個環境，做同類嘅事業。首先使到彼此能夠充分溝通了解，互相信任，然後再加以方便去接引佢，或者係菩薩爲咗使到所攝化嘅有情佢嘅信心要佢堅固，對於所教授嘅修行方法親身去實踐示範，同攝化嘅對象一齊修行，做佢嘅榜樣，增加對方嘅信念，都係“同事攝”嘅意思。另外，如果具有偉大能力同悲願嘅菩薩，更加能夠以種種殊勝神通變化隨類化身六道之中，用平等嘅身份、相同嘅處境去接引有情，使到佢哋獲得利益安樂啦，呢個呢，就係“同事”嘅極致嘞。咁如果呢種修爲呢，必須要係大菩薩先可以做到，能夠隨類分身，去化身去各道呢，去幫助衆生。總括嚟講呢，“四攝”其實係菩薩利他嘅方便善巧，如果就淺義嘅方面嚟講，人人都能夠做到啦，當然，但就偉大高深嘅地方嚟講，就必須具有高度修養嘅菩薩先能夠承辦㗎嘞。

咁樣講完以上嘅內容之後，我哋跟住喺呢一度或者做一個小嘅總結先。學習大乘嘅佛法，其實最重要係對菩薩願行嘅了解同埋躬行實踐，但對於下便我所講嘅幾點都應該要注意。

第一點呢，釋尊設教嘅本懷都係爲咗普渡唔同根基嘅有情，所以原始嘅教法我哋睇下啦，雖然都係隨緣施設，但係呢，都係法同一味，唔應該強分宗派同埋教乘，唔應該分教，唔應該分門嘅。佛陀涅槃之後呢，由於佛弟子對佛嘅永懷恆念同埋追思，釋尊過去世嘅時候，喺因地佢所修嘅大行（即係菩薩嘅偉大行願）受到特別嘅重視同埋詮述，故此稀有嘅佛功德、慈悲嘅菩薩大行係部派佛教所共存共信嘅，呢點我哋要知道。但係部派學者佢心目中嘅菩薩只係局限響因地修行時候嘅釋迦牟尼佛，咁其後呢，佛弟子反省同埋自覺，慢慢促成大乘佛法嘅興起，其實主要原因呢，可以有兩方面嘅探索，第一，邊兩方面呢？第一方面就係佛教內部嘅因素，佛教內部嘅因素呢，有兩點嘅，第一點就係由於當時部派佛教思想發展吖，到極點嘞，慢慢含義深遠而契合釋尊設教本懷嘅大乘經典就喺呢個時候陸續出現，所以喺思想發展蛻變嘅歷史法則之上，大乘自然必有取代小乘嘅地位嘅趨勢啦，當然。第二點就係當時部派學者，只喺支離瑣碎嘅義理鑽研，將個精神集中喺呢度，而忽視咗宗教生活嘅體認同宗教對社會所應該發揮嘅功能，啱啱咁樣就同佛陀個本懷相違背，故此能夠促成佛教內部嘅自覺同埋反省。第二個探索，我哋要明白社會背景嘅影響都好重要。當時政局慢慢漸趨安定同埋統一，影響到日趨分歧嘅佛教內部產生謀求同埋統一嘅意願，但係因爲小乘各部佢哋因循守舊，唔能夠融通，只有新興嘅大乘既能夠超然響各部之上，亦都能夠吸收其他部派嘅長處，故此能夠足以擔負去組織新嘅說法而統一佛教內部嘅重任。隨住大乘佛法嘅興起，佛性觀念得以流行，菩薩嘅慈悲大行亦都再唔係只限於因地修行時候釋迦牟尼世尊所獨有嘅，菩薩修道嘅德目亦都散見響陸續出現嘅大乘經論之中，甚至流行吖，響佛教以外學派嘅修道方法，譬如“四無量”啦，亦都被吸收賦予新嘅意思。較早能夠將菩薩修行嘅德目作有系統嘅組織，我哋可以見到，喺龍樹菩薩嘅《菩提資糧論》裏便，之後流行嘅《菩薩藏經》啦，亦都係專門講述大乘菩薩道嘅組織，以“四無量”“六度四攝”爲綱領去統攝一切有關嘅法門，更，更加將“四無量”嘅義理擺喺“六波羅蜜多”嘅先頭，而用“四攝”作爲“六度”嘅推廣，最後就將重點放喺“智度”之上，啫“智慧波羅蜜多”。

此外呢，當時出現同類嘅書亦都有《菩薩藏摩怛理迦》，之後呢，亦都收入咗《瑜伽師地論》作爲本地分十七地之一嘅菩薩地嘞，而《瑜伽師地論》嘅菩薩地可以話係大乘經論之中有系統論述菩薩修道德目嘅極峰，所以喺《瑜伽師地論》呢本論著之中，除咗意韻深邃嘅真實義品可以作爲大乘菩薩行願嘅理論基礎之外，更加響“戒波羅蜜多”之中，佢提出菩薩自性嘅律儀戒，意思就係一套四重四十三輕嘅菩薩戒。咁樣做法係將散見響其他地方嘅佛陀所講嘅理論組織起嚟，成爲實踐大乘菩薩行願嘅具體依據。到咗呢個地方，對大乘菩薩修道論系統性嘅組織就具備咗嘞。

第二點我哋要研究嘅就係話，“聲聞重智，菩薩重悲”係一般區分大小乘修道論唔同重點嘅常談。喺思想史嘅立場來睇呢，唔同時期嘅思想發展都有佢思想史上嘅價值，呢個係以前我哋講到《解脫論》嘅總結之中已經有講過，喺呢度唔再詳細。但係由宗教嘅行持同證悟嘅角度嚟睇，唔能夠話毫無區別嘅，上便嘅，喺上便所講呢兩句說話“聲聞重智，菩薩重悲”係講明大小乘唔同嘅地方，但係呢兩句評語亦都有加以說明嘅必要。

首先呢，聲聞嘅行者佢所重嘅“智”呢，係解脫涅槃嘅“智”，聲聞行者發現自我嘅私慾罪惡根源，於是由無貪欲希望能夠尋求自心嘅淨化，所以強調“離貪欲，故心得解脫；離無明，故慧得解脫”，但係咁不免就偏於理智而忽略咗情感。當然啦，同戒律有關嘅慈悲，聲聞亦都唔能夠話係冇，但係由於佢厭離世間嘅情緒係好深，所以唔能夠由離慾無執嘅合理行爲之中去促進完成更加合理嘅自他和樂，去成熟有情同莊嚴國土。

聲聞乘嘅修行人深切厭離、欣求解脫，唔能夠話同佢觀慧嘅方面係冇關係嘅。聲聞對無我勝義嘅觀察係由“無常，所以苦”去作爲入門嘅方便，呢個觀點好容易使到聲聞乘嘅人怖畏生死，去速求解脫，所以佢哋雖然亦都能夠證覺涅槃空寂，但係由於佢哋嘅厭離心過深吖，所以自以爲究竟，就不免悲願不廣，限制咗佛陀正覺內容嘅開展嘞。菩薩嘅觀慧就係從緣起去直證空義，菩薩……（註：接下文）


150.千波萬浪盡朝宗（八）


（註：接上文）

菩薩了解到萬法雖宛然而有，但係都係因緣和合，係無實自性、當體即空嘅中道義理，所以菩薩能夠了解到生死雖然係苦，但係完全都係由於執著，如果了空去執，就不以爲苦嘞。由此自利利他，先能夠喺生死苦海中唔會急於求自了，而能夠由入世度生之中邁向佛道嘅，所以由大乘佛教嘅修道理論嚟睇，慈悲正係佛法嘅根本精神。大乘佛法之中雖然處處以成就無上正覺爲目的，但係佢嘅原動力就係對一切有情嘅悲愍心，以悲爲緣，所以菩提心得以發軔。喺實踐菩薩行嘅過程之中，更能夠由自他和樂嘅悲行之中去淨化自心，唔專於說教嘅一個方面，而講求參與社會一切正常嘅生活、去廣做利益有情嘅事業，比如維摩詰長者嘅作爲啦、善財所見到善知識嘅唔同事業啦，《瑜伽師地論》之中呢，就宣示咗“菩薩當於五明處求”呢個道理嘞。故此菩薩喺證得如實智之後，響八地之前呢，特別呢，留低一啲煩惱，以便喺輪迴六道呢，度脫有情，呢個係崇高悲願嘅表露嚟嘅其實。其實八地菩薩佢係故意剩返啲煩惱爲咗去度衆生啫，到佢成佛後之後，仍然不住涅槃，喺盡未來際去度脫有情，呢個係“悲”嘅極致。總之，大乘佛法修道論嘅特色係慈悲精神嘅貫徹始終，我哋可以咁樣睇法。

最後一點，我哋要知道就係話，大乘各宗佛學之中，對菩薩修道嘅階次係有唔同嘅分類嘅喎，最顯著呢，就係唯識宗所講嘅五位說法，邊五位呢？係“資糧位”“加行位”“通達位”“修習位”同“究竟位”。而天台宗就唔同嘞，天台宗就有六即佛說，所謂六即佛說，係“理即佛”“名字即佛”“觀行即佛”“相似即佛”“分證即佛”“究竟即佛”。而華嚴宗就由次第行布門所提出嘅五十二位說，即係平時我哋所講嘅“十信”“十住”“十行”“十回向”“十地”“等覺”同“妙覺”呢啲位置啦。但係對菩薩由初發菩提心到佢成等正覺，就須要經過三大阿僧祇劫嘅說法係一樣嘅，並無二致嘅。

由此我哋可以知道大乘佛法嘅最終理想崇高博大，但係要經歷久遠嘅修道歷程先能夠成就嘅，唔係一步可以𨂾到上天，亦都唔係悲願微小嘅人所能夠祈求。但係一分耕耘就自然有一分收穫，大乘嘅修行人，如果能夠唔捨菩提心，隨住自己能力所及去精進不懈，能夠循序漸進，永遠唔退轉響菩提路之上。所以大乘菩薩行願嘅原動力、無限嘅慈悲精神就必須奠基喺對於真理嘅確切體認，而唔係由於一時嘅感情衝動或者盲目嘅信仰，咁樣先能夠歷久彌新、堅定不移。咁以上所講呢幾點都係我哋要注意嘅。

假若各位師兄對頭先所講嘅內容有興趣進一步收集，可以睇以下嘅書目，我介紹俾大家，係《瑜伽師地論》卷三十五到五十，彌勒菩薩所造，（唐）玄奘法師所譯；第二係《大般若波羅蜜多經》卷三百八十，（唐）玄奘法師所譯；第三係《人生學》之四嘅《大菩提論》，係王恩洋居士著，響民國嘅時候吖；第四呢，係《學佛三要》，就印順論師所著㗎喇。

以下落嚟，我哋講到佛學上嘅最高境界就係“大涅槃”同“大菩提”嘞。大乘佛教一般公認嘅說法都認爲菩薩由初發菩提心開始，要經過三大阿僧祇劫，即無數劫，修習六度萬行，喺十地之中，漸次去斷除一切煩惱障同所知障，慢慢先能夠證入真如法界。般若智慧先慢慢去趨於圓滿嘅，最後當金剛喻定現前嘅時候呢，就會頓斷一切最微細嘅煩惱，咁嗰個時候，所知兩種障嘅習氣就會證得圓滿正覺㗎喇。

呢種圓滿正覺，如果就歷劫修行嘅“因”方面嚟講呢，就叫做“佛果”。“佛果”嘅內容可以由兩方面去加以認識，第一就係“大涅槃”，第二就係“大菩提”。“大涅槃”係斷德，而“大菩提”後者呢，就係智德，前者可以代表無爲嘅體性，所以本質即係真如，而後者可以代表一切有爲嘅功德，內容呢，就係“四智相應心品”嘞。前者係所證，後者係能證，如果綜合呢兩個範疇呢，就叫做“法身”，啫廣義上嘅“法身”，係圓滿正覺嘅具體內容。“淨土”呢，就係“法身”嘅依止，亦都係“四智相應心品”無漏有爲功德呈現攝化有情嘅方便，所以亦都屬於“佛果”嘅一部分。

首先我哋講下“涅槃”嘅定義，“涅槃”係梵文“nirvana”，或者巴利文呢，“nibbana”嘅音譯嚟嘅，咁我哋中文亦都叫做“泥洹”啦、“涅槃那”啦，等等嘅譯法，或者可以譯做“滅”“寂滅”或者“滅度”等等嘅意譯。“涅槃”呢個名稱，其實個唔同嘅名，名目呢，係好多，比如《大般涅槃經》卷三十三有二十五種唔同嘅名稱，《四諦論》卷三更加有六十六種別名，此外呢，“涅槃”亦都可以叫做“般涅槃”嘅，咁我哋中文就叫“圓寂”嘞。“涅槃”呢個名稱呢，可以由“遮詮”，“遮詮”嘅意思即是話由反面或者以否定嘅方式去解說同埋表詮，“表詮”嘅意思呢，“詮”係“詮釋”個“詮”，“言”字邊做“完全”個“全”，“表詮”啫由正面或者肯定嘅方式去解說，呢兩個方面，我哋都可以探索“涅槃”嘅含義嘅。“涅槃”呢個名稱在梵語嘅語根上原來係具有“止息”“消散”嘅含義，所以《雜阿含經》卷十八，《入阿毘達磨論》卷下等等都解釋指“涅槃”就係貪瞋痴三毒火永滅，一切煩惱災患永盡嘅境地嘅意思，更加徹底講，就係一切苦，因吖、苦果吖，永滅嘅境地。“苦因”係指生死流轉嘅因啦，亦即係煩惱同煩惱所感召嘅有漏業，“苦果”呢，係指生死流轉嘅苦果啦，呢啲都係以遮詮嘅方式由消極方面去理解“涅槃”嘅定義。假使如果從滅苦以後所證得嘅解脫樂嚟講呢，相對有漏世間嚟講，“涅槃”就係絕對安穩，係無上清涼自在，係至樂嘅境地，咁樣係以表詮嘅方式由積極嘅方面去加以解說“涅槃”嘅含義嘞。

但係“涅槃”呢個名稱原嚟並唔係佛家所專用嘅喎，其實喺古印度嘅時候，從常人到九十六種外道對涅槃嘅定義都有各自嘅解說嘅，印度一般人民呢，響遇到苦痛消失，快樂繼之產生嘅時候，就稱呢種境界爲“涅槃”，我哋可以參考下《大般涅槃》經卷二十三就知道。至於印度古時候嘅各種外道，有啲以欲界嘅樂處爲“涅槃”，有啲以初禪吖、二禪吖、三禪吖、四禪，乃至非想非非想處作爲“涅槃”，呢啲都係“涅槃”定義嘅解說，而由佛家嘅角度嚟講，都未能夠徹底解脫人生嘅苦惱，都唔係究竟嘅解說，如果依照以上嘅解釋。

佛家對“涅槃”意義嘅解說呢，比起當時印度嘅國家外道嚟講呢，都較爲呢，究竟同埋徹底嘅。至於佛家內部嚟講，小乘各部派對於涅槃所下嘅定義，一般都係著重響消極方面嘅詮釋，至於積極方面嘅解說呢，小乘部派之中，比如說一切有部啦，雖然具備呢種詮釋，但係畢竟只係屬於少數，而且未夠詳盡，其中更有部分嘅小乘學者，佢哋迷執消極方面嘅解釋，以至於產生灰身滅智嘅誤解。到咗大乘經論，雖然兩方面嘅詮釋吖，都具備，但係更著重積極方面嘅含義，而強調“涅槃”係不生不滅嘅意義，同如來嘅法身係同視嘅，等同視之嘅，所以有涅槃三德嘞，就係“般若”“解脫”同“法身”三種德，或者八味啦，係“常住”“寂滅”“不老”“不死”“清淨”“虛空”“不動”“快樂”，或者係四德啦，“常”“樂”“我”“淨”，呢啲我哋都知㗎嘞，等等嘅解說，我哋可以參考《妙法蓮華經》啦、《方等般泥洹經》啦，或者吉藏大師所寫嘅《大乘玄論》等等啦。總括嚟講呢，“涅槃”係三乘聖者所證嘅解脫果，就佢具備煩惱滅盡嘅含義嚟講吖，係“斷德”，就係佢不生不滅、常恆不變嘅本質嚟講呢，就係“真如法性”嘞。

至於“涅槃”嘅類別係點樣分類嘅呢，對“涅槃”含義嘅解說，一般小乘嘅經論多數只係論及兩種“涅槃”，即係“有余依嘅涅槃”同“無余依嘅涅槃”兩種。呢個係因爲小乘學者係偏重對“涅槃”消極方面含義嘅解說，所以佢詮釋“涅槃”義理都係以滅苦吖、斷生死吖，作爲準則。而到咗大乘學者呢，佢哋就強調“涅槃”呢一個名稱係積極方面嘅含義嘞，就重視如來法身長存嘅理論，所以主張有四種“涅槃”嘅講法。不過“涅槃”嘅解說雖然有兩種、四種，廣略嘅唔同，但係都係由唔同嘅角度去解說“涅槃”嘅觀念，喺其中並唔能夠截然去加以分割。

喺呢度呢，我引證《成唯識論》卷十，將“涅槃”嘅類別呢，加以講解。“涅槃”，《成唯識論》裏便有四種講法，就係“本來自性清淨涅槃”，意思係話一切嘅有情平等共有嘅真如法性咁解。第二種係“有余依涅槃”，就係頭先小乘都講，“有余依涅槃”就係煩惱障滅除啦，所依呢，就未滅。“無余依涅槃”呢，就係煩惱既盡，所余依呢，亦都滅咗，衆苦就永寂，所以叫“無余依涅槃”。“無住處涅槃”嘞，最後一種，喺《成唯識論》所講嘞，就係不住“生死”，亦都不住“涅槃”，斷除所知障，大悲般若時常所輔翼嘅，亦都能夠利樂有情呢，喺盡未來際，呢種係最高吖，“無住處涅槃”。

咁或者頭先所講嘅《成唯識論》卷十，“涅槃”嘅分類呢四種啦，頭先係簡單描述，或者喺呢度再詳細咁深入小小再解一次，頭先所講嘅四種“涅槃”啦。

咁第一種“本來自性清淨涅槃”呢，意思係話一切嘅法相嘅自性真如嘅理體嚟嘅其實係。“真如法性”，我哋知道佢本原存在所以叫做“本來”啦，“真如”係一切現象嘅本質，所以叫做“自性”。“真如”不生不滅、本來寂靜，一切有情平等共有，有情雖然有聖凡嘅分別，但係本具嘅“真如法性”，我哋平時叫“佛性”啦，係無異嘅，係相同嘅。凡夫雖然被無明煩惱嘅客塵所染，迷而未悟，但係我哋本身所具有嘅真如理體呢，本嚟就係湛然清淨，猶如虛空，雖然有浮雲吖，但係唔損佢清淨嘅本性，所以就叫做“清淨”嘞。呢個真如理體同一切法相非一非異，但係只能夠憑聖者嘅內證，而唔係語言文字、思想概念可以描畫。本性寂然，所以就叫做“涅槃”啦。咁樣解我諗會比較明白啲。

第二種呢，“有余依涅槃”。乜嘢叫做“有余依，依涅槃”呢？因爲煩惱障我哋已經斷咗（煩惱障就係“貪、瞋、痴、慢、疑”啦），生死嘅因已經盡咗，但係由於我哋過去苦因吖，所感召有情，依止嘅五蘊身體吔，仍然都會存在㗎嘛，所以有啲好微嘅苦仲未盡，有漏嘅壽命未終，而由於雖然呢五蘊和合嘅假體仍然存在，但係煩惱障已經永遠寂滅，故此就叫做“涅槃”嘞。

第二種（註：根據上下文，“第二種”應爲“第三種”）“無余依涅槃”呢，係話煩惱嘅因（啫煩惱嘅障）已經盡，過去煩惱嘅業所感召嘅果報，即是有情依止嘅五蘊身體呢，我哋嘅五蘊身體亦都已經捨報，世壽亦都終嘞，啫一切有漏嘅業感召嘅殘餘勢力亦都盡，由此了脫咗生死，不受後有而超出輪迴、衆苦永寂，所以就叫做“無余依涅槃”嘞。

咁如果以上對於“有余依涅槃”同“無余依涅槃”嘅解說，係一般大小乘經論嘅共通說法，係解說涅槃嘅正義。但係如果《增一阿含經》嘅《火滅品》呢，就以小乘嘅第三果，啫“不還果”同第四果“阿羅漢果”去詮釋“有余”同“無余”兩種“涅槃”，我哋可以作爲呢，其他嘅解釋嘅參考嘅。

第三種（註：根據上下文，“第三種”應爲“第四種”）“無住處涅槃”呢，就係二乘嘅聖者，雖然已經斷除煩惱障，但係仲未能夠斷除所知障，所以都係有法執，不住生死而住喺涅槃，但係大乘聖者呢，了達咗人法兩種空，煩惱所知二障都能夠斷除咗嘞，所以能夠“生死”“涅槃”呢，兩種都唔會住，大智大悲時常並起。由於大智嘅緣故，就不住“生死”，超脫煩惱啦，由於大悲嘅緣故，亦都不住“涅槃”，所以不捨衆生嘞。本體雖然係寂靜，但係用呢，就能夠無邊，故此能夠利樂群生，盡未來際，所以就叫做“無住處涅槃”。所以咁樣解釋或者可能就比較會明白少少。

以上四種“涅槃”，由於小乘行者只係著重人生苦惱嘅解脫，較少涉及本體嘅問題，所以一般呢，只係論及“有余”“無余”兩種“涅槃”，並未談及“本來自性清淨涅槃”，又由於小乘嘅行者係著重個人嘅自證，悲願不夠廣大吔，所以就並未論及“無住處涅槃”嘞。故此大乘經論多數認爲小乘“涅槃”嘅內容只能夠包含前三種，唯有大乘佛法先具備“無住處涅槃”嘅特質。我哋可以略略見到大小乘喺思想上、精神上重點嘅唔同，但係就生死流轉嘅解脫嚟講呢，大小乘上便呢，就冇分別嘅喎，所以有“三乘同坐解脫床”嘅說法，而大乘“無住處涅槃”嘅觀念就可以視爲佛家最崇高偉大嘅理想，所以就稱爲“無上大涅槃”嘞。

跟住落嚟我哋講到“大菩提”。首先菩提嘅定義嘞，講下，“菩提”，梵語同巴利語都係“bodhi”，舊嘅譯法就叫做“度”，新嘅譯法係就叫“覺”，亦都有譯做“智”吔、“知”吔，等等嘅。三乘行者修道圓滿時候所得嘅覺智，我哋都叫做“菩提”，“菩提”係梵語係動詞吔，“budh”所轉化嘅名詞，而“budh”係“知覺”嘅意思，所以有以上嘅譯名就係咁解嘞。至於講到“菩提”嘅類別呢，大小乘論典對於“菩提”亦都有唔同嘅分類，但一般嚟講可以分爲三類，比如《俱舍論》卷二十五、《大智度論》卷五十三等等都納三種菩提吔，係“聲聞菩提”啦、“獨覺菩提”同埋“無上菩提”。大乘行者所證得嘅“菩提”係最爲究竟圓滿，而超越二乘嘅“菩提”，所以就叫做“無上菩提”嘞，“無上菩提”嘅梵語係“Anuttara-samyak-sambodhi”，咁呢個梵音呢，咁我哋平時唸《心經》就所謂“阿耨多羅三藐三菩提”，“Anuttara-samyak-sambodhi”，意思就係叫做“無上正等正覺”，亦都可以譯做“無上正等菩提”，或者“無上道”吖，簡稱係“正覺”吖，等等嘅。至於大小乘聖者，由於“因行”“所證”同埋“果德”嘅唔同，“菩提”亦都有深淺程度嘅差別嘅喎，咁我哋跟住去講下嘞。

第一點我哋講“因行”嘅不同。“因行”係指因地修行嘅經歷，二乘嘅行者只係尋求個人人生苦惱嘅解脫，所以佢哋修行戒定慧嘅時候呢，亦都以自利爲主，目的係快啲去斷除呢個煩惱，速了生死，去趣入涅槃。所以傳統說法認爲，聲聞菩提吔，少至三生亦都可以得證，獨覺菩提亦都可以百劫修成，呢個同大乘菩薩因地嘅願行就有顯著嘅唔同嘞。大乘菩薩爲咗求解脫一切有情去修習六度萬行，發心無量，喺長遠嘅生命歷程之中呢，不斷會自度度他嘅，會自利利他，對生死嘅苦惱，佢唔會覺得疲厭，所以能夠乘願再來去度化衆生，隨類攝化，對於涅槃寂靜無爲嘅樂果啦，佢唔會去求呢，速得自了吖，所以能夠呢，經歷三大阿僧祇劫，去廣行“四攝”同埋“六度”，去普渡一切衆生，然後先成佛果。由呢點可以睇得到，大小乘修行嘅人因地嘅願行呢，顯然呢，就係有唔同。

第二點我哋就“所證”嘅唔同嚟講，“所證”就係指聖者覺智所證境界嘅程度嘞。聲聞獨覺只係就“四諦”“十二因緣”去思擇現證，了知“諸行無常，苦空無我”。由於了達咗“人無我”，所以能夠斷除煩惱障啦，對三界唔會希求嘞，只係求速得解脫、去趨向寂滅。而大乘菩薩摩訶薩由“聞思修”去修習無量嘅教法，通達一切諸法實相，了達“人法二空”，然後斷“煩惱”“所知”兩種障礙，由於了達“二空”嘅道理，所以能夠了知諸法自性都係空，證得真如理體嘅自性涅槃。由呢點可以知道，大小乘聖者嘅覺智深淺程度唔同呢，佢哋所證嘅理境嘅圓滿程度呢，亦都有唔同嘅喎，嗱，我哋聽完呢點就會明白得到嘞。

第三點呢，我哋就“果德”嘅唔同嘅方面去講，“果德”係指修行所獲得果報嘅德相啦。二乘嘅修行人由於悲願唔夠深、智慧唔夠廣，既然證到涅槃呢，佢以爲所作已經辦嘞，冇進取嘅目標，所以依止呢個身體壽終之後呢，智德亦都會盡，此後呢，佢唔會再用心智嘅功德，喺未來際去利樂有情，所以亦都冇酬因本願嘅殊勝廣大受用嘅“身”同埋“土”、受用嘅“法樂”，只係唔受生死雑染嘅苦惱，超越凡夫，獲得解脫寂滅嘅道果啫，但係大乘菩薩“果德”就顯然有唔同，因爲大乘菩薩摩訶薩以無上清淨嘅無分別智圓滿證得法界真如理，又以無邊妙用嘅後得智去成就無盡嘅功德，喺盡未來際去度脫有情，不住“生死”，亦都不住“涅槃”，呢點就係大乘菩薩嘅偉大吔。

一方面大乘菩薩以無漏大用去成就廣大清淨受用嘅“身”“土”，去受用“法樂”，另一方面去成就“他受用身土”同埋“變化身土”去利樂有情，故此我哋可以知道，大乘聖者嘅功德果報同二乘係有住截然嘅差別。大乘聖者由於“因行”，“所證”同埋“果德”都係殊勝廣大，所以佢所得嘅覺智被稱爲“無上菩提”，就又同二乘道果唔同嘞。

而菩提係屬智、屬用，三乘聖者都以覺智證道解脫，大乘更加以去利樂一切有情，所以呢，就係“智德”。至於講到“大菩提”嘅體性呢，大乘菩薩由開始初見道吖，嗰陣時開始，以根本智去實證真如，以後得，得到呢個智慧呢，由觀法相，咁樣淨智慢慢去增長，而慢慢經歷十地，到金剛道之後就圓滿佛果，就轉有漏嘅八識而成爲清淨嘅“四智心品”，喺盡未來際利樂有情，所以“無上菩提”以“四智相應心品”呢，作爲體性嘅，故此我哋依《成唯識論》卷十呢，去講一下“大菩提”，“大菩提”喺《成唯識論》呢，分開四種，就係“大圓鏡智相應心品”，意思係轉第八阿賴耶識而成嘅；“平等性智相應心品”，係轉第七末那識而成；“妙觀察智相應心品”，係轉第六意識而成；“成所作智相應心品”，係轉前五識而成嘅。

首先我哋講“大圓鏡智相應心品”，呢個就係大圓鏡智同大圓鏡智相應嘅無垢淨識，亦都係清淨嘅第八識。大菩薩將成佛嘅時候，佢入金剛喻定（“喻”就“比喻”個“喻”），而喺金剛深處斷除一切“煩惱”“所知”兩種微細嘅習氣，捨離一切世間有漏同埋劣嘅無漏法。喺呢個時候，“大圓鏡智無垢淨識”就同時發生（“無垢識”啫第八嘅清淨識啦），“大圓鏡智相應心品”執持一切純無漏法嘅種子，變現如來自受用嘅“身”“土”，係其餘三智心品嘅依止。而“大圓鏡智”嘅名稱嘅意思呢，係因爲一切有情嘅根身器界、心智意欲都係如來法身所遍緣，各種影像都呈現喺呢個“智心品”之上，由於呢個“智心品”一方面能夠攝持無量嘅功德啦，另一方面而能夠變現“身”“土”自用，有如大圓鏡能夠現種種嘅跡像，由呢個比喻取名，所以叫做“大圓鏡智”。不過呢個“大圓鏡智相應心品”喺果位嘅時候先能夠得以成就，故此《八識規矩頌》有“不動地前纔捨藏，金剛道後異熟空”嘅名句說法。

第二種係“平等性智相應心品”，呢個係平等性智同平等性智相應嘅淨識，即係第七識末那識。大乘菩薩喺初見道時候就登“極喜地”，亦都叫做“歡喜地”啦，第七末那識同第六意識都得到轉依嘞，體證二空真如，人法我執唔起現行，但係呢個並非係究竟嘅斷伏喎，因爲出觀之後呢，淨智唔再相續，有漏法仍然都會起現行嘅，所以菩薩喺通達位，啫初見道位之後呢，仍然須要不斷修習，到第八地菩薩不動地嘅時候就會徹底斷除我哋嘅我執，金剛道之後呢，呢兩種障就會永遠斷除，無漏嘅第七識，平等性智得到究竟轉依，長時相續嘞。呢個“智心品”嘅得名呢，係由於觀自他有情悉皆平等，又觀諸法平等，所以叫“平等性智”。由於我執已經斷除，所以能夠觀自他平等啦；法執已經斷除，所以能夠觀諸法平等嘞。由於能觀自他平等，所以大慈大悲時常相應，觀有情受苦，猶如自己受苦，所以能平等拔除一切有情嘅苦惱；觀有情快樂，猶如自己快樂，故此能夠平等去濟施一切衆生。由呢個觀點嚟睇，“平等性智”係一切大慈大悲嘅根本。另一方面，由於“平等性智”嘅緣故，能觀一切染污不淨嘅法都係幻法，唔生怖畏，又能觀一切無漏清淨法亦都係幻法，唔生愛著，由此就會“生死”“涅槃”呢，兩樣都平等，所以能夠不住“生死”，亦都不住“涅槃”，就係咁解嘞，呢度，盡未來際去度脫有情。故此“平等性智”係“無住涅槃”建立嘅根據，呢個“平等性智相應心品”係隨住十地菩薩嘅意樂自現“他受用身土”，令到登地菩薩去受用大定嘅法樂嘅。

第三樣係“妙觀察智相應心品”，呢個係妙觀察智同妙觀察智相應嘅淨識，啫係清淨嘅第六識。我哋有漏嘅第六意識喺初見道位嘅時候，啫“歡喜地”嘅時候，初得轉依啦，開始轉啦，但係尚未圓滿嘅，至到第八地嘅時候呢，“煩惱”“所知”二障就伏斷嘞，純無漏嘅清淨第六識就開始生起，長時相續去利益有情，做種種殊勝嘅功德。由於呢個智能呢，善觀一切法嘅自相吖、共相吖，攝觀自心，引生無量嘅功德，同埋觀察有情心性嘅差別，使到攝法度生嘅方便，能夠如理如量，所以叫做“妙觀察智”。呢個“妙觀察智”必然同無漏嘅第六識同埋遍行等等嘅無漏心所誘發相應去生起，故此叫做呢，總名稱爲“妙觀察智相應心品”。各個，各個大菩薩喺八地之後，喺“相”同埋“土”都得到自在，就能普遍示現去度脫有情嘞。

最後我哋講到第四種“成所作智相應心品”嘞，呢個就係成所作智同成所作智相應嘅淨識，即係清淨嘅前五識。諸佛如來對於無上菩提一切所作都已經承辦啦，但係爲咗度化衆生，雖然成就佛果，但係仍然喺十方示現種種嘅變化身業，去承辦如來本願力所應該做嘅事業，所以叫做“成所作智”。而其他大菩薩呢，就經過無量劫嘅修行，將有漏嘅八識成爲清淨嘅“四智心品”，到此呢，就成就圓滿佛果嘞，得證“無上菩提”，繁興永處，業用無窮。所以《六祖壇經》機緣品可以引證呢段，第七講過：“大圓鏡智性清淨，平等性智心無病，妙觀察智見非功，成所作智同圓鏡，五八六七果因轉，但用名言無實性，若於轉處不留情，繁興永處那伽定。”

跟住落嚟我哋講到如來嘅“法身”嘞，如來嘅清淨法身呢，其實係依上便所講嘅“大涅槃”“大菩提”兩種果位去建立嘅。“法身”亦都可以分“自性身”“受用身”同埋“變化身”三種。

“自性身”就係“真如”，亦都係本嚟自性清淨嘅涅槃，亦都係狹義嘅法身。呢個“自性真如”雖然係一切有情平等共有、本然具備，但係由於四乘先證得到，凡夫未證，所以有“得”同“唔得”嘅分別。呢個清淨法身並非離開諸法而別有嘅體性，但係如果就理上嘅方便去講呢，接納呢個觀念，實際上就係”受用變化身土”嘅實證。

第二種“受用身”，“受用身”可以分爲“自受用身”同“他受用身”兩種嘅。“自受用身”亦都叫“報身”，係諸佛如來經過三大阿僧祇劫修習無量福慧資糧，去感召無邊真實功德嘅果報，亦都係“四智相應心品”所有真實功德嘅體相，更確切去講，亦都係大圓鏡智相應無垢嘅淨識。而他，而“他受用身”呢，係有時候同“變化身”呢，一齊叫做“應身”，由於隨應有情機緣示現，或者更確切咁講，係隨應十地菩薩機緣而示現，所以叫做“他受用身”。

第三，第三種“變化身”呢，係諸佛如來以“成所作智”呢，隨類示現無量嘅化身，居於淨土或者穢土，爲地前嘅菩薩、聲聞、獨覺同一切有情隨順機緣，或者自現神通啦，或者宣說正法令到各得利樂，叫做“變化身”嘞。“變化身”又分爲兩類嘅喎，第一就係“示現成佛”嘞，爲咗利樂有情，以大事因緣去示現成佛嘅真相，就係天台宗學者所講嘅“應身”。第二種就係“隨類示現”嘞，係隨順有情嘅類別，根性嘅機緣，而示現種種有情、無情嘅形象，以同時攝受嘅方便教法，天台宗學者所講嘅“化身”嘞，呢度。咁喺“隨類示現”嗰度又可以分爲兩類，第一就係“有情類”，第二“無情類”。“有情類”就示現六道有情隨類接引，方便攝受；第二種“無情類”呢，就以《地藏經》所講嘞，示現山林川源吖、河池泉井吖，等等嘅物質呢，去利益有情嘅。

至於法身嘅依止呢，就係諸佛如來嘅種種清淨嘅國土，想進一步研究，我哋可以睇《大般涅槃經》卷三十三，北涼曇無讖法師所譯；《解深密經·如來成所作事品第八》，玄奘法師所譯；《成唯識論》卷十，亦都係玄奘法師譯；《人生學》嘅第四呢《大菩提論》，王恩洋居士著；《學佛三要》印順道師所著，同埋《淨土與禪》第一章《淨土新論》，亦都係印順法師所講嘅。

多謝各位師兄收聽！祝各位菩提精進！


151.生命中有緣的佛菩薩（一）


有冇收到嗰個通信吖？法輪會每個月會寄俾大家嘅通信。吖，唔知道搞乜？吓？有冇？冇吖？下一次寫清楚個地址嘞，如果你唔寫清楚個地址呢，恐防呢，啲通信呢，會寄失咗，吓。

今晚同大家講嘅題目呢，叫做《生命中有緣的佛菩薩》。意思就係話，響大家一生裏便，學咗佛，修持裏便點樣能夠知道邊一位菩薩係同你最有緣份呢？因爲呢一樣嘢呢，對於我哋吔，修持嚟講呢，係非常之重要。如果我哋揀啱一個佛菩薩、一個法門，或者我哋修行密宗嚟講叫做“本尊”啦，適合我哋去修持呢，咁響我哋修持上呢，可以得到事半功倍嘅效力。如果你係揀啱唔，揀唔啱本尊嘅呢，或者唔適合你嘅法門呢，可能你付出力量大，而收效呢，就事倍功半，相反。咁所以我哋能夠揀啱一個佛菩薩本尊，對我哋今生吖，以後嘅修持嘅道路嚟講呢，對我哋好重要，因爲我哋修行呢，唔係一生一世嘅，吖，可能係多生多世，就算係今生裏便呢，都有好漫長嘅時間呢，俾我哋去修行。

咁響佛法裏便嘅修行呢，大致上吖，都係分開顯宗同密宗，而我哋一般所接觸到嘅佛同埋菩薩呢，通常都係顯宗嘅佛像比較多，本師釋迦牟尼佛吖、觀音菩薩吖、地藏菩薩吖、阿彌陀佛吖、文殊師利菩薩吖、普賢菩薩吖、彌勒菩薩吖、普賢菩薩吖，呢啲種種嘅菩薩都係我哋時常見嘅。

咁我哋修行佛法裏便，點樣先能夠同嗰個菩薩相應呢？點能夠搵到吖，你修行佛法有緣嘅本尊呢？密宗所謂叫做嘅“本尊”。咁其實我哋只要呢，了解嗰個菩薩本身嘅特質、本身嘅性情，而我哋本身嘅性情可唔可以同佢相應，修持時同佢可唔可以結合呢？所謂瑜珈呢，契合呢，呢一點好重要嘅。

比如我舉一個例啦，如果適合修持觀世音菩薩法門嘅人呢，佢呢一生裏便吖，佢會覺得自己，佢信唔信宗教吖，都包括在內嘅，佢會覺得自己呢，佢有一種呢，悲天憫人嘅思想。佢好中意去幫助人嘅，特別見到呢，一啲窮苦嘅人呢，佢會俾啲金錢呢，或者呢，對佢施與一啲幫助，同埋至少都有慈悲心，同埋亦都唔係咁喜歡殺生嘅，但佢唔識得點解嘅喎，因爲有啲人係冇宗教信仰嘅，佢唔知道點解。有啲人見到啲生命吖，好中意殺生㗎，但係如果同觀音菩薩有緣嗰啲呢，佢可能唔會殺生，但佢解釋唔到。同埋或者呢，對肉類吔，都會產生，食肉嗰啲肉呢，有厭倦嘅。咁如果信宗教呢，就可以解釋爲有佛緣啦，但係唔信宗教呢，嘅人呢，就搵唔到個答案，佢天生就係咁嘅本性。我哋會搵到一啲人呢，佢係唔信宗教嘅，但係本身呢，佢好有慈悲心嘅，比如大家生活嘅時候，見到你嘅同事吔、親戚或者朋友都有呢類人，但係佢唔信宗教，有啲佢都會去食素食嘅，有冇發現過有啲咁嘅人？係有嘅！咁呢啲人其實響佢自己生命中嘅內涵裏便呢，係具有觀音菩，觀音嘅本性。

其實我哋真真正正修持學佛嚟講呢，真正嘅佛呢，唔係喺外界呢，我哋拜嘅偶像，人人心中真正有佢嘅佛性，我哋念佛、持咒、誦經，都望藉住外界嘅佛去接引我哋、開發我哋本有天然嘅佛性。比如乜叫“觀音”？觀音就係“慈悲”兩個字，“慈”呢，嘅意思就係拔除衆生一切苦難，“悲”嘅意思呢，就係給予衆生一切快樂。所以頭先我舉嘅例子呢，假如你發現你自己吔，或者身邊嘅人係有呢啲咁嘅心的話，好中意幫助人嘅，唔計較嘅、唔自私嘅，個心就利益人嘅，呢個就同觀音相應，就有觀音嘅本性，無論佢信宗教與唔信宗教都好。

但係今晚我哋呢，特別講大家修持佛法裏便嘅師兄啦，當然係有宗教信仰，信佛教，咁呢一類人呢，係比較適合修持大悲觀世音菩薩嘅法門，因爲觀音嘅本性係慈悲，假如你自己本身內在嘅條件吖，就有呢一種特質，咁你修持起上嚟嘅時候呢，就容易同觀音相應。咁我哋好容易用邏輯去推一推話，假設一個人中意殺生嘅、食肉嘅，中意殺生食肉，冇慈悲心，亦都唔中意憐惜孤寡，做一啲菩薩所講嘅十波羅蜜，第一就係布施嘞，吖，有財施吔、法施吔、無畏施。

財呢，就係錢財嘅布施啦，外在嘅財；內財呢，菩薩修行更高嘅境界啦，包括你頭目腦髓吔、眼耳口鼻。我哋睇下佛經，身體每一部分都可以去布施俾人，呢個就睇我哋嘅發心有幾大。但呢個係菩薩道上修行，我哋必須要做嘅第一波羅蜜，布施波羅蜜，財施。

第二就係法施。法施特別主張佛法或者世間上種種人哋唔明嘅學問呢，你都教俾佢，令佢心開意解，明咗係好開心㗎，吓嘛？當你有個問題唔明，佛法裏便，但係你講咗出嚟，有個人幫助你解答呢，你會好開心，好，有個法喜充滿，裏便有種喜悅嘅呢個答案。當你係一，有一團疑團解決唔到呢，諗咗好耐，突然間有一個人同你講下呢個問題，解釋咗、打開咗你嘅狐疑呢，你就會好開心，嗰種快樂係講唔……（註：音頻喺呢度重複咗一下）打開咗你嘅狐疑呢，你就會好開心，嗰種快樂係講唔出，用錢都買唔到。呢個法施裏便呢，佛教所講嘅功德係最大。

第三種就無畏施。無畏施就係當一個人處於恐怖吖、怖畏嘅時候呢，你能夠有方法用佛法嘅施與或者其他種種嘅方法將佢救，救拔離開呢個怖畏嘅環境，令佢得到平安、安穩，吓。

咁菩薩嘅修爲呢，係有第一就係布施。咁假如一個人譬如話佢唔中意做呢樣嘢，我哋舉一個實例嘅時候，咁佢本性上其實未能夠開發到觀音嘅本性，所以佢，就算佢係適合觀音嘅法門呢，佢一修持起上嚟就唔及一個人本身佢已經有呢個條件嘅。佢一出世或者係繼續長大嘅時候，喺世間上嘅人情道理裏便吖，體會到好多事物嘅無常啦，同埋話體會到好多人生裏便呢，去領會到好多佛理，咁嘅時候佢會產生到慈悲心啦、慚愧心啦，同埋有布施嘅心。咁前者就唔及後者修起觀音法咁相應，因爲後者呢，佢已經有同觀音菩薩嘅特質，所以修起上嚟呢，就容易事半功倍，前者呢，冇呢個特質呢，就事倍功半。

但係譬如我哋講開觀音爲例呢，因爲觀世音菩薩同埋地藏王菩薩呢，兩個大菩薩，係同我哋娑婆世界嘅衆生吖，特別有個緣份嘅。釋迦佛涅槃咗之後，到彌勒佛未降生響我哋呢個世界之前，未降生響印度，釋迦佛涅槃咗之後呢，根據佛經記載，要距離呢，五十六億七千萬年之後呢，彌勒佛先會再降生響印度開三個法會，龍華三會，度化釋迦佛有緣嘅遺教弟子。咁響呢段過渡嘅中空期吔，彌勒佛未嚟，釋迦佛已經圓寂，呢個娑婆世界嘅責任包括我哋地球在內呢，呢個娑婆世界嘅責任，教化一切衆生嘅責任就由兩個大菩薩負擔啦。由釋迦佛親自響佛經裏便授記，第一就係以慈悲著稱嘅觀世音菩薩啦，第二就係以大願著稱“地獄未空，誓不成佛；衆生度盡，方證菩提。”大願嘅地藏王菩薩。咁呢兩個菩薩，一般嚟講呢，都同我哋嘅修行吖，有好大嘅感應，特別對我哋娑婆世界有緣，所以我頭先所講，無論前者與後者，你天生有冇慈悲心，有冇悲天憫人嘅心，中唔中意布施嘅，或者唔喜歡殺生或者喜歡殺生嘅，其實都可以修觀音法同地藏法嘅，普遍性嚟講，都係同呢兩個菩薩有緣。

因爲整個娑婆嘅世界衆生，大體上嚟講呢，修呢兩個菩薩嘅法呢，係好安全同埋好穩當，比較。咁頭先我所講嘅後者，有慈悲心，自己內在觀音嘅本性有觀音嘅加持嚟講，修起觀音嘅法嚟講呢，就會特別相應。所以有啲人吖，修觀音法一段時間呢，由於佢仍然改唔到佢嘅習慣，仍然殺生嘅、仍然飲酒食肉嘅，所以同觀音冇辦法相合同佢嘅本性，藉助外在嘅佛菩薩冇辦法開發到自己，好似密宗所講吖，內在嘅真如覺性出嚟，所以修好長時間呢，你都唔會有咩成就，其實呢一點好重要。

譬如一講起修行呢，我成日都講一個問題，一講起修行，我哋以爲一個印象呢，諗起一個人揸個㩧！㩧！㩧！揸個木魚喺屋企匿埋唸經吖、唸咒吖，唸得越多越好吖、越快越好吖，數目多就好，呢個係修行。其實，釋迦牟尼佛響佛經裏便話俾我哋聽呢，最重要修行，其實，學密宗裏便亦都係引導咗我哋依個概念呢，就係身口意三密——我哋平時所做嘅行爲呢，我哋身體做惡業啦、口會講壞話啦、意念會諗啲唔好嘅嘢。假如我哋係修持，修持密法嚟講，舉一個例，手結佛菩薩嘅印契、口頌佛菩薩嘅真言、意念觀想佛菩薩嘅梵字，或者佢種種嘅莊嚴相好，起碼喺你修行嘅一剎那裏便呢，你已經停止咗身口意三樣嘢去造業啦，吓，嗰個空間裏便。咁真正嘅修行亦係咪淨係坐喺度手結印吖、思想唸咒吖、思想觀想吖、口裏便唸咒咁簡單？其實唔係！其實真真正正係二十四小時裏便呢，每時每刻，時時檢點身體、語言、意念、你嘅行爲已經係一個修行，但一般人唔注意呢個問題，以爲一講起修行——嗯！我要返屋企唸多啲經吖，嘩，而家啱啱放工，誒，啲約會推晒嘞，快啲返去唸多啲經，吓，積多啲福德吖，功德，呢個就係修行。呢個我唔否認係修行，但係真正修行呢，二十四小時其實同生活打成一片，你嘅待人接物處事，呢一啲都可以攞到好多分數，意思就係功德，好重要呢一點。

咁所以有啲人修法上嘅心態裏便呢，淨係以爲修持，匿埋喺屋企好重要，但出便嚟講呢，佢冇做菩薩種種嘅修行，布施、持戒、忍辱、精進、禪定、般若，六波羅蜜，如果波羅蜜再加埋方便、願、力、智。任何嘅菩薩，無論咩宗派，顯宗、密宗都要經歷呢個十波羅蜜修持裏便嘅階段。咁所以如果你要修任何嘅法相應呢，外、內都要須要配合，但而家我見到修法嘅人嚟講呢，好少注重外嘅，通常係內，所以要注重呢一點。今晚講到同你有緣嘅佛菩薩。

咁所以如果係你覺得，講番轉頭，你覺得你本身有個慈悲心嘅，而且一見到觀音嘅佛像裏便，吖，好中意吔，好舒服吖，眼見觀音個像呢，其實你多多少少呢，前生已經同觀音結下一個緣，可能係你係佢嘅徒弟，亦都可能你係修持過觀音法。今生再輪迴嘅時候，我哋身體唔同吖，等於一個旅舍一樣啫嘛，我哋嘅精神呢，就係客人，身體就旅館，今日住呢間酒店，聽日住呢間酒店，酒店唔同但係個客人係一樣，永遠都係呢個精神。咁所以可能前生你嘅修爲裏便呢，你係修觀音法，所以今生一見到觀世音菩薩嘅佛像呢，就同佢結下不解之緣，有啲人一見到觀音呢，就話：“好中意，好開心！”咁呢中意，佢今生未接觸過觀音，可能佢唔知係觀音嚟嘅，有啲師兄，我都聽過嘅，“呢個咩佛像嚟㗎？好舒服喎，好靚喎！好中意！”嗱，呢一點，啫佢自己唔知係觀音菩薩嚟嘅，佢都有呢個思想呢，證明佢內在觀音嘅本性呢，開發咗出嚟，同觀音相應，喜歡觀音，嗱，呢一點係好重要，就可，就可以呢，叫做呢個菩薩同你係好有緣份。猶如，亦都猶如，譬如我哋識得觀音之後呢，想請一尊佛像吖，返屋企去供奉吖，咁你，而家啲佛具店呢，都好多觀世音菩薩俾我哋請，但係種種形形式式，各種相貌都唔同，個個人喜好都唔同，吓，就要你自己親自去揀，邊個相係靚，適合你自己，就係你同嗰個觀音呢，嘅緣份深，呢個直覺嚟嘅，係直覺嚟嘅，吓，呢個就係同觀音有緣。（註：接下文）


152.生命中有緣的佛菩薩（二）


（註：接上文）

同地藏菩薩有緣呢，有三種因素會同地藏菩薩有緣。第一種因素呢，就係呢，你前生係喺地獄裏便受苦，喺地獄道吖，今生再轉生做人，由於你喺地獄裏便呢，受地藏王菩薩嘅法力嘅化度嘅幫助，於是同地藏菩薩結咗緣，上番嚟做人嘅時候呢，都有方法，個腦裏便呢，保持咗個意識響度，今生有機會碰到地藏菩薩呢，你都會喜歡地藏菩薩，同地藏菩薩呢，結咗一個緣份。

第二種情況呢，同地藏菩薩有緣呢，係前生你就係地藏菩薩嘅弟子嚟嘅。點樣謂之係地藏菩薩嘅弟子呢？係地藏菩薩嘅弟子就係話，你生生世世都發願：我要跟隨地藏菩薩，我要“地獄未空，誓不成佛；衆生渡盡，方證菩提”。就算我呢生死咗之後，我一樣要繼續行菩薩道，跟隨地藏菩薩修行。”吓，呢一類嘅人再轉生做人呢，佢有個使命、有個願力，係要弘揚地藏菩薩嘅法門，但佢今生通過咗出胎入胎就忘記咗前生嘅記憶，但一見到地藏菩薩像係好喜歡，一聽到人哋稱揚地藏菩薩嘅法門呢，佢就好讚歎，所以呢類人呢，就好中意修持地藏菩薩嘅法門。

仲有第三類呢，就係你今生或者前生裏便呢，由於身體上有病，有啲靈界嘅障礙呢，或者肉體上有病，而有人教你修地藏菩薩嘅法門，而你因此吔，得到地藏菩薩嘅恩惠呢，所以你會好喜歡修地藏嘅法門，地藏菩薩嘅力量加持咗俾你，吓。

通常，同地藏菩薩有緣嘅衆生嚟講呢，佢都有一啲呢，容易近陰嘅。第一種嗰種呢，喺地獄轉裏便生上嚟嘅呢，地藏菩薩化度嗰啲，佢再出生做人呢，佢嘅本質八字裏便呢，都會近陰，所以嗰啲人呢，呢類嘅同地藏菩薩有緣嘅衆生呢，容易呢，好容易有陰陽眼吖，好容易撞到靈界，我哋都聽到過有啲人會見到鬼嘅，有陰陽眼容易撞靈界。特別如果你係響七月出生裏便，因爲七月係地藏王菩薩誕辰，同埋七月呢，亦都係陰界同人間活動吖，交通吖，好頻繁㗎，嗰段時候，咁所以你喺呢段時候出生嘅日子呢，你都可能同地藏菩薩有緣。有啲人去送殯，有啲人去參加啲白事呢，都好容易俾沖煞到，吓，沖煞到，或者撞到啲唔好嘅嘢，呢一類人個本性係近陰嘅，咁同地藏菩薩嘅法門係好有緣，因爲地藏法門呢，就係超度陰界嘅衆生，地藏菩薩常處地獄，要救拔陰界鬼道嘅衆生，令到佢哋呢，都有機會響痛苦嘅世界，有一念嘅善，佢都希望俾個機會佢哋，拔除佢哋嘅苦難，所以呢類人再轉生之後呢，就同地藏菩薩可以話非常之有緣份。

咁我講咗啲原理吔，你去諗一諗，你嘅朋友之中有冇呢啲吔？你諗下，應該係有，你會發覺佢，咦？點解呢個人咁中意地藏菩薩嘅？有啲又咁中意觀音嘅？吓，就有呢類型嘅例子。亦都可以反映一樣嘢，你自己適唔適合修呢個法門呢？可能我而家講緊，在座師兄都會諗諗：係喎，我成日都隻眼有時會見到啲陰界嘅衆生吖、靈界吖，或者好容易唔舒服吖、俾沖煞到吖。如果你修持地藏菩薩嘅法門呢，就非常之相應，會同地藏菩薩好有緣份。咁你可以由你嘅特質去判別、了解你究竟同邊個佛菩薩係最有緣份。

觀音、地藏，仲有一個好重要嘅菩薩就係文殊，文殊呢，係釋迦佛嘅師父，七佛之師、九代之祖。地藏係代表大願啦，喺中國安徽嘅九華山就係地藏菩薩嘅道場；觀音就係代表大悲啦，浙江嘅普陀山就係觀世音菩薩嘅道場啦；文殊師利菩薩呢，山西嘅五台山就文殊師利菩薩嘅道場，文殊響佛教裏便代表“大智”。假如我哋今生嘅性格裏便呢，啫比較覺得係聰明嘅、機巧嘅，譬如舉例咧，做生意響商場上覺得，咦，柔韌有餘，應付好多嘢都好簡單你覺得，但係對於有啲人嚟講，咦，解決呢個問題好困難嘅，但係呢個問題一發生喺你身上呢，你就覺得好簡單，吓，你會好迎韌而解，同埋你好中意般若嘅經典，今生。譬如你，有啲人好中意唸誦《金剛經》啦，有啲人好中意唸誦《大般若經》啦，有啲人中意唸《心經》，亦都中意睇禪宗嘅經典《六祖壇經》吖，《達摩血脈論》吖，呢啲，呢啲咁嘅經典呢，都係同禪宗、同般若有關係。文殊菩薩代表智嘅，所以呢一類嘅修行師兄呢，可以話同文殊菩薩有緣。同文殊菩薩有緣呢，亦都同釋迦牟尼佛有緣，同我哋本師，因爲釋迦牟尼佛係教主，華嚴三聖裏便，《華嚴經》我哋講過，華嚴三聖，中間係釋迦，左邊係文殊，右邊係普賢，所以你同文殊智慧嘅菩薩有緣呢，一定同釋迦佛有緣，亦都同呢，普賢菩薩有緣。咁所以可以檢討下你自己嘅個性同埋性格，你可以知道，略知一二，你係適合修邊一個法門，吓！

另外呢，如果同普賢菩薩有緣呢，今生你所表現出嚟嘅性格呢，你就比較會沉默寡言嘅，默默耕耘。譬如我哋見到有啲道場裏便嘅師兄呢，佢唔中意講嘢，好沉默，但係你一叫到佢：“誒，師兄唔該你搬下啲檯吔，抹下啲凳吖”做下呢啲、做下呢啲……佢就會好願意呢，任勞任怨去做，而唔計較任何嘅嘢，亦都唔會有任何嘅怨言，好少講說話嘅。呢個同普賢菩薩呢，就好有緣份，因爲點解呢？普賢菩薩響佛教裏便呢，代表德行，“大行普賢菩薩”。普賢菩薩響中國嘅道場，喺邊度吖？知唔知吔？四川嘅峨眉山，我哋所謂峨眉嘅金頂佛光啦，吓，你有睇過啦，好出名呢個名勝。咁呢一類嘅衆生，默默耕耘唔出聲嘅，自己默默修持嘅，好中意用身體去做出嚟嘅，呢個就同普賢菩薩德行有關係，同普賢菩薩係有緣份。

咁無論你同文殊或者普賢有緣份，都同釋迦佛有緣份，亦都係好中意去讀般若嘅經典，般若部嘅經典，解釋爲空理嘅經典、智慧上嘅經典。同觀音有緣呢，中意唸觀音嘅經典啦，觀音有咩經吖？吓，《普門品》啦，嘩，有啲師兄咁犀利嘅？題題都答到你。《妙法蓮華經》嘅《觀世音普門品》啦，吓，或者密宗裏便密部吖，好多觀音嘅法身啦，有啲人修行密宗裏便呢，睇好多密宗嘅經典，都係中意睇觀音部吖，密宗裏便有觀音部嘅，成本裏便呢，都係講觀音嘅法門。咁你咁中意，點解呢？就頭先我所講話前生、今生係同觀音菩薩係有一個緣份，吓。

咁我相信在座嘅師兄呢，或多或少都同我頭先所講嘅觀音啦、文殊啦、普賢啦、地藏菩薩，四大菩薩有緣。四大菩薩響佛教裏便呢，分別代表“悲”“智”“願”“行”，四大菩薩。咁我一般所接觸嘅菩薩嚟講呢，不離文殊、普賢、觀音、地藏。仲有一個好重要嘅菩薩，知唔知邊個吖？喺嘞，嘩！呢個師兄咁厲害嘅，你睇好多佛經啦，梗係。仲有一個彌勒菩薩。彌勒菩薩呢，喺佛裏便呢，代表“慈”，觀音代表“悲”。“慈”呢，拔除一切衆生嘅苦難；“悲”呢，給予衆生一切快樂。因爲彌勒菩薩呢，響宿世嘅修爲裏便吖，佢時常中意修一個禪定、一個三昧，三摩地，叫做“慈心三昧”，佢常修慈心，常入慈定。

所以今生你好中意解救人嘅苦難，除咗同觀音相應之外，亦都同彌勒菩薩相應，啫將來降生響印度頭先我講嘅彌勒世尊。“慈、悲、智、願、行”就係佛教嘅五大特色，佛教嘅中心不離“慈、悲、智、願、行”，亦都同文殊、普賢、觀音、地藏、彌勒，呢五個大菩薩呢，好有好有關係，所以我哋一般認識嘅呢，不離係呢啲菩薩。

咁我，你可以問，你話：“咦？你講嗰啲好似顯宗嘅菩薩，咁密宗裏便呢？”其實嗰個佛菩薩嘅化身呢，係一個身體呢，變幻出好多嘅身形。淨係我哋呢個宇宙裏便吖，我哋叫做“阿彌陀佛極樂世界”係嘛？如果，嗱，我哋同觀音菩薩有緣呢，亦同阿彌陀佛有緣，因爲呢，阿彌陀佛係觀世音菩薩嘅師父嚟嘅，都係同大勢至菩薩有緣，“西方三聖”，亦都係佢師父，阿彌陀佛係觀音同勢至嘅師父，所以我哋同觀音有緣亦都同彌陀同勢至有緣，亦都同西方極樂世界有緣，你可以往生，求往生去西方極樂世界。

咁呢個密宗裏便有咩佛菩薩同你有緣呢？因爲密宗裏便啲佛菩薩好多變化身嘅，譬如觀音可以變成馬頭明王啦，文殊可以變成大威德金剛啦，普賢亦都可以變成金剛薩埵啦，彌勒菩薩可以變成大輪明王啦，係嘛？地藏菩薩可以變成步擲明王啦，呢啲係密宗裏便嘅“變化身”。其實千佛萬佛都係一體，一個佛可以變化好多身，咁點解要變化咁多身呢？就係衆生有唔同嘅根器、有唔同嘅需要，於是佢就變化啲身體呢，教啲法門去適合你學，梗有一個法門啱你嘅，梗有個法門啱你。

比如頭先我所講話阿彌陀佛喺我哋佛經裏便記載呢，已經有三十六萬億一拾一萬九千伍百個同名同號嘅阿彌陀佛，宇宙裏便吖，有三十六萬億一拾一萬九千伍百個阿彌陀佛。點解有咁多阿彌陀佛？好簡單之嘛，譬如我哋知道阿彌陀佛發下四十八個大願吓，要拯救衆生、接引去極樂世界，你如果仰慕阿彌陀佛嘅高風同埋德行，你都可以發願，我都要做阿彌陀佛，得唔得㗎？可以！因爲佛教比其他宗教偉大一點呢，人人皆有佛性，人人都能夠成佛，只要你能夠學習佢，你發呢個願，將來都能夠成就同阿彌陀佛一樣嘅本體，同樣可以成就一個極樂世界出嚟。所以響宇宙之中追隨阿彌陀佛修行，仰慕佢嘅精神，發呢個願要成就極樂世界嘅修行者呢，亦都有好多，咁所以就亦都會宇宙裏便呢，成就有好多嘅阿彌陀佛。咁同一個原理呢，其他菩薩，有冇人中意追隨吔？當然有啦，所以觀音亦都有無數嘅弟子。可能在座大家裏便呢，如果同觀音菩薩、同地藏菩薩好有緣份，可能前生你都已經，《金剛經》講過：“不於一佛二佛三四五佛而種善根，已於百千萬億佛所種諸善根。”（註：根據CBETA，“已於百千萬億佛所種諸善根”疑爲“已於無量千萬佛所種諸善根”）

你前生可能係一個修行人嚟嘅，你已經修過觀音嘅法門，所以今生你先會咁有興趣坐喺度聽佛法啦，中意見到啲佛菩薩像啦，中意睇經書，呢啲係前生嘅習慣，每個人有習慣唔同，都會帶嚟今生唔會消失，呢個就係我哋佛經所講嘅“習氣”，亦都係由我哋業力去控制。“業”呢，善、惡、不善不惡嘅行爲，梵文叫做“karma”，“karma”，有善有惡，不善不惡嘅行爲。做善有善報，做惡有惡報，不善不惡嘅行爲就係我哋嘅習慣啦。譬如有啲人中意食芒果，有啲人中意食荔枝，有啲人中意食榴槤嘅，個人喜好唔同吖，食生果，就你嘅習慣。有啲人中意食煙，有啲人唔中意食煙，呢個就係你八識田裏便呢，累積生生世世嘅習慣帶到今生，累積變化返一個果報出嚟。所以你今生同你有緣嘅佛菩薩相應之後呢，你如果覺得係同佢相應呢，你就千祈唔好二心，專修一個佛菩薩嘅法門呢，你就好容易同佢相應。

相反，你揀啱一個唔啱你嘅佛菩薩呢，你去修嚟講唔係唔相應，因爲每個佛菩薩都度衆生嘅，每個佛菩薩都希望衆生成佛，但係相應嘅時間呢，可能較慢。舉一個好簡單嘅例子，猶如你第一份職業係做三行嘅，做鬥木嘅，跟住你又唔做嘞，第二份職業係做酒店，咁當你做做下酒店嘅時候發覺，唉，個前途都好似冇乜發展嘅，有個人又介紹你合股間公司做裝修，做番三行，咁呢轉翻職業做番三行嘅時候，你就唔須要再學，事半功倍，工多藝熟。猶如你前生修開一個法門，今生如果你能夠揀一個適合你嘅法門一修呢，就好快，穩步上升，好，好多問題你唔應該遇到嘅，你都會化解得到，會避開得到。所以揀一個佛菩薩嘅修持，適合你嘅本尊呢，係非，非常之重要。（註：接下文）


153.生命中有緣的佛菩薩（三）


（註：接上文）

另外一個佛菩薩呢，我想介紹呢，就係東方淨琉璃世界嘅藥師琉璃光如來。咁如果大家係做醫院嘅職業呢，醫護人員嘅職業呢，醫生吖、護士吔、護理人員吖，比較適合修行呢，藥師佛嘅法門，因爲藥師佛嘅大願係咩吔？醫護人員嘅職業呢，比較適合修持藥師佛嘅法門，你係真心幫助，對呢個病人，救佢嘅病，但係有啲病呢，唔係針藥可以醫得好，必須用佛法化解佢嘅業力。如果針藥能夠醫好一切嘅病嘅，咁人類唔使死啦，我哋個個可能你有機會再上嚟呢個法輪會都百幾歲啦，如果針藥能夠醫晒你所有嘅病，人間嘅醫藥可以醫好晒你所有嘅病。所以如果做醫生嚟講，除咗醫人我物質呢個身體嘅病呢，有啲精神上嘅病或者靈界上嘅病呢，唔係用佛，唔係用醫藥嘅方法可以解除，所以你幫助一個人醫病呢，藥師佛嘅法除咗醫佢嘅肉體，亦都醫佢嘅精神。如果醫護人員能修持藥師佛嘅法門吖，對佢好大幫助，佢自己亦都可，積好多功德，培養到個慈悲心，將來成佛，亦都可以真真正正呢，幫啲病者吔，解除困難，醫呢啲病者嘅病，比如癌症啦，呢啲病啦，好難用醫藥去醫得好嘅，大部分呢，都係會死亡，由於佢前生嘅業力，特別殺生吖，好重。咁如果我哋淨係用化學治療，打針吖，或者放射嘅治療去殺啲癌細胞呢，淨係物質上去幫佢改變係冇用，仲有佢業力要同佢化解，就用藥師佛嘅法門，將佢前生嘅惡業消除，教佢藥師佛嘅法門，教佢懺悔，唸誦藥師琉璃光如來嘅灌頂真言，飲藥師琉璃光如來嘅法水，咁再配合埋人間嘅醫藥呢，兩者呢，就能夠將呢個病人嘅病醫好吖。

但係，有幾多醫生佢係信佛吖？有幾多醫護人員，佢同藥師佛係相應吖？知道自己係適合修藥師佛嘅法門呢？我諗數埋啲手指呢，都寥寥可數。所以呢啲法門呢，需要真正發揚出去，發揚出去，你要了解咗同埋配合自己嘅職業、自己嘅特性，咁修起上嚟呢，日常醫病嘅時候呢，又係佛法嚟嘅。幫助衆生係佛法，冇分工作與唔工作，二十四小時你都可以修行緊。幫助病人好大功德，看病嘅福田，佛陀響佛經裏便講過係第一嘅福田。所以如果你揀啱一個法門嚟修的確好好，你會越修越開心嘅，你唔會學似修修下，唉，點解我學咗咁耐，修咗成年嘅，連觀想都觀想唔到呢？點解好似修咗成年嘅，我修觀音法都冇慈悲心呢？可能你喺外功上做得唔相應，外在可能你仲有殺生，有啲習氣，未能夠有慈悲心，呢一點呢，就要檢點，一定要內外去配合。

仲有一個菩薩呢，我需要講係，對於我哋呢，特別重要。因爲我哋響末法呢個娑婆世界裏便嚟講呢，要我哋唔食肉、唔殺生、唔飲酒呢，或者甚至清淨修行去結婚吖、唔結婚吖，去出家係好難。但係有一個菩薩嘅法門呢，好適合我哋修，因爲佢嘅慈悲心好強大，就算飲酒、食肉或者造惡業嘅衆生修呢個法都有相應。頭先我哋講過嘅，修觀音法嘅人如果你殺生食肉可唔可以相應？基本上唔相應，但係呢，觀音嘅悲心呢，特別亦都化現出准提菩薩，有冇聽過准提菩薩吖？密宗裏便亦都有東密嘅准提菩薩啦，就係呢一尊嘞，准提菩薩。准提菩薩嘅慈悲心呢，係好強大，佢話：“不問在家、出家、飲酒、食肉，你但能夠專心修持准提法嘅法門呢，都有相應。”咁當然准提菩薩唔係俾個機會你去造業啦，佢係憐憫你，暫時，未，你又想修佛法，但一時間我哋嘅習氣，叫你唔食肉、叫你唔殺生，你係改唔到嘅，呢啲習氣我哋生生世世累積㗎嘛，猶如一個鏡吖，埋咗十幾年，佢所積嘅塵係咪一次就無呢？可能個鏡根本唔要得嘅，生晒鏽。咁所以你要將你本性光明去恢復，將你習氣去磨洗、去磨練，唔係一世可以做得到，但係你又要修持佛法，咁要揀啱一個相應嘅本尊呢，所以准提菩薩係好適合我哋末法修持個法門。但係你要修准提菩薩嘅法嘅心，你要抱，抱住，抱持一個心，就係話“我雖然飲酒食肉，但係我希望菩薩加被我，我希望我啲習氣慢慢改變”，咁你就有相應。

所以你修准提菩薩嘅法門呢，以爲准提菩薩好似俾咗塊免死金牌，吖！食肉喎、殺生喎，修持都可以相應喎，如果你有咁嘅思想呢，就錯，咁吖好容易造業。依個食肉同殺生你慢慢改變呢，係一個過渡期，你嘅習氣係一步一步改變，所以准提菩薩嘅法門亦都好適合我哋一般人去修。但係介紹准提菩薩嘅法門呢，嘅法師呢，相信好少吖，因爲准提菩薩嘅法呢，響佛法嘅學理去分係屬於密宗，密宗裏便一個佛母嚟，一個佛母嚟嘅，所以我哋顯宗嘅修行人呢，比較少修呢個法。但顯宗嘅出家人呢，朝頭早唸誦經典嘅時候吖，都有唸十小咒裏便嘅准提咒，點解出家人朝頭早唸十小咒，會唸准提咒吖？十小咒呢，係將啲好重要嘅咒呢，編咗落去俾出家人朝頭早所謂晨鐘暮鼓，朝頭早所做嘅功課嘅時候呢，係好重要嘅一個咒嚟嘅，所以佢就將大藏經裏便最重要嘅咒呢，有十條呢，比較重要就編咗係出家人嘅功課，日日都做，其中一條就准提咒。所以准提咒對於末法我哋修行裏便呢，亦都係非常之重要。如果你嘅習氣暫時唔能夠改變，如果你發現我頭先所講嘅，你覺得：咦？頭先呢位師兄所講嘅，我嘅性格又唔似觀音嘅？又唔似地藏嘅？又唔係文殊、又唔係彌勒、又唔係普賢菩薩嘅？咁你可能呢，適合修准提菩薩，會對你嘅機。而且你覺得你自己習氣改唔到，你覺得自己好重業障，咁你吔最啱適合修持准提法門，一段時間呢，你嘅習氣就會慢慢被改變，縱而你修持緊嘅時候呢，都會飲酒食肉，但係准提菩薩嘅加持力耳濡目染、日日修習呢，你必會將你嘅習氣呢，去改變，所以呢個菩薩呢，響我哋修持裏便呢，亦都好重要。（註：接下文）


154.生命中有緣的佛菩薩（四）


（註：接上文）

至於個修法嘅內容點修呢？我哋一定要搵上師灌頂吖，如果修密宗裏便，上師灌頂呢，又傳咗你個法呢，你先可以去修。

咁大致上呢，生命裏便同我哋有緣份嘅菩薩，我哋一般都係接觸到咁多，係嘛？仲有冇佛菩薩你係想知㗎？覺得係同你仲有緣份，你覺得我頭先講嘅，咦？你想唔想問下：究竟邊個佛菩薩係同我有緣呢，我覺得你頭先講嗰啲都唔係咁啱我，好似都唔係呢啲佛菩薩嘅緣份咁嘅？有冇師兄接觸其他佛，係唔係一般常見嘅，而你係好中意嘅？有冇吖？我想訪問下，有冇吖？

