般若心傳講座合集（中冊）

175.波羅提木叉（一）

佛教之中嘅戒律，最基本嘅就係五戒，但係呢五戒呢，時常都被人認爲係小乘行嘅小道。但係實在講吖，呢五戒係“諸戒之母”。“諸戒之母”意思就係各種戒律嘅母親。如果能夠嚴持五戒就可以得到無量無邊嘅功德。所謂“五戒”就係不殺生、不偷盜、不邪行、不妄言同埋不飲酒吖。 

我哋現在喺下便就講一講呢五戒。

第一，不殺生戒。“不殺生戒”呢，亦都叫做“不奪命戒”，意思就係話唔斷絕一切生靈嘅命根啦，而使到佢享盡天然嘅壽命，就叫做不殺生戒。因爲呢，命根係一切生靈最寶貴，如果我哋爲咗自己嘅私利，唔分黑白，將佢哋殺害，咁樣豈不是殘忍之至？記得雲棲嘅蓮池大師講過：“人人愛命，物物貪生。何得殺彼形軀，充己口食？或利刃剖腹，或尖刀刺心，或剝皮刮鱗，或斷喉劈殼，或滾湯活煮鱉鱔，或鹽酒生醃蟹蝦。可憐大痛無伸，極苦難忍！造此彌天惡業，結成萬世深讎。一日無常，直墮地獄，鑊湯爐炭，劍樹刀山。受罪畢時，仍作畜類，冤冤對報，命命填還。還畢爲人，多病壽夭，或死蛇虎，或死刀兵，或死官刑，或死毒藥，皆殺生之所招感也。”

嗱，由以上呢段文字呢，讀俾各位聽，明顯證明咗殺生係招感一切惡業嘅主因。亦都根據《分別善惡報應經》上便吖，曾經亦都講過呢，殺生其實係有十種惡報，邊十種惡報呢？第一，冤家轉多啦；第二呢，見者不喜啦；第三呢，有情驚怖啦；第四呢，恆受苦惱啦；第五呢，常思殺業啦；第六，夢見憂苦啦；第七，臨終悔恨；第八，壽命短促；第九，心識愚昧。而第十種呢，就死墮地獄。

所以我哋知道殺業嘅惡報係咁驚人，所以佛陀釋迦牟尼世尊特別注重戒殺，響菩薩戒之中，特別呢一條戒亦都係排喺所有戒律嘅頭條。總之呢，戒殺係離開殺業，離開殺業呢，係屬於止惡嘅範圍，“止惡”嘅意思就係成就大悲嘅行門，同時如果能夠呢，做到放生就更好嘞，或者救濟呢，即將被殘殺嘅衆生，使到得到解脫，加以愛護，咁吖屬於行善嘞，呢個行善呢，就屬於成就大慈嘅行門。所謂“慈”者，就係給予快樂，予樂；“悲”者，拔苦也，拔除一切衆生嘅苦難。

相信大家都明白嘞，“慈”同“悲”吖呢兩個意思，咳。咁換句話講呢，只係修殺戒，啫係，誒，止惡行善嘅妙道，能夠得到無盡嘅功德啦，響《十善業道經》呢，上便，亦都講咗唔殺生嘅善業個喎，唔知大家有冇聽過呢？因《十善業道經》裏便都講過，若離殺生，就能夠成就十離惱法，十種離開煩惱嘅法。何等爲十呢？邊，邊十種呢？嗱，第一，於諸衆生就普施無畏啦，對於衆生能夠普遍施與呢個無畏施；第二呢，常於衆生起大悲心；第三，永斷一切吔，瞋恚嘅習氣吔；第四呢，身常無病嘞；第五，壽命亦都長遠；第六呢，恆爲非人所守護，即係有龍天護法嘅善神護衛啦；第七，常無噩夢，寢覺快樂，啫睡眠能夠得安穩，亦都無噩夢啦；第八，滅除怨結，衆怨亦都自解嘞；第九，無惡道怖，啫冇惡道嘅恐怖；第十，命終就生天。所以如果能夠回向呢，阿耨多羅三藐三菩提呢，最後成佛嘅時候呢，亦都得到呢，隨心自在嘅壽命。

咁我哋簡單講完呢個不殺生戒，可以見到不殺生戒呢，係非常之重要。

第二呢，我哋講不偷盜戒，亦都叫做不予取戒。不予取戒呢，就係話，凡係他人嘅物件吖，冇得到其他人嘅允許而擅自去取得呢，就叫“偷盜”。如果他人冇俾我而擅自去取用，就係佛教所唔許可，亦都係世間上法律所禁止呢，但係呢，世間法律只係嚴禁盜取，但係佛教能夠進一步做到呢，所謂呢個布施嘅慈善嘅行爲。響《華嚴經》上面講過：“性不偷盜，菩薩於自資財吔，常知止足，於他慈恕，不欲侵損，若物屬他呢，起他物想，終不於此生盜心，乃至草葉吖（啫草葉，一草一葉），不與不取，何況其餘嘅資生之具呢！”響《十善業道經》亦都舉出唔偷盜戒嘅十項善業講過，佢話：“若離偷盜，就得到十種可保信法，何等爲十吖？一、資財盈積，王、賊、水、火，及非愛子，不能散滅；二、多人愛念；三、人不欺負；四呢，十方讚美；五呢，不憂損害；六呢，善名流佈；七呢，處衆無畏；八呢，財、命、色、力安樂，辯才具足無缺；第九，亦都常懷施意吔；第十，命終就生天。”

咁根據以上所講呢，如果守持唔偷盜嘅善行就有咁多功德，但係相反，犯咗偷盜呢，響《分別惡報應經》呢（註：《分別惡報應經》疑爲《分別善惡報應經》），亦都記載有十種惡報，邊十種吖？第一種呢，久結宿怨吖；第二種，恆常疑慮；第三，惡友隨逐；第四呢，善友遠離；第五呢，破佛淨戒；第六，王法謫罰；第七，恣縱豫逸；第八，恆時憂惱；第九，自心不樂；第十，死入地獄嘞。所以偷盜嘅惡報有咁多，我哋守持呢個偷盜戒，一定要謹慎，要非常……（註：此處錄音中斷）

跟住講到第三條呢，就係不邪行戒。所謂“不邪行戒”呢，啫係亦都叫做“不邪淫戒”啦。“淫”呢，其實喺人生五欲之中啦，好難斷除，所以響佛教戒律之上呢，對於在家居士係許可正淫，但係呢，就要守住唔邪淫嘅原則。所謂“唔邪淫”嘅定義呢，其實就算正當嘅夫婦吖，夫妻生活都要有節制嘅，或者呢，係唔能夠非時或者非處，即是唔適合時候呢，或者唔適合地方呢。但係呢，如果係正淫呢，在家居士係許可。但係如果係非時、非處嚟講呢，就唔許可㗎喇，呢個屬於邪淫嘅戒律嘞。

釋迦牟尼佛呢，對於出家嘅僧衆其實係絕對嘅禁慾，因爲愛慾係人生最大嘅繫縛，如果呢，根本唔斷除呢，就好難得到清淨嘅解脫，所以世尊呢，就嚴制修行人必須守持梵行。修持梵行嘅功德，“梵行”就離慾啦，響《十善業道經》裏便亦都講過啦，若離邪行呢，就得到四種智所讚法。咩叫做“四種智所讚法”呢？第一，諸根調順吖；第二呢，永離喧掉啦；第三呢，世所稱讚啦；第四呢，妻莫能侵嘞。相反呢，如果犯咗邪行呢，響《分別善惡報應經》亦都講過，亦都有十種惡報喎，邊十種呢？第一，慾心熾盛啦；第二，妻不貞良啦；第三，善不增長啦；第四呢，善法消滅；第五呢，男女縱逸；第六，資財密散；第七，心多疑慮啦；第八，遠離善友啦；第九，親族不信啦；第十，命終三途啦。

其實我睇，我哋睇一睇呢，《分別善惡業報經》以上所講嘅報應，現在社會上好多人呢，都會經歷過呢啲咁吖惡報，都有啲事發生響佢身上。其實，佢哋冇檢討下點解呢啲咁多唔好嘅嘢發生響佢身上，可能就係所謂觸犯咗佛教所講嘅邪淫嘅戒律。雖然佢係未受戒，但係響因果上已經成立，都係有呢個報應，啫有呢個唔好出現響佢身上，就應該要懺悔了。邪淫嘅惡報，所以凡係學佛嘅人呢，都應該去謹慎。

第四，我哋講到不妄言戒嘞。不妄言戒呢，當然發言要平正啦，真實去直述自己所見嘅所聞，就謂之“不妄言戒”。呢一個戒呢，雖然好似睇，冇乜特殊嘅功夫，好容易修持嘅，但係一般嘅人爲咗好奇心嘅驅使，譬如佢冇見過嘅事吔，就話見過，冇聽過嘅事就話聽過，佢會自己一時間捏造咗妄言，其實無論有心同無心呢，都係屬於犯咗呢個戒律，變咗有時自己響立身處世吔，響社會上，會失去咗人格同信用。但係如果能夠老老實實守持不妄言戒呢，所得嘅功德呢，根據佛經上，比如《十善業道經》上便呢，都講過嘅，若離妄言，就得到八種所讚法。何等爲八呢？一、口常清淨，優鉢華香吖；第二呢，爲諸世間之所信服；第三，發言成證吖，人天敬愛；第四，常以愛語，安慰衆生；第五，得勝意樂，三業清淨；第六，言無誤失，心常歡喜；第七，發言尊重，人天奉行；第八，智慧殊勝，無能制伏嘞。

咁相反呢，如果犯咗妄語戒呢，響《分別善惡報應經》上便，亦都講過有十種惡報，第一，口氣恆臭啦；第二，遠離正直啦；第三，諂曲日增；第四，非人相近；第五，忠言不信；第六，智慧尟少啦；第七，稱揚不實；第八，誠語不發；第九，愛論是非；第十，身謝惡趣。

以上所講嘅呢，都係犯咗呢個妄言戒吔，所得到嘅惡報，所以學佛嘅人呢，就應該慎重。

跟住我哋講到呢，不飲酒戒嘞。酒係米嘅製品，講嚟都好奇怪，點解釋迦世尊呢，偏要規定佛弟子唔能夠飲酒呢？就因爲酒呢，能夠使人致醉，令到神智昏迷呢，好容易做錯事，所以世尊先嚴禁吖，佢嘅弟子唔得飲酒吖。自古以嚟，爲咗飲酒而失敗誤事嘅例子真係不勝其數。譬如紂王啦，周朝嘅幽王啦，佢哋廣作酒池，唔分晝夜長飲，失去咗常性，亂殺大臣就導致國破身亡。又譬如號稱詩仙嘅李太白啦，相傳亦都係一個醉翁，因爲飲咗過度嘅酒而亂性，誤認爲個月亮喺河底，因爲要去取月，所以呢，就跌咗落水被水溺死嘞。

所以響佛經之上亦都有一個爲咗飲酒犯戒嘅故事，相信大家都聽過了。舊時因爲呢，飲酒失性呢，有一個人呢，佢見到吖，隔籬屋企呢，有一隻雞走嚟，所以呢，佢趁呢個機會呢，就殺咗隻雞，於是呢，就煮隻雞呢，去餸酒。咁其實呢個行爲已經犯咗“殺”“盜”兩條戒啦。之後呢，隔籬呢，有個婦女過嚟呢，即是話個雞嘅主人吖，想搵番隻雞呢，跟住呢，呢個人就話俾佢聽，冇見過隻雞喎。吖，咁響呢度呢就犯咗妄語戒嘞。於是呢個人走咗去之後呢，吃飽咗之後嘞，就開始淫念起，見到嗰個婦女呢，就將個婦女呢，強迫去將佢姦淫，呢度就犯咗邪淫戒。所以一時嘅酒醉呢，就五戒全犯吖，犯晒五個戒，相信好多法師呢，都曾經講過呢個比喻吔。酒，爲害人性亦都係好驚人，不但凡夫會被酒所亂，就算係證咗二乘嘅聖人吖，亦都唔能夠逃出酒毒嘅病患。

現在講個例子啦，譬如響律藏之中有一段，誒，嘅故事啦，講過：響制地國之中，有一條毒龍，呢個毒龍，佢個本身嘅本性好暴惡嘅，時常呢，爲害啲農田。咁呢個毒龍所居住嘅池邊吖，水中游吖、空中飛吔，冇一種衆生敢近佢住嘅地方。咁喺當時有一個尊者叫做善來，善來尊者，用善巧嘅方便呢，令到呢條毒龍調伏，所以善來尊者呢，就名傳四方，於是啲人呢，就開始爭相對尊者供養。後來尊者漸次遊化啦，到咗呢，呢個室羅筏城呢，有一個女居士呢，就貢獻啲飲食俾尊者，尊者呢，就食多鹹嘢多，咁呢須臾之間呢，佢就呢，非常之口渴，由於口渴吖，所以佢就呢，希望就攞啲嘢去解渴啦，咁當時個女居士就諗一諗嘞，尊者食咗啲好肥膩嘅嘢又鹹，如果飲凍水呢，可能會病，所以就方便呢，俾啲清酒佢飲，咁尊者一時不察呢，就飲咗，飲咗啲酒嘞。後來呢，呢個善來尊者將啲衣鉢收起啦，就去勝林寺，到咗勝林寺嘅時候呢，醉悶啦、頭暈啦，就暈低咗，衣鉢吖同埋錫杖吖，全部狼藉，亦都係冇咗知覺。咁當時阿難尊者呢，就跟住佛陀呢，經行就見到佢，世尊呢，就知道，啫知而故問啦，就問啦：“瞓喺呢度係邊個嚟㗎？點解飲到咁醉吔？”跟住阿難就話俾佛陀聽，呢個就係善來吔，佛陀呢，就話俾阿難聽，你叫晒啲僧衆嚟，將啲僧衆聚集。

阿難呢，就如常咁敷坐，叫佛陀跏趺坐，喺嗰時世尊呢，就話俾啲比丘聽：“你哋有冇聽見善來比丘曾經以善巧方便去制伏毒龍呢？”咁啲比丘呢，就呢，將佢見聞呢，話俾世尊聽嘞，即是話“有”啦。佛陀就回答話：“你哋咩意思吔？你睇下善來，而家能唔能夠調伏蝦毛吖？”啲比丘又話：“唔得吖，世尊。”咁響嗰個時候呢，佛陀就用種種方便去呵斥飲酒嘅過患，亦都話俾佢嘅比丘弟子聽呢：“你哋如果係認我做師父的話呢，由而家開始呢，直至以後，就算一滴酒都唔能夠沾唇吖。”

所以呢，由呢段說法我哋可以知道呢，飲酒嘅過患呢，係非常之妨礙修道，所以凡係學佛嘅人唔可以忽視。咁喺《分別善惡報應經》下便呢，都有記載過話，飲酒有三十六種過失喎，邊三十六種呢？第一，資財散失啦；第二，現多疾病；第三，因興鬥諍；第四，增長殺害；第五，增長瞋恚；第六，多不遂意；第七，智慧漸寡；第八，福德不增；第九，福德轉減；第十，顯露秘密；第十一，事業不成；第十二，多增憂苦；第十三，諸根闇昧；第十四，毀辱父母；第十五，不敬沙門；第十六，不信婆羅門；第十七，不尊敬佛；第十八，不敬僧法；第十九，親近惡友；第二十，捨離善友；二十一、棄捨飲食；二十二、形不隱密；二十三、淫慾熾盛；二十四、衆人不悅；二十五、多增語笑；二十六、父母不喜；二十七、眷屬嫌棄；二十八、受持非法；二十九、遠離正法；三十、不敬賢善；三十一、違犯過非；三十二、遠離涅槃（吖，呢點都好重要，遠離涅槃）；三十三、顛狂轉增；三十四、身心散亂；三十五、作惡放逸；三十六、命終呢，就墮大地獄嘞。

嘩，有三十六種咁唔好嘅過失。咁講到呢度呢，我諗起一件事就係話，有啲人話，少少唔怕，飲少少，對於個身體亦都係有幫助，譬如飲啲補酒啦，行氣活血。其實唔係嘅，雖然可能真係酒有佢正面嘅功能，冬天嚟講，啲古人中意煮酒飲，飲咗之後呢，行氣活血，冇錯，可能係有啲咁嘅功用，但係事物必有正反，反作用嚟講呢，佛陀或者有智慧嘅聖者，佢就睇到，因爲，凡係一件事、一件物、一個思想都好啦，喺我哋嘅阿賴耶識一種下種子之後吖，喺個識田呢，好容易起現行。你飲少少，雖然係即時唔會話發生犯戒嘅事，但係由呢一個小嘅種子種喺入你識田，慢慢慢慢再起現行，每一次現行嘅時候呢，又會令到佢嘅將來發生嘅果報，啫呢粒種子發生嘅果報嘅力用吖，增上，所以一次其實比一次強。所以有啲人飲酒，飲少少、少少、少少開始越飲越多，由飲普通嘅酒開始追求飲靚酒，亦都係人生嘅慾望係冇厭足。所以係最重要呢，喺唯識學嘅觀點嘅問題，係入咗我哋嘅識田裏便，係好難洗除到出嚟，呢一點係重要。所以“少飲怡情”呢，其實係唔啱嘅，呢一種講法。特別我哋受咗五戒嘅佛教徒嚟講吖，一定要注意，唔好俾呢種說法去圓滑自己。

咁講到呢一度，順便去提一提嘅呢，酒嘅朋友吖，好重要吖，係咩呢？就係煙嘞，吸煙嘅問題。煙草嘅毒素呢，其實都係傷害我哋嘅身體，亦都係促短壽命嘅障礙。其實現代科學已經證明咗，只不過人係愚痴，都係仍然喺度吸煙，去貪著吸煙裏便嘅快樂。龍拔菩薩記得曾經開示過，佢開示係講咩呢？就係講吸煙嘅問題：“吸煙之害，不生三戒本續中，三毒俱備故也；不生六度本續中，六垢俱備故也；不容觀修生起次第，以其於佛前觸犯其障故也；不容觀修圓滿次第，以一切根本道爲煙所障故也；不容趨至三寶佛殿前，以減少彼等之功德故也。煙氣上行至天宮，觸於天帝釋及梵天等，阻瑜伽道，及修道，下行龍宮，觸於百龍族衆，阻瑜伽道，及見修二道；中行至人間，觸尋香無色，及饒益衆生之護法，令其昏昧吔，則護法勢力衰弱，而資糧隔絕矣，若作佛之近侍，則觸佛障，雖有念誦功德，縱經百劫，亦不生微若芥子許之效果。及至臨命終時，於法身出現之際，中脈上端，以爲煙所遮，則靈性流轉於下，於中陰報身出現之際，雖現天身，以爲煙所覆蔽，無所見而失墮於中陰，於出現化身之際，不得貴族善種衆生之胎，以煙毒根源，是由胎血火中焚化，而成吸者邪緣之因故也。清晨吸煙，阻斷動脈流行，臨命終時，不容或現光明；午間吸煙，阻斷靜脈流行，於中陰時，不容或現報身；昏暮吸煙，阻斷中脈上端，於投生時，不容或化身現。何況煙氣惡劣，當爲諸善士所共棄，故必須速除，若不戒斷，將必符合世尊以往金口承認，今世貧窮，漸至墮於惡趣，身色不美，而受生於污穢之處，蓋吸煙者，多半於不淨之中，及食便溺者之族類中也！”

所以呢，我讀以上呢一段開示俾大家聽呢，知道吸煙嘅害處，聽完呢，都覺得係好恐怖。因爲煙毒係妨礙修行人修道，固此凡係佛教徒呢，都希望佢能夠戒除，未食嘅當然唔好食啦，已食希望能夠真正戒除，能夠幫助我哋修道，專注於力行，去成就我哋嘅道業，呢個其實係阻礙我哋行道嘅一種唔好嘅習氣嚟。

好嘞，咁簡單以上所講嘅五戒呢，係好簡單好簡單咁樣敘述嘅啫，非但係學佛嘅人一定要守持，凡係屬於人類吔，其實都係共守嘅宏規嚟嘅。自古至今，我哋睇下中外每一個國家，爲咗安定社會，去維持人倫、去立法，所以亦都唔能夠超越呢五戒嘅範圍。譬如中國儒家所講嘅五常“仁義禮智信”啦，就好淺白、好簡單嘅啫，其實就係佛教所講嘅五戒嘞。“仁”就係不殺生啦；“義”就係不偷盜啦；“禮”係不邪淫啦；“信”不妄語啦；“智”就係不飲酒啦。但係儒家嘅五常呢，其實只係訓勉其他人，而呢，去將自己規範嘅說話，但係世尊所講嘅五戒呢，如果能夠依法受持呢，就會收到自他嘅大利。譬如響自己方面嚟講，受持五戒就係入道嘅正因，精進不懈咁守持呢，咁我哋嘅惑吖，嘅業障慢慢就消滅，功德一步步增長，最後會證聖果嘅。

如果響利他方面，五戒當然就係淨化人心嘅良藥，如果一個人受持，就一人得益，一萬人受持就萬人得益，如果全世界嘅人類一齊嚟受持五戒，咁世界當然係太平啦。每個國家爲治安去設嘅軍警亦都無所作用，法庭呢，亦都可以改爲另外一個用途嘅地方，監獄亦都將咁大嘅地方可以做爲生產嘅工廠。所以呢，如果人守持五戒嘅利益的確係非常之好、非常之大，所以其實人守持五戒，眼前已經係一個大同嘅世界吔，所有人都能夠各安其業，過住自己快樂嘅生活。故此我哋佛教徒應該首先嚟提倡，亦都去自己做好五戒，起碼粗嘅五戒，響粗嘅戒相之上，啫頭先已經講咗粗嘅戒相，我哋要明白。當然微細嘅戒相還有好多，咁就一步一步嚟，唔可以急，首先循序漸進，由粗嘅戒相去做咗先啦。 

咁，講完五戒呢，或者我哋再講一講，所謂“八齋戒”，意思就係“八關齋戒”啦。前面所講嘅五戒呢，如果再加上“不塗飾花鬘”吖，或者“不著香花鬘”叫做，“歌舞觀聽”同埋“不臥坐呢個高廣華麗大床”，再加埋“不非時食”，呢三個戒呢，就係稱爲“八關齋戒”嘞。咳，咳咳。

“八關齋戒”呢，亦都叫做“八齋戒”。“八”呢，係數目，意思係在家學佛嘅人必須修持八條戒嘅項目。“關”係咩意思吔？“關”係禁閉嘅意思，就係話受持呢個八齋法能夠滅除各種罪，離開種種嘅惡法，所以所有嘅惡道門呢，自然能夠關閉堅固啦，唔令到我哋陷於漏盡吖、散失吖。“齋”嘅意思係咩呢？“齋”呢，其實呢，同個“齊”字係相通嘅，你見同個“齊”字嘅寫法係好相似呢，意思就係“攝一心”咁解，齊攝一心，統諸根門。因爲我哋人嘅心，由無始劫嚟呢，一向都趨向散漫同埋多慾念嘅，所以唔能夠齊一。古人話呢：“祭必先齋戒沐浴以自齊潔吖。”都講過，《大乘義章》亦都講過“潔清故名爲齋”嘞。所以依據“齋”嘅本喻呢，響梵語裏……（註：接下文）

176.波羅提木叉（二）

（註：接上文）

依照布薩嘅戒法去受持呢，就能夠去惡修善了，得到清淨了，由於清淨而能夠住於善法，就可以養成各種善根，亦都可以使到善根增長啦，所以亦都叫做“長養”咁解嘞。

但係如果修持布薩呢，其實係有出家同在家嘅分別。如果根據律藏呢，半個月就講一次戒，犯呢，就要懺悔，使到佛陀嘅出家弟子呢，都能夠住於淨戒之中，增長善法，就係出家嘅布薩法。

而在家二衆呢，就喺六齋日裏便，啫係每個月嘅初八、十四、十五、廿三、廿九、三十咁啦，受持八戒呢，就係修在家嘅布薩法。

由以上嘅觀點去睇呢，“齋”嘅含義吔，其實並非只係我哋世人所謂嘅“素食”就叫“齋”嘅解釋。如果以素食就作爲“齋”嘅講法呢，呢個就偏於大乘嘅觀點嘅別義，同“齋”嘅本義係無關。

如果我哋根據小乘戒律嘅解釋，凡係響午前，啫中午之前啦，當然要睇時間嘞，午時啦，一般嘅計算法就係十一點，誒，至到一點鐘，就謂之“午時”啦，所以凡係午前嘅食品呢，都統稱爲“齋”，唔限定係素食品。過午不食呢，就能夠得到心，身心清淨，所以就稱爲呢，中食就爲“齋食”。

道宣律師都講過，過午不食能夠得到清心，惡法就可以遠離。“齋”嘅解釋，亦都可以含攝清淨嘅意義，意思就係清淨能夠攝到我哋嘅心，斷除一切惡啦，止一切非啦，亦都唔被一切慾邪所染。所以好多嘅隱士呢，將佢自己修持嘅淨室呢，就叫做“齋”，乜嘢齋、乜嘢齋，就咁嘅意思。

再講到，如果八關齋戒呢，亦都叫做“近住律儀”，咩叫“近住律儀”呢？“近住”嘅意思，意思就係“靠住佛道而住”咁解嘞，啫將個身心安喺佛道嗰度。在家學佛嘅人呢，好容易墮落響愛慾同物慾嘅生活，呢個就人之常情吖。由於而家都係末法時期，所以佛陀就制定每個月嘅六齋日，使到我哋在家人能夠做一啲修持上嘅功夫，起碼一個月都做一啲，係令到我哋在家人能夠實行禁慾，奉行呢個八戒，亦都效法出家人嘅清淨生活，藉住呢一種習慣可以令到我哋離開塵俗，能夠種下解脫嘅良好因子啦。

所謂八關齋戒嘅修持，喺佛陀未降生以前吖，追究佢嘅源流，好早呢，就已經有婆羅門教徒呢，提倡呢種嘅修持，但係當時嘅宗旨呢，只係教人呢，修持去絕食一日，去種福德。呢個法門呢，世尊呢，後來將佢改良呢，變咗過午不食，當然，呢個又係好多個原理響裏便嘅，咁吖改爲過午不食而制定呢，第八戒所謂嘅“不非時食”戒嘞。

關於八關齋戒嘅含義，上便已經呢，講咗五種，啫係五戒已經講咗，而家呢，就由第六戒起嘅三支，簡單咁樣講一講吖。 

所謂第六就係“不著香花鬘歌舞觀聽戒”。呢個係將“塗飾香花”呢，同埋“觀聽歌舞”兩項合二爲一嘅戒律。講到以花作鬘或者塗抹香油，呢個係所有女性最喜愛嘅行爲，近嚟嘅男性亦都有啲香油塗身吖，噴香水嘅裝飾吖，等等嘅行爲都係有。所以呢，響古代印度吖，已經亦都係有呢啲風俗，佛陀所以制定凡係修道嘅信衆，只係宜穿著普通嘅衣服，以樸素啦、清潔做標準，亦都能夠維持禮貌就夠。如果係存有絲毫愛好華麗嘅心理呢，其實唔係咁適宜。

至於“觀聽歌舞”呢一項呢，就係世人被耳目嘅娛樂而設嘅，亦都好容易使到我哋身心放縱，故此修道嘅人呢，就要戒絕。所謂“色聲之塵，不可染近”，近都唔可以嘞，咁親自去做當然更唔可以啦。

記得係響《大毗婆沙論》亦都講過，以前有一個人呢，得咗五神通，時常出入於皇宮裏便嘅，聽啲宮女呢，去奏樂，咁吖音聲好美妙，但係忽然呢個人吖，生起邪念嘞，導致後來佢五種神通都失去。咁由《大毗婆沙論》呢個故事去睇呢，不合宜嘅觀聽，凡係佛教徒呢，其實都應該要戒絕。

第七呢，講到不坐呢個高廣大床戒。床蓆呢，係一種呢，當然係息身嘅工具啦，俾我哋休息，只要能夠令到我哋身體躺低，平穩適宜就夠。如果一定要呢，席豐呢，裹厚，重褥疊裀呢，就係呢，縱逸咗我哋個軀體。你瞓高廣大床，要高床暖枕，好容易令到自己生出呢個驕慢嘅心，亦都係一個放逸嘅心。所以佛陀制定嘅床座呢，高不過如來八指啦，“高不過如來八指”，大約相當而家我哋嘅尺寸係一尺六寸；“廣不過如來三肘”，“三肘”啫“肘”，啫“手踭”啦，大概係五尺四寸。唔可以闊過呢個尺寸，如果超過呢種限度，其實就唔合宜吔。所謂床嘅高大呢，仲有一種解釋，凡係華麗嘅床座，雖然唔大，亦都係呢，要視爲呢，“高大”去看待。例如曾經用金雕吖、玉砌吖，或者係呢，紗絹嘅床褥，細軟殊妙嘅床，雖然係冇超過佛制規定嘅高廣度，但係我哋呢，一定要有舉一反三嘅精神，要明白呢個道理嘞，凡係佛門嘅弟子爲咗長養道力，使到身心唔放逸呢，都唔適宜呢，係瞓呢類嘅床嘅。

第八呢，講到不非時食戒嘞。呢一條戒呢，響儒家孔子亦都講過不時不食嘅說話。意思就係話呢，係合宜食嘅時候呢，就要食，唔合宜嘅食，時候呢，就唔可以食。呢個同佛制不非時食戒嘅制定係同出一轍，不過孔子所講嘅比較簡單，而佛陀嘅制戒呢，就特別詳盡。

佛陀所謂呢，食嘅時候呢，啫應該食嘅時候呢，就係指由日出以至於日中之前。所謂“非時”呢，就係就算日影吖，過一條頭髮、一條線到第二日朝頭早日出之前呢，如果你喺呢個段時間去食吖，都係叫做“非時”。咁有一種說法係講到話，六道各有時辰去進食，其實個來源係《毗羅三昧經》講，因爲呢個經講過啦：“早起諸天食，日中三世就諸佛食，日西畜生食，日暮鬼神食。如欲斷六趣吔，令人入道中，故制令同三世佛食嘞。”（註：根據CBETA，“如欲斷六趣，令人入道中”疑爲“如來欲斷六趣因，令入道中”）咁照以上呢個《毗羅三昧經》所講呢，講到六道衆生嘅食飯時間唔同吖。所以呢，我哋如果係佛弟子呢，就當然應該遵守佛陀嘅制戒啦，應該同三世諸佛所食嘅時間係相同，採取一致嘅行動呢，先能夠算係合理合宜嘅食法，否則呢，就等於係犯戒嘞。

咁對呢個戒嘅說明，其實響，誒，好多大師都講過，蕅益大師曾經講過有《非時食戒嘅十大益論》，咁大家亦都可以參考下呢篇文章，呢篇文章講到呢個受持，誒，非時食呢個戒功德同埋過失呢，係好詳細嘅。

咁以上所講嘅八戒，響其他嘅經典之中其實都係一致，盛讚受持呢個八關齋戒功德。能夠受持八戒呢，就係離塵入道嘅聖因，如吞金剛吖，終必穿腸而出。所以佛陀話，受持八戒，功德同阿羅漢係相等，同諸佛係相齊，所謂“因賅果海，果徹因源”就係呢個意思嘞。

但係受持八戒呢，就一定要淨念相繼，先能夠叫做“清淨”，能夠獲得所講嘅功德，呢點係好重要吖，否則，好似《大毗婆沙論》講過：“有彼廚人欲害生命以擬充所食，彼便告曰：我今受戒不得殺生，留待明天殺以充所食。復有捕獲怨敵將來至座前，便欲加害，彼請告曰：我今受律儀不得殺生，留待明旦依法刑戮。”如果係咁樣受持呢，世尊就話：“彼所受嘅律儀，雖有善因吖，終不獲大果。”

所以由以上呢一段可知，受持八關齋戒法，響受咗戒之後呢，要將身心整頓，令到同呢個戒法相應係真正嘅受持，唔係話淨係所受嘅戒嘅表相先，咁先能夠得到大嘅利益，係好重要吖，呢一點，啫“心”嘞，我哋嘅“心法”“心戒”吔。

講完八關齋戒，我哋再簡單講下十善戒。五戒講咗嘞，而家就講十善戒，十善都係戒嚟。所謂“十善戒”，就係前便所講嘅四戒“殺、盜、淫、妄”再加上第五不兩舌、第六不惡口、第七不綺語、第八不貪欲、第九不瞋恚、第十不邪見，呢度各戒，就謂之“十戒”。講到“不兩舌戒”呢，就係響說話之中，如果有意呢，去挑撥別人鬥爭，向東就說西，向西就說東，離間恩義呢，就叫做“兩舌”。 

《誠實論》講過：“若以惡心令他鬥亂，即是兩舌，得罪最深，死墮三惡道中，世世受惡劣眷屬。”《誠實論》講到好明。其實讀咁多經，讀咁多文，好似好詳細好重複，點解要咁講呢？就係樣樣嘢，唔係我哋亂講，係佛陀或者祖師講出嚟，所以一定要引證經論，顯示佛陀同埋祖師所講係真，戒律嘅重要性。

相反，如果能夠講到善用親切嘅心，處於兩個人、兩個屋企或者兩個國家嘅交際之間，能夠增進彼此嘅友誼同和合嘅說話呢，就係能夠善護持呢個兩舌戒嘅行者，咁呢個人所得嘅功德，《十善業道經》講過：“若離兩舌，即得五種不可壞法。”有五種不可壞嘅方法，啫功德啦，“何等爲五？一、得不壞身，無能害故；二、得不壞眷屬，無能破故；三、得不壞信，順本業故；四、得不壞法行，所修堅固故；五、得不壞善知識，不誑惑故。”

所以由以上所講我哋分明就知道，能夠善於運用說話嘅人得到莫大嘅功德，如果有意離間去中傷人呢，所受到嘅害呢，亦都係唔少，我哋佛教徒……（註：此處錄音中斷）

第六，就係講到不惡口戒嘞。凡係開口呢，輕侮他人呢，怒罵不善美嘅言辭吔，自發驕傲，使到他人難堪吖，都係屬於惡口。惡口傷人呢，呢個係最損害私德嘅。傷人之餘呢，其實都係自傷嘅。如果含血噴人呢，都係自污己口，呢句說話講得好啱。如果攞佛教嚟講，惡口傷人，亦都係違背佛教嘅慈悲，現世容易受人嘅厭惡啦，死咗之後亦都受地獄嘅苦報。經中都講：“出口不善，死墮三途，若墮地獄，被獄卒割舌自啖；若墮餓鬼，口中蛆膿常流；若生畜生，食啖糞穢，罪畢爲人，面貌醜陋，口臭唇齒皆缺。”

所以古德嘅訓誡文都講過：“寧以利刀割其舌吖，積劫受苦，不可一言罵謗吖，罵謗二罪吔，苦報難盡。”響《報恩經》裏便亦都講過：“禍從口出，就當護於口，甚於猛火，猛火熾然，燒世間財，惡口熾然呢，燒盡七聖財。”咩叫“七聖財”呢？一、信財啦；二、精進啦；三、戒財啦；四、慚愧啦；五、聞捨；六、忍辱；七、定慧。

由上面經文嘅引證，我哋可以知道，惡口係障礙修道嘅根源，毀滅慈悲嘅毒素，所以佛陀先訓誡弟子話：“修行人必須守口如瓶，發言當以柔和。”如果能夠守持呢一條戒，所得嘅功德真係無量。我哋不厭其煩，又再引證《十善業道經》講：“若離惡口就得到成就八種淨業。何等爲八呢？一者，言不乖度；二、言皆利益；三、言必契理；四、言詞美妙；五、言可承領；六、言則信用；七、言無可譏；八、言盡愛樂。”呢個就係離惡口嘅功德嘞。

講到第七不綺語戒嘞。“不綺語戒”意思就係話，含有不正嘅邪意，令到人呢，心目皆眩嘅、虛浮不實嘅言辭，就叫做“綺語”。自古以嚟呢，有好多騷人墨客都係喜歡用美人香草作爲寓言，有時都令人呢，想入非非，使到人迷亂常性、失去正念，其實都係屬於小嘅綺語。響《大乘義章》講過：“邪言不正吖，甚猶綺色，縱喻之稱，故名綺語。”（註：根據CBETA，“縱喻之稱”疑爲“從喻立稱”）綺語又叫做“雜穢語”吔，係十惡裏便一種，如果犯咗呢個戒呢，罪惡都唔係輕。喺舊時吔，法雲秀禪師對魯直亦都講過：“公作艷歌，蕩人淫心，使逾禮越禁，其罪非止吔，墮惡道而已吔。”呢個就係我哋佛教徒，其實都須要吖，慎重一種戒行。相反，能夠老老實實守持正言，咁響《十善業道經》講成就正言嘅功德都講過，如果離開綺語呢，就得到成就三種“定”，“何等爲三呢？定爲智人所愛，定能以智如實答問，定於人天威德最勝吖，無有虛妄。”咁呢個就係不綺語戒，不綺語戒呢，有時講啲花言巧語吖，令人想入非非。唔應該講嘅說話、無謂嘅說話，我哋應該要注意，都係攝入呢個不綺語戒裏便，其實作爲我哋在家居士去修持呢個戒律，係好容易犯到嘅。

第八呢，不貪欲嘞。講到不貪欲戒，其實人類由無始以嚟呢，都被“無明”所蒙蔽，所以對於世界上一切無常嘅事物生起幻想、迷於常見，處處呢，都受到污染，響衣食資財嘅物質或者聲色裏便追求不息，就所講嘅貪欲。如果由智者嚟睇，世間呢一切事物，其實都係虛幻不實嘅啫，冇追取嘅必要。但係愚蠢嘅人就唔係，見色追色，見聲就尋聲，迷惑響物慾之中，所以就造出一切惡業，受報無盡，非常之可嘆！譬如頻婆娑王爲咗貪色慾，不顧國家之重，甘願身入敵邦而獨處響淫女阿梵波羅嘅房裏便。又譬如提波那仙人聽歌聲，起貪欲嘅念頭，就失去神通啦。

故此自古至今，不少嘅英雄好漢，爲咗貪取種種嘅欲樂，心醉狂亂，造成唔可以拔除嘅罪業，時常處於六道嘅輪迴，來來去去、生生死死，受盡往還不了嘅苦報，故此真正修行嘅人呢，一定要護呢條戒，捨棄一切嘅貪欲，係好重要。

《十善業道經》裏便亦都有詳細嘅說明呢個戒功德。咁呢餅錄音帶裏便處處都引證好多經典，由中，由其中以引證《十善業道經》係好多，所以希望大家有時間去研究呢一本《十善業道經》，我相信好多法師曾經講過呢本經典。

咁講到貪欲，《十善業道經》講過，遠離貪欲嘅功德：“若離貪欲，即得成就五種自在。何等爲五吖？一、三業自在，諸根具足故嘞；第二，財物自在，一切怨賊不奪故嘞；第三，福德自在，隨心所欲，物皆備故；第四，祿位自在吔，珍奇妙物皆奉獻故吖；第五，所獲之物，過本所求百倍殊勝，由於昔時吔，不慳嫉故嘞。”

以上，就係所講不貪欲戒嘅功德同埋過患。講到第九，不瞋恚戒。講起“瞋恚”亦都係好厲害，我哋係好難修，凡夫係好難禁止自己唔發脾氣，自己去嬲自己或者嬲人。古人講過：“一念瞋心起，百萬就障門開。”又講過：“瞋似心中火，燒盡功德林。欲行菩提道吖，戒瞋護真心。”

由古人嘅說話可以知道，一念瞋心，係修道嘅障礙；一念瞋心，係斷失佛法嘅根本；一念瞋心呢，係吞沒慈悲忍辱一切各種善業嘅毒素，亦都係墮落，引致我哋墮落惡道嘅根源，所以凡係佛弟子一定要堅守修持，去對治“瞋恚”。其實“瞋恚”分開嚟解釋嘅，“瞋”呢，就係呢，勾引吖，即是對於人哋做出嘅行爲吔，你唔喜歡，所以好嬲。“恚”呢，就係自己惱自己、嬲自己，點解自己咁衰，做啲嘢，會咁做嘅呢？自己發𤷪𤺧嘞。所以對治“瞋恚”，其實個強敵，令到我哋濁心得到清涼，使到菩提種子能夠生根萌芽，先能夠獲得解脫道嘅旨趣。所以《十善業道經》講過，能夠守持唔瞋恚，得到功德，有八種喜悅心法。何等爲八呢？“若離瞋恚，即得八種喜悅心法，何等爲八？一、無損惱心；二、無瞋恚心；三、無諍訟心；四、具柔和質直心；五、得聖者慈心；六、常作利益，安衆生心；七、身相莊嚴，衆共尊敬；八、以和忍故，速生梵世。”

跟住再講呢，第十種，就係不邪見戒嘞。自作聰明，否定因果正信嘅道理，去妄執自己嘅見解，以爲響世界之上係冇因果嘅原因，作惡亦都唔使驚，作善亦都唔需要歡喜吔，咁換句話講就係將無因果嘅謬見去作爲正確嘅見解，就叫做“邪見”嘞。因爲邪見係一切煩惱嘅根本，如果犯咗罪過都好嚴重㗎，所以特別用“邪”字吔，喺呢度作爲解釋，去作爲標誌。

響世界上呢，其實最可憐就係犯咗邪見嘞。如果唔能夠明白真正嘅佛理去深入正教，係冇辦法得到解脫嘅希望，所以呢，真正修行嘅佛教徒，我哋一定要直心、要正見，去明白因、明白果，時常去親近大善知識，去斷除我哋各種疑惑，全心去歸依佛法僧三寶，先能夠令到我哋福慧俱增，得到真正嘅解脫。

響《十善業道經》裏便講到呢：“若離邪見，即得成就十種功德，何等爲十？一、得真善意樂；二、深信因果，寧殞身命吖，終不作惡；三、惟歸依佛，非餘天等；四、直心正見，永離一切吉凶疑網；五、常生人天，不更惡道；六、無量福慧，轉轉增勝；七、永離邪道，行於善道；八、不起身見，捨諸棄業；九、住無礙見；十呢，不墮諸難嘞。”（註：根據CBETA，“一、得真善意樂”疑爲“一、得真善意樂、真善等侶”）

咁綜合以上所講嘅十善戒之中呢，不殺生戒、不偷盜戒、不邪行戒，呢三戒係屬於動作方面嘅身業戒嚟；不妄語戒、不兩舌戒、不惡口戒同不綺語戒呢，呢四戒屬於語言方面嘅口業；不貪欲吖、不瞋恚吔、不邪見吖，呢三戒屬於思想方面嘅意業。

身、口、意三業之中，身業係粗而顯於外嘅，意業則細而在內嘅，口業就居中而涉及內外嘞。不過呢，意業係身口兩種業嘅根本戒，所謂貪、瞋、痴嘅三毒，其實都係意業嘅所作所爲，故此能夠損害一切世出世間嘅善法功德好大，所以我哋佛教徒應該特別注意切實修持喺意業上嘅意念啦，亦都特別護持呢個十善業戒。

總之守持十善戒，唔需要咩特殊嘅工夫，其實只係將我哋日常嘅生活行爲，將佢嘅納喺道德嘅軌範之中，見小罪而生怖畏，見微善就生歡喜，咁推究到我哋起心動念嘅清淨，使到我哋人格向上啫，所以唔一定係出家衆，亦都係在家人都必須要修嘅第一課嚟，係好重要好重要，一切戒嘅根本嚟。

所以呢，守持呢個十善戒，其實都係生天堂嘅資糧，天上嘅快樂殊勝，唔同我哋五濁嘅惡亂、八苦交煎嘅人間所能相比，所以每一個宗教吖，都係鼓勵人呢，都係去生天，但係生天亦都有生天嘅條件，呢個就係話，天人就係唔犯殺吖、偷吖、淫戒，所以好殺偷淫嘅人呢，當然就唔會生天啦。天人亦都唔犯妄語、兩舌、惡口、綺語嘅，所以如果犯咗呢，自然就唔能夠生天啦。天人更加係冇貪、瞋、痴嘅三毒，如果犯咗呢，更加呢，亦都唔會生天。所以話，要想生天嘅人，就一定要守持十善戒，就係呢一個意思嘞。

咁以上好簡單講咗五戒了、八關齋戒同十善嘅功德，希望大家能夠進一步請教法師，或者自己作深一步去對經典，對於呢種種戒律嘅研究，咁對於響個人在家嘅修持嘅法理上同埋自己喺學習日常生活去實行呢個戒律都係好有裨益。但係呢餅錄音帶所講只係粗嘅戒相，當然五戒同埋十善嚟講，亦都有好多微細嘅戒相，特別響律宗裏便，或者係所講嘅南山律宗，裏面所講嘅戒律裏便嘅微細點呢，唔係我哋常人所知道，如果要深入研究，必須呢，仲要去下一番功夫。

其實戒律響印度，由部派嘅分裂嚟睇呢，由大乘嘅學者必須響小乘嘅部派之中去出家受戒，同埋呢，大乘、小乘，顯宗、密教都有佢應該守嘅戒律嚟睇，所以知道印度嘅佛教係非常重視戒法。戒定慧三學，係修學大小乘佛法最主要嘅方法同步驟。

學佛如果要想斷煩惱同解脫生死呢，雖然一定要慧學，但係呢，無漏慧唔能夠呢，冇原因能夠生起，如果修習慧學，一定要喺一定嘅基礎之上先能夠發生。“定”呢，就係修學觀慧嘅方便，冇咗正定呢，深慧係修唔起吔。所以呢，“定”呢，猶如深密無隙嘅靜室，然後響裏便去燃起燈，燈先能夠呢，明淨有力，照破微細嘅黑暗，比如就由定發慧就能夠斷到煩惱。如果係風中之燭，搖擺不定呢，破暗嘅能力當然唔強啦，呢個比喻就係散慧無斷煩惱嘅功能嘞。所以修“慧”就一定要習“定”，但係“定”呢，亦都有正定同邪定之分，修習正定一定要依止淨戒吔，呢個戒好重要，戒開始，如果冇淨戒，不但唔容易得定，即使得定，亦都係邪定，邪定係障礙解脫涅槃㗎嘛，所以如果得到正定，一定要嚴持淨戒。

所以戒係防止身口七支去陷於非法，有如呢，一個嚴密嘅靜室，首先要掩門呢，去補窗、去治漏一樣，所以戒亦都係生定嘅勝因。《佛遺教經》講到好清楚：“因依此戒，得生諸禪定及滅苦智慧。”

由此我哋睇，因戒生定，因定發慧，係一切佛法修行所必須依止嘅方法同次第，而戒吔，特別係學佛進道嘅初機，因爲呢，佢粗顯亦都易於受持，係戒定慧二學嘅漸階，可以咁睇。所以學佛一定要首先去持戒，去搞好個戒律先，先能響佛法之中去有所增進嘅。

177.密乘根道果（一）

歸依與灌頂

一般嚟講，佛教嘅儀軌係由三大部分組成，啫係加行、正行同埋後行嘞。歸依係被認爲由外凡轉入內凡嘅階段，所謂“外凡”呢，啫係“外道凡夫”咁解，但係呢個名稱唔好誤會，係唔含有貶嘅意義嘅。所謂“內凡”呢，就係已經歸依咗發心學佛嘅修行人嘞。

西藏佛教嘅歸依同漢傳佛教嘅歸依，其實係有明顯唔同嘅地方，就係喺歸依佛法僧三寶之上，更加我哋安止一位喇嘛上師，認爲“歸依四寶”，啫係叫做“四歸依”：歸依上師、歸依佛、歸依法、歸依僧嘞。西藏人話：“無喇嘛上人如何得近佛？”可以見到喇嘛上師受到信仰嘅人係特別崇敬，具有好高嘅社會地位。西藏嘅僧人同埋信徒的確相信上師同埋善知識係幫助理解金剛持嘅必備條件，如果唔依止上師引導，唔知道有佛陀，唔由上師嘅教誨傳承就冇辦法入佛同埋成佛嘞。過去諸佛都係由上師教授而得到信解行證，上師係救渡衆生嘅導師，而且更加喺三寶嘅上面，所以歸依佛法僧三寶仲須要歸依金剛上師，故此“四歸依”就成爲藏傳佛教嘅特色嘞。

歸依應該由一位心靈嘅上師喺正式嘅儀軌之中去傳授嘅，喺本質上，歸依係尊敬同信賴佛法僧嘅一種表達。“佛陀”喺西藏文嘅意思係淨化同圓滿，而“佛法”呢，就係引導開悟嘅道理，而“僧伽”呢，意思就係佛法嘅繼承者同弘揚者。“歸依佛”係承認自己嘅潛能可以體驗開悟嘅境界；“歸依法”係承認由於我哋過去所倚賴嘅處理方法去處理自己嘅困惑而得唔到解脫，現在仍然困喺期望同恐怖嘅循環之中，而“歸依法”就有一個仰賴同埋慢慢慢慢學習得到解脫了；“歸依僧伽”呢，就係承認信賴上師嘅指導、鼓舞、開示嘅重要。喺歸依三寶之中，唯有佛係被認定究竟嘅歸依，例如病人求醫，僧伽就係醫生，藥物就係法寶，按照醫生嘅指示進行服藥治療，就係我哋修行學法嘅過程，一旦病痊癒咗就唔需要任何嘅藥物同醫生去診斷了。無論係喺最初歸依嘅儀軌之下，或者係每日修持大禮拜去歸依嘅時間，喺傳承之中都要求行者能夠持住一份大願心去歸依，以盡形壽直到開悟，並且要奉獻自己嘅力量，去幫助所有嘅衆生都能夠達到究竟開悟，咁樣做就係菩薩嘅悲願。響歸依嘅時候，如果發心革除自己嘅惡習，亦都能夠產生處處爲衆生著想嘅積極態度，咁樣無論修行人嘅習氣幾重，三寶嘅慈悲同埋智慧都會引導呢個悲願而使到行者達到開悟嘅境界。呢一切嘅根本同埋基礎即係要歸依佛、法、僧三寶，咁樣就可以稱爲“外歸依”。但係由密乘嘅觀點來睇，如果修行人歸依上師，即係所有加持力嘅根本，歸依本尊就係一切開悟嘅根本，而歸依空行母就係所有善行嘅根本。咁樣呢三種歸依喺密乘裏便就所謂叫做“內歸依”。更深入去講只係歸依自己嘅根本上師，即係能夠認識到呢個根本上師係佛法僧嘅化身，亦都集上師、本尊同空行母喺呢個化身裏便，並且具足佢哋所有嘅特性就係所謂“密歸依”嘞。

喺藏傳佛教特有嘅歸依形式裏便，以噶舉派係比較典型，叫做“六歸依”，咁樣做係將歸依分爲六類，三種係恭敬三寶，三種係恭敬三個根本嘅。上師係加持嘅根本，係三寶嘅化身，尤其係佛陀嘅化身，而本尊係諸佛嘅示現，以唔同嘅形相具體顯現佛性，以便修行人能夠按照自己嘅根性去修持，而修行人修持身、口、意同本尊嘅身、口、意相契合嘅時間呢，就能夠顯示本具嘅佛性嘞，所以本尊係成就嘅根本。而勇父、空行母同護法就係覺悟嘅衆生，佢哋藉住四種佛行實踐以去除業障而達到佛道，而呢四種佛行就係息災、增益、懷愛同埋降伏（或者稱爲“誅法”），所以佢哋被稱爲佛行嘅根本。喺歸依嘅六項對象之中，上師係十分之重要。佛陀在世嘅時候，曾經預言未來末法時代，佛陀會化身爲上師嘅形相示現俾需要佢指引同埋保護嘅衆生，因而修行人呢，認上師爲佛陀就可以體驗到同沾佛陀本身嘅法露，故此亦都就有咗簡易嘅四歸依形式。

第一項歸依金剛上師，係表示行者深信上師係三根本嘅化身，因爲上師真實嘅形體同色身係上師，而佢嘅語言係空行同護法善行嘅表現，而上師嘅心識就係本尊嘅心性。咁樣我哋喺外歸依喺佛法僧呢項簡短嘅歸依之中，其實亦都包括咗歸依三寶同埋三根本嘞。上師通常係指已經開悟嘅師父，佢已經完成咗廣泛嘅訓練，已經達到咗心靈體悟嘅高層次，並且依照一套有根本完整嘅傳承去傳法。藏傳佛教嘅上師，能夠以大智慧、大悲心、無有二、無差別去對待衆生予以認可。歸依弟子可以清清淨淨去觀察師父，睇下師父係咪具備上師嘅五個條件，邊五個條件呢？第一，呢個上師嘅五官莊嚴、聲音宏亮，喜怒唔係偶然，而係正常嘅，唔會爲一點小事就喜怒無常；第二，上師有禪定嘅功夫；第三，就係戒律清淨；第四，要有菩提心；第五，有真正根本嘅傳承。而上師去收歸依弟子亦都有五個條件：第一係五官端正、聲音嘹亮啦；第二，精進；第三，要有菩提心；第四，弟子對師父要有真正嘅信心同供養心；第五，能夠承受師父所傳授嘅法係真正修行法門，而唔係普通嘅法門，知道如理如法修行就能夠即身成佛。具備上述五個條件，就係所謂稱爲“根器”嘞。師父如果觀察弟子要觀察一年多，一般人唔一定明白師徒關係嘅本質，所以了解乜嘢係上師係必要嘅，了解弟子對師父嘅職責爲何，亦都係重要嘅。縱使修行人有與生俱來嘅智慧能夠接觸佛法，如果缺少咗上師嘅引導，仍然係好難喺修持之中有所突破。呢個未開悟嘅心智如果被無始以嚟累積嘅習氣衝動指使，如果冇上師超凡嘅洞察力同引導，其實係好難克服嘅。上師嘅寬大同悲心俾修行人弟子一個機會改變佢觀察有情世界嘅習慣性方式。喺上師嘅完全無私之中，弟子修行人可以搵到一面觀察真我嘅鏡，如果了解呢個情況，學習點樣對治，咁樣修持就更有效益了。

因爲師徒關係嘅特質，以虔誠態度去對待上師係極爲重要。喺傳統上，經過一段相互考驗嘅時期呢，師徒關係就得以形成，亦都喺修道嘅階段之上一直持續住。所以喺修持方法之中，由於智慧同埋慢慢熟練，上師就給予各種密乘修持嘅灌頂，經由呢啲加持嘅直接傳承呢，修行人弟子就能夠成功咁樣修持了。喺密乘修持相當深奧精妙，如果正確咁修行就能夠即身成就，但係如果修持唔正確，由於錯誤嘅動機、了解或者行爲，就會導致更大嘅困惑同埋苦難。故此修行人要想直接修持達到開悟，咁樣一位上師嘅個別指導係絕對必要嘅。修行人通過歸依同埋教理嘅學習而進入修密嘅階段，佢要由上師做一次入門嘅灌頂儀式先可以入密教道修行嘅步驟同埋次第。學密開始嘅第一步就係四加行修法嘞，密教修行人將呢個入密門嘅前導，稱爲“四加行”。四加行嘅修法將會下便講到。而灌頂係修學密宗嘅人必須舉行嘅一種宗教儀式，喺形式上嚟講，藏傳佛教嘅灌頂儀式同印度皇室嘅傳統係有關係個喎，印度嘅王子係必須經過灌頂先能夠確定佢喺王室之中嘅地位，而密教由印度傳入西藏亦都將灌頂嘅儀式傳入西藏。上師爲弟子灌頂亦都時常稱爲“法王灌頂”，而受灌頂嘅傳法弟子呢，就被稱爲“法王子”，可以見到藏傳佛教對傳承嘅重要，而能夠獲得傳承嘅尊貴亦都由此而知了。王子同埋法王子只係世間同出世間嘅分別，源頭呢，其實彼此相同，而後者就賦予咗法嘅內涵，呢種內涵就係藏密嘅各級灌頂係依住次第去開發弟子本身具足嘅真如佛性，即係“如來藏”嘅。一個修持密乘嘅行者由初入密教嘅修習到最高密法嘅無上瑜伽，係要按照次第去進行多次灌頂嘅。灌頂被視爲係最莊嚴、最神聖嘅儀式，而未受過灌頂嘅人係唔能夠修習密法同閱讀密教嘅經典，否則不但唔能夠成就，而今生報盡之後仲可能要墮入地獄。喺宗喀巴大師《密宗道次第廣論》之中講過：“欲成聞修大密之器，要得清淨灌頂，是故灌頂即是成就根本。若無灌頂，縱能悟到了達教義精進修習，終不能得殊勝悉地。非但有不得大悉地之失，縱得諸小悉地師資亦俱墮那洛迦。”咁喺呢段講到“那洛迦”意思就係地獄嘞。喺《大印空點》第二亦都講過：“若時諸師資，先灌一次頂，爾時即成爲，宣說大密器。無灌頂不成，如壓沙無油。若無灌頂者，慢心說密教，師弟縱成就，死亦墮地獄。故應勤精進，從師請灌頂。”又譬如響《金剛鬘經》第二又講過：“灌頂爲重要，諸悉地常住，我說如是義，故先應正聽。若具慧弟子，先正受灌頂，於滿次瑜伽，爾時成法器。若無正灌頂，雖了達教義，行者師弟子，俱墮大苦獄。”宗喀巴大師響《密宗道次第廣論》裏便特別強調：“又灌頂者，未灌下頂決定不可授上灌頂。”以防俱害自他。

藏傳佛教嘅初級灌頂我哋稱爲“瓶灌”，“瓶”呢，就係“寶瓶”個“瓶”。呢個灌頂嘅主要目的係對治啱啱入密乘嘅弟子嗰種堅固執住嘅凡夫心理，初步開發佛性嘅灌頂嚟嘅。呢一步開發佛性嘅功夫呢，喺理論上係要開發弟子嘅如來藏，而喺事相上呢，就係通過五種灌頂分別使到五方佛去現起，而使到弟子嘅貪、瞋、痴、慢、疑五毒受到調伏。呢五種灌頂呢，全部都係屬於身灌嘅範圍，“身體”嘅“身”，身灌嘅範圍，因爲灌頂之後呢，弟子就可以成爲童瓶身寶，故此就以“瓶灌”嘅名稱去統攝五種灌頂嘞。所謂嘅五種灌頂就係：第一種，寶瓶灌頂。寶瓶灌頂係用寶瓶代表東方嘅阿閦如來，阿閦如來就係五方五佛裏便嘅不動佛，作用係爲咗調伏弟子嘅瞋心所，即係瞋恨心，證果嘅時候能夠將我哋第八識阿賴耶識轉變成佛陀嘅大圓鏡智；第二種係寶冠灌頂。“冠”係“皇冠”嘅冠，用寶冠去代表五方佛南方嘅寶生如來，作用係爲咗調伏弟子嘅慢心所，“我慢”個“慢”，證果嘅時候就能夠將我哋第七識末那識轉變成爲佛陀嘅平等性智；第三種係金剛杵灌頂，用金剛杵代表西方極樂世界嘅阿彌陀佛，即係無量壽佛、無量光佛啦，作用係爲咗調伏弟子嘅貪心所，響證果嘅時候，能夠將我哋第六個識，即係意識呢，轉變成佛陀嘅妙觀察智；第四種灌頂稱爲金剛鈴灌頂，係用金剛鈴代表北方嘅不空成就如來，作用係爲咗調伏弟子嘅疑嫉，“疑”就係“疑惑”，“嫉”就係“嫉妒”啦，證果嘅時候就能夠將我哋凡夫嘅前五識，眼、耳、鼻、舌、身前五識轉成爲佛陀嘅成所作智；最後一種叫做名灌頂，“名”就係“名譽”個“名”啦，呢個名灌頂係幫弟子授記名號，有安立弟子將來成佛某某名號，叫做某某如來嘅功能，灌頂嘅時候以“輪”吖，去代表中央嘅毘盧遮那佛，佢嘅作用係爲咗調伏弟子嘅痴性，證果時候就能夠將第九識庵摩羅識轉變成爲佛陀嘅法界體性智嘞。以上所講就係密宗所謂嘅五種灌頂。喺《密宗道次第廣論》講過：“故由瓶灌頂，於修依諸部之生起次第及諸支分，悉得自在，成彼法器，於果位四生之中，安立成辦化身之功能。”呢一段意思就係話，受咗瓶灌嘅修行人，就可以依止“生起次第”，去修行成就而成化身佛嘞。

喺藏傳佛教嘅二級灌頂，我哋稱爲“密灌”，係再深入一步嘞。佢主要嘅意思係使到修行人能夠修持脈、氣同埋明點。喺藏傳嘅密教裏便，以身、語、意三業，“身”就係粗相，而“脈”就係細相，“語”呢，係粗相，“氣”係細相，“意”係粗相，而“明點”亦都係細相，所以話藏密嘅修習係細相嘅修習。剛才講嘅“瓶灌”係對治凡夫嘅五毒，貪、瞋、痴、慢、疑啦，只係由心理上便著手，使到弟子能夠經灌頂而破除我執，所以能夠敢於承當自己本身就係本尊。而密灌呢，就比瓶灌深入一步嘞，就能夠調治由於心理嘅障礙而產生嘅生理障礙，一共有三種功能嘅，邊三種呢？第一係使到我哋凡夫嘅五煩惱脈，亦都係貪、瞋、痴、慢、疑五毒所積結嘅脈呢，去得到調治而開顯我哋本來具足嘅金剛身脈；第二點呢，係使到凡夫嘅業氣吔，開顯調治而開顯本來具足嘅智慧氣；第三係使到凡夫因爲受到熏習而污染嘅明點得到調治而成爲本來具足名副其實嘅明點。按照《密宗道次第廣論》嚟講，受密灌頂嘅修行人修習圓滿次第就可以使到身語意遠離世俗嘅幻身而去成就報身佛位嘞。

藏傳佛教嘅第三級灌頂我哋稱爲“智慧灌頂”，智慧灌頂嘅作用係前一級密灌嘅發揮，亦都就係所講嘅雙身法嘅修習。喺呢度只係將呢級灌頂嘅內涵喺理論上去加以解說，至於種種藏密嘅名相同埋灌頂嘅具體儀軌，喺宗喀巴大師——黃教嘅創始者《密宗道次第廣論》之中關於呢個灌頂嘅部分就有詳細嘅解說。如果將男女睇作係生殖嘅機體，咁樣對藏密嘅智慧灌頂嚟講係極大嘅侮辱，因爲藏密係以男性嘅脈去表示方便，男性嘅氣去表示智慧；以女性嘅脈去表示智慧，而女性嘅氣呢，就表示係方便。倘若男女雙方都經過修習第一、第二級灌頂而得到證量，喺第三級灌頂嘅時候就可以發揮氣脈明點嘅功能，由兩性脈同脈嘅相觸、氣與氣嘅相合、明點同明點嘅相融，因爲智慧同方便嘅雙運，就可以收到彼此互利嘅功效，於是智慧氣就能夠值此去灌入我哋嘅中脈。喺藏密裏便呢，認爲智慧氣嘅開顯仍然唔夠嘅，必須係要氣入中脈先會成爲成就相。故此由於第三級嘅灌頂，可以因爲智慧氣去進入中脈，衝擊智慧明點，依次去開啓修行人嘅六個脈輪，邊六個脈輪呢？第一係密輪，“秘密”個“密”，亦都叫做“生殖輪”。呢個輪嘅開發能夠得到成所作智，去實證初地、二地菩薩兩地嘅功德；第二係臍輪，呢個輪嘅開發能夠得到平等性智，去實證三四兩地嘅功德；第三係心輪，呢個輪嘅開發能夠得到法界體性智，去實證五六兩地嘅功德；第四係喉輪，呢個輪嘅開發係得到妙觀察智，實證六同埋七兩地菩薩嘅功德；第五係頂輪，呢個輪嘅開發能夠得到大圓鏡智，去實證十地菩薩嘅功德。而最後一個係頂髻輪，呢個輪嘅開發剎那就能夠證得佛位嘞。所以喺《密宗道次第廣論》話呢級嘅灌頂能淨治一切境界吔，由此生起樂空吖，而成修第四光明次第之法器，而圓滿法身佛嘅果位吔。故此呢級灌頂係非常之重要吖。

喺藏傳佛教嘅第四級灌頂呢，我哋稱爲“名詞灌頂”嘞。呢一級嘅灌頂可以話係修心嘅層次，經由初灌至到第三個灌頂就依次開發衆生本嚟具足嘅如來藏，佢所纏繞嘅層層障礙呢，其實已經一一清除，而如來藏本身，仍然具有第四重微細嘅障礙，比如微細嘅法障、所知障之類，仲應該由呢一級嘅灌頂去慢慢加以清除嘅。有好多嘅學者認爲呢級灌頂嘅修習同漢傳佛教禪宗修習係相當，但係喺呢度必須指出兩者係有啲唔同嘅地方。首先，禪宗嘅修習係冇次第，唔注重次第，所以係非利根難以開悟嘅，但係藏密嘅修行人呢，響呢個階段喺理論上嚟講，如來藏已經顯露嘞，所要等待清除呢，只係微細障，故此容易就由第四級灌頂去得到無學慧嘞。其次，喺呢個階段嘅藏密修行人並唔等於禪宗嘅初機，佢距離密宗嘅極果其實只有一層之隔，所以呢個修行人已經其實係肉身嘅聖者，而唔係等待開悟嘅凡夫。換句說話嚟講，假如受灌頂嘅人唔係跳級，而係循序漸進嘅話，就可以由前便嘅三級灌頂修習嘅成就，其實已經可以確保解脫，同禪宗嘅開悟或者未開悟就有凡聖嘅分別嘅。喺第四級呢一級最高嘅灌頂之中，喺白教噶舉派嘅修習嚟講，我哋稱爲“無修瑜伽”，而喺寧瑪派紅教嘅修習，我哋叫做“大圓滿”。其實響呢個灌頂裏便亦都有“頓”同“漸”兩種法門，講到大圓滿“頓”嘅法門其實絕對同禪宗惠能大師嘅法門，係唔相同嘅，而大圓滿“漸”嘅法門呢，亦都絕對唔等同禪宗嘅神秀大師嘅法門，因爲彼此嘅宗風有唔同，趨向雖然相同，但係都係以修心爲主，具體嘅地方就有好多差別嘞，所以係唔能夠將“禪”同“密”絕對等同、劃爲一線嘅。但係講到第四級灌頂嘅“密”，其實就係“禪”，亦都係好啱嘅，因爲呢種講法唔係由事相上、證量上同次第上去立論，而只問心地。佛法八萬四千法門，橫講直講都可以，只係要了解每一個說法有每一個說法嘅立論觀點就夠嘞。響呢級灌頂裏便，修習圓滿，密乘以爲可以得到同顯乘不共之果，就稱爲“大樂智慧身佛”嘞。

講完關於密宗嘅四級灌頂之後，跟住落嚟我哋講到壇城嘅部分嘞。壇城呢，響密宗裏便叫做“蔓陀羅”，“蔓陀羅”係梵語“mandala”嘅音嚟嘅，意思舊時譯做“壇”或者“道場”，而新嘅譯法呢，叫做“輪圓具足”或者係“聚集發生”嘅意思。喺早期嘅蔓陀羅係古代印度密教修行人修法嘅時候爲咗防止魔衆侵入，喺修法嘅場地築起圓形或者方形嘅土臺，而國王即位，或者剃度嘅僧人都喺臺上便舉行儀式，而迎請諸佛菩薩去親臨作證，亦都喺臺上繪畫出佢哋嘅形象嘅。喺《密宗要旨》裏便講過：“壇者積土於上，平治其面，而以牛糞塗其表，使之印鞏固。於此壇上以管宗教之神聖行事，尤其爲阿闍梨授戒弟子時，或國王即位時，於此上行之，當爲此神聖行事時，例須迎請十方三世諸聖而證明者。於是繪畫十方三世諸神聖像，或以其所持之物，表示尊嚴。又或以諸佛諸尊之種子，而表尊崇。”喺後來一般以區劃圓形或者方型嘅地域稱爲“蔓陀羅”，認爲喺區域裏便充滿諸佛菩薩，所以亦都稱爲“聚集”或者“輪圓具足”，喺律裏便亦都有避免不淨而喺種種場合之中去作蔓陀羅嘅。根據《大日經疏》卷四記載，由“輪圓具足”呢方面嘅意義嚟講呢，佛菩薩好似車輪……（註：接下文）

178.密乘根道果（二）

（註：接上文）……認爲呢，蔓陀羅其實主要係聚集嘅意義，亦都係諸佛菩薩、聖者所居住嘅地方。剛才講過蔓陀羅響舊譯法裏便譯做“壇”或者“道場”，其實就係本體呢個角度去講，而新譯我哋譯做“輪圓具足”或者係“聚集發生”，呢個譯法係就意義上所立嘅，而“體”同埋“義”本嚟就係一體嘅東西啦。而梵語嘅“蔓陀manda”係本質嘅意思，而“羅”呢，“la”呢，“mandala”嘅“la”呢，係“成就”嘅意思，故此合起嚟就係“本質嘅成就”，而所，所表詮嘅含義呢，就係佛陀自覺嘅境界，咁蔓陀羅嘅哲學意義先能夠建立起嚟。本嚟六大——地、水、火、風、空、識嘅本體就係如來嘅三摩耶形啦，三摩耶形就係如來本誓嘅標誌，代表佢嘅本誓，所以一塵一法其實都係如來嘅象徵，而一切嘅嘢都係如來智慧德相嘅表現，如來嘅智慧德相就係“輪圓”嘞，圓滿具足嘅，可以話係萬象都係如來德相嘅圓滿象徵，而宇宙嘅體同體之中嘅內涵意義係唔能夠離開嘅一種具體性嘅存在，呢個存在係好深奧嘅世界，呢個世界係佛自證嘅境界，係普遍性而且係絕對性嘅存在，係超越性同埋內在性嘅相即存在，亦都係由本不生嘅實現世界，係六大一實嘅境界，呢個境界就係絕對究竟嘅菩提實體，係如如嘅中道世界，呢個世界係無可言嘅秘密莊嚴世界，將佛自證嘅境界用象徵嘅方式而表現出嚟嘅嘢就係“蔓陀羅”嘞。

文字嘅理論表現只係有近似性、接近性嘅作用，但係由本不生嘅理論表示住無數諸佛嘅境界，呢個象徵式嘅蔓陀羅嘅作用係直感性，即係靈感性嘅表現法，係更根本性嘅表現法。假，假如修行人只係從文字亦都能夠感受同埋體證到蔓陀羅一樣嘅境界的話，呢個人可能已經證到同諸佛所表現出嚟嘅蔓陀羅境界一樣嘞。“禪”嘅境界係唔可以測量嘅，但係呢個唔可以測量嘅境界用蔓陀羅個象徵方式去表現出嚟呢，而喺密教觀點呢，就密教嘅特色。當然喺呢度有宗教嘅色彩，亦都有無限嘅哲學意義啦。所，所謂“當相即道”，即係將現象嘅相狀用“阿”字由本不生同埋六大嘅體大嘅理論而具體表現出嚟，就係蔓陀羅嘅意思。蔓陀羅係由宇宙實相嘅內容而生出嚟嘅諸佛境界嘅表現，呢個表現後嚟用圖畫去做，呢種將佛嘅世界用圖畫描掃出嚟嘅嘢就係蔓陀羅。蔓陀羅亦都係表現諸佛世界嘅具體形像，當然有藝術性同莊嚴性，同時更加係真理性嘅表現，所以係睇得見嘅嘢都係蔓陀羅。世界係無數嘅蔓陀羅嘅存在，故此現象係千差萬別，千差萬別嘅一現象都係“當相即道”嘅具體現象，離開呢個現象之外就冇本體嘅形而上學可以講。所以“體”嘅壇或者道場，離開輪圓具足嘅種種現象就唔能夠成立壇或者道場，同時如果離開根本嘅體，就冇現象存在嘅意義。所以“體”同埋“相”係不即不離而一體嘅存在。總之蔓陀羅係體、相，用一體嘅一個具體現象，由哲學嘅立場嚟睇，所有事物都係歸於應該有嘅東西，事實就係真理。現象即係事實，所以話“即事而真，當相即道”。

如果由宗教嘅立場嚟睇，宇宙就係一個蔓陀羅，呢個係由六大嘅理論所引至嘅必要結論。蔓陀羅嘅哲學意義由佛教嘅密教所完成，後嚟喺呢個理論基礎之上逐漸發展成爲多種形式同類別嘅蔓陀羅，例如喺顯教裏便“轉識成智”呢個教理，喺密教之中就用五方佛去表達，認爲只要接受法身佛毘盧遮那，即係大日如來嘅五種智慧：法界體性智、大圓鏡智、平等性智、妙觀察智同埋成所作智，接受呢個智慧就能夠成佛。呢五種智慧就係用五方佛——毘盧遮那啦、阿閦、阿彌陀、寶生同不空成就佛去象徵表示嘅，或者畫五尊佛或者鑄造五尊佛坐像，或者用五方佛嘅五個梵文字母去組成圖案甚至做成一座塔都可以稱爲蔓陀羅，當然呢個只係五佛五字蔓陀羅啦，而其他嘅仲有藥師佛嘅蔓陀羅啦、觀世音菩薩或者度母嘅蔓陀羅、時輪金剛嘅蔓陀羅啦、代表佛理嘅蔓陀羅啦，等等好多好多，但係一般嚟講可以分爲大蔓陀羅、三昧耶蔓陀羅、法蔓陀羅同埋羯磨蔓陀羅。喺密宗裏便被稱爲四蔓，咁響以下我哋對於四蔓，四種蔓陀羅我哋一一加以解釋。

第一種係大蔓陀羅，大蔓陀羅亦都稱爲“繪畫蔓陀羅”，簡稱“大蔓”。我哋意思就係話只繪畫佛同菩薩嘅形像，用青、黃、赤、白、黑五種顏色去代表地、水、火、風、空五大，用呢五種顏色去繪畫佛菩薩嘅形像，就表示聚集嘅意義，係表示宇宙嘅全體嘅形相，指萬有嘅普遍相，將大蔓解釋爲五大嘅“大”嘅時候，係表示由五大識所顯示嘅蔓陀羅嘅意思。所以喺大蔓裏便有周遍全體嘅意義同五大識嘅意義兩種。由宗教嘅立場嚟睇，大蔓陀羅係佛菩薩嘅相好具足身，呢個時候嘅“大”係“五大”嘅意思。所以佛像係大蔓，但係由廣義嘅解釋嚟睇，一切萬像都係六大法身嘅當體，地、水、火、風、空、識所成嘅現象、諸法嘅全體亦都係大蔓嘞，所以塵塵法法都係大蔓陀羅，而整個壇場亦都係大蔓陀羅，每尊佛像都係大蔓陀羅，一切現象亦都係大蔓陀羅。

第二種我哋講到係三昧耶蔓陀羅，如果唔繪畫出佛菩薩嘅形像，只係描繪象徵佛菩薩嘅器杖同埋印契，例如所持有嘅寶珠啦、金剛杵、刀啦、劍啦、法輪同手印等等，我哋修行人見到呢啲法物，就好似見到代表嘅佛菩薩，所以三昧耶蔓陀羅係指現象嘅特殊相，即係佛菩薩所表示手執嘅法器，代表佢嘅本誓。“三昧耶samaya”，就係本誓嘅意思啦。宇宙之中每個現象都有佢各自嘅特色，即係特相吖。事事物物都係有意義存在，而唔係冇意義。一切嘅事物都有好深奧各自嘅生命價值，每一種事物都表示住各自嘅理念就係本誓，三昧耶有平等、本誓、除障、驚覺嘅四種意思嘅其實，其中本誓呢，就係最爲接近原義嘞。本誓係一種作用嘅理想，由宗教立場嚟睇呢，三昧耶蔓陀羅係諸佛菩薩所持嘅法器同手印嘅意思，因爲呢啲器杖同埋手印係象徵諸佛菩薩誓願。但係由廣義嘅解釋嚟睇，一切嘅事物都係三昧耶蔓陀羅，而一切萬象呢，都係有客觀存在嘅性能同埋作用，呢嗰特殊嘅具體表現就係三昧耶蔓陀羅嘞。

第三種蔓陀羅叫做“法蔓陀羅”，亦都稱爲“種子蔓陀羅”，簡稱“法蔓”。法蔓陀羅係以本尊嘅梵文名稱嘅第一個字母作爲諸尊嘅種子去代表本尊。甚至經論嘅文字、言語嘅義理同埋真言嘅種子陀羅尼等等，凡係關於法文義理都可以稱爲法蔓陀羅嘅。一切嘅事物既然有佢自已嘅特殊意義同理想，因而將呢嗰表現呢，作爲文字、聲音或者名稱嘅時候當然會出現一種特殊嘅意義啦。響十種法界裏便呢，都具有語言，六塵諸法皆是文字，一切嘅語言、所有嘅文字都係如來嘅語言文字，而表示呢個聲音文字，即係實相嘅立場，亦都就係話法蔓陀羅嘞。由宗教上嚟睇，法蔓陀羅係諸佛菩薩嘅種子，世間萬象都有名稱，由諸佛菩薩嘅名稱同埋本誓，而將頭一個字用梵字表現出嚟，就叫做“種子字”。所以法蔓陀羅係文字嘅蔓陀羅，係種子嘅蔓陀羅。我哋舉一個例，例如以梵文“阿”字，去表示大日如來，而用梵……（註：此處錄音中斷）但係由廣義上嚟睇，其實一切經典嘅文字乃至世界嘅所有語言文字嘅名稱都係法蔓陀羅嘅範圍，因爲言語係表達真理嘅原因，喺一個字裏便其實都有無量嘅功德。如果再詳細講，文字有“了因”“生因”“本相”嘅三種意義，亦都有含藏嘅意義、有生出嘅意義、有根源嘅意義嘅。

最後一種嘅蔓陀羅係被稱爲羯磨蔓陀羅嘞。羯磨蔓陀羅呢，其實係立體嘅蔓陀羅，係用雕刻、鑄塑等等嘅立體造型呢，去表示佛菩薩集會，形像更加具體直觀吖。羯磨蔓陀羅係表示宇宙間嘅一切事物嘅活動作用，“羯磨”係梵文啦，“karma”，“karma”係“業”嘅意思啦，係作“業”嘅意義嘞，一切嘅事物都係實在嘅象徵，所以一切嘅作用活動呢，係實在嘅本身活動。而四大嘅運行，日月星辰嘅異動吖，都係由實在所發生嘅有意義嘅活動。而由宗教上嚟睇呢，羯磨蔓陀羅係表示諸佛菩薩威儀嘅事業，所以喺雕刻、塑鑄上便所表現嘅威儀活動就係羯磨蔓陀羅。但係如果由廣義上嚟睇呢，其實行住坐臥一切事物活動嘅作用行爲吔，都可以稱爲羯磨蔓陀羅嘅。

響以上我哋對於四蔓就作咗簡要嘅說明，而四種蔓陀羅嘅教理內容雖然係哲學嘅形像形式，但係究竟都係宗教性嘅實在，而現象嘅諸法其實都係大日如來圓滿相好嘅種種相。大蔓就係色相，係宇宙本身嘅全體，三昧耶蔓呢，係形相嘞，法蔓呢，係名相（“名字”個“名”），而羯磨蔓呢，就係作用相，係相對全體嘅部分，係如來身、語、意三密嘅象徵，而四蔓嘅究竟意義就喺呢個地方嘞。關於四蔓之間互相嘅關係，亦都同本體輪嘅六大一樣有無礙攝入、相即不離嘅關係，現實同理想，事實同真理都係相即相入嘅生存，所以話“當相即道，即事而真”，凡即是佛，我即大日。故此一切現象其實都係四蔓嘅具體表現嘞。

至於講到蔓陀羅嘅製作，係有嚴格一套儀軌嘅要求，唔可以立亂嚟嘅。例如喺《陀羅尼集經》裏便卷二講過，佢話做一個阿彌陀佛嘅佛像法，佢講到話：“其作像法，香水泥地作壇，喚一、二、三好巧畫師，日日灑浴，與畫師受八戒齋。咒師身亦日日灑浴，作印護身，亦與畫師作印護身。咒師、畫師兩俱不得犯戒，不喫五辛酒肉之物。作壇中央作帳，四方著飲食、果子、種種音樂供養阿彌陀佛。其畫師著白淨衣服，用種種彩色，以熏陸、安息等香汁和之，不得用皮膠。咒師坐於壇外面向西，畫師而向東。咒師前一爐香，燒種種香及散諸華，夜即然燈。咒師作阿彌陀佛身印，誦陀羅尼咒。”（註：根據CBETA，“香水泥地作壇”疑爲“先以香水泥地作壇”；“作壇中央作帳”疑爲“作壇中央著帳”）嗱，以上呢一段就《陀羅尼經》（註：疑爲《陀羅尼集經》）所記載嘅作像法。我哋又，我哋再舉一個例吔，又好似《不空羂索神變真言經》卷八講過：“世尊是不空王像三昧耶，當以白㲲或細布上或復絹上，方圓四肘或方八肘。畫匠畫時一出一浴，以香塗身著淨衣服。食三白食寂然斷語，受八齋戒。盞筆彩色皆令淨好，勿用皮膠調和彩色。”吓，以上呢段就《不空羂索神變真言經》記載畫像嘅方法。由此我哋舉咗兩個例，可以知道喺印度繪畫蔓陀羅嘅材料選擇吖、畫師、咒師吔，其實都係有嚴格要求嘅。咁蔓陀羅除咗畫喺布匹吖、絲絹吖、牆壁、天花板之上呢，其實仲有有一啲作法呢，係畫喺地上或者木板上便，畫喺地或者木板上便嘅曼荼羅呢，有時係用各種顏色嘅粉漏印製而成，將顏色嘅粉裝入尺多長嘅金屬管，管嘅其中一端呢，有一個細嘅窿仔，而畫師呢，就一手揸住金屬管而用另外一隻手呢，用一支細嘅棒吖，去敲擊個管，咁通過震動吖，啲色粉就會漏落嚟嘞，用唔同嘅色粉去組成圖案啦，呢個就係其中一種粉漏嘅畫法。

佛教認爲宇宙係有二十八層天，欲界六天，色界十八天，而無色界四天，但係只有時輪金剛嘅壇城呢，唔喺天上便，而喺東印度同西藏交界嘅深山雪域裏便，所謂稱爲嘅香巴拉國，所以好多人願生去時輪金剛嘅壇城。時輪金剛嘅壇城呢，就好多時候就用呢個粉漏方法去畫，呢種用色粉嘅粉漏去印製成嘅壇城呢，通常都係時輪金剛嘅壇城，所以亦都叫做塵色壇城（“塵埃”個“塵”，“色相”個“色”），塵色壇城。但喺法會完畢之後呢，呢個壇城呢，就被毀棄唔用嘞。仲有蔓陀羅呢，係用青銅同木頭製作嘅立體蔓陀羅，係根據修行人修習供養唔同嘅本尊而有唔同嘅形式，細就玲瓏別致，大呢，經常亦都宏偉壯觀嘅。

喺今次講座嘅最後，我哋講到密宗裏便嘅護摩法。“護摩”係梵語嘅譯音，其實個意思呢，係“燒”咁解，準確去講應該係“火祭法”或者叫做“火供法”，即係喺火裏便投入供物，以作爲供養嘅一種祭法，亦都係密教一般修法之中重要嘅行持，用以譬喻智慧之火能夠焚燒我哋迷昧嘅心嘅意思。護摩原本係印度古代去供養火神阿耆尼去作爲驅魔求福嘅一種方法。喺印度太古印伊時代，呢一種宗教儀式已經產生咗，我哋可以見到喺梨俱吠陀吖、夜柔吠陀、百道梵書之中等等早期嘅印度文獻亦都有設立三種火壇去修法嘅記載。另外喺《家庭經》之中亦都有詳載種種複雜嘅護摩法，我哋可以見得到呢，護摩法一早已經風行響重視祭典嘅印度了。喺吠陀時代嘅諸神之中，最重要嘅一個就係火神阿耆尼。供養火神嘅儀軌係非常之盛行，響當時嘅事火嘅婆羅門之間燒火祭天，將供物投擲喺祭壇嘅火爐之中，等火焰上升就以爲已經達到諸神嘅口裏便，咁諸神呢，依此得到力量去降伏諸魔鬼神而賜給衆生一個福祉，所以將火去視爲諸神嘅口，亦即係天口。呢一個祭法後嚟被佛教密宗所採用咗，而且逐漸發展成爲密教嘅重要修法。

而密教嘅護摩同婆羅門嘅護摩佢意義係有極大嘅唔同。密教所做嘅護摩又可以分爲內外兩種，如果實際上喺護摩嘅壇裏便所做嘅修法就稱爲“外護摩”，亦即係響行法嘅時候具足本尊呢、爐啦、行者等等三樣要素，去作爲行者三密嘅表徵，喺其中本尊係唔限於邊一個如來或者明王，係要視乎所忠嘅教派而定，用以表示修行人嘅意密。而爐呢，係代表行者嘅口密，行者自身呢，就表示身密。而行法嘅方式，就首先要擇地、造壇、設爐，口誦真言，投擲乳木、五穀等等嘅供物響爐裏便，以清淨行者嘅三密，而且成就息災、增益、降伏等等嘅法。呢一種行法，都係響心外行事作法，故此稱爲“外護摩”或者“事護摩”（“事業”個“事”）。如果相反，唔需要採用實際嘅作法，而以自已嘅身作爲壇場，喺觀想之中以如來嘅智火去燒除其他嘅煩惱障同埋各種業障，呢一種喺向心內作觀修法嘅護摩就稱爲“內護摩”嘞。又因爲內護摩所做嘅觀乃係屬於理法嘅觀（“事理”個“理”），所以又稱爲“理護摩”。內護摩通常有四種方法，即係第一種息災法，去觀想大日如來嘅本性；第二係增益法，去觀想不空成就如來嘅本性；第三係鉤召法，去觀想寶生如來嘅本性；第四係調伏法，去觀想阿閦如來嘅本性。如果以世間出世間相對嘅區別，咁出世間嘅護摩即係指內護摩啦，而世間外道嘅護摩就係謂之外護摩。但係如果響出世間護摩之中，又有內外之別，咁以觀心爲內，而事相就爲外嘞。喺前面所講嘅外護摩，由於未能夠同內觀相應，係冇辦法成就悉地嘅，啫係成就啦，所以外行嘅護摩嘅時候呢，必須要同時修習埋內護摩嘅平等觀，希望能夠內外相應、事理相融，先能夠速疾去成就悉地嘅。故此呢一點係密教外護摩同外道嘅護摩法有唔同嘅地方嘞，亦都係密教修行人修護摩時候嘅一大要決嚟嘅。

如果單就外護摩嚟講，響修法嘅時候，除咗前面嘅本尊、行者之外，另外喺本尊嘅前便設有一個護摩壇，呢個壇呢，就稱爲“光明壇”“護摩火壇”“火壇”“軍荼壇”或者“火事護摩蔓陀羅”等等嘅名稱嘅。築壇嘅材料可以分爲土壇同埋木壇啦，如果築土壇可以依七日嘅作壇法同埋水壇法。七日作壇法首先要擇地，經過七日七夜去供養地神，掘地啦、清除穢物啦，同埋呢，畫其他本尊嘅蔓陀羅啦。水壇法係爲咗急病吖、兵亂等等緊急嘅時候所行嘅簡略儀軌，響一日之中灑水淨地去作壇。如果做護摩，我哋要喺護摩壇嘅中央去掘一個火爐，喺爐邊之外嘅地方呢，我哋要畫三重院，呢三重院嘅蔓陀羅諸尊，我哋又要依息災、增益、降伏、鉤召、敬愛五種法有唔同，有時亦都用佢嘅三昧耶本誓所揸嘅法器標誌呢，去表示嘅。咁例如依《金剛頂瑜伽護摩儀軌》記載，譬如息災法，喺中院嘅四方要畫羯磨杵嘞，響四隅啫四邊四角啦，就係蓮華嚟嘅。第二院呢，我哋要畫四波羅密多菩薩，而喺四隅呢，就係內嘅四供養菩薩。而喺第三院嘅四門我哋畫四攝菩薩，而喺四隅呢，就係外四供養菩薩，而喺中間就畫八方嘅天，而蔓陀羅嘅最中央，我哋就安置大日如來本尊嘞。但係呢個只係其中一個例，呢個畫法同埋聖位嘅分佈，亦都根據各種經軌呢，係有唔同嘅說法。至於土壇嘅形狀大小亦都有幾種說法，形狀一般係以息災護摩壇用圓形，白色或者黃色，而增益壇係方形嘅，赤色或者黃色，而用嚟做降伏嘅壇係三角形嘅，黑色。鉤召壇呢，同埋呢，敬愛壇呢，都係半月形或者八葉蓮華形嘅，以赤色或者雜色去作爲根據。而佢嘅大小直徑呢，一共有二肘吖、四肘嘅講法。木壇嘅形狀亦都因修法而有唔同，一般通常用方形嘅牙壇，大小亦都唔一樣。護摩爐之外唔需要畫三重院，而喺壇嘅四隅呢，我哋要釘四橛，啫金剛橛，一支支長形尖嘅金剛杵，而呢四橛嘅頂端呢，係綁有五色絲去作爲金剛線，喺壇上亦都佈列閼伽、塗香啦、華曼、火舍啦、燈明同埋灑水、漱口、五種瓶等等嘅其他器皿。喺壇上便嘅裝飾同其他物件嘅佈列亦都依各個教派唔同而有分別嘅。

如果修外護摩法，通常呢，係三種、四種、五種、六種嘅分別。但係最普通就係四種法，稱爲“四護摩”。第一係息災法，以佛部尊爲本尊，用圓形白色嘅護摩壇，圓形爐，向北方作吉祥坐，焚燒呢，就係甘木（“甘草”個“甘”）。第二種增益法，以寶部尊爲本尊，用方形嘅白色壇，個爐亦都係方形，向東呢，而半跏趺坐，跏趺坐都有講究嗰喎，焚燒果木（“果實”個“果”）。第三種係敬愛法，以蓮華部尊爲本尊，用蓮花葉形嘅赤色壇，而爐呢，都係蓮花葉形嘅，向西方箕坐，如焚燒花木。第四種係調伏法，以金剛部尊作爲本尊，用三角形黑色嘅壇，爐都係用三角形，而向南方蹲踞坐，而焚燒苦木。

剛才講咗四種護摩法，如果係三種護摩就係以息災、增益、調伏而冇敬愛㗎喇，係喺胎藏界呢，三部內證相應嘅三種修法嚟嘅。如果講到五種護摩，就係喺四種護摩之中另外加上鉤召法，以羯磨部嘅尊爲本尊，用金剛形爐，向其他嘅方向半跏趺坐，而焚燒刺木。呢個五種護摩係以金剛界五部五智內證相應嘅修法。但係敬愛法係由鉤召法開衍出嚟。喺五種法之中，每一種法其實都包含有其他四法嘅效益，我哋稱爲“五法互具”。譬如以息災法去舉一個例吔，修行息災法可以除去我哋凡夫嘅貪、瞋、痴各種煩惱或者止息國家嘅災難，呢個就係息災嘅意義。如果除去貪、瞋、痴等等煩惱嘅時候又可以增長定慧嘅功德或者行者嘅各種福德，呢個就係增益嘅意義啦。各，各種功德既然得到增長，就慢慢可以摧破我哋嘅無明，滅除其他嘅災殃，呢個就係調伏嘅意義啦，依住呢啲功德，而慢慢就冇戰亂諍鬥事件發生，亦都得到諸佛菩薩嘅庇護，就係敬愛嘅意思嘞。由呢啲功德而令到諸善集生、萬法集現，呢個就係鉤召嘅意義，即係話其他嘅善事可以集埋一處，其他嘅諸法慢慢亦都能夠鉤召到俾我哋學習嘞。咁其他嘅四法亦都可一樣互通去咁樣解釋嘅。

講到六種護摩呢，係頭先所講五種護摩之中喺增益法之中再開衍出一種延壽法，而佢嘅修法方式呢，亦都呢，係同增益法有啲唔同嘅，咁喺各種嘅護摩法之中，其實嘅主角都係“火”。“火”呢，有三種意思，第一就係般若嘞，亦都就係好似明燈一樣嘅智慧；第二就係“清淨”嘅“淨”，亦都可以燒除一切罪惡同煩惱；第三可以摧毀我哋菩提道上嘅一切障礙。護摩法雖然有多種，但係經軌之中呢，講法亦都係唔相同，但係都係以火作爲中心嘅形象，以智慧爲火，以一切煩惱束縛、慾念去作爲燃料，然後我哋預備作出獻出去燒嘅護摩食物就係涅槃嘞，呢個講法其實都係一致嘅。喺護摩法之中我哋所梵燒嘅薪木即係柴薪，我哋稱爲護摩木，護摩嘅灰燼，我哋稱爲火食灰，而伐木所用嘅刀呢，稱爲護摩刀，而書寫護摩法嘅旨趣吔，祈願內容嘅紙、板可以作爲護符嘅用途，稱之爲護摩札，而行使護摩嘅堂屋，去安置本尊，稱爲護摩堂，而喺護摩堂前便設壇呢，我哋稱爲護摩壇。由於火通常喺大清早點燃嘅，如果做護摩儀式嘅時候，所以護摩儀軌通常都係喺朝頭早舉行㗎喇。

以上我哋就簡略咁講咗護摩喺密宗裏便所代表嘅意義啦。希望各位聽完呢餅帶之後，對密宗嘅道理有一個更加深入明確嘅掌握，多謝各位。（註：接下文）

179.密乘根道果（三）

（註：接上文）

首先多謝大家收聽《密乘根道果》嘅第二集。喺呢集裏便，我哋首先同大家講下，白教藏密裏便大手印嘅四瑜伽法。大手印係白教裏便最高嘅法門，其實“手印”嘅名稱，喺顯教裏便都有嘅，就係用十隻手指結出種種形狀就稱爲“手印”嘞，又稱做“印”“印契”“印相”“契印”等等嘅名稱。喺密教裏便呢，手印係代表身口意三密嘅身密，亦都係諸佛菩薩法德嘅標誌。佛菩薩手上面執住嘅法器亦都稱爲“印”或者“執印”，譬如刀、槍、絹索、金剛杵、鈴、蓮花等等，但係如果真正堪稱“大手印”呢，就一定要經過密乘嘅第四灌頂所傳授嘅“大手印”，如果唔係呢，就唔可以叫做“大手印”嘅。“大手印”喺西藏嘅意思裏便呢，就叫做“大手印口訣”。現在嘅譯法，喺“大”“印”之中，裏便加入一個“手”字，意思就係尊重佛典嘅意思。呢個“手”字，係尊稱佛嘅手，表示佛陀嘅如所有同盡所有，以及二無分別同埋空樂嘅智慧。“印”呢，就表示佛嘅二無分別智，而呢個“智”呢，係最上、最重要而且最秘密，猶如國王嘅印璽一樣，意思係一切輪迴涅槃嘅法，全部都係一一契合佛嘅如所有智，而且呢，係冇一個法更加超越呢個智慧之外嘅。之所以稱爲口訣或者口授，就係簡單、言簡意賅嘅概括嘅意思，但係口訣或者口授呢，係含有好深嘅義理，咁樣講法係便於我哋修行者口誦心記，所以名之爲全稱“大手印口訣”。喺《大手印明點續》裏便講過：“‘手’，係諸法空性智，‘手’喻空智，凡所執持，悉爲手之功能。凡所顯現吖，即是空之妙用。‘印’，喻印記，決定義也。由空所現諸法，決定不出乎空。輪王敕令，自本法理，以印印之，誰能逾越。生死涅槃，本來是空，以覺覺之，莫非正智。大者，謂更無深廣殊勝，有過於此。而綜合諸法，惟此爲最高無上，故名大手印。”

呢一段，講到大手印法嘅傳承。大約響公元前一世紀左右，印度人嘅上師薩羅哈傳俾龍樹菩薩，然後慢慢遞經舍波黎吔、盧伊波、徵吉波，慢慢就傳至呢個諦諾巴上師（註：“徵”字同“微”字相近，音頻疑將“徵吉波”讀作“微吉波”），我哋知道嘞，諦諾巴祖師係白教好出名嘅，然後傳到那洛巴上師。而另外有一支，就係盧伊波，去傳陀黎迦波，然後安多囉波等等嘅上師。比如西藏噶舉派開創人瑪爾巴大師，啫密勒日巴上師嘅師父，三次去印度，由那洛巴祖師同埋麥哲巴祖師嗰度得到大手印嘅傳承。另外，阿底峽尊者，或者叫阿提莎尊者，亦都宣說過大手印哲理同埋喺瑜伽學之中嘅重要性。故此大手印雖然係藏傳佛教噶舉派（即係白教）密法嘅精髓，但係薩迦派呢（花教）、格魯派（黃教）呢，其實都有呢個傳承個喎。

大手印大致可以分爲三種，第一種係實住大手印，第二種係空樂大手印，第三種係光明大手印。我哋首先講下第一種實住大手印。何爲實住大手印呢？“實”就係“真實”個“實”，“住”就係“住世”個“住”。實住大手印係通過研究經論同埋名師嘅教導，能夠明了真實嘅道理，依住自己所悟所解而去修習禪觀、去調心，令到同真實相去相應，呢個就名之爲“實住大手印”，係依經教、依悟解而修嘅。換句話講，喺大乘佛教所講嘅一行三昧同埋真如三昧就同呢一樣實住大手印嘅道理係相當。因爲密教係以顯教嘅《般若經》作爲“因乘”，而密教嘅金剛乘呢，就稱爲“果乘”嘅。第二所講到空樂大手印，乜嘢叫空樂大手印呢？空樂大手印係屬於無上瑜伽密法嚟嘅，須要經過灌頂，修加行，經過專一、離戲、一味瑜伽嘅次第，而慢慢呢，漸漸達到我哋個心，到達空寂而去生起“空”同埋“樂”不二呢兩種感受嘅禪定覺受，而喺第四級灌頂之中，咁乜嘢叫做第四級灌頂呢？響，誒，第一次講座，大家聽番個餅帶，就會有講到密，密法裏便嘅第四級灌頂吖。喺第四級灌頂之中，經由上師指示加持，而慢慢了悟到我哋嘅光明嘅心性，知道我哋嘅心光明，然後慢慢再去修所謂嘅無修瑜伽，呢個就係大手印嘅漸入法，係漸入嘅法門，而必須亦都以修煉氣、脈同埋明點吖，去作爲基礎喺呢度，咁吖適宜於中下根器嘅人去修習呢個空樂大手印法。第三係光明大手印。光明大手印主要係依上師嘅加持吔，而獲得頓悟，頓悟法嚟㗎。貢噶上師曾經喺《恆河大手印直講》裏便開示講過，佢話：“最上之大手印，則並亦無須乎灌頂，但當恭敬禮拜，承事親近於其上師，或僅觀上師微妙身相，即能立得證悟。”貢噶大師講過呢段開示，而且話呢種大手印呢，係大手印嘅最勝義心傳，係真正嘅大手印。光明大手印呢，係屬於大手印嘅頓入法門嚟㗎，唔係漸入，係頓入。修習嘅人呢，要有上等嘅質素，遇到上等嘅上師，咁師同埋徒互相配合，就能夠直傳大手印俾你立見自己嘅光明本性。故此呢，喺呢一門裏便，光明大手印，其實實際得到嘅傳承同埋修習證悟嘅人係好少好少嘅。亦都有學者曾經講過呢，空樂大手印係依於三昧耶印、法手印、羯摩印等等呢三種手印嘅方便去發生大樂，即係喺呢種“樂”裏便呢，自己自證到當體即空嘅境界吖，故此所得到嘅果乘係不共之共嘅果乘嚟㗎，不共之共吓。空樂大手印之所以係異於光明大手印，同光明大手印唔同呢，因爲空樂係依“喻”而證“智”，而光明係依“義”而證“智”。“依喻證智”呢，就係依“喻”（就係“比喻”個“喻”嘞）；光明呢，“依義證智”，“依義證智”（呢個“義”呢，就係，誒，“義理”嘅“義”），“依義證智”。所以空樂係能表智嚟嘅，就比喻爲光明；光明呢，係所表智，就故此稱爲光明嘞。而空樂必須依三個手印，光明呢，亦都可以由上師口授，唔執能所，而能夠得到加被，頓時能夠顯露，所以亦都認爲光明大手印亦都有頓、漸呢，兩種分法。但係噶舉派開示大手印嘅時候呢，一般都分爲根大手印、道大手印同埋四瑜伽次第去入嘅果嘅大手印嘅。咁我哋跟住落嚟就詳細講下，噶舉派頭先以下所講嘅根大手印、道大手印、四瑜伽次第而入嘅果大手印。

乜嘢叫做根大手印呢？根大手印講嘅就係佛性，佛性係指蘊藏響我哋每一個衆生裏便嘅覺悟本性，我哋稱之爲“本覺”。呢個覺悟本性，係原始本然嘅，係無染無瑕，本質本始就係清淨。但係雖然係咁講，由於衆生嘅無明呢，精神上嘅迷惑，雖然都具有潛質嘅佛性，但係未被開發出嚟，甚至連點樣開悟嘅方法，我哋衆生都唔知道。咁呢個能夠導致開悟大手印嘅“根”，呢個“根”係咩意思？而家我哋講根大手印，呢個“根”就係佛性咁解。如果我哋用唯識宗嘅觀點去講，就係種子嘞，種子。隨住根大手印嘅建立，修行人吖，就會產生一啲特質，咩嘢特質呢？首先，就係對傳承嘅上師、祖師嘅虔誠恭敬，隨住會生起呢，有三種信心嘅，如果呢種大手印建立起嚟的話。第一，就係明淨信心，誒，“明白”個“明”，“清淨”個“淨”。何爲明淨信心吖？就係深信祖師、佛同菩薩同一切衆生都同樣具有佛性，呢種信心變得好堅固、好牢固，而且明朗，心地亦都開闊、開懷，就係明淨信心產生嘅象徵同埋覺受。呢個係對上師堅固不可破嘅信心，對佛菩薩不疑嘅信心，稱爲明淨信心。第二種係嚮往信心，嚮往信心，就係要明白自己亦都有成佛嘅種子，能夠成就吖，同一切祖師呢、佛菩薩一樣嘅自性同特質之後，我哋更加要努力精進，去得到呢種成就，呢個就係嚮往信心，即是嚮往佛菩薩嘅祖師德行，用自己修行佛性嘅本質慢慢一步步去成就，要具有呢個信心，將來我能夠修成同埋佛、菩薩、祖師一樣，係好重要。第三點，咳，根大手印，係清淨嘅信心講到。清淨嘅信心係同明淨信心唔同嘅地方，有唔同嘅，係要確認，清淨信心係咩呢？要確認，開悟之後吖經驗並非只係發生喺少數人身上偶然狀況，呢點係好重要，係好多人都有呢個開悟經驗，唔係偶然響你或者我身上先會出現，其實實際上已經有好多個修行人藉住呢啲方法去腳踏實地勤修去證得果位。呢種確信，明，啫要信呢一，呢一種情況呢，就係所謂清淨嘅信心。咁根大手印嘅建立，係我哋修道嘅行者，修道，修大手印之前，一定要確定嘅呢三種信心，係根大手印嘅內容。其實如果明確去講呢，我哋所講嘅四共加行嘅內容，其實就係根大手印嚟㗎嘞，明唔明？

咁跟住我哋講到道大手印。道大手印呢，係修行人知覺嘅佛性存在響每一個衆生之後而付諸實際嘅修行，就名之爲“道大手印”。道嘅程序，係按部就班、循序漸進嘅，唔可以越等，吓，記住呢度要循序漸進去修。首先我哋修大手印嘅時候，我哋要明白苦集滅道（“苦集滅道”，響以前，誒，嘅錄音帶講咗，已經講得比較詳細，大家可以參考番）。要知道苦集滅道，我哋要發心離苦得樂，喺呢種出離心嘅基礎之上而再發起菩提心，係好重要㗎，所以呢個係同顯宗共通，不共之中共嘅基礎嚟。佛陀最初初轉法輪就係轉呢個四聖諦嘅法輪，咁我哋要對四聖諦有深切嘅了解，先能夠知苦，然後先能夠令到我哋發出個出離心，有出離心，我哋先能夠喺呢個基礎之上，再發起上求下化嘅心，即係菩提心，上求佛道、下化衆生嘅心。有呢個基礎，有呢個認識，甚至有呢個證量，然後我哋先可以開始修呢個道大手印。道大手印一定要按部就班，就係修道嘅過程。同時，發咗菩提心之後呢，同時亦都修持金剛嘅法門，而進入金剛嘅法門呢，我哋就必須要修四不共加行法同埋止觀，四不共加行法同埋止觀。我哋修行人憑住四不共加行去積累修持金剛法門所需要嘅功德同埋智慧，所以根大手印呢，係屬於密宗預修嘅法門，預備預修嘅法門，而大手印修持嘅內容呢，其實講番轉頭就係根大手印，其實頭先講過係四共加行，而道大手印包括四不共加行同埋止觀嘅禪定。乜嘢叫四不共加行？歸依大禮拜、金剛薩埵法、獻曼達同埋上師相應法（咁喺，如果呢餅帶能夠講得晒的話，會再講埋四不共加行嘅內容，如果講唔晒，就會開多另外一餅帶講呢個四不共加行，係歸依大禮拜、金剛薩埵、獻曼達同埋上師相應）。道大手印裏便有四不共加行同埋止觀禪定，所謂止觀禪定呢，就係密宗所講嘅七支坐法，毘盧遮那如來嘅七支坐法。

而第三種呢，就係四瑜伽次第而進入果嘅手印啦（有三種，咁我只係重複講多次啫）。咁現在道大手印，頭先已經講咗四不共加行同止觀禪定嘅內容，而講到瑜伽，由瑜伽次第進入果大手印呢，就係四瑜伽次第入果大手印，就係正修嘅法嚟嘅，呢個先係正修嘅法，喺呢一度建立咗道大手印。根大手印就有一個具足嘅信心，而響道大手印正式修咗四共加行同埋七支坐法之後，然之後再進入果大手印，吓，呢步唔係咁容易到達。呢個果大手印呢，就係四瑜伽，四瑜伽就專一瑜伽、離戲瑜伽、一味瑜伽同埋無修瑜伽，四種瑜伽係修習大手印度逐級深入嘅四個層次嚟嘅，實際上就係藏傳佛教修一切止觀嘅階梯。其實換句話講，睇清楚，就係藏傳佛教修一切我哋顯宗所講止觀嘅階梯嚟。四瑜伽嘅修習方法，現在跟住講嘞，現在我講。第一，專一瑜伽。專一瑜伽就係將我哋嘅心繫於一境，去修止觀嘅“止”，止息我哋妄念，屬於四瑜伽嘅初級法門，咁包括咩內容呢？包括觀想佛像啦，簡單去講大家容易明白，觀想佛像、觀想種子字啦，或者金剛誦啦，金剛唸誦，喺密宗裏便亦都有明點法同埋寶瓶氣呢個範圍。咁專一瑜伽雖然係初級嘅法門，循序漸進，但係慢慢我哋定力就會由淺而入深，所以我哋修行人要有堅韌不拔嘅內心，要有克服困難㗎，去修專一瑜伽唔係咁簡單。