吓！大勢至我講咗了喎。大勢至菩薩呢，西方三聖都好重要，有好大嘅勢力能夠將你帶去西方極樂世界，就係大勢至。大勢至響密宗裏便嘅化身呢，亦都可以叫做“金剛薩埵”，或者叫做“金剛手菩薩”，東密叫做“金剛手菩薩”，藏密叫做“金剛薩埵Vajrasattva”，金剛薩埵。同大勢至菩薩或者同金剛薩埵有緣嘅衆生呢，亦都同極樂世界阿彌陀佛有緣，因爲西方三聖一佛兩個菩薩，呢兩個菩薩呢，都係幫助師父阿彌陀佛將衆生接引去西方極樂世界。雖然無論你修密宗又好、顯宗又好，你修密宗嘅金剛薩埵，或者你顯宗，譬如你金剛薩埵，響顯宗裏便呢，四加行裏便呢，藏密修百字明嘞，吓，“唵，班札薩埵薩瑪呀，瑪奴巴啦呀……”咁唸百字明嘅咒呢，或者東密修金剛薩埵個法，亦或者相反顯宗裏便，大勢至菩薩係咩吔？你好，你會唸楞嚴經裏便嘅《大勢至圓通章》啦，或者你稱念大勢至菩薩名號，其實係一個菩薩嘅變身響顯密，你都會同大勢至有緣，你亦同西方極樂世界有緣，你都同觀音有緣，亦都同無量壽佛無量光佛即係阿彌陀佛有緣，日後你亦都會往生去西方極樂世界，所以呢啲係好多相連嘅關係，帶動咗個關係，係可能你自己唔知，忽略咗。

准提咒呢，我可以教你唸誦冇問題，但係呢需要搵一日就唔係今晚，因爲呢，呢啲傳法嘅問題呢，就唔可以視同兒戲，啫口講完你就咁學就算數，必須要響佛前呢，隆而重之，我講俾你聽，然之後你觀想佛菩薩將呢個咒傳承俾你，然後你返去呢，好好修持呢個准提咒，可以，冇問題嘅。

頭先我所問嘅問題吔，有冇師兄覺得我頭先講嘅，好似唔啱你吔？有冇覺得你係中意其他啲佛菩薩，但係我冇講到吖？有冇吖？通常大家都係中意觀音多，係嘛？地藏菩薩多吖，係咪吖？

所以你普遍性你可以做一個好科學嘅調查，你問下人有幾多個唔識觀音？吓，再問下，地藏菩薩比較少人識，但係普遍性響佛菩薩嚟講都係好多人識，你可以問下。所以證明一樣嘢呢，就係地藏菩薩同觀音菩薩對我哋呢個娑婆世界特別有緣，多人信就係同佢呢兩個菩薩係有緣份啦，唔代表其他菩薩冇緣，唔代表文殊吔、普賢冇緣，不過少人修或者少人識。

呢個菩薩對我哋世界有緣，同時對第個世界呢，可能個緣份唔係咁深，所以佛菩薩千千萬萬，化身唔同形式去宇宙各度空間有唔同嘅變身度化唔同嘅衆生，就係咁嘅意思。

呢個師兄想問啲乜嘢？

大勢至菩薩，冇錯。我哋佛門裏便呢，菩薩嘅修爲呢，有四無量心：慈、悲、喜、捨。大勢至菩薩呢，亦都有修“慈悲喜捨”嘅法門，所以呢，“大喜”同“大捨”你係講得啱嘅，呢個係佛菩薩修行佛道嘅大心量嚟嘅，包括其他菩薩都有呢啲心量。

“慈”呢，頭先講過啦，“慈”者呢，拔除一切衆生嘅苦啦；“悲”呢，給予衆生一切快樂啦；“喜”呢，就係利益衆生啦，衆生喜悅啦；“捨”呢，就係布施，將我哋身邊嘅或者自己所有嘅，包括自己嘅身體完全都可以布施俾衆生，呢個係般若裏便講嘅“空性”。譬如釋迦牟尼響《金剛經》裏便講嘅，用頭目腦髓去布施吔，歌利王將佢身體節節肢解嘅時候，佢都冇生起個怨恨、冇生起個瞋恨心，都唔取相，如如不動響個心裏便，呢就係“捨”嘅心，係“無相捨”嘅心，唔會係計較，有利益嘅心，唔會話“我布施俾你，你又俾啲嘢我去交換”，唔係呢啲心，係無所爲而爲，唔爲任何嘅嘢，你需要布施俾你，唔將個心停留響某一個功嘅法上便，呢個就係真正無相嘅布施，唔會爲咗個特別目的去施捨俾你。施捨嘅時候亦都唔會將個心吖，去安住響任何一個位置裏便，呢個就係施捨嘅心。

菩薩生生世世除咗修行十波羅蜜之外呢，“慈悲喜捨”嘅法門呢，都係菩薩要修行嘅，好重要。所以其實我哋平時修行呢，要注意下啲心法，呢啲心態，唔係話喺屋企唸經唸咒就算數，佛法係深入世間嘅，如果你學咗佛唔能夠化解你自己身邊遇到嘅困難煩惱，工作上啦、家庭啦、感情啦、親友啦，呢啲問題你唔能夠化解嘅，你學佛掌握唔到個方法，可以話你係未到家，因爲呢，佛陀教我哋八萬四千法門呢，係佛法不離世間法，一切都由世間裏便可以搵到，佛法係好活潑，唔離開世間，佛陀都係由人而成，佢係講宇宙嘅真理，佢發現宇宙嘅法，宇宙法就係世間嘅法啦，係咪吖？你諗下！所以，佛陀教我哋呢啲智慧係幾咁入世間去幫助我哋解決我哋。如果你學咗佛唔開心嘅，你學咗佛越嚟越煩，亦唔覺得有得益呢，其實可能你唔係學緊佛。學佛就學佢嘅行爲同以佢爲榜樣，可能你學咗佢嘅皮毛，去包裝自己，帶啲念珠吖，或者好勤力咁唸呢個咒吖，追逐個數量吖，吓，你學咗外界嘅表相，唔係學佢嘅真心，呢一點好重要。（註：接下文）


155.生命中有緣的佛菩薩（五）


（註：接上文）……佛菩薩，你有錢嘅時候，你可以用金雕啦，好似啲觀世音菩薩咁。冇錢嘅時候，你可以用泥塑，甚至你攞張紙寫“南無觀世音菩薩”，我禮敬我、我禮拜你。觀音菩薩，只要你發自一點至誠嘅心吖，善心，佢都會加被你，唔會你雕金像，佢去保護雕金像嘅有錢人多啲嘅，唔會保佑，保佑寫一個名嘅冇錢嘅人少啲，菩薩唔會因爲呢一樣嘢，無論你有冇錢呢，去保佑你多少。最緊要，我哋有冇睇過《大悲心陀羅尼經》記載“唯除不善及不至誠”（註：根據CBETA，此句疑爲“唯除不善，除不至誠”），如果你有善心、有誠心嘅，去敬禮觀音，學習佢慈悲嘅精神嘅，菩薩一定加被緊你、暗中影響緊你，菩薩唔係一個像吖，暗中嘅力量加被緊你，喺日常生活影響緊你，你不知不覺受佢加持。

仲有一個問題就係頭先我初頭講嘅，有宗教信仰、冇宗教信仰，你只要有個慈悲嘅本呢，其實觀音加持你。觀音唔會分：咦？你信佛係我個黨我就幫你，信天主教、信回教我就唔幫你。觀音就係你慈悲嘅本性，人人有慈悲嘅本性，人人有觀音。觀音係不斷加被緊每一位衆生，佢唔會分國籍、宗教、種族、貧富、貴賤，智愚，呢啲在於觀音嚟講係虛幻嚟，在於佛嘅本質。佢只會睇下你有冇真誠心去利益衆生，如果你有咁嘅慈悲心去利益衆生呢，佢唔止加被你吔，你已經係觀音菩薩嘅化身啦，你已經幫咗佢，你去利益衆生，菩薩嘅目嘅就係幫助衆生、利益衆生、拔除佢嘅苦難，給予快樂，可能你已經係觀音嘅化身啦，你做緊呢一樣嘢。

所以呢個偶像嚟講呢，有啲宗教話我哋佛教去拜個偶像，其實否認咗我哋呢個像背後嘅精神實質。我哋去拜佢、去禮敬佢，我哋唔係去拜一個死物、實物嘅像，我哋因爲見賢思齊，見到個像呢，啓發到我哋效法觀音嘅慈悲。猶如，好簡單，好似國民黨，啲老嗰啲國民黨員吖，見到啲青天白日旗一定鞠躬㗎，因爲點解呢？佢冇忘記戰爭嘅教訓，臺灣幾辛苦能夠獨立，唔通你話佢鞠躬向支青天白日旗就拜支旗了喎？嗰支旗係死物嚟㗎嘛，冇意思。由呢支旗啓發佢背後一個像徵，精神實質嘅意義響邊度。

所以你見到佛像拜呢，你唔好盲目，猛咁喺度拜，冇用嘅，所以啲人學習佛教唔進步就係學咗表相，拜多啲就好多功德，或者買多啲珠吔，呢種珠唸佛有咩功德吖？星月菩提珠吔，琥珀珠有咩功德吖，吓？或者嗰啲蜜臘琥珀吖，而家，天珠吔，學佛好真，啫會有啲尊貴囉，見到有啲師兄買咗啲琥珀吖，或者蜜蠟琥珀吖，啫隻手抰一抰、抰一抰：“吖，我學佛學高級嘅佛吖，我戴琥珀嘅，戴波羅的海蜜臘琥珀吖，成幾萬銀一條吖，嗱，你吔戴星月菩提嘞，響大陸裏便未經打磨㗎，幾蚊人民幣吔請到一條。”

如果你用咁嘅心去鬥嘅，咁樣嘅心去騷擾嘅，咁你學嘅係佛菩薩嘅表相。真真正正你呢串念珠係俾你提醒你嘅心憶起每時每刻去俾你唸佛，唔係話戴出嚟話我戴邊條珠，雖然係有功德，珠嘅性質響密宗裏便係有功德嘅，以唔同珠，最大功德係以星月，係以菩提珠去唸佛嘅功德，無窮無盡咁多倍。咁但係如果我哋唔執住珠嘅功德，專心提醒你呢串珠係時時唸佛，比你成日掛住、揸住串珠有幾多功德有幾多功德，呢串珠有大功德我先買呢串珠唸，其他珠呢，我就唔唸，呢個係取嘅功德相啦，反而功德仲少，你不取功德相呢，你個心胸如宇宙咁廣闊，無量嘅珍寶就可以裝入宇宙，裝幾耐都裝唔完，宇宙係無窮無盡嘅空間，你心中又係呢個無窮無盡嘅空間，所以我哋學佛唔進步可能我哋學嗰啲皮毛吖，啲表相。發唔發覺吖？而家末法嘅修行人就有呢啲弊病，呢啲特點。因爲事實上呢，響我哋眼見呢，充斥響市面嘅佛像吖、佛珠吖、修行嘅法器太多啦，你有錢呢，可以請啲好精緻、好特別。響古代，生活樸素啲嘅，乜嘢像都冇，你點修吖？人人心中有佛，佛就響你心中，將外在嘅佛打開你自性嘅佛，你就唔需要佛像。所以猶如密宗裏便所講嘅三密修持呢，三部，上三部密同埋下三部密，下三部密有壇城，事相上好重要嘅，有手印、有真言、有咒語，但當你修上去嘅時候呢，一切聲音都係如來，大日如來嘅說法嘅聲，一切宇宙間嘅動態都係大日如來嘅手印，一切宇宙間嘅形形色色都係大日如來嘅意念。其實依個，真真正正就係如來法體本身嘅思想。譬如密宗裏便我哋都睇過，弘法大師所講啦，空海上師又講過：“六大無礙常瑜伽。”地水火風，地水火風空色，六種構成宇宙天地萬物嘅元素時常都係同佛菩薩相應。禪宗都有講：“青青翠竹盡是法身，鬱鬱黃花無非般若。”

外界任何嘅嘢能夠啓發得到你內在嘅覺性顯現，呢個就係佛啦！一條草，已經係佛嚟，個佛就響，呢條草能夠啓發你，有啲人睇到一條草，有啲有修爲嘅人，吓，可能前生有修爲，今生未修學佛法，但可能佢見一條草會啓發到佢喎。譬如佢見到點解春天啲草開得咁茂盛呢？秋天又凋謝呢？吓，冬天又枯死咗呢？萬物點解無常變化呢？佢由外界嘅環境裏便體會到一種不生不滅嘅道理，呢個不生不滅嘅道理呢，就係無常。佢由物質嘅界而體會到精神世界嘅嘢，呢個咪佛囉？呢條草咪佛囉？對佢有恩德，對佢產生覺性，呢個就係佛，佛唔係一個像吖，係你內在嘅覺性，你體會宇宙萬事萬物嘅覺性，呢個先係真正嘅佛。

所以密宗下三部密裏便呢，佢好注重壇城吖、手印吖、真言，藉助外，外界嘅環境，凡夫要借境調心吖，藉助外界嘅環境去攝你嘅心。你入到呢個佛堂，你個心就算幾暴戾吔，都比較平和安祥啲。但當你一出咗去嘅時候，你個心可唔可以保持喺呢一剎那聽我咁集中、咁專注呢？可能唔得，因爲點解呢？你俾外界嘅環境轉咗你吔。所以真正嘅修持就係藉助外界去調你嘅心，外界嘅佛開顯你內在自性嘅佛，呢個真正嘅佛就喺你心中，呢個先係真正嘅佛，先係證果。如果你唔能夠體會自性嘅光明、自性嘅佛呢，你始終修外在嘅佛呢，始終都仲係未同真正嘅佛，你修嘅本尊、你修嘅菩薩相應。


156.菩薩著眼天地間（一）


首先多謝大家收聽今次嘅講座。

中國佛教自恢復以嚟呢，就忙於落實政策、修建寺廟，所以對於四衆弟子嘅培養呢，仲係捉得唔夠緊，咁樣會使到好多人有善根發現之後，如果佢歸依咗佛門，但係就冇機會好好咁去學習佛教嘅理論，所以呢，喺自利利他方面仲有很多工作未做。好似，誒，有啲法師同埋居士通常都喺自己嘅寮房裏便或者寺院裏便讀誦佛經，呢個係一種最常見嘅求學佛法嘅方法啦。通過讀誦嘅佛經，無論你理唔理解佛經嘅意思，首先受到佛經嘅加持，增長信心，係好常見嘅一種方法。

除咗呢個方法之外呢，有啲有文化有一定智慧嘅人去睇經睇論，佢唔係讀誦，係去睇。通過睇，我哋叫做“文字般若”，由“文字般若”而深入佛法。咁喺古代大德嘅傳記之中，因爲睇佛法嘅經論而開悟嘅先例都好多，最出名嘅就係有一位叫做華嚴大師。

華嚴大師係個目不識丁嘅人，當佢聽到人哋講經嘅時候，嗰個講經人口若懸河、辯才無礙，華嚴大師就會好感動嘞，俾佢。咁有一日華嚴大師去拜一個華嚴經塔，拜呢個塔拜咗七七四吔九日，突然有一日夜晚呢，五台山嘅呢個華嚴塔就大放光明，從此，華嚴大師就得到我哋所講嘅般若智慧。

咁有一次，喺方丈講《華嚴經》嘅時候呢，華嚴大師吔上前話：“法師吔，您講嘅唔係《華嚴經》嘅真義，唔係第一義喎，唔係《華嚴經》嘅真正實相。”咁當方丈講完經下座之後呢，咁佢就請華嚴大師開示嘞，咁華嚴大師就上去講咗三日三夜，講咗《華嚴經》嘅經要。我哋現在時常見到嘅《華嚴經》經要呢，就係根據佢嘅講經說法而記錄低嘅。睇論嘅方法，就係通過“文字般若”深入經藏，使到自己獲得好似海洋一樣嘅智慧。

第三個方法就係去聽講經嘞，特別喺一啲法師同埋居士之中呢，有一種常用嘅方法就係參方、雲水，或者“雲遊”叫做。喺雲遊嘅過程之中呢，嗰度有講經說法嘅機會，我哋就去聽，通過呢個聽呢，由耳根熏修，就可以擴大同增長我哋自己嘅智慧吔，啓發思想吖，咁樣聽法師講經、聽開示，所以亦都能夠學習到真正嘅佛法。呢個學習佛法嘅第三種方法。

第四種方法呢，就係參學。參學就係當我哋走向大自然嘅時候，見到落花流水，我哋就會悟到人生嘅無常；見到自己身邊嘅老朋故舊，漸漸慢慢一個個離開，亦都體會到人生嘅苦同埋無常，佢哋同樣能夠覺悟佛法。另一方面，喺參訪嘅過程之中呢，就係雲水天下、名山大川，我哋接近善知識嘅當中，佢哋一啲行儀同埋風範，尤其係一啲禪者嘅風範，修淨土嘅人嘅一啲風貌，亦都同樣能夠增加我哋嘅信心，使到我哋能夠學習到真正嘅佛法。

講到第五種方法，係一種比較難嘅方法。就係自參自悟嘅方法。呢個方法係禪宗嘅人時常都用嘅，通過自己喺禪堂吖、寮房長期嘅靜思靜慮，靜慮都叫做“禪那”啦，就係“靜思惟”。自己觀察，去睇話頭，自己念佛，尋求自己嘅本來面目，亦能夠覺悟以後而得到真正嘅佛法。

所以學佛嘅四衆弟子只要喺生活之中做一個有心嘅人，處處留心，每時每刻我哋都係獲得少少嘅覺悟，呢個好多小嘅覺悟，每日都有好多嘅啓發，久而久之，如果積累呢，就係大悟，亦都係話，小悟有千百次，大悟就有一次。如果我哋冇平時讀經睇經吖、睇論吖，聽講經、聽開示、自參自悟等等呢啲留心嘅過程呢，你想要獲得根本嘅大徹大悟係唔可能。所以要學習佛法，首先要掌握呢五種方法。

呢五種方法係最常見嘅，五種方法亦都可以單獨一門深入，亦都可以互相交替使用。亦都就係話，睇，誒，你睇經、你讀經，就唔妨礙你深入經藏去睇論；如果你睇論呢，亦都唔妨礙你去聽講經；聽講經，亦都唔妨礙你去聽開示；聽開示，亦都唔妨礙你自參自悟。咁樣就係一種互相關聯嘅關係，就唔可以偏執一面，如果能夠呢五種方法共同運用，就譬如長咗角嘅老虎一樣就好厲害。

另外，喺呢個學習方法之中，仲要將下便吖，三個問題搞清楚，邊三個問題呢？首先就“學佛”同“佛學”嘅關係。先講“學佛”啦，“學佛”最通常嘅意思就係話，佛係由唔覺悟走到覺悟嘅道路。咁樣佛係咁做，我哋都咁做；佛係咁講，我哋就咁講。呢個最簡單㗎嘞，咁樣就叫做“學佛”，如果由理論上去講“學佛”就好複雜。但係“佛學”就係咩嘢呢？“佛學”簡單講，“佛學”就係無論信仰，只要你係有文化，將佢當做一種文化、一種哲學吖、一種思想、一種道德去研究，都可以叫“佛學”。

今日我講呢個講座，大家坐喺度聽，大家都係佛教嘅四衆弟子，呢個情況既係“學佛”亦都係“佛學”，點解咁樣講呢？因爲佛就係覺悟者，好似我哋每日由朝頭早唸嘅“天上天下無如佛”，世間所有嘅佛都見到，知道，世間法同出世間法，佛都係知道，所以我哋學佛首先要修學“五明”當中嘅“內明”。如果我哋學佛自己唔知道自己學啲乜嘢，唔知道學佛嘅目的同意義，唔知道方法，就唔算係一個有正知、正見、正信嘅佛教徒，故此如果你喺修行嘅道路之上呢，就會慢慢出岔路。

由呢個意義之上嚟講，所以今日呢個講座我哋學習佛法嘅義理，就係俾我哋能夠睜開眼睛睇到我哋修行嘅過程，睇到我哋修行嘅道路，咁喺呢個意義上講呢，佢係“佛學”，如果作爲一門學問嚟講，佢係“佛學”。一旦你掌握咗呢種方法同呢種理論，能夠處理你嘅家庭問題、社會問題，能夠提高你嘅修養同道德、同埋啓發你嘅智慧，咁樣佢就稱爲“學佛”了。

第二個我哋要講嘅係，“學”同“修”嘅關係。我哋現在漢傳佛教有八大宗派啦，禪宗啦、淨土宗、密宗、律宗、華嚴宗、天台宗、三論宗、法相宗。喺歷史上，人會受，誒，地域、地形、地貌、文化等等嘅局限，八大宗派彼此之間唔能達成一定嘅意見，互相都有時有非議。咁樣今日我哋大家一齊嚟分享、一齊嚟學習嘅時候，我哋由呢個意義，係從一個高度嘅角度去出發，無論邊個宗派，無論你係學禪亦都好，持戒都好，修淨土都好，首先我哋學習佛法嘅基礎，呢個係我哋共同嘅課題。就算你係念佛嘅話，由自利嘅角度，你可以一心一意念佛，念到一心不亂，自然得到念佛三昧，係無可非議，但係如果你要利他嘅話，其他人問你：“佛係咩嘢吔？”你都要回答俾佢聽，話俾佢聽個基礎。如果問：“學佛能夠得到咩嘅結果？三世因果係一回咩事？學佛嘅人係用咩嘅世界觀？”甚至有人反問你：“學佛嘅人係迷信、係消極。”又點樣回答其他人呢？咁我哋如果要回答呢啲問題，就一定要有一啲佛學嘅水平，有咗佛學嘅水平就能夠利他，同時亦都能夠自利。

所以有句俗語叫做“世間智慧無如衲子”，“衲子”就係出家人，世間人嘅智慧都比唔上出家人，原因就喺呢一度。出家人由世間而嚟，過去都係喺呢個紅塵滾滾嘅社會之中生活啦，對世間有深刻嘅理解。但係如果出家之後修學咗佛法，又能夠進一步深入到世間嚟，再加上佢廣泛譬如雲遊同參學嘅生活，由於有咗經歷，又有學歷、又有閱歷，就促成佢有智力，所以“世間智慧無如衲子”，無如一個真真正正學佛嘅出家人。

今日我哋嚟學佛，要將“學”同“修”嘅關係處理得好呢，我哋就會非常之好。“學”同“修”嘅關係概括起嚟呢，就係幾句話：如鳥之雙翼，好似鳥嘅兩個翅膀；如車之兩輪，好似車嘅兩個輪。車如果係一個輪，好似過去我哋所見到嘅就係行唔穩、行唔遠，佢就走唔遠、走唔穩；如果雀仔係得一隻翼嘅話，佢飛唔高啦、飛唔遠啦。所以話一個學佛嘅人如果想自己智慧超群、智慧無礙、辯才無礙，能夠自利更加能夠利他，達到自利利他圓滿嘅話，就必須要處理好“學”同“修”嘅關係。

咁“學”同“修”係有個次第，我哋剛剛講過啦，佢哋係有個關聯。譬如鳥嘅兩隻翼呢，車嘅兩個輪啦，言外之意就，就係話缺一不可㗎，邊個都唔能夠離開邊個，就好似我哋嘅眼睛同我哋嘅嘴巴，好似我哋嘅眼耳鼻舌身意一樣，將佢並用起嚟先能夠表達我哋思想同我哋嘅精神境界。如果話我哋冇咗眼耳鼻舌身意嘅話，我哋心裏便想嘅，個嘴講唔到，係唔可以。所以由此，呢個角度去講呢，處理好“學”同“修”嘅關係係非常重要。

剛才係同“學”同“修”嘅總論述，咁樣現在我就講一講“學”同“修”嘅次第吔。“學”，譬如睜開眼睛去行，唔好講夜晚啦，就係我哋日頭行，我哋都要睜開眼睛睇到條路吖，尤其係走到岔路口嘅時候，我哋要睇睇邊條大路，邊條係小路，邊條路應該走，邊條路唔應該走，“學”就係睜大眼去選擇一條道路。譬如我現在要去一笪地方，我行到去邊一度，咁由我嘅智力同我嘅眼話俾我聽，我到咗邊個地方。如果你閉住隻眼，好似盲人揸住支拐杖一邊行一邊篤篤下咁，咁樣走，走起嚟呢就會好亂，甚至每時每刻會有一種危險，一唔小心就跌落條坑度或者跌倒。所以學佛嘅人亦都係一樣，如果話你唔學習佛法，但係呢，你聽佛法，你唔學習佛法嘅基礎，對佛法冇一個全面嘅了解，你即使係話，我就係去念佛，就咁去參禪，但係呢句說話好似比較過激，猶如盲修瞎練一樣，因爲你唔知道走咩路，自已到達咩層次、咩文化。所以，咩嘅智力就會修行到咩嘅境界，如果自己一無所知呢，層次就係比較低。

反過嚟講，學佛並唔排斥冇文化嘅人，對冇文化嘅人呢，冇文化嘅要求，對有文化嘅人呢，就要有文化嘅要求。有文化嘅人不但要自利，仲要利他，亦都係話，大部分嘅居士同有啲出家人法師一樣，譬如受咗菩薩戒，咁你就要用菩薩嘅行言去利他嘞，要利他嘅話，你就要不斷學習。咁樣如果冇文化嘅人呢，自顧不暇，就只，只能夠利益自己，喺呢個層次上就有區別嘞。

所以講到呢個“學”字就係第一步，好重要。通過學佛以後，比如話因爲我哋有八大宗派，做一個譬如，譬如現在修淨土法門嘅人比較多啦，咁你知唔知，點，咩叫“念佛三昧”呢？你知唔知道唸佛嘅五種方法呢？如果人哋問你：“西方極樂世界究竟係一回咩事？”你能唔能夠對其他人作出圓滿嘅解答？好似呢啲範圍內嘅問題就屬於“學”嘅範圍。你知道嘅唸佛嘅方法，無論係金剛唸也好，持名也好，默唸亦都好，你咁樣每日定時定量不斷去唸，呢個唸嘅過程就叫做“修”啦。先係知道呢個方法，然後按照呢個方法去做，亦都係講前面嘅“學”嘅部分係屬於理論部分，後面“修”嘅部分呢就係實踐嘅部分嘞。

講到“學”同“修”嘅關係，“學”同“修”雖係雀仔嘅兩隻翼、車嘅兩個轆，但係如果要分先後，必須要“學”喺先而“修”喺後嘅。現代嘅人點解咁難靠近真理呢？其實真理每日都喺我哋身邊，但係我哋又好難靠近真理、覺悟真理，就係因爲我哋貪瞋痴慢疑，有邪知、邪見都好熾盛，不過就係我哋自己唔覺悟啫，包括我在內啦。如果我哋每日能按佛教嘅方法，去靜坐一個小時、兩個小時，去反省一下自己，我哋就會覺得自己生活喺世上好慚愧。

古代嘅人，佢能夠獲得一句真理不惜生命，爲咗求法而不惜去犧牲。但係我哋今日無論由書店裏便見到嘅或者喺藏經樓上供奉吖，或者大殿裏頭供奉嘅經書，又或我哋聽到嘅錄音機吔、見到嘅錄影帶，知識嘅真理處處都充斥喺我哋身邊，因爲現在已經係一個信息化嘅時代，但係點解我哋唔能夠廣泛咁知識同埋覺悟呢？呢個因爲我哋就係冇不斷使到我哋未生發嘅善根令到佢生發、已經增長嘅善根令到再增長，如果唔咁樣做，仲有就係我哋嘅品質意志嘅問題，亦都就係現在嘅人去追求一種感官同五欲嘅享受，忘記咗對自我真正嘅尋求。

咁有一次，一個做珠寶嘅工程師，佢嚟同我講，佢話，現在佢已經60歲嘞，已經退休嘞，咁佢覺得好似百無聊賴、冇嘢做。咁佢話：“我平時生兒育女、娶妻生子，喺社會上工作，有呢樣責任吖、嗰樣責任吖，將好多嘢當成係一種‘我’，啫將身邊、身外嘅事物當成一種‘我’，但係忘，就相反呢，換嚟就係忘記咗一個‘真我’，所以覺得好失落。”咁呢，佢呢種情況呢，其實佢要考慮到，一旦突然呢，橫禍臨身，或者重病喺身體嘅時候，或者受到意外嘅打擊，響呢個時候，佢嘅思念同埋觀念就會急轉直下，佢就會突然感覺到自己本身應該做嘅事都冇去做，所以佢就會覺得以前佢所做嘅事都係身外。咁樣係咪話身外嘅嘢唔應該做呢？唔係，當然我哋人生活響呢個世上，係社會關係一個總和，我哋有好多嘅義務同責任，關鍵係學佛嘅人喺利他嘅同時一定要自利，喺你盡呢啲社會責任同埋義務嘅同時，唔好忘記去尋求自己內心深處嘅真理，要洞徹自己嘅本來面目，唔係呢，一旦有咗災難，無論係大嘅災難亦都好，細嘅又好啦，一個地區嘅劫難也好啦，全人類嘅劫難也好啦，定係你本身嘅災難亦都好啦，嗰個時候就措手不及㗎喇。就譬如喺茫茫大海之中，開始覺得搭隻船好穩啦，但係嗰隻船沉嘅時候呢，要揸住一條蘆葦一條稻草吖，都搵唔到嘅時候，就覺得好彷徨㗎喇。所以無論修禪都好，念佛都好，持戒也好，定係你根本就唔信佛，喺社會上做事，一日當中，希望都能夠抽一啲時間去觀照一下自己究竟喺度做緊乜嘢。在佛法裏便呢個方法叫做“內省”，“吾日三省吾身”吖，聖人每天都每次反省自己三次，咁響我哋佛教裏便有一個“靜慮”，“靜思惟”，呢個過程本身就係一個探究心性嘅過程了。

咁當我講“學”同“修”嘅關係嘅時候呢，首先就係講咗“學”同“修”一個總體嘅關係啦，頭先講過車嘅兩個轆、雀仔嘅兩隻翼，係好重要，要深刻理解呢兩句話啦。如果再講到修學嘅次第同關係，“學”係第一位嘅，“學”就係睜大隻眼睇清楚自己條路，“修”呢，就係去實踐一種嘅方法。要處理好“學”同“修”嘅關係，好重要。

咁我講第三個小問題，就“學問”嘅問題嘞。“學問”呢個詞呢，古人發明呢個詞嘅時候真係好有“學問”，“學”同“問”呢，就係“學”喺先，“問”喺後。如果我通過讀書，讀咗大量嘅書，我睇唔明讀唔明嘅時候我再提出問題，咁提出嘅問題就有層次亦都比較有深度，亦都就係話更加有價值同意義。

咁有啲法師喺寺廟裏便吖，初一、十五吖，咁吖，經常見到一啲居士，咁啲居士有時都會問：“法師吔，你話西方極樂世界有冇呢？”“你話如果我受咗五戒，我嘅家庭生活點過呢？”問呢都係問啲好，呢啲問題，呢啲其實係既深又淺嘅喎。如果話佢淺，點解呢？我哋現在嘅流通處、圖書館，關於呢類常識知識性嘅書到處都係，但係呢啲居士佢就唔去翻開啲書去睇一睇，淨係只係問，一味去問。點解佢要問呢？就係方便吖嘛，因爲你摷書、睇書呢，仲要買、要借、仲要攞、仲要睇，會好費自己個腦同埋思想，耗費個精神。見到人就去問，幾方便吖！但係其實實質咁樣做係錯，呢個想法係錯誤，因爲只有，只有通過自己去學習，如果學唔識之後再去問，咁就來得比較深刻，因爲係你迫切需要，如果你輕易去問人，你個腦裏便就會留下好淺嘅印象，唔會有好深嘅印象。所以呢，唔可能呢，有一個人去做你嘅家庭教師，每日去答你提出光怪陸離咁多嘅問題，所以學佛，亦都有個“學問”嘅問題。

我哋平常同人接觸嘅時候，某某人有學問，呢個就係話嗰個人嘅知識面非常之廣、知識嘅深度非常之深，呢個就係“學問”，所以就係“學”在先。有時間自己就要去讀書，養成一個讀書嘅習慣，咁樣亦都係中華民族一個優良嘅品質。譬如淨係我哋佛教玄奘法師一人翻譯過來嘅經典，譯成中文就有六千七百三十幾卷，亦都係話佛法係有智慧，容納咗智慧、哲學、文學、倫理同埋道德嘅。三藏十二部佢嘅內容係好豐富，我哋如果每日去追求呢種學問嘅話呢，其實都唔能夠係尋佢嘅本源，因爲要有好長嘅時間嘅。

佛法譬如大海。兔仔去到海邊飲水，佢飲一啖返番嚟，有個古仙人就問佢：“你到大海邊，大海有幾大吔？”“咁吖大海就好似我肚咁大嘞！”兔仔當然係咁樣話啦。但當一隻鹿去個海邊飲水嘅時候，有個古仙人就問佢：“大海有幾大吔？”隻鹿就話：“大海好似我肚咁大啦！”咁我哋諗一諗，鹿嘅肚當然要比兔嘅肚大啦。一隻大笨象佢又跑到海邊去飲水，飲咗一啖返嚟嘅時候，咁個古仙人又問佢：“你到咗海邊，個海有幾大？”隻大笨象就答：“個海好似我肚咁大。”古仙人所以就話：“海吔，既然唔好似兔，兔仔嘅肚咁大，亦都唔好似鹿同大象個肚咁大，咁海呢，就好似海咁大，因爲你哋三個肚都無法去計量個海有幾大。”

咁喺呢度講呢段話嘅意思係話，佛法好似大海一樣，用我哋人嘅世智辯聰去度量佛法，唔能夠窮佢嘅根源，亦都唔能夠睇到佢嘅底嘅，所以我哋別無選擇，必須抱住一個虛心嘅學問態度，我哋嘅智慧先會每日增長。如果話自己修學某宗某派就點到即止，或者自以爲是，咁樣你自以爲係聰明，其實係最蠢。呢個係一個哲學家培根所講“愚蠢嘅人佢自以爲係聰明，實質上佢係最愚蠢。”咁樣就係我哋學問上嚟講，就呢一點。

咁另外仲有一個層面就係話，尤其今日嘅科學發達，科學比較昌明嘅時代，作爲佛教嘅四衆弟子，你如果想弘揚佛教教義，無論係八大宗派任何一個宗派都好，你今日要弘揚佛法，就有一個契機、契理嘅問題。

“契機”，你就係要知道今日世界嘅人、社會喺度諗緊乜嘢。社會最關心嘅問題係咩嘢？人最關心嘅問題係咩嘢？同時你唔能夠被呢啲問題所轉。亦都係話，你必須對佛法有一個好深嘅見地，如果涉及到呢個問題，每一個人、每一個佛弟子嘅膊頭都有好重嘅擔。有兩個擔吖，點解呢？一個擔就係要肩負佛法，另一個擔就係要擔住世間法，擔住世間法，通達咗世間法，知道世間法一切運作嘅規律。如果通達咗佛法，不至於被世間所迷惑啦，當然，而且你喺講經嘅時候，你就又能夠捉住人嘅心態，從而能夠達到弘揚佛法嘅目的，因爲了解咗世法吖嘛。如果有人問你好多科技嘅問題，或者人生嘅問題、哲學嘅問題、倫理道德方面嘅問題，你淨係話俾人聽：“你去唸‘阿彌陀佛’。”咁樣係解決唔到。相反過嚟呢，你同人其他人講，或者開啲藥方俾佢，你自己一啖亦都食唔到呢個藥方，咁樣亦都唔係一個真正嘅佛弟子。

講到呢度呢，我講一個近代史上嘅公案俾大家聽，呢個公案係印光老法師，啫淨土宗嘅大德同埋澍培老法師嘅一段因緣嘅。澍培老法師響佢一生之中佢係弘揚天台宗嘅教義，喺北方一帶知名度係好高，收嘅弟子都好多，澍培法師到邊度講經都座無虛席，因爲佢辯才無礙吔，智慧都無礙。但係當佢講到晚年嘅時候，有一次，澍培法師就得咗重感冒病，病低咗，佢就覺得好痛苦，就有切膚之痛嘅感覺啦，因爲個病苦逼身吖嘛，於是澍培法師就寫信俾印光法師話，佢話：“印光法師，我一生之中弘法度生，但係最近身體欠安，自己覺得好痛苦。”澍培法師表達咗自己呢個心意，出家人講羯磨吖嘛，因爲印光老法師喺張白紙上寫咗：“你當咗一輩子嘅郎中（‘郎中’就係南方嘅說話——醫生啦）你賣咗好多藥俾其他人食，但係自己呢，都冇食一味。”法師就承認咗弘法講經功德係無量，因爲佢忙於利他，忘記咗自利。所以當時佢病嘅時候，大難臨頭嘅時候，自己就覺得我講咗咁多經，佛法係藥方、係治病嘅良藥，開咗咁多藥方，但係自己一味都食唔到。

所以呢個故事嘅含義非常深刻，就係話我哋學佛嘅人喺修時千祈唔好忘記自利同利他呢關，呢兩個關係嘅重要。“學問”嘅重要性就係在於利他，自利同利他係非常有意義。另一方面，自利同利他，我哋佛教徒一定要處理好家庭生活，喺居士當中呢，你全家信佛，呢個係少數嘅，大部分嘅家庭之中，只有一個或者兩個人信佛。咁樣你嘅仔女，佢哋都係受過現代教育，佢哋識得好多自然同社會科學嘅知識，你一旦學咗佛之後，對於佛教嘅感情，學佛，你話學佛呢樣又好、嗰樣又好，咁樣你嘅仔女會問你：“佛教好喺咩地方吖？”如果你冇淵博嘅佛法知識同社會知識，你就唔能夠答佢一個心悅誠服啦。如果你唔能夠回答佢呢個問題呢，當然佢唔能夠心服。

所謂度衆生有好多方法，講經說法、用文字語言亦都係度，做一個模範，身體力行去做亦都係度，做一場如法如律嘅佛事亦都係度，建一座莊嚴嘅寺廟亦都係度。凡係令到衆生眼耳鼻舌身意向上向善都係喺度度人。但係現代嘅社會呢，你到，譬如話你去一去一啲閱覽室、圖書館、大街小巷睇睇，到處都係成堆嘅文件資料、信息書籍，尤其係現代電腦嘅出現。如果你唔能夠有條有理講出佛法嘅真義，唔能夠由道理之上令人心服口服嘅話，咁樣作爲一個佛弟子就有缺陷，呢個係一件遺憾嘅事。仲有一個，因爲我哋現在所處呢個時代，我一再強調係一個信息嘅時代、科技昌明嘅時代，迫到你唔能夠唔學習佛法同世間法雙重嘅知識，只有咁樣，你先能夠立足響寺廟、立足響本位走向社會，否則就行唔通。

所以喺下便所講第二個問題呢，就係學習佛法嘅態度。當然我哋前面所講之中呢，或者或多或少會講到一啲學習佛法嘅態度啦，但係而家就開始真正講，第一要虛心啦。咁有一次，弘一法師去普陀山親近印光法師，當時弘一法師係書法家、教育家、戲曲家、文學家同埋音樂家，有五個“家”集喺一身，亦都係中年出家。雖然，弘一法師係一個持律好嚴格嘅大德，呢個係後來造就嘅。但係當時佢參學過程之中呢，佢係知識份子，嘅，一個知識份子嚟嘅，佢，佢所知道嘅嘢，佢係冇完全放低。所以去到普陀山嘅時候呢，佢同豐子愷、夏丏尊一齊去，印光法師吔，請佢食飯，佢就問印光法師好多問題，印光法師都唔答佢，唔出聲，後嚟呢，佢就拎咗兩個杯，啫印光法師，佢將弘一法師裝茶個杯就倒咗去，倒，倒喺地上便，然後再擦乾淨，又俾佢倒另一杯開水。咁喺禪宗裏便可能叫“禪機”，如果你有咁樣一份善根嘅話，就能夠覺悟法師喺度回答緊咩問題，意思就係話一個“虛心”，佢將嗰啲水倒咗佢吖嘛，就係一個“虛心”啦。

我哋以前喺世間學到好多嘅世間法，呢啲世間法不外乎就係貪瞋痴慢疑，見啦，名聞利養，點去爭鬥、點樣去生存，爲咗適應環境去生存啫，將我哋原來一個清清湛湛嘅心，蒙上一層又一層嘅塵土，所以大家覺得係好合乎自然，好合乎情理，大家都會咁樣做吖，一窩蜂都會咁樣做啦。但係一旦要學佛法呢，就好似神秀大師所講“時時勤拂拭，莫使惹塵埃”。

我哋心性上就好似一面鏡，將啲塵土要擦咗，擦咗啲塵土，我哋就要虛心。首先你必須將你世間嘅東西放低，徹頭徹尾做一個佛弟子去學習佛法，佛係咁講我就係咁講，佛咁做我就咁做。亦都相當於將原來嘅茶倒咗，仲要將個杯擦乾淨喎，擦乾淨個杯就相當於你歸依佛門了，歸依受咗三歸依嘅戒體，就等於你將杯去擦乾淨，由嗰日開始，你就會過住一種如法如律嘅佛弟子生活。然後你要全方位從頭到尾去吸收佛法，等到你通達咗內明之後，又通達咗其他嘅四明，喺嗰個時候你就可以先開始去做利他嘅工作。

所以呢個裏頭如果要得到更多嘅佛法知識同修養，你要必須要有一個虛心嘅態度，唔淨係學習佛法，學習世間法任何一門知識，如果冇咁樣一個虛懷若谷嘅胸懷，呢個人佢就會受到一種局限性。如果你想超越自我，使到自己成爲，咳，一個大智大德嘅人，必須由懂事嗰日起到自己閉目以前呢，都要銘記宇宙係無限，宇宙嘅真理同知識都係無限，而我嘅生命係非常有限，我以我有限嘅嘢去衡量無限嘅嘢，當然非常慚愧，非常渺小啦。

故此，我哋睇到一啲賢者同埋聖者，賢聖佢哋都係一種謙虛嘅人，敬人敬物，佢哋都係有一種胸懷。如果冇呢種謙虛嘅胸懷，胸懷裏便藏住自我嘅知見，佛法當然裝唔落去啦。好似個杯一樣原來就係滿，你唔倒咗佢吔，點會空呢？呢個係其一。其二所講就係話，虛心嘅同時，唔可以混雜。咳咳，唔好意思。混雜係咩意思呢？你將茶，啲茶水倒咗入，倒咗入個杯裏便，然後呢，喺裏頭呢，再倒上清水，即是一，一半茶水一半清水，咁係咩味道呢？究竟係茶嘅味道定水嘅味道呢？當然就淡咗啦，如果由茶嘅角度觀點。我講呢個問題就係現在嘅居士，或者呢，喺有出家人之中會時時面臨一個問題，雖然係歸依咗或者出家，但係喺言行之中冇用佛教嘅審美觀、冇用佛法嘅道德觀，亦都冇用佛教嘅世界觀同埋緣起法去爲人處事，最終一句話，就係冇用佛教嘅慈悲去待人接物，喺世法互相摻雜裏便呢，有啲世法嘅觀點，喺呢啲場面之上，譬如有啲學佛嘅人好慈悲，但係有啲場面上，佢又唔慈悲，亦都就係話，佢嘅信仰扎根得唔深。原因佢就知見上冇徹頭徹尾將佛法裝喺自己嘅腦裏便，變咗真假參半。

所以喺經論裏頭亦都有，就係我哋受咗菩薩戒之後，叫做“名義菩薩”，“名義菩薩”發心就係真假參半。舉一個最典型嘅例子，譬如喺寺院裏便管理呢，當知事或者居士林裏擔當嗰一個職位呢，有時發心係好純正，但係有時啲私心雜念亦都會同佢所做嘅功德會撈埋一齊，要搵到一個精緻純真嘅心思呢，係好難嘅。咁樣學佛嘅過程就係清除我哋私心雜念嘅過程，使到自己嘅思想達到至精至純，開始種下呢啲種子必須係至精至純嘅種子，唔能夠混雜，唔能夠將世法、佛法喺呢個學嘅過程之中呢，將佢搞埋一齊，係唔可以。

所以呢，所以有時聽到一啲居士私下談論佛法嘅時候，聽落去，你話佢講唔係佛法，但又有啲佛法嘅味道，你話佢係佛法呢，但又唔係徹頭徹尾根本嘅佛法，因爲佢哋冇探到佛法根底同埋原本。舉一個例呢，譬如響“四攝六度”當中……（註：接下文）


157.菩薩著眼天地間（二）


（註：接上文）

“布施”響佛法之中最根本嘅意義就係“三輪體空”啦，“三輪體空”就係“能施同所施、被施”嘅“三輪體空”，根本意義“三輪體空”所講就係“同體大慈”同埋“同體大悲”啦。因爲，因爲有啲人佢喺聽佛法嘅時候，佢冇聽到至精至純嘅佛法，就係真假參半嘅佛法啦，所以有啲居士就將世間上嘅，譬如話我俾你一個好處，咁你最起碼亦都要多謝我一聲，或者俾番我一個好處吖，但係如果下次對我唔好呢，個心就唔滿意了。或者，所以呢，就將呢啲唔好嘅嘢呢，就摳埋晒一齊，喺名義上做起嚟，但佢哋會覺得係一種布施。或者有啲居士見到法師，佢嘅長相好莊嚴就布施俾佢，就供養俾佢，其實都係有分別心嘅布施，表面上睇起嚟好似係布施，但起心動念之上去睇呢，係唔精純，唔精嘅佛法嚟嘅，亦都係話，嗰啲人一開始就冇虛心去徹頭徹尾接受真正嘅佛法，咁樣呢，喺指導具體行動時候呢，就會覺得悠悠忽忽了。

古聖先賢有一句好重要嘅，嘅說話，我哋可能好多人之中呢，學就學過，佢話：“吾生也有涯，而知也無涯。”我哋生命好短暫，但係我哋想要知道嘅係冇邊際，好似海洋一樣冇邊際，如果由宇宙飛船之上，或者係宏觀科學來睇，我哋人嘅本身，就好似早上嘅露水一樣，早上嘅露水如果滴喺草葉之上，稍微就會有一陣輕風將佢就會吹落，或者一啲陽光就會將佢揮發。生命響整個宇宙之中好短暫嘅啫，以短暫嘅生命想要喺無限當中去獲取真理，咁你就唯有要珍惜每時每刻嘅時光，而且仲要有一種佛教所講嘅“善根”。佛教所講嘅“善根”係由善良嘅願望、善心同智慧所組成，呢個就係“善根”，亦都就係可以定量去分析。具體喺佛法嚟講，佛法猶如大海，我哋嘅言行連滄海一粟都比唔上，由呢個意義嚟講，我哋亦都必須虛心，無論係聽某一堂課上面嘅虛心，而且亦都要貫穿到自己自始至終嘅宗教生活，我哋要達到咁樣嘅標準呢，自己都係好慚愧。講到呢度有一句話，要，題外話講，仲係講一下虛心唔等於消極，虛心唔等於空虛，因爲佛教傳入中國之後，受到儒家同道家嘅影響，我哋喺翻譯經典嘅時候用咗一啲“無爲”吔、“空”吖，等等一啲觀念去表達佛法一啲思想，就喺相當多嘅佛教徒當中認爲學習佛法就係消極，學習佛法就係叫人呢樣又放下、嗰樣又放下，但係呢啲人只係睇到佛教講“空”嘅一面，佢冇睇到佛教講“有”嘅一面，只係看到佛教消極嘅一面，冇睇到佛教講積極嘅一面。根據《大般涅槃經》上結論呢，可以話俾大家聽，佛嘅最根本意義就係“常樂我淨”，而唔係響消極、無爲同厭世嘅思想之中。

喺講學習佛法嘅態度當中，所講嘅第二個問題係要正信佛法而唔能夠迷信佛法。咁樣講起嚟吔，比較長篇嘞。咁一般人認爲我哋佛教係迷信，喺報紙、喺電台甚至有時傳媒會講：“唉，出家人都做法事，都喺度搞迷信嘅活動。”話呢樣迷信，嗰樣又迷信。其實“迷信”呢個詞係來源於佛教，正信嘅反面就係迷信啦。譬如你對一本書，你知道一本書係點樣做成，紙張係乜嘢原料，呢本書講咩嘢內容，你能講出佢所以然就叫“正信”或者係“智信”。如果你唔明白呢本書嘅構造，唔明白佢原理，盲目去崇拜呢，就叫做“迷信”，呢個就係最簡單“迷信”同“智信”嘅差別了。所以迷信每時每刻都伴隨響我哋身邊，我哋佛教徒就要用智信嘅正信嘅目光去看待我哋身邊嘅一切事物。

再講個發生喺我哋身邊比較切身嘅問題吔，譬如氣功現象、特異功能現象對佛教，誒，嘅神通嘅理解。如果你識得佛教嘅禪定知識，知道“四禪八定”，而且明白佛教嘅緣起理論，從而能夠同別人講述神通係乜嘢一回事，而且自己能夠修證到神通，對有神通嘅人欽佩，就係“智信”同埋“正信”。如果話你根本唔通達佛教嘅教義同教理，見到其他人吖，捉神搞鬼，將佢當做一種特異功能，或者當成係佛教乜嘢嘅“五眼”吖、“六通”吖，呢個就係迷信。

佛教唔，佛教唔弘揚神通，但係並唔完全否定神通，尤其喺末法時代，神通對一部分衆生嘅教化會起住決定性嘅作用。因爲現在嘅人呢，佢唔聽你講嘅有啲，佢要睇你點樣做，你話水能夠浸死人可能佢都會唔信，咁呢，一定要自己跳落去，確實浸死咗嘞，佢就會相信水能夠浸死人，有啲人係咁頑愚，唔相信真理，只係相信眼前所發生嘅事。嗰啲人非常相信自己隻眼，我哋最相信就係我哋自己嘅眼同我哋嘅耳呢，但係呢兩樣往往欺騙咗我哋。

故此社會上有好多嘅騙子，經濟領域嘅犯罪同各個領域嘅犯罪，點解有機會可乘呢？就係芸芸衆生愚昧無知留下咗空隙。如果你唔透風唔滲水，冇留呢啲空隙，大家嘅心性好似水一樣清淨，就唔會留下一啲空隙，咁害人嘅騙子喺社會上講假話嘅人、沽名釣譽啲人，佢就冇空隙㗎喇。冇有機可乘嘅機會，因爲呢，點解佢有可，有機可乘嘅機會？因爲市場有呢塊土壤喺裏便。

我哋佛教徒響今日氣功比較濫觴嘅時代一定要保持一個清醒嘅頭腦，要弘揚正信嘅佛教，唔能夠被邪魔歪道所轉，俾一啲假氣功所迷惑。呢度裏頭就會涉及到前便所講嘅佛學問題，就係一定要用佛學嚟武裝自己嘅頭腦，改變自己嘅認識觀同埋人生觀。

咁見到有一啲法師響自己咭片上便印上自己係某某氣功大師嘅名詞，咁樣氣功係咩？氣功一個古老又新興嘅科學。佢講古老，就係葛洪寫嘅《抱樸子》呢本書就有“炁”嘅出現，上便一個“无”字，下便有四點，呢個就係“炁”，同現代嘅“氣”字嘅寫法唔同。包括扁鵲響同人治病嘅時候就有氣功療法同用氣嘅方法。講佢古老，其實係好久遠，但所謂佢新興呢，就係喺中國裏便而家有太多嘅氣功功種了，即是話將傳統嘅文化弘揚出嚟，將佢現代化去介紹，但係有時呢，就會真偽難分。就好似中國現在十一億人民就有十一億氣功師，人人都係氣功師一樣，呢個氣功嘅問題係非常之大，故此能夠反映咗全民文化質素就好容易變低，好容易偏向迷信，喺呢種情況之下，我哋佛教徒更加有責任將真正嘅佛教弘揚俾世間，呢個係我哋一種責任同埋使命。咁樣，如果你要反駁邪知邪見呢，必須有一個正信佛法嘅態度，你如果自己立足都唔穩，好似牆頭蘆葦一樣，東風嚟咗就東風倒，西風嚟左就西風吹，你點能夠實踐理論上嘅真正佛法意義同樹立正信嘅佛法？所以必須要一個系統龐大嘅佛學思想，咁對於每一個學佛嘅弟子嚟講係好重要。

正信嘅內容當然包括正知正見啦，而正知正見係由正信嘅基礎上而嚟，只有對佛法正知，有咗正確嘅認識，先能夠產生正確嘅見地同見解，所以你信嘅佛法先係正信嘅佛法，反過嚟講，你正信嘅佛法，先會有正知同埋正見，呢三個關係互相辨證，就好似三寶，佛法中嘅三寶，佛法僧三寶係互相依存同依賴，一樣嘅道理，邊個都離唔開邊個。如果呢個人有正信，咁樣呢個人必定係正知正見，呢個人正知正見呢，咁佢必定係正信佛法。喺今日嘅社會就變得好重要吖，呢個問題，由此嚟睇，無論係神異現象也好呢，氣功現象也好，巫婆神怪亦都好，我哋都要用正信嘅佛法嘅法輪去摧破魔軍。

呢度有個小常識——有關“法輪”嘅起源。呢個“法輪”最初響印度打仗嘅時候就係一個戰輪，將軍將戰輪一轉嘅時候就係往往向前進，要摧破一切魔軍，戰無不勝嘅意思。後嚟佛陀將佢引申作爲佛教嘅“法輪”，咁言外之意就係“法輪常轉，佛日增輝”。

點樣增輝呢？首先係降魔，降魔同成佛係同時，如果你唔降魔就冇佛可成，降魔嘅同時就係成佛嘅同時。喺今日嘅社會上，我哋要樹立一種佛教嘅正信同正見，摧破一切偷呃拐騙、欺騙民間財物、沽名釣譽而借宗教，特別借宗教名譽沽名釣譽、邪知邪見嘅人。首先我哋就要武裝自己，使到自己有佛教嘅正知正信嘅頭腦，呢個正知正見嘅佛學思想，由“學”同“修”得嚟嘅，頭先講過，係冇其他嘅方法。響剛才前便五種方法之中，都可以以“學”貫穿喺自己嘅生活當中，畢生呢，去學習。

佛陀釋迦牟尼係公元前六世紀，啫相當於我哋中國嘅春秋時代啦，嗰陣時印度淨飯王個王子嚟嘅。佛陀喺苦行林中修行咗六年，又喺雪山修行三年，後來喺尼連禪河邊受牧羊女嘅供養，菩提樹下，佢望明星而悟道。咁樣佛陀悟道嘅係咩道？咁現在大家學佛，佛陀悟道係咩道？大家一定要清楚。佛陀悟到三大規律呢，其實。第一佢悟到就係，一切器世間都喺成住壞空當中，一切器世間就係一切物質世間啦，都喺成住壞空當中。呢度裏便就大有文章嘞，小到科學所研究嘅微觀世界，大到宇宙學科嘅宏觀世界，連我哋居住嘅星球、見到嘅星星、星雲，包括我哋見唔到嘅嘢，一切世間所存在嘅物質都喺成住壞空裏便。

乜嘢叫“成”呢？比如地球嘅壽命一百億年，現在已經係四十五億年了，到咗一百億年嘅時候，佢最後都係要壞滅。最初嘅時候地球生成了，一切都係飄忽嘅世間嘅微粒，微粒同微粒之間呢，互相產生碰撞，產生正負兩極，正負兩極產生正負電互相吸附，所以團體呢，就越大，佢嘅吸附力就越強，慢慢生成我哋現在所居住嘅地球。生成呢個地球之後，地球不斷喺度運轉，產生咗能量，物質比較輕浮嘅嘢，譬如土吖、巖石就浮喺地球嘅外圈形成咗地表，物質較爲堅硬嘅嘢呢，就形成咗地殼，好似雞蛋嘅皮吔，嗰一層，咁樣喺二十幾公里到四十幾公里之間嘅。咁佢最中間係六千多度高溫嘅巖漿啦，地球，係由各種高能嘅礦物質，好似我哋現在嘅各種寶石鑽石都係由液體嘅方式存喺地球個內部，地球喺最初嘅時候就係咁樣生成。呢個問題就涉及到現代科學啦，呢個生成嘅過程喺佛經裏便叫做“成”。

相對穩定嘅過程就叫“住”喎，好似我哋現在地球嘅內部係六千多度高溫，太陽表面係六千幾度高溫，但係地球上嘅綠樹紅花，我哋仲過得好好，生活得好好，就係“住”嘅過程，就係相定，相對穩定嘅過程。等到能量釋放咗嘞，地球能量釋放放盡，呢個過程進入咗“壞”嘅過程，嗰個時候火山就爆發、氣候變壞、瘟疫就會蔓延，進入一個“壞”嘅過程。“壞”嘅結果係咩？到最後就“空”，會被其他嘅星球碰撞或者自己唔能夠再運轉就粉碎，以微粒嘅狀態粉碎到其他嘅虛空當中裏便，呢個過程就叫做“空”啦。細到我哋眼睛見唔到嘅微粒，大到星際空間，喺呢個生而空、空而生嘅輪轉都係循環不息，所以佛陀喺二千五百幾年前，喺五月嘅月圓之日，望到明星，一瞬間覺悟咗三大真理。其中一個真理就係對物質世界嘅頓悟，用今天科學嘅方法嚟睇係完全科學，而且尖端科學任何人都推翻唔到佢發現嘅呢個規律。

我剛才講係物質世界，現在講我哋人本身啦。人就係靈同肉嘅結合，我哋現在只講肉嘅呢一部分。一個人投胎以後到出生，有咗眼耳鼻舌身意，呢個過程就係生成嘅過程。所謂“住”嘅過程，就係由1歲生活到80歲吔，假如，呢個過程就係“住”嘞，就係相當屬於穩定。“壞”嘅過程呢就好簡單，就係生病啦，今日甩牙，聽日啲頭髮落，今日就流鼻涕，聽日大小便不利，就係“壞”嘅過程，到最後就死亡，就回歸到大自然。水嘅部分就還俾水，就會蒸發；土嘅部分，骨骼吖、毛髮就會還俾大地。喺我哋見嚟就係一啲血液口水，一切我哋能夠把握嘅色彩嘅東西亦都還給水嘅就會俾番水，俾番風我哋要歸翻風，應該還給火就還給火，還給地就會還給地。你人到邊度呢，冇一個存在嘅，所以，如果我哋佛教講，一瞬間講都喺變化，前念後念，念念相續，就係我哋嘅思想。一口氣一口氣嘅呼吸，就有我哋嘅生命嘅運動，先係有我哋一期期活活潑潑嘅生命，如果一口氣接唔上，呢個生命就結束，所以生命係既複雜又簡單。我哋佛教徒對科學應該用咁樣一種態度，就係用佛法去印證科學，用佛法去補充科學。

有一句名言對大家非常重要，著名嘅廣義相對論同狹義相對論提出嘅人就係愛因斯坦啦，喺佢《廣義相對論》呢一本書前便上便寫咗一段名言：“沒有科學的宗教是瘸子，沒有宗教的科學係瞎子。”亦都係話，科學無論係尖端科學定係一般科學，如果佢離開咗宗教就會睇唔遠，但係如果宗教離開咗科學就走唔遠嘞，因爲好多宗教現象唔能用科學向大衆作出好好嘅解釋，就唔能夠叫人信服。但係反過嚟，科學如果唔喺宗教裏便不斷地吸取營養同假設，科學就冇辦法進步同發展，所以呢兩句話愛因斯坦係講得係好重要，亦都覺得好有道理。

佛陀，佢喺菩提樹下悟道之後，佢就悟到一切物質世間，小到中子、電子、質子、膠子，現在甚至發現咗夸克同埋暗物質。所謂暗物質，好似電子、中子、原子、質子、膠子、核子呢，呢啲嘢，我哋隻眼已經睇唔到嘞，但我哋隻眼所見唔到，所唔能夠見到嘅呢，就好似我哋用粉筆喺黑板上面畫一下，呢啲粉粒，眼睛我哋仲能夠見到，但係佛教裏便叫做，將佢叫做“粗塵”，吖，“粗細”個“粗”，“塵埃”個“塵”，或者將佢用做牛毛吖，或者羊毛嚟比方。喺科學上所講嘅“夸克”，就相當於佛經裏便所講嘅“鄰虛塵”，“鄰虛塵”就係同虛空相吻合，同零相等㗎喇，人嘅眼睛係見唔到。現在科學研究發現咗一種“夸克”，無論尖端科學點樣發展，物質都可以無窮分割落去，充分證明咗小到微觀世界或者甚至大到宏觀世界，宇宙嘅星體都喺成住壞空當中。

今日嘅社會科學成果，係佛喺2500年前佢用肉眼、用自己嘅心靈覺悟到嘅真理，今日嘅社會科學先能夠進一步去證明，哦！原來呢個係一個真理。

最初佛陀現比丘相嘅時候，同佢嘅弟子一齊去外便托鉢，有啲弟子就隨便拿鉢去𢳂水飲啦，佛陀呢，就話呢啲水唔能夠飲，佢嘅弟子就問：“點解唔飲得吖，師父？”因爲，佛陀話，呢啲水唔係乾乾淨淨，佛陀話，一鉢水裏便有八萬四千種生命。亦都係話，佛當時就以佢嘅天眼同慧眼睇到，水係一切微生物生存依賴一個條件，喺呢度有無數嘅微生物啦，當然，呢啲微生物，如果時代因緣允許的話佢就會發展成無脊椎或脊柱嘅動物，所以佢講呢個水唔能夠飲，啫佛陀講。後來啲比丘有常隨嘅十三物，飲生水嘅時候必須要攞一個濾水囊啦，啫現代嘅濾水器啦，相當於，將水過濾，儘可能唔要，唔好傷害生命，如果唔係呢，起心動念隨處隨處呢，都會違背佛法，所以就好……（註：此處錄音中斷）

現代科學就進一步證明如果攞一碗水當中確實裏便有好多菌類、微生物喺裏便活動。如果我哋用顯微鏡去睇呢，用顯微鏡隨便睇一睇我哋嘅窗口吖、窗臺吔，你就睇咗之後會覺得，我哋根本冇辦，冇地方去容身落手同落腳，點解呢？其實嗰個地方都係一啲好小嘅微生物生存嘅地方，係佢哋倚賴生存嘅環境。佛陀喺二千五百年就用佢嘅慧眼、天眼觀察到一鉢水有八萬四千種生命，就係話有好多個生命，而且佢弟子問佢，世界係咁大嘅時候，佛陀所講嘅世界觀就有三千大千世界。喺，講到呢度，我諗到一個問題，好似唐朝詩人李白所講，佢話：“白髮三千丈，緣愁似個長。”仲有佢嘅詩句“飛流直下三千尺，疑是銀河落九天。”佢憑佢嘅腦，任佢去想象亦都只能夠講“飛流直下三千尺”“白髮三千丈”，“三千丈”有幾多呢？佛陀喺覺悟以後就講，宇宙就係三千大千世界，無數嘅微塵組成一個小世界，三千個小世界組成一個中世界，三千個中千世界組成一個大千世界，咁樣宇宙之間有三千個大千世界，而呢個“三”，係一個虛指，就係話無數個大千世界咁解嘞。

現在宏觀科學實際證明我哋所住嘅地球只係一顆行星，佢自己本身唔會發光，係靠住其他恆星，啫“永恆”嗰個“恆”嘅恆星，靠住太陽嘅光。一個太陽同九大行星，同埋佢嘅慧星同無數嘅小行星先能夠組成一個太陽系，一千億個以上好似太陽咁樣嘅大小恆星同埋佢嘅星系，同埋無數嘅星雲、星團先會構成銀河系，再有無數次銀河系，咁樣嘅星系先構成無邊無際嘅宇宙。現代嘅科學只能喺太陽系同銀河系觀察，銀河系以外就好少觀察到，最近觀察到呢，有第二個銀河系。無數嘅星星就組成一個星雲，無數嘅星雲就組成一個好廣大嘅宇宙，佛陀喺二千五百年就講有三千大千世界啦，已經一早講咗。

由呢個意義上嚟睇，由科學嘅分類嚟講，佛係一個科學家，毫無疑問，因爲佢所得出嘅結論，同微觀科學同宏觀科學所得出嘅結論完全符合，但係佢由解決人生嘅苦惱出發，佛點解要講“成住壞空”？就係因爲要反映佛嘅本懷，佢一生當中嘅宗旨係啓迪我哋人生嘅真理同認識宇宙嘅實相。佢點解要講研究宇宙外部嘅世界？目的就係爲咗我哋，令到我哋要了解我哋所處嘅世界，將宇宙嘅實相同人生嘅真相去話俾我哋知，令到我哋破除我哋嘅貪瞋痴嘅執著。

一切嘅生命都喺生老病死之中，呢個就係關於我哋人類自己本身嘅話題。喺三界以內，大到我哋睇唔到、摸唔到，人非人嘅類別，同埋我哋人本身同埋浮遊嘅生物，呢啲生命都喺生老病死當中。生命產生咗，慢慢新陳代謝，骨骼、經絡、毛髮不斷退化，人嘅生命喺呼吸之間，每個呼吸一次，生命就退化一次。

譬如按現代生理學，生理醫學去研究，我哋生命每七日要退化一次，好似蛇蛻殼一樣。我哋睇到外部嘅世界，動物喺唔同嘅季節要脫化毛髮，蛇要脫皮啦，我哋人內部喺度代謝，外部亦都喺度代謝，七日就完全蛻變一次，就已經唔係現在嘅你吔，已經係另外一個你了，不過係相續嘅，你唔知道啫。呢個蛻化嘅過程就好似一臺機器不斷喺度磨損，最初係好飽滿，喺不斷嘅體力勞動、腦力勞動同自然嘅碰撞之中不斷慢慢老化，骨質就變得疏鬆嘞。比如細蚊仔，佢喺秋天有時呢，著衫，甚至冬天唔著衫佢都唔怕冷，原因佢嘅骨骼精髓係好飽滿，但係老人家到咗冬天就要著好多衫，因爲佢嘅全身器官已經老化咗，佢嘅骨質好似凍豆腐一樣。呢個就係人老化嘅過程，好微妙吖，但係人自己唔覺得。老嘅一個現象就係病，年輕嘅時候食嘢，越生嘅，越脆嘅，越好嘅，但係到咗老嘅呢，就咬唔喐、咬唔爛吖，食唔到吖，路都走唔到，瞓覺亦都瞓唔好，呢個就係痛，痛呢，慢慢就會出現病，病最後結局就係死亡。

所以佛陀喺二千五百年覺悟嘅三大規律，覺悟嘅生命本質係咩呢？畢竟就係要死亡，雖然我哋現在亦都講人係要死，但係好多人好難面對生同死嘅問題，就有一個生死嘅問題——生嘅時候點樣過自利利他、解脫自在嘅生活？死嘅時候能夠安然去死呢？有一個歸宿有一個臨終嘅關懷，呢個就係佛陀要解決嘅問題。

當佛講生老病死嘅時候，並唔係令到我哋認識生老病死嘅規律而去消極厭世，唔係咁，而係令到我哋認識呢個規律去珍惜人生，把握呢個規律借假修真，借我哋呢個暫存嘅生命去獲得至高嘅真理，獲得一種覺悟，獲得一種解脫，去達到涅槃，呢個係佛嘅真義。所以佛，所以嚟講，佛令到我哋認識到生老病死，令到我哋能夠掌握生命嘅規律，正確面對生命呢一樣嘅規律，從而活著嘅時候解決自己生嘅問題。

點樣去生呢？就係自利利他去生，活得解脫，唔好患得患失去活，就係佛陀教我哋生活嘅態度。點樣去面對老呢？每一個人都要老。咁樣就要做佢自他相換嘅想法，就要產生一種同體大慈、同體大悲。我哋大家講喺一個地球之上，喺宇宙空間，就好似搭埋同一條船一樣，有我先有你，我哋彼此關聯，同體大悲，無緣大慈，呢個就係對老嘅態度。點樣對待病呢？別人病之後就同我病一樣嘞，呢個就係菩薩嗰種胸懷。點樣對待死呢？我哋就要依佛教不生不滅、不垢不淨、不增不減嘅實相法去解決生死，就係話敢於正視生死。生嘅時候，我就如意解脫自己嘅生活，面對死嘅時候，我亦都好坦然。

菩薩有三種無畏，其中一個就係“死無畏”，面對死亡佢係無畏嘅，如果衆生需要佢獻身嘅時候，毫無顧惜咁獻出生命，呢個就係死嘅無畏，用現代話說講就係獻身精神啦。如果你唔認識到生老病死嘅規律，現代嘅人求長生吖，求長壽，將自己嘅生命睇到比其他人更重要，咁樣喺關鍵時候就唔可能爲別人獻出生命，所以就唔能夠得到菩薩呢種無畏嘅精神，踏實唔到菩薩道真正大菩薩嘅修行。所以，認識唔到生老病死我哋係好愚痴，我哋要明白生老病死，真真正正佛陀教俾我哋嘅規律。

佛同埋佛教係由佢嘅歷史、思想同修道方法三個重要嘅部分組成，如果咁樣學佛，呢個佛先係實實在在、活生生嘅佛。如果你既唔了解釋迦牟尼佛嘅歷史，亦都唔了解佢嘅思想同修道嘅方法，只係燒香，只係知道叩頭，咁拜佛就近乎於迷信嘞。

講到佛呢個時候呢，就要將“佛”同“神”分開。“佛”係“佛”，“神”係“神”。“神”點樣產生嘅呢？係人類處喺社會生產力低嘅時候，對自然現象同社會現象，喺自然界生活唔能夠把握自己命運嘅時候，佢就認爲樹有樹神、河有河神、雷有雷神、電有電神、天有天神、地有地神，認爲一切都係有神靈，有神嘅，有主宰住我哋命運同強加喺我哋頭上嘅超然嘅力量，呢個就係常，時常所講嘅“舉頭三尺有神靈”嘞，就係“神”嘅意思。但係我哋如果學佛，就要用佛教所講嘅，佛嘅方法去掌握自己主宰，同埋主宰自己嘅命運，而唔係求神保佑。當然佛經裏便記載真正係有河有河神，雷有雷神啦，但係亦都唔否定人吖，喺臆測裏便去造出好多假嘅神。時常有啲香客燒住好大一啲香喺佛前上下擺動，做呢個動作嘅時候往往就將佛當成咗神，求神求佛去保佑，求佛送我個仔啦，求佛保佑我升官發財啦。咁樣假如佛可以保佑嘅，佛既然可以保佑你，亦都可以保佑佢，喺人當中有善有惡，保佑你升官發財、向上向善，亦都可以保佑其他人殺人放火，咁樣佛就係界限不分嘅佛嘞。所以“佛”同“神”係唔同，我哋佛教係信佛而唔信神，由呢個意義上嚟講，佛教係智信而正信嘅唔係迷信，一定要搞清楚。