首先，我哋要對治雜念，由於我哋妄念連續不斷呢，我哋會經歷無數次嘅失敗經驗㗎，響修專一瑜伽裏便，然後慢慢你先會得到成功。第二點呢，你就係要知道要點樣先能夠得到妙觀察智嘅生起，佛陀嘅妙觀察智。妙觀察智，意思就係話我哋能夠認知個體意識同埋宇宙意識係一元吖，一元，即是無二元，唔係相對，係一元，要，慢慢要我哋能夠即刻達到明心見性嘅境界，因爲大手印嘅思想體系建立喺妙觀察智嘅基礎之上，而只有專一瑜伽，修專一瑜伽去功德圓滿之後，就能夠轉入去修第二步嘅離戲瑜伽。由離戲瑜伽以上，啫其餘嘅三種瑜伽都係屬於深嘅法門，比較深嘅法門。咁專一瑜伽嘅第一階段吖，我哋修持專一瑜伽嘅階段嘅覺受，喺嗰陣時候我哋會產生“靜”同埋“明”嘅覺受。“靜”就係個心地好安靜，一念不生，心如止水；“明”就係光明，唔係用肉眼見到發光，唔係呢一啲嘢，係心中覺得智慧產生，明明靜靜嘅光明，唔係見到外境幻想呢種明，呢種係妄境嚟，唔係咁，如果咁樣呢，係唔相應嘅，同專一瑜伽。呢種感覺，但係唔會長久嘅，呢個“明”“靜”嘅感覺，亦都唔會同時間出現，即係有“靜”嘅感覺時候，嗱，個分別喺呢度，有“靜”嘅感覺時候，就冇“明”嘅感覺，而感覺“明”嘅時候呢，亦都就唔會平靜嘅。呢個階段表示我哋修行人開悟成就嘅可能性嘅，啫呢種感覺，就如同遠處，比如一個例，遠處有煙升起就可能有火，或者清晨朝頭早嘅時候響東方逐漸發白，表示太陽就要出嚟一樣。咁呢個靜相、呢個明相係代表乜呢？代表覺悟嘅可能性吖，呢個就係修專一瑜伽第一階段嘅覺受嚟，喺我哋修持嘅心性裏便。

至於講到第二階段，再進一級，第二階段，我哋修行人完全會安住響定境同埋喜悅之中，有一個心嘅定境，慢慢慢慢由明靜去轉入第一階段、轉入第二階段，個心慢慢越嚟越靜、越嚟越禪定高，而得到內心一種喜悅。而任何念頭同埋障礙喺嗰啲時候係冇辦法干擾吖，如果你到第二階段吖，吓，呢個時候已經到呢一度。第三階段，再進一級，我哋修行人就會感到光明，但係呢個光明，再講番，唔係開悟時候嘅靜光，清靜嘅光，唔係喎，係代表智慧嘅發展，記住，唔好執著外相。而我哋得到呢個光明，係代表一種智慧嘅發展，智慧個慢慢慢慢你會覺得智慧會增長咗開發，如人飲水冷暖自知呢個覺受，智慧開始發展、慢慢開發。咁我哋如果繼續修持落去呢，光明喺心中會不斷越嚟越光、越來越增長，我哋光明越強，就代表我哋有更敏銳嘅智慧，咁喺呢個時候，神通就出現，會出現神通。咳咳，Sorry。會出現神通，神通就係特異功能啦，喺呢個時候，比如好簡單，睇穿埲牆，睇穿啲門等等嘅物體，或者有預知未來嘅能力，但係修到呢個時候有呢啲現象出現，冇沾沾自喜，如果你一沾沾自喜，喺呢一度，專一瑜伽呢第三階段出現呢種情況，你一執著呢，你就會執著色，或者執著相，墮入番你自己五蘊，被五蘊綁番入番呢個境界，喺嗰個時候好易產生《首楞嚴經》裏便真正所講嘅五陰十魔，有呢啲境界，呢段時候。咁你修到呢度嘅時候，你有睇穿啲牆嘞，睇穿物體有預示嘅能力，亦都可以預知過去未來，有呢啲能力，咁修到呢個徵，呢啲都係修行進步嘅徵兆其實，咁呢，亦都代表有呢個徵兆可以預示得到，我哋慢慢再逐步修落去，可以獲取到預知過去，知番過去，預知將來嘅遍達三世嘅智慧，有呢個可能性會修成。但係記住呢個唔係真正嘅神通，只係一種覺受所出現感應嘅幻象，但係你去了解到外界嘅真實情況啦，係真嘅，就唔係虛幻嘅，係真，譬如睇穿埲牆，對面有咩東西之後，你行開埲牆過去對面睇，真係有呢一樣嘢，但係唔好執著呢個境相，喺呢個時候你執呢一樣嘢你會著魔，會著魔，記住，呢個唔係真正嘅神通。如果你將呢個修持嘅境界，第三階段作咗聖解，即受群邪。喺《楞嚴經》講過：“若作聖解，即受群邪。”呢度所，呢度要提一句，好重要，呢個階段。

咁對於專一嘅，跟住我講對於專一嘅訓練方法呢，響專一瑜伽裏便呢，頭先講到有觀想佛像，我哋而家逐一講修行嘅方法。第一步，專一瑜伽裏便，觀想佛像或者字，觀想字，或者佛像莊嚴。佛有三十二相啦，八十種隨形好，佛陀結印跏趺喺蓮花日月輪之上，披住衫衣，住於一個虹，虹嘅圓光，彩虹嘅圓光，好似歷歷喺我哋眼前一樣，好真實嘅，你用呢個心去觀想。一般觀想佛像呢，同埋修月輪觀係相結合嘅。其實係佛口呢，係象徵呢，就係一個月輪，喺行者嘅面前，大呢，如指甲，上面有一個藏文嘅“空”字，但係個筆畫呢，就細如毛髮，呢一輪嘅明月慢慢逐漸逐漸擴大到一尺，然後明朗清涼、光潔瑩澈，好清涼、好光潔、好瑩澈嘅呢個月輪，咁呢，我哋要注意將我哋念頭注念去觀想呢個月輪，唔好墮入昏沉裏便。咁久而久之，我哋慢慢通過呢個觀想，呢個深沉嘅禪定去集中響月輪嗰度，月輪就慢慢能夠越睇越明白，慢慢慢慢越嚟越見吖，越嚟越清楚顯現。到呢個時候我哋再觀想月輪，慢慢擴大到四尺，頭先一尺，而家四尺。個形狀如果佢大光嘅時候，越嚟越大，我哋諗佢四尺，四尺就好似一個薄餅一樣，好薄嘅薄餅，但係佢個光明係白色，懸浮響空中，懸浮響空中，而呢個“空”字呢，就喺佢中間，“空”字喺個月輪中間。慢慢地我哋再觀想佢，再深一層次觀想佢擴大到同整個宇宙一樣，呢個月輪。我哋初步如果可以用呢一種觀想，咁當我哋下座之後，我哋亦都應該要觀想月輪呢，慢慢去縮小，好似初頭咁，然後將個月輪呢，收歸響我哋自心嚟，呢個係完滿次第嘞，頭先係升起次第，升起一個境相，圓滿次第，將佢收番落我哋自心裏便，將呢個月輪。咁如果月輪觀一觀成之後，咁我哋定中裏便只係見到光明朗徹、無邊無際嘅感覺，係見唔到自己嘅身心同埋世界嘅，個覺受，如果呢個月輪觀修起，一入定裏便，完全係光明，係好朗徹，無邊無際嘅光明，處於光明裏便，身心世界已經消融。咁我哋修行如果能夠時常入呢種定，照呢個方法去修，護持佢，唔好俾佢失，因爲入呢個定，觀想個月輪去把持攝持住我哋個意念，我哋當時意念就好少妄念甚至唔會打妄念，喺呢個境界我哋就會見道明心㗎嘞。喺，如果你能夠修到呢個境界，無呢個妄念，見道明心，進入呢個月輪觀光明，身心世界瑩澈，無人無物，見道明心，咁其實呢個境界係屬於咩境界？係進入咗初地菩薩嘅果位。當然唔係一朝一夕啦，係好長嘅時間，而家講嘅方法好似好簡單，幾句話，但係修嘅時候你會經歷咗好多考驗同境界。呢度遇到個個人嘅根器唔同啦，千差萬別，唔可以用一餅錄音帶去講晒每個人喺修呢個定裏便，專一瑜伽呢個定裏便所發生嘅境界。而呢發生嘅境界點樣處理？處理一定要依止一個真真正正修過呢個瑜伽嘅上師，唔係空口講嘅上師，要有呢個覺受，要搵一個過來人，所謂“欲知山下路，需問過來人。”要喺一個過來人嘅上師裏便去了解呢種境界，如果行過呢條路，自然會答到你話俾你聽，你而家弟子修行嘅境界係到達專一瑜伽第幾個層次，你修呢個月輪觀，你所觀想有咩嘢錯誤、有咩嘢啱，佢會話俾你聽，咁慢慢如果你繼續修呢個定，唔失嘅時候，見到光明嘅道心出現嘅時候，漸漸你嘅雜念完全慢慢慢慢冇晒，喺時常嘅入定之中光明朗徹、無邊無際，身心世界頓時消融，而就進入初地菩薩果位，依住咁樣一步一步修習，直至慢慢成佛。其他嘅道理就唔需要再講，係冇其他嘅捷徑同道理，係按部循序漸進。呢個係佛像嘅觀想，月輪觀，觀佛像。

第二種金剛誦。金剛誦呢，如果講到金剛誦，係無上瑜伽修行人練氣脈明點主要嘅方法嚟嘅。咁我哋將觀息，觀我哋嘅氣息、心息，去唸咒，或者觀想同埋觀修脈輪吖，結合爲一吖，將呢啲方法結合爲一。“金剛誦分”呢，係“起分”同埋“正分”呢，分開，咁我哋先從起分去修起。金剛誦起分，我哋亦都叫做金剛數息法，係無上瑜伽嘅六妙門，好似天台宗智者大師所創、所講嘅止觀六妙法門一樣，分開數、隨、止、觀、還、淨有六個階段，要清楚呢六個階段，何爲呢六個階段？一定要講明呢六個階段。數，數嘅階段就係同顯宗顯教六妙門嘅數息係相同，天台宗係一樣，呢度，冇分別。喺我哋安坐嘅時候，我哋調息之後，我哋專意去數呼吸，去數呼吸，每一呼一吸，謂之一次，專心沿住每一個數去數，由一到二，乃至慢慢，數到二萬一千六百個數，慢慢一、二、三、四咁樣數落去、數落去、數落去，去數我哋嘅呼吸。咁我哋數我哋嘅呼吸，慢慢越數就會越清楚我哋嘅內外息出入息，慢慢慢慢就越嚟越明晰咁數落去。咁我哋初修習嘅人，每一日以修四座爲限度。咩嘢四座？第一座，我哋呢，只係數二十一次，第二座增加至三十六至七十二次，第三座比前便就再增加一啲，可以數到一百零八次，而第四座呢，就隨我哋嘅力去多數。如果唔舒服，身體唔舒服，或者自己唔得到一種輕安嘅感受，夾硬去數，你就下座，唔好刻意去數。而喺呢個數息慢慢數下數下，你嘅心念就會集中響息裏便，而且亦都可以調到我哋身體氣脈，令我哋身體氣機增強，可以消除好多病症㗎。其實喺呢個階段我哋呢個可以做到呢一樣嘢，而最重要我哋唔係身體嘅執著覺受有冇病，係最重要我哋心念處於一個數裏便，而冇雜念，處於空明嘅境界慢慢去數，如是者我哋慢慢漸增，唔好令，數呢個息，唔好令到我哋心向外馳，咁修習純熟之後呢，捨，捨除我哋數，數嘞，數呢個數目，我哋修“隨”，第二個字，第二字訣，六字訣裏便嘅“隨”。修“隨”係咩意思？修“隨”嘅時候，吸氣嘅時候，觀我哋嘅氣由個鼻前便一尺到五尺遠之外去吸入，觀呢個鼻吔，吸氣嘅時候，觀呢個氣由我哋個鼻孔前便一尺至五尺外便，用個心去諗，吸入嚟，經過鼻、我哋嘅喉嚨、心，然之後到肚臍嘅部位，然之後落到會陰個部位，會陰個部位，然之後慢慢遍行到四肢，然後到全身。咁吸氣嘅時候係咁樣做，呼氣嘅時候呢？我哋觀想我哋嘅氣，而再由鼻裏便出，然之後出呢，至到於鼻前嘅一尺到五尺嘅地方之後，放番出去，放番出去。咁樣反復練習，至到明了我哋嘅氣息出入嘅遠近長短，我哋要知道，我哋其實如果你越做呢個“隨”嘅時候，慢慢一步一步深入，我哋知道幾時出、幾時入，吖，個距離有幾多、出入嘅長短，我哋個心係無念個喎，記住，喺無念嘅境界，但係我哋喺無念之中我哋又知道我哋息出入長短嘅，嗱，呢個就係好微妙嘞，微妙嘅境界就喺呢度。咁呢，如果能夠你修到呢一種境界，就我哋開始捨棄“隨”字訣，而修“止”字訣。“止”，“止觀”個“止”嘞。咁修止呢，就首先我哋觀我哋嘅氣，停喺個肚臍下便，啫丹田嗰個位置差唔多肚臍，而漸漸慢慢個氣呢，遍於我哋全身，令到，呢個步驟我哋要令到心同埋個氣去相合，令到自己寂然入定，慢慢入定，心同氣，心氣要令佢合一，喺呢個階段，吓，要做到呢樣，寂然去入定。觀呢個“止”，如果我哋慢慢純熟之後呢，如果能夠心同氣相合，入得到定，咩叫心氣相合呢？心同氣係同一嘅，唔啫，啫自己唔覺得心喺度運作，亦唔覺得氣喺度運作，而大家互相已經係相合咗，心底係寂然安住喺定，好平和嘅定嘅境界之中。咁如果我哋修呢個，誒，“止”之後，能夠得咗，然之後我哋進一步呢，就修“觀”，“觀止”純熟咗之後，我哋要修“觀”。（註：接下文）

180.密乘根道果（四）

（註：接上文）

咁修觀，我哋觀啲乜嘢、點修法呢？我哋觀外境，外便嘅境界，地水火風空係依黃白紅綠藍五種色去分佈，吓，地水火風空，係依黃白紅綠藍五種色去分佈。

現前見到嘅時候呢，就捨“觀”修“還”，“還”字訣。“還”字訣點樣呢？吸氣嘅時候我哋觀想十方諸佛嘅光明功德化爲一個白色嘅“Om”字（“Om Ah Hum”個“Om”字），然後慢慢住於落嚟，慢慢住於我哋嘅臍吔，臍輪嗰度，啫氣海，丹田個位置，而變成紅色嘅“Ah”字，一變呢，紅色嘅“Ah”字呢，長久嘅停住響呢位置嘞，停住喺呢度。而家我哋呼氣嘅時候呢，就吸，變成藍色嘅“Hum”字，然後由個鼻裏便亦都慢慢呼番出去，放出藍光，而後入一切衆生嘅身裏便。點解要咁做？爲咗去消除呢個罪障，去增福，咁循環往復“Om”“Ah”“Hum”三個字。點解要修呢個“觀”？呢步好重要啦，呢步，就可以解開我哋全身嘅脈結嚟㗎喇，呢度。所以你修天台宗嘅止觀，喺金剛誦呢個法門係相等，一樣可以打開我哋全身嘅脈結，所以叫做“還”，我哋脈結解開，煩惱就會斷了，煩惱就會斷，呢就“還”。

所以修煉純熟咗之後，呼吸我哋隨住我哋心嘅寂定，慢慢慢慢會緩慢，直到我哋嘅氣息停止、停息，然之後呢個階段中脈就會打通，響呢個時候吖，中脈打通，呢個業氣，我哋身體嘅業氣就會轉變成爲智慧嘅氣，所以響呢個步驟裏便，啫呢個階段就叫“淨”，第六個字訣“淨”。一共有六個字訣：數、隨、止、觀、還、淨，就係呢個階段。所以講到呢一度，諗起一樣嘢就係，你話顯宗同密宗有冇分別？既有分別，亦無分別，爭在你自己所證得到嘅境界係點，其實條條大路都可以去到一個目的裏便嘅。因爲如果你一樣，同天台宗一樣呢，可以修持呢個止觀嘅法門，將我哋中脈嘅脈結解開，左右二脈嘅脈結解開，將業結氣轉爲智慧氣，令到我哋清淨，打開晒啲脈結，開我哋嘅脈輪。

咁講番嘞，金剛誦嘅正分係依住我哋呼吸，吸，誒，依住我哋呼吸嘅入、住、出，我哋去默誦“Om”“Ah”“Hum”呢三個字啦，同時觀想“Om”字係白光，“Ah”字係紅光，而“Hum”字就藍光，由我哋中脈裏便出入，吓，“Om”“Ah”“Hum”三種光出入。咁如果修習純熟就可以進一步打通最難打開嘅心結裏便嘅脈，心結，心間裏便我哋有個脈係最難打開，如果修到純熟嘅時候，我哋連呢個心間個脈，呢個脈結都打開，咁就可以令到全身嘅氣入同埋住而融喺我哋中脈裏便。咁有咩覺受？如果呢個氣打開咗呢個心結，呢個脈之後呢，我哋嘅感覺就係個氣入，入咗佢啦，然之後住於融入我哋中脈，引生我哋心嘅寂靜，寂靜，好寂呢個境界，好寂悟呢個境界。而後呢，就慢慢深入，喺呢個境界就會好快逐步深入到達到四禪定嘅境界，而能夠靜見，證見到我哋所謂嘅實義光明。慢慢慢慢進入呢個四禪天嘅境界，初禪，啫色界裏便，初禪、二禪、三禪、四禪吖，好高嘅禪定嚟㗎，呢度，進入呢個四禪寂定嘅境界。

好嘞，咁我哋講完金剛誦。咁或者可能我講得個次第吔，唔係咁清楚，或者修法，都，你聽落去都唔係咁容易明，當然啦，唔可以一餅帶咁詳細解釋晒話所有嘅嘢，只可以希望喺呢餅帶濃縮去介紹簡單嘅修法同埋究竟呢個大手印裏便有咩秘密，係點樣修？其實係一啲秘密都係冇，簡簡單單可以解釋到出嚟。但係真正嘅修法，你唔得聽呢餅帶去修，你要依止你真正嘅上師，呢餅帶只係一種參考，你要搵到一個真正嘅上師，識得大手印去傳授俾你。因爲喺頭先我講嘅過程之中，譬如呢六字嘅口訣裏便，數、隨、止、觀、還、淨，呢六個字口訣，每一個階段都有你所出現嘅問題嘅，慢慢你如果真係發心開始修，由根大手印開始修，一步步到呢個階段嘅時候呢，你就會知道㗎喇。

咁我哋跟住講完金剛誦嘅修法，我哋講到寶瓶氣，寶瓶氣。而家我哋其實講番轉頭，我哋講嘅專一瑜伽啫喎，大手印裏便嘅專一瑜伽裏便，頭先我哋講咗，誒，金剛誦嘅方法，而家講到修寶瓶氣嘅方法。金剛誦我哋屬於柔氣嚟嘅，屬於太極界裏便陰性嘅嘢，柔氣。而寶瓶氣屬於剛氣，有分陰陽，寶瓶氣係剛，係強性，所以我哋修行人呢，應該以金剛誦嘅起分入手，先修柔先，然後有一定嘅功底之後我哋再修個寶瓶氣，以柔再去進入剛。寶瓶氣雖然屬於剛，但係其中剛中之中亦都有柔，啫猶如太極裏便陰陽相對，陰中有陽，陽中有生，陽中有陰，孤陰不生，獨陽亦都不長，陰陽會相對雙運，吓，呢個原理，唔係淨係陰同埋陽，係一體兩面對立，唔係，其實包容互相轉化，所以剛之中有柔，柔之中亦都寓於剛。故此寶瓶氣雖然屬於剛，但係其中亦都有剛中之柔，以上氣壓下，下氣提上，有，譬如好似函蓋呢，相扣，啫個壺一樣，好似氣藏喺裏便嘅，如果你修剛氣，上壓，上氣壓下，下，下氣就將佢提上，好似一個壺一樣，相扣如壺呢，使到個氣藏喺裏便。咁修呢個寶瓶氣，金剛誦屬於柔氣，寶瓶氣屬於剛氣，寶瓶氣吔，咁修寶瓶氣嘅口訣講過話：“引起滿息與均息，及以射息爲四法，不明四法合作者，無益有損吖，險當知。”（註：根據CBETA，“引起滿息與均息”疑爲“引息滿息與均息”）呢個口訣好重要，咁口訣裏便之中點解呢？口訣之中佢所講到嘅均息，我哋可以叫做稱爲“消”，“消防”個“消”，“消”字。所以寶瓶氣收集四個方法口訣就係：吸、滿、消、射，四個步驟，好簡單，將佢融攝四個字，你記住：吸、滿、消、射。

何謂吸？吸嘅時候係我哋靜坐調身，調好個身體，調息之後再調息。咁呢度唔詳細講吖，以後有機會再講，呢度又要開一餅帶講調身同調息，打坐個方法。首先我哋調好身呢，然之後再調息之後，然後由我哋鼻裏便慢慢呢，緩緩咁吸入，納氣，用納氣嘅方法慢慢吸入氣，而後收腹擴胸。吸入氣令到個腹部收起，胸部擴張，而令到氣呢，滿於我哋嘅腹部，同時提肛，啫有收縮個肛門嘅感覺嘞，將個肛提起。然之後將下行氣將佢上提，下便嘅氣將佢上提，使到上下兩個氣呢，壓合喺我哋嘅肚臍吖，臍輪嘅位置。吖，呢個方法，講，啫係好簡單，即是幾句說話，但係其實裏便修，呢個修習過程係一段好長嘅時間㗎，你要將佢能夠咁樣做，一定要有上師同埋專人指導先好修。收腹擴胸使到氣滿腹，然之後提肛，下氣同上氣相合，而將佢壓喺臍下便，呢個就係“吸”嘅口訣。

“滿”嘅口訣，我哋觀想呢，嘅氣灌入我哋左右兩個脈裏便，而後左右兩個脈，然後慢慢進入中脈，隨之將我哋口裏便嘅津液吞下，我哋諗個，諗啲口水，啫津液啦，同啲氣同時被壓合響我哋臍下便，異常充滿，好充滿，然之後我哋閉息唔好出嚟，長久而住，閉住息，閉住氣息。咁閉息嘅時間呢，初學嘅人呢，以三十秒鐘就好嘞，然後慢慢逐漸增至一分鐘，然後到一分半鐘。慢慢慢慢去適度，吓，如果唔識練，夾硬嚟呢，會有反效果呢度。唔可以勉強壓抑，會壞氣㗎，應該要自然循序漸進，呢個“滿”嘅口訣。

跟住到“消”，“消”嘅口訣係閉氣唔好忍，唔好忍，應該將佢消散，同“滿”相反，消散，即是意思係均息，“平均”個“均”。咁呢度亦都分開內外兩種消，內消就觀想我哋左右兩條脈嘅氣灌入中脈，猶如喺渠裏便引啲水由左右脈去流入我哋中脈，然之後到我哋心間裏便，心輪然之後消失，中脈中，中之中亦都係空空如也，中脈亦都冇咗啦，空空嘅。如果外消，外消就觀想我哋嘅氣首先灌到我哋中脈，然後再滿我哋四肢，然之後遍行全身同埋每一個毛孔吖，呢個就係外消。“消”裏便有內外兩種。

跟住“射”嘞。“射”係咩意思？分開，“射”呢，亦都分開衝頂射同埋自然射兩種方法。係感覺氣，意思就係話感覺氣，我哋唔能夠再閉，喺嗰個時候唔能夠再閉嘅時候，我哋要觀想氣呢，就係藍色，猶如一支箭擺喺個脫弓上面射出嚟，“伏”一聲，由頂門嘅梵穴衝出，就叫衝頂射，吖，個氣喺上面衝出嚟。呢個呢，只可以我哋初修嘅人呢，去修一次，去衝開我哋脈道，以後絕唔可以修，因爲有危險性嘅，衝開咗個頂門。咁衝射一次之後呢，我哋觀想我哋氣由兩個鼻孔之中再射出，猶如香煙繚繞一樣，喺鼻前大約一尺左右嘅虛空之中消散，咁每次射出嘅時候，我哋要留一啲喺個臍下便，將啲氣留一啲喺臍輪下便，叫做中住氣，呢個氣就叫中住氣，呢個對入定嘅時候呢，係好重要嘅，有呢個氣，有呢個氣住響度，我哋好快會進入到禪定，吓。

咁講到專一瑜伽最後嘅安止境界呢，猶如風平浪靜嘅大海，雖然仍然有想念嘅動蕩，但係個體嘅意識其實都同宇宙融爲咗一體㗎喇，啫已經達到咗所謂平靜原本嘅狀態。咁嗰個時候妙觀察智就會生起，而呢啲幻動，妄亂嘅幻動，係對於真正嘅止息，我哋妄念，係冇障礙，真空不礙妙有，妙有亦都不礙真空，亦都能夠控制我哋心吖，響一笪地方㗎，到咗呢個境界。

咁我哋講到第二種離戲瑜伽。離戲瑜伽，“離戲”呢兩個字，意思係衆生受咗幻象所迷，一切都係戲，其實都係一切假嘅，世間，離開呢啲戲呢，就能夠離開一切分別同埋邊際，從而取得修證嘅成就，所以名爲“離戲”，離開虛幻，“戲”就“虛幻”“假”咁解。咁離戲呢，亦都有一個法叫做“無修”，所以亦都叫做“無修瑜伽”，係屬於修“觀”。 

咁離戲瑜伽已經係大手印瑜伽修持吔，比較更高深嘅法門嘞。離戲瑜伽就係響寂定心之上，我哋修完呢個，誒，頭先所講個專一瑜伽，咁專一瑜伽之上就到離戲瑜伽，咁喺呢個寂定心之上達到咗專一瑜伽境界，然之後再上一層，喺寂定心呢個境界之上，起心反觀我哋心嘅實體係乜嘢，問一問我哋心嘅實體，意思就係猶如我哋禪宗所講反觀自性，問一問心嘅實體，自性喺邊度？實體喺邊度？

咁講到喺離戲瑜伽第一個階段呢，我哋修行人能夠明白到心同埋其他外界各種現象都唔係實際客觀嘅存在，一切都係虛幻，係空嘅，係緣起，但係雖然係緣起之喎，但係佢係不生不滅嘅，亦都係不生不滅。到第二個階段，行者，我哋修行人呢，不但體悟到我哋心同埋外界境像嘅虛幻不實，同時亦都知道對於“一切都係虛幻”呢個觀念嘅執著，亦都係虛假，所以要知道呢個觀念，第二個階段嘞，你執著虛幻呢個觀念都係虛假嘅，唔好執著佢，所以呢，就超越咗呢一種執著。咁離戲瑜伽，到咗，修到第三個階段，修行人就會知道主體同埋受體之間嘅空性，主同客之間嘅空性，明了事實上根本呢，就係冇所謂嘅執著，亦都冇執著嘅人，冇被執著嘅事物。所以就會慢慢慢慢明白，只不過呢啲執著係我哋與生俱來無明嘅投射嚟嘅啫，咁喺呢個階段修行人就會到，到達一種呢，冇執著嘅，嘅境界，啫冇一種有任何嘅執著嘅境界。所以離戲瑜伽響修禪觀上便，頭先簡單講個心態嘞、發展嘞，其實係分成三方面，統括嚟講就係，第一方面呢，係反問我哋自性嘅心境。由時間方面去睇呢，我哋將個心，搵自己個心，覓心喺過去現在未來嘅實體，睇下喺邊度生起，亦都係邊一度滅，呢個就係第一種嘅禪觀。第二種，由有無方面嘅角度睇嘞，我哋睇下我哋心，係有定係冇？第三種嘅禪觀呢，同是一是異嘅方面去睇嘞，“一”啫相同啦，“異”就係唔相同啦，異就係，“異”就係“無異”個“異”啦。由觀心同埋呢個境，能觀同所觀係一吖？究竟係異呢？由呢方面去睇嘞，究竟係能觀同所觀係一樣嘢吔？定係唔同呢？係兩樣嘢嚟。咁離戲瑜伽主要喺呢三方面著眼個觀去修，但係對於未修過呢個，誒，專一瑜伽，叫你修離戲瑜伽，係唔會明，因爲你冇嗰個境界，再講番離戲瑜伽嚟講呢，根本更加唔明點樣問我哋心。但係如果當你有咗上師指導，有咗呢個專一瑜伽嘅基礎之後，一講到離戲瑜伽嘅口訣，比如頭先簡單講喺呢三方面觀我哋嘅心，你就會慢慢慢慢知道點樣修，大致上就係咁，由呢三方面簡單嘅口訣去進入問我哋心嘅方法。

咁如果我哋反復推究，慢慢呢，我哋就會所謂“覓心不可得”，即是講番菩提達摩祖師傳個心印俾慧可嘅時候，慧可話：“你同我安心啦，我個心唔安。”達摩祖師話：“我已經同你安咗心，我與汝安心竟，我同你安咗心。”嗱，呢一度就有度相似。“我已經同你安咗心。”點解？因爲慧可“覓心不可得”，通度去搵個心，個心不可得，佢嗰個心唔係通度去搜尋喎，嗰剎那就係，所謂“語言道斷，心行處滅”嘅境界，你記住慧可唔係一個普通嘅修行人嚟㗎，佢係已經係好高深嘅修行人，唔係一個完全唔識禪法嘅修行人，就咁問達摩祖師話：“你同我去安心，我個心唔安。”咁如果達摩祖師咁答佢，話同佢安心，咁如果一個普通嘅人當然唔明白，究竟連佛學裏便所講真心同假心都唔識分，就會通度去尋覓。但係慧可所謂“覓心不可得”，呢一句就係禪宗嘅關子，亦都同呢個離戲瑜伽係非常之相同，就係“覓心不可得”，意思就話——我已經當體即空嘅境界。所以達摩祖師話：“我與汝安心竟。我已經同你安咗個心。”根本心就唔需要安，我哋嘅心係盡空虛遍法界，十方常住、湛然常寂、寂而常照、照而常寂嘅境界。禪宗就係言語道斷，心行處滅，咁我哋由呢個離戲瑜伽就可以到呢個境界啦其實。如果反復推究，我哋由呢三方面去著眼，頭先講個時間方面、有無方面、是一是異方面咁反復去推究，我哋慢慢就見唔到我哋心嘅實體，“見唔到”嘅意思話，而家用說話講“見唔到”，唔係我哋眼去見，即是話“覓心不可得”，用語言明唔明白吖？就係覓心不可得，搵唔到我哋心喺邊一度，但係我講“搵唔到”唔係去找尋喎，有找尋就有能找嘅人與被找嘅物件，已經係離開呢兩個階段啦，唔係呢個意思，係我哋個心已經湛然安住，謂之“覓心不可得”，所以就能夠自然到達言語道斷——說話講唔到嘅境界，離開一切名相吖、語言嘅概念、分別嘅戲論。所以喺呢啲，呢個，呢，呢個地方就所謂，亦都係“心行處滅”，“心行處滅”就係證悟到我哋自己心嘅本性，就喺呢個，個階段嘞，咁呢個就係離戲瑜伽嘅特點。

咁第三樣嘢，第三個瑜伽就係一味瑜伽。一味瑜伽亦都叫特殊瑜伽，係好深嘅密法嚟，境界非常之高。喺行住坐臥吖、待人接物之中，一切時、一切處、一切事物之上，我哋能夠保持我哋所證見心體，證見到嘅心體，因爲離戲瑜伽我哋已經覓到我哋嘅心性，而家你喺一味瑜伽呢，一味瑜伽呢個階段嚟講呢，我哋就開始安住個心，我哋見到我哋心個本性。任何行住坐臥、走作嚟講呢，都唔會令到我哋證見嘅心體去迷亂。我哋觀我哋心境嘅真同埋妄，體相不異，即係一味啦，體同相已經係冇分別，就係一味，已經打成一片。咁響呢個境界呢，修行人能夠體會到就係咩境界？簡單去講一句，大家都好明白，就係《般若波羅蜜多心經》所講嘅八個字——色即是空，空即是色。就係呢個境界，就係喺呢個一味瑜伽嘅境界之上，就係證見呢個境界，了悟到“色”同“空”事實上都係相同。係“了悟”，係“證得到”，唔係去明白，唔係睇書去解釋“色就係物質，空就係緣起法”，唔係呢個意思，係去證悟、印入，唔係說話去講，係去證悟到呢個境界，了悟“色”同“空”事實上根本就係相同，有覺受、有知覺、有個智慧去明白到呢個境界，所以同，明白“色”同“空”都係同一個味道，係唔係兩樣嘢，色不異於空，空不異於色，所以喺呢個境界上，我哋就稱爲一味瑜伽，而唔係兩味，係相同嘅，係一味嘅，係同一個味道。

咁一味瑜伽喺呢個第一階段嘅時候，我哋修行人能夠覺悟心啦，同埋外界係冇分別。自我同埋他人喺呢個境界亦都係冇分別個喎，淨度係相同，所以一切都係無明嘅造作同蒙蔽嘞，喺嗰陣時我哋真真正正發覺，唔係睇書去明白，吖，一切無明嘅造作同埋蒙蔽先會係有差別。如果到咗第二階段，我哋修行人嘅心同外界嘅一切諸法就合而爲一，猶如冰融喺水一樣係冇分別，吓，冰同水根本係相融。

到第三個階段，修行人就會逐漸發出光亮嘅智慧而體悟到萬法嘅究竟實相，就好似啲光，舉例吔，好似啲光照喺水晶球上便，光亦都係由水晶球而反射到十方一樣，由於我哋修行人產生咗原始嘅佛智吔，嗰陣時出現吖，亦都能夠了悟一切萬，萬物諸法嘅究竟實相，諸法嘅究竟實相本然係點？本然就係湛寂、清淨，色同空係相合，係一味嘅，吓，係呢個境界。係我哋心去體會，我哋嘅光發射嘅十方宇宙，宇宙每一樣事物反射番入我哋心裏便，而每一樣嘢，事物，都能夠了解，都能夠知道佢嘅實相存在。我講嘅實相嘅意思就係“無相而無不相”謂之實相，唔係有個外界嘅相狀，因爲有相皆妄，唔係形色嘅相狀，呢個實相係無相亦都係無不相，宇宙真正每一樣事物湛然寂靜嘅本體，呢一種實相。

當然佢嘅假相，假相嚟講就係實相所反映嘅假相就係色相，色相我哋亦都能夠到呢個境界，當然通曉每一樣事、每一樣嘢，誒，宇宙間嘅事物嘅來龍去脈啦，呢啲，係好簡單，好容易做得到吖，到咗呢個境界，因爲我哋已經了達每一樣嘅事物嘅實相嘅本體呢，佢嘅外相嘅分別只係一種枝節，萬事萬合，色空只係一種唔同嘅和合去組合而變成萬有嘅諸法嘅實相。以前喺《俱舍論》呢餅錄音帶已經講過，一切諸法都係由極微去組成，極微，唔同嘅極微，極微就係總相，唔同極微去組成宇宙間嘅萬事萬物，就係別相，而我哋了達到極微本身嘅性，嘅實相、本體、本性嘅實相，就係謂之無相無不相嘅真實相。但係極微所顯現宇宙間嘅色色相相，種種唔同嘅形式，呢個就係別相。當然，體相，本體，我哋明白，別相又何難？我哋唔能夠去觸摸得到，唔能夠去了解，到呢個情況之後我哋已經完全知道。

但係呢度要注意，就話，意識同埋智慧講一講係唔同，意識係由我哋嘅心所製造出嚟嘅念頭，係冇辦法見到未來，但係我哋原始嘅智慧就能夠喺一剎那之間遍知三世嘅一切，喺呢個境界嘅智慧嚟，唔係意識，唔係自己幻想出嚟，唔係念頭嘅造作嘅幻境，吓。

咁一味瑜伽，再講深入啲，有睡夢喻、水冰喻同埋水波喻嘅三種修法，喺修法上。

睡夢喻係咩意思呢？意思就係瑜伽修行人通過深沉嘅禪定，可以體驗同埋了解到意識嘅每一個層次吔，意識係具有四種狀態，就係清醒啦、夢境啦、深睡吔同埋超覺，有四，四，四種狀態，再講多次係清醒、夢境、深睡同埋超覺呢四種狀態。前三種呢，係響個體嘅自我狀態嚟，由於自我局限性，自己會幻覺所製造嘅遮障，亦都就係無明，遮蓋咗真理，而瑜伽嘅目的就係去除呢啲無明，將啲遮障撥開，超越呢三種狀態——清醒、夢境、深睡，去進入第四種超覺狀態，亦都就係我哋時常所講宇宙嘅大我狀態，大宇宙嘅大我狀態，我哋係小宇宙吖嘛，大我狀態，而慢慢恢復番自性光明，即係開悟嘞，簡單講兩個字：開悟。

而夢幻係由我哋心所生起，我哋醒嘅時候所見亦都同夢中一樣，所以有睡夢嘅譬如嘞。記得密勒日巴大師有講過：“昨夜夢中所夢見，種種不外汝一心，夢即瑜伽士之師，汝諸弟子應當知吔。”“觀彼三界種種有，即爲世界一合相。”吓，呢個“一合相”一般解釋爲悲智相融雙身合一體，咁當我哋修行人修習到咗堪能受學嘅時候，上師就會以呢個重要嘅口訣去教授我哋。我哋要觀察三界之中一切所有，都係兩性結合而成，佢嘅力用方面等同佛父嘅陽性體，喺智慧方面呢，亦都等同佛母嘅陰性體，兩相結合，宇宙嘅，誒，陰陽剛柔，就係咁樣去相合、去組成，而成爲不可分離嘅悲智交融嘅雙身合一，吖，係大悲同智慧嘅雙身合一。到達雙身嘅合體就獲得究竟道，呢個究竟道就係大手印，就係大手印之道。

 所以我哋修行人修習到呢程度，上師就會將大手印教授，會講：“一實相者，難言難名，非是兩邊，唯一體性，不可分別。此諦須明，乃得獲證圓滿菩提，無上安樂。彼已獲證者，即自能從其大圓滿菩提心中，油然生無量大悲心，愍念於沉溺無明苦海之一切衆生，亟欲提升之，使之一一同登光明覺道。”吓，你到呢個境界嘅時候，上師會話俾你聽：你既然已經明白一實相，你就會開始興起大悲，既然你興起大悲，知道宇宙嘅一實相，無人亦都無我，就會興起同體大慈同埋同體大悲，你證得到而再興起呢個心，幻起呢個心去救渡宇宙之間嘅無明苦海所有嘅衆生，令到佢同登覺岸。所謂“油然生起大悲心”就係呢個境界。“油然”嘅意思自然咁生起，唔需要造作，唔需要假以任何嘅念頭，謂之“油然”啦。

好嘞，由於呢餅帶嘅時間關係，我哋唔講得太詳細，繼續，我哋講落去水冰喻。

第二種水冰喻，就係以水同冰爲譬喻，表明幻象就係本體。水冰，水同冰本性係相同，所以以譬喻嘅本體同埋幻象係一元。如果修持，開始修持，我哋知道有三個雙重，呢三個雙重呢，就係極樂同空，第一種，第二就係淨光同空，第三就係智慧同空。呢三樣嘢好重要，我哋要知道三者合爲一元，將佢三者合埋一齊，啫係了解到所有嘅勝行經驗係一個整體，殊勝嘅行爲嘅經驗係一個整體，唔可以分割。再講一次，淨光同空、智慧同空，吓，同埋極樂同空，呢三樣嘢，三者係一元，我哋要體會呢三者點樣係一元，呢個就係水冰喻。

第三種水波喻。水波喻係做水波爲譬喻，化一切爲一個整體，唔可分割。喺禪觀之中，我哋觀水波係由水去興起。同樣，一切都係由我哋心所顯現，但係我哋要知道一樣好重要喎，就係我哋心嘅本性就係真空嘅。波浪無論有幾大，係軒然大波或者係死水嘅微瀾，波始終嘅續本體嘅相都係水嚟，所以用水波喻去比喻呢個一味瑜伽嘅第三種修法，吓，呢三種修法，所以睡夢喻、水冰喻同埋水波喻呢三種。

咁跟住我哋講到無修瑜伽，無修瑜伽喺修行其實係爲咗要發展我哋修行人所欠缺，譬如佛菩薩嘅各種特質，要消除我哋修行人必須消除各種惡業同埋煩惱，所以修行係必要。但係到咗無修呢個境界，已經根本係冇乜嘢需要去發展啦，換句話嚟講，亦都係冇咩要去消除。

故此喺無修瑜伽個第一個階段，我哋修行人能夠覺悟到“無修”同埋亦都係“無修行人”嘅呢個狀態嘅分別係毫無分別，冇嘢可以修，亦都冇人去修法。呢個境界用說話真係講唔到，慢慢慢慢去體證。由於呢一種，有呢種覺受同覺悟呢，我哋修行人會慢慢，就會淨除到我哋嘅貪瞋痴慢疑嘅五毒五根本煩惱。

咁喺第二個階段，我哋修行人就淨除咗所知障同埋煩惱障，此外除咗習氣之外呢，咁咩習氣呢？講番嘞，簡單嚟講呢，習氣譬如話鹹魚有一種臭味，當我哋隻手將鹹魚攞走嘅時候，手上自然留有臭同埋鹹味啦，呢個鹹魚就好似比喻爲煩惱障，而啲臭同埋鹹嘅氣，氣味呢，就比喻爲我哋習氣，所以雖然煩惱障已經被淨除，但係我哋仍然有習氣係殘留嘅。但係無修瑜伽呢第二個階段，呢一切煩惱同習氣就可以完全去消除，吓。

故此如果再進入到咗第三階段，應該消除嘅完全消除咗，亦都能夠降伏到無明，瑜伽就能夠停止，呢個時候呢，瑜伽停止咗，就係大徹大悟嘅境界，咁樣大圓滿嘅成就亦都係呢剎那就顯現，而成就到阿耨多羅三藐三菩提吔，喺密宗裏便講就係呢個境界嘞，到。咁修行人已經同金剛總持吔，啫響呢個境界，金剛總持，係十方諸佛嘅總合體，已經係無二無別嘅啦，永恆不變，亦都永不退轉。因爲俱生無染嘅無上大菩提即係大手印啦，化一切做爲法身呢，到呢個時候功德圓滿，任運自然，就進入大解脫、大智慧嘅無礙自由境界，啫係達到無余涅槃啦，吓，顯宗所講無余涅槃嘅境界吔，呢個就係最高嘅無修瑜伽境界，無修而修，修而不修，就係最高嘅大圓滿嘅境界，顯現阿耨多羅三藐三菩提，證得圓滿佛陀嘅真摯嘅境界。

咁講到呢度，由於時間關係，我哋做一個總結。大手印點樣分配呢個果位嘅安排？我哋要明了嘞，我做一個總結，大手印嘅果位，所謂講到十五道十地（註：“十五道十地”疑爲“五道十地”），就四瑜伽各自分開三個階段，就上中下三品，一共十二個階段，啫十二品啦。專一瑜伽嘅上中下三品，屬於資糧同埋加行兩條道路，而離戲瑜伽嘅上中下三品呢，屬於見道嘅初地至到七地菩薩嘅果位，而一味瑜伽嘅上中下三品，就屬於修道嘅八至九地菩薩嘅果位，至於無修瑜伽上中下三品，係屬於十地至到第十三地嘅果位，之後呢，再先到究竟道嘅最上無修瑜伽，啫四身佛嘅最圓滿果位嘞。

我哋平時所講嘅修道歷程呢，修到十地已經係好高了，八地不動地呢，就不退轉，如果乘願再來就冇隔陰之謎，如果七地以下呢，其實修行呢有進進退退嘅隔世疑惑嘅。

181.真言密教（一）

何爲即身成佛呢？佛陀嘅梵語“Buddha”係覺者嘅意思，釋迦牟尼佛響菩提樹下冥想，而睇清楚呢個世界嘅實相成爲覺者。密宗係以我哋呢個父母所生身一生就能夠成佛，所以就叫做即身成佛。印度密宗稱現世成佛，中國密宗就叫做速疾成佛。而主張響人類存在之中發現絕對原理嘅即身成佛，就係日本嘅空海上師最先提出。 

空海上師響早期嘅著作《辨顯密二教論》之中，對一般佛教亦即係顯教提出咗密宗嘅特色之一——即身成佛論。另一方面亦都寫咗即身成佛義以表明佢所要講嘅理論基礎。所謂即身成佛，並唔係指經過特定修行嘅行者先能夠達成，而係指每一個人嘅自性都同摩訶毘盧遮那如來平等無異，只係被障閉咗，但係藉住宗教性嘅自覺同正確嘅實踐修行，以呢一生嘅肉身就可以達到同毘盧遮那佛同等嘅正覺，而得到真正嘅覺醒。

密宗裏便亦都講四種法身，四種法身係乜嘢道理呢？密宗根據法身嘅性格分爲四類，佢嘅根源我哋可以響印度中期嘅密宗經典裏便見到，而全面性給予理論地位嘅人亦都係空海上師。呢四種法身就係：自性身、受用身、變化身、等流身。其中嘅受用法身又分爲自受用身同他受用身兩種。

法身係完全冇固定嘅形態，係超越時間同空間嘅存在。所謂自性身，又稱爲自性法身，就係顯示法身本來嘅狀態，因此係無色、無音、無臭、無味、無觸、無相，唔能夠成爲人類感覺作用嘅對象，處於呢種狀態嘅法身，係我哋完全冇辦法接觸嘅存在，爲咗顯示某一種具體性，所以將佢完全性化爲各種形態，就係受用身嘞。呢種情形，正如無色透明嘅太陽光線，用我哋嘅肉眼無法見到，但係透過三稜鏡就形成咗七種色彩，用我哋嘅眼睛就能夠見到七色一樣嘅原理。

響法身之中，爲咗自己要將佢完全嘅性格打破，理智相應，浸遊響廣闊嘅徹悟天地自受法樂，顯示具體化端緒就係自受用身嘞。而爲十地菩薩解說佛法，令到其他人受用嘅就係他受用身。當法身要說法嘅時候，係直接響自性法身嘅情形之下說法同埋係變成受用嘅法身說法。響真言宗之中，喺中世紀以嚟呢，就有各種嘅強調、各種嘅論述，到現在呢，仲未得到明確嘅結論。所謂變化法身，係法身化爲歷史上嘅人物，現身響呢個世界上去說法，釋迦牟尼佛或者祖師，相當於就係呢個，呢種法身。所以變化法身嘅情形，係說教嘅時間同空間呢，都受到限制，所以教義亦都帶有具體性。至於所謂等流法身，即係隨住種種唔同機緣變化唔同種種嘅身，係佛爲咗普救六道衆生，變化成同人類或者動植物同類嘅身形而說法，係爲咗教化示現嘅具體形象。呢個原理係將密宗響天地萬物之中發現絕對嘅特色，予以充分表現出嚟嘅佛身觀嘅一種。

法身嘅說法，其實係冇限定、冇時間、地點、對象嘅限制，所以密宗將法身嘅說法賦予自受法樂嘅理由，唔係爲他人，而係爲咗法身本人嘅自樂。所以超越時間同空間不斷演說真理，我哋只能夠咁樣去解說法身說法嘅原因。 

咁密宗裏便所講嘅秘密又係咩原理呢？大乘佛教之中雖然有“顯明嘅教義”同埋“秘密嘅教義”呢兩個用詞，但係原來唔係好似日本密宗所講顯教同密教一樣，含有價值判斷嘅意思。一般所謂嘅秘密，好容易使人認爲係驚俾人知道，屬於個人獨有而唔公開嘅意思，對於呢個秘密，空海上師響《辨顯密二教論》中亦都有講：“秘密”呢一個詞呢，有兩層意思，第一係衆生嘅秘密，另一個係如來嘅秘密。 

衆生嘅秘密，又稱爲衆生嘅自秘。響呢度所講如來嘅秘密，係指被佛隱藏起嚟，唔讓我哋見到嘅嗰一部分，呢個唔係佛唔捨得俾衆生知道，將呢啲秘密隱藏，而係由於法理深奧，不可思議，唔係淺機嘅人所能信受，響我哋具備正確接受或者消化嘅能力之前，唔話俾我哋聽反而較好。所以暫時予以保密，等待時機成熟再予傳授。

尤其是密宗係更重視實踐，對於冇接受過某種程度肉體訓練嘅人嚟講呢，授予高度洗煉嘅修行法，反而有損傷我哋身體嘅危險，無論係體操嘅技術或者各種運動技能嘅訓練，都需接，都需由教練根據選手嘅進度，逐步授予高度嘅技術，密宗嘅情形亦都可以話係與呢個道理相似嘅。

總之，所謂如來嘅秘密就係唔俾衆生任何不利嘅東西，根據衆生進步嘅程度逐漸予以公開。另一方面，實際上亦都可以話從來唔加以隱藏，只因爲衆生響呢一方面係冇張開眼睛，所以見唔到變成嘅秘密，所以稱爲衆生嘅秘密，係自己唔開眼使到佢變成秘密，所以又稱爲衆生嘅自秘。

有啲人同樣嘅地方去過兩三次，認爲嗰個地方一啲都冇改變，但係有啲人曾經兩次去嘅時候呢，就發現呢個地方已經唔同咗，到呢個人去呢笪地方第三次，就真正了解到唔同嘅地方喺邊度啦。或者因爲自己嘅知識增加咗啦，或者關心嘅對象改變啦。上一次嚟睇嘢嘅時候咧，呢一次雖然呢樣嘢仍然存在，但係我哋呢，咩嘢都睇唔到。人際關係都一樣，對方雖然冇改變，但係往往因爲我哋嘅心情或者了解程度嘅加深，而對對方產生唔同嘅評價，呢個就係衆生嘅自秘。

密宗所謂嘅秘密，無論係本來嘅秘密或者衆生嘅秘密，都冇吝嗇嘅心或者惡意隱藏，係我哋自己缺乏能力演變成秘密而已嘅啫。由此可知，冇，見唔到事物嘅真相，至於實，真相能夠隱藏，被人見唔到，其實係衆生自己嘅責任。

響空海上師所著嘅《秘藏寶鑰》之中有一句話好值得我哋參考，佢話：“顯藥拂塵，真言開庫。”佢話顯教嘅鑰物係拂去一啲塵埃，真言秘密乘呢，係開我哋智慧嘅寶藏，呢兩句說話簡明扼要指出顯教同密宗唔同嘅功能，顯教要人悟道，儘量將事物上嘅灰塵清除，俾眼晴見到非常美妙個嘢，相對密宗要人修持，將外在嘅事物視爲次要，直接進入事物嘅內裏，掌握原有嘅形象，所以認爲淨係用嘴去講一講，唔採取行動去修行係唔得，其實要應該立即打開我哋嘅秘密嘅寶藏去修行，但係進入秘密嘅倉庫裏便所必需要嘅鑰匙呢，唔係隨處都有，要找鑰匙，首先要將覆蓋響眼睛上嘅灰塵清除，所以，密宗可以話係從自我個徹底改造開始嘅。

響密宗裏便最高嘅一尊佛就係大日如來，大日如來係密宗嘅始祖，密宗最高本尊大日如來嘅梵語係“Maha vairocana-tathagata”，梵音譯做“摩訶毘盧遮那如來”，或者“毘盧遮那如來”，簡稱爲“盧遮那佛”。“摩訶”係“大”嘅意思，“毘盧遮那”係“日”嘅別名，所以譯做我哋漢文就係“大日如來”。由“大日如來”呢個名稱嚟睇，好容易被認爲係太陽神嘅，但係太陽神響佛教之中已經響天部裏便有十二天之一嘅日天，已經係一個代表，呢個係“太陽神Surya”引進佛教，作爲佛教嘅守護神。 

因此，大日如來唔係太陽嘅佛格化，而係將宇宙嘅永遠性、普遍性化爲佛，呢個道理響善無畏上師所著嘅《大日經疏》卷一就記載咗點解將毘盧遮那佛譯爲“大日”嘅三個理由。原因係第一除暗遍明，即是除去黑暗，能夠發放出光明；第二係能承衆務，能夠承辦一切衆生嘅事務；第三係光無生滅，大日如來嘅光係永遠不生不滅。由呢三個原理，我哋可以睇到，大日如來唔係太陽神，太陽只係用嚟譬喻大日如來係冇內外同埋方所、晝夜之別嘅性格。

太陽嘅特性一般係指光、熱同埋培育萬物嘅能力，呢啲性質確實給予地球上嘅動物同植物無止境嘅恩惠。但係，呢個力量其實都有限度，到咗夜晚，陽光就冇了，響陰影嘅地方亦都缺乏熱度，照到外便，但照唔到裏便，所以響有啲洞穴裏便或者地下嘅培養動植物嘅能力呢，呢啲能力就明顯降低咗。太陽擁有了不起嘅力量，所以受到人類嘅崇拜，但係唔係萬能嘅。

大日如來嘅偉大能力足可以媲美太陽，而且同太陽唔同嘅係，佢冇受到限定，係遍一切處作大照明。大日如來向人類前進嘅路發射光芒係冇日夜之分，經常都發出溫暖慈悲嘅熱，對任何生活響惡劣環境之中嘅人亦都毫不吝嗇送俾佢強大嘅培育力量。

雖然，以太陽比喻大日如來，但係因爲佢超越太陽嘅有限性，所以加以“大”嘅名，呢個時候嘅“大”，唔係指量嘅大小，而係應該解釋爲無限性或者絕對性，同時具有普遍同常住嘅性格，係超越思議嘅宇宙性存在，唔係以我哋嘅知識能夠完全掌握，握嘅，唯有透過宗教性嘅直觀先能夠進入呢個世界，大日如來嘅領悟世界，須要靠五種智慧先能夠體現，而呢五種智慧呢，必須由師父直接傳授先能夠得到嘅。

四智與五智。大乘佛教主張四智，啫係大圓鏡智、平等性智、妙觀察智、成所作智。密宗係將四智再加上法界體性智而成爲五智。本來係以四智成爲完整嘅體系，所以對大圓鏡智賦予相當綜合性嘅智慧性格，亦即係鏡能夠不分彼此，照出現實世界所存在嘅一切事物，係包容整個現象界嘅絕對智慧，能夠將隱藏響人類深層裏便嘅意識加以轉變，啓發人內在嘅菩提心。

從存在響現象嘅萬事萬物之中，特別重視共同性或者均質性等平等面嘅智慧就係平等性智，但仍舊拘泥響自我意識轉變成智慧，相反由事物之中睇出異質面嘅智慧就係妙觀察智。通常響講到觀察嘅時候，可以分爲觀察者與被觀察者，但係呢度講係喺主客同體之中能夠見到佢嘅差別性，以人類認識作爲基礎轉化意識嘅智慧，成爲一切事物活動性性格根源嘅智慧就係成所作智嘞，亦都係依據人類五種感覺意識轉變所得嘅智慧，由呢個智慧可以開展真理嘅實踐面，成就自利利他嘅妙業。

法界體性智係密宗獨特嘅綜合性智慧，本嚟響四智體系之中嘅大圓鏡智已經具有呢種特性。所以佢獨自性就唔係咁濃厚。密宗嘅五智唔係抽象性嘅理念，佢附身於金剛界五佛，即係大圓鏡智嘅東方阿閦佛啦、平等性智嘅南方寶生佛、妙觀察智嘅西方阿彌陀佛、成所作智嘅北方不空成就佛同埋法界體性智嘅中央毘盧遮那佛等等，以具體嘅智慧而存在，係密宗修行者成佛嘅精神要素。

跟住我哋嚟講下密宗裏便所講嘅六大說法。響東方嘅宗教或者哲學之中，將大宇宙同小宇宙做爲一元性嘅基礎而創造出獨自嘅思想或者實踐體系嘅學派，實在不在少數，印度後期密宗同西藏密宗就係根據呢個原理建立生起次第或者圓滿次第等等具有特色嘅實踐體系。 

日本密宗係由空海爲大宇宙同小宇宙嘅一體化提出嘅理論根據，響即身成佛義之中呢，就展開好獨特嘅六大說嘅主張。密宗嘅修行人由經驗可以知道，本尊同行者雖然係相對嘅存在，但係本質上係一體嘅。但係，響理論上冇人能夠講出呢兩者點解本來唔係個別嘅存在，係咩理由使到兩者合而爲一呢？

空海上師爲咗使到即身成佛嘅思想，能夠響理論上得到確定，就創立咗六大說去解釋大宇宙同小宇宙世界嘅一元性。所謂六大就係地、水、火、風、空五大，再加上識大。所謂“大”唔係指廣大，而係指根源性嘅嘢，無論係希臘哲學或者印度嘅唯物論，地水火風四大都係構成現實世界嘅要素。初期嘅佛教亦都同空海上師一樣採取六大說，認爲六大係大日如來嘅法身，係構成世界萬物嘅本體，係構成一切物質現象嘅根源。響大乘佛教嘅《般若經》之中，視六大做空，否認佢嘅實體。由以上睇嚟，對空海上師所講嘅六大好容易認爲係構成宇宙個六種要素，亦都有人將五大解釋爲物質嘅要素，而識大係精神嘅要素。同時認爲空海上師係將宇宙睇成物質同精神要素嘅綜合形態。但係如果將六大睇成係宇宙構成嘅要素，咁空海上師嘅思想上嘅特色就會消失，因爲呢種由幾個要素集合構成一個主體嘅思考方法，等於係印度所做嘅積聚說，唔能夠算係新嘅見解。空海上師將地、水、火、風、空、識等等六大視爲宇宙嘅六種象徵，亦都係話有一個完整體嘅宇宙可以由六個面去加以觀察。

首先係地大，係表示大地能夠承載一切物質，成爲一切嘅依靠，具有堅固而安定嘅性質；水大係表示能夠洗淨污穢，促使萬物生育，顯示傑出嘅復元力同生育力；火大有燒盡萬物嘅激烈性，同時亦都給予溫暖；風大具有吹走萬物嘅動態性質，象徵活動性嘅性格；空大係好似虛空咁無限，意味住超越時空嘅廣大同無止境嘅包容力。以上五大係象徵由客觀睇到宇宙嘅五種性質，而睇呢個主體嘅自己就係用識大嚟表示嘞。

大宇宙同埋小宇宙嘅一體化。關於五大響《大日經》之上有講過，呢度嘅五大被視爲係五個梵字：“A”“Va”“Ra”“Ha”“Kha”，同埋係四角、圓形、三角、半月形、寶珠五種形態，亦都係代表五種顏色同五色相對應：黃、白、紅、黑、藍，亦都通過文字、形式等等三種組合，顯示到五大嘅象徵性，而且呢五種字、五種形、五種色嘅五大，又分別同坐低行者嘅腳、臍、心臟、頸、頭五處相對應，就象徵大宇宙嘅五字、五形、五色，括至響小宇宙行者身上嘅五度地方，咁樣透過觀想就可以使到大宇宙同小宇宙合爲一體。 

《大日經》之中啱啱敘述咗五大，不過由呢種觀法整體嚟睇，自然可以推測加入行者亦即係識大，就能夠完成呢個宇宙圖。空海上師有鑒於此，就響《大日經》裏便，以相當勉強嘅論法設定識大響文獻上嘅根據而構成咗六大嘅說法。空海上師響《即身成佛義》之中講過“六大無礙常瑜伽”，所謂瑜伽“yoga”，譯爲“相應”，喺呢度係融合爲一體嘅意思，無論係客體嘅五大或者主體嘅四大都合而爲一嘅狀態。

如果六大構成嘅要素，就將佢分別做成界層或者境界，唔可能經常成爲瑜伽狀。《即身成佛義》又話：“如是六大法界體性所成之身乃無障無礙而互相攝入相應，常住不變且同住於實際。”六大係由法界爲體所成嘅身，亦都係佛身、大宇宙，六大互相無障無礙嘅相應，常住不變，住於實際，亦都係講六大係佛嘅身體，同時亦都係行者嘅身體，大宇宙、小宇宙都係由六大所形成，響本質上係冇咩唔同嘅。

響空海上師嘅理論之中，令到人感興趣嘅係佢不僅主張佛同衆生都係由六大所形成嘅一體，亦都將自然界等同視之。認爲由天體現象到礦物呢種冇生命嘅自然界亦都同佛、同衆生一樣係由六大所構成，將天地萬物加有生命嘅東方思想，響大小宇宙一體化嘅世界觀之中予以理論化嘅空海上師嘅論法，響缺乏理論性思想嘅日本宗教界中，可以話係相當獨特嘅。

跟住我哋嚟講到密宗所講嘅三密相應，密宗實踐嘅基本形態三密：身密、語密、意密。修行人以手結印契“mudra”嘅手印同埋座法、口唸真言“mantra”或者陀羅尼“dharani”、個心觀想本尊，使到我哋心能夠進入三摩地“samadhi”嘅境地，就能夠使到自己三業清淨，唔需經過累世修行就可以即身成佛。 

護摩係密教大法，凡係求成就一定做護摩，響寺院、本堂燒護摩或者修煉者響房間外便燒大規模嘅柴燈護摩，呢個時候修行人雙手就會做出各種形狀，呢個就係結印契嘞，喺嘴裏便唸誦嘅咒文就係真言，而行者集中精神，心意住於白淨嘅月輪就稱爲三摩地。

古代印度將人類嘅行爲大概分爲身體嘅功能、語言嘅功能、精神嘅功能等等三種，習慣上就稱爲“三業”。“業”呢，啫係“karma”，“karma”係一切行爲嘅意思，呢個時候，“業”係功能。密宗將“三業”稱爲“三密”，認爲現象界係直接表現絕對嘅世界，如果從原始觀點嚟睇，人類嘅三種活動就係佛嘅功能，所以密宗稱爲“三業”，認爲三種秘密，所以稱爲“三密”。

每個寺院都供奉有各種形狀嘅佛或者菩薩像，譬如佢形狀唔同，手結嘅印契亦都唔一樣，由印契同埋手中所揸住嘅物件就可以知道邊一尊係佛或者菩薩。響金剛界嘅大日如來手印唔止一種，最常見嘅係智拳印，阿彌陀如來係結左手在下、右手在上，最容易集中精神冥想嘅禪定印，彌勒菩薩大都採取載寶塔嘅蓮花印，而不動明王就係右手持劍，左手執罥索㗎喇。

呢啲印契或者持有嘅物件，響我哋睇嚟呢，係區別佛菩薩嘅標準，其實事實上呢，就係象徵佛菩薩領悟嘅內容，換句話講，印契或者持物係凝縮宇宙真理嘅形狀。平常我哋會用手或者手指做出各種信號，雖然係一種記號，但係印契本質上係象徵宇宙嘅精神，佢本身就具有生命，好似印度嘅古典舞蹈，跳舞嘅人以雙手或者手指做出各種動作，巧妙咁表現出喜怒哀樂嘅表情或者整體氣氛，十分令到人驚訝！比舞臺佈置或者身體嘅動作更能夠正確咁表現出內在。

無論婆羅門教或者印度教都根據古代嘅印度傳統，創造出好多印契。婆羅門僧人就以呢啲方法象徵宇宙，用喺各種修法之上，密宗亦都繼承呢種印度嘅文化傳統，將印契納入響密宗嘅修法之中。響後來唐朝阿地瞿多所譯嘅諸佛菩薩、諸天嘅印契三百種，啫係《陀羅尼集經》。印契本嚟係真理凝縮嘅象徵，所以佢本身係藏有推動宇宙嘅力量，所以唔方便隨便公開，尤其係要謹慎同埋注意用喺不正當嘅目的之上。修行人響修法嘅時候要喺衣服裏便結印契，西藏密宗嘅寺院就喺佛像嘅手上蓋一塊薄布，唔能夠隨便俾人見到全體宇宙集中響雙手上嘅印契。

跟住嚟我哋講一講真言，真言其實係集中宇宙嘅音波。印契係凝縮真理嘅形狀，而集中音聲嘅呢，就係陀羅尼，或者叫做真言。所謂陀羅尼係冇辦法了解佢正確同埋完全嘅意思，只能夠發出奇妙音聲嘅咒文。西藏寺院響進行勤修嘅時候通常都用平板嘅聲調去誦唱陀羅尼，日本真言宗嘅寺院，亦都響燃燒護摩嘅時候，高聲誦唸不動明王嘅真言。 

陀羅尼本嚟係應該用梵語發音，但係因爲已經譯爲漢字或者冇人指導，致使到佢原有嘅發音或者寫法失傳，形成咗意思難以了解嘅陀羅尼。響印度亦都冇特定、特殊嘅意思嘅，譬如將風聲或者鳥聲直接納入陀羅尼一樣，呢個時候，同佢去理解內容，不如將達成目的嘅希望寄託響聲音嘅力量之中。自古嘅人都相信聲音或者語言不僅係將意思或者內容傳達俾人嘅一種手段，其實佢本身就具有奇妙嘅威力。印度人亦都相信真實嘅語言有使到魔鬼無法接近嘅力量，而且帶嚟幸運，所以將聲音視爲一種神靈而重視。

大乘佛教亦都有受持、讀誦、聽聞經典就能夠免除災難嘅記載。響《般若經》《法華經》《金剛明經》等等嘅經典之中，呢種傾向係幾強烈。日本亦都自古認爲呢啲經典有讓災嘅功能，所以視爲護國經典倍加尊崇。經典之內充滿真實嘅語言，所以相信只要受持讀誦就能夠有消災招福嘅咒力，而翻譯嘅經典呢，都有呢一種力量。所以一般認爲印度原有嘅真言或者陀羅尼呢，有更大嘅功德，呢個呢，就係想當然㗎喇。

古代印度婆羅門教嘅聖典《蔓陀羅》係讚美諸神嘅德行、期盼獲得恩重嘅讚美之歌，亦都係咒文，《蔓陀羅》響漢籍經典呢，通常被譯爲真言、咒或者神咒。咒嘅梵語係“vidya”，除咗“咒文”意思之外，亦都有“學問、科學”嘅意思，亦都有人譯成“明”或者“明咒”。

印度以五明去表示五種學問，即係內明，內明啫佛教學；聲明，啫文法學；因明，啫係倫理學；醫方明就醫學、藥學；工巧明就係藝術學等等。呢度嘅“明”呢，就係學問嘅意思嘞。陀羅尼嘅梵語“dharani”，本來係冇“咒文”嘅意思，譬如漢譯嘅“持”或者“種子”一樣，有保存或者維持嘅意味，即係將精神保持響一定嘅狀態，統一精神，將心集中響一點之上就可以產生某一種念力而增進記憶力。

唸誦陀羅尼嘅時候，全神貫注，咒語嘅力量自然就會加持響行者嘅身上。所以隨住時代嘅演進，咒同真言被睇成係相同嘅事。響佛教經典之中，陀羅尼有“統一精神”同“咒文”嘅兩種意思，但係響密宗嘅經典裏便之中呢，大多都係用“咒文”嘅意思嘅啫。（註：接下文）

182.真言密教（二）

（註：接上文）

跟住我哋講到真言密教裏便嘅三密瑜伽行。講到密宗嘅修行，一般人嘅腦海大都會浮起行者響寒風吹襲、白雪飛舞之中，置身響冰柱成串嘅瀑布或者小流嘅地方，靜坐、唸誦真言嘅景象。但係一般所謂嘅苦修，亦都係響山嶽修行或者浴冰修行等等，響密宗嚟講，應該係屬於前行，唔係真正嘅行。 

密宗嘅修行以三密爲宗，完全係在於三密瑜伽行，啫係身結印契、口誦本尊真言、意念住於本尊嘅三摩地，使到身口意一致，本尊同行者能夠相應合一。瑜伽嘅行者必須響阿闍梨嘅指導之下進行，所以響開始嘅時候，必須獲得阿闍梨即係上師嘅許可，亦都係首先響歸依上師嘅基礎開始嘅。

阿闍梨響觀察弟子嘅器量嘅時候，首先要了解弟子係咪已經有前行，因此響呢個階段之前呢，弟子須要做好各種肉體訓練嘅先行準備，亦都就係話苦行係進入瑜伽行嘅前事階段。空海上師年輕嘅時候，曾經響故鄉四角嘅山間同埋近住京都地區嘅山嶽地帶做過嚴厲嘅身心訓練，但係只知佢嘅片段，唔知具體嘅行法。不過佢師父惠果上師一睇就知道佢有器量而且已經完成咗基礎嘅修行，所以，先後傳授咗空海上師胎藏界同金剛界兩部嘅灌頂。空海上師回國之後，亦都以瑜伽嘅體驗傳播真言密宗，但係從未講到佢年輕時期嘅前行。所以由此可以認爲修瑜伽行嘅時候，方行已經係含攝響其中了。

跟住我哋講到東密真言宗所修嘅四度加行。四密加行、真言行法，呢個次序亦都叫做“四度加行”。響授予灌頂之前嘅修行就稱爲“加行”，梵語係“prayoga”，相當於瑜伽嘅前行。所謂“加行”，啫係加工勤行嘅意思，特別係多加去作之意，通常分爲四個階段，所以稱爲“四度加行”。藏密嘅四加行係歸依加行、獻萬達加行、大禮拜加行同金剛薩埵加行。而東密真言宗嘅四加行就係十八道、金剛界、胎藏界、護摩等等嘅四種加行。佢嘅順序同埋內容，真言、天台兩宗嘅流派都有唔同嘅分別。

當我哋研究下，冇空海上師嗰個時候呢，其實仲未形成加行嘅組織，好少同時傳授胎藏同金剛界兩部蔓陀羅嘅大法，大都只係傳授其中嘅一部或者觀音、彌勒菩薩等等一尊嘅伽，瑜伽嘅行法。至於四度加行嘅組織，應該係響其以後嘅時代完成嘅。

四度加行嘅日數響古代嘅時候須要修滿一千日，每度加行都係二百五十日，但係後來有逐漸縮短嘅傾向，現在大約以一百日爲標準。依照規定，響加行期間舉凡取水、折花、換供佛桌、洗滌器皿都唔能夠假手他人，修行人必須要精進、潔淨、沐浴，一日三次，即係初夜下午兩點鐘、後夜上午四點鐘、日中上午九點鐘去修行嘅。

修行十八道之後就修金、胎兩部同埋護摩法，就係四度加行。所謂十八道，係使用十八種印契同真言嘅修法，係後段加行嘅基礎。金剛法係根據《金剛頂經》，胎藏法係根據《大日經》編篡嘅行法細則，以上都需要莊重嘅裝飾道場，譬如焚香啦、獻花啦、召請蔓陀羅諸佛同埋觀想修行人同本尊合爲一體嘅入我我入觀，唸誦真言，觀想種子、音聲之後，再誦諸佛嘅禮儀，呢種加行嘅禮儀，據講係模仿古印度接待賓客嘅方法。

跟住我哋講到加行裏便嘅護摩法。四度加行最後階段所修嘅護摩係梵語“homa”嘅音律，原本係“事火”嘅意思，古印度婆羅門教燒火祀天，以火係天嘅口，認爲燒餉物俾啲火、拜祭啲火係天食而賜俾人類嘅福報，後來響五世紀，呢個法係佛教所吸收，建設咗火壇，燒乳木代表智慧之火，燒盡煩惱嘅壇成爲密宗嘅儀軌。以泥土去築壇，依法用色粉去畫線，畫出簡單嘅蔓陀羅，堆積牛糞，點火燃燒，而且亦都由上便倒入酥油，投入一啲米谷等等嘅供物，隨住啲煙呢，傳送去天上，修法結束之後，必須亦都將呢個土壇呢，去拆。

依所求嘅目的唔同，其實護摩可以分爲四種，啫係祈求安寧、除災、生福德嘅息災法，增進福智、圓滿萬行嘅增益法，突破怨敵或者障礙嘅調伏法，或者稱爲降伏法，同埋獲得人尊敬嘅敬愛法四種，或者再加上召攝所希望嘅人物嘅鉤召法，就變成咗五種嘞。

經典上記載，印度後期嘅密宗，或者屬於佢系統嘅西藏密宗，仲有殺人嘅咒殺法，或者使人起離間嘅方法，亦都有呢啲等等嘅護摩，但係隨行者嘅心念去決定佢嘅善惡。呢啲護摩法，根據佢嘅目的，就有壇形、顏色、方向、護摩木嘅種類、開始日期嘅分別。響日本呢，密宗從來唔構築土壇，而係響寺院嘅本堂，或者護摩堂之中，放置木製嘅護摩壇，佢中央就有爐，燃燒切成一小塊嘅木材，將供物投喺火裏便。

跟住落嚟，我哋要講到灌頂。密宗灌頂係非常之重要嘅，密宗對修完四度加行嘅行者就授予傳法灌頂，之後就可以得到阿闍梨嘅地位。傳法灌頂，本來係要由阿闍梨觀察行者嘅器量判定係咪應該傳授，但係最近對於只要完成四度加行嘅人就傳予傳法灌頂嘅資格係開咗一個好大嘅方便。

其實灌頂儀式係起源於印度，印度國王響即位典禮嘅時候以一個瓶，金瓶，裝咗四邊海嘅海水，灌喺國王嘅頭上表示君臨天下嘅王者儀式，被大乘佛教採納咗之後，開始有繼承佛位嘅意思，到密宗就變成咗法脈相承嘅儀禮。密宗將瓶水視爲象徵五種智慧嘅五智水，接受灌頂係等於接受佛嘅智慧。響接受灌頂之前，首先必須授予三昧耶戒，亦都叫做發菩提心戒，目的係發覺自己本來具備邊一種佛性，醒悟有宇宙嘅生命，因爲各個本尊嘅誓願唔同，所住嘅法門係喺形式唔同，所以呢，就叫做“三昧耶”，係誓約嘅意思，係徒弟同上師互相共同遵守嘅戒律。

接受灌頂嘅時候，首先阿闍梨將木片授予接受灌頂嘅人，接受灌頂嘅人呢，用啲牙去咬木片，由阿闍梨觀察牙型去判斷係咪有足夠能力接受。合格嘅人就要閉上眼睛，帶入莊嚴嘅道場之內，呢個就係許可灌頂嘅壇場，受灌頂嘅人企喺鋪喺地上嘅蔓陀羅金剛藏之前，雙手合十，夾喺兩指中間嘅密葉，響唸誦真言嘅同時擲喺蔓陀羅之上，而後再觀落葉落喺邊個佛本尊身上，而呢個修行人呢，就同呢個佛有緣，即係受持邊一個本尊法，呢個禮儀嘅名稱就叫做“投華得佛”。經過呢個過程之後，再前進到阿闍梨嘅前便垂頭，而由阿闍梨響接受灌頂者嘅頭呢，灑瓶水，咁樣就完成咗繼承阿闍梨即位嘅儀禮嘞。

跟住我哋講到密宗嘅觀想法，成佛嘅三種力量。好似頭先上面所講，密宗嘅基本修行係在於三密合一嘅瑜伽行，行者喺坐喺本尊前便修完種種前行之後，手結印契、口誦真言、發菩提心，觀想自己同本尊融合爲一，響保有肉身嘅情形之下，響現世中得悟成佛，就稱爲即身成佛，所以無論喺印度或者流傳到亞洲各地生根嘅密宗，行者嘅最終目標都可以話係在於即身成佛。即身成佛必須有三種力量做綜合性嘅發揮先能夠完成，密宗嘅行法以呢個三力偈嚟表示：“以我功德力，如來加持力，及以法界力，普供養而住。”即身成佛並非僅靠行者嘅力量就能夠達成，但係亦都唔係好似其他主張他力嘅宗派，僅僅依賴如來嘅救濟力就能夠成佛，密宗嘅成佛，應該話係藉行者觀法嘅功德力、如來發出嘅救濟力同埋藏於宇宙萬物嘅生命力呢三種力量綜合起來就能夠達成即身成佛了。

講到加持，一般人總認爲都係靠祈禱治病，或者出現神奇變怪之類不可思議嘅現象。事實上，真正嘅加持係指由佛方面嚟嘅力量，係由我哋加以接受嘅作用。空海上師響佢著作《即身成佛義》之中有下面嘅敘述：“佛之大悲日影顯於衆生心水曰加，行者心水能感佛日曰持。”（註：根據《佛學大辭典》，“佛之大悲日影顯於衆生心水曰加”疑爲“佛日之影，現衆生心水曰加”）“加持”嘅梵語係“adhisthana”，空海嘅加持譯句分爲“加”與“持”兩部分，以表示佛力同受持行者二者之間嘅狀態，呢種獨特嘅解釋後來成爲密宗獨特嘅說法，亦都可以話係具有密宗特色嘅成佛論。

密宗有好多經典同埋儀軌，“儀軌”就修持時候嘅儀式同埋軌範，所謂“儀軌”係遵行密部本經所講佛菩薩同埋天神等等唸誦、供養嘅所有準則，雖然有體系化同埋片段式嘅差異，但係大多能夠發現有關觀想嘅記載，觀法響經典儀軌之中都各具特色，但係都以即身成佛爲最終目標，所以可以話係記載係俾行者本身所具有佛性得以醒悟嘅方法。

胎藏法所根據嘅《大日經》亦都有各種嘅觀想法，最具代表性嘅係“五字嚴身觀”，又稱爲“五字輪觀”或者“五輪成身觀”，係象徵大日如來五大意味嘅五個梵字觀想響身體嘅五笪地方，企圖使到修行人嘅身體同佛嘅身體達到入我、我入嘅境界。

響真言宗嘅寺院裏便，可以見到嘅五輪塔坨或者墓石，就係象徵大日如來嘅宇宙，表示人死後係返到大自然。五輪塔上便所寫或者刻有嘅五個梵字，由上到下係表示虛空嘅“Kha”、表示因嘅“Hetu”嘅字頭“Ha”、表示塵嘅“Raja”嘅字頭就“Ra”、表示雨“Varsam”嘅字頭“Va”、表示存在響現象界一切都係無始無終、本不生嘅“A”字，以上五個字亦都分別寫喺寶珠形、半月形、梯形、圓形、四角形嘅塔上便，象徵空、風、火、水、地嘅五大。響觀想法之中，五個字係配置響修行人嘅頭部、眉間、胸部、臍部、尿部五處，係俾觀法能夠讓行者直觀到自己嘅身，能夠即身成佛，係寂妄嘅基器，又係頓成佛嘅法門。另一方面，《金剛頂經》嘅代表性嘅觀法係五相成身觀，呢個分成五個階段嘅觀法係到達菩提心，修菩提心，成金剛心，證金剛身，佛身圓滿。修行人憶觀想月輪或者金剛杵而領悟自己嘅心源係本來清淨，自身就係佛身。

密宗嘅觀法就係學似以上所講，至於具體嘅形態，物件之前，或者作爲觀想，或者透過象徵性使到修行人同佛融合一體。如果我哋就現象界裏便邊存在一切事物象徵宇宙生命密宗思想嚟講呢，以具有實體形象嘅佛、蔓陀羅、法具等等爲媒介嘅觀法係較爲複雜嘅儀禮。所以，密宗嘅觀法如果未得阿闍梨適當嘅指導係無法達到目的嘅。

跟住落嚟我哋講下密宗嘅兩個重要觀法，係月輪觀同阿字觀。一面使用具體嘅法具，一面亦都將觀法簡化嘅密宗觀法係有月輪觀同阿字觀，如果係複雜嘅觀法呢，須要由阿闍梨親自傳授，至於月輪觀或者阿字觀係在家信徒亦都好容易實踐嘅。月輪觀係在寂坐嘅行者前大概一公尺嘅地方掛住滿月狀嘅月輪，觀想自己同月輪一體化，因爲滿月係象徵行者本身既有嘅清淨菩提心，所以行者能夠藉住月輪觀使到原有嘅佛性醒悟。阿字觀係密教嘅總持，係喺月輪之上配上梵文嘅字，使到自己同佢呢個一體化。阿字就係我哋有嘅菩提心，而本有嘅菩提心就係六大嘅法性，六大嘅法性即係毘盧遮那如來嘅平等智身。阿字嘅意思係一切法本來不生嘅實相，不生不滅嘅緣故，不生不滅所以無始無終、本有常住，本有常住就係我哋不生不滅嘅菩提心嘞。我哋平常嘅心本嚟係不生不滅，而係萬有諸法能夠做，功德無量，具足圓滿，而因爲各人嘅私慾而使到本有嘅功德障蔽，所以修呢個觀法就能夠捨除我哋私慾、斷除煩惱、降伏惡魔，使到本有性德能夠顯露出嚟。我哋修行人藉住阿字一體化，能夠同大日如來同化，阿字觀嘅原始形態響《大日經》或者《菩提心論》之中亦都有所敘述，但係將呢個字拎嚟做密宗簡單嘅觀法而予以體系化嘅可能係日本，真言宗所含嘅阿字觀大都係依據空海上師嘅弟子慧實，實慧所著嘅《阿字觀用心口訣》。

跟住落嚟，我哋同大家研究下日本密宗嘅修法同西藏密宗嘅修法。日本密宗嘅胎藏法同金剛界法喺構成之上差異唔係好大，而且一尊法或者理趣經嘅法亦都可以以兩部嘅次第結構作爲準則。響日本並唔做擇地嘅作法，因爲響已經設定嘅道堂或者道場進行修法，所以唔需要另外選擇適合修法嘅土地、改變願文，而係做九方便嘅胎藏或者五悔金剛界嘅修法嘅時候必須要表明決意。響金剛界法裏便有慈悲喜捨四無量心嘅觀法，然後將自身同埋壇上結界，使到佢清淨。亦都有穿戴盔甲嘅作法，呢個就係金、胎兩部都以觀想去作爲修行。完成以上嘅步驟之後，結成胎藏或者金剛界主要佛嘅印契，唸誦真言。期間，胎藏法係加入五輪觀法，啫五字嚴身觀，金剛界法係加入五相成身觀，都係兩部經典嘅代表性觀法，但係呢個都不過係預備嘅動作而已啫。其次所做嘅道場觀呢，係觀想須彌山現在眼前，山頂之上有法界宮殿，亦都係寶樓閣，從中依次序顯現出由種子變成嘅大日如來、諸佛、諸菩薩，而且將佢安置響行者嘅身上七度地方，使到行者同佛菩薩合成一體嘅觀法，然後就奉洗腳水洗本尊嘅腳，獻上花同香去敲響個鈴，以供養表示歡迎嘅意思。咁樣做，以壇上嘅六器，即係承載六種金屬器嘅密葉同水，以及持行者面前嘅金剛盤上面嘅鈴同五股杵，進行觀想。然後係諸佛菩薩嘅印契同真言，唸祈願禮佛嘅文章。其次係設定入我嘅我入觀，觀想行者嘅身體遍滿虛空，同大日如來相同。修行呢個法到到呢度已經到達高潮，但係文字記述極爲少，實際嘅具體觀想法其實必須要由阿闍梨直接口授學習口訣。響印契同真言之間有本尊嘅加持，將本尊真言仔細咁唸一百零八遍，呢個係正念誦，其次係字輪觀，金、胎兩部都係相同，都係觀想“A”“Va”“Ra”“Ha”“Kha”五個字嘅梵文，同埋牢記各自所代表嘅意思，使到佢深植響行者嘅心中，然後分別唸誦蔓陀羅諸尊嘅真言，跟住再做一次香花等等嘅供養同埋打響鈴、唸讚、祈願、回向等等嘅文字，解開結界嘅作法，而後就結束嘞。

由以上金、胎兩部個觀法次第嚟睇呢，結印契、唸真言、頌讚佛文所佔嘅比重係好大，而觀想呢，幾乎係冇講到。關於觀想，大部分其實都係由阿闍梨去口傳。但係，構成金、胎兩部觀法嘅基幹嘅五相成身觀同五字嚴身觀只係響形式上加入各種次第嘅前行部分，並冇納入入我我入觀或者入本尊觀等等嘅核心觀法之中。又譬如將種子同三昧耶形本尊互相聯繫、自在觀想嘅總三尊觀，亦都同道場觀、入我我入觀、正念誦、字輪觀分別配置，彼此之間已經係冇關聯嘞。

從以上幾點我哋可以知道，日本密宗嘅觀法已經同印度密宗嘅觀法相差好遠，變成日本獨特嘅修法次第。而且，日本密宗除咗教學之外，亦都使到所謂事上嘅修法成爲一個獨立嘅領域，響佢範圍之內應用嘅觀法，因此特別係重視師資嘅相承口傳，所以響觀法之上同密宗教學係冇咩嘢關聯。日本密宗嘅行法次第係同佢自己內部發現嘅本尊，不如將本尊予以對象化，所以響次第之中係特別強調修行人響本尊之前禮拜、唸誦真言、上供等等以獲得功德。重視隨修法而嚟嘅功德呢，對奏聖嘅效用係特別重視，所以真言、天台兩宗各自傳承嘅密宗史上，師資相承一直都延續至今，呢一種修行方法，使到密宗觀法係流於形式化，有時係好難獲得深刻嘅領會。

跟住我哋嚟講下西藏密宗嘅修法。同日本密宗比較，西藏密宗係忠實嘅繼承印度密宗。關於密宗嘅觀法，有生起次第同埋圓滿次第兩種。生起次第係從絕對世界向現實世界展開嘅觀法，圓滿次第或者叫做究竟次第，係行者響自己嘅內部發現絕對，然後同佢同化嘅觀法。中國、日本嘅密宗係冇究竟次第嘅傳承，按規定，即使係西藏密宗亦都只能夠傳授俾經過特別訓練嘅修行人，佢嘅方法亦都有父怛多羅系同母怛多羅系同埋不二怛多羅系等等種種嘅傳承。生起次第亦都有各種形式，同日本密宗嘅修法有啲相似，響呢度介紹父怛多羅系嘅《秘密集會》嘅聖者流生起次第，稱爲“略集成就法Pindikrta Sadhana”。

略集成就法可以分爲三種瑜伽，即係三摩地。三種三摩地係第一瑜伽、第二蔓陀羅最勝王、第三羯磨最勝王。第一嘅瑜伽三摩地，首先係要選擇同防護修法嘅壇場，即係所謂結界，都係響瑜伽觀想之中進行，其次呢，就有四無量心觀空嘅觀法，然後就觀想忿怒尊嘅出現，保護壇城同埋修行者安全使到唔怕被魔害、侵擾，跟住觀想樓閣宮殿出現，由其中呢個樓閣宮殿就現出三十二尊。三十二尊之中，五佛係代表五蘊，四個明妃係代表四界，八大菩薩係六根同埋脈管等等，十忿怒明王係將身體各部分分別同種子同時觀想。呢三十二尊包括現象界所有嘅生物同無生物，修行人必須能夠自在咁使佛同現象界嘅萬物由虛空中出現，而後再使到佢歸於空性。第二個蔓陀羅最勝王三摩地係觀想三十二尊之中，使到佛、菩薩、明王等等具體出現，而且牢記各尊嘅特徵。第三嘅羯磨最勝王三摩地，係由微細嘅瑜伽開始，自由咁觀想三十二尊出現之後，將佢哋嘅次第集喺行者嘅鼻前便嘅觀法，咁樣，修行人本身亦都同佛一體化嘞，再呼籲同埋勸導四個明妃，然後自己觀想，立起進行禮讚之後，而後將蔓陀羅納入自己嘅身裏便。

好似以上嘅生起次第、修法過程係完全冇說明外在點樣做，一切都係行者觀想之中進行，係以大乘佛教空嘅思想爲根底所組成，呢一點就同日本密宗嘅觀法次第呢，有相當大嘅差異。呢種爲咗即身成佛嘅具體修行，響日本密宗幾乎係直接由阿闍梨授予，因爲觀法嘅次第完全係瑜伽嘅行法，所以每一項都要有阿闍梨適切嘅指導，否則就唔可能實施嘅。生起次第可以話係蔓陀羅嘅佛菩薩由虛空中出現，而修行人領悟呢個佛同自己響本質上係一體嘅觀法嚟嘅。經過呢一種觀法就能夠逐漸發揮我哋本身嘅潛在能力，發現響日常生活之中被遺忘咗我哋嘅本來嘅真正面目。

最後，我哋同大家研究一下何謂“蔓陀羅”。密宗裏便所講嘅“蔓陀羅”或者“曼荼羅”係梵語“mandala”嘅音譯，亦都有人譯爲“蔓陀羅”“曼怛羅”“曼達拉”，譯，意譯呢，亦都有好多名稱，響古代譯做“壇城”，佢意思係平坦嘅意思，又叫做“道場”，新嘅譯法譯做“輪圓具足”，表示十法界：地獄、餓鬼、畜生、修羅、人、天、聲聞、緣覺、菩薩、佛陀，十法界嘅依報同正報都悉皆圓滿，毫無缺乏；又譯做“無比味”“無過上味”“醍醐味”，諸味調和，其味無比，譬喻十法界嘅依正具足。“依”者，就係身體以外嘅一切器界；“正”者，就係自己身體嘅圓滿法、報、應三身。“依、正”兩界圓滿無比，不可思議，亦都表示佛領悟嘅本質，其實佢含義係好多。

“蔓陀羅”響古代印度係指國家嘅領土同埋呢，祭祀神嘅祭壇，係生存響現象世界嘅我哋同神聖嘅佛一體化嘅場所，亦都係超越嘅大宇宙同埋內在嘅小宇宙相織嘅空間，所以蔓陀羅就成爲密宗嘅中心要素。一般泛稱嘅蔓陀羅啫係指圖畫，蔓陀羅最原始嘅形狀係用土做嘅壇，用泥土所築嘅壇，響佢上便用白粉畫幾何嘅圖案或者各個神嘅形象，呢個就係神聖嘅空間，係天上嘅神回應祭師祈願，降臨嘅場所。呢一種儀式原本屬於婆羅門教或者印度教嘅儀禮，響公元五世紀左右就開始被佛教採用、吸收、改變，而且越嚟越詳盡。到咗公元七世紀嘅中期，已經完成咗完整嘅土壇嘅製作法。以《大日經》所講嘅七日作壇法係最具代表性嘅，呢個原理係用七日嘅時間按儀軌去做成土壇，而且佢上便去繪畫蔓陀羅。首先選擇清淨嘅土地去張開繩索畫出一定嘅空間，去除土石、毛髮等等唔潔淨嘅物件，去揀清楚土壤呢，去準備呢，去作壇場。喺壇場上部呢，要搞到佢好平坦，響中央同埋四方係埋入五寶或者五穀，表面用白色嘅石灰粉畫上幾何形嘅線條。完成準備之後，響第七日就由阿闍梨響佢上便畫佛、菩薩嘅形象，將適合接受灌頂嘅弟子呢，擋住眼，引到壇上便舉行投華得佛嘅儀式。西藏密宗係築土壇，響佢上邊畫線、堆牛糞，而且響佢上面澆上啲酥油或者燃燒羽毛，土壇響儀禮結束之後必須要拆除。西藏密宗所做嘅沙嘅蔓陀羅亦都屬於土壇嘅系譜，亦即將五色嘅細沙散喺壇上便，然後畫上各種嘅蔓陀羅。

183.密宗抉疑論（一）

頂禮普賢王如來，頂禮大恩金剛上師！

釋迦牟尼佛爲咗度化無邊嘅有情，適合種種唔同嘅根基而宣說咗八萬四千法蘊。響《普作續》之中講過：“爲調貪惑之對治，宣說二萬一千律；爲調瞋惑之對治，宣說二萬一千經；爲調痴惑之對治，宣說二萬一千論；爲調三毒之對治，宣說二萬一千密。”根據所教化嘅衆生嘅界、根性、意樂嘅唔同，佛陀宣說咗三藏十二部同埋密續部等等無量嘅殊勝法門。後嚟，印度、西藏、漢地爲主嘅高僧大德又喺呢個基礎之上創立咗好多教派而饒益無邊嘅有情，就好似雪山嘅水分流四方，普澤大地。

對各宗各派嘅如來清淨教法，本來應該係普皆推崇。但係有少數嘅人，或者基於凡夫嘅情見，除咗自己嘅宗派之外，唔承認其餘宗派都係正教，尤其對於無上密宗有好多疑惑，甚至誹謗。佛法係佛陀由大覺智海之中流露出嚟嘅度人方便，係芸芸衆生離苦得樂嘅唯一津樑。佛陀甚至將佛法比喻爲諸佛嘅“法身舍利”，去顯示佢嘅重要性。無論我哋係出於有心還係無意，如果對佛法講出相違嘅說話，無疑就等於斷送咗自己嘅慧命，障礙解脫，其實咁樣做呢，果報係至爲嚴重嘅。

我哋要知道，六道輪迴係佛陀爲我哋揭示因果緣起嘅法則，亦都係世尊開示我哋響輪迴苦海裏便有究竟安樂嘅涅槃彼岸，亦都係佛陀明示嘅。出家修道，守持戒律同樣都係佛賜予我哋嘅教誨。但係，我哋響學佛之前，對呢啲就完全一無所知嘞。世尊所講嘅種種法門，以我哋凡夫嘅分別心根本就係無法去揣度衡量，即使係十地嘅菩薩亦都係冇辦法完全去測度佛陀嘅密意，所以我哋又點能夠用自己庸俗嘅分別心去對於遠在我哋認知能力以外嘅佛經論典加以無理嘅誹謗呢？就算其他嘅大班智達同好多尊者著書立說、講經說法，佢哋亦都遵循嚴格嘅規範。比如，以前響印度那爛陀寺有一個明確嘅規定，只有經過所有嘅大班智達同意之後先能夠著書造論，去確保所造嘅論點同佛法唔會相違背。而且即使響地上嘅大菩薩，亦都必須藉助佛力說法，係冇完全憑自己說法嘅能力嘅。歷史上我哋睇下，龍樹菩薩等等嘅菩薩親得佛陀嘅授記，顯現咗甚深嘅證悟、無礙嘅神通同辯才都係依靠聖教正理去弘揚教法。響西藏嘅地方直到現在呢，仍然都保持呢一個良好嘅傳統，凡係一啲教授師嘅堪布講法嘅時候，佢哋要陳述一個觀點，必定就會引用經論去作爲依據，而冇傳承冇聖教依據嘅論點根本就唔可能受到大衆嘅許可。因此亦都確保咗響西藏地方佛法嘅純正性。

響顯宗嘅經典裏便，佛陀多次強調咗謗法嘅過失，比如《寶性論》之中話凡係以瞋恚心去誹謗佛法嘅人就無法得到解脫。《涅槃經》話：“迦葉，世間衆生有三種病，極難消除。一謗大乘法，二造五無間罪，三生邪見。此三病，於此世間，極難對治，聲聞、緣覺及菩薩亦不能除之。”喺《諸法攝要經》都講過：“文殊師利，若有人思惟佛說之法中，或爲勝妙，或爲不勝妙，則彼捨正法也。若說此法爲應理，彼法不應理，則彼捨正法，並已誹謗善逝，詆譭僧衆也。”《般若八千頌》亦都講過：“何人若造五無間，不及相似謗佛法。舍利子，若以捨法心云：‘此法非爲汝與吾等應學，因此法不應理，此法非能調伏，此法非本師之教，此法非佛語之語。’如是說已，自己捨法，令他人不起信，毀壞自他之心，擾亂自他之心……舍利子，吾不願聞彼人之名，況復與其相觸。”及“其謗法者，捨棄一切三世如來正等覺智，又捨一切種智，是故損毀諸正法。以此業感，於地獄中焚燒俱胝萬年也。其後雖從彼地獄中解脫，又轉移他方世界之地獄，地獄壞時，又遷往他方世界之地獄而受焚燒之苦也。復次轉生傍生界與閻羅世界，彼等處盡業已，一旦轉人身，然以往昔種種謗法捨法之罪成熟，無論生於何處皆成盲者、糞掃者、劣種者、竹工者、瞎眼者、鼻舌手足不全者、麻瘋病者、駝背者等，或生於不聞三寶名之地也。”

聽過以上嘅種種經文，所以我哋可以知道謗法嘅惡業嘅果報真係相當之重。喺謗法嘅罪過之中，相比之下，誹謗密宗就更爲嚴重嘞，因爲密宗係成佛嘅最大方便，三世諸佛心血嘅精華。誹謗密法嘅人因爲前世福報淺薄，今世又冇得到灌頂、修行密法嘅緣份，或者形象上雖然好似喺度修學密法，但係其實密法嘅法義仲係冇入到佢嘅心，因此呢，往往好輕易作出咗結論，咁樣做不但摧毀咗自己嘅善根，同時呢，亦都損害咗無量信衆嘅慧命。

如果有人聽到一位法師講法嘅時候話“密法唔殊勝，現代嘅人係唔會修成功”之後就不加思索貿然去接受，咁就顯出呢啲人比如牆頭嘅蘆葦，好似《格言寶藏論》之中講過：“智者自己能觀察，愚者總是隨聲行，如同老狗狂亂吠，群狗也是隨聲奔。”咁樣呢類衆生佢哋學密嘅善根就因此中斷了，而且因爲他人退失信心而轉學相對低等嘅法，講法嘅人其實都違反咗菩薩戒。如果原來已經進入咗密乘嘅人，就違犯咗密乘嘅根本戒第一條——不捨無上嘞、第四條——不間斷密咒手印，而且亦都破咗密乘根本戒，又唔懺悔嘅人就必定會墮入地獄。響嗰個時候，再修顯宗嘅念佛坐禪與其他法門都係冇辦法挽救，即使十方諸佛現喺佢面前亦都無濟於事。佛法同世間法唔同，世間上嘅工作唔適宜就可以轉行，但係佛法就有佢嘅原則，學咗密乘之後就唔能夠再捨棄上師同密法。智悲光尊者話：“學密者嘅未來係只有兩種可能性，第一種就係解脫，第二種就係墮入金剛地獄。”密乘之所以特別強調響學密法或者依止上師之前去進行觀察，亦都就係上述呢個原因。嗰啲拋棄咗密宗，以爲學顯宗更適應、更有把握嘅人其實係好危險嘅。但係接受咗密宗灌頂，進入咗密乘嘅人，如果因爲條件所拘限，一時間無法深入修行密乘，亦都可以確立以修學顯宗念佛法門爲主，同時守持密乘嘅戒律，唔好斷除增上對金剛上師同密法嘅信心，咁樣一方面增長咗顯密嘅善根種子，另一方面亦都唔至於犯咗捨法嘅罪過，因爲誹謗顯密佛法嘅罪過無量無邊，而其中誹謗密法嘅罪過更加係無法揣測。喺《空邊平等續》裏便講過：“若於勝密之密法，何人捨棄並誹謗，則彼捨棄佛勝密，永時遠離解脫道。”《智慧深圓續》話：“心違密法造惡者，定墮地獄真可愍。”《意護續》中話：“若謗普賢密意法，乃至虛空之邊際，死後墮入金剛獄。”《眼珠續》之中話：“濁時衆生增盛煩惱及邪見，以嫉妒心捨棄佛法，尤其誹謗密法者，儘管此人已對輪迴生厭離心，趣入佛門並恆時修持，然以彼捨法罪，墮入無間地獄、金剛地獄等無邊惡道受大苦楚。”《文殊根本續》亦都講過：“此乃殊勝最妙法，勝者所供之法藏，世上若人捨此法，則彼墮入無間獄。”

我哋要評判密宗，首先必須對密法有一定嘅研究同了解。而了解嘅依據應該係浩瀚如海嘅顯密經續同埋祖師大德嘅論著，而唔係應該盲目去對密法一無所知嘅人去聽佢哋嘅說話，亦都唔能夠依據冇傳承、經過多方抄襲拼湊而成嘅一般書籍。

密宗除咗十七大續部同埋佢嘅註疏等等無量嘅典籍之外，仲有後代祖師所著嘅大量論著，例如《無垢光尊者全集》《全知麥彭上師全集》《珠慶上師全集》、敦珠法王彙集嘅五十六函寧瑪教藏等等，但係最遺憾嘅就係一點，現在好多呢啲典籍到而家都未能夠譯成漢文。假如獲得咗灌頂，而且有緣深入密續，就必定會認識到密法嘅殊勝性，響嗰個時候無論點樣亦都唔敢誹謗了。太虛大師響《鬥諍堅固中論時輪金剛法會》之中講過：“密宗之經咒及儀軌，緣爲佛地自受用法樂之事，皆爲如來果分不可說之說。”猶記當年律宗大德弘一大師已經爲我哋做咗呢方面嘅開示，弘一大師曾經話：“大乘各宗之中，此宗（啫係講密宗）之教法最爲高深，修持最爲真切。常人（啫係一般人啦）未嘗窮研，輒輕肆譭謗，至堪痛嘆！余於數十年前（啫係弘一大師話佢自己響數十年前啦），唯閱密宗儀軌，亦嘗輕致疑議，以後閱《大日經疏》，乃知密宗教義之高深，因痛自懺悔。”

我哋平時唔應該以瞋恚心去否定其他宗派，其他宗派亦都有好多不共殊勝嘅竅訣值得我哋學習，同時我哋亦都唔應該以貪心去讚揚自己嘅宗派，如果我哋冇如理如法去修持，儘管法係好殊勝，但係自己亦都唔一定能夠開悟。因此學佛嘅人，首要嘅係就係經常觀察自己嘅過失，而唔係去輕譭其他嘅宗派。

由世尊釋迦牟尼佛嘅傳記之中我哋可以知道，釋迦佛響因地修行菩薩道嘅時候，曾經多次以外道嘅婆羅門、仙人等等嘅形象去度化衆生。所以如果冇極大嘅密意，其實對外道都唔能夠譭謗。記得響《毘盧遮那菩提續》之中講過：“不能詆譭外道宗，若人詆譭外道者，遠離毘盧遮那因。”《月燈經》亦都話：“世上其餘外道者，不應於彼起瞋心，而應發起大悲心，此乃第一忍耐法。”

謗法嘅罪過不可思量，誹謗說法師嘅罪過亦都係同樣嘅。例如《不捨佛陀經》話：“曾於陽焰世間，毗婆尸吼佛出世時，有五十位男子，每人造五百個經堂，每經堂各供養一千僧衆，爾時，彼等多說，說法師慧積破戒之過失，以此惡業成熟，彼等墮於地獄達九萬年，其後，五百世生於人中，或成石女，或生邊地，或持邪見，又六百年，成爲盲人，或無舌者，再七百世中，雖成出家，而及至晚終，也未得陀羅尼。以彼業障，遮蓋彼等善業也。善男子，當應深信，當應了達此理，聽聞此法之後，現見說法師破戒，亦不應說之，何況聽聞而說。善男子，若人挖出一切衆生之眼，何人以惡心蔑視說法師，此過勝過前者；若人殺害一切衆生，何人見說法師時，與彼背向而坐者，此罪百萬十萬乃至無數倍、亦不及前者。若人誹謗說法師，彼人誹謗一切諸佛故，若欲承事佛，彼應承事說法師也。”

喺《大寶積經》嘅第二十五會《彌勒菩薩所問經》之中，記載咗佛陀在世嘅時候，有好多菩薩退失咗菩提行，彌勒菩薩於是發起大悲心，將其中六十位菩薩帶到佛前，請佛去教化，佛陀於是爲菩薩講說咗下面往昔嘅因緣。喺拘留孫佛嘅時候，呢啲菩薩曾經出家修道，雖然多聞精進，佢哋修行頭陀行，但係由於執著呢啲功德，就心生傲慢。當時有兩個說法嘅比丘親友衆多，名聞一方，就引起咗菩薩嘅嫉妒而誹謗呢二位比丘有淫慾嘅事，使到親友遠離兩位比丘中斷咗善根。由於呢個惡業，呢啲菩薩就響六萬歲之中墮入阿鼻地獄，又響四萬歲之中生喺等活地獄，又喺二萬歲之中生喺黑繩地獄，又喺六萬歲之中去生喺燒熱地獄。罪業稍輕之後呢，五百世之中轉生咗做人，但係呢，常有諸根不具、貧窮下賤種種唔吉祥嘅事。之後又將喺未來嘅末世五百歲之中生喺邊地，飢寒交逼，修行多有障礙，雖然暫時生起到智慧同埋光明，但係頃刻又消失無餘。經過咁多嘅罪苦磨難之後呢，先前誹謗二位法師嘅罪業先能夠得到清淨，響嗰個時候先能夠往生到阿彌陀佛嘅極樂世界得到菩提記。

所以我哋知道，誹謗嘅罪過真係好嚴重。有啲人話密法唔係由佛陀親口所講，而係由後嚟嘅印度或者西藏人去創造。其實密宗嘅續部有啲係釋迦牟尼佛涅槃嘅時候作出授記，後來先出現響世間，有啲就係釋迦佛住世嘅時候親口所講，比如印度南方米積塔之前所講嘅《文殊真實名經》啦，或者《時輪金剛本續》等等啦。響《二觀察續》裏便話：“如來先說有部、經部、唯識、中觀之法門，此後宣說密宗金剛乘。”《時輪金剛後續》亦都講過：“具德米積塔之前，法界十力大尊者，宣說諸佛之密續。”現在西藏文嘅《大藏經》，淨係經、續部就有一百零三函，其中二十幾函係密宗嘅續部，有啲密續係蓮花生大師等等嘅大持明成就者以神變由龍宮、烏金剎土、香巴拉國等等嘅佛國迎請到呢個世間嘅。當年嘅阿底峽尊者嚟到西藏嘅時候，見到桑耶寺裏便藏有豐富嘅密藏續部，之後佢都好感歎話：“藏地嘅佛法真係遠比印度殊勝，喺印度都見唔到咁多嘅密典。”

但係喺現今嘅末法時代，佛教之中既有證悟又能夠宣說嘅大德就日漸減少了，所以修行人對佛法嘅深義就變得越嚟越生疏，對於佛陀爲咗唔同根機嘅衆生所講嘅佛法就開始慢慢混淆，於是佢哋就以分別念去抉擇聖教密意嘅現象逐漸滋生同埋蔓延，其中遺患較大嘅係，有啲人根據有限嘅資料考證同埋根據佢哋所理解嘅尚未達到究竟了義嘅知見，就好輕易否定一個道理，質疑一個道理。喺顯宗之中，比如有人否定第三轉法輪如來藏光明嘅甚深見解，仲提出大乘佛教非佛所說。佢哋仲用《阿含經》第一轉法輪嘅經典作爲教證去否定無上密乘嘅見修行果，呢個就係以凡情測聖意嘅好好嘅典型例子嘞。我哋再舉一個例吔，比如有人以教小學生嘅一啲知識去硬套大學裏便嘅教材，而且話大學教材之中有好多地方同小學生嘅教材唔相符，因而呢，就有錯誤，咁樣聽落去就會覺得好好笑。同樣，佛陀因材施教，爲咗上根利器嘅人直接宣說咗大乘嘅無上密法，爲中根嘅衆生講說大乘顯宗，而爲小乘根器嘅衆生暫時首先講咗相應嘅小乘教法，而後再逐漸將小乘嘅衆生引向大乘。如果將佛陀暫時一啲權宜嘅教法去硬套了義嘅教法，無異將小學嘅知識去硬套大學嘅教材一樣可笑。

又有啲修行人以發現婆羅門教亦都有一啲類似密法事續部嘅儀軌，譬如燒護摩啦，就斷定密法係由婆羅門教發展出嚟嘅一種外道教派。其實密法有佢嚴密嘅傳承系統，並且以無上見解嘅攝持，衆多方便都可以轉爲無上道嘅作用，佢係甚深微妙嘅法門，凡夫嘅分別心真係好難窺其堂奧嘅。我哋可以換個角度去諗一諗，佛所講嘅人天乘嘅教法之中，有好多嘅內容我哋都可以響外道嘅典籍之中搵到，咁樣係咪就可以因此而斷定人天乘佛教就係外道呢？呢個咁簡單不過嘅原理其實好容易明白，可惜就有人一直響牛角尖裏便鑽，走唔番出嚟。其實講呢啲說話嘅人亦都情有可原，因爲條件所限，佢哋對於無上密法知道好少，響西藏文嘅《大藏經》之中二十多函嘅密續到現在先開始有人將其中少數翻譯成漢文，而系統嘅密宗論典亦都好少見翻譯。有人只聽到咗一啲雙運吖、降伏吖、護摩等等嘅甚深行爲，就作出咗咁大嘅判斷，即使由世間“治學”嘅角度去講亦都有失偏頗，更何況針對嘅係凡夫難以測知嘅無上密法呢？

如果我哋要考證到底有啲道理適唔適合響佛教？我哋要作一個分析。首先，由考證嘅過程嚟睇，人係以有限嘅手段而得到有限嘅發現，再經過帶有個人主觀傾向嘅推理而得出某一啲結論。響中間呢三個環節其實都明顯存在咗局限性，使到無法準確還原出歷史嘅真相，因爲一段時間之後，隨住實踐手段嘅更新、新發現嘅補充啦、推理嘅人思惟定勢嘅改變啦，舊有嘅結論呢，就必然會面臨被新結論替代嘅命運，而新嘅結論呢，亦都同樣會受上便所講嘅三個局限嘅制約，而又將被更新嘅結論去推翻，現在新被發現嘅人類出現嘅時間正在不斷向前推進，生物進化論嘅地位亦都開始動搖，咁樣講唔係最好嘅例證咩？而將考證加之於佛教就更唔合理了。無論藉助咩嘢先進嘅儀器，人考證嘅手段歸根結底都係通過我哋嘅眼、耳、鼻、舌、身五根去獲得相應嘅資料，五根暫時響人界嘅範圍之內可以無誤咁攝取名言外境，但係對於上界嘅天界或者下面嘅餓鬼界、地獄界等等嘅地方已經係無能爲力了，更何況對勝義實相，相對出世間嘅羅漢、菩薩、佛嚟講，五根所獲取嘅實際，其實係錯誤嘅信息嚟㗎。佛嘅殊勝……（註：接下文）

184.密宗抉疑論（二）

（註：接上文）……佛嘅殊勝妙好嘅報身同遠離形相嘅法身同埋佛陀所顯現嘅無量神變等等，其實係冇辦法用我哋凡夫嘅五根去觀察得到嘅。《四十二章經》講過：“慎勿信汝意，汝意不可信。”衆生響未證聖者果位之前，個心被妄識所障蔽。因此所見到嘅呢，都係迷亂，唔足以爲憑據，所以必須依靠上師三寶嘅教言去依教奉行。《等持王經》亦都話：“眼耳鼻根非正量，舌身意根亦非量，設使此根爲正量，一切聖道有何用？”人嘅第六意識嘅推理其實好大程度都係決定響個人嘅見解、感情傾向等等嘅因素，唔同嘅人或者同一個人響前後唔同嘅時期裏便都可能會由同一個根據去推出完全唔同嘅結論嘅現象。而對已經遠離咗分別念嘅出世間法，更加當然係如聾如盲、無從下手啦。比如，佛菩薩可以“一身復現剎塵身”，同一個時間之內可以響好多個地方去幻化示現。好似蓮華生大師去到西藏之後顯現衆多嘅事業，唔同嘅衆生所見到嘅呢，都係唔同。喺後世發掘出嘅有關蓮師傳記嘅伏藏之中，記載亦都係好有差異。如果只係能夠有一種蓮師歷史嘅觀點去考證研究，響凡夫分別心睇嚟似乎係合理，但係顯然同歷史唔相符。有人由考證嘅立場出發，竟然提出“龍宮喺咩地方？”嘅荒謬問題。其實，又點能夠以現代科技嘅水平去探測尚未足以發現嘅龍宮，去質疑佛經之中有關龍宮嘅論述呢？而且發出咁樣嘅疑問，其實已經表明呢類嘅衆生對佛寶、法寶、僧寶狐疑不信，故此響歸依戒之上已經違犯。簡單嚟講，其實考證呢一樣嘢係好難作爲評判佛教嘅根本依據。

好，跟住落嚟，我哋去探討一下有關修習密宗嘅人，佢所需要具備嘅資格。有啲說法嘅人根據佛陀所講嘅《大寶積經》之中，菩薩攝取生死“非諸聲聞緣覺境界”呢一句經文而推導出“八地不動地嘅菩薩以下係仲冇資格去修學密法”嘅結論。其實呢個結論將好多衆生都嚇怕咗企喺密宗嘅門外。我哋要知道，因爲小乘係斷生死之後先取涅槃，而大乘密咒見呢，就直觀生死輪迴嘅本性去證悟本性，要知道一切輪迴同涅槃所攝嘅諸法都係因地取捨、無賢劣嘅，所以，呢個見解其實已經遠遠超越咗聲聞嘅境界。以前亦都話有八地以後先可以學密嘅說法，但係八地其實並非係指真正超凡入聖嘅不動地，呢個理論根據嘅來源係自印度聖天論師嘅《明燈論》，響加行道佢所講嘅暖位、忍位、頂位，世第一法位之中各自安立上中下三地，其實八地即係指中頂位，意思話係到咗嗰個時間呢，先可以相應行使密宗嘅甚深行爲，呢個說法智悲光尊者響《功德藏》之中早已經進行咗解釋。況且修學密法嘅人亦都並唔係一開始就無取無捨，直接攝取生死，而係相續之中已經產生智慧之後，以智慧嘅深淺相應去攝取生死，未有智慧攝持嘅時候，一切嘅身語意仍然響無欺嘅因果範疇之中，所以學密乘嘅人對小乘嘅別解脫戒或者大乘嘅菩薩戒同樣都要特別防護。響西藏嘅地方自從有佛法開始就有靜命菩薩等等嘅祖師喺度弘揚密宗嘅同時亦都弘揚顯宗嘅經律論三藏，直到現在，西藏地方通達顯宗三藏嘅大德仍然到處都可以見到，佢哋對於顯宗嘅精通同埋成熟嘅程度遠遠都超出一般人嘅想象，所以完全係冇必要以怯弱嘅心去遠離密宗嘅。

又既然承認密宗只係了義嘅佛法，咁樣點解唔承認密續之中佛陀所宣說嘅聖教量呢？普賢如來明確講明咗密續係爲凡夫宣說。《時輪金剛續》之中有六瑜伽嘅修法，全部都係爲凡夫地所攝，只係響第六瑜伽修圓滿嘅同時，先去超凡入聖證入初地。又喺無上瑜伽之中有相嘅生起次第係佛陀爲衆生免於墮入六道輪迴而宣說嘅修法。初地菩薩其實已經唔需要再修有相嘅生起次第，因爲已經圓滿具足咗呢啲功德。如果話八地先能夠開始學密法，咁密宗之中根本就冇宣說時輪金剛同生起次第嘅必要了，又響密續之中明顯建立講明咗五道十地嘅理論。如果八地之後先能夠學密，咁樣資糧道、加行道、見道、修道嘅二地到七地又係爲邊個而安立呢？響密續之中，講說咗密乘戒律，例如將誹謗上師同金剛同修等等作爲根本戒。如果已經係八地菩薩就根本唔可能生起呢一類煩惱，咁點解又要安立戒律呢？密續之中，仲具體講說咗弟子應該具備嘅法相。如果係八地菩薩已經諸根清淨了，又邊需要咁繁瑣嘅規定呢？弟子如果係八地，咁灌頂上師相當於無疑就要九地菩薩以上，而響密續之中其實關於金剛上師嘅法相根本就冇咁高嘅要求。故此，我諗講呢番理論嘅人，如果係成就者爲咗度化相應嘅弟子可以當爲一種權巧嘅示現，自然可以當別論，但係如果自己尚未證悟講呢番言論，就不免喺後世會墮入地獄，將來自己就會親自償還呢個罪業。

有人認爲，密法係四歸依，響歸依三寶之前首先要歸依上師，所以咁樣做，其實同修學顯宗係相違背嘅。依止上師係修學密宗嘅關鍵。但呢個唔單只係密宗嘅特色，其實就算響顯宗之中要取得成就同樣都係須要歸依師父。因爲上師唔係個人，而係將佛法僧三寶總集爲一身，佛陀響好多地方都強調咗依止上師嘅規則。譬如《彌勒菩薩請問經》之中話：“當於是人而生佛想、作教師想，亦於是人聽受其法。何以故？是人所說，當知皆是一切如來之所宣說。”顯宗嘅經論記得都有講過話：“阿難尊者，請勿憂愁，我將現師相，饒益汝等。”響密宗嘅《二思惟續》裏便話：“於後末法五百歲，我將化現上師相，心之中認定爲我者，於彼當生敬仰心。”其實我哋唔需要廣得灌頂、傳承、引導嘅上師，就算僅係得到四句經偈嘅上師我哋都應該誠心去尊敬，否則就有極大嘅過失。喺經中話：“若人聞一偈，不敬上師者，彼轉數百犬，後成有痣者。”如果犯咗四墮罪、五無間罪等等嘅大罪，通過密法嘅懺悔就可以消盡，亦都能夠成就，但係誹謗上師不但成就無望，亦都必會墮入地獄。響《金剛心莊嚴續》中講過：“若人詆譭金剛師，雖棄睡眠遠憒鬧，精進修持深密法。專心修持一千劫，亦成反修金剛獄。”《密集金剛》亦都話：“世人雖犯無間等，墮落性之種種罪，若已趣入金剛乘，修持此道得成就，一心詆譭上師者，修亦不可得成就。”喺註疏之中講詆譭上師嘅修行人不但唔可以成就，甚至親近詆譭上師嘅人嘅朋友亦都唔可以成就。《句義寶藏論》話：“凡詆譭上師者，如何懺悔，亦必墮地獄。對上師發怒一剎那亦有無量過失。”《時輪金剛經》講：“於師生瞋一剎那，則毀一劫諸善行，數劫墮入地獄等，惡道遭受深痛苦。”所以，我哋要明白，真正咗歸依一個，選擇咗值得信賴嘅上師就唔好加以誹謗了，呢一點係非常非常之重要嘅。

喺密宗真正嘅上師嚟講，佢必須具足灌頂傳承圓滿、戒律清淨、精通續部竅訣、修行亦都得到證量嘅境界、誦真言圓滿等等嘅條件。但係，現在有啲自稱上師連灌頂儀軌亦都唔識就到處傳授密法，信徒亦都唔觀察，盲目依止師父，猶如盲人騎瞎馬，然後再觀察上師有冇法相，或者講說上師嘅各種過失，咁樣就造咗無量嘅嚴重罪業。又有人話：“某某師父就係我灌頂傳法嘅上師，而唔係我真正嘅師父，而我真正嘅師父呢，就係我嘅歸依師某某。”呢類人顯然唔係咁識佛法，既然你已經得到密法，點會有唔歸依而得到法理吔？所以，連歸依嘅含義都冇搞清楚。

有人亦都話：“吖！無上密法係上等根機人嘅境界，好似以前蓮花生大師同埋密勒日巴尊者等等嘅高僧大德先能夠證悟嘅深法，現在我哋咁樣嘅凡夫劣根又點能夠證悟呢？”咁聽咗呢段說話，前一段就係正確，但係後一段就完全錯誤嘞。請問有咩嘢教證根據呢？我哋應該站喺公正嘅立場，依據教理去進行詳細嘅觀察同思惟，而唔可以隨意去下結論，以爲密法嘅成就就只有蓮師、密勒日巴尊者等等少數嘅幾位聖者，只係一知半解，可能佢哋只係讀過蓮師、密勒日巴嘅傳記漢文譯本嘅緣故。就好似一位只係讀過印光大師傳嘅人，就話淨土宗只係以前嘅印光大師、弘一律師等等所修嘅法，現在嘅人係唔能夠依此修行成就一樣可笑。其實一般嘅凡夫只要具有信心，亦都照樣能夠證悟本性。密宗所要求嘅上根利器唔一定係早已經係成就嘅先天慧根，而係佛教之中共同嘅五根，就係信、精進、念、定、慧，而其中呢，又以信根爲主。尤其密宗嘅即身成就，對上師嘅信心係極爲重要嘅。響《時輪金剛》教法講過：“三時多劫中，供養諸三寶，放生百萬衆，即生不成佛，若於恩師前，起信令到歡喜，即生定獲得，共不共成就。”《大威德續》第三品話：“或是愚笨堅信者，彼修近得諸成就。”“上師隱密深竅訣，弟子若無猶豫心，敬稱師之勝竅訣，珍愛修持定成就。”又話：“信心佛寶信法寶，信心僧寶信心田，信心上師信心父，信心大道信心舟，信心即是如意寶，信心密咒之悉地，信心福德之聖財，是故修持密咒者，是爲自心起信心，應當誠心敬他衆。”蓮華生大士話：“汝意清淨得加持，心若離疑所思成。”薩迦班智達都講過：“數劫苦修般若行，施捨身首手足等，師道剎那皆圓滿，故應樂修事師法。”果倉巴大師亦都講過：“一生成佛道，不在法殊勝，在於虔誠信。”喺《般若經》之中佛陀開示講過：“舍利子，言勝義者，唯是正信之所證得。”若具有上品正信，則得上品加持證悟，諸佛菩薩恆時不離而加被。帝洛巴祖師話：“若欲今生獲得金剛持，究竟之道即爲上師道，究竟恭敬乃爲敬上師。”密宗嘅大師嘉揚親則旺波（註：疑爲“蔣揚欽哲旺波”）經常講：“修密法嘅上根係指信根上等，亦都係話對佛法同上師有堅定不移信心嘅人。”喺《傑珍大圓滿》《空行心滴引導文》同《文殊大圓滿發願文》之中亦都有同樣嘅論述。而響《大圓滿心性休息》《句義寶藏論》等等密宗論著之中亦都強調以精進根爲主。如果自己信心具足，縱然係充滿咗煩惱嘅凡夫俗子亦都能夠以上師同密法嘅不可思議加持力同自己嘅信心增上力嘅因緣聚合而立刻證悟一切諸法嘅本來自性，因緣聚合就必然產生果報啦，咁樣嘅因果規律係邊個都冇辦法否定嘅。

不僅修密法嘅人需要上等嘅信根，其實修顯宗淨土宗吖，同樣都係需要呢種上等根基嘅條件。雖然修淨土宗係“萬修萬人去”，但係如果信根唔具足，咁往生西方極樂淨土最起碼嘅條件已經失去，依然係生西無門。記得蕅益大師講過：“往生與否，全憑信願之有無，品位高低，乃依念佛之深淺。”所以無論修顯或者學密，只要具備上等信心，就算凡夫俗子同樣都能夠成就。如果自己冇正信，咁樣修咩法門都係唔會成就啦，好似種子被火燃燒，再唔能夠生長綠芽一樣嘞。佛經話：“諸無信心人，百法不生起，種子爲火燒，綠芽如何生？”呢個人縱然遇到真佛亦都無多大利益，就好似佛陀時代嘅善星比丘、提婆達多等等，同埋現代有啲對上師佛法毫無正信而依然希望求得證果嘅人一樣。如果具有正信就證悟好容易嘞，比如中土智者大師對《法華經》起信而頓悟啦。禪宗六祖惠能大師對五祖弘忍嘅《金剛經》嘅極大信心而證悟咗無相嘅法門，而且得到五祖弘忍嘅衣鉢，六祖嘅弟子法海又以無比嘅信心而將六祖嘅事蹟法語集成《六祖壇經》一樣啦。

學密嘅成就並非只係一種古代嘅傳講或者係現代人嘅吹噓標榜，而係確鑿有據嘅事實。有關印度、西藏嘅地方密宗修行人成就嘅實例，其實響好多典籍，比如西藏嘅佛教史（註：書名爲《西藏佛教史》）之中都有好詳細嘅記述。各位師兄如果有時間可以加以研究一下，咁樣必然就會對密宗生起堅定嘅信心。

又有人認爲，藏傳佛教純粹係密宗，同漢傳、南傳嘅佛教完全唔同。咁樣講其實都唔係太正確，可能講呢啲言論嘅人冇睇過一本正規嘅藏傳佛教書籍，或者冇實地去調查就作斷語，同事實其實係完全相違。如果稍具知識嘅人，就會知道西藏地方嘅寧瑪派、格魯派、噶舉派等等嘅各宗派都係顯密並弘嘅，顯宗嘅典籍響西藏，佢嘅豐富嘅程度其實都唔會比漢傳同南傳佛教遜色。響西藏蓮花生大師入藏之前就已經迎請咗那爛陀寺嘅顯宗大德靜命大師去西藏弘揚顯宗。響嗰個時候，用因明啦、戒律、俱舍、中觀、般若五大部爲主嘅大小乘顯宗嘅經論弘傳就非常之鼎盛。此外呢，響西藏嘅大成就者，麥彭上師、宗喀巴大師等等亦都著述咗大量嘅顯宗論著，比如《澄清寶珠論》《菩提道次第廣論》等等，又例如無垢光尊者嘅《大圓滿心性休息》之中由小乘嘅出離心到大乘嘅菩提心直至密乘嘅大圓滿都有極爲詳細嘅修法引導。能海上師講過：“顯係密嘅顯，密係顯嘅密。有則雙存，無則並遣。若不知顯，則不了密之性相，若不知密，則不知顯之作用。”所以學習藏傳佛教亦都意味住同時學習咗漢傳同埋南傳嘅佛教，咁樣將各宗各派攝爲一體而普皆弘揚，無疑就係藏傳佛教最鮮明嘅特色之一。

現在世界各地以一己之見去誹謗其他宗派嘅現象屢見不鮮。泰國、斯里蘭卡等等地方嘅有宗唔承認大乘經典係佛所說，中國漢地嘅有啲學佛人亦都唔承認密宗，亦都有誹謗、輕慢小乘教法嘅。甚至喺國外亦都有人話《阿彌陀經》係偽經，似乎佢哋嘅智慧已經係超越以前嘅前賢，好似玄奘法師、鳩摩羅什法師等等嘅先賢都唔能夠辨別出佛經嘅真偽。唉，其實，造呢啲深重罪業嘅人應該虔誠懺悔，多啲唸金剛薩多嘅百字明咒，祈求菩薩令到早日開智消業。

但係又有人走向咗一個極端，認爲只有顯宗修學圓滿之後先能夠修學密乘，殊不知顯宗修學圓滿已經究竟成佛，同修密宗所證得嘅根本係無二無別，已經無須要再藉助於密宗嘅方便啦。又比如證悟必須建立響清淨戒律嘅基礎之上，但係唔意味住只有戒律完全清淨之後先有機會去證悟，因爲實際上只有證到大乘二地菩薩嘅時候，持戒波羅蜜先得到圓滿。其實，經論都有外、內、密意，亦都有一般同特殊嘅用法、總說同別說等等嘅差別，而唔能夠僅僅由字面上去判斷嘅。

類似呢啲言論都係聞思唔夠、見識不廣。“牛飲水成乳，蛇飲水成毒，智學成菩提，愚學爲生死，如是不了知，斯由少學故。”（註：根據CBETA，“斯由少學故”疑爲“斯由少學過”）呢個《華嚴經》之中所講嘅。佛對我哋指出嘅修行道路係聞思修，因爲既然係衆生，內心自然充滿嘅只係迷亂嘅分別念，而佛經記錄嘅係佛陀嘅智慧，猶如暗夜嘅明燈，照亮我哋成佛嘅路程。現在有人提倡似是而非嘅“專修”，即係只用研讀單一嘅某部經論，而唔需要廣學多聞，咁樣實在唔係明智之舉，彌勒菩薩曾經指出，如果唔需要廣泛嘅聞思，佛陀就冇必要廣轉法輪啦。喺《格言寶藏論》之中講過：“淺學寡聞愚者云：修習不需廣學法。若無聞法僅修習，再勤亦成旁生因。”如果只係局限響某部經論之中，修行人就缺少咗聖言量嘅指導，響呢個時候出現種種嘅臆測同杜撰嘅現象就不足爲奇，同時好多蠱惑人心嘅外道邪講亦都可以乘虛而入。呢種專學單一經論嘅方法，其實對有啲人係適合，但係對另一部分嘅人就唔一定有利嘞。

跟住我哋講一下密咒真言嘅功德。有人話密宗裏便嘅咒同埋真言多數都係鬼神嘅名號，所以唸密咒時時都會將啲鬼神請嚟，我哋中國話都講啦：“請神容易就送神難。”將咁多鬼都招嚟，就冇辦法將佢哋送走，所以就好麻煩，故此學密嘅人著魔機會就會多了。講呢番說話嘅人實在缺乏對密宗嘅基本知識。密咒祈禱嘅大部分係佛菩薩，有啲亦都係已經歸依咗三寶嘅世間善神，佢哋嘅時時隨身護持正係我哋修行人迅速證悟嘅保證，又點會有因爲害怕而躲避嘅道理呢？仲有一類咒語就係事業嘅咒語，譬如迎請咒、緣起咒、灌頂咒等等啦。“學密嘅人著魔嘅機會多”，呢個結論又有咩事實根據呢？其實無論學密或者學淨，參禪學教，只要修學嘅人見地唔到，執著心深重，都會使到魔得到方便，產生著魔嘅機會，而唔係喺所學嘅邊一種法之上。而且恰恰相反就係修學密宗著魔嘅機會就更少，點解呢？因爲密宗裏便有好多降魔嘅殊勝方便法，每一個儀軌之中都有唔同嘅降魔咒、驅魔咒、止魔咒等等。密法之中仲有佛菩薩變化成金剛橛、馬頭金剛、大威德金剛等等嘅忿怒本尊護持修行人。即使唔係好高修持嘅人，只係作觀想、唸心咒，依憑心咒嘅巨大加持力亦都能夠遣除邪魔嘅擾亂嘞。當年嘅靜命大師去建桑耶寺受到外魔嘅阻撓，以寂靜嘅方法無法調伏嘅時候，亦都係迎請密咒大師蓮華生大士入西藏之後先能夠將外魔收服。密宗呢啲方便就好似一個安全裝置將修法嘅人好好咁保護。其實只要我哋修行人真正有正規嘅師承，又如理如法去修習，即使即生唔證悟，亦都能夠增加好多世出世間嘅不共功德。我哋響解釋甚深嘅顯密經論同埋評判其他宗派嘅時候，必須要有教證同理證嘅根據，同埋掌握因明、中觀嘅基本推理方法，而唔能夠以有一啲人冇信仰嘅民間傳說去破斥佛語，否則民間之中有對念佛參禪講“迷信無智”，係唔係都應該承認呢？咁樣就好麻煩啦。薩迦班智達講過：“沒有教理而喜歡辯論，就像沒有雙手的人喜歡打架，最終還得失敗。”喺呢度我恭敬合掌，衷心希望各位千萬唔好師心自用，依據自己嘅感覺去評判佛法中嘅事理，不但自己造業，亦都會使到好多唔明白道理嘅無辜信衆誤入咗捨法、謗佛嘅歧途。

佛陀響顯宗之中亦都講述咗好多密咒不可思議嘅功德，真係難以一一引述，比如《首楞嚴經》講過：“若不持咒而坐道場，令其身心遠諸魔事，無有是處。”又話：“若未能誦，寫於禪堂或戴身，一切諸魔所不能動。”故此所有成就修行人持咒呢個法門無疑係好重要。《觀音密藏經》話：“若有受持神咒者，凡有所作，必得成就，唯必深信，不得生疑。”《光明經》亦都話：“十地菩薩，尚以咒護持，又何況凡夫呢？”（註：接下文）

185.密宗抉疑論（三）

（註：接上文）

跟住落嚟，同大家探討一下密宗同淨土嘅關係。有修行人認爲密宗同淨土水火不容，如果要選學一種就必須要捨棄另外一種。我哋要知道，其實密宗之中亦都同樣包含咗淨土嘅。喺法王如意寶嘅《文殊大圓滿》、無垢光尊者嘅《四心滴》等等衆多嘅大圓滿法之中呢，都有具體嘅往生極樂世界嘅修法，密宗之中仲有破瓦捷徑嘅往生法。響伏藏大師列繞朗巴等等嘅大成就者嘅著作之中就有好多唔同種類嘅淨土灌頂同修法儀軌，噶舉派嘅恰美上師，好多密宗成就者臨終嘅時候佢哋都係往生去極樂淨土。紅教寧瑪派大祖師麥彭上師佢做咗一部《淨土教言》，係專門去論述極樂世界嘅殊勝，勸導世人往生極樂。黃教宗喀巴大師、恰美上師同埋麥彭上師都做咗極樂願文。又比如法王如意寶晉美彭措上師顯密並弘，平時佢都一再強調弟子發願去往生西方極樂世界，並以自己發願往生而爲表率。法王指出修密法嘅人必須同時要兼修淨土，修大圓滿嘅人應該響大圓滿嘅基礎之上往生去西方，既可確保往生，了生脫死，同時亦都可以獲得極高嘅品位。法王亦都倡導每一位弟子唸滿一百萬嘅阿彌陀佛名號同三十萬遍阿彌陀佛心咒，對圓滿呢兩個數目嘅弟子，法王以佢嘅加持力保證弟子能夠即生往生去西方極樂世界。如果我哋各宗各派嘅弘法大德都能夠圓融顯密，不分彼此，唔將佛陀嘅法去割裂，咁實在係太好了！以前嘅大德，比如諾那上師講過：“修任何嘅本尊，都必須兼修西方淨土。”貢噶活佛亦都講過：“往生極樂世界即係密宗嘅即身成佛。”呢句嘅密意係好重要，講明咗顯宗嘅往生淨土其實同密宗嘅即身成佛係互不相違嘅。近代高僧圓瑛老法師亦都話：“密淨兼修好，萬修萬人去。”

有啲修行人喺弘揚淨土宗嘅同時對密宗亦都有輕譭，甚至話好多愚昧嘅人被密宗呃咗。咁樣講不但誹謗咗宣說密法嘅佛陀同無量嘅密續，亦都誹謗咗由極喜金剛到蓮華生大士、密勒日巴尊者以至於宗喀巴大師等等嘅傳承嘅所有大成就者。喺《無量壽經》之中指出，往生極樂嘅條件係好重要，要注意呢八個字，係咩嘢呢？“唯除五逆，誹謗正法。”誹謗正法嘅人係無緣往生極樂，咁樣弘揚佛法呢，無疑係將人引向淨土定係引向地獄呢？希望講呢啲說法嘅人要小心，唔好自誤誤人。

跟住落嚟再講即身成佛。曾經聽過一個論調：顯宗最利根嘅修行人都須要經過三大嘅阿僧祇劫先能夠修行去成就佛果，但係密宗就宣說能夠即身成就，顯然好似唔相應，因爲兩者觀點相差都好懸殊。之所以產生呢種疑惑，實際上係冇了知如來嘅密意而造成。釋尊爲咗度化唔同根基嘅衆生宣說咗種種法門。粗略咁去睇，似乎覺得係有相違背嘅地方。比如有啲經典話“有我”，有啲經典又講“冇補特伽羅嘅我”，有啲話“涅槃諸法就係空性”，有啲話“如來藏成實不空”，呢啲等等嘅例子。但係只要真正具有正規傳承或者經過長期聞思修嘅修行人呢，就可以知道不但呢啲道理互不矛盾，而且隱含有極大嘅密意。佛響《解脫經》之中講過，所謂嘅無數大劫，即係阿僧祇劫啦，係以衆生無量嘅界、根、信解唔同嚟講嘅。《金剛頂五種密經》亦都話：“於顯教修行，需經三大阿僧祇劫，然後證果。若依密教，則由加持威力故，於須臾頃，當證無量三昧耶，無量陀羅尼門。”一般嘅衆生，成佛須要經過三大無數劫，如果特別利根嘅人或者具足善巧方便就可以極快成就。比如坐火車由一笪地方到另外一笪地方需要兩日兩夜，但係如果我哋搭飛機呢，只需要兩個鐘頭就可以到達。我哋唔可能因爲極大多數嘅人坐火車而否定有人坐飛機可以快速到達嘅可能性。同樣因爲衆生之中有唔同因緣嘅聚合，有啲鈍根嘅人需要長時間去修證，但係亦都有啲利根嘅人僅憑自己對上師三寶嘅信心同通過修持了義嘅教法而疾速成佛。呢啲論據其實有佛陀親口宣說嘅好多經典嚟作爲證明，比如響《普措續》之中話：“人天諸衆異根基，有爲天生利根者，有爲修學之根基。”《等合續》中亦云：“衆生有本來的利根和其餘根基。”顯宗經論之中對呢啲地方亦都有所明說。《解深密經》講過：“有者自性利根衆，有者鈍根而安住。”《俱舍論》話：“有者天生之種姓，有者修學而成也。”上根利智啫係指信根嘅精進根嘅力量具足，呢個道理響前面已經講過了。顯宗了義嘅經典亦都明示利根嘅人唔一定經過三大阿僧祇劫先可以成就。所以可以見得到，即生成就嘅捷徑大道響顯宗之中其實都係承認，只係顯宗並冇講法去宣說即身成就嘅法門。《大密方便經》之中話：“證一地後，若欲成就者，七日便能成佛。”《楞嚴經》話：“不歷僧祇獲法身。”《摩訶止觀》話：“利根者圓教下一生頓超十地。”達摩祖師喺《破相論》之中將三大阿僧祇劫解釋爲“三大恆沙毒惡之心”。《宗鏡錄》亦都話：“一念成佛。”《法華經·法師品》話：“須臾聞之，即得究竟阿耨多羅三藐三菩提。”《法華經·提婆達多品》之中講八歲嘅龍女因爲獻上寶珠剎那間就已經成佛，圓滿相好，並且立即前往去南方無垢世界坐上寶座之上爲衆生說法。《頓悟入道要門論》話：“若悟道，現前身便解脫。”另外，釋迦牟尼佛在世嘅時候，有一位老人，佛講述佢八萬劫前身爲樵夫，響山上斬柴，見到一隻老虎，當時老人好驚慌，於是佢心之中隨口喊出一句“南無佛！”由於呢個善因，樵夫就響佛世時候出家，而且仲證得羅漢果位添！無垢光尊者響《如意寶藏論》之中指出以不淨心見到佛像亦都係證菩提之因，《法華經》之中亦講過：“若人散亂心，入於塔廟之中，一稱南無佛，皆共成佛道。”又講：“或以歡喜心，歌詠頌佛德，乃至一小音，皆已成佛道。”（註：根據CBETA，“歌詠頌佛德”疑爲“歌唄頌佛德”）由此可見，以散亂心唸佛頌佛亦都能夠得到咁殊勝嘅加持，咁樣如果以一心一意去修持無上密法，點解唔能夠迅速成就呢？又有人認爲，密宗嘅即身成佛所成就嘅佛只係羅漢嘅果位，但係，只要稍微涉足密續就可以知道咁樣講係唔啱嘅。響密宗舊譯派嘅九乘佛法、新譯派嘅六乘佛法之中，聲聞、緣覺、羅漢都喺最初嘅外三乘之內，而且羅漢只證到“人無我”嘅空性，對“法我”尚有執著，對究竟嘅光明更加係如聾如盲，但係密乘最終所證嘅已經係覺空無別嘅佛陀境界。講呢啲說話嘅人其實連大小乘嘅基道果都分唔清楚，仲同人講經說法。如果只追求自己嘅解脫，專學一門或者可以成功，但係如果要收攝弟子，就必須要廣學多聞了，先能夠調化唔同根基嘅衆多有情。

大部分嘅衆生須要經過三大阿僧祇劫成佛，利根嘅人短短嘅時間之內就可以成佛，呢啲都係佛爲唔同根基嘅人而宣說嘅法，我哋都應該承認。須要再三強調嘅係，當我哋響遇到觀點唔同嘅佛經論典嘅時候，千萬唔好以一己嘅私見對自己唔太理解嘅嗰一部分就貿然斷定爲非理。如果立爲非理或者斷定係邪道，咁必須就要有真實嘅教證同埋理證。有人偏激話：學密就係即身墮地獄。呢句說話出自學佛人嘅口，實在令到人痛心。即身成就，係佛陀親口宣說，亦都由衆多嘅高僧大德所親證嘅事實。一個既然係相信因果嘅人，點能夠對無上密法信口雌黃呢？如果破咗密乘戒，即使係身墮地獄都係無法挽回。但係顯宗之中亦一樣，如果犯咗謗法、五無間罪，除非發心改過，猛力懺悔，否則仲係響臨終都會墮入地獄。

密宗嘅即生成就係佛嘅教言，淨土宗嘅即生往生亦都係佛嘅教言。如果係真嘅佛教徒，點能夠對佛教嘅教言要作一取一捨呢？佛陀響《楞嚴經》中話：“末法時代，邪師說法如恆河沙。”陳那論師亦都話：“邪道極無邊，一一難破盡。”如果憑自己感覺測度聖意去建立一家學說，就難免響因果上自招過愆了。

有人話：密宗將煩惱宣說做智慧，五毒講做五智，所以冇辦法被顯宗所接受。如果咁樣講其實都係未領會到“煩惱即係智慧”嘅深意。喺《大圓滿心性休息》之中，明確指出“煩惱嘅本性就係智慧”。咁樣嘅說法並唔係密宗所獨有嘅見解，響顯宗之中亦都同樣可以搵出類似嘅教證。《文殊遊舞經》話：“諸煩惱爲菩提金剛之基。”《文殊幻化經》話：“非除輪迴而修涅槃，是緣輪迴即是涅槃。”龍樹菩薩響《中論》之中亦都話：“輪迴同涅槃無有稍許差別。”《無垢稱經》話：“諸煩惱即是善逝舍利。”《六祖壇經》講：“煩惱即是菩提。”《攝乘論》講：“若見諸大方便者，煩惱即成菩提支。”《大方廣佛華嚴經》講過：“吾與一切佛，自性平等住，不住亦無取，彼等成善逝，色受想行識，無數善逝衆，彼成大能仁。”《摩訶止觀》話：“若達諸惡非惡，皆是實相，即生於非道，通達佛道。”《無行經》話：“貪欲即是道，恚痴亦如是，如是三法之中，具一切佛法，若人離貪欲，而更求菩提，譬如天與地，貪欲即菩提。”《維摩詰所說經》講過：“爲增上慢，說離淫怒痴，名爲解脫；無增上慢者，說淫怒痴性，即是解脫……一切塵勞，即如來種。”密宗係建立響顯宗嘅基礎之上，亦都將顯宗隱含嘅最了義觀點加以明顯宣說，同顯宗其實係冇衝突。如果上述密宗之中嘅“煩惱即菩提”“輪迴同涅槃平等”嘅道理唔能夠成立，咁顯宗之中類似嘅觀點又應該點樣去解釋呢？

密宗裏便嘅“衆生即佛”嘅見地亦都係直接由勝義實相而作嘅宣說。如果從外相上嚟講，當然衆生仍然係衆生，被煩惱障同所知障所蔽，同佛陀係有別啦。好似《喜金剛續》話：“諸衆生爲佛，然被客塵遮。”《時輪金剛經》講：“諸衆即是佛，於此世間中，餘無大正覺。”《瑜伽母續》講：“此等衆生五佛性，如現舞者及畫師等。”《圓覺經》話：“此之衆生，本來成佛，生死涅槃，猶如昨夢。”《維摩詰所說經》話：“一切衆生即菩提相，不可復得……即涅槃相，不可復滅。”《圓覺經》再講：“善男子，一切障礙，即究竟覺；得念失念，無非解脫；成法破法，皆名涅槃；智慧愚痴，通爲般若；菩薩外道，所成就法，同是菩提；無明真如，無異境界；諸戒定慧，及淫怒痴，俱是梵行；衆生國土，同一法性；地獄天宮，皆爲淨土；有性無性，齊成佛道；一切煩惱，畢竟解脫；法界海慧，照了諸相，猶如虛空，此名如來隨順覺性。”所以話，引證咁多經典，顯密嘅見解響究竟上其實係並不矛盾嘅。

有人認爲，密宗裏便嘅“雙運”同“降伏”同顯宗嘅道理係大相違背，令到人冇辦法理解同接受。其實，大凡係冇依止過具德善知識或者未廣泛學習過佛法嘅人，難免對佛教之中好多觀感感到無法理解。比如從來未學過“中觀”嘅人睇到《心經》之中嘅語句“色不異空，空不異色，色即是空，空即是色”嘅時候，會對“空”同“色”呢種關係感到矛盾。但係如果已經通達經論嘅人就知道，不但呢種論據並不矛盾，亦都揭示咗諸法極爲深奧嘅本性。同樣，從未修學過密法嘅人對“雙運”同“降伏”產生疑惑亦都實屬自然，但係明智嘅人只要堅信佛陀聖言量嘅正確性，了知呢啲行爲雖然爲自己嘅分別念去理解，但係必然係有殊勝真實嘅含義，咁樣做自然可以避免謗法嘅無邊罪業。實際上，密宗嘅“雙運”同埋“降伏”並唔係一般凡夫嘅淫樂同殺生嘅行爲，佛菩薩早已經斷除咗呢類習氣，但係響度化衆生之中，有必要嘅時候亦都會本住無貪嘅心而示現貪欲相，本住無瞋嘅心而示現憤怒相。例如顯宗嘅《父子相會經》講過：“雖無貪欲現貪相，雖無瞋恚現怒相，本無愚痴現痴相。”又話：“彼等幻變種種身，調伏一切諸有情。”因此，見到密宗嘅雙運佛像或者雙運嘅修法時候，唔好生起貪瞋痴嘅煩惱，亦都唔好生起邪見，因爲“雙運”嘅真實含義係指“樂空無二”或“智慧方便無別”咁嘅意思。同樣，降伏亦都唔係惡劣嘅殺生手段，而係瑜伽士以無上嘅大悲心去調化業力深重嘅有情，一種殊勝嘅方便法門。

記得世尊釋迦牟尼佛響因地嘅時候，曾經做過一位叫做其吾嘎瑪嘅婆羅門，婆羅門已經出咗家，修持梵行多年。後來佢進城，有一個商人嘅女對婆羅門生起咗貪愛，差唔多要死。由於呢個緣故，婆羅門就生起咗極大嘅悲心，於是就捨戒同商人個女結婚。由於呢個功德，婆羅門就頃刻圓滿咗四萬大劫嘅修行資糧。又世尊曾經做過大悲嘅商主，響嗰個時候商主同五百個商人一齊乘船入海去取寶，後嚟天神就話比啲商人聽，有一個人要殺死五百個商人，商主就思惟，其餘商人都已經係不退菩薩了，如果嗰個人嘅殺業成功就必會墮入無間地獄。由此，商主就發起大悲心，寧可自己下地獄而去殺死咗嗰個圖謀不軌嘅人。亦都由於呢個緣故，商主就圓滿咗八萬大劫嘅資糧功德。

所以，小乘之中根本重罪嘅殺生同埋淫業，只要係由大乘嘅大悲心或者由密乘嘅大智慧去攝持，亦都可以成爲積累資糧嘅殊勝方便。密法有以方便法去藉助空行母而成就，亦都有直接依解脫道而成就，無論方便道定係解脫道，其實都係無上嘅成佛妙法。所以，應該要注意唔好因爲一時誤聽他人錯誤嘅言論而誹謗咗正法，只要一分鐘嘅時間，就造下謗法嘅口業，將來招致無量劫地獄之中嘅痛苦。猶如俗語所謂“度日如年”，的確地獄中嘅一日就等同於我哋人間嘅萬萬千年、萬年、億萬年，到時即使再多嘅弟子眷屬亦都難以救拔了。如果以教理去對照，我哋會發現咗錯處，猶如弘一大師咁樣及時懺悔，亦都仍然不失爲合格嘅佛弟子，大家亦都會深感隨喜，共同光大佛教。佛經中講過，從來唔犯過失嘅人就係高舉佛教幢幡嘅人，如果犯而知道懺悔嘅人呢，亦都係能夠摧毀魔嘅幢幡，但係犯錯而唔去改過，就係舉高魔嘅幢幡了。如果修行人發心清淨，確立依據教證、理證嘅標準，咁佛理自然就會越辯越明，但係如果唯恐損害自己嘅名聞利養，唯恐自己臉上無光，唔以理智去抉擇，因辯論而生起咗瞋恨心，咁就離開真道好遠了。

跟住落嚟，我哋講到密宗嘅行爲同小乘嘅戒嘅關係。有人都講，認爲西藏地區嘅修行人喺別解脫戒嘅守持方面係唔清淨，呢種觀念實在都有好大嘅誤會。西藏嘅地方雖然密法興盛，但係出家人佢所行持嘅主要都係清淨嘅小乘戒律，響明朗上師嘅開示曾經講過：“如果能夠食毒唔至於中毒，就可以行持密宗嘅行爲。”無論邊一種續部同論典，都冇對凡夫俗子開許能夠行雙運、降伏、飲酒等等嘅方法。《時輪金剛經》都講：“凡夫嘅人唔能夠作瑜伽士嘅行爲，而瑜伽士亦都唔能夠做大成就者嘅行爲，而大成就者呢，亦都唔能夠做佛陀嘅行爲。”蓮華生大師爲我哋作咗極好嘅教言，佢話：“見解之高猶如虛空，但係呢，取捨因果就當如細粉吖。”如果冇相應證悟嘅凡夫亦都行持高深密宗嘅行爲，佢嘅結果最後只有墮落。

學密宗嘅人之中，如果出現冇證悟，但係平日又渴望有家室嘅僧人，應該要知道呢啲人係冇如理行持，而唔係密法嘅過失。呢個現象響顯宗之中同樣都唔可以避免，我哋唔應該將人嘅過失加喺法之上。《彌勒請問經》講過：“不以憎嫉人故而憎嫉於法，不以人過失故而於法生過，不以於人怨故而於法生怨。”

顯密圓融，無疑係成佛嘅根本捷徑。蓮華生大師教誡開示話：“外面行爲依小乘經部道，此有細緻取捨因果嘅必要；內行爲依無上密咒道，此有生起次第與圓滿次第雙運嘅必要，密行爲就要依大密大圓滿法嘞，此有即生成就虹身嘅必要。”以蓮師講嘅呢個教證，就可以知道密宗係並冇話學密就唔需要守持小乘嘅戒律，密宗嘅修行人，乃至成就之前，都會分別受持比丘、比丘尼、沙彌、沙彌尼或者居士等等嘅戒律。如果已經證得成就，就可以作出各種方便嘅示現。蓮華生大師響有啲衆生嘅面前顯現小乘嘅比丘相，但係喺有啲衆生嘅面前呢，就顯現密嘅乘瑜伽師相。不丹嘅國師嘉揚欽哲上師喺出家之後又娶咗空行母，一生佢顯現咗極大嘅事業同成就。龍樹菩薩嘅上師薩饒哈娶咗空行母之後，佢話今日以前仲唔係比丘，但係今日起就正式成爲比丘，然後就同龍樹菩薩傳咗比丘戒。白教嘅帝洛巴祖師係一位乞丐，但係佢時常去食活魚，不過佢嘅修持成就就相當之大了。布瓦巴祖師飲酒不醉，而且飲酒之後又由佢嘅手指尖將啲酒流番出嚟。大成就者大譯師饒在娶咗空行母之後，傳咗比丘戒，亦都做種種梵行。咁睇番我哋顯宗，同樣根據《五燈會元》等等嘅好多禪宗典籍記載，例如漢地禪宗二祖慧可大師晚年經常去酒肆、去屠場，有人就唔了解，二祖就話：“我自調心，何關汝事呢？”後來響禪宗裏便亦都有禪師經常去妓院調化衆生，又比如趙州禪師唔喜歡聽“佛”字啦，南泉斬貓、丹霞燒佛等等都係一般人以淺顯嘅見解好難接受嘅行爲。又根據《晉書》等等嘅史料記載，響歷史上，鳩摩……（註：接下文）

186.密宗抉疑論（四）

（註：接上文）……鳩摩羅什大師響晚年嘅時候，佢另闢居所，置有妻室，但係佢座下嘅弟子，有啲人就想仿效了。一日，大師上堂手持一碗，碗裏便裝滿咗密密麻麻嘅細針，大師就對弟子話：“有邊個能夠好似我一樣將啲針吞晒落肚，就可以學我嘅行爲。”於是，說時遲那時快，鳩摩羅什大師就將啲針全部吞晒落肚，但係後來佢又將啲針一支一支咁由佢身上嘅毛孔使番出嚟，於是各個弟子就非常折服大師嘅德行。又譬如我哋近代嘅金山活佛啦，佢行爲雖然係詭異，但係時常現出神通救世濟人，就受到好多大德嘅推祟嘞。其實，如果修持能夠有佛菩薩嘅證量，佛菩薩佢哋行雙運、降伏等等，因爲以智慧攝持，所以就唔會成爲障礙，就算酒飲得再多亦都唔會對神智有絲毫嘅影響，但係我哋凡夫就唔能夠簡單咁去仿效。好簡單一個例子，比如孔雀，佢越食毒物，佢嘅羽毛反而更加鮮艷，但係如果烏鴉食毒，無疑只會喪失自己嘅性命。

再落嚟，我哋講到密宗嘅灌頂問題。有人話：如果真係能夠摸摸個頭就可以得度，當初佛陀又何必講經講法呢？四十九年嘅說法係好辛苦嘅，佛陀佢老人家如果同人能夠摸摸頭豈不是輕鬆省事？能夠令到人證悟，所以叫人唔好迷信，唔好被密宗欺騙咗。講得冇錯，佛陀度化衆生的確有無量個方便法門，摸頭灌頂就係其中一種啦，佛經之中經常可以見到佛陀同佢嘅弟子摩頂嘅例子。《華嚴經》之中善財童子響參訪文殊師利菩薩嘅時候，嗰個時候文殊師利菩薩遙伸右臂，過一百一十由旬去按住善財菩薩嘅頂。《妙法蓮華經‧囑累品》講：“釋迦牟尼佛從法座起，現大神力，以右手摩無量菩薩摩訶薩頂。”《首楞嚴經》講，亦都有好多地方講到摩頂加持嘅記載，譬如喺阿難遇到摩登伽女即將破戒嘅時候，佛陀敕文殊師利菩薩持楞嚴神咒將兩個人帶到佛前，喺嗰個時候世尊喺大衆之中，舒出金色嘅手臂摩阿難尊者嘅頂，亦都開演咗《大佛頂首楞嚴經》嘅三摩地，然後又喺獅子座上再摩阿難嘅頂，到第七日，十方如來一時出現，鏡交光處，承佛摩頂。《首楞嚴經》亦都話：“十方如來持此咒心，能於十方摩頂授記。”記得宣化上人響解釋摩頂嘅時候話：“摩頂響佛教裏便係表示慈悲同埋愛護嘅意思，並且能夠使到衆生消除魔障。”上師嘅身體有無量嘅壇城同空行嘅護法，摩頂係幫弟子加持嘅一種方式，喺歷史上就曾經有具足信心嘅弟子合掌祈求上師摩頂而開悟嘅事例，好似麥彭上師就係通過佢個上師嘉樣欽哲旺波嘅摸頭而證悟。亦都有啲精神病患者通過有修證嘅人摩頂而得到霍然痊癒嘅事例。我哋要知道如果廣泛提倡只唸一句佛號，咁佛陀說咁多法其實係咪冇必要呢？佛陀老人家佢幫衆生唸一唸佛號真係輕鬆省事，四十九年，你要知道世尊說法係幾辛苦，佢講咁多法都係爲一切衆生，其實念佛、摩頂都係度衆生嘅方便法。灌頂係密宗嘅一種最殊勝嘅儀式，喺《大幻化網總說光明藏論》之中講過：“依甚深之密咒灌頂儀軌，即能驅散或洗淨弟子之三門及平等俱之諸障垢，於自相續中注入或種植能顯現智慧之力，並令成熟四金剛也。”喺歷史上都有記載，佛陀世尊曾經同恩扎布德國王灌頂之後，國王立即證悟本性獲得佛位。其實灌頂響顯宗之中亦都好多例證屢見不鮮，例如《十地經》之中話十地菩薩最後獲得十方諸佛嘅大光明灌頂而證得正等正覺。《集密意經》亦都講過：“若證佛陀之密意，復次明示於他衆，此乃一切勝灌頂，彼得三有諸灌頂。”《大乘無量壽經》喺開篇介紹與會嘅十六大菩薩嘅功德時候亦都有“升灌頂階，授菩提記”嘅說法。《楞伽經》話：“一切佛剎，所有如來，皆舒其手，如轉輪王子灌頂之法而灌其頂，超佛子地獲自證法，成就如來自證法身。”如果只係聽到灌頂嘅字眼就心懷不悅，其實未免做下咗捨法罪，而且亦都好難得到解脫嘅。

隨住密法響漢地嘅逐漸興起同埋唯利是圖之風亦都逐漸蔓延，不少人將致富成名嘅眼光轉到去無上密宗，喺社會上藉助密宗而謀利嘅現象層出不窮。有人從來未得到過任何灌頂，亦都未依止過金剛上師，而只係搜羅一啲密法嘅書籍，去研究考證嘅方式編寫密法書籍，響書裏便嘅內容亦多數係密宗嘅不共極密修法，亦都公開出版，使到成千上萬從未歸依佛法嘅人用嚟教授衆生，亦都能夠輕易得到一本，呢種泄密嘅罪過，其實有邊個能夠承當吖？本嚟密法嘅一切歷史同埋教理原本係冇任何嘅秘密，人人都可以學習，但係密法嘅不共甚深見解、行爲、修法等等，只有獲得咗金剛上師嘅四種灌頂、圓滿咗修完加行，而且對密乘具有不共信心嘅弟子先能夠聽聞，除此之外其他人係唔能夠隨意宣說。其實一般人只係睇書亦都唔能夠得到成就，因爲修密法必須得到上師嘅教授同埋竅訣，否則好似睇小說咁樣，又點能夠證悟無上菩提呢？又有不少藉密宗之名嘅人教授氣功，其實佢哋係追名逐利，亦都有好多人不擇手段去抬高自己個身價，吹噓佢個修證己經係超越咗佛菩薩嘅無上智慧，咁樣講真係邪說無邊、罪業無盡。

現在好多地方去建設佛教嘅景觀，藉以招攬遊客己經成爲一股風氣。其中有按佛教規定而建造，亦都有存在好多急功近利嘅人將啲佛教景觀草草營建嘅例子，結果所表現出嚟嘅己經同佛教嘅觀點完全違背。其實響佛教之中，對塑造佛像嘅嚴格尺寸比例都係有一定嘅要求，顯宗同密宗都有呢方面嘅專門經續去講，所以千祈唔好馬虎去亂造佛像。如果要介紹一件事物，首先必須了解事物嘅本身，尤其係介紹博大精深嘅密宗，必須求教密宗典籍同埋如法修持密宗嘅人，而唔應該憑自我嘅想象或者依靠嗰啲外行人嘅評論，否則難免漏洞百出，同事實唔相符。所有嘅密續同埋歷代傳承祖師都從未講過密宗係祟尚性慾同埋對生殖器嘅祟拜，但係恰恰相反，呢啲庸俗嘅世間執著正係學密嘅人必須以無上嘅方便加以對治同埋淨化，否則躭著於其中又點能夠生起修道嘅功德，證得無上嘅佛果呢？所以每個學密宗嘅人都應該要知道呢個道理。佛教係神聖，佛像係聖潔，如果藉佛像斂財嘅做法必然會受到遣責嘅。

隨住西方文明嘅東進同埋大衆對傳統文化嘅修養不足，有不少人將佛教等同於迷信看待，其實即使由西方哲學嚟睇，佛教都係一門深奧莫測嘅學問。黑格爾嘅辯證思想、心理學大師弗洛伊德嘅精神分析學說，其實都己經受到咗佛法嘅影響。恩格斯曾經講過：“人類到咗釋迦牟尼佛嘅時代，辯證思惟就得以成熟。”由此亦都可以見到佛教嘅真正智慧。

密乘嘅見解以直接、詳細、廣大嘅方式將諸法實相和盤托出，而且喺具體修行上亦都增加咗顯宗所不具嘅衆多方便。喺《諸天積聚續》之中話：“五濁越熾盛，時代越趨末法，無上密法嘅加持就越強烈了。”噶托度達上師講過：“五濁黑暗越深之時，蓮師加持之月越明。”喺衆多嘅續部、論部同各大德嘅教言都曾經講過：末法時期，衆生煩惱熾盛嘅時候，其餘八乘，即係外三乘——聲聞、緣覺、菩薩乘；內三乘——事部、行部、瑜伽部，同埋密三乘之中嘅瑪哈瑜伽同阿努瑜伽，已經係無能力去將衆生調伏，唯有九乘之巔嘅無上密法大圓滿法先能夠調伏衆生。喺《忠言心之明點》之中話五濁黑暗極爲深重嘅末法時代，前八乘猶如星光，好難遣除衆生嘅煩惱，而大圓滿就好似麗日中天，最善於對治衆生嘅煩惱。我哋通過自己嘅修行實踐亦都可以知道，當煩惱生起嘅時候，其他好多對治法係唔能夠直接斷除，而以密法嘅最深竅訣，係無須勤作，直觀自己心嘅本性，一切嘅煩惱頃刻就消散響法界之中，而呢啲殊勝竅訣亦只有對上師生起正信嘅人先能夠運用自如。進入密乘之後，只要自己冇退失信心，亦都嚴持密乘嘅戒律，縱然今生係冇辦法證悟實相，但係由於聽聞加持嘅力量亦都可以儘快成就。無垢光尊者講過：“若男若女己入此勝密，並獲得傳承教言，雖其未證悟，然以聽聞之功德力，決定速疾解脫，因彼相遇無上果法之故。”喺《日月吻合續》之中話：“學密利根者即生成就，中根者中陰，下根者來世幻化界得解脫。”確確實實喺密宗裏便有見解脫、聞解脫等等一般凡夫所無法想象嘅衆多方便加持法，所以蓮花生大士亦都話：“現見畫物即成佛，身觸彼者即成佛，聽聞彼聲即成佛。”甚至旁生聽聞咗密法亦都照樣能得到成就。密宗嘅祖師極喜金剛講：“若僅聽受此密法，七世之前定解脫。”

又有人認識到密法嘅殊勝之後，對自己係咪有福報同緣份去修學無上嘅密法產生咗疑懼，其實呢個問題係完全屬於冇必要嘅非理猶豫。喺《勝乘寶藏論》之中己經對呢個問題作咗明確嘅答覆，佢話：“凡係相遇無上極密乘嘅人，喺往昔必定己經供養過無數佛陀，亦都成爲普賢王如來嘅眷屬。”故此，己經受到最無上灌頂嘅人必定己經係有殊勝嘅宿業因緣，應該對自己生起堅定嘅自信心，今生認真修學無上密法就能夠迅速證果，早日完成度生嘅大願。總之，宗喀巴大師曾經講過：“若知異宗無相違，一切經論知竅訣，則易證悟佛密意。”普願天下嘅有情，都能夠往生去阿彌陀佛嘅極樂世界，同趨無上嘅菩提。

以上所作嘅論述，並非係出自破斥其他宗派嘅心，而係實際真正想幫助有緣人更加能夠明白密法，並且能夠澄清密宗嘅一啲誤解，依據教理嘅辯證係佛教撥開迷霧、遣除疑惑嘅殊勝方便。諸佛爲咗度化根器意樂唔同嘅無量衆生，宣說咗種種嘅甘露妙法，密宗就係響顯宗基礎之上具有不共同殊勝方便，由果起修，即身成就嘅法門。近年嚟，入西藏學密嘅人日漸增多，唔少人匆匆忙忙去求灌頂、去聽法，但係對密宗缺乏咗基本嘅了解同觀察，所以就會存在咗好大嘅盲目性同危險性。

其實要入密乘，首先須要對佛教有堅定不退嘅信仰，更加須要對密法同金剛上師具有特殊嘅信心，如果能夠具備呢兩個條件，就有資格進入密乘。進入密乘嘅標誌就係接受咗密宗嘅灌頂，而未得灌頂嘅人係無權修學密法，呢個同別解脫戒同菩薩戒唔同嘅係密乘戒係並無單獨嘅受戒形式，響灌頂嘅同時就己經得到咗密乘戒嘅戒體，而且己經圓滿具足咗歸依戒、別解脫戒同菩薩戒了。

密乘嘅戒條細分真係有成千上萬，但係主要可以歸納爲大幻化網五條根本戒，呢五條根本戒係咩呢？第一，就係不捨無上，即係不捨密宗甚深無二嘅教法；第二，就係恭敬上師；第三，係不間斷修持本尊同埋唸本尊嘅心咒真言；第四，要以慈悲心去對待同壇灌頂嘅金剛同修；第五，密宗甚深嘅見解同行爲唔可以向外間泄漏。呢五條之中最重要嘅其實都係不捨密法同埋上師。

進入咗密乘之後，無論有冇生起信心都永遠唔能夠捨棄密法同埋上師，如果捨棄就會墮落金剛地獄。而金剛地獄其實並非顯宗所講嘅無間地獄，根據《薩扎續》話：“呢個金剛地獄受苦十億劫，如果對密宗裏便唔同修法，例如降伏、雙運等等無法理解，其實亦都唔可能輕率咁作出誹謗，應該要知道有甚深嘅密意，要等待自己能夠廣學經續之後就能夠了解呢個密意嘅殊勝了。”有人認爲，學密之後唔能夠再學顯宗，亦都唔能夠再念佛、學淨土，學咗紅教之後又唔能夠再修其他，好似黃教或者其他教派嘅法門。但係我哋要知道佛教各宗各派都係出自佛陀個本懷，本不相違，如果受咗紅教灌頂之後，其實原先顯宗同黃教等等嘅功課可以照樣進行嘅。

古今藏漢嘅通人證士、聖人賢者，對各種法門，佢哋所持嘅不偏袒見解同埋兼收並蓄嘅行爲，實在係我哋當今後學應該要效法。各派嘅教法本嚟係無差異，但係如果以我哋凡夫嘅分別心去睇呢，都係有區別，其實都係好自然。但係如果其他宗派同自己嘅想法係稍爲有唔同嘅時候，就唔可以輕易去誹謗嘞，因爲凡夫唔能夠直接衡量諸佛菩薩深奧善說嘅義理。《勝樂金剛續》話：“衆生根基既無邊，如來幻化亦無邊，若於自宗不相同，即時不能作誹謗，應當發願將來知。”《神變經》話：“嗟，如來子，爲成熟諸有情。如來現示衆多方便，依衆生種種根基而說法，有衆生以菩薩能調伏，有以聲聞，有以緣覺，有以天人，有以龍王，有以神變，有以國王，有以禪定，有以聞法，有以神通能調伏。”《大方廣佛華嚴經》講過：“善逝幻變既無量，爲調伏一切有情衆，現示彼色形色等。”《父子相會經》亦話：“如來顯現魔王形象救渡衆生。”所以諸佛菩薩嘅化身係無量無邊，我哋凡夫唔能夠了知，故此我哋喺一切時，我哋個心應當觀自心清淨。

因爲現在時逢末世，違背聖教不乏其人，比如響西藏有人以似是而非嘅說法去妄說中土嘅教法係假嘅。請問講呢啲話嘅人有冇讀過禪宗各傳承大德嘅著作同埋唐代三大譯師所譯嘅珍貴經典呢？如果冇，就成咗毫無根據嘅誹謗。同呢個道理相反，有啲持偏執嘅見解話藏傳密教並非純正嘅佛法，唔可以修。我忠告各位，首先應該聞思通達深廣如海嘅藏密前譯十八大續經等等嘅教藏，唔係對所有密續經典一無所知就作輕率嘅說話，做出誹謗密法嘅罪業。所以學道嘅時候，對所有各宗派嘅如來教法同埋證法生起真實無偽嘅信心而觀清淨，呢一點係極爲重要。相反，如果自己係缺少呢方面嘅細微理智而增上傲慢，貪執自己嘅宗派，去瞋恚其人所學嘅宗派，彼此之間互爲嫉妒、顯露痴暗，去詆譭聖法造無邊嘅罪，最後都係唯有墮入金剛地獄，所以一定要謹慎。《寶性論》話：“何者依止惡友瞋恚佛，殺害父母羅漢破僧合，彼若思惟法性必解脫，何人意瞋聖法無解脫。”《日藏經》話：“寧可吾身碎，不應謗善法。”《月燈經》話：“若於贍部洲，毀壞所有塔，何人誹謗法，此過較其大。若於恆沙數，殺害阿羅漢，何人誹謗法，此過較其大。”《般若八千頌》亦講過：“造五無間罪，不及謗法像。”所以我哋作爲佛教徒，縱然無力承辦弘法利生嘅廣大事業，但係都唔可以故意摧毀誹謗釋迦如來傳下嘅甘露妙法，例如薩迦派班智達講過：“雖無能力弘佛法，而不應理損害法。”其實與其出言去誹謗，不如閉口默言更加好。《寶鬘論》話：“愚者少說極佳。”好多大師都話：“愚者少言，佛法無害。”其實意義都係相同嘅。

總之，漢地嘅佛教有禪、淨、華嚴、律等等嘅八宗或者十宗嘅分別，西藏亦都有寧瑪、格魯等等八個派別，而僅係寧瑪派紅教又分爲嘎多、竹慶、白玉等等嘅支派，但係無論點樣去區分其實都係釋迦牟尼、大日如來同埋普賢王如來等等嘅佛陀親自傳下嘅經續，呢啲觀點其實都係究竟嘅觀點，呢啲教派傳承裏便所講嘅理論都係經過好多上師如理修持，但係時至今日仍然有不斷成就嘅大德，所以我哋唔可以武斷認定係一真一假而去進一取一捨嘅思惟。宗喀巴大師講過：“若知異宗無相違，一切經論知竅訣，則易證悟佛密意。”唯有我哋打開自己嘅心胸去接受一切佛教裏便嘅宗派，多啲聞思修去進入三摩地，唔好你分我、我分你，喺末法時候，大家應該顯密團結一齊，咁樣做先能夠令到釋迦佛嘅佛法再能夠長久住世、莊嚴國土，令到利樂有情，一切有情可以得到光明嘅未來。

各位，如果大家響過去檢討一下曾經做過誹謗佛法嘅惡業，無論係顯宗或者密宗嘅誹謗，我哋都應該加以懺悔。喺懺悔方面，響藏密裏便有一首金剛薩埵嘅真言稱爲百字明咒，呢個百字明咒可以消除我哋宿生嘅罪業同今生嘅罪業，包括十惡五逆種種嘅重罪都能夠消除。無論謗人謗法，我哋誠心持念呢個百字明咒都可以能夠得到清淨。但係百字明咒係比較長咗少少，如果各位師兄係冇時間修持的話，可以唸金剛薩埵嘅心咒，亦都係百字明真言嘅心咒，呢個心咒篇幅係比較短一啲，所以係方便修持同埋省時。咁只要我哋能夠誠心持誦呢個咒，攞出我哋嘅真心去懺悔，好快我哋謗法或者其他身、口、意所做嘅惡業就好快清除㗎喇。

呢個真言嘅唸法喺藏文嘅發音就係：嗡班扎薩埵吽。或者有上師傳承嘅唸法係:嗡班扎薩埵阿吽呸。咁修持以上所講兩個咒音，兩個款式，邊一個都係一樣，功德都係一樣。但係金剛薩埵嘅心咒響梵語嘅發音就係：Om vajra sattva ah hum phat，或者係：Om vajra sattva hum。

“vajra sattva”同“班扎薩埵”其實係西藏文同梵語嘅分別，其中“班扎”以前都講過，同“vajra”係一樣嘅意思，不過“vajra”係梵語，“班扎”就係藏語，意思就係“金剛”咁解。好，咁我哋大家一齊持誦金剛薩埵嘅心咒啦：

嗡班扎薩埵吽

嗡班扎薩埵吽

嗡班……（註：此處錄音中斷）

187.金胎血脈相承（一）

今日好高興，可以喺呢度同大家分享一下《大日經》嘅《入真言門住心品》。咁《大日經》響密宗裏便嘅地位係非常之重要，佢可以話叫做密宗嘅三大經之一，《大日經》啦、《金剛頂經》啦，同埋《蘇悉地經》合稱爲密宗嘅三大部。

咁其中密宗嘅思想建立，特別喺密宗裏便所講嘅，誒，胎藏界蔓陀羅代表“大悲”，就係建立喺《大日經》嘅思想裏便來源出嚟，而金剛界蔓陀羅呢，就係建築響個《金剛頂經》裏便，嘅思想個來源就係咁。

咁《大日經》其實係簡稱啦，一般人都叫《大日經》，全稱就係《大毘盧遮那成佛神變加持經》，咁亦都可以簡稱做《大毘盧遮那成道經》或者《毘盧遮那成佛經》。通常就叫做簡稱，啫略稱啦，《大日經》。而《大日經》，大毘盧遮那成佛，誒，神變加持經呢，個梵文就係：Maha vairocanabhisambodhi vikurviti adhisthana vaipulya sutra indra raja nama dharma paryaya。或者可以我哋讀做：Maha vairocana visambodhi vikrinita dhista sutram indra raja。咁呢個《大日經》個梵文嗰個讀法啦。

“毘盧遮那”呢，或者“大毘盧遮那”，有時我哋中文會譯做“摩訶毘盧遮那”，簡稱“毘盧遮那”。咁顯宗其他宗派呢，都有各別嘅譯法，但係呢，呢個名稱都係由梵文呢，“Maha Vairocana”嘅音譯嚟。咁講到“Maha Vairocana”，啫係“摩訶毘盧遮那”，“摩訶”就“大”嘅意思，“毘盧遮那”呢，啫係“日、太陽、光明遍照”嘅意思，所以呢，就譯做“大日”“大遍照”。係密宗，大日如來呢，係密宗奉爲最高嘅佛嘅名號，通稱叫做“毘盧遮那佛”，或者“大日如來”，或者“大日世尊”。

咁響一行禪師嘅《大日經疏》裏便曾經解釋過話呢：“梵音毘盧遮那者，是日之別名。即除暗遍明之義也。”即是話梵音“毘盧遮那”意思呢，就太陽嘅別稱嚟嘅，意思就除黑暗而令到普遍得到光明嘅意義嘞。

《大日經疏》卷一亦都講到：“如世間之日，能除一切暗冥吖，而生長一切萬物，成一切衆生事業。今法身如來，亦復如是，故以爲喻也。”即是話毘盧遮那如來呢，好似世間嘅太陽一樣，冇咗太陽，咪整個世間都黑暗囉？所以世間上嘅太陽可以除一切嘅黑暗、一切嘅幽冥，能夠生長一切萬物，如果一切萬物冇咗陽光吖，又點能夠生長呢？“成一切衆生嘅事業”，所以亦都比喻可以承辦到一切衆生嘅事業，現在法身如來呢，亦都係一樣嘞，所以話“今法身如來，亦復如是”吔，法身嘅大日如來亦都係一樣，等於陽光、太陽一樣去對衆生、對一切有情有庇護、有照蔭嘅作用，係普遍光明，唔係淨係照一處喎，照他處、照十方、照百方、照千方，每一個空間角落都照到，所以就“大日”有“摩訶”嘅意思，“Maha”，“Maha”就係“廣大”嘅梵語，所以用太陽去比喻爲呢個佛。“故以爲喻也”就係呢個比喻啦。

咁一行禪師《大日經疏》卷十六亦都講過：“現世間之日不可爲喻，但取其少分相似，故加以‘大’名吖，曰摩訶毘盧遮那也。”（根據CBETA，“現世間之日不可爲喻”疑爲“世間之日不可爲喻”）呢段古文嘅意思，佢嘅意思話呢，就係話，世界上嘅太陽我哋可以攞去做比喻，但係呢，只係“少分相似故”，點可以用世間嘅太陽去將佢比佛呢？因爲佛嘅光明猶如幾千億、幾百億嘅太陽嘅光明，吓，甚至超離所，太陽嘅光明好多好多倍，不可以用我哋嘅凡夫思想去猜度，即是係所以話“算數譬喻所不能及”嘞，佛經裏便講嗰句。所以用太陽呢個意思就係話一個小嘅比喻，唔好當佛係太陽，係猶如我哋衆生覺得太陽係對我哋世界已經係咁重要，何況佛嘅光明或者佛嘅法身，佢嘅力量係超離咗太陽無數無數倍，所以故以太陽爲喻，如果唔攞一樣嘢去做比喻，我哋就唔能夠了解佛嘅功德同功能，所以呢，叫做摩訶毗盧遮，遮那。

咁響《金剛頂經大瑜伽秘密心地法門義訣》，誒，呢一部論裏便呢，亦都有唔同嘅解釋，佢話：“梵云毘盧遮那，此翻最高顯廣眼藏如來。”吔，佢個梵語，呢個，“毘盧遮那”嘅意思就係有另外一種譯法，就叫做“最高顯廣眼藏如來”，所以我哋“大日如來”亦都可以叫做“最高顯廣眼藏如來”，“南無最高顯廣眼藏如來”即係“大日如來”，不過呢個名稱呢，就少人稱呼啲，就通常叫“大日如來”。

“毘者最高顯也”，“毘”吔，個“毘”嘅意思就係“Vairocana”，“Vairocana”，“vai”，呢個“毘”，“毘”嘅意思就係“最高顯”。“Rocana”，“盧遮那者”呢，就“廣眼”也，廣大嘅眼，咁亦都有譯做“遍照王如來”吔，啫同大日如來一樣啦，無所不照啦，亦都翻爲“大日如來”啦，“此並略而名義闕也”嘞，即是話各有長略不同啦，而譯法，總之我哋知道大日如來亦都可以叫做最高顯廣眼藏如來，或者摩訶廣眼，誒，高顯藏如來，亦都得。

咁響密宗裏便呢，以大日如來呢，做法身佛嘅，係作爲法身佛，亦都係建立密宗教法嘅教主，故此顯，顯宗裏便各家各派呢，依據唔同嘅名呢，對大日如來呢，就有唔同嘅解釋，咁呢個係《大毘盧遮那成佛神變加持經》，我哋現在講。

咁《入真言門住心品》，呢一品係《大日經》裏便呢，就非常之重要㗎。“真言”嘅意思呢，梵文呢，就係“mantra”，“mantra”意思呢，中文叫“曼哆羅”或者“曼怛囉”啦，譯文唔同。因爲以前舊譯師嘅譯法，唔可以用我哋嘅廣東話或者國語讀啦，如果照呢個字用我哋廣東話去讀出嚟就唔似依個梵語，所以一定要識返呢個古梵語嘅發音先能夠係相似：mantra。如果根據梵語嘅意思呢，梵語個詞根吖，“man”，“man”嘅意思係有“思惟”，“思惟”嘅意思。後便個橛“tra”呢，“tra”，有啲人吖“mantra”可以讀“dra”或者“tra”，“tra”嘅意思呢，有“用具”嘅意義，咁“mantra”合埋嚟講，就係，意思就話“用嚟思惟嘅工具”，即係言語、詞彙嘅意思嘞。咁喺密教之中，“真言”具有“真實而唔係虛妄嘅言語”嘅意思，咁喺《大日經疏》講過：“真言呢，梵語漫怛羅，即是係真語、如語、不妄不異之音。”卷一裏便。喺呢個不空嘅《總釋陀羅尼義讚》吖，不空法師亦都講過：“真者真如相應，言者真詮義。”吓。

咁又廣義上嚟講，真言呢，其實有四種含義，第一種係“法真言”，“法真言”呢，就係清淨法界以爲真言咁解，以清淨法界以爲真言，整個大法界都係真言，整個清淨法界都係真言。“義真言”，“義真言”，勝義相應，每一個字之中呢，有實相嘅“義”，啫真言之中，同我哋宇宙嘅原理、真實嘅勝義係完完全全相應嘅，每一個真言嘅梵字裏便吖，都具足有一定嘅實相。咁有一種意思就係“三摩地真言”，“三摩地真言”意思就係由我哋修瑜伽嘅行者呢，啫修瑜伽嘅人，用真言響我哋嘅心鏡月輪之上佈列真言文字，而我哋專注個心唔散動呢，咁我哋可以好速疾能夠證得三摩地。“三摩地”就等持、禪定，定慧不二，能夠好快進入各種嘅三昧。咁呢個係密宗一種修法，將真言嘅種子字佈喺我哋個身體每一個部位，或者佈喺我哋嘅心月輪，即是心有一個月輪，月輪上便吖，佈滿真言嘅輪嘅字，啫個圈圈吖，呢個圈圈就發光，咁我哋觀想呢啲心月輪裏便呢啲真言嘅字呢，亦都唸誦真言可以令到我哋速疾證得三摩地。

亦有一種意思喎，真言，“文持真言”，“文持真言”嘅意思就係“文章”個“文”，“持誦”個文，“持”。“文持真言”呢，譬如話真言由“Om”字開始，通常呢，嘅結尾就係“娑婆訶”，其實講到我哋唸“娑婆訶”呢，個“婆”字嚟講，我哋唔可以讀“婆”，如果我哋廣東話見到吖，當然嗰個係“婆”字啦，譬如大悲咒句句都係“娑婆訶”吖，後尾，“唵，悉殿都”，結尾嗰度，“唵 悉殿都 漫多囉 跋陀耶 娑婆訶”，咁佢梵語：Om sidhyantu mandra padaya svaha。“娑婆訶”係“svaha”，其實“娑婆訶”，“婆”字唔可以單獨發音嘅，“娑婆訶”係“娑婆”兩個字合埋快讀，如果用古梵語，當時譯師所譯出嚟呢個中文，按古梵語嘅例吔，去讀出嚟就係“sva”，“娑婆”就係“sva-ha”，就唔係“娑婆訶”或者“斯哇巴哈”，冇嘅冇嘅，梵語唔會有個“巴”呢個音出嚟，有啲人讀“梭巴哈”都係唔啱，係“sva-ha”，“梭-訶”，呢個梵語。咁有啲西藏嘅師父呢，佢教嘅所發嘅真言啦，佢“梭哈”，“梭哈”呢，就冇咗個“婆”嘞，冇咗個“婆”音，因爲西藏文係近似梵語，好多就係梵語去拼出嚟、譯出嚟，所以就“梭哈”，正式就係“sva-ha”，吖。

咁呢個文持真言講番呢，喺文持真言意思就話，響“Om”嘅咒，每一首咒嘅開頭，通常結尾就係“svaha”啦，喺呢度個咒中間所有嘅文字吔，成段咒文字，每一個字都係叫做“真言”，但係如果由分類上嚟講呢，真言呢，有如來講啦、有佛講啦、有菩薩講啦、有金剛講啦，有二乘講啦，二乘嘅緣覺同聲聞啦，極果就係聲聞果嘅羅漢啦，大家都知啦，緣覺極果或者獨覺勝者極果就係辟支迦佛啦。咁有天界講吖，天界講，吓，天界講，天界就寶部，密宗叫寶部，寶部，吖，天界講。咁前便所講呢三種真言呢，就係勝者真言，啫如來吔、菩薩、金剛吖，後便兩種講呢，就係寶部，神嘅真言，另外有一種密宗所講嘅羯磨部，羯磨部呢，屬於，誒，鬼嘅真言吖，或者一啲護法嘅真言，鬼神屬於天部，咁但係通常呢，如果係神嘅真言呢，屬於天神嘅真言都係屬於攝入呢個，誒，寶部，吖，羯磨就係“事業”啦，“karma”，事業嘅部吖，啫成就啲護法，成就我哋事業啦。

咁響密宗裏便認爲真言呢，有一種唔可以思議嘅神秘力量啦，用真言加持，小可以除我哋嘅病、護身積福，大呢，亦都可以消除我哋嘅罪業，往生淨土，能夠相應成佛。我哋因爲唸誦觀修真言，係密教修行吖，嘅主要嘅方法，所以我哋密宗裏便吖，往往通常都自稱做“真言宗”，或者修行密宗嘅人叫“真言行者”，或者叫做密宗修行嘅教法叫做“真言門”“真言教”，咁真言亦都亦，有叫做呢，“密語嘅密言”或者“密號”，“密號”。

有啲人誤會呢個“密”字吔，密宗裏便嘅秘密呢，就係唔可以話同外人宣說、唔可以同外人講，其實呢個係觀念唔係完全正確，只係啱咗一部分，唔可以同人宣說呢，因爲佛陀當然對機呢說法，唔係一個法可以啱八萬四千衆生用，所以釋迦佛同大日如來咧，都講咗種種種種嘅法門呢，用，用呢個“八萬四千”吖，去做比喻，吓，唔同法門就適合唔同衆生，所以“密”嘅意思秘密，當然係唔對機唔可以講，因爲唔對機唔啱佢嘅法。同小學生講大學嘅嘢，聽唔明呢，可能會誤會啦，會令佢哋行錯路，所以有呢種秘密嘅意思，唔可以講。但係其實真正嘅秘密，密宗佢所講真正秘密呢，就係如來，大日如來，佢所證得嘅境界、內證嘅三摩地嘅法門呢，唔係我哋凡夫，所謂“不可思議”四個字吔，最容易同大家解釋就係不可思議，點解叫“不可思”？“思”者就係用個心，我哋見我哋中國字個“思”，“田”字下便做個“心”，當然係用心去諗啦，“心田”啦，用我哋嘅心去想念就謂之“思”。“議”者呢，就係我哋睇下中國字嗰個結構，“言”字邊做個“義”，“意義”個“義”，“義理”個“義”，即是話用說話唔可以去講得到佢嘅義理。“不可思議”就係唔可以用心思，用個心去思考，亦都唔可以用我哋說話去議論，所以“思議”嘅意思就係，密宗裏便所講嘅道理，就係大日如來佛嘅境界，甚至一切佛嘅境界都係秘密，唔係單單密宗裏便講一切佛嘅境界係秘密。其實吖，佛教係無分宗派，釋迦佛係因人而設，只不過密宗係強調呢種事相，其實一切法或者菩薩嘅內證境界都唔係我哋凡夫嘅心去諗得到，亦都唔係用說話去講得到，佢嘅境界有幾高，去思考佢境界有幾高，用說話去議論佢嘅境界有幾深，所以不可思議，呢個秘密主要就係喺呢度，簡單嚟講個“密”字。如果深入嚟講呢，仲有好詳好詳細嘅義理吔，所以唔好誤會咗密宗吖。“密”字呢，就秘密，唔可以宣說。一切嘅佛法都係用嚟救渡衆生，點解唔可以同人宣說呢？有乜嘢秘密？秘密嘅意思只係對機，唔對機唔可以說，如果係將啲秘密佛法去收埋的話，呢啲係外道、係邪道，唔係真正佛陀嘅本懷，唔係真正佛陀教，佛法係施與一切衆生。

咁頭先講到大日如來，點解叫做“大日如來”？大日如來猶如太陽喺虛空之中係普蔭一切嘅萬物，每一樣萬物都受到太陽嘅加被，點會太陽係照一個角唔照第二個角落？冇可能嘅呢一樣嘢，猶如佛法一樣，所以用大日如來去譬喻密宗裏便嘅佛法，係普蔭，普照，係“遍”，“遍”嘅意思係普遍每一個角落，猶如觀世音菩薩一樣，所講嘅“普門”，“普”者，就“普”也，“普”者，同“遍”係意思係一樣，“普遍”嘅意思係普及而遍於一切嘅空間，係一切，係一個意思，所以密宗吖，點會有秘密嘅法收埋，唔教人？佛陀希望將多啲呢啲佛法去教導衆生，特別呢啲咁深奧嘅法門，只係衆生嘅根器冇辦法接受，一時間唔可以話學晒佛陀種種種種嘅法門，所以呢，就有對機嘅說法咁解啫。

咁講番，“真言”亦都叫密語、密言啦、密號啦，由真言嘅唸誦形式，同埋佢用法、功能嘅意義，誒，方面去講嘅。咁另一個稱呼呢，叫“陀羅尼”嘅，“dharani”。“dharani”呢，梵文嘅意思呢，要叫“總持”，咁根據佢陀羅尼嘅原意係咩意思？佢“總持”，“總持”，“總”就係總一切法，啫總含、總攝一切嘅法門，“持”者，攝持一切法唔散失，持無量義也，令到一切法唔散失，所以你持一條真言如果係能夠成功，一法具足一切法啦，係，即是話你持呢個真言能夠進入三摩地，能夠證得同如來無分別嘅境界。有一個真言，有好多衆生嘅根器可以立地成佛，呢啲係佛陀所講嘅法門，有衆生亦都須要修行，經過三大阿僧祇劫，兩樣都啱，唔需要有任何嘅衝突，只不過佛陀係對唔同衆生嘅機情，鈍根係修三大阿僧祇劫，慢慢慢慢去修行；利根，一聞即悟，一剎那就可以頓悟，所以密宗會有講到呢個“即身成佛”說，有呢個意思，就係咁解。所以一首陀羅尼、一個咒，就算一個我哋普通所唸嘅好常，爲常人所知嘅六字大明咒“唵嘛呢叭咪吽”啦，你就係持誦呢個真言吖，都可以成佛，根本就係唔需要執著，咁所以陀羅尼嘅意思係總一切法，通常嘅簡單嘅解釋就係持無量義，總持一切法，而攝持無量嘅義理而已經同個“真言”相通了。其實陀羅尼還陀羅尼有佢嘅意思，“dharani”，真言“mantra”，亦都有佢嘅本身嘅意思，但係我哋兩者嘅，嘅意義，其實可以，而家係混談咗啦，撈埋一齊，其實係相同㗎。亦都有個意思叫做“明”，“明”咧，“明”喺梵文裏面吔“videa”，“videa”嘅意思呢，有“知識”嘅意思，“知識”嘅意思。

咁呢，有啲民間裏便所講嘅咒，因爲佛陀時代已經流傳，婆羅門教嗰陣時已經有好多咒吖，響《四吠陀典》裏便呢，有啲吠陀吖，有好多咒吖，讚頌吖、歌詠吖，已經係有，佛陀未出世嗰陣時已經係有，所以有啲咒呢，都可以稱爲陀羅尼真言。但係我哋要學，學嘅呢，就要學佛陀嘅真言，真實嘅言語、真實嘅教證，咁真言係由佛菩薩禪定之中所發出嚟嘅秘密語，佢同宇宙，佛係同宇宙已經係相通咗，佢知道宇宙嘅種種原理，而由唔同嘅禪定嘅境界去內證修行呢個秘密嘅境界，去將宇宙嘅奧妙嘅秘密擺喺每一種唔同嘅真言之中，所以每一種真言有佢唔同嘅功德、唔同嘅性能，可以幫助種種嘅衆生。而每一個真言，亦都相通其他真言，點解呢？如果唔相通，點會講到係“總持”呢？總一切法，持無量義，站在“總”的來說係一切相通，猶如一個全科畢業嘅醫生，基本上乜嘢嘅病吖、乜嘢嘅醫學嘅學理咧，佢都會明白，都可以睇到普通嘅疾病，但係一個專科嘅醫生嚟講，就專門對治嗰一門嘅病症吖，專門醫某一個器官吖，吓。所以其實喺咒裏便亦都係一個意思嚟，有某啲咒係幫助某啲衆生，一，一類，一類嘢，譬如有啲咒，頭先講到天部啦，係求世間嘅事業，菩薩部啦，裏便亦都有好多咒語，醫我哋嘅病吖，或者除災吔，或者免禍，有種種種種唔同嘅功能。咁所以話真言陀羅尼吔，或者“總持”，或者“明”嘅意思，其實呢個“明”嘅意思，“videa”，梵文裏便有知識同埋智慧嘅意思，亦都有光明，所以喺密宗裏便有好多明王，啫現忿怒相嘅金剛力士啦，去調伏種種剛強難化衆生，點，點解叫“明王”，“明”，頭先講嘅同“真言”相通，就係持真言之王謂之“明王”，所以佢每一個明王有佢嘅好特別威猛嘅禁咒，如果你唸誦呢個咒呢，可以驅邪同埋降伏一切，誒，難調難化剛強嘅衆生或者其他外道嘅妖魔鬼怪，所以叫做“明王”吖，有咁嘅意思吔，響呢度。

咁喺呢度，要，重要一樣嘢就係我哋要學咒呢，學真言，學返我哋佛教正正統統嘅咒，唔好學其他邪法同禁咒。喺《阿含經》裏便呢，釋迦佛記得佢亦都講過唔好學習世間嘅外道咒術。外道咒術即是話唔係我哋真正佛教，嗰啲唔究竟嘅咒，或者邪咒，譬如可以相通個道理就係話，誒，所謂“戒禁取見”吖，響呢個，誒，身見呢、邊見呢、邪見呢、見取見呢、戒禁取見呢，五不正見裏便，啫我哋嘅所知障，我哋所知嘅根本障，好似戒禁取見，唔好執著一啲邪戒，認爲唔正確戒律，我哋去守持，而作爲一種正確嘅見解，會障礙我哋身心、障礙我慧命、障礙我哋嘅聖道，呢個就係“戒禁取見”嘅本身嘅問題，所以故此一樣由呢個道理，唔好持一啲外道嘅真言，外道。咁喺密宗裏便嘅講法，有講過就係話，八地菩薩佢自己能夠自說本身嘅真言，因爲八地菩薩已經到咗不動地嘅境界，喺菩薩嘅修爲嚟講已經係好高，喺以前啲錄音帶裏便都有大量講過八地菩薩嘅境界。八地菩薩嘅境界非常之高，佢自己能夠自說自己本身嘅真言同埋心咒，但係雖然如此，我哋唔可以，講番轉頭就係話，而家響市面坊間或者響世界上，有好多師父佢自己都有佢自己嘅心咒，吓，有佢自己嘅心咒，叫啲弟子唸誦佢嘅心咒，但係呢個心咒唔代表一樣嘢就話，反推，啫用個邏輯，去反推番轉頭，唔代表有心咒嘅師父，佢嘅果位就係證得到八地菩薩，唔代表。因爲我哋冇智慧，我哋唔係佛，而家末法時期，我哋好難知道呢個心咒嘅來源，我哋更加好似頭先所講嘅原理，佛菩薩心咒境界我哋點樣能夠測度呢？所以呢點係小心注意，我哋學佛，學番佛陀嘅正統佛經或者真正上師，佢所傳授個咒法，吓，呢啲先係真真正正嘅心咒，真真正正，咁持誦真正嘅心咒，我哋先可以得到呢個真言嘅功德。

咁大毘盧遮那，講番嘞，《大毘盧遮那成佛神變加持經》呢，係唐朝印度，啫開元三大士嘅其中之一啦，善無畏啦，善無畏三藏，同埋呢，一行禪師呢，一齊去譯嘅，一齊去譯。咁《入真言門住心品》係非常之重要，我哋而家讀一讀經文啦，咁或，或者係慢慢慢慢咁樣講下、解下，演繹下啦，希望能夠講到呢本經嘅少少意思出嚟，幫助到大家了解何謂真正密宗嘅住心啦。

“如係我聞。一時吔，薄伽梵吖，住如來加持廣大金剛法界宮，一切持金剛者皆悉集會。”

咁，如果大家係一齊同我研究呢本經文嘅時候呢，如果你有《大日經》，你有《入真言門住心品》，主要有個經文，因爲你睇住經文呢，聽住帶嚟講呢，就比，跟得到啦，如果就咁唔睇經文都無所謂，但係有時有啲字嚟講呢，唔知係咩字吔，就咁讀出嚟，所以有個經文，搵到《大日經》嘅《住心品》，你去睇住呢，就會比較好啲。

咁頭先所讀嗰幾句嘅意思就係話，誒，有一個時候呢，“如是我聞”呢，即是話結集經典嘅人，佢所講番出嚟嘞，吖，就係曾經佢聽講過呢，有一日，大日如來吔，係呢個“薄伽梵”呢，“薄伽梵”就“Bhagavan”，就世尊咁解，喺呢度嘅世尊意思就係大日如來啦，講《大日經》。有一日大日如來呢，就喺佛陀所加持高大無比嘅金剛法界宮殿，喺呢個宮殿之中，所有嘅“執金剛”，執金剛啫手執住金剛杵護法嘅金剛勝衆，一切嘅“持金剛”亦都叫“執金剛”啦，吖，呢啲“持金剛”。咁或者講下“持金剛”呢，“持金剛”係梵文“Vajra Dhara”，“Vajra Dhara”嘅意，誒，嘅意譯嚟嘅，咁吖中文好多種譯法啦，“伐折羅陀羅”啦，或者叫其實都係呢個音嚟嘅啫，唔使講得太多了呢度咁，“vajra”嘅梵語呢，就係“跋折羅”。“跋折羅”或者“vajra”就係金剛杵，咁我哋通常好多咒都有“vajra”，係“金剛”或者“金剛杵”嘅意思，“木”字邊做個“午”字，“午間”個“午”字，係個“杵”字，咁有啲人讀嗰“金剛午”，咁吖讀錯了喎，呢個“杵”字嚟㗎，“金剛杵”吓。“vajra”譯做“金剛杵”“金剛智杵”或者“堅慧杵”，堅固智慧嘅杵。金剛杵，其實講番啦，係印度一種武器嚟嘅，喺密宗裏便呢，而家係作爲一種法物嘞，法具。意思，佢嘅表徵，最重要嘅表徵，我哋唔好執住佢表面嘅相吓，呢個金剛杵嘅意思係咩呢？佢表徵係智慧力嘅標誌嚟㗎，如來智慧力嘅標誌，代表個智慧。而“dhara”嘅咩意思呢？“dhara”，“dhara”就係執持。所以呢“Vajra Dhara”，梵文譯做持，譯番我哋漢文，中文呢，“持金剛”咁解，亦都譯做“執金剛”，係執持如來智印嘅金剛杵嘅聖者嘅意思，就叫“持金剛”。“持金剛”係密宗，誒，主要嘅一類護法嚟嘅，有啲已經係解脫咗生死，證得咗佛嘅果位，有啲只係屬於，誒，天部嘅護法嚟嘅啫，仲未解脫生死，但係佢哋都有大悲心，爲咗護持佛法，誒，而現出呢個持金剛嘅相。呢個“持金剛”呢，就係表現咗佛陀吖，如來吔，“慈”嘅一面，慈者予樂，悲者拔苦，“慈”嘅意思係給予一切衆生快樂啦，表現如來“慈”嘅一面，啫菩薩，同菩薩本身嘅“慈”係相對應，亦都表現如來“悲”嘅一面，表現如來“悲”嘅一面就係拔苦啦，拔苦就係能夠懾伏、摧破一切煩惱，佢拔苦個方法就唔同菩薩用大悲，以呢個大悲心去應驗，用其他方法，呢持金剛可能佢用憤怒相去出現去摧破一切衆生嘅煩惱吖，去揸呢個金剛杵。降魔個意思，我哋唔好一講到“魔”，喺佛經裏面所講嘅“魔”吓，一講到“魔”，我哋就已經好怕，成日個心第一個印象諗住外來嘅妖魔鬼怪、外來嘅魔，唔係呢個意思。佛教最重要係講心性，係我哋個心魔最重要。喺佛經，引證佛經，釋迦如來講到好清楚，煩惱魔、死魔、五蘊魔、天魔，外來個魔只係天魔，四魔裏便嘅其中一種，天魔啫，但係如果我哋嘅心係唔著魔，我哋嘅五蘊魔，色受想行識，我哋嘅五蘊唔能夠……（註：此處錄音中斷）五陰十魔嘅境界，呢一啲境界呢，就係真真正正我哋要怕嘅“魔”，外魔反而唔使怕，用……（註：接下文）

188.金胎血脈相承（二）

（註：接上文）……都可以幫助我哋降伏，所以最重要係我哋嘅內心嘅魔，我哋嘅煩惱魔，我哋五根本煩惱——貪、瞋、痴、慢、疑吔，咁呢個“瞋”吖，當然包括“恚”啦，兩個“土”字做個“心”，即是係自己𤷪𤺧自己啦，發脾氣，唔係一定係嬲人，係瞋恨，有呢個瞋恨嘅心啦，呢個煩惱係仲加厲害過外魔吓，所以我哋如果我哋心魔唔著魔，又點會招引到外魔嘅騷擾呢？外內相合，咁先能夠毀到我哋修行嘅慧命，毀咗我哋菩提道，所以首先我哋調伏咗我哋嘅心，自然不動呢，就唔怕外魔騷擾，呢一點係非常之重要。所以一講到金剛去降魔呢個問題，就唔係一定係外在。當然啦，執金剛或者持金剛佢所降嘅魔，揸住枝金剛杵嘅表徵係摧伏煩惱，煩惱就係我哋內在嘅煩惱魔，亦都有外在嘅功能，就係降伏外來四魔裏便嘅天魔，喺欲界他化自在天嘅天魔，或者色界摩醯首羅天更高嘅天魔，吓，有降伏呢種魔嘅力量。咁呢個持金剛嘅意思。大日如來呢，喺呢個金剛法界宮殿，咁所有嘅持金剛同無數個菩薩，同埋呢，衆多嘅天神吖、神仙吖，都喺呢個，誒，金剛法界宮吖，裏便呢，集會吔，金剛法界宮。

“如來信解遊戲神變，生大樓閣寶王，高無中邊，諸大妙寶王，種種間飾，菩薩之身爲師子座。”

呢段嘅意思就係話呢，大日如來用佢超越時空嘅神通嘅力量，佢化現出一幢呢，係，嗱，“一幢”，我所講嘅“幢”嘅意思唔係一張床喎，“巾”字做個“兒童”個“童”，呢個讀“幢”（註：音同“床”）吖，幢幡寶蓋。咁如果一幢樓，你可以讀個“棟”都得，一“棟”兩“棟”，但係，佛教裏便呢個讀“床”，幢幡同寶蓋。化現一幢好珍希嘅大樓閣，非常之高吖，其高沒有“上”可以叫做話，高到睇唔到個頂；其大沒有“邊”吖，大到無窮無盡吖。咁呢個大樓閣裏便，種種珍寶呢，就當然莊嚴去間飾啦，非常光彩耀眼、金碧輝煌，咁喺啲法香嘅香煙繚繞之中呢，又有寶鐸和鳴啦（啫寶鈴吖，搖啲寶鈴、金剛鈴吖），幡蓋高揚啦，妙樂悠悠啦，當然奏起天樂吖，好多寶鈴，種種莊嚴喺呢個樓閣之中。

咁大日如來就安然端坐喺以佢菩薩嘅身化現喺師子座之上。因爲大日如來當時說法係端坐，用呢個菩薩身去化現，因爲同菩薩說法吖嘛，佢化現呢個對菩薩嘅相啦，當然。咁所有嘅人喺呢個樓閣之中，大日如來坐喺中間，集會嘅人呢，重重、重重環繞吖，嗰個境界，環繞住大日如來，重重疊疊，啫好似我哋聽法會，一層一層、一層一層咁排下、排下排，一疊一疊咁，數量如恆河沙。佢排嘅唔係打橫排喎，係經同緯排，打橫同打直，係纖密去排，打橫同打直，向上一層層，我哋唔好淨係諗平面，空間係無窮無盡向宇宙，向上亦都重疊，一層一層一層一層，啫猶如釋迦佛響《大般若涅槃經》裏便記載啲天人吖，去涅槃嗰陣時，側塞到整個空間，簡直冇空位，一層一層向上排，吓，數如恆河沙咁多啦，佢嘅量呢，亦都廣如吔，佛剎微塵吖，頭先經文所講。而近佛侍坐者，啫係近住佛吖，所坐喺佛陀側邊呢，就係金剛手秘密主爲首嘅上首執金剛。咁呢啲金剛手菩薩，或者呢個上首執金剛呢，頭先我又講過，有兩種啦，如果係重要嘅執金剛，所謂“重要”就係“外現凡夫相吖，內秘菩薩行”。咩“內秘菩薩行”？佢已經證得菩薩或者佛嘅果位，只可以現一個凡夫相，凡夫相就執金剛嘅相，有啲執金剛係解脫生死，解脫咗生死證得菩薩果位，有啲就未解脫生死呢，所以仍然係凡夫啦，所以亦都叫做凡夫相咁解。

咁如果根據佛陀所講嘅義理，嚴格啲去講，除咗佛之外所有都係衆生。菩薩，十地菩薩都係衆生，因爲佢未成佛，佢只不過一個大悲嘅衆生，佢以一個大悲心去度化所有嘅有情，當然比我哋呢啲咁普通嘅凡夫，誒，具有生死根本煩惱嘅凡夫，當然我哋係微不足道，更加凡夫之中嘅凡夫，更加固然就係衆生啦，但係如果嚴格嚟講，菩薩係佛嘅眼中都係衆生，所以“菩薩”以前呢，有個舊譯法叫“大度心衆生”或者“大度心有情”，“Maha Bohdhisattva”，大度心嘅衆生，具有大度心嘅衆生。

咁大日如來呢，坐喺中間，菩薩身化現，一層層嘅菩薩吖、執金，金，執金剛係坐喺度，金剛手秘密主呢，就係上首嘅菩薩，同埋上首嘅執金剛就近住大日如來最近嘅位置，同埋以普賢菩薩爲首嘅上首嘅大菩薩亦都喺度，吓，有普賢菩薩。咁金剛手菩薩講到或者執金剛呢，亦都叫做“金剛薩埵”。咁響密宗藏密裏便通常叫做“金剛薩埵”，咁響東密裏便呢，即是話係日本嗰方面嘅密宗呢，東密，比較多啦，就係叫做“金剛手”吖，“金剛手”。咁有一個說法，就係金剛手菩薩就係顯宗西方三聖吖，裏便嘅大勢至菩薩嘅化身。

因爲佛菩薩裏便，響佛教學裏呢，分開有寂靜身同埋忿怒身嘅，最簡單嘅分法，當然亦都可以分做教令輪身啦，同埋自性輪身啦。咁我哋唔講呢個教令輪身同自性輪身啦，如果講係呢個化身顯宗裏便講寂靜身就係大勢至菩薩，而忿怒身呢，就係金剛手菩薩啦，有呢個說法嘅，有呢個說法。當然另外仲有一種講法就係大忿怒身比忿怒身更厲害，我哋見到金剛手菩薩呢，都係一個菩薩身相揸住金剛，如果大家見到法相，如果更大嘅忿怒身呢，就係金剛手菩薩或者化現做呢個普巴金剛吖，更加忿怒嘅，響密宗裏便叫做“大忿怒身”，極度忿怒，係降伏啲大魔所現嘅恐怖相吖，大忿怒身。

咁經文裏便佢再講嘞，同大日如來呢便出場嘅金剛，數一數，嘩，好緊要，嗰啲金剛嚟講呢，都係證得佛，或者已經係內證吖，高，誒，好高嘅菩薩秘密果位。“其金剛名曰”，金剛個名有咩金剛呢？嗱，我哋讀呢啲金剛嘅名呢，其實都保護我哋個喎，有無窮無盡嘅功德，所以唸一次亦都非常之好嘅。“虛空無垢執金剛、虛空遊步執金剛、虛空生執金剛、被雜色衣執金剛……”嗱，佢經文所，所寫如果“被”字吔，應該意思就係“披”啦，披住吔，雜色衣吔，執金剛。“善行步執金剛、住一切法平等執金剛、哀憫無量衆生界執金剛、那羅延力執金剛、大那羅延力執金剛、妙執金剛、勝迅執金剛、無垢執金剛、刃迅執金剛、如來甲執金剛、如來句生執金剛、住無戲論執金剛、如來十力生執金剛、無垢眼執金剛。金剛手秘密主，如是上首，十佛剎微塵數等持金剛衆俱，及普賢菩薩，慈氏菩薩，妙吉祥菩薩，除一切蓋障菩薩等諸大菩薩，前後圍繞而演說法，所謂越三時如來之日加持故，身語意平等句法門”嘞，嗱，呢段就係經文，咁吖意思就係咩呢？

大日如來話，嚟參加呢個法會裏便有好多好多嘅大金剛菩薩啦，上首執金剛，咁啲金剛名呢，唔再重複讀，啫頭先嗰啲金剛啦。但係上首菩薩，誒，嗰啲金剛我哋都有時都覺得好陌生個名稱。嗱，講開陌生嚟講，點解有啲有時我哋聽到佛菩薩吖、金剛，特別金剛，我哋少聽過，覺得陌生，其實陌生嘅意思，喺我哋呢個世界佢少出現，我哋覺得陌生，或者我哋衆生嘅緣份吖，同呢啲金剛係比較唔係咁深，冇同某一類嘅本尊，密宗裏便講本尊啦，以我哋修持嗰個法爲本，我哋所尊敬就謂之“本尊”。我哋同某一類衆生係同某一個本尊係有緣份，所以我哋聽落去少聽嘅唔代表我哋係冇緣，可能個緣淺，或者我哋前生同佢有深緣，今生入胎之謎之後，我哋冇咗記憶，我哋唔知道，或者我哋前生同佢有深緣，但係我哋一般聽……我哋可以舉例嘞，呢一個《大日經住心品》裏便講到好清楚，有上首嘅菩薩，咁我哋，呢啲金剛，同啲菩薩去比較，我哋一聽到菩薩，因爲我哋認識覺得熟，所以覺得係同佢有緣嘞，有啲咁嘅感覺。咁上首菩薩，有普賢菩薩啦，釋迦佛嘅左右脅士啦，普賢啦，慈氏菩薩，“慈氏”就係彌勒菩薩吖意思，“Maitreya”，慈氏嘞。妙吉祥菩薩，妙吉祥菩薩，“Manjusri”，啫係文殊啦。除一切蓋障菩薩等諸大菩薩，除一切蓋障好出名，除蓋障菩薩，其實除蓋障菩薩都係非常之重要，響我哋修行，無論顯密，佢令到我哋除開、除去一切“蓋”，就覆蓋我哋嘅種種煩惱，“障”，就障蔽我哋嘅種種嘅所知嘅迷惑嘅見解，佢幫我哋除去晒，所以我哋多啲唸呢個除蓋障菩薩個名號，對我哋真係好大助益。我自己做晚課嘅時候，我都會有唸除蓋障菩薩嘅名號，因爲我深感除蓋障菩薩呢個佛號係好偉大嘅力量，真係可以係冥冥中加庇令到我哋消除咗好多習氣。啫係用番頭先嘅話講，係專科嘅醫生啦除一切蓋障，標明咗呢個菩薩嘅意思就係除我哋一切嘅障蔽吔，吓。

有呢啲種種嘅大菩薩在會吔，所以呢個會都係好大、好重要。咁所有呢啲菩薩在會嘅聖者都靜靜咁坐喺呢度，翹首仰望住大日如來啦，佢哋諗超越過去現在未來三時嘅佛日，呢嗰係好，啫神聖嘅時間吖，佢哋親耳呢，去聽大日世尊所宣講嘅點樣安住我哋身語意平等嘅法門。嘩，呢個法門好大嘅盛會，如果我哋能夠親，親逢其時就非常之好，但係唔緊要，我哋去唔到呢個大日如來金剛法界宮，色界裏便去聽呢個大日如來當時所講緊，講緊嘅經，唔緊要，而家我哋去研究《大日經》，有機會等於親逢其會、恭逢其盛一樣，咳，咳咳，係冇分別嘅其實。

咁講到呢度我諗起智者大師曾經講過，佢當年修法華，誒，修《法華經》證得法華三昧，喺法華三昧裏便，佢曾經親自返過去佛陀時代嘅靈鷲山——耆闍崛山，佛陀成日喺耆闍崛山，啫靈鷲嶺靈鷲峰裏便，好多同弟子說法，咁《法華經》，《妙法蓮華經》就係喺耆闍崛山講啦。智者大師曾經講過話，一句，好清楚：“靈山一會，儼然都未散吖。”佢話喺靈鷲山裏便，釋迦佛仲喺度說法，呢個法會仲未散，點解佢會咁講呢？

因爲如果用科學嘅觀點，我哋去面對呢個問題，宇宙何來有時空性呢？而家我哋研究，同大家研究緊呢本經係日頭嚟嘅，係日頭，咁我哋日頭南半球就日頭，北半球就係夜晚，時空就有種相對，等於道教所講原理，太極嘅陰陽啦，咁但係喺宇宙，我哋跳出咗呢個宇宙，何來有時空吖？冇時間，亦都冇空間，空間就係方位啦，空間就係方位。由呢個方位畫一點響宇宙裏便，去到宇宙另外一個盡頭，我哋以爲盡頭，其實你返番去原點上便㗎咋，返番去原來嗰一點嚟，返番原來呢一點上便，宇宙係冇時間同空間性，所以愛因斯坦喺相對論裏便根本一早已經就係講咗呢個問題，佢發現咗呢個問題吖嘛，所以佢能夠將牛，牛頓嘅定律已經係修正咗，就喺呢一度。

咁所以智者大師講到呢個問題，我覺得用現代而家科學嘅觀點去睇，好合乎科學性，釋迦佛嘅法會邊度有散？如果我哋有修行禪定內證嘅力量，我哋隨時釋迦佛歡迎你返番去靈山裏便聽佢講《法華經》，聽佢講一切經典。宇宙係冇時空性，猶如拍底咗一餅錄影帶，我哋而家現代所講嘅錄影機，中意幾時就擺我哋中意睇錄影帶入去，或者所謂VCD、光碟去睇我哋中意所睇嘅經。咁猶如現，而家見到，誒，澳門電台啦，佛教宣明會，請淨空法師吓，錄咗錄音帶，配咗廣東話嘅音，喺澳門電台裏便講，係非常之好嘅一件事，能夠傳揚呢個佛法，好多衆生喺電視台能夠聽到，佢嘅遍及嘅遍覆面係好大好大。其實亦都令我哋想到一點，現代嘅科技可以幫到我哋學佛好多，咁淨空法師喺電台裏、電視機裏便講，猶如大日如來咪一樣？佢嘅光明吖，咪能夠遍照到好多好多嘅地方？有人開電視機就受到呢個佛法嘅福蔭，所以功德係非常之大嘅，喺呢一點裏便去睇呢個問題。 

咁所以我哋講到話，宇宙係冇時空性，靈山一會，根本就係未散嘅，如果我哋有能力，我哋都可以聽經，返去，當然有一定好深嘅證量先能夠做到呢一樣嘢。但係如果我哋唔得的話，我哋喺文字般若亦都可以深解其意，就係我哋多啲去研究呢個經典。而家我哋去聽《大日經》，睇番釋迦佛大日如來嘅言教，猶如佛陀面對教授我哋一樣，其實都係冇分別嘅啫。

咁所以，好多執金剛吖、普賢菩薩吖、文殊吔、普賢、彌勒、除蓋障等等諸大菩薩講唔盡啦，猶如《華嚴經》，《大方廣佛華嚴經》一開始所講嘅《世主妙嚴品》，嘩，《世主妙嚴品》非常之偉大，嘅出場序吔，嘅出場序吔，都成本經書吔講咗，吓。《華嚴經》宣化上人講，訂裝成現代嘅版本二十三冊，咁淨係《世主妙嚴品》都佔吖去一冊至兩冊，佢所出場嘅序吔，嘅天神吖、虛空神吖、江海神吖、菩薩吖、佛吖，呢啲出場，出場嘅序，種種種種嘅天神，所以呢本經其實等於《世主妙嚴品》一樣，一樣。佢話“等諸大菩薩”，呢個“等”字就好厲害啦，好多好多好多，唔能夠用說話講到，如果要講，淨係講個出場序，佛陀有排講，但係重要就唔喺呢度，所以佛陀用個“等”字去代表佢種種嘅佛、種種嘅菩薩、種種嘅金剛。呢度只出，只係舉出上首。“上首”嘅意思呢，就係每一本經裏便都有上首嘅菩薩，即是當機嘅菩薩。有好多經典，文殊菩薩都係當機吔，以文殊菩薩發問種種嘅問題，佛陀就解答嘞，呢啲就叫“上首菩薩”。係菩，上首嘅意思呢，除咗係佢嘅果位、佢嘅證量高之外，可以咁解釋，亦都係每一本經當機嘅菩薩，謂之上首嘅菩薩，吓，最上排首之中，或者以佢爲代表咁解啦，就係上首嘅菩薩咁嘅意思。

咁頭先有一樣嘢講漏咗，補充下講番啦。金剛薩埵啫所講，頭先講到金剛手菩薩啦，或者我哋顯宗所講話係大勢至菩薩嘅變化身啦，好重要，講漏咗係咩呢？一點就係所有由大日如來嘅密法啦，都係由金剛手菩薩親自傳承，大日如來咧，曾經咐囑金剛手菩薩要護持密藏吖，響，特別響末法時期令到密藏唔散失，同埋護持修持密法嘅人。咁響《大佛頂首楞嚴經》裏便，金剛手菩薩亦都有出現，都係執金剛嘅上首，亦都係去保護受持楞嚴咒嘅人，吓，所以啲金剛手菩薩或者金剛聖衆嚟講吖，係佛門裏便真係好大嘅護法嚟，佢護持好多修行人。所以呢度仲要我提一點，就係金剛薩埵響西藏密宗所稱，或者東密所講嘅金剛手菩薩，其實都係一樣，無異無別，名稱唔同，佢都係大日如來心光賦予佢嘅，即是將佢心要嘅傳承，所有嘅秘法、法藏結集去傳咗俾佢，由佢去護持，由佢去再教授衆生，佢係阿頭嚟㗎，呢一點係好重要。

咁頭先經文佢講到，所謂有一句呢，要解一解，可能大家唔明白“身語意平等句法門”，即是話“除蓋障菩薩等等諸大菩薩”呢一段呢，前後圍繞說法，“所謂越三時如來之日吖加持故，身語意平等句法門”，乜嘢叫身語意平，身語意平等句法門呢？意思就係話呢，《大日經》所講嘅教法，身語意係平等，意思係話佛陀如來種種嘅三業，身語意都已經達到咗第一個實際同埋極妙嘅境界，身體、語言同埋意念，三業都係平等嘅，身語意都係平等嘅。“句”係咩意思呢？“句”呢個字呢，有“止住”同埋“住處”嘅意思，“平等句”呢，就係達到咗三業平等，三密相應嘅“止住”同埋“住處”，啫地方啦，達到咗呢個境界嘅意思吔，所以就叫“身語意平等句法門”喺呢一度，吓，可能古文呢度係要解一解。