咁樣由佛教上講，“佛”首先由三個含義組成，當然第一係指釋迦牟尼佛其人啦，第二係有覺悟嘅意思。點解係“佛”呢？“佛”係“佛陀”嘅簡稱，因爲中國人求省，省事吔，將“佛陀”呢，簡稱呢，做“佛”。“佛”係覺悟嘅意思當然，覺悟就係“佛”，羅漢亦都係覺悟，但覺悟嘅程度唔同。羅漢覺悟之後，自己喺泉邊林下搵一個清淨嘅地方，自己去修道，以祈求早日滅道，衆生嘅苦難呢，有啲羅漢係唔理嘅。但係佛陀覺悟之後，佢要將覺悟嘅方法同道理通過各種善巧嘅方法話俾芸芸衆生聽，佢所做就係覺他嘅工作。所以佛不但自己覺悟，仲要覺悟別人，佢覺他嘅工作，不但要覺他，仲要觀機逗教。

比如對娑婆世界嘅衆生講三藏十二部嘅經典，對其他空間世界嘅衆生，佢就唔一定講三藏十二部了，譬如佢可以用其他嘅方式，以密咒嘅方式啦、以手印嘅方式去叫佢哋覺悟。喺覺他嘅時候，佛陀真係用咗好多好大嘅方便，能夠自覺覺他就係菩薩嘞。佛除咗自覺覺佢仲要覺行圓滿，不但要你覺悟，而且仲要度你吔，用各種善巧嘅因緣，好非常方便能夠圓滿嘅因緣，好似一條大船一樣，載你由生死嘅此岸去涅槃嘅彼岸。但係羅漢呢，就好似一隻細嘅獨木舟一樣，佢自己撐住獨木舟由此岸到彼岸，由苦嘅一個世界去到樂嘅另一個彼岸去解脫，衆生嘅事情，佢就多數唔理㗎喇。菩薩就要撐一隻大船，不但我自己能夠到彼岸，將其他嘅衆生都要載去彼岸，佛係同體大慈，亦都係同體大悲，所有嘅衆生我都希望能夠去滅度，都希望令到佢覺悟，解脫自在咁生活，唔俾一切衆生去迷沒，過住一種覺悟嘅生活，因此，呢個就叫做“覺行圓滿”。所以，佛係自覺覺他，覺行圓滿，菩薩係自覺覺他，羅漢只係自覺㗎啫。另外，佛陀喺大乘教義之中其實都有三個意義，就係一切真、一切善、一切都係美，咁樣呢三個意義裏便就係“佛”嘞，“佛”就代表一切真善美嘞。

一切衆生喺佢內在都有一切如來智慧嘅德性，呢個覺悟性，係咪玄談呢？有咩嘢好處呢？當你嘅生命受到空前嘅破壞同危機嘅時候，你用你嘅覺悟性去觀照你所處嘅環境，包括平時嘅身口意三業係咪清淨呢？你係咪有道德修養嘅人呢？而面對今日商品社會同埋紅塵滾滾嘅世界，你自己應該點樣爲自己去定位呢？咁呢個覺性，我哋可以理解爲大智慧，由自己嘅大智慧去觀照，就唔同於世間嘅聰明。世間嘅世智辯聰係在於計較自己嘅得失、人我是非，係一種東西叫做聰明，所謂耳聰目明就係聰明，而大智慧呢，就係佛經裏便所講嘅“般若”。呢個“般若”思想裏便嘅含義就更加豐富，有兩個意思嘅，一個叫做“妙觀察智”，就係用自己嘅妙觀察呢一種智慧，我哋知道世間嘅善惡同埋是非，假、醜、惡、真、善、美，知道世間嘅各種學問嘅建立，世間法各行各業我都了如指掌，咁樣呢個就係“妙觀察智”。仲有一種叫做“無分別智”，但係我哋同時亦都知道呢個世間係虛幻，係偶合，係夢幻泡影、如露如電，我哋仲知道，佢係空性，同時以出離心、慈悲心去加持自己嘅行爲，使到自己嘅行爲能夠同情衆生嘅命運，時刻理解同埋指導自己，處喺咁樣一個紅塵滾滾嘅地球之上，大家都係同舟共濟，亦都就係話無緣大慈同埋同體大悲。如果單單淨係了解咗佛教所講嘅空性，咁樣只係一個消極厭世嘅人啫，就好容易導致一啲唔積極嘅行爲，如果唔理解空性，就好容易爭名奪利，將一分錢睇得比泰山仲重，咁樣生活就非常之累贅。

呢兩方面知道呢，仲係唔夠，還要有佛教嘅“大悲心”同“出離心”。所謂“出離心”，係既喺世間，亦都唔被世間污染，呢句說話非常重要。猶如蓮花出污泥而唔污染一樣，但係唔係逃離世間同脫離世間個喎，係既喺世間而唔被世間所染，同時仲要有一個“菩提心”同“大悲心”。呢個“大悲心”就係我點樣學佛、點樣覺悟，我都希望一切衆生好似我一樣學佛、一樣覺悟，就係自他相換、易地而處，衆生苦難就係我個苦難。當你有咁樣嘅思想、咁樣行爲嘅時候，慢慢你嘅心量同埋修養就好似海洋一樣咁大，非常之廣、非常之深厚。“大智慧”，佢主要嘅營養其實係來自我哋嘅“出離心”、我哋嘅“大慈悲心”，而唔係喺世間患得患失嘅聰明而嚟嘅。

喺當今嘅社會，物慾滾滾，每個人對於自我嘅執著實在係過大，好難將自己放低，讓自己有個安靜嘅心靈嘅空間去尋求真正人生嘅意義同埋解脫之道。所以每個真正學佛嘅人其實都要做一個“持寶嘅人”。乜嘢叫做“持寶嘅人”呢？就係持自己當下具足嘅摩尼寶。雖然話心外求法亦都能夠得到寶，但係其實係有限嘅，唯有內心真正嘅摩尼寶先係無限，係真正我哋內在智慧嘅生命。只有開發呢粒摩尼寶珠，讓佢發出無盡嘅光芒，我哋人生先能達到最終根本嘅解脫，先能夠將衆生由此岸帶往彼岸。


158.五湖水月印禪心（一）


五湖水月印禪心

響中國嘅歷史上，隨住漢王朝嘅沒落，同埋東漢末年嘅董卓之亂，東漢中央大權旁落，地方分權乘之而起。隨住各地群雄並起、割據一方，終於響勢力消長同埋互相吞併、排擠之下，而形成咗三國鼎立嘅局面，即係曹操、劉備、孫權三股勢力，響赤壁大戰一役之後而三分天下。

我哋再將中國歷史往上去推算，響秦王朝崩潰滅亡之後嘅楚漢相爭，即係劉邦同埋項羽，亦都時常使到我哋後代嘅中國人追憶霸王別姬嘅故事。無論係三國演義定是係霸王別姬嘅歷史故事，響民間流傳嘅地方戲曲、戲劇、野史或者傳說等等，更係豐富咗人茶餘飯後談論嘅趣事。

一個王朝嘅霸權經過興盛之後，佢衰敗滅亡嘅原因同埋共業當然係好複雜啦，但係由古到今都係一樣，一個強權或者強人嘅時代結束咗之後呢，天底下有心想分呢塊“大餅”嘅人仲係好多嘅。古代稱之爲宮廷嘅內鬥，但係現代人就稱之爲政爭嘞，所謂“亂極思治”。

我哋再將時間向上推算，大概響西元前六百五十年左右，中國正處於春秋五霸嘅時代。響春秋時代，王室卑微、禮樂征伐、諸侯割據，諸侯嘅政權亦都被國內嘅貴族、世卿所相奪。到咗後來，亦都進入咗戰國七雄爭霸嘅時代，即係秦、楚、齊、趙、魏、燕、韓。而一直到秦始皇即位之後，秦朝統一天下嘅時機就開始成熟嘞，秦王政響九年當中終於將六國一一吞併或者消滅。當然中國嘅歷史係有一啲血腥，每經歷一次群雄割據或者改朝換代，就時常發生刀兵災劫，戰禍連年，無辜嘅老百姓總係最倒楣嘅。

響中國上古時期嘅周朝，由周武王滅殷之後，大概響三千年之前，一直到周幽王被殺，一共經歷咗十二個王帝，大概係三百四十一年，而後雖然有周平王，但係亦都係各地軍閥、諸侯借名去擁護嘅虛位天子，其實並無實權嘅。春秋同戰國嘅運，就係發生呢一段時期。

咁大家會問話，中國歷史上嘅消長同埋恩怨，呢個同佛法有咩關係呢？其實禪宗、禪修、禪學同呢啲嘢都係有一啲關聯，更何況呢啲係你征我伐嘅爭霸時代，同埋同禪修、禪宗、禪學嘅關連，其實係互相穿插嘅。

大家都知道，周武王係討伐暴虐無道嘅商朝末代嘅帝王紂王，而結束咗六百多年嘅商王室，更加建立咗周朝。響周朝以前嘅中國政權，大多數係以“禪讓”嘅方式去傳授領導嘅位置，但係周朝嘅人以武力去取得天下之後，響形勢上就造成咗“普天之下，莫非王土；率土之濱，莫非王臣”嘅局面，而周朝嘅帝王係分封同姓嘅子弟同異姓嘅親戚、功臣，而且一方面係用以鎮壓反動，一方面係用嚟制衡國內舊有部族嘅勢力，於是中國帝王嘅封建制度咁樣就開始，但係因爲大封諸侯，最後亦都種下咗，東周之後春秋同戰國嘅群雄爭霸嘅禍苗。

周武王係開創周朝嘅第一位皇帝，到咗第四代周昭王嘅時候，故事就開始發生了。大約響距今二千五百多年前，亦都係周昭王二十六歲嘅時候，有一日，周昭王響夜晚裏便走出皇宮去乘涼，散一散步、賞一賞花。自從武王伐紂以來，周朝響政治上就有好多改革，而朝政亦都處於強勢嘅時代，正所謂天下太平、國泰民安嘅盛世。就響周昭王響宮外觀賞夜景嘅時候，忽然響京城向西面嘅地方嘅夜空之上大放光明，有種種嘅祥雲同彩光四射，呢種天文異象，總係俾人睇咗之後，心情無限嘅喜悅同舒暢。祥光籠罩住整個西方嘅天空，就好似係由天界兜率天所釋放、照射落嚟嘅天人彩光，久久而不散。

於是周昭王就命令朝中嘅天文官去觀賞呢種天文奇景，而且去解釋一下呢種異象徵兆。當天文官同有道之士觀察咗之後，就稟告周王話：“西方有聖人出世吔！”於是周昭王就下令立下聖碑去描述同紀念當日晚上所見到嘅異象，而“西方”呢，就係指當時中國領土以西嘅北印度嘞，“聖人出世”就係指本師釋迦牟尼佛嚟人間應化成佛，投胎嘅日子。所以佛陀釋迦牟尼佛因爲一大事因緣而轉世，嚟呢個娑婆世界——閻浮提嘅地球，響遙遠嘅東方帝國王朝，亦都有目擊證人嘅，呢個目擊證人就係周昭王嘞。

佛法本身係超乎科學嘅，佛教自東漢明帝嘅時候傳入我哋中國之後，隨住隋唐佛教文化嘅興起，佛教就紮紮實實融入中華文化裏便，其中禪宗，亦都係響中國唐宋嘅時候大放異彩。禪宗，可以話係中國先被發揚光大。我哋再睇下今日，禪學，禪坐，禪修同埋禪坐亦都充實咗現代人空虛嘅心靈，現在呢個世界上，無論係中外人士，已經有好多人透過學禪去修心養性啦。禪學，雖然出自中國，但係佛教現今唯一俾西方人所接受嘅修法，就係禪修同靜坐嘞。

響中國古代嘅朝廷之中都有天文官嘅設立，比如唐朝設有司天監，而清朝亦都設有欽天監等等嘅天文官。皇帝如果有咩天文、異象、玄學、道學、術數嘅問題，都會搵天文官去解釋或者處理嘅。

響唐朝開元二年嘅時候，禪宗六祖惠能大師嘅金剛不壞肉身，啫係全身舍利。要入塔供奉嘅時候，響塔裏便忽然現出一道強烈嘅白光直衝靈宵天際，而且經過咗三日三夜之後，呢道白光先散去。當時嘅韶州刺史就將六祖嘅事蹟同圓寂之後嘅天文奇觀奏入朝廷，而皇上就敕令立碑去紀念六祖嘅真才實修、大徹大悟、明心見性嘅道行，當時皇上亦都讚歎禪宗嘅六祖大師係我哋中國嘅國寶。

響二千五百多年前，位於喜馬拉雅山南麓嘅恆河流域，有釋迦族人建立嘅城邦，佛陀世尊就係轉世響呢個北印度嘅國家裏便，佢嘅父王就係淨飯王，而母親係摩耶夫人。呢個釋迦族嘅國家雖然唔大，但係係人心歸順、海內昇平嘅盛世。

佛陀由兜率天，欲界嘅第四層天轉世人間，係有好多不爲人知嘅事蹟嘅。首先要成就無上正等正覺嘅佛果，必須就響無量劫之前受到他方世界或者本世界已經成佛嘅大成就者授記。就好比本師釋迦牟尼佛響多劫之前，大概係幾百兆億萬年之前，就有一大殊勝嘅因緣嘞，受到咗燃燈佛去授記！另外佛陀響講演《妙法蓮華經》之中嘅《授記品》裏便，亦都爲好多大阿羅漢、大弟子去授記，呢個只有成就無上菩提嘅佛陀，先能夠以佛眼去觀察衆生嘅修行因緣，幾時成熟、幾時證果、幾時成佛，所以冇親自受到佛陀印證同埋授記，係唔可能成佛嘅。當然，你亦都可能響多生多世之前，響他方佛國淨土受到其他個別嘅如來授記呢。

釋迦佛響仲未成佛之前，就以精進、忍辱、智慧第一而爲好多佛菩薩所讚歎。而且響我哋呢個娑婆世界呢，包括三界二十八天、地獄、幽冥、阿修羅、人類同非人類、地球都屬於三界之內，亦都稱爲娑婆世界。

從古至今，好多修禪宗嘅人，包括你修禪宗在內，如果你響今生今世，係冇法好似禪宗六祖惠能大師一樣明心見性成佛嘅話呢，咁樣臨終之後，大多其實都係會往生去兜率天，所以兜率天裏便，除咗有釋迦佛時代嘅大弟子、大阿羅漢、大菩薩住世之外，就係仲有好多禪宗嘅弟子都會發願往生去呢一度嘅。

我哋呢個世界，娑婆世界嘅唯一佛國淨土，其實就係第四層兜率天了，同時，兜率天亦都係禪宗嘅第二個淨土。禪宗嘅第一個根本淨土呢，就係常寂光佛土，亦都係法身佛嘅根本淨土，所以釋迦佛嘅遺教弟子、法脈、法門同埋文殊師利菩薩、普賢菩薩、彌勒菩薩等等嘅大菩薩，都係位居響兜率天。而如果你嘅本尊係地藏王菩薩的話，咁樣你臨終往生嘅佛土，亦都可能會係兜率天。而且如果你想發願再往生去其他佛國淨土的話，亦都可以響到咗兜率天之後，再重新發願前往嘅。

人嘅壽命不過百年，而所謂嘅百年時間就係人經過一生一世嘅體驗同經驗。至於蚊或者螞蟻嘅一生一世呢，大約就係一星期嘅時間，所以螞蟻，佢所能夠體會一生嘅時間觀念，對於人類嚟講亦都只不過係一星期而已啫。又譬如龜同埋蛇嘅壽命，可以長達好幾百年，所以人類吔，同較長壽命嘅動物比起嚟，其實已經遜色咗好多啦。

就將我哋距離我哋較近嘅天界忉利天嚟講啦，忉利天係所謂道教玉皇大帝所居住嘅天界，佛教就稱爲“帝釋天”，人間每過一百年，而玉皇大帝嘅族人同埋天人先感覺到只係過咗一日嘅光景。但響佛陀住世嘅時候，響三界二十八重天裏便最護持佛教、做最大嘅供養、排場搞得最大嘅天主，就要算係道教嘅玉皇大帝了。雖然如今佛陀已經入滅咗二千五百多年，但目前對玉帝嚟講，佛陀先剛剛入滅圓寂不過二十五日時間啫。而人間每經過二百年，位居響第三層嘅夜摩天，先過咗一日。再往上一層嘅天界就兜率天了，人間每經過四百年，響兜率天嘅天人或者佛弟子，只不過覺得係過咗一日嘅感覺啫。

其實，你只要往生去兜率天，咁由你一投生響兜率天嗰日開始，你就有天界嘅時間四千年嘅壽命，而地球每過四百年，你先過一日，所以你響兜率天一生嘅時光就相當於地球人類時間嘅五十六億萬年至於五十八億萬年嘅時間了，呢個就係點解彌勒菩薩響佛陀住世嘅時候，釋迦佛授記佢響當來十二年之後先圓寂，然後再上生兜率陀天教化兜率天嘅天人，而且再，再要等五十六億七千萬年之後，等兜率天嘅天壽同業緣結束之後，就轉世嚟到地球，成就第五尊佛！呢個就娑婆世界嘅第五尊如來彌勒佛嘅成佛因緣，而釋迦佛係第四尊響我哋呢個世界成佛嘅聖者。

釋迦佛響仲未下凡人間之前，亦都係同現在嘅彌勒菩薩一樣嘅，位居響兜率天，而且以等覺菩薩嘅證量同智慧去教化兜率天嘅佛弟子。所以要能夠修證到初地菩薩嘅果位係唔係咁容易，更何況係由初發心開始，修成無上正等正覺嘅佛果呢！

釋迦佛響尚未成佛之前就已經經歷咗多生多世嘅勇猛精進，而且響佢內在真正嘅證量已經達到等覺菩薩嘅境界，而大多內證修行達到等覺菩薩嘅行者早已經證得無生法忍不退轉嘅地步，亦都可以係話，就算釋迦佛由兜率天轉世人間，佢一生之中都不修行精進嘅話，壽命結束之後亦都係等覺菩薩嘅果位。

況且悉達多太子嘅如來藏中，其實早已經具足好多過去世用功而嚟嘅成佛資糧，平時就已經養成攝取自心嘅現量，同攝受妄想紛飛嘅基本能力，所以出離心自然就由如來藏裏便嘅內力自熏而起，而且行爲之上唔會被雜俗所拘，就好似小孩子一般嘅純潔，而且亦都斷除咗睡眠，由朝至暮，日日夜夜修習自己宿緣相應嘅佛法。同時，內在亦都會產生一股力量同智慧，遠離外道嘅思想或者修法，同埋捨棄聲聞、緣覺等等小乘法嘅學理同境界，而且回小向大，步入大乘菩薩道嘅境地。所以雖然悉達多太子放棄咗一味嘅苦行，呢個都係內在智慧嘅覺醒之故，亦都正如禪宗所講嘅“平常心是道”。

響太子去除咗表相同唔正確嘅修行方法之後，其實佢嘅內在已經漸漸進入咗不可思議、真實至聖嘅如如境界。佢嘅心靈好似明鏡照物，水淨沙明一樣，呢個時候，悉達多太子嘅法眼就豁然清淨啦，雖然仲未成佛，但係已經恢復咗菩薩嘅法眼淨同一切智慧嘅證量！

一般修學佛法嘅人嚟到人間，並唔係每個人都必須由初學基礎開始去學嘅，其實大多數嘅佛教徒響前幾世，或者就有好多嘅修佛基礎同證量啦。今世響人間，只要心靈純淨，業障淨除到一定嘅程度，咁你前世嘅修行慧命係會慢慢慢慢被恢復嘅。

響佛教嘅修行當中，阿羅漢嘅果位分嘅四個等級，一般小乘嘅佛弟子歷經千辛萬苦嘅修持先能夠證到阿羅漢果。阿羅漢果分開初果、二果、三果同四果，而，而且我哋時常所講嘅大阿羅漢，大多都係講四果嘅，所以佛陀時時勸阿羅漢要多多向啲大菩薩學習，更要回小向大去發大乘菩薩道嘅願力，去累積菩薩道嘅資糧，以便能夠由四果嘅羅漢，再進步到初地嘅菩薩果位，即係歡喜地嘞。

當衆生或者修佛嘅人，內證嘅功夫已經達到初地菩薩之後，跟住落嚟呢，就會循序漸進再精進修行，一步一步邁向圓滿菩薩嘅十地果位。何爲十地呢？初地菩薩歡喜地、二地菩薩離垢地、三地菩薩發光地、四地菩薩焰慧地、五地菩薩難勝地、六地菩薩現前地、七地菩薩遠行地、八地菩薩不動地、九地菩薩善慧地、十地菩薩法雲地。而響十地菩薩再向上一級就係等覺菩薩了，等覺菩薩嘅功德、資糧同埋覺悟嘅圓滿程度，幾乎可以話同佛相等，就係只有一啲啲無明未破啫。等覺菩薩再進一步修持圓滿，觀破咗呢一分生相無明，就成就咗妙覺菩薩，而妙覺菩薩其實就係佛了。

我哋呢個娑婆世界嘅成佛，真係好有意思，我哋可以稱爲後補嘅制度。凡係位證等覺而即將成佛嘅菩薩，都先會響欲界嘅第四層天兜率天內院等住，以便天上嘅法緣結束而響人間嘅法緣成熟嘅時候，再下生人間去示現成佛。呢個時候響兜率內院準備候補佛位嘅等覺菩薩就係一般所稱爲嘅“一生補處菩薩”了。

而兩千多年前嘅悉達多太子就係以咁樣嘅一個內在證量同埋果位嚟下生人間嘅。釋迦牟尼佛經過遍學外道，得到外道嘅最高成就，同埋六年雪山嘅勇猛精進同苦修之後，就準備等住成佛，所以悉達多太子正係以等覺菩薩嘅內證喺菩提樹下嘅不動金剛寶座之上用功。當然，要成佛係冇咁容易嘅，最後一關嘅魔擾，啫天魔嘅侵襲，就即將要來臨了。

魔擾、魔考，相信大家都應該聽得多了，講唔定你仲會被考得七上八落添。而前面講過佛陀八相成道，“降魔”其中係極重要嘅一點嚟嘅。如果悉達多太子當初響菩提樹下冇降魔成功，咁人間亦都冇佛陀了，而如果人間冇佛陀嘅教化同埋指引，咁我哋到現在，雖然每日可以能夠忙到好愉快，但係我哋嘅心靈世界，亦都係話我哋內在最真實嘅生命就恐怕會響一片黑暗無明之中，而繼續長劫沉輪響生死大海裏便。

咁點解天魔好似食飽咗飯冇嘢做嘅呢，都係時時要修行人間嘅學佛修行人，甚至響佛陀成道之前嘅嗰個晚上仲係發動千軍萬馬，非要致佛陀於死地不可呢？天魔點解咁無聊呢？其實佢哋係咪冇嘢做，去搵善良嘅佛弟子嘅麻煩呢？其實天魔呢啲干擾、障礙甚至逼害，對我哋修行人呢，可能都係一種考驗，亦都係一種恐懼。其實，佢係怕我哋佛弟子嘅，因而佢所以採取一種過度防衛嘅行爲，其實點講呢，因爲天魔有極強大嘅權力同佔有嘅慾望，佢希望任何人都臣服響佢腳底之下以受佢控制，一旦你修行成就，想超出三界生死輪迴呢，就會擺脫佢嘅控制，使到佢損減咗一位子民，呢個問題係令到天魔冇辦法接受嘅。第二點呢，如果你不僅自己解脫，而且仲發大乘心行菩薩道，度化更多人學佛解脫呢，咁豈不是要天魔損減更多嘅子民同眷屬咩？呢樣嘢仲更加令佢唔能夠忍受啦。第三樣嘢呢，天魔亦都更害怕，萬一你真正修出咗大成就、大智慧，能夠用神通去降魔，使到佢損失大批魔軍。如果咁，咁樣的話呢，豈不是要俾魔宮去唱空城計，然後會天魔慢慢、慢慢乖乖去信佛？所以，呢種害怕，就係天魔驚你修成之後以智慧嘅光明拆穿咗佢西洋鏡嘅恐懼心態，所以天魔無所不用其極，軟硬兼施，以各種順境、逆境，去誘惑或者賄賂、恐嚇或者破壞你嘅道行，使到你喪失道心或者冇辦法修行成就，以便佢能夠將你縛喺三界之內繼續控制你，去擺佈你。

除咗呢啲因素之外，另外仲有一個更重要，亦都較鮮爲人知，而且令天魔恐懼以至於百般要嚟破壞佛陀成道嘅原因，呢個就係悉達多太子響菩提樹下、吉祥草金剛寶座之上所發下嘅誓願：“我今日如果唔能夠成就無上正等嘅正覺，即使粉身碎骨，亦都唔會離開呢個座位。”由於呢個願……（註：接下文）


159.五湖水月印禪心（二）


（註：接上文）

天魔嘅眷屬四處逃散，同時響宇宙嘅時空當中，亦都發生咗一件時間差嘅恐怖事件，到底係咩嘢呢？原來佛陀響人間示現成佛，係要花上人間數十年嘅時間，先能夠度化無量無邊嘅衆生，但係所有呢啲變化對於身處欲界第六層天嘅天魔波旬嚟講呢，就可能係幾秒鐘嘅事，呢個因爲我哋人間每過一千六百年呢，第六天他化自在天嘅魔天先過咗一日啫。

你能夠體會一下天魔嘅心情咩？對於一個權力慾、佔有慾咁強大嘅天魔嚟講，眼白白睇住一座又一座嘅魔宮倒塌，轉眼間化爲烏有，而且大批大批嘅魔衆亦都快速響度散失，你話天魔嘅心有咩感想？係咪會想將佛陀一除爲快，以免留響人間後患無窮呢？而當日我哋證悟之時呢，自性所放射出嚟嘅光明比起幾千億兆瓦嘅光吖，仲要強，而且會刺，刺到天魔張不開眼，所以如果你明白呢個道理之後，原來魔擾係天魔恐懼心理響度作祟，咁當你下一次又被天魔逼害嘅時候，只要你提起正念，咬緊牙關，更大無畏嘅勇猛精進，到時天魔一定會被你嚇退。因爲響修行嘅戰爭之中，我哋唔應該去怕天魔，其實天魔係好怕我哋嘅。

當然，如果你目前心志比較怯懦，而且擔心自己會唔會碰上咩嘢魔嘅干擾，其實話俾你聽，你應該放心，因爲表示你生命只係剛剛覺醒，學佛啱啱起步，呢個時候仲勞駕唔到天魔佢老人家去騷擾你，所以呢段時候你啱啱學佛，其實唔會碰到咩嘢魔難嘅，天魔因爲深深會知道，強大嘅俗世洪流好快又會將你捲咗去了。你每日只要去應付呢啲凡人嘅俗業就夠啦，點樣仲有能力去觸犯天魔呢？即使你幾年或者幾十年之後覺醒更深、功力更強，但好快死魔亦都會嚟去搵你嘅，天魔根本不費吹灰之力，只要響旁邊睇清楚你繼續墮入生死嘅大海之中受苦就夠啦。亦都係話，如果你現在嘅修行，修得好散漫、好懈怠，咁就唔需要害怕咩惡魔去干擾你，因爲輪唔到天魔去障礙你，你早已經被自己累世所造嘅業解決咗嘞。

講番轉頭，雖然佛陀降魔成功而成就咗佛道，但係爲衆生帶嚟佛教正法嘅光明，而且使到魔衆大量損減，但係天魔並未因此而罷手，反而響佛陀住世嘅時候，天魔仲假裝臣服響佛陀嘅座下，因爲佛陀實在係太厲害了。但係天魔有機會呢，佢仲係會四處去搗亂，破壞佛陀清淨嘅僧團，甚至響佛陀晚年入滅之前，天魔更係當住佛陀嘅面立下毒誓：將響未來末法嘅惡世穿住佛嘅袈裟入佛嘅寺廟、破佛嘅戒律，毀破佛法，佛陀因此當場落淚。

佛陀爲我哋末法薄福嘅衆生講演預言咗好多天魔敗壞佛法嘅惡行惡狀，俾我哋警惕同埋防範，我哋一定要知道呢啲事。雖然佛陀對呢啲末法嘅亂象同天魔嘅行徑，早響好多經典就講得好明白，但係對於躲藏響修行人背後嘅魔爪，多數嘅人仲係警覺性唔夠，以致於唔係被呢啲魔爪捉到就係造成魔擾痛苦不堪，唔係就冇能力去抵抗，迷迷糊糊走入偏差，而走火入魔不自知。

本師釋迦牟尼佛嘅成佛其實係較爲特殊嘅例子，因爲響釋迦佛尚未成佛之前，呢個地球上並冇真正嘅佛法，雖然當時已經有好多外道修行，但係都唔及能夠圓滿同埋究竟，而釋迦佛能夠修成正覺嘅果位，係一大殊勝嘅因緣。其實主要原因呢，用咁嚴格同謹慎嘅修行呢，佛陀係必須倚靠過去無量劫精進嘅用功同內修嘅證量，使到自己響仲未有人間大成就者嘅老師教導之下而能夠獨自修成正覺嘅，就係因爲佛陀係當時人類響地球上數百億年成佛嘅第一人，就係因爲佛陀響遍修一切外道法之後，響內在產生咗自覺嘅動力，亦都係因爲呢種自覺嘅內力，而使到佛陀恢復咗成佛之前嘅內證準備，亦都係因爲佛陀必須獨自內證成佛，所以響大宇宙嘅法身佛就必須加持釋迦牟尼佛。

悉達多太子降伏咗諸天嘅魔怨之後，當晨曦由東方出現，佢內在一切善惡業力同功德資糧交錯消長終告結束。當破曉嘅天空逐漸晴朗而明亮之前，佛陀已經入咗大光明嘅禪定，而東方嘅星辰激光更使到悉達多太子終於證悟咗無上正等正覺嘅佛果，呢個時候佛陀嘅肉身年齡先係三十五歲啫。

我哋呢個世界，要好似本師釋迦牟尼佛有咁樣嘅大善因緣，由兜率天下生人間而成佛，咁就要等下一尊彌勒佛了，我哋身爲佛弟子或者佛教徒嘅善知識，更應該深感欣慰先係。由於釋迦佛嘅慈悲，嚟到呢個五濁惡世成佛，指引咗我哋呢一條光明而正確嘅路，使我哋唔須要響黑暗之中經過漫長嘅摸索，就可以直接吸收佛陀弘法四十九年之中所講演同埋教導嘅各大法門。

佛法嘅修持係有各種方面因緣同法門嘅，一一都能夠隨順衆生嘅根器同因緣，你只要能夠搵到最適合自己修嘅法同法門，咁無論禪宗、密宗或者係淨土宗，都係最殊勝㗎喇。釋迦佛嘅成佛係最標準嘅版本，佛陀嘅內證已經同法身佛無二無別了，而釋迦佛嘅三十二圓滿莊嚴嘅金身亦都係成就圓滿報身佛嘅證明。響呢個時候嘅悉達多太子就唔能夠再稱之爲悉達多了，因爲佛陀嘅法身同報身都係圓滿，所以響住世人間嘅肉身呢，我哋就稱之爲釋迦佛嘅化身，亦都可以話係化身嘅一種。所以釋迦佛嘅法、報、化三身佛都係最圓滿究竟嘅。

其實講番，我哋身爲佛教徒係唔能夠有門戶之見，因爲只要佛陀所親自傳承下嚟嘅法門或者宗派，都係有佢順應衆生機緣或者法緣嘅存在必要。或者你嘅修佛因緣較偏向顯宗，但係你亦都唔可以用自己極爲有限嘅智慧同心量去評論其他宗派嘅是非。響我以前弘法嘅過程之中，亦都遇到一啲佛教徒或者佛教裏便嘅人講密宗根本就唔係佛教，而修禪宗打坐係會走火入魔，念佛往生西方極樂世界先係最上乘、最穩當嘅修法。冇錯，西方法門係好方便同殊勝，但係佛教徒亦都唔需要有咁深嘅門戶之見，而去譭謗如來所講嘅正法，咁樣講係會落無間地獄嘅。而修持密宗唔係佛教嘅正法嘅人，所講呢道理，佢唯一嘅理由，係佛陀住世嘅時候並冇公開嘅場合去講演密宗嘅法門，而呢類嘅佛教徒雖然承認禪宗嘅存在，但係將修禪打坐嘅方式同走火入魔劃咗一個等號，所以呢種極心研究，而亦都係咁狹隘嘅門戶之見同邪知邪見，係值得我哋佛教徒反省同深思。其實釋迦佛所講嘅各種佛法只係適應唔同嘅根基、唔同嘅緣份嘅人去修習啫，何必互相誹謗，去互分門派呢？

密宗係最古老嘅佛教，響密宗嘅教義之中，遠喺釋迦佛仲未成佛之前，他方佛國世界其實已經有佛法存在㗎喇。而密宗將佛法嘅宇宙觀由我哋呢個世界——娑婆世界向外擴展。響密宗嘅佛教觀裏便，時時都可以見到好多其他世界淨土嘅佛或者菩薩，所以密宗最初嘅覺悟者稱爲原始佛，亦都依照密宗嘅說法嚟講，原始佛就係阿達爾瑪佛，就響太古時期，無量大劫之前嘅第一尊佛嘞！而所謂阿達爾瑪佛正係佛教密宗裏便嘅弟子口中時常所講嘅普賢王如來。

響前面講過，響三國鼎立嘅時代結束之後，中國呢塊群雄爭霸嘅大地之上就進入咗魏晉南北朝嘅時代。呢個時候正係五胡（匈奴、鮮卑、羯、羌、氐）亂華嘅戰禍動蕩嘅混亂時代，而創立天台宗嘅智者大師響十七歲嘅時候，正值南北朝之中嘅南朝，宋、齊、梁、陳等等四國之中嘅梁末兵亂時代。響智者大師青年嘅時候因爲戰亂之故，家庭分散、顛沛流離，亦都因爲種種嘅夙願同佛法因緣嘅成熟呢，所以智者大師就響荊州嘅長沙寺佛像之前發大願要出家爲僧。後來響十八歲之中出家，二十歲受具足戒，響二十三歲就去參禮當時嘅禪修大成就者慧思禪師，因此結下咗極深嘅師徒之緣。

當時響中國嘅佛教，雖然禪宗仲未開花結果同埋發揚光大，但係已經有咗好多極原版嘅禪修同靜坐嘅方法，都係直接來自於印度嘅原始根本佛教嘅，而流傳響中國本土嘅密宗俗稱“唐密”，亦都係咁樣直接或者間接去傳入我哋中原。所以響隋唐時代嘅出家僧衆，無論係經師、律師或者論師並唔係只會響度空講白話亦都沉醉響花拳繡腿嘅知識障裏便，或者響自由心證形態嘅六賊妄念妄語之中嘅相似佛法裏便打滾。所以當時嘅好多修行人學問吖、人品、德性、精進、證量同實修實證嘅功夫都好紮實嘅。

當智者大師去拜見慧思禪師嘅時候，慧思禪師語出驚人話：“我哋以前曾經一齊唔係響靈山會上聽過佛陀世尊講《法華經》咩？因爲夙緣嘅關係，我哋今日又見面了。”由於智者大師親證法華三昧，證量純熟嘅緣故，所以大師同埋慧思禪師都能以自己禪定中陰身去進入法華三昧嘅禪定，而將時空迴轉到過去佛陀世尊住世嘅時候講演《妙法蓮花經》嘅時空裏便，亦都正係我哋人類如來藏深入五識嘅奧妙之處。

又響近代嘅禪宗大德虛雲老和尚，響佢甚深禪定之中亦都親臨佛陀世尊響法華會場嘅景象嘅存在嘅地方去聽經，所以法華會嘅靈鷲山嘅盛況，至少有數以百萬同千萬嘅天人、羅漢、菩薩同人間弟子去聽釋迦佛講演《法華經》嘅。位於古代中印度摩羯陀國王舍城東北嘅靈鷲山呢，其實就係因爲佛陀響當地說法而得名㗎嘞，亦都係現今佛教徒心目中嘅聖地。而靈鷲呢類鳥呢，羽翼稍黑，頭部呈灰白色，毛亦都好少，時常響印度各處嘅林野都可以見到。當佛陀住世嘅時候，響王舍城以內嘅人都見到呢啲鷲鳥，所以呢個山亦叫“靈鷲山”嘞。

佛陀曾經喺靈鷲山講演好多佛經，響現在亦都好多大阿羅漢常住呢個山去講演佛法。譬如佛陀講過《大般若波羅蜜多經》啦、《妙法蓮華經》《無量義經》《佛說法華會經》啦、《佛爲阿支羅迦葉自化作苦經》啦，等等呢啲經典。佛陀每次響法會之上要講演佛法之時，都會以佛力加持在法會嘅大衆同佛弟子，使到整個法會嘅信衆，因爲受到佛陀嘅放光加庇，亦能夠同樣進入微妙嘅三昧禪定之中。佛教徒都知道佛弟子阿難係佛入滅之後先開悟證到阿羅漢果，而響佛陀住世之時，阿難尊者仲係一介凡夫血肉之軀，所以佛陀每次要前往天界、龍宮或者其他嘅精神世界說法嘅時候呢，亦都係以佛力加持帶住阿難前往，唔係阿難一介凡夫之身又點能夠飛去天界嘅聖景呢？所以佛陀住世嘅時候，有啲比較殊勝嘅法會，因爲佛陀住世之故，再加上當時好多修佛嘅人嘅根基、智慧都比較好，所以一場大法會裏便就有好多人，百人甚至好幾千人證到果位了，亦都有啲信徒當下證得法眼淨或者無生法忍嘅。

響古代，人性同埋民風都較爲淳樸，人亦都比較善良，身口意三業亦都比較清淨，所以響佛陀講演嘅大法會之上，有好多嘅天人、龍天護法吖、大阿羅漢吖，都係好熱心公益，去爲佛陀佈置道場嘅。就有一次，梵天天王響靈鷲山嘅法會之中供養咗佛陀金色嘅婆羅花，而佛陀以歡喜嘅心拈花微笑，而將呢個心印傳俾大迦葉尊者，視爲禪宗嘅第一代祖師。而佛陀嘅十大弟子以頭陀行第一嘅迦葉尊者，響佛陀涅槃之後繼承佛陀響人間嘅衣鉢，領導佛陀創立嘅僧團，而且主持咗七婆羅葉石窟嘅第一次法藏結集。後來迦葉尊者亦都度化咗佛弟子中多聞第一嘅阿難尊者，而再將付以禪宗嘅正法眼藏。而後來迦葉尊者就響雞足山入定，要等到將來五十六億七千萬年之後，彌勒佛出世嘅時候，迦葉尊者再出禪定而授以釋迦佛法物同埋衣鉢，所以阿難尊者就成爲禪宗嘅第二代祖師。

佛陀響經典之中時常提到“菩提正覺”“涅槃寂靜”“真如”吔、“佛性”“如來藏”“大圓鏡智”“正法眼藏”等等嘅名稱，雖然佢嘅作用同名詞唔同，但係都係響稱頌衆生內在嘅自性本體同埋清淨圓滿光明佛性去形容嘅。而人內在嘅佛性禪宗稱爲“自性佛”，佢嘅體性係堅凝，猶如金剛寶石一樣係歷劫不衰、長住不壞嘅。

禪宗響中國初祖達摩祖師，啫印度嘅第二十八代祖師，亦都提到佛係自心所作，點解離呢個心先能夠去向外去覓一個佛呢？根本就係了不可得嘅。

如果冇受到佛陀親自印證爲明心見性開悟嘅人，或者冇響禪宗各祖師已經開悟嘅大成就之下印證明心見性嘅人，而狂妄自稱爲開悟成佛或者明心見性嘅人，呢種狂人其實就已經走火入魔㗎喇。其實，“成佛”亦都係佛陀爲咗度化衆生，響我哋三界火宅之中芸芸衆生嘅方便說法啫。當你明心見性成佛之後，就冇咩成唔成佛呢啲種種名相嘅差別。所以真正慧命較深而且有大智慧嘅人絕對唔會響文字名相、喺外表去產生分別心，好似俗人嘅六賊妄念之中去做文章嘅。

所以禪宗點解不立文字，直指人心呢？以明心見性、即心成佛爲宗旨呢？禪宗向來以無念爲宗嘅無上法門爲主，但係亦都唔係空無一物嘅幻空，所以世人先會覺得禪宗係高深莫測，而且摸不住邊際嘅感覺。事實上菩提正覺、般若佛智，世人本自有之，只緣心迷不能自悟啫，所以需大善知識去開導。當知愚人、智人其實佛性本無差別，只係迷悟之間唔同啫，所以先分開有智、愚嘅分別了。

一講到禪宗，相信好多人馬上就會聯想到達摩祖師㗎喇。其實禪宗嘅源流呢，由達摩祖師開始，就係我哋禪宗嘅初祖，以至於六祖惠能大師，就係六祖嘞。禪宗初祖迦葉尊者響靈山會上親自從釋迦佛處去領受正法眼藏，視爲禪宗嘅初祖。二祖就阿難尊者，係佛陀嘅堂弟子，以多聞第一。三祖係商那和修尊者，係佛滅後一百年中印度摩突羅國人。四祖優婆毱多尊者，係吒利國首陀羅種人，係奴隸族證果典型嘅代表。五祖係提多迦尊者，摩伽陀國人，亦都響中印度度化咗八千個人出家。六祖係彌遮迦尊者，中印度人，證果之後，弘遊諸方度人無數。七祖婆須蜜多尊者，係佛滅後七百年生於須賴國，佢有著作《中律論》。八祖佛陀難提尊者，迦摩羅國人，辯才無礙，證悟之後度化衆生無數。九祖伏馱蜜多尊者，提迦國人，曾經爲《百智論》去做過注疏嘅。十祖脇尊者，中印度人，八十歲出家，脇不至席，精進證果。十一祖富那夜奢尊者，華氏國人，得法之後，去度衆不下千萬人。十二祖馬鳴大士，波羅奈國人，西元一一五年生。十三祖迦毘摩羅尊者，係摩竭陀國人，初初係外道，後來被馬鳴尊者所折服。十四祖龍樹大士，南印度人，係顯宗、法宗所共認嘅祖師。十五祖迦那提婆尊者，南印度人。十六祖羅睺羅多尊者，迦毘羅國人。十七祖僧伽難提尊者，室羅筏城嘅太子。十八祖伽耶舍多尊者，係摩提國人。十九祖鳩摩羅多尊者，係大玉支國人。二十祖闍夜多尊者，北印度人，證悟之後遊化諸國，顯揚正教。二十一祖婆修盤頭尊者，專修苦行，一食不臥，人稱爲“遍行頭陀”。二十二祖摩拏羅尊者，那提國人。二十三祖鶴勒那尊者，玉支國人，響民間教導一啲學衆，人稱“群鶴勒”。二十四祖師子尊者，中印度人。二十五祖婆舍斯多尊者，罽賓國人。二十六祖不如蜜多尊者，南印度人。二十七祖波羅般若多羅尊者，東印度人，係以乞丐之身出家而受戒而得法嘅。第二十八祖就係菩提達摩尊者，南印度香至國嘅第三太子，啫中國我哋嘅禪宗初祖。二十九祖慧可大師，禪宗二祖，河南武牢人，係中國禪宗第二祖。第三十祖僧璨大師，江蘇徐州人，係中國禪宗嘅三祖。三十一祖道信大師，湖北人，係中國禪宗四祖。三十二祖弘忍大師，湖北人，係中國禪宗嘅五祖。三十三祖惠能大師，廣東人，就係禪宗嘅第六代祖師了。

禪宗自六祖以後響中國大放異彩，傳承子孫嘅衆多同影響中國文化嘅深遠，都唔係其他宗派所可以比擬嘅，所以證悟禪法而了生脫死不計其數，呢啲都係自佛陀以嚟禪宗諸位祖師大德嘅偉大貢獻。

頭先講到密宗，講完密宗之後又講禪宗。其實禪宗同密宗邊一個比較殊勝呢？其實都係一樣嘅。一個修行人只要搵到適合自己夙世因緣嘅佛法同埋相應嘅法門，透過老實嘅修持，唔好只諗住一步登天，或者好高騖遠或者貪功貪德，或者急於想速成吖，等等嘅畸形修行病態，咁佛教其他好多法門都係好殊勝嘅。

但係現代好多禪修或者研究禪學嘅人，就係僅僅抱住西洋人一啲思想方式同工具，再加上自己六賊妄念同五毒貪瞋痴慢疑，添油加醋混合起嚟，每日終日響唔知道響呢度搞一啲假禪宗嘅嘢，最後將禪宗同埋好多殊勝嘅佛法混合咗，落入咗名相之中。有啲人因爲六賊實在太過囂張，再加上內心嘅五毒又重，亦都會淪入狂禪或者妖魔邪道之中。

禪宗嘅修持同證量教義之中，係將四大“地水火風”假合嘅臭皮囊肉身當作係暫時假合虛幻。所以禪宗以破相直指人心、明心見性、即心成佛爲主。而心嘅成佛並非好似釋迦佛呢一種正統成佛法，因爲本師釋迦牟尼佛係最究竟完整嘅法、報、化三身成佛，而禪宗係破相，拋開呢個臭皮囊，即心是佛，亦都可以話係無上意密嘅成就。而禪宗嘅心成佛呢，亦都係相同於佛教唯識宗裏便所講嘅“轉識成智”，而成就圓滿嘅佛果。禪宗圓滿究竟嘅即心成佛，亦都可以相當於密宗紅教嘅“大圓滿成就”，亦都相同密宗白教嘅“大手印光明成就”，所以佛法成就嘅發源係相同。

響禪宗嘅修行概念之中，係將自體睇成如幻如化嘅無明，妄有假相，而且以自心修心爲主。而佛教密宗正好相反，密宗將人嘅身體睇成係宇宙之中佛菩薩嘅秘密壇城一樣，所以密宗就發展出人體內在嘅氣、脈、明點同拙火嘅修法。禪宗同密宗兩個宗派，雖然修行嘅立足點唔同，但係呢啲係佛菩薩爲咗衆生修行之上所方便教度而傳下嚟嘅法門。

其實無論係禪宗、密宗或者佛教任何嘅其他宗派，只要響本師釋迦牟尼佛所親傳而契合你嘅根性夙緣，咁你亦都會實修實證而得到成就嘅。對你嚟講，樣樣宗派都係最好嘅宗派，亦都唔係天下嘅唯一宗派，所以學佛嘅人實在係冇必要去分宗派嘅好壞。宗派嘅意思依度係講佛教裏便嘅宗派，但係由於目前普遍大家對佛教嘅知解唔係太通，所以容易會執著某個宗派嘅殊勝。

例如佛陀曾經上升忉利天爲母說法，而宣講咗大家熟悉而時常所講嘅《地藏菩薩本願經》啦。其實唔好話係佛陀或者菩薩，古今極多嘅禪、密宗嘅成就嘅人呢，亦都會穿梭響二次元時空嘅能力，所以我哋人類實在唔應該以井蛙之見去否認一啲大乘經典或者禪宗、密宗嘅經典，去譭謗禪宗同密宗嘅，畢竟呢個世界唔係只有人類先擁有靈性、具有生命。依據佛陀同埋成就者嘅眼光嚟睇呢，我哋，咳，身處嘅宇宙係由無限多重嘅時空所構成，其中各有唔同嘅形態生命存在。而佛陀同埋菩薩亦都時常爲呢啲衆生宣說佛法，使到證悟佛法、解脫生死。

所以，應該大家好好研究一下佛陀教化人間弟子嘅整個流程，你就會發覺佛陀響成道之後三周內所講嘅《華嚴經》，因爲內容距離人類嘅層次太遠，所以就由《阿含經》開始，循序漸進引渡人間嘅弟子，使到生命慢慢成熟之後，再教以《方等經》同《般若經》，令到大家頓破無明，搵番真正嘅自我。最後更加慈悲，將弟子以帶入《法華經》《涅槃經》嘅大乘一實佛法教嘅境界，去完成佛陀呢個大事嘅因緣說法。

所以當你真正想深入禪修之前，首先必須將心量打開，接受呢個浩瀚佛法嘅宇宙觀同所有佛陀所宣講嘅一切大乘、小乘同顯教、密教嘅經典，咁樣喺禪宗修法先能夠有成就，而且唔會因爲自己一時嘅無知而隨住人雲亦雲跟住大家去譭謗大乘或者禪、密兩個宗派，自己斷咗大乘嘅菩提種子，同時亦都唔會犯下譭謗嘅業障，自招無量劫嘅盲聾喑啞同埋輾轉惡道嘅苦報，所以我哋佛教徒唔應該有門戶之見，但係對於好多附佛嘅外道同埋邪師邪教，渾水摸魚同埋魚目混珠、偷龍轉鳳嘅行爲，佛陀遺教弟子就要注意。而對於依度裏便所講，更加唔能夠容易分辨嘅相似佛法嘅論調呢，係我哋學佛嘅人要好好深思明辨，亦都係而家呢個末法時期呢個時代我哋學佛要小心，我哋一定要張大眼睛去睇清楚。


160.火宅安禪（一）


生活，其實係自我實現嘅過程，生活係直接、單純，而無須間雜一啲生活以外嘅嘢，因爲咁樣生活至會落實。亦都係話，當我哋如果唔理會名利吔，唔理會地位、權勢，唔滲雜其他文飾性嘅“防衛機制”嘅時候呢，我哋能夠感受到自在嘅喜悅。譬如，當你閒坐休息，對住“秋山入簾翠滴滴”嘅景致嘅時候，你喺度休息，其實就係投入完美嘅人同自然結合嘅喜悅，嗰個時候呢，你係真喺度生活，而且呢，生活到好踏實。但係相反，如果你泛起咗睹物思情、嘅牽腸掛肚嘅思想，咁你唔係投入生活嘅清妙同實在裏便，而係活喺一個妄念之中而無法真正得到生活所引發嘅喜悅同埋生活裏便清新嘅感受。

精神生活同物質生活係唔同嘅，因爲喺精神生活裏便呢，只要你加深一點點，就會失去另外一點點，如果你執著更多，反而會全盤落空，正好似老子所講話“爲道日損”呢，呢句說話啦，就係最貼切嘅啓示。由於現代人追求係物質吖、係名利，操縱權利嘅心機，隨之而嚟嘅呢，就係自大同埋自傲，於是單純嘅生活就會被無盡嘅競爭啦，同埋追求所取代。而佔有同埋防衛性不安就盤踞咗響我哋心裏便，而衍生出緊張同埋貪婪，佢表現出窮困嘅精神現象。但係窮困呢，更加促使我哋自己呢，再度投入無休止嘅競爭同埋追求。

現代人根深蒂固行爲嘅特質就係對外追求，你話係咪？認爲價值在外唔在於內，所以就養成豪奪嘅習性，終日爲咗取得同埋佔有，但係呢，就遺忘咗生活本身先係目的。六祖惠能嘅偈語都講過：“離道別覓道，終身不見道；波波度一生，到頭還自懊。”由於我哋唔係爲生活而生活，係爲咗自己嘅妄念而奔波，所以我哋得唔到真正生活嘅情趣，將工作當做係一種負擔，而唔係將工作視爲一種實現，將人際關係當做操縱嘅把戲，而唔覺得人際關係係友愛親切嘅情懷，咁生活就變咗勉強嘅活動，於是就形成咗苦不堪言嘅負擔啦，自然。現代人爲咗物慾同埋財富呢，已經將生活當做係過程而唔係目的，將本末倒置咗了，所以導致咗好多精神嘅症狀啦，呢啲症狀就包括失眠啦、緊張、焦慮吔、神經衰弱吖、空虛啦，同埋怠倦。我哋可以話現代人已經失去咗生活嘅意義，成爲咗物慾嘅奴隸。

記得唐朝趙州禪師教人“以平常心是道”，現代人呢，但係相反就頭上安頭，喺平常生活之中加咗好多妄想，以致寢食難安，得唔到自在。喺無盡尼嘅《詠梅詩》之中呢，幾好嘅，呢首詩，好能夠啓發我哋生活嘅態度吖。佢話：“終日尋春不見春，芒鞋踏破嶺頭雲。歸來偶過梅花下，春在枝頭已十分。”我哋脫離咗生活嘅本身，到處去尋找好嘅生活，就好似你自己喺春光明媚嘅景物之中，但係好愚昧咁向外去找尋春嘅妙悅，結果就搞到自己精疲力竭嘞，喪失咗生活嘅情趣。嗰個時候，但係如果你能夠駐足停留去睇一睇呢，欣賞你自己周圍吖，四周嘅一下嘅風物，你就會領悟到，亦都猶如寒山子所謂嘅“蜂蝶自雲樂，禽魚更可憐”嘅自在喜悅。嗰個時候呢，就真正體會到人生嘅快樂早已經十分綻放響生活嘅枝頭上便。

咁現代人嘅心病係驚其他人唔知道自己，咁樣諗正好，好似孔子所講嘅“不患人之不己知”，恰恰就背道而馳，結果呢，就總係喺度虛張聲勢、文飾偽裝，原本追求喜悅嘅生活意志，就被一波波嘅作爲，令到佢抑制喺潛意識裏便，成爲緊張同埋焦慮嘅情結。所以我話，唔係爲生活而生活係現代人嘅，嘅一種通病嚟。

喺工業社會裏便呢，每個人都係組織嘅人，佢必須係組織嘅一部分，無論佢係屬於一個公司呢、一個機關，或者一個大工廠嘅成員，無論你係勞心或者勞力，係藍領或者白領，你必須都要接受一份工作嘅責任。好似前便所講，嗰份工作係隸屬於整個制度，係喺你接受呢份工作之前呢，已經係被安排好，要你執行或者承擔，咁你有責任同埋義務將佢做好，但係，似乎呢，好少可能係有機會享有主動嘅決定權，除非你係老闆啦，或者高級嘅主管。有時甚至係高級主管或者老闆亦都無能爲力去做一個自主性嘅決定，畢竟喺一個制度化社會裏便，你必須要考慮到人與人之間彼此嘅關係，呢點係必然嘅，但係當然你亦都必須要遵從系統化工，工作嘅分派啦，先能夠使到生產效率吖，去得以提高。

工商社會係一種新嘅生活制度，係中國幾千年以嚟所面臨嘅新經濟嘅生活方式，其實係事實嚟嘅，已經擺喺我哋面前，我哋無從選擇同埋逃避。無疑，呢個制度帶俾我哋好多新嘅建設同福祉，但呢種生活方式就有個強烈嘅副作用，咩副作用吖？就係失去追求獨立自主嘅希望。佢對個人長久以嚟嘅抑壓，就形成咗精神生活嘅不安同埋焦慮，引發咗倦怠感同埋空虛感，呢個就好多人要尋找刺激、要尋找麻醉同尋找逃避嘅原因，吖，呢一點好重要。失去主動性嘅精神生活，會使到一個人呢，變得冷漠，將工作就當做一種負擔，結果嗰份勉強同埋倦怠使到人失去生活嘅樂趣同埋愉快。我哋必須要注意呢，當社會嘅成員普遍失去生活嘅主動性嘅時候，佢所反映嘅倦怠同空虛、焦慮同緊張，必然逼使到呢，個人要尋求發泄嘅，呢種發泄或者出路，係具有共同性同普遍性，就形成咗一個社會風氣嘞。奢靡，係爲咗補償心中嘅寂寞；色情，係爲咗尋找刺激同狂歡；大食大飲，係爲咗忘記一，一時間嘅困頓。日子耐咗，自然就會形成一種特有嘅病態社會性格呢，就好難扭轉改正嘞，除非能夠響我哋心理生活之中有咗新嘅轉機。

我哋必須要特別留意呢，喺現有嘅社會制度之下，精神生活發生困擾嘅人呢，已有增加嘅趨勢，呢個呢，係一個好普遍嘅現象嚟嘅。好多人悲觀，失去活力同朝氣，明顯嘅特徵就係話：雖然我有工作，但係我唔中意。不過呢啲困境，其實係自己執著先會產生，好似黃檗禪師講過：“凡夫取境，道人取心。”精神生活失去自主性嘅人就容易被四周環境引誘，就係凡夫啦。現代人由於極力吖，想要逃避忙碌同埋唔能夠自主嘅生活方式呢，就會轉移去尋求物質嘅享受同麻醉，咁從而就會引發好多精神嘅症狀。但係相反呢，如果我哋能夠任運響優悠之道，主動去發現一啲生活嘅情趣同埋意義，我哋就能夠將消極轉爲積極，化煩惱作爲喜悅。一個人如果失去自主性，就好似枯木一樣嘞，喺消極同萬念俱灰嘅心情之下，就會變成佛教裏便所講嘅“無記空”，變成行屍走肉，呢種消極嘅心態使到一個人振作唔到，物慾同埋麻醉就喺呢種情況之下會乘虛而入。好多青年人吸毒、出入不良嘅色情場所，正係而家青年人嘅心理嘅苦難。

喺精神生活上呢，現代人普遍以“自由”作爲價值判斷嘅標準，好似前便講吖，“自由”已經被現代人曲解成爲“爲所欲爲”，但係日子耐咗，我哋呢，就失去咗自制嘅能力，我哋不但成爲物慾嘅奴隸，而且變得唔能夠自制。喺物質化嘅生活之中，“我”同“境”，主客已經易咗位啦。本嚟應該係境隨人轉㗎嘛，現在係人隨境轉了，於係就失去咗自制同埋作主嘅能力啦自然。好多人嘅精神生活似乎喺度退化，佢哋失去毅力，失去“任重道遠”嘅耐力，失去“人能弘道”嘅本性，於是響心理之上就變得脆弱，唔能夠作持平嘅判斷。只要四周嘅人呢點樣講呢，就跟住點樣講，情不自禁，一窩蜂就跟住去做。人哋買股票，自己對股票一啲都唔認識，又跟住人去買股票；人哋個仔送去音樂特別班，無論自己個仔係咪有音樂嘅才能，又盲目將個仔送咗去啦。咁喺社會上呢，而家存在住一種風氣，只要“我能夠”三個字，就一定要去做，只要其他人話好呢，自己就想擁有，於是對於庸俗社會價值有咗無可抗力嘅接納性嘞，有呢種接納性。好多商品嘅廣告啦，其實就係抓住呢個弱點而達到推銷嘅目的，嗱，譬如化妝品啦、流行嘅裝飾品啦、進補嘅藥物，都係喺無可抗力之下推銷俾消費者。而消費者經常喺不惜高價之下而將啲產品買入，但係到頭來呢，有時就爲咗唔夠金錢，喺經濟上呢，而苦惱萬分。

自制，其實表示自己能夠有效去節制慾望同埋享樂。一個縱慾嘅人無疑係貪婪，係永遠唔能夠知足，所以長期就會處於窮困，佢註定要被飢餓折磨。現代人嘅心態，時時都顯露住呢啲貪婪同埋窮困，因爲人響滿足慾望嘅過程之中，其實一直都處於“嗷嗷待哺”嘅情緒反應，唔能夠自制，亦都表現喺力不從心嘅掙扎同埋矛盾之上。時下好多青少年啦，喺知性嘅教誨之下，何嘗唔曾經興起勤勞同努力嘅念頭吖？但係喺下定決心之後，只係用功咗一兩日就開始怠倦，三分鐘嘅熱度，時下嘅青年人呢，學業無成、學藝不精，終至一事無成就流落街頭，呢個都係一個原因。咁心理學家時常話呢啲人呢，叫做“階段性心理發展嘅暫時現象”，但係呢，其實如果喺呢個發展過程之中，唔能夠振奮起嚟，唔能夠學習自我約束，冇格律去維持向上成長呢，好容易好快就會走入消極心態，步入心智發展過程之中嘅陷阱，就好難翻身㗎喇。我諗冇一個人一開始就自願養成吸毒嘅惡習，其實只係好奇啫，嘗試同埋朋友嘅慫恿之下去種下無力自拔嘅慘劇啦。當然亦都冇人一廂情願要好勇鬥狠，其實喺失去自制能力之後先會放縱暴力嘅本能，反叛一切。再講吖，有好多犯錯或者吸毒嘅人未嘗係冇回頭是岸嘅意念，只係一旦失去咗自制能力，嗰啲意念都係一場美麗嘅妄想。好多心理學家認爲，因爲細蚊仔呢，失去愛吖，先開始誤入歧途，走入魔窟無以自拔，但係，如果一個人長大到咗成青年甚至成年，佢自己係應該負擔起責任，必須自己努力向上，而唔能夠呢，只係將呢個責任去推俾父母或社會，呢個觀念係重要嘅，係人生哲學，係精神成長嘅真理，因爲當一個人唔能夠自制嘅時候，外來嘅境界就會將“自性”緊緊綁住，而我哋就會失去自由，失去正義同埋智慧。而，而由呢個“言論自由”嚟講呢，現代人由於失去自制，所以呢，就好中意一味批評其他人，但係忽略咗嚴以律己，將挑剔別人當做一種自由，事實上係一種低級嘅趣味嚟㗎，呢樣嘢。

現代社會共同病症，就係在於唔能夠自制，唔能夠自制係自由民主社會之中好嚴重嘅敗行，係放棄生活戒律嘅結果，所以世尊講過：“當尊重珍敬波羅提木叉。”“波羅提木叉”就係戒律啦。“如暗遇明，貧人得寶，當知此是爾等大師。”呢啲係世尊所講嘅說話。戒律，其實就係心理學所謂嘅生活格律，有格律嘅生活使到人振奮自強，好似盲人見到光明、窮困享受至寶，因爲格律就係生活嘅導師啦，所以好重要。相反如果你生活放縱無度就毒害無窮嘞，而現代人呢，其實正係受住呢種精神上嘅毒害。

就現代嘅經濟生活嚟講吖，我哋應當有自制嘅美德，先能夠避免無謂嘅災難。比如講，我哋拚命咁發展經濟，盡其可能大量生產，或者爲咗一時嘅利益，但係，就會影響到環境嘅生態。我哋必須要認清，生活係人同自然嘅結合嚟嘅。事實上，人唔能夠創造一啲乜嘢，只不過係投入自然啫，發現自然之中可以運用維生嘅少數材料啫。但係，如果我哋響“人定勝天”嘅自傲之下不斷去揮霍無度、浪費資源，製造環境污染，不久嘅將來，我哋就要面臨住無以爲生嘅難題，呢個就有因有果嘅道理吔。有節制咁使用資源，珍惜大自然所給予我哋嘅一切，避免破壞同埋污染，咁樣，我哋而家所居住嘅地方，何嘗唔係淨土呢？如果我哋能夠以慈悲心去看待同我哋一齊生活響呢個大自然裏便嘅萬事萬物，而享受生態平衡所賜予嘅正常生活，咁樣咪就係平直心？喺呢一方面，我哋做得實在好少。喺過去日子裏便，我哋將生活建立喺自制之上，所以係節儉樸實，但係現在就強調消費刺激生產，強調大量生產去發展經濟，將自已喂哺得好好，娛樂如痴如迷，但係事實上，我哋係咪真正快樂吖？答案其實好明顯，因爲如果我哋已經快樂，就唔須要再去尋求娛樂啦。

人類精神生活能夠維持健康同埋活潑，唔係由滿足物慾同感性嘅享受得嚟，精神生活能夠喜悅自在，係因爲能夠做自己嘅主人，能夠自制，能夠喺宇宙之間參贊化育，能夠發現活下去嘅意義，但係大部分嘅人對呢方面似乎毫無所知喎。喺無盡嘅競爭同埋價值分歧嘅社會裏便，另一種精神生活嘅偏態，就係失去“自我肯定”嘅能力，由於個人太重視自己虛有其表嘅“我”，佛教就係所講呢個“我執”，太重視其他人對自己嘅睇法，於是“我相”呢，就成爲生活之，裏便呢，最重要嘅價值，擾亂咗我哋心靈嘅平靜。由於我哋太驚自己吔，落唔到臺，想維護自己嘅尊嚴，結果就造成唔能夠自我肯定，唔敢誠實講一句“係”或者“唔係”，否定咗我哋本性之中嘅美德。

唔能夠自我肯定呢，有幾種特質。首先係唔能夠自覺，唔能夠醒悟到自己嘅本質，連自己應該做一啲乜嘢，自己嘅興趣吔、能力同環境因緣係乜嘢都唔清楚，一個對自己無所知識嘅人一定係迷惘㗎喇，係冇方向㗎喇。喺分工精細嘅社會裏便，強調嘅係因材適所，發揮自己嘅特長，對自己無所適從嘅人，喺謀生適應裏便吖，自然就會發生困難啦，時下嘅青年最大困擾之一，就係對自己毫無所知。其次呢，講到每個人都有自己嘅缺點，亦都係有自己嘅優點，無論係好係壞，係咪能夠改變嘅呢？或者無從補救呢？你一定首先去接受佢，咁樣就唔會產生虛幻，先能夠落實工作，勇敢生活。佛經上講過：“大死一番，再活現成。”無非就係叫人首先將虛妄洗去，接受自己，根據你自己嘅本質去生活。人同人之間係唔能比較嘅，比較嘅結果，都會造成迷失，會帶嚟一啲否定自己嘅困惑，生活嘅本質就係“你之所以爲你，係好嘅；我之所以爲我，亦都係好”，咁樣嘅觀念就係平等性智啦。目前我哋嘅社會秩序好講究平等吖，但係喺精神嘅生活之上就往往否定自己、羨慕別人，缺乏平等嘅自信。一個自我否定嘅人吖，係好難有健康嘅精神生活嘅。

每一個人都有自己嘅根性因緣，喺迷嘅時候就必須“師度”啦，請老師指導；喺悟嘅時候，因爲警覺咗嘞，有所發現嘞，就要“自度”，自己去實現圓滿嘅人生。但係，有時呢，有好多青年人正面臨住否定自己嘅危機，佢哋否定自己嘅能力同，同所處嘅環境，一味羨慕住別人嘅成功同埋榮華，結果就喺精神生活裏便發生咗短路嘅現象，一味要發財，眼高手低，心理生活亦充滿住矛盾，咁樣好容易導致黐線，導致神經衰弱㗎。

同“自我肯定”關係密切呢，就係價值取捨嘅問題。人嘅精神存在，係價值抉擇同價值實現嘅理念世界，所以如果追求某一種信仰、信念或者目標，係好自然，因爲佢係生活本質嘅一部分，信仰如果唔係建立喺醒覺之上，就會走向迷信，變成咗精神生活嘅墮落㗎喇。宗教同藝術，同樣都係人類超感經驗嘅來源，佢同精神生活呢，其實息息相關，但係對於宗教嘅信仰呢，就必須建立喺純真同埋正信之上。宗教能夠俾我哋生命完整嘅軌跡，等我哋喺虔誠之中品觸到喜悅嘅信息，由超感嘅經驗之中呢，而接觸到宇宙萬物嘅真意。但係有好多人呢，就喺信仰之上發生咗嚴重意識性嘅扭曲，演變咗無能嘅祈求同依賴嘞，咁樣嘅反應，就會傷害咗個人精神生活嘅自主性，同時喺知性之上亦都會發生嚴重嘅萎縮。當你睇到好多人呢，聚集喺神廟裏便祈求神顯靈嘅時候，你都會心中有時會好好笑，但係由心理角度嚟睇，係一種知性嘅退化，有礙心理健康同積極思想嘅發展，當然亦都就喪失咗自我肯定嘅能力啦。

“自我肯定”係追求真理，免於產生妄念嘅唯一之道。人如果能真正肯定內在嘅自己呢，就能夠做到神贊禪師所講過嘅“靈光獨耀，迥脫根塵，體露真常，而不拘文字。呢度所講嘅“文字”呢，並非只係狹義嘅文字語言㖞，而係包括一切文饰、不自在嘅種種行爲㖞，亦都就係話，當一個人能夠清清楚楚講自己真心話、做真心事，肯定自己本真嘅時候，喺嗰個時候先能夠“體露真常，靈光獨耀”，但係現代人似乎係最缺乏對自己真誠，以致連自己亦都想呃。呢個唔係一種精神症狀咩？

心理學家發現呢，當人嘅左腦活動特別頻繁而右腦漸漸遲滯嘅時候呢，人就會失去統一整合嘅生活，佢屬靈嘅生活會慢慢變得蒼白啦，引致空虛、縱慾、操縱同佔有，而且嚴重影響到健康。但係相反，如果只係使用自己嘅右腦，一味去追尋生命嘅空間，嚮往內在嘅屬靈生活，就會疏忽科學所賴以存續發展嘅分析啦、邏輯同推理能力，會造成生活上嘅困局嘅。但係現代人由於太重視邏輯思考了，同埋分析嘅訓練，缺乏咗非理性直覺同統覺嘅陶冶，我哋幾乎唔重視靈性、藝術嘅直覺嘅創造性陶冶，以致生活就變得浮躁同不安。因爲左腦如果用得太過，右腦就會變成廢墟，於是承載人類靈魂嘅寶塔開始傾斜，精神生活就陷入失衡嘅狀態了。人同人之間嗰種唔計利害嘅相容已經好少存在，“無所住而生其心”嘅灑脫更加係遠離我哋嘅生活，而使到我哋徒有昌明嘅科技而唔能夠真正提升我哋生活嘅品質。

“禪”，係引導我哋走向自由，等我哋本性嘅活力釋放出嚟，喺生活裏便流露出自然平直嘅純真而直截了當去生活，而唔被妄念同外來嘅力量，啫境界牽住我哋去走。生活，其實本嚟就係現成㗎喇，只需要當下投入，無須要多餘嘅作爲。只要我哋平直而心行一致，無需要使用心理嘅防衛機制，喺真我同待人處事之間，如果加咗芥蒂呢，就會造成假相，亂假爲真而生活喺虛幻裏面。

“禪”，使到一個人唔會墮入心病，因爲心病係來源於分辨啦、成見啦、檢擇啦、操縱等等嘅作爲。“作爲”呢兩個字呢，就好大學問嘞，佢使到一個人嘅心理生活會畫地自限嘅，將心中嘅真相會扭曲，令到自己墮入無明而產生偏見。咁所有嘅憎恨吖、怨懟吔、不滿吔、疾妒、自傲同埋自負等等嘅妄念，都係唔能夠平直行持，障礙咗自性智慧嘅引氣。“禪”引導我哋放下種種嘅作爲，以清淨嘅性體，咁優悠自在響我哋喺生活裏便。

冇錯，“禪”唔能夠使到我哋免於飢餓風寒，唔能夠免除我哋疾病同身體嘅衰老，但係有一樣特質好重要！“禪”，可以教導我哋點樣承擔生活、投入生活而充滿法喜，“禪”亦都教導我哋免於墮入煩惱海，“禪”對生活所下嘅妙方，就係“平直心”了，“平直心”就係清淨嘅法身，係生活智慧或者本性流瀉嘅源泉。六祖惠能大師話“心平何勞持戒，行直何用參禪”呢。所有嘅教化工作，乃至“戒定慧”三學，都係總歸“心平”同埋“行直”，而後“見性”實現。心行平直就係“見性”嘅方法，而“見性”所發出嚟嘅襟懷就係自由自在了，所以“心平”就係“定”，“行直“就能夠產生“慧”，所以《壇經》講過“定慧等持，意中清淨”“用本無生，雙修是正”。一切嘅大用都喺無生同埋無爲之上，使到我哋嘅自性大放光明，遍照生活嘅點點滴滴，就能夠喜悅自在、充滿活力，所以話，直心即係淨土。

人類嘅所有煩惱都係由於比較、分辨、執著同種種作爲所引起嘅。六祖惠能講過：“菩提本自性，起心即係妄。”“菩提”就係智慧啦，“妄”就係煩惱嘅根本啦。“禪”，爲咗使到一個人能夠唔起妄，就教人喺“煩惱暗宅中，常須生慧日”，這個“慧日”就係法身，亦都係清淨心，有咗佢，就能夠轉煩惱做智慧，將生活落實，唔受虛妄嘅干擾。