喺密宗如果認爲修行嘅人呢，身體結密印，能夠平等去結密印，語，喺語嘅方面語業，唔去造業，能夠平等去持真言，意念平等去作微妙嘅觀想呢，如果咁樣修習，用呢個途徑就可以得到加持同埋受用，成就加持受用身，亦都成就我哋平等嘅智慧身，慢慢慢慢就會相應成佛，呢一點好重要，所以身語意平等句法門，三密加持而令到三密相應。

起碼我哋簡單嚟講一講，我哋嘅口唔去造業，我哋守住，誒，十善啦，不妄語、不綺語、不兩舌、不惡口，唔去造業，我哋專心去持誦真言，邊一個真言都好，同我哋有緣就得嘞。嗰個時間呢，喺嗰個時刻，語吔，我哋嘅語言上唔去造業，其實已經係善業，唔講人嘅壞話，唔挑撥離間是非，喺我哋日常生活裏便。咁亦都當我哋持誦真言，更加受到你嘅本尊，啫持呢個真言嘅尊啦，吓，加持啦，佛或者菩薩啦，或者金剛聖衆去加持你。身體你已經亦都唔去造業，停止咗身業，結出本尊嘅手印，意念亦都作出本尊嘅觀想，我哋喺頭先所講月輪佈字觀啦，響身體將啲梵字佈喺身體裏便，當然有一定嘅方法，要由師父傳授啦，自己唔可以立亂去學啦。

咁“如是者三”，我哋係身語意三業，吓。“業”就行爲吔，梵語“karma”。嗱，講到嗰個“業”嚟講，有啲人呢，我哋中國有個“孽障”個“孽”嘅，草花頭嗰個吖，“孽障”的“孽”，我哋話：“唉，真係冤孽啦，惡孽。”“冤孽”同埋“惡孽”可能會用草花頭“孽障”嗰個“孽”，但係佛教講呢個“業”嚟講呢，唔同我哋中文草花頭個“冤孽”嘅“孽”，嗰個“冤孽”嚟講係有個貶嘅意思，有個反嘅意思，係唔好嘅，係負性嘅方向嘅意思。但係佛教裏便所講嘅“業”，係“事業”個“業”，啫“職業”個“業”，呢個“業”，“karma”，“karma”，梵語“行爲”咁解，唔係淨係貶，誒，消極嘅意思，亦都有積極嘅意思，就係善個方面，所以呢個“業”係包括善惡，亦都係不善不惡，中性嘅行爲，吓，呢種種，呢三種嘅性質都係有，所以唔好誤會嗰個“業”嘅意思，要分清楚吖，喺中國字裏便。佛經裏便嗰個“業”嚟講呢，就係善、惡，或者不善不惡嘅行爲，唔係，係嘅總，總括嘅意思，唔係淨係消極，草花頭嗰個“孽”嘅意思，所以唔好誤會，冤孽吖業障，所以我哋讀佛經呢度係要搞清楚。咁，誒，就身語意，吓，身語意平等句呢個法門，啫身語意三業，我哋凡夫嘅三業，將佢轉成佛菩薩嘅三密，就可即身成佛嘞，吓，手結印啦，口唸真言啦，意呢，去作觀想，呢個就係簡單密宗嘅修持嘅簡單嘅通途嘅方法，一般嘅方法，通途嘅方法。

以下我哋再讀經文：“時彼菩薩，普賢爲上首；諸執金剛，祕密主爲上首。毘盧遮那如來加持故，奮迅示現身無盡莊嚴藏，如是奮迅示現語意平等無盡莊嚴藏，非從毘盧遮那佛身或語或意生，一切處起滅邊際不可得。”吓，呢段嘅意思係咩呢？“時”就係“嗰個時候”啦，喺嗰個時候意思就係話呢，好簡單嘅啫，就係金剛手菩薩爲首嘅其他嘅揸住金剛杵嘅大金剛啦、執大金剛啦、執金剛啦，以普賢菩薩爲首嘅其他大菩薩同埋所有大會嘅會衆啦，都因爲受到吖，如來神力嘅加持呢，眼前忽然呢，映現出佛吖，以神通化現嘅種種境界。當大衆見到呢神奇莫測嘅世界呢啲境界呢，目睹從來未有嘅盛事，聽見呢，佛陀嘅美妙嘅語言，好深廣嘅義理，佢哋聽到嘅大衆呢，面部都露出好歡悅嘅顏色，吓。亦都聽到係非常之開心，絕妙之音聽到，猶如置身其中，亦都仿如呢，自己同呢個境界融合嘞，唔知道呢個境界，此情此景係來自何處，或者來，起自他方，因爲佢起滅邊際吔，而不可知。吓，呢一段嘅經文呢，嘅意思就係咁。

有時啲古文呢，因爲所謂言簡意賅，好簡單幾個字已經表示到，唔同我哋而家白話文啦，比較長少少，累贅，所以啲就要講一講吖。即是話呢，總括呢段嘅意思就係，啲菩薩吖，同埋執金剛呢，受到如來加持嘅境界呢，佢哋呢，就有個思想意念啦，唔知點解，要去了解大日如來呢啲加持或者佛嘅加持係身生呢？語生定意生？因爲佢個加持力係起滅無邊吖，不可測，呢個就係如來，表示如來好高深嘅境界啦，咁解啦。

經文嘞：“而毘盧遮那一切身業、一切語業、一切意業，一切處吔、一切時，於有情界宣說真言道句法。又現執金剛、普賢、蓮華手菩薩等像貌，普於十方宣說真言道清淨句法。所謂初發心乃至十地次第此生滿足，緣業生增長有情類業壽種除，復有芽種生起。”

吖，係，我諗起呢，唔講呢段住，就，頭先未講到，讀過經文吖，嗱，“奮迅示現身無盡莊嚴藏，如是奮迅示現語意平等無盡莊嚴藏”，嗱，呢個“藏”字，呢度又要講一講吖，去更正一下。“藏”吖，嗱，我哋佛經裏便有時我哋讀“藏”（註：同“床”字音），有時讀“藏”（註：同“狀”字音）。響“地藏（狀）菩薩”，我哋點解唔讀“地藏（床）菩薩”呢？“地藏（床）菩薩”就嗰個菩薩匿埋喺地下了喎，藏喺地。咁地藏菩薩，有啲人話佢喺地獄，地獄係咪一定喺地下？當然唔係啦，用我哋有限嘅空間觀念，諗地獄唔好個衰嘢，梗係下面㗎喇，吓，所以話謂之“地獄”，咁嘅地藏（床）菩薩就啱喎。但係地藏菩薩佢唔喺地，地藏（狀）菩薩，點解“地藏（狀）菩薩”？“藏（狀）”就寶藏，地藏菩薩猶如個大寶藏，施與衆生一樣。吓，“靜慮深密如秘藏（狀）”吖嘛，佛經裏便講吖，秘密嘅寶藏，佢靜慮深密嘅境界好似秘密嘅寶藏一樣，所以唔讀“地藏（床）菩薩”，所以要睇邊一度讀咩音，讀唔同個音有唔同個解釋。

又例如，大方廣佛，誒，《華嚴經》，吓，講到呢“華嚴”，呢個離咗題㗎喇。其實“華嚴”，以前個“花”同個“華”字係相通㗎嘛，“花”同“華”。咁好多好多，誒，佛教人讀《華（話）嚴經》，咁就其實唔啱嘅個意思，“華（話）嚴”，點“華（話）嚴”吖？“華（話）”就係“榮華富貴”個“華”，“華美”個“華”，喺佛經裏便呢個就係“花”，要讀“花”，係“花”嘅意思，以千花去莊嚴萬行，就係《華（花）嚴經》，唔可以讀“華（話）嚴”，“華（話）嚴”係錯。

咁有啲人話你執著字音啫，點解一定要矯正？咁如果唔需要矯正啲字音，咁啲佛經唸錯晒，咁繼續一代一代傳落去，以後就會錯落去㗎喇，所以每一個字，當我哋唸經嘅時候，都希望儘量去了解同考證，嗰個字吔究竟嘅讀法，個音係點？音唔同，義就會唔同嘞。

其實嗰個“花“字，啫個“華”，如果“華”字寫法，現代我哋變咗個“花”同個“華”字，係兩個字唔同㗎喇，我哋係草花頭“一朵花”個“花”啦，就已經係知係花啦，但古代個“華”同個“花”係相通，冇“花”嘅時用個“華”去代表。三個讀法嘅——華美啦，就華麗啦，就用“華（話）”；《華（花）嚴經》啦，就現代嘅“花”嘅意思吔，一朵花，花嘅意思；另外姓“華”個喎，有姓“華”嘅，“華國鋒”咪“華”（話）囉？有個以呢個“華（話）”字去做姓，或者“中華（話）”啦，吓。咁所以個讀音呢度係，係好緊要吖，吓，呢個係離題啦，但呢個係讀音嘅問題。

所以“藏”，有時讀“藏”（床）。虛空藏（狀）菩薩，虛空嘅寶藏，猶如虛空無窮無盡嘅寶藏。“法界藏（床）身阿彌陀佛”，就唔係“法界藏（狀）身”吖，呢度要讀“藏”（床）。因爲阿彌陀佛係喺呢個宇宙無窮無盡、百千萬億嘅世界，每一個世界其實都有佢嘅分身，點唯獨佢淨係極樂國？極樂國就係佢嘅化土，所以叫做“法界藏（床）身阿彌陀佛”。每一個法裏便有個界，每一個界別，“界”就係空間方所，每個空間都有佢嘅身體喺裏便，所以係“藏（床）身”，唔係“藏（狀）身”吖，嗱，呢度要讀“藏”（狀）嘞，吓。

咁“阿彌陀佛”，又講番呢個，呢個佛號啦，都有好多好多研究，爭論都好耐。“阿（o）彌陀佛”定係“阿（a）彌陀佛”呢，嗱，呢樣嘢爭論咗好耐，又係個讀音嘅問題，其實你唸“阿（o）彌陀佛”同“阿（a）彌陀佛”，功德都一樣，係我哋個心只要我哋唸嗰陣時個真誠心，係發自個真誠心發露出嚟去唸呢個佛號嚟講，我哋嘅意念波已經係同嗰個佛溝通咗相應。因爲佢係宇宙之間嘅大覺者，吖，大覺者，所以佢會知道我哋嘅意念，我哋心之所念。《金剛經》已經講過啦，衆生啫，嘅心中所念，如來都好非常之清楚，咁所以就係話，無論你讀“阿（o）”同“阿（a）”都係冇錯。

但係如果你據佛學嘅佛理去考證嚟講呢，真正嘅讀音應該要讀“阿（a）”嘅，係先啱嘅，因爲佢梵語係“amita”，“amita”就係“a”，“a”嘅音。“阿（a）”就“無”咁嘅意思。係“阿”字喺，如果講番密宗係非常重要，意思就“本不生”，亦都係“本不滅”吖，不生自然就不滅，所以“阿”字，喺密宗裏便係修行一種觀想，稱爲阿字觀，呢一種都係好重要嘅修行嘅方法。所以根據學理嚟講，你去讀“阿（a）”先係啱，“阿（o）”就係錯嘅，但係如果喺唸誦嘅方面嚟講，喺修持方面，我覺得唔需要去執著“阿（a）”同“阿（o）”，因爲你係唸誦呢個佛陀，你個心係向個佛，心中有佛去觀佛，自然佛陀就會加持你，何必要執著唸“阿（o）”同“阿（a）”呢？吓，呢個係我認爲嘅觀點，但可能係唔啱，我希望喺呢度提出，講到呢度俾各位去參考。

有學理上，佛學同學佛，大家觀點上嘅睇法係唔相同，但係我認爲如果係專心去唸咗個佛，因爲宇宙間嘅覺者，佢已經係全知，吓，當然佢唔係全能，係萬能，但係你唸誦呢個佛號嘅時候自然就能夠同佢相應，因爲佢已經知道，你唸錯呢個小小音亦都唔關係，唔係一個屬於嗰個好長嘅真言，或者天部嘅咒語吔，天部嘅咒語就唔同嘞，或者天部，誒，嗰啲衆生嘅護法嘅，嘅名號，你唸錯咗可能佢會唔知，因爲佢宇宙唔係一個全知者嚟㗎嘛，唔係全覺者，佢都係有漏嘅生死凡夫，所以對於呢個咒語讀音呢，就須要考究。你睇下係邊一類嘅咒語呢，如果係頭先講到話，佛嘅名號，菩薩嘅名……（註：此處錄音中斷）

189.滅罪真言重出世（一）

淨除一切惡道——《佛頂尊勝陀羅尼經》

首先講下佛頂尊勝陀羅尼嘅緣起同埋殊勝嘅功德。佛頂尊勝陀羅尼嘅緣起係由於善住天子將於命終之後連續七世受畜生身，七生報盡之後呢，就會墮入地獄受大苦報，地獄苦報滿咗之後，得番人身，但係都生於貧賤嘅家庭，而且雙目失明添。帝釋天由於憐憫善住天子過去嘅業因，所以就去到釋迦牟尼佛嘅地方去乞求佛陀救濟嘞，佛陀就爲天子宣說佛頂尊勝陀羅尼，同埋解說呢個陀羅尼嘅持誦功德添。

根據《佛頂尊勝陀羅尼經》記載，呢個真言係八十八俱胝恆河沙數諸佛共同宣說，能夠除滅一切罪業同埋障難，亦都能夠破一切污穢惡道嘅苦報。根據《佛頂尊勝陀羅尼經》序所載，響唐朝高宗儀鳳元年，即係公元六百七十六年，罽賓國，即係現在嘅北印度克什米爾，有一位婆羅門嘅僧人佛陀波利法師，進入我哋中國個唐朝，去到五台山，響五台山嘅獅羊嶺附近，即係現在尊勝寺嘅地點，佛陀波利法師遇到一位老者。老者就對法師話：“漢地嘅衆生多造罪孽，出家人亦都好多犯戒律，只有《佛頂尊勝陀羅尼經》能夠滅除衆生嘅一切惡業。”老人家又講：“大師，你可以向西國去攞呢本經嚟，將來流傳漢土，廣利群生，拯濟幽冥，去報答佛陀嘅恩惠。法師，如果你能夠將《佛頂尊勝陀羅尼經》攞嚟中土，我就會話俾你聽你想見嘅文殊師利菩薩嘅地方嘞。”

佛陀波利法師聽完老人家呢段說話之後就非常之歡喜，自己抑制唔住心情亦都流淚，至心敬禮老人家，但係舉頭之間，已經唔見老人家嘅蹤影喎。後來，波利法師依據老人家嘅勸告，於是不辭勞苦，遠涉流沙，重新返番天竺，即係印度，將《佛頂尊勝陀羅尼經》攞嚟我哋中土。

響永淳二年（公元六百八十三年），再番入長安，同日照三藏（即係地婆訶羅法師）、杜行顗居士等等將呢本經翻譯。後來佛陀波利法師又同漢籍僧人順貞重譯呢一部經。當呢本經譯成之後呢，波利法師就將本經嘅梵本攞埋入咗五台山，後來就不知蹤影嘞。

其後，義淨法師吔、善無畏三藏、金剛智三藏、不空三藏、法天三藏等等嘅各大譯師亦都分別有譯過呢本經，但係所唔同嘅呢，就係各大譯師嘅咒語嘅長短都有相異同埋出入之處。根據武徹居士所講嘅《加句靈驗佛頂尊勝陀羅尼記》呢一篇文章記載，金剛智三藏嘅譯本呢，即係所謂《加句靈驗佛頂尊勝陀羅尼經》呢個咒文呢，文句係最圓滿具足嘅。

佛頂尊勝陀羅尼功德威力不可思議，大致可分爲：除災救難、滅罪生善、淨除業障、增福延壽、得大菩提、救拔幽冥、利益鳥獸同一切蠢動嘅含靈、增智慧、轉定業、消諸病、破地獄、淨惡道、除惡鬼、安門戶、得子嗣、和夫婦、往生極樂世界甚至係於其他嘅佛國淨土。另外，除去一切鬼神所作祟嘅疾病或者祈雨等等，甚至呢個真言一經於耳就能夠熏習我哋嘅阿賴耶識，即係第八識作爲佛嘅種子。

響中國同日本，修持呢個真言嘅行者歷來都有好多，古來應驗亦都不勝枚舉。響禪宗嘅課誦亦都時有用之。根據《佛頂尊勝陀羅尼流佈緣起》記載，響唐代宗大曆十一年，公元七百七十六年嘅二月八日，唐代宗特別頒詔天下嘅僧尼每一日都要將呢個真言諷誦二十一次，限一個月以內要令精熟，響每年嘅正月一日呈報俾皇帝知道。

響唐朝嘅末年吖、五代吔，都好興盛流行呢，將佛頂尊勝陀羅尼呢，寫於石幢之上去建立所謂真言幢或者經幢嘅，真言幢或者經幢，啫刻有經文或者陀羅尼嘅咒文啦，到現代呢，流傳嘅亦都好多。所以我哋知道呢個真言係無上法寶，世間稀有。佢神力廣庇、功德巍巍，果報實在難思難議，對當今嘅天下實在係非常有益。救濟含靈、清淨諸趣，無過於呢個真言。故此凡係正信嘅三寶弟子，有緣能夠遇到呢個崇高、無上神聖嘅法寶，我希望大家都能夠留心於聖教，以報答父母嘅恩惠同埋四重嘅恩德。

《淨除一切惡道佛頂尊勝陀羅尼經》，呢部經係阿難親自聽佛陀所講嘅。有一日，佛陀同佢常隨嘅弟子一千二百五十位大比丘、一萬二千位大菩薩僧共同住喺舍衛國嘅祇樹給孤獨園之中。響嗰個時候，三十三天嘅天子亦都響忉利天嘅善法堂之中聚會。其中有一位天子，個名字叫做善住，亦都同其他嘅天子一齊遊戲於亭臺樓閣之中，享受天上最勝嘅尊榮富貴。其他嘅天女亦都前後圍繞、歌舞作樂、歡喜嬉戲。佢哋相互愉悅，真係快樂無比。但係，不料樂極生悲，善住天子響入夜不久，忽然聽到空中有聲音話：“善住天子，你從現在開始，七日之後壽命就會盡嘞，死咗之後就會轉生響娑婆世界，而且連續七生都係畜生身添。七生之後又會墮入地獄受苦。地獄苦報滿咗先能夠轉生人道，但係都要生喺貧賤嘅家庭，喺母胎之中就冇咗雙眼，出生就係盲㗎喇。”當時善住天子聽咗之後非常恐懼，嚇得渾身毫毛直豎、憂愁萬分。於是佢立刻趕往帝釋天宮，不禁悲傷痛哭，驚慌得不知如何是好。

於是佢向帝釋天處頂禮之後，就老實對帝釋話：“我同其他天女共聚一齊喺度歌舞嬉戲，非常之快樂嘅時候，忽然聽到空中有聲音話：‘善住天子，由而家起，七日之後你嘅天命就會告終。響命終之後，你就要下生娑婆世界，連續七生都係畜生身。七生報盡又要墮入各種地獄去受大苦。地獄報滿，又轉生爲人，但係仍要生喺貧賤嘅家庭，而且生下嚟就雙眼失明。’唔知天帝您點樣使我能夠逃過呢啲苦難呢？”

帝釋聽咗善住天子嘅哭訴之後，當時亦都非常驚愕，個心諗：善住天子響惡道之中要經歷七次生死，到底轉生咩樣嘅畜生身呢？爲咗明白善住天子轉生嘅情形，於是帝釋就立刻進入禪定，仔細咁樣觀察，就知道將會陸續善住天子轉生爲豬、狗、野幹、獼猴、蟒蛇、烏鴉、鷲鳥等等嘅飛禽走獸，食各種污穢嘅食物。帝釋見到嘅善住天子將來響惡道之中七次生死嘅身相，不禁就心如刀割，就非常難過啦，但係感到無計可施。於是帝釋諗一諗，吖，佢諗到嘞，原來只有釋迦如來應正等覺先可以救到善住天子，能夠使到佢逃過墮落惡道嘅苦難。

咁響嗰個時候，帝釋就喺當日嘅初夜時分，備辦咗各種花鬘吖、塗香吖、抹香吖，同埋天妙衣莊嚴佢嘅身體，奉持供品，專程就前往誓多林去拜見佛陀嘞。帝釋到達咗佛陀嘅座前，首先五體投地，行接足嘅大禮，隨後又右繞佛陀七匝，然之後呢，廣陳供養、胡跪佛前，陳述善住天子將要墮落惡道，七次生死都係畜生身嘅種種情形，帝釋就乞求佛陀開示救苦脫難之道嘞。

響當時，如來嘅頂上立即放射出種種嘅光芒，遍照十方一切嘅世界，隨後又反射返嚟，繞佛三匝，然後進入佛口而消失。呢個時候，佛陀就微笑話俾帝釋聽：“天帝，有陀羅尼叫做如來佛頂尊勝，能夠使到一切惡道化爲清淨，能夠完全滅除一切生死苦惱，亦都能夠完全解除各種地獄、閻羅王界嘅畜生苦難，又能夠破一切地獄，使到受罪苦嘅衆生都能夠改過自新，轉向善道。天帝，呢個佛頂尊勝陀羅尼，如果有人聽到，一經耳聞，呢個人先世所做嘅一切應該墮入地獄嘅惡業都會一齊消滅，並且獲得清淨嘅身相。亦都無論轉生去邊一道都能夠清楚記憶而唔會遺忘，由一佛土到另外一個佛土，由一個天界去另外一個天界，就係遍歷三十三天，佢所生嘅地方，都係唔會忘記㗎。天帝，如果有人嘅壽命行將臨終嘅時候，只要有須臾嘅時間能夠憶念呢個陀羅尼神咒，就能夠延年益壽，而且得到身口意清淨，身無苦痛。隨住佢嘅福業，到處都得到安穩快樂，受一切如來嘅照顧。一切天神亦都時常侍從衛護，並且受到他人尊敬，惡障消滅，一切菩薩亦都會同心庇護呢個人。天帝，如果有人能夠響極爲短暫嘅時間之內虔誠讀誦呢個陀羅尼，咁呢個修行人所有一切地獄、畜生，同埋閻羅王界嘅餓鬼苦厄都會完全破除、消滅殆盡，唔會殘留一絲嘅罪報嘅。諸佛嘅清淨國土同埋其他嘅天宮，一切菩薩所安住嘅門徑都可以隨意趣入，唔會有任何嘅障礙。” 

當時帝釋聽咗以上嘅開示，就立即向佛陀祈請話：“世尊吖，唯願您嘅大慈，請爲衆生演說呢個延年益壽之道啦！”佛陀知道帝釋嘅意思，心中諗：帝釋一定係好喜歡聽我講呢個佛頂尊勝陀羅尼法嘞。於是佛陀就當即說咗佛頂尊勝陀羅尼。

Sarva durgati pari sodhana usnisa vijaya dharani：

Namo bhagavate trai lokya prati vi sistaya buddhaya bhagavate

tadyatha om visodhaya visodhaya asama sama samanta avabhasa

spharana gati gahana svabhava visuddhe abhi sincatu mam

sugata vara vacana amrta abhisekaih maha mantra padaih ahara ahara 

ayu san dharanni sodhaya sodhaya gagana visuddhe 

usnisa vijaya visuddhe sahasra rasmi sancodite 

sarva tathagata avalokani sat paramita pari purani

sarva tathagata hrdaya adhi sthana adhi sthita

maha mudre vajra kaya sam hatana visuddhe

sarva avarana bhaya durgati pari visuddhe prati nivartaya ayu suddhe

samaya adhi sthite mani mani maha mani 

tathata bhuta koti pari suddhe visphuta bodhi suddhe jaya jaya 

vijaya vijaya smara smara sarva buddha adhi sthite suddhe

vajre vajra garbhe vajram bhavatu

mama sariram sarva sattvanam ca kaya pari visuddhe

sarva gati pari suddhe sarva tathagatas ca me sam asvasa yantu

sarva tathagata sam asvasa adhi sthite

buddhya buddhya vibuddhya vibuddhya

boddhaya boddhaya viboddhaya viboddhaya

samanta pari suddhe sarva tathagata hrdaya adhi sthana adhi sthita

maha mudre svaha

（註：由於冇查到同音頻一樣嘅梵語羅馬拼音版本，所以呢度用果濱居士翻譯嘅版本，此版本同音頻版本相比少咗一句“sarva tathagata mati dasa bhumi pratisthite”。）

佛陀話俾帝釋聽：“以上所講嘅神咒叫做淨除一切惡道佛頂尊勝陀羅尼，能夠滅除一切罪障業障，能夠破除一切污穢惡道嘅苦難。天帝吔，呢個大陀羅尼神咒係八十八俱胝恆河沙數嘅無量諸佛共同宣說，亦都隨喜受持，係大日如來嘅智印所印證㗎。因爲呢個神咒能夠破除一切衆生三惡道嘅痛苦，能夠使到一切地獄、畜生、閻羅王界嘅罪苦衆生獲得解脫，就係面臨苦難，立即要墮入生死海中嘅衆生亦都能夠得到解脫。可以使到短命福薄、無人救助嘅衆生同埋樂於造作各種惡業嘅衆生都得到好大嘅利益。又因爲呢個神咒響娑婆世界住持力嘅緣故，能夠令地獄惡道嘅衆生、種種生死流轉福薄嘅衆生、唔相信有善惡業同埋偏離正道嘅衆生都能夠了知解脫嘅意義。”

佛陀於是又叮嚀天帝話：“我所講嘅神咒，現在付囑俾你，你應該將呢個神咒轉授俾善住天子，但係你自己亦應該受持、讀誦、思惟、愛樂、憶念、供養。對娑婆世界嘅衆生亦都應該廣爲宣說呢個陀羅尼印。亦都係爲咗一切諸天子嘅緣故，講呢個陀羅尼印，現在亦都付囑俾你。天帝，你應該好好受持，殷勤守護，唔可以忘失吖。天帝，如果有人聽聞呢個神咒，甚至只係一會兒嘅時間，呢個人千劫以嚟累積所造嘅惡業重障，本來應該輪轉各生死惡道，或者地獄、餓鬼啦、畜生啦、閻羅王界啦、阿修羅啦，或者夜叉羅剎啦、鬼神啦、布單那啦、羯吒布單那啦、阿波娑摩囉啦、蚊虻啦、龜狗、蟒蛇，各種飛禽同埋各種毒蛇猛獸之類，以致蠢動含靈，蟻子等等嘅身體，因爲須臾聽受呢個神咒嘅功德力，捨報之後就唔會再受惡道之身，即得轉輪諸佛國土，同一生補處嘅菩薩同生㗎喇，甚而或者託生響大姓嘅婆羅門家，或者生於王族家，或者生於其他最豪貴嘅家中。

天帝，呢個人能夠轉生好似上面所講嘅尊貴地方，都係由於有幸聽聞呢個神咒嘅因緣，先能夠獲得轉生去清淨嘅地方。天帝，乃至得到菩提道場最尊勝嘅處所，亦都係由於讚美呢個神咒功德所致。故此天帝，呢個神咒名爲吉祥，能夠使到一切惡道清淨。呢個佛頂尊勝陀羅尼就如同日藏摩尼寶珠，凝淨而冇任何嘅瑕疵，明亮猶如晴空，光艷顯耀，冇照唔到嘅地方。如果有衆生受持呢個陀羅尼神咒亦都係如此。呢個陀羅尼亦都好似閻浮檀金一樣明淨柔軟，見到嘅人都會好歡喜，一切穢惡嘅物件都唔能夠污染佢。

天帝，如果有衆生能夠受持陀羅尼亦都係如此，乘住呢個持咒嘅善淨功德，將來就會得生於善道㗎喇。天帝，呢個陀羅尼所在嘅地方，如果能夠書寫流通、受持讀誦、聽聞供養，將會使到一切惡道得到清淨，一切地獄嘅悲慘、痛苦、憂惱都會完全消滅。”

佛陀又慎重告訴天帝話：“如果係有人能夠書寫呢個陀羅尼真言，安置響高幢之上或者係安置響高山或者高樓之上，乃至安置響塔裏面，天帝吔，如果有比丘、比丘尼、優婆塞、優婆夷、族姓男女等等，遙遠見到幢上同埋高山嘅山上，或者幢影等等蔽身，或者因爲風吹幢上等等嘅塵埃落喺身上，天帝，呢啲衆生所有嘅罪孽原本應該墮入地獄、畜生、閻羅王界、餓鬼界、阿修羅等等惡道之中受各種痛苦，因爲有前便所講嘅因緣，佢哋都唔會依業受報，亦都唔會受罪垢嘅污染。天帝，一切嘅諸佛都會爲呢啲衆生授記，響阿耨多羅三藐三菩提嘅道上永遠唔會再退轉㗎喇。

天帝，只係遙見呢個陀羅尼，甚至僅僅陀羅尼嘅幢影蔽身、幢塵著體，就會有咁樣嘅功德威力，何況係用諸多嘅供養，比如花鬘啦、塗香啦、抹香啦、幢幡、寶蓋啦、衣服、瓔珞等等啦，作種種嘅供養莊嚴，同埋響交通嘅要道建造寶塔，安奉呢個陀羅尼合掌恭敬、繞塔行道、歸依禮拜，天帝吔，如果有人能夠咁樣去供養就叫做大菩薩，真係佛弟子，係法門嘅棟樑，亦都係如來嘅全身舍利塔。”

響嗰個時候，閻摩羅法王響入夜嘅時候嚟到佛陀嘅住所，首先以種種天衣、妙花同埋塗香，莊嚴去供養，接住繞住佛陀三匝，然後五體投地行接足嘅大禮，然後合掌話：“我聽見佛陀演說、讚歎、奉持呢個大力陀羅尼，所以專程前嚟修學。如果有受持讀誦呢個大力陀羅尼嘅衆生，我都會常隨守護，唔會使到佢哋墮入地獄，以佢哋能夠因爲遵循如來嘅言教，所以我就會護念嘞。”

響嗰時護世嘅四天王呢，亦都從座而起，繞佛三匝，然後恭敬祈請話：“唯願如來爲我詳說持誦呢個陀羅尼嘅方法。”

佛陀即刻就開示四大天王話：“你哋現在仔細咁聽住，我爲你宣說受持呢個陀羅尼嘅方法，亦都係爲短壽嘅衆生講。響持誦呢個陀羅尼以前呢，首先就應該齋戒沐浴，穿著新嘅潔淨衣服，然後響每個月中嘅月圓之夜持誦呢個佛頂尊勝陀羅尼一千遍。咁樣做就會使到短命嘅衆生增長壽命，永遠唔會有病苦，一切業障都會消滅，一切地獄嘅各種痛苦亦都可以獲得解脫，一切飛禽走獸同埋含靈之類，得聞呢個陀羅尼，一入耳根，盡咗佢呢個報身呢，以後就唔會再受呢啲穢惡嘅身相啦。”

佛陀又繼續開示話：“如果有人患咗嚴重嘅惡病，能夠聽到呢個陀羅尼神咒就能夠永離一切病痛，亦都消滅應該墮入惡道嘅罪業，命終之後就會轉生寂靜嘅世界。從當生以後呢，就唔會再受胎生，佢所生嘅地方都係由蓮花之中化生，無論轉生去邊一度都能夠記憶呢個陀羅尼，仲有，而且呢個人常知宿命添。

如果係有人已經做咗種種極重嘅惡業，響佢命終之後，由於惡業嘅緣故應該墮入地獄或者墮入畜生道或者餓鬼，乃至墮入無間地獄，長劫受苦，或者生於水族，或者淪爲禽獸異類嘅身體，如果有人攞亡者部分嘅身骨，用一把泥土，誦唸呢個陀羅尼二十一次，然後將泥土撒喺亡者嘅骨上，咁樣亡者就會因爲神咒嘅真言加被嘅力量，立刻就會往生去天界嘞。”

佛陀又話：“如果有人能夠每日誦唸呢個陀羅尼二十一次，就能夠消受一切世間嘅廣大供養。捨報之後呢，就可以往生去阿彌陀佛嘅極樂世界。如果能夠時常誦唸，亦都可以得到大涅槃，亦都能夠延年益壽，享受最爲殊勝嘅快樂。捨棄當生報身之後呢，就能夠往生各種微妙嘅佛國，親近諸佛。一切如來亦都爲持誦修學呢個法門嘅人演說微妙嘅法義，一切世尊會爲呢啲幢者授記，身光照耀一切國土。”

所以佛陀話：“如果要持誦呢個陀羅尼，首先就響佛前攞清淨乾淨嘅泥土，依泥土嘅大小，作一個四方形嘅壇場，以各種草花撒喺壇上便，亦都燒各種名香，右膝要著地胡跪，個心時常念佛，手結陀羅尼印，即係尊勝陀羅尼嘅手印。手印就係屈頭指，以大拇指按壓住，合掌置於胸口之前。口誦呢個陀羅尼一百零八遍之後，就響壇之中好似雲王雨花一樣，咁樣普遍供養八十八俱胝恆河沙數無量嘅諸佛。咁呢啲佛陀就會同聲讚歎話：‘善哉！稀有！真係佛子嘞。’響呢個時間，就同時得證無障礙智三昧、大菩提心莊嚴三昧。持誦呢個陀羅尼神咒嘅方法，大致就係咁樣嘞。”

佛陀又咐囑天帝話：“我呢個方便道能夠令一切應嘅墮入地獄嘅衆生獲得解脫，令一切惡道轉爲清淨，亦都能夠令持誦嘅衆生延年益壽。天帝吔，你將我呢個陀羅尼帶返去，教授善住天子啦，叫佢如法持誦，咁樣響七日之後，你同善住天子再一齊嚟見我啦。”

當時天帝就響世尊之前恭敬受持咗呢個陀羅尼法，就奉持返到去自己嘅天宮，依照佛陀個吩咐，就傳授俾善住天子嘞。善住天子敬受咗呢個陀羅尼後，就立即依法持誦。啱啱滿六日六夜呢，就能夠滿足咗一切嘅願望啦，天壽原本應該盡嘅，墮落一切惡道輾轉受種種嘅大苦，因爲持誦呢個陀羅尼嘅緣故，已經得到解脫，得到安住響菩提道，增壽無量，所以就無限嘅歡喜。（註：接下文）

190.滅罪真言重出世（二）

（註：接上文）……就遵照佛陀嘅慈命同埋善住天子以及其他天衆，奉持咗花鬘、塗香、末香、寶藏、幡蓋、天衣、瓔珞微妙嘅莊嚴，就去到佛陀個地方供養世尊，又恭敬繞世尊百千匝，然後歡喜踴躍，嚴肅咁坐喺佛陀嘅前面，聽佛陀說法嘞。

當時世尊伸出金色嘅手臂摩住善住天子嘅頭頂爲佢說法之外，又爲佢授菩提記，而且吩咐佢話：“呢一部經叫做《淨除一切惡道佛頂尊勝陀羅尼》，你應當受持吔。”咁響當時嘅大會嘅聖衆聽到佛陀所說嘅法都歡喜信受奉行。

跟住落嚟同各位講下加句靈驗佛頂尊勝陀羅尼嘅靈驗事蹟。呢一篇故事係唐朝嘅朝議大夫兼侍御史武徹居士所講嘅：

佛頂尊勝陀羅尼呢，係概括一切如來秘要嘅總持法門，佢係大日如來親自印證嘅，佢吉祥善淨，亦都有破除三惡道罪苦嘅大力神咒。響唐朝嘅儀鳳年間呢，啫西元嘅六百七十六到六百七十八年，由佛陀波利法師傳入我哋中國。響當時國內嘅各個寺院呢，持誦嘅人都好多，我自細呢，就時常持誦㗎喇。響永泰初年，西元嘅七百六十五年，自從我太太過咗身之後，我由於追求出世間嘅法，於是就更加精誠修習呢個陀羅尼啦。

當時有一位響朝中做官嘅侍御史，佢嘅名稱叫做蔣那，呢個蔣那呢，佢時常亦都持誦呢個神咒。有一日，蔣那忽然嚟我屋企探我，好高興咁話俾我聽：“我現在得到究竟道，非常難逢難遇㗎。”於是我誠敬咁問佢：“咩嘢得到究竟道呢？”哦，原來蔣那係指得到佛頂尊勝陀羅尼咒文嘅善本，於是我就叫佢唸一遍俾我聽啦。我聽咗之後就覺得佢唸誦嘅文句稍爲多咗一啲，嘅音同埋旨趣呢，亦都頗有不同，於是呢，就跟住佢唸誦嘞。蔣那又話俾我聽，佢係有一位王開士教佢唸嘅，而呢個開士呢，係金剛智三藏大師所傳授。

金剛智大師亦都曾經告訴王開士：“響印度吖，其實亦都好難見到咁完善嘅抄本，我帶住呢個梵本嚟到中土，所以呢，只係秘密去傳授。”蔣那坐咗一陣之後呢，講咗一啲奇特嘅靈驗事蹟，佢就走咗。可惜喺當時我冇呢，叫佢將佢嘅善本攞出嚟俾我睇，而家諗番起真係遺憾。蔣那不久就遭到刑法誅戮，所以因此呢，我就非常之後悔。以後每遇到有精進嘅修行人，我就呢，都向佢哋詢問佛頂尊勝陀羅尼有關呢個咒文嘅善本，我亦都時常抱住一線嘅希望。後來呢，我遇到僧人呢，際公，居然呢，佢藏有呢個咒文嘅善本喎。

響開元年中，西元七百一十三到七百四十一年之間呢，響五台山之下，有一位精修嘅王居士，因爲有事佢遠遊異鄉。但係不料出門之後，佢嘅爸爸因爲疾病而身亡，所以佢返到屋企之後見唔到爸爸就好悲痛啦，唯有至誠唸誦佛頂尊勝陀羅尼，虔誠去祈禱，希望能夠知道佢爸爸生喺咩地方同埋善惡業報等等嘅情形。但係王居士唸誦咗數十萬遍之後，見唔到任何嘅感應，於是佢就好失望，所以就停止唸誦真言而出山了。響佢出山嘅途中，王居士見到一位老翁突然對佢話：“仁者，你持誦呢個神咒，唔可以話唔精勤同埋快捷，但係可惜你誦唸呢個神咒文句有啲缺漏，所以呢，功德就唔顯著嘞。咁啦，如果你想學，我現在就傳授你真正嘅佛頂尊勝陀羅尼全首咒嘅文字啦。”

王居士聽完之後就喜出望外，於是就即刻恭敬禮拜而受老者嘅教導。後來呢一位老翁又咐囑佢：“你可以誠誦一千遍，就會有靈驗㗎喇。”果然王居士響持誦數日之後，響夜晚之間，忽然間聽到環佩簫笛嘅聲音，由空中慢慢慢慢降落到庭院。王居士就好驚異咁出門去探視啦，佢見到數十個天人原來簇擁住一位天仙，慢慢慢慢咁步向自己面前。於是天仙就問王居士話：“你認唔認識我吖？”王居士就答：“唔認識喎。”天仙就話：“你唔認識我吖？我就係你病故嘅父親吖！因爲你歷年嚟持誦佛頂尊勝陀羅尼，因爲你持咒嘅功德利益。但係響近數日以嚟呢，唔知點解，福德力忽然大增，勝過你數年累積嘅一倍，唔知咩緣故有咁樣嘅威力。我因爲你持咒嘅功德力量吖，我已經做咗天仙之王啦，就係知道持誦神咒嘅威力，果然係不可限量個喎。”講完之後，天仙就慢慢上升虛空，騰雲而去嘞。王居士知道原來天仙係佢爸爸，同佢講咗呢番說話之後就非常之歡喜啦，因爲佢已經得償所願，知道佢爸爸去咗邊一道嘞，於是就歡喜跪送天仙。從此以後，因爲呢件事，王居士就更加加倍精進去修持佛頂尊勝陀羅尼嘞。

後嚟王居士到咗東都，即係洛陽，佢知道有一位專持誦呢個神咒嘅學人王少府，亦都係首先佢誦持佛陀波利所傳嘅咒文，但係直到佢誦唸數萬遍之後呢，佢有一夜，呢個王少府又見到一個梵僧對佢話：“你持誦呢個佛頂尊勝神咒可以話係非常精誠，可惜咒文亦都有缺漏，以至功德變成咗微薄啫。”王居士於是禮拜叩賜呢個神咒嘅全文，梵僧就出示梵文嘅全本，又親口教授佢。隨後，佢就恭送梵僧出門，彷彿已經係白天。返到床前，見到僮僕仍然高臥未起。佢突然間醒嚟，哦，原來係白日，所以叫僮僕，而且喝斥佢哋：“天都光啦，點解仲唔起身呢？”僮僕就對佢講話：“現在先係半夜咋，仲未天光。”說話啱啱講完，光亮即刻消滅，果然係深夜。所以王少府對自己所見嘅情景覺得非常之驚異，佢閉目誦咒，歷歷分明，從此，佢就更加精勤去修持陀羅尼嘞。

響天寶嘅初年，西曆嘅七百四十二年，五台山嘅人又有一位叫做王居士，同埋王開士、王少府三人，同時住喺東京，但係互不相識。有一日，王少府突然間暴亡，但係屍體停咗七日之後又復活。響城中好事嘅人當然爭相走告啦，唔知係因爲咩緣故會有呢啲事情發生。五台山嘅人同埋王開士聽到呢個消息亦都不約而同去前去探訪，希望知道佢死而復活嘅經過。

後嚟據王少府嘅自述話：“響當日夜晚，啱啱就寢冇幾耐，忽然有兩個衙差嚟拘捕我，我身不由己就跟佢哋走咗數十里啦，行到一樖大樹下便，兩個差就告訴我，叫我休息，我亦都跟住佢坐喺笪草地上便。於是我就諗起佛頂尊勝陀羅尼，我就閉目虔誠唸誦。啱啱唸咗一遍，二十一遍之後，就睜開眼，不料兩個差使已經無影無蹤，唔知去向嘞。正當感到奇怪嘅時候，就見到有四個人匆匆喺樖大樹度走嚟，嚟到我面前，竟然跪住對我話：‘仁者，您係修行咁高，獲得咁大功德神力，前嚟追捕您兩個差使由於得您嘅助力，已經生天啦。’於是我話俾佢哋聽：‘只會持誦佛頂尊勝陀羅尼神咒。’於是四個人又同聲懇求話：‘請您亦都爲我哋誦呢個神咒啦！拯救我哋嘅苦難啦！’於是，我又閉目虔誠唸誦二十一次，睜開眼嘅時候，四個人已經唔見咗。”

“轉眼之間又聽到空中有戈甲嘅聲音，隨即就見到一個神人由空中而降下，佢身著住鎧甲，外面罩有紫袍，儀態威嚴，亦都好多侍從跟住佢，竟然亦都近前跪向我話：‘我其實係五道嘅司命神，地位都算尊貴，然而都係屬於神道，但係我希望能夠生喺天上。前面嘅六人呢，都係藉您嘅福德威力都已經生天，現在勞駕到我個住處，希望您嚟我地方呢，亦都爲我持誦呢個神咒，希望獲得您嘅庇蔭都能夠生天。’於是，我就隨住神人乘空去一個宅第，但係見到方圓數十里之內，都係披枷帶鎖待爲處決嘅罪犯。原來吔，呢個地方係冥府嘅審訊吖、拷問嘅地方。神人於是請我高座，自己呢，就坐喺床座之下，跪住聽我持咒。”

“當我虔誠持誦佛頂尊勝陀羅尼神咒剛剛滿四十九遍之後，睜眼環視，已經見唔到任何人嘞，只係見到斷枷爛鎖，一片凌亂。我正當奇怪嘅時候，忽然有四人匆匆前嚟粗聲咁對我話：‘大王命我速送你去出境，你擾亂咗陰界，封鎖咗文案刑卷，破壞咗陰司。’講完呢番說話之後就將我驅逐去一個山谷之中，咁響呢個時間，我就悠悠忽忽咁醒咗，竟然就還陽嘞。我諗以上嘅情況都係佛頂尊勝陀羅尼神咒不可思議嘅加庇力量。”

五台山嘅人王居士、王開士同王少府三個人，既然都係以持誦佛頂尊勝神咒爲常課，於是佢哋就各人將自己所珍藏嘅咒文原本對校文句，欸？竟然好奇怪，佢哋嘅文句完全相同，不禁互相慶賀就各有奇緣啦。王居士話：“我呢一本係五台山聖公所賜予嘅。”王少府就話：“我呢一本係梵僧所授予嘅。”王開士就話：“我呢一本係金剛智三藏親自傳授，梵文原本現在仲保存住添。”於是佢哋三個人就好開心，共同去勘校，各本嘅音旨呢，同埋字數呢，都係一樣，於是歎爲世間真正少有嘅福緣。

以金剛智三藏嘅譯本去勘校佛陀波利法師所傳嘅譯本，文句雖然大致相同，但係前本較後本就多咗九句，一共六十九個字。僧人惠琳大師呢，因爲修訂《大藏經》目錄，收入以前未入嘅藏嘅經典，一共六百幾卷，於是呢，就武徹居士所敘述陀羅尼嘅感應神驗，親自校勘，寫於序響本書後便。當時就係元和十四年，即係西元八百一十九年。

響前朝嘅蔣大夫行、通事舍人張承福同埋百濟僧人等等三個人，佢哋都各自持誦佛頂尊勝陀羅尼，都好精誠用功。雖然曾經爲冥司所追捕，但係因爲持咒不可思議嘅威神力量，都唔會受到惡道嘅各種痛苦，亦都同時超度正喺受苦嘅衆生，而且各有傳記添。惠琳法師響成都府右經藏之中獲得呢啲史料。當時係如意元年，公元六百九十三年三月二十三日。 

跟住我哋再講下一啲佛頂尊勝陀羅尼經感應事。

響開元二十六年，即係西元七百三十八年嘅冬天，神都有一位張繹嘅長史，自小就孝養父母，及至父母逝世之後，又驚父母沉淪惡道，於是佢誠心想報養育嘅大恩，時時諗點樣超薦父母呢？於是佢就發願入山專心去持誦佛頂尊勝神咒，希望能夠親見父母去轉生安樂嘅地方。佢日夜精誠持誦，早晚懇求。一共持續達六年時間，但係都冇任何嘅感應，於是佢信心開始動搖嘞，懷疑呢個神咒究竟會唔會靈驗呢？佢退心，正想停止持誦嘅時候，忽然見到一位儀容甚爲奇特嘅老翁，前嚟對佢話：“居士，唔係呢個神咒唔靈驗，亦都唔係你唔虔誠，只因爲佛陀入滅年代已經久遠，後人翻譯經咒多有錯誤，以至文句脫漏，所以得唔到相應嘅功德啫。”

老翁即時就口誦咒文，令呢個張繹長史逐字逐句抄錄一本，而且囑咐佢話：“依呢一本文句持誦，期滿七天呢，你必然會見到你嘅父母，得償心願，你會知道佢哋生於何處㗎。”張繹當時就立刻至誠拜謝，但係抬頭已經見唔到老翁嘅蹤影，不知去向嘞。難道呢個老翁係何方嘅賢聖現身指點？當佢驚愕之餘呢，就決定依老翁口傳嘅咒語，照抄本專心誦持啦。

啱啱先到第六日，果然亡父母呢，降臨，情愛亦如生前，佢哋抱頭相泣，悲喜交集。父親悽然咁告訴佢：“我自從入咗冥府，墮入大地獄之中，受盡咗各種痛苦，多年嚟得兒子你精誠誦咒功德利益，痛苦慢慢減除，但係近日就得到生天嘅快樂，現在係從天界嚟，幸得父子相見吖。”於是父子抱頭相慰一番，詳述因緣之後，一如生前。

凡係聽到呢個感應事蹟嘅人呢，有邊個唔願意留心聖教呢？徒然虛妄，縱情六慾，其實有咩好處呢？況佛陀大弟子目犍蓮救母嘅故事，經中明文記載，現在張長史又有咁樣嘅感應事蹟，後嚟又有僧人承持呢個神咒，傳得唸誦舍利，種種境界極多，難以盡舉。後來至東都，亦都有各種靈驗嘅事實，各自流傳，好多人都知道呢啲感應真實故事。

喺長慶三年，西元嘅八百二十三年嘅四月中旬，有一位響以前響朝中做官嘅奉天縣尉馬先生，當佢任滿返番去蒲阪，佢自己嘅舊屋東城石子坊嘅地方時候，佢日以繼夜去持誦佛陀波利法師嘅版本，呢個佛頂尊勝陀羅尼神咒，作爲佢日常嘅功課。佢虔誠持誦呢個咒已經十五年了，從來冇間斷或者輕慢，當佢返到蒲阪嘅時候就更爲精進。

響數月之後，有一夜，佢見到一個金甲神將進入佢嘅房中，呢個神將嘅形貌極爲奇偉，好嚴肅咁對佢話：“馬先生，你既然精誠持誦呢個佛頂尊勝神咒，點解唔到景福寺東坊去拜訪一位持念嘅僧人呢？佢有一個靈驗嘅版本，持誦嘅功德比你現在唸嘅大九倍。”

馬先生聽咗之後驚醒，汗透襟枕。第二日佢就專成去呢間寺廟去尋訪，但係連日去咗幾次先遇著呢位僧人。呢位僧人佢叫做義法師。果然義法師亦都精進持誦呢個神咒，遠近信衆都依止佢。義法師就問呢個馬先生尋訪佢嘅原因，於是馬先生就告訴法師夢中嘅情形，法師就覺得呢件事真係奇怪了。

“我有呢本咒文都冇人知㗎，但係既然馬先生你得到神人指點，我點敢吝嗇將神咒去收埋呢？”於是義法師就叫佢嘅弟子響箱裏便攞咒文出嚟，並且依咒傳授俾馬先生，隨後又將咒文交俾馬先生帶返去佢屋企。馬先生就將自己嘅版本同埋義法師嘅版本去對照，先知道自己持誦佛陀波利法師嘅版本果然有缺漏嘅文句。從此，佢就依新嘅版本去唸誦，果然靈驗比以前呢，更勝。於是佢又增傳《尊勝瑜伽》兩卷流傳於世。到呢一度，先知道聖教分明，其實持誦係有一定嘅法度，唔可依凡情任意而爲，所以我記述呢一段因緣，希望供各位同道去參考。

西域尊者往東來，卻被文殊化引開。

東土若無尊勝咒，孤魂難以脫塵埃。

梵音《佛頂尊勝陀羅尼加字具足本》：

Sarva durgati pari sodhana usnisa vijaya dharani：

Namo bhagavate trai lokya prati vi sistaya buddhaya bhagavate

tadyatha om visodhaya visodhaya asama sama samanta avabhasa

spharana gati gahana svabhava visuddhe abhi sincatu mam

sugata vara vacana amrta abhisekaih maha mantra padaih ahara ahara 

ayu san dharanni sodhaya sodhaya gagana visuddhe 

usnisa vijaya visuddhe sahasra rasmi sancodite 

sarva tathagata avalokani sat paramita pari purani

sarva tathagata hrdaya adhi sthana adhi sthita

maha mudre vajra kaya sam hatana visuddhe

sarva avarana bhaya durgati pari visuddhe prati nivartaya ayu suddhe

samaya adhi sthite mani mani maha mani 

tathata bhuta koti pari suddhe visphuta bodhi suddhe jaya jaya 

vijaya vijaya smara smara sarva buddha adhi sthite suddhe

vajre vajra garbhe vajram bhavatu

mama sariram sarva sattvanam ca kaya pari visuddhe

sarva gati pari suddhe sarva tathagatas ca me sam asvasa yantu

sarva tathagata sam asvasa adhi sthite

buddhya buddhya vibuddhya vibuddhya

boddhaya boddhaya viboddhaya viboddhaya

samanta pari suddhe sarva tathagata hrdaya adhi sthana adhi sthita

maha mudre svaha

（註：由於冇查到同音頻一樣嘅梵語羅馬拼音版本，所以呢度用果濱居士翻譯嘅版本，此版本同音頻版本相比少咗一句“sarva tathagata mati dasa bhumi pratisthite”。）

願以此功德，普及於一切。

見聞及讀誦，受持讚歎者。

宿現業消除，現前開慧眼。

正念常相繼，同生極樂國。

191.金剛怒目佛心腸 西密本尊心要（一）

時輪大法係藏傳佛教密宗修持之中主要嘅方法同埋本尊之一，時輪法具有佢獨特嘅理論見解同修持方式，響藏傳佛教密宗裏便，以覺囊派爲專修時輪法著稱於世，亦都使到好多修行人得到成就。我哋現在就嚟解釋一下時輪嘅義理。

分分秒秒組成歲月嘅時輪，無始無終轉動不息，威力無比，佢創造出五光十色嘅天地萬物，亦都將天地萬物一個個嘅內涵粉碎，唔留任何痕跡，呢個就係外時輪。響現代科學之中嘅相對論講四度空間（四度空間就係三度空間再加上時間），認爲一切嘅存在都離唔開時間嘅因素。時輪呢，就係重視時間，一切由時間嘅角度去解釋生滅，認爲生命就係時間。時間同空間兩方面之中，首先就係要重視時間，由時間嘅角度去研究宇宙，研究人體生命，除咗時間之外，呢個宇宙之中係冇其他嘅嘢嘞。

我哋講過去嘅社會、現在嘅社會，其實都離唔開時間，一切都係時間，所以將時間睇做一個循環嘅過程，一年就有四季，春夏秋冬就係外時輪。比如，響時輪天文裏便嘅解釋，係時輪法裏便嘅一部分，就係講天文宇宙構造嘅學說，響藏傳佛教嘅天文學上面呢，主要就係用時輪天文。佢能夠計算出行星嘅軌道，每年嘅日蝕啦、月蝕，同現代科學天文台所計算嘅結果係十分接近，精確度同天文台裏便嘅電子計算機所計出嚟嘅亦都好相似，只係講法唔一樣啫。時間係根據太陽運行嘅相對位置去決定嘅。比如，由今日朝頭早太陽出嚟到明日朝頭早太陽出嚟就係一日嘅時間，一年嘅時間亦都係太陽遍行十二宮星座嘅位置一周嘅時間，就叫做一年。由一日嚟講，每日仲有十二宮星座嘅位置，十二宮有六陰宮、六陽宮，陰陽配合就形成一日嘅陰陽時間。無論點樣計，分分秒秒都係時間，時間無始無終，流動不息，時間就好似一個輪喺度不停轉。時間嘅輪轉動之中創造咗五光十色嘅天地萬物，歷史、文化、社會都係響時間之中創造出嚟，同時，時間又將佢一個一個粉碎。

人體生命係小宇宙，同外部宇宙其實係有一定嘅關係。比如人嘅情緒響春天同夏天或者響一日之中嘅朝頭早同埋夜晚都唔會一樣，人嘅智力同興奮嘅程度都唔一樣，陰陽程度唔一樣，天體時間變化亦都唔會一樣，比如沿海地區嘅人去到高原之上就係唔適應嘅，亦都就係話宇宙嘅天體時間呢，對我哋身體影響係相當之大。生命、環境唔能夠分開，任何一個小嘅變化都會影響身體同埋生命，所以凡係外面嘅東西響人嘅身體上都係有嘅，人體嘅氣脈運行節奏，形成人體生命嘅時輪。氣脈運行有節奏，呼吸有節奏，心臟跳動呢，都有節奏，唔能夠快亦都唔能夠慢，就係氣脈運行嘅節奏形成生命嘅時輪嘞，由生到死，氣脈運轉不息，創造維新嘅元素育養我哋嘅生命。但係相反，又無情破壞咗生機，使到生命夭折、終止。

一方面創造維持生命，一方面又破壞生命，將生命推向滅亡，呢個就係時輪法要解決嘅根本問題。比如，時輪法上面講，人一日平均嘅呼吸有二萬一千六百次，用現在嘅計算方法大概係四秒鐘一次，六十個時分，呼吸二萬一千六百次，每一日，氣響人體嘅脈輪之中遍行一周嘅時間呢，就等於一晝夜嘞。咁一日十二個時分亦都分開陰陽，氣呢，亦都分開陰陽。時輪講人體氣脈有七萬二千條，一共分開三類，二萬四千條係精脈，精液流動；二萬四千條係血脈，血脈運行；二萬四千條係氣脈，氣脈亦都運行。各佔三分之一。

由時輪法嘅角度去睇，一百歲就係平常人嘅壽命，人體嘅器官同內部嘅構造嘅有效期限應該通常就係一百歲，但係點解好少有人係活到一百歲呢？呢個就係由於有先天、後天嘅條件，情緒啦、陰陽啦、環境啦、工作等等嘅多種原因形成咗氣脈嘅混亂、陰陽不調同各種疾病嘅產生，使到唔能夠活到正常嘅歲數。仲有人體一啲功能呢，我哋佛教上就叫做正常嘅功能，而家叫做特異功能。其實應該話呢啲功能人人本來都係有嘅，唔能夠叫特異功能，點解現在大多數人都冇呢？呢個就好似電視機一樣，內部個線路唔通了，人體亦都係一樣，一個線路出咗問題，其他就會有問題。喺修法嘅過程之中，我哋要讓呢啲線路恢復正常，一啲脈絡須要打通，有啲須要接起嚟，有啲死脈、壞脈須要育養。經過修持呢，有啲人呢，就會出現一啲功能，有啲雖然唔能夠出功能，亦都能夠保持健康長壽，智慧能夠得到正常嘅發展、開發，呢個就係人體所講內部嘅時輪嘞。

時輪法上面講，人由一出生五個月開始，每日壞死兩條脈，一百年之後七萬二千條脈全部壞死，如果冇特殊嘅原因，比如良好嘅保養同修持，就冇辦法生存嘅條件嘞。時輪就係掌握呢種規律，徹底改變呢種生命規律嘅殊勝妙法。再比如呢，有人練氣，現在就係練深呼吸，點解可以長壽呢？點解氣短咗，人嘅身體就唔好呢？響劇烈活動之後氣短，人有咗病以後就氣短，係咩原因呢？龜點解可以長壽？有人研究咗之後，因爲發現龜呼吸一次，人就要呼吸十五次，龜嘅呼吸長十五倍，所以龜可以活到一千多年，呢個就係深呼吸可以長壽嘅道理。咁樣掌握咗呢種規律就可以控制呼吸，鍛煉呼吸，短呼吸變成長呼吸。舉一個例：一個手錶每日轉兩個圈，假如呢個錶嘅壽命係二十年，如果將呢個錶改爲每日轉一個圈，就可以比原來減慢零件嘅磨損嘅消耗量嘅二分之一，就延長咗錶嘅壽命一倍了，呢隻錶嘅壽命啫係就係四十年了。人一晝夜呼吸二萬六千一百次，如果每日通過金剛咒嘅修煉或者寶瓶氣嘅修煉，使到短呼吸變爲長呼吸、深呼吸或者平穩嘅呼吸，每日嘅呼吸由二萬一千六百次減少到一萬次，啫係減少到一半，咁樣人嘅壽命就可以延長了。

如果我哋將身體分爲宏體同埋微體，宏體就係見得到嘅，仲有我哋睇唔到嘅精脈、氣脈，仲有更微細嘅元神、元氣，就係微體嘞。內時輪嘅法就係指呢啲人體嘅規律，呢啲都係同外部相應嘅，又比如天上最主要嘅就係太陽、月亮，仲有一個羅睺星，羅睺星係天體裏便非常重要嘅星星，由時輪上面講，形成日蝕同埋月蝕好重要嘅原因都係羅睺星。羅睺星係無顏色見唔到嘅。日、月、星就係代表人體裏便嘅三條脈，一條紅脈表示日，一條白脈表示月，中間嘅中脈係綠色嘅或者蘭色嘅就代表羅睺星嘞。其實天體、人體都係有對應嘅規律，人體嘅四季，天上嘅四季春夏秋冬，人一生嘅四季同一日嘅四季都係有對應嘅規律，響四季之中，情緒嘅變化各有不同，而且人嘅氣吔，每日響體內運行都係有一定規律，規律紊亂咗之後，身體就出毛病了，修法嘅目的就係要等啲氣正常，等到啲規律正常番之後得到平衡，呢個就係內時輪所講嘅道理。

另外，我哋講到別時輪嘅六支修法。六支修法係圓滿次第修法之中嘅高級修法，六支修法係絕妙嘅對治方法，針對天體同人體嘅對應規律提出一個對策。別時輪掌握嘅規律，主動控制調整氣脈、補精、養腎、增福，增利除弊。人嘅身體之中，有利嘅因素，我哋就要增加、要增長，響修煉嘅過程之中，弊病要驅除，成就樂空不二、自在嘅時輪。自在嘅時輪呢，就係能夠最終改變人體內部呢一種規律嘞。

人始終係一個奴隸，係自己身體裏便同身體外便自然環境奴役嘅奴隸。自在就係獲得自由生命，響陰陽各個方面採取對治嘅辦法。咁樣講就係兩種次第，兩種次第呢，就係生起次第同圓滿次第。時輪法係研究生命規律，改變生命規律係超脫生命規律奧妙無窮嘅大法。時輪天文同人類修證嘅經驗，證明佢嘅科學性係無可懷疑嘅。時輪嘅意義仲有好多，比如仲有一個時輪壇城同埋時輪佛陀，同內外時輪嘅對應規律。時輪壇城呢，亦都係代表人體嘅，亦都係代表宇宙，唔係隨便諗出嚟、畫出嚟，佢嘅每一個組成成分都同人體有對應關係。宇宙之中嘅任何事物都係有對應規律，每個佛都有佢嘅對應性，比如講外部，每年有三百六十日，有三百六十個星宿每日輪流值日，當值嘅時空響時輪壇城之中呢，所以就有三百六十個佛，代表三百六十個值日星。

人體嘅五蘊，色、受、想、行、識、空，人體係由呢六個要素組成，響時輪壇城之中就有六個佛去代表。時輪與衆不同嘅係以“六”爲代表，一切都係“六”，比如地、水、火、風、空、識，人體除咗地、水、火、風、空，仲要加上“識”先能夠成爲人，咁樣講就係人體嘅六大要素。壇城之中嘅六大要素係六位佛母去代表嘅，仲有比如時輪金剛嘅佛身，上身係蘭色，下身右腳係紅色，左腳白色，代表咗身體裏便嘅最主要三種元素，就係精、氣、血。上身蘭色代表氣，右腳紅色代表血，左腳白色代表精，精氣血係人體之中最主要嘅物質，離開咗呢三樣嘢就冇生命嘞。比如四種顏色，四個頭，前面係黑色或者蘭黑色，右面係紅色，後面係黃色，左面係白色，就代表四大。前面嘅黑色代表風大，亦都就係氣，紅色代表火大，後面嘅黃色代表土，左面嘅白色就代表水。四大響外時輪之中正好代表一年之中春夏秋冬嘅四季，春夏秋冬亦都係同地、水、風、火去對應。時輪佛有十二隻手臂，代表一年有十二個月，十二宮，二十四隻手就代表一年嘅二十四個節氣，或者話係二十四個上弦同埋下弦月，一陰一陽，上半月陽，下半月陰，十二個陰陽就係十二個月。現在一般係農曆二十四個節氣就代表咗嘞。時輪佛每個手五個手指頭，二十四個手就一百二十個指頭，一個指頭就有三個指節，所以一共有三百六十節，就代表一年有三百六十日嘞。點解咁多隻手，只有兩隻腳呢？其實兩隻腳係代表地球上嘅兩回歸線，即係南回歸線同埋北回歸線，紅色嘅腳代表北回歸線，白色嘅腳呢，就代表南回歸線，一年四季都超唔過呢兩種回歸線，呢個就時輪嘅相應法嘞。

現在我哋講到時輪佛嘅佛身呢，就釋迦牟尼佛響講密法嘅時候所顯現嘅身相。時輪佛嘅佛身上嘅顏色同埋裝飾其實全部都係有意思，全部都係代表外時輪同埋內時輪一一對應嘅關係，所以呢種法係內外時輪密切相關嘅對治法。仲有時輪佛前面一個佛母，佢係黃色嘅，佛母就係太陽嘅象徵，太陽有七種顏色，一年要遍行十二宮，所以宇宙係以太陽爲中心，任何嘅時間都係以太陽去決定，包括地球嘅時間呢，啫二十四小時呢，係以地球同太陽相對嘅位置去決定。離開太陽係冇辦法去決定時間嘅，所以佛母代表太陽，由身體裏便嚟講呢，就代表血液，血液就生命嘅基礎，獨陰不生，孤陽不長。人分開男，就係陽體，女就係陰體，男女嘅體內又有陰陽兩種成分相依爲命，而佛父、佛母呢，就係代表陰陽唔能夠分離，必須平衡。響時輪金剛法之中呢，講到時輪壇城之中裏便嘅佛係相當之多，比如三重嘅壇城，呢個壇城之中就有六百二十個佛，全部都係同外時輪嘅星宿吖、季節同內時輪嘅人體各種成分相應，每一個都係有意思嘅。人體裏便有陰陽，兩兩相對嘅對應規律，所以佛裏便亦都有佛父吖、佛母吖、男菩薩吖、女菩薩，都係代表陰陽規律嘅。總體嚟講呢，響密宗之中，形形色色嘅各種佛身都係密法嘅象徵，代表一種理論同埋修持，亦都就係話一種哲學觀點嘅象徵，可以話最大嘅象徵就係響佛法之中，響密宗嘅壇城裏便。響壇城之中所有嘅標誌都有象徵嘅意義，上面嘅蓮花呢、月輪呢、一草一木都有象徵意義，冇一個係虛設。

至於講到一般生起次第嘅閉關修行呢，而家修嘅一般都係內壇城法，壇城之中一共有四十六尊佛，需要五十日嘅左右嘅時間呢，先能夠修完生起次第，傳法嘅時候一定要完成生起次第嘅修法，圓滿次第六種成就嘅修法。高層次嘅修法呢，就要集中修嘞，一般係有規定嘅時間，啫係三年零一個月半嘅時間，呢個規定嘅時間其實亦都係人體氣脈運行規律去決定嘅。仲有一種特殊情況，比如“黑關法”啦，要喺黑房之中修，每一日修，呢個係一種強制嘅修法，要見到“空色”，空色見到之後，第一個階段嘅修法就可以話達到標準。呢個法唔能夠單獨修，必須響導師指導之下先能夠修，唔係就會出問題，而且二十四個小時要修，所以修呢個法比較難。仲要觀察氣脈嘅運行，修到一定嘅層次就可以見到氣脈嘅顏色，可以睇到自己嘅脈輪，可以見到邊一個脈響某個時辰按照規定應該運行到邊一個方向，喺嗰個時辰運行到呢個方向，呢個規律係唔係正常呢？如果反常就可能係死症或者係其他原因，所以一定要睇到氣脈嘅形狀顏色之後先能夠控制脈裏便嘅氣。響丹田呢個地方呢，就係六十四條脈，六十四條脈係按照每日嘅六十個時分去計算，而且按照佢運行規律去修嘅，呢個就係高級嘅法，但係一般所傳所講呢，都係平常所修嘅法。故此呢，時輪儀軌講嚟都係相當複雜，有六百二十個佛要觀修，要唸咒，所以有因緣嘅時候希望各位亦都有機會能夠修到呢一個法。

凡係受過真真正正灌頂而能夠堅定信念嘅人，雖然唔修時輪法，但係響七世之內必定能夠成佛，呢個就係響藏密裏便，《時輪經》裏便所講嘅，凡係聽到呢個法而能夠產生信仰吖，經常唸咒，都能夠免除各種災難，比如風災啦、洪水啦、火災啦、疾病、戰爭、惡病、傳染病，甚至不治之症，或者克服各種自然嘅災害。凡係聽過呢個法、受過灌頂，如果唔犯重罪呢，都能夠得到人身或往生到時輪金剛嘅國土，所謂叫做香巴拉國啦，絕對亦都唔會墮入三惡道，重罪可以減輕，輕罪可以消滅。凡係聽到呢個法或者咒嘅動物都能夠解脫，所以我哋要堅信呢個時輪金剛法，唔好懷疑。

其實修習密法係必須要得到真真正正嘅高僧灌頂，圓滿次第嘅修法更加係必須由法王級或者以上嘅大喇嘛去灌頂，其實一般嘅人係唔可能傳或者修嘅。密法響外面或者書店裏便係買唔到嘅，就算根器唔具備嘅出家人，修行幾十年亦都唔會學到圓滿次第嘅時輪密法，因爲時輪金剛法係好難遇、好珍貴。

佛陀所傳嘅八萬四千種法門主要係爲咗對治唔同根器嘅衆生而設，所依據衆生嘅智慧同領略程度嘅差異，佛法就可以分爲小乘、大乘同埋金剛乘。小乘嘅佛法好比基礎嘅教育，大乘嘅佛法就好比高等嘅教育，而金剛乘嘅佛法呢，就好比高等教育之中嘅特殊專業教育，所以想要修習金剛乘嘅法門就必定要得到兼具小乘嘅戒學基礎同埋大乘寬宏嘅菩提心願，先能夠安穩咁登上方便同智慧雙運嘅無上密乘，所謂金剛乘嘅菩提道。而佛法響公元五世紀左右由印度傳入西藏嘅時候，依照經典翻譯嘅時間先後，藏傳佛教大致上劃分爲舊譯密法同新譯密法兩支。響呢兩支密乘嘅宗派之中，舊譯派嘅密法有所謂伏藏法嘅傳承。伏藏法嘅來源有兩種，依據歷史嘅記載，響朗達瑪王執政以後，西藏爲時近百年嘅滅法期，佛教因爲遭到禁佛運動嘅逼害，有少數經典或者密宗嘅密續被僧人埋藏響巖洞裏面保存下嚟，呢個就係以後意外咁被發掘出來而被稱爲“伏藏”嘅經典，呢個經典所記載個內容呢，就被稱爲“伏藏法”嘞。

另外，依照藏傳佛教嘅傳承，響公元八世紀末，蓮花生大士同埋一啲藏密大成就者認爲，受法衆生嘅根器會因爲時局嘅唔同而將會有程度上嘅差異，所以就將密宗嘅經典埋藏，等待後人去發掘，佢嘅目的係要使到合宜嘅法門應該喺合適嘅世代之中被發掘同埋傳遞，而咁樣嘅經典響幾百年之後就被人發掘出嚟，而且進行解讀同埋傳授，就成就咗所謂嘅伏藏法門。依據伏藏法門取得就有三個來源，第一就係取自伏藏，所謂地、水、火、風、空之中嘅自然環境；第二種係取自禪觀，即係禪定觀修裏便；第三種係由佛菩薩或者本尊直接現前傳授，而要響呢種來源之中去取得伏藏法，就要有非常相當大嘅神通力先能夠勝任，比如徒手攀巖、入石取物或者長時間嘅閉氣、潛水等等啦。此後呢啲取出伏藏法嘅大成就者呢，就被稱爲伏藏大師嘞。

佛陀入滅嘅時候，弟子非常悲傷，於是佛陀就告誡弟子唔需要悲傷，因爲同佛陀無二無別嘅第二佛即將會到嚟，特別係爲末法嘅衆生傳法，而佛陀所指嘅第二佛，即係預言授記咗蓮花生大士嘅化現。釋尊同時以天地爲舉例，佛陀將與蓮師連同天地間嘅日月相互輝映，照耀大地。釋尊再以藥師佛爲舉例，如果佛陀認同藥師佛救渡衆生，蓮師即係藥師佛所持藥鉢之中嘅藥寶嘞。佛陀亦都曾經開示：佛法分爲顯密兩種教法。顯教，佛陀已經親自宣說過，密宗呢，就由蓮花生大士嚟傳遞弘揚嘞。蓮師本身係以無生嘅相降生響湖心嘅蓮花當中，本應係無生自然就無死啦，因爲蓮師唔係經由家族種姓嘅母胎之中所繁衍，而係由蓮花之中所化現嘅。相傳響法滅嘅時代，所有嘅佛教聖地破壞殆盡，響嗰個時候，只剩低佛陀說法嘅聖地——菩提迦耶依然完好。呢個時候諸佛菩薩向佛陀作殷切嘅祈請，於是佛陀響個心之中就有一道光芒射出，直接射向古天竺北部嘅措貝瑪湖嘅湖心，當時湖心有一朵千瓣嘅蓮花盛開，蓮花生大士就由蓮花之中化現而出嘞。蓮師化現之後傳授咗非常多嘅金剛乘密法，同時蓮師仲加預言授記咗響末世之中將會有好多嘅伏藏師陸續將所謂嘅伏藏法發掘出嚟。

蓮花生大士同埋其他大成就者因爲時機因緣唔適合，所以特別將密宗嘅秘訣埋藏響山巖、水邊、森林等等嘅地方，而呢啲各種嘅密法呢，就稱之爲“伏藏”嘞。例如已經圓寂嘅敦珠法王係寧瑪派嘅伏藏大師，佢嘅伏藏包含咗三種，第一就係法性，虛空藏；第二係淨相，智慧網伏藏；第三就係心間嘅伏藏。敦珠法王嘅伏藏一共有二十七個法本，其中包含上師、大圓滿、意嘅珍藏同埋本尊、空行母、護法等等，普巴金剛法呢，就係其中之一。依據敦珠法王、聽列諾布法王、噶拉多傑仁波切等等所講，修持普巴金剛會得到好大嘅加持。而普巴就有四種，第一係佛性嘅普巴，第二係慈悲嘅普巴，第三係手印嘅普巴，第四係物質嘅普巴。修普巴法嘅功德包含有共同不共兩種，共通嘅成就係八種悉地：妙丹啦、眼藥、土行、寶劍、空行、隱形、不死、除病等等，簡要言之，響密法裏便嘅息災、增益、懷愛、降伏等等嘅法都能夠圓滿，係屬於生起次第。至於不共嘅成就，所謂圓滿次第呢，就係證得四種持名啦：業熟持明啦、壽命自在持明啦、大印持明啦，同埋任遠持明。

響蓮花生大士嘅時代，印度同尼泊爾邊境有一個巖洞叫做賴舒，蓮師同尼泊爾公主釋迦德華響呢笪地方修殊勝嘅法。喺當時有三個具力嘅魔鬼去到蓮師同公主作障礙，用間斷法去想破壞佢哋，使到三年唔落雨，疫症流行，仲加饑饉。於是蓮師就派兩個使者返去印度將普巴法攞嚟，當使者剛剛返抵印度嘅時候呢，呢三個具力魔鬼呢，已經聽到，聞風遠遁，而當時呢，就落雨，疫症就慢慢消滅了。（註：接下文）

192.金剛怒目佛心腸 西密本尊心要（二）

（註：接上文）……佢嘅意思係“橛”，“木”字邊做個“突厥族”嘅“厥”，呢個“橛”字響中國字嘅解釋係“短小嘅木條”咁解。由於本尊佢隻手裏便所揸住嘅法器係一個三角形前尖嘅利器，響古時就稱爲“金剛橛”，現在我哋通稱呢件法器叫做“普巴杵”。本尊另外一個名稱亦都名爲“金剛孺童”。

響西藏嘅噶舉派、寧瑪派、格魯派、薩迦派等等嘅四派都有普巴金剛法。當時蓮花生大士響西藏傳俾空行母益喜措加、昆魯旺同埋藏王赤松德真、佢嘅弟子那南多傑敦珠同埋家納古馬拉等等五個人。蓮師響西藏弘法完畢之後，由西藏去到夜叉嘅地方，響途中經過孔湯拉兩個山間低窪個路徑，蓮師就化出兩個身，一個係普巴金剛，係光明體，一個就係佢自己本身。喺嗰個時候，蓮師就問佢弟子話：“現在有兩個身體，你哋會向邊一個頂禮呢？”啲弟子都話：“以前我哋每日都見到蓮師，從來都冇見過普巴金剛嘅，到今日先見到，所以我哋當然要向普巴金剛頂禮啦。”

咁當時除咗益喜措加佛母以外，蓮師嘅弟子大家都向普巴金剛頂禮。後來益喜措加就話：“我以前敬禮我嘅上師，現在我仲係對我嘅上師頂禮。”跟住蓮花生大士就唸咒，當時普巴金剛立時融入蓮師本身嘅身中，由呢個情況就係代表本尊其實係由上師而嚟嘅，故此只有益喜措加得到普巴金剛嘅特別加持，而其他嘅人就冇得到呢種加持嘞，所以普巴金剛法嘅傳承呢，就係由益喜措加嚟嘅，係一個受到特別加持嘅傳承。

修持普巴金剛法嘅時候，我哋首先觀想心輪之中由空性現出一個藍色嘅“Hum”字，由呢個“Hum”字發出非常明亮嘅五彩智慧光，響剎那之間，我哋自己嘅身亦都轉變成普巴金剛嘅身，我哋嘅心亦都變成普巴金剛嘅心。普巴金剛嘅身體係藍黑色，有三個頭、六臂、四隻腳，每一個頭有三隻眼，所以一共有九隻眼。右邊個頭白色，代表文殊師利菩薩嘅忿怒相，即係大威德金剛，就係諸佛身體嘅代表；左邊嘅頭紅色，代表阿彌陀佛嘅忿怒相，即係馬頭明王，就係諸佛嘅語嘅代表；中間藍黑色，代表大勢至菩薩嘅忿怒相，即係金剛手菩薩，就係諸佛意嘅代表。而每個頭嘅最裏便有四隻獠牙突出，兩隻向上、兩隻向下。響普巴金剛嘅背後生出翅膀，好似非常銳利嘅劍，身體嘅背後亦都有代表智慧嘅火焰。

講到普巴金剛手上所持嘅法器嘞。佢右邊第一隻手係揸住用金製嘅五鈷金剛杵，點解用金製呢？因爲金呢個性質係象徵“喜樂”咁解，而五鈷呢，就係代表將五毒轉成五智；右邊第二隻手揸住鐵製嘅九鈷金剛杵，鐵呢一種金屬就係象徵“忿怒”，而九鈷就係代表度盡三界九乘嘅一切衆生。講到左邊嘅手嘞，左邊第一隻手就有智慧火焰喺上便，第二隻手就揸住三叉戟，係表示統攝一切響三界嘅空行母，而前邊根本嘅兩隻手呢，就係合掌。合掌，我哋見到掌心，佢係抱持住單面嘅小嘅普巴杵，即係代表本尊嘅根本法器嘞。講到普巴杵，有兩種，單面嘅普巴杵，受咗灌頂嘅人就可以隨身攜帶作爲護身之用。而三面嘅普巴杵呢，當我哋修法嘅時候可以供奉響壇城之中，而修持好嘅人亦都可以將佢隨身攜帶。

普巴金剛嘅法相亦都響佢前便擁抱住淺藍色嘅空行母，譯音叫做“口洛給丁瑪”，右手呢，就係揸住烏巴拉花嘅。其實普巴金剛嘅佛相呢，一共有佛母兩位，一個就係頭先所講嘅口洛給丁瑪佛母啦，係喜樂相嘅，第二個佛母呢，叫做阿松瑪，係忿怒相嘅，而本尊如果所抱持嘅佛母係口洛給丁瑪第一位佛母呢，所以第一位佛母佢所手持嘅三叉戟呢個表徵嘅意思其實代表第二位佛母阿松瑪嘅。佛母就繞住普巴金剛嘅背後，左手持住加巴拉，即是金顱嘅顱器啦，腰圍豹皮裙。

普巴金剛嘅腳下有一個蓮花，花之上有月輪，月輪之上有日輪，普巴金剛右邊嘅兩隻腳，踩住兩個男魔個背部，左邊兩隻腳，踩住兩個女魔嘅胸部。男魔，其實一種就係代表死神，而另外一種呢，就係代表七情六慾。至於女魔，一種就係代表我哋衆生與生俱來嘅貪瞋痴三毒，另一種就係代表比較特殊嘅不良嗜好同埋習氣嘞。普巴本尊有降伏呢四種魔嘅能力，而金剛嘅身上亦都有三種唔同嘅衣服，第一件係象皮嘅大披肩。點解佢披住象皮嘅大披肩呢？其實係表示降伏“貪瞋痴”裏便嘅“痴”。點解要象皮去代表“痴”呢？因爲據西藏嘅說法，動物之中，象呢，係最愚痴嘅。第二件係人皮嘅腰帶，表示降伏貪心，因爲無任何嘅動物係比人類更貪㗎喇。第三件係虎皮嘅圍裙，就表示降伏瞋恨心。點解用虎皮呢？因爲冇一樣動物比老虎係更瞋恨㗎喇。金剛嘅臉上面塗有三種唔同嘅顏色，第一，前額塗有骨灰；第二，塊面塗有鮮血；第三，響佢頸上面塗有人油，就代表三毒清淨嘅。

響普巴金剛嘅頭上，一共豎立咗兩萬一千條煙灰色嘅怒髮，即是向上衝嘅頭髮啦。響佢頂上而突出有半根嘅五鈷金剛杵。普巴頭戴骷髏冠就係代表五方五佛，中央就白色嘅大日如來毘盧遮那佛啦，東方嘅就係阿閦如來，藍色嘅不動佛啦，南方嘅就係黃色，代表寶生佛啦，西方係紅色，就係阿彌陀佛啦，北方係綠色，就代表不空成就佛嘞。響本尊嘅頸上面分別掛有三串嘅人頭鏈，第一串係五十八顆嘅乾人頭，繞住本尊嘅頸；第二串係五十八顆啱啱斬落嚟嘅人頭同埋胸；第三串係斬落嚟未乾嘅人頭同埋翅。耳環、頸、胸、手環、腰、腳環等等都配以人骨所做嘅裝飾。本尊身上亦都掛有五種蛇，五種蛇其實係代表五種嘅龍族。本尊嘅頭束有白色嘅蛇，耳呢，就掛有黃色嘅蛇，頸環呢，就係紅色嘅蛇，而腰部呢，就纏有綠色嘅蛇，至於手腳就纏有黑色嘅蛇。五種嘅蛇神就係代表普巴金剛有降伏一切龍族嘅能力，能夠統治一切。

其實“普”字再講得深入一啲，就係空性嘅意思，“巴”字，就係智慧嘅意思。故此“普巴”就係空性同智慧結合成爲不二嘅體性。響古代嘅藏密以普巴金剛作爲修持主要嘅本尊，而弘揚普巴嘅法統呢，就係寧瑪巴（即係紅教）同薩迦巴（即係花教），比較特別重視。修持普巴法在於斷除一切自我嘅貪執，消除內心嘅恐懼，咁樣先能夠了解法界性，亦都即係唔在於降伏外在嘅東西，而係在於對自己內心本性嘅了解。

響西藏嘅密宗裏便，除咗普巴金剛法之外，仲有一個法叫做普巴忿怒蓮師法，普巴忿怒蓮師法係忿怒蓮師同普巴金剛嘅合一化身。呢個本尊嘅傳承係由持明吉噶多傑札波響禪觀之中面見本尊親自傳授呢個法，所以其實係屬於意巖法之中嘅尊傳法，本尊係阿彌陀佛嘅忿怒身顯現而屬於無上瑜伽部父續嘅本尊法。普巴忿怒蓮師身體紅色，一面二臂三目，現出忿怒相，佢張口、裂牙、捲舌。右邊嘅手揸住天鐵製成嘅金剛杵向上舉，左手揸住九頭嘅鐵蠍子，頭呢，就頂戴五骷髏冠，代表五方五佛，有其他嘅寶物、骨飾喺身體作爲莊嚴，響頸上便掛有鮮濕嘅人頭作爲項蔓，身體披象皮、人皮、虎皮同黑蛇嘅索鏈等等嘅莊嚴。響本尊嘅背部，有兩隻金剛寶翼展開，下身就係鱷魚忿怒口同埋熱鐵普巴尖銼，刺響惡魔嘅心口之上，而本尊呢就安立響蓮花嘅日輪上面。

修習忿怒蓮師或者普巴金剛法或者普巴忿怒蓮師嘅修行人，須要具備有普巴金剛杵。頭先講過，普巴金剛杵有兩種，三面嘅普巴杵適宜供奉響壇城，視同本尊而得到佢嘅加持；一面嘅普巴杵適宜隨身攜帶作爲護身之用。忿怒蓮師同普巴金剛合一，修持呢個法，功德能夠圓滿各種佛法事業，摧伏天龍、鬼神、羅剎、邪魔等等，亦都除卻我哋衆生內在嘅貪瞋痴三毒障礙，呢一點係非常之重要嘅，而令到我哋速得成佛嘅悉地。再其次……（註：此處錄音中斷）

至於講到忿怒蓮師本尊呢，亦都叫做金剛力士。忿怒蓮師係蓮花生大士所現出嘅忿怒相，亦都屬於古傳寧瑪巴（啫係紅教）巖藏嘅秘密法門。忿怒蓮師嘅形相一頭二臂三目，身體棕紅色，好似“Heruka”忿怒尊嘅外貌，佢獠牙微咬、怒髮猙獰、顏色橘紅，至於眉毛鬍鬚就好似大火燃燒，非常之熾熱。忿怒蓮師右手揸住九鈷嘅天鐵所製成嘅金剛杵向上舉，左手就揸住普巴橛向下刺，而指尖呢，就有黑蠍子嘅。忿怒蓮師上身披住棕色嘅錦袍，下身著住舞揚褐色嘅裙，腳踏西藏舞鞋，亦都以海螺作爲耳環，外便就罩有金色三法衣，以跳舞嘅姿態踏喺母老虎嘅背上，安住響般若烈焰之中。忿怒蓮師嘅功德，將四大（地水火風）嘅病氣能夠消除，令到衆生唔起妄念而能夠明了空性，亦都將貪瞋痴慢疑五毒化爲五智，摧伏天魔、死魔、煩惱魔、大力鬼神等等，特別降伏唔相信佛法同埋對佛法製造障礙嘅衆生，以上就係修持忿怒蓮師法嘅功德嘞。

跟住落嚟爲大家講一下四臂觀音法更深入嘅一層嘅密意。四臂觀音係雪鄉西藏嘅守護神，西藏人由老至幼家家戶戶都識唸誦六字大明咒“唵嘛呢叭咪吽”，而且將佢刻喺各地石崖嘅牆壁之上，去方便過路嘅行商旅人唸誦，佢嘅重要性就猶如我哋漢地唸“南無阿彌陀佛”一樣。宗教領袖達賴喇嘛亦都被奉爲係觀音嘅化身，達賴所居住嘅布達拉宮，其實都係源自觀音嘅淨土普陀洛迦嘅意思。四臂觀音同文殊菩薩、金剛手菩薩合稱爲三族姓尊，分別代表觀音係“大悲”、文殊係“大智”、金剛手係“大力”，係密宗嘅修行人，人人必修嘅法門。

四臂觀音身體顏色皎白如月，佢頭戴五佛冠，頭髮黑色，係結髻嘅，響中央呢，就兩手合掌響胸前，之中呢，就有摩尼寶珠，另外右手就有揸住水晶念珠，左手捻住八瓣嘅蓮花，大概到耳際咁上下嘅高度，面貌寂靜含笑，菩薩以慧眼凝視衆生，凡係被菩薩觀見嘅衆生都能夠得到解脫。響菩薩嘅胸前，左邊呢，嘅上面呢，覆蓋住鹿皮嘅披肩，身著五色嘅天衣，而下身就紅色嘅綢裙，耳環啦、手環啦、指環啦、臂圈啦、腳鐲啦、珠寶瓔珞等等，第一串就係繞頸嘅，第二串呢，就到胸部，第三串呢，就到腹部肚臍嘅地方，全身花蔓莊嚴，佢雙跏趺坐喺蓮花月輪之上，身體發出極大嘅五彩光，明朗照耀。

其實，菩薩本尊身體嘅莊嚴，每一個莊嚴都有代表性，唔係立亂安上去嘅。譬如一個頭就表示通達一真法界嘅法性啦；四臂表示四無量心；身體白色表示自性清淨無垢，唔被煩惱、所知兩種障蔽所障礙；頭戴五佛冠表示五智，頭髮黑色就表示無染啦；五色天衣代表五方佛；紅色嘅綢裙就表示蓮花族性嘅妙觀察智；耳環以下呢，就六種莊嚴，代表六波羅蜜；瓔珞第一串繞頸表示不動如來係由禪定成就而嚟；第二串到胸部，表示寶生如來係由布施修行而嚟；第三串到腹部嘅肚臍地方，表示不空成就如來係由精進成就嘅；全身花蔓莊嚴就代表萬行啦；雙跏趺表示不住於生死；手印表示不住於涅槃；而中央兩手合掌響胸前就代表智慧同方便合一雙運；另外右手持水晶念珠，代表每撥一個念珠就係救渡一個衆生出離輪迴；左手揸住蓮花，代表清淨煩惱。

至於講到觀世音菩薩嘅六字大明咒呢，有兩種唸誦嘅方法，一種就係藏文唸法：唵嘛呢叭咪吽舍，另外一種就係梵文真正嘅唸法：Om mani padme hum hrih（註：音頻將“mani”讀作“moni”）。其中嘅分別，就係“mani”同“嘛呢”“叭咪”同“padme”，同埋呢，最後嘅種子字“hrih”同埋“舍”嘅分別。但係無論唸邊一個咒文，最緊要有信心，依據上師所傳授嘅咒文去唸誦，如果有啲學佛嘅人希望能夠唸梵文真正嘅音，亦都可以持誦梵文。至於有啲人話唸“舍”同“hrih”，點解會多個字嘅呢？其實呢個種子字係代表觀世音菩薩同阿彌陀佛嘅心，特別係代表千手觀音嘅心，所以唸埋其實係功德更大。但係根據《大乘莊嚴寶王經》記載，即是六字大明咒嘅出處呢，“唵嘛呢叭咪吽”係冇個“舍”字嘅，但係西藏嘅說法呢，就可以唸埋呢個“舍”字，其實就係冇乜分別，功德係一樣咁大嘅。

對於觀世音菩薩六字大明咒嘅解釋呢，深入一層，“唵”字白色，象徵本尊嘅智慧，屬於禪定波羅蜜，能夠除慢心，唔再衆生，令到衆生受生於天道，對應南方個寶生佛；“嘛”字綠色，象徵本尊嘅慈心，屬於忍辱波羅蜜，能夠除嫉妒心，唔再受生於阿修羅道，對應北方嘅不空成就佛；“呢”字係黃色，代表本尊嘅心口意事業功德，屬於持戒波羅蜜，能夠除我執，唔再受生於人道，對應金剛持佛；“叭”字藍色，象徵本尊嘅平等性，屬於般若波羅蜜，能夠除痴心，唔再受生畜生道，對應中央嘅毘盧遮那佛；“咪”字紅色，象徵本尊嘅大樂，屬於布施波羅蜜，能夠除貪心，唔再令衆生受生響餓鬼道，對應西方嘅阿彌陀佛；“吽”字係黑色，象徵本尊嘅悲心，屬於精進波羅蜜，能夠除瞋恨心，唔再受生響地獄道，對應東方嘅不動佛。

另外，“唵”字分別象徵修行人不淨嘅身語意，亦都代表佛陀清淨崇高嘅身語意；“嘛呢”意思係寶珠，象徵善巧方便，譬如利他嘅菩提心、悲心同埋愛心啦，正如好似寶珠一樣可以解除貧困，利他嘅菩提心亦都能夠解除輪迴同埋貧窮嘅困難；“叭咪”二字係就係蓮花嘅意思，象徵智慧，比如好似蓮花出於污泥而不染，智慧就能夠將衆生放喺無矛盾嘅境地，呢個境地如果無智慧呢，就會有矛盾嘞；“吽”字意思就係不可分，方便同埋智慧必須合一不分先能夠得到清淨，而象徵方便同智慧合一嘅呢，就係最後一個“吽”字嘞，“吽”字就係阿閦佛嘅種子，“阿閦”嘅意思係不動、不變，唔被任何事物所動搖咁解。

由以上嘅解釋嚟睇呢，“唵嘛呢叭咪吽”六字真言，意思係藉住修行方便同智慧合一、不分之道，可以將自己不淨嘅身語意轉化成爲佛陀清淨崇高嘅身語意。我哋唔應該將自心，喺自心之外去尋求佛果，應該要喺自心之內去尋求成佛嘅要素。六字大明咒嘅利益同埋功德係非常之大，雖然佛陀能夠以神力去計算十二年間降雨每一滴嘅數量，但係對於唸一次六字大明咒嘅功德係計算唔到出嚟，呢個係一種譬如嘅說法，講明六字大明咒嘅功德係非常之大，持誦六字真言，對於病苦、刑罰、非時死嘅恐懼可以消除，壽命增長啦、福德增加啦、財富豐盈等等嘅利益。即使衆生命終嘅時候，其他道路都得以封閉，唔會令到我哋去往生三惡道，而得以進入人天嘅道路去受生、去接觸佛法，所以，唸誦六字大明咒嘅功德利益係不可勝數嘅。

好，就等我哋現在一齊去持誦六字大明咒，呢個六字真言，去祈求四臂觀世音菩薩嘅加持，令到我哋響菩提道上永遠唔會退轉，有菩薩心去利益一切衆生，以致自己同衆生將來悉皆成佛。

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

Om mani padme hum hrih

Om mani padme hum hrih

Om mani padme hum hrih

Om mani padme hum hrih

Om mani padme hum hrih

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

唵嘛呢叭咪吽舍

Om mani padme hum hrih

唵嘛呢叭咪吽舍

願以此功德，莊嚴佛淨土，上報四重恩，下濟三塗苦，若有見聞者，悉發菩提心，盡此一報身，同生極樂國。十方三世一切佛，一切菩薩摩訶薩，摩訶般若波羅蜜。

193.時輪金剛法（一）

時輪金剛法

時輪金剛係西藏密法嘅重要本尊，佢藏語嘅名稱叫做“堆柯”，佢嘅別名亦都係好多，有“三界輪王”“戒集金剛”“無轉金剛”“寂淨金剛”等等嘅稱謂。 

“時輪”嘅意思呢，就係時間同空間嘅輪轉，而且分爲內、外、別三種。外時輪係指佛教宇宙觀之中所講嘅世界嘅中心，須彌山、四大洲同八小洲等等外部星體嘅世界，講述佢嘅生成、存在、變化同毀滅嘅情況規律。內時輪係講述人嘅身體同外在宇宙嘅縮影，以及三界衆生分類同埋情況。別時輪就講到修持上嘅生起次第嘅能依，所依壇場同圓滿次第嘅氣、脈、明點等等嘅修習方法，就係所謂嘅成佛解脫嘅道路。

時輪金剛密法發源響古印度北方嘅香巴拉國，即係西方人所講嘅香格里拉。呢個法大約響公元十二世紀傳入西藏。

時輪金剛咒由吉祥梵字合而爲一，如果能夠恭敬懸掛、張貼、供奉、禮拜，能夠令到東、南、西、北、東南、西南、東北、西北、上下等等嘅十方同埋年、月、日、時等等嘅時辰所組合嘅時空宇宙嘅世界，一切都能夠吉祥自在，賜俾修行人加持同護佑嘅效力。

相傳本師釋迦牟尼佛響睌年嘅時期，帶住隨衆同埋一啲大阿羅漢前往雪山，即係而家嘅西藏去傳揚佛法，其中遇到香巴拉國第一世國王蘇禪德喇，而香巴拉國王亦都發心供養佛陀嘅僧團。呢個時候，佛陀問香巴拉國王：“點解唔修持佛法呢？人間無常，剎那變遷，現有嘅榮華富貴就等於過眼雲煙！”呢個時候，香巴拉國王蘇禪德喇就回答佛陀話：“唔係我唔修佛法，我係想睇一睇有冇能夠修持無上大法嘅佛法，能夠唔出家，而且保有而家嘅財產同一切擁有嘅嘢，又能夠即身成就嘅密法呢。”

佛陀觀察香巴拉國王蘇禪德喇深具密宗嘅根器，而且密法嘅因緣具足，所以傳授香巴拉國王一世密法而使到香巴拉國王即身成佛。

呢個時候，跟隨響世尊身邊嘅各大阿羅漢雖然唔至於話心理唔平衡，但係響心中亦都係比較煩悶，佢哋向佛陀請問：“點解香巴拉嘅囯王可以得到咁無上嘅大法，而且能夠即身大成就，但係我哋呢啲證得阿羅漢果嘅佛弟子費盡千辛萬苦嘅修持，先能夠證得菩提呢？”

佛陀世尊響呢個時候告誡佢嘅弟子話：“原因係香巴拉國王久遠劫以嚟時常修習密法，而且佢具足密宗嘅大慧命先能夠受持呢一個密法。”

佛陀響佛法嘅教育之上一向以隨機、應機、應時、應地、應慧命法源而教授佛法。經過佛陀嘅解釋，亦都化解咗衆弟子嘅疑惑。所以香巴拉國王一世就係釋迦牟尼佛親傳密法嘅傳承弟子，亦都可以話香巴拉王朝之中，一切密法同修行都源自於本師釋迦牟尼佛嘅傳承。 

響西藏，好多人都相信響北方嘅雪山之中有一個神秘王朝就係香巴拉王朝，咁樣點解香巴拉王朝到現在都未被物質科技世界嘅人類所發現呢？呢個就係因爲時候未到嘅緣故，整個香巴拉王朝被神秘嘅真言保護住隱藏起嚟。香巴拉王朝保持住釋迦牟尼佛最完整嘅教義同修法。 

響第二十五世國王嘅時候，香巴拉王朝就會公開將佛法普傳於響我哋呢個地球之上，嗰個時候，大概係西元二千六百年之後，可能全個空間亦都爲香巴拉王朝所統治，釋迦牟尼佛嘅正法將會再度復興響地球。而家正係適逢香巴拉國第二十一世嘅時代。

時輪金剛，或者可以稱爲時間之輪或者卡拉輪。時輪金剛法係本師釋迦牟尼佛最親傳承嘅無上大法，亦都係西藏已經修持密宗多年嘅高材生先可以受持呢個法門。

時輪金剛係一種符號，亦都就係宇宙之中時間之流同無限空間嘅秘密，響時輪金剛嘅符號秘密之中，包含咗外時輪、內時輪，亦都涵蓋咗宇宙之中日、月、星、辰同人體之內色、受、想、行、識等等五蘊，同宇宙之中地、水、火、風、空同時間之流嘅神秘密法。

時輪金剛係本師佛世尊智慧嘅結晶，亦都係宇宙天地萬物一切佛性嘅根本，猶如道教之中嘅五行八卦一樣，或者時輪金剛咒牌就相當於佛教嘅五行八卦同天干地支，宇宙之中，無上正等正覺嘅成就者，即係已經成佛嘅智者，而時輪金剛大法，正係濃縮咗宇宙物質世界同精神世界同時間空間嘅秘密。

香巴拉王朝呢一個國度係人間嘅唯一佛國淨土，呢個人間佛國淨土正位居響西藏嘅北方。要前往香巴拉王朝，一定必須通過大沙漠、高原高山同埋天寒地凍，亦都要遭遇沿途嘅惡鬼、惡魔嘅侵擾同障礙。要通過呢啲崇山峻嶺，大江河天險要，必須靠修持無上密法而成就大神通力同埋諸佛教嘅菩薩護法嚟保護你，亦都須要同時輪金剛結一結法緣，先能夠到達香巴拉王國。

要到達香巴拉王國，你必須平時就要修煉精神世界同鍛煉身心，而使到物質化嘅肉身蛻變成爲精神體嘅純潔生命，咁你就能夠進入香巴拉王朝嘅淨土。香巴拉王朝，西洋人就稱爲香格里拉。 

人一到達香巴拉就可以見到美麗嘅公園城堡、有規律嘅建築結構，四周亦都有雙層嘅雪山圍繞，分成八個區份，有如八葉蓮花瓣一樣。 

香巴拉國王就居住響國境中央嘅大城堡，佢係一位菩薩嘅轉世，國王身居菩薩果位，教導子民同諸佛弟子修佛禮佛，同時兼具有領袖之位同埋教授佛法嘅導師身份。

香巴拉王朝之中，佢嘅人民唔會執、唔會迷、無慾，香巴拉居民呢，響各種食物樂趣唔會缺乏，豐饒無比，擁有大量嘅金銀珠寶。佢哋生活平安祥和，冇人會犯罪，居民佢哋都會遵循智慧而生活，佢哋都已修持達到非常高嘅層次境界。香巴拉人民嘅壽命大約有二百年，而香巴拉淨土呢，正好亦都係保持本師釋迦牟尼佛所有佛法最完整嘅地方，而香巴拉國王一世就係受持釋迦佛嘅時輪金剛密法而得到即身成就。

香巴拉王朝嘅存在，其實係事實，有好多大成就者都曾經去過，好似龍樹菩薩響南天鐵塔取出《大日經》同《金剛頂經》而顯宏無上密法，或者南天鐵塔就可能喺香巴拉王朝裏面。

講到香巴拉王朝人民嘅生命現象呢，香巴拉嘅子民唔係我哋人類地水火風四大假合嘅肉身，由第一世國王受持釋迦正法同埋無上密法以嚟，響二千多年前，整個王國以內嘅人民生命大量正在進化，到咗現在，每一位香巴拉人民已經修煉成彩虹身，即係唔係物質嘅生命，猶如彩虹一樣輕如薄霧，但係亦都存在響三次元空間。

因爲修持時輪金剛大法嘅成就，所以亦都可以做時間之流同埋反物質現象嘅運動。而且香巴拉人民身上都會發光，可以自由往返三次元空間同埋二次元空間，呢啲物質世界一切化學物理嘅現象對香巴拉人民嚟講係冇意思嘅。而現今人類嘅文明同生命形態對香巴拉人民嚟講亦都係粗糙而且係低層唔完美嘅四大假合生命體。 

香巴拉王朝總共有六個王朝，而現今係屬於第一個王朝之中嘅第二十一世國王，當到咗第二十五世國王嘅時候，香巴拉王朝就會走出自己嘅國度而將佛法傳到世界上嘅每一個角落。 

響香巴拉王朝第二十五世嘅時候，西洋人所講嘅香格里拉淨土將會被西元二千五百年以後嘅人類發現，嗰個時候嘅人類，以極先進、尖端嘅科學做工具，亦都有侵略嘅本性，發動戰爭去侵略香巴拉國。

但係佛陀住世嘅時候就已經預知三千年後我哋呢個世界嘅共業，所以香巴拉王朝響幾千年前呢，就已經開始準備以防抵禦外便其他民族嚟侵略搶奪香巴拉國嘅活動。

所以響香巴拉國嘅子民響千年之中，佢哋嘅密法成就已經修煉成彩虹之身，係任何物質科技唔能夠傷毀，亦都集體修持咗好多降伏物質科技嘅密法同埋真言，準備用嚟面對科學嘅世界，而且用呢啲密法去解救人類嘅心靈同生命。

香巴拉王朝受本師釋迦佛所託付，將於佛入滅之後三千年，人類最需要佛法嘅時候，將最完整嘅佛法普傳響地球，亦都解救人類心靈嘅黑暗同埋純以物慾爲中心嘅世界。

響香巴拉王朝之中亦都有超物質世界同科技嘅飛行船，呢啲飛行工具係好神奇嘅，係反物質材料做成嘅高能量發光體，亦都能夠往返時光隧道，亦都唔受地心重力場嘅牽引，佢哋係無慣性，亦都以可以航行於二次元嘅時空之中。

香巴拉王朝嘅軍隊係好多時候同我哋人類地球嘅世界接觸，只可惜我哋係不知不覺啫。響地球之中，有時時常被誤認爲神秘嘅發光體，可能認爲係外星人或者係不明嘅飛行物體，其實有一部分就係香巴拉王朝嘅飛行艦。我哋可以感覺到呢啲不明飛行物體似乎一直係關心住人類嘅生態同文明嘅進步，而且做地球生物嘅研究。

未來世界嘅戰爭，亦都係科學嘅時代即將末落之時，響西元二千六百年後，全世界就被香巴拉王朝所統治，到時釋迦正法就會再度興盛，直到娑婆世界嘅第五尊佛彌勒菩薩轉世之前一千年，香巴拉王朝先會滅亡。

雖然香巴拉王朝採取開明嘅統治，但係響宿世之中同佛法冇結上緣份或者斷滅種性嘅人仍然會感到好痛苦。但係現在雖然身處物質充斥嘅時代，但係亦都能夠同時親近佛法嘅人呢，將會得到大解脫同埋幸福嘅。 

響藏密紅教第一位祖師蓮花生大士曾經預言過：“響人類開始大量使用金屬鐵器、銅器嘅時代，而且飛行工具普及，物質科技到達最頂點嘅時候就係密宗開始興盛嘅時期，而且會普遍傳到全世界嘅每一個角落，而全世界嘅人類亦都會普信正信嘅佛教。”呢段預言，應該係西元二千六百年後，香巴拉王朝同物質科技世界戰爭之後，全人類共業渡向佛法光明嘅世界。

香巴拉王朝嘅人民唔係好戰嘅分子，冇堅守住佛教嘅慈悲心，而係先人聖者嘅預言，物質世界嘅邪惡力量嘅消長同衆生嘅共業同佛法嘅因緣又將會成熟嘅時代即將來臨。

佛法可以分爲二乘，即係小乘同大乘，小乘本身又可以分成聲聞乘同緣覺乘。聲聞同緣覺係依佢哋嘅能力同所得嘅結果相對之上嘅優劣唔同而加以區分，但係佢哋所依循嘅路徑同埋響教理上嘅特色基本上係相同嘅。人往往傾向於依循呢兩類嘅小乘，係由於佢哋只顧自我解脫嘅緣故違棄咗承受其他目標嘅重擔。

因爲束縛響輪迴之中最主要嘅原因係執著一個自我，得到解脫自在最主要嘅原因就係了解無我意義嘅智慧，所以聲聞同緣覺好似菩薩一樣，了悟無我，佢哋響呢一點上嘅觀照呢，伴隨住其他嘅持戒、禪定等等，因而熄滅咗五毒，貪、瞋、痴、慢、疑等等。

縱使小乘嘅修行人，佢哋唔再向通達佛界嘅路徑努力，小乘道，事實上係引導應機衆生究竟達到佛界嘅一個方法，所以唔好誤解咗小乘道，將佢當成爲係證果嘅障礙。因爲《妙法蓮華經》同其他嘅經典教導我哋話，佢哋係達到佛界嘅方法。佛陀出現於世係爲咗令到有情衆生悟入佛嘅知見，所以佛陀試驗嘅法徑，嚴格嚟講係引導衆生達到佛界嘅方法。

縱使小乘道唔係直接引導到佛界，事實教導我哋，小乘嘅修行人最後都係回歸去大乘道而達到佛界嘅果位。雖然小乘嘅修行者好似大乘嘅行者了悟現象界不實而虛幻，但係唔係話小乘同大乘之間就冇分別了。大乘嘅教理並不只係闡明現象界嘅無我，仲教導菩薩嘅階位、六道，爲咗利益一切有情衆生達到圓滿嘅正覺願望、大悲等等，佢哋亦都教導將功德回向菩提、福慧雙修，同埋難以令人相信嘅無究實相。 

所以大乘同小乘不單止響理性嘅觀點之上有所差異，並且根據佢哋相對嘅修行同非修行嘅技巧方法嘅全部範圍而有區別。龍樹菩薩同佢嘅弟子提婆曾經講到：“母親生兒子，父親定俗姓。”所以般若自似母，生出四種聖者，就係聲聞嘅聖者、緣覺嘅聖者、菩薩嘅聖者同埋佛陀。呢四種聖者係決定是否有發菩提心等等嘅法門爲父，去決定佢哋係小乘或者大乘。

一般嘅大乘猶如小乘，就可以再分爲二乘，呢二乘就係波羅蜜乘同埋密咒乘。大乘共同嘅目標係以六道去訓練自己，藉住爲咗利益一切有情衆生而得到無上正覺之願去修行嘅。密咒乘呢，亦都係依循呢個路徑，因爲響密續之中亦都係咁樣教導，然而依循波羅蜜乘嘅大乘修行者響大體之上就僅以法徑去修，而密咒乘嘅行者就依波羅蜜乘所冇教導嘅密乘法門而達到圓滿。譬如因乘、波羅蜜乘等等嘅名稱其實意思係一樣，而密咒乘、金剛乘、果乘同方便乘亦都係相同嘅。而因乘同果乘之間呢，有所不同，係因乘係一種大乘道，響修行之中，自己唔灌承具有四種清淨嘅果報，而大乘道響修行之中，自己就灌承具有四種清淨嘅果報，就稱爲果乘或者密咒乘。呢一點係宗喀巴大師響嘉林音幕所講嘅。

就“乘”字講，因爲佢係一種車乘，換句話講，輸送到呢度所得到嘅果，以及所得到果嘅呢個因，就稱爲“乘”。“果”係將住處、身體、財產同埋行爲四種完全淨化成佛嘅宮殿、身體、功德同事業。修行人由現在觀想本身嘅壇城、眷屬同法器同淨化咗整個宇宙同埋其中一切衆生嘅莊嚴佛行，如同一尊佛陀一樣，所以呢個就係果乘，因爲行者依照果乘嘅方法而去進修嘅。大乘整體呢，其實就分爲波羅蜜乘同密咒乘，因爲呢二乘嘅實質上以唔同嘅方法去證得圓滿衆生之願嘅佛身，小乘同大乘嘅區別，唔係以佢哋嘅……（註：接下文）

194.時輪金剛法（二）

（註：接上文）……呢兩種大乘嘅法門係以佢哋修行方法上觀點嘅差異而去區分。大乘方法嘅主要觀點係關於證得佛身嘅部分，響密咒乘之中，證得佛身嘅方法就係觀想自身猶如本尊嘅佛身嘅本尊瑜伽，呢種方法係比較優勝於波羅蜜乘所用嘅方法。

關於密咒乘嘅弟子係有四種嘅類別：下根、中根、上根同最上根。響四部密續係應呢四類弟子而傳授嘅，因爲弟子進入密咒乘須要透過呢四部密續，呢四部就被稱爲四門。你一定想知道呢四部到底係乜嘢嘞？佢哋係事密、行密、瑜伽密同無上瑜伽密。

跟住嚟我哋再講下時輪金剛，呢個時輪金剛法其實係屬於無上瑜伽密呢一部。

時輪金剛密續嘅附屬主題，全部嘅意思，包括咗三種時輪金剛或者時輪，佢哋係外時輪、內時輪同別時輪。外時輪係居住嘅外在世界，又被稱爲外在嘅太陽日同太陰月嘅行列。內時輪就係人嘅身體，係一個內在嘅南贍部州或者地表，同樣地，內脈、明點同埋氣嘅流動亦都展示響內時輪之中。別時輪呢，係灌頂同埋師利時輪金剛嘅路徑同埋佢哋嘅成果，佢係有別於以前兩種嘅時輪。上師以灌頂使到弟子嘅身心連續而成熟，並且弟子由生起次第同圓滿次第所組成嘅法徑修觀。用呢種方法，瑜伽士就成就咗乘果，神聖嘅“空”爲形象嘅佛身，呢個就係所講嘅“別時輪”。

響阿提佛陀《時輪金剛根本密續》之中都有記述佛陀傳授時輪金剛法。當佛陀響靈鷲山依般若法門講演佛法嘅時候，佛陀嘅另一個化身呢，就到咗斯尼達雅卡塔卡教導密咒法門。乜嘢化身呢？教啲咩密續呢？佛陀居住響邊個時候？乜嘢地方？響咩地方傳法？世俗嘅侍從係邊個呢？同埋目的係乜嘢呢？以下我哋會講到。

佛陀響靈鷲山教導無上大乘般若嘅法門俾其他各大菩薩，響呢個時候，佛嘅法身同菩薩聖衆響現象界嘅壇城之內嘅大佛塔之中，佛陀就住響金剛宮，金剛宮響宇宙之中係冇形體，但係清晰可見嘅，圓滿光明遍照，佛陀爲咗利益有情衆生，就響金剛宮呢個莊嚴嘅天界去教導密續。響《根本密續》裏便提到，金剛手菩薩嘅化身蘇禪德喇，漢文叫做月賢王，響著名嘅香巴拉國裏便，喺不可思議嘅地方進入咗燦爛華麗嘅現象界之中。首先蘇禪德喇王繞行到佛陀嘅右邊，然後佢以衆寶所盛嘅花去供養，頂禮佛陀嘅蓮足。蘇禪德喇王雙手合掌，跪喺萬德莊嚴嘅佛陀面前，佢向佛陀請求密法，而且將佢編輯流傳落嚟。

時輪金剛法係由我哋嘅本師釋迦牟尼佛所教嘅，佢響四五月之間，月圓嘅黎明，初曉嘅時分，響印度嘅菩提伽耶嘅菩提樹下示現成就無上正等正覺嘅法徑，佢以一年嘅時間教導咗一般嘅波羅蜜乘，特別係佢響靈鷲山轉般若法輪嘅時候，主要傳授嘅係大乘波羅蜜嘅無上法門。響三四月間嘅月圓時分，由釋迦牟尼佛證到佛果嘅時候算起係第十二個月，佛陀正好喺靈鷲山教導波羅蜜乘，就響同一時候，佢嘅另外一個化身就響南印度靠近斯利巴瓦達嘅斯里達雅卡塔卡地方嘅大佛塔之內教授密咒乘。

呢座大佛塔由塔頂至到塔底有六里格嘅咁廣闊，內部有兩個壇城，下面係法界華吉斯華拉壇城，上方係璨爛星座大壇城，佛陀坐喺金剛天界嘅大壇城中央嘅金剛獅子座之上，佢深住時輪金剛三摩地之中，轉化成爲時輪金剛本尊。響壇城之內，無量諸佛、菩薩同天龍八部隨侍佛陀左右，壇城嘅外邊請法嘅人係金剛手菩薩嘅化身——香巴拉國嘅第一世國王蘇禪德喇，或者叫做蘇給扎王。蘇禪德喇王不可思議由香巴拉國嚟到斯里達雅卡塔卡，而且請求時輪金剛本尊守護聽法嘅人，響香巴拉嘅九十六大地之中嘅九十六化身國王同無數嘅菩薩、天神、護法都係呢啲時輪金剛嘅護法聖衆。佛陀傳授殊勝嘅法俾海會嘅聖衆世俗同埋超凡嘅灌頂，同埋授記佢哋將來都會證得佛果。隨後佛陀教導佢哋本初佛阿提佛陀一萬二千偈嘅《時輪金剛根本密續》，蘇禪德喇王就將呢啲密續記載低，寫成一冊法本，而且好不可思議咁又返番去香巴拉國。

蘇禪德喇王響香巴拉國結集咗六萬行嘅根本密續嘅註解，而且建立咗一座用衆寶所合成嘅時輪金剛壇城。響佢任命佢嘅仔蘇瑞瓦惹做國王同埋密續嘅導師之後，佢就入滅嘞。

好多偉大嘅國王出現響香巴拉王朝，譬如卡吉瓦沙、卡吉普達利卡等等，佢哋使到精心嘅時輪金剛法發揚光大，有如日月光明。時輪金剛法就係咁樣經由連續不斷嘅香巴拉國王不斷咁去傳遞而最後再傳入印度。傳入印度有兩個嘅重要故事須要敘述，分別係“惹（Ra）”嘅傳統同“哆（Dro）”嘅傳統嘅故事。

依照“惹”嘅傳統，時輪金剛同埋相關嘅注釋係響三位國王同時統治嘅時候以《菩薩傳集》聞名出現響印度。以菩提伽耶爲之中心，三位國王分別係北河巴拉（係響東部嘅象王）、究剛加（南部嘅人王）同埋卡紐（喺西部嘅馬王）。響呢個時候，偉大嘅西魯班智達誕生響印度東部五個國家之一——奧里沙（Orissa），佢精通佛法全部嘅教理。西魯響惹那基里寺、威拉馬西拉寺同埋那爛陀大學研集咗所有佛陀嘅經典，特別係佢響惹那基里寺嘅研集，因爲呢個寺係冇受到土耳其人嘅破壞。

西魯了解咗爲咗即身成佛，佢須要學習咒乘，特別係佢需要響菩薩注釋裏便呢啲教法嘅淨化法。響知道呢啲教法存在響香巴拉國嘅時候，並由佢嘅本尊給予佢指示之後，佢就加入海中尋寶嘅商人隊伍。響同呢啲商人商議之後就出發渡海，響共渡六個月之後，佢哋就分道揚鑣嘞。

西魯一步步前進，最後響爬上一座山嘅時候，佢遇見一個人，呢個人就問佢話：“你要去邊度吖?”西魯就回答：“我要去香巴拉國搵《菩薩全集》。”於是呢個人就話：“要去嗰度係一件好困難嘅事，但係如果你能夠了解《菩薩全集》嘅話，甚至響嗰度你就可以聽得到佢嘞"。西魯知道呢個人呢，其實就係文殊師利菩薩嘅化身，於是佢頂禮、獻曼達，而且請求菩薩教導。呢個人就傳授西魯全部嘅灌頂、密續嘅注釋同口傳，佢抱住西魯，放一朵花響佢嘅頭上便，而且加持佢話：“希望你能夠領悟完全嘅《菩薩全集》。”然後就如同將一個容器裏便嘅水倒入另一個容器，西魯就契悟咗完整嘅《菩薩全集》。佢照先前嘅方向返番去，而且遇到番呢啲商人，佢就返番去東方嘅印度。

根據“哆”嘅傳統，時輪金剛法係由卡拉恰庫拉巴達上師再傳入印度嘅，一對修持大威德金剛瑜伽嘅行者依照大威德金剛密續裏便所教授嘅方法進行祈求降生麟兒嘅儀式而獲得一個兒子。當佢長大之後，佢聽到北方菩薩教導佛法，所以佢就前去聽法。由於佢嘅虔誠，香巴拉嘅國王知道呢位年輕人純正嘅動機同埋對深奧佛法嘅熱誠，佢知道如果呢位年輕人意圖到香巴拉就會危及佢嘅性命，因爲佢必須花費四個月嘅時間先能夠穿越無水嘅荒原，因此香巴拉國王就變成一個化身嚟到荒漠嘅邊遇會呢位年輕人。

國王見到呢位年輕人就問佢話：“你要去邊度吖？爲咗一啲乜嘢呢？”當年輕人話俾國王聽佢嘅意願嘅時候，國王就話：“呢條路係非常艱難，但係如果你能夠了悟呢啲事物，難道就唔能夠當下就喺呢度，聽到你所希望得到嘅嘢咩？”年輕人領悟到呢一位響佢眼前嘅人就係香巴拉國王嘅化身，於是年輕人就請求佢嘅教導，就喺嗰度，國王爲年輕人灌頂，並且以四個月嘅時間教導佢全部最高深嘅密續，特別係三部《菩薩全集》嘅注釋。亦都好似一個花瓶嘅水注滿到瓶口嘅邊緣，年輕人了悟而且記住所有嘅密法。當佢返到印度之後，就被當作係文殊師利嘅菩薩化身而好出名，而且佢嘅名字就叫做卡拉恰庫拉巴達（Kalachakrapada）。

“惹”同“哆”嘅傳統，呢兩個法統敘述咗時輪金剛法係由西魯同埋卡拉恰庫拉巴達引入印度嘅，時輪金剛法響印度持續被研習同埋修行，而最後傳入咗西藏。經由呢一啲因緣，“惹”同“哆”呢兩個傳統就成爲兩支主要嘅傳承。

“哆”嘅傳統係從喀什米爾嘅索馬那沙班智達到西藏嘅參訪做爲開始嘅。索馬那沙首先到達咗西藏卡惹嘅地方，而且停駐響Ryo，啫係“優”嘅部族，以一百兩黃金作爲報酬，索馬那沙翻譯咗一半龐大嘅《時輪金剛注釋》。呢一半龐大嘅《時輪金剛注釋》，即係《無垢光》（Vimalaprabha）。《無垢光》呢部份嘅教法，索馬那沙將佢翻譯成爲西藏文，但係響翻譯嘅中途，佢就變得唔愉快，而且停止咗工作，佢攞走咗黃金同佢嘅翻譯草稿嚟到潘優竺，響嗰度桑部族嘅宗亞拜索馬那沙作爲佢嘅上師，而且請“哆”嘅部族嘅沙惹扎作爲譯師，索馬那沙同沙惹扎於是共同最後完全完整咁翻譯咗《無垢光論》。

“哆”嘅傳統持續傳到卻庫奧釋喇嘛，呢位喇嘛精通“哆”部族嘅教法，包括時輪金剛。佢嘅弟子就係嘎洛喇嘛，精通“哆”傳統同埋“惹”傳統，而且將佢融爲一支嘅傳承。“惹”傳統就係由惹部族嘅卻拉開始，佢係著名嘅譯師惹多傑扎嘅侄，佢出生響連瑪孟優。惹卻拉記憶而且精通“惹”部族嘅一切教理，後嚟佢想學時輪金剛法，所以佢就動身前往尼泊爾中部。佢響嗰度伺奉沙曼塔師利班智達長達五年十個月零五日嘅時間。沙曼塔師利爲佢解說全部嘅時輪金剛經典，而且給予灌頂同口傳，然後卻拉恭請沙曼塔師利到西藏，響嗰度佢哋審慎翻譯出時輪金剛密續同佢嘅註疏，以及一啲輔助嘅經典。“惹”傳統繼續透過惹卻拉嘅兒子同埋孫，最後傳到咗嘎洛喇嘛，好似前便所講嘅。嘎洛喇嘛融合咗“惹”同埋“哆”嘅傳統，而佢嘅傳承經由布登寧青竺同埋宗喀巴等等嘅大師而傳佈落嚟。時輪金剛教法嘅研習同修持係藉機響“惹”同“哆”嘅傳統而流傳到今日嘅。

時輪金剛密續嘅修持如同所有佛教密乘嘅法門，基本係在於首先要接受正式嘅灌頂。由於灌頂必須適當授予同埋接受，因此上師同弟子彼此都須要具有相當程度嘅資格。密咒乘嘅上師嘅資格由羅桑卻吉嘉乘曾經講過，佢話：“上師必須身、口、意清淨，必須非常嘅賢明同睿智，有耐心而且誠實不欺，亦都必須深諳咒語同密續而得到真正嘅成就，亦都能夠編撰同詮釋所有嘅法本。”其實我哋十分慶幸，能夠到今時今日，亦都搵到能夠具有真正傳承嘅時輪金剛法嘅真正嘅明師。

關於講到弟子嘅方面，弟子必須體驗大乘道三個主要嘅觀念，就係出離輪迴嘅心念、菩提心、同埋了悟空性。如果弟子未有呢啲觀念嘅實際經歷，佢至少必須具有智慧精通呢啲嘅觀念同埋爲之讚歎。呢三個觀念之中最重要嘅就係菩提心，即係受灌頂嘅最初發心。彌勒菩薩響佢嘅《現觀莊嚴論》之中同菩提心講咗一啲定義，菩提心係爲咗利益一切衆生而祈求真實圓滿正覺，尤其係特殊，好似受時輪金剛灌頂法嘅時候呢，弟子必須依照下列所講嘅方法去發菩提心。咩方法呢？就係爲咗救渡一切有情衆生，我必須成就師利時輪金剛嘅境地，然後我能夠使到所有其他嘅有情衆生亦都能夠成就師利時輪金剛嘅境界。如果具備咗以上所講嘅發心呢，先能夠可以接受灌頂。

密乘灌頂嘅主要目的就係透過灌頂上師，使到弟子身心連續而成熟，呢度嘅“成熟”係指授予弟子有修持生起次第同圓滿次第瑜伽嘅資格，特別係時輪金剛法嘅灌頂授權，弟子可以修持時輪金剛密續瑜伽並且最後成就師利時輪金剛嘅境界。時輪金剛法總共有十一次灌頂，有七次係等於初階，即係進入好似幼童階段嘅灌頂，有三次係高階，有一次係最高階位嘅灌頂。作爲弟子嘅應該暫時一心不亂，只係世俗嘅成就，如果只有呢啲心態嘅呢，就只會給予七次較爲低層次嘅灌頂，至於嗰啲趣入佛界超凡嘅成就者先會給予十一次嘅灌頂。

進入好似幼童嘅七次灌頂——孺童七灌，就係初灌，亦都係“水灌頂”，就猶如一位母親響孩子出生之後立即爲佢嘅孩子沐浴一樣；第二次嘅灌頂呢，係“佛冠灌頂”，猶如幼童頭上綁髻加冠；第三次“幡戴灌頂”，猶如刺穿幼童嘅耳朵，戴上飾物、瓔珞去打扮佢一樣；第四次灌頂“鈴杵灌頂”，就如同幼童喺度嘻笑同談話；第五次灌頂係“戒律灌頂”，就如同幼童五欲嘅享樂；第六係“授名灌頂”就係如同幼童嘅命名一樣；第七係最後嘅進入，好似幼童嘅灌頂，即係“加持灌頂”，呢項灌頂係授予弟子消除業障而且能夠成就息、增、懷、誅，亦即係息災法、增益法、懷愛法同埋降伏法嘅不可思議嘅力量。

至於講到三次高階嘅灌頂，就係寶瓶灌頂、秘密灌頂同智慧灌頂。最高階次灌頂呢，亦都稱爲第四灌頂或者文字灌頂，先前嘅智慧灌頂係授予弟子成就菩薩嘅第十一地，然後上師象徵性指出智身嘅結合、無上不變嘅大樂同埋擁有一切最完美觀念嘅空性。講咗呢啲之後，上師就授予弟子第四級灌頂，呢個灌頂係授予弟子師利時輪金剛（Shri Kalachakra）本尊嘅形相而證得完滿嘅佛果。

Om kalachakra hum 

Om kalachakra hum 

Om kalachakra hum 

Om kalachakra hum bhrum phat svaha　

195.大悲咒講解

南無千手千眼無礙大悲心大陀羅尼神妙章句，陀羅尼曰：

南無何囉怛那 哆囉耶耶 南無阿喱耶 婆嚧雞帝 芻般囉耶 菩提薩埵婆耶 摩訶薩埵婆耶 摩訶加嚧尼加耶 唵 唦嚬囉花夷 蘇怛挪怛佘 南無悉雞唎佗 伊蒙阿喱耶 婆嚧雞帝 斯唬囉呤佗婆 南無挪囉堅馳 斯唎摩訶 嚬哆唦咩 薩婆阿佗 豆輸朋 阿斯唌 薩婆薩埵 那摩婆薩埵 那摩婆伽 摩花打豆 怛吱佗 唵 阿婆嚧斯 嚧加帝 加羅帝 夷斯喱 摩訶菩提薩佗 薩婆薩婆 摩囉摩囉 摩斯摩斯 喱佗唌 俱嚧俱嚧 雞蒙 度嚕度嚕 花些耶帝 摩訶花些耶帝 陀囉陀囉 地喱尼 斯唬囉耶 遮囉遮囉 摩摩花摩囉 穆低唎 伊斯夷斯 斯挪斯挪 阿囉仙 唬囉些唎 花唦花仙 唬囉些耶 呼佬呼佬摩囉 呼佬呼佬斯唎 娑囉娑囉 斯唎斯唎 蘇嚧蘇嚧 菩提耶 菩提耶 菩佗耶 菩佗耶 彌低喱耶 挪囉堅馳 第哩斯尼那 般耶摩娜 娑婆何 斯佗耶 娑婆何 摩訶斯佗耶 娑婆何 斯佗喻意 斯嚬囉耶 娑婆何 挪囉堅馳 娑婆何 摩囉挪囉 娑婆何 斯囉僧 阿穆伽耶 娑婆何 娑婆摩訶 阿斯佗耶 娑婆何 啫雞囉 阿斯佗耶 娑婆何 般陀摩 雞斯佗耶 娑婆何 挪囉堅馳 嚬伽囉耶 娑婆何 摩婆唎 勝雞囉耶 娑婆何 南無何囉怛那 哆囉耶耶 南無阿喱耶 婆嚧雞帝 芻嚬囉耶 娑婆何 唵 斯甸都 呡哆囉 般佗耶 娑婆何

大悲咒係，其實係千手千眼無礙大悲心大陀羅尼神妙章句嘅簡稱，其實大悲咒亦都叫做廣大圓滿陀羅尼、無礙大悲陀羅尼、救苦陀羅尼、延壽陀羅尼、滅惡趣陀羅尼、破惡業障陀羅尼、滿願陀羅尼、隨心自在陀羅尼、速超十地陀羅尼等等嘅名號。大悲咒呢個真言一共有八十四句，響咒文裏便除咗“娑囉娑囉”呢一句係表示五濁惡世之外，其餘嘅八十三句就分別代表八十三位菩薩。雖然咒文裏便相同嘅句數係好多，但係咒文代表嘅菩薩呢，就每句嘅意思唔同，我哋可以參考下《大悲心陀羅尼經》圖像裏便嘅解釋。

其實咒呢，即是“真言”，或者叫做“陀羅尼”，梵文嘅名稱係“dharani”，亦都譯做我哋漢文就係“總持嘅法門”啦。總持嘅法門係諸佛菩薩修持得果嘅心法結晶，響呢個宇宙有無量無數嘅佛，所以就有無量無數嘅陀羅尼門，而同一嘅陀羅尼門亦都有無量數佛修持成功得果嘅。學佛嘅人其實唔係以多持爲貴，而係以一心不亂、一門精進爲宗，我哋要知道諸法如義，一法係等於一切法。但係一切嘅咒文都係梵文，有時會將佢意思譯做中文，但係我哋持咒嘅人呢，其實係唔需要知道佢嘅意思，因爲當我哋誦咒嘅時候，我哋心明白佢嘅意思，反而就會令我哋生起分別心添，所以就唔能夠令我哋一心持誦，達到爐火純青、一心不亂嘅境界嘞。譬如六字大明咒“唵嘛呢叭咪吽”係觀世音菩薩嘅微妙心印，淨係簡單呢一句六個字嘅咒文同樣就能夠成就不可思議功德，而能夠證到圓通啦。其他好似九字真言或者准提神咒，最後嘅“Om cale cule cunde svaha”，短短呢幾個字，曾經過去就有七億嘅佛修持呢個咒成功得果，所以大悲咒係以往九十九億恆河沙數諸佛所講㗎。所以係殊勝而不可思議嘅。

咁大悲咒有咩殊勝之處呢？一共有好多點嘅。第一就係，大悲咒係過去九十九億恆河沙數佛所講嘅。觀世音菩薩係響千光王靜住如來裏便學習呢個咒，當時觀世音菩薩啱啱就係修持到菩薩嘅初地，但係一聽聞呢個咒，立刻嘅果位就超升到第八地，於是觀世音菩薩佢就心生歡喜，發下宏誓要安樂衆生，即時應願，所以佢發願之後，由佢嘅身體之中就生出千手千眼，所以“千手千眼觀世音”呢個名號就由大悲咒裏便得來㗎。第二點，觀世音菩薩曾經對釋加牟尼佛講過：“如果衆生誦持大悲神咒，如果唔生去諸佛國嘅呢，唔得到無量三昧嘅辯才，響現在生之中一切所求嘅願望如果唔得果遂嘅呢，就唔會成正覺。”但係有一點我哋要注意嘅，持咒嘅人如果不善心同不至誠心，譬如求啲唔善嘅心願啦，或者響誦持經咒嘅時候攞唔出呢個至誠心，呢個咒係唔能夠圓滿成功㗎，係唔能夠得果，所以大家持誦大悲心咒嘅時候就要記住呢兩個心法：“不善”同“不至誠”。一定要善心善願，同攞你嘅真誠至誠嘅心去持誦，咁就一定產生到功效㗎喇。第三點係誦持大悲咒嘅人呢，我哋應該知道係有菩薩同佛去授記，呢個人即是佛身嘅寶藏，九十九億恆河沙數嘅佛所愛念呢個人，所愛惜呢個人，呢個人係光明藏，一切如來嘅光明都會照向呢個人嘅身上，消除呢個業障，加持呢個人。第三（註：根據上文，“第三”應爲“第四”，下面序號以此類推）係慈悲藏，慈悲藏係以陀羅尼去救療一切衆生，呢個人遲啲就會擁有大悲心，利用大悲咒嘅神力去幫助好多衆生㗎喇。第四所講嘅係妙法藏，學習大悲咒嘅人能夠普攝一切陀羅尼嘅緣故，普攝一切陀羅尼嘅意思就係話，一通就一切，一切通嘞，受持大悲咒成功嘅時候，其他陀羅尼自然就會明白嘞。第五係禪定藏，百千三昧常現前故，就係話當你修持大悲咒打坐入定嘅時候、你證到大悲三昧嘅時候，其他亦都能夠通向唔同咒術嘅禪定，亦都能夠通達嘅。第六就係虛空藏啦，虛空藏就修持大悲咒陀羅尼能夠令我哋有個空觀心而產生空觀嘅智慧，去觀察衆生嘅生死苦惱，同埋明白一切佛法裏便嘅道理嘅。第七係無畏藏啦，無畏藏，修持大悲咒，由於觀世音菩薩有個別號就叫做“施無畏者”，所以受持大悲咒嘅人就得到無畏啦，亦都有龍天嘅善神護法時常護持呢個人，令佢離開險難、得到無畏嘅。第八點呢，就係妙語藏嘞，妙語藏就係我哋受持大悲咒，口中時常唸誦大悲咒嘅陀羅尼音係唔會斷絕嘅，呢個就大悲咒嘅三昧，行住坐臥不念而念嘅境界啦！你唔覺得你自己唸緊咒，但係其實你已經響咒中，心與咒係交融打成一片，亦都同觀音嘅心相印㗎喇。第九係常住藏，常住藏嘅意思就係水火風三災同埋其他嘅惡劫唔能夠損壞受持呢個大悲咒嘅人嘅，即是意思唔會受其他災害所動搖佢嘅。第十係解脫藏，解脫藏嘅意思受持大悲咒能夠降伏一切天魔外道，唔能夠令佢留低響你身邊去對你作出任何嘅破壞。第十一係藥王藏啦，藥王藏就係受持呢個大悲咒自然擁有觀世音菩薩嘅悲心，用呢個陀羅尼去救治一切衆生嘅病苦，猶如一個藥王個寶藏一樣，開咗呢個寶藏，一切嘅病都有藥，一切嘅病都得以被醫治而成功啦。第十二點呢，就係神通藏，神通藏修持大悲咒陀羅尼嚟講，能夠開發我哋嘅五神通啦，亦都能夠即身能夠證果，證到阿羅漢果，如果你修持產生力用一心的話，時常唔斷絕呢個咒，今生所證到嘅四沙門果都係可以得到㗎，即是意思話連阿羅漢果，你一心修持呢個大悲咒，今生就可以得證嘞，所以係神通藏。“神”者就“不測”，“通”者就“無礙”，你嘅神通法力係冇人阻礙得到你，而且能夠通達一切，能夠遊歷諸佛國而得到自在啦，所以受持大悲咒能夠開發呢神通去救渡衆生，呢個人嘅功德唔係我以上講咁多點可以讚盡得到佢嘅。

另外誦持大悲咒其實亦都有好多功效嘅，譬如，第一，能得安樂啦；第二，除一切病啦；第三，延年益壽啦；第四，得到富饒啦；第五，滅除一切惡業重罪啦；第六，離開障難啦；第七，增長一切白法功嘅功德啦（“白法”嘅意思呢，就係善心善願嘅善法，相反相對“黑法”呢，就係邪法啦），所以“白法”嘅意思就係善法，一切功德都能夠增長嘅；第八，係成就一切嘅善根啦；第九，遠離一切怖畏啦；第十，當修持大悲咒嘅人臨命終嘅時候佢希望發願去邊個佛國都能夠受到菩薩接引而隨願得生㗎。

觀世音菩薩其次亦都同佛陀講過話，唸大悲咒嘅人呢，得到十五種善生，咳，何者爲十五種善生呢？第一，所出生嘅地方時常能夠遇到友善嘅國王去攝化呢啲地方㗎；第二呢，時常能夠出生響圓滿善化嘅國度，呢啲意思就係話你生喺呢啲國家就唔會有咩天災人禍，係比較合適令我哋修持佛法同埋生活㗎；第三，常值好時，就係意思我哋能夠時常逢到好嘅時節，唔會任何風雨不調吖，任何障難；第四，常逢善友，修持大悲咒嘅人時常都會碰到善知識教授佛法提攜佢，唔怕令佢走入險路，險路嘅，包括佢喺工作、喺愛情或者其他方面都會碰到好嘅朋友嘅；第五，身根常得具足，當然啦，修持大悲咒嘅人點會出生殘缺，點會盲聾喑啞呢？絕對冇呢啲事嘅。第六，道心純熟，修持大悲咒嘅人日子有功，具有大悲心，佢嘅心係唔會退轉，好純熟，唔會受其他環境容易動搖得到佢㗎；第七，不犯禁戒，受持大悲咒嘅人絕對會產生個力量令到佢護持戒律，守持釋迦佛清淨嘅戒律，在家人嘅戒律當然係五戒同埋十善啦，受持大悲咒嘅行者絕對唔會作出破壞呢個五戒十善嘅事嘅，否則佢受持呢個咒就冇力啦；第八，所有嘅眷屬都能夠響我哋身邊得到恩義和順，絕對唔會有唔開心同忤逆嘅事嘅；第九，我哋嘅資具同埋財寶，即是意思話我哋身旁嘅物質都能夠得到豐足，唔會令我哋缺乏得到挨餓或者飢渴嘅；第十，恆得他人恭敬扶接，時常呢，就有人，貴人呢，去提攜我哋，去扶持我哋、接引我哋，令到我哋樣樣都順遂嘅；第十一，所有嘅財寶呢，唔會被其他人去劫奪得到，係冇呢啲打橫嘅、唔係正嘅、打橫嘅劫奪之事吔；第十二，意欲所求皆悉稱遂，我哋求任何嘅善願、心願都能夠滿足到我哋嘅；第十三，龍天善神恆常擁衛，當然啦，頭先講過，一切嘅天龍護法都係護持大悲咒嘅勝，行者嚟嘅，所以修持大悲咒嘅人自然得到護衛啦；第十四，所生喺嘅地方都能夠見聞佛法嘅，大悲咒嘅力用就能夠令到我哋見聞佛法啦，唔會生喺啲邊地、旁邊嘅地方、冇佛法嘅地方；第十五，我哋聽到嘅正法悟甚深義，意思就係話我哋受持大悲咒，而家開始去研究經書的話，學習佛法，我哋就能夠舉一反三有呢個能力，因爲大悲咒能夠令我哋加持智慧，我哋修持大悲咒就能夠明白到嘅係比其他人更多，悟到響佛法裏便嘅道理好深嘅層次，就“所聞正法悟甚深義”嘅意思啦。

講完正面，又講一啲反面，其實都係正面嘅，因爲受持大悲咒呢，唔會有十五種非命嘅橫死同埋惡死。何爲十五呢？第一，就係唔會飢餓困苦死啦；第二，就唔會俾啲枷鎖囚禁而俾棒仗亂棍打死啦；第三，係唔會俾我哋嘅冤家爲咗報仇而對我哋殺害啦；第四，當我哋行軍打仗嘅時候，唔會俾對方嘅軍陣之中嘅士兵或者將領傷殺啦；第五，亦都唔會俾一啲兇猛嘅虎狼惡獸殘害到我哋；第六，亦都唔會俾一啲毒蛇吔、毒嘅蠍子吔，或者其他嘅毒物中佢哋嘅毒而令到我哋死於非命嘅；第七，唔會被大水所漂啦，唔會被大火所燒啦；第八，亦都唔怕我哋中咗啲毒藥令到我哋服毒之後而身亡嘅，即是意思話人家落你毒嘅時候，你持誦大悲咒，一切嘅毒物都會化爲甘露嘅；第九，亦都唔會俾吔，啲毒蟲吖，去令到我哋中毒害死嘅；第十，不爲狂亂失念死嘅意思就係話，我哋唔會因爲神經病或者精神病呢，令到我哋心智喪失，受靈界騷擾，或者自己一時諗唔開，失去我哋正念而去自殺，呢個就係狂亂失念死嘞；第十一，唔會我哋喺高處嘅山樹或者崖岸無端端會墮落俾人推吔，或者響一啲高嘅地方跌落嚟吔，而躂到我，而令到我哋呢，死亡嘅；第十二，唔會俾啲惡人或者魘魅，魘魅啦，去傷害我哋，何爲“魘魅”吔？“魘”呢，就係俗稱俾鬼砸嘞，“魅”呢，就係啲妖怪附喺我哋身上，令到我哋非時死亡，我哋唔會有呢啲災害嘅；第十三，一切嘅邪神同埋惡鬼，我哋受持大悲咒都可以將佢哋驅散，唔會令到佢得到方便，侵擾我哋，令到我哋無端端死亡嘅；第十四，受持大悲咒嘅人亦都唔會有一啲頑疾、一啲惡病，因爲啲頑疾惡病而導致我哋死亡嘅；第十五，不爲非分自害死，非分自害死呢，亦都好似呢個狂亂失念死，有時係會自殺，因爲我哋失去神志，但非分自害死嘅時候就係自己無端端做一啲了結自己生命嘅事，未到時候我哋死亡就將我哋福報同緣份今生了斷，受持大悲咒係絕對唔會有呢啲事，所以大悲咒能夠避免以上十五種橫死，響人類世界裏便，我諗都不出呢十五種，至於嗰複雜嘅程度同埋，同埋嗰情況呢，就有所變化各人不同啫。

誦持大悲咒，仲有響世間上嘅八萬四千種病都能夠醫治吔。何謂“八萬四千”吖？“八萬四千”，其實我哋唔好執著一個實數，其實亦都係印度翻譯我哋中文漢語一個成語嚟㗎，猶如我哋中國人所講嘅“成千類萬”，好多好多，其實係冇一個實數。意思就話好多好多病都能夠唸誦大悲咒得到醫治，但係你記得，再提大家一句“唯除不善與不至誠”吖，記得要善心同埋誠心先有功效嘅。

如果我哋響山野之間去誦經坐禪，猶如有啲出家人以前喺個山洞裏便閉關打坐，廖無人煙嘅，喺啲地方自然有啲山精吖、魍魎鬼怪吖，依附木石或者依附樹木而成精嘅鬼怪呢，都會對啲修行人作出惱亂嘅。假如有啲咁嘅情況，當我哋日常修行遇到呢啲事吔，無論喺咩地方，我哋只要誦持呢個大悲咒呢，嘅時候咧，呢啲鬼神或者魔怪都會大悲咒咧，綁住唔能夠動彈，唔能夠騷擾我哋誦經去坐禪，所以大家記住，遇到呢情況就去持念大悲咒啦。如果去如法誦持大悲咒呢，其實我哋嘅本尊，慈悲嘅千手千眼觀世音菩薩就會敕令，佢命令一切善嘅神或者金剛密跡，“金剛”就可以，不可以被其他東西破壞啦，“密跡”就係隱蔽佢嘅身形蹤跡而護衛我哋，我哋雖然見唔到佢哋，但係佢哋時常都會護衛我哋，係觀世音菩薩派佢嚟嘅，因爲我哋受持大悲咒，我哋專心，我哋有咁嘅德行，所以啲密跡金剛就會嚟保護我哋啦，時常去衛護我哋。“不離其側，如護眼命”吖，唔會離開我哋嘅側邊，猶如護持佢哋自己本人嘅生命同埋佢哋嘅眼睛一樣，你話呢啲金剛護法護持我哋係幾重要呢！佢哋所發嘅心係幾大！所以我哋應該好好地去努力修持呢個大悲咒嘅。

又譬如，如果我哋如果響現世所求一啲善緣的話呢，我哋可以響二十一日以內呢，要淨持齋戒。何謂“齋戒”呢？唔好唔記得，“齋”字嘅意思呢，係“心”同“口”合一。我哋唔好以爲我哋口食齋或者食素就係真正嘅齋戒，響受持大悲咒呢個二十一日裏便呢，或者其實我哋平時去食素食齋呢，係要用個心，唔係用個口，口就係身體，係我哋嘅心去控制，我哋心一樣要清淨㗎，心唔好貪、唔好瞋、唔好痴、唔好慢、唔好疑，就係心持齋戒啦，要呢個心持齋戒再配合埋我哋外在嘅行爲去真正唔好食肉，唔好侵損一切衆生，啖食殺害一切衆生，口要持素食，心口合一呢個齋戒，咁樣二十一日內我哋受持呢個大悲心陀羅尼，我哋所求一切嘅願望同果報就會靈驗㗎喇。

記住，加上我哋嘅至誠心同埋恭敬心，同埋唔好懷疑嘅心，咁你修呢個大悲咒就一定靈感，一定呢，非常之響應，菩薩一定會護持你。希望大家好好地去受持呢個大悲咒，唔好空過呢個人身，辜負咗觀世音菩薩將呢個咒傳番響我哋人類世界嘅一番心意吔！

196.華嚴梵網妙重重（一）

佛教係一種人文嘅信仰，由華嚴宗嘅“信、解、行、證”四個修行嘅步驟到淨土宗嘅“信、願、行”嘅實踐過程都建立響信仰之上。事實上，宗教嘅本質就係建立響信仰，而唔係建立響推理同思辨，雖然佛教亦都兼顧教理嘅了解同實踐，但係“信”畢竟係第一個因素，因爲信心帶俾我哋精神生活同埋希望。

信仰係建立響“希望”呢個心理活動之上，人類無論處於順境或者逆境都要抱住希望，隨時隨地爲尚未誕生嘅事物去做準備，即使響我哋活著嘅時候，目標仍然未誕生，但係唔絕望。信仰對於已經存在或者根本唔可能發生嘅事抱住希望係冇乜意義嘅，同時，信仰如果堅強就會培育出新生同埋成長，充滿光明同智慧。冇希望或者根本就冇信仰，人類就會恐懼、厭倦，或者孤獨。信仰事實上就係一種心理動力，亦都同時係一種需要，佢係實現生活嘅基礎，所以《大方廣佛華嚴經》上面講過：“信爲道源功德母，長養一切諸善法，斷疑生信出愛流，開證涅槃無上道。”（註：根據CBETA，“斷疑生信出愛流，開證涅槃無上道”疑爲“斷除疑網出愛河，開示涅槃無上道”）

佛教嘅信仰係在於發揮自己嘅慧性，佢所傳佈嘅各種法門，響中國傳佈開嚟，無論係華嚴宗、天台宗、淨土宗、禪宗、密宗等等，都離唔開清淨嘅菩提心，清淨嘅菩提心就係要我哋由無明嘅煩惱之中解脫出嚟，達到涅槃，熄滅一切有爲法，去伏斷“所知”同“煩惱”二障，進入莊嚴嘅精神法界，啫係成佛啦。因此呢，佛教就生活嘅層面去睇，佢要我哋由非理性嘅情慾之中解脫出嚟，過豐足同醒覺嘅生活，而且發展理性同慈悲嘅力量，佢要人類追求智慧嘅成長、心靈嘅自由、幸福同喜悅。就人生嘅前瞻嚟講呢，信仰俾我哋一個意義豐富嘅未來，即係同十方諸佛同回於華藏世界。

佛陀教化嘅宗旨就係“法界唯心”，法界就喺我哋精神生活嘅本身，而精神生活嘅主要素材呢，就係倫理嘞。現在我哋從《梵網經》嚟討論佛教倫理嘅本質，喺呢部經裏便，佛陀將倫理同心理，即係“心地法門”，完全咁樣融和。倫理唔係單純嘅規範或者戒條，而係一種由我哋心地所流露出嚟嘅德性同埋能力，所以倫理其實係涵蓋有一種智慧、能力同完美嘅本質響裏頭。當人類嘅精神生活達到澄澈光明嘅時候，就具有超越欲界、色界同無色界三界嘅能力而證入一真法界嘅華藏世界。

《梵網經》係一部專講由倫理入手，提升精神生活嘅經典。佢可以話係華嚴經教嘅實踐倫理學，亦都係入華嚴海會嘅藍圖、證一真法界嘅進階。依照《梵網經》而即知即行，去誦唸華嚴而神遊法界嘅莊嚴，日日念佛而觀照進入寂光淨土嘅深妙，所以《梵網經》係精神生活理事互攝嘅指引，從而顯露無緣大慈同埋同體大悲嘅清淨菩提心。

佛陀教人由“覺”而證入佛性係有次第嘅。“覺”有三個階梯：第一係“自覺”，係平直而行，依根勝因緣任運生活，不被境遷亦都不被五欲所綁，亦都唔受“煩惱”同“所知”二障所蔽，就係“自覺”嘞；第二係覺他，覺他係指同二乘唔同嘅醒覺，所謂二乘啫係小乘啦，以空見爲佢哋嘅綱領，以厭生死取涅槃嘅心態，只求空滅，充其量只係自了漢。大乘就響“自覺”之後實踐梵網嘅倫理，實現自己，布施俾人，運無緣慈，起大悲心去廣化衆生；第三係“滿覺”啦，“滿覺”啫係悲智雙運、萬德圓滿，是究竟覺了嘅佛陀。

喺呢三個階段，喺《梵網經》之中就得到融和，三覺合埋一覺，完全響倫理嘅精神生活之中表現出嚟，所以，明朝律宗嘅大師寂光講過：“梵網二字乃因人所具之莊嚴，若能回真向俗，始知佛陀說梵網以度人，始知人人持梵網以成佛。”（註：根據CBETA，“始知佛陀說梵網以度人，始知人人持梵網以成佛”疑爲“始知佛佛說梵網以度人，若能回因向果，始知人人持梵網以成佛。”）淨空法師亦都講過：“依梵網菩薩心行，入華嚴不思議解脫境界，安住彌陀寂光淨土。”

所以《梵網經》係學佛證道嘅指引，係融和世出世間法嘅橋樑，係過去心、現在心同未來心所以不二嘅根源。“梵網”就係道德，佢係法界嘅新生同醒覺嘅序曲，我哋必須了解道德倫理並非世人功利心嘅旁白，而係精神生活成長嘅資糧。現實生活其實只係生活嘅一小部分，凡塵嘅種種夢影不過係未來法界生活嘅開端啫，如果唔以堅毅嘅心志去實踐經由醒覺所發展出嚟嘅倫理，慷慨布施，咁通往法界成佛成聖嘅可能性就唔存在了。

倫理係一種我哋自身生活嘅實驗，而理論同邏輯只不過係經由思惟同感覺所編織嘅觀念，所以倫理係絕對嘅力行，唔係知性化嘅知道。“梵網”嘅本質就係實踐倫理，而唔係建立一套儀式同死硬嘅教條，因爲儀式同教條會僵化實踐嘅智慧，佛陀所教誡嘅“梵網”究竟係咩道理呢？咁樣就要由經典嘅內容開始講嘞。

呢本經典如果依據華嚴判教嘅區分嚟睇，應該屬於圓教嘅經典，因爲佢係法界同教理不二嘅教典。本經一開始就好似一本高妙嘅文學作品一樣，講到釋迦牟尼佛入四禪天——摩醯首羅天王所住嘅地方。呢個地方又叫做色自在天，修證到十地嘅法雲地菩薩就住喺裏便嘞，佢哋嘅修行同精神生活都已經到咗最勝嘅境界，再加修證就即將成佛嘞。嗰個時候衆菩薩正喺度討論華藏世界同埋報身佛盧舍那佛演說心地法門，闡明法界唯心嘅精義。

盧舍那佛象徵修行已經到諸惡淨盡、衆德悉滿、證得圓滿嘅報身佛，嗰個時候，化身佛嘅釋迦牟尼，同法身佛，所謂毘盧遮那佛同報身佛相互輝映。清淨法身、圓滿報身、千百億化身，呢三個身其實原本係一體，而家象徵千百億化身嘅釋迦牟尼身上放出智慧之光，照遍一切世界。所以我哋應該要知道，法身就係“體”，報身而顯嘅；報身就係“性”，因法身而成。化身係生活嘅大用，所以“千百億化身”。喺呢個時候，座之中嘅玄通華光菩薩亦都受到德性慧光嘅感應而放光，光照一切世界，可見呢位菩薩亦都係證入十地，入精神法界嘅最高層次嘞。跟住呢，釋迦牟尼佛以化身佛嘅神通妙用將法身、報身、化身融和爲一，俾華藏世界天人連成一氣，使到菩薩乃至於人、天同時能夠見到精神法界嘅增長同提升嘅次序，一副美麗嘅遠景就展現響衆生嘅眼前嘞。

呢個時候，衆菩薩同埋佛陀嘅弟子異口同聲咁問：“呢啲光明嘅本性究竟係咩嘢呢？”化身佛嘅釋迦牟尼爲咗要俾大家了解真相，就將大家一齊接引到去華藏世界，去到紫金剛光明宮殿之中，見到盧舍那佛坐喺百萬億蓮花赫赫光明嘅座位之上。呢啲百萬億蓮花嘅光明就係實踐倫理嘅果報，表示報身佛證果嘅莊嚴。呢個時候，世尊帶住大衆敬禮盧舍那佛，深深表示對圓滿果報嘅崇敬，亦都替菩薩詢問盧舍那佛點樣先能夠成就菩薩十地去證得佛果，而且亦都廣問如何實踐菩薩嘅行持。響嗰個時候呢，盧舍那佛好歡喜咁現出虛空光體性本源成佛常住嘅法身三昧，意思就係精神生活嘅圓成實性嘞，如實咁話俾大衆知，要其他大衆諦聽、善思、修行，透過“信、解、行、證”去證入精神法界。

呢個時候，華藏海會之上，盧舍那佛化爲千釋迦，千釋迦化爲億萬釋迦，每一個世界都有釋迦坐喺菩提樹下，各各說明菩薩嘅心地，咁整個嘅法會成爲一個法體，其他菩薩衆呢，響聽到法門之後呢，如是修行就可以成佛，成就釋迦牟尼，意思就係“能仁寂默”——能仁而唔住於涅槃，寂靜而唔住於生死，亦都表示能夠忍，能夠含忍響善惡而又無生於寂滅。

《梵網經》揭示咗人人都有嘅佛性法體，必須依法行證，依因緣根性實現修行就係化身，行果圓滿係爲報身，所以而家法會之上有億萬嘅釋迦同時爲諸衆生去請教盧舍那佛，請佢演說成佛證道嘅心地法門。呢個時候盧舍那佛所講嘅其實就係精神生活嘅訓練，所謂十住、十行、十回向同十地。現在我哋就嚟睇一睇呢個集法身、報身同化身響一體嘅精神生活嘅實踐倫理係一啲乜嘢嘅內涵啦。

人類嘅心理生活所抱持嘅希望就係精神生活嘅善性，佢既然係我哋嘅天賦，亦都係我哋覺得喜樂同豐足嘅泉源，所以希望係人類邁向高層次精神生活嘅起點，亦都係嚮往精神生活嘅趣向同動力。佢係一種準備，係一種光明嘅心願，而且係積極付諸實現嘅願力。此外，希望當然亦都係同慾望唔同啦，慾望嘅本質係貪婪同埋貧乏、享樂同墮落，而希望就係精神生活嘅豐富同成長。於是響華藏海會嘅時候，盧舍那佛講過：“諸佛當知……十發趣心向果。”

發趣心唔止係一種希望，同時亦都係生命同生長嘅本質，佢不但係理性嘅思惟，同時亦都兼具感性嘅情操，就好似太陽嘅熱能一樣滋潤我哋嘅精神生活，呢個心理嘅趣向俾自己發動咗邁向成長同光明嘅動機，成爲一股堅毅嘅力量。響佛教嘅倫理學裏面認爲佢能夠成爲五種力量，呢五種力量就係：信力、進力、念力、定力同慧力。

咁咩嘢叫做“信力”呢？“信力”係由豐富嘅自信同崇高嘅信仰所發出嘅力量。“進力”就係由光明心志所發出嚟嘅積極力量。“念力”呢，係由良好嘅信念所發出嚟嘅堅定力量嘞。“定力”呢，就係由純淨嘅抱負所孕育出嚟心安理得嘅定力。至於“慧力”呢，就係由不斷提升同心理嘅自發性所發出嘅智力。

透過呢五種心志嘅力量，趣向證果嘅大願就非常堅固嘞。呢個由希望到堅定嘅過程就係求道動機，不過只係動機仲唔夠紮實，所以盧舍那佛列出咗十住心，佢係十種時時用嚟校正係咪動機堅固嘅標準。

十住心就係——捨心，即係布施給予嘅發心；戒心就係維持正當嘅生活習慣嘅決心；忍心係心如虛空嘅容忍心；進心，即係努力不懈嘅積極心；定心係堅定嘅心志同埋唔被境界所牽嘅定淨心；慧心，即係保持醒覺免於障礙嘅心；願心，發願成就正等正覺嘅心；護心，維護自己不令鬆散嘅心；喜心就係對生活充滿歡喜心嘞；最後一種頂心就係抱住崇高信念嘅心。

呢十個發心，總歸一句說話，就係要以踏實堅定嘅心志由煩惱生滅嘅此岸邁向光明自由嘅彼岸，而下定決心要由“煩惱暗宅中，常須生智慧”。如果自己冇追尋崇高精神生活嘅決心，就唔可能有好嘅精神生活去深入法藏，證入無余涅槃。故此《六祖壇經》講過：“自若無道心，闇行不見道。”

當我哋打從心中發出弘願，而且願願都含有十住，咁樣生活嘅崇高理想就能夠落實。發心唔止係一個念頭嘅啫，必須係有具體嘅藍圖先有如實嘅大願，發心帶俾我哋希望，亦都帶俾我哋實踐嘅力量。

剛才我哋講過，響十行之中前四行係慈心、悲心、喜心同捨心，呢四種心響佛學之上稱爲四無量心，係指面對一切衆生要以呢四種存心同態度去對待佢哋。《俱舍論》上便話：“以無量有情爲所緣故、引無量福故、感無量果。”（註：根據CBETA，“感無量果”疑爲“感無量果故”）四無量心係佛教徒待人接物嘅基本存心，當然亦都係判斷自己行爲係咪合乎中道嘅理則啦。現在我哋要進一步去追究，點解要以四無量心嘅“心”去做爲力行嘅法門呢？顯然“心”呢個字係代表能力，佢係經過思考，透過健全人格所表現出嚟嘅活潑能力，心係清醒嘅，具有主動性嘅，係成熟嘅心智自然流露嘅智慧。龍樹菩薩響《大智度論》之中話：“‘慈’名愛念衆生，常求安隱樂事以饒益之；‘悲’名愍念衆生受五道中種種身苦、心苦；‘喜’名欲令衆生從樂得歡喜；‘捨’名捨三種心，但念衆生不憎不愛。”

從以上嘅解釋嚟睇，“慈”就係博愛啦，“悲”就係救濟其他人嘅苦難，“喜”係以助人爲樂，“捨”呢，就係無所求嘅行善。咁樣嘅心智能力就係力行梵網倫理嗰種內聖外王嘅基礎。“慈、悲、喜、捨”四種實踐嘅能力能夠生無量嘅福德，對治人格成長上所發生嘅障礙，所以《大智度論》上又講，爲咗對治我哋衆生內心嘅瞋毒，就要培養慈心；爲咗對治內心嘅惱怒必須培養悲心；對治情緒上嘅鬱悶，應該培養喜心；爲咗對治愛憎愚痴，應該去培養捨心。將呢啲心理上嘅障礙加以清除就能夠使心智不斷成長，精神生活不斷提升，所以話呢四種實踐嘅能力係無量甚深嘅智慧。

其次，十行之中嘅第五行到第八行就係所謂“四攝”嘞，呢四攝嘅事嘅實踐亦都係要由我哋心裏頭出發，佢哋分別就係施心啦、好語心啦、益心啦，同埋同心。

咩叫做“施心”呢？“施”係布施個“施”，當然唔會係自私個“私”啦。“施心”係普惠無惜，即是普施恩惠一切衆生而無吝惜，以自己嘅能力去儘量幫助其他人。“好語心”呢，就係良好嘅人際溝通關係嘞。“益心”呢，就係所謂利行，係方便別人嘞。“同心”呢，就係同事嘞，就係能夠設身處地，己所不欲，勿施於人嘞。

呢四種能力係佛學上四種同別人廣結善緣同處理人際關係嘅智慧。人係離唔開群體去生活，所以同別人相處嘅能力就係必備嘅條件。由心理學嘅觀點嚟睇呢，人如果響人際關係上適應不良呢，必然就會造成精神生活上嘅困擾嘅。人際關係亦都係人類互利互助、互愛互信嘅基礎，解決問題嘅智慧係由互動之中相互激發得嚟，所以群性同社會關係嘅能力係精神生活不可或缺嘅一環。

培養仁德嘅第三個力行法係要定心同慧心，呢個係禪宗見性成佛嘅心要。因爲《六祖壇經》上講過：“即心名慧，即佛乃定，定慧等持，意中清淨；悟此法門，由汝習性，用本無生，雙修是正。”人類嘅心理活動總係響定靜之中先發揮最高嘅創造力，響進行一項創造活動嘅時候，個心亦都變得專一篤定。六祖惠能話：“定就係慧體，慧就係定嘅用；即慧之時定在慧，即定之時慧在定。”定、慧係提升精神生活最根本嘅倫理。

盧舍那佛響說法之中講過揭示十種能力，啫係十行啦，去提升精神生活就係要由四無量心嘅慈、悲、喜、捨去做起，由四攝嘅布施、愛語、利行、同事之中去過合群嘅社會生活，由定慧等持之中去過現實嘅生活，見本無生無滅嘅自性。呢十個行門各自代表一種實踐嘅能力，而唔係死板嘅教條。四無量心係悲智雙運嘅能力，而四攝呢，就係立身處世、待人接物嘅能力，至於定、慧嘅功夫就係彙入精神法界嘅方法嘞。

呢十種能力必須自己實驗去體會，響生活之中實際去磨練，先能夠培養到純熟嘅程度，甚至成爲一種習慣，一種唔需要加以思索就可以如如運作嘅智慧同埋能力。人類嘅本性同天賦經過十行嘅訓練，培養出實踐生活精神嘅能力之後呢，就唔能夠即刻停止嘅，因爲嗰個時候先能夠真正要實現生命嘅意義，要將甚深嘅智慧同能力普注到現實世界，去普照一切有情衆生。呢個就好似我哋由學校畢業獲得能力同學識一樣，必須要回到社會去服務，所以佛教嘅宗旨基本上係“入世”，不過係一種出世嘅“入世”，係一種奉獻而唔執著嘅入世。

由華嚴經教嘅教理嚟睇，如果修習咗十住同十行，唔再繼續努力落去呢，即使得到定慧嘅功夫，亦都只不過係自己一個人響現世得到無礙，而冇將佢提升磨練，擴大範圍去幫助其他人，所以佢嘅能力只係等於冇經過實際嘅應用而得到更高層次嘅提升，距離所謂華嚴所講“理事無礙”同“事事無礙”嘅精神法界仲係好遠。因此，一旦呢個修行者離開現狀去投注到另一個情境呢，就會有困難同障礙嘞。套用一句世俗話講呢，就係修習嘅十住同十行只不過就係一個知識份子，而唔係真正克竟全功嘅成功者。

另一方面，由心智成長嚟講，當我哋自己進步到好高嘅階段，如果唔用嚟回向俾自己嘅同胞，乃至到一切嘅有情衆生，咁樣充其量只係一個自了漢，一個獨善其身嘅小乘行者，而唔係兼善天下嘅大乘菩薩。

由以上嘅討論，我哋唔難知道盧舍那佛跟住落去要講啲咩，當然，佢要講嘅就係十種回向啦。十種回向就係實際履行大乘菩薩嘅任務，所謂“上求”即係上弘或者下化。盧舍那佛呢個時候接住就對法會上嘅諸天呢、人呢，同埋菩薩衆去講：“從十長養心入堅修忍中十金剛心向果。”“從十長養心”嘅意思就係培養十種力行嘅能力；“入堅修忍中”就係入無生忍嘅極致；“十金剛心向果”呢，就係實踐十種回向以圓滿我哋嘅德性。

響呢個階段裏便，不但要向上回向，提升自己嘅精神生活，不斷超升達到圓滿嘅境界，參入精神宇宙最高嘅頂點，而且仲要向下去回向拯救世界，拯救其他嘅有情衆生。呢兩種實踐其實係互補，係相得益彰嘅。要想成就上弘、下化嘅大乘菩薩德行咧，就必須具有以下嘅十個條件，啫係所謂嘅“十回向”，用現代嘅說話去逐一解釋就係：信心、念心、回向心、達心、直心、不退心、大乘心、無相心、慧心、不壞心。

何爲信心吖？信心咧，就係必須時時保持正確嘅信仰，對精神法界嘅嚮往，決定成佛，堅信不移。念心咧，就係時時繫念華藏世界嘅十方諸佛，念念唔失去佛法嘅正智，我哋嘅心要繫道業而發信、解、行、證嘅願力。回向心咧，不停向上回向去提升精神生活，心心安住響實相，念念都係安住響真如，同時我哋要記住有下化衆生嘅強烈意欲同埋心念去濟度一切有情，令到……（註：此處錄音中斷）

達心咧，就係通達佛法，由文字般若入手，去醒發我哋內在嘅自性般若而過實現嘅生活。直心係依自己嘅根性因緣去生活，去實現功德，雖然彼此嘅性向、興趣唔同，但係成就嘅德性就係平等嘅，所以係“直照平等”。不退心係唔起邪心、邪念，唔執著響實現生活嘅一切成就，咁樣先能夠虛心向上、成就萬德、行果圓滿。大乘心呢，所謂“己立立人，己達而達人”，慈航普渡，令到諸衆生去能夠同入佛海。

（註：接下文）

197.華嚴梵網妙重重（二）

（註：接上文）

講到“無相心”，就係唔受現象界嘅迷惑，亦都唔被物慾所迷，唔執著響成見。“慧心”呢，係由理事無礙到事事無礙，心靈得到徹底嘅自由，能夠響生活之中無集亦都無受，承受一切法而離一切法。“不壞心”就好似金剛一樣嘅心智，邪魔唔能夠壞，境界亦都唔能夠牽動，入佛嘅威神出沒自在。

顯然“十回向”就係十種實踐大乘菩薩道嘅德行同埋規範。以上所列嘅十種德行只有完人先能夠具備呢特質，亦都只有人格成長到相當完美嘅人先能夠有履行上求下化嘅能力。

盧舍那佛深深知道人類一旦以權利同物慾去滿足呢一種需要，必然就導致瘋狂嘅競爭、無盡嘅煩惱同墮落，所以提出咗“達心”“直心”同“無相心”去引導菩薩，避免擁塞執著，光明剔透咁能夠睇出一切事物嘅本來面目，再用“不退心”同“慧心”去保持積極而清醒嘅創造力同回應能力，最後再用“己立立人，己達達人”嘅襟懷同一切有情衆生力求同登法界而發展出最好嘅相屬感，能夠徹底治癒人類先天上嘅不安同孤立，去得到大自在嘅精神生活，所以大乘菩薩實踐上求下化嘅倫理，並不單只係成就愍念有情衆生同服務社會嘅慈悲觀念，更重要嘅係佢自己響服務人群之中呢，得到心靈嘅成長，獲得精神生活嘅滿足同提升。正因爲咁，菩薩嘅六波羅蜜行響無所求之中而能夠得到更大嘅碩果，而漸漸悟入精神嘅法界。

我哋係咪有好嘅精神生活，就要睇自己有冇正確信仰啦，呢個正確嘅信仰係咪能夠帶動自己實現成功嘅人生呢？就要靠自己下定決心去做，所以盧舍那佛話俾衆菩薩知道，修行嘅第一步就係住心響正信，如果缺乏正信，必然就要淪落響煩惱愚痴嘅深淵。其次要長養強烈嘅向道動機同學習精神生活必備嘅能力，即係“十行”，繼而要實地去練習，由上弘下化之中，即係“十回向”，不斷提升精神生活，漸漸去悟入法界。

精神生活如果能夠提升到呢個階段呢，就相當於完成咗《唯識論》之中所謂嘅“資糧位”“加行位”同“通達位”三個部分嘞，跟住盧舍那佛再將與會嘅菩薩帶到更深一個層次，去進入菩薩嘅“修習位”。現在跟住講嘅就係十地菩薩嘅修習法門。

菩薩經過上求下化努力之後呢，漸漸呢，就福慧增長，爲咗徹底達到自在解脫，證菩薩嘅正果係要經過十個階段嘅專修。響《華嚴經疏論纂要》上便話：“十地菩薩，斷十種障，證十真如，真如體性，實無差別也。”呢十個修行階段主要就係要證入究竟位嘅準備，佢亦都響佛學之上又稱爲“十種波羅蜜多”。咁咩嘢叫“十地”呢？歸納下便，我哋會研究。

第一，平等地。平等地係屬於布施波羅蜜多爲最勝嘅。響平等地呢個階段，菩薩注重修布施波羅蜜多，以呢個捨心去觀一切生活，去伏斷執著同比較所生嘅煩惱，要了知空性，去放下一切“相”同埋一切見解嘅執著，不被現象所欺，亦都不被自己嘅“我見”所迷，能夠自利利他，心中充滿咗喜悅，所以亦都叫做“歡喜地”。有咗歡喜嘅性情，有咗空嘅修養，和光接物，生活障礙自然減少啦。就心理學嘅觀點嚟睇，布施就係給予，能夠給予別人需要嘅幫助，自己當然有一種豐足歡喜嘅體驗啦。布施表示能捨，能放下種種情緒性嘅焦慮同挫折，當一個人能夠勘破因緣所生法嘅“空性”時候呢，心理生活就變得平靜，呢個時候可以“行無量大願，辯才無礙，一切論一切行，我皆得入”，所以就能夠證入“遍行真如”，寄位於轉輪聖王嘞，所以《梵網經》講：“生出佛家，坐佛性地，一切障礙凡夫因果畢竟不受，大樂歡喜。”入歡喜地嘅菩薩已經能做到“無緣大慈”嘅行持，佢哋唔會分別親疏㗎喇，亦都唔計較報償咁樣去幫助人，能夠響世間法之中實現出世間法嘅德行而做到“入色受報而心心無縛”。

菩薩第二地，善慧地。善慧地係戒波羅蜜多爲最勝嘅。精神生活之所以墮落，都因爲無明而起，所謂“行苦”“苦苦”同“壞苦”三種苦係人類苦難嘅根本來源。“行苦”係迷失響五蘊“色、受、想、行、識”裏頭不斷去造業，一切睇唔開而遷流不息，心理失去平衡。“苦苦”係心理失衡、焦慮不安，再加上外界嘅種種境遇而造成苦上加苦。通常有咗情緒病嘅人呢，最容易苦上加苦，甚至於無法承受，造成將來嘅精神崩潰。至於“壞苦”係講壽命嘅有限性同各種疾病嘅折磨。菩薩修行到咗第二地，雖然粗重嘅塵垢已經洗滌殆盡啦，但係微細嘅煩惱塵垢呢，仍然係唔能夠免除，所以就要進一步去勤修戒律，加行持戒波羅蜜多，透過對戒嘅訓練呢，就將呢個塵勞去清除潔淨，故此第二地呢，就叫做“離垢地”。喺呢個同時，菩薩亦都要知道一樣嘢，要知道去徹底體認釋迦牟尼佛最初響鹿野苑初轉法輪所講嘅四諦法——苦、集、滅、道嘅教誡。呢四種係宇宙至高無上嘅真理，證道嘅根本標準，我哋要體認，徹底知道呢四種真理，從而獲得解脫，所以盧舍那佛亦都話俾在座嘅菩薩聽：“清淨一體，體性妙智，寂滅一諦，慧品具足。”（註：根據CBETA，“清淨一體”疑爲“清淨一照”）

佛陀響鹿野苑爲憍陳如等等嘅五個行者說法嘅時候，佢特別提出離苦得樂嘅法門。佛陀話：“人生係好苦，點解會咁苦？因爲我哋有好多執迷愚痴，呢啲執迷愚痴俾自己帶嚟更多嘅煩惱同埋痛苦。”如果想去離苦得樂，就首先必須去洗乾淨我哋心中嘅塵垢同埋無明，洗淨心中嘅塵垢同無明呢，光明嘅本性就會自然流露，咁樣做先係合乎正道。所以二地菩薩所修嘅就係所謂“最勝真如”嘞，而寄位響忉利天王，去用呢個位置咧，去教化衆生嘅。

第三地，光明地。光明地係以忍波羅蜜多爲最勝。醒覺同正確嘅認知係分唔開嘅，而認知嘅活動就好容易因爲人格上嘅因素而受到扭曲。一個有強烈情緒反應嘅人遇到挫折咧，同一個人格成熟而情緒穩定嘅反應相比咧，差別係好大嘅。前者會認爲挫折好強，引起嘅焦慮同情緒嘅強度大，後者係忍受性係比較好，能夠靜心去檢討而且思考解決問題嘅方法。所以忍受性比較好嘅人，人格就比較健全，亦都有較好嘅智慧。急躁焦慮嘅人呢，容易犯呢，就係所知障，呢類人總係急於揀現成，好容易受到外界嘅刺激牽動，所以邪見、成見吖、發怒吖，或者對立吖，都因之而起，所知障就比較嚴重。故此菩薩要進一步呢，去修忍波羅蜜，要忍耐得住，靜心去處理事情，研究思考，先能夠有一個清醒嘅生活，就唔會被種種色相物慾所障蔽。於是忍波羅蜜就可以成爲我哋精神世界嘅關鍵，所以亦都叫做“陀羅尼”，即係總持嘅法門。能夠忍就能夠定，能夠定就可以生慧，依忍嘅法行：聞、思、修，就能夠突破表面嘅意義，得到甚深嘅了義，發無邊嘅智慧，所以呢個菩薩行位亦都叫做“發光地”。響《梵網經》上面講說：一諦之音（即係講忍波羅蜜），國土不同（即係成就唔同響塵世嘅法界），身心別化（意思係色身就等同法身嘞）。能夠忍就唔會被三毒“貪、瞋、痴”所轉，真正體會到無生無滅嘅妙用，一切自然如如現前，而十方佛土嘅精神法界從中亦顯現，證入“勝流真如”，而寄位響夜摩天，做夜摩天王。

菩薩第四地，爾焰地。爾焰地係精進波羅蜜多爲最勝嘅。人類嘅心理經常存在不安同焦慮，所以產生唯識學上所謂嘅煩惱法。呢啲煩惱法包含咗六種根本嘅煩惱，即係貪婪啦、瞋恨啦（瞋恨亦都係憤怒啦）、愚痴啦（啫係痴愛啦）、輕慢啦（啫係傲慢）、疑惑（疑惑啫係猜忌同埋惡見）。惡見亦都可以分爲五種，啫係：身見，身見係以自我爲中心；邊見呢，就偏埋一邊嘅見解；邪見呢，就係唔正常嘅見解；見取見呢，用現代嘅說話去講就係成見嘞，同埋戒禁取見，就係固執嘅見解。呢度所謂嘅“見”就係指觀念或者係態度。

除咗呢啲根本煩惱之外，仲有一樣嘢係隨煩惱。隨煩惱呢，佢哋都係一啲不正當嘅習慣同埋不良嘅適應，呢啲隨煩惱會影響我哋嘅精神生活，所以響第四地嘅菩薩要起智慧嘅火焰，去燃燒一切根本嘅煩惱同埋除煩惱。愚痴嘅障蔽如果斷除呢，智慧就能夠光明去照耀自己嘅人生，去證得“無攝受真如”，證得無攝受真如就能夠寄位響兜率天，做兜率嘅天王。咁乜嘢係“焰慧”呢？乜嘢係智慧嘅火焰呢？根據《梵網經》就可以解釋爲精進嘅醒覺，要以精進不懈嘅恆心去實踐“十覺支”，針對信仰、思想、定力、精勤、觀念、智慧、觀照、輕安、喜悅同放下，去做徹底嘅醒覺，同時要追求禪定呢，同佛法嘅心，完全擺低，去放下先能夠見到光明嘅本性而得到真正嘅善巧智慧，去積極度化衆生。《梵網經》上面講：“入善權方便，教化一切衆生，能使得見佛體性常樂我淨。”（註：根據CBETA，“能使得見佛體性常樂我淨”疑爲“能使得見證佛體性常樂我淨”）修行爾焰地能夠使到菩薩去悟入中道，見到本性嘅真我，體驗到真我嘅四種德：常、樂、我、淨。一切都係猶如金剛，所以可以教化一切衆生去了悟如來嘅寶藏。

大乘菩薩嘅第五地，慧照地。慧照地係以禪波羅蜜多爲最勝嘅，我哋再用現代嘅白話去解釋一下。對一個修行者嚟講，最主要嘅目標就係要離開生死去證入涅槃，正因爲有咗咁樣一種動機呢，就好容易執住響離生死而向涅槃嘅死胡同裏便，去造成一種好嚴重嘅後果，就係所謂“斷滅空”嘞。因此呢，要修禪波羅蜜，由“定”去發出智慧，真俗無礙，將精神生活一定要落實響世間法同出世間法之上嘅。菩薩必須能夠響凡塵世間生活，經得起種種物慾嘅引誘，種種煩惱唔能夠牽動，咁樣做係好難，所以呢，第五地故此又稱爲“難勝地”，修呢個地嘅菩薩證入咗“類無差別真如”，佢寄位響化樂天，做化樂天王。慧照地嘅菩薩由“定”而入“慧”，明白事理，唔被是非所困，能夠別善惡，但係唔被善惡所牽喎，所以能夠發出大智慧啦，現出種種嘅創造性，所謂創造性就係“皆是菩薩大方便智力用所作”，所以叫做“不思議智慧”。《梵網經》呢，標示呢個地嘅菩薩行者叫做“是人大明智，漸漸進分分智，光光無量無量，不可說不可說法門現在前行”，響精神生活因爲禪定而漸漸深遠向上進，能夠分分去證得諸佛嘅一切種智而實現響生活裏便，佢嘅光明德性不可言傳而自然如實咁現在眼前啦。

第六地，我哋講到華光地。華光地，呢一地嘅菩薩係以般若波羅蜜多爲最勝。菩薩修行到咗慧照地，智慧不斷增長，得到一切種智，但係仍係未決了嘅，因爲仲有“相”嘅障礙，佢會產生染淨嘅分別，所以現在要用般若智去體會無相、無性，而知道一切法無有染淨、無住相去作意，令到真如圓滿呈現，所以第六地故此就叫做“現前地”嘞。喺呢度所以證得嘅真如呢，係無染淨嘅真如，就能夠寄位做自在天王，以般若爲佢最勝教化衆生。

修般若行能夠深悟諸法嘅空相，不生不滅、不垢不淨、不增不減。了達一切相都係由緣起，無論係我相、人相、衆生相、壽者相都係由因緣而起，了達“性空”就係“緣起”，“緣起”即係“性空”，“真空”裏便有“妙有”，“妙有”亦都寓於“真空”，所以響精神生活之中就能夠顯得自在，呢個係證境嚟嘅，就算用白話去講出嚟都係覺得好深，冇辦法能夠捉摸得到。但係，菩薩到咗華光地嘅時候，就慢慢慢慢能夠證入到呢種境界、呢種實相，所以有時佛法唔係能夠三言兩語用言說可以用衆生完全明白，必須要“信”“解”之後，第三者好重要就係“行”，“行”然後到“證”，“證”而能夠真正了解同感受，所謂“如人飲水，冷暖自己知”。

頭先所講嘅“空”即係“實”，即係冇染淨，亦都冇人我對立嘅分別，離開相對嘅境界，就係絕對嘅境界，亦都唔立絕對，就係《金剛般若波羅密多經》裏便所講嘅“應無所住而生其心”，冇人我嘅對立，所以就能夠成就最高嘅智慧同埋神通。

菩薩嘅第七地，滿足地。滿足地以方便波羅蜜多爲最勝嘅。以前都講過，亦都我成日提一句說話，係《大日經》裏便所講好重要嘅三句口訣，亦都係《大日經》三句精華：“以菩提心爲因，大悲爲根本，方便爲究竟。”第七地，菩薩修行到呢個階位，就要講到“方便”嘞。菩薩到咗了悟“一切智智”嘅時候，就要以呢個方便嘅力用去度衆生，於是就修方便波羅蜜多，佢悲智雙運，自度度人。菩薩到吖呢個境界，已經遠離色界、欲界同無色界呢三種衆生輪迴嘅世界之中裏便嘅種種習氣。其實我哋輪迴三界咁多世，我哋喺裏面打滾，其中累積咗多生多世無盡嘅習氣嘅。咁菩薩超過三界，遠離呢啲習氣，當然超過小乘嘅修行法門啦，身、口、意嘅三業已經入咗無漏，所以能夠常住響禪定三昧嘅淨法裏便，得到“六神足”。咁六神足係咩呢？“欲神足”就係以欲攝化衆生啦；“進心足”，“進心足”就係精進無減咁解；而“念心足”，“念心足”係了知一切衆生個心裏便所諗嘅嘢；“智慧足”，“智慧足”就係能夠深悟真俗兩種相，即係相對嘅境界裏便，任何嘅相對之相都能夠了知，深深咁明白了悟；“解脫足”就係由無明煩惱之中亦解脫出嚟，身心自在；“六通足”，“六通足”當然唔使講，就具足咗六種嘅神通力啦。菩薩響呢個地位心胸開闊、救渡衆生，到呢個時候亦都不可限量嘅，所以呢個滿足地呢，亦都叫做“遠行地”。喺呢個地位嘅菩薩入六道嘅衆生，善巧方便吖，去開導一切衆生，所謂“觀三界塵等色，是我故身”，最重要呢一句說話就話“一切衆生，是我父母”吖，喺呢個地嘅位嘅菩薩，其實佢已經悟得衆生嘅平等，去證入咗“法無差別嘅真如”，所以佢能夠寄位響初禪天，更高吖，去做咗初禪天嘅天王。

講到第八地再高嘞，呢個大乘菩薩第八地嘅階位係叫做佛吼地。“佛吼地”，“吼”呢，“口”字邊，做個“孔”，咁你可以讀“吼”或者“佛吼地”，“獅子吼”個“吼”，以願波羅蜜多爲最勝。響十地菩薩之中，前五地係修“有相觀”爲多、“無相觀”就少，到咗第六地之後呢，“無相觀”就多、“有相觀”就少，而到第八地以上呢，就係純係“無相觀”。“無相觀”係咩嘢呢？係表示完全由分別智之中解脫出嚟而由自己內在自動產生願力，從而呢，去進入“入法王位嘅三昧，其智如佛，佛吼三昧故”嘞，所以稱爲“佛吼地”。呢個時候，菩薩已經能夠優遊任運，無需加行亦都能夠合乎中道，唔俾一切煩惱同境界所動，故此第八地亦都稱爲“不動地”。

佛吼地菩薩仲要修願波羅蜜多，第一係爲咗求菩提願，第二係爲咗度化衆生願。呢兩種願雖然響初發心嘅時候已經具備，但係唔可以恆常維持，但係菩薩到咗不動地第八地嘅時候，呢兩個願就唔會間斷嘞。響呢個時候就提升咗上求下化嘅精神層次，好似《梵網經》上便講：“入無量佛國土中，一一佛前諮受法，轉法度與一切衆生。而以法藥施一切衆生，爲大法師、爲大導師，破壞四魔，法身具足，化化入佛界。”呢個時候就可以入空慧門，體驗到空有不二、以不有而有爲嘅“真空妙有”，所以話菩薩用呢個甚深嘅般若智去智照法界、圓融事理、一切無礙，係好高好高嘅境界，證入不增不減嘅真如，寄位響第二禪天。

大乘菩薩修行第九地就係華嚴地嘞。華嚴地，以力波羅蜜多最勝。當菩薩位寄於二禪天嘅時候，一切無礙，當然證入到空慧啦，有時候響利樂有情方面有咗不欲勤行嘅心。呢個時候雖然智慧具足喎，但係唔能夠將智慧如如咁發揮出嚟，所以要斷除呢個障礙咧，就要能登“善慧地”嘞。“善慧地”呢，要修力波羅蜜多，成就八十種相好、三十二相，相好莊嚴、無量大悲光明，亦都精進去救渡一切六道嘅衆生。所以《梵網經》上面話菩薩“常行六道，現無量身，說無量法，轉魔界入佛界、佛界入魔界，轉一切見入佛見、佛見入一切見，轉佛性入衆生性、衆生性入佛性。其地光光照、慧慧照、明焰明焰，無畏、無量、十力、十八不共法、解脫涅槃無爲一道清淨。以一切衆生作父母兄弟，爲其說法盡一切劫得道果。又現一切國土身，對一切衆生相視如父如母，天魔外道視如父如母”，嘩，呢個係好高好高嘅境界！修到呢一度，精神生活已經產生咗高貴單純嘅光明性，而且好重要係永遠唔會熄滅，而且含藏住創造嘅能源，所以話係已經係證入到智自在真如而位寄更高嘅第三禪天。

講到菩薩十地裏便嘅最後一地，法雲地。法雲地係以智波羅蜜多爲最勝。第九地嘅菩薩雖然已經證得智自在真如，現在要修智波羅蜜，使到個法身圓滿、性智清淨、空有兩忘，能夠極證中道嘅理體，去證得菩薩法身圓滿、體性無爲，得到平等智，見到如來性而有如來嘅十種功德，即係如來、應供、正遍知、明行足、善逝、世間解、無上士、調御丈夫、天人師、佛。去證得業自在真如嘞，喺呢一位嘅菩薩，一切嘅惑業都能夠解脫，同真如嘅理得到相應，寄位響四禪天，做四禪天王。

菩薩修十地嘅法行功果圓滿，就得到精神法界嘅最高層次，呢個就係華藏莊嚴世界，亦都係一真法界嘅正覺世間，到咗呢一度就要快成佛㗎喇，但係大乘菩薩響證得法身之後，並唔係就離開凡塵嘅世界，佢哋一定會一定會乘願再嚟去度化有情，所謂“雨大法雨，去充足一切枯槁嘅衆生”，呢個就係菩薩，大乘菩薩所講嘅“無緣大慈”同“同體大悲”嘅極致悲願。最後，菩薩實踐悲智願滿、行果雙圓，入一真法界，住常寂光淨土，呢個就係所講嘅“大乘心地法門”嘞。

現在如果我哋回顧一下十地法門，我哋會發現前面嘅六地係實現六波羅蜜多，係有空雙運，係真空妙有嘅實現，後面四個波羅蜜多就分別增強咗六波羅蜜多嘅不足。第七地嘅方便波羅蜜使到衆生懂得權實並用、活潑創造，第八地同第九地分別係願同力兩個波羅蜜多，用以保持恆常嘅上求下化，過更圓滿嘅實現生活，而第十地所修嘅智波羅蜜多就係“無上智智”，係空慧嘅圓滿。人類精神生活如果發展到呢個地步，已經可以話係成就咗最高層次嘅精神……（註：此處錄音中斷）

198.《佛說法滅盡經》講解（一）

咁今晚我哋所講嘅講題呢，係佛陀對今日世界嘅預言。呢個講題唔係話俾你聽，同今晚打算同大家講話預言呢，佛陀同大家講話會世界末日，幾時世界末日。又好似西方嘅預言家洛查丹馬斯講過，會唔會1999年嘅7月世界末日呢？

大家有冇諗過世界末日呢？而家咁多戰爭、天災人禍，水災、地震、風災、細菌、瘟疫種種呢啲損耗、侵損人類嘅疾病同埋災難，其實佛陀響末法時期已經講咗，話俾大家聽，一切都係大家所做嘅惡業所造成。咁我今晚可以好肯定話俾大家聽一句啦，唔需要擔心世界末日，1999年7月唔係世界末日，因爲有好多人曾經對我問過呢個問題：佛教究竟有冇講世界末日嘅呢？佛陀曾經響二千八百幾年前有講過，佢好老老實實咁話俾我哋大家聽，係有世界末日，不過唔係1999年，係將來好長好長嘅時間。我哋人一定有生老病死，世界一定有成住壞空，萬物亦都有生住異滅，只要有一樣嘢存在響度嘅時候呢，必有佢消滅嘅一日嘅，所以就算呢個世界毀壞亦都係理所當然，任何嘢都係由因緣所組合。

咁所以大家唔使擔心移民，唔使擔心戰爭，唔使擔心水災、瘟疫嘅問題，因爲我始終覺得澳門係一笪福地嚟，有咁嘅福我哋能夠聚合一齊聽佛陀講經說法，我哋聽佛陀講經說法，雖然我哋唔能夠面對佛陀吖，但係我哋亦都能夠呢，由佢嘅言教結集咗三藏十二部經典呢。我哋只要打開經卷去學習佛陀嘅根本思想，如果我哋依照經卷吖，能夠信受奉行的話呢，我哋猶如見到佛陀係冇分別，所以呢，我哋接觸到佛法今生係非常之寶貴，所以我哋要珍惜，唔好辜負我哋呢個人身。當我哋有健康坐喺度唸經嘅時候，我哋就儘量把握時間去修行，唔好虛度咗呢一生，因爲人生無常，當你冇健康嘅時候呢，你想唸佛，你都提唔起勁，唸唔到吖，呢一點係非常之重要。

我哋人生，生老病死、怨憎會、愛別離、求不得、五陰熾盛，呢啲種種嘅苦啦，逼迫我哋，冇一個時間呢，令到我哋停息，我哋試下檢點下我哋嘅心，每時每刻我哋都係受外在嘅環境呢啲苦所侵擾。我哋今日生而爲人，同埋有機會慶幸亦都有福，我覺得我自己亦都出生響澳門係好有福，亦都經歷唔到戰亂、水災、地震、瘟疫，大嘅災害，我哋經歷唔到，呢一個問題，呢一個因緣呢，正恰恰話俾我哋聽，我哋係有福能夠響澳門裏便呢，學習到佛陀嘅正法，呢個正係我哋前生所做善事所招感返嚟嘅因果關係，欲知前世因，今生受者是；欲知來世果呢，今生作者就係嘞。所以我哋，我時常響講佛學嘅時候呢，都強調我哋要珍惜呢個人身，好好呢，藉呢個四大假合、地水火風嘅人身呢，好好去修持，千祈唔好虛度咗光陰，因爲我哋係好有福嘅，坐喺度能夠聽到佛陀所講嘅正法。

其實佛陀對今日世界嘅預言呢，有好多方面嘅講法，其實唔止一張紙咁簡單，但係我喺衆多嘅經文裏便呢，今晚抽出嚟同大家研究，佛陀，釋迦牟尼佛世尊，佢老人家對，響正法時期對我哋而家末法時候嘅開示呢，比較重要嘅一段，同埋比較重要嘅一本經係《佛說法滅盡經》。響你哋嘅講義上便有《佛說法滅盡經》，就喺呢個框框嗰度，咁係比較重要，係佛陀佢老人家對於我哋末法時期呢，嘅開示嚟嘅，話俾大家聽末法時期究竟嘅現象係點，同埋我哋需要注意啲乜嘢呢？

咁現在我哋開始，因爲時間關係，唔講咁多題外話，我就開始講經文嘅內容，大家睇下呢一度，開頭嗰框框之外嘅經文，呢一度：“堅淨信菩薩言”。

有一位菩薩呢，叫做“堅淨信菩薩”，“堅淨信菩薩”嘅意思就係堅固清淨嘅信心，響大乘嘅佛法唔會退轉嘅呢個菩薩。“如佛先說”，堅淨信，堅淨信菩薩就講嘞，佢話，佢對住釋迦佛講，對住世尊老人家去講，佢話：“佛陀吖，好似您以前曾經講過‘若我去世，正法滅後，像法向盡，及入末世’吔。”嗱，呢度有少少名稱要解，大家成日聽到話“正法、像法、末法”，係咩意思呢？其實係佛陀呢，佢形容佛法傳播嘅階段。“正法時期”嘅意思呢，啫話有佛法存在，有佛陀存在，而且好多人修行能夠證果，證阿羅漢果、證菩薩嘅果位，聽到佛陀說法，有佛經存在，而且啲人嘅根器好猛利，係佛陀住世嘅時代，謂之“正法時期”。正法時期有幾多年呢？根據佛經記載，正法時期其實係有一千年，但係由於呢，阿難尊者請求佛陀去度女性去出家，因爲佛陀統計咗宇宙嘅因果嚟講，女性嘅身體呢，係比男性嘅業障係重好多，所以呢，由於咁嘅關係呢，響佛經裏便記載，正法縮短變咗五百年，所以正法時期呢，係謂之五百年。“像法”係咩意思呢？“像法”，“像”者相像也，相似，像法嘅意思呢，即係相似正法。響呢一段嘅時期呢，修道嘅人已經比較少，真正嘅佛法開始被歪曲，只係相似嘅佛法，但係都有人修道，但係證果嘅人少，佛陀亦都唔存在，謂之“像法時期”，呢段時間呢，一共有一千年。

再繼後呢，就係到“末法時期”，末法時期就係我哋今日嘞。末法少人修道，根器低，幾乎冇人能夠證到阿羅漢果，幾乎冇人能夠解脫生死，亦都冇佛陀存在。學習佛法嘅條件，嘅信心，條件少，信心，學佛法嘅信心，易都退墮嘞，呢個係謂之“末法時期”，咁末法嘅時候呢，根據經典記載一共有一萬年。

所以我哋計一計佛陀，世尊涅槃咗二千八百幾年，正法、像法總數吖，加埋都係一千五百年，就算正法係一千年加埋都係二千年，而家佛陀佢老人家涅槃二千，已經二千八百幾年，所以而家我哋呢個時空就係處於末法時期，末法將會有黑暗一萬年嘅時代。所以我就簡單解釋咗呢三個名稱俾大家聽。

咁佛陀對今日世界嘅預言呢，就係講今日末法時期，但係佛陀響正法時期佢嘅法眼已經能夠洞觀到三世嘅因果，睇到我哋今日末法時期所發生嘅種種現象。佛陀就係一個預言家，佢講嘅一定會中嘅，佢係能夠見到因果嘅終極，終極嘅答案，但係同世界嘅占卜、預言、星相呢啲唔同，呢啲係有錯漏，唔係完全啱，但係佛陀係用佢智慧去觀察整個宇宙人生嘅真相，所以佛陀響正法時期用佢嘅法眼能夠睇到末法時期種種嘅現象，呢啲係咩現象呢？以下落嚟，我就講呢個經文嘞。

堅淨信菩薩話：“好似佛陀您曾經講過‘如果我去世之後，正法滅咗之後，像法向盡，像法都盡嘞，入咗而家嘅末世’。”

“如是之時，衆生福薄，多諸衰惱。”響呢個時候呢，衆生嘅福就薄嘞，好多衰惱，好多唔好嘅事、好多惱亂我哋身心嘅事將會發生。

“國土數亂”——全世界嘅國家幾亂？你睇下國家與國家戰爭，民族與民族嘅對抗，佛陀一早講咗。

“災害頻起，種種厄難。”現在天災人禍頭先我都講過，日本嘅地震啦，你睇吓，日本海嘯啦，美國嘅地震啦，好多好多種種嘅災難。亦都睇下我哋中國嘅水災啦，華南、華東，嘩，呢啲種種嘅水災，都係佛陀預言“災害頻起”，就係應咗呢一句說話。“種種厄難，怖懼逼擾。”呢啲種種嘅厄難呢，係恐怖驚懼去逼住末法時期我哋嘅修行人，所以係，好恐怖啲災難。

“我諸弟子，失其善念，唯長貪瞋，嫉妒我慢。”佛陀話響呢個末法時期呢，身爲我嘅弟子呢，會失去善念，佢哋只會增長吖，貪心、瞋恨心、嫉妒心、我慢心。佛陀講唔係普通人喎，你要睇下呢幾個字喎——“我諸弟子”，話歸依咗佛教，係佢嘅弟子，啫意思話係我哋三寶弟子，就唔係普通人，只有增長貪瞋痴。

“設有像似行善法者，但求世間利養名稱以之爲主吔，不能專心修出要法。”佛陀話，假設有一啲人，佢好似去行善法一樣，但係相似嘅善法，唔係真善法，你睇佢表面其實係做善事，但係呢，佢係貪求世間嘅名聞利養咋，“以之爲主”添，“以佢爲主”吔，做呢啲事。呢啲佛陀嘅弟子呢，唔能夠專心修出要法，佢唔能夠專心呢，修解脫生死嘅法。“出要法”就係解脫生死嘅法門。

“爾時衆生，睹世災亂，心常怯弱，憂畏己身及諸親屬，不得衣食，充養軀命。”響嗰個時嘅衆生吖——嗱，佛陀響正法時期，佢所講“嗰個時候嘅衆生”，係咪啫等於我哋現代吔，末法時期嘅衆生係一樣。佢話而家我哋吔，見到世界幾多災難、幾多戰亂？我哋個心就開始驚啦，開始退縮啦。“憂畏己身及諸親屬”——我哋見到咁多天災人禍，我哋會唔會擔心自己嘅生命呢？我哋都諗住，吖，澳門嘅政治動蕩個局勢係咁，我哋都諗住移民，我哋有諗過呢啲念頭，亦都諗過身邊嘅細路仔長大將來應該點樣發展呢？我哋點樣能夠安頓佢呢？嗱，我哋都諗過呢啲問題，佛陀就講咗呢啲說話話俾我哋聽。“不得衣食，充養軀命”嘅意思就係話，我哋驚我哋嘅下一代，亦都驚自己，有戰爭、有災難嘅環境之中，我哋究竟衣食充唔充足呢，具唔具足呢？我哋驚自己，亦都驚身邊嘅眷屬。

“以如此等衆多障礙因緣故吖，於佛法中鈍根少信，得道者極少吖。”佛陀話呢，由於呢啲種種障礙嘅因緣吖，響佛法之中，頓根嘅人末法時期特別多，信佛法嘅人呢，亦都好少，得道嘅人極少嘞。

“乃至漸漸於三乘中”吖，信心成，“信心成就者亦復甚少。”佛陀話，漸漸我哋末法修行人呢，同正法唔同。“三乘”呢，即是話小乘嘅緣覺同聲聞，即是話阿羅漢同埋辟支迦佛，大乘呢，就係呢，菩薩。修“三乘”嘅人呢，漸漸成就少，信心亦都少，啫意思話我哋末法時期遇唔到聖人。呢一點我哋自己亦都可以諗下，響末法時期我哋諗下係唔係，我哋而家，今日學佛嘞，咁困難，我哋唔明白好多道理，但係我哋有心，但係我哋受好多種種嘅障礙阻住我哋，同埋我哋響佛法上便唔明白嘅嘢，有冇人教我哋呢？點樣搵師父呢？師父，響我哋而家末法嚟講係好少吖。但係正法時期唔同，好多人修道，根器好猛，近住佛陀嘅身邊，有乜嘢就可以問到佛陀，同埋問到佛陀嘅弟子嘅弟子，呢啲都係正法修行成道嘅人，有好多咁嘅聖者。但係相反我哋今日，我哋學佛，我哋種種唔明白嘅問題，能夠問嘅人有幾多呢？我哋唔明嘅嘢可以問到邊個呢？吓，你諗下，所以得道嘅人少自然解答唔到你問題，解答唔到你問題呢，你就開始退心，唔會修佛法，因爲點解呢，外界嘅環境對你有逼迫，你要爲工作、爲家庭而奔波，爲你嘅生活由朝到晚忙忙碌碌，咁，有一個機會學佛法，你唔明嘅時候，冇人鼓勵你，冇人幫助你，你就開始退心㗎喇。

咁樣，佛陀亦繼續講，堅淨信菩薩亦都再繼續復述佛陀嘅說話：“所有修學世間禪定，發諸通業，自知宿命者吖，次轉無有吖。”佢話呢，喺我哋末法時期修學我哋世間嘅禪定，“世間嘅禪定”就係欲界、色界、無色界，三界二十八天裏便嘅四禪八定。修行種種嘅禪定，“發諸通業”，由修禪定，由守持戒律而去修禪定，由戒生定，由禪定之中呢，去產生智慧，而後呢，發，發出嚟咧，有神通、天眼通、天耳通、他心通、宿命通、神足通、漏盡通，有神通嘅人亦都好少吖，響末法時期，所以啲魔呢，好容易欺侮我哋，因爲我哋冇智慧、冇神通嘅時候呢，我哋冇辦法辨別正邪。而家呢，末法時期，太多邪師出現，魚目混珍珠，我哋冇辦法分別得到，正係用我哋人腦、用我哋嘅五蘊嘅意識，你要去分辨世間邊個宗派正、邊個宗派邪，邊啲嘢係真、邊啲嘢係假，我哋係冇咁嘅能力。佛陀都講過，我哋末法時期，我哋根器低下，周圍冇人指導我哋，師父少，所以呢啲，都係末法時期嘅感慨！

假設我哋有智慧、有神通，能夠自知宿命，能夠明白我哋有宿命通嘅，知道我哋前生，生生世世點樣輪迴，做人呢，呢一生再對上嘅時候，我哋係，究竟係邊個空間裏便嘅生命。可能我哋忽然間係做天界嘅天人，甚至係天，天上嘅皇帝，忽然間呢又好低，喺地獄裏便受苦，忽然間就做精靈界嘅阿修羅，好勇鬥狠，忽然間呢，又墮落畜生嘅身俾人宰割、俾人烹煮。種種如是因緣，由我哋業去變化，我哋又知唔知？我哋根本冇人知，因爲點解？末法時期我哋冇人教我哋修禪定，冇人教我哋修持佛陀嘅真正法門，所以我哋冇宿命通，我哋就唔知道呢啲三世因果。但係相反，假設有人得到宿命通，明白自己前生後世，點解今生會做到人？吖！原來前生我做過好多修橋補路嘅事；原來有一生，我救咗好多嘅生命，今世我先得到人身，學習到佛法。假如有一日你知道，你係咁稀有嘅因緣同機緣而能夠坐喺呢個正法明法輪會裏便呢，學到佛法，你會唔會珍惜今晚呢？你會唔會好努力咁繼續行你人生呢條路，用佛法去教導你點樣行你人生呢條路？我諗你，相信你會好積極，如果你知道呢啲嘢。但係始，始終呢個唔係現實，因爲如是因如是果，你守戒、修禪定先能夠有智慧，有智慧你先能夠有神通，你會先會有宿命通，如果你唔修持嘅時候，你根本就冇呢啲嘢，所以呢個係因，互爲因果。但係，雖然我哋冇神通，但係我哋要明白，我哋以前所做嘅善因同埋惡果始終係積集響我哋嘅八識田裏便，始終會受報嘅。

佛陀響嗰啲經文裏便指出，只係，話我哋，話俾我哋聽，末法時期實在太感嘆，冇人有神通，冇人能夠修到好似正法時期啲羅漢咁樣修習禪定，能夠咁精進。

“如是於後，入末法中，經久得道，獲信禪定通業者，一切全無。”堅，你記住呢段經文呢，係堅淨信菩薩再復述佛陀佢老人家嘅說話，呢句再重複佢話：如是由我哋末法時期吔，開始對後，慢慢越嚟越後、越嚟越後嘅時期呢，漸，漸次到佛法開始毀滅嘞，一，一段段嘅時期呢，“經久得道”吖，要等好耐吔，先能夠得到真正嘅道理，修行成道。“獲信禪定通業者，一切全無”啦，嗱，而家末法時期我哋已經話“次轉無有”吖，慢慢慢慢咁樣減少吖，意思就係時間一步一步落去啦，到最後，冇人能夠修到，佛法嘅禪定嘅法門，冇人有神通吖，一切全無啦。呢一啲係堅淨信菩薩呢，復述佛陀嘅說話，佛陀嘅說話，話俾大家聽呢，呢一段經文係末法時期我哋面對嘅種種災害。

我自己呢，覺得呢，呢段經文係非常之有意思吔，雖然佢係少少字吔，但係可以話呢，言簡意賅。咩叫做“言簡意賅”呢？語言雖然係淺白簡單，但係佢所，呢一段經文，所含藏嘅義理吔，係非常之深遠嘅，係佛陀刻骨銘心嘅說話。的確佢冇講錯，我哋而家末世所面對嘅現象，我哋諗下係咪咁吖？佢老人家一啲都冇講錯，的確係咁！所以我哋要面對呢啲事實。我哋更加佩服釋迦牟尼佛響二千多年前呢，佢嘅智慧，佢嘅智慧，佢嘅智慧能夠睇到我哋末法時期種種嘅現象話俾我哋聽，我哋應該點樣處理，我哋嘅修行問題，點樣面對我哋而家身邊嘅環境同埋自己嘅前途。

好嘞，跟住我哋嚟咧，試下我儘快講《佛說法滅盡經》吖。因爲我快讀呢，驚你呢，又趕唔到，因爲嗰影印比較差啲吔，啲字黑黑地、朦朦地，我快讀驚你跟唔到，如果我慢讀的話呢，嗰時間呢，又趕唔切，因爲今晚夜咗少少，因爲一陣仲有薈供，大家要食嘢。

呢個《佛說法滅盡經》呢，就係佛陀對我哋今日世界預言呢，比較簡單亦都好詳盡吖，點解叫簡單詳盡，義，字數係好少好簡單，但佢含嘅義理係好詳盡。話俾我哋聽，而家嘅末法時期嘅現象究竟係點，同埋佛法點樣慢慢一步一步響呢個我哋嘅娑婆世界裏便毀滅，呢一件事係好痛心嘅，佛法響我哋娑婆世界裏便毀滅，我哋真係唔想聽到呢個消息，但係冇辦法，衆生嘅因果係自己造。做善事有善報，做惡事有惡報，假如我哋今日能夠發起一個心，去修持迦牟尼佛嘅正法，一步一步向上進，根本我話俾你聽，就冇末法時期嘅，末法時期係我哋嘅心吖，我哋個心去造。嗱，好簡單，而家雖然係末法時期，但係好多嘅經典而家已經擺喺大家嘅眼前，如果你依，依住呢啲經典去修行呢，呢經典冇消失到，佛陀所講嘅《大般若經》《大方廣佛華嚴經》或者《妙法蓮華經》，呢啲，呢啲種種嘅經典，《大佛頂首楞嚴經》，呢全部佛陀咁偉大嘅大乘嘅經典根本就冇消失到，但係我哋冇人學之嘛，係咪吖？我哋只要花上數十元，食少幾個麥當勞嘅麵包或者飲少幾支汽水，我哋已經可以吔，用金錢去買到一本好靚嘅現代印刷嘅白話嘅佛經嘞，譬如《大佛頂首楞嚴經》啦、《法華經》《華嚴經》呢啲。根本佛法就冇消失到，但係另外，另外一方面嚟講，係，我哋學習冇師父指導我哋，我哋自己根器低下，但係，只要我哋努力，我哋會能夠掌握佛法，我哋喺佛經裏便一步步去邁進嘅，我哋得到幾多得幾多。問題就係響你個心，你有冇心機去學習。比如做一件事，如果我哋大家能夠衆志成城，爲一個目標去做嘅，等於大家唔怕出便嘅落雨，唔怕出便嘅風雨，而你今晚能夠嚟到法輪會，你付出今晚嘅時間，去聽呢個佛學嘅講座，大家都一條心坐低，去聽呢個佛學講座，咁呢，呢個佛學講座先能夠成功，如果得我一個喺度講嘅，對著個空間嘅，冇人聽，冇聽衆，呢個佛學嘅講座就唔會成功，咁所以如果大家衆志成城去做一件事，呢件事就成功。

所以正法、像法、末法，其實佛陀呢，反映呢，話俾我哋大家聽呢，其實都係我哋嘅心吖，唔關事周圍嘅嘢，萬法唯心，三界唯識，係我哋嘅心識點樣去創造我哋嘅命運、去創造我哋嘅世界。佛陀話俾我哋聽，一切嘢冇人去決定得到我哋，係掌握響我哋嘅手上裏便，所以正法、像法、末法喺我哋手上決定。但係佛陀佢老人家咧，釋迦牟尼佛，佢自己見到末法時期，啫而家嘅現象，用佢佛眼去睇吔，已經睇到終極嘅一點，話俾我哋聽，就算我哋付出好努力，唉，無奈世界呢，都係有成住壞空吖，佛法亦都有生住異滅，始終經過呢個階段。但係如果經過我哋努力奮鬥呢，可能末法時期呢，嘅時間吖，會去拖長，唔會咁短，唔會一萬年，可能會繼續長。呢個，雖然佛經係咁講，“末法一萬年”，但係我哋應該抱有一個希望，我哋繼續努力修行佛法，越多人修行佛法嘅時候呢，啲魔冇咁熾盛。我哋做多啲善事，國土唔怕失調，亦都感召一啲善神下降、佛菩薩下降，我哋就有師父啦，佛菩薩再轉生響呢個世界之上，我哋有師父啦，跟呢啲師父學習，我哋再精進，我哋一定能夠解脫到生死。所以呢一點，我點出呢一點呢，最重要就係我哋嘅心，同其他一切嘢無關係，如果我哋一心去做一樣嘢呢，愚公移山，鐵柱真係可以磨成針，睇下你嘅時間用幾多，可能唔係一生一世，成佛亦都須要經過三大阿僧祇劫，唔係一日可以做得到嘅。

好嘞，我講一講個經文。“聞如是，一時佛在拘夷那竭國。”我讀快啲吔，大家唔好，大家唔好怪我，因爲我要讀快少少，個時間問題。如，“聞如是，一時佛在拘夷那竭國。”拘夷那竭國呢，響佛經咪有個名稱叫“拘尸那城”？就係佛陀涅槃嘅地方嘅國家。其實呢，印度古時吔，分開十六個大國，呢個拘夷那國啫係拘尸那國，其實一個城嚟嘅啫，係中印度一個國家嘅，嘅首都嚟嘅，拘夷那國，十六個大國其中一個國家嘅首都嚟嘅，拘尸那城，佛陀就喺呢度涅槃。

“如來三月當般涅槃”，如，釋迦牟尼，呢度“如來”係指釋迦牟尼佛，響三月裏便呢，就嚟涅槃啦，所以呢本經呢，響佛法嘅學理吔，裏便嘅分法呢，佛陀五時說教呢一部經屬於“法華涅槃時”，佛陀係最後講《妙法蓮華經》呢，同埋《涅槃經》嘅，《大般若涅槃經》嘅，所以佛陀，我哋睇到呢句，佛陀係最後涅槃先講呢本經嘅，所以屬於“法華涅槃時”，係佛陀老人家臨終嘅時候，最後囑咐弟子嘅諄諄教誨嚟嘅。

如來三月就要涅槃嘞，“與諸比丘，及諸菩薩。無央數衆，來詣佛所，稽首於地。”啲出家人係食肉嘅，佛陀已經預言咗啦，飲酒啖肉、殺生貪味，出家人應該有慈悲心，四大皆空唔食肉，爲何你今生見到好多出家人都係食肉呢？有好多人都曾經問過我啲問題，點解出家人會食肉嘅？密宗嘅上師就除外啦，因爲密宗嘅時候，響印度、尼泊爾、錫金呢一帶修行呢，西藏地方植物生產唔到，響當時嘅世代嘅風俗就係沿襲咗食肉嘅習慣。咁但係佛陀所指啲，唔係話淨係密宗嘅出家人，密宗亦都有好多敗類，顯宗亦都有好多敗類，著住佛陀嘅袈裟去欺瞞衆生，佢哋想博取大家嘅供養——“你供養我啦，就有福，你供養我啦，我傳一個法俾你，教授你好多法門。”呢啲著住如來袈裟壞佛陀正法嘅出家人呢，佢，大部分你去鑒別佢，佢都係食肉。唔係話食肉嘅出家人一定係錯，特別係西藏密宗嘅傳統，我哋唔可以一概而論，但係如果一個真正有慈悲心嘅菩薩呢，見其生，不忍見其死，好似孔子所講，聞其聲就不忍食其肉，所以衆生嚟講，一切皆有佛性，我哋大家嘅身體吔，全部都係平等嘅，唔應該有分別邊個高、邊個低。

爲何你個口，口稱係講慈悲，但係你個心係執著去食肉？既然你講慈悲，點解你個口都唔可以戒肉呢？連戒肉都做唔到呢？點解呢？佛陀已經預言咗，由於而家係末法時期，所以我哋，唔好怪食肉嘅出家人，佢哋都係修行者，一步一步佢都會修上去，但係我哋要知道一個最重要嘅道理，千祈唔好飲酒同食肉，記得佛陀話俾我哋聽。

“無有慈心，更相憎嫉。”出家人同出家人之間呢，特別多鬥爭吖，內部亦都有鬥爭，會同會之間，我哋而家睇下佛法裏便，會同會之間有鬥爭，人與人之間亦都勾心鬥角，佛陀一早講咗。我今晚所講嗰啲嘢呢，我要講一點就係話呢，我唔係要講佛教裏便啲唔好嘅嘢，但係由於講到呢個《法滅盡經》裏，裏便講呢，佛陀的的確確係見到呢啲嘢，所以我要將呢個現實真相話俾大家聽呢，要依法不依人，千祈唔好迷戀一個衆生外在嘅相貌。唔好執著佢係出家人你就去拜佢，你拜佢係冇用，你係尊敬佢，如果佢講嘅法你係啱，合乎佛陀嘅戒定慧、三無漏學，你就去依從，如果唔合乎戒定慧呢，你就千祈唔好跟從佢，縱使佢著住一件袈裟，好多人講佢好說話，你一定要用你嘅真真正正嘅慧眼，去鑒別一下，唔好迷信，特別而家末法時期，佛陀好強調呢一樣嘢。

如果各位師兄係覺得夜呢，可以隨便離開，冇問題嘅，如果係覺得夜。

“時有菩薩、辟支、羅漢，精進修德，一切敬待，人所宗向，教化平等，憐貧念老，鞠育窮厄，恆以經像，令人奉事，作諸功德，志性恩善，不侵害人，捐（呢個唔係“損”字吓，佢印得朦），捐身濟物，不自惜己吔，忍辱仁和。設有是人，衆魔比丘咸共嫉之，誹謗揚惡，擯黜驅遣，不令得住吔。自共於後，不修……”

“擯黜驅遣，不令得住。”我哋講到呢度先，意思就係話呢，佛陀都，亦都安慰當時聽《法滅盡經》嘅菩薩呢同羅漢，佢話雖然係咁惡世吔，雖然係法滅盡，但係亦都有菩薩同羅漢呢，精進修德，亦都有嘅，末法時期。因爲釋迦佛呢，響《首楞嚴經》裏便呢，亦都講過呢，響我哋呢個末法時期呢，末法衰敗嘅時候呢，佢暗中吖，亦都派遣好多菩薩同羅漢秘密轉生響我哋末法時期，因爲呢啲菩薩同羅漢嘅悲願吖，係要不斷去救渡衆生，佢會嚟呢個世界上繼續去弘揚釋迦佛嘅正法。雖然係咁惡，咁末法嘅時期，但係一點呢，我哋要仲要非常要注意就係佛陀響《楞嚴經》亦都講過，真正嘅，咳，師父，真正嘅佛陀嘅轉世弟子，羅漢或者菩薩，佢哋唔會自稱自己係邊個菩薩轉世嘅，你要記得一樣嘢，除非係有密意，除非佢對佢嘅弟子所講，對佢一班弟子，亦都可能係臨終嘅時候“暗有遺咐”，佛陀響《楞嚴經》已經講過。“暗有遺咐”係咩意思？即是暗中交代咐託，佢唔會響佢而家當住嘅弟子面前爲咗博取名聞利養，佢就會話“我係邊個菩薩轉世吔，我係邊個羅漢轉世吔”，佢唔會咁講，一啲都唔會咁講。但係講，亦都未必唔係，因爲西藏裏便嘅轉世制，制度呢，特別密宗裏便呢，好多話佛菩薩轉世嘅自稱，而且係好誇張，我唔否定呢一樣嘢，但係我哋亦都，亦都要鑒別，唔係個個都係真吖，我可以話俾大家聽。