“禪”係要人生活喺“慧日”之下，將自己嘅“作爲“掃除，呈現就係“萬裏長空”啦，自性嘅大日如來就能夠“照破山河萬朵”，喺呢個時候，我就係我，生活自然就實實在在。“是非”唔係唔知，而係唔執著響分辨啫；“善惡”並非不察，而係唔起憎愛，即契之情，至非不發，而係唔染著啫。“境”與“我”不是疏離，但係唔被境界所蒙蔽，如果有咁樣嘅心量，先能夠廣大，就能活得自自在在。經上便講明：“心量廣大，遍周法界，用即了了分明，應用便知一切。一切即一，一即一切。去來自由，心體無滯。”喺無所執著之中，我哋見性啦，“見性”就係實現珍藏喺自我心中嘅智慧，係了了分明嘅呢個智慧，冇任何嘅扭曲或者壓制，嗰個時候所做嘅判斷自然就係正確，心情亦都就特別平穩。

自由同實現，係無所謂在家同出家嘅。一個人如果能夠放下由熏染而嚟嘅成見同埋習性，真心去生活，將唔屬於自己本身嘅一切虛假同外衣都剝落，依照自己嘅根性因緣去生活，就係自由，就係實現啦。每個人嘅根性、因緣都唔同，教師喺教書嘅生活之中自悟自度，實現佢嘅法體，去教導學生；工人喺工人嘅工作之中自悟自度，實現佢嘅法體，將工作做好，服務社會。各行各業，出家在家都係冇唔同，咁樣講法就是圓滿的菩提般若，圓滿嘅自我實現啦。

中國禪，喺六祖惠能之後就真正發展，中國禪係我哋中國文化精華嘅一部分，唐朝同宋朝以嚟，禪學賴以發展嘅根本經典就係我哋熟知嘅《六祖法寶壇經》。響呢本經裏便，對於乜嘢叫做“見性”呢，係冇深入嘅詮釋，但係就不厭其煩講明“見性”嘅方法喎。其實，見性就係見性啦，就好似生活就係生活一樣，唔須要解釋，只要有咗方法，有咗藍圖，有藍圖就可以去實踐，就好容易搵到寶藏。

六祖指出見性嘅方法就係“摩訶般若波羅蜜多法”，呢句話係梵語，中文就係“大智慧到彼岸嘅方法”。呢個見性嘅方法呢，要去分析，就包括三個要點：第一，要心量廣大，一個人嘅胸襟必須係開闊，好似我哋抬頭能夠見到宇宙嘅空間咁大。由於宇宙有無邊無量嘅空間，所以能夠包容一切存在，肯定一切嘅價值。一個人如果能夠有開闊嘅心理生活空間，而唔被種種成見、憎恨、怨懟、掛礙去閉塞，就可以觀照一切，虛心去學習，心智不斷咁成長，從而就會發出智慧，智慧就會生起了，呢個就叫做“自性能含萬法”，而萬法總在我哋自性之中。心量廣大基本條件呢，就係對“空”嘅認識同實踐。能夠“空”，先有大嘅心量，能夠放下妄念，放下我哋心理防衛嘅機制、種種嘅文飾、補償、投射等等，因此呢，“空”亦都可以解釋爲“清淨心”或者“無念”。響《壇經》話：“從上以來，先立無念爲宗，無相爲體，無住爲本。無相者，於相而離相；無念者，於念而無念；無住者，人之本性。”喺清淨無執著之下，人類嘅創造力，啫本性，先能夠顯露出嚟，所以心量廣大，所謂嘅“空”，唔係空心靜坐、百物不思喎，而係心不住法，不住相，不住境，不住五蘊塵勞，將我哋自性解脫出嚟，清醒咁去流瀉含藏我哋自性嘅菩提。好似布袋和尚講過：“我有一布袋，虛空無掛礙。展開遍十方，入時觀自在。”“空”使到一個人能夠真正響生活之中悠然自得，自得就居安啦，咁樣就係大自在，能夠實現圓滿人生而唔會墮入於精神生活嘅困境。

第二點，要知道嘅就係“智慧”，見性嘅第二個要點係光明智慧嘅展現。如果用現代心理學去講一講呢，智慧就係一種生活嘅創造性。佢係醒覺嘅，有回應能力嘅，能夠發揮而中節嘅一種心智，所以話……（註：接下文）


161.火宅安禪（二）


（註：接上文）……所以話“一切處所，一切時中，念念不愚，常行智慧，即是般若行”，“用自真如性，以智慧觀照，於一切不取不捨，即是見性成佛道。”（註：根據CBETA，“於一切不取不捨”疑爲“於一切法不取不捨”）智慧不但表示一個人能夠由好多偏見、主見、慾望嘅塵勞之中解脫出嚟，同時亦都表示能夠由我哋嘅潛意識之中解脫，使到自己走向醒覺，能夠獨立判斷同埋自由思考。自性本身呢，就係生活嘅創造力，但係由於好多成規同埋禁制吔，將自性抑壓而成爲潛意識嘅一部分，往往喺意識控制唔住嘅時候，以非理性嘅方式去表現出嚟，就成爲一種執著或者偏見，甚至可能係一種抗拒或者唔道德嘅反應。智慧係原原本本由我哋自性而發揮出嚟，係未經扭曲變形嘅意識同埋知見，呢種種意識同埋知見係清醒嘅，有創造性，佢係入佛知見嘅根源。抑制同染著有關，染著越深呢，自由嘅心靈呢，就會受到扭曲就會越嚴重㗎喇。

“禪”嘅旨意呢，唔係要使到一個人成爲某種規範嘅奴隸，而係使到自性智慧大放光明，從而就會產生六度萬行㗎喇。三世諸佛、十二部經在人性中本自具有，人只要唔被抑制，智慧係本源嘅，醒覺亦都係本源，但係好不幸，現代嘅人太重視感性嘅生活了，慾望因爲不斷去刺激而增高，滿足慾望嘅方法就無所不用其極，呢種心，能夠不斷被激蕩呢，就形成咗心靈世界嘅波浪。《壇經》上話：“人我是須彌，邪心是海水，煩惱是波浪，毒害是惡龍，虛妄是鬼神，塵勞是魚鱉，貪瞋是地獄，愚痴是衆生。”睇一睇現代人生活，對人我嘅對立多攻心機，強烈競爭同埋慾望高漲嘅情形之下呢，就能夠解釋我哋係咪用與生俱來嘅智慧、與生俱來嘅光明去過我哋嘅生活。

第三樣呢，自性嘅要訣就係離生滅了。人總係喺待人處事之中生活，所以隨時隨地呢，都喺度運用心智，呢個心智嘅主宰，其實係乜嘢吔？係“般若”，佢係明白嘅本體，“般若”嘅本體，係好明白嘅，而唔係呢，要開拓嘅荒地。呢個光明嘅本體因爲受到好多干擾，好容易就會失去光明嘅一面，好似一潭溪水一樣變得波浪四濺，冇辦法澄清照現四周嘅倒影，以致喺待人處事之上呢，而失去醒察嘅。點解喺呢個本性嘅湖，會激起小嘅波浪同埋大浪呢？當然係因爲有所求啦，有所攀緣啦，有足以動心嘅慾望同動機啦。生活係“我”呢一個字同環境之間嘅互動作用，如果我哋能夠喺平靜嘅情況之下去運作，咁冇咩好動容嘅心吖。相反，如果因爲著境而有所作爲，例如，想要實現一個自己能力達唔到嘅慾望，或者追求別人讚美，勉強去做啲唔應該做嘅事，咁平靜嘅心就會被境牽了，本性就會被作爲嘅波浪所蒙蔽。我哋起咗作爲嘅心先有所生，啫生出我哋操縱嘅心機。有所生，就有所滅；有所滅，就想逃避某啲現實啦。所以話“著境生滅起，如水有波浪，即名爲此岸”嘞。相反，如果我哋以清淨心去生活，喺外便於欲而行，但係唔受名利所奴役，咁樣無論你做咩事，自己都係做主，智慧嘅本體就時常顯現。經講過：“若無塵勞，智慧常現。”人嘅創造性，只有喺放下做作之後先會產生嘅，所以，“離境無生滅，如水常流通，即名爲彼岸”嘞（註：根據CBETA，“如水常流通”疑爲“如水常通流”）。由以上嘅說明，我哋好容易了解，“禪”嘅旨意就係一個人嘅徹底醒覺，使到一個人嘅內在本身同潛能流露響生活裏便，咁樣就係見性嘅本義。《壇經》上話：“但於自性常起正見，煩惱塵勞常不能染，即是見性。”（註：根據CBETA，“但於自性常起正見”疑爲“但於自心常起正見”）咁樣就能夠內外不住、去來自由，心靈之上先有“如水常流通”嘅活潑同“通用無滯”嘅活力。

“禪”嘅見性訓練，自古以嚟呢，就有南北兩大嘅派別，響北禪裏便以神秀做代表啦，就偏重三學之中“戒”同“定”嘅訓練，南禪就惠能所傳㗎喇，偏重“定慧等持”嘅訓練，但係“戒”呢，其實都係好重要嘅一環，“定”同“慧”更加係見性功夫嘅著力地方，所以“戒定慧”三學都係好重要，必須要講嘅。雖然自性嘅般若本自具足，但係本嚟就有嘅自性法身，就會因爲被塵勞同煩惱所蒙蔽啦，會被種種嘅外境所牽引而唔能夠令到顯露佢嘅功能，咁就喪失咗光明嘅一面嘞。塵勞同煩惱，都係我哋追求佔有同埋唔合理嘅慾望所引起嘅，因此呢，如果冇生活嘅格律，就好難防止煩惱同塵勞嘅侵襲了。

咁由心理學觀點嚟睇，每個人喺生活裏便都必須有一個格律，如果冇格律，往往就會失去自制，所以格律係一個人走向成長同實現嘅條件嚟嘅。對於一個學佛嘅人嚟講，戒律係極爲重要，因爲冇咗戒律，就冇行持，就冇修行嘞，所有嘅道行就冇根基。佛陀釋迦牟尼喺《遺教經》之中特別強調格律嘅重要，因爲有咗格律，我哋嘅行爲先會有準繩。佛陀話：“戒是正順解脫之本，故名‘波羅提木叉’。因依此戒，得生諸禪定及滅苦智慧。”（根據CBETA，“因依此戒”疑爲“依因此戒”）戒律能夠使到自己免於放逸，能夠防範種種慾望同虛妄嘅侵襲，所以有助於我哋自性般若嘅彰顯。

一個人喺仲未有開始學禪之前，心裏便總係會充滿住唔合理嘅抱負同埋慾望，所以就會引起心理上嘅煩惱同焦慮。喺思考上呢，往往會受先入爲主嘅成見所羈縛而生起種種嘅分辨同執著。咁樣呢個時候，不但我哋會喪失生活嘅創造力、生活嘅智慧，同時亦都容易被妄想所欺瞞而會誤入歧途嘅。一個唔能夠自我控制嘅人，就好似蠻牛一樣，可能到處都會闖禍個喎，自以爲是嘅縱情縱慾呢，喺外表睇嚟好似係自由，但係事實上就好嚴重違咗背生活嘅道理。所以，記得明朝普明禪師所作嘅《牧牛圖頌》，喺裏便佢講明修行步驟就係由“戒”開始。佢喺第一張圖《未牧》嘅時候，所題嘅詩有講過：“猙獰頭角恣咆哮，牛走溪山路轉遙。一片黑雲橫谷口，誰知步步犯佳苗。”（註：“牛走溪山路轉遙”疑爲“犇走溪山路轉遙”）人嘅野性同智慧係並存嘅，就好似神會和尚話“佛性與煩惱俱”：“譬如金之與鑛，俱時而生，得遇金師，鑪冶烹鍊，金之與鑛當自各別。金則百鍊百精。鑛若再鍊，變成灰土。”（註：根據CBETA，“金之與鑛當自各別”疑爲“金之與鑛當各自別”）《涅槃經》亦都話：“金者喻於佛性，鑛者喻於煩惱。諸大乘經論具明煩惱爲客塵，所以不得稱之爲本，煩惱暗，如何得明？”（註：根據CBETA，“煩惱暗，如何得明？”疑爲“煩惱爲是暗，如何得明？”）《涅槃經》話：“只言以明破暗，不言以暗破明。”（註：根據CBETA，“不言以暗破明”疑爲“不言以暗得明”）以明破暗嘅方法，就首先以生活格律去調伏同智慧並存嘅煩惱。普明禪師認爲第一步呢，就係要用格律去初調，啫初步去調伏，佢嘅題詩亦都講：“我有芒繩驀鼻穿，一回奔競痛加鞭。從來劣性難調制，猶得山童盡力牽。”呢度所謂嘅“芒繩”就係生活嘅格律，如果冇格律，就唔能夠制伏內在並存嘅煩惱而顯露我哋本性光明嘅智慧。冇生活嘅格律，喺價值分歧嘅社會裏便，必然就得一個結果，就係會迷失咗自己。

當我哋嘅心靈唔被境牽住走嘅時候，我哋就係處於“定”嘅狀態。喺呢種狀態之下，我哋就返番做返我哋自己主人嘅地位嘞。由呢個境界所生嘅呢，所生起嘅心呢，就係“慧”嘞。換言之，《金剛經》所講嘅“應無所住而生其心”就係“慧”“定”並俱嘅結果。“定”同“慧”係一體兩面，離開“定”，就係冇“慧”，離開“慧”，亦都冇“定”，唔係兩樣嘢嚟嘅。清淨法身呢，就係“定”“慧”嘅家，“定”“慧”所流露出嚟嘅呢，就係前便所講嘅“平直心”，佢嘅作用就係一般所謂嘅“直觀”了。“直觀”所帶俾我哋嘅信息，既唔係分析、系統嘅、邏輯嘅，亦都唔係語言文字或者知性嘅，“直觀”俾我哋嘅呢係綜合嘅、統覺嘅，係直接體驗嘅，所以“直觀”將一個人呢，帶入意義豐富嘅生活。呢種“定、慧”俱足嘅平直觀照呢，就係“平常心”，使到一個人能夠喺平常生活之中落實體會出喜悅、恬淡嘅樂趣，即使一件好尋常嘅事呢，對佢嚟講，亦都變得好動人，所以嗰個時候嘅內在心理生活係意義豐富，亦都因爲呢個人係好豐足同埋喜悅，所以冇需要作爲嘅。

《六祖壇經》話：“定慧一體不是二，定是慧體，慧是定用。即慧之時定在慧，即定之時慧在定。”現在，如果我哋將“定”“慧”去分別說明，咁樣，“定”，就係“禪那”啦，“慧”係咩嘢呢？係“般若”。惠能禪師教訓話：“如果禪那同般若係同一樣嘢，邊一度就有禪那，邊一度就有般若呢；邊一度有般若，嗰度就有禪那啦。”“般若”同“禪那”係分唔開嘅，喺惠能之前呢，兩者係被分開，至少佢哋嘅同一體係冇被清楚肯定，結果呢，會犧牲咗“般若”而強調“禪那”。佛陀最珍貴嘅開悟體驗被人當做靜態去解釋，以致將“空”嘅意義睇成咗一個死嘅東西，一潭死水，惠能呢，就將開悟嘅體驗重新受到重視。咁咩叫“禪那”呢？“禪那”，係一種平靜嘅訓練，目的係使到心理有平靜嘅機會，將我哋嘅煩惱去加以調伏，“禪那”將虛幻而卑俗嘅心意導向真摯同埋誠實，佢使到我哋對於超越感官嘅事態感到興趣，佢喺我哋嘅心裏便沉澱一種精神力嘅存在，可以溝通有限同無限嘅鴻溝。最後，“禪那”教我哋脫離無明嘅枷鎖同痛苦，安全將我哋度至涅槃嘅彼岸。

根據日本鈴木大拙先生嘅睇法呢，“禪那”對人類心靈嘅益處可以歸納下便幾點。第一呢，可以使到我哋平靜呢，控制情感、節制慾望啦，唔會令到我哋墮入情同慾嘅漩渦或者激流之中。“禪那”第二點呢，有助於知性嘅明徹，將我哋嘅心集中響當前嘅事物之上。第三點呢，有益於儲存精神嘅力量吖，免至於虛耗我哋嘅精神。因爲一般人都躭於浪費精神力量，遇到強烈嘅衝動或者刺激，稍做掙扎，精神就會癱瘓了。第四點嘅益處呢，禪那可以幫助我哋接觸到永恆嘅價值，亦都能夠有效去排除我哋生活之中嘅瑣碎事物嘅糾纏同干擾。

坐禪，喺《壇經》裏便嘅解釋就係：“外於一切善惡境界，心念不起，名爲坐；內見自性不動，名爲禪。”又話：“外離相爲禪，內不亂爲定。”好明顯，當一個人能夠唔隨境轉，唔喺境上便去生心，而由我哋真如自性去起念，就係真正嘅坐禪，亦都就係定慧等持、等一嘅意思。唐朝神會和尚喺回答哲法師嘅時候話：“念不起，空無所有，名正定。能見念不起，空無所有，名爲正慧。即定之時是慧體，即慧之時是定用。即定之時不異慧，即慧之時不異定。即定之時即是慧，即慧之時即是定。”所以呢，“定”同“慧”係必須雙修，兩者都係明心見性嘅體用，係超越咗現代精神生活困境嘅法門。

講到“悟”呢，就係禪學之上好重要嘅一部分，當一個人如果能夠做到“定、慧”等持嘅時候，精神生活就有咗一種直觀嘅能力。好似前便所講吖，直覺並非係思考，而係直接當下嘅把握，佢經常俾我哋一啲靈感同啓示，使到我哋當下悟入生活嘅理而即契投合。直觀係唔係理性嘅，係非理性，但係直觀所提供嘅“靈機”呢，就係理性思惟上創造或者發明嘅基礎，好多科學上嘅發明呢，或者數理上嘅發現呢，就係源自於直觀嘅，先由直觀嘅發現，再透過理則同邏輯嘅證驗呢，而證實係真嘅，所以創造力顯然係同直觀有密切嘅關係。

一個人透過定慧等持嘅工夫，佢內在本性漸漸清醒、活潑起嚟，於是能夠破除染著，直接體會到事態嘅如如實相，而且發現其中存在嘅意義，於是喺精神生活裏便呢，有咗直滲心頭嘅喜悅同新奇，呢個就係發現，就係所謂嘅“悟”。精神生活嘅成敗呢，係在於自己能唔能夠由生活之中去悟出，從而獲得意義嘅，所以“悟”係唔唔能夠說破嘅，同樣一件事情，你所悟嘅當然同其他人唔同啦，因爲你係你，我係我，你講嘅呢，自然就係你嘅，而唔屬於我，即使你將你嘅定義話俾我聽，我所聽到嘅，亦都只不過係對於你所悟到嘅加以知性化嘅啫，係講唔上係我嘅“悟”。亦都正因爲開悟嘅唔係我，我冇“悟”嘅喜悅，冇“悟”嘅滿足，冇“悟”開悟嘅時候解脫，所以就係“如人飲水，冷暖自知”㗎喇。由於“悟”係一種過程同埋實現，佢屬於“悟”嘅人，好似食飯一樣，飽屬於吃嘅人嘅呢，飽咗之後嘅感受亦都只有食嘅人喺度享有，所以叫做“說食不飽”，但係如果自己能夠由從中體悟，咁樣開悟嘅秘密就喺你自己心裏便。“悟”雖然可以啓發，但係唔能夠言傳，呢種必須自己去領悟直觀嘅開悟，就好似你學數學一樣，如果每日只對住練習去抄答案，咁樣抄嚟嘅答案畢竟唔係你諗出嚟嘅，所以無論你學幾耐，你仲係唔識。精神生活嘅智慧亦都係一樣，亦都唔能夠將其他人嘅答案去當做自己嘅答案，咁樣做係永遠處於唔開悟嘅境況。所以學禪，係講唔破嘅，即是唔可以說破，就算講破咗，亦都係冇用，生活就好似一連串精神生活嘅習題，你要每一個都能夠開悟作答，而唔能夠囫圇吞棗，咁樣就係“見性”了。“見性”就係一切是一，一是一切，係一種心靈同人格嘅統整同合一，佢使到我哋喺被抑壓同無量劫嘅情結之中解脫出嚟，係清醒嘅，係覺悟嘅，係真知灼見嘅。

中國文化有兩個主要嘅脈絡，一個係儒家，佢係主流；一個係道家，就居於其次。中國禪係結合咗印度禪同中國文化之後先誕生嘅，所以“禪”係中國文化嘅一部分。如果我哋由中國文化角度去睇呢，對“禪”嘅本質就更加容易了解了。由於儒家強調倫理，道家重視自然，兩樣嘢都有佢嘅宇宙觀，但係禪宗就好似透過一種前便所講嘅開悟同直觀，將呢啲因素同時放喺一個生活嘅實踐裏便，尋求第一義嘅突破，咁樣一嚟，禪宗亦都重視倫理，但係唔會爲倫理而生活，而係實現倫理，成爲倫理嘅主人。“禪”當然本於自然啦，但係“禪”嘅自然，唔只係無爲啦，而係喺無爲之中醒悟到人唔係被造物，從而還返我哋嘅本嚟面目，發現自己嘅究竟，甚至連自己亦都超越咗嘞。好多人認爲，“禪”在於“蕩相遣執”，而倫理係一種心靈同行爲嘅規範，佢註定同禪宗所講嘅“無善無惡”同“無是無非”背道而馳，所以“禪”同儒家所謂嘅倫理係大異其趣，其實，咁樣講唔係太啱嘅，禪宗倫理當做係一種見性嘅功夫，係達到明心見性嘅歷練過程。冇錯，禪唔要求一個人去爲實踐某一啲道德格律而生活，而係由直觀之中去睇人際嘅大倫，去去除種種邪惡同虛妄，使到一個人由好多愚迷之中解脫出嚟，獲得心靈嘅自由，還得清淨嘅法身。“禪”認爲，如果爲咗善而去行善，爲咗使到行爲合乎預定嘅準繩，咁自己就被法綁，而失去本真了，所以《六祖壇經》裏便話：“心是地，性是王，王居心地上，性在王在，性去王無。性在身心在，性去身心壞。”當一個人嘅本性顯現出嚟嘅時候就無入而不自得，從心所欲而不逾矩，所以禪嘅倫理觀係“從性中作”四個字，而唔係“向身外求”。

經中話：“自性迷即是衆生，自性覺即是佛。慈悲即是觀音，喜捨便名勢至，能淨即是釋迦，平直亦即彌陀。”人喺清淨之中顯現本性嘅智德，而種種嘅德性係本自清淨、本無動搖、本自具足嘅，所以《六祖壇經》又講：“心平何勞持戒，行直何勞參禪。恩則孝養父母，義則上下相憐，讓則尊卑和睦，忍則衆惡無諠。若能鑽木取火，淤泥定生紅蓮。”心行平直就係定慧等持啦，定慧等持就可以產生“悟”，於是所有嘅思想同行爲唔須要倫理就已經能夠符合倫理啦，唔須要任何嘅修持就能夠符合綱常啦。禪宗除咗由定、慧等持之中，明白自性嘅智德之外呢，亦都重視“懺悔”嘅。所謂“懺”，係將過去所有嘅過錯、愚迷全部懺盡，永不復起；所謂“悔”呢，就係悔自己嘅後過，等自己永斷囂誑嫉妒等等嘅罪過得以覺悟，呢度嘅“懺悔”係好，好似儒家嘅反省功夫嘅。“懺悔”係唔同心理分析所謂嘅“淨洗”，“淨洗”只係將情緒或者情感加以淨化，而懺悔呢，就必須進一步化爲行動，由實踐之中得到醒覺。當一個人能夠由過錯或者不良適應之中解脫出嚟，佢已經呢，超越咗原嚟嘅精神生活困境而走向實現嘅里程嘞。倫理固然係源自清淨法身啦，但係倫理當然亦都係一個人洗煉佢真性嘅工具，所以禪宗係唔排斥儒家嘅倫理，相反呢，就將佢接納喎。所以話，“使君心地但無不善，西方去此不遙。若懷不善之心，念佛往生難到。”呢個係《壇經》所講嘅。倫理就人文心理學嚟睇呢，係導引一個人吖走向自我實現嘅重要憑藉，倫理幫助我哋自我功能嘅提升，佢係唯一能夠拯救人類免於瘋狂嘅法器。“禪”，就係就呢一點嚟睇，同現代嘅人文心理學呢，又係有好相似嘅睇法嘅。

當一個人悟入佛嘅知見之後，一切都變得自然了，佢由塵勞之中脫穎而出，以清新嘅品質去生活，一切就自然貼切，篤篤當當啦，呢個時候，感情同理智融合咗，內在嘅本性同外在嘅情景亦都相應，從而有咗自在同無量嘅喜悅，嗰一種襟懷係冇辦法用言傳嘅，或者寒山子嘅詩可以表達到個中嘅一義啦，佢話：“去歲換愁年，春來物色鮮。山花笑綠水，巖岫舞青煙。蜂蝶自云樂，禽魚更可憐。朋遊情未已，徹曉不能眠。”（註：根據CBETA，此句疑爲“歲去換愁年，春來物色鮮。山花夾綠水，巖樹舞青煙。蜂蝶自云樂，禽魚更可憐。朋遊情未已，徹曉不能眠。”）呢種醒悟後嘅心靈好似由寒冬嘅愁年之中去轉入萬物崢嶸嘅春天，佢使到人更能夠投入自然，更能夠任運去逍遙。

其實，生活嘅本質就係實現而唔係佔有，佢本身就係一種喜悅啦，而無須向外去追求快樂，當我哋能夠珍惜生活嘅點點滴滴，領會獨一無二嘅意義，就能夠由生活之中享受喜悅。無論你係喺度工作或者休息，係睡眠或者飲食，一切都係完美，都能夠帶嚟愉悅動人嘅體驗，都具有令人歡喜嘅光明一面同價值，所以話，一切都係現成、係可愛，只要你能夠當下投入，捉住佢，讓自己投入其中，就能夠流瀉出生活嘅妙悅之詞，流露響自己嘅情感同埋行動之上。如果相反，將生活嘅本質忽略，一心一意去追求更多嘅佔有同埋名利，就會疏忽平常生活所含藏嘅意義同令人喜悅嘅清新感啦。由於現代人嘅價值觀念係“有”而唔係“是”，所以生活嘅本質已經從“是什麼”而扭曲到“有什麼”，由於不斷去渴望同追求，牽腸掛肚，個心放唔低，惶惶不可終日，生活就變得一啲都唔喜悅、唔活潑，亦都冇創造性。

“禪”，並非話俾我哋聽唔需要去工作，唔能夠擁有生活嘅目標，而係話我哋聽以平常心去生活、去工作，去實現生命嘅光明嘅一面，將工作當做生活嘅一部分，將目標去符合自己嘅準則，篤實喺生活中嘅本身。對於現代人嚟講，禪學嘅關鍵性嘅啓示就係回歸生活，放棄對妄念嘅追逐，篤篤當當去生活，同時對於順同逆、成與敗抱住超然嘅態度，從中而獲得愉快嘅情懷。無門和尚講過，大家都成日聽過呢首詩嘞：“春有百花秋有月，夏有涼風冬有雪，若無閒事掛心頭，便是人間好時節。”呢首詩係話，一個人當然要識得欣賞春花秋月嘅美麗啦，但係亦都唔好忘記喺酷暑之中去品味涼風嘅清新同嚴冬裏便嘅風雪美景，喺日常生活裏便，如果對於勝負或者得失睇得過重，生活就會失去樂趣。如果我哋以平常心去看待，成敗此時唔能夠影響我哋日常生活嘅自在情趣啩。

“禪”，教我哋先肯定生活，只有生活本身被肯定，心智就會冷靜，先會保持相當嘅警覺。而肯定生活嘅方法就係平常心啦，亦都即係唔好響生活裏便頭上安頭。喺唐朝嘅景岑禪師答覆弟子問：“如何是平常心吖？”禪師就答：“要眠即眠，要坐即坐。”嗰位弟子唔明白老師嘅意思，於是話：“我唔明白吖。”景岑禪師就話俾佢聽：“熱即取涼，寒即向火。”景岑禪師對“平常心是道”已經講得好清楚啦。事實上，平常心就係攰咗就休息，餓咗呢，就要食飯，而現代人就往往攰唔知道休息，餓就唔記得咗好好咁去食飯。平常生活所表現嘅食衣住行，本嚟應該係喜悅嘅事，但係往往因爲心裏便另有所繫，以致唔能夠享受佢嘅情趣而將一切變得勉強。當然，工作之中亦都同樣有好多情趣啦，但係又有幾多人能夠響工作之中體驗到就係生命嘅美呢？

“禪”，唔係教我哋逆來順受，而係要我哋老老實實、篤篤當當去生活，咁樣先能夠體驗到生嘅美同生嘅喜悅，咁樣先能夠使到自己唔被名利物慾嘅境界牽住走，咁樣先係自由，先具有創造性，係人生、生活嘅實現。《金剛經》上便話：“應無所住而生其心。”無非係教人回歸去生活，而唔好響生活之上加上絲毫嘅勉強同造作，喺嗰個時候，嗰個境界所發出嚟嘅心，所發出嚟嘅智，先係真心，喺真心嘅灌注之下，一切都會感到親切、自在。現代人每日嘅生活，喺繁忙嘅工作社會裏便，由早到晚喺度競爭、挑戰，擾擾攘攘嘅情緒生活，咁生活就被好多物慾、成見同情緒嘅妄念盤踞，所以心理嘅空間就變得狹隘，使到人有透不過氣嘅感覺。喺呢種情況之下，煩悶同暴躁就係通常嘅反應係好自然啦，所以現代人真係好需要開闊嘅心理同埋生活嘅空間。

青原行思嘅禪師對“道”嘅解釋就係話：“長空不礙白雲飛。”好明顯，人只有生活響心量廣大嘅自性宇宙裏便先會有真正嘅自由嘅。“禪”，俾我哋一個宇宙觀，亦都俾我哋精神生活定位，佢話俾我哋聽，只有透過醒覺先能夠超越一切困境，走向自由永恆嘅精神世界，但係醒覺係喺平常生活之中試煉出嚟，所以精神生活嘅圓滿，喺生活之中實現，而唔係離群獨居、逃避遁世所能夠求得。亦都《六祖壇經》話：“迷人念佛求生於彼，悟人自淨其心。所以佛言：‘隨其心淨即佛土淨。’”當一個人能夠響生活之中自淨其心，由種種境界之中醒覺過嚟，就係生活響永恆嘅佛……（註：此處錄音中斷）


162.天子魔（一）


天子魔

“天魔”唔係專指一個人或者一個魔，“天魔”係天上、人世、魔界嘅共同魔力同業力所合成，但係魔王所組成嘅基本元素就係貪瞋痴三毒。禪修嘅人，佢嘅自覺有時係好重，亦都係好重要嘅，有啲禪修嘅人，佢哋比較執著貪瞋痴，但係呢個三毒係每個衆生多少都具有，只係輕重嘅程度唔同啫。呢三毒亦都響我哋宿世嘅八識田裏便阿賴耶識隱藏住、潛伏住，當你引發一分三毒力量嘅時候，你就同天魔嘅心靈拉近一分。天魔嘅形式亦都係人類嘅共業，佛同魔之間只有一線之隔。響天魔嘅體系之下，合成咗各種魔頭嘅首領，而呢啲魔頭亦都有好多眷屬隨從左右，魔嘅共業就稱爲“魔界”。

響佛經裏便，每每講到有魔嘅事，一般嚟講“魔”可以分爲十種。

第一種係“五蘊魔”，或者叫做“五陰魔”，係色、受、想、行、識五種障蔽我哋真如本性嘅魔，因爲佢能夠障蔽我哋嘅正道，阻礙我哋慧命嘅發展，所以就係“魔”。

第二係“煩惱魔”，我哋內心有種種嘅煩惱，貪、瞋、痴、慢、疑等等迷惑事理、障蔽正道，亦都損害我哋慧命上進，所以稱爲“煩惱魔”。

第三種係“業魔”，譬如我哋殺生、偷盜、邪淫、妄語、飲酒，造作種種呢啲惡業，亦都能夠障蔽我哋正道、損害我哋慧命，就稱爲“業魔”。

第四種“心魔”，我哋嘅輕慢嘅心，我哋種種邪見嘅心，我哋種種懷疑嘅心，以及其他唔正確嘅心，唔信受佛法嘅心能夠障蔽我哋正道，所以呢啲都係“心魔”。

第五種係“死魔”，人嘅壽命係非常之有限，用我哋今生嘅時間能唔能夠好準確、好快脆能夠完成我哋修道嘅慧命呢？因爲人嘅壽命有限，好快就終結，當我哋未修道完成嘅時候，我哋己經不在人世吔，所以“死魔”亦都係障礙我哋修行嘅一種魔。

第六係“天魔”，“天魔”係欲界第六天他化自在天嘅天魔嚟嘅，佢對我哋修行人作出種種障礙，破壞我哋修道，今日所講呢個題目《天子魔》就係所講呢個“天魔”。

第七係“善根魔”，譬如我哋執著自己嘅身體所得到嘅善根啦，而退墮唔再百尺竿頭更進一步，咁嘅心態都會障礙我哋正道，損害我哋嘅慧命，呢個就係“善根魔”。

第八種係“三昧魔”，“三昧”嘅意思就係禪定，躭著於我哋自身所得禪定嘅快樂、感受，唔利益衆生，亦都自己唔求上進，咁樣嘅修行方式亦都會障蔽我哋嘅正道，呢個就係“三昧魔”。

第九係“善知識魔”，“善知識魔”係慳吝響佛法，唔肯布施，唔肯開導別人，人哋請教佛法嘅疑難，唔肯幫助衆生。咁樣做，亦都會障蔽自己、損害他人，呢啲善知識稱爲“善知識魔”。

第十種係“菩提法智魔”，“菩提法智魔”，“菩提”嘅意思就係上求佛道下化衆生，係如來嘅根本正覺嘅法門。響菩提道上，自己執著，障蔽於正道，亦都會損害我哋嘅慧命。我哋唔求上進，如逆水行舟，不進就則退，咁樣就稱爲“菩提法智魔”。

響佛經裏便好濃縮咁，亦都有提到以上所講嘅十種魔，但係其實呢十種魔所變現出嚟嘅種種魔相同魔心係講亦都講唔完嘅。其實梵語“魔”嘅意思呢，係解釋爲能夠奪我哋嘅命，障礙我哋嘅修行，擾亂同破壞我哋嘅修行，甚至損害我哋嘅肉身，亦都損害我哋嘅慧命，就稱爲“魔”。“魔”係譯音嚟嘅，喺佛經裏便所稱爲嘅魔王亦都係天子魔，佢係他化自在天，欲界第六天其中有一個空間係魔王同魔衆聚居嘅地方，呢啲魔王、魔衆專係破壞我哋修行人，亦都響色界嘅上面，有，有摩醯首羅天宮，“摩醯首羅天”就譯做我哋中文叫做“大自在天”，呢個“大自在天”呢，亦都係有魔王破壞我哋修道人嘅正法。

世尊釋迦牟尼佛響久遠劫之前就被燃燈如來所授記，將會響我哋呢個娑婆世界，響適當時機就會降生人間，圓滿佢嘅佛果。本師釋迦牟尼佛響尚未成就如來正覺之前，佢已經居住響我哋欲界嘅第四層天兜率陀天作爲天主。我哋都知道，響三界二十八層天裏便，以第四層天兜率天嘅佛法係最興盛，所以大家如果想往生天界，最好以兜率天爲最佳嘅去處。因爲兜率天分開內外兩個院，內院現在就係彌勒菩薩教化衆生嘅淨土，而且唔會感受到世界破壞嘅時候，被災難，水災、火災、風災呢啲災難所損毀嘅。

本師釋迦牟尼佛一向以智慧同勇猛精進爲特色，響諸佛菩薩之中，時常被讚歎。蓮花中以白色蓮花係最最上品，而釋迦牟尼佛大雄世尊就好似白色嘅蓮花一樣，光明、般若、智慧充滿，而且方便去度化衆生。當初釋迦牟尼佛響人間轉世嘅機緣成熟，宇宙同埋天界大放光明，當時響中國周朝嘅時候呢，用肉眼我哋就可以見到，響西邊嘅方向（中國嘅西邊就係天竺，亦即係而家嘅印度嘅上空啦）出現祥光，而且地震數秒鐘，天界魔王嘅宮殿亦都大地震。

釋迦牟尼佛成長嘅過程喺好多佛傳已經有記載，本師釋迦牟尼佛其實響塵點劫嘅時候，即是意思話好久遠好久遠嘅時間以前已經係成咗佛，佢係一尊宇宙之中嘅古佛，而且一切外道嘅法術，人天嘅法門，樣樣精通。響釋迦佛進入甚深禪定嘅當中呢，響菩提樹下，佢每一日都印證一種神通，天眼通、天耳通、神足通、宿命通、他心通，分別響五日之中就圓滿具足。響呢個時候，教主釋迦牟尼佛累生累世累劫嘅內修功力正在凝聚，佢嘅般若智慧光芒嘅閃耀直衝欲界嘅第六層天，呢個天上便所謂嘅魔宮，天魔嘅宮殿城堡爲之大地震，魔王嘅城堡嘅圍牆嘅樑柱亦都幾乎被震裂，因爲天魔曾經發誓會同釋迦牟尼佛嘅法門般若波羅蜜多作對，而且天魔所發嘅願，係生生世世要同呢個般若波羅蜜多三藐三菩提嘅法門作對，係有宿世嘅仇冤。呢個時候，釋迦牟尼佛就即將響人間成佛，而且響天上人間數以百萬以上嘅魔子魔民呢，亦都將受釋迦佛嘅正法度化，所以天魔呢，就要損失幾百萬個眷屬，所以佢就好緊張，就親自率領大軍重返人間圍攻本教嘅教主釋迦牟尼佛。

呢個時候，魔兵就集結千千萬萬，即將殺到，響菩提樹下便去圍攻釋迦牟尼佛，當時本師釋迦牟尼佛被天魔嘅軍隊重重圍住，但係最後佛陀仲係降伏咗呢啲種種魔難。就響佛陀世尊身、口、意三業清淨嘅同時，亦都就係無量劫以來成佛因緣即將具足嘅時候，響黎明呢一剎那，五方佛喺第六層天他化自在天亦都爲釋迦牟尼佛嘅報身，佢嘅光明金身灌頂，剎那之間，佛陀就大徹悟而證得咗天眼明、宿命明、智慧明，同時得證法身如來嘅體性。呢個法身如來嘅光芒圍繞當時菩提樹下釋迦佛嘅化身，即係印度嘅肉身，而呢個時候，他化自在天嘅圓滿報身佛，丈六金身、黃金光明無量嘅佛身亦都大放光明，同時，釋迦牟尼佛亦都成爲密宗紅教嘅第四代祖師。

成就佛果係每一位佛教徒嘅目標，但係響邁向正覺嘅路途上呢，可能係有一啲艱辛，猶如釋迦牟尼佛成道嘅時候，亦都俾魔軍重重圍繞。頭先所講嘅魔呢，就係“天魔”，“天子魔”，破壞釋迦牟尼佛修行成道嘅魔，呢個魔劫亦都延續到今時今日，呢啲魔亦都要破壞我哋有心修持正道嘅人，唔俾我哋修習正道，毀壞釋迦牟尼佛嘅佛法，阻礙釋迦牟尼佛嘅弟子去修持、精進。

其實呢啲魔響人間，同我哋亦都息息相關，不過我哋見唔到佢咁解啫。曾經聽講過，澳洲有一群科學家爲咗研究地球大氣層嘅溫室效應，利用數萬年嘅原始森林去做研究。例如響一棵樹齡長達三萬年嘅古樹裏便鑽窿去推算樹木嘅年齡，呢啲年齡會隨住三萬年以嚟地球大氣層溫度嘅變化而有疏密嘅不同，因爲每樖樹都有一環一環嘅圈響個樹幹上便，就憑呢啲樹木嘅年輪就可以推斷呢棵樹嘅壽命。其實呢啲數萬年嘅樹木亦都有好多已經化成精靈之類嘅生命現象，人類雖然稱謂自己係萬物之靈，亦都有人認爲天地萬物都係只係供給人類享用嘅物品或者器具，其實呢個想法係好自私同埋愚蠢嘅。佛陀住世嘅時候，除咗爲人天大導師之外，就連花草樹木、山精水怪等等都能夠同佛陀相應溝通，依佛陀眼中嘅世界嚟睇，山河大地嘅一切事物，花草樹木，全部都係響佛性裏便。

跟住同大家略爲講一講，其實同我哋亦都好有關係，有時有一部分修行人都會面對嘅，一啲佛經所講嘅“魑魅魍魎”，呢啲生命現象嘅問題。“魑魅魍魎”嘅形成呢，其實有一啲係唔同所謂山精水怪呢啲咁嘅生靈嘅，譬如我哋有時會聽到有“狐仙”啦，俗稱就叫做狐狸精，或者蛇精、虎精、猴精、蝙蝠精等等，呢啲奇奇怪怪嘅動物，自己修煉成精。點解大部分嘅動物都係愚痴，而且但係有啲動物就好精明，仲會修行嘅呢？譬如有啲狐狸每每到咗月圓嘅時候，就會響山裏便煉氣吐納，有恆心咁樣修持，日子有功之後，除咗長命百歲之外，亦都會修煉成爲精靈。又譬如老鼠亦都好精明，屋企裏便嘅狗亦都有人性，佢哋只係唔會講嘢啫。呢啲動物好多都係響人生在世嘅時候做咗好多惡業，死咗之後，因爲惡業感召而落入畜生道。有啲動物嘅前世亦都係修行人所投胎，只係呢啲修行人做咗一啲惡因啫，所以呢啲動物呢，經過百年千年，甚至於上萬年嘅道行之後，就有咗成精嘅能力，但係功力比較差一啲嘅呢，就係所謂嘅“魑魅魍魎”。人生在世嘅時候修持佛法，有時會佛道不分，亂修一通，但係可能冇咩大惡業，都係有一啲道行。有啲人道行深一啲就會成仙，但係有啲修道呢，修到半桶水，佢嘅功德資糧唔足以上天堂，但係佢嘅罪業同果報又唔足以落地獄，最麻煩嘅就係佢死咗之後就重新投胎做人，佢又唔中意，係好貪執自己嘅形相或者執迷佛菩薩嘅表相，所以無常一到，肉身死後，呢啲執著嘅心就會感召一個形體成爲鬼魅，三分唔似鬼，七分又唔似魅，所以呢就稱爲“鬼魅”。呢啲鬼魅呢，響我哋現今嘅社會上，或者響我哋修行嘅生活之中，亦都時常聽到人哋講，或者自己亦都會接觸得到，譬如有好多神壇裏便，假借佛菩薩嘅金身形像降靈扶乩，借竅嘅某部分嘅鬼靈，呢啲鬼靈生前就係自己認爲係某尊佛，或者菩薩嚟借竅轉世，因爲貪執同貪愛佛菩薩嘅性容形象。呢類嘅修行人生前亦都有修一啲道法，所以佢死後就會成爲精靈鬼魅。由於佢惡習不改，當神靈降喺乩童身上之後，佢就會講我係西方極樂世界嘅阿彌陀佛，我係南海古佛，我係釋迦牟尼佛，我係濟公活佛，我係九華山嘅地藏菩薩，我係彌勒祖師，我係燃燈古佛等等，藉助佛菩薩嘅名字去迷惑世間、迷惑衆生。

我哋一定要有慧眼，睜大我哋個眼，利用佛陀所教我哋嘅佛法去鑒別呢啲魔相，去分別正邪，唔好俾呢啲錯誤嘅衆生引領我哋走錯咗菩提大道，響菩提大道走歪咗，去損害咗我哋嘅慧命。佛陀係以功德智慧嚟普渡、解救衆生，令衆生達到涅槃妙境，但係惡魔就經常以破壞衆生嘅善根，使到衆生流落生死輪迴，佢哋破壞衆生，佢哋就會開心，令衆生修行唔到，但係如果能夠安心修習正道，會隨住功力嘅增高而更加了解咗惡魔嘅猖獗，但係要好好去認識惡魔，係需要一定嘅時間。

其實頭先所講嘅十魔，喺經典上亦都有時常提到，我重複再講少少，譬如我哋內心嘅煩惱魔啦，頭先講過，五陰魔啦，或者無常死喪魔啦，或者係鬼神幻化嘅魔啦。譬如煩惱魔、五陰魔或者無常魔，呢三種都係世間時常有嘅事，亦都係隨住我哋修行者自心所產生，只要由我哋嘅心念端正呢，就可以排除化解，唔需要再作太多詳細嘅說明，但係我哋修行人亦都必須要知道。第四種“鬼神幻化魔”，“鬼神幻化魔”其實有三種，第一種就係頭先所講嘅，講過嘅妖精鬼魅，係十二時辰嘅鬼獸變化，變成各種嘅模樣，有時變成少女或者老年人嘅形貌，甚至變成壞人害怕嘅形體，不一而足，佢哋嘅目的都係爲咗擾亂迷惑修行嘅人。呢啲妖精鬼魅要擾亂修行人都會響相應嘅時辰嚟到修行人嘅面前去破壞佢嘅道行，我哋須要好好咁去辨別。譬如響寅時嚟嘅呢，一定係虎精猛獸之類；響卯時嚟嘅呢，一定係兔精、鹿精之類；響辰時嚟嘅呢，一定係龍精、鱉精，即係好似龜嘅水類嘅動物；響巳時嚟嘅呢，一定係蛇精、蟒精；響午時嚟嘅呢，一定係馬精、驢、駱駝之類嘅精靈；響未時嚟嘅呢，一定係羊精；響申時嚟嘅呢，一定係猿精、猴精；響酉時嚟嘅，一定係雞精、烏鴉、鳥類嘅精靈；響戌時嚟嘅，一定係狗精、狼精；響亥時嚟嘅，一定係豬精之類；響子時嚟嘅，一定係鼠精；響丑時嚟嘅，一定係牛精之類。修行人如果見到呢啲精魅響咩時候嚟，就知道係咩嘢獸精，只要叫出佢哋嘅名，嚴厲去責罵佢哋，佢哋就會消失不見。

跟住講鬼神魔嘅第二種，係叫做“堆剔魔”，“堆砌”嘅“堆”，“挑剔”嘅“剔”，亦都叫做“堆剔鬼”，呢啲堆剔鬼呢，係最恐怖，亦都係一種羅剎之類嘅鬼，佢哋亦都破壞修行人嘅修道。呢啲堆剔鬼亦都會做出各種形相去擾亂修行人。有時變成蟲或者蠍子，攀附響人嘅頭同埋臉上便，鑽刺修行嘅人，有時襲擊修行人嘅兩腋，有時突然抱住修行者，有時大聲說話、喧鬧干擾，有時變成各種野獸嘅形相，奇形怪狀，不一而足，去擾亂修行人。呢個時候就應該我哋覺察知道，專心一致閉目，喺心中鬧佢哋：我知道你哋，你哋係閻浮提樹上吸食香火，偷獵嘅鬼神，你哋本性邪惡，喜歡破戒之類嘅鬼魅，我現在嚴持戒律，係唔會怕你哋！呢個時候，如果係出家人，就應該誦唸梵網四分、五分等等嘅戒律，如果係在家人，就應該誦唸三皈五戒等等，鬼魅一聽到就自然會退縮。

鬼神魔嘅第三種係“魔惱”，擾亂衆生、煩惱衆生嘅魔，呢啲魔大多會變成三種外界嘅五塵境界嘅相去破修行人嘅道心。第一係違背心意嘅事情，亦都係恐怖嘅五塵境界，會使到修行人害怕嘅；第二種係順遂心意嘅事情，亦都就係令到修行人中意嘅五塵，會使到修行人迷惑；第三種係既不違背亦都唔順修行人心意嘅事情，亦都係看似平常嘅五塵，亦都會使到人心神動亂不定。所以魔惱就係能夠殺傷修行人嘅身命，亦都叫做“花箭”，亦都叫做“五箭”，係因爲專門射人嘅五情弱點。而且響各種情況之下，做出各種境界嘅變化嚟迷惑擾亂修行人。做順情嘅情況，就會變成父母、兄弟、各種佛菩薩嘅形像、或者俊男美女等等可愛嘅樣去迷惑修行人，令到修行人做一啲破戒嘅事。就係變成虎、狼、獅子、羅剎嘅形相等等恐怖嘅樣去令人害怕，呢個就係逆境，去嚇修行人，令到修行人迷惑，令到修行人失去禪定，所以叫做“魔”。

其實呢啲魔，有時會變成各種優雅，或者令人討厭嘅聲音；有時變成各種幽香，或者惡臭嘅氣味；有時變成各種順口，或者難食嘅味道；有時變成各種痛苦，或者快樂嘅境界去干擾人身，呢啲都係魔事。佢嘅形相變化係好多種嘅，簡單嚟講，變成各種五塵嘅情形去擾亂人，使到人失去正確嘅修行而產生各種煩惱，都係魔軍，因爲呢啲魔軍能夠破壞平等嘅佛法，使到人產生貪欲、憂愁、怨惱、睡眠等等阻礙修道嘅行爲，就好似佛經上所講嘅偈語：“貪欲係修行人嘅第一敵人，憂愁係第二，飢渴係第三，渴愛係第四，睡眠係第五，恐怖驚怕係第六，懷疑懊悔係第七，怨惱係第八，貪圖利益、愛好虛名係第九，高傲怠慢他人係第十。”好似咁樣嘅心態就係修行人嘅敵人，而且我哋用禪定同埋智慧力先能夠破除呢啲敵人，直到修成佛道，而能夠度脫一切衆生。

修行者既然已經知道咗魔嘅行爲，就應當去對治佢哋，去諗一啲方法，其實係有兩種嘅，第一種係修止去驅除，凡係見到各種外道惡魔嘅情形，我哋都應該知道係虛講不實，唔需要憂愁同恐懼，亦都唔需要刻意追求或者排斥，去強加分別，只要止息我哋心念，寂然禪定，就會自行消失㗎嘞。第二種就係修習觀心去驅除，如果見到前面所講嘅各種惡魔嘅情態呢，唔能夠用止息嘅方法去除嘅時候，就要反過來觀察我哋能夠見到嘅心，既然連我哋嘅心都無法見得到，咁樣仲有咩嘢可以惱怒，好似咁樣用嚟觀心，去觀察，呢啲方法呢，日久幻相呢，就自然會消失。

假如幻相仍然唔能夠消失呢，我哋就要正心不動，唔好生起恐懼嘅念頭，亦都不惜捨身求道，保持不動搖嘅正念。我哋應該知道魔界同佛界，佢嘅本源都係空性寂滅，既然能夠知道魔界同佛界嘅本源相同，係無異嘅，咁樣我哋係唔需要刻意去排斥魔界，亦都唔需要刻意去追求佛界，咁樣佛法呢，自然就會顯現響我哋眼前，而魔界自然亦都會消滅。再講，如果魔境仍然唔能夠消失，亦都唔需要憂愁，而一旦消失亦都唔需要歡喜，點解呢？我哋唔係從嚟冇見到，有人響坐禪嘅時候所見到嘅魔變成嘅虎狼嚟食人，亦都唔會見到魔所變成嘅俊男美女同現世嘅修行人結成夫婦。當惡魔顯現幻相嘅時候，愚昧嘅人唔了解個中嘅道理，喺佢哋嘅內心就會產生驚慌恐怖，或者產生貪愛執著，所以就亂咗心念，失去咗定念而發狂、自尋煩惱。呢啲都係修行者冇智慧所造成，唔係惡魔所造成嘅。

如果各種魔境擾亂咗修行嘅人，經年累月都唔能夠摒除，我哋就應該端正心念，堅固我哋嘅信念，不惜捨身求道，千萬唔好心懷憂愁同恐懼，而應該誦唸大乘嘅方等經典同埋降魔嘅咒語，用默唸去誦唸，而且將心念集中響佛法僧三寶，而喺修習完禪定出定嘅時候呢，亦都要誦唸經咒去保護自己，響佛前發露懺悔，心生慚愧，誦唸戒律，因爲邪惡唔能夠干擾到正念，所以久而久之呢，自然就會真正魔相消滅。

所以初發心要修行嘅人一定要親近善解佛法嘅人，因爲有前面所講嘅呢……（註：接下文）


163.天子魔（二）


（註：接上文）……由於惡魔進入人心，會使到修行嘅人心神狂亂，有時會欣喜，有時會憂愁，所以就會致病甚至致死，有時會使到人得到邪惡嘅禪定、智慧，或者神通、陀羅尼等等嘅方法去說服教化衆生，使到衆生信服佢，然後破壞修行者出世嘅好事，亦都破壞咗如來嘅正法。好似咁樣嘅各種頭先所講嘅例子，不一而足，其實講亦講唔完，響呢度只係簡單贅述一下啫，希望能夠修行嘅人響坐禪嘅時候唔會受到各種惡魔嘅境界所干擾。總而言之，要驅除邪惡，回歸正法，就應該觀察各種情況嘅真面目，好好修習止觀，一切邪惡自然就會破除。

其實一個人要想修成正果成佛並非容易嘅事，同樣道理，一個修行人要走火入魔，亦都冇咁簡單。其實我哋響社會上，響我哋修行嘅師兄弟之中都會時常發覺，其實有啲佢哋嘅心靈係由於貪求一啲執著，貪求種種嘅神奇怪異或者神通，或者其他執著嘅心念，而唔小心發生魔業，或者被魔所攝而偏離咗正法嘅。

跟住落嚟，我哋嚟講一講，容易令到我哋走火入魔嘅十種嘅心態。

第一種係追求靈異。好求神通感應嘅人。呢啲衆生雖然係能夠修行佛法，但係由於佢哋生生世世之中，佢哋時常修習外道法，修行怪異，或者響呢類人嘅第八識之中嘅潛意識深藏咗外道魔教修法嘅種子，今世雖然佢哋能夠逢遇正信嘅佛教，但係響修法之中，多少都會滲雜尋求靈異神通嘅劣根性，所以大家應該要仔細咁樣反省觀照自己係咪有呢個盲點同埋死角，而自己唔知嘅。現在嘅市面上，我見到好多靈書，都係一味標榜神通去吸引讀者，亦都有好多讀者依照書本裏便嘅內容去修煉，其實咁樣係好危險嘅。呢啲靈書，睇唔到作者究竟有咩慈悲心，而且可能發現佢係有瞋恨心。而且響靈書之中，對一啲佢自己認爲睇唔上眼嘅佛教大德或者其他人加以大肆攻擊，所以呢啲罪業又透過靈書，擴散到讀者裏便，令讀者增加瞋恨同埋我執嘅感染。

我哋應該要知道，如果一個人神通，就算係幾厲害，如果一啲慈悲心都冇，咁就好容易落入神道或者淪爲魔道。以下譬如我就舉出兩個例，以神足通同宿命通嘅例子，去作爲修行人嘅借鑒。一般外道魔教嘅神足通通常係靈魂出竅、飛嚟飛去，有啲飛到去外太空，一手捉住月光，一手捉住太陽，又飛到千里之外嘅某個城市去做一啲事，其實呢啲小神通多數都係幻覺，但係有一啲就係道教所謂嘅出陽神。好似呢啲外道嘅鬼通，一般人見到靈書上便所描述，或者聽到呢啲事蹟，都覺得好神奇，亦都覺得了不起，其實呢啲寫靈書嘅作者都好可憐，因爲自己修行嘅偏差，好容易就會向魔界裏便歸投。何必將唔正確嘅修行方法大量印成書去散播呢啲魔道呢？正統嘅佛法其實係唔標榜神通，因爲神通再厲害亦都係難逃生死輪迴嘅，只有禪宗同密宗響心，生命修持過程之中，就會自然發生所謂神通嘅現象。

就以神足通爲例，只要我哋七個輪，人身上便嘅七個輪嘅頂輪嘅脈結能夠打開，就能夠將密宗嘅氣脈明點拙火修持熟練，只要由頂輪脫離軀體其實係好容易，好似呢種小把戲只係修持正統佛法之中嘅副產品。如果由我哋胸口嘅空輪脫離軀體呢，係打橫慢慢脫離嘅，由頂輪嘅分身就直達或者盤腿坐喺度。而一般冇修行嘅信徒呢，或者其他人呢，可能都有類似咁嘅經驗，就係有時候喺度瞓覺嘅時候，亦都會感覺忽然間身體向下跌，好似跌入深谷裏便，黑掹掹一片好恐怖，大多數嘅人呢，都會因爲咁樣嚇醒。其實呢種現象呢，係由我哋腳板底嘅涌泉穴脫離身體嘅自然現象，由於一般人嘅眼，五蘊裏便嘅色陰未去除，所以往下便掉嘅時候呢，跌落去嘅時候呢，就黑暗無光，只要色陰清淨呢，其實大多數可以見到分身之後嘅周圍嘅一切，一景一物。初級嘅分身響脫離軀體之後仍然係保有凡人嘅習性，有啲輕飄飄，但係冇法響空中飛行，所以亦都要有修持禪定深厚嘅人嚟教授。所以我哋唔好太過迷信外便所講嘅神通，其實佢哋一啲都唔係佛教所講嘅神通，我哋要歸依正信嘅佛教，唔係好可能呢，因爲呢啲邪說呢，引至你八識田之中嘅宿業魔仇嚟干擾你而令到你走火入魔。

譬如有一般小乘嘅外道同魔教嘅宿命通大多數都喺禪坐之中見到自己前世或者前幾世係咩神明吖、咩羅漢，或者某一尊菩薩去轉世，或者係自己發夢發到自己前世究竟係邊個，呢啲其實呢啲小把戲呢，都唔係真正嘅宿命通。無可否認呢啲禪定之中見到前世嘅片段記憶呢，唔係假嘅，可能係真，但係呢啲宿命通呢，仲未圓滿，而且容易被魔所攝。真正嘅宿命通唔係用肉眼見到前世係點，而係一直咁夢到自己前世係咩神明轉世，呢啲都係唔啱嘅。

佛教正法所修持嘅宿命通，係由於自己禪定純熟，而深入我哋第八識如來藏裏便，當下就能夠回到百年或者千年之前，神識仲係保持清醒，或者所穿嘅服裝都係現代嘅衣服，同埋同你有宿緣嘅古代人能夠打招呼，亦都可以互相交談、討論問題，但係自己仲係保持清醒，其實只係時空轉換，如果多生多世之前有冤家或者魔怨，亦都會搵到你去算帳。所以修行禪宗或者密教，其實一定要歸依正法同埋歸依真正嘅上師禪師，要呢啲師父有深厚嘅修行印證，先可以替你印證，而唔係坐喺度，只靠腦筋幻想一大堆同修行無益嘅事。我哋一定要具有如來嘅慧眼，學如來教我哋有鑒別正邪嘅智慧，唔好貪求神通，神通只係修持正法嘅副產品，而真正嘅空性智慧就係般若波羅蜜多，先係我哋佛弟子所應該歸向嘅。

第二點，我哋講到嘅，就係神權思想同神道主義較爲強大嘅修行人。呢一類人，對於仙佛嘅執著係好重嘅，佢哋好容易拜偶像，形成偶像化，亦都好容易被魔所攝，佢哋唔係學如來嘅正法，佢哋只係拜日或者拜偶像啫。所以太過神道化，或者執著一個偶像、一個神，都係唔啱，我哋應該以佛陀爲宇宙正真嘅榜樣。

第三點，容易走火入魔嘅心態，係一心一意只係向外表同埋表相追逐嘅人。衆生佛性平等，其實每一位嘅有情衆生都具有如來嘅種性，只有下下根嘅人或者外道種性嘅人先會一味向心外追求而唔認識我哋自心就係佛，迷惑表象嘅莊嚴或者種種分別心，或者差別嘅想法，呢類有情嘅衆生係因爲自己有向外追求嘅習性，所以時常就會被別人呃，因爲邪魔妖道呢，都好中意搞排場嘅，響物質嘅環境嘅排場之上去攝引衆生，佢哋做起上嚟可能呢，遠勝於我哋正信嘅佛教。

第四點係六賊囂張，佢嘅所知障文字障堅固同埋疑心強大嘅人，一般響世間法上面熟悉嘅人，佢嘅所知障亦都好堅固，所以時常用妄心去判斷事物，但響佛法方面呢，就唔係用世間嘅學術或者所知障能夠修好。而且疑心強大嘅人呢，我哋眼耳鼻舌身意嘅“六根”（或者稱爲“六賊”）呢，係好囂張，時常會發生響佛法初學嘅人身上，所以亦都因爲業障現前或者其他人做魔事，而自己嘅疑心強大被魔力加持，而失去咗正知正見嘅照明，而唔係修行人嘅福分嚟嘅。

第五點係人間俗情貪愛習性濃厚嘅人。有啲人本性亦都係好善良，乜嘢都好，但係感情呢，就容易氾濫，自己唔，唔會知道，但係修學佛法開始，由初機修起，到一步步嚟呢，慢慢成長呢，唔可，要按部就班，係好重要嘅。但係呢，有啲修行人，就係因爲感情嘅俗情貪愛作怪呢，就會跳級而令佢發生障礙，亦都可能響七情六慾之下修持佛法，就會形成較低級層次嘅見解，甚至會曲解佛法嘅真諦。

第六點呢，就係貪瞋痴慢疑“五毒”強大嘅人。其實呢“五毒”喺我哋生命或者我哋業命之中呢，多多少少都有，我哋稱爲“五毒”，或者“內在嘅業障”。呢啲內在嘅業障，響修持佛法嘅初期呢，我哋一定要將佢淨化嘅，否則響日後呢，就會對我哋進一步修行形成好大嘅障礙。

第七點呢，係正統前生由魔界轉世嚟嘅人。呢一類嘅人呢，響人世間上便都好多，但係佢哋唔知道自己係由魔界轉生而嚟，但係今生佢哋嘅心態裏便係具有強烈損人利己嘅破壞性，甚至做啲損人不利己嘅事，呢啲都係由於佢哋前世嘅魔性，響如來藏之中響今世發生作用嘅緣故。

第八點，我哋講到響我哋八識田如來藏裏便呢，帶有魔業嘅人，呢一類嘅人呢，大家響日常生活之中，我諗曾經碰見過，譬如，有一啲乩童，淪爲乩童嘅呢，就係以扶乩爲業，被一啲假嘅仙佛，呢啲鬼靈呢，借佢身而扶乩，講出一啲類似修行嘅說話，似是而非。其實佢做一個乩童都係好可憐，呢啲乩童其實佢嘅前生多生多世同外道嘅邪師由於結下因緣，今世嘅果報成熟就會當上乩童，或者由於呢啲乩童過去世佢修行走火入魔，今世嘅魔業又再發出嚟。其實乩童嘅訓練係由細蚊仔佢靈知未敏嘅時候開始訓練，其實呢啲細蚊仔係好可憐，因爲佢媽媽或者爸爸迷上咗仙佛，所謂呢啲假仙佛嘅法門，將啲細蚊仔大概十歲左右就送去一啲訓練班裏便去訓練開乩，呢啲父母咁做真係無知。

扶乩呢種把戲呢，佛陀曾經預言過，真正嘅佛菩薩係唔會藉助衆生嘅身體去說話嘅，我哋應該要研究佛陀所留下嘅千經萬典，呢啲係佛陀嘅法身舍利，我哋千祈唔好迷信一啲預言或者靈異嘅事，扶乩就係其中嘅一種。響呢個末法嘅衰敗時期，其實好多惡魔都會藉助人去宣說佛經，因爲佢哋都有修行，可能佛陀講經說法嘅時候，佢哋亦都聽過，但佢哋將聽到嘅嘢，用嚟掩飾佢哋嘅身份去迷惑衆生，以借竅同體靈嘅方式，或者其他好似氣功，一啲邪嘅氣功，發功嘅方式比如特異功能去迷惑衆生嘅心性。

第九種，我哋講到，我哋嘅命裏便帶陰嘅人。呢一類嘅修行人呢，本身嘅命一出世就比較陰，呢個“陰”呢，係容易接近一啲陰界嘅嘢，當佢禪坐或者打坐嘅時候，佢係自己唔知道嘅，有時會指手畫腳，或者坐低呢，就會起雞皮，亦都會時常響夢中見到一啲鬼怪惡魔，亦都有呢一類嘅修行人。有時呢類嘅修行人呢，佢到處去參訪道場呢，去想學一啲靜坐嘅方法，其實佢應該自己反求返自己嘅佛性，應該要深入一啲正知正見嘅佛法，最好有呢，依類情況嘅人呢，佢一開始修行就唔好去打坐，應該多啲懺悔自己嘅業障，否則就容易走火入魔。

但係有啲人會問，一直問自己，點解一齊學禪坐，或者同一個道場裏便嘅好多人一邊坐一邊感應都好神奇靈驗，點解唯獨自己係冇感應呢？其實你應該要慶幸，因爲你冇著魔，但周圍嘅善知識，響嗰度感應嚟感應去呢，可能係真，亦都可能係假。譬如係命中帶陰嘅人呢，其實應該修持正信嘅佛教，正信嘅菩薩同龍天護法會保佑你，佛法係講求智慧同理性，如果能夠通過真正嘅實修，能夠呢，真正通過實修係會破壞靈通同埋幻覺，我哋就唔會被啲靈通幻覺所迷。佛教唔係用外表去包裝，而係有佢真正嘅實質令衆生離苦得樂、覺悟菩提嘅。

第十種，我哋講到經過靈修嘅時候，有一啲人會講出一啲方言。響其他嘅宗教裏便，通過靈修呢，由於啓發佢哋嘅潛意識呢，有啲人會講出一啲方言，有啲人會預言將來會發生一啲咩事，咩預言呢？將來嘅國家大事呢，或者小至一個人嘅將來所發生嘅事呢，但呢啲預言，或呢啲體靈嘅現象呢，其實我哋都唔足以效法嘅，因爲好容易呢，亦都被魔所攝嘅。太迷信或者執著呢啲咁嘅道法都好容易落入魔道，所以我哋一定要小心。

一般人要走火入魔，其實必須經過三個階段。首先係做魔事，然後再嚟心被魔所攝，最後先能夠成魔嘅。所謂做魔事，就係指一個人因爲智慧不明，或者種種貪瞋痴慢疑五毒熾盛，或者魔力加持，一時不察而做下魔業嘅因，亦都係話有好多前便所講嘅頭先所講呢十種心嘅人呢，都好容易走火入魔嘅。因爲人嘅不良習性呢，其實係累積咗數十年，唔係能夠一秒鐘或者一時間就能夠改變我哋習氣，修行係絕對冇速成或者即刻嘅。修行亦都唔須要響神嘅面前立下一大堆嘅誓言，應該要循序漸進，量力而爲，否則雖然你信咗某一個宗派之後，靠住一時嘅感情用事而當下整個人暫時就會變好，呢啲都係來得好突然，有時亦都係魔力加持。萬一你嘅內力支持唔耐呢，你生命之中嘅劣根性又會流露出嚟，你當初所立下好多嘅戒律吖、誓言吖，你又破咗戒，違背你自己一時衝動之下所定下嘅誓言，咁響個時候，你就會情緒反彈、良心不安，或者因爲呢啲種種嘅矛盾反彈，從此你就生起退轉嘅心，就唔會再親近好嘅宗教了。

佛法係不偏不倚、不取不捨、不貪不求，較爲理性而且心性平寂祥和嘅，響現代工商業物質充斥嘅社會之中，有宗教信仰係值得鼓勵，但係如果你唔修尤自可，越修你心裏便越充滿貪毒，你嘅貪毒日漸滋長，貪求一啲咩法、咩道，天魔就正好利用人性呢個弱點，貪毒同埋痴毒，而呢個痴毒太濃嘅信徒，一信仰到有偏差，而唔係正信嘅佛教呢，佢哋就會一直執迷落去，呢啲種種現象就係所謂做魔事嘅一種。

第二種做魔事嘅現象就係呢個人因爲自己中魔毒已經深，到處拉人去搵一啲咩法、去求一啲咩道，好似老鼠一樣，美其名度人拜佛、信佛，求一個道，其實心裏喺暗中去數人頭，今日能夠度到幾多個人，有幾多功德，將來嘅功德仲差幾多先夠能夠名列仙班。呢一種嘅貪毒強到最後，就會使到好多信徒只會落入呢個陷阱之中，就冇辦法能夠自拔，要度要拉嘅更多人嚟滿足自己嘅功德。

當然勸人行善或者助人呢，都係好好，但係應該我哋要不住於相而行布施，或者接引信徒信仰正信嘅佛教先係真正功德無量。因爲正信嘅佛教，終會使衆生邁向正覺嘅道路，絕對唔會即刻點樣，或者返去指定嘅某一個地方，係唔須要修行嘅。學佛嘅人，其實佢真正嘅本性要學嘅係無來無去，而且係自性顯現嘅光明常住，每一位有情嘅衆生，其實都具足咗如來圓覺真如嘅法性，何必要去東去西呢？又有好多人自己話已經證咗阿羅漢果而到處去搵人同佢印證，例如自己話證咗三果嘅阿羅漢，然後自己就夠功力去幫別人印證初果二果嘅羅漢，只要經過你所謂針鋒相對，講幾句說話就可以印證對方脫離任何苦，而且你或者其他人受你恩惠嘅人就永遠唔再受苦。所以有好多人自稱係阿羅漢，亦都用呢啲幾句嘅說話去同人印證，去自誤誤人，其實呢啲現象呢，都係釋迦佛響末法預言咗，必然會發生嘅現象。

跟住我哋第二階段去講到，心，被魔所攝。到咗第一個階段，做完魔事之後呢，第二個階段，就係我哋被心魔所攝。因爲一般如果冇受過正知正見佛法熏習嘅人，經年累月做魔事，慢慢佢嘅心就會被魔所攝，亦都就係話整個人呢，慢慢被魔法化咗，亦都可以說係魔化之後嘅修行人，呢個時候，呢個修行人嘅眼神會變咗邪邪或者怪怪。無論修任何嘅宗教或者修佛法，修到眼神帶有執迷不悟嘅眼光或者有異狀，咁呢個人嘅心通常都係被魔所攝。有啲修行嘅人嘅眼呢，一大一小呢，俗稱叫做“雌雄眼”，咁呢個人嘅性格一定唔係太健全或者脾氣古怪，或者感情執著，而呢類有大細眼嘅人呢，係比較缺乏佛陀嘅般若波羅蜜智慧嘅。響佛陀嘅三十二圓滿嘅法相之中，佛嘅眼睛明亮細長，而且含有無量佛智慈悲，所以一般修佛嘅人，如果生命之中智慧強大嘅人，佢雙眼呢，一定會生得好似佛陀一樣，而且五官端正均勻，唔會忽大忽小，不偏不倚嘅。一般人如果心係被魔所攝之後，除咗佢本人被魔法化之外，佢嘅雙眼亦都會攝受其他衆生，好似磁鐵一樣吸住比較迷信或者執著嘅修行人。響呢種魔眼嘅攝受之下，就會產生魔力加持嘅現象，會令到被攝受嘅人興奮，或者當下係點樣咁樣去除數十年嘅惡習，又點樣響修行上得到感應靈驗，呢啲種種嘅呃人嘅現象通常都係被魔力所加持。

又有一種人就係由魔界轉世嚟我哋人間，呢一類人呢，今世大多數都係會修持佛法，但係業障係較重。從細個嘅時候，佢嘅心中嘅魔念邪念，好似海水嘅水泡一樣咁浮現，有時亦都會陷害人嘅心，有呢個心或者有自私心，或者慾望貪執充滿，時常響夢中破戒，心情煩亂，而且呢類由魔界轉世嘅人呢，心思係比較複雜，佢哋嘅五毒貪瞋痴慢疑呢，係熾盛嘅。所以我哋響修行上可能亦都會遇到呢啲心態嘅人。