咁所以我哋要注意呢一點，雖然，咳，師父係好多，而家末法時期，但係頭先佛陀講，得道嘅師父好少喎，自稱係師父，假師父太多太多啦，響今日。但係真師父亦都有，呢啲真師父呢，利人濟物、憐念孤寡，亦都用經像呢，去送俾人嘅，教人去奉侍、教人去做功德、教人去修持佛法，佢哋唔會侵害人，佢哋係捐身濟物，佢哋會犧牲自己嘅身體呢，去化度衆生、利益萬物，自己呢，會忍辱柔和，吓。但係呢，雖然有呢啲佛陀嘅羅漢同菩薩，佛陀命令佢轉世去教化衆生。但係呢，響末法時期呢，呢啲咁嘅好人呢，一定會受人排斥嘅，因爲後便呢度講咗：“衆魔比丘咸共嫉之，誹謗……”有啲魔附身嘅比丘、惡性嘅比丘、著魔嘅比丘，就會將呢啲好人、好嘅比丘去排斥，講佢壞話，中傷佢，等佢衆生冇依靠，唔好信受佢，呢一點係好嚴重！所以，我哋真係真假難分。我講到呢度，連我自己覺得都好混亂，有啲魔個口亦都藉咗呢句話自稱，嗱，好多，咳，有啲上師，密宗吖特別，話自己係得道嘅上師，咁好多人話佢係假，啫我講一個假嘅上師，假設我係一個假嘅上師，好多人話我係假嘅，但係嗰啲上師呢，咳咳，sorry，嗰啲假嘅上師呢，亦都會藉咗呢個藉口呢，藉呢句經文嘅話——“嗱，你睇下佛陀，佛陀響呢本經都有講過話，我而家修行咁有利益，咁努力，一樣有人話我㗎，嗱，佛陀經文唔係明顯記載囉？”佢都會利用呢句經文嘅藉口去保護佢自己嘅，咁所以呢，真假實在太難分啦！今日末法時代，令到我哋好困惑好困惑，所以好嘅比丘呢，俾魔去排斥、驅逐，唔俾佢。

“自共於後，不修道德”，啲魔呢，開始附身嘅出家人呢，嘅魔呢，佢唔會修道德嘅。“寺廟空荒，無復修理，轉就毀壞。”咳咳，啲寺廟呢，就荒廢啦，慢慢就毀壞。“但貪財物，積聚不散，不作福德，販賣奴婢，耕田種植，焚燒山林，傷害衆生，無有慈心。奴爲比丘，婢爲比丘尼，無有道德，淫泆濁亂，男女不別，令道淡薄，皆由斯輩吔。”我哋睇到呢段呢，真係非常非常之痛心。慢慢慢慢啲寺廟嘅田產呢，就好似變吖個，本應寺廟係俾出家人呢，去拜，係俾出家人去修行、住持，同多啲衆生結緣，俾佢哋修行，但係啲寺廟呢，慢慢慢慢呢，就俾佢當爲私人嘅田產去變賣，冇人修行，做咗世俗嘅生意啦。我哋見到今日末法時期，好多地區都有啲咁嘅現象，出家人爭寺廟嘅財產，爲咗財產，而好多，亦都有傳媒報導過呢啲係事實嚟嘅，所以佛陀嘅預言呢，好佩服世尊老人家，佢嘅法眼睇得好清楚，的確有咁嘅事。啲出家人仲會販賣奴婢，唔積福德。“奴”，以呢，新入嚟嘅比丘——“呢，嗱，你嚟我個寺院，幫我做嘢啦，出家啦，剃頭啦。”佢哋出家剃頭呢，唔係爲咗修道喎，佢哋爲咗，你睇下呢句“奴爲比丘”喎，譬如我係一個寺廟嘅住持——“嗱，剃頭啦你哋，幫我做嘢，我俾啲飯你食。”嗰班人根本唔係真正嘅出家人，佢唔明白咩目的，佢叫佢剃頭，只係同嗰個住持做奴做婢之嘛。而家有冇咁嘅現象吖？呢諗下，有咁嘅現象。“奴爲比丘，婢爲比丘尼”喎，服侍佢嘅婢僕係啲比丘吔！你話真係咁嘅現象發生係好離譜吖，但末法時期呢，的確我哋唔能夠逃避，就係有呢啲問題。

“無有道德，淫泆濁亂，男女不別。”雖然你外相見到係出家人吖，但係啲出家人已經破咗淫戒，佢根本冇修清淨嘅明誨，可能佢結婚，有生子，佢表面係一個出家人，但係你睇唔到佢，佢係有結婚生子，“淫泆濁亂，男女不別。”

“令道淡薄，皆由斯輩。”佛陀講過話，我嘅法吖，之所以滅吖，我嘅道吖，慢慢淡薄吖，都係由於呢啲人去破壞，慢慢慢慢呢啲人就去破壞我嘅正法，都係呢啲人，呢一輩嘅人呢，去造成嘅。跟住佛陀亦都講到有一類出家人呢，“或避縣官，依倚吾道，求作沙門，不修戒律。月半、月盡，雖名誦戒，厭倦懈怠，不欲聽聞。抄略前後，不肯盡說。經不誦習，設有讀者，不識字句，爲強言是。不諮明者，貢高求名，虛顯雅步，以爲榮冀，望人供養吖。”唉！講到非常之詳細，而家末法時期我哋見到真真正正係咁，你唔好嫌我長氣成日講，因爲呢，佛陀好語重心長，佢講呢部經唔係對住一般我哋而家，我哋，包括我在內係凡夫所講，佢唔係對普通嘅百姓講，佢係對羅漢吖，對大菩薩講，所以呢啲事係一定係真嘅，一定會發生。呢啲咁吖，假嘅出家人呢，有啲出家人因爲呢，避縣官犯咗法呢，“依倚吾道”，去走入寺廟、山林裏便出家，根本都唔係出家人，佢唔係發心去修道，佢係由於避官非，去走入去出家，響古代嚟講呢，叫“逃禪”，係咪吖？佢唔係真正出家，佢哋呢，根本就唔會修戒律，唔會誦戒嘅，響每一月裏便，月半同埋月盡唔會誦戒嘅。“雖名誦戒，厭倦懈怠，不欲聽聞”，雖然誦戒吖，但係求求其其，水過鴨背咁樣呢，喴喴嘩嘩咁吖唸咗啦，自己都唔願意聽呢個戒嘅。“抄略前後，不肯盡說”，有人問佢解釋呢個戒律嘅時候呢，佢根本冇咁嘅資格亦都解唔到俾人聽，經又唔會誦習，就算佢真係有心去讀呢個經呢，“不識字句，爲強言是”，根本佢就冇咁嘅文化、咁嘅程度，完全唔識解。“不諮明者，貢高求名”，但係一樣嘢就好矛盾嘅心理，由於啲出家人呢，貢高我慢，佢唔識，佢唔會有個謙虛嘅心呢，去求教人嘅，由於佢貢高嘅心吖嘛，係咪吖？佢唔會諮詢一啲明白嘅人，佢有貢高——我永遠都係最高吖，我永遠都係叻過晒你哋，我係出家人，我係最大。你睇下呢個問題，末法時期就有呢啲問題呢，去發生，呢啲係魔嘅性嚟嘅，魔嘅本性就係貢高我慢、摧毀、唯我獨尊，呢啲性質就係魔嘅本性。我哋試問，我哋唔係出家人，但係我哋修行者，如果響我哋個心裏便呢，係有呢啲本性，其實我哋已經有咗魔心，所以七佛，過去七佛嘅通戒偈，除咗“諸惡莫作，衆善奉行”呢，第三句其實一定要注意，係好重要，“自淨其意”，你時時刻刻檢點你個心念，你個心念，有冇魔嘅性呢？頭先我講嘅性呢？貢高我慢、摧毀、破壞、爲我獨尊、唔聽人講，呢啲就係魔嘅性嚟㗎喇。如果你嘅心裏便有呢啲性呢，響你識田裏便轉呢，你就好快成魔。真正魔係你個心魔，外魔雖然有，如果你心魔係冇嘅，亦都唔會招引到外魔啦。“虛顯雅步，以爲榮冀，望人供養。”即是個意思呢，希望人供養呢，自己呢，做呢，做出啲種種唔同嘅儀態，但係呢，都係空虛。

“衆魔比丘……”咳，“命終之後，精神當墮無擇地獄。”精神當墮無擇地獄。”哦，咁吖唔係好得意嘅，因爲有如是因如是果，佛陀話呢啲魔，佢明知係錯嘅，壞佛陀嘅正法佢都去做，死咗之後呢，佢最後墮落無擇地獄，無擇地獄呢，啫而家我哋所講嘅無間地獄一樣啫，無間嘅地獄。

“五逆罪中，餓鬼、畜生，靡不經歷恆河沙劫，罪竟乃出，生在邊國，無三寶處。”佛陀話呢啲魔呢，墮落咗之後呢，再轉生就做畜生，經歷恆河沙劫，出生響啦，邊國吖，無三寶處。如果我哋造惡業，好似魔咁呢，殺生吖、害命吖、唔修佛法，到我哋響地獄填完呢個宿業嘅債務之後再轉生之後，我哋就會出生響冇佛法嘅地方，今日舉一個例咧，就係埃塞俄比亞啦，可唔可以叫做吖？可以啦。好多人冇得食，顛沛流離，家庭得唔到溫暖，都諗唔到個仔女根本已經係要點樣照顧，求祈都係爲咗自己生存嘅慾望去搵食，你睇邊地仲點樣講到佛法？如果我哋破壞佛法，受完報嘅時候有魔心，我哋將來喺地獄受完苦，填完我哋殺生嘅命債，被人殺番，被人殺番嘅時候，然後再轉生再做完畜生，還完我哋欠人嘅債務，就算得到人身吖，再轉生都會轉生響啲邊地，呢啲邊地啫旁邊嘅，唔係正中嘅，唔係中間嘅，係冇佛法嘅埞方嚟嘅，我哋今日世界就好多呢啲貧瘠，要有紅十字會吔、宣明會吔，呢啲種種種種嘅團體呢，去救助佢哋，就係呢啲邊地嘅地方，冇佛法嘅。

跟住佛陀講“法欲滅時，女人精進，恆作功德。男子懈慢，不用法語。眼見沙門，如視糞土，無有信心，法將殄沒。”呢句說話呢，真係好簡單。我哋今晚可以作一個譬如，點樣一個譬如呢？佛陀話而家嘅佛法開始消滅嘅時候，女性吖，反而精進過男性喎，但係佛陀響佛經裏便記載呢，男身嘅功德，得到男身嘅功德呢，係比女身呢，個業障輕，得到男身修行呢，就能夠成佛，呢一點係好重要，但係相反響……（註：接下文）

199.《佛說法滅盡經》講解（二）

（註：接上文）……就能夠成佛，呢一點係好重要，但係相反響我哋末法時期裏便就有個顛倒吖，女人學佛仲多過男人，但男人呢，懈慢，“不用法語”，佢哋個心懈怠，佢認爲男主外女主內嘅時候——我而家爲個家庭奔波，我養個家庭，我唔需要學佛，我一日都咁奔波啦，咁辛苦，爲個家庭做嘢，仲要我學佛返嚟，我而家都冇時間啦，我養啲仔女，根本冇辦法，已經供給佢哋嘅生活，讀書又要錢，我幾個仔女，我已經做緊一份副業，我點能夠再有時間騰出嚟去教授去學習佛法呢？

我哋今日好容易搵到一個現象，我哋睇下黑沙環啦、筷子基啦、馬場呢啲北區嘅地方，呢啲衆生比起我哋中區嘅衆生平均計數你睇下，生活條件係差啲吖，大家都知，唔係貶低，係大家都知，係差啲，佢哋嘅福報冇中區，中區嘅衆生，新馬路、白馬行、荷蘭園，或者南環、西環呢啲衆生嘅福咁厚，佢哋所住嘅高樓大廈我哋比一比，佢哋日頭奔波，好多細路仔，好多家庭呢，北區人口幾密集？所以，佢哋根本已經冇時間，爲生活而奔波，爲世務而馳騁，佢哋根本已經冇辦法再有心機去學佛法，俾個業障，宿生嘅壓力嘅業障呢，壓到佢哋透唔到氣，所以呢，冇機會去俾佢哋修行。

但係呢，一個好諷刺嘅現象呢，就係相反正法時期男性呢，學佛嘅人多，女性嘅學佛人少，但相反末法時期女性就會精進，做好多功德，男子就懈怠嘞。見到啲出家人呢，如視糞土，無有信心喎，嘩，好業障！見到啲出家人好似見到地下嗰啲糞土吖，一啲信心都冇——“出家人，哎！慘啦！見到呢個和尚慘啦，一陣唔使打麻雀啦，個場麻雀輸梗。”係咪吖？大家都好容易聽到呢句說話，但係呢啲唔係出自男性嘅口，可能女性都有，但係男性呢，爲多，亦都唔出奇。我哋今晚可以呢，用一個好簡單嘅譬如，舉一舉例，我哋而家睇下在座嘅，女性多定係男性多？係咪吖？係咪吖？女性多定男性多吖？你數數，證明佛陀有冇講錯吖？我哋而家即場去抽一個例出嚟。我亦都話俾你聽，響香港、響全世界嘅法會，整個末法嘅，嘅大氣候，東南亞，包括臺灣在內，都係女性學佛嘅人多過男性，但係當然地區嘅人數平均唔同，可能男亦都好多，但係平均數去計一計，女嘅係多過男性㗎，你試下觀察呢個現象，你去下其他嘅道場去睇下，唔同嘅道場。青年會啦、地藏殿啦、法論會啦、永禪蓮院啦，吓，功德林啦，或者其他種種種種，我講唔到嘅會啦，吓。或者而家禪靜中心呢，我相信呢個係女多過男嘅，我估係。我哋即場可以抽到個例子出嚟。

“法將殄沒”，“殄”就消失。“佛法將殄沒，登爾之時，諸天泣淚；水旱不調，五穀不熟；疫氣流行，死亡者衆”吖，嘩！佛陀話法滅嘅時候呢，響嗰個時候呢，天吖，天上界呢，都喊吖，泣淚，泣淚吔！啲天人見到佛法唔興旺呢，天人呢，都泣淚。“水旱不調，五穀不熟”，而家你睇下係咪又水災又旱災，係咪水旱不調吖？“五穀不熟”，應該有一塊好嘅田生長植物，佢唔生長，枯田又凋謝咗，因爲呢，啲雨露唔平均，雨露唔平均，雨露唔平均係關乎我哋衆生嘅業。因爲天界上嘅雨呢，係玉皇大帝根據我哋嘅業，帝釋天呢，去平均分配，係由啲龍負責，龍裏便呢，有法行龍同埋惡行龍，有兩種龍。如果法行龍嚟講，天龍八部裏便嘅龍呢，法行龍係保護佛法。天龍、夜叉、乾闥婆，阿修羅、迦樓羅、緊那羅、摩侯羅伽、人非人，啲天龍八部裏便嘅龍呢，龍有大江大河嘅龍，亦都有天界嘅龍，同水有關係，護持水嘅。龍呢係負責降雨，有少少水能夠化大雨，因爲佢嘅神力都好大，所以響玉皇大帝面前呢，負責降雨嘅龍呢，係玉皇大帝帝釋天（三十三天忉利天天主釋提桓因）去分配，按照我哋人類所造嘅業力，邊個地區嘅業多嘅時候呢，佢就分配多啲雨量，就有水災，邊個地方嘅時候業障亦都重就相對亦都有旱災。我睇水災同旱災都係相對，一度就冇水，一度就水多得滯，係咪？都係由於我哋衆生所造嘅惡業。呢個原理亦都等於，我哋犯咗法，法官係執行個命令判處我哋嘅罪，所以呢啲龍呢，就會負責邊笪地方降多啲雨、邊笪地方降少啲雨。但係亦，亦都有一樣嘢，如果我哋造得惡業多嘅時候呢，有一種惡行龍呢，亦都會呢，用佢嘅神通呢，去呼風喚雨，降啲雨落嚟，令到水旱不調，衆生敗，衆生呢，受呢啲龍嘅惡嘅神通呢，所變化出嚟嘅雨呢，害吖，得到害處，由於我哋呢，係造作咗好多惡業。所以呢點呢我今晚講到，亦都有講下啲少少、少少我哋唔知道嘅嘢。

咁大江大河，黑龍江吖、揚子江吖、浙江吖、長江吖，呢啲江吖黃河，都有好多大龍呢，去守護。點解有時黃河氾濫吖？失堤吖？你有冇睇報紙？最近中國，黃河斷流吖，竟然會斷流咁搞笑吖，係咪？就係呢啲龍呢，守護唔到。因爲我哋衆生惡業多嘅時候呢，感召啲惡龍呢，惡龍同善行龍就會鬥法，正神亦都護持咗少。所以我哋人心向善呢，天界就光明太平，如果我哋人心向惡呢，天界就黑暗。我哋試下而家望上去天界，烏煙瘴氣吔，係嘛？我哋以前細個我讀書嘅時候都能夠見到彩虹呢，而家對於嗰啲細路哥嚟講，彩虹係咪怪物嚟吖？好少見到天上有七色嘅彩虹，真係，雨後彩虹係好靚，但係我哋今日已經好難見得到，一定要天青地靈，有水汽、有陽光折射嘅地方先可以見到。相反我哋見到臭氧層破壞，天界幾污濁，天界一片黑暗，冇光明，由於我哋人心造惡時個腦電波放射出去，意念影響天界嘅雲層呢，亦都會導致呢個現象，所以啲天神呢亦都唔喜歡，因爲佢宮殿亦都會失去少少光明，所以佢亦都冇信心去守護我哋。我哋有功德、修行有福德佢會守護我哋，我哋冇功德佢點解要守護你吔？個老細唔出糧俾你，你會唔會同佢打工吖？啫咁簡單，佢護持佛法，你係修行人，佢先護持你，你唔係修行人，你唔係修行人嘅，世界上唔係得你一個修行人，有好多修行人，佢點解要護持你？不如去護持一個有修行佢嘅功德更大。所以呢，我哋而家見到五穀水旱不調呢，我哋唔好怪，都係我哋自己造業。

“疫氣流行，死亡者衆。”我哋幾多瘟疫？疫氣，包括而家細菌啦、病毒啦、愛滋病啦，係嘛？種種呢啲病毒侵擾我哋。希波拉病毒啦，呢啲咁嘅新病毒，我哋人類係冇辦法克服。癌症啦，吓，不溜都有，我哋而家好多時聽到話，每個家庭幾乎個親戚，聽到啲親眷都話有機會患癌症，以前幾十年好似比較少啲，但係呢幾十年嚟講呢，好多人呢，都係患癌症，特別我聽到最多，大家嘅親屬，心臟病、癌症，所患呢啲疾病嘅人呢，越嚟越多。就係呢啲疫氣嘅流行，水旱不調，亦都係我哋自己去造業。

“人民勤苦，縣官計剋，不順道理，皆思樂亂。惡人轉多，如海中沙，善者甚少吖，若一若二吔。”佛陀再講話，人民雖然勤苦吖，工作吖，但啲縣官呢，計剋。縣官呢設計亦都好刻薄，啫代表而家嘅政府，有好多都唔係好嘅政府，佢係剝削人民，佢唔係保護人民。“不順道理，皆思樂亂”，佢哋呢，唔會順住真正嘅道理去做吖，都會諗，都會呢，喜歡呢，去亂嘅，唔係喜歡去齊，齊心吖，係喜歡去惡亂，喜歡唔好嘅，呢啲心呢，係魔心。“惡人轉多，如海中沙”，響末法時期，惡人呢，好似海中沙咁多，善嘅人甚少吖，若一若二。

“劫欲盡故，日月轉智短，人命轉促，四十頭白，男子婬妷，精盡夭命。”嗱，而家我哋根據科學家統計吖，我哋而家睇下平均我哋人類嘅壽命，其實都係唔過七十歲，古時候又話人生七十古來稀，但係而家我哋平均，平均全世界平均數，都係六十零歲已經就係死亡吖，呢個平均數，攞個平均數。所以佛陀話，隨住末法時期我哋造業呢，慢慢慢慢世界開始毀滅，慢慢慢慢我哋造業而越多嘅時候呢，人命開始就越嚟越短嘞，平均唔係六十，會跌吖，五十、四十、三十。四十就頭白啦男子，慢慢見到，我而家都三十，過咗十年可能到時就白晒吖，已經好快趣嘅時間，可能再遲啲，劫盡嘅時候，如果我又未解脫生死呢，繼續輪迴響個劫欲嘅時代，啫如是嘅時間更耐呢，如果我四十歲，我已經白晒頭髮，啫咁嘅意思。“婬妷，精盡夭命”，末法時期衆生吖，福薄呢，一步一步落去嘅時候呢，男子就越嚟越貪色慾、貪淫、貪愛美色，佢哋耗盡佢嘅精力，所以呢，壽命亦都會短促，壽命亦都會短促。

“或壽六十。男子壽短，女人壽長，七八九十，或至百歲吔。”咁呢，男人，男性呢，亦都有六十歲，但係相比起女之下呢，女人呢，相反就有七十、八十、九十歲，相反男性就得六十歲，吓。但係呢，各位女師兄又唔好聽到開心，你長命唔代表一樣咩嘢，你長命你學唔學佛？如果長命嚟講呢，唔好講話學唔學佛啦，如果你身體係唔健康嘅，我俾你長命啦，亦都冇用，係咪吖？你長命坐喺度，你知道而家末法時期呢，啲仔女又唔孝順嘅呢，有個老人家喺度呢，踢來踢去，係嘛？見老人家，唉！真係慘吖——“見到你都眼冤吖，送你入老人院又貴喎，四千幾蚊喎啲私家房，又要照顧你喎，到我放假嘅時候我都要睇下我啲細㗎喇，供書教學，我邊得閒睇你？”已經冇個心向啲老人家，所以唔好老吖，吓，如果你老得嚟都要健康，自己可以照顧到自己。但係你健康嘅來源響邊度呢？你修習佛法、注意養生呢，你就有健康。如果你成日諗住養兒防老、積穀防饑，而家呢個世代冇咁望吖。但係咪養錢防老呢？都唔係，都係錯㗎，唔係養錢防老，有啲人唔養兒防老諗住積多啲錢就係一個保障，你錯晒，唔係。我哋只要而家將個鼻揸住，兩三分鐘，你身邊一切嘅嘢都冇晒，你積咗咁多錢做咩嘢呢？真真正正學佛就係最大嘅一個保障。如果你做善事、做善業，你嘅福報慢慢增長，唔需要憂心你嘅生活，精神上亦都有保障，將來學佛解脫生死。就算你自己學唔到佛，都能夠做咗善業上生天界，或者個福再遞減，再轉生呢，爲人身都能夠有機會修習佛法，真正嘅保障呢就係學佛，唔係話儲埋啲錢。養兒可能會防老，咁吖要決定你前生嘅善惡因果啦，可能如果啲仔女係欠你嘅，佢係你嘅，你，佢係你嘅債主嘅，佢還番啲債俾你吖，你係佢債主，佢還番啲債俾你，佢咪對你孝順囉。如果你係，佢係你嘅債主呢，佢嚟攞債就慘嘞，有錢吖敗壞，敗晒你啲錢吖，冇錢呢嘅時候呢，就夭心夭肺激到啲父母，嗱，你睇下而家報紙，係咪先？啲報紙你係咪睇到啲咁嘅現象吖？港澳太多太多不能夠盡述，但係佛陀嘅慧眼、法眼、佛眼一早已經睇到呢啲問題出現啦。

咁呢，“大水忽至，卒至無期，世人不信，故爲稀有。衆生雜類，不問豪賤吖，沒溺浮漂，魚鱉食啖吖。”佛陀話，末法嘅時期咧，好容易有水災嘅，世人呢，唔相信，以爲水災呢，係稀有，嗨，水災有咩出奇吔？啲河氾濫有咩問題咧？依啲咁自然嘅現象，有乜出奇？所以呢，我哋響痛苦嘅時候，我哋唔能夠接受痛苦同失敗嘅教訓，觀今宜鑒古，無古不成今。如果我哋唔睇下前人嘅足跡，亦都冇今日，如果我哋唔睇下禍害嘅由來呢，亦都冇將來美好嘅明天。所以其實我哋面對而家我哋面臨嘅挫敗呢，衝擊，我哋學佛人生，每個衝擊、每個挫敗，其實係一個暗示，我哋應該檢討，點解我哋有咁嘅挫敗？我哋以後應唔應該可以繼續做好啲呢？譬如等於佛陀講有大水嚟啦，去湮滅呢個世界，將啲人沖落海嘅時候，有好多大魚呢，魚食人、人食魚。譬如我哋睇下，我可以解釋話俾你聽日本嘅共業點解嚟，日本咁多水災呢？係嘛？我可以解釋俾你聽，話俾你聽，點解原因，因爲日本人最中意食邊一類嘅動物吖？中意食魚啦，魚生啦、海產啦、魚籽啦。嗰啲三文魚啦，好中意食嘅，啲蟹籽，你見下超級市場，一條條魚仔醃曬乾，一隻隻蟹仔一粒粒嘢，咁細嘅生命佢已經將佢壓縮、醃乾，做我哋普通細路哥口度好似喫一粒酸梅，“伏”一聲咁喫咗佢。《地藏經》，地藏菩薩個媽媽，個媽媽係咪由於食啖多魚鱉？食啖多魚籽佢先墮落無間地獄啫。吖，你諗下，日本人嘅共業，同個海好有關係，啲海搞到水，水呢，水嗰方面就會失調，於是有水就捲上城市，有海嘯，日本好多海嘯吖，吓嘛？自古以來，所以佢同個海好有關係，由於日本人好中意食魚，所以我已經舉咗依一個咁簡單嘅例。但係如果你遇到呢個問題，你身爲日本人，可能你唔會檢討——有咩關係呢？我哋嘅城市歷來由祖先傳落嚟，都有地震㗎喇，都有水災，有咩出奇呢？我哋就冇檢討呢啲嘢，有冇檢討呢？觀今而鑒古，你有冇睇番呢？吓！你會唔會再重蹈，重蹈覆轍呢？你有冇諗過呢啲嘢？呢啲就係智慧啦！《六祖壇經》裏便唔係講“一念愚即般若絕，一念智即般若生”咩？你一念愚痴，你就係迷啦，一念嘅智慧呢，呢一念呢，就般若，呢一念就般若智慧，般若係無形相嘅，……（註：15'36-15'38錄音唔清晰），如果你明白我頭先所講嘅說話，你就擁有個般若智慧。其實“聰明”同“智慧”，係名稱上的解釋，……（註：15'45-15'48錄音唔清晰），可能你今日諗嘅嘢就係佛陀加持你，係般若智慧，所以我哋應該要由痛苦之中裏便去吸取教訓。

亦都講到佛陀佢所能夠生於呢個世間，佛陀未出世，未出世之前呢，根本就冇佛嘅，但係點解咁多人都唔能夠成佛？佛只係宇宙間嘅覺者啫嘛。佛陀嘅時代，已經有好多哲人出現啦，婆羅門教啦，係咪吖？好興盛，等於而家嘅印度教，好多哲人修四禪八定，上去無色界添，點解佢解脫唔到生死呢，係咪吖？好簡單，就係佛，佢哋見到人生現象，佢冇用一個智慧去透析，佢冇諗過點解春天百花開、秋天會黃葉落吖？如果我哋見到樖樹，你問，你問一個人點解，喺嗰街捉住個人問：“喂，點解春天會花開，夏天會熱，秋天會葉落？”佢話傻，痴線吖，係咪吖？佢會唔會咁話你吖，肯定會。但係你呢問呢個問題呢，如果響古代嘅時候呢，依個問題一轉移個空間呢，佢即刻向你頂禮：“你真係有智慧吔！”你一啲都冇傻到，呢個係空間轉移。因爲古代嘅時候，正法時期啲人智慧高吖，根器猛，所以覺得你問呢個問題好有智慧，哲理嚟嘅。你試下喺古代，相同於佛陀嘅時代嘅希臘嘅哲學家，阿里士多德、柏拉圖、蘇格拉底，相對我哋中國佛陀時代孔子，周朝嘅時候，同佛陀相距不遠。如果你喺生於呢時代問依個問題，嗰啲人會好恭敬你，你係一個哲人嚟嘅，你體會宇宙萬事萬物嘅道理。咁佛陀未出世之前，根本衆生冇發現天地宇宙嘅道理，冇人成佛，佛陀出世之後先有人成佛，因爲佛陀知道點解人會有生死呢，佢明白人有生死，但係佛陀未出世之前，啲人冇諗過呢個問題。“傻嘅，有乜關係啫？”一樣有啲咁嘅人，當然唔係全部都係哲人。咁佛陀之所以能夠成爲佛陀，宇宙間覺者，就係佢能夠洞悉衆生有生死，從而由呢個道理之中搵出解決嘅方法，亦都體會到宇宙間至高嘅道理，係有一個不生不滅之道。依個就係你點樣去睇萬事萬物，所以“一念愚即般若絕，一念智即般若生。般若無形相，智慧心即是；若能如是解，即名般若智。”就係《六祖壇經》裏便所講嘅般若。

“時有菩薩、辟支、羅漢，衆魔驅逐，不預衆會。三乘入山，福德之地。”“恬”（“恬”，淡吖，呢個應“恬泊自守”，呢個唔係“怕”字，因爲古代冇個“泊”字，呢個係三點水，“淡泊”嘅“泊”），“恬泊自守，以爲欣快，壽命延長，諸天衛護，月光出世。”嗱，呢一段呢，其實我哋可能見唔到㗎喇，如果我哋再輪迴嘅時候呢，可能就會見到，呢個係好久好久嘅事啦，我諗相距再過六七千年，甚至末法一萬年，依段時間所發生嘅嘢。佢話咧，再落嚟嘅時候呢，就有亦都有啲聖人開始出世嘞，有衆生痛苦嘅時候，亦都開始有人做善事，有聖人出世，衆生開始壽命再延長番，天界開始衛護，“月光出世”。“月光出世”嘅意思呢，就係月光菩薩，到時有一位月光菩薩，月光菩薩就係響彌勒菩薩未出世之前，釋迦佛涅槃，人壽八萬四千歲，對唔住，講錯咗，釋迦佛涅槃咗之後，人壽，五十六億七千萬年之後咧，佢釋迦佛滅度之後，彌勒佛再降生響印度裏便，開三個大會，龍華三會。

再講到釋迦佛有緣嘅遺教弟子。如果假如我哋而家能夠親近彌勒佛嘅程度，而家釋迦佛涅槃咗之後，我哋能夠學習釋迦佛嘅佛法，得唔到道，解脫唔到生死，將來響五十六億七千萬年之後，嗰個龍華三會，彌勒菩薩響一樖樹，好似龍個口吐出嚟嘅花好大嘅，枝葉連綿瀰漫咗好多由旬嘅地方，庇蔭晒整個法會嘅衆生。一共三個法會，裏便呢，每一個法會差唔多到九十億人咁多。呢九十億人，如果我哋而家係釋迦佛嘅遺教弟子，我哋而家修彌勒佛嘅法門，亦都能夠學習，而家坐喺度學習釋迦佛嘅佛法，如果我哋唔能夠得道，將來一定有機會，我哋有心繼續修行的話，響龍華三會裏便啦，我哋一定九十億人裏便，我哋係其中九十億分之一，會有機會。咁呢度講到月光菩薩出世咧，係彌勒佛未出世之前呢，有個菩薩係月光菩薩，會出嚟救世嘅。“得相遭值共興”，有機會呢，有啲衆生就會同月光菩薩相逢，“得相遭值共興吾道”，有啲羅漢，有啲菩薩就會同月光菩薩聚一齊呢，去弘揚月光菩薩嘅法。我哋如果係有機緣呢，再轉生響嗰個世代呢，亦都會遭逢到呢個運數，能夠呢，學到釋迦佛嘅正道。

“五十二……”跟住講到呢句呢就非常之，我哋唔中意聽吖。“五十二歲，首楞嚴經、般舟三昧先化滅去。”吓，所以呢，係非常之重要嘅，釋迦佛講啦，佢話啦，到咗人壽五十二歲嘅時候呢，《首楞嚴經》吖，啫而家我哋所講嘅《大佛頂首楞嚴經》呢，即將會滅去吔。即是呢，話俾我哋大家聽呢，會消失響呢個世界之上，唔會再存在。所以，末法時期呢，第一部經啦，要消滅呢，就係《楞嚴經》，《大佛頂首楞嚴經》。

所以呢，響，我哋知道呢，美國萬佛城呢嘅宣化上人呢，啫度輪法師啦，好提倡呢部《楞嚴經》，所以呢，我好欣賞佢。相對於萬佛城啦，就係臺灣佛光山嘅星雲法師，佢唔係強調《楞嚴經》，但係呢，佢哋兩個呢，能夠呢，響今日嘅佛教裏便呢，開創到咁大嘅基業，能夠度咗咁多嘅衆生，佢哋功德呢，係非常之偉大。但係呢，度輪法師呢，好強調呢，呢本《大佛頂首楞嚴經》嘅，佢一個口號就係咁講嘅，佢話：“欲要佛法興呢，先學《楞嚴經》。”就係咁簡單。所以呢，佢呢個口號其實唔係無的放矢吔，佢係好有根據，佢係學習，學習咗佛陀呢，正真嘅道理，譬如呢本《佛說法滅盡經》裏便亦都講到呢個問題。

點解《楞嚴經》響末法時期咁重要？因爲佢係末法時期第一本要消失嘅經，同埋《楞嚴經》之所以嘅重要性就係啦，佢裏便將末法時期修行吖，衆生嘅種種魔相啦，揭露得海盡無遺，完全講晒出嚟，點樣著魔，修行人點樣著魔、末法出家人點樣破壞佛法、點樣魚目混珍珠、我哋應該點樣去鑒別。亦都有講到修行次第嘅法門，好多聖者、菩薩、羅漢，佛陀當時嘅親嘅親教嘅弟子，佛陀叫佢起身，報告佢係咩方法，點樣修證到佛法上嘅圓通，譬如大勢至係耳根圓通啦，觀世音菩薩亦都教我哋用耳根去修行佛法啦，種種種種嘅圓通，《楞嚴經》亦都有解釋有呢啲法門，同埋教我哋點修持楞嚴咒。

“楞嚴”嘅意思，上一次我哋法會啦，蓮華，誒，嗰個楞嚴咒開光嘅時候呢，我亦都有解釋過《楞嚴經》嘅，大家有冇聽過？“楞嚴”嘅意思就係“一切事究竟堅固”，冇一樣東西呢，能夠破壞得到楞嚴。如果你能夠修持到楞嚴咒呢，末法就將會興盛，如果有人修持《楞嚴經》，唸楞嚴咒，末法呢，就會興盛。“一切事究竟堅固”，冇一樣嘢能夠破壞得到《楞嚴經》。楞嚴，首楞嚴三昧呢個大定，冇嘢能夠破壞得到佢。所以度輪法師先會講呢個口號“欲要佛法興，先學《楞嚴經》。”因爲第一本經消失響世界上就係《大佛頂首楞嚴經》。

“般舟三昧呢，先化滅去。”因爲《楞嚴經》我哋衆生嚟講啦，覺得太厚啦，好難明吖，冇人解釋，特別啲魔呢，好反對吖，呢部經，因爲佢將啲魔相揭示得好詳細。“般舟三昧”係咩意思呢？“般舟三昧”，同我哋而家係好有關係，“般舟三昧”呢，係我哋修行淨土法門。而家我哋修行淨土法門求生念佛往生、解脫生死，般舟三昧，如果我哋唸佛，簡單，我哋日日唸“南無阿彌陀佛”、做善事、去求往生極樂世界，我哋唔讀任何經書，呢個可以響淨土法門裏便叫做“易行門”，係好簡單、好容易做得到，普通人都做得到，叫你唸佛修持嘅法門。但係，相對“般舟三昧”嚟講呢，係一個“難行門”，唔係咁容易做。“般舟”嘅意思係梵語，解釋爲“佛立三昧”，“佛立三昧”意思就係話呢，響九十日以內裏便除咗食嘢呢，繞住個佛，一便唸佛或者唸經，經行，唔能夠休息，直至見到佛爲止。見到佛係咪有憑據吖？我哋修極樂世界法門，都希望能夠見到佛，往生佢有一個憑據。咁所以我哋憶佛念佛，現前當來必定見佛，不假方便，自得心開，好似大勢至菩薩嘅圓通章裏便就有講過呢道理，所以“般舟三昧”就係呢個法門，憶佛念佛，響九十日以內呢，“剋期取證”，咩叫“剋期取證”？啫好似閉關咁，定一個時期，一定要到呢個時期，一定要得到一啲嘢，一定要見到佛，呢個係淨土法門好難做嘅嘢，叫你淨係食嘢喎，唔停喎，日日去唸佛，唔可以瞓覺喎，幾難做！

古來嘅大德啦，特別淨土宗吖，古代我哋蓮宗淨土宗嘅慧遠大師呢，響廬山結舍念佛嘅，淨土宗嘅始祖，佢呢，好強調呢個法門，佢亦都結舍，同一班居士吔，同啲出家人吖，都有組織呢個“般舟三昧”。但係到我哋而家末法衆生，叫我哋坐喺度聽一聽說法、聽一聽經都唔耐煩啦，叫我哋修“般舟三昧”點修呢？咁難，我哋一聽到已經覺得難嘞，但係將呢啲法門換番響正法時期裏便，其實就好容易嘅法門嚟嘅咋，好容易嘅法門。咁所以佛法滅嘅時候呢，淨土呢個法門同《楞嚴經》已經唔見啦，首先消滅。

“十二部經尋後覆滅，盡不復現。”跟住三藏，十，戒定慧、三經律論，三藏十二部經典，種種體材嘅經典，一部、一部、一部慢慢消失晒，就係依呢個次序，佛法就咁滅，首先《楞嚴經》，然後“般舟三昧”，跟住佛法，慢慢、慢慢、慢慢消滅。

“不見文字。”我哋見，再見唔到世間上有文字出現吖，冇文字記載佛法啦。

“沙門袈裟自然變白。”出家人如果當時有響末法時期再後啲啦，他哋所著嘅衣服自然會變做白色。

“吾法滅時，譬如油燈臨欲滅時，光明更盛於是便滅。”吖，呢句說話，如果你上一段呢，我係講得快你唔係咁明呢，聽完呢句你就會明。釋迦佛話佢嘅法吖，將滅嘅時候啦，等於人臨死嘅時候都會迴光返照，呢個就迴光返照，嘅燈更強更盛照一照，有月光菩薩出世，有緣嘅人就接受到月光菩薩繼續度化，如果度化唔到，過咗呢段時期，《楞嚴經》、“般舟三昧”消滅，跟住呢個法就滅。油燈吖，就再光一光，猶如譬如，月光菩薩出世，再興一興盛，放最後嘅光，接引埋最後嘅衆生，然後啦，啲法就開始滅，任何用文字記低嘅佛法已經響人類嘅世界全部消失晒，好似油燈咁慢慢慢慢滅。

“自此之後難可數說。”嘩，經歷呢個時期之後，唔知再有幾耐先能夠逢遇到佛法，唔可以講得到吖，有幾長時間。

“如是之後數千萬歲，彌勒當下世間作佛。”嗱，過咗呢個咁黑暗嘅時代啦，佛法嘅消長又開始，我哋佛法有消長嘅時期，一消一長、一消一長，等於我哋日日都可唔可以見到月光，十五同埋初一嘅月光？唔可以。月有陰晴圓缺，人有悲歡離合，所以我哋每，唔能夠見到月光日日都圓，猶如佛法，永遠唔會興盛，係我哋人嘅心，學、精進、退墮、學、唔學、精進、退墮，就係咁吖，好似個曲線上上下下。如果我哋永遠都學嘅時候，永遠月光都會光照住我哋，永遠佛法都會興盛。

但係當佛法經歷嗰個黑暗時期之後啦，黑暗，唔修行，再修行嘅時候啦，佛陀預言呢，彌勒世尊呢，就會響嗰個時候，再過一千萬年之後佢就會降生啦，喺世間作佛，就係頭先我所講嘅龍華三會嘞。“彌勒”嘅意思係點解啦？好似我以前啦，冇解過大家俾你聽咩叫“彌勒”，“彌勒”嘅名號。“彌勒”呢，就係梵文嘅意思“Maitreya”，彌帝隸耶，譯做我哋中文解釋爲“慈氏菩薩”，由於佢修行裏便呢，以一個法門修慈心嘅禪定，時常用一個慈心去悲憫衆生，所以佢叫做“慈氏菩薩”，中文，梵文就叫“彌勒菩薩”，就係咁嘅意思。彌勒菩薩出世，嗰時候就正法時期嘞，有佛出世，當然正法樣樣都好啦，猶如釋迦佛嘅時代。

“天下泰平毒氣消除，雨潤和適，五穀滋茂。”同頭先所講嘅末法，同我哋而家就相反，嘩，天下又開始太平，五穀豐登。

“樹木長大，人長八丈”喎。嗰陣時候呢，彌勒佛呢，降生響世界嘅時候，我哋人身高呢，有八丈咁長，嘩，八丈啫幾多？要去換一換算嘞，而家唔知啦，換一換算，有八丈咁長。

“皆壽八萬四千歲”吔，我哋人類當時嘅壽命，由於正法時期係好長，八萬四千歲咁長，咁我諗呢個“八萬四千歲”呢，形容係好長好長，係一個乘數，唔係啱啱就八萬四千歲，所以唔好執著嗰個數，係好多好多。

“衆生得道不可稱計。”就係頭先我所講，彌勒佛響龍華三會裏便度，每個會度九十億人，就係咁多嘅衆生，度之不盡，不可稱計。

“賢者阿難作禮白佛：‘當何名斯經？’”講到呢度呢，呢本經呢，就差唔多講完。於是呢，阿難，多聞嘅阿難尊者咧，就向佛陀行一行禮，佢話：“佛陀，你講到呢本經，我哋應該點叫呢？云何奉持？我哋點樣恭奉同埋受持呢？”

佛陀講，佛言：“阿難，此經名爲法滅盡。”依部叫做佛法消滅海盡嘅經。“宣告一切宜令分別，功德無量不可稱計。四部弟子聞經，悲慘惆悵，皆發無上聖真道意，悉爲佛作禮而去。”佛陀嘅弟子，所有在會嘅菩薩聽完呢部經呢，“四部弟子”：比丘、比丘尼、優婆塞、優婆夷（居士：男居士、女居士）。四種嘅弟子，聽完呢本經啦，悲慘惆悵，都，佢哋都發咗“無上聖真嘅道意”，“悉爲佛作禮而去”。呢啲弟子呢，聽完佛法滅盡呢本經嘅時候呢，佢哋都好悲哀、好慚愧，都發無上正真嘅道意，都鼓勵到自己修行，覺得自己親近到佛陀，佢哋當時親近佛陀，覺得係好稀有。佛陀講呢啲嘢出嚟，鼓勵佢哋，一來，二來係預言而家末法時期，俾我哋參考。

但係而家我講完啦呢部經，大家聽到覺唔覺得悲慘吖？睇下你哋啲樣先，好似唔係悲慘，點解呢？仲有啲笑意添！聽到佛法滅盡，點解呢？嗱，個原因我講俾你聽，因爲如果當你能夠發心呢，行阿耨多羅三藐三菩提呢，求正法呢條路啦，你聽到佛法消滅嘅時候啦，你會好悲傷。因爲啦，點解呢？因爲你嘅膊頭孭咗如來嘅家業，俗稱叫孭如來嘅家業，啫意思話，你有心去弘揚佛法，你去救衆生，你將啲佛法傳播俾人聽，你聽到有啲人同你唱反調嘅，咁你傷不傷心吖？聽到法滅，唔代表你個樣笑唔傷心雖然係，但係，有一樣嘢話俾你聽，如果你個心唔係擺喺佛法裏便，你會唔會傷心？一啲都唔傷心，意思你唔到肉吖嘛！到唔到肉。如果你學佛法，好簡單之嘛！譬如你將你個，一個仔去栽培養到大晒，點知佢忤逆你嘅，咁你傷唔傷心吖？你付出咁大，得唔到收穫，你希望佢養你吖嘛！你傷唔傷心？咁吖到肉嘞，會傷心。猶如佛法，如果你將你嘅心安立響阿耨多羅三藐三菩提，安立響度化衆生，你去走大乘菩薩道嘅時候，你聽到今晚所講呢本經，亦都係佛陀對我哋今日世界嘅預言呢，你會傷心。你知道，一方面你會傷心，覺得將來佛法，唉，點解咁敗壞呢？會滅盡呢？人心點解向惡呢？另一角度，你應該要向好嘅方面睇，就係話俾你聽，你應該要珍惜你而家當下嘅人生，因爲好重要，將來你就再冇機會學，再輪，你會輪迴㗎嘛，如果你解脫唔到生死，如果你而家唔學，將來你就學唔到㗎喇。

所以如果你而家係有心，聽完呢部經，聽完我講完之後，希望你今晚返去珍惜，珍惜你嘅人身，好好去修行佛法，唔好等末法時期仲有機會。你話：“唔係喎，瑋師兄講過，彌勒佛嚟仲有機會喎！”不過五十幾億年後，你仲等？記住一樣嘢，我話俾你聽，彌勒佛嚟，你係有機會，不過！呢個機會係決定你而家有冇修行，有冇種下善種，如果你而家冇種善種，唔修釋迦牟尼佛嘅佛法，到時彌勒佛，你冇咁嘅因，邊有咁嘅果？佢度化唔到你嘅。所以你而家係最重要，你把握現在先係最真。

依個就佛陀教授我哋預言，《法滅盡經》，亦都係佛陀對今日世界預言。因爲時間有限，我講到係咁多啦，其實仲有好多嘢講嘅。多謝大家！

200.《佛說盂蘭盆經》解說（一）

1995年8月10號（農曆7月15號）

談晉瑋師兄講《盂蘭盆經》

今晚呢，其實大家都收到個通訊，今晚我哋嘅講題呢，就叫做《十大弟子目犍連》。因爲啦，盂蘭節係涉及到呢，目犍連尊者對於佢自己盡孝道報答母親嘅恩惠，所以我定呢個題目叫《十大弟子目犍連》，係關於目犍連尊者嘅小小事蹟。但係呢，其實我就打算每年都係響盂蘭節裏便呢，好簡單咁解釋下呢部佛門裏便其中一部孝經，就係《佛說盂蘭盆經》。

嗱，大家呢，睇下個經題嗰度呢，嗰個唔係“孟”字吔，有啲人讀“孟蘭節”嘅，我喺街度聽到有啲人叫“孟蘭節”，係嘛？個“孟”字同個“盂”字有咩分別吖，知唔知？係嘞，如果“孟”字呢，上面係“子”字，“盂蘭節”呢，係啦，做個“于素秋”嗰個“于”啦，“于”字，分唔分到吖？分到，所以如果我哋信咗佛，歸依咗三寶啦，唔好讀“孟蘭節”喎，人哋笑你話：“佛教徒，今日咩節吖？”“孟蘭節吖！今日。”係咪吖？記得讀番“盂蘭節”吖，吓。但係有時呢，嗰啲經文呢，執字粒啦，有時好易執咗個“孟”字，因爲呢，印經書嗰啲老闆呢，佢哋唔係太清楚啲佛經吖，所以我哋要印《盂蘭經》嗰時要校對下呢個字吔，清楚。

咁其實，講少少題外話先，我就唔諗住壓後尾講啦，一次過就講晒啲經文，一陣我哋又有嘢食，係嘛？我要控制番啲時間，有冇吖？薈供吓嘛？有！頭先做咗薈供之後，我哋有冇粥吖，有冇粉麵食吖？吓？冇吖？有冇吖？冇，咁可以我慢慢嚟吖嘛。有，我就要乒鈴嘭唥好似上一次咁好緊張咁，好快吔。嗱，其實呢，我今晚好想清楚咁講一樣嘢呢，盂蘭節究竟同佛教呢，有咩嘢關係？或者係鬼節，大家俗稱嘅鬼節，其實我哋多多少少啦，都有啲已經混淆咗鬼節同盂蘭節嘅關係，究竟佢哋嘅關係係點呢？其實佛教裏便啦，根據佛經記載啦，釋迦牟尼佛所講啦，就冇鬼節嘅，我就未睇過佛經記載有鬼節。咁但係呢，睇過一啲祖師嘅筆記，同埋響坊間裏便啦，有好多人相傳七月呢，就鬼門關大開，究竟有冇一件咁嘅事呢？我今晚呢，就同大家解答下呢個問題，相信你會好有興趣。

咁我講咗佛教真正嘅節日盂蘭節先，點解叫做“盂蘭”呢？“盂蘭”嘅意思係個譯音嚟嘅，係個譯音嚟嘅，個梵音呢，叫做“ullambana”，簡稱爲“盂蘭”，我哋中國漢文，譯咗我哋中國文字嘅意思解釋爲“救倒懸”。“救倒懸”，“倒懸”係咩意思呢？“盂蘭”記住係一個音嚟嘅，意思係“救倒懸”，比如將一個人，嗱，我哋假設將一個人頭向下、腳向上，將佢嚟倒吊啦，永遠咁將佢倒吊，啲血係咪向下行吖？慢慢慢慢呢，可能會死亡，啲血逆轉，所以呢種痛苦呢，係冇辦法用我哋嘅說話語言去表達到，到出嚟嘅，所以呢，佛陀就用咗呢個譬喻呢個形容詞呢，“盂蘭”呢個形容詞呢，形容餓鬼道嘅痛苦。因爲《盂蘭經》呢，係目連尊者救渡佢墮落餓鬼道嘅媽媽，紀念佢媽媽，報父母恩嘅一個節日嚟嘅，所以“盂蘭”嘅意思解釋爲救渡餓鬼之苦。呢個餓鬼之苦呢，猶如將一個人倒懸，譬如爲頭向下、腳向上係好痛苦，你感受下，自己到，係咪吖？俯臥撐，啲“蛤蟆功”嚟嘅，腳向天嗰啲，你試下倒立，倒立幾耐可以做？倒立半個鐘頭睇下得唔得？一個鐘頭、兩個鐘頭，我諗都幾辛苦。但係啲餓鬼嗰種痛苦呢，我哋可以講一個比喻，猶如咁嘅痛苦，所以稱爲“盂蘭”，“ullambana”，就攞咗頭前面個音“盂蘭”，解釋爲“救倒懸”，就係咁嘅意思。

咁其實呢，佛教吖，真正所講嘅盂蘭節呢，係舊曆七月十五，七月十五，就唔係七月十四。咁但係民間相傳呢，七月十四係咩節吖？好驚喎，一講到呢個，係嘩？談鬼色變吖，你好驚吖，講到鬼，七月十四就係鬼節。但響佛經裏便記載呢，就冇鬼節，正式就係盂蘭節。咁但係頭先我已經講過，相傳呢，我睇啲祖師啲筆記吓，或者聽好多老人家講呢，我哋舊曆七月十四就係鬼節，去燒衣，甚至整個月你都可以燒衣，賬祭嗰啲孤魂餓鬼吔，嗰啲遊魂野鬼。咁佛陀冇講過，但係有冇呢件事呢？咁我可以講下啲祖師少少筆記話俾大家聽。 

嗰啲祖師呢，曾經描述過，因爲好多祖師呢，曾經修道證果，得到神通力，猶如目犍連尊者呢，係釋迦牟尼佛十大弟子，神通第一。釋迦牟尼佛呢，有十個大弟子，其中各個弟子都各有專長，但目犍連尊者呢，就係神通第一。咁嗰啲祖師呢，有啲祖師修行呢，有道力，證得到神通之後呢，佢哋曾經呢，進入過餓鬼道睇過嚟。咁響我哋六道輪迴裏便呢，天、人、阿修羅、旁生、餓鬼、地獄，響呢個鬼個法界裏便呢，原來有個平民區嘅，聽講。嗰個平民區呢，好得意吔，係嘛，有啲師兄笑，聽到平民區知係咩事，一聽到平民區呢，就好似，好似我哋呢，人世間吖，陽界嘅生活咁，不過，只不過呢，佢嘅生活呢，好簡樸，就冇我哋咁多物質嘅。啫一樣好似我哋人類有生意做，但係啲貿易呢就好簡單嘅，啲檔口呢，就好簡單嘅，啲人往來呢，冇乜顧忌嘅，就唔係我哋有咁多機心，啲衣著呢，就好似好樸素嘅。買賣呢，亦都貿易有啲貨幣嘅，就可能係我哋燒落去嗰啲貨幣嘞，就唔知。咁呢，呢個係鬼道裏便平民區嘅空間。

因爲佛陀講過六道輪迴呢，鬼呢，有好多類嘅，呢一類呢，嘅鬼啦，就係不善不惡嘅鬼、不升不沉嘅鬼，就響鬼道裏便好似過住人間吖，陽世嘅生活，不過響物質上呢，冇咁高享受。只不過佢同我哋人界裏便有咩唔同呢？就冇咗個肉體咁解，佢只係一個靈身，一個虛體，猶如我哋死後生前四十九日吖，呢個中陰身一樣，吓。咁所以根據啲祖師記載呢，的確係有呢笪地方吖，鬼道有呢個空間。另外，我哋響人世間裏便見到嗰啲鬼呢，嗰啲鬼呢，就係浮遊靈，浮遊響我哋人類空間裏便，佢會去我哋人類呢，每一個空間場所。

但係我哋中國人呢，時常誤會咗人死後實做鬼，係嘛？我哋信咗佛之後就知道唔係，吓嘛？人死咗之後呢，只有六分之一機會做鬼，因爲我哋六道輪迴㗎嘛。如果我哋再加埋，我哋去修道成佛，佛、菩薩、緣覺、聲聞（聲聞最高嘅果位就阿羅漢，緣覺最高果位就辟支迦佛），咁如果我哋加埋六道，加四聖六凡，十法界嚟講，我哋吔，死咗之後做鬼其實只有十分之一嘅機會。如果你係一個修行人，你修行人未必一定成功㗎嘛，可能會失敗㗎嘛，咁但係我哋一般唔修行裏便呢，有六分之一機會只可以做鬼，所以大家呢，今晚明白咗呢概念之後呢，我哋信佛有返啲基礎嘅佛學知識，就唔好俾人笑話，人死後之後仍然誤會咗都係鬼，只有六分之一嘅機會你係做鬼。

咁傳說呢，鬼門關大開呢，我諗呢，我解釋吖，就相傳啲祖師所見到鬼道嗰啲平民區呢，放假響七月，然之後呢，因爲我哋死咗之後假如有機會我哋做鬼，或者我哋啲親屬呢，淪落咗鬼道之後，去咗呢個平民區嘅地方呢，其實佢冇肉體，但係同我哋人世一樣有個關係，佢仍然未解脫生死，佢有執著，雖然佢死咗，但係佢都會掛念呢，我哋陽世嘅親屬，所以過時過節，所謂每逢佳節，咩吖？倍思親吖嘛，係咪吖？每過時過節中秋十五你都諗起啲月餅，吓，我哋一齊成家人坐低食月餅中秋賞月就係呢個道理，所以雖然佢過世咗，但係佢都會眷念吖，陽世嘅親人。所以七月呢個月呢，舊曆呢，陰曆呢，呢啲平民區鬼道嘅衆生啦，就會嚟到我哋人界啦，去探訪我哋陽世嘅眷屬。不過佢嚟探你嘅時候你未必會知吔，因爲你可能未有咁高嘅感應或者神通力知道佢嚟到，咁但係啲祖師講過，係事實上係有呢啲事存在。所以可能由於呢個思想開始流傳呢，我哋陽世間嘅人，就有拜，就有祭祀，希望呢，嗰啲親眷上嚟探我哋，我哋同佢陰陽相隔，模擬有一啲物質去表達我哋思念親屬之情。咁可能喺嗰日呢，我哋就整一啲嘢去拜祭，燒下啲金銀衣紙吔，攞下啲其他嘢去拜祭吔。

咁吖，拜還拜，有一樣嘢就最唔好嘅，今晚我吖又要講呢樣嘢，又話我提起食肉啦，唔好話，因爲呢，我哋係佛教徒呢，就算拜祭呢，儘量唔好攞肉去拜。因爲呢，攞肉去拜，如果我哋平時吔，去供佛或者佛菩薩呢，好易吸引啲血食嘅鬼神。但係你又會問我：“而家橫掂我都係俾啲鬼食，咁去吸引啲鬼神冇乜分別吖？”如果你擺喺街去拜祭。但係呢，我哋發乎一點慈悲心，做乜嘢都係呢，一概用素食呢，就可以培養到你嘅慈悲心，但係至於佢食唔食到呢，就係其中另外一個問題。咁你話究竟食唔食到呢？我可以話俾你聽呢，其實佢係食到嘅，不過呢，佢食呢，唔係用個口去食。如果你係攞啲雞吖、鴨吖、鵝吖、豬吖，喺街邊拜祭完唔見咗呢，一係隔離拜，有個小朋友，偷咗去，唔見咗的話，冇理由特然間唔見，如果突然間唔見就好恐怖嘞。嗰啲靈體呢，佢所吸收你拜祭呢，嘅精華呢，就係用佢嘅觸覺，用個鼻好似我哋，去將嗰啲食物嘅精華提取出嚟，啫係用佢嘅嗅覺，聞吖，吸取佢精華，所以呢，的確你祭祀嘅時候呢，係對佢會有個好處。咁如果你用肉拜，可能你教曉佢食肉，唔出奇，你用素食拜呢，亦都可能佢未必會食，因爲佢生前嘅習慣吖嘛，各個人。但我哋本住一個佛教徒嘅慈悲心呢，我哋應該任何嘢、任何節日都用素食呢，咁就最爲適當。唔好殺生，呢一點係最重要。

咁樣嚟呢，呢啲都係我哋民間嘅現象流傳咗咁耐，咁我哋佛教徒點樣面對？我要講啲方法俾你聽，就係咁樣面對，用素食。咁你話拜與唔拜呢？咁我自己年年我都唔拜嘅，我邊會拜吖？冇拜嘅。因爲呢，我哋以佛菩薩爲最高嘅模範、最高嘅榜樣，鬼神呢，我哋係尊敬，但係唔拜佢，唔以爲，唔以佢爲最高模範，但係我亦都唔可以否定佢存在。咁至於你話燒金銀衣紙嗰啲有冇用呢？如果根據啲祖師大德講呢，的確你燒落去嘅時候呢，可能通過你心念吖，會傳送到去俾鬼道嘅衆生呢，佢哋收到之後，就有一種物質，由佢嘅精神啦，幻化變成佢需要嘅物質。未必你燒一間洋樓佢有間洋樓嘅，未必你燒架車佢有一架車，但隨著你嘅心意傳送，可能燒到落去係佢嘅心念所幻化出嚟嘅一啲物質嚟嘅，的確係可以做得到。但係呢，如果你係一個佛教徒嚟講呢，我建議你，如果你要燒的話呢，我就希望你呢，啫有啲上咗年紀嘅佛教徒呢，佢就好難呢，改呢個習慣，因爲你叫佢唔燒呢，佢過，年年都燒嘅，咩節都燒嘅，但我都好希望佢哋唔好用肉先，第一個條件。第二樣你燒呢，最好你燒嘅時候呢，加持佛菩薩嘅真言，唸啲咒或者唸佛號嘅時候呢，有佛菩薩嘅真言加持落啲紙張度呢，到你嘅親人或者其他眷屬收到嘅時候呢，就會得到呢一個加持，係你一點心，一點布施嘅善心，所以你燒亦都未嘗不可。但係呢，我希望你唸佛去燒，咁比其他人呢，啫點講吖？其他人啫係隨俗，人做我做啦，嚟得有意義得多，同埋呢個功效呢，係比較有個成效，收到個成效，呢個就係我嘅建議嘞，你響盂蘭節，如果你要燒嘢的話，要拜祭的話。

咁所以我哋呢，要清楚一樣嘢就，七月十四呢，同佛教呢，冇乜嚴格嘅關係吔。但係民間俗稱嘅鬼節，真正佛教呢，就係七月十五盂蘭節，報恩嘅節日。明唔明白吖？咁我哋呢，而家開始解釋個經文，《佛說盂蘭盆經》。

“聞如是，一時佛在舍衛國祇樹給孤獨園。”

呢部經呢，每本佛經開頭呢，都係阿難尊者呢，聽佛陀所講憶述嘅，所以話“聞如是”呢，亦都有猶如“如是我聞”一樣，即是呢本經係我阿難尊者親自由我師父釋迦牟尼佛嘅口中聽返嚟嘅。由一個時候呢，佛陀就響舍衛國嘅一個園，祇陀太子同給孤獨長者共同布施嘅園林出嚟，呢個就係祇樹給孤獨園。

“大目犍連始得六通，欲度父母，報乳哺之恩。”

當時釋迦佛嘅十大弟子呢，目犍連呢，啱啱得到六神通，證咗阿羅漢果，因爲證阿羅漢果呢，先能夠得到六神通嘅，其他嘅外道呢，只可以得到五神通，唯獨最後一種漏盡神通係冇。漏盡神通呢，“漏”者呢，就係缺漏，“盡”者呢，就係淨盡，“漏”者亦可以解釋爲煩惱，即是話你要煩惱淨盡先能夠得到呢一種智慧，係一種智慧嚟嘅，所以六通係天眼、天耳、他心、宿命、神足，第六種就漏盡通，一般外道嘅仙人或者鬼靈呢，都有天眼通、天耳通、他心通、宿命通、神足通，但係最後一種漏盡神通佢冇，因爲要解脫生死嘅聖人最少係聲聞，喺佛在世聽佛說教，最高果位就係無生嘅阿羅漢，先能夠漏盡通。緣覺，生於無佛之世，獨自覺悟，亦都稱爲“獨覺”，佢能夠證到最高嘅果位，獨覺嘅聖者辟支迦佛，佢先能夠得到呢個漏盡通，否則一般修其他外道嘅宗教嘅人呢，修禪定啦，係唔能夠有漏盡通，只可以有頭先前所講嘅五種神通，呢個就係佛教同其他宗教修爲上嘅層次嘅分別。咁目犍連尊者呢，證到阿羅漢果得到六種神通，佢希望吖，報答父母對佢嘅恩惠，“乳哺之恩”就係父母，報答媽媽養育之恩呢。

“即以道眼觀視世間。見其亡母，生餓鬼中，不見飲食，皮骨連立。”

目犍連尊者呢，就用佢嘅道眼，啫天眼通呢，去觀察，睇下佢媽媽究竟吖，生係邊個世界裏便。佢而家有個神通法力，希望報佢媽媽嘅恩惠。目犍連尊者唔睇就猶自可，一睇呢，點知見到佢媽媽原來墮落響餓鬼道裏便！“不見飲食”即是話呢，見唔到佢媽媽有任何飲食。“皮骨連立”，皮包骨剩返，嘩，幾慘！餓鬼就皮包骨，個肚呢，就非常之大，但係個喉嚨呢，就好似一條針咁細。我哋俾人類呢，人界物質嘅食物呢，佢冇辦法食嘅，因爲呢，佢唔係物質嘅身體，同埋佢嘅喉嚨咁細呢，根本冇辦法呢，吞嚥到一啲物質。

所以響佛教裏便呢，我哋見到所謂俗稱嘅“打齋”呢，佛教其實叫做“放焰口”，“放焰口”啦，就係意思話有一類鬼，而家目犍連尊者嘅媽媽就係呢啲，呢類就係鬼類之中嘅一種焰口鬼。當一啲有道嘅僧人，通過真言、手印、觀想嘅三密加持力，將一啲物質嘅食物或者水滴變成一啲甘露，而俾嗰啲餓鬼食，將個喉嚨呢，通過咒同手印打開呢，佢就能夠呢，接受到人界嘅食物，所以我哋“放焰口”嘅意思就係話祭祀啲餓鬼。因爲目犍連尊者嘅媽媽就係墮落餓鬼道，就係呢一類鬼，啲食物呢，擺係佢手，面前嘅時候，嗰口就揈揈聲，由於佢生前吖所做嘅惡業，佢生前嘅惡業就係呢，吝嗇，啫俗稱嘅“孤寒”，見到善事唔做，一毫之善唔會與人方便，一毛不拔，唔做一啲憐惜孤寡嘅事，所以死咗之後呢，就容易得到呢個果報。譬如一啲守財奴啦，刻薄寡恩嘅守財奴啦，同埋唔中意做布施嘅人呢，好容易就會墮落餓鬼道嘞，所以要小心。咁佢前生有咁嘅業力，佢墮落餓鬼道嘅時候呢，如果佢係一類焰口嘅鬼啦，個口一噴啲火出嚟呢，將啲食物吖，燒焦咗，就冇辦法食得到，所以佛教密宗裏便特別嘅施食法呢，布施俾啲鬼神，通過手印、真言咒語將啲食物加持咗之後呢，佢就能夠用佢嘅嗅覺吸入，就好舒服，唔怕啲火噴出嚟，啲食物食唔到嘞。吖，就係咁嘅原理。

咁目犍連尊者見到佢媽媽皮包骨，於是就好悲哀啦，“目連悲哀”，諗住即“以鉢盛飯，往餉其母”。諗住呢，攞個鉢，裝一啲飯呢，“往餉”。嗱，我哋睇下後便嗰頁，我做咗註解。“餉”嘅意思呢，係用食物敬奉嘅意思，讀個“響”字。目犍連尊者媽媽，想呢，用食物去敬奉佢媽媽嘞。

“母得鉢飯，便以左手障鉢，右手摶……”呢個讀個“團”字，“摶食”。“食未入口，化成火炭，遂不得食。”佢媽媽就餓咗好耐，突然間見到目犍連尊者用神通力去到餓鬼道，將碗飯遞到佢媽媽嘅面前，佢媽媽一見到呢，說時遲那時快，就用左手一執，執住個鉢擋住。“障鉢”，啫咁樣揸住個鉢一擋擋住。因爲點解佢要用呢個手勢？因爲餓鬼道唔係得佢一隻餓鬼，個個都喺度肚餓，如果目犍連尊者俾一鉢飯佢媽媽食，周圍嗰啲鬼呢就會搶，所以佢媽媽驚其他嘅鬼類都會能夠搶咗佢嘅食物，所以手擋住，“障鉢”。“右手摶食”，“摶”就係咩意思呢？你睇下後邊解釋，將東西搓成球形就謂之“摶”，啫意思話隻手咁揸住個鉢，依隻右手呢，就將啲飯啫，啫一揦呢，搓成一個球呢，即刻想放入口，做呢個動作，因爲佢好肚餓，飢餓嘅表現。但係，當個食物仲未擺到入口嘅時候呢，佢自己個口就已經將有火噴出嚟啦，將嗰啲飯呢，燒成做火炭，頭先我就解釋咗個原理，就係佢前生嘅業力，嘅惡業力，所以就食唔到啦。

“目連大叫，悲號涕泣，馳還白佛，具陳如此。”目犍連尊者見到咁吖情形，當然好悲哀啦！於是呢佢就呢，返番去釋迦牟尼佛嘅身邊呢，將佢餓鬼道嘅見聞，點樣去俾嘢食佢媽媽呢件事，佢媽媽就食唔到，就返去稟告番釋迦佛，講番呢件事。

“佛言：‘汝母罪根深結，非汝一人力所奈何。汝雖孝順，聲動天地，天神地祇、邪魔外道、道士、四天王神、亦不能奈何。’”釋迦佛於是就開示目犍連尊者話，佢話你媽媽罪根深結，唔係深深咁結集，唔係一世吔，所做嘅惡業，係好多世。佢話唔係你目犍連吖，一個人嘅力量可以救渡到你媽媽，你雖然孝順嘅聲音呢，所謂孝感動天吖，震動天地。天上便嘅神呢、地下嘅神呢。“祇”字就地下嘅神，就謂之“祇”，“地祇”。一切邪魔，唔係修佛教嘅外道、道士，呢個“道士”點解釋呢？我哋吖，睇睇後便有字詞註解。道士，唔係話道教嘅，道教嘅修行人咁解，修行佛道嘅通稱，具有德行嘅修行人嘅意思，謂之“道士”呢度。四大天王：東方持國天王、南方增長天王、西方廣目天王、北方多聞天王，呢四個大天王呢，係玉皇大帝呢，座前嘅大將嚟嘅，佢負責保護我哋呢個南瞻部洲同埋四大部洲嘅，所以呢啲咁嘅護法、天王、有道之士、外界嘅外道邪魔呢，佢聽到你目連呢，點，想救你媽媽，你雖然孝感動天，但係佢哋都唔能夠施與救濟，“亦不能奈何”。

“當須十方衆僧威神之力乃得解脫。”釋迦佛話你想救渡你媽媽，一定要十方。十方係邊個方向吖？東、南、西、北、東南、東北、西南、西北，係咪八個方向吖？再加埋上、下，就十方，泛指一切嘅空間咁解。“如果你想救渡你媽媽，必須要十方嘅僧衆佢㗎威神嘅力量，先能夠救渡你媽媽嘅。”

“吾今當說救濟之法。”釋迦牟尼佛話：“好啦，我而家就教你救渡你媽媽嘅方法啦。”

“令一切難，皆離憂苦。”令到你媽媽所有嘅劫難呢，離開憂愁同埋苦惱。

“佛告目連”，佛陀對目犍連尊者話，“十方衆僧，七月十五日，僧自恣時，當爲七世父母及現在父母厄難中者，具飯、百味五果、汲灌盆器、香油錠燭、床敷臥具、盡世甘美以著盆中，供養十方大德衆僧。”嗱，呢段嘅意思呢，釋迦佛就話俾目犍連尊者聽，如果響七月十五日僧自恣時呢，我哋又睇一睇個解釋啦，吓，“恣”字係咩意思呢？睇唔睇到吖？兩點，“其次”個“次”下面做個“心”，“恣”字解釋爲隨意、任意，“自恣”嘅意思呢，自己隨意舉出所犯嘅過錯，向別人發露懺悔。其實呢個“自恣”呢，係有一個典故嘅，因爲釋迦牟尼佛嘅世代，印度呢，由四月中開始呢，到七月中，三個月係雨季嚟嘅，咁釋迦牟尼佛同佢弟子講話，呢個雨季嘅時候呢，唔方便出去乞食，啲地又滑又濕，成日大雨又水浸，咁所以釋迦牟尼佛叫佢啲弟子響呢三個月以內呢，就叫“結夏安居”，佛教嘅名稱叫“結夏安居”。響夏天嘅時候，喺呢三個月雨季，大家結集埋一齊響度修行，唔好出去化緣，嗰個時候呢，就有啲皇帝供養啲出家人嘅飯食自然。響呢三個月精進修行裏便呢，由七，四月十五日開始呢，就係閉關，七月十五日就出關，咁七月十五日呢日，啫今日盂蘭節啦，其實有兩個名稱嘅，今日，第一個叫做“佛歡喜日”，第二個名稱叫做“僧自恣日”。

所以呢個經文解釋爲“僧自恣時”係咩意思呢？通過三個月嘅修行，釋迦佛嘅弟子呢，有啲就會證到果位，咁響今日嚟講呢，佢哋就會呢，自恣啫自己任意批評對方，啫唔係話無中生有吖，雞蛋裏便撿骨頭，係大家互相檢討嘅錯誤，你講出我嘅錯誤，我講出你嘅錯誤，咁大家指正錯誤以期響個日裏便能夠做到無瑕疵，希望更多人證到果位，所以嗰日叫“僧自恣日”。點解叫“佛歡喜日”呢？因爲通過三個月嘅修行呢，釋迦佛好多弟子精進，都能夠證到羅漢吖，嘅果位，所以呢，佛響嗰日好歡喜吔，就叫做“佛歡喜日”。所以七月十五日就有呢個典故，所以你又記得，叫做佛歡喜日或者僧自恣日。

咁釋迦牟尼佛話七月十五日僧衆自己批評自己嘅時候呢，你應該爲吔，你七世嘅父母，啫由今世開始數上去，一二三四五六七，所謂“九玄七祖盡超升”，你七世嘅父母同埋現在嘅父母，如果有困難喺厄難之中嘅呢，你如果想救渡佢呢，“具飯、百味五果”。咩叫“百味五果”呢，你又睇睇個解釋啦，後便，睇唔睇到吖？我已經寫咗俾你嘞，日，等你返去方便參考。“百味”呢，“百”字呢，就衆多之意，“百味”呢，就係各種味道嘅飲食，但係記得吖，素食吓，唔好，俾肉吓，唔係“百味”你又燒豬頭吖。今朝呢，中午呢，我就去柏惠餐廳食飯，咁呢，入去柏慧之前呢，咁吖，行到個門口見到啲人拜，心都罨晒，咁吖費事冇眼睇吖，去食飯，食飯去也啦，算數啦，吓，費事冇眼睇吖，去食飯，食飯去也啦，算數啦，吓。

記住吓，係素食。

“百味五果”嘅意思就係話種種你能夠做得到呢，各種盡量多，種種好味道嘅飲食，同埋呢，盡量呢，有五種果物呢，嗰日呢，我哋要供養。五種果係咩意思呢？五類嘅果，第一有核嘅果，譬如紅棗啦、藍棗啦，吖，杏啦、桃啦、梨啦，呢啲咪有核啦？第二種類嘅果係膚果，膚果就有皮嘅果實，啫特別啲皮，有特別嘅嘢，譬如瓜吖、梨吖、李仔吔，係嘛？第三種有殼嘅果實，椰子吖、核桃吖、咪有殼囉；第四種糩果，粗糙皮類嘅果實，啲松樹子吔、柏樹子。我哋買紳士牌果仁，有冇食過吖？嗰啲咪松樹子吖、柏樹子吖，唔知有冇吖，我都好似未食過，吓。角果，角果呢，有角嘅果實，有角有咩吖？菱角啦，同埋大豆、小豆呢，有個角，突突哋嘅、尖尖哋嘅，呢啲就屬於角果。咁我哋響呢一日呢，釋迦牟尼佛教我哋用種種嘅果品、種種嘅飲食，最好嘅，最好嘅。

“汲灌盆器”，除咗食物之外呢，“汲灌盆器”，我哋又睇睇解釋，點解呢？“汲”者，吸取，“灌”者，倒入裝進嘅意思，即係用嚟吸水同埋放水嘅器具，泛指一切沐浴嘅用具。啫唔食得嘅呢，你可以買啲沐浴嘅用具，因爲以前啲出家人呢，都要洗澡，要潔淨嘅，有啲居士都會供養啲沐浴嘅用具。所謂衣服、臥具、飲食、醫藥，就係臥具，釋迦佛成日講嘅，愛嚟供佛，吓。“汲灌盆器、香油錠燭”，嗱，個“錠”字都有解釋，讀“定”，解釋爲燭臺，即是準備啲香、油呢，點燈嘅油呢，或者燭臺呢、蠟燭啦。“床敷臥具”，“臥具”就係鋪床啦，“床敷”就鋪床嘅被啦，“臥具”就瞓覺嘅用具啦。咳。

“盡世甘美”，總之喺你能夠響世界上盡你嘅心力搵得到啦，甘甜、甘美、美好嘅食物啦，放喺一個盆裏便，喺嗰日呢，去供養十方大德衆僧，吓。呢一段嘅意思釋迦佛，我再講一次，釋迦佛嘅意思就係叫你買種種嘅素食，最好嘅，或者一啲用品，食得唔食得，放喺一個盆裏便，用呢個方法啦，去供養一啲僧衆呢，以祈呢個功德力，去教導目犍連尊者呢，用呢個功德力回向吖，俾佢嘅媽媽，將佢由餓鬼道呢，拔出嚟，解脫佢苦難。咁跟住落去一段經文呢，就會解釋話，點解要，點解供養啲僧衆呢？供養啲咩僧衆呢？咩原理要喺呢一日供養僧衆呢？釋迦佛繼續會講，啫響今日，點解響今日供養啲僧衆呢？因爲有好大嘅功德。

“當此之日”，呢一日就係七月十五嘞。

“一切聖衆，或在山間禪定、或得四道果、或在樹下經行、或六通自在教化聲聞緣覺、或十地菩薩大人，權現比丘，在大衆中，皆同一心，受鉢和羅飯。”釋迦佛原來佢解釋話，原來七月十五今日吖，好多聖衆吖，有啲響山間裏便禪定，吓，但係我要解釋一次俾你哋聽，你去崇山就搵唔到㗎喇，哈哈哈！你去魔鬼山呢，見唔到。你話山間禪定，點吖，今日上山，好，下個，下年七月十五日睇下係咪真係見到啲聖衆響山間禪定吖？吓，大家唔需要，唔好去做嗰啲傻事，因爲呢，釋迦佛講嗰啲，呢啲聖衆呢，係要用天眼通先能夠睇到嘅，用嗰度吖，唔係用呢度，唔係用你兩個肉眼睇到，係用天眼通先睇到嘅。啫佛在世嘅時候呢，除咗啲肉身嘅出家人響山裏便修行禪定，響嗰日，我哋記住三個月結夏安居，佢哋仲未出關，今日，今日係結夏吖嘛，咁所以有啲亦都係無形嘅羅漢呢，同埋菩薩響度修行嘅。

“或得四道果”，或者佢證咗啦，羅漢嘅四果呢，須陀洹、斯陀含、阿那含、阿羅漢，羅漢嘅四果呢。或者響樹下經行，一便唸經、一便行道，六通自在，呢啲聖衆嘅六種神通吖，已經隨意運用吖，天眼、天耳、他心、宿命、神足、漏盡，嘩，六種神通，隨意運用去救渡衆生。

“教化聲聞緣覺”，去教化啦，一啲聲聞嘅聖衆，啫羅漢啦，一啲緣覺嘅聖衆，辟支迦佛啦。或者甚至有啲更高果位嘅十地嘅菩薩，十地嘅菩薩啦，再進一級就等覺嘅菩薩，等覺菩薩爭一級就成佛嘞，再跳一級就妙覺嘅菩薩，第五十二個階位吔，天台宗解釋，呢個第五十二個階位，妙覺嘅菩薩呢，啫係佛，所以十地菩薩都即將成佛，原來嗰日連十地菩薩呢，都會出現，“十地菩薩大人，權現比丘”吖，呢個十地菩薩佢都會化身做一個比丘嘅裝束。

“在大衆中，皆同一心，受鉢和羅飯。”響大衆之中呢，佢哋呢啲聖衆都會一心去接受呢個“鉢和羅飯”。“鉢和羅飯”咩意思？你睇睇解釋啦又，最後嗰度，“鉢和羅”呢，就係梵語“pravarana”，梵語“pravarana”嘅意，音譯，意思係自恣、隨意、滿足、喜悅嘅意思。“鉢和羅”就係滿足、喜悅、隨意。出家人響七月十五結夏安居結束嘅日子，自己向別人發露罪過，得清淨，而生喜悅，響呢一日，供養三寶嘅飯就稱爲“鉢和羅飯”。嗱，所以我哋居士呢，由古代開始相傳呢，呢一日咧，我哋呢，就會，啲祖師教我哋呢，預備好多種種嘅食物吖、果品吖，由於呢個緣故咧，就攞啲食物呢，去啲寺院吖、庵堂吖、寺觀裏便派俾啲出家人呢，做一個供養，啫意思話代表我哋供養咗一啲遊行空間禪定嘅聖衆，因爲遊行空間嘅禪定，我哋如果冇神通呢，唔能夠同佢溝通，所以我哋爲咗表示呢個功德，積累功德響呢一日呢，我哋供養有肉身嘅出家人都係一樣啫，同埋我哋亦都可以擺啲食物，好似而家法輪會咁啦，供養遊行十方嘅佛菩薩同僧衆，就有一個力量超度你七世父母，所以自古相傳原習呢，喺今日，都有人攞一啲食物，攞啲用得嘅床敷臥具吔、飲食醫藥去供養出家人，去積呢個大功德，去修一個孝道，去報答我哋七世父母恩嘅，所以就係咁嘅意思。鉢和羅飯就我哋供養出家人自恣嘅飯，因爲今日佢哋任，自己批評自己嘅過錯，係佛歡喜日，所以你供呢鉢飯，由於呢個名稱來源，所以叫“鉢和羅飯”。

“具清淨戒，聖衆之道，其德汪洋，其有供養此等自恣僧者，僧者，現世父母、六親眷屬，得出三塗之苦應時解脫，衣食自然；若父母現在者，福樂百年；若七世父母生天，自在化生，入天華光。”呢個唔係讀個“華”字，“天花光”。釋迦佛話，呢啲，啫響今日嘅聖衆，出關嘅聖衆呢，佢哋嘅道德，同埋十方遊行嘅佛菩薩嘅聖衆呢，汪洋，好似汪洋大海一樣，如果有人今日能夠供養呢啲僧衆呢，咁嗰啲人有咩利益呢？呢一句係關乎你切身利益啦，吓，我哋最想知道我哋切身嘅利益，我哋有咩好處呢？如果我哋咁做？如果我哋能夠咁做呢，現世嘅父母、六親嘅眷屬都能夠離開三途嘅痛苦。假如你一啲親屬過世，佢係唔能夠善終或者死於非命，或者得過惡病而死嘅，可能佢，或者你知道佢前生做咗好多殺業，可能佢劏魚啦，或者可能佢賣雞、賣鴨啦，都可能積累咗好多業障，佢哋死咗之後呢，都會墮落三途，就係地獄、餓鬼、旁生，三惡道裏便。如果我哋今日能夠預備啲飯食去供養啲僧衆的話啦，佢哋都能夠吖，藉住啲功德力都能夠超脫，呢啲我哋嘅眷屬離開呢個三途嘅痛苦嘅報應。“應時解脫”，呢個唔係讀個“英”字，“應時”，即是話你一，隨住你一供養啲食物擺喺度，一唸完呢本經，唸完呢個報父母恩咒，即時你有呢個心念去供養啲僧衆嘅時候呢，即時嘅力量就開始，如果你有墮落去惡道嘅眷屬呢，即時能夠超升啦，超升去邊度呢？後便有講嘞，如果佢話你現在嘅父母如果未過世呢，佢哋都會繼續無病延年，福樂百年，吓，甚至由你今世父母開始數上去七世嘅父母都能夠生去天上，你今世父母以上嘅父母啦，啫係你阿爺、阿公吖嗰啲呢，都能夠啦，將佢阿嫲、阿婆吖，都能夠呢，超脫去天界裏便，自然響天界裏便化生，進入天嘅花朵裏便嘅光明啦，喺天嘅花朵裏便，具有光明嘅花朵裏便出生吖，“入天華光”吖，呢個就係供養今日供養呢啲聖衆嘅功德力，令到我哋得到嘅好處，就係超度我哋七世父母。

“時佛敕十方衆僧，皆先爲施主家咒願，願七世父母行禪定意，然後受食。”響當時佛陀呢，其實響今日教導佢嘅弟子咧，“時”就“當時”佛陀，“敕”呢，就“命令”。佛陀教導佢弟子，命令十方嘅衆僧呢，呢啲遊行嘅僧衆咧，譬如你供養啲僧衆，佛陀亦都命令啲僧衆應該點樣幫助啲施主呢？我哋係施主，施俾僧衆，僧衆係受施者，我哋係布施者。咁受施者嘅僧衆，佛陀教導佢哋點樣幫助我哋呢？佢話如果有啲施主布施俾你嘅時候啦，你一定要唸啲真言咒語祝願呢個施主嘅父母能夠被超度，同埋加持呢個施主，希望呢啲施主嘅七世父母都能夠喺受食之前呢“行禪定意”，“禪定”嘅意思啫係修行，“外不亂爲禪，內不亂爲定”，啫意思加持啲施主嘅父母都有一個定心，能夠令到嗰啲父母解脫。你哋啲僧衆加持完佢之後呢，然後你先去接受啲施主嘅食物啦，就咁嘅意思嘞，佛陀教導佢嘅弟子。

“初受食時，先安在佛前，塔寺中佛前，衆僧咒願竟，便自受食。”佛陀話，我哋初初呢，受食嘅時候，啫話佢弟子咧，首先安喺佛前，嗱，我哋將啲食物係咪安晒響佛前啦？安咗佛前呢，係安喺塔吖，或者寺廟嘅前便去，去嘅，供咗佛之後，然後呢，佢嘅弟子，佛陀命令佢嘅弟子唸咒，唸完咒之後呢，然之後呢，先去接受施主嘅食物，響嗰日。啫佛陀教化佢嘅弟子雖然接受施主嘅布施，但係仍然不忘記修行，就係咁嘅意思。

初，誒，“時目連比丘及大菩薩衆皆大歡喜。”當時目犍連尊者呢，聽到同埋其他菩薩，聽到釋迦佛講完呢個方法之後呢，即時好歡喜。

“目連悲啼泣聲釋然除滅。”目犍連尊者嘅喊聲呢，就不再喊啦，因爲佢聽到釋迦佛呢個咁好嘅方法，教導超度佢嘅父母，佢就唔再喊。

“時目連母即於是日，得脫一劫餓鬼之苦。”嘩，好犀利呢個功德力，目連尊者嘅媽媽呢，響嗰一日，目連尊者當然照釋迦牟尼佛嘅方法去供養其他嘅僧衆啦，佢媽媽啦，脫離咗一劫咁長嘅餓鬼嘅苦報，吓。

“目連復白佛言：‘弟子所生母，得蒙三寶功德之力，衆僧威神之力故。若未來世，一切佛弟子，亦應奉盂蘭盆，救渡現在父母，乃至七世父母，可爲爾不？’”嗱，呢個唔係讀個“不”字，讀個“否”字，有時讀“不”，有時讀“否”。但擺喺最後嗰度啦，一個問號，啫quesstion mark，可唔可以咁做呢？“可爲爾不”，如果係嗰個疑問嘅語氣呢，係佛經裏便要讀個“否”字，其他情況呢，“不”擺喺中間嘅時候通常就“不”嘅。譬如你睇《金剛經》有啲時間讀“不”，有啲時間讀“否”，但擺最後便呢，亦都係讀“否”。因爲古代嚟講個“否”字啦，係冇下面個“口”嘅，同個“不”字相通嘅，所以呢，可以，呢個字呢會讀個“否”字。

釋迦，目連尊者呢，的確係一個菩薩嚟嘅，雖然佢外便現一個比丘好似小乘嘅相，但係其實佢有個菩薩心，佢自己得到利益，於是佢再請問釋迦佛。佢話：“佛陀吖，如果將來末世嘅時候。”未來世啫將來，而家到我哋呢，呢個空間嘅弟子，“一切嘅佛弟子呢，應唔應該做呢個盂蘭盆去救渡佢七世嘅個父母呢？我哋應唔應該仰仗啲僧人嘅威神之力去救渡我哋嘅父母呢？”其實唔使問都知道係應該啦！我哋如果信咗佛之後，但係有啲人呢，後世嘅人呢，釋迦佛爲咗我哋能夠依奉呢，佢嘅道路去走，依奉個真理去走，所以必須目犍連尊者問呢個問題，後來再記載呢，有呢個經文存在。如果執著呢本經文嘅人，釋迦佛教目犍連尊者供養，“佢冇叫我去供養喎！”吓！咁所以呢個經文講清楚，我哋佛弟子呢，應該去要做呢啲嘢，目犍連尊者就代我哋向釋迦佛問咗呢個問題。我哋可唔可以咁樣做呢？“可爲爾不？”

“佛言：‘大善快哉！我正欲說，汝今復問。’”釋迦佛話，“真係好啦，目犍連，太過好啦，我啱啱想講，我未講呢，你已經問咗我啦。”

“善男子，若比丘、比丘尼……”（註：接下文）

201.《佛說盂蘭盆經》解說（二）

（註：接上文）

釋迦佛話：“真係好啦，目犍連，太過好啦，我啱啱想講，我未講呢，你已經問咗我啦。”

“善男子！若比丘比丘尼、國王太子、大臣宰相、三公百官、萬民庶人，行慈孝者，皆應先爲所生現在父母、過去七世父母，於七月十五日，佛歡喜日，僧自恣日，以百味飯食，安盂蘭盆中，施十方自恣僧，願使現在父母，壽命百年無病、無一切苦惱之患，乃至七世父母離惡鬼苦，生人天中，福樂無極。”

釋迦佛跟住答目犍連尊者，佢話凡係修行佛道嘅善男子，有善心肯修行嘅男子，如果係比丘、比丘尼（男嘅出家人、女嘅出家人），國家嘅皇帝啦、太子啦、大臣啦、宰相啦、三公啦（三公就係啲官位啦，太傅吖、太師吖、太保，啫我哋睇粵語長片嗰啲宰相之類呢，好高級嘅官僚、百官），萬民庶人，如果佢哋有慈悲心，行慈孝心，應該吔，首先爲現在嘅父母同埋過去七世父母，就響今日嘅七月十五日，今日叫做咩日吖？七月十五日，吖，呢度就有寫嘞，佛歡喜日、僧自恣日，係咪吖？係呢一日裏便啦，所有無論平民百姓、國王，出家嘅、唔出家，佛陀講到好清楚嘞，應該以百味嘅飯食，就頭先所講嘅百味五果，安喺一個盆之中，盂蘭盆就係“救倒懸”嘅盆裏便呢，去布施十方自恣嘅僧人，希望使到現在嘅父母吖，藉助啲僧人嘅功德力咧，令得現在嘅父母壽命百年無病，離開一切苦惱嘅患難，乃至過去七世嘅父母都能夠離開餓鬼嘅苦報，生響人界或者天界裏便，得到無窮無盡嘅福樂，就係呢段嘅意思。

因爲呢，我哋要知道我哋過去生嘅父母吖、眷屬吖，往生，死咗之後往生去邊條道路去呢？我哋冇乜方法。但我係提供你一個方法，如果你想知道，有兩個方法，第一個方法，你就學似，嗱，你會問嘅，你會問話：“我都唔知我啲父母，會唔會墮落去餓鬼道，咁我需唔需要超度佢呢？”有啲人咁問嘅，但係呢，你叫佢做嘅時候呢，佢就有時都會嫌麻煩嘅——“唉，我都唔，啫譬如話，你話墮落餓鬼道得六分之一機會啫，或者佢升天呢？係咪吖？或者佢做番人呢？”佢又捉你字虱嘅，有時會問下你呢啲嘢，啫佢驚做咗都嘥咗佢啲時間，但係呢，你做咗起碼冇壞先。假設，如果，六分之一機會真係中呢？六合彩六分之一機會，中咗呢，真係你過去世嘅父母有機會墮落到餓鬼道，或者畜生或者地獄，你做呢個供養響今日呢，都能夠將佢哋超度。咁有啲人會問話：“我點知吖？有冇方法證明吖？吖，點樣可以check到我啲父母去投生去邊條道路呢？”有幾個方法嘅，今晚講俾你聽。

第一個方法呢，就學似目犍連尊者，你勤力啲，修修有天眼通，跟住閉目入個禪定，嗯，睇睇先，嘩，去邊度咁樣，第一個方法嘞，吓。第二個方法呢，就係呢，我哋都讀過《地藏經》，就係求地藏菩薩。我哋記唔記得吖？地藏菩薩，如果地藏菩薩講過，我哋唔知我哋親眷，“未知魂神在何趣”，係咪吓，記唔記得吖？我哋唔知我哋嘅親眷嘅元神吖，嘅靈魂吖，轉生去邊個道路呢，你有個方法就係求地藏菩薩，“七七日中念其名，菩薩當現無邊體，示其眷屬所生界。”（註：根據CBETA，“七七日中念其名”疑爲“三七日中念其名”）係咪吖？有冇咁嘅偈語？記唔記得吖？有咁嘅偈語。所以你七七四十九日以內呢，唸誦地藏菩薩嘅名號呢，地藏菩薩響夢中呢，就會現身，滿足你嘅心願，佢話：“喂，哥哥仔，你想知道你媽媽喺邊吖？我帶你去啦，吓，唔使驚，我係地藏菩薩嚟嘅，唔使擔心，吓。”如果地藏菩薩喺夢中咁現身呢，你就唔使擔心。咁有冇呢啲例子呢？事實上現代，現代呢，真係有呢啲例子，因爲呢，好多年前呢，都唔係好多師兄會做呢啲嘅，但係呢，有幾個師兄講過俾我聽呢，就係佢曾經做過呢樣嘢，真係知道地藏菩薩喺佢夢中裏便現身，帶領佢個本身個人，當然唔係個身體飛，飛出張床嗰度啦，帶佢個元神離開個身體度，話俾佢聽，佢所要知道嘅眷屬究竟喺邊一條道路裏便。天人、阿修羅、畜生、餓鬼、地獄，或者恭喜你，已經去咗西方極樂世界啦，吓。地藏菩薩就會指導，話俾你聽。你，所以你可以求，稱念“南無大願地藏王菩薩”個名號，係第二個方法，知道你嘅眷屬響邊道。咁有啲人話：“呢樣嘢咁求，算唔算非分之想呢？知唔知其實冇乜意思。”有啲人就會咁問。唔係嘅，如果你有心報答父母恩，你想知道呢，佛陀就有啲法門呢，去應你嘅機，如果唔係呢，《地藏經》裏便呢，就唔會記載有呢啲法門啦。

仲有第三個方法，第三個方法呢，我會呢，響七月三十裏便呢，地藏菩薩誕嗰日就會講地藏菩薩嘅木輪相法。地藏菩薩木輪相法呢，係地藏菩薩教授我哋呢，點樣去決定我哋世間上好多問題呢，決定唔到嘅，或者亦都唔知道我哋眷屬往生去邊一道呢，地藏菩薩木輪相法，呢個方法通過一個類似占卜嘅方法，但係唔係占卜，千祈唔好誤會，係地藏菩薩憫憐我哋末法嘅衆生，中意占卜，中意求下籤吖、求神吖、問卜吖、玩下碟仙吖，你，你想做嗰啲嘢都係想得到個答案啫，係咪吖？譬如我話，今日，聽日生意好唔好呢？唔知我同嗰個人接頭傾唔傾得成呢？咁你摮摮支籤問問嘞，又去，吓，去啲寺廟裏便。

咁地藏菩薩嘅願力呢，非常之廣大慈悲，佢知道有一類衆生中意占卜，但係你依杖世間嘅術數，睇相占卜呢，得出嚟嘅答案呢，未必係準，因爲術數呢，第一樣嘢係隨著歷代古人嘅經驗去豐富嘅，唔係一套絕對啱嘅學問。第二，占咗出嚟嘅答案，係憑嗰個人嘅學力嘅見解呢，去將佢解出嚟，如果佢呃你呢，不學無術嗰啲呢，你吖更加有排驚添，嗰答案不特唔啱，仲加使咗好多錢。咁地藏菩薩憐憫末法嘅衆生，佢講咗呢個占察木輪出嚟呢，其中有一部分講到呢一度呢，就可以占察到我哋嘅眷屬，除咗占察我哋今生嘅業障之外呢，亦都可以占察我哋嘅眷屬究竟六道裏便吖，去投生去邊，邊個道路，吖，地藏菩薩就一個咁嘅法門，咁你欲知詳情後事如何呢，你要睇《如來神掌》七月三十下集嘅大結局啦，地藏菩薩嘅木輪相法。但我唔會好強調教你點占卜，我就會解釋個原理俾你聽。

咁咧，有三個方法。其實都仲有一個方法嘅，如果你想知，你求你自己有緣嘅佛菩薩，稱念佢嘅名啦，佢嘅心咒啦同埋佢嘅經典啦，發願回向嘅時候希望佢幫解決一件事，幫助啦，都可以達到呢個目的。但頭先我講呢三種方法呢，係專門可以俾你知道，第一種用神通，第二種呢，就係用木輪相法，第三種吖求地藏菩薩，吓，唸佢嘅名號，就係咁嘞，有啲人會問嘅，因爲。咁如果要照呢個方法呢，七世嘅父母就能夠得到福樂無極嘞，生去人或者天界。

“是佛弟子修孝順者，應念念中，常憶父母，乃至七世父母。年年七月十五日，常以孝慈，憶所生父母，爲作盂蘭盆，施佛及僧，以報父母……”唔好讀“長”（註：音同“詳”），“詳”字吔，長（註：音同“蔣”）養，“長養慈愛之恩。”

所以佛陀話呢，如果我哋係佛弟子呢，能夠呢，孝順呢，應該我哋時時吔，要記得念念中去憶念我哋嘅父母，因爲呢，如果我哋冇我哋父母吖，雖然我哋而家學緊佛啦，但我哋冇我哋父母呢，生我哋嘅肉身呢，我哋點可以學佛吖？我點可以坐喺度可以講本《盂蘭盆經》俾你聽？所以父母嘅大恩呢，我哋一定要報吖。但係呢，好遺憾呢樣嘢，講就容易，做就好難，包括我自己在內，都好遺憾呢一樣嘢。但係佛陀呢，我話俾你聽啦，好強調一樣嘢就係，樣樣嘢，樣樣法門呢，第一樣真係以孝道爲先吖。同我哋祖先，老祖宗，或者老人家教我哋呢，萬惡就淫爲首，百行一定真係孝爲先，孝能夠感動天地，亦都精誠所至，金石爲開。

佛陀呢，講過好多本孝嘅經，呢本《盂蘭盆經》呢，就係一個例子啦，其次就係《佛說父母恩重難報經》啦，仲有啦，就係佛陀啦，我哋好出名呢部經典呢，大家都知道就係《佛說地藏菩薩本願經》，係釋迦牟尼佛個媽媽摩耶夫人呢，生咗釋迦牟尼佛七日之後，就死咗嘞，佢嘅元神上生去玉皇大帝嘅忉利天宮三十三天。咁釋迦牟尼佛成道之後呢，直程肉身消失咗響印度唔見咗，肉身飛吖上去忉利天宮裏便，帶埋用神通力帶埋啲弟子，上咗去忉利天三個月，講好多經典，其中一部就係《地藏菩薩本願經》。咁呢個來源係咪佢媽媽？釋迦佛爲咗報答佢媽媽摩耶夫人嘅恩惠，就講《地藏經》。但係，話中有話，《地藏經》裏便呢，亦都係講述光目女同婆羅門女點樣報答佢媽媽嘅恩惠，係嘛吖？你大家睇《地藏經》會知道，所以呢，係一部孝經嚟，《地藏經》。 

另外有好多經典雖然唔係專門講孝吖，但係呢，多少呢，都有帶及到呢啲思想。佛陀當時成咗道之後呢，佢爸爸呢，響個皇宮裏便即將要死吖，圓寂，但係佛陀呢，講緊經嘅時候呢，佢嘅神通力已經知道，佢爸爸呢，呼救佢，呼應，叫佛陀，佛陀嘅他心智神通就知道，即時間呢，帶埋舍利弗、目犍連呢，呢啲尊者，用神通力，一瞬間，屈伸臂頃呢，就去到佢爸爸皇宮裏便呢，去安慰佢爸爸。跟住佢爸爸捉住佛陀隻手啦，佛陀就擺響佢心上裏便加持佢，同佢講一啲說話，佢爸爸就同佢講，同佛陀講，佢話：“哎！佛陀，而家，以前就係你嘅，我，你就係我個仔，而家你已經成咗道啦，我好開心。你度化咗好多衆生，但係而家呢，我亦都要離開你身邊啦。”跟住佛陀就對佢開示苦空無常個道理，佢話人有生必有死吔。佢話：“國王，爸爸，你能夠聽我個法，而家尊重我，你死咗之後呢，一定能夠證到個果位，你安心，唔須要掛念。”咁佢爸爸呢，就慢慢閉眼，就圓寂咗。

後來呢，佢爸爸嘅喪禮裏便呢，佛陀都親自呢，身爲三界嘅人天導師吔，都幫佢爸爸去做咩呢？抬棺材吔，親自抬佢爸爸嘅棺材去落葬。佛陀身爲三界人天導師，點解佢要咁做呢？就因爲佢要佢嘅肉身去示教、顯示呢，俾衆生睇，話俾大家聽，佛教唔係唔注重孝道，唔係出咗家呢，就割愛離親，捨棄屋企，捨棄家庭，要拋妻棄子去出家修道。佛陀所講嘅割愛離親呢，割嘅係慾嘅愛，財色名食睡，慾嘅愛，斷嘅親呢，係自己執著，執著嘅心念，而並唔係捨棄屋企，捨棄家庭。如果我哋佛陀教導，如果唔適合條件，唔適合因緣時節你去出家，如果你結咗婚，未安頓到妻子，或者有兒女嘅，佢哋都靠你養活，你拋棄佢哋出家，根本就無益，佛陀都係禁止。所以割愛離親，呢一樣嘢好多人誤會吖，係拋妻棄子、拋棄家庭，以爲修道係好可貴。

但係我哋其實，佛陀話俾我哋聽，要注重一樣嘢，佛法係建立響世間裏便嘅，如果你唔能夠搞到上和下睦，好似儒家咁，仁義禮智信一樣係人間嘅基本法，你做唔到，你去出家呢，佛陀都會鬧你，呢啲係佛陀都唔會贊成，所以唔係出家係一定好。所以佛陀話俾我哋聽呢，孝道係非常之重要，我哋如果孝道都做唔到呢，人倫嘅大統嘅基本做唔到呢，我哋修行成佛又談何容易呢？你個口講到啲佛教嘅教理吔，誇誇其談，講到好叻，啫學似我咁，我講未必識做吖，真係，你唔好笑我。可能呢，講到誇誇其談，但係真真正正、踏踏實實，用你身體聽佛陀嘅言教去做出嚟呢，又有幾多人呢？響我哋末世？所以佛陀好提倡呢個孝道，報答父母恩恵。如果你再深入佛教，睇到好多經文吖，就有講過呢啲佛陀咧，報親吖、報孝吖，呢啲種種嘅事蹟，所以佛陀話，如果我哋孝順父母吖，我哋應該年年響今日，我哋都要記得做盂蘭盆，呢一個節，去超度我哋七世父母，布施佛、布施僧人，去報答父母長養，養育我哋，令到我哋長大，利益我哋嘅慈愛嘅恩惠。

“若一切佛弟子，應當奉持是法。”佢話如果一切我嘅弟子吔，一定要啦，奉行、去受持呢個盂蘭盆節日，呢個法門。

“時目連比丘、四輩弟子，歡喜奉行”嘞，目犍連尊者呢，同埋呢，其他嘅出家、在家嘅四衆弟子呢，聽到呢本經就好歡喜，依住佛陀嘅說法嘅說教呢，就去奉行，去守持呢一部經。

咁呢本經咧，講到呢度就講完嘞，其實咧，佢嘅重心吖，都係教導我哋呢，去報答孝，但係報答孝道呢，其實有好多種嘅。有時我哋呢，冇辦法啦，真真正正對住父母，當然佛陀響佛經裏便講啦，第一等孝道你去報答父母呢，就係希望同佢哋講到佛法，解脫生死啦。如果你係買好多嘢俾佢食嘅，或者買啲衫俾佢著，帶佢飲茶，呢啲都係孝道，但呢啲係物質上嘅孝道，真真正正我哋學咗佛啦，希望最，佛陀最希望我哋就能夠將啲佛理傳播到俾屋企人，特別我哋嘅父母去度化佢。不止個肉身能夠享用到你嘅物質，你搵到錢吖，而家你快樂啦，你長大咗啦，你好應該孝順父母，呢啲係人之常情，唔要求你，都應該咁樣做。咁但係進一步嚟，嘅儒家裏便嘅孝道係點分呢？我哋中國人受儒家思想熏陶咗三千幾年，其實我哋心目中，內心裏便做人嘅根本，特別我哋中國人呢，比其他西方人係比較注重禮儀嘅，就算點放肆、點樣放蕩呢，個內心呢，都有啲受祖，老祖宗嘅熏陶吖，都有啲禮義廉恥嘅觀念，呢啲咁嘅思想都好扎根響我哋中國人每一個心靈裏便。 

咁儒家嘅孝道呢，其實佢同佛教呢，提倡都係好相同，響人間法裏便，譬如儒家所講嘅仁，“仁義禮智信”啦，同佛教啦，嘅“殺盜淫妄酒”啦，完全係相應嘅。至於儒家嘅孝道又點樣描述？係尊敬同埋孝敬父母啦。儒家所講“大孝尊親，其次弗辱，其下能養”（個“養”字係讀個“樣”）。佢話啦，孔子呢，教佢嘅弟子吔，當時吔，響四書五經吖，《論語》吔、《孟子》吔、《大學》《中庸》吖四書裏便呢，亦都有提過呢啲道理話，如果一個人呢，古代一個人呢，孝敬父母，第一等嘅孝道呢，“大孝尊親”，第一等嘅孝道呢，就係唔好逆父母嘅心意，去尊敬父母，佢話乜就乜，去尊敬父母。咁你又會話：“嘩，如果佢有啲無理嘅要求，唔通我都要尊敬佢呢？”哎，係古代嘅孝道就係咁嘞，你有冇睇過《二十四孝》吖？王祥臥冰求鯉吔、黃香扇枕溫席吖，有冇睇過吖？臥冰求鯉，如果你睇到都話黐線，剝晒衫，瞓喺啲冰天雪地裏便，啲結晒冰個條河呢，個爸，個爸爸病喎，瞓喺度，攞啲肉去引條魚上嚟喎，鑿開佢。咁如果用我哋現代人嘅觀念去睇，咪話嗰個王祥黐線吖？但佢就有呢點孝道，真係引到條鯉魚上嚟喎，話說。吓，雖然佢殺生食肉，吓，呢，呢筆唔好提吔，但係都係佢一點孝心啦，去報答父母嘅恩惠。

黃香扇枕溫席呢，點樣扇枕溫席呢？夏天嗰個黃香呢，見到好多蚊嘅，吓。咁呢，係佢爸爸未瞓之前吖，走上個被竇度，剝晒衫，赤肋肋，餵飽晒啲蚊先，啲蚊“瓮瓮”聲吖嘛，好緊要啲灰色，嗰啲古代好多草吖嘛，啲山林吖啲屋。咁餵飽晒啲蚊先，吖，等啲蚊飽嘞，然之後先叫佢爸爸媽媽入嚟瞓。嘩，如果你用現代角度睇睇呢《二十四孝》，啲愚孝吖，傻仔嚟嘅。而家有蚊帳，有驅蚊機吖、殺蟲水吖、蚊香吖，啫另外一個講法，我哋唔殺得生吖，但係一般人都會用呢個方法，使咩咁蠢呢？但係古代嘅人就用呢啲心意吔，去表達一個孝道，佢係一個細路仔吔，黃香，十幾歲吔，都識咁樣諗。冷天呢啲床凍吖，啲床褥凍吖，佢吖自己走上去整到佢暖晒先，然之後先俾媽媽去瞓。嗱，中國儒家古代我哋睇下呢啲咁嘅故事吖，都有啲孝道。

譬如又講下宋朝嘅宰相吖，好出名嘅宰相黃庭堅呢，有冇聽過？黃庭堅，同蘇東坡同一個時代吖。黃庭堅身爲呢，身爲呢，宋朝一個大宰相吖，但係咧，佢屋企已經咧，嘩，亭臺樓閣，已經好多，好多嗰啲僕人吖、奴婢可以應用吖，但係佢當時有個媽媽好老吖，八十幾歲吖。佢媽媽，佢唔使人服侍嘅，唔需要啲奴婢服侍，佢一定要親手服侍佢媽媽，包括呢，倒屎倒尿，倒完仲要將嗰啲咁吖塔呢，洗淨吖，自己去沖廁所吖。身爲一個宰相吖，你諗下！嗱，呢個故事就講出咩意思，話俾我哋聽呢？就係中國人，儒家思想統治咗我哋心，呢點孝，呢啲就係孝道嚟，我哋應該要注意吔，呢啲仁義禮智信。但係相反，用而家啲思想角度，又話佢哋傻嘞。嗱，我講呢三個典故，你個心都話，係咪傻㗎？你講呢啲嘢，吓。但係可能呢，佢嘅行爲可能未必係完全正確，你覺得唔科學，但係如果用你，佢哋嘅心呢，呢個心念、呢個行爲呢，我哋要值得學習。啫你唔好話黃香去餵蚊呢，而家最多，吓，有蚊嘅時候，吖，整個冷氣呢，冇冷氣，不過開著個冷氣俾個媽媽瞓啦，吓。冷天呢，去大陸咧，平平哋買一張電暖氈啦，開暖佢啦，唔使自己瞓上去啦，嗱，你又可以用呢啲方法去孝敬父母吖。你吔驚蚊，蚊針吖，驚捐血，係咪吖？我哋可以變一變個觀念，我哋參加下啲精神，去了解下呢啲嘢。