跟住我哋第三種，就講到完全成魔嘞。一個人要走火入魔呢，真嘅唔係太容易，必須要經過做魔事、個心被魔所攝，再嚟先能夠走火入魔，而被魔法化。一個被魔法化咗嘅修行人呢，亦都呢，佢外表呢，好似扮到佛教徒一樣嘅外表，而具足晒佛教嘅儀軌威儀。真正嘅佛教，其實呢，係唔貪、唔迷信、唔瘋狂，唔以牛鬼蛇神爲榜樣，亦都唔以感覺或者感受，向外追求嚟傳揚佛法。響修行嘅道路之上呢，其實陷阱重重，好容易我哋唔小心呢，會行錯，所以一個迷失響修行道路嘅人呢，所謂“一盲引衆盲”，自己好容易走入魔事，而相牽入火坑，有啲呢，更加將一大堆嘅善知識拉入火坑。當一個人嘅心漸漸被魔所攝之後，就會加速做魔事直到成魔爲止，佢雖然披著人皮吔，但係呢，呢啲咁嘅魔時時刻刻就會譭謗佛陀嘅佛法，譭謗佛陀嘅戒律，將佛教徒拉入去外道，令所有嘅佛教徒慢慢就會放棄佢哋嘅慧命嘅修行，令到佢哋貪著五欲，令到佢哋生起貪瞋痴慢疑種種嘅心而導致同最後呢個魔王一樣走火入魔嘅。

跟住落嚟最後，我爲大家介紹兩個本師親傳嘅破魔嘅法門，呢兩個法門響末世嘅時候，能夠保護我哋修行人，唔怕被魔所擾，亦都幫助我哋修行人化解一切修行上、生活上嘅種種災難嘅法門，呢個法，呢兩個法門係釋迦牟尼世尊親傳，而且係釋迦牟尼佛嘅正脈正法。

第一個，就係《大佛頂首楞嚴經》嘅法門。響佛陀住世嘅時候，有一日，佛嘅堂弟阿難尊者響城裏便乞食，啱啱經過窗戶嘅門口，俾一個窗戶摩登伽女看見，中意咗佢，所以摩登伽女就用魔咒去迷住阿難尊者，而且想去姦淫佢。正當情形嚴重而且緊要關頭之時呢，佛陀嘅他心通就知道阿難尊者被淫女所迷惑，佛陀就教授文殊師利菩薩一個真言，而且請文殊菩薩以神通力去救阿難。阿難一直到遇咗文殊菩薩之後，神智就開始清醒恢復，而心神開始定嘞。最後阿難同摩登伽女一齊嚟到精舍，而且響佛陀面前好慚愧，涕淚交流，而且誠心懺悔，祈求佛陀教導，而且佛陀就同阿難因爲呢次因緣而講演咗《大佛頂首楞嚴經》。

《楞嚴經》，古今中外以來，利益咗無數嘅禪宗弟子，而且係我哋佛門嘅至寶，亦都係佛教末法裏便最先毀滅嘅一部經。響《楞嚴經》中裏便嘅楞嚴神咒，亦都係佛教早晚唸誦護持嘅長咒，而楞嚴心咒亦都係消罪業、明佛心、開智慧，能夠除惡障嘅護心佛咒，響西藏密宗裏便所流傳嘅大白傘蓋佛母咒，其實就係我哋中土裏便所傳嘅楞嚴神咒。昔日佛陀世尊將入涅槃之前，就曾經預言喺佛教末法裏便，響法寶藏裏便，就以《大佛頂首楞嚴經》首先消失響我哋嘅地球之上，其次就係《佛說般舟三昧經》。《楞嚴經》係佛教嘅鎮山至寶，佢經文裏便面嘅每一個字、每一句都包含咗佛陀般若佛智嘅明睿，能夠破一切魔類魔擾、魔障、魔業等等，好似照妖鏡一樣，使到魔嘅形相、邪說嘅論一覽無遺、無所遁形，所以學佛嘅人係唔可以唔知嘅呢一部經，呢個法係唔可以唔修嘅。

跟住我哋落嚟介紹佛陀嘅第二大護法，降魔大菩薩——大白傘蓋佛母。響中國道教嘅玉皇大帝，響佛陀住世嘅時候，即係帝釋天，係各種天神同天主之中最護持佛教同最禮敬佛教，每次佛陀響人間或者天界講演佛法嘅時候呢，玉皇大帝都係最勤奮亦都係最喜歡供養佛陀說法，響會場上便吖，所有一切嘅天花啦、奇珍異寶啦、法座啦、蔓陀羅等等啦。玉皇大帝都首先帶領同埋統御道教嘅三十三天其他嘅天帝軍、天人同埋眷屬去佛陀前便聽佛法，其他嘅龍部、雨部、雷部、二十八部嘅星宿、三十六天罡、七十二地煞同埋其他嘅鬼王夜叉等等，亦都嚟到釋迦牟尼佛嘅面前好莊嚴咁聽釋迦牟尼佛說法。

有一次，玉帝恭敬亦都虔誠咁啓請大雄世尊到道教嘅三十三天嘅善法堂天講演佛教嘅妙法而且接受玉帝嘅供養，佛陀就帶領咗其他嘅大阿羅漢弟子一齊去三十三天嘅善法堂說法。有一次佛陀響善法堂說法嘅時候呢，響玉帝皇宮嘅城牆外便，啱啱遇到六道裏便嘅阿修羅嘅軍隊嚟襲擊，玉帝所居住嘅宮殿係位居須彌山頂，喺須彌山嘅下便，有四大天王防守嘅四面嘅山麓，而且道教嘅三十三天呢，亦都配置咗天兵天將有三十六億萬，可以話係堅固如銅、固若金湯，但係呢次阿修羅王呢，嚟嘅侵犯呢，係非常之強大吔，佢嘅軍力，佢所有嘅武器係應有盡有。正當正邪兩軍對陣嘅時候，我哋諗下，阿修羅嘅區域，全部嘅軍隊都傾巢而出，將近有五六百億之多，就算係玉皇大帝調齊咗能夠作戰嘅天兵天將，亦都不過係三十六億，再加上四大天王所統領嘅軍隊同埋雷部、龍部等等嘅八部長官兵士，響數量之上仲係比阿修羅軍略爲較爲少嘅。

佛陀響經文裏便亦都講到，天人同阿修羅作戰嘅慘況，佛陀話，呢個係人間所無法想象嘅浩大嘅戰爭，呢一次阿修羅軍嚟侵犯，來勢洶洶、勢如破竹，玉皇大帝所帶領嘅天兵天將，就節節敗退，響須彌山下便嘅四大天王天，亦都被攻破，玉皇大帝軍隊兵馬呢，於是就退守返番三十三天嘅城牆裏便，但係阿修羅軍就步步進逼，五百億嘅大軍包圍咗佛陀正在講佛說法嘅三十三天裏便嘅善法堂。響呢個時候，玉皇大帝眼見外便嘅情況實在不妙，於是就請求本師幫忙去降伏數目龐大嘅阿修羅軍，如果善法堂一失陷呢，咁三十三天裏便嘅九十九億天女同埋六十億嘅天人就好危險嘞。

響呢個時候，本師釋迦牟尼佛就展現佢無數嘅神通變化，化現出降魔嘅大白傘蓋佛母。大白傘蓋佛母生長得非常高大，而且響佢嘅中央化現六個頭，兩邊各各有兩塊面，而且有九層，手裏便拿住大白傘蓋，宣說大白傘蓋陀羅尼，而且用神通降伏咗嚟犯嘅所有阿修羅嘅軍隊。

大白傘蓋咒有三種，係長咒、心咒同堅甲咒，三種咒都有唔同嘅用法。大白傘蓋佛母係本師釋迦牟尼佛最親嘅護法金剛菩薩，只要你保護釋迦牟尼佛嘅正法，以呢個法作爲修持嘅準則，咁你一切嘅生活都喺呢個佛菩薩嘅保護之下。


164.千朵蓮花護住身（一）


千朵蓮花護住身——楞嚴咒之威力

楞嚴咒係出自《楞嚴經》，《楞嚴經》全稱《大佛頂如來密因修證了義諸菩薩萬行首楞嚴經》，簡稱爲《大佛頂首楞嚴經》《大佛頂經》或者《首楞嚴經》，或者《楞嚴經》，係屬於密教部嘅經典，一共有十卷，係唐朝般剌密諦法師所譯，宰相房融筆受。

《楞嚴經》響中國歷史之中，由宋元之後響佛教經典之中可以話係相當嘅重要，尤其響禪宗方面可以話係最流行嘅一部經典。《楞嚴經》響佛教經典嘅分類之上被劃歸屬於密教方面嘅經典，事實上呢本經所談論嘅修證境界同後代禪宗所要達到嘅境界係相當契合嘅，尤其係後代禪宗祖師受到呢本經嘅啓發係好大，所以呢本經就廣大流行開嚟。

《楞嚴經》除咗本部之外，另外有一部同佢關係亦都相當密切嘅《首楞嚴三昧經》。《首楞嚴三昧經》裏便講到嘅所有境界同《楞嚴經》所講嘅相類似，《楞嚴經》嘅修證嘅果地就係楞嚴經三昧嘅成就，特別唔同嘅係《楞嚴經》著重於闡明《楞嚴經》之中嘅正見，經文裏便二十五個大阿羅漢菩薩宣說佢哋修行嘅經驗，呢個就係著名嘅“二十五圓通”，由呢個立場嚟講，《楞嚴經》可以話係講楞嚴經三昧嘅好重要修證嘅一個法門。

《楞嚴經》全稱係《大佛頂如來密因修正了義諸菩薩萬行首楞嚴經》。“大佛頂”，意思就係證入最究竟嘅如來境界，如來密因就特別顯示出呢本經係直接契入大佛頂嘅如來密因，直接要契入大佛頂嘅殊勝見地，從“因”上嘅究竟能夠迅速證得喺“道”上嘅究竟，乃至到大佛頂嘅“果”嘅究竟，“大佛頂如來密因修證了義諸菩薩萬行”呢一句說話係代表響道究竟嘅《楞嚴經》。“首楞嚴”係“堅固不壞”嘅意思，代表呢本經係由“因”“道”乃至“果”三者都係究竟堅固不壞嘅經典，可以話係徹底闡揚咗首楞嚴三昧嘅“因”“道”“果”，尤其側重響“因”嘅解悟，由解而悟，了悟咗之後並唔係只安住響解悟上便，無論係“由解而悟”或者“由行而入”，或者“由證而住”，三者到最後都係達到大佛頂修證嘅境界。

響佛教史上，由唐朝以嚟，爲《楞嚴經》所做嘅註疏係有好多，不下六十餘家，近代有太虛大師、諦閑大師、圓瑛大師、倓虛大師、守培大師等等，關於《楞嚴經》嘅著述傳世。響中國寺院早課係一定要誦楞嚴神咒，而且視呢個咒係咒中之王，可以見到《楞嚴經》係對中國佛教嘅影響嘅深遠。古德有講過：“開悟楞嚴，成佛法華。”更將《楞嚴經》和《法華經》並舉，所以可以見到《楞嚴經》響中國佛門傳誦嘅盛行。

近代藏密嘅傳嚟中國，有啲人將藏密之中嘅咒語同《楞嚴經》相比負，認爲楞嚴咒就係大白傘蓋咒。傳統上將《楞嚴經》視爲密教嘅經典，響密教之中有所謂嘅六大，即係“地、水、火、風、空、識”六大嘅緣起，而響《楞嚴經》特別講到七大，除咗上述嘅六大之外，特別安立“見大”，“見”即係正見，所以呢本經又叫做《中印度那蘭陀大道場灌頂部六出別行》，可以見到呢本經同密教嘅關係。如果依密教所謂嘅五部說法嚟講，五部即係中央嘅佛部、東方嘅金剛部、西方嘅蓮花部、南方嘅寶生部、北方嘅羯摩部，呢本經係屬於中央佛部嘅經典，但係《楞嚴經》主要係以觀世音菩薩爲主要嘅法主，最後二十五圓通呢，嘅法門係回歸響呢一度，以觀音嘅圓通爲第一，而觀音係屬於蓮華部嘅，灌頂部嘅部主應該係毘盧遮那佛如來，亦即係大日如來，咁兩者點樣可以會通呢？所以關於《楞嚴經》屬於五部之中邊一部仍然說法不同，近代嘅太虛大師主張呢本經係屬於真言宗嘅金剛界，由蓮花部觀世音因門去證入灌頂部嘅毘盧遮那佛佛果聖海，太虛大師主張以上嘅說法，用呢個說法嚟解決觀音係本經法主嘅問題。其實，《楞嚴經》最殊勝嘅地方唔係響儀軌次第上便，雖然呢本經係屬於密教嘅經典，但係呢本經著重於正見，所以《楞嚴經》對於禪宗嘅影響深遠，遠遠超過對密教嘅影響。

《楞嚴經》響西藏亦都有譯本，大概響清高宗乾隆十七年至到二十年之間，由漢文本譯成西藏文嘅，近代曾經有學者主張過《楞嚴經》係偽經，我諗呢個問題恐怕喺學術上嘅意思嚟講，實際上呢部經對修行人嘅影響深遠，響宗教嘅修證上呢本經係完全符合佛陀嘅法義嘅，其實如果喺呢個角度去睇，響學術上嘅認定就對呢本經嘅價值冇咩大嘅影響嘞。

其實整部嘅《楞嚴經》就係要我哋堅住於究竟嘅首楞嚴三昧，響如來嘅果道之中能夠堅住本境圓滿成就。要體悟嘅係響修持過程之中，體悟法性周遍一切，離於一切功用造作，堅住本來嘅一切清淨，現前已經係圓滿。而堅住本來清淨，一切現前圓滿，係“如是”，唔係作用而嚟，唔係落於兩邊嘅，真實嘅體悟非因緣性、非自然性，係遍一切處、周遍圓滿，一切弦悅匯入響菩提嘅妙勝當中。

跟住落嚟，我哋講下楞嚴神咒嘅修持方法。楞嚴咒響佛門日常嘅課誦之中時常被誦持，甚至被喻爲咒中之王，大家響修持《楞嚴經》嘅時候，除咗耳根圓通法之外呢，亦可以量力去持誦楞嚴神咒。或者有人會奇怪，咒語翻譯嘅時候點解唔採用意譯而用音譯呢？咒語響密教之中係屬於“密”，有佢聲音上嘅緣起，亦都係攝心嘅方便。譬如密宗嘅法本，讚誦嘅部分可以誦出中文嘅意譯，咒語呢，就仍然以原音呢，爲準確唸誦。咁樣講只要依音而誦，唔須要知道佢嘅意思，係咪會同咒相應呢？以楞嚴咒嚟講，如果我哋能夠了知《楞嚴經》嘅義理，了悟正見，咁樣去誦持楞嚴咒就能夠相應，譬如我哋誦持大悲咒嘅時候，以平等心、大悲心去誦持就係語密再加上意密嘞。而家大家了悟咗《楞嚴經》嘅義理，能夠用正見去誦持楞嚴神咒就能夠得到灌頂加持而不可思議，如果能夠咁樣做，好比用口去誦上千百遍仲更加有用。

楞嚴咒本身係大堅固大首楞嚴，堅固一切世間，堅固一切法界世間上常住。呢個“堅固一切世間”，並非堅固呢個世間嘅相，而係常住嘅法界，所以唔捨棄呢個世間，呢個世間嘅一切呢，都係由本原呢個微妙本心所示現、所現起嘅，所以喺呢度要產生大作用，係回落世間大作用嘅首楞嚴三昧，呢個原因就係點解要特別講耳根圓通嘅原因了。所以我哋睇下楞嚴咒呢個咒語有敬禮三十三天、世主等等，即係呢一切所有世出世間嘅世主、金剛力士等等法界，種種一切都係楞嚴咒之中具足，而所有世間現起嘅一切全部都能夠響呢一度得到總持、消融最後回歸於首楞嚴。

南無楞嚴會上佛菩薩

南無楞嚴會上佛菩薩

南無楞嚴會上佛菩薩

妙湛總持不動尊，首楞嚴王世希有；

銷我億劫顛倒想，不歷僧祇獲法身；

願今得果成寶王，還度如是恆沙衆；

將此深心奉塵剎，是則名爲報佛恩；

伏請世尊爲證明，五濁惡世誓先入；

如一衆生未成佛，終不於此取泥洹；

大雄大力大慈悲，希更審除微細惑；

令我早登無上覺，於十方界坐道場；

舜若多性可銷亡，爍迦羅心無動轉。

南無常住十方佛

南無常住十方法

南無常住十方僧

南無釋迦牟尼佛

南無佛頂首楞嚴

南無觀世音菩薩

南無金剛藏菩薩

爾時世尊，從肉髻中，涌百寶光。光中涌出，千葉寶蓮。有化如來，坐寶華中。頂放十道，百寶光明。一一光明，皆遍示現，十恆河沙，金剛密跡，擎山持杵，遍虛空界。大衆仰觀，畏愛兼抱。求佛哀佑，一心聽佛，無見頂相，放光如來，宣說神咒。

佛頂光明摩訶薩怛多般怛囉無上神咒：

第一會（毘盧真法會）

南無薩怛他蘇伽多耶阿羅訶帝三藐三菩陀寫 薩怛他佛陀俱胝瑟尼釤 南無薩婆勃陀勃地薩哆鞞弊 南無薩多南三藐三菩陀俱知喃 娑舍囉婆迦僧伽喃 南無盧雞阿羅漢哆喃 南無蘇盧多波那喃 南無娑羯唎陀伽彌喃 南無盧雞三藐伽哆喃 三藐伽波囉底波多那喃 南無提婆離瑟喃 南無悉陀耶毗地耶陀囉離瑟喃 舍波奴揭囉訶娑訶娑囉摩他喃 南無跋囉訶摩泥 南無因陀囉耶 南無婆伽婆帝 嚧陀囉耶 烏摩般帝 娑醯夜耶 南無婆伽婆帝 那囉野拏耶 槃遮摩訶三慕陀囉 南無悉羯唎多耶 南無婆伽婆帝 摩訶迦羅耶 地唎般剌那伽囉 毗陀囉波拏迦囉耶 阿地目帝 尸摩舍那泥婆悉泥 摩怛唎伽拏 南無悉羯唎多耶 南無婆伽婆帝 多他伽哆俱囉耶 南無般頭摩俱囉耶 南無跋闍羅俱囉耶 南無摩尼俱囉耶 南無伽闍俱囉耶 南無婆伽婆帝 帝唎茶輸囉西那 波囉訶囉拏囉闍耶 哆他伽多耶 南無婆伽婆帝 南無阿彌多婆耶 哆他伽多耶 阿囉訶帝 三藐三菩陀耶 南無婆伽婆帝 阿芻鞞耶 哆他伽多耶 阿囉訶帝 三藐三菩陀耶 南無婆伽婆帝 鞞沙闍耶俱盧吠柱唎耶 般囉婆囉闍耶 哆他伽多耶 南無婆伽婆帝 三補師毖多 薩憐捺囉剌闍耶 哆他伽多耶 阿囉訶帝 三藐三菩陀耶 南無婆伽婆帝 舍雞野母那曳 哆他伽多耶 阿囉訶帝 三藐三菩陀耶 南無婆伽婆帝 剌怛那雞都囉闍耶 哆他伽多耶 阿囉訶帝 三藐三菩陀耶 帝瓢南無薩羯唎多 翳曇婆伽婆多 薩怛他伽都瑟尼釤 薩怛多般怛㘕 南無阿婆囉視耽 般囉帝揚岐囉 薩囉婆部多揭囉訶 尼羯囉訶揭迦囉訶尼 跋囉毖地耶叱陀尼 阿迦囉蜜唎柱 般唎怛囉耶儜揭唎 薩囉婆槃陀那目叉尼 薩囉婆突瑟吒 突悉乏般那尼伐囉尼 赭都囉失帝南 羯囉訶娑訶薩囉若闍 毗多崩娑那羯唎 阿瑟吒氷舍帝南 那叉剎怛囉若闍 波囉薩陀那羯唎 阿瑟吒南 摩訶揭囉訶若闍 毗多崩薩那羯唎 薩婆舍都嚧尼婆囉若闍 呼藍突悉乏難遮那舍尼 毖沙舍悉怛囉 阿吉尼烏陀迦囉若闍 阿般囉視多具囉 摩訶般囉戰持 摩訶疊多 摩訶帝闍 摩訶稅多闍婆囉 摩訶跋囉槃陀囉婆悉尼 阿唎耶多囉 毗唎俱知 誓婆毗闍耶 跋闍囉摩禮底 毗舍嚧多 勃騰罔迦 跋闍囉制喝那阿遮 摩囉制婆般囉質多 跋闍囉擅持 毗舍囉遮 扇多舍鞞提婆補視多 蘇摩嚧波 摩訶稅多 阿唎耶多囉 摩訶婆囉阿般囉 跋闍囉啇羯囉制婆 跋闍囉俱摩唎 俱藍陀唎 跋闍囉喝薩多遮 毗地耶乾遮那摩唎迦 啒蘇母婆羯囉哆那 鞞嚧遮那俱唎耶 夜囉菟瑟尼釤 毗折藍婆摩尼遮 跋闍囉迦那迦波囉婆 嚧闍那跋闍囉頓稚遮 稅多遮迦摩囉 剎奢尸波囉婆 翳帝夷帝 母陀囉羯拏 娑鞞囉懺 掘梵都 印兔那麼麼寫 

第二會（釋尊應化會）亦名（楞嚴教主會）

烏𤙖 唎瑟揭拏 般剌舍悉多 薩怛他伽都瑟尼釤 虎𤙖 都嚧雍 瞻婆那 虎𤙖 都嚧雍 悉耽婆那 虎𤙖 都嚧雍 波羅瑟地耶三般叉拏羯囉 虎𤙖 都嚧雍 薩婆藥叉 喝囉剎娑 揭囉訶若闍 毗騰崩薩那羯囉 虎𤙖 都嚧雍 者都囉 尸底南 揭囉訶娑訶薩囉南 毗騰崩薩那囉 虎𤙖 都嚧雍 囉叉 婆伽梵 薩怛他伽都瑟尼釤 波囉點闍吉唎 摩訶娑訶薩囉 勃樹娑訶薩囉室唎沙 俱知娑訶薩泥帝㘑 阿弊提視婆唎多 吒吒甖迦 摩訶跋闍嚧陀囉 帝唎菩婆那 曼荼羅 烏𤙖 莎悉帝薄婆都 麼麼 印兔那麼麼寫

第三會（觀音合同會）

囉闍婆夜 主囉跋夜 阿祇尼婆夜 烏陀迦婆夜 毗沙婆夜 舍薩多囉婆夜 婆囉斫羯囉婆夜 突瑟叉婆夜 阿舍尼婆夜 阿迦囉蜜唎柱婆夜 陀囉尼部彌劍波伽波陀婆夜 烏囉迦婆多婆夜 剌闍壇茶婆夜 那伽婆夜 毗條怛婆夜 蘇波囉拏婆夜 藥叉揭囉訶 囉叉私揭囉訶 畢唎多揭囉訶 毗舍遮揭囉訶 部多揭囉訶 鳩槃荼揭囉訶 補丹那揭囉訶 迦吒補丹那揭囉訶 悉乾度揭囉訶 阿播悉摩囉揭囉訶 烏檀摩陀揭囉訶 車夜揭囉訶 醯唎婆帝揭囉訶 社多訶唎南 揭婆訶唎南 嚧地囉訶唎南 忙娑訶唎南 謎陀訶唎南 摩闍訶唎南 闍多訶唎女 視比多訶唎南 毗多訶唎南 婆多訶唎南 阿輸遮訶唎女 質多訶唎女 帝釤薩鞞釤 薩婆揭囉訶南 毗陀耶闍瞋陀夜彌 雞囉夜彌 波唎跋囉者迦訖唎擔 毗陀夜闍瞋陀夜彌 雞囉夜彌 茶演尼訖唎擔 毗陀夜闍瞋陀夜彌 雞囉夜彌 摩訶般輸般怛夜 嚧陀囉訖唎擔 毗陀夜闍瞋陀夜彌 雞囉夜彌 那囉夜拏訖唎擔 毗陀夜闍瞋陀夜彌 雞囉夜彌 怛埵伽嚧茶西訖唎擔 毗陀夜闍瞋陀夜彌 雞囉夜彌 摩訶迦囉摩怛唎伽拏訖唎擔 毗陀夜闍瞋陀夜彌 雞囉夜彌 迦波唎迦訖唎擔 毗陀夜闍瞋陀夜彌 雞囉夜彌 闍耶羯囉摩度羯囉 薩婆囉他娑達那訖唎擔 毗陀夜闍瞋陀夜彌 雞囉夜彌 赭咄囉婆耆尼訖唎擔 毗陀夜闍瞋陀夜彌 雞囉夜彌 毗唎羊訖唎知 難陀雞沙囉伽拏般帝 索醯夜訖唎擔 毗陀夜闍瞋陀夜彌 雞囉夜彌 那揭那舍囉婆拏訖唎擔 毗陀夜闍瞋陀夜彌 雞囉夜彌 阿羅漢訖唎擔毗陀夜闍瞋陀夜彌 雞囉夜彌 毗多囉伽訖唎擔 毗陀夜闍瞋陀夜彌……（註：接下文）


165.千朵蓮花護住身（二）


（註：接上文）……雞囉夜彌跋闍囉波尼 具醯夜具醯夜 迦地般帝訖唎擔 毗陀夜闍瞋陀夜彌 雞囉夜彌 囉叉罔 婆伽梵 印兔那麼麼寫 

第四會（剛藏折攝會）

婆伽梵 薩怛多般怛囉 南無粹都帝 阿悉多那囉剌迦 波囉婆悉普吒 毗迦薩怛多鉢帝唎 什佛囉什佛囉 陀囉陀囉 頻陀囉頻陀囉瞋陀瞋陀 虎𤙖 虎𤙖 泮吒 泮吒泮吒泮吒泮吒 娑訶 醯醯泮 阿牟迦耶泮 阿波囉提訶多泮 婆囉波囉陀泮 阿素囉毗陀囉波迦泮 薩婆提鞞弊泮 薩婆那伽弊泮 薩婆藥叉弊泮 薩婆乾闥婆弊泮 薩婆補丹那弊泮 迦吒補丹那弊泮 薩婆突狼枳帝弊泮 薩婆突澁比唎訖瑟帝弊泮 薩婆什婆唎弊泮 薩婆阿播悉摩唎弊泮 薩婆舍囉婆拏弊泮 薩婆地帝雞弊泮 薩婆怛摩陀繼弊泮 薩婆毗陀耶囉誓遮唎弊泮 闍夜羯囉摩度羯囉 薩婆羅他娑陀雞弊泮 毗地夜遮唎弊泮 者都囉縛耆尼弊泮 跋闍囉俱摩唎 毗陀夜囉誓弊泮 摩訶波囉丁羊叉耆唎弊泮 跋闍囉商羯囉夜 波囉丈耆囉闍耶泮 摩訶迦囉夜 摩訶末怛唎迦拏 南無娑羯唎多夜泮 毖瑟拏婢曳泮 勃囉訶牟尼曳泮 阿耆尼曳泮 摩訶羯唎曳泮 羯囉檀遲曳泮 蔑怛唎曳泮 嘮怛唎曳泮 遮文荼曳泮 羯邏囉怛唎曳泮 迦般唎曳泮 阿地目質多迦尸摩舍那 婆私尼曳泮 演吉質 薩埵婆寫 麼麼印兔那麼麼寫 

第五會（文殊弘傳會）

突瑟吒質多 阿末怛唎質多 烏闍訶囉 伽婆訶囉 嚧地囉訶囉 婆娑訶囉 摩闍訶囉 闍多訶囉 視毖多訶囉 跋略夜訶囉 乾陀訶囉 布史波訶囉 頗囉訶囉 婆寫訶囉 般波質多 突瑟吒質多 嘮陀囉質多 藥叉揭囉訶 囉剎娑揭囉訶 閉㘑多揭囉訶 毗舍遮揭囉訶 部多揭囉訶 鳩槃荼揭囉訶 悉乾陀揭囉訶 烏怛摩陀揭囉訶 車夜揭囉訶 阿播薩摩囉揭囉訶 宅袪革荼耆尼揭囉訶 唎佛帝揭囉訶 闍彌迦揭囉訶 舍俱尼揭囉訶 姥陀囉難地迦揭囉訶 阿藍婆揭囉訶 乾度波尼揭囉訶 什伐囉堙迦醯迦 墜帝藥迦 怛隷帝藥迦 者突託迦 昵提什伐囉毖釤摩什伐囉 薄底迦 鼻底迦 室隷瑟蜜迦 娑尼般帝迦 薩婆什伐囉 室嚧吉帝 末陀鞞達嚧制劍 阿綺嚧鉗 目佉嚧鉗 羯唎突嚧鉗 揭囉訶揭藍 羯拏輸藍 憚多輸藍 迄唎夜輸藍 末麼輸藍 跋唎室婆輸藍 毖栗瑟吒輸藍 烏陀囉輸藍 羯知輸藍 跋悉帝輸藍 鄔嚧輸藍 常伽輸藍 喝悉多輸藍 跋陀輸藍 娑房盎伽般囉丈伽輸藍 部多毖哆荼 荼耆尼什婆囉 陀突嚧迦建咄嚧吉知婆路多毗 薩般嚧訶凌伽 輸沙怛囉娑那羯囉 毗沙喻迦 阿耆尼烏陀迦 末囉鞞囉建哆囉 阿迦囉蜜唎咄怛斂部迦 地栗剌吒 毖唎瑟質迦 薩婆那俱囉 肆引伽弊揭囉唎藥叉怛囉芻 末囉視吠帝釤娑鞞釤 悉怛多般怛囉 摩訶跋闍嚧瑟尼釤 摩訶般賴丈耆藍 夜波突陀舍喻闍那 辮怛隷拏 毗陀耶槃曇迦嚧彌 帝殊槃曇迦嚧彌 般囉毗陀槃曇迦嚧彌 哆姪他 唵 阿那隷 毗舍提 鞞囉跋闍囉陀唎 槃陀槃陀尼 跋闍囉謗尼泮 虎𤙖都嚧甕泮 莎婆訶

（註：以上文字以《磧砂藏》爲底本校對，同音頻所唸嘅唔完全一致。）

千朵蓮花護住身——受持楞嚴神咒的威力

受持楞嚴神咒，要受之於心，持之於身。“持”就好似用手搦東西一樣，持念神咒就係唔好將佢忘記，將佢放棄，要念茲在茲，時時刻刻誦持神咒。

持咒應該有一定嘅壇場叫做咒壇，就好似傳戒需要有戒壇一樣，咒壇要清淨，唔能夠有閒雜嘅人入去，只有持咒嘅人響裏面修法。建立壇儀就係持咒嘅前方便，建壇呢，原本有一定嘅規矩，響《楞嚴經》裏便有所說明，呢個係爲誦經行道求現證嘅人而設嘅，“現證”即係今生就得到咒嘅利益。如果緇素發心散持（“緇”係出家人，“素”係在家人，散持即係冇壇場），咁就要專一其心，虔誠恭敬。

響《楞嚴經》上便講：“設有衆生於散亂心，非三摩地心憶口持，是金剛王常隨從彼諸善男子，何況決定菩提心者。”縱然散心持誦，如果唔響禪定之中，亦都有八萬四千嘅金剛藏王護法時常隨逐行者，何況決定發菩提心呢！經上亦都講到：“縱不作壇、不入道場，亦不行道，誦持此咒，還同入壇行道功德無有異也。”“乃至讀誦書寫此咒，身上帶持，若安住處莊宅園館，如是積業猶湯銷雪，不久皆得悟無生忍。”

簡單扼要嚟講，持咒必須三密相應先能夠得到感應。“三密”就係口誦神咒、心想梵字、手結印相，亦都叫做三壇。點解叫做“咒”呢？或者叫做“神咒”呢？因爲妙不可言之故。我哋嘅心去觀想梵字即係觀想後便咒心嘅每一個梵字，三密相應亦即係持咒嘅前方便。

第一個即係咒語嘅壇城，持咒自然結成壇。呢個就係講每日或者每次首先唸楞嚴神咒一次，然後再持念楞嚴神咒嘅咒心一百零八次。咒心係：怛侄佗 唵 阿那地 毗舍提 毗喇跋舍喇陀唎 槃陀槃陀唎 跋舍喇 傍尼嚬 虎𤙖 都嚧雍 嚬 娑婆訶，梵語係：Tadyatha om anale visada vira vajra dhare bandha bandhani vira vajra pani phat hum brum phat svaha。楞嚴神咒呢個咒心妙不可言，如果天地間冇人再會唸楞嚴咒，一切嘅妖魔鬼怪都出世了。呢個咒心後便呢兩句“阿那地 毗舍提（anale  visada）”，一句係豎高嘅意思，一句係橫遍嘅意思。豎窮三際，橫遍十方。呢兩句咒語一唸，天魔外道都嚇到冇地方可以走，佢哋都會老老實實聽我哋去使喚，只有呢兩句嘅力量就已經不可思議。如果你能夠響早晨誦唸楞嚴咒一次，然後再持咒心一百零八次，就能夠得到福報無量無邊。所以話如果你會持誦楞嚴咒，來生七世能夠得到大福大貴嘅果報。你想求人天福報嘅話，如果唔想求，當然唔須要啦。如果你想求出世嘅果報，亦都能夠達到目的，呢個係咒語壇。

第二個係心想壇。心想壇係誦咒嘅咒心嘅時候觀想每一個梵字，講到梵字，有時唔係一定須要清楚了解同埋明白，唔明白有時比明白更加好。可以講一個例子，猶如我哋食嘢嘅時候，我哋如果唔知道呢個嘢嘅味道，總係覺得佢怪怪，但係如果知道佢甜酸苦辣，食過咗之後呢，我哋貪食嘅心就止息，就覺得不過如此。修道亦都係一樣，如果你唔知道咒嘅意思，梵字嘅意思，都會覺得佢妙不可言，心心念念都希望能夠認識，如果你知道呢，你就唔會注意。觀想梵字亦都係一樣，因爲梵字我哋冇學過，唔知佢嘅意思，唔好似我哋中國字一樣。“大”字同埋“菩薩”兩個字，觀想梵字其實能夠得到五眼六通，要將佢一字一字都要諗得清清楚楚，睜眼閉眼都要清清楚楚，久而久之，妙處就會生出嚟，可以使到人開五眼六通，通因達果。因爲我哋唔明白梵字呢，所以我哋仍然有個想學習嘅心，令到我哋產生有一股不可思議嘅神妙力量。其實觀想梵字，亦都係鎖住我哋嘅心嘅方法，將心制喺一笪地方，就唔會打妄想嘞，將每個梵字都印入我哋心裏頭，無論開眼閉眼都明明白白，咁樣久而久之，就能夠得到三昧。

第三個要講嘅係手印壇，“手印”亦都叫做“手訣”，前面嘅咒語壇同埋觀想壇明白咗之後，手印壇亦都須要明白。響《一字佛頂輪王念誦儀軌》上面曾經講過大白傘蓋佛頂印，呢個印亦都相等於楞嚴神咒嘅印，其實係共通嘅，呢個印叫做“大白傘蓋佛頂輪王印”，只要我哋結呢個印，去唸誦楞嚴咒就可以同咒相通。其實叫你結印唸咒，係叫你注意，注意呢啲動作，唔好打妄想，唔係其他意思，唔係話一結印就好靈，如果你冇其他嘅妄想，唔結印呢亦都係三密相應，要知道真理，點解要有三密相應呢？咒語壇、觀想壇、手印壇都係叫你唔好打任何嘅妄想，所謂專一則靈，分歧則斃。仲有一個手印壇，係好簡單嘅，金剛拳、金剛掌同金剛縛嘅手印。金剛拳、金剛掌同金剛縛嘅手印就唔係好似頭先所講嘅大白傘蓋佛頂輪王印，比較係複雜。我哋結上金剛拳，但係唔好擘大瞪開我哋嘅眼睛，否則就會成咗金剛怒目。十個手指交叉，仰上就叫做金剛掌，俯下就叫做金剛縛，一切三昧嘅法門，係由金剛拳、金剛掌、金剛縛所生出嚟，你唸咒嘅時候三壇相應，就好似放咗好多花去點綴一樣，呢三個手印任何結一種都可以，都能夠成爲楞嚴王大白傘蓋佛頂心咒印。然後我哋再觀想，唸誦呢個咒就三密相應嘞，能夠咁樣做呢，就能夠得到十方諸佛身口意三輪不思議嘅緣化，無論世出世所求無不如願。不過最好都係無所求，因爲有所求就有貪心，有貪心如果得到現時嘅感應呢，唔能夠得到無量嘅功德，如果能夠無所求呢，其實功德係更大嘅。如果你唔識手印，響密部裏面有三個咒，亦都能夠隨唸而成爲壇城，第一個就係法界真言“Om vajra dhatu vam”，唸咗呢個真言，能夠將法界完全清淨；第二個係清淨真言“Om ram svaha”；第三個就係放焰口時候唸嘅三壇真言“Om Ah Hum”。“三壇”係佛、法、僧，“Om”係毘盧頂上作佛壇，“Ah”係彌陀口中作法壇，“Hum”係阿閦佛心內作僧壇。呢三個咒每一個都唸七次亦都能夠三密相應，唸咒之前先唸呢三個咒係最好嘅。

跟住再嚟我嚟解釋，楞嚴咒開首唸咒嘅時候嘅啓首頌。

“南無楞嚴會上佛菩薩”——“南無”係梵語，譯爲皈命、敬投，就係將我哋身心性命都歸依俾佛，對佛恭恭敬敬嘅五體投地，只有佛係我哋相信嘅。“楞嚴”係一切事究竟堅固，一切事就唔係一種事，而係無論咩事都包括在內，究竟到達不可破壞嘅程度。呢一句係皈命楞嚴會上嘅一切佛、一切菩薩，唸楞嚴咒呢，首先要皈命楞嚴會上嘅佛菩薩，呢一句須要唸三次。

“妙湛總持不動尊，首楞嚴王世希有”——“妙湛”，“妙”係不可思議，唔能夠想象，如果能夠想象呢，能夠知道呢，都唔叫做“妙”，“妙”係出乎意料之外，思想達不到，所以叫做“不可思議”。“湛”係湛深，不只係妙，而且妙得湛深，非常不可思議。“總持”係總一切法、持無量義。總一切法係包括所有嘅法，持無量義係受持無量嘅義理，都喺裏面包括晒。所以“妙湛”係顯密圓融，“總持”係隨緣普應，所有盡虛空遍法界，有求，完全都能夠相應嘅境界。本體常住即係“不動”，本體係寂然不動、感而遂通嘅。“妙湛”“總持”同“不動”呢三樣嘢呢，都係妙湛，三而一；三者都係總持，一而三；三者都係不動，非三非一，亦三亦一。詳細分析，每一個意思裏便呢都有三種意思。“世希有”係世出世之間最好嘅，“不動尊”係佛嘅另外一個名稱。“首楞嚴王世希有”呢句係讚歎楞嚴大定，修行呢個楞嚴王大定能夠生起其他一切嘅定。一切嘅禪定都由呢個楞嚴王大定生出。“世希有”係話世界上唔容易有、係好難遭遇嘅。呢一首偈頌係由阿難尊者被先梵天咒所迷，佛講楞嚴咒，派文殊師利菩薩用咒將阿難尊者救回。阿難感謝佛陀嘅深恩，所以講咗呢首偈頌去形容佢嘅感受。

“銷我億劫顛倒想，不歷僧祇獲法身”——人由無量劫以嚟有一啲妄知妄見、邪知邪見、顛倒夢想。“顛倒”即係非常計常，非斷計斷，非有計有，非無計無，跟住妄嘅境界去走，唔能夠將妄嘅境界轉過嚟，亦即係人被境轉而唔能夠轉境，亦即係常爲業風所牽。所差嘅只係一啲啲，唔係好多，但係呢一啲啲呢，就同真正嘅常住真心、性淨明體大相徑庭，何止謬於千里？顛倒呢，就唔相應，想而想，唔應該貪而貪，唔應該瞋而瞋，唔應該迷糊而迷糊。再往清楚嚟講呢，就係自性裏面嘅顛倒想，唔能夠大公無私就係顛倒，呢種顛倒想就令到我哋響六道輪迴受生死嘅因緣。修，就係要將顛倒想銷咗，好似阿難咁聰明嘅人仲係一樣有顛倒想，佢嘅記憶力非常之強，響佛所講嘅經典一歷耳根就永劫不忘，但係當佢見到摩登伽女嘅時候就被佢動搖，就跟住佢走到黃髮外道嘅屋企裏便，呢個係佢嘅顛倒想。男貪女愛就係顛倒想，呢個由無量劫以嚟就有㗎喇。所以話首楞嚴王呢種大定大法係世間所希有嘅，能夠銷除無量劫以嚟生生世世嘅顛倒想。

“不歷僧祇獲法身”——佛成佛呢，係經過三大阿僧祇劫，所謂“三祇修福慧，百劫修相好”，修福一百個大劫能夠得到三十二相、八十隨形好。阿僧祇劫係無量數，三個阿僧祇劫即係三個無量數，呢個數目有幾多呢？連電腦都計唔到。而家阿難尊者“不歷僧祇獲法身”——我得到呢個楞嚴咒嘞，有呢種堅固嘅大定嘞，唔須要經歷三大阿僧祇嘅時間就可以得到法身，亦都係成佛，證得法身自在、神通變化。誠心誦楞嚴咒呢，唔須要經過咁長嘅時間就可以得到法身嘞。

“願今得果成寶王，還度如是恆沙衆。將此深心奉塵剎，是則名爲報佛恩。伏請世尊爲證明，五濁惡世誓先入。如一衆生未成佛，終不於此取泥洹。”阿難響前面講過：“銷我億劫顛倒想，不歷僧祇獲法身。”現在又話：“願今得果成寶王”——我現在發願，願先成佛。“得果”呢啫係得到佛果，“寶王”啫係“佛”。“還度如是恆沙衆”——我成佛唔係爲咗自己，仲要倒駕慈航，回入娑婆，去教化恆河沙咁多嘅衆生，所有嘅衆生我都要教化。

“將此深心奉塵剎”——“深心”啫般若嘅智慧，“奉塵剎”係變化到十方嘅世界去教化衆生，我以願力普遍到十方微塵剎土咁多嘅世界去教化衆生。

“是則名爲報佛恩”——係用呢個至誠懇切嘅心，就報答佛對我嘅恩德。

“伏請世尊爲證明”——又好虔誠請求世尊爲我阿難證明呢種願力。

“五濁惡世誓先入”——五濁惡世嘅衆生係最難度嘅，我要先度。響呢個劫濁、見濁、煩惱濁、衆生濁、命濁嘅五濁之中，剛強衆生係難調難伏，我要先到呢個罪惡嘅娑婆世界去度衆生。

“如一衆生未成佛，終不於此取泥洹”——我始終唔會取阿羅漢嘅果證，初果須陀洹、二果斯陀含、三果阿那含、四果阿羅漢，亦都唔會取佛嘅涅槃果位。只要有衆生未成佛，我就響呢度等住嚟教化佢，令到佢哋都成佛之後，然後我先取泥洹。泥洹響二乘嘅阿羅漢嘅果位，響佛就係涅槃嘅果位，即係無上正等正覺。

以上係阿難尊者所發嘅願，嚟幫助佛陀揚化，幫助釋迦牟尼佛去教化衆生。

“大雄大力大慈悲，希更審除微細惑。令我早登無上覺，於十方界坐道場”——“大雄”即係大英雄，響其中就包括大智、大慧、大行、大願、大力，再冇比呢種力量更大。既有大雄力，又有大慈悲，以大雄大力去支持大慈悲心。“慈”即係給予衆生一切樂，“悲”能夠拔衆生一切苦，愛護衆生無微不至，滿衆生嘅一切願，衆生對佛有乜嘢要求，佛都滿佢嘅願。

“希更審除微細惑”——“希”就係希望，“更”即係再次。前面已經請佛“銷我億劫顛倒想”嘞，係指銷除見惑、思惑，現在呢，更加銷除塵沙惑。塵沙惑係一種微細惑，響你覺察唔到嘅地方，沉喺你心底之下，微細微細嘅妄念、無明。希望大雄大力嘅佛世尊將我微細嘅迷惑亦都除去。

“令我早登無上覺”——令我早成佛道。

“於十方界坐道場”——響十方嘅世界都能夠建立大道場去宏揚佛法。有人話阿難發呢個願呢，係好矛盾，前便講“如一衆生未成佛，終不於此取泥洹”，現在又希望早成佛道，“於十方界坐道場”，呢個願唔係矛盾咩？其實唔係。佢前便講嘅“終不於此取泥洹”，係將衆生度盡咗之後先取涅槃，如果冇度盡就唔會取正覺。現在請佛加被佢，令佢粗惑斷，細惑亦都斷，衆生亦都度盡嘞，令佢嘅願力，早得成就。“令”就係使令，使令阿難尊者登到無上嘅覺，早成佛道，亦都請佛陀幫助佢度盡佢要度嘅衆生。“如一衆生未成佛”係指同佢有緣嘅衆生，佢都要度盡。如果同佢冇關係嘅衆生，當然要等待另外嘅人去度啦。譬如響佢嘅法會之上聽過佢講經，同佢有法緣嘅，佢要度盡，如果同佢冇法緣嘅衆生，就等另外嘅人去度。

佛法八萬四千法門，門門可入，教教是真，梗有一個佛菩薩係同你有緣，同你相近嘅性格嘅。（註：接下文）


166.千朵蓮花護住身（三）


（註：接上文）

千朵紅蓮護住身——楞嚴咒之威力

“舜若多性可銷亡，爍迦羅心無動轉”——乜嘢係“舜若多”呢？“爍迦羅”又係乜嘢呢？“舜若多性可銷亡”係話虛空嘅本性根本就係冇嘅。大家話虛空嘅本性會唔會有吖？虛空嘅本性本嚟就係空嘅，仲有咩去銷亡呢？根本就係冇，亦都冇可能銷亡。但係點解阿難尊者又話佢可以銷亡呢？其實阿難尊者咁樣講只係一個假設啫，唔能夠銷亡嘅虛空都可以銷亡，但我呢個金剛不壞嘅心，堅固嘅心唔能夠動轉，永遠都係唔會改變嘅。

“南無常住十方佛，南無常住十方法，南無常住十方僧，南無釋迦牟尼佛，南無佛頂首楞嚴，南無觀世音菩薩，南無金剛藏菩薩。”

“南無常住十方佛，南無常住十方法，南無常住十方僧”——“南無”係歸依，歸依三寶嘅意思。我哋歸依十方諸佛，亦都歸依諸佛所講嘅法，又歸依十方三世嘅賢聖僧。“賢聖僧”就係大菩薩、大阿羅漢都包括在內。

“南無釋迦牟尼佛”——係歸依十方三寶之後又歸依我哋嘅本師，我哋嘅本尊釋迦牟尼佛。釋迦牟尼係梵語翻譯過嚟我哋漢文就係“能仁”同“寂默”。“能仁”就係可以普渡衆生啦，“寂默”就係寂然不動。“能仁”亦都係感而遂通，能夠用仁慈去施與衆生，呢個就係動靜不二。“能仁”係動，“寂默”係靜，動靜一如，動裏便就係靜，靜裏便就係動，動不礙靜，靜亦不礙動。大家修道，修得動靜一如嘅時候，就搵到本體，亦都冇乜嘢妄念嘞。

“南無佛頂首楞嚴”——歸依完三寶之後，我哋再歸依佛頂首楞嚴呢個大定。

“南無觀世音菩薩”——再歸依觀世音菩薩。

“南無金剛藏菩薩”——再歸依八萬四千嘅金剛藏菩薩。唸楞嚴咒，有八萬四千嘅金剛藏菩薩時常保護大家，隨侍你左右。

所以能夠唸楞嚴咒唔係一生一世所種嘅善根，而喺無量百千萬億劫以前已經種諸善根，先能夠學習到楞嚴神咒同埋曉得點樣去誦持、受持楞嚴神咒嘅。唔係一佛二佛三四五佛而種善根，再講一次，已於無量百千萬億佛所種諸善根，呢個係受持到楞嚴咒行者各人嘅宿命因緣。過去世能夠種諸善根，今生先能夠遇到楞嚴神咒，先能夠聽到法師去講楞嚴神咒。

“爾時世尊，從肉髻中，涌百寶光。光中涌出，千葉寶蓮。有化如來，坐寶華中。頂放十道，百寶光明。一一光明，皆遍示現，十恆河沙，金剛密跡，擎山持杵，遍虛空界。大衆仰觀，畏愛兼抱。求佛哀佑，一心聽佛，無見頂相，放光如來，宣說神咒。”

“爾時”，即係話當時講楞嚴咒嘅時候呢，亦都係而家講楞嚴咒嘅時候，講楞嚴咒係幾千年以前，講楞嚴咒亦都係幾千年以後。聽楞嚴咒係現在，唔係過去，亦都唔係未來，因爲過去已經過去，未來仲未到，至於現在，現在亦都係剎那遷流不停嘅。當大家話“現在”嘅時候其實已經過去嘞，連“現在”都唔存在，點解講，咁樣講呢？因爲過去心不可得，現在心不可得，未來心亦不可得吖，三心了不可得，只有楞嚴咒係可得嘅。

“世尊”係世出世之尊，冇一樣嘢再比世尊更寶貴、更高超，即係佛。響呢個時候，佛從佢頂上肉髻之中涌出百寶光明，光明之中涌出千葉寶蓮。呢度“百寶”係表示百界，“千葉寶蓮”表示千如。講係咁樣講，不僅係表示百界千如，其實已經係表示咗無窮無盡無量無邊嘞，可以話三千大千世界都係由百寶光明所化成、所造成嘅。響寶蓮之上有佛嘅化身，化身係由無化有，講佢有，佢係冇嘅，講佢冇，佢又有，忽顯忽隱，忽有忽無，瞻之在前，忽焉在後。“化如來”，即係佛嘅變化身響千葉寶蓮花之上正在端坐，響化如來嘅頭上又放出十道百寶光明。“十道”係表示十法界，一一光明都普遍示現。響十恆河沙咁多嘅金剛密跡，就係金剛護法，亦即係護法金剛。“密跡”即係默默保護大家，護持大家嘅修行聖者。唸咒最低限度有八萬四千金剛藏王去保護大家。其實係唔止呢個數嘅，有十恆河沙咁多，其實連電腦都計唔出嘅護法金剛默默咁樣保護你，但係大家睇唔到，但係睇唔到，唔代表佢唔存在，呢啲金剛護法係實實在在存在響大家身邊，保護住大家嘅。呢啲金剛護法菩薩一手拿住大傘，一手拿住大寶杵，你睇下有幾大？遍滿虛空。

“大衆仰觀，畏愛兼抱”——“畏”就係怕，個心好似一隻兔仔響度蹦蹦跳，講唔敢睇，又捨唔得，想睇呢又好怕，毛骨悚然，頭髮都豎起嚟，身上嘅毛孔都起咗雞皮。“畏愛兼抱”——又怕又愛，兩種心情，兩種思想。“求佛哀佑”——呢個時候係求釋迦牟尼佛憐憫我哋。

“一心聽佛”——響呢個時候真係冇妄想嘞。

“無見頂相”——佛嘅無見頂相，仰之彌高，鑽之彌堅。呢個無見頂相，似有似無，話佢冇又有，呢個無見頂相係你見唔到，亦都係無所不見。

“放光如來宣說神咒”——就係響大寶蓮花之中變化嘅如來，亦都響佢無見頂相之中生出百寶光明。百寶光又有千葉寶蓮，千葉寶蓮之上又有化如來，又放大光明宣說呢個神咒。呢個係佛嘅化佛所宣說嘅神咒，唔係一般人可以聽得見嘅，當時都係嗰啲法身大士菩薩先可以聽到神咒。你願意聽，就首先要學楞嚴咒，學咗之後就可以聽嘞。

“佛頂光明摩訶薩怛多般怛囉無上神咒”——楞嚴咒嘅名係叫做“摩訶薩怛多般怛囉陀羅尼”，又叫做“摩訶薩怛多般怛囉無上神咒”。“摩訶”係梵語，譯爲“大”，體相用都大，體遍十方，盡虛空遍法界係佢嘅大用。講到相，佢係無相嘅，咒有咩相呢？但係無相而無不相，亦都可以話佢冇咩嘢用，但係無所不用。盡虛空遍法界無所不用，呢個“用”就係大用，“相”係大相，“體”係大體，呢個就係“摩訶”嘅意思。“薩怛多”亦都係梵語，譯爲“白色”，亦即係清淨，冇污染嘅意思，所以話“相覺諸染曰白”。楞嚴咒係白淨法，清淨無染污嘅法。“般怛囉”係梵語，譯爲“傘蓋”，呢個係一個譬如，譬如一個傘蓋去覆蔭萬物，護持一切有德行嘅人，邊個有德行，邊個就能夠遇到呢個法，無德行係遇唔到呢個法嘅。

（註：以下解釋嘅楞嚴咒句偈爲“三光普照透三才，閻浮世界取不來，大德大善能遇得，無德無善不明白”）

所以話“三光普照透三才”——一般人一定認爲“三光”係日月星，日月星係外邊嘅三光。誦持楞嚴神咒身上會有光嘅，口裏便有口光，心裏面有心光，身口意三業都會放光嘅，大家聽過呢個道理未吔？身上所放嘅係黃光，修成功嘅時候就會放出金光，金光萬道。開始修楞嚴咒嘅時候係黃光，淡黃色嘅，久而久之就會變成金光，所以話“紫磨金色，萬道光明，充滿法界”，呢個境界都係修持楞嚴咒而修成。口裏便所放嘅光係紅光，心裏便所放嘅光係白光，但係有時響口裏便亦都會放出黃光，有時又會有青光，有時亦都會放出黑光，有時青、黃、赤、白、黑嘅光都會一齊放，不過，呢種境界係要修持楞嚴神咒成功先能夠達到嘅。“般怛囉”即係蔭護萬物、蔭護萬德。大白傘蓋能夠保護所有有德行嘅人、受持楞嚴神咒嘅衆生，所以話“三光普照透三才”，“三才”係天地人。

“閻浮世界你不來”（註：根據網上嘅資料，此句疑爲“閻浮世界取不來”）——響閻浮界裏便，你喺咩地方都搵唔到，一定要受持楞嚴神咒先能夠得到呢種光明加被。

“大德大善能於得”——要有大德行，大善行嘅人先能夠得到呢個法門。

“無德無善不明白”——如果冇德行，冇善功德，就係遇到亦都會當面錯過，失之交臂，睇到金以爲係銅，見到鑽石以爲係玻璃，見到楞嚴神咒認爲呢個咒都係普通，不外如是，冇乜特別啫，唔知道佢係寶，唔知道佢嘅妙用，唔知道楞嚴神咒嘅功德係不可思議。

（註：以下解釋嘅楞嚴咒句偈爲“千朵紅蓮護住身，坐駒騎著墨麒麟，萬魔一見往遠躲，濟公法師有妙音”）

“心光”啫係意念，即係我哋嘅第六識，不過，你如果唔修行，咩嘢用都冇嘅，如果修行就會放光。剛剛講嘅光呢，唔係身口意三業清淨放出嚟清淨嘅光明，其實仲有紅光繚繞，你唸誦楞嚴神咒嘅時候自然就會紅光繚繞，所以話“千朵紅蓮護住身”，千朵紅蓮護住身所放出就係紅蓮花所放出嘅紅光了。

“坐駒騎著墨麒麟”——響呢個科學嘅時代，講呢啲說話可能會俾科學家笑甩大牙，但係唔講，亦都冇得笑啦。可能科學將來就會證明到呢啲放光嘅境界。

“萬妖一見往遠躲”——乜嘢妖魔鬼怪，一見到呢個千朵紅蓮護住身嘅威德法相都一定會向遠處跑啦。“濟公法師有妙音”——濟公法師當時咪又係誦持呢個楞嚴神咒去保護衆生，佢用呢個楞嚴神咒曾經醫好好多人，亦都用佢嘅醫術亦都救咗好多人。誦楞嚴咒嘅時候有紫光放出，亦都有白光旋轉。點解一唸楞嚴咒，妖魔鬼怪都唔敢出嚟呢？因爲力量太大了，盡虛空遍法界，冇一個地方唔係祥光瑞氣到處瀰漫。所以有人誦楞嚴咒就係補天地正氣嘅不足，一個人唸楞嚴咒就有一個人嘅力量，一百個人唸楞嚴咒就有一百個人嘅力量。世上嘅妖魔鬼怪都會老老實實乖乖咁樣聽話。

楞嚴咒係咒中之王，亦係咒中最長嘅，呢個咒關係到整個佛教嘅興衰。世界上如果有一個人唔會唸楞嚴咒，呢個世界就毀滅了，因爲世上冇咗正法，只有《楞嚴經》同楞嚴神咒係正法之中最要緊嘅一部經同一部咒。《楞嚴經》係爲楞嚴咒嚟講，係解釋楞嚴咒、讚歎楞嚴咒。《楞嚴經》之中結壇法嘅一段經文，其實已經講得好詳細。大家想知道嘅詳細，你就去睇一睇呢一段經文。

楞嚴咒亦都叫做“佛頂光明”，係佛嘅頂相化身所講，所以係微妙不可思議。每一句有每一句嘅用途，每一個字有每一個字嘅奧妙，都具足不可思議。“佛頂光明”係表示咒嘅力量能夠破除一切嘅黑暗，能夠成就一切嘅功德。如果你能夠受持楞嚴咒，將來一定成佛無疑，一定得到無上正等正覺。離開咒文能夠唸呢，叫做“誦”，對住咒文唸叫做“讀”。如果能夠誦唸楞嚴咒可以消除宿世業障，呢個係楞嚴咒嘅妙用。何謂“無”呢？光明無極，光明到極點，冇嘢再能夠超過呢個光明嘞。“上”係尊上莫等嘅“上”，冇嘢比呢樣嘢更尊貴、更高尚。“神”，就係不可思議，亦都係威靈不能夠預測嘅意思。“咒”就係感應道交，佢有一種力量，你唸咒就有感應。

佛頂光明摩訶薩怛多般怛囉無上神咒：

南無楞嚴會上佛菩薩

南無楞嚴會上佛菩薩

南無楞嚴會上佛菩薩

妙湛總持不動尊 首楞嚴王世希有

銷我億劫顛倒想 不歷僧祇獲法身

願今得果成寶王 還度如是恆沙衆

將此深心奉塵剎 是則名爲報佛恩

伏請世尊爲證明 五濁惡世誓先入

如一衆生未成佛 終不於此取泥洹

大雄大力大慈悲 希更審除微細惑

令我早登無上覺 於十方界坐道場

舜若多性可銷亡 爍迦羅心無動轉

南無常住十方佛

南無常住十方法

南無常住十方僧

南無釋迦牟尼佛

南無佛頂首楞嚴

南無觀世音菩薩

南無金剛藏菩薩

爾時世尊。從肉髻中。涌百寶光。光中涌出。千葉寶蓮。有化如來。坐寶華中。頂放十道。百寶光明。一一光明。皆遍示現。十恆河沙。金剛密跡。擎山持杵。遍虛空界。大衆仰觀。畏愛兼抱。求佛哀佑。一心聽佛。無見頂相。放光如來。宣說神咒。

佛頂光明摩訶薩怛多般怛囉無上神咒：

第一會（毘盧真法會）

南無薩怛他蘇伽多耶阿羅訶帝三藐三菩陀寫 薩怛他佛陀俱胝瑟尼釤 南無薩婆勃陀勃地薩哆鞞弊 南無薩多南三藐三菩陀俱知喃 娑舍囉婆迦僧伽喃 南無盧雞阿羅漢哆喃 南無蘇盧多波那喃 南無娑羯唎陀伽彌喃 南無盧雞三藐伽哆喃 三藐伽波囉底波多那喃 南無提婆離瑟喃 南無悉陀耶毗地耶陀囉離瑟喃 舍波奴揭囉訶娑訶娑囉摩他喃 南無跋囉訶摩泥 南無因陀囉耶 南無婆伽婆帝 嚧陀囉耶 烏摩般帝 娑醯夜耶 南無婆伽婆帝 那囉野拏耶 槃遮摩訶三慕陀囉 南無悉羯唎多耶 南無婆伽婆帝 摩訶迦羅耶 地唎般剌那伽囉 毗陀囉波拏迦囉耶 阿地目帝 尸摩舍那泥婆悉泥 摩怛唎伽拏 南無悉羯唎多耶 南無婆伽婆帝 多他伽哆俱囉耶 南無般頭摩俱囉耶 南無跋闍羅俱囉耶 南無摩尼俱囉耶 南無伽闍俱囉耶 南無婆伽婆帝 帝唎茶輸囉西那 波囉訶囉拏囉闍耶 哆他伽多耶 南無婆伽婆帝 南無阿彌多婆耶 哆他伽多耶 阿囉訶帝 三藐三菩陀耶 南無婆伽婆帝 阿芻鞞耶 哆他伽多耶 阿囉訶帝 三藐三菩陀耶 南無婆伽婆帝 鞞沙闍耶俱盧吠柱唎耶 般囉婆囉闍耶 哆他伽多耶 南無婆伽婆帝 三補師毖多 薩憐捺囉剌闍耶 哆他伽多耶 阿囉訶帝 三藐三菩陀耶 南無婆伽婆帝 舍雞野母那曳 哆他伽多耶 阿囉訶帝 三藐三菩陀耶 南無婆伽婆帝 剌怛那雞都囉闍耶 哆他伽多耶 阿囉訶帝 三藐三菩陀耶 帝瓢南無薩羯唎多 翳曇婆伽婆多 薩怛他伽都瑟尼釤 薩怛多般怛㘕 南無阿婆囉視耽 般囉帝揚岐囉 薩囉婆部多揭囉訶 尼羯囉訶揭迦囉訶尼 跋囉毖地耶叱陀尼 阿迦囉蜜唎柱 般唎怛囉耶儜揭唎 薩囉婆槃陀那目叉尼 薩囉婆突瑟吒 突悉乏般那尼伐囉尼 赭都囉失帝南 羯囉訶娑訶薩囉若闍 毗多崩娑那羯唎 阿瑟吒氷舍帝南 那叉剎怛囉若闍 波囉薩陀那羯唎 阿瑟吒南 摩訶揭囉訶若闍 毗多崩薩那羯唎 薩婆舍都嚧尼婆囉若闍 呼藍突悉乏難遮那舍尼 毖沙舍悉怛囉 阿吉尼烏陀迦囉若闍 阿般囉視多具囉 摩訶般囉戰持 摩訶疊多 摩訶帝闍 摩訶稅多闍婆囉 摩訶跋囉槃陀囉婆悉尼 阿唎耶多囉 毗唎俱知 誓婆毗闍耶 跋闍囉摩禮底 毗舍嚧多 勃騰罔迦 跋闍囉制喝那阿遮 摩囉制婆般囉質多 跋闍囉擅持 毗舍囉遮 扇多舍鞞提婆補視多 蘇摩嚧波 摩訶稅多 阿唎耶多囉 摩訶婆囉阿般囉 跋闍囉啇羯囉制婆 跋闍囉俱摩唎 俱藍陀唎 跋闍囉喝薩多遮 毗地耶乾遮那摩唎迦 啒蘇母婆羯囉哆那 鞞嚧遮那俱唎耶 夜囉菟瑟尼釤 毗折藍婆摩尼遮 跋闍囉迦那迦波囉婆 嚧闍那跋闍囉頓稚遮 稅多遮迦摩囉 剎奢尸波囉婆 翳帝夷帝 母陀囉羯拏 娑鞞囉懺 掘梵都 印兔那麼麼寫 

第二會（釋尊應化會）亦名（楞嚴教主會）

烏𤙖 唎瑟揭拏 般剌舍悉多 薩怛他伽都瑟尼釤 虎𤙖 都嚧雍 瞻婆那 虎𤙖 都嚧雍 悉耽婆那 虎𤙖 都嚧雍 波羅瑟地耶三般叉拏羯囉 虎𤙖 都嚧雍 薩婆藥叉喝囉剎娑 揭囉訶若闍 毗騰崩薩那羯囉 虎𤙖 都嚧雍……（註：接下文）


167.千朵蓮花護住身（四）


（註：接上文，錄音中少咗一句“者都囉尸底南”） 揭囉訶娑訶薩囉南 毗騰崩薩那囉 虎𤙖 都嚧雍 囉叉 婆伽梵 薩怛他伽都瑟尼釤 波囉點闍吉唎 摩訶娑訶薩囉 勃樹娑訶薩囉室唎沙 俱知娑訶薩泥帝㘑 阿弊提視婆唎多 吒吒甖迦 摩訶跋闍嚧陀囉 帝唎菩婆那 曼荼羅 烏𤙖 莎悉帝薄婆都 麼麼 印兔那麼麼寫

第三會（觀音合同會）

囉闍婆夜 主囉跋夜 阿祇尼婆夜 烏陀迦婆夜 毗沙婆夜 舍薩多囉婆夜 婆囉斫羯囉婆夜 突瑟叉婆夜 阿舍尼婆夜 阿迦囉蜜唎柱婆夜 陀囉尼部彌劍波伽波陀婆夜 烏囉迦婆多婆夜 剌闍壇茶婆夜 那伽婆夜 毗條怛婆夜 蘇波囉拏婆夜 藥叉揭囉訶 囉叉私揭囉訶 畢唎多揭囉訶 毗舍遮揭囉訶 部多揭囉訶 鳩槃荼揭囉訶 補丹那揭囉訶 迦吒補丹那揭囉訶 悉乾度揭囉訶 阿播悉摩囉揭囉訶 烏檀摩陀揭囉訶 車夜揭囉訶 醯唎婆帝揭囉訶 社多訶唎南 揭婆訶唎南 嚧地囉訶唎南 忙娑訶唎南 謎陀訶唎南 摩闍訶唎南 闍多訶唎女 視比多訶唎南 毗多訶唎南 婆多訶唎南 阿輸遮訶唎女 質多訶唎女 帝釤薩鞞釤 薩婆揭囉訶南 毗陀耶闍瞋陀夜彌 雞囉夜彌 波唎跋囉者迦訖唎擔 毗陀夜闍瞋陀夜彌 雞囉夜彌 茶演尼訖唎擔 毗陀夜闍瞋陀夜彌 雞囉夜彌 摩訶般輸般怛夜 嚧陀囉訖唎擔 毗陀夜闍瞋陀夜彌 雞囉夜彌 那囉夜拏訖唎擔 毗陀夜闍瞋陀夜彌 雞囉夜彌 怛埵伽嚧茶西訖唎擔 毗陀夜闍瞋陀夜彌 雞囉夜彌 摩訶迦囉摩怛唎伽拏訖唎擔 毗陀夜闍瞋陀夜彌 雞囉夜彌 迦波唎迦訖唎擔 毗陀夜闍瞋陀夜彌 雞囉夜彌 闍耶羯囉摩度羯囉 薩婆囉他娑達那訖唎擔 毗陀夜闍瞋陀夜彌 雞囉夜彌 赭咄囉婆耆尼訖唎擔 毗陀夜闍瞋陀夜彌 雞囉夜彌 毗唎羊訖唎知 難陀雞沙囉伽拏般帝 索醯夜訖唎擔 毗陀夜闍瞋陀夜彌 雞囉夜彌 那揭那舍囉婆拏訖唎擔 毗陀夜闍瞋陀夜彌 雞囉夜彌 阿羅漢訖唎擔毗陀夜闍瞋陀夜彌 雞囉夜彌 毗多囉伽訖唎擔 毗陀夜闍瞋陀夜彌 雞囉夜彌跋闍囉波尼 具醯夜具醯夜 迦地般帝訖唎擔 毗陀夜闍瞋陀夜彌 雞囉夜彌 囉叉罔 婆伽梵 印兔那麼麼寫 

第四會（剛藏折攝會）

婆伽梵 薩怛多般怛囉 南無粹都帝 阿悉多那囉剌迦 波囉婆悉普吒 毗迦薩怛多鉢帝唎 什佛囉什佛囉 陀囉陀囉 頻陀囉頻陀囉瞋陀瞋陀 虎𤙖 虎𤙖 泮吒 泮吒泮吒泮吒泮吒 娑訶 醯醯泮 阿牟迦耶泮 阿波囉提訶多泮 婆囉波囉陀泮 阿素囉毗陀囉波迦泮 薩婆提鞞弊泮 薩婆那伽弊泮 薩婆藥叉弊泮 薩婆乾闥婆弊泮 薩婆補丹那弊泮 迦吒補丹那弊泮 薩婆突狼枳帝弊泮 薩婆突澁比唎訖瑟帝弊泮 薩婆什婆唎弊泮 薩婆阿播悉摩唎弊泮 薩婆舍囉婆拏弊泮 薩婆地帝雞弊泮 薩婆怛摩陀繼弊泮 薩婆毗陀耶囉誓遮唎弊泮 闍夜羯囉摩度羯囉 薩婆羅他娑陀雞弊泮 毗地夜遮唎弊泮 者都囉縛耆尼弊泮 跋闍囉俱摩唎 毗陀夜囉誓弊泮 摩訶波囉丁羊叉耆唎弊泮 跋闍囉商羯囉夜 波囉丈耆囉闍耶泮 摩訶迦囉夜 摩訶末怛唎迦拏 南無娑羯唎多夜泮 毖瑟拏婢曳泮 勃囉訶牟尼曳泮 阿耆尼曳泮 摩訶羯唎曳泮 羯囉檀遲曳泮 蔑怛唎曳泮 嘮怛唎曳泮 遮文荼曳泮 羯邏囉怛唎曳泮 迦般唎曳泮 阿地目質多迦尸摩舍那 婆私尼曳泮 演吉質 薩埵婆寫 麼麼印兔那麼麼寫 

第五會（文殊弘傳會）

突瑟吒質多 阿末怛唎質多 烏闍訶囉 伽婆訶囉 嚧地囉訶囉 婆娑訶囉 摩闍訶囉 闍多訶囉 視毖多訶囉 跋略夜訶囉 乾陀訶囉 布史波訶囉 頗囉訶囉 婆寫訶囉 般波質多 突瑟吒質多 嘮陀囉質多 藥叉揭囉訶 囉剎娑揭囉訶 閉㘑多揭囉訶 毗舍遮揭囉訶 部多揭囉訶 鳩槃荼揭囉訶 悉乾陀揭囉訶 烏怛摩陀揭囉訶 車夜揭囉訶 阿播薩摩囉揭囉訶 宅袪革荼耆尼揭囉訶 唎佛帝揭囉訶 闍彌迦揭囉訶 舍俱尼揭囉訶 姥陀囉難地迦揭囉訶 阿藍婆揭囉訶 乾度波尼揭囉訶 什伐囉堙迦醯迦 墜帝藥迦 怛隷帝藥迦 者突託迦 昵提什伐囉毖釤摩什伐囉 薄底迦 鼻底迦 室隷瑟蜜迦 娑尼般帝迦 薩婆什伐囉 室嚧吉帝 末陀鞞達嚧制劍 阿綺嚧鉗 目佉嚧鉗 羯唎突嚧鉗 揭囉訶揭藍 羯拏輸藍 憚多輸藍 迄唎夜輸藍 末麼輸藍 跋唎室婆輸藍 毖栗瑟吒輸藍 烏陀囉輸藍 羯知輸藍 跋悉帝輸藍 鄔嚧輸藍 常伽輸藍 喝悉多輸藍 跋陀輸藍 娑房盎伽般囉丈伽輸藍 部多毖哆荼 荼耆尼什婆囉 陀突嚧迦建咄嚧吉知婆路多毗 薩般嚧訶凌伽 輸沙怛囉娑那羯囉 毗沙喻迦 阿耆尼烏陀迦 末囉鞞囉建哆囉 阿迦囉蜜唎咄怛斂部迦 地栗剌吒 毖唎瑟質迦 薩婆那俱囉 肆引伽弊揭囉唎藥叉怛囉芻 末囉視吠帝釤娑鞞釤 悉怛多般怛囉 摩訶跋闍嚧瑟尼釤 摩訶般賴丈耆藍 夜波突陀舍喻闍那 辮怛隷拏 毗陀耶槃曇迦嚧彌 帝殊槃曇迦嚧彌 般囉毗陀槃曇迦嚧彌 哆姪他 唵 阿那隷 毗舍提 鞞囉跋闍囉陀唎 槃陀槃陀尼 跋闍囉謗尼泮 虎𤙖都嚧甕泮 莎婆訶