咁我哋身爲一個中國人，我哋要知道呢啲嘢。大孝，第一等嘅孝道就係尊敬父母，唔好令到父母有唔開心。“大孝尊親，其次弗辱。”第二，再次一級嘅孝道咧，就唔好辱及父母嘅名聲。但係呢一點咧，包括我自己在內，都好，好容易犯，我都犯過好多次吖，犯大錯。係點解呢？你其實你呢個血肉之軀吔，嘅所得，係得你嘅父母，生身父母。如果你出去做咗啲錯事、做咗啲壞事，人哋講：“嘩，你睇下個瑋師兄吖，喺卡拉OK喎，見到佢行出嚟喎！”吓，或者見到佢跳舞吖，見到佢乜。如果講一句佢唔好嘅，啲人聽到呢，譬如你聽到都唔開心，“佢學佛點解會去啲咁嘅地方呢？”咁吖何止如果傳到入你父母嘅耳中，如果你父母係掛心啲兒女嘅，係覺得兒女有用嘅，突然間聽到有啲唔好嘢嘅，你父母嘅心係幾哽吖？幾痛心吖！如果父母聽到外人講佢兒女一句唔好吖，猶如講佢自己唔好一樣，如果父母聽到外人讚佢兒女一句，佢就好心甜。“吖，真係有家教，你個仔幾聽話，又讀書，吓，又乖，考試成績又好，吓，暑期仲做暑期工，攞啲零用錢呢，去敬奉個爸爸媽媽。”吓，幾開心呢！所以呢第二等嘅孝道，唔好辱及父母嘅名聲，但係我哋呢，而家好多人都犯咗，係咪吖？你諗下，好多人都犯咗，辱及父母嘅名聲，好容易做錯事。

至於第三等孝道係咩呢？儒家所講嘅第三等孝道就係我哋今日以爲我哋已經報答晒父母嘅恩惠㗎喇已經，個個月交足糧，糧餉吖，個個月俾足家用吖，孝敬佢吔。但“其下能養”，最下等嘅孝道係養父母咋，吖，就係咁啦，儒家嘅思想，所以我哋唔好以爲個個月搵完錢，我好辛苦吖！大汗搭細汗㗎，爬高吖、爬低吖、運貨吖，酒店吖、挨通宵吖，諸如此類吖，吓，搵到好多錢去孝敬父母，呢一點係最下等嘅孝道。供給佢衣食係最下等嘅孝道，就算儒家角度。第一等係尊敬父母，第二等唔好辱及佢名聲，第三等先係養佢咋，所以我哋以爲我哋孝敬過父母，擺到我哋最高，今晚唔該你擺番最低嘞，擺番第三級嘞，真係。將第一跌到第三，依個就係儒家思想。儒家都尚且咁，何況佛陀吖？你諗下，佛陀係宇宙間嘅覺者，呢啲問題佢完全知道晒，但係佛教嘅世間法，嘅人天善法，做好一個人，守五戒十善，再高啲就能夠升天。如果你連儒家啲咁根本都做不到呢，我話俾你聽，你唔可以成佛嘅，真係。你今世做唔到，下一世再做啦，一生一世，所以成佛唔係咁簡單，腳踏實地，千祈唔好好高騖遠。

咁我今晚講呢個孝道，講開呢個孝嘅原理呢，就同關，關懷到你成佛呢個問題，係一個基本，係一個樓閣、係一個基礎嚟，係起樓嘅基礎，如果你係冇對父母盡到心意，就算你唔能夠達到咁高嘅條件，好似儒家咁，啫對我哋今日嚟講好高吖。譬如以前古代啦，嗰啲父母死咗，啲近親呢，啲仔女呢，響個墓旁搭間茅屋呢，守孝三年㗎。嘩！而家有冇咁憨居吖？守到三年唔做嘢，又冇收入，個老婆同個仔喺度餓，有冇咁吖？肯定冇，但係古代一定有，好多會咁做，就係一種孝道，一種慎終追遠，我哋中國人就有啲咁嘅思想。咁所以呢，我哋學佛之餘呢，我哋一定要知道呢啲嘢，呢啲你唔好話唔係佛法嚟嘅，呢啲係佛法，我今日好強調呢啲係佛法嚟嘅，有啲人覺得呢啲唔係，但係佛陀係好強調呢個思想孝道，因爲太多人話佛教唔注重孝道，所以我儘量喺經書裏便講一啲資料俾你哋聽，盡我嘅能力，希望串通所有嘅嘢話俾你聽，佛陀係好講孝道，唔係佛陀響佛經裏便唔須要講咁多孝經，所以佛教嘅偉大之處係統括晒其他所有嘅宗教，過之而無不及，我可以咁講。

咁所以大家聽到之後呢，就要注意呢個孝道嘅問題，係非常之重要。咁至於個準則，你自己點樣做咧，就睇呢自己，因爲各人嘅家庭呢，環境係唔同嘅。譬如話佛教所講第一等嘅孝道係教你教導父母念佛、誦經、持咒，希望佢發願往生極樂世界，解脫生死，但係往往，我哋呢，人生不如意事常八九，好多人都冇辦法度化父母，父母呢，就係唔會信佛嘅，太多太多，係咪吖？各位師兄，包括我在內，吓。咁所以呢，依個係一個矛盾嚟嘅，但係，你點響矛盾之中呢，搵出個融和呢，呢個就係你嘅智慧，你喺佛經裏便搵方法。我提供你啲方法，呢啲，提供，提供個原則俾你，你由呢個大原則，孝道裏便，你自己就要變通，每個人嘅家庭唔同，我唔可以講晒所有嘅方法俾你聽。咁你教唔到佢念佛呢，或者你可以退而求其次，夜晚誦經回向俾佢，希望佢唔好造咁多業，咁佢已經幫助到佢啦，就算佢唔信佛，下世都好啲啦，最好你能夠教到念佛。再退而求其次，如果你係覺得自己，聽完我今晚所講，你覺得自己，哎吔，孝道都未盡嘅，都冇乜關心父母，咁你得閒咪買多啲嘢俾佢食囉，係咪？如果佢哋唔信佛，都係一種孝道嚟。

咁至於點做、個能力個程度做到幾多，就睇你哋自己，呢個準則、呢個方便係自己去應用，唔能夠用一條規律去教晒全部人，因爲各個家庭嘅背景好複雜，尤、尤其是今日嘅社會呢，好多家庭根本個背景啦，啲細路哥呢，得唔到父母溫暖，有啲根本就係離咗婚嘅父母，有啲甚至就係父母雖然唔存在，猶如唔存在，因爲呢，啲物質俾個細路仔太多，父母一係走咗去爲咗生意啦，啫供給啲錢俾個細路仔享用，享受個物質，所以啲父母根本冇關心到仔女吖。近親疏離咗啦，我哋呢一代，所以個個人嘅家庭背景唔同，唔可以用一條法則嘅方法去話俾你聽，點樣謂之係一個孝道，呢個係你自己點樣學咗佛之後，響人生社會裏便應用去掌握經驗，呢啲就係佛法，佛法唔係離開世間。如果你一個唔盡孝嘅人，我都講咗你唔能夠成佛，佛法嘅法門就喺世間裏便，如果你學咗佛，你個煩惱解決唔到嘅，呢個唔係佛法嚟嘅，佛陀發現宇宙人生嘅道理，係教你解決人生嘅種種問題同埋痛苦，每一樣嘢響佛經裏便都能夠搵到一個答案。但係，呢個答案係一個準則，係一個根本嘅路線，猶如起樓嘅框架一樣，起完個架之後呢，外牆你中意點砌點批蕩，就悉隨尊便，係個個人嘅喜好不同，但係你響佛經裏便都能夠搵到呢個骨架，佛陀呢，都對大家呢，有所指示嘅。

九點幾開始講，九點半吓嘛？九點三。

咁呢本經就講完嘞，希望大家真真正正都能夠報父母恩啦，我只可以咁講，包括我自己在內。因爲每年我都講一講呢部經，咁，有冇問題吖？對於呢部經，或者其他問題你都可以問我，舉手。如果大家要走嘅，可以隨便離場，隨便。問啦。

（註：呢度應該係有人發問，但音頻冇聲）

答：供養十方聖衆，頭先都講到好明啦，就係如果係唔參加任何嘅法會嘅話，或者有啲人呢，師兄係內向啲嘅，唔中意出街吔，唔中意見到咁多人吖，咁你如果係修佛法呢，響屋企有個佛壇呢，你就可以今日呢，一樣學似擺一啲貢品呢，唸誦呢個《盂蘭盆經》，個心念係希望供養啲出家人去超度你嘅七世父母，就係咁做得。基本上個經文呢，能夠唸到三次就唸三次，唔得就唸一次。個報父母恩咒呢，最好能夠唸到四十九次，更多呢就能夠唸一百零八次，然之後作報父母恩一個回向咁就得㗎喇。

有冇師兄有問題吖？

（註：呢度應該係有人發問，但音頻冇聲）

答：如果你屋企冇佛堂呢，就你擺一張檯，擺一張香案，有香爐呢，就喺當天供養。因爲呢，真正嘅佛呢，其實呢，唔係住於響個佛像裏便，佢法身係遍滿十方虛空嘅，但只不過你有一個佛壇呢，就能夠將你嘅精神集中響一笪地方。我哋都能夠睇到一個經文裏便講呢，十方遊行嘅僧衆，響十方嘅空間裏便，唔係一定住於你嘅佛壇裏便，所以你冇佛壇呢，喺當天裏便擺張檯，擺哋餸，誠心供養就得㗎喇。

（註：呢度應該係有人發問，但音頻冇聲）

答：個“盆”呢，只不過一個器皿嚟嘅，唔係一定要攞沖涼吖、洗腳嗰啲盆，啫一個大嘅器皿裝住，古代就通常用個盆啦，啲物質唔係咁豐盛啦，就通常用個盆啦。

（註：呢度應該係有人發問，但音頻冇聲）

答：佢呢個“盆”呢，其實話俾你聽呢，就係，佛經響梵文呢，譯番過嚟呢，譯做我哋中文叫做“盆”啦，啫“盆”吖，“盆”嗰意思呢，其實我哋一諗呢，就好似通常盆呢，洗腳沖涼嗰啲咁大個，其實細細個都係叫“盆”或者“碟”，都可以。

（註：呢度應該係有人發問，但音頻冇聲）

答：點解叫“盆”呢？因爲“盆”響我哋心目中覺得佢係大嘅，個size係大嘅，個容量，因爲你要好多百味五果，你裝嗰個器皿都唔細㗎喇，所以有，有番“盆”咁上下個大細呢，就啱啦。

（註：呢度應該係有人發問，但音頻冇聲）

答：得，冇問題，任何形式嘅器皿都冇問題。

（註：呢度應該係有人發問，但音頻冇聲）

答：係，唸，唸經呢，一定要唸呢個經啦，《盂蘭盆經》啦，同埋唸呢個後便個報父母恩咒啦，嗯。

（註：呢度應該係有人發問，但音頻冇聲）

答：回向就係用你個心念去報答七世父母嘅心意啦，七世父母嘅恩啦，然後，啫作呢個回向。

（註：呢度應該係有人發問，但音頻冇聲）

答：嗱，吖各位師兄靜少少吓，唔該，唔係啲師兄聽唔到，唔好意思。嗱，呢個咒呢，呢個咒呢，報父母恩咒呢，頭先呢，寫咗一個“粟”字，因爲個“栗”同個“粟”呢好易寫錯。“栗”呢，“栗”呢，“栗”字係咁啦。“粟”字係個“米”字，粟米吖嘛，呢個“粟”。嗱，你嗰個咒呢，可以咁唸㗎，我話俾你聽，如果你係講粵音咧，講廣州話咧，你可以唸“南無密栗哆 哆婆曳 娑訶”，“南無密栗哆 哆婆曳 娑訶”。如果梵語呢，你可以咁唸誦“Namo amrtodbhave svaha”，可以咁唸，“Namo amrto，amrtodbhave svaha”，“Namo amrtodbhave svaha”，如果你喜歡唸梵語呢，可以咁唸。如果你係唔識唸梵語呢，“南無密栗哆 哆婆曳 娑訶”一樣，功德完全相等嘅，係冇分別嘅。

（註：呢度應該係有人發問，但音頻冇聲）

答：吓？咁你唸幾句補闕真言就係你自己心安理得啦，吓嘛？同時增加咗個功德啦，呢個咒嘅功德啦，吓，唸返二十一句補闕真言啦，吓，咁吖心安理得吖。有冇問題？

（註：呢度應該係有人發問，但音頻冇聲）

答：namo amr，amrto，amr，“[mi]-[li]-[də]”，其實三個音節： “[mi]-[li]-[də]”，amrto，快讀，amrto，namo amrto，amrto，dbhave，“[da]-[ba]-[je]”，namo amrtodbhave svaha，svaha。

吖！真犀利，呢個，有佛緣，你個仔嚟吓嘛？呢個。吖，好厲害，好厲害，呢個，呢個好厲害，戴兩串珠添，好厲害呢個，呵呵，仲坐喺前座添，嘩，呢三個好厲害，呢三個，第日緊要，第日坐呢度講經吖，知唔知吖？你哋三個，好厲害呢三個。

namo amr，amrto，amrtodbhave svaha，svaha。

202.著論求爲百世師（一）

著論求爲百世師

“俱舍”全稱《阿毗達磨俱舍論》，Abhi Dharma Kosasastra，係佛陀釋迦牟尼涅槃之後九百年之間，出生響北印度嘅犍陀羅國首都布路沙城嘅世親菩薩，或者舊譯做“天親菩薩”，佢所做嘅著作。

“阿毗abhi”係“對”嘅意義，“達磨dharma”係“法”嘅意思，而“俱舍”呢，“kosa”係“藏”嘅意義，所以《阿毗達磨俱舍論》就譯爲《對法藏論》嘞。“對法”係咩意思呢？“對法”係指對於佛經之中，所講嘅言教、法加以考察、推論，即係由種種角度討論佛陀言教嘅態度。

所謂嘅“對法”有兩種意義。第一，“對”就係話，“對向”同埋“對觀”。第二，“法”呢，係“涅槃”同“四諦”，即係“對向涅槃”“對觀四諦”嘅意思嘞。換句話講就係：由於對觀四諦理，得到對向涅槃嘅境地。依一般嘅說法嚟講呢，能夠對觀四諦，係冇煩惱嘅“無漏正智”，所以所謂嘅“對法”，畢竟係指“無漏正智”嚟講，因爲轉迷開悟必需要“無漏正智”，但係要發起“無漏正智”呢，就一定要對觀四諦，可以見到呢個係佛教最大嘅眼目啦。

而“藏”呢，嘅意思又包含“所”“依”兩個意義。因爲《俱舍論》含攝咗當時能夠發“無漏正智”嘅各種論典，例如發智論、六足論、婆沙等等嘅論。“對法”嘅論議喺印度佛陀滅後四百年之間呢，最爲發達，不特產生咗好多冠以“阿毗達磨”爲開始嘅論書，當時嘅教界亦都被所謂嘅阿毗達磨論師吔，啫係對法師啦，佔有好高嘅地位而風靡一時，呢種學風直到世親菩薩時代就開始被整理、歸納而成爲今日嘅《俱舍論》，所以我哋可以見到《阿毗達磨俱舍論》響佛學之中所佔嘅地位係好高，如果學佛嘅人冇從俱舍下手就開始研究大乘，咁樣非但吖，對於全部教理得唔到頭緒同基礎，而且更加係冇辦法把握“信解行證”嘅程序同入門嘅方法。因爲大乘嘅教理係根據小乘而建立嘅，呢部論書本來係爲咗改善“有部”中嘅教義而根據《阿含經》同埋律，同埋“有部”其他嘅論典去敘述，期間雖然有啲論難，但係被視爲含攝小乘三藏徵義同印度一般宗教哲學嘅明論嚟嘅，所以呢本論喺印度又叫做《聰明論》。

跟住落嚟，我哋開始講下《俱舍論》裏便一啲好重要個內容。《俱舍》呢一本論其實最後嘅歸結係在於破斥實我論，去顯法無漏嘅正智，故此開始我哋要講下“四諦”同埋“無我”。我哋人生苦惱嘅根源無非在於唔明白宇宙嘅實相、真理，妄執有一個常一嘅主宰，有一個實我，所以就會求我愛自利，去走向排他嘅路徑，有咗呢種先入嘅錯覺，應運而產生就會有貪、瞋、痴、慢等等念頭嘅煩惱，呢種我見嘅墮性，更加可以將人類帶入“惑”“業”“苦”呢三條道路使到你無法自拔，永遠沉淪響生死苦海。

其實佛教所謂嘅“我”，深入去講，大體有三種情況，第一種叫做“實我”，第二種叫做“假我”，第三種就係“真我”嘞。所謂嘅“實我”係咩意思呢？就係我哋每個人偏執我哋自己嘅身心一定有一個常、一主宰嘅存在，喺度支配住我哋，或者呢，就離開咗我哋嘅身心，另外吔，有一個主宰驅使我哋產生錯覺。如果咁講，前者嘅“我執”喺佛教術語呢，就叫做“即蘊我”，“即”就“立即”個“即”啦，“蘊”就“五蘊”個“蘊”啦，後者我哋叫做“離蘊我”，“離開”個“離”，亦都係“五蘊”個“蘊”。咁“五蘊”大家都聽過好明白，“蘊”嘅意思就係所謂嘅“五蘊”嘞，結合我哋人身同埋心嘅五種要素，如果係簡單嘅解釋，比如一般人所執著嘅“靈魂”同埋數論派嘅“實我諦”啦、勝論派嘅“實具我”啦，全部都係“實我見”嘅產物嚟嘅。

跟住講到“假我”嘞，“假我”係咩意思吔？“假我”就係由五蘊和合，啫假嘅和合啦，而現前相續嘅我哋本身嘅身同埋心啦，當然呢個係爲咗講明方便起見，假、假設嘅名稱啦，其實並非“實我”嚟嘅，例如係咩呢？經典之中所講嘅“如是我聞”啦，“我聞如是”等等嘅語句。“真我”就係話呢，指涅槃嘅殊勝功德嘞，“常樂我淨”之中嘅“我”嘞，就係“真我”，當然呢個係“大我”，係絕對嘅境界啦。咁佛教由“我”嘅立場，雖然對呢個“三我”吖，頭先所講嘅“三我”都加以去破斥，但係“假我”同“真我”呢，係唔能夠否定嘅事實，所以佢排斥嘅對象呢，只係站在“實我”嘅角度去講嘅啫。

“四聖諦”呢，就係講明迷悟嘅因果關係，就係我哋衆生出離苦界嘅要道，如果離開“四聖諦”，佛教嘅一切亦都歸於烏有。響呢個道理裏便呢，“苦集二諦”就係迷界嘅因果，屬於有漏嘅生死法，而“滅道二諦”呢，就係悟界嘅因果嘞，就屬於無漏嘅出生死法。“漏”係咩意思？“漏”係泄漏啦，漏泄嘅意義啦，對於煩惱嘅嚟講咧，因爲煩惱係由衆生嘅六根所泄漏，使到留住吔，我哋衆生響生死苦海，所以叫做“漏”嘞。咁“四聖諦”，響《婆沙論》吖，第七十七裏便講過，有幾種意思吔：實義、真義、如義、不顛倒義、無虛誑義嘞。“諦”呢，就諦觀、審察嘅意思，就係見到真實嘅相，肯定嘅見到真實，就係“諦”嘅意思。“苦諦”呢，係指我哋現在嘅境遇同埋我哋執實嘅世界吔，一般嘅人呢，都以爲環境嘅適宜，就作爲快樂，或者保持心境平和嘅，無苦無樂，以爲呢種境界就係安穩，但係由佛嘅智慧嚟睇呢，其實根本都係苦嘅境界，因爲呢啲境界並非常住不變，而係時常變化，係無常，不斷新陳代謝嘅。比如話吖，舉一個例：一個人有生必有死，有壯就必有病，有盛，當然有衰啦，邊個都冇辦法去避免，所以話人生就係苦，係不如意，快樂亦都不過係苦惱嘅變形啫，我哋睇清楚、諗清楚，就係咁吖其實。如果講到招感呢種果報，苦嘅原因又係咩嘢呢？就係“惑”嘞，“惑”呢，就係“迷茫”同埋“業”，“業”就係我哋人類嘅語言同埋行動吖。“惑”同“業”都係其實以無明嘅“我見”作爲根本而生起，換句話講，我哋嘅生死流轉，同埋世間嘅種種苦惱嘅逼迫、紛亂嘅根本，都係由於“我見”喺度作祟吔，而由於強烈嘅“我想”作爲中心，最終呢，就展開咗一切顛倒嘅思想同行爲了。咁“我見”呢，就係無明嘅內容之一，所以“我見”由於愚痴而生起無明，就起咗迷惑、起咗煩惱，唔知有情係假相，和合嘅相續體，但係我哋時常固執住自己嘅我見，去做出各式各樣嘅行動，啫“行”啦，意思就係“業”啦，造出呢啲業力，呢個就係我哋流轉生死、沉淪迷界嘅根本嘞。咁講到呢度就係話，我哋如果依自己嘅身心喺度不斷活動，造出無數嘅業，由於唔同性質嘅業力呢，就招感各式各樣嘅生死嘞。我哋如果明白招集苦果嘅原因，就係由於“惑”同埋“業”，咁樣呢種自覺就係“集”嘅真諦嘞，意思就係“聖諦”嘞，“滅聖諦”就係解脫生死迷界之後達到嘅極果，極果就係大家時常聽嘅“涅槃”啦，“涅”就係“不生”啦，簡單解釋，“槃”呢，就“不滅”啦，到不生不滅嘅境界。“道聖諦”呢，就係能夠達到“滅諦”嘅根本，悟嘅原因，啫“聖道”啦，咁喺裏便當然包含咗“正見”“正思”“正語”“正業”“正命”“正念”“正精進”“正定”八種，俗稱我哋叫做“八正道”，喺當中其實最緊要嘅呢，就係“正見”，“正見”就係智慧嚟嘅，譬如經中所講：“假使有世間，正見增上者，雖復百千生吖，終不墮惡道。”呢個喺《雜阿含經》裏便講嘅。大乘嘅重視“般若”，亦都就係呢一個意義嘅強化嚟嘅其實。總之，我哋由於迷嘅因果，明白到流轉輪迴嘅實相，知道我執嘅迷茫而積極去殷求無我嘅涅槃，慢慢就會趣正涅槃嘅境界，故此我哋可以見到四聖諦嘅教法，真係可以令到我哋挽回人生痛苦、迷茫嘅厄運而能夠體觀到“我”嘅真理吔。

跟住落嚟咧，我哋講到，深入去講佛教對於宇宙萬有嘅分類。佛教將宇宙森羅嘅萬象，啫係“萬有”啦，分爲兩種，第一係“有爲法”，第二係“無爲法”，兩個名稱呢，我哋時常都聽過啦。“爲”呢，就係“作爲”“造作”嘅意思，佢含有生滅變化嘅意義㗎其實。“法”呢，就係所謂嘅“任持自性”“軌生物解”嘞，意思就係話，宇宙嘅原理吔、真理，一切嘅法則、規範吖、法律等等，其實意義呢，係好廣大，有“文義法”啦、“意境法”啦、“依歸法”三類，但係我哋呢度所指嘅就係“意境法”嘞，所以凡係由心識所認識嘅境界都係“法”，每一個“法”有佢嘅特有嘅聖相去引發我哋吔，作爲一定嘅認識。故此呢，所謂嘅“有爲法”，啫係指生滅變化無窮嘅現象，“無爲法”呢，係指捨離因果、無生滅變化嘅常住法。

“無爲法”因爲唔攝於“五蘊”，所以呢，就冇積聚嘅意思。爲咗“十二處”同埋“十八界”就攝盡咗一切嘅“有爲”“無爲”嘞。“蘊”“處”“界”嘅三類分科，係基於宗教嘅主觀立場去分析，至於客觀哲學嘅分析，應該係屬於五位七十五法，呢個係唯識學者就講有八法嘞。“五位”係咩呢？就係“色”“心王”“心所”“不相應”“無爲”，五種法。“色法”一共有十一種，即係“五根”“五境”同埋“無表色”啦，簡單嚟講。“心王”呢，就隨所依嘅“根”同埋所遇嘅“境”唔同而分開“眼識”“耳識”“鼻識”“舌識”“身識”“意識”等等嘅“識”嘅名稱，但係佢嘅本體都係惟一嘅，所以呢，先作爲係一種，算係一種嘅啫呢度。“心王”就係“六識”嘅主體啦，我所講呢“六識”係“意識”個“識”喎，唔係“顏色”個“色”喎，“心王”呢，係“六識”嘅主體，喺一切法之中係最爲殊勝，而且有主動嘅支配力。“心所”就屬於“心王”嘅心理作用嘞，一定呢，同“心識”，我哋“心識”相應先能夠開展作用，自己呢，係唔能夠自由，所以“心所”其實就係心嘅“附屬品”咁解，咁呢，呢度一共有四十六種之多嘅。“唔相應”，啫頭先講嘅“不相應”啦，係由“心識”“心所”同埋“色法”彼此展開作用之後而燃起嘅，比如時間啦、空間啦、數量啦、尺度啦、得失、生滅相、文字相等等都屬於呢類嘞，一共有十四種之多。咁我哋縱觀以上所講，“心王”同“心所”就心理學所研究一切心理嘅現象，“識”法同埋“不相應”法呢，就係數學、物理學等等自然科學所研究嘅對象，“無爲法”嘅理性係哲學家嘅境界嘞，所以其實佛法真係好科學嘅，講到呢度覺得，釋迦牟尼佛將好多嘢都講晒出嚟，如果我哋能夠用現代科學加以作爲一個相比對，我哋可以發現佛法有另外一個好偉大嘅之處。

咁關於“五位”嘅排列順序呢，我哋可以參考唯識宗裏便嘅說法，咁我現在呢，只係簡單將“五位七十五法”講一講。所謂“五位七十五法”就係“色法”，一共有十一種，何爲“色法”十一種吖？就係“眼根”“耳根”“鼻根”“舌根”“身根”“色境”啦、“聲境”啦、“香境”啦、“味境”啦、“觸境”啦、“無表色”啦。“心法”咧，就有一種，即係頭先所講，心嘅主宰——“心王”，我哋叫做。“心所法”一共有四十六種，四十六種呢，亦都可以分爲好多類。首先“大地法”有十類，邊十類吖？“受”“想”“思”“觸”“欲”“慧”（“智慧”個“慧”）、“念”“作意”“勝解”同埋“三摩地”。“大善地法”有十類：“信”“勤”“捨”“慚”“愧”“無貪”“無瞋”“不害”“輕安”“不放逸”。“大煩惱地法”有六類，“無明”啦、“放逸”啦、“懈怠”啦、“不信”啦、“昏沉”同埋“掉舉”。“大不善地法”有兩類，就係“無慚”同“無愧”嘞。“小煩惱地法”呢，有十類：“忿”（“忿怒”個“忿”）、“覆”（“覆藏”個“覆”）、“慳”（“慳貪”個“慳”）、“嫉”（啫“嫉妒”個“嫉”）、“惱”“害”“恨”“諂”“誑”“驕”（“諂”係“諂媚”個“諂”啦；“驕”係“驕慢”個“驕”啦）。“不定地法”呢，一共有八類，“惡作”啦，“睡眠”啦，“尋”“伺”“貪”“瞋”“慢”“疑”（“伺”就係“窺伺”個“伺”，啫禪定裏便嘅“心識”啦，“有尋有伺”啦，咁吖，新譯呢，就叫做“有覺有觀”嘅）。不相應法一共呢有十四類：“得”啦、“非得”啦、“衆同分”啦、“無想果”啦、“無想定”啦、“滅盡定”啦、“命根”啦、“生”“住”“異”“滅”“名身”“句身”“文身”。咁“無爲法”呢，一共有三類，就係“擇滅無爲”“非擇滅無爲”同“虛空無爲”。咁依度總共夾埋呢，一共呢，所謂頭先講過，“五位”一共有七十五法嘞，呢個《俱舍論》裏便所講嘅。係咪覺得好深吖？大家。其實唔係好深，係基礎嚟㗎咋，但係對於我哋嚟講呢啲名相係太多，好深，但係我哋一定研究佛法要到博大精深嘅境界，要方便衆生，要深入先能夠到達一種淺出嘅效果，所以我哋應該要俾心機攞啲時間去睇下呢方面嘅道理吔。

咁大小二乘嘅“萬法論”，大乘係以心爲本，主張萬法爲識，所以唔准許心外法嘅存在，因此詳舉咗八個“心王”，五十一種“心所法”，特別係詳細於“心王”嘅說明。對於呢個問題，小乘就以“色”爲本嘞（呢度我所講嘅“色”呢，就係物質呢個“色”，“顏色”個“色”），所以就允許心外法嘅存在，自然就詳於“色法”嘅說明啦。諸法既然係無常、無我，咁樣我哋現在眼前見到嘅一切活動，又係一啲咩嘅現象呢？關於呢個問題，《俱舍論》就有嚴密嘅立場嘞，佢用嚴密嘅立場去考察我哋嘅根基，而特別分爲“五蘊”“十二處”同埋“十八界”三科去講嘅，“科”就“品別”嘅意思，啫種類嘅分別啦。

講到“蘊”“處”“界”呢三科呢，“蘊”界呢，呢個“蘊”觀，詳細呢，就喺心理上嘅分析上便，可以指引迷於精神作用嘅人。而“處”觀呢，“蘊”“處”“界”呢個“處”觀呢，就詳細響生理嘅分析，可以指引迷於物質界嘅人嘞。而“界”觀呢，就詳於物理嘅分析，可以指引迷於色、心兩種法嘅人。但係又有一類衆生係比較利根嘅，好中意省略嘅，所以分類呢，就有較少嘅“蘊”觀，而鈍根嘅衆生呢，佢希望能夠詳細講，所以分類呢，就有較多嘅“界”觀。中根呢，就啱啱喺中間嘞，所以就有中等嘅“處”觀嘞。所以三科係通大小乘嘅分類法，只係法數呢，係唔同嘅啫，吓，“蘊”“處”“界”呢三科都係通大小乘嘅分類嘅。

“五蘊”，講到“五蘊”呢，“五蘊”，意思就係梵文“skandha”，我哋譯做“塞健陀”啦，嘅譯名，其實梵語“skandha”，舊嘅譯法叫做“陰”，我哋叫“五陰”啦，“衆”或者“積聚”嘅意思。“五蘊”就係“色蘊”“受蘊”“想蘊”“行蘊”同“意識”個“識”啦，“識蘊”，五種，吓，大家都識背啦其實。響其中裏便呢，除咗“顏色”個“色”，呢個“色蘊”之外，其他四蘊都係屬於精神上嘅作用，而“顏色”呢個“色蘊”呢，就係具備咗形式嘅物質。呢個“顏色”個“色”，千祈唔好誤會咗同“美色”個“色”係相通，雖然個字係寫法一樣。咁有啲人話佛教四大皆空，“色即是空”，咁引用咗《心經》個“色”，佢哋有錯誤嘅觀念，就係其實指向“美色”呢個方面，係錯嘅，唔啱嘅，呢個解釋，其實呢個“色”字係物質、質外嘅意思吔，呢個“顏色”個“色”。咁“色蘊”就係具備形式嘅物質啦，講番，包括“地”“水”“火”“風”等等“四大”嘅要素，同埋“四大”呢個要素結合嘅“眼”“耳”“鼻”“舌”“身”等等嘅“五根”，而且爲咗“五根”對象嘅“色”“聲”“香”“味”“觸”等等嘅“五境”嘅，係作爲對象嘅。“受蘊”係指由我哋嘅“五根”同埋“五境”所起嘅各種感覺同埋情緒啦，而“想蘊”就係綜合上便所講嘅感覺而所起嘅認識啦，“想蘊”係一種認識，你有感覺就有認識、有思想啦。“行蘊”就係唔屬於其他四蘊嘅一切嘅心理作用，我哋叫做“行蘊”嘅造作，其實都係“有爲法”嚟嘅，頭先講到“有爲法”，屬於“有爲法”所攝。而“識蘊”呢（“意識”個“識”），呢個“識蘊”呢，係指認識之中嘅“眼”“耳”“鼻”“舌”“身”“意”等等嘅六識嘞。

咁我哋嘅世界呢，包括我哋自己在內就係上述“五蘊”嘅假合相啦，但係由於結合唔同嘅種類，啫唔同嘅因果，所以就有各色各樣嘅衆生，呢個就好似流水或者瀑布一樣，係毫無實體嘅存在，啫冇主宰嘅東西啦，但係衆生唔知道呢種意思，就執著咗“我見”，就會起種種嘅煩惱、迷惑，造種種嘅惡業，咁呢，就會得到種種嘅苦報，就係輪迴嘞。衆生因爲唔明白“五蘊”由種種因緣結合生，就誤認爲有一種獨立性嘅存在，就“妄執識”，“識”就係“分別心”嘞，其實呢個“意識”個“識”有分別嘅意義，就係“分別心”。咁“妄執識”而生出種種顛倒是非嘅思想，由於呢啲習性做出唔正當嘅各種行爲，故此我哋永遠就會沉迷響苦界、苦海，如果我哋能夠明白呢個道理，自然就能夠痛改前非，去出入光明嘅大道啦。因爲“五蘊”，頭先講過，唔攝於“無爲法”裏面，所以佢包含嘅只有七十二種法。“色法”呢，有十一種啦。“受蘊”呢，就有一種啦，呢一種就係“遍大地法”嘅“受心所”，前面講過。“想蘊”有一種，就係“遍大地法”嘅“想”嘅“心所”嘞，就係“想”，屬於遍大地法裏便“想”嘅“心所”。“行蘊”一共五十八種喎，邊五十八種呢？就頭先講過咧，除咗“受”“想”兩個“心所法”之外嘅“心所法”嘅四十四種，同埋“不相應法”嘅十四種，故此一共有五十八種，就“行蘊”。“色蘊”呢，只係一種嘅啫。

講到“十二處”嘞。“十二處”，梵語“ayatana”，意思就譯作“入”，係“生長門”嘅意思，“生長門”係咩意思呢？“生長門”意思就係“心王”“心所”所依止嘅地方，所原、所在嘅意思，啫係根境相對，發心識嘅作用，所以叫做“生長門”。呢個根境各自呢，有六類，一共有十二處，就係“眼、耳、鼻、舌、身、意”等等嘅“六根”同埋“色、聲、香、味、觸、法”嘅“六境”，或者我哋叫“六塵”啦。十二處所攝嘅“法”一共有六十四種嘅，就係頭先講過“無表色”同埋四十六“心所”法，以及十四種“唔相應法”、三種“無爲法”啦。咁其中“無表色”，雖然係“色法”，但係呢，並非前便“五色”所緣，所攀緣嘅，所以就攝於“意”嘅地方，“意”就“意念”啦，“眼、耳、鼻、舌、身、意”個“意”啦。意思就係“十二處”，“眼根處”就係“色處”啦，“耳根處”係“聲處”啦，“鼻根處”就攀緣“香處”啦，“舌根處”攀緣“味處”啦，“身根處”就攀緣“觸處”喎，而“意根處”呢，就係“法處”嘞。“法處”再講多次，裏便包含咗四十六種“心所法”、十四種“不相應法”、一種“無表色”、三種“無爲法”，咁吖上面都講過。

“十八界”，係梵文嘅“dhatu”，“dhatu”嘅意思吔，就係種族、種類，意思係種族、種類。咁喺上面嘅十二處如果加上引發嘅“眼、耳、鼻、舌、身、意”等等嘅六識，所以一共有十八種啦。呢個說法不外就十二處之中呢，“耳根處”嘅詳解嚟嘅，係“耳根處”嘅詳解。咁十八界呢，總攝有七十五種法，“無爲”嘅，全部有七十五種法。

總之三科嘅安立呢，其實講來講去，係破斥我哋嘅實我執，分析我哋嘅人嘅真相吖，教我哋唔好偏重物質或者精神。故此我哋可以見到“六識”係主觀嘅“心”，“六根”就係所依嘅“根”啦，而“六境”就係所攀緣嘅境界，由呢三科嘅假合，就有一切嘅生活作用，譬如喺裏便呢，如果求一個實體嘅存在就不可得，記住，一法不可得，一個實體都唔會存在嘅。

至於深，跟住我哋深入去講到“色法”嘞，就係“顏色”個“色”，一般人誤會作爲“美色”嘅解法嘞。“色法”係梵文“rupa”，“rupa”嘅意思等於我哋英文所講個嘅“form”，就係物質啦。換句話講，凡係佔有空間，而會變壞，有質外嘅東西都係“色法”，咁一共有十一種，就係“五根”“五境”同埋“無表色”。

“五根”係梵文“indriya”嘅譯名，係勝用、增上、自在、光顯嘅意思，“五根”就係“眼、耳、鼻、舌、身”等等五官嘅機能，比如視覺吖、聽覺、嗅覺、味覺、觸覺吖就係。“增上”呢，就係能發“識”，能夠助識，啫助我哋意識發生了別作用嘅意思。“自在”呢，就係“根”嘅本身嘅能發“識”嘅自在功能嘞。“光顯”就係“根”對“境”有見性啦、有光明啦，能見色聞聲等等嘅意思。“勝用”嘅解法就係緣取吔，對鏡就有殊勝嘅作用嘞。因爲“根”能夠攝取外境而引起“五色”嘅精神作用，故此叫做“根”，喺呢度又有“扶塵根”同埋“勝義根”兩種嘅分別個喎，咩叫“扶塵根”呢？“扶塵根”就係血肉所成嘅“根”，咁我哋簡單白話講就係所謂器官啦。“扶”就“攙扶”嘅“扶”啦，佢係扶助“勝義根”，啫“扶塵根”扶助“勝義根”。“勝義根”就係我哋五官嘅神經而發識嘅，而發起意識嘅。“勝義根”呢，係內在嘅受納嘅器官，即係五官嘅神經系啦，係由清靜、微妙嘅“四大種”所造成，係我哋肉眼見唔到嘅。但係“五根”之中呢，前兩根“眼”“耳”，必需要距離，先能夠發識，生理學就叫做“距離感受器”啦，所以叫做呢，“離中支”，“離中支”。後三根就叫做“取至境”，所以叫做“合中支”嘞。

“五境”嘅“境”呢，係梵語“visaya”嘅譯名，意思就係“五根”對仗嘅客觀境界，係“色、聲、香、味、觸”等等嘅“五境”嘞。第一“色境”，有兩種嘅，即是“顯識”同埋“形識”啦，“顯識”就係映於我哋“眼根”可以見到嘅“色法”，比如青黃赤白、雲煙霧塵、影吖、光吖、明暗等等嘞，“形識”呢，就係有形狀嘅“色法”，比如長短、方圓、高下、正吖，不正等等，所以“識境”一共有二十類嘅，邊二十類呢？有“顯識”同“形識”啦，“顯識”再分開“本識”同埋“差別識”，“本識”裏便就有“青”“黃”“赤”“白”，而“差別識”呢，“雲”“煙”“塵”“霧”“影”“光”“明”“暗”，加埋呢，就有十二類嘞。而“形識”咧，就有“長”“短”“方”“圓”“高”“下”“正”“不正”八類，所以有二十種“色”。“色境”吓，就係咁分嘞。

第二“聲境”呢，係由耳根聽取嘅景體，一共有八類嘅，耳根聽取景體，邊八類呢？首先有兩大類就係“有執受大種爲因”，以有執所受嘅大種爲因，而第二種呢，就“無執受嘅大種爲因”喎。咁“有執受嘅大種爲因”又分開“有情名”同埋“非有情名”，咩叫“有情名”呢？“有情名”啫有意義嘅語言音聲，“非有情名”就係無意義嘅鼓掌音聲，呢個攝於“有執受嘅大種爲因”呢一類，而“無執受嘅大種爲因”又有兩類，係“有情名”亦都係“非有情名”，同“有執受大種爲因”係一樣。咁“無執受”呢一類嘅“有情名”呢，同“有執受大種爲因”嘅“有情名”唔同解法喎。“無執受大種爲因”呢個“有情名”呢，就係指譬如話收音機等等所發出嘅聲音，我哋可以攝入呢一類；“非有情名”，譬如風雨溪流嘅嘈雜聲啦，都可以攝入呢一類。咁我哋講番嘞，詳細去講，如果“有執受大種爲因”呢類嘅“有情名”，意思話係有意義嘅語言聲音，亦都可以分開兩類嘞，第一“可意聲”，第二種“不可意聲”。乜嘢叫“可意聲”吖？譬如稱讚嘅悅耳聲音啦，“不可意聲”呢，譬如譭罵吖，唔悅耳嘅聲音，我哋唔中意聽嘅聲音就係“有情名”裏便嘅“可意聲”同埋“不可意聲”，而“非有情名”裏便嘅意思就係無意義嘅鼓掌聲音，頭先已經舉咗例嘞，吓。“非有情名”亦都分開“可意聲”“不可意聲”，“可意聲”，譬如鼓掌悅耳嘅聲音；“不可意聲”，譬如跌倒不悅耳嘅聲音啦。咁呢，呢個係“有執受大種爲因”裏便所分嘅“有情名”同埋“非有情名”裏便嘅“可意聲”同“不可意聲”嘅四類，而“無執受大種爲因”裏便嘅“可意聲”同埋“不可意聲”嘅分類呢，就係“有情名”……（註：接下文）

203.著論求爲百世師（二）

（註：接上文）……就係“有情名”嘅“可意聲”同“不可意聲”啦。“可意聲”，譬如唱片所播出嚟嘅優雅音聲啦，“不可意聲”呢，例如唱片嘅暴惡音聲啦，而“非有情名”呢，嘅“可意聲”就係溪水嘅悅耳音聲啦，“不可意聲”，比如吖火山爆發嘅音聲，咁呢兩類都係可以攝入“無執受大種爲因”，吓。其實“有執受”係咩意思呢？“有執受”意思就係有感覺嘞，所謂“執受”就係“心心所”嘅別名，意思就係話“心心所”能夠執持有情身，覺知其他嘅苦樂，所以就叫“執受”，換句話講啦，能夠感覺苦樂就叫做“有執受”，啫“有情”啦，從“有執受”嘅“四大種”所發出嘅聲音，意思就係“有執受大種爲因聲”嘅解釋。相反，“無執受”即係由唔感覺苦樂嘅物體，啫係“非情”嘅“四大種”所出嘅聲音啦。“有情名”就能夠傳意義嘅聲音，相反呢，就係“非有情名”嘞，啫能夠表述意義嘅聲音啦，就叫“有情名”，相反唔能夠表述就“非有情名”啦，喺呢啲聲音之中，能夠使到我哋吔，生起快感啦，就可以叫做“可意聲”，相反我哋有不快嘅感覺就叫“不可意聲”啦。

跟住落嚟，我哋講到第三嘅“香境”嘞。“香境”呢，就係我哋鼻根嗅取嘅境體，一共有四種，係“好香”“惡香”“等香”同埋“不等香”啦，比如沉香、檀香就係“好香”啦，例如蔥吖、韭菜吔等等有臭氣嘅菜所發出嚟嘅香味就係“惡香”啦。喺呢度裏便，對於身體有益就叫做“等香”，對於身體有害無利叫做“不等香”。但係覺得呢種分類法係唔係太嚴格，如果嚴格嚟講，應該係“好香”之中嘅“等香”“好香”之中嘅“不等香”“惡香”之中嘅“等香”“惡香”之中嘅“不等香”四種，應該咁樣分嘅。

第四就係“味境”嘞。“味境”係我哋舌根所嘗取嘅境體，一共有六種，就係“苦”“酢”“鹹”“辛”“甘”“淡”呢六種。由於，由於衆生喜好樂境，所以響呢度亦都有再分爲“可意味”“不可意味”“捨味”嘅分別。

至於第五嘅“觸境”呢，係“身根”接觸所對嘅境啦，一共有十一種嘞，就係“堅”“濕”“暖”“動”“滑”“澀”“重”“輕”“冷”“飢”“渴”，十一種。喺裏便最初頭嘅四種係代表“地”“水”“火”“風”四大顯著性質嘅緣故，所以就叫做“能造觸”，能夠造作嘅觸，其餘七種呢，係由於“四大”嘅調和而生，所以叫做“所造觸”。至，至於“無表色”，意思係話，喺冇表示、顯現嘅色法咁解，謂之“無表色”，係對“五根”“五境”嘅表色嚟講嘅。“無表色”，係由於善惡嘅行爲呢，一舉一動、一言一語喺我哋內心裏便生起一種招感業果嘅作用，呢種招感業果，業果嘅作用就係“業力”啦，所以善惡嘅表業，表面上嘅業，雖然喺動作之後隨時消滅嘞，但係由於呢個原因就會激發出“無表色”嘞，意思就係業力係永遠相逐，必然呢，就招感相當嘅果吖，所以又叫做“無表業”嘞。佢嘅本體雖然唔係“極微”所成嘅“色法”，即是唔係“極微”，我哋以下就會講到乜嘢叫“極微”。本體“無表色”就唔係“極微”所成嘅物質嘅法（色法），但係就由於身語嘅“色業”所發起嘅，所以係依能發嘅“色”去講，故此亦都係一種“色法”，我哋叫做“攝入色”。

剛才我哋提到一個名相叫“極微”，究竟咩係“極微”呢？呢個名相就涉及到一切物質嘅構造。物質究竟係由咩所造成嘅呢？佛經上就所謂係叫做“極微”，以前舊時嘅譯法叫做“鄰虛”，“鄰居”個“鄰”，“虛空”個虛。“極微”係將物質分析得再冇辦法可以分嘅物質分子，即係最細微物質構成嘅單位，如果要將“極微”分析嘅話呢，就等於“空”嘞，喺佛學上叫做“析空觀”，“分析”個“析”。凡係有咗物質嘅存在，必定就有佢嘅方位啦，就係話無論乜嘢嘢都有一定方位嘅，有“上下”啦、“東西”啦、“南北”嘅六個方向，但係“極微”係將物質分析冇辦法再分析落去，已達到極點之後，再將佢分析爲六個方位同埋“中央”嘅七份嘅，所以“極微”係唔能夠附於“上下”等等嘅方位，所以叫做“無方分”。“極微”係冇變壞，亦都冇質礙，而用我哋凡夫嘅肉眼係見唔到嘅，如果將“極微”能夠集成“上下”“東南西北”四個方向同埋“中間”七個嘅時候，呢個名稱就叫做“微”嘞，如果“微”積集咗七個就叫做“金塵”，“金塵”嘅七倍叫做“水塵”，點解叫做“水塵”呢？由於佢能夠喺水裏便通行，呢啲微細嘅物質。“水塵”嘅七倍叫做“兔毛塵”，“兔毛塵”嘅七倍叫做“羊毛塵”，“羊毛塵”嘅七倍叫做“牛毛塵”，七個“牛毛塵”就叫做“隙遊塵”，“隙遊塵”嘅意思就係響戶隙之間所能夠見到嘅遊塵嘞。如果能夠集合八十二萬三千五百四十三個“極微”就成就咗“隙遊塵”嘞，而七個“隙遊塵”呢，就等於一個“蟣”，一個“蟣”係咩意思呢？呢個“蟣”字，“蟲”字邊，就“幾時”個“幾”，“蟣”呢，就係等於一隻微細嘅“虱”，虱嘅卵吖，一隻虱嘅卵咁細吔。七“蟣”謂之一“虱”，吓，呢個就係“虱”，身上所生嘅“虱”，呢個“虱”嘞，七“蟣”謂之一“虱”，七“虱”謂之一“𪍿麥”，“𪍿”呢，係嗰“麥”字邊，做個“廣大”個“廣”，七“虱”謂之一“𪍿麥”，七“麥”謂之一個“指節”，三“指節”就謂之一“指”。咁樣次第積集就會成爲山河大地一切嘅萬物嘞，即是累倍上去重重疊疊，互相積聚，越積聚得多，物件就越大，但係一切物件嘅長吖、短吖、方圓吖嘅差別呢，就係由於起因“極微”積聚嘅狀態，啫“極微”慢慢慢慢積集、積集，就會成爲一切山河嘅大地。咁講到呢度，覺得佛學真係好有科學性，喺《俱舍論》裏便，其實“極微”係物質分到冇辦法再分嘅微細嘅單位——“塵”，我哋平時叫做“塵”，當然係好微細，用肉眼都見唔到啦，飛飛下嗰啲叫做“塵”啦。咁佛經，以前嘅語言用，譯番我哋中國古代嘅語，由於啲文字唔係太多，所以佢會用一啲好古嘅字。譬如“𪍿麥”嘅“𪍿”字，你查普通字典係冇辦法查得到嘅，要查比較深嘅詞典，譬如漢語大字典先能夠知道呢個字嘅解釋係乜，“𪍿”嘅意思就係“麥”嘅一類嘞，好細嘅“麥”咁解。所以呢，佛經真係好合乎科學性，喺呢度佢亦都有講到一切物質嘅構造係由冇辦法，係由宇宙嘅物質冇辦法再能夠分嘅最微細嘅單位，開始慢慢慢慢、一粒一粒咁累積，累積，累積，以至於天地間嘅所有一切萬物，即是我哋意思就係器世界外間嘅一切事物嘞。七個“極微”就等於一個“微聚”。嗱，我哋再講下，如果用數學嘅形式我哋表達下比較容易明白：七個“極微”等於一個“微聚”吔；七個“微聚”呢，就等於一個“金塵”，一個“金塵”呢，如果我哋用番“極微”嘅表達啫七乘七，就四十九個“極微”嘞；七個“金塵”等於一個“水塵”，啫係四十九乘七，等於三百四十三個“極微”；七個“水塵”等於一個“兔毛塵”，即係三百四十三再乘七，等於二千四百零一個“極微”；再上就係七個“兔毛塵”等於一個“羊毛塵”嘞，即是二千四百零一乘七，等於一萬六千八百零七個“極微”；七個“羊毛塵”等於一個“牛毛塵”，即係一萬六千八百零七再乘七，等於十一萬七千六百四十九個“極微”嘞。如果再計上去呢，就係七個“牛毛塵”講到等於一個“隙遊塵”，即喺戶隙之間能夠見到㗎喇，被我哋肉眼所見，就係十一萬七千六百四十九再乘七，如果用“極微”嘅表達，條數就等於八十二萬三千五百四十三個“極微”嘞。“極微”就有“色”“香”“味”“觸”等等四種嘅分別，叫做“四塵”喎，即係意思話映入我哋人類嘅眼嘅呢，係“色塵”啦、嗅覺喺鼻嘅係“香塵”啦、味覺喺香嘅就係“味塵”啦、膚覺個肌膚嘅感覺喺身嘅就係“觸塵”啦，呢四個塵因爲各別具有“堅”“濕”“暖”“動”四大性質，所以喺佛學上，我哋一般睇普通嘅佛教書籍，就叫“地”“水”“火”“風”，“四大種”吖，“四大種”，“種類”個“種”吖。“地大”呢，係以“堅性”爲體，以“任持”爲用嘅，每樣事物呢，彼此都有抵抗力，能夠互相相持就係“地大”嘅作用嘞。“水大”當然以“濕性”爲體啦，以“攝取”爲用啦，每樣事物能夠互相接引、固定，即係“水大”嘅作用嘞。“火大”係以“暖性”爲體，以“成熟”爲用吖，果麥能夠成熟、米能夠成飯就係“火大”嘅作用啦，如果唔用火點能夠煮飯呢？以前用火，而家用電，電都係“火大”嘅功能發揮嘅一種啫。“風大”係以“動性”爲體，以“增性”爲用，每一樣事物能夠運動、能夠生長就係“風大”嘅作用。

講番“大種”呢，就係“遍依”嘅意思，“普遍”嘅“遍”，“依靠”嘅“依”。喺，誒，《地藏經》，我哋初頭嚟，開，開始《地藏經》我哋咪唸過，誒，沒，有啲《地藏經》嘅前面加咗，喺《大方廣佛華嚴經》裏便，覺林菩薩嘅偈嘅，覺林菩薩偈裏便有講過：“大種中無色，色中無大種，亦不離大種，而有色可得。”欸，就係呢啲原理嘅嚟啦，講到呢度，就係《華嚴經》中所講嘅原理嘅“大種”。“大種”係“遍依”嘅意思，“大”就係“遍”嘅意思，“種”就係“依”嘅意義，就係話呢，佢遍依一切萬物嘅，“大種”係遍一切萬物，不但佢勢力強大，即係每一個“極微”吔，都無法脫離“四大”，而且呢，係依呢“四種”呢，爲“依”先能夠嘅，所以叫做“大種”咁解嘞。而呢“四大種”呢，又分開有假嘅“四大”同埋實嘅“四大”嘅分別，假嘅意思就係非真實啦，即係虛妄，亦都非空非無嘅，假設唔確定嘅意思就謂之“假”啦。“假四大”係依“實四大”所成，意思就係話，我哋通常所見到嘅“地”“水”“火”“風”吖，“實四大”呢，就係我哋肉眼見唔到微細嘅東西，不過因爲佢嘅作用係要用個假嘅“四大”去表達出嚟，所以強名爲“地”“水”“火”“風”。然而呢，呢“四大種”係以同一個分量集合啦，定係有其他原因去集合呢？就係一個問題嘞，因爲“四大”係有所偏增，喺量上便亦都有所增減嘅，物體係有種種唔同嘅性質就係起因於呢“四大”嘅量唔同嘞。我哋舉例啦，譬如物體有濕滑嘅性質，滑性呢，就係“水大”嘅偏增，溫暖性就係“火大”嘅偏增啦，動性就係“風大”嘅偏增，堅性呢，就係“地大”嘅偏增，咁響其中譬如喺“地”“水”兩大偏增嘅時候物質就會重嘞，“火”“風”二大偏增就會變成輕嘞，而“水”“風”兩大偏增呢，就會變成冷啦。但係無論任何物體，絕對係冇由“一大”或者“二大”所成，都係必須要具備“四大”先能夠形成，呢一點我哋要特別注意嘅。不但“四大”係咁吖，即是“四塵”亦都係一樣，所以凡係物體嘅存在，必須都係由“四大”“四塵”去合成，呢種道理叫做“八事俱生，隨一不減”嘅道理。

跟住落嚟，我哋講到《俱舍論》裏便所講嘅“心王”嘞。“心王”呢，好重要，就係我哋心嘅主體，但係“心王”只能夠緣取總相，係冇辦法緣取別相吖。點解呢？舉一個例吔，譬如外面有個人，“心王”嘅作用只能夠緣取呢個人嘅相貌總體，但係冇辦法好精細緣取呢個人嘅姿態美醜同埋呢個人佢所起嘅好惡等等嘅念頭。按照普通嚟講呢，“心王”一共有三種唔同嘅名稱，即係我哋平時成日講嘅“心”啦、“意”啦，同埋“識”。“識”呢，就係“意識”個“識”，唔係“顏色”個“色”。“心”呢，係梵文呢，“質多citta”嘅譯文嚟嘅，係“集起”嘅意思。咩嘢係“集起”呢？就係一切“心所”同埋能夠引起三業所作嘅心作用。而“意”呢，就係梵文“末那manas”嘅譯名，係思量嘅意思，或者依止嘅意思，能夠思慮、量度所緣境界嘅作用，意義就係咁嘞，或者係其他“心”“心所”嘅依止，令到佢生起後念嘅剎那，呢個意思呢，就係，就係呢個，誒，“末那”嘅意思。“識”呢，“意識”個“識”，係梵語“vijnana”嘅譯名嚟㗎，係“了別”嘅意思，能夠明瞭、了別景象嘅功能，意思就係“了別”。所以《俱舍論》講來講去就係“六識”嘅論，所以唔係好似唯識所講，唯識學唔同喎，唯識學所講“心”係指第八識阿賴耶識，而“意”呢，“意念”個“意”係指我哋第七識末那識，而呢個“識”，頭先我哋講講呢，講呢個“意識”呢個“識”係指前“六識”嘅講法，所以“識”就係能夠緣外境嘅“心”嘅唔同嘅名稱嘅稱呼，就係所謂“心識”或者“意識”。“六識”就係“眼識”“耳識”“鼻識”啦，“舌識”“身識”“意識”啦。“眼識”就係以“眼根”爲所依，了別“識境”嘅心識；“耳識”係依“耳根”了別聲，“聲境”嘅心識；“鼻識”呢，就依我哋“鼻根”了別“香境”嘅心識；“舌識”係依“舌根”了別“味境”嘅心識；“身識”呢，係依“身根”了別“觸境”嘅心識，啫所接觸嘅境界啦；“意識”係依“意根”了別“法境”嘅心識。六，“六識”呢，都係由於“依根”而得名，所以叫做“眼識”“耳識”“鼻識”等等啦，如果由所緣嘅境去取名的話呢，咁就應該叫做“色識”啦、“聲識”啦，等等嘞。咁響其中前“五識”因爲依“五根”去了別“五境”，所以佢嘅範圍多少都有唔同，但係第六意識係依廣緣嘅“境”，所以具足一切“心所法”。而喺“六識”之中，“意識”又作爲主體而有強烈嘅作用，譬如我哋嘅做善做惡完全係“意識”嘅作祟嚟嘅。雖然“意識”所緣嘅境界叫做“法境”吖，但係如果將佢配喺五位嘅時候就唔同嘞，因爲呢個時候係針對“五識”嚟講，所以必須將佢除外，將其餘嘅“無表識”吖、“心王”“心所”“不相應行”“無爲”等等嘅諸法就叫做“法境”嘞。喺呢度我哋要特別注意就係話呢，即使係“意識”，因爲“意識”唔係好似前“五識”只係以“識根”爲所依，而係以前面嘅“意識”爲所依嘅，就係話佢係響“現前”包括“過去”同“未來”嘅剎那生滅，啫係“法塵”嘅影像之間發生作用。因爲“心法”唔准許有兩個並起，必須呢，等待前念消滅咗之後，後念先能夠生起，故此前念係後念嘅所依而叫做“意根”嘞，喺法相裏便又叫做“末那”，換句話講“意根”就係前念嘅“六識”，如果再加上現在嘅“六識”呢，就叫做“七心界”。“心王”嘅了別作用有三種殊勝喎，第一即係“自性分別”，第二即係“計度分別”，第三即係“隨念分別”。“自性分別”就係唔加任何嘅比量、猜想，自然能夠識別外境嘅意思，呢個係對於現前嘅直覺嚟講嘅。而“計度分別”就涉及“過去”“未來”吔、“現在”三世而推量種種分別嘅作用。“隨念分別”呢，就係回憶過去嘅種種事情而加以考察嘅作用。咁喺“六識”之中，前“五識”只有自性嘅分別，係冇善惡好樂嘅知覺，而第六意識先具有三種分別，能夠觀察事物嘅歷程同知覺、作業，了別一切萬有嘅。

跟住我哋講完“心王”，就到“心所”嘞。“心所”就係心理作用嘅現象，另一個名稱叫做“心數”，意思就係話心所有法，就係梵語“caitasikas”嘅譯名嚟嘅，係隨“心王”而起嘅作用，心理嘅作用，謂之“心所”，係心嘅附屬品，心之所屬，謂之“心所”。因爲佢唔能夠離開“心王”去單獨行動，必須依附“心王”，將“心王”緣取嘅“法境”吖，去加以微細嘅辨別，所以叫做“相應法”。“相應”有五種嘅意思，第一係“所依平等”，就係話“心所”同“心王”依一樣嘅“根”，譬如話“心王”係依“眼根”，“心所”亦都必須依“眼根”。第二係“所緣平等”，咩“所緣平等”呢？就係對於所緣嘅“境”去講，意思，意思就係話呢，如果“心王”係緣“色境”，“心所”亦都必須要緣“色境”。第三就係“行相平等”，意思話下，意思係話呢，“心所”必須同“心王”係同樣嘅“相”吖，啫感覺。第四係“時間平等”，就係話“心所”現起嘅作用必須同“心王”係同時，並非唔同時間能夠單獨去自在。第五係“體事平等”，“事”就係“體”嘅意思啦，就係話“心王”同“心所”雖然“體”唔同，但係佢哋有密切嘅關係，唔能夠同時並起兩個同類嘅“心”同埋“心所”嘅。以上五種就叫做“心王”“心所”嘅五義平等嘅相應法嘞，喺《俱舍論》裏便。“心所法”就一共有六類四十六種，而同“心王”唔同，可以精細咁呢，緣取其他別相，啫小部分啦，所以能夠起好惡等等嘅感情，分爲六類嘅標準係根據道德嘅觀念而嚟。因爲佛教中普通一切事物不止分爲“善”“惡”兩種性，仲有所謂嘅“無記性”，係一種不善不惡嘅中庸性，喺中間嘅。根據《俱舍論》話呢，“善”係能夠稱讚嘅清淨之物，“惡”呢，就可以毀廢嘅污穢之物，而“非善非惡”即係“無記”嘞，由於呢個理由，招感樂果就叫做“善”，招感苦果叫做“惡”，都係冇力量招感“善”“惡”呢，就叫“無記”嘞。“無記”仲有個喎，有“覆”同埋“無覆”嘅兩種咧，啫“有覆”同“無覆”兩種分別，“有覆無記”係雖然冇力量招感苦果嘅力用，但係佢嘅性質係屬於污染，能夠障覆聖道無漏智嘅發生，比如“我見”等等嘅，嘅唔正確嘅見解啦。而“無覆無記”呢，係既無招感苦果嘅力用，亦都唔會障覆聖道無漏智嘅發生，比如遊戲心啦，等等啦。喺六類之中“大地法”普遍“善”“惡”“無記”三性，頭先講過“大地法”啦，而“大善地法”呢，只係遍於“善”性，而“大煩惱地法”係只係遍於污染性，啫染污性啦，“大不善地法”呢，只係遍於“惡”性，而“小煩惱地法”只係遍於染污性，而“不定地法”呢，係冇辦法去決定性別嘅。 

咁喺呢一度，我哋只係抽出“大地法”去講一講，因爲比較大家容易理解同埋接受。何謂“大地法”呢？“大”係“遍義”，“地”呢，係指“心所”嘅所行之處，啫“心王”嚟講啦，就係話遍常響“心王”同“心所”嘅法，一共有十種。第一就係“受”，“受”就係“領納”嘅意思，就係心理學上面所講嘅感情嘅領納，係靠外境嘅美滿點樣而定佢苦樂嘅，比如喺我哋內心生起一種順違嘅苦樂，或者非苦非樂嘅感受變化，即係叫做呢，“苦”“樂”“捨”三受，或者由我哋身心嘅感受分爲五受、兩種受等等。第二種呢，就係“想”嘞，“想”就係取像嘅意思，呢個喺接觸某一種境界之後，對某種境界所加嘅度量。如果我哋喺某一種境界，心裏首先有一個安排，啫有個概念啦，咁樣就知道人世間一切事物吖、名稱吖、語言都不過係心，呢一個心理上嘅創設嘅啫，呢個就係“想”嘞。第三，第三種係“思”，“思”係造作嘅意思，即喺“想”上便所起嘅活動，故此“思”就係發動我哋“身”“口”“意”三業嘅主因喎，我哋一切嘅“心”“心所”嘅動作行爲，都係要受呢個“思心所”推動，所以“思心所”就係行爲嘅根本嚟嘅。第四係“觸”嘞，“觸”就係“接觸”嘅意思，就係話兩個以上嘅物體互相接觸就會發生變化，意思就係話，“根”“境”“識”和合嘅時候所起嘅“心所”，所以一切嘅“心”“心所法”嘅生起都係要靠呢個“觸心”嘅作用嘞，“觸心所”嘅作用。比如外境係“花”，透過“眼根”即係產生“花”嘅認識啦，但係呢種認識唔能夠離開“根”同“境”嘅組合，所以佢必須三法和合，可以見到“觸”就係一種引申感受嘅原因，即感覺、受嘅原因。第五種係“欲”，“欲”就係慾望嘅意思，啫係我哋希求嘅“心所”啦，就係話對於喜歡嘅事物有所希望同埋殷求。喺呢度呢，有善有惡，“善”就係善，善法啦，可以發，發出我哋菩提心，希望成佛同度衆生，“惡”呢，就可以殺、盜、淫，墮三惡道。第六種呢，就係“慧”嘞，“慧”係“智慧”個“慧”，“慧”就“揀擇”嘅意思嘞，“揀擇”呢，就有“揀別”“抉擇”“推求”三種意義，呢個係對於所緣嘅法揀擇正邪、善惡嘅心所對嘅。第七就係“念”，“念”就係銘記不忘嘞，就係過去曾經接觸過嘅境界喺我哋個腦裏便有好清楚嘅印象而唔忘記嘅“心所”。第八係“作意”，“作意”就係警覺嘅意思，就係接觸某種境界時候，使到我哋個心生起注意，懷有警覺。第九係“勝解”，“勝解”就係最殊勝、唔懷疑嘅了解或者認識，係心理上對於某種見解能夠堅定，唔被人轉變嘅決定。第十呢，就係“三摩地”，“三摩地”係梵文啦“samadhi”嘅音譯呢，係“等持”嘅意思，意思就係令到精神集中專注響一境而唔移動我哋嘅“心所”，係“定”嘅另外一個名稱嘞。

第二種，我哋講到“大善地法”，“大善地法”就係只有善性嘅“心所”，因爲遍於一切善心所以叫做“大”，“善”就係對於今世、他世都有利益嘅法，一共又有十種。第一係“信”，“信”就係引許、澄淨嘅意思，啫係信仰三寶吖、四諦、善惡、因果而毫無猶疑。“信”嘅自體係清淨無雜念、無污染，係心理嘅皈趣同埋熱情嘅力量，如果一個人有咗有信心，心裏就能夠安定啦，亦能夠清淨發出一種力量。比如經論中所講“信爲道元功德母”或者“佛法大海，信爲能入”，就係強調呢一種嘅重要性。第二種嘅“大善地法”名之爲“不放逸”，“不放逸”就係專修善法，唔放蕩嘅“心所”，係修善嘅意思，即係“精進”同埋“無貪”三根嘅總和合體。第三種係“輕安”，“輕安”係安樂嘅“心所”，但係呢種心理係必要修定嘅時候先能夠產生，所以輕安嘅人可以話係已經入咗修定嘅門徑，故此修定可以斷煩惱得解脫，所以係屬於善法嘅。第四種係“捨”，“捨”就係令到我哋嘅心平等，唔被外境所動嘅“心所”就係唔須要加一點功用，心理自然能夠安住寂靜嘅平常心，有咗呢種心然後修止觀呢，就能夠真正咁起作用。第五種係“慚”，“慚”就係慚恥啦，係反省自己嘅自覺能力，係感覺慚愧同埋羞恥嘅“心所”，呢個同“愧”嘅意義係有小小唔同。第六種就係“愧”嘞，“愧”就係抱愧，係依社會嘅批評力量感覺對唔住人嘅羞恥，同“慚”係有共同嘅作用，因爲“慚”係主要對自己，而“愧”呢，係主要對他人嘅。第七種係“無貪”，“無貪”呢，“無貪”嘅意思就係對於世間法之中無論邊一方面都係冇貪著、貪求嘅“心所”。第八係“無瞋”，就係對痛苦嘅來源能夠了解忍受，對一切環境嘅惡劣都能夠唔怨天尤人，唔動我哋嘅瞋恨嘅“心所”。第，第九呢，就係“不害”嘞，“不害”就係能夠拔除他人嘅苦惱，唔使到其他人喺精神上、生活上、身體上感受痛苦嘅“心所”嚟嘅。第十就係“勤”，“勤”就係向上進取嘅一種“心所”，即係話對善法要修學、對惡法要斷除，做事要用功，毫不懈怠嘅精進心嘞。

第三種我哋講到“大煩惱地法”，“大煩惱地法”就係遍通響一切嘅污染心，污染心就係“不善心”同埋“有覆無記心”啦，嘅“心所”啦，因爲佢係煩惱嘅根本，所以叫做“大煩惱地法”，一共有六種。第一係“痴”，“痴”亦都叫“無明”，係對一切嘅真理去顛倒妄想嘅“心所”，係輪迴嘅根，輪迴嘅根源嚟嘅。第二係“放逸”，唔修善法、唔怕惡法嘅放蕩縱逸嘅“心所”。第三係“懈怠”，就係“精進”嘅反面，對於善嘅方面唔肯努力修學，對於惡嘅方面亦都唔肯努力去除嘅“心所”嚟嘅。第四係“不信”，“不信”就係“信”嘅反義，啫唔信真理、唔信三寶，更加唔信善惡因果嘅一種“心所”。第五係“昏沉”，昏迷沉醉嘅“心所”，因爲昏沉就提唔起精神，成爲一種呢，萎靡不振吖、頹萎嘅狀態，所以就唔能夠修觀啦。第六係“吊舉”，“吊舉”係令到個心高舉，輕躁浮動嘅妄想心而吊舉，就係“昏沉”嘅相反啦，嘅反面啦。

第四我哋講到“不善地法”，“不善地法”喺依一切不善心而起嘅“心所”，係“無慚”同埋“無愧”兩種。第一“無慚”，啫俗語所謂嘅無羞恥嘅“心所”啦，係“慚恥”嘅反面。第二“無愧”，就俗語所講無廉恥嘅“心所”嘞。

第五呢，我哋講到“小煩惱地法”，“小煩惱地法”雖然同“惡”“有覆無記”嘅“心王”相應，但係呢度呢，只係指同第六意識相應嘅“無明”，啫係依“大煩惱地法”“心所”嘞，所以就叫做“小煩惱”，一共又有十種。第一種係“憤”，“憤”係對自己當前唔如意嘅境界所發出一種憤慨嘅心理，如果動咗火就可以執物打人、張口罵人。第二種係“覆”，“覆”就係覆蓋嘅意思，即係對自己所作嘅罪惡遮蓋唔俾其他人知道嘅“心所”。第三係“慳”，“慳”就係慳吝、吝惜，唔肯施惠啦。第四種就係“嫉”，“嫉”就係嫉妒，啫見到其他人所做好事同埋利益，喺自己內心唔能夠忍耐而生出妒忌心嘅“心所”。第五就係“惱”嘞，“惱”就係惱怒，啫係唔聽其他人嘅諫誨，自己喺苦惱嘅“心所”。第六係“害”，對於人類嘅損惱心嘞，意思就係話，時常呢，用種種方法去逼惱其他人嘅“心所”。第七係“恨”，“恨”係喺“憤”之後所發出嘅內心結怨嚟嘅。第八係“諂”，“諂”就係諂曲，啫口是心非嘅人，有呢個心理嘅人一定獻媚響其他人以博取其他人嘅好感。第九係“誑”嘞，“言”字邊做個“狂”嘞，唔好讀個“狂”，“誑”就係憍誑，就係冇真實嘅“心所”嘞。“憍”呢，就係樹心邊做個“喬”字呢，“憍”，“憍”就係驕傲，對於自己嘅資財、地位等等而生起驕傲嘅“心所”嘞。

由於時間嘅關係，以上我哋所講嘅只係《俱舍論》裏便嘅滄海一粟啫。其實《俱舍論》主要嘅意思係說明諸法因緣嘅正理，破斥外道凡夫著“我”嘅執見，希望我哋凡夫能夠斷惑入聖，永離三界嘅繫縛。希望各位師兄有時間能夠好好去研究《俱舍論》，作爲佛學一個深入嘅基礎，多謝各位！

204.大白傘蓋佛母之威力（一）

今晚呢，同大家講嘅題目，叫做咩題目呢？記唔記得吖？《金剛頂髻大迴遮》。《金剛頂髻大迴遮》呢，就好似，唉，比較深奧啲吖啲，密宗嘅法嚟嘅，就講大白傘蓋佛母嘞。咳咳。點解叫做《金剛頂髻大迴遮》呢？“金剛”者呢，就不可摧破咁解，猶如金剛般若波羅蜜多，只有金剛係好堅固、好銳利嘅，可以摧破一切東西而不被其他任何嘅外在物件摧破，響佛經裏面就形容般若智慧啦，亦都可以代表文殊菩薩把寶劍，金剛王寶劍，斷我哋衆生嘅煩惱，摧破衆生嘅業障。“頂髻”嘅意思就係話，我哋睇下大白傘蓋佛母幅相啦，大白傘蓋佛母幅相啦，根據西藏密法嘅傳承呢，呢幅就係大白傘蓋佛母化身幅相，但係呢，呢一個就好，呢個手臂就唔係好多嘅，有幅相呢，就好似千手千眼觀音咁樣好多手臂，個頭頂上呢，有髻嘅，一層一層，一層一層，有六層三塊面，所以個一層一層就謂之“頂髻”，代表如來嘅，如來嘅頂，代表佛陀個頂。“大迴遮”嘅意思就係咩呢？呢一大白傘蓋佛母嘅功德同埋法力呢，能夠將衆生嘅一切惡業迴遮，將一切邪法、將一切魔術反彈，一切魔王嘅邪咒吖、一切害人嘅法術吖，嘅法咒吖，全部將佢，“迴”就迴番轉頭，“遮”就遮止咁解。

大白傘蓋佛母，佢嘅法器呢，就一把傘嚟嘅，猶如呢個圖上便，呢度，呢一把呢，就係傘嚟嘅，呢把傘呢，當佢一展開出嚟呢就白色嘅，能夠覆護一切衆生呢，亦都能夠，呢個傘吖，所放出嚟嘅光芒呢，頭先所講嘅迴遮邪法嘅法力，同埋一切魔咒，一切不如意嘅事，都可以反彈番轉頭，而唔會傷害到修法嘅人，就謂之“大白傘”，呢把傘嘅意思，有迴遮嘅功能，迴轉而遮止咁解，所以叫金剛頂髻大迴遮母。“母”嘅意，意思就係話有好多佛呢，有好多佛嘅修持吔，都係由修持呢個大白傘蓋法而成就嘅。“母”者，就代表慈悲，母性就係慈悲啦，亦都代表“總體”咁解，有呢個總體而出，出生一切法，所以就叫“金剛頂髻大迴遮母”。

咁大白傘蓋佛母嘅法嚟講係密宗裏便無上密部嘅密法嚟嘅。呢一本呢，呢本經書呢，而家我哋成日都見到，有好多人呢，已經係流通咗呢一本經書吔，印咗好多出嚟，呢一本經書就係《佛說大白傘蓋總持陀羅尼經》。呢本經書呢，就記載大白傘蓋佛母法嘅功德，係元朝嘅時候翻譯嘅，呢一本經書，我哋中國元朝嘅時候翻譯，但係呢，呢本經書，我詳細翻閱過同埋研究過呢本經書呢，就好少講到有大白傘蓋佛母嘅來源嘅。呢一大白傘蓋佛母嘅來源呢，其實都有一段歷史嘅，但係喺呢個經書度冇記載，亦都係其中一段歷史，咁今晚呢，就要講俾大家聽，因爲佛陀會講一部經有一個歷史嘅。

呢個歷史就係點呢？當有一次呢，佛陀上升去忉利天宮吖，三十三天去說法嘅時候呢。上升忉利天宮我哋知道，欲界嘅第二層天，四天王天，忉利天，忉利天喺須彌山頂嘅，謂之三十三天。中間釋提桓因，道教叫玉皇大帝，我哋佛教叫帝釋吖，統領呢三十三天。四面都有八天，四八三十二，加埋中間佢所統領呢個天界就三十三天。佢統領呢個天界呢，玉皇大帝係管治我哋呢個世間嘅，管治我哋呢個人間。佢時常同埋佢啲部屬，特別再下一層天嘅四大王衆天呢，東方持國天王、南方增長天王、西方廣目天王、北方多聞天王，咁同四大天王同埋四大天王所統領嘅部屬，因爲每逢六齋日同十齋日呢，呢啲部屬，包括玉皇大帝本身同埋佢嘅太子亦都會查察人間嘅善惡嘅，所以玉皇大帝見到人類世界行善佢就會歡喜嘅，人類世界行惡呢，佢就會唔開心，所以佢哋集中一笪地點，喺個中心點嗰度呢，就玉皇大帝統領三十三天最高嘅天界，而裏便呢個天界呢，有一笪開會嘅地方，呢個開會嘅地方呢，就係玉皇大帝同啲大臣喺度開會啦，去商議點樣去護持佛法吖，點樣，誒，去保護人類世界嘅衆生嘅慧命吖，去幫助人類世界嘅風調雨順，去協調吖，好多好多，猶如我哋嘅會議室，嗰地方叫善法堂天，善法堂天。

咁有一次，釋迦牟尼佛就喺呢個善法堂天呢，就開法會，同三十三天嘅所有天衆吖，去講經說法，咁正當呢個，呢個時候呢，釋迦牟尼說法嘅時候呢，就遇著阿修羅嘅兵衆吖，去侵擾帝釋嘅宮殿。呢阿修羅嘅兵衆呢，一共有四個好大嘅阿修羅王吖，四個阿修羅王統領咗好多阿修羅，有幾百億嘅阿修羅軍隊呢，去侵擾玉皇大帝呢個天宮。咁玉帝，玉帝嚟講呢，嘅兵將嚟講呢，自知不敵，因爲佢有神通，亦都了解到阿修羅個力量係非常之厲害。

阿修羅係冇天嘅德行，但係佢有升天之福，所以呢，佢時常都希望能夠呢，得到玉皇大帝天宮嘅一切享樂，所以時常會興兵去犯上去侵擾玉皇大帝嘅天宮，所以我哋人界有軍隊練兵驚打仗，天界一樣有軍隊練兵，所以玉皇大帝三十三天成日都去練兵，咳，會操練，以防阿修羅或者其他妖啲妖魔去進佔呢個玉皇大帝嘅城堡吖。

咁當時四大阿，阿修羅王呢，就統領啲軍隊去侵佔帝釋呢個宮殿，咁帝釋呢，自知不敵，就向釋迦牟尼佛求助。佛陀呢，於是就化身，喺個頂門上化現出，就係呢本經所講嘅本尊啦——金剛頂髻大迴遮母，就大白傘蓋佛母啦，去將啲阿修羅去降伏。而後啦，佛陀就喺嗰段時空裏便呢，向天界亦都傳授咗大白傘蓋佛母嘅法嚟嘅，所以大白傘蓋，呢個就簡單少少嘅歷史啦。 

咁大白傘蓋佛母嘅法嚟講啦，其實係釋迦牟尼佛嘅正脈嚟，亦都係，係佢化身嘅降魔嘅大護法其中之一位嚟嘅，所以，呢個法對於我哋娑婆世界呢，或者對於我哋澳門嚟講呢，亦都有一個比較深厚嘅因緣，好多人亦都有緣份呢，同呢個大白傘蓋佛母結緣嘅，亦都對我哋非常之有作用。我哋見到大白傘蓋佛母嘅法相，頭先我所講嘅六層三面嘅，千手所伸出嚟呢個法相嘅化現呢，就係當時釋迦牟尼佛響帝釋天宮化現降魔嘅本尊相，呢個正式嘅降伏衆多魔軍。因爲你降魔嘅時候呢，個身相一定要莊嚴啦，同埋有威嚇性吖，如果唔係啲魔力咁強大，啲魔嘅樣仲加恐怖，仲加恐怖過個佛嘅，個佛點降魔？所以個魔就要，個佛就要化身做一個，化身做一啲金剛明王，或者而家依度所講嘅大白傘蓋佛母去退魔，去護持一切修行人。咳。

咁吖講番，咳咳，咁吖講番少少，點解要退魔呢？退魔嘅意思就係我哋修行人呢，每每修行嘅時候呢，都會遇到好多魔障。響上個星期嘅時候我都講過，修行人裏便，喺錄音帶裏便，修行人亦都會遇到非常之多魔。而家你開始修行，你遇唔到魔嘅原因就係話，你剛剛開始修行，你啱啱踏上菩提路。但你唔修行嚟講呢，根本你已經自己俾你，你自己所躭著嘅“財色名食睡”吖五欲，解決咗你自己㗎喇根本已經，啲魔唔會侵擾你吔，根本你自己已經躭著喺個魔境裏便。你爲財、爲色、爲名、爲食、爲睡，你都不思修行，啲魔唔須要搞你吔。但當你一踏上呢個菩提路嘅時候呢，你開始前進嘅時候，啲魔就開始對你注意嘞，對你注意，而加以睇下點樣破壞你。特別如果你想修一啲退魔嘅降魔嘅金剛法，佢仲加會留意你。

因爲宇宙之間嘅，嘅法門有相生相剋嘅，猶如醫學界所發現一隻新藥之後控制一個病症，另外一啲更厲害嘅細菌又出現嘞，係咪吖？宇宙間陰陽正邪就係咁消長嘞，所以，特別你修啲降魔金剛法嘅時候呢，啲魔就更加會對你留意，希望你修唔成，希望攻擊你，去挑撥你嘅人性，令你“財色名食睡”呢啲心挑起，令你“貪瞋痴慢疑”啲煩惱充斥響你個腦裏便，令到你起種種嘅不正確嘅見解，等你學習唔到佛法，所以我哋修行人呢，身邊事實上有好多魔擾，不過我哋唔知，我哋唔知。但係其實我哋如果時時反問我哋自心，我哋就知道我哋嘅習氣好重，啲習氣就令到你著魔其中嘅要素，雖然外魔你見唔到，外魔一定要修持到有天眼通先可以睇到，最基本要有天眼通先可以睇到你周圍靈界上所發生嘅情況，但如果你個心內魔唔動的話呢，外魔點能夠騷擾到你呢？我成日都講呢一個心法，如果你內心冇“貪瞋痴慢疑”嘅，外魔點能夠攻擊到你吔？就因，因爲佢個魔，咳，佢有神通，發現到你有個貪心，於是佢就藉你個貪心而帶你入魔，等你越踩越深。但係魔往往用嘅方法呢，唔係一步令你著魔，你好容易發覺，佢係用蠶食你嘅方法嘅，少少好似蠶蟲食桑葉咁咬下、咬下、咬下，你就唔知啦，慢慢你就會入咗魔道。所以釋迦佛響正法時期，當時嘅邪魔外道亦都太多，所以釋迦佛就變現好多降魔金剛嘅身相呢，去教導佢啲弟子呢，去點樣去伏魔啦，喺密宗裏便有好多呢啲咁樣嘅法門。亦都而家就係我哋處身於末法時期呢，亦都需要呢一啲法門呢，去幫助我哋，去幫助我哋，去護持我哋修行人消除我哋業障，同埋幫助我哋有好多世間上嘅祈求，譬如我哋醫病吖，或者係其他種種嘅需要呢，釋迦佛好多法門都幫助到我哋。呢個大白傘蓋佛母嘅法呢係同我哋一個最有緣嘅佛法嚟嘅，其中個密宗裏便最有緣嘅佛法嚟嘅。

大白傘蓋佛母裏便呢，根據呢一本經書記載呢，佢裏便有好多，好多個好多個大白傘蓋佛母嘅咒術，好多個咒術喺裏便。咁其中大白傘蓋佛母嘅咒術裏便呢，佢有四種呢係最重要嘅，將佢大白傘蓋佛母嘅功德同埋法力呢嘅精華呢，集中晒響嗰度吖，唔係有四種，係有五種。

第一，呢本經書講到呢，佢就係大白傘蓋忿怒金剛遣魔擁護咒，呢個忿怒金剛遣魔擁護咒係有咩作用呢？能夠驅除一切邪魔，能夠擁護行者，免除危險同種種災難。當你運用起呢個咒上嚟嘅時候呢，猶如大白傘蓋，把佛母個傘一打開嘅時候，如果你唸誦呢個咒呢，有任何魔法向你攻擊，攻擊嘅時候，或者有任何嘅魔力向你侵擾嘅時候，只要你一唸誦呢個咒呢，就可以驅魔。如果你唸誦呢個大白傘蓋佛母佢講明好清楚忿怒金剛遣魔咒，唸呢個咒嘅時候，佢就會變現一個金剛降魔相，就係，呢度我哋冇個法相啦，就係頭先我所講六層頭啦，三面吖，全身有，有手嗰個，好多火圍繞，佢唸誦呢個金剛遣魔咒佢就會現呢個相出嚟去降伏啲魔衆。

呢一把傘呢，降魔嘅時候我哋可以觀想成爲金色或者白色。而大白傘蓋佛母嗰把傘呢，有個特別嘅，嘅功用同用途。嗰把傘呢，大白傘蓋佛母呢，我哋知道每個佛菩薩呢，都有真言有咒語，但係將大白傘蓋佛母整個功德將佢融合成爲一個字，有一個字可以代表到佢，等於我哋每個人有個名一樣啫，呢個字係咩字呢？就係“ཨོཾ（Om）”字，“ཨོཾ”字就係大白傘蓋佛母響密宗裏便稱爲嘅字種，“種”啫種子，猶如一樖樹生出嚟開花結果，如果冇呢粒種子點能夠開花結果？呢粒種子代表“重要”咁解，好重要，由呢粒種子衍生一切功德。大白傘蓋佛母法嘅種子呢，嘅，嘅口訣呢，就係個“ཨོཾ”字嚟嘅。個“ཨོཾ”字呢，呢個喺西藏文嘅寫法就係咁嘞，個“ཨོཾ”字，由呢個字變現，由呢個字變現出大白傘蓋佛母嘅本相。

嗱，大白傘蓋，係嘞，就係呢一個，嗰時我哋法論會呢做，誒，楞嚴咒牌呢，同埋大白傘蓋佛母咒啦，就係做咗呢一個。呢個咒裏，呢個咒牌裏便呢，就有好多，好多咒文嘅，就唔只大白傘蓋佛母咒，但係佢呢，呢個後便就用大白傘蓋佛母咒代表擁護同降魔。嗱，當佢唸誦呢個大白傘蓋忿怒金剛遣魔擁護咒嘅時候呢，呢個佛母就會變成呢個本相，會變成呢個本相。你睇下幾多手、幾多層頭，有火嘅，變成一個降魔，降魔相，同埋揸住一把傘，代表佢嘅法器就係呢把傘啦，顧名思義佢叫大白傘蓋佛母啦，代表佢嘅字呢就係呢個“ཨོཾ”字。

嗰把傘有個特別嘅秘密，就係呢把，呢個法器一打開嘅時候呢，響個法器嘅頂端上邊呢就有呢個字存在嘅，有，就代表大白傘蓋佛母嘅法器。咁我同我哋頭先落雨擔遮同個啲遮有咩分別啫？打開把遮之嘛，意思，有咩分別呢？大白傘蓋佛母個把傘呢，就好多瓔珞七寶莊嚴嘅，好似有啲羅傘吖，打開咁。睇下呢本書上有冇先？係啦，咁上下，呢一，呢一把傘打開好莊嚴，一散散開嘅時候有好多瓔珞吖，喺側邊垂住嘅，上便呢，有好多咒文啦，上便好多咒文啦，有大白傘蓋佛母嘅心咒啦，同埋中間係一個“ཨོཾ”字嚟嘅。你觀想呢把傘嘅時候最要緊觀想中間個“ཨོཾ”字，呢個“ཨོཾ”字就係大白傘蓋佛母嘅字種，呢個就係“ཨོཾ་མ་ཎི་པདྨེ་ཧཱུྂ༔（唵嘛呢叭咪吽）”嘅“ཨོཾ”字，就係西藏文嘅寫法嚟嘅，呢一個。

咁佢個把傘嘅作用呢，響呢個降魔咒裏便呢就可以發揮得到出嚟。同埋佢揸住呢一把傘就變現依一個好多手嘅、好多層頭嘅佛母，有三面，環視一切方向呢，去降魔。呢個咁多個咒裏便呢，頭先佢有五個咒呢，咁多咒裏便呢，呢個咒呢，係愛嚟驅魔同埋治妖吖，嘅法力係謂之最大，所以叫忿怒金剛遣魔擁護咒。呢個將大白傘蓋佛母嘅力量集中響呢個咒嘅真言咒音，將佢發揮出嚟去降魔，一切邪魔、天魔外道都能夠驅除，能夠保護。

咁呢個咒，呢個咒嘅用途我哋係點用呢？呢個咒嘅用途就係，假設當你如果見到你有任何個朋友吖，有靈界響個身上，你覺得佢吖，啲行動吖，唔係咁正常吖，講嘢係好唔正常，平時佢唔係咁嘅，突然間變咗，好似失去理性，或者講啲自己啫都唔知自己講乜嘢嘅，同平時生活習慣唔同，有啲中邪咁嘅跡象，如果佢唔係精神病的話呢，如果佢係中邪關於靈界呢，你就可以用到呢個咒吖，可以用到呢個咒呢，去將佢身上嘅靈體驅除。將佢身上靈體驅除，但係唔可以懷有一個瞋恨心，因爲大白傘蓋佛母呢，佢現呢個相呢，雖然係金剛降魔護法，但係都係屬於比較慈悲吔，已經係一個女性嘅相，你睇下呢個相貌，就唔同一啲金剛嘅明王呢，好兇惡，有啲牙突出嚟吔，騎住一啲野獸，身體有骷髏骨吖，嘩，全身著晒火，你見到都好驚。但係見到呢個大白傘蓋佛母只係好威嚴、好莊嚴，能夠降伏好多魔衆。

達雅他 嗡 扣乍 奔達奔達 嘛嘛 日阿卡日阿卡 娑哈 嗡 扣乍 奔達奔達  巴札 嘛嘛 日阿卡日阿卡 巴札 巴尼 吽 呸 娑哈

（註：本文嘅咒文均來源於《佛說聖如來頂髻涌出白傘蓋名無能勝大迴遮母最勝成就陀羅尼經》孫景風居士敬譯。再補充孫景風居士翻譯此咒嘅另一個版本：玳[雅]塔阿 嗡  咔卓[母] 坂達坂達 嘛嘛 惹洽惹洽 娑哈 嗡 咔卓母 坂達坂達 拔雜[日] 嘛嘛 惹恰惹洽 拔雜[日] 巴呢 吽 呸 娑哈。梵語：Tadyatha om stom bandha bandha mama raksa raksa svaha om stom bandha bandha bajra mama raksa raksa bajra pani hum phat svaha）

呢個就係忿怒金剛遣魔擁護咒。你唸呢個忿怒金剛遣魔擁護咒呢，就有頭先嘅功能，只要你對住嗰個人唸誦呢個咒，對住對方唸誦呢個咒，去幫助佢，嗰個靈體自然就會驅除。如果普通個靈體呢，對於呢個咒亦都會非常之害怕，當然你睇下唸咒個人嘅道行啦，但如果你用到呢個忿怒遣魔擁護咒嚟講就好強個法力。再加上如果你平時有修大白傘蓋佛母嘅法或者後便所講嘅法嘅法咒呢，你自己有所儲備嘅，你自己有所修爲嘅，到你正常用到出嚟嘅時候，唸誦呢個遣魔金剛咒嘅時候，呢個法力就會發揮響你身上咧，將對方嘅邪靈、嘅降頭或者唔好嘅嘢，身上嘅濁氣就完全可以驅除，呢個用途就係忿怒金剛遣魔擁護咒，甚至可以將個魔心粉碎而變成佛心。呢一個咒嘅功能，就《大白傘蓋佛母經》裏便記載其中一個好重要嘅，嘅法門嚟嘅呢一個，所以有機會你可以用下呢個咒，通過壇前領受嘅時候你就可以用呢個咒去幫助你自己或者利益衆生。

跟住講個大白傘蓋恆常持心咒呢，嘅意思就係話可以俾我哋時常持誦嘅心咒嚟嘅。呢個咒亦都係總括《大白傘蓋佛母經》嘅一切功德。咁你持誦呢個心咒嘅時候呢，大白傘蓋佛母就唔會現出一個降魔相，現出一個接近呢一本經書嘅相呢，有啲係兩隻手嘅啫，有啲係四隻手，就總之一定會揸住把傘嘅，比較慈悲嘅相，因爲你恆常持誦，佢又自然會護持你嘞。所以呢個，呢個咒就，頭先呢個遣魔金剛咒呢，唔適合我哋平常成日唸嘅，但係你可以學熟咗佢之後呢，到你每日能夠修持呢個大白傘蓋佛母恆常持心咒一段熟絡嘅時間之後，然之後其實每個大白傘蓋佛母嘅咒都相通。你能夠修咗一個咒，打好基礎嘅時候，其他咒都能夠功用到出嚟嘞，到你急嘅時候千變萬化可以，所以呢個金剛遣魔擁護咒就唔好成日唸，但大白傘蓋恆常持心咒就可以作爲你自己的時常修持嘅功課，每日令到大白傘蓋佛母嘅法力加持你、能夠護持你，令到魔唔好侵擾你，令到你嘅菩提心唔好退吔。咳咳。

嗡 薩日哇 達他嘎多 可丁卡 阿納雷 阿哇羅哥伊得唉 主那 得唉走日阿西 嗡 雜拉雜拉 達嘎達嘎 達日阿達日阿 比達日阿比達日阿 親達親達 賓達賓達 吽吽 呸呸 娑哈

（註：補充孫景風居士翻譯此咒嘅另一個版本：嗡 薩[日]瓦 答塔[阿]噶哆 [烏]尼咔 阿納睞 阿干羅革代 租[日]那 代左惹[阿]斯 嗡 佐拉佐拉 達嘎達嘎 達惹達惹 比達惹比達惹 層達[雌納達]層達 濱達濱達  吽吽 呸呸 娑哈。梵語：Om sarva tathagato snisa anale avalokite curna tej rasi om jvala jvala dhaka dhaka dhara dhara bidara bidara cchinda cchinda bhinda bhinda hum hum phat phat svaha）

呢個就係大白傘蓋恆常持心咒，你成日可以持誦在心，背熟佢，將個心不斷持誦，不斷運轉嘅時候呢，大白傘蓋佛母嘅白色嘅光芒呢，個本尊個光就會護持你嘅身，你嘅身光就會越嚟越白㗎喇，由白色慢慢，好厚吖你個身光，身體外圍個光呢，越嚟越白。然後你再持續修行，日子有功嘅時候由白就會轉成金色，因爲大白傘蓋佛母係佛嚟㗎嘛，佛嘅最高嘅光色就係金色，所以呢個白光越來越厚就代表正法，正法就長存，正氣亦都響你身體之上，邪魔外道嘅眼睛見到你嘅身體發出咁強嘅佛，佛，佛嘅光呢，白色嘅光呢，就唔會對你侵擾，所以呢個可以作爲你時常持誦嘅恆常持心咒。

另外一個大白傘蓋增，增長身親心咒呢，能夠增長你壽命同福慧吔，令到人人敬愛吔，屬於增益法。頭先個屬於降魔法，屬於降魔法四攝法，而家呢個屬於增益法，增益法，增益法，所以，你如果你求長壽或者求福慧，求到人敬愛吔，同人和合呢，你去修呢個增長身親心咒，亦都係總括大白傘蓋佛母咒嘅所有嘅功德嚟㗎。

嗡 薩日哇 達他嘎多 可丁卡 吽 呸 娑哈

（註：補充孫景風居士翻譯此咒嘅另一個版本：嗡 薩[日]拔 答塔[阿]噶哆 [烏]尼咔 吽 呸 娑哈。梵語：Om sarva tathagato snisa hum phat svaha）

呢，呢個就好易啦，比較係短啲，令到能夠他人敬愛，所以你可以時常亦都修習呢個咒，係壇前領受咗之後呢，你就可以修呢個咒嘞。

另一個大白傘蓋呢，攝受咒呢，持誦呢個咒嚟講呢，呢個咒嘅功德亦都比較大。如果你想求生去佛國，想，呢，想將你自己想往生特別西方極樂世界嘅，就去持呢個咒呢，亦都可以發願往生阿彌陀佛極樂世界，到時大白傘蓋佛母或者阿彌陀佛就會將你攝引去西方極樂世界。而持呢個咒呢仲有一個功能吖，呢，用攝受咒，話明“攝受”就係將一切亡，亡靈嘅衆生攝受，將佢神識度去西方極樂世界，意思就係意味住好似往生咒嘅功用，超度嘅作用。呢個咒嘅特別嘅地方就係超度嘅作用，可以將已死嘅衆生超度。比如你見到一隻蟻死咗，或者街邊有隻貓死咗，吓，咁你見到嘅時候你點超度佢呢？唸誦呢個攝受咒，譬如你揸緊個車嘅時候呢，你只要意念諗住佢就得㗎喇，過咗都唔緊要，過咗諗住佢死嗰個形態，啫大概諗住嗰動物，用個攝受咒諗住佢，然之後個心諗住回向俾佢，個心喺度持誦個攝受咒。如果最好你能夠呢，平時修持個咒呢，當你超度嗰個衆生嘅時候呢，你觀想白光。大白傘蓋佛母個“ཨོཾ（Om）”字出現係白色，然之後呢，變成一把大白傘蓋把傘，個把傘呢，就飛出去，飛出去，譬如話有隻死嘅動物，嗰把傘有動物上面，覆護住佢，個光呢，就照住佢、加持佢，然後你就回向嘞，希望佢往生極樂世界，或者超度佢去一個善處，就呢把傘嘅力量發揮出嚟。

呢把傘有幾大呢？講起呢把傘，呢把傘嘅力量隨你個心有幾大，用得到就有幾大。譬如而家我想覆護晒呢度全部所有聽，聽大白傘蓋佛母法嘅人嘅呢，你就觀想吖，把傘好大把出現喺個空中上面，整個範圍都覆蓋晒，咁再持誦呢個大白傘蓋嘅攝受咒，或者佢頭先所講嘅增長身親心咒或者恆常持心咒都得，而後呢，個白光就降落呢個在場嘅信衆裏便，就可將整個壇場去護持，驅魔、清淨，有呢啲咁嘅功能，所以呢個力用就發揮響佢個法器吔，個把傘上便吖，個把傘上便，所以呢個係密宗裏便一個法門嘅觀想嘅口訣嚟嘅。

達雅他 嗡 阿納雷阿納雷 卡薩昧卡薩昧 北瑞北瑞 收昧收昧 薩日哇布達 阿地叉納 阿地七得薩日哇 達他嘎多 可丁卡 希達達巴賊（註：呢句音頻唸爲“希達希達巴賊”） 吽 呸 吽 嘛嘛 吽尼 娑哈

（註：補充孫景風居士翻譯此咒嘅另一個版本：玳[雅]塔[阿] 嗡 阿納睞 阿納睞 喀薩邁 喀薩邁 百[厄]熱（維日[阿]） 百[厄]熱 蘇[鄂]邁 蘇[鄂]邁 薩[日]瓦布達 阿諦叉納 阿諦哧代 薩[日]瓦 答塔[阿]噶答 [烏]尼咔（維[士]尼薩） 斯答[阿]帕達瑞 吽 呸 娑哈。梵語：Tadyatha om anale anale khasame khasame baire baire saume saume sarva buddha adhisthana adhisthite sarva tathagato snisa sitatapatre hum phat hum mama hum ni svaha）

依個就係攝受咒嘞，攝受衆生，一切衆生導向極樂世界而後將佢亡靈攝引超度嘅攝受咒嚟嘅。

仲有一個呢係大家成日持誦嘅所謂堅甲咒，一般人都學呢個大白傘蓋佛母嘅堅甲咒。呢個堅甲咒就大白傘蓋佛母所有咒呢濃縮爲最短嘅，亦都可以叫大白傘蓋佛母嘅心咒嚟嘅。呢個心咒亦都具足大白傘蓋佛母所有法嘅功德。

何爲“堅甲”吖？“堅”者，就堅固也；“甲”者，就甲冑也，好似盔甲。你唸呢個咒嘅時候亦都保護自己，猶如著咗一套盔甲一樣，不能夠被邪法攻擊，唔怕俾其他負面嘅力量去影響到你。所以，你如果去一啲危險嘅地方之前，時間緊迫，你就可以利用到呢個大白傘蓋堅甲咒，合掌受持呢個堅甲咒四十九次，而後觀想你個頭頂上面有，有一把白色嘅大白傘蓋佛母個傘出現，呢個傘就放射光芒將你全身籠罩，而後呢，你就許願，同大白傘蓋佛母講，希望依個法嚟能夠護持你無災無難，能夠度過呢個險度，或者去一笪地方呢，就完全安全。呢個就係觀想嘅密法嚟，但係呢，必定要配合你所修持嘅大白傘蓋佛母呢個堅甲咒啦，呢個真言啦。

“吽 嘛嘛 吽尼 娑哈”（註：Hum mama hum ni svaha），呢個就係堅甲咒嘞。有啲人呢，會將嗰個“吽”字後面加“呸”：“吽 呸 吽 嘛嘛 吽尼 娑哈”，加個“呸”呢，嘅力用亦都係更加大，“呸”嘅意思就“降伏”，梵文就係“phat”，“發”，西藏文就“呸”，就“降伏”咁嘅意思。

所以大白傘蓋佛母堅甲咒呢，好多人都修持，愛嚟護國，息災同埋護國，愛嚟呢，幫助整個國家昇平，去保護唔怕敵人嘅侵擾嘅，所以呢個法呢，歷來呢，歷代呢，都會有人修嘅，會用呢個法啦，去救助個國家一切災難啦，或者救助衆生，通常會用喺息災法會裏便。所以，其實頭先講嘅大白傘蓋五個咒嚟講呢，呢五個咒其實你每持一個呢，都係統攝咗所有大白傘蓋佛母功德，不過睇衆生各個人嘅需要啦。譬如你想增益嘅，希望長壽吖，求家人同埋希望令到佢業障消除，你可以唸增長身親心咒；你想降魔嘅，就唸忿怒金剛遣魔擁護咒；你想保護自己嘅，你就可以而且需要簡短啲嘅咒文嘅，你就持誦堅甲咒啦。啫隨各人嘅喜好、各人嘅根器唔同啦，而有所差別。

咁大白傘蓋佛母咒嘅功能吖，嘅功德其實有啲乜嘢呢？其實喺經書裏便呢，已經係略略咁講咗好多㗎喇。凡有行人呢，“以此一切如來頂髻中出白傘蓋餘無能敵大迴遮母，或樺皮、或白㲲、或樹皮上書寫已，或戴身上，或項頸上，則能直至終身，以毒不能害。”如果你將大白傘蓋嘅咒文吖，書寫帶住響身度呢，一生一世呢，毒藥都害唔到你㗎。“器械亦不能害，火不能焚，水不能漂，寶毒不能中，以和毒不能害，咒毒不能壞，非時夭壽不能侵，一切冤魔及所有惡友等，凡一切處，爲悅愛所愛敬也。”即是意思話，唔會有夭壽、死於非命嘅時刻啦，亦都唔會俾人落毒啦，猶如大悲咒一樣啦，你修持大悲咒，世間嘅，避免十五種惡死吔嘛，唔怕啦，一切時，非時嘅死亡啦，而傷害到你，亦都唔會中一切毒，吖，包括，呢度係包括毒，毒物吖、降頭吖。

但係呢，呢一樣嘢我哋而家，如果同人冇乜過節人哋吔唔會去落毒嘅，講真，呢一樣嘢係比較少啲，少啲，你唔同人家鬥法吖，人哋吔，冇理由落毒嘅，亦都冇理由害你，但係跟住所講嘅又會比較多啲嘞，就係你身體上個病吖……（註：接下文）

205.大白傘蓋佛母之威力（二）

（註：接上文）……就係你身體上個病吖，因爲大白傘蓋佛母嘅咒呢，佢功能比較特別，係醫啲比較僻少少同怪少少嘅病㗎。啲經文裏便呢，有講到呢，好多鬼類㗎，好多鬼類，呢，呢個，呢個娑婆世界呢，有好多魔吖、好多鬼類呢，對我哋修行人呢，造成侵擾㗎。好多鬼類吖，譬如佢話奪容顏鬼吔、食產宮鬼吔、食血鬼吔、食凝脂鬼吔、食肉鬼吔、食大便鬼、食小便鬼吔、食苗鬼吔，或者其他有好多魔吖，天魔啦、龍魔啦、空魔啦、夜叉魔啦、餓鬼魔啦、臭魔啦、枯瘦魔啦、癲狂魔啦。呢啲魔，同埋呢，好多病症啦，不進飲食病啦、眼病、鼻病、口病、頸項病、心病、咽喉病、耳病、齒病、足病、腰病、腹部病、背病，吖，呢啲等等嘅病症呢，全部都可以遣除，嗱，呢啲就叫做一般嘅病症。

另外一啲屬於皮膚病、疫病，呢個疫病就瘟疫啦，疥瘡吖、疥癩吖，其他身體上皮膚嘅，嘅瘡吖，痔瘡吖，或者腫瘤吖，呢啲全部都能夠修大白傘蓋佛母個法去遣除，同埋其他猶如我哋唸《普門品》所講嘅“蚖蛇及蝮蠍”吖、“氣毒煙火然”吖，呢啲，呢啲咁嘅侵擾呢，都能夠，蛇蟲鼠蟻吔、熊羆吔、虎狼吖、野獸吖，都能夠一切能夠被擊縛吖，“彼等一切明咒悉皆繫縛，一切威儀繫縛，餘者一切明咒繫縛，一切諸魔明咒悉皆願令，願令繫縛。”（註：音頻將“繫縛”讀作“擊縛”，“繫”同“擊”字形相近）所以一切法術、一切明咒、一切其他外道嘅法術如果對你有傷害呢，嘅時候，你只要個心唸誦呢個大白傘蓋佛母嘅咒語，其他邪法完全都唔能夠用到出嚟。所以呢個，啫睇你個人對大白傘蓋佛母嘅呢個法術信受，同埋有冇虔誠嘅修持？如果有虔誠嘅修持呢、如果信佛的話呢，呢啲所有嘅頭先我所講嘅病吖、呢啲魔擾吖，呢啲咁嘅其他嘅咒術邪法吖，一樣唔能夠加之於你身上，落向你身上，所以呢，呢個咒語好重要。

我個人嚟講呢，響我開始學佛冇幾耐呢，已經開始接觸到大白傘蓋佛母法同埋呢個咒，咁亦都修持過呢個法門呢個咒呢，的確事實上感覺佢嘅力用呢，就不可思議吔，可，就可以叫非常之厲害啦，用四個字講。譬如話大白傘蓋佛母嘅咒，亦都可以呢，將呢個咒呢，唸，唸誦個咒吖落啲法水嗰度，猶如大悲水一樣呢，去醫治疾病，將大白傘蓋佛母個咒唸落啲法水度。但係你唸誦嘅時候你記住就頭先我所講，大白傘蓋佛母嘅法器就係把傘嚟嘅，諗把傘呢，放射啲白光落杯水嗰度，落杯水嗰度。而後呢，就嗰大白傘蓋佛母俾你嘅法水，而家你口唸誦大白傘蓋佛母咒，七、二十一、四十九、一百零八，係啲咁嘅吉祥數字倍數上去，最好唸誦四十九次，而後呢，就飲咗呢杯水，呢杯就係大白傘蓋佛母醫病嘅法水。如果你功德，你嘅修持係到家的話呢，呢本經書所講嘅嘢，如果喺以前發生呢啲病、呢啲魔，你唸咗啲咒水，俾對方飲，或者自己服用嚟講呢，呢啲全部嘅困難可以解除嘅，我自己親身亦都經歷過呢啲咁嘅事嘞，所以我呢，今晚亦都可以證明大白傘蓋佛母嘅功德呢個法力的確係無虛。因爲我好耐之前呢，初頭學佛已經用呢啲法，修持呢啲法，所以呢，今晚就講俾大家聽，希望你都能夠修持呢個大白傘蓋佛母咒。如果最簡單，你就可以唸：“吽 呸 吽 嘛嘛 吽尼 娑哈。”呢個就係堅甲咒，你響個心時常持誦，能夠相通大白傘蓋佛母吖，嘅所有功德，呢個咒好簡短，唔係太過難學，唔係太過難學。

你可以跪喺個壇前嗰度，對住大白傘蓋佛母幅相或者對住釋迦牟尼佛幅相呢，而後觀想佢個口唸誦呢個咒語，而後你自己呢，自心承受，佢唸一次，你唸一次：“吽 呸 吽 嘛嘛 吽尼 娑哈。”你就觀想佛陀個口喺度喐動，佢就唸誦呢個咒，其實你自己個心唸一次，你唸一次嘅時候諗住佛陀個口喐，而後你覺得自己見聽番自己個心裏便，而後跪喺佛壇前上香唸誦呢個咒三次，咁你以後就可以受持呢個咒，但不能夠教俾人，唔能夠教俾人，意思就係話：“哎，埋嚟，我傳授個咒俾你吖，埋嚟埋嚟，全部我傳授個咒俾你。”唔可以咁樣做。如果嗰啲其他人想學，你就可以引介本經典俾佢話佢聽照呢個儀式做，喺釋迦牟尼佛嘅面前，而後由佛陀將呢個咒傳俾你，或者喺真正密宗嘅上師面前由佢傳授俾你，你就唔可以代師父去將呢個咒呢，去傳授俾他人。要佢跪喺佛壇面前，跪喺大白傘蓋佛母面前，或者跪喺本師釋迦牟尼佛嘅面前呢，去領受呢個咒，咁當你領受完之後你就平時就可以修持嘞，可以用，用呢個咒嘞。