（註：以上文字以《磧砂藏》爲底本校對，同音頻所唸嘅唔完全一致。）

阿難，呢個佛頂光聚悉怛多般怛囉秘密伽陀精微奧妙嘅章句能夠出生十方一切諸佛，十方嘅如來都係因爲有呢個心咒以爲密因，所以先得成無上正遍知覺嘅。

十方嘅如來執持呢個秘密咒心，好似金剛王寶劍一樣活殺自由，能夠降伏五陰諸魔，制伏斷見、常見等等嘅外道。

阿難吖，十方嘅如來乘住呢個咒心坐於寶蓮花之上，應緣而遊歷微塵數嘅國土，隨類現身去攝化衆生。

十方嘅如來懷住呢個秘密嘅咒心，能夠響微塵數嘅國土宣揚了生脫死最上根本嘅大法。

阿難，十方嘅如來因爲執持呢個咒心，如果自己已經證果，能夠響十方世界爲衆生摩頂受記，預言佢哋將會響幾時得成佛果。如果自己未證佛果之前，亦都會親蒙佛陀授記，預言何時會必成佛道㗎。

阿難吖，十方嘅如來依仗呢個咒心嘅威神力用，如果手持如意寶珠，係無所不能，所以能夠響十方世界救濟一切罪苦嘅衆生，譬如地獄、餓鬼、畜生，人道之中嘅盲聾喑啞等等之類，同埋冤家相聚嘅痛苦、六親眷屬生離死別嘅痛苦、所求不遂嘅痛苦，五陰熾盛、生、老、病、死等等嘅痛苦，係每一樣痛苦都能夠消除，一切大小嘅橫禍都能夠同時解脫。其他譬如賊難啦、兵難啦、獄難啦、飢渴貧窮，一切嘅天災人禍，只要一心受持楞嚴神咒，都可以應唸消散、逢凶化吉、遇難呈祥嘅。

阿難，你要聽住吔，十方如來隨順呢個秘密咒心嘅威力，能夠令飲食、醫藥、臥具等等四事都能夠具足，而且得到他心通，所以可以響十方世界奉事善知識，無論行住坐臥四威儀之中都可以隨意供養。響恆河沙數嘅如來會下，都會被尊爲大法王子，繼承法王嘅家業。

十方嘅如來持住呢個秘密嘅咒心，或者施於物，或者應於人，都能夠令人心悅誠服嘅。十方如來亦都能夠響十方世界，過去歷劫之中，凡係同楞嚴神咒有親因緣嘅，都能夠攝受護念，佢哋縱然墮入小乘之教，獲得呢個秘密神咒威力嘅加持呢，亦都能夠回小向大，聽如來藏心嘅微妙大法，亦都唔會驚疑唔信而心懷恐怖。

十方嘅如來因爲誦持呢個秘密嘅咒心能夠得成無上正等正覺，響菩提樹下入座，進入大般涅槃。

十方嘅如來傳持呢個楞嚴神咒嘅秘密咒心，爲咗化緣既畢，將要歸真嘞，響如來滅度嘅時候，最後咐囑佛法繼承上事，俾使正法能夠永遠住世，令到戒律嚴正、身心皎潔。

阿難吖，如果我要廣說呢個佛頂光聚悉怛多般怛囉無上楞嚴神咒嘅功能德用，就係由而家夜晚開始講到朝早，語語相續，不斷咁講，字字句句都唔重複，咁樣講的話，講到恆河沙劫亦都係讚之不盡嘅。

阿難吖，呢個咒不止係名爲如來藏心，亦都係《大佛頂首楞嚴經》所講嘅大佛頂，係最尊、最勝、最高無上，如果想成佛果，想利益衆生，唔可以唔恭敬奉持㗎。

阿難，你哋尚喺三果以前嘅修學地位，仲未超出分段生死嘅拘綁，亦都係冇完全解脫輪迴。現在想發至誠心，想求證阿羅漢聖果，如果唔奉持呢個大佛頂首神咒，自己坐喺修持嘅道場，希望獲得清淨，修成正定，其實係唔可能嘅，一定會招致外魔嘅擾亂，甚至會發顛發狂，見到各種恐怖或者媚人嘅境界，以至喪失心神，終於會淪爲魔道嘅眷屬。

阿難，如果各個世界，每個國家所有嘅人民，如果能夠依佢哋自己國土所出產嘅樹木，譬如貝多羅葉啦、素淨嘅紙啦、白色嘅箋等等，一切可以用嚟書寫嘅物品，將大佛頂首神咒恭敬咁書寫，裝喺香袋裏便隨身佩戴。呢個人如果係心智懵懂，冇記憶能力的話，亦都唔能夠讀誦，只要將呢個神咒佩戴響身上，或者懸掛響宅中，由於神咒威靈加被，呢個人終其一生，一切嘅毒物都唔能夠對佢有所損害嘅。

阿難，我再講呢個大佛頂首神咒，不但有護生助道嘅功能，亦都有保護世間衆生，使到佢哋安寧無畏同埋成就出世智慧嘅德用，我現在再爲你詳細說明。

阿難，將來我滅度之後，末世嘅衆生，如果有能夠自己持誦或者教其他人持誦，應該知道呢個持誦神咒嘅人，火唔能夠燒，水唔能夠溺，各種大小嘅毒藥毒物都唔能夠對佢有所傷害，以至於龍天嘅鬼神、精魅魔怪，一切嘅邪咒都唔能夠有所著於受持嘅人身上。就係有人想強欲加害受持嘅人，然而因爲呢個神咒而成三昧，心得正受，亦都唔能夠對受持嘅人有所傷害。一切嘅咒詛、魘蠱毒藥、金毒銀毒、草木蟲蛇、萬物嘅毒氣，如果入呢個持誦人嘅口，其實反而會化成甘露上味添。不但唔會以惡心相加，凡係一切兇神惡煞同埋落毒嘅人，一遇到誦持神咒嘅人，惡念佢就自然唔會生起㗎喇，不但唔會起惡念，反而會轉禍爲福。自頻那夜迦其他惡毒鬼王以至於佢哋嘅眷屬，都會因爲聽誦咒嘅人而獲得利益，感謝佢嘅深恩大德，故此對誦咒嘅人就會時常加以保護了。

阿難，你要知道，呢個佛頂神咒，時常有八萬四千那由他恆河沙數俱胝嘅金剛藏王菩薩種族，一一都有金剛衆眷屬晝夜隨侍。如果有衆生，雖然未得到三摩提，但係能夠以散亂心口誦心維，呢啲金剛藏王菩薩亦都會時常隨逐保護，何況係決定發菩提心而又持咒嘅人呢？呢啲金剛藏王菩薩都會以精心暗催行人，啓發修持人嘅神識，使到呢個人應時能夠心開，能夠逐漸記憶到八萬四千恆河沙數劫以來嘅一切，完全明瞭，冇任何嘅疑惑。由初發菩提心嘅第一劫起，以至於最後受身因圓果滿，降生成佛嘅時候爲止，響呢個漫長嘅修行過程之中，生生世世係永遠唔會出生響藥叉、羅剎、富單那、迦吒富單那、鳩槃茶、毗舍遮等等，同埋餓鬼、有形、無形、有想、無想等等各種惡劣嘅地方。

如果有善男子，響呢個佛頂咒心，無論係誦、係讀、係書寫，或者佩戴，或者珍藏，咁樣如法恭敬供養，呢個善男子，決定係劫劫都唔會出生響貧窮下賤嘅家庭。因爲楞嚴咒嘅咒心係好尊貴嘅大法，生嘅時候一定會尊榮富貴，生於響富貴嘅氏族。呢啲持咒嘅衆生，縱然自身唔作福業，但係十方如來所有嘅功德都會回向俾呢啲修持嘅人，所以能夠響恆河沙數、不可說劫之中，時常同諸佛同生喺一笪地方，凡係佛嘅功德，佢哋都一一有份，行人嘅所修就係諸佛嘅所證，佛同行人都會打成一片，好似惡叉果聚一樣，生則同生，永不分離嘅。所以能夠使到破戒嘅人再能夠得到戒根清淨；未得戒嘅人，使到佢哋得戒；懈怠使到佢精進；冇智慧嘅，使到得到智慧；身心唔清淨，使到身心速得清淨。如果因爲宿業嘅障礙，想持齋戒而唔做唔到嘅呢，如果能夠一心持誦，就可以自成齋戒㗎喇。

阿難吖，呢啲持咒嘅善男子，如果響冇持咒之前曾經犯有禁戒，但係發心持咒以後，以前嘅破戒罪，無論係輕係重，都會應時消滅。縱然曾經飲酒食肉，同埋食咗五辛等等種種唔清淨嘅食物，諸佛同菩薩、金剛、天仙、鬼神都會以既往不咎而寬恕。假如穿著不淨嘅破舊衣服，佢嘅行止都同清淨一樣，不失持咒嘅利益。即使唔依教法建壇，唔入楞嚴道場，亦都唔依教行功辦道，但能夠誦持呢個佛頂神咒，其實同入壇行功辦道嘅功德根本係冇分別嘅。

如果曾經犯有殺父、殺母、殺阿羅漢、破和合僧、出佛身血等等嘅五逆大罪，應該墮落無間地獄嘅，同埋有比丘犯咗殺、盜、淫、妄四種根本嘅大戒，比丘尼犯咗四種根本嘅大戒，呢啲等等嘅罪業雖然係好重，唔能夠懺悔，但係誦持呢個楞嚴神咒，對於呢重大嘅罪業，就好似狂風吹聚沙一樣，都會消滅無餘，絲毫不留嘅。

阿難，如果有衆生由無量無數劫以嚟所有輕重罪障，譬如由前世帶嚟而冇及時懺悔，一定作爲修行嘅真正障礙嘅。如果能夠發至誠心，恭敬讀誦呢個佛頂神咒，或者恭敬書寫，隨身佩戴奉持，或者供奉響自己所住嘅地方，咁樣多劫以嚟積聚嘅宿業，就譬如如雪遇湯，應時能夠融化，不久之後都會證得無生法忍嘅。

阿難，如果有女人久婚不孕，曾經冇生過一男半女，如果佢想求身孕，只要以至誠心憶念呢個佛頂神咒，或者書寫隨身佩戴，就能夠生育具有福德智慧嘅男女。求長壽嘅，就能夠如願獲得長壽；如果求福德果報速得圓滿嘅，就能夠速得圓滿成就；如果想求身體健康，精力充沛，都能夠如願嘅。命終嘅時侯亦都可以隨自己嘅意願往生去十方佛國淨土，絕對唔會生響下賤嘅處所，或者邊疆蠻荒嘅地方，何況生於異類呢？

阿難吖，如果響各國嘅州縣或者村落，凡係遭遇饑荒瘟疫或者刀兵賊亂，同埋一切困厄危難嘅地方，只要書寫佛頂神咒懸掛響城門之上，或者懸掛可以供養嘅清淨佛寺，或者懸掛響幢幡之上，教呢個國家或者城邑村落之中所有嘅衆生去奉迎供養、恭敬禮拜，使到全國嘅人民都能夠佩戴呢個神咒，或者各自安奉響自己住嘅地方，一切災難同埋危難都能夠會消失，轉禍患而化成吉祥嘅。

阿難吖，在在處處，無論任何國土嘅衆生，只要能夠奉持呢個佛頂神咒，龍天都會歡喜，必然會風調雨順、國泰民安、五穀豐登、萬民安樂。而且能夠鎮壓一切嘅惡星，隨方作怪，使到災障不起，人係冇橫死夭亡，就算杻械枷鎖，亦都唔能夠加於人身，晝夜能夠得到安睡，心清神定，就自然冇噩夢啦。

阿難，呢個娑婆世界，我話俾你聽，有八萬四千種執行災變嘅惡星，由二十八大惡星所統領，以八大惡星分爲其主，隨衆生嘅業惑幻作各種嘅形狀出現響世間，能夠使到衆生遭受各種災害怪異。但係有呢個佛頂楞嚴神咒所在嘅地方都能夠逢凶化吉，一切嘅災害怪異自然得到消滅。如果以十二由旬成爲結界嘅地區，呢個結界之地，一切嘅橫惡災害永遠都唔能夠進入界內，自然得到百靈守護嘅。所以如來特別宣說呢個佛頂神咒，以便保護後世一切初學佛法嘅修行人，使到佢哋能夠順利進入三摩地，身心泰然，得到大安穩，唔會再有一切魔鬼神怪同埋無始以嚟嘅冤枉宿殃、舊業陳債去擾亂佢哋嘅身心安寧，使到修行人唔能夠獲得正定嘅。

阿難，如果依我嘅壇場軌則如法持戒，唔犯以下我講嘅四種過失，即係第一種，種子不差；第二種，戒行不缺；第三種，導師不穢；第四種，奉持神咒，不生疑悔。咁呢個人唔犯以上四種嘅過失，佢就會當生得證道果。如果善男子就父母所生呢一身唔能夠明心見性、獲證圓通嘅，十方諸佛就係以妄語欺誑一切衆生。

響末法時期，第一部消失嘅係《大佛頂首楞嚴經》，希望大家聽完呢兩盒《千朵紅蓮護住身——楞嚴神咒之威力》呢兩盒帶之後，希望大家能夠發起菩提心，爲利益一切衆生，爲釋迦牟尼佛嘅正法復興，希望大家能夠學習五會嘅楞嚴神咒，縱使學習唔到五會，希望你能夠學習心咒或者心中心咒。如果能夠護持《楞嚴經》，佛法就會生存響世上，一切衆生亦都能夠得救，我哋亦都幫咗各大佛同埋菩薩去度化衆生。如果想要佛法興盛，希望你能夠學習《楞嚴經》，想護持釋迦嘅正法救渡衆生，希望你學習五會嘅楞嚴神咒！


168.楞嚴一卷安天下（一）


《大佛頂首楞嚴經》之四清淨明誨

阿難，你唔係曾經聽我講過響律藏裏便，亦都有記載住修行嘅三種決定要義咩？所謂收攝其心謂之“戒”，心既然收攝，寂然不動謂之“定”，定久就能夠生起“智慧”，“戒、定、慧”就係我講所謂嘅三無漏學。三無漏學係唔會流落於三界，唔會流落於“空”“有”兩邊嘅意思。

阿難，點解我話攝心係名爲戒呢？如果係所有世界上嘅六道衆生，唔起淫心就唔會跟住淫慾以至於生死不斷嘞。你之所以修習正受，爲咗要脫離六塵嘅勞累，但係淫慾嘅心唔除，塵勞係唔可以脫出㗎。縱使你係有好高嘅智慧，禪定時時現前，如果唔斷淫心，亦都必然會墮落魔道。最高嘅就會做魔王，中等嘅就會做魔民，下等就做魔女。佢哋一大群妖魔，亦都各有佢哋嘅眷屬，個個魔王、魔師都話成就咗無上大道。我諗，響我滅度咗之後，響末法時期，呢啲魔民多得不得了，佢哋會大肆沉淫，自稱爲最了不起嘅善知識，咁就害咗好多衆生誤信佢哋嘅邪說，陷落愛慾邪見嘅深坑，失卻咗菩提大覺嘅正路。

阿難，你要教導世人，如果修習正定，首先一定要斷除淫念，呢個道理係過去諸佛世尊第一個明明白白決定要遵守嘅教義。所以，阿難吖，如果唔肯斷除淫念而去修禪定，正好似蒸砂煮石，要將佢變成爲飯，雖然蒸煮到百千萬劫，只可以叫做熱砂啫。點解呢？因爲砂唔係飯嘅原料吖，如果以淫慾嘅身，去求佛果菩提，縱然得到微妙嘅開悟，亦都免不了由淫根所發出嚟，佢嘅根本已經係淫，枝、葉、花果其實必定都係淫，淫上加淫就會輪迴六道，墮入三途，到嗰個時候，又點會出離擺脫生死煩惱呢？如來嘅涅槃大道，試問由邊一條路可以去修證呢？相反，如果能夠將淫慾嘅機，身體嘅、心念嘅，一切都斷除，連呢個“斷”字都斷咗，響佛嘅菩提，咁就有希望了。阿難，照我咁樣講就係佛所講，如果唔依照我咁樣講，就係魔王嘅說法啦。

阿難，仲有，世界上嘅六道衆生，如果唔起殺心，就唔會跟住彼此相殺嘅殺業，死生不斷。你所以修習正受禪定，你嘅本意係想超出塵勞，但係如果殺害嘅心唔除去，塵勞係唔能夠跳出㗎。縱使有好高嘅智慧，禪定亦都時時現前，如果唔斷殺業，係必然會墮落於鬼神嘅道路。最高嘅係大力鬼，其次就係天行夜叉，其次係岳神、河神，呢啲鬼神雖然亦都稱王稱帝，中等嘅係空行夜叉，其次就係城隍、土地。下等嘅就係啖人精氣嘅地行羅剎。呢一啲鬼神亦都有佢哋嘅眷屬，個個都話成就咗無上大道。唉！將來我滅度之後，末法時期，呢啲鬼神係多得不得了，佢哋都以飲酒食肉號稱就係菩提大覺嘅正路。

阿難，我話俾你聽，衆生嘅肉千萬唔可以食，我教出家人只可以食五種淨肉，係邊五類呢？第一種係不見殺，第二種係不聞殺，第三種係不疑爲我殺，第四種係自死嘅肉，第五種係鳥殘嘅肉。呢五種肉係我以我嘅神通力化現而成，本嚟就係無命根，只因爲印度嘅地方過於乾燥，或者係潮濕，又多砂石，草菜根本係唔能夠生長，我運用我嘅大悲神力幻化成呢五種淨肉，係使到你哋都能夠嘗一嘗一啲滋味。奈何將來我滅度之後，竟然有啲不肖嘅修道人居然食起衆生嘅肉，仲話係我嘅弟子。唉！阿難，你應該係知道，食肉嘅人縱然得到大開圓解，得到相似嘅禪定，亦都不過係羅剎一類嘅東西，福報享盡亦都必然會沉淪響生死苦海之中，呢一種人我唔會承認佢係我嘅弟子，咁樣相殺相吞係冇了期，又點能夠跳出三界呢？

阿難，你要教導修習正定嘅人首先第一樣嘢係要戒絕殺生，呢個教訓係過去所有嘅佛陀，第二個明明白白決定要遵守嘅根本教義。所以，阿難吖！如果唔斷除殺業而去修禪定，等於自己掩蓋自己嘅耳仔叫，想要人哋聽唔到，又邊有呢個道理呢？正所謂掩耳盜鈴，欲蓋彌彰啫。阿難吖！你試諗一諗，清淨嘅出家人同埋大菩薩，縱使響羊腸小徑往來嘅時候，尚且唔願意踩踏青草，更何況用手去拔呢？如果自稱爲大慈大悲嘅人，又點能夠忍心去食衆生嘅血肉吖？如果所有出家人唔穿著東方中國嘅綾、羅、綢、緞同埋天竺國嘅狐、裘、革、履之類嘅東西，好似咁樣嘅出家人就係真真正正可以脫離世間嘅牽累，命債一還清，就唔使再去輪迴響三界之中嘞。點解呢？因爲穿著衆生身上嘅皮毛就係跟佢哋結咗不解嘅緣份，猶如人食咗地面上所產生嘅百穀，雙腳就唔能夠離開地下。修道嘅人必須身心要一致，對衆生身中肉、身上嘅毛，唔會存有食佢、著佢嘅行爲，甚至響心理上亦都唔會存有食佢、著佢嘅念頭，咁樣三界嘅生緣就能夠得到斷絕。我認爲咁樣修行嘅一個人先係真真正正係一個解脫嘅人。照我咁樣講就係佛所說，唔依照我咁嘅說法就係魔王嘅說法。

仲有，阿難，我要吩咐你，世界上嘅六道衆生，如果唔起偷盜嘅心，就唔會去偷、竊、盜、扒、搶、奪、劫、侵吞、霸佔、欺騙、詐偽、拐帶、敲詐、剝削、威脅、恐嚇、勒索、貪污，呢啲種種嘅盜業，如果做咗，亦都會輪迴生死㗎。阿難，你修習禪定，爲咗要擺脫塵勞嘅牽累，如果唔首先將偷心去除，塵勞係唔能夠擺脫嘅，縱使有好高嘅智慧，當禪定時時現前嘅時候，假如唔斷除偷心，亦都會墮落響邪道㗎。

假如當一個偷盜嘅人墮落咗響邪道，最高嘅修行就係精、靈、魔、怪，佢哋盜日月嘅精華，竊天地嘅靈氣，附山託水，迷惑衆生去祭祀，中等嘅道行係妖、係魅、係魑、係魎，盜人物嘅津液，竊山林嘅氣潤。而下等嘅修爲就係邪人，被精靈所依附，受妖魅所迷亂，呢一大批嘅妖邪亦都有黨羽徒衆，佢哋都以爲成就咗無上嘅妙道。唉！將來我滅度之後，末法時期，呢啲邪人妖魅亦都係多到不得了。佢哋時時處處潛蹤詭秘、匿跡藏奸、欺世盜名、投機取巧。佢哋冒充大善知識，自己話自己已經得到真傳秘訣，蠱惑一啲冇見識嘅愚人，以恐嚇嘅言辭，使到人徬徨無主，詐財取物，破產傾家。阿難吖！我教出家人逐戶逐戶去行乞，就係要使到佢哋捨離慳貪，先能夠修成佛道，所以就唔俾佢哋自己開火去煮食，無非就係要藉三界作爲旅舍，假齋素以了殘生，一次嘅往還之後，就唔須要再輪轉嘞。奈何呢啲歹人竟然著我嘅衣服，假託我嘅名義，四出混騙，造種種嘅惡業，反而話呢啲就係佛陀嘅教誨。唉！對於真正求道嘅出家人，不惜譭謗、責罵，對於受咗戒律嘅比丘以爲係小乘，咁就會使到無量嘅衆生懷疑困惑而退失信心，造惡業，一盲引衆盲，墮入無間地獄了。

阿難，自我滅度之後，如果有部分嘅出家人能夠發得起決定要修習三摩鉢提嘅大願，假如能夠響如來嘅像前，燃一香炷，燒一指節，我就認爲呢個人嘅宿業同埋舊債，一時間就能夠還清，可以向生死凡夫嘅門路打個招呼，講一聲再見了。所有嘅欲漏、有漏、無名漏，永遠脫離，雖然對於無上嘅菩提大道係冇徹底明白，但係真實嘅佛法已經下定咗決心。如果係唔捨得燃點一香炷嘅微因去懺悔業障，咁樣宿業未盡，舊債未償，必然係會再嚟呢個人間去負債還債。正如我響過去世嘅時候，因爲辱罵沙門應該食馬麥嘅一句說話，所以今生就響毗蘭邑嘅地方，阿耆達王嘅宮裏便，真正咁吃咗九十日嘅馬麥一樣吖。

阿難，你教世間嘅人去修習正定，仲要斷除偷盜，呢個教誨係如來同埋先佛世尊第三種明明白白決定要遵守嘅教義。所以，阿難！如果唔斷除偷心而去修禪定，猶如以水注入破漏嘅水杯裏便一樣，想要斟滿呢個水杯，縱使斟到百千萬劫都係唔可能斟得滿嘅。世上嘅出家人，除咗三衣一鉢以外，一點一滴都唔應該私自儲蓄，而佢乞食所得食剩嘅飯其實係要應該轉手布施俾一切飢餓嘅衆生㗎。布施係能夠使到自己嘅身心都能夠捐捨，甚至血、肉、骨、髓都可以分俾衆生，呢一種做法就能夠扭轉慳貪，先係大悲同體嘅表現。甚至響大集會嘅時候，合掌禮敬四衆，假使有人加以打罵你，其實仲應該歡喜去接受，等於稱讚你一樣吖。如果咁樣做，偷心就能夠盡絕，就能夠一念純真啦。阿難，千祈唔好將如來所講嘅不了義教文飾其辭去維護自己個人嘅私見，作爲自己嘅註腳，咁樣做好容易耽誤初基學佛嘅人，佛就會印定呢個人呢，係能夠得到真正正受嘞。照我咁樣講就係佛所講，唔照我咁樣講就係魔王嘅說法。

阿難，世界上嘅六道衆生，雖然對身嘅一方面，佢哋唔犯殺、盜、淫，但係對於心嘅一方面，係冇貪、瞋、痴，三毒都已經清淨，慈行、捨行同埋梵行都已經圓滿嘞，但係響口業方面仲係同時都需要清淨嘅。假使發言唔真實就係小妄語，妄自誇爲證果就係大妄語，大妄語嘅人總會有一啲貪求供養嘅心，對於修習正定就唔能夠得到清淨，成爲愛見嘅魔，而失卻如來嘅種子啦。

阿難，咩嘢叫做大妄語呢？所謂未得道就話得道，未證果就話證果，或者係貪求世間上最尊、最勝、最第一嘅虛名而虛妄去對人講：我已經得到初果、二果、三果、四果，乃至話：我已經成就咗辟支佛，成就咗地前菩薩，或者成就咗十地嘅大菩薩了。呢一類嘅人於是就教人向佢禮拜，向佢懺悔而貪求世間嘅名利恭敬同埋種種嘅供養，呢一類人簡直係壞咗善根嘅一闡提，滅盡佢本有成佛嘅種子。猶如用刀坎斷咗貝多羅木一樣。因爲貝多羅木一經坎斷就永遠唔能夠再復活，我認爲呢一種人係永遠斷滅咗善根，唔會有正知正見將來，唉！必定會墮落響三惡道受各種嘅苦報。阿難，縱使有一點點禪定同埋智慧，亦都不過只能夠助長魔業，呢一類人係唔能夠得道成爲真實嘅正定。

阿難吖！將來我滅度之後，必會派遣各大菩薩同埋大阿羅漢，以應化嘅身體深入末法嘅時代，變現出種種嘅身形嚟度脫衆生，避免輪迴嘅苦報。呢啲菩薩所變現嘅身形，可能係沙門出家人，或者係居士，或者係國王，或者係宰官，或者係童男童女，甚至有時變現做淫女或者寡婦，做一個奸人，做一個偷兒，做一個屠夫，做一個小販，雖然此類嘅身形無非係一種示現，實際上呢一類人已經根本係無煩惱㗎喇，不過利用呢一種卑賤嘅身份其實先能夠跟卑賤嘅衆生去結緣，同住、同食、同事，共相往來，先能夠攝受佢哋歸於正道，先可以將佛教、佛法、佛性向佢哋時時稱揚讚歎，使到呢一類嘅薄地凡夫身心清淨，漸漸而得入真正嘅禪定。

阿難，但係我講俾你聽，呢一啲化身嘅菩薩同埋阿羅漢，佢哋係唔會表露出自己嘅身世，係唔會自稱係真菩薩、真羅漢，亦都唔會向後來學習嘅人輕易泄露秘密嘅因。只會響臨命終嘅時候寫底幾句嘅遺囑，稍微透漏一啲消息。照咁樣睇，嗰啲未得謂得，未證言證嘅妄人又點可以惑亂衆生去做大妄語呢？

阿難，你要教導世人，如果修習正定係必須斷除大妄語，呢個係如來同埋過去嘅佛世尊第四個明明白白決定要遵守嘅教義。所以，阿難吖！如果唔斷除大妄語，猶如將一嚿乾糞當作天檀木一樣，試問乾糞又點會發出檀香嘅氣味呢？我吩咐出家人忠直心就係道場，響行、住、坐、臥，乃至語、默、動、靜，一切時間尚且都唔能夠虛假，又點可以自誇得到最高最上嘅妙法呢？咁樣做唔係等於一個貧寒嘅小民稱王稱帝而夜郎自大？何況法王，已經係同法界同體，三賢十聖尚且唔敢荒唐，點解一個生死凡夫膽敢自稱爲佛？呢個人響因地上已經唔真實，將來響果報上就難免有好多歪曲了。阿難，如果想求佛嘅菩提大道，譬如自己咬自己嘅肚臍，係無辦法彎底身，咬嚟咬去係永遠係咬唔到嘅。

如果所有嘅出家人心直如弦，響一切時、一切定，無論語、默、動、靜，都肯力求真實嘅話，要修習正定係決定唔會有種種嘅魔障，我可以印證佢，印定呢一啲出家人，呢一啲修行嘅人將來必然會成就菩薩嘅無上正等正覺。照我咁樣講就係佛所說，唔照我咁樣講就係魔王嘅說法了。

南無楞嚴會上佛菩薩

南無楞嚴會上佛菩薩

南無楞嚴會上佛菩薩

妙湛總持不動尊，首楞嚴王世稀有。

銷我億劫顛倒想，不歷僧祇獲法身。

願今得果成寶王，還度如是恆沙衆。

將此深心奉塵剎，是則名爲報佛恩。

伏請世尊爲證明……（註：接下文）


169.楞嚴一卷安天下（二）


（註：接上文）

伏請世尊爲證明，五濁惡世誓先入。

如一衆生未成佛，終不於此取泥洹。

大雄大力大慈悲，希更審除微細惑。

令我早登無上覺，於十方界坐道場。

舜若多性可銷亡，爍迦羅心無動轉。

南無常住十方佛，

南無常住十方法，

南無常住十方僧，

南無釋迦牟尼佛，

南無佛頂首楞嚴，

南無觀世音菩薩，

南無金剛藏菩薩。

爾時世尊從肉髻中涌百寶光，光中涌出千葉寶蓮，有化如來坐寶華中，頂放十道百寶光明，一一光明皆遍示現十恆河沙金剛密跡，擎山持杵遍虛空界。大衆仰觀，畏愛兼抱。求佛哀佑，一心聽佛，無見頂相，放光如來，宣說神咒。

Stathagato-snisa om anale anale visada visada bandha bandha bandhani bandhani vira vajra pani phat hum bhrum phat svaha

阿難吖，呢個佛頂光聚悉怛多般怛囉秘密神咒精微奧妙嘅章句，你要知道，能夠出生十方一切諸佛，十方嘅如來都係因爲有呢個咒心以爲密因，所以能夠得成無上正遍知覺。

十方嘅如來執持呢個秘密嘅咒心，猶如金剛王寶劍，活殺自由，能夠長伏五陰諸魔，制伏斷見，常見等等嘅外道。

十方嘅如來乘住呢個咒心，坐喺寶蓮花上便，應緣遊歷微塵國土，隨類現身去攝化衆生。

十方嘅如來懷住呢個秘密嘅咒心，能夠響微塵數嘅國土宣揚生脫死嘅最上根本大法。

十方嘅如來因爲執持呢一個咒心，如果自己已經證果，就能夠響十方嘅世界爲衆生摩頂授記，預言佢哋將來喺乜嘢嘅時候能夠得成佛果。如果自己未證佛果以前，亦都會親自得佛陀授記，預言幾時能夠必成佛道。

阿難，十方嘅如來依仗呢個咒心嘅威神力用，猶如手持如意寶珠，無所不能，所以能夠響十方世界救濟一切罪苦嘅衆生，譬如地獄、餓鬼、畜生，人道之中嘅盲、聾、喑、啞等等之類，同埋冤家相聚嘅痛苦，六親眷屬生離死別嘅痛苦，所求不遂嘅痛苦，五陰熾盛、生、老、病、死等等嘅苦，係全部都能夠消除㗎，以至一切大小嘅橫禍亦都能夠同時解脫。其他譬如賊難、兵難、獄難、飢渴貧窮，一切天災嘅人禍，只要一心能夠受持呢一個咒心，就能夠應念消散，逢凶化吉，遇難呈祥嘞。

阿難吖，十方嘅如來隨順呢個秘密咒心嘅威力，能夠令到飲食、醫藥、臥具等等四件事都能夠具足，亦都能夠得到他心通，喺十方嘅世界奉事善知識，無論行住坐臥四威儀中都能夠隨意供養。

阿難吖，響恆河沙數嘅如來座下，如果能夠受持呢一個神咒，就會被尊爲大法王子，繼承法王嘅家業嘞。

十方嘅如來持住呢個秘密咒心，或者施於物，或者應於人，都能夠令人心悅誠服，亦都能夠響十方世界，過去歷劫之中，凡係同呢個咒有親因緣嘅，亦都能夠攝受護念，佢哋縱然墮入小乘嘅教，獲得呢個秘密神咒威力嘅加持，亦都能夠回小向大，聽咗呢個如來藏心嘅微妙大法，亦都唔會驚疑唔信而心懷恐怖。

阿難吖，我話俾你知，十方如來，因爲誦持呢個秘密咒心得成無上正等正覺，喺菩提樹之下進入大般涅槃。

阿難，十方嘅如來，傳授呢個秘密嘅咒心，爲咗化緣既畢，將要歸真，響滅度嘅時候，最後咐囑佛法繼承，俾使喺正法能夠永遠住世，令到戒律嚴正，身心皎潔。

如果我要廣說呢一個佛頂光聚般怛囉神咒嘅功用，就係由朝到晚，語語相續，不斷咁樣講，字字句句，亦都唔重複，如果咁樣講，就算講到恆河沙劫，亦都係讚頌唔完呢個咒嘅功德同力用㗎。

阿難，呢個咒不只係叫做如來藏心，亦都係《大佛頂首楞嚴經》所講嘅大佛頂，係最尊、最勝、最高無上，如果想成就佛果，想利益衆生，唔可以唔恭敬去奉持㗎。

阿難，我嘅弟子，你哋尚在三果以前修學嘅地位，仲冇超出分斷生死嘅拘綁，就係冇完全脫離輪迴。現在你要發至誠心，想求證阿漢羅聖果，如果唔奉持呢個大佛頂神咒，自己喺道場裏便修習，希望獲得清靜，修成正定，我話俾你哋聽，咁樣做係唔可能嘅，而且一定會招致魔嘅騷擾，甚至會發狂，見到各種恐怖或者媚人嘅境界，以至喪失心神，最後就會淪落爲魔嘅眷屬。

阿難吖，如果各個世界，每個國家所有嘅人民，都能夠依止佢哋自己國土所出產嘅樺樹皮，貝多羅樹葉，白淨嘅紙或者其他箋等等，一切可以用嚟書寫嘅物品，將呢個大佛頂神咒恭敬書寫，裝喺香袋裏面，隨身佩戴。呢個人如果係心智懵懂，係冇記憶嘅能力，亦都唔能夠讀誦，只要將呢個神咒佩戴身上，或者懸掛響家裏便，由於呢個神咒威力嘅加被，呢個人終其一生，我話俾你聽，一切嘅毒物都唔能夠加害於佢。

阿難吖，呢個大佛頂神咒，不但有護生助道嘅功能，亦都有保護世間衆生，使到安寧無畏同埋成就出世智慧嘅德用，我現在再爲你詳細加以說明。

阿難，呢個大佛頂神咒，將來我滅度之後，末世衆生，如果有能夠自己持誦或者教他人持誦，你應該知道持誦神咒嘅人，火不能燒、水不能溺，各種大小嘅毒物都唔能夠傷害佢，以至於龍天鬼神、精魅魔怪，一切嘅邪咒亦都唔能夠侵擾呢個修持嘅人。就係有強欲加害，然而因爲以持咒而成嘅三昧力量，個心得到正確嘅受用，亦都唔能夠被傷害。一切嘅咒詛、魘魅、蠱毒、毒藥、金毒銀毒、草木蟲蛇，萬物嘅毒氣，如果入咗呢個人嘅口，反而會化成甘露上味，不但唔會以惡心相加，凡係一切嘅兇神惡煞同埋落毒嘅人，一遇呢個誦咒嘅人，佢嘅惡念就自然唔會生起了。不但唔會起惡念，反而會轉禍爲福，吸人精氣嘅毗那夜迦同埋各種惡魔同埋眷屬，都會因爲聽呢個咒誦咒嘅利益，而感謝呢個誦咒嘅人嘅深恩，而且會對佢加以保護添。

阿難，你應該要知道，呢個佛頂神咒，時常都有八萬四千那由他恆河沙數咁多俱胝嘅金剛藏王菩薩嘅種族，呢啲種族一一都有金剛嘅眷屬晝夜隨時保護修持呢個佛頂神咒嘅人，如果有任何衆生，雖然未得到三摩提，但係能夠以散亂嘅心，口誦心維，呢啲金剛藏王菩薩亦都會常隨保護，何況係決定發菩提心而又持咒嘅人呢？呢啲金剛藏王菩薩一定以精心暗催行人，啓發佢嘅神識，使到呢啲人應時心開，能夠記憶八萬四千恆河沙數劫以嚟嘅一切，完全明白，冇任何嘅疑惑。由起初發菩提心嘅第一劫起，以至於最後受身，因圓果滿，降生成佛嘅時候爲止，響呢個漫長修行過程之中，生生世世，永遠都唔會出生響藥叉、羅剎、富單那、迦吒富單那、鳩槃茶、毗舍遮等等，同埋餓鬼、有形、無形、有想、無想等等各種惡劣嘅地方。

阿難吖……（註：此處錄音缺失）男子受持呢個佛頂咒心，無論係誦、係讀、係書寫、係佩戴，亦或珍藏，如果恭敬供養，阿難，我話俾你聽，呢個善男子決定劫劫亦都唔會出生響貧窮下賤嘅家庭，因爲呢個咒心係好尊貴嘅大法，生嘅時候一定尊榮富貴，生於高尚氏族。呢啲持咒嘅衆生，縱然自己唔作福業，但係十方如來所有嘅功德，都會回向俾呢一啲人，所以能夠響恆河沙數、不可說劫之中，時常同諸佛同生一處，凡係佛嘅功德，一一都有份，行人所修就係諸佛所證，佛同修行人，打成一片，譬如惡叉果聚一樣，生就同生，永遠都唔會分離。

阿難，呢個咒心能夠使到破戒嘅人，再得到恢復清淨；未得戒嘅人，使到佢哋得戒；懈怠，使到修持嘅人回復精進；冇智慧，令佢哋得到智慧；身心唔清淨，使到速得清淨。如果因爲宿業嘅障礙，想持齋戒唔能夠做到，如果能夠一心持咒，就能夠自成齋戒嘞。

阿難吖，呢啲持咒嘅善男子，如果響未持咒之前曾經犯咗禁戒，發心持咒之後，以前嘅破戒罪，無論輕重都會應時消滅。縱然曾經飲酒食肉，同埋食咗五辛等等唔清淨嘅食物，佛同菩薩、金剛、天仙、鬼神，亦都會以既往不究而寬恕。假如穿著不淨嘅破舊衣服，行止皆都同清淨一樣，不失持咒嘅利益。即使唔依教建立法壇，唔入楞嚴道場，亦都唔依教行功辦道，只要能夠誦持呢個佛頂神咒，亦都同入壇行功辦道嘅功德一樣，係冇咩唔同㗎。

阿難，如果曾經犯咗殺父、弒母、殺阿羅漢、破和合僧、出佛身血等等嘅五逆大罪，應該墮落無間地獄，同埋有比丘犯咗殺、盜、淫、妄四種根本大戒，比丘尼犯咗四種根本大戒，亦都犯咗“觸”——同有染污心嘅男人以身相接觸；“入”——同有染污心嘅男人拉手扯衣，共語同行，暗室共坐，相倚相期；“覆”——掩飾他人嘅重罪；同埋“隨”——同大僧一齊共衣食。呢啲等等嘅罪，雖然係好重，不通懺悔，但係能夠誦持呢一個神咒，對於呢啲重大嘅罪業，就好似狂風吹聚沙一樣，都會消滅無餘，絲毫唔會留低痕跡。

阿難，如果有衆生由無數無量劫以嚟，所有輕重嘅罪障，由前世帶嚟，而冇及時懺悔，必定能夠係真正修行嘅障礙嘅。阿難吖，如果冇及時懺悔，但係如果能夠發至誠心，恭敬讀誦呢個佛頂神咒，或者恭敬書寫，隨身佩戴奉持，或者供奉響自己住嘅莊園宅館之中，呢啲多劫以來積聚嘅宿業，就譬如如雪遇湯，應時融化，不久之後就會證得無生法忍㗎喇。

阿難，如果係有女人久婚不孕，冇生男育女，如果想求懷孕，只要以至誠心，憶念呢個佛頂神咒，或者書寫隨身佩戴，就能夠生育具有福德智慧嘅男女了。如果想求長壽，就能夠如願獲得長壽；想求福德果報，亦都能夠速得圓滿；如果求身體健康，精力充沛，亦都能夠如願。命終嘅時侯，就可以隨自己嘅意願，往生去十方任何國土，係絕對唔會生喺下賤嘅地方，或者邊疆蠻荒之地，何況又會生於響異類呢？

阿難，我語重心長話俾你聽，如果響各國嘅州縣或者村落，凡係遭遇饑荒瘟疫，或者刀兵賊亂，同埋一切困厄危難嘅地方，只要書寫呢個佛頂神咒，懸掛響城門之上，或者懸掛可以供養嘅清淨佛寺，或者掛響幢幡之上，教導呢個國家或者城邑村落所有嘅衆生奉迎供養、恭敬禮拜，使到全國嘅人民都能夠喺身體上佩戴，或者安奉響自己嘅舍宅，咁樣一切嘅災害同危難都會自然消失，轉禍成祥嘞。

阿難，在在處處，無論任何國土嘅衆生，只要能夠奉持呢個佛頂神咒，龍天都會歡喜，必然風調雨順、國泰民安、五穀豐登、萬民安樂嘅。而且能夠鎮壓一切惡星，隨方作怪，使到災障不起，人亦都冇橫死夭亡，杻械枷鎖，亦都唔能夠加於人身，使到每個人能夠晝夜安眠，心清神定，亦都唔會有任何嘅噩夢。

阿難吖，呢個娑婆世界，有八萬四千種執行災變嘅惡星，由二十八大惡星所統領，同埋八大惡星各別互爲其主，隨衆生嘅業感幻化種種嘅形狀出現響世間，呢啲惡星能夠令到衆生遭受各種災害同埋怪異。但係如果有呢個佛頂神咒所在嘅地方，都能夠逢凶化吉，一切災害怪異都會消滅。如果能夠響十二由旬成爲結界嘅地區，呢個結界嘅地方，一切嘅橫惡災害係永遠唔能夠侵入，自然得到百靈守護。所以如來特別宣說呢個佛頂神咒，以便保護後世一切初學嘅修行人，使到佢哋能夠順利進入三摩提，身心泰然，得到大安穩，唔會再有一切魔鬼神怪同埋無始以嚟嘅冤枉宿殃、舊業陳債嚟擾亂修行人嘅身心安寧，使到佢哋唔能夠獲得正定嘅。

阿難吖，你喺在會之中同埋其他嘅弟子，一定要遵循我嘅教誨，你哋聽住，同埋將來嘅一切修行人，如果依我所講嘅壇場軌則，如法持戒，唔犯四種過失，第一，種不差；第二，戒不缺；第三，師不穢；第四，奉持神咒，不生疑悔，呢個人即生就能夠證得道果。如果呢個善男子，就父母所生呢一生唔能夠明心見性、獲證圓通，十方諸佛就係妄語欺誑呢個衆生。

阿難，我語重心長，今日響楞嚴大會之中教授大家呢個楞嚴神咒，希望你好好利用呢個神咒，喺末法時期鼓勵一切衆生，傳揚我嘅法，衛護十方諸佛嘅正法，唔好俾魔去迷惑衆生，令衆生失去如來大覺嘅正路。

阿難吖，我將呢個法咐囑於你，你一定要將佢傳揚開去，要《楞嚴經》同埋楞嚴咒響末法時期喺衆生嘅心中能夠植下種子，帶俾每一個衆生光明，帶俾每一個衆生一個正路，令到佢哋解脫生死，日後有機會響龍華三會參加彌勒菩薩嘅盛會。

阿難，我希望你唔好忘記我嘅教誨，天龍八部同埋各大菩薩，我亦都咐囑你哋，希望你哋衛護所有受持呢個楞嚴咒嘅衆生，響將來末法時期，無知嘅衆生會受魔部迷惑，我見到將來嘅情形實在係非常之感嘆！

各位大士、各位護法、所有嘅金剛，我而家命令你哋，保護受持呢個楞嚴神咒嘅人，喺一切嘅地方，令到佢哋都能夠得到安全，令到佢哋如意，響修習我嘅法嘅時候唔好退失響菩提正路，呢個係我對你哋嘅咐囑，你哋要記住吖！


170.法藏群英講解 1A


《大佛頂首楞嚴經》呢，係佛陀世尊呢，佢老人家所講一部呢，好重要好重要嘅經書嚟嘅，佢呢一部經呢，響末法嘅時代呢，將來吖，就會響我哋呢個世界裏便呢，第一部吖，所消失嘅經典。因爲呢部經太重要吖！呢部經教我哋修行嘅心點樣安住，而後有好多種種嘅法門，釋迦牟尼佛教我哋，亦都講到我哋要守持嘅戒律，同埋最重要呢部經點解叫《大佛頂首楞嚴經》呢？因爲呢，佢裏便呢部經吖，最重要呢，裏便就係所講嘅楞嚴神咒，楞嚴神咒呢，係出家人呢，做早課呢，必修嘅咒文嚟嘅。“楞嚴”嘅意思呢，解釋爲呢，一切事究竟堅固，“一切事究竟堅固”意思就係話，冇一樣嘢響世間裏便能夠破壞到由修持楞嚴咒而得到嘅楞嚴禪定。而呢個楞嚴禪定你得到之後呢，你就永遠安住於不動心裏便，唔受外界同埋你自己內心嘅煩惱所困擾，去騷擾你。

證得呢個楞嚴禪定呢，必須要修持大佛頂首楞嚴神咒，咁所以呢部經呢，叫做《楞嚴經》啦，由於佢有楞嚴神咒嘅存在，亦都係一部好重要嘅經典。就頭先我所講，裏便講出佛陀教我哋好多好多嘅法門，譬如“二十五圓通”啦、“七處徵心”“八還辨見”啦，同埋今天我哋要講嘅“四清淨明誨”。喺《楞嚴經》裏便抽出嚟，四種清淨光明嘅教誨，釋迦佛教我哋四種清淨光明嘅教誨，謂之“四清淨明誨”。大家嘅講義裏便呢，係冇寫《四清淨明誨》呢個題目，你可以寫番，四種清淨光明嘅教誨。個講義呢，係寫四種律儀啫，四種律行威儀，呢四樣呢，就係：斷淫、斷殺、斷盜、斷妄，亦都係釋迦牟尼佛世尊呢，對佢出家嘅弟子吔，所諄諄嘅教誨，咁如果我哋在家居士亦都能夠學得到，儘量守持呢，呢一類人呢，釋迦佛響楞，《楞嚴經》裏便講呢，先係真真正正佢嘅弟子。所以呢個“四清淨明誨”啦，歷來有好多法師吔，好多人都講過吖，係非常之重要。我希望能夠儘量用淺白嘅語言解釋俾大家聽，令大家容易接受得到。

而家可以開始解釋經文。第一斷淫，大家睇一睇經文：“阿難！云何攝心，我名爲戒？”呢一句呢，就釋迦牟尼佛同佢嘅弟子，多聞第一嘅阿難尊者，每一部經典開始呢，都係“如是我聞”。佛陀涅槃咗之後呢，由阿難尊者呢，做記錄。咁呢個阿難尊者呢，就係佛陀十大弟子裏便吖，多聞第一嘅。咁阿難尊者，呢一句呢，就係佛陀釋迦牟尼佛世尊呢，同阿難講，佢話：“阿難！云何攝心，我名爲戒？”佢話點樣攝心呢？我叫做戒呢？“云何攝心”——戒係點樣攝心嘅呢？跟住世尊繼續講：“若諸世界六道衆生，其心不淫，則不隨其生死相續。”佢話如果吖，我哋呢個世界裏便吖，天、人、阿修羅、畜生、餓鬼、地獄，呢個喺六道空間輪迴嘅法界吔，如果呢啲衆生佢嘅心唔起淫心吖，呢個“淫”呢，嗱，我哋包括呢個“淫”字嘅解釋呢，就包括正淫與邪淫，我哋在家居士嚟講呢，就可以有正淫，但呢個對出家人講吖，連正淫，正淫都要斷除。“正”同“邪”識唔識分吖？正嘅意思就係話，可以有夫妻嘅生活，但係出家人呢，連夫妻嘅生活都斷除埋，係非常之清淨，咁呢，釋迦牟尼佛就印證呢一個人呢，真真正正地脫離咗愛慾。咁所以呢個“淫”字呢，係解釋爲一切嘅淫，包括“正”與“邪”。

釋迦佛講呢個世界六道衆生，如果衆生嘅心唔淫慾吖，就唔會隨住生死繼續輪轉吖，相續連續循環。“汝修三昧，本爲出塵（或者‘本出塵勞’），淫心不除，塵不可出。”釋迦佛話，同阿難講佢話：“你而家修習禪定吖。”“三昧”呢，係梵音譯音，samadhi嘅譯音，解釋爲“正定”，正確嘅禪定。佢話：“你阿難修三昧、修禪定，想爲咗離開呢個世界上嘅塵勞，想解脫生死。”但係釋迦佛話：“淫心不除，塵不可出吖。”如果，假如一個修行人呢，淫心唔去斷除呢，係冇辦法解脫生死嘅。

“縱有多智禪定現前，如不斷淫，必落魔道。”佢話如果一個衆生修行禪定呢，而唔斷淫呢，一定嘅結果呢，會落入去魔道。“上品魔王，中品魔民，下品魔女。”咁魔王，魔吖，都隨佢修行有高低級之分，最上等就做魔王啦，中品，皇帝之下就國家嘅子民啦，最下品呢，就係啲魔女。

“彼等諸魔，亦有徒衆，各各自謂成無上道。”釋迦佛話：“呢啲魔王呢，佢吔，個個人都話佢成就咗無上道嘅，嗰啲魔王都有好多徒弟嘅。”

“我滅度後，末法之中，多此魔民熾盛世間吖。”釋迦佛話佢滅度咗之後，末法之中，末法就係我哋而家呢個時期，好難學到佛法，學咗亦都唔係咁容易相信，相信咗之後呢，亦都未必能夠修成正果，呢個就末法時期。佢話：“我哋呢個時期，就好多啲咁吖魔民。”“熾盛”呢，好似火一樣燒一樣，響我哋呢個世間好多。我哋今日見到好多佛教嘅師父，有啲自稱爲無上道，成就咗無上道，有啲亦都披住如來嘅袈裟，但係可能呢，就應咗釋迦佛呢句經文呢，佢係教衆生廣行貪淫，佢係害衆生，所以今日我哋末法時期修行嚟講呢，一定要有一個擇法眼，好清楚咁樣分別“正”與“邪”。唔係一定，我喺呢度所講嘅唔係話詆譭出家人，因爲講到呢一句，喺呢個末法時期裏便唔係一定著起袈裟嘅就係真正嘅出家人，所以有，我哋要小心用佛陀嘅教理，佛陀教我哋嘅心法嚟去衡量、去判別，但係唔好用自己嘅思想意識去諗：呢個係唔係出家人？要睇下呢個人嘅修持合唔合乎佛陀嘅戒律，如果呢個人係合乎佛陀嘅戒律呢，佢係一個真正嘅出家人，如果佢唔合乎佛陀嘅戒律呢，佢唔足以能夠作爲我哋嘅師父，但係我哋一樣要尊敬佢，唔可以產生譭謗，只係敬而遠之啫。所以呢一點呢，佛陀教我哋要小心，呢個就係佛陀所講末法時期吔，而家我哋所見到嘅現象，呢啲魔民呢，就會教衆生廣泛咁行淫、貪淫。我哋喺世界上都聽過，有一啲宗教呢，教衆生，教一啲人入咗教之後呢，就會亂倫，係嘛？就會亂搞男女啲關係，有冇聽過吖？呢啲宗教？有啦！呢一，呢啲咁嘅宗教就應咗釋迦牟尼佛所講嘅呢一句經文。我哋細心諗下，有冇呢啲事？有啦！多的是！呢，呢啲仲係宗教，但佢會打住宗教嘅旗號。宗教基本嘅層面係善化社會人心，但係呢啲，呢啲宗教唔係善化社會人心，係毒害，毒害衆生，係害衆生，斷衆生嘅慧命，害衆生嘅肉身。所以釋迦佛呢，好感慨！

“爲善知識，令諸衆生落愛見坑，失菩提路。”呢啲咁吖魔王呢，佢自稱爲善知識，令到衆生呢，墮落貪愛、執著。“見”呢，呢個“見”呢，就係執著，執著種種唔正確嘅見解、邪見，貪愛執著嘅邪見。“愛”呢，亦都可以解釋爲煩惱，我哋內在嘅煩惱，貪心啦、瞋恨心啦、愚痴心啦、輕慢心啦、疑惑心。呢啲魔就會撥起我哋內在呢啲咁嘅心嘅本性，令我哋去造啲惡業，輪轉生死，亦都會令到我哋興起一啲邪見吖，呢個“見”就係“邪見”。執著我哋身體呢，守持唔正確嘅戒律呢，呢啲咁吖見解呢，令到我哋失卻菩提嘅正覺之路，令到我哋唔會能夠最後成佛。

“汝教世人修三摩地，先斷心淫，是名如來先佛世尊第一決定清淨明誨。”釋迦佛同阿難講，佢話：“你，將來我滅度咗之後，你教世人修習三摩地禪定，首先第一樣嘢呢，就要斷除內心嘅淫慾。”就係過去如來先佛世尊，即是，唔係釋迦牟尼佛講嘅，係釋迦牟尼佛以前嘅過去七佛，甚至好古遠嘅古佛都有講過呢個斷淫嘅教訓，咁樣嘅教訓呢，就係今日所第一種要講嘅，第一個決定一定要遵守，決定，而且係清淨離開污染嘅。“明”就係“光明”，“誨”就係“教誨”，就係斷淫！點解頭先嗰句講，釋迦佛話，叫阿，阿，叫阿難修三摩地首先要斷心淫呢？因爲我哋任何嘅行爲吔，我哋做任何嘢都係身口意三業，身體會造作善惡業，語言會講啲好、唔好嘅嘢，思想會諗啲善與惡嘅嘢。咁所以我哋發動我哋身體嘅行爲吔，第一樣係我哋心起咗個念頭先，如果我哋個心唔起念頭呢，我哋根本就唔會有種種嘅行爲，係嘛？首先你做一樣嘢，當然你嘅腦裏便要諗，要有一個計劃，有一個思想啦，係嘛？所以你要斷淫，唔係淨係個肉體咁簡單，肉體係我哋嘅心控制，首先將個心嘅淫，呢個淫念斷除咗呢，就能夠肉體被架縛，唔會肉體，唔會個心做咗肉體個奴隸，被佢營役咗，而係肉體聽番我哋個心去控制，做一啲利益衆生、救渡衆生嘅事。

“是故阿難！若不斷淫修禪定者，如蒸沙石，欲其成飯，經百千劫，只名熱沙啫。”釋迦佛話：“阿難吖，如果你唔去斷淫而修禪定。”咩“禪定”呢？外不亂爲禪，內不亂爲定。“禪”嘅意思就係話外在種種嘅境界，嗱，頭先我，呢，呢本就係《楞嚴經》嚟嘅，頭先所講嘅楞嚴大定，你修持楞嚴大定，就係外界一切種種嘅境界，“輕、衰、毀、譽、稱、譏、苦、樂”八風，所謂稽，“稽首天中天，毫光遍大千；八風吹不動，端坐紫金蓮。”就係本師釋迦牟尼佛！呢八風，我可以舉，舉，舉例啦，譬喻爲外在影響你嘅心境界，人哋讚你啦、鬧你啦、褒你啦、貶你啦，諸如此類呢啲咁嘅，好似一啲風吖，去吹你吖，將你嘅心，境風吹識浪吖，將你嘅識田猛係度撥，你嘅心咪亂囉，我哋受外界環境影響，我哋識田令到我哋困擾，呢一點所以好重要。“禪“呢，你真正修持到“禪”，回復番你清淨本來無染嘅面貌，外界嘅環境唔會影響到你心，如果能夠做到呢，就真正“禪”嘅境界。但係，“定”者呢，就係你內在嘅境界，外界唔會擾亂你嘅身心，但係在於你自己內在嚟講，你有冇貪心吖？我問下你，有冇瞋恨心吖？嬲人啦？你冇瞋恨心亦都有恚心。“恚心”呢，兩個“土”字下面做個“心”，個“恚”字點解呢？自己發自己脾氣，自己𤷪𤺧！有時自己做錯嘢：唉！我真係錯啦！好𤷪𤺧，唉！點解我會咁做呢？我唔咁又唔咁呢，我唔咁又唔會咁呢。呢個就係自己嬲自己。如果人哋對你唔住，你又對佢有個瞋恨心，啫憎恨心。你有貪心啦、瞋恨心啦、愚痴心啦（唔明白真理，迷惑造業）、輕慢心啦（輕慢佛法，輕慢彼此學習嘅人，輕慢你身邊一切嘅人）、疑心啦（對於應該信你嘅你唔信，唔信嘅嘢呢，可能一啲錯，迷信嘅嘢呢，你就會奉爲圭臬，你就會覺得呢一樣嘢你應該要做，其實你係錯咗好多嘢）。咁所以真正嘅禪定就係外在同內在嘅境界，外不亂爲禪，內不亂爲定，真真正正內外配合唔影響你就係真正嘅禪定。所以釋迦佛教阿難修禪定，你裏便嘅淫心唔除，浮下浮下嘅，點修禪定我問你？係咪先？如果一個人成日中意出去花天酒地嘅，佢自己嘅心會唔會虛吔？心虛啦，返嚟見到太太，而家咁興包二奶嘅，係咪先？返嚟見到個面色，吖，睇一睇都知你咩事啦，心會虛嘅，你內在會心虛。你可能喺外白，外，外貌外表呢，呃好多人，但係在於你自己內心嚟講呢，你係交代唔到俾自己個內心，你會虛，因爲你做錯咗事。呢個就係一個普，好簡單嘅心嘅比喻，你嘅心已經動咗，有呢個念頭響度，所以一定要斷除個心嘅淫，先能夠斷除，唔，唔怕個身體呢，營役咗我哋嘅真心。所以禪定呢一樣嘢如果修得成的話呢，就非常之厲害！釋迦佛話如果修唔成呢個禪定，如果你要斷淫吖，等於蒸沙，蒸，“欲如蒸沙石，欲其成飯，經百千劫，只名熱沙。”即是話用一啲石，用啲石，我哋將啲石去煮想煮成飯得唔得吖？蒸吖蒸吖蒸吖，蒸到呢個地球毀滅，最多啲，嗰啲石仔唔爛，都係熱沙啫，可能幾千度高溫，會唔會變飯吖？唔會變飯！點解？嗱，釋迦佛用咗呢個譬如，“何以故”吖？點解呢？“此非飯本，沙石成故”吖嘛，根本呢啲你蒸嘅沙，唔係飯嘅材料吖，係沙石嚟嘅，係咪先？係沙石嚟，點會蒸沙會變成飯呢？“種瓜得瓜，種豆得豆”，唔會種瓜嘅種子會得出豆嘅樹㗎嘛，呢個就係因果嘅道理。

釋迦佛舉咗呢個譬如係話乜呢？“汝以淫身求佛妙果，縱得妙悟，皆是淫根。根本成淫，輪轉三途，必不能出吖。”釋迦佛話，同阿難講，其實對後來教誡我哋呢，或者佢嘅弟子講，佢話：“用我哋呢個淫慾身體，你想求正覺，無上如來正等正覺微妙嘅果實，縱得妙悟吖，皆是淫根。”假如你能夠修呢個禪定，但係你行淫去修禪定，你會發出神通吖，你會有特異功能吖，你會有啲種種嘅能力。而家我哋聽到好多氣功師啦，或者好多師父啦，會有特異功能，響佛經裏便呢，我哋叫做“五神通”：天眼通啦、天耳通啦、他心通啦、宿命通啦、神足通啦。呢啲咁種種嘅功能呢，我哋只要真真正正修禪定，個心清淨，離，離開污染，嗰個心唔被個肉體架縛，啲功能就會顯現番出嚟，響佛教裏便叫做“神通”。但係如果你唔斷淫呢，修禪定，一樣會有神通，但係邪力嚟嘅，發出嚟。釋迦佛就講到呢個問題，所以有啲人跟師父，可能會拜偶像，亦都可能迷戀嗰啲法力，迷戀嗰啲功能，我哋見到好多氣功而家就有咁嘅現象，要小心！可能一個氣功師未必就係佛教徒，佢未必會守持佛陀嘅戒律，但係佢會有好高功能，可能會醫到你個病，不過係一時間啫，呢個係一個好微妙嘅因果道理，呢度有機會我會再解釋，要拆開個題目嚟講，呢度唔想講得太詳細。咁你要分別一個現象，我哋千祈唔好盲目拜有神力嘅人，有神通、有特異功能嘅人，一定要用個德行去衡量佢值唔值得被你去學習呢，用佛陀戒律去衡量，千祈唔好以爲佢有高深嘅法力，佢就有高深嘅德行，有高深嘅果位。果位、德行唔可以用佢法力去斷定吖，記住！咁所以佛陀喺度講咗，如果你唔修禪定，你有淫心呢，你想求佛嘅妙果，縱然你有得到微妙吖，好似相似覺悟（“悟”就係“了解”啦），其實都係淫根，係淫慾嘅根本，係沙嚟㗎，你冇以爲你自己係飯。但有啲人修行走火入魔，以爲佢揸住嗰鉢飯嚟，其實係沙嚟，在於佢眼嚟講就係飯嚟嘅，在於人嘅眼，你鉢沙嚟嘅之嘛，在於佛陀嘅眼嚟睇。你就會，如果呢啲衆生唔修，修禪定，但係行淫嘅呢，最後嘅果報會跌落三途，三途就係地獄、餓鬼、畜牲，會墮落三惡道！唔會，必不能出，好長嘅時間都唔能夠解脫。

“如來涅槃，何路修證？”你唔斷淫，你唔斷淫，你又要修禪定。有一首詩，我記得啦，出自一個轉世嘅活佛嘅，我記得有一句講呢，講呢度就係最好吖：“你又要不負如來，又要不負卿，冇辦法嘅，做唔到吖！”咩叫“不負如來不負卿”呢？你又想修持出世間解脫嘅果，但係你又貪戀美色嘅，你又戒除唔到嘅。當然呢個係對出家人講啦，佛陀講，你又唔要負如來，又唔想負身邊嘅太太，咁點得吖？啫你唔斷淫心，又要修禪定嘅，永遠冇辦法！咁所以佛陀話：“如果係咁嘅人，如來嘅涅槃，涅槃係咩意思呢？‘涅’，‘涅’者，‘涅’者不生，‘槃’者就不滅，涅槃嘅意思就不生不滅。你要達到個不生不滅嘅境界，邊一條路吖，你可以修行？證明得到吖，能夠印證得到呢，證到果呢？”但係相反，有咩方法呢？

“必使淫機身心俱斷，斷性亦無，於佛菩提斯可希冀吔。”釋迦佛話：“你必定首先要將淫慾嘅機緣，身嘅、心嘅、身體嘅、心念嘅，要完全俱斷，兩樣嘢都要斷除。令到你誘發淫慾嘅機緣吖，呢兩樣嘢都能夠斷除，連“斷”嘅本性都冇。嗱，呢句係點解呢？嗱，譬如淫慾，我舉例係一樣嘢嚟嘅，你要斷除淫慾，邊個斷吖？係你自己斷吖嘛！唔係人斷吖嘛！你斷除咗淫慾之後呢，因爲你仲有個“斷心”，係你自己斷，而你自己“斷”嘅斷心都空埋呢，你先能夠證得佛果，明唔明吖？明唔明我呢個解釋？淫慾係一種嘢，你要斷除佢，但問題有“能斷”，有“所斷”，“所斷”嘅“既斷”，“能斷”亦都要忘記咗佢，空咗佢，進入空境，“斷”個本性都冇埋呢，響佛陀大覺嘅菩提你就有希望啦。“斯可希冀”，咁樣呢，就可有希望。

“如我此說，名爲佛說；不如此說呢，即波旬說。”釋迦佛話，如果學似剛才我所演譯講出嚟呢段，就係釋迦佛所講斷淫嘅說話，如果學似咁樣嘅說法嚟講就係佛所講，如果違背頭先所講呢啲，呢一啲說話，呢啲明誨，呢啲道理呢，即波旬說。“波旬”係咩呢？“波旬”係魔王。“波旬”係梵語吖，解釋爲“魔王”，損害衆生身心嘅魔王。呢個“波旬”係意思係指外界嘅魔、精靈吖、妖怪，但其實真正嘅魔係你嘅心魔，你嘅心魔唔作崇嘅，外界嘅魔邊會擾亂到你吔？好簡單，我舉一個例，你講開“淫”，而家澳門，香港，好多，譬如話喺街度你會見到一啲黃色嘅雜誌，或者甚至啲錄影帶。如果你個心係冇淫心，冇淫慾心去見到，你唔興起呢個心嘅，嗰個小販逼你買：“喂，幫我買本啦，買本啦！得唔得吖？得唔得吖？”你會唔會買？肯定你唔會買，如果你遵守世尊呢個咁清淨嘅明誨。所以真正嘅魔呢，我話俾你聽，就係個心魔，首先係你嘅心魔，如果你嘅心魔唔動嘅時候呢，佢冇辦法sell到你嘅，賣唔到俾你。所以外魔同你心魔相應，如果你嘅心魔唔動嘅，嗱，我頭先講嘅禪定，外不亂爲“禪”，內不亂爲“定”，你做到眼見色而不動心，你係外界嘅“禪”，個“定”亦都對嗰本書唔會相應嘅。“聽一切聲音如風過樹，見一切境界似雲浮空。”啫意思話，你聽一切聲音，猶如啲風吖，吹過啲樹一樣，哦，吹過咗之後冇咗嘢，你唔會過後個念頭再諗番：嘩，啲風吹啲樹真係好聽吖，真係好聽吖！一至行到返屋企呢，個念頭仍然保持，呢一咁嘅思想污染咗你嘅識田，猶如你見到一本黃色嘅雜誌，雖然你而家離開咗個檔口吖幾百碼，但係仍然個雜誌檔喺你個腦度吖，呢個就係我哋心嘅作用，心嘅微妙嘅作用。所以首先要斷咗個淫心，先能夠將淫慾呢樣根本先能夠去除得到，所以“魔”呢樣嘢嚟講就係你嘅心魔，心魔唔動，外魔引誘唔到你，外內相配嘅時候就係真正佛陀所講斷淫嘅楞嚴嘅禪定。

跟住我哋講呢，釋迦佛所講，第二個清淨光明嘅教誨，就係斷殺，吖，呢樣嘢更重要，我覺得。“阿難！又諸世界六道衆生，其心不殺吖，則不隨其生死相續。”其實如果大家明白咗第一段經文之後，第二段呢，佢嘅，呢本經文嘅措詞同結構呢，係比較通順嘅，句句都好似好相同。我哋可以舉一反三嘅，“斷淫”同“斷殺”，吖，啲語句都係來來去去都個結構，個結構咁上下，你可以自己甄一甄。釋迦佛對阿難講：“世界嘅天人、阿修羅、畜傍生、餓鬼、地獄，呢六道衆生如果心唔殺呢，就唔會有生死。”有淫我哋有生死，有殺我哋有生死。

“汝修三昧，本出塵勞，殺心不除，塵不可出。”阿難吖，你修禪定，你要離開生，生死，但係你個殺心唔除，同淫一樣，你一樣解脫唔到生死。

“縱有多智，禪定現前，如不斷殺，必落神道。”頭先呢，講斷淫嗰度呢，就會落魔道嘞，如果唔斷殺呢，就會落神道。

“上品之人爲大力鬼，中品則爲飛行夜叉、諸鬼帥等。”呢個讀“帥”（註：音同“碎”），“諸鬼帥等，下品當爲地行羅剎。”釋迦佛話：“如果你唔斷殺吖，最高嘅時候你所證到嘅，死咗之後嘅果位，因緣成熟呢，係有力量吖，好大power吖，大力嘅鬼，係一啲異類空間嘅衆生。下一級嘅呢，就係飛行夜叉。“夜叉”，“夜叉”係食血吖、食肉吖、食人吖嗰啲鬼怪嚟嘅。諸鬼帥，“帥”呢，就阿頭啦，鬼中之王，鬼中嘅阿頭，中品㗎。下品呢，地行羅剎，下品嗰啲呢，啫係話，唔能夠飛天嘅，福報薄啲嘅，唔能夠空中飛，喺地下行，但係隱沒響一啲空間裏便，但係呢啲呢，就會害人嘅，呢一類呢，就比較惡性。羅剎呢，係專係食人血肉嘅鬼嚟嘅，係一種鬼類嚟嘅。

“彼諸鬼神，亦有徒衆，各各自謂成無上道。”一樣啦，嗱，你見唔見到啲經文嘅構造，所以你比較容易明。呢啲鬼神又話有徒衆，嘩，真係唔得了，斷淫嗰啲鬼神又一班，呢斷殺嘅鬼神又一班，所以物以類聚呢，人以群分。猶如我哋今日有機緣聽到呢個經，你有興趣嘅，我哋一定係宿植善根，有個好深厚嘅因緣先能夠聽到如來咁多經典。無論我演譯得好唔好，呢個唔需要介意，我希望能夠響你識田裏便呢，種下咗關於呢部經嘅意識、呢個思想，將來你就有機會遇到更好嘅人對你解說呢本經典，甚至喺佛嘅面前出世，而能夠聽到釋迦佛或者其他嘅佛繼續將呢本經好詳盡咁解釋俾你聽。

如果，合，誒，“諸鬼神等，亦各有徒衆，各各自謂成無上道。我滅度後，末法之中，多此鬼神熾盛世間。”一樣有呢啲咁吖鬼神、夜叉、羅剎吖，響呢個世間裏便。“自言食肉得菩提路”——嗰啲夜叉，羅剎呢啲鬼神呢，佢教我哋咩呢？嗱，我哋好易印證得到佢，如果你跟一個師父呢，佢係走火入魔，可能佢係俾一啲羅剎吖，俾啲夜叉附身，你唔知吔，因爲你用肉眼點知吔？我而家肉眼個個都望住係人嚟嘅，但當你天眼，當你修持到有天眼，打開你嘅慧眼，打開你嘅法眼嘅時候，你就能夠睇穿得到佢，呢個師父吖，有冇被邪魔所附，能夠睇穿佢嘅真相，就唔會被佢蒙蔽咗你，呢個就係智慧，你開到智慧，你就會明白。呢啲咁嘅鬼神，但係有一樣嘢，你冇呢啲眼唔緊要，佛陀教你佛法就係一個真真正正嘅慧眼、法眼，能夠擇法眼，識得選擇邊樣啱、邊樣錯。如果佢教你食肉呢，呢樣嘢你唔使諗啦，呢個師父肯定係有問題，除咗密宗裏便一啲大師父之外，其他一般嘅講食肉，教你食肉，好提倡，啫講提倡吖，提倡食肉嘅呢，呢個師父一定有question mark，一定有問題存在，所以你一定要小心！點解呢？你聽落去個經文你就自然會明白。