咁有啲人問呢，佢話：“楞嚴咒究竟同呢個大白傘蓋佛母咒有咩分別呢？”其實楞嚴咒同大白傘蓋佛母咒呢，都係佛頂化佛所說。咁但問題上呢，楞嚴咒嘅心中心咒呢，“南無薩怛多般怛囉”呢，或者“南無悉怛多般怛囉”，其實佢嘅中文吖，係解釋爲呢“大白傘蓋”咁解，所以啲人呢，就話大白傘蓋咒呢，同楞嚴咒呢，係相同嘅，其實只不過佢個心中心咒呢，嘅解釋就叫做“大白傘蓋”，但佢梵音呢，就係楞嚴咒心中心咒嚟，所以既有同亦都既不同。

楞嚴咒亦都係破魔嘅咒、降魔嘅咒，降伏五陰十魔，降伏一切外道天魔嘅咒術，而大白傘蓋佛母亦都係降伏妖魔嘅咒術，降伏我哋內在煩惱同習氣嘅咒術嚟，所以其實個性質同功能都係相通，但其實都係兩個咒嚟，只不過心中心咒楞嚴咒呢，“南無悉怛多般怛囉”解釋呢，就係“大白傘蓋”咁解，就相當於而家呢度所講嘅大白傘蓋。

咁吖經文佢嗰度呢，有重要性，如果你修持呢個，呢個咒，呢個咒嘅呢，就不斷呢，你最好唸一唸吖，就唸一唸呢，係讚頌大白傘蓋佛母啦，咁就非常之好嘞，你唸一唸。我搵搵先我哋，呢度呢，佢其中有一段呢，就係講大白傘蓋佛母嘅觀想方法嘅。亦都係唸誦個稱讚大白傘蓋佛母嘅，你修持嘅時候可以唸誦呢個偈語呢，而後再持呢個咒呢，咁樣就可以當一個法去修持其實，呢個經裏便已經講咗。

唵

蓮華月輪妙座上  金剛跏趺身色白

左手當胸執白蓋  具白傘處稱讚禮

右手結於無畏印  喜笑及身具窈窕

一切正覺所攝受  佛母汝處稱讚禮

一切所伏有情處  隨類化現種種身

大寶莊嚴極美妙  悅意母處稱讚禮

唵

無有能敵大緊母  大掇朴母大力母

大熾然母大威母  大白蓋母大力母

熾然掛纓白衣母  聖救度母大瞋皺

聖世金剛稱念珠  蓮華昭明金剛名

無有能敵具念珠  金剛牆等摧壞母

柔善佛等供養母  柔相威力具大母

聖救度母大力母  不歿金剛鐵鋜母

金剛少童持種母  金剛手種金念珠

大赤色及寶珠母  種明金剛稱頂髻

種相窈窕金剛母  如金色光具眼母

金剛燭及白色母  蓮華目及月光母

手印聚處稱讚禮  出有壞母白蓋母

釋迦頂髻中出母  金剛頂髻迴遮母

千臂千手大具母  大俱胝之具眼母

不二熾燃具種相  金剛廣博大白母

主宰三界中圍母  最極於我求擁護

最極於我乞覆護

呢一，呢一段就係稱讚大白傘蓋佛母嘅功德同埋佢嘅法相，尤是最後呢一兩句呢：“最極於我求擁護，最極於我乞覆護。”就係意思話，你稱讚佢而又乞佢求加護。當你唸誦到呢，呢一段文字嘅時候呢，大白傘蓋佛母法力呢，淨係唸，唸誦呢一段吔，佢嘅光同埋力呢，就會灌注響你身度吖，賜給你一個無畏嘅力量啦，能夠幫助到你嘞。或者你有其他災難嘅時候呢，你可以唸誦呢一段：

唵

國王賊怖水火毒  器械飢饉邪魔疾

霹靂非時並夭壽  地震國王刑罰等

閃電飛空諸怖散  惡獸虎等大難中

一切時中乞覆護  其天魔等諸魔礙

能奪威力並餓鬼  風膽痰等大病中

一切時中乞覆護  貪痴瞋等諸煩惱

十不善業五無間  所遮自性罪業等

惡趣苦果怖畏中  愚資我今求覆護

以大慈悲之鐵鉤  猶如愛子乞護持

一切時中擁護我　

嗱，呢段好重要，呢段亦都可以唸咒之前唸，唸咒之後唸作爲回向都得，係你求大白傘蓋佛母，誒，頭先將所有嘅災難、啲魔難吖或者身上啲病吖，其他毒物嘅侵害吖，濃縮咗響呢首偈，希望佢覆護你，猶如以大慈悲嘅鐵鉤呢、猶如愛子呢，引攝你、勾招你、覆護你。最緊要最後嗰句，就“一切時中擁護我”，咁二六時中，二十四小時裏便呢，你唸誦呢個咒呢，佛母都會擁護你，所以呢個偈語你可以唸誦到呢個偈語呢，去修持呢個法嘅。

修持呢個大白傘蓋佛母咒嚟講呢，其實仲有其他功德嘅，“恆河沙俱胝八萬四千金剛種等，亦擁護……”即是意思大白傘蓋佛母屬於一個金剛法，就你修個金剛法一切嘅金剛部族呢，都會嚟呢，壇場擁護嘅。當你唸誦呢個經文，所以種種嘅金剛就對你護持、救護、覆護。彼等作悅意所愛敬之，嗰啲金剛呢，對你嚟講呢，都好恭敬、好喜歡，因爲你受持大白傘蓋個法，擁護釋迦牟尼法嘅正脈，亦都可幫助自己、幫助他人，所以佢擁護你、愛敬你。

“八萬四千大劫之中得宿命智”，而後你修持呢，大白傘蓋佛母法開始呢，在以後嘅八萬四千大劫裏便呢，生生能夠證得宿命智證通，啫係宿命通啦，又世世生，世世生處呢，不受羅剎、餓鬼吔，等等嘅身啦，亦都唔會喺人中貧窮啦，“無量無數恆河沙數正覺出有壞之福祿也”，你修持大白傘蓋佛母，福祿就如佛嘅福祿一樣啦。

又能“一切如來頂髻中出白傘蓋佛母餘無能敵大迴遮母，恆受持，則不行梵行，亦成梵行；不能忍辱，則亦能成忍；不清淨，則亦爲清淨；無近住戒，得近住戒；不持齋戒，亦成齋戒。設爾所造五無間罪，則能清淨無餘。往昔業障，悉皆消滅。若欲女人求子，則能受持，一切如來頂髻中出白傘蓋佛母餘無能敵大迴遮母者，獲得具足壽命、福德、威力之子，命終之後，往生極樂世界。”嗱，呢一段嘅意思就係話，你唔守梵行唔持齋戒呢，你修持大白傘蓋佛母個法，能令你身持齋戒，與，與持齋嘅功德相等呢，亦都能夠令你保持梵行，如果能夠求子嘅時候呢，一樣呢，能夠得到你嘅子女呢。

大白傘蓋佛母其實亦都能夠好慈悲，護蔭吖令往生極樂世界，頭先講過啦，修咒亦都可以往生極樂世界啦，但佢亦都顧及唔止我哋人類嘅世界嘅病症，“牛病、畜病、疫病，及損害，及惹病等，及鬥戰、餘他一切軍兵之中執行，以此一切如來頂髻中出白傘蓋佛母餘無能敵大迴遮母安置於幢頂上，作廣大供養已，爾將幢置大城門上，或官宅之中，或村坊之中，或聚落之中，或川原之中，或寂靜之處。於餘無能敵大迴遮母處，作廣大供養，則能速然國界安寧，亦能柔善疫病等，與損害、鬥爭、餘他一切軍兵也。”即是意思呢，呢一段嘅經文嘅意思就係話，佢不止能夠醫治我哋人嘅病，譬如家畜嘅病，一切家畜嘅病，牛病吖、羊病吖，所有家畜嘅病啦，狗嘅病症都去加持佢，令佢康復，俾啲水佢飲，吖，或者啲雞瘟吖，瘟疫你都可以用呢個法咒吖，去幫助佢。後面個段就係講，國家戰爭嘅時候呢，如果能夠將大白傘蓋佛母嘅咒文呢，畫喺啲幢幡上面呢，插喺啲城門高樓，俾啲軍隊，對方敵軍見到呢，啲軍隊見到自己軍隊爲自己增加士氣，而對方軍隊見到就會退散。如果你對住啲幢幡作一個供養，唸誦咒文嘅時候，對方軍隊見到退散，唔會再攻擊你國家，令到你國家安寧，唔會有軍陣相殺之戰，所以呢個大白傘蓋佛母，點解頭先講話以前喺民國時候都有好多上師修呢個法呢。軍閥割據個時代，修持呢個法去，去，誒，保護國家，啫國共內戰嗰段時間吖，有修持呢個法呢，去退敵嘅。

因爲當時呢，呢個法嘅源頭，主要我哋能夠了解，了解呢，就係西藏或者尼迫爾嗰啲上師響民國嘅時候呢，入去我哋中土吖，西方嘅上師去傳法，而且將呢大白傘蓋佛母法呢，密宗裏面嘅密部呢，去講出嚟，傳揚番出嚟，所以呢個法響民間裏便好多人都聽，好普遍，如果學佛嘅人。但係真正修持就唔知有幾多人，同埋能夠修到能夠去幫助到人呢，又唔知有多少人。同埋了解大白傘蓋佛母個心法同心要響邊度，你又要慢慢研究大白傘蓋佛母嘅總持陀羅尼經，但係由於佢係比較元朝時候所譯嘅經呢，個經文呢，有時都甩咳，同埋有啲名相冇唐朝譯出嚟咁通順，所以你就要睇下啲標點吖，慢慢慢慢了解嘅。

修持大白傘蓋佛母法嘅時候呢，你可以唸誦呢個經文裏便呢一段嘅，唸誦呢段嘅，去擁護你嘅，亦都係時常我哋而家有啲密宗嘅弟子修持呢個法都會唸誦呢一段嘅，嗱，“金剛頂髻大迴遮母，具千手聖母，千面聖母，百千萬眼聖母，不二熾燃，具種相金剛寬廣大白母。主宰三界中圍，一切時中，擁護於我，及諸衆生，常得安穩。”吖，會唸，唸誦呢一段。

“種相窈窕金剛母，如金色光具眼母，金剛燭及白色母，蓮華眼及月光母，蓮華昭明金剛明金剛少童持總母，一切諸佛手印真言聚彼等，一切力護，願令擁護於我及諸衆生。”嗱，呢一段其實嗰度有個口訣好重要，當你唸誦，佢話“一切諸佛手印真言”吖，“聚彼等”吖，啫意思話當你唸誦呢一個咒，呢個經文嘅時候，同埋修大白傘蓋法嘅時候，所有佛嘅真言同埋手印嘅功德呢，就憑呢個咒嘅攝引吖，能夠匯聚響大白傘蓋佛母個手印同埋真言裏便發揮出嚟，擁護一切衆生，所以修持大白傘蓋佛母法有力度嘅修持嘅人呢，就可以將佛嘅法力匯聚響大白傘蓋佛母呢個法裏便發揮出嚟，所以就唔淨係呢個法咁簡單嘞，用出嚟呢個就比較再高深個層次。

其實呢個“唵”吖，“唵”呢個字呢，就係佛菩薩，一切佛菩薩嘅源頭嘅種子嚟嘅，亦都可以代表一切佛菩薩嘅種子字嚟嘅，所以好多咒文我哋見到開頭都係“唵”，“唵嘛呢叭咪吽”啦，係咪吖？吖。“唵”，地藏菩薩滅定業真言“唵 鉢囉末鄰陀寧 梭哈”啦，吓，或者佢嘅心咒“唵 克施地 囉扎薩瓦 悉地吽”啦，蓮花生大士嘅咒“唵阿吽 班扎咕嚕唄嘛悉地吽”啦，吓，全部個“唵”字開頭嘅，你諗下，所以“唵”字係有呢種秘密喺度，亦都代表一切佛菩薩嘅心吖，一切佛菩薩亦都係來源呢個“唵”字，一切咒語嘅源頭嘅聲，聲，聲，聲波嘅源頭，都係來源於呢個“唵”字，由，由呢個“唵”字產生嘅，個咒力。

外間香港呢，都印咗好多次吔，呢本經書，已經作爲普傳，普傳嘅經書嘞。佢話西元1993年，佛曆二五三七年，印咗三千冊出嚟嘅，所以呢，呢本經書喺民間裏便已經流通咗，流通咗吖，所以唔係咁難得到呢一本，呢一本經書。大白傘蓋佛母嘅法，事實上呢，的確佢嘅功德係非常之殊勝，如果你修持上嚟嘅時候呢，你就會慢慢慢慢體會到，呢個大白傘蓋佛母吖，功德，呢個法門嘅力用嚟㗎。

大概咁我今晚講住咁多先啦，大家有冇問題吖？大概我將佢少少精華講住咁多先啦，有冇問題想問下？

因爲法會裏便呢，好少講吖密宗裏便嘅密法，呢個又唔算得叫咩密法，啫意思“唔算得咩密法”，唔係叫你唔珍用佢喎，呢個已經係比較大部分人識，普傳嘅密法，所以好多佛弟子應該要修持呢個法。其實俾人，越俾人識嘅法，越多人知先代表佢重要吖，點解叫“家家彌陀佛，戶戶觀世音”呢？觀世音對我哋好重要，個個人都識㗎喇，無論咩宗教，信唔信，迷信又好，理，理智嘅相信又好，都識觀世音。觀世音對我哋幾重要，所以呢個響密法裏便係比較屬於好多上師喺西藏或者尼泊爾，東南亞或者西方世界灌頂呢，都有常用到呢個大白傘蓋佛母個法，所以佢普傳出嚟嘅法啫代表佢重要啦，好嘢先會教俾你，所以呢個大白傘蓋佛母嘅功德同力用，猶如觀世音菩薩一樣呢，護持衆生，亦都係不可思議，吖。

咁有冇乜嘢問題呢？你想唔想修持呢個大白傘蓋佛母嘅法呢？你對於大白傘蓋佛母嘅法有冇興趣呢？去修持呢？有冇其他問題吔？

（註：以下內容爲問答，部分錄音不清，用省略號表示）

問：……

答：好。

問：呢個係咩意思？呢個，呢個，呢個咒語有咩意思呢？

答：呢個咒，點得嚟吔？呢個咒你？

問：呢個咒，師父……

答：哦，師父。呢個，呢個屬於綠度母嘅心咒嚟嘅，呢個“嗡 達咧 唵 梭哈”。綠度母嘅心咒。呢個“唵”呢，就係佢嗰個，嗰個點講，代表佢個字嚟嘅，個種子字嘅，猶如大白傘蓋佛母個“唵”字代表佢。呢個，呢，呢個，呢個，呢個字寫錯咗呢個。吖，就呢個猶如觀音嘅咒一樣啫。綠度母，綠度母我哋，有個法相，呢一，呢一尊吖，綠度母，呢個，嗱，啫等於西藏叫綠度母啦，我哋中國人叫南海觀世音，南海觀世音個咒嚟嘅，呢個，你可以，有用嘅，呢個可以持誦。

問：可以持誦？

答：係嘛，可以持誦吖，呢個咒冇問題。呢個係佛陀所教嘅咒嚟嘅。

問：咩意思吖？

答：呢個意思就係綠度母，代表綠度母救苦咁解。綠度母嘅功德就會融攝咗響呢個“唵”字裏便啦，就代表佢救苦個功德，能夠救，啫拯救六道嘅衆生，六道嘅衆生能夠幫，幫助一切衆生，同觀音，觀音嗰個慈悲嗰願望係一樣，呢個，所以可以持誦。

問：啫我唔明白，嗰個意思係……

問（另一師兄）：瑋師兄吖，有個問題呢，誒，《地藏經》裏頭呢，“瞻禮、讚歎、供養”地藏菩薩，我哋其實應該點樣做呢？

答：“瞻禮”“讚歎”，同“供養”係三樣嘢。“瞻”者，“瞻”者意思就係一瞻一禮咁解，“瞻”者就係瞻視咁解，所以有時候個“瞻”字同埋個“仰”字一齊用，“仰”個意思就係要𩓥高頭，啫代表菩薩高高在上。“瞻”嘅意思，嗱，點解呢？當你一拜落去，首先頂禮俾佢，跟住一起番身嘅時候，個頭咪有少少𩓥高？望一望個菩薩，就係“瞻”嘞，瞻仰嘞，咁樣叫“瞻”，“拜”就叫“禮”嘞，你瞻禮，所謂“佛前唸佛一句就福增無量”，你聽過，“佛前頂禮就罪滅河沙”，當你一頂禮嘅時候呢，起身瞻，瞻仰個菩薩法相嘅時候呢，加持俾你，消咗好多罪業啦，所以，係咪獲福無量吖？讚歎地藏菩薩嘅功德，地藏菩薩，“地獄未空，誓不成佛，衆生度盡方證菩提。”咁偉大嘅願望，有人稱頌佢嘅功德，佢過去已經成咗佛㗎喇，不過而家現一個菩薩身啫，你讚歎佢嘅功德，當然會有功德啦，讚歎稱頌一個菩薩，福德同功德都會無量吖。仲有“供養”啦，“供養”嘅意思就係話，先瞻禮，就我哋身體做，讚歎亦都係個口做，“身”“語”。供養就有好多方法，供養呢，分開“外”同“內”。如果你“內供養”嚟講呢，你就專修地藏王菩薩嘅法，三密加持，手結地藏王菩薩嘅印，口唸誦佢嘅真言，意念成日想住地藏菩薩，仲要將你個心同地藏菩薩個心相合，即是佢做乜，你做乜，依佢嘅願力跟佢發願，救渡一切衆生，“地獄未空誓不成佛”，而你將呢個心，依，呢個咁嘅修持嘅謂之“內供養”，係最大嘅供養，亦都叫法供養，同埋平時你守好五戒十善，獲五戒十善，個口唔講啲缺德嘅嘢，身唔做啲缺德嘅嘢，個腦唔做啲缺德嘅嘢，意思你不斷修持嘅時候就唔怕缺損功德。“缺德”者，謂之缺損功德，咁我哋人嘅說話就係一啲唔好嘅事啦，虧心事或者對人唔好嘅事，損人不利己嘅事，或者損人利己嘅事都唔好做，呢啲就係內供養。外供養就係外在你能夠用你金錢嘅布施，譬如話買得到嘅鮮花吖、水果吖、舍宅吖、房舍吔，或者一切其他種種嘅東西去供養地藏菩薩啦，去累積你嘅福報，就係外供養嘞，所以呢啲就係供養嘅方法啦。內供養就係你自己修持，外供養就係以你身體以外嘅嘢去幫助衆生、供養菩薩咁解。

問：咁其中有一句呢，誒，如果，如果係醜陋嘅女人呢，瞻禮地藏菩薩，“植頃之間”，“植頃之間”，嗰，嗰幾個字我想知道點解。

答：點樣吖？你講清楚個經文。

問：啫，佢呢，誒，如果有醜陋嘅女人呢，咁佢係瞻禮供養地藏菩薩，誒，致心瞻禮咁樣吖，植頃之間，誒，個人呢，千萬身中呢，就，誒，永遠都唔須要再做女人吖。佢吖“植”，“植物”個“植”吖，“頃刻間”個“頃”吖，“植頃之間”，我想知道。

答：係咪呢個？

問：係啦係啦係啦。

答：“植傾之間”，意思就係話，如果當你瞻禮地藏菩薩嘅形象嘅時候，由於佢個福德，《見聞利益品》你都讀過㗎喇，有非常非常之多嘅利益啦。當你瞻禮地藏菩薩，“植傾”就係一個飯食之間，“傾”就係天黑啦，你已經唔須要再受女身啦，但唔見你個樣變嘅？食完餐飯，聽日都唔會變佢個樣，知唔知個秘密在於邊度吖？其實地藏菩薩話俾你聽啦，當你見到佢嘅形相呢，猶如大勢至菩薩《念佛圓通章》所講嘅口訣一樣：“若衆生憶佛念佛，現前當來必定見佛。”（註：根據CBETA，“若衆生憶佛念佛”疑爲“若衆生心憶佛念佛”）就係呢個秘密嘞。當你植傾之間，點解會轉成男身嘅相？你唔係女就係男㗎喇，轉成男身啦，啫男身個佛經記載比較尊貴，佢嘅福德係大啲，智慧比較高啲。咁所以你瞻禮地藏菩薩點解變呢？唔係你個樣變，係你個心變。唔需要植傾，一念之間，“伏”一聲你已經變嘞。如果你當時係至誠三業，誠求拜一拜，望地藏菩薩瞻禮，個心覺得好開心好歡喜讚頌，而且你亦都發過願，受到地藏經悟發——我而家好厭棄我個醜陋個女身，我希望地藏菩薩加持我下生變成男身。如果你當時瞻禮你嘅心有咁個願望呢，你個心有咁願望呢，地藏菩薩一瞻禮嘅時候會加持你啦，喺你個第八識阿賴耶識就落咗呢粒種子嘞，下一生你就係男身，由於地藏菩薩同你相認，幫助你。係你個心植傾之間轉，唔係你個相，係講你個心唔係講你個相，明唔明吖？係好快，“植傾”係一個形容，係好快咁解。

問：唔該！

答：唔使。所以就係憶佛同唸佛嘅，嘅功能同功效嚟嘅呢個。

問（另一師兄）：點樣修持呢個大白傘蓋佛母呢個咒，點樣，點樣去修持？

答：修持大白傘蓋佛母呢，就係首先呢，因爲凡係“母”者呢，就“慈悲”也咁解，等於觀世音菩薩一樣啦，你首先一定要以五戒十善爲基礎啦，守好五戒十善啦，同埋呢，守好五戒十善呢，同埋你每日呢，要抽返啲時間呢，揀最簡單嘅修持方法就係唸誦佢嘅真言啦，供奉呢個本尊嘅法相，啫大白傘蓋佛母任何一幅法相，或者呢種經文嘅法相，而後呢，每日唸誦頭先所講嘅五個真言裏便其中一個真言，甚至唸誦呢個經典，或者再唔識嘅就咁唸誦“南無大白傘蓋佛母”，唸誦個名號，咁就係其中一種修持嘅方法，自然得到佢加持同擁護，呢個係最簡單嘅方法嚟嘅，可以咁樣修持。

問：但係頭先你話過呢，就話如果我要修持呢個大白傘蓋，依以前民國嗰段文化呢，就係埋去響個上師授俾你或者係，係你，啫點樣或者話，我唔可以就咁樣傳俾你呢個法啦，因爲我就係就咁樣聽完咗，同我自己咁樣去修呢，咁同埋個上師，親自嚟講，嗱，佢而家傳俾你，有咩分別？

答：分別就在於，點解要有上師灌頂呢？因爲上師呢，就係歷代傳承加持，譬如簡單嘅假設，我係你師父嘅，我當你嘅上師，依家我教俾你，咁我個法嘅來源係邊個？梗係我師父啦，我師父之後又上去師父啦，咁一代一代呢，向上推嚟講呢，推到最高嘅佛，傳呢個法出嚟嘅佛係邊個？釋迦佛吖嘛！由釋迦佛開始一代一代一代傳落嚟，佢哋大家嘅上師所修呢個法都係相應，心連心，所以，一代一代就謂之“傳承”，依一個法嘅法脈一代一代咁傳落嚟俾你，猶如盅魘之術，有啲就係祖傳，一代一代父傳子，不傳外人㗎嘛，一代一代一代咁傳落嚟。咁個上師傳承裏便呢，就具有一個加持嘅力量同埋賦予你一個權力修呢個法，所以由個上師傳咗俾你去修呢個法嚟講，主要個力量嘅意思就係功德就會非常之大，同埋同個法相應。如果你冇上師個傳授呢個法俾你呢，你自修嚟講呢，功德就比較少，如果根據密宗個學理嚟講。同埋如果你將，你冇上師傳承呢，你只可以自修唔可以轉教他人，因爲一切如來嘅密法係冇秘密，密宗裏便嘅“秘密”嘅意思就係話修持嘅境界不可以思議啫，唔可以用你嘅說話講到你修持境界有幾高，唔可以用你嘅思想諗到你修持境界有幾深，並無秘密可言。“秘密”嘅意思唔係話收埋，係secret，唔係呢個意思，係指嗰個唔係根器唔可以教授佢咁解啫，意思就唔係指秘密，如來嘅境界，內證嘅境界，三密嘅境界係秘密咁解，猶如你未修證到一個阿羅漢果，點知阿羅漢果內在嘅境界修持嘅功德係點呢？亦都唔可以用我哋凡夫個智慧去猜測究竟佛陀嘅智慧有幾高、有幾深，呢個就係不可思議嘅秘密，喺經典裏便用個“妙”字去解釋，《妙法蓮華經》個“妙”字就係咁解啦，所以密宗裏便嘅秘密唔係話收埋唔可以教，如來嘅法絕對冇秘密，如果秘密，教得你唔教得佢就唔叫做平等，唔叫慈悲，每個人都可以學，如果係啱根器就可以傳授嘞，所以上師就有種功德同埋嘅智慧去辨別呢個可以傳授、嗰個唔可以傳授，佢就會有佢嘅經驗，有佢嘅修持嘅力用去教授個弟子。但唔代表冇上師唔可以修，只不過冇上師，你修嚟唔可以將呢個法傳俾人咁解，同埋你冇上師嘅地方，你就要跪喺壇前以釋迦佛爲師，當佢教授咗你嘅時候，你就可以修持呢個法則，個分別在於呢度啫，並無任何罪過同秘密可言嘅。答唔答到你吔？

問：答到。

答：你唔明可以……

問：咁，咁如果我就學佛講嘅呢，係爲咗解脫吖嘛。

答：係。

問：去解脫吔。咁，而家我學呢個咒嚟講呢，佢係降魔吖，吖，咁有時啦，嗰啲，佛門吖，好多吖，佛門吓……

答：係。

問：但如果我修持呢個咒，同埋我，啫我想解脫係一樣，佢話解脫……好似轉生嗰度，同埋都係，生生都係苦吖嘛！

答：係。

問：……目的都係能夠話做一個……唔係話，我話……修點樣，啫唔係話唔要去按嗰個法去點樣幫助自己……

答：嗯。

問：而係話……

答：嗯。

問：去做……世間……（註：接下文）

206.大白傘蓋佛母之威力（三）

（註：接上文，以下內容爲問答，部分錄音不清，用省略號表示）

問：……又唔係話……吖，我，吖……修行點樣……啫唔係話唔要去按嗰個法去點樣幫助自己……

答：嗯。

問：而係話……

答：嗯。

問：……去做……最大……救……佛陀……世間事……

答：嗯。

問：……去……解脫，吖，咁我從呢個咒嚟講呢。

答：嗯。

問：就兩方面。

答：嗯。

問：……啫……明唔明我意思吔？

答：我知，我可以答你嘅，我明你意思，我明你意思。

問：……我講唔出吖……

答：譬喻大白傘蓋咒呢，頭先已經話咗啦，五即一，一即五，雖然佢將佢分開咗有五種嘅功用啫，猶如一個大海，分出五杯水出嚟，裝入五個唔同嘅器皿裏便，一個裝入個杯度，一個裝入個花樽度，一個裝入個碗度，一個裝落支管嗰度，係膠嘅，一個裝落一個鐵嘅罌裏便，五個器皿嘅形狀唔同，就五，五，但係各個人呢，中意，有啲中意用個杯飲，有啲中意用個碗飲，有啲中意用個鐵嘅容器去飲，大家根器唔同，但係裏便所飲嘅水一樣嘅本性，意思就係話五個咒功能係相通一樣，但只不過佢有佢嘅特別功用咁解，猶如，你唸呢個金剛忿怒降魔咒可唔可以求生極樂世界？當然可以啦，已經係共通咗，共通咗，所以你唸大白傘蓋咒任何一個咒都可以令你解脫生死。啫我按呢個法，解番俾你聽啦，你亦都可以解脫生死，但係你唸唔同個咒亦都有一個特別功用，猶如每個醫生有個全科醫生，每個專科醫生有個全科醫生，但係佢亦都個別分科有佢自己嘅專長嘅一樣嘢，一樣啫，明唔明吖？所以唸誦任何嘅大白傘蓋咒都可以令你解脫生死，完全冇違背。但係從另一個角度去諗番下，你想解脫，唔好唔記得喎，你解脫係一條比較，修持一條比較漫長嘅路，你解脫之中你會遇到有病苦嘅喎，有魔侵嘅喎，咁你用咩方法吖，你諗下？呢啲咒就俾你交替用啦，佛陀已經一早知道吖，係咪？你唔係話解脫，一解脫就“唵嘛呢叭咪吽，唵嘛呢叭咪吽……”噢，好順，好順利咁死咗就往生極樂世界。你修持中途你會遇到好多問題㗎嘛，呢啲問題，唔同個問題就用唔同個藥去對治啦，猶如你一生裏便又有感冒病，又有頭暈病，可能有心臟病，呢一生裏便有好多病症，唔同嘅病症睇唔同嘅專科醫生，亦都唔同嘅病食唔同嘅藥啫，明唔明吖？

問：……但，但，但係嚟講呢，就，好似就，我哋開頭唸嗰四句吔，“往昔所造諸惡業，皆由無始貪瞋痴”吖嘛？

答：係。

問：其實我哋所造嗰個業嚟講，啫我哋以前，好似我而家點解要病呢？

答：係。

問：就唔係話我，我，我點解，係因爲我以前係積咗咁嘅因。

答：係。

問：咁而家因緣和合嘅情況之下呢，得咗病啦，吓。咁其實呢個係最自然嚟嘅，就算係佛，佢成咗佛，佢都要，佢嘅業都喺度，佢一樣話，我好似聽過人講話……

答：……因果不空啦，因果不空啦……

問：係，哎！冇錯冇錯……變咗嚟講呢……

答：係。

問：我嗰個果報係要承受番嘅。

答：係，冇錯！啱。

問：咁，呢，呢，呢從個根源嚟講呢係，應該就我喺度貪瞋痴，啫就係，誒……呢，呢，呢個，呢個如果個結果……就係承受番，或者我只係因過去減輕佢，有唸個咒咁簡單……係咪咁嘅意思？

答：你，你而家係諗住想問我咩問題吔？

問：……我而家個問題呢就係話……

答：慢慢講，唔使心急。

問：就係話，吖，啫我本身嚟講，呢個係個業嚟㗎嘛，嗰個……

答：啫你做咗一個惡事，第一個，個病就開始……

問：……啫呢個業……

答：嗯。

問：所以就變咗嚟講呢嗰個大白傘蓋，呢個法……

答：咁呢個問題就唔係關乎大白傘蓋咒吖，係關我哋點樣能夠消除我哋嘅惡業啦，呢一個。業唔係滅唔到嘅，本性就係空嘅，因爲點解呢？嗱！假設，譬如話你頭先講得好啱，係冇錯，譬如我已經有咗個病響個身體㗎喇，唔舒服，個果係咪結咗吖？你要佢滅都滅唔到㗎喇。咁如果你，我係以番呢個大白傘蓋咒爲例，如果你修持大白傘蓋咒呢，可以令你痛苦減輕，但係你仍然要承受，因爲你個“果”已經結咗出嚟啦嘛，第一點，吓嘛？已經受緊個病啦，點樣能夠令佢“空”咧？你如果繼續唸呢個大白傘蓋咒嚟講，如果可以減輕，一定唔會違背因果，呢個法力能夠減輕，宇宙嘅法嘅性質係同個因果相應，唔會同個因果衝突。如果呢個法你修起上嚟呢，你嘅果報已經響身已經有個病呢，如果能夠令你減輕，你個痛苦就會輕啲，但個病唔會消除，如果令你個病能夠快脆報喺你身上，縮短個時間呢，可以！只可以將個時間縮短，但唔可以滅嘅，如果“果”變咗出嚟之後。但係當你個“果”未出現，係一個因嘅時候呢，就可以消滅嘞，明唔明吖？當你造個惡業，個病未發出嚟。你而家個胃病，啫可能將來有頭病吖嘛，或者係腳病、身病，呢啲病未發出嚟，防範於未然嘅時候，你就可以修持呢個大白傘蓋咒，就將你以前，以前所做嘅惡業滅除嘞。但係如果當你發咗出嚟嘅時候呢，只可以減輕或者將個時間縮短，但係你仍然要承受嘅。但係仲有一個問題嘅，嘅話就係，如果你前生所做嘅業響佛經上便記載叫做“定業”嘅，啫一定要受報嘅，任何咒都滅除唔到嘅，你講得啱，任何嘅咒滅除唔到。其實真正嘅病苦同真正業果，我哋承受咗咪空囉？只不過我哋凡夫覺得，我，我要嗰條債一次過還唔晒好辛苦，佛陀有冇方法幫我攤還吖？一次過唔好受咁多呢？呢啲法就係幫我哋攤還啦，等我哋受得輕點，舒服啲，唔好阻礙我哋菩提慧命，如果一下個苦突然間好大嘅壓逼你，你已經係修唔到啦，猶如我哋六道空間輪迴嚟講，如果你響地獄受緊苦吖，我哋點修行呢？但喺天界極度享樂又唔得修行，唯獨人道苦樂參半先可以修行，所以太大嘅苦壓逼你呢，係冇辦法修行，就係咁解，所以未生嘅業可以滅，已生，已生嘅業呢，可以減輕，或者將個時間縮短。但係其實，頭先話，你講話“往昔所造諸惡業，皆由無始貪瞋痴”啫，但係《華嚴經》裏便仲有一首偈就係話“罪性本空由心造吖”“罪從心起將心懺”，係咪？“心若滅時罪亦亡，心亡罪滅就兩俱空。”我哋嘅心覺得我哋有罪咪有罪囉，如果我哋心都空咗，同宇宙個本體一樣嘅，何來有罪呢？我哋個心已經係泊然空寂嘞，罪係附喺我哋心裏便啫，如果我哋心都冇埋嘅，心，“與滅道斷，心行處滅”嘅境界，何來有罪呢？呢個就係《華嚴經》同埋空性嘅境界嚟嘅，根本罪就可以幻，業力亦都可以幻，但我哋凡夫有我哋身體就覺得係實物有個業有個罪，啫等於，猶如我哋身體喺度嘅時候，有一樣物件啲塵會鋪上去，如果本來無一物嘅，邊會有塵呢？答唔答到你問題？

問：話嗰個定業嚟講呢，點解話嗰個定業一定要受報吖？咁有啲業呢，又可以唔使受報？

答：“業”裏便呢有分“定”與“不定”吖。“不定業”呢，個意思就係話呢，個業果呢，啫以前做嘅惡事嚟講呢，啫其實“定業”嘅意思我哋諗咗去負面，其實有正面嘅，“定業”決定要受報可能係善事嘅報應，亦都可能係不善嘅報應，亦都有不善不惡嘅報應，善報就要做善事啦，惡，惡報就要做惡事，不善不惡你係咪要做啲不善不惡嘅事？所以你今生會有啲意念呢係中性嘅，不善不惡，我哋有善嘅念頭、有惡嘅念頭、有不善不惡嘅念頭，就感，感受到三樣唔同性質嘅報應。“不定業”嘅意思就係話，我假設做惡事，去舉例話俾你聽就係話，如果你做一件惡事嚟講呢，你所做嘅惡事係好輕嘅，譬如話你殺生只係好輕微，劏下買咗兩隻雞嘅今生，咁呢啲業呢唔係太重，只要你刻意努力啲去懺悔，就可以消滅。但係你今世從事殺雞嘅行業，或者前生更是又殺雞，或者其他屠宰嘅行業，咁啲殺業吖，累積就越嚟越厚吖，一定有業產生，如果有啲菩薩嘅慧眼或者法眼或者佛眼嚟睇，呢個因果呢，係唔“空”，你一定要受呢個報應，一定要受報應就謂之“定業”。但係其實“定業”係相對於“不定”嘅啫，有咩業唔可以“空”㗎？如果當你發大心嘅時候，都可以將個業扭轉啦，業力能敵須彌、能深巨海，但係我哋願力都能夠敵須彌、能夠深巨海㗎，只要你發大願就能夠將定業去扭轉嘞，吓，就係咁樣意思，所以我哋諗到“定”，亦都覺得有“不定”，係相對“不定”而講嘅啫。其實世界上係冇一定嘅業要你受報嘅，只不過我哋凡夫去做惡事，被惡事制裁咗我哋嘅心，亦都覺得，覺得我哋身心事實上係存在，咁就有個罪出現囉，如果我哋能夠學似六祖，學似上一次我所講嘅五湖，《五湖水月印禪心》，上一次我講過，如果你個心係“空”，你能夠學到六祖嘅根器，即時能夠見性成佛的話呢，根本罪就點樣附喺你個心呢？點能夠生？但係我哋往往就係神秀大師嘅境界，覺得我哋存在，個鏡，我哋個心係存在，要時時要拂拭嘅，一有塵就要拂拭，所以我哋要，要用自悟嘅法門，一有塵就慢慢拂拭，覺得我哋有罪，一有罪就要拂拭，所以顯然就係兩個修持嘅境界唔相同嘞。 

問：所以變咗唸咗大白傘咒嗰個，呢，呢，呢個咒嚟講呢，都係我哋內在，啫一個咒啦，一樣嘢就，的確唔係空㗎？

答：嗯，係吔，冇錯！

問：……我哋修持嘅程度上問題。

答：係。

問：……喺呢個娑婆世界，我諗呢就……

答：係。

問：……嘅一樣嘢，呢個咒……咁佢有，如果佢呢個咒能夠發揮嗰個威力就係……大白傘蓋佛母……係佛母呢，落到個大……修持佢個咒就可以幫我哋，啫好似地藏菩薩咁吖，啫好似阿彌，阿彌陀佛咁，你修，你唸嗰個，你唸咗嗰個“阿彌陀佛”，你就可以去我哋嗰個極樂世界，係咪咁嘅意思吔？

答：當然啦！大白傘蓋頭先講咗就係降魔嘅力用啦，主要，主要功能就係退魔，幫你身邊祛除我哋心魔同外魔吖，吓嘛？但係個經書記載就外魔好多種性質，心魔就我哋煩惱，統括就係我哋心魔同外魔啦。咁但係你記住大白傘本體嘅佛母，佢已經成佛，所以修持大白傘蓋佛母嘅功德亦都可以通到佛嘅通性，亦都可以通到般若，般若嘅境界，所以修持大白傘蓋佛母嘅咒呢，到你修到無心嘅境界都可以成佛，但係佢仍然學似你頭先所講咁樣冇錯，係屬於“有”嘅佛，咒就係“有”啦，未能夠到“空”啦，係藉助呢個法去令到你空境啫，所以其實你針對呢大白傘蓋佛母嘅法最後都唔能夠解脫嘅，你要修到將呢個法都放低先可以解脫㗎，《金剛經》都講咗㗎喇呢樣嘢。答唔答到吖？

問：答到吖。

答：吖。

問（另一師兄）：唔該。

答：係。

問：我想問，楞嚴，個楞嚴……要雪山嘅……白牛，個雪山係咩雪山嚟？……存唔存在呢？

答：大白牛呢，我就未去過喜馬拉雅山，佢當時所講嘅雪山呢，就應該喜馬拉雅山啦，大雪山。響《楞嚴經》所起嘅鏡壇嚟講呢，要雪山嘅白牛糞呢，啫嗰啲白牛呢，就唔食任何嘅雜食啦，第一點，佢係食雪山裏便嘅青草同飲雪山，雪山基本上冇青草囉，好少吖，基本上就飲雪山融咗雪嗰啲，嗰啲雪水嘅，所以好清淨，所以佢排出嚟啲糞便呢，就係好清淨，一啲臭味都冇。咁吖，西，古代嚟講印度呢冇乜物質嘅，所以利用呢啲清淨白牛嘅牛糞作爲起壇一啲泥吖，嗰啲泥吖，所以係一種，點講？係有相事相嘅壇城，其中一種構成嗰壇城嘅條件嚟嘅。咁我哋而家十五樓養牛牛肯定有啦，但係雪山白牛呢……

問：有冇全白嘅牛？

答：有，有全白嘅牛，有，有，有全白嘅牛。

問：……清淨明誨呢……我呢個……裏面呢，釋迦佛話，再進一步嘅呢，連動物嘅身體部分亦都唔食。

答：係，“身”就“身分”吖嘛，係，係冇錯。

問：但係設個楞嚴壇呢一度呢，佢就用嗰啲醍醐吖，嗰啲牛奶供，供佛嘅，有冇……

答：醍醐，醍醐。

問：好似互相違背，唔係話……

答：呢度唔係互相違背，啫個秘密係在於邊呢？猶如我哋供蓮花生大士，修法嘅時候攞碟牛肉之嘛，或者攞酒啫嘛，當你供嘅時候，如果上師嘅功德力用就可以將啲牛肉同酒變成甘露嘞，將個酒，將啲牛肉加持超度嘅性質，再唔係牛肉，但係當佢分俾受持灌頂人食落去，如果呢個人係食肉，個心有參著，一食嘅時候呢，仍然係肉，因爲佢執著係肉。但係當個上師加持超度嘅時候，佢個心唔覺得係肉，因爲有啲護法係中意食肉，個上師開個方便，所以就用呢啲，呢啲咁物質係肉類去供護法。咁所以猶如起楞嚴壇嘅時候，佢用到動物嘅性質，醍醐或者乳酪，呢啲係牛奶，奶類所出，出嚟嘅嘢啦，意思就係通過加持力嘅時候已經再唔係呢個物質嚟嘅，轉化咗啦已經。因爲，因爲當時西藏或者印度呢帶嘅地方，植物、草已經缺乏，乜嘢原料都冇，亦都啲人貧窮，做唔出任何個大供養，唔係飲羊奶就飲牛奶㗎喇，所以就佛陀就攞啲現成嘅物質，去作爲起壇嘅，嘅材料啦，就搵唔到其他合適嘅嘢，吓。

問：啫嗰個雪山就係喜馬拉雅山？

答：係喜馬拉雅山嚟，咁喜馬拉雅山一帶都好多新鮮嘅，有雪嘅山都係雪山啫，其實佢嘅重點，點出就係要喺嗰笪地方生長嘅牛隻啫，吓。但我哋而家修楞嚴法，冇理由拉隻牛嚟㗎嘛，特登要攞佢嗰啲嘢，冇理由㗎嘛。就冇違背，係我哋嘅心法嘅問題，吓。啫佛陀所講，既然佢《四清淨明誨》講連牛嘅身，啫身分都唔可以食，仲加唔可以著，啫我哋著皮鞋吔、戴皮帶，何況佢點會攞動物呢？所以用喺修法上嘅意思有特別嘅意思，就唔同嘞，應該係個比較，有個密意啦，可以講吖密宗裏面叫“密意”啦，吓。

問：……再講一啲嘅《四清淨明誨》呢，釋迦佛話佢入滅之後呢，就係佢會藉住啲羅漢吖、菩薩吖……

答：係。

問：去示現衆生相吖。

答：係。

問：去度衆生嘅。

答：係。

問：但係絕對唔會泄露身份㗎嘛。

答：係。

問：一旦泄露咗就入滅㗎喇，係咪？

答：係。

問：吓，但係有啲密宗嘅上師呢……

答：係。泄露身份會入滅？呢度，呢度要定義下，點樣入滅先？

問：如果呢，能夠，誒，知道佢係某個……轉世呢，佢就會入滅㗎喇嘛？

答：冇，冇呢個記載，冇呢個記載！唔係，佢嘅意思就，意思入滅就係話……

問：……

答：係啦，係啦，就唔係話知道佢身份，佢唔會入滅。

問：……

答：唔係，唔係。啫意思話佢臨終“陰有遺付”吖，“陰”者就係暗暗咐囑佢弟子啫，就唔係話泄露咗你身份就瓜老襯吖，損害個慧命吖，冇呢啲事，就。

問：但你話過係絕對唔會講俾人聽佢身份㗎嘛？要佢臨終嘅時候先至會暗指啫，吓嘛？

答：係吔，係吔，啱吖。

問：但係有啲……佢公然講自己係某某嘅轉世，咁係咪好似有啲吖，有啲互相違背。

答：佢公然呢，佢公然講呢，佢係咩佛轉世嚟講，就睇佢對邊個講啦。咁但係，譬如，呢個就要實際接觸嗰啲上師啦。因爲如果我接觸就好少聽過上師開法會自己講自己邊個佛。通常講佢係佛嗰啲，或者咩菩薩轉世，睇佢傳，但係傳都唔係佢自己自傳，係人哋同佢寫，或者人哋話佢係邊個佛轉世，其實佢係咪真係嗰個佛轉世，有啲人話達賴喇嘛同班禪都係觀音添。

問：係吔係吔！

答：可能啲人就覺得佢，佢修個法就係修觀音法，或者佢嘅，佢嘅行爲好慈悲，猶如觀音個化身一樣，所以號稱佢係觀音化身，未必係實際佢就係嗰個佛菩薩化身嘅，同埋我哋了解個上師都好少話自己會傳法自己講嘅。佛陀所講嘅自己，呢一段其實最主要意思就係，自己話自己係佛菩薩化身，可能藉助呢一樣嘢去謀取世間嘅名譽同地位，佢講出嚟啫，就博取你名譽地位。如果傳法唔須要講嗰啲嘢嘅基本上，你令衆生生起信心唔係因爲你係唔咪佛菩薩吖嘛，最緊要你教化衆生受唔受用得到，你話你係佛菩薩都冇用㗎，佢牙痛緊個胃痛緊，你救唔到佢，亦都徒然啦，所以最緊要傳法嗰個實質啫，其實都。但係上師嚟講，我接觸咁多上師就應該實例比較少，佢自己講自己係邊個應該就少啲嘅。

問：喺啲傳有，有記載呢？有啲傳有記載……

答：吖，傳就係其他人同佢寫嘅，咁就，但係縱使佢係嗰個佛菩薩嘅分身亦都唔出奇嘅，但係佢如果唔係博取世間嘅名聞利養，亦都唔係誇大佢自己，亦都無可口非嘅，呢一樣嘢。冇，啫我覺得吖，個觀點。同我覺得佛陀嘅《四清淨明悔》嘅觀點就係，只不過點出末世呢《楞嚴經》，特別係破魔呢，一部照妖鏡嚟嘅。佢特別講出末世如果成日提起個“我”字，成日把響話“我係咩佛菩薩招牌”，成日強調嘅，咁嗰個人就要小心，強調，啫好強調嘅。相反，佢唔強調，佢臨終輕輕，輕輕提，輕輕提少少佢係邊個佛菩薩，等啲弟子增加信心啦，咁吖就會有。例如密勒日巴會講啦臨終，剛戈巴大師亦都會講啦，係嘛？咁嘅意思啫。啫如果個上師一上臺：“各位，我就係觀世音菩薩嘞！”

問：哈哈哈……

答：咁你都驚啦覺得，係咪先吖？

問：但係出傳呢個問題呢？應該？

答：吓？

問：出啲書，講佢嘅傳有問題呢？

答：出傳呢……

問：……出傳係公然咁公開。

答：出傳呢，嗱，主要就係人同佢寫啫，如果站在一個弟子角度稱讚佢上師，猶如，譬如話觀音一樣吖，都係，佢發自嘅心都係讚頌佢。如果出咗之後啲人信受咗，佢上師嘅德行係好嘅，其實亦都係帶衆生善性嘅一面啫。如果上師行爲唔好，佢話佢邊個佛菩薩化身，佢弟子誇大佢上師吔，佢上師係邪魔嚟講呢，個弟子同個上師一齊跌入大地獄啦，吓，所以睇下，邊個睇下個上師係邊個上師，我覺得就係。魔就成日會出傳話佢係邊個：“各位，我……各位，我……”嘩，個“我”字好多㗎，你睇下，“我係邊個”“我係邊個”，會唔會多啲？

問：同埋《大智道論》呢。

答：唔使舉手，就咁講啦。

問：《大智道論》話呢，吖，羅漢呢，嘅神通、宿命通呢，可以知道八萬劫以前、八萬劫以後嘅事，係咪？

答：係。

問：……長過佢就唔知㗎喇，係嘛？

答：係，係吔。

問：……宿命通呢，係八萬，嗰長過呢啲數目，點解呢？

答：咁我哋嗰數字呢，嗱，猶如呢，其實嗰個數呢，唔需要太過執著嘅，因爲“八萬四千”或者“八萬”呢，如果你去比較爭個四千嚟講話，點樣少咗四千呢？

問：《楞嚴經》個法門呢……恆河沙咁計數。

答：吓，嗱！呢度呢，有兩種解釋嘅，第一種……

問：……未證果嘅，啫作壇修呢個……

答：係嘞，係嘞，係嘞，我知道呢個，我都諗過呢個問題嚟㗎。第一呢，嗰個“八萬四千大劫”嚟講呢，就係呢，印度裏便嘅乘數嚟嘅，我哋肯定就唔係“八萬四千”。因爲佛經裏，屢屢都有提到“八萬四千”嘅，我哋冇理由逐，逐個劫數：一劫、兩劫、三劫……咁吖八萬四千，唔係，“八萬四千”即是話好長好長好長遠。但“恆河沙數”就更利害啦，恆河嘅沙點止八萬四千粒吖，係咪吖？更加長遠咁解。啫意思話，第一點，唔好執著個實數。但係相反呢，你而家問嗰個唔係依個問題，就係點解修持楞嚴咒，佢都未證羅漢果位，佢點解會恆河沙咁長嘅時間，宿，宿命智呢？

問：……嗰個羅漢……

答：係嘞，嗱，依個就係《楞嚴經》嘅功德力用啦，呢點問得好。《楞嚴經》，我哋記住“楞嚴”嘅意思就係“一切事究竟堅固”，所有嘅，所有嘅大定最後都通向楞嚴禪定吖，啫所有嘅大定最後都係通向楞嚴，啫不可被一切外界、內在嘅魔，心魔、外魔破毀嘅就謂之“楞嚴大定”，所有嘅定最後都具有呢個性質嘅。但係如果呢個定你修，譬如話，嗱，佛經裏便記咗好多“三昧”嘅，譬如話“獅子品信三昧”啦，“樂見照明金剛三昧”啦，“海印三昧”啦，《華嚴經》吖，你睇過，諸如此類啲“三昧”，最，佢啲，每個“三昧”，佛陀入啲“三昧”嚟講，都，都有唔同嘅性質，嘅功能去化度衆生，但係依個“三昧”，每一個“三昧”最後都係通向楞嚴，“首楞嚴三昧”。個“首”字嘅意思就係“第一”咁解，“首楞嚴三昧”，或者係個譯音“sur”，s-u-r，“sur”，就係解釋爲“頭”咁解。“首楞嚴三昧”，第一無常，猶如文殊菩薩叫做“妙首”一樣啦，佢，佢嘅意思就係話所有嘅禪定都係通向楞嚴大定，所以楞嚴大定係最高嘅禪定嚟。如果有，有人能夠有咁嘅機緣福分修持得到呢，佢何止羅漢吖？佢嘅宿命智直程相等於佛與菩薩㗎喇已經，啫一超超越好多大劫嘅生死添吖，甚至，就係因爲楞嚴咒嘅功德力用咁解，吓，所以已經超越晒羅漢㗎喇，呢個境界，如果你修持，修持到的話，吓。但係，但係嗰個數字又唔需要太執著，唔係太實嗰個數字，係好多好多咁解，當然“恆河沙”多過“八萬四千”啦，嗰個劫吖，更長咁解啦，或者“無量百千萬億阿曾衹劫”吖，更長啦，吓，仲加長啦。

問：同埋《大般涅槃經》裏便呢，有好多仙人吖，弟子吔……佢嘅弟子……

答：嗯，邊位弟子吔？你記唔記得個名吖？係咪純陀吖？係咪個鐵匠吖？吓嘛？

問：唔記得個名。

答：我記得係開頭……嗰個弟子應該係一個老人，同一個老人……

問：……弟子……

答：點解呢？《大般涅槃經》其實已經講咗啦，嗰度，因爲嗰個，嗰個鐵匠嚟講呢，其實“宿厚”，啫宿世嘅福德嘅好深厚嘅因緣，佛陀喺呢個時機要去度化佢，所以接受佢嘅供養。因爲佛陀當時已經呢，對於拘尸那預備涅槃嘅時間無多，其實佢接受供養，臨死食多餐，貪佢一餐食咩？係咪先？

問：……其他唔接受，單單接受佢一個呢？

答：因爲佢福德因緣具足，佛陀特登接受以顯示話佢聽，你哋全部我唔接受你供養。第一點就係啲時間問題啦，第二點嘅意思就係話顯得呢個純陀嘅供養係好重要，所以佢最後臨終都要度化埋呢個弟子啦，就係咁嘅意思。顯得佢嘅，正因爲特別，比較係重要咁解啫，冇乜特別嘅意思嘅，依一度。接受其他嘅衆生供養，其實，其他衆生可能能夠，佢問得佛陀，佢已經問過佛陀接唔接受佢供養，佢問得佛陀接唔接受供養，佢已經係供養咗佛陀㗎喇，其實已經，佛陀已經加持咗佢㗎喇已經，所以顯得佢特別啲吖，咁解。

問：……之後呢，羅漢……

答：呢一段嚟講呢……

問：……點解……

答：佢呢一，呢一段嚟講，應該係講個《法住記》吔。因爲釋迦羅漢啦，釋迦佛嚟講呢，響佢涅槃，涅槃之前呢，曾經咐囑十六個大阿羅漢呢，常住世間不滅嘅，肉身不滅，猶如迦葉尊者呢，響雞足山一樣啦，捧住個袈裟呢，等彌勒佛落嚟嗰時就將袈裟傳授俾佢。咁吖，迦葉尊者，大迦葉呢，就唔係十六羅漢嘅，有十六羅漢，住世嘅羅漢，同埋釋迦，呢個羅漢統領好多羅漢。以至釋迦佛再咐囑其他好多大阿羅漢，佢分駐我哋娑婆世界每個空間去教導衆生，唔準佢哋入滅，而令佢，佢哋更行菩薩，菩薩道嘅心，等待將來彌勒佛落嚟嘅時候先至入滅，但係迦葉尊者到時候呢，喺雞足山出禪定嘅時候呢，就會匯聚番啲羅漢，羅漢啦，參加彌勒佛嘅法會。佢哋顯揚番釋迦佛嘅法，因爲佢哋係釋迦佛嘅遺教弟子，前一個佛嘅弟子嚟㗎嘛，亦都參加後一個佛嘅法會，所以呼召番佢出嚟。我哋只要睇下彌勒三經裏便，特別《彌勒大乘佛經》，當迦葉尊者呢，響雞足山飛出嚟嘅時候就響空中顯現十八神變嘞，跟住嗰啲彌勒佛嘅弟子，當時嘅人壽八萬四千歲身材高大吖嘛，點解有個，有個矮仔呢，有個人頭蟲走出嚟咁細粒，跟住迦葉尊者將個身放大，用個神通，跟住而家響空中演說，呢一句就答你個問題嘞。佢喺空中演說釋迦佛以前所講嘅三藏十二部經典吖，全部講一次俾彌勒佛嘅弟子聽，顯示釋迦佛上一代佛嘅法教嘅重要。然之後將，先將呢啲法嘅匯聚嘅代表呢件袈裟，金，金縷袈裟就交俾彌勒佛。就係咁解嘞，所以佢就會將釋迦佛嘅法講番出嚟。

問：我問題係話點解佛入滅之後啲羅漢跟住亦都入滅？

答：啲羅漢？邊啲羅漢吖，你又？好多羅漢，但係佛陀入滅，個先佛入滅，呢個仲有好多，譬如舍利弗同目犍連都先佛入滅㗎喇。

問：……記載……一齊呢，就，誒……

答：頭先，頭先我答……

問：……入滅之後……

答：頭先我答你嗰問題呢，就係佛陀入滅咗之後呢，《法住記》所記載十六羅漢啦，顯揚釋迦佛個法啦。至於你頭先所講話點解啲羅漢，啫入滅呢，其實所謂入滅嘅因緣就係佢適當嘅時候就入滅嘞。但仲有一個，一個特別嘅，特別嘅意思就係，佢入滅，唔係佢嘅精神，係肉體之嘛。迦葉尊者請番佢出嚟響呢個，七，七葉窟裏便吖，第一次集結經典，王舍城嘅七葉窟裏便呢，結集經典嚟講呢，就係迦葉尊者用佢神通召喚番一定要有六通嘅羅漢，但佢堅持釋迦佛嘅法藏呢，先能夠聚集番一齊。當時聚集經典嘅結集嘅時候，啲羅漢嚟講有啲係冇肉身嘅，但係阿難尊者當時呢未證果，你應該知呢件事蹟，所以佢用神通去，去匯聚十方嘅羅漢，唔係淨係釋迦佛印度個空間，啫啲羅漢圓寂可能係有啲去四大部洲吖，有啲響其他唔同嘅星球教化衆生，將佢匯聚返嚟。釋迦佛死咗嘞，然之後將個法重新結集喺人間留傳，唔好再去失去，就係咁嘅意思。其實先同後係個肉體嘅問題，冇乜關係，啫緣，緣至呢，個身體存在，緣盡就身體入滅。嘩，你問咗好多，《大智道論》啦、《大般涅槃經》啦，嘩，好厲害，《華嚴經》啦，仲有咩？《楞嚴經》啦。

問：……

答：吖，好犀利吔，好開心吖，有人問呢啲。嘩，講下經名我都成個人雀躍啦，已經，你講到啲名好開心。

問：……所以我……

答：唔係吔，你提到呢啲名我已經好開心㗎喇，已經，提到啲名好開心吖，講啲咁大嘅經，經王嘅名。仲有冇問題吔？好早之喎而家。諗下有咩經論、經書可以研究下，好早喎而家。

問（另一師兄）：老師吔。

答：吖。

問：我想問你呢，吖，《地藏經》好多時都有講“歸依地藏菩薩”，咁其實我哋應該，啫點樣嚟歸依地藏菩薩？ 

答：身心誠投就謂之“歸依”啦。而家我哋一般人呢，只係得“身歸依”啫，啫你頂禮，圖佢一個軀殼，吖，歸依佛、歸依法、歸依僧，你個心一定要歸依佢，“心歸依”就係意思話將你嘅精神、將你個心，真心交付俾地藏菩薩，意思就係跟佢條路行，就謂之真正歸依，所以你歸依佛法僧，有分開個，誒，點講吖？外在形相嘅歸依、事嘅歸依，亦都有理嘅歸依。“事歸依”就係話意思有個法師同你受三歸依，俾個三歸依戒體你，有個儀式，就謂之“事歸依”，但係真正理體三寶呢，去領取內在理體三寶嘅“理歸依”，就係話將你身心，完全誠投俾佛菩薩，不止個心去做個儀式歸依，不止個身去做個儀式歸依，個心都要交俾佛菩薩，將你，密宗所講嘅“三業清淨”去交付俾佛菩薩，身體啦、語言咧、意念咧，完全供養同奉獻咗俾佛菩薩，而且照佢精神去做，就謂之真正嘅“心歸依”，心先係內在最重要嘅嘢，萬法爲心吖。呢個就係能夠得到理體三寶歸依，比得到外在三寶事相上嘅事體歸依嚟講，不名係真歸依，一個儀式，所以而家啲法師有時同啲，誒，弟子歸依，好多信衆，根本就時時間趕，佢都冇辦法解釋呢啲嘢俾佢聽，啫你個心唔能夠誠投呢，都係得個儀式，未必一定得到個三歸依嘅戒，但一樣會種下菩提嘅種子㗎喇，已經。咁吖，換番另一個角度講，就算你當時好虔誠歸依，亦都能夠得到個戒體，唔代表你將來修持唔會破戒㗎嘛，你個勇猛心發咗嘞，但要長遠慢慢步步去做，保持番你個戒體唔好失。三歸依係個戒體嚟嘅，唔係五戒先係戒，歸依三，三歸依嚟講就係佛法僧三寶嘅三個戒響你個身，唔可以破戒，每個戒亦都有善神去守護你，你一破戒，啲善神就離開，你個戒體失咗嘅時候，啲魔就會侵，侵佔你，所以點解自歸依佛法僧之外，不歸依天魔外道邪衆，不歸依外道典籍，不歸依外道一切說法嘅邪師呢？就係意思你得咗戒之後係好清淨，唔好將你個心嚟污染，倚託俾第二個人將你個心去交俾邪法、啲邪衆，嘅意思就係，你得到個理體三寶就係個戒嘅意思吔，呢個“理”嘅意思係宇宙嘅真理，係你真真正正去誠心誠投，歸依佛法僧或者歸依某個菩薩而產生出嚟嘅清淨嘅戒體嚟嘅呢一個。但係我哋普通人未能夠做到咁深層次嘅時候，得個外在形相去做，啫猶如你拜懺，一拜落去，吖，拜下懺吖，去懺悔吔，你拜完之後你會唔會做惡事先？你繼續去做，是，是則名爲，“是不名爲真懺悔”咁樣，唔係“是則名爲真懺悔”，就唔係懺悔吔。真正懺悔就係，你以前，以前嘅嘢真正懺咗個業，唔好做啦，將來個嘢你唔好再作先得嘅，明唔明吖？你懺完之後，拜完大悲懺，跟住你又再去殺生，或者飲酒食肉，或者個心諗去謀害他人嘅，冇用嘅，咁你唔係真懺悔。一樣之嘛，猶如你歸依咗三寶，唔代表你第日唔會走岔路，所以你時時刻刻提醒自己，自已領受咗三歸依呢個戒體嚟呢，就唔好俾佢破損，好重要。但而家我哋歸依三寶嘅心，而家好似流水式咁吖，根本冇辦法明了佢裏便嘅真義吔，太快吖做得，同埋就係應該三歸依之前嘅一日，就個法師，就或者搵一個居士了解個法理，代個法師完全清楚解釋，第一日，第二日先正式去做歸依，就唔好一日過時間話太倉促嘞，半個鐘頭或者一小時呢，我覺得失咗個意思吔。我個人認爲就係你應該解釋好清楚搵一段時間，然之後先再做歸依，咁就妥當啲，你受個心就會清楚啲啦，吖，啫唔使話你，你容易唔明白就行差踏錯啦。

問：係吔而家……經常……

答：係吔，呢個係一個陋弊嚟，而家，而家，而家速度時代，乜都要快吖嘛，快餐吖，係吔，員工快餐。 

問（另一師兄）：……咩叫“天魔”呢？

答：吖？

問：咩叫“天魔”呢？

答：“天魔”點解“天魔”呢？“天魔”嘅意思呢，其實佛教裏便呢，有兩種意思嘅，廣義同狹義嘅意思。“天”者呢，就謂之“天上界”咁解。啫魔王嘅福德呢，比玉皇大帝啫帝釋天更高，佢欲界嘅第六天，玉皇大帝先喺欲界嘅第二天之嘛，佢已經生住喺欲界第六天啦。他化自在天裏便有個魔宮吖，呢，喺天界上嘅魔，因爲魔有好多種嘅，你講“天魔”就係指係住喺天界嘅魔，廣義嚟講係住喺天界嘅魔，唔係，狹義嚟講，講係住喺天界嘅魔，但係如果廣義嚟講，“天魔”嘅意思唔係淨係指天吖，佛經裏便就係一切損害佛法嘅魔衆都謂之叫“天魔”，特別指，佢佛經記載叫“波旬”，波旬爲首呢個魔王呢，佢有好多子子孫孫要陷害佛法。因爲如果廣，廣義嘅“天魔”嚟講，其實包括地魔吖、人魔吖、龍魔、阿修羅魔，每一個空間嘅衆生都可以成魔嘅。嗯。

問：……呢個……魔……

答：明唔明吖？呢度明唔明吖？呢度唔明吖？

問：……佢呢個魔點解要……呢？

答：咁個原因要問番我哋自己啦，點解我哋會有貪瞋痴慢疑呢？因爲我哋內在嘅貪瞋痴慢疑，所以佢咪要阻止我哋修佛法囉。如果我哋內在冇貪瞋痴慢疑，佢點阻礙我哋修佛法吖？根本阻唔到，就係佢發現我哋人類內心有貪瞋痴慢疑，佢就要阻止我哋，唔俾我哋繼續學佛。另外一個呢，就係你問番隔離阿，阿肥仔師兄啦，上一次佢好清楚，我都同佢研究過，講《五湖水月印禪心》嘅時候呢，講到好清楚就係話，嗰餅帶已經講到好清楚。當你發願修行，猶如釋迦佛當時響菩提樹下打坐嘅時候吖，佢禪定放光吖，驚動魔宮，啲魔宮搖搖陷、搖搖陷，嗰啲光衝上去第六天魔宮度，啲魔王都見到驚魔宮震裂，所以睇下邊個喺度成道，咁吖落嚟騷擾下佢囉。猶如人我哋人禪定或者修持嘅時候亦都會放光吖，呢啲光呢，會吸引啲魔衆，但係佢唔敢攻擊我哋，等，等我哋轉弱嘅時候，佢當時，你，你嘅禪定力就會提醒佢：嘩，你個綠色衫條友仔修道喎，哦，響個機會攻擊唔到你，下一次就要破壞你！啫你提醒咗佢嘞。其實你學佛，一插支旗出嚟就話：我修佛嘅！你已經同魔作對啦，你唔須要搵個魔攻擊你，已經就同個魔作對。其實真正你係降伏你嘅心魔啫，如果你個心係空嘅，一切外在嘅魔境亦都唔能夠攻擊到你。

……（註：此處錄音缺失部分內容）見，邪見、見取見、戒禁取見，呢個就係“見惑”，就係所知障。呢兩，呢個煩惱障同所知障，見惑同埋思惑或者修惑相交嚟講，就令到你解脫唔到生死，羅漢嘅四果就要斷除思惑五十五品同埋一百二十八，一百二十六品，係唯識宗同埋法相宗同埋小乘嘅宗派所講嘅唔同，三界分別，我哋有唔同嘅品數，要破，破除呢啲惑障，然後分證阿羅漢嘅四果嘅，所以我哋破除呢啲惑障，修持禪定，需要解脫生死就係咁解啦。

問：嗰個“見惑”係咩呢？

答：“見惑”就係你見解上嘅迷惑，見解上嘅迷惑錯誤。比如而家我哋，譬如我哋唔明白佛理，無明而產生愚痴，而起好多邪見啦。譬如見惑第一種舉例就係“身見”啦，“身見”亦都名之爲“薩迦耶見”，呢個薩迦耶見就係你執著你呢個色受想行識，五蘊假合之身，以爲實有，而唔覺得佢係空嘅，就謂之“見惑”，“身見”第一種。第二種“邊見”，邊埋兩，兩邊嘅見解，“邊見”亦都分兩種，第一種“斷見”，第二種“常見”。“斷見”嘅意思就係話認爲人死如燈滅，人死咗之後就永遠消失晒，靈魂唔會再輪迴，個本體精神係唔會再輪迴，就偏咗左嘞，偏向右邊就常見嘅，有啲人認爲人死永遠爲人，每一動物，譬如豬死永遠做豬，貓死永遠做貓，呢個常見，時常執著輪迴係一個本體見解，亦都係偏咗右吖，左右都唔啱，應該走中道，係走中道，中道嘅一佛相見就係佛陀嘅真正嘅見解。第三種係“邪見”，邪見就係種種你對於事同埋對於理，迷惑而生起嘅障礙謂之邪見。第四種“見取見”，“見取見”就係執著唔正確嘅見解，人哋灌輸俾你或你自己內心幻現嘅見解呢，謂之正嘅見解謂之“見取見”。第五種就係“戒禁取見”，戒禁取見就係話你如果學咗啲邪嘅宗派或者你雖然係守持，修佛，修佛教嘅，但係有啲戒律你誤會咗個意思，而做錯咗，或者你受持其他宗教唔正確嘅邪戒，以爲能夠得到解脫。因爲，能夠得到解脫，係咪三無漏學戒定慧去破除貪瞋痴呢？去破除三毒，第一就係“戒”，如果你執著錯誤見解呢，以爲真嘅見解嚟到修持禪定你就會著魔啦，《楞嚴經》《四清淨明誨》講到好清楚，所以最後一種“戒禁取見”，點解提到“戒”呢？唔係“定”，唔係“慧”呢？係“戒”呢？就係修持嘅根基吔，基礎嚟嘅，執著錯誤嘅見解以爲見解呢，就係戒禁取見。身見、邊見、邪見、見取見、戒禁取見就係見解上五種嘅大阿哥，能夠統攝好多邪見，都係由呢五個，五個，五樖樹產生好多枝葉出嚟瀰漫於整個森林，所以你破除咗呢啲見惑嚟講，見解上迷惑錯誤嘅時候就能夠生起智慧。羅漢就一定要斷除呢啲見惑同埋你內心上嘅煩惱思惑，呢兩樣就係交織嘅，交織嘅。譬如由於你貪心，內在嘅思惑起一個貪嘅煩惱，而令到你諗一啲謀害人嘅邪見，見惑同思惑交織，就令你解脫生死啦（註：根據上文，“令你解脫生死”疑爲“令你解脫唔到生死”），所以見惑呢，謂之“五頓子”，思惑謂之“五利子”，有動有靜呢，佢根性有快有慢嘅，所以起呢個心，喺唯識宗上便去分，分得非常之詳細，每一個性質吖，同埋每一個惑嘅品數吖，你修持咩果位，要斷除幾多品吖，係好清、好鮮明話俾你聽。天台宗同埋唯識宗會有講呢啲，啫法相宗同唯識宗。吓。

問：嘩，咁呢個見惑，啫就需要好高嘅智慧……啫，錯誤嘅見解。

答：如果我哋有好……

問：我哋點，點，點，點樣？

答：如果我哋有好高嘅智慧就唔須要破啦，我哋已經係如來有好高嘅智慧，我哋只要有一個大願心去修持佛法，自然慢慢就可以斷啦，呢啲。一定要發個大願，推動你行呢條路就係個大願。你已經信咗啦，有冇發大願吖？發大願嘅時候你行起上嚟，付於實行，修持釋迦佛正脈嘅佛法，你都可以斷除見惑同思惑㗎喇，最緊要大願。

問：發個大願，嗰個大願係咩大願呢？

答：大願嚟講呢，有“通願”亦都有“別願”。“通願”嘅意思就十方三世如來嘅通，通則，就係“四宏誓願”。“四宏誓願”唔使講啦？係咪？“衆生無邊誓願度，煩惱無盡誓願斷，法門無量誓願學，佛道無上誓願成。”就係三世諸佛嘅“通願”。“別願”嘅時候呢，每個佛、每個修行人唔同個願望。藥師如來有十二大願，文殊師利菩薩有十大願，普賢菩薩亦都有十大願，阿彌陀就有四十八大願，係咪吖？每個佛嘅願唔同，成就唔同無量嘅功德，但係呢，十方三世如來嘅通願就係救盡衆生一切苦，然後自己先成佛，啫地藏菩薩嘅精神啦，所以就睇下你用邊一樣嘅啫，唔同個心唔同個願有唔同嘅成就。

問：……嗰度“思惑”……呢？

答：“思惑”，“思惑”咪就係你嘅煩惱障囉，你嘅貪心、你嘅瞋恨心，瞋恨心包括你嘅恚心，兩個“土”字做一個“心”，叫“恚”，“恚”就係你自己內在產生，產生嘅煩惱，“瞋”呢，就係對外嘅。吖，點解，“雖無過犯，面目可憎”喎，點解佢會嬲呢個人呢？外界點解會令佢發脾氣呢？但有時你自己因爲你情緒內在波動都會𤷪𤺧個喎，你情緒內在嘅波動就係“恚”嘞，“恚”嘞，“恚”嘞，呢一個。“瞋”就係咁啦，“恚”就係呢個啦。恚心，恚心就係你內在情緒嘅波動。所以佛陀呢，嘅慧眼呢，睇過我哋個心係好清楚，知道我哋內在情緒嘅波動而影響你修行嘅。“痴”啦，第三種啦，貪瞋痴呢，就係三毒啦，愚痴無明啦，唔了解真理啦，你前生唔積福，所以冇機會響今生了解真理、修習佛法。“慢”就係你傲慢啦，個魔心，輕慢衆生嘅心吖。“疑心”就係對於正確見解唔去執著去守持，對於，對於邪嘅見解，反而你執著去守持，就係，就係“疑心”吖。對於正法你懷疑，對於邪法你唔懷疑，去，去信受嘅，你睇下而家芸芸衆生有幾多人入咗邪教吖？你同佢講正教，佢都唔相信，呢啲心、呢啲邪見，就謂之“思惑”，思想上嘅迷惑錯誤令到我哋唔能夠解脫生死。 

問：……思惑就係根本一個煩惱，貪瞋痴？

答：我哋根本煩惱響佛經上叫做“無明”，由“無明”衍生出嚟呢啲枝節嘅煩惱。“無明”嚟講，我哋如果斷咗“見惑”同“思惑”，仲要破埋“無明”。“無明”，“無明”嚟講已經係超越羅漢嘅階段啦，已經到達菩薩，十地菩薩嘅階段。因爲菩薩分開五十二個階位，由第四十一個階位開始呢，初地、歡喜地到第十地法雲地開始呢，就開始斷除你個“無明”。破一分無明顯一分佛菩薩嘅法性，意思就係已超越羅漢嘅階位，已經斷除見思惑㗎喇，見思惑一斷盡呢，伏咗呢個“惑”呢，就超越三界生死，然之後進入菩薩嘅位置吔，菩薩嘅嘅位置，然後登初地嘅歡喜地。一發大心嘅時候就修持菩薩果位，前四十個階位呢，可能就羅漢斷除見惑、思惑嘅階位，但係你睇，嗰個四，十，十信、十住、十行、十回向、十地、等覺、妙覺，呢五十二個階位呢，前，前四十個階位嚟講呢，你修持就羅漢果位，但你修持嗰個中段如果你一發大心嘅時候呢，可以一跳跳去，可以一跳去大乘菩薩嘅果位，初地開始啦已經，初地開始就正式已經同個“見思惑”冇關係，同你嘅“無明”，最初“無明”有關係。“無明”呢，係好多種嘅，“無明”亦都分好多級嘅。斷你嘅“無明”，初地嘅“無明”同二地嘅“無明”同三地嘅“無明”唔同，所以每一地斷除“無明”呢，而得到嘅功德就係一個“地”嘅名字啦，譬如話初地歡喜地，菩薩一發心修持破咗初品嘅“無明”，而後產生個歡喜心，啱啱登菩薩嘅真正嘅菩薩嘅地位，前四十地嘅階族都係凡夫，由第四十一開始至到妙覺佛菩薩，啫佛陀呢，依個先係聖人嘅流域，先係能夠真真正正踏上聖人嘅流域。歡喜地，一地一地一地咁修到第十地法雲地，然之後等覺菩薩就係一生補處嘅菩薩，即將補佛位，然之後再跳去妙覺菩薩，妙覺菩薩就係佛嘞。

咁所以，呢個“惑”同個“無明”唔同吖，個佛經分到好清楚，“無明”就係佛菩薩已經係進一步㗎喇，更高度吖，慢慢破破破破，到到等覺菩薩爭一點嗰度呢，仲有一分“無明”，嗰分“無明”叫做“元品無明”，啫第一個“無明”令我哋，啫點講呢？墮入生死苦海嘅。如果破埋呢一品“無明”呢，就係直證妙覺菩薩果位，啫成佛㗎喇已經，所以“無明”嘅煩惱，簡單解釋就係我哋唔明白宇宙嘅真理，被煩惱迷惑，不能見到宇宙中道實相，就謂之“無明”啦。所以“十二因緣”，佛陀一早已經講清楚，首先最根本就係無明緣行、行緣識、識緣名色、名色緣六入、六入緣觸……咁就哱哱哱，咁推落去，倒番轉頭“還滅門”嘅時候，就破番個“無明”嘞，有死吖、老吖、生病吖、六入吖、觸吖、受吖、愛取咁，倒，倒返轉上去呢，將個“無明”破番，就係逆數個法門，謂之“還滅門”，如果順數就謂之“流轉門”。羅漢就係還滅門嘞，將最後，就算羅漢同埋菩薩嚟講都係觀察呢個十二因緣，只不過菩薩發大心啫，羅漢唔發大心啫。菩薩只不過係一架牛車啫，係咪先吖？“三乘佛法”中午已經講咗啦，羅漢，羅漢就係羊車同驢車啫，所以佢一樣用番“還滅門”逆數個方法，用呢個“十二因緣”最後破番“無明”，佢發個咗大心就係菩薩，唔發大心就係羅漢、辟支迦佛，就係咁嘅意思啫。

問：……食肉嘅人呢，發大心呢，會唔會解脫生死吖？

答：食肉嘅人？嘩！《楞嚴經》你好熟喎！聽講，唔係你問過《四清淨明悔》？“衆生心開”。似咩食肉嘅人？大羅剎吖，報終必沉生死苦海吔，呢個。食肉，點能夠解脫生死吔？修持禪定，肯定無有是處啦，呢樣嘢，大羅剎吖，報終，如果你食肉，你修持佛法嚟講呢，一定會做羅剎。羅剎係中意食血嘅鬼神吖，羅剎鬼子母，最中意食血吖，食啲胎兒吔，BB嘅，嘅胎盤吖，同埋吸啲母，啲大肚婆嘅，嘅，嘅血嘅，嗰啲羅剎，所以你唔修持禪定呢，你，你唔修持禪定，你唔修持唔守戒呢，你要食肉、要殺生而修持禪定呢，你就學咗羅剎嘅法啦，你一殺生就，到時你做羅剎嘞，就係咁嘅意思，所以無有是處吔，你呢個唔使講咁多。

問：啫係……

答：咁就你諗你啦，呢樣嘢就，佛陀明明白白講到好清楚嘅，已經，吓，至於做唔做就係衆生吖，吓，你幫唔幫地藏菩薩，孭唔孭，孭唔孭佢個擔挑就自己決定㗎喇，呢樣嘢就。

問：但係如果發個大願嚟講……嗰個蝦餃……

答：咁就不名爲“大願”啦，哈哈。你發個大願，啫，啫你發個大願，如果仲食個蝦餃呢，就叫做“大妄語”㗎喇，唔係大願吖！大妄語吔，唔係大願，呃佛菩薩吖！

好早之喎，我今晚講開好興奮，我講下《大白傘經》，嘩，又問大，《大智道論》，又問，又問其他嗰啲《大般涅槃經》吖嗰啲，咁多嘢講吖。呢個法有冇唔明吖？呢個法？

……（註：接下文）

207.大白傘蓋佛母之威力（四）

（註：接上文，以下內容爲問答，部分錄音不清，用省略號表示）

答：……都學緊啦已經，好似。一樣吖，相等吖，相等功能。

問：預備學。

答：唔使擔心。

問：預備學。

答：預備學吖？你吖嘛？

問：係，預備學。

答：預備學。

問（另一師兄）：……個法門呢……

答：無上佛母，大白傘蓋係通到無上佛母，等於楞嚴，楞嚴咒一樣啦。

問：……

答：吓？

問：……

答：哦，唔係你，你修個法門好多㗎喇已經，夠皮㗎喇已經……夠皮啦。你楞嚴咒五會都學緊啦，已經，好似。一樣吖，相等，相等功能。

問：預備學。

答：唔使擔心。

問：預備學。

答：預備學吖？你吖嘛？

問：係，預備學。

答：預備學。

問：……個法門呢……

答：無上佛母，大白傘蓋係通到無上佛母，等於楞嚴，楞嚴咒一樣啦，《楞嚴經》裏便就無上佛母啦，喺呢度，嗯，無上佛母。有冇問題吔？

問：食肉嚟講係咪同殺生吖？

答：吓？食肉？

問：殺生同食肉兩件事嚟嘅。

答：你諗下係一件事定兩個事？你諗清楚？唔好自己呃自己，冇人食就冇人殺啦！正常嘅，呢樣嘢，一件事嚟嘅。

問：死咗。

答：吓？

問：死咗囉喎。

答：但如果你唔食亦都冇人飼養啦，亦都冇人殺啦，講真吖，如果我哋唔食肉真係好㗎，好多街，整個，啲街市唔使成日嘈啦，而家，又話冇地方供棜，又整個定期街市響嗰度，唔使嘈啦，搞到康公烏煙障氣吔，個佛廟前便，吓。如果冇人殺生嘅時候街市執笠，全部，街市除咗殺生食肉，其他啲料都可以超級市場買到啦，執笠啦，全部而家超級市場掂晒啦，啲百貨，唔使街市。食肉其實，唔係，食素呢，其實學佛個基本嚟嘅，如果，如果一個人唔食素去學佛呢，呢個人真係唔叫學佛嘅，如果，我，我，我嘅觀點，吓。但係佛陀講得明明確確呢，響《楞伽經》，我講一句嘢嚇一嚇你先吖，今次要。《楞伽經》裏便已經講清楚，佛陀話，有一句說話就係，如果食肉嘅人呢，譯做白話，譯做白話，一切食肉嘅人，而家特別講末法時期，如果，如果話認佢嘅弟子，認係佢弟子，“無有是處”吔，“非我弟子”吔，食肉嘅人唔係佢弟子吔。可以俾《楞伽經》你睇吔，係佛陀講，話嚇一嚇人先得，一講到食肉，我一定要，《楞伽經》講到好清楚，如果食肉嘅人，嗱，《楞嚴經》講食嘅人，頭先佢問吖，食肉嘅人修持佛法，死咗就做大羅剎啦，報終必沉生死苦海吔，誒，《楞伽經》就講“是一切食肉人呢，非我弟子，我非其師”吔，呢三句就係咁講，好清楚啦已經講到，非常之清楚，所以，所以呢，食肉嚟講去學佛呢，就“無有是處”。如果話三淨肉或者其他淨肉俾你暫時係，誒，食素嘅過度時期嘅啫，但係你執著的話，話學佛可以食肉呢，就叫“無有是處”吔，真係，“蒸沙成飯”呢個係邪說嚟嘅。如果食肉能夠修持學佛成功呢，釋迦佛就唔會將咁嘅經典教俾我哋，佢教我哋，叫我哋培養慈悲心，我哋食肉會有慈悲心，講咁多經做咩吔，嘥咁多口水，冇意思㗎嘛，吓嘛？所以你想真真正正修持佛陀個法，首先就五戒十善同埋斷除殺生同食肉開始，就係基礎嚟嘅，基礎。

問：……咁我食肉可唔可以唸經吖？

答：食肉可以唸經，不過唸經，不過唸經之前你刷下牙啦，唸經之前。食肉可以唸經，唔代表你唸嗰個經冇功德，不過，不過你食肉有食肉嘅業，唸經有唸經嘅功德，咁解啫，吓。

問：……

答：食肉可以唸經吖，你食嗰個肉，有食肉嘅罪，唸經有唸經嘅功德，分受，分受。但係如果你想解脫生死呢，食肉無有是處。

問：……

答：有冇其他問題吔？啫關於食肉搞唔掂吖，點解，點樣，點解呢啲食得唔食得吖，搞唔掂吖，好辛苦吖，呢，辛苦問題。

問：……辛苦吖……

答：呵呵，其實，其實呢，你，你如果研究……

問：……好似……

答：真係想吖。

問：……釋迦牟尼……

答：嗯。

問：……唔係……

答：嗯。

問：……

答：嗯嗯嗯。

問：……覺悟到……行，行唔到去佛陀個境界……

答：嗯。

問：……

答：其實呢個問題好簡單嘅啫。釋迦牟尼飲一杯牛奶同我哋飲一杯牛奶就差得遠啦，釋迦牟尼唸一句“唵嘛呢叭咪吽”同我哋唸一句“唵嘛呢叭咪吽”就差得遠啦，呢個就係個心在於執唔執著、取唔取相啫。佛陀響《金剛經》已經講咗無所住身心嘅境界啦，如果你覺得眼前嗰嚿唔係肉嘅，佢食落去自然就唔係肉啦，但係，如果你懷疑得你眼前所食緊呢塊牛扒唔係牛扒嘅，咁我就要割你一塊肉出嚟睇下你痛唔痛啦，因爲如果你證咗空性的話，你就對自己冇感覺㗎喇五蘊，亦都唔會執著自己嘅身體呢，如果能夠有呢個空性嘅境界。所以釋迦牟尼食嘅同我哋食唔相同，佢始終係佛祖。雖然我哋可以成佛，但佛祖所示現嘅，我哋而家係凡夫點同佛祖相比呢？何況呢啲，呢啲佛傳嘅記載有非常之多個版本，有啲就牧牛女，有啲就唔係牧牛女，牧牛男嚟嘅，有啲就唔係牧牛，牧羊添，有好多個記載，我哋唔需要太執著。但係如果呢樣嘢我哋認爲佛陀做得嘅我哋都做得嘅，錯嘅，所以我吖，唔係咁承認話“舜何人也，予何人也，有爲者亦若是。”有時未必係咁，因爲如果你唔係嗰程度，夾硬嚟䏱自己呢，你始終冇辦法成就到個果位，猶如，都話講你係杯水，如果你同個壺比，你斟落去就瀉晒，你解唔到渴，可能會打爛咗個杯，個杯翻轉過嚟，太大的話，所以唔可以同佛祖同我哋相比。但係我哋最終都會成佛，但係你要睇下自己而家咩根器，咩法門一步步修上去，唔好違背如來嘅戒律，你最終都會成就到佛祖。但係你一步要學似做到佛祖咁呢，咁就唔啱，錯，肯定唔掂，等於個杯瀉咗一樣啫，嘅原理，所以唔好將呢啲，啫，比較囉。

同埋《楞嚴經》有一句說話呢，《四清淨明悔》呢，講得好清楚吖，“不將如來不了義說迴爲己解”吔，呢句說話係點解意思呢？如來教導衆生有了義同不了義，猶如釋迦佛以前地處於婆羅門，地多積濕，本多沙石，一切草菜不生嘅，所以佢就俾佢啲弟子可以食肉，食肉啦，嘅意思，但係，依個肉類呢，係佢大悲神力所化現，本無命根吖，所以係假肉嚟嘅，佢化現出嚟。因爲婆羅門嘅地方係好多沙石，啫印度地方生唔到草菜，所以釋迦佛允許弟子食肉，啲肉係假嘅，同埋就係可以食五淨肉：不見殺、不聞殺、不疑爲我殺，自死同鳥殘。而家自死同鳥殘我哋唔食，就演化成三淨肉，依個係釋迦佛允許弟子冇嘢食，喺啲荒野裏便傳法，喺啲好偏僻嘅地方嘅時候呢，係佢神力變現出嚟俾弟子食，本無命根，但後來啲弟子呢，執著咗肉味之後，釋迦佛又話俾佢聽：“我俾啲假肉你食，你又執著個肉味，你執著就唔能夠解脫生死。”所以後來佢講《楞伽經》嘅時候又要啲弟子完全禁絕，去斷除肉食，所以唔好，所以釋迦佛允許弟子食肉，點解一時准許一時又唔准許嘅呢？如來制啲戒就係將衆生嘅心攝化，將佢轉化成事理呢，呢個時候用呢個方法，嗰個時候用呢個方法，嗰啲方法嚟講係不了義說嚟嘅，所以釋迦佛話唔好將如來不了義嘅法“回爲已解”，意思係話，意思話，等於佢啲弟子中意食肉——“嗨！釋迦佛都可以食三淨肉啦！”而家末法嘅修行人就係咁做緊嘞，所以《楞嚴經》有冇了解個經義，呢兩個就係答咗呢個問題吖，冇將如來所傳嘅法嘅枝葉當佢係根本。三淨肉或者五淨肉係斷肉嘅過度期，但係釋迦佛嘅根本思想就係完全不殺生，以至慈悲一切動物。當你真正了解禪宗裏便個法性吖，般若智慧吔，食素都係有罪過嘅，唔止食肉，一切萬物，都，佢生存都有個權利嘅，聖人都對一花一木，《楞嚴經》《四清淨明悔》都有講過，聖人都唔會隨便拔一條草㗎，喺地下生出嚟嘅草吖，依啲草都有佢嘅生機嘅，有佢單一嘅感情㗎，科學家都證明佢有痛苦㗎，但係佢唔會輪迴，但佢有單一嘅感覺。我哋修行人而家食素吖，應該係有慚愧嘅心先係吔，不止唔應該食肉，食素仲有吖慚愧嘅心，先係真正如來嘅心法嚟嘅。而家食肉，我哋如果冇慚愧心，博命恣情食啖嚟講，一樣唔能夠令到我哋修行專一嘅，個心一樣會回亂，所以釋迦佛喺經典裏便講心法講得好清楚，食素，仍然我哋要，譬如出家人食飯之前要感恩吖，有觀想，有五種觀想，好清楚就係我哋冇咁嘅功德接受啲食物，根本。我哋食咗食物要好好修行，但相反你已經食咗啲食物，修行不但冇慚愧心，冇感恩，仲走去做更多惡業，仲話食，食肉就係釋迦佛嘅弟子，仲話自己學佛，咁吖如來就會流眼淚，你睇下而家幾多魔，係咪先吖？好清楚㗎啦，釋迦佛講到，你睇，喺個經典裏便，揭多啲頁，喳喳喳，你會好明白，咩事吖。所以食素你要有個慚愧心，唔好講食肉吖，真係。財、色、名、食、睡已經係地獄五條根啦已經，你睇下天界嘅人根本唔須要食嘢吔，色界嘅人已經唔須要食嘢，冇“食”同“睡”吔已經，但係欲界嘅人仍然有執著嘅心念，我哋欲界嘅凡夫呢，仍然有食有睡啦。

問（另一師兄）：“睡”有咩咁大罪過呢？。。

答：吖。

問（另一師兄）：以阿修羅嗰個……

答：吖，嗱，俾你，俾你講。

問：以阿修羅嗰個境界呢，係享緊福㗎？

答：嗯。

問：吓。點解會享緊福，咁有福……如果係有福，有一個享樂已經係夠嘅話，佢仲會攻擊呢個，第二個天，嗰個……

答：嗯，因爲佢……

問：……佢……

答：係。

問：……本身已經……

答：佢本身嘅“有”嘅“有”呢，就係由於佢個空間有啫，係咪先？點解美國同蘇聯成日都想侵佔人吖？你諗下，佢個地已經夠晒大啦，美國已經世界經濟強國啦，日本嘅野心一樣好強㗎，你諗下。因爲帝釋天上便呢，有好多嘢阿修羅宮殿冇㗎，中國地大物博，有好多嘢，美國同，同蘇聯邊會有㗎？我哋故宮裏便好多嘢佢都冇啦，係咪先？佢天界裏便，上便嘅境界個福報享樂比修羅仲大吔。修羅住喺須彌山嘅附近，亦都住喺大海底，亦都住喺人類世界其他嘅空間，或者山林或者塚邊，或者大地獄裏便都有修羅宮殿，特別大海底吖，百慕達三角裏便吖，就有好多修羅嘅宮殿吖，佛經裏便記載，修羅個法力就能大能小吖，就能夠出入一個藕絲嘅孔吖，一個細窿都能夠出入嘅神通，亦都可以變現極大嘅身，手遮日月，遮住呢個須彌山嘅神通法力。但係天界上好多嘅福德佢冇嘅，尤其是玉皇大帝有一樣嘢嚟講啦，玉皇大帝其中有啲妃嬪吖，根據佛經記載就阿修羅宮殿呢，阿修羅王呢，個公，阿修羅王嘅公主嚟嘅，所以咧，阿修羅呢，“阿（o）修羅”或者叫做“阿（a）修羅”，“asura”，“asura”呢個梵文呢，其實有好多種解釋，其中一種解釋，解釋爲“無端”，無端正，個樣好肉酸㗎，但係男性阿修羅呢，個樣好肉酸好醜陋，但係女嘅阿修羅就好美麗嘅，所以玉皇大帝嚟講，啲天界宮殿仍然有淫慾，但係啲淫慾嘅做法就比我哋人類吔，簡單，冇咁複雜吖，或者揸隻手啦，笑一笑就可以解決咗佢慾望嘞，咁所以咧，佢仍然係有淫慾生死嘅世界吔，所以玉皇大帝其中有好多妃嬪呢就阿修羅宮殿裏便嘅公主嚟嘅，所以呢，有時啲阿修羅公，公主一呷醋嘅時候，返去佢老豆度投訴，阿修羅佢會興兵犯上啦，有時，亦都代表個天界呢，有好多嘢吖，阿修羅係冇嘅，所以佢會侵佔玉皇大帝嘅城堡，所以玉皇大帝點解練咁多天兵天將咧？成日要練兵呢，三十三天同四天王天，就係防護佢宮城。呢本經就係咁樣出處啦。

問：咁咪同我哋娑婆世界無咩大分別之喎。

答：一樣㗎咋！一樣㗎，佢冇個肉體，但係佢個思想嘅生活比我哋簡單同進化啲嘅啫，冇咩分別吖？冇分別，一樣。欲界就一樣，色界就開始唔同，無色界就更高吖，修行層次，所以守五戒十善呢，可以去到欲界。但係至於色界嚟講要修禪定，無色界，非想非非想處天嚟講呢，更要修禪定，所以無，色界同無色界有四禪八定，就係咁嘅意思嘞，要修禪定先去得到。你問，你問我講吖。

問（另一師兄）：我話“財、色、名、食、睡”，“睡”點解會係……

答：睡有咩，睡有咩罪過？係咪吖？

問：吖，係吔！

答：睡，當然罪過大囉。我講番佛陀嘅十大弟子嘅，嘅咩嘢吔？阿那律尊者啦，由於佢，由於佢好懶吖，修行佢成日中意去瞓覺吖，所以佛陀就鬧佢。所以當佢好精進修行啦，好勤力咧，就盲咗眼嘞，佛陀教佢個方法，於是開佢開咗個天眼呢，就俾其他羅漢吖，更加第一，所以叫天眼第一。所以“睡”其實係一種罪過，佛陀響佛經講過，你睡呢，中意瞓覺，下一世會做咩吔？好容易會做呢啲。如果你中意，學似地藏菩薩個媽媽吖，吓，誒，婆羅門佢咪當時佢個媽媽，中意恣情食啖魚鱉吖，同啲海類嘅衆生結緣呢，你就中意瞓覺啦，下世呢，你就做啲螄蚶吖、蚌吖、珍珠吔，佢哋成日合埋個口裏便瞓覺吖，乜嘢都唔理吖，哩埋個殼，幾千年都喺猛喺度瞓吖，打開個殼，“嘩，有陽光入嚟吔，天光吖，am……（註：打喊路嘅声）。”咁樣，啫做咗水族沉入大海嘅衆生。海係好深沉嘅業力，同埋係好沉靜吖，好想瞓覺，你見到海個心都平靜啦，個海係透唔到底嘅，好深沉，所以嗰啲蚌，嗰啲殼一扱埋，黑掹掹，“好，熄燈啦，黑晒，瞓覺囉！”所以佛陀話你中意瞓覺好容易墮入呢啲低等動物嘅身體裏便。同埋瞓覺呢，呢個睡眠嚟講呢，呢個睡慾呢，亦都係一種魔嚟嘅，影響你修道吖，所以佛陀點解佢啲弟子呢，誒，塚間呢，夜晚喺度打坐，修煉禪定唔瞓覺，同埋當你素食配合嘅時候，你身體機能呢，恢復嘅時候呢，你個慧命恢復吖，你自己勤力修行呢，業障清嘅時候呢，你睡眠嘅時間自然會縮短嘅，唔須要瞓咁耐吖，但係唔代表唔瞓。但係你修持到佛陀嘅境界已經唔需要瞓覺㗎喇，唔需要瞓覺，食根本唔需要食，佛陀根本已經喺《楞伽經》裏便記載吔：“我根本食都唔需要吖，點解要誹謗我去食肉，亦都教我弟子去食肉呢？”佛陀食都唔需要，點解佢會食呢？佢就示現俾衆生睇，佢係人類，唔係你超乎人類咁多，你，你點樣去效法呢？佛陀吸收能量個方法維持個肉體唔需要通過我哋咁粗糙嘅手段，咬爛食物嚼，吞咗之後落個胃消化完，佢個十二脂腸吸收仲要屙番出嚟，經過咁長嘅階段，消化完喺十二脂腸先運入裏便嘅血液吸收啲能量變成卡路里，喺我哋身體裏便消耗呢啲能量，佛陀只要一打坐數秒鐘，或者一兩分鐘嘅時候，已經可能等於我哋瞓覺十數個鐘頭，佢吸收宇宙能嘅方法，吸收維持佢肉身運動嘅能量，唔需要係食肉食物咁粗糙，因爲佢修持嘅階段、修持嘅果位非常之高咁解，因爲釋迦佛已經呢，嚟呢個人世間嘅等覺菩薩嘅果位嚟嘅，喺《法華經》佢已經成咗佛啦，佢再嚟一修持破埋最初一分無明嘅顯現，啫嗰個幻，幻現出嚟嘅假相吖，呢個“無明”，佢就已經成咗佛，所以釋迦佛根本就唔需要瞓覺，如果唔係吔，佢做王子嘅時候，你，譬如你做公主我做王子吔，嘩，冬天，冬天有冬宮，冬涼夏暖，夏天有水池游水吔，咁多美女，我都唔會覺醒，我肯定唔會出家嚟啦，比著我，點解會覺醒會出家？就係因爲佢等覺菩薩嘅智慧能夠對於世間萬事萬物睇透即時就會出離吔，就係佢宿生嘅道力嘅顯現咁解啦，所以根本釋迦佛就連瞓都唔需要，所以教佢嘅弟子“睡”都要斷，要斷吖，要斷。猶如再講得高少少就係我哋三界裏便嘅無色界嘅四禪，吖，四空天吖：無所有處、空無邊外、識無邊處、無所有處，非想非非想處，最高非想非非想處吖，嗰啲嘅天人呢，已經係冇咗個身體吔，好虛，虛無嘅，淨係有心識，已經咩惑障都好微細，爭少少可以出三界。佢哋有八萬四千大劫咁長嘅時間都係禪定裏便，猶如沉係個禪定睡眠一樣，所以佛陀呵斥呢啲就係斷滅嘅外道嚟嘅，你要出咗呢個禪定再回小向大先能夠解脫呢個生死，所以，所以修道裏便亦都有一個，依個點講吖？“昏沉”，可以形容係睡眠嘅階段，入咗深嘅禪定，何況我哋人類咁粗糙，佛陀仲唔呵斥？咁高境界佢都呵斥啦，係咪先吖？

問：……嗰個非想非非想處天呢度有冇繼續精進去，去……

答：有！繼續精進，就係深沉喺個禪定裏便，認爲解脫咗囉！其實係。

問：啫意思話係解脫咗？

答：以爲係解脫咗，所以成日沉喺嗰境界唔出嚟囉，所以外道呢，啲婆羅門教吖，嗰啲禪定呢，最高可以到達嗰個天吖，最高吖，最高可以到達呢個天，所以佛陀當時參訪啲外道仙人呢，咁多年苦行呢，譬如參訪呢個阿羅藍仙人啦，阿羅藍仙人個禪定就可以到達呢個非想非非想處天咁高，但就佛陀已經修，修到嗰個情況覺得，咦？仲未究竟，仲有啲嘢罩住嘅？出唔到去嘅？所以佢於是先坐喺菩提樹之嘛，佢個體會，體會得到吖，呢個就係未係宇宙嘅究竟境界，覺得始終仲未係個心意自由，好暢順。仍然，因爲非想非非想處呢，爭一條邊界呢，就出，出三界吔，爭一線就出三界啦已經，就係咁嘅意思，所以非想非非想處禪定再進取就出三界㗎喇已經，但係偏偏佢就唔進，佢要瞓覺吖，沉喺個深沉嘅禪定裏便，非想亦都非非想，又唔係想又唔係想，個心住喺有想、無想之間，但又唔係中道喎，佢執著有想、無想之間嘅一樣嘢。

問：如果執著喺嗰個境界呢，就一樣有呢個成住壞滅？

答：佢嘅壽命就八萬四千大劫啦。嗯。

問：大劫完咗之後咁，咁會點吖？

答：大劫完咗之後，玩完嘅，連佢，連，呢個，呢個讀，嗱！佢大劫嘅意思就係話佢嘅壽命有完結。譬如話當佢八萬四千大劫嘅時候呢，佢就會繼續輪迴嘞，啫意思話佢嘅壽命，譬如話，我揀番欲界開始講啦，譬如話四天王天嘅壽命一日等於人間五十年，譬如個天壽呢，就五百歲嘅，咁你將五百乘五十就係人間嘅壽命嘅年齡，就係四天王天一期生命嘅，嘅長度啦，啫個空間嘅長度啦。再上到，一推推到最高嘅非想非非想天，有八萬四千大劫咁長，一個，一個大劫呢……

問：……

答：“萬劫不復”就唔係呢樣嘢。“萬劫不復”嗰個“劫”呢，就係“劫數”嘞，“劫數”嘅意思就係，對我哋衆生有損害侵損，謂之“劫數”。佢嗰個“劫”嘅意思啫係時間嘅單位，雖然寫出嚟呢，都係呢個“劫”，一樣嘅啫，但個意思唔係。“k-a-l-p-a”吔，其實個“劫”呢，我哋吔，中國人就好衰嘅，中意“簡”嘅，其實“劫波”，原本呢個“劫波kalpa”，“劫波”，簡稱爲“劫”。而家我哋“萬劫不復”呢，嘅意思就係，呢個“劫”就係，“萬劫不復”就係“劫數”個“劫”。呢個唔係“劫數”吖呢個，依個嘅意思就係時間單位，好長好長個時間，一個大劫，一個大劫，大劫有四個中劫，一個中劫有二十個小劫，所以一個大劫有八十個小劫，一個小劫就係人壽就係八萬四千歲，每隔一百年呢，減一歲減到人壽嘅十歲，再由人壽嘅十歲每隔一百年增加一歲，增加到人壽個八萬四千歲，咁樣一增一減，嗰個增減嘅時間，減八萬四千減到十，十加到八萬四千，一增一減嗰一段時間叫一個小劫，咁一個大劫有八十個小劫，咁你將八萬四千乘嗰段時間再乘八十就係佢最高一層天嘅壽命嘞，你諗下幾長？

問：咁電腦都計唔掂嘅喎！

答：電腦吖，將來咩腦都計唔掂㗎喇，電腦計，乜嘢腦都計唔掂。呢個非，非想非非想處天嘅境界，好高，但係答番你頭先個問題呢，“劫數”呢，宇宙間嘅災害，宇宙間物質嘅災害對呢個天冇損害，將來我哋宇宙毀滅，水、火、風三災嚟講最多係侵擾到色界嘅初禪天啫，無色界唔受影響，嗰啲人呢，個福報太強，冇災害侵，侵擾到佢，但最大嘅至命傷就係佢沉於禪定裏便嘅啫。水、火、風三災揼唔壞佢嘅，佢個，啫佢個，因爲點解揼唔壞佢呢？因爲到達無色界係冇宮殿亦都冇方所嘅，但係色界仍然有物質嘅宮殿，欲界亦都有物質嘅宮殿，所以啲宇宙間嘅災害就能夠毀壞啲嘢，有星球嘅，嘅虛無嘅實體裏便，不過比人類世界進步啫。但無色界冇空間、冇方所，係意念嚟嘅啫，意念係水、火、風三災物質毀壞唔到。但佢沉於深沉嘅禪定亦都係一個大災害，呢個災害仲加慘過外界嘅災害，得唔到甦醒，響禪定裏便。

問：咁，咁佢甦醒嗰一日，誒，誒，啫……

答：甦醒嗰日唔知吔，甦醒日可能已經輪迴跌咗落豬身啦，佢甦醒嗰下，壽命完啦，甦醒。

問：……但，但係，啫佢，佢好似佢流落番去豬身吖，但係本身佢以前嗰個，啫嗰個慧根佢修到咁高嘅層次，啫……

答：佢嘅慧根，佢嘅慧……

問：……

答：佢嘅慧根已經……

問：……

答：佢八萬四千大劫呢，已經享緊個福報其實，佢享受，意思話佢嘅天嘅福報享有八萬四千大劫咁長。如果咁長嘅禪定裏便佢係唔，已經唔修行㗎喇，不思進取呢，禪定享受緊㗎喇已經，好happy喺禪定裏便。然後佢個福報享完呢，就會，會再轉生咁解……

問：……

答：係吔，再轉生。佢再轉生去邊一度就決定佢做呢個非想非非想處天嘅天人前生嘅善惡事，邊個，邊一生嘅業力強，佢去邊一度囉，譬如佢畜生道業力強咪去畜生道囉，但佢個畜生道，可能呢，亦聰明，畜，畜生可能做豬嘅，豬智商最高嘅，係咪吖？可能做豬，因爲佢前生係天人嚟嘅，做動物嘅智商都高少少唔出奇，福報未盡吖嘛。

問：咁樣講禪定咪好危險？

答：係吔！禪定係好危險㗎，你唔守戒仲危險吖，食肉修禪定仲危險吖，所以要小心吖！係吔，所以釋迦佛當時就呵斥啲外道咁解，覺得外道唔究竟吖，修啲禪定，所以呢，禪定呢，四禪八定呢，就係世間嘅禪，亦都有出世間嘅上上禪，亦都解脫生死嘅三昧吔，所以佛陀教好多，好多弟子修持嘅係三昧吖，“samadhi”，呢個三摩地，啫“等持”咁解，定慧倶等而攝持平均，平均修持謂之“等持”，啫禪定，啫三摩地。就係佛陀教導佢嘅弟子好多啲三昧就可以得到好多功德同力用，亦都可以解脫生死，就唔係外道裏便嘅四禪八定。因爲唔係淨我哋佛教修禪定㗎嘛，釋迦佛未出世之前啲婆羅門教，婆羅門教咁多種外道，呢啲外道都修持嘅禪定都有好高深嘅，佛陀幾唔得閒？啫而家都存在嘅呢啲禪定，譬如超覺靜坐已經係一種禪定啦，吓嘛？都，都會修到話個肉體喺地下，埲下埲下，彈下彈下咁㗎。好早之喎，阿龍姑娘嗌架車，車佢返去啦，仲有冇問，問題吔？

問：咁嗰個“戒定慧”中間個“定”嚟講，係咪話就禪定？

答：“戒定慧”就係禪定啦，冇錯啦，禪定吖，啱吖，係禪定吖。

問：啫話如果去學佛嚟講呢，“戒定慧”嚟講呢個禪定呢，啫係好重要，如果唔禪定，佢嗰個“定”啫講話……

答：唔能，唔修禪定嘅自然開發唔到智慧啦，守持好戒律，修禪定就係禪智慧啦。守持戒律就係將你本身一潭污水嘅泥塵，好濁嘅水，將啲泥塵沉澱呢，就係守戒啦，而修禪定嘅時候守戒之喎，雖然你將啲泥塵沉澱咗響水底之喎，但個水面一樣唔能夠清澈喎，唔清澈原因可能有波浪喎，啲波浪如果搖動嘅，點能夠反映天上佛菩薩嘅身體呢？月光就天上佛菩薩身體，你修禪定就令啲波浪平復，你嘅心湖呢，令你嘅心湖平復，然之後能夠呢，開到智慧，反映天上個月影嘞，明唔明吖？個湖水要平靜得㗎，你沉咗啲泥個湖喺度起晒浪嘅，境風吹識浪嘅，因爲個境而轉你個心嘅，點能夠反映佛菩薩嘅真心吖？點能夠同佢感應道交吖？點能夠千江有水千江月呢？萬裏無雲萬裏天呢？所以禪定就令到湖水平靜吖，就係咁嘅意思。仲有冇問題吔？有冇問題吔？好晏？冇問題就結束嘞，咁下個禮拜再繼續啦。