“阿難吖！我令比丘食五淨肉，此肉皆我神力化生，本無命根。”釋迦佛話，喺釋迦佛嘅時代呢，其實釋迦佛准許，准許啲弟子食肉，因爲啲弟子係一時間係戒唔到肉。後來釋迦佛再講經嘅時候，譬如講到《楞伽經》嘅時候，佢叫啲弟子吖，完全你就唔准食肉，因爲你太過執著個肉味嘞。初頭釋迦佛就用佢神通力化現五種淨肉出嚟，“以我神力化生”，呢啲肉係冇命根，係唔係真嘅殺佢吔？係冇命，“命根”嘅意思即是話，一個衆，一隻豬、一隻牛，你殺咗之後，個神識離開個身體就有個命根，佢係冇命根，係我化現。邊五種淨肉呢？第一，不見殺，你見唔到被殺嘅情況；第二種呢，不聞殺，聽唔到殺嘅時候嘅聲音；第三種，不疑爲我殺，唔係我自己殺；第四種呢，自死，舊，啫嗰隻雀仔跌落嚟自己死嘅；第五種呢，鳥殘，啫譬如話一隻雀仔跌咗落嚟啦，啲鳥類分咗個屍體嘅肉，剩返嗰啲未吃淨啦，啲比丘就可以吃嘅。釋迦佛嘅時候係有呢啲咁吖制定，但係到後來呢，釋迦佛響《楞伽經》嗰度禁止咗，話俾，因爲啲弟子躭著咗個肉味，但係記住啲肉係冇命根。就點解釋迦佛要化現呢啲咁吖冇命根嘅肉出嚟呢？後面呢句就係一個註腳、一個解釋。

“汝婆羅門地多蒸濕，加以沙石草菜不生。我以大悲神力所加，因大慈悲吔，假名爲肉。”釋迦佛話。“汝婆羅門”，啫意思話印度，印度分嘅四種姓吖，最高級就係婆羅門，係祭司，祭司嘅類，祭司類。啫意思話呢度婆羅門係代表印度。印度個地方呢，好濕吖，沙石多，草菜生長唔到。一個修行人唔食肉就食素㗎喇，係咪先？如果菜你都唔食，你可唔可以生存吖？肯定唔得啦。所以釋迦佛，由於佢大悲神力，用吖大悲神力加被，加被呢，用佢嘅慈悲心幻現一啲假肉出嚟，俾佢嘅弟子食，令佢能夠修行得到。咁有啲人問嘞：“喂，點解釋迦佛有神通，變啲菜出嚟都得嘅啫，使咩變肉啫？”如果佛陀呢，唔喺世間度，用人化角度去行人嘅道路啦，佢就唔係佛陀。如果能夠示現咁多神通，佢唔使降生，唔使捨棄個王子嘅階位，佢用神通掟幾部經落嚟，你慢慢學都足夠啦，點解佢唔化現啲菜吔？你明唔明白點解？因爲如果地下，全個印度沙石又多，又蒸濕得，突然間“嘭”聲生長菜，違反常理！明唔明白吖？違反晒常理，違反晒自然，啲衆生係唔會接受。佛陀嘅神力係按衆生嘅機緣令佢接受嘅角度，令佢能夠按佢嘅根基而教佢，所以佛陀會按佢機緣呢，去做一啲嘢。呢個就係解釋點解佛陀唔變啲菜出嚟呢，呢個疑問，有啲人會問過，問過呢個問題。

“奈何如來滅度之後呢，食衆生肉，名爲釋子。”釋迦佛話：“唉！奈何，當我死咗之後，有啲人食緊衆生嘅身上嘅血肉自稱就係佛教徒。”“釋子”就係佛教徒啦，包括出家、在家。

“汝等當知，是食肉人吖，縱得心開，似三摩地，皆大羅剎，報終必沉生死苦海吔。”釋迦佛話：“你哋應該知道，呢個食肉嘅人，縱然個心開，修行禪定個心開，得到三摩地，其實都係食血嘅鬼神嚟㗎，到佢死咗之後呢，“報終”，呢個身體嘅報應，命終之後，最後都會墮落生死苦海吔。”其實講真吖，如果我哋而家食肉，比如我以前，好多年前我都係食肉，咁其實我覺得我自己係一個羅剎，冇分別，你係人身之嘛。（註：接下文）


171.法藏群英講解 1B


（註：接上文）……吖水準，啲水平吖，已經完全降低晒，我哋已經科學越嚟越進步。但係科學嘅文明唔係唔恭維佢，係有用，可以幫助我哋生活，但係隨住科學嘅文明，我哋依賴咗好多物質，我哋人嘅靈性開始降低，我哋人類嘅本性呢，啫本性嘅本能，最基本嘅本能呢，就會提高咗。食飯啦、睡覺啦、色慾啦、爲財啦、爲名啦、爲利，佛教所講嘅五欲，“財色名食睡”，呢種種嘅精神，種種嘅，嘅慾念已經提高咗，隨住科學進步，你覺唔覺得吖？覺唔覺得吖？所以人嘅本性係降低咗，獸性就加強咗。咁所以呢個社會，你睇下，道德幾淪亡吖！係咪吖？就係呢個原理。所以我哋見到而家我著住件西裝，著住件衫，咁靚，有牌子吔，你係一個人嘅外殼，但係可能你內心同一個食肉嘅羅剎冇分別，因爲你人類原始嘅本性提高咗出嚟。你唔知禮儀，只係將人嘅本性發揮咗出嚟，但係其他嘅嘢，你唔，唔識收斂，唔識控制，冇智慧，愚痴。所以而家我哋學佛，佛陀就教我哋呢啲智慧，教我哋點樣更加做好一個人，而化解到我哋日常生活嘅種種問題，我哋事業啦、我哋家庭啦、我哋嘅煩惱。如果我哋學咗佛，唔能夠幫助到我哋，學完佛淨係識得響屋企唸經嘅，對於我哋生活世間上便呢，一啲幫助都冇，我哋學佛有咩嘢意思吔？完全冇意思。佛法在世間，不離世間覺。佛法係生活響我哋世間裏便，釋迦牟尼呢，發現宇宙人生嘅真理，還歸喺宇宙裏便攞出嚟，我哋係宇宙一分子，所以我哋同佛法係息息相關，爲何我哋同呢個世界脫離咗呢？而家又話講環保，但我哋有冇一個觀念覺得地球同我哋息息相關呢？包括我自己在內，我都唔感覺好似個地球同我有咩關係，其實宇宙同我哋信息相通，好似星矢嗰套卡通片，我係小宇宙，佢係大宇宙。但係我又唔感覺環保對我有咩作用喎，我咪照噴噴髮膠啦、照用香水啦，吓嘛？照用膠袋啦，吓，無論我係唔係一個支持環保嘅人都好，但係呢樣嘢事實上對地球有幫助，但我哋唔感覺我哋身邊嘅嘢同我哋息息相關，點解呢？因爲我哋被我哋嘅慾望遮蔽咗，覺得：唉，自家打掃門前雪啦，事不關己，己不勞心啦，今日既然有佛經講，唉，都好啦，冇嘢做，嚟聽下啦，吓，可能或者會有啲咁嘅心態。其實呢啲嘢同我哋息息相關，啲真理，不過你唔明白啫，冇人講俾你聽。如果你突，突然間發現，嘩，你返屋企，個屋頂穿咗窿喎，喇喇聲漏夜兩三點都叫人嚟補啦，係咪先？如果落緊雨的話。但係個地球穿窿，我哋又唔關心喎，點解？你唔發覺嘅咩？你冇感覺到嘅咩？呢個就係我哋科學進步，人與人開始疏離咗，世界遠咗，住嘅距離遠咗，慢慢樣樣嘢都加深咗，慾念加深咗，所以我哋唔覺得我哋同宇宙、同佛陀係接近，係息息相關，我哋係宇宙一部分，我哋就係宇宙嘅全體，而家佛陀話俾我哋聽呢，就係呢一啲道理嚟嘅。

“如是之人，相殺相吞，相食未已吔，云何是人得出三界？”佛陀話：“呢啲人又相殺又相吞，你食我，我食你，你話呢啲人能夠出三界？”我又食你，你又食我，我又殺你，你又殺我，大家互相個因果循環，好似兩個球，一個撞第二個，第二個撞，撞番頭先嗰個，你要佢停吖，要有一個停，冇個反作用力，第二個先能夠停㗎嘛。你殺我，我殺你，因果互相循環，點能夠了呢？譬如而家我打你一巴，你都有瞋恨心，你都：唉，忍住啦，話慈悲心，算啦！忍咗佢。如果你係唔修佛法，嘩，可能打埋，打，打兩拳吖！打番嗰個人兩拳。啫意思話，你對我有一個唔好嘅加害於我身上，我又以彼之道，還施彼身，又打番你，咁如是循環，點會了吖？世界戰爭咪咁樣來源囉，你殺我，我殺你。如果有呢個殺心，你話呢啲人能夠出三界？釋迦佛話冇可能嘅。

“汝教世人修三摩地，次斷殺生，是名如來先佛世尊第二決定清淨明誨。”釋迦佛再語重心長同阿難講，佢話：“你將來教導世人修禪定，第二，第一我教你斷淫，第二我要教你斷殺。呢個就係過去所有嘅佛曾經教過我，而家我再教你哋，希望你哋遵守，教導將來嘅衆生，唔好俾佢哋沉迷吔。呢個就係第二樣，決定一定要遵守嘅清淨嘅教誨。”其實唔係包括釋迦佛感嘆，我講咗佛經咁耐啦（教，啫唔好話教啦，大家研究嚟講），見到好多學佛嘅師兄啦，好長嘅時間之內吔，都唔能夠斷殺嘅，但仍然見佢出現嘅喎，佢又好有興趣坐度聽下，講下佛經吖，聽下講下啲道理。但係你坐響度聽，唔係冇益嘅，咁但係你真真正正學咗佛嚟講呢，希望佛陀嘅思想能夠改變你嘅人生，令你有一條光明嘅路去行，我希望能夠見到嗰啲師兄嘅行爲開始改變。但係過五年十年之後，“哎！你好，李生！點吖？食素未吔？”“唉，唔得吖，都係未得吖，屋企唔掂吖，吓，仔女要食吖，我唔食又唔掂吖，吓，始終我好多應酬吖，吓，我又做乜吖，做邊行吖……”十年後又係咁，十年前見佢又係咁，但係佢仲係一個佛教徒喎，咁你先攞命喎，好惡抵㗎嘛，佢仲係一個佛教徒。你唔係佛教徒，唉，算啦，唔理啦，下次啦，吓，唔好理佢住。奈何佢係佛教徒，佢又上啲法會裏便又聽你講嘢，咁你希望佢好嘅，但係佢聽完你之後呢，係左耳入右耳，右耳出，佢個耳根圓通仲犀利過觀音吖，哈！左耳入右耳出。咁所以咧，真真正正呢，你一定要了解咗啲嘢返去，真正正修行，去做。“千里之行，始於足下。”如果你自己唔行第一步嘅，冇人幫得到你吔，你唔行，最多扶一扶你啫，但係你唔肯行嘅，你永遠喺原地裏便踏步，別人都勉強唔到你。

第二就係“斷殺”，呢個就係“四清淨明誨”第二個好重要教誨。“是故阿難！若不斷殺修禪定者，譬如有人，自塞其耳，高聲大叫，求人不聞吖，此等名爲欲隱彌露。”釋迦佛又講咗個比喻嘞，譬如你唔，你唔修禪定，你唔，你唔斷殺要修禪定，等於有個人大聲嗌，揞住自己嘅耳仔：“聽唔聽到？聽唔聽到吖？嘩嘩嘩，聽唔聽到？聽唔聽到吖？”其他人梗係聽到啦。“聽到咩？我聽唔到有聲嘅？”啫自己阿Q精神，自己話聽唔到聲，但係人哋已經聽到好大聲嗌。等於猶如你戴住個耳筒唱walkman，喺度你唱嚟講，你以爲好細聲，其實係好大聲嘅，吓嘛？啫咁嘅原理。所以呢，咁樣係好傻，如果你修禪定唔斷殺，只會，欲隱彌露嘅意思，你越想覆藏呢，其實個果報呢，就會越會暴露出嚟，越會快脆顯露出嚟。

“清淨比丘，及諸菩薩，於岐路行吖，不踏生草吖，況以手拔？云何大悲，取諸衆生血肉充食呢？”釋迦佛呢，好語重心長，再講呢句，佢話：“我嘅清淨嘅出家嘅弟子吔，同埋其他修行菩薩行嘅弟子吔，響歧路行（“歧路”呢，啫係啲十字路口啦，吓，啲三岔路口啦），不踏生草（呢個“踏”呢，同“踐踏”一樣）。”佢話：“我教授吖，我啲弟子吔，同埋啲菩薩吖，響啲歧路度行路嗰時候吖，連一條草吖，都唔會用腳踏落去吔。”因爲萬事萬物欣欣向榮，你一見到呢一條草、一朵花，佢有佢生存嘅權利，如果冇特別目的，你點解摘佢出嚟呢？學一個頑童，一個細佬哥，摘完一朵花，覺得好靚，然之後抌，抌咗喺地下裏便。呢朵花可能呢，所謂“十年樹木”啦，係咪先？你培養樖樹，都最少要十年啦，你摘朵花，都起碼三個月啦啩，或者甚至一季先開花吖嘛，有啲花。佢有佢生存嘅權利，萬事萬物欣欣向榮，佢都有佢自己本身生存嘅因素、生存嘅條件，你點解無端端要摘佢呢？嗱！你諗下釋迦佛嘅慈悲心。嗱，我哋知道就算我哋掹朵花冇罪嘅，講真，係咪先？你殺，殺一個衆生，殺咗之後，佢個識田種下你殺佢嘅種子，你有個惡業，將來佢會搵番你報仇，但係你掹朵花就唔會，佢係生，係生命，係無情嘅生命。嗱，有啲人講到呢度呢，就有個問題話：“喂，大佬，你而家殺生，吓，唔食肉，咁你而家食菜吔，係唔係殺生吖？你又話，你煲水都殺生啦！”好多人都問，吓嘛？其實呢，釋迦佛講過，菜係唔係生命呢？係生命嚟嘅，但係無情嘅生命，要加埋“無情”嘅註解，意思就係話呢，佢有單一嘅反應，反應係action，reaction。啫譬如話，你個科學家譬如有兩樖植物，試過做過啲實驗，一樖植物，就對佢施肥吔，陽光吖、雨露吖，好多助緣，對佢好呵護，而且俾啲信息佢：“嘩，你真係生得靚吖！你啲花開得好好吖，再開啦，再開！”另外一樖呢，就少啲淋水，少啲肥，少啲陽光，就鬧佢：“快啲謝，快啲凋謝，快啲凋謝！”咁吖做過一個咁嘅實驗，真係喎，鬧嗰樖吖謝晒，好快，過咗幾日，好嗰樖慢慢慢，就唔見得佢生得好犀利，但係冇謝，仍然繼續向上生長。所以鬧佢，其實可能用現代科學講，解釋呢，證明佢有單一嘅反應吖嗰啲，嗰啲植物吖，有嗰感情，但係單一，單一嘅，啫單一嘅機械性嘅反應，但唔代表係感情嚟。所以釋迦佛響佛經裏便，佢都係“生”，但係無情嘅“生”。你係冇業嘅，你係食嗰樖草係冇業，啫冇個罪業嘅，但係啲人就唔識分開生，生命吖，同埋無生命，佢以爲植物都係有個生命。有冇生命，就決定你有冇“精神”響你個身體裏便，人係物質現象同精神現象嘅綜合體，每一個宗教都有講死後有精神嘅生命，咁所以菜有冇吖？其他植物有冇？呢啲有冇吖？冇吖，呢啲係無情，譬如草嗰啲就有生命，呢啲直程生命都冇，係無情，明唔明白吖？就係呢一，呢個道理。

釋迦佛嘅慈悲本性，都能夠擴展到無情嘅生命，何況有情嘅生命呢？云何嘅大悲菩薩，點解大悲菩薩會食衆生嘅血肉呢？可能你食嘅血肉，你聽完我講經，今晚你出去食飯，可能你都會食肉嘅，但係你食嗰嚿肉會唔會係你嘅父母呢？如果你係輪迴嘅思想嚟講，同我哋結得緣，被我哋食得嘅，可能係兄弟姐妹，或者宿生，前生裏便嘅父母、朋友，唔出奇，只不過我哋冇慧眼睇清楚啫，我哋冇宿命嘅神通，我哋唔知道。但係釋迦佛嘅教誨其實俾咗我哋一個法眼，已經我哋係俾咗我哋個神通，如果你係相信的話，呢啲肉就係你宿世嘅父母吖，冤家互相仇對，點解食呢？大悲菩薩連生草都唔拔，云何衆生，“云何大悲，取諸衆生血肉而充食？”

“若諸比丘不服東方絲緜絹帛”，呢個“錦”字嚟嘅，啫古體字，相反，反番轉一樣啫，“……絲緜絹帛，及是此土靴履裘毳、乳酪醍醐。如是比丘於世真脫，酬還宿債，不遊三界。”釋迦佛再講嘞，嗱，呢段有個特別嘅意思就係話，如果，如果我嘅出家弟子，唔著吖，“不服”，東方吖，東方，嗱，上便係東方，下便係此土啦，因爲釋迦佛講經嘅地方就係印度，東方就係指我哋中國。“絲綿絹帛”，“絲”點樣出嚟嘅呢？“春蠶到死絲方盡”，係咪吔？啲，我哋啲人要著絲綿嘅綿衲嘅冬天呢，溫暖吖，但係你唔知幾多條生命吖，係咪吔？響你件綿衲裏便有幾多條生命？你吖暖笠笠啦，利工民（註：衣服嘅牌子），係咪吔？好暖吖，但係你知唔知幾多條生命吖？因爲呢，如果你唔，佢嗰個蠶呢，變化嘅時候，蛻變個蠶蛹呢，如果嗰隻飛蛾吖，變咗蛾飛出嚟呢，好似天蠶變咁，你要咬爛咗個繭呢，佢先能夠出咗嚟，但係一咬爛個繭，啲絲就冇用，所以趁嗰個飛蛾未飛出嚟嘅時候，將啲繭煠熟咗取絲，但係裏便有個生命喎，連裏便嗰個都死埋。有啲人中意吃埋裏便嗰粒，嗰粒啡啡哋色，未變成蟲嗰隻飛蛾，吓，以前我細個見，見過有啲親戚係食，炒吓嘛？好好味，嘩，好香，佢哋吔。嗰陣味都好難頂。咁所以你諗下你著嘅綿衲，吓，你所冚嘅絲綿被，嗰度幾多條生命呢？你諗一諗。我哋中國嘅絲綿絹帛，呢啲都係蠶絲嘅織品嚟嘅，蠶絲嘅製成品。

或者係印度嘅土，或者係印度嘅“靴履裘毳”。“靴履”，啫係用牛皮吔，吖，而家又話羊皮吔，軟啲吔，啫手袋吔，鞋吔，做嗰啲啦，吓。“靴履”，就鞋啦，鞋啦。“裘毳”呢，就係各位女士著嘅mink吖，大mink吖，吓。“毳”呢，你睇下“毳”字，三個“毛”字，啫係好多毛咁解啦，啫掹動物身上嘅毛，吓。你冬天所著嘅mink，吓，要攞個，係咪要，咩攞個冷藏櫃保養吖，又要幾多度吖，呢樣唔知嘞，聽過，係咪吖？如果唔keep好佢呢，皮褸呢，就發毛嘞，起霉點嘞，係咪吖？以前我講過呢個“四清淨明誨”呢，又記得有個師兄呢，聽完之後啲皮褸喇喇聲送晒俾人，後屘佢同番我講有成四五件皮褸，連嗰張sofa都唔要，吖！佢真係，真係佛弟子吔，真係。不過後來佢一樣食番肉，唔知點解，啫可能一時間嘅，嘅衝動啦，吓，吖，咳。咁你又會問，你又會問：“點解？嗱，喂，你話啲蠶絲要殺生嘅啫，喂，有啲mink吖，有啲皮毛嗰啲唔使殺隻動物嘅喎，羊毛啦，係咪先啦？我著啲羊毛衫，或者羽絨啦，大佬，我去爬山咁凍，著件羽絨都唔過分。”羽絨就係嗰啲咩料吖？我都唔知嘞，個腋下嗰啲毛吖，係咪吔？聽講掹咗之後聚織而成，好暖㗎，可以保溫，喺阿拉斯加或者北極吖，好寒天地凍吖，嗰啲嗰啲料唔知乜嘢啦，吓。“呢啲我又唔須要殺嘅，點解你都唔能夠咁做呢？”嗱，後便嗰度有解釋吖，原來，今日揭曉一個秘密，呢個真係秘密嚟嘅，釋迦佛講到好真。

仲有一樣就係“乳酪醍醐”。嘩，呢，呢樣嘢講一講啦，一陣我哋下晝嗰啲點心係有牛奶飲吖？牛奶都唔飲得？“乳酪醍醐”，牛奶嚟嘅喎，“乳”呢，就係牛奶嚟嘅，“酪”呢，就係牛奶再提煉一層吖，“醍醐”呢，就更加乳嘅精華，啫而家我哋所講可能煉奶啦，以前印度煉奶啦、吖芝士啦、酸奶啦，啫發酵有啲蟲仔。我哋見到超級市場吖，惠康吖、盛昌吖，吖，OK吖，諸如此類嗰啲，提煉出嚟，又，總之係乳製品，乳類嘅製品，吓，嘅精華提煉出嚟嘅，都唔可以食喎。“嘩，係唔係咁嚴格吖？”有啲人問點解咧？釋迦佛後便就好清楚話俾大家聽，佢特別同佢語重心長講，真係佢嘅弟子，你真係要修行呢，一定要咁做吖，講真。但係如果而家叫你勉強，你唔得㗎，嗱，你而家挨，挨到下午兩點，如果得包奶俾你飲，你肯定飲嘅，冇計嘅，人嘅本性又出嚟嘞，係咪吔？但係你嗰，嗰個時候嘅心呢，你會唔會檢一檢點下你個心：哎吔，釋迦佛教我，啱啱聽完，唔好做，好啦，忍肚子餓啦！但係諗諗下：嘩，九點喎，今晚要講到（誇張啲，七點啫可能），九點喎，唔飲又肚餓。嗱，呢個時候心已經鬥爭緊，係咪吔？禪定嘅心，你降伏唔到你有一個起伏嘅心，點解呢？釋迦佛話：“如果你真嘅咁做，唔著中國嘅絲綿絹帛，同埋我哋印度嘅鞋履裘毳，同埋飲啲牛奶類嘅製品呢，呢一個出家人吖（嗱，記住係講出家人，但係我哋居士如果能夠做到呢，更加好），呢個出家人響世界上就真係解脫嘞，真係離開三界。”“酬還宿債，不遊三界。”唔須要再出生喺呢個三界裏便，將以前嘅債務都能夠還清。“何以故吖？”釋迦佛真係好慈悲吔，成日驚啲徒弟呢，唔明，成日問：“明唔明吖？明唔明吖？點解吔？”嗱，又解釋“何以故”——“服其身份，皆爲彼緣吖，如人食其地中百穀，足不離地。”必是，“足不離地”，即是釋迦佛解釋點解你唔需要殺，你都唔，唔可以著，著佢呢？著衆生身上嘅皮毛所做成嘅製品，因爲如果服、食，“服其身份”，即是同個動物嘅身體有關係嘅部分呢，都同佢哋下不解之緣吖，明唔明吖？同佢結下一個緣份，等於“如人食其地中百穀，足不離地。”等於我哋人，初頭我哋人類嘅來源呢，同其他宗教解釋唔同，係嚟自三界裏便其他嘅時空，第三度空間以上嘅光音天嚟嘅，呢個光音天，初頭啲人類呢，會飛行嘅天人，佢福報盡咗，嚟到地下裏便，食咗地上嘅百穀，而失去咗個神足，失去咗個神通，個福報呢，而開始做咗地球呢，人類最初嘅祖先，所以佢係食咗地上嘅百穀，同個地下結咗不解之緣嘅。嗱，好簡單之嘛，我哋用佛經去印證番呢個問題，點解我哋唔能夠飛呢？啲天界人能夠飛呢？天界人使唔使食我哋人間啲煙火？所謂“不食人間煙火”㗎嘛，神仙。我哋就要食人間煙火，食地下裏便生長出嚟嘅草菜，同個地下結咗緣，我哋嘅腳咪黐住嗰地囉。咁假如我哋另外一個角度去睇，啲太空人嘅，外星人嘅，佢唔須要吃地下嘅草菜㗎，可能吸收宇宙嘅能量，佢咪能夠飛行囉，好簡單嘅道理啫。所以如果你係同任何一樣嘢結下緣呢，啫你都會再嚟一次呢個世界裏便呢，要酬還你嘅債務，無論係好、係壞。我哋今生呢，能夠有夫妻吖、朋友吖、兄弟姊妹，呢啲親戚咁嘅關係，由於你欠我，我欠你。嗱，譬如講，仔女一樣啦，大家嘅仔女，有啲孝順，有啲唔孝順嘅，有啲好激氣，有啲天生出嚟係有啲缺陷嘅，點解吔？冇得解釋，你去算命嘅話，哦，註定咗啦，後天睇下有咩方法可以補救？但係再推上一層宿命論，就冇得再去解釋，點解你會生出嚟缺陷，點解你會生，生喺埃塞俄比亞，點解你個仔教極都唔聰明，點解你讀完大學之後冇嘢做，踎咗咁耐？點解呢？嗱，呢種種嘅問題，呢個就係個根源，就係你前生所造嘅惡業嚟嘅，你個惡業導致你有呢個因果存在。譬如有啲父母所生嘅仔女，有啲對佢孝順，有啲對佢唔孝順，唔係報恩就報怨啦。而家養兒防老，呢句說話呢，唔啱㗎喇，響呢個世代，我相信，因爲而家我見到啲仔女太唔孝順啦，對啲父母。積穀防饑係仍然真嘅，所以啲人猛搵錢，“唉！費鬼事生吖，激氣，儲多啲錢仲好吖！”係咪吔？親生仔女不如近身錢，係咪吔？我哋而家呢個世代，每個人都有咁嘅思想，但係我哋睇番中國我哋傳統文化，中華民族裏便，我哋啲“仁義禮智信”吖，儒家所講嗰啲，去晒邊一度呢？嗰啲人類根本嘅美德吖，去晒邊一度？冇晒啦！猶如頭先我講科學越進步，淘汰咗好多嘢，淘汰咗我哋人類嘅精神，呢啲咁吖人類根本嘅道德，係冇晒，冇晒了。咁所以我哋嘅親屬，譬如我哋仔女嚟講，唔係對我哋孝順就對我哋忤逆㗎喇，因爲我哋前生唔孝順父母，所以今生佢就唔孝順你吔，有好多都現眼報嘅，譬如今生你唔孝順父母，將來你都會老㗎，你都會有仔女㗎，呢啲仔女一樣唔孝順番你吔。所謂中國人有句古語都講過：“遠在兒孫，近在身吖。”呢啲果報，係咪吔？你諗下，好快就會出現眼前，每個人都會老吖。所以對你有恩、對你有怨，對你有啲人有恩，你對佢有怨，生生世世由於一個“恩”字、一個“怨”字，呢兩個字呢，纏結你輪迴嘅世界裏便不清。所以你食衆生身上嘅肉，同衆生結下個緣，著衆生身上嘅皮嘅毛，你一定要還番呢個債務，再嚟嘅，佢都會用番你身上嘅嘢吖。嗱，呢個就係解釋點解就算你唔殺生，你都會輪迴響呢個世界，因爲同佢結下不解之緣，猶如你食咗地上嘅百穀一樣啦，你離唔開地下。

“必使身心於諸衆生，若身、身份，身心二途不服不食，我說是人吖，真解脫者。”釋迦牟尼如來講呢，佢話：“如果你想同衆生唔結緣，離開呢個三界，首先呢，喺衆生嘅身，就係佢身體、身份。”身體裏便所出嚟嘅嘢，皮毛吖，嗰啲你唔用佢吖，內臟，唔用佢，你要殺佢先攞到佢內臟，佢嘅身體，屬於佢身體嘅部分。”“身心二途”，呢個“途”字係古字啦，猶如個道路嘅“途”一樣啦，身心兩個途徑，唔，唔食嘅，“不服不食”，唔著嘅、唔食嘅，釋迦佛話：“我就話呢個人真係真真正正解脫。”

“如我所說，名爲佛說，不如此說，即波旬說。”——學似我咁講嘅呢，就真係佛講，如果唔係呢，就真係魔所講。

嗱，呢個第二個清淨明誨呢，就係“斷殺”，我哋又聽完呢個呢，都應該會有好深嘅感受，我哋又做唔做得到呢？就算我哋做唔到，但係我哋的的確確而家係見到啲咁吖現象，我哋係唔可以否認吖，我哋係唔可以逃避呢個事實，我哋而家又見到呢個現象，除非你唔信宗教，你話：“唉，人死如燈滅，有咩輪迴吔？今世都係享樂啦，有啲錢，都係努力做返一啲有意思嘅事啦，咪信咁多因果。”你咁嘅心呢，都還好啲，但係如果你話：“人死如燈滅嘅，唉，儘量享受啦，話之你吔，損人利己吖。咁你第二世嘅報應好慘，一有自私心，一有損人嘅心呢，損人，咁人呢，你個，你個腦已經諗咗，人，其他萬物嚟講係比人次於一級，一級嘅，喺人嘅角度，因爲唔平等，有階級嘅觀念，對人，你都損人利己，啲動物，唉，話之你吖，亂殺啦，係咪先？你去食飯，日日都海鮮嘅，可能如果你有錢，真係，你覺得係補，覺得係好，以形補形。最棹忌呢樣嘢，中國人“以形補形”，殺好多生，食好多肉。“欲知世上刀兵劫，但聽屠門夜半聲。”你想了解世界上刀兵劫嘅戰爭，點解咁慘？我嘅家人，我嘅仔女可能移民去外國，突然間地震，突然間嗰個地方打仗，可能損失咗一啲眷屬，你會好痛心，但係你有冇問一問自己，你前生嘅殺業，你所殺嘅衆生，呢筆血債吔，由邊個去填呢？係咪先？你對人唔公平，而家你覺得怨天尤人，個天地震，火山爆發，對你唔公平，毀你嘅家園，損你嘅財物，將你嘅親屬奪去佢嘅，佢嘅生命，咁但係在於你前生、在於你今世，你有冇做啲損人利己嘅嘢？假若你有嘅，呢啲報應，係你要承受㗎，唔好怨天尤人，呢啲係因果循環。所以我哋唔殺生呢，係釋迦佛所講嘅第二個清淨明誨，將來我哋一定能夠得福嘅。

咁我哋講第三點“斷盜”嘞，吓，“斷盜”。“阿難！又復世界六道衆生，其心不偷，則不隨其生死相續。”釋迦佛又對阿難講，佢話：“世界嘅六道衆生，如果個心唔偷呢，就唔會生死相續。”嗱，如果重複嘅語句呢，我唔太詳細解釋嘞，呢啲舉一反三，你明。

“汝修三昧，本出塵勞。”你嘅偷心唔除呢，其實係冇辦法解脫生死嘅。“縱有多智，禪定現前，如不斷偷呢，必落邪道。”如果你修禪定，有多智嘅禪定出現呢，喺禪定發到智慧出嚟呢，如果你唔斷偷心呢，一定會落邪道。落啲咩邪道呢？上品就係精靈，啲山精水怪，盜日月嘅精華，中，攝天地嘅氣潤；中品呢，就係妖魅，妖魅嘅意思就係附人嘅，你冇話呢樣嘢同你無關心吖，好多人話被鬼砸，可能就係呢個問題。夜晚有冇試過被鬼砸吖？妖，被鬼砸呢，可能就係啲妖魅，呢啲邪，呢啲妖，可能附住衆生，吸衆生嘅精氣。釋迦佛有講過，事實上有呢啲情況存在。上品嗰啲呢，精靈嘅意思呢，佢就會寄居響啲山吖，寄居啲石，或者甚至附住一啲佛像，你冇以爲你拜，而家拜緊啲觀音、拜緊嘅佛就係真係佛嚟嘅，可能唔係，可能俾啲精靈，俾啲邪魔妖怪附咗響上便，因爲冇通過你嘅加持，冇通過你開光嘅方法，亦都你做咗就算做咗開光加持之後，你個心係求啲唔好嘅嘢，你嘅心就同外界相應，明明你初頭開光嘅時候係有個正氣嘅，個佛像裏便，但係隨住你求嘅歪念害人，呢啲唔好嘅嘢，呢個正氣就消失，邪氣就會降臨，所以萬法都係唯我哋嘅心，係我哋嘅心嘅問題。精靈就係附著一啲木石成精，妖魅呢，就係附住人嘅身體，盜人嘅精氣。下品呢，就係邪人，邪人呢，就係響我哋人裏便呢，其心不正嘅人。“諸魅所著”其實呢，呢啲人呢，都被啲妖魔鬼怪吖，所附吖。“彼等群邪，亦有徒衆”，又話有徒衆。“各各自謂成無上道”，又話已經成就咗無上道。

“我滅度後，末法之中，多此妖邪熾盛世間，潛匿奸欺，稱善知識。各自謂己得上人法，詃惑無識。”呢一段嘅意思就係話啦，呢啲咁嘅邪人吖，釋迦佛涅槃咗之後呢，又係熾盛世間，佢會哩埋，會隱藏自己，話自己得到上人法。“上人”係咩意思？係菩薩，菩薩嘅法，甚至話自己已經成佛。當然啦，如果佢話魔，你點會跟佢吔？佢梗係話佛，著住件衫好似佛，好似出家人一樣，吓，講嘅亦都係佛法，但係你未必能夠分得到佢係真係假。呢一啲人呢，詃惑無識，冇知識嘅人、迷惑嘅人，唔識佛法，就好，就俾佢迷惑得到嘞。

“恐令失心，所過之處，其家耗散吖。”即是佢呢啲咁嘅魔呢，會用啲恐吓嘅言辭呢，令到衆生呢，失去正念吖，令到佢好驚。呢啲咁吖妖邪所過嘅地方呢，譬如話你信奉咗呢啲妖邪，拜咗佢做師父嚟講呢，你嘅家庭會自然耗散，梗耗散啦，佢叫你去攞啲財物去供養佢吔，係咪先？你供養來供養去，你屋企都冇晒錢啦，梗耗散啦。呢度耗散唔係淨係講財物，身體嘅、心靈嘅都有損失。

“我教比丘，循方乞食，令其捨貪，成菩提道。”釋迦佛話：“我教出家人吖，向住唔同嘅方向去乞食，令到佢捨離貪心，而能夠成就菩提嘅道路。”“諸比丘等，不自熟食，寄於殘生，旅泊三界，示一，一往還，去已無返。”釋迦佛話：“我叫我嘅出家弟子呢，自己唔煮嘢吃。”點解呢？自己唔燒火煮嘢吃？因爲佢沿途行乞，佢嘅出家弟子，我哋供養出家人有福。但而家出家人揸住鉢啦，托鉢俾你嘅時候，你可能話：“唉，陰公嘞，噚晚買咗金多寶，今日開今多寶，我見到你真係慘吖，呢次。”好多人會有咁嘅思想，唔出奇，吓，會鬧出家人。啫而家啲人對於出家人好唔尊敬，但係釋迦佛教啲出家人托鉢，教佢啲弟子，點解呢？由於我哋布施吔，供養出家人呢，係有福報嘅，甚至佢證咗個果位係羅漢果，“羅漢”就係“應供”，你應該供養，供養佢，下世呢，好多福報。如果你將呢啲福報回向極樂世界，今世就能夠造成呢，解脫生死嘅因。咁釋迦佛所以教佢啲弟子乞食呢，其實你布施，當時啲人吖，印度嘅時候，布施啲飯食俾啲出家人嘅心態唔係話等於而家我哋好似俾啲錢，俾啲錢街邊啲乞丐咁，俾一，俾一蚊，“嘭！”一聲，好大力咁抌落個兜度，“吖！俾你啦！”咁吖，啫個心仲有，啫都會有啲咁嘅心嘅，啫好似“我施捨俾你”，啫好似好求你。其實我哋用個心態，如果出家人就同我哋而家布施嘅心態唔同，相反，佢施捨俾我哋吔，佢俾個機會你積福咋，你布施俾佢，將來能夠得到好多福報，你供養出家人，如果佢係一個羅漢，一個菩薩嘅果位，嘩，你將來嘅福報可能唔只喺世間做人王吖，做而家世間，我哋知道嘅，世界啲名流吖，十大富豪，可能呢，喺天上做天界嘅皇帝吔，唔止世間福報咁簡單，如果你唔將呢啲福回向極樂世界的話，第二世變咗你人界、天界嘅福報啦。其實係出家人俾機會我哋去修行，唔係話我哋施捨俾佢，千祈唔好倒轉咁諗吖。如果我哋一個佛教徒，所以釋迦佛教佢弟子話唔煮食，由於我哋嘅身體，由於佢，釋迦佛話：“衆生嘅身體，爲咗修行，唔應該躭著去食嘅。”“寄於殘生，旅泊三界。”響呢個三界裏便漂泊。“旅”呢，就響道路裏便；“泊”呢，就係河岸，三點水嘅。啫意思係話，乞食有時喺水中，有時喺陸地，吓。

“示一往還，去已無返。”釋迦佛話：“我都希望。”啫話佢嘅弟子啦，“一次嚟呢個世間解脫生死，就唔須要再返嚟。”

“云何賊人，假我衣服，裨販如來呢？”嗱，呢句呢，就講到而家末法時期呢……（註：接下文）


172.法藏群英講解 2A


（註：接上文）……人呢，劫奪我哋嘅財物，包括我哋身體外便嘅財物，包括我哋身，身，自己嘅“法財”，“法財”就係你嘅慧命。佢污染你嘅思想，毒害你嘅思想，仲慘過攞咗你啲身家吖，仲慘過攞咗你嘅身份證，因爲攞咗身份證你可以發番俾你，唔見咗錢可以搵番，但損害你嘅精神吖，荼毒你嘅精神，如毒品一樣，你一世都甩唔到吖，所以末法時期，我哋搵師父學佛法一定要小心啲。呢啲邪人，呢啲賊人呢，“假我衣服”，你記住最慘一樣嘢佢就魚目混珍珠，佢會著住袈裟，會著住如來嘅衣服，佢話佢係出家人，“裨販如來”，啫將佛法去販賣吔。譬如話，你今日嚟，吓，好啦，我講，今日淨係講完《楞嚴經》，算啦，每人收返一百蚊啦，吓，呢一堂，一陣要講吖，逐堂計，第二本咩經？第二本經《無量壽經》啦！好啦，收返五十啦，吓，最多減半。嘩，咁我都發達吖，如果咁。呢啲就係“裨販如來”，用佛法一個交易嘅心態衡量，猶如我哋而家拜佛、拜菩薩一樣，吖，而家啲人拜佛，好啦，唔好講素，唔好講肉食啦，我哋就算攞素食，吖，我拜佛，希望求，求乜、求乜、求乜，真係幾似交易，我求我個仔吖，啫雖然你求係正確，我求我個仔健康吖，求我，誒，老公嘅生意好啦，吓，求我家庭順遂……呢啲祈求係啱嘅，佛陀係准許嘅，但係真真正正呢，一個人無求呢，其實而自得嘅，因爲點解呢？佛陀嘅法身，你唔須要求，佢都知道你嘅心念，你使咩祈求吖？“但行好事，莫問前程。”只要你專心去做佛陀教你嘅嘢，佢會永遠加庇緊你，猶如你覺得同個宇宙冇息息相關，其實佢喺你身邊，你點知吔？你見唔到之嘛，猶如我哋見唔到呢啲宇宙嘅射線，其實可能而家穿插喺我哋嘅身體，咈哩啡咧你係睇唔到。咁所以我哋其實而家拜佛嘅心係一種交換，係一種貿易，去做生意：“我拜你，你俾啲嘢我，喂，我唔拜你，俾唔俾我吖？”咁樣仲係學佛嘅？係咪吖？你用素，素食求個善性嘅心願還好喎，如果你用肉拜呢，就烏煙瘴氣嘞，但會有靈驗嘅，點解呢？就頭先所講，呢啲山精水怪附喺佛像裏便，你拜佢就會俾啲靈驗你，唔拜佢嘅時候呢，你可能屋企就有災禍，有好多咁嘅例子，我亦都聽過，有啲咁嘅事實，所以小心啲，唔好迷信。佛，我哋拜佢係恭敬，唔係拜個木頭公仔，唔係拜個像，我成日都講，有錢你可以去金雕，冇錢你就咁寫個字，一張紙：南無本師釋迦牟尼佛。你尊敬佢，依住佢嘅說法，就係呢一啲“四清淨明誨”所有嘅經典，你跟住呢條路行，你已經係最尊敬佢。你日日拜佢上香有乜作爲？冇作爲，但係我唔否定你代表你一種你嘅尊敬心，因爲人嘅誠敬，冇，冇個外在嘅行爲去表達呢，你個心唔舒服嘅，呢樣嘢你可以做，但係真真正正呢，經呢，係一條路徑嚟嘅，你跟住呢條路徑去行呢，你先能夠得到益處，如果你淨係空拜，對住個像拜嚟拜去求一啲嘢呢，嚴格嚟講，呢個心態呢，都唔係正確，好容易有個機會呢，被魔利用咗啦，而家呢個末法時期。

誒，“皆言佛法，卻非出家具戒比丘”，呢啲著住袈裟嘅出家人吖，佢個口都講佛法㗎，亦都，但係呢，有一樣嘢，釋迦佛話，佢唔係具足戒律嘅比丘，佢係講佛法，或者個相係好莊嚴嘅，但係呢，佢根本唔守佛法，唔守戒吖，“爲小乘道”，佢行緊小乘吖，佢唔係度衆生吖。“由是貽誤無量衆生吖，墮無間獄”，更加壞啲，佢教導衆生偷盜嚟講呢，頭先呢條所講呢，令到衆生呢，墮落無間地獄。“若我滅後，其有比丘，發心決定修三摩提，能於如來形象之前身燃一燈，燒一指節，及於身上爇一香柱。我說是人，無始宿債，一時酬畢，長揖世間，永脫諸漏。”釋迦佛話，有個方法響《楞嚴經》教，不過呢樣嘢呢，唔係咁容易做。以前古代呢，好多高僧大德曾經呢，用過呢個苦行嘅方法去做，但後屘被禁止。因爲釋迦佛，呢，呢一段嘅說話呢，佢話如果你吔，唔，希望能夠以前嘅債務一時間，酬，一時間呢，了卻呢，如果你能夠發心呢，修禪定呢，能夠響佛像之前呢，“身燃一燈”，啫將一盞燈呢，去燒你嘅身體，“燃一指節”，或者將你手指一節燒咗佢。我哋有冇見過一啲出家人係冇，得八隻手指嘅？有吖。佛教裏便八指頭，頭陀啦，或者我哋睇下香港大嶼山嘅聖一法師呢，佢都有燃過指吖，無名指嗰度燃咗佢吖，我唔知佢燃一節定兩節，佢就係應該係以奉呢本《楞嚴經》呢，爲佢修行嘅，嘅準則嚟嘅，所以佢照樣咁做。但呢樣嘢唔係咁容易做，如果你唔係真係修禪定，唔係發心嘅，你燒埋你腳趾都冇用吖！啫意思話你好專心燃一個指節，希望能夠酬償宿債，亦都斷淫、斷盜，斷，斷妄，我跟住講落去呢一啲呢，你無始以來嘅宿債，仲要唔退心啦，就能夠一時酬還。或者響你身上燒一炷香，我哋都有見燃香嘅，有啲手臂裏便受菩薩戒，焫啲窿啦，或者個頭焫啲窿啦，吓！呢，呢一啲咁嘅行爲，呢啲係痛苦，可能嘅原理就係以一次咁大嘅痛苦去抵消你宿世嘅業障。你惡業不外身心唔開心痛苦，你病個心唔開心，肉體痛苦啫，你用燃指一次過痛苦去抵消你無始以來嘅宿債，如果你有咁嘅精誠嘅心呢，你無始嘅宿債就一時酬償完畢。我哋而家用凡夫嘅智慧，我哋唔可以猜度如來嘅真正嘅思想，因爲點解呢？你覺得好似燃一隻手指，有啲人忍得痛都做得到啦，但係你有冇呢個真心呢？我哋只，而家聽到呢咁嘅經文呢，只有對佛陀保持一個信心，相信，我哋唔會覺得佢係虛妄，如果你有信心呢，一定能夠你無始嘅宿債呢，一時能夠酬償得到。“長揖世間”，你就會，“揖”呢，啫拜別嘞，拜拜嘞，吓，就唔會再嚟呢個世間。“永脫諸漏”，永遠離開各種煩惱，“漏”就係煩惱。“雖未即明無上覺路吖，是人於法已決定心吖。”釋迦佛話，雖然呢個燃指嘅人呢，未能夠即刻，“雖未即明無上覺路”，未能夠即刻明白無上正等菩提嘅覺路，啫同佛仲有一個距離，仲未能夠成佛，但係呢，呢個人吖，喺法裏便吖，已經有決定嘅心啦，啫會有不退轉嘅心啦。“若不爲此，捨身微因吖，縱成無爲吖，必還生人吖，酬其宿債。”釋迦佛話：“如果你唔咁做呢，唔捨身以啲少少，少少嘅燃身供佛嘅微因呢，去做呢，“縱成無爲”，“無爲”就阿羅漢，縱使你成爲阿羅漢，都還須要再嚟呢個世間去酬還番你欠人嘅債務。呢度釋迦佛跟住講咗個比喻：“如我馬麥，正等無異。”呢個係一個故事嚟嘅。釋迦佛呢，當時嘅時代呢，有個國王吖，叫做阿耆達王，呢個阿耆達王呢，就請釋迦佛同埋佢嘅弟子吔，入去皇宮裏便吖，毗蘭邑嘅地方，去接受個供養。咁呢，個國王供養嘅時候，因爲印度四月至七月係個雨季嚟嘅，響雨季裏便呢，釋迦佛規定佢弟子，因爲，因爲天雨多濕，就唔出去乞食，國王於是布施接受供養，呢段時間就集中喺度修行。但係個國王呢，供養咗七日之後呢，啫講釋迦佛嘅，嗰個時代釋迦佛嘅事，國王供養咗七日之後呢，個國王被個魔迷咗個心吖，唔記得咗供養，但其他人又唔敢供養，但係最後呢，有個馬師吖，養馬嘅馬夫呢，嘩，見到佛肚餓吖，成班弟子啲羅漢跟住晒，國王請咗佢哋又唔供養，於是將啲馬麥食剩嘅去供養佛陀食馬食嘅麥，啫比較低下嘅食品，啲馬食吖嘛，啲畜生食。咁於是呢，差唔多食咗成三個月，佛陀就離開個皇宮。佛陀都要食呢個馬麥。但後屘阿難尊者再問佛陀：“嘩，以您老人家世尊大覺嘅身份，咩因緣要食嗰個馬麥呢？點解會食三個月呢？”佛陀呢，就解釋俾佢聽，佢話：“喺過去嘅時代，啫釋迦佛以前，喺過去嘅時代，毘婆尸佛嘅時代，嗰陣時候呢，毘婆尸佛就去接受供養，供養完，啫同埋啲弟子去接受供養，嗰佛叫做毘婆尸佛。咁當佢供養完畢呢，有個病嘅出家人，呢個病嘅出家人，毘婆尸佛就攞咗啲食物帶返去俾個出家人食，因爲佢唔去得，接受唔到供養，咁途徑一個山呢，嗰個山呢，好多古代嘅梵志吖，修行，嗰啲梵志吖，就係嗰啲婆羅門，斷咗淫慾去修行。咁其中一個梵志經過呢，見到毘婆尸佛同佢嘅弟子呢，就講咗一句唔好嘅說話，佢話：“嗯，呢個咁嘅出家人都應該接受皇帝嘅供養咩？”就講咗呢一句說話。佢應該食啲下賤嘅食品吖，啫咁嘅意思啦，由於講咗呢句說話嘅時候呢，第二世嘅時候呢，呢個，呢個梵志吔，當時個梵志，釋迦佛話就係我嘅前身嚟嘅，由於我話咗毘婆尸佛呢一句，話佢應該食啲比較低下，下賤嘅嘢，咁當時呢個梵志呢，亦都有五百個弟子，呢五百個弟子亦都同佢師父一樣呢，都輕視咗呢個毘婆尸佛，毘婆尸佛同佢嘅弟子，所以釋迦佛當時喺阿耆達王應供嘅時候，同埋嗰五百羅漢呢，就係要食馬麥三個月，呢個連釋迦佛都有呢個因果存在。釋迦佛後來再講，佢話：“呢個病嘅比丘接受唔到應供呢，就彌勒菩薩嚟嘅，個五百個童子呢，就係個五百個羅漢。”釋迦佛講番個宿世嘅因緣，佢話：“我係佛陀吖，舉一個例，我都要酬還宿債吔，要食馬麥吖。”

“汝教世人修三摩地，後斷偷盜，是名如來先佛世尊第三決定清淨明誨。”阿難吖，你將來教世人修行禪定，一定要斷除偷盜，係佛陀世尊第三種決定清淨光明嘅教誨。“是故，阿難，若不斷偷修禪定者，譬如有人，水灌漏卮（呢個‘卮’字），欲求其滿，縱經塵劫，終無平復。”佛陀話：“如果你唔斷偷盜去修禪定，譬如有人吖，攞啲水吔，去灌落一個漏嘅，“卮”呢，就係古代呢，裝酒嘅器皿嚟嘅，一啲裝飲品嘅器皿嚟。如果你唔斷偷盜去修禪定，等於個器皿穿咗個窿，你要注滿佢吔，縱經百千萬劫，好長好長嘅時間，係冇辦法裝得滿，冇辦法平復。“若諸比丘，衣鉢之餘，分寸不畜，乞食餘分，施餓衆生，於大集會，合掌禮衆。有人捶詈（呢個‘詈’，啫辱罵），有人捶詈，同於稱讚。必使身心二俱捐捨，身肉骨血，與衆生共。不將如來不了義說，回爲己解，以誤初學，佛印是人，得真三昧。如我所說，名爲佛說；不如此說，即波旬說。”呢段呢，釋迦佛嘅意思就係話，佢嘅弟子衣鉢之餘，即是話呢，著衫同埋乞食，啫衣著之餘咧，都唔應該呢，有金錢嘅，蓄有金錢吖。“乞食餘分”，應該就算有多嘅，都要施俾肚餓嘅衆生。雖然出家人，你布施俾佢啦，佢係，你係有福，佢亦都接受咗你供養，但係佢自己仲未成佛，佛菩薩嘅精神就上求下化，在於在佢對下嘅，佢可以施於俾衆生，仲可以度衆生，但佢仲未到達佛果，佢仲要上求，佢仲要再修吖，所以呢，佢亦都自己都須要做布施，所以在於佢有多食物之餘呢，都要施俾飢餓嘅衆生。“響大集會，合掌禮衆”，響一啲集會裏便呢，都要有一個謙虛嘅心，去禮敬衆生，唔好話你出家人就高高在上，我而家說法坐喺度就你叻啲，唔係，大家都係釋迦牟尼佛嘅同學，大家互相研究，千祈唔好分你高我低、你貴你賤，呢啲咁唔平等就產生戰爭，產生大家唔平等嘅心係冇辦法修佛法。“有人捶詈，同於稱讚。”如果有人打你吔，“捶”就打你啦，“詈”就罵你啦，你就覺得係稱讚，你要修忍辱波羅蜜。“必使身心二俱捐捨”，你要使到你嘅身、使到你嘅心，都完全能夠施捨。“身肉骨血，與衆生共”，你嘅身體同埋骨肉都能夠施與俾衆生，呢啲就大菩薩嘅行爲，呢啲係最究竟施捨嘅行爲。唔好將我如來，啫釋迦佛教你唔究竟嘅說法作爲遮護自己嘅解釋。咩“唔究竟嘅講法”呢？因爲釋迦佛去度化衆生係按機說法嘅，唔同機情呢，講唔同嘅法嘅，可能對於甲適合嘅方法，對乙就唔適合，所以呢，你攞乙嘅方法俾自己修，可能唔適合，但係可能你會用乙嘅方法做咗自己犯戒嘅藉口吖，會唔會吔？往往會有。譬如我哋食肉，我哋自己都提出好多藉口啦，係咪吖？甚至你話：“唉，呢隻動物嚟講，如果唔殺佢嘅，殺咗佢咪早啲輪迴，係咪先吖？唔使喺個世界上面咁多動物。”有好多啲咁吖藉口，用佛法去做藉口。唔好將釋迦佛所講按機嘅說法呢，去作爲自己做錯吖，一個藉口去解釋，“以誤初學”，去誤導初學佛嘅人。“佛印是人，得，真得三昧”，釋迦佛，如果能夠咁樣做呢，釋迦佛印證呢個人，真正能夠得到如來嘅大定。“如果學似我咁講呢，就係佛所講，如果唔係咁講呢，就天魔嘅說法。”

好嘞，我哋而家講到“四清淨明誨”嘅第四個清淨明白嘅教，光明嘅教誨，就係“斷妄”。“阿難，如是世界六道衆生，雖則身心無殺盜淫，三行已圓，若大妄語，即三摩地不得清淨，成愛見魔，失如來種。”釋迦佛話：“阿難，如果世界六道衆生呢，身心係已經冇咗殺、盜、淫，前便嗰三樣戒行已經清淨，三行已圓，但係最後一樣，如果有大妄語呢，三摩地呢，仍然係唔得到清淨，會變成愛見嘅魔王，墮入，墮入煩惱同埋邪見嘅魔裏便，失卻如來嘅種子。”呢啲魔係咩呢？所謂“未得謂得，未證言證”，意思話未得到果位嘅，就話已經係得到果位，未證到果就話自己證果。“或求世界尊勝第一”，或者祈求響世間呢，自己係最叻嘅、最勝嘅。“謂前人言：我今已得須陀洹果，斯陀含果，阿那含果，阿羅漢果”，佢會對於學習嘅人嚟講呢，話佢自己已經得咗須陀洹呢，就羅漢嘅初果，斯陀含呢，就羅漢嘅二果，阿那含呢，就係三果，最高就阿羅漢啦，就解脫生死。猶如我哋讀書一樣，小學、中學、大學咁讀上去。呢啲人呢，落咗愛見魔嘅人呢，會自稱自己得到呢啲果位。辟支佛乘，辟支佛乘呢，亦都係小乘緣覺嘅果位，羅漢同埋辟支佛有咩分別呢？“羅漢”就係聲聞嘅弟子，“聲聞”嘅意思呢，就係聽釋迦佛說法，有佛陀生於佛陀嘅世上，聽佛陀說法，而由呢個聲音去修行悟道謂之聲聞。“緣覺”嘅意思就係呢，隨住因緣而覺悟，亦都稱爲“獨覺”。外觀飛花落葉，內觀十二因緣，明白十二因緣嘅道理，外界生滅無常嘅變化刺激起呢啲咁吖修道人生於響無佛嘅世上而自己覺悟，所以稱爲“獨覺”。“獨覺”亦都叫“辟支迦佛”，佢唔係佛，“辟支迦”解釋爲“獨”，係梵語，獨自覺悟嘅覺者咁解，佛就覺者，就唔係佛陀，呢啲係小乘嘅聖人。“十地、地前諸位菩薩”，或者自稱自己係十地嘅菩薩，由初地到十地，或者十地以前嘅菩薩。“……諸位菩薩，求彼禮懺，貪其供養，是一顛迦，銷滅佛種，如人以刀斷多羅木。佛記是人永損，永殞善根（‘殞’吖）無復知見，沉三苦海不成三昧。”呢啲落愛見魔嘅人呢，犯大妄語嘅人呢，佢會自稱自己係羅漢吖、菩薩吖，求人禮拜，貪人嘅供養，但係佛陀會話呢啲人呢，係一顛迦。“一顛迦”係咩意思呢？係斷滅佛種嘅人。如果咁樣講呢，自己已經係犯咗大妄語罪，係消滅佛種嘅人，佛會印記呢個人呢，好似猶如一把刀去斷多羅木。“多羅木”呢，係印度一種植物嚟嘅，呢種植物啦，如果斬斷咗佢之後呢，就永遠唔會再生長。猶如你自稱你自己已經證咗某一個果位，你犯咗大妄語，猶如斷多，多羅木一樣，你係消滅咗你嘅佛種，佛印記呢個人呢，“永殞善根”，“殞”呢，就係銷落，你嘅善根已經冇咗了。“無復知見”，已經再冇真知真見，沉淪於地獄、餓鬼、畜生三途裏便，而唔能夠成就到三昧。“我滅度後，敕諸菩薩及阿羅漢應身生彼末法之中，作種種形度諸輪轉……”釋迦佛話佢滅度咗之後呢，佢會命令一啲菩薩同埋一啲阿羅漢呢，會用應身呢，啫化身嘅方法去生喺末法嘅時期呢，變現出種種嘅身形呢，去度化六道裏便輪轉嘅衆生。“或作沙門、白衣居士”，或者呢，佢做一啲居士嘅身份，猶如我哋唔係出家人嚟講，就係居士啦，沙門就係出家人啦，白衣居士在家嘅修行者啦，或者係國王，或者係宰官，或者係童男童女。“……如是乃至淫女、寡婦、奸偷、屠販。與其同事吔，稱讚佛乘，令其身心入三摩地。”或者有時呢，有啲逆行嘅菩薩做啲相反嘅行徑，可能呢啲佛菩薩會變現一個寡婦，變現一個偷盜嘅人，咁但係你話佛菩薩如果變現啲咁嘅身形，啲逆行嘅菩薩豈不是教導衆生，會害衆生？唔係嘅。因爲你睇下下便嗰句，佢哋變現啲咁嘅身份，佢哋知道係去度化衆生，教衆生去稱讚佛乘，雖然佢哋身份係妓女、係屠夫，但係佢哋係冇業嘅，佢哋係啲大乘嘅佛菩薩，係啲阿羅漢嘅果位化身去教度衆生修行諸佛秘密之因，去教度衆生離苦得樂，佢哋唔會學似一般，如果係小販咁劏雞殺鴨，教導衆生殺生，唔係呢一類。佛陀會派遣啲菩薩用各種身形，菩薩係無定嘅身形嘅，羅漢亦都無定嘅身形，唔係一定著袈裟就係羅漢，羅漢只係一個果位，羅漢亦都冇性別，亦都冇分男，亦都冇分女，係解脫生死應該接受世間嘅人天供養，亦都係“無生”咁解，唔會再生喺呢個三界。佢唔係我哋飲湯嗰啲阿羅漢果，亦都唔係有男有女，佢係一個果位，解脫生死，聖人嘅果位。所以佛陀會派遣阿羅漢同埋啲菩薩用各種身形，任何嘅身形，可能佢係菩薩去度化衆生，會教導衆生修三摩地。但係，“終不自言我真菩薩、真阿羅漢，泄佛密因，輕言未學，唯除命終陰有遺付。”釋迦佛話呢啲派遣嘅菩薩同埋羅漢呢，佢唔會輕易吔，泄漏吖，佛陀嘅秘密嘅因嘅，唔會向啲後學（啫初學）呢，去講：“我係菩薩，我係羅漢，我係咩咩佛，你供養我，你拜我，你跟我學啦，你就會得到福。”但係相反，我哋響世間裏便而家見到嘅現象太多啦，太多假嘅師父啦，係咪吖？頭先我已經重複講過呢個問題，太多話自己，自己自稱係佛啦，自己自稱已經證咗某個果位，呢個就係佛陀所講嘅犯咗大妄語罪，“未得謂得，未證謂證”，我哋要小心啲。呢啲真正嘅化身嘅羅漢同菩薩呢，佢唔會話自己已經證咗果位，但係有一樣條件——“唯除命終陰有遺付”，除非有特別嘅機緣，當佢自己圓寂嘅時候，佢希望呢，用，做一個榜樣出嚟。因爲如果係菩薩或者羅漢嘅化身，佢一生嘅行徑都值得自己學習，所以可能呢，佢會啓導，臨終嘅時候會啓導佢嘅弟子，話俾佢嘅弟子聽：“我係某某菩薩，我係某某羅漢。”呢個可能係有啲咁嘅機會，咁但係都係極少嘅，如果係要顯露嘅呢，都係有特別嘅原因。因爲學習佢嘅榜樣，學習佢嘅德行係唔須要理得佢係邊個，總之合乎佛陀嘅佛法，就值得我哋去學習，唔需要理得佢嘅身份，所以呢啲羅漢同菩薩唔會去泄佛嘅密因。“云何是人惑亂衆生成大妄語？”佢話呢啲“未得謂得，未證謂證”嘅人呢，點可能惑亂衆生講大妄語呢？“汝教世人修三摩地，後復斷除諸大妄語，是名如來先佛世尊，第四決定清淨明誨。”阿難吖，你教導衆生修三摩地，將來一定要斷除妄語吖，唔好講大話，唔好講啲虛妄嘅說話，就係如來世尊教衆生嘅第四種決定清淨光明嘅教誨。千祈唔好講啲說話去損害衆生，講啲說話去利益衆生，呢個呢，就係我哋語言上嘅功德守口，我哋唔需要做任何功德，講少人一啲壞話，自己唸多啲佛，唸多啲咒，唸佛菩薩嘅名號，已經就係功德，就密宗所講身語意三密嘅語密，呢個就係秘密嚟嘅。所以佛陀教導阿難，教導後來嘅世人呢，要斷除大妄語。“若不斷其大妄語者，如刻人糞爲旃檀形，欲求香氣，無有是處吔。”釋迦佛講個比喻，如果你唔斷除大妄語呢，等於將一嚿人糞，要將佢刻爲“旃檀”，係一種香木，要將一嚿人糞點能夠刻，一個，旃，刻做一嚿旃檀嘅香木嘅形狀呢？你想求一嚿人糞只有臭，係冇香氣，要有香氣根本就係冇方法，“無有是處”，根本就唔可能嘅。“我教比丘直心道場，於四威儀一切行中尚無虛假，云何自稱得上人法？”釋迦佛話：“我教我嘅出家弟子，直心就係道場，心地光明正直，響四威儀行住坐臥，一切嘅行爲之中都唔會虛假。”“云何自稱得上人法？”點解而家有啲大妄語嘅人自稱得到菩薩嘅果位？通度招搖撞騙，話自己係佛菩薩呢。“譬如窮人妄號帝王自取誅滅”，佢話猶如窮人一樣，如果自己自稱帝王呢，響國王面前呢，自己就會招致殺身之禍，國王只有一個，如果你話你自己係國王，你就會招致殺身之禍。“況復法王如何妄竊？”人間嘅帝王尚且係咁，何況你自稱你係佛，虛妄盜竊用佛嘅名稱，將來個因果呢，真嘅好危險。“因地不真，果招迂曲，求佛菩提，如，如噬臍人（‘噬’吖，噬臍人），欲誰成就？”釋迦佛就講一個比喻，如果你發心種下嘅因唔真呢，你嘅果報呢，將來呢，就會歪曲。“種瓜得瓜，種豆得豆”，如果你求佛嘅菩提呢，如果你嘅因呢，種得唔正確呢，係大妄語，猶如一個人想彎低身，想去咬佢嘅肚臍一樣，有冇方法你能夠彎低身做得到呢？呢個係一個譬喻。“若諸比丘心如直弦一切真實，入三摩地永無魔事……”我哋修行佛法，直心是道場，如果出家，我嘅出家弟子，個心好似一條彈琴嘅弦一樣咁直，好似，好似一個弓箭，“如箭在弦”嗰個“弦”咁直呢，個心係咁真實，唔會歪曲而進入三摩地呢，一定唔會有走火入魔嘅事產生。我哋個心由於虛妄，由於個心虛，由於講妄語，所以呢，就容易俾魔所攝，因爲你心魔所毒。“……我印是人成就菩薩無上知覺。如我所說，名爲佛說；不如此說，即波旬說。”釋迦佛話：“我印證呢個人能夠成就無上嘅正智正覺，真正嘅智慧，真正嘅覺悟，如果唔大妄語的話。如，學似我咁講呢，就係佛所講，唔係學我咁講呢，就係魔王所講嘅說法。”

嗱，咁我哋呢，《楞嚴經》，“淫、殺、盜、妄”已經講完嘞，四段好簡單咁解釋俾大家聽。

（註：此處錄音中斷）……佢嘅弟子智慧第一嘅舍利弗聽話：“由我哋呢個西方一直數去過十萬億個佛土，有一個世界係叫‘極樂’，嗰個地方有一個佛，叫做‘阿彌陀’。”“阿彌陀”係梵語嘅譯音“Amita”，解釋爲無量光明、無量壽命，以致佢國土種種都係無量，所以有時我哋叫阿彌陀佛呢，做“無量光佛”或者“無量壽佛”，就係咁解。我哋唸“南無阿彌陀佛”，就“南無無量光佛”“南無無量壽佛”。喺西方極樂世界呢，阿彌陀佛就係教主嚟嘅，觀世音菩薩同大勢至菩薩呢，就係佢兩個菩薩輔助佢教化極樂世界嘅人民，一佛兩菩薩合稱爲“西方三聖”。釋迦佛講話：“西方有阿彌陀佛，而家說緊法，亦都有個極樂世界。”

跟住我哋跳嘞。不如你唔好睇經文吖，我讀出嚟仲好吖，費時，唔使搵啦，慳返啲時間，我讀俾你聽。

“舍利弗，於汝意云何？彼佛何故號阿彌陀？”佛陀話：“舍利弗吖，你嘅意思係點呢？阿彌陀佛點解叫做‘阿彌陀佛’呢？”吓，呢度就有解釋啦。“舍利弗，彼佛光明無量，照十方國無所障礙，是故號爲阿彌陀。”佛陀話：“舍利弗吖，由於呢個佛吖，嘅光明無量無邊，照到西方以外嘅十方嘅國土，東南西北，東南、東北、西南、西北、上下，就宇宙嘅十個方向，啫總體所有嘅方向同空間，阿彌陀佛佢無量光嘅光明都能夠照遍十方世界，無所障礙，係冇障礙嘅，所以叫做‘阿彌陀’。”阿彌陀佛嘅來源就喺呢一度啦。“又舍利弗，彼佛壽命及其人民，無量無邊阿僧祇劫。”佛陀又話：“舍利弗吖，呢個佛嘅壽命吖，同埋佢嘅人民呢，無量無邊。”“阿僧祇”係梵語，解釋爲“無央數”，“劫”呢，亦都係好長嘅時間。釋迦佛話：“呢個阿彌陀點解叫無量壽？由於佢嘅壽命根本數唔到咁長，幾長，根本就係無盡，所以就叫做梵號就叫做‘阿彌陀’。”“舍利弗，阿彌陀佛成佛以來，於今十劫。”舍利弗吖，阿彌陀佛成咗佛吖，到現在已經有十個劫咁長。其實“劫”係咩意思呢？“劫”就唔係“劫數”咁解，係“好長嘅時間”咁解。喺佛經裏便記載人哋人呢，嘅壽命有好長嘅時間嘅生命，有八萬四千歲，啫好長好長咁多，咁每百一百年，一百年減一歲，由八萬四千減到十歲，然之後再由十歲每隔一百年增加一歲，增到八萬四千歲，咁就叫做一個小劫。劫有大中小三種。呢個時間一增一減，八萬四千過一百年減到十歲，減一歲，減到人壽十歲，然之後再由人壽十歲每過一百年加一歲，而加到八萬四千歲呢，一增一減來回，你乘一乘嗰條數，十嘅幾多次方？就謂之一個小劫，咁一個大劫，一個大劫，有八十個小劫，一個大劫有四個中劫，一個中劫有二十個小劫，四乘二十，所以一個大劫就係八十個小劫，呢個劫呢就大劫。阿彌陀佛成佛以來有十個大劫咁長，嘩，你話幾多時間？“又舍利弗，彼佛有無量無邊聲聞弟子皆阿羅漢，非是算數之所能知。諸菩薩衆，亦復如是。”佛陀話：“舍利弗，阿彌陀有好多聲聞。”頭先就係話阿羅漢啦，聽佛嘅聲音而悟道嘅弟子，唔係用計數可以知得到有幾多嘅，“諸菩薩衆，亦復如是。”喺極樂世界嘅菩薩呢，亦都係一樣，用數係計唔到有幾多。“舍利弗，彼佛國土成就如是功德莊嚴。”佢話：“舍利弗，你睇下，阿彌陀佛極樂世界，你話功德莊嚴係偉大呢！”“舍利弗，不可以少善根福德因緣得生彼國。”佛陀話：“你想生喺呢個不生不滅、咁快樂嘅世界呢，唔可以少善根同埋呢，種福德嘅因緣先能夠生去呢個國家裏便㗎。”要點呢？“舍利弗，若有善男子、善女人，聞說阿彌陀佛，執持名號，若一日，若二日，若三日，若四日，若五日，若六日，若七日，一心不亂，其人臨命終時，阿彌陀佛與諸聖衆，現在其前，是人終時，心不顛倒，即得往生阿彌陀佛極樂國土。”佛陀再對舍利弗講，佢話：“有善心嘅男性，有善心嘅修行嘅女性，如果你哋能夠今日聽到阿彌陀佛嘅名號，唸佢嘅佛號‘南無阿彌陀佛’，就係咁唸啫，一日、二日、三日、四日、五日、六日、七日，如果七日以內你能夠集中心念，進入阿彌陀佛禪定嘅境界，一心不亂呢，呢個人臨命終嘅時候吖，阿彌陀佛就同其他嘅聖衆就會出現響你面前，響呢個人命終嘅時候呢，佢個心就唔會顛倒，就能夠一剎那間呢，往生去西方，由印度嘅西方數過去十萬億佛土嘅阿彌陀佛嘅極樂世界。”如果我哋而家唸“阿彌陀佛”啦，我哋響極樂世界個蓮花池吔，好靚嘅，就有我哋朵蓮花，有埋我哋個名響……（註：接下文）


173.法藏群英講解 2B


（註：接上文）……陳大民（註：疑爲人名，呢度用同音頻一樣嘅粵語同音字），蓮花，跟住臨終嘅時候你個心唔會唸，唔會亂，喺度唸：“南無阿彌陀佛，南無阿彌陀佛……”朵蓮花放低嘅時候，你就坐上個蓮花度，咁由我哋呢個世界到極樂世界要幾耐嘅路程呢？心念嘅路程。“屈伸臂頃到蓮池”，意思就話咁樣一個動作，呢個世界就去咗嗰個世界，就咁短嘅時間已經去到極樂世界。所以而家我哋肯勤力、有心、專心念佛求解脫生死，你覺得呢個人間係痛苦，呢個宇宙裏便，響無盡嘅空間角度裏便，係超脫生死離開宇宙嘅時空裏，嘅架縛，呢個就係其中一個世界嘅極樂世界。點樣去呢？就係念佛、修持功德就可以去。“舍利弗，於汝意云何，何故名爲一切諸佛所護念經？”跟住講到舍利佛話，佛陀問：“你嘅意思係點呢？點解呢個《阿彌陀經》佛陀講咁重要，係宇宙一切佛所護念嘅經典呢？”佢話：“舍利弗，如果有善男子、善女人，聞是經受持者，及聞諸佛名者，是諸善男子、善女人，皆爲一切諸佛之所護念，皆得不退轉於阿耨，阿耨多羅三藐三菩提。”釋迦佛話，如果有善心嘅修行嘅男性、女性，如果今日能夠聽到呢本經吖，能夠返去信受有阿彌陀佛，唸佢嘅名號、誦呢本經，照個方法去做呢，聽到佛嘅名字呢，呢啲咁嘅善心嘅男性、善心嘅女性呢，一切諸佛在生嘅時候，佢在生，唔係講佢死，死喺極樂世界啫，在生都會護念佢、加持佢。等於頭先我話，你唔使求，你念佛唔求任何嘢，呢度已經講咗，佛個如來神力都會加被你，冥冥中保護你亦都保護你嘅家人，使到我哋離開痛苦得到平安，最後你能得到呢，不退轉於阿耨多羅三藐三菩提。“阿耨多羅三藐三菩提”呢，解釋我哋中文係“無上正等正覺”，宇宙之間冇一個覺悟係俾超於佢嘅，亦都係第一等最正確嘅覺悟，唔係邪嘅覺悟，就係佛陀，簡稱爲“菩提”。我哋成日菩提，講菩提呢，全稱就“阿耨多羅三藐三菩提”，簡稱爲“菩提”。你唸“阿彌陀佛”，除咗佛護念你之外，以後呢，你都會響呢個菩提大道唔會退轉，你一生唔係解脫生死㗎嘛，可能今生你去唔到，但係你保持呢個心念繼續念佛，到死嘅時候隨住你業力可能你轉生做人，或者其他空間嘅衆生，但係你唔會退轉嘅，你嗰一世唔知點解咁中意佛嘅呢，咁中意阿彌陀佛，咁中意觀音，由於可能你前生就係念過佛。佛護念你今生唔會響菩提大道會退轉，繼續會念佛，一步一步增上向上。“是故舍利弗，汝等皆當信受我語，及諸佛所說。”佛陀話：“舍利佛吖，你應該信我而家講嘅說話，呢，頭先已經講過呢一部經呢，係一切諸佛所護念經，十方宇宙空間嘅佛都護念呢本經嘅，唔係淨係我所講。”所以佛陀講話俾舍利佛聽：“你應該信受我說話同埋諸佛所說，諸佛印證呢部經，呢部《阿彌陀經》吖係好偉大，亦都教我哋解脫生死。”咁講番頭先“四清淨明誨”嚟講，我哋要斷淫、斷殺、斷盜、斷妄，係靠我哋自己力量修行，釋迦佛係教個出家嘅羅漢弟子，但係我哋今生唔做到，豈不是我哋解脫唔到生死？頭先呢個師兄問：“你做晒最基本都阿羅漢啦，但我哋冇辦法做吖，點呢？”所以釋迦佛就講咗好慈悲呢個法門，所以點解我要講呢部經最重要？就算三部講唔到都要抽呢一部出嚟最簡單講，因爲可以帶業往生，佛陀講過。縱使你今生儘量做善事，但係我哋一生人點可以保證我哋成生做善嘢呢？梗有善有惡，好似摩天輪循環，一個人嘅命運冇話喺最高點永遠，亦都冇喺最低點，睇你自己點把握，永遠好似輪迴咁樣循環。咁如果你響最高點能夠識把握，你就能夠改變命運，創造你命運。猶如你而家今日能夠聽到《阿彌陀經》一樣，你相信響極樂世界，相信咗阿彌陀佛，你相信可以去到嗰度，就能夠解脫生死，解脫你嘅痛苦，咁你開始念佛，日後呢，你必定能夠往生。所以我哋雖然有做惡事，我哋唔使驚，我哋儘量懺悔，但係如果懺唔清的話，我哋一定要修呢個法門。因爲楞嚴經“四清淨明誨”唔係咁易做，即生要解脫成阿羅漢呢，響正法係好多，但響末法時期，我哋搵師父已經咁難嘞，亦都好多邪師，周圍學佛法亦都好難。由於世代流通嘅文字嚟講呢，語言上嘅障礙，你亦都唔係咁容易學。咁所以，阿彌陀佛好慈悲，有呢個法門接引我哋去往生去極樂世界，所以末法嘅時期嘅衆生一定要專注呢個法門，如果唔修呢，冇辦法解脫嘅，靠你自己嘅力量。猶如你行遠路，有個人幫住你孭住啲物資、糧食，你孭得輕啲，你行路都多啲、快啲啦，有個人去幫助你。阿彌陀佛垂手嚟我哋娑婆世界接引我哋往生去極樂世界就係佢嘅慈悲嘅大願，所以十方嘅國土，阿彌陀佛嘅國土係最第一，因爲佢憐念我哋衆生，驚我哋衆生末法解脫唔到生死。亦都係釋迦佛嘅慈悲，衆生響末法時期修“四清淨明誨”佢知係已經冇可能，包括出家人係好難好難，只可以做到一部分，所以佢特登要透露，呢本經係不問自說。釋迦佛通常講經就係有人問，一問一答，好似頭先我哋聚會咁，一問一答，呢本經不問自說，釋迦佛冇人問而自己講出嚟嘅，所以呢本經係好重要，亦都顯示到佢老人家慈悲心話俾我哋聽響末法時期，我哋一定要倚仗阿彌陀佛嘅力量，或者倚仗觀音力量，倚仗大勢至菩薩嘅力量，去往生去極樂世界，假如你想解脫生死的話。如果唔係，響末法時期真係無有是處，十人一定會九差路，唔係咁容易行嘅呢條路，但係我哋有極樂世界法門，我哋有支扶手棍，唔係生蟲拐杖，呢支拐杖用金剛般若波羅蜜嘅金剛做嘅，不能夠摧毀，一定帶你行到去彼岸，呢只係法船嚟嘅。所以呢個法門呢，好重要，所以我簡單抽咗幾句精華。點解叫“阿彌陀佛”？點解極樂世界十方諸佛護念呢本經係咁重要？三言兩語其實已經講晒㗎喇，話俾你聽係好重要，只要你信受、念佛、修持，信有極樂世界，你一定可以夠解脫到生死。

跟住嚟呢，同大家講呢，係講第十一部，亦都好重要嘅，《大勢至菩薩念佛圓通章》。大家講義有㗎喇，唔使搵經書，揭開講義，個講義開頭嗰句就“大勢至法王子”吔，你揭一揭，差唔多係咪最屘吔？搵唔搵到吖？搵唔搵到吖？咁跟住落嚟呢，我又要變一變個演繹嘅方法啦，因爲時間有限，我會，我希望儘量講得幾多講幾多，用串講嘅方式，點樣串講呢？就我唔讀經文，你留意經文，我用白話加經文，有時我讀幾句經文重要嗰啲。我會用串講嘅方式，希望你儘量能夠聽得到幾多得幾多，好唔好吖？嗯，咁你要留意個經文了喎。

咁我哋開始講《大勢至菩薩念佛圓通章》啦。呢個《圓通章》啦，同我哋修行呢，有咩關係呢？當然好有關係，佢教導我哋點樣修行念佛嘅心法。呢個《大勢至念佛圓通章》係出自呢，頭先所講第一部呢，《楞嚴經》裏便嘅二十五圓通其中一個圓通嚟嘅，呢個就係“念佛圓通”。佛弟子有好多修行法門，種種嘅圓通，但係呢個念佛嘅圓通就適合我哋修行西方極樂世界嘅法門，呢個方法係出自於《大佛頂首楞嚴經》吖。係釋迦佛叫大勢至菩薩報道一下，佢用咩方法而修成能夠得到大勢至菩薩嘅果位呢。大勢至菩薩係西方極樂世界西方三聖輔助阿彌陀佛嘅菩薩，除咗觀世音之外就到大勢至，加埋阿彌陀佛，一佛二菩薩合稱“西方三聖”，所以對於我哋而家修西方法門係好重要，所以必須一定要講一講嘅。大勢至法王子呢，呢個“法王子”嘅意思呢，就係解釋爲菩薩，大菩薩咁解，因爲佛就係法王，菩薩就係法王子，即將繼承佛位，猶如人間皇帝同王子一樣，不過係佛法裏便嘅法王同埋王子。“大勢至”嘅意思能夠有好大嘅勢力，能夠度化衆生，好大嘅勢力無遠弗屆，咩地方都能夠到得到，呢個勢力，名之爲“大勢至”。大勢至法王子同佢同修（同倫就係同修）嘅五十二個菩薩由座位起身，頂禮佛足（釋迦牟尼佛嘅腳），而又同釋迦牟尼佛報告，就咁講嘞：“我憶念吖，以前呢，過去呢，恆河沙咁多劫嘅時候呢（即是好似恆河咁多粒沙，一粒沙呢，謂之一劫，頭先解釋過‘劫’係好長嘅時間），好耐嘅時間呢，有一個佛出世，叫做無量光佛。呢個佛就唔係阿彌陀佛，雖然阿彌陀佛叫無量光，但係另外一尊佛叫做無量光。”其實宇宙裏便呢，同名同號嘅佛陀呢，真係有好多，響阿彌陀佛嘅同名同號嘅佛裏便呢，都有三十六萬億壹拾壹萬九仟伍佰個同名同號嘅阿彌陀佛，只要你而家發願學似阿彌陀佛一樣，要成就一個極樂世界，要修行嘅，你都可以係阿彌陀佛。咁有一個佛叫做無量光佛，無量光佛之後呢，就有十二個佛喺一劫嘅時間呢，相繼出現，而最後個佛叫做超日月光佛，呢個佛呢，就教大勢至菩薩“念佛三昧”，“三昧”就係禪定，點樣修持念佛嘅禪定，唔俾外在嘅境界、內在嘅煩惱擾亂我哋身心呢？呢個極樂世界念佛嘅禪定，就大勢，超日月光佛教授大勢至菩薩，稱爲“念佛三昧”。譬如有一個人，一個人呢，專係憶念，一個人專係忘記，即係有兩個人，一個憶念對方，一個忘記，呢兩個人呢，如果唔相逢嘅，或者見，或者唔見，“或見非見”，“二人相憶，二憶念深”，兩個人你憶念我，我憶念你，無論你見與唔見呢，“如是乃至，從生至生”，由生生世世呢，呢個人呢，係“同於形影，不相乖異”，等於一個人，我哋兩個人你憶念我，我憶念你，猶如你自己身上嘅影係跟隨住你嘅，唔會違背。嗱，呢個比喻就係大勢至菩薩教我哋呢個“念佛三昧”嘞。但係呢，初頭佢講：“一個人呢，專係憶念，一個人專係忘記，如果呢兩個人呢，如果相逢或者唔相逢，見到或者見唔，見到啦，等於見唔到一樣，因爲一個人憶念對方，第二個又忘記佢吖嘛，所以變咗心靈冇辦法得到相扣，無辦法得到緊扣。但係如果兩個人好似夫妻咁，你憶念我、我憶念你，成日掛住對方，等於形與影，永遠唔會離開。”大勢至菩薩就舉呢個例，教我哋念佛法門。佢話，十方嘅佛，佢憐憫、憶念衆生呢，等如母親去憶念子女一樣，如果子女離開吔，母親去憶念子女有咩用吖？如果子女憶念母親等於母親憶念佢嘅時候，大家互相一齊同時間憶念，咁母子歷生一定不相違遠，母親同子女生生世世就唔會違背、唔會遠離，係咪吖？你憶念媽媽，媽媽又憶念你，時常你個心頭都掛住對方嘅，你就唔會遠離對方啦，係咪吖？如果衆生嘅心，憶念佛，憶佛念佛。嗱，我哋見到呢個“念”字係唔係冇“口”字邊㗎？呢個“念”字，呢個“念”字係用精神上去憶念，唔係一定用個口去唸，如果衆生係憶佛念佛，響而家或者將來呢，一定會見到佛，離開佛唔會遠，唔需要任何方便自然心開意解。其實呢個就好簡單嘅法門嚟嘅。譬如一個做搓香工作嘅人呢，嘅身唔須要特別有香氣，因爲日日同嗰個搓香嗰個環境接觸，你去做香，又係搓香，你個身有冇香氣呢？有！“如染香人，身有香氣”，呢個法門就叫做“香光莊嚴”嘅法門。譬如佛就係我哋嘅媽媽，我哋就係佛嘅子女，一切佛響嘅眼中，我哋都係佢嘅子女，佢而家憶念緊我哋，每時每刻希望我哋解脫生死，但係我哋有冇憶念佢呢？如果你今日開始聽《大勢至菩薩圓通章》，你開始憶念番我哋媽媽，啫我哋嘅佛，憶念阿彌陀佛，憶念觀音、憶念勢至兩位菩薩，媽媽憶念我哋，我哋再憶念佢呢，我哋一定同於形影唔會離開佢。不斷念佛，不斷我哋嘅心慢慢就開，就可以往生極樂世界。我哋嘅身就有香氣，我哋身體就有光明，我哋不斷念佛，我哋嘅身好快發出香氣，我哋身體好快發，好快發出念佛嘅光，呢啲光都係來源於西方三聖加持我哋嘅光，來源於佛陀加持我哋消業障嘅光，有香有光，呢個就係念佛香光莊嚴嘅法門。所以有啲人念佛呢，古代嚟講身體會發出一啲香氣，係人哋聞到，由於佢精誠念佛所致，受到如來加被，就有啲感應，一啲都唔奇怪，因爲我哋憶佛念佛，現在將來一定會見佛。“我本因地，以念佛心，入無生忍。”大勢至菩薩話：“當我修行種因嘅時候，我未成佛，我以咩方法去成佛嘅呢？我就係用呢個念佛心，入無生忍。”“無生忍”嘅意思呢，“忍”嘅意思呢，呢個“忍”字係“安住”咁解，安住於不生不滅嘅法上便而不動心咁解，啫唔會退轉，進入無生法忍。大勢至菩薩話，我喺因地修行嘅時候呢，由於我念佛而能夠得到禪定呢個念佛三昧。所以而家我哋念佛會唔會得到吖？會啦！大勢至菩薩就教我哋呢個念佛法門。“今於此界，攝念佛人，歸於淨土。”我現在就嚟呢個娑婆世界話俾大家聽，我哋要攝心，攝住我哋嘅念，唔要打妄想。同埋佢係教授我哋念佛嘅人，攝歸依去極樂世界。我現在就要嚟話俾你哋聽，念佛嘅法門就可以往生到去西方極樂世界。“佛問圓通，我無選擇，都攝六根，淨念相繼，得三摩地，斯爲第一。”釋迦佛，您既然問到我有咩法門能夠得到我個心去圓融通達，我所修嘅法門係冇選擇性嘅，只要將我哋眼、耳、鼻、舌（啫係‘脷’）、身（身體咧）、意（意念上），所有嘅識，所有嘅眼識、耳識、鼻識、舌識、身識，呢全部將佢攝念，攝歸於一念響個佛號裏便，淨念相繼。清淨嘅念頭就係念佛相繼，“南無阿彌陀佛，南無阿彌陀佛，南無阿彌陀佛……”咁樣唸，唔好打任何嘅妄想，將所有嘅眼唔好攀緣外界，唔好睇嘢，如果你擘大眼就似看非看，閉目嘅時候唔好攀緣於內在嘅色像嘅境界，耳唔好聽任何外界嘅嘢，身體要停止去食任何嘅嘢，亦都停止一切觸覺去接觸嘢，專心集中心神，身、口，意三業去念佛，就會得到佛嘅加被，就會得到香，得到光，呢個就係香光莊嚴最簡單修持嘅念佛法門，日後亦都必定能成佛，進入呢個無生忍，念念相繼最後都得到呢個三摩地，呢個三摩地係指念佛嘅三摩地。呢，“斯爲第一”，係最第一嘅法門。嘩！簡唔簡單吖？睇似好簡單，又睇似好複雜，其實一啲都唔難事。你叫你而家做，即刻瞌埋眼，唔好諗，淨念相繼，“南無阿彌陀佛……”或者“南無觀世音菩薩，南無觀世音菩薩……”嗱，乜嘢意念都冇諗，集中精神去唸，自然有光、有香到你嘅身體。呢個係佛陀加持嘅法門，係最簡單修行念佛而達到三摩地嘅法門。至於叫你打坐，去修禪定，修世間嘅四禪八定，響我哋末法時期冇師父，係好難教導我哋，所以呢個香光莊嚴嘅法門係最簡單而最冇危險，而且亦都能夠令到我哋往生極樂世界，所以我哋一定要修。我哋亦都明白咗一個心法就係：我哋念佛嘅時候點解冇感應？由於我哋嘅心冇憶念媽媽。我哋如果個心時時憶念媽媽，媽媽，觀音、其他菩薩、阿彌陀佛都憶念我哋，我哋有咁嘅心，無論點樣修行呢，我哋都會成功。由於我哋念佛求一啲嘢，而個心呢，唔係繫念響真真正正嘅正道，就繫念響佛嘅心裏便，如果你嘅心繫念於佛，佛加持你，你同佛嘅光相接，你同個佛嘅心心連心，好快你都會變成佛㗎。就由於我哋脫離咗個關係，覺得我哋念佛好似見唔到佛，係冇感應，其實唔係，你念念相繼嘅時候，啲香啲光啲加持力就到你嘅身上，而慢慢令你得到無散亂嘅心，以至冇晒雜念，最後而得到呢個三摩地。呢個就係第一念佛嘅禪定嘅三摩地。就算我哋修行咩都好，用咩心態，都要用如子憶母嘅心態時常憶念佛，不但口唸佛號，意念仲要憶念佛號，憶念佛嘅莊嚴，三十二相、八十種隨形好呢啲莊嚴嘅身相，咁我哋日後呢，一定證得呢個念佛三摩地，咁我哋往生極樂世界嘅品位就會好高，就會好高，同埋呢，起碼保證我哋能夠解脫生死，其實呢個方法唔係咁難做，你持之以恆日日咁樣唸呢，一定會得到三摩地。所以大勢至菩薩同埋釋迦佛亦都好慈悲，問到大勢至菩薩講到呢個法門，教我唸誦，我哋一啲都唔難，做唔到。但係相反而家我叫你做“四清淨明誨”，叫你修四禪八定，叫你數氣息，叫你將個身體，注意身體某一個部位可能會更難。但係你念佛，有佛嘅加持力，靜心咁唸，一啲都唔係難事吔，慢慢唸唸下，你唔好驚你嘅妄想，你嘅妄想就會消失，將萬念攝歸於一念，最後將一念都打破埋，進入空性裏便就能夠成佛，呢個就好簡單，呢個念佛。阿彌陀佛嘅慈悲、大勢至菩薩嘅慈悲去教導我哋咁好嘅念佛法門，我哋千祈唔好浪費咗佢，聽咗之後一定要珍惜，返去實行。無論你唸咒唸佛都一樣，咒語亦都係唸極樂世界菩薩嘅咒語，亦都係如子憶母嘅心，念念相繼一樣會得到呢個三摩地。

落嚟呢，我哋講義都有㗎喇，我哋再講《大悲心陀羅尼經》，好重要嘅精華個部分。你打開講義，“觀世音菩薩重白佛言”嗰度，搵一搵，搵唔搵到吖？係嘞，111、112吔，下便有個冧把響度，出便啲師兄搵唔搵到吖？

“觀世音菩薩重白佛言”。觀世音菩薩呢，因爲呢個《大悲心陀羅尼經》嘅節段，所以有個“重”字，觀世音菩薩就再問釋迦牟尼佛嘞。“世尊”，佢話，“我憶念過去無量億劫呢，有個佛出世呢，就叫做千光王靜住如來。”因爲呢本《大悲心陀羅尼經》係觀世音菩薩教我哋嘅心法，教我哋點樣修持大悲咒去利益將來嘅衆生。我哋大悲咒，大悲咒呢，人人都識唸，但係能唔能發揮到呢個大悲咒嘅功效呢？呢一本，呢一段呢，就有講到修持大悲心陀羅尼嘅心法，同埋你成就到大悲心呢，其實你已經係觀音嘅化身。所以我哋修行最緊要有慈悲心，如果冇咗呢個慈悲心呢，做乜嘢亦都做唔到，但係慈悲必須要有智慧般若去指導，所以呢個《大悲心陀羅尼經》呢，就教導我哋修持大悲嘅法門嘅。“千光王靜住如來呢，由於憐憫我同埋呢，一切衆生，而講咗呢個無礙大悲心陀羅尼呢，呢個如來用金色手……”呢個“我”字係觀世音，吓，記得，觀世音講佢點樣學到呢個大悲咒返嚟，千光王靜住如來就用一隻金色手摸觀世音嘅頭頂上就話俾佢聽，佢話：“善男子吔，你應該修呢個心咒爲未來惡，惡世一切衆生，利益佢哋呢，作大利樂。”觀世音菩薩響嗰時候呢（菩薩有五十二個階位，呢個初地呢，係第四十個，四十一個階位，初地。由初地開始到十地，然之後開始到等覺菩薩超越十地，最，最後到妙覺菩薩就成佛，妙覺菩薩就係佛），響嗰時候觀世音菩薩啱啱初地，但喺佢一聽千光王靜住如來講完呢個咒呢，就跳到第八不動地嘞，嘩，跳咗七級！呢個咒呢，個威力就好厲害，觀世音菩薩嘅，聽到呢個咒嘅心就好歡喜，於是立即發誓，佢話：“如果我能夠將來吖，可以利益一切衆生呢，希望我即時能夠個生，個身吖，生一千隻手、一千隻眼出嚟。”吓，觀世音菩薩發咗呢個願之後呢，估唔到當時即時佢個身呢，生起咗千手千眼具足，於是十方大地都震動都高興。觀世音菩薩發咗呢個願，好多佛都嚟作證放光，照足佢嘅身，同埋亦都照耀十方無邊嘅世界。過咗呢啲時候呢，觀世音菩薩亦都喺其他佛嘅聚會說法嘅場所，更加能夠再聽到呢個大悲心陀羅尼，親承受持呢個陀羅尼，然之後再歡喜踴躍無量，再超越無數微細劫生死，啫呢個係講觀世音菩薩修行嘅階段嚟嘅。

從呢個時候呢，觀世音菩薩就冇忘記，從未忘記佢所持嘅個咒，佢所生之處呢，如果持呢個咒都喺佛前蓮花化生，唔會再受我哋胞胎之身吖。如果有出家人比丘、比丘尼、男居士、女居士、童男、童女如果想持誦呢個咒呢，對衆生呢，首先應該起一個慈悲心，首先如果你學大悲心陀羅尼呢，要跟觀世音菩薩發下便呢個願。因爲呢個經文呢，其中有一句倒轉咗，印錯咗。“南無大悲觀世音，願我速知一切法。”南無大悲觀世音，希望我能夠知道一切嘅佛法；觀世音菩薩吖，希望您加持我能夠早日得到智慧嘅眼睛；觀世音菩薩希望您速速能夠度化，令我度化一切嘅衆生啦；觀世音菩薩，希望您令我早日能夠得到善巧方便；觀世音菩薩，希望您能夠，希望你加持我能夠令我乘到智慧嘅船，由生死岸到達涅槃嘅彼岸；大悲嘅觀世音菩薩吖，希望我能夠，早早能夠超越，我嘅，超越苦海，令我解脫生死唔須要再受苦；觀世音菩薩您加持我，希望我能夠得到戒、定同埋修行種種嘅道理；觀，觀世音菩薩，觀世音菩薩，希望您加持我早日能夠到達不生不滅嘅山頂之上（啫涅槃嘅境界）；觀世音菩薩，希望您加持我令我速速到達無所作爲嘅地方（啫成佛嘅境界）；觀世音菩薩希望我早日能夠同諸佛嘅法性身體等同一樣。呢度有一句錯咗，跟住後便“我若向刀山，刀山就自然摧折”，如果希望菩薩你加持我，我唸呢個大悲咒，如果我向住有刀山呢，刀山自然會摧折。呢個就菩薩持大悲咒神通嘅力用發揮出嚟。“我若向火湯”，誒，“火湯自枯竭”，應該唔係“火湯自消滅”，“火湯自枯竭”，你改番。“我若向地獄，地獄自消滅”，啫調轉，明唔明吖？調轉番啫。如果我若向嗰啲火湯，火湯自然滾油，火湯都會消滅；如果我用大悲咒加持地獄嘅衆生，地獄都會消滅；我如果向餓鬼呢？餓鬼用大悲咒能夠施食俾佢哋得到飽滿；如果我向一啲修羅界、中意鬥爭嘅阿修羅呢，自然唸誦大悲咒就令佢瞋恨心自然會被調伏；如果我向一啲愚痴嘅畜生呢，唸誦大悲咒，亦都自然令佢得到呢，真正嘅大智慧。

吓，如果你修持大悲咒，修持大悲心呢，應該要發呢個願，跟觀世音菩薩，應該夜晚都會唸下呢個祈願文，唸大悲咒就會好相應，菩薩亦都會加持你，你可以咁唸。發咗呢個願呢，應該亦都至心稱念觀世音菩薩嘅名字，亦都應該專唸觀世音菩薩嘅師父阿彌陀如來嘅名字，然後就唸呢個大悲咒，一夜呢，要唸五，五遍，要唸五次，就會將身上嘅百千萬億劫生死嘅罪除去嘞，所以大悲咒點解日日要唸五次呢，就有呢個典故響呢度，係菩薩教我哋。觀世音菩薩呢，再對釋迦牟尼講，佢話：“世尊吖，如果天界人界嘅人呢，誦持呢個大悲章句，到佢死臨命終嘅時候十方嘅佛呢，都會遞隻手俾佢，佢希望往生去任何嘅佛土呢，都能夠皆得往生。”嘩！呢一句好重要，呢一句，如果我哋今生修持大悲咒呢，十方諸佛都遞隻手俾我哋，你中意去邊個方向嘅世界嘅淨土都可以解脫生死喎。嘩！大悲咒幾無上嘅功德呢！觀世音菩薩就再講，佢話：“世尊，如果衆生誦持大悲神咒，墮落地獄、餓鬼、畜生三惡道呢，我永遠唔會成佛。”嗱，呢個《大悲心陀羅尼經》記載觀世音菩薩已經久已成佛，佛號正法明如來，將來佢繼阿彌陀佛喺極樂世界教化衆生，佢接阿彌陀佛嘅佛位成佛，叫做普光功德山王如來，所以觀世音菩薩過去已經係古佛嚟嘅，只不過佢化菩薩身叫觀世音，觀世間嘅音聲而尋聲救苦故名觀世音，亦都叫“觀自在”，係照見五蘊皆空而得到自在，謂之“觀自在”，所以觀世音菩薩現在過去已經成咗佛。佢話：“如果有人唸大悲咒墮落三惡道，我唔成佛。”咁佢已經成咗佛啦，所以你而家唸誦大悲咒，你係唔會墮落三惡道，係咪吖？推論番。如果唸大悲咒，如果唔生去其他佛國呢，觀世音菩薩唔成佛。如果唸誦大悲咒得唔到辯才無礙去教化衆生呢，識得種種嘅法門去說法度化衆生，佢唔會成正覺。唸大悲神咒，響現在生裏便你想求任何嘢如果達唔到滿足呢，呢個就唔叫“大悲心陀羅尼”，因爲觀世音菩薩講呢個大悲咒係好有慈悲，咩叫，大悲咒全稱係《廣大圓滿無礙大悲心大陀羅尼神妙章句》吖嘛，“廣大”，非常之大，冇嘢大得過佢；“圓滿”，係樣樣嘢都好圓滿，圓滿衆生所有嘅願望；“無礙”，冇嘢能夠阻礙得到佢。所以求一切心願一定能夠成就。但係有一樣嘢呢，你係唔會成功，點解有啲人修持大悲咒唔會成功呢？“唯除不善，除不至誠。”如果你求唔善性嘅心願求害人，同埋你唸咒嘅時候唔誠心呢，你就會唔相應啦，明唔明吖？咁點樣謂之誠心呢？就頭先大勢至菩薩所教嘅“如子憶母”嘅心吖，明唔明吖？你個至誠心憶佛念佛，收攝六根唔好有雜念，專心去持呢個大悲咒，具有個慈悲心，咁就會相應。要求啲善願，唔好求啲唔成嘅願。如果有女，女性呢，唔希望有女人嘅身呢，希望將來再轉生做男仔呢，唸呢個大悲咒呢，就能夠得到嘞，如果唔能夠轉女身成男身呢，觀世音菩薩唔會成佛，但係……（註：接下文）


174.法藏群英講解 3A+B


（註：接上文）……殺父、殺母、殺阿羅漢、出佛身血、破和合僧就係五逆罪，譭謗人、譭謗佛法、破齋破戒、毀壞晒啲塔、毀壞寺廟、偷出家人嘅物件、污淨梵行、破壞梵行、污染淨地。呢啲咁嘅惡業重罪呢，唸大悲咒都能夠除滅，但係有一件事唔得嘅——“於咒生疑者，乃至小罪輕業亦不得滅。”嗱，呢幾句好重要，如果呢個咒呢，生起疑心吖，少少疑心呢，少少罪都唔能夠滅，所以一定要善心、誠心，千祈唔好有疑，要相信，如果疑呢，產生唔到任何嘅效用。“何況重罪，雖不即滅，重罪猶能遠作菩提之因。”雖然滅唔到你罪吔，但係呢，將來都能夠作爲你成佛嘅因子吔，仍然有功效。

觀世音菩薩再對釋迦佛講，佢話：“世尊，如果人界、天界唸誦大悲心咒呢，得到十五種善生”。啫講現在吖，你現生有咩十五種利益呢？十五，“不受十五種惡死”，唔會呢，有十五種死於非命嘅惡報。嗱，以下就講，唸誦大悲咒現世嘅利益嚟嘅。

“其惡死者”呢，啫講咗衰個樣先啦，吓：

“一者，不令其飢餓困苦死。”你一定唔會餓死嘅，唔會因爲餓而餓死。

“不爲枷禁杖楚死。”唔會俾啲刑罰吖，打死。“枷禁杖楚”，誒，手銬吖，手鐐鎖住你吔，攞啲杖吖，嚟打你。

“不爲怨家讎對死。”唔會俾謀害你嘅冤家害死。

“不爲軍陣相殺死。”唔會喺打仗國家出戰嘅時候呢，派你去呢，喺嗰度無辜辜就死咗嘞。

“不爲虎狼惡獸殘害死。”唔會去森林、去旅行，無端端就獅子出嚟咬你嘅，拖咗你入森林，俾野獸殘害。

“不爲毒蛇蚖蠍所中死。”唔會中啲蛇毒吖，或者蠍子吔。“蚖”就大蛇，大條蛇咬中你嘅毒，有冇呢啲現象吖？有㗎，我哋而家澳門有福，冇呢啲嘢出現咋，非洲呢？埃塞俄比亞呢？更貧窮落後地區有呢啲現象。

“不爲水火焚漂死。”唔會被浸死，俾火燒死。

“不爲毒藥所中死。”任何毒藥，你唸誦大悲咒呢，都唔能夠毒，毒到你吔。

“不爲蠱毒害死。”蠱毒就係啲巫術、降頭。

“不爲狂亂失念死。”唔會突然間發癲狂，精神失常，無端端去自殺。

“不爲山樹崖岸墜落死。”唔會喺山樹崖岸，譬如你搭飛機有機會墜落山樹崖岸㗎，崖岸㗎，係咪吖？

“不爲惡人厭魅死。”唔會俾唔中意你嘅人，惡人呢，“厭魅”啫唸，唸一啲咒術去咒你，用啲法力、用啲邪法去害你。

“不爲邪神惡鬼得便死。”邪神惡鬼亦都唔能夠得到方便，因爲有觀音嘅大悲神力加持你。

“不爲惡病纏身死。”唸大悲咒唔會得到惡症吖。

“不爲非分自害死。”唔會自己自殺。“非分之死”呢，就唔係，未到你嘅壽盡就死亡咗。

唸呢個大悲神咒呢，以上嘅十五種惡死係唔會得到，相反，會有十五種善生。而家講好嘅，十五種善生：

“第一，所生之處，常逢善王。”澳門，澳門係唔係善王唔知吖，但起碼我哋有機會而家聽佛法都好善㗎喇，講真吓。

“二者，常生善國。”係咪善國就唔知啦，但係起碼我哋兩餐一宿而家暫時無憂啦。

“三者，常值好時。”澳門好多天災人禍，雖然你睇下呢幾個颱風成日吹嚟嘅，但係嗰個颱風肯達吹去臺灣吖，吹去大陸，唔知汕頭都死好多人。但係吹到我哋澳門，雖然八號都係經過，冇任何嘅損害，吖。可能你大家師兄修咗大悲咒回向吖，有個秘密，我而家懷疑可能係咁樣。所以呢，“好時”，啫時常好時節。

“常逢善友。”哎！坐喺我面前，大家都係善知識啦，大家互相鼓勵修行，就係時常有善友啦。

“身根常得具足。”意思唔會出世呢，殘缺不全吖，又盲又聾又啞吖，殘廢吖。

六呢，“道心純熟。”個道心好純熟㗎，唸大悲咒，唔會退失。

“不犯禁戒。”唸大悲咒，觀音會加持我哋，令我哋唔好犯，犯禁戒，禁止，禁止所做唔好嘅嘢。

“所有眷屬，恩義和順。”呢樣大家最中意吔，聽到呢句，唸大悲咒，啲眷屬恩義和順，仔女孝順啦，老公對我唔好，唸下大悲咒嘅時候佢又對我好吖，老婆對我唔好，唸下大悲咒嘅時候呢，個老婆又會忍讓下我。真係㗎，恩義和順。

資財具足，“資具財食，常得豐足。”唔會呢，欠缺食物，唔會欠缺金錢。咁你梗係唔係話中六合彩啦，你話，一個人心無厭足，“喂，我欠佢金錢。”“你欠佢幾？”“我欠佢六合彩、金多寶吖。”咁冇計啦，你咁講。意思就係兩餐一宿呢，你就無憂無求，一定唔係好差個隻，係平平穩穩，基本上你要食要著嘅，都會有嘅，如果你唸呢個大悲咒唔犯戒。

“恆得他人，恭敬扶接。”我哋話，俗語有貴人幫助，有急難嘅時候。

十一呢，“所有財寶，無他劫奪。”哎，呢句吖，最要緊，我哋搏命搏命搵埋咁多錢喎，大佬，頭先就唔怕飛機吔、火災吔、風災咁吹鬼咗佢啦，係嘛？你中銀都水浸啦，你保險箱都唔係最安全㗎，擺喺保險箱，十月初五街間中銀水浸吖，浸咗你保險箱，記唔記得吖？所有財寶無他劫奪，唔會有其他人呢，去劫奪你嘅財寶嘅。

十二呢，你希望所求係善願呢，都能夠稱遂。

“十三者，龍天善神，恆常擁衛吖。”嗱，呢樣最重要啦，呢樣又係。當我哋修持呢，而家末法時期，頭先講到四種清淨明誨，好多邪魔妖怪會侵擾我哋，唔係用我哋用肉眼見到，好多魔王會破壞我哋唔修佛法。有啲人話：“我唔修佛法由自可，一修佛法，嘩，咁多障礙嘅，你又阻，我又阻，好多唔如意嘅事。”可能就係有啲宿世嘅吖冤家吖，有啲其他古靈精怪嘅嘢，你同佢結下一個不解之緣吖，去搞你。但係你唸誦呢個大悲咒，有善神擁衛，邪魔消藏，善神擁衛，就唔會怕呢一啲嘢。所以大悲咒亦都有呢個功效，防止非人類世界嘅衆生去侵害你。

十四呢，“所生之處，見聞佛法。”嗯，呢一句已經推論得到今日全部嚟呢個“佛教文化”嘅師兄呢，個，（唔係“佛教文化”，成日記錯，“日本文化”）嘅師兄呢，個個前生都唸過大悲咒吖，肯定係。因爲呢本《大悲心陀羅尼經》記載呢，聽到《大悲心陀羅尼經》呢個經題吔，都不得了吖，何況而家聽到裏便嘅文字相，特登揀出嚟要你種入個識田裏便，要你明白呢個大悲咒嘅重要性。你而家坐喺度咪聽緊佛囖？你所生嘅地方有佛法聽，你仲前生唔係唸大悲咒？如果有人唸《金剛經》都記過啦，唔係，記載過啦，唔係“一佛二佛三四五佛而種諸善根，已於百千萬億佛所種諸善根”？吓嘛？如果唸《金剛經》，其實你宿世已經逢遇好多佛了。咁你話：“喂，我逢遇咁多佛，點解我而家好似戇居居坐喺度，迷失咗，又唔知喺度做緊乜嘢咁嘅？”你而家聽緊佛法仲話迷失吖？你唔係戇居居㗎喇已經，你問下街嗰啲，而家你落去，落去樓下，拉佢上嚟聽下，肯唔肯？唔肯嘅！一定要宿植善因緣先可以有機會，知唔知吔？呢個係好深厚嘅因緣嚟講。你而家聽聞到佛法就好快啲學啦，你前生係修過大悲咒嘅肯定，因爲如，如果唔係，今日你聽唔到呢個《大悲心陀羅尼經》。咁你又問：“我點解前生修過我唔識背？”哎！而家就教你方法快啲學番，將你前生所修嘅修爲喺個寶藏攞番出嚟。學大悲咒唔係好難，八十四句，你一唸誦嘅時候就好快上口㗎，如果你前生修過的話，吓。

十五呢，“所聞正法，悟甚深義。”你聽到任何人同你所講嘅佛法，雖然三言兩語講，但係你自己所悟得到，明白得到，如果唸大悲咒呢，你會悟到好深嘅道理。雖然人地同你講三言兩句啫，但係你所悟嘅就唔只呢三言兩句呢裏便嘅道理，你會明白佛法好深厚嘅道理。

“若有誦持大悲心陀羅尼者，得如是等十五種善生也。”如果有人唸十，《大悲心陀羅尼經》，就呢十五種善生，避免頭先所講嘅十五種惡死。“一切天人，應常誦持，勿生懈怠吔。”嗱，觀音菩薩交帶我哋，無論天界、人界嘅衆生應該時常，“誦”呢，就係背嘞，背吔，要背吔叫你，讀呢，就係，即咁讀，讀落嚟啦，“誦”就掩卷就謂之“誦”，叫你個心攝持，用大勢至菩薩嘅方法去唸誦大悲咒，唔好生起懈怠吖。嗱，呢一句好簡單，觀音菩薩提醒我哋，警惕我哋，末法時期，咁重要嘅嘢，你前生有機會修持到大悲咒，今生唔好懈怠吖，再繼續努力修番。不過你哋都好有興趣，因爲睇睇，嘩，十五種jetso，加埋三十種，啫前後加埋三十種啦，相反，現生嚟講有一個好大嘅保障，最大嘅利益將來就能夠往生宇宙嘅十方嘅佛國淨土，而不斷修嘅時候，你嘅悲心不斷培養，你慢慢就會唔食肉㗎喇，慢慢就會憐愛衆生，同觀音個心相合，因爲你憶念佢，佢憶念你，你又修佢嘅咒，好快你變成觀音㗎喇，你坐喺我面前個個觀音，真係，嗰時真係家家彌陀佛，戶戶觀世音。如果你肯修持大悲咒，你就係佢嘅化身嚟。所以真正你就要了達到觀音嘅心，唔係求一啲特別嘅心願，你係培養個慈悲心。譬如你食肉嚟講，你夾硬壓住自己唔食，冇用，因爲你未生起個慈悲心吖嘛，雖然你明白衆生嘅肉，講四種清淨明誨係唔可以食，但係我係真係想食吖嘛，我前生習氣係成日想食肉。譬如你前生好幾世之前係虎狼、係獅子，係野獸㗎，野獸以食肉爲佢嘅本性，你做番人，轉番，但係你神識裏便嘅習氣未去除，所以你，對於好中意食肉嘅。地藏菩薩嘅媽媽係中意食魚鱉啦，所以先落無間地獄，先有地藏菩薩出現啫，係咪先？中意食海鮮啦，食魚，食啲魚子醬之類吖，吓。咁所以，如果你要培養一個慈悲心呢，唔好食肉，我教你一個最簡單嘅方法，唔係撳住去鋸扒，唉，見到人鋸啲香又噴過嚟，我點知咬條粟米咁冇癮，係咪先吖？要真正教你嘅方法呢，就係培養一個大悲心，要有呢個大悲心呢，去唸誦呢個大悲心陀羅尼咒，觀音加持你，你好快有慈悲心一產生就會斷肉㗎喇。一定要修持，聽完講經，空口講，冇用嘅，如果你唔能夠修持大悲咒呢，退而求其次，最少你返去都要唸觀音嘅名號，“南無大悲觀世音菩薩”，咁樣唸呢，同個悲心相應，咁佢會加持你慢慢令你遠離殺生、偷盜、邪淫、妄語、飲酒，呢個咪“四清淨明誨”囉？慢慢你做到吖，呢個大悲咒同“四清淨明誨”根本就係共通嘅。有慈悲心嘅時候，“四清淨明誨”裏便啲嘢你會唔會做吖？肯定你唔會啦！所以呢個門徑呢，亦都可以通向到“四清淨明誨”。所以觀世音菩薩點解咁慈悲叫做“大悲”？因爲佢憐念我哋衆生，同我哋衆生相通，教我哋好多法門，所以好多人就算信唔信佛吖，都識得正法明如來，呢個名號可能唔識，但係正法明如來呢，其實就係觀世音菩薩嚟，佢已經成就咗正覺，佢邊有呃我哋吔？所以我哋唸大悲咒得到所有嘅功德，佢已經成咗佛，我哋一定能夠得到。所以今日你聽完呢，最簡單，我希望能夠返去，唔唸觀音嘅，就開始唸觀音，唸咗觀音就返去學大悲咒，然後培養你嘅慈悲心同觀世音相應，進一步你咪修到“四清淨明誨”囉。到時你出家，我唔禁止你㗎喇，你話要出家，你修到“四清淨明誨”的話，吓，嗯。

好嘞，跟住再同大家講啦，《佛說四十二章經》吖。有好多人聽過呢本經嘅名，由於佢中意《鹿鼎記》吖，睇韋小寶吖，《四十二章經》係真係一本武林嘅秘笈嚟嘅，學得到呢，就好厲害，不過真係武林秘笈，如果你學得到《四十二章經》呢，你可以成佛嘅，真係，響佛教裏便都係一本好高深嘅秘笈嚟。咁我抽咗二十三、二十九、三十六、三十八，四章同大家講，亦都係佛陀對佢嘅弟子好，好白，我覺得啲經文譯得非常之好吖，好淺白，亦都好語重心長嘅教誨啦。

佛陀話呢，一個人吖，繫念於妻，妻啦，佢嘅兒子啦，佢嘅妻房啦，啫太太啦，屋企啦，舍宅啦，甚於牢獄。嘩，講到呢一句，慘吖，自己都有妻、舍宅，吓嘛？好似一個牢獄，講到好似好苦咁，不過諗諗下，又係，因爲後便，後便講牢獄，坐監吖，放監嘅時候喎，妻子無遠離之念，吓，好啱喎，我讀到呢句，真係，有，有，好有會心微笑吖，佛陀，吖，佛陀啲智慧咁厲害嘅？真係我諗，諗我老婆啲時間，真係多過諗佛嘅時間吖，一放工就打電話報道我去邊一度吖，吓。真係，吓，呢，呢樣呢，呢樣，呢樣好真吖，要知道我行蹤，又唔見我打個fax電話，佛，同阿彌陀佛報告下，吓，我幾時唸佛？又幾似喎，佛陀講得。牢獄有放監嘅時候，唉，妻子無遠離之念吖，吓。“情愛於色，豈憚驅馳呢？”啫，對於情情愛愛、色慾呢樣嘢吖，如果你爲咗呢一樣嘢吖，唔會怕煩。“憚”呢，就係害怕。老婆或者你中意嘅人，叫你去做一樣嘢，由於情愛關係，你根本就唔怕吖，你諗係唔係？我哋追求而家我哋個老婆嘅時候，我哋付出幾多？爲咗要得到手，唔係不擇手段吓！買花啦、香水啦、珠寶啦、銀紙啦，嘩！諗番下，結咗婚嘅諗番下，對方個配偶送幾多嘢俾自己？吓，包括我在內，吓，洗幾多錢，吓嘛？送幾多花情人節？吓嘛？爲咗愛慾嘅念頭呢，真係唔怕驅馳喎，呢樣嘢佛陀講到咁入心嘅？真係，所以我好中意吖，呢段佛經。“雖有虎口之患喎，心存甘伏吖！”嘩！真係，雖然好似講到好恐怖，企喺個虎口嗰度，但係個心都好心甘情願㗎，哎吔，鬧你都好啦，唉，返去，返去俾個老公聽完佛經係咁鬧，係咁打都好，都係好甘服，因爲佢係你老公吖嘛，吓嘛？你爲咗聽個佛經，去打你，去鬧你，都應該吔，但你個心好服個喎，如果唔係你老公，你會唔會服吖？唔係你老婆，你會唔會服吖？你就唔會服啦，所以雖有虎口之患呢，你都係好服。“投泥自溺”吖，好似跌落泥坑裏面呢，上唔到嚟吔。“故曰凡夫，透得此門，出塵羅漢吖。”釋迦佛話：“如果你躭溺情愛、妻子、舍宅呢，你就係凡夫，如果能過得呢關呢，你就係出塵嘅羅漢嘞。”吓，我諗在座都可能有啲出塵嘅羅漢嘅，不過我就肯定唔係嘞，吓。

第二十九章呢，“正觀敵色”。釋迦佛話呢：“慎勿視女色吖，亦莫共言語吔。”教佢出家嘅弟子，呢個對出家弟子講，唔好望女色。所以以前啲古代嘅修行人，隻眼吖，向前望呢，唔會東張西望。向前呢，啫耷耷地咁望，唔會平視嘅，唔會望其他嘢嘅，如果係守戒的話呢，呢啲係三千威儀。亦都唔好同女性語言，恐防人哋誤會你出家人同個女性一齊行吖，接近。特別泰國啲戒律呢，係好嚴格。“若與語者”呢，如果你諗住要同佢說法講嘢呢，一定要正心、要思念：我係一個出家人，我處於濁世，應當猶如蓮花，唔好呢，俾泥去污染得到。“想其老者如母”，如果你對女性嚟講呢，吖，如果想同佢說法，見到老嘅呢，你諗係你媽媽，要做一種咁嘅觀想，可能佢真係你前生嘅媽媽，不過你唔知，但係對老嘅呢，你當你媽媽。大過你呢，好似家姐，細過你好似妹，再細啲呢，譬如自己嘅子女一樣，要生個度脫心，要熄滅你惡念。見到異性，佛陀教嘅出家弟子修行就係用呢觀想。其實佛法就咁淺白，如果你時時咁諗嘅時候，你對於愛慾，對於色嚟講，呢個問題呢，人生大問題，就慢慢、慢慢遠離，你就會好輕鬆吖，好快樂㗎喇！咁有釋放之期吔，放監吖，到時真係。咁所以呢啲係好原始佛陀教我哋“正觀敵色”，原始嘅觀想亦都係好重要。

第三十六章呢，“輾轉獲勝”。佛講吖，人離嘅惡道呢，做番人已經好難嘞，既然做到人呢，唔做女性做男呢，就更難。唔係貶低啲女性吖，因爲佛眼所觀呢，女身嘅業障係比較重啲，因爲女性要照顧家庭細務，受世俗牽累，係咪？好多煩惱，好多痛苦，不爲外人道嘅。嘩，而家我講，嗰啲女性好會心微笑，我睇到有啲喺微笑，埲牆隔住，不過我感覺到你哋係笑嘅，吓嘛？所以觀世音菩薩就要化身做女性，同女性接近，你要大悲將你嘅苦難去拔除，去了解女性嘅苦難。所以觀世音菩薩好多女性相信，就係咁解。得到男身好難，既然做到男身呢，要唔殘缺，六根具足呢，眼耳口鼻具足吖手腳呢，好難。六根具足，生中國難。呢個“中國”呢，唔係話我哋嘅中國。響佛法裏便，“中國”嚟講呢，就係有佛法嘅地方，生於有佛法嘅地方謂之中間嘅國度，啫意思係離左右兩邊，唔係“邊地”，“邊地”就冇佛法嘞，吓。中國就有佛法嘅地方，生喺有佛法嘅地方，見到佛難喎。嗱，你生喺印度，而家生喺印度，可能以前佛陀涅槃咗之後你生喺印度，冇佛，亦都係好難。既然見到佛，“遇道者難”，聽到真正嘅道理好難，既然得到，遇到道理，興信心，生起信心去信呢，係好難。如果能夠生起信心呢，有信心，代唔代表你能夠發菩提心想成佛呢？更難嘞。“既發菩提心，無修無證難。”如果你能夠再發菩提心，上求下化成佛，到達無修無證嘅成佛嘅境地，就難上加難。

所以釋迦佛好耐已經講咗，輾轉獲勝嘅意思就係一級比一級更難。我哋可以用呢幾句語句去檢查下我哋，我哋係到邊，邊度呢？到邊行呢，喂，我哋到邊一個字呢？我哋離開惡道未？吖離開咗。做吖人未？做咗啦。“既得爲人啦，去女即男難”，咁女吔，男吖，最多“去男即女”啦，吓，倒番轉，唔係一陣出去費事俾女師兄鬧啦，吓。“既得爲男”，嗱，我哋六根又完具，六根又完具，我哋生於有佛法嘅地方，已經有啦。嘩，都去到好舋啦，第二句尾啦，跟住，停咗嘞，“值佛世”吔，冇吖，見唔到佛，吓，所以我哋而家就末法時期吔，見唔到佛吖。但係雖然見唔到佛，我哋有佛教嘅經典，我哋繼續已經遇到嘅道理。我哋而家有咗信心，你冇信心就唔嚟，唔嚟聽啦。既然有個信心，你就要喺，臨屘第三句，你今日開始就要發菩提心，發起無上正覺上求下化嘅心，既幫人，亦都幫自己，一邊修行，一邊去利益衆生。發咗菩提心，你自然就能夠成佛。所以其實你已經，屘，摟屘數上第三句你已經做到，爭兩步咋，快啲吔，加油吖！爭呢兩步，就能夠成佛，你就快啲發起你嘅菩提心啦！

第三十八章“生即有滅”，有生就有滅。呢個，呢句嘅經文呢，好多法師都曾經講過吖，又好有意思，所以我抽咗出嚟。佛陀問佢其中一個沙門嘅弟子，佢話：“人命在幾間？”佢話人嘅壽命有幾長呢？“在幾間？”啫有幾多空時間呢？吓。嗰個沙門就話：“數日。”話人命有數日。跟住佛就再話呢：“你唔知道，唔啱。”“子未知道”，啫唔啱。於是又問第二個沙門，另外一個沙門：“人命在幾間吖？”佢話：“飯食間。”吃一頓飯嘅時間咁長啫，個沙門。啫，佛問佢嘅弟子，佢話以佢個弟子嘅修持境界講出覺得人生命有幾長，吓。第二個修持嘅弟子，佢嘅道行，佢就話：“吖，我覺得係一餐飯嘅啫。”佛再話嘞：“你仍然未了解吖！”於是佢再問一個沙門：“人究竟有幾長嘅壽命呢？”呢個沙門就係真係的當嘞，話得到俾佛陀聽：“在於呼吸間吖！”佛即刻話：“善哉，善哉，子知道矣，你真係明白我個心意吔！”吓，人命係在於呼吸之間。將你個鼻揞住而家，你而家喺坐喺呢度聽佛法咁舒服，都話焗吖，響呢度裏便嘅空間，如果將你個鼻揞住十分鐘，你已經拜拜，你身體所有嘅嘢，今日真係放監嘞，牢獄有釋散之期嘞，嗰時真係，吓，你要繫念妻子都繫念唔到啦，到時。所以我哋個人呢，根本係好苦空無常嘅，一切都無常，只要我哋一唔呼吸，十分鐘有啲都唔得，五分零鐘已經唔得啦，已經。所以我哋係好虛妄嘅生命，係無常嘅，只要我哋一冇咗呢個“我”存在，周圍嘅嘢已經係冇意思，但係你冇唔記得，周圍嘅嘢，係用你幾十年嘅心血去打江山，或者謀害人，去做啲損人利己嘅嘢先能夠攞到返嚟，從中你係肯定有做啲損人利己嘅嘢，但係只係在於呼吸之間就冇晒吔！係唔係吔？你諗下，我哋值唔值得咁做吖？所以我哋更加要修道，我哋要發菩提心啦，人命響呼吸之間，一陣子就冇。你冇以爲你而家坐響度安安全全，我哋計唔到我哋前生做咗幾多惡業嘅因果，我哋會唔會死於非命呢？吖，你話好大聲答一句：“唔會！”“點解呢？”“因爲我頭先聽咗你講《大悲心陀羅尼經》吖嘛，我返去修持大悲咒，梗係唔會啦！”吖，啱，你答得好爽呢句，但係你返去唔好唔修喎，如果唔係一樣避免唔到吓。咁所以，我哋應該珍惜我哋嘅生命，人嘅生命就喺呼吸之間。

“大人”呢，啫係佛，亦都係。大家做大丈夫，做佛陀嘅弟子，一定要遵守佛陀所講以下八種嘅覺悟嘅真理，就係《八大人覺經》嘅結集，呢啲係好原始嘅經典，我好中意，又好淺白，幾句講話已經中的，你又會會心微笑，知道自己錯咗，你知道應該自己將個心念轉變吖，應該改，應該行你而家應該走嘅道路。

“爲佛弟子，常於晝夜，至心誦念八大人覺。”如果係佛陀嘅弟子，都應該響晝響夜，響心裏便呢，不但用口唸，仲加要憶念啦，下便所講嘅八種道理。

“第一覺悟：世間無常，國土危脆，四大苦空，五陰無我，生滅變異，虛偽無主。心是惡源，形爲罪藪（‘藪’字），如是觀察，漸離生死。”吖，我好中意呢啲經文，你覺唔覺得好通順吖、好舒服吖？幾句呢，佢已經扣住我個心，啫唔需要講咁多嘢。好似頭先個婆婆問我問題，唔需要講咁多無謂嘢，幾句已經㓤到個心已經，我好舒服，一受持嘅時候呢，我自然能夠得到我嘅空靈，得到我嘅解脫。覺悟呢個世間係無常嘅，我哋呢個所住呢個世界係好危脆嘅。地火水風構成我哋身體吔，堅硬嘅地大係我哋骨骼啦，濕性嘅水大呢，就係我哋血液吖，身體一切液體嘅東西啦。火大係我哋身上嘅暖氣，風大係我哋呼吸，加埋我“識”呢，地火水風識呢，就構成我哋身體嘅要素嚟嘅。“五陰無我”，色受想行識，我哋物質嘅身體呢，我哋感受、我哋思想、行，念念遷流不滅，打妄想啦，我哋第八識輪迴生死呢，呢啲五陰呢，都係無。“我”呢，就係不變嘅實體，永恆不變存在就謂之“我”，係冇永恆不變嘅，念念遷流係苦空嘅，生滅變異嘅，係好虛偽，我哋唔可以做到自己嘅主人。但係最惡嘅呢，就係我哋嘅心，但相反最善成佛又係我哋個心。我哋嘅形體就係罪惡嘅深淵，“藪”就係深淵。我哋形體會造好多惡業，如果我哋咁樣觀察，時時去諗吖，用我哋腦去諗吖，呢啲觀想嚟㗎，就會令到我哋離開生死，嘩，好好，非常好。

第二個，我哋知道多慾係苦嘅，生死幾疲勞吖？今生又要輪迴吖，今生唔修行，下生又要輪迴嘞，由貪欲開始呢，我哋應該少慾，就能夠身心自在，少食、少睡、知足、寡慾、少名、少利。用你應該有金錢，有嘅財富，有嘅福報去利益衆生，咁先係啱嘅。

我哋，第三呢，我哋知道我哋“心無厭足”，但係我哋好中意貪求嘅喎，增長我哋罪惡，但菩薩就唔係嘞，佢會知足，安貧守道，惟慧是業。所謂呢，君子達人呢，憂道就不憂貧，吓，尤其是我哋佛教徒，唔需要擔心嘅。你又好大聲話一句就係：“我唸咗大悲神咒，梗係唔擔心啦，兩餐，吓，有保障啦！”

第四個覺悟呢，你知道“懈怠墮落”，你應該精進，要破煩惱，摧伏四魔，摧伏四魔。四魔呢，就係呢，死魔，第一就係死魔。“魔”嘅意思就係劫奪我哋嘅生命，劫奪我哋嘅慧命，我哋死，已經唔能夠再修行嘞。第二就係煩惱魔，我哋嘅煩惱呢，貪、瞋、痴、慢、疑，呢啲煩惱都會障礙我哋解脫唔到生死。凡係阻礙我哋嘅修行，都係稱爲“魔”，魔唔係有個有形態嘅衆生。雖然佛經裏便記載有魔王，但係頭先我已經講過心魔係最重要。第三種係五陰魔，五陰就係色受想行識，構成我哋同埋，構成我哋身體同埋天地萬物嘅要素，我哋就被呢啲所綁。第四種魔就係物質嘅魔，佛經所講嘅天子魔，係六界第六天他化自在天嘅天宮嘅魔王，破壞修道人修行佛法嘅魔，亦都真係有。我哋要摧伏呢四種魔，出陰界獄，出咗障蔽世界嘅地獄，障蔽我哋本性嘅地獄。

第五呢，覺悟“愚痴生死”。我哋呢，好愚痴吖，繼續生死。菩薩應該時常諗一諗，要廣學多聞，法門無量誓願學，增長我哋智慧，成就我哋辯才。點樣能夠增長我哋智慧，成就我哋辯才吔？哎！修持大悲心陀羅尼啦，頭先已經講過，“若不得無量三昧辯才者，不得爲大悲心陀羅尼也。”記唔記得呢句吖？好清楚啦，有講過啦，吓。你想成就辯才，說法去度衆生，你就勤力啲修持大悲心陀羅尼。“教化一切，悉以大樂。”我希望能夠拔除衆生嘅所有苦難，教化衆生，發大菩提心，將個大嘅快樂給予佢。

第六，我哋要知道“貧苦多怨”，唉，真係又貧又苦，好多怨恨。我哋時常都會埋怨自己，亦都呢，我哋今生結下咗好多惡緣吖。菩薩嘅布施呢，等念怨親，不計怨，不計親，要平等普渡，不念舊惡，不憎惡人。我哋唔好憎對我哋有怨恨嘅人，我哋所謂君子不念舊惡，昨日種種譬如昨日死，唔好計較嘞，今生種種譬如今日生。由今日我希望如果能夠聽咗《八大人覺經》呢，希望將你前生或者你今生認爲嘅仇人，縱使你仲係認爲佢係你嘅仇人，希望你減輕啲對佢嘅怨恨心，減輕啲對佢嘅憎恨心，唔好問佢追債追得咁緊要，追債唔係一定問佢攞錢嘅，有種種嘅方法。我希望你能夠得到呢啲咁嘅心態，因爲菩薩等念怨親，唔念舊惡，個心係空嘅，亦都唔會分惡，善人同埋惡人。善人可以升天堂雖然，但係善人一念行惡呢，佢都會墮落地獄。如果惡人一念行善，雖然十惡不赦，頭先下品下生嗰啲十惡不，十惡不赦嘅，殺父、殺母甚至殺阿羅漢、出佛身血、又破壞人哋講佛法，做咗咁重嘅罪業嘅人，我哋都應該去普渡佢，因爲呢啲人正需要佛法嘅救渡，我哋唔好憎惡佢。不過可唔可以同佢正面接觸呢，或者你要遠離佢，但係你保持一個心，要去救渡佢，一定有方法。你用呢個心去繫念佢的話呢，其實已經加持咗佢，將來你實有方法遇到佢，可能唔係今世，或者下一世，一定能夠你度化得到佢。所以菩薩，菩薩呢，怨親普渡，不念舊惡，呢樣嘢對於我哋現世人生呢，係非常之重要，因爲我哋呢，“怨憎會苦”好緊要㗎，我哋唔中意見到嘅人呢，偏偏見到吖，特別你去街市買餸最容易撞得到吖。

第八呢，第七呢，覺悟呢，“財色名食睡”嘅過患吖。你雖然係俗家人啦，但係希望你呢，儘量呢，唔好呢，成日被世俗嘅快樂去污染。雖然我哋唱卡拉OK呢，睇錄影帶呢，呢樣嘢唔係過患，但係問題呢，會污染我哋，會污染呢，我哋修行嘅識田吖。我哋如果成日做世俗嘅俗務呢，念佛嘅時間少，到我哋有事嘅時候，臨急抱佛腳，會唔會同個佛相應呢？唔會！你如果去唱卡拉OK，或者睇電視吔、睇戲嗰啲，係啲不善不惡嘅行爲，養成呢一種習慣，但係呢啲習慣呢，都會障礙你嘅智慧，障礙你解脫唔到生死吔，何況其他惡習啦？仲有其他惡習，我哋應該要戒除吔，咁樣好多人都中意打麻雀嘅，咁打麻雀係唔係呢？打麻雀就唔係一種惡習嚟嘅，但係問題上，如果你成日將個精神耗費響麻雀上便呢，三四五圈，十零圈咁上落呢，一樣有得失嘅心，你個心就會起伏，贏吖輸吖，出嚟又嘰嘰搞搞（註：呢度搵唔到同音頻發音相同嘅文字，暫用“搞搞”代替）吖，又鬧人吖：“吖！點解唔打呢隻俾我吃吖？唉！唔打七萬，我係唔要七萬㗎嘛！卡隆都食唔到！唉！冇計！”係吖，我以前就打麻雀吖嘛，而家又戒咗吖嘛，所以我講番我經驗出嚟呢，輸咗錢呢，你就會好唔開心，贏咗錢你會沾沾自喜喎。但係呢啲咁嘅外界嘅環境嘅心係咪擾亂到你修唔到禪定呢？你歡喜都會擾亂你修唔到禪定。所以呢個都係習氣吖，障蔽你自己嘅本性吖，障蔽你開唔到智慧，所以呢啲呢，菩薩，修行菩薩道嘅人呢，希望你能夠儘量減少，甚至於斷絕就好嘞。

誒，西環吖，都好多檔捉棋嘅，嘩，啲粗口連場，幾緊要吖？如果你冇勝負心，就唔會有“楚河漢界”啦，話明“楚河漢界”。你冇見捉祺坐到咁文靜，其實你個心同佢個心，二者已經喺度交戰緊，呢個就係一場無形嘅戰爭，係意念嘅戰爭。我哋學佛係修攝我哋嘅心念，雖然捉棋好似好文靜，但係心中已經動咗殺機了，吖。呢個係一個智慧嚟嘅。

第八呢，你要了解呢，“生死熾然呢，苦惱無量”。我哋嘅生死頭先已經講過，唉，對我哋成日逼迫，好苦，我哋應該發大心要救渡一切衆生，願代衆生受種種嘅苦，令種種嘅衆生畢竟大樂。嗱，呢個心其實我哋好難嘅，係菩薩先能夠做到大乘嘅境界。但係相信做咗媽咪嘅人呢，佢都會做到：“見到個女呢，成日發燒，幾日六七日，發三十幾度，睇醫生唔好，唉，不如俾我，我見你咁辛苦，我代你一啲。”嗱，你都有凡夫都有啲咁嘅心啦，只要你將呢個心擴展，以至於無盡，對於每一個人都係咁，呢個就係菩薩嘅心腸。再普及唔係人，其他宇宙間各道嘅衆生，或者係畜生，你現世所接觸到嘅畜生道，你都憐憫佢，唔好殺佢，培養個慈悲心，擴展到悲天憫人，人人愛物嘅心呢，令衆生離一切苦，自己嘅快樂給予衆生，衆生嘅痛苦幫佢拔除，幫佢代受。呢啲就係菩薩真正嘅大發心，令到各種衆生畢竟能夠得到大樂。

呢八件事呢，係佛菩薩，釋迦佛教我哋嘅吔，要覺悟嘅，要我哋時常諗吖，唔係我而家讀咗俾你聽就算數，你返去憶念，背咗佢，唸一唸，用個腦諗一諗，你就會刺激下你修行，好快你能夠得到清淨嘅智慧。我哋精進行道，慈悲修智慧，乘住法身嘅船，到達涅槃嘅岸。我哋修行佛法都係假，而家佛法其實係一隻船嚟嘅，等於我哋嘅生死岸，過緊河。如果我哋到咗涅槃嘅彼岸，根本隻船就冇用。所以呢，根本呢一隻船係法身嘅船，係空花嘅船，係假嘅船嚟嘅，但係會搭，會搭我哋到涅槃嘅彼岸，到達法身不生不滅嘅境界。然之後我哋解脫，應該返番入個世界裏便去度脫衆生。

以上所講嘅八種嘢呢，教導世間一切衆生，希望佢覺悟生死，離苦得樂，捨離“財色名食睡”嘅五欲，去修持心性之道。吓，注重多我，注，多啲關心下我哋自己，其實你話你關心我哋自己？一啲都唔關心吖，對自己係最唔了解，最唔關心自己。你以爲你食、你著，霸頭吖，搶先吖，就係關心自己吔？真正關心自己就檢點你嘅心念，念念清淨你嘅意念，念念去修行，咁先係真正關心自己吔。你以前同人爭先恐後食嘢吖，唔讓人吖，搭巴士吖，諸如此類各樣嘢，呢啲係糟蹋緊自己嘅福，唔係珍惜緊自己，你諗下。我哋應該捨離五欲，修心勝道。如果佛弟子呢，時常誦唸呢八件事，響念念之中，我哋能夠滅到無量嘅罪，能夠進趣到菩提嘅大覺，能夠好快速登到正等正覺，永遠斷除生死，得到真正嘅快樂。咁你話係唔係就係咁得簡單吖？就係咁簡單吖，如果你信就係咁簡單。佛陀原始嘅教理根本就冇經㗎，口同口講，好似密宗咁以心傳心，猶如而家我揸住個麥，雖然我演繹得唔係太好，時間太快，咁但係我講咗俾你聽，你聽咗印喺識田度，無筆無紙㗎，唔係記住囉？以前古代都係記住，幾時開始有，有字嘅？幾時開始記低嘅？佛涅槃咗之後先有呢啲事。咁所以而家講咗之後你個腦記低，憶念呢個八大人覺，背咗佢，日日諗住，日日做住，你就好快解脫生死。咁吖梗係要四個字啦——“的起心肝”啦，你唔的起心肝，係唔係先？你又要不負如來要不負卿吖，啫頭先嗰個比喻吔，根本就冇可能。

跟住最後呢，我有，影咗首詩出嚟，我吖，最中意舞文弄墨，啲詩詞歌賦吖，吓，呢首詩呢，就非常之好。最後呢，咁我作一個總結，響呢度，呢一首詩。有冇吖？個講義有冇吖？有一首詩，好得意嘅，亦都係好有諷刺嘅，呢首詩。

“終日忙忙只爲飢吔，才得飽來又思衣。”我哋忙咩吖？都係爲，爲“口”，爲兩餐啫，爲“口”奔馳啫。但你飽咗呢？又諗衣著了喎。

“衣食兩般皆俱足啦，房中又少美貌妻啦。”吓，又有衫著吖，又有飯食吖，飽暖就咩吖？飽暖思淫慾吖，諗一諗嘞，吖，房中，哎吖，點解冇咗個嬌妻呢？冇咗個靚嘅老婆呢？

“娶得嬌妻並美妾，出入無轎吖，少馬騎嘞。”唉，個老婆係娶咗，慘啦，又冇私家車啦，人哋有架靚車揸，自己成日行路，又去諗私家車嘞。

“騾馬成群轎已備呢，田地不廣吖用支虛。”吖，有轎嘞、有馬嘞，但係可惜自己啲田地又唔夠人多吖，少吖，田地少吖。

“買得良田千萬頃，又冇官職俾人欺。”咦？我係一個大地主，好多地，又有嬌妻又有美妾，又有嘢食，但係呢，唔夠皇氣咁犀利吔，有皇氣吖，你冇官職吖，唔掂吖，壓一壓你吖，係咪？你冇官職唔掂吖，又俾做官嘅人去欺負你嘞，又去想做官，想去參與政治吖。

“七品五品皆嫌小吖，四品三品吖，仍嫌低吔。”嘩，做到七品五品呢，都嫌小喎，個大官，四品三品又嫌佢低，究竟邊一樣嘢啱你做吖？

“一品當朝爲宰相”，當然係最好啦！但“又想君王做一時喎”。你做完個宰相，你又想做皇帝。但係自古以來啦，嗰啲咁貪心嘅人啦，實俾個皇帝殺嘅，功高蓋主吔，你睇下。楚漢相爭嘅時候，韓信功高蓋主俾劉邦殺咗，楊修功高蓋主嘅時候呢，想叻過曹操，曹操又殺咗佢。所以呢，你做完宰相嘅時候呢，你又想做君王，冇乜可能？但人心係永遠冇厭足。

“心滿意足爲天子，更望萬世無死期喎。”哈哈哈哈！當你心滿意足，希望做到皇帝之後呢，你希望長生不老。有冇呢例子吔？秦皇漢武咪係囉？秦始皇、漢武帝佢想能夠成就千秋百世嘅基業，能夠希望將佢嘅朝代維之於永久吖，但呢個夢想係一個虛幻嚟嘅。於是佢搵人呢，希望能夠求得一啲長生不死嘅仙藥，希望佢嘅皇朝，佢嘅勢力能夠鞏固吖，維之永遠，有冇可能吖？四，頭先已經講過《八大人覺經》，第一覺咩吖？“四大苦空，五蘊無我。”嗰個臭皮囊嚟，會唔會死吖？就算你修成道教嘅仙人，長生不老。因爲響《楞嚴經》記載有十種仙人，第吖，第日大家返去睇一睇，呢十種仙人就係道家修爲嘅方，道教修爲嘅方法嚟。可以寄居於蓬島十洲，天上三界裏便呢，好長好長嘅時間，甚至我哋呢個地球爆炸咗好多次，宇宙爆炸幾次，成爲呢，裏便嘅星球成毀，佢都仍然存在呢個生命，但係唔代表佢冇終結，啫好長好長，響佛經裏便記載“那由他八千萬億阿僧祇劫”，有冇聽過呢啲數吖？嘩，好長好長嘅時間吖，呢啲壽命，唔係唔使死吔，做到神仙都要死吔。

“種種妄想無止息，一棺長蓋抱恨歸。”你咁多嘢諗，好快就拜拜㗎喇！嗰四塊嘢一冚埋，吖三塊半一冚埋就冇嘢諗㗎喇，冇諗咁多。人命在呼吸之間，你又要快啲修行。吖，呢首詩講得好唔好吖？吓，好講，好講啱啫，心意吔，我覺得好講啱心意，冇㗎，冇，啫好少人能夠逃離得，呢啲，呢啲詩裏便嘅句數吓，好中吖，真係。千，我覺得呢啲係千古以來不易之理。由古到今都有，將來我哋嘅子孫都有呢啲心態，呢啲係心吖，用心嘅問題啦，吓。所以我哋要珍惜我哋嘅生命吖，珍惜修行。